1.3 - Vajapeyabrahmanam - Krishna Yajurveda Taittiriya Brahmana Pathah - Devasurah Sam Yatta — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 - 𑌵𑌾𑌜𑌪𑍇𑌯𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌪𑍁𑌨𑌰𑌾𑌧𑍇𑌯𑌶𑍇𑌷𑌃 𑌆𑌜𑍍𑌯𑌭𑌾𑌗𑌯𑍋𑌰𑍍𑌵𑌿𑌶𑍇𑌷𑌃

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂-𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤𑍇 𑌦𑍇॒𑌵𑌾 𑌵𑌿॑𑌜॒𑌯-𑌮𑍁॑𑌪॒𑌯𑌨𑍍𑌤𑌃॑ । 𑌅॒𑌗𑍍𑌨𑍀𑌷𑍋𑌮॑𑌯𑍋-𑌸𑍍𑌤𑍇𑌜॒𑌸𑍍𑌵𑌿𑌨𑍀᳚𑌸𑍍𑌤॒𑌨𑍂-𑌸𑍍𑌸-𑌨𑍍𑌨𑍍𑌯॑𑌦𑌧𑌤 । 𑌇॒𑌦𑌮𑍁॑ 𑌨𑍋 𑌭𑌵𑌿𑌷𑍍𑌯𑌤𑌿 । 𑌯𑌦𑌿॑ 𑌨𑍋 𑌜𑍇॒𑌷𑍍𑌯𑌨𑍍𑌤𑍀𑌤𑌿॑ । 𑌤𑍇𑌨𑌾॒𑌗𑍍𑌨𑍀𑌷𑍋𑌮𑌾॒-𑌵𑌪𑌾᳚𑌕𑍍𑌰𑌾𑌮𑌤𑌾𑌮𑍍 । 𑌤𑍇 𑌦𑍇॒𑌵𑌾 𑌵𑌿॒𑌜𑌿𑌤𑍍𑌯॑ । 𑌅॒𑌗𑍍𑌨𑍀𑌷𑍋𑌮𑌾॒-𑌵𑌨𑍍𑌵𑍈᳚𑌚𑍍𑌛𑌨𑍍𑌨𑍍 । 𑌤𑍇᳚-𑌽𑌗𑍍𑌨𑌿-𑌮𑌨𑍍𑌵॑𑌵𑌿𑌨𑍍𑌦-𑌨𑍍𑌨𑍃॒𑌤𑍁𑌷𑍂-𑌥𑍍𑌸॑𑌨𑍍𑌨𑌮𑍍 । 𑌤𑌸𑍍𑌯॒ 𑌵𑌿𑌭॑𑌕𑍍𑌤𑍀𑌭𑌿-𑌸𑍍𑌤𑍇𑌜॒𑌸𑍍𑌵𑌿𑌨𑍀᳚𑌸𑍍𑌤॒𑌨𑍂-𑌰𑌵𑌾॑𑌰𑍁𑌨𑍍𑌧𑌤 ॥ 1 ॥

𑌤𑍇 𑌸𑍋𑌮॒-𑌮𑌨𑍍𑌵॑𑌵𑌿𑌨𑍍𑌦𑌨𑍍𑌨𑍍 । 𑌤𑌮॑𑌘𑍍𑌨𑌨𑍍𑌨𑍍 । 𑌤𑌸𑍍𑌯॑ 𑌯𑌥𑌾-𑌽𑌭𑌿॒𑌜𑍍𑌞𑌾𑌯॑-𑌨𑍍𑌤॒𑌨𑍂-𑌰𑍍𑌵𑍍𑌯॑𑌗𑍃𑌹𑍍𑌣𑌤 । 𑌤𑍇 𑌗𑍍𑌰𑌹𑌾॑ 𑌅𑌭𑌵𑌨𑍍𑌨𑍍 । 𑌤-𑌦𑍍𑌗𑍍𑌰𑌹𑌾॑𑌣𑌾-𑌙𑍍𑌗𑍍𑌰𑌹॒𑌤𑍍𑌵𑌮𑍍 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ । 𑌤𑌸𑍍𑌯॒ 𑌤𑍍𑌵𑍇॑𑌵 𑌗𑍃॑𑌹𑍀॒𑌤𑌾𑌃 ॥ 𑌨𑌾𑌨𑌾᳚𑌗𑍍𑌨𑍇𑌯-𑌮𑍍𑌪𑍁𑌨𑌰𑌾॒𑌧𑍇𑌯𑍇॑ 𑌕𑍁𑌰𑍍𑌯𑌾𑌤𑍍 । 𑌯𑌦𑌨𑌾᳚𑌗𑍍𑌨𑍇𑌯-𑌮𑍍𑌪𑍁𑌨𑌰𑌾॒𑌧𑍇𑌯𑍇॑ 𑌕𑍁॒𑌰𑍍𑌯𑌾𑌤𑍍 । 𑌵𑍍𑌯𑍃॑𑌦𑍍𑌧𑌮𑍇॒𑌵 𑌤𑌤𑍍 ॥ 2 ॥

𑌅𑌨𑌾᳚𑌗𑍍𑌨𑍇𑌯𑌂॒-𑌵𑌾𑌁 𑌏॒𑌤-𑌤𑍍𑌕𑍍𑌰𑌿॑𑌯𑌤𑍇 । 𑌯-𑌥𑍍𑌸॒𑌮𑌿𑌧॒-𑌸𑍍𑌤𑌨𑍂॒𑌨𑌪𑌾॑𑌤𑌮𑌿॒𑌡𑍋 𑌬॒𑌰𑍍॒𑌹𑌿-𑌰𑍍𑌯॑𑌜𑌤𑌿 ॥ 𑌉॒𑌭𑌾𑌵𑌾᳚𑌗𑍍𑌨𑍇॒𑌯𑌾-𑌵𑌾𑌜𑍍𑌯॑𑌭𑌾𑌗𑍗 𑌸𑍍𑌯𑌾𑌤𑌾𑌮𑍍 ॥ 𑌅𑌨𑌾᳚𑌜𑍍𑌯𑌭𑌾𑌗𑍗-𑌭𑌵𑌤॒ 𑌇𑌤𑍍𑌯𑌾॑𑌹𑍁𑌃 । 𑌯𑌦𑍁॒𑌭𑌾𑌵𑌾᳚𑌗𑍍𑌨𑍇॒𑌯𑌾𑌵॒𑌨𑍍𑌵𑌞𑍍𑌚𑌾॒𑌵𑌿𑌤𑌿॑ । 𑌅॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾॒𑌯𑍋𑌤𑍍𑌤॑𑌰-𑌸𑍍𑌸𑍍𑌯𑌾𑌤𑍍 । 𑌯-𑌤𑍍𑌪𑌵॑𑌮𑌾𑌨𑌾𑌯 । 𑌤𑍇𑌨𑌾𑌜𑍍𑌯॑ 𑌭𑌾𑌗𑌃 । 𑌤𑍇𑌨॑ 𑌸𑍗॒𑌮𑍍𑌯𑌃 ॥ 𑌬𑍁𑌧॑𑌨𑍍𑌵𑌤𑍍𑌯𑌾𑌗𑍍𑌨𑍇॒𑌯-𑌸𑍍𑌯𑌾𑌜𑍍𑌯॑-𑌭𑌾𑌗𑌸𑍍𑌯 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌭𑌵𑌤𑌿 ॥ 3 ॥

𑌯𑌥𑌾॑ 𑌸𑍁॒𑌪𑍍𑌤-𑌮𑍍𑌬𑍋॒𑌧𑌯॑𑌤𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌅॒𑌗𑍍𑌨𑌿𑌨𑍍𑌯॑𑌕𑍍𑌤𑌾𑌃 𑌪𑌤𑍍𑌨𑍀 𑌸𑌂𑌯𑌾𑌁॒𑌜𑌾𑌨𑌾॒𑌮𑍃𑌚𑌃॑ 𑌸𑍍𑌯𑍁𑌃 । 𑌤𑍇𑌨𑌾᳚𑌗𑍍𑌨𑍇॒𑌯𑌗𑍍𑌂 𑌸𑌰𑍍𑌵॑-𑌮𑍍𑌭𑌵𑌤𑌿 ॥ 𑌏॒𑌕॒𑌧𑌾 𑌤𑍇॑𑌜॒𑌸𑍍𑌵𑌿𑌨𑍀᳚-𑌨𑍍𑌦𑍇॒𑌵𑌤𑌾॒-𑌮𑍁𑌪𑍈॒𑌤𑍀𑌤𑍍𑌯𑌾॑𑌹𑍁𑌃 । 𑌸𑍈𑌨॑𑌮𑍀𑌶𑍍𑌵॒𑌰𑌾 𑌪𑍍𑌰॒𑌦𑌹॒ 𑌇𑌤𑌿॑ ॥ 𑌨𑍇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌪𑍍𑌰॒𑌜𑌨॑𑌨𑌂॒-𑌵𑌾𑌁 𑌅॒𑌗𑍍𑌨𑌿𑌃 । 𑌪𑍍𑌰॒𑌜𑌨॑𑌨-𑌮𑍇॒𑌵𑍋𑌪𑍈॒𑌤𑍀𑌤𑌿॑ ॥ 𑌕𑍃॒𑌤𑌯॑𑌜𑍁॒-𑌸𑍍𑌸𑌮𑍍𑌭𑍃॑𑌤 𑌸𑌮𑍍𑌭𑌾𑌰॒ 𑌇𑌤𑍍𑌯𑌾॑𑌹𑍁𑌃 ॥ 4 ॥

𑌨 𑌸॒𑌭𑍃𑌨𑍍𑌤𑍍𑌯𑌾᳚-𑌸𑍍𑌸𑌮𑍍𑌭𑌾॒𑌰𑌾𑌃 । 𑌨 𑌯𑌜𑍁𑌃॑ 𑌕𑌾॒𑌰𑍍𑌯॑𑌮𑌿𑌤𑌿॑ ॥ 𑌅𑌥𑍋॒ 𑌖𑌲𑍁॑ । 𑌸॒𑌭𑍃𑌨𑍍𑌤𑍍𑌯𑌾॑ 𑌏॒𑌵 𑌸॑𑌭𑌾𑌂॒𑌰𑌾𑌃 । 𑌕𑌾॒𑌰𑍍𑌯𑌂॑-𑌯𑌁𑌜𑍁𑌃॑ । 𑌪𑍁॒𑌨॒𑌰𑌾॒𑌧𑍇𑌯॑𑌸𑍍𑌯॒ 𑌸𑌮𑍃॑𑌦𑍍𑌧𑍍𑌯𑍈 ॥ 𑌤𑍇𑌨𑍋॑𑌪𑌾॒𑌗𑍍𑌂॒𑌶𑍁 𑌪𑍍𑌰𑌚॑𑌰𑌤𑌿 । 𑌏𑌷𑍍𑌯॑ 𑌇𑌵॒ 𑌵𑌾 𑌏॒𑌷𑌃 । 𑌯-𑌤𑍍𑌪𑍁॑𑌨-𑌰𑌾॒𑌧𑍇𑌯𑌃॑ । 𑌯𑌥𑍋॑𑌪𑌾॒𑌗𑍍𑌂॒𑌶𑍁 𑌨॒𑌷𑍍𑌟𑌮𑌿॒𑌚𑍍𑌛𑌤𑌿॑ ॥ 5 ॥

𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌉॒𑌚𑍍𑌚𑍈-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤॒𑌮𑍁-𑌥𑍍𑌸𑍃॑𑌜𑌤𑌿 । 𑌯𑌥𑌾॑ 𑌨॒𑌷𑍍𑌟𑌂-𑌵𑌿𑌁॒𑌤𑍍𑌵𑌾 𑌪𑍍𑌰𑌾𑌹𑌾॒𑌯𑌮𑌿𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌏॒𑌕॒𑌧𑌾 𑌤𑍇॑𑌜॒𑌸𑍍𑌵𑌿𑌨𑍀᳚-𑌨𑍍𑌦𑍇॒𑌵𑌤𑌾॒𑌮𑍁𑌪𑍈॒𑌤𑍀𑌤𑍍𑌯𑌾॑𑌹𑍁𑌃 । 𑌸𑍈𑌨॑𑌮𑍀𑌶𑍍𑌵॒𑌰𑌾 𑌪𑍍𑌰॒𑌦𑌹॒ 𑌇𑌤𑌿॑ । 𑌤𑌤𑍍𑌤𑌥𑌾॒ 𑌨𑍋𑌪𑍈॑𑌤𑌿 । 𑌪𑍍𑌰॒𑌯𑌾॒𑌜𑌾॒𑌨𑍂॒𑌯𑌾॒𑌜𑍇𑌷𑍍𑌵𑍇॒𑌵 𑌵𑌿𑌭॑𑌕𑍍𑌤𑍀𑌃 𑌕𑍁𑌰𑍍𑌯𑌾𑌤𑍍 । 𑌯॒𑌥𑌾॒𑌪𑍂॒𑌰𑍍𑌵-𑌮𑌾𑌜𑍍𑌯॑𑌭𑌾𑌗𑍗॒ 𑌸𑍍𑌯𑌾𑌤𑌾᳚𑌮𑍍 । 𑌏॒𑌵-𑌮𑍍𑌪॑𑌤𑍍𑌨𑍀 𑌸𑌂𑌯𑌾𑌁॒𑌜𑌾𑌃 ॥ 6 ॥

𑌤-𑌦𑍍𑌵𑍈᳚𑌶𑍍𑌵𑌾𑌨॒𑌰𑌵॑𑌤𑍍-𑌪𑍍𑌰॒𑌜𑌨॑𑌨𑌵𑌤𑍍𑌤𑌰॒-𑌮𑍁𑌪𑍈॒𑌤𑍀𑌤𑌿॑ ॥ 𑌤𑌦𑌾॑𑌹𑍁𑌃 । 𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤𑌤𑍍 । 𑌅𑌨𑌾᳚𑌗𑍍𑌨𑍇𑌯𑌂॒-𑌵𑌾𑌁 𑌏॒𑌤-𑌤𑍍𑌕𑍍𑌰𑌿॑𑌯𑌤॒ 𑌇𑌤𑌿॑ ॥ 𑌨𑍇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌅॒𑌗𑍍𑌨𑌿-𑌮𑍍𑌪𑍍𑌰॑𑌥॒𑌮𑌂-𑌵𑌿𑌁𑌭॑𑌕𑍍𑌤𑍀𑌨𑌾𑌂-𑌯𑌁𑌜𑌤𑌿 । 𑌅॒𑌗𑍍𑌨𑌿𑌮𑍁॑𑌤𑍍𑌤॒𑌮-𑌮𑍍𑌪॑𑌤𑍍𑌨𑍀 𑌸𑌂𑌯𑌾𑌁॒𑌜𑌾𑌨𑌾᳚𑌮𑍍 । 𑌤𑍇𑌨𑌾᳚𑌗𑍍𑌨𑍇॒𑌯𑌮𑍍 । 𑌤𑍇𑌨॒ 𑌸𑌮𑍃॑𑌦𑍍𑌧-𑌙𑍍𑌕𑍍𑌰𑌿𑌯𑌤॒ 𑌇𑌤𑌿॑ ॥ 7 ॥

(𑌅॒𑌰𑍁॒𑌨𑍍𑌧॒ - 𑌤𑍈॒𑌵 𑌤-𑌦𑍍- 𑌭॑𑌵𑌤𑌿॒ - 𑌸𑌮𑍍𑌭𑍃॑𑌤𑌸𑌮𑍍𑌭𑌾𑌰॒ 𑌇𑌤𑍍𑌯𑌾॑𑌹𑍁 - 𑌰𑌿॒𑌚𑍍𑌛𑌤𑌿॑ - 𑌪𑌤𑍍𑌨𑍀𑌸𑌂𑌯𑌾𑌁॒𑌜𑌾 - +𑌨𑌵॑ 𑌚) ( 𑌆1)

𑌅𑌨𑍁𑌵𑌾𑌕𑌂 2 - 𑌵𑌾𑌜𑌪𑍇𑌯𑌸𑍍𑌯 𑌵𑌿𑌧𑌿𑌃

𑌦𑍇॒𑌵𑌾 𑌵𑍈 𑌯𑌥𑌾॒𑌦𑌰𑍍𑌶𑌂॑-𑌯𑌁॒𑌜𑍍𑌞𑌾𑌨𑌾𑌹॑𑌰𑌨𑍍𑌤 । 𑌯𑍋᳚-𑌽𑌗𑍍𑌨𑌿𑌷𑍍𑌟𑍋॒𑌮𑌮𑍍 । 𑌯 𑌉॒𑌕𑍍𑌥𑍍𑌯᳚𑌮𑍍 । 𑌯𑍋॑-𑌽𑌤𑌿𑌰𑌾॒𑌤𑍍𑌰𑌮𑍍 । 𑌤𑍇 𑌸॒𑌹𑍈𑌵 𑌸𑌰𑍍𑌵𑍇॑ 𑌵𑌾𑌜॒𑌪𑍇𑌯॑-𑌮𑌪𑌶𑍍𑌯𑌨𑍍𑌨𑍍 । 𑌤𑍇 । 𑌅॒𑌨𑍍𑌯𑍋᳚𑌨𑍍𑌯𑌸𑍍𑌮𑍈॒ 𑌨𑌾𑌤𑌿॑𑌷𑍍𑌠𑌨𑍍𑌤 । 𑌅॒𑌹𑌮॒𑌨𑍇𑌨॑ 𑌯𑌜𑌾॒ 𑌇𑌤𑌿॑ । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌆॒𑌜𑌿𑌮॒𑌸𑍍𑌯 𑌧𑌾॑𑌵𑌾॒𑌮𑍇𑌤𑌿॑ ॥ 8 ॥

𑌤𑌸𑍍𑌮𑌿॑-𑌨𑍍𑌨𑌾॒𑌜𑌿𑌮॑𑌧𑌾𑌵𑌨𑍍𑌨𑍍 । 𑌤-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍁𑌦॑𑌜𑌯𑌤𑍍 । 𑌤𑍇𑌨𑌾॑𑌯𑌜𑌤 । 𑌸 𑌸𑍍𑌵𑌾𑌰𑌾᳚𑌜𑍍𑌯-𑌮𑌗𑌚𑍍𑌛𑌤𑍍 । 𑌤𑌮𑌿𑌨𑍍𑌦𑍍𑌰𑍋᳚-𑌽𑌬𑍍𑌰𑌵𑍀𑌤𑍍 । 𑌮𑌾𑌮॒𑌨𑍇𑌨॑ 𑌯𑌾𑌜॒𑌯𑍇𑌤𑌿॑ । 𑌤𑍇𑌨𑍇𑌨𑍍𑌦𑍍𑌰॑-𑌮𑌯𑌾𑌜𑌯𑌤𑍍 । 𑌸𑍋-𑌽𑌗𑍍𑌰॑-𑌨𑍍𑌦𑍇॒𑌵𑌤𑌾॑𑌨𑌾॒-𑌮𑍍𑌪𑌰𑍍𑌯𑍈᳚𑌤𑍍 । 𑌅𑌗॑𑌚𑍍𑌛॒-𑌥𑍍𑌸𑍍𑌵𑌾𑌰𑌾᳚𑌜𑍍𑌯𑌮𑍍 । 𑌅𑌤𑌿॑𑌷𑍍𑌠𑌨𑍍𑌤𑌾𑌸𑍍𑌮𑍈॒ 𑌜𑍍𑌯𑍈𑌷𑍍𑌠𑍍𑌯𑌾॑𑌯 ॥ 9 ॥

𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌵𑌾॑𑌜॒𑌪𑍇𑌯𑍇॑𑌨॒ 𑌯𑌜॑𑌤𑍇 । 𑌗𑌚𑍍𑌛॑𑌤𑌿॒ 𑌸𑍍𑌵𑌾𑌰𑌾᳚𑌜𑍍𑌯𑌮𑍍 । 𑌅𑌗𑍍𑌰𑌗𑍍𑌂॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑍍𑌯𑍇॑𑌤𑌿 । 𑌤𑌿𑌷𑍍𑌠॑𑌨𑍍𑌤𑍇-𑌽𑌸𑍍𑌮𑍈॒ 𑌜𑍍𑌯𑍈𑌷𑍍𑌠𑍍𑌯𑌾॑𑌯 ॥ 𑌸 𑌵𑌾 𑌏॒𑌷 𑌬𑍍𑌰𑌾᳚𑌹𑍍𑌮॒𑌣𑌸𑍍𑌯॑ 𑌚𑍈॒𑌵 𑌰𑌾॑𑌜॒𑌨𑍍𑌯॑𑌸𑍍𑌯 𑌚 𑌯॒𑌜𑍍𑌞𑌃 ॥ 𑌤𑌂-𑌵𑌾𑌁 𑌏॒𑌤𑌂-𑌵𑌾𑌁॑𑌜॒𑌪𑍇𑌯॒ 𑌇𑌤𑍍𑌯𑌾॑𑌹𑍁𑌃 । 𑌵𑌾॒𑌜𑌾𑌪𑍍𑌯𑍋॒ 𑌵𑌾 𑌏॒𑌷𑌃 । 𑌵𑌾𑌜॒𑌗𑍍𑌗𑍍॒ 𑌹𑍍𑌯𑍇॑𑌤𑍇𑌨॑ 𑌦𑍇॒𑌵𑌾 𑌐𑌫𑍍𑌸𑌨𑍍𑌨𑍍॑ ॥ 𑌸𑍋𑌮𑍋॒ 𑌵𑍈 𑌵𑌾॑𑌜॒𑌪𑍇𑌯𑌃॑ । 𑌯𑍋 𑌵𑍈 𑌸𑍋𑌮𑌂॑-𑌵𑌾𑌁𑌜॒𑌪𑍇𑌯𑌂॒-𑌵𑍇𑌁𑌦॑ ॥ 10 ॥

𑌵𑌾॒𑌜𑍍𑌯𑍇॑𑌵𑍈𑌨॑-𑌮𑍍𑌪𑍀॒𑌤𑍍𑌵𑌾 𑌭॑𑌵𑌤𑌿 । 𑌆-𑌽𑌸𑍍𑌯॑ 𑌵𑌾॒𑌜𑍀 𑌜𑌾॑𑌯𑌤𑍇 ॥ 𑌅𑌨𑍍𑌨𑌂॒-𑌵𑍈𑌁 𑌵𑌾॑𑌜॒𑌪𑍇𑌯𑌃॑ । 𑌯 𑌏॒𑌵𑌂-𑌵𑍇𑌁𑌦॑ । 𑌅𑌤𑍍𑌤𑍍𑌯𑌨𑍍𑌨᳚𑌮𑍍 । 𑌆-𑌽𑌸𑍍𑌯𑌾᳚𑌨𑍍𑌨𑌾॒𑌦𑍋 𑌜𑌾॑𑌯𑌤𑍇 ॥ 𑌬𑍍𑌰𑌹𑍍𑌮॒ 𑌵𑍈 𑌵𑌾॑𑌜॒𑌪𑍇𑌯𑌃॑ । 𑌯 𑌏॒𑌵𑌂-𑌵𑍇𑌁𑌦॑ । 𑌅𑌤𑍍𑌤𑌿॒ 𑌬𑍍𑌰𑌹𑍍𑌮॒𑌣𑌾-𑌽𑌨𑍍𑌨᳚𑌮𑍍 । 𑌆-𑌽𑌸𑍍𑌯॑ 𑌬𑍍𑌰॒𑌹𑍍𑌮𑌾 𑌜𑌾॑𑌯𑌤𑍇 ॥ 11 ॥

𑌵𑌾𑌗𑍍𑌵𑍈 𑌵𑌾𑌜॑𑌸𑍍𑌯 𑌪𑍍𑌰𑌸॒𑌵𑌃 । 𑌯 𑌏॒𑌵𑌂-𑌵𑍇𑌁𑌦॑ । 𑌕॒𑌰𑍋𑌤𑌿॑ 𑌵𑌾॒𑌚𑌾 𑌵𑍀॒𑌰𑍍𑌯᳚𑌮𑍍 । 𑌐𑌨𑌂॑-𑌵𑌾𑌁॒𑌚𑌾 𑌗॑𑌚𑍍𑌛𑌤𑌿 । 𑌅𑌪𑌿॑𑌵𑌤𑍀𑌂॒-𑌵𑌾𑌁𑌚𑌂॑-𑌵𑌁𑌦𑌤𑌿 ॥ 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇॒𑌵𑍇𑌭𑍍𑌯𑍋॑ 𑌯॒𑌜𑍍𑌞𑌾𑌨𑍍 𑌵𑍍𑌯𑌾𑌦𑌿॑𑌶𑌤𑍍 । 𑌸 𑌆॒𑌤𑍍𑌮𑌨𑍍 𑌵𑌾॑𑌜॒𑌪𑍇𑌯॑-𑌮𑌧𑌤𑍍𑌤 । 𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌏॒𑌷 𑌵𑌾𑌵 𑌯॒𑌜𑍍𑌞𑌃 । 𑌯-𑌦𑍍𑌵𑌾॑𑌜॒𑌪𑍇𑌯𑌃॑ ॥ 12 ॥

𑌅𑌪𑍍𑌯𑍇॒𑌵 𑌨𑍋-𑌽𑌤𑍍𑌰𑌾॒𑌸𑍍𑌤𑍍𑌵𑌿𑌤𑌿॑ । 𑌤𑍇𑌭𑍍𑌯॑ 𑌏॒𑌤𑌾 𑌉𑌜𑍍𑌜𑌿॑𑌤𑍀𑌃॒ 𑌪𑍍𑌰𑌾𑌯॑𑌚𑍍𑌛𑌤𑍍 ॥ 𑌤𑌾 𑌵𑌾 𑌏॒𑌤𑌾 𑌉𑌜𑍍𑌜𑌿॑𑌤𑌯𑍋॒ 𑌵𑍍𑌯𑌾𑌖𑍍𑌯𑌾॑𑌯𑌨𑍍𑌤𑍇 । 𑌯॒𑌜𑍍𑌞𑌸𑍍𑌯॑ 𑌸𑌰𑍍𑌵॒𑌤𑍍𑌵𑌾𑌯॑ । 𑌦𑍇॒𑌵𑌤𑌾॑𑌨𑌾॒-𑌮𑌨𑌿॑𑌰𑍍𑌭𑌾𑌗𑌾𑌯 ॥ 𑌦𑍇॒𑌵𑌾 𑌵𑍈 𑌬𑍍𑌰𑌹𑍍𑌮॑𑌣॒𑌶𑍍𑌚𑌾𑌨𑍍𑌨॑𑌸𑍍𑌯 𑌚॒ 𑌶𑌮॑𑌲॒𑌮𑌪𑌾᳚𑌘𑍍𑌨𑌨𑍍𑌨𑍍 । 𑌯-𑌦𑍍𑌬𑍍𑌰𑌹𑍍𑌮॑𑌣॒-𑌶𑍍𑌶𑌮॑𑌲॒𑌮𑌾𑌸𑍀᳚𑌤𑍍 । 𑌸𑌾 𑌗𑌾𑌥𑌾॑ 𑌨𑌾𑌰𑌾𑌶॒𑌗𑍍𑌗𑍍॒𑌸𑍍𑌯॑ 𑌭𑌵𑌤𑍍 । 𑌯𑌦𑌨𑍍𑌨॑𑌸𑍍𑌯 । 𑌸𑌾 𑌸𑍁𑌰𑌾᳚ ॥ 13 ॥

𑌤𑌸𑍍𑌮𑌾॒-𑌦𑍍𑌗𑌾𑌯॑𑌤𑌶𑍍𑌚 𑌮॒𑌤𑍍𑌤𑌸𑍍𑌯॑ 𑌚॒ 𑌨 𑌪𑍍𑌰॑𑌤𑌿॒𑌗𑍃𑌹𑍍𑌯᳚𑌮𑍍 । 𑌯-𑌤𑍍𑌪𑍍𑌰॑𑌤𑌿𑌗𑍃𑌹𑍍𑌣𑍀॒𑌯𑌾𑌤𑍍 । 𑌶𑌮॑𑌲॒-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑍀𑌯𑌾𑌤𑍍 ॥ 𑌸𑌰𑍍𑌵𑌾॒ 𑌵𑌾 𑌏॒𑌤𑌸𑍍𑌯॒ 𑌵𑌾𑌚𑍋 𑌽𑌵॑𑌰𑍁𑌦𑍍𑌧𑌾𑌃 । 𑌯𑍋 𑌵𑌾॑𑌜𑌪𑍇𑌯𑌯𑌾॒𑌜𑍀 । 𑌯𑌾 𑌪𑍃॑𑌥𑌿॒𑌵𑍍𑌯𑌾𑌂-𑌯𑌾𑌁-𑌽𑌗𑍍𑌨𑍗 𑌯𑌾 𑌰॑𑌥𑌨𑍍𑌤॒𑌰𑍇 । 𑌯𑌾-𑌽𑌨𑍍𑌤𑌰𑌿॑𑌕𑍍𑌷𑍇॒ 𑌯𑌾 𑌵𑌾॒𑌯𑍗 𑌯𑌾 𑌵𑌾॑𑌮𑌦𑍇॒𑌵𑍍𑌯𑍇 । 𑌯𑌾 𑌦𑌿॒𑌵𑌿 𑌯𑌾-𑌽𑌽𑌦𑌿॒𑌤𑍍𑌯𑍇 𑌯𑌾 𑌬𑍃॑𑌹॒𑌤𑌿 । 𑌯𑌾-𑌽𑌫𑍍𑌸𑍁 𑌯𑍗𑌷॑𑌧𑍀𑌷𑍁॒ 𑌯𑌾 𑌵𑌨॒𑌸𑍍𑌪𑌤𑌿॑𑌷𑍁 ॥ 𑌤𑌸𑍍𑌮𑌾᳚-𑌦𑍍𑌵𑌾𑌜𑌪𑍇𑌯𑌯𑌾॒𑌜𑍍𑌯𑌾𑌰𑍍𑌤𑍍𑌵𑌿॑𑌜𑍀𑌨𑌃 । 𑌸𑌰𑍍𑌵𑌾॒ 𑌹𑍍𑌯॑𑌸𑍍𑌯॒ 𑌵𑌾𑌚𑍋 𑌽𑌵॑𑌰𑍁𑌦𑍍𑌧𑌾𑌃 ॥ 14 ॥

(𑌧𑌾॒𑌵𑌾॒𑌮𑍇𑌤𑌿॒ - 𑌜𑍍𑌯𑍈𑌷𑍍𑌠𑍍𑌯𑌾॑𑌯॒ - 𑌵𑍇𑌦॑ - 𑌬𑍍𑌰॒𑌹𑍍𑌮𑌾 𑌜𑌾॑𑌯𑌤𑍇-𑌵𑌾𑌜॒𑌪𑍇𑌯𑌃॒-𑌸𑍁𑌰𑌾-𑌽𑌽𑌰𑍍𑌤𑍍𑌵𑌿॑𑌜𑍀𑌨॒ 𑌏𑌕𑌂॑ 𑌚 ) (𑌅. 2)

𑌅𑌨𑍁𑌵𑌾𑌕𑌂 3 - 𑌤𑌸𑍍𑌯𑌗𑍍𑌰𑌹𑌵𑌿𑌶𑍇𑌷𑌾𑌃

𑌦𑍇॒𑌵𑌾 𑌵𑍈 𑌯𑌦॒𑌨𑍍𑌯𑍈-𑌰𑍍𑌗𑍍𑌰𑌹𑍈᳚-𑌰𑍍𑌯॒𑌜𑍍𑌞𑌸𑍍𑌯॒ 𑌨𑌾𑌵𑌾𑌰𑍁॑𑌨𑍍𑌧𑌤 । 𑌤𑌦॑𑌤𑌿𑌗𑍍𑌰𑌾॒𑌹𑍍𑌯𑍈॑-𑌰𑌤𑌿॒𑌗𑍃𑌹𑍍𑌯𑌾-𑌵𑌾॑𑌰𑍁𑌨𑍍𑌧𑌤 । 𑌤𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑𑌣𑌾-𑌮𑌤𑌿𑌗𑍍𑌰𑌾𑌹𑍍𑌯॒𑌤𑍍𑌵𑌮𑍍 ॥ 𑌯𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ । 𑌯𑌦𑍇॒𑌵𑌾𑌨𑍍𑌯𑍈-𑌰𑍍𑌗𑍍𑌰𑌹𑍈᳚-𑌰𑍍𑌯॒𑌜𑍍𑌞𑌸𑍍𑌯॒ 𑌨𑌾𑌵॑𑌰𑍁॒𑌨𑍍𑌧𑍇 । 𑌤𑌦𑍇॒𑌵 𑌤𑍈𑌰॑𑌤𑌿॒𑌗𑍃𑌹𑍍𑌯𑌾-𑌵॑𑌰𑍁𑌨𑍍𑌧𑍇 ॥ 𑌪𑌞𑍍𑌚॑ 𑌗𑍃𑌹𑍍𑌯𑌨𑍍𑌤𑍇 । 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 । 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌃 । 𑌤𑌮𑌾॒𑌪𑍍𑌤𑍍𑌵𑌾 𑌽𑌵॑𑌰𑍁𑌨𑍍𑌧𑍇 ॥ 15 ॥

𑌸𑌰𑍍𑌵॑ 𑌐॒𑌨𑍍𑌦𑍍𑌰𑌾 𑌭॑𑌵𑌨𑍍𑌤𑌿 । 𑌏॒𑌕॒𑌧𑍈𑌵 𑌯𑌜॑𑌮𑌾𑌨 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌤𑌿 ॥ 𑌸॒𑌪𑍍𑌤𑌦॑𑌶 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌗𑍍𑌰𑌹𑌾॑ 𑌗𑍃𑌹𑍍𑌯𑌨𑍍𑌤𑍇 । 𑌸॒𑌪𑍍𑌤॒𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒-𑌰𑌾𑌪𑍍𑌤𑍍𑌯𑍈᳚ ॥ 𑌏𑌕॑𑌯॒𑌰𑍍𑌚𑌾 𑌗𑍃॑𑌹𑍍𑌣𑌾𑌤𑌿 । 𑌏॒𑌕॒𑌧𑍈𑌵 𑌯𑌜॑𑌮𑌾𑌨𑍇 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿 ॥ 𑌸𑍋॒𑌮॒𑌗𑍍𑌰॒𑌹𑌾𑌗𑍍𑌶𑍍𑌚॑ 𑌸𑍁𑌰𑌾𑌗𑍍𑌰॒𑌹𑌾𑌗𑍍𑌶𑍍𑌚॑ 𑌗𑍃𑌹𑍍𑌣𑌾𑌤𑌿 । 𑌏॒𑌤-𑌦𑍍𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑌰॒𑌮𑌮𑌨𑍍𑌨᳚𑌮𑍍 । 𑌯-𑌥𑍍𑌸𑍋𑌮𑌃॑ ॥ 16 ॥

𑌏॒𑌤-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 । 𑌯-𑌥𑍍𑌸𑍁𑌰𑌾᳚ । 𑌪॒𑌰॒𑌮𑍇𑌣𑍈॒𑌵𑌾𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯𑍇॒𑌨𑌾𑌵॑𑌰-𑌮॒𑌨𑍍𑌨𑌾𑌦𑍍𑌯॒-𑌮𑌵॑𑌰𑍁𑌨𑍍𑌧𑍇 ॥ 𑌸𑍋॒𑌮॒𑌗𑍍𑌰॒𑌹𑌾-𑌨𑍍𑌗𑍃॑𑌹𑍍𑌣𑌾𑌤𑌿 । 𑌬𑍍𑌰𑌹𑍍𑌮॑𑌣𑍋॒ 𑌵𑌾 𑌏॒𑌤-𑌤𑍍𑌤𑍇𑌜𑌃॑ । 𑌯-𑌥𑍍𑌸𑍋𑌮𑌃॑ । 𑌬𑍍𑌰𑌹𑍍𑌮॑𑌣 𑌏॒𑌵 𑌤𑍇𑌜॑𑌸𑌾॒ 𑌤𑍇𑌜𑍋॒ 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌸𑍁॒𑌰𑌾॒𑌗𑍍𑌰॒𑌹𑌾-𑌨𑍍𑌗𑍃॑𑌹𑍍𑌣𑌾𑌤𑌿 । 𑌅𑌨𑍍𑌨॑𑌸𑍍𑌯॒ 𑌵𑌾 𑌏॒𑌤𑌚𑍍𑌛𑌮॑𑌲𑌮𑍍 । 𑌯-𑌥𑍍𑌸𑍁𑌰𑌾᳚ ॥ 17 ॥

𑌅𑌨𑍍𑌨॑𑌸𑍍𑌯𑍈॒𑌵 𑌶𑌮॑𑌲𑍇𑌨॒ 𑌶𑌮॑𑌲𑌂॒-𑌯𑌁𑌜॑𑌮𑌾𑌨𑌾॒-𑌦𑌪॑𑌹𑌨𑍍𑌤𑌿 ॥ 𑌸𑍋॒𑌮॒𑌗𑍍𑌰॒𑌹𑌾𑌗𑍍𑌶𑍍𑌚॑ 𑌸𑍁𑌰𑌾𑌗𑍍𑌰॒𑌹𑌾𑌗𑍍𑌶𑍍𑌚॑ 𑌗𑍃𑌹𑍍𑌣𑌾𑌤𑌿 । 𑌪𑍁𑌮𑌾॒𑌨𑍍॒. 𑌵𑍈 𑌸𑍋𑌮𑌃॑ । 𑌸𑍍𑌤𑍍𑌰𑍀 𑌸𑍁𑌰𑌾᳚ । 𑌤-𑌨𑍍𑌮𑌿॑𑌥𑍁॒𑌨𑌮𑍍 । 𑌮𑌿॒𑌥𑍁॒𑌨𑌮𑍇॒𑌵𑌾𑌸𑍍𑌯॒ 𑌤-𑌦𑍍𑌯॒𑌜𑍍𑌞𑍇 𑌕॑𑌰𑍋𑌤𑌿 𑌪𑍍𑌰॒𑌜𑌨॑𑌨𑌾𑌯 । 𑌆॒𑌤𑍍𑌮𑌾𑌨॑𑌮𑍇॒𑌵 𑌸𑍋॑𑌮𑌗𑍍𑌰॒𑌹𑍈-𑌸𑍍𑌸𑍍𑌪𑍃॑𑌣𑍋𑌤𑌿 । 𑌜𑌾॒𑌯𑌾𑌗𑍍𑌂 𑌸𑍁॑𑌰𑌾 𑌗𑍍𑌰॒𑌹𑍈𑌃 । 𑌤𑌸𑍍𑌮𑌾᳚-𑌦𑍍𑌵𑌾𑌜𑌪𑍇𑌯𑌯𑌾॒𑌜𑍍𑌯॑𑌮𑍁𑌷𑍍𑌮𑌿॑𑌁𑌲𑍍𑌲𑍋॒𑌕𑍇 𑌸𑍍𑌤𑍍𑌰𑌿𑌯॒𑌗𑍍𑌂॒ 𑌸𑌮𑍍𑌭॑𑌵𑌤𑌿 । 𑌵𑌾॒𑌜॒𑌪𑍇𑌯𑌾॑-𑌭𑌿𑌜𑌿𑌤॒𑌗𑍍𑌗𑍍॒ 𑌹𑍍𑌯॑𑌸𑍍𑌯 ॥ 18 ॥

𑌪𑍂𑌰𑍍𑌵𑍇॑ 𑌸𑍋𑌮𑌗𑍍𑌰॒𑌹𑌾 𑌗𑍃॑𑌹𑍍𑌯𑌨𑍍𑌤𑍇 । 𑌅𑌪॑𑌰𑍇 𑌸𑍁𑌰𑌾𑌗𑍍𑌰॒𑌹𑌾𑌃 । 𑌪𑍁॒𑌰𑍋॒𑌕𑍍𑌷𑌗𑍍𑌂 𑌸𑍋॑𑌮𑌗𑍍𑌰॒𑌹𑌾𑌨𑍍𑌥𑍍- 𑌸𑌾॑𑌦𑌯𑌤𑌿 । 𑌪॒𑌶𑍍𑌚𑌾॒𑌦॒𑌕𑍍𑌷𑌗𑍍𑌂 𑌸𑍁॑𑌰𑌾𑌗𑍍𑌰॒𑌹𑌾𑌨𑍍 । 𑌪𑌾॒𑌪॒𑌵॒𑌸𑍍𑌯॒𑌸𑌸𑍍𑌯॒ 𑌵𑌿𑌧𑍃॑𑌤𑍍𑌯𑍈 ॥ 𑌏॒𑌷 𑌵𑍈 𑌯𑌜॑𑌮𑌾𑌨𑌃 । 𑌯-𑌥𑍍𑌸𑍋𑌮𑌃॑ । 𑌅𑌨𑍍𑌨॒𑌗𑍍𑌂॒ 𑌸𑍁𑌰𑌾᳚ । 𑌸𑍋॒𑌮॒𑌗𑍍𑌰॒𑌹𑌾𑌗𑍍𑌶𑍍𑌚॑ 𑌸𑍁𑌰𑌾𑌗𑍍𑌰॒𑌹𑌾𑌗𑍍𑌶𑍍𑌚॒ 𑌵𑍍𑌯𑌤𑌿॑𑌷𑌜𑌤𑌿 । 𑌅॒𑌨𑍍𑌨𑌾𑌦𑍍𑌯𑍇॑𑌨𑍈॒𑌵𑍈𑌨𑌂॒-𑌵𑍍𑌯𑌁𑌤𑌿॑𑌷𑌜𑌤𑌿 ॥ 19 ॥

𑌸॒𑌪𑍃𑌞𑍍𑌚𑌃॑ 𑌸𑍍𑌥॒ 𑌸-𑌮𑍍𑌮𑌾॑ 𑌭॒𑌦𑍍𑌰𑍇𑌣॑ 𑌪𑍃॒𑌙𑍍𑌕𑍍𑌤𑍇𑌤𑍍𑌯𑌾॑𑌹 । 𑌅𑌨𑍍𑌨𑌂॒-𑌵𑍈𑌁 𑌭॒𑌦𑍍𑌰𑌮𑍍 । 𑌅॒𑌨𑍍𑌨𑌾𑌦𑍍𑌯𑍇॑𑌨𑍈॒𑌵𑍈𑌨॒𑌗𑍍𑌂॒ 𑌸𑌗𑍍𑌂𑌸𑍃॑𑌜𑌤𑌿 ॥ 𑌅𑌨𑍍𑌨॑𑌸𑍍𑌯॒ 𑌵𑌾 𑌏॒𑌤𑌚𑍍𑌛𑌮॑𑌲𑌮𑍍 । 𑌯-𑌥𑍍𑌸𑍁𑌰𑌾᳚ । 𑌪𑌾॒𑌪𑍍𑌮𑍇𑌀𑌵॒ 𑌖𑌲𑍁॒ 𑌵𑍈 𑌶𑌮॑𑌲𑌮𑍍 । 𑌪𑌾॒𑌪𑍍𑌮𑌨𑌾॒ 𑌵𑌾 𑌏॑𑌨𑌮𑍇॒𑌤𑌚𑍍𑌛𑌮॑𑌲𑍇𑌨॒ 𑌵𑍍𑌯𑌤𑌿॑𑌷𑌜𑌤𑌿 । 𑌯-𑌥𑍍𑌸𑍋॑𑌮𑌗𑍍𑌰॒𑌹𑌾𑌗𑍍𑌶𑍍𑌚॑ 𑌸𑍁𑌰𑌾𑌗𑍍𑌰॒𑌹𑌾𑌗𑍍𑌶𑍍𑌚॑ 𑌵𑍍𑌯𑌤𑌿॒𑌷𑌜॑𑌤𑌿 ॥ 𑌵𑌿॒𑌪𑍃𑌚𑌃॑ 𑌸𑍍𑌥॒ 𑌵𑌿 𑌮𑌾॑ 𑌪𑌾॒𑌪𑍍𑌮𑌨𑌾॑ 𑌪𑍃॒𑌙𑍍𑌕𑍍𑌤𑍇𑌤𑍍𑌯𑌾॑𑌹 । 𑌪𑌾॒𑌪𑍍𑌮𑌨𑍈॒𑌵𑍈𑌨॒𑌗𑍍𑌂॒ 𑌶𑌮॑𑌲𑍇𑌨॒ 𑌵𑍍𑌯𑌾𑌵॑𑌰𑍍𑌤𑌯𑌤𑌿 ॥ 20 ॥

𑌤𑌸𑍍𑌮𑌾᳚-𑌦𑍍𑌵𑌾𑌜𑌪𑍇𑌯𑌯𑌾॒𑌜𑍀 𑌪𑍂॒𑌤𑍋 𑌮𑍇𑌦𑍍𑌧𑍍𑌯𑍋॑ 𑌦𑌕𑍍𑌷𑌿॒𑌣𑍍𑌯𑌃॑ ॥ 𑌪𑍍𑌰𑌾𑌂𑌉-𑌦𑍍𑌦𑍍𑌰॑𑌵𑌤𑌿 𑌸𑍋𑌮𑌗𑍍𑌰॒𑌹𑍈𑌃 । 𑌅॒𑌮𑍁𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮॒𑌭𑌿𑌜॑𑌯𑌤𑌿 । 𑌪𑍍𑌰॒𑌤𑍍𑌯𑌙𑍍𑌖𑍍𑌸𑍁॑𑌰𑌾 𑌗𑍍𑌰॒𑌹𑍈𑌃 । 𑌇॒𑌮𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮॒𑌭𑌿𑌜॑𑌯𑌤𑌿 ॥ 𑌪𑍍𑌰𑌤𑌿॑𑌷𑍍𑌠𑌨𑍍𑌤𑌿 𑌸𑍋𑌮𑌗𑍍𑌰॒𑌹𑍈𑌃 । 𑌯𑌾𑌵॑𑌦𑍇॒𑌵 𑌸॒𑌤𑍍𑌯𑌮𑍍 । 𑌤𑍇𑌨॑ 𑌸𑍂𑌯𑌤𑍇 ॥ 𑌵𑌾॒𑌜॒𑌸𑍃𑌦𑍍𑌭𑍍𑌯𑌃॑ 𑌸𑍁𑌰𑌾𑌗𑍍𑌰॒𑌹𑌾𑌨𑍍. 𑌹॑𑌰𑌨𑍍𑌤𑌿 । 𑌅𑌨𑍃॑𑌤𑍇𑌨𑍈॒𑌵 𑌵𑌿𑌶॒𑌗𑍍𑌂॒ 𑌸𑌗𑍍𑌂𑌸𑍃॑𑌜𑌤𑌿 ॥ 𑌹𑌿॒𑌰॒𑌣𑍍𑌯॒𑌪𑌾॒𑌤𑍍𑌰-𑌮𑍍𑌮𑌧𑍋𑌃᳚ 𑌪𑍂॒𑌰𑍍𑌣-𑌨𑍍𑌦॑𑌦𑌾𑌤𑌿 । 𑌮॒𑌧॒𑌵𑍍𑌯𑍋॑-𑌽𑌸𑌾॒𑌨𑍀𑌤𑌿॑ ॥ 𑌏॒𑌕॒𑌧𑌾 𑌬𑍍𑌰॒𑌹𑍍𑌮𑌣॒ 𑌉𑌪॑ 𑌹𑌰𑌤𑌿 । 𑌏॒𑌕॒𑌧𑍈𑌵 𑌯𑌜॑𑌮𑌾𑌨॒ 𑌆𑌯𑍁॒𑌸𑍍𑌤𑍇𑌜𑍋॑ 𑌦𑌧𑌾𑌤𑌿 ॥ 21 ॥

(𑌆॒𑌪𑍍𑌤𑍍𑌵𑌾-𑌽𑌵॑𑌰𑍁𑌨𑍍𑌧𑍇॒ - 𑌸𑍋𑌮𑌃॒ - 𑌶𑌮॑𑌲𑌂॒-𑌯𑌁-𑌥𑍍𑌸𑍁𑌰𑌾॒ - 𑌹𑍍𑌯॑-𑌸𑍍𑌯𑍈𑌨𑌂॒-𑌵𑍍𑌯𑌁𑌤𑌿॑𑌷𑌜𑌤𑌿॒ - 𑌵𑍍𑌯𑌾𑌵॑𑌰𑍍𑌤𑌯𑌤𑌿 - 𑌸𑍃𑌜𑌤𑌿 𑌚॒𑌤𑍍𑌵𑌾𑌰𑌿॑ 𑌚 ) (𑌅. 3)

𑌅𑌨𑍁𑌵𑌾𑌕𑌂 4 - 𑌪𑌶𑌵-𑌸𑍍𑌸𑌪𑍍𑌤𑌦𑌶

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌨𑌾𑌗𑍍𑌨𑌿॑𑌷𑍍𑌟𑍋॒𑌮𑍋 𑌨𑍋𑌕𑍍𑌥𑍍𑌯𑌃॑ । 𑌨 𑌷𑍋॑𑌡॒𑌶𑍀 𑌨𑌾𑌤𑌿॑𑌰𑌾॒𑌤𑍍𑌰𑌃 । 𑌅𑌥॒ 𑌕𑌸𑍍𑌮𑌾᳚-𑌦𑍍𑌵𑌾𑌜॒𑌪𑍇𑌯𑍇॒ 𑌸𑌰𑍍𑌵𑍇॑ 𑌯𑌜𑍍𑌞𑌕𑍍𑌰॒𑌤𑌵𑍋-𑌽𑌵॑𑌰𑍁𑌦𑍍𑌧𑍍𑌯𑌨𑍍𑌤॒ 𑌇𑌤𑌿॑ । 𑌪॒𑌶𑍁𑌭𑌿॒𑌰𑌿𑌤𑌿॑ 𑌬𑍍𑌰𑍂𑌯𑌾𑌤𑍍 ॥ 𑌆॒𑌗𑍍𑌨𑍇॒𑌯-𑌮𑍍𑌪॒𑌶𑍁𑌮𑌾𑌲॑𑌭𑌤𑍇 । 𑌅॒𑌗𑍍𑌨𑌿॒𑌷𑍍𑌟𑍋॒𑌮𑌮𑍇॒𑌵 𑌤𑍇𑌨𑌾𑌵॑𑌰𑍁𑌨𑍍𑌧𑍇 । 𑌐॒𑌨𑍍𑌦𑍍𑌰𑌾॒𑌗𑍍𑌨𑍇𑌨𑍋॒𑌕𑍍𑌥𑍍𑌯᳚𑌮𑍍 । 𑌐॒𑌨𑍍𑌦𑍍𑌰𑍇𑌣॑ 𑌷𑍋𑌡॒𑌶𑌿𑌨𑌃॑ 𑌸𑍍𑌤𑍋॒𑌤𑍍𑌰𑌮𑍍 । 𑌸𑌾॒𑌰॒𑌸𑍍𑌵॒𑌤𑍍𑌯𑌾-𑌽𑌤𑌿॑𑌰𑌾॒𑌤𑍍𑌰𑌮𑍍 ॥ 22 ॥

𑌮𑌾॒𑌰𑍁॒𑌤𑍍𑌯𑌾 𑌬𑍃॑𑌹॒𑌤-𑌸𑍍𑌸𑍍𑌤𑍋॒𑌤𑍍𑌰𑌮𑍍 । 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌯॑𑌜𑍍𑌞𑌕𑍍𑌰॒𑌤𑌵𑌃॑ । 𑌤𑌾-𑌨𑍍𑌪॒𑌶𑍁𑌭𑌿॑𑌰𑍇॒𑌵𑌾-𑌵॑𑌰𑍁𑌨𑍍𑌧𑍇 ॥ 𑌆॒𑌤𑍍𑌮𑌾𑌨॑𑌮𑍇॒𑌵 𑌸𑍍𑌪𑍃॑𑌣𑍋-𑌤𑍍𑌯𑌗𑍍𑌨𑌿𑌷𑍍𑌟𑍋॒𑌮𑍇𑌨॑ । 𑌪𑍍𑌰𑌾॒𑌣𑌾॒𑌪𑌾॒𑌨𑌾-𑌵𑍁॒𑌕𑍍𑌥𑍍𑌯𑍇॑𑌨 । 𑌵𑍀॒𑌰𑍍𑌯𑌗𑍍𑌂॑ 𑌷𑍋𑌡॒𑌶𑌿𑌨𑌃॑ 𑌸𑍍𑌤𑍋॒𑌤𑍍𑌰𑍇𑌣॑ । 𑌵𑌾𑌚॑-𑌮𑌤𑌿𑌰𑌾॒𑌤𑍍𑌰𑍇𑌣॑ । 𑌪𑍍𑌰॒𑌜𑌾-𑌮𑍍𑌬𑍃॑𑌹॒𑌤-𑌸𑍍𑌸𑍍𑌤𑍋॒𑌤𑍍𑌰𑍇𑌣॑ । 𑌇॒𑌮𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑍍𑌯𑌗𑍍𑌨𑌿𑌷𑍍𑌟𑍋॒𑌮𑍇𑌨॑ । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍁॒𑌕𑍍𑌥𑍍𑌯𑍇॑𑌨 ॥ 23 ॥

𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌗𑍍𑌂 𑌷𑍋॑𑌡॒𑌶𑌿𑌨𑌃॑ 𑌸𑍍𑌤𑍋॒𑌤𑍍𑌰𑍇𑌣॑ । 𑌦𑍇॒𑌵॒𑌯𑌾𑌨𑌾॑𑌨𑍇॒𑌵 𑌪॒𑌥 𑌆𑌰𑍋॑𑌹-𑌤𑍍𑌯𑌤𑌿𑌰𑌾॒𑌤𑍍𑌰𑍇𑌣॑ । 𑌨𑌾𑌕𑌗𑍍𑌂॑ 𑌰𑍋𑌹𑌤𑌿 𑌬𑍃𑌹॒𑌤-𑌸𑍍𑌸𑍍𑌤𑍋॒𑌤𑍍𑌰𑍇𑌣॑ । 𑌤𑍇𑌜॑ 𑌏॒𑌵𑌾𑌤𑍍𑌮-𑌨𑍍𑌧॑𑌤𑍍𑌤 𑌆𑌗𑍍𑌨𑍇॒𑌯𑍇𑌨॑ 𑌪॒𑌶𑍁𑌨𑌾᳚ । 𑌓𑌜𑍋॒ 𑌬𑌲॑𑌮𑍈𑌨𑍍𑌦𑍍𑌰𑌾॒𑌗𑍍𑌨𑍇𑌨॑ । 𑌇॒𑌨𑍍𑌦𑍍𑌰𑌿॒𑌯-𑌮𑍈॒𑌨𑍍𑌦𑍍𑌰𑍇𑌣॑ । 𑌵𑌾𑌚𑌗𑍍𑌂॑ 𑌸𑌾𑌰𑌸𑍍𑌵॒𑌤𑍍𑌯𑌾 । 𑌉॒𑌭𑌾𑌵𑍇॒𑌵 𑌦𑍇॑𑌵𑌲𑍋॒𑌕-𑌞𑍍𑌚॑ 𑌮𑌨𑍁𑌷𑍍𑌯𑌲𑍋॒𑌕-𑌞𑍍𑌚𑌾॒𑌭𑌿𑌜॑𑌯𑌤𑌿 𑌮𑌾𑌰𑍁॒𑌤𑍍𑌯𑌾 𑌵॒𑌶𑌯𑌾᳚ ॥ 𑌸॒𑌪𑍍𑌤𑌦॑𑌶 𑌪𑍍𑌰𑌾𑌜𑌾𑌪॒𑌤𑍍𑌯𑌾-𑌨𑍍𑌪॒𑌶𑍂𑌨𑌾𑌲॑𑌭𑌤𑍇 । 𑌸॒𑌪𑍍𑌤॒𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 ॥ 24 ॥

𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ ॥ 𑌶𑍍𑌯𑌾॒𑌮𑌾 𑌏𑌕॑𑌰𑍂𑌪𑌾 𑌭𑌵𑌨𑍍𑌤𑌿 । 𑌏॒𑌵𑌮𑌿॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 ॥ 𑌤𑌾-𑌨𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾॒-𑌨𑍁𑌥𑍍𑌸𑍃॑𑌜𑌤𑌿 ॥ 𑌮॒𑌰𑍁𑌤𑍋॑ 𑌯॒𑌜𑍍𑌞𑌮॑𑌜𑌿𑌘𑌾𑌗𑍍𑌂𑌸-𑌨𑍍𑌪𑍍𑌰॒𑌜𑌾𑌪॑𑌤𑍇𑌃 । 𑌤𑍇𑌭𑍍𑌯॑ 𑌏॒𑌤𑌾-𑌮𑍍𑌮𑌾॑𑌰𑍁॒𑌤𑍀𑌂-𑌵𑌁॒𑌶𑌾𑌮𑌾𑌲॑𑌭𑌤 । 𑌤𑌯𑍈॒𑌵𑍈𑌨𑌾॑-𑌨𑌶𑌮𑌯𑌤𑍍 ॥ 𑌮𑌾॒𑌰𑍁॒𑌤𑍍𑌯𑌾 𑌪𑍍𑌰॒𑌚𑌰𑍍𑌯॑ । 𑌏॒𑌤𑌾𑌨𑍍-𑌥𑍍𑌸𑌞𑍍𑌜𑍍𑌞॑𑌪𑌯𑍇𑌤𑍍 । 𑌮॒𑌰𑍁𑌤॑ 𑌏॒𑌵 𑌶॑𑌮𑌯𑌿॒𑌤𑍍𑌵𑌾 ॥ 25 ॥

𑌏॒𑌤𑍈𑌃 𑌪𑍍𑌰𑌚॑𑌰𑌤𑌿 । 𑌯॒𑌜𑍍𑌞𑌸𑍍𑌯𑌾𑌘𑌾॑𑌤𑌾𑌯 ॥ 𑌏॒𑌕॒𑌧𑌾 𑌵॒𑌪𑌾 𑌜𑍁॑𑌹𑍋𑌤𑌿 । 𑌏॒𑌕॒𑌦𑍇॒𑌵॒𑌤𑍍𑌯𑌾॑ 𑌹𑌿 । 𑌏॒𑌤𑍇 । 𑌅𑌥𑍋॑ 𑌏𑌕॒𑌧𑍈𑌵 𑌯𑌜॑𑌮𑌾𑌨𑍇 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿 ॥ 𑌨𑍈॒𑌵𑌾॒𑌰𑍇𑌣॑ 𑌸॒𑌪𑍍𑌤𑌦॑𑌶𑌶𑌰𑌾𑌵𑍇-𑌣𑍈॒𑌤𑌰𑍍𑌹𑌿॒ 𑌪𑍍𑌰𑌚॑𑌰𑌤𑌿 । 𑌏॒𑌤-𑌤𑍍𑌪𑍁॑𑌰𑍋𑌡𑌾𑌶𑌾॒ 𑌹𑍍𑌯𑍇॑𑌤𑍇 । 𑌅𑌥𑍋॑ 𑌪𑌶𑍂॒𑌨𑌾𑌮𑍇॒𑌵 𑌛𑌿॒𑌦𑍍𑌰𑌮𑌪𑌿॑𑌦𑌧𑌾𑌤𑌿 ॥ 𑌸𑌾॒𑌰॒𑌸𑍍𑌵॒𑌤𑍍𑌯𑍋𑌤𑍍𑌤॒𑌮𑌯𑌾॒ 𑌪𑍍𑌰𑌚॑𑌰𑌤𑌿 । 𑌵𑌾𑌗𑍍 𑌵𑍈 𑌸𑌰॑𑌸𑍍𑌵𑌤𑍀 । 𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁𑌗𑍁॑𑌤𑍍𑌤॒𑌮𑌾 । 𑌅𑌥𑍋᳚ 𑌪𑍍𑌰॒𑌜𑌾𑌪॑𑌤𑌾𑌵𑍇॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌪𑍍𑌰॒𑌜𑌾𑌪॑𑌤𑌿॒𑌰𑍍॒ 𑌹𑌿 𑌵𑌾𑌕𑍍 ॥ 𑌅𑌪॑𑌨𑍍𑌨𑌦𑌤𑍀 𑌭𑌵𑌤𑌿 । 𑌤𑌸𑍍𑌮𑌾᳚-𑌨𑍍𑌮𑌨𑍁॒𑌷𑍍𑌯𑌾᳚-𑌸𑍍𑌸𑌰𑍍𑌵𑌾𑌂॒-𑌵𑌾𑌁𑌚𑌂॑-𑌵𑌁𑌦𑌨𑍍𑌤𑌿 ॥ 26 ॥

(𑌅॒𑌤𑌿॒𑌰𑌾॒𑌤𑍍𑌰 - 𑌮॒𑌨𑍍𑌤𑌰𑌿॑𑌕𑍍𑌷𑌮𑍁॒𑌕𑍍𑌥𑍍𑌯𑍇॑𑌨 - 𑌪𑍍𑌰॒𑌜𑌾𑌪॑𑌤𑌿𑌃 - 𑌶𑌮𑌯𑌿॒𑌤𑍍𑌵𑍋𑌤𑍍 - 𑌤॒𑌮𑌯𑌾॒ 𑌪𑍍𑌰𑌚॑𑌰𑌤𑌿॒ 𑌷𑌟𑍍 𑌚॑) (𑌅. 4)

𑌅𑌨𑍁𑌵𑌾𑌕𑌂 5 - 𑌰𑌥𑌯𑌾𑌜𑌨𑌮𑍍

𑌸𑌾॒𑌵𑌿॒𑌤𑍍𑌰-𑌞𑍍𑌜𑍁॑𑌹𑍋𑌤𑌿॒ 𑌕𑌰𑍍𑌮॑𑌣𑌃 𑌕𑌰𑍍𑌮𑌣𑌃 𑌪𑍁॒𑌰𑌸𑍍𑌤𑌾᳚𑌤𑍍 ॥ 𑌕𑌸𑍍𑌤-𑌦𑍍𑌵𑍇॒𑌦𑍇𑌤𑍍𑌯𑌾॑𑌹𑍁𑌃 । 𑌯-𑌦𑍍𑌵𑌾॑𑌜॒𑌪𑍇𑌯॑𑌸𑍍𑌯॒ 𑌪𑍂𑌰𑍍𑌵𑌂॒-𑌯𑌁𑌦𑌪॑𑌰॒𑌮𑌿𑌤𑌿॑ । 𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵 𑌯॑𑌥𑌾𑌪𑍂॒𑌰𑍍𑌵-𑌙𑍍𑌕𑌰𑍍𑌮𑌾॑𑌣𑌿 𑌕𑌰𑍋𑌤𑌿 ॥ 𑌸𑌵॑𑌨𑍇 𑌸𑌵𑌨𑍇 𑌜𑍁𑌹𑍋𑌤𑌿 । 𑌆॒𑌕𑍍𑌰𑌮॑𑌣𑌮𑍇॒𑌵 𑌤-𑌥𑍍𑌸𑍇𑌤𑍁𑌂॒-𑌯𑌁𑌜॑𑌮𑌾𑌨𑌃 𑌕𑍁𑌰𑍁𑌤𑍇 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ॥ 𑌵𑌾॒𑌚𑌸𑍍𑌪𑌤𑌿॒-𑌰𑍍𑌵𑌾𑌚॑𑌮॒𑌦𑍍𑌯 𑌸𑍍𑌵॑𑌦𑌾𑌤𑌿 𑌨॒ 𑌇𑌤𑍍𑌯𑌾॑𑌹 । 𑌵𑌾𑌗𑍍𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌰𑌾-𑌽𑌨𑍍𑌨॑𑌮𑌾𑌸𑍀𑌤𑍍 । 𑌵𑌾𑌚॑𑌮𑍇॒𑌵𑌾𑌸𑍍𑌮𑌾॒ 𑌅𑌨𑍍𑌨𑌗𑍍𑌗𑍍॑ 𑌸𑍍𑌵𑌦𑌯𑌤𑌿 ॥ 27 ॥

𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨॒ 𑌇𑌤𑌿॒ 𑌰𑌥॑𑌮𑍁॒𑌪𑌾𑌵॑𑌹𑌰𑌤𑌿॒ 𑌵𑌿𑌜𑌿॑𑌤𑍍𑌯𑍈 ॥ 𑌵𑌾𑌜॑𑌸𑍍𑌯॒ 𑌨𑍁 𑌪𑍍𑌰॑𑌸॒𑌵𑍇 𑌮𑌾॒𑌤𑌰॑-𑌮𑍍𑌮॒𑌹𑍀𑌮𑌿𑌤𑍍𑌯𑌾॑𑌹 । 𑌯𑌚𑍍𑌚𑍈॒𑌵𑍇𑌯𑌮𑍍 । 𑌯𑌚𑍍𑌚𑌾॒𑌸𑍍𑌯𑌾𑌮𑌧𑌿॑ । 𑌤𑌦𑍇॒𑌵𑌾-𑌵॑𑌰𑍁𑌨𑍍𑌧𑍇 । 𑌅𑌥𑍋॒ 𑌤𑌸𑍍𑌮𑌿॑𑌨𑍍𑌨𑍇॒𑌵𑍋𑌭𑌯𑍇॒-𑌽𑌭𑌿𑌷𑌿॑𑌚𑍍𑌯𑌤𑍇 ॥ 𑌅॒𑌫𑍍𑌸𑍍𑌵॑𑌨𑍍𑌤𑌰॒-𑌮𑍃𑌤॑𑌮॒𑌫𑍍𑌸𑍁 𑌭𑍇॑𑌷॒𑌜𑌮𑌿𑌤𑍍𑌯𑌶𑍍𑌵𑌾᳚-𑌨𑍍𑌪𑌲𑍍𑌪𑍂𑌲𑌯𑌤𑌿 । 𑌅॒𑌫𑍍𑌸𑍁 𑌵𑌾 𑌅𑌶𑍍𑌵॑𑌸𑍍𑌯॒ 𑌤𑍃𑌤𑍀॑𑌯॒-𑌮𑍍𑌪𑍍𑌰𑌵𑌿॑𑌷𑍍𑌟𑌮𑍍 । 𑌤𑌦॑𑌨𑍁॒𑌵𑍇𑌨॒𑌨𑍍𑌵𑌵॑𑌪𑍍𑌲𑌵𑌤𑍇 । 𑌯𑌦॒𑌫𑍍𑌸𑍁 𑌪॑𑌲𑍍𑌪𑍂॒𑌲𑌯॑𑌤𑌿 ॥ 28 ॥

𑌯𑌦𑍇॒𑌵𑌾𑌸𑍍𑌯𑌾॒𑌫𑍍𑌸𑍁 𑌪𑍍𑌰𑌵𑌿॑𑌷𑍍𑌟𑌮𑍍 । 𑌤𑌦𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 𑌬॒𑌹𑍁 𑌵𑌾 𑌅𑌶𑍍𑌵𑍋॑-𑌽𑌮𑍇॒𑌦𑍍𑌧𑍍𑌯-𑌮𑍁𑌪॑𑌗𑌚𑍍𑌛𑌤𑌿 । 𑌯𑌦॒𑌫𑍍𑌸𑍁 𑌪॑𑌲𑍍𑌪𑍂॒𑌲𑌯॑𑌤𑌿 । 𑌮𑍇𑌦𑍍𑌧𑍍𑌯𑌾॑𑌨𑍇॒𑌵𑍈𑌨𑌾᳚𑌨𑍍 𑌕𑌰𑍋𑌤𑌿 ॥ 𑌵𑌾॒𑌯𑍁𑌰𑍍𑌵𑌾᳚ 𑌤𑍍𑌵𑌾॒ 𑌮𑌨𑍁॑𑌰𑍍𑌵𑌾॒ 𑌤𑍍𑌵𑍇𑌤𑍍𑌯𑌾॑𑌹 । 𑌏॒𑌤𑌾 𑌵𑌾 𑌏॒𑌤-𑌨𑍍𑌦𑍇॒𑌵𑌤𑌾॒ 𑌅𑌗𑍍𑌰𑍇॒ 𑌅𑌶𑍍𑌵॑𑌮𑌯𑍁𑌞𑍍𑌜𑌨𑍍𑌨𑍍 । 𑌤𑌾𑌭𑌿॑𑌰𑍇॒𑌵𑍈𑌨𑌾𑌨𑍍॑. 𑌯𑍁𑌨𑌕𑍍𑌤𑌿 । 𑌸॒𑌵𑌸𑍍𑌯𑍋𑌜𑍍𑌜𑌿॑𑌤𑍍𑌯𑍈 ॥ 𑌯𑌜𑍁॑𑌷𑌾 𑌯𑍁𑌨𑌕𑍍𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ॥ 29 ॥

𑌅𑌪𑌾᳚-𑌨𑍍𑌨 𑌪𑌾𑌦𑌾𑌶𑍁𑌹𑍇𑌮॒𑌨𑍍𑌨𑌿𑌤𑌿॒ 𑌸𑌮𑍍𑌮𑌾᳚𑌰𑍍𑌷𑍍𑌟𑌿 । 𑌮𑍇𑌦𑍍𑌧𑍍𑌯𑌾॑𑌨𑍇॒𑌵𑍈𑌨𑌾᳚𑌨𑍍 𑌕𑌰𑍋𑌤𑌿 । 𑌅𑌥𑍋॒ 𑌸𑍍𑌤𑍗𑌤𑍍𑌯𑍇॒𑌵𑍈𑌨𑌾॑𑌨𑌾॒𑌜𑌿𑌗𑍍𑌂 𑌸॑𑌰𑌿𑌷𑍍𑌯॒𑌤𑌃 ॥ 𑌵𑌿॒𑌷𑍍𑌣𑍁॒ 𑌕𑍍𑌰॒𑌮𑌾𑌨𑍍 𑌕𑍍𑌰॑𑌮𑌤𑍇 । 𑌵𑌿𑌷𑍍𑌣𑍁॑𑌰𑍇॒𑌵 𑌭𑍂॒𑌤𑍍𑌵𑍇𑌮𑌾𑌁𑌲𑍍𑌲𑍋॒𑌕𑌾-𑌨॒𑌭𑌿𑌜॑𑌯𑌤𑌿 ॥ 𑌵𑍈॒𑌶𑍍𑌵॒𑌦𑍇॒𑌵𑍋 𑌵𑍈 𑌰𑌥𑌃॑ । 𑌅॒𑌙𑍍𑌕𑍗 𑌨𑍍𑌯॒𑌙𑍍𑌕𑌾𑌵॒𑌭𑌿𑌤𑍋॒ 𑌰𑌥𑌂॒-𑌯𑌾𑌁𑌵𑌿𑌤𑍍𑌯𑌾॑𑌹 । 𑌯𑌾 𑌏॒𑌵 𑌦𑍇॒𑌵𑌤𑌾॒ 𑌰𑌥𑍇॒ 𑌪𑍍𑌰𑌵𑌿॑𑌷𑍍𑌟𑌾𑌃 । 𑌤𑌾𑌭𑍍𑌯॑ 𑌏॒𑌵 𑌨𑌮॑𑌸𑍍𑌕𑌰𑍋𑌤𑌿 । 𑌆॒𑌤𑍍𑌮𑌨𑍋-𑌽𑌨𑌾᳚𑌰𑍍𑌤𑍍𑌯𑍈 ॥ 𑌅𑌶॑𑌮𑌰𑌥-𑌮𑍍𑌭𑌾𑌵𑍁𑌕𑍋-𑌽𑌸𑍍𑌯॒ 𑌰𑌥𑍋॑ 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 30 ॥

(𑌸𑍍𑌵॒𑌦॒𑌯॒𑌤𑌿॒ - 𑌪॒𑌲𑍍𑌪𑍂॒𑌲𑌯॑𑌤𑌿॒ - 𑌵𑍍𑌯𑌾𑌵𑍃॑𑌤𑍍𑌤𑍍𑌯𑌾॒ - 𑌅𑌨𑌾᳚𑌰𑍍𑌤𑍍𑌯𑍈॒ 𑌦𑍍𑌵𑍇 𑌚॑) (𑌅. 5)

𑌅𑌨𑍁𑌵𑌾𑌕𑌂 6 - 𑌰𑌥𑌧𑌾𑌵𑌨𑌮𑍍

𑌦𑍇॒𑌵𑌸𑍍𑌯𑌾॒𑌹𑌗𑍍𑌂 𑌸॑𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 𑌬𑍃𑌹॒𑌸𑍍𑌪𑌤𑌿॑𑌨𑌾 𑌵𑌾𑌜॒𑌜𑌿𑌤𑌾॒ 𑌵𑌾𑌜॑-𑌞𑍍𑌜𑍇𑌷॒𑌮𑌿𑌤𑍍𑌯𑌾॑𑌹 । 𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵 𑌬𑍍𑌰𑌹𑍍𑌮॑𑌣𑌾॒ 𑌵𑌾𑌜॒𑌮𑍁𑌜𑍍𑌜॑𑌯𑌤𑌿 ॥ 𑌦𑍇॒𑌵𑌸𑍍𑌯𑌾॒𑌹𑌗𑍍𑌂 𑌸॑𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 𑌬𑍃𑌹॒𑌸𑍍𑌪𑌤𑌿॑𑌨𑌾 𑌵𑌾𑌜॒𑌜𑌿𑌤𑌾॒ 𑌵𑌰𑍍𑌷𑌿॑𑌷𑍍𑌠॒-𑌨𑍍𑌨𑌾𑌕𑌗𑍍𑌂॑ 𑌰𑍁𑌹𑍇𑌯॒𑌮𑌿𑌤𑍍𑌯𑌾॑𑌹 । 𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵 𑌬𑍍𑌰𑌹𑍍𑌮॑𑌣𑌾॒ 𑌵𑌰𑍍𑌷𑌿॑𑌷𑍍𑌠॒-𑌨𑍍𑌨𑌾𑌕𑌗𑍍𑌂॑ 𑌰𑍋𑌹𑌤𑌿 ॥ 𑌚𑌾𑌤𑍍𑌵𑌾॑𑌲𑍇 𑌰𑌥𑌚॒𑌕𑍍𑌰-𑌨𑍍𑌨𑌿𑌮𑌿॑𑌤𑌗𑍍𑌂 𑌰𑍋𑌹𑌤𑌿 । 𑌅𑌤𑍋॒ 𑌵𑌾 𑌅𑌙𑍍𑌗𑌿॑𑌰𑌸 𑌉𑌤𑍍𑌤॒𑌮𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌸𑌾॒𑌕𑍍𑌷𑌾𑌦𑍇॒𑌵 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 𑌆𑌵𑍇᳚𑌷𑍍𑌟𑌯𑌤𑌿 । 𑌵𑌜𑍍𑌰𑍋॒ 𑌵𑍈 𑌰𑌥𑌃॑ । 𑌵𑌜𑍍𑌰𑍇॑𑌣𑍈॒𑌵 𑌦𑌿𑌶𑍋॒-𑌽𑌭𑌿𑌜॑𑌯𑌤𑌿 ॥ 31 ॥

𑌵𑌾॒𑌜𑌿𑌨𑌾॒𑌗𑍍𑌂॒ 𑌸𑌾𑌮॑ 𑌗𑌾𑌯𑌤𑍇 । 𑌅𑌨𑍍𑌨𑌂॒-𑌵𑍈𑌁 𑌵𑌾𑌜𑌃॑ । 𑌅𑌨𑍍𑌨॑𑌮𑍇॒-𑌵𑌾𑌵॑𑌰𑍁𑌨𑍍𑌧𑍇 ॥ 𑌵𑌾॒𑌚𑍋 𑌵𑌰𑍍𑌷𑍍𑌮॑ 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮𑌤𑍍 । 𑌤-𑌦𑍍𑌵𑌨॒𑌸𑍍𑌪𑌤𑍀॒-𑌨𑍍𑌪𑍍𑌰𑌾𑌵𑌿॑𑌶𑌤𑍍 । 𑌸𑍈𑌷𑌾 𑌵𑌾𑌗𑍍-𑌵𑌨॒𑌸𑍍𑌪𑌤𑌿॑𑌷𑍁 𑌵𑌦𑌤𑌿 । 𑌯𑌾 𑌦𑍁॑𑌨𑍍𑌦𑍁॒𑌭𑍗 । 𑌤𑌸𑍍𑌮𑌾᳚-𑌦𑍍𑌦𑍁𑌨𑍍𑌦𑍁॒𑌭𑌿-𑌸𑍍𑌸𑌰𑍍𑌵𑌾॒ 𑌵𑌾𑌚𑍋𑌤𑌿॑ 𑌵𑌦𑌤𑌿 ॥ 𑌦𑍁॒𑌨𑍍𑌦𑍁॒𑌭𑍀𑌨𑍍-𑌥𑍍𑌸॒𑌮𑌾𑌘𑍍𑌨॑𑌨𑍍𑌤𑌿 । 𑌪॒𑌰॒𑌮𑌾 𑌵𑌾 𑌏॒𑌷𑌾 𑌵𑌾𑌕𑍍 ॥ 32 ॥

𑌯𑌾 𑌦𑍁॑𑌨𑍍𑌦𑍁॒𑌭𑍗 । 𑌪॒𑌰॒𑌮𑌯𑍈॒𑌵 𑌵𑌾॒𑌚𑌾-𑌽𑌵॑𑌰𑌾𑌂॒-𑌵𑌾𑌁𑌚॒𑌮-𑌵॑𑌰𑍁𑌨𑍍𑌧𑍇 । 𑌅𑌥𑍋॑ 𑌵𑌾॒𑌚 𑌏॒𑌵 𑌵𑌰𑍍𑌷𑍍𑌮॒ 𑌯𑌜॑𑌮𑌾॒𑌨𑍋 𑌽𑌵॑𑌰𑍁𑌨𑍍𑌧𑍇 ॥ 𑌇𑌨𑍍𑌦𑍍𑌰𑌾॑𑌯॒ 𑌵𑌾𑌚𑌂॑-𑌵𑌁𑌦॒𑌤𑍇𑌨𑍍𑌦𑍍𑌰𑌂॒-𑌵𑌾𑌁𑌜॑-𑌞𑍍𑌜𑌾𑌪𑌯॒𑌤𑍇𑌨𑍍𑌦𑍍𑌰𑍋॒ 𑌵𑌾𑌜॑𑌮𑌜𑌯𑌿॒-𑌦𑌿𑌤𑍍𑌯𑌾॑𑌹 । 𑌏॒𑌷 𑌵𑌾 𑌏॒𑌤𑌰𑍍𑌹𑍀𑌨𑍍𑌦𑍍𑌰𑌃॑ । 𑌯𑍋 𑌯𑌜॑𑌤𑍇 । 𑌯𑌜॑𑌮𑌾𑌨 𑌏॒𑌵 𑌵𑌾𑌜॒𑌮𑍁𑌜𑍍𑌜॑𑌯𑌤𑌿 ॥ 𑌸॒𑌪𑍍𑌤𑌦॑𑌶 𑌪𑍍𑌰𑌵𑍍𑌯𑌾॒𑌧𑌾𑌨𑌾॒𑌜𑌿-𑌨𑍍𑌧𑌾॑𑌵𑌨𑍍𑌤𑌿 । 𑌸॒𑌪𑍍𑌤॒𑌦॒𑌶𑌗𑍍𑌗𑍍 𑌸𑍍𑌤𑍋॒𑌤𑍍𑌰-𑌮𑍍𑌭॑𑌵𑌤𑌿 । 𑌸॒𑌪𑍍𑌤𑌦॑𑌶 𑌸𑌪𑍍𑌤𑌦𑌶 𑌦𑍀𑌯𑌨𑍍𑌤𑍇 ॥ 33 ॥

𑌸॒𑌪𑍍𑌤॒𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒-𑌰𑌾𑌪𑍍𑌤𑍍𑌯𑍈᳚ ॥ 𑌅𑌰𑍍𑌵𑌾॑-𑌽𑌸𑌿॒ 𑌸𑌪𑍍𑌤𑌿॑𑌰𑌸𑌿 𑌵𑌾॒𑌜𑍍𑌯॑𑌸𑍀𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍍𑌵𑌾 𑌅𑌰𑍍𑌵𑌾᳚ । 𑌵𑌾॒𑌯𑍁-𑌸𑍍𑌸𑌪𑍍𑌤𑌿𑌃॑ । 𑌆॒𑌦𑌿॒𑌤𑍍𑌯𑍋 𑌵𑌾॒𑌜𑍀 । 𑌏॒𑌤𑌾𑌭𑌿॑𑌰𑍇॒𑌵𑌾𑌸𑍍𑌮𑍈॑ 𑌦𑍇॒𑌵𑌤𑌾॑𑌭𑌿-𑌰𑍍𑌦𑍇𑌵𑌰॒𑌥𑌂-𑌯𑍁𑌁॑𑌨𑌕𑍍𑌤𑌿 ॥ 𑌪𑍍𑌰॒𑌷𑍍𑌟𑌿॒𑌵𑌾॒𑌹𑌿𑌨𑌂॑-𑌯𑍁𑌁𑌨𑌕𑍍𑌤𑌿 । 𑌪𑍍𑌰॒𑌷𑍍𑌟𑌿॒𑌵𑌾॒𑌹𑍀 𑌵𑍈 𑌦𑍇॑𑌵𑌰॒𑌥𑌃 । 𑌦𑍇॒𑌵॒𑌰॒𑌥𑌮𑍇॒𑌵𑌾𑌸𑍍𑌮𑍈॑ 𑌯𑍁𑌨𑌕𑍍𑌤𑌿 ॥ 34 ॥

𑌵𑌾𑌜𑌿॑𑌨𑍋॒ 𑌵𑌾𑌜॑-𑌨𑍍𑌧𑌾𑌵𑌤॒ 𑌕𑌾𑌷𑍍𑌠𑌾᳚-𑌙𑍍𑌗𑌚𑍍𑌛॒𑌤𑍇𑌤𑍍𑌯𑌾॑𑌹 । 𑌸𑍁॒𑌵॒𑌰𑍍𑌗𑍋 𑌵𑍈 𑌲𑍋॒𑌕𑌃 𑌕𑌾𑌷𑍍𑌠𑌾᳚ । 𑌸𑍁॒𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌂-𑌯𑌁॑𑌨𑍍𑌤𑌿 ॥ 𑌸𑍁॒𑌵॒𑌰𑍍𑌗𑌂-𑌵𑌾𑌁 𑌏॒𑌤𑍇 𑌲𑍋॒𑌕𑌂-𑌯𑌁॑𑌨𑍍𑌤𑌿 । 𑌯 𑌆॒𑌜𑌿-𑌨𑍍𑌧𑌾𑌵॑𑌨𑍍𑌤𑌿 ॥ 𑌪𑍍𑌰𑌾𑌞𑍍𑌚𑍋॑ 𑌧𑌾𑌵𑌨𑍍𑌤𑌿 । 𑌪𑍍𑌰𑌾𑌂𑌇॑𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 ॥ 𑌚॒𑌤॒𑌸𑍃𑌭𑌿॒𑌰𑌨𑍁॑ 𑌮𑌨𑍍𑌤𑍍𑌰𑌯𑌤𑍇 । 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 । 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨𑌾᳚𑌨𑍍-𑌥𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 ॥ 35 ॥

𑌪𑍍𑌰 𑌵𑌾 𑌏॒𑌤𑍇᳚-𑌽𑌸𑍍𑌮𑌾𑌲𑍍-𑌲𑍋॒𑌕𑌾𑌚𑍍𑌚𑍍𑌯॑𑌵𑌨𑍍𑌤𑍇 । 𑌯 𑌆॒𑌜𑌿-𑌨𑍍𑌧𑌾𑌵॑𑌨𑍍𑌤𑌿 । 𑌉𑌦॑𑌞𑍍𑌚॒ 𑌆𑌵॑𑌰𑍍𑌤𑌨𑍍𑌤𑍇 । 𑌅॒𑌸𑍍𑌮𑌾𑌦𑍇॒𑌵 𑌤𑍇𑌨॑ 𑌲𑍋॒𑌕𑌾𑌨𑍍𑌨𑌯॑𑌨𑍍𑌤𑌿 ॥ 𑌰॒𑌥॒𑌵𑌿॒𑌮𑍋॒𑌚॒𑌨𑍀𑌯॑-𑌞𑍍𑌜𑍁𑌹𑍋𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 𑌆 𑌮𑌾॒ 𑌵𑌾𑌜॑𑌸𑍍𑌯 𑌪𑍍𑌰𑌸॒𑌵𑍋 𑌜॑𑌗𑌮𑍍𑌯𑌾॒𑌦𑌿𑌤𑍍𑌯𑌾॑𑌹 । 𑌅𑌨𑍍𑌨𑌂॒-𑌵𑍈𑌁 𑌵𑌾𑌜𑌃॑ । 𑌅𑌨𑍍𑌨॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 𑌯॒𑌥𑌾॒𑌲𑍋॒𑌕𑌂-𑌵𑌾𑌁 𑌏॒𑌤 𑌉𑌜𑍍𑌜॑𑌯𑌨𑍍𑌤𑌿 । 𑌯 𑌆॒𑌜𑌿-𑌨𑍍𑌧𑌾𑌵॑𑌨𑍍𑌤𑌿 ॥ 36 ॥

𑌕𑍃॒𑌷𑍍𑌣𑌲॑-𑌙𑍍𑌕𑍃𑌷𑍍𑌣𑌲𑌂-𑌵𑌾𑌁𑌜॒𑌸𑍃𑌦𑍍𑌭𑍍𑌯𑌃॒ 𑌪𑍍𑌰𑌯॑𑌚𑍍𑌛𑌤𑌿 । 𑌯𑌮𑍇॒𑌵 𑌤𑍇 𑌵𑌾𑌜𑌂॑-𑌲𑍋𑌁॒𑌕𑌮𑍁॒𑌜𑍍𑌜𑌯॑𑌨𑍍𑌤𑌿 । 𑌤-𑌮𑍍𑌪॑𑌰𑌿॒𑌕𑍍𑌰𑍀𑌯𑌾-𑌵॑𑌰𑍁𑌨𑍍𑌧𑍇 ॥ 𑌏॒𑌕॒𑌧𑌾 𑌬𑍍𑌰॒𑌹𑍍𑌮𑌣॒ 𑌉𑌪॑𑌹𑌰𑌤𑌿 । 𑌏॒𑌕॒𑌧𑍈𑌵 𑌯𑌜॑𑌮𑌾𑌨𑍇 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿 ॥ 𑌦𑍇॒𑌵𑌾 𑌵𑌾 𑌓𑌷॑𑌧𑍀𑌷𑍍𑌵𑌾॒𑌜𑌿𑌮॑𑌯𑍁𑌃 । 𑌤𑌾 𑌬𑍃𑌹॒𑌸𑍍𑌪𑌤𑌿॒-𑌰𑍁𑌦॑𑌜𑌯𑌤𑍍 । 𑌸 𑌨𑍀॒𑌵𑌾𑌰𑌾॒𑌨𑍍𑌨𑌿𑌰॑𑌵𑍃𑌣𑍀𑌤 । 𑌤𑌨𑍍𑌨𑍀॒𑌵𑌾𑌰𑌾॑𑌣𑌾-𑌨𑍍𑌨𑍀𑌵𑌾𑌰॒𑌤𑍍𑌵𑌮𑍍 ॥ 𑌨𑍈॒𑌵𑌾॒𑌰𑌶𑍍𑌚॒𑌰𑍁-𑌰𑍍𑌭॑𑌵𑌤𑌿 ॥ 37 ॥

𑌏॒𑌤𑌦𑍍𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑌰॒𑌮𑌮𑌨𑍍𑌨᳚𑌮𑍍 । 𑌯𑌨𑍍𑌨𑍀॒𑌵𑌾𑌰𑌾𑌃᳚ । 𑌪॒𑌰॒𑌮𑍇𑌣𑍈॒𑌵𑌾𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯𑍇॒-𑌨𑌾𑌵॑𑌰-𑌮॒𑌨𑍍𑌨𑌾𑌦𑍍𑌯॒𑌮𑌵॑𑌰𑍁𑌨𑍍𑌧𑍇 ॥ 𑌸॒𑌪𑍍𑌤𑌦॑𑌶𑌶𑌰𑌾𑌵𑍋 𑌭𑌵𑌤𑌿 । 𑌸॒𑌪𑍍𑌤॒𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒-𑌰𑌾𑌪𑍍𑌤𑍍𑌯𑍈᳚ ॥ 𑌕𑍍𑌷𑍀॒𑌰𑍇 𑌭॑𑌵𑌤𑌿 । 𑌰𑍁𑌚॑𑌮𑍇॒𑌵𑌾𑌸𑍍𑌮𑌿॑𑌨𑍍-𑌦𑌧𑌾𑌤𑌿 ॥ 𑌸॒𑌰𑍍𑌪𑌿𑌷𑍍𑌵𑌾᳚-𑌨𑍍𑌭𑌵𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ ॥ 𑌬𑌾॒𑌰𑍍॒𑌹॒𑌸𑍍𑌪॒𑌤𑍍𑌯𑍋 𑌵𑌾 𑌏॒𑌷 𑌦𑍇॒𑌵𑌤॑𑌯𑌾 ॥ 38 ॥

𑌯𑍋 𑌵𑌾॑𑌜॒𑌪𑍇𑌯𑍇॑𑌨॒ 𑌯𑌜॑𑌤𑍇 । 𑌬𑌾॒𑌰𑍍॒𑌹॒𑌸𑍍𑌪॒𑌤𑍍𑌯 𑌏॒𑌷 𑌚॒𑌰𑍁𑌃 ॥ 𑌅𑌶𑍍𑌵𑌾᳚𑌨𑍍-𑌥𑍍𑌸𑌰𑌿𑌷𑍍𑌯॒𑌤-𑌸𑍍𑌸॒𑌸𑍍𑌰𑍁𑌷॒𑌶𑍍𑌚𑌾𑌵॑-𑌘𑍍𑌰𑌾𑌪𑌯𑌤𑌿 । 𑌯𑌮𑍇॒𑌵 𑌤𑍇 𑌵𑌾𑌜𑌂॑-𑌲𑍋𑌁॒𑌕𑌮𑍁॒𑌜𑍍𑌜𑌯॑𑌨𑍍𑌤𑌿 । 𑌤𑌮𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 𑌅𑌜𑍀॑𑌜𑌿𑌪𑌤 𑌵𑌨𑌸𑍍𑌪𑌤𑌯॒ 𑌇𑌨𑍍𑌦𑍍𑌰𑌂॒-𑌵𑌾𑌁𑌜𑌂॒-𑌵𑌿𑌁𑌮𑍁॑𑌚𑍍𑌯𑌦𑍍𑌧𑍍𑌵॒𑌮𑌿𑌤𑌿॑ 𑌦𑍁𑌨𑍍𑌦𑍁॒𑌭𑍀𑌨𑍍. 𑌵𑌿𑌮𑍁॑𑌞𑍍𑌚𑌤𑌿 । 𑌯𑌮𑍇॒𑌵 𑌤𑍇 𑌵𑌾𑌜𑌂॑-𑌲𑍋𑌁॒𑌕𑌮𑌿॑𑌨𑍍𑌦𑍍𑌰𑌿॒𑌯-𑌨𑍍𑌦𑍁॑𑌨𑍍𑌦𑍁॒𑌭𑌯॑ 𑌉॒𑌜𑍍𑌜𑌯॑𑌨𑍍𑌤𑌿 । 𑌤𑌮𑍇॒𑌵𑌾-𑌵॑𑌰𑍁𑌨𑍍𑌧𑍇 ॥ 39 ॥

(𑌅॒𑌭𑌿𑌜॑𑌯𑌤𑌿॒ - 𑌵𑌾 𑌏॒𑌷𑌾 𑌵𑌾𑌗𑍍 - 𑌦𑍀॑𑌯𑌨𑍍𑌤𑍇 - 𑌽𑌸𑍍𑌮𑍈 𑌯𑍁𑌨𑌕𑍍𑌤𑌿 - 𑌗𑌮𑌯𑌤𑌿॒ - 𑌯 𑌆॒𑌜𑌿-𑌨𑍍𑌧𑌾𑌵॑𑌨𑍍𑌤𑌿 - 𑌭𑌵𑌤𑌿 - 𑌦𑍇॒𑌵𑌤॑𑌯𑌾॒ - +-𑌽𑌷𑍍𑌟𑍗 𑌚॑) (𑌅. 6)

𑌅𑌨𑍁𑌵𑌾𑌕𑌂 7 - 𑌯𑍂𑌪𑌾𑌰𑍋𑌹𑌣𑌮𑍍

𑌤𑌾॒𑌰𑍍𑌪𑍍𑌯𑌂-𑌯𑌁𑌜॑𑌮𑌾𑌨॒-𑌮𑍍𑌪𑌰𑌿॑𑌧𑌾𑌪𑌯𑌤𑌿 । 𑌯॒𑌜𑍍𑌞𑍋 𑌵𑍈 𑌤𑌾॒𑌰𑍍𑌪𑍍𑌯𑌮𑍍 । 𑌯॒𑌜𑍍𑌞𑍇𑌨𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌤𑌿 । 𑌦॒𑌰𑍍𑌭॒𑌮𑌯॒-𑌮𑍍𑌪𑌰𑌿॑𑌧𑌾𑌪𑌯𑌤𑌿 । 𑌪॒𑌵𑌿𑌤𑍍𑌰𑌂॒-𑌵𑍈𑌁 𑌦॒𑌰𑍍𑌭𑌾𑌃 । 𑌪𑍁॒𑌨𑌾𑌤𑍍𑌯𑍇॒𑌵𑍈𑌨᳚𑌮𑍍 । 𑌵𑌾𑌜𑌂॒-𑌵𑌾𑌁 𑌏॒𑌷𑍋-𑌽𑌵॑𑌰𑍁𑌰𑍁𑌥𑍍𑌸𑌤𑍇 । 𑌯𑍋 𑌵𑌾॑𑌜॒𑌪𑍇𑌯𑍇॑𑌨॒ 𑌯𑌜॑𑌤𑍇 । 𑌓𑌷॑𑌧𑌯𑌃॒ 𑌖𑌲𑍁॒ 𑌵𑍈 𑌵𑌾𑌜𑌃॑ । 𑌯-𑌦𑍍𑌦॑𑌰𑍍𑌭॒𑌮𑌯॑-𑌮𑍍𑌪𑌰𑌿𑌧𑌾॒𑌪𑌯॑𑌤𑌿 ॥ 40 ॥

𑌵𑌾𑌜॒𑌸𑍍𑌯𑌾𑌵॑-𑌰𑍁𑌦𑍍𑌧𑍍𑌯𑍈 ॥ 𑌜𑌾𑌯॒ 𑌏𑌹𑌿॒ 𑌸𑍁𑌵𑍋॒ 𑌰𑍋𑌹𑌾॒𑌵𑍇𑌤𑍍𑌯𑌾॑𑌹 । 𑌪𑌤𑍍𑌨𑌿॑𑌯𑌾 𑌏॒𑌵𑍈𑌷 𑌯॒𑌜𑍍𑌞𑌸𑍍𑌯𑌾᳚𑌨𑍍-𑌵𑌾𑌰॒𑌮𑍍𑌭𑍋-𑌽𑌨॑𑌵𑌚𑍍𑌛𑌿𑌤𑍍𑌯𑍈 ॥ 𑌸॒𑌪𑍍𑌤𑌦॑𑌶𑌾-𑌰𑌤𑍍𑌨𑌿॒𑌰𑍍𑌯𑍂𑌪𑍋॑ 𑌭𑌵𑌤𑌿 । 𑌸॒𑌪𑍍𑌤॒𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ ॥ 𑌤𑍂॒𑌪॒𑌰-𑌶𑍍𑌚𑌤𑍁॑𑌰𑌶𑍍𑌰𑌿-𑌰𑍍𑌭𑌵𑌤𑌿 ॥ 𑌗𑍗॒𑌧𑍂॒𑌮-𑌞𑍍𑌚॒𑌷𑌾𑌲᳚𑌮𑍍 । 𑌨 𑌵𑌾 𑌏॒𑌤𑍇 𑌵𑍍𑌰𑍀॒𑌹𑌯𑍋॒ 𑌨 𑌯𑌵𑌾𑌃᳚ । 𑌯-𑌦𑍍𑌗𑍋॒𑌧𑍂𑌮𑌾𑌃᳚ ॥ 41 ॥

𑌏॒𑌵𑌮𑌿॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌅𑌥𑍋॑ 𑌅॒𑌮𑍁𑌮𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌮𑌨𑍍𑌨॑𑌵𑌨𑍍𑌤-𑌙𑍍𑌕𑌰𑍋𑌤𑌿 ॥ 𑌵𑌾𑌸𑍋॑𑌭𑌿-𑌰𑍍𑌵𑍇𑌷𑍍𑌟𑌯𑌤𑌿 । 𑌏॒𑌷 𑌵𑍈 𑌯𑌜॑𑌮𑌾𑌨𑌃 । 𑌯𑌦𑍍𑌯𑍂𑌪𑌃॑ । 𑌸॒𑌰𑍍𑌵॒𑌦𑍇॒𑌵॒𑌤𑍍𑌯𑌂॑-𑌵𑌾𑌁𑌸𑌃॑ । 𑌸𑌰𑍍𑌵𑌾॑𑌭𑌿𑌰𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿॒-𑌸𑍍𑌸𑌮॑𑌰𑍍𑌧𑌯𑌤𑌿 । 𑌅𑌥𑍋॑ 𑌆॒𑌕𑍍𑌰𑌮॑𑌣𑌮𑍇॒𑌵 𑌤𑌥𑍍𑌸𑍇𑌤𑍁𑌂॒-𑌯𑌁𑌜॑𑌮𑌾𑌨𑌃 𑌕𑍁𑌰𑍁𑌤𑍇 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ॥ 𑌦𑍍𑌵𑌾𑌦॑𑌶 𑌵𑌾𑌜𑌪𑍍𑌰𑌸॒𑌵𑍀𑌯𑌾॑𑌨𑌿 𑌜𑍁𑌹𑍋𑌤𑌿 ॥ 42 ॥

𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌅𑌥𑍋॑ 𑌸𑌂𑌵𑌁𑌥𑍍𑌸॒𑌰𑌮𑍇॒𑌵𑌾𑌸𑍍𑌮𑌾॒ 𑌉𑌪॑ 𑌦𑌧𑌾𑌤𑌿 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ॥ 𑌦॒𑌶𑌭𑌿𑌃॒ 𑌕𑌲𑍍𑌪𑍈॑ 𑌰𑍋𑌹𑌤𑌿 । 𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾𑌃 । 𑌨𑌾𑌭𑌿॑𑌰𑍍𑌦𑌶॒𑌮𑍀 । 𑌪𑍍𑌰𑌾॒𑌣𑌾𑌨𑍇॒𑌵 𑌯॑𑌥𑌾𑌸𑍍𑌥𑌾॒𑌨-𑌙𑍍𑌕॑𑌲𑍍𑌪𑌯𑌿॒𑌤𑍍𑌵𑌾 । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑌸𑍍𑌯॒ 𑌸𑍍𑌵𑌮𑍍 ॥ 43 ॥

𑌯𑌾𑌵॑𑌤𑍍-𑌪𑍍𑌰𑌾॒𑌣𑌾𑌃 । 𑌯𑌾𑌵॑𑌦𑍇॒𑌵𑌾𑌸𑍍𑌯𑌾𑌸𑍍𑌤𑌿॑ । 𑌤𑍇𑌨॑ 𑌸॒𑌹 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 𑌸𑍁𑌵॑𑌰𑍍𑌦𑍇॒𑌵𑌾𑌗𑍍𑌂 𑌅॑𑌗॒𑌨𑍍𑌮𑍇𑌤𑍍𑌯𑌾॑𑌹 । 𑌸𑍁॒𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌮𑍇॑𑌤𑌿 । 𑌅॒𑌮𑍃𑌤𑌾॑ 𑌅𑌭𑍂॒𑌮𑍇𑌤𑍍𑌯𑌾॑𑌹 । 𑌅॒𑌮𑍃𑌤॑𑌮𑌿𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 । 𑌪𑍍𑌰॒𑌜𑌾𑌪॑𑌤𑍇𑌃 𑌪𑍍𑌰॒𑌜𑌾 𑌅॑𑌭𑍂॒𑌮𑍇𑌤𑍍𑌯𑌾॑𑌹 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑌾 𑌅॒𑌯𑌂-𑌲𑍋𑌁॒𑌕𑌃 । 𑌅॒𑌸𑍍𑌮𑌾𑌦𑍇॒𑌵 𑌤𑍇𑌨॑ 𑌲𑍋॒𑌕𑌾𑌨𑍍𑌨𑍈𑌤𑌿॑ ॥ 44 ॥

𑌸𑌮॒𑌹-𑌮𑍍𑌪𑍍𑌰॒𑌜𑌯𑌾॒ 𑌸-𑌮𑍍𑌮𑌯𑌾᳚ 𑌪𑍍𑌰॒𑌜𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾-𑌮𑌾𑌶𑌾᳚𑌸𑍍𑌤𑍇 ॥ 𑌆॒𑌸॒𑌪𑍁॒𑌟𑍈-𑌰𑍍𑌘𑍍𑌨॑𑌨𑍍𑌤𑌿 । 𑌅𑌨𑍍𑌨𑌂॒-𑌵𑌾𑌁 𑌇॒𑌯𑌮𑍍 । 𑌅॒𑌨𑍍𑌨𑌾𑌦𑍍𑌯𑍇॑𑌨𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌨𑍍𑌤𑌿 । 𑌊𑌷𑍈᳚-𑌰𑍍𑌘𑍍𑌨𑌨𑍍𑌤𑌿 । 𑌏॒𑌤𑍇 𑌹𑌿 𑌸𑌾॒𑌕𑍍𑌷𑌾𑌦𑌨𑍍𑌨᳚𑌮𑍍 । 𑌯𑌦𑍂𑌷𑌾𑌃᳚ । 𑌸𑌾॒𑌕𑍍𑌷𑌾𑌦𑍇॒𑌵𑍈𑌨॑-𑌮॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮॑𑌰𑍍𑌧𑌯𑌨𑍍𑌤𑌿 ॥ 𑌪𑍁॒𑌰𑌸𑍍𑌤𑌾᳚𑌤𑍍-𑌪𑍍𑌰॒𑌤𑍍𑌯𑌞𑍍𑌚᳚-𑌙𑍍𑌘𑍍𑌨𑌨𑍍𑌤𑌿 ॥ 45 ॥

𑌪𑍁॒𑌰𑌸𑍍𑌤𑌾॒𑌦𑍍𑌧𑌿 𑌪𑍍𑌰॑𑌤𑍀॒𑌚𑍀𑌨॒-𑌮𑌨𑍍𑌨॑𑌮॒𑌦𑍍𑌯𑌤𑍇᳚ ॥ 𑌶𑍀॒𑌰𑍍॒𑌷॒𑌤𑍋 𑌘𑍍𑌨॑𑌨𑍍𑌤𑌿 । 𑌶𑍀॒𑌰𑍍॒𑌷॒𑌤𑍋 𑌹𑍍𑌯𑌨𑍍𑌨॑𑌮॒𑌦𑍍𑌯𑌤𑍇᳚ ॥ 𑌦𑌿॒𑌗𑍍𑌭𑍍𑌯𑍋 𑌘𑍍𑌨॑𑌨𑍍𑌤𑌿 । 𑌦𑌿॒𑌗𑍍𑌭𑍍𑌯 𑌏॒𑌵𑌾𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯॒-𑌮𑌵॑𑌰𑍁𑌨𑍍𑌧𑌤𑍇 ॥ 𑌈॒𑌶𑍍𑌵॒𑌰𑍋 𑌵𑌾 𑌏॒𑌷 𑌪𑌰𑌾𑌂᳚-𑌪𑍍𑌰॒𑌦𑌘𑌃॑ । 𑌯𑍋 𑌯𑍂𑌪॒𑌗𑍍𑌂॒ 𑌰𑍋𑌹॑𑌤𑌿 ॥ 𑌹𑌿𑌰॑𑌣𑍍𑌯𑌮॒𑌦𑍍𑌧𑍍𑌯-𑌵॑𑌰𑍋𑌹𑌤𑌿 । 𑌅॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯𑌮𑍍 । 𑌅॒𑌮𑍃𑌤𑌗𑍍𑌂॑ 𑌸𑍁𑌵॒𑌰𑍍𑌗𑍋 𑌲𑍋॒𑌕𑌃 ॥ 46 ॥

𑌅॒𑌮𑍃𑌤॑ 𑌏॒𑌵 𑌸𑍁॑𑌵॒𑌰𑍍𑌗𑍇 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 । 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯𑌃 । 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑌪𑍁𑌷𑍍𑌟𑍍𑌯𑍈॒ 𑌵𑌾 𑌏॒𑌤-𑌦𑍍𑌰𑍂॒𑌪𑌮𑍍 । 𑌯𑌦॒𑌜𑌾 । 𑌤𑍍𑌰𑌿-𑌸𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯𑌾॒𑌨𑍍𑌯𑌾𑌨𑍍-𑌪॒𑌶𑍂-𑌨𑍍𑌪𑌰𑌿॒ 𑌪𑍍𑌰𑌜𑌾॑𑌯𑌤𑍇 ॥ 𑌬॒𑌸𑍍𑌤𑌾॒𑌜𑌿॒𑌨-𑌮॒𑌦𑍍𑌧𑍍𑌯𑌵॑ 𑌰𑍋𑌹𑌤𑌿 । 𑌪𑍁𑌷𑍍𑌟𑍍𑌯𑌾॑𑌮𑍇॒𑌵 𑌪𑍍𑌰॒𑌜𑌨॑𑌨𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ॥ 47 ॥

(𑌪॒𑌰𑌿॒𑌧𑌾॒𑌪𑌯॑𑌤𑌿 - 𑌗𑍋॒𑌧𑍂𑌮𑌾॑ - 𑌜𑍁𑌹𑍋𑌤𑌿॒ - 𑌸𑍍𑌵𑌂 - 𑌨𑍈𑌤𑌿॑ - 𑌪𑍍𑌰॒𑌤𑍍𑌯𑌞𑍍𑌜॑-𑌙𑍍𑌘𑍍𑌨𑌨𑍍𑌤𑌿 - 𑌲𑍋॒𑌕𑍋 - +𑌨𑌵॑ 𑌚 (𑌅. 7)

𑌅𑌨𑍁𑌵𑌾𑌕𑌂 8 - 𑌅𑌨𑍍𑌨𑌹𑍋𑌮𑌾𑌃, 𑌅𑌭𑌿𑌷𑍇𑌕𑌶𑍍𑌚

𑌸॒𑌪𑍍𑌤𑌾𑌨𑍍𑌨॑-𑌹𑍋॒𑌮𑌾𑌞𑍍𑌜𑍁॑𑌹𑍋𑌤𑌿 । 𑌸॒𑌪𑍍𑌤 𑌵𑌾 𑌅𑌨𑍍𑌨𑌾॑𑌨𑌿 । 𑌯𑌾𑌵॑𑌨𑍍𑌤𑍍𑌯𑍇॒𑌵𑌾𑌨𑍍𑌨𑌾॑𑌨𑌿 । 𑌤𑌾𑌨𑍍𑌯𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾 𑌓𑌷॑𑌧𑌯𑌃 । 𑌸॒𑌪𑍍𑌤𑌾𑌰॒𑌣𑍍𑌯𑌾𑌃 । 𑌉॒𑌭𑌯𑍀॑𑌷𑌾॒-𑌮𑌵॑𑌰𑍁𑌦𑍍𑌧𑍍𑌯𑍈 ॥ 𑌅𑌨𑍍𑌨॑𑌸𑍍𑌯𑌾-𑌨𑍍𑌨𑌸𑍍𑌯 𑌜𑍁𑌹𑍋𑌤𑌿 । 𑌅𑌨𑍍𑌨॑𑌸𑍍𑌯𑌾𑌨𑍍𑌨॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 ॥ 𑌯-𑌦𑍍𑌵𑌾॑𑌜𑌪𑍇𑌯𑌯𑌾॒𑌜𑍍𑌯-𑌨॑𑌵𑌰𑍁𑌦𑍍𑌧𑌸𑍍𑌯𑌾𑌶𑍍𑌞𑍀॒𑌯𑌾𑌤𑍍 ॥ 48 ॥

𑌅𑌵॑𑌰𑍁𑌦𑍍𑌧𑍇𑌨॒ 𑌵𑍍𑌯𑍃॑𑌦𑍍𑌧𑍍𑌯𑍇𑌤 । 𑌸𑌰𑍍𑌵॑𑌸𑍍𑌯 𑌸𑌮𑌵॒𑌦𑌾𑌯॑ 𑌜𑍁𑌹𑍋𑌤𑌿 । 𑌅𑌨॑𑌵𑌰𑍁𑌦𑍍𑌧॒-𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 ॥ 𑌔𑌦𑍁॑𑌮𑍍𑌬𑌰𑍇𑌣 𑌸𑍍𑌰𑍁॒𑌵𑍇𑌣॑ 𑌜𑍁𑌹𑍋𑌤𑌿 । 𑌊𑌰𑍍𑌗𑍍𑌵𑌾 𑌅𑌨𑍍𑌨॑-𑌮𑍁𑌦𑍁॒𑌮𑍍𑌬𑌰𑌃॑ । 𑌊॒𑌰𑍍𑌜 𑌏॒𑌵𑌾𑌨𑍍𑌨𑌾𑌦𑍍𑌯॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌾॑𑌹 । 𑌸॒𑌵𑌿॒𑌤𑍃 𑌪𑍍𑌰॑𑌸𑍂𑌤 𑌏॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿-𑌰॒𑌭𑌿𑌷𑌿॑𑌞𑍍𑌚𑌤𑌿 ॥ 𑌅𑌨𑍍𑌨॑𑌸𑍍𑌯𑌾𑌨𑍍𑌨𑌸𑍍𑌯𑌾॒𑌭𑌿𑌷𑌿॑𑌞𑍍𑌚𑌤𑌿 । 𑌅𑌨𑍍𑌨॑𑌸𑍍𑌯𑌾𑌨𑍍𑌨॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 ॥ 49 ॥

𑌪𑍁॒𑌰𑌸𑍍𑌤𑌾᳚𑌤𑍍-𑌪𑍍𑌰॒𑌤𑍍𑌯𑌞𑍍𑌚॑-𑌮॒𑌭𑌿𑌷𑌿॑𑌞𑍍𑌚𑌤𑌿 । 𑌪𑍁॒𑌰𑌸𑍍𑌤𑌾॒𑌦𑍍𑌧𑌿-𑌪𑍍𑌰॑𑌤𑍀॒𑌚𑍀𑌨॒-𑌮𑌨𑍍𑌨॑𑌮॒𑌦𑍍𑌯𑌤𑍇᳚ । 𑌶𑍀॒𑌰𑍍॒𑌷॒𑌤𑍋॑-𑌽𑌭𑌿𑌷𑌿॑𑌞𑍍𑌚𑌤𑌿 । 𑌶𑍀॒𑌰𑍍॒𑌷॒𑌤𑍋 𑌹𑍍𑌯𑌨𑍍𑌨॑𑌮॒𑌦𑍍𑌯𑌤𑍇᳚ ॥ 𑌆𑌮𑍁𑌖𑌾॑𑌦॒𑌨𑍍𑌵𑌵॑ 𑌸𑍍𑌰𑌾𑌵𑌯𑌤𑌿 । 𑌮𑍁॒𑌖॒𑌤 𑌏॒𑌵𑌾𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯॑-𑌨𑍍𑌦𑌧𑌾𑌤𑌿 ॥ 𑌅॒𑌗𑍍𑌨𑍇𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹 । 𑌏॒𑌷 𑌵𑌾 𑌅॒𑌗𑍍𑌨𑍇-𑌸𑍍𑌸॒𑌵𑌃 । 𑌤𑍇𑌨𑍈॒𑌵𑍈𑌨॑-𑌮॒𑌭𑌿𑌷𑌿॑𑌞𑍍𑌚𑌤𑌿 । 𑌇𑌨𑍍𑌦𑍍𑌰॑𑌸𑍍𑌯 𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹 ॥ 50 ॥

𑌇॒𑌨𑍍𑌦𑍍𑌰𑌿॒𑌯-𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 । 𑌬𑍃𑌹॒𑌸𑍍𑌪𑌤𑍇᳚𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒-𑌮𑍀𑌤𑍍𑌯𑌾॑𑌹 । 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿𑌃॑ । 𑌬𑍍𑌰𑌹𑍍𑌮॑𑌣𑍈॒𑌵𑍈𑌨॑-𑌮॒𑌭𑌿𑌷𑌿॑𑌞𑍍𑌚𑌤𑌿 ॥ 𑌸𑍋॒𑌮॒𑌗𑍍𑌰॒𑌹𑌾𑌗𑍍𑌶𑍍𑌚𑌾॑-𑌵𑌦𑌾𑌨𑍀॒𑌯𑌾𑌨𑌿॑ 𑌚॒𑌰𑍍𑌤𑍍𑌵𑌿𑌗𑍍𑌭𑍍𑌯॒ 𑌉𑌪॑ 𑌹𑌰𑌨𑍍𑌤𑌿 । 𑌅॒𑌮𑍁𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮𑌨𑍍𑌨॑𑌵𑌨𑍍𑌤-𑌙𑍍𑌕𑌰𑍋𑌤𑌿 । 𑌸𑍁॒𑌰𑌾॒𑌗𑍍𑌰॒𑌹𑌾𑌗𑍍𑌶𑍍𑌚𑌾॑-𑌨𑌵𑌦𑌾𑌨𑍀॒𑌯𑌾𑌨𑌿॑ 𑌚 𑌵𑌾𑌜॒𑌸𑍃𑌦𑍍𑌭𑍍𑌯𑌃॑ । 𑌇॒𑌮𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮𑌨𑍍𑌨॑𑌵𑌨𑍍𑌤-𑌙𑍍𑌕𑌰𑍋𑌤𑌿 । 𑌅𑌥𑍋॑ 𑌉॒𑌭𑌯𑍀᳚𑌷𑍍𑌵𑍇॒𑌵𑌾𑌭𑌿𑌷𑌿॑𑌚𑍍𑌯𑌤𑍇 ॥ 𑌵𑌿॒𑌮𑌾॒𑌥-𑌙𑍍𑌕𑍁॑𑌰𑍍𑌵𑌤𑍇 𑌵𑌾𑌜॒𑌸𑍃𑌤𑌃॑ ॥ 51 ॥

𑌇॒𑌨𑍍𑌦𑍍𑌰𑌿॒𑌯𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 ॥ 𑌅𑌨𑌿॑𑌰𑍁𑌕𑍍𑌤𑌾𑌭𑌿𑌃 𑌪𑍍𑌰𑌾𑌤𑌸𑍍𑌸𑌵॒𑌨𑍇 𑌸𑍍𑌤𑍁॑𑌵𑌤𑍇 । 𑌅𑌨𑌿॑𑌰𑍁𑌕𑍍𑌤𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ । 𑌵𑌾𑌜॑𑌵𑌤𑍀𑌭𑌿॒-𑌰𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇 । 𑌅𑌨𑍍𑌨𑌂॒-𑌵𑍈𑌁 𑌵𑌾𑌜𑌃॑ । 𑌅𑌨𑍍𑌨॑𑌮𑍇॒𑌵𑌾-𑌵॑𑌰𑍁𑌨𑍍𑌧𑍇 । 𑌶𑌿॒𑌪𑌿॒𑌵𑌿॒𑌷𑍍𑌟𑌵॑𑌤𑍀𑌭𑌿-𑌸𑍍𑌤𑍃𑌤𑍀𑌯𑌸𑌵॒𑌨𑍇 । 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ । 𑌪॒𑌶𑌵॒-𑌶𑍍𑌶𑌿𑌪𑌿𑌃॑ । 𑌯॒𑌜𑍍𑌞 𑌏॒𑌵 𑌪॒𑌶𑍁𑌷𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑌬𑍃॒𑌹𑌦𑌨𑍍𑌤𑍍𑌯॑-𑌮𑍍𑌭𑌵𑌤𑌿 । 𑌅𑌨𑍍𑌤॑𑌮𑍇॒𑌵𑍈𑌨𑌗𑍍𑌗𑍍॑ 𑌶𑍍𑌰𑌿॒𑌯𑍈 𑌗॑𑌮𑌯𑌤𑌿 ॥ 52 ॥

(𑌅॒𑌶𑍍𑌞𑍀॒𑌯𑌾 - 𑌦𑌨𑍍𑌨॑𑌸𑍍𑌯𑌾𑌨𑍍𑌨॒𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑌾॒ - 𑌇𑌨𑍍𑌦𑍍𑌰॑𑌸𑍍𑌯 𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒ 𑌮𑍀𑌤𑍍𑌯𑌾॑𑌹-𑌵𑌾𑌜॒𑌸𑍃𑌤𑌃॒ - 𑌶𑌿𑌪𑌿॒ 𑌸𑍍𑌤𑍍𑌰𑍀𑌣𑌿॑ 𑌚) (𑌅. 8)

𑌅𑌨𑍁𑌵𑌾𑌕𑌂 9 - 𑌅𑌤𑌿𑌗𑍍𑌰𑌾𑌹𑍍𑌯𑌾𑌃, 𑌪𑌞𑍍𑌚𑍈𑌨𑍍𑌦𑍍𑌰𑌾𑌃

𑌨𑍃॒𑌷𑌦॒-𑌨𑍍𑌤𑍍𑌵𑍇𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌵𑍈 𑌨𑍄𑌨𑍍 । 𑌪𑍍𑌰॒𑌜𑌾𑌨𑌾॑𑌮𑍇॒𑌵𑍈𑌤𑍇𑌨॑ 𑌸𑍂𑌯𑌤𑍇 । 𑌦𑍍𑌰𑍁॒𑌷𑌦॒𑌮𑌿𑌤𑍍𑌯𑌾॑𑌹 । 𑌵𑌨॒𑌸𑍍𑌪𑌤॑𑌯𑍋॒ 𑌵𑍈 𑌦𑍍𑌰𑍁 । 𑌵𑌨॒𑌸𑍍𑌪𑌤𑍀॑𑌨𑌾𑌮𑍇॒𑌵𑍈 𑌤𑍇𑌨॑ 𑌸𑍂𑌯𑌤𑍇 । 𑌭𑍁॒𑌵॒𑌨॒𑌸𑌦॒-𑌮𑌿𑌤𑍍𑌯𑌾॑𑌹 । 𑌯॒𑌦𑌾 𑌵𑍈 𑌵𑌸𑍀॑𑌯𑌾॒-𑌨𑍍𑌭𑌵॑𑌤𑌿 । 𑌭𑍁𑌵॑𑌨𑌮𑌗॒𑌨𑍍𑌨𑌿𑌤𑌿॒ 𑌵𑍈 𑌤𑌮𑌾॑𑌹𑍁𑌃 । 𑌭𑍁𑌵॑𑌨𑌮𑍇॒𑌵𑍈𑌤𑍇𑌨॑ 𑌗𑌚𑍍𑌛𑌤𑌿 ॥ 53 ॥

𑌅॒𑌫𑍍𑌸𑍁॒𑌷𑌦॑-𑌨𑍍𑌤𑍍𑌵𑌾 𑌘𑍃𑌤॒𑌸𑌦॒-𑌮𑌿𑌤𑍍𑌯𑌾॑𑌹 । 𑌅॒𑌪𑌾𑌮𑍇॒𑌵𑍈𑌤𑍇𑌨॑ 𑌘𑍃॒𑌤𑌸𑍍𑌯॑ 𑌸𑍂𑌯𑌤𑍇 । 𑌵𑍍𑌯𑍋॒𑌮॒𑌸𑌦॒-𑌮𑌿𑌤𑍍𑌯𑌾॑𑌹 । 𑌯॒𑌦𑌾 𑌵𑍈 𑌵𑌸𑍀॑𑌯𑌾॒-𑌨𑍍𑌭𑌵॑𑌤𑌿 । 𑌵𑍍𑌯𑍋॑𑌮𑌾𑌗॒𑌨𑍍𑌨𑌿𑌤𑌿॒ 𑌵𑍈 𑌤𑌮𑌾॑𑌹𑍁𑌃 । 𑌵𑍍𑌯𑍋॑𑌮𑍈॒𑌵𑍈𑌤𑍇𑌨॑ 𑌗𑌚𑍍𑌛𑌤𑌿 ॥ 𑌪𑍃॒𑌥𑌿॒𑌵𑌿॒𑌷𑌦॑-𑌨𑍍𑌤𑍍𑌵𑌾-𑌽𑌨𑍍𑌤𑌰𑌿𑌕𑍍𑌷॒𑌸𑌦॒-𑌮𑌿𑌤𑍍𑌯𑌾॑𑌹 । 𑌏॒𑌷𑌾𑌮𑍇॒𑌵𑍈𑌤𑍇𑌨॑ 𑌲𑍋॒𑌕𑌾𑌨𑌾𑌗𑍍𑌂॑ 𑌸𑍂𑌯𑌤𑍇 । 𑌤𑌸𑍍𑌮𑌾᳚-𑌦𑍍𑌵𑌾𑌜𑌪𑍇-𑌯𑌯𑌾॒𑌜𑍀 𑌨 𑌕-𑌞𑍍𑌚॒𑌨 𑌪𑍍𑌰॒𑌤𑍍𑌯𑌵॑𑌰𑍋𑌹𑌤𑌿 । 𑌅𑌪𑍀॑𑌵॒ 𑌹𑌿 𑌦𑍇॒𑌵𑌤𑌾॑𑌨𑌾𑌗𑍍𑌂 𑌸𑍂॒𑌯𑌤𑍇᳚ ॥ 54 ॥

𑌨𑌾॒𑌕॒𑌸𑌦॒-𑌮𑌿𑌤𑍍𑌯𑌾॑𑌹 । 𑌯॒𑌦𑌾𑌵𑍈 𑌵𑌸𑍀॑𑌯𑌾॒-𑌨𑍍𑌭𑌵॑𑌤𑌿 । 𑌨𑌾𑌕॑𑌮𑌗॒𑌨𑍍𑌨𑌿𑌤𑌿॒ 𑌵𑍈 𑌤𑌮𑌾॑𑌹𑍁𑌃 । 𑌨𑌾𑌕॑𑌮𑍇॒𑌵𑍈𑌤𑍇𑌨॑ 𑌗𑌚𑍍𑌛𑌤𑌿 ॥ 𑌯𑍇 𑌗𑍍𑌰𑌹𑌾𑌃᳚ 𑌪𑌞𑍍𑌚𑌜॒𑌨𑍀𑌨𑌾॒ 𑌇𑌤𑍍𑌯𑌾॑𑌹 । 𑌪॒𑌞𑍍𑌚॒𑌜॒𑌨𑌾𑌨𑌾॑-𑌮𑍇॒𑌵𑍈𑌤𑍇𑌨॑ 𑌸𑍂𑌯𑌤𑍇 ॥ 𑌅॒𑌪𑌾𑌗𑍍𑌂 𑌰𑌸॒𑌮𑍁𑌦𑍍𑌵॑𑌯𑌸॒-𑌮𑌿𑌤𑍍𑌯𑌾॑𑌹 । 𑌅॒𑌪𑌾𑌮𑍇॒𑌵𑍈𑌤𑍇𑌨॒ 𑌰𑌸॑𑌸𑍍𑌯 𑌸𑍂𑌯𑌤𑍇 । 𑌸𑍂𑌰𑍍𑌯॑𑌰𑌶𑍍𑌮𑌿𑌗𑍍𑌂 𑌸॒𑌮𑌾𑌭𑍃॑𑌤॒-𑌮𑌿𑌤𑍍𑌯𑌾॑𑌹 𑌸𑌶𑍁𑌕𑍍𑌰॒𑌤𑍍𑌵𑌾𑌯॑ ॥ 55 ॥

(𑌗॒𑌚𑍍𑌛॒𑌤𑌿॒ - 𑌸𑍂॒𑌯𑌤𑍇॒ - +𑌨𑌵॑ 𑌚) (𑌅. 9)

𑌅𑌨𑍁𑌵𑌾𑌕𑌂 10 - 𑌪𑌿𑌣𑍍𑌡𑌪𑌿𑌤𑍃𑌯𑌜𑍍𑌞𑌃 𑌦𑌰𑍍𑌶𑌪𑍂𑌰𑍍𑌣𑌮𑌾𑌸𑌬𑍍𑌰𑌾𑌹𑍍𑌮𑌣𑌶𑍇𑌷𑌃

𑌇𑌨𑍍𑌦𑍍𑌰𑍋 𑌵𑍃॒𑌤𑍍𑌰𑌗𑍍𑌂 𑌹॒𑌤𑍍𑌵𑌾 । 𑌅𑌸𑍁॑𑌰𑌾-𑌨𑍍𑌪𑌰𑌾॒𑌭𑌾𑌵𑍍𑌯॑ । 𑌸𑍋॑-𑌽𑌮𑌾𑌵𑌾॒𑌸𑍍𑌯𑌾᳚-𑌮𑍍𑌪𑍍𑌰𑌤𑍍𑌯𑌾𑌗॑𑌚𑍍𑌛𑌤𑍍 । 𑌤𑍇 𑌪𑌿॒𑌤𑌰𑌃॑ 𑌪𑍂𑌰𑍍𑌵𑍇॒𑌦𑍍𑌯𑍁-𑌰𑌾𑌗॑𑌚𑍍𑌛𑌨𑍍𑌨𑍍 । 𑌪𑌿॒𑌤𑍄𑌨𑍍. 𑌯॒𑌜𑍍𑌞𑍋॑-𑌽𑌗𑌚𑍍𑌛𑌤𑍍 । 𑌤-𑌨𑍍𑌦𑍇॒𑌵𑌾𑌃 𑌪𑍁𑌨॑𑌰𑌯𑌾𑌚𑌨𑍍𑌤 । 𑌤𑌮𑍇᳚𑌭𑍍𑌯𑍋॒ 𑌨 𑌪𑍁𑌨॑𑌰𑌦𑌦𑍁𑌃 । 𑌤𑍇᳚-𑌽𑌬𑍍𑌰𑍁𑌵॒𑌨𑍍 𑌵𑌰𑌂॑-𑌵𑍃𑌁𑌣𑌾𑌮𑌹𑍈 । 𑌅𑌥॑ 𑌵𑌃॒ 𑌪𑍁𑌨॑𑌰𑍍𑌦𑌾𑌸𑍍𑌯𑌾𑌮𑌃 । 𑌅॒𑌸𑍍𑌮𑌭𑍍𑌯॑𑌮𑍇॒𑌵 𑌪𑍂᳚𑌰𑍍𑌵𑍇॒𑌦𑍍𑌯𑍁𑌃 𑌕𑍍𑌰𑌿॑𑌯𑌾𑌤𑌾॒ 𑌇𑌤𑌿॑ ॥ 56 ॥

𑌤𑌮𑍇᳚𑌭𑍍𑌯𑌃॒ 𑌪𑍁𑌨॑𑌰𑌦𑌦𑍁𑌃 । 𑌤𑌸𑍍𑌮𑌾᳚𑌤𑍍-𑌪𑌿॒𑌤𑍃𑌭𑍍𑌯𑌃॑ 𑌪𑍂𑌰𑍍𑌵𑍇॒𑌦𑍍𑌯𑍁𑌃 𑌕𑍍𑌰𑌿॑𑌯𑌤𑍇 । 𑌯-𑌤𑍍𑌪𑌿॒𑌤𑍃𑌭𑍍𑌯𑌃॑ 𑌪𑍂𑌰𑍍𑌵𑍇॒𑌦𑍍𑌯𑍁𑌃 𑌕॒𑌰𑍋𑌤𑌿॑ । 𑌪𑌿॒𑌤𑍃𑌭𑍍𑌯॑ 𑌏॒𑌵 𑌤-𑌦𑍍𑌯॒𑌜𑍍𑌞-𑌨𑍍𑌨𑌿॒𑌷𑍍𑌕𑍍𑌰𑍀𑌯॒ 𑌯𑌜॑𑌮𑌾𑌨𑌃॒ 𑌪𑍍𑌰𑌤॑𑌨𑍁𑌤𑍇 ॥ 𑌸𑍋𑌮𑌾॑𑌯 𑌪𑌿॒𑌤𑍃𑌪𑍀॑𑌤𑌾𑌯 𑌸𑍍𑌵॒𑌧𑌾 𑌨𑌮॒ 𑌇𑌤𑍍𑌯𑌾॑𑌹 । 𑌪𑌿॒𑌤𑍁𑌰𑍇॒𑌵𑌾𑌧𑌿॑ 𑌸𑍋𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇 । 𑌨 𑌹𑌿 𑌪𑌿॒𑌤𑌾 𑌪𑍍𑌰॒𑌮𑍀𑌯॑𑌮𑌾𑌣॒ 𑌆𑌹𑍈॒𑌷 𑌸𑍋॑𑌮𑌪𑍀॒𑌥 𑌇𑌤𑌿॑ । 𑌇॒𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌸𑍋॑𑌮𑌪𑍀॒𑌥𑌃 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌸𑍋॑𑌮𑌪𑍀॒𑌥𑌮𑌵॑-𑌰𑍁𑌨𑍍𑌧𑍇 । 𑌤𑍇𑌨᳚𑌨𑍍𑌦𑍍𑌰𑌿॒𑌯𑍇𑌣॑ 𑌦𑍍𑌵𑌿॒𑌤𑍀𑌯𑌾᳚-𑌞𑍍𑌜𑌾॒𑌯𑌾𑌮॒𑌭𑍍𑌯॑𑌶𑍍𑌞𑍁𑌤𑍇 ॥ 57 ॥

𑌏॒𑌤-𑌦𑍍𑌵𑍈 𑌬𑍍𑌰𑌾𑌹𑍍𑌮॑𑌣-𑌮𑍍𑌪𑍁॒𑌰𑌾 𑌵𑌾॑𑌜𑌶𑍍𑌰𑌵॒𑌸𑌾 𑌵𑌿॒𑌦𑌾𑌮॑𑌕𑍍𑌰𑌨𑍍𑌨𑍍 । 𑌤𑌸𑍍𑌮𑌾॒-𑌤𑍍𑌤𑍇 𑌦𑍍𑌵𑍇𑌦𑍍𑌵𑍇॑ 𑌜𑌾॒𑌯𑍇 𑌅॒𑌭𑍍𑌯𑌾᳚𑌕𑍍𑌷𑌤 । 𑌯 𑌏॒𑌵𑌂-𑌵𑍇𑌁𑌦॑ । 𑌅॒𑌭𑌿 𑌦𑍍𑌵𑌿॒𑌤𑍀𑌯𑌾᳚-𑌞𑍍𑌜𑌾॒𑌯𑌾𑌮॑𑌶𑍍𑌞𑍁𑌤𑍇 ॥ 𑌅॒𑌗𑍍𑌨𑌯𑍇॑ 𑌕𑌵𑍍𑌯॒𑌵𑌾𑌹॑𑌨𑌾𑌯 𑌸𑍍𑌵॒𑌧𑌾 𑌨𑌮॒ 𑌇𑌤𑍍𑌯𑌾॑𑌹 । 𑌯 𑌏॒𑌵 𑌪𑌿॑𑌤𑍃॒𑌣𑌾𑌮॒𑌗𑍍𑌨𑌿𑌃 । 𑌤-𑌮𑍍𑌪𑍍𑌰𑍀॑𑌣𑌾𑌤𑌿 ॥ 𑌤𑌿॒𑌸𑍍𑌰 𑌆𑌹𑍁॑𑌤𑍀-𑌰𑍍𑌜𑍁𑌹𑍋𑌤𑌿 ॥ 𑌤𑍍𑌰𑌿𑌰𑍍𑌨𑌿𑌦॑𑌧𑌾𑌤𑌿 ॥ 𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 ॥ 58 ॥

𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 ॥ 𑌤𑍂॒𑌷𑍍𑌣𑍀-𑌮𑍍𑌮𑍇𑌕𑍍𑌷॑𑌣॒-𑌮𑌾𑌦॑𑌧𑌾𑌤𑌿 । 𑌅𑌸𑍍𑌤𑌿॑ 𑌵𑌾॒ 𑌹𑌿 𑌷॒𑌷𑍍𑌠 𑌋॒𑌤𑍁𑌰𑍍𑌨 𑌵𑌾᳚ ॥ 𑌦𑍇॒𑌵𑌾𑌨𑍍. 𑌵𑍈 𑌪𑌿॒𑌤𑍄-𑌨𑍍𑌪𑍍𑌰𑍀॒𑌤𑌾𑌨𑍍 । 𑌮॒𑌨𑍁॒𑌷𑍍𑌯𑌾𑌃᳚ 𑌪𑌿॒𑌤𑌰𑍋-𑌽𑌨𑍁॒ 𑌪𑍍𑌰𑌪𑌿॑𑌪𑌤𑍇 । 𑌤𑌿॒𑌸𑍍𑌰 𑌆𑌹𑍁॑𑌤𑍀-𑌰𑍍𑌜𑍁𑌹𑍋𑌤𑌿 । 𑌤𑍍𑌰𑌿𑌰𑍍𑌨𑌿𑌦॑𑌧𑌾𑌤𑌿 । 𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ ॥ 59 ॥

𑌋॒𑌤𑌵𑌃॒ 𑌖𑌲𑍁॒ 𑌵𑍈 𑌦𑍇॒𑌵𑌾𑌃 𑌪𑌿॒𑌤𑌰𑌃॑ । 𑌋॒𑌤𑍂𑌨𑍇॒𑌵 𑌦𑍇॒𑌵𑌾-𑌨𑍍𑌪𑌿॒𑌤𑍄-𑌨𑍍𑌪𑍍𑌰𑍀॑𑌣𑌾𑌤𑌿 । 𑌤𑌾𑌨𑍍𑌪𑍍𑌰𑍀॒𑌤𑌾𑌨𑍍 । 𑌮॒𑌨𑍁॒𑌷𑍍𑌯𑌾𑌃᳚ 𑌪𑌿॒𑌤𑌰𑍋-𑌽𑌨𑍁॒ 𑌪𑍍𑌰𑌪𑌿॑𑌪𑌤𑍇 ॥ 𑌸॒𑌕𑍃॒𑌦𑌾॒𑌚𑍍𑌛𑌿॒𑌨𑍍𑌨-𑌮𑍍𑌬॒𑌰𑍍॒𑌹𑌿-𑌰𑍍𑌭॑𑌵𑌤𑌿 । 𑌸॒𑌕𑍃𑌦𑌿॑𑌵॒ 𑌹𑌿 𑌪𑌿॒𑌤𑌰𑌃॑ ॥ 𑌤𑍍𑌰𑌿𑌰𑍍𑌨𑌿𑌦॑𑌧𑌾𑌤𑌿 । 𑌤𑍃॒𑌤𑍀𑌯𑍇॒ 𑌵𑌾 𑌇॒𑌤𑍋 𑌲𑍋॒𑌕𑍇 𑌪𑌿॒𑌤𑌰𑌃॑ । 𑌤𑌾𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 ॥ 𑌪𑌰𑌾𑌂॒𑌆𑌵॑𑌰𑍍𑌤𑌤𑍇 ॥ 60 ॥

𑌹𑍍𑌲𑍀𑌕𑌾॒ 𑌹𑌿 𑌪𑌿॒𑌤𑌰𑌃॑ ॥ 𑌓𑌀𑌷𑍍𑌮𑌣𑍋᳚ 𑌵𑍍𑌯𑌾॒𑌵𑍃𑌤॒ 𑌉𑌪𑌾᳚𑌸𑍍𑌤𑍇 । 𑌊॒𑌷𑍍𑌮𑌭𑌾॑𑌗𑌾॒ 𑌹𑌿 𑌪𑌿॒𑌤𑌰𑌃॑ ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌪𑍍𑌰𑌾𑌶𑍍𑌯𑌾𑌂(3)𑌨 𑌪𑍍𑌰𑌾𑌶𑍍𑌯𑌾(3)𑌮𑌿𑌤𑌿॑ । 𑌯-𑌤𑍍𑌪𑍍𑌰𑌾᳚𑌶𑍍𑌞𑍀॒𑌯𑌾𑌤𑍍 । 𑌜𑌨𑍍𑌯॒𑌮𑌨𑍍𑌨॑𑌮𑌦𑍍𑌯𑌾𑌤𑍍 । 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾𑌤𑍍 । 𑌯𑌨𑍍𑌨 𑌪𑍍𑌰𑌾᳚𑌶𑍍𑌞𑍀॒𑌯𑌾𑌤𑍍 । 𑌅𑌹॑𑌵𑌿-𑌸𑍍𑌸𑍍𑌯𑌾𑌤𑍍 ॥ 61 ॥

𑌪𑌿॒𑌤𑍃𑌭𑍍𑌯॒ 𑌆𑌵𑍃॑𑌶𑍍𑌚𑍍𑌯𑍇𑌤 । 𑌅॒𑌵॒𑌘𑍍𑌰𑍇𑌯॑𑌮𑍇॒𑌵 । 𑌤𑌨𑍍𑌨𑍇𑌵॒ 𑌪𑍍𑌰𑌾𑌶𑌿॑𑌤॒-𑌨𑍍𑌨𑍇𑌵𑌾𑌪𑍍𑌰𑌾॑𑌶𑌿𑌤𑌮𑍍 ॥ 𑌵𑍀॒𑌰𑌂-𑌵𑌾𑌁॒ 𑌵𑍈 𑌪𑌿॒𑌤𑌰𑌃॑ 𑌪𑍍𑌰॒𑌯𑌨𑍍𑌤𑍋॒ 𑌹𑌰॑𑌨𑍍𑌤𑌿 । 𑌵𑍀॒𑌰𑌂-𑌵𑌾𑌁॑ 𑌦𑌦𑌤𑌿 । 𑌦॒𑌶𑌾-𑌞𑍍𑌛𑌿॑𑌨𑌤𑍍𑌤𑌿 । 𑌹𑌰॑𑌣𑌭𑌾𑌗𑌾॒ 𑌹𑌿 𑌪𑌿॒𑌤𑌰𑌃॑ । 𑌪𑌿॒𑌤𑍄𑌨𑍇॒𑌵 𑌨𑌿॒𑌰𑌵॑𑌦𑌯𑌤𑍇 ॥ 𑌉𑌤𑍍𑌤॑𑌰॒ 𑌆𑌯𑍁॑𑌷𑌿॒ 𑌲𑍋𑌮॑ 𑌛𑌿𑌨𑍍𑌦𑍀𑌤 । 𑌪𑌿॒𑌤𑍃॒𑌣𑌾𑌗𑍍 𑌹𑍍𑌯𑍇॑𑌤𑌰𑍍𑌹𑌿॒ 𑌨𑍇𑌦𑍀॑𑌯𑌃 ॥ 62 ॥

𑌨𑌮॑𑌸𑍍𑌕𑌰𑍋𑌤𑌿 । 𑌨॒𑌮॒𑌸𑍍𑌕𑌾॒𑌰𑍋 𑌹𑌿 𑌪𑌿॑𑌤𑍃॒𑌣𑌾𑌮𑍍 ॥ 𑌨𑌮𑍋॑ 𑌵𑌃 𑌪𑌿𑌤𑌰𑍋॒ 𑌰𑌸𑌾॑𑌯 । 𑌨𑌮𑍋॑ 𑌵𑌃 𑌪𑌿𑌤𑌰॒-𑌶𑍍𑌶𑍁𑌷𑍍𑌮𑌾॑𑌯 । 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌜𑍀॒𑌵𑌾𑌯॑ । 𑌨𑌮𑍋॑ 𑌵𑌃 𑌪𑌿𑌤𑌰-𑌸𑍍𑌸𑍍𑌵॒𑌧𑌾𑌯𑍈᳚ । 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌮॒𑌨𑍍𑌯𑌵𑍇᳚ । 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌘𑍋॒𑌰𑌾𑌯॑ । 𑌪𑌿𑌤॑𑌰𑍋॒ 𑌨𑌮𑍋॑ 𑌵𑌃 । 𑌯 𑌏॒𑌤𑌸𑍍𑌮𑌿॑𑌨𑍍 𑌁𑌲𑍋॒𑌕𑍇 𑌸𑍍𑌥 ॥ 63 ॥

𑌯𑍁॒𑌷𑍍𑌮𑌾𑌗𑍍𑌸𑍍𑌤𑍇-𑌽𑌨𑍁॑ । 𑌯𑍇᳚-𑌽𑌸𑍍𑌮𑌿𑌁𑌲𑍍𑌲𑍋॒𑌕𑍇 । 𑌮𑌾-𑌨𑍍𑌤𑍇 𑌨𑍁॑ । 𑌯 𑌏॒𑌤𑌸𑍍𑌮𑌿॑𑌁𑌲𑍍𑌲𑍋॒𑌕𑍇 𑌸𑍍𑌥 । 𑌯𑍂॒𑌯-𑌨𑍍𑌤𑍇𑌷𑌾𑌂॒-𑌵𑌁𑌸𑌿॑𑌷𑍍𑌠𑌾 𑌭𑍂𑌯𑌾𑌸𑍍𑌤 । 𑌯𑍇᳚-𑌽𑌸𑍍𑌮𑌿𑌁𑌲𑍍𑌲𑍋॒𑌕𑍇 । 𑌅॒𑌹-𑌨𑍍𑌤𑍇𑌷𑌾𑌂॒-𑌵𑌁𑌸𑌿॑𑌷𑍍𑌠𑍋 𑌭𑍂𑌯𑌾𑌸॒𑌮𑌿𑌤𑍍𑌯𑌾॑𑌹 । 𑌵𑌸𑌿॑𑌷𑍍𑌠-𑌸𑍍𑌸𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌪𑌿॒𑌤𑍃𑌭𑍍𑌯𑌃॑ 𑌕॒𑌰𑍋𑌤𑌿॑ ॥ 𑌏॒𑌷 𑌵𑍈 𑌮॑𑌨𑍁॒𑌷𑍍𑌯𑌾॑𑌣𑌾𑌂-𑌯𑌁॒𑌜𑍍𑌞𑌃 ॥ 64 ॥

𑌦𑍇॒𑌵𑌾𑌨𑌾𑌂॒-𑌵𑌾𑌁 𑌇𑌤॑𑌰𑍇 𑌯॒𑌜𑍍𑌞𑌾𑌃 । 𑌤𑍇𑌨॒ 𑌵𑌾 𑌏॒𑌤-𑌤𑍍𑌪𑌿॑𑌤𑍃𑌲𑍋॒𑌕𑍇 𑌚॑𑌰𑌤𑌿 ॥ 𑌯-𑌤𑍍𑌪𑌿॒𑌤𑍃𑌭𑍍𑌯𑌃॑ 𑌕॒𑌰𑍋𑌤𑌿॑ । 𑌸 𑌈᳚𑌶𑍍𑌵॒𑌰𑌃 𑌪𑍍𑌰𑌮𑍇॑𑌤𑍋𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌯॒𑌰𑍍𑌚𑌾 𑌪𑍁𑌨॒𑌰𑍈𑌤𑌿॑ । 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 । 𑌯॒𑌜𑍍𑌞𑍇𑌨𑍈॒𑌵 𑌸॒𑌹 𑌪𑍁𑌨॒𑌰𑍈𑌤𑌿॑ । 𑌨 𑌪𑍍𑌰॒𑌮𑌾𑌯𑍁॑𑌕𑍋 𑌭𑌵𑌤𑌿 ॥ 𑌪𑌿॒𑌤𑍃॒𑌲𑍋॒𑌕𑍇 𑌵𑌾 𑌏॒𑌤-𑌦𑍍𑌯𑌜॑𑌮𑌾𑌨𑌶𑍍𑌚𑌰𑌤𑌿 । 𑌯-𑌤𑍍𑌪𑌿॒𑌤𑍃𑌭𑍍𑌯𑌃॑ 𑌕॒𑌰𑍋𑌤𑌿॑ । 𑌸 𑌈᳚𑌶𑍍𑌵॒𑌰 𑌆𑌰𑍍𑌤𑌿॒𑌮𑌾𑌰𑍍𑌤𑍋𑌃᳚ । 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌤𑍍𑌵𑌾𑌵𑍈𑌨॒-𑌨𑍍𑌤𑌤॒ 𑌉𑌨𑍍𑌨𑍇॑𑌤𑍁𑌮𑌰𑍍𑌹॒𑌤𑍀𑌤𑍍𑌯𑌾॑𑌹𑍁𑌃 । 𑌯-𑌤𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌯॒𑌰𑍍𑌚𑌾 𑌪𑍁𑌨॒𑌰𑍈𑌤𑌿॑ । 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵𑍈𑌨॒-𑌨𑍍𑌤𑌤॒ 𑌉𑌨𑍍𑌨॑𑌯𑌤𑌿 । 𑌨𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑌃 ॥ 65 ॥

(𑌇𑌤𑍍𑌯॑ - 𑌶𑍍𑌞𑍁𑌤𑍇 - 𑌪𑌦𑍍𑌯𑌨𑍍𑌤𑍇 - 𑌪𑌦𑍍𑌯𑌨𑍍𑌤𑍇॒ 𑌷𑌡𑍍𑌵𑌾 𑌋॒𑌤𑌵𑍋॑ - 𑌵𑌰𑍍𑌤॒𑌤𑍇-𑌽 - 𑌹॑𑌵𑌿-𑌸𑍍𑌸𑍍𑌯𑌾॒𑌨𑍍 - 𑌨𑍇𑌦𑍀॑𑌯𑌃॒ - 𑌸𑍍𑌥 - 𑌯॒𑌜𑍍𑌞𑍋 - 𑌯𑌜॑𑌮𑌾𑌨𑌶𑍍𑌚𑌰𑌤𑌿॒ 𑌯-𑌤𑍍𑌪𑌿॒𑌤𑍃𑌭𑍍𑌯𑌃॑ 𑌕॒𑌰𑍋𑌤𑌿॒ 𑌪𑌞𑍍𑌚॑ 𑌚) (𑌅. 10)

(𑌦𑍇॒𑌵𑌾॒𑌸𑍁॒𑌰𑌾 𑌅॒𑌗𑍍𑌨𑍀𑌷𑍋𑌮॑𑌯𑍋--𑌰𑍍 𑌦𑍇॒𑌵𑌾 𑌵𑍈 𑌯𑌥𑌾॒ 𑌦𑌰𑍍𑌶𑌂॑ - 𑌦𑍇॒𑌵𑌾 𑌵𑍈 𑌯𑌦॒𑌨𑍍𑌯𑍈-𑌰𑍍𑌗𑍍𑌰𑌹𑍈᳚--𑌰𑍍 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॒ 𑌨𑌾𑌗𑍍𑌨𑌿॑𑌷𑍍𑌟𑍋॒𑌮𑍋 𑌨 - 𑌸𑌾॑𑌵𑌿॒𑌤𑍍𑌰𑌂 - 𑌦𑍇॒𑌵𑌸𑍍𑌯𑌾॒𑌹𑌂 - 𑌤𑌾॒𑌰𑍍𑌪𑍍𑌯𑌗𑍍𑌂 - 𑌸॒𑌪𑍍𑌤𑌾𑌨𑍍𑌨॑𑌹𑍋॒𑌮𑌾𑌨𑍍 - 𑌨𑍃॒𑌷𑌦𑌂॒ - 𑌤𑍍𑌵𑍇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌗𑍍𑌂 𑌹॒𑌤𑍍𑌵𑌾 𑌦𑌶॑)

(𑌦𑍇॒𑌵𑌾॒𑌸𑍁॒𑌰𑌾 - 𑌵𑌾॒𑌜𑍍𑌯𑍇॑𑌵𑍈𑌨𑌂॒ - 𑌤𑌸𑍍𑌮𑌾᳚-𑌦𑍍𑌵𑌾𑌜𑌪𑍇𑌯𑌯𑌾॒𑌜𑍀 - 𑌦𑍇॒𑌵𑌸𑍍𑌯𑌾॒𑌹𑌂 - 𑌁𑌵𑌾𑌜॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑌾- 𑌇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॒𑌨𑍍॒. - 𑌹𑍍𑌲𑍀𑌕𑌾॒ 𑌹𑌿 𑌪𑌿॒𑌤𑌰𑌃॒ 𑌪𑌞𑍍𑌚॑𑌷𑌷𑍍𑌟𑌿𑌃)

(𑌦𑍇॒𑌵𑌾॒𑌸𑍁॒𑌰𑌾 - 𑌯𑌜॑𑌮𑌾𑌨𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhakaḥ - vājapeyabrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - punarādheyaśeṣaḥ ājyabhāgayorviśeṣaḥ

de॒vā॒su॒rā-ssaṃ-ya~̭ttā āsann | te de॒vā vi̭ja॒ya-mṷpa॒yantaḥ̭ | a॒gnīṣoma̭yo-steja॒svinī᳚sta॒nū-ssa-nnya̭dadhata | i॒damṷ no bhaviṣyati | yadi̭ no je॒ṣyantīti̭ | tenā॒gnīṣomā॒-vapā᳚krāmatām | te de॒vā vi॒jitya̭ | a॒gnīṣomā॒-vanvai᳚cchann | te᳚-'gni-manva̭vinda-nnṛ॒tuṣū-thsa̭nnam | tasya॒ vibha̭ktībhi-steja॒svinī᳚sta॒nū-ravā̭rundhata || 1 ||

te soma॒-manva̭vindann | tama̭ghnann | tasya̭ yathā-'bhi॒jñāya̭-nta॒nū-rvya̭gṛhṇata | te grahā̭ abhavann | ta-dgrahā̭ṇā-ṅgraha॒tvam | yasyai॒vaṃ-vi~॒duṣo॒ grahā̭ gṛ॒hyante᳚ | tasya॒ tvḙva gṛ̭hī॒tāḥ || nānā᳚gneya-mpunarā॒dheyḙ kuryāt | yadanā᳚gneya-mpunarā॒dheyḙ ku॒ryāt | vyṛ̭ddhame॒va tat || 2 ||

anā᳚gneyaṃ॒-vā~ e॒ta-tkri̭yate | ya-thsa॒midha॒-stanū॒napā̭tami॒ḍo ba॒r॒hi-rya̭jati || u॒bhāvā᳚gne॒yā-vājya̭bhāgau syātām || anā᳚jyabhāgau-bhavata॒ ityā̭huḥ | yadu॒bhāvā᳚gne॒yāva॒nvañcā॒viti̭ | a॒gnaye॒ pava̭mānā॒yotta̭ra-ssyāt | ya-tpava̭mānāya | tenājya̭ bhāgaḥ | tena̭ sau॒myaḥ || budha̭nvatyāgne॒ya-syājya̭-bhāgasya puro-'nuvā॒kyā̭ bhavati || 3 ||

yathā̭ su॒pta-mbo॒dhaya̭ti | tā॒dṛge॒va tat || a॒gninya̭ktāḥ patnī saṃyā~॒jānā॒mṛcaḥ̭ syuḥ | tenā᳚gne॒yagṃ sarva̭-mbhavati || e॒ka॒dhā tḙja॒svinī᳚-nde॒vatā॒-mupai॒tītyā̭huḥ | saina̭mīśva॒rā pra॒daha॒ iti̭ || neti̭ brūyāt | pra॒jana̭naṃ॒-vā~ a॒gniḥ | pra॒jana̭na-me॒vopai॒tīti̭ || kṛ॒taya̭ju॒-ssambhṛ̭ta sambhāra॒ ityā̭huḥ || 4 ||

na sa॒bhṛntyā᳚-ssambhā॒rāḥ | na yajuḥ̭ kā॒rya̭miti̭ || atho॒ khalṷ | sa॒bhṛntyā̭ e॒va sa̭bhāṃ॒rāḥ | kā॒ryaṃ̭-ya~juḥ̭ | pu॒na॒rā॒dheya̭sya॒ samṛ̭ddhyai || teno̭pā॒gṃ॒śu praca̭rati | eṣya̭ iva॒ vā e॒ṣaḥ | ya-tpṷna-rā॒dheyaḥ̭ | yatho̭pā॒gṃ॒śu na॒ṣṭami॒cchati̭ || 5 ||

tā॒dṛge॒va tat || u॒ccai-ssvi̭ṣṭa॒kṛta॒mu-thsṛ̭jati | yathā̭ na॒ṣṭaṃ-vi~॒tvā prāhā॒yamiti̭ | tā॒dṛge॒va tat || e॒ka॒dhā tḙja॒svinī᳚-nde॒vatā॒mupai॒tītyā̭huḥ | saina̭mīśva॒rā pra॒daha॒ iti̭ | tattathā॒ nopai̭ti | pra॒yā॒jā॒nū॒yā॒jeṣve॒va vibha̭ktīḥ kuryāt | ya॒thā॒pū॒rva-mājya̭bhāgau॒ syātā᳚m | e॒va-mpa̭tnī saṃyā~॒jāḥ || 6 ||

ta-dvai᳚śvāna॒rava̭t-pra॒jana̭navattara॒-mupai॒tīti̭ || tadā̭huḥ | vyṛ̭ddhaṃ॒-vā~ e॒tat | anā᳚gneyaṃ॒-vā~ e॒ta-tkri̭yata॒ iti̭ || neti̭ brūyāt | a॒gni-mpra̭tha॒maṃ-vi~bha̭ktīnāṃ-ya~jati | a॒gnimṷtta॒ma-mpa̭tnī saṃyā~॒jānā᳚m | tenā᳚gne॒yam | tena॒ samṛ̭ddha-ṅkriyata॒ iti̭ || 7 ||

(a॒ru॒ndha॒ - tai॒va ta-d- bha̭vati॒ - sambhṛ̭tasambhāra॒ ityā̭hu - ri॒cchati̭ - patnīsaṃyā~॒jā - +nava̭ ca) ( ā1)

anuvākaṃ 2 - vājapeyasya vidhiḥ

de॒vā vai yathā॒darśaṃ̭-ya~॒jñānāha̭ranta | yo᳚-'gniṣṭo॒mam | ya u॒kthya᳚m | yo̭-'tirā॒tram | te sa॒haiva sarvḙ vāja॒peya̭-mapaśyann | te | a॒nyo᳚nyasmai॒ nāti̭ṣṭhanta | a॒hama॒nena̭ yajā॒ iti̭ | te᳚-'bruvann | ā॒jima॒sya dhā̭vā॒meti̭ || 8 ||

tasmi̭-nnā॒jima̭dhāvann | ta-mbṛha॒spati॒-ruda̭jayat | tenā̭yajata | sa svārā᳚jya-magacchat | tamindro᳚-'bravīt | māma॒nena̭ yāja॒yeti̭ | tenendra̭-mayājayat | so-'gra̭-nde॒vatā̭nā॒-mparyai᳚t | aga̭ccha॒-thsvārā᳚jyam | ati̭ṣṭhantāsmai॒ jyaiṣṭhyā̭ya || 9 ||

ya e॒vaṃ-vi~॒dvān. vā̭ja॒peyḙna॒ yaja̭te | gaccha̭ti॒ svārā᳚jyam | agragṃ̭ samā॒nānā॒-mparyḙti | tiṣṭha̭nte-'smai॒ jyaiṣṭhyā̭ya || sa vā e॒ṣa brā᳚hma॒ṇasya̭ cai॒va rā̭ja॒nya̭sya ca ya॒jñaḥ || taṃ-vā~ e॒taṃ-vā~̭ja॒peya॒ ityā̭huḥ | vā॒jāpyo॒ vā e॒ṣaḥ | vāja॒gg॒ hyḙtena̭ de॒vā aiphsanṋ || somo॒ vai vā̭ja॒peyaḥ̭ | yo vai somaṃ̭-vā~ja॒peyaṃ॒-ve~da̭ || 10 ||

vā॒jyḙvaina̭-mpī॒tvā bha̭vati | ā-'sya̭ vā॒jī jā̭yate || annaṃ॒-vai~ vā̭ja॒peyaḥ̭ | ya e॒vaṃ-ve~da̭ | attyanna᳚m | ā-'syā᳚nnā॒do jā̭yate || brahma॒ vai vā̭ja॒peyaḥ̭ | ya e॒vaṃ-ve~da̭ | atti॒ brahma॒ṇā-'nna᳚m | ā-'sya̭ bra॒hmā jā̭yate || 11 ||

vāgvai vāja̭sya prasa॒vaḥ | ya e॒vaṃ-ve~da̭ | ka॒roti̭ vā॒cā vī॒rya᳚m | ainaṃ̭-vā~॒cā ga̭cchati | api̭vatīṃ॒-vā~caṃ̭-va~dati || pra॒jāpa̭ti-rde॒vebhyo̭ ya॒jñān vyādi̭śat | sa ā॒tman vā̭ja॒peya̭-madhatta | ta-nde॒vā a̭bruvann | e॒ṣa vāva ya॒jñaḥ | ya-dvā̭ja॒peyaḥ̭ || 12 ||

apye॒va no-'trā॒stviti̭ | tebhya̭ e॒tā ujji̭tīḥ॒ prāya̭cchat || tā vā e॒tā ujji̭tayo॒ vyākhyā̭yante | ya॒jñasya̭ sarva॒tvāya̭ | de॒vatā̭nā॒-mani̭rbhāgāya || de॒vā vai brahma̭ṇa॒ścānna̭sya ca॒ śama̭la॒mapā᳚ghnann | ya-dbrahma̭ṇa॒-śśama̭la॒māsī᳚t | sā gāthā̭ nārāśa॒gg॒sya̭ bhavat | yadanna̭sya | sā surā᳚ || 13 ||

tasmā॒-dgāya̭taśca ma॒ttasya̭ ca॒ na pra̭ti॒gṛhya᳚m | ya-tpra̭tigṛhṇī॒yāt | śama̭la॒-mprati̭gṛhṇīyāt || sarvā॒ vā e॒tasya॒ vāco 'va̭ruddhāḥ | yo vā̭japeyayā॒jī | yā pṛ̭thi॒vyāṃ-yā~-'gnau yā ra̭thanta॒re | yā-'ntari̭kṣe॒ yā vā॒yau yā vā̭made॒vye | yā di॒vi yā-''di॒tye yā bṛ̭ha॒ti | yā-'phsu yauṣa̭dhīṣu॒ yā vana॒spati̭ṣu || tasmā᳚-dvājapeyayā॒jyārtvi̭jīnaḥ | sarvā॒ hya̭sya॒ vāco 'va̭ruddhāḥ || 14 ||

(dhā॒vā॒meti॒ - jyaiṣṭhyā̭ya॒ - veda̭ - bra॒hmā jā̭yate-vāja॒peyaḥ॒-surā-''rtvi̭jīna॒ ekaṃ̭ ca ) (a. 2)

anuvākaṃ 3 - tasyagrahaviśeṣāḥ

de॒vā vai yada॒nyai-rgrahai᳚-rya॒jñasya॒ nāvārṷndhata | tada̭tigrā॒hyai̭-rati॒gṛhyā-vā̭rundhata | tada̭tigrā॒hyā̭ṇā-matigrāhya॒tvam || yada̭tigrā॒hyā̭ gṛ॒hyante᳚ | yade॒vānyai-rgrahai᳚-rya॒jñasya॒ nāva̭ru॒ndhe | tade॒va taira̭ti॒gṛhyā-va̭rundhe || pañca̭ gṛhyante | pāṅkto̭ ya॒jñaḥ | yāvā̭ne॒va ya॒jñaḥ | tamā॒ptvā 'va̭rundhe || 15 ||

sarva̭ ai॒ndrā bha̭vanti | e॒ka॒dhaiva yaja̭māna indri॒ya-nda̭dhati || sa॒ptada̭śa prājāpa॒tyā grahā̭ gṛhyante | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || eka̭ya॒rcā gṛ̭hṇāti | e॒ka॒dhaiva yaja̭māne vī॒rya̭-ndadhāti || so॒ma॒gra॒hāgśca̭ surāgra॒hāgśca̭ gṛhṇāti | e॒ta-dvai de॒vānā᳚-mpara॒mamanna᳚m | ya-thsomaḥ̭ || 16 ||

e॒ta-nma̭nu॒ṣyā̭ṇām | ya-thsurā᳚ | pa॒ra॒meṇai॒vāsmā̭ a॒nnādye॒nāva̭ra-ma॒nnādya॒-mava̭rundhe || so॒ma॒gra॒hā-ngṛ̭hṇāti | brahma̭ṇo॒ vā e॒ta-ttejaḥ̭ | ya-thsomaḥ̭ | brahma̭ṇa e॒va teja̭sā॒ tejo॒ yaja̭māne dadhāti | su॒rā॒gra॒hā-ngṛ̭hṇāti | anna̭sya॒ vā e॒tacchama̭lam | ya-thsurā᳚ || 17 ||

anna̭syai॒va śama̭lena॒ śama̭laṃ॒-ya~ja̭mānā॒-dapa̭hanti || so॒ma॒gra॒hāgśca̭ surāgra॒hāgśca̭ gṛhṇāti | pumā॒n॒. vai somaḥ̭ | strī surā᳚ | ta-nmi̭thu॒nam | mi॒thu॒name॒vāsya॒ ta-dya॒jñe ka̭roti pra॒jana̭nāya | ā॒tmāna̭me॒va so̭magra॒hai-sspṛ̭ṇoti | jā॒yāgṃ sṷrā gra॒haiḥ | tasmā᳚-dvājapeyayā॒jya̭muṣmi̭~llo॒ke striya॒gṃ॒ sambha̭vati | vā॒ja॒peyā̭-bhijita॒gg॒ hya̭sya || 18 ||

pūrvḙ somagra॒hā gṛ̭hyante | apa̭re surāgra॒hāḥ | pu॒ro॒kṣagṃ so̭magra॒hānth- sā̭dayati | pa॒ścā॒da॒kṣagṃ sṷrāgra॒hān | pā॒pa॒va॒sya॒sasya॒ vidhṛ̭tyai || e॒ṣa vai yaja̭mānaḥ | ya-thsomaḥ̭ | anna॒gṃ॒ surā᳚ | so॒ma॒gra॒hāgśca̭ surāgra॒hāgśca॒ vyati̭ṣajati | a॒nnādyḙnai॒vainaṃ॒-vya~ti̭ṣajati || 19 ||

sa॒pṛñcaḥ̭ stha॒ sa-mmā̭ bha॒dreṇa̭ pṛ॒ṅktetyā̭ha | annaṃ॒-vai~ bha॒dram | a॒nnādyḙnai॒vaina॒gṃ॒ sagṃsṛ̭jati || anna̭sya॒ vā e॒tacchama̭lam | ya-thsurā᳚ | pā॒pmèva॒ khalu॒ vai śama̭lam | pā॒pmanā॒ vā ḙname॒tacchama̭lena॒ vyati̭ṣajati | ya-thso̭magra॒hāgśca̭ surāgra॒hāgśca̭ vyati॒ṣaja̭ti || vi॒pṛcaḥ̭ stha॒ vi mā̭ pā॒pmanā̭ pṛ॒ṅktetyā̭ha | pā॒pmanai॒vaina॒gṃ॒ śama̭lena॒ vyāva̭rtayati || 20 ||

tasmā᳚-dvājapeyayā॒jī pū॒to meddhyo̭ dakṣi॒ṇyaḥ̭ || prāṃu-ddra̭vati somagra॒haiḥ | a॒mume॒va tai-rlo॒ka-ma॒bhija̭yati | pra॒tyaṅkhsṷrā gra॒haiḥ | i॒mame॒va tai-rlo॒ka-ma॒bhija̭yati || prati̭ṣṭhanti somagra॒haiḥ | yāva̭de॒va sa॒tyam | tena̭ sūyate || vā॒ja॒sṛdbhyaḥ̭ surāgra॒hān. ha̭ranti | anṛ̭tenai॒va viśa॒gṃ॒ sagṃsṛ̭jati || hi॒ra॒ṇya॒pā॒tra-mmadhoḥ᳚ pū॒rṇa-nda̭dāti | ma॒dha॒vyo̭-'sā॒nīti̭ || e॒ka॒dhā bra॒hmaṇa॒ upa̭ harati | e॒ka॒dhaiva yaja̭māna॒ āyu॒stejo̭ dadhāti || 21 ||

(ā॒ptvā-'va̭rundhe॒ - somaḥ॒ - śama̭laṃ॒-ya~-thsurā॒ - hya̭-syainaṃ॒-vya~ti̭ṣajati॒ - vyāva̭rtayati - sṛjati ca॒tvāri̭ ca ) (a. 3)

anuvākaṃ 4 - paśava-ssaptadaśa

bra॒hma॒vā॒dino̭ vadanti | nāgni̭ṣṭo॒mo nokthyaḥ̭ | na ṣo̭ḍa॒śī nāti̭rā॒traḥ | atha॒ kasmā᳚-dvāja॒peye॒ sarvḙ yajñakra॒tavo-'va̭ruddhyanta॒ iti̭ | pa॒śubhi॒riti̭ brūyāt || ā॒gne॒ya-mpa॒śumāla̭bhate | a॒gni॒ṣṭo॒mame॒va tenāva̭rundhe | ai॒ndrā॒gneno॒kthya᳚m | ai॒ndreṇa̭ ṣoḍa॒śinaḥ̭ sto॒tram | sā॒ra॒sva॒tyā-'ti̭rā॒tram || 22 ||

mā॒ru॒tyā bṛ̭ha॒ta-ssto॒tram | e॒tāva̭nto॒ vai ya̭jñakra॒tavaḥ̭ | tā-npa॒śubhi̭re॒vā-va̭rundhe || ā॒tmāna̭me॒va spṛ̭ṇo-tyagniṣṭo॒mena̭ | prā॒ṇā॒pā॒nā-vu॒kthyḙna | vī॒ryagṃ̭ ṣoḍa॒śinaḥ̭ sto॒treṇa̭ | vāca̭-matirā॒treṇa̭ | pra॒jā-mbṛ̭ha॒ta-ssto॒treṇa̭ | i॒mame॒va lo॒kama॒bhi ja̭yatyagniṣṭo॒mena̭ | a॒ntari̭kṣa-mu॒kthyḙna || 23 ||

su॒va॒rgaṃ-lo~॒kagṃ ṣo̭ḍa॒śinaḥ̭ sto॒treṇa̭ | de॒va॒yānā̭ne॒va pa॒tha āro̭ha-tyatirā॒treṇa̭ | nākagṃ̭ rohati bṛha॒ta-ssto॒treṇa̭ | teja̭ e॒vātma-ndha̭tta āgne॒yena̭ pa॒śunā᳚ | ojo॒ bala̭maindrā॒gnena̭ | i॒ndri॒ya-mai॒ndreṇa̭ | vācagṃ̭ sārasva॒tyā | u॒bhāve॒va dḙvalo॒ka-ñca̭ manuṣyalo॒ka-ñcā॒bhija̭yati māru॒tyā va॒śayā᳚ || sa॒ptada̭śa prājāpa॒tyā-npa॒śūnāla̭bhate | sa॒pta॒da॒śaḥ pra॒jāpa̭tiḥ || 24 ||

pra॒jāpa̭te॒rāptyai᳚ || śyā॒mā eka̭rūpā bhavanti | e॒vami̭va॒ hi pra॒jāpa̭ti॒-ssamṛ̭ddhyai || tā-nparya̭gnikṛtā॒-nuthsṛ̭jati || ma॒ruto̭ ya॒jñama̭jighāgṃsa-npra॒jāpa̭teḥ | tebhya̭ e॒tā-mmā̭ru॒tīṃ-va~॒śāmāla̭bhata | tayai॒vainā̭-naśamayat || mā॒ru॒tyā pra॒carya̭ | e॒tān-thsañjña̭payet | ma॒ruta̭ e॒va śa̭mayi॒tvā || 25 ||

e॒taiḥ praca̭rati | ya॒jñasyāghā̭tāya || e॒ka॒dhā va॒pā jṷhoti | e॒ka॒de॒va॒tyā̭ hi | e॒te | atho̭ eka॒dhaiva yaja̭māne vī॒rya̭-ndadhāti || nai॒vā॒reṇa̭ sa॒ptada̭śaśarāve-ṇai॒tarhi॒ praca̭rati | e॒ta-tpṷroḍāśā॒ hyḙte | atho̭ paśū॒nāme॒va chi॒dramapi̭dadhāti || sā॒ra॒sva॒tyotta॒mayā॒ praca̭rati | vāg vai sara̭svatī | tasmā᳚-tprā॒ṇānāṃ॒-vā~gṷtta॒mā | atho᳚ pra॒jāpa̭tāve॒va ya॒jña-mprati̭ṣṭhāpayati | pra॒jāpa̭ti॒r॒ hi vāk || apa̭nnadatī bhavati | tasmā᳚-nmanu॒ṣyā᳚-ssarvāṃ॒-vā~caṃ̭-va~danti || 26 ||

(a॒ti॒rā॒tra - ma॒ntari̭kṣamu॒kthyḙna - pra॒jāpa̭tiḥ - śamayi॒tvot - ta॒mayā॒ praca̭rati॒ ṣaṭ ca̭) (a. 4)

anuvākaṃ 5 - rathayājanam

sā॒vi॒tra-ñjṷhoti॒ karma̭ṇaḥ karmaṇaḥ pu॒rastā᳚t || kasta-dve॒detyā̭huḥ | ya-dvā̭ja॒peya̭sya॒ pūrvaṃ॒-ya~dapa̭ra॒miti̭ | sa॒vi॒tṛpra̭sūta e॒va ya̭thāpū॒rva-ṅkarmā̭ṇi karoti || sava̭ne savane juhoti | ā॒krama̭ṇame॒va ta-thsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || vā॒caspati॒-rvāca̭ma॒dya sva̭dāti na॒ ityā̭ha | vāgvai de॒vānā᳚-mpu॒rā-'nna̭māsīt | vāca̭me॒vāsmā॒ annagg̭ svadayati || 27 ||

indra̭sya॒ vajro̭-'si॒ vārtra̭ghna॒ iti॒ ratha̭mu॒pāva̭harati॒ viji̭tyai || vāja̭sya॒ nu pra̭sa॒ve mā॒tara̭-mma॒hīmityā̭ha | yaccai॒veyam | yaccā॒syāmadhi̭ | tade॒vā-va̭rundhe | atho॒ tasmi̭nne॒vobhaye॒-'bhiṣi̭cyate || a॒phsva̭ntara॒-mṛta̭ma॒phsu bhḙṣa॒jamityaśvā᳚-npalpūlayati | a॒phsu vā aśva̭sya॒ tṛtī̭ya॒-mpravi̭ṣṭam | tada̭nu॒vena॒nvava̭plavate | yada॒phsu pa̭lpū॒laya̭ti || 28 ||

yade॒vāsyā॒phsu pravi̭ṣṭam | tade॒vāva̭rundhe || ba॒hu vā aśvo̭-'me॒ddhya-mupa̭gacchati | yada॒phsu pa̭lpū॒laya̭ti | meddhyā̭ne॒vainā᳚n karoti || vā॒yurvā᳚ tvā॒ manṷrvā॒ tvetyā̭ha | e॒tā vā e॒ta-nde॒vatā॒ agre॒ aśva̭mayuñjann | tābhi̭re॒vaināṋ. yunakti | sa॒vasyojji̭tyai || yajṷṣā yunakti॒ vyāvṛ̭ttyai || 29 ||

apā᳚-nna pādāśuhema॒nniti॒ sammā᳚rṣṭi | meddhyā̭ne॒vainā᳚n karoti | atho॒ stautye॒vainā̭nā॒jigṃ sa̭riṣya॒taḥ || vi॒ṣṇu॒ kra॒mān kra̭mate | viṣṇṷre॒va bhū॒tvemā~llo॒kā-na॒bhija̭yati || vai॒śva॒de॒vo vai rathaḥ̭ | a॒ṅkau nya॒ṅkāva॒bhito॒ rathaṃ॒-yā~vityā̭ha | yā e॒va de॒vatā॒ rathe॒ pravi̭ṣṭāḥ | tābhya̭ e॒va nama̭skaroti | ā॒tmano-'nā᳚rtyai || aśa̭maratha-mbhāvuko-'sya॒ ratho̭ bhavati | ya e॒vaṃ-ve~da̭ || 30 ||

(sva॒da॒ya॒ti॒ - pa॒lpū॒laya̭ti॒ - vyāvṛ̭ttyā॒ - anā᳚rtyai॒ dve ca̭) (a. 5)

anuvākaṃ 6 - rathadhāvanam

de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ vāja̭-ñjeṣa॒mityā̭ha | sa॒vi॒tṛpra̭sūta e॒va brahma̭ṇā॒ vāja॒mujja̭yati || de॒vasyā॒hagṃ sa̭vi॒tuḥ pra̭sa॒ve bṛha॒spati̭nā vāja॒jitā॒ varṣi̭ṣṭha॒-nnākagṃ̭ ruheya॒mityā̭ha | sa॒vi॒tṛpra̭sūta e॒va brahma̭ṇā॒ varṣi̭ṣṭha॒-nnākagṃ̭ rohati || cātvā̭le rathaca॒kra-nnimi̭tagṃ rohati | ato॒ vā aṅgi̭rasa utta॒mā-ssṷva॒rgaṃ-lo~॒kamā̭yann | sā॒kṣāde॒va yaja̭māna-ssuva॒rgaṃ-lo~॒kamḙti || āve᳚ṣṭayati | vajro॒ vai rathaḥ̭ | vajrḙṇai॒va diśo॒-'bhija̭yati || 31 ||

vā॒jinā॒gṃ॒ sāma̭ gāyate | annaṃ॒-vai~ vājaḥ̭ | anna̭me॒-vāva̭rundhe || vā॒co varṣma̭ de॒vebhyo-'pā᳚krāmat | ta-dvana॒spatī॒-nprāvi̭śat | saiṣā vāg-vana॒spati̭ṣu vadati | yā dṷndu॒bhau | tasmā᳚-ddundu॒bhi-ssarvā॒ vācoti̭ vadati || du॒ndu॒bhīn-thsa॒māghna̭nti | pa॒ra॒mā vā e॒ṣā vāk || 32 ||

yā dṷndu॒bhau | pa॒ra॒mayai॒va vā॒cā-'va̭rāṃ॒-vā~ca॒ma-va̭rundhe | atho̭ vā॒ca e॒va varṣma॒ yaja̭mā॒no 'va̭rundhe || indrā̭ya॒ vācaṃ̭-va~da॒tendraṃ॒-vā~ja̭-ñjāpaya॒tendro॒ vāja̭majayi॒-dityā̭ha | e॒ṣa vā e॒tarhīndraḥ̭ | yo yaja̭te | yaja̭māna e॒va vāja॒mujja̭yati || sa॒ptada̭śa pravyā॒dhānā॒ji-ndhā̭vanti | sa॒pta॒da॒śagg sto॒tra-mbha̭vati | sa॒ptada̭śa saptadaśa dīyante || 33 ||

sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || arvā̭-'si॒ sapti̭rasi vā॒jya̭sītyā̭ha | a॒gnirvā arvā᳚ | vā॒yu-ssaptiḥ̭ | ā॒di॒tyo vā॒jī | e॒tābhi̭re॒vāsmai̭ de॒vatā̭bhi-rdevara॒thaṃ-yu~̭nakti || pra॒ṣṭi॒vā॒hinaṃ̭-yu~nakti | pra॒ṣṭi॒vā॒hī vai dḙvara॒thaḥ | de॒va॒ra॒thame॒vāsmai̭ yunakti || 34 ||

vāji̭no॒ vāja̭-ndhāvata॒ kāṣṭhā᳚-ṅgaccha॒tetyā̭ha | su॒va॒rgo vai lo॒kaḥ kāṣṭhā᳚ | su॒va॒rgame॒va lo॒kaṃ-ya~̭nti || su॒va॒rgaṃ-vā~ e॒te lo॒kaṃ-ya~̭nti | ya ā॒ji-ndhāva̭nti || prāñco̭ dhāvanti | prāṃi̭va॒ hi sṷva॒rgo lo॒kaḥ || ca॒ta॒sṛbhi॒ranṷ mantrayate | ca॒tvāri॒ chandāgṃ̭si | chando̭bhire॒vainā᳚n-thsuva॒rgaṃ-lo~॒ka-ṅga̭mayati || 35 ||

pra vā e॒te᳚-'smāl-lo॒kāccya̭vante | ya ā॒ji-ndhāva̭nti | uda̭ñca॒ āva̭rtante | a॒smāde॒va tena̭ lo॒kānnaya̭nti || ra॒tha॒vi॒mo॒ca॒nīya̭-ñjuhoti॒ prati̭ṣṭhityai || ā mā॒ vāja̭sya prasa॒vo ja̭gamyā॒dityā̭ha | annaṃ॒-vai~ vājaḥ̭ | anna̭me॒vāva̭rundhe || ya॒thā॒lo॒kaṃ-vā~ e॒ta ujja̭yanti | ya ā॒ji-ndhāva̭nti || 36 ||

kṛ॒ṣṇala̭-ṅkṛṣṇalaṃ-vā~ja॒sṛdbhyaḥ॒ praya̭cchati | yame॒va te vājaṃ̭-lo~॒kamu॒jjaya̭nti | ta-mpa̭ri॒krīyā-va̭rundhe || e॒ka॒dhā bra॒hmaṇa॒ upa̭harati | e॒ka॒dhaiva yaja̭māne vī॒rya̭-ndadhāti || de॒vā vā oṣa̭dhīṣvā॒jima̭yuḥ | tā bṛha॒spati॒-ruda̭jayat | sa nī॒vārā॒nnira̭vṛṇīta | tannī॒vārā̭ṇā-nnīvāra॒tvam || nai॒vā॒raśca॒ru-rbha̭vati || 37 ||

e॒tadvai de॒vānā᳚-mpara॒mamanna᳚m | yannī॒vārāḥ᳚ | pa॒ra॒meṇai॒vāsmā̭ a॒nnādye॒-nāva̭ra-ma॒nnādya॒mava̭rundhe || sa॒ptada̭śaśarāvo bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒-rāptyai᳚ || kṣī॒re bha̭vati | ruca̭me॒vāsmi̭n-dadhāti || sa॒rpiṣvā᳚-nbhavati meddhya॒tvāya̭ || bā॒r॒ha॒spa॒tyo vā e॒ṣa de॒vata̭yā || 38 ||

yo vā̭ja॒peyḙna॒ yaja̭te | bā॒r॒ha॒spa॒tya e॒ṣa ca॒ruḥ || aśvā᳚n-thsariṣya॒ta-ssa॒sruṣa॒ścāva̭-ghrāpayati | yame॒va te vājaṃ̭-lo~॒kamu॒jjaya̭nti | tame॒vāva̭rundhe || ajī̭jipata vanaspataya॒ indraṃ॒-vā~jaṃ॒-vi~mṷcyaddhva॒miti̭ dundu॒bhīn. vimṷñcati | yame॒va te vājaṃ̭-lo~॒kami̭ndri॒ya-ndṷndu॒bhaya̭ u॒jjaya̭nti | tame॒vā-va̭rundhe || 39 ||

(a॒bhija̭yati॒ - vā e॒ṣā vāg - dī̭yante - 'smai yunakti - gamayati॒ - ya ā॒ji-ndhāva̭nti - bhavati - de॒vata̭yā॒ - +-'ṣṭau ca̭) (a. 6)

anuvākaṃ 7 - yūpārohaṇam

tā॒rpyaṃ-ya~ja̭māna॒-mpari̭dhāpayati | ya॒jño vai tā॒rpyam | ya॒jñenai॒vaina॒gṃ॒ sama̭rdhayati | da॒rbha॒maya॒-mpari̭dhāpayati | pa॒vitraṃ॒-vai~ da॒rbhāḥ | pu॒nātye॒vaina᳚m | vājaṃ॒-vā~ e॒ṣo-'va̭ruruthsate | yo vā̭ja॒peyḙna॒ yaja̭te | oṣa̭dhayaḥ॒ khalu॒ vai vājaḥ̭ | ya-dda̭rbha॒maya̭-mparidhā॒paya̭ti || 40 ||

vāja॒syāva̭-ruddhyai || jāya॒ ehi॒ suvo॒ rohā॒vetyā̭ha | patni̭yā e॒vaiṣa ya॒jñasyā᳚n-vāra॒mbho-'na̭vacchityai || sa॒ptada̭śā-ratni॒ryūpo̭ bhavati | sa॒pta॒da॒śaḥ pra॒jāpa̭tiḥ | pra॒jāpa̭te॒rāptyai᳚ || tū॒pa॒ra-ścatṷraśri-rbhavati || gau॒dhū॒ma-ñca॒ṣāla᳚m | na vā e॒te vrī॒hayo॒ na yavāḥ᳚ | ya-dgo॒dhūmāḥ᳚ || 41 ||

e॒vami̭va॒ hi pra॒jāpa̭ti॒-ssamṛ̭ddhyai | atho̭ a॒mume॒vāsmai̭ lo॒kamanna̭vanta-ṅkaroti || vāso̭bhi-rveṣṭayati | e॒ṣa vai yaja̭mānaḥ | yadyūpaḥ̭ | sa॒rva॒de॒va॒tyaṃ̭-vā~saḥ̭ | sarvā̭bhire॒vaina̭-nde॒vatā̭bhi॒-ssama̭rdhayati | atho̭ ā॒krama̭ṇame॒va tathsetuṃ॒-ya~ja̭mānaḥ kurute | su॒va॒rgasya̭ lo॒kasya॒ sama̭ṣṭyai || dvāda̭śa vājaprasa॒vīyā̭ni juhoti || 42 ||

dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒rame॒va prī̭ṇāti | atho̭ saṃva~thsa॒rame॒vāsmā॒ upa̭ dadhāti | su॒va॒rgasya̭ lo॒kasya॒ sama̭ṣṭyai || da॒śabhiḥ॒ kalpai̭ rohati | nava॒ vai purṷṣe prā॒ṇāḥ | nābhi̭rdaśa॒mī | prā॒ṇāne॒va ya̭thāsthā॒na-ṅka̭lpayi॒tvā | su॒va॒rgaṃ-lo~॒kamḙti | e॒tāva॒dvai purṷṣasya॒ svam || 43 ||

yāva̭t-prā॒ṇāḥ | yāva̭de॒vāsyāsti̭ | tena̭ sa॒ha sṷva॒rgaṃ-lo~॒kamḙti || suva̭rde॒vāgṃ a̭ga॒nmetyā̭ha | su॒va॒rgame॒va lo॒kamḙti | a॒mṛtā̭ abhū॒metyā̭ha | a॒mṛta̭miva॒ hi sṷva॒rgo lo॒kaḥ | pra॒jāpa̭teḥ pra॒jā a̭bhū॒metyā̭ha | prā॒jā॒pa॒tyo vā a॒yaṃ-lo~॒kaḥ | a॒smāde॒va tena̭ lo॒kānnaiti̭ || 44 ||

sama॒ha-mpra॒jayā॒ sa-mmayā᳚ pra॒jetyā̭ha | ā॒śiṣa̭me॒vaitā-māśā᳚ste || ā॒sa॒pu॒ṭai-rghna̭nti | annaṃ॒-vā~ i॒yam | a॒nnādyḙnai॒vaina॒gṃ॒ sama̭rdhayanti | ūṣai᳚-rghnanti | e॒te hi sā॒kṣādanna᳚m | yadūṣāḥ᳚ | sā॒kṣāde॒vaina̭-ma॒nnādyḙna॒ sama̭rdhayanti || pu॒rastā᳚t-pra॒tyañca᳚-ṅghnanti || 45 ||

pu॒rastā॒ddhi pra̭tī॒cīna॒-manna̭ma॒dyate᳚ || śī॒r॒ṣa॒to ghna̭nti | śī॒r॒ṣa॒to hyanna̭ma॒dyate᳚ || di॒gbhyo ghna̭nti | di॒gbhya e॒vāsmā̭ a॒nnādya॒-mava̭rundhate || ī॒śva॒ro vā e॒ṣa parāṃ᳚-pra॒daghaḥ̭ | yo yūpa॒gṃ॒ roha̭ti || hira̭ṇyama॒ddhya-va̭rohati | a॒mṛtaṃ॒-vai~ hira̭ṇyam | a॒mṛtagṃ̭ suva॒rgo lo॒kaḥ || 46 ||

a॒mṛta̭ e॒va sṷva॒rge lo॒ke prati̭ tiṣṭhati || śa॒tamā̭na-mbhavati | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭ tiṣṭhati || puṣṭyai॒ vā e॒ta-drū॒pam | yada॒jā | tri-ssaṃ̭va~thsa॒rasyā॒nyān-pa॒śū-npari॒ prajā̭yate || ba॒stā॒ji॒na-ma॒ddhyava̭ rohati | puṣṭyā̭me॒va pra॒jana̭ne॒ prati̭tiṣṭhati || 47 ||

(pa॒ri॒dhā॒paya̭ti - go॒dhūmā̭ - juhoti॒ - svaṃ - naiti̭ - pra॒tyañja̭-ṅghnanti - lo॒ko - +nava̭ ca (a. 7)

anuvākaṃ 8 - annahomāḥ, abhiṣekaśca

sa॒ptānna̭-ho॒māñjṷhoti | sa॒pta vā annā̭ni | yāva̭ntye॒vānnā̭ni | tānye॒vāva̭rundhe | sa॒pta grā॒myā oṣa̭dhayaḥ | sa॒ptāra॒ṇyāḥ | u॒bhayī̭ṣā॒-mava̭ruddhyai || anna̭syā-nnasya juhoti | anna̭syānna॒syā-va̭ruddhyai || ya-dvā̭japeyayā॒jya-na̭varuddhasyāśñī॒yāt || 48 ||

ava̭ruddhena॒ vyṛ̭ddhyeta | sarva̭sya samava॒dāya̭ juhoti | ana̭varuddha॒-syāva̭ruddhyai || audṷmbareṇa sru॒veṇa̭ juhoti | ūrgvā anna̭-mudu॒mbaraḥ̭ | ū॒rja e॒vānnādya॒syāva̭ruddhyai || de॒vasya̭ tvā savi॒tuḥ pra̭sa॒va ityā̭ha | sa॒vi॒tṛ pra̭sūta e॒vaina॒-mbrahma̭ṇā de॒vatā̭bhi-ra॒bhiṣi̭ñcati || anna̭syānnasyā॒bhiṣi̭ñcati | anna̭syānna॒syāva̭ruddhyai || 49 ||

pu॒rastā᳚t-pra॒tyañca̭-ma॒bhiṣi̭ñcati | pu॒rastā॒ddhi-pra̭tī॒cīna॒-manna̭ma॒dyate᳚ | śī॒r॒ṣa॒to̭-'bhiṣi̭ñcati | śī॒r॒ṣa॒to hyanna̭ma॒dyate᳚ || āmukhā̭da॒nvava̭ srāvayati | mu॒kha॒ta e॒vāsmā̭ a॒nnādya̭-ndadhāti || a॒gnestvā॒ sāmrā᳚jyenā॒bhiṣi̭ñcā॒mītyā̭ha | e॒ṣa vā a॒gne-ssa॒vaḥ | tenai॒vaina̭-ma॒bhiṣi̭ñcati | indra̭sya tvā॒ sāmrā᳚jyenā॒bhiṣi̭ñcā॒mītyā̭ha || 50 ||

i॒ndri॒ya-me॒vāsmi̭-nne॒tena̭ dadhāti | bṛha॒spate᳚stvā॒ sāmrā᳚jyenā॒bhiṣi̭ñcā॒-mītyā̭ha | brahma॒ vai de॒vānā॒-mbṛha॒spatiḥ̭ | brahma̭ṇai॒vaina̭-ma॒bhiṣi̭ñcati || so॒ma॒gra॒hāgścā̭-vadānī॒yāni̭ ca॒rtvigbhya॒ upa̭ haranti | a॒mume॒va tai-rlo॒ka-manna̭vanta-ṅkaroti | su॒rā॒gra॒hāgścā̭-navadānī॒yāni̭ ca vāja॒sṛdbhyaḥ̭ | i॒mame॒va tai-rlo॒ka-manna̭vanta-ṅkaroti | atho̭ u॒bhayī᳚ṣve॒vābhiṣi̭cyate || vi॒mā॒tha-ṅkṷrvate vāja॒sṛtaḥ̭ || 51 ||

i॒ndri॒yasyāva̭ruddhyai || ani̭ruktābhiḥ prātassava॒ne stṷvate | ani̭ruktaḥ pra॒jāpa̭tiḥ | pra॒jāpa̭te॒rāptyai᳚ | vāja̭vatībhi॒-rmāddhya̭ndine | annaṃ॒-vai~ vājaḥ̭ | anna̭me॒vā-va̭rundhe | śi॒pi॒vi॒ṣṭava̭tībhi-stṛtīyasava॒ne | ya॒jño vai viṣṇuḥ̭ | pa॒śava॒-śśipiḥ̭ | ya॒jña e॒va pa॒śuṣu॒ prati̭ tiṣṭhati || bṛ॒hadantya̭-mbhavati | anta̭me॒vainagg̭ śri॒yai ga̭mayati || 52 ||

(a॒śñī॒yā - danna̭syānna॒syā va̭ruddhyā॒ - indra̭sya tvā॒ sāmrā᳚jyenā॒bhiṣi̭ñcā॒ mītyā̭ha-vāja॒sṛtaḥ॒ - śipi॒ strīṇi̭ ca) (a. 8)

anuvākaṃ 9 - atigrāhyāḥ, pañcaindrāḥ

nṛ॒ṣada॒-ntvetyā̭ha | pra॒jā vai nṝn | pra॒jānā̭me॒vaitena̭ sūyate | dru॒ṣada॒mityā̭ha | vana॒spata̭yo॒ vai dru | vana॒spatī̭nāme॒vai tena̭ sūyate | bhu॒va॒na॒sada॒-mityā̭ha | ya॒dā vai vasī̭yā॒-nbhava̭ti | bhuva̭namaga॒nniti॒ vai tamā̭huḥ | bhuva̭name॒vaitena̭ gacchati || 53 ||

a॒phsu॒ṣada̭-ntvā ghṛta॒sada॒-mityā̭ha | a॒pāme॒vaitena̭ ghṛ॒tasya̭ sūyate | vyo॒ma॒sada॒-mityā̭ha | ya॒dā vai vasī̭yā॒-nbhava̭ti | vyo̭māga॒nniti॒ vai tamā̭huḥ | vyo̭mai॒vaitena̭ gacchati || pṛ॒thi॒vi॒ṣada̭-ntvā-'ntarikṣa॒sada॒-mityā̭ha | e॒ṣāme॒vaitena̭ lo॒kānāgṃ̭ sūyate | tasmā᳚-dvājape-yayā॒jī na ka-ñca॒na pra॒tyava̭rohati | apī̭va॒ hi de॒vatā̭nāgṃ sū॒yate᳚ || 54 ||

nā॒ka॒sada॒-mityā̭ha | ya॒dāvai vasī̭yā॒-nbhava̭ti | nāka̭maga॒nniti॒ vai tamā̭huḥ | nāka̭me॒vaitena̭ gacchati || ye grahāḥ᳚ pañcaja॒nīnā॒ ityā̭ha | pa॒ñca॒ja॒nānā̭-me॒vaitena̭ sūyate || a॒pāgṃ rasa॒mudva̭yasa॒-mityā̭ha | a॒pāme॒vaitena॒ rasa̭sya sūyate | sūrya̭raśmigṃ sa॒mābhṛ̭ta॒-mityā̭ha saśukra॒tvāya̭ || 55 ||

(ga॒ccha॒ti॒ - sū॒yate॒ - +nava̭ ca) (a. 9)

anuvākaṃ 10 - piṇḍapitṛyajñaḥ darśapūrṇamāsabrāhmaṇaśeṣaḥ

indro vṛ॒tragṃ ha॒tvā | asṷrā-nparā॒bhāvya̭ | so̭-'māvā॒syā᳚-mpratyāga̭cchat | te pi॒taraḥ̭ pūrve॒dyu-rāga̭cchann | pi॒tṝn. ya॒jño̭-'gacchat | ta-nde॒vāḥ puna̭rayācanta | tame᳚bhyo॒ na puna̭radaduḥ | te᳚-'bruva॒n varaṃ̭-vṛ~ṇāmahai | atha̭ vaḥ॒ puna̭rdāsyāmaḥ | a॒smabhya̭me॒va pū᳚rve॒dyuḥ kri̭yātā॒ iti̭ || 56 ||

tame᳚bhyaḥ॒ puna̭radaduḥ | tasmā᳚t-pi॒tṛbhyaḥ̭ pūrve॒dyuḥ kri̭yate | ya-tpi॒tṛbhyaḥ̭ pūrve॒dyuḥ ka॒roti̭ | pi॒tṛbhya̭ e॒va ta-dya॒jña-nni॒ṣkrīya॒ yaja̭mānaḥ॒ prata̭nute || somā̭ya pi॒tṛpī̭tāya sva॒dhā nama॒ ityā̭ha | pi॒ture॒vādhi̭ somapī॒thamava̭ rundhe | na hi pi॒tā pra॒mīya̭māṇa॒ āhai॒ṣa so̭mapī॒tha iti̭ | i॒ndri॒yaṃ-vai~ so̭mapī॒thaḥ | i॒ndri॒yame॒va so̭mapī॒thamava̭-rundhe | tena᳚ndri॒yeṇa̭ dvi॒tīyā᳚-ñjā॒yāma॒bhya̭śñute || 57 ||

e॒ta-dvai brāhma̭ṇa-mpu॒rā vā̭jaśrava॒sā vi॒dāma̭krann | tasmā॒-tte dvedvḙ jā॒ye a॒bhyā᳚kṣata | ya e॒vaṃ-ve~da̭ | a॒bhi dvi॒tīyā᳚-ñjā॒yāma̭śñute || a॒gnayḙ kavya॒vāha̭nāya sva॒dhā nama॒ ityā̭ha | ya e॒va pi̭tṛ॒ṇāma॒gniḥ | ta-mprī̭ṇāti || ti॒sra āhṷtī-rjuhoti || trirnida̭dhāti || ṣaṭ-thsampa̭dyante || 58 ||

ṣaḍvā ṛ॒tavaḥ̭ | ṛ॒tūne॒va prī̭ṇāti || tū॒ṣṇī-mmekṣa̭ṇa॒-māda̭dhāti | asti̭ vā॒ hi ṣa॒ṣṭha ṛ॒turna vā᳚ || de॒vān. vai pi॒tṝ-nprī॒tān | ma॒nu॒ṣyāḥ᳚ pi॒taro-'nu॒ prapi̭pate | ti॒sra āhṷtī-rjuhoti | trirnida̭dhāti | ṣaṭ-thsampa̭dyante | ṣaḍvā ṛ॒tavaḥ̭ || 59 ||

ṛ॒tavaḥ॒ khalu॒ vai de॒vāḥ pi॒taraḥ̭ | ṛ॒tūne॒va de॒vā-npi॒tṝ-nprī̭ṇāti | tānprī॒tān | ma॒nu॒ṣyāḥ᳚ pi॒taro-'nu॒ prapi̭pate || sa॒kṛ॒dā॒cchi॒nna-mba॒r॒hi-rbha̭vati | sa॒kṛdi̭va॒ hi pi॒taraḥ̭ || trirnida̭dhāti | tṛ॒tīye॒ vā i॒to lo॒ke pi॒taraḥ̭ | tāne॒va prī̭ṇāti || parāṃ॒āva̭rtate || 60 ||

hlīkā॒ hi pi॒taraḥ̭ || òṣmaṇo᳚ vyā॒vṛta॒ upā᳚ste | ū॒ṣmabhā̭gā॒ hi pi॒taraḥ̭ || bra॒hma॒vā॒dino̭ vadanti | prāśyāṃ(3)na prāśyā(3)miti̭ | ya-tprā᳚śñī॒yāt | janya॒manna̭madyāt | pra॒māyṷka-ssyāt | yanna prā᳚śñī॒yāt | aha̭vi-ssyāt || 61 ||

pi॒tṛbhya॒ āvṛ̭ścyeta | a॒va॒ghreya̭me॒va | tanneva॒ prāśi̭ta॒-nnevāprā̭śitam || vī॒raṃ-vā~॒ vai pi॒taraḥ̭ pra॒yanto॒ hara̭nti | vī॒raṃ-vā~̭ dadati | da॒śā-ñchi̭natti | hara̭ṇabhāgā॒ hi pi॒taraḥ̭ | pi॒tṝne॒va ni॒rava̭dayate || utta̭ra॒ āyṷṣi॒ loma̭ chindīta | pi॒tṛ॒ṇāg hyḙtarhi॒ nedī̭yaḥ || 62 ||

nama̭skaroti | na॒ma॒skā॒ro hi pi̭tṛ॒ṇām || namo̭ vaḥ pitaro॒ rasā̭ya | namo̭ vaḥ pitara॒-śśuṣmā̭ya | namo̭ vaḥ pitaro jī॒vāya̭ | namo̭ vaḥ pitara-ssva॒dhāyai᳚ | namo̭ vaḥ pitaro ma॒nyave᳚ | namo̭ vaḥ pitaro gho॒rāya̭ | pita̭ro॒ namo̭ vaḥ | ya e॒tasmi̭n ~lo॒ke stha || 63 ||

yu॒ṣmāgste-'nṷ | ye᳚-'smi~llo॒ke | mā-nte nṷ | ya e॒tasmi̭~llo॒ke stha | yū॒ya-nteṣāṃ॒-va~si̭ṣṭhā bhūyāsta | ye᳚-'smi~llo॒ke | a॒ha-nteṣāṃ॒-va~si̭ṣṭho bhūyāsa॒mityā̭ha | vasi̭ṣṭha-ssamā॒nānā᳚-mbhavati | ya e॒vaṃ-vi~॒dvān-pi॒tṛbhyaḥ̭ ka॒roti̭ || e॒ṣa vai ma̭nu॒ṣyā̭ṇāṃ-ya~॒jñaḥ || 64 ||

de॒vānāṃ॒-vā~ ita̭re ya॒jñāḥ | tena॒ vā e॒ta-tpi̭tṛlo॒ke ca̭rati || ya-tpi॒tṛbhyaḥ̭ ka॒roti̭ | sa ī᳚śva॒raḥ pramḙtoḥ | prā॒jā॒pa॒tyaya॒rcā puna॒raiti̭ | ya॒jño vai pra॒jāpa̭tiḥ | ya॒jñenai॒va sa॒ha puna॒raiti̭ | na pra॒māyṷko bhavati || pi॒tṛ॒lo॒ke vā e॒ta-dyaja̭mānaścarati | ya-tpi॒tṛbhyaḥ̭ ka॒roti̭ | sa ī᳚śva॒ra ārti॒mārtoḥ᳚ | pra॒jāpa̭ti॒-stvāvaina॒-ntata॒ unnḙtumarha॒tītyā̭huḥ | ya-tprā̭jāpa॒tyaya॒rcā puna॒raiti̭ | pra॒jāpa̭tire॒vaina॒-ntata॒ unna̭yati | nārti॒mārccha̭ti॒ yaja̭mānaḥ || 65 ||

(itya̭ - śñute - padyante - padyante॒ ṣaḍvā ṛ॒tavo̭ - varta॒te-' - ha̭vi-ssyā॒n - nedī̭yaḥ॒ - stha - ya॒jño - yaja̭mānaścarati॒ ya-tpi॒tṛbhyaḥ̭ ka॒roti॒ pañca̭ ca) (a. 10)

(de॒vā॒su॒rā a॒gnīṣoma̭yo--r de॒vā vai yathā॒ darśaṃ̭ - de॒vā vai yada॒nyai-rgrahai᳚--r brahmavā॒dino॒ nāgni̭ṣṭo॒mo na - sā̭vi॒traṃ - de॒vasyā॒haṃ - tā॒rpyagṃ - sa॒ptānna̭ho॒mān - nṛ॒ṣadaṃ॒ - tvendro̭ vṛ॒tragṃ ha॒tvā daśa̭)

(de॒vā॒su॒rā - vā॒jyḙvainaṃ॒ - tasmā᳚-dvājapeyayā॒jī - de॒vasyā॒haṃ - ~vāja॒syāva̭ruddhyā- indri॒yame॒vāsmi॒n॒. - hlīkā॒ hi pi॒taraḥ॒ pañca̭ṣaṣṭiḥ)

(de॒vā॒su॒rā - yaja̭mānaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake tṛtīyaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके तृतीयः प्रपाठकः - वाजपेयब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - पुनराधेयशेषः आज्यभागयोर्विशेषः

दे॒वा॒सु॒रा-स्सं-यँ॑त्ता आसन्न् । ते दे॒वा वि॑ज॒य-मु॑प॒यन्तः॑ । अ॒ग्नीषोम॑यो-स्तेज॒स्विनी᳚स्त॒नू-स्स-न्न्य॑दधत । इ॒दमु॑ नो भविष्यति । यदि॑ नो जे॒ष्यन्तीति॑ । तेना॒ग्नीषोमा॒-वपा᳚क्रामताम् । ते दे॒वा वि॒जित्य॑ । अ॒ग्नीषोमा॒-वन्वै᳚च्छन्न् । ते᳚-ऽग्नि-मन्व॑विन्द-न्नृ॒तुषू-थ्स॑न्नम् । तस्य॒ विभ॑क्तीभि-स्तेज॒स्विनी᳚स्त॒नू-रवा॑रुन्धत ॥ 1 ॥

ते सोम॒-मन्व॑विन्दन्न् । तम॑घ्नन्न् । तस्य॑ यथा-ऽभि॒ज्ञाय॑-न्त॒नू-र्व्य॑गृह्णत । ते ग्रहा॑ अभवन्न् । त-द्ग्रहा॑णा-ङ्ग्रह॒त्वम् । यस्यै॒वं-विँ॒दुषो॒ ग्रहा॑ गृ॒ह्यन्ते᳚ । तस्य॒ त्वे॑व गृ॑ही॒ताः ॥ नाना᳚ग्नेय-म्पुनरा॒धेये॑ कुर्यात् । यदना᳚ग्नेय-म्पुनरा॒धेये॑ कु॒र्यात् । व्यृ॑द्धमे॒व तत् ॥ 2 ॥

अना᳚ग्नेयं॒-वाँ ए॒त-त्क्रि॑यते । य-थ्स॒मिध॒-स्तनू॒नपा॑तमि॒डो ब॒र्॒हि-र्य॑जति ॥ उ॒भावा᳚ग्ने॒या-वाज्य॑भागौ स्याताम् ॥ अना᳚ज्यभागौ-भवत॒ इत्या॑हुः । यदु॒भावा᳚ग्ने॒याव॒न्वञ्चा॒विति॑ । अ॒ग्नये॒ पव॑माना॒योत्त॑र-स्स्यात् । य-त्पव॑मानाय । तेनाज्य॑ भागः । तेन॑ सौ॒म्यः ॥ बुध॑न्वत्याग्ने॒य-स्याज्य॑-भागस्य पुरो-ऽनुवा॒क्या॑ भवति ॥ 3 ॥

यथा॑ सु॒प्त-म्बो॒धय॑ति । ता॒दृगे॒व तत् ॥ अ॒ग्निन्य॑क्ताः पत्नी संयाँ॒जाना॒मृचः॑ स्युः । तेना᳚ग्ने॒यग्ं सर्व॑-म्भवति ॥ ए॒क॒धा ते॑ज॒स्विनी᳚-न्दे॒वता॒-मुपै॒तीत्या॑हुः । सैन॑मीश्व॒रा प्र॒दह॒ इति॑ ॥ नेति॑ ब्रूयात् । प्र॒जन॑नं॒-वाँ अ॒ग्निः । प्र॒जन॑न-मे॒वोपै॒तीति॑ ॥ कृ॒तय॑जु॒-स्सम्भृ॑त सम्भार॒ इत्या॑हुः ॥ 4 ॥

न स॒भृन्त्या᳚-स्सम्भा॒राः । न यजुः॑ का॒र्य॑मिति॑ ॥ अथो॒ खलु॑ । स॒भृन्त्या॑ ए॒व स॑भां॒राः । का॒र्यं॑-यँजुः॑ । पु॒न॒रा॒धेय॑स्य॒ समृ॑द्ध्यै ॥ तेनो॑पा॒ग्ं॒शु प्रच॑रति । एष्य॑ इव॒ वा ए॒षः । य-त्पु॑न-रा॒धेयः॑ । यथो॑पा॒ग्ं॒शु न॒ष्टमि॒च्छति॑ ॥ 5 ॥

ता॒दृगे॒व तत् ॥ उ॒च्चै-स्स्वि॑ष्ट॒कृत॒मु-थ्सृ॑जति । यथा॑ न॒ष्टं-विँ॒त्वा प्राहा॒यमिति॑ । ता॒दृगे॒व तत् ॥ ए॒क॒धा ते॑ज॒स्विनी᳚-न्दे॒वता॒मुपै॒तीत्या॑हुः । सैन॑मीश्व॒रा प्र॒दह॒ इति॑ । तत्तथा॒ नोपै॑ति । प्र॒या॒जा॒नू॒या॒जेष्वे॒व विभ॑क्तीः कुर्यात् । य॒था॒पू॒र्व-माज्य॑भागौ॒ स्याता᳚म् । ए॒व-म्प॑त्नी संयाँ॒जाः ॥ 6 ॥

त-द्वै᳚श्वान॒रव॑त्-प्र॒जन॑नवत्तर॒-मुपै॒तीति॑ ॥ तदा॑हुः । व्यृ॑द्धं॒-वाँ ए॒तत् । अना᳚ग्नेयं॒-वाँ ए॒त-त्क्रि॑यत॒ इति॑ ॥ नेति॑ ब्रूयात् । अ॒ग्नि-म्प्र॑थ॒मं-विँभ॑क्तीनां-यँजति । अ॒ग्निमु॑त्त॒म-म्प॑त्नी संयाँ॒जाना᳚म् । तेना᳚ग्ने॒यम् । तेन॒ समृ॑द्ध-ङ्क्रियत॒ इति॑ ॥ 7 ॥

(अ॒रु॒न्ध॒ - तै॒व त-द्- भ॑वति॒ - सम्भृ॑तसम्भार॒ इत्या॑हु - रि॒च्छति॑ - पत्नीसंयाँ॒जा - +नव॑ च) ( आ1)

अनुवाकं 2 - वाजपेयस्य विधिः

दे॒वा वै यथा॒दर्शं॑-यँ॒ज्ञानाह॑रन्त । यो᳚-ऽग्निष्टो॒मम् । य उ॒क्थ्य᳚म् । यो॑-ऽतिरा॒त्रम् । ते स॒हैव सर्वे॑ वाज॒पेय॑-मपश्यन्न् । ते । अ॒न्यो᳚न्यस्मै॒ नाति॑ष्ठन्त । अ॒हम॒नेन॑ यजा॒ इति॑ । ते᳚-ऽब्रुवन्न् । आ॒जिम॒स्य धा॑वा॒मेति॑ ॥ 8 ॥

तस्मि॑-न्ना॒जिम॑धावन्न् । त-म्बृह॒स्पति॒-रुद॑जयत् । तेना॑यजत । स स्वारा᳚ज्य-मगच्छत् । तमिन्द्रो᳚-ऽब्रवीत् । माम॒नेन॑ याज॒येति॑ । तेनेन्द्र॑-मयाजयत् । सो-ऽग्र॑-न्दे॒वता॑ना॒-म्पर्यै᳚त् । अग॑च्छ॒-थ्स्वारा᳚ज्यम् । अति॑ष्ठन्तास्मै॒ ज्यैष्ठ्या॑य ॥ 9 ॥

य ए॒वं-विँ॒द्वान्. वा॑ज॒पेये॑न॒ यज॑ते । गच्छ॑ति॒ स्वारा᳚ज्यम् । अग्रग्ं॑ समा॒नाना॒-म्पर्ये॑ति । तिष्ठ॑न्ते-ऽस्मै॒ ज्यैष्ठ्या॑य ॥ स वा ए॒ष ब्रा᳚ह्म॒णस्य॑ चै॒व रा॑ज॒न्य॑स्य च य॒ज्ञः ॥ तं-वाँ ए॒तं-वाँ॑ज॒पेय॒ इत्या॑हुः । वा॒जाप्यो॒ वा ए॒षः । वाज॒ग्ग्॒ ह्ये॑तेन॑ दे॒वा ऐफ्सन्न्॑ ॥ सोमो॒ वै वा॑ज॒पेयः॑ । यो वै सोमं॑-वाँज॒पेयं॒-वेँद॑ ॥ 10 ॥

वा॒ज्ये॑वैन॑-म्पी॒त्वा भ॑वति । आ-ऽस्य॑ वा॒जी जा॑यते ॥ अन्नं॒-वैँ वा॑ज॒पेयः॑ । य ए॒वं-वेँद॑ । अत्त्यन्न᳚म् । आ-ऽस्या᳚न्ना॒दो जा॑यते ॥ ब्रह्म॒ वै वा॑ज॒पेयः॑ । य ए॒वं-वेँद॑ । अत्ति॒ ब्रह्म॒णा-ऽन्न᳚म् । आ-ऽस्य॑ ब्र॒ह्मा जा॑यते ॥ 11 ॥

वाग्वै वाज॑स्य प्रस॒वः । य ए॒वं-वेँद॑ । क॒रोति॑ वा॒चा वी॒र्य᳚म् । ऐनं॑-वाँ॒चा ग॑च्छति । अपि॑वतीं॒-वाँचं॑-वँदति ॥ प्र॒जाप॑ति-र्दे॒वेभ्यो॑ य॒ज्ञान् व्यादि॑शत् । स आ॒त्मन् वा॑ज॒पेय॑-मधत्त । त-न्दे॒वा अ॑ब्रुवन्न् । ए॒ष वाव य॒ज्ञः । य-द्वा॑ज॒पेयः॑ ॥ 12 ॥

अप्ये॒व नो-ऽत्रा॒स्त्विति॑ । तेभ्य॑ ए॒ता उज्जि॑तीः॒ प्राय॑च्छत् ॥ ता वा ए॒ता उज्जि॑तयो॒ व्याख्या॑यन्ते । य॒ज्ञस्य॑ सर्व॒त्वाय॑ । दे॒वता॑ना॒-मनि॑र्भागाय ॥ दे॒वा वै ब्रह्म॑ण॒श्चान्न॑स्य च॒ शम॑ल॒मपा᳚घ्नन्न् । य-द्ब्रह्म॑ण॒-श्शम॑ल॒मासी᳚त् । सा गाथा॑ नाराश॒ग्ग्॒स्य॑ भवत् । यदन्न॑स्य । सा सुरा᳚ ॥ 13 ॥

तस्मा॒-द्गाय॑तश्च म॒त्तस्य॑ च॒ न प्र॑ति॒गृह्य᳚म् । य-त्प्र॑तिगृह्णी॒यात् । शम॑ल॒-म्प्रति॑गृह्णीयात् ॥ सर्वा॒ वा ए॒तस्य॒ वाचो ऽव॑रुद्धाः । यो वा॑जपेयया॒जी । या पृ॑थि॒व्यां-याँ-ऽग्नौ या र॑थन्त॒रे । या-ऽन्तरि॑क्षे॒ या वा॒यौ या वा॑मदे॒व्ये । या दि॒वि या-ऽऽदि॒त्ये या बृ॑ह॒ति । या-ऽफ्सु यौष॑धीषु॒ या वन॒स्पति॑षु ॥ तस्मा᳚-द्वाजपेयया॒ज्यार्त्वि॑जीनः । सर्वा॒ ह्य॑स्य॒ वाचो ऽव॑रुद्धाः ॥ 14 ॥

(धा॒वा॒मेति॒ - ज्यैष्ठ्या॑य॒ - वेद॑ - ब्र॒ह्मा जा॑यते-वाज॒पेयः॒-सुरा-ऽऽर्त्वि॑जीन॒ एकं॑ च ) (अ. 2)

अनुवाकं 3 - तस्यग्रहविशेषाः

दे॒वा वै यद॒न्यै-र्ग्रहै᳚-र्य॒ज्ञस्य॒ नावारु॑न्धत । तद॑तिग्रा॒ह्यै॑-रति॒गृह्या-वा॑रुन्धत । तद॑तिग्रा॒ह्या॑णा-मतिग्राह्य॒त्वम् ॥ यद॑तिग्रा॒ह्या॑ गृ॒ह्यन्ते᳚ । यदे॒वान्यै-र्ग्रहै᳚-र्य॒ज्ञस्य॒ नाव॑रु॒न्धे । तदे॒व तैर॑ति॒गृह्या-व॑रुन्धे ॥ पञ्च॑ गृह्यन्ते । पाङ्क्तो॑ य॒ज्ञः । यावा॑ने॒व य॒ज्ञः । तमा॒प्त्वा ऽव॑रुन्धे ॥ 15 ॥

सर्व॑ ऐ॒न्द्रा भ॑वन्ति । ए॒क॒धैव यज॑मान इन्द्रि॒य-न्द॑धति ॥ स॒प्तद॑श प्राजाप॒त्या ग्रहा॑ गृह्यन्ते । स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ एक॑य॒र्चा गृ॑ह्णाति । ए॒क॒धैव यज॑माने वी॒र्य॑-न्दधाति ॥ सो॒म॒ग्र॒हाग्श्च॑ सुराग्र॒हाग्श्च॑ गृह्णाति । ए॒त-द्वै दे॒वाना᳚-म्पर॒ममन्न᳚म् । य-थ्सोमः॑ ॥ 16 ॥

ए॒त-न्म॑नु॒ष्या॑णाम् । य-थ्सुरा᳚ । प॒र॒मेणै॒वास्मा॑ अ॒न्नाद्ये॒नाव॑र-म॒न्नाद्य॒-मव॑रुन्धे ॥ सो॒म॒ग्र॒हा-न्गृ॑ह्णाति । ब्रह्म॑णो॒ वा ए॒त-त्तेजः॑ । य-थ्सोमः॑ । ब्रह्म॑ण ए॒व तेज॑सा॒ तेजो॒ यज॑माने दधाति । सु॒रा॒ग्र॒हा-न्गृ॑ह्णाति । अन्न॑स्य॒ वा ए॒तच्छम॑लम् । य-थ्सुरा᳚ ॥ 17 ॥

अन्न॑स्यै॒व शम॑लेन॒ शम॑लं॒-यँज॑माना॒-दप॑हन्ति ॥ सो॒म॒ग्र॒हाग्श्च॑ सुराग्र॒हाग्श्च॑ गृह्णाति । पुमा॒न्॒. वै सोमः॑ । स्त्री सुरा᳚ । त-न्मि॑थु॒नम् । मि॒थु॒नमे॒वास्य॒ त-द्य॒ज्ञे क॑रोति प्र॒जन॑नाय । आ॒त्मान॑मे॒व सो॑मग्र॒है-स्स्पृ॑णोति । जा॒याग्ं सु॑रा ग्र॒हैः । तस्मा᳚-द्वाजपेयया॒ज्य॑मुष्मि॑ँल्लो॒के स्त्रिय॒ग्ं॒ सम्भ॑वति । वा॒ज॒पेया॑-भिजित॒ग्ग्॒ ह्य॑स्य ॥ 18 ॥

पूर्वे॑ सोमग्र॒हा गृ॑ह्यन्ते । अप॑रे सुराग्र॒हाः । पु॒रो॒क्षग्ं सो॑मग्र॒हान्थ्- सा॑दयति । प॒श्चा॒द॒क्षग्ं सु॑राग्र॒हान् । पा॒प॒व॒स्य॒सस्य॒ विधृ॑त्यै ॥ ए॒ष वै यज॑मानः । य-थ्सोमः॑ । अन्न॒ग्ं॒ सुरा᳚ । सो॒म॒ग्र॒हाग्श्च॑ सुराग्र॒हाग्श्च॒ व्यति॑षजति । अ॒न्नाद्ये॑नै॒वैनं॒-व्यँति॑षजति ॥ 19 ॥

स॒पृञ्चः॑ स्थ॒ स-म्मा॑ भ॒द्रेण॑ पृ॒ङ्क्तेत्या॑ह । अन्नं॒-वैँ भ॒द्रम् । अ॒न्नाद्ये॑नै॒वैन॒ग्ं॒ सग्ंसृ॑जति ॥ अन्न॑स्य॒ वा ए॒तच्छम॑लम् । य-थ्सुरा᳚ । पा॒प्मॆव॒ खलु॒ वै शम॑लम् । पा॒प्मना॒ वा ए॑नमे॒तच्छम॑लेन॒ व्यति॑षजति । य-थ्सो॑मग्र॒हाग्श्च॑ सुराग्र॒हाग्श्च॑ व्यति॒षज॑ति ॥ वि॒पृचः॑ स्थ॒ वि मा॑ पा॒प्मना॑ पृ॒ङ्क्तेत्या॑ह । पा॒प्मनै॒वैन॒ग्ं॒ शम॑लेन॒ व्याव॑र्तयति ॥ 20 ॥

तस्मा᳚-द्वाजपेयया॒जी पू॒तो मेद्ध्यो॑ दक्षि॒ण्यः॑ ॥ प्रांउ-द्द्र॑वति सोमग्र॒हैः । अ॒मुमे॒व तै-र्लो॒क-म॒भिज॑यति । प्र॒त्यङ्ख्सु॑रा ग्र॒हैः । इ॒ममे॒व तै-र्लो॒क-म॒भिज॑यति ॥ प्रति॑ष्ठन्ति सोमग्र॒हैः । याव॑दे॒व स॒त्यम् । तेन॑ सूयते ॥ वा॒ज॒सृद्भ्यः॑ सुराग्र॒हान्. ह॑रन्ति । अनृ॑तेनै॒व विश॒ग्ं॒ सग्ंसृ॑जति ॥ हि॒र॒ण्य॒पा॒त्र-म्मधोः᳚ पू॒र्ण-न्द॑दाति । म॒ध॒व्यो॑-ऽसा॒नीति॑ ॥ ए॒क॒धा ब्र॒ह्मण॒ उप॑ हरति । ए॒क॒धैव यज॑मान॒ आयु॒स्तेजो॑ दधाति ॥ 21 ॥

(आ॒प्त्वा-ऽव॑रुन्धे॒ - सोमः॒ - शम॑लं॒-यँ-थ्सुरा॒ - ह्य॑-स्यैनं॒-व्यँति॑षजति॒ - व्याव॑र्तयति - सृजति च॒त्वारि॑ च ) (अ. 3)

अनुवाकं 4 - पशव-स्सप्तदश

ब्र॒ह्म॒वा॒दिनो॑ वदन्ति । नाग्नि॑ष्टो॒मो नोक्थ्यः॑ । न षो॑ड॒शी नाति॑रा॒त्रः । अथ॒ कस्मा᳚-द्वाज॒पेये॒ सर्वे॑ यज्ञक्र॒तवो-ऽव॑रुद्ध्यन्त॒ इति॑ । प॒शुभि॒रिति॑ ब्रूयात् ॥ आ॒ग्ने॒य-म्प॒शुमाल॑भते । अ॒ग्नि॒ष्टो॒ममे॒व तेनाव॑रुन्धे । ऐ॒न्द्रा॒ग्नेनो॒क्थ्य᳚म् । ऐ॒न्द्रेण॑ षोड॒शिनः॑ स्तो॒त्रम् । सा॒र॒स्व॒त्या-ऽति॑रा॒त्रम् ॥ 22 ॥

मा॒रु॒त्या बृ॑ह॒त-स्स्तो॒त्रम् । ए॒ताव॑न्तो॒ वै य॑ज्ञक्र॒तवः॑ । ता-न्प॒शुभि॑रे॒वा-व॑रुन्धे ॥ आ॒त्मान॑मे॒व स्पृ॑णो-त्यग्निष्टो॒मेन॑ । प्रा॒णा॒पा॒ना-वु॒क्थ्ये॑न । वी॒र्यग्ं॑ षोड॒शिनः॑ स्तो॒त्रेण॑ । वाच॑-मतिरा॒त्रेण॑ । प्र॒जा-म्बृ॑ह॒त-स्स्तो॒त्रेण॑ । इ॒ममे॒व लो॒कम॒भि ज॑यत्यग्निष्टो॒मेन॑ । अ॒न्तरि॑क्ष-मु॒क्थ्ये॑न ॥ 23 ॥

सु॒व॒र्गं-लोँ॒कग्ं षो॑ड॒शिनः॑ स्तो॒त्रेण॑ । दे॒व॒याना॑ने॒व प॒थ आरो॑ह-त्यतिरा॒त्रेण॑ । नाकग्ं॑ रोहति बृह॒त-स्स्तो॒त्रेण॑ । तेज॑ ए॒वात्म-न्ध॑त्त आग्ने॒येन॑ प॒शुना᳚ । ओजो॒ बल॑मैन्द्रा॒ग्नेन॑ । इ॒न्द्रि॒य-मै॒न्द्रेण॑ । वाचग्ं॑ सारस्व॒त्या । उ॒भावे॒व दे॑वलो॒क-ञ्च॑ मनुष्यलो॒क-ञ्चा॒भिज॑यति मारु॒त्या व॒शया᳚ ॥ स॒प्तद॑श प्राजाप॒त्या-न्प॒शूनाल॑भते । स॒प्त॒द॒शः प्र॒जाप॑तिः ॥ 24 ॥

प्र॒जाप॑ते॒राप्त्यै᳚ ॥ श्या॒मा एक॑रूपा भवन्ति । ए॒वमि॑व॒ हि प्र॒जाप॑ति॒-स्समृ॑द्ध्यै ॥ ता-न्पर्य॑ग्निकृता॒-नुथ्सृ॑जति ॥ म॒रुतो॑ य॒ज्ञम॑जिघाग्ंस-न्प्र॒जाप॑तेः । तेभ्य॑ ए॒ता-म्मा॑रु॒तीं-वँ॒शामाल॑भत । तयै॒वैना॑-नशमयत् ॥ मा॒रु॒त्या प्र॒चर्य॑ । ए॒तान्-थ्सञ्ज्ञ॑पयेत् । म॒रुत॑ ए॒व श॑मयि॒त्वा ॥ 25 ॥

ए॒तैः प्रच॑रति । य॒ज्ञस्याघा॑ताय ॥ ए॒क॒धा व॒पा जु॑होति । ए॒क॒दे॒व॒त्या॑ हि । ए॒ते । अथो॑ एक॒धैव यज॑माने वी॒र्य॑-न्दधाति ॥ नै॒वा॒रेण॑ स॒प्तद॑शशरावे-णै॒तर्हि॒ प्रच॑रति । ए॒त-त्पु॑रोडाशा॒ ह्ये॑ते । अथो॑ पशू॒नामे॒व छि॒द्रमपि॑दधाति ॥ सा॒र॒स्व॒त्योत्त॒मया॒ प्रच॑रति । वाग् वै सर॑स्वती । तस्मा᳚-त्प्रा॒णानां॒-वाँगु॑त्त॒मा । अथो᳚ प्र॒जाप॑तावे॒व य॒ज्ञ-म्प्रति॑ष्ठापयति । प्र॒जाप॑ति॒र्॒ हि वाक् ॥ अप॑न्नदती भवति । तस्मा᳚-न्मनु॒ष्या᳚-स्सर्वां॒-वाँचं॑-वँदन्ति ॥ 26 ॥

(अ॒ति॒रा॒त्र - म॒न्तरि॑क्षमु॒क्थ्ये॑न - प्र॒जाप॑तिः - शमयि॒त्वोत् - त॒मया॒ प्रच॑रति॒ षट् च॑) (अ. 4)

अनुवाकं 5 - रथयाजनम्

सा॒वि॒त्र-ञ्जु॑होति॒ कर्म॑णः कर्मणः पु॒रस्ता᳚त् ॥ कस्त-द्वे॒देत्या॑हुः । य-द्वा॑ज॒पेय॑स्य॒ पूर्वं॒-यँदप॑र॒मिति॑ । स॒वि॒तृप्र॑सूत ए॒व य॑थापू॒र्व-ङ्कर्मा॑णि करोति ॥ सव॑ने सवने जुहोति । आ॒क्रम॑णमे॒व त-थ्सेतुं॒-यँज॑मानः कुरुते । सु॒व॒र्गस्य॑ लो॒कस्य॒ सम॑ष्ट्यै ॥ वा॒चस्पति॒-र्वाच॑म॒द्य स्व॑दाति न॒ इत्या॑ह । वाग्वै दे॒वाना᳚-म्पु॒रा-ऽन्न॑मासीत् । वाच॑मे॒वास्मा॒ अन्नग्ग्॑ स्वदयति ॥ 27 ॥

इन्द्र॑स्य॒ वज्रो॑-ऽसि॒ वार्त्र॑घ्न॒ इति॒ रथ॑मु॒पाव॑हरति॒ विजि॑त्यै ॥ वाज॑स्य॒ नु प्र॑स॒वे मा॒तर॑-म्म॒हीमित्या॑ह । यच्चै॒वेयम् । यच्चा॒स्यामधि॑ । तदे॒वा-व॑रुन्धे । अथो॒ तस्मि॑न्ने॒वोभये॒-ऽभिषि॑च्यते ॥ अ॒फ्स्व॑न्तर॒-मृत॑म॒फ्सु भे॑ष॒जमित्यश्वा᳚-न्पल्पूलयति । अ॒फ्सु वा अश्व॑स्य॒ तृती॑य॒-म्प्रवि॑ष्टम् । तद॑नु॒वेन॒न्वव॑प्लवते । यद॒फ्सु प॑ल्पू॒लय॑ति ॥ 28 ॥

यदे॒वास्या॒फ्सु प्रवि॑ष्टम् । तदे॒वाव॑रुन्धे ॥ ब॒हु वा अश्वो॑-ऽमे॒द्ध्य-मुप॑गच्छति । यद॒फ्सु प॑ल्पू॒लय॑ति । मेद्ध्या॑ने॒वैना᳚न् करोति ॥ वा॒युर्वा᳚ त्वा॒ मनु॑र्वा॒ त्वेत्या॑ह । ए॒ता वा ए॒त-न्दे॒वता॒ अग्रे॒ अश्व॑मयुञ्जन्न् । ताभि॑रे॒वैनान्॑. युनक्ति । स॒वस्योज्जि॑त्यै ॥ यजु॑षा युनक्ति॒ व्यावृ॑त्त्यै ॥ 29 ॥

अपा᳚-न्न पादाशुहेम॒न्निति॒ सम्मा᳚र्ष्टि । मेद्ध्या॑ने॒वैना᳚न् करोति । अथो॒ स्तौत्ये॒वैना॑ना॒जिग्ं स॑रिष्य॒तः ॥ वि॒ष्णु॒ क्र॒मान् क्र॑मते । विष्णु॑रे॒व भू॒त्वेमाँल्लो॒का-न॒भिज॑यति ॥ वै॒श्व॒दे॒वो वै रथः॑ । अ॒ङ्कौ न्य॒ङ्काव॒भितो॒ रथं॒-याँवित्या॑ह । या ए॒व दे॒वता॒ रथे॒ प्रवि॑ष्टाः । ताभ्य॑ ए॒व नम॑स्करोति । आ॒त्मनो-ऽना᳚र्त्यै ॥ अश॑मरथ-म्भावुको-ऽस्य॒ रथो॑ भवति । य ए॒वं-वेँद॑ ॥ 30 ॥

(स्व॒द॒य॒ति॒ - प॒ल्पू॒लय॑ति॒ - व्यावृ॑त्त्या॒ - अना᳚र्त्यै॒ द्वे च॑) (अ. 5)

अनुवाकं 6 - रथधावनम्

दे॒वस्या॒हग्ं स॑वि॒तुः प्र॑स॒वे बृह॒स्पति॑ना वाज॒जिता॒ वाज॑-ञ्जेष॒मित्या॑ह । स॒वि॒तृप्र॑सूत ए॒व ब्रह्म॑णा॒ वाज॒मुज्ज॑यति ॥ दे॒वस्या॒हग्ं स॑वि॒तुः प्र॑स॒वे बृह॒स्पति॑ना वाज॒जिता॒ वर्षि॑ष्ठ॒-न्नाकग्ं॑ रुहेय॒मित्या॑ह । स॒वि॒तृप्र॑सूत ए॒व ब्रह्म॑णा॒ वर्षि॑ष्ठ॒-न्नाकग्ं॑ रोहति ॥ चात्वा॑ले रथच॒क्र-न्निमि॑तग्ं रोहति । अतो॒ वा अङ्गि॑रस उत्त॒मा-स्सु॑व॒र्गं-लोँ॒कमा॑यन्न् । सा॒क्षादे॒व यज॑मान-स्सुव॒र्गं-लोँ॒कमे॑ति ॥ आवे᳚ष्टयति । वज्रो॒ वै रथः॑ । वज्रे॑णै॒व दिशो॒-ऽभिज॑यति ॥ 31 ॥

वा॒जिना॒ग्ं॒ साम॑ गायते । अन्नं॒-वैँ वाजः॑ । अन्न॑मे॒-वाव॑रुन्धे ॥ वा॒चो वर्ष्म॑ दे॒वेभ्यो-ऽपा᳚क्रामत् । त-द्वन॒स्पती॒-न्प्रावि॑शत् । सैषा वाग्-वन॒स्पति॑षु वदति । या दु॑न्दु॒भौ । तस्मा᳚-द्दुन्दु॒भि-स्सर्वा॒ वाचोति॑ वदति ॥ दु॒न्दु॒भीन्-थ्स॒माघ्न॑न्ति । प॒र॒मा वा ए॒षा वाक् ॥ 32 ॥

या दु॑न्दु॒भौ । प॒र॒मयै॒व वा॒चा-ऽव॑रां॒-वाँच॒म-व॑रुन्धे । अथो॑ वा॒च ए॒व वर्ष्म॒ यज॑मा॒नो ऽव॑रुन्धे ॥ इन्द्रा॑य॒ वाचं॑-वँद॒तेन्द्रं॒-वाँज॑-ञ्जापय॒तेन्द्रो॒ वाज॑मजयि॒-दित्या॑ह । ए॒ष वा ए॒तर्हीन्द्रः॑ । यो यज॑ते । यज॑मान ए॒व वाज॒मुज्ज॑यति ॥ स॒प्तद॑श प्रव्या॒धाना॒जि-न्धा॑वन्ति । स॒प्त॒द॒शग्ग् स्तो॒त्र-म्भ॑वति । स॒प्तद॑श सप्तदश दीयन्ते ॥ 33 ॥

स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ अर्वा॑-ऽसि॒ सप्ति॑रसि वा॒ज्य॑सीत्या॑ह । अ॒ग्निर्वा अर्वा᳚ । वा॒यु-स्सप्तिः॑ । आ॒दि॒त्यो वा॒जी । ए॒ताभि॑रे॒वास्मै॑ दे॒वता॑भि-र्देवर॒थं-युँ॑नक्ति ॥ प्र॒ष्टि॒वा॒हिनं॑-युँनक्ति । प्र॒ष्टि॒वा॒ही वै दे॑वर॒थः । दे॒व॒र॒थमे॒वास्मै॑ युनक्ति ॥ 34 ॥

वाजि॑नो॒ वाज॑-न्धावत॒ काष्ठा᳚-ङ्गच्छ॒तेत्या॑ह । सु॒व॒र्गो वै लो॒कः काष्ठा᳚ । सु॒व॒र्गमे॒व लो॒कं-यँ॑न्ति ॥ सु॒व॒र्गं-वाँ ए॒ते लो॒कं-यँ॑न्ति । य आ॒जि-न्धाव॑न्ति ॥ प्राञ्चो॑ धावन्ति । प्रांइ॑व॒ हि सु॑व॒र्गो लो॒कः ॥ च॒त॒सृभि॒रनु॑ मन्त्रयते । च॒त्वारि॒ छन्दाग्ं॑सि । छन्दो॑भिरे॒वैना᳚न्-थ्सुव॒र्गं-लोँ॒क-ङ्ग॑मयति ॥ 35 ॥

प्र वा ए॒ते᳚-ऽस्माल्-लो॒काच्च्य॑वन्ते । य आ॒जि-न्धाव॑न्ति । उद॑ञ्च॒ आव॑र्तन्ते । अ॒स्मादे॒व तेन॑ लो॒कान्नय॑न्ति ॥ र॒थ॒वि॒मो॒च॒नीय॑-ञ्जुहोति॒ प्रति॑ष्ठित्यै ॥ आ मा॒ वाज॑स्य प्रस॒वो ज॑गम्या॒दित्या॑ह । अन्नं॒-वैँ वाजः॑ । अन्न॑मे॒वाव॑रुन्धे ॥ य॒था॒लो॒कं-वाँ ए॒त उज्ज॑यन्ति । य आ॒जि-न्धाव॑न्ति ॥ 36 ॥

कृ॒ष्णल॑-ङ्कृष्णलं-वाँज॒सृद्भ्यः॒ प्रय॑च्छति । यमे॒व ते वाजं॑-लोँ॒कमु॒ज्जय॑न्ति । त-म्प॑रि॒क्रीया-व॑रुन्धे ॥ ए॒क॒धा ब्र॒ह्मण॒ उप॑हरति । ए॒क॒धैव यज॑माने वी॒र्य॑-न्दधाति ॥ दे॒वा वा ओष॑धीष्वा॒जिम॑युः । ता बृह॒स्पति॒-रुद॑जयत् । स नी॒वारा॒न्निर॑वृणीत । तन्नी॒वारा॑णा-न्नीवार॒त्वम् ॥ नै॒वा॒रश्च॒रु-र्भ॑वति ॥ 37 ॥

ए॒तद्वै दे॒वाना᳚-म्पर॒ममन्न᳚म् । यन्नी॒वाराः᳚ । प॒र॒मेणै॒वास्मा॑ अ॒न्नाद्ये॒-नाव॑र-म॒न्नाद्य॒मव॑रुन्धे ॥ स॒प्तद॑शशरावो भवति । स॒प्त॒द॒शः प्र॒जाप॑तिः । प्र॒जाप॑ते॒-राप्त्यै᳚ ॥ क्षी॒रे भ॑वति । रुच॑मे॒वास्मि॑न्-दधाति ॥ स॒र्पिष्वा᳚-न्भवति मेद्ध्य॒त्वाय॑ ॥ बा॒र्॒ह॒स्प॒त्यो वा ए॒ष दे॒वत॑या ॥ 38 ॥

यो वा॑ज॒पेये॑न॒ यज॑ते । बा॒र्॒ह॒स्प॒त्य ए॒ष च॒रुः ॥ अश्वा᳚न्-थ्सरिष्य॒त-स्स॒स्रुष॒श्चाव॑-घ्रापयति । यमे॒व ते वाजं॑-लोँ॒कमु॒ज्जय॑न्ति । तमे॒वाव॑रुन्धे ॥ अजी॑जिपत वनस्पतय॒ इन्द्रं॒-वाँजं॒-विँमु॑च्यद्ध्व॒मिति॑ दुन्दु॒भीन्. विमु॑ञ्चति । यमे॒व ते वाजं॑-लोँ॒कमि॑न्द्रि॒य-न्दु॑न्दु॒भय॑ उ॒ज्जय॑न्ति । तमे॒वा-व॑रुन्धे ॥ 39 ॥

(अ॒भिज॑यति॒ - वा ए॒षा वाग् - दी॑यन्ते - ऽस्मै युनक्ति - गमयति॒ - य आ॒जि-न्धाव॑न्ति - भवति - दे॒वत॑या॒ - +-ऽष्टौ च॑) (अ. 6)

अनुवाकं 7 - यूपारोहणम्

ता॒र्प्यं-यँज॑मान॒-म्परि॑धापयति । य॒ज्ञो वै ता॒र्प्यम् । य॒ज्ञेनै॒वैन॒ग्ं॒ सम॑र्धयति । द॒र्भ॒मय॒-म्परि॑धापयति । प॒वित्रं॒-वैँ द॒र्भाः । पु॒नात्ये॒वैन᳚म् । वाजं॒-वाँ ए॒षो-ऽव॑रुरुथ्सते । यो वा॑ज॒पेये॑न॒ यज॑ते । ओष॑धयः॒ खलु॒ वै वाजः॑ । य-द्द॑र्भ॒मय॑-म्परिधा॒पय॑ति ॥ 40 ॥

वाज॒स्याव॑-रुद्ध्यै ॥ जाय॒ एहि॒ सुवो॒ रोहा॒वेत्या॑ह । पत्नि॑या ए॒वैष य॒ज्ञस्या᳚न्-वार॒म्भो-ऽन॑वच्छित्यै ॥ स॒प्तद॑शा-रत्नि॒र्यूपो॑ भवति । स॒प्त॒द॒शः प्र॒जाप॑तिः । प्र॒जाप॑ते॒राप्त्यै᳚ ॥ तू॒प॒र-श्चतु॑रश्रि-र्भवति ॥ गौ॒धू॒म-ञ्च॒षाल᳚म् । न वा ए॒ते व्री॒हयो॒ न यवाः᳚ । य-द्गो॒धूमाः᳚ ॥ 41 ॥

ए॒वमि॑व॒ हि प्र॒जाप॑ति॒-स्समृ॑द्ध्यै । अथो॑ अ॒मुमे॒वास्मै॑ लो॒कमन्न॑वन्त-ङ्करोति ॥ वासो॑भि-र्वेष्टयति । ए॒ष वै यज॑मानः । यद्यूपः॑ । स॒र्व॒दे॒व॒त्यं॑-वाँसः॑ । सर्वा॑भिरे॒वैन॑-न्दे॒वता॑भि॒-स्सम॑र्धयति । अथो॑ आ॒क्रम॑णमे॒व तथ्सेतुं॒-यँज॑मानः कुरुते । सु॒व॒र्गस्य॑ लो॒कस्य॒ सम॑ष्ट्यै ॥ द्वाद॑श वाजप्रस॒वीया॑नि जुहोति ॥ 42 ॥

द्वाद॑श॒ मासा᳚-स्संवँथ्स॒रः । सं॒वँ॒थ्स॒रमे॒व प्री॑णाति । अथो॑ संवँथ्स॒रमे॒वास्मा॒ उप॑ दधाति । सु॒व॒र्गस्य॑ लो॒कस्य॒ सम॑ष्ट्यै ॥ द॒शभिः॒ कल्पै॑ रोहति । नव॒ वै पुरु॑षे प्रा॒णाः । नाभि॑र्दश॒मी । प्रा॒णाने॒व य॑थास्था॒न-ङ्क॑ल्पयि॒त्वा । सु॒व॒र्गं-लोँ॒कमे॑ति । ए॒ताव॒द्वै पुरु॑षस्य॒ स्वम् ॥ 43 ॥

याव॑त्-प्रा॒णाः । याव॑दे॒वास्यास्ति॑ । तेन॑ स॒ह सु॑व॒र्गं-लोँ॒कमे॑ति ॥ सुव॑र्दे॒वाग्ं अ॑ग॒न्मेत्या॑ह । सु॒व॒र्गमे॒व लो॒कमे॑ति । अ॒मृता॑ अभू॒मेत्या॑ह । अ॒मृत॑मिव॒ हि सु॑व॒र्गो लो॒कः । प्र॒जाप॑तेः प्र॒जा अ॑भू॒मेत्या॑ह । प्रा॒जा॒प॒त्यो वा अ॒यं-लोँ॒कः । अ॒स्मादे॒व तेन॑ लो॒कान्नैति॑ ॥ 44 ॥

सम॒ह-म्प्र॒जया॒ स-म्मया᳚ प्र॒जेत्या॑ह । आ॒शिष॑मे॒वैता-माशा᳚स्ते ॥ आ॒स॒पु॒टै-र्घ्न॑न्ति । अन्नं॒-वाँ इ॒यम् । अ॒न्नाद्ये॑नै॒वैन॒ग्ं॒ सम॑र्धयन्ति । ऊषै᳚-र्घ्नन्ति । ए॒ते हि सा॒क्षादन्न᳚म् । यदूषाः᳚ । सा॒क्षादे॒वैन॑-म॒न्नाद्ये॑न॒ सम॑र्धयन्ति ॥ पु॒रस्ता᳚त्-प्र॒त्यञ्च᳚-ङ्घ्नन्ति ॥ 45 ॥

पु॒रस्ता॒द्धि प्र॑ती॒चीन॒-मन्न॑म॒द्यते᳚ ॥ शी॒र्॒ष॒तो घ्न॑न्ति । शी॒र्॒ष॒तो ह्यन्न॑म॒द्यते᳚ ॥ दि॒ग्भ्यो घ्न॑न्ति । दि॒ग्भ्य ए॒वास्मा॑ अ॒न्नाद्य॒-मव॑रुन्धते ॥ ई॒श्व॒रो वा ए॒ष परां᳚-प्र॒दघः॑ । यो यूप॒ग्ं॒ रोह॑ति ॥ हिर॑ण्यम॒द्ध्य-व॑रोहति । अ॒मृतं॒-वैँ हिर॑ण्यम् । अ॒मृतग्ं॑ सुव॒र्गो लो॒कः ॥ 46 ॥

अ॒मृत॑ ए॒व सु॑व॒र्गे लो॒के प्रति॑ तिष्ठति ॥ श॒तमा॑न-म्भवति । श॒तायुः॒ पुरु॑ष-श्श॒तेन्द्रि॑यः । आयु॑ष्ये॒वेन्द्रि॒ये प्रति॑ तिष्ठति ॥ पुष्ट्यै॒ वा ए॒त-द्रू॒पम् । यद॒जा । त्रि-स्सं॑वँथ्स॒रस्या॒न्यान्-प॒शू-न्परि॒ प्रजा॑यते ॥ ब॒स्ता॒जि॒न-म॒द्ध्यव॑ रोहति । पुष्ट्या॑मे॒व प्र॒जन॑ने॒ प्रति॑तिष्ठति ॥ 47 ॥

(प॒रि॒धा॒पय॑ति - गो॒धूमा॑ - जुहोति॒ - स्वं - नैति॑ - प्र॒त्यञ्ज॑-ङ्घ्नन्ति - लो॒को - +नव॑ च (अ. 7)

अनुवाकं 8 - अन्नहोमाः, अभिषेकश्च

स॒प्तान्न॑-हो॒माञ्जु॑होति । स॒प्त वा अन्ना॑नि । याव॑न्त्ये॒वान्ना॑नि । तान्ये॒वाव॑रुन्धे । स॒प्त ग्रा॒म्या ओष॑धयः । स॒प्तार॒ण्याः । उ॒भयी॑षा॒-मव॑रुद्ध्यै ॥ अन्न॑स्या-न्नस्य जुहोति । अन्न॑स्यान्न॒स्या-व॑रुद्ध्यै ॥ य-द्वा॑जपेयया॒ज्य-न॑वरुद्धस्याश्ञी॒यात् ॥ 48 ॥

अव॑रुद्धेन॒ व्यृ॑द्ध्येत । सर्व॑स्य समव॒दाय॑ जुहोति । अन॑वरुद्ध॒-स्याव॑रुद्ध्यै ॥ औदु॑म्बरेण स्रु॒वेण॑ जुहोति । ऊर्ग्वा अन्न॑-मुदु॒म्बरः॑ । ऊ॒र्ज ए॒वान्नाद्य॒स्याव॑रुद्ध्यै ॥ दे॒वस्य॑ त्वा सवि॒तुः प्र॑स॒व इत्या॑ह । स॒वि॒तृ प्र॑सूत ए॒वैन॒-म्ब्रह्म॑णा दे॒वता॑भि-र॒भिषि॑ञ्चति ॥ अन्न॑स्यान्नस्या॒भिषि॑ञ्चति । अन्न॑स्यान्न॒स्याव॑रुद्ध्यै ॥ 49 ॥

पु॒रस्ता᳚त्-प्र॒त्यञ्च॑-म॒भिषि॑ञ्चति । पु॒रस्ता॒द्धि-प्र॑ती॒चीन॒-मन्न॑म॒द्यते᳚ । शी॒र्॒ष॒तो॑-ऽभिषि॑ञ्चति । शी॒र्॒ष॒तो ह्यन्न॑म॒द्यते᳚ ॥ आमुखा॑द॒न्वव॑ स्रावयति । मु॒ख॒त ए॒वास्मा॑ अ॒न्नाद्य॑-न्दधाति ॥ अ॒ग्नेस्त्वा॒ साम्रा᳚ज्येना॒भिषि॑ञ्चा॒मीत्या॑ह । ए॒ष वा अ॒ग्ने-स्स॒वः । तेनै॒वैन॑-म॒भिषि॑ञ्चति । इन्द्र॑स्य त्वा॒ साम्रा᳚ज्येना॒भिषि॑ञ्चा॒मीत्या॑ह ॥ 50 ॥

इ॒न्द्रि॒य-मे॒वास्मि॑-न्ने॒तेन॑ दधाति । बृह॒स्पते᳚स्त्वा॒ साम्रा᳚ज्येना॒भिषि॑ञ्चा॒-मीत्या॑ह । ब्रह्म॒ वै दे॒वाना॒-म्बृह॒स्पतिः॑ । ब्रह्म॑णै॒वैन॑-म॒भिषि॑ञ्चति ॥ सो॒म॒ग्र॒हाग्श्चा॑-वदानी॒यानि॑ च॒र्त्विग्भ्य॒ उप॑ हरन्ति । अ॒मुमे॒व तै-र्लो॒क-मन्न॑वन्त-ङ्करोति । सु॒रा॒ग्र॒हाग्श्चा॑-नवदानी॒यानि॑ च वाज॒सृद्भ्यः॑ । इ॒ममे॒व तै-र्लो॒क-मन्न॑वन्त-ङ्करोति । अथो॑ उ॒भयी᳚ष्वे॒वाभिषि॑च्यते ॥ वि॒मा॒थ-ङ्कु॑र्वते वाज॒सृतः॑ ॥ 51 ॥

इ॒न्द्रि॒यस्याव॑रुद्ध्यै ॥ अनि॑रुक्ताभिः प्रातस्सव॒ने स्तु॑वते । अनि॑रुक्तः प्र॒जाप॑तिः । प्र॒जाप॑ते॒राप्त्यै᳚ । वाज॑वतीभि॒-र्माद्ध्य॑न्दिने । अन्नं॒-वैँ वाजः॑ । अन्न॑मे॒वा-व॑रुन्धे । शि॒पि॒वि॒ष्टव॑तीभि-स्तृतीयसव॒ने । य॒ज्ञो वै विष्णुः॑ । प॒शव॒-श्शिपिः॑ । य॒ज्ञ ए॒व प॒शुषु॒ प्रति॑ तिष्ठति ॥ बृ॒हदन्त्य॑-म्भवति । अन्त॑मे॒वैनग्ग्॑ श्रि॒यै ग॑मयति ॥ 52 ॥

(अ॒श्ञी॒या - दन्न॑स्यान्न॒स्या व॑रुद्ध्या॒ - इन्द्र॑स्य त्वा॒ साम्रा᳚ज्येना॒भिषि॑ञ्चा॒ मीत्या॑ह-वाज॒सृतः॒ - शिपि॒ स्त्रीणि॑ च) (अ. 8)

अनुवाकं 9 - अतिग्राह्याः, पञ्चैन्द्राः

नृ॒षद॒-न्त्वेत्या॑ह । प्र॒जा वै नॄन् । प्र॒जाना॑मे॒वैतेन॑ सूयते । द्रु॒षद॒मित्या॑ह । वन॒स्पत॑यो॒ वै द्रु । वन॒स्पती॑नामे॒वै तेन॑ सूयते । भु॒व॒न॒सद॒-मित्या॑ह । य॒दा वै वसी॑या॒-न्भव॑ति । भुव॑नमग॒न्निति॒ वै तमा॑हुः । भुव॑नमे॒वैतेन॑ गच्छति ॥ 53 ॥

अ॒फ्सु॒षद॑-न्त्वा घृत॒सद॒-मित्या॑ह । अ॒पामे॒वैतेन॑ घृ॒तस्य॑ सूयते । व्यो॒म॒सद॒-मित्या॑ह । य॒दा वै वसी॑या॒-न्भव॑ति । व्यो॑माग॒न्निति॒ वै तमा॑हुः । व्यो॑मै॒वैतेन॑ गच्छति ॥ पृ॒थि॒वि॒षद॑-न्त्वा-ऽन्तरिक्ष॒सद॒-मित्या॑ह । ए॒षामे॒वैतेन॑ लो॒कानाग्ं॑ सूयते । तस्मा᳚-द्वाजपे-यया॒जी न क-ञ्च॒न प्र॒त्यव॑रोहति । अपी॑व॒ हि दे॒वता॑नाग्ं सू॒यते᳚ ॥ 54 ॥

ना॒क॒सद॒-मित्या॑ह । य॒दावै वसी॑या॒-न्भव॑ति । नाक॑मग॒न्निति॒ वै तमा॑हुः । नाक॑मे॒वैतेन॑ गच्छति ॥ ये ग्रहाः᳚ पञ्चज॒नीना॒ इत्या॑ह । प॒ञ्च॒ज॒नाना॑-मे॒वैतेन॑ सूयते ॥ अ॒पाग्ं रस॒मुद्व॑यस॒-मित्या॑ह । अ॒पामे॒वैतेन॒ रस॑स्य सूयते । सूर्य॑रश्मिग्ं स॒माभृ॑त॒-मित्या॑ह सशुक्र॒त्वाय॑ ॥ 55 ॥

(ग॒च्छ॒ति॒ - सू॒यते॒ - +नव॑ च) (अ. 9)

अनुवाकं 10 - पिण्डपितृयज्ञः दर्शपूर्णमासब्राह्मणशेषः

इन्द्रो वृ॒त्रग्ं ह॒त्वा । असु॑रा-न्परा॒भाव्य॑ । सो॑-ऽमावा॒स्या᳚-म्प्रत्याग॑च्छत् । ते पि॒तरः॑ पूर्वे॒द्यु-राग॑च्छन्न् । पि॒तॄन्. य॒ज्ञो॑-ऽगच्छत् । त-न्दे॒वाः पुन॑रयाचन्त । तमे᳚भ्यो॒ न पुन॑रददुः । ते᳚-ऽब्रुव॒न् वरं॑-वृँणामहै । अथ॑ वः॒ पुन॑र्दास्यामः । अ॒स्मभ्य॑मे॒व पू᳚र्वे॒द्युः क्रि॑याता॒ इति॑ ॥ 56 ॥

तमे᳚भ्यः॒ पुन॑रददुः । तस्मा᳚त्-पि॒तृभ्यः॑ पूर्वे॒द्युः क्रि॑यते । य-त्पि॒तृभ्यः॑ पूर्वे॒द्युः क॒रोति॑ । पि॒तृभ्य॑ ए॒व त-द्य॒ज्ञ-न्नि॒ष्क्रीय॒ यज॑मानः॒ प्रत॑नुते ॥ सोमा॑य पि॒तृपी॑ताय स्व॒धा नम॒ इत्या॑ह । पि॒तुरे॒वाधि॑ सोमपी॒थमव॑ रुन्धे । न हि पि॒ता प्र॒मीय॑माण॒ आहै॒ष सो॑मपी॒थ इति॑ । इ॒न्द्रि॒यं-वैँ सो॑मपी॒थः । इ॒न्द्रि॒यमे॒व सो॑मपी॒थमव॑-रुन्धे । तेन᳚न्द्रि॒येण॑ द्वि॒तीया᳚-ञ्जा॒याम॒भ्य॑श्ञुते ॥ 57 ॥

ए॒त-द्वै ब्राह्म॑ण-म्पु॒रा वा॑जश्रव॒सा वि॒दाम॑क्रन्न् । तस्मा॒-त्ते द्वेद्वे॑ जा॒ये अ॒भ्या᳚क्षत । य ए॒वं-वेँद॑ । अ॒भि द्वि॒तीया᳚-ञ्जा॒याम॑श्ञुते ॥ अ॒ग्नये॑ कव्य॒वाह॑नाय स्व॒धा नम॒ इत्या॑ह । य ए॒व पि॑तृ॒णाम॒ग्निः । त-म्प्री॑णाति ॥ ति॒स्र आहु॑ती-र्जुहोति ॥ त्रिर्निद॑धाति ॥ षट्-थ्सम्प॑द्यन्ते ॥ 58 ॥

षड्वा ऋ॒तवः॑ । ऋ॒तूने॒व प्री॑णाति ॥ तू॒ष्णी-म्मेक्ष॑ण॒-माद॑धाति । अस्ति॑ वा॒ हि ष॒ष्ठ ऋ॒तुर्न वा᳚ ॥ दे॒वान्. वै पि॒तॄ-न्प्री॒तान् । म॒नु॒ष्याः᳚ पि॒तरो-ऽनु॒ प्रपि॑पते । ति॒स्र आहु॑ती-र्जुहोति । त्रिर्निद॑धाति । षट्-थ्सम्प॑द्यन्ते । षड्वा ऋ॒तवः॑ ॥ 59 ॥

ऋ॒तवः॒ खलु॒ वै दे॒वाः पि॒तरः॑ । ऋ॒तूने॒व दे॒वा-न्पि॒तॄ-न्प्री॑णाति । तान्प्री॒तान् । म॒नु॒ष्याः᳚ पि॒तरो-ऽनु॒ प्रपि॑पते ॥ स॒कृ॒दा॒च्छि॒न्न-म्ब॒र्॒हि-र्भ॑वति । स॒कृदि॑व॒ हि पि॒तरः॑ ॥ त्रिर्निद॑धाति । तृ॒तीये॒ वा इ॒तो लो॒के पि॒तरः॑ । ताने॒व प्री॑णाति ॥ परां॒आव॑र्तते ॥ 60 ॥

ह्लीका॒ हि पि॒तरः॑ ॥ ऒष्मणो᳚ व्या॒वृत॒ उपा᳚स्ते । ऊ॒ष्मभा॑गा॒ हि पि॒तरः॑ ॥ ब्र॒ह्म॒वा॒दिनो॑ वदन्ति । प्राश्यां(3)न प्राश्या(3)मिति॑ । य-त्प्रा᳚श्ञी॒यात् । जन्य॒मन्न॑मद्यात् । प्र॒मायु॑क-स्स्यात् । यन्न प्रा᳚श्ञी॒यात् । अह॑वि-स्स्यात् ॥ 61 ॥

पि॒तृभ्य॒ आवृ॑श्च्येत । अ॒व॒घ्रेय॑मे॒व । तन्नेव॒ प्राशि॑त॒-न्नेवाप्रा॑शितम् ॥ वी॒रं-वाँ॒ वै पि॒तरः॑ प्र॒यन्तो॒ हर॑न्ति । वी॒रं-वाँ॑ ददति । द॒शा-ञ्छि॑नत्ति । हर॑णभागा॒ हि पि॒तरः॑ । पि॒तॄने॒व नि॒रव॑दयते ॥ उत्त॑र॒ आयु॑षि॒ लोम॑ छिन्दीत । पि॒तृ॒णाग् ह्ये॑तर्हि॒ नेदी॑यः ॥ 62 ॥

नम॑स्करोति । न॒म॒स्का॒रो हि पि॑तृ॒णाम् ॥ नमो॑ वः पितरो॒ रसा॑य । नमो॑ वः पितर॒-श्शुष्मा॑य । नमो॑ वः पितरो जी॒वाय॑ । नमो॑ वः पितर-स्स्व॒धायै᳚ । नमो॑ वः पितरो म॒न्यवे᳚ । नमो॑ वः पितरो घो॒राय॑ । पित॑रो॒ नमो॑ वः । य ए॒तस्मि॑न् ँलो॒के स्थ ॥ 63 ॥

यु॒ष्माग्स्ते-ऽनु॑ । ये᳚-ऽस्मिँल्लो॒के । मा-न्ते नु॑ । य ए॒तस्मि॑ँल्लो॒के स्थ । यू॒य-न्तेषां॒-वँसि॑ष्ठा भूयास्त । ये᳚-ऽस्मिँल्लो॒के । अ॒ह-न्तेषां॒-वँसि॑ष्ठो भूयास॒मित्या॑ह । वसि॑ष्ठ-स्समा॒नाना᳚-म्भवति । य ए॒वं-विँ॒द्वान्-पि॒तृभ्यः॑ क॒रोति॑ ॥ ए॒ष वै म॑नु॒ष्या॑णां-यँ॒ज्ञः ॥ 64 ॥

दे॒वानां॒-वाँ इत॑रे य॒ज्ञाः । तेन॒ वा ए॒त-त्पि॑तृलो॒के च॑रति ॥ य-त्पि॒तृभ्यः॑ क॒रोति॑ । स ई᳚श्व॒रः प्रमे॑तोः । प्रा॒जा॒प॒त्यय॒र्चा पुन॒रैति॑ । य॒ज्ञो वै प्र॒जाप॑तिः । य॒ज्ञेनै॒व स॒ह पुन॒रैति॑ । न प्र॒मायु॑को भवति ॥ पि॒तृ॒लो॒के वा ए॒त-द्यज॑मानश्चरति । य-त्पि॒तृभ्यः॑ क॒रोति॑ । स ई᳚श्व॒र आर्ति॒मार्तोः᳚ । प्र॒जाप॑ति॒-स्त्वावैन॒-न्तत॒ उन्ने॑तुमर्ह॒तीत्या॑हुः । य-त्प्रा॑जाप॒त्यय॒र्चा पुन॒रैति॑ । प्र॒जाप॑तिरे॒वैन॒-न्तत॒ उन्न॑यति । नार्ति॒मार्च्छ॑ति॒ यज॑मानः ॥ 65 ॥

(इत्य॑ - श्ञुते - पद्यन्ते - पद्यन्ते॒ षड्वा ऋ॒तवो॑ - वर्त॒ते-ऽ - ह॑वि-स्स्या॒न् - नेदी॑यः॒ - स्थ - य॒ज्ञो - यज॑मानश्चरति॒ य-त्पि॒तृभ्यः॑ क॒रोति॒ पञ्च॑ च) (अ. 10)

(दे॒वा॒सु॒रा अ॒ग्नीषोम॑यो--र् दे॒वा वै यथा॒ दर्शं॑ - दे॒वा वै यद॒न्यै-र्ग्रहै᳚--र् ब्रह्मवा॒दिनो॒ नाग्नि॑ष्टो॒मो न - सा॑वि॒त्रं - दे॒वस्या॒हं - ता॒र्प्यग्ं - स॒प्तान्न॑हो॒मान् - नृ॒षदं॒ - त्वेन्द्रो॑ वृ॒त्रग्ं ह॒त्वा दश॑)

(दे॒वा॒सु॒रा - वा॒ज्ये॑वैनं॒ - तस्मा᳚-द्वाजपेयया॒जी - दे॒वस्या॒हं - ँवाज॒स्याव॑रुद्ध्या- इन्द्रि॒यमे॒वास्मि॒न्॒. - ह्लीका॒ हि पि॒तरः॒ पञ्च॑षष्टिः)

(दे॒वा॒सु॒रा - यज॑मानः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके तृतीयः प्रपाठक-स्समाप्तः ॥