atha saptamastotram
viśvasthitipralayasargamahāvibhūti vṛttiprakāśaniyamāvṛti bandhamokṣāḥ |
Verse 1
yasyā apāṅgalavamātrata ūrjitā sā śrīḥ yatkaṭākṣabalavatyajitaṃ namāmi || 1||
brahmeśaśakraravidharmaśaśāṅkapūrva gīrvāṇasantatiriyaṃ yadapāṅgaleśam |
Verse 2
āśritya viśvavijayaṃ visṛjatyacintyā śrīḥ yatkaṭākṣabalavatyajitaṃ namāmi || 2||
dharmārthakāmasumatipracayādyaśeṣasanmaṅgalaṃ vidadhate yadapāṅgaleśam |
Verse 3
āśritya tatpraṇatasatpraṇatā apīḍyā śrīḥ yatkaṭākṣabalavati ajitaṃ namāmi || 3||
ṣaḍvarganigrahanirastasamastadoṣā dhyāyanti viṣṇumṛṣayo yadapāṅgaleśam |
Verse 4
āśritya yānapi sametya na yāti duḥkhaṃ śrīḥ yatkaṭākṣabalavati ajitaṃ namāmi || 4||
śeṣāhivairiśivaśakramanupradhāna citrorukarmaracanaṃ yadapāṅgaleśam |
Verse 5
āśritya viśvamakhilaṃ vidadhāti dhātā śrīḥ yatkaṭākṣabalavati ajitaṃ namāmi || 5||
śakrogradīdhitihimākarasūryasūnu pūrvaṃ nihatya nikhilaṃ yadapāṅgaleśam |
Verse 6
āśritya nṛtyati śivaḥ prakaṭoruśaktiḥ śrīḥ yatkaṭākṣa balavati ajitaṃ namāmi || 6||
tatpādapaṅkajamahāsanatāmavāpa śarvādivandyacaraṇo yadapāṅgaleśam |
Verse 7
āśritya nāgapatiḥ anyasurairdurāpāṃ śrīḥ yatkaṭākṣabalavati ajitaṃ namāmi || 7||
nāgārirugrabalapauruṣa āpa viṣṇuvāhatvamuttamajavo yadapāṅgaleśam | var
viṣṇorvāha
Verse 8
āśritya śakramukhadevagaṇaiḥ acintyaṃ śrīḥ yatkaṭākṣa balavati ajitaṃ namāmi || 8||
ānandatīrthamunisanmukhapaṅkajotthaṃ sākṣādramāharimanaḥ priyaṃ uttamārtham |
Verse 9
bhaktyā paṭhati ajitamātmani sannidhāya yaḥ stotrametabhiyāti tayorabhīṣṭam || 9||
iti śrīmadānandatīrthabhagavatpādācārya viracitaṃ
dvādaśastotreṣu saptamastotraṃ sampūrṇam
Sanskrit — Devanagari (original)
अथ सप्तमस्तोत्रम्
विश्वस्थितिप्रलयसर्गमहाविभूति वृत्तिप्रकाशनियमावृति बन्धमोक्षाः ।
यस्या अपाङ्गलवमात्रत ऊर्जिता सा श्रीः यत्कटाक्षबलवत्यजितं नमामि ॥ 1॥
ब्रह्मेशशक्ररविधर्मशशाङ्कपूर्व गीर्वाणसन्ततिरियं यदपाङ्गलेशम् ।
आश्रित्य विश्वविजयं विसृजत्यचिन्त्या श्रीः यत्कटाक्षबलवत्यजितं नमामि ॥ 2॥
धर्मार्थकामसुमतिप्रचयाद्यशेषसन्मङ्गलं विदधते यदपाङ्गलेशम् ।
आश्रित्य तत्प्रणतसत्प्रणता अपीड्या श्रीः यत्कटाक्षबलवति अजितं नमामि ॥ 3॥
षड्वर्गनिग्रहनिरस्तसमस्तदोषा ध्यायन्ति विष्णुमृषयो यदपाङ्गलेशम् ।
आश्रित्य यानपि समेत्य न याति दुःखं श्रीः यत्कटाक्षबलवति अजितं नमामि ॥ 4॥
शेषाहिवैरिशिवशक्रमनुप्रधान चित्रोरुकर्मरचनं यदपाङ्गलेशम् ।
आश्रित्य विश्वमखिलं विदधाति धाता श्रीः यत्कटाक्षबलवति अजितं नमामि ॥ 5॥
शक्रोग्रदीधितिहिमाकरसूर्यसूनु पूर्वं निहत्य निखिलं यदपाङ्गलेशम् ।
आश्रित्य नृत्यति शिवः प्रकटोरुशक्तिः श्रीः यत्कटाक्ष बलवति अजितं नमामि ॥ 6॥
तत्पादपङ्कजमहासनतामवाप शर्वादिवन्द्यचरणो यदपाङ्गलेशम् ।
आश्रित्य नागपतिः अन्यसुरैर्दुरापां श्रीः यत्कटाक्षबलवति अजितं नमामि ॥ 7॥
नागारिरुग्रबलपौरुष आप विष्णुवाहत्वमुत्तमजवो यदपाङ्गलेशम् । वर्
विष्णोर्वाह
आश्रित्य शक्रमुखदेवगणैः अचिन्त्यं श्रीः यत्कटाक्ष बलवति अजितं नमामि ॥ 8॥
आनन्दतीर्थमुनिसन्मुखपङ्कजोत्थं साक्षाद्रमाहरिमनः प्रियं उत्तमार्थम् ।
भक्त्या पठति अजितमात्मनि सन्निधाय यः स्तोत्रमेतभियाति तयोरभीष्टम् ॥ 9॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु सप्तमस्तोत्रं सम्पूर्णम्