କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ଦ୍ଵିତୀଯାଷ୍ଟକେ ଦ୍ଵିତୀଯଃ ପ୍ରପାଠକଃ - ହୋତୃବ୍ରାହ୍ମଣମ୍
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 - ଦଶହୋତୃମନ୍ତ୍ରସ୍ଯ କ୍ରତ୍ଵର୍ଥପୁରୁଷାର୍ଥପ୍ରଯୋଗୌ
ପ୍ର॒ଜାପ॑ତିରକାମଯତ ପ୍ର॒ଜା-ସ୍ସୃ॑ଜେ॒ଯେତି॑ । ସ ଏ॒ତ-ନ୍ଦଶ॑ହୋତାର-ମପଶ୍ଯତ୍ । ତ-ମ୍ମନ॑ସା ଽନୁ॒ଦ୍ରୁତ୍ଯ॑ ଦର୍ଭସ୍ତ॒ମ୍ବେ॑-ଽଜୁହୋତ୍ । ତତୋ॒ ଵୈ ସ ପ୍ର॒ଜା ଅ॑ସୃଜତ । ତା ଅ॑ସ୍ମାଥ୍ସୃ॒ଷ୍ଟା ଅପା᳚କ୍ରାମନ୍ନ୍ । ତା ଗ୍ରହେ॑ଣାଗୃହ୍ଣାତ୍ । ତଦ୍ଗ୍ରହ॑ସ୍ଯ ଗ୍ରହ॒ତ୍ଵମ୍ । ଯଃ କା॒ମଯେ॑ତ॒ ପ୍ରଜା॑ଯେ॒ଯେତି॑ । ସ ଦଶ॑ହୋତାର॒-ମ୍ମନ॑ସା ଽନୁ॒ଦ୍ରୁତ୍ଯ॑ ଦର୍ଭସ୍ତ॒ମ୍ବେ ଜୁ॑ହୁଯାତ୍ । ପ୍ର॒ଜାପ॑ତି॒ର୍ଵୈ ଦଶ॑ହୋତା ॥ 1 ॥
ପ୍ର॒ଜାପ॑ତିରେ॒ଵ ଭୂ॒ତ୍ଵା ପ୍ର ଜା॑ଯତେ ॥ ମନ॑ସା ଜୁହୋତି । ମନ॑ ଇଵ॒ ହି ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ଯୈ᳚ ॥ ପୂ॒ର୍ଣଯା॑ ଜୁହୋତି । ପୂ॒ର୍ଣ ଇ॑ଵ॒ ହି ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ଯୈ᳚ ॥ ନ୍ଯୂ॑ନଯା ଜୁହୋତି । ନ୍ଯୂ॑ନା॒ଦ୍ଧି ପ୍ର॒ଜାପ॑ତିଃ ପ୍ର॒ଜା ଅସୃ॑ଜତ । ପ୍ର॒ଜାନା॒ଗ୍ଂ॒ ସୃଷ୍ଟ୍ଯୈ᳚ ॥ 2 ॥
ଦ॒ର୍ଭ॒ସ୍ତ॒ମ୍ବେ ଜୁ॑ହୋତି । ଏ॒ତସ୍ମା॒ଦ୍ଵୈ ଯୋନେଃ᳚ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ । ଯସ୍ମା॑ଦେ॒ଵ ଯୋନେଃ᳚ ପ୍ର॒ଜାପ॑ତିଃ ପ୍ର॒ଜା ଅସୃ॑ଜତ । ତସ୍ମା॑ଦେ॒ଵ ଯୋନେଃ॒ ପ୍ର ଜା॑ଯତେ ॥ ବ୍ରା॒ହ୍ମ॒ଣୋ ଦ॑କ୍ଷିଣ॒ତ ଉପା᳚ସ୍ତେ । ବ୍ରା॒ହ୍ମ॒ଣୋ ଵୈ ପ୍ର॒ଜାନା॑-ମୁପଦ୍ର॒ଷ୍ଟା । ଉ॒ପ॒ଦ୍ର॒ଷ୍ଟୁ॒ମତ୍ଯେ॒ଵ ପ୍ର ଜା॑ଯତେ ॥ ଗ୍ରହୋ॑ ଭଵତି । ପ୍ର॒ଜାନାଗ୍ଂ॑ ସୃ॒ଷ୍ଟାନା॒-ନ୍ଧୃତ୍ଯୈ᳚ ॥ ଯ-ମ୍ବ୍ରା᳚ହ୍ମ॒ଣଂ-ଵିଁ॒ଦ୍ଯାଂ-ଵିଁ॒ଦ୍ଵାଗ୍ଂସଂ॒-ଯଁଶୋ॒ ନର୍ଚ୍ଛେତ୍ ॥ 3 ॥
ସୋ-ଽର॑ଣ୍ଯ-ମ୍ପ॒ରେତ୍ଯ॑ । ଦ॒ର୍ଭ॒ସ୍ତ॒ମ୍ବ-ମୁ॒ଦ୍ଗ୍ରତ୍ଥ୍ଯ॑ । ବ୍ରା॒ହ୍ମ॒ଣ-ନ୍ଦ॑କ୍ଷିଣ॒ତୋ ନି॒ଷାଦ୍ଯ॑ । ଚତୁ॑ର୍ହୋତୄ॒ନ୍ ଵ୍ଯାଚ॑କ୍ଷୀତ । ଏ॒ତଦ୍ଵୈ ଦେ॒ଵାନା᳚-ମ୍ପର॒ମ-ଙ୍ଗୁହ୍ଯ॒-ମ୍ବ୍ରହ୍ମ॑ । ଯଚ୍ଚତୁ॑ର୍ହୋତାରଃ । ତଦେ॒ଵ ପ୍ର॑କା॒ଶ-ଙ୍ଗ॑ମଯତି । ତଦେ॑ନ-ମ୍ପ୍ରକା॒ଶ-ଙ୍ଗ॒ତମ୍ । ପ୍ର॒କା॒ଶ-ମ୍ପ୍ର॒ଜାନା᳚-ଙ୍ଗମଯତି ॥ ଦ॒ର୍ଭ॒ସ୍ତ॒ମ୍ବ-ମୁ॒ଦ୍ଗ୍ରତ୍ଥ୍ଯ॒ ଵ୍ଯାଚ॑ଷ୍ଟେ ॥ 4 ॥
ଅ॒ଗ୍ନି॒ଵାନ୍. ଵୈ ଦ॑ର୍ଭସ୍ତ॒ମ୍ବଃ । ଅ॒ଗ୍ନି॒ଵତ୍ଯେ॒ଵ ଵ୍ଯାଚ॑ଷ୍ଟେ ॥ ବ୍ରା॒ହ୍ମ॒ଣୋ ଦ॑କ୍ଷିଣ॒ତ ଉପା᳚ସ୍ତେ । ବ୍ରା॒ହ୍ମ॒ଣୋ ଵୈ ପ୍ର॒ଜାନା॑-ମୁପଦ୍ର॒ଷ୍ଟା । ଉ॒ପ॒ଦ୍ର॒ଷ୍ଟୁ॒-ମତ୍ଯେ॒ଵୈନଂ॒-ଯଁଶ॑ ଋଚ୍ଛତି ॥ ଈ॒ଶ୍ଵ॒ର-ନ୍ତଂ-ଯଁଶୋ-ଽର୍ତୋ॒ରିତ୍ଯା॑ହୁଃ । ଯସ୍ଯାନ୍ତେ᳚ ଵ୍ଯା॒ଚଷ୍ଟ॒ ଇତି॑ । ଵର॒ସ୍ତସ୍ମୈ॒ ଦେଯଃ॑ । ଯଦେ॒ଵୈନ॒-ନ୍ତତ୍ରୋ॑ପ॒ ନମ॑ତି । ତଦେ॒ଵାଵ॑ ରୁନ୍ଧେ ॥ 5 ॥
ଅ॒ଗ୍ନିମା॒ଦଧା॑ନୋ॒ ଦଶ॑ହୋତ୍ରା॒ ଽରଣି॒ମଵ॑ଦଦ୍ଧ୍ଯାତ୍ । ପ୍ରଜା॑ତମେ॒ଵୈନ॒-ମାଧ॑ତ୍ତେ । ତେନୈ॒ଵୋଦ୍ଦ୍ରୁତ୍ଯା᳚ଗ୍ନିହୋ॒ତ୍ର-ଞ୍ଜୁ॑ହୁଯାତ୍ । ପ୍ରଜା॑ତମେ॒ଵୈନ॑ଜ୍ଜୁହୋତି । ହ॒ଵିର୍ନି॑ର୍ଵ॒ଫ୍ସ୍ଯନ୍-ଦଶ॑ହୋତାରଂ॒-ଵ୍ଯାଁଚ॑କ୍ଷୀତ । ପ୍ରଜା॑ତମେ॒ଵୈନ॒-ନ୍ନିର୍ଵ॑ପତି । ସା॒ମି॒ଧେ॒ନୀ-ର॑ନୁଵ॒କ୍ଷ୍ଯନ୍-ଦଶ॑ହୋତାରଂ॒-ଵ୍ଯାଁଚ॑କ୍ଷୀତ । ସା॒ମି॒ଧେ॒ନୀରେ॒ଵ ସୃ॒ଷ୍ଟ୍ଵା-ଽଽରଭ୍ଯ॒ ପ୍ର ତ॑ନୁତେ । ଅଥୋ॑ ଯ॒ଜ୍ଞୋ ଵୈ ଦଶ॑ହୋତା । ଯ॒ଜ୍ଞମେ॒ଵ ତ॑ନୁତେ ॥ 6 ॥
ଅ॒ଭି॒ଚର॒ନ୍-ଦଶ॑ହୋତାର-ଞ୍ଜୁହୁଯାତ୍ । ନଵ॒ ଵୈ ପୁରୁ॑ଷେ ପ୍ରା॒ଣାଃ । ନାଭି॑ର୍ଦଶ॒ମୀ । ସପ୍ରା॑ଣମେ॒ଵୈନ॑-ମ॒ଭିଚ॑ରତି । ଏ॒ତାଵ॒ଦ୍ଵୈ ପୁରୁ॑ଷସ୍ଯ॒ ସ୍ଵମ୍ । ଯାଵ॑-ତ୍ପ୍ରା॒ଣାଃ । ଯାଵ॑ଦେ॒ଵାସ୍ଯାସ୍ତି॑ । ତଦ॒ଭିଚ॑ରତି ॥ ସ୍ଵକୃ॑ତ॒ ଇରି॑ଣେ ଜୁହୋତି ପ୍ରଦ॒ରେ ଵା᳚ । ଏ॒ତଦ୍ଵା ଅ॒ସ୍ଯୈ ନିର୍-ଋ॑ତିଗୃହୀତମ୍ । ନିର୍-ଋ॑ତି ଗୃହୀତ ଏ॒ଵୈନ॒-ନ୍ନିର୍-ଋ॑ତ୍ଯା ଗ୍ରାହଯତି ॥ ଯ-ଦ୍ଵା॒ଚଃ କ୍ରୂ॒ରମ୍ । ତେନ॒ ଵଷ॑ଟ୍କରୋତି । ଵା॒ଚ ଏ॒ଵୈନ॑-ଙ୍କ୍ରୂ॒ରେଣ॒ ପ୍ର ଵୃ॑ଶ୍ଚତି । ତା॒ଜଗାର୍ତି॒ମାର୍ଚ୍ଛ॑ତି ॥ 7 ॥
(ଦଶ॑ହୋତା॒ - ସୃଷ୍ଟ୍ଯା॑ - ଋ॒ଚ୍ଛେ-ଦ୍- ଵ୍ଯାଚ॑ଷ୍ଟେ - ରୁନ୍ଧ - ଏ॒ଵ ତ॑ନୁତେ॒ - ନିର୍-ଋ॑ତିଗୃହୀତ॒-ମ୍ପଞ୍ଚ॑ ଚ) (ଅ. 1)
ଅନୁଵାକଂ 2 - ଚତୁର୍ହୋତ୍ରାଦିମନ୍ତ୍ରାଣା-ଙ୍କ୍ରତ୍ଵର୍ଥପ୍ରଯୋଗଃ
ପ୍ର॒ଜାପ॑ତିରକାମଯତ ଦର୍ଶପୂର୍ଣମା॒ସୌ ସୃ॑ଜେ॒ଯେତି॑ । ସ ଏ॒ତ-ଞ୍ଚତୁ॑ର୍ହୋତାର-ମପଶ୍ଯତ୍ । ତ-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑-ଽଜୁହୋତ୍ । ତତୋ॒ ଵୈ ସ ଦ॑ର୍ଶପୂର୍ଣମା॒ସାଵ॑ସୃଜତ । ତାଵ॑ସ୍ମା-ଥ୍ସୃ॒ଷ୍ଟାଵପା᳚କ୍ରାମତାମ୍ । ତୌ ଗ୍ରହେ॑ଣା ଗୃହ୍ଣାତ୍ । ତଦ୍ଗ୍ରହ॑ସ୍ଯ ଗ୍ରହ॒ତ୍ଵମ୍ । ଦ॒ର୍॒ଶ॒ପୂ॒ର୍ଣ॒ମା॒ସା-ଵା॒ଲଭ॑ମାନଃ । ଚତୁ॑ର୍ହୋତାର॒-ମ୍ମନ॑ସା-ଽନୁ॒ଦ୍ରୁତ୍ଯା॑-ହଵ॒ନୀଯେ॑ ଜୁହୁଯାତ୍ । ଦ॒ର୍॒ଶ॒ପୂ॒ର୍ଣ॒ମା॒ସାଵେ॒ଵ ସୃ॒ଷ୍ଟ୍ଵା-ଽଽରଭ୍ଯ॒ ପ୍ର ତ॑ନୁତେ ॥ 8 ॥
ଗ୍ରହୋ॑ ଭଵତି । ଦ॒ର୍॒ଶ॒ପୂ॒ର୍ଣ॒ମା॒ସଯୋ᳚-ସ୍ସୃ॒ଷ୍ଟଯୋ॒ର୍ଧୃତ୍ଯୈ᳚ ॥ ସୋ॑-ଽକାମଯତ ଚାତୁର୍ମା॒ସ୍ଯାନି॑ ସୃଜେ॒ଯେତି॑ । ସ ଏ॒ତ-ମ୍ପଞ୍ଚ॑ହୋତାର-ମପଶ୍ଯତ୍ । ତ-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑-ଽଜୁହୋତ୍ । ତତୋ॒ ଵୈ ସ ଚା॑ତୁର୍ମା॒ସ୍ଯାନ୍ଯ॑ସୃଜତ । ତାନ୍ଯ॑ସ୍ମା-ଥ୍ସୃ॒ଷ୍ଟାନ୍ଯପା᳚କ୍ରାମନ୍ନ୍ । ତାନି॒ ଗ୍ରହେ॑ଣାଗୃହ୍ଣାତ୍ । ତଦ୍ଗ୍ରହ॑ସ୍ଯ ଗ୍ରହ॒ତ୍ଵମ୍ । ଚା॒ତୁ॒ର୍ମା॒ସ୍ଯାନ୍ଯା॒ଲଭ॑ମାନଃ ॥ 9 ॥
ପଞ୍ଚ॑ହୋତାର॒-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑ ଜୁହୁଯାତ୍ । ଚା॒ତୁ॒ର୍ମା॒ସ୍ଯାନ୍ଯେ॒ଵ ସୃ॒ଷ୍ଟ୍ଵା-ଽଽରଭ୍ଯ॒ ପ୍ର ତ॑ନୁତେ । ଗ୍ରହୋ॑ ଭଵତି । ଚା॒ତୁ॒ର୍ମା॒ସ୍ଯାନାଗ୍ଂ॑ ସୃ॒ଷ୍ଟାନା॒-ନ୍ଧୃତ୍ଯୈ᳚ ॥ ସୋ॑-ଽକାମଯତ ପଶୁବ॒ନ୍ଧଗ୍ଂ ସୃ॑ଜେ॒ଯେତି॑ । ସ ଏ॒ତଗ୍ଂ ଷଡ୍ଢୋ॑ତାର-ମପଶ୍ଯତ୍ । ତ-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑-ଽଜୁହୋତ୍ । ତତୋ॒ ଵୈ ସ ପ॑ଶୁବ॒ନ୍ଧମ॑ସୃଜତ । ସୋ᳚-ଽସ୍ମା-ଥ୍ସୃ॒ଷ୍ଟୋ ଽପା᳚କ୍ରାମତ୍ । ତ-ଙ୍ଗ୍ରହେ॑ଣାଗୃହ୍ଣାତ୍ ॥ 10 ॥
ତଦ୍ଗ୍ରହ॑ସ୍ଯ ଗ୍ରହ॒ତ୍ଵମ୍ । ପ॒ଶୁ॒ବ॒ନ୍ଧେନ॑ ଯ॒କ୍ଷ୍ଯମା॑ଣଃ । ଷଡ୍ଢୋ॑ତାର॒-ମ୍ମନ॑ସା ଽନୁ॒ଦ୍ରୁତ୍ଯା॑ ହଵ॒ନୀଯେ॑ ଜୁହୁଯାତ୍ । ପ॒ଶୁ॒ବ॒ନ୍ଧମେ॒ଵ ସୃ॒ଷ୍ଟ୍ଵା-ଽଽରଭ୍ଯ॒ ପ୍ର ତ॑ନୁତେ । ଗ୍ରହୋ॑ ଭଵତି । ପ॒ଶୁ॒ବ॒ନ୍ଧସ୍ଯ॑ ସୃ॒ଷ୍ଟସ୍ଯ॒ ଧୃତ୍ଯୈ᳚ ॥ ସୋ॑-ଽକାମଯତ ସୌ॒ମ୍ଯ-ମ॑ଦ୍ଧ୍ଵ॒ରଗ୍ଂ ସୃ॑ଜେ॒ଯେତି॑ । ସ ଏ॒ତଗ୍ଂ ସ॒ପ୍ତହୋ॑ତାର-ମପଶ୍ଯତ୍ । ତ-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑ ଽଜୁହୋତ୍ । ତତୋ॒ ଵୈ ସ ସୌ॒ମ୍ଯ-ମ॑ଦ୍ଧ୍ଵ॒ର-ମ॑ସୃଜତ ॥ 11 ॥
ସୋ᳚-ଽସ୍ମା-ଥ୍ସୃ॒ଷ୍ଟୋ-ଽପା᳚କ୍ରାମତ୍ । ତ-ଙ୍ଗ୍ରହେ॑ଣାଗୃହ୍ଣାତ୍ । ତଦ୍ଗ୍ରହ॑ସ୍ଯ ଗ୍ରହ॒ତ୍ଵମ୍ । ଦୀ॒କ୍ଷି॒ଷ୍ଯମା॑ଣଃ । ସ॒ପ୍ତହୋ॑ତାର॒-ମ୍ମନ॑ସା-ଽନୁ॒ଦ୍ରୁତ୍ଯା॑ ହଵ॒ନୀଯେ॑ ଜୁହୁଯାତ୍ । ସୌ॒ମ୍ଯମେ॒ଵାଦ୍ଧ୍ଵ॒ରଗ୍ଂ ସୃ॒ଷ୍ଟ୍ଵା-ଽଽରଭ୍ଯ॒ ପ୍ର ତ॑ନୁତେ । ଗ୍ରହୋ॑ ଭଵତି । ସୌ॒ମ୍ଯସ୍ଯା᳚-ଦ୍ଧ୍ଵ॒ରସ୍ଯ॑ ସୃ॒ଷ୍ଟସ୍ଯ॒ ଧୃତ୍ଯୈ᳚ ॥ ଦେ॒ଵେଭ୍ଯୋ॒ ଵୈ ଯ॒ଜ୍ଞୋ ନ ପ୍ରାଭ॑ଵତ୍ । ତମେ॑ତାଵ॒ଚ୍ଛ-ସ୍ସମ॑ଭରନ୍ନ୍ ॥ 12 ॥
ଯ-ଥ୍ସ॑ଭାଂ॒ରାଃ । ତତୋ॒ ଵୈ ତେଭ୍ଯୋ॑ ଯ॒ଜ୍ଞଃ ପ୍ରାଭ॑ଵତ୍ । ଯ-ଥ୍ସ॑ଭାଂ॒ରା ଭଵ॑ନ୍ତି । ଯ॒ଜ୍ଞସ୍ଯ॒ ପ୍ରଭୂ᳚ତ୍ଯୈ ॥ ଆ॒ତି॒ତ୍ଥ୍ଯମା॒ସାଦ୍ଯ॒ ଵ୍ଯାଚ॑ଷ୍ଟେ । ଯ॒ଜ୍ଞ॒ମୁ॒ଖଂ-ଵାଁ ଆ॑ତି॒ଥ୍ଯମ୍ । ମୁ॒ଖ॒ତ ଏ॒ଵ ଯ॒ଜ୍ଞଗ୍ଂ ସ॒ଭୃନ୍ତ୍ଯ॒ ପ୍ର ତ॑ନୁତେ ॥ ଅଯ॑ଜ୍ଞୋ॒ ଵା ଏ॒ଷଃ । ଯୋ॑-ଽପ॒ତ୍ନୀକଃ॑ । ନ ପ୍ର॒ଜାଃ ପ୍ର ଜା॑ଯେରନ୍ନ୍ । ପତ୍ନୀ॒ର୍ଵ୍ଯାଚ॑ଷ୍ଟେ । ଯ॒ଜ୍ଞମେ॒ଵାକଃ॑ । ପ୍ର॒ଜାନା᳚-ମ୍ପ୍ର॒ଜନ॑ନାଯ ॥ ଉ॒ପ॒ସଥ୍ସୁ॒ ଵ୍ଯାଚ॑ଷ୍ଟେ । ଏ॒ତଦ୍ଵୈ ପତ୍ନୀ॑ନା-ମା॒ଯତ॑ନମ୍ । ସ୍ଵ ଏ॒ଵୈନା॑ ଆ॒ଯତ॒ନେ-ଽଵ॑ କଲ୍ପଯତି ॥ 13 ॥
(ତ॒ନୁ॒ତ॒ - ଆ॒ଲଭ॑ମାନୋ - ଽଗୃହ୍ଣା - ଦସୃଜ - ତାଭର - ଞ୍ଜାଯେର॒ନ୍-ଥ୍ଷଟ୍ଚ॑) (ଅ. 2)
ଅନୁଵାକଂ 3 - ଚତୁର୍ହୋତୃପଞ୍ଚହୋତୃମନ୍ତ୍ରଗ୍ରହଭାଗଯୋଃ ପୁରୁଷାର୍ଥ ପ୍ରଯୋଗଃ
ପ୍ର॒ଜାପ॑ତି-ରକାମଯତ॒ ପ୍ର ଜା॑ଯେ॒ଯେତି॑ । ସ ତପୋ॑-ଽତପ୍ଯତ । ସ ତ୍ରି॒ଵୃତ॒ଗ୍ଗ୍॒ ସ୍ତୋମ॑-ମସୃଜତ । ତ-ମ୍ପ॑ଞ୍ଚଦ॒ଶସ୍ତୋମୋ॑ ମଦ୍ଧ୍ଯ॒ତ ଉଦ॑ତୃଣତ୍ । ତୌ ପୂ᳚ର୍ଵପ॒କ୍ଷଶ୍ଚା॑ପରପ॒କ୍ଷଶ୍ଚା॑ଭଵତାମ୍ । ପୂ॒ର୍ଵ॒ପ॒କ୍ଷ-ନ୍ଦେ॒ଵା ଅନ୍ଵସୃ॑ଜ୍ଯନ୍ତ । ଅ॒ପ॒ର॒ପ॒କ୍ଷ-ମନ୍ଵସୁ॑ରାଃ । ତତୋ॑ ଦେ॒ଵା ଅଭ॑ଵନ୍ନ୍ । ପରା-ଽସୁ॑ରାଃ । ଯ-ଙ୍କା॒ମଯେ॑ତ॒ ଵସୀ॑ଯାନ୍-ଥ୍ସ୍ଯା॒ଦିତି॑ ॥ 14 ॥
ତ-ମ୍ପୂ᳚ର୍ଵପ॒କ୍ଷେ ଯା॑ଜଯେତ୍ । ଵସୀ॑ଯାନେ॒ଵ ଭ॑ଵତି । ଯ-ଙ୍କା॒ମଯେ॑ତ॒ ପାପୀ॑ଯାନ୍-ଥ୍ସ୍ଯା॒ଦିତି॑ । ତମ॑ପରପ॒କ୍ଷେ ଯା॑ଜଯେତ୍ । ପାପୀ॑ଯାନେ॒ଵ ଭ॑ଵତି । ତସ୍ମା᳚-ତ୍ପୂର୍ଵପ॒କ୍ଷୋ॑ ¶ପ॒କ୍ଷାତ୍-କ॑ରୁ॒ଣ୍ଯ॑ତରଃ ॥ ପ୍ର॒ଜାପ॑ତି॒ର୍ଵୈ ଦଶ॑ହୋତା । ଚତୁ॑ର୍ହୋତା॒ ପଞ୍ଚ॑ହୋତା । ଷଡ୍ଢୋ॑ତା ସ॒ପ୍ତହୋ॑ତା । ଋ॒ତଵଃ॑ ସଂଵଁଥ୍ସ॒ରଃ ॥ 15 ॥
ପ୍ର॒ଜାଃ ପ॒ଶଵ॑ ଇ॒ମେ ଲୋ॒କାଃ । ଯ ଏ॒ଵ-ମ୍ପ୍ର॒ଜାପ॑ତି-ମ୍ବ॒ହୋର୍ଭୂଯାଗ୍ଂ॑ସଂ॒-ଵେଁଦ॑ । ବ॒ହୋରେ॒ଵ ଭୂଯା᳚-ନ୍ଭଵତି ॥ ପ୍ର॒ଜାପ॑ତି-ର୍ଦେଵାସୁ॒ରାନ॑ସୃଜତ । ସ ଇନ୍ଦ୍ର॒ମପି॒ ନାସୃ॑ଜତ । ତ-ନ୍ଦେ॒ଵା ଅ॑ବ୍ରୁଵନ୍ନ୍ । ଇନ୍ଦ୍ର॑-ନ୍ନୋ ଜନ॒ଯେତି॑ । ସୋ᳚-ଽବ୍ରଵୀତ୍ । ଯଥା॒ ଽହଂ-ଯୁଁ॒ଷ୍ମାଗ୍ ସ୍ତପ॒ସା ଽସୃ॑କ୍ଷି । ଏ॒ଵମିନ୍ଦ୍ର॑-ଞ୍ଜନଯଦ୍ଧ୍ଵ॒ମିତି॑ ॥ 16 ॥
ତେ ତପୋ॑-ଽତପ୍ଯନ୍ତ । ତ ଆ॒ତ୍ମନ୍ନିନ୍ଦ୍ର॑-ମପଶ୍ଯନ୍ନ୍ । ତମ॑ବ୍ରୁଵନ୍ନ୍ । ଜାଯ॒ସ୍ଵେତି॑ । ସୋ᳚-ଽବ୍ରଵୀତ୍ । କି-ମ୍ଭା॑ଗ॒ଧେଯ॑-ମ॒ଭିଜ॑ନିଷ୍ଯ॒ ଇତି॑ । ଋ॒ତୂନ୍-ଥ୍ସଂ॑ଵଁଥ୍ସ॒ରମ୍ । ପ୍ର॒ଜାଃ ପ॒ଶୂନ୍ । ଇ॒ମାଲ୍ ଁଲୋ॒କାନିତ୍ଯ॑ବ୍ରୁଵନ୍ନ୍ । ତଂ-ଵୈଁ ମା-ଽଽହୁ॑ତ୍ଯା॒ ପ୍ରଜ॑ନଯ॒ତେତ୍ଯ॑ବ୍ରଵୀତ୍ ॥ 17 ॥
ତ-ଞ୍ଚତୁ॑ର୍ହୋତ୍ରା॒ ପ୍ରାଜ॑ନଯନ୍ନ୍ ॥ ଯଃ କା॒ମଯେ॑ତ ଵୀ॒ରୋ ମ॒ ଆ ଜା॑ଯେ॒ତେତି॑ । ସ ଚତୁ॑ର୍ହୋତାର-ଞ୍ଜୁହୁଯାତ୍ । ପ୍ର॒ଜାପ॑ତି॒ର୍ଵୈ ଚତୁ॑ର୍ହୋତା । ପ୍ର॒ଜାପ॑ତିରେ॒ଵ ଭୂ॒ତ୍ଵା ପ୍ରଜା॑ଯତେ । ଜ॒ଜନ॒ଦିନ୍ଦ୍ର॑-ମିନ୍ଦ୍ରି॒ଯାଯ॒ ସ୍ଵାହେତି॒ ଗ୍ରହେ॑ଣ ଜୁହୋତି । ଆ-ଽସ୍ଯ॑ ଵୀ॒ରୋ ଜା॑ଯତେ । ଵୀ॒ରଗ୍ଂ ହି ଦେ॒ଵା ଏ॒ତଯା ଽଽହୁ॑ତ୍ଯା॒ ପ୍ରାଜ॑ନଯନ୍ନ୍ ॥ ଆ॒ଦି॒ତ୍ଯାଶ୍ଚାଙ୍ଗି॑ରସଶ୍ଚ ସୁଵ॒ର୍ଗେ ଲୋ॒କେ᳚ ଽସ୍ପର୍ଧନ୍ତ । ଵ॒ଯ-ମ୍ପୂର୍ଵେ॑ ସୁଵ॒ର୍ଗଂ-ଲୋଁ॒କମି॑ଯାମ ଵ॒ଯ-ମ୍ପୂର୍ଵ॒ ଇତି॑ ॥ 18 ॥
ତ ଆ॑ଦି॒ତ୍ଯା ଏ॒ତ-ମ୍ପଞ୍ଚ॑ହୋତାର-ମପଶ୍ଯନ୍ନ୍ । ତ-ମ୍ପୁ॒ରା ପ୍ରା॑ତରନୁଵା॒କାଦାଗ୍ନୀ᳚ଦ୍ଧ୍ରେ ଽଜୁହଵୁଃ । ତତୋ॒ ଵୈ ତେ ପୂର୍ଵେ॑ ସୁଵ॒ର୍ଗଂ-ଲୋଁ॒କମା॑ଯନ୍ନ୍ । ଯ-ସ୍ସୁ॑ଵ॒ର୍ଗକା॑ମ॒-ସ୍ସ୍ଯାତ୍ । ସ ପଞ୍ଚ॑ହୋତାର-ମ୍ପୁ॒ରା ପ୍ରା॑ତରନୁଵା॒କାଦାଗ୍ନୀ᳚ଦ୍ଧ୍ରେ ଜୁହୁଯାତ୍ । ସଂ॒ଵଁ॒ଥ୍ସ॒ରୋ ଵୈ ପଞ୍ଚ॑ହୋତା । ସଂ॒ଵଁ॒ଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କଃ । ସଂ॒ଵଁ॒ଥ୍ସ॒ର ଏ॒ଵର୍ତୁଷୁ॑ ପ୍ରତି॒ଷ୍ଠାଯ॑ । ସୁ॒ଵ॒ର୍ଗଂ-ଲୋଁ॒କମେ॑ତି ॥ ତେ᳚ବ୍ରୁଵ॒-ନ୍ନଙ୍ଗି॑ରସ ଆଦି॒ତ୍ଯାନ୍ ॥ 19 ॥
କ୍ଵ॑ ସ୍ଥ । କ୍ଵ॑ ଵ-ସ୍ସ॒ଦ୍ଭ୍ଯୋ ହ॒ଵ୍ଯଂ-ଵଁ॑କ୍ଷ୍ଯାମ॒ ଇତି॑ । ଛନ୍ଦ॒-ସ୍ସ୍ଵିତ୍ଯ॑ବ୍ରୁଵନ୍ନ୍ । ଗା॒ଯ॒ତ୍ରି॒ଯା-ନ୍ତ୍ରି॒ଷ୍ଟୁଭି॒-ଜଗ॑ତ୍ଯା॒ମିତି॑ । ତସ୍ମା॒ଚ୍ଛନ୍ଦଃ॑ ସୁ ସ॒ଦ୍ଭ୍ଯ ଆ॑ଦି॒ତ୍ଯେଭ୍ଯଃ॑ । ଆ॒ଙ୍ଗୀ॒ର॒ସୀଃ ପ୍ର॒ଜା ହ॒ଵ୍ଯଂ-ଵଁ॑ହନ୍ତି । ଵହ॑ନ୍ତ୍ଯସ୍ମୈ ପ୍ର॒ଜା ବ॒ଲିମ୍ । ଐନ॒ମପ୍ର॑ତିଖ୍ଯାତ-ଙ୍ଗଚ୍ଛତି । ଯ ଏ॒ଵଂ-ଵେଁଦ॑ ॥ ଦ୍ଵାଦ॑ଶ॒ ମାସାଃ॒ ପଞ୍ଚ॒ର୍ତଵଃ॑ । ତ୍ରଯ॑ ଇ॒ମେ ଲୋ॒କାଃ । ଅ॒ସାଵା॑ଦି॒ତ୍ଯ ଏ॑କଵି॒ଗ୍ଂ॒ଶଃ । ଏ॒ତସ୍ମି॒ନ୍ ଵା ଏ॒ଷ ଶ୍ରି॒ତଃ । ଏ॒ତସ୍ମି॒ନ୍-ପ୍ରତି॑ଷ୍ଠିତଃ । ଯ ଏ॒ଵମେ॒ତଗ୍ଗ୍ ଶ୍ରି॒ତ-ମ୍ପ୍ରତି॑ଷ୍ଠିତଂ॒-ଵେଁଦ॑ । ପ୍ରତ୍ଯେ॒ଵ ତି॑ଷ୍ଠତି ॥ 20 ॥
(ସ୍ଯା॒ଦିତି॑ - ସଂଵଁଥ୍ସ॒ରୋ - ଜ॑ନଯଦ୍ଧ୍ଵ॒ମିତୀ - ତ୍ଯ॑ବ୍ରଵୀ॒ତ୍ - ପୂର୍ଵ॒ ଇତ୍ଯା॑ - ଦି॒ତ୍ଯାନ୍ - ଋ॒ତଵ॒-ଷ୍ଷଟ୍ଚ॑) (ଅ. 3)
ଅନୁଵାକଂ 4 - ଜଗ-ଥ୍ସୃଷ୍ଟିକଥନମୁଖେନ ହୋତୃମନ୍ତ୍ରପ୍ରଶଂସା
ପ୍ର॒ଜାପ॑ତି-ରକାମଯତ॒ ପ୍ରଜା॑ଯେ॒ଯେତି॑ । ସ ଏ॒ତ-ନ୍ଦଶ॑ହୋତାର-ମପଶ୍ଯତ୍ । ତେନ॑ ଦଶ॒ଧା ଽଽତ୍ମାନଂ॑-ଵିଁ॒ଧାଯ॑ । ଦଶ॑ହୋତ୍ରା ଽତପ୍ଯତ । ତସ୍ଯ॒ ଚିତ୍ତି॒-ସ୍ସ୍ରୁଗାସୀ᳚ତ୍ । ଚି॒ତ୍ତମାଜ୍ଯ᳚ମ୍ । ତସ୍ଯୈ॒ତା॑ଵତ୍ଯେ॒ଵ ଵାଗାସୀ᳚ତ୍ । ଏ॒ତାଵାନ୍॑. ଯଜ୍ଞକ୍ର॒ତୁଃ ॥ ସ ଚତୁ॑ର୍ହୋତାର-ମସୃଜତ । ସୋ॑-ଽନନ୍ଦତ୍ ॥ 21 ॥
ଅସୃ॑କ୍ଷି॒ ଵା ଇ॒ମମିତି॑ । ତସ୍ଯ॒ ସୋମୋ॑ ହ॒ଵିରାସୀ᳚ତ୍ । ସ ଚତୁ॑ର୍ହୋତ୍ରା ଽତପ୍ଯତ । ସୋ॑-ଽତାମ୍ଯତ୍ । ସ ଭୂରିତି॒ ଵ୍ଯାହ॑ରତ୍ । ସ ଭୂମି॑ମସୃଜତ । ଅ॒ଗ୍ନି॒ହୋ॒ତ୍ର-ନ୍ଦ॑ର୍ଶପୂର୍ଣମା॒ସୌ ଯଜୂଗ୍ଂ॑ଷି । ସ ଦ୍ଵି॒ତୀଯ॑ମତପ୍ଯତ । ସୋ॑-ଽତାମ୍ଯତ୍ । ସ ଭୁଵ॒ ଇତି॒ ଵ୍ଯାହ॑ରତ୍ ॥ 22 ॥
ସୋ᳚-ଽନ୍ତରି॑କ୍ଷ-ମସୃଜତ । ଚା॒ତୁ॒ର୍ମା॒ସ୍ଯାନି॒ ସାମା॑ନି । ସ ତୃ॒ତୀଯ॑ମତପ୍ଯତ । ସୋ॑-ଽତାମ୍ଯତ୍ । ସ ସୁଵ॒ରିତି॒ ଵ୍ଯାହ॑ରତ୍ । ସ ଦିଵ॑ମସୃଜତ । ଅ॒ଗ୍ନି॒ଷ୍ଟୋ॒ମ-ମୁ॒କ୍ଥ୍ଯ॑-ମତିରା॒ତ୍ରମୃଚଃ॑ । ଏ॒ତା ଵୈ ଵ୍ଯାହୃ॑ତଯ ଇ॒ମେ ଲୋ॒କାଃ । ଇ॒ମା-ନ୍ଖଲୁ॒ ଵୈ ଲୋ॒କାନନୁ॑ ପ୍ର॒ଜାଃ ପ॒ଶଵ॒ଶ୍ଛନ୍ଦାଗ୍ଂ॑ସି॒ ପ୍ରାଜା॑ଯନ୍ତ । ଯ ଏ॒ଵମେ॒ତାଃ ପ୍ର॒ଜାପ॑ତେଃ ପ୍ରଥ॒ମା ଵ୍ଯାହୃ॑ତୀଃ॒ ପ୍ରଜା॑ତା॒ ଵେଦ॑ ॥ 23 ॥
ପ୍ର ପ୍ର॒ଜଯା॑ ପ॒ଶୁଭି॑-ର୍ମିଥୁ॒ନୈ-ର୍ଜା॑ଯତେ ॥ ସ ପଞ୍ଚ॑ହୋତାର-ମସୃଜତ । ସ ହ॒ଵିର୍ନା-ଵି॑ନ୍ଦତ । ତସ୍ମୈ॒ ସୋମ॑-ସ୍ତ॒ନୁଵ॒-ମ୍ପ୍ରାଯ॑ଚ୍ଛତ୍ । ଏ॒ତ-ତ୍ତେ॑ ହ॒ଵିରିତି॑ । ସ ପଞ୍ଚ॑ହୋତ୍ରା ଽତପ୍ଯତ । ସୋ॑-ଽତାମ୍ଯତ୍ । ସ ପ୍ର॒ତ୍ଯଙ୍ଙ॑ବାଧତ । ସୋ-ଽସୁ॑ରା-ନସୃଜତ । ତଦ॒ସ୍ଯା ପ୍ରି॑ଯମାସୀତ୍ ॥ 24 ॥
ତ-ଦ୍ଦୁ॒ର୍ଵର୍ଣ॒ଗ୍ଂ॒ ହିର॑ଣ୍ଯମଭଵତ୍ । ତ-ଦ୍ଦୁ॒ର୍ଵର୍ଣ॑ସ୍ଯ॒ ହିର॑ଣ୍ଯସ୍ଯ॒ ଜନ୍ମ॑ । ସ ଦ୍ଵି॒ତୀଯ॑ମତପ୍ଯତ । ସୋ॑-ଽତାମ୍ଯତ୍ । ସ ପ୍ରାଂଅ॑ବାଧତ । ସ ଦେ॒ଵାନ॑ସୃଜତ । ତଦ॑ସ୍ଯ ପ୍ରି॒ଯମ॑ସୀତ୍ । ତ-ଥ୍ସୁ॒ଵର୍ଣ॒ଗ୍ଂ॒ ହିର॑ଣ୍ଯମଭଵତ୍ । ତ-ଥ୍ସୁ॒ଵର୍ଣ॑ସ୍ଯ॒ ହିର॑ଣ୍ଯସ୍ଯ॒ ଜନ୍ମ॑ । ଯ ଏ॒ଵଗ୍ଂ ସୁ॒ଵର୍ଣ॑ସ୍ଯ॒ ହିର॑ଣ୍ଯସ୍ଯ॒ ଜନ୍ମ॒ ଵେଦ॑ ॥ 25 ॥
ସୁ॒ଵର୍ଣ॑ ଆ॒ତ୍ମନା॑ ଭଵତି । ଦୁ॒ର୍ଵର୍ଣୋ᳚-ଽସ୍ଯ॒ ଭ୍ରାତୃ॑ଵ୍ଯଃ । ତସ୍ମା᳚-ଥ୍ସୁ॒ଵର୍ଣ॒ଗ୍ଂ॒ ହିର॑ଣ୍ଯ-ମ୍ଭା॒ର୍ଯ᳚ମ୍ । ସୁ॒ଵର୍ଣ॑ ଏ॒ଵ ଭ॑ଵତି । ଐନ॑-ମ୍ପ୍ରି॒ଯ-ଙ୍ଗ॑ଚ୍ଛତି॒ ନାପ୍ରି॑ଯମ୍ ॥ ସ ସ॒ପ୍ତହୋ॑ତାର-ମସୃଜତ । ସ ସ॒ପ୍ତହୋ᳚ତ୍ରୈ॒ଵ ସୁ॑ଵ॒ର୍ଗଂ-ଲୋଁ॒କମୈ᳚ତ୍ ॥ ତ୍ରି॒ଣ॒ଵେନ॒ ସ୍ତୋମେ॑ନୈ॒ଭ୍ଯୋ ଲୋ॒କେଭ୍ଯୋ-ଽସୁ॑ରା॒-ନ୍ପ୍ରାଣୁ॑ଦତ । ତ୍ର॒ଯ॒ସ୍ତ୍ରି॒ଗ୍ଂ॒ଶେନ॒ ପ୍ରତ୍ଯ॑ତିଷ୍ଠତ୍ । ଏ॒କ॒ଵି॒ଗ୍ଂ॒ଶେନ॒ ରୁଚ॑ମଧତ୍ତ ॥ 26 ॥
ସ॒ପ୍ତ॒ଦ॒ଶେନ॒ ପ୍ରାଜା॑ଯତ । ଯ ଏ॒ଵଂ-ଵିଁ॒ଦ୍ଵାନ୍-ଥ୍ସୋମେ॑ନ॒ ଯଜ॑ତେ । ସ॒ପ୍ତହୋ᳚ତ୍ରୈ॒ଵ ସୁ॑ଵ॒ର୍ଗଂ-ଲୋଁ॒କମେ॑ତି । ତ୍ରି॒ଣ॒ଵେନ॒ ସ୍ତୋମେ॑ନୈ॒ଭ୍ଯୋ ଲୋ॒କେଭ୍ଯୋ॒ ଭ୍ରାତୃ॑ଵ୍ଯା॒ନ୍-ପ୍ରଣୁ॑ଦତେ । ତ୍ର॒ଯ॒ସ୍ତ୍ରି॒ଗ୍ଂ॒ଶେନ॒ ପ୍ରତି॑ ତିଷ୍ଠତି । ଏ॒କ॒ଵି॒ଗ୍ଂ॒ଶେନ॒ ରୁଚ॑-ନ୍ଧତ୍ତେ । ସ॒ପ୍ତ॒ଦ॒ଶେନ॒ ପ୍ରଜା॑ଯତେ । ତସ୍ମା᳚-ଥ୍ସପ୍ତଦ॒ଶ-ସ୍ସ୍ତୋମୋ॒ ନ ନି॒ର୍॒ହୃତ୍ଯଃ॑ । ପ୍ର॒ଜାପ॑ତି॒ ର୍ଵୈ ସ॑ପ୍ତଦ॒ଶଃ । ପ୍ର॒ଜାପ॑ତିମେ॒ଵ ମ॑ଦ୍ଧ୍ଯ॒ତୋ ଧ॑ତ୍ତେ॒ ପ୍ରଜା᳚ତ୍ଯୈ ॥ 27 ॥
(ଅ॒ନ॒ନ୍ଦ॒-ଦ୍- ଭୁଵ॒ ଇତି॒ ଵ୍ଯାହ॑ର॒-ଦ୍- ଵେଦା॑ - ସୀ॒-ଦ୍- ଵେଦା॑ - ଧତ୍ତ॒ - ପ୍ରଜା᳚ତ୍ଯୈ) (ଅ. 4)
ଅନୁଵାକଂ 5 - ଦକ୍ଷିଣାପ୍ରତିଗ୍ରହମନ୍ତ୍ରଵ୍ଯାଖ୍ଯାନମ୍
ଦେ॒ଵା ଵୈ ଵରୁ॑ଣମଯାଜଯନ୍ନ୍ । ସ ଯସ୍ଯୈ॑ ଯସ୍ଯୈ ଦେ॒ଵତା॑ଯୈ॒ ଦକ୍ଷି॑ଣା॒ମନ॑ଯତ୍ । ତାମ॑ଵ୍ଲୀନାତ୍ । ତେ᳚-ଽବ୍ରୁଵନ୍ନ୍ । ଵ୍ଯା॒ଵୃତ୍ଯ॒ ପ୍ରତି॑ ଗୃହ୍ଣାମ । ତଥା॑ ନୋ॒ ଦକ୍ଷି॑ଣା॒ ନ ଵ୍ଲେ᳚ଷ୍ଯ॒ତୀତି॑ । ତେ ଵ୍ଯା॒ଵୃତ୍ଯ॒ ପ୍ରତ୍ଯ॑ଗୃହ୍ଣନ୍ନ୍ । ତତୋ॒ ଵୈ ତା-ନ୍ଦକ୍ଷି॑ଣା॒ ନାଵ୍ଲୀ॑ନାତ୍ । ଯ ଏ॒ଵଂ-ଵିଁ॒ଦ୍ଵାନ୍ ଵ୍ଯା॒ଵୃତ୍ଯ॒ ଦକ୍ଷି॑ଣା-ମ୍ପ୍ରତିଗୃ॒ହ୍ଣାତି॑ । ନୈନ॒-ନ୍ଦକ୍ଷି॑ଣା ଵ୍ଲୀନାତି ॥ 28 ॥
ରାଜା᳚ ତ୍ଵା॒ ଵରୁ॑ଣୋ ନଯତୁ ଦେଵି ଦକ୍ଷିଣେ॒-ଽଗ୍ନଯେ॒ ହିର॑ଣ୍ଯ॒ମିତ୍ଯା॑ହ । ଆ॒ଗ୍ନେ॒ଯଂ-ଵୈଁ ହିର॑ଣ୍ଯମ୍ । ସ୍ଵଯୈ॒ଵୈନ॑-ଦ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ସୋମା॑ଯ॒ ଵାସ॒ ଇତ୍ଯା॑ହ । ସୌ॒ମ୍ଯଂ-ଵୈଁ ଵାସଃ॑ । ସ୍ଵଯୈ॒ଵୈନ॑-ଦ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ରୁ॒ଦ୍ରାଯ॒ ଗାମିତ୍ଯା॑ହ । ରୌ॒ଦ୍ରୀ ଵୈ ଗୌଃ । ସ୍ଵଯୈ॒ଵୈନା᳚-ନ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ଵରୁ॑ଣା॒ଯାଶ୍ଵ॒ମିତ୍ଯା॑ହ ॥ 29 ॥
ଵା॒ରୁ॒ଣୋ ଵା ଅଶ୍ଵଃ॑ । ସ୍ଵଯୈ॒ଵୈନ॑-ନ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ପ୍ରା॒ଜାପ॑ତଯେ॒ ପୁରୁ॑ଷ॒ମିତ୍ଯା॑ହ । ପ୍ରା॒ଜା॒ପ॒ତ୍ଯୋ ଵୈ ପୁରୁ॑ଷଃ । ସ୍ଵଯୈ॒ଵୈନ॑-ନ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ମନ॑ଵେ॒ ତଲ୍ପ॒ମିତ୍ଯା॑ହ । ମା॒ନ॒ଵୋ ଵୈ ତଲ୍ପଃ॑ । ସ୍ଵଯୈ॒ଵୈନ॑-ନ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି । ଉ॒ତ୍ତା॒ନାଯା᳚ଙ୍ଗୀର॒ସାଯାନ॒ ଇତ୍ଯା॑ହ । ଇ॒ଯଂ-ଵାଁ ଉ॑ତ୍ତା॒ନ ଆ᳚ଙ୍ଗୀର॒ସଃ ॥ 30 ॥
ଅ॒ନଯୈ॒ଵୈନ॒ତ୍-ପ୍ରତି॑ ଗୃହ୍ଣାତି ॥ ଵୈ॒ଶ୍ଵା॒ନ॒ର୍ଯାର୍ଚା ରଥ॒-ମ୍ପ୍ରତି॑ ଗୃହ୍ଣାତି । ଵୈ॒ଶ୍ଵା॒ନ॒ରୋ ଵୈ ଦେ॒ଵତ॑ଯା॒ ରଥଃ॑ । ସ୍ଵଯୈ॒ଵୈନ॑-ନ୍ଦେ॒ଵତ॑ଯା॒ ପ୍ରତି॑ ଗୃହ୍ଣାତି ॥ ତେନା॑ମୃତ॒ତ୍ଵମ॑ଶ୍ଯା॒-ମିତ୍ଯା॑ହ । ଅ॒ମୃତ॑ମେ॒ଵାତ୍ମନ୍-ଧ॑ତ୍ତେ ॥ ଵଯୋ॑ ଦା॒ତ୍ର ଇତ୍ଯା॑ହ । ଵଯ॑ ଏ॒ଵୈନ॑-ଙ୍କୃ॒ତ୍ଵା । ସୁ॒ଵ॒ର୍ଗଂ-ଲୋଁ॒କ-ଙ୍ଗ॑ମଯତି ॥ ମଯୋ॒ ମହ୍ଯ॑ମସ୍ତୁ ପ୍ରତିଗ୍ରହୀ॒ତ୍ର ଇତ୍ଯା॑ହ ॥ 31 ॥
ଯଦ୍ଵୈ ଶି॒ଵମ୍ । ତନ୍ମଯଃ॑ । ଆ॒ତ୍ମନ॑ ଏ॒ଵୈଷା ପରୀ᳚ତ୍ତିଃ ॥ କ ଇ॒ଦ-ଙ୍କସ୍ମା॑ ଅଦା॒ଦିତ୍ଯା॑ହ । ପ୍ର॒ଜାପ॑ତି॒ର୍ଵୈ କଃ । ସ ପ୍ର॒ଜାପ॑ତଯେ ଦଦାତି ॥ କାମଃ॒ କାମା॒ଯେତ୍ଯା॑ହ । କାମେ॑ନ॒ ହି ଦଦା॑ତି । କାମେ॑ନ ପ୍ରତିଗୃ॒ହ୍ଣାତି॑ ॥ କାମୋ॑ ଦା॒ତା କାମଃ॑ ପ୍ରତି ଗ୍ରହୀ॒ତେତ୍ଯା॑ହ ॥ 32 ॥
କାମୋ॒ ହି ଦା॒ତା । କାମଃ॑ ପ୍ରତି ଗ୍ରହୀ॒ତା ॥ କାମଗ୍ଂ॑ ସମୁ॒ଦ୍ର-ମାଵି॒ଶେତ୍ଯା॑ହ । ସ॒ମୁ॒ଦ୍ର ଇ॑ଵ॒ ହି କାମଃ॑ । ନେଵ॒ ହି କାମ॒ସ୍ଯାନ୍ତୋ-ଽସ୍ତି॑ । ନ ସ॑ମୁ॒ଦ୍ରସ୍ଯ॑ ॥ କାମେ॑ନ ତ୍ଵା॒ ପ୍ରତି॑ ଗୃହ୍ଣା॒ମୀତ୍ଯା॑ହ । ଯେନ॒ କାମେ॑ନ ପ୍ରତି ଗୃ॒ହ୍ଣାତି॑ । ସ ଏ॒ଵୈନ॑ମ॒ମୁଷ୍ମି॑ଲ୍ ଁଲୋ॒କେ କାମ॒ ଆଗ॑ଚ୍ଛତି ॥ କାମୈ॒ତତ୍ତ॑ ଏ॒ଷା ତେ॑ କାମ॒ ଦକ୍ଷି॒ଣେତ୍ଯା॑ହ । କାମ॑ ଏ॒ଵ ତ-ଦ୍ଯଜ॑ମାନୋ॒-ଽମୁଷ୍ମି॑ଲ୍ ଁଲୋ॒କେ ଦକ୍ଷି॑ଣାମିଚ୍ଛତି । ନ ପ୍ର॑ତିଗ୍ରହୀ॒ତରି॑ ॥ ଯ ଏ॒ଵଂ-ଵିଁ॒ଦ୍ଵାନ୍-ଦକ୍ଷି॑ଣା-ମ୍ପ୍ରତିଗୃ॒ହ୍ଣାତି॑ । ଅ॒ନୃ॒ଣାମେ॒ଵୈନା॒-ମ୍ପ୍ରତି॑ ଗୃହ୍ଣାତି ॥ 33 ॥
(ଵ୍ଲୀ॒ନା॒ତ୍ଯ - ଶ୍ଵ॒ମିତ୍ଯା॑ହା - ଙ୍ଗିର॒ସଃ - ପ୍ର॑ତିଗ୍ରହୀ॒ତ୍ର ଇତ୍ଯା॑ହ - ପ୍ରତିଗ୍ରହୀ॒ତେତ୍ଯା॑ହ॒ - ଦକ୍ଷି॒ଣେତ୍ଯା॑ହ ଚ॒ତ୍ଵାରି॑ ଚ) (ଅ. 5)
ଅନୁଵାକଂ 6 - ଦ୍ଵାଦଶାହଦଶମେ-ଽହନି ହୋତୃମନ୍ତ୍ରାଃ
ଅନ୍ତୋ॒ ଵା ଏ॒ଷ ଯ॒ଜ୍ଞସ୍ଯ॑ । ଯ-ଦ୍ଦ॑ଶ॒ମମହଃ॑ । ଦ॒ଶ॒ମେ-ଽହ᳚ନ୍-ଥ୍ସର୍ପରା॒ଜ୍ଞିଯା॑ ଋ॒ଗ୍ଭି-ସ୍ସ୍ତୁ॑ଵନ୍ତି । ଯ॒ଜ୍ଞସ୍ଯୈ॒ଵାନ୍ତ॑-ଙ୍ଗ॒ତ୍ଵା । ଅ॒ନ୍ନାଦ୍ଯ॒ମଵ॑ରୁନ୍ଧତେ ॥ ତି॒ସୃଭିଃ॑ ସ୍ତୁଵନ୍ତି । ତ୍ରଯ॑ ଇ॒ମେ ଲୋ॒କାଃ । ଏ॒ଭ୍ଯ ଏ॒ଵ ଲୋ॒କେଭ୍ଯୋ॒-ଽନ୍ନାଦ୍ଯ॒ମଵ॑ରୁନ୍ଧତେ । ପୃଶ୍ନି॑ଵତୀ-ର୍ଭଵନ୍ତି । ଅନ୍ନଂ॒-ଵୈଁ ପୃଶ୍ନି॑ ॥ 34 ॥
ଅନ୍ନ॑ମେ॒ଵାଵ॑-ରୁନ୍ଧତେ ॥ ମନ॑ସା॒ ପ୍ରସ୍ତୌ॑ତି । ମନ॒ସୋଦ୍ଗା॑ଯତି । ମନ॑ସା॒ ପ୍ରତି॑ ହରତି । ମନ॑ ଇଵ॒ ହି ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ଯୈ᳚ ॥ ଦେ॒ଵା ଵୈ ସ॒ର୍ପାଃ । ତେଷା॑ମି॒ଯଗ୍ଂ ରାଜ୍ଞୀ᳚ । ଯ-ଥ୍ସ॑ର୍ପରା॒ଜ୍ଞିଯା॑ ଋ॒ଗ୍ଭି-ସ୍ସ୍ତୁ॒ଵନ୍ତି॑ । ଅ॒ସ୍ଯାମେ॒ଵ ପ୍ରତି॑ ତିଷ୍ଠନ୍ତି ॥ 35 ॥
ଚତୁ॑ର୍ହୋତୄ॒ନ୍॒. ହୋତା॒ ଵ୍ଯାଚ॑ଷ୍ଟେ । ସ୍ତୁ॒ତମନୁ॑ଶଗ୍ଂସତି॒ ଶାନ୍ତ୍ଯୈ᳚ ॥ ଅନ୍ତୋ॒ ଵା ଏ॒ଷ ଯ॒ଜ୍ଞସ୍ଯ॑ । ଯ-ଦ୍ଦ॑ଶ॒ମମହଃ॑ । ଏ॒ତ-ତ୍ଖଲୁ॒ ଵୈ ଦେ॒ଵାନା᳚-ମ୍ପର॒ମ-ଙ୍ଗୁହ୍ଯ॒-ମ୍ବ୍ରହ୍ମ॑ । ଯଚ୍ଚତୁ॑ର୍ହୋତାରଃ । ଦ॒ଶ॒ମେ-ଽହ॒ଗ୍ଗ୍॒-ଶ୍ଚତୁ॑ର୍ହୋତୄ॒ନ୍ ଵ୍ଯାଚ॑ଷ୍ଟେ । ଯ॒ଜ୍ଞସ୍ଯୈ॒ଵାନ୍ତ॑-ଙ୍ଗ॒ତ୍ଵା । ପ॒ର॒ମ-ନ୍ଦେ॒ଵାନା॒-ଙ୍ଗୁହ୍ଯ॒-ମ୍ବ୍ରହ୍ମାଵ॑ରୁନ୍ଧେ । ତଦେ॒ଵ ପ୍ର॑କା॒ଶ-ଙ୍ଗ॑ମଯତି ॥ 36 ॥
ତଦେ॑ନ-ମ୍ପ୍ରକା॒ଶ-ଙ୍ଗ॒ତମ୍ । ପ୍ର॒କା॒ଶ-ମ୍ପ୍ର॒ଜାନା᳚-ଙ୍ଗମଯତି ॥ ଵାଚଂ॑-ଯଁଚ୍ଛତି । ଯ॒ଜ୍ଞସ୍ଯ॒ ଧୃତ୍ଯୈ᳚ ॥ ଯ॒ଜ॒ମା॒ନ॒ଦେ॒ଵ॒ତ୍ଯଂ॑-ଵାଁ ଅହଃ॑ । ଭ୍ରା॒ତୃ॒ଵ୍ଯ॒ଦେ॒ଵ॒ତ୍ଯା॑ ରାତ୍ରିଃ॑ । ଅହ୍ନା॒ ରାତ୍ରି॑-ନ୍ଧ୍ଯାଯେତ୍ । ଭ୍ରାତୃ॑ଵ୍ଯସ୍ଯୈ॒ଵ ତଲ୍ଲୋ॒କଂ-ଵୃଁ॑ଙ୍କ୍ତେ । ଯଦ୍ଦିଵା॒ ଵାଚଂ॑-ଵିଁସୃ॒ଜେତ୍ । ଅହ॒ର୍ଭ୍ରାତୃ॑ଵ୍ଯା॒ଯୋଚ୍ଛିଗ୍ଂ॑ଷେତ୍ । ଯନ୍ନକ୍ତଂ॑-ଵିଁସୃ॒ଜେତ୍ । ରାତ୍ରି॒-ମ୍ଭ୍ରାତୃ॑ଵ୍ଯା॒ଯୋଚ୍ଛିଗ୍ଂ॑ଷେତ୍ । ଅ॒ଧି॒ଵୃ॒କ୍ଷ॒ସୂ॒ର୍ଯେ ଵାଚଂ॒-ଵିଁସୃ॑ଜତି । ଏ॒ତାଵ॑ନ୍ତମେ॒ଵାସ୍ମୈ॑ ଲୋ॒କମୁଚ୍ଛିଗ୍ଂ॑ଷତି । ଯାଵ॑ଦାଦି॒ତ୍ଯୋ᳚-ଽସ୍ତ॒ମେତି॑ ॥ 37 ॥
(ପୃଶ୍ନି॑ - ତିଷ୍ଠନ୍ତି - ଗମଯତି - ଶିଗ୍ଂଷେ॒-ତ୍ପଞ୍ଚ॑ ଚ) (ଅ. 6)
ଅନୁଵାକଂ 7 - ସପ୍ତହୋତୃମନ୍ତ୍ରସାଧ୍ଯଯଜ୍ଞପ୍ରଶଂସା
ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ । ତା-ସ୍ସୃ॒ଷ୍ଟା-ସ୍ସମ॑ଶ୍ଲିଷ୍ଯନ୍ନ୍ । ତା ରୂ॒ପେଣାନୁ॒ ପ୍ରାଵି॑ଶତ୍ । ତସ୍ମା॑ଦାହୁଃ । ରୂ॒ପଂ-ଵୈଁ ପ୍ର॒ଜାପ॑ତି॒ରିତି॑ । ତା ନାମ୍ନା-ଽନୁ॒ ପ୍ରାଵି॑ଶତ୍ । ତସ୍ମା॑ଦାହୁଃ । ନାମ॒ ଵୈ ପ୍ର॒ଜାପ॑ତି॒ରିତି॑ । ତସ୍ମା॒ଦପ୍ଯା॑ ଽମି॒ତ୍ରୌ ସ॒ଗନ୍ତ୍ଯ॑ । ନାମ୍ନା॒ ଚେଦ୍ଧ୍ଵଯେ॑ତେ ॥ 38 ॥
ମି॒ତ୍ରମେ॒ଵ ଭ॑ଵତଃ ॥ ପ୍ର॒ଜାପ॑ତି-ର୍ଦେଵାସୁ॒ରାନ॑ସୃଜତ । ସ ଇନ୍ଦ୍ର॒ମପି॒ ନାସୃ॑ଜତ । ତ-ନ୍ଦେ॒ଵା ଅ॑ବ୍ରୁଵନ୍ନ୍ । ଇନ୍ଦ୍ର॑-ନ୍ନୋ ଜନ॒ଯେତି॑ । ସ ଆ॒ତ୍ମ-ନ୍ନିନ୍ଦ୍ର॑-ମପଶ୍ଯତ୍ । ତମ॑ସୃଜତ । ତ-ନ୍ତ୍ରି॒ଷ୍ଟୁଗ୍-ଵୀ॒ର୍ଯ॑-ମ୍ଭୂ॒ତ୍ଵା-ଽନୁ॒ ପ୍ରାଵି॑ଶତ୍ । ତସ୍ଯ॒ ଵଜ୍ରଃ॑ ପଞ୍ଚଦ॒ଶୋ ହସ୍ତ॒ ଆପ॑ଦ୍ଯତ । ତେନୋ॒ଦଯ୍ଯାସୁ॑ରାନ॒ଭ୍ଯ॑ ଭଵତ୍ ॥ 39 ॥
ଯ ଏ॒ଵଂ-ଵେଁଦ॑ । ଅ॒ଭି ଭ୍ରାତୃ॑ଵ୍ଯା-ନ୍ଭଵତି ॥ ତେ ଦେ॒ଵା ଅସୁ॑ରୈ-ର୍ଵି॒ଜିତ୍ଯ॑ । ସୁ॒ଵ॒ର୍ଗଂ-ଲୋଁ॒କମା॑ଯନ୍ନ୍ । ତେ॑-ଽମୁଷ୍ମି॑ଲ୍ ଁଲୋ॒କେ ଵ୍ଯ॑କ୍ଷୁଦ୍ଧ୍ଯନ୍ନ୍ । ତେ᳚-ଽବ୍ରୁଵନ୍ନ୍ । ଅ॒ମୁତଃ॑ ପ୍ରଦାନଂ॒-ଵାଁ ଉପ॑ଜିଜୀଵି॒ମେତି॑ । ତେ ସ॒ପ୍ତହୋ॑ତାରଂ-ଯଁ॒ଜ୍ଞଂ-ଵିଁ॒ଧାଯା॒ଯାସ୍ଯ᳚ମ୍ । ଆ॒ଙ୍ଗୀ॒ର॒ସ-ମ୍ପ୍ରାହି॑ଣ୍ଵନ୍ନ୍ । ଏ॒ତେନା॒ମୁତ୍ର॑ କଲ୍ପ॒ଯେତି॑ ॥ 40 ॥
ତସ୍ଯ॒ ଵା ଇ॒ଯ-ଙ୍କ୍ଲୃପ୍ତିଃ॑ । ଯଦି॒ଦ-ଙ୍କି-ଞ୍ଚ॑ । ଯ ଏ॒ଵଂ-ଵେଁଦ॑ । କଲ୍ପ॑ତେ-ଽସ୍ମୈ । ସ ଵା ଅ॒ଯ-ମ୍ମ॑ନୁ॒ଷ୍ଯେ॑ଷୁ ଯ॒ଜ୍ଞ-ସ୍ସ॒ପ୍ତହୋ॑ତା । ଅ॒ମୁତ୍ର॑ ସ॒ଦ୍ଭ୍ଯୋ ଦେ॒ଵେଭ୍ଯୋ॑ ହ॒ଵ୍ଯଂ-ଵଁ॑ହତି । ଯ ଏ॒ଵଂ-ଵେଁଦ॑ । ଉପୈ॑ନଂ-ଯଁ॒ଜ୍ଞୋ ନ॑ମତି ॥ ସୋ॑-ଽମନ୍ଯତ । ଅ॒ଭି ଵା ଇ॒ମେ᳚-ଽସ୍ମା-ଲ୍ଲୋ॒କାଦ॒ମୁଂଲୋଁ॒କ-ଙ୍କ॑ମିଷ୍ଯନ୍ତ॒ ଇତି॑ । ସ ଵାଚ॑ସ୍ପତେ॒ ହୃଦିତି॒ ଵ୍ଯାହ॑ରତ୍ । ତସ୍ମା᳚-ତ୍ପୁ॒ତ୍ରୋ ହୃଦ॑ଯମ୍ । ତସ୍ମା॑ଦ॒ସ୍ମା-ଲ୍ଲୋ॒କାଦ॒ମୁଂ-ଲୋଁ॒କ-ନ୍ନାଭିକା॑ମଯନ୍ତେ । ପୁ॒ତ୍ରୋ ହି ହୃଦ॑ଯମ୍ ॥ 41 ॥
(ହ୍ଵଯେ॑ତ - ଅଭଵତ୍ - କଲ୍ପ॒ଯେ - ତୀତି॑ ଚ॒ତ୍ଵାରି॑ ଚ) (ଅ. 7)
ଅନୁଵାକଂ 8 - ହୋତୃମନ୍ତ୍ରାଣାଂ ସୋମଯାଗାଙ୍ଗତ୍ଵମ୍
ଦେ॒ଵା ଵୈ ଚତୁ॑ର୍ହୋତୃଭି-ର୍ଯ॒ଜ୍ଞମ॑ତନ୍ଵତ । ତେ ଵି ପା॒ପ୍ମନା॒ ଭ୍ରାତୃ॑ଵ୍ଯେ॒ଣାଜ॑ଯନ୍ତ । ଅ॒ଭି ସୁ॑ଵ॒ର୍ଗଂ-ଲୋଁ॒କମ॑ଜଯନ୍ନ୍ । ଯ ଏ॒ଵଂ-ଵିଁ॒ଦ୍ଵାଗ୍-ଶ୍ଚତୁ॑ର୍ହୋତୃଭିର୍ଯ॒ଜ୍ଞ-ନ୍ତ॑ନୁ॒ତେ । ଵି ପା॒ପ୍ମନା॒ ଭ୍ରାତୃ॑ଵ୍ଯେଣ ଜଯତେ । ଅ॒ଭି ସୁ॑ଵ॒ର୍ଗଂ-ଲୋଁ॒କ-ଞ୍ଜ॑ଯତି ॥ ଷଡ୍ଢୋ᳚ତ୍ରା ପ୍ରାଯ॒ଣୀଯ॒ମାସା॑ଦଯତି । ଅ॒ମୁଷ୍ମୈ॒ ଵୈ ଲୋ॒କାଯ॒ ଷଡ୍ଢୋ॑ତା । ଘ୍ନନ୍ତି॒ ଖଲୁ॒ ଵା ଏ॒ତ-ଥ୍ସୋମ᳚ମ୍ । ଯଦ॑ଭିଷୁ॒ଣ୍ଵନ୍ତି॑ ॥ 42 ॥
ଋ॒ଜୁ॒ଧୈଵୈନ॑ମ॒ମୁଂ-ଲୋଁ॒କ-ଙ୍ଗ॑ମଯତି । ଚତୁ॑ର୍ହୋତ୍ରା ଽଽତି॒ତ୍ଥ୍ଯମ୍ । ଯଶୋ॒ ଵୈ ଚତୁ॑ର୍ହୋତା । ଯଶ॑ ଏ॒ଵାତ୍ମନ୍-ଧ॑ତ୍ତେ । ପଞ୍ଚ॑ହୋତ୍ରା ପ॒ଶୁମୁପ॑ ସାଦଯତି । ସୁ॒ଵ॒ର୍ଗ୍ଯୋ॑ ଵୈ ପଞ୍ଚ॑ହୋତା । ଯଜ॑ମାନଃ ପ॒ଶୁଃ । ଯଜ॑ମାନମେ॒ଵ ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମଯତି । ଗ୍ରହା᳚ନ୍-ଗୃହୀ॒ତ୍ଵା ସ॒ପ୍ତହୋ॑ତାର-ଞ୍ଜୁହୋତି । ଇ॒ନ୍ଦ୍ରି॒ଯଂ-ଵୈଁ ସ॒ପ୍ତହୋ॑ତା ॥ 43 ॥
ଇ॒ନ୍ଦ୍ରି॒ଯମେ॒ଵାତ୍ମନ୍-ଧ॑ତ୍ତେ ॥ ଯୋ ଵୈ ଚତୁ॑ର୍ହୋତୄ-ନନୁସଵ॒ନ-ନ୍ତ॒ର୍ପଯ॑ତି । ତୃପ୍ଯ॑ତି ପ୍ର॒ଜଯା॑ ପ॒ଶୁଭିଃ॑ । ଉପୈ॑ନଗ୍ଂ ସୋମପୀ॒ଥୋ ନ॑ମତି । ବ॒ହି॒ଷ୍ପଵ॒ମା॒ନେ ଦଶ॑ହୋତାରଂ॒-ଵ୍ଯାଁଚ॑କ୍ଷୀତ । ମାଦ୍ଧ୍ଯ॑ନ୍ଦିନେ॒ ପଵ॑ମାନେ॒ ଚତୁ॑ର୍ହୋତାରମ୍ । ଆର୍ଭ॑ଵେ॒ ପଵ॑ମାନେ॒ ପଞ୍ଚ॑ହୋତାରମ୍ । ପି॒ତୃ॒ଯ॒ଜ୍ଞେ ଷଡ୍ଢୋ॑ତାରମ୍ । ଯ॒ଜ୍ଞା॒ଯ॒ଜ୍ଞିଯ॑ସ୍ଯ ସ୍ତୋ॒ତ୍ରେ ସ॒ପ୍ତହୋ॑ତାରମ୍ । ଅ॒ନୁ॒ସ॒ଵ॒ନମେ॒ଵୈନାଗ୍॑ ସ୍ତର୍ପଯତି ॥ 44 ॥
ତୃପ୍ଯ॑ତି ପ୍ର॒ଜଯା॑ ପ॒ଶୁଭିଃ॑ । ଉପୈ॑ନଗ୍ଂ ସୋମପୀ॒ଥୋ ନ॑ମତି ॥ ଦେ॒ଵା ଵୈ ଚତୁ॑ର୍ହୋତୃଭି-ସ୍ସ॒ତ୍ରମା॑ସତ । ଋଦ୍ଧି॑ପରିମିତଂ॒-ଯଁଶ॑ସ୍କାମାଃ । ତେ᳚-ଽବ୍ରୁଵନ୍ନ୍ । ଯନ୍ନଃ॑ ପ୍ରଥ॒ମଂ-ଯଁଶ॑ ଋ॒ଚ୍ଛାତ୍ । ସର୍ଵେ॑ଷା-ନ୍ନ॒ସ୍ତ-ଥ୍ସ॒ହାସ॒ଦିତି॑ । ସୋମ॒ଶ୍ଚତୁ॑ର୍ହୋତ୍ରା । ଅ॒ଗ୍ନିଃ ପଞ୍ଚ॑ହୋତ୍ରା । ଧା॒ତା ଷଡ୍ଢୋ᳚ତ୍ରା ॥ 45 ॥
ଇନ୍ଦ୍ରଃ॑ ସ॒ପ୍ତହୋ᳚ତ୍ରା । ପ୍ର॒ଜାପ॑ତି॒-ର୍ଦଶ॑ହୋତ୍ରା । ତେଷା॒ଗ୍ଂ॒ ସୋମ॒ଗ୍ଂ॒ ରାଜା॑ନଂ॒-ଯଁଶ॑ ଆର୍ଚ୍ଛତ୍ ॥ ତନ୍ନ୍ଯ॑କାମଯତ । ତେନାପା᳚କ୍ରାମତ୍ । ତେନ॑ ପ୍ର॒ଲାଯ॑ମଚରତ୍ । ତ-ନ୍ଦେ॒ଵାଃ ପ୍ରୈ॒ଷୈଃ ପ୍ରୈଷ॑ମୈଚ୍ଛନ୍ନ୍ । ତତ୍-ପ୍ରୈ॒ଷାଣା᳚-ମ୍ପ୍ରୈଷ॒ତ୍ଵମ୍ । ନି॒ଵିଦ୍ଭି॒ର୍ନ୍ଯ॑ଵେଦଯନ୍ନ୍ । ତନ୍ନି॒ଵିଦା᳚-ନ୍ନିଵି॒ତ୍ତ୍ଵମ୍ ॥ 46 ॥
ଆ॒ପ୍ରୀଭି॑ରାପ୍ନୁଵନ୍ନ୍ । ତଦା॒ପ୍ରୀଣା॑ମାପ୍ରି॒ତ୍ଵମ୍ । ତମ॑ଘ୍ନନ୍ନ୍ । ତସ୍ଯ॒ ଯଶୋ॒ ଵ୍ଯ॑ଗୃହ୍ଣତ । ତେ ଗ୍ରହା॑ ଅଭଵନ୍ନ୍ । ତଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ । ଯସ୍ଯୈ॒ଵଂ-ଵିଁ॒ଦୁଷୋ॒ ଗ୍ରହା॑ ଗୃ॒ହ୍ଯନ୍ତେ᳚ । ତସ୍ଯ॒ ତ୍ଵେ॑ଵ ଗୃ॑ହୀ॒ତାଃ ॥ ତେ᳚-ଽବ୍ରୁଵନ୍ନ୍ । ଯୋ ଵୈ ନ॒-ଶ୍ଶ୍ରେଷ୍ଠୋ-ଽଭୂ᳚ତ୍ ॥ 47 ॥
ତମ॑ଵଧିଷ୍ମ । ପୁନ॑ରି॒ମଗ୍ଂ ସୁ॑ଵାମହା॒ ଇତି॑ । ତ-ଞ୍ଛନ୍ଦୋ॑ଭି-ରସୁଵନ୍ତ । ତଚ୍ଛନ୍ଦ॑ସା-ଞ୍ଛନ୍ଦ॒ସ୍ତ୍ଵମ୍ । ସାମ୍ନା॒ ସମାନ॑ଯନ୍ନ୍ । ତ-ଥ୍ସାମ୍ନଃ॑ ସାମ॒ତ୍ଵମ୍ । ଉ॒କ୍ଥୈ-ରୁଦ॑ସ୍ଥାପଯନ୍ନ୍ । ତଦୁ॒କ୍ଥାନା॑-ମୁକ୍ଥ॒ତ୍ଵମ୍ । ଯ ଏ॒ଵଂ-ଵେଁଦ॑ । ପ୍ରତ୍ଯେ॒ଵ ତି॑ଷ୍ଠତି ॥ 48 ॥
ସର୍ଵ॒ମାଯୁ॑ରେତି ॥ ସୋମୋ॒ ଵୈ ଯଶଃ॑ । ଯ ଏ॒ଵଂ-ଵିଁ॒ଦ୍ଵାନ୍-ଥ୍ସୋମ॑ମା॒ଗଚ୍ଛ॑ତି । ଯଶ॑ ଏ॒ଵୈନ॑ମୃଚ୍ଛତି । ତସ୍ମା॑ଦାହୁଃ । ଯଶ୍ଚୈ॒ଵଂ-ଵେଁଦ॒ ଯଶ୍ଚ॒ ନ । ତାଵୁ॒ଭୌ ସୋମ॒-ମାଗ॑ଚ୍ଛତଃ । ସୋମୋ॒ ହି ଯଶଃ॑ । ତ-ନ୍ତ୍ଵା-ଽଵ ଯଶ॑ ଋଚ୍ଛ॒ତୀତ୍ଯା॑ହୁଃ । ଯ-ସ୍ସୋମେ॒ ସୋମ॒-ମ୍ପ୍ରାହେତି॑ । ତସ୍ମା॒-ଥ୍ସୋମେ॒ ସୋମଃ॒ ପ୍ରୋଚ୍ଯଃ॑ । ଯଶ॑ ଏ॒ଵୈନ॑ମୃଚ୍ଛତି ॥ 49 ॥
(ଅ॒ଭି॒ଷୁ॒ଣ୍ଵନ୍ତି॑ - ସ॒ପ୍ତହୋ॑ତା - ତର୍ପଯତି॒ - ଷଡ୍ଢୋ᳚ତ୍ରା - ନିଵି॒ତ୍ତ୍ଵ - ମଭୂ᳚ତ୍ - ତିଷ୍ଠତି॒ - ପ୍ରାହେତି॒ ଦ୍ଵେ ଚ॑) (ଅ. 8)
ଅନୁଵାକଂ 9 - ହୋତୃମନ୍ତ୍ରୋତ୍ପତ୍ତିକଥନପ୍ରସଙ୍ଗେନ ଜଗ-ଥ୍ସୃଷ୍ଟିଃ
ଇ॒ଦଂ-ଵାଁ ଅଗ୍ରେ॒ ନୈଵ କିଞ୍ଚ॒ନାସୀ᳚ତ୍ । ନ ଦ୍ଯୌରା॑ସୀତ୍ । ନ ପୃ॑ଥି॒ଵୀ । ନାନ୍ତରି॑କ୍ଷମ୍ । ତଦସ॑ଦେ॒ଵ ସନ୍ମନୋ॑ ଽକୁରୁତ॒ ସ୍ଯାମିତି॑ । ତଦ॑ତପ୍ଯତ । ତସ୍ମା᳚ତ୍-ତେପା॒ନାଦ୍ଧୂ॒ମୋ॑-ଽଜାଯତ । ତ-ଦ୍ଭୂଯୋ॑-ଽତପ୍ଯତ । ତସ୍ମା᳚ତ୍-ତେପା॒ନାଦ॒ଗ୍ନି-ର॑ଜାଯତ । ତ-ଦ୍ଭୂଯୋ॑-ଽତପ୍ଯତ ॥ 50 ॥
ତସ୍ମା᳚ତ୍-ତେପା॒ନାଜ୍ଜ୍ଯୋତି॑-ରଜାଯତ । ତ-ଦ୍ଭୂଯୋ॑-ଽତପ୍ଯତ । ତସ୍ମା᳚ତ୍-ତେପା॒ନାଦ॒ର୍ଚି-ର॑ଜାଯତ । ତ-ଦ୍ଭୂଯୋ॑-ଽତପ୍ଯତ । ତସ୍ମା᳚ତ୍-ତେପା॒ନାନ୍ମରୀ॑ଚଯୋ-ଽଜାଯନ୍ତ । ତ-ଦ୍ଭୂଯୋ॑-ଽତପ୍ଯତ । ତସ୍ମା᳚ତ୍-ତେପା॒ନାଦୁ॑ଦା॒ରା ଅ॑ଜାଯନ୍ତ । ତ-ଦ୍ଭୂଯୋ॑-ଽତପ୍ଯତ । ତଦ॒ଭ୍ରମି॑ଵ॒ ସମ॑ହନ୍ଯତ ॥ ତ-ଦ୍ଵ॒ସ୍ତିମ॑ଭିନତ୍ ॥ 51 ॥
ସ ସ॑ମୁ॒ଦ୍ରୋ॑-ଽଭଵତ୍ । ତସ୍ମା᳚-ଥ୍ସମୁ॒ଦ୍ରସ୍ଯ॒ ନ ପି॑ବନ୍ତି । ପ୍ର॒ଜନ॑ନମିଵ॒ ହି ମନ୍ଯ॑ନ୍ତେ । ତସ୍ମା᳚-ତ୍ପ॒ଶୋ-ର୍ଜାଯ॑ମାନା॒ଦାପଃ॑ ପୁ॒ରସ୍ତା᳚-ଦ୍ଯନ୍ତି ॥ ତ-ଦ୍ଦଶ॑ହୋ॒ତା-ଽନ୍ଵ॑ସୃଜ୍ଯତ । ପ୍ର॒ଜାପ॑ତି॒ର୍ଵୈ ଦଶ॑ ହୋତା ॥ ଯ ଏ॒ଵ-ନ୍ତପ॑ସୋ ଵୀ॒ର୍ଯଂ॑-ଵିଁ॒ଦ୍ଵାଗ୍ସ୍ତପ୍ଯ॑ତେ । ଭଵ॑ତ୍ଯେ॒ଵ ॥ ତଦ୍ଵା ଇ॒ଦମାପଃ॑ ସଲି॒ଲ-ମା॑ସୀତ୍ । ସୋ॑-ଽରୋଦୀତ୍-ପ୍ର॒ଜାପ॑ତିଃ ॥ 52 ॥
ସ କସ୍ମା॑ ଅଜ୍ଞି । ଯ-ଦ୍ଯ॒ସ୍ଯା ଅପ୍ର॑ତିଷ୍ଠାଯା॒ ଇତି॑ । ଯଦ॒ଫ୍ସ୍ଵ॑-ଵାପ॑ଦ୍ଯତ । ସା ପୃ॑ଥି॒ଵ୍ଯ॑ଭଵତ୍ । ଯଦ୍ଵ୍ଯମୃ॑ଷ୍ଟ । ତଦ॒ନ୍ତରି॑କ୍ଷ-ମଭଵତ୍ । ଯଦୂ॒ର୍ଧ୍ଵ-ମୁ॒ଦମୃ॑ଷ୍ଟ । ସା ଦ୍ଯୌର॑ଭଵତ୍ । ଯଦରୋ॑ଦୀତ୍ । ତଦ॒ନଯୋ॑ ରୋଦ॒ସ୍ତ୍ଵମ୍ ॥ 53 ॥
ଯ ଏ॒ଵଂ-ଵେଁଦ॑ । ନାସ୍ଯ॑ ଗୃ॒ହେ ରୁ॑ଦନ୍ତି । ଏ॒ତଦ୍ଵା ଏ॒ଷାଂ-ଲୋଁ॒କାନା॒-ଞ୍ଜନ୍ମ॑ । ଯ ଏ॒ଵମେ॒ଷାଂ-ଲୋଁ॒କାନା॒-ଞ୍ଜନ୍ମ॒ ଵେଦ॑ । ନୈଷୁ ଲୋ॒କେ-ଷ୍ଵାର୍ତି॒ମାର୍ଚ୍ଛ॑ତି । ସ ଇ॒ମା-ମ୍ପ୍ର॑ତି॒ଷ୍ଠା-ମ॑ଵିନ୍ଦତ ॥ ସ ଇ॒ମା-ମ୍ପ୍ର॑ତି॒ଷ୍ଠାଂ-ଵିଁ॒ତ୍ତ୍ଵା ଽକା॑ମଯତ॒ ପ୍ରଜା॑ଯେ॒ଯେତି॑ । ସ ତପୋ॑-ଽତପ୍ଯତ । ସୋ᳚-ଽନ୍ତର୍ଵା॑ନଭଵତ୍ । ସ ଜ॒ଘନା॒ଦସୁ॑ରା-ନସୃଜତ ॥ 54 ॥
ତେଭ୍ଯୋ॑ ମୃ॒ନ୍ମଯେ॒ ପାତ୍ରେ-ଽନ୍ନ॑ମଦୁହତ୍ । ଯା-ଽସ୍ଯ॒ ସା ତ॒ନୂରାସୀ᳚ତ୍ । ତାମପା॑ହତ । ସା ତମି॑ସ୍ରା-ଽଭଵତ୍ ॥ ସୋ॑-ଽକାମଯତ॒ ପ୍ରଜା॑ଯେ॒ଯେତି॑ । ସ ତପୋ॑-ଽତପ୍ଯତ । ସୋ᳚-ଽନ୍ତର୍ଵା॑-ନଭଵତ୍ । ସ ପ୍ର॒ଜନ॑ନାଦେ॒ଵ ପ୍ର॒ଜା ଅ॑ସୃଜତ । ତସ୍ମା॑ଦି॒ମା ଭୂଯି॑ଷ୍ଠାଃ । ପ୍ର॒ଜନ॑ନା॒ଦ୍ଧ୍ଯେ॑ନା॒ ଅସୃ॑ଜତ ॥ 55 ॥
ତାଭ୍ଯୋ॑ ଦାରୁ॒ମଯେ॒ ପାତ୍ରେ॒ ପଯୋ॑-ଽଦୁହତ । ଯା-ଽସ୍ଯ॒ ସା ତ॒ନୂରାସୀ᳚ତ୍ । ତାମପା॑ହତ । ସା ଜୋଥ୍ସ୍ନା॑ ଽଭଵତ୍ ॥ ସୋ॑-ଽକାମଯତ॒ ପ୍ରଜା॑ଯେ॒ଯେତି॑ । ସତପୋ॑-ଽତପ୍ଯତ । ସୋ᳚-ଽନ୍ତର୍ଵା॑-ନଭଵତ୍ । ସ ଉ॑ପପ॒କ୍ଷାଭ୍ଯା॑-ମେ॒ଵର୍ତୂନ॑ସୃଜତ । ତେଭ୍ଯୋ॑ ରଜ॒ତେ ପାତ୍ରେ॑ ଘୃ॒ତମ॑ଦୁହତ୍ । ଯା-ଽସ୍ଯ॒ ସା ତ॒ନୂରାସୀ᳚ତ୍ ॥ 56 ॥
ତାମପା॑ହତ । ସୋ॑-ଽହୋରା॒ତ୍ରଯୋ᳚-ସ୍ସ॒ନ୍ଧି-ର॑ଭଵତ୍ ॥ ସୋ॑-ଽକାମଯତ॒ ପ୍ରଜା॑ଯେ॒ଯେତି॑ । ସ ତପୋ॑-ଽତପ୍ଯତ । ସୋ᳚-ଽନ୍ତର୍ଵା॑-ନଭଵତ୍ । ସ ମୁଖା᳚-ଦ୍ଦେ॒ଵା-ନ॑ସୃଜତ । ତେଭ୍ଯୋ॒ ହରି॑ତେ॒ ପାତ୍ରେ॒ ସୋମ॑ମଦୁହତ୍ । ଯା-ଽସ୍ଯ॒ ସା ତ॒ନୂରାସୀ᳚ତ୍ । ତାମପା॑ହତ । ତଦହ॑ରଭଵତ୍ ॥ 57 ॥
ଏ॒ତେ ଵୈ ପ୍ର॒ଜାପ॑ତେ॒ର୍ଦୋହାଃ᳚ । ଯ ଏ॒ଵଂ-ଵେଁଦ॑ । ଦୁ॒ହ ଏ॒ଵ ପ୍ର॒ଜାଃ ॥ ଦିଵା॒ ଵୈ ନୋ॑-ଽଭୂ॒ଦିତି॑ । ତ-ଦ୍ଦେ॒ଵାନା᳚-ନ୍ଦେଵ॒ତ୍ଵମ୍ । ଯ ଏ॒ଵ-ନ୍ଦେ॒ଵାନା᳚-ନ୍ଦେଵ॒ତ୍ଵଂ-ଵେଁଦ॑ । ଦେ॒ଵଵା॑ନେ॒ଵ ଭ॑ଵତି ॥ ଏ॒ତଦ୍ଵା ଅ॑ହୋରା॒ତ୍ରାଣା॒-ଞ୍ଜନ୍ମ॑ । ଯ ଏ॒ଵମ॑ହୋରା॒ତ୍ରାଣା॒-ଞ୍ଜନ୍ମ॒ ଵେଦ॑ । ନାହୋ॑ରା॒ତ୍ରେଷ୍ଵାର୍ତି॒ମାର୍ଚ୍ଛ॑ତି ॥ 58 ॥
ଅସ॒ତୋ-ଽଧି॒ ମନୋ॑-ଽସୃଜ୍ଯତ । ମନଃ॑ ପ୍ର॒ଜାପ॑ତି-ମସୃଜତ । ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ । ତଦ୍ଵା ଇ॒ଦ-ମ୍ମନ॑ସ୍ଯେ॒ଵ ପ॑ର॒ମ-ମ୍ପ୍ରତି॑ଷ୍ଠିତମ୍ । ଯଦି॒ଦ-ଙ୍କିଞ୍ଚ॑ । ତଦେ॒ତଚ୍ଛ୍ଵୋ॑ଵସ୍ଯ॒ ସନ୍ନାମ॒ ବ୍ରହ୍ମ॑ ॥ ଵ୍ଯୁ॒ଚ୍ଛନ୍ତୀ᳚ ଵ୍ଯୁଚ୍ଛନ୍ତ୍ଯସ୍ମୈ॒ ଵସ୍ଯ॑ସୀ ଵସ୍ଯସୀ॒ ଵ୍ଯୁ॑ଚ୍ଛତି । ପ୍ରଜା॑ଯତେ ପ୍ର॒ଜଯା॑ ପ॒ଶୁଭିଃ॑ । ପ୍ର ପ॑ରମେ॒ଷ୍ଠିନୋ॒ ମାତ୍ରା॑-ମାପ୍ନୋତି । ଯ ଏ॒ଵଂ-ଵେଁଦ॑ ॥ 59 ॥
(ଅ॒ଗ୍ନିର॑ଜାଯତ॒ ତଦ୍ଭୂଯୋ॑-ଽତପ୍ଯତା - ଭିନଦ - ରୋଦୀ-ତ୍ପ୍ର॒ଜାପ॑ତୀ - ରୋଦ॒ସ୍ତ୍ଵ - ମ॑ସୃଜ॒ - ତାସୃ॑ଜତ - ଘୃ॒ତମ॑ଦୁହ॒ଦ୍ଯା-ଽସ୍ଯ॒ ସା ତ॒ନୂରାସୀ॒ - ଦହ॑ରଭଵ-ଦ୍- ଋଚ୍ଛତି॒ - ଵେଦ॑) (ଅ. 9)
(ଇ॒ଦ-ନ୍ଧୂ॒ମୋ᳚ ଽଗ୍ନି-ର୍ଜ୍ଯୋତି॑ ର॒ର୍ଚି-ର୍ମରୀ॑ଚଯ ଉଦା॒ରା ସ୍ତଦ॒ଭ୍ରଗ୍ଂ /
ସ ଜ॒ଘନା॒-ଥ୍ସା ତମି॑ସ୍ରା॒ ସ ପ୍ର॒ଜନ॑ନା॒-ଥ୍ସା ଜୋଥ୍ସ୍ନା॒ ସ ଉ॑ପପ॒କ୍ଷାଭ୍ଯା॒ଗ୍ଂ॒ ସୋ॑ ଽହୋରା॒ତ୍ରଯୋ᳚-ସ୍ସ॒ନ୍ଧି-ସ୍ସମୁଖା॒-ତ୍ତଦହ॑-ର୍ଦେ॒ଵଵା᳚ନ୍ / ମୃ॒ନ୍ମଯେ॑ ଦାରୁ॒ମଯେ॑ ରଜ॒ତେ ହରି॑ତେ॒ ତେଭ୍ଯ॒ସ୍ତାଭ୍ଯୋ॒ ଦ୍ଵେ ତେଭ୍ଯୋ-ଽନ୍ନ॒-ମ୍ପଯୋ॑
ଘୃ॒ତଗ୍ଂ ସୋମ᳚ମ୍)
ଅନୁଵାକଂ 10 - ଦେଵସୃଷ୍ଟିମଧ୍ଯେ-ଽଵସ୍ଥିତସ୍ଯେନ୍ଦ୍ରସ୍ଯ ଦେଵତାଧିପତିତ୍ଵମ୍
ପ୍ର॒ଜାପ॑ତି॒-ରିନ୍ଦ୍ର॑ମସୃଜ-ତାନୁଜାଵ॒ର-ନ୍ଦେ॒ଵାନା᳚ମ୍ । ତ-ମ୍ପ୍ରାହି॑ଣୋତ୍ । ପରେ॑ହି । ଏ॒ତେଷା᳚-ନ୍ଦେ॒ଵାନା॒-ମଧି॑ପତିରେ॒ଧୀତି॑ । ତ-ନ୍ଦେ॒ଵା ଅ॑ବ୍ରୁଵନ୍ନ୍ । କସ୍ତ୍ଵମସି॑ । ଵ॒ଯଂ-ଵୈଁ ତ୍ଵଚ୍ଛ୍ରେଯାଗ୍ଂ॑ସ-ସ୍ସ୍ମ॒ ଇତି॑ । ସୋ᳚-ଽବ୍ରଵୀତ୍ । କସ୍ତ୍ଵମସି॑ ଵ॒ଯଂ-ଵୈଁ ତ୍ଵଚ୍ଛ୍ରେଯାଗ୍ଂ॑ସ-ସ୍ସ୍ମ॒ ଇତି॑ ମା ଦେ॒ଵା ଅ॑ଵୋଚ॒ନ୍ନିତି॑ ॥ ଅଥ॒ ଵା ଇ॒ଦ-ନ୍ତର୍ହି॑ ପ୍ର॒ଜାପ॑ତୌ॒ ହର॑ ଆସୀତ୍ ॥ 60 ॥
ଯଦ॒ସ୍ମିନ୍ନା॑ଦି॒ତ୍ଯେ । ତଦେ॑ନମବ୍ରଵୀତ୍ । ଏ॒ତନ୍ମେ॒ ପ୍ରଯ॑ଚ୍ଛ । ଅଥା॒ହମେ॒ତେଷା᳚-ନ୍ଦେ॒ଵାନା॒-ମଧି॑ପତି-ର୍ଭଵିଷ୍ଯା॒ମୀତି॑ । କୋ॑ହଗ୍ଗ୍-ସ୍ଯା॒ମିତ୍ଯ॑ବ୍ରଵୀତ୍ । ଏ॒ତ-ତ୍ପ୍ର॒ଦାଯେତି॑ । ଏ॒ତ-ଥ୍ସ୍ଯା॒ ଇତ୍ଯ॑ବ୍ରଵୀତ୍ । ଯଦେ॒ତଦ୍ବ୍ରଵୀ॒ଷୀତି॑ । କୋ ହ॒ ଵୈ ନାମ॑ ପ୍ର॒ଜାପ॑ତିଃ । ଯ ଏ॒ଵଂ-ଵେଁଦ॑ ॥ 61 ॥
ଵି॒ଦୁରେ॑ନ॒-ନ୍ନାମ୍ନା᳚ । ତଦ॑ସ୍ମୈ ରୁ॒କ୍ମ-ଙ୍କୃ॒ତ୍ଵା ପ୍ରତ୍ଯ॑ମୁଞ୍ଚତ୍ । ତତୋ॒ ଵା ଇନ୍ଦ୍ରୋ॑ ଦେ॒ଵାନା॒-ମଧି॑ପତି-ରଭଵତ୍ । ଯ ଏ॒ଵଂ-ଵେଁଦ॑ । ଅଧି॑ପତିରେ॒ଵ ସ॑ମା॒ନାନା᳚-ମ୍ଭଵତି ॥ ସୋ॑-ଽମନ୍ଯତ । କି-ଙ୍କିଂ॒-ଵାଁ ଅ॑କର॒ମିତି॑ । ସ ଚ॒ନ୍ଦ୍ର-ମ୍ମ॒ ଆହ॒ରେତି॒ ପ୍ରାଲ॑ପତ୍ । ତଚ୍ଚ॒ନ୍ଦ୍ରମ॑ସ-ଶ୍ଚନ୍ଦ୍ରମ॒ସ୍ତ୍ଵମ୍ । ଯ ଏ॒ଵଂ-ଵେଁଦ॑ ॥ 62 ॥
ଚ॒ନ୍ଦ୍ରଵା॑ନେ॒ଵ ଭ॑ଵତି ॥ ତ-ନ୍ଦେ॒ଵା ଅ॑ବ୍ରୁଵନ୍ନ୍ । ସୁ॒ଵୀର୍ଯୋ॑ ଽମର୍ଯା॒ ଯଥା॑ ଗୋପା॒ଯତ॒ ଇତି॑ । ତ-ଥ୍ସୂର୍ଯ॑ସ୍ଯ ସୂର୍ଯ॒ତ୍ଵମ୍ । ଯ ଏ॒ଵଂ-ଵେଁଦ॑ । ନୈନ॑-ନ୍ଦଭ୍ନୋତି ॥ କଶ୍ଚ॒ ନାସ୍ମି॒ନ୍ଵା ଇ॒ଦମି॑ନ୍ଦ୍ରି॒ଯ-ମ୍ପ୍ରତ୍ଯ॑ସ୍ଥା॒ଦିତି॑ । ତଦିନ୍ଦ୍ର॑-ସ୍ଯେନ୍ଦ୍ର॒ତ୍ଵମ୍ । ଯ ଏ॒ଵଂ-ଵେଁଦ॑ । ଇ॒ନ୍ଦ୍ରି॒ଯା॒ଵ୍ଯେ॑ଵ ଭ॑ଵତି ॥ 63 ॥
ଅ॒ଯଂ-ଵାଁ ଇ॒ଦ-ମ୍ପ॑ର॒ମୋ॑-ଽଭୂ॒ଦିତି॑ । ତତ୍-ପ॑ରମେ॒ଷ୍ଠିନଃ॑ ପରମେଷ୍ଠି॒ତ୍ଵମ୍ । ଯ ଏ॒ଵଂ-ଵେଁଦ॑ । ପ॒ର॒ମାମେ॒ଵ କାଷ୍ଠା᳚-ଙ୍ଗଚ୍ଛତି ॥ ତ-ନ୍ଦେ॒ଵା-ସ୍ସ॑ମ॒ନ୍ତ-ମ୍ପର୍ଯ॑ଵିଶନ୍ନ୍ । ଵସ॑ଵଃ ପୁ॒ରସ୍ତା᳚ତ୍ । ରୁ॒ଦ୍ରା ଦ॑କ୍ଷିଣ॒ତଃ । ଆ॒ଦି॒ତ୍ଯାଃ ପ॒ଶ୍ଚାତ୍ । ଵିଶ୍ଵେ॑ ଦେ॒ଵା ଉ॑ତ୍ତର॒ତଃ । ଅଙ୍ଗି॑ରସଃ ପ୍ର॒ତ୍ଯଞ୍ଚ᳚ମ୍ ॥ 64 ॥
ସା॒ଦ୍ଧ୍ଯାଃ ପରା᳚ଞ୍ଚମ୍ । ଯ ଏ॒ଵଂ-ଵେଁଦ॑ । ଉପୈ॑ନଗ୍ଂ ସମା॒ନା-ସ୍ସଂ-ଵିଁ॑ଶନ୍ତି ॥ ସ ପ୍ର॒ଜାପ॑ତିରେ॒ଵ ଭୂ॒ତ୍ଵା ପ୍ର॒ଜା ଆଵ॑ଯତ୍ । ତା ଅ॑ସ୍ମୈ॒ ନାତି॑ଷ୍ଠନ୍ତା॒ନ୍ନାଦ୍ଯା॑ଯ । ତା ମୁଖ॑-ମ୍ପୁ॒ରସ୍ତା॒ତ୍-ପଶ୍ଯ॑ନ୍ତୀଃ । ଦ॒କ୍ଷି॒ଣ॒ତଃ ପର୍ଯା॑ଯନ୍ନ୍ । ସ ଦ॑କ୍ଷିଣ॒ତଃ ପର୍ଯ॑ଵର୍ତଯତ । ତା ମୁଖ॑-ମ୍ପୁ॒ରସ୍ତା॒ତ୍-ପଶ୍ଯ॑ନ୍ତୀଃ । ମୁଖ॑-ନ୍ଦକ୍ଷିଣ॒ତଃ ॥ 65 ॥
ପ॒ଶ୍ଚାତ୍-ପର୍ଯା॑ଯନ୍ନ୍ । ସ ପ॒ଶ୍ଚାତ୍-ପର୍ଯ॑ଵର୍ତଯତ । ତା ମୁଖ॑-ମ୍ପୁ॒ରସ୍ତା॒ତ୍-ପଶ୍ଯ॑ନ୍ତୀଃ । ମୁଖ॑-ନ୍ଦକ୍ଷିଣ॒ତଃ । ମୁଖ॑-ମ୍ପ॒ଶ୍ଚାତ୍ । ଉ॒ତ୍ତ॒ର॒ତଃ ପର୍ଯା॑ଯନ୍ନ୍ । ସ ଉ॑ତ୍ତର॒ତଃ ପର୍ଯ॑ଵର୍ତଯତ । ତା ମୁଖ॑-ମ୍ପୁ॒ରସ୍ତା॒ତ୍-ପଶ୍ଯ॑ନ୍ତୀଃ । ମୁଖ॑-ନ୍ଦକ୍ଷିଣ॒ତଃ । ମୁଖ॑-ମ୍ପ॒ଶ୍ଚାତ୍ ॥ 66 ॥
ମୁଖ॑ମୁତ୍ତର॒ତଃ । ଊ॒ର୍ଧ୍ଵା ଉଦା॑ଯନ୍ନ୍ । ସ ଉ॒ପରି॑ଷ୍ଟା॒ନ୍ନ୍ଯ॑-ଵର୍ତଯତ । ତା-ସ୍ସ॒ର୍ଵତୋ॑ମୁଖୋ ଭୂ॒ତ୍ଵା ଽଽଵ॑ଯତ୍ । ତତୋ॒ ଵୈ ତସ୍ମୈ᳚ ପ୍ର॒ଜା ଅତି॑ଷ୍ଠନ୍ତା॒ନ୍ନାଦ୍ଯା॑ଯ ॥ ଯ ଏ॒ଵଂ-ଵିଁ॒ଦ୍ଵା-ନ୍ପରି॑ ଚ ଵ॒ର୍ତଯ॑ତେ॒ ନି ଚ॑ । ପ୍ର॒ଜାପ॑ତିରେ॒ଵ ଭୁ॒ତ୍ଵା ପ୍ର॒ଜା ଅ॑ତ୍ତି । ତିଷ୍ଠ॑ନ୍ତେ-ଽସ୍ମୈ ପ୍ର॒ଜା ଅ॒ନ୍ନାଦ୍ଯା॑ଯ । ଅ॒ନ୍ନା॒ଦ ଏ॒ଵ ଭ॑ଵତି ॥ 67 ॥
(ଆ॒ସୀ॒-ଦ୍- ଵେଦ॑ - ଚନ୍ଦ୍ରମ॒ସ୍ତ୍ଵଂ-ଯଁ ଏ॒ଵଂ-ଵେଁଦେ᳚ - ନ୍ଦ୍ରିଯା॒ଵ୍ଯେ॑ଵ ଭ॑ଵତି - ପ୍ର॒ତ୍ଯଞ୍ଚ॒ - ମୁଖ॑-ନ୍ଦକ୍ଷିଣ॒ତୋ - ମୁଖ॑-ମ୍ପ॒ଶ୍ଚାନ୍ - +ନଵ॑ ଚ) (ଆ10 )
ଅନୁଵାକଂ 11 - ହୋତୃମନ୍ତ୍ରାଣା-ମ୍ପୁରୁଷାର୍ଥପ୍ରଯୋଗଃ
ପ୍ର॒ଜାପ॑ତି-ରକାମଯତ ବ॒ହୋର୍ଭୂଯା᳚ନ୍-ଥ୍ସ୍ଯା॒ମିତି॑ । ସ ଏ॒ତ-ନ୍ଦଶ॑ହୋତାର-ମପଶ୍ଯତ୍ । ତ-ମ୍ପ୍ରାଯୁ॑ଙ୍କ୍ତ । ତସ୍ଯ॒ ପ୍ରଯୁ॑କ୍ତି ବ॒ହୋର୍ଭୂଯା॑ନଭଵତ୍ । ଯଃ କା॒ମଯେ॑ତ ବ॒ହୋର୍ଭୂଯା᳚ନ୍-ଥ୍ସ୍ଯା॒ମିତି॑ । ସ ଦଶ॑ହୋତାର॒-ମ୍ପ୍ରଯୁ॑ଞ୍ଜୀତ । ବ॒ହୋରେ॒ଵ ଭୂଯା᳚ନ୍-ଭଵତି ॥ ସୋ॑-ଽକାମଯତ ଵୀ॒ରୋ ମ॒ ଆଜା॑ଯେ॒ତେତି॑ । ସ ଦଶ॑ହୋତୁ॒ଶ୍ଚତୁ॑ର୍ହୋତାର॒-ନ୍ନିର॑ମିମୀତ । ତ-ମ୍ପ୍ରାଯୁ॑ଙ୍କ୍ତ ॥ 68 ॥
ତସ୍ଯ॒ ପ୍ରଯୁ॒କ୍ତୀନ୍ଦ୍ରୋ॑ ଽଜାଯତ । ଯଃ କା॒ମଯେ॑ତ ଵୀ॒ରୋ ମ॒ ଆଜା॑ଯେ॒ତେତି॑ । ସ ଚତୁ॑ର୍ହୋତାର॒-ମ୍ପ୍ରଯୁ॑ଞ୍ଜୀତ । ଆ-ଽସ୍ଯ॑ ଵୀ॒ରୋ ଜା॑ଯତେ ॥ ସୋ॑-ଽକାମଯତ ପଶୁ॒ମାନ୍-ଥ୍ସ୍ଯା॒ମିତି॑ । ସ ଚତୁ॑ର୍ହୋତୁଃ॒ ପଞ୍ଚ॑ହୋତାର॒-ନ୍ନିର॑ମିମୀତ । ତ-ମ୍ପ୍ରାଯୁ॑ଙ୍କ୍ତ । ତସ୍ଯ॒ ପ୍ରଯୁ॑କ୍ତି ପଶୁ॒ମାନ॑ଭଵତ୍ । ଯଃ କା॒ମଯେ॑ତ ପଶୁ॒ମାନ୍-ଥ୍ସ୍ଯା॒ମିତି॑ । ସ ପଞ୍ଚ॑ହୋତାର॒-ମ୍ପ୍ରଯୁ॑ଞ୍ଜୀତ ॥ 69 ॥
ପ॒ଶୁ॒ମାନେ॒ଵ ଭ॑ଵତି ॥ ସୋ॑-ଽକାମଯତ॒ର୍ତଵୋ॑ ମେ କଲ୍ପେର॒ନ୍ନିତି॑ । ସ ପଞ୍ଚ॑ହୋତୁ॒-ଷ୍ଷଡ୍ଢୋ॑ତାର॒-ନ୍ନିର॑ମିମୀତ । ତ-ମ୍ପ୍ରାଯୁ॑ଙ୍କ୍ତ । ତସ୍ଯ॒ ପ୍ରଯୁ॑କ୍ତ୍ଯୃ॒ତଵୋ᳚-ଽସ୍ମା ଅକଲ୍ପନ୍ତ । ଯଃ କା॒ମଯେ॑ତ॒ର୍ତଵୋ॑ ମେ କଲ୍ପେର॒ନ୍ନିତି॑ । ସ ଷଡ୍ଢୋ॑ତାର॒-ମ୍ପ୍ରଯୁ॑ଞ୍ଜୀତ । କଲ୍ପ॑ନ୍ତେ-ଽସ୍ମା ଋ॒ତଵଃ॑ ॥ ସୋ॑-ଽକାମଯତ ସୋମ॒ପ-ସ୍ସୋ॑ମଯା॒ଜୀ ସ୍ଯା᳚ମ୍ । ଆ ମେ॑ ସୋମ॒ପ-ସ୍ସୋ॑ମଯା॒ଜୀ ଜା॑ଯେ॒ତେତି॑ ॥ 70 ॥
ସ ଷଡ୍ଢୋ॑ତୁ-ସ୍ସ॒ପ୍ତହୋ॑ତାର॒-ନ୍ନିର॑ମିମୀତ । ତ-ମ୍ପ୍ରାଯୁ॑ଙ୍କ୍ତ । ତସ୍ଯ॒ ପ୍ରଯୁ॑କ୍ତି ସୋମ॒ପ-ସ୍ସୋ॑ମଯା॒ଜ୍ଯ॑ଭଵତ୍ । ଆ-ଽସ୍ଯ॑ ସୋମ॒ପ-ସ୍ସୋ॑ମଯା॒ଜ୍ଯ॑ଜାଯତ । ଯଃ କା॒ମଯେ॑ତ ସୋମ॒ପ-ସ୍ସୋ॑ମଯା॒ଜୀ ସ୍ଯା᳚ମ୍ । ଆ ମେ॑ ସୋମ॒ପ-ସ୍ସୋ॑ମଯା॒ଜୀ ଜା॑ଯେ॒ତେତି॑ । ସ ସ॒ପ୍ତହୋ॑ତାର॒-ମ୍ପ୍ରଯୁ॑ଞ୍ଜୀତ । ସୋ॒ମ॒ପ ଏ॒ଵ ସୋ॑ମଯା॒ଜୀ ଭ॑ଵତି । ଆ-ଽସ୍ଯ॑ ସୋମ॒ପ-ସ୍ସୋ॑ମଯା॒ଜୀ ଜା॑ଯତେ ॥ ସ ଵା ଏ॒ଷ ପ॒ଶୁଃ ପ॑ଞ୍ଚ॒ଧା ପ୍ରତି॑ ତିଷ୍ଠତି ॥ 71 ॥
ପ॒ଦ୍ଭିର୍ମୁଖେ॑ନ ॥ ତେ ଦେ॒ଵାଃ ପ॒ଶୂନ୍. ଵି॒ତ୍ତ୍ଵା । ସୁ॒ଵ॒ର୍ଗଂ-ଲୋଁ॒କମା॑ଯନ୍ନ୍ ॥ ତେ॑-ଽମୁଷ୍ମି॑ଲ୍ ଁଲୋ॒କେ ଵ୍ଯ॑କ୍ଷୁଦ୍ଧ୍ଯନ୍ନ୍ । ତେ᳚-ଽବ୍ରୁଵନ୍ନ୍ । ଅ॒ମୁତଃ॑ ପ୍ରଦାନଂ॒-ଵାଁ ଉପ॑ଜିଜୀଵି॒ମେତି॑ । ତେ ସ॒ପ୍ତହୋ॑ତାରଂ-ଯଁ॒ଜ୍ଞଂ-ଵିଁ॒ଧାଯା॒ଯାସ୍ଯ᳚ମ୍ । ଆ॒ଙ୍ଗୀ॒ର॒ସ-ମ୍ପ୍ରାହି॑ଣ୍ଵନ୍ନ୍ । ଏ॒ତେନା॒ମୁତ୍ର॑ କଲ୍ପ॒ଯେତି॑ । ତସ୍ଯ॒ ଵା ଇ॒ଯ-ଙ୍କ୍ଲୃପ୍ତିଃ॑ ॥ 72 ॥
ଯଦି॒ଦ-ଙ୍କିଞ୍ଚ॑ । ଯ ଏ॒ଵଂ-ଵେଁଦ॑ । କଲ୍ପ॑ତେ-ଽସ୍ମୈ । ସ ଵା ଅ॒ଯ-ମ୍ମ॑ନୁ॒ଷ୍ଯେ॑ଷୁ ଯ॒ଜ୍ଞ-ସ୍ସ॒ପ୍ତହୋ॑ତା । ଅ॒ମୁତ୍ର॑ ସ॒ଦ୍ଭ୍ଯୋ ଦେ॒ଵେଭ୍ଯୋ॑ ହ॒ଵ୍ଯଂ-ଵଁ॑ହତି । ଯ ଏ॒ଵଂ-ଵେଁଦ॑ । ଉପୈ॑ନଂ-ଯଁ॒ଜ୍ଞୋ ନ॑ମତି ॥ ଯୋ ଵୈ ଚତୁ॑ର୍ହୋତୃଣା-ନ୍ନି॒ଦାନଂ॒-ଵେଁଦ॑ । ନି॒ଦାନ॑ଵା-ନ୍ଭଵତି । ଅ॒ଗ୍ନି॒ହୋ॒ତ୍ରଂ-ଵୈଁ ଦଶ॑ହୋତୁର୍ନି॒ଦାନ᳚ମ୍ । ଦ॒ର୍॒ଶ॒ପୂ॒ର୍ଣ॒ମା॒ସୌ ଚତୁ॑ର୍ହୋତୁଃ । ଚା॒ତୁ॒ର୍ମା॒ସ୍ଯାନି॒ ପଞ୍ଚ॑ ହୋତୁଃ । ପ॒ଶୁ॒ବ॒ନ୍ଧ-ଷ୍ଷଡ୍ଢୋ॑ତୁଃ । ସୌ॒ମ୍ଯୋ᳚-ଽଦ୍ଧ୍ଵ॒ର-ସ୍ସ॒ପ୍ତହୋ॑ତୁଃ । ଏ॒ତଦ୍ଵୈ ଚତୁ॑ର୍ହୋତୃଣା-ନ୍ନି॒ଦାନ᳚ମ୍ । ଯ ଏ॒ଵଂ-ଵେଁଦ॑ । ନି॒ଦାନ॑ଵା-ନ୍ଭଵତି ॥ 73 ॥
(ଅ॒ମି॒ମୀ॒ତ॒ ତ-ମ୍ପ୍ରାଯୁ॑ଙ୍କ୍ତ॒ - ପଞ୍ଚ॑ହୋତାର॒-ମ୍ପ୍ରଯୁ॑ଞ୍ଜିତ - ଜାଯେ॒ତେତି॑ - ତିଷ୍ଠତି॒ - କ୍ଲୃପ୍ତି॒--ର୍ ଦଶ॑ହୋତୁ-ର୍ନି॒ଦାନଗ୍ଂ॑ ସ॒ପ୍ତ ଚ॑ ) (ଅ. 11)
(ପ୍ର॒ଜାପ॑ତିରକାମଯତ ପ୍ର॒ଜା-ସ୍ସୃ॑ଜେ॒ଯେତି॑ - ପ୍ର॒ଜାପ॑ତିରକାମଯତ ଦର୍ଶପୂର୍ଣମା॒ସୌ ସୃ॑ଜେ॒ଯେତି॑ - ପ୍ର॒ଜାପ॑ତିରକାମଯତ॒ ପ୍ରଜା॑ଯେ॒ଯେତି॒ ସ ତପ॒-ସ୍ସ ତ୍ରି॒ଵୃତଂ॑ - ପ୍ର॒ଜାପ॑ତିରକାମଯତ॒ ଦଶ॑ହୋତାର॒-ନ୍ତେନ॑ ଦଶ॒ଧା-ଽଽତ୍ମାନଂ॑ - ଦେ॒ଵା ଵୈ ଵରୁ॑ଣ॒ - ମନ୍ତୋ॒ ଵୈ - ପ୍ର॒ଜାପ॑ତି॒ସ୍ତା-ସ୍ସୃ॒ଷ୍ଟା-ସ୍ସମ॑ଶ୍ଲିଷ୍ଯନ୍ - ଦେ॒ଵା ଵୈ ଚତୁ॑ର୍ହୋତୃଭି - ରି॒ଦଂ-ଵାଁ ଅଗ୍ରେ᳚ - ପ୍ର॒ଜାପ॑ତି॒ରିନ୍ଦ୍ରଂ॑ - ପ୍ର॒ଜାପ॑ତିରକାମଯତ ବ॒ହୋର୍ଭୂଯା॒ନେକା॑ଦଶ)
(ପ୍ର॒ଜାପ॑ତି॒ - ସ୍ତଦ୍ଗ୍ରହ॑ସ୍ଯ - ପ୍ର॒ଜା॑ପତିରକାମଯତା॒ - ନଯୈ॒ଵୈନ॒ତ୍ - ତସ୍ଯ॒ ଵା ଇ॒ଯ-ଙ୍କ୍ଲୃପ୍ତି॒ - ସ୍ତସ୍ମା᳚-ତ୍ତେପା॒ନାଜ୍ଜ୍ଯୋତି॒--ର୍ ଯଦ॒ସ୍ମିନ୍ନା॑ଦି॒ତ୍ଯେ -ସଷଡ୍ଢୋ॑ତୁ-ସ୍ସ॒ପ୍ତହୋ॑ତାର॒-ନ୍ତ୍ରିସ॑ପ୍ତତିଃ)
(ପ୍ର॒ଜାପ॑ତିରକାମଯତ - ନି॒ଦାନ॑ଵାନ୍ଭଵତି)
॥ ହରିଃ॑ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ଦ୍ଵିତୀଯାଷ୍ଟକେ ଦ୍ଵିତୀଯଃ ପ୍ରପାଠକ-ସ୍ସମାପ୍ତଃ ॥
Roman (IAST) Transliteration
kṛṣṇa yajurvedīya taittirīya brāhmaṇe dvitīyāṣṭake dvitīyaḥ prapāṭhakaḥ - hotṛbrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - daśahotṛmantrasya kratvarthapuruṣārthaprayogau
pra॒jāpa̭tirakāmayata pra॒jā-ssṛ̭je॒yeti̭ | sa e॒ta-ndaśa̭hotāra-mapaśyat | ta-mmana̭sā 'nu॒drutya̭ darbhasta॒mbḙ-'juhot | tato॒ vai sa pra॒jā a̭sṛjata | tā a̭smāthsṛ॒ṣṭā apā᳚krāmann | tā grahḙṇāgṛhṇāt | tadgraha̭sya graha॒tvam | yaḥ kā॒mayḙta॒ prajā̭ye॒yeti̭ | sa daśa̭hotāra॒-mmana̭sā 'nu॒drutya̭ darbhasta॒mbe jṷhuyāt | pra॒jāpa̭ti॒rvai daśa̭hotā || 1 ||
pra॒jāpa̭tire॒va bhū॒tvā pra jā̭yate || mana̭sā juhoti | mana̭ iva॒ hi pra॒jāpa̭tiḥ | pra॒jāpa̭te॒rāptyai᳚ || pū॒rṇayā̭ juhoti | pū॒rṇa i̭va॒ hi pra॒jāpa̭tiḥ | pra॒jāpa̭te॒rāptyai᳚ || nyṷ̄nayā juhoti | nyṷ̄nā॒ddhi pra॒jāpa̭tiḥ pra॒jā asṛ̭jata | pra॒jānā॒gṃ॒ sṛṣṭyai᳚ || 2 ||
da॒rbha॒sta॒mbe jṷhoti | e॒tasmā॒dvai yoneḥ᳚ pra॒jāpa̭tiḥ pra॒jā a̭sṛjata | yasmā̭de॒va yoneḥ᳚ pra॒jāpa̭tiḥ pra॒jā asṛ̭jata | tasmā̭de॒va yoneḥ॒ pra jā̭yate || brā॒hma॒ṇo da̭kṣiṇa॒ta upā᳚ste | brā॒hma॒ṇo vai pra॒jānā̭-mupadra॒ṣṭā | u॒pa॒dra॒ṣṭu॒matye॒va pra jā̭yate || graho̭ bhavati | pra॒jānāgṃ̭ sṛ॒ṣṭānā॒-ndhṛtyai᳚ || ya-mbrā᳚hma॒ṇaṃ-vi~॒dyāṃ-vi~॒dvāgṃsaṃ॒-ya~śo॒ narcchet || 3 ||
so-'ra̭ṇya-mpa॒retya̭ | da॒rbha॒sta॒mba-mu॒dgratthya̭ | brā॒hma॒ṇa-nda̭kṣiṇa॒to ni॒ṣādya̭ | catṷrhotṝ॒n vyāca̭kṣīta | e॒tadvai de॒vānā᳚-mpara॒ma-ṅguhya॒-mbrahma̭ | yaccatṷrhotāraḥ | tade॒va pra̭kā॒śa-ṅga̭mayati | tadḙna-mprakā॒śa-ṅga॒tam | pra॒kā॒śa-mpra॒jānā᳚-ṅgamayati || da॒rbha॒sta॒mba-mu॒dgratthya॒ vyāca̭ṣṭe || 4 ||
a॒gni॒vān. vai da̭rbhasta॒mbaḥ | a॒gni॒vatye॒va vyāca̭ṣṭe || brā॒hma॒ṇo da̭kṣiṇa॒ta upā᳚ste | brā॒hma॒ṇo vai pra॒jānā̭-mupadra॒ṣṭā | u॒pa॒dra॒ṣṭu॒-matye॒vainaṃ॒-ya~śa̭ ṛcchati || ī॒śva॒ra-ntaṃ-ya~śo-'rto॒rityā̭huḥ | yasyānte᳚ vyā॒caṣṭa॒ iti̭ | vara॒stasmai॒ deyaḥ̭ | yade॒vaina॒-ntatro̭pa॒ nama̭ti | tade॒vāva̭ rundhe || 5 ||
a॒gnimā॒dadhā̭no॒ daśa̭hotrā॒ 'raṇi॒mava̭daddhyāt | prajā̭tame॒vaina॒-mādha̭tte | tenai॒voddrutyā᳚gniho॒tra-ñjṷhuyāt | prajā̭tame॒vaina̭jjuhoti | ha॒virni̭rva॒phsyan-daśa̭hotāraṃ॒-vyā~ca̭kṣīta | prajā̭tame॒vaina॒-nnirva̭pati | sā॒mi॒dhe॒nī-ra̭nuva॒kṣyan-daśa̭hotāraṃ॒-vyā~ca̭kṣīta | sā॒mi॒dhe॒nīre॒va sṛ॒ṣṭvā-''rabhya॒ pra ta̭nute | atho̭ ya॒jño vai daśa̭hotā | ya॒jñame॒va ta̭nute || 6 ||
a॒bhi॒cara॒n-daśa̭hotāra-ñjuhuyāt | nava॒ vai purṷṣe prā॒ṇāḥ | nābhi̭rdaśa॒mī | saprā̭ṇame॒vaina̭-ma॒bhica̭rati | e॒tāva॒dvai purṷṣasya॒ svam | yāva̭-tprā॒ṇāḥ | yāva̭de॒vāsyāsti̭ | tada॒bhica̭rati || svakṛ̭ta॒ iri̭ṇe juhoti prada॒re vā᳚ | e॒tadvā a॒syai nir-ṛ̭tigṛhītam | nir-ṛ̭ti gṛhīta e॒vaina॒-nnir-ṛ̭tyā grāhayati || ya-dvā॒caḥ krū॒ram | tena॒ vaṣa̭ṭkaroti | vā॒ca e॒vaina̭-ṅkrū॒reṇa॒ pra vṛ̭ścati | tā॒jagārti॒mārccha̭ti || 7 ||
(daśa̭hotā॒ - sṛṣṭyā̭ - ṛ॒cche-d- vyāca̭ṣṭe - rundha - e॒va ta̭nute॒ - nir-ṛ̭tigṛhīta॒-mpañca̭ ca) (a. 1)
anuvākaṃ 2 - caturhotrādimantrāṇā-ṅkratvarthaprayogaḥ
pra॒jāpa̭tirakāmayata darśapūrṇamā॒sau sṛ̭je॒yeti̭ | sa e॒ta-ñcatṷrhotāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa da̭rśapūrṇamā॒sāva̭sṛjata | tāva̭smā-thsṛ॒ṣṭāvapā᳚krāmatām | tau grahḙṇā gṛhṇāt | tadgraha̭sya graha॒tvam | da॒r॒śa॒pū॒rṇa॒mā॒sā-vā॒labha̭mānaḥ | catṷrhotāra॒-mmana̭sā-'nu॒drutyā̭-hava॒nīyḙ juhuyāt | da॒r॒śa॒pū॒rṇa॒mā॒sāve॒va sṛ॒ṣṭvā-''rabhya॒ pra ta̭nute || 8 ||
graho̭ bhavati | da॒r॒śa॒pū॒rṇa॒mā॒sayo᳚-ssṛ॒ṣṭayo॒rdhṛtyai᳚ || so̭-'kāmayata cāturmā॒syāni̭ sṛje॒yeti̭ | sa e॒ta-mpañca̭hotāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa cā̭turmā॒syānya̭sṛjata | tānya̭smā-thsṛ॒ṣṭānyapā᳚krāmann | tāni॒ grahḙṇāgṛhṇāt | tadgraha̭sya graha॒tvam | cā॒tu॒rmā॒syānyā॒labha̭mānaḥ || 9 ||
pañca̭hotāra॒-mmana̭sā-'nu॒drutyā̭ hava॒nīyḙ juhuyāt | cā॒tu॒rmā॒syānye॒va sṛ॒ṣṭvā-''rabhya॒ pra ta̭nute | graho̭ bhavati | cā॒tu॒rmā॒syānāgṃ̭ sṛ॒ṣṭānā॒-ndhṛtyai᳚ || so̭-'kāmayata paśuba॒ndhagṃ sṛ̭je॒yeti̭ | sa e॒tagṃ ṣaḍḍho̭tāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa pa̭śuba॒ndhama̭sṛjata | so᳚-'smā-thsṛ॒ṣṭo 'pā᳚krāmat | ta-ṅgrahḙṇāgṛhṇāt || 10 ||
tadgraha̭sya graha॒tvam | pa॒śu॒ba॒ndhena̭ ya॒kṣyamā̭ṇaḥ | ṣaḍḍho̭tāra॒-mmana̭sā 'nu॒drutyā̭ hava॒nīyḙ juhuyāt | pa॒śu॒ba॒ndhame॒va sṛ॒ṣṭvā-''rabhya॒ pra ta̭nute | graho̭ bhavati | pa॒śu॒ba॒ndhasya̭ sṛ॒ṣṭasya॒ dhṛtyai᳚ || so̭-'kāmayata sau॒mya-ma̭ddhva॒ragṃ sṛ̭je॒yeti̭ | sa e॒tagṃ sa॒ptaho̭tāra-mapaśyat | ta-mmana̭sā-'nu॒drutyā̭ hava॒nīyḙ 'juhot | tato॒ vai sa sau॒mya-ma̭ddhva॒ra-ma̭sṛjata || 11 ||
so᳚-'smā-thsṛ॒ṣṭo-'pā᳚krāmat | ta-ṅgrahḙṇāgṛhṇāt | tadgraha̭sya graha॒tvam | dī॒kṣi॒ṣyamā̭ṇaḥ | sa॒ptaho̭tāra॒-mmana̭sā-'nu॒drutyā̭ hava॒nīyḙ juhuyāt | sau॒myame॒vāddhva॒ragṃ sṛ॒ṣṭvā-''rabhya॒ pra ta̭nute | graho̭ bhavati | sau॒myasyā᳚-ddhva॒rasya̭ sṛ॒ṣṭasya॒ dhṛtyai᳚ || de॒vebhyo॒ vai ya॒jño na prābha̭vat | tamḙtāva॒ccha-ssama̭bharann || 12 ||
ya-thsa̭bhāṃ॒rāḥ | tato॒ vai tebhyo̭ ya॒jñaḥ prābha̭vat | ya-thsa̭bhāṃ॒rā bhava̭nti | ya॒jñasya॒ prabhū᳚tyai || ā॒ti॒tthyamā॒sādya॒ vyāca̭ṣṭe | ya॒jña॒mu॒khaṃ-vā~ ā̭ti॒thyam | mu॒kha॒ta e॒va ya॒jñagṃ sa॒bhṛntya॒ pra ta̭nute || aya̭jño॒ vā e॒ṣaḥ | yo̭-'pa॒tnīkaḥ̭ | na pra॒jāḥ pra jā̭yerann | patnī॒rvyāca̭ṣṭe | ya॒jñame॒vākaḥ̭ | pra॒jānā᳚-mpra॒jana̭nāya || u॒pa॒sathsu॒ vyāca̭ṣṭe | e॒tadvai patnī̭nā-mā॒yata̭nam | sva e॒vainā̭ ā॒yata॒ne-'va̭ kalpayati || 13 ||
(ta॒nu॒ta॒ - ā॒labha̭māno - 'gṛhṇā - dasṛja - tābhara - ñjāyera॒n-thṣaṭca̭) (a. 2)
anuvākaṃ 3 - caturhotṛpañcahotṛmantragrahabhāgayoḥ puruṣārtha prayogaḥ
pra॒jāpa̭ti-rakāmayata॒ pra jā̭ye॒yeti̭ | sa tapo̭-'tapyata | sa tri॒vṛta॒gg॒ stoma̭-masṛjata | ta-mpa̭ñcada॒śastomo̭ maddhya॒ta uda̭tṛṇat | tau pū᳚rvapa॒kṣaścā̭parapa॒kṣaścā̭bhavatām | pū॒rva॒pa॒kṣa-nde॒vā anvasṛ̭jyanta | a॒pa॒ra॒pa॒kṣa-manvasṷrāḥ | tato̭ de॒vā abha̭vann | parā-'sṷrāḥ | ya-ṅkā॒mayḙta॒ vasī̭yān-thsyā॒diti̭ || 14 ||
ta-mpū᳚rvapa॒kṣe yā̭jayet | vasī̭yāne॒va bha̭vati | ya-ṅkā॒mayḙta॒ pāpī̭yān-thsyā॒diti̭ | tama̭parapa॒kṣe yā̭jayet | pāpī̭yāne॒va bha̭vati | tasmā᳚-tpūrvapa॒kṣo̭ ¶pa॒kṣāt-ka̭ru॒ṇya̭taraḥ || pra॒jāpa̭ti॒rvai daśa̭hotā | catṷrhotā॒ pañca̭hotā | ṣaḍḍho̭tā sa॒ptaho̭tā | ṛ॒tavaḥ̭ saṃva~thsa॒raḥ || 15 ||
pra॒jāḥ pa॒śava̭ i॒me lo॒kāḥ | ya e॒va-mpra॒jāpa̭ti-mba॒horbhūyāgṃ̭saṃ॒-ve~da̭ | ba॒hore॒va bhūyā᳚-nbhavati || pra॒jāpa̭ti-rdevāsu॒rāna̭sṛjata | sa indra॒mapi॒ nāsṛ̭jata | ta-nde॒vā a̭bruvann | indra̭-nno jana॒yeti̭ | so᳚-'bravīt | yathā॒ 'haṃ-yu~॒ṣmāg stapa॒sā 'sṛ̭kṣi | e॒vamindra̭-ñjanayaddhva॒miti̭ || 16 ||
te tapo̭-'tapyanta | ta ā॒tmannindra̭-mapaśyann | tama̭bruvann | jāya॒sveti̭ | so᳚-'bravīt | ki-mbhā̭ga॒dheya̭-ma॒bhija̭niṣya॒ iti̭ | ṛ॒tūn-thsaṃ̭va~thsa॒ram | pra॒jāḥ pa॒śūn | i॒māl ~lo॒kānitya̭bruvann | taṃ-vai~ mā-''hṷtyā॒ praja̭naya॒tetya̭bravīt || 17 ||
ta-ñcatṷrhotrā॒ prāja̭nayann || yaḥ kā॒mayḙta vī॒ro ma॒ ā jā̭ye॒teti̭ | sa catṷrhotāra-ñjuhuyāt | pra॒jāpa̭ti॒rvai catṷrhotā | pra॒jāpa̭tire॒va bhū॒tvā prajā̭yate | ja॒jana॒dindra̭-mindri॒yāya॒ svāheti॒ grahḙṇa juhoti | ā-'sya̭ vī॒ro jā̭yate | vī॒ragṃ hi de॒vā e॒tayā ''hṷtyā॒ prāja̭nayann || ā॒di॒tyāścāṅgi̭rasaśca suva॒rge lo॒ke᳚ 'spardhanta | va॒ya-mpūrvḙ suva॒rgaṃ-lo~॒kami̭yāma va॒ya-mpūrva॒ iti̭ || 18 ||
ta ā̭di॒tyā e॒ta-mpañca̭hotāra-mapaśyann | ta-mpu॒rā prā̭taranuvā॒kādāgnī᳚ddhre 'juhavuḥ | tato॒ vai te pūrvḙ suva॒rgaṃ-lo~॒kamā̭yann | ya-ssṷva॒rgakā̭ma॒-ssyāt | sa pañca̭hotāra-mpu॒rā prā̭taranuvā॒kādāgnī᳚ddhre juhuyāt | saṃ॒va~॒thsa॒ro vai pañca̭hotā | saṃ॒va~॒thsa॒ra-ssṷva॒rgo lo॒kaḥ | saṃ॒va~॒thsa॒ra e॒vartuṣṷ prati॒ṣṭhāya̭ | su॒va॒rgaṃ-lo~॒kamḙti || te᳚bruva॒-nnaṅgi̭rasa ādi॒tyān || 19 ||
kva̭ stha | kva̭ va-ssa॒dbhyo ha॒vyaṃ-va~̭kṣyāma॒ iti̭ | chanda॒-ssvitya̭bruvann | gā॒ya॒tri॒yā-ntri॒ṣṭubhi॒-jaga̭tyā॒miti̭ | tasmā॒cchandaḥ̭ su sa॒dbhya ā̭di॒tyebhyaḥ̭ | ā॒ṅgī॒ra॒sīḥ pra॒jā ha॒vyaṃ-va~̭hanti | vaha̭ntyasmai pra॒jā ba॒lim | aina॒mapra̭tikhyāta-ṅgacchati | ya e॒vaṃ-ve~da̭ || dvāda̭śa॒ māsāḥ॒ pañca॒rtavaḥ̭ | traya̭ i॒me lo॒kāḥ | a॒sāvā̭di॒tya ḙkavi॒gṃ॒śaḥ | e॒tasmi॒n vā e॒ṣa śri॒taḥ | e॒tasmi॒n-prati̭ṣṭhitaḥ | ya e॒vame॒tagg śri॒ta-mprati̭ṣṭhitaṃ॒-ve~da̭ | pratye॒va ti̭ṣṭhati || 20 ||
(syā॒diti̭ - saṃva~thsa॒ro - ja̭nayaddhva॒mitī - tya̭bravī॒t - pūrva॒ ityā̭ - di॒tyān - ṛ॒tava॒-ṣṣaṭca̭) (a. 3)
anuvākaṃ 4 - jaga-thsṛṣṭikathanamukhena hotṛmantrapraśaṃsā
pra॒jāpa̭ti-rakāmayata॒ prajā̭ye॒yeti̭ | sa e॒ta-ndaśa̭hotāra-mapaśyat | tena̭ daśa॒dhā ''tmānaṃ̭-vi~॒dhāya̭ | daśa̭hotrā 'tapyata | tasya॒ citti॒-ssrugāsī᳚t | ci॒ttamājya᳚m | tasyai॒tā̭vatye॒va vāgāsī᳚t | e॒tāvāṋ. yajñakra॒tuḥ || sa catṷrhotāra-masṛjata | so̭-'nandat || 21 ||
asṛ̭kṣi॒ vā i॒mamiti̭ | tasya॒ somo̭ ha॒virāsī᳚t | sa catṷrhotrā 'tapyata | so̭-'tāmyat | sa bhūriti॒ vyāha̭rat | sa bhūmi̭masṛjata | a॒gni॒ho॒tra-nda̭rśapūrṇamā॒sau yajūgṃ̭ṣi | sa dvi॒tīya̭matapyata | so̭-'tāmyat | sa bhuva॒ iti॒ vyāha̭rat || 22 ||
so᳚-'ntari̭kṣa-masṛjata | cā॒tu॒rmā॒syāni॒ sāmā̭ni | sa tṛ॒tīya̭matapyata | so̭-'tāmyat | sa suva॒riti॒ vyāha̭rat | sa diva̭masṛjata | a॒gni॒ṣṭo॒ma-mu॒kthya̭-matirā॒tramṛcaḥ̭ | e॒tā vai vyāhṛ̭taya i॒me lo॒kāḥ | i॒mā-nkhalu॒ vai lo॒kānanṷ pra॒jāḥ pa॒śava॒śchandāgṃ̭si॒ prājā̭yanta | ya e॒vame॒tāḥ pra॒jāpa̭teḥ pratha॒mā vyāhṛ̭tīḥ॒ prajā̭tā॒ veda̭ || 23 ||
pra pra॒jayā̭ pa॒śubhi̭-rmithu॒nai-rjā̭yate || sa pañca̭hotāra-masṛjata | sa ha॒virnā-vi̭ndata | tasmai॒ soma̭-sta॒nuva॒-mprāya̭cchat | e॒ta-ttḙ ha॒viriti̭ | sa pañca̭hotrā 'tapyata | so̭-'tāmyat | sa pra॒tyaṅṅa̭bādhata | so-'sṷrā-nasṛjata | tada॒syā pri̭yamāsīt || 24 ||
ta-ddu॒rvarṇa॒gṃ॒ hira̭ṇyamabhavat | ta-ddu॒rvarṇa̭sya॒ hira̭ṇyasya॒ janma̭ | sa dvi॒tīya̭matapyata | so̭-'tāmyat | sa prāṃa̭bādhata | sa de॒vāna̭sṛjata | tada̭sya pri॒yama̭sīt | ta-thsu॒varṇa॒gṃ॒ hira̭ṇyamabhavat | ta-thsu॒varṇa̭sya॒ hira̭ṇyasya॒ janma̭ | ya e॒vagṃ su॒varṇa̭sya॒ hira̭ṇyasya॒ janma॒ veda̭ || 25 ||
su॒varṇa̭ ā॒tmanā̭ bhavati | du॒rvarṇo᳚-'sya॒ bhrātṛ̭vyaḥ | tasmā᳚-thsu॒varṇa॒gṃ॒ hira̭ṇya-mbhā॒rya᳚m | su॒varṇa̭ e॒va bha̭vati | aina̭-mpri॒ya-ṅga̭cchati॒ nāpri̭yam || sa sa॒ptaho̭tāra-masṛjata | sa sa॒ptaho᳚trai॒va sṷva॒rgaṃ-lo~॒kamai᳚t || tri॒ṇa॒vena॒ stomḙnai॒bhyo lo॒kebhyo-'sṷrā॒-nprāṇṷdata | tra॒ya॒stri॒gṃ॒śena॒ pratya̭tiṣṭhat | e॒ka॒vi॒gṃ॒śena॒ ruca̭madhatta || 26 ||
sa॒pta॒da॒śena॒ prājā̭yata | ya e॒vaṃ-vi~॒dvān-thsomḙna॒ yaja̭te | sa॒ptaho᳚trai॒va sṷva॒rgaṃ-lo~॒kamḙti | tri॒ṇa॒vena॒ stomḙnai॒bhyo lo॒kebhyo॒ bhrātṛ̭vyā॒n-praṇṷdate | tra॒ya॒stri॒gṃ॒śena॒ prati̭ tiṣṭhati | e॒ka॒vi॒gṃ॒śena॒ ruca̭-ndhatte | sa॒pta॒da॒śena॒ prajā̭yate | tasmā᳚-thsaptada॒śa-sstomo॒ na ni॒r॒hṛtyaḥ̭ | pra॒jāpa̭ti॒ rvai sa̭ptada॒śaḥ | pra॒jāpa̭time॒va ma̭ddhya॒to dha̭tte॒ prajā᳚tyai || 27 ||
(a॒na॒nda॒-d- bhuva॒ iti॒ vyāha̭ra॒-d- vedā̭ - sī॒-d- vedā̭ - dhatta॒ - prajā᳚tyai) (a. 4)
anuvākaṃ 5 - dakṣiṇāpratigrahamantravyākhyānam
de॒vā vai varṷṇamayājayann | sa yasyai̭ yasyai de॒vatā̭yai॒ dakṣi̭ṇā॒mana̭yat | tāma̭vlīnāt | te᳚-'bruvann | vyā॒vṛtya॒ prati̭ gṛhṇāma | tathā̭ no॒ dakṣi̭ṇā॒ na vle᳚ṣya॒tīti̭ | te vyā॒vṛtya॒ pratya̭gṛhṇann | tato॒ vai tā-ndakṣi̭ṇā॒ nāvlī̭nāt | ya e॒vaṃ-vi~॒dvān vyā॒vṛtya॒ dakṣi̭ṇā-mpratigṛ॒hṇāti̭ | naina॒-ndakṣi̭ṇā vlīnāti || 28 ||
rājā᳚ tvā॒ varṷṇo nayatu devi dakṣiṇe॒-'gnaye॒ hira̭ṇya॒mityā̭ha | ā॒gne॒yaṃ-vai~ hira̭ṇyam | svayai॒vaina̭-dde॒vata̭yā॒ prati̭ gṛhṇāti | somā̭ya॒ vāsa॒ ityā̭ha | sau॒myaṃ-vai~ vāsaḥ̭ | svayai॒vaina̭-dde॒vata̭yā॒ prati̭ gṛhṇāti | ru॒drāya॒ gāmityā̭ha | rau॒drī vai gauḥ | svayai॒vainā᳚-nde॒vata̭yā॒ prati̭ gṛhṇāti | varṷṇā॒yāśva॒mityā̭ha || 29 ||
vā॒ru॒ṇo vā aśvaḥ̭ | svayai॒vaina̭-nde॒vata̭yā॒ prati̭ gṛhṇāti | prā॒jāpa̭taye॒ purṷṣa॒mityā̭ha | prā॒jā॒pa॒tyo vai purṷṣaḥ | svayai॒vaina̭-nde॒vata̭yā॒ prati̭ gṛhṇāti | mana̭ve॒ talpa॒mityā̭ha | mā॒na॒vo vai talpaḥ̭ | svayai॒vaina̭-nde॒vata̭yā॒ prati̭ gṛhṇāti | u॒ttā॒nāyā᳚ṅgīra॒sāyāna॒ ityā̭ha | i॒yaṃ-vā~ ṷttā॒na ā᳚ṅgīra॒saḥ || 30 ||
a॒nayai॒vaina॒t-prati̭ gṛhṇāti || vai॒śvā॒na॒ryārcā ratha॒-mprati̭ gṛhṇāti | vai॒śvā॒na॒ro vai de॒vata̭yā॒ rathaḥ̭ | svayai॒vaina̭-nde॒vata̭yā॒ prati̭ gṛhṇāti || tenā̭mṛta॒tvama̭śyā॒-mityā̭ha | a॒mṛta̭me॒vātman-dha̭tte || vayo̭ dā॒tra ityā̭ha | vaya̭ e॒vaina̭-ṅkṛ॒tvā | su॒va॒rgaṃ-lo~॒ka-ṅga̭mayati || mayo॒ mahya̭mastu pratigrahī॒tra ityā̭ha || 31 ||
yadvai śi॒vam | tanmayaḥ̭ | ā॒tmana̭ e॒vaiṣā parī᳚ttiḥ || ka i॒da-ṅkasmā̭ adā॒dityā̭ha | pra॒jāpa̭ti॒rvai kaḥ | sa pra॒jāpa̭taye dadāti || kāmaḥ॒ kāmā॒yetyā̭ha | kāmḙna॒ hi dadā̭ti | kāmḙna pratigṛ॒hṇāti̭ || kāmo̭ dā॒tā kāmaḥ̭ prati grahī॒tetyā̭ha || 32 ||
kāmo॒ hi dā॒tā | kāmaḥ̭ prati grahī॒tā || kāmagṃ̭ samu॒dra-māvi॒śetyā̭ha | sa॒mu॒dra i̭va॒ hi kāmaḥ̭ | neva॒ hi kāma॒syānto-'sti̭ | na sa̭mu॒drasya̭ || kāmḙna tvā॒ prati̭ gṛhṇā॒mītyā̭ha | yena॒ kāmḙna prati gṛ॒hṇāti̭ | sa e॒vaina̭ma॒muṣmi̭l ~lo॒ke kāma॒ āga̭cchati || kāmai॒tatta̭ e॒ṣā tḙ kāma॒ dakṣi॒ṇetyā̭ha | kāma̭ e॒va ta-dyaja̭māno॒-'muṣmi̭l ~lo॒ke dakṣi̭ṇāmicchati | na pra̭tigrahī॒tari̭ || ya e॒vaṃ-vi~॒dvān-dakṣi̭ṇā-mpratigṛ॒hṇāti̭ | a॒nṛ॒ṇāme॒vainā॒-mprati̭ gṛhṇāti || 33 ||
(vlī॒nā॒tya - śva॒mityā̭hā - ṅgira॒saḥ - pra̭tigrahī॒tra ityā̭ha - pratigrahī॒tetyā̭ha॒ - dakṣi॒ṇetyā̭ha ca॒tvāri̭ ca) (a. 5)
anuvākaṃ 6 - dvādaśāhadaśame-'hani hotṛmantrāḥ
anto॒ vā e॒ṣa ya॒jñasya̭ | ya-dda̭śa॒mamahaḥ̭ | da॒śa॒me-'ha᳚n-thsarparā॒jñiyā̭ ṛ॒gbhi-sstṷvanti | ya॒jñasyai॒vānta̭-ṅga॒tvā | a॒nnādya॒mava̭rundhate || ti॒sṛbhiḥ̭ stuvanti | traya̭ i॒me lo॒kāḥ | e॒bhya e॒va lo॒kebhyo॒-'nnādya॒mava̭rundhate | pṛśni̭vatī-rbhavanti | annaṃ॒-vai~ pṛśni̭ || 34 ||
anna̭me॒vāva̭-rundhate || mana̭sā॒ prastaṷti | mana॒sodgā̭yati | mana̭sā॒ prati̭ harati | mana̭ iva॒ hi pra॒jāpa̭tiḥ | pra॒jāpa̭te॒rāptyai᳚ || de॒vā vai sa॒rpāḥ | teṣā̭mi॒yagṃ rājñī᳚ | ya-thsa̭rparā॒jñiyā̭ ṛ॒gbhi-sstu॒vanti̭ | a॒syāme॒va prati̭ tiṣṭhanti || 35 ||
catṷrhotṝ॒n॒. hotā॒ vyāca̭ṣṭe | stu॒tamanṷśagṃsati॒ śāntyai᳚ || anto॒ vā e॒ṣa ya॒jñasya̭ | ya-dda̭śa॒mamahaḥ̭ | e॒ta-tkhalu॒ vai de॒vānā᳚-mpara॒ma-ṅguhya॒-mbrahma̭ | yaccatṷrhotāraḥ | da॒śa॒me-'ha॒gg॒-ścatṷrhotṝ॒n vyāca̭ṣṭe | ya॒jñasyai॒vānta̭-ṅga॒tvā | pa॒ra॒ma-nde॒vānā॒-ṅguhya॒-mbrahmāva̭rundhe | tade॒va pra̭kā॒śa-ṅga̭mayati || 36 ||
tadḙna-mprakā॒śa-ṅga॒tam | pra॒kā॒śa-mpra॒jānā᳚-ṅgamayati || vācaṃ̭-ya~cchati | ya॒jñasya॒ dhṛtyai᳚ || ya॒ja॒mā॒na॒de॒va॒tyaṃ̭-vā~ ahaḥ̭ | bhrā॒tṛ॒vya॒de॒va॒tyā̭ rātriḥ̭ | ahnā॒ rātri̭-ndhyāyet | bhrātṛ̭vyasyai॒va tallo॒kaṃ-vṛ~̭ṅkte | yaddivā॒ vācaṃ̭-vi~sṛ॒jet | aha॒rbhrātṛ̭vyā॒yocchigṃ̭ṣet | yannaktaṃ̭-vi~sṛ॒jet | rātri॒-mbhrātṛ̭vyā॒yocchigṃ̭ṣet | a॒dhi॒vṛ॒kṣa॒sū॒rye vācaṃ॒-vi~sṛ̭jati | e॒tāva̭ntame॒vāsmai̭ lo॒kamucchigṃ̭ṣati | yāva̭dādi॒tyo᳚-'sta॒meti̭ || 37 ||
(pṛśni̭ - tiṣṭhanti - gamayati - śigṃṣe॒-tpañca̭ ca) (a. 6)
anuvākaṃ 7 - saptahotṛmantrasādhyayajñapraśaṃsā
pra॒jāpa̭tiḥ pra॒jā a̭sṛjata | tā-ssṛ॒ṣṭā-ssama̭śliṣyann | tā rū॒peṇānu॒ prāvi̭śat | tasmā̭dāhuḥ | rū॒paṃ-vai~ pra॒jāpa̭ti॒riti̭ | tā nāmnā-'nu॒ prāvi̭śat | tasmā̭dāhuḥ | nāma॒ vai pra॒jāpa̭ti॒riti̭ | tasmā॒dapyā̭ 'mi॒trau sa॒gantya̭ | nāmnā॒ ceddhvayḙte || 38 ||
mi॒trame॒va bha̭vataḥ || pra॒jāpa̭ti-rdevāsu॒rāna̭sṛjata | sa indra॒mapi॒ nāsṛ̭jata | ta-nde॒vā a̭bruvann | indra̭-nno jana॒yeti̭ | sa ā॒tma-nnindra̭-mapaśyat | tama̭sṛjata | ta-ntri॒ṣṭug-vī॒rya̭-mbhū॒tvā-'nu॒ prāvi̭śat | tasya॒ vajraḥ̭ pañcada॒śo hasta॒ āpa̭dyata | teno॒dayyāsṷrāna॒bhya̭ bhavat || 39 ||
ya e॒vaṃ-ve~da̭ | a॒bhi bhrātṛ̭vyā-nbhavati || te de॒vā asṷrai-rvi॒jitya̭ | su॒va॒rgaṃ-lo~॒kamā̭yann | tḙ-'muṣmi̭l ~lo॒ke vya̭kṣuddhyann | te᳚-'bruvann | a॒mutaḥ̭ pradānaṃ॒-vā~ upa̭jijīvi॒meti̭ | te sa॒ptaho̭tāraṃ-ya~॒jñaṃ-vi~॒dhāyā॒yāsya᳚m | ā॒ṅgī॒ra॒sa-mprāhi̭ṇvann | e॒tenā॒mutra̭ kalpa॒yeti̭ || 40 ||
tasya॒ vā i॒ya-ṅklṛptiḥ̭ | yadi॒da-ṅki-ñca̭ | ya e॒vaṃ-ve~da̭ | kalpa̭te-'smai | sa vā a॒ya-mma̭nu॒ṣyḙṣu ya॒jña-ssa॒ptaho̭tā | a॒mutra̭ sa॒dbhyo de॒vebhyo̭ ha॒vyaṃ-va~̭hati | ya e॒vaṃ-ve~da̭ | upai̭naṃ-ya~॒jño na̭mati || so̭-'manyata | a॒bhi vā i॒me᳚-'smā-llo॒kāda॒muṃlo~॒ka-ṅka̭miṣyanta॒ iti̭ | sa vāca̭spate॒ hṛditi॒ vyāha̭rat | tasmā᳚-tpu॒tro hṛda̭yam | tasmā̭da॒smā-llo॒kāda॒muṃ-lo~॒ka-nnābhikā̭mayante | pu॒tro hi hṛda̭yam || 41 ||
(hvayḙta - abhavat - kalpa॒ye - tīti̭ ca॒tvāri̭ ca) (a. 7)
anuvākaṃ 8 - hotṛmantrāṇāṃ somayāgāṅgatvam
de॒vā vai catṷrhotṛbhi-rya॒jñama̭tanvata | te vi pā॒pmanā॒ bhrātṛ̭vye॒ṇāja̭yanta | a॒bhi sṷva॒rgaṃ-lo~॒kama̭jayann | ya e॒vaṃ-vi~॒dvāg-ścatṷrhotṛbhirya॒jña-nta̭nu॒te | vi pā॒pmanā॒ bhrātṛ̭vyeṇa jayate | a॒bhi sṷva॒rgaṃ-lo~॒ka-ñja̭yati || ṣaḍḍho᳚trā prāya॒ṇīya॒māsā̭dayati | a॒muṣmai॒ vai lo॒kāya॒ ṣaḍḍho̭tā | ghnanti॒ khalu॒ vā e॒ta-thsoma᳚m | yada̭bhiṣu॒ṇvanti̭ || 42 ||
ṛ॒ju॒dhaivaina̭ma॒muṃ-lo~॒ka-ṅga̭mayati | catṷrhotrā ''ti॒tthyam | yaśo॒ vai catṷrhotā | yaśa̭ e॒vātman-dha̭tte | pañca̭hotrā pa॒śumupa̭ sādayati | su॒va॒rgyo̭ vai pañca̭hotā | yaja̭mānaḥ pa॒śuḥ | yaja̭māname॒va sṷva॒rgaṃ-lo~॒ka-ṅga̭mayati | grahā᳚n-gṛhī॒tvā sa॒ptaho̭tāra-ñjuhoti | i॒ndri॒yaṃ-vai~ sa॒ptaho̭tā || 43 ||
i॒ndri॒yame॒vātman-dha̭tte || yo vai catṷrhotṝ-nanusava॒na-nta॒rpaya̭ti | tṛpya̭ti pra॒jayā̭ pa॒śubhiḥ̭ | upai̭nagṃ somapī॒tho na̭mati | ba॒hi॒ṣpava॒mā॒ne daśa̭hotāraṃ॒-vyā~ca̭kṣīta | māddhya̭ndine॒ pava̭māne॒ catṷrhotāram | ārbha̭ve॒ pava̭māne॒ pañca̭hotāram | pi॒tṛ॒ya॒jñe ṣaḍḍho̭tāram | ya॒jñā॒ya॒jñiya̭sya sto॒tre sa॒ptaho̭tāram | a॒nu॒sa॒va॒name॒vaināg̭ starpayati || 44 ||
tṛpya̭ti pra॒jayā̭ pa॒śubhiḥ̭ | upai̭nagṃ somapī॒tho na̭mati || de॒vā vai catṷrhotṛbhi-ssa॒tramā̭sata | ṛddhi̭parimitaṃ॒-ya~śa̭skāmāḥ | te᳚-'bruvann | yannaḥ̭ pratha॒maṃ-ya~śa̭ ṛ॒cchāt | sarvḙṣā-nna॒sta-thsa॒hāsa॒diti̭ | soma॒ścatṷrhotrā | a॒gniḥ pañca̭hotrā | dhā॒tā ṣaḍḍho᳚trā || 45 ||
indraḥ̭ sa॒ptaho᳚trā | pra॒jāpa̭ti॒-rdaśa̭hotrā | teṣā॒gṃ॒ soma॒gṃ॒ rājā̭naṃ॒-ya~śa̭ ārcchat || tannya̭kāmayata | tenāpā᳚krāmat | tena̭ pra॒lāya̭macarat | ta-nde॒vāḥ prai॒ṣaiḥ praiṣa̭maicchann | tat-prai॒ṣāṇā᳚-mpraiṣa॒tvam | ni॒vidbhi॒rnya̭vedayann | tanni॒vidā᳚-nnivi॒ttvam || 46 ||
ā॒prībhi̭rāpnuvann | tadā॒prīṇā̭māpri॒tvam | tama̭ghnann | tasya॒ yaśo॒ vya̭gṛhṇata | te grahā̭ abhavann | tadgrahā̭ṇā-ṅgraha॒tvam | yasyai॒vaṃ-vi~॒duṣo॒ grahā̭ gṛ॒hyante᳚ | tasya॒ tvḙva gṛ̭hī॒tāḥ || te᳚-'bruvann | yo vai na॒-śśreṣṭho-'bhū᳚t || 47 ||
tama̭vadhiṣma | puna̭ri॒magṃ sṷvāmahā॒ iti̭ | ta-ñchando̭bhi-rasuvanta | tacchanda̭sā-ñchanda॒stvam | sāmnā॒ samāna̭yann | ta-thsāmnaḥ̭ sāma॒tvam | u॒kthai-ruda̭sthāpayann | tadu॒kthānā̭-muktha॒tvam | ya e॒vaṃ-ve~da̭ | pratye॒va ti̭ṣṭhati || 48 ||
sarva॒māyṷreti || somo॒ vai yaśaḥ̭ | ya e॒vaṃ-vi~॒dvān-thsoma̭mā॒gaccha̭ti | yaśa̭ e॒vaina̭mṛcchati | tasmā̭dāhuḥ | yaścai॒vaṃ-ve~da॒ yaśca॒ na | tāvu॒bhau soma॒-māga̭cchataḥ | somo॒ hi yaśaḥ̭ | ta-ntvā-'va yaśa̭ ṛccha॒tītyā̭huḥ | ya-ssome॒ soma॒-mprāheti̭ | tasmā॒-thsome॒ somaḥ॒ procyaḥ̭ | yaśa̭ e॒vaina̭mṛcchati || 49 ||
(a॒bhi॒ṣu॒ṇvanti̭ - sa॒ptaho̭tā - tarpayati॒ - ṣaḍḍho᳚trā - nivi॒ttva - mabhū᳚t - tiṣṭhati॒ - prāheti॒ dve ca̭) (a. 8)
anuvākaṃ 9 - hotṛmantrotpattikathanaprasaṅgena jaga-thsṛṣṭiḥ
i॒daṃ-vā~ agre॒ naiva kiñca॒nāsī᳚t | na dyaurā̭sīt | na pṛ̭thi॒vī | nāntari̭kṣam | tadasa̭de॒va sanmano̭ 'kuruta॒ syāmiti̭ | tada̭tapyata | tasmā᳚t-tepā॒nāddhū॒mo̭-'jāyata | ta-dbhūyo̭-'tapyata | tasmā᳚t-tepā॒nāda॒gni-ra̭jāyata | ta-dbhūyo̭-'tapyata || 50 ||
tasmā᳚t-tepā॒nājjyoti̭-rajāyata | ta-dbhūyo̭-'tapyata | tasmā᳚t-tepā॒nāda॒rci-ra̭jāyata | ta-dbhūyo̭-'tapyata | tasmā᳚t-tepā॒nānmarī̭cayo-'jāyanta | ta-dbhūyo̭-'tapyata | tasmā᳚t-tepā॒nādṷdā॒rā a̭jāyanta | ta-dbhūyo̭-'tapyata | tada॒bhrami̭va॒ sama̭hanyata || ta-dva॒stima̭bhinat || 51 ||
sa sa̭mu॒dro̭-'bhavat | tasmā᳚-thsamu॒drasya॒ na pi̭banti | pra॒jana̭namiva॒ hi manya̭nte | tasmā᳚-tpa॒śo-rjāya̭mānā॒dāpaḥ̭ pu॒rastā᳚-dyanti || ta-ddaśa̭ho॒tā-'nva̭sṛjyata | pra॒jāpa̭ti॒rvai daśa̭ hotā || ya e॒va-ntapa̭so vī॒ryaṃ̭-vi~॒dvāgstapya̭te | bhava̭tye॒va || tadvā i॒damāpaḥ̭ sali॒la-mā̭sīt | so̭-'rodīt-pra॒jāpa̭tiḥ || 52 ||
sa kasmā̭ ajñi | ya-dya॒syā apra̭tiṣṭhāyā॒ iti̭ | yada॒phsva̭-vāpa̭dyata | sā pṛ̭thi॒vya̭bhavat | yadvyamṛ̭ṣṭa | tada॒ntari̭kṣa-mabhavat | yadū॒rdhva-mu॒damṛ̭ṣṭa | sā dyaura̭bhavat | yadaro̭dīt | tada॒nayo̭ roda॒stvam || 53 ||
ya e॒vaṃ-ve~da̭ | nāsya̭ gṛ॒he rṷdanti | e॒tadvā e॒ṣāṃ-lo~॒kānā॒-ñjanma̭ | ya e॒vame॒ṣāṃ-lo~॒kānā॒-ñjanma॒ veda̭ | naiṣu lo॒ke-ṣvārti॒mārccha̭ti | sa i॒mā-mpra̭ti॒ṣṭhā-ma̭vindata || sa i॒mā-mpra̭ti॒ṣṭhāṃ-vi~॒ttvā 'kā̭mayata॒ prajā̭ye॒yeti̭ | sa tapo̭-'tapyata | so᳚-'ntarvā̭nabhavat | sa ja॒ghanā॒dasṷrā-nasṛjata || 54 ||
tebhyo̭ mṛ॒nmaye॒ pātre-'nna̭maduhat | yā-'sya॒ sā ta॒nūrāsī᳚t | tāmapā̭hata | sā tami̭srā-'bhavat || so̭-'kāmayata॒ prajā̭ye॒yeti̭ | sa tapo̭-'tapyata | so᳚-'ntarvā̭-nabhavat | sa pra॒jana̭nāde॒va pra॒jā a̭sṛjata | tasmā̭di॒mā bhūyi̭ṣṭhāḥ | pra॒jana̭nā॒ddhyḙnā॒ asṛ̭jata || 55 ||
tābhyo̭ dāru॒maye॒ pātre॒ payo̭-'duhata | yā-'sya॒ sā ta॒nūrāsī᳚t | tāmapā̭hata | sā jothsnā̭ 'bhavat || so̭-'kāmayata॒ prajā̭ye॒yeti̭ | satapo̭-'tapyata | so᳚-'ntarvā̭-nabhavat | sa ṷpapa॒kṣābhyā̭-me॒vartūna̭sṛjata | tebhyo̭ raja॒te pātrḙ ghṛ॒tama̭duhat | yā-'sya॒ sā ta॒nūrāsī᳚t || 56 ||
tāmapā̭hata | so̭-'horā॒trayo᳚-ssa॒ndhi-ra̭bhavat || so̭-'kāmayata॒ prajā̭ye॒yeti̭ | sa tapo̭-'tapyata | so᳚-'ntarvā̭-nabhavat | sa mukhā᳚-dde॒vā-na̭sṛjata | tebhyo॒ hari̭te॒ pātre॒ soma̭maduhat | yā-'sya॒ sā ta॒nūrāsī᳚t | tāmapā̭hata | tadaha̭rabhavat || 57 ||
e॒te vai pra॒jāpa̭te॒rdohāḥ᳚ | ya e॒vaṃ-ve~da̭ | du॒ha e॒va pra॒jāḥ || divā॒ vai no̭-'bhū॒diti̭ | ta-dde॒vānā᳚-ndeva॒tvam | ya e॒va-nde॒vānā᳚-ndeva॒tvaṃ-ve~da̭ | de॒vavā̭ne॒va bha̭vati || e॒tadvā a̭horā॒trāṇā॒-ñjanma̭ | ya e॒vama̭horā॒trāṇā॒-ñjanma॒ veda̭ | nāho̭rā॒treṣvārti॒mārccha̭ti || 58 ||
asa॒to-'dhi॒ mano̭-'sṛjyata | manaḥ̭ pra॒jāpa̭ti-masṛjata | pra॒jāpa̭tiḥ pra॒jā a̭sṛjata | tadvā i॒da-mmana̭sye॒va pa̭ra॒ma-mprati̭ṣṭhitam | yadi॒da-ṅkiñca̭ | tade॒tacchvo̭vasya॒ sannāma॒ brahma̭ || vyu॒cchantī᳚ vyucchantyasmai॒ vasya̭sī vasyasī॒ vyṷcchati | prajā̭yate pra॒jayā̭ pa॒śubhiḥ̭ | pra pa̭rame॒ṣṭhino॒ mātrā̭-māpnoti | ya e॒vaṃ-ve~da̭ || 59 ||
(a॒gnira̭jāyata॒ tadbhūyo̭-'tapyatā - bhinada - rodī-tpra॒jāpa̭tī - roda॒stva - ma̭sṛja॒ - tāsṛ̭jata - ghṛ॒tama̭duha॒dyā-'sya॒ sā ta॒nūrāsī॒ - daha̭rabhava-d- ṛcchati॒ - veda̭) (a. 9)
(i॒da-ndhū॒mo᳚ 'gni-rjyoti̭ ra॒rci-rmarī̭caya udā॒rā stada॒bhragṃ /
sa ja॒ghanā॒-thsā tami̭srā॒ sa pra॒jana̭nā॒-thsā jothsnā॒ sa ṷpapa॒kṣābhyā॒gṃ॒ so̭ 'horā॒trayo᳚-ssa॒ndhi-ssamukhā॒-ttadaha̭-rde॒vavā᳚n / mṛ॒nmayḙ dāru॒mayḙ raja॒te hari̭te॒ tebhya॒stābhyo॒ dve tebhyo-'nna॒-mpayo̭
ghṛ॒tagṃ soma᳚m)
anuvākaṃ 10 - devasṛṣṭimadhye-'vasthitasyendrasya devatādhipatitvam
pra॒jāpa̭ti॒-rindra̭masṛja-tānujāva॒ra-nde॒vānā᳚m | ta-mprāhi̭ṇot | parḙhi | e॒teṣā᳚-nde॒vānā॒-madhi̭patire॒dhīti̭ | ta-nde॒vā a̭bruvann | kastvamasi̭ | va॒yaṃ-vai~ tvacchreyāgṃ̭sa-ssma॒ iti̭ | so᳚-'bravīt | kastvamasi̭ va॒yaṃ-vai~ tvacchreyāgṃ̭sa-ssma॒ iti̭ mā de॒vā a̭voca॒nniti̭ || atha॒ vā i॒da-ntarhi̭ pra॒jāpa̭tau॒ hara̭ āsīt || 60 ||
yada॒sminnā̭di॒tye | tadḙnamabravīt | e॒tanme॒ praya̭ccha | athā॒hame॒teṣā᳚-nde॒vānā॒-madhi̭pati-rbhaviṣyā॒mīti̭ | ko̭hagg-syā॒mitya̭bravīt | e॒ta-tpra॒dāyeti̭ | e॒ta-thsyā॒ itya̭bravīt | yade॒tadbravī॒ṣīti̭ | ko ha॒ vai nāma̭ pra॒jāpa̭tiḥ | ya e॒vaṃ-ve~da̭ || 61 ||
vi॒durḙna॒-nnāmnā᳚ | tada̭smai ru॒kma-ṅkṛ॒tvā pratya̭muñcat | tato॒ vā indro̭ de॒vānā॒-madhi̭pati-rabhavat | ya e॒vaṃ-ve~da̭ | adhi̭patire॒va sa̭mā॒nānā᳚-mbhavati || so̭-'manyata | ki-ṅkiṃ॒-vā~ a̭kara॒miti̭ | sa ca॒ndra-mma॒ āha॒reti॒ prāla̭pat | tacca॒ndrama̭sa-ścandrama॒stvam | ya e॒vaṃ-ve~da̭ || 62 ||
ca॒ndravā̭ne॒va bha̭vati || ta-nde॒vā a̭bruvann | su॒vīryo̭ 'maryā॒ yathā̭ gopā॒yata॒ iti̭ | ta-thsūrya̭sya sūrya॒tvam | ya e॒vaṃ-ve~da̭ | naina̭-ndabhnoti || kaśca॒ nāsmi॒nvā i॒dami̭ndri॒ya-mpratya̭sthā॒diti̭ | tadindra̭-syendra॒tvam | ya e॒vaṃ-ve~da̭ | i॒ndri॒yā॒vyḙva bha̭vati || 63 ||
a॒yaṃ-vā~ i॒da-mpa̭ra॒mo̭-'bhū॒diti̭ | tat-pa̭rame॒ṣṭhinaḥ̭ parameṣṭhi॒tvam | ya e॒vaṃ-ve~da̭ | pa॒ra॒māme॒va kāṣṭhā᳚-ṅgacchati || ta-nde॒vā-ssa̭ma॒nta-mparya̭viśann | vasa̭vaḥ pu॒rastā᳚t | ru॒drā da̭kṣiṇa॒taḥ | ā॒di॒tyāḥ pa॒ścāt | viśvḙ de॒vā ṷttara॒taḥ | aṅgi̭rasaḥ pra॒tyañca᳚m || 64 ||
sā॒ddhyāḥ parā᳚ñcam | ya e॒vaṃ-ve~da̭ | upai̭nagṃ samā॒nā-ssaṃ-vi~̭śanti || sa pra॒jāpa̭tire॒va bhū॒tvā pra॒jā āva̭yat | tā a̭smai॒ nāti̭ṣṭhantā॒nnādyā̭ya | tā mukha̭-mpu॒rastā॒t-paśya̭ntīḥ | da॒kṣi॒ṇa॒taḥ paryā̭yann | sa da̭kṣiṇa॒taḥ parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ || 65 ||
pa॒ścāt-paryā̭yann | sa pa॒ścāt-parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ | mukha̭-mpa॒ścāt | u॒tta॒ra॒taḥ paryā̭yann | sa ṷttara॒taḥ parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ | mukha̭-mpa॒ścāt || 66 ||
mukha̭muttara॒taḥ | ū॒rdhvā udā̭yann | sa u॒pari̭ṣṭā॒nnya̭-vartayata | tā-ssa॒rvato̭mukho bhū॒tvā ''va̭yat | tato॒ vai tasmai᳚ pra॒jā ati̭ṣṭhantā॒nnādyā̭ya || ya e॒vaṃ-vi~॒dvā-npari̭ ca va॒rtaya̭te॒ ni ca̭ | pra॒jāpa̭tire॒va bhu॒tvā pra॒jā a̭tti | tiṣṭha̭nte-'smai pra॒jā a॒nnādyā̭ya | a॒nnā॒da e॒va bha̭vati || 67 ||
(ā॒sī॒-d- veda̭ - candrama॒stvaṃ-ya~ e॒vaṃ-ve~de᳚ - ndriyā॒vyḙva bha̭vati - pra॒tyañca॒ - mukha̭-ndakṣiṇa॒to - mukha̭-mpa॒ścān - +nava̭ ca) (ā10 )
anuvākaṃ 11 - hotṛmantrāṇā-mpuruṣārthaprayogaḥ
pra॒jāpa̭ti-rakāmayata ba॒horbhūyā᳚n-thsyā॒miti̭ | sa e॒ta-ndaśa̭hotāra-mapaśyat | ta-mprāyṷṅkta | tasya॒ prayṷkti ba॒horbhūyā̭nabhavat | yaḥ kā॒mayḙta ba॒horbhūyā᳚n-thsyā॒miti̭ | sa daśa̭hotāra॒-mprayṷñjīta | ba॒hore॒va bhūyā᳚n-bhavati || so̭-'kāmayata vī॒ro ma॒ ājā̭ye॒teti̭ | sa daśa̭hotu॒ścatṷrhotāra॒-nnira̭mimīta | ta-mprāyṷṅkta || 68 ||
tasya॒ prayu॒ktīndro̭ 'jāyata | yaḥ kā॒mayḙta vī॒ro ma॒ ājā̭ye॒teti̭ | sa catṷrhotāra॒-mprayṷñjīta | ā-'sya̭ vī॒ro jā̭yate || so̭-'kāmayata paśu॒mān-thsyā॒miti̭ | sa catṷrhotuḥ॒ pañca̭hotāra॒-nnira̭mimīta | ta-mprāyṷṅkta | tasya॒ prayṷkti paśu॒māna̭bhavat | yaḥ kā॒mayḙta paśu॒mān-thsyā॒miti̭ | sa pañca̭hotāra॒-mprayṷñjīta || 69 ||
pa॒śu॒māne॒va bha̭vati || so̭-'kāmayata॒rtavo̭ me kalpera॒nniti̭ | sa pañca̭hotu॒-ṣṣaḍḍho̭tāra॒-nnira̭mimīta | ta-mprāyṷṅkta | tasya॒ prayṷktyṛ॒tavo᳚-'smā akalpanta | yaḥ kā॒mayḙta॒rtavo̭ me kalpera॒nniti̭ | sa ṣaḍḍho̭tāra॒-mprayṷñjīta | kalpa̭nte-'smā ṛ॒tavaḥ̭ || so̭-'kāmayata soma॒pa-sso̭mayā॒jī syā᳚m | ā mḙ soma॒pa-sso̭mayā॒jī jā̭ye॒teti̭ || 70 ||
sa ṣaḍḍho̭tu-ssa॒ptaho̭tāra॒-nnira̭mimīta | ta-mprāyṷṅkta | tasya॒ prayṷkti soma॒pa-sso̭mayā॒jya̭bhavat | ā-'sya̭ soma॒pa-sso̭mayā॒jya̭jāyata | yaḥ kā॒mayḙta soma॒pa-sso̭mayā॒jī syā᳚m | ā mḙ soma॒pa-sso̭mayā॒jī jā̭ye॒teti̭ | sa sa॒ptaho̭tāra॒-mprayṷñjīta | so॒ma॒pa e॒va so̭mayā॒jī bha̭vati | ā-'sya̭ soma॒pa-sso̭mayā॒jī jā̭yate || sa vā e॒ṣa pa॒śuḥ pa̭ñca॒dhā prati̭ tiṣṭhati || 71 ||
pa॒dbhirmukhḙna || te de॒vāḥ pa॒śūn. vi॒ttvā | su॒va॒rgaṃ-lo~॒kamā̭yann || tḙ-'muṣmi̭l ~lo॒ke vya̭kṣuddhyann | te᳚-'bruvann | a॒mutaḥ̭ pradānaṃ॒-vā~ upa̭jijīvi॒meti̭ | te sa॒ptaho̭tāraṃ-ya~॒jñaṃ-vi~॒dhāyā॒yāsya᳚m | ā॒ṅgī॒ra॒sa-mprāhi̭ṇvann | e॒tenā॒mutra̭ kalpa॒yeti̭ | tasya॒ vā i॒ya-ṅklṛptiḥ̭ || 72 ||
yadi॒da-ṅkiñca̭ | ya e॒vaṃ-ve~da̭ | kalpa̭te-'smai | sa vā a॒ya-mma̭nu॒ṣyḙṣu ya॒jña-ssa॒ptaho̭tā | a॒mutra̭ sa॒dbhyo de॒vebhyo̭ ha॒vyaṃ-va~̭hati | ya e॒vaṃ-ve~da̭ | upai̭naṃ-ya~॒jño na̭mati || yo vai catṷrhotṛṇā-nni॒dānaṃ॒-ve~da̭ | ni॒dāna̭vā-nbhavati | a॒gni॒ho॒traṃ-vai~ daśa̭hoturni॒dāna᳚m | da॒r॒śa॒pū॒rṇa॒mā॒sau catṷrhotuḥ | cā॒tu॒rmā॒syāni॒ pañca̭ hotuḥ | pa॒śu॒ba॒ndha-ṣṣaḍḍho̭tuḥ | sau॒myo᳚-'ddhva॒ra-ssa॒ptaho̭tuḥ | e॒tadvai catṷrhotṛṇā-nni॒dāna᳚m | ya e॒vaṃ-ve~da̭ | ni॒dāna̭vā-nbhavati || 73 ||
(a॒mi॒mī॒ta॒ ta-mprāyṷṅkta॒ - pañca̭hotāra॒-mprayṷñjita - jāye॒teti̭ - tiṣṭhati॒ - klṛpti॒--r daśa̭hotu-rni॒dānagṃ̭ sa॒pta ca̭ ) (a. 11)
(pra॒jāpa̭tirakāmayata pra॒jā-ssṛ̭je॒yeti̭ - pra॒jāpa̭tirakāmayata darśapūrṇamā॒sau sṛ̭je॒yeti̭ - pra॒jāpa̭tirakāmayata॒ prajā̭ye॒yeti॒ sa tapa॒-ssa tri॒vṛtaṃ̭ - pra॒jāpa̭tirakāmayata॒ daśa̭hotāra॒-ntena̭ daśa॒dhā-''tmānaṃ̭ - de॒vā vai varṷṇa॒ - manto॒ vai - pra॒jāpa̭ti॒stā-ssṛ॒ṣṭā-ssama̭śliṣyan - de॒vā vai catṷrhotṛbhi - ri॒daṃ-vā~ agre᳚ - pra॒jāpa̭ti॒rindraṃ̭ - pra॒jāpa̭tirakāmayata ba॒horbhūyā॒nekā̭daśa)
(pra॒jāpa̭ti॒ - stadgraha̭sya - pra॒jā̭patirakāmayatā॒ - nayai॒vaina॒t - tasya॒ vā i॒ya-ṅklṛpti॒ - stasmā᳚-ttepā॒nājjyoti॒--r yada॒sminnā̭di॒tye -saṣaḍḍho̭tu-ssa॒ptaho̭tāra॒-ntrisa̭ptatiḥ)
(pra॒jāpa̭tirakāmayata - ni॒dāna̭vānbhavati)
|| hariḥ̭ om ||
|| kṛṣṇa yajurvedīya taittirīya brāhmaṇe dvitīyāṣṭake dvitīyaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे द्वितीयाष्टके द्वितीयः प्रपाठकः - होतृब्राह्मणम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - दशहोतृमन्त्रस्य क्रत्वर्थपुरुषार्थप्रयोगौ
प्र॒जाप॑तिरकामयत प्र॒जा-स्सृ॑जे॒येति॑ । स ए॒त-न्दश॑होतार-मपश्यत् । त-म्मन॑सा ऽनु॒द्रुत्य॑ दर्भस्त॒म्बे॑-ऽजुहोत् । ततो॒ वै स प्र॒जा अ॑सृजत । ता अ॑स्माथ्सृ॒ष्टा अपा᳚क्रामन्न् । ता ग्रहे॑णागृह्णात् । तद्ग्रह॑स्य ग्रह॒त्वम् । यः का॒मये॑त॒ प्रजा॑ये॒येति॑ । स दश॑होतार॒-म्मन॑सा ऽनु॒द्रुत्य॑ दर्भस्त॒म्बे जु॑हुयात् । प्र॒जाप॑ति॒र्वै दश॑होता ॥ 1 ॥
प्र॒जाप॑तिरे॒व भू॒त्वा प्र जा॑यते ॥ मन॑सा जुहोति । मन॑ इव॒ हि प्र॒जाप॑तिः । प्र॒जाप॑ते॒राप्त्यै᳚ ॥ पू॒र्णया॑ जुहोति । पू॒र्ण इ॑व॒ हि प्र॒जाप॑तिः । प्र॒जाप॑ते॒राप्त्यै᳚ ॥ न्यू॑नया जुहोति । न्यू॑ना॒द्धि प्र॒जाप॑तिः प्र॒जा असृ॑जत । प्र॒जाना॒ग्ं॒ सृष्ट्यै᳚ ॥ 2 ॥
द॒र्भ॒स्त॒म्बे जु॑होति । ए॒तस्मा॒द्वै योनेः᳚ प्र॒जाप॑तिः प्र॒जा अ॑सृजत । यस्मा॑दे॒व योनेः᳚ प्र॒जाप॑तिः प्र॒जा असृ॑जत । तस्मा॑दे॒व योनेः॒ प्र जा॑यते ॥ ब्रा॒ह्म॒णो द॑क्षिण॒त उपा᳚स्ते । ब्रा॒ह्म॒णो वै प्र॒जाना॑-मुपद्र॒ष्टा । उ॒प॒द्र॒ष्टु॒मत्ये॒व प्र जा॑यते ॥ ग्रहो॑ भवति । प्र॒जानाग्ं॑ सृ॒ष्टाना॒-न्धृत्यै᳚ ॥ य-म्ब्रा᳚ह्म॒णं-विँ॒द्यां-विँ॒द्वाग्ंसं॒-यँशो॒ नर्च्छेत् ॥ 3 ॥
सो-ऽर॑ण्य-म्प॒रेत्य॑ । द॒र्भ॒स्त॒म्ब-मु॒द्ग्रत्थ्य॑ । ब्रा॒ह्म॒ण-न्द॑क्षिण॒तो नि॒षाद्य॑ । चतु॑र्होतॄ॒न् व्याच॑क्षीत । ए॒तद्वै दे॒वाना᳚-म्पर॒म-ङ्गुह्य॒-म्ब्रह्म॑ । यच्चतु॑र्होतारः । तदे॒व प्र॑का॒श-ङ्ग॑मयति । तदे॑न-म्प्रका॒श-ङ्ग॒तम् । प्र॒का॒श-म्प्र॒जाना᳚-ङ्गमयति ॥ द॒र्भ॒स्त॒म्ब-मु॒द्ग्रत्थ्य॒ व्याच॑ष्टे ॥ 4 ॥
अ॒ग्नि॒वान्. वै द॑र्भस्त॒म्बः । अ॒ग्नि॒वत्ये॒व व्याच॑ष्टे ॥ ब्रा॒ह्म॒णो द॑क्षिण॒त उपा᳚स्ते । ब्रा॒ह्म॒णो वै प्र॒जाना॑-मुपद्र॒ष्टा । उ॒प॒द्र॒ष्टु॒-मत्ये॒वैनं॒-यँश॑ ऋच्छति ॥ ई॒श्व॒र-न्तं-यँशो-ऽर्तो॒रित्या॑हुः । यस्यान्ते᳚ व्या॒चष्ट॒ इति॑ । वर॒स्तस्मै॒ देयः॑ । यदे॒वैन॒-न्तत्रो॑प॒ नम॑ति । तदे॒वाव॑ रुन्धे ॥ 5 ॥
अ॒ग्निमा॒दधा॑नो॒ दश॑होत्रा॒ ऽरणि॒मव॑दद्ध्यात् । प्रजा॑तमे॒वैन॒-माध॑त्ते । तेनै॒वोद्द्रुत्या᳚ग्निहो॒त्र-ञ्जु॑हुयात् । प्रजा॑तमे॒वैन॑ज्जुहोति । ह॒विर्नि॑र्व॒फ्स्यन्-दश॑होतारं॒-व्याँच॑क्षीत । प्रजा॑तमे॒वैन॒-न्निर्व॑पति । सा॒मि॒धे॒नी-र॑नुव॒क्ष्यन्-दश॑होतारं॒-व्याँच॑क्षीत । सा॒मि॒धे॒नीरे॒व सृ॒ष्ट्वा-ऽऽरभ्य॒ प्र त॑नुते । अथो॑ य॒ज्ञो वै दश॑होता । य॒ज्ञमे॒व त॑नुते ॥ 6 ॥
अ॒भि॒चर॒न्-दश॑होतार-ञ्जुहुयात् । नव॒ वै पुरु॑षे प्रा॒णाः । नाभि॑र्दश॒मी । सप्रा॑णमे॒वैन॑-म॒भिच॑रति । ए॒ताव॒द्वै पुरु॑षस्य॒ स्वम् । याव॑-त्प्रा॒णाः । याव॑दे॒वास्यास्ति॑ । तद॒भिच॑रति ॥ स्वकृ॑त॒ इरि॑णे जुहोति प्रद॒रे वा᳚ । ए॒तद्वा अ॒स्यै निर्-ऋ॑तिगृहीतम् । निर्-ऋ॑ति गृहीत ए॒वैन॒-न्निर्-ऋ॑त्या ग्राहयति ॥ य-द्वा॒चः क्रू॒रम् । तेन॒ वष॑ट्करोति । वा॒च ए॒वैन॑-ङ्क्रू॒रेण॒ प्र वृ॑श्चति । ता॒जगार्ति॒मार्च्छ॑ति ॥ 7 ॥
(दश॑होता॒ - सृष्ट्या॑ - ऋ॒च्छे-द्- व्याच॑ष्टे - रुन्ध - ए॒व त॑नुते॒ - निर्-ऋ॑तिगृहीत॒-म्पञ्च॑ च) (अ. 1)
अनुवाकं 2 - चतुर्होत्रादिमन्त्राणा-ङ्क्रत्वर्थप्रयोगः
प्र॒जाप॑तिरकामयत दर्शपूर्णमा॒सौ सृ॑जे॒येति॑ । स ए॒त-ञ्चतु॑र्होतार-मपश्यत् । त-म्मन॑सा-ऽनु॒द्रुत्या॑ हव॒नीये॑-ऽजुहोत् । ततो॒ वै स द॑र्शपूर्णमा॒साव॑सृजत । ताव॑स्मा-थ्सृ॒ष्टावपा᳚क्रामताम् । तौ ग्रहे॑णा गृह्णात् । तद्ग्रह॑स्य ग्रह॒त्वम् । द॒र्॒श॒पू॒र्ण॒मा॒सा-वा॒लभ॑मानः । चतु॑र्होतार॒-म्मन॑सा-ऽनु॒द्रुत्या॑-हव॒नीये॑ जुहुयात् । द॒र्॒श॒पू॒र्ण॒मा॒सावे॒व सृ॒ष्ट्वा-ऽऽरभ्य॒ प्र त॑नुते ॥ 8 ॥
ग्रहो॑ भवति । द॒र्॒श॒पू॒र्ण॒मा॒सयो᳚-स्सृ॒ष्टयो॒र्धृत्यै᳚ ॥ सो॑-ऽकामयत चातुर्मा॒स्यानि॑ सृजे॒येति॑ । स ए॒त-म्पञ्च॑होतार-मपश्यत् । त-म्मन॑सा-ऽनु॒द्रुत्या॑ हव॒नीये॑-ऽजुहोत् । ततो॒ वै स चा॑तुर्मा॒स्यान्य॑सृजत । तान्य॑स्मा-थ्सृ॒ष्टान्यपा᳚क्रामन्न् । तानि॒ ग्रहे॑णागृह्णात् । तद्ग्रह॑स्य ग्रह॒त्वम् । चा॒तु॒र्मा॒स्यान्या॒लभ॑मानः ॥ 9 ॥
पञ्च॑होतार॒-म्मन॑सा-ऽनु॒द्रुत्या॑ हव॒नीये॑ जुहुयात् । चा॒तु॒र्मा॒स्यान्ये॒व सृ॒ष्ट्वा-ऽऽरभ्य॒ प्र त॑नुते । ग्रहो॑ भवति । चा॒तु॒र्मा॒स्यानाग्ं॑ सृ॒ष्टाना॒-न्धृत्यै᳚ ॥ सो॑-ऽकामयत पशुब॒न्धग्ं सृ॑जे॒येति॑ । स ए॒तग्ं षड्ढो॑तार-मपश्यत् । त-म्मन॑सा-ऽनु॒द्रुत्या॑ हव॒नीये॑-ऽजुहोत् । ततो॒ वै स प॑शुब॒न्धम॑सृजत । सो᳚-ऽस्मा-थ्सृ॒ष्टो ऽपा᳚क्रामत् । त-ङ्ग्रहे॑णागृह्णात् ॥ 10 ॥
तद्ग्रह॑स्य ग्रह॒त्वम् । प॒शु॒ब॒न्धेन॑ य॒क्ष्यमा॑णः । षड्ढो॑तार॒-म्मन॑सा ऽनु॒द्रुत्या॑ हव॒नीये॑ जुहुयात् । प॒शु॒ब॒न्धमे॒व सृ॒ष्ट्वा-ऽऽरभ्य॒ प्र त॑नुते । ग्रहो॑ भवति । प॒शु॒ब॒न्धस्य॑ सृ॒ष्टस्य॒ धृत्यै᳚ ॥ सो॑-ऽकामयत सौ॒म्य-म॑द्ध्व॒रग्ं सृ॑जे॒येति॑ । स ए॒तग्ं स॒प्तहो॑तार-मपश्यत् । त-म्मन॑सा-ऽनु॒द्रुत्या॑ हव॒नीये॑ ऽजुहोत् । ततो॒ वै स सौ॒म्य-म॑द्ध्व॒र-म॑सृजत ॥ 11 ॥
सो᳚-ऽस्मा-थ्सृ॒ष्टो-ऽपा᳚क्रामत् । त-ङ्ग्रहे॑णागृह्णात् । तद्ग्रह॑स्य ग्रह॒त्वम् । दी॒क्षि॒ष्यमा॑णः । स॒प्तहो॑तार॒-म्मन॑सा-ऽनु॒द्रुत्या॑ हव॒नीये॑ जुहुयात् । सौ॒म्यमे॒वाद्ध्व॒रग्ं सृ॒ष्ट्वा-ऽऽरभ्य॒ प्र त॑नुते । ग्रहो॑ भवति । सौ॒म्यस्या᳚-द्ध्व॒रस्य॑ सृ॒ष्टस्य॒ धृत्यै᳚ ॥ दे॒वेभ्यो॒ वै य॒ज्ञो न प्राभ॑वत् । तमे॑ताव॒च्छ-स्सम॑भरन्न् ॥ 12 ॥
य-थ्स॑भां॒राः । ततो॒ वै तेभ्यो॑ य॒ज्ञः प्राभ॑वत् । य-थ्स॑भां॒रा भव॑न्ति । य॒ज्ञस्य॒ प्रभू᳚त्यै ॥ आ॒ति॒त्थ्यमा॒साद्य॒ व्याच॑ष्टे । य॒ज्ञ॒मु॒खं-वाँ आ॑ति॒थ्यम् । मु॒ख॒त ए॒व य॒ज्ञग्ं स॒भृन्त्य॒ प्र त॑नुते ॥ अय॑ज्ञो॒ वा ए॒षः । यो॑-ऽप॒त्नीकः॑ । न प्र॒जाः प्र जा॑येरन्न् । पत्नी॒र्व्याच॑ष्टे । य॒ज्ञमे॒वाकः॑ । प्र॒जाना᳚-म्प्र॒जन॑नाय ॥ उ॒प॒सथ्सु॒ व्याच॑ष्टे । ए॒तद्वै पत्नी॑ना-मा॒यत॑नम् । स्व ए॒वैना॑ आ॒यत॒ने-ऽव॑ कल्पयति ॥ 13 ॥
(त॒नु॒त॒ - आ॒लभ॑मानो - ऽगृह्णा - दसृज - ताभर - ञ्जायेर॒न्-थ्षट्च॑) (अ. 2)
अनुवाकं 3 - चतुर्होतृपञ्चहोतृमन्त्रग्रहभागयोः पुरुषार्थ प्रयोगः
प्र॒जाप॑ति-रकामयत॒ प्र जा॑ये॒येति॑ । स तपो॑-ऽतप्यत । स त्रि॒वृत॒ग्ग्॒ स्तोम॑-मसृजत । त-म्प॑ञ्चद॒शस्तोमो॑ मद्ध्य॒त उद॑तृणत् । तौ पू᳚र्वप॒क्षश्चा॑परप॒क्षश्चा॑भवताम् । पू॒र्व॒प॒क्ष-न्दे॒वा अन्वसृ॑ज्यन्त । अ॒प॒र॒प॒क्ष-मन्वसु॑राः । ततो॑ दे॒वा अभ॑वन्न् । परा-ऽसु॑राः । य-ङ्का॒मये॑त॒ वसी॑यान्-थ्स्या॒दिति॑ ॥ 14 ॥
त-म्पू᳚र्वप॒क्षे या॑जयेत् । वसी॑याने॒व भ॑वति । य-ङ्का॒मये॑त॒ पापी॑यान्-थ्स्या॒दिति॑ । तम॑परप॒क्षे या॑जयेत् । पापी॑याने॒व भ॑वति । तस्मा᳚-त्पूर्वप॒क्षो॑ ¶प॒क्षात्-क॑रु॒ण्य॑तरः ॥ प्र॒जाप॑ति॒र्वै दश॑होता । चतु॑र्होता॒ पञ्च॑होता । षड्ढो॑ता स॒प्तहो॑ता । ऋ॒तवः॑ संवँथ्स॒रः ॥ 15 ॥
प्र॒जाः प॒शव॑ इ॒मे लो॒काः । य ए॒व-म्प्र॒जाप॑ति-म्ब॒होर्भूयाग्ं॑सं॒-वेँद॑ । ब॒होरे॒व भूया᳚-न्भवति ॥ प्र॒जाप॑ति-र्देवासु॒रान॑सृजत । स इन्द्र॒मपि॒ नासृ॑जत । त-न्दे॒वा अ॑ब्रुवन्न् । इन्द्र॑-न्नो जन॒येति॑ । सो᳚-ऽब्रवीत् । यथा॒ ऽहं-युँ॒ष्माग् स्तप॒सा ऽसृ॑क्षि । ए॒वमिन्द्र॑-ञ्जनयद्ध्व॒मिति॑ ॥ 16 ॥
ते तपो॑-ऽतप्यन्त । त आ॒त्मन्निन्द्र॑-मपश्यन्न् । तम॑ब्रुवन्न् । जाय॒स्वेति॑ । सो᳚-ऽब्रवीत् । कि-म्भा॑ग॒धेय॑-म॒भिज॑निष्य॒ इति॑ । ऋ॒तून्-थ्सं॑वँथ्स॒रम् । प्र॒जाः प॒शून् । इ॒माल् ँलो॒कानित्य॑ब्रुवन्न् । तं-वैँ मा-ऽऽहु॑त्या॒ प्रज॑नय॒तेत्य॑ब्रवीत् ॥ 17 ॥
त-ञ्चतु॑र्होत्रा॒ प्राज॑नयन्न् ॥ यः का॒मये॑त वी॒रो म॒ आ जा॑ये॒तेति॑ । स चतु॑र्होतार-ञ्जुहुयात् । प्र॒जाप॑ति॒र्वै चतु॑र्होता । प्र॒जाप॑तिरे॒व भू॒त्वा प्रजा॑यते । ज॒जन॒दिन्द्र॑-मिन्द्रि॒याय॒ स्वाहेति॒ ग्रहे॑ण जुहोति । आ-ऽस्य॑ वी॒रो जा॑यते । वी॒रग्ं हि दे॒वा ए॒तया ऽऽहु॑त्या॒ प्राज॑नयन्न् ॥ आ॒दि॒त्याश्चाङ्गि॑रसश्च सुव॒र्गे लो॒के᳚ ऽस्पर्धन्त । व॒य-म्पूर्वे॑ सुव॒र्गं-लोँ॒कमि॑याम व॒य-म्पूर्व॒ इति॑ ॥ 18 ॥
त आ॑दि॒त्या ए॒त-म्पञ्च॑होतार-मपश्यन्न् । त-म्पु॒रा प्रा॑तरनुवा॒कादाग्नी᳚द्ध्रे ऽजुहवुः । ततो॒ वै ते पूर्वे॑ सुव॒र्गं-लोँ॒कमा॑यन्न् । य-स्सु॑व॒र्गका॑म॒-स्स्यात् । स पञ्च॑होतार-म्पु॒रा प्रा॑तरनुवा॒कादाग्नी᳚द्ध्रे जुहुयात् । सं॒वँ॒थ्स॒रो वै पञ्च॑होता । सं॒वँ॒थ्स॒र-स्सु॑व॒र्गो लो॒कः । सं॒वँ॒थ्स॒र ए॒वर्तुषु॑ प्रति॒ष्ठाय॑ । सु॒व॒र्गं-लोँ॒कमे॑ति ॥ ते᳚ब्रुव॒-न्नङ्गि॑रस आदि॒त्यान् ॥ 19 ॥
क्व॑ स्थ । क्व॑ व-स्स॒द्भ्यो ह॒व्यं-वँ॑क्ष्याम॒ इति॑ । छन्द॒-स्स्वित्य॑ब्रुवन्न् । गा॒य॒त्रि॒या-न्त्रि॒ष्टुभि॒-जग॑त्या॒मिति॑ । तस्मा॒च्छन्दः॑ सु स॒द्भ्य आ॑दि॒त्येभ्यः॑ । आ॒ङ्गी॒र॒सीः प्र॒जा ह॒व्यं-वँ॑हन्ति । वह॑न्त्यस्मै प्र॒जा ब॒लिम् । ऐन॒मप्र॑तिख्यात-ङ्गच्छति । य ए॒वं-वेँद॑ ॥ द्वाद॑श॒ मासाः॒ पञ्च॒र्तवः॑ । त्रय॑ इ॒मे लो॒काः । अ॒सावा॑दि॒त्य ए॑कवि॒ग्ं॒शः । ए॒तस्मि॒न् वा ए॒ष श्रि॒तः । ए॒तस्मि॒न्-प्रति॑ष्ठितः । य ए॒वमे॒तग्ग् श्रि॒त-म्प्रति॑ष्ठितं॒-वेँद॑ । प्रत्ये॒व ति॑ष्ठति ॥ 20 ॥
(स्या॒दिति॑ - संवँथ्स॒रो - ज॑नयद्ध्व॒मिती - त्य॑ब्रवी॒त् - पूर्व॒ इत्या॑ - दि॒त्यान् - ऋ॒तव॒-ष्षट्च॑) (अ. 3)
अनुवाकं 4 - जग-थ्सृष्टिकथनमुखेन होतृमन्त्रप्रशंसा
प्र॒जाप॑ति-रकामयत॒ प्रजा॑ये॒येति॑ । स ए॒त-न्दश॑होतार-मपश्यत् । तेन॑ दश॒धा ऽऽत्मानं॑-विँ॒धाय॑ । दश॑होत्रा ऽतप्यत । तस्य॒ चित्ति॒-स्स्रुगासी᳚त् । चि॒त्तमाज्य᳚म् । तस्यै॒ता॑वत्ये॒व वागासी᳚त् । ए॒तावान्॑. यज्ञक्र॒तुः ॥ स चतु॑र्होतार-मसृजत । सो॑-ऽनन्दत् ॥ 21 ॥
असृ॑क्षि॒ वा इ॒ममिति॑ । तस्य॒ सोमो॑ ह॒विरासी᳚त् । स चतु॑र्होत्रा ऽतप्यत । सो॑-ऽताम्यत् । स भूरिति॒ व्याह॑रत् । स भूमि॑मसृजत । अ॒ग्नि॒हो॒त्र-न्द॑र्शपूर्णमा॒सौ यजूग्ं॑षि । स द्वि॒तीय॑मतप्यत । सो॑-ऽताम्यत् । स भुव॒ इति॒ व्याह॑रत् ॥ 22 ॥
सो᳚-ऽन्तरि॑क्ष-मसृजत । चा॒तु॒र्मा॒स्यानि॒ सामा॑नि । स तृ॒तीय॑मतप्यत । सो॑-ऽताम्यत् । स सुव॒रिति॒ व्याह॑रत् । स दिव॑मसृजत । अ॒ग्नि॒ष्टो॒म-मु॒क्थ्य॑-मतिरा॒त्रमृचः॑ । ए॒ता वै व्याहृ॑तय इ॒मे लो॒काः । इ॒मा-न्खलु॒ वै लो॒काननु॑ प्र॒जाः प॒शव॒श्छन्दाग्ं॑सि॒ प्राजा॑यन्त । य ए॒वमे॒ताः प्र॒जाप॑तेः प्रथ॒मा व्याहृ॑तीः॒ प्रजा॑ता॒ वेद॑ ॥ 23 ॥
प्र प्र॒जया॑ प॒शुभि॑-र्मिथु॒नै-र्जा॑यते ॥ स पञ्च॑होतार-मसृजत । स ह॒विर्ना-वि॑न्दत । तस्मै॒ सोम॑-स्त॒नुव॒-म्प्राय॑च्छत् । ए॒त-त्ते॑ ह॒विरिति॑ । स पञ्च॑होत्रा ऽतप्यत । सो॑-ऽताम्यत् । स प्र॒त्यङ्ङ॑बाधत । सो-ऽसु॑रा-नसृजत । तद॒स्या प्रि॑यमासीत् ॥ 24 ॥
त-द्दु॒र्वर्ण॒ग्ं॒ हिर॑ण्यमभवत् । त-द्दु॒र्वर्ण॑स्य॒ हिर॑ण्यस्य॒ जन्म॑ । स द्वि॒तीय॑मतप्यत । सो॑-ऽताम्यत् । स प्रांअ॑बाधत । स दे॒वान॑सृजत । तद॑स्य प्रि॒यम॑सीत् । त-थ्सु॒वर्ण॒ग्ं॒ हिर॑ण्यमभवत् । त-थ्सु॒वर्ण॑स्य॒ हिर॑ण्यस्य॒ जन्म॑ । य ए॒वग्ं सु॒वर्ण॑स्य॒ हिर॑ण्यस्य॒ जन्म॒ वेद॑ ॥ 25 ॥
सु॒वर्ण॑ आ॒त्मना॑ भवति । दु॒र्वर्णो᳚-ऽस्य॒ भ्रातृ॑व्यः । तस्मा᳚-थ्सु॒वर्ण॒ग्ं॒ हिर॑ण्य-म्भा॒र्य᳚म् । सु॒वर्ण॑ ए॒व भ॑वति । ऐन॑-म्प्रि॒य-ङ्ग॑च्छति॒ नाप्रि॑यम् ॥ स स॒प्तहो॑तार-मसृजत । स स॒प्तहो᳚त्रै॒व सु॑व॒र्गं-लोँ॒कमै᳚त् ॥ त्रि॒ण॒वेन॒ स्तोमे॑नै॒भ्यो लो॒केभ्यो-ऽसु॑रा॒-न्प्राणु॑दत । त्र॒य॒स्त्रि॒ग्ं॒शेन॒ प्रत्य॑तिष्ठत् । ए॒क॒वि॒ग्ं॒शेन॒ रुच॑मधत्त ॥ 26 ॥
स॒प्त॒द॒शेन॒ प्राजा॑यत । य ए॒वं-विँ॒द्वान्-थ्सोमे॑न॒ यज॑ते । स॒प्तहो᳚त्रै॒व सु॑व॒र्गं-लोँ॒कमे॑ति । त्रि॒ण॒वेन॒ स्तोमे॑नै॒भ्यो लो॒केभ्यो॒ भ्रातृ॑व्या॒न्-प्रणु॑दते । त्र॒य॒स्त्रि॒ग्ं॒शेन॒ प्रति॑ तिष्ठति । ए॒क॒वि॒ग्ं॒शेन॒ रुच॑-न्धत्ते । स॒प्त॒द॒शेन॒ प्रजा॑यते । तस्मा᳚-थ्सप्तद॒श-स्स्तोमो॒ न नि॒र्॒हृत्यः॑ । प्र॒जाप॑ति॒ र्वै स॑प्तद॒शः । प्र॒जाप॑तिमे॒व म॑द्ध्य॒तो ध॑त्ते॒ प्रजा᳚त्यै ॥ 27 ॥
(अ॒न॒न्द॒-द्- भुव॒ इति॒ व्याह॑र॒-द्- वेदा॑ - सी॒-द्- वेदा॑ - धत्त॒ - प्रजा᳚त्यै) (अ. 4)
अनुवाकं 5 - दक्षिणाप्रतिग्रहमन्त्रव्याख्यानम्
दे॒वा वै वरु॑णमयाजयन्न् । स यस्यै॑ यस्यै दे॒वता॑यै॒ दक्षि॑णा॒मन॑यत् । ताम॑व्लीनात् । ते᳚-ऽब्रुवन्न् । व्या॒वृत्य॒ प्रति॑ गृह्णाम । तथा॑ नो॒ दक्षि॑णा॒ न व्ले᳚ष्य॒तीति॑ । ते व्या॒वृत्य॒ प्रत्य॑गृह्णन्न् । ततो॒ वै ता-न्दक्षि॑णा॒ नाव्ली॑नात् । य ए॒वं-विँ॒द्वान् व्या॒वृत्य॒ दक्षि॑णा-म्प्रतिगृ॒ह्णाति॑ । नैन॒-न्दक्षि॑णा व्लीनाति ॥ 28 ॥
राजा᳚ त्वा॒ वरु॑णो नयतु देवि दक्षिणे॒-ऽग्नये॒ हिर॑ण्य॒मित्या॑ह । आ॒ग्ने॒यं-वैँ हिर॑ण्यम् । स्वयै॒वैन॑-द्दे॒वत॑या॒ प्रति॑ गृह्णाति । सोमा॑य॒ वास॒ इत्या॑ह । सौ॒म्यं-वैँ वासः॑ । स्वयै॒वैन॑-द्दे॒वत॑या॒ प्रति॑ गृह्णाति । रु॒द्राय॒ गामित्या॑ह । रौ॒द्री वै गौः । स्वयै॒वैना᳚-न्दे॒वत॑या॒ प्रति॑ गृह्णाति । वरु॑णा॒याश्व॒मित्या॑ह ॥ 29 ॥
वा॒रु॒णो वा अश्वः॑ । स्वयै॒वैन॑-न्दे॒वत॑या॒ प्रति॑ गृह्णाति । प्रा॒जाप॑तये॒ पुरु॑ष॒मित्या॑ह । प्रा॒जा॒प॒त्यो वै पुरु॑षः । स्वयै॒वैन॑-न्दे॒वत॑या॒ प्रति॑ गृह्णाति । मन॑वे॒ तल्प॒मित्या॑ह । मा॒न॒वो वै तल्पः॑ । स्वयै॒वैन॑-न्दे॒वत॑या॒ प्रति॑ गृह्णाति । उ॒त्ता॒नाया᳚ङ्गीर॒सायान॒ इत्या॑ह । इ॒यं-वाँ उ॑त्ता॒न आ᳚ङ्गीर॒सः ॥ 30 ॥
अ॒नयै॒वैन॒त्-प्रति॑ गृह्णाति ॥ वै॒श्वा॒न॒र्यार्चा रथ॒-म्प्रति॑ गृह्णाति । वै॒श्वा॒न॒रो वै दे॒वत॑या॒ रथः॑ । स्वयै॒वैन॑-न्दे॒वत॑या॒ प्रति॑ गृह्णाति ॥ तेना॑मृत॒त्वम॑श्या॒-मित्या॑ह । अ॒मृत॑मे॒वात्मन्-ध॑त्ते ॥ वयो॑ दा॒त्र इत्या॑ह । वय॑ ए॒वैन॑-ङ्कृ॒त्वा । सु॒व॒र्गं-लोँ॒क-ङ्ग॑मयति ॥ मयो॒ मह्य॑मस्तु प्रतिग्रही॒त्र इत्या॑ह ॥ 31 ॥
यद्वै शि॒वम् । तन्मयः॑ । आ॒त्मन॑ ए॒वैषा परी᳚त्तिः ॥ क इ॒द-ङ्कस्मा॑ अदा॒दित्या॑ह । प्र॒जाप॑ति॒र्वै कः । स प्र॒जाप॑तये ददाति ॥ कामः॒ कामा॒येत्या॑ह । कामे॑न॒ हि ददा॑ति । कामे॑न प्रतिगृ॒ह्णाति॑ ॥ कामो॑ दा॒ता कामः॑ प्रति ग्रही॒तेत्या॑ह ॥ 32 ॥
कामो॒ हि दा॒ता । कामः॑ प्रति ग्रही॒ता ॥ कामग्ं॑ समु॒द्र-मावि॒शेत्या॑ह । स॒मु॒द्र इ॑व॒ हि कामः॑ । नेव॒ हि काम॒स्यान्तो-ऽस्ति॑ । न स॑मु॒द्रस्य॑ ॥ कामे॑न त्वा॒ प्रति॑ गृह्णा॒मीत्या॑ह । येन॒ कामे॑न प्रति गृ॒ह्णाति॑ । स ए॒वैन॑म॒मुष्मि॑ल् ँलो॒के काम॒ आग॑च्छति ॥ कामै॒तत्त॑ ए॒षा ते॑ काम॒ दक्षि॒णेत्या॑ह । काम॑ ए॒व त-द्यज॑मानो॒-ऽमुष्मि॑ल् ँलो॒के दक्षि॑णामिच्छति । न प्र॑तिग्रही॒तरि॑ ॥ य ए॒वं-विँ॒द्वान्-दक्षि॑णा-म्प्रतिगृ॒ह्णाति॑ । अ॒नृ॒णामे॒वैना॒-म्प्रति॑ गृह्णाति ॥ 33 ॥
(व्ली॒ना॒त्य - श्व॒मित्या॑हा - ङ्गिर॒सः - प्र॑तिग्रही॒त्र इत्या॑ह - प्रतिग्रही॒तेत्या॑ह॒ - दक्षि॒णेत्या॑ह च॒त्वारि॑ च) (अ. 5)
अनुवाकं 6 - द्वादशाहदशमे-ऽहनि होतृमन्त्राः
अन्तो॒ वा ए॒ष य॒ज्ञस्य॑ । य-द्द॑श॒ममहः॑ । द॒श॒मे-ऽह᳚न्-थ्सर्परा॒ज्ञिया॑ ऋ॒ग्भि-स्स्तु॑वन्ति । य॒ज्ञस्यै॒वान्त॑-ङ्ग॒त्वा । अ॒न्नाद्य॒मव॑रुन्धते ॥ ति॒सृभिः॑ स्तुवन्ति । त्रय॑ इ॒मे लो॒काः । ए॒भ्य ए॒व लो॒केभ्यो॒-ऽन्नाद्य॒मव॑रुन्धते । पृश्नि॑वती-र्भवन्ति । अन्नं॒-वैँ पृश्नि॑ ॥ 34 ॥
अन्न॑मे॒वाव॑-रुन्धते ॥ मन॑सा॒ प्रस्तौ॑ति । मन॒सोद्गा॑यति । मन॑सा॒ प्रति॑ हरति । मन॑ इव॒ हि प्र॒जाप॑तिः । प्र॒जाप॑ते॒राप्त्यै᳚ ॥ दे॒वा वै स॒र्पाः । तेषा॑मि॒यग्ं राज्ञी᳚ । य-थ्स॑र्परा॒ज्ञिया॑ ऋ॒ग्भि-स्स्तु॒वन्ति॑ । अ॒स्यामे॒व प्रति॑ तिष्ठन्ति ॥ 35 ॥
चतु॑र्होतॄ॒न्॒. होता॒ व्याच॑ष्टे । स्तु॒तमनु॑शग्ंसति॒ शान्त्यै᳚ ॥ अन्तो॒ वा ए॒ष य॒ज्ञस्य॑ । य-द्द॑श॒ममहः॑ । ए॒त-त्खलु॒ वै दे॒वाना᳚-म्पर॒म-ङ्गुह्य॒-म्ब्रह्म॑ । यच्चतु॑र्होतारः । द॒श॒मे-ऽह॒ग्ग्॒-श्चतु॑र्होतॄ॒न् व्याच॑ष्टे । य॒ज्ञस्यै॒वान्त॑-ङ्ग॒त्वा । प॒र॒म-न्दे॒वाना॒-ङ्गुह्य॒-म्ब्रह्माव॑रुन्धे । तदे॒व प्र॑का॒श-ङ्ग॑मयति ॥ 36 ॥
तदे॑न-म्प्रका॒श-ङ्ग॒तम् । प्र॒का॒श-म्प्र॒जाना᳚-ङ्गमयति ॥ वाचं॑-यँच्छति । य॒ज्ञस्य॒ धृत्यै᳚ ॥ य॒ज॒मा॒न॒दे॒व॒त्यं॑-वाँ अहः॑ । भ्रा॒तृ॒व्य॒दे॒व॒त्या॑ रात्रिः॑ । अह्ना॒ रात्रि॑-न्ध्यायेत् । भ्रातृ॑व्यस्यै॒व तल्लो॒कं-वृँ॑ङ्क्ते । यद्दिवा॒ वाचं॑-विँसृ॒जेत् । अह॒र्भ्रातृ॑व्या॒योच्छिग्ं॑षेत् । यन्नक्तं॑-विँसृ॒जेत् । रात्रि॒-म्भ्रातृ॑व्या॒योच्छिग्ं॑षेत् । अ॒धि॒वृ॒क्ष॒सू॒र्ये वाचं॒-विँसृ॑जति । ए॒ताव॑न्तमे॒वास्मै॑ लो॒कमुच्छिग्ं॑षति । याव॑दादि॒त्यो᳚-ऽस्त॒मेति॑ ॥ 37 ॥
(पृश्नि॑ - तिष्ठन्ति - गमयति - शिग्ंषे॒-त्पञ्च॑ च) (अ. 6)
अनुवाकं 7 - सप्तहोतृमन्त्रसाध्ययज्ञप्रशंसा
प्र॒जाप॑तिः प्र॒जा अ॑सृजत । ता-स्सृ॒ष्टा-स्सम॑श्लिष्यन्न् । ता रू॒पेणानु॒ प्रावि॑शत् । तस्मा॑दाहुः । रू॒पं-वैँ प्र॒जाप॑ति॒रिति॑ । ता नाम्ना-ऽनु॒ प्रावि॑शत् । तस्मा॑दाहुः । नाम॒ वै प्र॒जाप॑ति॒रिति॑ । तस्मा॒दप्या॑ ऽमि॒त्रौ स॒गन्त्य॑ । नाम्ना॒ चेद्ध्वये॑ते ॥ 38 ॥
मि॒त्रमे॒व भ॑वतः ॥ प्र॒जाप॑ति-र्देवासु॒रान॑सृजत । स इन्द्र॒मपि॒ नासृ॑जत । त-न्दे॒वा अ॑ब्रुवन्न् । इन्द्र॑-न्नो जन॒येति॑ । स आ॒त्म-न्निन्द्र॑-मपश्यत् । तम॑सृजत । त-न्त्रि॒ष्टुग्-वी॒र्य॑-म्भू॒त्वा-ऽनु॒ प्रावि॑शत् । तस्य॒ वज्रः॑ पञ्चद॒शो हस्त॒ आप॑द्यत । तेनो॒दय्यासु॑रान॒भ्य॑ भवत् ॥ 39 ॥
य ए॒वं-वेँद॑ । अ॒भि भ्रातृ॑व्या-न्भवति ॥ ते दे॒वा असु॑रै-र्वि॒जित्य॑ । सु॒व॒र्गं-लोँ॒कमा॑यन्न् । ते॑-ऽमुष्मि॑ल् ँलो॒के व्य॑क्षुद्ध्यन्न् । ते᳚-ऽब्रुवन्न् । अ॒मुतः॑ प्रदानं॒-वाँ उप॑जिजीवि॒मेति॑ । ते स॒प्तहो॑तारं-यँ॒ज्ञं-विँ॒धाया॒यास्य᳚म् । आ॒ङ्गी॒र॒स-म्प्राहि॑ण्वन्न् । ए॒तेना॒मुत्र॑ कल्प॒येति॑ ॥ 40 ॥
तस्य॒ वा इ॒य-ङ्क्लृप्तिः॑ । यदि॒द-ङ्कि-ञ्च॑ । य ए॒वं-वेँद॑ । कल्प॑ते-ऽस्मै । स वा अ॒य-म्म॑नु॒ष्ये॑षु य॒ज्ञ-स्स॒प्तहो॑ता । अ॒मुत्र॑ स॒द्भ्यो दे॒वेभ्यो॑ ह॒व्यं-वँ॑हति । य ए॒वं-वेँद॑ । उपै॑नं-यँ॒ज्ञो न॑मति ॥ सो॑-ऽमन्यत । अ॒भि वा इ॒मे᳚-ऽस्मा-ल्लो॒काद॒मुंलोँ॒क-ङ्क॑मिष्यन्त॒ इति॑ । स वाच॑स्पते॒ हृदिति॒ व्याह॑रत् । तस्मा᳚-त्पु॒त्रो हृद॑यम् । तस्मा॑द॒स्मा-ल्लो॒काद॒मुं-लोँ॒क-न्नाभिका॑मयन्ते । पु॒त्रो हि हृद॑यम् ॥ 41 ॥
(ह्वये॑त - अभवत् - कल्प॒ये - तीति॑ च॒त्वारि॑ च) (अ. 7)
अनुवाकं 8 - होतृमन्त्राणां सोमयागाङ्गत्वम्
दे॒वा वै चतु॑र्होतृभि-र्य॒ज्ञम॑तन्वत । ते वि पा॒प्मना॒ भ्रातृ॑व्ये॒णाज॑यन्त । अ॒भि सु॑व॒र्गं-लोँ॒कम॑जयन्न् । य ए॒वं-विँ॒द्वाग्-श्चतु॑र्होतृभिर्य॒ज्ञ-न्त॑नु॒ते । वि पा॒प्मना॒ भ्रातृ॑व्येण जयते । अ॒भि सु॑व॒र्गं-लोँ॒क-ञ्ज॑यति ॥ षड्ढो᳚त्रा प्राय॒णीय॒मासा॑दयति । अ॒मुष्मै॒ वै लो॒काय॒ षड्ढो॑ता । घ्नन्ति॒ खलु॒ वा ए॒त-थ्सोम᳚म् । यद॑भिषु॒ण्वन्ति॑ ॥ 42 ॥
ऋ॒जु॒धैवैन॑म॒मुं-लोँ॒क-ङ्ग॑मयति । चतु॑र्होत्रा ऽऽति॒त्थ्यम् । यशो॒ वै चतु॑र्होता । यश॑ ए॒वात्मन्-ध॑त्ते । पञ्च॑होत्रा प॒शुमुप॑ सादयति । सु॒व॒र्ग्यो॑ वै पञ्च॑होता । यज॑मानः प॒शुः । यज॑मानमे॒व सु॑व॒र्गं-लोँ॒क-ङ्ग॑मयति । ग्रहा᳚न्-गृही॒त्वा स॒प्तहो॑तार-ञ्जुहोति । इ॒न्द्रि॒यं-वैँ स॒प्तहो॑ता ॥ 43 ॥
इ॒न्द्रि॒यमे॒वात्मन्-ध॑त्ते ॥ यो वै चतु॑र्होतॄ-ननुसव॒न-न्त॒र्पय॑ति । तृप्य॑ति प्र॒जया॑ प॒शुभिः॑ । उपै॑नग्ं सोमपी॒थो न॑मति । ब॒हि॒ष्पव॒मा॒ने दश॑होतारं॒-व्याँच॑क्षीत । माद्ध्य॑न्दिने॒ पव॑माने॒ चतु॑र्होतारम् । आर्भ॑वे॒ पव॑माने॒ पञ्च॑होतारम् । पि॒तृ॒य॒ज्ञे षड्ढो॑तारम् । य॒ज्ञा॒य॒ज्ञिय॑स्य स्तो॒त्रे स॒प्तहो॑तारम् । अ॒नु॒स॒व॒नमे॒वैनाग्॑ स्तर्पयति ॥ 44 ॥
तृप्य॑ति प्र॒जया॑ प॒शुभिः॑ । उपै॑नग्ं सोमपी॒थो न॑मति ॥ दे॒वा वै चतु॑र्होतृभि-स्स॒त्रमा॑सत । ऋद्धि॑परिमितं॒-यँश॑स्कामाः । ते᳚-ऽब्रुवन्न् । यन्नः॑ प्रथ॒मं-यँश॑ ऋ॒च्छात् । सर्वे॑षा-न्न॒स्त-थ्स॒हास॒दिति॑ । सोम॒श्चतु॑र्होत्रा । अ॒ग्निः पञ्च॑होत्रा । धा॒ता षड्ढो᳚त्रा ॥ 45 ॥
इन्द्रः॑ स॒प्तहो᳚त्रा । प्र॒जाप॑ति॒-र्दश॑होत्रा । तेषा॒ग्ं॒ सोम॒ग्ं॒ राजा॑नं॒-यँश॑ आर्च्छत् ॥ तन्न्य॑कामयत । तेनापा᳚क्रामत् । तेन॑ प्र॒लाय॑मचरत् । त-न्दे॒वाः प्रै॒षैः प्रैष॑मैच्छन्न् । तत्-प्रै॒षाणा᳚-म्प्रैष॒त्वम् । नि॒विद्भि॒र्न्य॑वेदयन्न् । तन्नि॒विदा᳚-न्निवि॒त्त्वम् ॥ 46 ॥
आ॒प्रीभि॑राप्नुवन्न् । तदा॒प्रीणा॑माप्रि॒त्वम् । तम॑घ्नन्न् । तस्य॒ यशो॒ व्य॑गृह्णत । ते ग्रहा॑ अभवन्न् । तद्ग्रहा॑णा-ङ्ग्रह॒त्वम् । यस्यै॒वं-विँ॒दुषो॒ ग्रहा॑ गृ॒ह्यन्ते᳚ । तस्य॒ त्वे॑व गृ॑ही॒ताः ॥ ते᳚-ऽब्रुवन्न् । यो वै न॒-श्श्रेष्ठो-ऽभू᳚त् ॥ 47 ॥
तम॑वधिष्म । पुन॑रि॒मग्ं सु॑वामहा॒ इति॑ । त-ञ्छन्दो॑भि-रसुवन्त । तच्छन्द॑सा-ञ्छन्द॒स्त्वम् । साम्ना॒ समान॑यन्न् । त-थ्साम्नः॑ साम॒त्वम् । उ॒क्थै-रुद॑स्थापयन्न् । तदु॒क्थाना॑-मुक्थ॒त्वम् । य ए॒वं-वेँद॑ । प्रत्ये॒व ति॑ष्ठति ॥ 48 ॥
सर्व॒मायु॑रेति ॥ सोमो॒ वै यशः॑ । य ए॒वं-विँ॒द्वान्-थ्सोम॑मा॒गच्छ॑ति । यश॑ ए॒वैन॑मृच्छति । तस्मा॑दाहुः । यश्चै॒वं-वेँद॒ यश्च॒ न । तावु॒भौ सोम॒-माग॑च्छतः । सोमो॒ हि यशः॑ । त-न्त्वा-ऽव यश॑ ऋच्छ॒तीत्या॑हुः । य-स्सोमे॒ सोम॒-म्प्राहेति॑ । तस्मा॒-थ्सोमे॒ सोमः॒ प्रोच्यः॑ । यश॑ ए॒वैन॑मृच्छति ॥ 49 ॥
(अ॒भि॒षु॒ण्वन्ति॑ - स॒प्तहो॑ता - तर्पयति॒ - षड्ढो᳚त्रा - निवि॒त्त्व - मभू᳚त् - तिष्ठति॒ - प्राहेति॒ द्वे च॑) (अ. 8)
अनुवाकं 9 - होतृमन्त्रोत्पत्तिकथनप्रसङ्गेन जग-थ्सृष्टिः
इ॒दं-वाँ अग्रे॒ नैव किञ्च॒नासी᳚त् । न द्यौरा॑सीत् । न पृ॑थि॒वी । नान्तरि॑क्षम् । तदस॑दे॒व सन्मनो॑ ऽकुरुत॒ स्यामिति॑ । तद॑तप्यत । तस्मा᳚त्-तेपा॒नाद्धू॒मो॑-ऽजायत । त-द्भूयो॑-ऽतप्यत । तस्मा᳚त्-तेपा॒नाद॒ग्नि-र॑जायत । त-द्भूयो॑-ऽतप्यत ॥ 50 ॥
तस्मा᳚त्-तेपा॒नाज्ज्योति॑-रजायत । त-द्भूयो॑-ऽतप्यत । तस्मा᳚त्-तेपा॒नाद॒र्चि-र॑जायत । त-द्भूयो॑-ऽतप्यत । तस्मा᳚त्-तेपा॒नान्मरी॑चयो-ऽजायन्त । त-द्भूयो॑-ऽतप्यत । तस्मा᳚त्-तेपा॒नादु॑दा॒रा अ॑जायन्त । त-द्भूयो॑-ऽतप्यत । तद॒भ्रमि॑व॒ सम॑हन्यत ॥ त-द्व॒स्तिम॑भिनत् ॥ 51 ॥
स स॑मु॒द्रो॑-ऽभवत् । तस्मा᳚-थ्समु॒द्रस्य॒ न पि॑बन्ति । प्र॒जन॑नमिव॒ हि मन्य॑न्ते । तस्मा᳚-त्प॒शो-र्जाय॑माना॒दापः॑ पु॒रस्ता᳚-द्यन्ति ॥ त-द्दश॑हो॒ता-ऽन्व॑सृज्यत । प्र॒जाप॑ति॒र्वै दश॑ होता ॥ य ए॒व-न्तप॑सो वी॒र्यं॑-विँ॒द्वाग्स्तप्य॑ते । भव॑त्ये॒व ॥ तद्वा इ॒दमापः॑ सलि॒ल-मा॑सीत् । सो॑-ऽरोदीत्-प्र॒जाप॑तिः ॥ 52 ॥
स कस्मा॑ अज्ञि । य-द्य॒स्या अप्र॑तिष्ठाया॒ इति॑ । यद॒फ्स्व॑-वाप॑द्यत । सा पृ॑थि॒व्य॑भवत् । यद्व्यमृ॑ष्ट । तद॒न्तरि॑क्ष-मभवत् । यदू॒र्ध्व-मु॒दमृ॑ष्ट । सा द्यौर॑भवत् । यदरो॑दीत् । तद॒नयो॑ रोद॒स्त्वम् ॥ 53 ॥
य ए॒वं-वेँद॑ । नास्य॑ गृ॒हे रु॑दन्ति । ए॒तद्वा ए॒षां-लोँ॒काना॒-ञ्जन्म॑ । य ए॒वमे॒षां-लोँ॒काना॒-ञ्जन्म॒ वेद॑ । नैषु लो॒के-ष्वार्ति॒मार्च्छ॑ति । स इ॒मा-म्प्र॑ति॒ष्ठा-म॑विन्दत ॥ स इ॒मा-म्प्र॑ति॒ष्ठां-विँ॒त्त्वा ऽका॑मयत॒ प्रजा॑ये॒येति॑ । स तपो॑-ऽतप्यत । सो᳚-ऽन्तर्वा॑नभवत् । स ज॒घना॒दसु॑रा-नसृजत ॥ 54 ॥
तेभ्यो॑ मृ॒न्मये॒ पात्रे-ऽन्न॑मदुहत् । या-ऽस्य॒ सा त॒नूरासी᳚त् । तामपा॑हत । सा तमि॑स्रा-ऽभवत् ॥ सो॑-ऽकामयत॒ प्रजा॑ये॒येति॑ । स तपो॑-ऽतप्यत । सो᳚-ऽन्तर्वा॑-नभवत् । स प्र॒जन॑नादे॒व प्र॒जा अ॑सृजत । तस्मा॑दि॒मा भूयि॑ष्ठाः । प्र॒जन॑ना॒द्ध्ये॑ना॒ असृ॑जत ॥ 55 ॥
ताभ्यो॑ दारु॒मये॒ पात्रे॒ पयो॑-ऽदुहत । या-ऽस्य॒ सा त॒नूरासी᳚त् । तामपा॑हत । सा जोथ्स्ना॑ ऽभवत् ॥ सो॑-ऽकामयत॒ प्रजा॑ये॒येति॑ । सतपो॑-ऽतप्यत । सो᳚-ऽन्तर्वा॑-नभवत् । स उ॑पप॒क्षाभ्या॑-मे॒वर्तून॑सृजत । तेभ्यो॑ रज॒ते पात्रे॑ घृ॒तम॑दुहत् । या-ऽस्य॒ सा त॒नूरासी᳚त् ॥ 56 ॥
तामपा॑हत । सो॑-ऽहोरा॒त्रयो᳚-स्स॒न्धि-र॑भवत् ॥ सो॑-ऽकामयत॒ प्रजा॑ये॒येति॑ । स तपो॑-ऽतप्यत । सो᳚-ऽन्तर्वा॑-नभवत् । स मुखा᳚-द्दे॒वा-न॑सृजत । तेभ्यो॒ हरि॑ते॒ पात्रे॒ सोम॑मदुहत् । या-ऽस्य॒ सा त॒नूरासी᳚त् । तामपा॑हत । तदह॑रभवत् ॥ 57 ॥
ए॒ते वै प्र॒जाप॑ते॒र्दोहाः᳚ । य ए॒वं-वेँद॑ । दु॒ह ए॒व प्र॒जाः ॥ दिवा॒ वै नो॑-ऽभू॒दिति॑ । त-द्दे॒वाना᳚-न्देव॒त्वम् । य ए॒व-न्दे॒वाना᳚-न्देव॒त्वं-वेँद॑ । दे॒ववा॑ने॒व भ॑वति ॥ ए॒तद्वा अ॑होरा॒त्राणा॒-ञ्जन्म॑ । य ए॒वम॑होरा॒त्राणा॒-ञ्जन्म॒ वेद॑ । नाहो॑रा॒त्रेष्वार्ति॒मार्च्छ॑ति ॥ 58 ॥
अस॒तो-ऽधि॒ मनो॑-ऽसृज्यत । मनः॑ प्र॒जाप॑ति-मसृजत । प्र॒जाप॑तिः प्र॒जा अ॑सृजत । तद्वा इ॒द-म्मन॑स्ये॒व प॑र॒म-म्प्रति॑ष्ठितम् । यदि॒द-ङ्किञ्च॑ । तदे॒तच्छ्वो॑वस्य॒ सन्नाम॒ ब्रह्म॑ ॥ व्यु॒च्छन्ती᳚ व्युच्छन्त्यस्मै॒ वस्य॑सी वस्यसी॒ व्यु॑च्छति । प्रजा॑यते प्र॒जया॑ प॒शुभिः॑ । प्र प॑रमे॒ष्ठिनो॒ मात्रा॑-माप्नोति । य ए॒वं-वेँद॑ ॥ 59 ॥
(अ॒ग्निर॑जायत॒ तद्भूयो॑-ऽतप्यता - भिनद - रोदी-त्प्र॒जाप॑ती - रोद॒स्त्व - म॑सृज॒ - तासृ॑जत - घृ॒तम॑दुह॒द्या-ऽस्य॒ सा त॒नूरासी॒ - दह॑रभव-द्- ऋच्छति॒ - वेद॑) (अ. 9)
(इ॒द-न्धू॒मो᳚ ऽग्नि-र्ज्योति॑ र॒र्चि-र्मरी॑चय उदा॒रा स्तद॒भ्रग्ं /
स ज॒घना॒-थ्सा तमि॑स्रा॒ स प्र॒जन॑ना॒-थ्सा जोथ्स्ना॒ स उ॑पप॒क्षाभ्या॒ग्ं॒ सो॑ ऽहोरा॒त्रयो᳚-स्स॒न्धि-स्समुखा॒-त्तदह॑-र्दे॒ववा᳚न् / मृ॒न्मये॑ दारु॒मये॑ रज॒ते हरि॑ते॒ तेभ्य॒स्ताभ्यो॒ द्वे तेभ्यो-ऽन्न॒-म्पयो॑
घृ॒तग्ं सोम᳚म्)
अनुवाकं 10 - देवसृष्टिमध्ये-ऽवस्थितस्येन्द्रस्य देवताधिपतित्वम्
प्र॒जाप॑ति॒-रिन्द्र॑मसृज-तानुजाव॒र-न्दे॒वाना᳚म् । त-म्प्राहि॑णोत् । परे॑हि । ए॒तेषा᳚-न्दे॒वाना॒-मधि॑पतिरे॒धीति॑ । त-न्दे॒वा अ॑ब्रुवन्न् । कस्त्वमसि॑ । व॒यं-वैँ त्वच्छ्रेयाग्ं॑स-स्स्म॒ इति॑ । सो᳚-ऽब्रवीत् । कस्त्वमसि॑ व॒यं-वैँ त्वच्छ्रेयाग्ं॑स-स्स्म॒ इति॑ मा दे॒वा अ॑वोच॒न्निति॑ ॥ अथ॒ वा इ॒द-न्तर्हि॑ प्र॒जाप॑तौ॒ हर॑ आसीत् ॥ 60 ॥
यद॒स्मिन्ना॑दि॒त्ये । तदे॑नमब्रवीत् । ए॒तन्मे॒ प्रय॑च्छ । अथा॒हमे॒तेषा᳚-न्दे॒वाना॒-मधि॑पति-र्भविष्या॒मीति॑ । को॑हग्ग्-स्या॒मित्य॑ब्रवीत् । ए॒त-त्प्र॒दायेति॑ । ए॒त-थ्स्या॒ इत्य॑ब्रवीत् । यदे॒तद्ब्रवी॒षीति॑ । को ह॒ वै नाम॑ प्र॒जाप॑तिः । य ए॒वं-वेँद॑ ॥ 61 ॥
वि॒दुरे॑न॒-न्नाम्ना᳚ । तद॑स्मै रु॒क्म-ङ्कृ॒त्वा प्रत्य॑मुञ्चत् । ततो॒ वा इन्द्रो॑ दे॒वाना॒-मधि॑पति-रभवत् । य ए॒वं-वेँद॑ । अधि॑पतिरे॒व स॑मा॒नाना᳚-म्भवति ॥ सो॑-ऽमन्यत । कि-ङ्किं॒-वाँ अ॑कर॒मिति॑ । स च॒न्द्र-म्म॒ आह॒रेति॒ प्राल॑पत् । तच्च॒न्द्रम॑स-श्चन्द्रम॒स्त्वम् । य ए॒वं-वेँद॑ ॥ 62 ॥
च॒न्द्रवा॑ने॒व भ॑वति ॥ त-न्दे॒वा अ॑ब्रुवन्न् । सु॒वीर्यो॑ ऽमर्या॒ यथा॑ गोपा॒यत॒ इति॑ । त-थ्सूर्य॑स्य सूर्य॒त्वम् । य ए॒वं-वेँद॑ । नैन॑-न्दभ्नोति ॥ कश्च॒ नास्मि॒न्वा इ॒दमि॑न्द्रि॒य-म्प्रत्य॑स्था॒दिति॑ । तदिन्द्र॑-स्येन्द्र॒त्वम् । य ए॒वं-वेँद॑ । इ॒न्द्रि॒या॒व्ये॑व भ॑वति ॥ 63 ॥
अ॒यं-वाँ इ॒द-म्प॑र॒मो॑-ऽभू॒दिति॑ । तत्-प॑रमे॒ष्ठिनः॑ परमेष्ठि॒त्वम् । य ए॒वं-वेँद॑ । प॒र॒मामे॒व काष्ठा᳚-ङ्गच्छति ॥ त-न्दे॒वा-स्स॑म॒न्त-म्पर्य॑विशन्न् । वस॑वः पु॒रस्ता᳚त् । रु॒द्रा द॑क्षिण॒तः । आ॒दि॒त्याः प॒श्चात् । विश्वे॑ दे॒वा उ॑त्तर॒तः । अङ्गि॑रसः प्र॒त्यञ्च᳚म् ॥ 64 ॥
सा॒द्ध्याः परा᳚ञ्चम् । य ए॒वं-वेँद॑ । उपै॑नग्ं समा॒ना-स्सं-विँ॑शन्ति ॥ स प्र॒जाप॑तिरे॒व भू॒त्वा प्र॒जा आव॑यत् । ता अ॑स्मै॒ नाति॑ष्ठन्ता॒न्नाद्या॑य । ता मुख॑-म्पु॒रस्ता॒त्-पश्य॑न्तीः । द॒क्षि॒ण॒तः पर्या॑यन्न् । स द॑क्षिण॒तः पर्य॑वर्तयत । ता मुख॑-म्पु॒रस्ता॒त्-पश्य॑न्तीः । मुख॑-न्दक्षिण॒तः ॥ 65 ॥
प॒श्चात्-पर्या॑यन्न् । स प॒श्चात्-पर्य॑वर्तयत । ता मुख॑-म्पु॒रस्ता॒त्-पश्य॑न्तीः । मुख॑-न्दक्षिण॒तः । मुख॑-म्प॒श्चात् । उ॒त्त॒र॒तः पर्या॑यन्न् । स उ॑त्तर॒तः पर्य॑वर्तयत । ता मुख॑-म्पु॒रस्ता॒त्-पश्य॑न्तीः । मुख॑-न्दक्षिण॒तः । मुख॑-म्प॒श्चात् ॥ 66 ॥
मुख॑मुत्तर॒तः । ऊ॒र्ध्वा उदा॑यन्न् । स उ॒परि॑ष्टा॒न्न्य॑-वर्तयत । ता-स्स॒र्वतो॑मुखो भू॒त्वा ऽऽव॑यत् । ततो॒ वै तस्मै᳚ प्र॒जा अति॑ष्ठन्ता॒न्नाद्या॑य ॥ य ए॒वं-विँ॒द्वा-न्परि॑ च व॒र्तय॑ते॒ नि च॑ । प्र॒जाप॑तिरे॒व भु॒त्वा प्र॒जा अ॑त्ति । तिष्ठ॑न्ते-ऽस्मै प्र॒जा अ॒न्नाद्या॑य । अ॒न्ना॒द ए॒व भ॑वति ॥ 67 ॥
(आ॒सी॒-द्- वेद॑ - चन्द्रम॒स्त्वं-यँ ए॒वं-वेँदे᳚ - न्द्रिया॒व्ये॑व भ॑वति - प्र॒त्यञ्च॒ - मुख॑-न्दक्षिण॒तो - मुख॑-म्प॒श्चान् - +नव॑ च) (आ10 )
अनुवाकं 11 - होतृमन्त्राणा-म्पुरुषार्थप्रयोगः
प्र॒जाप॑ति-रकामयत ब॒होर्भूया᳚न्-थ्स्या॒मिति॑ । स ए॒त-न्दश॑होतार-मपश्यत् । त-म्प्रायु॑ङ्क्त । तस्य॒ प्रयु॑क्ति ब॒होर्भूया॑नभवत् । यः का॒मये॑त ब॒होर्भूया᳚न्-थ्स्या॒मिति॑ । स दश॑होतार॒-म्प्रयु॑ञ्जीत । ब॒होरे॒व भूया᳚न्-भवति ॥ सो॑-ऽकामयत वी॒रो म॒ आजा॑ये॒तेति॑ । स दश॑होतु॒श्चतु॑र्होतार॒-न्निर॑मिमीत । त-म्प्रायु॑ङ्क्त ॥ 68 ॥
तस्य॒ प्रयु॒क्तीन्द्रो॑ ऽजायत । यः का॒मये॑त वी॒रो म॒ आजा॑ये॒तेति॑ । स चतु॑र्होतार॒-म्प्रयु॑ञ्जीत । आ-ऽस्य॑ वी॒रो जा॑यते ॥ सो॑-ऽकामयत पशु॒मान्-थ्स्या॒मिति॑ । स चतु॑र्होतुः॒ पञ्च॑होतार॒-न्निर॑मिमीत । त-म्प्रायु॑ङ्क्त । तस्य॒ प्रयु॑क्ति पशु॒मान॑भवत् । यः का॒मये॑त पशु॒मान्-थ्स्या॒मिति॑ । स पञ्च॑होतार॒-म्प्रयु॑ञ्जीत ॥ 69 ॥
प॒शु॒माने॒व भ॑वति ॥ सो॑-ऽकामयत॒र्तवो॑ मे कल्पेर॒न्निति॑ । स पञ्च॑होतु॒-ष्षड्ढो॑तार॒-न्निर॑मिमीत । त-म्प्रायु॑ङ्क्त । तस्य॒ प्रयु॑क्त्यृ॒तवो᳚-ऽस्मा अकल्पन्त । यः का॒मये॑त॒र्तवो॑ मे कल्पेर॒न्निति॑ । स षड्ढो॑तार॒-म्प्रयु॑ञ्जीत । कल्प॑न्ते-ऽस्मा ऋ॒तवः॑ ॥ सो॑-ऽकामयत सोम॒प-स्सो॑मया॒जी स्या᳚म् । आ मे॑ सोम॒प-स्सो॑मया॒जी जा॑ये॒तेति॑ ॥ 70 ॥
स षड्ढो॑तु-स्स॒प्तहो॑तार॒-न्निर॑मिमीत । त-म्प्रायु॑ङ्क्त । तस्य॒ प्रयु॑क्ति सोम॒प-स्सो॑मया॒ज्य॑भवत् । आ-ऽस्य॑ सोम॒प-स्सो॑मया॒ज्य॑जायत । यः का॒मये॑त सोम॒प-स्सो॑मया॒जी स्या᳚म् । आ मे॑ सोम॒प-स्सो॑मया॒जी जा॑ये॒तेति॑ । स स॒प्तहो॑तार॒-म्प्रयु॑ञ्जीत । सो॒म॒प ए॒व सो॑मया॒जी भ॑वति । आ-ऽस्य॑ सोम॒प-स्सो॑मया॒जी जा॑यते ॥ स वा ए॒ष प॒शुः प॑ञ्च॒धा प्रति॑ तिष्ठति ॥ 71 ॥
प॒द्भिर्मुखे॑न ॥ ते दे॒वाः प॒शून्. वि॒त्त्वा । सु॒व॒र्गं-लोँ॒कमा॑यन्न् ॥ ते॑-ऽमुष्मि॑ल् ँलो॒के व्य॑क्षुद्ध्यन्न् । ते᳚-ऽब्रुवन्न् । अ॒मुतः॑ प्रदानं॒-वाँ उप॑जिजीवि॒मेति॑ । ते स॒प्तहो॑तारं-यँ॒ज्ञं-विँ॒धाया॒यास्य᳚म् । आ॒ङ्गी॒र॒स-म्प्राहि॑ण्वन्न् । ए॒तेना॒मुत्र॑ कल्प॒येति॑ । तस्य॒ वा इ॒य-ङ्क्लृप्तिः॑ ॥ 72 ॥
यदि॒द-ङ्किञ्च॑ । य ए॒वं-वेँद॑ । कल्प॑ते-ऽस्मै । स वा अ॒य-म्म॑नु॒ष्ये॑षु य॒ज्ञ-स्स॒प्तहो॑ता । अ॒मुत्र॑ स॒द्भ्यो दे॒वेभ्यो॑ ह॒व्यं-वँ॑हति । य ए॒वं-वेँद॑ । उपै॑नं-यँ॒ज्ञो न॑मति ॥ यो वै चतु॑र्होतृणा-न्नि॒दानं॒-वेँद॑ । नि॒दान॑वा-न्भवति । अ॒ग्नि॒हो॒त्रं-वैँ दश॑होतुर्नि॒दान᳚म् । द॒र्॒श॒पू॒र्ण॒मा॒सौ चतु॑र्होतुः । चा॒तु॒र्मा॒स्यानि॒ पञ्च॑ होतुः । प॒शु॒ब॒न्ध-ष्षड्ढो॑तुः । सौ॒म्यो᳚-ऽद्ध्व॒र-स्स॒प्तहो॑तुः । ए॒तद्वै चतु॑र्होतृणा-न्नि॒दान᳚म् । य ए॒वं-वेँद॑ । नि॒दान॑वा-न्भवति ॥ 73 ॥
(अ॒मि॒मी॒त॒ त-म्प्रायु॑ङ्क्त॒ - पञ्च॑होतार॒-म्प्रयु॑ञ्जित - जाये॒तेति॑ - तिष्ठति॒ - क्लृप्ति॒--र् दश॑होतु-र्नि॒दानग्ं॑ स॒प्त च॑ ) (अ. 11)
(प्र॒जाप॑तिरकामयत प्र॒जा-स्सृ॑जे॒येति॑ - प्र॒जाप॑तिरकामयत दर्शपूर्णमा॒सौ सृ॑जे॒येति॑ - प्र॒जाप॑तिरकामयत॒ प्रजा॑ये॒येति॒ स तप॒-स्स त्रि॒वृतं॑ - प्र॒जाप॑तिरकामयत॒ दश॑होतार॒-न्तेन॑ दश॒धा-ऽऽत्मानं॑ - दे॒वा वै वरु॑ण॒ - मन्तो॒ वै - प्र॒जाप॑ति॒स्ता-स्सृ॒ष्टा-स्सम॑श्लिष्यन् - दे॒वा वै चतु॑र्होतृभि - रि॒दं-वाँ अग्रे᳚ - प्र॒जाप॑ति॒रिन्द्रं॑ - प्र॒जाप॑तिरकामयत ब॒होर्भूया॒नेका॑दश)
(प्र॒जाप॑ति॒ - स्तद्ग्रह॑स्य - प्र॒जा॑पतिरकामयता॒ - नयै॒वैन॒त् - तस्य॒ वा इ॒य-ङ्क्लृप्ति॒ - स्तस्मा᳚-त्तेपा॒नाज्ज्योति॒--र् यद॒स्मिन्ना॑दि॒त्ये -सषड्ढो॑तु-स्स॒प्तहो॑तार॒-न्त्रिस॑प्ततिः)
(प्र॒जाप॑तिरकामयत - नि॒दान॑वान्भवति)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे द्वितीयाष्टके द्वितीयः प्रपाठक-स्समाप्तः ॥
kṛṣṇa yajurvedīya taittirīya brāhmaṇe dvitīyāṣṭake dvitīyaḥ prapāṭhakaḥ - hotṛbrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - daśahotṛmantrasya kratvarthapuruṣārthaprayogau
pra॒jāpa̭tirakāmayata pra॒jā-ssṛ̭je॒yeti̭ | sa e॒ta-ndaśa̭hotāra-mapaśyat | ta-mmana̭sā 'nu॒drutya̭ darbhasta॒mbḙ-'juhot | tato॒ vai sa pra॒jā a̭sṛjata | tā a̭smāthsṛ॒ṣṭā apā᳚krāmann | tā grahḙṇāgṛhṇāt | tadgraha̭sya graha॒tvam | yaḥ kā॒mayḙta॒ prajā̭ye॒yeti̭ | sa daśa̭hotāra॒-mmana̭sā 'nu॒drutya̭ darbhasta॒mbe jṷhuyāt | pra॒jāpa̭ti॒rvai daśa̭hotā || 1 ||
pra॒jāpa̭tire॒va bhū॒tvā pra jā̭yate || mana̭sā juhoti | mana̭ iva॒ hi pra॒jāpa̭tiḥ | pra॒jāpa̭te॒rāptyai᳚ || pū॒rṇayā̭ juhoti | pū॒rṇa i̭va॒ hi pra॒jāpa̭tiḥ | pra॒jāpa̭te॒rāptyai᳚ || nyṷ̄nayā juhoti | nyṷ̄nā॒ddhi pra॒jāpa̭tiḥ pra॒jā asṛ̭jata | pra॒jānā॒gṃ॒ sṛṣṭyai᳚ || 2 ||
da॒rbha॒sta॒mbe jṷhoti | e॒tasmā॒dvai yoneḥ᳚ pra॒jāpa̭tiḥ pra॒jā a̭sṛjata | yasmā̭de॒va yoneḥ᳚ pra॒jāpa̭tiḥ pra॒jā asṛ̭jata | tasmā̭de॒va yoneḥ॒ pra jā̭yate || brā॒hma॒ṇo da̭kṣiṇa॒ta upā᳚ste | brā॒hma॒ṇo vai pra॒jānā̭-mupadra॒ṣṭā | u॒pa॒dra॒ṣṭu॒matye॒va pra jā̭yate || graho̭ bhavati | pra॒jānāgṃ̭ sṛ॒ṣṭānā॒-ndhṛtyai᳚ || ya-mbrā᳚hma॒ṇaṃ-vi~॒dyāṃ-vi~॒dvāgṃsaṃ॒-ya~śo॒ narcchet || 3 ||
so-'ra̭ṇya-mpa॒retya̭ | da॒rbha॒sta॒mba-mu॒dgratthya̭ | brā॒hma॒ṇa-nda̭kṣiṇa॒to ni॒ṣādya̭ | catṷrhotṝ॒n vyāca̭kṣīta | e॒tadvai de॒vānā᳚-mpara॒ma-ṅguhya॒-mbrahma̭ | yaccatṷrhotāraḥ | tade॒va pra̭kā॒śa-ṅga̭mayati | tadḙna-mprakā॒śa-ṅga॒tam | pra॒kā॒śa-mpra॒jānā᳚-ṅgamayati || da॒rbha॒sta॒mba-mu॒dgratthya॒ vyāca̭ṣṭe || 4 ||
a॒gni॒vān. vai da̭rbhasta॒mbaḥ | a॒gni॒vatye॒va vyāca̭ṣṭe || brā॒hma॒ṇo da̭kṣiṇa॒ta upā᳚ste | brā॒hma॒ṇo vai pra॒jānā̭-mupadra॒ṣṭā | u॒pa॒dra॒ṣṭu॒-matye॒vainaṃ॒-ya~śa̭ ṛcchati || ī॒śva॒ra-ntaṃ-ya~śo-'rto॒rityā̭huḥ | yasyānte᳚ vyā॒caṣṭa॒ iti̭ | vara॒stasmai॒ deyaḥ̭ | yade॒vaina॒-ntatro̭pa॒ nama̭ti | tade॒vāva̭ rundhe || 5 ||
a॒gnimā॒dadhā̭no॒ daśa̭hotrā॒ 'raṇi॒mava̭daddhyāt | prajā̭tame॒vaina॒-mādha̭tte | tenai॒voddrutyā᳚gniho॒tra-ñjṷhuyāt | prajā̭tame॒vaina̭jjuhoti | ha॒virni̭rva॒phsyan-daśa̭hotāraṃ॒-vyā~ca̭kṣīta | prajā̭tame॒vaina॒-nnirva̭pati | sā॒mi॒dhe॒nī-ra̭nuva॒kṣyan-daśa̭hotāraṃ॒-vyā~ca̭kṣīta | sā॒mi॒dhe॒nīre॒va sṛ॒ṣṭvā-''rabhya॒ pra ta̭nute | atho̭ ya॒jño vai daśa̭hotā | ya॒jñame॒va ta̭nute || 6 ||
a॒bhi॒cara॒n-daśa̭hotāra-ñjuhuyāt | nava॒ vai purṷṣe prā॒ṇāḥ | nābhi̭rdaśa॒mī | saprā̭ṇame॒vaina̭-ma॒bhica̭rati | e॒tāva॒dvai purṷṣasya॒ svam | yāva̭-tprā॒ṇāḥ | yāva̭de॒vāsyāsti̭ | tada॒bhica̭rati || svakṛ̭ta॒ iri̭ṇe juhoti prada॒re vā᳚ | e॒tadvā a॒syai nir-ṛ̭tigṛhītam | nir-ṛ̭ti gṛhīta e॒vaina॒-nnir-ṛ̭tyā grāhayati || ya-dvā॒caḥ krū॒ram | tena॒ vaṣa̭ṭkaroti | vā॒ca e॒vaina̭-ṅkrū॒reṇa॒ pra vṛ̭ścati | tā॒jagārti॒mārccha̭ti || 7 ||
(daśa̭hotā॒ - sṛṣṭyā̭ - ṛ॒cche-d- vyāca̭ṣṭe - rundha - e॒va ta̭nute॒ - nir-ṛ̭tigṛhīta॒-mpañca̭ ca) (a. 1)
anuvākaṃ 2 - caturhotrādimantrāṇā-ṅkratvarthaprayogaḥ
pra॒jāpa̭tirakāmayata darśapūrṇamā॒sau sṛ̭je॒yeti̭ | sa e॒ta-ñcatṷrhotāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa da̭rśapūrṇamā॒sāva̭sṛjata | tāva̭smā-thsṛ॒ṣṭāvapā᳚krāmatām | tau grahḙṇā gṛhṇāt | tadgraha̭sya graha॒tvam | da॒r॒śa॒pū॒rṇa॒mā॒sā-vā॒labha̭mānaḥ | catṷrhotāra॒-mmana̭sā-'nu॒drutyā̭-hava॒nīyḙ juhuyāt | da॒r॒śa॒pū॒rṇa॒mā॒sāve॒va sṛ॒ṣṭvā-''rabhya॒ pra ta̭nute || 8 ||
graho̭ bhavati | da॒r॒śa॒pū॒rṇa॒mā॒sayo᳚-ssṛ॒ṣṭayo॒rdhṛtyai᳚ || so̭-'kāmayata cāturmā॒syāni̭ sṛje॒yeti̭ | sa e॒ta-mpañca̭hotāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa cā̭turmā॒syānya̭sṛjata | tānya̭smā-thsṛ॒ṣṭānyapā᳚krāmann | tāni॒ grahḙṇāgṛhṇāt | tadgraha̭sya graha॒tvam | cā॒tu॒rmā॒syānyā॒labha̭mānaḥ || 9 ||
pañca̭hotāra॒-mmana̭sā-'nu॒drutyā̭ hava॒nīyḙ juhuyāt | cā॒tu॒rmā॒syānye॒va sṛ॒ṣṭvā-''rabhya॒ pra ta̭nute | graho̭ bhavati | cā॒tu॒rmā॒syānāgṃ̭ sṛ॒ṣṭānā॒-ndhṛtyai᳚ || so̭-'kāmayata paśuba॒ndhagṃ sṛ̭je॒yeti̭ | sa e॒tagṃ ṣaḍḍho̭tāra-mapaśyat | ta-mmana̭sā-'nu॒drutyā̭ hava॒nīyḙ-'juhot | tato॒ vai sa pa̭śuba॒ndhama̭sṛjata | so᳚-'smā-thsṛ॒ṣṭo 'pā᳚krāmat | ta-ṅgrahḙṇāgṛhṇāt || 10 ||
tadgraha̭sya graha॒tvam | pa॒śu॒ba॒ndhena̭ ya॒kṣyamā̭ṇaḥ | ṣaḍḍho̭tāra॒-mmana̭sā 'nu॒drutyā̭ hava॒nīyḙ juhuyāt | pa॒śu॒ba॒ndhame॒va sṛ॒ṣṭvā-''rabhya॒ pra ta̭nute | graho̭ bhavati | pa॒śu॒ba॒ndhasya̭ sṛ॒ṣṭasya॒ dhṛtyai᳚ || so̭-'kāmayata sau॒mya-ma̭ddhva॒ragṃ sṛ̭je॒yeti̭ | sa e॒tagṃ sa॒ptaho̭tāra-mapaśyat | ta-mmana̭sā-'nu॒drutyā̭ hava॒nīyḙ 'juhot | tato॒ vai sa sau॒mya-ma̭ddhva॒ra-ma̭sṛjata || 11 ||
so᳚-'smā-thsṛ॒ṣṭo-'pā᳚krāmat | ta-ṅgrahḙṇāgṛhṇāt | tadgraha̭sya graha॒tvam | dī॒kṣi॒ṣyamā̭ṇaḥ | sa॒ptaho̭tāra॒-mmana̭sā-'nu॒drutyā̭ hava॒nīyḙ juhuyāt | sau॒myame॒vāddhva॒ragṃ sṛ॒ṣṭvā-''rabhya॒ pra ta̭nute | graho̭ bhavati | sau॒myasyā᳚-ddhva॒rasya̭ sṛ॒ṣṭasya॒ dhṛtyai᳚ || de॒vebhyo॒ vai ya॒jño na prābha̭vat | tamḙtāva॒ccha-ssama̭bharann || 12 ||
ya-thsa̭bhāṃ॒rāḥ | tato॒ vai tebhyo̭ ya॒jñaḥ prābha̭vat | ya-thsa̭bhāṃ॒rā bhava̭nti | ya॒jñasya॒ prabhū᳚tyai || ā॒ti॒tthyamā॒sādya॒ vyāca̭ṣṭe | ya॒jña॒mu॒khaṃ-vā~ ā̭ti॒thyam | mu॒kha॒ta e॒va ya॒jñagṃ sa॒bhṛntya॒ pra ta̭nute || aya̭jño॒ vā e॒ṣaḥ | yo̭-'pa॒tnīkaḥ̭ | na pra॒jāḥ pra jā̭yerann | patnī॒rvyāca̭ṣṭe | ya॒jñame॒vākaḥ̭ | pra॒jānā᳚-mpra॒jana̭nāya || u॒pa॒sathsu॒ vyāca̭ṣṭe | e॒tadvai patnī̭nā-mā॒yata̭nam | sva e॒vainā̭ ā॒yata॒ne-'va̭ kalpayati || 13 ||
(ta॒nu॒ta॒ - ā॒labha̭māno - 'gṛhṇā - dasṛja - tābhara - ñjāyera॒n-thṣaṭca̭) (a. 2)
anuvākaṃ 3 - caturhotṛpañcahotṛmantragrahabhāgayoḥ puruṣārtha prayogaḥ
pra॒jāpa̭ti-rakāmayata॒ pra jā̭ye॒yeti̭ | sa tapo̭-'tapyata | sa tri॒vṛta॒gg॒ stoma̭-masṛjata | ta-mpa̭ñcada॒śastomo̭ maddhya॒ta uda̭tṛṇat | tau pū᳚rvapa॒kṣaścā̭parapa॒kṣaścā̭bhavatām | pū॒rva॒pa॒kṣa-nde॒vā anvasṛ̭jyanta | a॒pa॒ra॒pa॒kṣa-manvasṷrāḥ | tato̭ de॒vā abha̭vann | parā-'sṷrāḥ | ya-ṅkā॒mayḙta॒ vasī̭yān-thsyā॒diti̭ || 14 ||
ta-mpū᳚rvapa॒kṣe yā̭jayet | vasī̭yāne॒va bha̭vati | ya-ṅkā॒mayḙta॒ pāpī̭yān-thsyā॒diti̭ | tama̭parapa॒kṣe yā̭jayet | pāpī̭yāne॒va bha̭vati | tasmā᳚-tpūrvapa॒kṣo̭ ¶pa॒kṣāt-ka̭ru॒ṇya̭taraḥ || pra॒jāpa̭ti॒rvai daśa̭hotā | catṷrhotā॒ pañca̭hotā | ṣaḍḍho̭tā sa॒ptaho̭tā | ṛ॒tavaḥ̭ saṃva~thsa॒raḥ || 15 ||
pra॒jāḥ pa॒śava̭ i॒me lo॒kāḥ | ya e॒va-mpra॒jāpa̭ti-mba॒horbhūyāgṃ̭saṃ॒-ve~da̭ | ba॒hore॒va bhūyā᳚-nbhavati || pra॒jāpa̭ti-rdevāsu॒rāna̭sṛjata | sa indra॒mapi॒ nāsṛ̭jata | ta-nde॒vā a̭bruvann | indra̭-nno jana॒yeti̭ | so᳚-'bravīt | yathā॒ 'haṃ-yu~॒ṣmāg stapa॒sā 'sṛ̭kṣi | e॒vamindra̭-ñjanayaddhva॒miti̭ || 16 ||
te tapo̭-'tapyanta | ta ā॒tmannindra̭-mapaśyann | tama̭bruvann | jāya॒sveti̭ | so᳚-'bravīt | ki-mbhā̭ga॒dheya̭-ma॒bhija̭niṣya॒ iti̭ | ṛ॒tūn-thsaṃ̭va~thsa॒ram | pra॒jāḥ pa॒śūn | i॒māl ~lo॒kānitya̭bruvann | taṃ-vai~ mā-''hṷtyā॒ praja̭naya॒tetya̭bravīt || 17 ||
ta-ñcatṷrhotrā॒ prāja̭nayann || yaḥ kā॒mayḙta vī॒ro ma॒ ā jā̭ye॒teti̭ | sa catṷrhotāra-ñjuhuyāt | pra॒jāpa̭ti॒rvai catṷrhotā | pra॒jāpa̭tire॒va bhū॒tvā prajā̭yate | ja॒jana॒dindra̭-mindri॒yāya॒ svāheti॒ grahḙṇa juhoti | ā-'sya̭ vī॒ro jā̭yate | vī॒ragṃ hi de॒vā e॒tayā ''hṷtyā॒ prāja̭nayann || ā॒di॒tyāścāṅgi̭rasaśca suva॒rge lo॒ke᳚ 'spardhanta | va॒ya-mpūrvḙ suva॒rgaṃ-lo~॒kami̭yāma va॒ya-mpūrva॒ iti̭ || 18 ||
ta ā̭di॒tyā e॒ta-mpañca̭hotāra-mapaśyann | ta-mpu॒rā prā̭taranuvā॒kādāgnī᳚ddhre 'juhavuḥ | tato॒ vai te pūrvḙ suva॒rgaṃ-lo~॒kamā̭yann | ya-ssṷva॒rgakā̭ma॒-ssyāt | sa pañca̭hotāra-mpu॒rā prā̭taranuvā॒kādāgnī᳚ddhre juhuyāt | saṃ॒va~॒thsa॒ro vai pañca̭hotā | saṃ॒va~॒thsa॒ra-ssṷva॒rgo lo॒kaḥ | saṃ॒va~॒thsa॒ra e॒vartuṣṷ prati॒ṣṭhāya̭ | su॒va॒rgaṃ-lo~॒kamḙti || te᳚bruva॒-nnaṅgi̭rasa ādi॒tyān || 19 ||
kva̭ stha | kva̭ va-ssa॒dbhyo ha॒vyaṃ-va~̭kṣyāma॒ iti̭ | chanda॒-ssvitya̭bruvann | gā॒ya॒tri॒yā-ntri॒ṣṭubhi॒-jaga̭tyā॒miti̭ | tasmā॒cchandaḥ̭ su sa॒dbhya ā̭di॒tyebhyaḥ̭ | ā॒ṅgī॒ra॒sīḥ pra॒jā ha॒vyaṃ-va~̭hanti | vaha̭ntyasmai pra॒jā ba॒lim | aina॒mapra̭tikhyāta-ṅgacchati | ya e॒vaṃ-ve~da̭ || dvāda̭śa॒ māsāḥ॒ pañca॒rtavaḥ̭ | traya̭ i॒me lo॒kāḥ | a॒sāvā̭di॒tya ḙkavi॒gṃ॒śaḥ | e॒tasmi॒n vā e॒ṣa śri॒taḥ | e॒tasmi॒n-prati̭ṣṭhitaḥ | ya e॒vame॒tagg śri॒ta-mprati̭ṣṭhitaṃ॒-ve~da̭ | pratye॒va ti̭ṣṭhati || 20 ||
(syā॒diti̭ - saṃva~thsa॒ro - ja̭nayaddhva॒mitī - tya̭bravī॒t - pūrva॒ ityā̭ - di॒tyān - ṛ॒tava॒-ṣṣaṭca̭) (a. 3)
anuvākaṃ 4 - jaga-thsṛṣṭikathanamukhena hotṛmantrapraśaṃsā
pra॒jāpa̭ti-rakāmayata॒ prajā̭ye॒yeti̭ | sa e॒ta-ndaśa̭hotāra-mapaśyat | tena̭ daśa॒dhā ''tmānaṃ̭-vi~॒dhāya̭ | daśa̭hotrā 'tapyata | tasya॒ citti॒-ssrugāsī᳚t | ci॒ttamājya᳚m | tasyai॒tā̭vatye॒va vāgāsī᳚t | e॒tāvāṋ. yajñakra॒tuḥ || sa catṷrhotāra-masṛjata | so̭-'nandat || 21 ||
asṛ̭kṣi॒ vā i॒mamiti̭ | tasya॒ somo̭ ha॒virāsī᳚t | sa catṷrhotrā 'tapyata | so̭-'tāmyat | sa bhūriti॒ vyāha̭rat | sa bhūmi̭masṛjata | a॒gni॒ho॒tra-nda̭rśapūrṇamā॒sau yajūgṃ̭ṣi | sa dvi॒tīya̭matapyata | so̭-'tāmyat | sa bhuva॒ iti॒ vyāha̭rat || 22 ||
so᳚-'ntari̭kṣa-masṛjata | cā॒tu॒rmā॒syāni॒ sāmā̭ni | sa tṛ॒tīya̭matapyata | so̭-'tāmyat | sa suva॒riti॒ vyāha̭rat | sa diva̭masṛjata | a॒gni॒ṣṭo॒ma-mu॒kthya̭-matirā॒tramṛcaḥ̭ | e॒tā vai vyāhṛ̭taya i॒me lo॒kāḥ | i॒mā-nkhalu॒ vai lo॒kānanṷ pra॒jāḥ pa॒śava॒śchandāgṃ̭si॒ prājā̭yanta | ya e॒vame॒tāḥ pra॒jāpa̭teḥ pratha॒mā vyāhṛ̭tīḥ॒ prajā̭tā॒ veda̭ || 23 ||
pra pra॒jayā̭ pa॒śubhi̭-rmithu॒nai-rjā̭yate || sa pañca̭hotāra-masṛjata | sa ha॒virnā-vi̭ndata | tasmai॒ soma̭-sta॒nuva॒-mprāya̭cchat | e॒ta-ttḙ ha॒viriti̭ | sa pañca̭hotrā 'tapyata | so̭-'tāmyat | sa pra॒tyaṅṅa̭bādhata | so-'sṷrā-nasṛjata | tada॒syā pri̭yamāsīt || 24 ||
ta-ddu॒rvarṇa॒gṃ॒ hira̭ṇyamabhavat | ta-ddu॒rvarṇa̭sya॒ hira̭ṇyasya॒ janma̭ | sa dvi॒tīya̭matapyata | so̭-'tāmyat | sa prāṃa̭bādhata | sa de॒vāna̭sṛjata | tada̭sya pri॒yama̭sīt | ta-thsu॒varṇa॒gṃ॒ hira̭ṇyamabhavat | ta-thsu॒varṇa̭sya॒ hira̭ṇyasya॒ janma̭ | ya e॒vagṃ su॒varṇa̭sya॒ hira̭ṇyasya॒ janma॒ veda̭ || 25 ||
su॒varṇa̭ ā॒tmanā̭ bhavati | du॒rvarṇo᳚-'sya॒ bhrātṛ̭vyaḥ | tasmā᳚-thsu॒varṇa॒gṃ॒ hira̭ṇya-mbhā॒rya᳚m | su॒varṇa̭ e॒va bha̭vati | aina̭-mpri॒ya-ṅga̭cchati॒ nāpri̭yam || sa sa॒ptaho̭tāra-masṛjata | sa sa॒ptaho᳚trai॒va sṷva॒rgaṃ-lo~॒kamai᳚t || tri॒ṇa॒vena॒ stomḙnai॒bhyo lo॒kebhyo-'sṷrā॒-nprāṇṷdata | tra॒ya॒stri॒gṃ॒śena॒ pratya̭tiṣṭhat | e॒ka॒vi॒gṃ॒śena॒ ruca̭madhatta || 26 ||
sa॒pta॒da॒śena॒ prājā̭yata | ya e॒vaṃ-vi~॒dvān-thsomḙna॒ yaja̭te | sa॒ptaho᳚trai॒va sṷva॒rgaṃ-lo~॒kamḙti | tri॒ṇa॒vena॒ stomḙnai॒bhyo lo॒kebhyo॒ bhrātṛ̭vyā॒n-praṇṷdate | tra॒ya॒stri॒gṃ॒śena॒ prati̭ tiṣṭhati | e॒ka॒vi॒gṃ॒śena॒ ruca̭-ndhatte | sa॒pta॒da॒śena॒ prajā̭yate | tasmā᳚-thsaptada॒śa-sstomo॒ na ni॒r॒hṛtyaḥ̭ | pra॒jāpa̭ti॒ rvai sa̭ptada॒śaḥ | pra॒jāpa̭time॒va ma̭ddhya॒to dha̭tte॒ prajā᳚tyai || 27 ||
(a॒na॒nda॒-d- bhuva॒ iti॒ vyāha̭ra॒-d- vedā̭ - sī॒-d- vedā̭ - dhatta॒ - prajā᳚tyai) (a. 4)
anuvākaṃ 5 - dakṣiṇāpratigrahamantravyākhyānam
de॒vā vai varṷṇamayājayann | sa yasyai̭ yasyai de॒vatā̭yai॒ dakṣi̭ṇā॒mana̭yat | tāma̭vlīnāt | te᳚-'bruvann | vyā॒vṛtya॒ prati̭ gṛhṇāma | tathā̭ no॒ dakṣi̭ṇā॒ na vle᳚ṣya॒tīti̭ | te vyā॒vṛtya॒ pratya̭gṛhṇann | tato॒ vai tā-ndakṣi̭ṇā॒ nāvlī̭nāt | ya e॒vaṃ-vi~॒dvān vyā॒vṛtya॒ dakṣi̭ṇā-mpratigṛ॒hṇāti̭ | naina॒-ndakṣi̭ṇā vlīnāti || 28 ||
rājā᳚ tvā॒ varṷṇo nayatu devi dakṣiṇe॒-'gnaye॒ hira̭ṇya॒mityā̭ha | ā॒gne॒yaṃ-vai~ hira̭ṇyam | svayai॒vaina̭-dde॒vata̭yā॒ prati̭ gṛhṇāti | somā̭ya॒ vāsa॒ ityā̭ha | sau॒myaṃ-vai~ vāsaḥ̭ | svayai॒vaina̭-dde॒vata̭yā॒ prati̭ gṛhṇāti | ru॒drāya॒ gāmityā̭ha | rau॒drī vai gauḥ | svayai॒vainā᳚-nde॒vata̭yā॒ prati̭ gṛhṇāti | varṷṇā॒yāśva॒mityā̭ha || 29 ||
vā॒ru॒ṇo vā aśvaḥ̭ | svayai॒vaina̭-nde॒vata̭yā॒ prati̭ gṛhṇāti | prā॒jāpa̭taye॒ purṷṣa॒mityā̭ha | prā॒jā॒pa॒tyo vai purṷṣaḥ | svayai॒vaina̭-nde॒vata̭yā॒ prati̭ gṛhṇāti | mana̭ve॒ talpa॒mityā̭ha | mā॒na॒vo vai talpaḥ̭ | svayai॒vaina̭-nde॒vata̭yā॒ prati̭ gṛhṇāti | u॒ttā॒nāyā᳚ṅgīra॒sāyāna॒ ityā̭ha | i॒yaṃ-vā~ ṷttā॒na ā᳚ṅgīra॒saḥ || 30 ||
a॒nayai॒vaina॒t-prati̭ gṛhṇāti || vai॒śvā॒na॒ryārcā ratha॒-mprati̭ gṛhṇāti | vai॒śvā॒na॒ro vai de॒vata̭yā॒ rathaḥ̭ | svayai॒vaina̭-nde॒vata̭yā॒ prati̭ gṛhṇāti || tenā̭mṛta॒tvama̭śyā॒-mityā̭ha | a॒mṛta̭me॒vātman-dha̭tte || vayo̭ dā॒tra ityā̭ha | vaya̭ e॒vaina̭-ṅkṛ॒tvā | su॒va॒rgaṃ-lo~॒ka-ṅga̭mayati || mayo॒ mahya̭mastu pratigrahī॒tra ityā̭ha || 31 ||
yadvai śi॒vam | tanmayaḥ̭ | ā॒tmana̭ e॒vaiṣā parī᳚ttiḥ || ka i॒da-ṅkasmā̭ adā॒dityā̭ha | pra॒jāpa̭ti॒rvai kaḥ | sa pra॒jāpa̭taye dadāti || kāmaḥ॒ kāmā॒yetyā̭ha | kāmḙna॒ hi dadā̭ti | kāmḙna pratigṛ॒hṇāti̭ || kāmo̭ dā॒tā kāmaḥ̭ prati grahī॒tetyā̭ha || 32 ||
kāmo॒ hi dā॒tā | kāmaḥ̭ prati grahī॒tā || kāmagṃ̭ samu॒dra-māvi॒śetyā̭ha | sa॒mu॒dra i̭va॒ hi kāmaḥ̭ | neva॒ hi kāma॒syānto-'sti̭ | na sa̭mu॒drasya̭ || kāmḙna tvā॒ prati̭ gṛhṇā॒mītyā̭ha | yena॒ kāmḙna prati gṛ॒hṇāti̭ | sa e॒vaina̭ma॒muṣmi̭l ~lo॒ke kāma॒ āga̭cchati || kāmai॒tatta̭ e॒ṣā tḙ kāma॒ dakṣi॒ṇetyā̭ha | kāma̭ e॒va ta-dyaja̭māno॒-'muṣmi̭l ~lo॒ke dakṣi̭ṇāmicchati | na pra̭tigrahī॒tari̭ || ya e॒vaṃ-vi~॒dvān-dakṣi̭ṇā-mpratigṛ॒hṇāti̭ | a॒nṛ॒ṇāme॒vainā॒-mprati̭ gṛhṇāti || 33 ||
(vlī॒nā॒tya - śva॒mityā̭hā - ṅgira॒saḥ - pra̭tigrahī॒tra ityā̭ha - pratigrahī॒tetyā̭ha॒ - dakṣi॒ṇetyā̭ha ca॒tvāri̭ ca) (a. 5)
anuvākaṃ 6 - dvādaśāhadaśame-'hani hotṛmantrāḥ
anto॒ vā e॒ṣa ya॒jñasya̭ | ya-dda̭śa॒mamahaḥ̭ | da॒śa॒me-'ha᳚n-thsarparā॒jñiyā̭ ṛ॒gbhi-sstṷvanti | ya॒jñasyai॒vānta̭-ṅga॒tvā | a॒nnādya॒mava̭rundhate || ti॒sṛbhiḥ̭ stuvanti | traya̭ i॒me lo॒kāḥ | e॒bhya e॒va lo॒kebhyo॒-'nnādya॒mava̭rundhate | pṛśni̭vatī-rbhavanti | annaṃ॒-vai~ pṛśni̭ || 34 ||
anna̭me॒vāva̭-rundhate || mana̭sā॒ prastaṷti | mana॒sodgā̭yati | mana̭sā॒ prati̭ harati | mana̭ iva॒ hi pra॒jāpa̭tiḥ | pra॒jāpa̭te॒rāptyai᳚ || de॒vā vai sa॒rpāḥ | teṣā̭mi॒yagṃ rājñī᳚ | ya-thsa̭rparā॒jñiyā̭ ṛ॒gbhi-sstu॒vanti̭ | a॒syāme॒va prati̭ tiṣṭhanti || 35 ||
catṷrhotṝ॒n॒. hotā॒ vyāca̭ṣṭe | stu॒tamanṷśagṃsati॒ śāntyai᳚ || anto॒ vā e॒ṣa ya॒jñasya̭ | ya-dda̭śa॒mamahaḥ̭ | e॒ta-tkhalu॒ vai de॒vānā᳚-mpara॒ma-ṅguhya॒-mbrahma̭ | yaccatṷrhotāraḥ | da॒śa॒me-'ha॒gg॒-ścatṷrhotṝ॒n vyāca̭ṣṭe | ya॒jñasyai॒vānta̭-ṅga॒tvā | pa॒ra॒ma-nde॒vānā॒-ṅguhya॒-mbrahmāva̭rundhe | tade॒va pra̭kā॒śa-ṅga̭mayati || 36 ||
tadḙna-mprakā॒śa-ṅga॒tam | pra॒kā॒śa-mpra॒jānā᳚-ṅgamayati || vācaṃ̭-ya~cchati | ya॒jñasya॒ dhṛtyai᳚ || ya॒ja॒mā॒na॒de॒va॒tyaṃ̭-vā~ ahaḥ̭ | bhrā॒tṛ॒vya॒de॒va॒tyā̭ rātriḥ̭ | ahnā॒ rātri̭-ndhyāyet | bhrātṛ̭vyasyai॒va tallo॒kaṃ-vṛ~̭ṅkte | yaddivā॒ vācaṃ̭-vi~sṛ॒jet | aha॒rbhrātṛ̭vyā॒yocchigṃ̭ṣet | yannaktaṃ̭-vi~sṛ॒jet | rātri॒-mbhrātṛ̭vyā॒yocchigṃ̭ṣet | a॒dhi॒vṛ॒kṣa॒sū॒rye vācaṃ॒-vi~sṛ̭jati | e॒tāva̭ntame॒vāsmai̭ lo॒kamucchigṃ̭ṣati | yāva̭dādi॒tyo᳚-'sta॒meti̭ || 37 ||
(pṛśni̭ - tiṣṭhanti - gamayati - śigṃṣe॒-tpañca̭ ca) (a. 6)
anuvākaṃ 7 - saptahotṛmantrasādhyayajñapraśaṃsā
pra॒jāpa̭tiḥ pra॒jā a̭sṛjata | tā-ssṛ॒ṣṭā-ssama̭śliṣyann | tā rū॒peṇānu॒ prāvi̭śat | tasmā̭dāhuḥ | rū॒paṃ-vai~ pra॒jāpa̭ti॒riti̭ | tā nāmnā-'nu॒ prāvi̭śat | tasmā̭dāhuḥ | nāma॒ vai pra॒jāpa̭ti॒riti̭ | tasmā॒dapyā̭ 'mi॒trau sa॒gantya̭ | nāmnā॒ ceddhvayḙte || 38 ||
mi॒trame॒va bha̭vataḥ || pra॒jāpa̭ti-rdevāsu॒rāna̭sṛjata | sa indra॒mapi॒ nāsṛ̭jata | ta-nde॒vā a̭bruvann | indra̭-nno jana॒yeti̭ | sa ā॒tma-nnindra̭-mapaśyat | tama̭sṛjata | ta-ntri॒ṣṭug-vī॒rya̭-mbhū॒tvā-'nu॒ prāvi̭śat | tasya॒ vajraḥ̭ pañcada॒śo hasta॒ āpa̭dyata | teno॒dayyāsṷrāna॒bhya̭ bhavat || 39 ||
ya e॒vaṃ-ve~da̭ | a॒bhi bhrātṛ̭vyā-nbhavati || te de॒vā asṷrai-rvi॒jitya̭ | su॒va॒rgaṃ-lo~॒kamā̭yann | tḙ-'muṣmi̭l ~lo॒ke vya̭kṣuddhyann | te᳚-'bruvann | a॒mutaḥ̭ pradānaṃ॒-vā~ upa̭jijīvi॒meti̭ | te sa॒ptaho̭tāraṃ-ya~॒jñaṃ-vi~॒dhāyā॒yāsya᳚m | ā॒ṅgī॒ra॒sa-mprāhi̭ṇvann | e॒tenā॒mutra̭ kalpa॒yeti̭ || 40 ||
tasya॒ vā i॒ya-ṅklṛptiḥ̭ | yadi॒da-ṅki-ñca̭ | ya e॒vaṃ-ve~da̭ | kalpa̭te-'smai | sa vā a॒ya-mma̭nu॒ṣyḙṣu ya॒jña-ssa॒ptaho̭tā | a॒mutra̭ sa॒dbhyo de॒vebhyo̭ ha॒vyaṃ-va~̭hati | ya e॒vaṃ-ve~da̭ | upai̭naṃ-ya~॒jño na̭mati || so̭-'manyata | a॒bhi vā i॒me᳚-'smā-llo॒kāda॒muṃlo~॒ka-ṅka̭miṣyanta॒ iti̭ | sa vāca̭spate॒ hṛditi॒ vyāha̭rat | tasmā᳚-tpu॒tro hṛda̭yam | tasmā̭da॒smā-llo॒kāda॒muṃ-lo~॒ka-nnābhikā̭mayante | pu॒tro hi hṛda̭yam || 41 ||
(hvayḙta - abhavat - kalpa॒ye - tīti̭ ca॒tvāri̭ ca) (a. 7)
anuvākaṃ 8 - hotṛmantrāṇāṃ somayāgāṅgatvam
de॒vā vai catṷrhotṛbhi-rya॒jñama̭tanvata | te vi pā॒pmanā॒ bhrātṛ̭vye॒ṇāja̭yanta | a॒bhi sṷva॒rgaṃ-lo~॒kama̭jayann | ya e॒vaṃ-vi~॒dvāg-ścatṷrhotṛbhirya॒jña-nta̭nu॒te | vi pā॒pmanā॒ bhrātṛ̭vyeṇa jayate | a॒bhi sṷva॒rgaṃ-lo~॒ka-ñja̭yati || ṣaḍḍho᳚trā prāya॒ṇīya॒māsā̭dayati | a॒muṣmai॒ vai lo॒kāya॒ ṣaḍḍho̭tā | ghnanti॒ khalu॒ vā e॒ta-thsoma᳚m | yada̭bhiṣu॒ṇvanti̭ || 42 ||
ṛ॒ju॒dhaivaina̭ma॒muṃ-lo~॒ka-ṅga̭mayati | catṷrhotrā ''ti॒tthyam | yaśo॒ vai catṷrhotā | yaśa̭ e॒vātman-dha̭tte | pañca̭hotrā pa॒śumupa̭ sādayati | su॒va॒rgyo̭ vai pañca̭hotā | yaja̭mānaḥ pa॒śuḥ | yaja̭māname॒va sṷva॒rgaṃ-lo~॒ka-ṅga̭mayati | grahā᳚n-gṛhī॒tvā sa॒ptaho̭tāra-ñjuhoti | i॒ndri॒yaṃ-vai~ sa॒ptaho̭tā || 43 ||
i॒ndri॒yame॒vātman-dha̭tte || yo vai catṷrhotṝ-nanusava॒na-nta॒rpaya̭ti | tṛpya̭ti pra॒jayā̭ pa॒śubhiḥ̭ | upai̭nagṃ somapī॒tho na̭mati | ba॒hi॒ṣpava॒mā॒ne daśa̭hotāraṃ॒-vyā~ca̭kṣīta | māddhya̭ndine॒ pava̭māne॒ catṷrhotāram | ārbha̭ve॒ pava̭māne॒ pañca̭hotāram | pi॒tṛ॒ya॒jñe ṣaḍḍho̭tāram | ya॒jñā॒ya॒jñiya̭sya sto॒tre sa॒ptaho̭tāram | a॒nu॒sa॒va॒name॒vaināg̭ starpayati || 44 ||
tṛpya̭ti pra॒jayā̭ pa॒śubhiḥ̭ | upai̭nagṃ somapī॒tho na̭mati || de॒vā vai catṷrhotṛbhi-ssa॒tramā̭sata | ṛddhi̭parimitaṃ॒-ya~śa̭skāmāḥ | te᳚-'bruvann | yannaḥ̭ pratha॒maṃ-ya~śa̭ ṛ॒cchāt | sarvḙṣā-nna॒sta-thsa॒hāsa॒diti̭ | soma॒ścatṷrhotrā | a॒gniḥ pañca̭hotrā | dhā॒tā ṣaḍḍho᳚trā || 45 ||
indraḥ̭ sa॒ptaho᳚trā | pra॒jāpa̭ti॒-rdaśa̭hotrā | teṣā॒gṃ॒ soma॒gṃ॒ rājā̭naṃ॒-ya~śa̭ ārcchat || tannya̭kāmayata | tenāpā᳚krāmat | tena̭ pra॒lāya̭macarat | ta-nde॒vāḥ prai॒ṣaiḥ praiṣa̭maicchann | tat-prai॒ṣāṇā᳚-mpraiṣa॒tvam | ni॒vidbhi॒rnya̭vedayann | tanni॒vidā᳚-nnivi॒ttvam || 46 ||
ā॒prībhi̭rāpnuvann | tadā॒prīṇā̭māpri॒tvam | tama̭ghnann | tasya॒ yaśo॒ vya̭gṛhṇata | te grahā̭ abhavann | tadgrahā̭ṇā-ṅgraha॒tvam | yasyai॒vaṃ-vi~॒duṣo॒ grahā̭ gṛ॒hyante᳚ | tasya॒ tvḙva gṛ̭hī॒tāḥ || te᳚-'bruvann | yo vai na॒-śśreṣṭho-'bhū᳚t || 47 ||
tama̭vadhiṣma | puna̭ri॒magṃ sṷvāmahā॒ iti̭ | ta-ñchando̭bhi-rasuvanta | tacchanda̭sā-ñchanda॒stvam | sāmnā॒ samāna̭yann | ta-thsāmnaḥ̭ sāma॒tvam | u॒kthai-ruda̭sthāpayann | tadu॒kthānā̭-muktha॒tvam | ya e॒vaṃ-ve~da̭ | pratye॒va ti̭ṣṭhati || 48 ||
sarva॒māyṷreti || somo॒ vai yaśaḥ̭ | ya e॒vaṃ-vi~॒dvān-thsoma̭mā॒gaccha̭ti | yaśa̭ e॒vaina̭mṛcchati | tasmā̭dāhuḥ | yaścai॒vaṃ-ve~da॒ yaśca॒ na | tāvu॒bhau soma॒-māga̭cchataḥ | somo॒ hi yaśaḥ̭ | ta-ntvā-'va yaśa̭ ṛccha॒tītyā̭huḥ | ya-ssome॒ soma॒-mprāheti̭ | tasmā॒-thsome॒ somaḥ॒ procyaḥ̭ | yaśa̭ e॒vaina̭mṛcchati || 49 ||
(a॒bhi॒ṣu॒ṇvanti̭ - sa॒ptaho̭tā - tarpayati॒ - ṣaḍḍho᳚trā - nivi॒ttva - mabhū᳚t - tiṣṭhati॒ - prāheti॒ dve ca̭) (a. 8)
anuvākaṃ 9 - hotṛmantrotpattikathanaprasaṅgena jaga-thsṛṣṭiḥ
i॒daṃ-vā~ agre॒ naiva kiñca॒nāsī᳚t | na dyaurā̭sīt | na pṛ̭thi॒vī | nāntari̭kṣam | tadasa̭de॒va sanmano̭ 'kuruta॒ syāmiti̭ | tada̭tapyata | tasmā᳚t-tepā॒nāddhū॒mo̭-'jāyata | ta-dbhūyo̭-'tapyata | tasmā᳚t-tepā॒nāda॒gni-ra̭jāyata | ta-dbhūyo̭-'tapyata || 50 ||
tasmā᳚t-tepā॒nājjyoti̭-rajāyata | ta-dbhūyo̭-'tapyata | tasmā᳚t-tepā॒nāda॒rci-ra̭jāyata | ta-dbhūyo̭-'tapyata | tasmā᳚t-tepā॒nānmarī̭cayo-'jāyanta | ta-dbhūyo̭-'tapyata | tasmā᳚t-tepā॒nādṷdā॒rā a̭jāyanta | ta-dbhūyo̭-'tapyata | tada॒bhrami̭va॒ sama̭hanyata || ta-dva॒stima̭bhinat || 51 ||
sa sa̭mu॒dro̭-'bhavat | tasmā᳚-thsamu॒drasya॒ na pi̭banti | pra॒jana̭namiva॒ hi manya̭nte | tasmā᳚-tpa॒śo-rjāya̭mānā॒dāpaḥ̭ pu॒rastā᳚-dyanti || ta-ddaśa̭ho॒tā-'nva̭sṛjyata | pra॒jāpa̭ti॒rvai daśa̭ hotā || ya e॒va-ntapa̭so vī॒ryaṃ̭-vi~॒dvāgstapya̭te | bhava̭tye॒va || tadvā i॒damāpaḥ̭ sali॒la-mā̭sīt | so̭-'rodīt-pra॒jāpa̭tiḥ || 52 ||
sa kasmā̭ ajñi | ya-dya॒syā apra̭tiṣṭhāyā॒ iti̭ | yada॒phsva̭-vāpa̭dyata | sā pṛ̭thi॒vya̭bhavat | yadvyamṛ̭ṣṭa | tada॒ntari̭kṣa-mabhavat | yadū॒rdhva-mu॒damṛ̭ṣṭa | sā dyaura̭bhavat | yadaro̭dīt | tada॒nayo̭ roda॒stvam || 53 ||
ya e॒vaṃ-ve~da̭ | nāsya̭ gṛ॒he rṷdanti | e॒tadvā e॒ṣāṃ-lo~॒kānā॒-ñjanma̭ | ya e॒vame॒ṣāṃ-lo~॒kānā॒-ñjanma॒ veda̭ | naiṣu lo॒ke-ṣvārti॒mārccha̭ti | sa i॒mā-mpra̭ti॒ṣṭhā-ma̭vindata || sa i॒mā-mpra̭ti॒ṣṭhāṃ-vi~॒ttvā 'kā̭mayata॒ prajā̭ye॒yeti̭ | sa tapo̭-'tapyata | so᳚-'ntarvā̭nabhavat | sa ja॒ghanā॒dasṷrā-nasṛjata || 54 ||
tebhyo̭ mṛ॒nmaye॒ pātre-'nna̭maduhat | yā-'sya॒ sā ta॒nūrāsī᳚t | tāmapā̭hata | sā tami̭srā-'bhavat || so̭-'kāmayata॒ prajā̭ye॒yeti̭ | sa tapo̭-'tapyata | so᳚-'ntarvā̭-nabhavat | sa pra॒jana̭nāde॒va pra॒jā a̭sṛjata | tasmā̭di॒mā bhūyi̭ṣṭhāḥ | pra॒jana̭nā॒ddhyḙnā॒ asṛ̭jata || 55 ||
tābhyo̭ dāru॒maye॒ pātre॒ payo̭-'duhata | yā-'sya॒ sā ta॒nūrāsī᳚t | tāmapā̭hata | sā jothsnā̭ 'bhavat || so̭-'kāmayata॒ prajā̭ye॒yeti̭ | satapo̭-'tapyata | so᳚-'ntarvā̭-nabhavat | sa ṷpapa॒kṣābhyā̭-me॒vartūna̭sṛjata | tebhyo̭ raja॒te pātrḙ ghṛ॒tama̭duhat | yā-'sya॒ sā ta॒nūrāsī᳚t || 56 ||
tāmapā̭hata | so̭-'horā॒trayo᳚-ssa॒ndhi-ra̭bhavat || so̭-'kāmayata॒ prajā̭ye॒yeti̭ | sa tapo̭-'tapyata | so᳚-'ntarvā̭-nabhavat | sa mukhā᳚-dde॒vā-na̭sṛjata | tebhyo॒ hari̭te॒ pātre॒ soma̭maduhat | yā-'sya॒ sā ta॒nūrāsī᳚t | tāmapā̭hata | tadaha̭rabhavat || 57 ||
e॒te vai pra॒jāpa̭te॒rdohāḥ᳚ | ya e॒vaṃ-ve~da̭ | du॒ha e॒va pra॒jāḥ || divā॒ vai no̭-'bhū॒diti̭ | ta-dde॒vānā᳚-ndeva॒tvam | ya e॒va-nde॒vānā᳚-ndeva॒tvaṃ-ve~da̭ | de॒vavā̭ne॒va bha̭vati || e॒tadvā a̭horā॒trāṇā॒-ñjanma̭ | ya e॒vama̭horā॒trāṇā॒-ñjanma॒ veda̭ | nāho̭rā॒treṣvārti॒mārccha̭ti || 58 ||
asa॒to-'dhi॒ mano̭-'sṛjyata | manaḥ̭ pra॒jāpa̭ti-masṛjata | pra॒jāpa̭tiḥ pra॒jā a̭sṛjata | tadvā i॒da-mmana̭sye॒va pa̭ra॒ma-mprati̭ṣṭhitam | yadi॒da-ṅkiñca̭ | tade॒tacchvo̭vasya॒ sannāma॒ brahma̭ || vyu॒cchantī᳚ vyucchantyasmai॒ vasya̭sī vasyasī॒ vyṷcchati | prajā̭yate pra॒jayā̭ pa॒śubhiḥ̭ | pra pa̭rame॒ṣṭhino॒ mātrā̭-māpnoti | ya e॒vaṃ-ve~da̭ || 59 ||
(a॒gnira̭jāyata॒ tadbhūyo̭-'tapyatā - bhinada - rodī-tpra॒jāpa̭tī - roda॒stva - ma̭sṛja॒ - tāsṛ̭jata - ghṛ॒tama̭duha॒dyā-'sya॒ sā ta॒nūrāsī॒ - daha̭rabhava-d- ṛcchati॒ - veda̭) (a. 9)
(i॒da-ndhū॒mo᳚ 'gni-rjyoti̭ ra॒rci-rmarī̭caya udā॒rā stada॒bhragṃ /
sa ja॒ghanā॒-thsā tami̭srā॒ sa pra॒jana̭nā॒-thsā jothsnā॒ sa ṷpapa॒kṣābhyā॒gṃ॒ so̭ 'horā॒trayo᳚-ssa॒ndhi-ssamukhā॒-ttadaha̭-rde॒vavā᳚n / mṛ॒nmayḙ dāru॒mayḙ raja॒te hari̭te॒ tebhya॒stābhyo॒ dve tebhyo-'nna॒-mpayo̭
ghṛ॒tagṃ soma᳚m)
anuvākaṃ 10 - devasṛṣṭimadhye-'vasthitasyendrasya devatādhipatitvam
pra॒jāpa̭ti॒-rindra̭masṛja-tānujāva॒ra-nde॒vānā᳚m | ta-mprāhi̭ṇot | parḙhi | e॒teṣā᳚-nde॒vānā॒-madhi̭patire॒dhīti̭ | ta-nde॒vā a̭bruvann | kastvamasi̭ | va॒yaṃ-vai~ tvacchreyāgṃ̭sa-ssma॒ iti̭ | so᳚-'bravīt | kastvamasi̭ va॒yaṃ-vai~ tvacchreyāgṃ̭sa-ssma॒ iti̭ mā de॒vā a̭voca॒nniti̭ || atha॒ vā i॒da-ntarhi̭ pra॒jāpa̭tau॒ hara̭ āsīt || 60 ||
yada॒sminnā̭di॒tye | tadḙnamabravīt | e॒tanme॒ praya̭ccha | athā॒hame॒teṣā᳚-nde॒vānā॒-madhi̭pati-rbhaviṣyā॒mīti̭ | ko̭hagg-syā॒mitya̭bravīt | e॒ta-tpra॒dāyeti̭ | e॒ta-thsyā॒ itya̭bravīt | yade॒tadbravī॒ṣīti̭ | ko ha॒ vai nāma̭ pra॒jāpa̭tiḥ | ya e॒vaṃ-ve~da̭ || 61 ||
vi॒durḙna॒-nnāmnā᳚ | tada̭smai ru॒kma-ṅkṛ॒tvā pratya̭muñcat | tato॒ vā indro̭ de॒vānā॒-madhi̭pati-rabhavat | ya e॒vaṃ-ve~da̭ | adhi̭patire॒va sa̭mā॒nānā᳚-mbhavati || so̭-'manyata | ki-ṅkiṃ॒-vā~ a̭kara॒miti̭ | sa ca॒ndra-mma॒ āha॒reti॒ prāla̭pat | tacca॒ndrama̭sa-ścandrama॒stvam | ya e॒vaṃ-ve~da̭ || 62 ||
ca॒ndravā̭ne॒va bha̭vati || ta-nde॒vā a̭bruvann | su॒vīryo̭ 'maryā॒ yathā̭ gopā॒yata॒ iti̭ | ta-thsūrya̭sya sūrya॒tvam | ya e॒vaṃ-ve~da̭ | naina̭-ndabhnoti || kaśca॒ nāsmi॒nvā i॒dami̭ndri॒ya-mpratya̭sthā॒diti̭ | tadindra̭-syendra॒tvam | ya e॒vaṃ-ve~da̭ | i॒ndri॒yā॒vyḙva bha̭vati || 63 ||
a॒yaṃ-vā~ i॒da-mpa̭ra॒mo̭-'bhū॒diti̭ | tat-pa̭rame॒ṣṭhinaḥ̭ parameṣṭhi॒tvam | ya e॒vaṃ-ve~da̭ | pa॒ra॒māme॒va kāṣṭhā᳚-ṅgacchati || ta-nde॒vā-ssa̭ma॒nta-mparya̭viśann | vasa̭vaḥ pu॒rastā᳚t | ru॒drā da̭kṣiṇa॒taḥ | ā॒di॒tyāḥ pa॒ścāt | viśvḙ de॒vā ṷttara॒taḥ | aṅgi̭rasaḥ pra॒tyañca᳚m || 64 ||
sā॒ddhyāḥ parā᳚ñcam | ya e॒vaṃ-ve~da̭ | upai̭nagṃ samā॒nā-ssaṃ-vi~̭śanti || sa pra॒jāpa̭tire॒va bhū॒tvā pra॒jā āva̭yat | tā a̭smai॒ nāti̭ṣṭhantā॒nnādyā̭ya | tā mukha̭-mpu॒rastā॒t-paśya̭ntīḥ | da॒kṣi॒ṇa॒taḥ paryā̭yann | sa da̭kṣiṇa॒taḥ parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ || 65 ||
pa॒ścāt-paryā̭yann | sa pa॒ścāt-parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ | mukha̭-mpa॒ścāt | u॒tta॒ra॒taḥ paryā̭yann | sa ṷttara॒taḥ parya̭vartayata | tā mukha̭-mpu॒rastā॒t-paśya̭ntīḥ | mukha̭-ndakṣiṇa॒taḥ | mukha̭-mpa॒ścāt || 66 ||
mukha̭muttara॒taḥ | ū॒rdhvā udā̭yann | sa u॒pari̭ṣṭā॒nnya̭-vartayata | tā-ssa॒rvato̭mukho bhū॒tvā ''va̭yat | tato॒ vai tasmai᳚ pra॒jā ati̭ṣṭhantā॒nnādyā̭ya || ya e॒vaṃ-vi~॒dvā-npari̭ ca va॒rtaya̭te॒ ni ca̭ | pra॒jāpa̭tire॒va bhu॒tvā pra॒jā a̭tti | tiṣṭha̭nte-'smai pra॒jā a॒nnādyā̭ya | a॒nnā॒da e॒va bha̭vati || 67 ||
(ā॒sī॒-d- veda̭ - candrama॒stvaṃ-ya~ e॒vaṃ-ve~de᳚ - ndriyā॒vyḙva bha̭vati - pra॒tyañca॒ - mukha̭-ndakṣiṇa॒to - mukha̭-mpa॒ścān - +nava̭ ca) (ā10 )
anuvākaṃ 11 - hotṛmantrāṇā-mpuruṣārthaprayogaḥ
pra॒jāpa̭ti-rakāmayata ba॒horbhūyā᳚n-thsyā॒miti̭ | sa e॒ta-ndaśa̭hotāra-mapaśyat | ta-mprāyṷṅkta | tasya॒ prayṷkti ba॒horbhūyā̭nabhavat | yaḥ kā॒mayḙta ba॒horbhūyā᳚n-thsyā॒miti̭ | sa daśa̭hotāra॒-mprayṷñjīta | ba॒hore॒va bhūyā᳚n-bhavati || so̭-'kāmayata vī॒ro ma॒ ājā̭ye॒teti̭ | sa daśa̭hotu॒ścatṷrhotāra॒-nnira̭mimīta | ta-mprāyṷṅkta || 68 ||
tasya॒ prayu॒ktīndro̭ 'jāyata | yaḥ kā॒mayḙta vī॒ro ma॒ ājā̭ye॒teti̭ | sa catṷrhotāra॒-mprayṷñjīta | ā-'sya̭ vī॒ro jā̭yate || so̭-'kāmayata paśu॒mān-thsyā॒miti̭ | sa catṷrhotuḥ॒ pañca̭hotāra॒-nnira̭mimīta | ta-mprāyṷṅkta | tasya॒ prayṷkti paśu॒māna̭bhavat | yaḥ kā॒mayḙta paśu॒mān-thsyā॒miti̭ | sa pañca̭hotāra॒-mprayṷñjīta || 69 ||
pa॒śu॒māne॒va bha̭vati || so̭-'kāmayata॒rtavo̭ me kalpera॒nniti̭ | sa pañca̭hotu॒-ṣṣaḍḍho̭tāra॒-nnira̭mimīta | ta-mprāyṷṅkta | tasya॒ prayṷktyṛ॒tavo᳚-'smā akalpanta | yaḥ kā॒mayḙta॒rtavo̭ me kalpera॒nniti̭ | sa ṣaḍḍho̭tāra॒-mprayṷñjīta | kalpa̭nte-'smā ṛ॒tavaḥ̭ || so̭-'kāmayata soma॒pa-sso̭mayā॒jī syā᳚m | ā mḙ soma॒pa-sso̭mayā॒jī jā̭ye॒teti̭ || 70 ||
sa ṣaḍḍho̭tu-ssa॒ptaho̭tāra॒-nnira̭mimīta | ta-mprāyṷṅkta | tasya॒ prayṷkti soma॒pa-sso̭mayā॒jya̭bhavat | ā-'sya̭ soma॒pa-sso̭mayā॒jya̭jāyata | yaḥ kā॒mayḙta soma॒pa-sso̭mayā॒jī syā᳚m | ā mḙ soma॒pa-sso̭mayā॒jī jā̭ye॒teti̭ | sa sa॒ptaho̭tāra॒-mprayṷñjīta | so॒ma॒pa e॒va so̭mayā॒jī bha̭vati | ā-'sya̭ soma॒pa-sso̭mayā॒jī jā̭yate || sa vā e॒ṣa pa॒śuḥ pa̭ñca॒dhā prati̭ tiṣṭhati || 71 ||
pa॒dbhirmukhḙna || te de॒vāḥ pa॒śūn. vi॒ttvā | su॒va॒rgaṃ-lo~॒kamā̭yann || tḙ-'muṣmi̭l ~lo॒ke vya̭kṣuddhyann | te᳚-'bruvann | a॒mutaḥ̭ pradānaṃ॒-vā~ upa̭jijīvi॒meti̭ | te sa॒ptaho̭tāraṃ-ya~॒jñaṃ-vi~॒dhāyā॒yāsya᳚m | ā॒ṅgī॒ra॒sa-mprāhi̭ṇvann | e॒tenā॒mutra̭ kalpa॒yeti̭ | tasya॒ vā i॒ya-ṅklṛptiḥ̭ || 72 ||
yadi॒da-ṅkiñca̭ | ya e॒vaṃ-ve~da̭ | kalpa̭te-'smai | sa vā a॒ya-mma̭nu॒ṣyḙṣu ya॒jña-ssa॒ptaho̭tā | a॒mutra̭ sa॒dbhyo de॒vebhyo̭ ha॒vyaṃ-va~̭hati | ya e॒vaṃ-ve~da̭ | upai̭naṃ-ya~॒jño na̭mati || yo vai catṷrhotṛṇā-nni॒dānaṃ॒-ve~da̭ | ni॒dāna̭vā-nbhavati | a॒gni॒ho॒traṃ-vai~ daśa̭hoturni॒dāna᳚m | da॒r॒śa॒pū॒rṇa॒mā॒sau catṷrhotuḥ | cā॒tu॒rmā॒syāni॒ pañca̭ hotuḥ | pa॒śu॒ba॒ndha-ṣṣaḍḍho̭tuḥ | sau॒myo᳚-'ddhva॒ra-ssa॒ptaho̭tuḥ | e॒tadvai catṷrhotṛṇā-nni॒dāna᳚m | ya e॒vaṃ-ve~da̭ | ni॒dāna̭vā-nbhavati || 73 ||
(a॒mi॒mī॒ta॒ ta-mprāyṷṅkta॒ - pañca̭hotāra॒-mprayṷñjita - jāye॒teti̭ - tiṣṭhati॒ - klṛpti॒--r daśa̭hotu-rni॒dānagṃ̭ sa॒pta ca̭ ) (a. 11)
(pra॒jāpa̭tirakāmayata pra॒jā-ssṛ̭je॒yeti̭ - pra॒jāpa̭tirakāmayata darśapūrṇamā॒sau sṛ̭je॒yeti̭ - pra॒jāpa̭tirakāmayata॒ prajā̭ye॒yeti॒ sa tapa॒-ssa tri॒vṛtaṃ̭ - pra॒jāpa̭tirakāmayata॒ daśa̭hotāra॒-ntena̭ daśa॒dhā-''tmānaṃ̭ - de॒vā vai varṷṇa॒ - manto॒ vai - pra॒jāpa̭ti॒stā-ssṛ॒ṣṭā-ssama̭śliṣyan - de॒vā vai catṷrhotṛbhi - ri॒daṃ-vā~ agre᳚ - pra॒jāpa̭ti॒rindraṃ̭ - pra॒jāpa̭tirakāmayata ba॒horbhūyā॒nekā̭daśa)
(pra॒jāpa̭ti॒ - stadgraha̭sya - pra॒jā̭patirakāmayatā॒ - nayai॒vaina॒t - tasya॒ vā i॒ya-ṅklṛpti॒ - stasmā᳚-ttepā॒nājjyoti॒--r yada॒sminnā̭di॒tye -saṣaḍḍho̭tu-ssa॒ptaho̭tāra॒-ntrisa̭ptatiḥ)
(pra॒jāpa̭tirakāmayata - ni॒dāna̭vānbhavati)
|| hariḥ̭ om ||
|| kṛṣṇa yajurvedīya taittirīya brāhmaṇe dvitīyāṣṭake dvitīyaḥ prapāṭhaka-ssamāptaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.