atha daśamastotram
ava naḥ śrīpatirapratiradhikeśādibhavāde |
Verse 1
karuṇāpūrṇavarapradacaritaṃ jñāpaya me te || 1||
suravandyādhipa sadvarabharitāśeṣaguṇālam |
Verse 2
karuṇāpūrṇavarapradacaritaṃ jñāpaya me te || 2||
sakaladhvāntavināśana (vināśaka) paramānandasudhāho |
Verse 3
karuṇāpūrṇavarapradacaritaṃ jñāpaya me te || 3||
trijagatpota sadārcitacaraṇāśāpatidhāto |
Verse 4
karuṇāpūrṇavarapradacaritaṃ jñāpaya me te || 4||
triguṇātītavidhāraka parito dehi subhaktim |
Verse 5
karuṇāpūrṇavarapradacaritaṃ jñāpaya me te || 5||
śaraṇaṃ kāraṇabhāvana bhava me tāta sadā'lam |
Verse 6
karuṇāpūrṇavarapradacaritaṃ jñāpaya me te || 6||
maraṇaprāṇada pālaka jagadīśāva subhaktim |
Verse 7
karuṇāpūrṇavarapradacaritaṃ jñāpaya me te || 7||
taruṇādityasavarṇakacaraṇābjāmala kīrte |
Verse 8
karuṇāpūrṇavarapradacaritaṃ jñāpaya me te || 8||
salilaprotthasarāgakamaṇivarṇoccanakhāde |
Verse 9
karuṇāpūrṇavarapradacaritaṃ jñāpaya me te || 9||
kaja (khaja) tūṇīnibhapāvanavarajaṅghāmitaśakte |
Verse 10
karuṇāpūrṇavarapradacaritaṃ jñāpaya me te || 10||
ibahastaprabhaśobhanaparamorustharamāle |
Verse 11
karuṇāpūrṇavarapradacaritaṃ jñāpaya me te || 11||
asanotphullasupuṣpakasamavarṇāvaraṇānte |
Verse 12
karuṇāpūrṇavarapradacaritaṃ jñāpaya me te || 12||
śatamododbhavasundarivarapadmotthitanābhe |
Verse 13
karuṇāpūrṇavarapradacaritaṃ jñāpaya me te || 13||
jagadāgūhakapallavasamakukṣe śaraṇāde |
Verse 14
karuṇāpūrṇavarapradacaritaṃ jñāpaya me te || 14||
jagadambāmalasundarigṛhavakṣovara yogin |
Verse 15
karuṇāpūrṇavarapradacaritaṃ jñāpaya me te || 15||
ditijāntaprada cakradharagadāyugvarabāho |
Verse 16
karuṇāpūrṇavarapradacaritaṃ jñāpaya me te || 16||
paramajñānamahānidhivadana śrīramaṇendo |
Verse 17
karuṇāpūrṇavarapradacaritaṃ jñāpaya me te || 17||
nikhilāghaughavināśana (vināśaka) parasaukhyapradadṛṣṭe |
Verse 18
karuṇāpūrṇavarapradacaritaṃ jñāpaya me te || 18||
paramānandasutīrthasumunirājo harigāthām |
Verse 19
kṛtavānnityasupūrṇakaparamānandapadaiṣin || 19||
iti śrīmadānandatīrthabhagavatpādācārya viracitaṃ
dvādaśastotreṣu daśamastotraṃ sampūrṇam
Sanskrit — Devanagari (original)
अथ दशमस्तोत्रम्
अव नः श्रीपतिरप्रतिरधिकेशादिभवादे ।
करुणापूर्णवरप्रदचरितं ज्ञापय मे ते ॥ 1॥
सुरवन्द्याधिप सद्वरभरिताशेषगुणालम् ।
करुणापूर्णवरप्रदचरितं ज्ञापय मे ते ॥ 2॥
सकलध्वान्तविनाशन (विनाशक) परमानन्दसुधाहो ।
करुणापूर्णवरप्रदचरितं ज्ञापय मे ते ॥ 3॥
त्रिजगत्पोत सदार्चितचरणाशापतिधातो ।
करुणापूर्णवरप्रदचरितं ज्ञापय मे ते ॥ 4॥
त्रिगुणातीतविधारक परितो देहि सुभक्तिम् ।
करुणापूर्णवरप्रदचरितं ज्ञापय मे ते ॥ 5॥
शरणं कारणभावन भव मे तात सदाऽलम् ।
करुणापूर्णवरप्रदचरितं ज्ञापय मे ते ॥ 6॥
मरणप्राणद पालक जगदीशाव सुभक्तिम् ।
करुणापूर्णवरप्रदचरितं ज्ञापय मे ते ॥ 7॥
तरुणादित्यसवर्णकचरणाब्जामल कीर्ते ।
करुणापूर्णवरप्रदचरितं ज्ञापय मे ते ॥ 8॥
सलिलप्रोत्थसरागकमणिवर्णोच्चनखादे ।
करुणापूर्णवरप्रदचरितं ज्ञापय मे ते ॥ 9॥
कज (खज) तूणीनिभपावनवरजङ्घामितशक्ते ।
करुणापूर्णवरप्रदचरितं ज्ञापय मे ते ॥ 10॥
इबहस्तप्रभशोभनपरमोरुस्थरमाले ।
करुणापूर्णवरप्रदचरितं ज्ञापय मे ते ॥ 11॥
असनोत्फुल्लसुपुष्पकसमवर्णावरणान्ते ।
करुणापूर्णवरप्रदचरितं ज्ञापय मे ते ॥ 12॥
शतमोदोद्भवसुन्दरिवरपद्मोत्थितनाभे ।
करुणापूर्णवरप्रदचरितं ज्ञापय मे ते ॥ 13॥
जगदागूहकपल्लवसमकुक्षे शरणादे ।
करुणापूर्णवरप्रदचरितं ज्ञापय मे ते ॥ 14॥
जगदम्बामलसुन्दरिगृहवक्षोवर योगिन् ।
करुणापूर्णवरप्रदचरितं ज्ञापय मे ते ॥ 15॥
दितिजान्तप्रद चक्रधरगदायुग्वरबाहो ।
करुणापूर्णवरप्रदचरितं ज्ञापय मे ते ॥ 16॥
परमज्ञानमहानिधिवदन श्रीरमणेन्दो ।
करुणापूर्णवरप्रदचरितं ज्ञापय मे ते ॥ 17॥
निखिलाघौघविनाशन (विनाशक) परसौख्यप्रददृष्टे ।
करुणापूर्णवरप्रदचरितं ज्ञापय मे ते ॥ 18॥
परमानन्दसुतीर्थसुमुनिराजो हरिगाथाम् ।
कृतवान्नित्यसुपूर्णकपरमानन्दपदैषिन् ॥ 19॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु दशमस्तोत्रं सम्पूर्णम्