atha ekādaśastotram
udīrṇamajaraṃ divyaṃ amṛtasyandyadhīśituḥ |
1
ānandasya padaṃ vande brahmendrādi abhivanditam || 1||
sarvavedapadodgītaṃ indirāvāsamuttamam (indirādhāramuttamam) |
2
ānandasya padaṃ vande brahmendrādi abhivanditam || 2||
sarvadevādidevasya vidāritamahattamaḥ |
3
ānandasya padaṃ vande brahmendrādi abhivanditam || 3||
udāramādarānnityaṃ anindyaṃ sundarīpateḥ |
4
ānandasya padaṃ vande brahmendrādi abhivanditam || 4||
indīvarodaranibhaṃ supūrṇaṃ vādimohanam (vādimohadam) |
5
ānandasya padaṃ vande brahmendrādi abhivanditam || 5||
dātṛsarvāmaraiśvaryavimuktyāderaho param (varam) |
6
ānandasya padaṃ vande brahmendrādi abhivanditam || 6||
dūrāddurataraṃ yattu tadevāntikamantikāt |
7
ānandasya padaṃ vande brahmendrādi abhivanditam || 7||
pūrṇasarvaguṇaikārṇamanādyantaṃ sureśituḥ |
8
ānandasya padaṃ vande brahmendrādi abhivanditam || 8||
ānandatīrthamuninā harerānandarūpiṇaḥ |
9
kṛtaṃ stotramidaṃ puṇyaṃ paṭhannānandamāpnuyāt || 9||
iti śrīmadānandatīrthabhagavatpādācārya viracitaṃ
dvādaśastotreṣu ekādaśastotraṃ sampūrṇam