Shri Madhvacharya Krita Dvadasha Stotra - Dashamastotram — Bengali Script

অথ দশমস্তোত্রম্

অব নঃ শ্রীপতিরপ্রতিরধিকেশাদিভবাদে ।

করুণাপূর্ণবরপ্রদচরিতং জ্ঞাপয মে তে ॥ 1॥

সুরবন্দ্যাধিপ সদ্বরভরিতাশেষগুণালম্ ।

করুণাপূর্ণবরপ্রদচরিতং জ্ঞাপয মে তে ॥ 2॥

সকলধ্বান্তবিনাশন (বিনাশক) পরমানন্দসুধাহো ।

করুণাপূর্ণবরপ্রদচরিতং জ্ঞাপয মে তে ॥ 3॥

ত্রিজগত্পোত সদার্চিতচরণাশাপতিধাতো ।

করুণাপূর্ণবরপ্রদচরিতং জ্ঞাপয মে তে ॥ 4॥

ত্রিগুণাতীতবিধারক পরিতো দেহি সুভক্তিম্ ।

করুণাপূর্ণবরপ্রদচরিতং জ্ঞাপয মে তে ॥ 5॥

শরণং কারণভাবন ভব মে তাত সদাঽলম্ ।

করুণাপূর্ণবরপ্রদচরিতং জ্ঞাপয মে তে ॥ 6॥

মরণপ্রাণদ পালক জগদীশাব সুভক্তিম্ ।

করুণাপূর্ণবরপ্রদচরিতং জ্ঞাপয মে তে ॥ 7॥

তরুণাদিত্যসবর্ণকচরণাব্জামল কীর্তে ।

করুণাপূর্ণবরপ্রদচরিতং জ্ঞাপয মে তে ॥ 8॥

সলিলপ্রোত্থসরাগকমণিবর্ণোচ্চনখাদে ।

করুণাপূর্ণবরপ্রদচরিতং জ্ঞাপয মে তে ॥ 9॥

কজ (খজ) তূণীনিভপাবনবরজঙ্ঘামিতশক্তে ।

করুণাপূর্ণবরপ্রদচরিতং জ্ঞাপয মে তে ॥ 10॥

ইবহস্তপ্রভশোভনপরমোরুস্থরমালে ।

করুণাপূর্ণবরপ্রদচরিতং জ্ঞাপয মে তে ॥ 11॥

অসনোত্ফুল্লসুপুষ্পকসমবর্ণাবরণান্তে ।

করুণাপূর্ণবরপ্রদচরিতং জ্ঞাপয মে তে ॥ 12॥

শতমোদোদ্ভবসুন্দরিবরপদ্মোত্থিতনাভে ।

করুণাপূর্ণবরপ্রদচরিতং জ্ঞাপয মে তে ॥ 13॥

জগদাগূহকপল্লবসমকুক্ষে শরণাদে ।

করুণাপূর্ণবরপ্রদচরিতং জ্ঞাপয মে তে ॥ 14॥

জগদম্বামলসুন্দরিগৃহবক্ষোবর যোগিন্ ।

করুণাপূর্ণবরপ্রদচরিতং জ্ঞাপয মে তে ॥ 15॥

দিতিজান্তপ্রদ চক্রধরগদাযুগ্বরবাহো ।

করুণাপূর্ণবরপ্রদচরিতং জ্ঞাপয মে তে ॥ 16॥

পরমজ্ঞানমহানিধিবদন শ্রীরমণেন্দো ।

করুণাপূর্ণবরপ্রদচরিতং জ্ঞাপয মে তে ॥ 17॥

নিখিলাঘৌঘবিনাশন (বিনাশক) পরসৌখ্যপ্রদদৃষ্টে ।

করুণাপূর্ণবরপ্রদচরিতং জ্ঞাপয মে তে ॥ 18॥

পরমানন্দসুতীর্থসুমুনিরাজো হরিগাথাম্ ।

কৃতবান্নিত্যসুপূর্ণকপরমানন্দপদৈষিন্ ॥ 19॥

ইতি শ্রীমদানন্দতীর্থভগবত্পাদাচার্য বিরচিতং

দ্বাদশস্তোত্রেষু দশমস্তোত্রং সম্পূর্ণম্

Roman (IAST) Transliteration

atha daśamastotram

ava naḥ śrīpatirapratiradhikeśādibhavāde |

karuṇāpūrṇavarapradacaritaṃ jñāpaya me te || 1||

suravandyādhipa sadvarabharitāśeṣaguṇālam |

karuṇāpūrṇavarapradacaritaṃ jñāpaya me te || 2||

sakaladhvāntavināśana (vināśaka) paramānandasudhāho |

karuṇāpūrṇavarapradacaritaṃ jñāpaya me te || 3||

trijagatpota sadārcitacaraṇāśāpatidhāto |

karuṇāpūrṇavarapradacaritaṃ jñāpaya me te || 4||

triguṇātītavidhāraka parito dehi subhaktim |

karuṇāpūrṇavarapradacaritaṃ jñāpaya me te || 5||

śaraṇaṃ kāraṇabhāvana bhava me tāta sadā'lam |

karuṇāpūrṇavarapradacaritaṃ jñāpaya me te || 6||

maraṇaprāṇada pālaka jagadīśāva subhaktim |

karuṇāpūrṇavarapradacaritaṃ jñāpaya me te || 7||

taruṇādityasavarṇakacaraṇābjāmala kīrte |

karuṇāpūrṇavarapradacaritaṃ jñāpaya me te || 8||

salilaprotthasarāgakamaṇivarṇoccanakhāde |

karuṇāpūrṇavarapradacaritaṃ jñāpaya me te || 9||

kaja (khaja) tūṇīnibhapāvanavarajaṅghāmitaśakte |

karuṇāpūrṇavarapradacaritaṃ jñāpaya me te || 10||

ibahastaprabhaśobhanaparamorustharamāle |

karuṇāpūrṇavarapradacaritaṃ jñāpaya me te || 11||

asanotphullasupuṣpakasamavarṇāvaraṇānte |

karuṇāpūrṇavarapradacaritaṃ jñāpaya me te || 12||

śatamododbhavasundarivarapadmotthitanābhe |

karuṇāpūrṇavarapradacaritaṃ jñāpaya me te || 13||

jagadāgūhakapallavasamakukṣe śaraṇāde |

karuṇāpūrṇavarapradacaritaṃ jñāpaya me te || 14||

jagadambāmalasundarigṛhavakṣovara yogin |

karuṇāpūrṇavarapradacaritaṃ jñāpaya me te || 15||

ditijāntaprada cakradharagadāyugvarabāho |

karuṇāpūrṇavarapradacaritaṃ jñāpaya me te || 16||

paramajñānamahānidhivadana śrīramaṇendo |

karuṇāpūrṇavarapradacaritaṃ jñāpaya me te || 17||

nikhilāghaughavināśana (vināśaka) parasaukhyapradadṛṣṭe |

karuṇāpūrṇavarapradacaritaṃ jñāpaya me te || 18||

paramānandasutīrthasumunirājo harigāthām |

kṛtavānnityasupūrṇakaparamānandapadaiṣin || 19||

iti śrīmadānandatīrthabhagavatpādācārya viracitaṃ

dvādaśastotreṣu daśamastotraṃ sampūrṇam

Sanskrit — Devanagari (original)

अथ दशमस्तोत्रम्

अव नः श्रीपतिरप्रतिरधिकेशादिभवादे ।

करुणापूर्णवरप्रदचरितं ज्ञापय मे ते ॥ 1॥

सुरवन्द्याधिप सद्वरभरिताशेषगुणालम् ।

करुणापूर्णवरप्रदचरितं ज्ञापय मे ते ॥ 2॥

सकलध्वान्तविनाशन (विनाशक) परमानन्दसुधाहो ।

करुणापूर्णवरप्रदचरितं ज्ञापय मे ते ॥ 3॥

त्रिजगत्पोत सदार्चितचरणाशापतिधातो ।

करुणापूर्णवरप्रदचरितं ज्ञापय मे ते ॥ 4॥

त्रिगुणातीतविधारक परितो देहि सुभक्तिम् ।

करुणापूर्णवरप्रदचरितं ज्ञापय मे ते ॥ 5॥

शरणं कारणभावन भव मे तात सदाऽलम् ।

करुणापूर्णवरप्रदचरितं ज्ञापय मे ते ॥ 6॥

मरणप्राणद पालक जगदीशाव सुभक्तिम् ।

करुणापूर्णवरप्रदचरितं ज्ञापय मे ते ॥ 7॥

तरुणादित्यसवर्णकचरणाब्जामल कीर्ते ।

करुणापूर्णवरप्रदचरितं ज्ञापय मे ते ॥ 8॥

सलिलप्रोत्थसरागकमणिवर्णोच्चनखादे ।

करुणापूर्णवरप्रदचरितं ज्ञापय मे ते ॥ 9॥

कज (खज) तूणीनिभपावनवरजङ्घामितशक्ते ।

करुणापूर्णवरप्रदचरितं ज्ञापय मे ते ॥ 10॥

इबहस्तप्रभशोभनपरमोरुस्थरमाले ।

करुणापूर्णवरप्रदचरितं ज्ञापय मे ते ॥ 11॥

असनोत्फुल्लसुपुष्पकसमवर्णावरणान्ते ।

करुणापूर्णवरप्रदचरितं ज्ञापय मे ते ॥ 12॥

शतमोदोद्भवसुन्दरिवरपद्मोत्थितनाभे ।

करुणापूर्णवरप्रदचरितं ज्ञापय मे ते ॥ 13॥

जगदागूहकपल्लवसमकुक्षे शरणादे ।

करुणापूर्णवरप्रदचरितं ज्ञापय मे ते ॥ 14॥

जगदम्बामलसुन्दरिगृहवक्षोवर योगिन् ।

करुणापूर्णवरप्रदचरितं ज्ञापय मे ते ॥ 15॥

दितिजान्तप्रद चक्रधरगदायुग्वरबाहो ।

करुणापूर्णवरप्रदचरितं ज्ञापय मे ते ॥ 16॥

परमज्ञानमहानिधिवदन श्रीरमणेन्दो ।

करुणापूर्णवरप्रदचरितं ज्ञापय मे ते ॥ 17॥

निखिलाघौघविनाशन (विनाशक) परसौख्यप्रददृष्टे ।

करुणापूर्णवरप्रदचरितं ज्ञापय मे ते ॥ 18॥

परमानन्दसुतीर्थसुमुनिराजो हरिगाथाम् ।

कृतवान्नित्यसुपूर्णकपरमानन्दपदैषिन् ॥ 19॥

इति श्रीमदानन्दतीर्थभगवत्पादाचार्य विरचितं

द्वादशस्तोत्रेषु दशमस्तोत्रं सम्पूर्णम्