1.3 - Vajapeyabrahmanam - Krishna Yajurveda Taittiriya Brahmana Pathah - Devasurah Sam Yatta — Oriya Script

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକେ ତୃତୀଯଃ ପ୍ରପାଠକଃ - ଵାଜପେଯବ୍ରାହ୍ମଣଂ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥

ଅନୁଵାକଂ 1 - ପୁନରାଧେଯଶେଷଃ ଆଜ୍ଯଭାଗଯୋର୍ଵିଶେଷଃ

ଦେ॒ଵା॒ସୁ॒ରା-ସ୍ସଂ-ଯଁ॑ତ୍ତା ଆସନ୍ନ୍ । ତେ ଦେ॒ଵା ଵି॑ଜ॒ଯ-ମୁ॑ପ॒ଯନ୍ତଃ॑ । ଅ॒ଗ୍ନୀଷୋମ॑ଯୋ-ସ୍ତେଜ॒ସ୍ଵିନୀ᳚ସ୍ତ॒ନୂ-ସ୍ସ-ନ୍ନ୍ଯ॑ଦଧତ । ଇ॒ଦମୁ॑ ନୋ ଭଵିଷ୍ଯତି । ଯଦି॑ ନୋ ଜେ॒ଷ୍ଯନ୍ତୀତି॑ । ତେନା॒ଗ୍ନୀଷୋମା॒-ଵପା᳚କ୍ରାମତାମ୍ । ତେ ଦେ॒ଵା ଵି॒ଜିତ୍ଯ॑ । ଅ॒ଗ୍ନୀଷୋମା॒-ଵନ୍ଵୈ᳚ଚ୍ଛନ୍ନ୍ । ତେ᳚-ଽଗ୍ନି-ମନ୍ଵ॑ଵିନ୍ଦ-ନ୍ନୃ॒ତୁଷୂ-ଥ୍ସ॑ନ୍ନମ୍ । ତସ୍ଯ॒ ଵିଭ॑କ୍ତୀଭି-ସ୍ତେଜ॒ସ୍ଵିନୀ᳚ସ୍ତ॒ନୂ-ରଵା॑ରୁନ୍ଧତ ॥ 1 ॥

ତେ ସୋମ॒-ମନ୍ଵ॑ଵିନ୍ଦନ୍ନ୍ । ତମ॑ଘ୍ନନ୍ନ୍ । ତସ୍ଯ॑ ଯଥା-ଽଭି॒ଜ୍ଞାଯ॑-ନ୍ତ॒ନୂ-ର୍ଵ୍ଯ॑ଗୃହ୍ଣତ । ତେ ଗ୍ରହା॑ ଅଭଵନ୍ନ୍ । ତ-ଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ । ଯସ୍ଯୈ॒ଵଂ-ଵିଁ॒ଦୁଷୋ॒ ଗ୍ରହା॑ ଗୃ॒ହ୍ଯନ୍ତେ᳚ । ତସ୍ଯ॒ ତ୍ଵେ॑ଵ ଗୃ॑ହୀ॒ତାଃ ॥ ନାନା᳚ଗ୍ନେଯ-ମ୍ପୁନରା॒ଧେଯେ॑ କୁର୍ଯାତ୍ । ଯଦନା᳚ଗ୍ନେଯ-ମ୍ପୁନରା॒ଧେଯେ॑ କୁ॒ର୍ଯାତ୍ । ଵ୍ଯୃ॑ଦ୍ଧମେ॒ଵ ତତ୍ ॥ 2 ॥

ଅନା᳚ଗ୍ନେଯଂ॒-ଵାଁ ଏ॒ତ-ତ୍କ୍ରି॑ଯତେ । ଯ-ଥ୍ସ॒ମିଧ॒-ସ୍ତନୂ॒ନପା॑ତମି॒ଡୋ ବ॒ର୍॒ହି-ର୍ଯ॑ଜତି ॥ ଉ॒ଭାଵା᳚ଗ୍ନେ॒ଯା-ଵାଜ୍ଯ॑ଭାଗୌ ସ୍ଯାତାମ୍ ॥ ଅନା᳚ଜ୍ଯଭାଗୌ-ଭଵତ॒ ଇତ୍ଯା॑ହୁଃ । ଯଦୁ॒ଭାଵା᳚ଗ୍ନେ॒ଯାଵ॒ନ୍ଵଞ୍ଚା॒ଵିତି॑ । ଅ॒ଗ୍ନଯେ॒ ପଵ॑ମାନା॒ଯୋତ୍ତ॑ର-ସ୍ସ୍ଯାତ୍ । ଯ-ତ୍ପଵ॑ମାନାଯ । ତେନାଜ୍ଯ॑ ଭାଗଃ । ତେନ॑ ସୌ॒ମ୍ଯଃ ॥ ବୁଧ॑ନ୍ଵତ୍ଯାଗ୍ନେ॒ଯ-ସ୍ଯାଜ୍ଯ॑-ଭାଗସ୍ଯ ପୁରୋ-ଽନୁଵା॒କ୍ଯା॑ ଭଵତି ॥ 3 ॥

ଯଥା॑ ସୁ॒ପ୍ତ-ମ୍ବୋ॒ଧଯ॑ତି । ତା॒ଦୃଗେ॒ଵ ତତ୍ ॥ ଅ॒ଗ୍ନିନ୍ଯ॑କ୍ତାଃ ପତ୍ନୀ ସଂଯାଁ॒ଜାନା॒ମୃଚଃ॑ ସ୍ଯୁଃ । ତେନା᳚ଗ୍ନେ॒ଯଗ୍ଂ ସର୍ଵ॑-ମ୍ଭଵତି ॥ ଏ॒କ॒ଧା ତେ॑ଜ॒ସ୍ଵିନୀ᳚-ନ୍ଦେ॒ଵତା॒-ମୁପୈ॒ତୀତ୍ଯା॑ହୁଃ । ସୈନ॑ମୀଶ୍ଵ॒ରା ପ୍ର॒ଦହ॒ ଇତି॑ ॥ ନେତି॑ ବ୍ରୂଯାତ୍ । ପ୍ର॒ଜନ॑ନଂ॒-ଵାଁ ଅ॒ଗ୍ନିଃ । ପ୍ର॒ଜନ॑ନ-ମେ॒ଵୋପୈ॒ତୀତି॑ ॥ କୃ॒ତଯ॑ଜୁ॒-ସ୍ସମ୍ଭୃ॑ତ ସମ୍ଭାର॒ ଇତ୍ଯା॑ହୁଃ ॥ 4 ॥

ନ ସ॒ଭୃନ୍ତ୍ଯା᳚-ସ୍ସମ୍ଭା॒ରାଃ । ନ ଯଜୁଃ॑ କା॒ର୍ଯ॑ମିତି॑ ॥ ଅଥୋ॒ ଖଲୁ॑ । ସ॒ଭୃନ୍ତ୍ଯା॑ ଏ॒ଵ ସ॑ଭାଂ॒ରାଃ । କା॒ର୍ଯଂ॑-ଯଁଜୁଃ॑ । ପୁ॒ନ॒ରା॒ଧେଯ॑ସ୍ଯ॒ ସମୃ॑ଦ୍ଧ୍ଯୈ ॥ ତେନୋ॑ପା॒ଗ୍ଂ॒ଶୁ ପ୍ରଚ॑ରତି । ଏଷ୍ଯ॑ ଇଵ॒ ଵା ଏ॒ଷଃ । ଯ-ତ୍ପୁ॑ନ-ରା॒ଧେଯଃ॑ । ଯଥୋ॑ପା॒ଗ୍ଂ॒ଶୁ ନ॒ଷ୍ଟମି॒ଚ୍ଛତି॑ ॥ 5 ॥

ତା॒ଦୃଗେ॒ଵ ତତ୍ ॥ ଉ॒ଚ୍ଚୈ-ସ୍ସ୍ଵି॑ଷ୍ଟ॒କୃତ॒ମୁ-ଥ୍ସୃ॑ଜତି । ଯଥା॑ ନ॒ଷ୍ଟଂ-ଵିଁ॒ତ୍ଵା ପ୍ରାହା॒ଯମିତି॑ । ତା॒ଦୃଗେ॒ଵ ତତ୍ ॥ ଏ॒କ॒ଧା ତେ॑ଜ॒ସ୍ଵିନୀ᳚-ନ୍ଦେ॒ଵତା॒ମୁପୈ॒ତୀତ୍ଯା॑ହୁଃ । ସୈନ॑ମୀଶ୍ଵ॒ରା ପ୍ର॒ଦହ॒ ଇତି॑ । ତତ୍ତଥା॒ ନୋପୈ॑ତି । ପ୍ର॒ଯା॒ଜା॒ନୂ॒ଯା॒ଜେଷ୍ଵେ॒ଵ ଵିଭ॑କ୍ତୀଃ କୁର୍ଯାତ୍ । ଯ॒ଥା॒ପୂ॒ର୍ଵ-ମାଜ୍ଯ॑ଭାଗୌ॒ ସ୍ଯାତା᳚ମ୍ । ଏ॒ଵ-ମ୍ପ॑ତ୍ନୀ ସଂଯାଁ॒ଜାଃ ॥ 6 ॥

ତ-ଦ୍ଵୈ᳚ଶ୍ଵାନ॒ରଵ॑ତ୍-ପ୍ର॒ଜନ॑ନଵତ୍ତର॒-ମୁପୈ॒ତୀତି॑ ॥ ତଦା॑ହୁଃ । ଵ୍ଯୃ॑ଦ୍ଧଂ॒-ଵାଁ ଏ॒ତତ୍ । ଅନା᳚ଗ୍ନେଯଂ॒-ଵାଁ ଏ॒ତ-ତ୍କ୍ରି॑ଯତ॒ ଇତି॑ ॥ ନେତି॑ ବ୍ରୂଯାତ୍ । ଅ॒ଗ୍ନି-ମ୍ପ୍ର॑ଥ॒ମଂ-ଵିଁଭ॑କ୍ତୀନାଂ-ଯଁଜତି । ଅ॒ଗ୍ନିମୁ॑ତ୍ତ॒ମ-ମ୍ପ॑ତ୍ନୀ ସଂଯାଁ॒ଜାନା᳚ମ୍ । ତେନା᳚ଗ୍ନେ॒ଯମ୍ । ତେନ॒ ସମୃ॑ଦ୍ଧ-ଙ୍କ୍ରିଯତ॒ ଇତି॑ ॥ 7 ॥

(ଅ॒ରୁ॒ନ୍ଧ॒ - ତୈ॒ଵ ତ-ଦ୍- ଭ॑ଵତି॒ - ସମ୍ଭୃ॑ତସମ୍ଭାର॒ ଇତ୍ଯା॑ହୁ - ରି॒ଚ୍ଛତି॑ - ପତ୍ନୀସଂଯାଁ॒ଜା - +ନଵ॑ ଚ) ( ଆ1)

ଅନୁଵାକଂ 2 - ଵାଜପେଯସ୍ଯ ଵିଧିଃ

ଦେ॒ଵା ଵୈ ଯଥା॒ଦର୍ଶଂ॑-ଯଁ॒ଜ୍ଞାନାହ॑ରନ୍ତ । ଯୋ᳚-ଽଗ୍ନିଷ୍ଟୋ॒ମମ୍ । ଯ ଉ॒କ୍ଥ୍ଯ᳚ମ୍ । ଯୋ॑-ଽତିରା॒ତ୍ରମ୍ । ତେ ସ॒ହୈଵ ସର୍ଵେ॑ ଵାଜ॒ପେଯ॑-ମପଶ୍ଯନ୍ନ୍ । ତେ । ଅ॒ନ୍ଯୋ᳚ନ୍ଯସ୍ମୈ॒ ନାତି॑ଷ୍ଠନ୍ତ । ଅ॒ହମ॒ନେନ॑ ଯଜା॒ ଇତି॑ । ତେ᳚-ଽବ୍ରୁଵନ୍ନ୍ । ଆ॒ଜିମ॒ସ୍ଯ ଧା॑ଵା॒ମେତି॑ ॥ 8 ॥

ତସ୍ମି॑-ନ୍ନା॒ଜିମ॑ଧାଵନ୍ନ୍ । ତ-ମ୍ବୃହ॒ସ୍ପତି॒-ରୁଦ॑ଜଯତ୍ । ତେନା॑ଯଜତ । ସ ସ୍ଵାରା᳚ଜ୍ଯ-ମଗଚ୍ଛତ୍ । ତମିନ୍ଦ୍ରୋ᳚-ଽବ୍ରଵୀତ୍ । ମାମ॒ନେନ॑ ଯାଜ॒ଯେତି॑ । ତେନେନ୍ଦ୍ର॑-ମଯାଜଯତ୍ । ସୋ-ଽଗ୍ର॑-ନ୍ଦେ॒ଵତା॑ନା॒-ମ୍ପର୍ଯୈ᳚ତ୍ । ଅଗ॑ଚ୍ଛ॒-ଥ୍ସ୍ଵାରା᳚ଜ୍ଯମ୍ । ଅତି॑ଷ୍ଠନ୍ତାସ୍ମୈ॒ ଜ୍ଯୈଷ୍ଠ୍ଯା॑ଯ ॥ 9 ॥

ଯ ଏ॒ଵଂ-ଵିଁ॒ଦ୍ଵାନ୍. ଵା॑ଜ॒ପେଯେ॑ନ॒ ଯଜ॑ତେ । ଗଚ୍ଛ॑ତି॒ ସ୍ଵାରା᳚ଜ୍ଯମ୍ । ଅଗ୍ରଗ୍ଂ॑ ସମା॒ନାନା॒-ମ୍ପର୍ଯେ॑ତି । ତିଷ୍ଠ॑ନ୍ତେ-ଽସ୍ମୈ॒ ଜ୍ଯୈଷ୍ଠ୍ଯା॑ଯ ॥ ସ ଵା ଏ॒ଷ ବ୍ରା᳚ହ୍ମ॒ଣସ୍ଯ॑ ଚୈ॒ଵ ରା॑ଜ॒ନ୍ଯ॑ସ୍ଯ ଚ ଯ॒ଜ୍ଞଃ ॥ ତଂ-ଵାଁ ଏ॒ତଂ-ଵାଁ॑ଜ॒ପେଯ॒ ଇତ୍ଯା॑ହୁଃ । ଵା॒ଜାପ୍ଯୋ॒ ଵା ଏ॒ଷଃ । ଵାଜ॒ଗ୍ଗ୍॒ ହ୍ଯେ॑ତେନ॑ ଦେ॒ଵା ଐଫ୍ସନ୍ନ୍॑ ॥ ସୋମୋ॒ ଵୈ ଵା॑ଜ॒ପେଯଃ॑ । ଯୋ ଵୈ ସୋମଂ॑-ଵାଁଜ॒ପେଯଂ॒-ଵେଁଦ॑ ॥ 10 ॥

ଵା॒ଜ୍ଯେ॑ଵୈନ॑-ମ୍ପୀ॒ତ୍ଵା ଭ॑ଵତି । ଆ-ଽସ୍ଯ॑ ଵା॒ଜୀ ଜା॑ଯତେ ॥ ଅନ୍ନଂ॒-ଵୈଁ ଵା॑ଜ॒ପେଯଃ॑ । ଯ ଏ॒ଵଂ-ଵେଁଦ॑ । ଅତ୍ତ୍ଯନ୍ନ᳚ମ୍ । ଆ-ଽସ୍ଯା᳚ନ୍ନା॒ଦୋ ଜା॑ଯତେ ॥ ବ୍ରହ୍ମ॒ ଵୈ ଵା॑ଜ॒ପେଯଃ॑ । ଯ ଏ॒ଵଂ-ଵେଁଦ॑ । ଅତ୍ତି॒ ବ୍ରହ୍ମ॒ଣା-ଽନ୍ନ᳚ମ୍ । ଆ-ଽସ୍ଯ॑ ବ୍ର॒ହ୍ମା ଜା॑ଯତେ ॥ 11 ॥

ଵାଗ୍ଵୈ ଵାଜ॑ସ୍ଯ ପ୍ରସ॒ଵଃ । ଯ ଏ॒ଵଂ-ଵେଁଦ॑ । କ॒ରୋତି॑ ଵା॒ଚା ଵୀ॒ର୍ଯ᳚ମ୍ । ଐନଂ॑-ଵାଁ॒ଚା ଗ॑ଚ୍ଛତି । ଅପି॑ଵତୀଂ॒-ଵାଁଚଂ॑-ଵଁଦତି ॥ ପ୍ର॒ଜାପ॑ତି-ର୍ଦେ॒ଵେଭ୍ଯୋ॑ ଯ॒ଜ୍ଞାନ୍ ଵ୍ଯାଦି॑ଶତ୍ । ସ ଆ॒ତ୍ମନ୍ ଵା॑ଜ॒ପେଯ॑-ମଧତ୍ତ । ତ-ନ୍ଦେ॒ଵା ଅ॑ବ୍ରୁଵନ୍ନ୍ । ଏ॒ଷ ଵାଵ ଯ॒ଜ୍ଞଃ । ଯ-ଦ୍ଵା॑ଜ॒ପେଯଃ॑ ॥ 12 ॥

ଅପ୍ଯେ॒ଵ ନୋ-ଽତ୍ରା॒ସ୍ତ୍ଵିତି॑ । ତେଭ୍ଯ॑ ଏ॒ତା ଉଜ୍ଜି॑ତୀଃ॒ ପ୍ରାଯ॑ଚ୍ଛତ୍ ॥ ତା ଵା ଏ॒ତା ଉଜ୍ଜି॑ତଯୋ॒ ଵ୍ଯାଖ୍ଯା॑ଯନ୍ତେ । ଯ॒ଜ୍ଞସ୍ଯ॑ ସର୍ଵ॒ତ୍ଵାଯ॑ । ଦେ॒ଵତା॑ନା॒-ମନି॑ର୍ଭାଗାଯ ॥ ଦେ॒ଵା ଵୈ ବ୍ରହ୍ମ॑ଣ॒ଶ୍ଚାନ୍ନ॑ସ୍ଯ ଚ॒ ଶମ॑ଲ॒ମପା᳚ଘ୍ନନ୍ନ୍ । ଯ-ଦ୍ବ୍ରହ୍ମ॑ଣ॒-ଶ୍ଶମ॑ଲ॒ମାସୀ᳚ତ୍ । ସା ଗାଥା॑ ନାରାଶ॒ଗ୍ଗ୍॒ସ୍ଯ॑ ଭଵତ୍ । ଯଦନ୍ନ॑ସ୍ଯ । ସା ସୁରା᳚ ॥ 13 ॥

ତସ୍ମା॒-ଦ୍ଗାଯ॑ତଶ୍ଚ ମ॒ତ୍ତସ୍ଯ॑ ଚ॒ ନ ପ୍ର॑ତି॒ଗୃହ୍ଯ᳚ମ୍ । ଯ-ତ୍ପ୍ର॑ତିଗୃହ୍ଣୀ॒ଯାତ୍ । ଶମ॑ଲ॒-ମ୍ପ୍ରତି॑ଗୃହ୍ଣୀଯାତ୍ ॥ ସର୍ଵା॒ ଵା ଏ॒ତସ୍ଯ॒ ଵାଚୋ ଽଵ॑ରୁଦ୍ଧାଃ । ଯୋ ଵା॑ଜପେଯଯା॒ଜୀ । ଯା ପୃ॑ଥି॒ଵ୍ଯାଂ-ଯାଁ-ଽଗ୍ନୌ ଯା ର॑ଥନ୍ତ॒ରେ । ଯା-ଽନ୍ତରି॑କ୍ଷେ॒ ଯା ଵା॒ଯୌ ଯା ଵା॑ମଦେ॒ଵ୍ଯେ । ଯା ଦି॒ଵି ଯା-ଽଽଦି॒ତ୍ଯେ ଯା ବୃ॑ହ॒ତି । ଯା-ଽଫ୍ସୁ ଯୌଷ॑ଧୀଷୁ॒ ଯା ଵନ॒ସ୍ପତି॑ଷୁ ॥ ତସ୍ମା᳚-ଦ୍ଵାଜପେଯଯା॒ଜ୍ଯାର୍ତ୍ଵି॑ଜୀନଃ । ସର୍ଵା॒ ହ୍ଯ॑ସ୍ଯ॒ ଵାଚୋ ଽଵ॑ରୁଦ୍ଧାଃ ॥ 14 ॥

(ଧା॒ଵା॒ମେତି॒ - ଜ୍ଯୈଷ୍ଠ୍ଯା॑ଯ॒ - ଵେଦ॑ - ବ୍ର॒ହ୍ମା ଜା॑ଯତେ-ଵାଜ॒ପେଯଃ॒-ସୁରା-ଽଽର୍ତ୍ଵି॑ଜୀନ॒ ଏକଂ॑ ଚ ) (ଅ. 2)

ଅନୁଵାକଂ 3 - ତସ୍ଯଗ୍ରହଵିଶେଷାଃ

ଦେ॒ଵା ଵୈ ଯଦ॒ନ୍ଯୈ-ର୍ଗ୍ରହୈ᳚-ର୍ଯ॒ଜ୍ଞସ୍ଯ॒ ନାଵାରୁ॑ନ୍ଧତ । ତଦ॑ତିଗ୍ରା॒ହ୍ଯୈ॑-ରତି॒ଗୃହ୍ଯା-ଵା॑ରୁନ୍ଧତ । ତଦ॑ତିଗ୍ରା॒ହ୍ଯା॑ଣା-ମତିଗ୍ରାହ୍ଯ॒ତ୍ଵମ୍ ॥ ଯଦ॑ତିଗ୍ରା॒ହ୍ଯା॑ ଗୃ॒ହ୍ଯନ୍ତେ᳚ । ଯଦେ॒ଵାନ୍ଯୈ-ର୍ଗ୍ରହୈ᳚-ର୍ଯ॒ଜ୍ଞସ୍ଯ॒ ନାଵ॑ରୁ॒ନ୍ଧେ । ତଦେ॒ଵ ତୈର॑ତି॒ଗୃହ୍ଯା-ଵ॑ରୁନ୍ଧେ ॥ ପଞ୍ଚ॑ ଗୃହ୍ଯନ୍ତେ । ପାଙ୍କ୍ତୋ॑ ଯ॒ଜ୍ଞଃ । ଯାଵା॑ନେ॒ଵ ଯ॒ଜ୍ଞଃ । ତମା॒ପ୍ତ୍ଵା ଽଵ॑ରୁନ୍ଧେ ॥ 15 ॥

ସର୍ଵ॑ ଐ॒ନ୍ଦ୍ରା ଭ॑ଵନ୍ତି । ଏ॒କ॒ଧୈଵ ଯଜ॑ମାନ ଇନ୍ଦ୍ରି॒ଯ-ନ୍ଦ॑ଧତି ॥ ସ॒ପ୍ତଦ॑ଶ ପ୍ରାଜାପ॒ତ୍ଯା ଗ୍ରହା॑ ଗୃହ୍ଯନ୍ତେ । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ଯୈ᳚ ॥ ଏକ॑ଯ॒ର୍ଚା ଗୃ॑ହ୍ଣାତି । ଏ॒କ॒ଧୈଵ ଯଜ॑ମାନେ ଵୀ॒ର୍ଯ॑-ନ୍ଦଧାତି ॥ ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଗୃହ୍ଣାତି । ଏ॒ତ-ଦ୍ଵୈ ଦେ॒ଵାନା᳚-ମ୍ପର॒ମମନ୍ନ᳚ମ୍ । ଯ-ଥ୍ସୋମଃ॑ ॥ 16 ॥

ଏ॒ତ-ନ୍ମ॑ନୁ॒ଷ୍ଯା॑ଣାମ୍ । ଯ-ଥ୍ସୁରା᳚ । ପ॒ର॒ମେଣୈ॒ଵାସ୍ମା॑ ଅ॒ନ୍ନାଦ୍ଯେ॒ନାଵ॑ର-ମ॒ନ୍ନାଦ୍ଯ॒-ମଵ॑ରୁନ୍ଧେ ॥ ସୋ॒ମ॒ଗ୍ର॒ହା-ନ୍ଗୃ॑ହ୍ଣାତି । ବ୍ରହ୍ମ॑ଣୋ॒ ଵା ଏ॒ତ-ତ୍ତେଜଃ॑ । ଯ-ଥ୍ସୋମଃ॑ । ବ୍ରହ୍ମ॑ଣ ଏ॒ଵ ତେଜ॑ସା॒ ତେଜୋ॒ ଯଜ॑ମାନେ ଦଧାତି । ସୁ॒ରା॒ଗ୍ର॒ହା-ନ୍ଗୃ॑ହ୍ଣାତି । ଅନ୍ନ॑ସ୍ଯ॒ ଵା ଏ॒ତଚ୍ଛମ॑ଲମ୍ । ଯ-ଥ୍ସୁରା᳚ ॥ 17 ॥

ଅନ୍ନ॑ସ୍ଯୈ॒ଵ ଶମ॑ଲେନ॒ ଶମ॑ଲଂ॒-ଯଁଜ॑ମାନା॒-ଦପ॑ହନ୍ତି ॥ ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଗୃହ୍ଣାତି । ପୁମା॒ନ୍॒. ଵୈ ସୋମଃ॑ । ସ୍ତ୍ରୀ ସୁରା᳚ । ତ-ନ୍ମି॑ଥୁ॒ନମ୍ । ମି॒ଥୁ॒ନମେ॒ଵାସ୍ଯ॒ ତ-ଦ୍ଯ॒ଜ୍ଞେ କ॑ରୋତି ପ୍ର॒ଜନ॑ନାଯ । ଆ॒ତ୍ମାନ॑ମେ॒ଵ ସୋ॑ମଗ୍ର॒ହୈ-ସ୍ସ୍ପୃ॑ଣୋତି । ଜା॒ଯାଗ୍ଂ ସୁ॑ରା ଗ୍ର॒ହୈଃ । ତସ୍ମା᳚-ଦ୍ଵାଜପେଯଯା॒ଜ୍ଯ॑ମୁଷ୍ମି॑ଁଲ୍ଲୋ॒କେ ସ୍ତ୍ରିଯ॒ଗ୍ଂ॒ ସମ୍ଭ॑ଵତି । ଵା॒ଜ॒ପେଯା॑-ଭିଜିତ॒ଗ୍ଗ୍॒ ହ୍ଯ॑ସ୍ଯ ॥ 18 ॥

ପୂର୍ଵେ॑ ସୋମଗ୍ର॒ହା ଗୃ॑ହ୍ଯନ୍ତେ । ଅପ॑ରେ ସୁରାଗ୍ର॒ହାଃ । ପୁ॒ରୋ॒କ୍ଷଗ୍ଂ ସୋ॑ମଗ୍ର॒ହାନ୍ଥ୍- ସା॑ଦଯତି । ପ॒ଶ୍ଚା॒ଦ॒କ୍ଷଗ୍ଂ ସୁ॑ରାଗ୍ର॒ହାନ୍ । ପା॒ପ॒ଵ॒ସ୍ଯ॒ସସ୍ଯ॒ ଵିଧୃ॑ତ୍ଯୈ ॥ ଏ॒ଷ ଵୈ ଯଜ॑ମାନଃ । ଯ-ଥ୍ସୋମଃ॑ । ଅନ୍ନ॒ଗ୍ଂ॒ ସୁରା᳚ । ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॒ ଵ୍ଯତି॑ଷଜତି । ଅ॒ନ୍ନାଦ୍ଯେ॑ନୈ॒ଵୈନଂ॒-ଵ୍ଯଁତି॑ଷଜତି ॥ 19 ॥

ସ॒ପୃଞ୍ଚଃ॑ ସ୍ଥ॒ ସ-ମ୍ମା॑ ଭ॒ଦ୍ରେଣ॑ ପୃ॒ଙ୍କ୍ତେତ୍ଯା॑ହ । ଅନ୍ନଂ॒-ଵୈଁ ଭ॒ଦ୍ରମ୍ । ଅ॒ନ୍ନାଦ୍ଯେ॑ନୈ॒ଵୈନ॒ଗ୍ଂ॒ ସଗ୍ଂସୃ॑ଜତି ॥ ଅନ୍ନ॑ସ୍ଯ॒ ଵା ଏ॒ତଚ୍ଛମ॑ଲମ୍ । ଯ-ଥ୍ସୁରା᳚ । ପା॒ପ୍ମॆଵ॒ ଖଲୁ॒ ଵୈ ଶମ॑ଲମ୍ । ପା॒ପ୍ମନା॒ ଵା ଏ॑ନମେ॒ତଚ୍ଛମ॑ଲେନ॒ ଵ୍ଯତି॑ଷଜତି । ଯ-ଥ୍ସୋ॑ମଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଵ୍ଯତି॒ଷଜ॑ତି ॥ ଵି॒ପୃଚଃ॑ ସ୍ଥ॒ ଵି ମା॑ ପା॒ପ୍ମନା॑ ପୃ॒ଙ୍କ୍ତେତ୍ଯା॑ହ । ପା॒ପ୍ମନୈ॒ଵୈନ॒ଗ୍ଂ॒ ଶମ॑ଲେନ॒ ଵ୍ଯାଵ॑ର୍ତଯତି ॥ 20 ॥

ତସ୍ମା᳚-ଦ୍ଵାଜପେଯଯା॒ଜୀ ପୂ॒ତୋ ମେଦ୍ଧ୍ଯୋ॑ ଦକ୍ଷି॒ଣ୍ଯଃ॑ ॥ ପ୍ରାଂଉ-ଦ୍ଦ୍ର॑ଵତି ସୋମଗ୍ର॒ହୈଃ । ଅ॒ମୁମେ॒ଵ ତୈ-ର୍ଲୋ॒କ-ମ॒ଭିଜ॑ଯତି । ପ୍ର॒ତ୍ଯଙ୍ଖ୍ସୁ॑ରା ଗ୍ର॒ହୈଃ । ଇ॒ମମେ॒ଵ ତୈ-ର୍ଲୋ॒କ-ମ॒ଭିଜ॑ଯତି ॥ ପ୍ରତି॑ଷ୍ଠନ୍ତି ସୋମଗ୍ର॒ହୈଃ । ଯାଵ॑ଦେ॒ଵ ସ॒ତ୍ଯମ୍ । ତେନ॑ ସୂଯତେ ॥ ଵା॒ଜ॒ସୃଦ୍ଭ୍ଯଃ॑ ସୁରାଗ୍ର॒ହାନ୍. ହ॑ରନ୍ତି । ଅନୃ॑ତେନୈ॒ଵ ଵିଶ॒ଗ୍ଂ॒ ସଗ୍ଂସୃ॑ଜତି ॥ ହି॒ର॒ଣ୍ଯ॒ପା॒ତ୍ର-ମ୍ମଧୋଃ᳚ ପୂ॒ର୍ଣ-ନ୍ଦ॑ଦାତି । ମ॒ଧ॒ଵ୍ଯୋ॑-ଽସା॒ନୀତି॑ ॥ ଏ॒କ॒ଧା ବ୍ର॒ହ୍ମଣ॒ ଉପ॑ ହରତି । ଏ॒କ॒ଧୈଵ ଯଜ॑ମାନ॒ ଆଯୁ॒ସ୍ତେଜୋ॑ ଦଧାତି ॥ 21 ॥

(ଆ॒ପ୍ତ୍ଵା-ଽଵ॑ରୁନ୍ଧେ॒ - ସୋମଃ॒ - ଶମ॑ଲଂ॒-ଯଁ-ଥ୍ସୁରା॒ - ହ୍ଯ॑-ସ୍ଯୈନଂ॒-ଵ୍ଯଁତି॑ଷଜତି॒ - ଵ୍ଯାଵ॑ର୍ତଯତି - ସୃଜତି ଚ॒ତ୍ଵାରି॑ ଚ ) (ଅ. 3)

ଅନୁଵାକଂ 4 - ପଶଵ-ସ୍ସପ୍ତଦଶ

ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ନାଗ୍ନି॑ଷ୍ଟୋ॒ମୋ ନୋକ୍ଥ୍ଯଃ॑ । ନ ଷୋ॑ଡ॒ଶୀ ନାତି॑ରା॒ତ୍ରଃ । ଅଥ॒ କସ୍ମା᳚-ଦ୍ଵାଜ॒ପେଯେ॒ ସର୍ଵେ॑ ଯଜ୍ଞକ୍ର॒ତଵୋ-ଽଵ॑ରୁଦ୍ଧ୍ଯନ୍ତ॒ ଇତି॑ । ପ॒ଶୁଭି॒ରିତି॑ ବ୍ରୂଯାତ୍ ॥ ଆ॒ଗ୍ନେ॒ଯ-ମ୍ପ॒ଶୁମାଲ॑ଭତେ । ଅ॒ଗ୍ନି॒ଷ୍ଟୋ॒ମମେ॒ଵ ତେନାଵ॑ରୁନ୍ଧେ । ଐ॒ନ୍ଦ୍ରା॒ଗ୍ନେନୋ॒କ୍ଥ୍ଯ᳚ମ୍ । ଐ॒ନ୍ଦ୍ରେଣ॑ ଷୋଡ॒ଶିନଃ॑ ସ୍ତୋ॒ତ୍ରମ୍ । ସା॒ର॒ସ୍ଵ॒ତ୍ଯା-ଽତି॑ରା॒ତ୍ରମ୍ ॥ 22 ॥

ମା॒ରୁ॒ତ୍ଯା ବୃ॑ହ॒ତ-ସ୍ସ୍ତୋ॒ତ୍ରମ୍ । ଏ॒ତାଵ॑ନ୍ତୋ॒ ଵୈ ଯ॑ଜ୍ଞକ୍ର॒ତଵଃ॑ । ତା-ନ୍ପ॒ଶୁଭି॑ରେ॒ଵା-ଵ॑ରୁନ୍ଧେ ॥ ଆ॒ତ୍ମାନ॑ମେ॒ଵ ସ୍ପୃ॑ଣୋ-ତ୍ଯଗ୍ନିଷ୍ଟୋ॒ମେନ॑ । ପ୍ରା॒ଣା॒ପା॒ନା-ଵୁ॒କ୍ଥ୍ଯେ॑ନ । ଵୀ॒ର୍ଯଗ୍ଂ॑ ଷୋଡ॒ଶିନଃ॑ ସ୍ତୋ॒ତ୍ରେଣ॑ । ଵାଚ॑-ମତିରା॒ତ୍ରେଣ॑ । ପ୍ର॒ଜା-ମ୍ବୃ॑ହ॒ତ-ସ୍ସ୍ତୋ॒ତ୍ରେଣ॑ । ଇ॒ମମେ॒ଵ ଲୋ॒କମ॒ଭି ଜ॑ଯତ୍ଯଗ୍ନିଷ୍ଟୋ॒ମେନ॑ । ଅ॒ନ୍ତରି॑କ୍ଷ-ମୁ॒କ୍ଥ୍ଯେ॑ନ ॥ 23 ॥

ସୁ॒ଵ॒ର୍ଗଂ-ଲୋଁ॒କଗ୍ଂ ଷୋ॑ଡ॒ଶିନଃ॑ ସ୍ତୋ॒ତ୍ରେଣ॑ । ଦେ॒ଵ॒ଯାନା॑ନେ॒ଵ ପ॒ଥ ଆରୋ॑ହ-ତ୍ଯତିରା॒ତ୍ରେଣ॑ । ନାକଗ୍ଂ॑ ରୋହତି ବୃହ॒ତ-ସ୍ସ୍ତୋ॒ତ୍ରେଣ॑ । ତେଜ॑ ଏ॒ଵାତ୍ମ-ନ୍ଧ॑ତ୍ତ ଆଗ୍ନେ॒ଯେନ॑ ପ॒ଶୁନା᳚ । ଓଜୋ॒ ବଲ॑ମୈନ୍ଦ୍ରା॒ଗ୍ନେନ॑ । ଇ॒ନ୍ଦ୍ରି॒ଯ-ମୈ॒ନ୍ଦ୍ରେଣ॑ । ଵାଚଗ୍ଂ॑ ସାରସ୍ଵ॒ତ୍ଯା । ଉ॒ଭାଵେ॒ଵ ଦେ॑ଵଲୋ॒କ-ଞ୍ଚ॑ ମନୁଷ୍ଯଲୋ॒କ-ଞ୍ଚା॒ଭିଜ॑ଯତି ମାରୁ॒ତ୍ଯା ଵ॒ଶଯା᳚ ॥ ସ॒ପ୍ତଦ॑ଶ ପ୍ରାଜାପ॒ତ୍ଯା-ନ୍ପ॒ଶୂନାଲ॑ଭତେ । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ ॥ 24 ॥

ପ୍ର॒ଜାପ॑ତେ॒ରାପ୍ତ୍ଯୈ᳚ ॥ ଶ୍ଯା॒ମା ଏକ॑ରୂପା ଭଵନ୍ତି । ଏ॒ଵମି॑ଵ॒ ହି ପ୍ର॒ଜାପ॑ତି॒-ସ୍ସମୃ॑ଦ୍ଧ୍ଯୈ ॥ ତା-ନ୍ପର୍ଯ॑ଗ୍ନିକୃତା॒-ନୁଥ୍ସୃ॑ଜତି ॥ ମ॒ରୁତୋ॑ ଯ॒ଜ୍ଞମ॑ଜିଘାଗ୍ଂସ-ନ୍ପ୍ର॒ଜାପ॑ତେଃ । ତେଭ୍ଯ॑ ଏ॒ତା-ମ୍ମା॑ରୁ॒ତୀଂ-ଵଁ॒ଶାମାଲ॑ଭତ । ତଯୈ॒ଵୈନା॑-ନଶମଯତ୍ ॥ ମା॒ରୁ॒ତ୍ଯା ପ୍ର॒ଚର୍ଯ॑ । ଏ॒ତାନ୍-ଥ୍ସଞ୍ଜ୍ଞ॑ପଯେତ୍ । ମ॒ରୁତ॑ ଏ॒ଵ ଶ॑ମଯି॒ତ୍ଵା ॥ 25 ॥

ଏ॒ତୈଃ ପ୍ରଚ॑ରତି । ଯ॒ଜ୍ଞସ୍ଯାଘା॑ତାଯ ॥ ଏ॒କ॒ଧା ଵ॒ପା ଜୁ॑ହୋତି । ଏ॒କ॒ଦେ॒ଵ॒ତ୍ଯା॑ ହି । ଏ॒ତେ । ଅଥୋ॑ ଏକ॒ଧୈଵ ଯଜ॑ମାନେ ଵୀ॒ର୍ଯ॑-ନ୍ଦଧାତି ॥ ନୈ॒ଵା॒ରେଣ॑ ସ॒ପ୍ତଦ॑ଶଶରାଵେ-ଣୈ॒ତର୍ହି॒ ପ୍ରଚ॑ରତି । ଏ॒ତ-ତ୍ପୁ॑ରୋଡାଶା॒ ହ୍ଯେ॑ତେ । ଅଥୋ॑ ପଶୂ॒ନାମେ॒ଵ ଛି॒ଦ୍ରମପି॑ଦଧାତି ॥ ସା॒ର॒ସ୍ଵ॒ତ୍ଯୋତ୍ତ॒ମଯା॒ ପ୍ରଚ॑ରତି । ଵାଗ୍ ଵୈ ସର॑ସ୍ଵତୀ । ତସ୍ମା᳚-ତ୍ପ୍ରା॒ଣାନାଂ॒-ଵାଁଗୁ॑ତ୍ତ॒ମା । ଅଥୋ᳚ ପ୍ର॒ଜାପ॑ତାଵେ॒ଵ ଯ॒ଜ୍ଞ-ମ୍ପ୍ରତି॑ଷ୍ଠାପଯତି । ପ୍ର॒ଜାପ॑ତି॒ର୍॒ ହି ଵାକ୍ ॥ ଅପ॑ନ୍ନଦତୀ ଭଵତି । ତସ୍ମା᳚-ନ୍ମନୁ॒ଷ୍ଯା᳚-ସ୍ସର୍ଵାଂ॒-ଵାଁଚଂ॑-ଵଁଦନ୍ତି ॥ 26 ॥

(ଅ॒ତି॒ରା॒ତ୍ର - ମ॒ନ୍ତରି॑କ୍ଷମୁ॒କ୍ଥ୍ଯେ॑ନ - ପ୍ର॒ଜାପ॑ତିଃ - ଶମଯି॒ତ୍ଵୋତ୍ - ତ॒ମଯା॒ ପ୍ରଚ॑ରତି॒ ଷଟ୍ ଚ॑) (ଅ. 4)

ଅନୁଵାକଂ 5 - ରଥଯାଜନମ୍

ସା॒ଵି॒ତ୍ର-ଞ୍ଜୁ॑ହୋତି॒ କର୍ମ॑ଣଃ କର୍ମଣଃ ପୁ॒ରସ୍ତା᳚ତ୍ ॥ କସ୍ତ-ଦ୍ଵେ॒ଦେତ୍ଯା॑ହୁଃ । ଯ-ଦ୍ଵା॑ଜ॒ପେଯ॑ସ୍ଯ॒ ପୂର୍ଵଂ॒-ଯଁଦପ॑ର॒ମିତି॑ । ସ॒ଵି॒ତୃପ୍ର॑ସୂତ ଏ॒ଵ ଯ॑ଥାପୂ॒ର୍ଵ-ଙ୍କର୍ମା॑ଣି କରୋତି ॥ ସଵ॑ନେ ସଵନେ ଜୁହୋତି । ଆ॒କ୍ରମ॑ଣମେ॒ଵ ତ-ଥ୍ସେତୁଂ॒-ଯଁଜ॑ମାନଃ କୁରୁତେ । ସୁ॒ଵ॒ର୍ଗସ୍ଯ॑ ଲୋ॒କସ୍ଯ॒ ସମ॑ଷ୍ଟ୍ଯୈ ॥ ଵା॒ଚସ୍ପତି॒-ର୍ଵାଚ॑ମ॒ଦ୍ଯ ସ୍ଵ॑ଦାତି ନ॒ ଇତ୍ଯା॑ହ । ଵାଗ୍ଵୈ ଦେ॒ଵାନା᳚-ମ୍ପୁ॒ରା-ଽନ୍ନ॑ମାସୀତ୍ । ଵାଚ॑ମେ॒ଵାସ୍ମା॒ ଅନ୍ନଗ୍ଗ୍॑ ସ୍ଵଦଯତି ॥ 27 ॥

ଇନ୍ଦ୍ର॑ସ୍ଯ॒ ଵଜ୍ରୋ॑-ଽସି॒ ଵାର୍ତ୍ର॑ଘ୍ନ॒ ଇତି॒ ରଥ॑ମୁ॒ପାଵ॑ହରତି॒ ଵିଜି॑ତ୍ଯୈ ॥ ଵାଜ॑ସ୍ଯ॒ ନୁ ପ୍ର॑ସ॒ଵେ ମା॒ତର॑-ମ୍ମ॒ହୀମିତ୍ଯା॑ହ । ଯଚ୍ଚୈ॒ଵେଯମ୍ । ଯଚ୍ଚା॒ସ୍ଯାମଧି॑ । ତଦେ॒ଵା-ଵ॑ରୁନ୍ଧେ । ଅଥୋ॒ ତସ୍ମି॑ନ୍ନେ॒ଵୋଭଯେ॒-ଽଭିଷି॑ଚ୍ଯତେ ॥ ଅ॒ଫ୍ସ୍ଵ॑ନ୍ତର॒-ମୃତ॑ମ॒ଫ୍ସୁ ଭେ॑ଷ॒ଜମିତ୍ଯଶ୍ଵା᳚-ନ୍ପଲ୍ପୂଲଯତି । ଅ॒ଫ୍ସୁ ଵା ଅଶ୍ଵ॑ସ୍ଯ॒ ତୃତୀ॑ଯ॒-ମ୍ପ୍ରଵି॑ଷ୍ଟମ୍ । ତଦ॑ନୁ॒ଵେନ॒ନ୍ଵଵ॑ପ୍ଲଵତେ । ଯଦ॒ଫ୍ସୁ ପ॑ଲ୍ପୂ॒ଲଯ॑ତି ॥ 28 ॥

ଯଦେ॒ଵାସ୍ଯା॒ଫ୍ସୁ ପ୍ରଵି॑ଷ୍ଟମ୍ । ତଦେ॒ଵାଵ॑ରୁନ୍ଧେ ॥ ବ॒ହୁ ଵା ଅଶ୍ଵୋ॑-ଽମେ॒ଦ୍ଧ୍ଯ-ମୁପ॑ଗଚ୍ଛତି । ଯଦ॒ଫ୍ସୁ ପ॑ଲ୍ପୂ॒ଲଯ॑ତି । ମେଦ୍ଧ୍ଯା॑ନେ॒ଵୈନା᳚ନ୍ କରୋତି ॥ ଵା॒ଯୁର୍ଵା᳚ ତ୍ଵା॒ ମନୁ॑ର୍ଵା॒ ତ୍ଵେତ୍ଯା॑ହ । ଏ॒ତା ଵା ଏ॒ତ-ନ୍ଦେ॒ଵତା॒ ଅଗ୍ରେ॒ ଅଶ୍ଵ॑ମଯୁଞ୍ଜନ୍ନ୍ । ତାଭି॑ରେ॒ଵୈନାନ୍॑. ଯୁନକ୍ତି । ସ॒ଵସ୍ଯୋଜ୍ଜି॑ତ୍ଯୈ ॥ ଯଜୁ॑ଷା ଯୁନକ୍ତି॒ ଵ୍ଯାଵୃ॑ତ୍ତ୍ଯୈ ॥ 29 ॥

ଅପା᳚-ନ୍ନ ପାଦାଶୁହେମ॒ନ୍ନିତି॒ ସମ୍ମା᳚ର୍ଷ୍ଟି । ମେଦ୍ଧ୍ଯା॑ନେ॒ଵୈନା᳚ନ୍ କରୋତି । ଅଥୋ॒ ସ୍ତୌତ୍ଯେ॒ଵୈନା॑ନା॒ଜିଗ୍ଂ ସ॑ରିଷ୍ଯ॒ତଃ ॥ ଵି॒ଷ୍ଣୁ॒ କ୍ର॒ମାନ୍ କ୍ର॑ମତେ । ଵିଷ୍ଣୁ॑ରେ॒ଵ ଭୂ॒ତ୍ଵେମାଁଲ୍ଲୋ॒କା-ନ॒ଭିଜ॑ଯତି ॥ ଵୈ॒ଶ୍ଵ॒ଦେ॒ଵୋ ଵୈ ରଥଃ॑ । ଅ॒ଙ୍କୌ ନ୍ଯ॒ଙ୍କାଵ॒ଭିତୋ॒ ରଥଂ॒-ଯାଁଵିତ୍ଯା॑ହ । ଯା ଏ॒ଵ ଦେ॒ଵତା॒ ରଥେ॒ ପ୍ରଵି॑ଷ୍ଟାଃ । ତାଭ୍ଯ॑ ଏ॒ଵ ନମ॑ସ୍କରୋତି । ଆ॒ତ୍ମନୋ-ଽନା᳚ର୍ତ୍ଯୈ ॥ ଅଶ॑ମରଥ-ମ୍ଭାଵୁକୋ-ଽସ୍ଯ॒ ରଥୋ॑ ଭଵତି । ଯ ଏ॒ଵଂ-ଵେଁଦ॑ ॥ 30 ॥

(ସ୍ଵ॒ଦ॒ଯ॒ତି॒ - ପ॒ଲ୍ପୂ॒ଲଯ॑ତି॒ - ଵ୍ଯାଵୃ॑ତ୍ତ୍ଯା॒ - ଅନା᳚ର୍ତ୍ଯୈ॒ ଦ୍ଵେ ଚ॑) (ଅ. 5)

ଅନୁଵାକଂ 6 - ରଥଧାଵନମ୍

ଦେ॒ଵସ୍ଯା॒ହଗ୍ଂ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵାଜ॑-ଞ୍ଜେଷ॒ମିତ୍ଯା॑ହ । ସ॒ଵି॒ତୃପ୍ର॑ସୂତ ଏ॒ଵ ବ୍ରହ୍ମ॑ଣା॒ ଵାଜ॒ମୁଜ୍ଜ॑ଯତି ॥ ଦେ॒ଵସ୍ଯା॒ହଗ୍ଂ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵର୍ଷି॑ଷ୍ଠ॒-ନ୍ନାକଗ୍ଂ॑ ରୁହେଯ॒ମିତ୍ଯା॑ହ । ସ॒ଵି॒ତୃପ୍ର॑ସୂତ ଏ॒ଵ ବ୍ରହ୍ମ॑ଣା॒ ଵର୍ଷି॑ଷ୍ଠ॒-ନ୍ନାକଗ୍ଂ॑ ରୋହତି ॥ ଚାତ୍ଵା॑ଲେ ରଥଚ॒କ୍ର-ନ୍ନିମି॑ତଗ୍ଂ ରୋହତି । ଅତୋ॒ ଵା ଅଙ୍ଗି॑ରସ ଉତ୍ତ॒ମା-ସ୍ସୁ॑ଵ॒ର୍ଗଂ-ଲୋଁ॒କମା॑ଯନ୍ନ୍ । ସା॒କ୍ଷାଦେ॒ଵ ଯଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି ॥ ଆଵେ᳚ଷ୍ଟଯତି । ଵଜ୍ରୋ॒ ଵୈ ରଥଃ॑ । ଵଜ୍ରେ॑ଣୈ॒ଵ ଦିଶୋ॒-ଽଭିଜ॑ଯତି ॥ 31 ॥

ଵା॒ଜିନା॒ଗ୍ଂ॒ ସାମ॑ ଗାଯତେ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒-ଵାଵ॑ରୁନ୍ଧେ ॥ ଵା॒ଚୋ ଵର୍ଷ୍ମ॑ ଦେ॒ଵେଭ୍ଯୋ-ଽପା᳚କ୍ରାମତ୍ । ତ-ଦ୍ଵନ॒ସ୍ପତୀ॒-ନ୍ପ୍ରାଵି॑ଶତ୍ । ସୈଷା ଵାଗ୍-ଵନ॒ସ୍ପତି॑ଷୁ ଵଦତି । ଯା ଦୁ॑ନ୍ଦୁ॒ଭୌ । ତସ୍ମା᳚-ଦ୍ଦୁନ୍ଦୁ॒ଭି-ସ୍ସର୍ଵା॒ ଵାଚୋତି॑ ଵଦତି ॥ ଦୁ॒ନ୍ଦୁ॒ଭୀନ୍-ଥ୍ସ॒ମାଘ୍ନ॑ନ୍ତି । ପ॒ର॒ମା ଵା ଏ॒ଷା ଵାକ୍ ॥ 32 ॥

ଯା ଦୁ॑ନ୍ଦୁ॒ଭୌ । ପ॒ର॒ମଯୈ॒ଵ ଵା॒ଚା-ଽଵ॑ରାଂ॒-ଵାଁଚ॒ମ-ଵ॑ରୁନ୍ଧେ । ଅଥୋ॑ ଵା॒ଚ ଏ॒ଵ ଵର୍ଷ୍ମ॒ ଯଜ॑ମା॒ନୋ ଽଵ॑ରୁନ୍ଧେ ॥ ଇନ୍ଦ୍ରା॑ଯ॒ ଵାଚଂ॑-ଵଁଦ॒ତେନ୍ଦ୍ରଂ॒-ଵାଁଜ॑-ଞ୍ଜାପଯ॒ତେନ୍ଦ୍ରୋ॒ ଵାଜ॑ମଜଯି॒-ଦିତ୍ଯା॑ହ । ଏ॒ଷ ଵା ଏ॒ତର୍ହୀନ୍ଦ୍ରଃ॑ । ଯୋ ଯଜ॑ତେ । ଯଜ॑ମାନ ଏ॒ଵ ଵାଜ॒ମୁଜ୍ଜ॑ଯତି ॥ ସ॒ପ୍ତଦ॑ଶ ପ୍ରଵ୍ଯା॒ଧାନା॒ଜି-ନ୍ଧା॑ଵନ୍ତି । ସ॒ପ୍ତ॒ଦ॒ଶଗ୍ଗ୍ ସ୍ତୋ॒ତ୍ର-ମ୍ଭ॑ଵତି । ସ॒ପ୍ତଦ॑ଶ ସପ୍ତଦଶ ଦୀଯନ୍ତେ ॥ 33 ॥

ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ଯୈ᳚ ॥ ଅର୍ଵା॑-ଽସି॒ ସପ୍ତି॑ରସି ଵା॒ଜ୍ଯ॑ସୀତ୍ଯା॑ହ । ଅ॒ଗ୍ନିର୍ଵା ଅର୍ଵା᳚ । ଵା॒ଯୁ-ସ୍ସପ୍ତିଃ॑ । ଆ॒ଦି॒ତ୍ଯୋ ଵା॒ଜୀ । ଏ॒ତାଭି॑ରେ॒ଵାସ୍ମୈ॑ ଦେ॒ଵତା॑ଭି-ର୍ଦେଵର॒ଥଂ-ଯୁଁ॑ନକ୍ତି ॥ ପ୍ର॒ଷ୍ଟି॒ଵା॒ହିନଂ॑-ଯୁଁନକ୍ତି । ପ୍ର॒ଷ୍ଟି॒ଵା॒ହୀ ଵୈ ଦେ॑ଵର॒ଥଃ । ଦେ॒ଵ॒ର॒ଥମେ॒ଵାସ୍ମୈ॑ ଯୁନକ୍ତି ॥ 34 ॥

ଵାଜି॑ନୋ॒ ଵାଜ॑-ନ୍ଧାଵତ॒ କାଷ୍ଠା᳚-ଙ୍ଗଚ୍ଛ॒ତେତ୍ଯା॑ହ । ସୁ॒ଵ॒ର୍ଗୋ ଵୈ ଲୋ॒କଃ କାଷ୍ଠା᳚ । ସୁ॒ଵ॒ର୍ଗମେ॒ଵ ଲୋ॒କଂ-ଯଁ॑ନ୍ତି ॥ ସୁ॒ଵ॒ର୍ଗଂ-ଵାଁ ଏ॒ତେ ଲୋ॒କଂ-ଯଁ॑ନ୍ତି । ଯ ଆ॒ଜି-ନ୍ଧାଵ॑ନ୍ତି ॥ ପ୍ରାଞ୍ଚୋ॑ ଧାଵନ୍ତି । ପ୍ରାଂଇ॑ଵ॒ ହି ସୁ॑ଵ॒ର୍ଗୋ ଲୋ॒କଃ ॥ ଚ॒ତ॒ସୃଭି॒ରନୁ॑ ମନ୍ତ୍ରଯତେ । ଚ॒ତ୍ଵାରି॒ ଛନ୍ଦାଗ୍ଂ॑ସି । ଛନ୍ଦୋ॑ଭିରେ॒ଵୈନା᳚ନ୍-ଥ୍ସୁଵ॒ର୍ଗଂ-ଲୋଁ॒କ-ଙ୍ଗ॑ମଯତି ॥ 35 ॥

ପ୍ର ଵା ଏ॒ତେ᳚-ଽସ୍ମାଲ୍-ଲୋ॒କାଚ୍ଚ୍ଯ॑ଵନ୍ତେ । ଯ ଆ॒ଜି-ନ୍ଧାଵ॑ନ୍ତି । ଉଦ॑ଞ୍ଚ॒ ଆଵ॑ର୍ତନ୍ତେ । ଅ॒ସ୍ମାଦେ॒ଵ ତେନ॑ ଲୋ॒କାନ୍ନଯ॑ନ୍ତି ॥ ର॒ଥ॒ଵି॒ମୋ॒ଚ॒ନୀଯ॑-ଞ୍ଜୁହୋତି॒ ପ୍ରତି॑ଷ୍ଠିତ୍ଯୈ ॥ ଆ ମା॒ ଵାଜ॑ସ୍ଯ ପ୍ରସ॒ଵୋ ଜ॑ଗମ୍ଯା॒ଦିତ୍ଯା॑ହ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒ଵାଵ॑ରୁନ୍ଧେ ॥ ଯ॒ଥା॒ଲୋ॒କଂ-ଵାଁ ଏ॒ତ ଉଜ୍ଜ॑ଯନ୍ତି । ଯ ଆ॒ଜି-ନ୍ଧାଵ॑ନ୍ତି ॥ 36 ॥

କୃ॒ଷ୍ଣଲ॑-ଙ୍କୃଷ୍ଣଲଂ-ଵାଁଜ॒ସୃଦ୍ଭ୍ଯଃ॒ ପ୍ରଯ॑ଚ୍ଛତି । ଯମେ॒ଵ ତେ ଵାଜଂ॑-ଲୋଁ॒କମୁ॒ଜ୍ଜଯ॑ନ୍ତି । ତ-ମ୍ପ॑ରି॒କ୍ରୀଯା-ଵ॑ରୁନ୍ଧେ ॥ ଏ॒କ॒ଧା ବ୍ର॒ହ୍ମଣ॒ ଉପ॑ହରତି । ଏ॒କ॒ଧୈଵ ଯଜ॑ମାନେ ଵୀ॒ର୍ଯ॑-ନ୍ଦଧାତି ॥ ଦେ॒ଵା ଵା ଓଷ॑ଧୀଷ୍ଵା॒ଜିମ॑ଯୁଃ । ତା ବୃହ॒ସ୍ପତି॒-ରୁଦ॑ଜଯତ୍ । ସ ନୀ॒ଵାରା॒ନ୍ନିର॑ଵୃଣୀତ । ତନ୍ନୀ॒ଵାରା॑ଣା-ନ୍ନୀଵାର॒ତ୍ଵମ୍ ॥ ନୈ॒ଵା॒ରଶ୍ଚ॒ରୁ-ର୍ଭ॑ଵତି ॥ 37 ॥

ଏ॒ତଦ୍ଵୈ ଦେ॒ଵାନା᳚-ମ୍ପର॒ମମନ୍ନ᳚ମ୍ । ଯନ୍ନୀ॒ଵାରାଃ᳚ । ପ॒ର॒ମେଣୈ॒ଵାସ୍ମା॑ ଅ॒ନ୍ନାଦ୍ଯେ॒-ନାଵ॑ର-ମ॒ନ୍ନାଦ୍ଯ॒ମଵ॑ରୁନ୍ଧେ ॥ ସ॒ପ୍ତଦ॑ଶଶରାଵୋ ଭଵତି । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ଯୈ᳚ ॥ କ୍ଷୀ॒ରେ ଭ॑ଵତି । ରୁଚ॑ମେ॒ଵାସ୍ମି॑ନ୍-ଦଧାତି ॥ ସ॒ର୍ପିଷ୍ଵା᳚-ନ୍ଭଵତି ମେଦ୍ଧ୍ଯ॒ତ୍ଵାଯ॑ ॥ ବା॒ର୍॒ହ॒ସ୍ପ॒ତ୍ଯୋ ଵା ଏ॒ଷ ଦେ॒ଵତ॑ଯା ॥ 38 ॥

ଯୋ ଵା॑ଜ॒ପେଯେ॑ନ॒ ଯଜ॑ତେ । ବା॒ର୍॒ହ॒ସ୍ପ॒ତ୍ଯ ଏ॒ଷ ଚ॒ରୁଃ ॥ ଅଶ୍ଵା᳚ନ୍-ଥ୍ସରିଷ୍ଯ॒ତ-ସ୍ସ॒ସ୍ରୁଷ॒ଶ୍ଚାଵ॑-ଘ୍ରାପଯତି । ଯମେ॒ଵ ତେ ଵାଜଂ॑-ଲୋଁ॒କମୁ॒ଜ୍ଜଯ॑ନ୍ତି । ତମେ॒ଵାଵ॑ରୁନ୍ଧେ ॥ ଅଜୀ॑ଜିପତ ଵନସ୍ପତଯ॒ ଇନ୍ଦ୍ରଂ॒-ଵାଁଜଂ॒-ଵିଁମୁ॑ଚ୍ଯଦ୍ଧ୍ଵ॒ମିତି॑ ଦୁନ୍ଦୁ॒ଭୀନ୍. ଵିମୁ॑ଞ୍ଚତି । ଯମେ॒ଵ ତେ ଵାଜଂ॑-ଲୋଁ॒କମି॑ନ୍ଦ୍ରି॒ଯ-ନ୍ଦୁ॑ନ୍ଦୁ॒ଭଯ॑ ଉ॒ଜ୍ଜଯ॑ନ୍ତି । ତମେ॒ଵା-ଵ॑ରୁନ୍ଧେ ॥ 39 ॥

(ଅ॒ଭିଜ॑ଯତି॒ - ଵା ଏ॒ଷା ଵାଗ୍ - ଦୀ॑ଯନ୍ତେ - ଽସ୍ମୈ ଯୁନକ୍ତି - ଗମଯତି॒ - ଯ ଆ॒ଜି-ନ୍ଧାଵ॑ନ୍ତି - ଭଵତି - ଦେ॒ଵତ॑ଯା॒ - +-ଽଷ୍ଟୌ ଚ॑) (ଅ. 6)

ଅନୁଵାକଂ 7 - ଯୂପାରୋହଣମ୍

ତା॒ର୍ପ୍ଯଂ-ଯଁଜ॑ମାନ॒-ମ୍ପରି॑ଧାପଯତି । ଯ॒ଜ୍ଞୋ ଵୈ ତା॒ର୍ପ୍ଯମ୍ । ଯ॒ଜ୍ଞେନୈ॒ଵୈନ॒ଗ୍ଂ॒ ସମ॑ର୍ଧଯତି । ଦ॒ର୍ଭ॒ମଯ॒-ମ୍ପରି॑ଧାପଯତି । ପ॒ଵିତ୍ରଂ॒-ଵୈଁ ଦ॒ର୍ଭାଃ । ପୁ॒ନାତ୍ଯେ॒ଵୈନ᳚ମ୍ । ଵାଜଂ॒-ଵାଁ ଏ॒ଷୋ-ଽଵ॑ରୁରୁଥ୍ସତେ । ଯୋ ଵା॑ଜ॒ପେଯେ॑ନ॒ ଯଜ॑ତେ । ଓଷ॑ଧଯଃ॒ ଖଲୁ॒ ଵୈ ଵାଜଃ॑ । ଯ-ଦ୍ଦ॑ର୍ଭ॒ମଯ॑-ମ୍ପରିଧା॒ପଯ॑ତି ॥ 40 ॥

ଵାଜ॒ସ୍ଯାଵ॑-ରୁଦ୍ଧ୍ଯୈ ॥ ଜାଯ॒ ଏହି॒ ସୁଵୋ॒ ରୋହା॒ଵେତ୍ଯା॑ହ । ପତ୍ନି॑ଯା ଏ॒ଵୈଷ ଯ॒ଜ୍ଞସ୍ଯା᳚ନ୍-ଵାର॒ମ୍ଭୋ-ଽନ॑ଵଚ୍ଛିତ୍ଯୈ ॥ ସ॒ପ୍ତଦ॑ଶା-ରତ୍ନି॒ର୍ଯୂପୋ॑ ଭଵତି । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ଯୈ᳚ ॥ ତୂ॒ପ॒ର-ଶ୍ଚତୁ॑ରଶ୍ରି-ର୍ଭଵତି ॥ ଗୌ॒ଧୂ॒ମ-ଞ୍ଚ॒ଷାଲ᳚ମ୍ । ନ ଵା ଏ॒ତେ ଵ୍ରୀ॒ହଯୋ॒ ନ ଯଵାଃ᳚ । ଯ-ଦ୍ଗୋ॒ଧୂମାଃ᳚ ॥ 41 ॥

ଏ॒ଵମି॑ଵ॒ ହି ପ୍ର॒ଜାପ॑ତି॒-ସ୍ସମୃ॑ଦ୍ଧ୍ଯୈ । ଅଥୋ॑ ଅ॒ମୁମେ॒ଵାସ୍ମୈ॑ ଲୋ॒କମନ୍ନ॑ଵନ୍ତ-ଙ୍କରୋତି ॥ ଵାସୋ॑ଭି-ର୍ଵେଷ୍ଟଯତି । ଏ॒ଷ ଵୈ ଯଜ॑ମାନଃ । ଯଦ୍ଯୂପଃ॑ । ସ॒ର୍ଵ॒ଦେ॒ଵ॒ତ୍ଯଂ॑-ଵାଁସଃ॑ । ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒-ସ୍ସମ॑ର୍ଧଯତି । ଅଥୋ॑ ଆ॒କ୍ରମ॑ଣମେ॒ଵ ତଥ୍ସେତୁଂ॒-ଯଁଜ॑ମାନଃ କୁରୁତେ । ସୁ॒ଵ॒ର୍ଗସ୍ଯ॑ ଲୋ॒କସ୍ଯ॒ ସମ॑ଷ୍ଟ୍ଯୈ ॥ ଦ୍ଵାଦ॑ଶ ଵାଜପ୍ରସ॒ଵୀଯା॑ନି ଜୁହୋତି ॥ 42 ॥

ଦ୍ଵାଦ॑ଶ॒ ମାସା᳚-ସ୍ସଂଵଁଥ୍ସ॒ରଃ । ସଂ॒ଵଁ॒ଥ୍ସ॒ରମେ॒ଵ ପ୍ରୀ॑ଣାତି । ଅଥୋ॑ ସଂଵଁଥ୍ସ॒ରମେ॒ଵାସ୍ମା॒ ଉପ॑ ଦଧାତି । ସୁ॒ଵ॒ର୍ଗସ୍ଯ॑ ଲୋ॒କସ୍ଯ॒ ସମ॑ଷ୍ଟ୍ଯୈ ॥ ଦ॒ଶଭିଃ॒ କଲ୍ପୈ॑ ରୋହତି । ନଵ॒ ଵୈ ପୁରୁ॑ଷେ ପ୍ରା॒ଣାଃ । ନାଭି॑ର୍ଦଶ॒ମୀ । ପ୍ରା॒ଣାନେ॒ଵ ଯ॑ଥାସ୍ଥା॒ନ-ଙ୍କ॑ଲ୍ପଯି॒ତ୍ଵା । ସୁ॒ଵ॒ର୍ଗଂ-ଲୋଁ॒କମେ॑ତି । ଏ॒ତାଵ॒ଦ୍ଵୈ ପୁରୁ॑ଷସ୍ଯ॒ ସ୍ଵମ୍ ॥ 43 ॥

ଯାଵ॑ତ୍-ପ୍ରା॒ଣାଃ । ଯାଵ॑ଦେ॒ଵାସ୍ଯାସ୍ତି॑ । ତେନ॑ ସ॒ହ ସୁ॑ଵ॒ର୍ଗଂ-ଲୋଁ॒କମେ॑ତି ॥ ସୁଵ॑ର୍ଦେ॒ଵାଗ୍ଂ ଅ॑ଗ॒ନ୍ମେତ୍ଯା॑ହ । ସୁ॒ଵ॒ର୍ଗମେ॒ଵ ଲୋ॒କମେ॑ତି । ଅ॒ମୃତା॑ ଅଭୂ॒ମେତ୍ଯା॑ହ । ଅ॒ମୃତ॑ମିଵ॒ ହି ସୁ॑ଵ॒ର୍ଗୋ ଲୋ॒କଃ । ପ୍ର॒ଜାପ॑ତେଃ ପ୍ର॒ଜା ଅ॑ଭୂ॒ମେତ୍ଯା॑ହ । ପ୍ରା॒ଜା॒ପ॒ତ୍ଯୋ ଵା ଅ॒ଯଂ-ଲୋଁ॒କଃ । ଅ॒ସ୍ମାଦେ॒ଵ ତେନ॑ ଲୋ॒କାନ୍ନୈତି॑ ॥ 44 ॥

ସମ॒ହ-ମ୍ପ୍ର॒ଜଯା॒ ସ-ମ୍ମଯା᳚ ପ୍ର॒ଜେତ୍ଯା॑ହ । ଆ॒ଶିଷ॑ମେ॒ଵୈତା-ମାଶା᳚ସ୍ତେ ॥ ଆ॒ସ॒ପୁ॒ଟୈ-ର୍ଘ୍ନ॑ନ୍ତି । ଅନ୍ନଂ॒-ଵାଁ ଇ॒ଯମ୍ । ଅ॒ନ୍ନାଦ୍ଯେ॑ନୈ॒ଵୈନ॒ଗ୍ଂ॒ ସମ॑ର୍ଧଯନ୍ତି । ଊଷୈ᳚-ର୍ଘ୍ନନ୍ତି । ଏ॒ତେ ହି ସା॒କ୍ଷାଦନ୍ନ᳚ମ୍ । ଯଦୂଷାଃ᳚ । ସା॒କ୍ଷାଦେ॒ଵୈନ॑-ମ॒ନ୍ନାଦ୍ଯେ॑ନ॒ ସମ॑ର୍ଧଯନ୍ତି ॥ ପୁ॒ରସ୍ତା᳚ତ୍-ପ୍ର॒ତ୍ଯଞ୍ଚ᳚-ଙ୍ଘ୍ନନ୍ତି ॥ 45 ॥

ପୁ॒ରସ୍ତା॒ଦ୍ଧି ପ୍ର॑ତୀ॒ଚୀନ॒-ମନ୍ନ॑ମ॒ଦ୍ଯତେ᳚ ॥ ଶୀ॒ର୍॒ଷ॒ତୋ ଘ୍ନ॑ନ୍ତି । ଶୀ॒ର୍॒ଷ॒ତୋ ହ୍ଯନ୍ନ॑ମ॒ଦ୍ଯତେ᳚ ॥ ଦି॒ଗ୍ଭ୍ଯୋ ଘ୍ନ॑ନ୍ତି । ଦି॒ଗ୍ଭ୍ଯ ଏ॒ଵାସ୍ମା॑ ଅ॒ନ୍ନାଦ୍ଯ॒-ମଵ॑ରୁନ୍ଧତେ ॥ ଈ॒ଶ୍ଵ॒ରୋ ଵା ଏ॒ଷ ପରାଂ᳚-ପ୍ର॒ଦଘଃ॑ । ଯୋ ଯୂପ॒ଗ୍ଂ॒ ରୋହ॑ତି ॥ ହିର॑ଣ୍ଯମ॒ଦ୍ଧ୍ଯ-ଵ॑ରୋହତି । ଅ॒ମୃତଂ॒-ଵୈଁ ହିର॑ଣ୍ଯମ୍ । ଅ॒ମୃତଗ୍ଂ॑ ସୁଵ॒ର୍ଗୋ ଲୋ॒କଃ ॥ 46 ॥

ଅ॒ମୃତ॑ ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠତି ॥ ଶ॒ତମା॑ନ-ମ୍ଭଵତି । ଶ॒ତାଯୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ଯଃ । ଆଯୁ॑ଷ୍ଯେ॒ଵେନ୍ଦ୍ରି॒ଯେ ପ୍ରତି॑ ତିଷ୍ଠତି ॥ ପୁଷ୍ଟ୍ଯୈ॒ ଵା ଏ॒ତ-ଦ୍ରୂ॒ପମ୍ । ଯଦ॒ଜା । ତ୍ରି-ସ୍ସଂ॑ଵଁଥ୍ସ॒ରସ୍ଯା॒ନ୍ଯାନ୍-ପ॒ଶୂ-ନ୍ପରି॒ ପ୍ରଜା॑ଯତେ ॥ ବ॒ସ୍ତା॒ଜି॒ନ-ମ॒ଦ୍ଧ୍ଯଵ॑ ରୋହତି । ପୁଷ୍ଟ୍ଯା॑ମେ॒ଵ ପ୍ର॒ଜନ॑ନେ॒ ପ୍ରତି॑ତିଷ୍ଠତି ॥ 47 ॥

(ପ॒ରି॒ଧା॒ପଯ॑ତି - ଗୋ॒ଧୂମା॑ - ଜୁହୋତି॒ - ସ୍ଵଂ - ନୈତି॑ - ପ୍ର॒ତ୍ଯଞ୍ଜ॑-ଙ୍ଘ୍ନନ୍ତି - ଲୋ॒କୋ - +ନଵ॑ ଚ (ଅ. 7)

ଅନୁଵାକଂ 8 - ଅନ୍ନହୋମାଃ, ଅଭିଷେକଶ୍ଚ

ସ॒ପ୍ତାନ୍ନ॑-ହୋ॒ମାଞ୍ଜୁ॑ହୋତି । ସ॒ପ୍ତ ଵା ଅନ୍ନା॑ନି । ଯାଵ॑ନ୍ତ୍ଯେ॒ଵାନ୍ନା॑ନି । ତାନ୍ଯେ॒ଵାଵ॑ରୁନ୍ଧେ । ସ॒ପ୍ତ ଗ୍ରା॒ମ୍ଯା ଓଷ॑ଧଯଃ । ସ॒ପ୍ତାର॒ଣ୍ଯାଃ । ଉ॒ଭଯୀ॑ଷା॒-ମଵ॑ରୁଦ୍ଧ୍ଯୈ ॥ ଅନ୍ନ॑ସ୍ଯା-ନ୍ନସ୍ଯ ଜୁହୋତି । ଅନ୍ନ॑ସ୍ଯାନ୍ନ॒ସ୍ଯା-ଵ॑ରୁଦ୍ଧ୍ଯୈ ॥ ଯ-ଦ୍ଵା॑ଜପେଯଯା॒ଜ୍ଯ-ନ॑ଵରୁଦ୍ଧସ୍ଯାଶ୍ଞୀ॒ଯାତ୍ ॥ 48 ॥

ଅଵ॑ରୁଦ୍ଧେନ॒ ଵ୍ଯୃ॑ଦ୍ଧ୍ଯେତ । ସର୍ଵ॑ସ୍ଯ ସମଵ॒ଦାଯ॑ ଜୁହୋତି । ଅନ॑ଵରୁଦ୍ଧ॒-ସ୍ଯାଵ॑ରୁଦ୍ଧ୍ଯୈ ॥ ଔଦୁ॑ମ୍ବରେଣ ସ୍ରୁ॒ଵେଣ॑ ଜୁହୋତି । ଊର୍ଗ୍ଵା ଅନ୍ନ॑-ମୁଦୁ॒ମ୍ବରଃ॑ । ଊ॒ର୍ଜ ଏ॒ଵାନ୍ନାଦ୍ଯ॒ସ୍ଯାଵ॑ରୁଦ୍ଧ୍ଯୈ ॥ ଦେ॒ଵସ୍ଯ॑ ତ୍ଵା ସଵି॒ତୁଃ ପ୍ର॑ସ॒ଵ ଇତ୍ଯା॑ହ । ସ॒ଵି॒ତୃ ପ୍ର॑ସୂତ ଏ॒ଵୈନ॒-ମ୍ବ୍ରହ୍ମ॑ଣା ଦେ॒ଵତା॑ଭି-ର॒ଭିଷି॑ଞ୍ଚତି ॥ ଅନ୍ନ॑ସ୍ଯାନ୍ନସ୍ଯା॒ଭିଷି॑ଞ୍ଚତି । ଅନ୍ନ॑ସ୍ଯାନ୍ନ॒ସ୍ଯାଵ॑ରୁଦ୍ଧ୍ଯୈ ॥ 49 ॥

ପୁ॒ରସ୍ତା᳚ତ୍-ପ୍ର॒ତ୍ଯଞ୍ଚ॑-ମ॒ଭିଷି॑ଞ୍ଚତି । ପୁ॒ରସ୍ତା॒ଦ୍ଧି-ପ୍ର॑ତୀ॒ଚୀନ॒-ମନ୍ନ॑ମ॒ଦ୍ଯତେ᳚ । ଶୀ॒ର୍॒ଷ॒ତୋ॑-ଽଭିଷି॑ଞ୍ଚତି । ଶୀ॒ର୍॒ଷ॒ତୋ ହ୍ଯନ୍ନ॑ମ॒ଦ୍ଯତେ᳚ ॥ ଆମୁଖା॑ଦ॒ନ୍ଵଵ॑ ସ୍ରାଵଯତି । ମୁ॒ଖ॒ତ ଏ॒ଵାସ୍ମା॑ ଅ॒ନ୍ନାଦ୍ଯ॑-ନ୍ଦଧାତି ॥ ଅ॒ଗ୍ନେସ୍ତ୍ଵା॒ ସାମ୍ରା᳚ଜ୍ଯେନା॒ଭିଷି॑ଞ୍ଚା॒ମୀତ୍ଯା॑ହ । ଏ॒ଷ ଵା ଅ॒ଗ୍ନେ-ସ୍ସ॒ଵଃ । ତେନୈ॒ଵୈନ॑-ମ॒ଭିଷି॑ଞ୍ଚତି । ଇନ୍ଦ୍ର॑ସ୍ଯ ତ୍ଵା॒ ସାମ୍ରା᳚ଜ୍ଯେନା॒ଭିଷି॑ଞ୍ଚା॒ମୀତ୍ଯା॑ହ ॥ 50 ॥

ଇ॒ନ୍ଦ୍ରି॒ଯ-ମେ॒ଵାସ୍ମି॑-ନ୍ନେ॒ତେନ॑ ଦଧାତି । ବୃହ॒ସ୍ପତେ᳚ସ୍ତ୍ଵା॒ ସାମ୍ରା᳚ଜ୍ଯେନା॒ଭିଷି॑ଞ୍ଚା॒-ମୀତ୍ଯା॑ହ । ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତିଃ॑ । ବ୍ରହ୍ମ॑ଣୈ॒ଵୈନ॑-ମ॒ଭିଷି॑ଞ୍ଚତି ॥ ସୋ॒ମ॒ଗ୍ର॒ହାଗ୍ଶ୍ଚା॑-ଵଦାନୀ॒ଯାନି॑ ଚ॒ର୍ତ୍ଵିଗ୍ଭ୍ଯ॒ ଉପ॑ ହରନ୍ତି । ଅ॒ମୁମେ॒ଵ ତୈ-ର୍ଲୋ॒କ-ମନ୍ନ॑ଵନ୍ତ-ଙ୍କରୋତି । ସୁ॒ରା॒ଗ୍ର॒ହାଗ୍ଶ୍ଚା॑-ନଵଦାନୀ॒ଯାନି॑ ଚ ଵାଜ॒ସୃଦ୍ଭ୍ଯଃ॑ । ଇ॒ମମେ॒ଵ ତୈ-ର୍ଲୋ॒କ-ମନ୍ନ॑ଵନ୍ତ-ଙ୍କରୋତି । ଅଥୋ॑ ଉ॒ଭଯୀ᳚ଷ୍ଵେ॒ଵାଭିଷି॑ଚ୍ଯତେ ॥ ଵି॒ମା॒ଥ-ଙ୍କୁ॑ର୍ଵତେ ଵାଜ॒ସୃତଃ॑ ॥ 51 ॥

ଇ॒ନ୍ଦ୍ରି॒ଯସ୍ଯାଵ॑ରୁଦ୍ଧ୍ଯୈ ॥ ଅନି॑ରୁକ୍ତାଭିଃ ପ୍ରାତସ୍ସଵ॒ନେ ସ୍ତୁ॑ଵତେ । ଅନି॑ରୁକ୍ତଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ଯୈ᳚ । ଵାଜ॑ଵତୀଭି॒-ର୍ମାଦ୍ଧ୍ଯ॑ନ୍ଦିନେ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒ଵା-ଵ॑ରୁନ୍ଧେ । ଶି॒ପି॒ଵି॒ଷ୍ଟଵ॑ତୀଭି-ସ୍ତୃତୀଯସଵ॒ନେ । ଯ॒ଜ୍ଞୋ ଵୈ ଵିଷ୍ଣୁଃ॑ । ପ॒ଶଵ॒-ଶ୍ଶିପିଃ॑ । ଯ॒ଜ୍ଞ ଏ॒ଵ ପ॒ଶୁଷୁ॒ ପ୍ରତି॑ ତିଷ୍ଠତି ॥ ବୃ॒ହଦନ୍ତ୍ଯ॑-ମ୍ଭଵତି । ଅନ୍ତ॑ମେ॒ଵୈନଗ୍ଗ୍॑ ଶ୍ରି॒ଯୈ ଗ॑ମଯତି ॥ 52 ॥

(ଅ॒ଶ୍ଞୀ॒ଯା - ଦନ୍ନ॑ସ୍ଯାନ୍ନ॒ସ୍ଯା ଵ॑ରୁଦ୍ଧ୍ଯା॒ - ଇନ୍ଦ୍ର॑ସ୍ଯ ତ୍ଵା॒ ସାମ୍ରା᳚ଜ୍ଯେନା॒ଭିଷି॑ଞ୍ଚା॒ ମୀତ୍ଯା॑ହ-ଵାଜ॒ସୃତଃ॒ - ଶିପି॒ ସ୍ତ୍ରୀଣି॑ ଚ) (ଅ. 8)

ଅନୁଵାକଂ 9 - ଅତିଗ୍ରାହ୍ଯାଃ, ପଞ୍ଚୈନ୍ଦ୍ରାଃ

ନୃ॒ଷଦ॒-ନ୍ତ୍ଵେତ୍ଯା॑ହ । ପ୍ର॒ଜା ଵୈ ନୄନ୍ । ପ୍ର॒ଜାନା॑ମେ॒ଵୈତେନ॑ ସୂଯତେ । ଦ୍ରୁ॒ଷଦ॒ମିତ୍ଯା॑ହ । ଵନ॒ସ୍ପତ॑ଯୋ॒ ଵୈ ଦ୍ରୁ । ଵନ॒ସ୍ପତୀ॑ନାମେ॒ଵୈ ତେନ॑ ସୂଯତେ । ଭୁ॒ଵ॒ନ॒ସଦ॒-ମିତ୍ଯା॑ହ । ଯ॒ଦା ଵୈ ଵସୀ॑ଯା॒-ନ୍ଭଵ॑ତି । ଭୁଵ॑ନମଗ॒ନ୍ନିତି॒ ଵୈ ତମା॑ହୁଃ । ଭୁଵ॑ନମେ॒ଵୈତେନ॑ ଗଚ୍ଛତି ॥ 53 ॥

ଅ॒ଫ୍ସୁ॒ଷଦ॑-ନ୍ତ୍ଵା ଘୃତ॒ସଦ॒-ମିତ୍ଯା॑ହ । ଅ॒ପାମେ॒ଵୈତେନ॑ ଘୃ॒ତସ୍ଯ॑ ସୂଯତେ । ଵ୍ଯୋ॒ମ॒ସଦ॒-ମିତ୍ଯା॑ହ । ଯ॒ଦା ଵୈ ଵସୀ॑ଯା॒-ନ୍ଭଵ॑ତି । ଵ୍ଯୋ॑ମାଗ॒ନ୍ନିତି॒ ଵୈ ତମା॑ହୁଃ । ଵ୍ଯୋ॑ମୈ॒ଵୈତେନ॑ ଗଚ୍ଛତି ॥ ପୃ॒ଥି॒ଵି॒ଷଦ॑-ନ୍ତ୍ଵା-ଽନ୍ତରିକ୍ଷ॒ସଦ॒-ମିତ୍ଯା॑ହ । ଏ॒ଷାମେ॒ଵୈତେନ॑ ଲୋ॒କାନାଗ୍ଂ॑ ସୂଯତେ । ତସ୍ମା᳚-ଦ୍ଵାଜପେ-ଯଯା॒ଜୀ ନ କ-ଞ୍ଚ॒ନ ପ୍ର॒ତ୍ଯଵ॑ରୋହତି । ଅପୀ॑ଵ॒ ହି ଦେ॒ଵତା॑ନାଗ୍ଂ ସୂ॒ଯତେ᳚ ॥ 54 ॥

ନା॒କ॒ସଦ॒-ମିତ୍ଯା॑ହ । ଯ॒ଦାଵୈ ଵସୀ॑ଯା॒-ନ୍ଭଵ॑ତି । ନାକ॑ମଗ॒ନ୍ନିତି॒ ଵୈ ତମା॑ହୁଃ । ନାକ॑ମେ॒ଵୈତେନ॑ ଗଚ୍ଛତି ॥ ଯେ ଗ୍ରହାଃ᳚ ପଞ୍ଚଜ॒ନୀନା॒ ଇତ୍ଯା॑ହ । ପ॒ଞ୍ଚ॒ଜ॒ନାନା॑-ମେ॒ଵୈତେନ॑ ସୂଯତେ ॥ ଅ॒ପାଗ୍ଂ ରସ॒ମୁଦ୍ଵ॑ଯସ॒-ମିତ୍ଯା॑ହ । ଅ॒ପାମେ॒ଵୈତେନ॒ ରସ॑ସ୍ଯ ସୂଯତେ । ସୂର୍ଯ॑ରଶ୍ମିଗ୍ଂ ସ॒ମାଭୃ॑ତ॒-ମିତ୍ଯା॑ହ ସଶୁକ୍ର॒ତ୍ଵାଯ॑ ॥ 55 ॥

(ଗ॒ଚ୍ଛ॒ତି॒ - ସୂ॒ଯତେ॒ - +ନଵ॑ ଚ) (ଅ. 9)

ଅନୁଵାକଂ 10 - ପିଣ୍ଡପିତୃଯଜ୍ଞଃ ଦର୍ଶପୂର୍ଣମାସବ୍ରାହ୍ମଣଶେଷଃ

ଇନ୍ଦ୍ରୋ ଵୃ॒ତ୍ରଗ୍ଂ ହ॒ତ୍ଵା । ଅସୁ॑ରା-ନ୍ପରା॒ଭାଵ୍ଯ॑ । ସୋ॑-ଽମାଵା॒ସ୍ଯା᳚-ମ୍ପ୍ରତ୍ଯାଗ॑ଚ୍ଛତ୍ । ତେ ପି॒ତରଃ॑ ପୂର୍ଵେ॒ଦ୍ଯୁ-ରାଗ॑ଚ୍ଛନ୍ନ୍ । ପି॒ତୄନ୍. ଯ॒ଜ୍ଞୋ॑-ଽଗଚ୍ଛତ୍ । ତ-ନ୍ଦେ॒ଵାଃ ପୁନ॑ରଯାଚନ୍ତ । ତମେ᳚ଭ୍ଯୋ॒ ନ ପୁନ॑ରଦଦୁଃ । ତେ᳚-ଽବ୍ରୁଵ॒ନ୍ ଵରଂ॑-ଵୃଁଣାମହୈ । ଅଥ॑ ଵଃ॒ ପୁନ॑ର୍ଦାସ୍ଯାମଃ । ଅ॒ସ୍ମଭ୍ଯ॑ମେ॒ଵ ପୂ᳚ର୍ଵେ॒ଦ୍ଯୁଃ କ୍ରି॑ଯାତା॒ ଇତି॑ ॥ 56 ॥

ତମେ᳚ଭ୍ଯଃ॒ ପୁନ॑ରଦଦୁଃ । ତସ୍ମା᳚ତ୍-ପି॒ତୃଭ୍ଯଃ॑ ପୂର୍ଵେ॒ଦ୍ଯୁଃ କ୍ରି॑ଯତେ । ଯ-ତ୍ପି॒ତୃଭ୍ଯଃ॑ ପୂର୍ଵେ॒ଦ୍ଯୁଃ କ॒ରୋତି॑ । ପି॒ତୃଭ୍ଯ॑ ଏ॒ଵ ତ-ଦ୍ଯ॒ଜ୍ଞ-ନ୍ନି॒ଷ୍କ୍ରୀଯ॒ ଯଜ॑ମାନଃ॒ ପ୍ରତ॑ନୁତେ ॥ ସୋମା॑ଯ ପି॒ତୃପୀ॑ତାଯ ସ୍ଵ॒ଧା ନମ॒ ଇତ୍ଯା॑ହ । ପି॒ତୁରେ॒ଵାଧି॑ ସୋମପୀ॒ଥମଵ॑ ରୁନ୍ଧେ । ନ ହି ପି॒ତା ପ୍ର॒ମୀଯ॑ମାଣ॒ ଆହୈ॒ଷ ସୋ॑ମପୀ॒ଥ ଇତି॑ । ଇ॒ନ୍ଦ୍ରି॒ଯଂ-ଵୈଁ ସୋ॑ମପୀ॒ଥଃ । ଇ॒ନ୍ଦ୍ରି॒ଯମେ॒ଵ ସୋ॑ମପୀ॒ଥମଵ॑-ରୁନ୍ଧେ । ତେନ᳚ନ୍ଦ୍ରି॒ଯେଣ॑ ଦ୍ଵି॒ତୀଯା᳚-ଞ୍ଜା॒ଯାମ॒ଭ୍ଯ॑ଶ୍ଞୁତେ ॥ 57 ॥

ଏ॒ତ-ଦ୍ଵୈ ବ୍ରାହ୍ମ॑ଣ-ମ୍ପୁ॒ରା ଵା॑ଜଶ୍ରଵ॒ସା ଵି॒ଦାମ॑କ୍ରନ୍ନ୍ । ତସ୍ମା॒-ତ୍ତେ ଦ୍ଵେଦ୍ଵେ॑ ଜା॒ଯେ ଅ॒ଭ୍ଯା᳚କ୍ଷତ । ଯ ଏ॒ଵଂ-ଵେଁଦ॑ । ଅ॒ଭି ଦ୍ଵି॒ତୀଯା᳚-ଞ୍ଜା॒ଯାମ॑ଶ୍ଞୁତେ ॥ ଅ॒ଗ୍ନଯେ॑ କଵ୍ଯ॒ଵାହ॑ନାଯ ସ୍ଵ॒ଧା ନମ॒ ଇତ୍ଯା॑ହ । ଯ ଏ॒ଵ ପି॑ତୃ॒ଣାମ॒ଗ୍ନିଃ । ତ-ମ୍ପ୍ରୀ॑ଣାତି ॥ ତି॒ସ୍ର ଆହୁ॑ତୀ-ର୍ଜୁହୋତି ॥ ତ୍ରିର୍ନିଦ॑ଧାତି ॥ ଷଟ୍-ଥ୍ସମ୍ପ॑ଦ୍ଯନ୍ତେ ॥ 58 ॥

ଷଡ୍ଵା ଋ॒ତଵଃ॑ । ଋ॒ତୂନେ॒ଵ ପ୍ରୀ॑ଣାତି ॥ ତୂ॒ଷ୍ଣୀ-ମ୍ମେକ୍ଷ॑ଣ॒-ମାଦ॑ଧାତି । ଅସ୍ତି॑ ଵା॒ ହି ଷ॒ଷ୍ଠ ଋ॒ତୁର୍ନ ଵା᳚ ॥ ଦେ॒ଵାନ୍. ଵୈ ପି॒ତୄ-ନ୍ପ୍ରୀ॒ତାନ୍ । ମ॒ନୁ॒ଷ୍ଯାଃ᳚ ପି॒ତରୋ-ଽନୁ॒ ପ୍ରପି॑ପତେ । ତି॒ସ୍ର ଆହୁ॑ତୀ-ର୍ଜୁହୋତି । ତ୍ରିର୍ନିଦ॑ଧାତି । ଷଟ୍-ଥ୍ସମ୍ପ॑ଦ୍ଯନ୍ତେ । ଷଡ୍ଵା ଋ॒ତଵଃ॑ ॥ 59 ॥

ଋ॒ତଵଃ॒ ଖଲୁ॒ ଵୈ ଦେ॒ଵାଃ ପି॒ତରଃ॑ । ଋ॒ତୂନେ॒ଵ ଦେ॒ଵା-ନ୍ପି॒ତୄ-ନ୍ପ୍ରୀ॑ଣାତି । ତାନ୍ପ୍ରୀ॒ତାନ୍ । ମ॒ନୁ॒ଷ୍ଯାଃ᳚ ପି॒ତରୋ-ଽନୁ॒ ପ୍ରପି॑ପତେ ॥ ସ॒କୃ॒ଦା॒ଚ୍ଛି॒ନ୍ନ-ମ୍ବ॒ର୍॒ହି-ର୍ଭ॑ଵତି । ସ॒କୃଦି॑ଵ॒ ହି ପି॒ତରଃ॑ ॥ ତ୍ରିର୍ନିଦ॑ଧାତି । ତୃ॒ତୀଯେ॒ ଵା ଇ॒ତୋ ଲୋ॒କେ ପି॒ତରଃ॑ । ତାନେ॒ଵ ପ୍ରୀ॑ଣାତି ॥ ପରାଂ॒ଆଵ॑ର୍ତତେ ॥ 60 ॥

ହ୍ଲୀକା॒ ହି ପି॒ତରଃ॑ ॥ ऒଷ୍ମଣୋ᳚ ଵ୍ଯା॒ଵୃତ॒ ଉପା᳚ସ୍ତେ । ଊ॒ଷ୍ମଭା॑ଗା॒ ହି ପି॒ତରଃ॑ ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ପ୍ରାଶ୍ଯାଂ(3)ନ ପ୍ରାଶ୍ଯା(3)ମିତି॑ । ଯ-ତ୍ପ୍ରା᳚ଶ୍ଞୀ॒ଯାତ୍ । ଜନ୍ଯ॒ମନ୍ନ॑ମଦ୍ଯାତ୍ । ପ୍ର॒ମାଯୁ॑କ-ସ୍ସ୍ଯାତ୍ । ଯନ୍ନ ପ୍ରା᳚ଶ୍ଞୀ॒ଯାତ୍ । ଅହ॑ଵି-ସ୍ସ୍ଯାତ୍ ॥ 61 ॥

ପି॒ତୃଭ୍ଯ॒ ଆଵୃ॑ଶ୍ଚ୍ଯେତ । ଅ॒ଵ॒ଘ୍ରେଯ॑ମେ॒ଵ । ତନ୍ନେଵ॒ ପ୍ରାଶି॑ତ॒-ନ୍ନେଵାପ୍ରା॑ଶିତମ୍ ॥ ଵୀ॒ରଂ-ଵାଁ॒ ଵୈ ପି॒ତରଃ॑ ପ୍ର॒ଯନ୍ତୋ॒ ହର॑ନ୍ତି । ଵୀ॒ରଂ-ଵାଁ॑ ଦଦତି । ଦ॒ଶା-ଞ୍ଛି॑ନତ୍ତି । ହର॑ଣଭାଗା॒ ହି ପି॒ତରଃ॑ । ପି॒ତୄନେ॒ଵ ନି॒ରଵ॑ଦଯତେ ॥ ଉତ୍ତ॑ର॒ ଆଯୁ॑ଷି॒ ଲୋମ॑ ଛିନ୍ଦୀତ । ପି॒ତୃ॒ଣାଗ୍ ହ୍ଯେ॑ତର୍ହି॒ ନେଦୀ॑ଯଃ ॥ 62 ॥

ନମ॑ସ୍କରୋତି । ନ॒ମ॒ସ୍କା॒ରୋ ହି ପି॑ତୃ॒ଣାମ୍ ॥ ନମୋ॑ ଵଃ ପିତରୋ॒ ରସା॑ଯ । ନମୋ॑ ଵଃ ପିତର॒-ଶ୍ଶୁଷ୍ମା॑ଯ । ନମୋ॑ ଵଃ ପିତରୋ ଜୀ॒ଵାଯ॑ । ନମୋ॑ ଵଃ ପିତର-ସ୍ସ୍ଵ॒ଧାଯୈ᳚ । ନମୋ॑ ଵଃ ପିତରୋ ମ॒ନ୍ଯଵେ᳚ । ନମୋ॑ ଵଃ ପିତରୋ ଘୋ॒ରାଯ॑ । ପିତ॑ରୋ॒ ନମୋ॑ ଵଃ । ଯ ଏ॒ତସ୍ମି॑ନ୍ ଁଲୋ॒କେ ସ୍ଥ ॥ 63 ॥

ଯୁ॒ଷ୍ମାଗ୍ସ୍ତେ-ଽନୁ॑ । ଯେ᳚-ଽସ୍ମିଁଲ୍ଲୋ॒କେ । ମା-ନ୍ତେ ନୁ॑ । ଯ ଏ॒ତସ୍ମି॑ଁଲ୍ଲୋ॒କେ ସ୍ଥ । ଯୂ॒ଯ-ନ୍ତେଷାଂ॒-ଵଁସି॑ଷ୍ଠା ଭୂଯାସ୍ତ । ଯେ᳚-ଽସ୍ମିଁଲ୍ଲୋ॒କେ । ଅ॒ହ-ନ୍ତେଷାଂ॒-ଵଁସି॑ଷ୍ଠୋ ଭୂଯାସ॒ମିତ୍ଯା॑ହ । ଵସି॑ଷ୍ଠ-ସ୍ସମା॒ନାନା᳚-ମ୍ଭଵତି । ଯ ଏ॒ଵଂ-ଵିଁ॒ଦ୍ଵାନ୍-ପି॒ତୃଭ୍ଯଃ॑ କ॒ରୋତି॑ ॥ ଏ॒ଷ ଵୈ ମ॑ନୁ॒ଷ୍ଯା॑ଣାଂ-ଯଁ॒ଜ୍ଞଃ ॥ 64 ॥

ଦେ॒ଵାନାଂ॒-ଵାଁ ଇତ॑ରେ ଯ॒ଜ୍ଞାଃ । ତେନ॒ ଵା ଏ॒ତ-ତ୍ପି॑ତୃଲୋ॒କେ ଚ॑ରତି ॥ ଯ-ତ୍ପି॒ତୃଭ୍ଯଃ॑ କ॒ରୋତି॑ । ସ ଈ᳚ଶ୍ଵ॒ରଃ ପ୍ରମେ॑ତୋଃ । ପ୍ରା॒ଜା॒ପ॒ତ୍ଯଯ॒ର୍ଚା ପୁନ॒ରୈତି॑ । ଯ॒ଜ୍ଞୋ ଵୈ ପ୍ର॒ଜାପ॑ତିଃ । ଯ॒ଜ୍ଞେନୈ॒ଵ ସ॒ହ ପୁନ॒ରୈତି॑ । ନ ପ୍ର॒ମାଯୁ॑କୋ ଭଵତି ॥ ପି॒ତୃ॒ଲୋ॒କେ ଵା ଏ॒ତ-ଦ୍ଯଜ॑ମାନଶ୍ଚରତି । ଯ-ତ୍ପି॒ତୃଭ୍ଯଃ॑ କ॒ରୋତି॑ । ସ ଈ᳚ଶ୍ଵ॒ର ଆର୍ତି॒ମାର୍ତୋଃ᳚ । ପ୍ର॒ଜାପ॑ତି॒-ସ୍ତ୍ଵାଵୈନ॒-ନ୍ତତ॒ ଉନ୍ନେ॑ତୁମର୍ହ॒ତୀତ୍ଯା॑ହୁଃ । ଯ-ତ୍ପ୍ରା॑ଜାପ॒ତ୍ଯଯ॒ର୍ଚା ପୁନ॒ରୈତି॑ । ପ୍ର॒ଜାପ॑ତିରେ॒ଵୈନ॒-ନ୍ତତ॒ ଉନ୍ନ॑ଯତି । ନାର୍ତି॒ମାର୍ଚ୍ଛ॑ତି॒ ଯଜ॑ମାନଃ ॥ 65 ॥

(ଇତ୍ଯ॑ - ଶ୍ଞୁତେ - ପଦ୍ଯନ୍ତେ - ପଦ୍ଯନ୍ତେ॒ ଷଡ୍ଵା ଋ॒ତଵୋ॑ - ଵର୍ତ॒ତେ-ଽ - ହ॑ଵି-ସ୍ସ୍ଯା॒ନ୍ - ନେଦୀ॑ଯଃ॒ - ସ୍ଥ - ଯ॒ଜ୍ଞୋ - ଯଜ॑ମାନଶ୍ଚରତି॒ ଯ-ତ୍ପି॒ତୃଭ୍ଯଃ॑ କ॒ରୋତି॒ ପଞ୍ଚ॑ ଚ) (ଅ. 10)

(ଦେ॒ଵା॒ସୁ॒ରା ଅ॒ଗ୍ନୀଷୋମ॑ଯୋ--ର୍ ଦେ॒ଵା ଵୈ ଯଥା॒ ଦର୍ଶଂ॑ - ଦେ॒ଵା ଵୈ ଯଦ॒ନ୍ଯୈ-ର୍ଗ୍ରହୈ᳚--ର୍ ବ୍ରହ୍ମଵା॒ଦିନୋ॒ ନାଗ୍ନି॑ଷ୍ଟୋ॒ମୋ ନ - ସା॑ଵି॒ତ୍ରଂ - ଦେ॒ଵସ୍ଯା॒ହଂ - ତା॒ର୍ପ୍ଯଗ୍ଂ - ସ॒ପ୍ତାନ୍ନ॑ହୋ॒ମାନ୍ - ନୃ॒ଷଦଂ॒ - ତ୍ଵେନ୍ଦ୍ରୋ॑ ଵୃ॒ତ୍ରଗ୍ଂ ହ॒ତ୍ଵା ଦଶ॑)

(ଦେ॒ଵା॒ସୁ॒ରା - ଵା॒ଜ୍ଯେ॑ଵୈନଂ॒ - ତସ୍ମା᳚-ଦ୍ଵାଜପେଯଯା॒ଜୀ - ଦେ॒ଵସ୍ଯା॒ହଂ - ଁଵାଜ॒ସ୍ଯାଵ॑ରୁଦ୍ଧ୍ଯା- ଇନ୍ଦ୍ରି॒ଯମେ॒ଵାସ୍ମି॒ନ୍॒. - ହ୍ଲୀକା॒ ହି ପି॒ତରଃ॒ ପଞ୍ଚ॑ଷଷ୍ଟିଃ)

(ଦେ॒ଵା॒ସୁ॒ରା - ଯଜ॑ମାନଃ)

॥ ହରିଃ॑ ଓମ୍ ॥

॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ପ୍ରଥମାଷ୍ଟକେ ତୃତୀଯଃ ପ୍ରପାଠକ-ସ୍ସମାପ୍ତଃ ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhakaḥ - vājapeyabrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - punarādheyaśeṣaḥ ājyabhāgayorviśeṣaḥ

de॒vā॒su॒rā-ssaṃ-ya~̭ttā āsann | te de॒vā vi̭ja॒ya-mṷpa॒yantaḥ̭ | a॒gnīṣoma̭yo-steja॒svinī᳚sta॒nū-ssa-nnya̭dadhata | i॒damṷ no bhaviṣyati | yadi̭ no je॒ṣyantīti̭ | tenā॒gnīṣomā॒-vapā᳚krāmatām | te de॒vā vi॒jitya̭ | a॒gnīṣomā॒-vanvai᳚cchann | te᳚-'gni-manva̭vinda-nnṛ॒tuṣū-thsa̭nnam | tasya॒ vibha̭ktībhi-steja॒svinī᳚sta॒nū-ravā̭rundhata || 1 ||

te soma॒-manva̭vindann | tama̭ghnann | tasya̭ yathā-'bhi॒jñāya̭-nta॒nū-rvya̭gṛhṇata | te grahā̭ abhavann | ta-dgrahā̭ṇā-ṅgraha॒tvam | yasyai॒vaṃ-vi~॒duṣo॒ grahā̭ gṛ॒hyante᳚ | tasya॒ tvḙva gṛ̭hī॒tāḥ || nānā᳚gneya-mpunarā॒dheyḙ kuryāt | yadanā᳚gneya-mpunarā॒dheyḙ ku॒ryāt | vyṛ̭ddhame॒va tat || 2 ||

anā᳚gneyaṃ॒-vā~ e॒ta-tkri̭yate | ya-thsa॒midha॒-stanū॒napā̭tami॒ḍo ba॒r॒hi-rya̭jati || u॒bhāvā᳚gne॒yā-vājya̭bhāgau syātām || anā᳚jyabhāgau-bhavata॒ ityā̭huḥ | yadu॒bhāvā᳚gne॒yāva॒nvañcā॒viti̭ | a॒gnaye॒ pava̭mānā॒yotta̭ra-ssyāt | ya-tpava̭mānāya | tenājya̭ bhāgaḥ | tena̭ sau॒myaḥ || budha̭nvatyāgne॒ya-syājya̭-bhāgasya puro-'nuvā॒kyā̭ bhavati || 3 ||

yathā̭ su॒pta-mbo॒dhaya̭ti | tā॒dṛge॒va tat || a॒gninya̭ktāḥ patnī saṃyā~॒jānā॒mṛcaḥ̭ syuḥ | tenā᳚gne॒yagṃ sarva̭-mbhavati || e॒ka॒dhā tḙja॒svinī᳚-nde॒vatā॒-mupai॒tītyā̭huḥ | saina̭mīśva॒rā pra॒daha॒ iti̭ || neti̭ brūyāt | pra॒jana̭naṃ॒-vā~ a॒gniḥ | pra॒jana̭na-me॒vopai॒tīti̭ || kṛ॒taya̭ju॒-ssambhṛ̭ta sambhāra॒ ityā̭huḥ || 4 ||

na sa॒bhṛntyā᳚-ssambhā॒rāḥ | na yajuḥ̭ kā॒rya̭miti̭ || atho॒ khalṷ | sa॒bhṛntyā̭ e॒va sa̭bhāṃ॒rāḥ | kā॒ryaṃ̭-ya~juḥ̭ | pu॒na॒rā॒dheya̭sya॒ samṛ̭ddhyai || teno̭pā॒gṃ॒śu praca̭rati | eṣya̭ iva॒ vā e॒ṣaḥ | ya-tpṷna-rā॒dheyaḥ̭ | yatho̭pā॒gṃ॒śu na॒ṣṭami॒cchati̭ || 5 ||

tā॒dṛge॒va tat || u॒ccai-ssvi̭ṣṭa॒kṛta॒mu-thsṛ̭jati | yathā̭ na॒ṣṭaṃ-vi~॒tvā prāhā॒yamiti̭ | tā॒dṛge॒va tat || e॒ka॒dhā tḙja॒svinī᳚-nde॒vatā॒mupai॒tītyā̭huḥ | saina̭mīśva॒rā pra॒daha॒ iti̭ | tattathā॒ nopai̭ti | pra॒yā॒jā॒nū॒yā॒jeṣve॒va vibha̭ktīḥ kuryāt | ya॒thā॒pū॒rva-mājya̭bhāgau॒ syātā᳚m | e॒va-mpa̭tnī saṃyā~॒jāḥ || 6 ||

ta-dvai᳚śvāna॒rava̭t-pra॒jana̭navattara॒-mupai॒tīti̭ || tadā̭huḥ | vyṛ̭ddhaṃ॒-vā~ e॒tat | anā᳚gneyaṃ॒-vā~ e॒ta-tkri̭yata॒ iti̭ || neti̭ brūyāt | a॒gni-mpra̭tha॒maṃ-vi~bha̭ktīnāṃ-ya~jati | a॒gnimṷtta॒ma-mpa̭tnī saṃyā~॒jānā᳚m | tenā᳚gne॒yam | tena॒ samṛ̭ddha-ṅkriyata॒ iti̭ || 7 ||

(a॒ru॒ndha॒ - tai॒va ta-d- bha̭vati॒ - sambhṛ̭tasambhāra॒ ityā̭hu - ri॒cchati̭ - patnīsaṃyā~॒jā - +nava̭ ca) ( ā1)

anuvākaṃ 2 - vājapeyasya vidhiḥ

de॒vā vai yathā॒darśaṃ̭-ya~॒jñānāha̭ranta | yo᳚-'gniṣṭo॒mam | ya u॒kthya᳚m | yo̭-'tirā॒tram | te sa॒haiva sarvḙ vāja॒peya̭-mapaśyann | te | a॒nyo᳚nyasmai॒ nāti̭ṣṭhanta | a॒hama॒nena̭ yajā॒ iti̭ | te᳚-'bruvann | ā॒jima॒sya dhā̭vā॒meti̭ || 8 ||

tasmi̭-nnā॒jima̭dhāvann | ta-mbṛha॒spati॒-ruda̭jayat | tenā̭yajata | sa svārā᳚jya-magacchat | tamindro᳚-'bravīt | māma॒nena̭ yāja॒yeti̭ | tenendra̭-mayājayat | so-'gra̭-nde॒vatā̭nā॒-mparyai᳚t | aga̭ccha॒-thsvārā᳚jyam | ati̭ṣṭhantāsmai॒ jyaiṣṭhyā̭ya || 9 ||

ya e॒vaṃ-vi~॒dvān. vā̭ja॒peyḙna॒ yaja̭te | gaccha̭ti॒ svārā᳚jyam | agragṃ̭ samā॒nānā॒-mparyḙti | tiṣṭha̭nte-'smai॒ jyaiṣṭhyā̭ya || sa vā e॒ṣa brā᳚hma॒ṇasya̭ cai॒va rā̭ja॒nya̭sya ca ya॒jñaḥ || taṃ-vā~ e॒taṃ-vā~̭ja॒peya॒ ityā̭huḥ | vā॒jāpyo॒ vā e॒ṣaḥ | vāja॒gg॒ hyḙtena̭ de॒vā aiphsanṋ || somo॒ vai vā̭ja॒peyaḥ̭ | yo vai somaṃ̭-vā~ja॒peyaṃ॒-ve~da̭ || 10 ||

vā॒jyḙvaina̭-mpī॒tvā bha̭vati | ā-'sya̭ vā॒jī jā̭yate || annaṃ॒-vai~ vā̭ja॒peyaḥ̭ | ya e॒vaṃ-ve~da̭ | attyanna᳚m | ā-'syā᳚nnā॒do jā̭yate || brahma॒ vai vā̭ja॒peyaḥ̭ | ya e॒vaṃ-ve~da̭ | atti॒ brahma॒ṇā-'nna᳚m | ā-'sya̭ bra॒hmā jā̭yate || 11 ||

vāgvai vāja̭sya prasa॒vaḥ | ya e॒vaṃ-ve~da̭ | ka॒roti̭ vā॒cā vī॒rya᳚m | ainaṃ̭-vā~॒cā ga̭cchati | api̭vatīṃ॒-vā~caṃ̭-va~dati || pra॒jāpa̭ti-rde॒vebhyo̭ ya॒jñān vyādi̭śat | sa ā॒tman vā̭ja॒peya̭-madhatta | ta-nde॒vā a̭bruvann | e॒ṣa vāva ya॒jñaḥ | ya-dvā̭ja॒peyaḥ̭ || 12 ||

apye॒va no-'trā॒stviti̭ | tebhya̭ e॒tā ujji̭tīḥ॒ prāya̭cchat || tā vā e॒tā ujji̭tayo॒ vyākhyā̭yante | ya॒jñasya̭ sarva॒tvāya̭ | de॒vatā̭nā॒-mani̭rbhāgāya || de॒vā vai brahma̭ṇa॒ścānna̭sya ca॒ śama̭la॒mapā᳚ghnann | ya-dbrahma̭ṇa॒-śśama̭la॒māsī᳚t | sā gāthā̭ nārāśa॒gg॒sya̭ bhavat | yadanna̭sya | sā surā᳚ || 13 ||

tasmā॒-dgāya̭taśca ma॒ttasya̭ ca॒ na pra̭ti॒gṛhya᳚m | ya-tpra̭tigṛhṇī॒yāt | śama̭la॒-mprati̭gṛhṇīyāt || sarvā॒ vā e॒tasya॒ vāco 'va̭ruddhāḥ | yo vā̭japeyayā॒jī | yā pṛ̭thi॒vyāṃ-yā~-'gnau yā ra̭thanta॒re | yā-'ntari̭kṣe॒ yā vā॒yau yā vā̭made॒vye | yā di॒vi yā-''di॒tye yā bṛ̭ha॒ti | yā-'phsu yauṣa̭dhīṣu॒ yā vana॒spati̭ṣu || tasmā᳚-dvājapeyayā॒jyārtvi̭jīnaḥ | sarvā॒ hya̭sya॒ vāco 'va̭ruddhāḥ || 14 ||

(dhā॒vā॒meti॒ - jyaiṣṭhyā̭ya॒ - veda̭ - bra॒hmā jā̭yate-vāja॒peyaḥ॒-surā-''rtvi̭jīna॒ ekaṃ̭ ca ) (a. 2)

anuvākaṃ 3 - tasyagrahaviśeṣāḥ

de॒vā vai yada॒nyai-rgrahai᳚-rya॒jñasya॒ nāvārṷndhata | tada̭tigrā॒hyai̭-rati॒gṛhyā-vā̭rundhata | tada̭tigrā॒hyā̭ṇā-matigrāhya॒tvam || yada̭tigrā॒hyā̭ gṛ॒hyante᳚ | yade॒vānyai-rgrahai᳚-rya॒jñasya॒ nāva̭ru॒ndhe | tade॒va taira̭ti॒gṛhyā-va̭rundhe || pañca̭ gṛhyante | pāṅkto̭ ya॒jñaḥ | yāvā̭ne॒va ya॒jñaḥ | tamā॒ptvā 'va̭rundhe || 15 ||

sarva̭ ai॒ndrā bha̭vanti | e॒ka॒dhaiva yaja̭māna indri॒ya-nda̭dhati || sa॒ptada̭śa prājāpa॒tyā grahā̭ gṛhyante | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || eka̭ya॒rcā gṛ̭hṇāti | e॒ka॒dhaiva yaja̭māne vī॒rya̭-ndadhāti || so॒ma॒gra॒hāgśca̭ surāgra॒hāgśca̭ gṛhṇāti | e॒ta-dvai de॒vānā᳚-mpara॒mamanna᳚m | ya-thsomaḥ̭ || 16 ||

e॒ta-nma̭nu॒ṣyā̭ṇām | ya-thsurā᳚ | pa॒ra॒meṇai॒vāsmā̭ a॒nnādye॒nāva̭ra-ma॒nnādya॒-mava̭rundhe || so॒ma॒gra॒hā-ngṛ̭hṇāti | brahma̭ṇo॒ vā e॒ta-ttejaḥ̭ | ya-thsomaḥ̭ | brahma̭ṇa e॒va teja̭sā॒ tejo॒ yaja̭māne dadhāti | su॒rā॒gra॒hā-ngṛ̭hṇāti | anna̭sya॒ vā e॒tacchama̭lam | ya-thsurā᳚ || 17 ||

anna̭syai॒va śama̭lena॒ śama̭laṃ॒-ya~ja̭mānā॒-dapa̭hanti || so॒ma॒gra॒hāgśca̭ surāgra॒hāgśca̭ gṛhṇāti | pumā॒n॒. vai somaḥ̭ | strī surā᳚ | ta-nmi̭thu॒nam | mi॒thu॒name॒vāsya॒ ta-dya॒jñe ka̭roti pra॒jana̭nāya | ā॒tmāna̭me॒va so̭magra॒hai-sspṛ̭ṇoti | jā॒yāgṃ sṷrā gra॒haiḥ | tasmā᳚-dvājapeyayā॒jya̭muṣmi̭~llo॒ke striya॒gṃ॒ sambha̭vati | vā॒ja॒peyā̭-bhijita॒gg॒ hya̭sya || 18 ||

pūrvḙ somagra॒hā gṛ̭hyante | apa̭re surāgra॒hāḥ | pu॒ro॒kṣagṃ so̭magra॒hānth- sā̭dayati | pa॒ścā॒da॒kṣagṃ sṷrāgra॒hān | pā॒pa॒va॒sya॒sasya॒ vidhṛ̭tyai || e॒ṣa vai yaja̭mānaḥ | ya-thsomaḥ̭ | anna॒gṃ॒ surā᳚ | so॒ma॒gra॒hāgśca̭ surāgra॒hāgśca॒ vyati̭ṣajati | a॒nnādyḙnai॒vainaṃ॒-vya~ti̭ṣajati || 19 ||

sa॒pṛñcaḥ̭ stha॒ sa-mmā̭ bha॒dreṇa̭ pṛ॒ṅktetyā̭ha | annaṃ॒-vai~ bha॒dram | a॒nnādyḙnai॒vaina॒gṃ॒ sagṃsṛ̭jati || anna̭sya॒ vā e॒tacchama̭lam | ya-thsurā᳚ | pā॒pmèva॒ khalu॒ vai śama̭lam | pā॒pmanā॒ vā ḙname॒tacchama̭lena॒ vyati̭ṣajati | ya-thso̭magra॒hāgśca̭ surāgra॒hāgśca̭ vyati॒ṣaja̭ti || vi॒pṛcaḥ̭ stha॒ vi mā̭ pā॒pmanā̭ pṛ॒ṅktetyā̭ha | pā॒pmanai॒vaina॒gṃ॒ śama̭lena॒ vyāva̭rtayati || 20 ||

tasmā᳚-dvājapeyayā॒jī pū॒to meddhyo̭ dakṣi॒ṇyaḥ̭ || prāṃu-ddra̭vati somagra॒haiḥ | a॒mume॒va tai-rlo॒ka-ma॒bhija̭yati | pra॒tyaṅkhsṷrā gra॒haiḥ | i॒mame॒va tai-rlo॒ka-ma॒bhija̭yati || prati̭ṣṭhanti somagra॒haiḥ | yāva̭de॒va sa॒tyam | tena̭ sūyate || vā॒ja॒sṛdbhyaḥ̭ surāgra॒hān. ha̭ranti | anṛ̭tenai॒va viśa॒gṃ॒ sagṃsṛ̭jati || hi॒ra॒ṇya॒pā॒tra-mmadhoḥ᳚ pū॒rṇa-nda̭dāti | ma॒dha॒vyo̭-'sā॒nīti̭ || e॒ka॒dhā bra॒hmaṇa॒ upa̭ harati | e॒ka॒dhaiva yaja̭māna॒ āyu॒stejo̭ dadhāti || 21 ||

(ā॒ptvā-'va̭rundhe॒ - somaḥ॒ - śama̭laṃ॒-ya~-thsurā॒ - hya̭-syainaṃ॒-vya~ti̭ṣajati॒ - vyāva̭rtayati - sṛjati ca॒tvāri̭ ca ) (a. 3)

anuvākaṃ 4 - paśava-ssaptadaśa

bra॒hma॒vā॒dino̭ vadanti | nāgni̭ṣṭo॒mo nokthyaḥ̭ | na ṣo̭ḍa॒śī nāti̭rā॒traḥ | atha॒ kasmā᳚-dvāja॒peye॒ sarvḙ yajñakra॒tavo-'va̭ruddhyanta॒ iti̭ | pa॒śubhi॒riti̭ brūyāt || ā॒gne॒ya-mpa॒śumāla̭bhate | a॒gni॒ṣṭo॒mame॒va tenāva̭rundhe | ai॒ndrā॒gneno॒kthya᳚m | ai॒ndreṇa̭ ṣoḍa॒śinaḥ̭ sto॒tram | sā॒ra॒sva॒tyā-'ti̭rā॒tram || 22 ||

mā॒ru॒tyā bṛ̭ha॒ta-ssto॒tram | e॒tāva̭nto॒ vai ya̭jñakra॒tavaḥ̭ | tā-npa॒śubhi̭re॒vā-va̭rundhe || ā॒tmāna̭me॒va spṛ̭ṇo-tyagniṣṭo॒mena̭ | prā॒ṇā॒pā॒nā-vu॒kthyḙna | vī॒ryagṃ̭ ṣoḍa॒śinaḥ̭ sto॒treṇa̭ | vāca̭-matirā॒treṇa̭ | pra॒jā-mbṛ̭ha॒ta-ssto॒treṇa̭ | i॒mame॒va lo॒kama॒bhi ja̭yatyagniṣṭo॒mena̭ | a॒ntari̭kṣa-mu॒kthyḙna || 23 ||

su॒va॒rgaṃ-lo~॒kagṃ ṣo̭ḍa॒śinaḥ̭ sto॒treṇa̭ | de॒va॒yānā̭ne॒va pa॒tha āro̭ha-tyatirā॒treṇa̭ | nākagṃ̭ rohati bṛha॒ta-ssto॒treṇa̭ | teja̭ e॒vātma-ndha̭tta āgne॒yena̭ pa॒śunā᳚ | ojo॒ bala̭maindrā॒gnena̭ | i॒ndri॒ya-mai॒ndreṇa̭ | vācagṃ̭ sārasva॒tyā | u॒bhāve॒va dḙvalo॒ka-ñca̭ manuṣyalo॒ka-ñcā॒bhija̭yati māru॒tyā va॒śayā᳚ || sa॒ptada̭śa prājāpa॒tyā-npa॒śūnāla̭bhate | sa॒pta॒da॒śaḥ pra॒jāpa̭tiḥ || 24 ||

pra॒jāpa̭te॒rāptyai᳚ || śyā॒mā eka̭rūpā bhavanti | e॒vami̭va॒ hi pra॒jāpa̭ti॒-ssamṛ̭ddhyai || tā-nparya̭gnikṛtā॒-nuthsṛ̭jati || ma॒ruto̭ ya॒jñama̭jighāgṃsa-npra॒jāpa̭teḥ | tebhya̭ e॒tā-mmā̭ru॒tīṃ-va~॒śāmāla̭bhata | tayai॒vainā̭-naśamayat || mā॒ru॒tyā pra॒carya̭ | e॒tān-thsañjña̭payet | ma॒ruta̭ e॒va śa̭mayi॒tvā || 25 ||

e॒taiḥ praca̭rati | ya॒jñasyāghā̭tāya || e॒ka॒dhā va॒pā jṷhoti | e॒ka॒de॒va॒tyā̭ hi | e॒te | atho̭ eka॒dhaiva yaja̭māne vī॒rya̭-ndadhāti || nai॒vā॒reṇa̭ sa॒ptada̭śaśarāve-ṇai॒tarhi॒ praca̭rati | e॒ta-tpṷroḍāśā॒ hyḙte | atho̭ paśū॒nāme॒va chi॒dramapi̭dadhāti || sā॒ra॒sva॒tyotta॒mayā॒ praca̭rati | vāg vai sara̭svatī | tasmā᳚-tprā॒ṇānāṃ॒-vā~gṷtta॒mā | atho᳚ pra॒jāpa̭tāve॒va ya॒jña-mprati̭ṣṭhāpayati | pra॒jāpa̭ti॒r॒ hi vāk || apa̭nnadatī bhavati | tasmā᳚-nmanu॒ṣyā᳚-ssarvāṃ॒-vā~caṃ̭-va~danti || 26 ||

(a॒ti॒rā॒tra - ma॒ntari̭kṣamu॒kthyḙna - pra॒jāpa̭tiḥ - śamayi॒tvot - ta॒mayā॒ praca̭rati॒ ṣaṭ ca̭) (a. 4)

anuvākaṃ 5 - rathayājanam

sā॒vi॒tra-ñjṷhoti॒ karma̭ṇaḥ karmaṇaḥ pu॒rastā᳚t || kasta-dve॒detyā̭huḥ | ya-dvā̭ja॒peya̭sya॒ pūrvaṃ॒-ya~dapa̭ra॒miti̭ | sa॒vi॒tṛpra̭sūta e॒va ya̭thāpū॒rva-ṅkarmā̭ṇi karoti || sava̭ne savane juhoti | ā॒krama̭ṇame॒va ta-thsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || vā॒caspati॒-rvāca̭ma॒dya sva̭dāti na॒ ityā̭ha | vāgvai de॒vānā᳚-mpu॒rā-'nna̭māsīt | vāca̭me॒vāsmā॒ annagg̭ svadayati || 27 ||

indra̭sya॒ vajro̭-'si॒ vārtra̭ghna॒ iti॒ ratha̭mu॒pāva̭harati॒ viji̭tyai || vāja̭sya॒ nu pra̭sa॒ve mā॒tara̭-mma॒hīmityā̭ha | yaccai॒veyam | yaccā॒syāmadhi̭ | tade॒vā-va̭rundhe | atho॒ tasmi̭nne॒vobhaye॒-'bhiṣi̭cyate || a॒phsva̭ntara॒-mṛta̭ma॒phsu bhḙṣa॒jamityaśvā᳚-npalpūlayati | a॒phsu vā aśva̭sya॒ tṛtī̭ya॒-mpravi̭ṣṭam | tada̭nu॒vena॒nvava̭plavate | yada॒phsu pa̭lpū॒laya̭ti || 28 ||

yade॒vāsyā॒phsu pravi̭ṣṭam | tade॒vāva̭rundhe || ba॒hu vā aśvo̭-'me॒ddhya-mupa̭gacchati | yada॒phsu pa̭lpū॒laya̭ti | meddhyā̭ne॒vainā᳚n karoti || vā॒yurvā᳚ tvā॒ manṷrvā॒ tvetyā̭ha | e॒tā vā e॒ta-nde॒vatā॒ agre॒ aśva̭mayuñjann | tābhi̭re॒vaināṋ. yunakti | sa॒vasyojji̭tyai || yajṷṣā yunakti॒ vyāvṛ̭ttyai || 29 ||

apā᳚-nna pādāśuhema॒nniti॒ sammā᳚rṣṭi | meddhyā̭ne॒vainā᳚n karoti | atho॒ stautye॒vainā̭nā॒jigṃ sa̭riṣya॒taḥ || vi॒ṣṇu॒ kra॒mān kra̭mate | viṣṇṷre॒va bhū॒tvemā~llo॒kā-na॒bhija̭yati || vai॒śva॒de॒vo vai rathaḥ̭ | a॒ṅkau nya॒ṅkāva॒bhito॒ rathaṃ॒-yā~vityā̭ha | yā e॒va de॒vatā॒ rathe॒ pravi̭ṣṭāḥ | tābhya̭ e॒va nama̭skaroti | ā॒tmano-'nā᳚rtyai || aśa̭maratha-mbhāvuko-'sya॒ ratho̭ bhavati | ya e॒vaṃ-ve~da̭ || 30 ||

(sva॒da॒ya॒ti॒ - pa॒lpū॒laya̭ti॒ - vyāvṛ̭ttyā॒ - anā᳚rtyai॒ dve ca̭) (a. 5)

anuvākaṃ 6 - rathadhāvanam

de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ vāja̭-ñjeṣa॒mityā̭ha | sa॒vi॒tṛpra̭sūta e॒va brahma̭ṇā॒ vāja॒mujja̭yati || de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ varṣi̭ṣṭha॒-nnākagṃ̭ ruheya॒mityā̭ha | sa॒vi॒tṛpra̭sūta e॒va brahma̭ṇā॒ varṣi̭ṣṭha॒-nnākagṃ̭ rohati || cātvā̭le rathaca॒kra-nnimi̭tagṃ rohati | ato॒ vā aṅgi̭rasa utta॒mā-ssṷva॒rgaṃ-lo~॒kamā̭yann | sā॒kṣāde॒va yaja̭māna-ssuva॒rgaṃ-lo~॒kamḙti || āve᳚ṣṭayati | vajro॒ vai rathaḥ̭ | vajrḙṇai॒va diśo॒-'bhija̭yati || 31 ||

vā॒jinā॒gṃ॒ sāma̭ gāyate | annaṃ॒-vai~ vājaḥ̭ | anna̭me॒-vāva̭rundhe || vā॒co varṣma̭ de॒vebhyo-'pā᳚krāmat | ta-dvana॒spatī॒-nprāvi̭śat | saiṣā vāg-vana॒spati̭ṣu vadati | yā dṷndu॒bhau | tasmā᳚-ddundu॒bhi-ssarvā॒ vācoti̭ vadati || du॒ndu॒bhīn-thsa॒māghna̭nti | pa॒ra॒mā vā e॒ṣā vāk || 32 ||

yā dṷndu॒bhau | pa॒ra॒mayai॒va vā॒cā-'va̭rāṃ॒-vā~ca॒ma-va̭rundhe | atho̭ vā॒ca e॒va varṣma॒ yaja̭mā॒no 'va̭rundhe || indrā̭ya॒ vācaṃ̭-va~da॒tendraṃ॒-vā~ja̭-ñjāpaya॒tendro॒ vāja̭majayi॒-dityā̭ha | e॒ṣa vā e॒tarhīndraḥ̭ | yo yaja̭te | yaja̭māna e॒va vāja॒mujja̭yati || sa॒ptada̭śa pravyā॒dhānā॒ji-ndhā̭vanti | sa॒pta॒da॒śagg sto॒tra-mbha̭vati | sa॒ptada̭śa saptadaśa dīyante || 33 ||

sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || arvā̭-'si॒ sapti̭rasi vā॒jya̭sītyā̭ha | a॒gnirvā arvā᳚ | vā॒yu-ssaptiḥ̭ | ā॒di॒tyo vā॒jī | e॒tābhi̭re॒vāsmai̭ de॒vatā̭bhi-rdevara॒thaṃ-yu~̭nakti || pra॒ṣṭi॒vā॒hinaṃ̭-yu~nakti | pra॒ṣṭi॒vā॒hī vai dḙvara॒thaḥ | de॒va॒ra॒thame॒vāsmai̭ yunakti || 34 ||

vāji̭no॒ vāja̭-ndhāvata॒ kāṣṭhā᳚-ṅgaccha॒tetyā̭ha | su॒va॒rgo vai lo॒kaḥ kāṣṭhā᳚ | su॒va॒rgame॒va lo॒kaṃ-ya~̭nti || su॒va॒rgaṃ-vā~ e॒te lo॒kaṃ-ya~̭nti | ya ā॒ji-ndhāva̭nti || prāñco̭ dhāvanti | prāṃi̭va॒ hi sṷva॒rgo lo॒kaḥ || ca॒ta॒sṛbhi॒ranṷ mantrayate | ca॒tvāri॒ chandāgṃ̭si | chando̭bhire॒vainā᳚n-thsuva॒rgaṃ-lo~॒ka-ṅga̭mayati || 35 ||

pra vā e॒te᳚-'smāl-lo॒kāccya̭vante | ya ā॒ji-ndhāva̭nti | uda̭ñca॒ āva̭rtante | a॒smāde॒va tena̭ lo॒kānnaya̭nti || ra॒tha॒vi॒mo॒ca॒nīya̭-ñjuhoti॒ prati̭ṣṭhityai || ā mā॒ vāja̭sya prasa॒vo ja̭gamyā॒dityā̭ha | annaṃ॒-vai~ vājaḥ̭ | anna̭me॒vāva̭rundhe || ya॒thā॒lo॒kaṃ-vā~ e॒ta ujja̭yanti | ya ā॒ji-ndhāva̭nti || 36 ||

kṛ॒ṣṇala̭-ṅkṛṣṇalaṃ-vā~ja॒sṛdbhyaḥ॒ praya̭cchati | yame॒va te vājaṃ̭-lo~॒kamu॒jjaya̭nti | ta-mpa̭ri॒krīyā-va̭rundhe || e॒ka॒dhā bra॒hmaṇa॒ upa̭harati | e॒ka॒dhaiva yaja̭māne vī॒rya̭-ndadhāti || de॒vā vā oṣa̭dhīṣvā॒jima̭yuḥ | tā bṛha॒spati॒-ruda̭jayat | sa nī॒vārā॒nnira̭vṛṇīta | tannī॒vārā̭ṇā-nnīvāra॒tvam || nai॒vā॒raśca॒ru-rbha̭vati || 37 ||

e॒tadvai de॒vānā᳚-mpara॒mamanna᳚m | yannī॒vārāḥ᳚ | pa॒ra॒meṇai॒vāsmā̭ a॒nnādye॒-nāva̭ra-ma॒nnādya॒mava̭rundhe || sa॒ptada̭śaśarāvo bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || kṣī॒re bha̭vati | ruca̭me॒vāsmi̭n-dadhāti || sa॒rpiṣvā᳚-nbhavati meddhya॒tvāya̭ || bā॒r॒ha॒spa॒tyo vā e॒ṣa de॒vata̭yā || 38 ||

yo vā̭ja॒peyḙna॒ yaja̭te | bā॒r॒ha॒spa॒tya e॒ṣa ca॒ruḥ || aśvā᳚n-thsariṣya॒ta-ssa॒sruṣa॒ścāva̭-ghrāpayati | yame॒va te vājaṃ̭-lo~॒kamu॒jjaya̭nti | tame॒vāva̭rundhe || ajī̭jipata vanaspataya॒ indraṃ॒-vā~jaṃ॒-vi~mṷcyaddhva॒miti̭ dundu॒bhīn. vimṷñcati | yame॒va te vājaṃ̭-lo~॒kami̭ndri॒ya-ndṷndu॒bhaya̭ u॒jjaya̭nti | tame॒vā-va̭rundhe || 39 ||

(a॒bhija̭yati॒ - vā e॒ṣā vāg - dī̭yante - 'smai yunakti - gamayati॒ - ya ā॒ji-ndhāva̭nti - bhavati - de॒vata̭yā॒ - +-'ṣṭau ca̭) (a. 6)

anuvākaṃ 7 - yūpārohaṇam

tā॒rpyaṃ-ya~ja̭māna॒-mpari̭dhāpayati | ya॒jño vai tā॒rpyam | ya॒jñenai॒vaina॒gṃ॒ sama̭rdhayati | da॒rbha॒maya॒-mpari̭dhāpayati | pa॒vitraṃ॒-vai~ da॒rbhāḥ | pu॒nātye॒vaina᳚m | vājaṃ॒-vā~ e॒ṣo-'va̭ruruthsate | yo vā̭ja॒peyḙna॒ yaja̭te | oṣa̭dhayaḥ॒ khalu॒ vai vājaḥ̭ | ya-dda̭rbha॒maya̭-mparidhā॒paya̭ti || 40 ||

vāja॒syāva̭-ruddhyai || jāya॒ ehi॒ suvo॒ rohā॒vetyā̭ha | patni̭yā e॒vaiṣa ya॒jñasyā᳚n-vāra॒mbho-'na̭vacchityai || sa॒ptada̭śā-ratni॒ryūpo̭ bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒rāptyai᳚ || tū॒pa॒ra-ścatṷraśri-rbhavati || gau॒dhū॒ma-ñca॒ṣāla᳚m | na vā e॒te vrī॒hayo॒ na yavāḥ᳚ | ya-dgo॒dhūmāḥ᳚ || 41 ||

e॒vami̭va॒ hi pra॒jāpa̭ti॒-ssamṛ̭ddhyai | atho̭ a॒mume॒vāsmai̭ lo॒kamanna̭vanta-ṅkaroti || vāso̭bhi-rveṣṭayati | e॒ṣa vai yaja̭mānaḥ | yadyūpaḥ̭ | sa॒rva॒de॒va॒tyaṃ̭-vā~saḥ̭ | sarvā̭bhire॒vaina̭-nde॒vatā̭bhi॒-ssama̭rdhayati | atho̭ ā॒krama̭ṇame॒va tathsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || dvāda̭śa vājaprasa॒vīyā̭ni juhoti || 42 ||

dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒rame॒va prī̭ṇāti | atho̭ saṃva~thsa॒rame॒vāsmā॒ upa̭ dadhāti | su॒va॒rgasya̭ lo॒kasya॒ sama̭ṣṭyai || da॒śabhiḥ॒ kalpai̭ rohati | nava॒ vai purṷṣe prā॒ṇāḥ | nābhi̭rdaśa॒mī | prā॒ṇāne॒va ya̭thāsthā॒na-ṅka̭lpayi॒tvā | su॒va॒rgaṃ-lo~॒kamḙti | e॒tāva॒dvai purṷṣasya॒ svam || 43 ||

yāva̭t-prā॒ṇāḥ | yāva̭de॒vāsyāsti̭ | tena̭ sa॒ha sṷva॒rgaṃ-lo~॒kamḙti || suva̭rde॒vāgṃ a̭ga॒nmetyā̭ha | su॒va॒rgame॒va lo॒kamḙti | a॒mṛtā̭ abhū॒metyā̭ha | a॒mṛta̭miva॒ hi sṷva॒rgo lo॒kaḥ | pra॒jāpa̭teḥ pra॒jā a̭bhū॒metyā̭ha | prā॒jā॒pa॒tyo vā a॒yaṃ-lo~॒kaḥ | a॒smāde॒va tena̭ lo॒kānnaiti̭ || 44 ||

sama॒ha-mpra॒jayā॒ sa-mmayā᳚ pra॒jetyā̭ha | ā॒śiṣa̭me॒vaitā-māśā᳚ste || ā॒sa॒pu॒ṭai-rghna̭nti | annaṃ॒-vā~ i॒yam | a॒nnādyḙnai॒vaina॒gṃ॒ sama̭rdhayanti | ūṣai᳚-rghnanti | e॒te hi sā॒kṣādanna᳚m | yadūṣāḥ᳚ | sā॒kṣāde॒vaina̭-ma॒nnādyḙna॒ sama̭rdhayanti || pu॒rastā᳚t-pra॒tyañca᳚-ṅghnanti || 45 ||

pu॒rastā॒ddhi pra̭tī॒cīna॒-manna̭ma॒dyate᳚ || śī॒r॒ṣa॒to ghna̭nti | śī॒r॒ṣa॒to hyanna̭ma॒dyate᳚ || di॒gbhyo ghna̭nti | di॒gbhya e॒vāsmā̭ a॒nnādya॒-mava̭rundhate || ī॒śva॒ro vā e॒ṣa parāṃ᳚-pra॒daghaḥ̭ | yo yūpa॒gṃ॒ roha̭ti || hira̭ṇyama॒ddhya-va̭rohati | a॒mṛtaṃ॒-vai~ hira̭ṇyam | a॒mṛtagṃ̭ suva॒rgo lo॒kaḥ || 46 ||

a॒mṛta̭ e॒va sṷva॒rge lo॒ke prati̭ tiṣṭhati || śa॒tamā̭na-mbhavati | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭ tiṣṭhati || puṣṭyai॒ vā e॒ta-drū॒pam | yada॒jā | tri-ssaṃ̭va~thsa॒rasyā॒nyān-pa॒śū-npari॒ prajā̭yate || ba॒stā॒ji॒na-ma॒ddhyava̭ rohati | puṣṭyā̭me॒va pra॒jana̭ne॒ prati̭tiṣṭhati || 47 ||

(pa॒ri॒dhā॒paya̭ti - go॒dhūmā̭ - juhoti॒ - svaṃ - naiti̭ - pra॒tyañja̭-ṅghnanti - lo॒ko - +nava̭ ca (a. 7)

anuvākaṃ 8 - annahomāḥ, abhiṣekaśca

sa॒ptānna̭-ho॒māñjṷhoti | sa॒pta vā annā̭ni | yāva̭ntye॒vānnā̭ni | tānye॒vāva̭rundhe | sa॒pta grā॒myā oṣa̭dhayaḥ | sa॒ptāra॒ṇyāḥ | u॒bhayī̭ṣā॒-mava̭ruddhyai || anna̭syā-nnasya juhoti | anna̭syānna॒syā-va̭ruddhyai || ya-dvā̭japeyayā॒jya-na̭varuddhasyāśñī॒yāt || 48 ||

ava̭ruddhena॒ vyṛ̭ddhyeta | sarva̭sya samava॒dāya̭ juhoti | ana̭varuddha॒-syāva̭ruddhyai || audṷmbareṇa sru॒veṇa̭ juhoti | ūrgvā anna̭-mudu॒mbaraḥ̭ | ū॒rja e॒vānnādya॒syāva̭ruddhyai || de॒vasya̭ tvā savi॒tuḥ pra̭sa॒va ityā̭ha | sa॒vi॒tṛ pra̭sūta e॒vaina॒-mbrahma̭ṇā de॒vatā̭bhi-ra॒bhiṣi̭ñcati || anna̭syānnasyā॒bhiṣi̭ñcati | anna̭syānna॒syāva̭ruddhyai || 49 ||

pu॒rastā᳚t-pra॒tyañca̭-ma॒bhiṣi̭ñcati | pu॒rastā॒ddhi-pra̭tī॒cīna॒-manna̭ma॒dyate᳚ | śī॒r॒ṣa॒to̭-'bhiṣi̭ñcati | śī॒r॒ṣa॒to hyanna̭ma॒dyate᳚ || āmukhā̭da॒nvava̭ srāvayati | mu॒kha॒ta e॒vāsmā̭ a॒nnādya̭-ndadhāti || a॒gnestvā॒ sāmrā᳚jyenā॒bhiṣi̭ñcā॒mītyā̭ha | e॒ṣa vā a॒gne-ssa॒vaḥ | tenai॒vaina̭-ma॒bhiṣi̭ñcati | indra̭sya tvā॒ sāmrā᳚jyenā॒bhiṣi̭ñcā॒mītyā̭ha || 50 ||

i॒ndri॒ya-me॒vāsmi̭-nne॒tena̭ dadhāti | bṛha॒spate᳚stvā॒ sāmrā᳚jyenā॒bhiṣi̭ñcā॒-mītyā̭ha | brahma॒ vai de॒vānā॒-mbṛha॒spatiḥ̭ | brahma̭ṇai॒vaina̭-ma॒bhiṣi̭ñcati || so॒ma॒gra॒hāgścā̭-vadānī॒yāni̭ ca॒rtvigbhya॒ upa̭ haranti | a॒mume॒va tai-rlo॒ka-manna̭vanta-ṅkaroti | su॒rā॒gra॒hāgścā̭-navadānī॒yāni̭ ca vāja॒sṛdbhyaḥ̭ | i॒mame॒va tai-rlo॒ka-manna̭vanta-ṅkaroti | atho̭ u॒bhayī᳚ṣve॒vābhiṣi̭cyate || vi॒mā॒tha-ṅkṷrvate vāja॒sṛtaḥ̭ || 51 ||

i॒ndri॒yasyāva̭ruddhyai || ani̭ruktābhiḥ prātassava॒ne stṷvate | ani̭ruktaḥ pra॒jāpa̭tiḥ | pra॒jāpa̭te॒rāptyai᳚ | vāja̭vatībhi॒-rmāddhya̭ndine | annaṃ॒-vai~ vājaḥ̭ | anna̭me॒vā-va̭rundhe | śi॒pi॒vi॒ṣṭava̭tībhi-stṛtīyasava॒ne | ya॒jño vai viṣṇuḥ̭ | pa॒śava॒-śśipiḥ̭ | ya॒jña e॒va pa॒śuṣu॒ prati̭ tiṣṭhati || bṛ॒hadantya̭-mbhavati | anta̭me॒vainagg̭ śri॒yai ga̭mayati || 52 ||

(a॒śñī॒yā - danna̭syānna॒syā va̭ruddhyā॒ - indra̭sya tvā॒ sāmrā᳚jyenā॒bhiṣi̭ñcā॒ mītyā̭ha-vāja॒sṛtaḥ॒ - śipi॒ strīṇi̭ ca) (a. 8)

anuvākaṃ 9 - atigrāhyāḥ, pañcaindrāḥ

nṛ॒ṣada॒-ntvetyā̭ha | pra॒jā vai nṝn | pra॒jānā̭me॒vaitena̭ sūyate | dru॒ṣada॒mityā̭ha | vana॒spata̭yo॒ vai dru | vana॒spatī̭nāme॒vai tena̭ sūyate | bhu॒va॒na॒sada॒-mityā̭ha | ya॒dā vai vasī̭yā॒-nbhava̭ti | bhuva̭namaga॒nniti॒ vai tamā̭huḥ | bhuva̭name॒vaitena̭ gacchati || 53 ||

a॒phsu॒ṣada̭-ntvā ghṛta॒sada॒-mityā̭ha | a॒pāme॒vaitena̭ ghṛ॒tasya̭ sūyate | vyo॒ma॒sada॒-mityā̭ha | ya॒dā vai vasī̭yā॒-nbhava̭ti | vyo̭māga॒nniti॒ vai tamā̭huḥ | vyo̭mai॒vaitena̭ gacchati || pṛ॒thi॒vi॒ṣada̭-ntvā-'ntarikṣa॒sada॒-mityā̭ha | e॒ṣāme॒vaitena̭ lo॒kānāgṃ̭ sūyate | tasmā᳚-dvājape-yayā॒jī na ka-ñca॒na pra॒tyava̭rohati | apī̭va॒ hi de॒vatā̭nāgṃ sū॒yate᳚ || 54 ||

nā॒ka॒sada॒-mityā̭ha | ya॒dāvai vasī̭yā॒-nbhava̭ti | nāka̭maga॒nniti॒ vai tamā̭huḥ | nāka̭me॒vaitena̭ gacchati || ye grahāḥ᳚ pañcaja॒nīnā॒ ityā̭ha | pa॒ñca॒ja॒nānā̭-me॒vaitena̭ sūyate || a॒pāgṃ rasa॒mudva̭yasa॒-mityā̭ha | a॒pāme॒vaitena॒ rasa̭sya sūyate | sūrya̭raśmigṃ sa॒mābhṛ̭ta॒-mityā̭ha saśukra॒tvāya̭ || 55 ||

(ga॒ccha॒ti॒ - sū॒yate॒ - +nava̭ ca) (a. 9)

anuvākaṃ 10 - piṇḍapitṛyajñaḥ darśapūrṇamāsabrāhmaṇaśeṣaḥ

indro vṛ॒tragṃ ha॒tvā | asṷrā-nparā॒bhāvya̭ | so̭-'māvā॒syā᳚-mpratyāga̭cchat | te pi॒taraḥ̭ pūrve॒dyu-rāga̭cchann | pi॒tṝn. ya॒jño̭-'gacchat | ta-nde॒vāḥ puna̭rayācanta | tame᳚bhyo॒ na puna̭radaduḥ | te᳚-'bruva॒n varaṃ̭-vṛ~ṇāmahai | atha̭ vaḥ॒ puna̭rdāsyāmaḥ | a॒smabhya̭me॒va pū᳚rve॒dyuḥ kri̭yātā॒ iti̭ || 56 ||

tame᳚bhyaḥ॒ puna̭radaduḥ | tasmā᳚t-pi॒tṛbhyaḥ̭ pūrve॒dyuḥ kri̭yate | ya-tpi॒tṛbhyaḥ̭ pūrve॒dyuḥ ka॒roti̭ | pi॒tṛbhya̭ e॒va ta-dya॒jña-nni॒ṣkrīya॒ yaja̭mānaḥ॒ prata̭nute || somā̭ya pi॒tṛpī̭tāya sva॒dhā nama॒ ityā̭ha | pi॒ture॒vādhi̭ somapī॒thamava̭ rundhe | na hi pi॒tā pra॒mīya̭māṇa॒ āhai॒ṣa so̭mapī॒tha iti̭ | i॒ndri॒yaṃ-vai~ so̭mapī॒thaḥ | i॒ndri॒yame॒va so̭mapī॒thamava̭-rundhe | tena᳚ndri॒yeṇa̭ dvi॒tīyā᳚-ñjā॒yāma॒bhya̭śñute || 57 ||

e॒ta-dvai brāhma̭ṇa-mpu॒rā vā̭jaśrava॒sā vi॒dāma̭krann | tasmā॒-tte dvedvḙ jā॒ye a॒bhyā᳚kṣata | ya e॒vaṃ-ve~da̭ | a॒bhi dvi॒tīyā᳚-ñjā॒yāma̭śñute || a॒gnayḙ kavya॒vāha̭nāya sva॒dhā nama॒ ityā̭ha | ya e॒va pi̭tṛ॒ṇāma॒gniḥ | ta-mprī̭ṇāti || ti॒sra āhṷtī-rjuhoti || trirnida̭dhāti || ṣaṭ-thsampa̭dyante || 58 ||

ṣaḍvā ṛ॒tavaḥ̭ | ṛ॒tūne॒va prī̭ṇāti || tū॒ṣṇī-mmekṣa̭ṇa॒-māda̭dhāti | asti̭ vā॒ hi ṣa॒ṣṭha ṛ॒turna vā᳚ || de॒vān. vai pi॒tṝ-nprī॒tān | ma॒nu॒ṣyāḥ᳚ pi॒taro-'nu॒ prapi̭pate | ti॒sra āhṷtī-rjuhoti | trirnida̭dhāti | ṣaṭ-thsampa̭dyante | ṣaḍvā ṛ॒tavaḥ̭ || 59 ||

ṛ॒tavaḥ॒ khalu॒ vai de॒vāḥ pi॒taraḥ̭ | ṛ॒tūne॒va de॒vā-npi॒tṝ-nprī̭ṇāti | tānprī॒tān | ma॒nu॒ṣyāḥ᳚ pi॒taro-'nu॒ prapi̭pate || sa॒kṛ॒dā॒cchi॒nna-mba॒r॒hi-rbha̭vati | sa॒kṛdi̭va॒ hi pi॒taraḥ̭ || trirnida̭dhāti | tṛ॒tīye॒ vā i॒to lo॒ke pi॒taraḥ̭ | tāne॒va prī̭ṇāti || parāṃ॒āva̭rtate || 60 ||

hlīkā॒ hi pi॒taraḥ̭ || òṣmaṇo᳚ vyā॒vṛta॒ upā᳚ste | ū॒ṣmabhā̭gā॒ hi pi॒taraḥ̭ || bra॒hma॒vā॒dino̭ vadanti | prāśyāṃ(3)na prāśyā(3)miti̭ | ya-tprā᳚śñī॒yāt | janya॒manna̭madyāt | pra॒māyṷka-ssyāt | yanna prā᳚śñī॒yāt | aha̭vi-ssyāt || 61 ||

pi॒tṛbhya॒ āvṛ̭ścyeta | a॒va॒ghreya̭me॒va | tanneva॒ prāśi̭ta॒-nnevāprā̭śitam || vī॒raṃ-vā~॒ vai pi॒taraḥ̭ pra॒yanto॒ hara̭nti | vī॒raṃ-vā~̭ dadati | da॒śā-ñchi̭natti | hara̭ṇabhāgā॒ hi pi॒taraḥ̭ | pi॒tṝne॒va ni॒rava̭dayate || utta̭ra॒ āyṷṣi॒ loma̭ chindīta | pi॒tṛ॒ṇāg hyḙtarhi॒ nedī̭yaḥ || 62 ||

nama̭skaroti | na॒ma॒skā॒ro hi pi̭tṛ॒ṇām || namo̭ vaḥ pitaro॒ rasā̭ya | namo̭ vaḥ pitara॒-śśuṣmā̭ya | namo̭ vaḥ pitaro jī॒vāya̭ | namo̭ vaḥ pitara-ssva॒dhāyai᳚ | namo̭ vaḥ pitaro ma॒nyave᳚ | namo̭ vaḥ pitaro gho॒rāya̭ | pita̭ro॒ namo̭ vaḥ | ya e॒tasmi̭n ~lo॒ke stha || 63 ||

yu॒ṣmāgste-'nṷ | ye᳚-'smi~llo॒ke | mā-nte nṷ | ya e॒tasmi̭~llo॒ke stha | yū॒ya-nteṣāṃ॒-va~si̭ṣṭhā bhūyāsta | ye᳚-'smi~llo॒ke | a॒ha-nteṣāṃ॒-va~si̭ṣṭho bhūyāsa॒mityā̭ha | vasi̭ṣṭha-ssamā॒nānā᳚-mbhavati | ya e॒vaṃ-vi~॒dvān-pi॒tṛbhyaḥ̭ ka॒roti̭ || e॒ṣa vai ma̭nu॒ṣyā̭ṇāṃ-ya~॒jñaḥ || 64 ||

de॒vānāṃ॒-vā~ ita̭re ya॒jñāḥ | tena॒ vā e॒ta-tpi̭tṛlo॒ke ca̭rati || ya-tpi॒tṛbhyaḥ̭ ka॒roti̭ | sa ī᳚śva॒raḥ pramḙtoḥ | prā॒jā॒pa॒tyaya॒rcā puna॒raiti̭ | ya॒jño vai pra॒jāpa̭tiḥ | ya॒jñenai॒va sa॒ha puna॒raiti̭ | na pra॒māyṷko bhavati || pi॒tṛ॒lo॒ke vā e॒ta-dyaja̭mānaścarati | ya-tpi॒tṛbhyaḥ̭ ka॒roti̭ | sa ī᳚śva॒ra ārti॒mārtoḥ᳚ | pra॒jāpa̭ti॒-stvāvaina॒-ntata॒ unnḙtumarha॒tītyā̭huḥ | ya-tprā̭jāpa॒tyaya॒rcā puna॒raiti̭ | pra॒jāpa̭tire॒vaina॒-ntata॒ unna̭yati | nārti॒mārccha̭ti॒ yaja̭mānaḥ || 65 ||

(itya̭ - śñute - padyante - padyante॒ ṣaḍvā ṛ॒tavo̭ - varta॒te-' - ha̭vi-ssyā॒n - nedī̭yaḥ॒ - stha - ya॒jño - yaja̭mānaścarati॒ ya-tpi॒tṛbhyaḥ̭ ka॒roti॒ pañca̭ ca) (a. 10)

(de॒vā॒su॒rā a॒gnīṣoma̭yo--r de॒vā vai yathā॒ darśaṃ̭ - de॒vā vai yada॒nyai-rgrahai᳚--r brahmavā॒dino॒ nāgni̭ṣṭo॒mo na - sā̭vi॒traṃ - de॒vasyā॒haṃ - tā॒rpyagṃ - sa॒ptānna̭ho॒mān - nṛ॒ṣadaṃ॒ - tvendro̭ vṛ॒tragṃ ha॒tvā daśa̭)

(de॒vā॒su॒rā - vā॒jyḙvainaṃ॒ - tasmā᳚-dvājapeyayā॒jī - de॒vasyā॒haṃ - ~vāja॒syāva̭ruddhyā- indri॒yame॒vāsmi॒n॒. - hlīkā॒ hi pi॒taraḥ॒ pañca̭ṣaṣṭiḥ)

(de॒vā॒su॒rā - yaja̭mānaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके तृतीयः प्रपाठकः - वाजपेयब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - पुनराधेयशेषः आज्यभागयोर्विशेषः

दे॒वा॒सु॒रा-स्सं-यँ॑त्ता आसन्न् । ते दे॒वा वि॑ज॒य-मु॑प॒यन्तः॑ । अ॒ग्नीषोम॑यो-स्तेज॒स्विनी᳚स्त॒नू-स्स-न्न्य॑दधत । इ॒दमु॑ नो भविष्यति । यदि॑ नो जे॒ष्यन्तीति॑ । तेना॒ग्नीषोमा॒-वपा᳚क्रामताम् । ते दे॒वा वि॒जित्य॑ । अ॒ग्नीषोमा॒-वन्वै᳚च्छन्न् । ते᳚-ऽग्नि-मन्व॑विन्द-न्नृ॒तुषू-थ्स॑न्नम् । तस्य॒ विभ॑क्तीभि-स्तेज॒स्विनी᳚स्त॒नू-रवा॑रुन्धत ॥ 1 ॥

ते सोम॒-मन्व॑विन्दन्न् । तम॑घ्नन्न् । तस्य॑ यथा-ऽभि॒ज्ञाय॑-न्त॒नू-र्व्य॑गृह्णत । ते ग्रहा॑ अभवन्न् । त-द्ग्रहा॑णा-ङ्ग्रह॒त्वम् । यस्यै॒वं-विँ॒दुषो॒ ग्रहा॑ गृ॒ह्यन्ते᳚ । तस्य॒ त्वे॑व गृ॑ही॒ताः ॥ नाना᳚ग्नेय-म्पुनरा॒धेये॑ कुर्यात् । यदना᳚ग्नेय-म्पुनरा॒धेये॑ कु॒र्यात् । व्यृ॑द्धमे॒व तत् ॥ 2 ॥

अना᳚ग्नेयं॒-वाँ ए॒त-त्क्रि॑यते । य-थ्स॒मिध॒-स्तनू॒नपा॑तमि॒डो ब॒र्॒हि-र्य॑जति ॥ उ॒भावा᳚ग्ने॒या-वाज्य॑भागौ स्याताम् ॥ अना᳚ज्यभागौ-भवत॒ इत्या॑हुः । यदु॒भावा᳚ग्ने॒याव॒न्वञ्चा॒विति॑ । अ॒ग्नये॒ पव॑माना॒योत्त॑र-स्स्यात् । य-त्पव॑मानाय । तेनाज्य॑ भागः । तेन॑ सौ॒म्यः ॥ बुध॑न्वत्याग्ने॒य-स्याज्य॑-भागस्य पुरो-ऽनुवा॒क्या॑ भवति ॥ 3 ॥

यथा॑ सु॒प्त-म्बो॒धय॑ति । ता॒दृगे॒व तत् ॥ अ॒ग्निन्य॑क्ताः पत्नी संयाँ॒जाना॒मृचः॑ स्युः । तेना᳚ग्ने॒यग्ं सर्व॑-म्भवति ॥ ए॒क॒धा ते॑ज॒स्विनी᳚-न्दे॒वता॒-मुपै॒तीत्या॑हुः । सैन॑मीश्व॒रा प्र॒दह॒ इति॑ ॥ नेति॑ ब्रूयात् । प्र॒जन॑नं॒-वाँ अ॒ग्निः । प्र॒जन॑न-मे॒वोपै॒तीति॑ ॥ कृ॒तय॑जु॒-स्सम्भृ॑त सम्भार॒ इत्या॑हुः ॥ 4 ॥

न स॒भृन्त्या᳚-स्सम्भा॒राः । न यजुः॑ का॒र्य॑मिति॑ ॥ अथो॒ खलु॑ । स॒भृन्त्या॑ ए॒व स॑भां॒राः । का॒र्यं॑-यँजुः॑ । पु॒न॒रा॒धेय॑स्य॒ समृ॑द्ध्यै ॥ तेनो॑पा॒ग्ं॒शु प्रच॑रति । एष्य॑ इव॒ वा ए॒षः । य-त्पु॑न-रा॒धेयः॑ । यथो॑पा॒ग्ं॒शु न॒ष्टमि॒च्छति॑ ॥ 5 ॥

ता॒दृगे॒व तत् ॥ उ॒च्चै-स्स्वि॑ष्ट॒कृत॒मु-थ्सृ॑जति । यथा॑ न॒ष्टं-विँ॒त्वा प्राहा॒यमिति॑ । ता॒दृगे॒व तत् ॥ ए॒क॒धा ते॑ज॒स्विनी᳚-न्दे॒वता॒मुपै॒तीत्या॑हुः । सैन॑मीश्व॒रा प्र॒दह॒ इति॑ । तत्तथा॒ नोपै॑ति । प्र॒या॒जा॒नू॒या॒जेष्वे॒व विभ॑क्तीः कुर्यात् । य॒था॒पू॒र्व-माज्य॑भागौ॒ स्याता᳚म् । ए॒व-म्प॑त्नी संयाँ॒जाः ॥ 6 ॥

त-द्वै᳚श्वान॒रव॑त्-प्र॒जन॑नवत्तर॒-मुपै॒तीति॑ ॥ तदा॑हुः । व्यृ॑द्धं॒-वाँ ए॒तत् । अना᳚ग्नेयं॒-वाँ ए॒त-त्क्रि॑यत॒ इति॑ ॥ नेति॑ ब्रूयात् । अ॒ग्नि-म्प्र॑थ॒मं-विँभ॑क्तीनां-यँजति । अ॒ग्निमु॑त्त॒म-म्प॑त्नी संयाँ॒जाना᳚म् । तेना᳚ग्ने॒यम् । तेन॒ समृ॑द्ध-ङ्क्रियत॒ इति॑ ॥ 7 ॥

(अ॒रु॒न्ध॒ - तै॒व त-द्- भ॑वति॒ - सम्भृ॑तसम्भार॒ इत्या॑हु - रि॒च्छति॑ - पत्नीसंयाँ॒जा - +नव॑ च) ( आ1)

अनुवाकं 2 - वाजपेयस्य विधिः

दे॒वा वै यथा॒दर्शं॑-यँ॒ज्ञानाह॑रन्त । यो᳚-ऽग्निष्टो॒मम् । य उ॒क्थ्य᳚म् । यो॑-ऽतिरा॒त्रम् । ते स॒हैव सर्वे॑ वाज॒पेय॑-मपश्यन्न् । ते । अ॒न्यो᳚न्यस्मै॒ नाति॑ष्ठन्त । अ॒हम॒नेन॑ यजा॒ इति॑ । ते᳚-ऽब्रुवन्न् । आ॒जिम॒स्य धा॑वा॒मेति॑ ॥ 8 ॥

तस्मि॑-न्ना॒जिम॑धावन्न् । त-म्बृह॒स्पति॒-रुद॑जयत् । तेना॑यजत । स स्वारा᳚ज्य-मगच्छत् । तमिन्द्रो᳚-ऽब्रवीत् । माम॒नेन॑ याज॒येति॑ । तेनेन्द्र॑-मयाजयत् । सो-ऽग्र॑-न्दे॒वता॑ना॒-म्पर्यै᳚त् । अग॑च्छ॒-थ्स्वारा᳚ज्यम् । अति॑ष्ठन्तास्मै॒ ज्यैष्ठ्या॑य ॥ 9 ॥

य ए॒वं-विँ॒द्वान्. वा॑ज॒पेये॑न॒ यज॑ते । गच्छ॑ति॒ स्वारा᳚ज्यम् । अग्रग्ं॑ समा॒नाना॒-म्पर्ये॑ति । तिष्ठ॑न्ते-ऽस्मै॒ ज्यैष्ठ्या॑य ॥ स वा ए॒ष ब्रा᳚ह्म॒णस्य॑ चै॒व रा॑ज॒न्य॑स्य च य॒ज्ञः ॥ तं-वाँ ए॒तं-वाँ॑ज॒पेय॒ इत्या॑हुः । वा॒जाप्यो॒ वा ए॒षः । वाज॒ग्ग्॒ ह्ये॑तेन॑ दे॒वा ऐफ्सन्न्॑ ॥ सोमो॒ वै वा॑ज॒पेयः॑ । यो वै सोमं॑-वाँज॒पेयं॒-वेँद॑ ॥ 10 ॥

वा॒ज्ये॑वैन॑-म्पी॒त्वा भ॑वति । आ-ऽस्य॑ वा॒जी जा॑यते ॥ अन्नं॒-वैँ वा॑ज॒पेयः॑ । य ए॒वं-वेँद॑ । अत्त्यन्न᳚म् । आ-ऽस्या᳚न्ना॒दो जा॑यते ॥ ब्रह्म॒ वै वा॑ज॒पेयः॑ । य ए॒वं-वेँद॑ । अत्ति॒ ब्रह्म॒णा-ऽन्न᳚म् । आ-ऽस्य॑ ब्र॒ह्मा जा॑यते ॥ 11 ॥

वाग्वै वाज॑स्य प्रस॒वः । य ए॒वं-वेँद॑ । क॒रोति॑ वा॒चा वी॒र्य᳚म् । ऐनं॑-वाँ॒चा ग॑च्छति । अपि॑वतीं॒-वाँचं॑-वँदति ॥ प्र॒जाप॑ति-र्दे॒वेभ्यो॑ य॒ज्ञान् व्यादि॑शत् । स आ॒त्मन् वा॑ज॒पेय॑-मधत्त । त-न्दे॒वा अ॑ब्रुवन्न् । ए॒ष वाव य॒ज्ञः । य-द्वा॑ज॒पेयः॑ ॥ 12 ॥

अप्ये॒व नो-ऽत्रा॒स्त्विति॑ । तेभ्य॑ ए॒ता उज्जि॑तीः॒ प्राय॑च्छत् ॥ ता वा ए॒ता उज्जि॑तयो॒ व्याख्या॑यन्ते । य॒ज्ञस्य॑ सर्व॒त्वाय॑ । दे॒वता॑ना॒-मनि॑र्भागाय ॥ दे॒वा वै ब्रह्म॑ण॒श्चान्न॑स्य च॒ शम॑ल॒मपा᳚घ्नन्न् । य-द्ब्रह्म॑ण॒-श्शम॑ल॒मासी᳚त् । सा गाथा॑ नाराश॒ग्ग्॒स्य॑ भवत् । यदन्न॑स्य । सा सुरा᳚ ॥ 13 ॥

तस्मा॒-द्गाय॑तश्च म॒त्तस्य॑ च॒ न प्र॑ति॒गृह्य᳚म् । य-त्प्र॑तिगृह्णी॒यात् । शम॑ल॒-म्प्रति॑गृह्णीयात् ॥ सर्वा॒ वा ए॒तस्य॒ वाचो ऽव॑रुद्धाः । यो वा॑जपेयया॒जी । या पृ॑थि॒व्यां-याँ-ऽग्नौ या र॑थन्त॒रे । या-ऽन्तरि॑क्षे॒ या वा॒यौ या वा॑मदे॒व्ये । या दि॒वि या-ऽऽदि॒त्ये या बृ॑ह॒ति । या-ऽफ्सु यौष॑धीषु॒ या वन॒स्पति॑षु ॥ तस्मा᳚-द्वाजपेयया॒ज्यार्त्वि॑जीनः । सर्वा॒ ह्य॑स्य॒ वाचो ऽव॑रुद्धाः ॥ 14 ॥

(धा॒वा॒मेति॒ - ज्यैष्ठ्या॑य॒ - वेद॑ - ब्र॒ह्मा जा॑यते-वाज॒पेयः॒-सुरा-ऽऽर्त्वि॑जीन॒ एकं॑ च ) (अ. 2)

अनुवाकं 3 - तस्यग्रहविशेषाः

दे॒वा वै यद॒न्यै-र्ग्रहै᳚-र्य॒ज्ञस्य॒ नावारु॑न्धत । तद॑तिग्रा॒ह्यै॑-रति॒गृह्या-वा॑रुन्धत । तद॑तिग्रा॒ह्या॑णा-मतिग्राह्य॒त्वम् ॥ यद॑तिग्रा॒ह्या॑ गृ॒ह्यन्ते᳚ । यदे॒वान्यै-र्ग्रहै᳚-र्य॒ज्ञस्य॒ नाव॑रु॒न्धे । तदे॒व तैर॑ति॒गृह्या-व॑रुन्धे ॥ पञ्च॑ गृह्यन्ते । पाङ्क्तो॑ य॒ज्ञः । यावा॑ने॒व य॒ज्ञः । तमा॒प्त्वा ऽव॑रुन्धे ॥ 15 ॥

सर्व॑ ऐ॒न्द्रा भ॑वन्ति । ए॒क॒धैव यज॑मान इन्द्रि॒य-न्द॑धति ॥ स॒प्तद॑श प्राजाप॒त्या ग्रहा॑ गृह्यन्ते । स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ एक॑य॒र्चा गृ॑ह्णाति । ए॒क॒धैव यज॑माने वी॒र्य॑-न्दधाति ॥ सो॒म॒ग्र॒हाग्श्च॑ सुराग्र॒हाग्श्च॑ गृह्णाति । ए॒त-द्वै दे॒वाना᳚-म्पर॒ममन्न᳚म् । य-थ्सोमः॑ ॥ 16 ॥

ए॒त-न्म॑नु॒ष्या॑णाम् । य-थ्सुरा᳚ । प॒र॒मेणै॒वास्मा॑ अ॒न्नाद्ये॒नाव॑र-म॒न्नाद्य॒-मव॑रुन्धे ॥ सो॒म॒ग्र॒हा-न्गृ॑ह्णाति । ब्रह्म॑णो॒ वा ए॒त-त्तेजः॑ । य-थ्सोमः॑ । ब्रह्म॑ण ए॒व तेज॑सा॒ तेजो॒ यज॑माने दधाति । सु॒रा॒ग्र॒हा-न्गृ॑ह्णाति । अन्न॑स्य॒ वा ए॒तच्छम॑लम् । य-थ्सुरा᳚ ॥ 17 ॥

अन्न॑स्यै॒व शम॑लेन॒ शम॑लं॒-यँज॑माना॒-दप॑हन्ति ॥ सो॒म॒ग्र॒हाग्श्च॑ सुराग्र॒हाग्श्च॑ गृह्णाति । पुमा॒न्॒. वै सोमः॑ । स्त्री सुरा᳚ । त-न्मि॑थु॒नम् । मि॒थु॒नमे॒वास्य॒ त-द्य॒ज्ञे क॑रोति प्र॒जन॑नाय । आ॒त्मान॑मे॒व सो॑मग्र॒है-स्स्पृ॑णोति । जा॒याग्ं सु॑रा ग्र॒हैः । तस्मा᳚-द्वाजपेयया॒ज्य॑मुष्मि॑ँल्लो॒के स्त्रिय॒ग्ं॒ सम्भ॑वति । वा॒ज॒पेया॑-भिजित॒ग्ग्॒ ह्य॑स्य ॥ 18 ॥

पूर्वे॑ सोमग्र॒हा गृ॑ह्यन्ते । अप॑रे सुराग्र॒हाः । पु॒रो॒क्षग्ं सो॑मग्र॒हान्थ्- सा॑दयति । प॒श्चा॒द॒क्षग्ं सु॑राग्र॒हान् । पा॒प॒व॒स्य॒सस्य॒ विधृ॑त्यै ॥ ए॒ष वै यज॑मानः । य-थ्सोमः॑ । अन्न॒ग्ं॒ सुरा᳚ । सो॒म॒ग्र॒हाग्श्च॑ सुराग्र॒हाग्श्च॒ व्यति॑षजति । अ॒न्नाद्ये॑नै॒वैनं॒-व्यँति॑षजति ॥ 19 ॥

स॒पृञ्चः॑ स्थ॒ स-म्मा॑ भ॒द्रेण॑ पृ॒ङ्क्तेत्या॑ह । अन्नं॒-वैँ भ॒द्रम् । अ॒न्नाद्ये॑नै॒वैन॒ग्ं॒ सग्ंसृ॑जति ॥ अन्न॑स्य॒ वा ए॒तच्छम॑लम् । य-थ्सुरा᳚ । पा॒प्मॆव॒ खलु॒ वै शम॑लम् । पा॒प्मना॒ वा ए॑नमे॒तच्छम॑लेन॒ व्यति॑षजति । य-थ्सो॑मग्र॒हाग्श्च॑ सुराग्र॒हाग्श्च॑ व्यति॒षज॑ति ॥ वि॒पृचः॑ स्थ॒ वि मा॑ पा॒प्मना॑ पृ॒ङ्क्तेत्या॑ह । पा॒प्मनै॒वैन॒ग्ं॒ शम॑लेन॒ व्याव॑र्तयति ॥ 20 ॥

तस्मा᳚-द्वाजपेयया॒जी पू॒तो मेद्ध्यो॑ दक्षि॒ण्यः॑ ॥ प्रांउ-द्द्र॑वति सोमग्र॒हैः । अ॒मुमे॒व तै-र्लो॒क-म॒भिज॑यति । प्र॒त्यङ्ख्सु॑रा ग्र॒हैः । इ॒ममे॒व तै-र्लो॒क-म॒भिज॑यति ॥ प्रति॑ष्ठन्ति सोमग्र॒हैः । याव॑दे॒व स॒त्यम् । तेन॑ सूयते ॥ वा॒ज॒सृद्भ्यः॑ सुराग्र॒हान्. ह॑रन्ति । अनृ॑तेनै॒व विश॒ग्ं॒ सग्ंसृ॑जति ॥ हि॒र॒ण्य॒पा॒त्र-म्मधोः᳚ पू॒र्ण-न्द॑दाति । म॒ध॒व्यो॑-ऽसा॒नीति॑ ॥ ए॒क॒धा ब्र॒ह्मण॒ उप॑ हरति । ए॒क॒धैव यज॑मान॒ आयु॒स्तेजो॑ दधाति ॥ 21 ॥

(आ॒प्त्वा-ऽव॑रुन्धे॒ - सोमः॒ - शम॑लं॒-यँ-थ्सुरा॒ - ह्य॑-स्यैनं॒-व्यँति॑षजति॒ - व्याव॑र्तयति - सृजति च॒त्वारि॑ च ) (अ. 3)

अनुवाकं 4 - पशव-स्सप्तदश

ब्र॒ह्म॒वा॒दिनो॑ वदन्ति । नाग्नि॑ष्टो॒मो नोक्थ्यः॑ । न षो॑ड॒शी नाति॑रा॒त्रः । अथ॒ कस्मा᳚-द्वाज॒पेये॒ सर्वे॑ यज्ञक्र॒तवो-ऽव॑रुद्ध्यन्त॒ इति॑ । प॒शुभि॒रिति॑ ब्रूयात् ॥ आ॒ग्ने॒य-म्प॒शुमाल॑भते । अ॒ग्नि॒ष्टो॒ममे॒व तेनाव॑रुन्धे । ऐ॒न्द्रा॒ग्नेनो॒क्थ्य᳚म् । ऐ॒न्द्रेण॑ षोड॒शिनः॑ स्तो॒त्रम् । सा॒र॒स्व॒त्या-ऽति॑रा॒त्रम् ॥ 22 ॥

मा॒रु॒त्या बृ॑ह॒त-स्स्तो॒त्रम् । ए॒ताव॑न्तो॒ वै य॑ज्ञक्र॒तवः॑ । ता-न्प॒शुभि॑रे॒वा-व॑रुन्धे ॥ आ॒त्मान॑मे॒व स्पृ॑णो-त्यग्निष्टो॒मेन॑ । प्रा॒णा॒पा॒ना-वु॒क्थ्ये॑न । वी॒र्यग्ं॑ षोड॒शिनः॑ स्तो॒त्रेण॑ । वाच॑-मतिरा॒त्रेण॑ । प्र॒जा-म्बृ॑ह॒त-स्स्तो॒त्रेण॑ । इ॒ममे॒व लो॒कम॒भि ज॑यत्यग्निष्टो॒मेन॑ । अ॒न्तरि॑क्ष-मु॒क्थ्ये॑न ॥ 23 ॥

सु॒व॒र्गं-लोँ॒कग्ं षो॑ड॒शिनः॑ स्तो॒त्रेण॑ । दे॒व॒याना॑ने॒व प॒थ आरो॑ह-त्यतिरा॒त्रेण॑ । नाकग्ं॑ रोहति बृह॒त-स्स्तो॒त्रेण॑ । तेज॑ ए॒वात्म-न्ध॑त्त आग्ने॒येन॑ प॒शुना᳚ । ओजो॒ बल॑मैन्द्रा॒ग्नेन॑ । इ॒न्द्रि॒य-मै॒न्द्रेण॑ । वाचग्ं॑ सारस्व॒त्या । उ॒भावे॒व दे॑वलो॒क-ञ्च॑ मनुष्यलो॒क-ञ्चा॒भिज॑यति मारु॒त्या व॒शया᳚ ॥ स॒प्तद॑श प्राजाप॒त्या-न्प॒शूनाल॑भते । स॒प्त॒द॒शः प्र॒जाप॑तिः ॥ 24 ॥

प्र॒जाप॑ते॒राप्त्यै᳚ ॥ श्या॒मा एक॑रूपा भवन्ति । ए॒वमि॑व॒ हि प्र॒जाप॑ति॒-स्समृ॑द्ध्यै ॥ ता-न्पर्य॑ग्निकृता॒-नुथ्सृ॑जति ॥ म॒रुतो॑ य॒ज्ञम॑जिघाग्ंस-न्प्र॒जाप॑तेः । तेभ्य॑ ए॒ता-म्मा॑रु॒तीं-वँ॒शामाल॑भत । तयै॒वैना॑-नशमयत् ॥ मा॒रु॒त्या प्र॒चर्य॑ । ए॒तान्-थ्सञ्ज्ञ॑पयेत् । म॒रुत॑ ए॒व श॑मयि॒त्वा ॥ 25 ॥

ए॒तैः प्रच॑रति । य॒ज्ञस्याघा॑ताय ॥ ए॒क॒धा व॒पा जु॑होति । ए॒क॒दे॒व॒त्या॑ हि । ए॒ते । अथो॑ एक॒धैव यज॑माने वी॒र्य॑-न्दधाति ॥ नै॒वा॒रेण॑ स॒प्तद॑शशरावे-णै॒तर्हि॒ प्रच॑रति । ए॒त-त्पु॑रोडाशा॒ ह्ये॑ते । अथो॑ पशू॒नामे॒व छि॒द्रमपि॑दधाति ॥ सा॒र॒स्व॒त्योत्त॒मया॒ प्रच॑रति । वाग् वै सर॑स्वती । तस्मा᳚-त्प्रा॒णानां॒-वाँगु॑त्त॒मा । अथो᳚ प्र॒जाप॑तावे॒व य॒ज्ञ-म्प्रति॑ष्ठापयति । प्र॒जाप॑ति॒र्॒ हि वाक् ॥ अप॑न्नदती भवति । तस्मा᳚-न्मनु॒ष्या᳚-स्सर्वां॒-वाँचं॑-वँदन्ति ॥ 26 ॥

(अ॒ति॒रा॒त्र - म॒न्तरि॑क्षमु॒क्थ्ये॑न - प्र॒जाप॑तिः - शमयि॒त्वोत् - त॒मया॒ प्रच॑रति॒ षट् च॑) (अ. 4)

अनुवाकं 5 - रथयाजनम्

सा॒वि॒त्र-ञ्जु॑होति॒ कर्म॑णः कर्मणः पु॒रस्ता᳚त् ॥ कस्त-द्वे॒देत्या॑हुः । य-द्वा॑ज॒पेय॑स्य॒ पूर्वं॒-यँदप॑र॒मिति॑ । स॒वि॒तृप्र॑सूत ए॒व य॑थापू॒र्व-ङ्कर्मा॑णि करोति ॥ सव॑ने सवने जुहोति । आ॒क्रम॑णमे॒व त-थ्सेतुं॒-यँज॑मानः कुरुते । सु॒व॒र्गस्य॑ लो॒कस्य॒ सम॑ष्ट्यै ॥ वा॒चस्पति॒-र्वाच॑म॒द्य स्व॑दाति न॒ इत्या॑ह । वाग्वै दे॒वाना᳚-म्पु॒रा-ऽन्न॑मासीत् । वाच॑मे॒वास्मा॒ अन्नग्ग्॑ स्वदयति ॥ 27 ॥

इन्द्र॑स्य॒ वज्रो॑-ऽसि॒ वार्त्र॑घ्न॒ इति॒ रथ॑मु॒पाव॑हरति॒ विजि॑त्यै ॥ वाज॑स्य॒ नु प्र॑स॒वे मा॒तर॑-म्म॒हीमित्या॑ह । यच्चै॒वेयम् । यच्चा॒स्यामधि॑ । तदे॒वा-व॑रुन्धे । अथो॒ तस्मि॑न्ने॒वोभये॒-ऽभिषि॑च्यते ॥ अ॒फ्स्व॑न्तर॒-मृत॑म॒फ्सु भे॑ष॒जमित्यश्वा᳚-न्पल्पूलयति । अ॒फ्सु वा अश्व॑स्य॒ तृती॑य॒-म्प्रवि॑ष्टम् । तद॑नु॒वेन॒न्वव॑प्लवते । यद॒फ्सु प॑ल्पू॒लय॑ति ॥ 28 ॥

यदे॒वास्या॒फ्सु प्रवि॑ष्टम् । तदे॒वाव॑रुन्धे ॥ ब॒हु वा अश्वो॑-ऽमे॒द्ध्य-मुप॑गच्छति । यद॒फ्सु प॑ल्पू॒लय॑ति । मेद्ध्या॑ने॒वैना᳚न् करोति ॥ वा॒युर्वा᳚ त्वा॒ मनु॑र्वा॒ त्वेत्या॑ह । ए॒ता वा ए॒त-न्दे॒वता॒ अग्रे॒ अश्व॑मयुञ्जन्न् । ताभि॑रे॒वैनान्॑. युनक्ति । स॒वस्योज्जि॑त्यै ॥ यजु॑षा युनक्ति॒ व्यावृ॑त्त्यै ॥ 29 ॥

अपा᳚-न्न पादाशुहेम॒न्निति॒ सम्मा᳚र्ष्टि । मेद्ध्या॑ने॒वैना᳚न् करोति । अथो॒ स्तौत्ये॒वैना॑ना॒जिग्ं स॑रिष्य॒तः ॥ वि॒ष्णु॒ क्र॒मान् क्र॑मते । विष्णु॑रे॒व भू॒त्वेमाँल्लो॒का-न॒भिज॑यति ॥ वै॒श्व॒दे॒वो वै रथः॑ । अ॒ङ्कौ न्य॒ङ्काव॒भितो॒ रथं॒-याँवित्या॑ह । या ए॒व दे॒वता॒ रथे॒ प्रवि॑ष्टाः । ताभ्य॑ ए॒व नम॑स्करोति । आ॒त्मनो-ऽना᳚र्त्यै ॥ अश॑मरथ-म्भावुको-ऽस्य॒ रथो॑ भवति । य ए॒वं-वेँद॑ ॥ 30 ॥

(स्व॒द॒य॒ति॒ - प॒ल्पू॒लय॑ति॒ - व्यावृ॑त्त्या॒ - अना᳚र्त्यै॒ द्वे च॑) (अ. 5)

अनुवाकं 6 - रथधावनम्

दे॒वस्या॒हग्ं स॑वि॒तुः प्र॑स॒वे बृह॒स्पति॑ना वाज॒जिता॒ वाज॑-ञ्जेष॒मित्या॑ह । स॒वि॒तृप्र॑सूत ए॒व ब्रह्म॑णा॒ वाज॒मुज्ज॑यति ॥ दे॒वस्या॒हग्ं स॑वि॒तुः प्र॑स॒वे बृह॒स्पति॑ना वाज॒जिता॒ वर्षि॑ष्ठ॒-न्नाकग्ं॑ रुहेय॒मित्या॑ह । स॒वि॒तृप्र॑सूत ए॒व ब्रह्म॑णा॒ वर्षि॑ष्ठ॒-न्नाकग्ं॑ रोहति ॥ चात्वा॑ले रथच॒क्र-न्निमि॑तग्ं रोहति । अतो॒ वा अङ्गि॑रस उत्त॒मा-स्सु॑व॒र्गं-लोँ॒कमा॑यन्न् । सा॒क्षादे॒व यज॑मान-स्सुव॒र्गं-लोँ॒कमे॑ति ॥ आवे᳚ष्टयति । वज्रो॒ वै रथः॑ । वज्रे॑णै॒व दिशो॒-ऽभिज॑यति ॥ 31 ॥

वा॒जिना॒ग्ं॒ साम॑ गायते । अन्नं॒-वैँ वाजः॑ । अन्न॑मे॒-वाव॑रुन्धे ॥ वा॒चो वर्ष्म॑ दे॒वेभ्यो-ऽपा᳚क्रामत् । त-द्वन॒स्पती॒-न्प्रावि॑शत् । सैषा वाग्-वन॒स्पति॑षु वदति । या दु॑न्दु॒भौ । तस्मा᳚-द्दुन्दु॒भि-स्सर्वा॒ वाचोति॑ वदति ॥ दु॒न्दु॒भीन्-थ्स॒माघ्न॑न्ति । प॒र॒मा वा ए॒षा वाक् ॥ 32 ॥

या दु॑न्दु॒भौ । प॒र॒मयै॒व वा॒चा-ऽव॑रां॒-वाँच॒म-व॑रुन्धे । अथो॑ वा॒च ए॒व वर्ष्म॒ यज॑मा॒नो ऽव॑रुन्धे ॥ इन्द्रा॑य॒ वाचं॑-वँद॒तेन्द्रं॒-वाँज॑-ञ्जापय॒तेन्द्रो॒ वाज॑मजयि॒-दित्या॑ह । ए॒ष वा ए॒तर्हीन्द्रः॑ । यो यज॑ते । यज॑मान ए॒व वाज॒मुज्ज॑यति ॥ स॒प्तद॑श प्रव्या॒धाना॒जि-न्धा॑वन्ति । स॒प्त॒द॒शग्ग् स्तो॒त्र-म्भ॑वति । स॒प्तद॑श सप्तदश दीयन्ते ॥ 33 ॥

स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ अर्वा॑-ऽसि॒ सप्ति॑रसि वा॒ज्य॑सीत्या॑ह । अ॒ग्निर्वा अर्वा᳚ । वा॒यु-स्सप्तिः॑ । आ॒दि॒त्यो वा॒जी । ए॒ताभि॑रे॒वास्मै॑ दे॒वता॑भि-र्देवर॒थं-युँ॑नक्ति ॥ प्र॒ष्टि॒वा॒हिनं॑-युँनक्ति । प्र॒ष्टि॒वा॒ही वै दे॑वर॒थः । दे॒व॒र॒थमे॒वास्मै॑ युनक्ति ॥ 34 ॥

वाजि॑नो॒ वाज॑-न्धावत॒ काष्ठा᳚-ङ्गच्छ॒तेत्या॑ह । सु॒व॒र्गो वै लो॒कः काष्ठा᳚ । सु॒व॒र्गमे॒व लो॒कं-यँ॑न्ति ॥ सु॒व॒र्गं-वाँ ए॒ते लो॒कं-यँ॑न्ति । य आ॒जि-न्धाव॑न्ति ॥ प्राञ्चो॑ धावन्ति । प्रांइ॑व॒ हि सु॑व॒र्गो लो॒कः ॥ च॒त॒सृभि॒रनु॑ मन्त्रयते । च॒त्वारि॒ छन्दाग्ं॑सि । छन्दो॑भिरे॒वैना᳚न्-थ्सुव॒र्गं-लोँ॒क-ङ्ग॑मयति ॥ 35 ॥

प्र वा ए॒ते᳚-ऽस्माल्-लो॒काच्च्य॑वन्ते । य आ॒जि-न्धाव॑न्ति । उद॑ञ्च॒ आव॑र्तन्ते । अ॒स्मादे॒व तेन॑ लो॒कान्नय॑न्ति ॥ र॒थ॒वि॒मो॒च॒नीय॑-ञ्जुहोति॒ प्रति॑ष्ठित्यै ॥ आ मा॒ वाज॑स्य प्रस॒वो ज॑गम्या॒दित्या॑ह । अन्नं॒-वैँ वाजः॑ । अन्न॑मे॒वाव॑रुन्धे ॥ य॒था॒लो॒कं-वाँ ए॒त उज्ज॑यन्ति । य आ॒जि-न्धाव॑न्ति ॥ 36 ॥

कृ॒ष्णल॑-ङ्कृष्णलं-वाँज॒सृद्भ्यः॒ प्रय॑च्छति । यमे॒व ते वाजं॑-लोँ॒कमु॒ज्जय॑न्ति । त-म्प॑रि॒क्रीया-व॑रुन्धे ॥ ए॒क॒धा ब्र॒ह्मण॒ उप॑हरति । ए॒क॒धैव यज॑माने वी॒र्य॑-न्दधाति ॥ दे॒वा वा ओष॑धीष्वा॒जिम॑युः । ता बृह॒स्पति॒-रुद॑जयत् । स नी॒वारा॒न्निर॑वृणीत । तन्नी॒वारा॑णा-न्नीवार॒त्वम् ॥ नै॒वा॒रश्च॒रु-र्भ॑वति ॥ 37 ॥

ए॒तद्वै दे॒वाना᳚-म्पर॒ममन्न᳚म् । यन्नी॒वाराः᳚ । प॒र॒मेणै॒वास्मा॑ अ॒न्नाद्ये॒-नाव॑र-म॒न्नाद्य॒मव॑रुन्धे ॥ स॒प्तद॑शशरावो भवति । स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ क्षी॒रे भ॑वति । रुच॑मे॒वास्मि॑न्-दधाति ॥ स॒र्पिष्वा᳚-न्भवति मेद्ध्य॒त्वाय॑ ॥ बा॒र्॒ह॒स्प॒त्यो वा ए॒ष दे॒वत॑या ॥ 38 ॥

यो वा॑ज॒पेये॑न॒ यज॑ते । बा॒र्॒ह॒स्प॒त्य ए॒ष च॒रुः ॥ अश्वा᳚न्-थ्सरिष्य॒त-स्स॒स्रुष॒श्चाव॑-घ्रापयति । यमे॒व ते वाजं॑-लोँ॒कमु॒ज्जय॑न्ति । तमे॒वाव॑रुन्धे ॥ अजी॑जिपत वनस्पतय॒ इन्द्रं॒-वाँजं॒-विँमु॑च्यद्ध्व॒मिति॑ दुन्दु॒भीन्. विमु॑ञ्चति । यमे॒व ते वाजं॑-लोँ॒कमि॑न्द्रि॒य-न्दु॑न्दु॒भय॑ उ॒ज्जय॑न्ति । तमे॒वा-व॑रुन्धे ॥ 39 ॥

(अ॒भिज॑यति॒ - वा ए॒षा वाग् - दी॑यन्ते - ऽस्मै युनक्ति - गमयति॒ - य आ॒जि-न्धाव॑न्ति - भवति - दे॒वत॑या॒ - +-ऽष्टौ च॑) (अ. 6)

अनुवाकं 7 - यूपारोहणम्

ता॒र्प्यं-यँज॑मान॒-म्परि॑धापयति । य॒ज्ञो वै ता॒र्प्यम् । य॒ज्ञेनै॒वैन॒ग्ं॒ सम॑र्धयति । द॒र्भ॒मय॒-म्परि॑धापयति । प॒वित्रं॒-वैँ द॒र्भाः । पु॒नात्ये॒वैन᳚म् । वाजं॒-वाँ ए॒षो-ऽव॑रुरुथ्सते । यो वा॑ज॒पेये॑न॒ यज॑ते । ओष॑धयः॒ खलु॒ वै वाजः॑ । य-द्द॑र्भ॒मय॑-म्परिधा॒पय॑ति ॥ 40 ॥

वाज॒स्याव॑-रुद्ध्यै ॥ जाय॒ एहि॒ सुवो॒ रोहा॒वेत्या॑ह । पत्नि॑या ए॒वैष य॒ज्ञस्या᳚न्-वार॒म्भो-ऽन॑वच्छित्यै ॥ स॒प्तद॑शा-रत्नि॒र्यूपो॑ भवति । स॒प्त॒द॒शः प्र॒जाप॑तिः । प्र॒जाप॑ते॒राप्त्यै᳚ ॥ तू॒प॒र-श्चतु॑रश्रि-र्भवति ॥ गौ॒धू॒म-ञ्च॒षाल᳚म् । न वा ए॒ते व्री॒हयो॒ न यवाः᳚ । य-द्गो॒धूमाः᳚ ॥ 41 ॥

ए॒वमि॑व॒ हि प्र॒जाप॑ति॒-स्समृ॑द्ध्यै । अथो॑ अ॒मुमे॒वास्मै॑ लो॒कमन्न॑वन्त-ङ्करोति ॥ वासो॑भि-र्वेष्टयति । ए॒ष वै यज॑मानः । यद्यूपः॑ । स॒र्व॒दे॒व॒त्यं॑-वाँसः॑ । सर्वा॑भिरे॒वैन॑-न्दे॒वता॑भि॒-स्सम॑र्धयति । अथो॑ आ॒क्रम॑णमे॒व तथ्सेतुं॒-यँज॑मानः कुरुते । सु॒व॒र्गस्य॑ लो॒कस्य॒ सम॑ष्ट्यै ॥ द्वाद॑श वाजप्रस॒वीया॑नि जुहोति ॥ 42 ॥

द्वाद॑श॒ मासा᳚-स्संवँथ्स॒रः । सं॒वँ॒थ्स॒रमे॒व प्री॑णाति । अथो॑ संवँथ्स॒रमे॒वास्मा॒ उप॑ दधाति । सु॒व॒र्गस्य॑ लो॒कस्य॒ सम॑ष्ट्यै ॥ द॒शभिः॒ कल्पै॑ रोहति । नव॒ वै पुरु॑षे प्रा॒णाः । नाभि॑र्दश॒मी । प्रा॒णाने॒व य॑थास्था॒न-ङ्क॑ल्पयि॒त्वा । सु॒व॒र्गं-लोँ॒कमे॑ति । ए॒ताव॒द्वै पुरु॑षस्य॒ स्वम् ॥ 43 ॥

याव॑त्-प्रा॒णाः । याव॑दे॒वास्यास्ति॑ । तेन॑ स॒ह सु॑व॒र्गं-लोँ॒कमे॑ति ॥ सुव॑र्दे॒वाग्ं अ॑ग॒न्मेत्या॑ह । सु॒व॒र्गमे॒व लो॒कमे॑ति । अ॒मृता॑ अभू॒मेत्या॑ह । अ॒मृत॑मिव॒ हि सु॑व॒र्गो लो॒कः । प्र॒जाप॑तेः प्र॒जा अ॑भू॒मेत्या॑ह । प्रा॒जा॒प॒त्यो वा अ॒यं-लोँ॒कः । अ॒स्मादे॒व तेन॑ लो॒कान्नैति॑ ॥ 44 ॥

सम॒ह-म्प्र॒जया॒ स-म्मया᳚ प्र॒जेत्या॑ह । आ॒शिष॑मे॒वैता-माशा᳚स्ते ॥ आ॒स॒पु॒टै-र्घ्न॑न्ति । अन्नं॒-वाँ इ॒यम् । अ॒न्नाद्ये॑नै॒वैन॒ग्ं॒ सम॑र्धयन्ति । ऊषै᳚-र्घ्नन्ति । ए॒ते हि सा॒क्षादन्न᳚म् । यदूषाः᳚ । सा॒क्षादे॒वैन॑-म॒न्नाद्ये॑न॒ सम॑र्धयन्ति ॥ पु॒रस्ता᳚त्-प्र॒त्यञ्च᳚-ङ्घ्नन्ति ॥ 45 ॥

पु॒रस्ता॒द्धि प्र॑ती॒चीन॒-मन्न॑म॒द्यते᳚ ॥ शी॒र्॒ष॒तो घ्न॑न्ति । शी॒र्॒ष॒तो ह्यन्न॑म॒द्यते᳚ ॥ दि॒ग्भ्यो घ्न॑न्ति । दि॒ग्भ्य ए॒वास्मा॑ अ॒न्नाद्य॒-मव॑रुन्धते ॥ ई॒श्व॒रो वा ए॒ष परां᳚-प्र॒दघः॑ । यो यूप॒ग्ं॒ रोह॑ति ॥ हिर॑ण्यम॒द्ध्य-व॑रोहति । अ॒मृतं॒-वैँ हिर॑ण्यम् । अ॒मृतग्ं॑ सुव॒र्गो लो॒कः ॥ 46 ॥

अ॒मृत॑ ए॒व सु॑व॒र्गे लो॒के प्रति॑ तिष्ठति ॥ श॒तमा॑न-म्भवति । श॒तायुः॒ पुरु॑ष-श्श॒तेन्द्रि॑यः । आयु॑ष्ये॒वेन्द्रि॒ये प्रति॑ तिष्ठति ॥ पुष्ट्यै॒ वा ए॒त-द्रू॒पम् । यद॒जा । त्रि-स्सं॑वँथ्स॒रस्या॒न्यान्-प॒शू-न्परि॒ प्रजा॑यते ॥ ब॒स्ता॒जि॒न-म॒द्ध्यव॑ रोहति । पुष्ट्या॑मे॒व प्र॒जन॑ने॒ प्रति॑तिष्ठति ॥ 47 ॥

(प॒रि॒धा॒पय॑ति - गो॒धूमा॑ - जुहोति॒ - स्वं - नैति॑ - प्र॒त्यञ्ज॑-ङ्घ्नन्ति - लो॒को - +नव॑ च (अ. 7)

अनुवाकं 8 - अन्नहोमाः, अभिषेकश्च

स॒प्तान्न॑-हो॒माञ्जु॑होति । स॒प्त वा अन्ना॑नि । याव॑न्त्ये॒वान्ना॑नि । तान्ये॒वाव॑रुन्धे । स॒प्त ग्रा॒म्या ओष॑धयः । स॒प्तार॒ण्याः । उ॒भयी॑षा॒-मव॑रुद्ध्यै ॥ अन्न॑स्या-न्नस्य जुहोति । अन्न॑स्यान्न॒स्या-व॑रुद्ध्यै ॥ य-द्वा॑जपेयया॒ज्य-न॑वरुद्धस्याश्ञी॒यात् ॥ 48 ॥

अव॑रुद्धेन॒ व्यृ॑द्ध्येत । सर्व॑स्य समव॒दाय॑ जुहोति । अन॑वरुद्ध॒-स्याव॑रुद्ध्यै ॥ औदु॑म्बरेण स्रु॒वेण॑ जुहोति । ऊर्ग्वा अन्न॑-मुदु॒म्बरः॑ । ऊ॒र्ज ए॒वान्नाद्य॒स्याव॑रुद्ध्यै ॥ दे॒वस्य॑ त्वा सवि॒तुः प्र॑स॒व इत्या॑ह । स॒वि॒तृ प्र॑सूत ए॒वैन॒-म्ब्रह्म॑णा दे॒वता॑भि-र॒भिषि॑ञ्चति ॥ अन्न॑स्यान्नस्या॒भिषि॑ञ्चति । अन्न॑स्यान्न॒स्याव॑रुद्ध्यै ॥ 49 ॥

पु॒रस्ता᳚त्-प्र॒त्यञ्च॑-म॒भिषि॑ञ्चति । पु॒रस्ता॒द्धि-प्र॑ती॒चीन॒-मन्न॑म॒द्यते᳚ । शी॒र्॒ष॒तो॑-ऽभिषि॑ञ्चति । शी॒र्॒ष॒तो ह्यन्न॑म॒द्यते᳚ ॥ आमुखा॑द॒न्वव॑ स्रावयति । मु॒ख॒त ए॒वास्मा॑ अ॒न्नाद्य॑-न्दधाति ॥ अ॒ग्नेस्त्वा॒ साम्रा᳚ज्येना॒भिषि॑ञ्चा॒मीत्या॑ह । ए॒ष वा अ॒ग्ने-स्स॒वः । तेनै॒वैन॑-म॒भिषि॑ञ्चति । इन्द्र॑स्य त्वा॒ साम्रा᳚ज्येना॒भिषि॑ञ्चा॒मीत्या॑ह ॥ 50 ॥

इ॒न्द्रि॒य-मे॒वास्मि॑-न्ने॒तेन॑ दधाति । बृह॒स्पते᳚स्त्वा॒ साम्रा᳚ज्येना॒भिषि॑ञ्चा॒-मीत्या॑ह । ब्रह्म॒ वै दे॒वाना॒-म्बृह॒स्पतिः॑ । ब्रह्म॑णै॒वैन॑-म॒भिषि॑ञ्चति ॥ सो॒म॒ग्र॒हाग्श्चा॑-वदानी॒यानि॑ च॒र्त्विग्भ्य॒ उप॑ हरन्ति । अ॒मुमे॒व तै-र्लो॒क-मन्न॑वन्त-ङ्करोति । सु॒रा॒ग्र॒हाग्श्चा॑-नवदानी॒यानि॑ च वाज॒सृद्भ्यः॑ । इ॒ममे॒व तै-र्लो॒क-मन्न॑वन्त-ङ्करोति । अथो॑ उ॒भयी᳚ष्वे॒वाभिषि॑च्यते ॥ वि॒मा॒थ-ङ्कु॑र्वते वाज॒सृतः॑ ॥ 51 ॥

इ॒न्द्रि॒यस्याव॑रुद्ध्यै ॥ अनि॑रुक्ताभिः प्रातस्सव॒ने स्तु॑वते । अनि॑रुक्तः प्र॒जाप॑तिः । प्र॒जाप॑ते॒राप्त्यै᳚ । वाज॑वतीभि॒-र्माद्ध्य॑न्दिने । अन्नं॒-वैँ वाजः॑ । अन्न॑मे॒वा-व॑रुन्धे । शि॒पि॒वि॒ष्टव॑तीभि-स्तृतीयसव॒ने । य॒ज्ञो वै विष्णुः॑ । प॒शव॒-श्शिपिः॑ । य॒ज्ञ ए॒व प॒शुषु॒ प्रति॑ तिष्ठति ॥ बृ॒हदन्त्य॑-म्भवति । अन्त॑मे॒वैनग्ग्॑ श्रि॒यै ग॑मयति ॥ 52 ॥

(अ॒श्ञी॒या - दन्न॑स्यान्न॒स्या व॑रुद्ध्या॒ - इन्द्र॑स्य त्वा॒ साम्रा᳚ज्येना॒भिषि॑ञ्चा॒ मीत्या॑ह-वाज॒सृतः॒ - शिपि॒ स्त्रीणि॑ च) (अ. 8)

अनुवाकं 9 - अतिग्राह्याः, पञ्चैन्द्राः

नृ॒षद॒-न्त्वेत्या॑ह । प्र॒जा वै नॄन् । प्र॒जाना॑मे॒वैतेन॑ सूयते । द्रु॒षद॒मित्या॑ह । वन॒स्पत॑यो॒ वै द्रु । वन॒स्पती॑नामे॒वै तेन॑ सूयते । भु॒व॒न॒सद॒-मित्या॑ह । य॒दा वै वसी॑या॒-न्भव॑ति । भुव॑नमग॒न्निति॒ वै तमा॑हुः । भुव॑नमे॒वैतेन॑ गच्छति ॥ 53 ॥

अ॒फ्सु॒षद॑-न्त्वा घृत॒सद॒-मित्या॑ह । अ॒पामे॒वैतेन॑ घृ॒तस्य॑ सूयते । व्यो॒म॒सद॒-मित्या॑ह । य॒दा वै वसी॑या॒-न्भव॑ति । व्यो॑माग॒न्निति॒ वै तमा॑हुः । व्यो॑मै॒वैतेन॑ गच्छति ॥ पृ॒थि॒वि॒षद॑-न्त्वा-ऽन्तरिक्ष॒सद॒-मित्या॑ह । ए॒षामे॒वैतेन॑ लो॒कानाग्ं॑ सूयते । तस्मा᳚-द्वाजपे-यया॒जी न क-ञ्च॒न प्र॒त्यव॑रोहति । अपी॑व॒ हि दे॒वता॑नाग्ं सू॒यते᳚ ॥ 54 ॥

ना॒क॒सद॒-मित्या॑ह । य॒दावै वसी॑या॒-न्भव॑ति । नाक॑मग॒न्निति॒ वै तमा॑हुः । नाक॑मे॒वैतेन॑ गच्छति ॥ ये ग्रहाः᳚ पञ्चज॒नीना॒ इत्या॑ह । प॒ञ्च॒ज॒नाना॑-मे॒वैतेन॑ सूयते ॥ अ॒पाग्ं रस॒मुद्व॑यस॒-मित्या॑ह । अ॒पामे॒वैतेन॒ रस॑स्य सूयते । सूर्य॑रश्मिग्ं स॒माभृ॑त॒-मित्या॑ह सशुक्र॒त्वाय॑ ॥ 55 ॥

(ग॒च्छ॒ति॒ - सू॒यते॒ - +नव॑ च) (अ. 9)

अनुवाकं 10 - पिण्डपितृयज्ञः दर्शपूर्णमासब्राह्मणशेषः

इन्द्रो वृ॒त्रग्ं ह॒त्वा । असु॑रा-न्परा॒भाव्य॑ । सो॑-ऽमावा॒स्या᳚-म्प्रत्याग॑च्छत् । ते पि॒तरः॑ पूर्वे॒द्यु-राग॑च्छन्न् । पि॒तॄन्. य॒ज्ञो॑-ऽगच्छत् । त-न्दे॒वाः पुन॑रयाचन्त । तमे᳚भ्यो॒ न पुन॑रददुः । ते᳚-ऽब्रुव॒न् वरं॑-वृँणामहै । अथ॑ वः॒ पुन॑र्दास्यामः । अ॒स्मभ्य॑मे॒व पू᳚र्वे॒द्युः क्रि॑याता॒ इति॑ ॥ 56 ॥

तमे᳚भ्यः॒ पुन॑रददुः । तस्मा᳚त्-पि॒तृभ्यः॑ पूर्वे॒द्युः क्रि॑यते । य-त्पि॒तृभ्यः॑ पूर्वे॒द्युः क॒रोति॑ । पि॒तृभ्य॑ ए॒व त-द्य॒ज्ञ-न्नि॒ष्क्रीय॒ यज॑मानः॒ प्रत॑नुते ॥ सोमा॑य पि॒तृपी॑ताय स्व॒धा नम॒ इत्या॑ह । पि॒तुरे॒वाधि॑ सोमपी॒थमव॑ रुन्धे । न हि पि॒ता प्र॒मीय॑माण॒ आहै॒ष सो॑मपी॒थ इति॑ । इ॒न्द्रि॒यं-वैँ सो॑मपी॒थः । इ॒न्द्रि॒यमे॒व सो॑मपी॒थमव॑-रुन्धे । तेन᳚न्द्रि॒येण॑ द्वि॒तीया᳚-ञ्जा॒याम॒भ्य॑श्ञुते ॥ 57 ॥

ए॒त-द्वै ब्राह्म॑ण-म्पु॒रा वा॑जश्रव॒सा वि॒दाम॑क्रन्न् । तस्मा॒-त्ते द्वेद्वे॑ जा॒ये अ॒भ्या᳚क्षत । य ए॒वं-वेँद॑ । अ॒भि द्वि॒तीया᳚-ञ्जा॒याम॑श्ञुते ॥ अ॒ग्नये॑ कव्य॒वाह॑नाय स्व॒धा नम॒ इत्या॑ह । य ए॒व पि॑तृ॒णाम॒ग्निः । त-म्प्री॑णाति ॥ ति॒स्र आहु॑ती-र्जुहोति ॥ त्रिर्निद॑धाति ॥ षट्-थ्सम्प॑द्यन्ते ॥ 58 ॥

षड्वा ऋ॒तवः॑ । ऋ॒तूने॒व प्री॑णाति ॥ तू॒ष्णी-म्मेक्ष॑ण॒-माद॑धाति । अस्ति॑ वा॒ हि ष॒ष्ठ ऋ॒तुर्न वा᳚ ॥ दे॒वान्. वै पि॒तॄ-न्प्री॒तान् । म॒नु॒ष्याः᳚ पि॒तरो-ऽनु॒ प्रपि॑पते । ति॒स्र आहु॑ती-र्जुहोति । त्रिर्निद॑धाति । षट्-थ्सम्प॑द्यन्ते । षड्वा ऋ॒तवः॑ ॥ 59 ॥

ऋ॒तवः॒ खलु॒ वै दे॒वाः पि॒तरः॑ । ऋ॒तूने॒व दे॒वा-न्पि॒तॄ-न्प्री॑णाति । तान्प्री॒तान् । म॒नु॒ष्याः᳚ पि॒तरो-ऽनु॒ प्रपि॑पते ॥ स॒कृ॒दा॒च्छि॒न्न-म्ब॒र्॒हि-र्भ॑वति । स॒कृदि॑व॒ हि पि॒तरः॑ ॥ त्रिर्निद॑धाति । तृ॒तीये॒ वा इ॒तो लो॒के पि॒तरः॑ । ताने॒व प्री॑णाति ॥ परां॒आव॑र्तते ॥ 60 ॥

ह्लीका॒ हि पि॒तरः॑ ॥ ऒष्मणो᳚ व्या॒वृत॒ उपा᳚स्ते । ऊ॒ष्मभा॑गा॒ हि पि॒तरः॑ ॥ ब्र॒ह्म॒वा॒दिनो॑ वदन्ति । प्राश्यां(3)न प्राश्या(3)मिति॑ । य-त्प्रा᳚श्ञी॒यात् । जन्य॒मन्न॑मद्यात् । प्र॒मायु॑क-स्स्यात् । यन्न प्रा᳚श्ञी॒यात् । अह॑वि-स्स्यात् ॥ 61 ॥

पि॒तृभ्य॒ आवृ॑श्च्येत । अ॒व॒घ्रेय॑मे॒व । तन्नेव॒ प्राशि॑त॒-न्नेवाप्रा॑शितम् ॥ वी॒रं-वाँ॒ वै पि॒तरः॑ प्र॒यन्तो॒ हर॑न्ति । वी॒रं-वाँ॑ ददति । द॒शा-ञ्छि॑नत्ति । हर॑णभागा॒ हि पि॒तरः॑ । पि॒तॄने॒व नि॒रव॑दयते ॥ उत्त॑र॒ आयु॑षि॒ लोम॑ छिन्दीत । पि॒तृ॒णाग् ह्ये॑तर्हि॒ नेदी॑यः ॥ 62 ॥

नम॑स्करोति । न॒म॒स्का॒रो हि पि॑तृ॒णाम् ॥ नमो॑ वः पितरो॒ रसा॑य । नमो॑ वः पितर॒-श्शुष्मा॑य । नमो॑ वः पितरो जी॒वाय॑ । नमो॑ वः पितर-स्स्व॒धायै᳚ । नमो॑ वः पितरो म॒न्यवे᳚ । नमो॑ वः पितरो घो॒राय॑ । पित॑रो॒ नमो॑ वः । य ए॒तस्मि॑न् ँलो॒के स्थ ॥ 63 ॥

यु॒ष्माग्स्ते-ऽनु॑ । ये᳚-ऽस्मिँल्लो॒के । मा-न्ते नु॑ । य ए॒तस्मि॑ँल्लो॒के स्थ । यू॒य-न्तेषां॒-वँसि॑ष्ठा भूयास्त । ये᳚-ऽस्मिँल्लो॒के । अ॒ह-न्तेषां॒-वँसि॑ष्ठो भूयास॒मित्या॑ह । वसि॑ष्ठ-स्समा॒नाना᳚-म्भवति । य ए॒वं-विँ॒द्वान्-पि॒तृभ्यः॑ क॒रोति॑ ॥ ए॒ष वै म॑नु॒ष्या॑णां-यँ॒ज्ञः ॥ 64 ॥

दे॒वानां॒-वाँ इत॑रे य॒ज्ञाः । तेन॒ वा ए॒त-त्पि॑तृलो॒के च॑रति ॥ य-त्पि॒तृभ्यः॑ क॒रोति॑ । स ई᳚श्व॒रः प्रमे॑तोः । प्रा॒जा॒प॒त्यय॒र्चा पुन॒रैति॑ । य॒ज्ञो वै प्र॒जाप॑तिः । य॒ज्ञेनै॒व स॒ह पुन॒रैति॑ । न प्र॒मायु॑को भवति ॥ पि॒तृ॒लो॒के वा ए॒त-द्यज॑मानश्चरति । य-त्पि॒तृभ्यः॑ क॒रोति॑ । स ई᳚श्व॒र आर्ति॒मार्तोः᳚ । प्र॒जाप॑ति॒-स्त्वावैन॒-न्तत॒ उन्ने॑तुमर्ह॒तीत्या॑हुः । य-त्प्रा॑जाप॒त्यय॒र्चा पुन॒रैति॑ । प्र॒जाप॑तिरे॒वैन॒-न्तत॒ उन्न॑यति । नार्ति॒मार्च्छ॑ति॒ यज॑मानः ॥ 65 ॥

(इत्य॑ - श्ञुते - पद्यन्ते - पद्यन्ते॒ षड्वा ऋ॒तवो॑ - वर्त॒ते-ऽ - ह॑वि-स्स्या॒न् - नेदी॑यः॒ - स्थ - य॒ज्ञो - यज॑मानश्चरति॒ य-त्पि॒तृभ्यः॑ क॒रोति॒ पञ्च॑ च) (अ. 10)

(दे॒वा॒सु॒रा अ॒ग्नीषोम॑यो--र् दे॒वा वै यथा॒ दर्शं॑ - दे॒वा वै यद॒न्यै-र्ग्रहै᳚--र् ब्रह्मवा॒दिनो॒ नाग्नि॑ष्टो॒मो न - सा॑वि॒त्रं - दे॒वस्या॒हं - ता॒र्प्यग्ं - स॒प्तान्न॑हो॒मान् - नृ॒षदं॒ - त्वेन्द्रो॑ वृ॒त्रग्ं ह॒त्वा दश॑)

(दे॒वा॒सु॒रा - वा॒ज्ये॑वैनं॒ - तस्मा᳚-द्वाजपेयया॒जी - दे॒वस्या॒हं - ँवाज॒स्याव॑रुद्ध्या- इन्द्रि॒यमे॒वास्मि॒न्॒. - ह्लीका॒ हि पि॒तरः॒ पञ्च॑षष्टिः)

(दे॒वा॒सु॒रा - यज॑मानः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके तृतीयः प्रपाठक-स्समाप्तः ॥