𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌚𑌿𑌤𑌿𑌵𑌰𑍍𑌣𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌅॒𑌪𑌾-𑌨𑍍𑌤𑍍𑌵𑍇𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑍋𑌦𑍍𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌭𑌸𑍍𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑌿 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾-𑌽𑌯॑𑌨𑍇 𑌸𑌾𑌦𑌯𑌾𑌮𑍍𑌯𑌰𑍍𑌣॒𑌵𑍇 𑌸𑌦॑𑌨𑍇 𑌸𑍀𑌦 𑌸𑌮𑍁॒𑌦𑍍𑌰𑍇 𑌸𑌦॑𑌨𑍇 𑌸𑍀𑌦 𑌸𑌲𑌿॒𑌲𑍇 𑌸𑌦॑𑌨𑍇 𑌸𑍀𑌦𑌾॒𑌪𑌾-𑌙𑍍𑌕𑍍𑌷𑌯𑍇॑ 𑌸𑍀𑌦𑌾॒𑌪𑌾𑌗𑍍𑌂 𑌸𑌧𑌿॑𑌷𑌿 𑌸𑍀𑌦𑌾॒𑌪𑌾-𑌨𑍍𑌤𑍍𑌵𑌾॒ 𑌸𑌦॑𑌨𑍇 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॑ 𑌸॒𑌧𑌸𑍍𑌥𑍇॑ 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌪𑍁𑌰𑍀॑𑌷𑍇 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌯𑍋𑌨𑍗॑ 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌪𑌾𑌥॑𑌸𑌿 𑌸𑌾𑌦𑌯𑌾𑌮𑌿 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑-𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॒ 𑌜𑌗॑𑌤𑍀॒ 𑌛𑌨𑍍𑌦𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌪॒𑌙𑍍𑌕𑍍𑌤𑌿𑌶𑍍𑌛𑌨𑍍𑌦𑌃॑ ॥ 1 ॥
(𑌯𑍋𑌨𑍗॒ - 𑌪𑌞𑍍𑌚॑𑌦𑌶 𑌚) (𑌅. 1)
𑌅॒𑌯-𑌮𑍍𑌪𑍁॒𑌰𑍋 𑌭𑍁𑌵॒𑌸𑍍𑌤𑌸𑍍𑌯॑ 𑌪𑍍𑌰𑌾॒𑌣𑍋 𑌭𑍗॑𑌵𑌾𑌯॒𑌨𑍋 𑌵॑𑌸॒𑌨𑍍𑌤𑌃 𑌪𑍍𑌰𑌾॑𑌣𑌾𑌯॒𑌨𑍋 𑌗𑌾॑𑌯॒𑌤𑍍𑌰𑍀 𑌵𑌾॑𑌸॒𑌨𑍍𑌤𑍀 𑌗𑌾॑𑌯𑌤𑍍𑌰𑌿॒𑌯𑍈 𑌗𑌾॑𑌯॒𑌤𑍍𑌰-𑌙𑍍𑌗𑌾॑𑌯॒𑌤𑍍𑌰𑌾𑌦𑍁॑𑌪𑌾॒𑌗𑍍𑌂॒ 𑌶𑍁𑌰𑍁॑𑌪𑌾॒𑌗𑍍𑌂॒ 𑌶𑍋𑌸𑍍𑌤𑍍𑌰𑌿॒𑌵𑍃-𑌤𑍍𑌤𑍍𑌰𑌿॒𑌵𑍃𑌤𑍋॑ 𑌰𑌥𑌨𑍍𑌤॒𑌰𑌗𑍍𑌂 𑌰॑𑌥𑌨𑍍𑌤॒𑌰𑌾-𑌦𑍍𑌵𑌸𑌿॑𑌷𑍍𑌠॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾᳚ 𑌪𑍍𑌰𑌾॒𑌣-𑌙𑍍𑌗𑍃॑𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-𑌨𑍍𑌦॑𑌕𑍍𑌷𑌿॒𑌣𑌾 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌤𑌸𑍍𑌯॒ 𑌮𑌨𑍋॑ 𑌵𑍈𑌶𑍍𑌵𑌕𑌰𑍍𑌮॒𑌣-𑌙𑍍𑌗𑍍𑌰𑍀॒𑌷𑍍𑌮𑍋 𑌮𑌾॑𑌨॒𑌸𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍𑌗𑍍𑌰𑍈॒𑌷𑍍𑌮𑍀 𑌤𑍍𑌰𑌿॒𑌷𑍍𑌟𑍁𑌭॑ 𑌐॒𑌡𑌮𑍈॒𑌡𑌾-𑌦॑𑌨𑍍𑌤𑌰𑍍𑌯𑌾॒𑌮𑍋᳚ 𑌽𑌨𑍍𑌤𑌰𑍍𑌯𑌾॒𑌮𑌾-𑌤𑍍𑌪॑𑌞𑍍𑌚𑌦॒𑌶𑌃 𑌪॑𑌞𑍍𑌚𑌦॒𑌶𑌾-𑌦𑍍𑌬𑍃॒𑌹-𑌦𑍍𑌬𑍃॑𑌹॒𑌤𑍋 𑌭॒𑌰𑌦𑍍𑌵𑌾॑𑌜॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌮𑌨𑍋॑ [𑌤𑍍𑌵𑌯𑌾॒ 𑌮𑌨𑌃॑, 𑌗𑍃॒𑌹𑍍𑌣𑌾॒𑌮𑌿॒ 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-] 2
𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-𑌮𑍍𑌪॒𑌶𑍍𑌚𑌾-𑌦𑍍𑌵𑌿॒𑌶𑍍𑌵𑌵𑍍𑌯॑𑌚𑌾॒𑌸𑍍𑌤𑌸𑍍𑌯॒ 𑌚𑌕𑍍𑌷𑍁॑𑌰𑍍𑌵𑍈𑌶𑍍𑌵𑌵𑍍𑌯𑌚॒𑌸𑌂-𑌵𑌁॒𑌰𑍍॒𑌷𑌾𑌣𑌿॑ 𑌚𑌾𑌕𑍍𑌷𑍁॒𑌷𑌾𑌣𑌿॒ 𑌜𑌗॑𑌤𑍀 𑌵𑌾॒𑌰𑍍॒𑌷𑍀 𑌜𑌗॑𑌤𑍍𑌯𑌾॒ 𑌋𑌕𑍍𑌷॑𑌮॒𑌮𑍃𑌕𑍍𑌷॑𑌮𑌾𑌚𑍍𑌛𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌾-𑌥𑍍𑌸॑𑌪𑍍𑌤𑌦॒𑌶-𑌸𑍍𑌸॑𑌪𑍍𑌤𑌦॒𑌶𑌾-𑌦𑍍𑌵𑍈॑𑌰𑍂॒𑌪𑌂-𑌵𑍈𑌁॑𑌰𑍂॒𑌪𑌾-𑌦𑍍𑌵𑌿॒𑌶𑍍𑌵𑌾𑌮𑌿॑𑌤𑍍𑌰॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌚𑌕𑍍𑌷𑍁॑𑌰𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯॑ 𑌇॒𑌦𑌮𑍁॑𑌤𑍍𑌤॒𑌰𑌾-𑌥𑍍𑌸𑍁𑌵॒𑌸𑍍𑌤𑌸𑍍𑌯॒ 𑌶𑍍𑌰𑍋𑌤𑍍𑌰𑌗𑍍𑌂॑ 𑌸𑍗॒𑌵𑌗𑍍𑌂 𑌶॒𑌰𑌚𑍍𑌛𑍍𑌰𑍗॒𑌤𑍍𑌰𑍍𑌯॑𑌨𑍁॒𑌷𑍍𑌟𑍁𑌪𑍍-𑌛𑌾॑𑌰॒𑌦𑍍𑌯॑𑌨𑍁॒𑌷𑍍𑌟𑍁𑌭𑌃॑ 𑌸𑍍𑌵𑌾॒𑌰𑌗𑍍𑌗𑍍 𑌸𑍍𑌵𑌾॒𑌰𑌾𑌨𑍍𑌮॒𑌨𑍍𑌥𑍀 𑌮॒𑌨𑍍𑌥𑌿𑌨॑ 𑌏𑌕𑌵𑌿॒𑌗𑍍𑌂॒𑌶 𑌏॑𑌕𑌵𑌿॒𑌗𑍍𑌂॒𑌶𑌾-𑌦𑍍𑌵𑍈॑𑌰𑌾॒𑌜𑌂-𑌵𑍈𑌁॑𑌰𑌾॒𑌜𑌾𑌜𑍍𑌜॒𑌮𑌦॑𑌗𑍍𑌨𑌿॒𑌰𑍍॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ [𑌗𑍃𑌹𑍀𑌤𑌯𑌾, 𑌤𑍍𑌵𑌯𑌾॒] 3
𑌤𑍍𑌵𑌯𑌾॒ 𑌶𑍍𑌰𑍋𑌤𑍍𑌰॑-𑌙𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯॑ 𑌇॒𑌯𑌮𑍁॒𑌪𑌰𑌿॑ 𑌮॒𑌤𑌿𑌸𑍍𑌤𑌸𑍍𑌯𑍈॒ 𑌵𑌾𑌮𑍍𑌮𑌾॒𑌤𑍀 𑌹𑍇॑𑌮॒𑌨𑍍𑌤𑍋 𑌵𑌾᳚𑌚𑍍𑌯𑌾𑌯॒𑌨𑌃 𑌪॒𑌙𑍍𑌕𑍍𑌤𑌿𑌰𑍍𑌹𑍈॑𑌮॒𑌨𑍍𑌤𑍀 𑌪॒𑌕𑍍𑌤𑍍𑌯𑍈-𑌨𑍍𑌨𑌿॒𑌧𑌨॑𑌵𑌨𑍍𑌨𑌿॒𑌧𑌨॑𑌵𑌤 𑌆𑌗𑍍𑌰𑌯॒𑌣 𑌆᳚𑌗𑍍𑌰𑌯॒𑌣𑌾-𑌤𑍍𑌤𑍍𑌰𑌿॑𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌂॒𑌶𑍗 𑌤𑍍𑌰𑌿॑𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌂॒𑌶𑌾𑌭𑍍𑌯𑌾𑌗𑍍𑌂॑ 𑌶𑌾𑌕𑍍𑌵𑌰𑌰𑍈𑌵॒𑌤𑍇 𑌶𑌾᳚𑌕𑍍𑌵𑌰𑌰𑍈𑌵॒𑌤𑌾𑌭𑍍𑌯𑌾𑌂᳚-𑌵𑌿𑌁॒𑌶𑍍𑌵𑌕॒𑌰𑍍𑌮𑌰𑍍𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌵𑌾𑌚॑-𑌙𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑌃॑ ॥ 4 ॥
(𑌤𑍍𑌵𑌯𑌾॒ 𑌮𑌨𑍋॑-𑌜॒𑌮𑌦॑𑌗𑍍𑌨𑌿॒𑌰𑍍॒𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿𑌗𑍃𑌹𑍀𑌤𑌯𑌾-𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 2)
𑌪𑍍𑌰𑌾𑌚𑍀॑ 𑌦𑌿॒𑌶𑌾𑌂-𑌵𑌁॑𑌸॒𑌨𑍍𑌤 𑌋॑𑌤𑍂॒𑌨𑌾𑌮॒𑌗𑍍𑌨𑌿𑌰𑍍𑌦𑍇॒𑌵𑌤𑌾॒ 𑌬𑍍𑌰𑌹𑍍𑌮॒ 𑌦𑍍𑌰𑌵𑌿॑𑌣-𑌨𑍍𑌤𑍍𑌰𑌿॒𑌵𑍃-𑌥𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌪𑌞𑍍𑌚𑌦॒𑌶𑌵॑𑌰𑍍𑌤𑌨𑌿॒-𑌸𑍍𑌤𑍍𑌰𑍍𑌯𑌵𑌿॒𑌰𑍍𑌵𑌯𑌃॑ 𑌕𑍃॒𑌤𑌮𑌯𑌾॑𑌨𑌾-𑌮𑍍𑌪𑍁𑌰𑍋𑌵𑌾॒𑌤𑍋 𑌵𑌾𑌤॒-𑌸𑍍𑌸𑌾𑌨॑𑌗॒ 𑌋𑌷𑌿॑𑌰𑍍𑌦𑌕𑍍𑌷𑌿॒𑌣𑌾 𑌦𑌿॒𑌶𑌾-𑌙𑍍𑌗𑍍𑌰𑍀॒𑌷𑍍𑌮 𑌋॑𑌤𑍂॒𑌨𑌾𑌮𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ 𑌕𑍍𑌷॒𑌤𑍍𑌰-𑌨𑍍𑌦𑍍𑌰𑌵𑌿॑𑌣-𑌮𑍍𑌪𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌸𑌪𑍍𑌤𑌦॒𑌶 𑌵॑𑌰𑍍𑌤𑌨𑌿-𑌰𑍍𑌦𑌿॑𑌤𑍍𑌯॒𑌵𑌾𑌡𑍍-𑌵𑌯॒𑌸𑍍𑌤𑍍𑌰𑍇𑌤𑌾-𑌽𑌯𑌾॑𑌨𑌾-𑌨𑍍𑌦𑌕𑍍𑌷𑌿𑌣𑌾𑌦𑍍𑌵𑌾॒𑌤𑍋 𑌵𑌾𑌤𑌃॑ 𑌸𑌨𑌾॒𑌤𑌨॒ 𑌋𑌷𑌿𑌃॑ 𑌪𑍍𑌰॒𑌤𑍀𑌚𑍀॑ 𑌦𑌿॒𑌶𑌾𑌂-𑌵𑌁॒𑌰𑍍॒𑌷𑌾 𑌋॑𑌤𑍂॒𑌨𑌾𑌂-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾 𑌦𑍇॒𑌵𑌤𑌾॒ 𑌵𑌿- [𑌦𑍇॒𑌵𑌤𑌾॒ 𑌵𑌿𑌟𑍍, 𑌦𑍍𑌰𑌵𑌿॑𑌣𑌗𑍍𑌂] 5
-𑌡𑍍𑌦𑍍𑌰𑌵𑌿॑𑌣𑌗𑍍𑌂 𑌸𑌪𑍍𑌤𑌦॒𑌶 𑌸𑍍𑌤𑍋𑌮॒-𑌸𑍍𑌸 𑌉॑ 𑌵𑍇𑌕𑌵𑌿॒𑌗𑍍𑌂॒ 𑌶𑌵॑𑌰𑍍𑌤𑌨𑌿-𑌸𑍍𑌤𑍍𑌰𑌿𑌵॒𑌥𑍍𑌸𑍋 𑌵𑌯𑍋᳚ 𑌦𑍍𑌵𑌾𑌪॒𑌰𑍋-𑌽𑌯𑌾॑𑌨𑌾-𑌮𑍍𑌪𑌶𑍍𑌚𑌾𑌦𑍍𑌵𑌾॒𑌤𑍋 𑌵𑌾𑌤𑍋॑-𑌽𑌹॒𑌭𑍂𑌨॒ 𑌋𑌷𑌿॒𑌰𑍁𑌦𑍀॑𑌚𑍀 𑌦𑌿॒𑌶𑌾𑌗𑍍𑌂 𑌶॒𑌰𑌦𑍍-𑌋॑𑌤𑍂॒𑌨𑌾-𑌮𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑍗 𑌦𑍇॒𑌵𑌤𑌾॑ 𑌪𑍁॒𑌷𑍍𑌟-𑌨𑍍𑌦𑍍𑌰𑌵𑌿॑𑌣𑌮𑍇𑌕𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌤𑍍𑌰𑌿𑌣॒𑌵𑌵॑𑌰𑍍𑌤𑌨𑌿-𑌸𑍍𑌤𑍁𑌰𑍍𑌯॒𑌵𑌾-𑌡𑍍𑌵𑌯॑ 𑌆𑌸𑍍𑌕॒𑌨𑍍𑌦𑍋 𑌽𑌯𑌾॑𑌨𑌾𑌮𑍁𑌤𑍍𑌤𑌰𑌾-𑌦𑍍𑌵𑌾॒𑌤𑍋 𑌵𑌾𑌤𑌃॑ 𑌪𑍍𑌰॒𑌤𑍍𑌨 𑌋𑌷𑌿॑𑌰𑍂॒𑌰𑍍𑌧𑍍𑌵𑌾 𑌦𑌿॒𑌶𑌾𑌗𑍍𑌂 𑌹𑍇॑𑌮𑌨𑍍𑌤𑌶𑌿𑌶𑌿॒𑌰𑌾𑌵𑍃॑𑌤𑍂॒𑌨𑌾-𑌮𑍍𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑍇॒𑌵𑌤𑌾॒ 𑌵𑌰𑍍𑌚𑍋॒ 𑌦𑍍𑌰𑌵𑌿॑𑌣-𑌨𑍍𑌤𑍍𑌰𑌿𑌣॒𑌵 𑌸𑍍𑌤𑍋𑌮॒-𑌸𑍍𑌸 𑌉॑ 𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌂॒𑌶𑌵॑𑌰𑍍𑌤𑌨𑌿𑌃 𑌪𑌷𑍍𑌠॒𑌵𑌾𑌦𑍍𑌵𑌯𑍋॑ 𑌽𑌭𑌿॒𑌭𑍂𑌰𑌯𑌾॑𑌨𑌾𑌂-𑌵𑌿𑌁𑌷𑍍𑌵𑌗𑍍𑌵𑌾॒𑌤𑍋 𑌵𑌾𑌤𑌃॑ 𑌸𑍁𑌪॒𑌰𑍍𑌣 𑌋𑌷𑌿𑌃॑ 𑌪𑌿॒𑌤𑌰𑌃॑ 𑌪𑌿𑌤𑌾𑌮॒𑌹𑌾𑌃 𑌪𑌰𑍇-𑌽𑌵॑𑌰𑍇॒ 𑌤𑍇 𑌨𑌃॑ 𑌪𑌾𑌨𑍍𑌤𑍁॒ 𑌤𑍇 𑌨𑍋॑-𑌽𑌵𑌨𑍍𑌤𑍍𑌵॒𑌸𑍍𑌮𑌿-𑌨𑍍𑌬𑍍𑌰𑌹𑍍𑌮॑𑌨𑍍𑌨॒𑌸𑍍𑌮𑌿𑌨𑍍 𑌕𑍍𑌷॒𑌤𑍍𑌰𑍇᳚-𑌽𑌸𑍍𑌯𑌾-𑌮𑌾॒𑌶𑌿𑌷𑍍𑌯॒𑌸𑍍𑌯𑌾-𑌮𑍍𑌪𑍁॑𑌰𑍋॒𑌧𑌾𑌯𑌾॑𑌮॒𑌸𑍍𑌮𑌿𑌨𑍍 𑌕𑌰𑍍𑌮॑𑌨𑍍𑌨॒𑌸𑍍𑌯𑌾-𑌨𑍍𑌦𑍇॒𑌵𑌹𑍂᳚𑌤𑍍𑌯𑌾𑌮𑍍 ॥ 6 ॥
(𑌵𑌿𑌟𑍍 - 𑌪॑𑌷𑍍𑌠॒𑌵𑌾-𑌦𑍍𑌵𑌯𑍋॒ - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 3)
𑌧𑍍𑌰𑍁॒𑌵𑌕𑍍𑌷𑌿॑𑌤𑌿 -𑌰𑍍𑌧𑍍𑌰𑍁॒𑌵𑌯𑍋॑𑌨𑌿-𑌰𑍍𑌧𑍍𑌰𑍁॒𑌵𑌾-𑌽𑌸𑌿॑ 𑌧𑍍𑌰𑍁॒𑌵𑌾𑌂-𑌯𑍋𑌁𑌨𑌿॒𑌮𑌾 𑌸𑍀॑𑌦 𑌸𑌾॒𑌦𑍍𑌧𑍍𑌯𑌾 । 𑌉𑌖𑍍𑌯॑𑌸𑍍𑌯 𑌕𑍇॒𑌤𑍁-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾॑𑌦॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌸𑍍𑌵𑍇 𑌦𑌕𑍍𑌷𑍇॒ 𑌦𑌕𑍍𑌷॑𑌪𑌿𑌤𑍇॒𑌹 𑌸𑍀॑𑌦 𑌦𑍇𑌵॒𑌤𑍍𑌰𑌾 𑌪𑍃॑𑌥𑌿॒𑌵𑍀 𑌬𑍃॑𑌹॒𑌤𑍀 𑌰𑌰𑌾॑𑌣𑌾 । 𑌸𑍍𑌵𑌾॒𑌸॒𑌸𑍍𑌥𑌾 𑌤॒𑌨𑍁𑌵𑌾॒ 𑌸𑌂-𑌵𑌿𑌁॑𑌶𑌸𑍍𑌵 𑌪𑌿॒𑌤𑍇𑌵𑍈॑𑌧𑌿 𑌸𑍂॒𑌨𑌵॒ 𑌆 𑌸𑍁॒𑌶𑍇𑌵𑌾॒-𑌽𑌶𑍍𑌵𑌿𑌨𑌾᳚𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌕𑍁॒𑌲𑌾॒𑌯𑌿𑌨𑍀॒ 𑌵𑌸𑍁॑𑌮𑌤𑍀 𑌵𑌯𑍋॒𑌧𑌾 𑌰॒𑌯𑌿-𑌨𑍍𑌨𑍋॑ 𑌵𑌰𑍍𑌧 𑌬𑌹𑍁॒𑌲𑌗𑍍𑌂 𑌸𑍁॒𑌵𑍀𑌰᳚𑌮𑍍 । 7
𑌅𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿𑌮𑌾॒𑌭𑌜॑𑌨𑍍𑌤𑍀॒ 𑌸𑍁𑌵॑𑌰𑍍𑌧𑍇𑌹𑌿॒ 𑌯𑌜॑𑌮𑌾𑌨𑌾𑌯॒ 𑌪𑍋𑌷॑𑌮॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌅॒𑌗𑍍𑌨𑍇𑌃 𑌪𑍁𑌰𑍀॑𑌷𑌮𑌸𑌿 𑌦𑍇𑌵॒𑌯𑌾𑌨𑍀॒ 𑌤𑌾-𑌨𑍍𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌅॒𑌭𑌿 𑌗𑍃॑𑌣𑌨𑍍𑌤𑍁 𑌦𑍇॒𑌵𑌾𑌃 । 𑌸𑍍𑌤𑍋𑌮॑𑌪𑍃𑌷𑍍𑌠𑌾 𑌘𑍃॒𑌤𑌵॑𑌤𑍀॒𑌹 𑌸𑍀॑𑌦 𑌪𑍍𑌰॒𑌜𑌾𑌵॑𑌦॒𑌸𑍍𑌮𑍇 𑌦𑍍𑌰𑌵𑌿॒𑌣𑌾 𑌽𑌽𑌯॑𑌜𑌸𑍍𑌵𑌾॒𑌶𑍍𑌵𑌿𑌨𑌾᳚ 𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌦𑌿॒𑌵𑍋 𑌮𑍂॒𑌰𑍍𑌧𑌾-𑌽𑌸𑌿॑ 𑌪𑍃𑌥𑌿॒𑌵𑍍𑌯𑌾 𑌨𑌾𑌭𑌿॑𑌰𑍍𑌵𑌿॒𑌷𑍍𑌟𑌮𑍍𑌭॑𑌨𑍀 𑌦𑌿॒𑌶𑌾𑌮𑌧𑌿॑𑌪𑌤𑍍𑌨𑍀॒ 𑌭𑍁𑌵॑𑌨𑌾𑌨𑌾𑌮𑍍 । 8
𑌊॒𑌰𑍍𑌮𑌿𑌰𑍍𑌦𑍍𑌰॒𑌫𑍍𑌸𑍋 𑌅॒𑌪𑌾𑌮॑𑌸𑌿 𑌵𑌿॒𑌶𑍍𑌵𑌕॑𑌰𑍍𑌮𑌾 𑌤॒ 𑌋𑌷𑌿॑𑌰॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌸॒𑌜𑍂𑌰𑍍-𑌋॒𑌤𑍁𑌭𑌿𑌃॑ 𑌸॒𑌜𑍂𑌰𑍍𑌵𑌿॒𑌧𑌾𑌭𑌿𑌃॑ 𑌸॒𑌜𑍂𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍂 𑌰𑍁॒𑌦𑍍𑌰𑍈-𑌸𑍍𑌸॒𑌜𑍂𑌰𑌾॑𑌦𑌿॒𑌤𑍍𑌯𑍈-𑌸𑍍𑌸॒𑌜𑍂𑌰𑍍𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈-𑌸𑍍𑌸॒𑌜𑍂𑌰𑍍𑌦𑍇॒𑌵𑍈-𑌸𑍍𑌸॒𑌜𑍂𑌰𑍍𑌦𑍇॒𑌵𑍈𑌰𑍍𑌵॑𑌯𑍋-𑌨𑌾॒𑌧𑍈𑌰॒𑌗𑍍𑌨𑌯𑍇᳚ 𑌤𑍍𑌵𑌾 𑌵𑍈𑌶𑍍𑌵𑌾𑌨॒𑌰𑌾𑌯𑌾॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑍍𑌯𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿 𑌵𑍍𑌯𑌾॒𑌨-𑌮𑍍𑌮𑍇॑ 𑌪𑌾𑌹𑌿॒ 𑌚𑌕𑍍𑌷𑍁॑𑌰𑍍𑌮 𑌉॒𑌰𑍍𑌵𑍍𑌯𑌾 𑌵𑌿 𑌭𑌾॑𑌹𑌿॒ 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌶𑍍𑌲𑍋𑌕𑌯𑌾॒𑌪-𑌸𑍍𑌪𑌿॒𑌨𑍍𑌵𑍗𑌷॑𑌧𑍀𑌰𑍍𑌜𑌿𑌨𑍍𑌵 𑌦𑍍𑌵𑌿॒𑌪𑌾-𑌤𑍍𑌪𑌾॑𑌹𑌿॒ 𑌚𑌤𑍁॑𑌷𑍍𑌪𑌾𑌦𑌵 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑍇𑌰॑𑌯 ॥ 9 ॥
(𑌸𑍁॒𑌵𑍀𑌰𑌂॒ - 𑌭𑍁𑌵॑𑌨𑌾𑌨𑌾 - 𑌮𑍁॒𑌰𑍍𑌵𑍍𑌯𑌾 - 𑌸॒𑌪𑍍𑌤𑌦॑𑌶 𑌚) (𑌅. 4)
𑌤𑍍𑌰𑍍𑌯𑌵𑌿॒𑌰𑍍𑌵𑌯॑𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌦𑌿𑌤𑍍𑌯॒𑌵𑌾-𑌡𑍍𑌵𑌯𑍋॑ 𑌵𑌿॒𑌰𑌾𑌟𑍍 𑌛𑌨𑍍𑌦𑌃॒ 𑌪𑌞𑍍𑌚𑌾॑𑌵𑌿॒𑌰𑍍𑌵𑌯𑍋॑ 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑𑌸𑍍𑌤𑍍𑌰𑌿𑌵॒𑌥𑍍𑌸𑍋 𑌵𑌯॑ 𑌉॒𑌷𑍍𑌣𑌿𑌹𑌾॒ 𑌛𑌨𑍍𑌦॑ 𑌸𑍍𑌤𑍁𑌰𑍍𑌯॒𑌵𑌾-𑌡𑍍𑌵𑌯𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌪𑌷𑍍𑌠॒𑌵𑌾-𑌦𑍍𑌵𑌯𑍋॑ 𑌬𑍃𑌹॒𑌤𑍀 𑌛𑌨𑍍𑌦॑ 𑌉॒𑌕𑍍𑌷𑌾 𑌵𑌯𑌃॑ 𑌸॒𑌤𑍋𑌬𑍃॑𑌹𑌤𑍀॒ 𑌛𑌨𑍍𑌦॑ 𑌋𑌷॒𑌭𑍋 𑌵𑌯𑌃॑ 𑌕॒𑌕𑍁𑌚𑍍𑌛𑌨𑍍𑌦𑍋॑ 𑌧𑍇॒𑌨𑍁𑌰𑍍𑌵𑌯𑍋॒ 𑌜𑌗॑𑌤𑍀॒ 𑌛𑌨𑍍𑌦𑍋॑-𑌽𑌨॒𑌡𑍍𑌵𑌾𑌨𑍍. 𑌵𑌯𑌃॑ 𑌪॒𑌙𑍍𑌕𑍍𑌤𑌿 𑌶𑍍𑌛𑌨𑍍𑌦𑍋॑ 𑌬॒𑌸𑍍𑌤𑍋 𑌵𑌯𑍋॑ 𑌵𑌿𑌵॒𑌲-𑌞𑍍𑌛𑌨𑍍𑌦𑍋॑ 𑌵𑍃॒𑌷𑍍𑌣𑌿𑌰𑍍𑌵𑌯𑍋॑ 𑌵𑌿𑌶𑌾॒𑌲-𑌞𑍍𑌛𑌨𑍍𑌦𑌃॒ 𑌪𑍁𑌰𑍁॑𑌷𑍋॒ 𑌵𑌯॑ 𑌸𑍍𑌤॒𑌨𑍍𑌦𑍍𑌰-𑌞𑍍𑌛𑌨𑍍𑌦𑍋᳚ 𑌵𑍍𑌯𑌾॒𑌘𑍍𑌰𑍋 𑌵𑌯𑍋-𑌽𑌨𑌾॑𑌧𑍃𑌷𑍍𑌟॒-𑌞𑍍𑌛𑌨𑍍𑌦𑌃॑ 𑌸𑌿॒𑌗𑍍𑌂॒𑌹𑍋 𑌵𑌯॑ 𑌶𑍍𑌛॒𑌦𑌿 𑌶𑍍𑌛𑌨𑍍𑌦𑍋॑ 𑌵𑌿𑌷𑍍𑌟॒𑌭𑍋𑌂-𑌵𑌁𑌯𑍋-𑌽𑌧𑌿॑𑌪𑌤𑌿॒ 𑌶𑍍𑌛𑌨𑍍𑌦𑌃॑ 𑌕𑍍𑌷॒𑌤𑍍𑌰𑌂-𑌵𑌁𑌯𑍋॒ 𑌮𑌯॑𑌨𑍍𑌦॒-𑌞𑍍𑌛𑌨𑍍𑌦𑍋॑ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌯𑌃॑ 𑌪𑌰𑌮𑍇॒𑌷𑍍𑌠𑍀 𑌛𑌨𑍍𑌦𑍋॑ 𑌮𑍂॒𑌰𑍍𑌧𑌾 𑌵𑌯𑌃॑ 𑌪𑍍𑌰॒𑌜𑌾𑌪॑𑌤𑌿॒ 𑌶𑍍𑌛𑌨𑍍𑌦𑌃॑ ॥ 10 ॥
(𑌪𑍁𑌰𑍁॑𑌷𑍋॒ 𑌵𑌯𑌃॒ - 𑌷-𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 5)
𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌅𑌵𑍍𑌯॑𑌥𑌮𑌾𑌨𑌾॒𑌮𑌿𑌷𑍍𑌟॑𑌕𑌾-𑌨𑍍𑌦𑍃𑌗𑍍𑌂𑌹𑌤𑌂-𑌯𑍁𑌁॒𑌵𑌮𑍍 । 𑌪𑍃॒𑌷𑍍𑌠𑍇𑌨॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷-𑌞𑍍𑌚॒ 𑌵𑌿 𑌬𑌾॑𑌧𑌤𑌾𑌮𑍍 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾 𑌤𑍍𑌵𑌾 𑌸𑌾𑌦𑌯𑌤𑍍𑌵॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌪𑍃॒𑌷𑍍𑌠𑍇 𑌵𑍍𑌯𑌚॑𑌸𑍍𑌵𑌤𑍀॒-𑌮𑍍𑌪𑍍𑌰𑌥॑𑌸𑍍𑌵𑌤𑍀॒-𑌮𑍍𑌭𑌾𑌸𑍍𑌵॑𑌤𑍀𑌗𑍍𑌂 𑌸𑍂𑌰𑌿॒𑌮𑌤𑍀॒𑌮𑌾 𑌯𑌾 𑌦𑍍𑌯𑌾-𑌮𑍍𑌭𑌾𑌸𑍍𑌯𑌾 𑌪𑍃॑𑌥𑌿॒𑌵𑍀𑌮𑍋𑌰𑍍𑌵॑𑌨𑍍𑌤𑌰𑌿॑𑌕𑍍𑌷-𑌮॒𑌨𑍍𑌤𑌰𑌿॑𑌕𑍍𑌷𑌂-𑌯𑌁𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍃𑌗𑍍𑌂𑌹𑌾॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌹𑌿𑌗𑍍𑌂॑𑌸𑍀॒ 𑌰𑍍𑌵𑌿𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॑ 𑌵𑍍𑌯𑌾॒𑌨𑌾𑌯𑍋॑𑌦𑌾॒𑌨𑌾𑌯॑ 𑌪𑍍𑌰𑌤𑌿॒𑌷𑍍𑌠𑌾𑌯𑍈॑ 𑌚॒𑌰𑌿𑌤𑍍𑌰𑌾॑𑌯 𑌵𑌾॒𑌯𑍁𑌸𑍍𑌤𑍍𑌵𑌾॒-𑌽𑌭𑌿 𑌪𑌾॑𑌤𑍁 𑌮॒𑌹𑍍𑌯𑌾 𑌸𑍍𑌵॒𑌸𑍍𑌤𑍍𑌯𑌾 𑌛॒𑌰𑍍𑌦𑌿𑌷𑌾॒ [𑌛॒𑌰𑍍𑌦𑌿𑌷𑌾᳚, 𑌶𑌨𑍍𑌤॑𑌮𑍇𑌨॒ 𑌤𑌯𑌾॑] 11
𑌶𑌨𑍍𑌤॑𑌮𑍇𑌨॒ 𑌤𑌯𑌾॑ 𑌦𑍇॒𑌵॑𑌤𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑌰𑌾𑌜𑍍𑌞𑍍𑌯॑𑌸𑌿॒ 𑌪𑍍𑌰𑌾𑌚𑍀॒ 𑌦𑌿𑌗𑍍-𑌵𑌿॒𑌰𑌾𑌡॑𑌸𑌿 𑌦𑌕𑍍𑌷𑌿॒𑌣𑌾 𑌦𑌿-𑌖𑍍𑌸॒𑌮𑍍𑌰𑌾𑌡॑𑌸𑌿 𑌪𑍍𑌰॒𑌤𑍀𑌚𑍀॒ 𑌦𑌿𑌖𑍍-𑌸𑍍𑌵॒𑌰𑌾𑌡॒𑌸𑍍𑌯𑍁𑌦𑍀॑𑌚𑍀॒ 𑌦𑌿𑌗𑌧𑌿॑𑌪𑌤𑍍𑌨𑍍𑌯𑌸𑌿 𑌬𑍃𑌹॒𑌤𑍀 𑌦𑌿𑌗𑌾𑌯𑍁॑𑌰𑍍𑌮𑍇 𑌪𑌾𑌹𑌿 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑍍𑌯𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿 𑌵𑍍𑌯𑌾॒𑌨-𑌮𑍍𑌮𑍇॑ 𑌪𑌾𑌹𑌿॒ 𑌚𑌕𑍍𑌷𑍁॑𑌰𑍍𑌮𑍇 𑌪𑌾𑌹𑌿॒ 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌪𑌾𑌹𑌿॒ 𑌮𑌨𑍋॑ 𑌮𑍇 𑌜𑌿𑌨𑍍𑌵॒ 𑌵𑌾𑌚॑-𑌮𑍍𑌮𑍇 𑌪𑌿𑌨𑍍𑌵𑌾॒ 𑌽𑌽𑌤𑍍𑌮𑌾𑌨॑-𑌮𑍍𑌮𑍇 𑌪𑌾𑌹𑌿॒ 𑌜𑍍𑌯𑍋𑌤𑌿॑𑌰𑍍𑌮𑍇 𑌯𑌚𑍍𑌛 ॥ 12 ॥
(𑌛॒𑌰𑍍𑌦𑌿𑌷𑌾॑ - 𑌪𑌿𑌨𑍍𑌵॒ - 𑌷𑌟𑍍𑌚॑) (𑌅. 6)
𑌮𑌾 𑌛𑌨𑍍𑌦𑌃॑ 𑌪𑍍𑌰॒𑌮𑌾 𑌛𑌨𑍍𑌦𑌃॑ 𑌪𑍍𑌰𑌤𑌿॒𑌮𑌾 𑌛𑌨𑍍𑌦𑍋᳚-𑌽𑌸𑍍𑌰𑍀॒𑌵𑌿 𑌶𑍍𑌛𑌨𑍍𑌦𑌃॑ 𑌪॒𑌙𑍍𑌕𑍍𑌤𑌿 𑌶𑍍𑌛𑌨𑍍𑌦॑ 𑌉॒𑌷𑍍𑌣𑌿𑌹𑌾॒ 𑌛𑌨𑍍𑌦𑍋॑ 𑌬𑍃𑌹॒𑌤𑍀 𑌛𑌨𑍍𑌦𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌵𑌿॒𑌰𑌾𑌟𑍍 𑌛𑌨𑍍𑌦𑍋॑ 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑-𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॒ 𑌜𑌗॑𑌤𑍀॒ 𑌛𑌨𑍍𑌦𑌃॑ 𑌪𑍃𑌥𑌿॒𑌵𑍀 𑌛𑌨𑍍𑌦𑍋॒ 𑌽𑌨𑍍𑌤𑌰𑌿॑𑌕𑍍𑌷॒-𑌞𑍍𑌛𑌨𑍍𑌦𑍋॒ 𑌦𑍍𑌯𑍗 𑌶𑍍𑌛𑌨𑍍𑌦॒-𑌸𑍍𑌸𑌮𑌾॒ 𑌶𑍍𑌛𑌨𑍍𑌦𑍋॒ 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌛𑌨𑍍𑌦𑍋॒ 𑌮𑌨॒ 𑌶𑍍𑌛𑌨𑍍𑌦𑍋॒ 𑌵𑌾𑌕𑍍 𑌛𑌨𑍍𑌦𑌃॑ 𑌕𑍃॒𑌷𑌿 𑌶𑍍𑌛𑌨𑍍𑌦𑍋॒ 𑌹𑌿𑌰॑𑌣𑍍𑌯॒-𑌞𑍍𑌛𑌨𑍍𑌦𑍋॒ 𑌗𑍗 𑌶𑍍𑌛𑌨𑍍𑌦𑍋॒ 𑌽𑌜𑌾 𑌛𑌨𑍍𑌦𑍋 𑌽𑌶𑍍𑌵॒ 𑌶𑍍𑌛𑌨𑍍𑌦𑌃॑ ॥ 𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑌾॒ [𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑌾᳚, 𑌵𑌾𑌤𑍋॑ 𑌦𑍇॒𑌵𑌤𑌾॒] 13
𑌵𑌾𑌤𑍋॑ 𑌦𑍇॒𑌵𑌤𑌾॒ 𑌸𑍂𑌰𑍍𑌯𑍋॑ 𑌦𑍇॒𑌵𑌤𑌾॑ 𑌚॒𑌨𑍍𑌦𑍍𑌰𑌮𑌾॑ 𑌦𑍇॒𑌵𑌤𑌾॒ 𑌵𑌸॑𑌵𑍋 𑌦𑍇॒𑌵𑌤𑌾॑ 𑌰𑍁॒𑌦𑍍𑌰𑌾 𑌦𑍇॒𑌵𑌤𑌾॑ 𑌽𑌽𑌦𑌿॒𑌤𑍍𑌯𑌾 𑌦𑍇॒𑌵𑌤𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌦𑍇॒𑌵𑌤𑌾॑ 𑌮॒𑌰𑍁𑌤𑍋॑ 𑌦𑍇॒𑌵𑌤𑌾॒ 𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌤𑍇𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॒ 𑌵𑌰𑍁॑𑌣𑍋 𑌦𑍇॒𑌵𑌤𑌾॑ 𑌮𑍂॒𑌰𑍍𑌧𑌾-𑌽𑌸𑌿॒ 𑌰𑌾-𑌡𑍍𑌧𑍍𑌰𑍁॒𑌵𑌾-𑌽𑌸𑌿॑ 𑌧॒𑌰𑍁𑌣𑌾॑ 𑌯॒𑌨𑍍𑌤𑍍𑌰𑍍𑌯॑𑌸𑌿॒ 𑌯𑌮𑌿॑𑌤𑍍𑌰𑍀॒𑌷𑍇 𑌤𑍍𑌵𑍋॒𑌰𑍍𑌜𑍇 𑌤𑍍𑌵𑌾॑ 𑌕𑍃॒𑌷𑍍𑌯𑍈 𑌤𑍍𑌵𑌾॒ 𑌕𑍍𑌷𑍇𑌮𑌾॑𑌯 𑌤𑍍𑌵𑌾॒ 𑌯𑌨𑍍𑌤𑍍𑌰𑍀॒ 𑌰𑌾-𑌡𑍍𑌧𑍍𑌰𑍁॒𑌵𑌾-𑌽𑌸𑌿॒ 𑌧𑌰॑𑌣𑍀 𑌧॒𑌰𑍍𑌤𑍍𑌰𑍍𑌯॑𑌸𑌿॒ 𑌧𑌰𑌿॒𑌤𑍍𑌰𑍍𑌯𑌾𑌯𑍁॑𑌷𑍇 𑌤𑍍𑌵𑌾॒ 𑌵𑌰𑍍𑌚॑𑌸𑍇॒ 𑌤𑍍𑌵𑍗𑌜॑𑌸𑍇 𑌤𑍍𑌵𑌾॒ 𑌬𑌲𑌾॑𑌯 𑌤𑍍𑌵𑌾 ॥ 14 ॥
(𑌦𑍇॒𑌵𑌤𑌾 - 𑌽𑌽𑌯𑍁॑𑌷𑍇 𑌤𑍍𑌵𑌾॒ - 𑌷𑌟𑍍 𑌚॑ ) (𑌅. 7)
𑌆॒𑌶𑍁𑌸𑍍𑌤𑍍𑌰𑌿॒𑌵𑍃-𑌦𑍍𑌭𑌾॒𑌨𑍍𑌤𑌃 𑌪॑𑌞𑍍𑌚𑌦॒𑌶𑍋 𑌵𑍍𑌯𑍋॑𑌮 𑌸𑌪𑍍𑌤𑌦॒𑌶𑌃 𑌪𑍍𑌰𑌤𑍂᳚𑌰𑍍𑌤𑌿𑌰𑌷𑍍𑌟𑌾𑌦॒𑌶 𑌸𑍍𑌤𑌪𑍋॑ 𑌨𑌵𑌦॒𑌶𑍋॑ 𑌽𑌭𑌿𑌵॒𑌰𑍍𑌤-𑌸𑍍𑌸॑𑌵𑌿॒𑌗𑍍𑌂॒𑌶𑍋 𑌧॒𑌰𑍁𑌣॑ 𑌏𑌕𑌵𑌿॒𑌗𑍍𑌂॒𑌶𑍋 𑌵𑌰𑍍𑌚𑍋᳚ 𑌦𑍍𑌵𑌾𑌵𑌿॒𑌗𑍍𑌂॒𑌶-𑌸𑍍𑌸॒𑌮𑍍𑌭𑌰॑𑌣𑌸𑍍𑌤𑍍𑌰𑌯𑍋𑌵𑌿॒𑌗𑍍𑌂॒𑌶𑍋 𑌯𑍋𑌨𑌿॑𑌶𑍍𑌚𑌤𑍁𑌰𑍍𑌵𑌿॒𑌗𑍍𑌂॒𑌶𑍋 𑌗𑌰𑍍𑌭𑌾𑌃᳚ 𑌪𑌞𑍍𑌚𑌵𑌿॒𑌗𑍍𑌂॒𑌶 𑌓𑌜॑𑌸𑍍𑌤𑍍𑌰𑌿𑌣॒𑌵𑌃 𑌕𑍍𑌰𑌤𑍁॑𑌰𑍇𑌕𑌤𑍍𑌰𑌿॒𑌗𑍍𑌂॒𑌶𑌃 𑌪𑍍𑌰॑𑌤𑌿॒𑌷𑍍𑌠𑌾 𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍𑌂॒𑌶𑍋 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪॑-𑌞𑍍𑌚𑌤𑍁𑌸𑍍𑌤𑍍𑌰𑌿॒𑌗𑍍𑌂॒𑌶𑍋 𑌨𑌾𑌕𑌃॑ 𑌷𑌟𑍍𑌤𑍍𑌰𑌿॒𑌗𑍍𑌂॒𑌶𑍋 𑌵𑌿॑𑌵॒𑌰𑍍𑌤𑍋᳚-𑌽𑌷𑍍𑌟𑌾𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑍋 𑌧॒𑌰𑍍𑌤𑍍𑌰𑌶𑍍𑌚॑𑌤𑍁𑌷𑍍𑌟𑍋॒𑌮𑌃 ॥ 15 ॥
(𑌆॒𑌶𑍁𑌃 - 𑌸॒𑌪𑍍𑌤𑌤𑍍𑌰𑌿𑌗𑍍𑌂॑𑌶𑌤𑍍) (𑌅. 8)
𑌅॒𑌗𑍍𑌨𑍇𑌰𑍍𑌭𑌾॒𑌗𑍋॑-𑌽𑌸𑌿 𑌦𑍀॒𑌕𑍍𑌷𑌾𑌯𑌾॒ 𑌆𑌧𑌿॑𑌪𑌤𑍍𑌯॒-𑌮𑍍𑌬𑍍𑌰𑌹𑍍𑌮॑ 𑌸𑍍𑌪𑍃॒𑌤-𑌨𑍍𑌤𑍍𑌰𑌿॒𑌵𑍃-𑌥𑍍𑌸𑍍𑌤𑍋𑌮॒ 𑌇𑌨𑍍𑌦𑍍𑌰॑𑌸𑍍𑌯 𑌭𑌾॒𑌗𑍋॑-𑌽𑌸𑌿॒ 𑌵𑌿𑌷𑍍𑌣𑍋॒𑌰𑌾𑌧𑌿॑𑌪𑌤𑍍𑌯-𑌙𑍍𑌕𑍍𑌷॒𑌤𑍍𑌰𑌗𑍍𑌗𑍍 𑌸𑍍𑌪𑍃॒𑌤-𑌮𑍍𑌪॑𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌨𑍃॒𑌚𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑌿 𑌧𑌾॒𑌤𑍁𑌰𑌾𑌧𑌿॑𑌪𑌤𑍍𑌯-𑌞𑍍𑌜॒𑌨𑌿𑌤𑍍𑌰𑌗𑍍𑌗𑍍॑ 𑌸𑍍𑌪𑍃॒𑌤𑌗𑍍𑌂 𑌸॑𑌪𑍍𑌤𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌮𑌿॒𑌤𑍍𑌰𑌸𑍍𑌯॑ 𑌭𑌾॒𑌗𑍋॑-𑌽𑌸𑌿॒ 𑌵𑌰𑍁॑𑌣॒𑌸𑍍𑌯𑌾-𑌽𑌽𑌧𑌿॑𑌪𑌤𑍍𑌯-𑌨𑍍𑌦𑌿॒𑌵𑍋 𑌵𑍃॒𑌷𑍍𑌟𑌿𑌰𑍍𑌵𑌾𑌤𑌾᳚-𑌸𑍍𑌸𑍍𑌪𑍃॒𑌤𑌾 𑌏॑𑌕𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮𑍋-𑌽𑌦𑌿॑𑌤𑍍𑌯𑍈 𑌭𑌾॒𑌗𑍋॑-𑌽𑌸𑌿 𑌪𑍂॒𑌷𑍍𑌣 𑌆𑌧𑌿॑𑌪𑌤𑍍𑌯॒𑌮𑍋𑌜𑌃॑ 𑌸𑍍𑌪𑍃॒𑌤-𑌨𑍍𑌤𑍍𑌰𑌿॑𑌣॒𑌵-𑌸𑍍𑌸𑍍𑌤𑍋𑌮𑍋॒ 𑌵𑌸𑍂॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑌿 [ ] 16
𑌰𑍁॒𑌦𑍍𑌰𑌾𑌣𑌾॒𑌮𑌾𑌧𑌿॑𑌪𑌤𑍍𑌯॒-𑌞𑍍𑌚𑌤𑍁॑𑌷𑍍𑌪𑌾-𑌥𑍍𑌸𑍍𑌪𑍃॒𑌤-𑌞𑍍𑌚॑𑌤𑍁𑌰𑍍𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮॑ 𑌆𑌦𑌿॒𑌤𑍍𑌯𑌾𑌨𑌾᳚-𑌮𑍍𑌭𑌾॒𑌗𑍋॑-𑌽𑌸𑌿 𑌮॒𑌰𑍁𑌤𑌾॒𑌮𑌾𑌧𑌿॑𑌪𑌤𑍍𑌯॒-𑌙𑍍𑌗𑌰𑍍𑌭𑌾᳚-𑌸𑍍𑌸𑍍𑌪𑍃॒𑌤𑌾𑌃 𑌪॑𑌞𑍍𑌚𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮𑍋॑ 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑍍𑌭𑌾॒𑌗𑍋॑-𑌽𑌸𑌿॒ 𑌬𑍃𑌹॒𑌸𑍍𑌪𑌤𑍇॒𑌰𑌾𑌧𑌿॑𑌪𑌤𑍍𑌯𑌗𑍍𑌂 𑌸॒𑌮𑍀𑌚𑍀॒𑌰𑍍𑌦𑌿𑌶𑌃॑ 𑌸𑍍𑌪𑍃॒𑌤𑌾𑌶𑍍𑌚॑𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑍋॒ 𑌯𑌾𑌵𑌾॑𑌨𑌾-𑌮𑍍𑌭𑌾॒𑌗𑍋᳚-𑌽𑌸𑍍𑌯𑌯𑌾॑𑌵𑌾𑌨𑌾॒𑌮𑌾𑌧𑌿॑𑌪𑌤𑍍𑌯-𑌮𑍍𑌪𑍍𑌰॒𑌜𑌾-𑌸𑍍𑌸𑍍𑌪𑍃॒𑌤𑌾-𑌶𑍍𑌚॑𑌤𑍁-𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮॑ 𑌋𑌭𑍂॒𑌣𑌾-𑌮𑍍𑌭𑌾॒𑌗𑍋॑-𑌽𑌸𑌿॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॒𑌮𑌾𑌧𑌿॑𑌪𑌤𑍍𑌯-𑌮𑍍𑌭𑍂॒𑌤-𑌨𑍍𑌨𑌿𑌶𑌾᳚𑌨𑍍𑌤𑌗𑍍𑌗𑍍 𑌸𑍍𑌪𑍃॒𑌤-𑌨𑍍𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮𑌃॑ ॥ 17 ॥
(𑌵𑌸𑍂॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑌿॒ - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 9)
𑌏𑌕॑𑌯𑌾-𑌽𑌸𑍍𑌤𑍁𑌵𑌤 𑌪𑍍𑌰॒𑌜𑌾 𑌅॑𑌧𑍀𑌯𑌨𑍍𑌤 𑌪𑍍𑌰॒𑌜𑌾𑌪॑𑌤𑌿॒𑌰𑌧𑌿॑𑌪𑌤𑌿𑌰𑌾𑌸𑍀-𑌤𑍍𑌤𑌿॒𑌸𑍃𑌭𑌿॑𑌰𑌸𑍍𑌤𑍁𑌵𑌤॒ 𑌬𑍍𑌰𑌹𑍍𑌮𑌾॑𑌸𑍃𑌜𑍍𑌯𑌤॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒-𑌰𑌧𑌿॑𑌪𑌤𑌿𑌰𑌾𑌸𑍀-𑌤𑍍𑌪॒𑌞𑍍𑌚𑌭𑌿॑𑌰𑌸𑍍𑌤𑍁𑌵𑌤 𑌭𑍂॒𑌤𑌾𑌨𑍍𑌯॑𑌸𑍃𑌜𑍍𑌯𑌨𑍍𑌤 𑌭𑍂॒𑌤𑌾𑌨𑌾॒-𑌮𑍍𑌪𑌤𑌿॒𑌰𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸॒𑌪𑍍𑌤𑌭𑌿॑𑌰𑌸𑍍𑌤𑍁𑌵𑌤 𑌸𑌪𑍍𑌤॒𑌰𑍍॒𑌷𑌯𑍋॑-𑌽𑌸𑍃𑌜𑍍𑌯𑌨𑍍𑌤 𑌧𑌾॒𑌤𑌾-𑌧𑌿॑𑌪𑌤𑌿𑌰𑌾𑌸𑍀-𑌨𑍍𑌨॒𑌵𑌭𑌿॑𑌰𑌸𑍍𑌤𑍁𑌵𑌤 𑌪𑌿॒𑌤𑌰𑍋॑-𑌽𑌸𑍃𑌜𑍍𑌯॒𑌨𑍍𑌤𑌾-𑌽𑌦𑌿॑𑌤𑌿॒𑌰𑌧𑌿॑𑌪𑌤𑍍𑌨𑍍𑌯𑌾𑌸𑍀-𑌦𑍇𑌕𑌾𑌦॒𑌶𑌭𑌿॑-𑌰𑌸𑍍𑌤𑍁𑌵𑌤॒𑌰𑍍𑌤𑌵𑍋॑-𑌽 𑌸𑍃𑌜𑍍𑌯𑌨𑍍𑌤𑌾- 𑌽𑌽𑌰𑍍𑌤॒𑌵𑍋-𑌽𑌧𑌿॑𑌪𑌤𑌿-𑌰𑌾𑌸𑍀-𑌤𑍍𑌤𑍍𑌰𑌯𑍋𑌦॒𑌶𑌭𑌿॑-𑌰𑌸𑍍𑌤𑍁𑌵𑌤॒ 𑌮𑌾𑌸𑌾॑ 𑌅𑌸𑍃𑌜𑍍𑌯𑌨𑍍𑌤 𑌸𑌂𑌵𑌁𑌥𑍍𑌸॒𑌰𑍋-𑌽𑌧𑌿॑𑌪𑌤𑌿- [-𑌽𑌧𑌿॑𑌪𑌤𑌿𑌃, 𑌆॒𑌸𑍀॒-𑌤𑍍𑌪॒𑌞𑍍𑌚॒𑌦॒𑌶𑌭𑌿॑𑌰𑌸𑍍𑌤𑍁𑌵𑌤] 18
-𑌰𑌾𑌸𑍀-𑌤𑍍𑌪𑌞𑍍𑌚𑌦॒𑌶𑌭𑌿॑𑌰𑌸𑍍𑌤𑍁𑌵𑌤 𑌕𑍍𑌷॒𑌤𑍍𑌰𑌮॑𑌸𑍃𑌜𑍍𑌯॒𑌤𑍇𑌨𑍍𑌦𑍍𑌰𑍋 𑌽𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸𑌪𑍍𑌤𑌦॒𑌶𑌭𑌿॑𑌰𑌸𑍍𑌤𑍁𑌵𑌤 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤॒ 𑌬𑍃𑌹॒𑌸𑍍𑌪𑌤𑌿॒𑌰𑌧𑌿॑𑌪𑌤𑌿-𑌰𑌾𑌸𑍀𑌨𑍍𑌨𑌵𑌦॒𑌶𑌭𑌿॑-𑌰𑌸𑍍𑌤𑍁𑌵𑌤 𑌶𑍂𑌦𑍍𑌰𑌾॒𑌰𑍍𑌯𑌾𑌵॑𑌸𑍃𑌜𑍍𑌯𑍇𑌤𑌾𑌮𑌹𑍋𑌰𑌾॒𑌤𑍍𑌰𑍇 𑌅𑌧𑌿॑𑌪𑌤𑍍𑌨𑍀 𑌆𑌸𑍍𑌤𑌾॒𑌮𑍇𑌕॑𑌵𑌿𑌗𑍍𑌂 𑌶𑌤𑍍𑌯𑌾-𑌽𑌸𑍍𑌤𑍁𑌵॒𑌤𑍈𑌕॑𑌶𑌫𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤॒ 𑌵𑌰𑍁॒𑌣𑍋 𑌽𑌧𑌿॑𑌪𑌤𑌿𑌰𑌾𑌸𑍀॒-𑌤𑍍𑌤𑍍𑌰𑌯𑍋॑𑌵𑌿𑌗𑍍𑌂𑌶𑌤𑍍𑌯𑌾-𑌽𑌸𑍍𑌤𑍁𑌵𑌤 𑌕𑍍𑌷𑍁॒𑌦𑍍𑌰𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤 𑌪𑍂॒𑌷𑌾 𑌽𑌧𑌿॑𑌪𑌤𑌿𑌰𑌾𑌸𑍀॒-𑌤𑍍𑌪𑌞𑍍𑌚॑𑌵𑌿𑌗𑍍𑌂𑌶𑌤𑍍𑌯𑌾 𑌽𑌸𑍍𑌤𑍁𑌵𑌤𑌾-𑌽𑌽𑌰॒𑌣𑍍𑌯𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤 𑌵𑌾॒𑌯𑍁𑌰𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸॒𑌪𑍍𑌤𑌵𑌿𑌗𑍍𑌂॑𑌶𑌤𑍍𑌯𑌾-𑌽𑌸𑍍𑌤𑍁𑌵𑌤॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑍍𑌯𑍈॑- [𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑌿, 𑌈॒𑌤𑌾𑌂॒-𑌵𑌁𑌸॑𑌵𑍋 𑌰𑍁॒𑌦𑍍𑌰𑌾] 19
-𑌤𑌾𑌂॒-𑌵𑌁𑌸॑𑌵𑍋 𑌰𑍁॒𑌦𑍍𑌰𑌾 𑌆॑𑌦𑌿॒𑌤𑍍𑌯𑌾 𑌅𑌨𑍁॒ 𑌵𑍍𑌯𑌾॑𑌯॒-𑌨𑍍𑌤𑍇𑌷𑌾॒𑌮𑌾𑌧𑌿॑𑌪𑌤𑍍𑌯𑌮𑌾𑌸𑍀॒-𑌨𑍍𑌨𑌵॑𑌵𑌿𑌗𑍍𑌂 𑌶𑌤𑍍𑌯𑌾-𑌽𑌸𑍍𑌤𑍁𑌵𑌤॒ 𑌵𑌨॒𑌸𑍍𑌪𑌤॑𑌯𑍋-𑌽𑌸𑍃𑌜𑍍𑌯𑌨𑍍𑌤॒ 𑌸𑍋𑌮𑍋 𑌽𑌧𑌿॑𑌪𑌤𑌿𑌰𑌾𑌸𑍀॒-𑌦𑍇𑌕॑𑌤𑍍𑌰𑌿𑌗𑍍𑌂𑌶𑌤𑌾 𑌽𑌸𑍍𑌤𑍁𑌵𑌤 𑌪𑍍𑌰॒𑌜𑌾 𑌅॑𑌸𑍃𑌜𑍍𑌯𑌨𑍍𑌤॒ 𑌯𑌾𑌵𑌾॑𑌨𑌾॒-𑌞𑍍𑌚𑌾𑌯𑌾॑𑌵𑌾𑌨𑌾॒-𑌞𑍍𑌚𑌾-𑌽𑌽𑌧𑌿॑𑌪𑌤𑍍𑌯𑌮𑌾𑌸𑍀॒-𑌤𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑌾 𑌽𑌸𑍍𑌤𑍁𑌵𑌤 𑌭𑍂॒𑌤𑌾𑌨𑍍𑌯॑𑌶𑌾𑌮𑍍𑌯-𑌨𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑌰𑌮𑍇॒𑌷𑍍𑌠𑍍𑌯𑌧𑌿॑𑌪𑌤𑌿𑌰𑌾𑌸𑍀𑌤𑍍 ॥ 20 ॥
(𑌸𑌂॒𑌵𑌁॒𑌥𑍍𑌸॒𑌰𑍋-𑌽𑌧𑌿॑𑌪𑌤𑌿॒- 𑌰𑍍𑌵𑌿 - 𑌪𑌞𑍍𑌚॑𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 10)
𑌇॒𑌯𑌮𑍇॒𑌵 𑌸𑌾 𑌯𑌾 𑌪𑍍𑌰॑𑌥॒𑌮𑌾 𑌵𑍍𑌯𑍗𑌚𑍍𑌛॑𑌦॒𑌨𑍍𑌤𑌰॒𑌸𑍍𑌯𑌾-𑌞𑍍𑌚॑𑌰𑌤𑌿॒ 𑌪𑍍𑌰𑌵𑌿॑𑌷𑍍𑌟𑌾 । 𑌵॒𑌧𑍂𑌰𑍍𑌜॑𑌜𑌾𑌨 𑌨𑌵॒𑌗𑌜𑍍𑌜𑌨𑌿॑𑌤𑍍𑌰𑍀॒ 𑌤𑍍𑌰𑌯॑ 𑌏𑌨𑌾-𑌮𑍍𑌮𑌹𑌿॒𑌮𑌾𑌨𑌃॑ 𑌸𑌚𑌨𑍍𑌤𑍇 ॥ 𑌛𑌨𑍍𑌦॑𑌸𑍍𑌵𑌤𑍀 𑌉॒𑌷𑌸𑌾॒ 𑌪𑍇𑌪𑌿॑𑌶𑌾𑌨𑍇 𑌸𑌮𑌾॒𑌨𑌂-𑌯𑍋𑌁𑌨𑌿॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤𑍀 । 𑌸𑍂𑌰𑍍𑌯॑𑌪𑌤𑍍𑌨𑍀॒ 𑌵𑌿 𑌚॑𑌰𑌤𑌃 𑌪𑍍𑌰𑌜𑌾𑌨॒𑌤𑍀 𑌕𑍇॒𑌤𑍁-𑌙𑍍𑌕𑍃॑𑌣𑍍𑌵𑌾॒𑌨𑍇 𑌅॒𑌜𑌰॒ 𑌭𑍂𑌰𑌿॑𑌰𑍇𑌤𑌸𑌾 ॥ 𑌋॒𑌤𑌸𑍍𑌯॒ 𑌪𑌨𑍍𑌥𑌾॒𑌮𑌨𑍁॑ 𑌤𑌿॒𑌸𑍍𑌰 𑌆-𑌽𑌗𑍁॒𑌸𑍍𑌤𑍍𑌰𑌯𑍋॑ 𑌘॒𑌰𑍍𑌮𑌾𑌸𑍋॒ 𑌅𑌨𑍁॒ 𑌜𑍍𑌯𑍋𑌤𑌿॒𑌷𑌾-𑌽𑌽𑌗𑍁𑌃॑ । 𑌪𑍍𑌰॒𑌜𑌾𑌮𑍇𑌕𑌾॒ 𑌰𑌕𑍍𑌷॒𑌤𑍍𑌯𑍂𑌰𑍍𑌜॒𑌮𑍇𑌕𑌾᳚ [ ] 21
𑌵𑍍𑌰॒𑌤𑌮𑍇𑌕𑌾॑ 𑌰𑌕𑍍𑌷𑌤𑌿 𑌦𑍇𑌵𑌯𑍂॒𑌨𑌾𑌮𑍍 ॥ 𑌚॒𑌤𑍁॒𑌷𑍍𑌟𑍋॒𑌮𑍋 𑌅॑𑌭𑌵॒𑌦𑍍𑌯𑌾 𑌤𑍁॒𑌰𑍀𑌯𑌾॑ 𑌯॒𑌜𑍍𑌞𑌸𑍍𑌯॑ 𑌪॒𑌕𑍍𑌷𑌾𑌵𑍃॑𑌷𑌯𑍋॒ 𑌭𑌵॑𑌨𑍍𑌤𑍀 । 𑌗𑌾॒𑌯॒𑌤𑍍𑌰𑍀-𑌨𑍍𑌤𑍍𑌰𑌿॒𑌷𑍍𑌟𑍁𑌭॒-𑌞𑍍𑌜॑𑌗𑌤𑍀𑌮𑌨𑍁॒𑌷𑍍𑌟𑍁𑌭॑-𑌮𑍍𑌬𑍃॒𑌹𑌦॒𑌰𑍍𑌕𑌂-𑌯𑍁𑌁॑𑌞𑍍𑌜𑌾॒𑌨𑌾-𑌸𑍍𑌸𑍁𑌵॒𑌰𑌾-𑌽𑌭॑𑌰𑌨𑍍𑌨𑌿॒𑌦𑌮𑍍 ॥ 𑌪॒𑌞𑍍𑌚𑌭𑌿॑𑌰𑍍𑌧𑌾॒𑌤𑌾 𑌵𑌿 𑌦॑𑌧𑌾𑌵𑌿॒𑌦𑌂-𑌯𑌁-𑌤𑍍𑌤𑌾𑌸𑌾॒𑌗𑍍॒ 𑌸𑍍𑌵𑌸𑍄॑𑌰𑌜𑌨𑌯॒-𑌤𑍍𑌪𑌞𑍍𑌚॑𑌪𑌞𑍍𑌚 । 𑌤𑌾𑌸𑌾॑𑌮𑍁 𑌯𑌨𑍍𑌤𑌿 𑌪𑍍𑌰𑌯॒𑌵𑍇𑌣॒ 𑌪𑌞𑍍𑌚॒ 𑌨𑌾𑌨𑌾॑ 𑌰𑍂॒𑌪𑌾𑌣𑌿॒ 𑌕𑍍𑌰𑌤॑𑌵𑍋॒ 𑌵𑌸𑌾॑𑌨𑌾𑌃 ॥ 𑌤𑍍𑌰𑌿॒𑌗𑍍𑌂॒𑌶-𑌥𑍍𑌸𑍍𑌵𑌸𑌾॑𑌰॒ 𑌉𑌪॑𑌯𑌨𑍍𑌤𑌿 𑌨𑌿𑌷𑍍𑌕𑍃॒𑌤𑌗𑍍𑌂 𑌸॑𑌮𑌾॒𑌨-𑌙𑍍𑌕𑍇॒𑌤𑍁-𑌮𑍍𑌪𑍍𑌰॑𑌤𑌿𑌮𑍁॒𑌞𑍍𑌚𑌮𑌾॑𑌨𑌾𑌃 । 22
𑌋॒𑌤𑍂𑌗𑍍𑌸𑍍𑌤॑𑌨𑍍𑌵𑌤𑍇 𑌕॒𑌵𑌯𑌃॑ 𑌪𑍍𑌰𑌜𑌾𑌨॒𑌤𑍀𑌰𑍍𑌮𑌦𑍍𑌧𑍍𑌯𑍇॑𑌛𑌨𑍍𑌦𑌸𑌃॒ 𑌪𑌰𑌿॑ 𑌯𑌨𑍍𑌤𑌿॒ 𑌭𑌾𑌸𑍍𑌵॑𑌤𑍀𑌃 ॥ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒ 𑌪𑍍𑌰𑌤𑌿॑ 𑌮𑍁𑌞𑍍𑌚𑌤𑍇॒ 𑌨𑌭𑍋॒ 𑌰𑌾𑌤𑍍𑌰𑍀॑ 𑌦𑍇॒𑌵𑍀 𑌸𑍂𑌰𑍍𑌯॑𑌸𑍍𑌯 𑌵𑍍𑌰॒𑌤𑌾𑌨𑌿॑ । 𑌵𑌿 𑌪॑𑌶𑍍𑌯𑌨𑍍𑌤𑌿 𑌪॒𑌶𑌵𑍋॒ 𑌜𑌾𑌯॑𑌮𑌾𑌨𑌾॒ 𑌨𑌾𑌨𑌾॑𑌰𑍂𑌪𑌾 𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇᳚ ॥ 𑌏॒𑌕𑌾॒𑌷𑍍𑌟॒𑌕𑌾 𑌤𑌪॑𑌸𑌾॒ 𑌤𑌪𑍍𑌯॑𑌮𑌾𑌨𑌾 𑌜॒𑌜𑌾𑌨॒ 𑌗𑌰𑍍𑌭॑-𑌮𑍍𑌮𑌹𑌿॒𑌮𑌾𑌨॒𑌮𑌿𑌨𑍍𑌦𑍍𑌰᳚𑌮𑍍 । 𑌤𑍇𑌨॒ 𑌦𑌸𑍍𑌯𑍂॒𑌨𑍍 𑌵𑍍𑌯॑𑌸𑌹𑌨𑍍𑌤 𑌦𑍇॒𑌵𑌾 𑌹॒𑌨𑍍𑌤𑌾-𑌽𑌸𑍁॑𑌰𑌾𑌣𑌾-𑌮𑌭𑌵॒𑌚𑍍𑌛𑌚𑍀॑𑌭𑌿𑌃 ॥ 𑌅𑌨𑌾॑𑌨𑍁𑌜𑌾𑌮𑌨𑍁॒𑌜𑌾-𑌮𑍍𑌮𑌾𑌮॑𑌕𑌰𑍍𑌤 𑌸॒𑌤𑍍𑌯𑌂-𑌵𑌁𑌦॒𑌨𑍍𑌤𑍍𑌯𑌨𑍍𑌵𑌿॑𑌚𑍍𑌛 𑌏॒𑌤𑌤𑍍 । 𑌭𑍂॒𑌯𑌾𑌸॑- [𑌭𑍂॒𑌯𑌾𑌸᳚𑌮𑍍, 𑌅॒𑌸𑍍𑌯॒ 𑌸𑍁॒𑌮॒𑌤𑍗 𑌯𑌥𑌾॑] 23
𑌮𑌸𑍍𑌯 𑌸𑍁𑌮॒𑌤𑍗 𑌯𑌥𑌾॑ 𑌯𑍂॒𑌯𑌮॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮𑌤𑌿॒ 𑌮𑌾 𑌪𑍍𑌰 𑌯𑍁॑𑌕𑍍𑌤 ॥ 𑌅𑌭𑍂॒𑌨𑍍𑌮𑌮॑ 𑌸𑍁𑌮॒𑌤𑍗 𑌵𑌿॒𑌶𑍍𑌵𑌵𑍇॑𑌦𑌾॒ 𑌆𑌷𑍍𑌟॑ 𑌪𑍍𑌰𑌤𑌿॒𑌷𑍍𑌠𑌾𑌮𑌵𑌿॑𑌦॒𑌦𑍍𑌧𑌿 𑌗𑌾॒𑌧𑌮𑍍 । 𑌭𑍂॒𑌯𑌾𑌸॑𑌮𑌸𑍍𑌯 𑌸𑍁𑌮॒𑌤𑍗 𑌯𑌥𑌾॑ 𑌯𑍂॒𑌯𑌮॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮𑌤𑌿॒ 𑌮𑌾 𑌪𑍍𑌰𑌯𑍁॑𑌕𑍍𑌤 ॥ 𑌪𑌞𑍍𑌚॒ 𑌵𑍍𑌯𑍁॑𑌷𑍍𑌟𑍀॒𑌰𑌨𑍁॒ 𑌪𑌞𑍍𑌚॒ 𑌦𑍋𑌹𑌾॒ 𑌗𑌾-𑌮𑍍𑌪𑌞𑍍𑌚॑𑌨𑌾𑌮𑍍𑌨𑍀𑌮𑍃॒𑌤𑌵𑍋-𑌽𑌨𑍁॒ 𑌪𑌞𑍍𑌚॑ । 𑌪𑌞𑍍𑌚॒ 𑌦𑌿𑌶𑌃॑ 𑌪𑌞𑍍𑌚𑌦॒𑌶𑍇𑌨॑ 𑌕𑍢॒𑌪𑍍𑌤𑌾-𑌸𑍍𑌸॑𑌮𑌾॒𑌨𑌮𑍂᳚𑌰𑍍𑌧𑍍𑌨𑍀𑌰॒𑌭𑌿 𑌲𑍋॒𑌕𑌮𑍇𑌕᳚𑌮𑍍 ॥ 24 ॥
𑌋॒𑌤𑌸𑍍𑌯॒ 𑌗𑌰𑍍𑌭𑌃॑ 𑌪𑍍𑌰𑌥॒𑌮𑌾 𑌵𑍍𑌯𑍂॒𑌷𑍁𑌷𑍍𑌯॒𑌪𑌾𑌮𑍇𑌕𑌾॑ 𑌮𑌹𑌿॒𑌮𑌾𑌨॑-𑌮𑍍𑌬𑌿𑌭𑌰𑍍𑌤𑌿 । 𑌸𑍂𑌰𑍍𑌯॒𑌸𑍍𑌯𑍈𑌕𑌾॒ 𑌚𑌰॑𑌤𑌿 𑌨𑌿𑌷𑍍𑌕𑍃॒𑌤𑍇𑌷𑍁॑ 𑌘॒𑌰𑍍𑌮𑌸𑍍𑌯𑍈𑌕𑌾॑ 𑌸𑌵𑌿॒𑌤𑍈𑌕𑌾॒-𑌨𑍍𑌨𑌿 𑌯॑𑌚𑍍𑌛𑌤𑌿 ॥ 𑌯𑌾 𑌪𑍍𑌰॑𑌥॒𑌮𑌾 𑌵𑍍𑌯𑍗𑌚𑍍𑌛॒-𑌥𑍍𑌸𑌾 𑌧𑍇॒𑌨𑍁𑌰॑𑌭𑌵𑌦𑍍𑌯॒𑌮𑍇 । 𑌸𑌾 𑌨𑌃॒ 𑌪𑌯॑𑌸𑍍𑌵𑌤𑍀 𑌧𑍁॒𑌕𑍍𑌷𑍍𑌵𑍋𑌤𑍍𑌤॑𑌰𑌾𑌮𑍁𑌤𑍍𑌤𑌰𑌾॒𑌗𑍍𑌂॒ 𑌸𑌮𑌾᳚𑌮𑍍 ॥ 𑌶𑍁॒𑌕𑍍𑌰𑌰𑍍𑌷॑𑌭𑌾॒ 𑌨𑌭॑𑌸𑌾॒ 𑌜𑍍𑌯𑍋𑌤𑌿॒𑌷𑌾 𑌽𑌽𑌗𑌾᳚-𑌦𑍍𑌵𑌿॒𑌶𑍍𑌵𑌰𑍂॑𑌪𑌾 𑌶𑌬॒𑌲𑍀𑌰॒𑌗𑍍𑌨𑌿𑌕𑍇॑𑌤𑍁𑌃 । 𑌸॒𑌮𑌾॒𑌨𑌮𑌰𑍍𑌥𑌗𑍍𑌗𑍍॑ 𑌸𑍍𑌵𑌪॒𑌸𑍍𑌯𑌮𑌾॑𑌨𑌾॒ 𑌬𑌿𑌭𑍍𑌰॑𑌤𑍀 𑌜॒𑌰𑌾𑌮॑𑌜𑌰 𑌉𑌷॒ 𑌆-𑌽𑌗𑌾𑌃᳚ ॥ 𑌋॒𑌤𑍂॒𑌨𑌾-𑌮𑍍𑌪𑌤𑍍𑌨𑍀᳚ 𑌪𑍍𑌰𑌥॒𑌮𑍇𑌯𑌮𑌾-𑌽𑌗𑌾॒𑌦𑌹𑍍𑌨𑌾᳚-𑌨𑍍𑌨𑍇॒𑌤𑍍𑌰𑍀 𑌜॑𑌨𑌿॒𑌤𑍍𑌰𑍀 𑌪𑍍𑌰॒𑌜𑌾𑌨𑌾᳚𑌮𑍍 । 𑌏𑌕𑌾॑ 𑌸॒𑌤𑍀 𑌬॑𑌹𑍁॒𑌧𑍋𑌷𑍋॒ 𑌵𑍍𑌯𑍁॑𑌚𑍍𑌛॒𑌸𑍍𑌯𑌜𑍀᳚𑌰𑍍𑌣𑌾॒ 𑌤𑍍𑌵-𑌞𑍍𑌜॑𑌰𑌯𑌸𑌿॒ 𑌸𑌰𑍍𑌵॑𑌮॒𑌨𑍍𑌯𑌤𑍍 ॥ 25 ॥
(𑌊𑌰𑍍𑌜॒𑌮𑍇𑌕𑌾᳚ - 𑌪𑍍𑌰𑌤𑌿𑌮𑍁॒𑌞𑍍𑌚𑌮𑌾॑𑌨𑌾 - 𑌭𑍂॒𑌯𑌾𑌸॒ - 𑌮𑍇𑌕𑌂॒ - 𑌪𑌤𑍍𑌨𑍍𑌯𑍇 𑌕𑌾॒𑌨𑍍𑌨 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 11)
𑌅𑌗𑍍𑌨𑍇॑ 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 । 𑌅॒𑌸𑍍𑌮𑍇 𑌦𑍀॑𑌦𑌿𑌹𑌿 𑌸𑍁॒𑌮𑌨𑌾॒ 𑌅𑌹𑍇॑𑌡॒-𑌨𑍍𑌤𑌵॑ 𑌸𑍍𑌯𑌾॒𑌗𑍍𑌂॒ 𑌶𑌰𑍍𑌮॑-𑌨𑍍𑌤𑍍𑌰𑌿॒𑌵𑌰𑍂॑𑌥 𑌉॒𑌦𑍍𑌭𑌿𑌤𑍍 ॥ 𑌸𑌹॑𑌸𑌾 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 । 𑌅𑌧𑌿॑ 𑌨𑍋 𑌬𑍍𑌰𑍂𑌹𑌿 𑌸𑍁𑌮𑌨॒𑌸𑍍𑌯𑌮𑌾॑𑌨𑍋 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾𑌨𑍍॑ ॥ 𑌚॒𑌤𑍁॒𑌶𑍍𑌚॒𑌤𑍍𑌵𑌾॒𑌰𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮𑍋॒ 𑌵𑌰𑍍𑌚𑍋॒ 𑌦𑍍𑌰𑌵𑌿॑𑌣𑌗𑍍𑌂 𑌷𑍋𑌡॒𑌶-𑌸𑍍𑌸𑍍𑌤𑍋𑌮॒ 𑌓𑌜𑍋॒ 𑌦𑍍𑌰𑌵𑌿॑𑌣-𑌮𑍍𑌪𑍃𑌥𑌿॒𑌵𑍍𑌯𑌾𑌃 𑌪𑍁𑌰𑍀॑𑌷𑌮॒- [𑌪𑍁𑌰𑍀॑𑌷𑌮𑌸𑌿, 𑌅𑌫𑍍𑌸𑍋॒ 𑌨𑌾𑌮॑ ।] 26
-𑌸𑍍𑌯𑌫𑍍𑌸𑍋॒ 𑌨𑌾𑌮॑ । 𑌏𑌵॒ 𑌶𑍍𑌛𑌨𑍍𑌦𑍋॒ 𑌵𑌰𑌿॑𑌵॒ 𑌶𑍍𑌛𑌨𑍍𑌦𑌃॑ 𑌶॒𑌭𑍂𑌂 𑌶𑍍𑌛𑌨𑍍𑌦𑌃॑ 𑌪𑌰𑌿॒𑌭𑍂 𑌶𑍍𑌛𑌨𑍍𑌦॑ 𑌆॒𑌚𑍍𑌛𑌚𑍍𑌛𑌨𑍍𑌦𑍋॒ 𑌮𑌨॒ 𑌶𑍍𑌛𑌨𑍍𑌦𑍋॒ 𑌵𑍍𑌯𑌚॒ 𑌶𑍍𑌛𑌨𑍍𑌦॒-𑌸𑍍𑌸𑌿𑌨𑍍𑌧𑍁॒ 𑌶𑍍𑌛𑌨𑍍𑌦𑌃॑ 𑌸𑌮𑍁॒𑌦𑍍𑌰-𑌞𑍍𑌛𑌨𑍍𑌦𑌃॑ 𑌸𑌲𑌿॒𑌲-𑌞𑍍𑌛𑌨𑍍𑌦𑌃॑ 𑌸𑌂॒𑌯𑌁𑌚𑍍𑌛𑌨𑍍𑌦𑍋॑ 𑌵𑌿॒𑌯𑌚𑍍𑌛𑌨𑍍𑌦𑍋॑ 𑌬𑍃॒𑌹𑌚𑍍𑌛𑌨𑍍𑌦𑍋॑ 𑌰𑌥𑌨𑍍𑌤॒𑌰-𑌞𑍍𑌛𑌨𑍍𑌦𑍋॑ 𑌨𑌿𑌕𑌾॒𑌯 𑌶𑍍𑌛𑌨𑍍𑌦𑍋॑ 𑌵𑌿𑌵॒𑌧 𑌶𑍍𑌛𑌨𑍍𑌦𑍋॒ 𑌗𑌿𑌰॒ 𑌶𑍍𑌛𑌨𑍍𑌦𑍋॒ 𑌭𑍍𑌰𑌜॒ 𑌶𑍍𑌛𑌨𑍍𑌦𑌃॑ 𑌸॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌕॒𑌕𑍁𑌚𑍍𑌛𑌨𑍍𑌦॑ 𑌸𑍍𑌤𑍍𑌰𑌿𑌕॒𑌕𑍁𑌚𑍍𑌛𑌨𑍍𑌦𑌃॑ 𑌕𑌾॒𑌵𑍍𑌯-𑌞𑍍𑌛𑌨𑍍𑌦𑍋᳚ -𑌽𑌙𑍍𑌕𑍁॒𑌪-𑌞𑍍𑌛𑌨𑍍𑌦𑌃॑ [-𑌽𑌙𑍍𑌕𑍁॒𑌪-𑌞𑍍𑌛𑌨𑍍𑌦𑌃॑, 𑌪॒𑌦𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॒] 27
𑌪॒𑌦𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॒ 𑌽𑌕𑍍𑌷𑌰॑𑌪𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॑ 𑌵𑌿𑌷𑍍𑌟𑌾॒𑌰𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑌃॑ 𑌕𑍍𑌷𑍁॒𑌰𑍋 𑌭𑍃𑌜𑍍𑌵𑌾॒𑌞𑍍𑌛𑌨𑍍𑌦𑌃॑ 𑌪𑍍𑌰॒𑌚𑍍𑌛𑌚𑍍𑌛𑌨𑍍𑌦𑌃॑ 𑌪॒𑌕𑍍𑌷 𑌶𑍍𑌛𑌨𑍍𑌦॒ 𑌏𑌵॒ 𑌶𑍍𑌛𑌨𑍍𑌦𑍋॒ 𑌵𑌰𑌿॑𑌵॒ 𑌶𑍍𑌛𑌨𑍍𑌦𑍋॒ 𑌵𑌯॒ 𑌶𑍍𑌛𑌨𑍍𑌦𑍋॑ 𑌵𑌯॒𑌸𑍍𑌕𑍃𑌚𑍍𑌛𑌨𑍍𑌦𑍋॑ 𑌵𑌿𑌶𑌾॒𑌲-𑌞𑍍𑌛𑌨𑍍𑌦𑍋॒ 𑌵𑌿𑌷𑍍𑌪॑𑌰𑍍𑌧𑌾॒ 𑌶𑍍𑌛𑌨𑍍𑌦॑ 𑌶𑍍𑌛॒𑌦𑌿 𑌶𑍍𑌛𑌨𑍍𑌦𑍋॑ 𑌦𑍂𑌰𑍋𑌹॒𑌣-𑌞𑍍𑌛𑌨𑍍𑌦॑𑌸𑍍𑌤॒𑌨𑍍𑌦𑍍𑌰-𑌞𑍍𑌛𑌨𑍍𑌦𑍋᳚ 𑌽𑌙𑍍𑌕𑌾॒𑌙𑍍𑌕-𑌞𑍍𑌛𑌨𑍍𑌦𑌃॑ ॥ 28 ॥
(𑌅॒𑌸𑍍𑌯॒ - 𑌙𑍍𑌕𑍁॒𑌪𑌞𑍍𑌛𑌨𑍍𑌦॒ - 𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 12)
𑌅॒𑌗𑍍𑌨𑌿𑌰𑍍𑌵𑍃॒𑌤𑍍𑌰𑌾𑌣𑌿॑ 𑌜𑌙𑍍𑌘𑌨-𑌦𑍍𑌦𑍍𑌰𑌵𑌿𑌣॒𑌸𑍍𑌯𑍁𑌰𑍍𑌵𑌿॑𑌪॒𑌨𑍍𑌯𑌯𑌾᳚ । 𑌸𑌮𑌿॑𑌦𑍍𑌧-𑌶𑍍𑌶𑍁॒𑌕𑍍𑌰 𑌆𑌹𑍁॑𑌤𑌃 ॥ 𑌤𑍍𑌵𑌗𑍍𑌂 𑌸𑍋॑𑌮𑌾𑌸𑌿॒ 𑌸𑌤𑍍𑌪॑𑌤𑌿॒𑌸𑍍𑌤𑍍𑌵𑌗𑍍𑌂 𑌰𑌾𑌜𑍋॒𑌤 𑌵𑍃॑𑌤𑍍𑌰॒𑌹𑌾 । 𑌤𑍍𑌵-𑌮𑍍𑌭॒𑌦𑍍𑌰𑍋 𑌅॑𑌸𑌿॒ 𑌕𑍍𑌰𑌤𑍁𑌃॑ ॥ 𑌭॒𑌦𑍍𑌰𑌾 𑌤𑍇॑ 𑌅𑌗𑍍𑌨𑍇 𑌸𑍍𑌵𑌨𑍀𑌕 𑌸॒𑌦𑍃𑌙𑍍𑌗𑍍𑌘𑍋॒𑌰𑌸𑍍𑌯॑ 𑌸॒𑌤𑍋 𑌵𑌿𑌷𑍁॑𑌣𑌸𑍍𑌯॒ 𑌚𑌾𑌰𑍁𑌃॑ । 𑌨 𑌯-𑌤𑍍𑌤𑍇॑ 𑌶𑍋॒𑌚𑌿𑌸𑍍𑌤𑌮॑𑌸𑌾॒ 𑌵𑌰॑𑌨𑍍𑌤॒ 𑌨 𑌧𑍍𑌵॒𑌸𑍍𑌮𑌾𑌨॑𑌸𑍍𑌤॒𑌨𑍁𑌵𑌿॒ 𑌰𑍇𑌪॒ 𑌆 𑌧𑍁𑌃॑ ॥ 𑌭॒𑌦𑍍𑌰-𑌨𑍍𑌤𑍇॑ 𑌅𑌗𑍍𑌨𑍇 𑌸𑌹𑌸𑌿॒𑌨𑍍𑌨𑌨𑍀॑𑌕𑌮𑍁𑌪𑌾॒𑌕 𑌆 𑌰𑍋॑𑌚𑌤𑍇॒ 𑌸𑍂𑌰𑍍𑌯॑𑌸𑍍𑌯 । 29
𑌰𑍁𑌶॑-𑌦𑍍𑌦𑍃॒𑌶𑍇 𑌦॑𑌦𑍃𑌶𑍇 𑌨𑌕𑍍𑌤॒𑌯𑌾 𑌚𑌿॒𑌦𑌰𑍂᳚𑌕𑍍𑌷𑌿𑌤-𑌨𑍍𑌦𑍃॒𑌶 𑌆 𑌰𑍂॒𑌪𑍇 𑌅𑌨𑍍𑌨᳚𑌮𑍍 ॥ 𑌸𑍈𑌨𑌾-𑌽𑌨𑍀॑𑌕𑍇𑌨 𑌸𑍁𑌵𑌿॒𑌦𑌤𑍍𑌰𑍋॑ 𑌅॒𑌸𑍍𑌮𑍇 𑌯𑌷𑍍𑌟𑌾॑ 𑌦𑍇॒𑌵𑌾𑌗𑍍𑌂 𑌆𑌯॑𑌜𑌿𑌷𑍍𑌠-𑌸𑍍𑌸𑍍𑌵॒𑌸𑍍𑌤𑌿 । 𑌅𑌦॑𑌬𑍍𑌧𑍋 𑌗𑍋॒𑌪𑌾 𑌉॒𑌤 𑌨𑌃॑ 𑌪𑌰॒𑌸𑍍𑌪𑌾 𑌅𑌗𑍍𑌨𑍇᳚ 𑌦𑍍𑌯𑍁॒𑌮𑌦𑍁॒𑌤 𑌰𑍇॒𑌵-𑌦𑍍𑌦𑌿॑𑌦𑍀𑌹𑌿 ॥ 𑌸𑍍𑌵॒𑌸𑍍𑌤𑌿 𑌨𑍋॑ 𑌦𑌿॒𑌵𑍋 𑌅॑𑌗𑍍𑌨𑍇 𑌪𑍃𑌥𑌿॒𑌵𑍍𑌯𑌾 𑌵𑌿॒𑌶𑍍𑌵𑌾𑌯𑍁॑𑌰𑍍𑌧𑍇𑌹𑌿 𑌯॒𑌜𑌥𑌾॑𑌯 𑌦𑍇𑌵 । 𑌯-𑌥𑍍𑌸𑍀॒𑌮𑌹𑌿॑ 𑌦𑌿𑌵𑌿𑌜𑌾𑌤॒ 𑌪𑍍𑌰𑌶॑𑌸𑍍𑌤॒-𑌨𑍍𑌤𑌦॒𑌸𑍍𑌮𑌾𑌸𑍁॒ 𑌦𑍍𑌰𑌵𑌿॑𑌣-𑌨𑍍𑌧𑍇𑌹𑌿 𑌚𑌿॒𑌤𑍍𑌰𑌮𑍍 ॥ 𑌯𑌥𑌾॑ 𑌹𑍋𑌤॒𑌰𑍍𑌮𑌨𑍁॑𑌷𑍋 [𑌹𑍋𑌤॒𑌰𑍍𑌮𑌨𑍁॑𑌷𑌃, 𑌦𑍇॒𑌵𑌤𑌾॑𑌤𑌾] 30
𑌦𑍇॒𑌵𑌤𑌾॑𑌤𑌾 𑌯॒𑌜𑍍𑌞𑍇𑌭𑌿𑌃॑ 𑌸𑍂𑌨𑍋 𑌸𑌹𑌸𑍋॒ 𑌯𑌜𑌾॑𑌸𑌿 । 𑌏॒𑌵𑌾 𑌨𑍋॑ 𑌅॒𑌦𑍍𑌯 𑌸॑𑌮॒𑌨𑌾 𑌸॑𑌮𑌾॒𑌨𑌾𑌨𑍁॒-𑌶𑌨𑍍𑌨॑𑌗𑍍𑌨 𑌉𑌶॒𑌤𑍋 𑌯॑𑌕𑍍𑌷𑌿 𑌦𑍇॒𑌵𑌾𑌨𑍍 ॥ 𑌅॒𑌗𑍍𑌨𑌿𑌮𑍀॑𑌡𑍇 𑌪𑍁॒𑌰𑍋𑌹𑌿॑𑌤𑌂-𑌯𑌁॒𑌜𑍍𑌞𑌸𑍍𑌯॑ 𑌦𑍇॒𑌵𑌮𑍃॒𑌤𑍍𑌵𑌿𑌜᳚𑌮𑍍 । 𑌹𑍋𑌤𑌾॑𑌰𑌗𑍍𑌂 𑌰𑌤𑍍𑌨॒𑌧𑌾𑌤॑𑌮𑌮𑍍 ॥ 𑌵𑍃𑌷𑌾॑ 𑌸𑍋𑌮 𑌦𑍍𑌯𑍁॒𑌮𑌾𑌗𑍍𑌂 𑌅॑𑌸𑌿॒ 𑌵𑍃𑌷𑌾॑ 𑌦𑍇𑌵॒ 𑌵𑍃𑌷॑𑌵𑍍𑌰𑌤𑌃 । 𑌵𑍃𑌷𑌾॒ 𑌧𑌰𑍍𑌮𑌾॑𑌣𑌿 𑌦𑌧𑌿𑌷𑍇 ॥ 𑌸𑌾𑌨𑍍𑌤॑𑌪𑌨𑌾 𑌇॒𑌦𑌗𑍍𑌂 𑌹॒𑌵𑌿𑌰𑍍𑌮𑌰𑍁॑𑌤॒𑌸𑍍𑌤𑌜𑍍𑌜𑍁॑𑌜𑍁𑌷𑍍𑌟𑌨 । 𑌯𑍁॒𑌷𑍍𑌮𑌾𑌕𑍋॒𑌤𑍀 𑌰𑌿॑𑌶𑌾𑌦𑌸𑌃 ॥ 𑌯𑍋 𑌨𑍋॒ 𑌮𑌰𑍍𑌤𑍋॑ 𑌵𑌸𑌵𑍋 𑌦𑍁𑌰𑍍𑌹𑍃𑌣𑌾॒𑌯𑍁𑌸𑍍𑌤𑌿॒𑌰-𑌸𑍍𑌸॒𑌤𑍍𑌯𑌾𑌨𑌿॑ 𑌮𑌰𑍁𑌤𑍋॒ [𑌮𑌰𑍁𑌤𑌃, 𑌜𑌿𑌘𑌾𑌗𑍍𑌂॑𑌸𑌾𑌤𑍍 ।] 31
𑌜𑌿𑌘𑌾𑌗𑍍𑌂॑𑌸𑌾𑌤𑍍 । 𑌦𑍍𑌰𑍁॒𑌹𑌃 𑌪𑌾𑌶॒-𑌮𑍍𑌪𑍍𑌰𑌤𑌿॒ 𑌸 𑌮𑍁॑𑌚𑍀𑌷𑍍𑌟॒ 𑌤𑌪𑌿॑𑌷𑍍𑌠𑍇𑌨॒ 𑌤𑌪॑𑌸𑌾 𑌹𑌨𑍍𑌤𑌨𑌾॒ 𑌤𑌮𑍍 ॥ 𑌸𑌂॒𑌵𑌁॒𑌥𑍍𑌸॒𑌰𑍀𑌣𑌾॑ 𑌮॒𑌰𑍁𑌤𑌃॑ 𑌸𑍍𑌵॒𑌰𑍍𑌕𑌾 𑌉॑𑌰𑍁॒𑌕𑍍𑌷𑌯𑌾॒-𑌸𑍍𑌸𑌗॑𑌣𑌾॒ 𑌮𑌾𑌨𑍁॑𑌷𑍇𑌷𑍁 । 𑌤𑍇᳚-𑌽𑌸𑍍𑌮-𑌤𑍍𑌪𑌾𑌶𑌾॒-𑌨𑍍𑌪𑍍𑌰 𑌮𑍁॑𑌞𑍍𑌚॒𑌨𑍍𑌤𑍍𑌵𑌗𑍍𑌂𑌹॑𑌸-𑌸𑍍𑌸𑌾𑌨𑍍𑌤𑌪॒𑌨𑌾 𑌮॑𑌦𑌿॒𑌰𑌾 𑌮𑌾॑𑌦𑌯𑌿॒𑌷𑍍𑌣𑌵𑌃॑ ॥ 𑌪𑌿॒𑌪𑍍𑌰𑍀॒𑌹𑌿 𑌦𑍇॒𑌵𑌾𑌗𑍍𑌂 𑌉॑𑌶॒𑌤𑍋 𑌯॑𑌵𑌿𑌷𑍍𑌠 𑌵𑌿॒𑌦𑍍𑌵𑌾𑌗𑍍𑌂 𑌋॒𑌤𑍂𑌗𑍍𑌂𑌰𑍍-𑌋॑𑌤𑍁𑌪𑌤𑍇 𑌯𑌜𑍇॒𑌹 । 𑌯𑍇 𑌦𑍈𑌵𑍍𑌯𑌾॑ 𑌋॒𑌤𑍍𑌵𑌿𑌜॒𑌸𑍍𑌤𑍇𑌭𑌿॑𑌰𑌗𑍍𑌨𑍇॒ 𑌤𑍍𑌵𑌗𑍍𑌂 𑌹𑍋𑌤𑍄॑𑌣𑌾𑌮॒𑌸𑍍𑌯𑌾𑌯॑𑌜𑌿𑌷𑍍𑌠𑌃 ॥ 𑌅𑌗𑍍𑌨𑍇॒ 𑌯𑌦॒𑌦𑍍𑌯 𑌵𑌿॒𑌶𑍋 𑌅॑𑌦𑍍𑌧𑍍𑌵𑌰𑌸𑍍𑌯 𑌹𑍋𑌤𑌃॒ 𑌪𑌾𑌵॑𑌕 [𑌪𑌾𑌵॑𑌕, 𑌶𑍋॒𑌚𑍇॒ 𑌵𑍇𑌷𑍍𑌟𑍍𑌵𑌗𑍍𑌂 𑌹𑌿] 32
𑌶𑍋𑌚𑍇॒ 𑌵𑍇𑌷𑍍𑌟𑍍𑌵𑌗𑍍𑌂 𑌹𑌿 𑌯𑌜𑍍𑌵𑌾᳚ । 𑌋॒𑌤𑌾 𑌯॑𑌜𑌾𑌸𑌿 𑌮𑌹𑌿॒𑌨𑌾 𑌵𑌿 𑌯𑌦𑍍𑌭𑍂𑌰𑍍𑌹॒𑌵𑍍𑌯𑌾 𑌵॑𑌹 𑌯𑌵𑌿𑌷𑍍𑌠॒ 𑌯𑌾 𑌤𑍇॑ 𑌅॒𑌦𑍍𑌯 ॥ 𑌅॒𑌗𑍍𑌨𑌿𑌨𑌾॑ 𑌰॒𑌯𑌿-𑌮॑𑌶𑍍𑌞𑌵॒-𑌤𑍍𑌪𑍋𑌷॑𑌮𑍇॒𑌵 𑌦𑌿॒𑌵𑍇𑌦𑌿॑𑌵𑍇 । 𑌯॒𑌶𑌸𑌂॑-𑌵𑍀𑌁॒𑌰𑌵॑𑌤𑍍𑌤𑌮𑌮𑍍 ॥ 𑌗॒𑌯॒𑌸𑍍𑌫𑌾𑌨𑍋॑ 𑌅𑌮𑍀𑌵॒𑌹𑌾 𑌵॑𑌸𑍁॒𑌵𑌿-𑌤𑍍𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌃 । 𑌸𑍁॒𑌮𑌿॒𑌤𑍍𑌰-𑌸𑍍𑌸𑍋॑𑌮 𑌨𑍋 𑌭𑌵 ॥ 𑌗𑍃𑌹॑𑌮𑍇𑌧𑌾𑌸॒ 𑌆 𑌗॑𑌤॒ 𑌮𑌰𑍁॑𑌤𑍋॒ 𑌮𑌾-𑌽𑌪॑ 𑌭𑍂𑌤𑌨 । 𑌪𑍍𑌰॒𑌮𑍁॒𑌞𑍍𑌚𑌨𑍍𑌤𑍋॑ 𑌨𑍋॒ 𑌅𑌗𑍍𑌂𑌹॑𑌸𑌃 ॥ 𑌪𑍂॒𑌰𑍍𑌵𑍀𑌭𑌿॒𑌰𑍍॒𑌹𑌿 𑌦॑𑌦𑌾𑌶𑌿॒𑌮 𑌶॒𑌰𑌦𑍍𑌭𑌿॑𑌰𑍍𑌮𑌰𑍁𑌤𑍋 𑌵॒𑌯𑌮𑍍 । 𑌮𑌹𑍋॑𑌭𑌿- [𑌮𑌹𑍋॑𑌭𑌿𑌃, 𑌚॒𑌰𑍍॒𑌷॒𑌣𑍀॒𑌨𑌾𑌮𑍍 ।] 33
-𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 ॥ 𑌪𑍍𑌰𑌬𑍁॒𑌦𑍍𑌧𑍍𑌨𑌿𑌯𑌾॑ 𑌈𑌰𑌤𑍇 𑌵𑍋॒ 𑌮𑌹𑌾𑌗𑍍𑌂॑𑌸𑌿॒ 𑌪𑍍𑌰𑌣𑌾𑌮𑌾॑𑌨𑌿 𑌪𑍍𑌰𑌯𑌜𑍍𑌯𑌵𑌸𑍍𑌤𑌿𑌰𑌦𑍍𑌧𑍍𑌵𑌮𑍍 । 𑌸॒𑌹॒𑌸𑍍𑌰𑌿𑌯॒-𑌨𑍍𑌦𑌮𑍍𑌯॑-𑌮𑍍𑌭𑌾॒𑌗𑌮𑍇॒𑌤-𑌙𑍍𑌗𑍃॑𑌹𑌮𑍇॒𑌧𑍀𑌯॑-𑌮𑍍𑌮𑌰𑍁𑌤𑍋 𑌜𑍁𑌷𑌦𑍍𑌧𑍍𑌵𑌮𑍍 ॥ 𑌉𑌪॒ 𑌯𑌮𑍇𑌤𑌿॑ 𑌯𑍁𑌵॒𑌤𑌿-𑌸𑍍𑌸𑍁॒𑌦𑌕𑍍𑌷॑-𑌨𑍍𑌦𑍋॒𑌷𑌾 𑌵𑌸𑍍𑌤𑍋𑌰𑍍॑. 𑌹॒𑌵𑌿𑌷𑍍𑌮॑𑌤𑍀 𑌘𑍃॒𑌤𑌾𑌚𑍀᳚ । 𑌉𑌪॒ 𑌸𑍍𑌵𑍈𑌨॑𑌮॒𑌰𑌮॑𑌤𑌿𑌰𑍍𑌵-𑌸𑍂॒𑌯𑍁𑌃 ॥ 𑌇॒𑌮𑍋 𑌅॑𑌗𑍍𑌨𑍇 𑌵𑍀॒𑌤𑌤॑𑌮𑌾𑌨𑌿 𑌹॒𑌵𑍍𑌯𑌾 𑌽𑌜॑𑌸𑍍𑌰𑍋 𑌵𑌕𑍍𑌷𑌿 𑌦𑍇॒𑌵𑌤𑌾॑𑌤𑌿॒𑌮𑌚𑍍𑌛॑ । 𑌪𑍍𑌰𑌤𑌿॑ 𑌨 𑌈𑌗𑍍𑌂 𑌸𑍁𑌰॒𑌭𑍀𑌣𑌿॑ 𑌵𑌿𑌯𑌨𑍍𑌤𑍁 ॥ 𑌕𑍍𑌰𑍀॒𑌡𑌂-𑌵𑌁॒-𑌶𑍍𑌶𑌰𑍍𑌧𑍋॒ 𑌮𑌾𑌰𑍁॑𑌤𑌮𑌨॒𑌰𑍍𑌵𑌾𑌣𑌗𑍍𑌂॑ 𑌰𑌥𑍇॒𑌶𑍁𑌭᳚𑌮𑍍 । 34
𑌕𑌣𑍍𑌵𑌾॑ 𑌅॒𑌭𑌿 𑌪𑍍𑌰 𑌗𑌾॑𑌯𑌤 ॥ 𑌅𑌤𑍍𑌯𑌾॑𑌸𑍋॒ 𑌨 𑌯𑍇 𑌮॒𑌰𑍁𑌤॒-𑌸𑍍𑌸𑍍𑌵𑌞𑍍𑌚𑍋॑ 𑌯𑌕𑍍𑌷॒𑌦𑍃𑌶𑍋॒ 𑌨 𑌶𑍁॒𑌭𑌯॑𑌨𑍍𑌤॒ 𑌮𑌰𑍍𑌯𑌾𑌃᳚ । 𑌤𑍇 𑌹॑𑌰𑍍𑌮𑍍𑌯𑍇॒𑌷𑍍𑌠𑌾-𑌶𑍍𑌶𑌿𑌶॑𑌵𑍋॒ 𑌨 𑌶𑍁॒𑌭𑍍𑌰𑌾 𑌵॒𑌥𑍍𑌸𑌾𑌸𑍋॒ 𑌨 𑌪𑍍𑌰॑𑌕𑍍𑌰𑍀॒𑌡𑌿𑌨𑌃॑ 𑌪𑌯𑍋॒𑌧𑌾𑌃 ॥ 𑌪𑍍𑌰𑍈𑌷𑌾॒𑌮𑌜𑍍𑌮𑍇॑𑌷𑍁 𑌵𑌿𑌥𑍁॒𑌰𑍇𑌵॑ 𑌰𑍇𑌜𑌤𑍇॒ 𑌭𑍂𑌮𑌿॒𑌰𑍍𑌯𑌾𑌮𑍇॑𑌷𑍁॒ 𑌯𑌦𑍍𑌧॑ 𑌯𑍁॒𑌞𑍍𑌜𑌤𑍇॑ 𑌶𑍁॒𑌭𑍇 । 𑌤𑍇 𑌕𑍍𑌰𑍀॒𑌡𑌯𑍋॒ 𑌧𑍁𑌨॑𑌯𑍋॒ 𑌭𑍍𑌰𑌾𑌜॑𑌦𑍃𑌷𑍍𑌟𑌯-𑌸𑍍𑌸𑍍𑌵॒𑌯-𑌮𑍍𑌮॑𑌹𑌿॒𑌤𑍍𑌵-𑌮𑍍𑌪॑𑌨𑌯𑌨𑍍𑌤॒ 𑌧𑍂𑌤॑𑌯𑌃 ॥ 𑌉॒𑌪॒𑌹𑍍𑌵॒𑌰𑍇𑌷𑍁॒ 𑌯𑌦𑌚𑌿॑𑌦𑍍𑌧𑍍𑌵𑌂-𑌯𑌁॒𑌯𑌿𑌂-𑌵𑌁𑌯॑ 𑌇𑌵 𑌮𑌰𑍁𑌤𑌃॒ 𑌕𑍇𑌨॑ [𑌕𑍇𑌨॑, 𑌚𑌿॒-𑌤𑍍𑌪॒𑌥𑌾 ।] 35
𑌚𑌿-𑌤𑍍𑌪॒𑌥𑌾 । 𑌶𑍍𑌚𑍋𑌤॑𑌨𑍍𑌤𑌿॒ 𑌕𑍋𑌶𑌾॒ 𑌉𑌪॑ 𑌵𑍋॒ 𑌰𑌥𑍇॒𑌷𑍍𑌵𑌾 𑌘𑍃॒𑌤𑌮𑍁॑𑌕𑍍𑌷𑌤𑌾॒ 𑌮𑌧𑍁॑𑌵𑌰𑍍𑌣॒𑌮𑌰𑍍𑌚॑𑌤𑍇 ॥ 𑌅॒𑌗𑍍𑌨𑌿𑌮॑𑌗𑍍𑌨𑌿॒𑌗𑍍𑌂॒ 𑌹𑌵𑍀॑𑌮𑌭𑌿॒-𑌸𑍍𑌸𑌦𑌾॑ 𑌹𑌵𑌨𑍍𑌤 𑌵𑌿॒𑌶𑍍𑌪𑌤𑌿᳚𑌮𑍍 । 𑌹॒𑌵𑍍𑌯॒𑌵𑌾𑌹॑-𑌮𑍍𑌪𑍁𑌰𑍁𑌪𑍍𑌰𑌿॒𑌯𑌮𑍍 ॥ 𑌤𑌗𑍍𑌂 𑌹𑌿 𑌶𑌶𑍍𑌵॑𑌨𑍍𑌤॒ 𑌈𑌡॑𑌤𑍇 𑌸𑍍𑌰𑍁॒𑌚𑌾 𑌦𑍇॒𑌵-𑌙𑍍𑌘𑍃॑𑌤॒𑌶𑍍𑌚𑍁𑌤𑌾᳚ । 𑌅॒𑌗𑍍𑌨𑌿𑌗𑍍𑌂 𑌹॒𑌵𑍍𑌯𑌾𑌯॒ 𑌵𑍋𑌢॑𑌵𑍇 ॥ 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌰𑍋𑌚॒𑌨𑌾 𑌦𑌿॒𑌵-𑌶𑍍𑌶𑍍𑌞𑌥॑𑌦𑍍𑌵𑍃॒𑌤𑍍𑌰 𑌮𑌿𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒𑌸𑍍𑌪𑌰𑍀𑌨𑍍𑌦𑍍𑌰॒-𑌨𑍍𑌨𑌰𑍋॒ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨𑍋 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨 ॥ 36 ॥
(𑌸𑍂𑌰𑍍𑌯॑𑌸𑍍𑌯॒ - 𑌮𑌨𑍁॑𑌷𑍋 - 𑌮𑌰𑍁𑌤𑌃॒ - 𑌪𑌾𑌵॑𑌕॒ - 𑌮𑌹𑍋॑𑌭𑍀 - 𑌰𑌥𑍇॒𑌶𑍁𑌭॒ - 𑌙𑍍𑌕𑍇𑌨॒ - 𑌷𑌡𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 13)
(𑌅॒𑌪𑌾𑌨𑍍𑌤𑍍𑌵𑍇𑌮॑ - 𑌨𑍍𑌨॒𑌯-𑌮𑍍𑌪𑍁॒𑌰𑍋 𑌭𑍁𑌵𑌃॒ - 𑌪𑍍𑌰𑌾𑌚𑍀᳚ - 𑌧𑍍𑌰𑍁॒𑌵𑌕𑍍𑌷𑌿॑𑌤𑌿॒ - 𑌸𑍍𑌤𑍍𑌰𑍍𑌯𑌵𑌿॒ - 𑌰𑌿𑌨𑍍𑌦𑍍𑌰𑌾᳚𑌗𑍍𑌨𑍀॒ - 𑌮𑌾 𑌛𑌨𑍍𑌦॑ - 𑌆॒𑌶𑍁𑌸𑍍𑌤𑍍𑌰𑌿॒𑌵𑍃 - 𑌦॒𑌗𑍍𑌨𑍇𑌰𑍍𑌭𑌾॒𑌗𑍋᳚ - 𑌽𑌸𑍍𑌯𑍇𑌕॑ - 𑌯𑍇॒𑌯𑌮𑍇॒𑌵 𑌸𑌾 𑌯𑌾 - 𑌽𑌗𑍍𑌨𑍇॑ 𑌜𑌾॒𑌤𑌾 - 𑌨॒𑌗𑍍𑌨𑌿𑌰𑍍𑌵𑍃॒𑌤𑍍𑌰𑌾𑌣𑌿॒ - 𑌤𑍍𑌰𑌯𑍋॑𑌦𑌶 )
(𑌅॒𑌪𑌾𑌨𑍍𑌤𑍍𑌵𑍇 - 𑌨𑍍𑌦𑍍𑌰𑌾᳚𑌗𑍍𑌨𑍀 - 𑌇॒𑌯𑌮𑍇॒𑌵 - 𑌦𑍇॒𑌵𑌤𑌾॑𑌤𑌾॒ - 𑌷𑌟𑍍𑌤𑍍𑌰𑌿𑌗𑍍𑌂॑𑌶𑌤𑍍 )
(𑌅॒𑌪𑌾𑌨𑍍𑌤𑍍𑌵𑍇𑌮॑𑌨𑍍, 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
Roman (IAST) Transliteration
kṛṣṇa yajurvedīya taittirīya saṃhitāyā-ñcaturthakāṇḍe tṛtīyaḥ praśnaḥ - citivarṇanaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
a॒pā-ntvema᳚n-thsādayāmya॒pā-ntvodma᳚n-thsādayāmya॒pā-ntvā॒ bhasma᳚n-thsādayāmya॒pā-ntvā॒ jyoti̭ṣi sādayāmya॒pā-ntvā-'ya̭ne sādayāmyarṇa॒ve sada̭ne sīda samu॒dre sada̭ne sīda sali॒le sada̭ne sīdā॒pā-ṅkṣayḙ sīdā॒pāgṃ sadhi̭ṣi sīdā॒pā-ntvā॒ sada̭ne sādayāmya॒pā-ntvā̭ sa॒dhasthḙ sādayāmya॒pā-ntvā॒ purī̭ṣe sādayāmya॒pā-ntvā॒ yonaṷ sādayāmya॒pā-ntvā॒ pātha̭si sādayāmi gāya॒trī chanda̭-stri॒ṣṭu-pchando॒ jaga̭tī॒ chando̭-'nu॒ṣṭu-pchandaḥ̭ pa॒ṅktiśchandaḥ̭ || 1 ||
(yonau॒ - pañca̭daśa ca) (a. 1)
a॒ya-mpu॒ro bhuva॒stasya̭ prā॒ṇo bhaṷvāya॒no va̭sa॒ntaḥ prā̭ṇāya॒no gā̭ya॒trī vā̭sa॒ntī gā̭yatri॒yai gā̭ya॒tra-ṅgā̭ya॒trādṷpā॒gṃ॒ śurṷpā॒gṃ॒ śostri॒vṛ-ttri॒vṛto̭ rathanta॒ragṃ ra̭thanta॒rā-dvasi̭ṣṭha॒ ṛṣiḥ̭ pra॒jāpa̭ti gṛhītayā॒ tvayā᳚ prā॒ṇa-ṅgṛ̭hṇāmi pra॒jābhyo॒-'ya-nda̭kṣi॒ṇā vi॒śvaka̭rmā॒ tasya॒ mano̭ vaiśvakarma॒ṇa-ṅgrī॒ṣmo mā̭na॒sastri॒ṣṭuggrai॒ṣmī tri॒ṣṭubha̭ ai॒ḍamai॒ḍā-da̭ntaryā॒mo᳚ 'ntaryā॒mā-tpa̭ñcada॒śaḥ pa̭ñcada॒śā-dbṛ॒ha-dbṛ̭ha॒to bha॒radvā̭ja॒ ṛṣiḥ̭ pra॒jāpa̭ti gṛhītayā॒ tvayā॒ mano̭ [tvayā॒ manaḥ̭, gṛ॒hṇā॒mi॒ pra॒jābhyo॒-'ya-] 2
gṛhṇāmi pra॒jābhyo॒-'ya-mpa॒ścā-dvi॒śvavya̭cā॒stasya॒ cakṣṷrvaiśvavyaca॒saṃ-va~॒r॒ṣāṇi̭ cākṣu॒ṣāṇi॒ jaga̭tī vā॒r॒ṣī jaga̭tyā॒ ṛkṣa̭ma॒mṛkṣa̭mācchu॒kra-śśu॒krā-thsa̭ptada॒śa-ssa̭ptada॒śā-dvai̭rū॒paṃ-vai~̭rū॒pā-dvi॒śvāmi̭tra॒ ṛṣiḥ̭ pra॒jāpa̭ti gṛhītayā॒ tvayā॒ cakṣṷrgṛhṇāmi pra॒jābhya̭ i॒damṷtta॒rā-thsuva॒stasya॒ śrotragṃ̭ sau॒vagṃ śa॒racchrau॒trya̭nu॒ṣṭup-chā̭ra॒dya̭nu॒ṣṭubhaḥ̭ svā॒ragg svā॒rānma॒nthī ma॒nthina̭ ekavi॒gṃ॒śa ḙkavi॒gṃ॒śā-dvai̭rā॒jaṃ-vai~̭rā॒jājja॒mada̭gni॒r॒ ṛṣiḥ̭ pra॒jāpa̭ti gṛhītayā॒ [gṛhītayā, tvayā॒] 3
tvayā॒ śrotra̭-ṅgṛhṇāmi pra॒jābhya̭ i॒yamu॒pari̭ ma॒tistasyai॒ vāmmā॒tī hḙma॒nto vā᳚cyāya॒naḥ pa॒ṅktirhai̭ma॒ntī pa॒ktyai-nni॒dhana̭vanni॒dhana̭vata āgraya॒ṇa ā᳚graya॒ṇā-ttri̭ṇavatrayastri॒gṃ॒śau tri̭ṇavatrayastri॒gṃ॒śābhyāgṃ̭ śākvararaiva॒te śā᳚kvararaiva॒tābhyāṃ᳚-vi~॒śvaka॒rmarṣiḥ̭ pra॒jāpa̭ti gṛhītayā॒ tvayā॒ vāca̭-ṅgṛhṇāmi pra॒jābhyaḥ̭ || 4 ||
(tvayā॒ mano̭-ja॒mada̭gni॒r॒ṛṣiḥ̭ pra॒jāpa̭tigṛhītayā-tri॒gṃ॒śacca̭) (a. 2)
prācī̭ di॒śāṃ-va~̭sa॒nta ṛ̭tū॒nāma॒gnirde॒vatā॒ brahma॒ dravi̭ṇa-ntri॒vṛ-thstoma॒-ssa ṷ pañcada॒śava̭rtani॒-stryavi॒rvayaḥ̭ kṛ॒tamayā̭nā-mpurovā॒to vāta॒-ssāna̭ga॒ ṛṣi̭rdakṣi॒ṇā di॒śā-ṅgrī॒ṣma ṛ̭tū॒nāmindro̭ de॒vatā᳚ kṣa॒tra-ndravi̭ṇa-mpañcada॒śa-sstoma॒-ssa ṷ saptada॒śa va̭rtani-rdi̭tya॒vāḍ-vaya॒stretā-'yā̭nā-ndakṣiṇādvā॒to vātaḥ̭ sanā॒tana॒ ṛṣiḥ̭ pra॒tīcī̭ di॒śāṃ-va~॒r॒ṣā ṛ̭tū॒nāṃ-vi~śvḙ de॒vā de॒vatā॒ vi- [de॒vatā॒ viṭ, dravi̭ṇagṃ] 5
-ḍdravi̭ṇagṃ saptada॒śa stoma॒-ssa ṷ vekavi॒gṃ॒ śava̭rtani-striva॒thso vayo᳚ dvāpa॒ro-'yā̭nā-mpaścādvā॒to vāto̭-'ha॒bhūna॒ ṛṣi॒rudī̭cī di॒śāgṃ śa॒rad-ṛ̭tū॒nā-mmi॒trāvarṷṇau de॒vatā̭ pu॒ṣṭa-ndravi̭ṇamekavi॒gṃ॒śa-sstoma॒-ssa ṷ triṇa॒vava̭rtani-sturya॒vā-ḍvaya̭ āska॒ndo 'yā̭nāmuttarā-dvā॒to vātaḥ̭ pra॒tna ṛṣi̭rū॒rdhvā di॒śāgṃ hḙmantaśiśi॒rāvṛ̭tū॒nā-mbṛha॒spati̭rde॒vatā॒ varco॒ dravi̭ṇa-ntriṇa॒va stoma॒-ssa ṷ trayastri॒gṃ॒śava̭rtaniḥ paṣṭha॒vādvayo̭ 'bhi॒bhūrayā̭nāṃ-vi~ṣvagvā॒to vātaḥ̭ supa॒rṇa ṛṣiḥ̭ pi॒taraḥ̭ pitāma॒hāḥ pare-'va̭re॒ te naḥ̭ pāntu॒ te no̭-'vantva॒smi-nbrahma̭nna॒smin kṣa॒tre᳚-'syā-mā॒śiṣya॒syā-mpṷro॒dhāyā̭ma॒smin karma̭nna॒syā-nde॒vahū᳚tyām || 6 ||
(viṭ - pa̭ṣṭha॒vā-dvayo॒ - 'ṣṭāvigṃ̭śatiśca) (a. 3)
dhru॒vakṣi̭ti -rdhru॒vayo̭ni-rdhru॒vā-'si̭ dhru॒vāṃ-yo~ni॒mā sī̭da sā॒ddhyā | ukhya̭sya ke॒tu-mpra̭tha॒ma-mpu॒rastā̭da॒śvinā᳚-'ddhva॒ryū sā̭dayatāmi॒ha tvā᳚ || sve dakṣe॒ dakṣa̭pite॒ha sī̭da deva॒trā pṛ̭thi॒vī bṛ̭ha॒tī rarā̭ṇā | svā॒sa॒sthā ta॒nuvā॒ saṃ-vi~̭śasva pi॒tevai̭dhi sū॒nava॒ ā su॒śevā॒-'śvinā᳚ddhva॒ryū sā̭dayatāmi॒ha tvā᳚ || ku॒lā॒yinī॒ vasṷmatī vayo॒dhā ra॒yi-nno̭ vardha bahu॒lagṃ su॒vīra᳚m | 7
apāma̭ti-ndurma॒ti-mbādha̭mānā rā॒yaspoṣḙ ya॒jñapa̭timā॒bhaja̭ntī॒ suva̭rdhehi॒ yaja̭mānāya॒ poṣa̭ma॒śvinā᳚-'ddhva॒ryū sā̭dayatāmi॒ha tvā᳚ || a॒gneḥ purī̭ṣamasi deva॒yānī॒ tā-ntvā॒ viśvḙ a॒bhi gṛ̭ṇantu de॒vāḥ | stoma̭pṛṣṭhā ghṛ॒tava̭tī॒ha sī̭da pra॒jāva̭da॒sme dravi॒ṇā ''ya̭jasvā॒śvinā᳚ 'ddhva॒ryū sā̭dayatāmi॒ha tvā᳚ || di॒vo mū॒rdhā-'si̭ pṛthi॒vyā nābhi̭rvi॒ṣṭambha̭nī di॒śāmadhi̭patnī॒ bhuva̭nānām | 8
ū॒rmirdra॒phso a॒pāma̭si vi॒śvaka̭rmā ta॒ ṛṣi̭ra॒śvinā᳚-'ddhva॒ryū sā̭dayatāmi॒ha tvā᳚ || sa॒jūr-ṛ॒tubhiḥ̭ sa॒jūrvi॒dhābhiḥ̭ sa॒jūrvasṷbhi-ssa॒jū ru॒drai-ssa॒jūrā̭di॒tyai-ssa॒jūrviśvai᳚rde॒vai-ssa॒jūrde॒vai-ssa॒jūrde॒vairva̭yo-nā॒dhaira॒gnaye᳚ tvā vaiśvāna॒rāyā॒śvinā᳚-'ddhva॒ryū sā̭dayatāmi॒ha tvā᳚ || prā॒ṇa-mmḙ pāhyapā॒na-mmḙ pāhi vyā॒na-mmḙ pāhi॒ cakṣṷrma u॒rvyā vi bhā̭hi॒ śrotra̭-mme ślokayā॒pa-spi॒nvauṣa̭dhīrjinva dvi॒pā-tpā̭hi॒ catṷṣpādava di॒vo vṛṣṭi॒mera̭ya || 9 ||
(su॒vīraṃ॒ - bhuva̭nānā - mu॒rvyā - sa॒ptada̭śa ca) (a. 4)
tryavi॒rvaya̭stri॒ṣṭu-pchando̭ ditya॒vā-ḍvayo̭ vi॒rāṭ chandaḥ॒ pañcā̭vi॒rvayo̭ gāya॒trī chanda̭striva॒thso vaya̭ u॒ṣṇihā॒ chanda̭ sturya॒vā-ḍvayo̭-'nu॒ṣṭu-pchandaḥ̭ paṣṭha॒vā-dvayo̭ bṛha॒tī chanda̭ u॒kṣā vayaḥ̭ sa॒tobṛ̭hatī॒ chanda̭ ṛṣa॒bho vayaḥ̭ ka॒kucchando̭ dhe॒nurvayo॒ jaga̭tī॒ chando̭-'na॒ḍvān. vayaḥ̭ pa॒ṅkti śchando̭ ba॒sto vayo̭ viva॒la-ñchando̭ vṛ॒ṣṇirvayo̭ viśā॒la-ñchandaḥ॒ purṷṣo॒ vaya̭ sta॒ndra-ñchando᳚ vyā॒ghro vayo-'nā̭dhṛṣṭa॒-ñchandaḥ̭ si॒gṃ॒ho vaya̭ ścha॒di śchando̭ viṣṭa॒bhoṃ-va~yo-'dhi̭pati॒ śchandaḥ̭ kṣa॒traṃ-va~yo॒ maya̭nda॒-ñchando̭ vi॒śvaka̭rmā॒ vayaḥ̭ parame॒ṣṭhī chando̭ mū॒rdhā vayaḥ̭ pra॒jāpa̭ti॒ śchandaḥ̭ || 10 ||
(purṷṣo॒ vayaḥ॒ - ṣa-ḍvigṃ̭śatiśca) (a. 5)
indrā᳚gnī॒ avya̭thamānā॒miṣṭa̭kā-ndṛgṃhataṃ-yu~॒vam | pṛ॒ṣṭhena॒ dyāvā̭pṛthi॒vī a॒ntari̭kṣa-ñca॒ vi bā̭dhatām || vi॒śvaka̭rmā tvā sādayatva॒ntari̭kṣasya pṛ॒ṣṭhe vyaca̭svatī॒-mpratha̭svatī॒-mbhāsva̭tīgṃ sūri॒matī॒mā yā dyā-mbhāsyā pṛ̭thi॒vīmorva̭ntari̭kṣa-ma॒ntari̭kṣaṃ-ya~cchā॒ntari̭kṣa-ndṛgṃhā॒ntari̭kṣa॒-mmā higṃ̭sī॒ rviśva̭smai prā॒ṇāyā̭pā॒nāya̭ vyā॒nāyo̭dā॒nāya̭ prati॒ṣṭhāyai̭ ca॒ritrā̭ya vā॒yustvā॒-'bhi pā̭tu ma॒hyā sva॒styā cha॒rdiṣā॒ [cha॒rdiṣā᳚, śanta̭mena॒ tayā̭] 11
śanta̭mena॒ tayā̭ de॒va̭tayā-'ṅgira॒sva-ddhru॒vā sī̭da || rājñya̭si॒ prācī॒ dig-vi॒rāḍa̭si dakṣi॒ṇā di-khsa॒mrāḍa̭si pra॒tīcī॒ dikh-sva॒rāḍa॒syudī̭cī॒ digadhi̭patnyasi bṛha॒tī digāyṷrme pāhi prā॒ṇa-mmḙ pāhyapā॒na-mmḙ pāhi vyā॒na-mmḙ pāhi॒ cakṣṷrme pāhi॒ śrotra̭-mme pāhi॒ mano̭ me jinva॒ vāca̭-mme pinvā॒ ''tmāna̭-mme pāhi॒ jyoti̭rme yaccha || 12 ||
(cha॒rdiṣā̭ - pinva॒ - ṣaṭca̭) (a. 6)
mā chandaḥ̭ pra॒mā chandaḥ̭ prati॒mā chando᳚-'srī॒vi śchandaḥ̭ pa॒ṅkti śchanda̭ u॒ṣṇihā॒ chando̭ bṛha॒tī chando̭-'nu॒ṣṭu-pchando̭ vi॒rāṭ chando̭ gāya॒trī chanda̭-stri॒ṣṭu-pchando॒ jaga̭tī॒ chandaḥ̭ pṛthi॒vī chando॒ 'ntari̭kṣa॒-ñchando॒ dyau śchanda॒-ssamā॒ śchando॒ nakṣa̭trāṇi॒ chando॒ mana॒ śchando॒ vāk chandaḥ̭ kṛ॒ṣi śchando॒ hira̭ṇya॒-ñchando॒ gau śchando॒ 'jā chando 'śva॒ śchandaḥ̭ || a॒gnirde॒vatā॒ [a॒gnirde॒vatā᳚, vāto̭ de॒vatā॒] 13
vāto̭ de॒vatā॒ sūryo̭ de॒vatā̭ ca॒ndramā̭ de॒vatā॒ vasa̭vo de॒vatā̭ ru॒drā de॒vatā̭ ''di॒tyā de॒vatā॒ viśvḙ de॒vā de॒vatā̭ ma॒ruto̭ de॒vatā॒ bṛha॒spati̭ rde॒vatendro̭ de॒vatā॒ varṷṇo de॒vatā̭ mū॒rdhā-'si॒ rā-ḍdhru॒vā-'si̭ dha॒ruṇā̭ ya॒ntrya̭si॒ yami̭trī॒ṣe tvo॒rje tvā̭ kṛ॒ṣyai tvā॒ kṣemā̭ya tvā॒ yantrī॒ rā-ḍdhru॒vā-'si॒ dhara̭ṇī dha॒rtrya̭si॒ dhari॒tryāyṷṣe tvā॒ varca̭se॒ tvauja̭se tvā॒ balā̭ya tvā || 14 ||
(de॒vatā - ''yṷṣe tvā॒ - ṣaṭ ca̭ ) (a. 7)
ā॒śustri॒vṛ-dbhā॒ntaḥ pa̭ñcada॒śo vyo̭ma saptada॒śaḥ pratū᳚rtiraṣṭāda॒śa stapo̭ navada॒śo̭ 'bhiva॒rta-ssa̭vi॒gṃ॒śo dha॒ruṇa̭ ekavi॒gṃ॒śo varco᳚ dvāvi॒gṃ॒śa-ssa॒mbhara̭ṇastrayovi॒gṃ॒śo yoni̭ścaturvi॒gṃ॒śo garbhāḥ᳚ pañcavi॒gṃ॒śa oja̭striṇa॒vaḥ kratṷrekatri॒gṃ॒śaḥ pra̭ti॒ṣṭhā tra̭yastri॒gṃ॒śo bra॒ddhnasya̭ vi॒ṣṭapa̭-ñcatustri॒gṃ॒śo nākaḥ̭ ṣaṭtri॒gṃ॒śo vi̭va॒rto᳚-'ṣṭācatvāri॒gṃ॒śo dha॒rtraśca̭tuṣṭo॒maḥ || 15 ||
(ā॒śuḥ - sa॒ptatrigṃ̭śat) (a. 8)
a॒gnerbhā॒go̭-'si dī॒kṣāyā॒ ādhi̭patya॒-mbrahma̭ spṛ॒ta-ntri॒vṛ-thstoma॒ indra̭sya bhā॒go̭-'si॒ viṣṇo॒rādhi̭patya-ṅkṣa॒tragg spṛ॒ta-mpa̭ñcada॒śa-sstomo̭ nṛ॒cakṣa̭sā-mbhā॒go̭-'si dhā॒turādhi̭patya-ñja॒nitragg̭ spṛ॒tagṃ sa̭ptada॒śa-sstomo̭ mi॒trasya̭ bhā॒go̭-'si॒ varṷṇa॒syā-''dhi̭patya-ndi॒vo vṛ॒ṣṭirvātā᳚-sspṛ॒tā ḙkavi॒gṃ॒śa-sstomo-'di̭tyai bhā॒go̭-'si pū॒ṣṇa ādhi̭patya॒mojaḥ̭ spṛ॒ta-ntri̭ṇa॒va-sstomo॒ vasṷ̄nā-mbhā॒go̭-'si [ ] 16
ru॒drāṇā॒mādhi̭patya॒-ñcatṷṣpā-thspṛ॒ta-ñca̭turvi॒gṃ॒śa-sstoma̭ ādi॒tyānā᳚-mbhā॒go̭-'si ma॒rutā॒mādhi̭patya॒-ṅgarbhā᳚-sspṛ॒tāḥ pa̭ñcavi॒gṃ॒śa-sstomo̭ de॒vasya̭ savi॒turbhā॒go̭-'si॒ bṛha॒spate॒rādhi̭patyagṃ sa॒mīcī॒rdiśaḥ̭ spṛ॒tāśca̭tuṣṭo॒ma-sstomo॒ yāvā̭nā-mbhā॒go᳚-'syayā̭vānā॒mādhi̭patya-mpra॒jā-sspṛ॒tā-śca̭tu-ścatvāri॒gṃ॒śa-sstoma̭ ṛbhū॒ṇā-mbhā॒go̭-'si॒ viśvḙṣā-nde॒vānā॒mādhi̭patya-mbhū॒ta-nniśā᳚ntagg spṛ॒ta-ntra̭yastri॒gṃ॒śa-sstomaḥ̭ || 17 ||
(vasṷ̄nā-mbhā॒go̭-'si॒ - ṣaṭca̭tvārigṃśacca) (a. 9)
eka̭yā-'stuvata pra॒jā a̭dhīyanta pra॒jāpa̭ti॒radhi̭patirāsī-tti॒sṛbhi̭rastuvata॒ brahmā̭sṛjyata॒ brahma̭ṇa॒spati॒-radhi̭patirāsī-tpa॒ñcabhi̭rastuvata bhū॒tānya̭sṛjyanta bhū॒tānā॒-mpati॒radhi̭patirāsī-thsa॒ptabhi̭rastuvata sapta॒r॒ṣayo̭-'sṛjyanta dhā॒tā-dhi̭patirāsī-nna॒vabhi̭rastuvata pi॒taro̭-'sṛjya॒ntā-'di̭ti॒radhi̭patnyāsī-dekāda॒śabhi̭-rastuvata॒rtavo̭-' sṛjyantā- ''rta॒vo-'dhi̭pati-rāsī-ttrayoda॒śabhi̭-rastuvata॒ māsā̭ asṛjyanta saṃva~thsa॒ro-'dhi̭pati- [-'dhi̭patiḥ, ā॒sī॒-tpa॒ñca॒da॒śabhi̭rastuvata] 18
-rāsī-tpañcada॒śabhi̭rastuvata kṣa॒trama̭sṛjya॒tendro 'dhi̭patirāsī-thsaptada॒śabhi̭rastuvata pa॒śavo̭-'sṛjyanta॒ bṛha॒spati॒radhi̭pati-rāsīnnavada॒śabhi̭-rastuvata śūdrā॒ryāva̭sṛjyetāmahorā॒tre adhi̭patnī āstā॒meka̭vigṃ śatyā-'stuva॒taika̭śaphāḥ pa॒śavo̭-'sṛjyanta॒ varu॒ṇo 'dhi̭patirāsī॒-ttrayo̭vigṃśatyā-'stuvata kṣu॒drāḥ pa॒śavo̭-'sṛjyanta pū॒ṣā 'dhi̭patirāsī॒-tpañca̭vigṃśatyā 'stuvatā-''ra॒ṇyāḥ pa॒śavo̭-'sṛjyanta vā॒yuradhi̭patirāsī-thsa॒ptavigṃ̭śatyā-'stuvata॒ dyāvā̭pṛthi॒vī vyai̭- [dyāvā̭pṛthi॒vī vi, ī॒tāṃ॒-va~sa̭vo ru॒drā] 19
-tāṃ॒-va~sa̭vo ru॒drā ā̭di॒tyā anu॒ vyā̭ya॒-nteṣā॒mādhi̭patyamāsī॒-nnava̭vigṃ śatyā-'stuvata॒ vana॒spata̭yo-'sṛjyanta॒ somo 'dhi̭patirāsī॒-deka̭trigṃśatā 'stuvata pra॒jā a̭sṛjyanta॒ yāvā̭nā॒-ñcāyā̭vānā॒-ñcā-''dhi̭patyamāsī॒-ttraya̭strigṃśatā 'stuvata bhū॒tānya̭śāmya-npra॒jāpa̭tiḥ parame॒ṣṭhyadhi̭patirāsīt || 20 ||
(saṃ॒va~॒thsa॒ro-'dhi̭pati॒- rvi - pañca̭trigṃśacca) (a. 10)
i॒yame॒va sā yā pra̭tha॒mā vyauccha̭da॒ntara॒syā-ñca̭rati॒ pravi̭ṣṭā | va॒dhūrja̭jāna nava॒gajjani̭trī॒ traya̭ enā-mmahi॒mānaḥ̭ sacante || chanda̭svatī u॒ṣasā॒ pepi̭śāne samā॒naṃ-yo~ni॒manṷ sa॒ñcara̭ntī | sūrya̭patnī॒ vi ca̭rataḥ prajāna॒tī ke॒tu-ṅkṛ̭ṇvā॒ne a॒jara॒ bhūri̭retasā || ṛ॒tasya॒ panthā॒manṷ ti॒sra ā-'gu॒strayo̭ gha॒rmāso॒ anu॒ jyoti॒ṣā-''guḥ̭ | pra॒jāmekā॒ rakṣa॒tyūrja॒mekā᳚ [ ] 21
vra॒tamekā̭ rakṣati devayū॒nām || ca॒tu॒ṣṭo॒mo a̭bhava॒dyā tu॒rīyā̭ ya॒jñasya̭ pa॒kṣāvṛ̭ṣayo॒ bhava̭ntī | gā॒ya॒trī-ntri॒ṣṭubha॒-ñja̭gatīmanu॒ṣṭubha̭-mbṛ॒hada॒rkaṃ-yu~̭ñjā॒nā-ssuva॒rā-'bha̭ranni॒dam || pa॒ñcabhi̭rdhā॒tā vi da̭dhāvi॒daṃ-ya~-ttāsā॒g॒ svasṝ̭rajanaya॒-tpañca̭pañca | tāsā̭mu yanti praya॒veṇa॒ pañca॒ nānā̭ rū॒pāṇi॒ krata̭vo॒ vasā̭nāḥ || tri॒gṃ॒śa-thsvasā̭ra॒ upa̭yanti niṣkṛ॒tagṃ sa̭mā॒na-ṅke॒tu-mpra̭timu॒ñcamā̭nāḥ | 22
ṛ॒tūgsta̭nvate ka॒vayaḥ̭ prajāna॒tīrmaddhyḙchandasaḥ॒ pari̭ yanti॒ bhāsva̭tīḥ || jyoti̭ṣmatī॒ prati̭ muñcate॒ nabho॒ rātrī̭ de॒vī sūrya̭sya vra॒tāni̭ | vi pa̭śyanti pa॒śavo॒ jāya̭mānā॒ nānā̭rūpā mā॒tura॒syā u॒pasthe᳚ || e॒kā॒ṣṭa॒kā tapa̭sā॒ tapya̭mānā ja॒jāna॒ garbha̭-mmahi॒māna॒mindra᳚m | tena॒ dasyū॒n vya̭sahanta de॒vā ha॒ntā-'sṷrāṇā-mabhava॒cchacī̭bhiḥ || anā̭nujāmanu॒jā-mmāma̭karta sa॒tyaṃ-va~da॒ntyanvi̭ccha e॒tat | bhū॒yāsa̭- [bhū॒yāsa᳚m, a॒sya॒ su॒ma॒tau yathā̭] 23
masya suma॒tau yathā̭ yū॒yama॒nyā vo̭ a॒nyāmati॒ mā pra yṷkta || abhū॒nmama̭ suma॒tau vi॒śvavḙdā॒ āṣṭa̭ prati॒ṣṭhāmavi̭da॒ddhi gā॒dham | bhū॒yāsa̭masya suma॒tau yathā̭ yū॒yama॒nyā vo̭ a॒nyāmati॒ mā prayṷkta || pañca॒ vyṷṣṭī॒ranu॒ pañca॒ dohā॒ gā-mpañca̭nāmnīmṛ॒tavo-'nu॒ pañca̭ | pañca॒ diśaḥ̭ pañcada॒śena̭ kḷ॒ptā-ssa̭mā॒namū᳚rdhnīra॒bhi lo॒kameka᳚m || 24 ||
ṛ॒tasya॒ garbhaḥ̭ pratha॒mā vyū॒ṣuṣya॒pāmekā̭ mahi॒māna̭-mbibharti | sūrya॒syaikā॒ cara̭ti niṣkṛ॒teṣṷ gha॒rmasyaikā̭ savi॒taikā॒-nni ya̭cchati || yā pra̭tha॒mā vyauccha॒-thsā dhe॒nura̭bhavadya॒me | sā naḥ॒ paya̭svatī dhu॒kṣvotta̭rāmuttarā॒gṃ॒ samā᳚m || śu॒krarṣa̭bhā॒ nabha̭sā॒ jyoti॒ṣā ''gā᳚-dvi॒śvarṷ̄pā śaba॒līra॒gnikḙtuḥ | sa॒mā॒namarthagg̭ svapa॒syamā̭nā॒ bibhra̭tī ja॒rāma̭jara uṣa॒ ā-'gāḥ᳚ || ṛ॒tū॒nā-mpatnī᳚ pratha॒meyamā-'gā॒dahnā᳚-nne॒trī ja̭ni॒trī pra॒jānā᳚m | ekā̭ sa॒tī ba̭hu॒dhoṣo॒ vyṷccha॒syajī᳚rṇā॒ tva-ñja̭rayasi॒ sarva̭ma॒nyat || 25 ||
(ūrja॒mekā᳚ - pratimu॒ñcamā̭nā - bhū॒yāsa॒ - mekaṃ॒ - patnye kā॒nna vigṃ̭śa॒tiśca̭) (a. 11)
agnḙ jā॒tā-npraṇṷdā na-ssa॒patnā॒-npratyajā̭tāñjātavedo nudasva | a॒sme dī̭dihi su॒manā॒ ahḙḍa॒-ntava̭ syā॒gṃ॒ śarma̭-ntri॒varṷ̄tha u॒dbhit || saha̭sā jā॒tā-npraṇṷdāna-ssa॒patnā॒-npratyajā̭tāñjātavedo nudasva | adhi̭ no brūhi sumana॒syamā̭no va॒yagg syā̭ma॒ praṇṷdā na-ssa॒patnāṋ || ca॒tu॒śca॒tvā॒ri॒gṃ॒śa-sstomo॒ varco॒ dravi̭ṇagṃ ṣoḍa॒śa-sstoma॒ ojo॒ dravi̭ṇa-mpṛthi॒vyāḥ purī̭ṣama॒- [purī̭ṣamasi, aphso॒ nāma̭ |] 26
-syaphso॒ nāma̭ | eva॒ śchando॒ vari̭va॒ śchandaḥ̭ śa॒bhūṃ śchandaḥ̭ pari॒bhū śchanda̭ ā॒cchacchando॒ mana॒ śchando॒ vyaca॒ śchanda॒-ssindhu॒ śchandaḥ̭ samu॒dra-ñchandaḥ̭ sali॒la-ñchandaḥ̭ saṃ॒ya~cchando̭ vi॒yacchando̭ bṛ॒hacchando̭ rathanta॒ra-ñchando̭ nikā॒ya śchando̭ viva॒dha śchando॒ gira॒ śchando॒ bhraja॒ śchandaḥ̭ sa॒ṣṭu-pchando̭ 'nu॒ṣṭu-pchandaḥ̭ ka॒kucchanda̭ strika॒kucchandaḥ̭ kā॒vya-ñchando᳚ -'ṅku॒pa-ñchandaḥ̭ [-'ṅku॒pa-ñchandaḥ̭, pa॒dapa̭ṅkti॒ śchando॒] 27
pa॒dapa̭ṅkti॒ śchando॒ 'kṣara̭paṅkti॒ śchando̭ viṣṭā॒rapa̭ṅkti॒ śchandaḥ̭ kṣu॒ro bhṛjvā॒ñchandaḥ̭ pra॒cchacchandaḥ̭ pa॒kṣa śchanda॒ eva॒ śchando॒ vari̭va॒ śchando॒ vaya॒ śchando̭ vaya॒skṛcchando̭ viśā॒la-ñchando॒ viṣpa̭rdhā॒ śchanda̭ ścha॒di śchando̭ dūroha॒ṇa-ñchanda̭sta॒ndra-ñchando᳚ 'ṅkā॒ṅka-ñchandaḥ̭ || 28 ||
(a॒sya॒ - ṅku॒pañchanda॒ - straya̭strigṃśacca) (a. 12)
a॒gnirvṛ॒trāṇi̭ jaṅghana-ddraviṇa॒syurvi̭pa॒nyayā᳚ | sami̭ddha-śśu॒kra āhṷtaḥ || tvagṃ so̭māsi॒ satpa̭ti॒stvagṃ rājo॒ta vṛ̭tra॒hā | tva-mbha॒dro a̭si॒ kratuḥ̭ || bha॒drā tḙ agne svanīka sa॒dṛṅggho॒rasya̭ sa॒to viṣṷṇasya॒ cāruḥ̭ | na ya-ttḙ śo॒cistama̭sā॒ vara̭nta॒ na dhva॒smāna̭sta॒nuvi॒ repa॒ ā dhuḥ̭ || bha॒dra-ntḙ agne sahasi॒nnanī̭kamupā॒ka ā ro̭cate॒ sūrya̭sya | 29
ruśa̭-ddṛ॒śe da̭dṛśe nakta॒yā ci॒darū᳚kṣita-ndṛ॒śa ā rū॒pe anna᳚m || sainā-'nī̭kena suvi॒datro̭ a॒sme yaṣṭā̭ de॒vāgṃ āya̭jiṣṭha-ssva॒sti | ada̭bdho go॒pā u॒ta naḥ̭ para॒spā agne᳚ dyu॒madu॒ta re॒va-ddi̭dīhi || sva॒sti no̭ di॒vo a̭gne pṛthi॒vyā vi॒śvāyṷrdhehi ya॒jathā̭ya deva | ya-thsī॒mahi̭ divijāta॒ praśa̭sta॒-ntada॒smāsu॒ dravi̭ṇa-ndhehi ci॒tram || yathā̭ hota॒rmanṷṣo [hota॒rmanṷṣaḥ, de॒vatā̭tā] 30
de॒vatā̭tā ya॒jñebhiḥ̭ sūno sahaso॒ yajā̭si | e॒vā no̭ a॒dya sa̭ma॒nā sa̭mā॒nānu॒-śanna̭gna uśa॒to ya̭kṣi de॒vān || a॒gnimī̭ḍe pu॒rohi̭taṃ-ya~॒jñasya̭ de॒vamṛ॒tvija᳚m | hotā̭ragṃ ratna॒dhāta̭mam || vṛṣā̭ soma dyu॒māgṃ a̭si॒ vṛṣā̭ deva॒ vṛṣa̭vrataḥ | vṛṣā॒ dharmā̭ṇi dadhiṣe || sānta̭panā i॒dagṃ ha॒virmarṷta॒stajjṷjuṣṭana | yu॒ṣmāko॒tī ri̭śādasaḥ || yo no॒ marto̭ vasavo durhṛṇā॒yusti॒ra-ssa॒tyāni̭ maruto॒ [marutaḥ, jighāgṃ̭sāt |] 31
jighāgṃ̭sāt | dru॒haḥ pāśa॒-mprati॒ sa mṷcīṣṭa॒ tapi̭ṣṭhena॒ tapa̭sā hantanā॒ tam || saṃ॒va~॒thsa॒rīṇā̭ ma॒rutaḥ̭ sva॒rkā ṷru॒kṣayā॒-ssaga̭ṇā॒ mānṷṣeṣu | te᳚-'sma-tpāśā॒-npra mṷñca॒ntvagṃha̭sa-ssāntapa॒nā ma̭di॒rā mā̭dayi॒ṣṇavaḥ̭ || pi॒prī॒hi de॒vāgṃ ṷśa॒to ya̭viṣṭha vi॒dvāgṃ ṛ॒tūgṃr-ṛ̭tupate yaje॒ha | ye daivyā̭ ṛ॒tvija॒stebhi̭ragne॒ tvagṃ hotṝ̭ṇāma॒syāya̭jiṣṭhaḥ || agne॒ yada॒dya vi॒śo a̭ddhvarasya hotaḥ॒ pāva̭ka [pāva̭ka, śo॒ce॒ veṣṭvagṃ hi] 32
śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūrha॒vyā va̭ha yaviṣṭha॒ yā tḙ a॒dya || a॒gninā̭ ra॒yi-ma̭śñava॒-tpoṣa̭me॒va di॒vedi̭ve | ya॒śasaṃ̭-vī~॒rava̭ttamam || ga॒ya॒sphāno̭ amīva॒hā va̭su॒vi-tpṷṣṭi॒vardha̭naḥ | su॒mi॒tra-sso̭ma no bhava || gṛha̭medhāsa॒ ā ga̭ta॒ marṷto॒ mā-'pa̭ bhūtana | pra॒mu॒ñcanto̭ no॒ agṃha̭saḥ || pū॒rvībhi॒r॒hi da̭dāśi॒ma śa॒radbhi̭rmaruto va॒yam | maho̭bhi- [maho̭bhiḥ, ca॒r॒ṣa॒ṇī॒nām |] 33
-ścarṣaṇī॒nām || prabu॒ddhniyā̭ īrate vo॒ mahāgṃ̭si॒ praṇāmā̭ni prayajyavastiraddhvam | sa॒ha॒sriya॒-ndamya̭-mbhā॒game॒ta-ṅgṛ̭hame॒dhīya̭-mmaruto juṣaddhvam || upa॒ yameti̭ yuva॒ti-ssu॒dakṣa̭-ndo॒ṣā vastor̭. ha॒viṣma̭tī ghṛ॒tācī᳚ | upa॒ svaina̭ma॒rama̭tirva-sū॒yuḥ || i॒mo a̭gne vī॒tata̭māni ha॒vyā 'ja̭sro vakṣi de॒vatā̭ti॒maccha̭ | prati̭ na īgṃ sura॒bhīṇi̭ viyantu || krī॒ḍaṃ-va~॒-śśardho॒ mārṷtamana॒rvāṇagṃ̭ rathe॒śubha᳚m | 34
kaṇvā̭ a॒bhi pra gā̭yata || atyā̭so॒ na ye ma॒ruta॒-ssvañco̭ yakṣa॒dṛśo॒ na śu॒bhaya̭nta॒ maryāḥ᳚ | te ha̭rmye॒ṣṭhā-śśiśa̭vo॒ na śu॒bhrā va॒thsāso॒ na pra̭krī॒ḍinaḥ̭ payo॒dhāḥ || praiṣā॒majmḙṣu vithu॒reva̭ rejate॒ bhūmi॒ryāmḙṣu॒ yaddha̭ yu॒ñjatḙ śu॒bhe | te krī॒ḍayo॒ dhuna̭yo॒ bhrāja̭dṛṣṭaya-ssva॒ya-mma̭hi॒tva-mpa̭nayanta॒ dhūta̭yaḥ || u॒pa॒hva॒reṣu॒ yadaci̭ddhvaṃ-ya~॒yiṃ-va~ya̭ iva marutaḥ॒ kena̭ [kena̭, ci॒-tpa॒thā |] 35
ci-tpa॒thā | ścota̭nti॒ kośā॒ upa̭ vo॒ rathe॒ṣvā ghṛ॒tamṷkṣatā॒ madhṷvarṇa॒marca̭te || a॒gnima̭gni॒gṃ॒ havī̭mabhi॒-ssadā̭ havanta vi॒śpati᳚m | ha॒vya॒vāha̭-mpurupri॒yam || tagṃ hi śaśva̭nta॒ īḍa̭te sru॒cā de॒va-ṅghṛ̭ta॒ścutā᳚ | a॒gnigṃ ha॒vyāya॒ voḍha̭ve || indrā᳚gnī roca॒nā di॒va-śśñatha̭dvṛ॒tra mindraṃ̭-vo~ vi॒śvata॒sparīndra॒-nnaro॒ viśva̭karman. ha॒viṣā̭ vāvṛdhā॒no viśva̭karman. ha॒viṣā॒ vardha̭nena || 36 ||
(sūrya̭sya॒ - manṷṣo - marutaḥ॒ - pāva̭ka॒ - maho̭bhī - rathe॒śubha॒ - ṅkena॒ - ṣaḍca̭tvārigṃśacca) (a. 13)
(a॒pāntvema̭ - nna॒ya-mpu॒ro bhuvaḥ॒ - prācī᳚ - dhru॒vakṣi̭ti॒ - stryavi॒ - rindrā᳚gnī॒ - mā chanda̭ - ā॒śustri॒vṛ - da॒gnerbhā॒go᳚ - 'syeka̭ - ye॒yame॒va sā yā - 'gnḙ jā॒tā - na॒gnirvṛ॒trāṇi॒ - trayo̭daśa )
(a॒pāntve - ndrā᳚gnī - i॒yame॒va - de॒vatā̭tā॒ - ṣaṭtrigṃ̭śat )
(a॒pāntvema̭n, ha॒viṣā॒ vardha̭nena)
|| hariḥ̭ om ||
|| kṛṣṇa yajurvedīya taittirīya saṃhitāyā-ñcaturtha kāṇḍe tṛtīyaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहिताया-ञ्चतुर्थकाण्डे तृतीयः प्रश्नः - चितिवर्णनं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अ॒पा-न्त्वेम᳚न्-थ्सादयाम्य॒पा-न्त्वोद्म᳚न्-थ्सादयाम्य॒पा-न्त्वा॒ भस्म᳚न्-थ्सादयाम्य॒पा-न्त्वा॒ ज्योति॑षि सादयाम्य॒पा-न्त्वा-ऽय॑ने सादयाम्यर्ण॒वे सद॑ने सीद समु॒द्रे सद॑ने सीद सलि॒ले सद॑ने सीदा॒पा-ङ्क्षये॑ सीदा॒पाग्ं सधि॑षि सीदा॒पा-न्त्वा॒ सद॑ने सादयाम्य॒पा-न्त्वा॑ स॒धस्थे॑ सादयाम्य॒पा-न्त्वा॒ पुरी॑षे सादयाम्य॒पा-न्त्वा॒ योनौ॑ सादयाम्य॒पा-न्त्वा॒ पाथ॑सि सादयामि गाय॒त्री छन्द॑-स्त्रि॒ष्टु-प्छन्दो॒ जग॑ती॒ छन्दो॑-ऽनु॒ष्टु-प्छन्दः॑ प॒ङ्क्तिश्छन्दः॑ ॥ 1 ॥
(योनौ॒ - पञ्च॑दश च) (अ. 1)
अ॒य-म्पु॒रो भुव॒स्तस्य॑ प्रा॒णो भौ॑वाय॒नो व॑स॒न्तः प्रा॑णाय॒नो गा॑य॒त्री वा॑स॒न्ती गा॑यत्रि॒यै गा॑य॒त्र-ङ्गा॑य॒त्रादु॑पा॒ग्ं॒ शुरु॑पा॒ग्ं॒ शोस्त्रि॒वृ-त्त्रि॒वृतो॑ रथन्त॒रग्ं र॑थन्त॒रा-द्वसि॑ष्ठ॒ ऋषिः॑ प्र॒जाप॑ति गृहीतया॒ त्वया᳚ प्रा॒ण-ङ्गृ॑ह्णामि प्र॒जाभ्यो॒-ऽय-न्द॑क्षि॒णा वि॒श्वक॑र्मा॒ तस्य॒ मनो॑ वैश्वकर्म॒ण-ङ्ग्री॒ष्मो मा॑न॒सस्त्रि॒ष्टुग्ग्रै॒ष्मी त्रि॒ष्टुभ॑ ऐ॒डमै॒डा-द॑न्तर्या॒मो᳚ ऽन्तर्या॒मा-त्प॑ञ्चद॒शः प॑ञ्चद॒शा-द्बृ॒ह-द्बृ॑ह॒तो भ॒रद्वा॑ज॒ ऋषिः॑ प्र॒जाप॑ति गृहीतया॒ त्वया॒ मनो॑ [त्वया॒ मनः॑, गृ॒ह्णा॒मि॒ प्र॒जाभ्यो॒-ऽय-] 2
गृह्णामि प्र॒जाभ्यो॒-ऽय-म्प॒श्चा-द्वि॒श्वव्य॑चा॒स्तस्य॒ चक्षु॑र्वैश्वव्यच॒सं-वँ॒र्॒षाणि॑ चाक्षु॒षाणि॒ जग॑ती वा॒र्॒षी जग॑त्या॒ ऋक्ष॑म॒मृक्ष॑माच्छु॒क्र-श्शु॒क्रा-थ्स॑प्तद॒श-स्स॑प्तद॒शा-द्वै॑रू॒पं-वैँ॑रू॒पा-द्वि॒श्वामि॑त्र॒ ऋषिः॑ प्र॒जाप॑ति गृहीतया॒ त्वया॒ चक्षु॑र्गृह्णामि प्र॒जाभ्य॑ इ॒दमु॑त्त॒रा-थ्सुव॒स्तस्य॒ श्रोत्रग्ं॑ सौ॒वग्ं श॒रच्छ्रौ॒त्र्य॑नु॒ष्टुप्-छा॑र॒द्य॑नु॒ष्टुभः॑ स्वा॒रग्ग् स्वा॒रान्म॒न्थी म॒न्थिन॑ एकवि॒ग्ं॒श ए॑कवि॒ग्ं॒शा-द्वै॑रा॒जं-वैँ॑रा॒जाज्ज॒मद॑ग्नि॒र्॒ ऋषिः॑ प्र॒जाप॑ति गृहीतया॒ [गृहीतया, त्वया॒] 3
त्वया॒ श्रोत्र॑-ङ्गृह्णामि प्र॒जाभ्य॑ इ॒यमु॒परि॑ म॒तिस्तस्यै॒ वाम्मा॒ती हे॑म॒न्तो वा᳚च्याय॒नः प॒ङ्क्तिर्है॑म॒न्ती प॒क्त्यै-न्नि॒धन॑वन्नि॒धन॑वत आग्रय॒ण आ᳚ग्रय॒णा-त्त्रि॑णवत्रयस्त्रि॒ग्ं॒शौ त्रि॑णवत्रयस्त्रि॒ग्ं॒शाभ्याग्ं॑ शाक्वररैव॒ते शा᳚क्वररैव॒ताभ्यां᳚-विँ॒श्वक॒र्मर्षिः॑ प्र॒जाप॑ति गृहीतया॒ त्वया॒ वाच॑-ङ्गृह्णामि प्र॒जाभ्यः॑ ॥ 4 ॥
(त्वया॒ मनो॑-ज॒मद॑ग्नि॒र्॒ऋषिः॑ प्र॒जाप॑तिगृहीतया-त्रि॒ग्ं॒शच्च॑) (अ. 2)
प्राची॑ दि॒शां-वँ॑स॒न्त ऋ॑तू॒नाम॒ग्निर्दे॒वता॒ ब्रह्म॒ द्रवि॑ण-न्त्रि॒वृ-थ्स्तोम॒-स्स उ॑ पञ्चद॒शव॑र्तनि॒-स्त्र्यवि॒र्वयः॑ कृ॒तमया॑ना-म्पुरोवा॒तो वात॒-स्सान॑ग॒ ऋषि॑र्दक्षि॒णा दि॒शा-ङ्ग्री॒ष्म ऋ॑तू॒नामिन्द्रो॑ दे॒वता᳚ क्ष॒त्र-न्द्रवि॑ण-म्पञ्चद॒श-स्स्तोम॒-स्स उ॑ सप्तद॒श व॑र्तनि-र्दि॑त्य॒वाड्-वय॒स्त्रेता-ऽया॑ना-न्दक्षिणाद्वा॒तो वातः॑ सना॒तन॒ ऋषिः॑ प्र॒तीची॑ दि॒शां-वँ॒र्॒षा ऋ॑तू॒नां-विँश्वे॑ दे॒वा दे॒वता॒ वि- [दे॒वता॒ विट्, द्रवि॑णग्ं] 5
-ड्द्रवि॑णग्ं सप्तद॒श स्तोम॒-स्स उ॑ वेकवि॒ग्ं॒ शव॑र्तनि-स्त्रिव॒थ्सो वयो᳚ द्वाप॒रो-ऽया॑ना-म्पश्चाद्वा॒तो वातो॑-ऽह॒भून॒ ऋषि॒रुदी॑ची दि॒शाग्ं श॒रद्-ऋ॑तू॒ना-म्मि॒त्रावरु॑णौ दे॒वता॑ पु॒ष्ट-न्द्रवि॑णमेकवि॒ग्ं॒श-स्स्तोम॒-स्स उ॑ त्रिण॒वव॑र्तनि-स्तुर्य॒वा-ड्वय॑ आस्क॒न्दो ऽया॑नामुत्तरा-द्वा॒तो वातः॑ प्र॒त्न ऋषि॑रू॒र्ध्वा दि॒शाग्ं हे॑मन्तशिशि॒रावृ॑तू॒ना-म्बृह॒स्पति॑र्दे॒वता॒ वर्चो॒ द्रवि॑ण-न्त्रिण॒व स्तोम॒-स्स उ॑ त्रयस्त्रि॒ग्ं॒शव॑र्तनिः पष्ठ॒वाद्वयो॑ ऽभि॒भूरया॑नां-विँष्वग्वा॒तो वातः॑ सुप॒र्ण ऋषिः॑ पि॒तरः॑ पिताम॒हाः परे-ऽव॑रे॒ ते नः॑ पान्तु॒ ते नो॑-ऽवन्त्व॒स्मि-न्ब्रह्म॑न्न॒स्मिन् क्ष॒त्रे᳚-ऽस्या-मा॒शिष्य॒स्या-म्पु॑रो॒धाया॑म॒स्मिन् कर्म॑न्न॒स्या-न्दे॒वहू᳚त्याम् ॥ 6 ॥
(विट् - प॑ष्ठ॒वा-द्वयो॒ - ऽष्टाविग्ं॑शतिश्च) (अ. 3)
ध्रु॒वक्षि॑ति -र्ध्रु॒वयो॑नि-र्ध्रु॒वा-ऽसि॑ ध्रु॒वां-योँनि॒मा सी॑द सा॒द्ध्या । उख्य॑स्य के॒तु-म्प्र॑थ॒म-म्पु॒रस्ता॑द॒श्विना᳚-ऽद्ध्व॒र्यू सा॑दयतामि॒ह त्वा᳚ ॥ स्वे दक्षे॒ दक्ष॑पिते॒ह सी॑द देव॒त्रा पृ॑थि॒वी बृ॑ह॒ती ररा॑णा । स्वा॒स॒स्था त॒नुवा॒ सं-विँ॑शस्व पि॒तेवै॑धि सू॒नव॒ आ सु॒शेवा॒-ऽश्विना᳚द्ध्व॒र्यू सा॑दयतामि॒ह त्वा᳚ ॥ कु॒ला॒यिनी॒ वसु॑मती वयो॒धा र॒यि-न्नो॑ वर्ध बहु॒लग्ं सु॒वीर᳚म् । 7
अपाम॑ति-न्दुर्म॒ति-म्बाध॑माना रा॒यस्पोषे॑ य॒ज्ञप॑तिमा॒भज॑न्ती॒ सुव॑र्धेहि॒ यज॑मानाय॒ पोष॑म॒श्विना᳚-ऽद्ध्व॒र्यू सा॑दयतामि॒ह त्वा᳚ ॥ अ॒ग्नेः पुरी॑षमसि देव॒यानी॒ ता-न्त्वा॒ विश्वे॑ अ॒भि गृ॑णन्तु दे॒वाः । स्तोम॑पृष्ठा घृ॒तव॑ती॒ह सी॑द प्र॒जाव॑द॒स्मे द्रवि॒णा ऽऽय॑जस्वा॒श्विना᳚ ऽद्ध्व॒र्यू सा॑दयतामि॒ह त्वा᳚ ॥ दि॒वो मू॒र्धा-ऽसि॑ पृथि॒व्या नाभि॑र्वि॒ष्टम्भ॑नी दि॒शामधि॑पत्नी॒ भुव॑नानाम् । 8
ऊ॒र्मिर्द्र॒फ्सो अ॒पाम॑सि वि॒श्वक॑र्मा त॒ ऋषि॑र॒श्विना᳚-ऽद्ध्व॒र्यू सा॑दयतामि॒ह त्वा᳚ ॥ स॒जूर्-ऋ॒तुभिः॑ स॒जूर्वि॒धाभिः॑ स॒जूर्वसु॑भि-स्स॒जू रु॒द्रै-स्स॒जूरा॑दि॒त्यै-स्स॒जूर्विश्वै᳚र्दे॒वै-स्स॒जूर्दे॒वै-स्स॒जूर्दे॒वैर्व॑यो-ना॒धैर॒ग्नये᳚ त्वा वैश्वान॒राया॒श्विना᳚-ऽद्ध्व॒र्यू सा॑दयतामि॒ह त्वा᳚ ॥ प्रा॒ण-म्मे॑ पाह्यपा॒न-म्मे॑ पाहि व्या॒न-म्मे॑ पाहि॒ चक्षु॑र्म उ॒र्व्या वि भा॑हि॒ श्रोत्र॑-म्मे श्लोकया॒प-स्पि॒न्वौष॑धीर्जिन्व द्वि॒पा-त्पा॑हि॒ चतु॑ष्पादव दि॒वो वृष्टि॒मेर॑य ॥ 9 ॥
(सु॒वीरं॒ - भुव॑नाना - मु॒र्व्या - स॒प्तद॑श च) (अ. 4)
त्र्यवि॒र्वय॑स्त्रि॒ष्टु-प्छन्दो॑ दित्य॒वा-ड्वयो॑ वि॒राट् छन्दः॒ पञ्चा॑वि॒र्वयो॑ गाय॒त्री छन्द॑स्त्रिव॒थ्सो वय॑ उ॒ष्णिहा॒ छन्द॑ स्तुर्य॒वा-ड्वयो॑-ऽनु॒ष्टु-प्छन्दः॑ पष्ठ॒वा-द्वयो॑ बृह॒ती छन्द॑ उ॒क्षा वयः॑ स॒तोबृ॑हती॒ छन्द॑ ऋष॒भो वयः॑ क॒कुच्छन्दो॑ धे॒नुर्वयो॒ जग॑ती॒ छन्दो॑-ऽन॒ड्वान्. वयः॑ प॒ङ्क्ति श्छन्दो॑ ब॒स्तो वयो॑ विव॒ल-ञ्छन्दो॑ वृ॒ष्णिर्वयो॑ विशा॒ल-ञ्छन्दः॒ पुरु॑षो॒ वय॑ स्त॒न्द्र-ञ्छन्दो᳚ व्या॒घ्रो वयो-ऽना॑धृष्ट॒-ञ्छन्दः॑ सि॒ग्ं॒हो वय॑ श्छ॒दि श्छन्दो॑ विष्ट॒भों-वँयो-ऽधि॑पति॒ श्छन्दः॑ क्ष॒त्रं-वँयो॒ मय॑न्द॒-ञ्छन्दो॑ वि॒श्वक॑र्मा॒ वयः॑ परमे॒ष्ठी छन्दो॑ मू॒र्धा वयः॑ प्र॒जाप॑ति॒ श्छन्दः॑ ॥ 10 ॥
(पुरु॑षो॒ वयः॒ - ष-ड्विग्ं॑शतिश्च) (अ. 5)
इन्द्रा᳚ग्नी॒ अव्य॑थमाना॒मिष्ट॑का-न्दृग्ंहतं-युँ॒वम् । पृ॒ष्ठेन॒ द्यावा॑पृथि॒वी अ॒न्तरि॑क्ष-ञ्च॒ वि बा॑धताम् ॥ वि॒श्वक॑र्मा त्वा सादयत्व॒न्तरि॑क्षस्य पृ॒ष्ठे व्यच॑स्वती॒-म्प्रथ॑स्वती॒-म्भास्व॑तीग्ं सूरि॒मती॒मा या द्या-म्भास्या पृ॑थि॒वीमोर्व॑न्तरि॑क्ष-म॒न्तरि॑क्षं-यँच्छा॒न्तरि॑क्ष-न्दृग्ंहा॒न्तरि॑क्ष॒-म्मा हिग्ं॑सी॒ र्विश्व॑स्मै प्रा॒णाया॑पा॒नाय॑ व्या॒नायो॑दा॒नाय॑ प्रति॒ष्ठायै॑ च॒रित्रा॑य वा॒युस्त्वा॒-ऽभि पा॑तु म॒ह्या स्व॒स्त्या छ॒र्दिषा॒ [छ॒र्दिषा᳚, शन्त॑मेन॒ तया॑] 11
शन्त॑मेन॒ तया॑ दे॒व॑तया-ऽङ्गिर॒स्व-द्ध्रु॒वा सी॑द ॥ राज्ञ्य॑सि॒ प्राची॒ दिग्-वि॒राड॑सि दक्षि॒णा दि-ख्स॒म्राड॑सि प्र॒तीची॒ दिख्-स्व॒राड॒स्युदी॑ची॒ दिगधि॑पत्न्यसि बृह॒ती दिगायु॑र्मे पाहि प्रा॒ण-म्मे॑ पाह्यपा॒न-म्मे॑ पाहि व्या॒न-म्मे॑ पाहि॒ चक्षु॑र्मे पाहि॒ श्रोत्र॑-म्मे पाहि॒ मनो॑ मे जिन्व॒ वाच॑-म्मे पिन्वा॒ ऽऽत्मान॑-म्मे पाहि॒ ज्योति॑र्मे यच्छ ॥ 12 ॥
(छ॒र्दिषा॑ - पिन्व॒ - षट्च॑) (अ. 6)
मा छन्दः॑ प्र॒मा छन्दः॑ प्रति॒मा छन्दो᳚-ऽस्री॒वि श्छन्दः॑ प॒ङ्क्ति श्छन्द॑ उ॒ष्णिहा॒ छन्दो॑ बृह॒ती छन्दो॑-ऽनु॒ष्टु-प्छन्दो॑ वि॒राट् छन्दो॑ गाय॒त्री छन्द॑-स्त्रि॒ष्टु-प्छन्दो॒ जग॑ती॒ छन्दः॑ पृथि॒वी छन्दो॒ ऽन्तरि॑क्ष॒-ञ्छन्दो॒ द्यौ श्छन्द॒-स्समा॒ श्छन्दो॒ नक्ष॑त्राणि॒ छन्दो॒ मन॒ श्छन्दो॒ वाक् छन्दः॑ कृ॒षि श्छन्दो॒ हिर॑ण्य॒-ञ्छन्दो॒ गौ श्छन्दो॒ ऽजा छन्दो ऽश्व॒ श्छन्दः॑ ॥ अ॒ग्निर्दे॒वता॒ [अ॒ग्निर्दे॒वता᳚, वातो॑ दे॒वता॒] 13
वातो॑ दे॒वता॒ सूर्यो॑ दे॒वता॑ च॒न्द्रमा॑ दे॒वता॒ वस॑वो दे॒वता॑ रु॒द्रा दे॒वता॑ ऽऽदि॒त्या दे॒वता॒ विश्वे॑ दे॒वा दे॒वता॑ म॒रुतो॑ दे॒वता॒ बृह॒स्पति॑ र्दे॒वतेन्द्रो॑ दे॒वता॒ वरु॑णो दे॒वता॑ मू॒र्धा-ऽसि॒ रा-ड्ध्रु॒वा-ऽसि॑ ध॒रुणा॑ य॒न्त्र्य॑सि॒ यमि॑त्री॒षे त्वो॒र्जे त्वा॑ कृ॒ष्यै त्वा॒ क्षेमा॑य त्वा॒ यन्त्री॒ रा-ड्ध्रु॒वा-ऽसि॒ धर॑णी ध॒र्त्र्य॑सि॒ धरि॒त्र्यायु॑षे त्वा॒ वर्च॑से॒ त्वौज॑से त्वा॒ बला॑य त्वा ॥ 14 ॥
(दे॒वता - ऽऽयु॑षे त्वा॒ - षट् च॑ ) (अ. 7)
आ॒शुस्त्रि॒वृ-द्भा॒न्तः प॑ञ्चद॒शो व्यो॑म सप्तद॒शः प्रतू᳚र्तिरष्टाद॒श स्तपो॑ नवद॒शो॑ ऽभिव॒र्त-स्स॑वि॒ग्ं॒शो ध॒रुण॑ एकवि॒ग्ं॒शो वर्चो᳚ द्वावि॒ग्ं॒श-स्स॒म्भर॑णस्त्रयोवि॒ग्ं॒शो योनि॑श्चतुर्वि॒ग्ं॒शो गर्भाः᳚ पञ्चवि॒ग्ं॒श ओज॑स्त्रिण॒वः क्रतु॑रेकत्रि॒ग्ं॒शः प्र॑ति॒ष्ठा त्र॑यस्त्रि॒ग्ं॒शो ब्र॒द्ध्नस्य॑ वि॒ष्टप॑-ञ्चतुस्त्रि॒ग्ं॒शो नाकः॑ षट्त्रि॒ग्ं॒शो वि॑व॒र्तो᳚-ऽष्टाचत्वारि॒ग्ं॒शो ध॒र्त्रश्च॑तुष्टो॒मः ॥ 15 ॥
(आ॒शुः - स॒प्तत्रिग्ं॑शत्) (अ. 8)
अ॒ग्नेर्भा॒गो॑-ऽसि दी॒क्षाया॒ आधि॑पत्य॒-म्ब्रह्म॑ स्पृ॒त-न्त्रि॒वृ-थ्स्तोम॒ इन्द्र॑स्य भा॒गो॑-ऽसि॒ विष्णो॒राधि॑पत्य-ङ्क्ष॒त्रग्ग् स्पृ॒त-म्प॑ञ्चद॒श-स्स्तोमो॑ नृ॒चक्ष॑सा-म्भा॒गो॑-ऽसि धा॒तुराधि॑पत्य-ञ्ज॒नित्रग्ग्॑ स्पृ॒तग्ं स॑प्तद॒श-स्स्तोमो॑ मि॒त्रस्य॑ भा॒गो॑-ऽसि॒ वरु॑ण॒स्या-ऽऽधि॑पत्य-न्दि॒वो वृ॒ष्टिर्वाता᳚-स्स्पृ॒ता ए॑कवि॒ग्ं॒श-स्स्तोमो-ऽदि॑त्यै भा॒गो॑-ऽसि पू॒ष्ण आधि॑पत्य॒मोजः॑ स्पृ॒त-न्त्रि॑ण॒व-स्स्तोमो॒ वसू॑ना-म्भा॒गो॑-ऽसि [ ] 16
रु॒द्राणा॒माधि॑पत्य॒-ञ्चतु॑ष्पा-थ्स्पृ॒त-ञ्च॑तुर्वि॒ग्ं॒श-स्स्तोम॑ आदि॒त्याना᳚-म्भा॒गो॑-ऽसि म॒रुता॒माधि॑पत्य॒-ङ्गर्भा᳚-स्स्पृ॒ताः प॑ञ्चवि॒ग्ं॒श-स्स्तोमो॑ दे॒वस्य॑ सवि॒तुर्भा॒गो॑-ऽसि॒ बृह॒स्पते॒राधि॑पत्यग्ं स॒मीची॒र्दिशः॑ स्पृ॒ताश्च॑तुष्टो॒म-स्स्तोमो॒ यावा॑ना-म्भा॒गो᳚-ऽस्यया॑वाना॒माधि॑पत्य-म्प्र॒जा-स्स्पृ॒ता-श्च॑तु-श्चत्वारि॒ग्ं॒श-स्स्तोम॑ ऋभू॒णा-म्भा॒गो॑-ऽसि॒ विश्वे॑षा-न्दे॒वाना॒माधि॑पत्य-म्भू॒त-न्निशा᳚न्तग्ग् स्पृ॒त-न्त्र॑यस्त्रि॒ग्ं॒श-स्स्तोमः॑ ॥ 17 ॥
(वसू॑ना-म्भा॒गो॑-ऽसि॒ - षट्च॑त्वारिग्ंशच्च) (अ. 9)
एक॑या-ऽस्तुवत प्र॒जा अ॑धीयन्त प्र॒जाप॑ति॒रधि॑पतिरासी-त्ति॒सृभि॑रस्तुवत॒ ब्रह्मा॑सृज्यत॒ ब्रह्म॑ण॒स्पति॒-रधि॑पतिरासी-त्प॒ञ्चभि॑रस्तुवत भू॒तान्य॑सृज्यन्त भू॒ताना॒-म्पति॒रधि॑पतिरासी-थ्स॒प्तभि॑रस्तुवत सप्त॒र्॒षयो॑-ऽसृज्यन्त धा॒ता-धि॑पतिरासी-न्न॒वभि॑रस्तुवत पि॒तरो॑-ऽसृज्य॒न्ता-ऽदि॑ति॒रधि॑पत्न्यासी-देकाद॒शभि॑-रस्तुवत॒र्तवो॑-ऽ सृज्यन्ता- ऽऽर्त॒वो-ऽधि॑पति-रासी-त्त्रयोद॒शभि॑-रस्तुवत॒ मासा॑ असृज्यन्त संवँथ्स॒रो-ऽधि॑पति- [-ऽधि॑पतिः, आ॒सी॒-त्प॒ञ्च॒द॒शभि॑रस्तुवत] 18
-रासी-त्पञ्चद॒शभि॑रस्तुवत क्ष॒त्रम॑सृज्य॒तेन्द्रो ऽधि॑पतिरासी-थ्सप्तद॒शभि॑रस्तुवत प॒शवो॑-ऽसृज्यन्त॒ बृह॒स्पति॒रधि॑पति-रासीन्नवद॒शभि॑-रस्तुवत शूद्रा॒र्याव॑सृज्येतामहोरा॒त्रे अधि॑पत्नी आस्ता॒मेक॑विग्ं शत्या-ऽस्तुव॒तैक॑शफाः प॒शवो॑-ऽसृज्यन्त॒ वरु॒णो ऽधि॑पतिरासी॒-त्त्रयो॑विग्ंशत्या-ऽस्तुवत क्षु॒द्राः प॒शवो॑-ऽसृज्यन्त पू॒षा ऽधि॑पतिरासी॒-त्पञ्च॑विग्ंशत्या ऽस्तुवता-ऽऽर॒ण्याः प॒शवो॑-ऽसृज्यन्त वा॒युरधि॑पतिरासी-थ्स॒प्तविग्ं॑शत्या-ऽस्तुवत॒ द्यावा॑पृथि॒वी व्यै॑- [द्यावा॑पृथि॒वी वि, ई॒तां॒-वँस॑वो रु॒द्रा] 19
-तां॒-वँस॑वो रु॒द्रा आ॑दि॒त्या अनु॒ व्या॑य॒-न्तेषा॒माधि॑पत्यमासी॒-न्नव॑विग्ं शत्या-ऽस्तुवत॒ वन॒स्पत॑यो-ऽसृज्यन्त॒ सोमो ऽधि॑पतिरासी॒-देक॑त्रिग्ंशता ऽस्तुवत प्र॒जा अ॑सृज्यन्त॒ यावा॑ना॒-ञ्चाया॑वाना॒-ञ्चा-ऽऽधि॑पत्यमासी॒-त्त्रय॑स्त्रिग्ंशता ऽस्तुवत भू॒तान्य॑शाम्य-न्प्र॒जाप॑तिः परमे॒ष्ठ्यधि॑पतिरासीत् ॥ 20 ॥
(सं॒वँ॒थ्स॒रो-ऽधि॑पति॒- र्वि - पञ्च॑त्रिग्ंशच्च) (अ. 10)
इ॒यमे॒व सा या प्र॑थ॒मा व्यौच्छ॑द॒न्तर॒स्या-ञ्च॑रति॒ प्रवि॑ष्टा । व॒धूर्ज॑जान नव॒गज्जनि॑त्री॒ त्रय॑ एना-म्महि॒मानः॑ सचन्ते ॥ छन्द॑स्वती उ॒षसा॒ पेपि॑शाने समा॒नं-योँनि॒मनु॑ स॒ञ्चर॑न्ती । सूर्य॑पत्नी॒ वि च॑रतः प्रजान॒ती के॒तु-ङ्कृ॑ण्वा॒ने अ॒जर॒ भूरि॑रेतसा ॥ ऋ॒तस्य॒ पन्था॒मनु॑ ति॒स्र आ-ऽगु॒स्त्रयो॑ घ॒र्मासो॒ अनु॒ ज्योति॒षा-ऽऽगुः॑ । प्र॒जामेका॒ रक्ष॒त्यूर्ज॒मेका᳚ [ ] 21
व्र॒तमेका॑ रक्षति देवयू॒नाम् ॥ च॒तु॒ष्टो॒मो अ॑भव॒द्या तु॒रीया॑ य॒ज्ञस्य॑ प॒क्षावृ॑षयो॒ भव॑न्ती । गा॒य॒त्री-न्त्रि॒ष्टुभ॒-ञ्ज॑गतीमनु॒ष्टुभ॑-म्बृ॒हद॒र्कं-युँ॑ञ्जा॒ना-स्सुव॒रा-ऽभ॑रन्नि॒दम् ॥ प॒ञ्चभि॑र्धा॒ता वि द॑धावि॒दं-यँ-त्तासा॒ग्॒ स्वसॄ॑रजनय॒-त्पञ्च॑पञ्च । तासा॑मु यन्ति प्रय॒वेण॒ पञ्च॒ नाना॑ रू॒पाणि॒ क्रत॑वो॒ वसा॑नाः ॥ त्रि॒ग्ं॒श-थ्स्वसा॑र॒ उप॑यन्ति निष्कृ॒तग्ं स॑मा॒न-ङ्के॒तु-म्प्र॑तिमु॒ञ्चमा॑नाः । 22
ऋ॒तूग्स्त॑न्वते क॒वयः॑ प्रजान॒तीर्मद्ध्ये॑छन्दसः॒ परि॑ यन्ति॒ भास्व॑तीः ॥ ज्योति॑ष्मती॒ प्रति॑ मुञ्चते॒ नभो॒ रात्री॑ दे॒वी सूर्य॑स्य व्र॒तानि॑ । वि प॑श्यन्ति प॒शवो॒ जाय॑माना॒ नाना॑रूपा मा॒तुर॒स्या उ॒पस्थे᳚ ॥ ए॒का॒ष्ट॒का तप॑सा॒ तप्य॑माना ज॒जान॒ गर्भ॑-म्महि॒मान॒मिन्द्र᳚म् । तेन॒ दस्यू॒न् व्य॑सहन्त दे॒वा ह॒न्ता-ऽसु॑राणा-मभव॒च्छची॑भिः ॥ अना॑नुजामनु॒जा-म्माम॑कर्त स॒त्यं-वँद॒न्त्यन्वि॑च्छ ए॒तत् । भू॒यास॑- [भू॒यास᳚म्, अ॒स्य॒ सु॒म॒तौ यथा॑] 23
मस्य सुम॒तौ यथा॑ यू॒यम॒न्या वो॑ अ॒न्यामति॒ मा प्र यु॑क्त ॥ अभू॒न्मम॑ सुम॒तौ वि॒श्ववे॑दा॒ आष्ट॑ प्रति॒ष्ठामवि॑द॒द्धि गा॒धम् । भू॒यास॑मस्य सुम॒तौ यथा॑ यू॒यम॒न्या वो॑ अ॒न्यामति॒ मा प्रयु॑क्त ॥ पञ्च॒ व्यु॑ष्टी॒रनु॒ पञ्च॒ दोहा॒ गा-म्पञ्च॑नाम्नीमृ॒तवो-ऽनु॒ पञ्च॑ । पञ्च॒ दिशः॑ पञ्चद॒शेन॑ कॢ॒प्ता-स्स॑मा॒नमू᳚र्ध्नीर॒भि लो॒कमेक᳚म् ॥ 24 ॥
ऋ॒तस्य॒ गर्भः॑ प्रथ॒मा व्यू॒षुष्य॒पामेका॑ महि॒मान॑-म्बिभर्ति । सूर्य॒स्यैका॒ चर॑ति निष्कृ॒तेषु॑ घ॒र्मस्यैका॑ सवि॒तैका॒-न्नि य॑च्छति ॥ या प्र॑थ॒मा व्यौच्छ॒-थ्सा धे॒नुर॑भवद्य॒मे । सा नः॒ पय॑स्वती धु॒क्ष्वोत्त॑रामुत्तरा॒ग्ं॒ समा᳚म् ॥ शु॒क्रर्ष॑भा॒ नभ॑सा॒ ज्योति॒षा ऽऽगा᳚-द्वि॒श्वरू॑पा शब॒लीर॒ग्निके॑तुः । स॒मा॒नमर्थग्ग्॑ स्वप॒स्यमा॑ना॒ बिभ्र॑ती ज॒राम॑जर उष॒ आ-ऽगाः᳚ ॥ ऋ॒तू॒ना-म्पत्नी᳚ प्रथ॒मेयमा-ऽगा॒दह्ना᳚-न्ने॒त्री ज॑नि॒त्री प्र॒जाना᳚म् । एका॑ स॒ती ब॑हु॒धोषो॒ व्यु॑च्छ॒स्यजी᳚र्णा॒ त्व-ञ्ज॑रयसि॒ सर्व॑म॒न्यत् ॥ 25 ॥
(ऊर्ज॒मेका᳚ - प्रतिमु॒ञ्चमा॑ना - भू॒यास॒ - मेकं॒ - पत्न्ये का॒न्न विग्ं॑श॒तिश्च॑) (अ. 11)
अग्ने॑ जा॒ता-न्प्रणु॑दा न-स्स॒पत्ना॒-न्प्रत्यजा॑ताञ्जातवेदो नुदस्व । अ॒स्मे दी॑दिहि सु॒मना॒ अहे॑ड॒-न्तव॑ स्या॒ग्ं॒ शर्म॑-न्त्रि॒वरू॑थ उ॒द्भित् ॥ सह॑सा जा॒ता-न्प्रणु॑दान-स्स॒पत्ना॒-न्प्रत्यजा॑ताञ्जातवेदो नुदस्व । अधि॑ नो ब्रूहि सुमन॒स्यमा॑नो व॒यग्ग् स्या॑म॒ प्रणु॑दा न-स्स॒पत्नान्॑ ॥ च॒तु॒श्च॒त्वा॒रि॒ग्ं॒श-स्स्तोमो॒ वर्चो॒ द्रवि॑णग्ं षोड॒श-स्स्तोम॒ ओजो॒ द्रवि॑ण-म्पृथि॒व्याः पुरी॑षम॒- [पुरी॑षमसि, अफ्सो॒ नाम॑ ।] 26
-स्यफ्सो॒ नाम॑ । एव॒ श्छन्दो॒ वरि॑व॒ श्छन्दः॑ श॒भूं श्छन्दः॑ परि॒भू श्छन्द॑ आ॒च्छच्छन्दो॒ मन॒ श्छन्दो॒ व्यच॒ श्छन्द॒-स्सिन्धु॒ श्छन्दः॑ समु॒द्र-ञ्छन्दः॑ सलि॒ल-ञ्छन्दः॑ सं॒यँच्छन्दो॑ वि॒यच्छन्दो॑ बृ॒हच्छन्दो॑ रथन्त॒र-ञ्छन्दो॑ निका॒य श्छन्दो॑ विव॒ध श्छन्दो॒ गिर॒ श्छन्दो॒ भ्रज॒ श्छन्दः॑ स॒ष्टु-प्छन्दो॑ ऽनु॒ष्टु-प्छन्दः॑ क॒कुच्छन्द॑ स्त्रिक॒कुच्छन्दः॑ का॒व्य-ञ्छन्दो᳚ -ऽङ्कु॒प-ञ्छन्दः॑ [-ऽङ्कु॒प-ञ्छन्दः॑, प॒दप॑ङ्क्ति॒ श्छन्दो॒] 27
प॒दप॑ङ्क्ति॒ श्छन्दो॒ ऽक्षर॑पङ्क्ति॒ श्छन्दो॑ विष्टा॒रप॑ङ्क्ति॒ श्छन्दः॑ क्षु॒रो भृज्वा॒ञ्छन्दः॑ प्र॒च्छच्छन्दः॑ प॒क्ष श्छन्द॒ एव॒ श्छन्दो॒ वरि॑व॒ श्छन्दो॒ वय॒ श्छन्दो॑ वय॒स्कृच्छन्दो॑ विशा॒ल-ञ्छन्दो॒ विष्प॑र्धा॒ श्छन्द॑ श्छ॒दि श्छन्दो॑ दूरोह॒ण-ञ्छन्द॑स्त॒न्द्र-ञ्छन्दो᳚ ऽङ्का॒ङ्क-ञ्छन्दः॑ ॥ 28 ॥
(अ॒स्य॒ - ङ्कु॒पञ्छन्द॒ - स्त्रय॑स्त्रिग्ंशच्च) (अ. 12)
अ॒ग्निर्वृ॒त्राणि॑ जङ्घन-द्द्रविण॒स्युर्वि॑प॒न्यया᳚ । समि॑द्ध-श्शु॒क्र आहु॑तः ॥ त्वग्ं सो॑मासि॒ सत्प॑ति॒स्त्वग्ं राजो॒त वृ॑त्र॒हा । त्व-म्भ॒द्रो अ॑सि॒ क्रतुः॑ ॥ भ॒द्रा ते॑ अग्ने स्वनीक स॒दृङ्ग्घो॒रस्य॑ स॒तो विषु॑णस्य॒ चारुः॑ । न य-त्ते॑ शो॒चिस्तम॑सा॒ वर॑न्त॒ न ध्व॒स्मान॑स्त॒नुवि॒ रेप॒ आ धुः॑ ॥ भ॒द्र-न्ते॑ अग्ने सहसि॒न्ननी॑कमुपा॒क आ रो॑चते॒ सूर्य॑स्य । 29
रुश॑-द्दृ॒शे द॑दृशे नक्त॒या चि॒दरू᳚क्षित-न्दृ॒श आ रू॒पे अन्न᳚म् ॥ सैना-ऽनी॑केन सुवि॒दत्रो॑ अ॒स्मे यष्टा॑ दे॒वाग्ं आय॑जिष्ठ-स्स्व॒स्ति । अद॑ब्धो गो॒पा उ॒त नः॑ पर॒स्पा अग्ने᳚ द्यु॒मदु॒त रे॒व-द्दि॑दीहि ॥ स्व॒स्ति नो॑ दि॒वो अ॑ग्ने पृथि॒व्या वि॒श्वायु॑र्धेहि य॒जथा॑य देव । य-थ्सी॒महि॑ दिविजात॒ प्रश॑स्त॒-न्तद॒स्मासु॒ द्रवि॑ण-न्धेहि चि॒त्रम् ॥ यथा॑ होत॒र्मनु॑षो [होत॒र्मनु॑षः, दे॒वता॑ता] 30
दे॒वता॑ता य॒ज्ञेभिः॑ सूनो सहसो॒ यजा॑सि । ए॒वा नो॑ अ॒द्य स॑म॒ना स॑मा॒नानु॒-शन्न॑ग्न उश॒तो य॑क्षि दे॒वान् ॥ अ॒ग्निमी॑डे पु॒रोहि॑तं-यँ॒ज्ञस्य॑ दे॒वमृ॒त्विज᳚म् । होता॑रग्ं रत्न॒धात॑मम् ॥ वृषा॑ सोम द्यु॒माग्ं अ॑सि॒ वृषा॑ देव॒ वृष॑व्रतः । वृषा॒ धर्मा॑णि दधिषे ॥ सान्त॑पना इ॒दग्ं ह॒विर्मरु॑त॒स्तज्जु॑जुष्टन । यु॒ष्माको॒ती रि॑शादसः ॥ यो नो॒ मर्तो॑ वसवो दुर्हृणा॒युस्ति॒र-स्स॒त्यानि॑ मरुतो॒ [मरुतः, जिघाग्ं॑सात् ।] 31
जिघाग्ं॑सात् । द्रु॒हः पाश॒-म्प्रति॒ स मु॑चीष्ट॒ तपि॑ष्ठेन॒ तप॑सा हन्तना॒ तम् ॥ सं॒वँ॒थ्स॒रीणा॑ म॒रुतः॑ स्व॒र्का उ॑रु॒क्षया॒-स्सग॑णा॒ मानु॑षेषु । ते᳚-ऽस्म-त्पाशा॒-न्प्र मु॑ञ्च॒न्त्वग्ंह॑स-स्सान्तप॒ना म॑दि॒रा मा॑दयि॒ष्णवः॑ ॥ पि॒प्री॒हि दे॒वाग्ं उ॑श॒तो य॑विष्ठ वि॒द्वाग्ं ऋ॒तूग्ंर्-ऋ॑तुपते यजे॒ह । ये दैव्या॑ ऋ॒त्विज॒स्तेभि॑रग्ने॒ त्वग्ं होतॄ॑णाम॒स्याय॑जिष्ठः ॥ अग्ने॒ यद॒द्य वि॒शो अ॑द्ध्वरस्य होतः॒ पाव॑क [पाव॑क, शो॒चे॒ वेष्ट्वग्ं हि] 32
शोचे॒ वेष्ट्वग्ं हि यज्वा᳚ । ऋ॒ता य॑जासि महि॒ना वि यद्भूर्ह॒व्या व॑ह यविष्ठ॒ या ते॑ अ॒द्य ॥ अ॒ग्निना॑ र॒यि-म॑श्ञव॒-त्पोष॑मे॒व दि॒वेदि॑वे । य॒शसं॑-वीँ॒रव॑त्तमम् ॥ ग॒य॒स्फानो॑ अमीव॒हा व॑सु॒वि-त्पु॑ष्टि॒वर्ध॑नः । सु॒मि॒त्र-स्सो॑म नो भव ॥ गृह॑मेधास॒ आ ग॑त॒ मरु॑तो॒ मा-ऽप॑ भूतन । प्र॒मु॒ञ्चन्तो॑ नो॒ अग्ंह॑सः ॥ पू॒र्वीभि॒र्॒हि द॑दाशि॒म श॒रद्भि॑र्मरुतो व॒यम् । महो॑भि- [महो॑भिः, च॒र्॒ष॒णी॒नाम् ।] 33
-श्चर्षणी॒नाम् ॥ प्रबु॒द्ध्निया॑ ईरते वो॒ महाग्ं॑सि॒ प्रणामा॑नि प्रयज्यवस्तिरद्ध्वम् । स॒ह॒स्रिय॒-न्दम्य॑-म्भा॒गमे॒त-ङ्गृ॑हमे॒धीय॑-म्मरुतो जुषद्ध्वम् ॥ उप॒ यमेति॑ युव॒ति-स्सु॒दक्ष॑-न्दो॒षा वस्तोर्॑. ह॒विष्म॑ती घृ॒ताची᳚ । उप॒ स्वैन॑म॒रम॑तिर्व-सू॒युः ॥ इ॒मो अ॑ग्ने वी॒तत॑मानि ह॒व्या ऽज॑स्रो वक्षि दे॒वता॑ति॒मच्छ॑ । प्रति॑ न ईग्ं सुर॒भीणि॑ वियन्तु ॥ क्री॒डं-वँ॒-श्शर्धो॒ मारु॑तमन॒र्वाणग्ं॑ रथे॒शुभ᳚म् । 34
कण्वा॑ अ॒भि प्र गा॑यत ॥ अत्या॑सो॒ न ये म॒रुत॒-स्स्वञ्चो॑ यक्ष॒दृशो॒ न शु॒भय॑न्त॒ मर्याः᳚ । ते ह॑र्म्ये॒ष्ठा-श्शिश॑वो॒ न शु॒भ्रा व॒थ्सासो॒ न प्र॑क्री॒डिनः॑ पयो॒धाः ॥ प्रैषा॒मज्मे॑षु विथु॒रेव॑ रेजते॒ भूमि॒र्यामे॑षु॒ यद्ध॑ यु॒ञ्जते॑ शु॒भे । ते क्री॒डयो॒ धुन॑यो॒ भ्राज॑दृष्टय-स्स्व॒य-म्म॑हि॒त्व-म्प॑नयन्त॒ धूत॑यः ॥ उ॒प॒ह्व॒रेषु॒ यदचि॑द्ध्वं-यँ॒यिं-वँय॑ इव मरुतः॒ केन॑ [केन॑, चि॒-त्प॒था ।] 35
चि-त्प॒था । श्चोत॑न्ति॒ कोशा॒ उप॑ वो॒ रथे॒ष्वा घृ॒तमु॑क्षता॒ मधु॑वर्ण॒मर्च॑ते ॥ अ॒ग्निम॑ग्नि॒ग्ं॒ हवी॑मभि॒-स्सदा॑ हवन्त वि॒श्पति᳚म् । ह॒व्य॒वाह॑-म्पुरुप्रि॒यम् ॥ तग्ं हि शश्व॑न्त॒ ईड॑ते स्रु॒चा दे॒व-ङ्घृ॑त॒श्चुता᳚ । अ॒ग्निग्ं ह॒व्याय॒ वोढ॑वे ॥ इन्द्रा᳚ग्नी रोच॒ना दि॒व-श्श्ञथ॑द्वृ॒त्र मिन्द्रं॑-वोँ वि॒श्वत॒स्परीन्द्र॒-न्नरो॒ विश्व॑कर्मन्. ह॒विषा॑ वावृधा॒नो विश्व॑कर्मन्. ह॒विषा॒ वर्ध॑नेन ॥ 36 ॥
(सूर्य॑स्य॒ - मनु॑षो - मरुतः॒ - पाव॑क॒ - महो॑भी - रथे॒शुभ॒ - ङ्केन॒ - षड्च॑त्वारिग्ंशच्च) (अ. 13)
(अ॒पान्त्वेम॑ - न्न॒य-म्पु॒रो भुवः॒ - प्राची᳚ - ध्रु॒वक्षि॑ति॒ - स्त्र्यवि॒ - रिन्द्रा᳚ग्नी॒ - मा छन्द॑ - आ॒शुस्त्रि॒वृ - द॒ग्नेर्भा॒गो᳚ - ऽस्येक॑ - ये॒यमे॒व सा या - ऽग्ने॑ जा॒ता - न॒ग्निर्वृ॒त्राणि॒ - त्रयो॑दश )
(अ॒पान्त्वे - न्द्रा᳚ग्नी - इ॒यमे॒व - दे॒वता॑ता॒ - षट्त्रिग्ं॑शत् )
(अ॒पान्त्वेम॑न्, ह॒विषा॒ वर्ध॑नेन)
॥ हरिः॑ ओम् ॥
॥ कृष्ण यजुर्वेदीय तैत्तिरीय संहिताया-ञ्चतुर्थ काण्डे तृतीयः प्रश्न-स्समाप्तः ॥
kṛṣṇa yajurvedīya taittirīya saṃhitāyā-ñcaturthakāṇḍe tṛtīyaḥ praśnaḥ - citivarṇanaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
a॒pā-ntvema᳚n-thsādayāmya॒pā-ntvodma᳚n-thsādayāmya॒pā-ntvā॒ bhasma᳚n-thsādayāmya॒pā-ntvā॒ jyoti̭ṣi sādayāmya॒pā-ntvā-'ya̭ne sādayāmyarṇa॒ve sada̭ne sīda samu॒dre sada̭ne sīda sali॒le sada̭ne sīdā॒pā-ṅkṣayḙ sīdā॒pāgṃ sadhi̭ṣi sīdā॒pā-ntvā॒ sada̭ne sādayāmya॒pā-ntvā̭ sa॒dhasthḙ sādayāmya॒pā-ntvā॒ purī̭ṣe sādayāmya॒pā-ntvā॒ yonaṷ sādayāmya॒pā-ntvā॒ pātha̭si sādayāmi gāya॒trī chanda̭-stri॒ṣṭu-pchando॒ jaga̭tī॒ chando̭-'nu॒ṣṭu-pchandaḥ̭ pa॒ṅktiśchandaḥ̭ || 1 ||
(yonau॒ - pañca̭daśa ca) (a. 1)
a॒ya-mpu॒ro bhuva॒stasya̭ prā॒ṇo bhaṷvāya॒no va̭sa॒ntaḥ prā̭ṇāya॒no gā̭ya॒trī vā̭sa॒ntī gā̭yatri॒yai gā̭ya॒tra-ṅgā̭ya॒trādṷpā॒gṃ॒ śurṷpā॒gṃ॒ śostri॒vṛ-ttri॒vṛto̭ rathanta॒ragṃ ra̭thanta॒rā-dvasi̭ṣṭha॒ ṛṣiḥ̭ pra॒jāpa̭ti gṛhītayā॒ tvayā᳚ prā॒ṇa-ṅgṛ̭hṇāmi pra॒jābhyo॒-'ya-nda̭kṣi॒ṇā vi॒śvaka̭rmā॒ tasya॒ mano̭ vaiśvakarma॒ṇa-ṅgrī॒ṣmo mā̭na॒sastri॒ṣṭuggrai॒ṣmī tri॒ṣṭubha̭ ai॒ḍamai॒ḍā-da̭ntaryā॒mo᳚ 'ntaryā॒mā-tpa̭ñcada॒śaḥ pa̭ñcada॒śā-dbṛ॒ha-dbṛ̭ha॒to bha॒radvā̭ja॒ ṛṣiḥ̭ pra॒jāpa̭ti gṛhītayā॒ tvayā॒ mano̭ [tvayā॒ manaḥ̭, gṛ॒hṇā॒mi॒ pra॒jābhyo॒-'ya-] 2
gṛhṇāmi pra॒jābhyo॒-'ya-mpa॒ścā-dvi॒śvavya̭cā॒stasya॒ cakṣṷrvaiśvavyaca॒saṃ-va~॒r॒ṣāṇi̭ cākṣu॒ṣāṇi॒ jaga̭tī vā॒r॒ṣī jaga̭tyā॒ ṛkṣa̭ma॒mṛkṣa̭mācchu॒kra-śśu॒krā-thsa̭ptada॒śa-ssa̭ptada॒śā-dvai̭rū॒paṃ-vai~̭rū॒pā-dvi॒śvāmi̭tra॒ ṛṣiḥ̭ pra॒jāpa̭ti gṛhītayā॒ tvayā॒ cakṣṷrgṛhṇāmi pra॒jābhya̭ i॒damṷtta॒rā-thsuva॒stasya॒ śrotragṃ̭ sau॒vagṃ śa॒racchrau॒trya̭nu॒ṣṭup-chā̭ra॒dya̭nu॒ṣṭubhaḥ̭ svā॒ragg svā॒rānma॒nthī ma॒nthina̭ ekavi॒gṃ॒śa ḙkavi॒gṃ॒śā-dvai̭rā॒jaṃ-vai~̭rā॒jājja॒mada̭gni॒r॒ ṛṣiḥ̭ pra॒jāpa̭ti gṛhītayā॒ [gṛhītayā, tvayā॒] 3
tvayā॒ śrotra̭-ṅgṛhṇāmi pra॒jābhya̭ i॒yamu॒pari̭ ma॒tistasyai॒ vāmmā॒tī hḙma॒nto vā᳚cyāya॒naḥ pa॒ṅktirhai̭ma॒ntī pa॒ktyai-nni॒dhana̭vanni॒dhana̭vata āgraya॒ṇa ā᳚graya॒ṇā-ttri̭ṇavatrayastri॒gṃ॒śau tri̭ṇavatrayastri॒gṃ॒śābhyāgṃ̭ śākvararaiva॒te śā᳚kvararaiva॒tābhyāṃ᳚-vi~॒śvaka॒rmarṣiḥ̭ pra॒jāpa̭ti gṛhītayā॒ tvayā॒ vāca̭-ṅgṛhṇāmi pra॒jābhyaḥ̭ || 4 ||
(tvayā॒ mano̭-ja॒mada̭gni॒r॒ṛṣiḥ̭ pra॒jāpa̭tigṛhītayā-tri॒gṃ॒śacca̭) (a. 2)
prācī̭ di॒śāṃ-va~̭sa॒nta ṛ̭tū॒nāma॒gnirde॒vatā॒ brahma॒ dravi̭ṇa-ntri॒vṛ-thstoma॒-ssa ṷ pañcada॒śava̭rtani॒-stryavi॒rvayaḥ̭ kṛ॒tamayā̭nā-mpurovā॒to vāta॒-ssāna̭ga॒ ṛṣi̭rdakṣi॒ṇā di॒śā-ṅgrī॒ṣma ṛ̭tū॒nāmindro̭ de॒vatā᳚ kṣa॒tra-ndravi̭ṇa-mpañcada॒śa-sstoma॒-ssa ṷ saptada॒śa va̭rtani-rdi̭tya॒vāḍ-vaya॒stretā-'yā̭nā-ndakṣiṇādvā॒to vātaḥ̭ sanā॒tana॒ ṛṣiḥ̭ pra॒tīcī̭ di॒śāṃ-va~॒r॒ṣā ṛ̭tū॒nāṃ-vi~śvḙ de॒vā de॒vatā॒ vi- [de॒vatā॒ viṭ, dravi̭ṇagṃ] 5
-ḍdravi̭ṇagṃ saptada॒śa stoma॒-ssa ṷ vekavi॒gṃ॒ śava̭rtani-striva॒thso vayo᳚ dvāpa॒ro-'yā̭nā-mpaścādvā॒to vāto̭-'ha॒bhūna॒ ṛṣi॒rudī̭cī di॒śāgṃ śa॒rad-ṛ̭tū॒nā-mmi॒trāvarṷṇau de॒vatā̭ pu॒ṣṭa-ndravi̭ṇamekavi॒gṃ॒śa-sstoma॒-ssa ṷ triṇa॒vava̭rtani-sturya॒vā-ḍvaya̭ āska॒ndo 'yā̭nāmuttarā-dvā॒to vātaḥ̭ pra॒tna ṛṣi̭rū॒rdhvā di॒śāgṃ hḙmantaśiśi॒rāvṛ̭tū॒nā-mbṛha॒spati̭rde॒vatā॒ varco॒ dravi̭ṇa-ntriṇa॒va stoma॒-ssa ṷ trayastri॒gṃ॒śava̭rtaniḥ paṣṭha॒vādvayo̭ 'bhi॒bhūrayā̭nāṃ-vi~ṣvagvā॒to vātaḥ̭ supa॒rṇa ṛṣiḥ̭ pi॒taraḥ̭ pitāma॒hāḥ pare-'va̭re॒ te naḥ̭ pāntu॒ te no̭-'vantva॒smi-nbrahma̭nna॒smin kṣa॒tre᳚-'syā-mā॒śiṣya॒syā-mpṷro॒dhāyā̭ma॒smin karma̭nna॒syā-nde॒vahū᳚tyām || 6 ||
(viṭ - pa̭ṣṭha॒vā-dvayo॒ - 'ṣṭāvigṃ̭śatiśca) (a. 3)
dhru॒vakṣi̭ti -rdhru॒vayo̭ni-rdhru॒vā-'si̭ dhru॒vāṃ-yo~ni॒mā sī̭da sā॒ddhyā | ukhya̭sya ke॒tu-mpra̭tha॒ma-mpu॒rastā̭da॒śvinā᳚-'ddhva॒ryū sā̭dayatāmi॒ha tvā᳚ || sve dakṣe॒ dakṣa̭pite॒ha sī̭da deva॒trā pṛ̭thi॒vī bṛ̭ha॒tī rarā̭ṇā | svā॒sa॒sthā ta॒nuvā॒ saṃ-vi~̭śasva pi॒tevai̭dhi sū॒nava॒ ā su॒śevā॒-'śvinā᳚ddhva॒ryū sā̭dayatāmi॒ha tvā᳚ || ku॒lā॒yinī॒ vasṷmatī vayo॒dhā ra॒yi-nno̭ vardha bahu॒lagṃ su॒vīra᳚m | 7
apāma̭ti-ndurma॒ti-mbādha̭mānā rā॒yaspoṣḙ ya॒jñapa̭timā॒bhaja̭ntī॒ suva̭rdhehi॒ yaja̭mānāya॒ poṣa̭ma॒śvinā᳚-'ddhva॒ryū sā̭dayatāmi॒ha tvā᳚ || a॒gneḥ purī̭ṣamasi deva॒yānī॒ tā-ntvā॒ viśvḙ a॒bhi gṛ̭ṇantu de॒vāḥ | stoma̭pṛṣṭhā ghṛ॒tava̭tī॒ha sī̭da pra॒jāva̭da॒sme dravi॒ṇā ''ya̭jasvā॒śvinā᳚ 'ddhva॒ryū sā̭dayatāmi॒ha tvā᳚ || di॒vo mū॒rdhā-'si̭ pṛthi॒vyā nābhi̭rvi॒ṣṭambha̭nī di॒śāmadhi̭patnī॒ bhuva̭nānām | 8
ū॒rmirdra॒phso a॒pāma̭si vi॒śvaka̭rmā ta॒ ṛṣi̭ra॒śvinā᳚-'ddhva॒ryū sā̭dayatāmi॒ha tvā᳚ || sa॒jūr-ṛ॒tubhiḥ̭ sa॒jūrvi॒dhābhiḥ̭ sa॒jūrvasṷbhi-ssa॒jū ru॒drai-ssa॒jūrā̭di॒tyai-ssa॒jūrviśvai᳚rde॒vai-ssa॒jūrde॒vai-ssa॒jūrde॒vairva̭yo-nā॒dhaira॒gnaye᳚ tvā vaiśvāna॒rāyā॒śvinā᳚-'ddhva॒ryū sā̭dayatāmi॒ha tvā᳚ || prā॒ṇa-mmḙ pāhyapā॒na-mmḙ pāhi vyā॒na-mmḙ pāhi॒ cakṣṷrma u॒rvyā vi bhā̭hi॒ śrotra̭-mme ślokayā॒pa-spi॒nvauṣa̭dhīrjinva dvi॒pā-tpā̭hi॒ catṷṣpādava di॒vo vṛṣṭi॒mera̭ya || 9 ||
(su॒vīraṃ॒ - bhuva̭nānā - mu॒rvyā - sa॒ptada̭śa ca) (a. 4)
tryavi॒rvaya̭stri॒ṣṭu-pchando̭ ditya॒vā-ḍvayo̭ vi॒rāṭ chandaḥ॒ pañcā̭vi॒rvayo̭ gāya॒trī chanda̭striva॒thso vaya̭ u॒ṣṇihā॒ chanda̭ sturya॒vā-ḍvayo̭-'nu॒ṣṭu-pchandaḥ̭ paṣṭha॒vā-dvayo̭ bṛha॒tī chanda̭ u॒kṣā vayaḥ̭ sa॒tobṛ̭hatī॒ chanda̭ ṛṣa॒bho vayaḥ̭ ka॒kucchando̭ dhe॒nurvayo॒ jaga̭tī॒ chando̭-'na॒ḍvān. vayaḥ̭ pa॒ṅkti śchando̭ ba॒sto vayo̭ viva॒la-ñchando̭ vṛ॒ṣṇirvayo̭ viśā॒la-ñchandaḥ॒ purṷṣo॒ vaya̭ sta॒ndra-ñchando᳚ vyā॒ghro vayo-'nā̭dhṛṣṭa॒-ñchandaḥ̭ si॒gṃ॒ho vaya̭ ścha॒di śchando̭ viṣṭa॒bhoṃ-va~yo-'dhi̭pati॒ śchandaḥ̭ kṣa॒traṃ-va~yo॒ maya̭nda॒-ñchando̭ vi॒śvaka̭rmā॒ vayaḥ̭ parame॒ṣṭhī chando̭ mū॒rdhā vayaḥ̭ pra॒jāpa̭ti॒ śchandaḥ̭ || 10 ||
(purṷṣo॒ vayaḥ॒ - ṣa-ḍvigṃ̭śatiśca) (a. 5)
indrā᳚gnī॒ avya̭thamānā॒miṣṭa̭kā-ndṛgṃhataṃ-yu~॒vam | pṛ॒ṣṭhena॒ dyāvā̭pṛthi॒vī a॒ntari̭kṣa-ñca॒ vi bā̭dhatām || vi॒śvaka̭rmā tvā sādayatva॒ntari̭kṣasya pṛ॒ṣṭhe vyaca̭svatī॒-mpratha̭svatī॒-mbhāsva̭tīgṃ sūri॒matī॒mā yā dyā-mbhāsyā pṛ̭thi॒vīmorva̭ntari̭kṣa-ma॒ntari̭kṣaṃ-ya~cchā॒ntari̭kṣa-ndṛgṃhā॒ntari̭kṣa॒-mmā higṃ̭sī॒ rviśva̭smai prā॒ṇāyā̭pā॒nāya̭ vyā॒nāyo̭dā॒nāya̭ prati॒ṣṭhāyai̭ ca॒ritrā̭ya vā॒yustvā॒-'bhi pā̭tu ma॒hyā sva॒styā cha॒rdiṣā॒ [cha॒rdiṣā᳚, śanta̭mena॒ tayā̭] 11
śanta̭mena॒ tayā̭ de॒va̭tayā-'ṅgira॒sva-ddhru॒vā sī̭da || rājñya̭si॒ prācī॒ dig-vi॒rāḍa̭si dakṣi॒ṇā di-khsa॒mrāḍa̭si pra॒tīcī॒ dikh-sva॒rāḍa॒syudī̭cī॒ digadhi̭patnyasi bṛha॒tī digāyṷrme pāhi prā॒ṇa-mmḙ pāhyapā॒na-mmḙ pāhi vyā॒na-mmḙ pāhi॒ cakṣṷrme pāhi॒ śrotra̭-mme pāhi॒ mano̭ me jinva॒ vāca̭-mme pinvā॒ ''tmāna̭-mme pāhi॒ jyoti̭rme yaccha || 12 ||
(cha॒rdiṣā̭ - pinva॒ - ṣaṭca̭) (a. 6)
mā chandaḥ̭ pra॒mā chandaḥ̭ prati॒mā chando᳚-'srī॒vi śchandaḥ̭ pa॒ṅkti śchanda̭ u॒ṣṇihā॒ chando̭ bṛha॒tī chando̭-'nu॒ṣṭu-pchando̭ vi॒rāṭ chando̭ gāya॒trī chanda̭-stri॒ṣṭu-pchando॒ jaga̭tī॒ chandaḥ̭ pṛthi॒vī chando॒ 'ntari̭kṣa॒-ñchando॒ dyau śchanda॒-ssamā॒ śchando॒ nakṣa̭trāṇi॒ chando॒ mana॒ śchando॒ vāk chandaḥ̭ kṛ॒ṣi śchando॒ hira̭ṇya॒-ñchando॒ gau śchando॒ 'jā chando 'śva॒ śchandaḥ̭ || a॒gnirde॒vatā॒ [a॒gnirde॒vatā᳚, vāto̭ de॒vatā॒] 13
vāto̭ de॒vatā॒ sūryo̭ de॒vatā̭ ca॒ndramā̭ de॒vatā॒ vasa̭vo de॒vatā̭ ru॒drā de॒vatā̭ ''di॒tyā de॒vatā॒ viśvḙ de॒vā de॒vatā̭ ma॒ruto̭ de॒vatā॒ bṛha॒spati̭ rde॒vatendro̭ de॒vatā॒ varṷṇo de॒vatā̭ mū॒rdhā-'si॒ rā-ḍdhru॒vā-'si̭ dha॒ruṇā̭ ya॒ntrya̭si॒ yami̭trī॒ṣe tvo॒rje tvā̭ kṛ॒ṣyai tvā॒ kṣemā̭ya tvā॒ yantrī॒ rā-ḍdhru॒vā-'si॒ dhara̭ṇī dha॒rtrya̭si॒ dhari॒tryāyṷṣe tvā॒ varca̭se॒ tvauja̭se tvā॒ balā̭ya tvā || 14 ||
(de॒vatā - ''yṷṣe tvā॒ - ṣaṭ ca̭ ) (a. 7)
ā॒śustri॒vṛ-dbhā॒ntaḥ pa̭ñcada॒śo vyo̭ma saptada॒śaḥ pratū᳚rtiraṣṭāda॒śa stapo̭ navada॒śo̭ 'bhiva॒rta-ssa̭vi॒gṃ॒śo dha॒ruṇa̭ ekavi॒gṃ॒śo varco᳚ dvāvi॒gṃ॒śa-ssa॒mbhara̭ṇastrayovi॒gṃ॒śo yoni̭ścaturvi॒gṃ॒śo garbhāḥ᳚ pañcavi॒gṃ॒śa oja̭striṇa॒vaḥ kratṷrekatri॒gṃ॒śaḥ pra̭ti॒ṣṭhā tra̭yastri॒gṃ॒śo bra॒ddhnasya̭ vi॒ṣṭapa̭-ñcatustri॒gṃ॒śo nākaḥ̭ ṣaṭtri॒gṃ॒śo vi̭va॒rto᳚-'ṣṭācatvāri॒gṃ॒śo dha॒rtraśca̭tuṣṭo॒maḥ || 15 ||
(ā॒śuḥ - sa॒ptatrigṃ̭śat) (a. 8)
a॒gnerbhā॒go̭-'si dī॒kṣāyā॒ ādhi̭patya॒-mbrahma̭ spṛ॒ta-ntri॒vṛ-thstoma॒ indra̭sya bhā॒go̭-'si॒ viṣṇo॒rādhi̭patya-ṅkṣa॒tragg spṛ॒ta-mpa̭ñcada॒śa-sstomo̭ nṛ॒cakṣa̭sā-mbhā॒go̭-'si dhā॒turādhi̭patya-ñja॒nitragg̭ spṛ॒tagṃ sa̭ptada॒śa-sstomo̭ mi॒trasya̭ bhā॒go̭-'si॒ varṷṇa॒syā-''dhi̭patya-ndi॒vo vṛ॒ṣṭirvātā᳚-sspṛ॒tā ḙkavi॒gṃ॒śa-sstomo-'di̭tyai bhā॒go̭-'si pū॒ṣṇa ādhi̭patya॒mojaḥ̭ spṛ॒ta-ntri̭ṇa॒va-sstomo॒ vasṷ̄nā-mbhā॒go̭-'si [ ] 16
ru॒drāṇā॒mādhi̭patya॒-ñcatṷṣpā-thspṛ॒ta-ñca̭turvi॒gṃ॒śa-sstoma̭ ādi॒tyānā᳚-mbhā॒go̭-'si ma॒rutā॒mādhi̭patya॒-ṅgarbhā᳚-sspṛ॒tāḥ pa̭ñcavi॒gṃ॒śa-sstomo̭ de॒vasya̭ savi॒turbhā॒go̭-'si॒ bṛha॒spate॒rādhi̭patyagṃ sa॒mīcī॒rdiśaḥ̭ spṛ॒tāśca̭tuṣṭo॒ma-sstomo॒ yāvā̭nā-mbhā॒go᳚-'syayā̭vānā॒mādhi̭patya-mpra॒jā-sspṛ॒tā-śca̭tu-ścatvāri॒gṃ॒śa-sstoma̭ ṛbhū॒ṇā-mbhā॒go̭-'si॒ viśvḙṣā-nde॒vānā॒mādhi̭patya-mbhū॒ta-nniśā᳚ntagg spṛ॒ta-ntra̭yastri॒gṃ॒śa-sstomaḥ̭ || 17 ||
(vasṷ̄nā-mbhā॒go̭-'si॒ - ṣaṭca̭tvārigṃśacca) (a. 9)
eka̭yā-'stuvata pra॒jā a̭dhīyanta pra॒jāpa̭ti॒radhi̭patirāsī-tti॒sṛbhi̭rastuvata॒ brahmā̭sṛjyata॒ brahma̭ṇa॒spati॒-radhi̭patirāsī-tpa॒ñcabhi̭rastuvata bhū॒tānya̭sṛjyanta bhū॒tānā॒-mpati॒radhi̭patirāsī-thsa॒ptabhi̭rastuvata sapta॒r॒ṣayo̭-'sṛjyanta dhā॒tā-dhi̭patirāsī-nna॒vabhi̭rastuvata pi॒taro̭-'sṛjya॒ntā-'di̭ti॒radhi̭patnyāsī-dekāda॒śabhi̭-rastuvata॒rtavo̭-' sṛjyantā- ''rta॒vo-'dhi̭pati-rāsī-ttrayoda॒śabhi̭-rastuvata॒ māsā̭ asṛjyanta saṃva~thsa॒ro-'dhi̭pati- [-'dhi̭patiḥ, ā॒sī॒-tpa॒ñca॒da॒śabhi̭rastuvata] 18
-rāsī-tpañcada॒śabhi̭rastuvata kṣa॒trama̭sṛjya॒tendro 'dhi̭patirāsī-thsaptada॒śabhi̭rastuvata pa॒śavo̭-'sṛjyanta॒ bṛha॒spati॒radhi̭pati-rāsīnnavada॒śabhi̭-rastuvata śūdrā॒ryāva̭sṛjyetāmahorā॒tre adhi̭patnī āstā॒meka̭vigṃ śatyā-'stuva॒taika̭śaphāḥ pa॒śavo̭-'sṛjyanta॒ varu॒ṇo 'dhi̭patirāsī॒-ttrayo̭vigṃśatyā-'stuvata kṣu॒drāḥ pa॒śavo̭-'sṛjyanta pū॒ṣā 'dhi̭patirāsī॒-tpañca̭vigṃśatyā 'stuvatā-''ra॒ṇyāḥ pa॒śavo̭-'sṛjyanta vā॒yuradhi̭patirāsī-thsa॒ptavigṃ̭śatyā-'stuvata॒ dyāvā̭pṛthi॒vī vyai̭- [dyāvā̭pṛthi॒vī vi, ī॒tāṃ॒-va~sa̭vo ru॒drā] 19
-tāṃ॒-va~sa̭vo ru॒drā ā̭di॒tyā anu॒ vyā̭ya॒-nteṣā॒mādhi̭patyamāsī॒-nnava̭vigṃ śatyā-'stuvata॒ vana॒spata̭yo-'sṛjyanta॒ somo 'dhi̭patirāsī॒-deka̭trigṃśatā 'stuvata pra॒jā a̭sṛjyanta॒ yāvā̭nā॒-ñcāyā̭vānā॒-ñcā-''dhi̭patyamāsī॒-ttraya̭strigṃśatā 'stuvata bhū॒tānya̭śāmya-npra॒jāpa̭tiḥ parame॒ṣṭhyadhi̭patirāsīt || 20 ||
(saṃ॒va~॒thsa॒ro-'dhi̭pati॒- rvi - pañca̭trigṃśacca) (a. 10)
i॒yame॒va sā yā pra̭tha॒mā vyauccha̭da॒ntara॒syā-ñca̭rati॒ pravi̭ṣṭā | va॒dhūrja̭jāna nava॒gajjani̭trī॒ traya̭ enā-mmahi॒mānaḥ̭ sacante || chanda̭svatī u॒ṣasā॒ pepi̭śāne samā॒naṃ-yo~ni॒manṷ sa॒ñcara̭ntī | sūrya̭patnī॒ vi ca̭rataḥ prajāna॒tī ke॒tu-ṅkṛ̭ṇvā॒ne a॒jara॒ bhūri̭retasā || ṛ॒tasya॒ panthā॒manṷ ti॒sra ā-'gu॒strayo̭ gha॒rmāso॒ anu॒ jyoti॒ṣā-''guḥ̭ | pra॒jāmekā॒ rakṣa॒tyūrja॒mekā᳚ [ ] 21
vra॒tamekā̭ rakṣati devayū॒nām || ca॒tu॒ṣṭo॒mo a̭bhava॒dyā tu॒rīyā̭ ya॒jñasya̭ pa॒kṣāvṛ̭ṣayo॒ bhava̭ntī | gā॒ya॒trī-ntri॒ṣṭubha॒-ñja̭gatīmanu॒ṣṭubha̭-mbṛ॒hada॒rkaṃ-yu~̭ñjā॒nā-ssuva॒rā-'bha̭ranni॒dam || pa॒ñcabhi̭rdhā॒tā vi da̭dhāvi॒daṃ-ya~-ttāsā॒g॒ svasṝ̭rajanaya॒-tpañca̭pañca | tāsā̭mu yanti praya॒veṇa॒ pañca॒ nānā̭ rū॒pāṇi॒ krata̭vo॒ vasā̭nāḥ || tri॒gṃ॒śa-thsvasā̭ra॒ upa̭yanti niṣkṛ॒tagṃ sa̭mā॒na-ṅke॒tu-mpra̭timu॒ñcamā̭nāḥ | 22
ṛ॒tūgsta̭nvate ka॒vayaḥ̭ prajāna॒tīrmaddhyḙchandasaḥ॒ pari̭ yanti॒ bhāsva̭tīḥ || jyoti̭ṣmatī॒ prati̭ muñcate॒ nabho॒ rātrī̭ de॒vī sūrya̭sya vra॒tāni̭ | vi pa̭śyanti pa॒śavo॒ jāya̭mānā॒ nānā̭rūpā mā॒tura॒syā u॒pasthe᳚ || e॒kā॒ṣṭa॒kā tapa̭sā॒ tapya̭mānā ja॒jāna॒ garbha̭-mmahi॒māna॒mindra᳚m | tena॒ dasyū॒n vya̭sahanta de॒vā ha॒ntā-'sṷrāṇā-mabhava॒cchacī̭bhiḥ || anā̭nujāmanu॒jā-mmāma̭karta sa॒tyaṃ-va~da॒ntyanvi̭ccha e॒tat | bhū॒yāsa̭- [bhū॒yāsa᳚m, a॒sya॒ su॒ma॒tau yathā̭] 23
masya suma॒tau yathā̭ yū॒yama॒nyā vo̭ a॒nyāmati॒ mā pra yṷkta || abhū॒nmama̭ suma॒tau vi॒śvavḙdā॒ āṣṭa̭ prati॒ṣṭhāmavi̭da॒ddhi gā॒dham | bhū॒yāsa̭masya suma॒tau yathā̭ yū॒yama॒nyā vo̭ a॒nyāmati॒ mā prayṷkta || pañca॒ vyṷṣṭī॒ranu॒ pañca॒ dohā॒ gā-mpañca̭nāmnīmṛ॒tavo-'nu॒ pañca̭ | pañca॒ diśaḥ̭ pañcada॒śena̭ kḷ॒ptā-ssa̭mā॒namū᳚rdhnīra॒bhi lo॒kameka᳚m || 24 ||
ṛ॒tasya॒ garbhaḥ̭ pratha॒mā vyū॒ṣuṣya॒pāmekā̭ mahi॒māna̭-mbibharti | sūrya॒syaikā॒ cara̭ti niṣkṛ॒teṣṷ gha॒rmasyaikā̭ savi॒taikā॒-nni ya̭cchati || yā pra̭tha॒mā vyauccha॒-thsā dhe॒nura̭bhavadya॒me | sā naḥ॒ paya̭svatī dhu॒kṣvotta̭rāmuttarā॒gṃ॒ samā᳚m || śu॒krarṣa̭bhā॒ nabha̭sā॒ jyoti॒ṣā ''gā᳚-dvi॒śvarṷ̄pā śaba॒līra॒gnikḙtuḥ | sa॒mā॒namarthagg̭ svapa॒syamā̭nā॒ bibhra̭tī ja॒rāma̭jara uṣa॒ ā-'gāḥ᳚ || ṛ॒tū॒nā-mpatnī᳚ pratha॒meyamā-'gā॒dahnā᳚-nne॒trī ja̭ni॒trī pra॒jānā᳚m | ekā̭ sa॒tī ba̭hu॒dhoṣo॒ vyṷccha॒syajī᳚rṇā॒ tva-ñja̭rayasi॒ sarva̭ma॒nyat || 25 ||
(ūrja॒mekā᳚ - pratimu॒ñcamā̭nā - bhū॒yāsa॒ - mekaṃ॒ - patnye kā॒nna vigṃ̭śa॒tiśca̭) (a. 11)
agnḙ jā॒tā-npraṇṷdā na-ssa॒patnā॒-npratyajā̭tāñjātavedo nudasva | a॒sme dī̭dihi su॒manā॒ ahḙḍa॒-ntava̭ syā॒gṃ॒ śarma̭-ntri॒varṷ̄tha u॒dbhit || saha̭sā jā॒tā-npraṇṷdāna-ssa॒patnā॒-npratyajā̭tāñjātavedo nudasva | adhi̭ no brūhi sumana॒syamā̭no va॒yagg syā̭ma॒ praṇṷdā na-ssa॒patnāṋ || ca॒tu॒śca॒tvā॒ri॒gṃ॒śa-sstomo॒ varco॒ dravi̭ṇagṃ ṣoḍa॒śa-sstoma॒ ojo॒ dravi̭ṇa-mpṛthi॒vyāḥ purī̭ṣama॒- [purī̭ṣamasi, aphso॒ nāma̭ |] 26
-syaphso॒ nāma̭ | eva॒ śchando॒ vari̭va॒ śchandaḥ̭ śa॒bhūṃ śchandaḥ̭ pari॒bhū śchanda̭ ā॒cchacchando॒ mana॒ śchando॒ vyaca॒ śchanda॒-ssindhu॒ śchandaḥ̭ samu॒dra-ñchandaḥ̭ sali॒la-ñchandaḥ̭ saṃ॒ya~cchando̭ vi॒yacchando̭ bṛ॒hacchando̭ rathanta॒ra-ñchando̭ nikā॒ya śchando̭ viva॒dha śchando॒ gira॒ śchando॒ bhraja॒ śchandaḥ̭ sa॒ṣṭu-pchando̭ 'nu॒ṣṭu-pchandaḥ̭ ka॒kucchanda̭ strika॒kucchandaḥ̭ kā॒vya-ñchando᳚ -'ṅku॒pa-ñchandaḥ̭ [-'ṅku॒pa-ñchandaḥ̭, pa॒dapa̭ṅkti॒ śchando॒] 27
pa॒dapa̭ṅkti॒ śchando॒ 'kṣara̭paṅkti॒ śchando̭ viṣṭā॒rapa̭ṅkti॒ śchandaḥ̭ kṣu॒ro bhṛjvā॒ñchandaḥ̭ pra॒cchacchandaḥ̭ pa॒kṣa śchanda॒ eva॒ śchando॒ vari̭va॒ śchando॒ vaya॒ śchando̭ vaya॒skṛcchando̭ viśā॒la-ñchando॒ viṣpa̭rdhā॒ śchanda̭ ścha॒di śchando̭ dūroha॒ṇa-ñchanda̭sta॒ndra-ñchando᳚ 'ṅkā॒ṅka-ñchandaḥ̭ || 28 ||
(a॒sya॒ - ṅku॒pañchanda॒ - straya̭strigṃśacca) (a. 12)
a॒gnirvṛ॒trāṇi̭ jaṅghana-ddraviṇa॒syurvi̭pa॒nyayā᳚ | sami̭ddha-śśu॒kra āhṷtaḥ || tvagṃ so̭māsi॒ satpa̭ti॒stvagṃ rājo॒ta vṛ̭tra॒hā | tva-mbha॒dro a̭si॒ kratuḥ̭ || bha॒drā tḙ agne svanīka sa॒dṛṅggho॒rasya̭ sa॒to viṣṷṇasya॒ cāruḥ̭ | na ya-ttḙ śo॒cistama̭sā॒ vara̭nta॒ na dhva॒smāna̭sta॒nuvi॒ repa॒ ā dhuḥ̭ || bha॒dra-ntḙ agne sahasi॒nnanī̭kamupā॒ka ā ro̭cate॒ sūrya̭sya | 29
ruśa̭-ddṛ॒śe da̭dṛśe nakta॒yā ci॒darū᳚kṣita-ndṛ॒śa ā rū॒pe anna᳚m || sainā-'nī̭kena suvi॒datro̭ a॒sme yaṣṭā̭ de॒vāgṃ āya̭jiṣṭha-ssva॒sti | ada̭bdho go॒pā u॒ta naḥ̭ para॒spā agne᳚ dyu॒madu॒ta re॒va-ddi̭dīhi || sva॒sti no̭ di॒vo a̭gne pṛthi॒vyā vi॒śvāyṷrdhehi ya॒jathā̭ya deva | ya-thsī॒mahi̭ divijāta॒ praśa̭sta॒-ntada॒smāsu॒ dravi̭ṇa-ndhehi ci॒tram || yathā̭ hota॒rmanṷṣo [hota॒rmanṷṣaḥ, de॒vatā̭tā] 30
de॒vatā̭tā ya॒jñebhiḥ̭ sūno sahaso॒ yajā̭si | e॒vā no̭ a॒dya sa̭ma॒nā sa̭mā॒nānu॒-śanna̭gna uśa॒to ya̭kṣi de॒vān || a॒gnimī̭ḍe pu॒rohi̭taṃ-ya~॒jñasya̭ de॒vamṛ॒tvija᳚m | hotā̭ragṃ ratna॒dhāta̭mam || vṛṣā̭ soma dyu॒māgṃ a̭si॒ vṛṣā̭ deva॒ vṛṣa̭vrataḥ | vṛṣā॒ dharmā̭ṇi dadhiṣe || sānta̭panā i॒dagṃ ha॒virmarṷta॒stajjṷjuṣṭana | yu॒ṣmāko॒tī ri̭śādasaḥ || yo no॒ marto̭ vasavo durhṛṇā॒yusti॒ra-ssa॒tyāni̭ maruto॒ [marutaḥ, jighāgṃ̭sāt |] 31
jighāgṃ̭sāt | dru॒haḥ pāśa॒-mprati॒ sa mṷcīṣṭa॒ tapi̭ṣṭhena॒ tapa̭sā hantanā॒ tam || saṃ॒va~॒thsa॒rīṇā̭ ma॒rutaḥ̭ sva॒rkā ṷru॒kṣayā॒-ssaga̭ṇā॒ mānṷṣeṣu | te᳚-'sma-tpāśā॒-npra mṷñca॒ntvagṃha̭sa-ssāntapa॒nā ma̭di॒rā mā̭dayi॒ṣṇavaḥ̭ || pi॒prī॒hi de॒vāgṃ ṷśa॒to ya̭viṣṭha vi॒dvāgṃ ṛ॒tūgṃr-ṛ̭tupate yaje॒ha | ye daivyā̭ ṛ॒tvija॒stebhi̭ragne॒ tvagṃ hotṝ̭ṇāma॒syāya̭jiṣṭhaḥ || agne॒ yada॒dya vi॒śo a̭ddhvarasya hotaḥ॒ pāva̭ka [pāva̭ka, śo॒ce॒ veṣṭvagṃ hi] 32
śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūrha॒vyā va̭ha yaviṣṭha॒ yā tḙ a॒dya || a॒gninā̭ ra॒yi-ma̭śñava॒-tpoṣa̭me॒va di॒vedi̭ve | ya॒śasaṃ̭-vī~॒rava̭ttamam || ga॒ya॒sphāno̭ amīva॒hā va̭su॒vi-tpṷṣṭi॒vardha̭naḥ | su॒mi॒tra-sso̭ma no bhava || gṛha̭medhāsa॒ ā ga̭ta॒ marṷto॒ mā-'pa̭ bhūtana | pra॒mu॒ñcanto̭ no॒ agṃha̭saḥ || pū॒rvībhi॒r॒hi da̭dāśi॒ma śa॒radbhi̭rmaruto va॒yam | maho̭bhi- [maho̭bhiḥ, ca॒r॒ṣa॒ṇī॒nām |] 33
-ścarṣaṇī॒nām || prabu॒ddhniyā̭ īrate vo॒ mahāgṃ̭si॒ praṇāmā̭ni prayajyavastiraddhvam | sa॒ha॒sriya॒-ndamya̭-mbhā॒game॒ta-ṅgṛ̭hame॒dhīya̭-mmaruto juṣaddhvam || upa॒ yameti̭ yuva॒ti-ssu॒dakṣa̭-ndo॒ṣā vastor̭. ha॒viṣma̭tī ghṛ॒tācī᳚ | upa॒ svaina̭ma॒rama̭tirva-sū॒yuḥ || i॒mo a̭gne vī॒tata̭māni ha॒vyā 'ja̭sro vakṣi de॒vatā̭ti॒maccha̭ | prati̭ na īgṃ sura॒bhīṇi̭ viyantu || krī॒ḍaṃ-va~॒-śśardho॒ mārṷtamana॒rvāṇagṃ̭ rathe॒śubha᳚m | 34
kaṇvā̭ a॒bhi pra gā̭yata || atyā̭so॒ na ye ma॒ruta॒-ssvañco̭ yakṣa॒dṛśo॒ na śu॒bhaya̭nta॒ maryāḥ᳚ | te ha̭rmye॒ṣṭhā-śśiśa̭vo॒ na śu॒bhrā va॒thsāso॒ na pra̭krī॒ḍinaḥ̭ payo॒dhāḥ || praiṣā॒majmḙṣu vithu॒reva̭ rejate॒ bhūmi॒ryāmḙṣu॒ yaddha̭ yu॒ñjatḙ śu॒bhe | te krī॒ḍayo॒ dhuna̭yo॒ bhrāja̭dṛṣṭaya-ssva॒ya-mma̭hi॒tva-mpa̭nayanta॒ dhūta̭yaḥ || u॒pa॒hva॒reṣu॒ yadaci̭ddhvaṃ-ya~॒yiṃ-va~ya̭ iva marutaḥ॒ kena̭ [kena̭, ci॒-tpa॒thā |] 35
ci-tpa॒thā | ścota̭nti॒ kośā॒ upa̭ vo॒ rathe॒ṣvā ghṛ॒tamṷkṣatā॒ madhṷvarṇa॒marca̭te || a॒gnima̭gni॒gṃ॒ havī̭mabhi॒-ssadā̭ havanta vi॒śpati᳚m | ha॒vya॒vāha̭-mpurupri॒yam || tagṃ hi śaśva̭nta॒ īḍa̭te sru॒cā de॒va-ṅghṛ̭ta॒ścutā᳚ | a॒gnigṃ ha॒vyāya॒ voḍha̭ve || indrā᳚gnī roca॒nā di॒va-śśñatha̭dvṛ॒tra mindraṃ̭-vo~ vi॒śvata॒sparīndra॒-nnaro॒ viśva̭karman. ha॒viṣā̭ vāvṛdhā॒no viśva̭karman. ha॒viṣā॒ vardha̭nena || 36 ||
(sūrya̭sya॒ - manṷṣo - marutaḥ॒ - pāva̭ka॒ - maho̭bhī - rathe॒śubha॒ - ṅkena॒ - ṣaḍca̭tvārigṃśacca) (a. 13)
(a॒pāntvema̭ - nna॒ya-mpu॒ro bhuvaḥ॒ - prācī᳚ - dhru॒vakṣi̭ti॒ - stryavi॒ - rindrā᳚gnī॒ - mā chanda̭ - ā॒śustri॒vṛ - da॒gnerbhā॒go᳚ - 'syeka̭ - ye॒yame॒va sā yā - 'gnḙ jā॒tā - na॒gnirvṛ॒trāṇi॒ - trayo̭daśa )
(a॒pāntve - ndrā᳚gnī - i॒yame॒va - de॒vatā̭tā॒ - ṣaṭtrigṃ̭śat )
(a॒pāntvema̭n, ha॒viṣā॒ vardha̭nena)
|| hariḥ̭ om ||
|| kṛṣṇa yajurvedīya taittirīya saṃhitāyā-ñcaturtha kāṇḍe tṛtīyaḥ praśna-ssamāptaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.