atha dvitīyastotram
svajanodadhisaṃvṛddhi pūrṇacandro guṇārṇavaḥ | (sujanodadhisaṃvṛddhi)
Verse 1
amandānanda sāndro naḥ sadāvyādindirāpatiḥ || 1|| (prīyātāmindirāpatiḥ)
ramācakorīvidhave duṣṭadarpodavahnaye | (duṣṭasarpodavahnaye)
Verse 2
satpānthajanagehāya namo nārāyaṇāya te || 2||
cidacidbhedaṃ akhilaṃ vidhāyādhāya bhuñjate |
Verse 3
avyākṛtaguhasthāya ramāpraṇayine namaḥ || 3||
amandaguṇasāro'pi mandahāsena vīkṣitaḥ |
Verse 4
nityamindirayā'nandasāndro yo naumi taṃ harim || 4||
vaśī vaśo (vaśe) na kasyāpi yo'jito vijitākhilaḥ |
Verse 5
sarvakartā na kriyate taṃ namāmi ramāpatim || 5||
aguṇāyaguṇodreka svarūpāyādikāriṇe |
Verse 6
vidāritārisaṅghāya vāsudevāya te namaḥ || 6||
ādidevāya devānāṃ pataye sāditāraye |
Verse 7
anādyajñānapārāya namaḥ pārāvarāśraya || 7|| (namo varavarāya te)
ajāya janayitre'sya vijitākhiladānava |
Verse 8
ajādi pūjyapādāya namaste garuḍadhvaja || 8||
indirāmandasāndrāgrya kaṭākṣaprekṣitātmane |
Verse 9
asmadiṣṭaika kāryāya pūrṇāya haraye namaḥ || 9||
iti śrīmadānandatīrthabhagavatpādācārya viracitaṃ
dvādaśastotreṣu dvitīyastotraṃ sampūrṇam
Sanskrit — Devanagari (original)
अथ द्वितीयस्तोत्रम्
स्वजनोदधिसंवृद्धि पूर्णचन्द्रो गुणार्णवः । (सुजनोदधिसंवृद्धि)
अमन्दानन्द सान्द्रो नः सदाव्यादिन्दिरापतिः ॥ 1॥ (प्रीयातामिन्दिरापतिः)
रमाचकोरीविधवे दुष्टदर्पोदवह्नये । (दुष्टसर्पोदवह्नये)
सत्पान्थजनगेहाय नमो नारायणाय ते ॥ 2॥
चिदचिद्भेदं अखिलं विधायाधाय भुञ्जते ।
अव्याकृतगुहस्थाय रमाप्रणयिने नमः ॥ 3॥
अमन्दगुणसारोऽपि मन्दहासेन वीक्षितः ।
नित्यमिन्दिरयाऽनन्दसान्द्रो यो नौमि तं हरिम् ॥ 4॥
वशी वशो (वशे) न कस्यापि योऽजितो विजिताखिलः ।
सर्वकर्ता न क्रियते तं नमामि रमापतिम् ॥ 5॥
अगुणायगुणोद्रेक स्वरूपायादिकारिणे ।
विदारितारिसङ्घाय वासुदेवाय ते नमः ॥ 6॥
आदिदेवाय देवानां पतये सादितारये ।
अनाद्यज्ञानपाराय नमः पारावराश्रय ॥ 7॥ (नमो वरवराय ते)
अजाय जनयित्रेऽस्य विजिताखिलदानव ।
अजादि पूज्यपादाय नमस्ते गरुडध्वज ॥ 8॥
इन्दिरामन्दसान्द्राग्र्य कटाक्षप्रेक्षितात्मने ।
अस्मदिष्टैक कार्याय पूर्णाय हरये नमः ॥ 9॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु द्वितीयस्तोत्रं सम्पूर्णम्