atha aṣṭamastotram
vanditāśeṣavandyoruvṛndārakaṃ candanācarcitodārapīnāṃsakam |
indirācañcalāpāṅganīrājitaṃ mandaroddhārivṛttodbhujābhoginam |
Verse 1
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 1||
sṛṣṭisaṃhāralīlāvilāsātataṃ puṣṭaṣāḍguṇyasadvigrahollāsinam |
duṣṭaniḥśeṣasaṃhārakarmodyataṃ hṛṣṭapuṣṭātiśiṣṭa (anuśiṣṭa) prajāsaṃśrayam |
Verse 2
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 2||
unnataprārthitāśeṣasaṃsādhakaṃ sannatālaukikānandadaśrīpadam |
bhinnakarmāśayaprāṇisamprerakaṃ tanna kiṃ neti vidvatsu mīmāṃsitam |
Verse 3
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 3||
vipramukhyaiḥ sadā vedavādonmukhaiḥ supratāpaiḥ kṣitīśeśvaraiścārccitam |
apratarkyorusaṃvidguṇaṃ nirmalaṃ saprakāśājarānandarūpaṃ param |
Verse 4
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 4||
atyayo yasya (yena) kenāpi na kvāpi hi pratyayo yadguṇeṣūttamānāṃ paraḥ |
satyasaṅkalpa eko vareṇyo vaśī matyanūnaiḥ sadā vedavādoditaḥ |
Verse 5
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 5||
paśyatāṃ duḥkhasantānanirmūlanaṃ dṛśyatāṃ dṛśyatāmityajeśārcitam |
naśyatāṃ dūragaṃ sarvadāpyā'tmagaṃ vaśyatāṃ svecchayā sajjaneṣvāgatam |
Verse 6
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 6||
agrajaṃ yaḥ sasarjājamagryākṛtiṃ vigraho yasya sarve guṇā eva hi |
ugra ādyo'pi yasyātmajāgryātmajaḥ sadgṛhītaḥ sadā yaḥ paraṃ daivatam |
Verse 7
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 7||
acyuto yo guṇairnityamevākhilaiḥ pracyuto'śeṣadoṣaiḥ sadā pūrtitaḥ |
ucyate sarvavedoruvādairajaḥ svarcito brahmarudrendrapūrvaiḥ sadā |
Verse 8
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 8||
dhāryate yena viśvaṃ sadājādikaṃ vāryate'śeṣaduḥkhaṃ nijadhyāyinām |
pāryate sarvamanyairnayatpāryate kāryate cākhilaṃ sarvabhūtaiḥ sadā |
Verse 9
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 9||
sarvapāpāniyatsaṃsmṛteḥ saṅkṣayaṃ sarvadā yānti bhaktyā viśuddhātmanām |
śarvagurvādigīrvāṇa saṃsthānadaḥ kurvate karma yatprītaye sajjanāḥ |
Verse 10
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 10||
akṣayaṃ karma yasmin pare svarpitaṃ prakṣayaṃ yānti duḥkhāni yannāmataḥ |
akṣaro yo'jaraḥ sarvadaivāmṛtaḥ kukṣigaṃ yasya viśvaṃ sadā'jādikam |
Verse 11
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 11||
nanditīrthorusannāmino nandinaḥ sandadhānāḥ sadānandadeve matim |
mandahāsāruṇā pāṅgadattonnatiṃ vanditāśeṣadevādivṛndaṃ sadā |
Verse 12
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 12||
iti śrīmadānandatīrthabhagavatpādācārya viracitaṃ
dvādaśastotreṣu aṣṭamastotraṃ sampūrṇam
Sanskrit — Devanagari (original)
अथ अष्टमस्तोत्रम्
वन्दिताशेषवन्द्योरुवृन्दारकं चन्दनाचर्चितोदारपीनांसकम् ।
इन्दिराचञ्चलापाङ्गनीराजितं मन्दरोद्धारिवृत्तोद्भुजाभोगिनम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 1॥
सृष्टिसंहारलीलाविलासाततं पुष्टषाड्गुण्यसद्विग्रहोल्लासिनम् ।
दुष्टनिःशेषसंहारकर्मोद्यतं हृष्टपुष्टातिशिष्ट (अनुशिष्ट) प्रजासंश्रयम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 2॥
उन्नतप्रार्थिताशेषसंसाधकं सन्नतालौकिकानन्ददश्रीपदम् ।
भिन्नकर्माशयप्राणिसम्प्रेरकं तन्न किं नेति विद्वत्सु मीमांसितम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 3॥
विप्रमुख्यैः सदा वेदवादोन्मुखैः सुप्रतापैः क्षितीशेश्वरैश्चार्च्चितम् ।
अप्रतर्क्योरुसंविद्गुणं निर्मलं सप्रकाशाजरानन्दरूपं परम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 4॥
अत्ययो यस्य (येन) केनापि न क्वापि हि प्रत्ययो यद्गुणेषूत्तमानां परः ।
सत्यसङ्कल्प एको वरेण्यो वशी मत्यनूनैः सदा वेदवादोदितः ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 5॥
पश्यतां दुःखसन्ताननिर्मूलनं दृश्यतां दृश्यतामित्यजेशार्चितम् ।
नश्यतां दूरगं सर्वदाप्याऽत्मगं वश्यतां स्वेच्छया सज्जनेष्वागतम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 6॥
अग्रजं यः ससर्जाजमग्र्याकृतिं विग्रहो यस्य सर्वे गुणा एव हि ।
उग्र आद्योऽपि यस्यात्मजाग्र्यात्मजः सद्गृहीतः सदा यः परं दैवतम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 7॥
अच्युतो यो गुणैर्नित्यमेवाखिलैः प्रच्युतोऽशेषदोषैः सदा पूर्तितः ।
उच्यते सर्ववेदोरुवादैरजः स्वर्चितो ब्रह्मरुद्रेन्द्रपूर्वैः सदा ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 8॥
धार्यते येन विश्वं सदाजादिकं वार्यतेऽशेषदुःखं निजध्यायिनाम् ।
पार्यते सर्वमन्यैर्नयत्पार्यते कार्यते चाखिलं सर्वभूतैः सदा ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 9॥
सर्वपापानियत्संस्मृतेः सङ्क्षयं सर्वदा यान्ति भक्त्या विशुद्धात्मनाम् ।
शर्वगुर्वादिगीर्वाण संस्थानदः कुर्वते कर्म यत्प्रीतये सज्जनाः ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 10॥
अक्षयं कर्म यस्मिन् परे स्वर्पितं प्रक्षयं यान्ति दुःखानि यन्नामतः ।
अक्षरो योऽजरः सर्वदैवामृतः कुक्षिगं यस्य विश्वं सदाऽजादिकम् ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 11॥
नन्दितीर्थोरुसन्नामिनो नन्दिनः सन्दधानाः सदानन्ददेवे मतिम् ।
मन्दहासारुणा पाङ्गदत्तोन्नतिं वन्दिताशेषदेवादिवृन्दं सदा ।
प्रीणयामो वासुदेवं देवतामण्डलाखण्डमण्डनं प्रीणयामो वासुदेवम् ॥ 12॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु अष्टमस्तोत्रं सम्पूर्णम्