atha ekādaśastotram
udīrṇamajaraṃ divyaṃ amṛtasyandyadhīśituḥ |
Verse 1
ānandasya padaṃ vande brahmendrādi abhivanditam || 1||
sarvavedapadodgītaṃ indirāvāsamuttamam (indirādhāramuttamam) |
Verse 2
ānandasya padaṃ vande brahmendrādi abhivanditam || 2||
sarvadevādidevasya vidāritamahattamaḥ |
Verse 3
ānandasya padaṃ vande brahmendrādi abhivanditam || 3||
udāramādarānnityaṃ anindyaṃ sundarīpateḥ |
Verse 4
ānandasya padaṃ vande brahmendrādi abhivanditam || 4||
indīvarodaranibhaṃ supūrṇaṃ vādimohanam (vādimohadam) |
Verse 5
ānandasya padaṃ vande brahmendrādi abhivanditam || 5||
dātṛsarvāmaraiśvaryavimuktyāderaho param (varam) |
Verse 6
ānandasya padaṃ vande brahmendrādi abhivanditam || 6||
dūrāddurataraṃ yattu tadevāntikamantikāt |
Verse 7
ānandasya padaṃ vande brahmendrādi abhivanditam || 7||
pūrṇasarvaguṇaikārṇamanādyantaṃ sureśituḥ |
Verse 8
ānandasya padaṃ vande brahmendrādi abhivanditam || 8||
ānandatīrthamuninā harerānandarūpiṇaḥ |
Verse 9
kṛtaṃ stotramidaṃ puṇyaṃ paṭhannānandamāpnuyāt || 9||
iti śrīmadānandatīrthabhagavatpādācārya viracitaṃ
dvādaśastotreṣu ekādaśastotraṃ sampūrṇam
Sanskrit — Devanagari (original)
अथ एकादशस्तोत्रम्
उदीर्णमजरं दिव्यं अमृतस्यन्द्यधीशितुः ।
आनन्दस्य पदं वन्दे ब्रह्मेन्द्रादि अभिवन्दितम् ॥ 1॥
सर्ववेदपदोद्गीतं इन्दिरावासमुत्तमम् (इन्दिराधारमुत्तमम्) ।
आनन्दस्य पदं वन्दे ब्रह्मेन्द्रादि अभिवन्दितम् ॥ 2॥
सर्वदेवादिदेवस्य विदारितमहत्तमः ।
आनन्दस्य पदं वन्दे ब्रह्मेन्द्रादि अभिवन्दितम् ॥ 3॥
उदारमादरान्नित्यं अनिन्द्यं सुन्दरीपतेः ।
आनन्दस्य पदं वन्दे ब्रह्मेन्द्रादि अभिवन्दितम् ॥ 4॥
इन्दीवरोदरनिभं सुपूर्णं वादिमोहनम् (वादिमोहदम्) ।
आनन्दस्य पदं वन्दे ब्रह्मेन्द्रादि अभिवन्दितम् ॥ 5॥
दातृसर्वामरैश्वर्यविमुक्त्यादेरहो परम् (वरम्) ।
आनन्दस्य पदं वन्दे ब्रह्मेन्द्रादि अभिवन्दितम् ॥ 6॥
दूराद्दुरतरं यत्तु तदेवान्तिकमन्तिकात् ।
आनन्दस्य पदं वन्दे ब्रह्मेन्द्रादि अभिवन्दितम् ॥ 7॥
पूर्णसर्वगुणैकार्णमनाद्यन्तं सुरेशितुः ।
आनन्दस्य पदं वन्दे ब्रह्मेन्द्रादि अभिवन्दितम् ॥ 8॥
आनन्दतीर्थमुनिना हरेरानन्दरूपिणः ।
कृतं स्तोत्रमिदं पुण्यं पठन्नानन्दमाप्नुयात् ॥ 9॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु एकादशस्तोत्रं सम्पूर्णम्