𑌰𑌕𑍍𑌤𑌬𑍀𑌜𑌵𑌧𑍋 𑌨𑌾𑌮 𑌅𑌷𑍍𑌟𑌮𑍋𑌧𑍍𑌯𑌾𑌯 ॥
𑌧𑍍𑌯𑌾𑌨𑌂
𑌅𑌰𑍁𑌣𑌾𑌂 𑌕𑌰𑍁𑌣𑌾 𑌤𑌰𑌙𑍍𑌗𑌿𑌤𑌾𑌕𑍍𑌷𑍀𑌂 𑌧𑍃𑌤𑌪𑌾𑌶𑌾𑌙𑍍𑌕𑍁𑌶 𑌪𑍁𑌷𑍍𑌪𑌬𑌾𑌣𑌚𑌾𑌪𑌾𑌮𑍍 ।
𑌅𑌣𑌿𑌮𑌾𑌧𑌿𑌭𑌿𑌰𑌾𑌵𑍃𑌤𑌾𑌂 𑌮𑌯𑍂𑌖𑍈 𑌰𑌹𑌮𑌿𑌤𑍍𑌯𑍇𑌵 𑌵𑌿𑌭𑌾𑌵𑌯𑍇 𑌭𑌵𑌾𑌨𑍀𑌮𑍍 ॥
𑌋𑌷𑌿𑌰𑍁𑌵𑌾𑌚 ॥1॥
𑌚𑌣𑍍𑌡𑍇 𑌚 𑌨𑌿𑌹𑌤𑍇 𑌦𑍈𑌤𑍍𑌯𑍇 𑌮𑍁𑌣𑍍𑌡𑍇 𑌚 𑌵𑌿𑌨𑌿𑌪𑌾𑌤𑌿𑌤𑍇 ।
𑌬𑌹𑍁𑌲𑍇𑌷𑍁 𑌚 𑌸𑍈𑌨𑍍𑌯𑍇𑌷𑍁 𑌕𑍍𑌷𑌯𑌿𑌤𑍇𑌷𑍍𑌵𑌸𑍁𑌰𑍇𑌶𑍍𑌵𑌰𑌃 ॥ 2 ॥
𑌤𑌤𑌃 𑌕𑍋𑌪𑌪𑌰𑌾𑌧𑍀𑌨𑌚𑍇𑌤𑌾𑌃 𑌶𑍁𑌮𑍍𑌭𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌉𑌦𑍍𑌯𑍋𑌗𑌂 𑌸𑌰𑍍𑌵 𑌸𑍈𑌨𑍍𑌯𑌾𑌨𑌾𑌂 𑌦𑍈𑌤𑍍𑌯𑌾𑌨𑌾𑌮𑌾𑌦𑌿𑌦𑍇𑌶 𑌹 ॥3॥
𑌅𑌦𑍍𑌯 𑌸𑌰𑍍𑌵 𑌬𑌲𑍈𑌰𑍍𑌦𑍈𑌤𑍍𑌯𑌾𑌃 𑌷𑌡𑌶𑍀𑌤𑌿𑌰𑍁𑌦𑌾𑌯𑍁𑌧𑌾𑌃 ।
𑌕𑌮𑍍𑌬𑍂𑌨𑌾𑌂 𑌚𑌤𑍁𑌰𑌶𑍀𑌤𑌿𑌰𑍍𑌨𑌿𑌰𑍍𑌯𑌾𑌨𑍍𑌤𑍁 𑌸𑍍𑌵𑌬𑌲𑍈𑌰𑍍𑌵𑍃𑌤𑌾𑌃 ॥4॥
𑌕𑍋𑌟𑌿𑌵𑍀𑌰𑍍𑌯𑌾𑌣𑌿 𑌪𑌞𑍍𑌚𑌾𑌶𑌦𑌸𑍁𑌰𑌾𑌣𑌾𑌂 𑌕𑍁𑌲𑌾𑌨𑌿 𑌵𑍈 ।
𑌶𑌤𑌂 𑌕𑍁𑌲𑌾𑌨𑌿 𑌧𑍗𑌮𑍍𑌰𑌾𑌣𑌾𑌂 𑌨𑌿𑌰𑍍𑌗𑌚𑍍𑌛𑌨𑍍𑌤𑍁 𑌮𑌮𑌾𑌜𑍍𑌞𑌯𑌾 ॥5॥
𑌕𑌾𑌲𑌕𑌾 𑌦𑍗𑌰𑍍𑌹𑍃𑌦𑌾 𑌮𑍗𑌰𑍍𑌵𑌾𑌃 𑌕𑌾𑌲𑌿𑌕𑍇𑌯𑌾𑌸𑍍𑌤𑌥𑌾𑌸𑍁𑌰𑌾𑌃 ।
𑌯𑍁𑌦𑍍𑌧𑌾𑌯 𑌸𑌜𑍍𑌜𑌾 𑌨𑌿𑌰𑍍𑌯𑌾𑌨𑍍𑌤𑍁 𑌆𑌜𑍍𑌞𑌯𑌾 𑌤𑍍𑌵𑌰𑌿𑌤𑌾 𑌮𑌮 ॥6॥
𑌇𑌤𑍍𑌯𑌾𑌜𑍍𑌞𑌾𑌪𑍍𑌯𑌾𑌸𑍁𑌰𑌾𑌪𑌤𑌿𑌃 𑌶𑍁𑌮𑍍𑌭𑍋 𑌭𑍈𑌰𑌵𑌶𑌾𑌸𑌨𑌃 ।
𑌨𑌿𑌰𑍍𑌜𑌗𑌾𑌮 𑌮𑌹𑌾𑌸𑍈𑌨𑍍𑌯𑌸𑌹𑌸𑍍𑌤𑍍𑌰𑍈𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌃 ॥7॥
𑌆𑌯𑌾𑌨𑍍𑌤𑌂 𑌚𑌣𑍍𑌡𑌿𑌕𑌾 𑌦𑍃𑌷𑍍𑌟𑍍𑌵𑌾 𑌤𑌤𑍍𑌸𑍈𑌨𑍍𑌯𑌮𑌤𑌿𑌭𑍀𑌷𑌣𑌮𑍍 ।
𑌜𑍍𑌯𑌾𑌸𑍍𑌵𑌨𑍈𑌃 𑌪𑍂𑌰𑌯𑌾𑌮𑌾𑌸 𑌧𑌰𑌣𑍀𑌗𑌗𑌨𑌾𑌨𑍍𑌤𑌰𑌮𑍍 ॥8॥
𑌤𑌤𑌃𑌸𑌿𑌂𑌹𑍋𑌀 𑌮𑌹𑌾𑌨𑌾𑌦𑌮𑌤𑍀𑌵 𑌕𑍃𑌤𑌵𑌾𑌨𑍍𑌨𑍃𑌪 ।
𑌘𑌣𑍍𑌟𑌾𑌸𑍍𑌵𑌨𑍇𑌨 𑌤𑌾𑌨𑍍𑌨𑌾𑌦𑌾𑌨𑌮𑍍𑌬𑌿𑌕𑌾 𑌚𑍋𑌪𑌬𑍃𑌂𑌹𑌯𑌤𑍍 ॥9॥
𑌧𑌨𑍁𑌰𑍍𑌜𑍍𑌯𑌾𑌸𑌿𑌂𑌹𑌘𑌣𑍍𑌟𑌾𑌨𑌾𑌂 𑌨𑌾𑌦𑌾𑌪𑍂𑌰𑌿𑌤𑌦𑌿𑌙𑍍𑌮𑍁𑌖𑌾 ।
𑌨𑌿𑌨𑌾𑌦𑍈𑌰𑍍𑌭𑍀𑌷𑌣𑍈𑌃 𑌕𑌾𑌲𑍀 𑌜𑌿𑌗𑍍𑌯𑍇 𑌵𑌿𑌸𑍍𑌤𑌾𑌰𑌿𑌤𑌾𑌨𑌨𑌾 ॥10॥
𑌤𑌂 𑌨𑌿𑌨𑌾𑌦𑌮𑍁𑌪𑌶𑍍𑌰𑍁𑌤𑍍𑌯 𑌦𑍈𑌤𑍍𑌯 𑌸𑍈𑌨𑍍𑌯𑍈𑌶𑍍𑌚𑌤𑍁𑌰𑍍𑌦𑌿𑌶𑌮𑍍 ।
𑌦𑍇𑌵𑍀 𑌸𑌿𑌂𑌹𑌸𑍍𑌤𑌥𑌾 𑌕𑌾𑌲𑍀 𑌸𑌰𑍋𑌷𑍈𑌃 𑌪𑌰𑌿𑌵𑌾𑌰𑌿𑌤𑌾𑌃॥11॥
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇 𑌭𑍂𑌪 𑌵𑌿𑌨𑌾𑌶𑌾𑌯 𑌸𑍁𑌰𑌦𑍍𑌵𑌿𑌷𑌾𑌮𑍍 ।
𑌭𑌵𑌾𑌯𑌾𑌮𑌰𑌸𑌿𑌂𑌹𑌨𑌾𑌮𑌤𑌿𑌵𑍀𑌰𑍍𑌯𑌬𑌲𑌾𑌨𑍍𑌵𑌿𑌤𑌾𑌃 ॥12॥
𑌬𑍍𑌰𑌹𑍍𑌮𑍇𑌶𑌗𑍁𑌹𑌵𑌿𑌷𑍍𑌣𑍂𑌨𑌾𑌂 𑌤𑌥𑍇𑌨𑍍𑌦𑍍𑌰𑌸𑍍𑌯 𑌚 𑌶𑌕𑍍𑌤𑌯𑌃 ।
𑌶𑌰𑍀𑌰𑍇𑌭𑍍𑌯𑍋𑌵𑌿𑌨𑌿𑌷𑍍𑌕𑍍𑌰𑌮𑍍𑌯 𑌤𑌦𑍍𑌰𑍂𑌪𑍈𑌶𑍍𑌚𑌣𑍍𑌡𑌿𑌕𑌾𑌂 𑌯𑌯𑍁𑌃 ॥13॥
𑌯𑌸𑍍𑌯 𑌦𑍇𑌵𑌸𑍍𑌯 𑌯𑌦𑍍𑌰𑍂𑌪𑌂 𑌯𑌥𑌾 𑌭𑍂𑌷𑌣𑌵𑌾𑌹𑌨𑌮𑍍 ।
𑌤𑌦𑍍𑌵𑌦𑍇𑌵 𑌹𑌿 𑌤𑌚𑍍𑌚𑌕𑍍𑌤𑌿𑌰𑌸𑍁𑌰𑌾𑌨𑍍𑌯𑍋𑌦𑍍𑌧𑍁𑌮𑌾𑌯𑌮𑍗 ॥14॥
𑌹𑌂𑌸𑌯𑍁𑌕𑍍𑌤𑌵𑌿𑌮𑌾𑌨𑌾𑌗𑍍𑌰𑍇 𑌸𑌾𑌕𑍍𑌷𑌸𑍂𑌤𑍍𑌰𑌕 𑌮𑌣𑍍𑌡𑌲𑍁𑌃 ।
𑌆𑌯𑌾𑌤𑌾 𑌬𑍍𑌰𑌹𑍍𑌮𑌣𑌃 𑌶𑌕𑍍𑌤𑌿𑌬𑍍𑌰𑌹𑍍𑌮𑌾𑌣𑍀 𑌤𑍍𑌯𑌭𑌿𑌧𑍀𑌯𑌤𑍇 ॥15॥
𑌮𑌹𑍇𑌶𑍍𑌵𑌰𑍀 𑌵𑍃𑌷𑌾𑌰𑍂𑌢𑌾 𑌤𑍍𑌰𑌿𑌶𑍂𑌲𑌵𑌰𑌧𑌾𑌰𑌿𑌣𑍀 ।
𑌮𑌹𑌾𑌹𑌿𑌵𑌲𑌯𑌾 𑌪𑍍𑌰𑌾𑌪𑍍𑌤𑌾𑌚𑌨𑍍𑌦𑍍𑌰𑌰𑍇𑌖𑌾𑌵𑌿𑌭𑍂𑌷𑌣𑌾 ॥16॥
𑌕𑍗𑌮𑌾𑌰𑍀 𑌶𑌕𑍍𑌤𑌿𑌹𑌸𑍍𑌤𑌾 𑌚 𑌮𑌯𑍂𑌰𑌵𑌰𑌵𑌾𑌹𑌨𑌾 ।
𑌯𑍋𑌦𑍍𑌧𑍁𑌮𑌭𑍍𑌯𑌾𑌯𑌯𑍗 𑌦𑍈𑌤𑍍𑌯𑌾𑌨𑌮𑍍𑌬𑌿𑌕𑌾 𑌗𑍁𑌹𑌰𑍂𑌪𑌿𑌣𑍀 ॥17॥
𑌤𑌥𑍈𑌵 𑌵𑍈𑌷𑍍𑌣𑌵𑍀 𑌶𑌕𑍍𑌤𑌿𑌰𑍍𑌗𑌰𑍁𑌡𑍋𑌪𑌰𑌿 𑌸𑌂𑌸𑍍𑌥𑌿𑌤𑌾 ।
𑌶𑌙𑍍𑌖𑌚𑌕𑍍𑌰𑌗𑌧𑌾𑌶𑌾𑌙𑍍𑌖𑌰𑍍 𑌖𑌡𑍍𑌗𑌹𑌸𑍍𑌤𑌾𑌭𑍍𑌯𑍁𑌪𑌾𑌯𑌯𑍗 ॥18॥
𑌯𑌜𑍍𑌞𑌵𑌾𑌰𑌾𑌹𑌮𑌤𑍁𑌲𑌂 𑌰𑍂𑌪𑌂 𑌯𑌾 𑌭𑌿𑌭𑍍𑌰𑌤𑍋 𑌹𑌰𑍇𑌃 ।
𑌶𑌕𑍍𑌤𑌿𑌃 𑌸𑌾𑌪𑍍𑌯𑌾𑌯𑌯𑍗 𑌤𑌤𑍍𑌰 𑌵𑌾𑌰𑌾𑌹𑍀𑌂 𑌬𑌿𑌭𑍍𑌰𑌤𑍀 𑌤𑌨𑍁𑌮𑍍 ॥19॥
𑌨𑌾𑌰𑌸𑌿𑌂𑌹𑍀 𑌨𑍃𑌸𑌿𑌂𑌹𑌸𑍍𑌯 𑌬𑌿𑌭𑍍𑌰𑌤𑍀 𑌸𑌦𑍃𑌶𑌂 𑌵𑌪𑍁𑌃 ।
𑌪𑍍𑌰𑌾𑌪𑍍𑌤𑌾 𑌤𑌤𑍍𑌰 𑌸𑌟𑌾𑌕𑍍𑌷𑍇𑌪𑌕𑍍𑌷𑌿𑌪𑍍𑌤𑌨𑌕𑍍𑌷𑌤𑍍𑌰 𑌸𑌂𑌹𑌤𑌿𑌃 ॥20॥
𑌵𑌜𑍍𑌰 𑌹𑌸𑍍𑌤𑌾 𑌤𑌥𑍈𑌵𑍈𑌨𑍍𑌦𑍍𑌰𑍀 𑌗𑌜𑌰𑌾𑌜𑍋 𑌪𑌰𑌿𑌸𑍍𑌥𑌿𑌤𑌾 ।
𑌪𑍍𑌰𑌾𑌪𑍍𑌤𑌾 𑌸𑌹𑌸𑍍𑌰 𑌨𑌯𑌨𑌾 𑌯𑌥𑌾 𑌶𑌕𑍍𑌰𑌸𑍍𑌤𑌥𑍈𑌵 𑌸𑌾 ॥21॥
𑌤𑌤𑌃 𑌪𑌰𑌿𑌵𑍃𑌤𑍍𑌤𑌸𑍍𑌤𑌾𑌭𑌿𑌰𑍀𑌶𑌾𑌨𑍋 𑌦𑍇𑌵 𑌶𑌕𑍍𑌤𑌿𑌭𑌿𑌃 ।
𑌹𑌨𑍍𑌯𑌨𑍍𑌤𑌾𑌮𑌸𑍁𑌰𑌾𑌃 𑌶𑍀𑌘𑍍𑌰𑌂 𑌮𑌮 𑌪𑍍𑌰𑍀𑌤𑍍𑌯𑌾𑌹 𑌚𑌣𑍍𑌡𑌿𑌕𑌾𑌂 ॥22॥
𑌤𑌤𑍋 𑌦𑍇𑌵𑍀 𑌶𑌰𑍀𑌰𑌾𑌤𑍍𑌤𑍁 𑌵𑌿𑌨𑌿𑌷𑍍𑌕𑍍𑌰𑌾𑌨𑍍𑌤𑌾𑌤𑌿𑌭𑍀𑌷𑌣𑌾 ।
𑌚𑌣𑍍𑌡𑌿𑌕𑌾 𑌶𑌕𑍍𑌤𑌿𑌰𑌤𑍍𑌯𑍁𑌗𑍍𑌰𑌾 𑌶𑌿𑌵𑌾𑌶𑌤𑌨𑌿𑌨𑌾𑌦𑌿𑌨𑍀 ॥23॥
𑌸𑌾 𑌚𑌾𑌹 𑌧𑍂𑌮𑍍𑌰𑌜𑌟𑌿𑌲𑌂 𑌈𑌶𑌾𑌨𑌮𑌪𑌰𑌾𑌜𑌿𑌤𑌾 ।
𑌦𑍂𑌤𑌤𑍍𑌵𑌂 𑌗𑌚𑍍𑌛 𑌭𑌗𑌵𑌨𑍍 𑌪𑌾𑌰𑍍𑌶𑍍𑌵𑌂 𑌶𑍁𑌮𑍍𑌭𑌨𑌿𑌶𑍁𑌮𑍍𑌭𑌯𑍋𑌃 ॥24॥
𑌬𑍍𑌰𑍂𑌹𑌿 𑌶𑍁𑌮𑍍𑌭𑌂 𑌨𑌿𑌶𑍁𑌮𑍍𑌭𑌂 𑌚 𑌦𑌾𑌨𑌵𑌾𑌵𑌤𑌿𑌗𑌰𑍍𑌵𑌿𑌤𑍗 ।
𑌯𑍇 𑌚𑌾𑌨𑍍𑌯𑍇 𑌦𑌾𑌨𑌵𑌾𑌸𑍍𑌤𑌤𑍍𑌰 𑌯𑍁𑌦𑍍𑌧𑌾𑌯 𑌸𑌮𑍁𑌪𑌸𑍍𑌥𑌿𑌤𑌾𑌃 ॥25॥
𑌤𑍍𑌰𑍈𑌲𑍋𑌕𑍍𑌯𑌮𑌿𑌨𑍍𑌦𑍍𑌰𑍋 𑌲𑌭𑌤𑌾𑌂 𑌦𑍇𑌵𑌾𑌃 𑌸𑌨𑍍𑌤𑍁 𑌹𑌵𑌿𑌰𑍍𑌭𑍁𑌜𑌃 ।
𑌯𑍂𑌯𑌂 𑌪𑍍𑌰𑌯𑌾𑌤 𑌪𑌾𑌤𑌾𑌲𑌂 𑌯𑌦𑌿 𑌜𑍀𑌵𑌿𑌤𑍁𑌮𑌿𑌚𑍍𑌛𑌥 ॥26॥
𑌬𑌲𑌾𑌵𑌲𑍇𑌪𑌾𑌦𑌥 𑌚𑍇𑌦𑍍𑌭𑌵𑌨𑍍𑌤𑍋 𑌯𑍁𑌦𑍍𑌧𑌕𑌾𑌙𑍍𑌕𑍍𑌷𑌿𑌣𑌃 ।
𑌤𑌦𑌾 𑌗𑌚𑍍𑌛𑌤 𑌤𑍃𑌪𑍍𑌯𑌨𑍍𑌤𑍁 𑌮𑌚𑍍𑌛𑌿𑌵𑌾𑌃 𑌪𑌿𑌶𑌿𑌤𑍇𑌨 𑌵𑌃 ॥27॥
𑌯𑌤𑍋 𑌨𑌿𑌯𑍁𑌕𑍍𑌤𑍋 𑌦𑍗𑌤𑍍𑌯𑍇𑌨 𑌤𑌯𑌾 𑌦𑍇𑌵𑍍𑌯𑌾 𑌶𑌿𑌵𑌃 𑌸𑍍𑌵𑌯𑌮𑍍 ।
𑌶𑌿𑌵𑌦𑍂𑌤𑍀𑌤𑌿 𑌲𑍋𑌕𑍇𑌽𑌸𑍍𑌮𑌿𑌂𑌸𑍍𑌤𑌤𑌃 𑌸𑌾 𑌖𑍍𑌯𑌾𑌤𑌿 𑌮𑌾𑌗𑌤𑌾 ॥28॥
𑌤𑍇𑌽𑌪𑌿 𑌶𑍍𑌰𑍁𑌤𑍍𑌵𑌾 𑌵𑌚𑍋 𑌦𑍇𑌵𑍍𑌯𑌾𑌃 𑌶𑌰𑍍𑌵𑌾𑌖𑍍𑌯𑌾𑌤𑌂 𑌮𑌹𑌾𑌸𑍁𑌰𑌾𑌃 ।
𑌅𑌮𑌰𑍍𑌷𑌾𑌪𑍂𑌰𑌿𑌤𑌾 𑌜𑌗𑍍𑌮𑍁𑌰𑍍𑌯𑌤𑍍𑌰 𑌕𑌾𑌤𑍍𑌯𑌾𑌯𑌨𑍀 𑌸𑍍𑌥𑌿𑌤𑌾 ॥29॥
𑌤𑌤𑌃 𑌪𑍍𑌰𑌥𑌮𑌮𑍇𑌵𑌾𑌗𑍍𑌰𑍇 𑌶𑌰𑌶𑌕𑍍𑌤𑍍𑌯𑍃𑌷𑍍𑌟𑌿𑌵𑍃𑌷𑍍𑌟𑌿𑌭𑌿𑌃 ।
𑌵𑌵𑌰𑍍𑌷𑍁𑌰𑍁𑌦𑍍𑌧𑌤𑌾𑌮𑌰𑍍𑌷𑌾𑌃 𑌸𑍍𑌤𑌾𑌂 𑌦𑍇𑌵𑍀𑌮𑌮𑌰𑌾𑌰𑌯𑌃 ॥30॥
𑌸𑌾 𑌚 𑌤𑌾𑌨𑍍 𑌪𑍍𑌰𑌹𑌿𑌤𑌾𑌨𑍍 𑌬𑌾𑌣𑌾𑌨𑍍 𑌞𑍍𑌛𑍂𑌲𑌶𑌕𑍍𑌤𑌿𑌪𑌰𑌶𑍍𑌵𑌧𑌾𑌨𑍍 ।
𑌚𑌿𑌚𑍍𑌛𑍇𑌦 𑌲𑍀𑌲𑌯𑌾𑌧𑍍𑌮𑌾𑌤𑌧𑌨𑍁𑌰𑍍𑌮𑍁𑌕𑍍𑌤𑍈𑌰𑍍𑌮𑌹𑍇𑌷𑍁𑌭𑌿𑌃 ॥31॥
𑌤𑌸𑍍𑌯𑌾𑌗𑍍𑌰𑌤𑌸𑍍𑌤𑌥𑌾 𑌕𑌾𑌲𑍀 𑌶𑍂𑌲𑌪𑌾𑌤𑌵𑌿𑌦𑌾𑌰𑌿𑌤𑌾𑌨𑍍 ।
𑌖𑌟𑍍𑌵𑌾𑌙𑍍𑌗𑌪𑍋𑌥𑌿𑌤𑌾𑌂𑌶𑍍𑌚𑌾𑌰𑍀𑌨𑍍𑌕𑍁𑌰𑍍𑌵𑌨𑍍𑌤𑍀 𑌵𑍍𑌯𑌚𑌰𑌤𑍍𑌤𑌦𑌾 ॥32॥
𑌕𑌮𑌣𑍍𑌡𑌲𑍁𑌜𑌲𑌾𑌕𑍍𑌷𑍇𑌪𑌹𑌤𑌵𑍀𑌰𑍍𑌯𑌾𑌨𑍍 𑌹𑌤𑍗𑌜𑌸𑌃 ।
𑌬𑍍𑌰𑌹𑍍𑌮𑌾𑌣𑍀 𑌚𑌾𑌕𑌰𑍋𑌚𑍍𑌛𑌤𑍍𑌰𑍂𑌨𑍍𑌯𑍇𑌨 𑌯𑍇𑌨 𑌸𑍍𑌮 𑌧𑌾𑌵𑌤𑌿 ॥33॥
𑌮𑌾𑌹𑍇𑌶𑍍𑌵𑌰𑍀 𑌤𑍍𑌰𑌿𑌶𑍂𑌲𑍇𑌨 𑌤𑌥𑌾 𑌚𑌕𑍍𑌰𑍇𑌣 𑌵𑍈𑌷𑍍𑌣𑌵𑍀 ।
𑌦𑍈𑌤𑍍𑌯𑌾𑌙𑍍𑌜𑌘𑌾𑌨 𑌕𑍗𑌮𑌾𑌰𑍀 𑌤𑌥𑌾 𑌶𑌤𑍍𑌯𑌾𑌤𑌿 𑌕𑍋𑌪𑌨𑌾 ॥34॥
𑌐𑌨𑍍𑌦𑍍𑌰𑍀 𑌕𑍁𑌲𑌿𑌶𑌪𑌾𑌤𑍇𑌨 𑌶𑌤𑌶𑍋 𑌦𑍈𑌤𑍍𑌯𑌦𑌾𑌨𑌵𑌾𑌃 ।
𑌪𑍇𑌤𑍁𑌰𑍍𑌵𑌿𑌦𑌾𑌰𑌿𑌤𑌾𑌃 𑌪𑍃𑌥𑍍𑌵𑍍𑌯𑌾𑌂 𑌰𑍁𑌧𑌿𑌰𑍗𑌘𑌪𑍍𑌰𑌵𑌰𑍍𑌷𑌿𑌣𑌃 ॥35॥
𑌤𑍁𑌣𑍍𑌡𑌪𑍍𑌰𑌹𑌾𑌰𑌵𑌿𑌧𑍍𑌵𑌸𑍍𑌤𑌾 𑌦𑌂𑌷𑍍𑌟𑍍𑌰𑌾 𑌗𑍍𑌰𑌕𑍍𑌷𑌤 𑌵𑌕𑍍𑌷𑌸𑌃 ।
𑌵𑌾𑌰𑌾𑌹𑌮𑍂𑌰𑍍𑌤𑍍𑌯𑌾 𑌨𑍍𑌯𑌪𑌤𑌂𑌶𑍍𑌚𑌕𑍍𑌰𑍇𑌣 𑌚 𑌵𑌿𑌦𑌾𑌰𑌿𑌤𑌾𑌃 ॥36॥
𑌨𑌖𑍈𑌰𑍍𑌵𑌿𑌦𑌾𑌰𑌿𑌤𑌾𑌂𑌶𑍍𑌚𑌾𑌨𑍍𑌯𑌾𑌨𑍍 𑌭𑌕𑍍𑌷𑌯𑌨𑍍𑌤𑍀 𑌮𑌹𑌾𑌸𑍁𑌰𑌾𑌨𑍍 ।
𑌨𑌾𑌰𑌸𑌿𑌂𑌹𑍀 𑌚𑌚𑌾𑌰𑌾𑌜𑍗 𑌨𑌾𑌦𑌾 𑌪𑍂𑌰𑍍𑌣𑌦𑌿𑌗𑌮𑍍𑌬𑌰𑌾 ॥37॥
𑌚𑌣𑍍𑌡𑌾𑌟𑍍𑌟𑌹𑌾𑌸𑍈𑌰𑌸𑍁𑌰𑌾𑌃 𑌶𑌿𑌵𑌦𑍂𑌤𑍍𑌯𑌭𑌿𑌦𑍂𑌷𑌿𑌤𑌾𑌃 ।
𑌪𑍇𑌤𑍁𑌃 𑌪𑍃𑌥𑌿𑌵𑍍𑌯𑌾𑌂 𑌪𑌤𑌿𑌤𑌾𑌂𑌸𑍍𑌤𑌾𑌂𑌶𑍍𑌚𑌖𑌾𑌦𑌾𑌥 𑌸𑌾 𑌤𑌦𑌾 ॥38॥
𑌇𑌤𑌿 𑌮𑌾𑌤𑍃 𑌗𑌣𑌂 𑌕𑍍𑌰𑍁𑌦𑍍𑌧𑌂 𑌮𑌰𑍍𑌦 𑌯𑌨𑍍𑌤𑌂 𑌮𑌹𑌾𑌸𑍁𑌰𑌾𑌨𑍍 ।
𑌦𑍃𑌷𑍍𑌟𑍍𑌵𑌾𑌭𑍍𑌯𑍁𑌪𑌾𑌯𑍈𑌰𑍍𑌵𑌿𑌵𑌿𑌧𑍈𑌰𑍍𑌨𑍇𑌶𑍁𑌰𑍍𑌦𑍇𑌵𑌾𑌰𑌿𑌸𑍈𑌨𑌿𑌕𑌾𑌃 ॥39॥
𑌪𑌲𑌾𑌯𑌨𑌪𑌰𑌾𑌨𑍍𑌦𑍃𑌷𑍍𑌟𑍍𑌵𑌾 𑌦𑍈𑌤𑍍𑌯𑌾𑌨𑍍𑌮𑌾𑌤𑍃𑌗𑌣𑌾𑌰𑍍𑌦𑌿𑌤𑌾𑌨𑍍 ।
𑌯𑍋𑌦𑍍𑌧𑍁𑌮𑌭𑍍𑌯𑌾𑌯𑌯𑍗 𑌕𑍍𑌰𑍁𑌦𑍍𑌧𑍋 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥40॥
𑌰𑌕𑍍𑌤𑌬𑌿𑌨𑍍𑌦𑍁𑌰𑍍𑌯𑌦𑌾 𑌭𑍂𑌮𑍗 𑌪𑌤𑌤𑍍𑌯𑌸𑍍𑌯 𑌶𑌰𑍀𑌰𑌤𑌃 ।
𑌸𑌮𑍁𑌤𑍍𑌪𑌤𑌤𑌿 𑌮𑍇𑌦𑌿𑌨𑍍𑌯𑌾𑌂 𑌤𑌤𑍍𑌪𑍍𑌰𑌮𑌾𑌣𑍋 𑌮𑌹𑌾𑌸𑍁𑌰𑌃 ॥41॥
𑌯𑍁𑌯𑍁𑌧𑍇 𑌸 𑌗𑌦𑌾𑌪𑌾𑌣𑌿𑌰𑌿𑌨𑍍𑌦𑍍𑌰𑌶𑌕𑍍𑌤𑍍𑌯𑌾 𑌮𑌹𑌾𑌸𑍁𑌰𑌃 ।
𑌤𑌤𑌶𑍍𑌚𑍈𑌨𑍍𑌦𑍍𑌰𑍀 𑌸𑍍𑌵𑌵𑌜𑍍𑌰𑍇𑌣 𑌰𑌕𑍍𑌤𑌬𑍀𑌜𑌮𑌤𑌾𑌡𑌯𑌤𑍍 ॥42॥
𑌕𑍁𑌲𑌿𑌶𑍇𑌨𑌾𑌹𑌤𑌸𑍍𑌯𑌾𑌶𑍁 𑌬𑌹𑍁 𑌸𑍁𑌸𑍍𑌰𑌾𑌵 𑌶𑍋𑌣𑌿𑌤𑌮𑍍 ।
𑌸𑌮𑍁𑌤𑍍𑌤𑌸𑍍𑌥𑍁𑌸𑍍𑌤𑌤𑍋 𑌯𑍋𑌧𑌾𑌸𑍍𑌤𑌦𑍍𑌰𑌪𑌾𑌸𑍍𑌤𑌤𑍍𑌪𑌰𑌾𑌕𑍍𑌰𑌮𑌾𑌃 ॥43॥
𑌯𑌾𑌵𑌨𑍍𑌤𑌃 𑌪𑌤𑌿𑌤𑌾𑌸𑍍𑌤𑌸𑍍𑌯 𑌶𑌰𑍀𑌰𑌾𑌦𑍍𑌰𑌕𑍍𑌤𑌬𑌿𑌨𑍍𑌦𑌵𑌃 ।
𑌤𑌾𑌵𑌨𑍍𑌤𑌃 𑌪𑍁𑌰𑍁𑌷𑌾 𑌜𑌾𑌤𑌾𑌃 𑌸𑍍𑌤𑌦𑍍𑌵𑍀𑌰𑍍𑌯𑌬𑌲𑌵𑌿𑌕𑍍𑌰𑌮𑌾𑌃 ॥44॥
𑌤𑍇 𑌚𑌾𑌪𑌿 𑌯𑍁𑌯𑍁𑌧𑍁𑌸𑍍𑌤𑌤𑍍𑌰 𑌪𑍁𑌰𑍁𑌷𑌾 𑌰𑌕𑍍𑌤 𑌸𑌮𑍍𑌭𑌵𑌾𑌃 ।
𑌸𑌮𑌂 𑌮𑌾𑌤𑍃𑌭𑌿𑌰𑌤𑍍𑌯𑍁𑌗𑍍𑌰𑌶𑌸𑍍𑌤𑍍𑌰𑌪𑌾𑌤𑌾𑌤𑌿𑌭𑍀𑌷𑌣𑌂 ॥45॥
𑌪𑍁𑌨𑌶𑍍𑌚 𑌵𑌜𑍍𑌰 𑌪𑌾𑌤𑍇𑌨 𑌕𑍍𑌷𑌤 𑌮𑌶𑍍𑌯 𑌶𑌿𑌰𑍋 𑌯𑌦𑌾 ।
𑌵𑌵𑌾𑌹 𑌰𑌕𑍍𑌤𑌂 𑌪𑍁𑌰𑍁𑌷𑌾𑌸𑍍𑌤𑌤𑍋 𑌜𑌾𑌤𑌾𑌃 𑌸𑌹𑌸𑍍𑌰𑌶𑌃 ॥46॥
𑌵𑍈𑌷𑍍𑌣𑌵𑍀 𑌸𑌮𑌰𑍇 𑌚𑍈𑌨𑌂 𑌚𑌕𑍍𑌰𑍇𑌣𑌾𑌭𑌿𑌜𑌘𑌾𑌨 𑌹 ।
𑌗𑌦𑌯𑌾 𑌤𑌾𑌡𑌯𑌾𑌮𑌾𑌸 𑌐𑌨𑍍𑌦𑍍𑌰𑍀 𑌤𑌮𑌸𑍁𑌰𑍇𑌶𑍍𑌵𑌰𑌮𑍍॥47॥
𑌵𑍈𑌷𑍍𑌣𑌵𑍀 𑌚𑌕𑍍𑌰𑌭𑌿𑌨𑍍𑌨𑌸𑍍𑌯 𑌰𑍁𑌧𑌿𑌰𑌸𑍍𑌰𑌾𑌵 𑌸𑌮𑍍𑌭𑌵𑍈𑌃 ।
𑌸𑌹𑌸𑍍𑌰𑌶𑍋 𑌜𑌗𑌦𑍍𑌵𑍍𑌯𑌾𑌪𑍍𑌤𑌂 𑌤𑌤𑍍𑌪𑍍𑌰𑌮𑌾𑌣𑍈𑌰𑍍𑌮𑌹𑌾𑌸𑍁𑌰𑍈𑌃 ॥48॥
𑌶𑌕𑍍𑌤𑍍𑌯𑌾 𑌜𑌘𑌾𑌨 𑌕𑍗𑌮𑌾𑌰𑍀 𑌵𑌾𑌰𑌾𑌹𑍀 𑌚 𑌤𑌥𑌾𑌸𑌿𑌨𑌾 ।
𑌮𑌾𑌹𑍇𑌶𑍍𑌵𑌰𑍀 𑌤𑍍𑌰𑌿𑌶𑍂𑌲𑍇𑌨 𑌰𑌕𑍍𑌤𑌬𑍀𑌜𑌂 𑌮𑌹𑌾𑌸𑍁𑌰𑌮𑍍 ॥49॥
𑌸 𑌚𑌾𑌪𑌿 𑌗𑌦𑌯𑌾 𑌦𑍈𑌤𑍍𑌯𑌃 𑌸𑌰𑍍𑌵𑌾 𑌏𑌵𑌾𑌹𑌨𑌤𑍍 𑌪𑍃𑌥𑌕𑍍 ।
𑌮𑌾𑌤𑍄𑌃 𑌕𑍋𑌪𑌸𑌮𑌾𑌵𑌿𑌷𑍍𑌟𑍋 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥50॥
𑌤𑌸𑍍𑌯𑌾𑌹𑌤𑌸𑍍𑌯 𑌬𑌹𑍁𑌧𑌾 𑌶𑌕𑍍𑌤𑌿𑌶𑍂𑌲𑌾𑌦𑌿 𑌭𑌿𑌰𑍍𑌭𑍁𑌵𑌿𑌃 ।
𑌪𑌪𑌾𑌤 𑌯𑍋 𑌵𑍈 𑌰𑌕𑍍𑌤𑍗𑌘𑌸𑍍𑌤𑍇𑌨𑌾𑌸𑌞𑍍𑌚𑌤𑌶𑍋𑌽𑌸𑍁𑌰𑌾𑌃 ॥51॥
𑌤𑍈𑌶𑍍𑌚𑌾𑌸𑍁𑌰𑌾𑌸𑍃𑌕𑍍𑌸𑌮𑍍𑌭𑍂𑌤𑍈𑌰𑌸𑍁𑌰𑍈𑌃 𑌸𑌕𑌲𑌂 𑌜𑌗𑌤𑍍 ।
𑌵𑍍𑌯𑌾𑌪𑍍𑌤𑌮𑌾𑌸𑍀𑌤𑍍𑌤𑌤𑍋 𑌦𑍇𑌵𑌾 𑌭𑌯𑌮𑌾𑌜𑌗𑍍𑌮𑍁𑌰𑍁𑌤𑍍𑌤𑌮𑌮𑍍 ॥52॥
𑌤𑌾𑌨𑍍 𑌵𑌿𑌷𑌣𑍍𑌣𑌾 𑌨𑍍 𑌸𑍁𑌰𑌾𑌨𑍍 𑌦𑍃𑌷𑍍𑌟𑍍𑌵𑌾 𑌚𑌣𑍍𑌡𑌿𑌕𑌾 𑌪𑍍𑌰𑌾𑌹𑌸𑌤𑍍𑌵𑌰𑌮𑍍 ।
𑌉𑌵𑌾𑌚 𑌕𑌾𑌲𑍀𑌂 𑌚𑌾𑌮𑍁𑌣𑍍𑌡𑍇 𑌵𑌿𑌸𑍍𑌤𑍀𑌰𑍍𑌣𑌂 𑌵𑌦𑌨𑌂 𑌕𑍁𑌰𑍁 ॥53॥
𑌮𑌚𑍍𑌛𑌸𑍍𑌤𑍍𑌰𑌪𑌾𑌤𑌸𑌮𑍍𑌭𑍂𑌤𑌾𑌨𑍍 𑌰𑌕𑍍𑌤𑌬𑌿𑌨𑍍𑌦𑍂𑌨𑍍 𑌮𑌹𑌾𑌸𑍁𑌰𑌾𑌨𑍍 ।
𑌰𑌕𑍍𑌤𑌬𑌿𑌨𑍍𑌦𑍋𑌃 𑌪𑍍𑌰𑌤𑍀𑌚𑍍𑌛 𑌤𑍍𑌵𑌂 𑌵𑌕𑍍𑌤𑍍𑌰𑍇𑌣𑌾𑌨𑍇𑌨 𑌵𑍇𑌗𑌿𑌨𑌾 ॥54॥
𑌭𑌕𑍍𑌷𑌯𑌨𑍍𑌤𑍀 𑌚𑌰 𑌰𑌣𑍋 𑌤𑌦𑍁𑌤𑍍𑌪𑌨𑍍𑌨𑌾𑌨𑍍𑌮𑌹𑌾𑌸𑍁𑌰𑌾𑌨𑍍 ।
𑌏𑌵𑌮𑍇𑌷 𑌕𑍍𑌷𑌯𑌂 𑌦𑍈𑌤𑍍𑌯𑌃 𑌕𑍍𑌷𑍇𑌣 𑌰𑌕𑍍𑌤𑍋 𑌗𑌮𑌿𑌷𑍍𑌯𑌤𑌿 ॥55॥
𑌭𑌕𑍍𑌷𑍍𑌯 𑌮𑌾𑌣𑌾 𑌸𑍍𑌤𑍍𑌵𑌯𑌾 𑌚𑍋𑌗𑍍𑌰𑌾 𑌨 𑌚𑍋𑌤𑍍𑌪𑌤𑍍𑌸𑍍𑌯𑌨𑍍𑌤𑌿 𑌚𑌾𑌪𑌰𑍇 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌤𑌾𑌂 𑌤𑌤𑍋 𑌦𑍇𑌵𑍀 𑌶𑍂𑌲𑍇𑌨𑌾𑌭𑌿𑌜𑌘𑌾𑌨 𑌤𑌮𑍍 ॥56॥
𑌮𑍁𑌖𑍇𑌨 𑌕𑌾𑌲𑍀 𑌜𑌗𑍃𑌹𑍇 𑌰𑌕𑍍𑌤𑌬𑍀𑌜𑌸𑍍𑌯 𑌶𑍋𑌣𑌿𑌤𑌮𑍍 ।
𑌤𑌤𑍋𑌽𑌸𑌾𑌵𑌾𑌜𑌘𑌾𑌨𑌾𑌥 𑌗𑌦𑌯𑌾 𑌤𑌤𑍍𑌰 𑌚𑌣𑍍𑌡𑌿𑌕𑌾𑌂 ॥57॥
𑌨 𑌚𑌾𑌸𑍍𑌯𑌾 𑌵𑍇𑌦𑌨𑌾𑌂 𑌚𑌕𑍍𑌰𑍇 𑌗𑌦𑌾𑌪𑌾𑌤𑍋𑌽𑌲𑍍𑌪𑌿𑌕𑌾𑌮𑌪𑌿 ।
𑌤𑌸𑍍𑌯𑌾𑌹𑌤𑌸𑍍𑌯 𑌦𑍇𑌹𑌾𑌤𑍍𑌤𑍁 𑌬𑌹𑍁 𑌸𑍁𑌸𑍍𑌰𑌾𑌵 𑌶𑍋𑌣𑌿𑌤𑌮𑍍 ॥58॥
𑌯𑌤𑌸𑍍𑌤𑌤𑌸𑍍𑌤𑌦𑍍𑌵𑌕𑍍𑌤𑍍𑌰𑍇𑌣 𑌚𑌾𑌮𑍁𑌣𑍍𑌡𑌾 𑌸𑌮𑍍𑌪𑍍𑌰𑌤𑍀𑌚𑍍𑌛𑌤𑌿 ।
𑌮𑍁𑌖𑍇 𑌸𑌮𑍁𑌦𑍍𑌗𑌤𑌾 𑌯𑍇𑌽𑌸𑍍𑌯𑌾 𑌰𑌕𑍍𑌤𑌪𑌾𑌤𑌾𑌨𑍍𑌮𑌹𑌾𑌸𑍁𑌰𑌾𑌃 ॥59॥
𑌤𑌾𑌂𑌶𑍍𑌚𑌖𑌾𑌦𑌾𑌥 𑌚𑌾𑌮𑍁𑌣𑍍𑌡𑌾 𑌪𑌪𑍗 𑌤𑌸𑍍𑌯 𑌚 𑌶𑍋𑌣𑌿𑌤𑌮𑍍 ॥60॥
𑌦𑍇𑌵𑍀 𑌶𑍂𑌲𑍇𑌨 𑌵𑌜𑍍𑌰𑍇𑌣 𑌬𑌾𑌣𑍈𑌰𑌸𑌿𑌭𑌿𑌰𑍍 𑌋𑌷𑍍𑌟𑌿𑌭𑌿𑌃 ।
𑌜𑌘𑌾𑌨 𑌰𑌕𑍍𑌤𑌬𑍀𑌜𑌂 𑌤𑌂 𑌚𑌾𑌮𑍁𑌣𑍍𑌡𑌾 𑌪𑍀𑌤 𑌶𑍋𑌣𑌿𑌤𑌮𑍍 ॥61॥
𑌸 𑌪𑌪𑌾𑌤 𑌮𑌹𑍀𑌪𑍃𑌷𑍍𑌠𑍇 𑌶𑌸𑍍𑌤𑍍𑌰𑌸𑌙𑍍𑌘𑌸𑌮𑌾𑌹𑌤𑌃 ।
𑌨𑍀𑌰𑌕𑍍𑌤𑌶𑍍𑌚 𑌮𑌹𑍀𑌪𑌾𑌲 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥62॥
𑌤𑌤𑌸𑍍𑌤𑍇 𑌹𑌰𑍍𑌷 𑌮𑌤𑍁𑌲𑌂 𑌅𑌵𑌾𑌪𑍁𑌸𑍍𑌤𑍍𑌰𑌿𑌦𑌶𑌾 𑌨𑍃𑌪 ।
𑌤𑍇𑌷𑌾𑌂 𑌮𑌾𑌤𑍃𑌗𑌣𑍋 𑌜𑌾𑌤𑍋 𑌨𑌨𑌰𑍍𑌤𑌾𑌸𑍃𑌂𑌙𑍍𑌗𑌮𑌦𑍋𑌦𑍍𑌧𑌤𑌃 ॥63॥
॥ 𑌸𑍍𑌵𑌸𑍍𑌤𑌿 𑌶𑍍𑌰𑍀 𑌮𑌾𑌰𑍍𑌕𑌣𑍍𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌨𑍍𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌰𑌕𑍍𑌤𑌬𑍀𑌜𑌵𑌧𑍋𑌨𑌾𑌮 𑌅𑌷𑍍𑌟𑌮𑍋𑌧𑍍𑌯𑌾𑌯 𑌸𑌮𑌾𑌪𑍍𑌤𑌮𑍍 ॥
𑌆𑌹𑍁𑌤𑌿
𑍐 𑌜𑌯𑌨𑍍𑌤𑍀 𑌸𑌾𑌙𑍍𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌰𑌕𑍍𑌤𑌾𑌕𑍍𑌷𑍍𑌯𑍈 𑌅𑌷𑍍𑌟𑌮𑌾𑌤𑍃 𑌸𑌹𑌿𑌤𑌾𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥
Roman (IAST) Transliteration
raktabījavadho nāma aṣṭamodhyāya ||
dhyānaṃ
aruṇāṃ karuṇā taraṅgitākṣīṃ dhṛtapāśāṅkuśa puṣpabāṇacāpām |
aṇimādhibhirāvṛtāṃ mayūkhai rahamityeva vibhāvaye bhavānīm ||
ṛṣiruvāca ||1||
caṇḍe ca nihate daitye muṇḍe ca vinipātite |
bahuleṣu ca sainyeṣu kṣayiteṣvasureśvaraḥ || 2 ||
tataḥ kopaparādhīnacetāḥ śumbhaḥ pratāpavān |
udyogaṃ sarva sainyānāṃ daityānāmādideśa ha ||3||
adya sarva balairdaityāḥ ṣaḍaśītirudāyudhāḥ |
kambūnāṃ caturaśītirniryāntu svabalairvṛtāḥ ||4||
koṭivīryāṇi pañcāśadasurāṇāṃ kulāni vai |
śataṃ kulāni dhaumrāṇāṃ nirgacchantu mamājñayā ||5||
kālakā daurhṛdā maurvāḥ kālikeyāstathāsurāḥ |
yuddhāya sajjā niryāntu ājñayā tvaritā mama ||6||
ityājñāpyāsurāpatiḥ śumbho bhairavaśāsanaḥ |
nirjagāma mahāsainyasahastrairbhahubhirvṛtaḥ ||7||
āyāntaṃ caṇḍikā dṛṣṭvā tatsainyamatibhīṣaṇam |
jyāsvanaiḥ pūrayāmāsa dharaṇīgaganāntaram ||8||
tataḥsiṃhò mahānādamatīva kṛtavānnṛpa |
ghaṇṭāsvanena tānnādānambikā copabṛṃhayat ||9||
dhanurjyāsiṃhaghaṇṭānāṃ nādāpūritadiṅmukhā |
ninādairbhīṣaṇaiḥ kālī jigye vistāritānanā ||10||
taṃ ninādamupaśrutya daitya sainyaiścaturdiśam |
devī siṃhastathā kālī saroṣaiḥ parivāritāḥ||11||
etasminnantare bhūpa vināśāya suradviṣām |
bhavāyāmarasiṃhanāmativīryabalānvitāḥ ||12||
brahmeśaguhaviṣṇūnāṃ tathendrasya ca śaktayaḥ |
śarīrebhyoviniṣkramya tadrūpaiścaṇḍikāṃ yayuḥ ||13||
yasya devasya yadrūpaṃ yathā bhūṣaṇavāhanam |
tadvadeva hi taccaktirasurānyoddhumāyamau ||14||
haṃsayuktavimānāgre sākṣasūtraka maṇḍaluḥ |
āyātā brahmaṇaḥ śaktibrahmāṇī tyabhidhīyate ||15||
maheśvarī vṛṣārūḍhā triśūlavaradhāriṇī |
mahāhivalayā prāptācandrarekhāvibhūṣaṇā ||16||
kaumārī śaktihastā ca mayūravaravāhanā |
yoddhumabhyāyayau daityānambikā guharūpiṇī ||17||
tathaiva vaiṣṇavī śaktirgaruḍopari saṃsthitā |
śaṅkhacakragadhāśāṅkhar khaḍgahastābhyupāyayau ||18||
yajñavārāhamatulaṃ rūpaṃ yā bhibhrato hareḥ |
śaktiḥ sāpyāyayau tatra vārāhīṃ bibhratī tanum ||19||
nārasiṃhī nṛsiṃhasya bibhratī sadṛśaṃ vapuḥ |
prāptā tatra saṭākṣepakṣiptanakṣatra saṃhatiḥ ||20||
vajra hastā tathaivaindrī gajarājo paristhitā |
prāptā sahasra nayanā yathā śakrastathaiva sā ||21||
tataḥ parivṛttastābhirīśāno deva śaktibhiḥ |
hanyantāmasurāḥ śīghraṃ mama prītyāha caṇḍikāṃ ||22||
tato devī śarīrāttu viniṣkrāntātibhīṣaṇā |
caṇḍikā śaktiratyugrā śivāśataninādinī ||23||
sā cāha dhūmrajaṭilaṃ īśānamaparājitā |
dūtatvaṃ gaccha bhagavan pārśvaṃ śumbhaniśumbhayoḥ ||24||
brūhi śumbhaṃ niśumbhaṃ ca dānavāvatigarvitau |
ye cānye dānavāstatra yuddhāya samupasthitāḥ ||25||
trailokyamindro labhatāṃ devāḥ santu havirbhujaḥ |
yūyaṃ prayāta pātālaṃ yadi jīvitumicchatha ||26||
balāvalepādatha cedbhavanto yuddhakāṅkṣiṇaḥ |
tadā gacchata tṛpyantu macchivāḥ piśitena vaḥ ||27||
yato niyukto dautyena tayā devyā śivaḥ svayam |
śivadūtīti loke'smiṃstataḥ sā khyāti māgatā ||28||
te'pi śrutvā vaco devyāḥ śarvākhyātaṃ mahāsurāḥ |
amarṣāpūritā jagmuryatra kātyāyanī sthitā ||29||
tataḥ prathamamevāgre śaraśaktyṛṣṭivṛṣṭibhiḥ |
vavarṣuruddhatāmarṣāḥ stāṃ devīmamarārayaḥ ||30||
sā ca tān prahitān bāṇān ñchūlaśaktiparaśvadhān |
ciccheda līlayādhmātadhanurmuktairmaheṣubhiḥ ||31||
tasyāgratastathā kālī śūlapātavidāritān |
khaṭvāṅgapothitāṃścārīnkurvantī vyacarattadā ||32||
kamaṇḍalujalākṣepahatavīryān hataujasaḥ |
brahmāṇī cākarocchatrūnyena yena sma dhāvati ||33||
māheśvarī triśūlena tathā cakreṇa vaiṣṇavī |
daityāṅjaghāna kaumārī tathā śatyāti kopanā ||34||
aindrī kuliśapātena śataśo daityadānavāḥ |
peturvidāritāḥ pṛthvyāṃ rudhiraughapravarṣiṇaḥ ||35||
tuṇḍaprahāravidhvastā daṃṣṭrā grakṣata vakṣasaḥ |
vārāhamūrtyā nyapataṃścakreṇa ca vidāritāḥ ||36||
nakhairvidāritāṃścānyān bhakṣayantī mahāsurān |
nārasiṃhī cacārājau nādā pūrṇadigambarā ||37||
caṇḍāṭṭahāsairasurāḥ śivadūtyabhidūṣitāḥ |
petuḥ pṛthivyāṃ patitāṃstāṃścakhādātha sā tadā ||38||
iti mātṛ gaṇaṃ kruddhaṃ marda yantaṃ mahāsurān |
dṛṣṭvābhyupāyairvividhairneśurdevārisainikāḥ ||39||
palāyanaparāndṛṣṭvā daityānmātṛgaṇārditān |
yoddhumabhyāyayau kruddho raktabījo mahāsuraḥ ||40||
raktabinduryadā bhūmau patatyasya śarīrataḥ |
samutpatati medinyāṃ tatpramāṇo mahāsuraḥ ||41||
yuyudhe sa gadāpāṇirindraśaktyā mahāsuraḥ |
tataścaindrī svavajreṇa raktabījamatāḍayat ||42||
kuliśenāhatasyāśu bahu susrāva śoṇitam |
samuttasthustato yodhāstadrapāstatparākramāḥ ||43||
yāvantaḥ patitāstasya śarīrādraktabindavaḥ |
tāvantaḥ puruṣā jātāḥ stadvīryabalavikramāḥ ||44||
te cāpi yuyudhustatra puruṣā rakta sambhavāḥ |
samaṃ mātṛbhiratyugraśastrapātātibhīṣaṇaṃ ||45||
punaśca vajra pātena kṣata maśya śiro yadā |
vavāha raktaṃ puruṣāstato jātāḥ sahasraśaḥ ||46||
vaiṣṇavī samare cainaṃ cakreṇābhijaghāna ha |
gadayā tāḍayāmāsa aindrī tamasureśvaram||47||
vaiṣṇavī cakrabhinnasya rudhirasrāva sambhavaiḥ |
sahasraśo jagadvyāptaṃ tatpramāṇairmahāsuraiḥ ||48||
śaktyā jaghāna kaumārī vārāhī ca tathāsinā |
māheśvarī triśūlena raktabījaṃ mahāsuram ||49||
sa cāpi gadayā daityaḥ sarvā evāhanat pṛthak |
mātṝḥ kopasamāviṣṭo raktabījo mahāsuraḥ ||50||
tasyāhatasya bahudhā śaktiśūlādi bhirbhuviḥ |
papāta yo vai raktaughastenāsañcataśo'surāḥ ||51||
taiścāsurāsṛksambhūtairasuraiḥ sakalaṃ jagat |
vyāptamāsīttato devā bhayamājagmuruttamam ||52||
tān viṣaṇṇā n surān dṛṣṭvā caṇḍikā prāhasatvaram |
uvāca kālīṃ cāmuṇḍe vistīrṇaṃ vadanaṃ kuru ||53||
macchastrapātasambhūtān raktabindūn mahāsurān |
raktabindoḥ pratīccha tvaṃ vaktreṇānena veginā ||54||
bhakṣayantī cara raṇo tadutpannānmahāsurān |
evameṣa kṣayaṃ daityaḥ kṣeṇa rakto gamiṣyati ||55||
bhakṣya māṇā stvayā cogrā na cotpatsyanti cāpare |
ityuktvā tāṃ tato devī śūlenābhijaghāna tam ||56||
mukhena kālī jagṛhe raktabījasya śoṇitam |
tato'sāvājaghānātha gadayā tatra caṇḍikāṃ ||57||
na cāsyā vedanāṃ cakre gadāpāto'lpikāmapi |
tasyāhatasya dehāttu bahu susrāva śoṇitam ||58||
yatastatastadvaktreṇa cāmuṇḍā sampratīcchati |
mukhe samudgatā ye'syā raktapātānmahāsurāḥ ||59||
tāṃścakhādātha cāmuṇḍā papau tasya ca śoṇitam ||60||
devī śūlena vajreṇa bāṇairasibhir ṛṣṭibhiḥ |
jaghāna raktabījaṃ taṃ cāmuṇḍā pīta śoṇitam ||61||
sa papāta mahīpṛṣṭhe śastrasaṅghasamāhataḥ |
nīraktaśca mahīpāla raktabījo mahāsuraḥ ||62||
tataste harṣa matulaṃ avāpustridaśā nṛpa |
teṣāṃ mātṛgaṇo jāto nanartāsṛṃṅgamadoddhataḥ ||63||
|| svasti śrī mārkaṇḍeya purāṇe sāvarnike manvantare devi mahatmye raktabījavadhonāma aṣṭamodhyāya samāptam ||
āhuti
oṃ jayantī sāṅgāyai saśaktikāyai saparivārāyai savāhanāyai raktākṣyai aṣṭamātṛ sahitāyai mahāhutiṃ samarpayāmi namaḥ svāhā ||
Sanskrit — Devanagari (original)
रक्तबीजवधो नाम अष्टमोध्याय ॥
ध्यानं
अरुणां करुणा तरङ्गिताक्षीं धृतपाशाङ्कुश पुष्पबाणचापाम् ।
अणिमाधिभिरावृतां मयूखै रहमित्येव विभावये भवानीम् ॥
ऋषिरुवाच ॥1॥
चण्डे च निहते दैत्ये मुण्डे च विनिपातिते ।
बहुलेषु च सैन्येषु क्षयितेष्वसुरेश्वरः ॥ 2 ॥
ततः कोपपराधीनचेताः शुम्भः प्रतापवान् ।
उद्योगं सर्व सैन्यानां दैत्यानामादिदेश ह ॥3॥
अद्य सर्व बलैर्दैत्याः षडशीतिरुदायुधाः ।
कम्बूनां चतुरशीतिर्निर्यान्तु स्वबलैर्वृताः ॥4॥
कोटिवीर्याणि पञ्चाशदसुराणां कुलानि वै ।
शतं कुलानि धौम्राणां निर्गच्छन्तु ममाज्ञया ॥5॥
कालका दौर्हृदा मौर्वाः कालिकेयास्तथासुराः ।
युद्धाय सज्जा निर्यान्तु आज्ञया त्वरिता मम ॥6॥
इत्याज्ञाप्यासुरापतिः शुम्भो भैरवशासनः ।
निर्जगाम महासैन्यसहस्त्रैर्भहुभिर्वृतः ॥7॥
आयान्तं चण्डिका दृष्ट्वा तत्सैन्यमतिभीषणम् ।
ज्यास्वनैः पूरयामास धरणीगगनान्तरम् ॥8॥
ततःसिंहॊ महानादमतीव कृतवान्नृप ।
घण्टास्वनेन तान्नादानम्बिका चोपबृंहयत् ॥9॥
धनुर्ज्यासिंहघण्टानां नादापूरितदिङ्मुखा ।
निनादैर्भीषणैः काली जिग्ये विस्तारितानना ॥10॥
तं निनादमुपश्रुत्य दैत्य सैन्यैश्चतुर्दिशम् ।
देवी सिंहस्तथा काली सरोषैः परिवारिताः॥11॥
एतस्मिन्नन्तरे भूप विनाशाय सुरद्विषाम् ।
भवायामरसिंहनामतिवीर्यबलान्विताः ॥12॥
ब्रह्मेशगुहविष्णूनां तथेन्द्रस्य च शक्तयः ।
शरीरेभ्योविनिष्क्रम्य तद्रूपैश्चण्डिकां ययुः ॥13॥
यस्य देवस्य यद्रूपं यथा भूषणवाहनम् ।
तद्वदेव हि तच्चक्तिरसुरान्योद्धुमायमौ ॥14॥
हंसयुक्तविमानाग्रे साक्षसूत्रक मण्डलुः ।
आयाता ब्रह्मणः शक्तिब्रह्माणी त्यभिधीयते ॥15॥
महेश्वरी वृषारूढा त्रिशूलवरधारिणी ।
महाहिवलया प्राप्ताचन्द्ररेखाविभूषणा ॥16॥
कौमारी शक्तिहस्ता च मयूरवरवाहना ।
योद्धुमभ्याययौ दैत्यानम्बिका गुहरूपिणी ॥17॥
तथैव वैष्णवी शक्तिर्गरुडोपरि संस्थिता ।
शङ्खचक्रगधाशाङ्खर् खड्गहस्ताभ्युपाययौ ॥18॥
यज्ञवाराहमतुलं रूपं या भिभ्रतो हरेः ।
शक्तिः साप्याययौ तत्र वाराहीं बिभ्रती तनुम् ॥19॥
नारसिंही नृसिंहस्य बिभ्रती सदृशं वपुः ।
प्राप्ता तत्र सटाक्षेपक्षिप्तनक्षत्र संहतिः ॥20॥
वज्र हस्ता तथैवैन्द्री गजराजो परिस्थिता ।
प्राप्ता सहस्र नयना यथा शक्रस्तथैव सा ॥21॥
ततः परिवृत्तस्ताभिरीशानो देव शक्तिभिः ।
हन्यन्तामसुराः शीघ्रं मम प्रीत्याह चण्डिकां ॥22॥
ततो देवी शरीरात्तु विनिष्क्रान्तातिभीषणा ।
चण्डिका शक्तिरत्युग्रा शिवाशतनिनादिनी ॥23॥
सा चाह धूम्रजटिलं ईशानमपराजिता ।
दूतत्वं गच्छ भगवन् पार्श्वं शुम्भनिशुम्भयोः ॥24॥
ब्रूहि शुम्भं निशुम्भं च दानवावतिगर्वितौ ।
ये चान्ये दानवास्तत्र युद्धाय समुपस्थिताः ॥25॥
त्रैलोक्यमिन्द्रो लभतां देवाः सन्तु हविर्भुजः ।
यूयं प्रयात पातालं यदि जीवितुमिच्छथ ॥26॥
बलावलेपादथ चेद्भवन्तो युद्धकाङ्क्षिणः ।
तदा गच्छत तृप्यन्तु मच्छिवाः पिशितेन वः ॥27॥
यतो नियुक्तो दौत्येन तया देव्या शिवः स्वयम् ।
शिवदूतीति लोकेऽस्मिंस्ततः सा ख्याति मागता ॥28॥
तेऽपि श्रुत्वा वचो देव्याः शर्वाख्यातं महासुराः ।
अमर्षापूरिता जग्मुर्यत्र कात्यायनी स्थिता ॥29॥
ततः प्रथममेवाग्रे शरशक्त्यृष्टिवृष्टिभिः ।
ववर्षुरुद्धतामर्षाः स्तां देवीममरारयः ॥30॥
सा च तान् प्रहितान् बाणान् ञ्छूलशक्तिपरश्वधान् ।
चिच्छेद लीलयाध्मातधनुर्मुक्तैर्महेषुभिः ॥31॥
तस्याग्रतस्तथा काली शूलपातविदारितान् ।
खट्वाङ्गपोथितांश्चारीन्कुर्वन्ती व्यचरत्तदा ॥32॥
कमण्डलुजलाक्षेपहतवीर्यान् हतौजसः ।
ब्रह्माणी चाकरोच्छत्रून्येन येन स्म धावति ॥33॥
माहेश्वरी त्रिशूलेन तथा चक्रेण वैष्णवी ।
दैत्याङ्जघान कौमारी तथा शत्याति कोपना ॥34॥
ऐन्द्री कुलिशपातेन शतशो दैत्यदानवाः ।
पेतुर्विदारिताः पृथ्व्यां रुधिरौघप्रवर्षिणः ॥35॥
तुण्डप्रहारविध्वस्ता दंष्ट्रा ग्रक्षत वक्षसः ।
वाराहमूर्त्या न्यपतंश्चक्रेण च विदारिताः ॥36॥
नखैर्विदारितांश्चान्यान् भक्षयन्ती महासुरान् ।
नारसिंही चचाराजौ नादा पूर्णदिगम्बरा ॥37॥
चण्डाट्टहासैरसुराः शिवदूत्यभिदूषिताः ।
पेतुः पृथिव्यां पतितांस्तांश्चखादाथ सा तदा ॥38॥
इति मातृ गणं क्रुद्धं मर्द यन्तं महासुरान् ।
दृष्ट्वाभ्युपायैर्विविधैर्नेशुर्देवारिसैनिकाः ॥39॥
पलायनपरान्दृष्ट्वा दैत्यान्मातृगणार्दितान् ।
योद्धुमभ्याययौ क्रुद्धो रक्तबीजो महासुरः ॥40॥
रक्तबिन्दुर्यदा भूमौ पतत्यस्य शरीरतः ।
समुत्पतति मेदिन्यां तत्प्रमाणो महासुरः ॥41॥
युयुधे स गदापाणिरिन्द्रशक्त्या महासुरः ।
ततश्चैन्द्री स्ववज्रेण रक्तबीजमताडयत् ॥42॥
कुलिशेनाहतस्याशु बहु सुस्राव शोणितम् ।
समुत्तस्थुस्ततो योधास्तद्रपास्तत्पराक्रमाः ॥43॥
यावन्तः पतितास्तस्य शरीराद्रक्तबिन्दवः ।
तावन्तः पुरुषा जाताः स्तद्वीर्यबलविक्रमाः ॥44॥
ते चापि युयुधुस्तत्र पुरुषा रक्त सम्भवाः ।
समं मातृभिरत्युग्रशस्त्रपातातिभीषणं ॥45॥
पुनश्च वज्र पातेन क्षत मश्य शिरो यदा ।
ववाह रक्तं पुरुषास्ततो जाताः सहस्रशः ॥46॥
वैष्णवी समरे चैनं चक्रेणाभिजघान ह ।
गदया ताडयामास ऐन्द्री तमसुरेश्वरम्॥47॥
वैष्णवी चक्रभिन्नस्य रुधिरस्राव सम्भवैः ।
सहस्रशो जगद्व्याप्तं तत्प्रमाणैर्महासुरैः ॥48॥
शक्त्या जघान कौमारी वाराही च तथासिना ।
माहेश्वरी त्रिशूलेन रक्तबीजं महासुरम् ॥49॥
स चापि गदया दैत्यः सर्वा एवाहनत् पृथक् ।
मातॄः कोपसमाविष्टो रक्तबीजो महासुरः ॥50॥
तस्याहतस्य बहुधा शक्तिशूलादि भिर्भुविः ।
पपात यो वै रक्तौघस्तेनासञ्चतशोऽसुराः ॥51॥
तैश्चासुरासृक्सम्भूतैरसुरैः सकलं जगत् ।
व्याप्तमासीत्ततो देवा भयमाजग्मुरुत्तमम् ॥52॥
तान् विषण्णा न् सुरान् दृष्ट्वा चण्डिका प्राहसत्वरम् ।
उवाच कालीं चामुण्डे विस्तीर्णं वदनं कुरु ॥53॥
मच्छस्त्रपातसम्भूतान् रक्तबिन्दून् महासुरान् ।
रक्तबिन्दोः प्रतीच्छ त्वं वक्त्रेणानेन वेगिना ॥54॥
भक्षयन्ती चर रणो तदुत्पन्नान्महासुरान् ।
एवमेष क्षयं दैत्यः क्षेण रक्तो गमिष्यति ॥55॥
भक्ष्य माणा स्त्वया चोग्रा न चोत्पत्स्यन्ति चापरे ।
इत्युक्त्वा तां ततो देवी शूलेनाभिजघान तम् ॥56॥
मुखेन काली जगृहे रक्तबीजस्य शोणितम् ।
ततोऽसावाजघानाथ गदया तत्र चण्डिकां ॥57॥
न चास्या वेदनां चक्रे गदापातोऽल्पिकामपि ।
तस्याहतस्य देहात्तु बहु सुस्राव शोणितम् ॥58॥
यतस्ततस्तद्वक्त्रेण चामुण्डा सम्प्रतीच्छति ।
मुखे समुद्गता येऽस्या रक्तपातान्महासुराः ॥59॥
तांश्चखादाथ चामुण्डा पपौ तस्य च शोणितम् ॥60॥
देवी शूलेन वज्रेण बाणैरसिभिर् ऋष्टिभिः ।
जघान रक्तबीजं तं चामुण्डा पीत शोणितम् ॥61॥
स पपात महीपृष्ठे शस्त्रसङ्घसमाहतः ।
नीरक्तश्च महीपाल रक्तबीजो महासुरः ॥62॥
ततस्ते हर्ष मतुलं अवापुस्त्रिदशा नृप ।
तेषां मातृगणो जातो ननर्तासृंङ्गमदोद्धतः ॥63॥
॥ स्वस्ति श्री मार्कण्डेय पुराणे सावर्निके मन्वन्तरे देवि महत्म्ये रक्तबीजवधोनाम अष्टमोध्याय समाप्तम् ॥
आहुति
ॐ जयन्ती साङ्गायै सशक्तिकायै सपरिवारायै सवाहनायै रक्ताक्ष्यै अष्टमातृ सहितायै महाहुतिं समर्पयामि नमः स्वाहा ॥
raktabījavadho nāma aṣṭamodhyāya ||
dhyānaṃ
aruṇāṃ karuṇā taraṅgitākṣīṃ dhṛtapāśāṅkuśa puṣpabāṇacāpām |
aṇimādhibhirāvṛtāṃ mayūkhai rahamityeva vibhāvaye bhavānīm ||
ṛṣiruvāca ||1||
caṇḍe ca nihate daitye muṇḍe ca vinipātite |
bahuleṣu ca sainyeṣu kṣayiteṣvasureśvaraḥ || 2 ||
tataḥ kopaparādhīnacetāḥ śumbhaḥ pratāpavān |
udyogaṃ sarva sainyānāṃ daityānāmādideśa ha ||3||
adya sarva balairdaityāḥ ṣaḍaśītirudāyudhāḥ |
kambūnāṃ caturaśītirniryāntu svabalairvṛtāḥ ||4||
koṭivīryāṇi pañcāśadasurāṇāṃ kulāni vai |
śataṃ kulāni dhaumrāṇāṃ nirgacchantu mamājñayā ||5||
kālakā daurhṛdā maurvāḥ kālikeyāstathāsurāḥ |
yuddhāya sajjā niryāntu ājñayā tvaritā mama ||6||
ityājñāpyāsurāpatiḥ śumbho bhairavaśāsanaḥ |
nirjagāma mahāsainyasahastrairbhahubhirvṛtaḥ ||7||
āyāntaṃ caṇḍikā dṛṣṭvā tatsainyamatibhīṣaṇam |
jyāsvanaiḥ pūrayāmāsa dharaṇīgaganāntaram ||8||
tataḥsiṃhò mahānādamatīva kṛtavānnṛpa |
ghaṇṭāsvanena tānnādānambikā copabṛṃhayat ||9||
dhanurjyāsiṃhaghaṇṭānāṃ nādāpūritadiṅmukhā |
ninādairbhīṣaṇaiḥ kālī jigye vistāritānanā ||10||
taṃ ninādamupaśrutya daitya sainyaiścaturdiśam |
devī siṃhastathā kālī saroṣaiḥ parivāritāḥ||11||
etasminnantare bhūpa vināśāya suradviṣām |
bhavāyāmarasiṃhanāmativīryabalānvitāḥ ||12||
brahmeśaguhaviṣṇūnāṃ tathendrasya ca śaktayaḥ |
śarīrebhyoviniṣkramya tadrūpaiścaṇḍikāṃ yayuḥ ||13||
yasya devasya yadrūpaṃ yathā bhūṣaṇavāhanam |
tadvadeva hi taccaktirasurānyoddhumāyamau ||14||
haṃsayuktavimānāgre sākṣasūtraka maṇḍaluḥ |
āyātā brahmaṇaḥ śaktibrahmāṇī tyabhidhīyate ||15||
maheśvarī vṛṣārūḍhā triśūlavaradhāriṇī |
mahāhivalayā prāptācandrarekhāvibhūṣaṇā ||16||
kaumārī śaktihastā ca mayūravaravāhanā |
yoddhumabhyāyayau daityānambikā guharūpiṇī ||17||
tathaiva vaiṣṇavī śaktirgaruḍopari saṃsthitā |
śaṅkhacakragadhāśāṅkhar khaḍgahastābhyupāyayau ||18||
yajñavārāhamatulaṃ rūpaṃ yā bhibhrato hareḥ |
śaktiḥ sāpyāyayau tatra vārāhīṃ bibhratī tanum ||19||
nārasiṃhī nṛsiṃhasya bibhratī sadṛśaṃ vapuḥ |
prāptā tatra saṭākṣepakṣiptanakṣatra saṃhatiḥ ||20||
vajra hastā tathaivaindrī gajarājo paristhitā |
prāptā sahasra nayanā yathā śakrastathaiva sā ||21||
tataḥ parivṛttastābhirīśāno deva śaktibhiḥ |
hanyantāmasurāḥ śīghraṃ mama prītyāha caṇḍikāṃ ||22||
tato devī śarīrāttu viniṣkrāntātibhīṣaṇā |
caṇḍikā śaktiratyugrā śivāśataninādinī ||23||
sā cāha dhūmrajaṭilaṃ īśānamaparājitā |
dūtatvaṃ gaccha bhagavan pārśvaṃ śumbhaniśumbhayoḥ ||24||
brūhi śumbhaṃ niśumbhaṃ ca dānavāvatigarvitau |
ye cānye dānavāstatra yuddhāya samupasthitāḥ ||25||
trailokyamindro labhatāṃ devāḥ santu havirbhujaḥ |
yūyaṃ prayāta pātālaṃ yadi jīvitumicchatha ||26||
balāvalepādatha cedbhavanto yuddhakāṅkṣiṇaḥ |
tadā gacchata tṛpyantu macchivāḥ piśitena vaḥ ||27||
yato niyukto dautyena tayā devyā śivaḥ svayam |
śivadūtīti loke'smiṃstataḥ sā khyāti māgatā ||28||
te'pi śrutvā vaco devyāḥ śarvākhyātaṃ mahāsurāḥ |
amarṣāpūritā jagmuryatra kātyāyanī sthitā ||29||
tataḥ prathamamevāgre śaraśaktyṛṣṭivṛṣṭibhiḥ |
vavarṣuruddhatāmarṣāḥ stāṃ devīmamarārayaḥ ||30||
sā ca tān prahitān bāṇān ñchūlaśaktiparaśvadhān |
ciccheda līlayādhmātadhanurmuktairmaheṣubhiḥ ||31||
tasyāgratastathā kālī śūlapātavidāritān |
khaṭvāṅgapothitāṃścārīnkurvantī vyacarattadā ||32||
kamaṇḍalujalākṣepahatavīryān hataujasaḥ |
brahmāṇī cākarocchatrūnyena yena sma dhāvati ||33||
māheśvarī triśūlena tathā cakreṇa vaiṣṇavī |
daityāṅjaghāna kaumārī tathā śatyāti kopanā ||34||
aindrī kuliśapātena śataśo daityadānavāḥ |
peturvidāritāḥ pṛthvyāṃ rudhiraughapravarṣiṇaḥ ||35||
tuṇḍaprahāravidhvastā daṃṣṭrā grakṣata vakṣasaḥ |
vārāhamūrtyā nyapataṃścakreṇa ca vidāritāḥ ||36||
nakhairvidāritāṃścānyān bhakṣayantī mahāsurān |
nārasiṃhī cacārājau nādā pūrṇadigambarā ||37||
caṇḍāṭṭahāsairasurāḥ śivadūtyabhidūṣitāḥ |
petuḥ pṛthivyāṃ patitāṃstāṃścakhādātha sā tadā ||38||
iti mātṛ gaṇaṃ kruddhaṃ marda yantaṃ mahāsurān |
dṛṣṭvābhyupāyairvividhairneśurdevārisainikāḥ ||39||
palāyanaparāndṛṣṭvā daityānmātṛgaṇārditān |
yoddhumabhyāyayau kruddho raktabījo mahāsuraḥ ||40||
raktabinduryadā bhūmau patatyasya śarīrataḥ |
samutpatati medinyāṃ tatpramāṇo mahāsuraḥ ||41||
yuyudhe sa gadāpāṇirindraśaktyā mahāsuraḥ |
tataścaindrī svavajreṇa raktabījamatāḍayat ||42||
kuliśenāhatasyāśu bahu susrāva śoṇitam |
samuttasthustato yodhāstadrapāstatparākramāḥ ||43||
yāvantaḥ patitāstasya śarīrādraktabindavaḥ |
tāvantaḥ puruṣā jātāḥ stadvīryabalavikramāḥ ||44||
te cāpi yuyudhustatra puruṣā rakta sambhavāḥ |
samaṃ mātṛbhiratyugraśastrapātātibhīṣaṇaṃ ||45||
punaśca vajra pātena kṣata maśya śiro yadā |
vavāha raktaṃ puruṣāstato jātāḥ sahasraśaḥ ||46||
vaiṣṇavī samare cainaṃ cakreṇābhijaghāna ha |
gadayā tāḍayāmāsa aindrī tamasureśvaram||47||
vaiṣṇavī cakrabhinnasya rudhirasrāva sambhavaiḥ |
sahasraśo jagadvyāptaṃ tatpramāṇairmahāsuraiḥ ||48||
śaktyā jaghāna kaumārī vārāhī ca tathāsinā |
māheśvarī triśūlena raktabījaṃ mahāsuram ||49||
sa cāpi gadayā daityaḥ sarvā evāhanat pṛthak |
mātṝḥ kopasamāviṣṭo raktabījo mahāsuraḥ ||50||
tasyāhatasya bahudhā śaktiśūlādi bhirbhuviḥ |
papāta yo vai raktaughastenāsañcataśo'surāḥ ||51||
taiścāsurāsṛksambhūtairasuraiḥ sakalaṃ jagat |
vyāptamāsīttato devā bhayamājagmuruttamam ||52||
tān viṣaṇṇā n surān dṛṣṭvā caṇḍikā prāhasatvaram |
uvāca kālīṃ cāmuṇḍe vistīrṇaṃ vadanaṃ kuru ||53||
macchastrapātasambhūtān raktabindūn mahāsurān |
raktabindoḥ pratīccha tvaṃ vaktreṇānena veginā ||54||
bhakṣayantī cara raṇo tadutpannānmahāsurān |
evameṣa kṣayaṃ daityaḥ kṣeṇa rakto gamiṣyati ||55||
bhakṣya māṇā stvayā cogrā na cotpatsyanti cāpare |
ityuktvā tāṃ tato devī śūlenābhijaghāna tam ||56||
mukhena kālī jagṛhe raktabījasya śoṇitam |
tato'sāvājaghānātha gadayā tatra caṇḍikāṃ ||57||
na cāsyā vedanāṃ cakre gadāpāto'lpikāmapi |
tasyāhatasya dehāttu bahu susrāva śoṇitam ||58||
yatastatastadvaktreṇa cāmuṇḍā sampratīcchati |
mukhe samudgatā ye'syā raktapātānmahāsurāḥ ||59||
tāṃścakhādātha cāmuṇḍā papau tasya ca śoṇitam ||60||
devī śūlena vajreṇa bāṇairasibhir ṛṣṭibhiḥ |
jaghāna raktabījaṃ taṃ cāmuṇḍā pīta śoṇitam ||61||
sa papāta mahīpṛṣṭhe śastrasaṅghasamāhataḥ |
nīraktaśca mahīpāla raktabījo mahāsuraḥ ||62||
tataste harṣa matulaṃ avāpustridaśā nṛpa |
teṣāṃ mātṛgaṇo jāto nanartāsṛṃṅgamadoddhataḥ ||63||
|| svasti śrī mārkaṇḍeya purāṇe sāvarnike manvantare devi mahatmye raktabījavadhonāma aṣṭamodhyāya samāptam ||
āhuti
oṃ jayantī sāṅgāyai saśaktikāyai saparivārāyai savāhanāyai raktākṣyai aṣṭamātṛ sahitāyai mahāhutiṃ samarpayāmi namaḥ svāhā ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.