කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ෂෂ්ඨඃ ප්රපාඨකඃ - සෞත්රාමණිඃ කෞකිලී හෝත්ර-ඤ්ච
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ . හ॒රිඃ॒ ඕම් ..
අනුවාකං 1 - ග්රහාඃ
ස්වා॒ද්වී-න්ත්වා᳚ ස්වා॒දුනා᳚ . තී॒ව්රා-න්තී॒ව්රේණ॑ . අ॒මෘතා॑-ම॒මෘතේ॑න . මධු॑මතී॒-ම්මධු॑මතා . සෘ॒ජාමි॒ සග්ං සෝමේ॑න . සෝමෝ᳚-(අ)ස්ය॒ශ්විභ්යා᳚-ම්පච්යස්ව . සර॑ස්වත්යෛ පච්යස්ව . ඉන්ද්රා॑ය සු॒ත්රාම්ණේ॑ පච්යස්ව .. පරී॒තෝෂි॑ඤ්චතා සු॒තම් . සෝමෝ॒ ය උ॑ත්ත॒මග්ං හ॒විඃ .. 1 ..
ද॒ධ॒න්වා යෝ නර්යෝ॑ අ॒ඵ්ස්ව॑න්තරා . සු॒ෂාව॒ සෝම॒මද්රි॑භිඃ .. පු॒නාතු॑ තේ පරි॒ස්රුත᳚ම් . සෝම॒ග්ං॒ සූර්ය॑ස්ය දුහි॒තා . වාරේ॑ණ॒ ශශ්ව॑තා॒ තනා᳚ . වා॒යුඃ පූ॒තඃ ප॒විත්රේ॑ණ . ප්රාඞ්ඛ්සෝමෝ॒ අති॑ද්රුතඃ . ඉන්ද්ර॑ස්ය॒ යුජ්ය॒-ස්සඛා᳚ .. වා॒යුඃ පූ॒තඃ ප॒විත්රේ॑ණ . ප්ර॒ත්යඞ්ඛ්සෝමෝ॒ ආති॑ද්රුතඃ .. 2 ..
ඉන්ද්ර॑ස්ය॒ යුජ්ය॒-ස්සඛා᳚ .. බ්රහ්ම॑ ක්ෂ॒ත්ර-ම්ප॑වතේ॒ තේජ॑ ඉන්ද්රි॒යම් . සුර॑යා॒ සෝමඃ॑ සු॒ත ආසු॑තෝ॒ මදා॑ය . ශු॒ක්රේණ॑ දේව දේ॒වතාඃ᳚ පිපෘග්ධි . රසේ॒නාන්නං॒-යँජ॑මානාය ධේහි .. කු॒විද॒ඞ්ග යව॑මන්තෝ॒ යව॑-ඤ්චිත් . යථා॒ දාන්ත්ය॑නුපූ॒ර්වං-විँ॒යූය॑ . ඉ॒හේහෛ॑ෂා-ඞ්කෘණුත॒ භෝජ॑නානි . යේ බ॒ර॒ඃඉෂෝ॒ නමෝ॑වෘක්ති॒-න්න ජ॒ග්මුඃ .. උ॒ප॒යා॒ම-ගෘ॑හීතෝ-(අ)ස්ය॒ශ්විභ්යා᳚-න්ත්වා॒ ජුෂ්ට॑-ඞ්ගෘහ්ණාමි .. 3 ..
සර॑ස්වත්යා॒ ඉන්ද්රා॑ය සු॒ත්රාම්ණේ᳚ .. ඒ॒ෂ තේ॒ යෝනි॒ස්තේජ॑සේ ත්වා . වී॒ර්යා॑ය ත්වා॒ බලා॑ය ත්වා .. තේජෝ॑-(අ)සි॒ තේජෝ॒ මයි॑ ධේහි . වී॒ර්ය॑මසි වී॒ර්ය॑-ම්මයි॑ ධේහි . බල॑මසි॒ බල॒-ම්මයි॑ ධේහි .. නානා॒ හි වා᳚-න්දේ॒වහි॑ත॒ග්ං॒ සදඃ॑ කෘ॒තම් . මා සග්ංසෘ॑ක්ෂාථා-ම්පර॒මේ ව්යෝ॑මන්න් . සුරා॒ ත්වමසි॑ ශු॒ෂ්මිණී॒ සෝම॑ ඒ॒ෂඃ . මා මා॑ හිග්ංසී॒-ස්ස්වාං-යෝँනි॑මාවි॒ශන්න් .. 4 ..
උ॒ප॒යා॒මගෘ॑හීතෝ-(අ)ස්යාශ්වි॒න-න්තේජඃ॑ . සා॒ර॒ස්ව॒තං-වීँ॒ර්ය᳚ම් . ඓ॒න්ද්ර-ම්බල᳚ම් .. ඒ॒ෂ තේ॒ යෝනි॒ර්මෝදා॑ය ත්වා . ආ॒න॒න්දාය॑ ත්වා॒ මහ॑සේ ත්වා .. ඕජෝ॒-(අ)ස්යෝජෝ॒ මයි॑ ධේහි . ම॒න්යුර॑සි ම॒න්යු-ම්මයි॑ ධේහි . මහෝ॑-(අ)සි॒ මහෝ॒ මයි॑ ධේහි . සහෝ॑-(අ)සි॒ සහෝ॒ මයි॑ ධේහි .. යා ව්යා॒ඝ්රං-විँෂූ॑චිකා . උ॒භෞ වෘක॑-ඤ්ච॒ රක්ෂ॑ති . ශ්යේ॒න-ම්ප॑ත॒ත්රිණග්ං॑ සි॒ග්ං॒හම් . සේම-ම්පා॒ත්වග්ංහ॑සඃ .. ස॒-ම්පෘචඃ॑ ස්ථ॒ ස-ම්මා॑ භ॒ද්රේණ॑ පෘඞ්ක්ත . වි॒පෘචඃ॑ ස්ථ॒ වි මා॑ පා॒ප්මනා॑ පෘඞ්ක්ත .. 5 ..
(හ॒විඃ - ප්ර॒ත්යඞ්ඛ්සෝමෝ॒ ආති॑ද්රුතෝ - ගෘහ්ණා - ම්යාවි॒ශන් - විෂූ॑චිකා॒ පඤ්ච॑ ච) (අ. 1)
අනුවාකං 2 - ග්රහෝපස්ථානම්
සෝමෝ॒ රාජා॒-(අ)මෘතග්ං॑ සු॒තඃ . ඍ॒ජී॒ෂේණා॑ජහාන්මෘ॒ත්යුම් . ඍ॒තේන॑ ස॒ත්යමි॑න්ද්රි॒යම් . විපානග්ං॑ ශු॒ක්රමන්ධ॑සඃ . ඉන්ද්ර॑ස්යේන්ද්රි॒යම් . ඉ॒ද-ම්පයෝ॒-(අ)මෘත॒-ම්මධු॑ .. සෝම॑ම॒ද්භ්යෝ ව්ය॑පිබත් . ඡන්ද॑සා හ॒ග්ං॒ස-ශ්ශු॑චි॒ෂත් . ඍ॒තේන॑ ස॒ත්යමි॑න්ද්රි॒යම් . අ॒ද්භ්යඃ, ක්ෂී॒රං-ව්යँ॑පිබත් .. 6 ..
ක්රුඞ්ඞා᳚ඞ්ගිර॒සෝ ධි॒යා . ඍ॒තේන॑ ස॒ත්යමි॑න්ද්රි॒යම් . අන්නා᳚-ත්පරි॒ස්රුතෝ॒ රස᳚ම් . බ්රහ්ම॑ණා॒ ව්ය॑පිබ-ත්ක්ෂ॒ත්රම් . ඍ॒තේන॑ ස॒ත්යමි॑න්ද්රි॒යම් .. රේතෝ॒ මූත්රං॒-විँජ॑හාති . යෝනි॑-ම්ප්රවි॒ශදි॑න්ද්රි॒යම් . ගර්භෝ॑ ජ॒රායු॒ණා-(අ)(අ)වෘ॑තඃ . උල්බ॑-ඤ්ජහාති॒ ජන්ම॑නා . ඍ॒තේන॑ ස॒ත්යමි॑න්ද්රි॒යම් .. 7 ..
වේදේ॑න රූ॒පේ ව්ය॑කරෝත් . ස॒තා॒ස॒තී ප්ර॒ජාප॑තිඃ . ඍ॒තේන॑ ස॒ත්යමි॑න්ද්රි॒යම් .. සෝමේ॑න॒ සෝමෞ॒ ව්ය॑පිබත් . සු॒තා॒සු॒තෞ ප්ර॒ජාප॑තිඃ . ඍ॒තේන॑ ස॒ත්යමි॑න්ද්රි॒යම් . දෘ॒ෂ්ට්වා රූ॒පේ ව්යාක॑රෝත් . ස॒ත්යා॒නෘ॒තේ ප්ර॒ජාප॑තිඃ . අශ්ර॑ද්ධා॒-මනෘ॒තේ-(අ)ද॑ධාත් . ශ්ර॒ද්ධාග්ං ස॒ත්යේ ප්ර॒ජාප॑තිඃ . ඍ॒තේන॑ ස॒ත්යමි॑න්ද්රි॒යම් .. දෘ॒ෂ්ට්වා ප॑රි॒ස්රුතෝ॒ රස᳚ම් . ශු॒ක්රේණ॑ ශු॒ක්රං-ව්යँ॑පිබත් . පය॒-ස්සෝම॑-ම්ප්ර॒ජාප॑තිඃ . ඍ॒තේන॑ ස॒ත්යමි॑න්ද්රි॒යම් . විපානග්ං॑ ශු॒ක්රමන්ධ॑සඃ . ඉන්ද්ර॑ස්යේන්ද්රි॒යම් . ඉ॒ද-ම්පයෝ॒-(අ)මෘත॒-ම්මධු॑ .. 8 ..
(අ॒ද්භ්යඃ, ක්ෂී॒රං-ව්යँ॑පිබ॒ - ජ්ජන්ම॑න॒ර්තේන॑ ස॒ත්යමි॑න්ද්රි॒යග්ග් - ශ්ර॒ද්ධාග්ං ස॒ත්යේ ප්ර॒ජාප॑තිර॒ෂ්ටෞ ච॑) (අ. 2)
(සෝමෝ॒ රාජා॒ විපාන॒ග්ං॒ සෝම॑ම॒ද්භ්යෝ-(අ)න්නා॒-ද්රේතෝ॒ මූත්රං॒-වේँදේ॑න සතාස॒තී සෝමේ॑න සුතාසු॒තෞ දෘ॒ෂ්ට්වා රූ॒පේ දෘ॒ෂ්ට්වා ප॑රි॒ස්රුතෝ॒ රසං॒-විँපාන॒-න්දශ॑ )
අනුවාකං 3 - ග්රහහෝමඃ
සුරා॑වන්ත-ම්බර්හි॒ෂදග්ං॑ සු॒වීර᳚ම් . ය॒ජ්ඤග්ං හි॑න්වන්ති මහි॒ෂා නමෝ॑භිඃ . දධා॑නා॒-ස්සෝම॑-න්දි॒වි දේ॒වතා॑සු . මදේ॒මේන්ද්රං॒-යँජ॑මානා-ස්ස්ව॒ර්කාඃ .. යස්තේ॒ රස॒-ස්සම්භෘ॑ත॒ ඕෂ॑ධීෂු . සෝම॑ස්ය॒ ශුෂ්ම॒-ස්සුර॑යා සු॒තස්ය॑ . තේන॑ ජින්ව॒ යජ॑මාන॒-ම්මදේ॑න . සර॑ස්වතී-ම॒ශ්විනා॒-වින්ද්ර॑-ම॒ග්නිම් .. යම॒ශ්විනා॒ නමු॑චේරාසු॒රාදධි॑ . සර॑ස්ව॒ත්යස॑නෝදින්ද්රි॒යාය॑ .. 9 ..
ඉ॒ම-න්තග්ං ශු॒ක්ර-ම්මධු॑මන්ත॒-මින්දු᳚ම් . සෝම॒ග්ං॒ රාජා॑නමි॒හ භ॑ක්ෂයාමි .. යදත්ර॑ රි॒ප්තග්ං ර॒සිනඃ॑ සු॒තස්ය॑ . යදින්ද්රෝ॒ අපි॑බ॒ච්ඡචී॑භිඃ . අ॒හ-න්තද॑ස්ය॒ මන॑සා ශි॒වේන॑ . සෝම॒ග්ං॒ රාජා॑නමි॒හ භ॑ක්ෂයාමි .. පි॒තෘභ්යඃ॑ ස්වධා॒විභ්යඃ॑ ස්ව॒ධා නමඃ॑ . පි॒තා॒ම॒හේභ්යඃ॑ ස්වධා॒විභ්යඃ॑ ස්ව॒ධා නමඃ॑ . ප්රපි॑තාමහේභ්ය-ස්ස්වධා॒විභ්යඃ॑ ස්ව॒ධා නමඃ॑ . අක්ෂ॑-න්පි॒තරඃ॑ .. 10 ..
අමී॑මදන්ත පි॒තරඃ॑ . අතී॑තෘපන්ත පි॒තරඃ॑ . අමී॑මෘජන්ත පි॒තරඃ॑ . පිත॑ර॒-ශ්ශුන්ධ॑ද්ධ්වම් .. පු॒නන්තු॑ මා පි॒තරඃ॑ සෝ॒ම්යාසඃ॑ . පු॒නන්තු॑ මා පිතාම॒හාඃ . පු॒නන්තු॒ ප්රපි॑තාමහාඃ . ප॒විත්රේ॑ණ ශ॒තායු॑ෂා . පු॒නන්තු॑ මා පිතාම॒හාඃ . පු॒නන්තු॒ ප්රපි॑තාමහාඃ .. 11 ..
ප॒විත්රේ॑ණ ශ॒තායු॑ෂා .. විශ්ව॒මායු॒-ර්ව්ය॑ශ්නවෛ . අග්න॒ ආයූග්ං॑ෂි පවස॒ ආ සු॒වෝර්ජ॒මිෂ॑-ඤ්ච නඃ . ආ॒රේ බා॑ධස්ව දු॒ච්ඡුනා᳚ම් .. අග්නේ॒ පව॑ස්ව॒ ස්වපා॑ අ॒ස්මේ වර්චඃ॑ සු॒වීර්ය᳚ම් . දධ॒-ත්පෝෂග්ං॑ ර॒යි-ම්මයි॑ ... පව॑මාන॒-ස්සුව॒ර්ජනඃ॑ . ප॒විත්රේ॑ණ॒ විච॑ර්ෂණිඃ . යඃ පෝතා॒ ස පු॑නාතු මා .. පු॒නන්තු॑ මා දේවජ॒නාඃ . පු॒නන්තු॒ මන॑ වෝ ධි॒යා . පු॒නන්තු॒ විශ්ව॑ ආ॒යවඃ॑ ... ජාත॑වේදඃ ප॒විත්ර॑වත් . ප॒විත්රේ॑ණ පුනාහි මා . ශු॒ක්රේණ॑ දේව॒ දීද්ය॑ත් . අග්නේ॒ ක්රත්වා॒ ක්රතූ॒ග්ං॒රනු॑ .. යත්තේ॑ ප॒විත්ර॑-ම॒ර්චිෂි॑ . අග්නේ॒ විත॑තමන්ත॒රා . බ්රහ්ම॒ තේන॑ පුනීමහේ ... උ॒භාභ්යා᳚-න්දේව සවිතඃ . ප॒විත්රේ॑ණ ස॒වේන॑ ච . ඉ॒ද-ම්බ්රහ්ම॑ පුනීමහේ .. වෛ॒ශ්ව॒දේ॒වී පු॑න॒තී දේ॒ව්යාගා᳚ත් . යස්යෛ॑ බ॒හ්වී-ස්ත॒නුවෝ॑ වී॒තපෘ॑ෂ්ඨාඃ . තයා॒ මද॑න්ත-ස්සධ॒මාද්යේ॑ෂු . ව॒යග්ග් ස්යා॑ම॒ පත॑යෝ රයී॒ණාම් .... යේ ස॑මා॒නා-ස්සම॑නසඃ . පි॒තරෝ॑ යම॒රාජ්යේ᳚ . තේෂාං᳚-ලෝँ॒ක-ස්ස්ව॒ධා නමඃ॑ . ය॒ජ්ඤෝ දේ॒වේෂු॑ කල්පතාම් .. 12 ..
යේ ස॑ජා॒තා-ස්සම॑නසඃ . ජී॒වා ජී॒වේෂු॑ මාම॒කාඃ . තේෂා॒ග්॒ ශ්රීර්මයි॑ කල්පතාම් . අ॒ස්මිල් ँලෝ॒කේ ශ॒තග්ං සමාඃ᳚ .. ද්වේ ස්රු॒තී අ॑ශෘණව-ම්පිතෘ॒ණාම් . අ॒හ-න්දේ॒වානා॑මු॒ත මර්ත්යා॑නාම් . යාභ්යා॑මි॒දං-විँශ්ව॒මේජ॒-ථ්සමේ॑ති . යද॑න්ත॒රා පි॒තර॑-ම්මා॒තර॑-ඤ්ච .. ඉ॒දග්ං හ॒විඃ ප්ර॒ජන॑න-ම්මේ අස්තු . දශ॑වීරග්ං ස॒ර්වග॑ණග්ග් ස්ව॒ස්තයේ᳚ . ආ॒ත්ම॒සනි॑ ප්රජා॒සනි॑ . ප॒ශු॒සන්ය॑භය॒සනි॑ ලෝක॒සනි॑ . අ॒ග්නිඃ ප්ර॒ජා-ම්බ॑හු॒ලා-ම්මේ॑ කරෝතු . අන්න॒-ම්පයෝ॒ රේතෝ॑ අ॒ස්මාසු॑ ධත්ත . රා॒යස්පෝෂ॒-මිෂ॒මූර්ජ॑ම॒ස්මාසු॑ දීධර॒-ථ්ස්වාහා᳚ .. 13 ..
(ඉ॒න්ද්රි॒යාය॑ - පි॒තරඃ॑ - ශ॒තායු॑ෂා පු॒නන්තු॑ මා පිතාම॒හාඃ පු॒නන්තු॒ ප්රපි॑තාමහාඃ-කල්පතාග්-ස්ව॒ස්තයේ॒ පඤ්ච॑ ච) (අ. 3)
අනුවාකං 4 - උපහෝමාඃ
සීසේ॑න॒ තන්ත්ර॒-ම්මන॑සා මනී॒ෂිණඃ॑ . ඌ॒ර්ණා॒සූ॒ත්රේණ॑ ක॒වයෝ॑ වයන්ති . අ॒ශ්විනා॑ ය॒ජ්ඤග්ං ස॑වි॒තා සර॑ස්වතී . ඉන්ද්ර॑ස්ය රූ॒පං-වँරු॑ණෝ භිෂ॒ජ්යන්න් .. තද॑ස්ය රූ॒පම॒මෘත॒ග්ං॒ ශචී॑භිඃ . ති॒ස්රෝ ද॑ධුර්දේ॒වතා᳚-ස්සග්ංරරා॒ණාඃ . ලෝමා॑නි॒ ශෂ්පෛ᳚-ර්බහු॒ධා න තෝක්ම॑භිඃ . ත්වග॑ස්ය මා॒ග්ං॒සම॑භව॒න්න ලා॒ජාඃ .. තද॒ශ්විනා॑ භි॒ෂජා॑ රු॒ද්රව॑ර්තනී . සර॑ස්වතී වයති॒ පේශෝ॒ අන්ත॑රඃ .. 14 ..
අස්ථි॑ ම॒ජ්ජාන॒-ම්මාස॑රෛඃ . කා॒රෝ॒ත॒රේණ॒ දධ॑තෝ॒ ගවා᳚-න්ත්ව॒චි .. සර॑ස්වතී॒ මන॑සා පේශ॒ලං-වँසු॑ . නාස॑ත්යාභ්යාං-වँයති දර්ශ॒තං-වँපුඃ॑ . රස॑-ම්පරි॒ස්රුතා॒ න රෝහි॑තම් . න॒ග්නහු॒ර්ධීර॒ස්තස॑ර॒-න්න වේම॑ .. පය॑සා ශු॒ක්රම॒මෘත॑-ඤ්ජ॒නිත්ර᳚ම් . සුර॑යා॒ මූත්රා᳚ජ්ජනයන්ති॒ රේතඃ॑ . අපාම॑ති-න්දුර්ම॒ති-ම්බාධ॑මානාඃ . ඌව॑ද්ධ්යං॒-වාँතග්ං॑ ස॒බුව॒-න්තදා॒රාත් .. 15 ..
ඉන්ද්රඃ॑ සු॒ත්රාමා॒ හෘද॑යේන ස॒ත්යම් . පු॒රෝ॒ඩාශේ॑න සවි॒තා ජ॑ජාන . යකෘ॑-ත්ක්ලෝ॒මානං॒-වँරු॑ණෝ භිෂ॒ජ්යන්න් . මත॑ස්නේ වාය॒ව්යෛ᳚ර්න මි॑නාති පි॒ත්තම් .. ආ॒න්ත්රාණි॑ ස්ථා॒ලී මධු॒ පින්ව॑මානා . ගුදා॒ පාත්රා॑ණි සු॒දුඝා॒ න ධේ॒නුඃ . ශ්යේ॒නස්ය॒ පත්ර॒-න්න ප්ලී॒හා ශචී॑භිඃ . ආ॒ස॒න්දී නාභි॑රු॒දර॒-න්න මා॒තා .. කු॒ම්භෝ ව॑නි॒ෂ්ඨුර්ජ॑නි॒තා ශචී॑භිඃ . යස්මි॒න්නග්රේ॒ යෝන්යා॒-ඞ්ගර්භෝ॑ අ॒න්තඃ .. 16 ..
ප්ලා॒ශීර්ව්ය॑ක්ත-ශ්ශ॒තධා॑ර॒ උථ්සඃ॑ . දු॒හේ න කු॒ම්භීග් ස්ව॒ධා-ම්පි॒තෘභ්යඃ॑ .. මුඛ॒ග්ං॒ සද॑ස්ය॒ ශිර॒ ඉථ්සදේ॑න . ජි॒හ්වා ප॒විත්ර॑ම॒ශ්විනා॒ සග්ං සර॑ස්වතී . චප්ප॒-න්න පා॒යුර්භි॒ෂග॑ස්ය॒ වාලඃ॑ . ව॒ස්තිර්න ශේපෝ॒ හර॑සා තර॒ස්වී .. අ॒ශ්විභ්යා॒-ඤ්චක්ෂු॑ර॒මෘත॒-ඞ්ග්රහා᳚භ්යාම් . ඡාගේ॑න॒ තේජෝ॑ හ॒විෂා॑ ශෘ॒තේන॑ . පක්ෂ්මා॑ණි ගෝ॒ධූමෛඃ॒ ක්ව॑ලෛරු॒තානි॑ . පේශෝ॒ න ශු॒ක්ලමසි॑තං-වँසාතේ .. 17 ..
අවි॒ර්න මේ॒ෂෝ න॒සි වී॒ර්යා॑ය . ප්රා॒ණස්ය॒ පන්ථා॑ අ॒මෘතෝ॒ ග්රහා᳚භ්යාම් . සර॑ස්ව॒ත්යුප॒වාකෛ᳚ර්ව්යා॒නම් . නස්යා॑නි බ॒ර॒ඃඉ-ර්බද॑රෛ-ර්ජජාන .. ඉන්ද්ර॑ස්ය රූ॒පමෘ॑ෂ॒භෝ බලා॑ය . කර්ණා᳚භ්යා॒ග්॒ ශ්රෝත්ර॑ම॒මෘත॒-ඞ්ග්රහා᳚භ්යාම් . යවා॒ න බ॒ර॒ඃඉ-ර්භ්රු॒වි කේස॑රාණි . ක॒ර්කන්ධු॑ ජජ්ඤේ॒ මධු॑ සාර॒ඝ-ම්මුඛා᳚ත් .. ආ॒ත්මන්නු॒පස්ථේ॒ න වෘක॑ස්ය॒ ලෝම॑ . මුඛේ॒ ශ්මශ්රූ॑ණි॒ න ව්යා᳚ඝ්රලෝ॒මම් .. 18 ..
කේශා॒ න ශී॒ර॒.ෂන්. යශ॑සේ ශ්රි॒යෛ ශිඛා᳚ . සි॒ග්ං॒හස්ය॒ ලෝම॒ ත්විෂි॑-රින්ද්රි॒යාණි॑ .. අඞ්ගා᳚න්යා॒ත්මන්-භි॒ෂජා॒ තද॒ශ්විනා᳚ . ආ॒ත්මාන॒මඞ්ගෛ॒-ස්සම॑ධා॒-ථ්සර॑ස්වතී . ඉන්ද්ර॑ස්ය රූ॒පග්ං ශ॒තමා॑න॒මායුඃ॑ . ච॒න්ද්රේණ॒ ජ්යෝති॑ර॒මෘත॒-න්දධා॑නා .. සර॑ස්වතී॒ යෝන්යා॒-ඞ්ගර්භ॑ම॒න්තඃ . අ॒ශ්විභ්යා॒-ම්පත්නී॒ සුකෘ॑ත-ම්බිභර්ති . අ॒පාග්ං රසේ॑න॒ වරු॑ණෝ॒ න සාම්නා᳚ . ඉන්ද්රග්ග්॑ ශ්රි॒යෛ ජ॒නය॑න්න॒ඵ්සු රාජා᳚ .. තේජඃ॑ පශූ॒නාග්ං හ॒විරි॑න්ද්රි॒යාව॑ත් . ප॒රි॒ස්රුතා॒ පය॑සා සාර॒ඝ-ම්මධු॑ . අ॒ශ්විභ්යා᳚-න්දු॒ග්ධ-ම්භි॒ෂජා॒ සර॑ස්වත්යා සුතාසු॒තාභ්යා᳚ම් . අ॒මෘත॒-ස්සෝම॒ ඉන්දුඃ॑ .. 19 ..
(අන්ත॑ර - ආ॒රා - ද॒න්ත--ර් ව॑සාතේ - ව්යාඝ්රලෝ॒මග්ං - රාජා॑ ච॒ත්වාරි॑ ච) (අ. 4)
අනුවාකං 5 - අභිෂේකඃ
මි॒ත්රෝ॑-(අ)සි॒ වරු॑ණෝ-(අ)සි . සම॒හං-විँශ්වෛ᳚ර්දේ॒වෛඃ .. ක්ෂ॒ත්රස්ය॒ නාභි॑රසි . ක්ෂ॒ත්රස්ය॒ යෝනි॑රසි .. ස්යෝ॒නාමාසී॑ද . සු॒ෂදා॒මාසී॑ද . මා ත්වා॑ හිග්ංසීත් . මා මා॑ හිග්ංසීත් .. නිෂ॑සාද ධෘ॒තව්ර॑තෝ॒ වරු॑ණඃ . ප॒ස්ත්යා᳚ස්වා .. 20 ..
සාම්රා᳚ජ්යාය සු॒ක්රතුඃ॑ .. දේ॒වස්ය॑ ත්වා සවි॒තුඃ ප්ර॑ස॒වේ . අ॒ශ්විනෝ᳚-ර්බා॒හුභ්යා᳚ම් . පූ॒ෂ්ණෝ හස්තා᳚භ්යාම් . අ॒ශ්විනෝ॒-ර්භෛෂ॑ජ්යේන . තේජ॑සේ බ්රහ්මවර්ච॒සායා॒භිෂි॑ඤ්චාමි .. දේ॒වස්ය॑ ත්වා සවි॒තුඃ ප්ර॑ස॒වේ . අ॒ශ්විනෝ᳚-ර්බා॒හුභ්යා᳚ම් . පූ॒ෂ්ණෝ හස්තා᳚භ්යාම් . සර॑ස්වත්යෛ॒ භෛෂ॑ජ්යේන .. 21 ..
වී॒ර්යා॑යා॒න්නාද්යා॑යා॒භිෂි॑ඤ්චාමි .. දේ॒වස්ය॑ ත්වා සවි॒තුඃ ප්ර॑ස॒වේ . අ॒ශ්විනෝ᳚-ර්බා॒හුභ්යා᳚ම් . පූ॒ෂ්ණෝ හස්තා᳚භ්යාම් . ඉන්ද්ර॑ස්යේන්ද්රි॒යේණ॑ . ශ්රි॒යෛ යශ॑සේ॒ බලා॑යා॒භිෂි॑ඤ්චාමි .. කෝ॑-(අ)සි කත॒මෝ॑-(අ)සි . කස්මෛ᳚ ත්වා॒ කාය॑ ත්වා .. සුශ්ලෝ॒කාँ(4) සුම॑ඩ්ග॒ලාँ(4) සත්ය॑රා॒ජා(3)න් .. ශිරෝ॑ මේ॒ ශ්රීඃ .. 22 ..
යශෝ॒ මුඛ᳚ම් . ත්විෂිඃ॒ කේශා᳚ශ්ච॒ ශ්මශ්රූ॑ණි . රාජා॑ මේ ප්රා॒ණෝ॑-(අ)මෘත᳚ම් . ස॒ම්රාට් චක්ෂුඃ॑ . වි॒රාට්ඡ්රෝත්ර᳚ම් . ජි॒හ්වා මේ॑ භ॒ද්රම් . වාම්මහඃ॑ . මනෝ॑ ම॒න්යුඃ . ස්ව॒රාඩ්භාමඃ॑ . මෝදාඃ᳚ ප්රමෝ॒දා අ॒ඞ්ගුලී॒රඞ්ගා॑නි .. 23 ..
චි॒ත්ත-ම්මේ॒ සහඃ॑ . බා॒හූ මේ॒ බල॑මින්ද්රි॒යම් . හස්තෞ॑ මේ॒ කර්ම॑ වී॒ර්ය᳚ම් . ආ॒ත්මා ක්ෂ॒ත්රමුරෝ॒ මම॑ . පෘ॒ෂ්ටීර්මේ॑ රා॒ෂ්ට්රමු॒දර॒මග්ංසෞ᳚ . ග්රී॒වාශ්ච॒ ශ්රෝණ්යෞ᳚ . ඌ॒රූ අ॑ර॒ත්නී ජානු॑නී . විශෝ॒ මේ-(අ)ඞ්ගා॑නි ස॒ර්වතඃ॑ . නාභි॑ර්මේ චි॒ත්තං-විँ॒ජ්ඤාන᳚ම් . පා॒යුර්මේ-(අ)ප॑චිතිර්භ॒සත් .. 24 ..
ආ॒න॒න්ද॒න॒න්දාවා॒ණ්ඩෞ මේ᳚ . භග॒-ස්සෞභා᳚ග්ය॒-ම්පසඃ॑ .. ජඞ්ඝා᳚භ්යා-ම්ප॒ද්භ්යා-න්ධර්මෝ᳚-(අ)ස්මි . වි॒ශි රාජා॒ ප්රති॑ෂ්ඨිතඃ .. ප්රති॑ ක්ෂ॒ත්රේ ප්රති॑තිෂ්ඨාමි රා॒ෂ්ට්රේ . ප්රත්යශ්වේ॑ෂු॒ ප්රති॑තිෂ්ඨාමි॒ ගෝෂු॑ . ප්රත්යඞ්ගේ॑ෂු॒ ප්රති॑තිෂ්ඨාම්යා॒ත්මන්න් . ප්රති॑ ප්රා॒ණේෂු॒ ප්රති॑තිෂ්ඨාමි පු॒ෂ්ටේ . ප්රති॒ ද්යාවා॑පෘථි॒ව්යෝඃ . ප්රතිති॑ෂ්ඨාමි ය॒ජ්ඤේ .. 25 ..
ත්ර॒යා දේ॒වා ඒකා॑දශ . ත්ර॒ය॒ස්ත්රි॒ග්ං॒ශා-ස්සු॒රාධ॑සඃ . බෘහ॒ස්පති॑ පුරෝහිතාඃ . දේ॒වස්ය॑ සවි॒තු-ස්ස॒වේ . දේ॒වා දේ॒වෛර॑වන්තු මා . ප්ර॒ථ॒මා ද්වි॒තීයෛඃ᳚ . ද්වි॒තීයා᳚ස්තෘ॒තීයෛඃ᳚ . තෘ॒තීයා᳚-ස්ස॒ත්යේන॑ . ස॒ත්යං-යँ॒ජ්ඤේන॑ .ය॒ජ්ඤෝ යජු॑ර්භිඃ .. 26 ..
යජූග්ං॑ෂි॒ සාම॑භිඃ . සාමා᳚න්යෘ॒ග්භිඃ . ඍචෝ॑ යා॒ජ්යා॑භිඃ . යා॒ජ්යා॑ වෂට්කා॒රෛඃ . ව॒ෂ॒ට්කා॒රා ආහු॑තිභිඃ . ආහු॑තයෝ මේ॒ කාමා॒න්-ථ්සම॑ර්ධයන්තු .. භූ-ස්ස්වාහා᳚ .. ලෝමා॑නි॒ ප්රය॑ති॒ර්මම॑ . ත්වම්ම॒ ආන॑ති॒රාග॑තිඃ . මා॒ග්ං॒ස-ම්ම॒ උප॑නතිඃ . ව ස්වස්ථි॑ . ම॒ජ්ජා ම॒ ආන॑තිඃ .. 27 ..
(ප॒ස්ත්යා᳚ස්වා - සර॑ස්වත්යෛ॒ භෛෂ॑ජ්යේන॒ - ශ්රී - රඞ්ගා॑නි - භ॒ස--ද්ය॒ජ්ඤේ - ය॒ජ්ඤෝ යජු॑ර්භි॒ - රුප॑නති॒ර්ද්වේ ච॑) (අ. 5)
අනුවාකං 6 - අවභෘථඃ
ය-ද්දේ॑වා දේව॒හේඩ॑නම් . දේවා॑සශ්චකෘ॒මා ව॒යම් . අ॒ග්නිර්මා॒ තස්මා॒දේන॑සඃ . විශ්වා᳚-න්මුඤ්ච॒ත්වග්ංහ॑සඃ .. යදි॒ දිවා॒ යදි॒ නක්ත᳚ම් . ඒනාග්ං॑සි චකෘ॒මා ව॒යම් . වා॒යුර්මා॒ තස්මා॒දේන॑සඃ . විශ්වා᳚-න්මුඤ්ච॒ත්වග්ංහ॑සඃ .. යදි॒ ජාග්ර॒-ද්යදි॒ ස්වප්නේ᳚ . ඒනාග්ං॑සි චකෘ॒මා ව॒යම් .. 28 ..
සූර්යෝ॑ මා॒ තස්මා॒දේන॑සඃ . විශ්වා᳚-න්මුඤ්ච॒ත්වග්ංහ॑සඃ .. යද්ග්රාමේ॒ යදර॑ණ්යේ . ය-ථ්ස॒භායාං॒-යँදි॑න්ද්රි॒යේ . යච්ඡූ॒ද්රේ යද॒ර්යේ᳚ . ඒන॑ශ්චකෘ॒මා ව॒යම් . යදේක॒ස්යාධි॒ ධර්ම॑ණි . තස්යා॑ව॒යජ॑නමසි .. යදාපෝ॒ අඝ්නි॑යා॒ වරු॒ණේති॒ ශපා॑මහේ . තතෝ॑ වරුණ නෝ මුඤ්ච .. 29 ..
අව॑භෘථ නිචඞ්කුණ නිචේ॒රුර॑සි නිචඞ්කුණ . අව॑ දේ॒වෛ-ර්දේ॒වකෘ॑ත॒මේනෝ॑-(අ)යාට් . අව॒ මර්ත්යෛ॒ර්මර්ත්ය॑කෘතම් . උ॒රෝරා නෝ॑ දේව රි॒ෂස්පා॑හි .. සු॒මි॒ත්රා න॒ ආප॒ ඕෂ॑ධය-ස්සන්තු . දු॒ර්මි॒ත්රාස්තස්මෛ॑ භුයාසුඃ . යෝ᳚-(අ)ස්මා-න්ද්වේෂ්ටි॑ . ය-ඤ්ච॑ ව॒ය-න්ද්වි॒ෂ්මඃ .. ද්රු॒ප॒දාදි॒වේ-න්මු॑මුචා॒නඃ . ස්වි॒න්න-ස්ස්නා॒ත්වී මලා॑දිව .. 30 ..
පූ॒ත-ම්ප॒විත්රේ॑ණේ॒වාජ්ය᳚ම් . ආපඃ॑ ශුන්ධන්තු॒ මෛන॑සඃ .. උද්ව॒ය-න්තම॑ස॒ස්පරි॑ . පශ්ය॑න්තෝ॒ ජ්යෝති॒රුත්ත॑රම් . දේ॒ව-න්දේ॑ව॒ත්රා සූර්ය᳚ම් . අග॑න්ම॒ ජ්යෝති॑රුත්ත॒මම් .. ප්රති॑යුතෝ॒ වරු॑ණස්ය॒ පාශඃ॑ . ප්රත්ය॑ස්තෝ॒ වරු॑ණස්ය॒ පාශඃ॑ .. ඒධෝ᳚-(අ)ස්යේධිෂී॒මහි॑ . ස॒මිද॑සි .. 31 ..
තේජෝ॑-(අ)සි॒ තේජෝ॒ මයි॑ ධේහි .. අ॒පෝ අන්ව॑චාරිෂම් . රසේ॑න॒ සම॑සෘක්ෂ්මහි . පය॑ස්වාග්ං අග්න॒ ආ-(අ)ග॑මම් . ත-ම්මා॒ සග්ංසෘ॑ජ॒ වර්ච॑සා . ප්ර॒ජයා॑ ච॒ ධනේ॑න ච .. ස॒මාව॑වර්ති පෘථි॒වී . සමු॒ෂාඃ . සමු॒ සූර්යඃ॑ . සමු॒ විශ්ව॑මි॒ද-ඤ්ජග॑ත් . වෛ॒ශ්වා॒න॒ර ජ්යෝ॑ති-ර්භූයාසම් . වි॒භු-ඞ්කාමං॒-ව්යँ॑ශ්නවෛ .. භූ-ස්ස්වාහා᳚ .. 32 ..
(ස්වප්න॒ ඒනාග්ං॑සි චකෘ॒මා ව॒යං - මු॑ඤ්ච॒ - මලා॑දිව - ස॒මිද॑සි॒ - ජග॒-ත්ත්රීණි॑ ච) (අ. 6)
අනුවාකං 7 - ඓන්ද්රේ ප්රශ්නෞ ප්රයාජානාමේකාදශ මෛත්රාවරුණප්රෛෂාඃ
හෝතා॑ යක්ෂ-ථ්ස॒මිධේන්ද්ර॑-මි॒ඩස්ප॒දේ . නාභා॑ පෘථි॒ව්යා අධි॑ . දි॒වෝ වර්ෂ්ම॒න්-ථ්සමි॑ද්ධ්යතේ . ඕජි॑ෂ්ඨශ්චර්ෂණී॒සහාන්॑ . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ත්තනූ॒නපා॑තම් . ඌ॒තිභි॒-ර්ජේතා॑ර॒-මප॑රාජිතම් . ඉන්ද්ර॑-න්දේ॒වග්ං සු॑ව॒ර්විද᳚ම් . ප॒ථිභි॒-ර්මධු॑මත්තමෛඃ . නරා॒ශග්ංසේ॑න॒ තේජ॑සා .. 33 ..
වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒දිඩා॑භි॒-රින්ද්ර॑-මීඩි॒තම් . ආ॒ජුහ්වා॑න॒-මම॑ර්ත්යම් . දේ॒වෝ දේ॒වෛ-ස්සවී᳚ර්යඃ . වජ්ර॑හස්තඃ පුරන්ද॒රඃ . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ද්බ॒ර॒ඃඉෂීන්ද්ර॑-න්නිෂද්ව॒රම් . වෘ॒ෂ॒භ-න්නර්යා॑පසම් . වසු॑භී රු॒ද්රෛරා॑දි॒ත්යෛඃ . ස॒යුග්භි॑-ර්බ॒ර॒ඃඉරා (අ)ස॑දත් .. 34 ..
වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒දෝජෝ॒ න වී॒ර්ය᳚ම් . සහෝ॒ ද්වාර॒ ඉන්ද්ර॑මවර්ධයන්න් . සු॒ප්රා॒ය॒ණා විශ්ර॑යන්තාමෘතා॒වෘධඃ॑ . ද්වාර॒ ඉන්ද්රා॑ය මී॒ඪුෂේ᳚ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂදු॒ෂේ ඉන්ද්ර॑ස්ය ධේ॒නූ . සු॒දුඝේ॑ මා॒තරෞ॑ ම॒හී . සවා॒තරෞ॒ න තේජ॑සී . ව॒ථ්සමින්ද්ර॑-මවර්ධතාම් .. 35 ..
වී॒තාමාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ද්දෛව්යා॒ හෝතා॑රා . භි॒ෂජා॒ සඛා॑යා . හ॒විෂේන්ද්ර॑-ම්භිෂජ්යතඃ . ක॒වී දේ॒වෞ ප්රචේ॑තසෞ . ඉන්ද්රා॑ය ධත්ත ඉන්ද්රි॒යම් . වී॒තාමාජ්ය॑ස්ය॒ හෝත॒ර්යජ॑ .. හෝතා॑ යක්ෂත්ති॒ස්රෝ දේ॒වීඃ . ත්රය॑ස්ත්රි॒ධාත॑වෝ॒-(අ)පසඃ॑ . ඉඩා॒ සර॑ස්වතී॒ භාර॑තී .. 36 ..
ම॒හීන්ද්ර॑පත්නීර්-හ॒විෂ්ම॑තීඃ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ත්ත්වෂ්ටා॑ර॒-මින්ද්ර॑-න්දේ॒වම් . භි॒ෂජග්ං॑ සු॒යජ॑-ඞ්ඝෘත॒ශ්රිය᳚ම් . පු॒රු॒රූපග්ං॑ සු॒රේත॑ස-ම්ම॒ඝෝනි᳚ම් . ඉන්ද්රා॑ය॒ ත්වෂ්ටා॒ දධ॑දින්ද්රි॒යාණි॑ . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ද්වන॒ස්පති᳚ම් . ශ॒මි॒තාරග්ං॑ ශ॒තක්ර॑තුම් . ධි॒යෝ ජෝ॒ෂ්ටාර॑-මින්ද්රි॒යම් .. 37 ..
මද්ධ්වා॑ සම॒ඤ්ජන්ප॒ථිභිඃ॑ සු॒ගේභිඃ॑ . ස්වදා॑ති හ॒ව්ය-ම්මධු॑නා ඝෘ॒තේන॑ . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒දින්ද්ර॒ග්ග්॒ ස්වාහා-(අ)(අ)ජ්ය॑ස්ය . ස්වාහා॒ මේද॑සඃ . ස්වාහා᳚ ස්තෝ॒කානා᳚ම් . ස්වාහා॒ ස්වාහා॑කෘතීනාම් . ස්වාහා॑ හ॒ව්යසූ᳚ක්තීනාම් . ස්වාහා॑ දේ॒වාග්ං ආ᳚ජ්ය॒පාන් . ස්වාහේන්ද්රග්ං॑ හෝ॒ත්රාජ්ජු॑ෂා॒ණාඃ . ඉන්ද්ර॒ ආජ්ය॑ස්ය වියන්තු . හෝත॒ර්යජ॑ .. 38 ..
(තේජ॑සා-(අ)සද-දවර්ධතාං॒-භාර॑තී-න්ද්රි॒යං-ජු॑ෂා॒ණා ද්වේ ච॑) (අ. 7)
(ස॒මිධේන්ද්ර॒-න්තනූ॒නපා॑ත॒මිඩා॑භි-ර්බ॒ර්॒හිෂ්යෝජ॑ උ॒ෂේ දෛව්යා॑ ති॒ස්රස්ත්වෂ්ටා॑රං॒-වँන॒ස්පති॒මින්ද්ර᳚ම් . ස॒මිධේන්ද්ර॑-ඤ්ච॒තුර්වේත්වේකෝ॑ වි॒යන්තු॒ ද්විර්වී॒තාමේකෝ॑ වි॒යන්තු॒ ද්විර්වේත්වේකෝ॑ වි॒යන්තු॒ හෝත॒ර්යජ॑ )
අනුවාකං 8 - ඓන්ද්රේ ප්රශ්නෞ ප්රයාජයාජ්යාඃ
සමි॑ද්ධ॒ ඉන්ද්ර॑ උ॒ෂසා॒මනී॑කේ . පු॒රෝ॒රුචා॑ පූර්ව॒කෘද්වා॑වෘධා॒නඃ . ත්රි॒භිර්දේ॒වෛස්ත්රි॒ග්ං॒ශතා॒ වජ්ර॑බාහුඃ . ජ॒ඝාන॑ වෘ॒ත්රං-විँ දුරෝ॑ වවාර .. නරා॒ශග්ංසඃ॒ ප්රති॒ ශූරෝ॒ මිමා॑නඃ . තනූ॒නපා॒ත්-ප්රති॑ ය॒ජ්ඤස්ය॒ ධාම॑ . ගෝභි॑-ර්ව॒පාවා॒-න්මධු॑නා සම॒ඤ්ජන්න් . හිර॑ණ්යෛශ්ච॒න්ද්රී ය॑ජති॒ ප්රචේ॑තාඃ .. ඊ॒ඩි॒තෝ දේ॒වෛර්හරි॑වාග්ං අභි॒ෂ්ටිඃ . ආ॒ජුහ්වා॑නෝ හ॒විෂා॒ ශර්ධ॑මානඃ .. 39 ..
පු॒ර॒දං॒රෝ ම॒ඝවා॒න්॒. වජ්ර॑බාහුඃ . ආයා॑තු ය॒ජ්ඤමුප॑ නෝ ජුෂා॒ණඃ .. ජු॒ෂා॒ණෝ බ॒ර॒ඃඉර්හරි॑වාන්න॒ ඉන්ද්රඃ॑ . ප්රා॒චීනග්ං॑ සීදත්ප්ර॒දිශා॑ පෘථි॒ව්යාඃ . උ॒රු॒ව්යචාඃ॒ ප්රථ॑මානග්ග් ස්යෝ॒නම් . ආ॒දි॒ත්යෛර॒ක්තං-වँසු॑භි-ස්ස॒ජෝෂාඃ᳚ .. ඉන්ද්ර॒-න්දුරඃ॑ කව॒ෂ්යෝ॑ ධාව॑මානාඃ . වෘෂා॑ණං-යँන්තු॒ ජන॑ය-ස්සු॒පත්නීඃ᳚ . ද්වාරෝ॑ දේ॒වීර॒භිතෝ॒ විශ්ර॑යන්තාම් . සු॒වීරා॑ වී॒ර-ම්ප්රථ॑මානා॒ මහෝ॑භිඃ .. 40 ..
උ॒ෂාසා॒ නක්තා॑ බෘහ॒තී බෘ॒හන්ත᳚ම් . පය॑ස්වතී සු॒දුඝේ॒ ශූර॒මින්ද්ර᳚ම් . පේශ॑ස්වතී॒ තන්තු॑නා සං॒ව්යँය॑න්තී . දේ॒වානා᳚-න්දේ॒වං-යँ॑ජත-ස්සුරු॒ක්මේ .. දෛව්යා॒ මිමා॑නා॒ මන॑සා පුරු॒ත්රා . හෝතා॑රා॒වින්ද්ර॑-ම්ප්රථ॒මා සු॒වාචා᳚ . මූ॒ර්ධන්. ය॒ජ්ඤස්ය॒ මධු॑නා॒ දධා॑නා . ප්රා॒චීන॒-ඤ්ජ්යෝති॑ර්හ॒විෂා॑ වෘධාතඃ .. ති॒ස්රෝ දේ॒වීර්හ॒විෂා॒ වර්ධ॑මානාඃ . ඉන්ද්ර॑-ඤ්ජුෂා॒ණා වෘෂ॑ණ॒-න්න පත්නීඃ᳚ .. 41 ..
අච්ඡි॑න්න॒-න්තන්තු॒-ම්පය॑සා॒ සර॑ස්වතී . ඉඩා॑ දේ॒වී භාර॑තී වි॒ශ්වතූ᳚ර්තිඃ .. ත්වෂ්ටා॒ දධ॒දින්ද්රා॑ය॒ ශුෂ්ම᳚ම් . අපා॒කෝ-(අ)චි॑ෂ්ටුර්ය॒ශසේ॑ පු॒රූණි॑ . වෘෂා॒ යජ॒න් වෘෂ॑ණ॒-ම්භූරි॑රේතාඃ . මූ॒ර්ධන්. ය॒ජ්ඤස්ය॒ සම॑නක්තු දේ॒වාන් .. වන॒ස්පති॒-රව॑සෘෂ්ටෝ॒ න පාශෛඃ᳚ . ත්මන්යා॑ සම॒ඤ්ජඤ්ඡ॑මි॒තා න දේ॒වඃ . ඉන්ද්ර॑ස්ය හ॒ව්යෛර්ජ॒ඨර॑-ම්පෘණා॒නඃ . ස්වදා॑ති හ॒ව්ය-ම්මධු॑නා ඝෘ॒තේන॑ .. ස්තෝ॒කානා॒මින්දු॒-ම්ප්රති॒ ශූර॒ ඉන්ද්රඃ॑ . වෘ॒ෂා॒යමා॑ණෝ වෘෂ॒භ-ස්තු॑රා॒ෂාට් . ඝෘ॒ත॒ප්රුෂා॒ මධු॑නා හ॒ව්යමු॒න්දන්න් . මූ॒ර්ධන්. ය॒ජ්ඤස්ය॑ ජුෂතා॒ග්॒ ස්වාහා᳚ .. 42 ..
(ශර්ධ॑මානෝ॒ - මහෝ॑භිඃ॒ - පත්නී᳚--ර් ඝෘ॒තේන॑ ච॒ත්වාරි॑ ච) (අ. 8)
අනුවාකං 9 - ඓන්ද්රේ ප්රශ්නෞ වපාදීනාං-යාँජ්යානුවාක්යාඃ
ආච॑ර්ෂණි॒ප්රා වෘ॑ෂ॒භෝ ජනා॑නාම් . රාජා॑ කෘෂ්ටී॒නා-ම්පු॑රුහූ॒ත ඉන්ද්රඃ॑ . ස්තු॒ත-ශ්ශ්ර॑ව॒ස්යන්නව॒සෝප॑ම॒ද්රික් . යු॒ක්ත්වා හරී॒ වෘෂ॒ණා (අ)(අ)යා᳚හ්ය॒ර්වාම් .., වි॒වේෂ॒ යන්මා॑ ධි॒ෂණා॑ ජ॒ජාන॒ ස්තවෛ॑ පු॒රා පාර්යා॒දින්ද්ර॒ මහ්නඃ॑ . අග්ංහ॑සෝ॒ යත්ර॑ පී॒පර॒ද්යථා॑ නෝ නා॒වේව॒ යාන්ත॑ මු॒භයේ॑ හවන්තේ .... තග්ං ස॒ධ්රීචී॑රූ॒තයෝ॒ වෘෂ්ණි॑යානි . පෞග්ග්ස්යා॑නි නි॒යුතඃ॑ සශ්චු॒රින්ද්ර᳚ම් . ස॒මු॒ද්ර-න්න සින්ධ॑ව උ॒ක්ථශු॑ෂ්මාඃ . උ॒රු॒ව්යච॑ස॒ගිංර॒ ආවි॑ශන්ති .... ස॒ත්යමිත්තන්න ත්වාවාග්ං॑ අ॒න්යෝ අස්ති॑ . ඉන්ද්ර॑ දේ॒වෝ න මර්ත්යෝ॒ ජ්යායාන්॑ . අහ॒න්නහි॑-ම්පරි॒ශයා॑න॒මර්ණඃ॑ . අවා॑සෘජෝ॒-(අ)පෝ අච්ඡා॑ සමු॒ද්රම් .. ප්රස॑සාහිෂේ පුරුහූත॒ ශත්රූන්॑ . ජ්යේෂ්ඨ॑ස්තේ॒ ශුෂ්ම॑ ඉ॒හ රා॒තිර॑ස්තු . ඉන්ද්රාභ॑ර॒ දක්ෂි॑ණේනා॒ වසූ॑නි . පති॒-ස්සින්ධූ॑නාමසි රේ॒වතී॑නාම් .. ස ශේවෘ॑ධ॒මධි॑ධා ද්යු॒ම්නම॒ස්මේ . මහි॑ ක්ෂ॒ත්ර-ඤ්ජ॑නා॒ෂාඩි॑න්ද්ර॒ තව්ය᳚ම් . රක්ෂා॑ ච නෝ ම॒ඝෝනඃ॑ පා॒හි සූ॒රීන් . රා॒යේ ච॑ න-ස්ස්වප॒ත්යා ඉ॒ෂේ ධාඃ᳚ .. 43 ..
(රේ॒වතී॑නා-ඤ්ච॒ත්වාරි॑ ච) (අ. 9)
අනුවාකං 10 - ඓන්ද්රේ ප්රශ්නෞ අනුයාජානාමේකාදශ මෛත්රාවරුණප්රෛෂාඃ
දේ॒ව-ම්බ॒ර්॒හිරින්ද්රග්ං॑ සුදේ॒ව-න්දේ॒වෛඃ . වී॒රව॑-ථ්ස්තී॒ර්ණං-වේँද්යා॑මවර්ධයත් . වස්තෝ᳚ර්වෘ॒ත-ම්ප්රාක්තෝ᳚ර්භෘ॒තම් . රා॒යා බ॒ර්॒හිෂ්ම॒තෝ-(අ)ත්ය॑ගාත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒වීර්ද්වාර॒ ඉන්ද්රග්ං॑ සඞ්ඝා॒තේ . වි॒ඩ්වීර්යාම॑න්නවර්ධයන්න් . ආ ව॒ථ්සේන॒ තරු॑ණේන කුමා॒රේණ॑ ච මීවි॒තා අපාර්වා॑ණම් . රේ॒ණුක॑කාට-න්නුදන්තාම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 44 ..
දේ॒වී උ॒ෂාසා॒ නක්තා᳚ . ඉන්ද්රං॑-යँ॒ජ්ඤේ ප්ර॑ය॒ත්ය॑හ්වේතාම් . දෛවී॒ර්විශඃ॒ ප්රායා॑සිෂ්ටාම් . සුප්රී॑තේ॒ සුධි॑තේ අභූතාම් . ව॒සු॒වනේ॑ වසු॒ධේය॑ස්ය වීතාං॒-යँජ॑ .. දේ॒වී ජෝෂ්ට්රී॒ වසු॑ධිතී . දේ॒වමින්ද්ර॑මවර්ධතාම් . අයා᳚ව්ය॒න්යා-(අ)ඝා ද්වේෂාග්ං॑සි . ආ-(අ)න්යා වා᳚ක්ෂී॒-ද්වසු॒ වාර්යා॑ණි . යජ॑මානාය ශික්ෂි॒තේ .. 45 ..
ව॒සු॒වනේ॑ වසු॒ධේය॑ස්ය වීතාං॒-යँජ॑ .. දේ॒වී ඌ॒ර්ජාහු॑තී॒ දුඝේ॑ සු॒දුඝේ᳚ . පය॒සේන්ද්ර॑මවර්ධතාම් . ඉෂ॒මූර්ජ॑ම॒න්යා (අ)වා᳚ක්ෂීත් . සග්ධි॒ග්ං॒ සපී॑තිම॒න්යා . නවේ॑න॒ පූර්ව॒-න්දය॑මානේ . පු॒රා॒ණේන॒ නව᳚ම් . අධා॑තා॒-මූර්ජ॑මූ॒ර්ජාහු॑තී॒ වසු॒ වාර්යා॑ණි . යජ॑මානාය ශික්ෂි॒තේ . ව॒සු॒වනේ॑ වසු॒ධේය॑ස්ය වීතාං॒-යँජ॑ .. 46 ..
දේ॒වා දෛව්යා॒ හෝතා॑රා . දේ॒වමින්ද්ර॑මවර්ධතාම් . හ॒තාඝ॑ශග්ං සා॒වාභා᳚ර්ෂ්ටාං॒-වँසු॒ වාර්යා॑ණි . යජ॑මානාය ශික්ෂි॒තෞ . ව॒සු॒වනේ॑ වසු॒ධේය॑ස්ය වීතාං॒-යँජ॑ .. දේ॒වීස්ති॒ස්රස්ති॒ස්රෝ දේ॒වීඃ . පති॒මින්ද්ර॑මවර්ධයන්න් . අස්පෘ॑ක්ෂ॒ද්භාර॑තී॒ දිව᳚ම් . රු॒ද්රෛර්ය॒ජ්ඤග්ං සර॑ස්වතී . ඉඩා॒ වසු॑මතී ගෘ॒හාන් .. 47 ..
ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒ව ඉන්ද්රෝ॒ නරා॒ශග්ංසඃ॑ . ත්රි॒ව॒රූ॒ථ-ස්ත්රි॑වන්ධු॒රඃ . දේ॒වමින්ද්ර॑මවර්ධයත් . ශ॒තේන॑ ශිතිපෘ॒ෂ්ඨානා॒මාහි॑තඃ . ස॒හස්රේ॑ණ॒ ප්රව॑ර්තතේ . මි॒ත්රාවරු॒ණේද॑ස්ය හෝ॒ත්රමර්හ॑තඃ . බෘහ॒ස්පතිඃ॑ ස්තෝ॒ත්රම් . අ॒ශ්විනා-(අ)(අ)ද්ධ්ව॑ර්යවම් . ව॒සු॒වනේ॑ වසු॒ධේය॑ස්ය වේතු॒ යජ॑ .. 48 ..
දේ॒ව ඉන්ද්රෝ॒ වන॒ස්පතිඃ॑ . හිර॑ණ්යපර්ණෝ॒ මධු॑ශාඛ-ස්සුපිප්ප॒ලඃ . දේ॒වමින්ද්ර॑මවර්ධයත් . දිව॒මග්රේ॑ණාප්රාත් . ආ-(අ)න්තරි॑ක්ෂ-ම්පෘථි॒වීම॑දෘග්ංහීත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒ව-ම්බ॒ර॒ඃඉර්වාරි॑තීනාම් . දේ॒වමින්ද්ර॑මවර්ධයත් . ස්වා॒ස॒ස්ථ-මින්ද්රේ॒ණාස॑න්නම් . අ॒න්යා බ॒ර්॒හීග්ෂ්ය॒භ්ය॑භූත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒වෝ අ॒ග්නි-ස්ස්වි॑ෂ්ට॒කෘත් . දේ॒වමින්ද්ර॑මවර්ධයත් . ස්වි॑ෂ්ට-ඞ්කු॒ර්වන්-ථ්ස්වි॑ෂ්ට॒කෘත් . ස්වි॑ෂ්ටම॒ද්ය ක॑රෝතු නඃ . ව॒සු॒වනේ॑ වසු॒ධේය॑ස්ය වේතු॒ යජේ॑ .. 49 ..
(වි॒ය॒න්තු॒ යජ॑ - ශික්ෂි॒තේ - ශි॑ක්ෂි॒තේ ව॑සු॒වනේ॑ වසු॒ධේය॑ස්ය වීතාං॒-යँජ॑-ගෘ॒හාන්.-වේ॑තු॒ යජා॑-භූ॒-ථ්ෂට්ච॑) (අ. 10)
දේ॒ව-ම්බ॒ර්॒හි-ර්දේ॒වීර්ද්වාරෝ॑ දේ॒වී උ॒ෂාසා॒ නක්තා॑ දේ॒වී ජෝෂ්ට්රී॑ දේ॒වී ඌ॒ර්ජාහු॑තී දේ॒වා දෛව්යා॒ හෝතා॑රා ශික්ෂි॒තෞ දේ॒වීස්ති॒ස්රස්ති॒ස්රෝ දේ॒වීඃ පති॑-න්දේ॒ව ඉන්ද්රෝ॒ නරා॒ශග්ංසෝ॑ දේ॒ව ඉන්ද්රෝ॒ වන॒ස්පති॑-ර්දේ॒ව-ම්බ॒ර්॒හිර්වාරි॑තීනා-න්දේ॒වෝ අ॒ග්නි-ස්ස්වි॑ෂ්ට॒කෘ-ද්දේ॒වම් . වේ॒තු॒ වි॒ය॒න්තු॒ ච॒තුර්වී॑තා॒මේකෝ॑ වියන්තු ච॒තුර්වේ॑තු . අ॒ව॒ර්ධ॒ය॒ද॒ව॒ර්ධ॒ය॒-න්ත්රිර॑වර්ධතා॒මේකෝ॑ (අ)වර්ධයග්ග් ශ්ච॒තුර॑වර්ධයත් . වස්තෝ॒රා ව॒ථ්සේන॒ දෛවී॒රයා॒වීෂග්ං॑ හ॒තාස්පෘ॑ක්ෂච්ඡ॒තේන॒ දිව॒මින්ද්රග්ග්॑ ස්වාස॒ස්ථග්ග් ස්වි॑ෂ්ටම් . ශික්ෂි॒තේ ශි॑ක්ෂි॒තේ ශි॑ක්ෂි॒තෞ .
අනුවාකං 11 - පශුත්රයේ ප්රය ජාර්ථා මෛත්රාවරුණප්රෛෂාඃ
හෝතා॑ යක්ෂ-ථ්ස॒මිධා॒-(අ)ග්නි-මි॒ඩස්ප॒දේ . අ॒ශ්විනේන්ද්ර॒ග්ං॒ සර॑ස්වතීම් . අ॒ජෝ ධූ॒ම්රෝ න ගෝ॒ධූමෛඃ॒ ක්ව॑ලෛර්භේෂ॒ජම් . මධු॒ ශෂ්පෛ॒ර්න තේජ॑ ඉන්ද්රි॒යම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ත්තනූ॒නපා॒-ථ්සර॑ස්වතී . අවි॑ර්මේ॒ෂෝ න භේ॑ෂ॒ජම් . ප॒ථා මධු॑ම॒තා (අ)(අ)භ॑රන්න් . අ॒ශ්විනේන්ද්රා॑ය වී॒ර්ය᳚ම් .. 50 ..
බද॑රෛරුප॒වාකා॑භි-ර්භේෂ॒ජ-න්තෝක්ම॑භිඃ . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒න්නරා॒ශග්ංස॒න-න්න॒ග්නහු᳚ම් . පති॒ග්ං॒ සුරා॑යෛ භේෂ॒ජම් . මේ॒ෂ-ස්සර॑ස්වතී භි॒ෂක් . රථෝ॒ න ච॒න්ද්ර්ය॑ශ්විනෝ᳚ර්ව॒පා ඉන්ද්ර॑ස්ය වී॒ර්ය᳚ම් . බද॑රෛරුප॒වාකා॑භි-ර්භේෂ॒ජ-න්තෝක්ම॑භිඃ . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. 51 ..
හෝතා॑ යක්ෂදි॒ඩේඩි॒ත ආ॒ජුහ්වා॑න॒-ස්සර॑ස්වතීම් . ඉන්ද්ර॒-ම්බලේ॑න ව॒ර්ධයන්න්॑ . ඍ॒ෂ॒භේණ॒ ගවේ᳚න්ද්රි॒යම් . අ॒ශ්විනේන්ද්රා॑ය වී॒ර්ය᳚ම් . යවෛඃ᳚ ක॒ර්කන්ධු॑භිඃ . මධු॑ ලා॒ජෛර්න මාස॑රම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ද්බ॒ර॒ඃඉ-ස්සු॒ෂ්ටරී॒මෝ-(අ)ර්ණ॑ම්රදාඃ . භි॒ෂන්නාස॑ත්යා .. 52 ..
භි॒ෂජා॒-(අ)ශ්විනා-(අ)ශ්වා॒ ශිශු॑මතී . භි॒ෂග්ධේ॒නු-ස්සර॑ස්වතී . භි॒ෂග්දු॒හ ඉන්ද්රා॑ය භේෂ॒ජම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ද්දුරෝ॒ දිශඃ॑ . ක॒ව॒ෂ්යෝ॑ න ව්යච॑ස්වතීඃ . අ॒ශ්විභ්යා॒-න්න දුරෝ॒ දිශඃ॑ . ඉන්ද්රෝ॒ න රෝද॑සී॒ දුඝේ᳚ . දු॒හේ කාමා॒න්-ථ්සර॑ස්වතී .. 53 ..
අ॒ශ්විනේන්ද්රා॑ය භේෂ॒ජම් . ශු॒ක්ර-න්න ජ්යෝති॑රින්ද්රි॒යම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ථ්සු॒පේශ॑සෝ॒ෂේ නක්ත॒-න්දිවා᳚ . අ॒ශ්විනා॑ සඤ්ජානා॒නේ . සම॑ඤ්ජාතේ॒ සර॑ස්වත්යා . ත්විෂි॒මින්ද්රේ॒ න භේ॑ෂ॒ජම් . ශ්යේ॒නෝ න රජ॑සා හෘ॒දා . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ .. 54 ..
වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ද්දෛව්යා॒ හෝතා॑රා භි॒ෂජා॒-(අ)ශ්විනා᳚ . ඉන්ද්ර॒-න්න ජාගෘ॑වී॒ දිවා॒ නක්ත॒-න්න භේ॑ෂ॒ජෛඃ . ශූෂ॒ග්ං॒ සර॑ස්වතී භි॒ෂක් . සීසේ॑න දුහ ඉන්ද්රි॒යම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ත්ති॒ස්රෝ දේ॒වීර්න භේ॑ෂ॒ජම් . ත්රය॑ස්ත්රි॒ධාත॑වෝ॒-(අ)පසඃ॑ . රූ॒පමින්ද්රේ॑ හිර॒ණ්යය᳚ම් .. 55 ..
අ॒ශ්විනේඩා॒ න භාර॑තී . වා॒චා සර॑ස්වතී . මහ॒ ඉන්ද්රා॑ය දධුරින්ද්රි॒යම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ත්ත්වෂ්ටා॑ර॒-මින්ද්ර॑ම॒ශ්විනා᳚ . භි॒ෂජ॒-න්න සර॑ස්වතීම් . ඕජෝ॒ න ජූ॒තිරි॑න්ද්රි॒යම් . වෘකෝ॒ න ර॑භ॒සෝ භි॒ෂක් . යශ॒-ස්සුර॑යා භේෂ॒ජම් .. 56 ..
ශ්රි॒යා න මාස॑රම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ද්වන॒ස්පති᳚ම් . ශ॒මි॒තාරග්ං॑ ශ॒තක්ර॑තුම් . භී॒ම-න්න ම॒න්යුග්ං රාජා॑නං-ව්යාँ॒ඝ්ර-න්නම॑සා॒-(අ)ශ්විනා॒ භාම᳚ම් . සර॑ස්වතී භි॒ෂක් . ඉන්ද්රා॑ය දුහ ඉන්ද්රි॒යම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. 57 ..
හෝතා॑ යක්ෂද॒ග්නිග්ග් ස්වාහා-(අ)(අ)ජ්ය॑ස්ය ස්තෝ॒කානා᳚ම් . ස්වාහා॒ මේද॑සා॒-ම්පෘථ॑ක් . ස්වාහා॒ ඡාග॑ම॒ශ්විභ්යා᳚ම් . ස්වාහා॑ මේ॒ෂග්ං සර॑ස්වත්යෛ . ස්වාහා॑ර්ෂ॒භ-මින්ද්රා॑ය සි॒ග්ං॒හාය॒ සහ॑සේන්ද්රි॒යම් . ස්වාහා॒-(අ)ග්නි-න්න භේ॑ෂ॒ජම් . ස්වාහා॒ සෝම॑මින්ද්රි॒යම් . ස්වාහේන්ද්රග්ං॑ සු॒ත්රාමා॑ණග්ං සවි॒තාරං॒-වँරු॑ණ-ම්භි॒ෂජා॒-ම්පති᳚ම් . ස්වාහා॒ වන॒ස්පති॑-ම්ප්රි॒ය-ම්පාථෝ॒ න භේ॑ෂ॒ජම් . ස්වාහා॑ දේ॒වාග්ං ආ᳚ජ්ය॒පාන් .. 58 ..
ස්වාහා॒-(අ)ග්නිග්ං හෝ॒ත්රාජ්ජු॑ෂා॒ණෝ අ॒ග්නි-ර්භේ॑ෂ॒ජම් . පය॒-ස්සෝමඃ॑ පරි॒ස්රුතා॑ ඝෘ॒ත-ම්මධු॑ . වි॒යන්ත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂද॒ශ්විනා॒ සර॑ස්වතී॒මින්ද්රග්ං॑ සු॒ත්රාමා॑ණම් . ඉ॒මේ සෝමා᳚-ස්සු॒රාමා॑ණඃ . ඡාගෛ॒ර්න මේ॒ෂෛර්-ඍ॑ෂ॒භෛ-ස්සු॒තාඃ . ශෂ්පෛ॒ර්න තෝක්ම॑භිඃ . ලා॒ජෛර්මහ॑ස්වන්තඃ . මදා॒ මාස॑රේණ॒ පරි॑ෂ්කෘතාඃ . ශු॒ක්රාඃ පය॑ස්වන්තෝ॒-(අ)මෘතාඃ᳚ . ප්රස්ථි॑තා වෝ මධු॒ශ්චුතඃ॑ . තාන॒ශ්විනා॒ සර॑ස්ව॒තීන්ද්රඃ॑ සු॒ත්රාමා॑ වෘත්ර॒හා . ජු॒ෂන්තාග්ං॑ සෞ॒ම්ය-ම්මධු॑ . පිබ॑න්තු॒ මද॑න්තු වි॒යන්තු॒ සෝම᳚ම් . හෝත॒ර්යජ॑ .. 59 ..
(වී॒ර්යං - ँවි॒යන්ත්වාජ්ය॑ස්ය॒ හෝත॒ර්යජ॒ - නාස॑ත්යා॒ - සර॑ස්වතී॒ - මධු॑ - හිර॒ණ්යයං॑ - භේෂ॒ජං - ँවි॒යන්ත්වාජ්ය॑ස්ය॒ හෝත॒ර්යජා᳚ - ජ්ය॒පා - න॒මෘතාඃ॒ පඤ්ච॑ ච) (අ. 11)
ස॒මිධා॒-(අ)ග්නිග්ං ෂට් . තනූ॒නපා᳚-ථ්ස॒ප්ත . නරා॒ශග්ංස॒මෘෂිඃ॑ . ඉ॒ඩේඩි॒තෝ යවෛ॑ර॒ෂ්ටෞ . බ॒ර්॒හි-ස්ස॒ප්ත . දුරෝ॒-(අ)ශ්විනා॑ ශු॒ක්රන්නව॑ . සු॒පේශ॑සෝ॒ෂේ නක්ත॒මෘෂිඃ॑. දෛව්යා॒ හෝතා॑රා॒ සීසේ॑න॒ රසඃ॑ . ති॒ස්රස්ත්වෂ්ටා॑රම॒ෂ්ටාව॑ෂ්ටෞ . වන॒ස්පති॒මෘෂිඃ॑ . අ॒ග්නි-න්ත්රයෝ॑දශ . අ॒ශ්විනා॒ ද්වාද॑ශ॒ ත්රයෝ॑දශ . ස॒මිධා॒-(අ)ග්නි-ම්බද॑රෛ॒-ර්බද॑රෛ॒-ර්යවෛ॑ර॒ශ්විනා॒ ත්විෂි॑ම॒ශ්විනා॒ න භේ॑ෂ॒ජග්ං රූ॒පම॒ශ්විනා॑ භී॒ම-ම්භාම᳚ම් .
අනුවාකං 12 - පශුත්රයේ ප්රයාජයාජ්යා ආප්රියඃ
සමි॑ද්ධෝ අ॒ග්නිර॑ශ්විනා . ත॒ප්තෝ ඝ॒ර්මෝ වි॒රාට්-ථ්සු॒තඃ . දු॒හේ ධේ॒නු-ස්සර॑ස්වතී . සෝමග්ං॑ ශු॒ක්රමි॒හේන්ද්රි॒යම් .. ත॒නූ॒පා භි॒ෂජා॑ සු॒තේ . අ॒ශ්විනෝ॒භා සර॑ස්වතී . මද්ධ්වා॒ රජාග්ං॑සීන්ද්රි॒යම් . ඉන්ද්රා॑ය ප॒ථිභි॑-ර්වහාන් .. ඉන්ද්රා॒යේන්දු॒ග්ං॒ සර॑ස්වතී . නරා॒ශග්ංසේ॑න න॒ග්නහුඃ॑ .. 60 ..
අධා॑තාම॒ශ්විනා॒ මධු॑ . භේ॒ෂ॒ජ-ම්භි॒ෂජා॑ සු॒තේ .. ආ॒ජුහ්වා॑නා॒ සර॑ස්වතී . ඉන්ද්රා॑යේන්ද්රි॒යාණි॑ වී॒ර්ය᳚ම් . ඉඩා॑භිරශ්විනා॒විෂ᳚ම් . සමූර්ජ॒ග්ං॒ සග්ං ර॒යි-න්ද॑ධුඃ .. අශ්වි॑නා॒ නමු॑චේ-ස්සු॒තම් . සෝමග්ං॑ ශු॒ක්ර-ම්ප॑රි॒ස්රුතා᳚ . සර॑ස්වතී॒ තමාභ॑රත් . බ॒ර්॒හිෂේන්ද්රා॑ය॒ පාත॑වේ .. 61 ..
ක॒ව॒ෂ්යෝ॑ න ව්යච॑ස්වතීඃ . අ॒ශ්විභ්යා॒-න්න දුරෝ॒ දිශඃ॑ . ඉන්ද්රෝ॒ න රෝද॑සී॒ දුඝේ᳚ . දු॒හේ කාමා॒න්-ථ්සර॑ස්වතී .. උ॒ෂාසා॒ නක්ත॑මශ්විනා . දිවේන්ද්රග්ං॑ සා॒යමි॑න්ද්රි॒යෛඃ . ස॒ජා॒න්නා॒නේ සු॒පේශ॑සා . සම॑ඤ්ජාතේ॒ සර॑ස්වත්යා .. පා॒ත-න්නෝ॑ අශ්විනා॒ දිවා᳚ . පා॒හි නක්තග්ං॑ සරස්වති .. 62 ..
දෛව්යා॑ හෝතාරා භිෂජා . පා॒තමින්ද්ර॒ග්ං॒ සචා॑ සු॒තේ .. ති॒ස්රස්ත්රේ॒ධා සර॑ස්වතී . අ॒ශ්විනා॒ භාර॒තීඩා᳚ . තී॒ව්ර-ම්ප॑රි॒ස්රුතා॒ සෝම᳚ම් . ඉන්ද්රා॑ය සුෂවු॒ර්මද᳚ම් .. අශ්වි॑නා භේෂ॒ජ-ම්මධු॑ . භේ॒ෂ॒ජ-න්න॒-ස්සර॑ස්වතී . ඉන්ද්රේ॒ ත්වෂ්ටා॒ යශ॒-ශ්ශ්රිය᳚ම් . රූ॒පග්ං රූ॑පමධු-ස්සු॒තේ .. ඍ॒තු॒ථේන්ද්රෝ॒ වන॒ස්පතිඃ॑ . ශ॒ශ॒මා॒නඃ ප॑රි॒ස්රුතා᳚ . කී॒ලාල॑ම॒ශ්විභ්යා॒-ම්මධු॑ . දු॒හේ ධේ॒නු-ස්සර॑ස්වතී .. ගෝභි॒ර්න සෝම॑මශ්විනා . මාස॑රේණ පරි॒ෂ්කෘතා᳚ . සම॑ධාතා॒ග්ං॒ සර॑ස්වත්යා . ස්වාහේන්ද්රේ॑ සු॒ත-ම්මධු॑ .. 63 ..
(න॒ග්නහුඃ॒ - පාත॑වේ - සරස්ව - ත්යධු-ස්සු॒තේ᳚-(අ)ෂ්ටෞ ච॑) (අ. 12)
අනුවාකං 13 - පශුත්රයේ වපාදීනාං-යාँජ්යානුවාක්යාඃ
අ॒ශ්විනා॑ හ॒විරි॑න්ද්රි॒යම් . නමු॑චේර්ධි॒යා සර॑ස්වතී . ආ ශු॒ක්රමා॑සු॒රාද්ව॒සු . ම॒ඝමින්ද්රා॑ය ජභ්රිරේ .. යම॒ශ්විනා॒ සර॑ස්වතී . හ॒විෂේන්ද්ර॒-මව॑ර්ධයන්න් . ස බි॑භේද බ॒ලං (ව॒ලං) ම॒ඝම් . නමු॑චාවාසු॒රේ සචා᳚ . තමින්ද්ර॑-ම්ප॒ශව॒-ස්සචා᳚ .. අ॒ශ්විනෝ॒භා සර॑ස්වතී .. 64 ..
දධා॑නා අ॒භ්ය॑නූෂත . හ॒විෂා॑ ය॒ජ්ඤමි॑න්ද්රි॒යම් .. ය ඉන්ද්ර॑ ඉන්ද්රි॒ය-න්ද॒ධුඃ . ස॒වි॒තා වරු॑ණෝ॒ භගඃ॑ . ස සු॒ත්රාමා॑ හ॒විෂ්ප॑තිඃ . යජ॑මානාය සශ්චත .. ස॒වි॒තා වරු॑ණෝ॒ දධ॑ත් . යජ॑මානාය දා॒ශුෂේ᳚ . ආද॑ත්ත॒ නමු॑චේ॒ර්වසු॑ . සු॒ත්රාමා॒ බල॑මින්ද්රි॒යම් .. 65 ..
වරු॑ණඃ, ක්ෂ॒ත්රමි॑න්ද්රි॒යම් . භගේ॑න සවි॒තා ශ්රිය᳚ම් . සු॒ත්රාමා॒ යශ॑සා॒ බල᳚ම් . දධා॑නා ය॒ජ්ඤමා॑ශත .. අශ්වි॑නා॒ ගෝභි॑රින්ද්රි॒යම් . අශ්වේ॑භි-ර්වී॒ර්ය॑-ම්බල᳚ම් . හ॒විෂේන්ද්ර॒ග්ං॒ සර॑ස්වතී . යජ॑මාන-මවර්ධයන්න් .. තා නාස॑ත්යා සු॒පේශ॑සා . හිර॑ණ්යවර්තනී॒ නරා᳚ . සර॑ස්වතී හ॒විෂ්ම॑තී . ඉන්ද්ර॒ කම॑ර්සු නෝ-(අ)වත .. තා භි॒ෂජා॑ සු॒කර්ම॑ණා . සා සු॒දුඝා॒ සර॑ස්වතී . ස වෘ॑ත්ර॒හා ශ॒තක්ර॑තුඃ . ඉන්ද්රා॑ය දධුරින්ද්රි॒යම් .. 66 ..
(උ॒භා සර॑ස්වතී॒ - බල॑මින්ද්රි॒යං - නරා॒ ෂට්ච॑) (අ. 13)
අනුවාකං 14 - පශුත්රයේ අනූයාජප්රෛෂාඃ
දේ॒ව-ම්බ॒ර්॒හි-ස්සර॑ස්වතී . සු॒දේ॒වමින්ද්රේ॑ අ॒ශ්විනා᳚ . තේජෝ॒ න චක්ෂු॑ර॒ක්ෂ්යෝඃ . බ॒ර්॒හිෂා॑ දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒වීර්ද්වාරෝ॑ අ॒ශ්විනා᳚ . භි॒ෂජේන්ද්රේ॒ සර॑ස්වතී . ප්රා॒ණ-න්න වී॒ර්ය॑-න්න॒සි . ද්වාරෝ॑ දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 67 ..
දේ॒වී උ॒ෂාසා॑ව॒ශ්විනා᳚ . භි॒ෂජේන්ද්රේ॒ සර॑ස්වතී . බල॒-න්න වාච॑මා॒ස්යේ᳚ . උ॒ෂාභ්යා᳚-න්දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒වී ජෝෂ්ට්රී॑ අ॒ශ්විනා᳚ . සු॒ත්රාමේන්ද්රේ॒ සර॑ස්වතී . ශ්රෝත්ර॒-න්න කර්ණ॑යෝ॒ර්යශඃ॑ . ජෝෂ්ට්රී᳚භ්යා-න්දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 68 ..
දේ॒වී ඌ॒ර්ජාහු॑තී॒ දුඝේ॑ සු॒දුඝේ᳚ . පය॒සේන්ද්ර॒ග්ං॒ සර॑ස්වත්ය॒ශ්විනා॑ භි॒ෂජා॑-(අ)වත . ශු॒ක්ර-න්න ජ්යෝති॒-ස්ස්තන॑යෝ॒රාහු॑තී ධත්ත ඉන්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒වා දේ॒වානා᳚-ම්භි॒ෂජා᳚ . හෝතා॑රා॒වින්ද්ර॑-ම॒ශ්විනා᳚ . ව॒ෂ॒ට්කා॒රෛ-ස්සර॑ස්වතී . ත්විෂි॒-න්න හෘද॑යේ ම॒තිම් . හෝතෘ॑භ්යා-න්දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 69 ..
දේ॒වී-ස්ති॒ස්ර-ස්ති॒ස්රෝ දේ॒වීඃ . සර॑ස්වත්ය॒ශ්විනා॒ භාර॒තීඩා᳚ . ශූෂ॒-න්න මද්ධ්යේ॒ නාභ්යා᳚ම් . ඉන්ද්රා॑ය දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒ව ඉන්ද්රෝ॒ නරා॒ශග්ංසඃ॑ . ත්රි॒ව॒රූ॒ථ-ස්සර॑ස්වත්යා॒ (අ)ශ්විභ්යා॑මීයතේ॒ රථඃ॑ . රේතෝ॒ න රූ॒පම॒මෘත॑-ඤ්ජ॒නිත්ර᳚ම් . ඉන්ද්රා॑ය॒ ත්වෂ්ටා॒ දධ॑දින්ද්රි॒යාණි॑ . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 70 ..
දේ॒ව ඉන්ද්රෝ॒ වන॒ස්පතිඃ॑ . හිර॑ණ්යපර්ණෝ අ॒ශ්විභ්යා᳚ම් . සර॑ස්වත්යා-ස්සුපිප්ප॒ලඃ . ඉන්ද්රා॑ය පච්යතේ॒ මධු॑ . ඕජෝ॒ න ජූ॒තිමෘ॑ෂ॒භෝ න භාම᳚ම් . වන॒ස්පති॑ර්නෝ॒ දධ॑දින්ද්රි॒යාණි॑ . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒ව-ම්බ॒ර්॒හිර්වාරි॑තීනාම් . අ॒ද්ධ්ව॒රේ ස්තී॒ර්ණම॒ශ්විභ්යා᳚ම් . ඌර්ණ॑ම්රදා॒-ස්සර॑ස්වත්යාඃ .. 71 ..
ස්යෝ॒නමි॑න්ද්ර තේ॒ සදඃ॑ . ඊ॒ශායෛ॑ ම॒න්යුග්ං රාජා॑න-ම්බ॒ර්॒හිෂා॑ දධුරින්ද්රි॒යම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒වෝ අ॒ග්නි-ස්ස්වි॑ෂ්ට॒කෘත් . දේ॒වාන්.ය॑ක්ෂ-ද්යථාය॒ථම් . හෝතා॑රා॒-වින්ද්ර॑ම॒ශ්විනා᳚ . වා॒චා වාච॒ග්ං॒ සර॑ස්වතීම් . අ॒ග්නිග්ං සෝමග්ග්॑ ස්විෂ්ට॒කෘත් . ස්වි॑ෂ්ට॒ ඉන්ද්රඃ॑ සු॒ත්රාමා॑ සවි॒තා වරු॑ණෝ භි॒ෂක් . ඉ॒ෂ්ටෝ දේ॒වෝ වන॒ස්පතිඃ॑ . ස්වි॑ෂ්ටා දේ॒වා ආ᳚ජ්ය॒පාඃ . ඉ॒ෂ්ටෝ අ॒ග්නිර॒ග්නිනා᳚ . හෝතා॑ හෝ॒ත්රේ ස්වි॑ෂ්ට॒කෘත් . යශෝ॒ න දධ॑දින්ද්රි॒යම් . ඌර්ජ॒මප॑චිතිග්ග් ස්ව॒ධාම් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 72 ..
(ද්වාරෝ॑ දධුරින්ද්රි॒යං-වँ॑සු॒වනේ॑ වසු॒ධේය॑ස්ය වියන්තු॒ යජ॒ - ජෝෂ්ට්රී᳚භ්යා-න්දධුරින්ද්රි॒යං-වँ॑සු॒වනේ॑ වසු॒ධේය॑ස්ය වියන්තු॒ යජ॒ -හෝතෘ॑භ්යා-න්දධුරින්ද්රි॒යං-වँ॑සු॒වනේ॑ වසු॒ධේය॑ස්ය වියන්තු॒ යජේ᳚ - න්ද්රි॒යාණි॑ වසු॒වනේ॑ වසු॒ධේය॑ස්ය වියන්තු॒ යජ॒ - සර॑ස්වත්යා॒ - වන॒ස්පති॒-ෂ්ෂට්ච॑) (අ. 14)
(දේ॒ව-ම්බ॒ර්॒හි-ර්දේ॒වී-ර්ද්වාරෝ॑ දේ॒වී උ॒ෂාසා॑ව॒ශ්විනා॑ දේ॒වී ජෝෂ්ට්ර॑ දේ॒වී ඌ॒ර්ජාහූ॑තී දේ॒වා දේ॒වානා᳚-ම්භි॒ෂජා॑ වෂට්කා॒රෛ-ර්දේ॒වීස්තිස්රස්ති॒ස්රෝ දේ॒වී-ස්සර॑ස්වතී දේ॒ව ඉන්ද්රෝ॒ නරා॒ශග්ංසෝ॑ දේ॒ව ඉන්ද්රෝ॒ වන॒ස්පති॑ර්දේ॒ව-ම්බ॒ර්॒හිර්වාරි॑තීනා-න්දේ॒වෝඅ॒ග්නි-ස්ස්වි॑ෂ්ට॒කෘ-ද්දේ॒වාන්) .
(ස॒මිධා॒-(අ)ග්නි-න්දේ॒ව-ම්බ॒ර්॒හි-ස්සර॑ස්වත්යා॒ශ්විනා॒ සර්වං॑-විँයන්තු . ද්වාර॑ස්ති॒ස්ර-ස්සංර්ව॑ වියන්තු . අ॒ජ ඉන්ද්ර॒මෝජෝ॒-(අ)ග්නි-ම්පර॒-ස්සර॑ස්වතීම් . නක්ත॒ම්පූර්ව॒-ස්සර॑ස්වති . අ॒න්යත්ර॒ සර॑ස්වති . භි॒ෂ-ක්පූර්ව॑-න්දුහ ඉන්ද්රි॒යම් . අ॒න්යත්ර॑ දධුරින්ද්රි॒යම් . සෞ॒ත්රා॒ම॒ණ්යාග්ං සු॑තාසු॒තී . අ॒ඤ්ජන්ත්ය॒යං-යँජ॑මානඃ)
අනුවාකං 15 - සූක්තවාකප්රෛෂඃ
අ॒ග්නිම॒ද්ය හෝතා॑රමවෘණීත . අ॒යග්ං සු॑තාසු॒තී යජ॑මානඃ . පච॑-න්ප॒ක්තීඃ . පච॑-න්පුරෝ॒ඩාශාන්॑ . ගෘ॒හ්ණ-න්ග්රහාන්॑ . බ॒ද්ධ්නන්න॒ශ්විභ්යා॒-ඤ්ඡාග॒ග්ං॒ සර॑ස්වත්යා॒ ඉන්ද්රා॑ය . බ॒ද්ධ්නන්-ථ්සර॑ස්වත්යෛ මේ॒ෂමින්ද්රා॑යා॒ශ්විභ්යා᳚ම් . බ॒ද්ධ්නන්නින්ද්රා॑යර්ෂ॒භ-ම॒ශ්විභ්යා॒ග්ං॒ සර॑ස්වත්යෛ . සූ॒ප॒ස්ථා අ॒ද්ය දේ॒වෝ වන॒ස්පති॑රභවත් . අ॒ශ්විභ්යා॒-ඤ්ඡාගේ॑න॒ සර॑ස්වත්යා॒ ඉන්ද්රා॑ය .. 73 ..
සර॑ස්වත්යෛ මේ॒ෂේණේන්ද්රා॑යා॒ශ්විභ්යා᳚ම් . ඉන්ද්රා॑යර්ෂ॒භේණා॒ශ්විභ්යා॒ග්ං॒ සර॑ස්වත්යෛ . අක්ෂ॒ග්ග්॒ස්තාන්මේ॑ද॒ස්තඃ ප්රති॑ පච॒තා-(අ)ග්ර॑භීෂුඃ . අවී॑වෘධන්ත॒ ග්රහෛඃ᳚ . අපා॑තාම॒ශ්විනා॒ සර॑ස්ව॒තීන්ද්රඃ॑ සු॒ත්රාමා॑ වෘත්ර॒හා . සෝමා᳚න්-ථ්සු॒රාම්ණඃ॑ . උපෝ॑ උක්ථාම॒දා-ශ්ශ්රෞ॒ද්විමදා॑ අදන්න් . අවී॑වෘධ-න්තාඞ්ගූ॒ෂෛඃ . ත්වාම॒ද්යර්ෂ॑ ආර්ෂේයර්ෂීණා-න්නපාදවෘණීත . අ॒යග්ං සු॑තාසු॒තී යජ॑මානඃ . බ॒හුභ්ය॒ ආසඞ්ග॑තේභ්යඃ . ඒ॒ෂ මේ॑ දේ॒වේෂු॒ වසු॒ වාර්යා ය॑ක්ෂ්යත॒ ඉති॑ . තා යා දේ॒වා දේ॑ව॒දානා॒න්යදුඃ॑ . තාන්ය॑ස්මා॒ ආ ච॒ ශාස්ව॑ . ආ ච॑ ගුරස්ව . ඉ॒ෂි॒තශ්ච॑ හෝත॒රසි॑ භද්ර॒වාච්යා॑ය॒ ප්රේෂි॑තෝ॒ මානු॑ෂඃ . සූ॒ක්ත॒වා॒කාය॑ සූ॒ක්තා බ්රූ॑හි .. 74 ..
(ඉන්ද්රා॑ය॒ - යජ॑මාන-ස්ස॒ප්ත ච॑) (අ. 15)
අනුවාකං 16 - පිතෘයජ්ඤයාජ්යානුවාක්යාඃ
උ॒ශන්ත॑ස්ත්වා හවාමහ උ॒ශන්ත॒-ස්සමි॑ධීමහි . උ॒ශන්නු॑ශ॒ත ආ ව॑හ පි॒තෲන් හ॒විෂේ॒ අත්ත॑වේ .., ආ නෝ॑ අග්නේ සුකේ॒තුනා᳚ . ර॒යිං-විँ॒ශ්වායු॑පෝෂසම් . මා॒ර්ඩී॒ක-න්ධේ॑හි ජී॒වසේ᳚ ... ත්වග්ං සෝ॑ම ම॒හේ භග᳚ම් . ත්වං-යූँන॑ ඍතාය॒තේ . දක්ෂ॑-න්දධාසි ජී॒වසේ᳚ ..,ත්වග්ං සෝ॑ම॒ ප්රචි॑කිතෝ මනී॒ෂා ත්වග්ං රජි॑ෂ්ඨ॒මනු॑ නේෂි॒ පන්ථා᳚ම් . තව॒ ප්රණී॑තී පි॒තරෝ॑ න ඉන්දෝ දේ॒වේෂු॒ රත්න॑ම භජන්ත॒ ධීරාඃ᳚ ... ත්වයා॒ හි නඃ॑ පි॒තරඃ॑ සෝම॒ පූර්වේ॒ කර්මා॑ණි ච॒ක්රුඃ ප॑වමාන॒ ධීරාඃ᳚ . ව॒න්වන්නවා॑තඃ පරි॒ධීග්ං රපෝ᳚ර්ණු වී॒රේභි॒රශ්වෛ᳚ර්ම॒ඝවා॑ භවා නඃ .., ත්වග්ං සෝ॑ම පි॒තෘභිඃ॑ සංවිँදා॒නෝ-(අ)නු॒ ද්යාවා॑පෘථි॒වී ආ ත॑තන්ථ . තස්මෛ॑ ත ඉන්දෝ හ॒විෂා॑ විධේම ව॒යග්ග් ස්යා॑ම॒ පත॑යෝ රයී॒ණාම් .. . බර්හි॑ෂදඃ පිතර ඌ॒ත්ය॑ර්වාගි॒මා වෝ॑ හ॒ව්යා ච॑කෘමා ජු॒ෂධ්ව᳚ම් . ත ආ ග॒තා-(අ)ව॑සා॒ ශ-න්ත॑මේ॒නාථා॒ස්මභ්ය॒ග්ං॒ ශං-යෝँර॑ර॒පෝ ද॑ධාත .., ආ-(අ)හ-ම්පි॒තෲන්-ථ්සු॑වි॒දත්රාග්ං॑ අවිථ්සි॒ නපා॑ත-ඤ්ච වි॒ක්රම॑ණ-ඤ්ච॒ විෂ්ණෝඃ᳚ . බ॒ර්හි॒ෂදෝ॒ යේ ස්ව॒ධයා॑ සු॒තස්ය॒ භජ॑න්ත පි॒ත්වස්ත ඉ॒හා-(අ)(අ) ග॑මිෂ්ඨාඃ .. . උප॑හූතාඃ පි॒තරඃ॑ සෝ॒ම්යාසෝ॑ බර්හි॒ෂ්යේ॑ෂු නි॒ධිෂු॑ ප්රි॒යේෂු॑ . ත ආ ග॑මන්තු॒ ත ඉ॒හ ශ්රු॑ව॒න්ත්වධි॑ බ්රුවන්තු॒ තේ අ॑වන්ත්ව॒ස්මාන් .., අග්නි॑ෂ්වාත්තාඃ පිතර॒ ඒහ ග॑ච්ඡත॒ සදඃ॑ සද-ස්සදත සුප්රණීතයඃ . අ॒ත්තා හ॒වීග්ංෂි॒ ප්රය॑තානි බ॒ර්॒හිෂ්යථා॑ ර॒යිග්ං සර්ව॑වීර-න්දධාතන .. .. අ॒ග්නි॒ෂ්වා॒ත්තානෘ॑තු॒මතෝ॑ හවාමහේ . නරා॒ශග්ංසේ॑ සෝමපී॒ථං-යँ ආ॒ශුඃ . තේ නෝ॒ අර්ව॑න්ත-ස්සු॒හවා॑ භවන්තු . ශ-න්නෝ॑ භවන්තු ද්වි॒පදේ॒ ශ-ඤ්චතු॑ෂ්පදේ .. යේ අ॑ග්නිෂ්වා॒ත්තා යේ-(අ)න॑ග්නිෂ්වාත්තාඃ .. 75 ..
අ॒ග්ං॒හෝ॒මුචඃ॑ පි॒තරඃ॑ සෝ॒ම්යාසඃ॑ . පරේ-(අ)ව॑රේ॒-(අ)මෘතා॑සෝ॒ භව॑න්තඃ . අධි॑බ්රුවන්තු॒ තේ අ॑වන්ත්ව॒ස්මාන් .. වා॒න්යා॑යෛ දු॒ග්ධේ ජු॒ෂමා॑ණාඃ කර॒ම්භම් . උ॒දීරා॑ණා॒ අව॑රේ॒ පරේ॑ ච . අ॒ග්නි॒ෂ්වා॒ත්තා ඍ॒තුභිඃ॑ සංවිँදා॒නාඃ . ඉන්ද්ර॑වන්තෝ හ॒විරි॒ද-ඤ්ජු॑ෂන්තාම් .. යද॑ග්නේ කව්යවාහන පි॒තෲන් යක්ෂ්යෘ॑තා॒වෘධඃ॑ . ප්ර ච॑ හ॒ව්යානි॑ වක්ෂ්යසි දේ॒වේභ්ය॑ශ්ච පි॒තෘභ්ය॒ ආ .., ත්වම॑ග්න ඊඩි॒තෝ ජා॑තවේ॒දෝ-(අ)වා᳚ඩ්ඪ॒ව්යානි॑ සුර॒භීණි॑ කෘ॒ත්වා . ප්රාදාඃ᳚ පි॒තෘභ්යඃ॑ ස්ව॒ධයා॒ තේ අ॑ක්ෂන්න॒ද්ධි ත්ව-න්දේ॑ව॒ ප්රය॑තා හ॒වීග්ංෂි॑ . . මාත॑ලී ක॒ව්යෛර්ය॒මෝ අඞ්ගි॑රෝභි॒ ර්බෘහ॒ස්පති॒ර්-ඍක්ව॑භි ර්වාවෘධා॒නඃ . යාග්ශ්ච॑ දේ॒වා වා॑වෘ॒ධුර්යේ ච॑ දේ॒වාන්-ථ්ස්වාහා॒-(අ)න්යේ ස්ව॒ධයා॒-(අ)න්යේ ම॑දන්ති .. .. යේ තා॑තෘ॒පුර්දේ॑ව॒ත්රා ජේහ॑මානාඃ . හෝ॒ත්රා॒වෘධ॒-ස්ස්තෝම॑තෂ්ටාසෝ අ॒ර්කෛඃ . ආ-(අ)ග්නේ॑ යාහි සුවි॒දත්රේ॑භිර॒ර්වාම් . ස॒ත්යෛඃ ක॒ව්යෛඃ පි॒තෘභි॑-ර්ඝර්ම॒සද්භිඃ॑ .. හ॒ව්ය॒වාහ॑ම॒ජර॑-ම්පුරුප්රි॒යම් . අ॒ග්නි-ඞ්ඝෘ॒තේන॑ හ॒විෂා॑ සප॒ර්යන්න් . උපා॑සද-ඞ්කව්ය॒වාහ॑-ම්පිතෘ॒ණාම් . ස නඃ॑ ප්ර॒ජාං-වීँ॒රව॑තී॒ග්ං॒ සමෘ॑ණ්වතු .. 76 ..
(අන॑ග්නිෂ්වාත්තා॒ - ජේහ॑මානා-ස්ස॒ප්ත ච॑) (අ. 16)
අනුවාකං 17 - ඓන්ද්රෝ පශෞ ඒකාදශ ප්රයාජාඃ
හෝතා॑ යක්ෂදි॒ඩස්ප॒දේ . ස॒මි॒ධා॒න-ම්ම॒හද්යශඃ॑ . සුෂ॑මිද්ධං॒-වँරේ᳚ණ්යම් . අ॒ග්නිමින්ද්රං॑-වँයෝ॒ධස᳚ම් . ගා॒ය॒ත්රී-ඤ්ඡන්ද॑ ඉන්ද්රි॒යම් . ත්ර්යවි॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒ච්ඡුචි॑ව්රතම් . තනූ॒නපා॑තමු॒ද්භිද᳚ම් . ය-ඞ්ගර්භ॒මදි॑තිර්ද॒ධේ .. 77 ..
ශුචි॒මින්ද්රං॑-වँයෝ॒ධස᳚ම් . උ॒ෂ්ණිහ॒-ඤ්ඡන්ද॑ ඉන්ද්රි॒යම් . දි॒ත්ය॒වාහ॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂදී॒ඩේන්ය᳚ම් . ඊ॒ඩි॒තං-වෘँ॑ත්ර॒හන්ත॑මම් . ඉඩා॑භි॒රීඩ්ය॒ග්ං॒ සහඃ॑ . සෝම॒මින්ද්රං॑-වँයෝ॒ධස᳚ම් . අ॒නු॒ෂ්ටුභ॒-ඤ්ඡන්ද॑ ඉන්ද්රි॒යම් . ත්රි॒ව॒ථ්ස-ඞ්ගාං-වँයෝ॒ දධ॑ත් .. 78 ..
වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ථ්සුබර්හි॒ෂද᳚ම් . පූ॒ෂ॒ණ්වන්ත॒-මම॑ර්ත්යම් . සීද॑න්ත-ම්බ॒ර්॒හිෂි॑ ප්රි॒යේ . අ॒මෘතේන්ද්රං॑-වँයෝ॒ධස᳚ම් . බෘ॒හ॒තී-ඤ්ඡන්ද॑ ඉන්ද්රි॒යම් . පඤ්චා॑වි॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ද්ව්යච॑ස්වතීඃ . සු॒ප්රා॒ය॒ණා ඍ॑තා॒වෘධඃ॑ .. 79 ..
ද්වාරෝ॑ දේ॒වීර්හි॑ර॒ණ්යයීඃ᳚ . බ්ර॒හ්මාණ॒ ඉන්ද්රං॑-වँයෝ॒ධස᳚ම් . ප॒ඞ්ක්ති-ඤ්ඡන්ද॑ ඉ॒හේන්ද්රි॒යම් . තු॒ර්ය॒වාහ॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ථ්සු॒පේශ॑සේ . සු॒ශි॒ල්පේ බෘ॑හ॒තී උ॒භේ . නක්තෝ॒ෂාසා॒ න ද॑ර්ශ॒තේ . විශ්ව॒මින්ද්රං॑-වँයෝ॒ධස᳚ම් . ත්රි॒ෂ්ටුභ॒-ඤ්ඡන්ද॑ ඉන්ද්රි॒යම් .. 80 ..
ප॒ෂ්ඨ॒වාහ॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ත්ප්රචේ॑තසා . දේ॒වානා॑මුත්ත॒මං-යँශඃ॑ . හෝතා॑රා॒ දෛව්යා॑ ක॒වී . ස॒යුජේන්ද්රං॑-වँයෝ॒ධස᳚ම් . ජග॑තී॒-ඤ්ඡන්ද॑ ඉ॒හේන්ද්රි॒යම් . අ॒න॒ඩ්වාහ॒-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ත්පේශ॑ස්වතීඃ .. 81 ..
ති॒ස්රෝ දේ॒වීර්හි॑ර॒ණ්යයීඃ᳚ . භාර॑තී-ර්බෘහ॒තීර්ම॒හීඃ . පති॒මින්ද්රං॑-වँයෝ॒ධස᳚ම් . වි॒රාජ॒-ඤ්ඡන්ද॑ ඉ॒හේන්ද්රි॒යම් . ධේ॒නු-ඞ්ගා-න්න වයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ-ථ්සු॒රේත॑සම් . ත්වෂ්ටා॑ර-ම්පුෂ්ටි॒වර්ධ॑නම් . රූ॒පාණි॒ බිභ්ර॑ත॒-ම්පෘථ॑ක් . පුෂ්ටි॒මින්ද්රං॑-වँයෝ॒ධස᳚ම් .. 82 ..
ද්වි॒පද॒-ඤ්ඡන්ද॑ ඉ॒හේන්ද්රි॒යම් . උ॒ක්ෂාණ॒-ඞ්ගා-න්න වයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂච්ඡ॒තක්ර॑තුම් . හිර॑ණ්යපර්ණ-මු॒ක්ථින᳚ම් . ර॒ශ॒නා-ම්බිභ්ර॑තං-වँ॒ශිම් . භග॒මින්ද්රං॑-වँයෝ॒ධස᳚ම් . ක॒කුභ॒-ඤ්ඡන්ද॑ ඉ॒හේන්ද්රි॒යම් . ව॒ශාං-වේँ॒හත॒-ඞ්ගා-න්න වයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. හෝතා॑ යක්ෂ॒-ථ්ස්වාහා॑කෘතීඃ . අ॒ග්නි-ඞ්ගෘ॒හප॑ති॒-ම්පෘථ॑ක් . වරු॑ණ-ම්භේෂ॒ජ-ඞ්ක॒විම් . ක්ෂ॒ත්රමින්ද්රං॑-වँයෝ॒ධස᳚ම් . අති॑ච්ඡන්දස॒-ඤ්ඡන්ද॑ ඉන්ද්රි॒යම් . බෘ॒හදෘ॑ෂ॒භ-ඞ්ගාං-වँයෝ॒ දධ॑ත් . වේත්වාජ්ය॑ස්ය॒ හෝත॒ර්යජ॑ .. 83 ..
(ද॒ධේ - දධ॑-ද්- ඍතා॒වෘධ॑ - ඉන්ද්රි॒යං - පේශ॑ස්වතී--ර් වයෝ॒ධසං॒ - ँවේත්වාජ්ය॑ස්ය॒ හෝත॒ර්යජ॑ ස॒ප්ත ච॑) (අ. 17)
ඉ॒ඩස්ප॒දේ᳚-(අ)ග්නි-ඞ්ගා॑ය॒ත්රී-න්ත්ර්යවි᳚ම් . ශුචි॑ව්රත॒ග්ං॒ ශුචි॑මු॒ෂ්ණිහ॑-න්දිත්ය॒වාහ᳚ම් . ඊ॒ඩේන්ය॒ග්ං॒ සෝම॑-මන॒ෂ්ටුභ॑-න්ත්රිව॒ථ්සම් . සු॒බ॒ර॒ඃඉ॒ෂද॑ම॒මෘතේන්ද්ර॑-ම්බෘහ॒තී-ම්පඤ්චා॑විම් . ව්යච॑ස්වතී-ස්සුප්රාය॒ණා ද්වාරෝ᳚ බ්රා॒හ්මාණඃ॑ පා॒ඞ්ක්තිමි॒හ තු॑ර්ය॒වාහ᳚ම් . සු॒පේශ॑සේ॒ විශ්ව॒මින්ද්ර॑-න්ත්රි॒ෂ්ටුභ॑-ම්පෂ්ඨ॒වාහ᳚ම් . ප්රචේ॑තසා ස॒යුජේන්ද්ර॒-ඤ්ජග॑තීමි॒හාන॒ඩ්වාහ᳚ම් . පේශ॑ස්වතීස්ති॒ස්ත්රෝ භාර॑තීඃ॒ පතිං॑-විँ॒රාජ॑මි॒හ ධේ॒නු-න්න . සු॒රේත॑ස॒-න්ත්වෂ්ටා॑ර॒-ම්පුෂ්ටි॑-න්ද්වි॒පද॑මි॒හෝක්ෂාණ॒-න්න . ශ॒තක්ර॑තු॒-ම්භග॒මින්ද්ර॑-ඞ්ක॒කුභ॑මි॒හ ව॒ශාං-වේँ॒හත॒-ඞ්ගා-න්න . ස්වාහා॑කෘතීඃ, ක්ෂ॒ත්රමති॑ච්ඡන්දස-ම්බෘ॒හදෘ॑ෂ॒භ-ඞ්ගාං-වँයඃ॑ . ඉ॒න්ද්රි॒යමුෂි॑වසු॒නව॑ද॒ශේහේ᳚න්ද්රිය॒මෂ්ට॑ නව දශ॒ ගා-න්න වයෝ॒ දධ॒-ථ්සර්ව॑වේතු .
අනුවාකං 18 - ඓන්ද්රෝ පශෞ ප්රයාජයාජ්යාඃ
සමි॑ද්ධෝ අ॒ග්නි-ස්ස॒මිධා᳚ . සුෂ॑මිද්ධෝ॒ වරේ᳚ණ්යඃ . ගා॒ය॒ත්රී ඡන්ද॑ ඉන්ද්රි॒යම් . ත්ර්යවි॒ර්ගෞර්වයෝ॑ දධුඃ .. තනූ॒නපා॒-ච්ඡුචි॑ව්රතඃ . ත॒නූ॒නපාච්ච॒ (ත॒නූ॒පාච්ච) සර॑ස්වතී . උ॒ෂ්ණික්ඡන්ද॑ ඉන්ද්රි॒යම් . දි॒ත්ය॒වාඩ්ගෞර්වයෝ॑ දධුඃ .. ඉඩා॑භිර॒ග්නිරීඩ්යඃ॑ . සෝමෝ॑ දේ॒වෝ අම॑ර්ත්යඃ .. 84 ..
අ॒නු॒ෂ්ටුප්ඡන්ද॑ ඉන්ද්රි॒යම් . ත්රි॒ව॒ථ්සෝ ගෞර්වයෝ॑ දධුඃ .. සු॒බ॒ර්॒හිර॒ග්නිඃ පූ॑ෂ॒ණ්වාන් . ස්තී॒ර්ණ-බ॑ර්හි॒රම॑ර්ත්යඃ . බෘ॒හ॒තී ඡන්ද॑ ඉන්ද්රි॒යම් . පඤ්චා॑වි॒-ර්ගෞර්වයෝ॑ දධුඃ .. දුරෝ॑ දේ॒වීර්දිශෝ॑ ම॒හීඃ . බ්ර॒හ්මා දේ॒වෝ බෘහ॒ස්පතිඃ॑ . ප॒ඞ්ක්ති-ශ්ඡන්ද॑ ඉ॒හේන්ද්රි॒යම් . තු॒ර්ය॒වාඩ් ගෞර්වයෝ॑ දධුඃ .. 85 ..
උ॒ෂේ ය॒හ්වී සු॒පේශ॑සා . විශ්වේ॑ දේ॒වා අම॑ර්ත්යාඃ . ත්රි॒ෂ්ටු-ප්ඡන්ද॑ ඉන්ද්රි॒යම් . ප॒ෂ්ඨ॒වාද්ගෞර්වයෝ॑ දධුඃ .. දෛව්යා॑ හෝතාරා භිෂජා . ඉන්ද්රේ॑ණ ස॒යුජා॑ යු॒ජා . ජග॑තී॒ ඡන්ද॑ ඉ॒හේන්ද්රි॒යම් . අ॒න॒ඩ්වාන්-ගෞර්වයෝ॑ දධුඃ .. ති॒ස්ර ඉඩා॒ සර॑ස්වතී . භාර॑තී ම॒රුතෝ॒ විශඃ॑ .. 86 ..
වි॒රාට්ඡන්ද॑ ඉ॒හේන්ද්රි॒යම් . ධේ॒නුර්ගෞර්න වයෝ॑ දධුඃ .. ත්වෂ්ටා॑ තු॒රීපෝ॒ අද්භු॑තඃ . ඉ॒න්ද්රා॒ග්නී පු॑ෂ්ටි॒වර්ධ॑නා . ද්වි॒පාච්ඡන්ද॑ ඉ॒හේන්ද්රි॒යම් . උ॒ක්ෂා ගෞර්න වයෝ॑ දධුඃ .. ශ॒මි॒තා නෝ॒ වන॒ස්පතිඃ॑ . ස॒වි॒තා ප්ර॑සු॒වන්භග᳚ම් . ක॒කුච්ඡන්ද॑ ඉ॒හේන්ද්රි॒යම් . ව॒ශා වේ॒හද්ගෞර්න වයෝ॑ දධුඃ .. ස්වාහා॑ ය॒ජ්ඤං-වँරු॑ණඃ . සු॒ක්ෂ॒ත්රෝ භේ॑ෂ॒ජ-ඞ්ක॑රත් . අතිඃ॑ ඡන්දා॒-ශ්ඡන්ද॑ ඉන්ද්රි॒යම් . බෘ॒හදෘ॑ෂ॒භෝ ගෞර්වයෝ॑ දධුඃ .. 87 ..
(අම॑ර්ත්ය - ස්තුර්ය॒වාඩ්ගෞර්වයෝ॑ දධු॒--ර් විශෝ॑ - ව॒ශා වේ॒හද්ගෞර්න වයෝ॑ දධුශ්ච॒ත්වාරි॑ ච) (අ. 18)
අනුවාකං 19 - ඓන්ද්රෝ පශෞ වපාදීනාං-යँජ්යානුවාක්යාඃ
ව॒ස॒න්තේන॒ර්තුනා॑ දේ॒වාඃ . වස॑වස්ත්රි॒වෘතා᳚ ස්තු॒තම් . ර॒ථ॒න්ත॒රේණ॒ තේජ॑සා . හ॒විරින්ද්රේ॒ වයෝ॑ දධුඃ .. ග්රී॒ෂ්මේණ॑ දේ॒වා ඍ॒තුනා᳚ . රු॒ද්රාඃ ප॑ඤ්චද॒ශේ ස්තු॒තම් . බෘ॒හ॒තා යශ॑සා॒ බල᳚ම් . හ॒විරින්ද්රේ॒ වයෝ॑ දධුඃ .. ව॒ර॒.ෂාභි॑ර්-ඍ॒තුනා॑-(අ)(අ)දි॒ත්යාඃ . ස්තෝමේ॑ සප්තද॒ශේ ස්තු॒තම් .. 88 ..
වෛ॒රූ॒පේණ॑ වි॒ශෞජ॑සා . හ॒විරින්ද්රේ॒ වයෝ॑ දධුඃ .. ශා॒ර॒දේන॒ර්තුනා॑ දේ॒වාඃ . ඒ॒ක॒වි॒ග්ං॒ශ ඍ॒භවඃ॑ ස්තු॒තම් . වෛ॒රා॒ජේන॑ ශ්රි॒යා ශ්රිය᳚ම් . හ॒විරින්ද්රේ॒ වයෝ॑ දධුඃ .. හේ॒ම॒න්තේන॒ර්තුනා॑ දේ॒වාඃ . ම॒රුත॑ස්ත්රිණ॒වේ ස්තු॒තම් . බලේ॑න॒ ශක්ව॑රී॒-ස්සහඃ॑ . හ॒විරින්ද්රේ॒ වයෝ॑ දධුඃ .. ශෛ॒ශි॒රේණ॒ර්තුනා॑ දේ॒වාඃ . ත්ර॒ය॒ස්ත්රි॒ග්ං॒ශේ॑ (අ)මෘතග්ග්॑ ස්තු॒තම් . ස॒ත්යේන॑ රේ॒වතීඃ᳚, ක්ෂ॒ත්රම් . හ॒විරින්ද්රේ॒ වයෝ॑ දධුඃ .. 89 ..
(ස්තෝමේ॑ සප්තද॒ශේ ස්තු॒තග්ං - සහෝ॑ හ॒විරින්ද්රේ॒ වයෝ॑ දධුශ්ච॒ත්වාරි॑ ච) (අ. 19)
(ව॒ස॒න්තේන॑ ග්රී॒ෂ්මේණ॑ ව॒ර්॒ෂාභිඃ॑ ශාර॒දේන॑ හේම॒න්තේන॑ ශෛශි॒රේණ॒ ෂට් )
අනුවාකං 20 - ඓන්ද්රෝ පශෞ අනූයාජානා-ම්මෛත්රාවරිණප්රෛෂාඃ
දේ॒ව-ම්බ॒ර්॒හිරින්ද්රං॑-වँයෝ॒ධස᳚ම් . දේ॒ව-න්දේ॒වම॑වර්ධයත් . ගා॒ය॒ත්රි॒යා ඡන්ද॑සේන්ද්රි॒යම් . තේජ॒ ඉන්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒වීර්ද්වාරෝ॑ දේ॒වමින්ද්රං॑-වँයෝ॒ධස᳚ම් . දේ॒වීර්දේ॒ව-ම॑වර්ධයන්න් . උ॒ෂ්ණිහා॒ ඡන්ද॑සේන්ද්රි॒යම් . ප්රා॒ණමින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. 90 ..
දේ॒වී දේ॒වං-වँ॑යෝ॒ධස᳚ම් . උ॒ෂේ ඉන්ද්ර॑මවර්ධතාම් . අ॒නු॒ෂ්ටුභා॒ ඡන්ද॑සේන්ද්රි॒යම් . වාච॒මින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වීතාං॒-යँජ॑ .. දේ॒වී ජෝෂ්ට්රී॑ දේ॒වමින්ද්රං॑-වँයෝ॒ධස᳚ම් . දේ॒වී දේ॒වම॑වර්ධතාම් . බෘ॒හ॒ත්යා ඡන්ද॑සේන්ද්රි॒යම් . ශ්රෝත්ර॒මින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වීතාං॒-යँජ॑ .. 91 ..
දේ॒වී ඌ॒ර්ජාහු॑තී දේ॒වමින්ද්රං॑-වँයෝ॒ධස᳚ම් . දේ॒වී දේ॒වම॑වර්ධතාම් . ප॒ඞ්ක්ත්යා ඡන්ද॑සේන්ද්රි॒යම් . ශු॒ක්රමින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වීතාං॒-යँජ॑ .. දේ॒වා දෛව්යා॒ හෝතා॑රා දේ॒වමින්ද්රං॑-වँයෝ॒ධස᳚ම් . දේ॒වා දේ॒වම॑වර්ධතාම් . ත්රි॒ෂ්ටුභා॒ ඡන්ද॑සේන්ද්රි॒යම් . ත්විෂි॒මින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වීතාං॒-යँජ॑ .. 92 ..
දේ॒වී-ස්ති॒ස්ර-ස්ති॒ස්රෝ දේ॒වීර්ව॑යෝ॒ධස᳚ම් . පති॒මින්ද්ර॑-මවර්ධයන්න් . ජග॑ත්යා॒ ඡන්ද॑සේන්ද්රි॒යම් . බල॒මින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වියන්තු॒ යජ॑ .. දේ॒වෝ නරා॒ශග්ංසෝ॑ දේ॒වමින්ද්රං॑-වँයෝ॒ධස᳚ම් . දේ॒වෝ දේ॒වම॑වර්ධයත් . වි॒රාජා॒ ඡන්ද॑සේන්ද්රි॒යම් . රේත॒ ඉන්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වේතු॒ යජ॑ .. 93 ..
දේ॒වෝ වන॒ස්පති॑-ර්දේ॒වමින්ද්රං॑-වँයෝ॒ධස᳚ම් . දේ॒වෝ දේ॒වම॑වර්ධයත් . ද්වි॒පදා॒ ඡන්ද॑සේන්ද්රි॒යම් . භග॒මින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒ව-ම්බ॒ර්॒හිර්වාරි॑තීනා-න්දේ॒වමින්ද්රං॑-වँයෝ॒ධස᳚ම් . දේ॒වෝ (දේ॒වං) දේ॒වම॑වර්ධයත් . ක॒කුභා॒ ඡන්ද॑සේන්ද්රි॒යම් . යශ॒ ඉන්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වේතු॒ යජ॑ .. දේ॒වෝ අ॒ග්නි-ස්ස්වි॑ෂ්ට॒කෘ-ද්දේ॒වමින්ද්රං॑-වँයෝ॒ධස᳚ම් . දේ॒වෝ දේ॒වම॑වර්ධයත් . අති॑ච්ඡන්දසා॒ ඡන්ද॑සේන්ද්රි॒යම් . ක්ෂ॒ත්රමින්ද්රේ॒ වයෝ॒ දධ॑ත් . ව॒සු॒වනේ॑ වසු॒ධේය॑ස්ය වේතු॒ යජ॑ .. 94 ..
(වි॒ය॒න්තු॒ යජ॑ - වීතාං॒-යँජ॑-වීතාං॒-යँජ॑-වේතු॒ යජ॑-වේතු॒ යජ॒ පඤ්ච॑ ච) (අ. 20)
(දේ॒ව-ම්බ॒ර්॒හි-ර්ගා॑යත්රි॒යා තේජඃ॑ . දේ॒වීර්ද්වාර॑ උ॒ෂ්ණිහා᳚ ප්රා॒ණම් . දේ॒වී දේ॒වමු॒ෂේ අ॑නු॒ෂ්ටුභා॒ වාච᳚ම් . දේ॒වී ජෝෂ්ට්රී॑ බෘහ॒ත්යා ශ්රෝත්ර᳚ම් . දේ॒වී ඌ॒ර්ජාහූ॑තී ප॒ඞ්ක්ත්යා ශු॒ක්රම් . දේ॒වා දෛව්යා॒ හෝතා॑රා ත්රි॒ෂ්ටුභා॒ ත්විෂි᳚ම් . දේ॒වීස්ති॒ස්රස්ති॒ස්රෝ දේ॒වීඃ පති॒-ඤ්ජග॑ත්යා॒ බල᳚ම් . දේ॒වෝ නරා॒ශග්ංසෝ॑ වි॒රාජා॒ රේතඃ॑ . දේ॒වෝ වන॒ස්පති॑-ර්ද්වි॒පදා॒ භග᳚ම් . දේ॒ව-ම්බ॒ර්॒හි-ර්වාරි॑තීනා-ඞ්ක॒කුභා॒ යශඃ॑ . දේ॒වෝ අ॒ග්නි-ස්ස්වි॑ෂ්ට॒කෘදති॑ච්ඡන්දසා ක්ෂ॒ත්රම් . වේ॒තු॒ වි॒ය॒න්තු॒ ච॒තු-ර්වී॑තා॒මේකෝ॑ වියන්තු ච॒තුර්වේ॑තු . අ॒ව॒ර්ධ॒ය॒ද॒ව॒ර්ධ॒ය॒ග්ග්॒ ශ්ච॒තුර॑වර්ධතා॒මේකෝ॑ (අ)වර්ධයග්ග් ශ්ච॒තුර॑වර්ධයත් .)
(ස්වා॒ද්වී-න්ත්වා॒ - සෝමඃ॒ - සුරා॑වන්ත॒ග්ං॒ - සීසේ॑න - මි॒ත්රෝ॑-(අ)සි॒ - ය-ද්දේ॑වා॒ - හෝතා॑ යක්ෂ-ථ්ස॒මිධේන්ද්ර॒ග්ං॒ - සමි॑ද්ධ॒ ඉන්ද්ර॒ - ආච॑ර්ෂණි॒ප්රා - දේ॒ව-ම්බ॒ර්॒හිරින්ද්රග්ං॑ සුදේ॒වග්ං - හෝතා॑ යක්ෂ-ථ්ස॒මිධා॒-(අ)ග්නිග්ං - සමි॑ද්ධෝ අ॒ග්නිර॑ශ්විනා॒ - (අ)ශ්විනා॑ හ॒විරි॑න්ද්රි॒යං - දේ॒ව-ම්බ॒ර්॒හි-ස්සර॑ස්ව - ත්යා॒ග්නිම॒ - ද්යෝශන්තෝ॒ - හෝතා॑ යක්ෂදි॒ඩස්ප॒දේ - සමි॑ද්ධෝ අ॒ග්නි-ස්ස॒මිධා॑ - වස॒න්තේන॑ - දේ॒ව-ම්බ॒ර්॒හිරින්ද්රං॑-වँයෝ॒ධසං॑-විँග්ංශ॒තිඃ)
(ස්වා॒ද්වී-න්ත්වා-(අ) - මී॑ මදන්ත පි॒තරඃ॒ - සාම්රා᳚ජ්යාය - පූ॒ත-ම්ප॒විත්රේ॑ණේ॒ වාජ්ය॑ - මු॒ෂාසා॒නක්තා॒ - බද॑රෛ॒ - රධා॑තාම॒ශ්විනා॑ - දේ॒ව ඉන්ද්රෝ॒ වන॒ස්පතිඃ॑ - පෂ්ඨ॒වාහ॒-ඞ්ගාං - දේ॒වී දේ॒වං-වँ॑යෝ॒ධස॒-ඤ්චතු॑ර්නවතිඃ )
(ස්වා॒ද්වීන්ත්වා॑ - වේතු॒ යජ॑)
.. හරිඃ॑ ඕම් ..
.. කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ෂෂ්ඨඃ ප්රපාඨක-ස්සමාප්තඃ ..
Roman (IAST) Transliteration
kṛṣṇa yajurvedīya taittirīya brāhmaṇe dvitīyāṣṭake ṣaṣṭhaḥ prapāṭhakaḥ - sautrāmaṇiḥ kaukilī hotra-ñca
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - grahāḥ
svā॒dvī-ntvā᳚ svā॒dunā᳚ | tī॒vrā-ntī॒vreṇa̭ | a॒mṛtā̭-ma॒mṛtḙna | madhṷmatī॒-mmadhṷmatā | sṛ॒jāmi॒ sagṃ somḙna | somo᳚-'sya॒śvibhyā᳚-mpacyasva | sara̭svatyai pacyasva | indrā̭ya su॒trāmṇḙ pacyasva || parī॒toṣi̭ñcatā su॒tam | somo॒ ya ṷtta॒magṃ ha॒viḥ || 1 ||
da॒dha॒nvā yo naryo̭ a॒phsva̭ntarā | su॒ṣāva॒ soma॒madri̭bhiḥ || pu॒nātṷ te pari॒sruta᳚m | soma॒gṃ॒ sūrya̭sya duhi॒tā | vārḙṇa॒ śaśva̭tā॒ tanā᳚ | vā॒yuḥ pū॒taḥ pa॒vitrḙṇa | prāṅkhsomo॒ ati̭drutaḥ | indra̭sya॒ yujya॒-ssakhā᳚ || vā॒yuḥ pū॒taḥ pa॒vitrḙṇa | pra॒tyaṅkhsomo॒ āti̭drutaḥ || 2 ||
indra̭sya॒ yujya॒-ssakhā᳚ || brahma̭ kṣa॒tra-mpa̭vate॒ teja̭ indri॒yam | sura̭yā॒ somaḥ̭ su॒ta āsṷto॒ madā̭ya | śu॒kreṇa̭ deva de॒vatāḥ᳚ pipṛgdhi | rase॒nānnaṃ॒-ya~ja̭mānāya dhehi || ku॒vida॒ṅga yava̭manto॒ yava̭-ñcit | yathā॒ dāntya̭nupū॒rvaṃ-vi~॒yūya̭ | i॒hehai̭ṣā-ṅkṛṇuta॒ bhoja̭nāni | ye ba॒ra॒ḥiṣo॒ namo̭vṛkti॒-nna ja॒gmuḥ || u॒pa॒yā॒ma-gṛ̭hīto-'sya॒śvibhyā᳚-ntvā॒ juṣṭa̭-ṅgṛhṇāmi || 3 ||
sara̭svatyā॒ indrā̭ya su॒trāmṇe᳚ || e॒ṣa te॒ yoni॒steja̭se tvā | vī॒ryā̭ya tvā॒ balā̭ya tvā || tejo̭-'si॒ tejo॒ mayi̭ dhehi | vī॒rya̭masi vī॒rya̭-mmayi̭ dhehi | bala̭masi॒ bala॒-mmayi̭ dhehi || nānā॒ hi vā᳚-nde॒vahi̭ta॒gṃ॒ sadaḥ̭ kṛ॒tam | mā sagṃsṛ̭kṣāthā-mpara॒me vyo̭mann | surā॒ tvamasi̭ śu॒ṣmiṇī॒ soma̭ e॒ṣaḥ | mā mā̭ higṃsī॒-ssvāṃ-yo~ni̭māvi॒śann || 4 ||
u॒pa॒yā॒magṛ̭hīto-'syāśvi॒na-ntejaḥ̭ | sā॒ra॒sva॒taṃ-vī~॒rya᳚m | ai॒ndra-mbala᳚m || e॒ṣa te॒ yoni॒rmodā̭ya tvā | ā॒na॒ndāya̭ tvā॒ maha̭se tvā || ojo॒-'syojo॒ mayi̭ dhehi | ma॒nyura̭si ma॒nyu-mmayi̭ dhehi | maho̭-'si॒ maho॒ mayi̭ dhehi | saho̭-'si॒ saho॒ mayi̭ dhehi || yā vyā॒ghraṃ-vi~ṣṷ̄cikā | u॒bhau vṛka̭-ñca॒ rakṣa̭ti | śye॒na-mpa̭ta॒triṇagṃ̭ si॒gṃ॒ham | sema-mpā॒tvagṃha̭saḥ || sa॒-mpṛcaḥ̭ stha॒ sa-mmā̭ bha॒dreṇa̭ pṛṅkta | vi॒pṛcaḥ̭ stha॒ vi mā̭ pā॒pmanā̭ pṛṅkta || 5 ||
(ha॒viḥ - pra॒tyaṅkhsomo॒ āti̭druto - gṛhṇā - myāvi॒śan - viṣṷ̄cikā॒ pañca̭ ca) (a. 1)
anuvākaṃ 2 - grahopasthānam
somo॒ rājā॒-'mṛtagṃ̭ su॒taḥ | ṛ॒jī॒ṣeṇā̭jahānmṛ॒tyum | ṛ॒tena̭ sa॒tyami̭ndri॒yam | vipānagṃ̭ śu॒kramandha̭saḥ | indra̭syendri॒yam | i॒da-mpayo॒-'mṛta॒-mmadhṷ || soma̭ma॒dbhyo vya̭pibat | chanda̭sā ha॒gṃ॒sa-śśṷci॒ṣat | ṛ॒tena̭ sa॒tyami̭ndri॒yam | a॒dbhyaḥ, kṣī॒raṃ-vya~̭pibat || 6 ||
kruṅṅā᳚ṅgira॒so dhi॒yā | ṛ॒tena̭ sa॒tyami̭ndri॒yam | annā᳚-tpari॒sruto॒ rasa᳚m | brahma̭ṇā॒ vya̭piba-tkṣa॒tram | ṛ॒tena̭ sa॒tyami̭ndri॒yam || reto॒ mūtraṃ॒-vi~ja̭hāti | yoni̭-mpravi॒śadi̭ndri॒yam | garbho̭ ja॒rāyu॒ṇā-''vṛ̭taḥ | ulba̭-ñjahāti॒ janma̭nā | ṛ॒tena̭ sa॒tyami̭ndri॒yam || 7 ||
vedḙna rū॒pe vya̭karot | sa॒tā॒sa॒tī pra॒jāpa̭tiḥ | ṛ॒tena̭ sa॒tyami̭ndri॒yam || somḙna॒ somau॒ vya̭pibat | su॒tā॒su॒tau pra॒jāpa̭tiḥ | ṛ॒tena̭ sa॒tyami̭ndri॒yam | dṛ॒ṣṭvā rū॒pe vyāka̭rot | sa॒tyā॒nṛ॒te pra॒jāpa̭tiḥ | aśra̭ddhā॒-manṛ॒te-'da̭dhāt | śra॒ddhāgṃ sa॒tye pra॒jāpa̭tiḥ | ṛ॒tena̭ sa॒tyami̭ndri॒yam || dṛ॒ṣṭvā pa̭ri॒sruto॒ rasa᳚m | śu॒kreṇa̭ śu॒kraṃ-vya~̭pibat | paya॒-ssoma̭-mpra॒jāpa̭tiḥ | ṛ॒tena̭ sa॒tyami̭ndri॒yam | vipānagṃ̭ śu॒kramandha̭saḥ | indra̭syendri॒yam | i॒da-mpayo॒-'mṛta॒-mmadhṷ || 8 ||
(a॒dbhyaḥ, kṣī॒raṃ-vya~̭piba॒ - jjanma̭na॒rtena̭ sa॒tyami̭ndri॒yagg - śra॒ddhāgṃ sa॒tye pra॒jāpa̭tira॒ṣṭau ca̭) (a. 2)
(somo॒ rājā॒ vipāna॒gṃ॒ soma̭ma॒dbhyo-'nnā॒-dreto॒ mūtraṃ॒-ve~dḙna satāsa॒tī somḙna sutāsu॒tau dṛ॒ṣṭvā rū॒pe dṛ॒ṣṭvā pa̭ri॒sruto॒ rasaṃ॒-vi~pāna॒-ndaśa̭ )
anuvākaṃ 3 - grahahomaḥ
surā̭vanta-mbarhi॒ṣadagṃ̭ su॒vīra᳚m | ya॒jñagṃ hi̭nvanti mahi॒ṣā namo̭bhiḥ | dadhā̭nā॒-ssoma̭-ndi॒vi de॒vatā̭su | made॒mendraṃ॒-ya~ja̭mānā-ssva॒rkāḥ || yaste॒ rasa॒-ssambhṛ̭ta॒ oṣa̭dhīṣu | soma̭sya॒ śuṣma॒-ssura̭yā su॒tasya̭ | tena̭ jinva॒ yaja̭māna॒-mmadḙna | sara̭svatī-ma॒śvinā॒-vindra̭-ma॒gnim || yama॒śvinā॒ namṷcerāsu॒rādadhi̭ | sara̭sva॒tyasa̭nodindri॒yāya̭ || 9 ||
i॒ma-ntagṃ śu॒kra-mmadhṷmanta॒-mindu᳚m | soma॒gṃ॒ rājā̭nami॒ha bha̭kṣayāmi || yadatra̭ ri॒ptagṃ ra॒sinaḥ̭ su॒tasya̭ | yadindro॒ api̭ba॒cchacī̭bhiḥ | a॒ha-ntada̭sya॒ mana̭sā śi॒vena̭ | soma॒gṃ॒ rājā̭nami॒ha bha̭kṣayāmi || pi॒tṛbhyaḥ̭ svadhā॒vibhyaḥ̭ sva॒dhā namaḥ̭ | pi॒tā॒ma॒hebhyaḥ̭ svadhā॒vibhyaḥ̭ sva॒dhā namaḥ̭ | prapi̭tāmahebhya-ssvadhā॒vibhyaḥ̭ sva॒dhā namaḥ̭ | akṣa̭-npi॒taraḥ̭ || 10 ||
amī̭madanta pi॒taraḥ̭ | atī̭tṛpanta pi॒taraḥ̭ | amī̭mṛjanta pi॒taraḥ̭ | pita̭ra॒-śśundha̭ddhvam || pu॒nantṷ mā pi॒taraḥ̭ so॒myāsaḥ̭ | pu॒nantṷ mā pitāma॒hāḥ | pu॒nantu॒ prapi̭tāmahāḥ | pa॒vitrḙṇa śa॒tāyṷṣā | pu॒nantṷ mā pitāma॒hāḥ | pu॒nantu॒ prapi̭tāmahāḥ || 11 ||
pa॒vitrḙṇa śa॒tāyṷṣā || viśva॒māyu॒-rvya̭śnavai | agna॒ āyūgṃ̭ṣi pavasa॒ ā su॒vorja॒miṣa̭-ñca naḥ | ā॒re bā̭dhasva du॒cchunā᳚m || agne॒ pava̭sva॒ svapā̭ a॒sme varcaḥ̭ su॒vīrya᳚m | dadha॒-tpoṣagṃ̭ ra॒yi-mmayi̭ ||| pava̭māna॒-ssuva॒rjanaḥ̭ | pa॒vitrḙṇa॒ vica̭rṣaṇiḥ | yaḥ potā॒ sa pṷnātu mā || pu॒nantṷ mā devaja॒nāḥ | pu॒nantu॒ mana̭ vo dhi॒yā | pu॒nantu॒ viśva̭ ā॒yavaḥ̭ ||| jāta̭vedaḥ pa॒vitra̭vat | pa॒vitrḙṇa punāhi mā | śu॒kreṇa̭ deva॒ dīdya̭t | agne॒ kratvā॒ kratū॒gṃ॒ranṷ || yattḙ pa॒vitra̭-ma॒rciṣi̭ | agne॒ vita̭tamanta॒rā | brahma॒ tena̭ punīmahe ||| u॒bhābhyā᳚-ndeva savitaḥ | pa॒vitrḙṇa sa॒vena̭ ca | i॒da-mbrahma̭ punīmahe || vai॒śva॒de॒vī pṷna॒tī de॒vyāgā᳚t | yasyai̭ ba॒hvī-sta॒nuvo̭ vī॒tapṛ̭ṣṭhāḥ | tayā॒ mada̭nta-ssadha॒mādyḙṣu | va॒yagg syā̭ma॒ pata̭yo rayī॒ṇām |||| ye sa̭mā॒nā-ssama̭nasaḥ | pi॒taro̭ yama॒rājye᳚ | teṣāṃ᳚-lo~॒ka-ssva॒dhā namaḥ̭ | ya॒jño de॒veṣṷ kalpatām || 12 ||
ye sa̭jā॒tā-ssama̭nasaḥ | jī॒vā jī॒veṣṷ māma॒kāḥ | teṣā॒g॒ śrīrmayi̭ kalpatām | a॒smil ~lo॒ke śa॒tagṃ samāḥ᳚ || dve sru॒tī a̭śṛṇava-mpitṛ॒ṇām | a॒ha-nde॒vānā̭mu॒ta martyā̭nām | yābhyā̭mi॒daṃ-vi~śva॒meja॒-thsamḙti | yada̭nta॒rā pi॒tara̭-mmā॒tara̭-ñca || i॒dagṃ ha॒viḥ pra॒jana̭na-mme astu | daśa̭vīragṃ sa॒rvaga̭ṇagg sva॒staye᳚ | ā॒tma॒sani̭ prajā॒sani̭ | pa॒śu॒sanya̭bhaya॒sani̭ loka॒sani̭ | a॒gniḥ pra॒jā-mba̭hu॒lā-mmḙ karotu | anna॒-mpayo॒ reto̭ a॒smāsṷ dhatta | rā॒yaspoṣa॒-miṣa॒mūrja̭ma॒smāsṷ dīdhara॒-thsvāhā᳚ || 13 ||
(i॒ndri॒yāya̭ - pi॒taraḥ̭ - śa॒tāyṷṣā pu॒nantṷ mā pitāma॒hāḥ pu॒nantu॒ prapi̭tāmahāḥ-kalpatāg-sva॒staye॒ pañca̭ ca) (a. 3)
anuvākaṃ 4 - upahomāḥ
sīsḙna॒ tantra॒-mmana̭sā manī॒ṣiṇaḥ̭ | ū॒rṇā॒sū॒treṇa̭ ka॒vayo̭ vayanti | a॒śvinā̭ ya॒jñagṃ sa̭vi॒tā sara̭svatī | indra̭sya rū॒paṃ-va~rṷṇo bhiṣa॒jyann || tada̭sya rū॒pama॒mṛta॒gṃ॒ śacī̭bhiḥ | ti॒sro da̭dhurde॒vatā᳚-ssagṃrarā॒ṇāḥ | lomā̭ni॒ śaṣpai᳚-rbahu॒dhā na tokma̭bhiḥ | tvaga̭sya mā॒gṃ॒sama̭bhava॒nna lā॒jāḥ || tada॒śvinā̭ bhi॒ṣajā̭ ru॒drava̭rtanī | sara̭svatī vayati॒ peśo॒ anta̭raḥ || 14 ||
asthi̭ ma॒jjāna॒-mmāsa̭raiḥ | kā॒ro॒ta॒reṇa॒ dadha̭to॒ gavā᳚-ntva॒ci || sara̭svatī॒ mana̭sā peśa॒laṃ-va~sṷ | nāsa̭tyābhyāṃ-va~yati darśa॒taṃ-va~puḥ̭ | rasa̭-mpari॒srutā॒ na rohi̭tam | na॒gnahu॒rdhīra॒stasa̭ra॒-nna vema̭ || paya̭sā śu॒krama॒mṛta̭-ñja॒nitra᳚m | sura̭yā॒ mūtrā᳚jjanayanti॒ retaḥ̭ | apāma̭ti-ndurma॒ti-mbādha̭mānāḥ | ūva̭ddhyaṃ॒-vā~tagṃ̭ sa॒buva॒-ntadā॒rāt || 15 ||
indraḥ̭ su॒trāmā॒ hṛda̭yena sa॒tyam | pu॒ro॒ḍāśḙna savi॒tā ja̭jāna | yakṛ̭-tklo॒mānaṃ॒-va~rṷṇo bhiṣa॒jyann | mata̭sne vāya॒vyai᳚rna mi̭nāti pi॒ttam || ā॒ntrāṇi̭ sthā॒lī madhu॒ pinva̭mānā | gudā॒ pātrā̭ṇi su॒dughā॒ na dhe॒nuḥ | śye॒nasya॒ patra॒-nna plī॒hā śacī̭bhiḥ | ā॒sa॒ndī nābhi̭ru॒dara॒-nna mā॒tā || ku॒mbho va̭ni॒ṣṭhurja̭ni॒tā śacī̭bhiḥ | yasmi॒nnagre॒ yonyā॒-ṅgarbho̭ a॒ntaḥ || 16 ||
plā॒śīrvya̭kta-śśa॒tadhā̭ra॒ uthsaḥ̭ | du॒he na ku॒mbhīg sva॒dhā-mpi॒tṛbhyaḥ̭ || mukha॒gṃ॒ sada̭sya॒ śira॒ ithsadḙna | ji॒hvā pa॒vitra̭ma॒śvinā॒ sagṃ sara̭svatī | cappa॒-nna pā॒yurbhi॒ṣaga̭sya॒ vālaḥ̭ | va॒stirna śepo॒ hara̭sā tara॒svī || a॒śvibhyā॒-ñcakṣṷra॒mṛta॒-ṅgrahā᳚bhyām | chāgḙna॒ tejo̭ ha॒viṣā̭ śṛ॒tena̭ | pakṣmā̭ṇi go॒dhūmaiḥ॒ kva̭lairu॒tāni̭ | peśo॒ na śu॒klamasi̭taṃ-va~sāte || 17 ||
avi॒rna me॒ṣo na॒si vī॒ryā̭ya | prā॒ṇasya॒ panthā̭ a॒mṛto॒ grahā᳚bhyām | sara̭sva॒tyupa॒vākai᳚rvyā॒nam | nasyā̭ni ba॒ra॒ḥi-rbada̭rai-rjajāna || indra̭sya rū॒pamṛ̭ṣa॒bho balā̭ya | karṇā᳚bhyā॒g॒ śrotra̭ma॒mṛta॒-ṅgrahā᳚bhyām | yavā॒ na ba॒ra॒ḥi-rbhru॒vi kesa̭rāṇi | ka॒rkandhṷ jajñe॒ madhṷ sāra॒gha-mmukhā᳚t || ā॒tmannu॒pasthe॒ na vṛka̭sya॒ loma̭ | mukhe॒ śmaśrṷ̄ṇi॒ na vyā᳚ghralo॒mam || 18 ||
keśā॒ na śī॒ra॒.ṣan. yaśa̭se śri॒yai śikhā᳚ | si॒gṃ॒hasya॒ loma॒ tviṣi̭-rindri॒yāṇi̭ || aṅgā᳚nyā॒tman-bhi॒ṣajā॒ tada॒śvinā᳚ | ā॒tmāna॒maṅgai॒-ssama̭dhā॒-thsara̭svatī | indra̭sya rū॒pagṃ śa॒tamā̭na॒māyuḥ̭ | ca॒ndreṇa॒ jyoti̭ra॒mṛta॒-ndadhā̭nā || sara̭svatī॒ yonyā॒-ṅgarbha̭ma॒ntaḥ | a॒śvibhyā॒-mpatnī॒ sukṛ̭ta-mbibharti | a॒pāgṃ rasḙna॒ varṷṇo॒ na sāmnā᳚ | indragg̭ śri॒yai ja॒naya̭nna॒phsu rājā᳚ || tejaḥ̭ paśū॒nāgṃ ha॒viri̭ndri॒yāva̭t | pa॒ri॒srutā॒ paya̭sā sāra॒gha-mmadhṷ | a॒śvibhyā᳚-ndu॒gdha-mbhi॒ṣajā॒ sara̭svatyā sutāsu॒tābhyā᳚m | a॒mṛta॒-ssoma॒ induḥ̭ || 19 ||
(anta̭ra - ā॒rā - da॒nta--r va̭sāte - vyāghralo॒magṃ - rājā̭ ca॒tvāri̭ ca) (a. 4)
anuvākaṃ 5 - abhiṣekaḥ
mi॒tro̭-'si॒ varṷṇo-'si | sama॒haṃ-vi~śvai᳚rde॒vaiḥ || kṣa॒trasya॒ nābhi̭rasi | kṣa॒trasya॒ yoni̭rasi || syo॒nāmāsī̭da | su॒ṣadā॒māsī̭da | mā tvā̭ higṃsīt | mā mā̭ higṃsīt || niṣa̭sāda dhṛ॒tavra̭to॒ varṷṇaḥ | pa॒styā᳚svā || 20 ||
sāmrā᳚jyāya su॒kratuḥ̭ || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | a॒śvino॒-rbhaiṣa̭jyena | teja̭se brahmavarca॒sāyā॒bhiṣi̭ñcāmi || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | sara̭svatyai॒ bhaiṣa̭jyena || 21 ||
vī॒ryā̭yā॒nnādyā̭yā॒bhiṣi̭ñcāmi || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | indra̭syendri॒yeṇa̭ | śri॒yai yaśa̭se॒ balā̭yā॒bhiṣi̭ñcāmi || ko̭-'si kata॒mo̭-'si | kasmai᳚ tvā॒ kāya̭ tvā || suślo॒kā~(4) suma̭ḍga॒lā~(4) satya̭rā॒jā(3)n || śiro̭ me॒ śrīḥ || 22 ||
yaśo॒ mukha᳚m | tviṣiḥ॒ keśā᳚śca॒ śmaśrṷ̄ṇi | rājā̭ me prā॒ṇo̭-'mṛta᳚m | sa॒mrāṭ cakṣuḥ̭ | vi॒rāṭchrotra᳚m | ji॒hvā mḙ bha॒dram | vāmmahaḥ̭ | mano̭ ma॒nyuḥ | sva॒rāḍbhāmaḥ̭ | modāḥ᳚ pramo॒dā a॒ṅgulī॒raṅgā̭ni || 23 ||
ci॒tta-mme॒ sahaḥ̭ | bā॒hū me॒ bala̭mindri॒yam | hastaṷ me॒ karma̭ vī॒rya᳚m | ā॒tmā kṣa॒tramuro॒ mama̭ | pṛ॒ṣṭīrmḙ rā॒ṣṭramu॒dara॒magṃsau᳚ | grī॒vāśca॒ śroṇyau᳚ | ū॒rū a̭ra॒tnī jānṷnī | viśo॒ me-'ṅgā̭ni sa॒rvataḥ̭ | nābhi̭rme ci॒ttaṃ-vi~॒jñāna᳚m | pā॒yurme-'pa̭citirbha॒sat || 24 ||
ā॒na॒nda॒na॒ndāvā॒ṇḍau me᳚ | bhaga॒-ssaubhā᳚gya॒-mpasaḥ̭ || jaṅghā᳚bhyā-mpa॒dbhyā-ndharmo᳚-'smi | vi॒śi rājā॒ prati̭ṣṭhitaḥ || prati̭ kṣa॒tre prati̭tiṣṭhāmi rā॒ṣṭre | pratyaśvḙṣu॒ prati̭tiṣṭhāmi॒ goṣṷ | pratyaṅgḙṣu॒ prati̭tiṣṭhāmyā॒tmann | prati̭ prā॒ṇeṣu॒ prati̭tiṣṭhāmi pu॒ṣṭe | prati॒ dyāvā̭pṛthi॒vyoḥ | pratiti̭ṣṭhāmi ya॒jñe || 25 ||
tra॒yā de॒vā ekā̭daśa | tra॒ya॒stri॒gṃ॒śā-ssu॒rādha̭saḥ | bṛha॒spati̭ purohitāḥ | de॒vasya̭ savi॒tu-ssa॒ve | de॒vā de॒vaira̭vantu mā | pra॒tha॒mā dvi॒tīyaiḥ᳚ | dvi॒tīyā᳚stṛ॒tīyaiḥ᳚ | tṛ॒tīyā᳚-ssa॒tyena̭ | sa॒tyaṃ-ya~॒jñena̭ |ya॒jño yajṷrbhiḥ || 26 ||
yajūgṃ̭ṣi॒ sāma̭bhiḥ | sāmā᳚nyṛ॒gbhiḥ | ṛco̭ yā॒jyā̭bhiḥ | yā॒jyā̭ vaṣaṭkā॒raiḥ | va॒ṣa॒ṭkā॒rā āhṷtibhiḥ | āhṷtayo me॒ kāmā॒n-thsama̭rdhayantu || bhū-ssvāhā᳚ || lomā̭ni॒ praya̭ti॒rmama̭ | tvamma॒ āna̭ti॒rāga̭tiḥ | mā॒gṃ॒sa-mma॒ upa̭natiḥ | va svasthi̭ | ma॒jjā ma॒ āna̭tiḥ || 27 ||
(pa॒styā᳚svā - sara̭svatyai॒ bhaiṣa̭jyena॒ - śrī - raṅgā̭ni - bha॒sa--dya॒jñe - ya॒jño yajṷrbhi॒ - rupa̭nati॒rdve ca̭) (a. 5)
anuvākaṃ 6 - avabhṛthaḥ
ya-ddḙvā deva॒heḍa̭nam | devā̭saścakṛ॒mā va॒yam | a॒gnirmā॒ tasmā॒dena̭saḥ | viśvā᳚-nmuñca॒tvagṃha̭saḥ || yadi॒ divā॒ yadi॒ nakta᳚m | enāgṃ̭si cakṛ॒mā va॒yam | vā॒yurmā॒ tasmā॒dena̭saḥ | viśvā᳚-nmuñca॒tvagṃha̭saḥ || yadi॒ jāgra॒-dyadi॒ svapne᳚ | enāgṃ̭si cakṛ॒mā va॒yam || 28 ||
sūryo̭ mā॒ tasmā॒dena̭saḥ | viśvā᳚-nmuñca॒tvagṃha̭saḥ || yadgrāme॒ yadara̭ṇye | ya-thsa॒bhāyāṃ॒-ya~di̭ndri॒ye | yacchū॒dre yada॒rye᳚ | ena̭ścakṛ॒mā va॒yam | yadeka॒syādhi॒ dharma̭ṇi | tasyā̭va॒yaja̭namasi || yadāpo॒ aghni̭yā॒ varu॒ṇeti॒ śapā̭mahe | tato̭ varuṇa no muñca || 29 ||
ava̭bhṛtha nicaṅkuṇa nice॒rura̭si nicaṅkuṇa | ava̭ de॒vai-rde॒vakṛ̭ta॒meno̭-'yāṭ | ava॒ martyai॒rmartya̭kṛtam | u॒rorā no̭ deva ri॒ṣaspā̭hi || su॒mi॒trā na॒ āpa॒ oṣa̭dhaya-ssantu | du॒rmi॒trāstasmai̭ bhuyāsuḥ | yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ || dru॒pa॒dādi॒ve-nmṷmucā॒naḥ | svi॒nna-ssnā॒tvī malā̭diva || 30 ||
pū॒ta-mpa॒vitrḙṇe॒vājya᳚m | āpaḥ̭ śundhantu॒ maina̭saḥ || udva॒ya-ntama̭sa॒spari̭ | paśya̭nto॒ jyoti॒rutta̭ram | de॒va-ndḙva॒trā sūrya᳚m | aga̭nma॒ jyoti̭rutta॒mam || prati̭yuto॒ varṷṇasya॒ pāśaḥ̭ | pratya̭sto॒ varṷṇasya॒ pāśaḥ̭ || edho᳚-'syedhiṣī॒mahi̭ | sa॒mida̭si || 31 ||
tejo̭-'si॒ tejo॒ mayi̭ dhehi || a॒po anva̭cāriṣam | rasḙna॒ sama̭sṛkṣmahi | paya̭svāgṃ agna॒ ā-'ga̭mam | ta-mmā॒ sagṃsṛ̭ja॒ varca̭sā | pra॒jayā̭ ca॒ dhanḙna ca || sa॒māva̭varti pṛthi॒vī | samu॒ṣāḥ | samu॒ sūryaḥ̭ | samu॒ viśva̭mi॒da-ñjaga̭t | vai॒śvā॒na॒ra jyo̭ti-rbhūyāsam | vi॒bhu-ṅkāmaṃ॒-vya~̭śnavai || bhū-ssvāhā᳚ || 32 ||
(svapna॒ enāgṃ̭si cakṛ॒mā va॒yaṃ - mṷñca॒ - malā̭diva - sa॒mida̭si॒ - jaga॒-ttrīṇi̭ ca) (a. 6)
anuvākaṃ 7 - aindre praśnau prayājānāmekādaśa maitrāvaruṇapraiṣāḥ
hotā̭ yakṣa-thsa॒midhendra̭-mi॒ḍaspa॒de | nābhā̭ pṛthi॒vyā adhi̭ | di॒vo varṣma॒n-thsami̭ddhyate | oji̭ṣṭhaścarṣaṇī॒sahāṋ | vetvājya̭sya॒ hota॒ryaja̭ || hotā̭ yakṣa॒ttanū॒napā̭tam | ū॒tibhi॒-rjetā̭ra॒-mapa̭rājitam | indra̭-nde॒vagṃ sṷva॒rvida᳚m | pa॒thibhi॒-rmadhṷmattamaiḥ | narā॒śagṃsḙna॒ teja̭sā || 33 ||
vetvājya̭sya॒ hota॒ryaja̭ || hotā̭ yakṣa॒diḍā̭bhi॒-rindra̭-mīḍi॒tam | ā॒juhvā̭na॒-mama̭rtyam | de॒vo de॒vai-ssavī᳚ryaḥ | vajra̭hastaḥ puranda॒raḥ | vetvājya̭sya॒ hota॒ryaja̭ || hotā̭ yakṣa-dba॒ra॒ḥiṣīndra̭-nniṣadva॒ram | vṛ॒ṣa॒bha-nnaryā̭pasam | vasṷbhī ru॒drairā̭di॒tyaiḥ | sa॒yugbhi̭-rba॒ra॒ḥirā 'sa̭dat || 34 ||
vetvājya̭sya॒ hota॒ryaja̭ || hotā̭ yakṣa॒dojo॒ na vī॒rya᳚m | saho॒ dvāra॒ indra̭mavardhayann | su॒prā॒ya॒ṇā viśra̭yantāmṛtā॒vṛdhaḥ̭ | dvāra॒ indrā̭ya mī॒ḍhuṣe᳚ | vi॒yantvājya̭sya॒ hota॒ryaja̭ || hotā̭ yakṣadu॒ṣe indra̭sya dhe॒nū | su॒dughḙ mā॒taraṷ ma॒hī | savā॒tarau॒ na teja̭sī | va॒thsamindra̭-mavardhatām || 35 ||
vī॒tāmājya̭sya॒ hota॒ryaja̭ || hotā̭ yakṣa॒-ddaivyā॒ hotā̭rā | bhi॒ṣajā॒ sakhā̭yā | ha॒viṣendra̭-mbhiṣajyataḥ | ka॒vī de॒vau pracḙtasau | indrā̭ya dhatta indri॒yam | vī॒tāmājya̭sya॒ hota॒ryaja̭ || hotā̭ yakṣatti॒sro de॒vīḥ | traya̭stri॒dhāta̭vo॒-'pasaḥ̭ | iḍā॒ sara̭svatī॒ bhāra̭tī || 36 ||
ma॒hīndra̭patnīr-ha॒viṣma̭tīḥ | vi॒yantvājya̭sya॒ hota॒ryaja̭ || hotā̭ yakṣa॒ttvaṣṭā̭ra॒-mindra̭-nde॒vam | bhi॒ṣajagṃ̭ su॒yaja̭-ṅghṛta॒śriya᳚m | pu॒ru॒rūpagṃ̭ su॒reta̭sa-mma॒ghoni᳚m | indrā̭ya॒ tvaṣṭā॒ dadha̭dindri॒yāṇi̭ | vetvājya̭sya॒ hota॒ryaja̭ || hotā̭ yakṣa॒-dvana॒spati᳚m | śa॒mi॒tāragṃ̭ śa॒takra̭tum | dhi॒yo jo॒ṣṭāra̭-mindri॒yam || 37 ||
maddhvā̭ sama॒ñjanpa॒thibhiḥ̭ su॒gebhiḥ̭ | svadā̭ti ha॒vya-mmadhṷnā ghṛ॒tena̭ | vetvājya̭sya॒ hota॒ryaja̭ || hotā̭ yakṣa॒dindra॒gg॒ svāhā-''jya̭sya | svāhā॒ meda̭saḥ | svāhā᳚ sto॒kānā᳚m | svāhā॒ svāhā̭kṛtīnām | svāhā̭ ha॒vyasū᳚ktīnām | svāhā̭ de॒vāgṃ ā᳚jya॒pān | svāhendragṃ̭ ho॒trājjṷṣā॒ṇāḥ | indra॒ ājya̭sya viyantu | hota॒ryaja̭ || 38 ||
(teja̭sā-'sada-davardhatāṃ॒-bhāra̭tī-ndri॒yaṃ-jṷṣā॒ṇā dve ca̭) (a. 7)
(sa॒midhendra॒-ntanū॒napā̭ta॒miḍā̭bhi-rba॒r॒hiṣyoja̭ u॒ṣe daivyā̭ ti॒srastvaṣṭā̭raṃ॒-va~na॒spati॒mindra᳚m | sa॒midhendra̭-ñca॒turvetveko̭ vi॒yantu॒ dvirvī॒tāmeko̭ vi॒yantu॒ dvirvetveko̭ vi॒yantu॒ hota॒ryaja̭ )
anuvākaṃ 8 - aindre praśnau prayājayājyāḥ
sami̭ddha॒ indra̭ u॒ṣasā॒manī̭ke | pu॒ro॒rucā̭ pūrva॒kṛdvā̭vṛdhā॒naḥ | tri॒bhirde॒vaistri॒gṃ॒śatā॒ vajra̭bāhuḥ | ja॒ghāna̭ vṛ॒traṃ-vi~ duro̭ vavāra || narā॒śagṃsaḥ॒ prati॒ śūro॒ mimā̭naḥ | tanū॒napā॒t-prati̭ ya॒jñasya॒ dhāma̭ | gobhi̭-rva॒pāvā॒-nmadhṷnā sama॒ñjann | hira̭ṇyaiśca॒ndrī ya̭jati॒ pracḙtāḥ || ī॒ḍi॒to de॒vairhari̭vāgṃ abhi॒ṣṭiḥ | ā॒juhvā̭no ha॒viṣā॒ śardha̭mānaḥ || 39 ||
pu॒ra॒daṃ॒ro ma॒ghavā॒n॒. vajra̭bāhuḥ | āyā̭tu ya॒jñamupa̭ no juṣā॒ṇaḥ || ju॒ṣā॒ṇo ba॒ra॒ḥirhari̭vānna॒ indraḥ̭ | prā॒cīnagṃ̭ sīdatpra॒diśā̭ pṛthi॒vyāḥ | u॒ru॒vyacāḥ॒ pratha̭mānagg syo॒nam | ā॒di॒tyaira॒ktaṃ-va~sṷbhi-ssa॒joṣāḥ᳚ || indra॒-nduraḥ̭ kava॒ṣyo̭ dhāva̭mānāḥ | vṛṣā̭ṇaṃ-ya~ntu॒ jana̭ya-ssu॒patnīḥ᳚ | dvāro̭ de॒vīra॒bhito॒ viśra̭yantām | su॒vīrā̭ vī॒ra-mpratha̭mānā॒ maho̭bhiḥ || 40 ||
u॒ṣāsā॒ naktā̭ bṛha॒tī bṛ॒hanta᳚m | paya̭svatī su॒dughe॒ śūra॒mindra᳚m | peśa̭svatī॒ tantṷnā saṃ॒vya~ya̭ntī | de॒vānā᳚-nde॒vaṃ-ya~̭jata-ssuru॒kme || daivyā॒ mimā̭nā॒ mana̭sā puru॒trā | hotā̭rā॒vindra̭-mpratha॒mā su॒vācā᳚ | mū॒rdhan. ya॒jñasya॒ madhṷnā॒ dadhā̭nā | prā॒cīna॒-ñjyoti̭rha॒viṣā̭ vṛdhātaḥ || ti॒sro de॒vīrha॒viṣā॒ vardha̭mānāḥ | indra̭-ñjuṣā॒ṇā vṛṣa̭ṇa॒-nna patnīḥ᳚ || 41 ||
acchi̭nna॒-ntantu॒-mpaya̭sā॒ sara̭svatī | iḍā̭ de॒vī bhāra̭tī vi॒śvatū᳚rtiḥ || tvaṣṭā॒ dadha॒dindrā̭ya॒ śuṣma᳚m | apā॒ko-'ci̭ṣṭurya॒śasḙ pu॒rūṇi̭ | vṛṣā॒ yaja॒n vṛṣa̭ṇa॒-mbhūri̭retāḥ | mū॒rdhan. ya॒jñasya॒ sama̭naktu de॒vān || vana॒spati॒-rava̭sṛṣṭo॒ na pāśaiḥ᳚ | tmanyā̭ sama॒ñjañcha̭mi॒tā na de॒vaḥ | indra̭sya ha॒vyairja॒ṭhara̭-mpṛṇā॒naḥ | svadā̭ti ha॒vya-mmadhṷnā ghṛ॒tena̭ || sto॒kānā॒mindu॒-mprati॒ śūra॒ indraḥ̭ | vṛ॒ṣā॒yamā̭ṇo vṛṣa॒bha-stṷrā॒ṣāṭ | ghṛ॒ta॒pruṣā॒ madhṷnā ha॒vyamu॒ndann | mū॒rdhan. ya॒jñasya̭ juṣatā॒g॒ svāhā᳚ || 42 ||
(śardha̭māno॒ - maho̭bhiḥ॒ - patnī᳚--r ghṛ॒tena̭ ca॒tvāri̭ ca) (a. 8)
anuvākaṃ 9 - aindre praśnau vapādīnāṃ-yā~jyānuvākyāḥ
āca̭rṣaṇi॒prā vṛ̭ṣa॒bho janā̭nām | rājā̭ kṛṣṭī॒nā-mpṷruhū॒ta indraḥ̭ | stu॒ta-śśra̭va॒syannava॒sopa̭ma॒drik | yu॒ktvā harī॒ vṛṣa॒ṇā ''yā᳚hya॒rvām ||, vi॒veṣa॒ yanmā̭ dhi॒ṣaṇā̭ ja॒jāna॒ stavai̭ pu॒rā pāryā॒dindra॒ mahnaḥ̭ | agṃha̭so॒ yatra̭ pī॒para॒dyathā̭ no nā॒veva॒ yānta̭ mu॒bhayḙ havante |||| tagṃ sa॒dhrīcī̭rū॒tayo॒ vṛṣṇi̭yāni | pauggsyā̭ni ni॒yutaḥ̭ saścu॒rindra᳚m | sa॒mu॒dra-nna sindha̭va u॒kthaśṷṣmāḥ | u॒ru॒vyaca̭sa॒giṃra॒ āvi̭śanti |||| sa॒tyamittanna tvāvāgṃ̭ a॒nyo asti̭ | indra̭ de॒vo na martyo॒ jyāyāṋ | aha॒nnahi̭-mpari॒śayā̭na॒marṇaḥ̭ | avā̭sṛjo॒-'po acchā̭ samu॒dram || prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām || sa śevṛ̭dha॒madhi̭dhā dyu॒mnama॒sme | mahi̭ kṣa॒tra-ñja̭nā॒ṣāḍi̭ndra॒ tavya᳚m | rakṣā̭ ca no ma॒ghonaḥ̭ pā॒hi sū॒rīn | rā॒ye ca̭ na-ssvapa॒tyā i॒ṣe dhāḥ᳚ || 43 ||
(re॒vatī̭nā-ñca॒tvāri̭ ca) (a. 9)
anuvākaṃ 10 - aindre praśnau anuyājānāmekādaśa maitrāvaruṇapraiṣāḥ
de॒va-mba॒r॒hirindragṃ̭ sude॒va-nde॒vaiḥ | vī॒rava̭-thstī॒rṇaṃ-ve~dyā̭mavardhayat | vasto᳚rvṛ॒ta-mprākto᳚rbhṛ॒tam | rā॒yā ba॒r॒hiṣma॒to-'tya̭gāt | va॒su॒vanḙ vasu॒dheya̭sya vetu॒ yaja̭ || de॒vīrdvāra॒ indragṃ̭ saṅghā॒te | vi॒ḍvīryāma̭nnavardhayann | ā va॒thsena॒ tarṷṇena kumā॒reṇa̭ ca mīvi॒tā apārvā̭ṇam | re॒ṇuka̭kāṭa-nnudantām | va॒su॒vanḙ vasu॒dheya̭sya viyantu॒ yaja̭ || 44 ||
de॒vī u॒ṣāsā॒ naktā᳚ | indraṃ̭-ya~॒jñe pra̭ya॒tya̭hvetām | daivī॒rviśaḥ॒ prāyā̭siṣṭām | suprī̭te॒ sudhi̭te abhūtām | va॒su॒vanḙ vasu॒dheya̭sya vītāṃ॒-ya~ja̭ || de॒vī joṣṭrī॒ vasṷdhitī | de॒vamindra̭mavardhatām | ayā᳚vya॒nyā-'ghā dveṣāgṃ̭si | ā-'nyā vā᳚kṣī॒-dvasu॒ vāryā̭ṇi | yaja̭mānāya śikṣi॒te || 45 ||
va॒su॒vanḙ vasu॒dheya̭sya vītāṃ॒-ya~ja̭ || de॒vī ū॒rjāhṷtī॒ dughḙ su॒dughe᳚ | paya॒sendra̭mavardhatām | iṣa॒mūrja̭ma॒nyā 'vā᳚kṣīt | sagdhi॒gṃ॒ sapī̭tima॒nyā | navḙna॒ pūrva॒-ndaya̭māne | pu॒rā॒ṇena॒ nava᳚m | adhā̭tā॒-mūrja̭mū॒rjāhṷtī॒ vasu॒ vāryā̭ṇi | yaja̭mānāya śikṣi॒te | va॒su॒vanḙ vasu॒dheya̭sya vītāṃ॒-ya~ja̭ || 46 ||
de॒vā daivyā॒ hotā̭rā | de॒vamindra̭mavardhatām | ha॒tāgha̭śagṃ sā॒vābhā᳚rṣṭāṃ॒-va~su॒ vāryā̭ṇi | yaja̭mānāya śikṣi॒tau | va॒su॒vanḙ vasu॒dheya̭sya vītāṃ॒-ya~ja̭ || de॒vīsti॒srasti॒sro de॒vīḥ | pati॒mindra̭mavardhayann | aspṛ̭kṣa॒dbhāra̭tī॒ diva᳚m | ru॒drairya॒jñagṃ sara̭svatī | iḍā॒ vasṷmatī gṛ॒hān || 47 ||
va॒su॒vanḙ vasu॒dheya̭sya viyantu॒ yaja̭ || de॒va indro॒ narā॒śagṃsaḥ̭ | tri॒va॒rū॒tha-stri̭vandhu॒raḥ | de॒vamindra̭mavardhayat | śa॒tena̭ śitipṛ॒ṣṭhānā॒māhi̭taḥ | sa॒hasrḙṇa॒ prava̭rtate | mi॒trāvaru॒ṇeda̭sya ho॒tramarha̭taḥ | bṛha॒spatiḥ̭ sto॒tram | a॒śvinā-''ddhva̭ryavam | va॒su॒vanḙ vasu॒dheya̭sya vetu॒ yaja̭ || 48 ||
de॒va indro॒ vana॒spatiḥ̭ | hira̭ṇyaparṇo॒ madhṷśākha-ssupippa॒laḥ | de॒vamindra̭mavardhayat | diva॒magrḙṇāprāt | ā-'ntari̭kṣa-mpṛthi॒vīma̭dṛgṃhīt | va॒su॒vanḙ vasu॒dheya̭sya vetu॒ yaja̭ || de॒va-mba॒ra॒ḥirvāri̭tīnām | de॒vamindra̭mavardhayat | svā॒sa॒stha-mindre॒ṇāsa̭nnam | a॒nyā ba॒r॒hīgṣya॒bhya̭bhūt | va॒su॒vanḙ vasu॒dheya̭sya vetu॒ yaja̭ || de॒vo a॒gni-ssvi̭ṣṭa॒kṛt | de॒vamindra̭mavardhayat | svi̭ṣṭa-ṅku॒rvan-thsvi̭ṣṭa॒kṛt | svi̭ṣṭama॒dya ka̭rotu naḥ | va॒su॒vanḙ vasu॒dheya̭sya vetu॒ yajḙ || 49 ||
(vi॒ya॒ntu॒ yaja̭ - śikṣi॒te - śi̭kṣi॒te va̭su॒vanḙ vasu॒dheya̭sya vītāṃ॒-ya~ja̭-gṛ॒hān.-vḙtu॒ yajā̭-bhū॒-thṣaṭca̭) (a. 10)
de॒va-mba॒r॒hi-rde॒vīrdvāro̭ de॒vī u॒ṣāsā॒ naktā̭ de॒vī joṣṭrī̭ de॒vī ū॒rjāhṷtī de॒vā daivyā॒ hotā̭rā śikṣi॒tau de॒vīsti॒srasti॒sro de॒vīḥ pati̭-nde॒va indro॒ narā॒śagṃso̭ de॒va indro॒ vana॒spati̭-rde॒va-mba॒r॒hirvāri̭tīnā-nde॒vo a॒gni-ssvi̭ṣṭa॒kṛ-dde॒vam | ve॒tu॒ vi॒ya॒ntu॒ ca॒turvī̭tā॒meko̭ viyantu ca॒turvḙtu | a॒va॒rdha॒ya॒da॒va॒rdha॒ya॒-ntrira̭vardhatā॒meko̭ 'vardhayagg śca॒tura̭vardhayat | vasto॒rā va॒thsena॒ daivī॒rayā॒vīṣagṃ̭ ha॒tāspṛ̭kṣaccha॒tena॒ diva॒mindragg̭ svāsa॒sthagg svi̭ṣṭam | śikṣi॒te śi̭kṣi॒te śi̭kṣi॒tau |
anuvākaṃ 11 - paśutraye praya jārthā maitrāvaruṇapraiṣāḥ
hotā̭ yakṣa-thsa॒midhā॒-'gni-mi॒ḍaspa॒de | a॒śvinendra॒gṃ॒ sara̭svatīm | a॒jo dhū॒mro na go॒dhūmaiḥ॒ kva̭lairbheṣa॒jam | madhu॒ śaṣpai॒rna teja̭ indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒ttanū॒napā॒-thsara̭svatī | avi̭rme॒ṣo na bhḙṣa॒jam | pa॒thā madhṷma॒tā ''bha̭rann | a॒śvinendrā̭ya vī॒rya᳚m || 50 ||
bada̭rairupa॒vākā̭bhi-rbheṣa॒ja-ntokma̭bhiḥ | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒nnarā॒śagṃsa॒na-nna॒gnahu᳚m | pati॒gṃ॒ surā̭yai bheṣa॒jam | me॒ṣa-ssara̭svatī bhi॒ṣak | ratho॒ na ca॒ndrya̭śvino᳚rva॒pā indra̭sya vī॒rya᳚m | bada̭rairupa॒vākā̭bhi-rbheṣa॒ja-ntokma̭bhiḥ | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || 51 ||
hotā̭ yakṣadi॒ḍeḍi॒ta ā॒juhvā̭na॒-ssara̭svatīm | indra॒-mbalḙna va॒rdhayanṋ | ṛ॒ṣa॒bheṇa॒ gave᳚ndri॒yam | a॒śvinendrā̭ya vī॒rya᳚m | yavaiḥ᳚ ka॒rkandhṷbhiḥ | madhṷ lā॒jairna māsa̭ram | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-dba॒ra॒ḥi-ssu॒ṣṭarī॒mo-'rṇa̭mradāḥ | bhi॒ṣannāsa̭tyā || 52 ||
bhi॒ṣajā॒-'śvinā-'śvā॒ śiśṷmatī | bhi॒ṣagdhe॒nu-ssara̭svatī | bhi॒ṣagdu॒ha indrā̭ya bheṣa॒jam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒dduro॒ diśaḥ̭ | ka॒va॒ṣyo̭ na vyaca̭svatīḥ | a॒śvibhyā॒-nna duro॒ diśaḥ̭ | indro॒ na roda̭sī॒ dughe᳚ | du॒he kāmā॒n-thsara̭svatī || 53 ||
a॒śvinendrā̭ya bheṣa॒jam | śu॒kra-nna jyoti̭rindri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-thsu॒peśa̭so॒ṣe nakta॒-ndivā᳚ | a॒śvinā̭ sañjānā॒ne | sama̭ñjāte॒ sara̭svatyā | tviṣi॒mindre॒ na bhḙṣa॒jam | śye॒no na raja̭sā hṛ॒dā | paya॒-ssomaḥ̭ pari॒srutā̭ ghṛ॒ta-mmadhṷ || 54 ||
vi॒yantvājya̭sya॒ hota॒ryaja̭ || hotā̭ yakṣa॒ddaivyā॒ hotā̭rā bhi॒ṣajā॒-'śvinā᳚ | indra॒-nna jāgṛ̭vī॒ divā॒ nakta॒-nna bhḙṣa॒jaiḥ | śūṣa॒gṃ॒ sara̭svatī bhi॒ṣak | sīsḙna duha indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-tti॒sro de॒vīrna bhḙṣa॒jam | traya̭stri॒dhāta̭vo॒-'pasaḥ̭ | rū॒pamindrḙ hira॒ṇyaya᳚m || 55 ||
a॒śvineḍā॒ na bhāra̭tī | vā॒cā sara̭svatī | maha॒ indrā̭ya dadhurindri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒ttvaṣṭā̭ra॒-mindra̭ma॒śvinā᳚ | bhi॒ṣaja॒-nna sara̭svatīm | ojo॒ na jū॒tiri̭ndri॒yam | vṛko॒ na ra̭bha॒so bhi॒ṣak | yaśa॒-ssura̭yā bheṣa॒jam || 56 ||
śri॒yā na māsa̭ram | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒-dvana॒spati᳚m | śa॒mi॒tāragṃ̭ śa॒takra̭tum | bhī॒ma-nna ma॒nyugṃ rājā̭naṃ-vyā~॒ghra-nnama̭sā॒-'śvinā॒ bhāma᳚m | sara̭svatī bhi॒ṣak | indrā̭ya duha indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || 57 ||
hotā̭ yakṣada॒gnigg svāhā-''jya̭sya sto॒kānā᳚m | svāhā॒ meda̭sā॒-mpṛtha̭k | svāhā॒ chāga̭ma॒śvibhyā᳚m | svāhā̭ me॒ṣagṃ sara̭svatyai | svāhā̭rṣa॒bha-mindrā̭ya si॒gṃ॒hāya॒ saha̭sendri॒yam | svāhā॒-'gni-nna bhḙṣa॒jam | svāhā॒ soma̭mindri॒yam | svāhendragṃ̭ su॒trāmā̭ṇagṃ savi॒tāraṃ॒-va~rṷṇa-mbhi॒ṣajā॒-mpati᳚m | svāhā॒ vana॒spati̭-mpri॒ya-mpātho॒ na bhḙṣa॒jam | svāhā̭ de॒vāgṃ ā᳚jya॒pān || 58 ||
svāhā॒-'gnigṃ ho॒trājjṷṣā॒ṇo a॒gni-rbhḙṣa॒jam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣada॒śvinā॒ sara̭svatī॒mindragṃ̭ su॒trāmā̭ṇam | i॒me somā᳚-ssu॒rāmā̭ṇaḥ | chāgai॒rna me॒ṣair-ṛ̭ṣa॒bhai-ssu॒tāḥ | śaṣpai॒rna tokma̭bhiḥ | lā॒jairmaha̭svantaḥ | madā॒ māsa̭reṇa॒ pari̭ṣkṛtāḥ | śu॒krāḥ paya̭svanto॒-'mṛtāḥ᳚ | prasthi̭tā vo madhu॒ścutaḥ̭ | tāna॒śvinā॒ sara̭sva॒tīndraḥ̭ su॒trāmā̭ vṛtra॒hā | ju॒ṣantāgṃ̭ sau॒mya-mmadhṷ | piba̭ntu॒ mada̭ntu vi॒yantu॒ soma᳚m | hota॒ryaja̭ || 59 ||
(vī॒ryaṃ - ~vi॒yantvājya̭sya॒ hota॒ryaja॒ - nāsa̭tyā॒ - sara̭svatī॒ - madhṷ - hira॒ṇyayaṃ̭ - bheṣa॒jaṃ - ~vi॒yantvājya̭sya॒ hota॒ryajā᳚ - jya॒pā - na॒mṛtāḥ॒ pañca̭ ca) (a. 11)
sa॒midhā॒-'gnigṃ ṣaṭ | tanū॒napā᳚-thsa॒pta | narā॒śagṃsa॒mṛṣiḥ̭ | i॒ḍeḍi॒to yavai̭ra॒ṣṭau | ba॒r॒hi-ssa॒pta | duro॒-'śvinā̭ śu॒krannava̭ | su॒peśa̭so॒ṣe nakta॒mṛṣiḥ̭| daivyā॒ hotā̭rā॒ sīsḙna॒ rasaḥ̭ | ti॒srastvaṣṭā̭rama॒ṣṭāva̭ṣṭau | vana॒spati॒mṛṣiḥ̭ | a॒gni-ntrayo̭daśa | a॒śvinā॒ dvāda̭śa॒ trayo̭daśa | sa॒midhā॒-'gni-mbada̭rai॒-rbada̭rai॒-ryavai̭ra॒śvinā॒ tviṣi̭ma॒śvinā॒ na bhḙṣa॒jagṃ rū॒pama॒śvinā̭ bhī॒ma-mbhāma᳚m |
anuvākaṃ 12 - paśutraye prayājayājyā āpriyaḥ
sami̭ddho a॒gnira̭śvinā | ta॒pto gha॒rmo vi॒rāṭ-thsu॒taḥ | du॒he dhe॒nu-ssara̭svatī | somagṃ̭ śu॒krami॒hendri॒yam || ta॒nū॒pā bhi॒ṣajā̭ su॒te | a॒śvino॒bhā sara̭svatī | maddhvā॒ rajāgṃ̭sīndri॒yam | indrā̭ya pa॒thibhi̭-rvahān || indrā॒yendu॒gṃ॒ sara̭svatī | narā॒śagṃsḙna na॒gnahuḥ̭ || 60 ||
adhā̭tāma॒śvinā॒ madhṷ | bhe॒ṣa॒ja-mbhi॒ṣajā̭ su॒te || ā॒juhvā̭nā॒ sara̭svatī | indrā̭yendri॒yāṇi̭ vī॒rya᳚m | iḍā̭bhiraśvinā॒viṣa᳚m | samūrja॒gṃ॒ sagṃ ra॒yi-nda̭dhuḥ || aśvi̭nā॒ namṷce-ssu॒tam | somagṃ̭ śu॒kra-mpa̭ri॒srutā᳚ | sara̭svatī॒ tamābha̭rat | ba॒r॒hiṣendrā̭ya॒ pāta̭ve || 61 ||
ka॒va॒ṣyo̭ na vyaca̭svatīḥ | a॒śvibhyā॒-nna duro॒ diśaḥ̭ | indro॒ na roda̭sī॒ dughe᳚ | du॒he kāmā॒n-thsara̭svatī || u॒ṣāsā॒ nakta̭maśvinā | divendragṃ̭ sā॒yami̭ndri॒yaiḥ | sa॒jā॒nnā॒ne su॒peśa̭sā | sama̭ñjāte॒ sara̭svatyā || pā॒ta-nno̭ aśvinā॒ divā᳚ | pā॒hi naktagṃ̭ sarasvati || 62 ||
daivyā̭ hotārā bhiṣajā | pā॒tamindra॒gṃ॒ sacā̭ su॒te || ti॒srastre॒dhā sara̭svatī | a॒śvinā॒ bhāra॒tīḍā᳚ | tī॒vra-mpa̭ri॒srutā॒ soma᳚m | indrā̭ya suṣavu॒rmada᳚m || aśvi̭nā bheṣa॒ja-mmadhṷ | bhe॒ṣa॒ja-nna॒-ssara̭svatī | indre॒ tvaṣṭā॒ yaśa॒-śśriya᳚m | rū॒pagṃ rṷ̄pamadhu-ssu॒te || ṛ॒tu॒thendro॒ vana॒spatiḥ̭ | śa॒śa॒mā॒naḥ pa̭ri॒srutā᳚ | kī॒lāla̭ma॒śvibhyā॒-mmadhṷ | du॒he dhe॒nu-ssara̭svatī || gobhi॒rna soma̭maśvinā | māsa̭reṇa pari॒ṣkṛtā᳚ | sama̭dhātā॒gṃ॒ sara̭svatyā | svāhendrḙ su॒ta-mmadhṷ || 63 ||
(na॒gnahuḥ॒ - pāta̭ve - sarasva - tyadhu-ssu॒te᳚-'ṣṭau ca̭) (a. 12)
anuvākaṃ 13 - paśutraye vapādīnāṃ-yā~jyānuvākyāḥ
a॒śvinā̭ ha॒viri̭ndri॒yam | namṷcerdhi॒yā sara̭svatī | ā śu॒kramā̭su॒rādva॒su | ma॒ghamindrā̭ya jabhrire || yama॒śvinā॒ sara̭svatī | ha॒viṣendra॒-mava̭rdhayann | sa bi̭bheda ba॒laṃ (va॒laṃ) ma॒gham | namṷcāvāsu॒re sacā᳚ | tamindra̭-mpa॒śava॒-ssacā᳚ || a॒śvino॒bhā sara̭svatī || 64 ||
dadhā̭nā a॒bhya̭nūṣata | ha॒viṣā̭ ya॒jñami̭ndri॒yam || ya indra̭ indri॒ya-nda॒dhuḥ | sa॒vi॒tā varṷṇo॒ bhagaḥ̭ | sa su॒trāmā̭ ha॒viṣpa̭tiḥ | yaja̭mānāya saścata || sa॒vi॒tā varṷṇo॒ dadha̭t | yaja̭mānāya dā॒śuṣe᳚ | āda̭tta॒ namṷce॒rvasṷ | su॒trāmā॒ bala̭mindri॒yam || 65 ||
varṷṇaḥ, kṣa॒trami̭ndri॒yam | bhagḙna savi॒tā śriya᳚m | su॒trāmā॒ yaśa̭sā॒ bala᳚m | dadhā̭nā ya॒jñamā̭śata || aśvi̭nā॒ gobhi̭rindri॒yam | aśvḙbhi-rvī॒rya̭-mbala᳚m | ha॒viṣendra॒gṃ॒ sara̭svatī | yaja̭māna-mavardhayann || tā nāsa̭tyā su॒peśa̭sā | hira̭ṇyavartanī॒ narā᳚ | sara̭svatī ha॒viṣma̭tī | indra॒ kama̭rsu no-'vata || tā bhi॒ṣajā̭ su॒karma̭ṇā | sā su॒dughā॒ sara̭svatī | sa vṛ̭tra॒hā śa॒takra̭tuḥ | indrā̭ya dadhurindri॒yam || 66 ||
(u॒bhā sara̭svatī॒ - bala̭mindri॒yaṃ - narā॒ ṣaṭca̭) (a. 13)
anuvākaṃ 14 - paśutraye anūyājapraiṣāḥ
de॒va-mba॒r॒hi-ssara̭svatī | su॒de॒vamindrḙ a॒śvinā᳚ | tejo॒ na cakṣṷra॒kṣyoḥ | ba॒r॒hiṣā̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vīrdvāro̭ a॒śvinā᳚ | bhi॒ṣajendre॒ sara̭svatī | prā॒ṇa-nna vī॒rya̭-nna॒si | dvāro̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || 67 ||
de॒vī u॒ṣāsā̭va॒śvinā᳚ | bhi॒ṣajendre॒ sara̭svatī | bala॒-nna vāca̭mā॒sye᳚ | u॒ṣābhyā᳚-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vī joṣṭrī̭ a॒śvinā᳚ | su॒trāmendre॒ sara̭svatī | śrotra॒-nna karṇa̭yo॒ryaśaḥ̭ | joṣṭrī᳚bhyā-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || 68 ||
de॒vī ū॒rjāhṷtī॒ dughḙ su॒dughe᳚ | paya॒sendra॒gṃ॒ sara̭svatya॒śvinā̭ bhi॒ṣajā̭-'vata | śu॒kra-nna jyoti॒-sstana̭yo॒rāhṷtī dhatta indri॒yam | va॒su॒vanḙ vasu॒dheya̭sya viyantu॒ yaja̭ || de॒vā de॒vānā᳚-mbhi॒ṣajā᳚ | hotā̭rā॒vindra̭-ma॒śvinā᳚ | va॒ṣa॒ṭkā॒rai-ssara̭svatī | tviṣi॒-nna hṛda̭ye ma॒tim | hotṛ̭bhyā-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || 69 ||
de॒vī-sti॒sra-sti॒sro de॒vīḥ | sara̭svatya॒śvinā॒ bhāra॒tīḍā᳚ | śūṣa॒-nna maddhye॒ nābhyā᳚m | indrā̭ya dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒va indro॒ narā॒śagṃsaḥ̭ | tri॒va॒rū॒tha-ssara̭svatyā॒ 'śvibhyā̭mīyate॒ rathaḥ̭ | reto॒ na rū॒pama॒mṛta̭-ñja॒nitra᳚m | indrā̭ya॒ tvaṣṭā॒ dadha̭dindri॒yāṇi̭ | va॒su॒vanḙ vasu॒dheya̭sya viyantu॒ yaja̭ || 70 ||
de॒va indro॒ vana॒spatiḥ̭ | hira̭ṇyaparṇo a॒śvibhyā᳚m | sara̭svatyā-ssupippa॒laḥ | indrā̭ya pacyate॒ madhṷ | ojo॒ na jū॒timṛ̭ṣa॒bho na bhāma᳚m | vana॒spati̭rno॒ dadha̭dindri॒yāṇi̭ | va॒su॒vanḙ vasu॒dheya̭sya viyantu॒ yaja̭ || de॒va-mba॒r॒hirvāri̭tīnām | a॒ddhva॒re stī॒rṇama॒śvibhyā᳚m | ūrṇa̭mradā॒-ssara̭svatyāḥ || 71 ||
syo॒nami̭ndra te॒ sadaḥ̭ | ī॒śāyai̭ ma॒nyugṃ rājā̭na-mba॒r॒hiṣā̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vo a॒gni-ssvi̭ṣṭa॒kṛt | de॒vān.ya̭kṣa-dyathāya॒tham | hotā̭rā॒-vindra̭ma॒śvinā᳚ | vā॒cā vāca॒gṃ॒ sara̭svatīm | a॒gnigṃ somagg̭ sviṣṭa॒kṛt | svi̭ṣṭa॒ indraḥ̭ su॒trāmā̭ savi॒tā varṷṇo bhi॒ṣak | i॒ṣṭo de॒vo vana॒spatiḥ̭ | svi̭ṣṭā de॒vā ā᳚jya॒pāḥ | i॒ṣṭo a॒gnira॒gninā᳚ | hotā̭ ho॒tre svi̭ṣṭa॒kṛt | yaśo॒ na dadha̭dindri॒yam | ūrja॒mapa̭citigg sva॒dhām | va॒su॒vanḙ vasu॒dheya̭sya viyantu॒ yaja̭ || 72 ||
(dvāro̭ dadhurindri॒yaṃ-va~̭su॒vanḙ vasu॒dheya̭sya viyantu॒ yaja॒ - joṣṭrī᳚bhyā-ndadhurindri॒yaṃ-va~̭su॒vanḙ vasu॒dheya̭sya viyantu॒ yaja॒ -hotṛ̭bhyā-ndadhurindri॒yaṃ-va~̭su॒vanḙ vasu॒dheya̭sya viyantu॒ yaje᳚ - ndri॒yāṇi̭ vasu॒vanḙ vasu॒dheya̭sya viyantu॒ yaja॒ - sara̭svatyā॒ - vana॒spati॒-ṣṣaṭca̭) (a. 14)
(de॒va-mba॒r॒hi-rde॒vī-rdvāro̭ de॒vī u॒ṣāsā̭va॒śvinā̭ de॒vī joṣṭra̭ de॒vī ū॒rjāhṷ̄tī de॒vā de॒vānā᳚-mbhi॒ṣajā̭ vaṣaṭkā॒rai-rde॒vīstisrasti॒sro de॒vī-ssara̭svatī de॒va indro॒ narā॒śagṃso̭ de॒va indro॒ vana॒spati̭rde॒va-mba॒r॒hirvāri̭tīnā-nde॒voa॒gni-ssvi̭ṣṭa॒kṛ-dde॒vān) |
(sa॒midhā॒-'gni-nde॒va-mba॒r॒hi-ssara̭svatyā॒śvinā॒ sarvaṃ̭-vi~yantu | dvāra̭sti॒sra-ssaṃrva̭ viyantu | a॒ja indra॒mojo॒-'gni-mpara॒-ssara̭svatīm | nakta॒mpūrva॒-ssara̭svati | a॒nyatra॒ sara̭svati | bhi॒ṣa-kpūrva̭-nduha indri॒yam | a॒nyatra̭ dadhurindri॒yam | sau॒trā॒ma॒ṇyāgṃ sṷtāsu॒tī | a॒ñjantya॒yaṃ-ya~ja̭mānaḥ)
anuvākaṃ 15 - sūktavākapraiṣaḥ
a॒gnima॒dya hotā̭ramavṛṇīta | a॒yagṃ sṷtāsu॒tī yaja̭mānaḥ | paca̭-npa॒ktīḥ | paca̭-npuro॒ḍāśāṋ | gṛ॒hṇa-ngrahāṋ | ba॒ddhnanna॒śvibhyā॒-ñchāga॒gṃ॒ sara̭svatyā॒ indrā̭ya | ba॒ddhnan-thsara̭svatyai me॒ṣamindrā̭yā॒śvibhyā᳚m | ba॒ddhnannindrā̭yarṣa॒bha-ma॒śvibhyā॒gṃ॒ sara̭svatyai | sū॒pa॒sthā a॒dya de॒vo vana॒spati̭rabhavat | a॒śvibhyā॒-ñchāgḙna॒ sara̭svatyā॒ indrā̭ya || 73 ||
sara̭svatyai me॒ṣeṇendrā̭yā॒śvibhyā᳚m | indrā̭yarṣa॒bheṇā॒śvibhyā॒gṃ॒ sara̭svatyai | akṣa॒gg॒stānmḙda॒staḥ prati̭ paca॒tā-'gra̭bhīṣuḥ | avī̭vṛdhanta॒ grahaiḥ᳚ | apā̭tāma॒śvinā॒ sara̭sva॒tīndraḥ̭ su॒trāmā̭ vṛtra॒hā | somā᳚n-thsu॒rāmṇaḥ̭ | upo̭ ukthāma॒dā-śśrau॒dvimadā̭ adann | avī̭vṛdha-ntāṅgū॒ṣaiḥ | tvāma॒dyarṣa̭ ārṣeyarṣīṇā-nnapādavṛṇīta | a॒yagṃ sṷtāsu॒tī yaja̭mānaḥ | ba॒hubhya॒ āsaṅga̭tebhyaḥ | e॒ṣa mḙ de॒veṣu॒ vasu॒ vāryā ya̭kṣyata॒ iti̭ | tā yā de॒vā dḙva॒dānā॒nyaduḥ̭ | tānya̭smā॒ ā ca॒ śāsva̭ | ā ca̭ gurasva | i॒ṣi॒taśca̭ hota॒rasi̭ bhadra॒vācyā̭ya॒ preṣi̭to॒ mānṷṣaḥ | sū॒kta॒vā॒kāya̭ sū॒ktā brṷ̄hi || 74 ||
(indrā̭ya॒ - yaja̭māna-ssa॒pta ca̭) (a. 15)
anuvākaṃ 16 - pitṛyajñayājyānuvākyāḥ
u॒śanta̭stvā havāmaha u॒śanta॒-ssami̭dhīmahi | u॒śannṷśa॒ta ā va̭ha pi॒tṝn ha॒viṣe॒ atta̭ve ||, ā no̭ agne suke॒tunā᳚ | ra॒yiṃ-vi~॒śvāyṷpoṣasam | mā॒rḍī॒ka-ndhḙhi jī॒vase᳚ ||| tvagṃ so̭ma ma॒he bhaga᳚m | tvaṃ-yū~na̭ ṛtāya॒te | dakṣa̭-ndadhāsi jī॒vase᳚ ||,tvagṃ so̭ma॒ praci̭kito manī॒ṣā tvagṃ raji̭ṣṭha॒manṷ neṣi॒ panthā᳚m | tava॒ praṇī̭tī pi॒taro̭ na indo de॒veṣu॒ ratna̭ma bhajanta॒ dhīrāḥ᳚ ||| tvayā॒ hi naḥ̭ pi॒taraḥ̭ soma॒ pūrve॒ karmā̭ṇi ca॒kruḥ pa̭vamāna॒ dhīrāḥ᳚ | va॒nvannavā̭taḥ pari॒dhīgṃ rapo᳚rṇu vī॒rebhi॒raśvai᳚rma॒ghavā̭ bhavā naḥ ||, tvagṃ so̭ma pi॒tṛbhiḥ̭ saṃvi~dā॒no-'nu॒ dyāvā̭pṛthi॒vī ā ta̭tantha | tasmai̭ ta indo ha॒viṣā̭ vidhema va॒yagg syā̭ma॒ pata̭yo rayī॒ṇām || | barhi̭ṣadaḥ pitara ū॒tya̭rvāgi॒mā vo̭ ha॒vyā ca̭kṛmā ju॒ṣadhva᳚m | ta ā ga॒tā-'va̭sā॒ śa-nta̭me॒nāthā॒smabhya॒gṃ॒ śaṃ-yo~ra̭ra॒po da̭dhāta ||, ā-'ha-mpi॒tṝn-thsṷvi॒datrāgṃ̭ avithsi॒ napā̭ta-ñca vi॒krama̭ṇa-ñca॒ viṣṇoḥ᳚ | ba॒rhi॒ṣado॒ ye sva॒dhayā̭ su॒tasya॒ bhaja̭nta pi॒tvasta i॒hā-'' ga̭miṣṭhāḥ || | upa̭hūtāḥ pi॒taraḥ̭ so॒myāso̭ barhi॒ṣyḙṣu ni॒dhiṣṷ pri॒yeṣṷ | ta ā ga̭mantu॒ ta i॒ha śrṷva॒ntvadhi̭ bruvantu॒ te a̭vantva॒smān ||, agni̭ṣvāttāḥ pitara॒ eha ga̭cchata॒ sadaḥ̭ sada-ssadata supraṇītayaḥ | a॒ttā ha॒vīgṃṣi॒ praya̭tāni ba॒r॒hiṣyathā̭ ra॒yigṃ sarva̭vīra-ndadhātana || || a॒gni॒ṣvā॒ttānṛ̭tu॒mato̭ havāmahe | narā॒śagṃsḙ somapī॒thaṃ-ya~ ā॒śuḥ | te no॒ arva̭nta-ssu॒havā̭ bhavantu | śa-nno̭ bhavantu dvi॒pade॒ śa-ñcatṷṣpade || ye a̭gniṣvā॒ttā ye-'na̭gniṣvāttāḥ || 75 ||
a॒gṃ॒ho॒mucaḥ̭ pi॒taraḥ̭ so॒myāsaḥ̭ | pare-'va̭re॒-'mṛtā̭so॒ bhava̭ntaḥ | adhi̭bruvantu॒ te a̭vantva॒smān || vā॒nyā̭yai du॒gdhe ju॒ṣamā̭ṇāḥ kara॒mbham | u॒dīrā̭ṇā॒ ava̭re॒ parḙ ca | a॒gni॒ṣvā॒ttā ṛ॒tubhiḥ̭ saṃvi~dā॒nāḥ | indra̭vanto ha॒viri॒da-ñjṷṣantām || yada̭gne kavyavāhana pi॒tṝn yakṣyṛ̭tā॒vṛdhaḥ̭ | pra ca̭ ha॒vyāni̭ vakṣyasi de॒vebhya̭śca pi॒tṛbhya॒ ā ||, tvama̭gna īḍi॒to jā̭tave॒do-'vā᳚ḍḍha॒vyāni̭ sura॒bhīṇi̭ kṛ॒tvā | prādāḥ᳚ pi॒tṛbhyaḥ̭ sva॒dhayā॒ te a̭kṣanna॒ddhi tva-ndḙva॒ praya̭tā ha॒vīgṃṣi̭ | | māta̭lī ka॒vyairya॒mo aṅgi̭robhi॒ rbṛha॒spati॒r-ṛkva̭bhi rvāvṛdhā॒naḥ | yāgśca̭ de॒vā vā̭vṛ॒dhurye ca̭ de॒vān-thsvāhā॒-'nye sva॒dhayā॒-'nye ma̭danti || || ye tā̭tṛ॒purdḙva॒trā jeha̭mānāḥ | ho॒trā॒vṛdha॒-sstoma̭taṣṭāso a॒rkaiḥ | ā-'gnḙ yāhi suvi॒datrḙbhira॒rvām | sa॒tyaiḥ ka॒vyaiḥ pi॒tṛbhi̭-rgharma॒sadbhiḥ̭ || ha॒vya॒vāha̭ma॒jara̭-mpurupri॒yam | a॒gni-ṅghṛ॒tena̭ ha॒viṣā̭ sapa॒ryann | upā̭sada-ṅkavya॒vāha̭-mpitṛ॒ṇām | sa naḥ̭ pra॒jāṃ-vī~॒rava̭tī॒gṃ॒ samṛ̭ṇvatu || 76 ||
(ana̭gniṣvāttā॒ - jeha̭mānā-ssa॒pta ca̭) (a. 16)
anuvākaṃ 17 - aindro paśau ekādaśa prayājāḥ
hotā̭ yakṣadi॒ḍaspa॒de | sa॒mi॒dhā॒na-mma॒hadyaśaḥ̭ | suṣa̭middhaṃ॒-va~re᳚ṇyam | a॒gnimindraṃ̭-va~yo॒dhasa᳚m | gā॒ya॒trī-ñchanda̭ indri॒yam | tryavi॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒cchuci̭vratam | tanū॒napā̭tamu॒dbhida᳚m | ya-ṅgarbha॒madi̭tirda॒dhe || 77 ||
śuci॒mindraṃ̭-va~yo॒dhasa᳚m | u॒ṣṇiha॒-ñchanda̭ indri॒yam | di॒tya॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣadī॒ḍenya᳚m | ī॒ḍi॒taṃ-vṛ~̭tra॒hanta̭mam | iḍā̭bhi॒rīḍya॒gṃ॒ sahaḥ̭ | soma॒mindraṃ̭-va~yo॒dhasa᳚m | a॒nu॒ṣṭubha॒-ñchanda̭ indri॒yam | tri॒va॒thsa-ṅgāṃ-va~yo॒ dadha̭t || 78 ||
vetvājya̭sya॒ hota॒ryaja̭ || hotā̭ yakṣa-thsubarhi॒ṣada᳚m | pū॒ṣa॒ṇvanta॒-mama̭rtyam | sīda̭nta-mba॒r॒hiṣi̭ pri॒ye | a॒mṛtendraṃ̭-va~yo॒dhasa᳚m | bṛ॒ha॒tī-ñchanda̭ indri॒yam | pañcā̭vi॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-dvyaca̭svatīḥ | su॒prā॒ya॒ṇā ṛ̭tā॒vṛdhaḥ̭ || 79 ||
dvāro̭ de॒vīrhi̭ra॒ṇyayīḥ᳚ | bra॒hmāṇa॒ indraṃ̭-va~yo॒dhasa᳚m | pa॒ṅkti-ñchanda̭ i॒hendri॒yam | tu॒rya॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa-thsu॒peśa̭se | su॒śi॒lpe bṛ̭ha॒tī u॒bhe | nakto॒ṣāsā॒ na da̭rśa॒te | viśva॒mindraṃ̭-va~yo॒dhasa᳚m | tri॒ṣṭubha॒-ñchanda̭ indri॒yam || 80 ||
pa॒ṣṭha॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-tpracḙtasā | de॒vānā̭mutta॒maṃ-ya~śaḥ̭ | hotā̭rā॒ daivyā̭ ka॒vī | sa॒yujendraṃ̭-va~yo॒dhasa᳚m | jaga̭tī॒-ñchanda̭ i॒hendri॒yam | a॒na॒ḍvāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-tpeśa̭svatīḥ || 81 ||
ti॒sro de॒vīrhi̭ra॒ṇyayīḥ᳚ | bhāra̭tī-rbṛha॒tīrma॒hīḥ | pati॒mindraṃ̭-va~yo॒dhasa᳚m | vi॒rāja॒-ñchanda̭ i॒hendri॒yam | dhe॒nu-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣa-thsu॒reta̭sam | tvaṣṭā̭ra-mpuṣṭi॒vardha̭nam | rū॒pāṇi॒ bibhra̭ta॒-mpṛtha̭k | puṣṭi॒mindraṃ̭-va~yo॒dhasa᳚m || 82 ||
dvi॒pada॒-ñchanda̭ i॒hendri॒yam | u॒kṣāṇa॒-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣaccha॒takra̭tum | hira̭ṇyaparṇa-mu॒kthina᳚m | ra॒śa॒nā-mbibhra̭taṃ-va~॒śim | bhaga॒mindraṃ̭-va~yo॒dhasa᳚m | ka॒kubha॒-ñchanda̭ i॒hendri॒yam | va॒śāṃ-ve~॒hata॒-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣa॒-thsvāhā̭kṛtīḥ | a॒gni-ṅgṛ॒hapa̭ti॒-mpṛtha̭k | varṷṇa-mbheṣa॒ja-ṅka॒vim | kṣa॒tramindraṃ̭-va~yo॒dhasa᳚m | ati̭cchandasa॒-ñchanda̭ indri॒yam | bṛ॒hadṛ̭ṣa॒bha-ṅgāṃ-va~yo॒ dadha̭t | vetvājya̭sya॒ hota॒ryaja̭ || 83 ||
(da॒dhe - dadha̭-d- ṛtā॒vṛdha̭ - indri॒yaṃ - peśa̭svatī--r vayo॒dhasaṃ॒ - ~vetvājya̭sya॒ hota॒ryaja̭ sa॒pta ca̭) (a. 17)
i॒ḍaspa॒de᳚-'gni-ṅgā̭ya॒trī-ntryavi᳚m | śuci̭vrata॒gṃ॒ śuci̭mu॒ṣṇiha̭-nditya॒vāha᳚m | ī॒ḍenya॒gṃ॒ soma̭-mana॒ṣṭubha̭-ntriva॒thsam | su॒ba॒ra॒ḥi॒ṣada̭ma॒mṛtendra̭-mbṛha॒tī-mpañcā̭vim | vyaca̭svatī-ssuprāya॒ṇā dvāro᳚ brā॒hmāṇaḥ̭ pā॒ṅktimi॒ha tṷrya॒vāha᳚m | su॒peśa̭se॒ viśva॒mindra̭-ntri॒ṣṭubha̭-mpaṣṭha॒vāha᳚m | pracḙtasā sa॒yujendra॒-ñjaga̭tīmi॒hāna॒ḍvāha᳚m | peśa̭svatīsti॒stro bhāra̭tīḥ॒ patiṃ̭-vi~॒rāja̭mi॒ha dhe॒nu-nna | su॒reta̭sa॒-ntvaṣṭā̭ra॒-mpuṣṭi̭-ndvi॒pada̭mi॒hokṣāṇa॒-nna | śa॒takra̭tu॒-mbhaga॒mindra̭-ṅka॒kubha̭mi॒ha va॒śāṃ-ve~॒hata॒-ṅgā-nna | svāhā̭kṛtīḥ, kṣa॒tramati̭cchandasa-mbṛ॒hadṛ̭ṣa॒bha-ṅgāṃ-va~yaḥ̭ | i॒ndri॒yamuṣi̭vasu॒nava̭da॒śehe᳚ndriya॒maṣṭa̭ nava daśa॒ gā-nna vayo॒ dadha॒-thsarva̭vetu |
anuvākaṃ 18 - aindro paśau prayājayājyāḥ
sami̭ddho a॒gni-ssa॒midhā᳚ | suṣa̭middho॒ vare᳚ṇyaḥ | gā॒ya॒trī chanda̭ indri॒yam | tryavi॒rgaurvayo̭ dadhuḥ || tanū॒napā॒-cchuci̭vrataḥ | ta॒nū॒napācca॒ (ta॒nū॒pācca) sara̭svatī | u॒ṣṇikchanda̭ indri॒yam | di॒tya॒vāḍgaurvayo̭ dadhuḥ || iḍā̭bhira॒gnirīḍyaḥ̭ | somo̭ de॒vo ama̭rtyaḥ || 84 ||
a॒nu॒ṣṭupchanda̭ indri॒yam | tri॒va॒thso gaurvayo̭ dadhuḥ || su॒ba॒r॒hira॒gniḥ pṷ̄ṣa॒ṇvān | stī॒rṇa-ba̭rhi॒rama̭rtyaḥ | bṛ॒ha॒tī chanda̭ indri॒yam | pañcā̭vi॒-rgaurvayo̭ dadhuḥ || duro̭ de॒vīrdiśo̭ ma॒hīḥ | bra॒hmā de॒vo bṛha॒spatiḥ̭ | pa॒ṅkti-śchanda̭ i॒hendri॒yam | tu॒rya॒vāḍ gaurvayo̭ dadhuḥ || 85 ||
u॒ṣe ya॒hvī su॒peśa̭sā | viśvḙ de॒vā ama̭rtyāḥ | tri॒ṣṭu-pchanda̭ indri॒yam | pa॒ṣṭha॒vādgaurvayo̭ dadhuḥ || daivyā̭ hotārā bhiṣajā | indrḙṇa sa॒yujā̭ yu॒jā | jaga̭tī॒ chanda̭ i॒hendri॒yam | a॒na॒ḍvān-gaurvayo̭ dadhuḥ || ti॒sra iḍā॒ sara̭svatī | bhāra̭tī ma॒ruto॒ viśaḥ̭ || 86 ||
vi॒rāṭchanda̭ i॒hendri॒yam | dhe॒nurgaurna vayo̭ dadhuḥ || tvaṣṭā̭ tu॒rīpo॒ adbhṷtaḥ | i॒ndrā॒gnī pṷṣṭi॒vardha̭nā | dvi॒pācchanda̭ i॒hendri॒yam | u॒kṣā gaurna vayo̭ dadhuḥ || śa॒mi॒tā no॒ vana॒spatiḥ̭ | sa॒vi॒tā pra̭su॒vanbhaga᳚m | ka॒kucchanda̭ i॒hendri॒yam | va॒śā ve॒hadgaurna vayo̭ dadhuḥ || svāhā̭ ya॒jñaṃ-va~rṷṇaḥ | su॒kṣa॒tro bhḙṣa॒ja-ṅka̭rat | atiḥ̭ chandā॒-śchanda̭ indri॒yam | bṛ॒hadṛ̭ṣa॒bho gaurvayo̭ dadhuḥ || 87 ||
(ama̭rtya - sturya॒vāḍgaurvayo̭ dadhu॒--r viśo̭ - va॒śā ve॒hadgaurna vayo̭ dadhuśca॒tvāri̭ ca) (a. 18)
anuvākaṃ 19 - aindro paśau vapādīnāṃ-ya~jyānuvākyāḥ
va॒sa॒ntena॒rtunā̭ de॒vāḥ | vasa̭vastri॒vṛtā᳚ stu॒tam | ra॒tha॒nta॒reṇa॒ teja̭sā | ha॒virindre॒ vayo̭ dadhuḥ || grī॒ṣmeṇa̭ de॒vā ṛ॒tunā᳚ | ru॒drāḥ pa̭ñcada॒śe stu॒tam | bṛ॒ha॒tā yaśa̭sā॒ bala᳚m | ha॒virindre॒ vayo̭ dadhuḥ || va॒ra॒.ṣābhi̭r-ṛ॒tunā̭-''di॒tyāḥ | stomḙ saptada॒śe stu॒tam || 88 ||
vai॒rū॒peṇa̭ vi॒śauja̭sā | ha॒virindre॒ vayo̭ dadhuḥ || śā॒ra॒dena॒rtunā̭ de॒vāḥ | e॒ka॒vi॒gṃ॒śa ṛ॒bhavaḥ̭ stu॒tam | vai॒rā॒jena̭ śri॒yā śriya᳚m | ha॒virindre॒ vayo̭ dadhuḥ || he॒ma॒ntena॒rtunā̭ de॒vāḥ | ma॒ruta̭striṇa॒ve stu॒tam | balḙna॒ śakva̭rī॒-ssahaḥ̭ | ha॒virindre॒ vayo̭ dadhuḥ || śai॒śi॒reṇa॒rtunā̭ de॒vāḥ | tra॒ya॒stri॒gṃ॒śḙ 'mṛtagg̭ stu॒tam | sa॒tyena̭ re॒vatīḥ᳚, kṣa॒tram | ha॒virindre॒ vayo̭ dadhuḥ || 89 ||
(stomḙ saptada॒śe stu॒tagṃ - saho̭ ha॒virindre॒ vayo̭ dadhuśca॒tvāri̭ ca) (a. 19)
(va॒sa॒ntena̭ grī॒ṣmeṇa̭ va॒r॒ṣābhiḥ̭ śāra॒dena̭ hema॒ntena̭ śaiśi॒reṇa॒ ṣaṭ )
anuvākaṃ 20 - aindro paśau anūyājānā-mmaitrāvariṇapraiṣāḥ
de॒va-mba॒r॒hirindraṃ̭-va~yo॒dhasa᳚m | de॒va-nde॒vama̭vardhayat | gā॒ya॒tri॒yā chanda̭sendri॒yam | teja॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒vīrdvāro̭ de॒vamindraṃ̭-va~yo॒dhasa᳚m | de॒vīrde॒va-ma̭vardhayann | u॒ṣṇihā॒ chanda̭sendri॒yam | prā॒ṇamindre॒ vayo॒ dadha̭t | va॒su॒vanḙ vasu॒dheya̭sya viyantu॒ yaja̭ || 90 ||
de॒vī de॒vaṃ-va~̭yo॒dhasa᳚m | u॒ṣe indra̭mavardhatām | a॒nu॒ṣṭubhā॒ chanda̭sendri॒yam | vāca॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || de॒vī joṣṭrī̭ de॒vamindraṃ̭-va~yo॒dhasa᳚m | de॒vī de॒vama̭vardhatām | bṛ॒ha॒tyā chanda̭sendri॒yam | śrotra॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || 91 ||
de॒vī ū॒rjāhṷtī de॒vamindraṃ̭-va~yo॒dhasa᳚m | de॒vī de॒vama̭vardhatām | pa॒ṅktyā chanda̭sendri॒yam | śu॒kramindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || de॒vā daivyā॒ hotā̭rā de॒vamindraṃ̭-va~yo॒dhasa᳚m | de॒vā de॒vama̭vardhatām | tri॒ṣṭubhā॒ chanda̭sendri॒yam | tviṣi॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || 92 ||
de॒vī-sti॒sra-sti॒sro de॒vīrva̭yo॒dhasa᳚m | pati॒mindra̭-mavardhayann | jaga̭tyā॒ chanda̭sendri॒yam | bala॒mindre॒ vayo॒ dadha̭t | va॒su॒vanḙ vasu॒dheya̭sya viyantu॒ yaja̭ || de॒vo narā॒śagṃso̭ de॒vamindraṃ̭-va~yo॒dhasa᳚m | de॒vo de॒vama̭vardhayat | vi॒rājā॒ chanda̭sendri॒yam | reta॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || 93 ||
de॒vo vana॒spati̭-rde॒vamindraṃ̭-va~yo॒dhasa᳚m | de॒vo de॒vama̭vardhayat | dvi॒padā॒ chanda̭sendri॒yam | bhaga॒mindre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒va-mba॒r॒hirvāri̭tīnā-nde॒vamindraṃ̭-va~yo॒dhasa᳚m | de॒vo (de॒vaṃ) de॒vama̭vardhayat | ka॒kubhā॒ chanda̭sendri॒yam | yaśa॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒vo a॒gni-ssvi̭ṣṭa॒kṛ-dde॒vamindraṃ̭-va~yo॒dhasa᳚m | de॒vo de॒vama̭vardhayat | ati̭cchandasā॒ chanda̭sendri॒yam | kṣa॒tramindre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || 94 ||
(vi॒ya॒ntu॒ yaja̭ - vītāṃ॒-ya~ja̭-vītāṃ॒-ya~ja̭-vetu॒ yaja̭-vetu॒ yaja॒ pañca̭ ca) (a. 20)
(de॒va-mba॒r॒hi-rgā̭yatri॒yā tejaḥ̭ | de॒vīrdvāra̭ u॒ṣṇihā᳚ prā॒ṇam | de॒vī de॒vamu॒ṣe a̭nu॒ṣṭubhā॒ vāca᳚m | de॒vī joṣṭrī̭ bṛha॒tyā śrotra᳚m | de॒vī ū॒rjāhṷ̄tī pa॒ṅktyā śu॒kram | de॒vā daivyā॒ hotā̭rā tri॒ṣṭubhā॒ tviṣi᳚m | de॒vīsti॒srasti॒sro de॒vīḥ pati॒-ñjaga̭tyā॒ bala᳚m | de॒vo narā॒śagṃso̭ vi॒rājā॒ retaḥ̭ | de॒vo vana॒spati̭-rdvi॒padā॒ bhaga᳚m | de॒va-mba॒r॒hi-rvāri̭tīnā-ṅka॒kubhā॒ yaśaḥ̭ | de॒vo a॒gni-ssvi̭ṣṭa॒kṛdati̭cchandasā kṣa॒tram | ve॒tu॒ vi॒ya॒ntu॒ ca॒tu-rvī̭tā॒meko̭ viyantu ca॒turvḙtu | a॒va॒rdha॒ya॒da॒va॒rdha॒ya॒gg॒ śca॒tura̭vardhatā॒meko̭ 'vardhayagg śca॒tura̭vardhayat |)
(svā॒dvī-ntvā॒ - somaḥ॒ - surā̭vanta॒gṃ॒ - sīsḙna - mi॒tro̭-'si॒ - ya-ddḙvā॒ - hotā̭ yakṣa-thsa॒midhendra॒gṃ॒ - sami̭ddha॒ indra॒ - āca̭rṣaṇi॒prā - de॒va-mba॒r॒hirindragṃ̭ sude॒vagṃ - hotā̭ yakṣa-thsa॒midhā॒-'gnigṃ - sami̭ddho a॒gnira̭śvinā॒ - 'śvinā̭ ha॒viri̭ndri॒yaṃ - de॒va-mba॒r॒hi-ssara̭sva - tyā॒gnima॒ - dyośanto॒ - hotā̭ yakṣadi॒ḍaspa॒de - sami̭ddho a॒gni-ssa॒midhā̭ - vasa॒ntena̭ - de॒va-mba॒r॒hirindraṃ̭-va~yo॒dhasaṃ̭-vi~gṃśa॒tiḥ)
(svā॒dvī-ntvā-' - mī̭ madanta pi॒taraḥ॒ - sāmrā᳚jyāya - pū॒ta-mpa॒vitrḙṇe॒ vājya̭ - mu॒ṣāsā॒naktā॒ - bada̭rai॒ - radhā̭tāma॒śvinā̭ - de॒va indro॒ vana॒spatiḥ̭ - paṣṭha॒vāha॒-ṅgāṃ - de॒vī de॒vaṃ-va~̭yo॒dhasa॒-ñcatṷrnavatiḥ )
(svā॒dvīntvā̭ - vetu॒ yaja̭)
|| hariḥ̭ om ||
|| kṛṣṇa yajurvedīya taittirīya brāhmaṇe dvitīyāṣṭake ṣaṣṭhaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे द्वितीयाष्टके षष्ठः प्रपाठकः - सौत्रामणिः कौकिली होत्र-ञ्च
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - ग्रहाः
स्वा॒द्वी-न्त्वा᳚ स्वा॒दुना᳚ । ती॒व्रा-न्ती॒व्रेण॑ । अ॒मृता॑-म॒मृते॑न । मधु॑मती॒-म्मधु॑मता । सृ॒जामि॒ सग्ं सोमे॑न । सोमो᳚-ऽस्य॒श्विभ्या᳚-म्पच्यस्व । सर॑स्वत्यै पच्यस्व । इन्द्रा॑य सु॒त्राम्णे॑ पच्यस्व ॥ परी॒तोषि॑ञ्चता सु॒तम् । सोमो॒ य उ॑त्त॒मग्ं ह॒विः ॥ 1 ॥
द॒ध॒न्वा यो नर्यो॑ अ॒फ्स्व॑न्तरा । सु॒षाव॒ सोम॒मद्रि॑भिः ॥ पु॒नातु॑ ते परि॒स्रुत᳚म् । सोम॒ग्ं॒ सूर्य॑स्य दुहि॒ता । वारे॑ण॒ शश्व॑ता॒ तना᳚ । वा॒युः पू॒तः प॒वित्रे॑ण । प्राङ्ख्सोमो॒ अति॑द्रुतः । इन्द्र॑स्य॒ युज्य॒-स्सखा᳚ ॥ वा॒युः पू॒तः प॒वित्रे॑ण । प्र॒त्यङ्ख्सोमो॒ आति॑द्रुतः ॥ 2 ॥
इन्द्र॑स्य॒ युज्य॒-स्सखा᳚ ॥ ब्रह्म॑ क्ष॒त्र-म्प॑वते॒ तेज॑ इन्द्रि॒यम् । सुर॑या॒ सोमः॑ सु॒त आसु॑तो॒ मदा॑य । शु॒क्रेण॑ देव दे॒वताः᳚ पिपृग्धि । रसे॒नान्नं॒-यँज॑मानाय धेहि ॥ कु॒विद॒ङ्ग यव॑मन्तो॒ यव॑-ञ्चित् । यथा॒ दान्त्य॑नुपू॒र्वं-विँ॒यूय॑ । इ॒हेहै॑षा-ङ्कृणुत॒ भोज॑नानि । ये ब॒र॒ःइषो॒ नमो॑वृक्ति॒-न्न ज॒ग्मुः ॥ उ॒प॒या॒म-गृ॑हीतो-ऽस्य॒श्विभ्या᳚-न्त्वा॒ जुष्ट॑-ङ्गृह्णामि ॥ 3 ॥
सर॑स्वत्या॒ इन्द्रा॑य सु॒त्राम्णे᳚ ॥ ए॒ष ते॒ योनि॒स्तेज॑से त्वा । वी॒र्या॑य त्वा॒ बला॑य त्वा ॥ तेजो॑-ऽसि॒ तेजो॒ मयि॑ धेहि । वी॒र्य॑मसि वी॒र्य॑-म्मयि॑ धेहि । बल॑मसि॒ बल॒-म्मयि॑ धेहि ॥ नाना॒ हि वा᳚-न्दे॒वहि॑त॒ग्ं॒ सदः॑ कृ॒तम् । मा सग्ंसृ॑क्षाथा-म्पर॒मे व्यो॑मन्न् । सुरा॒ त्वमसि॑ शु॒ष्मिणी॒ सोम॑ ए॒षः । मा मा॑ हिग्ंसी॒-स्स्वां-योँनि॑मावि॒शन्न् ॥ 4 ॥
उ॒प॒या॒मगृ॑हीतो-ऽस्याश्वि॒न-न्तेजः॑ । सा॒र॒स्व॒तं-वीँ॒र्य᳚म् । ऐ॒न्द्र-म्बल᳚म् ॥ ए॒ष ते॒ योनि॒र्मोदा॑य त्वा । आ॒न॒न्दाय॑ त्वा॒ मह॑से त्वा ॥ ओजो॒-ऽस्योजो॒ मयि॑ धेहि । म॒न्युर॑सि म॒न्यु-म्मयि॑ धेहि । महो॑-ऽसि॒ महो॒ मयि॑ धेहि । सहो॑-ऽसि॒ सहो॒ मयि॑ धेहि ॥ या व्या॒घ्रं-विँषू॑चिका । उ॒भौ वृक॑-ञ्च॒ रक्ष॑ति । श्ये॒न-म्प॑त॒त्रिणग्ं॑ सि॒ग्ं॒हम् । सेम-म्पा॒त्वग्ंह॑सः ॥ स॒-म्पृचः॑ स्थ॒ स-म्मा॑ भ॒द्रेण॑ पृङ्क्त । वि॒पृचः॑ स्थ॒ वि मा॑ पा॒प्मना॑ पृङ्क्त ॥ 5 ॥
(ह॒विः - प्र॒त्यङ्ख्सोमो॒ आति॑द्रुतो - गृह्णा - म्यावि॒शन् - विषू॑चिका॒ पञ्च॑ च) (अ. 1)
अनुवाकं 2 - ग्रहोपस्थानम्
सोमो॒ राजा॒-ऽमृतग्ं॑ सु॒तः । ऋ॒जी॒षेणा॑जहान्मृ॒त्युम् । ऋ॒तेन॑ स॒त्यमि॑न्द्रि॒यम् । विपानग्ं॑ शु॒क्रमन्ध॑सः । इन्द्र॑स्येन्द्रि॒यम् । इ॒द-म्पयो॒-ऽमृत॒-म्मधु॑ ॥ सोम॑म॒द्भ्यो व्य॑पिबत् । छन्द॑सा ह॒ग्ं॒स-श्शु॑चि॒षत् । ऋ॒तेन॑ स॒त्यमि॑न्द्रि॒यम् । अ॒द्भ्यः, क्षी॒रं-व्यँ॑पिबत् ॥ 6 ॥
क्रुङ्ङा᳚ङ्गिर॒सो धि॒या । ऋ॒तेन॑ स॒त्यमि॑न्द्रि॒यम् । अन्ना᳚-त्परि॒स्रुतो॒ रस᳚म् । ब्रह्म॑णा॒ व्य॑पिब-त्क्ष॒त्रम् । ऋ॒तेन॑ स॒त्यमि॑न्द्रि॒यम् ॥ रेतो॒ मूत्रं॒-विँज॑हाति । योनि॑-म्प्रवि॒शदि॑न्द्रि॒यम् । गर्भो॑ ज॒रायु॒णा-ऽऽवृ॑तः । उल्ब॑-ञ्जहाति॒ जन्म॑ना । ऋ॒तेन॑ स॒त्यमि॑न्द्रि॒यम् ॥ 7 ॥
वेदे॑न रू॒पे व्य॑करोत् । स॒ता॒स॒ती प्र॒जाप॑तिः । ऋ॒तेन॑ स॒त्यमि॑न्द्रि॒यम् ॥ सोमे॑न॒ सोमौ॒ व्य॑पिबत् । सु॒ता॒सु॒तौ प्र॒जाप॑तिः । ऋ॒तेन॑ स॒त्यमि॑न्द्रि॒यम् । दृ॒ष्ट्वा रू॒पे व्याक॑रोत् । स॒त्या॒नृ॒ते प्र॒जाप॑तिः । अश्र॑द्धा॒-मनृ॒ते-ऽद॑धात् । श्र॒द्धाग्ं स॒त्ये प्र॒जाप॑तिः । ऋ॒तेन॑ स॒त्यमि॑न्द्रि॒यम् ॥ दृ॒ष्ट्वा प॑रि॒स्रुतो॒ रस᳚म् । शु॒क्रेण॑ शु॒क्रं-व्यँ॑पिबत् । पय॒-स्सोम॑-म्प्र॒जाप॑तिः । ऋ॒तेन॑ स॒त्यमि॑न्द्रि॒यम् । विपानग्ं॑ शु॒क्रमन्ध॑सः । इन्द्र॑स्येन्द्रि॒यम् । इ॒द-म्पयो॒-ऽमृत॒-म्मधु॑ ॥ 8 ॥
(अ॒द्भ्यः, क्षी॒रं-व्यँ॑पिब॒ - ज्जन्म॑न॒र्तेन॑ स॒त्यमि॑न्द्रि॒यग्ग् - श्र॒द्धाग्ं स॒त्ये प्र॒जाप॑तिर॒ष्टौ च॑) (अ. 2)
(सोमो॒ राजा॒ विपान॒ग्ं॒ सोम॑म॒द्भ्यो-ऽन्ना॒-द्रेतो॒ मूत्रं॒-वेँदे॑न सतास॒ती सोमे॑न सुतासु॒तौ दृ॒ष्ट्वा रू॒पे दृ॒ष्ट्वा प॑रि॒स्रुतो॒ रसं॒-विँपान॒-न्दश॑ )
अनुवाकं 3 - ग्रहहोमः
सुरा॑वन्त-म्बर्हि॒षदग्ं॑ सु॒वीर᳚म् । य॒ज्ञग्ं हि॑न्वन्ति महि॒षा नमो॑भिः । दधा॑ना॒-स्सोम॑-न्दि॒वि दे॒वता॑सु । मदे॒मेन्द्रं॒-यँज॑माना-स्स्व॒र्काः ॥ यस्ते॒ रस॒-स्सम्भृ॑त॒ ओष॑धीषु । सोम॑स्य॒ शुष्म॒-स्सुर॑या सु॒तस्य॑ । तेन॑ जिन्व॒ यज॑मान॒-म्मदे॑न । सर॑स्वती-म॒श्विना॒-विन्द्र॑-म॒ग्निम् ॥ यम॒श्विना॒ नमु॑चेरासु॒रादधि॑ । सर॑स्व॒त्यस॑नोदिन्द्रि॒याय॑ ॥ 9 ॥
इ॒म-न्तग्ं शु॒क्र-म्मधु॑मन्त॒-मिन्दु᳚म् । सोम॒ग्ं॒ राजा॑नमि॒ह भ॑क्षयामि ॥ यदत्र॑ रि॒प्तग्ं र॒सिनः॑ सु॒तस्य॑ । यदिन्द्रो॒ अपि॑ब॒च्छची॑भिः । अ॒ह-न्तद॑स्य॒ मन॑सा शि॒वेन॑ । सोम॒ग्ं॒ राजा॑नमि॒ह भ॑क्षयामि ॥ पि॒तृभ्यः॑ स्वधा॒विभ्यः॑ स्व॒धा नमः॑ । पि॒ता॒म॒हेभ्यः॑ स्वधा॒विभ्यः॑ स्व॒धा नमः॑ । प्रपि॑तामहेभ्य-स्स्वधा॒विभ्यः॑ स्व॒धा नमः॑ । अक्ष॑-न्पि॒तरः॑ ॥ 10 ॥
अमी॑मदन्त पि॒तरः॑ । अती॑तृपन्त पि॒तरः॑ । अमी॑मृजन्त पि॒तरः॑ । पित॑र॒-श्शुन्ध॑द्ध्वम् ॥ पु॒नन्तु॑ मा पि॒तरः॑ सो॒म्यासः॑ । पु॒नन्तु॑ मा पिताम॒हाः । पु॒नन्तु॒ प्रपि॑तामहाः । प॒वित्रे॑ण श॒तायु॑षा । पु॒नन्तु॑ मा पिताम॒हाः । पु॒नन्तु॒ प्रपि॑तामहाः ॥ 11 ॥
प॒वित्रे॑ण श॒तायु॑षा ॥ विश्व॒मायु॒-र्व्य॑श्नवै । अग्न॒ आयूग्ं॑षि पवस॒ आ सु॒वोर्ज॒मिष॑-ञ्च नः । आ॒रे बा॑धस्व दु॒च्छुना᳚म् ॥ अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य᳚म् । दध॒-त्पोषग्ं॑ र॒यि-म्मयि॑ ॥। पव॑मान॒-स्सुव॒र्जनः॑ । प॒वित्रे॑ण॒ विच॑र्षणिः । यः पोता॒ स पु॑नातु मा ॥ पु॒नन्तु॑ मा देवज॒नाः । पु॒नन्तु॒ मन॑ वो धि॒या । पु॒नन्तु॒ विश्व॑ आ॒यवः॑ ॥। जात॑वेदः प॒वित्र॑वत् । प॒वित्रे॑ण पुनाहि मा । शु॒क्रेण॑ देव॒ दीद्य॑त् । अग्ने॒ क्रत्वा॒ क्रतू॒ग्ं॒रनु॑ ॥ यत्ते॑ प॒वित्र॑-म॒र्चिषि॑ । अग्ने॒ वित॑तमन्त॒रा । ब्रह्म॒ तेन॑ पुनीमहे ॥। उ॒भाभ्या᳚-न्देव सवितः । प॒वित्रे॑ण स॒वेन॑ च । इ॒द-म्ब्रह्म॑ पुनीमहे ॥ वै॒श्व॒दे॒वी पु॑न॒ती दे॒व्यागा᳚त् । यस्यै॑ ब॒ह्वी-स्त॒नुवो॑ वी॒तपृ॑ष्ठाः । तया॒ मद॑न्त-स्सध॒माद्ये॑षु । व॒यग्ग् स्या॑म॒ पत॑यो रयी॒णाम् ॥॥ ये स॑मा॒ना-स्सम॑नसः । पि॒तरो॑ यम॒राज्ये᳚ । तेषां᳚-लोँ॒क-स्स्व॒धा नमः॑ । य॒ज्ञो दे॒वेषु॑ कल्पताम् ॥ 12 ॥
ये स॑जा॒ता-स्सम॑नसः । जी॒वा जी॒वेषु॑ माम॒काः । तेषा॒ग्॒ श्रीर्मयि॑ कल्पताम् । अ॒स्मिल् ँलो॒के श॒तग्ं समाः᳚ ॥ द्वे स्रु॒ती अ॑शृणव-म्पितृ॒णाम् । अ॒ह-न्दे॒वाना॑मु॒त मर्त्या॑नाम् । याभ्या॑मि॒दं-विँश्व॒मेज॒-थ्समे॑ति । यद॑न्त॒रा पि॒तर॑-म्मा॒तर॑-ञ्च ॥ इ॒दग्ं ह॒विः प्र॒जन॑न-म्मे अस्तु । दश॑वीरग्ं स॒र्वग॑णग्ग् स्व॒स्तये᳚ । आ॒त्म॒सनि॑ प्रजा॒सनि॑ । प॒शु॒सन्य॑भय॒सनि॑ लोक॒सनि॑ । अ॒ग्निः प्र॒जा-म्ब॑हु॒ला-म्मे॑ करोतु । अन्न॒-म्पयो॒ रेतो॑ अ॒स्मासु॑ धत्त । रा॒यस्पोष॒-मिष॒मूर्ज॑म॒स्मासु॑ दीधर॒-थ्स्वाहा᳚ ॥ 13 ॥
(इ॒न्द्रि॒याय॑ - पि॒तरः॑ - श॒तायु॑षा पु॒नन्तु॑ मा पिताम॒हाः पु॒नन्तु॒ प्रपि॑तामहाः-कल्पताग्-स्व॒स्तये॒ पञ्च॑ च) (अ. 3)
अनुवाकं 4 - उपहोमाः
सीसे॑न॒ तन्त्र॒-म्मन॑सा मनी॒षिणः॑ । ऊ॒र्णा॒सू॒त्रेण॑ क॒वयो॑ वयन्ति । अ॒श्विना॑ य॒ज्ञग्ं स॑वि॒ता सर॑स्वती । इन्द्र॑स्य रू॒पं-वँरु॑णो भिष॒ज्यन्न् ॥ तद॑स्य रू॒पम॒मृत॒ग्ं॒ शची॑भिः । ति॒स्रो द॑धुर्दे॒वता᳚-स्सग्ंररा॒णाः । लोमा॑नि॒ शष्पै᳚-र्बहु॒धा न तोक्म॑भिः । त्वग॑स्य मा॒ग्ं॒सम॑भव॒न्न ला॒जाः ॥ तद॒श्विना॑ भि॒षजा॑ रु॒द्रव॑र्तनी । सर॑स्वती वयति॒ पेशो॒ अन्त॑रः ॥ 14 ॥
अस्थि॑ म॒ज्जान॒-म्मास॑रैः । का॒रो॒त॒रेण॒ दध॑तो॒ गवा᳚-न्त्व॒चि ॥ सर॑स्वती॒ मन॑सा पेश॒लं-वँसु॑ । नास॑त्याभ्यां-वँयति दर्श॒तं-वँपुः॑ । रस॑-म्परि॒स्रुता॒ न रोहि॑तम् । न॒ग्नहु॒र्धीर॒स्तस॑र॒-न्न वेम॑ ॥ पय॑सा शु॒क्रम॒मृत॑-ञ्ज॒नित्र᳚म् । सुर॑या॒ मूत्रा᳚ज्जनयन्ति॒ रेतः॑ । अपाम॑ति-न्दुर्म॒ति-म्बाध॑मानाः । ऊव॑द्ध्यं॒-वाँतग्ं॑ स॒बुव॒-न्तदा॒रात् ॥ 15 ॥
इन्द्रः॑ सु॒त्रामा॒ हृद॑येन स॒त्यम् । पु॒रो॒डाशे॑न सवि॒ता ज॑जान । यकृ॑-त्क्लो॒मानं॒-वँरु॑णो भिष॒ज्यन्न् । मत॑स्ने वाय॒व्यै᳚र्न मि॑नाति पि॒त्तम् ॥ आ॒न्त्राणि॑ स्था॒ली मधु॒ पिन्व॑माना । गुदा॒ पात्रा॑णि सु॒दुघा॒ न धे॒नुः । श्ये॒नस्य॒ पत्र॒-न्न प्ली॒हा शची॑भिः । आ॒स॒न्दी नाभि॑रु॒दर॒-न्न मा॒ता ॥ कु॒म्भो व॑नि॒ष्ठुर्ज॑नि॒ता शची॑भिः । यस्मि॒न्नग्रे॒ योन्या॒-ङ्गर्भो॑ अ॒न्तः ॥ 16 ॥
प्ला॒शीर्व्य॑क्त-श्श॒तधा॑र॒ उथ्सः॑ । दु॒हे न कु॒म्भीग् स्व॒धा-म्पि॒तृभ्यः॑ ॥ मुख॒ग्ं॒ सद॑स्य॒ शिर॒ इथ्सदे॑न । जि॒ह्वा प॒वित्र॑म॒श्विना॒ सग्ं सर॑स्वती । चप्प॒-न्न पा॒युर्भि॒षग॑स्य॒ वालः॑ । व॒स्तिर्न शेपो॒ हर॑सा तर॒स्वी ॥ अ॒श्विभ्या॒-ञ्चक्षु॑र॒मृत॒-ङ्ग्रहा᳚भ्याम् । छागे॑न॒ तेजो॑ ह॒विषा॑ शृ॒तेन॑ । पक्ष्मा॑णि गो॒धूमैः॒ क्व॑लैरु॒तानि॑ । पेशो॒ न शु॒क्लमसि॑तं-वँसाते ॥ 17 ॥
अवि॒र्न मे॒षो न॒सि वी॒र्या॑य । प्रा॒णस्य॒ पन्था॑ अ॒मृतो॒ ग्रहा᳚भ्याम् । सर॑स्व॒त्युप॒वाकै᳚र्व्या॒नम् । नस्या॑नि ब॒र॒ःइ-र्बद॑रै-र्जजान ॥ इन्द्र॑स्य रू॒पमृ॑ष॒भो बला॑य । कर्णा᳚भ्या॒ग्॒ श्रोत्र॑म॒मृत॒-ङ्ग्रहा᳚भ्याम् । यवा॒ न ब॒र॒ःइ-र्भ्रु॒वि केस॑राणि । क॒र्कन्धु॑ जज्ञे॒ मधु॑ सार॒घ-म्मुखा᳚त् ॥ आ॒त्मन्नु॒पस्थे॒ न वृक॑स्य॒ लोम॑ । मुखे॒ श्मश्रू॑णि॒ न व्या᳚घ्रलो॒मम् ॥ 18 ॥
केशा॒ न शी॒र॒.षन्. यश॑से श्रि॒यै शिखा᳚ । सि॒ग्ं॒हस्य॒ लोम॒ त्विषि॑-रिन्द्रि॒याणि॑ ॥ अङ्गा᳚न्या॒त्मन्-भि॒षजा॒ तद॒श्विना᳚ । आ॒त्मान॒मङ्गै॒-स्सम॑धा॒-थ्सर॑स्वती । इन्द्र॑स्य रू॒पग्ं श॒तमा॑न॒मायुः॑ । च॒न्द्रेण॒ ज्योति॑र॒मृत॒-न्दधा॑ना ॥ सर॑स्वती॒ योन्या॒-ङ्गर्भ॑म॒न्तः । अ॒श्विभ्या॒-म्पत्नी॒ सुकृ॑त-म्बिभर्ति । अ॒पाग्ं रसे॑न॒ वरु॑णो॒ न साम्ना᳚ । इन्द्रग्ग्॑ श्रि॒यै ज॒नय॑न्न॒फ्सु राजा᳚ ॥ तेजः॑ पशू॒नाग्ं ह॒विरि॑न्द्रि॒याव॑त् । प॒रि॒स्रुता॒ पय॑सा सार॒घ-म्मधु॑ । अ॒श्विभ्या᳚-न्दु॒ग्ध-म्भि॒षजा॒ सर॑स्वत्या सुतासु॒ताभ्या᳚म् । अ॒मृत॒-स्सोम॒ इन्दुः॑ ॥ 19 ॥
(अन्त॑र - आ॒रा - द॒न्त--र् व॑साते - व्याघ्रलो॒मग्ं - राजा॑ च॒त्वारि॑ च) (अ. 4)
अनुवाकं 5 - अभिषेकः
मि॒त्रो॑-ऽसि॒ वरु॑णो-ऽसि । सम॒हं-विँश्वै᳚र्दे॒वैः ॥ क्ष॒त्रस्य॒ नाभि॑रसि । क्ष॒त्रस्य॒ योनि॑रसि ॥ स्यो॒नामासी॑द । सु॒षदा॒मासी॑द । मा त्वा॑ हिग्ंसीत् । मा मा॑ हिग्ंसीत् ॥ निष॑साद धृ॒तव्र॑तो॒ वरु॑णः । प॒स्त्या᳚स्वा ॥ 20 ॥
साम्रा᳚ज्याय सु॒क्रतुः॑ ॥ दे॒वस्य॑ त्वा सवि॒तुः प्र॑स॒वे । अ॒श्विनो᳚-र्बा॒हुभ्या᳚म् । पू॒ष्णो हस्ता᳚भ्याम् । अ॒श्विनो॒-र्भैष॑ज्येन । तेज॑से ब्रह्मवर्च॒साया॒भिषि॑ञ्चामि ॥ दे॒वस्य॑ त्वा सवि॒तुः प्र॑स॒वे । अ॒श्विनो᳚-र्बा॒हुभ्या᳚म् । पू॒ष्णो हस्ता᳚भ्याम् । सर॑स्वत्यै॒ भैष॑ज्येन ॥ 21 ॥
वी॒र्या॑या॒न्नाद्या॑या॒भिषि॑ञ्चामि ॥ दे॒वस्य॑ त्वा सवि॒तुः प्र॑स॒वे । अ॒श्विनो᳚-र्बा॒हुभ्या᳚म् । पू॒ष्णो हस्ता᳚भ्याम् । इन्द्र॑स्येन्द्रि॒येण॑ । श्रि॒यै यश॑से॒ बला॑या॒भिषि॑ञ्चामि ॥ को॑-ऽसि कत॒मो॑-ऽसि । कस्मै᳚ त्वा॒ काय॑ त्वा ॥ सुश्लो॒काँ(4) सुम॑ड्ग॒लाँ(4) सत्य॑रा॒जा(3)न् ॥ शिरो॑ मे॒ श्रीः ॥ 22 ॥
यशो॒ मुख᳚म् । त्विषिः॒ केशा᳚श्च॒ श्मश्रू॑णि । राजा॑ मे प्रा॒णो॑-ऽमृत᳚म् । स॒म्राट् चक्षुः॑ । वि॒राट्छ्रोत्र᳚म् । जि॒ह्वा मे॑ भ॒द्रम् । वाम्महः॑ । मनो॑ म॒न्युः । स्व॒राड्भामः॑ । मोदाः᳚ प्रमो॒दा अ॒ङ्गुली॒रङ्गा॑नि ॥ 23 ॥
चि॒त्त-म्मे॒ सहः॑ । बा॒हू मे॒ बल॑मिन्द्रि॒यम् । हस्तौ॑ मे॒ कर्म॑ वी॒र्य᳚म् । आ॒त्मा क्ष॒त्रमुरो॒ मम॑ । पृ॒ष्टीर्मे॑ रा॒ष्ट्रमु॒दर॒मग्ंसौ᳚ । ग्री॒वाश्च॒ श्रोण्यौ᳚ । ऊ॒रू अ॑र॒त्नी जानु॑नी । विशो॒ मे-ऽङ्गा॑नि स॒र्वतः॑ । नाभि॑र्मे चि॒त्तं-विँ॒ज्ञान᳚म् । पा॒युर्मे-ऽप॑चितिर्भ॒सत् ॥ 24 ॥
आ॒न॒न्द॒न॒न्दावा॒ण्डौ मे᳚ । भग॒-स्सौभा᳚ग्य॒-म्पसः॑ ॥ जङ्घा᳚भ्या-म्प॒द्भ्या-न्धर्मो᳚-ऽस्मि । वि॒शि राजा॒ प्रति॑ष्ठितः ॥ प्रति॑ क्ष॒त्रे प्रति॑तिष्ठामि रा॒ष्ट्रे । प्रत्यश्वे॑षु॒ प्रति॑तिष्ठामि॒ गोषु॑ । प्रत्यङ्गे॑षु॒ प्रति॑तिष्ठाम्या॒त्मन्न् । प्रति॑ प्रा॒णेषु॒ प्रति॑तिष्ठामि पु॒ष्टे । प्रति॒ द्यावा॑पृथि॒व्योः । प्रतिति॑ष्ठामि य॒ज्ञे ॥ 25 ॥
त्र॒या दे॒वा एका॑दश । त्र॒य॒स्त्रि॒ग्ं॒शा-स्सु॒राध॑सः । बृह॒स्पति॑ पुरोहिताः । दे॒वस्य॑ सवि॒तु-स्स॒वे । दे॒वा दे॒वैर॑वन्तु मा । प्र॒थ॒मा द्वि॒तीयैः᳚ । द्वि॒तीया᳚स्तृ॒तीयैः᳚ । तृ॒तीया᳚-स्स॒त्येन॑ । स॒त्यं-यँ॒ज्ञेन॑ ।य॒ज्ञो यजु॑र्भिः ॥ 26 ॥
यजूग्ं॑षि॒ साम॑भिः । सामा᳚न्यृ॒ग्भिः । ऋचो॑ या॒ज्या॑भिः । या॒ज्या॑ वषट्का॒रैः । व॒ष॒ट्का॒रा आहु॑तिभिः । आहु॑तयो मे॒ कामा॒न्-थ्सम॑र्धयन्तु ॥ भू-स्स्वाहा᳚ ॥ लोमा॑नि॒ प्रय॑ति॒र्मम॑ । त्वम्म॒ आन॑ति॒राग॑तिः । मा॒ग्ं॒स-म्म॒ उप॑नतिः । व स्वस्थि॑ । म॒ज्जा म॒ आन॑तिः ॥ 27 ॥
(प॒स्त्या᳚स्वा - सर॑स्वत्यै॒ भैष॑ज्येन॒ - श्री - रङ्गा॑नि - भ॒स--द्य॒ज्ञे - य॒ज्ञो यजु॑र्भि॒ - रुप॑नति॒र्द्वे च॑) (अ. 5)
अनुवाकं 6 - अवभृथः
य-द्दे॑वा देव॒हेड॑नम् । देवा॑सश्चकृ॒मा व॒यम् । अ॒ग्निर्मा॒ तस्मा॒देन॑सः । विश्वा᳚-न्मुञ्च॒त्वग्ंह॑सः ॥ यदि॒ दिवा॒ यदि॒ नक्त᳚म् । एनाग्ं॑सि चकृ॒मा व॒यम् । वा॒युर्मा॒ तस्मा॒देन॑सः । विश्वा᳚-न्मुञ्च॒त्वग्ंह॑सः ॥ यदि॒ जाग्र॒-द्यदि॒ स्वप्ने᳚ । एनाग्ं॑सि चकृ॒मा व॒यम् ॥ 28 ॥
सूर्यो॑ मा॒ तस्मा॒देन॑सः । विश्वा᳚-न्मुञ्च॒त्वग्ंह॑सः ॥ यद्ग्रामे॒ यदर॑ण्ये । य-थ्स॒भायां॒-यँदि॑न्द्रि॒ये । यच्छू॒द्रे यद॒र्ये᳚ । एन॑श्चकृ॒मा व॒यम् । यदेक॒स्याधि॒ धर्म॑णि । तस्या॑व॒यज॑नमसि ॥ यदापो॒ अघ्नि॑या॒ वरु॒णेति॒ शपा॑महे । ततो॑ वरुण नो मुञ्च ॥ 29 ॥
अव॑भृथ निचङ्कुण निचे॒रुर॑सि निचङ्कुण । अव॑ दे॒वै-र्दे॒वकृ॑त॒मेनो॑-ऽयाट् । अव॒ मर्त्यै॒र्मर्त्य॑कृतम् । उ॒रोरा नो॑ देव रि॒षस्पा॑हि ॥ सु॒मि॒त्रा न॒ आप॒ ओष॑धय-स्सन्तु । दु॒र्मि॒त्रास्तस्मै॑ भुयासुः । यो᳚-ऽस्मा-न्द्वेष्टि॑ । य-ञ्च॑ व॒य-न्द्वि॒ष्मः ॥ द्रु॒प॒दादि॒वे-न्मु॑मुचा॒नः । स्वि॒न्न-स्स्ना॒त्वी मला॑दिव ॥ 30 ॥
पू॒त-म्प॒वित्रे॑णे॒वाज्य᳚म् । आपः॑ शुन्धन्तु॒ मैन॑सः ॥ उद्व॒य-न्तम॑स॒स्परि॑ । पश्य॑न्तो॒ ज्योति॒रुत्त॑रम् । दे॒व-न्दे॑व॒त्रा सूर्य᳚म् । अग॑न्म॒ ज्योति॑रुत्त॒मम् ॥ प्रति॑युतो॒ वरु॑णस्य॒ पाशः॑ । प्रत्य॑स्तो॒ वरु॑णस्य॒ पाशः॑ ॥ एधो᳚-ऽस्येधिषी॒महि॑ । स॒मिद॑सि ॥ 31 ॥
तेजो॑-ऽसि॒ तेजो॒ मयि॑ धेहि ॥ अ॒पो अन्व॑चारिषम् । रसे॑न॒ सम॑सृक्ष्महि । पय॑स्वाग्ं अग्न॒ आ-ऽग॑मम् । त-म्मा॒ सग्ंसृ॑ज॒ वर्च॑सा । प्र॒जया॑ च॒ धने॑न च ॥ स॒माव॑वर्ति पृथि॒वी । समु॒षाः । समु॒ सूर्यः॑ । समु॒ विश्व॑मि॒द-ञ्जग॑त् । वै॒श्वा॒न॒र ज्यो॑ति-र्भूयासम् । वि॒भु-ङ्कामं॒-व्यँ॑श्नवै ॥ भू-स्स्वाहा᳚ ॥ 32 ॥
(स्वप्न॒ एनाग्ं॑सि चकृ॒मा व॒यं - मु॑ञ्च॒ - मला॑दिव - स॒मिद॑सि॒ - जग॒-त्त्रीणि॑ च) (अ. 6)
अनुवाकं 7 - ऐन्द्रे प्रश्नौ प्रयाजानामेकादश मैत्रावरुणप्रैषाः
होता॑ यक्ष-थ्स॒मिधेन्द्र॑-मि॒डस्प॒दे । नाभा॑ पृथि॒व्या अधि॑ । दि॒वो वर्ष्म॒न्-थ्समि॑द्ध्यते । ओजि॑ष्ठश्चर्षणी॒सहान्॑ । वेत्वाज्य॑स्य॒ होत॒र्यज॑ ॥ होता॑ यक्ष॒त्तनू॒नपा॑तम् । ऊ॒तिभि॒-र्जेता॑र॒-मप॑राजितम् । इन्द्र॑-न्दे॒वग्ं सु॑व॒र्विद᳚म् । प॒थिभि॒-र्मधु॑मत्तमैः । नरा॒शग्ंसे॑न॒ तेज॑सा ॥ 33 ॥
वेत्वाज्य॑स्य॒ होत॒र्यज॑ ॥ होता॑ यक्ष॒दिडा॑भि॒-रिन्द्र॑-मीडि॒तम् । आ॒जुह्वा॑न॒-मम॑र्त्यम् । दे॒वो दे॒वै-स्सवी᳚र्यः । वज्र॑हस्तः पुरन्द॒रः । वेत्वाज्य॑स्य॒ होत॒र्यज॑ ॥ होता॑ यक्ष-द्ब॒र॒ःइषीन्द्र॑-न्निषद्व॒रम् । वृ॒ष॒भ-न्नर्या॑पसम् । वसु॑भी रु॒द्रैरा॑दि॒त्यैः । स॒युग्भि॑-र्ब॒र॒ःइरा ऽस॑दत् ॥ 34 ॥
वेत्वाज्य॑स्य॒ होत॒र्यज॑ ॥ होता॑ यक्ष॒दोजो॒ न वी॒र्य᳚म् । सहो॒ द्वार॒ इन्द्र॑मवर्धयन्न् । सु॒प्रा॒य॒णा विश्र॑यन्तामृता॒वृधः॑ । द्वार॒ इन्द्रा॑य मी॒ढुषे᳚ । वि॒यन्त्वाज्य॑स्य॒ होत॒र्यज॑ ॥ होता॑ यक्षदु॒षे इन्द्र॑स्य धे॒नू । सु॒दुघे॑ मा॒तरौ॑ म॒ही । सवा॒तरौ॒ न तेज॑सी । व॒थ्समिन्द्र॑-मवर्धताम् ॥ 35 ॥
वी॒तामाज्य॑स्य॒ होत॒र्यज॑ ॥ होता॑ यक्ष॒-द्दैव्या॒ होता॑रा । भि॒षजा॒ सखा॑या । ह॒विषेन्द्र॑-म्भिषज्यतः । क॒वी दे॒वौ प्रचे॑तसौ । इन्द्रा॑य धत्त इन्द्रि॒यम् । वी॒तामाज्य॑स्य॒ होत॒र्यज॑ ॥ होता॑ यक्षत्ति॒स्रो दे॒वीः । त्रय॑स्त्रि॒धात॑वो॒-ऽपसः॑ । इडा॒ सर॑स्वती॒ भार॑ती ॥ 36 ॥
म॒हीन्द्र॑पत्नीर्-ह॒विष्म॑तीः । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒त्त्वष्टा॑र॒-मिन्द्र॑-न्दे॒वम् । भि॒षजग्ं॑ सु॒यज॑-ङ्घृत॒श्रिय᳚म् । पु॒रु॒रूपग्ं॑ सु॒रेत॑स-म्म॒घोनि᳚म् । इन्द्रा॑य॒ त्वष्टा॒ दध॑दिन्द्रि॒याणि॑ । वेत्वाज्य॑स्य॒ होत॒र्यज॑ ॥ होता॑ यक्ष॒-द्वन॒स्पति᳚म् । श॒मि॒तारग्ं॑ श॒तक्र॑तुम् । धि॒यो जो॒ष्टार॑-मिन्द्रि॒यम् ॥ 37 ॥
मद्ध्वा॑ सम॒ञ्जन्प॒थिभिः॑ सु॒गेभिः॑ । स्वदा॑ति ह॒व्य-म्मधु॑ना घृ॒तेन॑ । वेत्वाज्य॑स्य॒ होत॒र्यज॑ ॥ होता॑ यक्ष॒दिन्द्र॒ग्ग्॒ स्वाहा-ऽऽज्य॑स्य । स्वाहा॒ मेद॑सः । स्वाहा᳚ स्तो॒काना᳚म् । स्वाहा॒ स्वाहा॑कृतीनाम् । स्वाहा॑ ह॒व्यसू᳚क्तीनाम् । स्वाहा॑ दे॒वाग्ं आ᳚ज्य॒पान् । स्वाहेन्द्रग्ं॑ हो॒त्राज्जु॑षा॒णाः । इन्द्र॒ आज्य॑स्य वियन्तु । होत॒र्यज॑ ॥ 38 ॥
(तेज॑सा-ऽसद-दवर्धतां॒-भार॑ती-न्द्रि॒यं-जु॑षा॒णा द्वे च॑) (अ. 7)
(स॒मिधेन्द्र॒-न्तनू॒नपा॑त॒मिडा॑भि-र्ब॒र्॒हिष्योज॑ उ॒षे दैव्या॑ ति॒स्रस्त्वष्टा॑रं॒-वँन॒स्पति॒मिन्द्र᳚म् । स॒मिधेन्द्र॑-ञ्च॒तुर्वेत्वेको॑ वि॒यन्तु॒ द्विर्वी॒तामेको॑ वि॒यन्तु॒ द्विर्वेत्वेको॑ वि॒यन्तु॒ होत॒र्यज॑ )
अनुवाकं 8 - ऐन्द्रे प्रश्नौ प्रयाजयाज्याः
समि॑द्ध॒ इन्द्र॑ उ॒षसा॒मनी॑के । पु॒रो॒रुचा॑ पूर्व॒कृद्वा॑वृधा॒नः । त्रि॒भिर्दे॒वैस्त्रि॒ग्ं॒शता॒ वज्र॑बाहुः । ज॒घान॑ वृ॒त्रं-विँ दुरो॑ ववार ॥ नरा॒शग्ंसः॒ प्रति॒ शूरो॒ मिमा॑नः । तनू॒नपा॒त्-प्रति॑ य॒ज्ञस्य॒ धाम॑ । गोभि॑-र्व॒पावा॒-न्मधु॑ना सम॒ञ्जन्न् । हिर॑ण्यैश्च॒न्द्री य॑जति॒ प्रचे॑ताः ॥ ई॒डि॒तो दे॒वैर्हरि॑वाग्ं अभि॒ष्टिः । आ॒जुह्वा॑नो ह॒विषा॒ शर्ध॑मानः ॥ 39 ॥
पु॒र॒दं॒रो म॒घवा॒न्॒. वज्र॑बाहुः । आया॑तु य॒ज्ञमुप॑ नो जुषा॒णः ॥ जु॒षा॒णो ब॒र॒ःइर्हरि॑वान्न॒ इन्द्रः॑ । प्रा॒चीनग्ं॑ सीदत्प्र॒दिशा॑ पृथि॒व्याः । उ॒रु॒व्यचाः॒ प्रथ॑मानग्ग् स्यो॒नम् । आ॒दि॒त्यैर॒क्तं-वँसु॑भि-स्स॒जोषाः᳚ ॥ इन्द्र॒-न्दुरः॑ कव॒ष्यो॑ धाव॑मानाः । वृषा॑णं-यँन्तु॒ जन॑य-स्सु॒पत्नीः᳚ । द्वारो॑ दे॒वीर॒भितो॒ विश्र॑यन्ताम् । सु॒वीरा॑ वी॒र-म्प्रथ॑माना॒ महो॑भिः ॥ 40 ॥
उ॒षासा॒ नक्ता॑ बृह॒ती बृ॒हन्त᳚म् । पय॑स्वती सु॒दुघे॒ शूर॒मिन्द्र᳚म् । पेश॑स्वती॒ तन्तु॑ना सं॒व्यँय॑न्ती । दे॒वाना᳚-न्दे॒वं-यँ॑जत-स्सुरु॒क्मे ॥ दैव्या॒ मिमा॑ना॒ मन॑सा पुरु॒त्रा । होता॑रा॒विन्द्र॑-म्प्रथ॒मा सु॒वाचा᳚ । मू॒र्धन्. य॒ज्ञस्य॒ मधु॑ना॒ दधा॑ना । प्रा॒चीन॒-ञ्ज्योति॑र्ह॒विषा॑ वृधातः ॥ ति॒स्रो दे॒वीर्ह॒विषा॒ वर्ध॑मानाः । इन्द्र॑-ञ्जुषा॒णा वृष॑ण॒-न्न पत्नीः᳚ ॥ 41 ॥
अच्छि॑न्न॒-न्तन्तु॒-म्पय॑सा॒ सर॑स्वती । इडा॑ दे॒वी भार॑ती वि॒श्वतू᳚र्तिः ॥ त्वष्टा॒ दध॒दिन्द्रा॑य॒ शुष्म᳚म् । अपा॒को-ऽचि॑ष्टुर्य॒शसे॑ पु॒रूणि॑ । वृषा॒ यज॒न् वृष॑ण॒-म्भूरि॑रेताः । मू॒र्धन्. य॒ज्ञस्य॒ सम॑नक्तु दे॒वान् ॥ वन॒स्पति॒-रव॑सृष्टो॒ न पाशैः᳚ । त्मन्या॑ सम॒ञ्जञ्छ॑मि॒ता न दे॒वः । इन्द्र॑स्य ह॒व्यैर्ज॒ठर॑-म्पृणा॒नः । स्वदा॑ति ह॒व्य-म्मधु॑ना घृ॒तेन॑ ॥ स्तो॒काना॒मिन्दु॒-म्प्रति॒ शूर॒ इन्द्रः॑ । वृ॒षा॒यमा॑णो वृष॒भ-स्तु॑रा॒षाट् । घृ॒त॒प्रुषा॒ मधु॑ना ह॒व्यमु॒न्दन्न् । मू॒र्धन्. य॒ज्ञस्य॑ जुषता॒ग्॒ स्वाहा᳚ ॥ 42 ॥
(शर्ध॑मानो॒ - महो॑भिः॒ - पत्नी᳚--र् घृ॒तेन॑ च॒त्वारि॑ च) (अ. 8)
अनुवाकं 9 - ऐन्द्रे प्रश्नौ वपादीनां-याँज्यानुवाक्याः
आच॑र्षणि॒प्रा वृ॑ष॒भो जना॑नाम् । राजा॑ कृष्टी॒ना-म्पु॑रुहू॒त इन्द्रः॑ । स्तु॒त-श्श्र॑व॒स्यन्नव॒सोप॑म॒द्रिक् । यु॒क्त्वा हरी॒ वृष॒णा ऽऽया᳚ह्य॒र्वाम् ॥, वि॒वेष॒ यन्मा॑ धि॒षणा॑ ज॒जान॒ स्तवै॑ पु॒रा पार्या॒दिन्द्र॒ मह्नः॑ । अग्ंह॑सो॒ यत्र॑ पी॒पर॒द्यथा॑ नो ना॒वेव॒ यान्त॑ मु॒भये॑ हवन्ते ॥॥ तग्ं स॒ध्रीची॑रू॒तयो॒ वृष्णि॑यानि । पौग्ग्स्या॑नि नि॒युतः॑ सश्चु॒रिन्द्र᳚म् । स॒मु॒द्र-न्न सिन्ध॑व उ॒क्थशु॑ष्माः । उ॒रु॒व्यच॑स॒गिंर॒ आवि॑शन्ति ॥॥ स॒त्यमित्तन्न त्वावाग्ं॑ अ॒न्यो अस्ति॑ । इन्द्र॑ दे॒वो न मर्त्यो॒ ज्यायान्॑ । अह॒न्नहि॑-म्परि॒शया॑न॒मर्णः॑ । अवा॑सृजो॒-ऽपो अच्छा॑ समु॒द्रम् ॥ प्रस॑साहिषे पुरुहूत॒ शत्रून्॑ । ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्राभ॑र॒ दक्षि॑णेना॒ वसू॑नि । पति॒-स्सिन्धू॑नामसि रे॒वती॑नाम् ॥ स शेवृ॑ध॒मधि॑धा द्यु॒म्नम॒स्मे । महि॑ क्ष॒त्र-ञ्ज॑ना॒षाडि॑न्द्र॒ तव्य᳚म् । रक्षा॑ च नो म॒घोनः॑ पा॒हि सू॒रीन् । रा॒ये च॑ न-स्स्वप॒त्या इ॒षे धाः᳚ ॥ 43 ॥
(रे॒वती॑ना-ञ्च॒त्वारि॑ च) (अ. 9)
अनुवाकं 10 - ऐन्द्रे प्रश्नौ अनुयाजानामेकादश मैत्रावरुणप्रैषाः
दे॒व-म्ब॒र्॒हिरिन्द्रग्ं॑ सुदे॒व-न्दे॒वैः । वी॒रव॑-थ्स्ती॒र्णं-वेँद्या॑मवर्धयत् । वस्तो᳚र्वृ॒त-म्प्राक्तो᳚र्भृ॒तम् । रा॒या ब॒र्॒हिष्म॒तो-ऽत्य॑गात् । व॒सु॒वने॑ वसु॒धेय॑स्य वेतु॒ यज॑ ॥ दे॒वीर्द्वार॒ इन्द्रग्ं॑ सङ्घा॒ते । वि॒ड्वीर्याम॑न्नवर्धयन्न् । आ व॒थ्सेन॒ तरु॑णेन कुमा॒रेण॑ च मीवि॒ता अपार्वा॑णम् । रे॒णुक॑काट-न्नुदन्ताम् । व॒सु॒वने॑ वसु॒धेय॑स्य वियन्तु॒ यज॑ ॥ 44 ॥
दे॒वी उ॒षासा॒ नक्ता᳚ । इन्द्रं॑-यँ॒ज्ञे प्र॑य॒त्य॑ह्वेताम् । दैवी॒र्विशः॒ प्राया॑सिष्टाम् । सुप्री॑ते॒ सुधि॑ते अभूताम् । व॒सु॒वने॑ वसु॒धेय॑स्य वीतां॒-यँज॑ ॥ दे॒वी जोष्ट्री॒ वसु॑धिती । दे॒वमिन्द्र॑मवर्धताम् । अया᳚व्य॒न्या-ऽघा द्वेषाग्ं॑सि । आ-ऽन्या वा᳚क्षी॒-द्वसु॒ वार्या॑णि । यज॑मानाय शिक्षि॒ते ॥ 45 ॥
व॒सु॒वने॑ वसु॒धेय॑स्य वीतां॒-यँज॑ ॥ दे॒वी ऊ॒र्जाहु॑ती॒ दुघे॑ सु॒दुघे᳚ । पय॒सेन्द्र॑मवर्धताम् । इष॒मूर्ज॑म॒न्या ऽवा᳚क्षीत् । सग्धि॒ग्ं॒ सपी॑तिम॒न्या । नवे॑न॒ पूर्व॒-न्दय॑माने । पु॒रा॒णेन॒ नव᳚म् । अधा॑ता॒-मूर्ज॑मू॒र्जाहु॑ती॒ वसु॒ वार्या॑णि । यज॑मानाय शिक्षि॒ते । व॒सु॒वने॑ वसु॒धेय॑स्य वीतां॒-यँज॑ ॥ 46 ॥
दे॒वा दैव्या॒ होता॑रा । दे॒वमिन्द्र॑मवर्धताम् । ह॒ताघ॑शग्ं सा॒वाभा᳚र्ष्टां॒-वँसु॒ वार्या॑णि । यज॑मानाय शिक्षि॒तौ । व॒सु॒वने॑ वसु॒धेय॑स्य वीतां॒-यँज॑ ॥ दे॒वीस्ति॒स्रस्ति॒स्रो दे॒वीः । पति॒मिन्द्र॑मवर्धयन्न् । अस्पृ॑क्ष॒द्भार॑ती॒ दिव᳚म् । रु॒द्रैर्य॒ज्ञग्ं सर॑स्वती । इडा॒ वसु॑मती गृ॒हान् ॥ 47 ॥
व॒सु॒वने॑ वसु॒धेय॑स्य वियन्तु॒ यज॑ ॥ दे॒व इन्द्रो॒ नरा॒शग्ंसः॑ । त्रि॒व॒रू॒थ-स्त्रि॑वन्धु॒रः । दे॒वमिन्द्र॑मवर्धयत् । श॒तेन॑ शितिपृ॒ष्ठाना॒माहि॑तः । स॒हस्रे॑ण॒ प्रव॑र्तते । मि॒त्रावरु॒णेद॑स्य हो॒त्रमर्ह॑तः । बृह॒स्पतिः॑ स्तो॒त्रम् । अ॒श्विना-ऽऽद्ध्व॑र्यवम् । व॒सु॒वने॑ वसु॒धेय॑स्य वेतु॒ यज॑ ॥ 48 ॥
दे॒व इन्द्रो॒ वन॒स्पतिः॑ । हिर॑ण्यपर्णो॒ मधु॑शाख-स्सुपिप्प॒लः । दे॒वमिन्द्र॑मवर्धयत् । दिव॒मग्रे॑णाप्रात् । आ-ऽन्तरि॑क्ष-म्पृथि॒वीम॑दृग्ंहीत् । व॒सु॒वने॑ वसु॒धेय॑स्य वेतु॒ यज॑ ॥ दे॒व-म्ब॒र॒ःइर्वारि॑तीनाम् । दे॒वमिन्द्र॑मवर्धयत् । स्वा॒स॒स्थ-मिन्द्रे॒णास॑न्नम् । अ॒न्या ब॒र्॒हीग्ष्य॒भ्य॑भूत् । व॒सु॒वने॑ वसु॒धेय॑स्य वेतु॒ यज॑ ॥ दे॒वो अ॒ग्नि-स्स्वि॑ष्ट॒कृत् । दे॒वमिन्द्र॑मवर्धयत् । स्वि॑ष्ट-ङ्कु॒र्वन्-थ्स्वि॑ष्ट॒कृत् । स्वि॑ष्टम॒द्य क॑रोतु नः । व॒सु॒वने॑ वसु॒धेय॑स्य वेतु॒ यजे॑ ॥ 49 ॥
(वि॒य॒न्तु॒ यज॑ - शिक्षि॒ते - शि॑क्षि॒ते व॑सु॒वने॑ वसु॒धेय॑स्य वीतां॒-यँज॑-गृ॒हान्.-वे॑तु॒ यजा॑-भू॒-थ्षट्च॑) (अ. 10)
दे॒व-म्ब॒र्॒हि-र्दे॒वीर्द्वारो॑ दे॒वी उ॒षासा॒ नक्ता॑ दे॒वी जोष्ट्री॑ दे॒वी ऊ॒र्जाहु॑ती दे॒वा दैव्या॒ होता॑रा शिक्षि॒तौ दे॒वीस्ति॒स्रस्ति॒स्रो दे॒वीः पति॑-न्दे॒व इन्द्रो॒ नरा॒शग्ंसो॑ दे॒व इन्द्रो॒ वन॒स्पति॑-र्दे॒व-म्ब॒र्॒हिर्वारि॑तीना-न्दे॒वो अ॒ग्नि-स्स्वि॑ष्ट॒कृ-द्दे॒वम् । वे॒तु॒ वि॒य॒न्तु॒ च॒तुर्वी॑ता॒मेको॑ वियन्तु च॒तुर्वे॑तु । अ॒व॒र्ध॒य॒द॒व॒र्ध॒य॒-न्त्रिर॑वर्धता॒मेको॑ ऽवर्धयग्ग् श्च॒तुर॑वर्धयत् । वस्तो॒रा व॒थ्सेन॒ दैवी॒रया॒वीषग्ं॑ ह॒तास्पृ॑क्षच्छ॒तेन॒ दिव॒मिन्द्रग्ग्॑ स्वास॒स्थग्ग् स्वि॑ष्टम् । शिक्षि॒ते शि॑क्षि॒ते शि॑क्षि॒तौ ।
अनुवाकं 11 - पशुत्रये प्रय जार्था मैत्रावरुणप्रैषाः
होता॑ यक्ष-थ्स॒मिधा॒-ऽग्नि-मि॒डस्प॒दे । अ॒श्विनेन्द्र॒ग्ं॒ सर॑स्वतीम् । अ॒जो धू॒म्रो न गो॒धूमैः॒ क्व॑लैर्भेष॒जम् । मधु॒ शष्पै॒र्न तेज॑ इन्द्रि॒यम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒त्तनू॒नपा॒-थ्सर॑स्वती । अवि॑र्मे॒षो न भे॑ष॒जम् । प॒था मधु॑म॒ता ऽऽभ॑रन्न् । अ॒श्विनेन्द्रा॑य वी॒र्य᳚म् ॥ 50 ॥
बद॑रैरुप॒वाका॑भि-र्भेष॒ज-न्तोक्म॑भिः । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒न्नरा॒शग्ंस॒न-न्न॒ग्नहु᳚म् । पति॒ग्ं॒ सुरा॑यै भेष॒जम् । मे॒ष-स्सर॑स्वती भि॒षक् । रथो॒ न च॒न्द्र्य॑श्विनो᳚र्व॒पा इन्द्र॑स्य वी॒र्य᳚म् । बद॑रैरुप॒वाका॑भि-र्भेष॒ज-न्तोक्म॑भिः । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ 51 ॥
होता॑ यक्षदि॒डेडि॒त आ॒जुह्वा॑न॒-स्सर॑स्वतीम् । इन्द्र॒-म्बले॑न व॒र्धयन्न्॑ । ऋ॒ष॒भेण॒ गवे᳚न्द्रि॒यम् । अ॒श्विनेन्द्रा॑य वी॒र्य᳚म् । यवैः᳚ क॒र्कन्धु॑भिः । मधु॑ ला॒जैर्न मास॑रम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष-द्ब॒र॒ःइ-स्सु॒ष्टरी॒मो-ऽर्ण॑म्रदाः । भि॒षन्नास॑त्या ॥ 52 ॥
भि॒षजा॒-ऽश्विना-ऽश्वा॒ शिशु॑मती । भि॒षग्धे॒नु-स्सर॑स्वती । भि॒षग्दु॒ह इन्द्रा॑य भेष॒जम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒द्दुरो॒ दिशः॑ । क॒व॒ष्यो॑ न व्यच॑स्वतीः । अ॒श्विभ्या॒-न्न दुरो॒ दिशः॑ । इन्द्रो॒ न रोद॑सी॒ दुघे᳚ । दु॒हे कामा॒न्-थ्सर॑स्वती ॥ 53 ॥
अ॒श्विनेन्द्रा॑य भेष॒जम् । शु॒क्र-न्न ज्योति॑रिन्द्रि॒यम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष-थ्सु॒पेश॑सो॒षे नक्त॒-न्दिवा᳚ । अ॒श्विना॑ सञ्जाना॒ने । सम॑ञ्जाते॒ सर॑स्वत्या । त्विषि॒मिन्द्रे॒ न भे॑ष॒जम् । श्ये॒नो न रज॑सा हृ॒दा । पय॒-स्सोमः॑ परि॒स्रुता॑ घृ॒त-म्मधु॑ ॥ 54 ॥
वि॒यन्त्वाज्य॑स्य॒ होत॒र्यज॑ ॥ होता॑ यक्ष॒द्दैव्या॒ होता॑रा भि॒षजा॒-ऽश्विना᳚ । इन्द्र॒-न्न जागृ॑वी॒ दिवा॒ नक्त॒-न्न भे॑ष॒जैः । शूष॒ग्ं॒ सर॑स्वती भि॒षक् । सीसे॑न दुह इन्द्रि॒यम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष-त्ति॒स्रो दे॒वीर्न भे॑ष॒जम् । त्रय॑स्त्रि॒धात॑वो॒-ऽपसः॑ । रू॒पमिन्द्रे॑ हिर॒ण्यय᳚म् ॥ 55 ॥
अ॒श्विनेडा॒ न भार॑ती । वा॒चा सर॑स्वती । मह॒ इन्द्रा॑य दधुरिन्द्रि॒यम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒त्त्वष्टा॑र॒-मिन्द्र॑म॒श्विना᳚ । भि॒षज॒-न्न सर॑स्वतीम् । ओजो॒ न जू॒तिरि॑न्द्रि॒यम् । वृको॒ न र॑भ॒सो भि॒षक् । यश॒-स्सुर॑या भेष॒जम् ॥ 56 ॥
श्रि॒या न मास॑रम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्ष॒-द्वन॒स्पति᳚म् । श॒मि॒तारग्ं॑ श॒तक्र॑तुम् । भी॒म-न्न म॒न्युग्ं राजा॑नं-व्याँ॒घ्र-न्नम॑सा॒-ऽश्विना॒ भाम᳚म् । सर॑स्वती भि॒षक् । इन्द्रा॑य दुह इन्द्रि॒यम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ 57 ॥
होता॑ यक्षद॒ग्निग्ग् स्वाहा-ऽऽज्य॑स्य स्तो॒काना᳚म् । स्वाहा॒ मेद॑सा॒-म्पृथ॑क् । स्वाहा॒ छाग॑म॒श्विभ्या᳚म् । स्वाहा॑ मे॒षग्ं सर॑स्वत्यै । स्वाहा॑र्ष॒भ-मिन्द्रा॑य सि॒ग्ं॒हाय॒ सह॑सेन्द्रि॒यम् । स्वाहा॒-ऽग्नि-न्न भे॑ष॒जम् । स्वाहा॒ सोम॑मिन्द्रि॒यम् । स्वाहेन्द्रग्ं॑ सु॒त्रामा॑णग्ं सवि॒तारं॒-वँरु॑ण-म्भि॒षजा॒-म्पति᳚म् । स्वाहा॒ वन॒स्पति॑-म्प्रि॒य-म्पाथो॒ न भे॑ष॒जम् । स्वाहा॑ दे॒वाग्ं आ᳚ज्य॒पान् ॥ 58 ॥
स्वाहा॒-ऽग्निग्ं हो॒त्राज्जु॑षा॒णो अ॒ग्नि-र्भे॑ष॒जम् । पय॒-स्सोमः॑ परि॒स्रुता॑ घृ॒त-म्मधु॑ । वि॒यन्त्वाज्य॑स्य॒ होत॒र्यज॑ ॥ होता॑ यक्षद॒श्विना॒ सर॑स्वती॒मिन्द्रग्ं॑ सु॒त्रामा॑णम् । इ॒मे सोमा᳚-स्सु॒रामा॑णः । छागै॒र्न मे॒षैर्-ऋ॑ष॒भै-स्सु॒ताः । शष्पै॒र्न तोक्म॑भिः । ला॒जैर्मह॑स्वन्तः । मदा॒ मास॑रेण॒ परि॑ष्कृताः । शु॒क्राः पय॑स्वन्तो॒-ऽमृताः᳚ । प्रस्थि॑ता वो मधु॒श्चुतः॑ । तान॒श्विना॒ सर॑स्व॒तीन्द्रः॑ सु॒त्रामा॑ वृत्र॒हा । जु॒षन्ताग्ं॑ सौ॒म्य-म्मधु॑ । पिब॑न्तु॒ मद॑न्तु वि॒यन्तु॒ सोम᳚म् । होत॒र्यज॑ ॥ 59 ॥
(वी॒र्यं - ँवि॒यन्त्वाज्य॑स्य॒ होत॒र्यज॒ - नास॑त्या॒ - सर॑स्वती॒ - मधु॑ - हिर॒ण्ययं॑ - भेष॒जं - ँवि॒यन्त्वाज्य॑स्य॒ होत॒र्यजा᳚ - ज्य॒पा - न॒मृताः॒ पञ्च॑ च) (अ. 11)
स॒मिधा॒-ऽग्निग्ं षट् । तनू॒नपा᳚-थ्स॒प्त । नरा॒शग्ंस॒मृषिः॑ । इ॒डेडि॒तो यवै॑र॒ष्टौ । ब॒र्॒हि-स्स॒प्त । दुरो॒-ऽश्विना॑ शु॒क्रन्नव॑ । सु॒पेश॑सो॒षे नक्त॒मृषिः॑। दैव्या॒ होता॑रा॒ सीसे॑न॒ रसः॑ । ति॒स्रस्त्वष्टा॑रम॒ष्टाव॑ष्टौ । वन॒स्पति॒मृषिः॑ । अ॒ग्नि-न्त्रयो॑दश । अ॒श्विना॒ द्वाद॑श॒ त्रयो॑दश । स॒मिधा॒-ऽग्नि-म्बद॑रै॒-र्बद॑रै॒-र्यवै॑र॒श्विना॒ त्विषि॑म॒श्विना॒ न भे॑ष॒जग्ं रू॒पम॒श्विना॑ भी॒म-म्भाम᳚म् ।
अनुवाकं 12 - पशुत्रये प्रयाजयाज्या आप्रियः
समि॑द्धो अ॒ग्निर॑श्विना । त॒प्तो घ॒र्मो वि॒राट्-थ्सु॒तः । दु॒हे धे॒नु-स्सर॑स्वती । सोमग्ं॑ शु॒क्रमि॒हेन्द्रि॒यम् ॥ त॒नू॒पा भि॒षजा॑ सु॒ते । अ॒श्विनो॒भा सर॑स्वती । मद्ध्वा॒ रजाग्ं॑सीन्द्रि॒यम् । इन्द्रा॑य प॒थिभि॑-र्वहान् ॥ इन्द्रा॒येन्दु॒ग्ं॒ सर॑स्वती । नरा॒शग्ंसे॑न न॒ग्नहुः॑ ॥ 60 ॥
अधा॑ताम॒श्विना॒ मधु॑ । भे॒ष॒ज-म्भि॒षजा॑ सु॒ते ॥ आ॒जुह्वा॑ना॒ सर॑स्वती । इन्द्रा॑येन्द्रि॒याणि॑ वी॒र्य᳚म् । इडा॑भिरश्विना॒विष᳚म् । समूर्ज॒ग्ं॒ सग्ं र॒यि-न्द॑धुः ॥ अश्वि॑ना॒ नमु॑चे-स्सु॒तम् । सोमग्ं॑ शु॒क्र-म्प॑रि॒स्रुता᳚ । सर॑स्वती॒ तमाभ॑रत् । ब॒र्॒हिषेन्द्रा॑य॒ पात॑वे ॥ 61 ॥
क॒व॒ष्यो॑ न व्यच॑स्वतीः । अ॒श्विभ्या॒-न्न दुरो॒ दिशः॑ । इन्द्रो॒ न रोद॑सी॒ दुघे᳚ । दु॒हे कामा॒न्-थ्सर॑स्वती ॥ उ॒षासा॒ नक्त॑मश्विना । दिवेन्द्रग्ं॑ सा॒यमि॑न्द्रि॒यैः । स॒जा॒न्ना॒ने सु॒पेश॑सा । सम॑ञ्जाते॒ सर॑स्वत्या ॥ पा॒त-न्नो॑ अश्विना॒ दिवा᳚ । पा॒हि नक्तग्ं॑ सरस्वति ॥ 62 ॥
दैव्या॑ होतारा भिषजा । पा॒तमिन्द्र॒ग्ं॒ सचा॑ सु॒ते ॥ ति॒स्रस्त्रे॒धा सर॑स्वती । अ॒श्विना॒ भार॒तीडा᳚ । ती॒व्र-म्प॑रि॒स्रुता॒ सोम᳚म् । इन्द्रा॑य सुषवु॒र्मद᳚म् ॥ अश्वि॑ना भेष॒ज-म्मधु॑ । भे॒ष॒ज-न्न॒-स्सर॑स्वती । इन्द्रे॒ त्वष्टा॒ यश॒-श्श्रिय᳚म् । रू॒पग्ं रू॑पमधु-स्सु॒ते ॥ ऋ॒तु॒थेन्द्रो॒ वन॒स्पतिः॑ । श॒श॒मा॒नः प॑रि॒स्रुता᳚ । की॒लाल॑म॒श्विभ्या॒-म्मधु॑ । दु॒हे धे॒नु-स्सर॑स्वती ॥ गोभि॒र्न सोम॑मश्विना । मास॑रेण परि॒ष्कृता᳚ । सम॑धाता॒ग्ं॒ सर॑स्वत्या । स्वाहेन्द्रे॑ सु॒त-म्मधु॑ ॥ 63 ॥
(न॒ग्नहुः॒ - पात॑वे - सरस्व - त्यधु-स्सु॒ते᳚-ऽष्टौ च॑) (अ. 12)
अनुवाकं 13 - पशुत्रये वपादीनां-याँज्यानुवाक्याः
अ॒श्विना॑ ह॒विरि॑न्द्रि॒यम् । नमु॑चेर्धि॒या सर॑स्वती । आ शु॒क्रमा॑सु॒राद्व॒सु । म॒घमिन्द्रा॑य जभ्रिरे ॥ यम॒श्विना॒ सर॑स्वती । ह॒विषेन्द्र॒-मव॑र्धयन्न् । स बि॑भेद ब॒लं (व॒लं) म॒घम् । नमु॑चावासु॒रे सचा᳚ । तमिन्द्र॑-म्प॒शव॒-स्सचा᳚ ॥ अ॒श्विनो॒भा सर॑स्वती ॥ 64 ॥
दधा॑ना अ॒भ्य॑नूषत । ह॒विषा॑ य॒ज्ञमि॑न्द्रि॒यम् ॥ य इन्द्र॑ इन्द्रि॒य-न्द॒धुः । स॒वि॒ता वरु॑णो॒ भगः॑ । स सु॒त्रामा॑ ह॒विष्प॑तिः । यज॑मानाय सश्चत ॥ स॒वि॒ता वरु॑णो॒ दध॑त् । यज॑मानाय दा॒शुषे᳚ । आद॑त्त॒ नमु॑चे॒र्वसु॑ । सु॒त्रामा॒ बल॑मिन्द्रि॒यम् ॥ 65 ॥
वरु॑णः, क्ष॒त्रमि॑न्द्रि॒यम् । भगे॑न सवि॒ता श्रिय᳚म् । सु॒त्रामा॒ यश॑सा॒ बल᳚म् । दधा॑ना य॒ज्ञमा॑शत ॥ अश्वि॑ना॒ गोभि॑रिन्द्रि॒यम् । अश्वे॑भि-र्वी॒र्य॑-म्बल᳚म् । ह॒विषेन्द्र॒ग्ं॒ सर॑स्वती । यज॑मान-मवर्धयन्न् ॥ ता नास॑त्या सु॒पेश॑सा । हिर॑ण्यवर्तनी॒ नरा᳚ । सर॑स्वती ह॒विष्म॑ती । इन्द्र॒ कम॑र्सु नो-ऽवत ॥ ता भि॒षजा॑ सु॒कर्म॑णा । सा सु॒दुघा॒ सर॑स्वती । स वृ॑त्र॒हा श॒तक्र॑तुः । इन्द्रा॑य दधुरिन्द्रि॒यम् ॥ 66 ॥
(उ॒भा सर॑स्वती॒ - बल॑मिन्द्रि॒यं - नरा॒ षट्च॑) (अ. 13)
अनुवाकं 14 - पशुत्रये अनूयाजप्रैषाः
दे॒व-म्ब॒र्॒हि-स्सर॑स्वती । सु॒दे॒वमिन्द्रे॑ अ॒श्विना᳚ । तेजो॒ न चक्षु॑र॒क्ष्योः । ब॒र्॒हिषा॑ दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ दे॒वीर्द्वारो॑ अ॒श्विना᳚ । भि॒षजेन्द्रे॒ सर॑स्वती । प्रा॒ण-न्न वी॒र्य॑-न्न॒सि । द्वारो॑ दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ 67 ॥
दे॒वी उ॒षासा॑व॒श्विना᳚ । भि॒षजेन्द्रे॒ सर॑स्वती । बल॒-न्न वाच॑मा॒स्ये᳚ । उ॒षाभ्या᳚-न्दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ दे॒वी जोष्ट्री॑ अ॒श्विना᳚ । सु॒त्रामेन्द्रे॒ सर॑स्वती । श्रोत्र॒-न्न कर्ण॑यो॒र्यशः॑ । जोष्ट्री᳚भ्या-न्दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ 68 ॥
दे॒वी ऊ॒र्जाहु॑ती॒ दुघे॑ सु॒दुघे᳚ । पय॒सेन्द्र॒ग्ं॒ सर॑स्वत्य॒श्विना॑ भि॒षजा॑-ऽवत । शु॒क्र-न्न ज्योति॒-स्स्तन॑यो॒राहु॑ती धत्त इन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ दे॒वा दे॒वाना᳚-म्भि॒षजा᳚ । होता॑रा॒विन्द्र॑-म॒श्विना᳚ । व॒ष॒ट्का॒रै-स्सर॑स्वती । त्विषि॒-न्न हृद॑ये म॒तिम् । होतृ॑भ्या-न्दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ 69 ॥
दे॒वी-स्ति॒स्र-स्ति॒स्रो दे॒वीः । सर॑स्वत्य॒श्विना॒ भार॒तीडा᳚ । शूष॒-न्न मद्ध्ये॒ नाभ्या᳚म् । इन्द्रा॑य दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ दे॒व इन्द्रो॒ नरा॒शग्ंसः॑ । त्रि॒व॒रू॒थ-स्सर॑स्वत्या॒ ऽश्विभ्या॑मीयते॒ रथः॑ । रेतो॒ न रू॒पम॒मृत॑-ञ्ज॒नित्र᳚म् । इन्द्रा॑य॒ त्वष्टा॒ दध॑दिन्द्रि॒याणि॑ । व॒सु॒वने॑ वसु॒धेय॑स्य वियन्तु॒ यज॑ ॥ 70 ॥
दे॒व इन्द्रो॒ वन॒स्पतिः॑ । हिर॑ण्यपर्णो अ॒श्विभ्या᳚म् । सर॑स्वत्या-स्सुपिप्प॒लः । इन्द्रा॑य पच्यते॒ मधु॑ । ओजो॒ न जू॒तिमृ॑ष॒भो न भाम᳚म् । वन॒स्पति॑र्नो॒ दध॑दिन्द्रि॒याणि॑ । व॒सु॒वने॑ वसु॒धेय॑स्य वियन्तु॒ यज॑ ॥ दे॒व-म्ब॒र्॒हिर्वारि॑तीनाम् । अ॒द्ध्व॒रे स्ती॒र्णम॒श्विभ्या᳚म् । ऊर्ण॑म्रदा॒-स्सर॑स्वत्याः ॥ 71 ॥
स्यो॒नमि॑न्द्र ते॒ सदः॑ । ई॒शायै॑ म॒न्युग्ं राजा॑न-म्ब॒र्॒हिषा॑ दधुरिन्द्रि॒यम् । व॒सु॒वने॑ वसु॒धेय॑स्य वियन्तु॒ यज॑ ॥ दे॒वो अ॒ग्नि-स्स्वि॑ष्ट॒कृत् । दे॒वान्.य॑क्ष-द्यथाय॒थम् । होता॑रा॒-विन्द्र॑म॒श्विना᳚ । वा॒चा वाच॒ग्ं॒ सर॑स्वतीम् । अ॒ग्निग्ं सोमग्ग्॑ स्विष्ट॒कृत् । स्वि॑ष्ट॒ इन्द्रः॑ सु॒त्रामा॑ सवि॒ता वरु॑णो भि॒षक् । इ॒ष्टो दे॒वो वन॒स्पतिः॑ । स्वि॑ष्टा दे॒वा आ᳚ज्य॒पाः । इ॒ष्टो अ॒ग्निर॒ग्निना᳚ । होता॑ हो॒त्रे स्वि॑ष्ट॒कृत् । यशो॒ न दध॑दिन्द्रि॒यम् । ऊर्ज॒मप॑चितिग्ग् स्व॒धाम् । व॒सु॒वने॑ वसु॒धेय॑स्य वियन्तु॒ यज॑ ॥ 72 ॥
(द्वारो॑ दधुरिन्द्रि॒यं-वँ॑सु॒वने॑ वसु॒धेय॑स्य वियन्तु॒ यज॒ - जोष्ट्री᳚भ्या-न्दधुरिन्द्रि॒यं-वँ॑सु॒वने॑ वसु॒धेय॑स्य वियन्तु॒ यज॒ -होतृ॑भ्या-न्दधुरिन्द्रि॒यं-वँ॑सु॒वने॑ वसु॒धेय॑स्य वियन्तु॒ यजे᳚ - न्द्रि॒याणि॑ वसु॒वने॑ वसु॒धेय॑स्य वियन्तु॒ यज॒ - सर॑स्वत्या॒ - वन॒स्पति॒-ष्षट्च॑) (अ. 14)
(दे॒व-म्ब॒र्॒हि-र्दे॒वी-र्द्वारो॑ दे॒वी उ॒षासा॑व॒श्विना॑ दे॒वी जोष्ट्र॑ दे॒वी ऊ॒र्जाहू॑ती दे॒वा दे॒वाना᳚-म्भि॒षजा॑ वषट्का॒रै-र्दे॒वीस्तिस्रस्ति॒स्रो दे॒वी-स्सर॑स्वती दे॒व इन्द्रो॒ नरा॒शग्ंसो॑ दे॒व इन्द्रो॒ वन॒स्पति॑र्दे॒व-म्ब॒र्॒हिर्वारि॑तीना-न्दे॒वोअ॒ग्नि-स्स्वि॑ष्ट॒कृ-द्दे॒वान्) ।
(स॒मिधा॒-ऽग्नि-न्दे॒व-म्ब॒र्॒हि-स्सर॑स्वत्या॒श्विना॒ सर्वं॑-विँयन्तु । द्वार॑स्ति॒स्र-स्संर्व॑ वियन्तु । अ॒ज इन्द्र॒मोजो॒-ऽग्नि-म्पर॒-स्सर॑स्वतीम् । नक्त॒म्पूर्व॒-स्सर॑स्वति । अ॒न्यत्र॒ सर॑स्वति । भि॒ष-क्पूर्व॑-न्दुह इन्द्रि॒यम् । अ॒न्यत्र॑ दधुरिन्द्रि॒यम् । सौ॒त्रा॒म॒ण्याग्ं सु॑तासु॒ती । अ॒ञ्जन्त्य॒यं-यँज॑मानः)
अनुवाकं 15 - सूक्तवाकप्रैषः
अ॒ग्निम॒द्य होता॑रमवृणीत । अ॒यग्ं सु॑तासु॒ती यज॑मानः । पच॑-न्प॒क्तीः । पच॑-न्पुरो॒डाशान्॑ । गृ॒ह्ण-न्ग्रहान्॑ । ब॒द्ध्नन्न॒श्विभ्या॒-ञ्छाग॒ग्ं॒ सर॑स्वत्या॒ इन्द्रा॑य । ब॒द्ध्नन्-थ्सर॑स्वत्यै मे॒षमिन्द्रा॑या॒श्विभ्या᳚म् । ब॒द्ध्नन्निन्द्रा॑यर्ष॒भ-म॒श्विभ्या॒ग्ं॒ सर॑स्वत्यै । सू॒प॒स्था अ॒द्य दे॒वो वन॒स्पति॑रभवत् । अ॒श्विभ्या॒-ञ्छागे॑न॒ सर॑स्वत्या॒ इन्द्रा॑य ॥ 73 ॥
सर॑स्वत्यै मे॒षेणेन्द्रा॑या॒श्विभ्या᳚म् । इन्द्रा॑यर्ष॒भेणा॒श्विभ्या॒ग्ं॒ सर॑स्वत्यै । अक्ष॒ग्ग्॒स्तान्मे॑द॒स्तः प्रति॑ पच॒ता-ऽग्र॑भीषुः । अवी॑वृधन्त॒ ग्रहैः᳚ । अपा॑ताम॒श्विना॒ सर॑स्व॒तीन्द्रः॑ सु॒त्रामा॑ वृत्र॒हा । सोमा᳚न्-थ्सु॒राम्णः॑ । उपो॑ उक्थाम॒दा-श्श्रौ॒द्विमदा॑ अदन्न् । अवी॑वृध-न्ताङ्गू॒षैः । त्वाम॒द्यर्ष॑ आर्षेयर्षीणा-न्नपादवृणीत । अ॒यग्ं सु॑तासु॒ती यज॑मानः । ब॒हुभ्य॒ आसङ्ग॑तेभ्यः । ए॒ष मे॑ दे॒वेषु॒ वसु॒ वार्या य॑क्ष्यत॒ इति॑ । ता या दे॒वा दे॑व॒दाना॒न्यदुः॑ । तान्य॑स्मा॒ आ च॒ शास्व॑ । आ च॑ गुरस्व । इ॒षि॒तश्च॑ होत॒रसि॑ भद्र॒वाच्या॑य॒ प्रेषि॑तो॒ मानु॑षः । सू॒क्त॒वा॒काय॑ सू॒क्ता ब्रू॑हि ॥ 74 ॥
(इन्द्रा॑य॒ - यज॑मान-स्स॒प्त च॑) (अ. 15)
अनुवाकं 16 - पितृयज्ञयाज्यानुवाक्याः
उ॒शन्त॑स्त्वा हवामह उ॒शन्त॒-स्समि॑धीमहि । उ॒शन्नु॑श॒त आ व॑ह पि॒तॄन् ह॒विषे॒ अत्त॑वे ॥, आ नो॑ अग्ने सुके॒तुना᳚ । र॒यिं-विँ॒श्वायु॑पोषसम् । मा॒र्डी॒क-न्धे॑हि जी॒वसे᳚ ॥। त्वग्ं सो॑म म॒हे भग᳚म् । त्वं-यूँन॑ ऋताय॒ते । दक्ष॑-न्दधासि जी॒वसे᳚ ॥,त्वग्ं सो॑म॒ प्रचि॑कितो मनी॒षा त्वग्ं रजि॑ष्ठ॒मनु॑ नेषि॒ पन्था᳚म् । तव॒ प्रणी॑ती पि॒तरो॑ न इन्दो दे॒वेषु॒ रत्न॑म भजन्त॒ धीराः᳚ ॥। त्वया॒ हि नः॑ पि॒तरः॑ सोम॒ पूर्वे॒ कर्मा॑णि च॒क्रुः प॑वमान॒ धीराः᳚ । व॒न्वन्नवा॑तः परि॒धीग्ं रपो᳚र्णु वी॒रेभि॒रश्वै᳚र्म॒घवा॑ भवा नः ॥, त्वग्ं सो॑म पि॒तृभिः॑ संविँदा॒नो-ऽनु॒ द्यावा॑पृथि॒वी आ त॑तन्थ । तस्मै॑ त इन्दो ह॒विषा॑ विधेम व॒यग्ग् स्या॑म॒ पत॑यो रयी॒णाम् ॥ । बर्हि॑षदः पितर ऊ॒त्य॑र्वागि॒मा वो॑ ह॒व्या च॑कृमा जु॒षध्व᳚म् । त आ ग॒ता-ऽव॑सा॒ श-न्त॑मे॒नाथा॒स्मभ्य॒ग्ं॒ शं-योँर॑र॒पो द॑धात ॥, आ-ऽह-म्पि॒तॄन्-थ्सु॑वि॒दत्राग्ं॑ अविथ्सि॒ नपा॑त-ञ्च वि॒क्रम॑ण-ञ्च॒ विष्णोः᳚ । ब॒र्हि॒षदो॒ ये स्व॒धया॑ सु॒तस्य॒ भज॑न्त पि॒त्वस्त इ॒हा-ऽऽ ग॑मिष्ठाः ॥ । उप॑हूताः पि॒तरः॑ सो॒म्यासो॑ बर्हि॒ष्ये॑षु नि॒धिषु॑ प्रि॒येषु॑ । त आ ग॑मन्तु॒ त इ॒ह श्रु॑व॒न्त्वधि॑ ब्रुवन्तु॒ ते अ॑वन्त्व॒स्मान् ॥, अग्नि॑ष्वात्ताः पितर॒ एह ग॑च्छत॒ सदः॑ सद-स्सदत सुप्रणीतयः । अ॒त्ता ह॒वीग्ंषि॒ प्रय॑तानि ब॒र्॒हिष्यथा॑ र॒यिग्ं सर्व॑वीर-न्दधातन ॥ ॥ अ॒ग्नि॒ष्वा॒त्तानृ॑तु॒मतो॑ हवामहे । नरा॒शग्ंसे॑ सोमपी॒थं-यँ आ॒शुः । ते नो॒ अर्व॑न्त-स्सु॒हवा॑ भवन्तु । श-न्नो॑ भवन्तु द्वि॒पदे॒ श-ञ्चतु॑ष्पदे ॥ ये अ॑ग्निष्वा॒त्ता ये-ऽन॑ग्निष्वात्ताः ॥ 75 ॥
अ॒ग्ं॒हो॒मुचः॑ पि॒तरः॑ सो॒म्यासः॑ । परे-ऽव॑रे॒-ऽमृता॑सो॒ भव॑न्तः । अधि॑ब्रुवन्तु॒ ते अ॑वन्त्व॒स्मान् ॥ वा॒न्या॑यै दु॒ग्धे जु॒षमा॑णाः कर॒म्भम् । उ॒दीरा॑णा॒ अव॑रे॒ परे॑ च । अ॒ग्नि॒ष्वा॒त्ता ऋ॒तुभिः॑ संविँदा॒नाः । इन्द्र॑वन्तो ह॒विरि॒द-ञ्जु॑षन्ताम् ॥ यद॑ग्ने कव्यवाहन पि॒तॄन् यक्ष्यृ॑ता॒वृधः॑ । प्र च॑ ह॒व्यानि॑ वक्ष्यसि दे॒वेभ्य॑श्च पि॒तृभ्य॒ आ ॥, त्वम॑ग्न ईडि॒तो जा॑तवे॒दो-ऽवा᳚ड्ढ॒व्यानि॑ सुर॒भीणि॑ कृ॒त्वा । प्रादाः᳚ पि॒तृभ्यः॑ स्व॒धया॒ ते अ॑क्षन्न॒द्धि त्व-न्दे॑व॒ प्रय॑ता ह॒वीग्ंषि॑ । । मात॑ली क॒व्यैर्य॒मो अङ्गि॑रोभि॒ र्बृह॒स्पति॒र्-ऋक्व॑भि र्वावृधा॒नः । याग्श्च॑ दे॒वा वा॑वृ॒धुर्ये च॑ दे॒वान्-थ्स्वाहा॒-ऽन्ये स्व॒धया॒-ऽन्ये म॑दन्ति ॥ ॥ ये ता॑तृ॒पुर्दे॑व॒त्रा जेह॑मानाः । हो॒त्रा॒वृध॒-स्स्तोम॑तष्टासो अ॒र्कैः । आ-ऽग्ने॑ याहि सुवि॒दत्रे॑भिर॒र्वाम् । स॒त्यैः क॒व्यैः पि॒तृभि॑-र्घर्म॒सद्भिः॑ ॥ ह॒व्य॒वाह॑म॒जर॑-म्पुरुप्रि॒यम् । अ॒ग्नि-ङ्घृ॒तेन॑ ह॒विषा॑ सप॒र्यन्न् । उपा॑सद-ङ्कव्य॒वाह॑-म्पितृ॒णाम् । स नः॑ प्र॒जां-वीँ॒रव॑ती॒ग्ं॒ समृ॑ण्वतु ॥ 76 ॥
(अन॑ग्निष्वात्ता॒ - जेह॑माना-स्स॒प्त च॑) (अ. 16)
अनुवाकं 17 - ऐन्द्रो पशौ एकादश प्रयाजाः
होता॑ यक्षदि॒डस्प॒दे । स॒मि॒धा॒न-म्म॒हद्यशः॑ । सुष॑मिद्धं॒-वँरे᳚ण्यम् । अ॒ग्निमिन्द्रं॑-वँयो॒धस᳚म् । गा॒य॒त्री-ञ्छन्द॑ इन्द्रि॒यम् । त्र्यवि॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष॒च्छुचि॑व्रतम् । तनू॒नपा॑तमु॒द्भिद᳚म् । य-ङ्गर्भ॒मदि॑तिर्द॒धे ॥ 77 ॥
शुचि॒मिन्द्रं॑-वँयो॒धस᳚म् । उ॒ष्णिह॒-ञ्छन्द॑ इन्द्रि॒यम् । दि॒त्य॒वाह॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्षदी॒डेन्य᳚म् । ई॒डि॒तं-वृँ॑त्र॒हन्त॑मम् । इडा॑भि॒रीड्य॒ग्ं॒ सहः॑ । सोम॒मिन्द्रं॑-वँयो॒धस᳚म् । अ॒नु॒ष्टुभ॒-ञ्छन्द॑ इन्द्रि॒यम् । त्रि॒व॒थ्स-ङ्गां-वँयो॒ दध॑त् ॥ 78 ॥
वेत्वाज्य॑स्य॒ होत॒र्यज॑ ॥ होता॑ यक्ष-थ्सुबर्हि॒षद᳚म् । पू॒ष॒ण्वन्त॒-मम॑र्त्यम् । सीद॑न्त-म्ब॒र्॒हिषि॑ प्रि॒ये । अ॒मृतेन्द्रं॑-वँयो॒धस᳚म् । बृ॒ह॒ती-ञ्छन्द॑ इन्द्रि॒यम् । पञ्चा॑वि॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष॒-द्व्यच॑स्वतीः । सु॒प्रा॒य॒णा ऋ॑ता॒वृधः॑ ॥ 79 ॥
द्वारो॑ दे॒वीर्हि॑र॒ण्ययीः᳚ । ब्र॒ह्माण॒ इन्द्रं॑-वँयो॒धस᳚म् । प॒ङ्क्ति-ञ्छन्द॑ इ॒हेन्द्रि॒यम् । तु॒र्य॒वाह॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष-थ्सु॒पेश॑से । सु॒शि॒ल्पे बृ॑ह॒ती उ॒भे । नक्तो॒षासा॒ न द॑र्श॒ते । विश्व॒मिन्द्रं॑-वँयो॒धस᳚म् । त्रि॒ष्टुभ॒-ञ्छन्द॑ इन्द्रि॒यम् ॥ 80 ॥
प॒ष्ठ॒वाह॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष॒-त्प्रचे॑तसा । दे॒वाना॑मुत्त॒मं-यँशः॑ । होता॑रा॒ दैव्या॑ क॒वी । स॒युजेन्द्रं॑-वँयो॒धस᳚म् । जग॑ती॒-ञ्छन्द॑ इ॒हेन्द्रि॒यम् । अ॒न॒ड्वाह॒-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष॒-त्पेश॑स्वतीः ॥ 81 ॥
ति॒स्रो दे॒वीर्हि॑र॒ण्ययीः᳚ । भार॑ती-र्बृह॒तीर्म॒हीः । पति॒मिन्द्रं॑-वँयो॒धस᳚म् । वि॒राज॒-ञ्छन्द॑ इ॒हेन्द्रि॒यम् । धे॒नु-ङ्गा-न्न वयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष-थ्सु॒रेत॑सम् । त्वष्टा॑र-म्पुष्टि॒वर्ध॑नम् । रू॒पाणि॒ बिभ्र॑त॒-म्पृथ॑क् । पुष्टि॒मिन्द्रं॑-वँयो॒धस᳚म् ॥ 82 ॥
द्वि॒पद॒-ञ्छन्द॑ इ॒हेन्द्रि॒यम् । उ॒क्षाण॒-ङ्गा-न्न वयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्षच्छ॒तक्र॑तुम् । हिर॑ण्यपर्ण-मु॒क्थिन᳚म् । र॒श॒ना-म्बिभ्र॑तं-वँ॒शिम् । भग॒मिन्द्रं॑-वँयो॒धस᳚म् । क॒कुभ॒-ञ्छन्द॑ इ॒हेन्द्रि॒यम् । व॒शां-वेँ॒हत॒-ङ्गा-न्न वयो॒ दध॑त् । वेत्वाज्य॑स्य॒ होत॒र्यज॑ ॥ होता॑ यक्ष॒-थ्स्वाहा॑कृतीः । अ॒ग्नि-ङ्गृ॒हप॑ति॒-म्पृथ॑क् । वरु॑ण-म्भेष॒ज-ङ्क॒विम् । क्ष॒त्रमिन्द्रं॑-वँयो॒धस᳚म् । अति॑च्छन्दस॒-ञ्छन्द॑ इन्द्रि॒यम् । बृ॒हदृ॑ष॒भ-ङ्गां-वँयो॒ दध॑त् । वेत्वाज्य॑स्य॒ होत॒र्यज॑ ॥ 83 ॥
(द॒धे - दध॑-द्- ऋता॒वृध॑ - इन्द्रि॒यं - पेश॑स्वती--र् वयो॒धसं॒ - ँवेत्वाज्य॑स्य॒ होत॒र्यज॑ स॒प्त च॑) (अ. 17)
इ॒डस्प॒दे᳚-ऽग्नि-ङ्गा॑य॒त्री-न्त्र्यवि᳚म् । शुचि॑व्रत॒ग्ं॒ शुचि॑मु॒ष्णिह॑-न्दित्य॒वाह᳚म् । ई॒डेन्य॒ग्ं॒ सोम॑-मन॒ष्टुभ॑-न्त्रिव॒थ्सम् । सु॒ब॒र॒ःइ॒षद॑म॒मृतेन्द्र॑-म्बृह॒ती-म्पञ्चा॑विम् । व्यच॑स्वती-स्सुप्राय॒णा द्वारो᳚ ब्रा॒ह्माणः॑ पा॒ङ्क्तिमि॒ह तु॑र्य॒वाह᳚म् । सु॒पेश॑से॒ विश्व॒मिन्द्र॑-न्त्रि॒ष्टुभ॑-म्पष्ठ॒वाह᳚म् । प्रचे॑तसा स॒युजेन्द्र॒-ञ्जग॑तीमि॒हान॒ड्वाह᳚म् । पेश॑स्वतीस्ति॒स्त्रो भार॑तीः॒ पतिं॑-विँ॒राज॑मि॒ह धे॒नु-न्न । सु॒रेत॑स॒-न्त्वष्टा॑र॒-म्पुष्टि॑-न्द्वि॒पद॑मि॒होक्षाण॒-न्न । श॒तक्र॑तु॒-म्भग॒मिन्द्र॑-ङ्क॒कुभ॑मि॒ह व॒शां-वेँ॒हत॒-ङ्गा-न्न । स्वाहा॑कृतीः, क्ष॒त्रमति॑च्छन्दस-म्बृ॒हदृ॑ष॒भ-ङ्गां-वँयः॑ । इ॒न्द्रि॒यमुषि॑वसु॒नव॑द॒शेहे᳚न्द्रिय॒मष्ट॑ नव दश॒ गा-न्न वयो॒ दध॒-थ्सर्व॑वेतु ।
अनुवाकं 18 - ऐन्द्रो पशौ प्रयाजयाज्याः
समि॑द्धो अ॒ग्नि-स्स॒मिधा᳚ । सुष॑मिद्धो॒ वरे᳚ण्यः । गा॒य॒त्री छन्द॑ इन्द्रि॒यम् । त्र्यवि॒र्गौर्वयो॑ दधुः ॥ तनू॒नपा॒-च्छुचि॑व्रतः । त॒नू॒नपाच्च॒ (त॒नू॒पाच्च) सर॑स्वती । उ॒ष्णिक्छन्द॑ इन्द्रि॒यम् । दि॒त्य॒वाड्गौर्वयो॑ दधुः ॥ इडा॑भिर॒ग्निरीड्यः॑ । सोमो॑ दे॒वो अम॑र्त्यः ॥ 84 ॥
अ॒नु॒ष्टुप्छन्द॑ इन्द्रि॒यम् । त्रि॒व॒थ्सो गौर्वयो॑ दधुः ॥ सु॒ब॒र्॒हिर॒ग्निः पू॑ष॒ण्वान् । स्ती॒र्ण-ब॑र्हि॒रम॑र्त्यः । बृ॒ह॒ती छन्द॑ इन्द्रि॒यम् । पञ्चा॑वि॒-र्गौर्वयो॑ दधुः ॥ दुरो॑ दे॒वीर्दिशो॑ म॒हीः । ब्र॒ह्मा दे॒वो बृह॒स्पतिः॑ । प॒ङ्क्ति-श्छन्द॑ इ॒हेन्द्रि॒यम् । तु॒र्य॒वाड् गौर्वयो॑ दधुः ॥ 85 ॥
उ॒षे य॒ह्वी सु॒पेश॑सा । विश्वे॑ दे॒वा अम॑र्त्याः । त्रि॒ष्टु-प्छन्द॑ इन्द्रि॒यम् । प॒ष्ठ॒वाद्गौर्वयो॑ दधुः ॥ दैव्या॑ होतारा भिषजा । इन्द्रे॑ण स॒युजा॑ यु॒जा । जग॑ती॒ छन्द॑ इ॒हेन्द्रि॒यम् । अ॒न॒ड्वान्-गौर्वयो॑ दधुः ॥ ति॒स्र इडा॒ सर॑स्वती । भार॑ती म॒रुतो॒ विशः॑ ॥ 86 ॥
वि॒राट्छन्द॑ इ॒हेन्द्रि॒यम् । धे॒नुर्गौर्न वयो॑ दधुः ॥ त्वष्टा॑ तु॒रीपो॒ अद्भु॑तः । इ॒न्द्रा॒ग्नी पु॑ष्टि॒वर्ध॑ना । द्वि॒पाच्छन्द॑ इ॒हेन्द्रि॒यम् । उ॒क्षा गौर्न वयो॑ दधुः ॥ श॒मि॒ता नो॒ वन॒स्पतिः॑ । स॒वि॒ता प्र॑सु॒वन्भग᳚म् । क॒कुच्छन्द॑ इ॒हेन्द्रि॒यम् । व॒शा वे॒हद्गौर्न वयो॑ दधुः ॥ स्वाहा॑ य॒ज्ञं-वँरु॑णः । सु॒क्ष॒त्रो भे॑ष॒ज-ङ्क॑रत् । अतिः॑ छन्दा॒-श्छन्द॑ इन्द्रि॒यम् । बृ॒हदृ॑ष॒भो गौर्वयो॑ दधुः ॥ 87 ॥
(अम॑र्त्य - स्तुर्य॒वाड्गौर्वयो॑ दधु॒--र् विशो॑ - व॒शा वे॒हद्गौर्न वयो॑ दधुश्च॒त्वारि॑ च) (अ. 18)
अनुवाकं 19 - ऐन्द्रो पशौ वपादीनां-यँज्यानुवाक्याः
व॒स॒न्तेन॒र्तुना॑ दे॒वाः । वस॑वस्त्रि॒वृता᳚ स्तु॒तम् । र॒थ॒न्त॒रेण॒ तेज॑सा । ह॒विरिन्द्रे॒ वयो॑ दधुः ॥ ग्री॒ष्मेण॑ दे॒वा ऋ॒तुना᳚ । रु॒द्राः प॑ञ्चद॒शे स्तु॒तम् । बृ॒ह॒ता यश॑सा॒ बल᳚म् । ह॒विरिन्द्रे॒ वयो॑ दधुः ॥ व॒र॒.षाभि॑र्-ऋ॒तुना॑-ऽऽदि॒त्याः । स्तोमे॑ सप्तद॒शे स्तु॒तम् ॥ 88 ॥
वै॒रू॒पेण॑ वि॒शौज॑सा । ह॒विरिन्द्रे॒ वयो॑ दधुः ॥ शा॒र॒देन॒र्तुना॑ दे॒वाः । ए॒क॒वि॒ग्ं॒श ऋ॒भवः॑ स्तु॒तम् । वै॒रा॒जेन॑ श्रि॒या श्रिय᳚म् । ह॒विरिन्द्रे॒ वयो॑ दधुः ॥ हे॒म॒न्तेन॒र्तुना॑ दे॒वाः । म॒रुत॑स्त्रिण॒वे स्तु॒तम् । बले॑न॒ शक्व॑री॒-स्सहः॑ । ह॒विरिन्द्रे॒ वयो॑ दधुः ॥ शै॒शि॒रेण॒र्तुना॑ दे॒वाः । त्र॒य॒स्त्रि॒ग्ं॒शे॑ ऽमृतग्ग्॑ स्तु॒तम् । स॒त्येन॑ रे॒वतीः᳚, क्ष॒त्रम् । ह॒विरिन्द्रे॒ वयो॑ दधुः ॥ 89 ॥
(स्तोमे॑ सप्तद॒शे स्तु॒तग्ं - सहो॑ ह॒विरिन्द्रे॒ वयो॑ दधुश्च॒त्वारि॑ च) (अ. 19)
(व॒स॒न्तेन॑ ग्री॒ष्मेण॑ व॒र्॒षाभिः॑ शार॒देन॑ हेम॒न्तेन॑ शैशि॒रेण॒ षट् )
अनुवाकं 20 - ऐन्द्रो पशौ अनूयाजाना-म्मैत्रावरिणप्रैषाः
दे॒व-म्ब॒र्॒हिरिन्द्रं॑-वँयो॒धस᳚म् । दे॒व-न्दे॒वम॑वर्धयत् । गा॒य॒त्रि॒या छन्द॑सेन्द्रि॒यम् । तेज॒ इन्द्रे॒ वयो॒ दध॑त् । व॒सु॒वने॑ वसु॒धेय॑स्य वेतु॒ यज॑ ॥ दे॒वीर्द्वारो॑ दे॒वमिन्द्रं॑-वँयो॒धस᳚म् । दे॒वीर्दे॒व-म॑वर्धयन्न् । उ॒ष्णिहा॒ छन्द॑सेन्द्रि॒यम् । प्रा॒णमिन्द्रे॒ वयो॒ दध॑त् । व॒सु॒वने॑ वसु॒धेय॑स्य वियन्तु॒ यज॑ ॥ 90 ॥
दे॒वी दे॒वं-वँ॑यो॒धस᳚म् । उ॒षे इन्द्र॑मवर्धताम् । अ॒नु॒ष्टुभा॒ छन्द॑सेन्द्रि॒यम् । वाच॒मिन्द्रे॒ वयो॒ दध॑त् । व॒सु॒वने॑ वसु॒धेय॑स्य वीतां॒-यँज॑ ॥ दे॒वी जोष्ट्री॑ दे॒वमिन्द्रं॑-वँयो॒धस᳚म् । दे॒वी दे॒वम॑वर्धताम् । बृ॒ह॒त्या छन्द॑सेन्द्रि॒यम् । श्रोत्र॒मिन्द्रे॒ वयो॒ दध॑त् । व॒सु॒वने॑ वसु॒धेय॑स्य वीतां॒-यँज॑ ॥ 91 ॥
दे॒वी ऊ॒र्जाहु॑ती दे॒वमिन्द्रं॑-वँयो॒धस᳚म् । दे॒वी दे॒वम॑वर्धताम् । प॒ङ्क्त्या छन्द॑सेन्द्रि॒यम् । शु॒क्रमिन्द्रे॒ वयो॒ दध॑त् । व॒सु॒वने॑ वसु॒धेय॑स्य वीतां॒-यँज॑ ॥ दे॒वा दैव्या॒ होता॑रा दे॒वमिन्द्रं॑-वँयो॒धस᳚म् । दे॒वा दे॒वम॑वर्धताम् । त्रि॒ष्टुभा॒ छन्द॑सेन्द्रि॒यम् । त्विषि॒मिन्द्रे॒ वयो॒ दध॑त् । व॒सु॒वने॑ वसु॒धेय॑स्य वीतां॒-यँज॑ ॥ 92 ॥
दे॒वी-स्ति॒स्र-स्ति॒स्रो दे॒वीर्व॑यो॒धस᳚म् । पति॒मिन्द्र॑-मवर्धयन्न् । जग॑त्या॒ छन्द॑सेन्द्रि॒यम् । बल॒मिन्द्रे॒ वयो॒ दध॑त् । व॒सु॒वने॑ वसु॒धेय॑स्य वियन्तु॒ यज॑ ॥ दे॒वो नरा॒शग्ंसो॑ दे॒वमिन्द्रं॑-वँयो॒धस᳚म् । दे॒वो दे॒वम॑वर्धयत् । वि॒राजा॒ छन्द॑सेन्द्रि॒यम् । रेत॒ इन्द्रे॒ वयो॒ दध॑त् । व॒सु॒वने॑ वसु॒धेय॑स्य वेतु॒ यज॑ ॥ 93 ॥
दे॒वो वन॒स्पति॑-र्दे॒वमिन्द्रं॑-वँयो॒धस᳚म् । दे॒वो दे॒वम॑वर्धयत् । द्वि॒पदा॒ छन्द॑सेन्द्रि॒यम् । भग॒मिन्द्रे॒ वयो॒ दध॑त् । व॒सु॒वने॑ वसु॒धेय॑स्य वेतु॒ यज॑ ॥ दे॒व-म्ब॒र्॒हिर्वारि॑तीना-न्दे॒वमिन्द्रं॑-वँयो॒धस᳚म् । दे॒वो (दे॒वं) दे॒वम॑वर्धयत् । क॒कुभा॒ छन्द॑सेन्द्रि॒यम् । यश॒ इन्द्रे॒ वयो॒ दध॑त् । व॒सु॒वने॑ वसु॒धेय॑स्य वेतु॒ यज॑ ॥ दे॒वो अ॒ग्नि-स्स्वि॑ष्ट॒कृ-द्दे॒वमिन्द्रं॑-वँयो॒धस᳚म् । दे॒वो दे॒वम॑वर्धयत् । अति॑च्छन्दसा॒ छन्द॑सेन्द्रि॒यम् । क्ष॒त्रमिन्द्रे॒ वयो॒ दध॑त् । व॒सु॒वने॑ वसु॒धेय॑स्य वेतु॒ यज॑ ॥ 94 ॥
(वि॒य॒न्तु॒ यज॑ - वीतां॒-यँज॑-वीतां॒-यँज॑-वेतु॒ यज॑-वेतु॒ यज॒ पञ्च॑ च) (अ. 20)
(दे॒व-म्ब॒र्॒हि-र्गा॑यत्रि॒या तेजः॑ । दे॒वीर्द्वार॑ उ॒ष्णिहा᳚ प्रा॒णम् । दे॒वी दे॒वमु॒षे अ॑नु॒ष्टुभा॒ वाच᳚म् । दे॒वी जोष्ट्री॑ बृह॒त्या श्रोत्र᳚म् । दे॒वी ऊ॒र्जाहू॑ती प॒ङ्क्त्या शु॒क्रम् । दे॒वा दैव्या॒ होता॑रा त्रि॒ष्टुभा॒ त्विषि᳚म् । दे॒वीस्ति॒स्रस्ति॒स्रो दे॒वीः पति॒-ञ्जग॑त्या॒ बल᳚म् । दे॒वो नरा॒शग्ंसो॑ वि॒राजा॒ रेतः॑ । दे॒वो वन॒स्पति॑-र्द्वि॒पदा॒ भग᳚म् । दे॒व-म्ब॒र्॒हि-र्वारि॑तीना-ङ्क॒कुभा॒ यशः॑ । दे॒वो अ॒ग्नि-स्स्वि॑ष्ट॒कृदति॑च्छन्दसा क्ष॒त्रम् । वे॒तु॒ वि॒य॒न्तु॒ च॒तु-र्वी॑ता॒मेको॑ वियन्तु च॒तुर्वे॑तु । अ॒व॒र्ध॒य॒द॒व॒र्ध॒य॒ग्ग्॒ श्च॒तुर॑वर्धता॒मेको॑ ऽवर्धयग्ग् श्च॒तुर॑वर्धयत् ।)
(स्वा॒द्वी-न्त्वा॒ - सोमः॒ - सुरा॑वन्त॒ग्ं॒ - सीसे॑न - मि॒त्रो॑-ऽसि॒ - य-द्दे॑वा॒ - होता॑ यक्ष-थ्स॒मिधेन्द्र॒ग्ं॒ - समि॑द्ध॒ इन्द्र॒ - आच॑र्षणि॒प्रा - दे॒व-म्ब॒र्॒हिरिन्द्रग्ं॑ सुदे॒वग्ं - होता॑ यक्ष-थ्स॒मिधा॒-ऽग्निग्ं - समि॑द्धो अ॒ग्निर॑श्विना॒ - ऽश्विना॑ ह॒विरि॑न्द्रि॒यं - दे॒व-म्ब॒र्॒हि-स्सर॑स्व - त्या॒ग्निम॒ - द्योशन्तो॒ - होता॑ यक्षदि॒डस्प॒दे - समि॑द्धो अ॒ग्नि-स्स॒मिधा॑ - वस॒न्तेन॑ - दे॒व-म्ब॒र्॒हिरिन्द्रं॑-वँयो॒धसं॑-विँग्ंश॒तिः)
(स्वा॒द्वी-न्त्वा-ऽ - मी॑ मदन्त पि॒तरः॒ - साम्रा᳚ज्याय - पू॒त-म्प॒वित्रे॑णे॒ वाज्य॑ - मु॒षासा॒नक्ता॒ - बद॑रै॒ - रधा॑ताम॒श्विना॑ - दे॒व इन्द्रो॒ वन॒स्पतिः॑ - पष्ठ॒वाह॒-ङ्गां - दे॒वी दे॒वं-वँ॑यो॒धस॒-ञ्चतु॑र्नवतिः )
(स्वा॒द्वीन्त्वा॑ - वेतु॒ यज॑)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे द्वितीयाष्टके षष्ठः प्रपाठक-स्समाप्तः ॥
kṛṣṇa yajurvedīya taittirīya brāhmaṇe dvitīyāṣṭake ṣaṣṭhaḥ prapāṭhakaḥ - sautrāmaṇiḥ kaukilī hotra-ñca
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - grahāḥ
svā॒dvī-ntvā᳚ svā॒dunā᳚ | tī॒vrā-ntī॒vreṇa̭ | a॒mṛtā̭-ma॒mṛtḙna | madhṷmatī॒-mmadhṷmatā | sṛ॒jāmi॒ sagṃ somḙna | somo᳚-'sya॒śvibhyā᳚-mpacyasva | sara̭svatyai pacyasva | indrā̭ya su॒trāmṇḙ pacyasva || parī॒toṣi̭ñcatā su॒tam | somo॒ ya ṷtta॒magṃ ha॒viḥ || 1 ||
da॒dha॒nvā yo naryo̭ a॒phsva̭ntarā | su॒ṣāva॒ soma॒madri̭bhiḥ || pu॒nātṷ te pari॒sruta᳚m | soma॒gṃ॒ sūrya̭sya duhi॒tā | vārḙṇa॒ śaśva̭tā॒ tanā᳚ | vā॒yuḥ pū॒taḥ pa॒vitrḙṇa | prāṅkhsomo॒ ati̭drutaḥ | indra̭sya॒ yujya॒-ssakhā᳚ || vā॒yuḥ pū॒taḥ pa॒vitrḙṇa | pra॒tyaṅkhsomo॒ āti̭drutaḥ || 2 ||
indra̭sya॒ yujya॒-ssakhā᳚ || brahma̭ kṣa॒tra-mpa̭vate॒ teja̭ indri॒yam | sura̭yā॒ somaḥ̭ su॒ta āsṷto॒ madā̭ya | śu॒kreṇa̭ deva de॒vatāḥ᳚ pipṛgdhi | rase॒nānnaṃ॒-ya~ja̭mānāya dhehi || ku॒vida॒ṅga yava̭manto॒ yava̭-ñcit | yathā॒ dāntya̭nupū॒rvaṃ-vi~॒yūya̭ | i॒hehai̭ṣā-ṅkṛṇuta॒ bhoja̭nāni | ye ba॒ra॒ḥiṣo॒ namo̭vṛkti॒-nna ja॒gmuḥ || u॒pa॒yā॒ma-gṛ̭hīto-'sya॒śvibhyā᳚-ntvā॒ juṣṭa̭-ṅgṛhṇāmi || 3 ||
sara̭svatyā॒ indrā̭ya su॒trāmṇe᳚ || e॒ṣa te॒ yoni॒steja̭se tvā | vī॒ryā̭ya tvā॒ balā̭ya tvā || tejo̭-'si॒ tejo॒ mayi̭ dhehi | vī॒rya̭masi vī॒rya̭-mmayi̭ dhehi | bala̭masi॒ bala॒-mmayi̭ dhehi || nānā॒ hi vā᳚-nde॒vahi̭ta॒gṃ॒ sadaḥ̭ kṛ॒tam | mā sagṃsṛ̭kṣāthā-mpara॒me vyo̭mann | surā॒ tvamasi̭ śu॒ṣmiṇī॒ soma̭ e॒ṣaḥ | mā mā̭ higṃsī॒-ssvāṃ-yo~ni̭māvi॒śann || 4 ||
u॒pa॒yā॒magṛ̭hīto-'syāśvi॒na-ntejaḥ̭ | sā॒ra॒sva॒taṃ-vī~॒rya᳚m | ai॒ndra-mbala᳚m || e॒ṣa te॒ yoni॒rmodā̭ya tvā | ā॒na॒ndāya̭ tvā॒ maha̭se tvā || ojo॒-'syojo॒ mayi̭ dhehi | ma॒nyura̭si ma॒nyu-mmayi̭ dhehi | maho̭-'si॒ maho॒ mayi̭ dhehi | saho̭-'si॒ saho॒ mayi̭ dhehi || yā vyā॒ghraṃ-vi~ṣṷ̄cikā | u॒bhau vṛka̭-ñca॒ rakṣa̭ti | śye॒na-mpa̭ta॒triṇagṃ̭ si॒gṃ॒ham | sema-mpā॒tvagṃha̭saḥ || sa॒-mpṛcaḥ̭ stha॒ sa-mmā̭ bha॒dreṇa̭ pṛṅkta | vi॒pṛcaḥ̭ stha॒ vi mā̭ pā॒pmanā̭ pṛṅkta || 5 ||
(ha॒viḥ - pra॒tyaṅkhsomo॒ āti̭druto - gṛhṇā - myāvi॒śan - viṣṷ̄cikā॒ pañca̭ ca) (a. 1)
anuvākaṃ 2 - grahopasthānam
somo॒ rājā॒-'mṛtagṃ̭ su॒taḥ | ṛ॒jī॒ṣeṇā̭jahānmṛ॒tyum | ṛ॒tena̭ sa॒tyami̭ndri॒yam | vipānagṃ̭ śu॒kramandha̭saḥ | indra̭syendri॒yam | i॒da-mpayo॒-'mṛta॒-mmadhṷ || soma̭ma॒dbhyo vya̭pibat | chanda̭sā ha॒gṃ॒sa-śśṷci॒ṣat | ṛ॒tena̭ sa॒tyami̭ndri॒yam | a॒dbhyaḥ, kṣī॒raṃ-vya~̭pibat || 6 ||
kruṅṅā᳚ṅgira॒so dhi॒yā | ṛ॒tena̭ sa॒tyami̭ndri॒yam | annā᳚-tpari॒sruto॒ rasa᳚m | brahma̭ṇā॒ vya̭piba-tkṣa॒tram | ṛ॒tena̭ sa॒tyami̭ndri॒yam || reto॒ mūtraṃ॒-vi~ja̭hāti | yoni̭-mpravi॒śadi̭ndri॒yam | garbho̭ ja॒rāyu॒ṇā-''vṛ̭taḥ | ulba̭-ñjahāti॒ janma̭nā | ṛ॒tena̭ sa॒tyami̭ndri॒yam || 7 ||
vedḙna rū॒pe vya̭karot | sa॒tā॒sa॒tī pra॒jāpa̭tiḥ | ṛ॒tena̭ sa॒tyami̭ndri॒yam || somḙna॒ somau॒ vya̭pibat | su॒tā॒su॒tau pra॒jāpa̭tiḥ | ṛ॒tena̭ sa॒tyami̭ndri॒yam | dṛ॒ṣṭvā rū॒pe vyāka̭rot | sa॒tyā॒nṛ॒te pra॒jāpa̭tiḥ | aśra̭ddhā॒-manṛ॒te-'da̭dhāt | śra॒ddhāgṃ sa॒tye pra॒jāpa̭tiḥ | ṛ॒tena̭ sa॒tyami̭ndri॒yam || dṛ॒ṣṭvā pa̭ri॒sruto॒ rasa᳚m | śu॒kreṇa̭ śu॒kraṃ-vya~̭pibat | paya॒-ssoma̭-mpra॒jāpa̭tiḥ | ṛ॒tena̭ sa॒tyami̭ndri॒yam | vipānagṃ̭ śu॒kramandha̭saḥ | indra̭syendri॒yam | i॒da-mpayo॒-'mṛta॒-mmadhṷ || 8 ||
(a॒dbhyaḥ, kṣī॒raṃ-vya~̭piba॒ - jjanma̭na॒rtena̭ sa॒tyami̭ndri॒yagg - śra॒ddhāgṃ sa॒tye pra॒jāpa̭tira॒ṣṭau ca̭) (a. 2)
(somo॒ rājā॒ vipāna॒gṃ॒ soma̭ma॒dbhyo-'nnā॒-dreto॒ mūtraṃ॒-ve~dḙna satāsa॒tī somḙna sutāsu॒tau dṛ॒ṣṭvā rū॒pe dṛ॒ṣṭvā pa̭ri॒sruto॒ rasaṃ॒-vi~pāna॒-ndaśa̭ )
anuvākaṃ 3 - grahahomaḥ
surā̭vanta-mbarhi॒ṣadagṃ̭ su॒vīra᳚m | ya॒jñagṃ hi̭nvanti mahi॒ṣā namo̭bhiḥ | dadhā̭nā॒-ssoma̭-ndi॒vi de॒vatā̭su | made॒mendraṃ॒-ya~ja̭mānā-ssva॒rkāḥ || yaste॒ rasa॒-ssambhṛ̭ta॒ oṣa̭dhīṣu | soma̭sya॒ śuṣma॒-ssura̭yā su॒tasya̭ | tena̭ jinva॒ yaja̭māna॒-mmadḙna | sara̭svatī-ma॒śvinā॒-vindra̭-ma॒gnim || yama॒śvinā॒ namṷcerāsu॒rādadhi̭ | sara̭sva॒tyasa̭nodindri॒yāya̭ || 9 ||
i॒ma-ntagṃ śu॒kra-mmadhṷmanta॒-mindu᳚m | soma॒gṃ॒ rājā̭nami॒ha bha̭kṣayāmi || yadatra̭ ri॒ptagṃ ra॒sinaḥ̭ su॒tasya̭ | yadindro॒ api̭ba॒cchacī̭bhiḥ | a॒ha-ntada̭sya॒ mana̭sā śi॒vena̭ | soma॒gṃ॒ rājā̭nami॒ha bha̭kṣayāmi || pi॒tṛbhyaḥ̭ svadhā॒vibhyaḥ̭ sva॒dhā namaḥ̭ | pi॒tā॒ma॒hebhyaḥ̭ svadhā॒vibhyaḥ̭ sva॒dhā namaḥ̭ | prapi̭tāmahebhya-ssvadhā॒vibhyaḥ̭ sva॒dhā namaḥ̭ | akṣa̭-npi॒taraḥ̭ || 10 ||
amī̭madanta pi॒taraḥ̭ | atī̭tṛpanta pi॒taraḥ̭ | amī̭mṛjanta pi॒taraḥ̭ | pita̭ra॒-śśundha̭ddhvam || pu॒nantṷ mā pi॒taraḥ̭ so॒myāsaḥ̭ | pu॒nantṷ mā pitāma॒hāḥ | pu॒nantu॒ prapi̭tāmahāḥ | pa॒vitrḙṇa śa॒tāyṷṣā | pu॒nantṷ mā pitāma॒hāḥ | pu॒nantu॒ prapi̭tāmahāḥ || 11 ||
pa॒vitrḙṇa śa॒tāyṷṣā || viśva॒māyu॒-rvya̭śnavai | agna॒ āyūgṃ̭ṣi pavasa॒ ā su॒vorja॒miṣa̭-ñca naḥ | ā॒re bā̭dhasva du॒cchunā᳚m || agne॒ pava̭sva॒ svapā̭ a॒sme varcaḥ̭ su॒vīrya᳚m | dadha॒-tpoṣagṃ̭ ra॒yi-mmayi̭ ||| pava̭māna॒-ssuva॒rjanaḥ̭ | pa॒vitrḙṇa॒ vica̭rṣaṇiḥ | yaḥ potā॒ sa pṷnātu mā || pu॒nantṷ mā devaja॒nāḥ | pu॒nantu॒ mana̭ vo dhi॒yā | pu॒nantu॒ viśva̭ ā॒yavaḥ̭ ||| jāta̭vedaḥ pa॒vitra̭vat | pa॒vitrḙṇa punāhi mā | śu॒kreṇa̭ deva॒ dīdya̭t | agne॒ kratvā॒ kratū॒gṃ॒ranṷ || yattḙ pa॒vitra̭-ma॒rciṣi̭ | agne॒ vita̭tamanta॒rā | brahma॒ tena̭ punīmahe ||| u॒bhābhyā᳚-ndeva savitaḥ | pa॒vitrḙṇa sa॒vena̭ ca | i॒da-mbrahma̭ punīmahe || vai॒śva॒de॒vī pṷna॒tī de॒vyāgā᳚t | yasyai̭ ba॒hvī-sta॒nuvo̭ vī॒tapṛ̭ṣṭhāḥ | tayā॒ mada̭nta-ssadha॒mādyḙṣu | va॒yagg syā̭ma॒ pata̭yo rayī॒ṇām |||| ye sa̭mā॒nā-ssama̭nasaḥ | pi॒taro̭ yama॒rājye᳚ | teṣāṃ᳚-lo~॒ka-ssva॒dhā namaḥ̭ | ya॒jño de॒veṣṷ kalpatām || 12 ||
ye sa̭jā॒tā-ssama̭nasaḥ | jī॒vā jī॒veṣṷ māma॒kāḥ | teṣā॒g॒ śrīrmayi̭ kalpatām | a॒smil ~lo॒ke śa॒tagṃ samāḥ᳚ || dve sru॒tī a̭śṛṇava-mpitṛ॒ṇām | a॒ha-nde॒vānā̭mu॒ta martyā̭nām | yābhyā̭mi॒daṃ-vi~śva॒meja॒-thsamḙti | yada̭nta॒rā pi॒tara̭-mmā॒tara̭-ñca || i॒dagṃ ha॒viḥ pra॒jana̭na-mme astu | daśa̭vīragṃ sa॒rvaga̭ṇagg sva॒staye᳚ | ā॒tma॒sani̭ prajā॒sani̭ | pa॒śu॒sanya̭bhaya॒sani̭ loka॒sani̭ | a॒gniḥ pra॒jā-mba̭hu॒lā-mmḙ karotu | anna॒-mpayo॒ reto̭ a॒smāsṷ dhatta | rā॒yaspoṣa॒-miṣa॒mūrja̭ma॒smāsṷ dīdhara॒-thsvāhā᳚ || 13 ||
(i॒ndri॒yāya̭ - pi॒taraḥ̭ - śa॒tāyṷṣā pu॒nantṷ mā pitāma॒hāḥ pu॒nantu॒ prapi̭tāmahāḥ-kalpatāg-sva॒staye॒ pañca̭ ca) (a. 3)
anuvākaṃ 4 - upahomāḥ
sīsḙna॒ tantra॒-mmana̭sā manī॒ṣiṇaḥ̭ | ū॒rṇā॒sū॒treṇa̭ ka॒vayo̭ vayanti | a॒śvinā̭ ya॒jñagṃ sa̭vi॒tā sara̭svatī | indra̭sya rū॒paṃ-va~rṷṇo bhiṣa॒jyann || tada̭sya rū॒pama॒mṛta॒gṃ॒ śacī̭bhiḥ | ti॒sro da̭dhurde॒vatā᳚-ssagṃrarā॒ṇāḥ | lomā̭ni॒ śaṣpai᳚-rbahu॒dhā na tokma̭bhiḥ | tvaga̭sya mā॒gṃ॒sama̭bhava॒nna lā॒jāḥ || tada॒śvinā̭ bhi॒ṣajā̭ ru॒drava̭rtanī | sara̭svatī vayati॒ peśo॒ anta̭raḥ || 14 ||
asthi̭ ma॒jjāna॒-mmāsa̭raiḥ | kā॒ro॒ta॒reṇa॒ dadha̭to॒ gavā᳚-ntva॒ci || sara̭svatī॒ mana̭sā peśa॒laṃ-va~sṷ | nāsa̭tyābhyāṃ-va~yati darśa॒taṃ-va~puḥ̭ | rasa̭-mpari॒srutā॒ na rohi̭tam | na॒gnahu॒rdhīra॒stasa̭ra॒-nna vema̭ || paya̭sā śu॒krama॒mṛta̭-ñja॒nitra᳚m | sura̭yā॒ mūtrā᳚jjanayanti॒ retaḥ̭ | apāma̭ti-ndurma॒ti-mbādha̭mānāḥ | ūva̭ddhyaṃ॒-vā~tagṃ̭ sa॒buva॒-ntadā॒rāt || 15 ||
indraḥ̭ su॒trāmā॒ hṛda̭yena sa॒tyam | pu॒ro॒ḍāśḙna savi॒tā ja̭jāna | yakṛ̭-tklo॒mānaṃ॒-va~rṷṇo bhiṣa॒jyann | mata̭sne vāya॒vyai᳚rna mi̭nāti pi॒ttam || ā॒ntrāṇi̭ sthā॒lī madhu॒ pinva̭mānā | gudā॒ pātrā̭ṇi su॒dughā॒ na dhe॒nuḥ | śye॒nasya॒ patra॒-nna plī॒hā śacī̭bhiḥ | ā॒sa॒ndī nābhi̭ru॒dara॒-nna mā॒tā || ku॒mbho va̭ni॒ṣṭhurja̭ni॒tā śacī̭bhiḥ | yasmi॒nnagre॒ yonyā॒-ṅgarbho̭ a॒ntaḥ || 16 ||
plā॒śīrvya̭kta-śśa॒tadhā̭ra॒ uthsaḥ̭ | du॒he na ku॒mbhīg sva॒dhā-mpi॒tṛbhyaḥ̭ || mukha॒gṃ॒ sada̭sya॒ śira॒ ithsadḙna | ji॒hvā pa॒vitra̭ma॒śvinā॒ sagṃ sara̭svatī | cappa॒-nna pā॒yurbhi॒ṣaga̭sya॒ vālaḥ̭ | va॒stirna śepo॒ hara̭sā tara॒svī || a॒śvibhyā॒-ñcakṣṷra॒mṛta॒-ṅgrahā᳚bhyām | chāgḙna॒ tejo̭ ha॒viṣā̭ śṛ॒tena̭ | pakṣmā̭ṇi go॒dhūmaiḥ॒ kva̭lairu॒tāni̭ | peśo॒ na śu॒klamasi̭taṃ-va~sāte || 17 ||
avi॒rna me॒ṣo na॒si vī॒ryā̭ya | prā॒ṇasya॒ panthā̭ a॒mṛto॒ grahā᳚bhyām | sara̭sva॒tyupa॒vākai᳚rvyā॒nam | nasyā̭ni ba॒ra॒ḥi-rbada̭rai-rjajāna || indra̭sya rū॒pamṛ̭ṣa॒bho balā̭ya | karṇā᳚bhyā॒g॒ śrotra̭ma॒mṛta॒-ṅgrahā᳚bhyām | yavā॒ na ba॒ra॒ḥi-rbhru॒vi kesa̭rāṇi | ka॒rkandhṷ jajñe॒ madhṷ sāra॒gha-mmukhā᳚t || ā॒tmannu॒pasthe॒ na vṛka̭sya॒ loma̭ | mukhe॒ śmaśrṷ̄ṇi॒ na vyā᳚ghralo॒mam || 18 ||
keśā॒ na śī॒ra॒.ṣan. yaśa̭se śri॒yai śikhā᳚ | si॒gṃ॒hasya॒ loma॒ tviṣi̭-rindri॒yāṇi̭ || aṅgā᳚nyā॒tman-bhi॒ṣajā॒ tada॒śvinā᳚ | ā॒tmāna॒maṅgai॒-ssama̭dhā॒-thsara̭svatī | indra̭sya rū॒pagṃ śa॒tamā̭na॒māyuḥ̭ | ca॒ndreṇa॒ jyoti̭ra॒mṛta॒-ndadhā̭nā || sara̭svatī॒ yonyā॒-ṅgarbha̭ma॒ntaḥ | a॒śvibhyā॒-mpatnī॒ sukṛ̭ta-mbibharti | a॒pāgṃ rasḙna॒ varṷṇo॒ na sāmnā᳚ | indragg̭ śri॒yai ja॒naya̭nna॒phsu rājā᳚ || tejaḥ̭ paśū॒nāgṃ ha॒viri̭ndri॒yāva̭t | pa॒ri॒srutā॒ paya̭sā sāra॒gha-mmadhṷ | a॒śvibhyā᳚-ndu॒gdha-mbhi॒ṣajā॒ sara̭svatyā sutāsu॒tābhyā᳚m | a॒mṛta॒-ssoma॒ induḥ̭ || 19 ||
(anta̭ra - ā॒rā - da॒nta--r va̭sāte - vyāghralo॒magṃ - rājā̭ ca॒tvāri̭ ca) (a. 4)
anuvākaṃ 5 - abhiṣekaḥ
mi॒tro̭-'si॒ varṷṇo-'si | sama॒haṃ-vi~śvai᳚rde॒vaiḥ || kṣa॒trasya॒ nābhi̭rasi | kṣa॒trasya॒ yoni̭rasi || syo॒nāmāsī̭da | su॒ṣadā॒māsī̭da | mā tvā̭ higṃsīt | mā mā̭ higṃsīt || niṣa̭sāda dhṛ॒tavra̭to॒ varṷṇaḥ | pa॒styā᳚svā || 20 ||
sāmrā᳚jyāya su॒kratuḥ̭ || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | a॒śvino॒-rbhaiṣa̭jyena | teja̭se brahmavarca॒sāyā॒bhiṣi̭ñcāmi || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | sara̭svatyai॒ bhaiṣa̭jyena || 21 ||
vī॒ryā̭yā॒nnādyā̭yā॒bhiṣi̭ñcāmi || de॒vasya̭ tvā savi॒tuḥ pra̭sa॒ve | a॒śvino᳚-rbā॒hubhyā᳚m | pū॒ṣṇo hastā᳚bhyām | indra̭syendri॒yeṇa̭ | śri॒yai yaśa̭se॒ balā̭yā॒bhiṣi̭ñcāmi || ko̭-'si kata॒mo̭-'si | kasmai᳚ tvā॒ kāya̭ tvā || suślo॒kā~(4) suma̭ḍga॒lā~(4) satya̭rā॒jā(3)n || śiro̭ me॒ śrīḥ || 22 ||
yaśo॒ mukha᳚m | tviṣiḥ॒ keśā᳚śca॒ śmaśrṷ̄ṇi | rājā̭ me prā॒ṇo̭-'mṛta᳚m | sa॒mrāṭ cakṣuḥ̭ | vi॒rāṭchrotra᳚m | ji॒hvā mḙ bha॒dram | vāmmahaḥ̭ | mano̭ ma॒nyuḥ | sva॒rāḍbhāmaḥ̭ | modāḥ᳚ pramo॒dā a॒ṅgulī॒raṅgā̭ni || 23 ||
ci॒tta-mme॒ sahaḥ̭ | bā॒hū me॒ bala̭mindri॒yam | hastaṷ me॒ karma̭ vī॒rya᳚m | ā॒tmā kṣa॒tramuro॒ mama̭ | pṛ॒ṣṭīrmḙ rā॒ṣṭramu॒dara॒magṃsau᳚ | grī॒vāśca॒ śroṇyau᳚ | ū॒rū a̭ra॒tnī jānṷnī | viśo॒ me-'ṅgā̭ni sa॒rvataḥ̭ | nābhi̭rme ci॒ttaṃ-vi~॒jñāna᳚m | pā॒yurme-'pa̭citirbha॒sat || 24 ||
ā॒na॒nda॒na॒ndāvā॒ṇḍau me᳚ | bhaga॒-ssaubhā᳚gya॒-mpasaḥ̭ || jaṅghā᳚bhyā-mpa॒dbhyā-ndharmo᳚-'smi | vi॒śi rājā॒ prati̭ṣṭhitaḥ || prati̭ kṣa॒tre prati̭tiṣṭhāmi rā॒ṣṭre | pratyaśvḙṣu॒ prati̭tiṣṭhāmi॒ goṣṷ | pratyaṅgḙṣu॒ prati̭tiṣṭhāmyā॒tmann | prati̭ prā॒ṇeṣu॒ prati̭tiṣṭhāmi pu॒ṣṭe | prati॒ dyāvā̭pṛthi॒vyoḥ | pratiti̭ṣṭhāmi ya॒jñe || 25 ||
tra॒yā de॒vā ekā̭daśa | tra॒ya॒stri॒gṃ॒śā-ssu॒rādha̭saḥ | bṛha॒spati̭ purohitāḥ | de॒vasya̭ savi॒tu-ssa॒ve | de॒vā de॒vaira̭vantu mā | pra॒tha॒mā dvi॒tīyaiḥ᳚ | dvi॒tīyā᳚stṛ॒tīyaiḥ᳚ | tṛ॒tīyā᳚-ssa॒tyena̭ | sa॒tyaṃ-ya~॒jñena̭ |ya॒jño yajṷrbhiḥ || 26 ||
yajūgṃ̭ṣi॒ sāma̭bhiḥ | sāmā᳚nyṛ॒gbhiḥ | ṛco̭ yā॒jyā̭bhiḥ | yā॒jyā̭ vaṣaṭkā॒raiḥ | va॒ṣa॒ṭkā॒rā āhṷtibhiḥ | āhṷtayo me॒ kāmā॒n-thsama̭rdhayantu || bhū-ssvāhā᳚ || lomā̭ni॒ praya̭ti॒rmama̭ | tvamma॒ āna̭ti॒rāga̭tiḥ | mā॒gṃ॒sa-mma॒ upa̭natiḥ | va svasthi̭ | ma॒jjā ma॒ āna̭tiḥ || 27 ||
(pa॒styā᳚svā - sara̭svatyai॒ bhaiṣa̭jyena॒ - śrī - raṅgā̭ni - bha॒sa--dya॒jñe - ya॒jño yajṷrbhi॒ - rupa̭nati॒rdve ca̭) (a. 5)
anuvākaṃ 6 - avabhṛthaḥ
ya-ddḙvā deva॒heḍa̭nam | devā̭saścakṛ॒mā va॒yam | a॒gnirmā॒ tasmā॒dena̭saḥ | viśvā᳚-nmuñca॒tvagṃha̭saḥ || yadi॒ divā॒ yadi॒ nakta᳚m | enāgṃ̭si cakṛ॒mā va॒yam | vā॒yurmā॒ tasmā॒dena̭saḥ | viśvā᳚-nmuñca॒tvagṃha̭saḥ || yadi॒ jāgra॒-dyadi॒ svapne᳚ | enāgṃ̭si cakṛ॒mā va॒yam || 28 ||
sūryo̭ mā॒ tasmā॒dena̭saḥ | viśvā᳚-nmuñca॒tvagṃha̭saḥ || yadgrāme॒ yadara̭ṇye | ya-thsa॒bhāyāṃ॒-ya~di̭ndri॒ye | yacchū॒dre yada॒rye᳚ | ena̭ścakṛ॒mā va॒yam | yadeka॒syādhi॒ dharma̭ṇi | tasyā̭va॒yaja̭namasi || yadāpo॒ aghni̭yā॒ varu॒ṇeti॒ śapā̭mahe | tato̭ varuṇa no muñca || 29 ||
ava̭bhṛtha nicaṅkuṇa nice॒rura̭si nicaṅkuṇa | ava̭ de॒vai-rde॒vakṛ̭ta॒meno̭-'yāṭ | ava॒ martyai॒rmartya̭kṛtam | u॒rorā no̭ deva ri॒ṣaspā̭hi || su॒mi॒trā na॒ āpa॒ oṣa̭dhaya-ssantu | du॒rmi॒trāstasmai̭ bhuyāsuḥ | yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ || dru॒pa॒dādi॒ve-nmṷmucā॒naḥ | svi॒nna-ssnā॒tvī malā̭diva || 30 ||
pū॒ta-mpa॒vitrḙṇe॒vājya᳚m | āpaḥ̭ śundhantu॒ maina̭saḥ || udva॒ya-ntama̭sa॒spari̭ | paśya̭nto॒ jyoti॒rutta̭ram | de॒va-ndḙva॒trā sūrya᳚m | aga̭nma॒ jyoti̭rutta॒mam || prati̭yuto॒ varṷṇasya॒ pāśaḥ̭ | pratya̭sto॒ varṷṇasya॒ pāśaḥ̭ || edho᳚-'syedhiṣī॒mahi̭ | sa॒mida̭si || 31 ||
tejo̭-'si॒ tejo॒ mayi̭ dhehi || a॒po anva̭cāriṣam | rasḙna॒ sama̭sṛkṣmahi | paya̭svāgṃ agna॒ ā-'ga̭mam | ta-mmā॒ sagṃsṛ̭ja॒ varca̭sā | pra॒jayā̭ ca॒ dhanḙna ca || sa॒māva̭varti pṛthi॒vī | samu॒ṣāḥ | samu॒ sūryaḥ̭ | samu॒ viśva̭mi॒da-ñjaga̭t | vai॒śvā॒na॒ra jyo̭ti-rbhūyāsam | vi॒bhu-ṅkāmaṃ॒-vya~̭śnavai || bhū-ssvāhā᳚ || 32 ||
(svapna॒ enāgṃ̭si cakṛ॒mā va॒yaṃ - mṷñca॒ - malā̭diva - sa॒mida̭si॒ - jaga॒-ttrīṇi̭ ca) (a. 6)
anuvākaṃ 7 - aindre praśnau prayājānāmekādaśa maitrāvaruṇapraiṣāḥ
hotā̭ yakṣa-thsa॒midhendra̭-mi॒ḍaspa॒de | nābhā̭ pṛthi॒vyā adhi̭ | di॒vo varṣma॒n-thsami̭ddhyate | oji̭ṣṭhaścarṣaṇī॒sahāṋ | vetvājya̭sya॒ hota॒ryaja̭ || hotā̭ yakṣa॒ttanū॒napā̭tam | ū॒tibhi॒-rjetā̭ra॒-mapa̭rājitam | indra̭-nde॒vagṃ sṷva॒rvida᳚m | pa॒thibhi॒-rmadhṷmattamaiḥ | narā॒śagṃsḙna॒ teja̭sā || 33 ||
vetvājya̭sya॒ hota॒ryaja̭ || hotā̭ yakṣa॒diḍā̭bhi॒-rindra̭-mīḍi॒tam | ā॒juhvā̭na॒-mama̭rtyam | de॒vo de॒vai-ssavī᳚ryaḥ | vajra̭hastaḥ puranda॒raḥ | vetvājya̭sya॒ hota॒ryaja̭ || hotā̭ yakṣa-dba॒ra॒ḥiṣīndra̭-nniṣadva॒ram | vṛ॒ṣa॒bha-nnaryā̭pasam | vasṷbhī ru॒drairā̭di॒tyaiḥ | sa॒yugbhi̭-rba॒ra॒ḥirā 'sa̭dat || 34 ||
vetvājya̭sya॒ hota॒ryaja̭ || hotā̭ yakṣa॒dojo॒ na vī॒rya᳚m | saho॒ dvāra॒ indra̭mavardhayann | su॒prā॒ya॒ṇā viśra̭yantāmṛtā॒vṛdhaḥ̭ | dvāra॒ indrā̭ya mī॒ḍhuṣe᳚ | vi॒yantvājya̭sya॒ hota॒ryaja̭ || hotā̭ yakṣadu॒ṣe indra̭sya dhe॒nū | su॒dughḙ mā॒taraṷ ma॒hī | savā॒tarau॒ na teja̭sī | va॒thsamindra̭-mavardhatām || 35 ||
vī॒tāmājya̭sya॒ hota॒ryaja̭ || hotā̭ yakṣa॒-ddaivyā॒ hotā̭rā | bhi॒ṣajā॒ sakhā̭yā | ha॒viṣendra̭-mbhiṣajyataḥ | ka॒vī de॒vau pracḙtasau | indrā̭ya dhatta indri॒yam | vī॒tāmājya̭sya॒ hota॒ryaja̭ || hotā̭ yakṣatti॒sro de॒vīḥ | traya̭stri॒dhāta̭vo॒-'pasaḥ̭ | iḍā॒ sara̭svatī॒ bhāra̭tī || 36 ||
ma॒hīndra̭patnīr-ha॒viṣma̭tīḥ | vi॒yantvājya̭sya॒ hota॒ryaja̭ || hotā̭ yakṣa॒ttvaṣṭā̭ra॒-mindra̭-nde॒vam | bhi॒ṣajagṃ̭ su॒yaja̭-ṅghṛta॒śriya᳚m | pu॒ru॒rūpagṃ̭ su॒reta̭sa-mma॒ghoni᳚m | indrā̭ya॒ tvaṣṭā॒ dadha̭dindri॒yāṇi̭ | vetvājya̭sya॒ hota॒ryaja̭ || hotā̭ yakṣa॒-dvana॒spati᳚m | śa॒mi॒tāragṃ̭ śa॒takra̭tum | dhi॒yo jo॒ṣṭāra̭-mindri॒yam || 37 ||
maddhvā̭ sama॒ñjanpa॒thibhiḥ̭ su॒gebhiḥ̭ | svadā̭ti ha॒vya-mmadhṷnā ghṛ॒tena̭ | vetvājya̭sya॒ hota॒ryaja̭ || hotā̭ yakṣa॒dindra॒gg॒ svāhā-''jya̭sya | svāhā॒ meda̭saḥ | svāhā᳚ sto॒kānā᳚m | svāhā॒ svāhā̭kṛtīnām | svāhā̭ ha॒vyasū᳚ktīnām | svāhā̭ de॒vāgṃ ā᳚jya॒pān | svāhendragṃ̭ ho॒trājjṷṣā॒ṇāḥ | indra॒ ājya̭sya viyantu | hota॒ryaja̭ || 38 ||
(teja̭sā-'sada-davardhatāṃ॒-bhāra̭tī-ndri॒yaṃ-jṷṣā॒ṇā dve ca̭) (a. 7)
(sa॒midhendra॒-ntanū॒napā̭ta॒miḍā̭bhi-rba॒r॒hiṣyoja̭ u॒ṣe daivyā̭ ti॒srastvaṣṭā̭raṃ॒-va~na॒spati॒mindra᳚m | sa॒midhendra̭-ñca॒turvetveko̭ vi॒yantu॒ dvirvī॒tāmeko̭ vi॒yantu॒ dvirvetveko̭ vi॒yantu॒ hota॒ryaja̭ )
anuvākaṃ 8 - aindre praśnau prayājayājyāḥ
sami̭ddha॒ indra̭ u॒ṣasā॒manī̭ke | pu॒ro॒rucā̭ pūrva॒kṛdvā̭vṛdhā॒naḥ | tri॒bhirde॒vaistri॒gṃ॒śatā॒ vajra̭bāhuḥ | ja॒ghāna̭ vṛ॒traṃ-vi~ duro̭ vavāra || narā॒śagṃsaḥ॒ prati॒ śūro॒ mimā̭naḥ | tanū॒napā॒t-prati̭ ya॒jñasya॒ dhāma̭ | gobhi̭-rva॒pāvā॒-nmadhṷnā sama॒ñjann | hira̭ṇyaiśca॒ndrī ya̭jati॒ pracḙtāḥ || ī॒ḍi॒to de॒vairhari̭vāgṃ abhi॒ṣṭiḥ | ā॒juhvā̭no ha॒viṣā॒ śardha̭mānaḥ || 39 ||
pu॒ra॒daṃ॒ro ma॒ghavā॒n॒. vajra̭bāhuḥ | āyā̭tu ya॒jñamupa̭ no juṣā॒ṇaḥ || ju॒ṣā॒ṇo ba॒ra॒ḥirhari̭vānna॒ indraḥ̭ | prā॒cīnagṃ̭ sīdatpra॒diśā̭ pṛthi॒vyāḥ | u॒ru॒vyacāḥ॒ pratha̭mānagg syo॒nam | ā॒di॒tyaira॒ktaṃ-va~sṷbhi-ssa॒joṣāḥ᳚ || indra॒-nduraḥ̭ kava॒ṣyo̭ dhāva̭mānāḥ | vṛṣā̭ṇaṃ-ya~ntu॒ jana̭ya-ssu॒patnīḥ᳚ | dvāro̭ de॒vīra॒bhito॒ viśra̭yantām | su॒vīrā̭ vī॒ra-mpratha̭mānā॒ maho̭bhiḥ || 40 ||
u॒ṣāsā॒ naktā̭ bṛha॒tī bṛ॒hanta᳚m | paya̭svatī su॒dughe॒ śūra॒mindra᳚m | peśa̭svatī॒ tantṷnā saṃ॒vya~ya̭ntī | de॒vānā᳚-nde॒vaṃ-ya~̭jata-ssuru॒kme || daivyā॒ mimā̭nā॒ mana̭sā puru॒trā | hotā̭rā॒vindra̭-mpratha॒mā su॒vācā᳚ | mū॒rdhan. ya॒jñasya॒ madhṷnā॒ dadhā̭nā | prā॒cīna॒-ñjyoti̭rha॒viṣā̭ vṛdhātaḥ || ti॒sro de॒vīrha॒viṣā॒ vardha̭mānāḥ | indra̭-ñjuṣā॒ṇā vṛṣa̭ṇa॒-nna patnīḥ᳚ || 41 ||
acchi̭nna॒-ntantu॒-mpaya̭sā॒ sara̭svatī | iḍā̭ de॒vī bhāra̭tī vi॒śvatū᳚rtiḥ || tvaṣṭā॒ dadha॒dindrā̭ya॒ śuṣma᳚m | apā॒ko-'ci̭ṣṭurya॒śasḙ pu॒rūṇi̭ | vṛṣā॒ yaja॒n vṛṣa̭ṇa॒-mbhūri̭retāḥ | mū॒rdhan. ya॒jñasya॒ sama̭naktu de॒vān || vana॒spati॒-rava̭sṛṣṭo॒ na pāśaiḥ᳚ | tmanyā̭ sama॒ñjañcha̭mi॒tā na de॒vaḥ | indra̭sya ha॒vyairja॒ṭhara̭-mpṛṇā॒naḥ | svadā̭ti ha॒vya-mmadhṷnā ghṛ॒tena̭ || sto॒kānā॒mindu॒-mprati॒ śūra॒ indraḥ̭ | vṛ॒ṣā॒yamā̭ṇo vṛṣa॒bha-stṷrā॒ṣāṭ | ghṛ॒ta॒pruṣā॒ madhṷnā ha॒vyamu॒ndann | mū॒rdhan. ya॒jñasya̭ juṣatā॒g॒ svāhā᳚ || 42 ||
(śardha̭māno॒ - maho̭bhiḥ॒ - patnī᳚--r ghṛ॒tena̭ ca॒tvāri̭ ca) (a. 8)
anuvākaṃ 9 - aindre praśnau vapādīnāṃ-yā~jyānuvākyāḥ
āca̭rṣaṇi॒prā vṛ̭ṣa॒bho janā̭nām | rājā̭ kṛṣṭī॒nā-mpṷruhū॒ta indraḥ̭ | stu॒ta-śśra̭va॒syannava॒sopa̭ma॒drik | yu॒ktvā harī॒ vṛṣa॒ṇā ''yā᳚hya॒rvām ||, vi॒veṣa॒ yanmā̭ dhi॒ṣaṇā̭ ja॒jāna॒ stavai̭ pu॒rā pāryā॒dindra॒ mahnaḥ̭ | agṃha̭so॒ yatra̭ pī॒para॒dyathā̭ no nā॒veva॒ yānta̭ mu॒bhayḙ havante |||| tagṃ sa॒dhrīcī̭rū॒tayo॒ vṛṣṇi̭yāni | pauggsyā̭ni ni॒yutaḥ̭ saścu॒rindra᳚m | sa॒mu॒dra-nna sindha̭va u॒kthaśṷṣmāḥ | u॒ru॒vyaca̭sa॒giṃra॒ āvi̭śanti |||| sa॒tyamittanna tvāvāgṃ̭ a॒nyo asti̭ | indra̭ de॒vo na martyo॒ jyāyāṋ | aha॒nnahi̭-mpari॒śayā̭na॒marṇaḥ̭ | avā̭sṛjo॒-'po acchā̭ samu॒dram || prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām || sa śevṛ̭dha॒madhi̭dhā dyu॒mnama॒sme | mahi̭ kṣa॒tra-ñja̭nā॒ṣāḍi̭ndra॒ tavya᳚m | rakṣā̭ ca no ma॒ghonaḥ̭ pā॒hi sū॒rīn | rā॒ye ca̭ na-ssvapa॒tyā i॒ṣe dhāḥ᳚ || 43 ||
(re॒vatī̭nā-ñca॒tvāri̭ ca) (a. 9)
anuvākaṃ 10 - aindre praśnau anuyājānāmekādaśa maitrāvaruṇapraiṣāḥ
de॒va-mba॒r॒hirindragṃ̭ sude॒va-nde॒vaiḥ | vī॒rava̭-thstī॒rṇaṃ-ve~dyā̭mavardhayat | vasto᳚rvṛ॒ta-mprākto᳚rbhṛ॒tam | rā॒yā ba॒r॒hiṣma॒to-'tya̭gāt | va॒su॒vanḙ vasu॒dheya̭sya vetu॒ yaja̭ || de॒vīrdvāra॒ indragṃ̭ saṅghā॒te | vi॒ḍvīryāma̭nnavardhayann | ā va॒thsena॒ tarṷṇena kumā॒reṇa̭ ca mīvi॒tā apārvā̭ṇam | re॒ṇuka̭kāṭa-nnudantām | va॒su॒vanḙ vasu॒dheya̭sya viyantu॒ yaja̭ || 44 ||
de॒vī u॒ṣāsā॒ naktā᳚ | indraṃ̭-ya~॒jñe pra̭ya॒tya̭hvetām | daivī॒rviśaḥ॒ prāyā̭siṣṭām | suprī̭te॒ sudhi̭te abhūtām | va॒su॒vanḙ vasu॒dheya̭sya vītāṃ॒-ya~ja̭ || de॒vī joṣṭrī॒ vasṷdhitī | de॒vamindra̭mavardhatām | ayā᳚vya॒nyā-'ghā dveṣāgṃ̭si | ā-'nyā vā᳚kṣī॒-dvasu॒ vāryā̭ṇi | yaja̭mānāya śikṣi॒te || 45 ||
va॒su॒vanḙ vasu॒dheya̭sya vītāṃ॒-ya~ja̭ || de॒vī ū॒rjāhṷtī॒ dughḙ su॒dughe᳚ | paya॒sendra̭mavardhatām | iṣa॒mūrja̭ma॒nyā 'vā᳚kṣīt | sagdhi॒gṃ॒ sapī̭tima॒nyā | navḙna॒ pūrva॒-ndaya̭māne | pu॒rā॒ṇena॒ nava᳚m | adhā̭tā॒-mūrja̭mū॒rjāhṷtī॒ vasu॒ vāryā̭ṇi | yaja̭mānāya śikṣi॒te | va॒su॒vanḙ vasu॒dheya̭sya vītāṃ॒-ya~ja̭ || 46 ||
de॒vā daivyā॒ hotā̭rā | de॒vamindra̭mavardhatām | ha॒tāgha̭śagṃ sā॒vābhā᳚rṣṭāṃ॒-va~su॒ vāryā̭ṇi | yaja̭mānāya śikṣi॒tau | va॒su॒vanḙ vasu॒dheya̭sya vītāṃ॒-ya~ja̭ || de॒vīsti॒srasti॒sro de॒vīḥ | pati॒mindra̭mavardhayann | aspṛ̭kṣa॒dbhāra̭tī॒ diva᳚m | ru॒drairya॒jñagṃ sara̭svatī | iḍā॒ vasṷmatī gṛ॒hān || 47 ||
va॒su॒vanḙ vasu॒dheya̭sya viyantu॒ yaja̭ || de॒va indro॒ narā॒śagṃsaḥ̭ | tri॒va॒rū॒tha-stri̭vandhu॒raḥ | de॒vamindra̭mavardhayat | śa॒tena̭ śitipṛ॒ṣṭhānā॒māhi̭taḥ | sa॒hasrḙṇa॒ prava̭rtate | mi॒trāvaru॒ṇeda̭sya ho॒tramarha̭taḥ | bṛha॒spatiḥ̭ sto॒tram | a॒śvinā-''ddhva̭ryavam | va॒su॒vanḙ vasu॒dheya̭sya vetu॒ yaja̭ || 48 ||
de॒va indro॒ vana॒spatiḥ̭ | hira̭ṇyaparṇo॒ madhṷśākha-ssupippa॒laḥ | de॒vamindra̭mavardhayat | diva॒magrḙṇāprāt | ā-'ntari̭kṣa-mpṛthi॒vīma̭dṛgṃhīt | va॒su॒vanḙ vasu॒dheya̭sya vetu॒ yaja̭ || de॒va-mba॒ra॒ḥirvāri̭tīnām | de॒vamindra̭mavardhayat | svā॒sa॒stha-mindre॒ṇāsa̭nnam | a॒nyā ba॒r॒hīgṣya॒bhya̭bhūt | va॒su॒vanḙ vasu॒dheya̭sya vetu॒ yaja̭ || de॒vo a॒gni-ssvi̭ṣṭa॒kṛt | de॒vamindra̭mavardhayat | svi̭ṣṭa-ṅku॒rvan-thsvi̭ṣṭa॒kṛt | svi̭ṣṭama॒dya ka̭rotu naḥ | va॒su॒vanḙ vasu॒dheya̭sya vetu॒ yajḙ || 49 ||
(vi॒ya॒ntu॒ yaja̭ - śikṣi॒te - śi̭kṣi॒te va̭su॒vanḙ vasu॒dheya̭sya vītāṃ॒-ya~ja̭-gṛ॒hān.-vḙtu॒ yajā̭-bhū॒-thṣaṭca̭) (a. 10)
de॒va-mba॒r॒hi-rde॒vīrdvāro̭ de॒vī u॒ṣāsā॒ naktā̭ de॒vī joṣṭrī̭ de॒vī ū॒rjāhṷtī de॒vā daivyā॒ hotā̭rā śikṣi॒tau de॒vīsti॒srasti॒sro de॒vīḥ pati̭-nde॒va indro॒ narā॒śagṃso̭ de॒va indro॒ vana॒spati̭-rde॒va-mba॒r॒hirvāri̭tīnā-nde॒vo a॒gni-ssvi̭ṣṭa॒kṛ-dde॒vam | ve॒tu॒ vi॒ya॒ntu॒ ca॒turvī̭tā॒meko̭ viyantu ca॒turvḙtu | a॒va॒rdha॒ya॒da॒va॒rdha॒ya॒-ntrira̭vardhatā॒meko̭ 'vardhayagg śca॒tura̭vardhayat | vasto॒rā va॒thsena॒ daivī॒rayā॒vīṣagṃ̭ ha॒tāspṛ̭kṣaccha॒tena॒ diva॒mindragg̭ svāsa॒sthagg svi̭ṣṭam | śikṣi॒te śi̭kṣi॒te śi̭kṣi॒tau |
anuvākaṃ 11 - paśutraye praya jārthā maitrāvaruṇapraiṣāḥ
hotā̭ yakṣa-thsa॒midhā॒-'gni-mi॒ḍaspa॒de | a॒śvinendra॒gṃ॒ sara̭svatīm | a॒jo dhū॒mro na go॒dhūmaiḥ॒ kva̭lairbheṣa॒jam | madhu॒ śaṣpai॒rna teja̭ indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒ttanū॒napā॒-thsara̭svatī | avi̭rme॒ṣo na bhḙṣa॒jam | pa॒thā madhṷma॒tā ''bha̭rann | a॒śvinendrā̭ya vī॒rya᳚m || 50 ||
bada̭rairupa॒vākā̭bhi-rbheṣa॒ja-ntokma̭bhiḥ | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒nnarā॒śagṃsa॒na-nna॒gnahu᳚m | pati॒gṃ॒ surā̭yai bheṣa॒jam | me॒ṣa-ssara̭svatī bhi॒ṣak | ratho॒ na ca॒ndrya̭śvino᳚rva॒pā indra̭sya vī॒rya᳚m | bada̭rairupa॒vākā̭bhi-rbheṣa॒ja-ntokma̭bhiḥ | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || 51 ||
hotā̭ yakṣadi॒ḍeḍi॒ta ā॒juhvā̭na॒-ssara̭svatīm | indra॒-mbalḙna va॒rdhayanṋ | ṛ॒ṣa॒bheṇa॒ gave᳚ndri॒yam | a॒śvinendrā̭ya vī॒rya᳚m | yavaiḥ᳚ ka॒rkandhṷbhiḥ | madhṷ lā॒jairna māsa̭ram | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-dba॒ra॒ḥi-ssu॒ṣṭarī॒mo-'rṇa̭mradāḥ | bhi॒ṣannāsa̭tyā || 52 ||
bhi॒ṣajā॒-'śvinā-'śvā॒ śiśṷmatī | bhi॒ṣagdhe॒nu-ssara̭svatī | bhi॒ṣagdu॒ha indrā̭ya bheṣa॒jam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒dduro॒ diśaḥ̭ | ka॒va॒ṣyo̭ na vyaca̭svatīḥ | a॒śvibhyā॒-nna duro॒ diśaḥ̭ | indro॒ na roda̭sī॒ dughe᳚ | du॒he kāmā॒n-thsara̭svatī || 53 ||
a॒śvinendrā̭ya bheṣa॒jam | śu॒kra-nna jyoti̭rindri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-thsu॒peśa̭so॒ṣe nakta॒-ndivā᳚ | a॒śvinā̭ sañjānā॒ne | sama̭ñjāte॒ sara̭svatyā | tviṣi॒mindre॒ na bhḙṣa॒jam | śye॒no na raja̭sā hṛ॒dā | paya॒-ssomaḥ̭ pari॒srutā̭ ghṛ॒ta-mmadhṷ || 54 ||
vi॒yantvājya̭sya॒ hota॒ryaja̭ || hotā̭ yakṣa॒ddaivyā॒ hotā̭rā bhi॒ṣajā॒-'śvinā᳚ | indra॒-nna jāgṛ̭vī॒ divā॒ nakta॒-nna bhḙṣa॒jaiḥ | śūṣa॒gṃ॒ sara̭svatī bhi॒ṣak | sīsḙna duha indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa-tti॒sro de॒vīrna bhḙṣa॒jam | traya̭stri॒dhāta̭vo॒-'pasaḥ̭ | rū॒pamindrḙ hira॒ṇyaya᳚m || 55 ||
a॒śvineḍā॒ na bhāra̭tī | vā॒cā sara̭svatī | maha॒ indrā̭ya dadhurindri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒ttvaṣṭā̭ra॒-mindra̭ma॒śvinā᳚ | bhi॒ṣaja॒-nna sara̭svatīm | ojo॒ na jū॒tiri̭ndri॒yam | vṛko॒ na ra̭bha॒so bhi॒ṣak | yaśa॒-ssura̭yā bheṣa॒jam || 56 ||
śri॒yā na māsa̭ram | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣa॒-dvana॒spati᳚m | śa॒mi॒tāragṃ̭ śa॒takra̭tum | bhī॒ma-nna ma॒nyugṃ rājā̭naṃ-vyā~॒ghra-nnama̭sā॒-'śvinā॒ bhāma᳚m | sara̭svatī bhi॒ṣak | indrā̭ya duha indri॒yam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || 57 ||
hotā̭ yakṣada॒gnigg svāhā-''jya̭sya sto॒kānā᳚m | svāhā॒ meda̭sā॒-mpṛtha̭k | svāhā॒ chāga̭ma॒śvibhyā᳚m | svāhā̭ me॒ṣagṃ sara̭svatyai | svāhā̭rṣa॒bha-mindrā̭ya si॒gṃ॒hāya॒ saha̭sendri॒yam | svāhā॒-'gni-nna bhḙṣa॒jam | svāhā॒ soma̭mindri॒yam | svāhendragṃ̭ su॒trāmā̭ṇagṃ savi॒tāraṃ॒-va~rṷṇa-mbhi॒ṣajā॒-mpati᳚m | svāhā॒ vana॒spati̭-mpri॒ya-mpātho॒ na bhḙṣa॒jam | svāhā̭ de॒vāgṃ ā᳚jya॒pān || 58 ||
svāhā॒-'gnigṃ ho॒trājjṷṣā॒ṇo a॒gni-rbhḙṣa॒jam | paya॒-ssomaḥ̭ pari॒srutā̭ ghṛ॒ta-mmadhṷ | vi॒yantvājya̭sya॒ hota॒ryaja̭ || hotā̭ yakṣada॒śvinā॒ sara̭svatī॒mindragṃ̭ su॒trāmā̭ṇam | i॒me somā᳚-ssu॒rāmā̭ṇaḥ | chāgai॒rna me॒ṣair-ṛ̭ṣa॒bhai-ssu॒tāḥ | śaṣpai॒rna tokma̭bhiḥ | lā॒jairmaha̭svantaḥ | madā॒ māsa̭reṇa॒ pari̭ṣkṛtāḥ | śu॒krāḥ paya̭svanto॒-'mṛtāḥ᳚ | prasthi̭tā vo madhu॒ścutaḥ̭ | tāna॒śvinā॒ sara̭sva॒tīndraḥ̭ su॒trāmā̭ vṛtra॒hā | ju॒ṣantāgṃ̭ sau॒mya-mmadhṷ | piba̭ntu॒ mada̭ntu vi॒yantu॒ soma᳚m | hota॒ryaja̭ || 59 ||
(vī॒ryaṃ - ~vi॒yantvājya̭sya॒ hota॒ryaja॒ - nāsa̭tyā॒ - sara̭svatī॒ - madhṷ - hira॒ṇyayaṃ̭ - bheṣa॒jaṃ - ~vi॒yantvājya̭sya॒ hota॒ryajā᳚ - jya॒pā - na॒mṛtāḥ॒ pañca̭ ca) (a. 11)
sa॒midhā॒-'gnigṃ ṣaṭ | tanū॒napā᳚-thsa॒pta | narā॒śagṃsa॒mṛṣiḥ̭ | i॒ḍeḍi॒to yavai̭ra॒ṣṭau | ba॒r॒hi-ssa॒pta | duro॒-'śvinā̭ śu॒krannava̭ | su॒peśa̭so॒ṣe nakta॒mṛṣiḥ̭| daivyā॒ hotā̭rā॒ sīsḙna॒ rasaḥ̭ | ti॒srastvaṣṭā̭rama॒ṣṭāva̭ṣṭau | vana॒spati॒mṛṣiḥ̭ | a॒gni-ntrayo̭daśa | a॒śvinā॒ dvāda̭śa॒ trayo̭daśa | sa॒midhā॒-'gni-mbada̭rai॒-rbada̭rai॒-ryavai̭ra॒śvinā॒ tviṣi̭ma॒śvinā॒ na bhḙṣa॒jagṃ rū॒pama॒śvinā̭ bhī॒ma-mbhāma᳚m |
anuvākaṃ 12 - paśutraye prayājayājyā āpriyaḥ
sami̭ddho a॒gnira̭śvinā | ta॒pto gha॒rmo vi॒rāṭ-thsu॒taḥ | du॒he dhe॒nu-ssara̭svatī | somagṃ̭ śu॒krami॒hendri॒yam || ta॒nū॒pā bhi॒ṣajā̭ su॒te | a॒śvino॒bhā sara̭svatī | maddhvā॒ rajāgṃ̭sīndri॒yam | indrā̭ya pa॒thibhi̭-rvahān || indrā॒yendu॒gṃ॒ sara̭svatī | narā॒śagṃsḙna na॒gnahuḥ̭ || 60 ||
adhā̭tāma॒śvinā॒ madhṷ | bhe॒ṣa॒ja-mbhi॒ṣajā̭ su॒te || ā॒juhvā̭nā॒ sara̭svatī | indrā̭yendri॒yāṇi̭ vī॒rya᳚m | iḍā̭bhiraśvinā॒viṣa᳚m | samūrja॒gṃ॒ sagṃ ra॒yi-nda̭dhuḥ || aśvi̭nā॒ namṷce-ssu॒tam | somagṃ̭ śu॒kra-mpa̭ri॒srutā᳚ | sara̭svatī॒ tamābha̭rat | ba॒r॒hiṣendrā̭ya॒ pāta̭ve || 61 ||
ka॒va॒ṣyo̭ na vyaca̭svatīḥ | a॒śvibhyā॒-nna duro॒ diśaḥ̭ | indro॒ na roda̭sī॒ dughe᳚ | du॒he kāmā॒n-thsara̭svatī || u॒ṣāsā॒ nakta̭maśvinā | divendragṃ̭ sā॒yami̭ndri॒yaiḥ | sa॒jā॒nnā॒ne su॒peśa̭sā | sama̭ñjāte॒ sara̭svatyā || pā॒ta-nno̭ aśvinā॒ divā᳚ | pā॒hi naktagṃ̭ sarasvati || 62 ||
daivyā̭ hotārā bhiṣajā | pā॒tamindra॒gṃ॒ sacā̭ su॒te || ti॒srastre॒dhā sara̭svatī | a॒śvinā॒ bhāra॒tīḍā᳚ | tī॒vra-mpa̭ri॒srutā॒ soma᳚m | indrā̭ya suṣavu॒rmada᳚m || aśvi̭nā bheṣa॒ja-mmadhṷ | bhe॒ṣa॒ja-nna॒-ssara̭svatī | indre॒ tvaṣṭā॒ yaśa॒-śśriya᳚m | rū॒pagṃ rṷ̄pamadhu-ssu॒te || ṛ॒tu॒thendro॒ vana॒spatiḥ̭ | śa॒śa॒mā॒naḥ pa̭ri॒srutā᳚ | kī॒lāla̭ma॒śvibhyā॒-mmadhṷ | du॒he dhe॒nu-ssara̭svatī || gobhi॒rna soma̭maśvinā | māsa̭reṇa pari॒ṣkṛtā᳚ | sama̭dhātā॒gṃ॒ sara̭svatyā | svāhendrḙ su॒ta-mmadhṷ || 63 ||
(na॒gnahuḥ॒ - pāta̭ve - sarasva - tyadhu-ssu॒te᳚-'ṣṭau ca̭) (a. 12)
anuvākaṃ 13 - paśutraye vapādīnāṃ-yā~jyānuvākyāḥ
a॒śvinā̭ ha॒viri̭ndri॒yam | namṷcerdhi॒yā sara̭svatī | ā śu॒kramā̭su॒rādva॒su | ma॒ghamindrā̭ya jabhrire || yama॒śvinā॒ sara̭svatī | ha॒viṣendra॒-mava̭rdhayann | sa bi̭bheda ba॒laṃ (va॒laṃ) ma॒gham | namṷcāvāsu॒re sacā᳚ | tamindra̭-mpa॒śava॒-ssacā᳚ || a॒śvino॒bhā sara̭svatī || 64 ||
dadhā̭nā a॒bhya̭nūṣata | ha॒viṣā̭ ya॒jñami̭ndri॒yam || ya indra̭ indri॒ya-nda॒dhuḥ | sa॒vi॒tā varṷṇo॒ bhagaḥ̭ | sa su॒trāmā̭ ha॒viṣpa̭tiḥ | yaja̭mānāya saścata || sa॒vi॒tā varṷṇo॒ dadha̭t | yaja̭mānāya dā॒śuṣe᳚ | āda̭tta॒ namṷce॒rvasṷ | su॒trāmā॒ bala̭mindri॒yam || 65 ||
varṷṇaḥ, kṣa॒trami̭ndri॒yam | bhagḙna savi॒tā śriya᳚m | su॒trāmā॒ yaśa̭sā॒ bala᳚m | dadhā̭nā ya॒jñamā̭śata || aśvi̭nā॒ gobhi̭rindri॒yam | aśvḙbhi-rvī॒rya̭-mbala᳚m | ha॒viṣendra॒gṃ॒ sara̭svatī | yaja̭māna-mavardhayann || tā nāsa̭tyā su॒peśa̭sā | hira̭ṇyavartanī॒ narā᳚ | sara̭svatī ha॒viṣma̭tī | indra॒ kama̭rsu no-'vata || tā bhi॒ṣajā̭ su॒karma̭ṇā | sā su॒dughā॒ sara̭svatī | sa vṛ̭tra॒hā śa॒takra̭tuḥ | indrā̭ya dadhurindri॒yam || 66 ||
(u॒bhā sara̭svatī॒ - bala̭mindri॒yaṃ - narā॒ ṣaṭca̭) (a. 13)
anuvākaṃ 14 - paśutraye anūyājapraiṣāḥ
de॒va-mba॒r॒hi-ssara̭svatī | su॒de॒vamindrḙ a॒śvinā᳚ | tejo॒ na cakṣṷra॒kṣyoḥ | ba॒r॒hiṣā̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vīrdvāro̭ a॒śvinā᳚ | bhi॒ṣajendre॒ sara̭svatī | prā॒ṇa-nna vī॒rya̭-nna॒si | dvāro̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || 67 ||
de॒vī u॒ṣāsā̭va॒śvinā᳚ | bhi॒ṣajendre॒ sara̭svatī | bala॒-nna vāca̭mā॒sye᳚ | u॒ṣābhyā᳚-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vī joṣṭrī̭ a॒śvinā᳚ | su॒trāmendre॒ sara̭svatī | śrotra॒-nna karṇa̭yo॒ryaśaḥ̭ | joṣṭrī᳚bhyā-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || 68 ||
de॒vī ū॒rjāhṷtī॒ dughḙ su॒dughe᳚ | paya॒sendra॒gṃ॒ sara̭svatya॒śvinā̭ bhi॒ṣajā̭-'vata | śu॒kra-nna jyoti॒-sstana̭yo॒rāhṷtī dhatta indri॒yam | va॒su॒vanḙ vasu॒dheya̭sya viyantu॒ yaja̭ || de॒vā de॒vānā᳚-mbhi॒ṣajā᳚ | hotā̭rā॒vindra̭-ma॒śvinā᳚ | va॒ṣa॒ṭkā॒rai-ssara̭svatī | tviṣi॒-nna hṛda̭ye ma॒tim | hotṛ̭bhyā-ndadhurindri॒yam | va॒su॒vanḙ vasu॒dheya̭sya viyantu॒ yaja̭ || 69 ||
de॒vī-sti॒sra-sti॒sro de॒vīḥ | sara̭svatya॒śvinā॒ bhāra॒tīḍā᳚ | śūṣa॒-nna maddhye॒ nābhyā᳚m | indrā̭ya dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒va indro॒ narā॒śagṃsaḥ̭ | tri॒va॒rū॒tha-ssara̭svatyā॒ 'śvibhyā̭mīyate॒ rathaḥ̭ | reto॒ na rū॒pama॒mṛta̭-ñja॒nitra᳚m | indrā̭ya॒ tvaṣṭā॒ dadha̭dindri॒yāṇi̭ | va॒su॒vanḙ vasu॒dheya̭sya viyantu॒ yaja̭ || 70 ||
de॒va indro॒ vana॒spatiḥ̭ | hira̭ṇyaparṇo a॒śvibhyā᳚m | sara̭svatyā-ssupippa॒laḥ | indrā̭ya pacyate॒ madhṷ | ojo॒ na jū॒timṛ̭ṣa॒bho na bhāma᳚m | vana॒spati̭rno॒ dadha̭dindri॒yāṇi̭ | va॒su॒vanḙ vasu॒dheya̭sya viyantu॒ yaja̭ || de॒va-mba॒r॒hirvāri̭tīnām | a॒ddhva॒re stī॒rṇama॒śvibhyā᳚m | ūrṇa̭mradā॒-ssara̭svatyāḥ || 71 ||
syo॒nami̭ndra te॒ sadaḥ̭ | ī॒śāyai̭ ma॒nyugṃ rājā̭na-mba॒r॒hiṣā̭ dadhurindri॒yam | va॒su॒vanḙ vasu॒dheya̭sya viyantu॒ yaja̭ || de॒vo a॒gni-ssvi̭ṣṭa॒kṛt | de॒vān.ya̭kṣa-dyathāya॒tham | hotā̭rā॒-vindra̭ma॒śvinā᳚ | vā॒cā vāca॒gṃ॒ sara̭svatīm | a॒gnigṃ somagg̭ sviṣṭa॒kṛt | svi̭ṣṭa॒ indraḥ̭ su॒trāmā̭ savi॒tā varṷṇo bhi॒ṣak | i॒ṣṭo de॒vo vana॒spatiḥ̭ | svi̭ṣṭā de॒vā ā᳚jya॒pāḥ | i॒ṣṭo a॒gnira॒gninā᳚ | hotā̭ ho॒tre svi̭ṣṭa॒kṛt | yaśo॒ na dadha̭dindri॒yam | ūrja॒mapa̭citigg sva॒dhām | va॒su॒vanḙ vasu॒dheya̭sya viyantu॒ yaja̭ || 72 ||
(dvāro̭ dadhurindri॒yaṃ-va~̭su॒vanḙ vasu॒dheya̭sya viyantu॒ yaja॒ - joṣṭrī᳚bhyā-ndadhurindri॒yaṃ-va~̭su॒vanḙ vasu॒dheya̭sya viyantu॒ yaja॒ -hotṛ̭bhyā-ndadhurindri॒yaṃ-va~̭su॒vanḙ vasu॒dheya̭sya viyantu॒ yaje᳚ - ndri॒yāṇi̭ vasu॒vanḙ vasu॒dheya̭sya viyantu॒ yaja॒ - sara̭svatyā॒ - vana॒spati॒-ṣṣaṭca̭) (a. 14)
(de॒va-mba॒r॒hi-rde॒vī-rdvāro̭ de॒vī u॒ṣāsā̭va॒śvinā̭ de॒vī joṣṭra̭ de॒vī ū॒rjāhṷ̄tī de॒vā de॒vānā᳚-mbhi॒ṣajā̭ vaṣaṭkā॒rai-rde॒vīstisrasti॒sro de॒vī-ssara̭svatī de॒va indro॒ narā॒śagṃso̭ de॒va indro॒ vana॒spati̭rde॒va-mba॒r॒hirvāri̭tīnā-nde॒voa॒gni-ssvi̭ṣṭa॒kṛ-dde॒vān) |
(sa॒midhā॒-'gni-nde॒va-mba॒r॒hi-ssara̭svatyā॒śvinā॒ sarvaṃ̭-vi~yantu | dvāra̭sti॒sra-ssaṃrva̭ viyantu | a॒ja indra॒mojo॒-'gni-mpara॒-ssara̭svatīm | nakta॒mpūrva॒-ssara̭svati | a॒nyatra॒ sara̭svati | bhi॒ṣa-kpūrva̭-nduha indri॒yam | a॒nyatra̭ dadhurindri॒yam | sau॒trā॒ma॒ṇyāgṃ sṷtāsu॒tī | a॒ñjantya॒yaṃ-ya~ja̭mānaḥ)
anuvākaṃ 15 - sūktavākapraiṣaḥ
a॒gnima॒dya hotā̭ramavṛṇīta | a॒yagṃ sṷtāsu॒tī yaja̭mānaḥ | paca̭-npa॒ktīḥ | paca̭-npuro॒ḍāśāṋ | gṛ॒hṇa-ngrahāṋ | ba॒ddhnanna॒śvibhyā॒-ñchāga॒gṃ॒ sara̭svatyā॒ indrā̭ya | ba॒ddhnan-thsara̭svatyai me॒ṣamindrā̭yā॒śvibhyā᳚m | ba॒ddhnannindrā̭yarṣa॒bha-ma॒śvibhyā॒gṃ॒ sara̭svatyai | sū॒pa॒sthā a॒dya de॒vo vana॒spati̭rabhavat | a॒śvibhyā॒-ñchāgḙna॒ sara̭svatyā॒ indrā̭ya || 73 ||
sara̭svatyai me॒ṣeṇendrā̭yā॒śvibhyā᳚m | indrā̭yarṣa॒bheṇā॒śvibhyā॒gṃ॒ sara̭svatyai | akṣa॒gg॒stānmḙda॒staḥ prati̭ paca॒tā-'gra̭bhīṣuḥ | avī̭vṛdhanta॒ grahaiḥ᳚ | apā̭tāma॒śvinā॒ sara̭sva॒tīndraḥ̭ su॒trāmā̭ vṛtra॒hā | somā᳚n-thsu॒rāmṇaḥ̭ | upo̭ ukthāma॒dā-śśrau॒dvimadā̭ adann | avī̭vṛdha-ntāṅgū॒ṣaiḥ | tvāma॒dyarṣa̭ ārṣeyarṣīṇā-nnapādavṛṇīta | a॒yagṃ sṷtāsu॒tī yaja̭mānaḥ | ba॒hubhya॒ āsaṅga̭tebhyaḥ | e॒ṣa mḙ de॒veṣu॒ vasu॒ vāryā ya̭kṣyata॒ iti̭ | tā yā de॒vā dḙva॒dānā॒nyaduḥ̭ | tānya̭smā॒ ā ca॒ śāsva̭ | ā ca̭ gurasva | i॒ṣi॒taśca̭ hota॒rasi̭ bhadra॒vācyā̭ya॒ preṣi̭to॒ mānṷṣaḥ | sū॒kta॒vā॒kāya̭ sū॒ktā brṷ̄hi || 74 ||
(indrā̭ya॒ - yaja̭māna-ssa॒pta ca̭) (a. 15)
anuvākaṃ 16 - pitṛyajñayājyānuvākyāḥ
u॒śanta̭stvā havāmaha u॒śanta॒-ssami̭dhīmahi | u॒śannṷśa॒ta ā va̭ha pi॒tṝn ha॒viṣe॒ atta̭ve ||, ā no̭ agne suke॒tunā᳚ | ra॒yiṃ-vi~॒śvāyṷpoṣasam | mā॒rḍī॒ka-ndhḙhi jī॒vase᳚ ||| tvagṃ so̭ma ma॒he bhaga᳚m | tvaṃ-yū~na̭ ṛtāya॒te | dakṣa̭-ndadhāsi jī॒vase᳚ ||,tvagṃ so̭ma॒ praci̭kito manī॒ṣā tvagṃ raji̭ṣṭha॒manṷ neṣi॒ panthā᳚m | tava॒ praṇī̭tī pi॒taro̭ na indo de॒veṣu॒ ratna̭ma bhajanta॒ dhīrāḥ᳚ ||| tvayā॒ hi naḥ̭ pi॒taraḥ̭ soma॒ pūrve॒ karmā̭ṇi ca॒kruḥ pa̭vamāna॒ dhīrāḥ᳚ | va॒nvannavā̭taḥ pari॒dhīgṃ rapo᳚rṇu vī॒rebhi॒raśvai᳚rma॒ghavā̭ bhavā naḥ ||, tvagṃ so̭ma pi॒tṛbhiḥ̭ saṃvi~dā॒no-'nu॒ dyāvā̭pṛthi॒vī ā ta̭tantha | tasmai̭ ta indo ha॒viṣā̭ vidhema va॒yagg syā̭ma॒ pata̭yo rayī॒ṇām || | barhi̭ṣadaḥ pitara ū॒tya̭rvāgi॒mā vo̭ ha॒vyā ca̭kṛmā ju॒ṣadhva᳚m | ta ā ga॒tā-'va̭sā॒ śa-nta̭me॒nāthā॒smabhya॒gṃ॒ śaṃ-yo~ra̭ra॒po da̭dhāta ||, ā-'ha-mpi॒tṝn-thsṷvi॒datrāgṃ̭ avithsi॒ napā̭ta-ñca vi॒krama̭ṇa-ñca॒ viṣṇoḥ᳚ | ba॒rhi॒ṣado॒ ye sva॒dhayā̭ su॒tasya॒ bhaja̭nta pi॒tvasta i॒hā-'' ga̭miṣṭhāḥ || | upa̭hūtāḥ pi॒taraḥ̭ so॒myāso̭ barhi॒ṣyḙṣu ni॒dhiṣṷ pri॒yeṣṷ | ta ā ga̭mantu॒ ta i॒ha śrṷva॒ntvadhi̭ bruvantu॒ te a̭vantva॒smān ||, agni̭ṣvāttāḥ pitara॒ eha ga̭cchata॒ sadaḥ̭ sada-ssadata supraṇītayaḥ | a॒ttā ha॒vīgṃṣi॒ praya̭tāni ba॒r॒hiṣyathā̭ ra॒yigṃ sarva̭vīra-ndadhātana || || a॒gni॒ṣvā॒ttānṛ̭tu॒mato̭ havāmahe | narā॒śagṃsḙ somapī॒thaṃ-ya~ ā॒śuḥ | te no॒ arva̭nta-ssu॒havā̭ bhavantu | śa-nno̭ bhavantu dvi॒pade॒ śa-ñcatṷṣpade || ye a̭gniṣvā॒ttā ye-'na̭gniṣvāttāḥ || 75 ||
a॒gṃ॒ho॒mucaḥ̭ pi॒taraḥ̭ so॒myāsaḥ̭ | pare-'va̭re॒-'mṛtā̭so॒ bhava̭ntaḥ | adhi̭bruvantu॒ te a̭vantva॒smān || vā॒nyā̭yai du॒gdhe ju॒ṣamā̭ṇāḥ kara॒mbham | u॒dīrā̭ṇā॒ ava̭re॒ parḙ ca | a॒gni॒ṣvā॒ttā ṛ॒tubhiḥ̭ saṃvi~dā॒nāḥ | indra̭vanto ha॒viri॒da-ñjṷṣantām || yada̭gne kavyavāhana pi॒tṝn yakṣyṛ̭tā॒vṛdhaḥ̭ | pra ca̭ ha॒vyāni̭ vakṣyasi de॒vebhya̭śca pi॒tṛbhya॒ ā ||, tvama̭gna īḍi॒to jā̭tave॒do-'vā᳚ḍḍha॒vyāni̭ sura॒bhīṇi̭ kṛ॒tvā | prādāḥ᳚ pi॒tṛbhyaḥ̭ sva॒dhayā॒ te a̭kṣanna॒ddhi tva-ndḙva॒ praya̭tā ha॒vīgṃṣi̭ | | māta̭lī ka॒vyairya॒mo aṅgi̭robhi॒ rbṛha॒spati॒r-ṛkva̭bhi rvāvṛdhā॒naḥ | yāgśca̭ de॒vā vā̭vṛ॒dhurye ca̭ de॒vān-thsvāhā॒-'nye sva॒dhayā॒-'nye ma̭danti || || ye tā̭tṛ॒purdḙva॒trā jeha̭mānāḥ | ho॒trā॒vṛdha॒-sstoma̭taṣṭāso a॒rkaiḥ | ā-'gnḙ yāhi suvi॒datrḙbhira॒rvām | sa॒tyaiḥ ka॒vyaiḥ pi॒tṛbhi̭-rgharma॒sadbhiḥ̭ || ha॒vya॒vāha̭ma॒jara̭-mpurupri॒yam | a॒gni-ṅghṛ॒tena̭ ha॒viṣā̭ sapa॒ryann | upā̭sada-ṅkavya॒vāha̭-mpitṛ॒ṇām | sa naḥ̭ pra॒jāṃ-vī~॒rava̭tī॒gṃ॒ samṛ̭ṇvatu || 76 ||
(ana̭gniṣvāttā॒ - jeha̭mānā-ssa॒pta ca̭) (a. 16)
anuvākaṃ 17 - aindro paśau ekādaśa prayājāḥ
hotā̭ yakṣadi॒ḍaspa॒de | sa॒mi॒dhā॒na-mma॒hadyaśaḥ̭ | suṣa̭middhaṃ॒-va~re᳚ṇyam | a॒gnimindraṃ̭-va~yo॒dhasa᳚m | gā॒ya॒trī-ñchanda̭ indri॒yam | tryavi॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒cchuci̭vratam | tanū॒napā̭tamu॒dbhida᳚m | ya-ṅgarbha॒madi̭tirda॒dhe || 77 ||
śuci॒mindraṃ̭-va~yo॒dhasa᳚m | u॒ṣṇiha॒-ñchanda̭ indri॒yam | di॒tya॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣadī॒ḍenya᳚m | ī॒ḍi॒taṃ-vṛ~̭tra॒hanta̭mam | iḍā̭bhi॒rīḍya॒gṃ॒ sahaḥ̭ | soma॒mindraṃ̭-va~yo॒dhasa᳚m | a॒nu॒ṣṭubha॒-ñchanda̭ indri॒yam | tri॒va॒thsa-ṅgāṃ-va~yo॒ dadha̭t || 78 ||
vetvājya̭sya॒ hota॒ryaja̭ || hotā̭ yakṣa-thsubarhi॒ṣada᳚m | pū॒ṣa॒ṇvanta॒-mama̭rtyam | sīda̭nta-mba॒r॒hiṣi̭ pri॒ye | a॒mṛtendraṃ̭-va~yo॒dhasa᳚m | bṛ॒ha॒tī-ñchanda̭ indri॒yam | pañcā̭vi॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-dvyaca̭svatīḥ | su॒prā॒ya॒ṇā ṛ̭tā॒vṛdhaḥ̭ || 79 ||
dvāro̭ de॒vīrhi̭ra॒ṇyayīḥ᳚ | bra॒hmāṇa॒ indraṃ̭-va~yo॒dhasa᳚m | pa॒ṅkti-ñchanda̭ i॒hendri॒yam | tu॒rya॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa-thsu॒peśa̭se | su॒śi॒lpe bṛ̭ha॒tī u॒bhe | nakto॒ṣāsā॒ na da̭rśa॒te | viśva॒mindraṃ̭-va~yo॒dhasa᳚m | tri॒ṣṭubha॒-ñchanda̭ indri॒yam || 80 ||
pa॒ṣṭha॒vāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-tpracḙtasā | de॒vānā̭mutta॒maṃ-ya~śaḥ̭ | hotā̭rā॒ daivyā̭ ka॒vī | sa॒yujendraṃ̭-va~yo॒dhasa᳚m | jaga̭tī॒-ñchanda̭ i॒hendri॒yam | a॒na॒ḍvāha॒-ṅgāṃ-va~yo॒ dadha̭t | vetvājya̭sya॒ hota॒ryaja̭ || hotā̭ yakṣa॒-tpeśa̭svatīḥ || 81 ||
ti॒sro de॒vīrhi̭ra॒ṇyayīḥ᳚ | bhāra̭tī-rbṛha॒tīrma॒hīḥ | pati॒mindraṃ̭-va~yo॒dhasa᳚m | vi॒rāja॒-ñchanda̭ i॒hendri॒yam | dhe॒nu-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣa-thsu॒reta̭sam | tvaṣṭā̭ra-mpuṣṭi॒vardha̭nam | rū॒pāṇi॒ bibhra̭ta॒-mpṛtha̭k | puṣṭi॒mindraṃ̭-va~yo॒dhasa᳚m || 82 ||
dvi॒pada॒-ñchanda̭ i॒hendri॒yam | u॒kṣāṇa॒-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣaccha॒takra̭tum | hira̭ṇyaparṇa-mu॒kthina᳚m | ra॒śa॒nā-mbibhra̭taṃ-va~॒śim | bhaga॒mindraṃ̭-va~yo॒dhasa᳚m | ka॒kubha॒-ñchanda̭ i॒hendri॒yam | va॒śāṃ-ve~॒hata॒-ṅgā-nna vayo॒ dadha̭t | vetvājya̭sya॒ hota॒ryaja̭ || hotā̭ yakṣa॒-thsvāhā̭kṛtīḥ | a॒gni-ṅgṛ॒hapa̭ti॒-mpṛtha̭k | varṷṇa-mbheṣa॒ja-ṅka॒vim | kṣa॒tramindraṃ̭-va~yo॒dhasa᳚m | ati̭cchandasa॒-ñchanda̭ indri॒yam | bṛ॒hadṛ̭ṣa॒bha-ṅgāṃ-va~yo॒ dadha̭t | vetvājya̭sya॒ hota॒ryaja̭ || 83 ||
(da॒dhe - dadha̭-d- ṛtā॒vṛdha̭ - indri॒yaṃ - peśa̭svatī--r vayo॒dhasaṃ॒ - ~vetvājya̭sya॒ hota॒ryaja̭ sa॒pta ca̭) (a. 17)
i॒ḍaspa॒de᳚-'gni-ṅgā̭ya॒trī-ntryavi᳚m | śuci̭vrata॒gṃ॒ śuci̭mu॒ṣṇiha̭-nditya॒vāha᳚m | ī॒ḍenya॒gṃ॒ soma̭-mana॒ṣṭubha̭-ntriva॒thsam | su॒ba॒ra॒ḥi॒ṣada̭ma॒mṛtendra̭-mbṛha॒tī-mpañcā̭vim | vyaca̭svatī-ssuprāya॒ṇā dvāro᳚ brā॒hmāṇaḥ̭ pā॒ṅktimi॒ha tṷrya॒vāha᳚m | su॒peśa̭se॒ viśva॒mindra̭-ntri॒ṣṭubha̭-mpaṣṭha॒vāha᳚m | pracḙtasā sa॒yujendra॒-ñjaga̭tīmi॒hāna॒ḍvāha᳚m | peśa̭svatīsti॒stro bhāra̭tīḥ॒ patiṃ̭-vi~॒rāja̭mi॒ha dhe॒nu-nna | su॒reta̭sa॒-ntvaṣṭā̭ra॒-mpuṣṭi̭-ndvi॒pada̭mi॒hokṣāṇa॒-nna | śa॒takra̭tu॒-mbhaga॒mindra̭-ṅka॒kubha̭mi॒ha va॒śāṃ-ve~॒hata॒-ṅgā-nna | svāhā̭kṛtīḥ, kṣa॒tramati̭cchandasa-mbṛ॒hadṛ̭ṣa॒bha-ṅgāṃ-va~yaḥ̭ | i॒ndri॒yamuṣi̭vasu॒nava̭da॒śehe᳚ndriya॒maṣṭa̭ nava daśa॒ gā-nna vayo॒ dadha॒-thsarva̭vetu |
anuvākaṃ 18 - aindro paśau prayājayājyāḥ
sami̭ddho a॒gni-ssa॒midhā᳚ | suṣa̭middho॒ vare᳚ṇyaḥ | gā॒ya॒trī chanda̭ indri॒yam | tryavi॒rgaurvayo̭ dadhuḥ || tanū॒napā॒-cchuci̭vrataḥ | ta॒nū॒napācca॒ (ta॒nū॒pācca) sara̭svatī | u॒ṣṇikchanda̭ indri॒yam | di॒tya॒vāḍgaurvayo̭ dadhuḥ || iḍā̭bhira॒gnirīḍyaḥ̭ | somo̭ de॒vo ama̭rtyaḥ || 84 ||
a॒nu॒ṣṭupchanda̭ indri॒yam | tri॒va॒thso gaurvayo̭ dadhuḥ || su॒ba॒r॒hira॒gniḥ pṷ̄ṣa॒ṇvān | stī॒rṇa-ba̭rhi॒rama̭rtyaḥ | bṛ॒ha॒tī chanda̭ indri॒yam | pañcā̭vi॒-rgaurvayo̭ dadhuḥ || duro̭ de॒vīrdiśo̭ ma॒hīḥ | bra॒hmā de॒vo bṛha॒spatiḥ̭ | pa॒ṅkti-śchanda̭ i॒hendri॒yam | tu॒rya॒vāḍ gaurvayo̭ dadhuḥ || 85 ||
u॒ṣe ya॒hvī su॒peśa̭sā | viśvḙ de॒vā ama̭rtyāḥ | tri॒ṣṭu-pchanda̭ indri॒yam | pa॒ṣṭha॒vādgaurvayo̭ dadhuḥ || daivyā̭ hotārā bhiṣajā | indrḙṇa sa॒yujā̭ yu॒jā | jaga̭tī॒ chanda̭ i॒hendri॒yam | a॒na॒ḍvān-gaurvayo̭ dadhuḥ || ti॒sra iḍā॒ sara̭svatī | bhāra̭tī ma॒ruto॒ viśaḥ̭ || 86 ||
vi॒rāṭchanda̭ i॒hendri॒yam | dhe॒nurgaurna vayo̭ dadhuḥ || tvaṣṭā̭ tu॒rīpo॒ adbhṷtaḥ | i॒ndrā॒gnī pṷṣṭi॒vardha̭nā | dvi॒pācchanda̭ i॒hendri॒yam | u॒kṣā gaurna vayo̭ dadhuḥ || śa॒mi॒tā no॒ vana॒spatiḥ̭ | sa॒vi॒tā pra̭su॒vanbhaga᳚m | ka॒kucchanda̭ i॒hendri॒yam | va॒śā ve॒hadgaurna vayo̭ dadhuḥ || svāhā̭ ya॒jñaṃ-va~rṷṇaḥ | su॒kṣa॒tro bhḙṣa॒ja-ṅka̭rat | atiḥ̭ chandā॒-śchanda̭ indri॒yam | bṛ॒hadṛ̭ṣa॒bho gaurvayo̭ dadhuḥ || 87 ||
(ama̭rtya - sturya॒vāḍgaurvayo̭ dadhu॒--r viśo̭ - va॒śā ve॒hadgaurna vayo̭ dadhuśca॒tvāri̭ ca) (a. 18)
anuvākaṃ 19 - aindro paśau vapādīnāṃ-ya~jyānuvākyāḥ
va॒sa॒ntena॒rtunā̭ de॒vāḥ | vasa̭vastri॒vṛtā᳚ stu॒tam | ra॒tha॒nta॒reṇa॒ teja̭sā | ha॒virindre॒ vayo̭ dadhuḥ || grī॒ṣmeṇa̭ de॒vā ṛ॒tunā᳚ | ru॒drāḥ pa̭ñcada॒śe stu॒tam | bṛ॒ha॒tā yaśa̭sā॒ bala᳚m | ha॒virindre॒ vayo̭ dadhuḥ || va॒ra॒.ṣābhi̭r-ṛ॒tunā̭-''di॒tyāḥ | stomḙ saptada॒śe stu॒tam || 88 ||
vai॒rū॒peṇa̭ vi॒śauja̭sā | ha॒virindre॒ vayo̭ dadhuḥ || śā॒ra॒dena॒rtunā̭ de॒vāḥ | e॒ka॒vi॒gṃ॒śa ṛ॒bhavaḥ̭ stu॒tam | vai॒rā॒jena̭ śri॒yā śriya᳚m | ha॒virindre॒ vayo̭ dadhuḥ || he॒ma॒ntena॒rtunā̭ de॒vāḥ | ma॒ruta̭striṇa॒ve stu॒tam | balḙna॒ śakva̭rī॒-ssahaḥ̭ | ha॒virindre॒ vayo̭ dadhuḥ || śai॒śi॒reṇa॒rtunā̭ de॒vāḥ | tra॒ya॒stri॒gṃ॒śḙ 'mṛtagg̭ stu॒tam | sa॒tyena̭ re॒vatīḥ᳚, kṣa॒tram | ha॒virindre॒ vayo̭ dadhuḥ || 89 ||
(stomḙ saptada॒śe stu॒tagṃ - saho̭ ha॒virindre॒ vayo̭ dadhuśca॒tvāri̭ ca) (a. 19)
(va॒sa॒ntena̭ grī॒ṣmeṇa̭ va॒r॒ṣābhiḥ̭ śāra॒dena̭ hema॒ntena̭ śaiśi॒reṇa॒ ṣaṭ )
anuvākaṃ 20 - aindro paśau anūyājānā-mmaitrāvariṇapraiṣāḥ
de॒va-mba॒r॒hirindraṃ̭-va~yo॒dhasa᳚m | de॒va-nde॒vama̭vardhayat | gā॒ya॒tri॒yā chanda̭sendri॒yam | teja॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒vīrdvāro̭ de॒vamindraṃ̭-va~yo॒dhasa᳚m | de॒vīrde॒va-ma̭vardhayann | u॒ṣṇihā॒ chanda̭sendri॒yam | prā॒ṇamindre॒ vayo॒ dadha̭t | va॒su॒vanḙ vasu॒dheya̭sya viyantu॒ yaja̭ || 90 ||
de॒vī de॒vaṃ-va~̭yo॒dhasa᳚m | u॒ṣe indra̭mavardhatām | a॒nu॒ṣṭubhā॒ chanda̭sendri॒yam | vāca॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || de॒vī joṣṭrī̭ de॒vamindraṃ̭-va~yo॒dhasa᳚m | de॒vī de॒vama̭vardhatām | bṛ॒ha॒tyā chanda̭sendri॒yam | śrotra॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || 91 ||
de॒vī ū॒rjāhṷtī de॒vamindraṃ̭-va~yo॒dhasa᳚m | de॒vī de॒vama̭vardhatām | pa॒ṅktyā chanda̭sendri॒yam | śu॒kramindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || de॒vā daivyā॒ hotā̭rā de॒vamindraṃ̭-va~yo॒dhasa᳚m | de॒vā de॒vama̭vardhatām | tri॒ṣṭubhā॒ chanda̭sendri॒yam | tviṣi॒mindre॒ vayo॒ dadha̭t | va॒su॒vanḙ vasu॒dheya̭sya vītāṃ॒-ya~ja̭ || 92 ||
de॒vī-sti॒sra-sti॒sro de॒vīrva̭yo॒dhasa᳚m | pati॒mindra̭-mavardhayann | jaga̭tyā॒ chanda̭sendri॒yam | bala॒mindre॒ vayo॒ dadha̭t | va॒su॒vanḙ vasu॒dheya̭sya viyantu॒ yaja̭ || de॒vo narā॒śagṃso̭ de॒vamindraṃ̭-va~yo॒dhasa᳚m | de॒vo de॒vama̭vardhayat | vi॒rājā॒ chanda̭sendri॒yam | reta॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || 93 ||
de॒vo vana॒spati̭-rde॒vamindraṃ̭-va~yo॒dhasa᳚m | de॒vo de॒vama̭vardhayat | dvi॒padā॒ chanda̭sendri॒yam | bhaga॒mindre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒va-mba॒r॒hirvāri̭tīnā-nde॒vamindraṃ̭-va~yo॒dhasa᳚m | de॒vo (de॒vaṃ) de॒vama̭vardhayat | ka॒kubhā॒ chanda̭sendri॒yam | yaśa॒ indre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || de॒vo a॒gni-ssvi̭ṣṭa॒kṛ-dde॒vamindraṃ̭-va~yo॒dhasa᳚m | de॒vo de॒vama̭vardhayat | ati̭cchandasā॒ chanda̭sendri॒yam | kṣa॒tramindre॒ vayo॒ dadha̭t | va॒su॒vanḙ vasu॒dheya̭sya vetu॒ yaja̭ || 94 ||
(vi॒ya॒ntu॒ yaja̭ - vītāṃ॒-ya~ja̭-vītāṃ॒-ya~ja̭-vetu॒ yaja̭-vetu॒ yaja॒ pañca̭ ca) (a. 20)
(de॒va-mba॒r॒hi-rgā̭yatri॒yā tejaḥ̭ | de॒vīrdvāra̭ u॒ṣṇihā᳚ prā॒ṇam | de॒vī de॒vamu॒ṣe a̭nu॒ṣṭubhā॒ vāca᳚m | de॒vī joṣṭrī̭ bṛha॒tyā śrotra᳚m | de॒vī ū॒rjāhṷ̄tī pa॒ṅktyā śu॒kram | de॒vā daivyā॒ hotā̭rā tri॒ṣṭubhā॒ tviṣi᳚m | de॒vīsti॒srasti॒sro de॒vīḥ pati॒-ñjaga̭tyā॒ bala᳚m | de॒vo narā॒śagṃso̭ vi॒rājā॒ retaḥ̭ | de॒vo vana॒spati̭-rdvi॒padā॒ bhaga᳚m | de॒va-mba॒r॒hi-rvāri̭tīnā-ṅka॒kubhā॒ yaśaḥ̭ | de॒vo a॒gni-ssvi̭ṣṭa॒kṛdati̭cchandasā kṣa॒tram | ve॒tu॒ vi॒ya॒ntu॒ ca॒tu-rvī̭tā॒meko̭ viyantu ca॒turvḙtu | a॒va॒rdha॒ya॒da॒va॒rdha॒ya॒gg॒ śca॒tura̭vardhatā॒meko̭ 'vardhayagg śca॒tura̭vardhayat |)
(svā॒dvī-ntvā॒ - somaḥ॒ - surā̭vanta॒gṃ॒ - sīsḙna - mi॒tro̭-'si॒ - ya-ddḙvā॒ - hotā̭ yakṣa-thsa॒midhendra॒gṃ॒ - sami̭ddha॒ indra॒ - āca̭rṣaṇi॒prā - de॒va-mba॒r॒hirindragṃ̭ sude॒vagṃ - hotā̭ yakṣa-thsa॒midhā॒-'gnigṃ - sami̭ddho a॒gnira̭śvinā॒ - 'śvinā̭ ha॒viri̭ndri॒yaṃ - de॒va-mba॒r॒hi-ssara̭sva - tyā॒gnima॒ - dyośanto॒ - hotā̭ yakṣadi॒ḍaspa॒de - sami̭ddho a॒gni-ssa॒midhā̭ - vasa॒ntena̭ - de॒va-mba॒r॒hirindraṃ̭-va~yo॒dhasaṃ̭-vi~gṃśa॒tiḥ)
(svā॒dvī-ntvā-' - mī̭ madanta pi॒taraḥ॒ - sāmrā᳚jyāya - pū॒ta-mpa॒vitrḙṇe॒ vājya̭ - mu॒ṣāsā॒naktā॒ - bada̭rai॒ - radhā̭tāma॒śvinā̭ - de॒va indro॒ vana॒spatiḥ̭ - paṣṭha॒vāha॒-ṅgāṃ - de॒vī de॒vaṃ-va~̭yo॒dhasa॒-ñcatṷrnavatiḥ )
(svā॒dvīntvā̭ - vetu॒ yaja̭)
|| hariḥ̭ om ||
|| kṛṣṇa yajurvedīya taittirīya brāhmaṇe dvitīyāṣṭake ṣaṣṭhaḥ prapāṭhaka-ssamāptaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.