1.4 - Somadibrahmanam - Krishna Yajurveda Taittiriya Brahmana Pathah - Ubhaye Va — Tamil Script

க்ரு'ஷ்ண யஜுர்வேதீய தைத்திரீய ப்ராஹ்மணே ப்ரதமாஷ்டகே சதுர்தஃ ப்ரபாடகஃ - ஸோமாதிப்ராஹ்மணம்

ஓ-ந்நமஃ பரமாத்மநே, ஶ்ரீ மஹாகணபதயே நமஃ,

ஶ்ரீ குருப்யோ நமஃ । ஹ॒ரிஃ॒ ஓம் ॥

அநுவாகம் 1 - க்ரஹணா க்ரஹணம்

உ॒பயே॒ வா ஏ॒தே ப்ர॒ஜாப॑தே॒ரத்த்ய॑-ஸ்ரு'ஜ்யந்த । தே॒வாஶ்சாஸு॑ராஶ்ச । தாந்ந வ்ய॑ஜாநாத் । இ॒மே᳚-ऽந்ய இ॒மே᳚-ऽந்ய இதி॑ । ஸ தே॒வாந॒க்ம்॒ ஶூந॑கரோத் । தாந॒ப்ய॑ஷுணோத் । தா-ந்ப॒வித்ரே॑ணா-புநாத் । தாந்-ப॒ரஸ்தா᳚த்-ப॒வித்ர॑ஸ்ய॒-வ்ய॑க்ரு'ஹ்ணாத் । தே க்ரஹா॑ அபவந்ந் । தத்க்ரஹா॑ணா-ங்க்ரஹ॒த்வம் ॥ 1 ॥

தே॒வதா॒ வா ஏ॒தா யஜ॑மாநஸ்ய க்ரு'॒ஹே க்ரு'॑ஹ்யந்தே । ய-த்க்ரஹாஃ᳚ । வி॒துரே॑ந-ந்தே॒வாஃ । யஸ்யை॒வம்-விँ॒துஷ॑ ஏ॒தே க்ரஹா॑ க்ரு'॒ஹ்யந்தே᳚ ॥ ஏ॒ஷா வை ஸோம॒ஸ்யாஹு॑திஃ । யது॑பா॒க்ம்॒ஶுஃ । ஸோமே॑ந தே॒வாக் ஸ்த॑ர்பயா॒ணீதி॒ கலு॒ வை ஸோமே॑ந யஜதே । யது॑பா॒க்ம்॒ஶு-ஞ்ஜு॒ஹோதி॑ । ஸோமே॑நை॒வ த-த்தே॒வாக் ஸ்த॑ர்பயதி ॥ யத்க்ரஹா᳚ஞ்ஜு॒ஹோதி॑ ॥ 2 ॥

தே॒வா ஏ॒வ த-த்தே॒வாந்-க॑ச்சந்தி ॥ யச்ச॑ம॒ஸாஞ்ஜு॒ஹோதி॑ । தேநை॒வாநு॑ரூபேண॒ யஜ॑மாந-ஸ்ஸுவ॒ர்கம்-லோँ॒கமே॑தி ॥ கி-ந்ந்வே॑ததக்ர॑ ஆஸீ॒தித்யா॑ஹுஃ । ய-த்பாத்ரா॒ணீதி॑ । இ॒யம்-வாँ ஏ॒ததக்ர॑ ஆஸீத் । ம்ரு'॒ந்மயா॑நி॒ வா ஏ॒தாந்யா॑ஸந்ந் । தைர்தே॒வா ந வ்யா॒வ்ரு'த॑-மகச்சந்ந் । த ஏ॒தாநி॑ தாரு॒மயா॑ணி॒ பாத்ரா᳚ண்ய-பஶ்யந்ந் । தாந்ய॑குர்வத ॥ 3 ॥

தைர்வை தே வ்யா॒வ்ரு'த॑-மகச்சந்ந் । ய-த்தா॑ரு॒மயா॑ணி॒ பாத்ரா॑ணி॒ பவ॑ந்தி । வ்யா॒வ்ரு'த॑மே॒வ தை-ர்யஜ॑மாநோ கச்சதி ॥ யாநி॑ தாரு॒மயா॑ணி॒ பாத்ரா॑ணி॒ பவ॑ந்தி । அ॒முமே॒வ தை-ர்லோ॒க-ம॒பிஜ॑யதி । யாநி॑ ம்ரு'॒ந்மயா॑நி । இ॒மமே॒வ தை-ர்லோ॒க-ம॒பிஜ॑யதி ॥ ப்ர॒ஹ்ம॒வா॒திநோ॑ வதந்தி । காஶ்சத॑ஸ்ர-ஸ்ஸ்தா॒லீர்வா॑ய॒வ்யா᳚-ஸ்ஸோம॒க்ரஹ॑ணீ॒ரிதி॑ । தே॒வா வை ப்ரு'ஶ்ஞி॑மதுஹ்ரந்ந் ॥ 4 ॥

தஸ்யா॑ ஏ॒தே ஸ்தநா॑ ஆஸந்ந் । இ॒யம்-வைँ ப்ரு'ஶ்ஞிஃ॑ । தாமா॑தி॒த்யா ஆ॑தித்யஸ்தா॒ல்யா சது॑ஷ்பதஃ ப॒ஶூந॑துஹ்ரந்ந் । யதா॑தித்யஸ்தா॒லீ பவ॑தி । சது॑ஷ்பத ஏ॒வ தயா॑ ப॒ஶூந். யஜ॑மாந இ॒மா-ந்து॑ஹே । தாமிந்த்ர॑ உக்த்யஸ்தா॒ல்யேந்த்ரி॒ய-ம॑துஹத் । யது॑க்த்யஸ்தா॒லீ பவ॑தி । இ॒ந்த்ரி॒யமே॒வ தயா॒ யஜ॑மாந இ॒மா-ந்து॑ஹே । தாம்-விँஶ்வே॑ தே॒வா ஆ᳚க்ரயணஸ்தா॒ல்யோர்ஜ॑-மதுஹ்ரந்ந் । யதா᳚க்ரயணஸ்தா॒லீ பவ॑தி ॥ 5 ॥

ஊர்ஜ॑மே॒வ தயா॒ யஜ॑மாந இ॒மா-ந்து॑ஹே । தா-ம்ம॑நு॒ஷ்யா᳚-த்த்ருவஸ்தா॒ல்யா ऽऽயு॑ரதுஹ்ரந்ந் । யத்த்ரு॑வஸ்தா॒லீ பவ॑தி । ஆயு॑ரே॒வ தயா॒ யஜ॑மாந இ॒மா-ந்து॑ஹே । ஸ்தா॒ல்யா க்ரு'॒ஹ்ணாதி॑ । வா॒ய॒வ்யே॑ந ஜுஹோதி । தஸ்மா॑த॒ந்யேந॒ பாத்ரே॑ண ப॒ஶூ-ந்து॒ஹந்தி॑ । அ॒ந்யேந॒ ப்ரதி॑க்ரு'ஹ்ணந்தி । அதோ᳚ வ்யா॒வ்ரு'த॑மே॒வ த-த்யஜ॑மாநோ கச்சதி ॥ 6 ॥

(க்ர॒ஹ॒த்வம் - க்ரஹா᳚ந் ஜு॒ஹோத்ய॑-குர்வ-தாதுஹ்ர-ந்நாக்ரயணஸ்தா॒லீ பவ॑தி॒-+நவ॑ ச) (அ. 1)

அநுவாகம் 2 - ஸோத்ராமணீஶேஷா மந்த்ராஃ

யு॒வக்ம் ஸு॒ராம॑மஶ்விநா । நமு॑சாவா-ऽஸு॒ரே ஸசா᳚ । வி॒பி॒பா॒நா ஶு॑பஸ்பதீ । இந்த்ர॒-ங்கர்ம॑ஸ்வாவதம் ॥ பு॒த்ரமி॑வ பி॒தரா॑வ॒ஶ்விநோ॒பா । இந்த்ராவ॑த॒-ங்கர்ம॑ணா த॒க்ம்॒ஸநா॑பிஃ । ய-த்ஸு॒ராமம்॒-வ்யँபி॑ப॒-ஶ்ஶசீ॑பிஃ । ஸர॑ஸ்வதீ த்வா மகவந்நபீஷ்ணாத் ॥ அஹா᳚வ்யக்நே ஹ॒விரா॒ஸ்யே॑ தே । ஸ்ரு॒சீவ॑ க்ரு'॒த-ஞ்ச॒மூ இ॑வ॒ ஸோமஃ॑ ॥ 7 ॥

வா॒ஜ॒ஸநிக்ம்॑ ர॒யிம॒ஸ்மே ஸு॒வீர᳚ம் । ப்ர॒ஶ॒ஸ்த-ந்தே॑ஹி ய॒ஶஸ॑-ம்ப்ரு'॒ஹந்த᳚ம் ॥ யஸ்மி॒ந்நஶ்வா॑ஸ ரு'ஷ॒பாஸ॑ உ॒க்ஷணஃ॑ । வ॒ஶா மே॒ஷா அ॑வஸ்ரு'॒ஷ்டாஸ॒ ஆஹு॑தாஃ । கீ॒லா॒ல॒பே ஸோம॑ப்ரு'ஷ்டாய வே॒தஸே᳚ । ஹ்ரு'॒தாம॒தி-ஞ்ஜ॑நய॒ சாரு॑ம॒க்நயே᳚ ॥ நாநா॒ ஹி வா᳚-ந்தே॒வஹி॑த॒க்ம்॒ ஸதோ॑ மி॒தம் । மா ஸக்ம்ஸ்ரு'॑க்ஷாதா-ம்பர॒மே வ்யோ॑மந்ந் । ஸுரா॒ த்வமஸி॑ ஶு॒ஷ்மிணீ॒ ஸோம॑ ஏ॒ஷஃ । மா மா॑ ஹிக்ம்ஸீ॒-ஸ்ஸ்வாம்-யோँநி॑மாவி॒ஶந்ந் ॥ 8 ॥

யதத்ர॑ ஶி॒ஷ்டக்ம் ர॒ஸிநஃ॑ ஸு॒தஸ்ய॑ । யதிந்த்ரோ॒ அபி॑ப॒ச்சசீ॑பிஃ । அ॒ஹ-ந்தத॑ஸ்ய॒ மந॑ஸா ஶி॒வேந॑ । ஸோம॒க்ம்॒ ராஜா॑நமி॒ஹ ப॑க்ஷயாமி ॥ த்வே ஸ்ரு॒தீ அ॑ஶ்ரு'ணவ-ம்பித்ரு'॒ணாம் । அ॒ஹ-ந்தே॒வாநா॑மு॒த மர்த்யா॑நாம் । தாப்யா॑மி॒தம்-விँஶ்வ॒-ம்புவ॑ந॒க்ம்॒ ஸமே॑தி । அ॒ந்த॒ரா பூர்வ॒மப॑ர-ஞ்ச கே॒தும் ॥ யஸ்தே॑ தேவ வருண காய॒த்ரச॑ந்தாஃ॒ பாஶஃ॑ । த-ந்த॑ ஏ॒தேநாவ॑யஜே ॥ 9 ॥

யஸ்தே॑ தேவ வருண த்ரி॒ஷ்டுப்ச॑ந்தாஃ॒ பாஶஃ॑ । த-ந்த॑ ஏ॒தேநாவ॑யஜே । யஸ்தே॑ தேவ வருண॒ ஜக॑தீசந்தாஃ॒ பாஶஃ॑ । த-ந்த॑ ஏ॒தேநாவ॑யஜே ॥ ஸோமோ॒ வா ஏ॒தஸ்ய॑ ரா॒ஜ்யமாத॑த்தே । யோ ராஜா॒ ஸ-ந்ரா॒ஜ்யோ வா॒ ஸோமே॑ந॒ யஜ॑தே । தே॒வ॒ஸு॒வாமே॒தாநி॑ ஹ॒வீக்ம்ஷி॑ பவந்தி । ஏ॒தாவ॑ந்தோ॒ வை தே॒வாநாக்ம்॑ ஸ॒வாஃ । த ஏ॒வாஸ்மை॑ ஸ॒வா-ந்ப்ரய॑ச்சந்தி । த ஏ॑ந॒-ம்புநஃ॑ ஸுவந்தே ரா॒ஜ்யாய॑ । தே॒வ॒ஸூ ராஜா॑ பவதி ॥ 10 ॥

(ஸோம॑ - ஆவி॒ஶந். - ய॑ஜே - ரா॒ஜ்யாயைகம்॑ ச) (அ. 2)

அநுவாகம் 3 - தோஹப்ராயஶ்சித்தம், அக்நிஹோத்ரே

உத॑ஸ்தா-த்தே॒வ்யதி॑தி-ர்விஶ்வரூ॒பீ । ஆயு॑ர்ய॒ஜ்ஞப॑தாவதாத் । இந்த்ரா॑ய க்ரு'ண்வ॒தீ பா॒கம் । மி॒த்ராய॒ வரு॑ணாய ச ॥ இ॒யம்-வாँ அ॑க்நிஹோ॒த்ரீ । இ॒யம்-வாँ ஏ॒தஸ்ய॒ நிஷீ॑ததி । யஸ்யா᳚க்நிஹோ॒த்ரீ நி॒ஷீத॑தி । தாமுத்தா॑பயேத் । உத॑ஸ்தா-த்தே॒வ்யதி॑தி॒ரிதி॑ । இ॒யம்-வைँ தே॒வ்யதி॑திஃ ॥ 11 ॥

இ॒மாமே॒வாஸ்மா॒ உத்தா॑பயதி ॥ ஆயு॑ர்ய॒ஜ்ஞப॑தாவதா॒தித்யா॑ஹ । ஆயு॑ரே॒வாஸ்மி॑-ந்ததாதி ॥ இந்த்ரா॑ய க்ரு'ண்வ॒தீ பா॒க-ம்மி॒த்ராய॒ வரு॑ணாய॒ சேத்யா॑ஹ । ய॒தா॒ ய॒ஜுரே॒வைதத் ॥ அவ॑ர்திம்॒-வாँ ஏ॒ஷைதஸ்ய॑ பா॒ப்மாந॑-ம்ப்ரதி॒க்யாய॒ நிஷீ॑ததி । யஸ்யா᳚-க்நிஹோ॒த்ர்யுப॑ஸ்ரு'ஷ்டா நி॒ஷீத॑தி । தா-ந்து॒க்த்வா ப்ரா᳚ஹ்ம॒ணாய॑ தத்யாத் । யஸ்யாந்ந॒-ந்நாத்யாத் । அவ॑ர்திமே॒வாஸ்மி॑-ந்பா॒ப்மாந॒-ம்ப்ரதி॑முஞ்சதி ॥ 12 ॥

து॒க்த்வா த॑தாதி । ந ஹ்யத்ரு'॑ஷ்டா॒ தக்ஷி॑ணா தீ॒யதே᳚ ॥ ப்ரு'॒தி॒வீம்-வாँ ஏ॒தஸ்ய॒ பயஃ॒ ப்ரவி॑ஶதி । யஸ்யா᳚க்நிஹோ॒த்ர-ந்து॒ஹ்யமா॑ந॒க்க்॒ ஸ்கந்த॑தி ॥ யத॒த்ய து॒க்த-ம்ப்ரு'॑தி॒வீமஸ॑க்த । யதோஷ॑தீ-ர॒ப்யஸ॑ர॒-த்யதாபஃ॑ । பயோ॑ க்ரு'॒ஹேஷு॒ பயோ॑ அக்நி॒யாஸு॑ । பயோ॑ வ॒த்ஸேஷு॒ பயோ॑ அஸ்து॒ தந்மயீத்யா॑ஹ । பய॑ ஏ॒வாத்ம-ந்க்ரு'॒ஹேஷு॑ ப॒ஶுஷு॑ தத்தே ॥ அ॒ப உப॑ஸ்ரு'ஜதி ॥ 13 ॥

அ॒த்பிரே॒வைந॑தாப்நோதி ॥ யோ வை ய॒ஜ்ஞஸ்யார்தே॒நாநா᳚ர்தக்ம் ஸக்ம் ஸ்ரு'॒ஜதி॑ । உ॒பே வை தே தர்ஹ்யார்ச்ச॑தஃ । ஆர்ச்ச॑தி॒ கலு॒ வா ஏ॒தத॑க்நிஹோ॒த்ரம் । ய-த்து॒ஹ்யமா॑ந॒க்க்॒ ஸ்கந்த॑தி । யத॑பிது॒ஹ்யாத் । ஆர்தே॒நாநா᳚ர்தம்-யँ॒ஜ்ஞஸ்ய॒ ஸக்ம்ஸ்ரு'॑ஜேத் । ததே॒வ யா॒த்ரு'க்கீ॒த்ரு'க்ச॑ ஹோத॒வ்ய᳚ம் । அதா॒ந்யா-ந்து॒க்த்வா புந॑ர்-ஹோத॒வ்ய᳚ம் । அநா᳚ர்தேநை॒வார்தம்॑-யँ॒ஜ்ஞஸ்ய॒ நிஷ்க॑ரோதி ॥ 14 ॥

ய-த்யுத்த்ரு॑தஸ்ய॒ ஸ்கந்தே᳚த் । ய-த்ததோ-ऽஹு॑த்வா॒ புந॑ரே॒யாத் । ய॒ஜ்ஞம்-விँச்சி॑ந்த்யாத் । யத்ர॒ ஸ்கந்தே᳚த் । தந்நி॒ஷத்ய॒ புந॑ர்க்ரு'ஹ்ணீயாத் । யத்ரை॒வ ஸ்கந்த॑தி । தத॑ ஏ॒வைந॒த்-புந॑ர்க்ரு'ஹ்ணாதி । ததே॒வ யா॒த்ரு'க்-கீ॒த்ரு'க்ச॑ ஹோத॒வ்ய᳚ம் । அதா॒ந்யா-ந்து॒க்த்வா புந॑ர்-ஹோத॒வ்ய᳚ம் । அநா᳚ர்தேநை॒வார்தம்॑-யँ॒ஜ்ஞஸ்ய॒ நிஷ்க॑ரோதி ॥ 15 ॥

வி வா ஏ॒தஸ்ய॑ ய॒ஜ்ஞஶ்சி॑த்யதே । யஸ்யா᳚க்நிஹோ॒த்ரே॑-ऽதிஶ்ரி॑தே॒ ஶ்வா-ऽந்த॒ரா தாவ॑தி । ரு॒த்ரஃ கலு॒ வா ஏ॒ஷஃ । யத॒க்நிஃ । ய-த்காம॑ந்வத்யாவ॒ர்தயே᳚த் । ரு॒த்ராய॑ ப॒ஶூ-நபி॑தத்த்யாத் । அ॒ப॒ஶு-ர்யஜ॑மாந-ஸ்ஸ்யாத் । யத॒போ᳚ ऽந்வதிஷி॒ஞ்சேத் । அ॒நா॒த்ய-ம॒க்நேராபஃ॑ । அ॒நா॒த்யமா᳚ப்யா॒-மபி॑தத்த்யாத் । கார்ஹ॑பத்யா॒-த்பஸ்மா॒தாய॑ । இ॒தம்-விँஷ்ணு॒-ர்விச॑க்ரம॒ இதி॑ வைஷ்ண॒வ்யர்சா ऽऽஹ॑வ॒நீயா᳚த்த்வ॒க்ம்॒ ஸய॒ந்நுத்ர॑வேத் । ய॒ஜ்ஞோ வை விஷ்ணுஃ॑ । ய॒ஜ்ஞேநை॒வ ய॒ஜ்ஞக்ம் ஸந்த॑நோதி । பஸ்ம॑நா ப॒தமபி॑வபதி॒ ஶாந்த்யை᳚ ॥ 16 ॥

(வை தே॒வ்யதி॑தி--ர் முஞ்சதி - ஸ்ரு'ஜதி - கரோதி - கரோத்யா - ப்யா॒மபி॑தத்த்யா॒-த்பஞ்ச॑ ச) (அ. 3)

அநுவாகம் 4 - அக்நிப்ராயஶ்சித்தம் அக்நிஹோத்ரே

நி வா ஏ॒தஸ்யா॑ஹவ॒நீயோ॒ கார்ஹ॑பத்ய-ங்காமயதே । நி கார்ஹ॑பத்ய ஆஹவ॒நீய᳚ம் । யஸ்யா॒க்நிமநு॑த்த்ரு'த॒க்ம்॒ ஸூர்யோ॒-ऽபிநி॒ம்ரோச॑தி । த॒ர்பேண॒ ஹிர॑ண்ய-ம்ப்ர॒பத்த்ய॑ பு॒ரஸ்தா᳚த்தரேத் । அதா॒க்நிம் । அதா᳚க்நிஹோ॒த்ரம் । யத்திர॑ண்ய-ம்பு॒ரஸ்தா॒த்தர॑தி । ஜ்யோதி॒ர்வை ஹிர॑ண்யம் । ஜ்யோதி॑ரே॒வைந॒-ம்பஶ்ய॒-ந்நுத்த॑ரதி । யத॒க்நி-ம்பூர்வ॒க்ம்॒ ஹர॒த்யதா᳚-க்நிஹோ॒த்ரம் ॥ 17 ॥

பா॒க॒தேயே॑நை॒வைந॒-ம்ப்ரண॑யதி ॥ ப்ரா॒ஹ்ம॒ண ஆ॑ர்ஷே॒ய உத்த॑ரேத் । ப்ரா॒ஹ்ம॒ணோ வை ஸர்வா॑ தே॒வதாஃ᳚ । ஸர்வா॑பிரே॒வைந॑-ந்தே॒வதா॑பி॒ருத்த॑ரதி ॥ அ॒க்நி॒ஹோ॒த்ர-மு॑ப॒ஸா-த்யாதமி॑தோ-ராஸீத । வ்ர॒தமே॒வ ஹ॒தமநு॑ ம்ரியதே ॥ அந்தம்॒-வாँ ஏ॒ஷ ஆ॒த்மநோ॑ கச்சதி । யஸ்தாம்ய॑தி । அந்த॑மே॒ஷ ய॒ஜ்ஞஸ்ய॑ கச்சதி । யஸ்யா॒க்நிமநு॑த்த்ரு'த॒க்ம்॒ ஸூர்யோ॒-ऽபிநி॒ம்ரோச॑தி ॥ 18 ॥

புநஃ॑ ஸ॒மந்ய॑ ஜுஹோதி । அந்தே॑நை॒வாந்தம்॑-யँ॒ஜ்ஞஸ்ய॒ நிஷ்க॑ரோதி ॥ வரு॑ணோ॒ வா ஏ॒தஸ்ய॑ ய॒ஜ்ஞ-ங்க்ரு'॑ஹ்ணாதி । யஸ்யா॒க்நி-மநு॑த்த்ரு'த॒க்ம்॒ ஸூர்யோ॒-ऽபிநி॒ம்ரோச॑தி । வா॒ரு॒ண-ஞ்ச॒ரு-ந்நிர்வ॑பேத் । தேநை॒வ ய॒ஜ்ஞ-ந்நிஷ்க்ரீ॑ணீதே ॥ நி வா ஏ॒தஸ்யா॑ஹவ॒நீயோ॒ கார்ஹ॑பத்ய-ங்காமயதே । நி கார்ஹ॑பத்ய ஆஹவ॒நீய᳚ம் । யஸ்யா॒க்நி-மநு॑த்த்ரு'த॒க்ம்॒ ஸூர்யோ॒-ऽப்யு॑தேதி॑ । ச॒து॒ர்க்ரு'॒ஹீ॒த-மாஜ்ய॑-ம்பு॒ரஸ்தா᳚த்தரேத் ॥ 19 ॥

அதா॒க்நிம் । அதா᳚க்நிஹோ॒த்ரம் । யதாஜ்ய॑-ம்பு॒ரஸ்தா॒த்தர॑தி । ஏ॒தத்வா அ॒க்நேஃ ப்ரி॒ய-ந்தாம॑ । யதாஜ்ய᳚ம் । ப்ரி॒யேணை॒வைந॒-ந்தாம்நா॒ ஸம॑ர்தயதி । யத॒க்நி-ம்பூர்வ॒க்ம்॒ ஹர॒த்யதா᳚-க்நிஹோ॒த்ரம் । பா॒க॒தேயே॑நை॒வைந॒-ம்ப்ரண॑யதி । ப்ரா॒ஹ்ம॒ண ஆ॑ர்ஷே॒ய உத்த॑ரேத் । ப்ரா॒ஹ்ம॒ணோ வை ஸர்வா॑ தே॒வதாஃ᳚ ॥ 20 ॥

ஸர்வா॑பிரே॒வைந॑-ந்தே॒வதா॑பி॒ருத்த॑ரதி ॥ பரா॑சீ॒ வா ஏ॒தஸ்மை᳚ வ்யு॒ச்சந்தீ॒ வ்யு॑ச்சதி । யஸ்யா॒க்நி-மநு॑த்த்ரு'த॒க்ம்॒ ஸூர்யோ॒-ऽப்யு॑தேதி॑ । உ॒ஷாஃ கே॒துநா॑ ஜுஷதாம் । ய॒ஜ்ஞ-ந்தே॒வேபி॑ரிந்வி॒தம் । தே॒வேப்யோ॒ மது॑மத்தம॒க்க்॒ ஸ்வாஹேதி॑ ப்ர॒த்யம்-நி॒ஷத்யாஜ்யே॑ந ஜுஹுயாத் । ப்ர॒தீசீ॑மே॒வாஸ்மை॒ விவா॑ஸயதி ॥ அ॒க்நி॒ஹோ॒த்ர-மு॑ப॒ஸாத்யாதமி॑தோ-ராஸீத । வ்ர॒தமே॒வ ஹ॒தமநு॑ ம்ரியதே । அந்தம்॒-வாँ ஏ॒ஷ ஆ॒த்மநோ॑ கச்சதி ॥ 21 ॥

யஸ்தாம்ய॑தி । அந்த॑மே॒ஷ ய॒ஜ்ஞஸ்ய॑ கச்சதி । யஸ்யா॒க்நி-மநு॑த்த்ரு'த॒க்ம்॒ ஸூர்யோ॒-ऽப்யு॑தேதி॑ । புநஃ॑ ஸ॒மந்ய॑ ஜுஹோதி । அந்தே॑நை॒வாந்தம்॑-யँ॒ஜ்ஞஸ்ய॒ நிஷ்க॑ரோதி । மி॒த்ரோ வா ஏ॒தஸ்ய॑ ய॒ஜ்ஞ-ங்க்ரு'॑ஹ்ணாதி । யஸ்யா॒க்நி-மநு॑த்த்ரு'த॒க்ம்॒ ஸூர்யோ॒-ऽப்யு॑தேதி॑ । மை॒த்ர-ஞ்ச॒ரு-ந்நிர்வ॑பேத் । தேநை॒வ ய॒ஜ்ஞ-ந்நிஷ்க்ரீ॑ணீதே ॥ யஸ்யா॑-ஹவ॒நீயே-ऽநு॑த்வாதே॒ கார்ஹ॑பத்ய உ॒த்வாயே᳚த் ॥ 22 ॥

யதா॑ஹவ॒நீய॒-மநு॑த்வாப்ய॒ கார்ஹ॑பத்ய॒-ம்மந்தே᳚த் । விச்சி॑ந்த்யாத் । ப்ராத்ரு'॑வ்யமஸ்மை ஜநயேத் । யத்வை ய॒ஜ்ஞஸ்ய॑ வாஸ்த॒வ்ய॑-ங்க்ரி॒யதே᳚ । ததநு॑ ரு॒த்ரோ-ऽவ॑சரதி । ய-த்பூர்வ॑-மந்வவ॒ஸ்யேத் । வா॒ஸ்த॒வ்ய॑-ம॒க்நிமுபா॑ஸீத । ரு॒த்ரோ᳚-ऽஸ்ய ப॒ஶூ-ந்காது॑க-ஸ்ஸ்யாத் । ஆ॒ஹ॒வ॒நீய॑-மு॒த்வாப்ய॑ । கார்ஹ॑பத்ய-ம்மந்தேத் ॥ 23 ॥

இ॒தஃ ப்ர॑த॒ம-ஞ்ஜ॑ஜ்ஞே அ॒க்நிஃ । ஸ்வாத்யோநே॒ரதி॑ ஜா॒தவே॑தாஃ । ஸ கா॑யத்ரி॒யா த்ரி॒ஷ்டுபா॒ ஜக॑த்யா । தே॒வேப்யோ॑ ஹ॒வ்யம்-வँ॑ஹது ப்ரஜா॒நந்நிதி॑ । சந்தோ॑பிரே॒வைந॒க்க்॒ ஸ்வாத்யோநேஃ॒ ப்ரஜ॑நயதி ॥ கார்ஹ॑பத்ய-ம்மந்ததி । கார்ஹ॑பத்யம்॒-வாँ அந்வாஹி॑தாக்நேஃ ப॒ஶவ॒ உப॑ திஷ்டந்தே । ஸ யது॒த்வாய॑தி । ததநு॑ ப॒ஶவோ-ऽப॑க்ராமந்தி । இ॒ஷே ர॒ய்யை ர॑மஸ்வ ॥ 24 ॥

ஸஹ॑ஸே த்யு॒ம்நாய॑ । ஊ॒ர்ஜே பத்யா॒யேத்யா॑ஹ । ப॒ஶவோ॒ வை ர॒யிஃ । ப॒ஶூநே॒வாஸ்மை॑ ரமயதி ॥ ஸா॒ர॒ஸ்வ॒தௌ த்வோத்ஸௌ॒ ஸமி॑ந்தாதா॒மித்யா॑ஹ । ரு'॒-க்ஸா॒மே வை ஸா॑ரஸ்வ॒தாவுத்ஸௌ᳚ । ரு'॒க்-ஸா॒மாப்யா॑மே॒வைந॒க்ம்॒ ஸமி॑ந்தே ॥ ஸ॒ம்ராட॑ஸி வி॒ராட॒ஸீத்யா॑ஹ । ர॒த॒ந்த॒ரம்-வைँ ஸ॒ம்ராட் । ப்ரு'॒ஹ-த்வி॒ராட் ॥ 25 ॥

தாப்யா॑மே॒வைந॒க்ம்॒ ஸமி॑ந்தே ॥ வஜ்ரோ॒ வை ச॒க்ரம் । வஜ்ரோ॒ வா ஏ॒தஸ்ய॑ ய॒ஜ்ஞம்-விँச்சி॑நத்தி । யஸ்யாநோ॑ வா॒ ரதோ॑ வா-ऽந்த॒ரா-ऽக்நீ யாதி॑ । ஆ॒ஹ॒வ॒நீய॑-மு॒த்வாப்ய॑ । கார்ஹ॑பத்யா॒-துத்த॑ரேத் । யத॑க்நே॒ பூர்வ॒-ம்ப்ரப்ரு'॑த-ம்ப॒தக்ம் ஹி தே᳚ । ஸூர்ய॑ஸ்ய ர॒ஶ்மீந-ந்வா॑த॒தாந॑ । தத்ர॑ ரயி॒ஷ்டாமநு॒ ஸம்ப॑ரை॒தம் । ஸ-ந்நஃ॑ ஸ்ரு'ஜ ஸும॒த்யா வாஜ॑வ॒த்யேதி॑ ॥ 26 ॥

பூர்வே॑ணை॒வாஸ்ய॑ ய॒ஜ்ஞேந॑ ய॒ஜ்ஞமநு॒ ஸ-ந்த॑நோதி ॥ த்வம॑க்நே ஸ॒ப்ரதா॑ அ॒ஸீத்யா॑ஹ । அ॒க்நி-ஸ்ஸர்வா॑ தே॒வதாஃ᳚ । தே॒வதா॑பிரே॒வ ய॒ஜ்ஞக்ம் ஸ-ந்த॑நோதி ॥ அ॒க்நயே॑ பதி॒க்ரு'தே॑ புரோ॒டாஶ॑ம॒ஷ்டாக॑பால॒-ந்நிர்வ॑பேத் । அ॒க்நிமே॒வ ப॑தி॒க்ரு'த॒க்க்॒ ஸ்வேந॑ பாக॒தேயே॒நோப॑ தாவதி । ஸ ஏ॒வைநம்॑-யँ॒ஜ்ஞிய॒-ம்பந்தா॒மபி॑-நயதி । அ॒ந॒ட்வாந்-தக்ஷி॑ணா । வ॒ஹீ ஹ்யே॑ஷ ஸம்ரு'॑த்த்யை ॥ 27 ॥

(ஹர॒த்யதா᳚க்நிஹோ॒த்ரம் - நி॒ம்ரோச॑தி - ஹரே-த்- தே॒வதா॑ - கச்ச - த்யு॒த்வாயே᳚-ந்மந்தே-த்ரமஸ்வ-ப்ரு'॒ஹ-த்வி॒ராட்-இதி॒-நவ॑ ச) (அ. 4)

(நி வை பூர்வ॒-ந்த்ரீணி॑ நி॒ம்ரோச॑தி த॒ர்பேண॒ யத்திர॑ண்யமக்நிஹோ॒த்ர-ம்புந॒ர்வரு॑ணோ

வாரு॒ண-ந்நி வா ஏ॒தஸ்யா॒ப்யு॑தேதி॑ சதுர்க்ரு'ஹீ॒தமாஜ்யம்॒ யதாஜ்யம்॒ பரா᳚ச்யு॒ஷாஃ புந॑ர்மி॒த்ரோ மே॒த்ரம்-யँஸ்யா॑ஹவ॒நீயே-ऽநு॑த்வாதே॒ கார்ஹ॑பத்யோ॒ யத்வை ம॑ந்தே॒துத்த॑ரேத்)

அநுவாகம் 5 - ஸோமாதிரேகப்ராயஶ்சித்தம்

யஸ்ய॑ ப்ராதஸ்ஸவ॒நே ஸோமோ॑-ऽதி॒ரிச்ய॑தே । மாத்த்ய॑ந்திந॒க்ம்॒ ஸவ॑ந-ங்கா॒மய॑மாநோ॒-ऽப்யதி॑ரிச்யதே । கௌர்த॑யதி ம॒ருதா॒மிதி॒ தய॑த்வதீஷு குர்வந்தி । ஹி॒நஸ்தி॒ வை ஸ॒ந்த்யதீ॑தம் । ஸ॒ந்தீவ॒ கலு॒ வா ஏ॒தத் । ய-த்ஸவ॑ந ஸ்யாதி॒ரிச்ய॑தே । யத்தய॑த்வதீஷு கு॒ர்வந்தி॑ । ஸ॒ந்தே-ஶ்ஶாந்த்யை᳚ ॥ கா॒ய॒த்ரக்ம் ஸாம॑ பவதி பஞ்சத॒ஶ-ஸ்ஸ்தோமஃ॑ । தேநை॒வ ப்ரா॑தஸ்ஸவ॒நாந்நய॑ந்தி ॥ 28 ॥

ம॒ருத்வ॑தீஷு குர்வந்தி । தேநை॒வ மாத்த்ய॑ந்திநா॒-த்ஸவ॑நா॒ந்நய॑ந்தி ॥ ஹோது॑ஶ்ச ம॒ஸமநூந்ந॑யந்தே । ஹோதா-ऽநு॑ஶக்ம்ஸதி । ம॒த்த்ய॒த ஏ॒வ ய॒ஜ்ஞக்ம் ஸ॒மாத॑தாதி ॥ யஸ்ய॒ மாத்த்ய॑ந்திநே॒ ஸவ॑நே॒ ஸோமோ॑-ऽதி॒ரிச்ய॑தே । ஆ॒தி॒த்ய-ந்த்ரு'॑தீயஸவ॒ந-ங்கா॒மய॑மாநோ॒-ऽப்யதி॑ரிச்யதே । கௌ॒ரி॒வீ॒தக்ம் ஸாம॑ பவதி । அதி॑ரிக்தம்॒-வைँ கௌ॑ரிவீ॒தம் । அதி॑ரிக்தம்॒-யँ-த்ஸவ॑நஸ்யா-தி॒ரிச்ய॑தே ॥ 29 ॥

அதி॑ரிக்தஸ்ய॒ ஶாந்த்யை᳚ ॥ பண்ம॒ஹாக்ம் அ॑ஸி ஸூ॒ர்யேதி॑ குர்வந்தி । யஸ்யை॒வாதி॒த்யஸ்ய॒ ஸவ॑நஸ்ய॒ காமே॑நாதி॒ரிச்ய॑தே । தேநை॒வைந॒-ங்காமே॑ந॒ ஸம॑ர்தயந்தி ॥ கௌ॒ரி॒வீ॒தக்ம் ஸாம॑ பவதி । தேநை॒வ மாத்த்ய॑ந்திநா॒-த்ஸவ॑நா॒ந்நய॑ந்தி ॥ ஸ॒ப்த॒த॒ஶ-ஸ்ஸ்தோமஃ॑ । தேநை॒வ த்ரு'॑தீயஸவ॒நாந்நய॑ந்தி ॥ ஹோது॑ஶ்சம॒ஸமநூந்ந॑யந்தே । ஹோதா-ऽநு॑ஶக்ம் ஸதி ॥ 30 ॥

ம॒த்த்ய॒த ஏ॒வ ய॒ஜ்ஞக்ம் ஸ॒மாத॑தாதி ॥ யஸ்ய॑ த்ரு'தீயஸவ॒நே ஸோமோ॑-ऽதி॒ரிச்யே॑த । உ॒க்த்ய॑-ங்குர்வீத । யஸ்யோ॒க்த்யே॑-ऽதி॒ரிச்யே॑த । அ॒தி॒ரா॒த்ர-ங்கு॑ர்வீத । யஸ்யா॑-திரா॒த்ரே॑-ऽதி॒ரிச்ய॑தே। தத்த்வை து॑ஷ்ப்ரஜ்ஞா॒நம் । யஜ॑மாநம்॒-வாँ ஏ॒த-த்ப॒ஶவ॑ ஆ॒ஸாஹ்ய॑ யந்தி । ப்ரு'॒ஹ-த்ஸாம॑ பவதி । ப்ரு'॒ஹத்வா இ॒மாம்-லோँ॒கா-ந்தா॑தார । பார்ஹ॑தாஃ ப॒ஶவஃ॑ । ப்ரு'॒ஹ॒தைவாஸ்மை॑ ப॒ஶூ-ந்தா॑தார ॥ ஶி॒பி॒வி॒ஷ்டவ॑தீஷு குர்வந்தி । ஶி॒பி॒வி॒ஷ்டோ வை தே॒வாநா᳚-ம்பு॒ஷ்டம் । புஷ்ட்யை॒வைந॒க்ம்॒ ஸம॑ர்தயந்தி ॥ ஹோது॑ஶ்சம॒ஸமநூந்ந॑யந்தே । ஹோதா-ऽநு॑ஶக்ம்ஸதி । ம॒த்த்ய॒த ஏ॒வ ய॒ஜ்ஞக்ம் ஸ॒மாத॑தாதி ॥ 31 ॥

(ய॒ந்தி॒ - ஸவ॑நஸ்யாதி॒ரிச்ய॑தே - ஶக்ம்ஸதி - தாதாரா॒ஷ்டௌ ச॑) (அ. 5)

அநுவாகம் 6 - ஸவநநிமித்த-ம்ப்ராயஶ்சித்தம்

ஏகை॑கோ॒ வை ஜ॒நதா॑யா॒-மிந்த்ரஃ॑ । ஏகம்॒-வாँ ஏ॒தாவிந்த்ர॑ம॒பி ஸக்ம்ஸு॑நுதஃ । யௌ த்வௌ ஸக்ம்॑ஸுநு॒தஃ । ப்ர॒ஜாப॑தி॒ர்வா ஏ॒ஷ விதா॑யதே । ய-த்ய॒ஜ்ஞஃ । தஸ்ய॒ க்ராவா॑ணோ॒ தந்தாஃ᳚ । அ॒ந்ய॒த॒ரம்-வாँ ஏ॒தே ஸக்ம்॑ஸுந்வ॒தோ-ர்நிர்ப॑ப்ஸதி । பூர்வே॑ணோப॒ஸ்ரு'த்யா॑ தே॒வதா॒ இத்யா॑ஹுஃ । பூ॒ர்வோ॒ப॒ஸ்ரு'॒தஸ்ய॒ வை ஶ்ரேயா᳚-ந்பவதி । ஏதி॑வ॒ந்த்யாஜ்யா॑நி பவந்த்ய॒-பிஜி॑த்யை ॥ 32 ॥

ம॒ருத்வ॑தீஃ ப்ரதி॒பதஃ॑ । ம॒ருதோ॒ வை தே॒வாநா॒-மப॑ராஜித-மா॒யத॑நம் । தே॒வாநா॑-மே॒வாப॑ராஜித ஆ॒யத॑நே யததே ॥உ॒பே ப்ரு'॑ஹத்ரதந்த॒ரே ப॑வதஃ । இ॒யம்-வாँவ ர॑தந்த॒ரம் । அ॒ஸௌ ப்ரு'॒ஹத் । ஆ॒ப்யாமே॒வைந॑-ம॒ந்தரே॑தி । வா॒சஶ்ச॒ மந॑ஸஶ்ச । ப்ரா॒ணாச்சா॑-பா॒நாச்ச॑ । தி॒வஶ்ச॑ ப்ரு'தி॒வ்யாஶ்ச॑ ॥ 33 ॥

ஸர்வ॑ஸ்மா-த்வி॒த்தா-த்வேத்யா᳚த் ॥ அ॒பி॒வ॒ர்தோ ப்ர॑ஹ்மஸா॒ம-ம்ப॑வதி । ஸு॒வ॒ர்கஸ்ய॑ லோ॒கஸ்யா॒-பிவ்ரு'॑த்த்யை ॥ அ॒பி॒ஜி-த்ப॑வதி । ஸு॒வ॒ர்கஸ்ய॑ லோ॒கஸ்யா॒-பிஜி॑த்யை । வி॒ஶ்வ॒ஜி-த்ப॑வதி । விஶ்வ॑ஸ்ய॒ ஜித்யை᳚ ॥ யஸ்ய॒ பூயாக்ம்॑ஸோ யஜ்ஞக்ர॒தவ॒ இத்யா॑ஹுஃ । ஸ தே॒வதா॑ வ்ரு'ங்க்த॒ இதி॑ । யத்ய॑க்நிஷ்டோ॒ம-ஸ்ஸோமஃ॑ ப॒ரஸ்தா॒-த்ஸ்யாத் ॥ 34 ॥

உ॒க்த்ய॑-ங்குர்வீத । யத்யு॒க்த்யஃ॑ ஸ்யாத் । அ॒தி॒ரா॒த்ர-ங்கு॑ர்வீத । ய॒ஜ்ஞ॒க்ர॒துபி॑-ரே॒வாஸ்ய॑ தே॒வதா॑ வ்ரு'ங்க்தே ॥ யோ வை சந்தோ॑பி-ரபி॒பவ॑தி । ஸ ஸக்ம்॑ ஸுந்வ॒தோ-ர॒பிப॑வதி । ஸம்॒வேँ॒ஶாய॑ த்வோபவே॒ஶாய॒-த்வேத்யா॑ஹ । சந்தாக்ம்॑ஸி॒ வை ஸம்॑வேँ॒ஶ உ॑பவே॒ஶஃ । சந்தோ॑பிரே॒வாஸ்ய॒ சந்தாக்॑ஸ்ய॒-பிப॑வதி ॥ இ॒ஷ்டர்கோ॒ வா ரு'॒த்விஜா॑-மத்த்வ॒ர்யுஃ ॥ 35 ॥

இ॒ஷ்டர்கஃ॒ கலு॒ வை பூர்வோ॒-ऽர்ஷ்டுஃ, க்ஷீ॑யதே । ப்ராணா॑பாநௌ ம்ரு'॒த்யோர்மா॑ பாத॒மித்யா॑ஹ । ப்ரா॒ணா॒பா॒நயோ॑ரே॒வ ஶ்ர॑யதே । ப்ராணா॑பாநௌ॒ மா மா॑ ஹாஸிஷ்ட॒மித்யா॑ஹ । நைந॑-ம்பு॒ரா-ऽऽயு॑ஷஃ ப்ராணாபா॒நௌ ஜ॑ஹிதஃ ॥ ஆர்திம்॒-வாँ ஏ॒தே நிய॑ந்தி । யேஷா᳚-ந்தீக்ஷி॒தாநா᳚-ம்ப்ர॒மீய॑தே । தம்-யँத॑வ॒வர்ஜே॑யுஃ । க்ரூ॒ர॒க்ரு'தா॑மிவைஷாம்-லோँ॒க-ஸ்ஸ்யா᳚த் । ஆஹ॑ர த॒ஹேதி॑ ப்ரூயாத் ॥ 36 ॥

த-ந்த॑க்ஷிண॒தோ வேத்யை॑ நி॒தாய॑ । ஸ॒ர்ப॒ரா॒ஜ்ஞியா॑ ரு'॒க்பி-ஸ்ஸ்து॑யுஃ । இ॒யம்-வைँ ஸர்ப॑தோ॒ ராஜ்ஞீ᳚ । அ॒ஸ்யா ஏ॒வைந॒-ம்பரி॑தததி ॥ வ்ய்ரு'॑த்த॒-ந்ததித்யா॑ஹுஃ । ய-த்ஸ்து॒த-மந॑நுஶஸ்த॒-மிதி॑ । ஹோதா᳚ ப்ரத॒மஃ ப்ரா॑சீநாவீ॒தீ மா᳚ர்ஜா॒லீய॒-ம்பரீ॑யாத் । யா॒மீர॑நு-ப்ரு॒வந்ந் । ஸ॒ர்ப॒ரா॒ஜ்ஞீநா᳚-ங்கீர்தயேத் । உ॒பயோ॑ரே॒வைநம்॑-லோँ॒கயோஃ॒ பரி॑தததி ॥ 37 ॥

அதோ॑ து॒வந்த்யே॒வைந᳚ம் । அதோ॒ ந்யே॑வாஸ்மை᳚ ஹ்நுவதே ॥ த்ரிஃ பரி॑யந்தி । த்ரய॑ இ॒மே லோ॒காஃ । ஏ॒ப்ய ஏ॒வைநம்॑-லோँ॒கேப்யோ॑ துவதே । த்ரிஃ புநஃ॒ பரி॑யந்தி । ஷட்-த்ஸம்ப॑த்யந்தே । ஷட்வா ரு'॒தவஃ॑ । ரு'॒துபி॑ரே॒வைந॑-ந்துவதே ॥ அக்ந॒ ஆயூக்ம்॑ஷி பவஸ॒ இதி॑ ப்ரதி॒பத॑-ங்குர்வீரந்ந் । ர॒த॒ந்த॒ரஸா॑மைஷா॒க்ம்॒ ஸோமஃ॑ ஸ்யாத் । ஆயு॑ரே॒வாத்மந்-த॑ததே । அதோ॑ பா॒ப்மாந॑மே॒வ வி॒ஜஹ॑தோ யந்தி ॥ 38 ॥

(அ॒பிஜி॑த்யை - ப்ரு'தி॒வ்யாஶ்ச॒ - ஸ்யா - த॑த்த்வ॒ர்யு--ர் ப்ரு॑யால் - லோ॒கயோஃ॒ பரி॑தததி - குர்வர॒க்க்॒ ஸ்த்ரீணி॑ ச) (அ. 6)

அநுவாகம் 7 - யூபவிரோஹணாதிப்ராயஶ்சித்தம்

அ॒ஸு॒ர்யம்॑-வாँ ஏ॒தஸ்மா॒-த்வர்ண॑-ங்க்ரு'॒த்வா । ப॒ஶவோ॑ வீ॒ர்ய॑-மப॑க்ராமந்தி । யஸ்ய॒ யூபோ॑ வி॒ரோஹ॑தி । த்வா॒ஷ்ட்ர-ம்ப॑ஹுரூ॒ப-மால॑பேத । த்வஷ்டா॒ வை ரூ॒பாணா॑மீஶே । ய ஏ॒வ ரூ॒பாணா॒மீஶே᳚ । ஸோ᳚-ऽஸ்மி-ந்ப॒ஶூந். வீ॒ர்யம்॑-யँச்சதி । நாஸ்மா᳚த்-ப॒ஶவோ॑ வீ॒ர்ய॑-மப॑க்ராமந்தி ॥ ஆர்திம்॒-வாँ ஏ॒தே நிய॑ந்தி । யேஷா᳚-ந்தீக்ஷி॒தாநா॑-ம॒க்நி-ரு॒த்வாய॑தி ॥ 39 ॥

யதா॑ஹவ॒நீய॑ உ॒த்வாயே᳚த் । யத்த-ம்மந்தே᳚த் । விச்சி॑ந்த்யாத் । ப்ராத்ரு'॑வ்யமஸ்மை ஜநயேத் । யதா॑ஹவ॒நீய॑ உ॒த்வாயே᳚த் । ஆக்நீ᳚த்த்ரா॒-துத்த॑ரேத் । யதாக்நீ᳚த்த்ர உ॒த்வாயே᳚த் । கார்ஹ॑பத்யா॒-துத்த॑ரேத் । ய-த்கார்ஹ॑பத்ய உ॒த்வாயே᳚த் । அத॑ ஏ॒வ புந॑-ர்மந்தேத் ॥ 40 ॥

அத்ர॒ வாவ ஸ நில॑யதே । யத்ர॒ கலு॒ வை நிலீ॑ந-முத்த॒ம-ம்பஶ்ய॑ந்தி । ததே॑ந-மிச்சந்தி ॥ யஸ்மா॒-த்தாரோ॑ரு॒த்வாயே᳚த் । தஸ்யா॒ரணீ॑ குர்யாத் । க்ரு॒மு॒கமபி॑ குர்யாத் । ஏ॒ஷா வா அ॒க்நேஃ ப்ரி॒யா த॒நூஃ । யத்-க்ரு॑மு॒கஃ । ப்ரி॒யயை॒வைந॑-ந்த॒நுவா॒ ஸம॑ர்தயதி ॥ கார்ஹ॑பத்ய-ம்மந்ததி ॥ 41 ॥

கார்ஹ॑பத்யோ॒ வா அ॒க்நேர்யோநிஃ॑ । ஸ்வாதே॒வைநம்॒-யோँநே᳚-ர்ஜநயதி । நாஸ்மை॒ ப்ராத்ரு'॑வ்ய-ஞ்ஜநயதி ॥ யஸ்ய॒ ஸோம॑ உப॒தஸ்யே᳚த் । ஸு॒வர்ண॒க்ம்॒ ஹிர॑ண்ய-ந்த்வே॒தா வி॒ச்சித்ய॑ । ரு'॒ஜீ॒ஷே᳚-ऽந்யதா॑தூநு॒யாத் । ஜு॒ஹு॒யாத॒ந்யத் । ஸோம॑மே॒வா-பி॑ஷு॒ணோதி॑ । ஸோம॑-ஞ்ஜுஹோதி ॥ ஸோம॑ஸ்ய॒ வா அ॑பிஷூ॒யமா॑ணஸ்ய ப்ரி॒யா த॒நூ-ருத॑க்ராமத் ॥ 42 ॥

த-த்ஸு॒வர்ண॒க்ம்॒ ஹிர॑ண்ய-மபவத் । ய-த்ஸு॒வர்ண॒க்ம்॒ ஹிர॑ண்ய-ங்கு॒ர்வந்தி॑ । ப்ரி॒யயை॒வைந॑-ந்த॒நுவா॒ ஸம॑ர்தயந்தி ॥ யஸ்யாக்ரீ॑த॒க்ம்॒ ஸோம॑-மப॒ஹரே॑யுஃ । க்ரீ॒ணீ॒யாதே॒வ । ஸைவ ததஃ॒ ப்ராய॑ஶ்சித்திஃ ॥ யஸ்ய॑ க்ரீ॒தம॑ப॒ஹரே॑யுஃ । ஆ॒தா॒ராக்ஶ்ச॑ பால்கு॒நாநி॑ சா॒பிஷு॑ணுயாத் । கா॒ய॒த்ரீ யக்ம் ஸோம॒மாஹ॑ரத் । தஸ்ய॒ யோ-ऽக்ம்॑ஶுஃ ப॒ரா-ऽப॑தத் ॥ 43 ॥

த ஆ॑தா॒ரா அ॑பவந்ந் । இந்த்ரோ॑ வ்ரு'॒த்ரம॑ஹந்ந் । தஸ்ய॑ வ॒ல்கஃ பரா॑-ऽபதத் । தாநி॑ பால்கு॒நாந்ய॑பவந்ந் । ப॒ஶவோ॒ வை பா᳚ல்கு॒நாநி॑ । ப॒ஶவ॒-ஸ்ஸோமோ॒ ராஜா᳚ । யதா॑தா॒ராக்ஶ்ச॑ பால்கு॒நாநி॑ சாபிஷு॒ணோதி॑ । ஸோம॑மே॒வ ராஜா॑நம॒பிஷு॑ணோதி ॥ ஶ்ரு'॒தேந॑ ப்ராதஸ்ஸவ॒நே ஶ்ரீ॑ணீயாத் । த॒த்த்நா ம॒த்த்யந்தி॑நே ॥ 44 ॥

நீ॒த॒மி॒ஶ்ரேண॑ த்ரு'தீயஸவ॒நே । அ॒கி॒ஷ்டோ॒ம-ஸ்ஸோமஃ॑ ஸ்யா-த்ரதந்த॒ரஸா॑மா । ய ஏ॒வர்த்விஜோ॑ வ்ரு'॒தா-ஸ்ஸ்யுஃ । த ஏ॑நம்-யாँஜயேயுஃ । ஏகா॒-ங்கா-ந்தக்ஷி॑ணா-ந்தத்யா॒த்தேப்ய॑ ஏ॒வ । புந॒-ஸ்ஸோம॑-ங்க்ரீணீயாத் । ய॒ஜ்ஞேநை॒வ த-த்ய॒ஜ்ஞ-மி॑ச்சதி । ஸைவ ததஃ॒ ப்ராய॑ஶ்சித்திஃ ॥ ஸர்வா᳚ப்யோ॒ வா ஏ॒ஷ தே॒வதா᳚ப்ய॒-ஸ்ஸர்வே᳚ப்யஃ ப்ரு'॒ஷ்டேப்ய॑ ஆ॒த்மாந॒-மாகு॑ரதே । ய-ஸ்ஸ॒த்ராயா॑கு॒ரதே᳚ । ஏ॒தாவா॒ந்-கலு॒ வை புரு॑ஷஃ । யாவ॑தஸ்ய வி॒த்தம் । ஸ॒ர்வ॒வே॒த॒ஸேந॑ யஜேத । ஸர்வ॑ப்ரு'ஷ்டோ-ऽஸ்ய॒ ஸோமஃ॑ ஸ்யாத் । ஸர்வா᳚ப்ய ஏ॒வ தே॒வதா᳚ப்ய॒-ஸ்ஸர்வே᳚ப்யஃ ப்ரு'॒ஷ்டேப்ய॑ ஆ॒த்மாந॒-ந்நிஷ்க்ரீ॑ணீதே ॥ 45 ॥

(உ॒த்வாய॑தி - மந்தேந் - மந்த - த்யக்ராமத் - ப॒ரா-ऽப॑தந் - ம॒த்த்யந்தி॑ந - ஆகு॒ரதே॒ பஞ்ச॑ ச) (அ. 7)

அநுவாகம் 8 - பாவமாநீமந்த்ராஃ (ஸ்மார்தே ஶ்ஞாநாதௌ மார்ஜநார்தாஶ்ச)

பவ॑மாந॒-ஸ்ஸுவ॒ர்ஜநஃ॑ । ப॒வித்ரே॑ண॒ விச॑ர்ஷணிஃ । யஃ போதா॒ ஸ பு॑நாது மா ॥ பு॒நந்து॑ மா தேவஜ॒நாஃ । பு॒நந்து॒ மந॑ வோ தி॒யா । பு॒நந்து॒ விஶ்வ॑ ஆ॒யவஃ॑ ॥ ஜாத॑வேதஃ ப॒வித்ர॑வத் । ப॒வித்ரே॑ண புநாஹி மா । ஶு॒க்ரேண॑ தேவ॒ தீத்ய॑த் । அக்நே॒ க்ரத்வா॒ க்ரதூ॒க்ம்॒ ரநு॑ ॥ 46 ॥

யத்தே॑ ப॒வித்ர॑-ம॒ர்சிஷி॑ । அக்நே॒ வித॑தமந்த॒ரா । ப்ரஹ்ம॒ தேந॑ புநீமஹே ॥ உ॒பாப்யா᳚-ந்தேவ ஸவிதஃ ।ப॒வித்ரே॑ண ஸ॒வேந॑ ச । இ॒த-ம்ப்ரஹ்ம॑ புநீமஹே ॥ வை॒ஶ்வ॒தே॒வீ பு॑ந॒தீ தே॒வ்யாகா᳚த் । யஸ்யை॑ ப॒ஹ்வீ-ஸ்த॒நுவோ॑ வீ॒தப்ரு'॑ஷ்டாஃ । தயா॒ மத॑ந்த-ஸ்ஸத॒மாத்யே॑ஷு । வ॒யக்க் ஸ்யா॑ம॒ பத॑யோ ரயீ॒ணாம் ॥ 47 ॥

வை॒ஶ்வா॒ந॒ரோ ர॒ஶ்மிபி॑ர்மா புநாது । வாதஃ॑ ப்ரா॒ணேநே॑ஷி॒ரோ ம॑யோ॒பூஃ । த்யாவா॑ப்ரு'தி॒வீ பய॑ஸா॒ பயோ॑பிஃ । ரு'॒தாவ॑ரீ ய॒ஜ்ஞியே॑ மா புநீதாம் ॥ ப்ரு'॒ஹத்பிஃ॑ ஸவித॒ஸ்த்ரு'பிஃ॑ । வர்ஷி॑ஷ்டை-ர்தேவ॒ மந்ம॑பிஃ । அக்நே॒ தக்ஷைஃ᳚ புநாஹி மா ॥ யேந॑ தே॒வா அபு॑நத । யேநாபோ॑ தி॒வ்ய-ங்கஶஃ॑ । தேந॑ தி॒வ்யேந॒ ப்ரஹ்ம॑ணா ॥ 48 ॥

இ॒த-ம்ப்ரஹ்ம॑ புநீமஹே ॥ யஃ பா॑வமா॒நீர॒த்த்யேதி॑ । ரு'ஷி॑பி॒-ஸ்ஸம்ப்ரு'॑த॒க்ம்॒ ரஸ᳚ம் । ஸர்வ॒க்ம்॒ ஸ பூ॒தம॑ஶ்ஞாதி । ஸ்வ॒தி॒த-ம்மா॑த॒ரிஶ்வ॑நா ॥ பா॒வ॒மா॒நீர்யோ அ॒த்த்யேதி॑ । ரு'ஷி॑பி॒-ஸ்ஸம்ப்ரு'॑த॒க்ம்॒ ரஸ᳚ம் । தஸ்மை॒ ஸர॑ஸ்வதீ துஹே । க்ஷீ॒ரக்ம் ஸ॒ர்பி-ர்மதூ॑த॒கம் ॥ பா॒வ॒மா॒நீ-ஸ்ஸ்வ॒ஸ்த்யய॑நீஃ ॥ 49 ॥

ஸு॒துகா॒ ஹி பய॑ஸ்வதீஃ । ரு'ஷி॑பி॒-ஸ்ஸம்ப்ரு'॑தோ॒ ரஸஃ॑ । ப்ரா॒ஹ்ம॒ணேஷ்வ॒ம்ரு'தக்ம்॑ ஹி॒தம் ॥ பா॒வ॒மா॒நீ-ர்தி॑ஶந்து நஃ । இ॒மம்-லோँ॒கமதோ॑ அ॒மும் । காமா॒ந்-த்ஸம॑ர்தயந்து நஃ । தே॒வீ-ர்தே॒வை-ஸ்ஸ॒மாப்ரு'॑தாஃ ॥ பா॒வ॒மா॒நீ-ஸ்ஸ்வ॒ஸ்த்யய॑நீஃ । ஸு॒துகா॒ஹி க்ரு'॑த॒ஶ்சுதஃ॑ । ரு'ஷி॑பி॒-ஸ்ஸம்ப்ரு'॑தோ॒ ரஸஃ॑ ॥ 50 ॥

ப்ரா॒ஹ்ம॒ணேஷ்வ॒ம்ரு'தக்ம்॑ ஹி॒தம் ॥ யேந॑ தே॒வாஃ ப॒வித்ரே॑ண । ஆ॒த்மாந॑-ம்பு॒நதே॒ ஸதா᳚ । தேந॑ ஸ॒ஹஸ்ர॑தாரேண । பா॒வ॒மா॒ந்யஃ பு॑நந்து மா ॥ ப்ரா॒ஜா॒ப॒த்ய-ம்ப॒வித்ர᳚ம் । ஶ॒தோத்யா॑மக்ம் ஹிர॒ண்மய᳚ம் । தேந॑ ப்ரஹ்ம॒ விதோ॑ வ॒யம் । பூ॒த-ம்ப்ரஹ்ம॑ புநீமஹே ॥ இந்த்ரஃ॑ ஸுநீ॒தீ ஸ॒ஹ மா॑ புநாது । ஸோமஃ॑ ஸ்வ॒ஸ்த்யா வரு॑ண-ஸ்ஸ॒மீச்யா᳚ । ய॒மோ ராஜா᳚ ப்ரம்ரு'॒ணாபிஃ॑ புநாது மா । ஜா॒தவே॑தா மோ॒ர்ஜய॑ந்த்யா புநாது ॥ 51 ॥

(அநு॑ - ரயீ॒ணாம் - ப்ரஹ்ம॑ணா - ஸ்வ॒ஸ்த்யய॑நீஃ - ஸு॒துகா॒ ஹி க்ரு'॑த॒ஶ்சுத॒ ரு'ஷி॑பி॒-ஸ்ஸம்ப்ரு'॑தோ॒ ரஸஃ॑ - புநாது॒ த்ரீணி॑ ச ) (அ. 8)

அநுவாகம் 9 - ராஜஸூயகதசாதுர்மாஸ்யஶேஷஃ

ப்ர॒ஜா வை ஸ॒த்ரமா॑ஸத॒ தப॒ஸ்தப்ய॑மாநா॒ அஜு॑ஹ்வதீஃ । தே॒வா அ॑பஶ்ய-ஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தாம் । தமுபோத॑திஷ்ட॒ந்த-ம॑ஜுஹவுஃ । தேநா᳚ர்தமா॒ஸ ஊர்ஜ॒மவா॑ருந்தத । தஸ்மா॑தர்தமா॒ஸே தே॒வா இ॑ஜ்யந்தே ॥ பி॒தரோ॑-ऽபஶ்ய-ஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தாம் । தமுபோத॑திஷ்ட॒ந்த- ம॑ஜுஹவுஃ । தேந॑ மா॒ஸ்யூர்ஜ॒மவா॑ருந்தத । தஸ்மா᳚-ந்மா॒ஸி பி॒த்ரு'ப்யஃ॑ க்ரியதே । ம॒நு॒ஷ்யா॑ அபஶ்ய-ஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தாம் ॥ 52 ॥

தமுபோத॑திஷ்ட॒ந்த-ம॑ஜுஹவுஃ । தேந॑-த்வ॒யீமூர்ஜ॒மவா॑ருந்தத । தஸ்மா॒-த்த்விரஹ்நோ॑-மநு॒ஷ்யே᳚ப்ய॒ உப॑ஹ்ரியதே । ப்ரா॒தஶ்ச॑ ஸா॒ய-ஞ்ச॑ । ப॒ஶவோ॑-ऽபஶ்ய-ஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தாம் । தமுபோத॑திஷ்ட॒ந்த-ம॑ஜுஹவுஃ । தேந॑-த்ர॒யீமூர்ஜ॒மவா॑-ருந்தத । தஸ்மா॒-த்த்ரிரஹ்நஃ॑ ப॒ஶவஃ॒ ப்ரேர॑தே । ப்ரா॒தஸ்ஸ॑கம்॒வே ஸா॒யம் । அஸு॑ரா அபஶ்ய-ஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தாம் ॥ 53 ॥

தமுபோத॑திஷ்ட॒ந்த-ம॑ஜுஹவுஃ । தேந॑ ஸம்வँத்ஸ॒ர ஊர்ஜ॒மவா॑-ருந்தத ॥ தே தே॒வா அ॑மந்யந்த । அ॒மீ வா இ॒தம॑பூவந்ந் । யத்வ॒யக்க்ஸ்ம இதி॑ । த ஏ॒தாநி॑ சாதுர்மா॒ஸ்யாந்ய॑பஶ்யந்ந் । தாநி॒ நிர॑வபந்ந் । தைரே॒வைஷா॒-ந்தாமூர்ஜ॑மவ்ரு'ஞ்ஜத । ததோ॑ தே॒வா அப॑வந்ந் । பரா-ऽஸு॑ராஃ ॥ 54 ॥

ய-த்யஜ॑தே । யாமே॒வ தே॒வா ஊர்ஜ॑ம॒வாரு॑ந்தத । தா-ந்தேநா-வ॑ருந்தே । ய-த்பி॒த்ரு'ப்யஃ॑ க॒ரோதி॑ । யாமே॒வ பி॒தர॒ ஊர்ஜ॑ம॒வா-ரு॑ந்தத । தா-ந்தேநா-வ॑ருந்தே । யதா॑வஸ॒தே-ऽந்ந॒க்ம்॒ ஹர॑ந்தி । யாமே॒வ ம॑நு॒ஷ்யா॑ ஊர்ஜ॑ம॒வா-ரு॑ந்தத । தா-ந்தேநா-வ॑ருந்தே । ய-த்தக்ஷி॑ணா॒-ந்ததா॑தி ॥ 55 ॥

யாமே॒வ ப॒ஶவ॒ ஊர்ஜ॑ம॒வா-ரு॑ந்தத । தா-ந்தேநா-வ॑ருந்தே । யச்சா॑து-ர்மா॒ஸ்யை-ர்யஜ॑தே । யாமே॒வாஸு॑ரா॒ ஊர்ஜ॑ம॒-வாரு॑ந்தத । தா-ந்தேநா-வ॑ருந்தே । பவ॑த்யா॒த்மநா᳚ । பரா᳚-ऽஸ்ய॒ ப்ராத்ரு'॑வ்யோ பவதி ॥ வி॒ராஜோ॒ வா ஏ॒ஷா விக்ரா᳚ந்திஃ । யச்சா॑து-ர்மா॒ஸ்யாநி॑ । வை॒ஶ்வ॒தே॒வேநா॒ஸ்மிँல்லோ॒கே ப்ரத்ய॑திஷ்டத் । வ॒ரு॒ண॒ ப்ர॒கா॒ஸை-ர॒ந்தரி॑க்ஷே । ஸா॒க॒மே॒தை-ர॒முஷ்மி॑ँல்லோ॒கே । ஏ॒ஷ ஹ॒ த்வாவைத-த்ஸர்வ॑-ம்பவதி । ய ஏ॒வம்-விँ॒த்வாக்ஶ்சா॑துர்மா॒ஸ்யை-ர்யஜ॑தே ॥ 56 ॥

(ம॒நு॒ஷ்யா॑ அபஶ்யஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தா-மஸு॑ரா அபஶ்யஞ்சம॒ஸ-ங்க்ரு'॒தஸ்ய॑ பூ॒ர்ணக்க் ஸ்வ॒தா-மஸு॑ரா॒-ததா᳚-த்யதிஷ்ட ச்ச॒த்வாரி॑ ச) (அ. 9)

அநுவாகம் 10 - சாதுர்மாஸ்யப்ரஶம்ஸநம்

அ॒க்நிர்வாவ ஸம்॑வँத்ஸ॒ரஃ । ஆ॒தி॒த்யஃ ப॑ரிவத்ஸ॒ரஃ । ச॒ந்த்ரமா॑ இதாவத்ஸ॒ரஃ । வா॒யு-ர॑நுவத்ஸ॒ரஃ ॥ ய-த்வை᳚ஶ்வதே॒வேந॒ யஜ॑தே । அ॒க்நிமே॒வ த-த்ஸம்॑வँத்ஸ॒ர-மா᳚ப்நோதி । தஸ்மா᳚-த்வைஶ்வதே॒வேந॒ யஜ॑மாநஃ । ஸம்॒வँ॒த்ஸ॒ரீணாக்॑ ஸ்வ॒ஸ்தி-மாஶா᳚ஸ்த॒ இத்யாஶா॑ஸீத ॥ ய-த்வ॑ருண ப்ரகா॒ஸை-ர்யஜ॑தே । ஆ॒தி॒த்யமே॒வ த-த்ப॑ரிவத்ஸ॒ர-மா᳚ப்நோதி ॥ 57 ॥

தஸ்மா᳚-த்வருண-ப்ரகா॒ஸை-ர்யஜ॑மாநஃ । ப॒ரி॒வ॒த்ஸ॒ரீணாக்॑ ஸ்வ॒ஸ்தி-மாஶா᳚ஸ்த॒ இத்யாஶா॑ஸீத । ய-த்ஸா॑கமே॒தை-ர்யஜ॑தே । ச॒ந்த்ரம॑ஸமே॒வ ததி॑தாவத்ஸ॒ர-மா᳚ப்நோதி । தஸ்மா᳚-த்ஸாகமே॒தை-ர்யஜ॑மாநஃ । இ॒தா॒வ॒த்ஸ॒ரீணாக்॑ ஸ்வ॒ஸ்தி-மாஶா᳚ஸ்த॒ இத்யாஶா॑ஸீத ॥ ய-த்பி॑த்ரு' ய॒ஜ்ஞேந॒ யஜ॑தே । தே॒வாநே॒வ தத॒ந்வவ॑ஸ்யதி ॥ அத॒ வா அ॑ஸ்ய வா॒யுஶ்சா॑-நுவத்ஸ॒ரஶ்சா ப்ரீ॑தா॒வுச்சி॑ஷ்யேதே । யச்சு॑நாஸீ॒ரீயே॑ண॒ யஜ॑தே ॥ 58 ॥

வா॒யுமே॒வ தத॑நுவத்ஸ॒ர-மா᳚ப்நோதி । தஸ்மா᳚-ச்சுநாஸீ॒ரீயே॑ண॒ யஜ॑மாநஃ । அ॒நு॒வ॒த்ஸ॒ரீணாக்॑ ஸ்வ॒ஸ்தி-மாஶா᳚ஸ்த॒ இத்யாஶா॑ஸீத ॥ ஸம்॒வँ॒த்ஸ॒ரம்-வாँ ஏ॒ஷ ஈ᳚ப்ஸ॒தீத்யா॑ஹுஃ । யஶ்சா॑து-ர்மா॒ஸ்யை-ர்யஜ॑த॒ இதி॑ । ஏ॒ஷ ஹ॒ த்வை ஸ॑வந்த்ஸ॒ர-மா᳚ப்நோதி । ய ஏ॒வம்-விँ॒த்வாக் ஶ்சா॑துர்மா॒ஸ்யை-ர்யஜ॑தே ॥ விஶ்வே॑ தே॒வா-ஸ்ஸம॑யஜந்த । தே᳚-ऽக்நிமே॒வாய॑ஜந்த । த ஏ॒தம்-லோँ॒கம॑ஜயந்ந் ॥ 59 ॥

யஸ்மி॑ந்ந॒க்நிஃ । ய-த்வை᳚ஶ்வதே॒வேந॒ யஜ॑தே । ஏ॒தமே॒வ லோ॒க-ஞ்ஜ॑யதி । யஸ்மி॑ந்ந॒க்நிஃ । அ॒க்நேரே॒வ ஸாயு॑ஜ்ய॒முபை॑தி ॥ ய॒தா வை᳚ஶ்வதே॒வேந॒ யஜ॑தே । அத॑ ஸம்வँத்ஸ॒ரஸ்ய॑ க்ரு'॒ஹப॑தி-மாப்நோதி । ய॒தா ஸம்॑வँத்ஸ॒ரஸ்ய॑ க்ரு'॒ஹப॑தி-மா॒ப்நோதி॑ । அத॑ ஸஹஸ்ரயா॒ஜிந॑-மாப்நோதி । ய॒தா ஸ॑ஹஸ்ரயா॒ஜிந॑-மா॒ப்நோதி॑ ॥ 60 ॥

அத॑ க்ரு'ஹமே॒திந॑-மாப்நோதி । ய॒தா க்ரு'॑ஹமே॒திந॑-மா॒ப்நோதி॑ । அதா॒க்நி-ர்ப॑வதி । ய॒தா-ऽக்நி-ர்பவ॑தி । அத॒ கௌர்ப॑வதி । ஏ॒ஷா வை வை᳚ஶ்வதே॒வஸ்ய॒ மாத்ரா᳚ । ஏ॒த-த்வா ஏ॒தேஷா॑மவ॒மம் । அதோ॑-ऽதோ॒ வா உத்த॑ராணி॒ ஶ்ரேயாக்ம்॑ஸி பவந்தி । ய-த்விஶ்வே॑ தே॒வா-ஸ்ஸ॒மய॑ஜந்த । த-த்வை᳚ஶ்வதே॒வஸ்ய॑ வைஶ்வதேவ॒த்வம் ॥ 61 ॥

அதா॑தி॒த்யோ வரு॑ண॒க்ம்॒ ராஜா॑நம்-வँருண ப்ரகா॒ஸைர॑யஜத । ஸ ஏ॒தம்-லோँ॒கம॑ஜயத் । யஸ்மி॑ந்நாதி॒த்யஃ । ய-த்வ॑ருண-ப்ரகா॒ஸை-ர்யஜ॑தே । ஏ॒தமே॒வ லோ॒க-ஞ்ஜ॑யதி । யஸ்மி॑ந்நாதி॒த்யஃ । ஆ॒தி॒த்யஸ்யை॒வ-ஸாயு॑ஜ்ய॒-முபை॑தி । யதா॑தி॒த்யோ வரு॑ண॒க்ம்॒ ராஜா॑நம்-வँருண ப்ரகா॒ஸைரய॑ஜத । த-த்வ॑ருண ப்ரகா॒ஸாநாம்᳚-வँருண ப்ரகாஸ॒த்வம் ॥ அத॒ ஸோமோ॒ ராஜா॒ சந்தாக்ம்॑ஸி ஸாகமே॒தைர॑யஜத ॥ 62 ॥

ஸ ஏ॒தம்-லோँ॒கம॑ஜயத் । யஸ்மிக்க்॑ ஶ்ச॒ந்த்ரமா॑ வி॒பாதி॑ । ய-த்ஸா॑கமே॒தை-ர்யஜ॑தே । ஏ॒தமே॒வ லோ॒க-ஞ்ஜ॑யதி । யஸ்மிக்க்॑ ஶ்ச॒ந்த்ரமா॑ வி॒பாதி॑ । ச॒ந்த்ரம॑ஸ ஏ॒வ ஸாயு॑ஜ்ய॒-முபை॑தி । ஸோமோ॒ வை ச॒ந்த்ரமாஃ᳚ । ஏ॒ஷ ஹ॒ த்வை ஸா॒க்ஷா-த்ஸோம॑-ம்பக்ஷயதி । ய ஏ॒வம்-விँ॒த்வாந்-த்ஸா॑கமே॒தை-ர்யஜ॑தே । ய-த்ஸோம॑ஶ்ச॒ ராஜா॒ சந்தாக்ம்॑ஸி ச ஸ॒மைத॑ந்த ॥ 63 ॥

த-த்ஸா॑கமே॒தாநாக்ம்॑ ஸாகமேத॒த்வம் ॥ அத॒ர்தவஃ॑ பி॒தரஃ॑ ப்ர॒ஜாப॑தி-ம்பி॒தர॑-ம்பித்ரு'ய॒ஜ்ஞே-நா॑யஜந்த । த ஏ॒தம்-லோँ॒கம॑ஜயந்ந் । யஸ்மி॑ந்ந்ரு'॒தவஃ॑ । ய-த்பி॑த்ரு'ய॒ஜ்ஞேந॒ யஜ॑தே । ஏ॒தமே॒வ லோ॒க-ஞ்ஜ॑யதி । யஸ்மி॑ந்ந்ரு'॒தவஃ॑ । ரு'॒தூ॒நாமே॒வ ஸாயு॑ஜ்ய॒-முபை॑தி । யத்-ரு'॒தவஃ॑ பி॒தரஃ॑ ப்ர॒ஜாப॑தி-ம்பி॒தர॑-ம்பித்ரு'ய॒ஜ்ஞேநாய॑ஜந்த । த-த்பி॑த்ரு'ய॒ஜ்ஞஸ்ய॑ பித்ரு'யஜ்ஞ॒த்வம் ॥ 64 ॥

அதௌஷ॑தய இ॒ம-ந்தே॒வ-ந்த்ர்ய॑ம்பகை-ரயஜந்த॒ ப்ரதே॑ம॒ஹீதி॑ । ததோ॒ வை தா அ॑ப்ரதந்த । ய ஏ॒வம்-விँ॒த்வாக் ஸ்த்ர்ய॑ம்பகை॒-ர்யஜ॑தே । ப்ரத॑தே ப்ர॒ஜயா॑ ப॒ஶுபிஃ॑ ॥ அத॑ வா॒யுஃ ப॑ரமே॒ஷ்டிநக்ம்॑ ஶுநாஸீ॒ரீயே॑ணாயஜத । ஸ ஏ॒தம்-லோँ॒கம॑ஜயத் । யஸ்மி॑ந்-வா॒யுஃ । யச்சு॑நாஸீ॒ரீயே॑ண॒ யஜ॑தே । ஏ॒தமே॒வ லோ॒க-ஞ்ஜ॑யதி । யஸ்மி॑ந்-வா॒யுஃ ॥ 65 ॥

வா॒யோரே॒வ ஸாயு॑ஜ்ய॒-முபை॑தி ॥ ப்ர॒ஹ்ம॒வா॒திநோ॑ வதந்தி । ப்ர சா॑துர்மாஸ்யயா॒ஜீ-மீ॑ய॒தா(3) ந ப்ரமீ॑ய॒தா(3) இதி॑ । ஜீவ॒ந்வா ஏ॒ஷ ரு'॒தூநப்யே॑தி । யதி॑ வ॒ஸந்தா᳚ ப்ர॒மீய॑தே । வ॒ஸ॒ந்தோ ப॑வதி । யதி॑ க்ரீ॒ஷ்மே க்ரீ॒ஷ்மஃ । யதி॑ வ॒ர்॒ஷாஸு॑ வ॒ர்॒ஷாஃ । யதி॑ ஶ॒ரதி॑ ஶ॒ரத் । யதி॒ ஹேம॑ந். ஹேம॒ந்தஃ । ரு'॒துர்பூ॒த்வா ஸம்॑வँத்ஸ॒ரமப்யே॑தி । ஸம்॒வँ॒த்ஸ॒ரஃ ப்ர॒ஜாப॑திஃ । ப்ர॒ஜாப॑தி॒ர்வா வைஷஃ ॥ 66 ॥

(ப॒ரி॒வ॒த்ஸ॒ரமா᳚ப்நோதி - ஶுநாஸீ॒ரீயே॑ண॒ யஜ॑தே - ऽஜயந்த் - ஸஹஸ்ரயா॒ஜிந॑மா॒ப்நோதி॑ - வைஶ்வதேவ॒த்வக்ம் - ஸா॑கமே॒தைர॑யஜத - ஸ॒மைத॑ந்த - பித்ரு'யஜ்ஞ॒த்வம் - ஜ॑யதி॒ யஸ்மி॑ந் வா॒யு--ர் ஹே॑ம॒ந்த ஸ்த்ரீணீ॑ ச) (அ. 10)

(உ॒பயே॑ - யு॒வக்ம் ஸு॒ராம॒ - முத॑ஸ்தா॒ந் - நி வை - யஸ்ய॑ ப்ராதஸ்ஸவ॒ந - ஏகை॑கோ - ऽஸு॒ர்யம் - பவ॑மாநஃ - ப்ர॒ஜா வை ஸ॒த்ரமா॑ஸ - தா॒க்நிர்வாவ ஸம்॑வँத்ஸ॒ரோ தஶ॑ )

(உ॒பயே॒ வா - உத॑ஸ்தா॒த் - ஸர்வா॑பி--ர் மத்த்ய॒தோ - ऽத்ர॒ வாவ - ப்ரா᳚ஹ்ம॒ணேஷ்வ - த॑ க்ரு'ஹமே॒திந॒க்ம்॒ ஷட்-த்ஷ॑ஷ்டிஃ)

(உ॒பயே॒ - வாவைஷஃ)

॥ ஹரிஃ॑ ஓம் ॥

॥ க்ரு'ஷ்ண யஜுர்வேதீய தைத்திரீய ப்ராஹ்மணே ப்ரதமாஷ்டகே சதுர்தஃ ப்ரபாடக-ஸ்ஸமாப்தஃ ॥

1 க்ரு'ஷ்ண யஜுர்வேதீய தைத்திரீய ப்ராஹ்மணே ப்ரதமாஷ்டகம்

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhakaḥ - somādibrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - grahaṇā grahaṇam

u॒bhaye॒ vā e॒te pra॒jāpa̭te॒raddhya̭-sṛjyanta | de॒vāścāsṷrāśca | tānna vya̭jānāt | i॒me᳚-'nya i॒me᳚-'nya iti̭ | sa de॒vāna॒gṃ॒ śūna̭karot | tāna॒bhya̭ṣuṇot | tā-npa॒vitrḙṇā-punāt | tān-pa॒rastā᳚t-pa॒vitra̭sya॒-vya̭gṛhṇāt | te grahā̭ abhavann | tadgrahā̭ṇā-ṅgraha॒tvam || 1 ||

de॒vatā॒ vā e॒tā yaja̭mānasya gṛ॒he gṛ̭hyante | ya-dgrahāḥ᳚ | vi॒durḙna-nde॒vāḥ | yasyai॒vaṃ-vi~॒duṣa̭ e॒te grahā̭ gṛ॒hyante᳚ || e॒ṣā vai soma॒syāhṷtiḥ | yadṷpā॒gṃ॒śuḥ | somḙna de॒vāg sta̭rpayā॒ṇīti॒ khalu॒ vai somḙna yajate | yadṷpā॒gṃ॒śu-ñju॒hoti̭ | somḙnai॒va ta-dde॒vāg sta̭rpayati || yadgrahā᳚ñju॒hoti̭ || 2 ||

de॒vā e॒va ta-dde॒vān-ga̭cchanti || yacca̭ma॒sāñju॒hoti̭ | tenai॒vānṷrūpeṇa॒ yaja̭māna-ssuva॒rgaṃ-lo~॒kamḙti || ki-nnvḙtadagra̭ āsī॒dityā̭huḥ | ya-tpātrā॒ṇīti̭ | i॒yaṃ-vā~ e॒tadagra̭ āsīt | mṛ॒nmayā̭ni॒ vā e॒tānyā̭sann | tairde॒vā na vyā॒vṛta̭-magacchann | ta e॒tāni̭ dāru॒mayā̭ṇi॒ pātrā᳚ṇya-paśyann | tānya̭kurvata || 3 ||

tairvai te vyā॒vṛta̭-magacchann | ya-ddā̭ru॒mayā̭ṇi॒ pātrā̭ṇi॒ bhava̭nti | vyā॒vṛta̭me॒va tai-ryaja̭māno gacchati || yāni̭ dāru॒mayā̭ṇi॒ pātrā̭ṇi॒ bhava̭nti | a॒mume॒va tai-rlo॒ka-ma॒bhija̭yati | yāni̭ mṛ॒nmayā̭ni | i॒mame॒va tai-rlo॒ka-ma॒bhija̭yati || bra॒hma॒vā॒dino̭ vadanti | kāścata̭sra-ssthā॒līrvā̭ya॒vyā᳚-ssoma॒graha̭ṇī॒riti̭ | de॒vā vai pṛśñi̭maduhrann || 4 ||

tasyā̭ e॒te stanā̭ āsann | i॒yaṃ-vai~ pṛśñiḥ̭ | tāmā̭di॒tyā ā̭dityasthā॒lyā catṷṣpadaḥ pa॒śūna̭duhrann | yadā̭dityasthā॒lī bhava̭ti | catṷṣpada e॒va tayā̭ pa॒śūn. yaja̭māna i॒mā-ndṷhe | tāmindra̭ ukthyasthā॒lyendri॒ya-ma̭duhat | yadṷkthyasthā॒lī bhava̭ti | i॒ndri॒yame॒va tayā॒ yaja̭māna i॒mā-ndṷhe | tāṃ-vi~śvḙ de॒vā ā᳚grayaṇasthā॒lyorja̭-maduhrann | yadā᳚grayaṇasthā॒lī bhava̭ti || 5 ||

ūrja̭me॒va tayā॒ yaja̭māna i॒mā-ndṷhe | tā-mma̭nu॒ṣyā᳚-ddhruvasthā॒lyā ''yṷraduhrann | yaddhrṷvasthā॒lī bhava̭ti | āyṷre॒va tayā॒ yaja̭māna i॒mā-ndṷhe | sthā॒lyā gṛ॒hṇāti̭ | vā॒ya॒vyḙna juhoti | tasmā̭da॒nyena॒ pātrḙṇa pa॒śū-ndu॒hanti̭ | a॒nyena॒ prati̭gṛhṇanti | atho᳚ vyā॒vṛta̭me॒va ta-dyaja̭māno gacchati || 6 ||

(gra॒ha॒tvaṃ - grahā᳚n ju॒hotya̭-kurva-tāduhra-nnāgrayaṇasthā॒lī bhava̭ti॒-+nava̭ ca) (a. 1)

anuvākaṃ 2 - sotrāmaṇīśeṣā mantrāḥ

yu॒vagṃ su॒rāma̭maśvinā | namṷcāvā-'su॒re sacā᳚ | vi॒pi॒pā॒nā śṷbhaspatī | indra॒-ṅkarma̭svāvatam || pu॒trami̭va pi॒tarā̭va॒śvino॒bhā | indrāva̭ta॒-ṅkarma̭ṇā da॒gṃ॒sanā̭bhiḥ | ya-thsu॒rāmaṃ॒-vya~pi̭ba॒-śśacī̭bhiḥ | sara̭svatī tvā maghavannabhīṣṇāt || ahā᳚vyagne ha॒virā॒syḙ te | sru॒cīva̭ ghṛ॒ta-ñca॒mū i̭va॒ somaḥ̭ || 7 ||

vā॒ja॒sanigṃ̭ ra॒yima॒sme su॒vīra᳚m | pra॒śa॒sta-ndhḙhi ya॒śasa̭-mbṛ॒hanta᳚m || yasmi॒nnaśvā̭sa ṛṣa॒bhāsa̭ u॒kṣaṇaḥ̭ | va॒śā me॒ṣā a̭vasṛ॒ṣṭāsa॒ āhṷtāḥ | kī॒lā॒la॒pe soma̭pṛṣṭhāya ve॒dhase᳚ | hṛ॒dāma॒ti-ñja̭naya॒ cārṷma॒gnaye᳚ || nānā॒ hi vā᳚-nde॒vahi̭ta॒gṃ॒ sado̭ mi॒tam | mā sagṃsṛ̭kṣāthā-mpara॒me vyo̭mann | surā॒ tvamasi̭ śu॒ṣmiṇī॒ soma̭ e॒ṣaḥ | mā mā̭ higṃsī॒-ssvāṃ-yo~ni̭māvi॒śann || 8 ||

yadatra̭ śi॒ṣṭagṃ ra॒sinaḥ̭ su॒tasya̭ | yadindro॒ api̭ba॒cchacī̭bhiḥ | a॒ha-ntada̭sya॒ mana̭sā śi॒vena̭ | soma॒gṃ॒ rājā̭nami॒ha bha̭kṣayāmi || dve sru॒tī a̭śṛṇava-mpitṛ॒ṇām | a॒ha-nde॒vānā̭mu॒ta martyā̭nām | tābhyā̭mi॒daṃ-vi~śva॒-mbhuva̭na॒gṃ॒ samḙti | a॒nta॒rā pūrva॒mapa̭ra-ñca ke॒tum || yastḙ deva varuṇa gāya॒tracha̭ndāḥ॒ pāśaḥ̭ | ta-nta̭ e॒tenāva̭yaje || 9 ||

yastḙ deva varuṇa tri॒ṣṭupcha̭ndāḥ॒ pāśaḥ̭ | ta-nta̭ e॒tenāva̭yaje | yastḙ deva varuṇa॒ jaga̭tīchandāḥ॒ pāśaḥ̭ | ta-nta̭ e॒tenāva̭yaje || somo॒ vā e॒tasya̭ rā॒jyamāda̭tte | yo rājā॒ sa-nrā॒jyo vā॒ somḙna॒ yaja̭te | de॒va॒su॒vāme॒tāni̭ ha॒vīgṃṣi̭ bhavanti | e॒tāva̭nto॒ vai de॒vānāgṃ̭ sa॒vāḥ | ta e॒vāsmai̭ sa॒vā-npraya̭cchanti | ta ḙna॒-mpunaḥ̭ suvante rā॒jyāya̭ | de॒va॒sū rājā̭ bhavati || 10 ||

(soma̭ - āvi॒śan. - ya̭je - rā॒jyāyaikaṃ̭ ca) (a. 2)

anuvākaṃ 3 - dohaprāyaścittam, agnihotre

uda̭sthā-dde॒vyadi̭ti-rviśvarū॒pī | āyṷrya॒jñapa̭tāvadhāt | indrā̭ya kṛṇva॒tī bhā॒gam | mi॒trāya॒ varṷṇāya ca || i॒yaṃ-vā~ a̭gniho॒trī | i॒yaṃ-vā~ e॒tasya॒ niṣī̭dati | yasyā᳚gniho॒trī ni॒ṣīda̭ti | tāmutthā̭payet | uda̭sthā-dde॒vyadi̭ti॒riti̭ | i॒yaṃ-vai~ de॒vyadi̭tiḥ || 11 ||

i॒māme॒vāsmā॒ utthā̭payati || āyṷrya॒jñapa̭tāvadhā॒dityā̭ha | āyṷre॒vāsmi̭-ndadhāti || indrā̭ya kṛṇva॒tī bhā॒ga-mmi॒trāya॒ varṷṇāya॒ cetyā̭ha | ya॒thā॒ ya॒jure॒vaitat || ava̭rtiṃ॒-vā~ e॒ṣaitasya̭ pā॒pmāna̭-mprati॒khyāya॒ niṣī̭dati | yasyā᳚-gniho॒tryupa̭sṛṣṭā ni॒ṣīda̭ti | tā-ndu॒gdhvā brā᳚hma॒ṇāya̭ dadyāt | yasyānna॒-nnādyāt | ava̭rtime॒vāsmi̭-npā॒pmāna॒-mprati̭muñcati || 12 ||

du॒gdhvā da̭dāti | na hyadṛ̭ṣṭā॒ dakṣi̭ṇā dī॒yate᳚ || pṛ॒thi॒vīṃ-vā~ e॒tasya॒ payaḥ॒ pravi̭śati | yasyā᳚gniho॒tra-ndu॒hyamā̭na॒gg॒ skanda̭ti || yada॒dya du॒gdha-mpṛ̭thi॒vīmasa̭kta | yadoṣa̭dhī-ra॒pyasa̭ra॒-dyadāpaḥ̭ | payo̭ gṛ॒heṣu॒ payo̭ aghni॒yāsṷ | payo̭ va॒thseṣu॒ payo̭ astu॒ tanmayītyā̭ha | paya̭ e॒vātma-ngṛ॒heṣṷ pa॒śuṣṷ dhatte || a॒pa upa̭sṛjati || 13 ||

a॒dbhire॒vaina̭dāpnoti || yo vai ya॒jñasyārte॒nānā᳚rtagṃ sagṃ sṛ॒jati̭ | u॒bhe vai te tarhyārccha̭taḥ | ārccha̭ti॒ khalu॒ vā e॒tada̭gniho॒tram | ya-ddu॒hyamā̭na॒gg॒ skanda̭ti | yada̭bhidu॒hyāt | ārte॒nānā᳚rtaṃ-ya~॒jñasya॒ sagṃsṛ̭jet | tade॒va yā॒dṛkkī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 14 ||

ya-dyuddrṷtasya॒ skande᳚t | ya-ttato-'hṷtvā॒ puna̭re॒yāt | ya॒jñaṃ-vi~cchi̭ndyāt | yatra॒ skande᳚t | tanni॒ṣadya॒ puna̭rgṛhṇīyāt | yatrai॒va skanda̭ti | tata̭ e॒vaina॒t-puna̭rgṛhṇāti | tade॒va yā॒dṛk-kī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 15 ||

vi vā e॒tasya̭ ya॒jñaśchi̭dyate | yasyā᳚gniho॒trḙ-'dhiśri̭te॒ śvā-'nta॒rā dhāva̭ti | ru॒draḥ khalu॒ vā e॒ṣaḥ | yada॒gniḥ | ya-dgāma̭nvatyāva॒rtaye᳚t | ru॒drāya̭ pa॒śū-napi̭daddhyāt | a॒pa॒śu-ryaja̭māna-ssyāt | yada॒po᳚ 'nvatiṣi॒ñcet | a॒nā॒dya-ma॒gnerāpaḥ̭ | a॒nā॒dyamā᳚bhyā॒-mapi̭daddhyāt | gārha̭patyā॒-dbhasmā॒dāya̭ | i॒daṃ-vi~ṣṇu॒-rvica̭krama॒ iti̭ vaiṣṇa॒vyarcā ''ha̭va॒nīyā᳚ddhva॒gṃ॒ saya॒nnudra̭vet | ya॒jño vai viṣṇuḥ̭ | ya॒jñenai॒va ya॒jñagṃ santa̭noti | bhasma̭nā pa॒damapi̭vapati॒ śāntyai᳚ || 16 ||

(vai de॒vyadi̭ti--r muñcati - sṛjati - karoti - karotyā - bhyā॒mapi̭daddhyā॒-tpañca̭ ca) (a. 3)

anuvākaṃ 4 - agniprāyaścittaṃ agnihotre

ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gnimanṷddhṛta॒gṃ॒ sūryo॒-'bhini॒mroca̭ti | da॒rbheṇa॒ hira̭ṇya-mpra॒baddhya̭ pu॒rastā᳚ddharet | athā॒gnim | athā᳚gniho॒tram | yaddhira̭ṇya-mpu॒rastā॒ddhara̭ti | jyoti॒rvai hira̭ṇyam | jyoti̭re॒vaina॒-mpaśya॒-nnuddha̭rati | yada॒gni-mpūrva॒gṃ॒ hara॒tyathā᳚-gniho॒tram || 17 ||

bhā॒ga॒dheyḙnai॒vaina॒-mpraṇa̭yati || brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ | sarvā̭bhire॒vaina̭-nde॒vatā̭bhi॒ruddha̭rati || a॒gni॒ho॒tra-mṷpa॒sā-dyātami̭to-rāsīta | vra॒tame॒va ha॒tamanṷ mriyate || antaṃ॒-vā~ e॒ṣa ā॒tmano̭ gacchati | yastāmya̭ti | anta̭me॒ṣa ya॒jñasya̭ gacchati | yasyā॒gnimanṷddhṛta॒gṃ॒ sūryo॒-'bhini॒mroca̭ti || 18 ||

punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti || varṷṇo॒ vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhini॒mroca̭ti | vā॒ru॒ṇa-ñca॒ru-nnirva̭pet | tenai॒va ya॒jña-nniṣkrī̭ṇīte || ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gni-manṷddhṛta॒gṃ॒ sūryo॒-'bhyṷdeti̭ | ca॒tu॒rgṛ॒hī॒ta-mājya̭-mpu॒rastā᳚ddharet || 19 ||

athā॒gnim | athā᳚gniho॒tram | yadājya̭-mpu॒rastā॒ddhara̭ti | e॒tadvā a॒gneḥ pri॒ya-ndhāma̭ | yadājya᳚m | pri॒yeṇai॒vaina॒-ndhāmnā॒ sama̭rdhayati | yada॒gni-mpūrva॒gṃ॒ hara॒tyathā᳚-gniho॒tram | bhā॒ga॒dheyḙnai॒vaina॒-mpraṇa̭yati | brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ || 20 ||

sarvā̭bhire॒vaina̭-nde॒vatā̭bhi॒ruddha̭rati || parā̭cī॒ vā e॒tasmai᳚ vyu॒cchantī॒ vyṷcchati | yasyā॒gni-manṷddhṛta॒gṃ॒ sūryo॒-'bhyṷdeti̭ | u॒ṣāḥ ke॒tunā̭ juṣatām | ya॒jña-nde॒vebhi̭rinvi॒tam | de॒vebhyo॒ madhṷmattama॒gg॒ svāheti̭ pra॒tyaṃ-ni॒ṣadyājyḙna juhuyāt | pra॒tīcī̭me॒vāsmai॒ vivā̭sayati || a॒gni॒ho॒tra-mṷpa॒sādyātami̭to-rāsīta | vra॒tame॒va ha॒tamanṷ mriyate | antaṃ॒-vā~ e॒ṣa ā॒tmano̭ gacchati || 21 ||

yastāmya̭ti | anta̭me॒ṣa ya॒jñasya̭ gacchati | yasyā॒gni-manṷddhṛta॒gṃ॒ sūryo॒-'bhyṷdeti̭ | punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti | mi॒tro vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhyṷdeti̭ | mai॒tra-ñca॒ru-nnirva̭pet | tenai॒va ya॒jña-nniṣkrī̭ṇīte || yasyā̭-hava॒nīye-'nṷdvāte॒ gārha̭patya u॒dvāye᳚t || 22 ||

yadā̭hava॒nīya॒-manṷdvāpya॒ gārha̭patya॒-mmanthe᳚t | vicchi̭ndyāt | bhrātṛ̭vyamasmai janayet | yadvai ya॒jñasya̭ vāsta॒vya̭-ṅkri॒yate᳚ | tadanṷ ru॒dro-'va̭carati | ya-tpūrva̭-manvava॒syet | vā॒sta॒vya̭-ma॒gnimupā̭sīta | ru॒dro᳚-'sya pa॒śū-nghātṷka-ssyāt | ā॒ha॒va॒nīya̭-mu॒dvāpya̭ | gārha̭patya-mmanthet || 23 ||

i॒taḥ pra̭tha॒ma-ñja̭jñe a॒gniḥ | svādyone॒radhi̭ jā॒tavḙdāḥ | sa gā̭yatri॒yā tri॒ṣṭubhā॒ jaga̭tyā | de॒vebhyo̭ ha॒vyaṃ-va~̭hatu prajā॒nanniti̭ | chando̭bhire॒vaina॒gg॒ svādyoneḥ॒ praja̭nayati || gārha̭patya-mmanthati | gārha̭patyaṃ॒-vā~ anvāhi̭tāgneḥ pa॒śava॒ upa̭ tiṣṭhante | sa yadu॒dvāya̭ti | tadanṷ pa॒śavo-'pa̭krāmanti | i॒ṣe ra॒yyai ra̭masva || 24 ||

saha̭se dyu॒mnāya̭ | ū॒rje patyā॒yetyā̭ha | pa॒śavo॒ vai ra॒yiḥ | pa॒śūne॒vāsmai̭ ramayati || sā॒ra॒sva॒tau tvothsau॒ sami̭ndhātā॒mityā̭ha | ṛ॒-khsā॒me vai sā̭rasva॒tāvuthsau᳚ | ṛ॒kh-sā॒mābhyā̭me॒vaina॒gṃ॒ sami̭ndhe || sa॒mrāḍa̭si vi॒rāḍa॒sītyā̭ha | ra॒tha॒nta॒raṃ-vai~ sa॒mrāṭ | bṛ॒ha-dvi॒rāṭ || 25 ||

tābhyā̭me॒vaina॒gṃ॒ sami̭ndhe || vajro॒ vai ca॒kram | vajro॒ vā e॒tasya̭ ya॒jñaṃ-vi~cchi̭natti | yasyāno̭ vā॒ ratho̭ vā-'nta॒rā-'gnī yāti̭ | ā॒ha॒va॒nīya̭-mu॒dvāpya̭ | gārha̭patyā॒-duddha̭ret | yada̭gne॒ pūrva॒-mprabhṛ̭ta-mpa॒dagṃ hi te᳚ | sūrya̭sya ra॒śmīna-nvā̭ta॒tāna̭ | tatra̭ rayi॒ṣṭhāmanu॒ sambha̭rai॒tam | sa-nnaḥ̭ sṛja suma॒tyā vāja̭va॒tyeti̭ || 26 ||

pūrvḙṇai॒vāsya̭ ya॒jñena̭ ya॒jñamanu॒ sa-nta̭noti || tvama̭gne sa॒prathā̭ a॒sītyā̭ha | a॒gni-ssarvā̭ de॒vatāḥ᳚ | de॒vatā̭bhire॒va ya॒jñagṃ sa-nta̭noti || a॒gnayḙ pathi॒kṛtḙ puro॒ḍāśa̭ma॒ṣṭāka̭pāla॒-nnirva̭pet | a॒gnime॒va pa̭thi॒kṛta॒gg॒ svena̭ bhāga॒dheye॒nopa̭ dhāvati | sa e॒vainaṃ̭-ya~॒jñiya॒-mpanthā॒mapi̭-nayati | a॒na॒ḍvān-dakṣi̭ṇā | va॒hī hyḙṣa samṛ̭ddhyai || 27 ||

(hara॒tyathā᳚gniho॒traṃ - ni॒mroca̭ti - hare-d- de॒vatā̭ - gaccha - tyu॒dvāye᳚-nmanthe-dramasva-bṛ॒ha-dvi॒rāḍ-iti॒-nava̭ ca) (a. 4)

(ni vai pūrva॒-ntrīṇi̭ ni॒mroca̭ti da॒rbheṇa॒ yaddhira̭ṇyamagniho॒tra-mpuna॒rvarṷṇo

vāru॒ṇa-nni vā e॒tasyā॒bhyṷdeti̭ caturgṛhī॒tamājyaṃ॒ yadājyaṃ॒ parā᳚cyu॒ṣāḥ puna̭rmi॒tro me॒traṃ-ya~syā̭hava॒nīye-'nṷdvāte॒ gārha̭patyo॒ yadvai ma̭nthe॒duddha̭ret)

anuvākaṃ 5 - somātirekaprāyaścittam

yasya̭ prātassava॒ne somo̭-'ti॒ricya̭te | māddhya̭ndina॒gṃ॒ sava̭na-ṅkā॒maya̭māno॒-'bhyati̭ricyate | gaurdha̭yati ma॒rutā॒miti॒ dhaya̭dvatīṣu kurvanti | hi॒nasti॒ vai sa॒ndhyadhī̭tam | sa॒ndhīva॒ khalu॒ vā e॒tat | ya-thsava̭na syāti॒ricya̭te | yaddhaya̭dvatīṣu ku॒rvanti̭ | sa॒ndhe-śśāntyai᳚ || gā॒ya॒tragṃ sāma̭ bhavati pañcada॒śa-sstomaḥ̭ | tenai॒va prā̭tassava॒nānnaya̭nti || 28 ||

ma॒rutva̭tīṣu kurvanti | tenai॒va māddhya̭ndinā॒-thsava̭nā॒nnaya̭nti || hotṷśca ma॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || yasya॒ māddhya̭ndine॒ sava̭ne॒ somo̭-'ti॒ricya̭te | ā॒di॒tya-ntṛ̭tīyasava॒na-ṅkā॒maya̭māno॒-'bhyati̭ricyate | gau॒ri॒vī॒tagṃ sāma̭ bhavati | ati̭riktaṃ॒-vai~ gaṷrivī॒tam | ati̭riktaṃ॒-ya~-thsava̭nasyā-ti॒ricya̭te || 29 ||

ati̭riktasya॒ śāntyai᳚ || baṇma॒hāgṃ a̭si sū॒ryeti̭ kurvanti | yasyai॒vādi॒tyasya॒ sava̭nasya॒ kāmḙnāti॒ricya̭te | tenai॒vaina॒-ṅkāmḙna॒ sama̭rdhayanti || gau॒ri॒vī॒tagṃ sāma̭ bhavati | tenai॒va māddhya̭ndinā॒-thsava̭nā॒nnaya̭nti || sa॒pta॒da॒śa-sstomaḥ̭ | tenai॒va tṛ̭tīyasava॒nānnaya̭nti || hotṷścama॒samanūnna̭yante | hotā-'nṷśagṃ sati || 30 ||

ma॒ddhya॒ta e॒va ya॒jñagṃ sa॒māda̭dhāti || yasya̭ tṛtīyasava॒ne somo̭-'ti॒ricyḙta | u॒kthya̭-ṅkurvīta | yasyo॒kthyḙ-'ti॒ricyḙta | a॒ti॒rā॒tra-ṅkṷrvīta | yasyā̭-tirā॒trḙ-'ti॒ricya̭te| tattvai dṷṣprajñā॒nam | yaja̭mānaṃ॒-vā~ e॒ta-tpa॒śava̭ ā॒sāhya̭ yanti | bṛ॒ha-thsāma̭ bhavati | bṛ॒hadvā i॒māṃ-lo~॒kā-ndā̭dhāra | bārha̭tāḥ pa॒śavaḥ̭ | bṛ॒ha॒taivāsmai̭ pa॒śū-ndā̭dhāra || śi॒pi॒vi॒ṣṭava̭tīṣu kurvanti | śi॒pi॒vi॒ṣṭo vai de॒vānā᳚-mpu॒ṣṭam | puṣṭyai॒vaina॒gṃ॒ sama̭rdhayanti || hotṷścama॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || 31 ||

(ya॒nti॒ - sava̭nasyāti॒ricya̭te - śagṃsati - dādhārā॒ṣṭau ca̭) (a. 5)

anuvākaṃ 6 - savananimitta-mprāyaścittam

ekai̭ko॒ vai ja॒natā̭yā॒-mindraḥ̭ | ekaṃ॒-vā~ e॒tāvindra̭ma॒bhi sagṃsṷnutaḥ | yau dvau sagṃ̭sunu॒taḥ | pra॒jāpa̭ti॒rvā e॒ṣa vitā̭yate | ya-dya॒jñaḥ | tasya॒ grāvā̭ṇo॒ dantāḥ᳚ | a॒nya॒ta॒raṃ-vā~ e॒te sagṃ̭sunva॒to-rnirba̭phsati | pūrvḙṇopa॒sṛtyā̭ de॒vatā॒ ityā̭huḥ | pū॒rvo॒pa॒sṛ॒tasya॒ vai śreyā᳚-nbhavati | eti̭va॒ntyājyā̭ni bhavantya॒-bhiji̭tyai || 32 ||

ma॒rutva̭tīḥ prati॒padaḥ̭ | ma॒ruto॒ vai de॒vānā॒-mapa̭rājita-mā॒yata̭nam | de॒vānā̭-me॒vāpa̭rājita ā॒yata̭ne yatate ||u॒bhe bṛ̭hadrathanta॒re bha̭vataḥ | i॒yaṃ-vā~va ra̭thanta॒ram | a॒sau bṛ॒hat | ā॒bhyāme॒vaina̭-ma॒ntarḙti | vā॒caśca॒ mana̭saśca | prā॒ṇāccā̭-pā॒nācca̭ | di॒vaśca̭ pṛthi॒vyāśca̭ || 33 ||

sarva̭smā-dvi॒ttā-dvedyā᳚t || a॒bhi॒va॒rto bra̭hmasā॒ma-mbha̭vati | su॒va॒rgasya̭ lo॒kasyā॒-bhivṛ̭ttyai || a॒bhi॒ji-dbha̭vati | su॒va॒rgasya̭ lo॒kasyā॒-bhiji̭tyai | vi॒śva॒ji-dbha̭vati | viśva̭sya॒ jityai᳚ || yasya॒ bhūyāgṃ̭so yajñakra॒tava॒ ityā̭huḥ | sa de॒vatā̭ vṛṅkta॒ iti̭ | yadya̭gniṣṭo॒ma-ssomaḥ̭ pa॒rastā॒-thsyāt || 34 ||

u॒kthya̭-ṅkurvīta | yadyu॒kthyaḥ̭ syāt | a॒ti॒rā॒tra-ṅkṷrvīta | ya॒jña॒kra॒tubhi̭-re॒vāsya̭ de॒vatā̭ vṛṅkte || yo vai chando̭bhi-rabhi॒bhava̭ti | sa sagṃ̭ sunva॒to-ra॒bhibha̭vati | saṃ॒ve~॒śāya̭ tvopave॒śāya॒-tvetyā̭ha | chandāgṃ̭si॒ vai saṃ̭ve~॒śa ṷpave॒śaḥ | chando̭bhire॒vāsya॒ chandāg̭sya॒-bhibha̭vati || i॒ṣṭargo॒ vā ṛ॒tvijā̭-maddhva॒ryuḥ || 35 ||

i॒ṣṭargaḥ॒ khalu॒ vai pūrvo॒-'rṣṭuḥ, kṣī̭yate | prāṇā̭pānau mṛ॒tyormā̭ pāta॒mityā̭ha | prā॒ṇā॒pā॒nayo̭re॒va śra̭yate | prāṇā̭pānau॒ mā mā̭ hāsiṣṭa॒mityā̭ha | naina̭-mpu॒rā-''yṷṣaḥ prāṇāpā॒nau ja̭hitaḥ || ārtiṃ॒-vā~ e॒te niya̭nti | yeṣā᳚-ndīkṣi॒tānā᳚-mpra॒mīya̭te | taṃ-ya~da̭va॒varjḙyuḥ | krū॒ra॒kṛtā̭mivaiṣāṃ-lo~॒ka-ssyā᳚t | āha̭ra da॒heti̭ brūyāt || 36 ||

ta-nda̭kṣiṇa॒to vedyai̭ ni॒dhāya̭ | sa॒rpa॒rā॒jñiyā̭ ṛ॒gbhi-sstṷyuḥ | i॒yaṃ-vai~ sarpa̭to॒ rājñī᳚ | a॒syā e॒vaina॒-mpari̭dadati || vyṛ̭ddha॒-ntadityā̭huḥ | ya-thstu॒ta-mana̭nuśasta॒-miti̭ | hotā᳚ pratha॒maḥ prā̭cīnāvī॒tī mā᳚rjā॒līya॒-mparī̭yāt | yā॒mīra̭nu-bru॒vann | sa॒rpa॒rā॒jñīnā᳚-ṅkīrtayet | u॒bhayo̭re॒vainaṃ̭-lo~॒kayoḥ॒ pari̭dadati || 37 ||

atho̭ dhu॒vantye॒vaina᳚m | atho॒ nyḙvāsmai᳚ hnuvate || triḥ pari̭yanti | traya̭ i॒me lo॒kāḥ | e॒bhya e॒vainaṃ̭-lo~॒kebhyo̭ dhuvate | triḥ punaḥ॒ pari̭yanti | ṣaṭ-thsampa̭dyante | ṣaḍvā ṛ॒tavaḥ̭ | ṛ॒tubhi̭re॒vaina̭-ndhuvate || agna॒ āyūgṃ̭ṣi pavasa॒ iti̭ prati॒pada̭-ṅkurvīrann | ra॒tha॒nta॒rasā̭maiṣā॒gṃ॒ somaḥ̭ syāt | āyṷre॒vātman-da̭dhate | atho̭ pā॒pmāna̭me॒va vi॒jaha̭to yanti || 38 ||

(a॒bhiji̭tyai - pṛthi॒vyāśca॒ - syā - da̭ddhva॒ryu--r brṷyāl - lo॒kayoḥ॒ pari̭dadati - kurvara॒gg॒ strīṇi̭ ca) (a. 6)

anuvākaṃ 7 - yūpavirohaṇādiprāyaścittam

a॒su॒ryaṃ̭-vā~ e॒tasmā॒-dvarṇa̭-ṅkṛ॒tvā | pa॒śavo̭ vī॒rya̭-mapa̭krāmanti | yasya॒ yūpo̭ vi॒roha̭ti | tvā॒ṣṭra-mba̭hurū॒pa-māla̭bheta | tvaṣṭā॒ vai rū॒pāṇā̭mīśe | ya e॒va rū॒pāṇā॒mīśe᳚ | so᳚-'smi-npa॒śūn. vī॒ryaṃ̭-ya~cchati | nāsmā᳚t-pa॒śavo̭ vī॒rya̭-mapa̭krāmanti || ārtiṃ॒-vā~ e॒te niya̭nti | yeṣā᳚-ndīkṣi॒tānā̭-ma॒gni-ru॒dvāya̭ti || 39 ||

yadā̭hava॒nīya̭ u॒dvāye᳚t | yatta-mmanthe᳚t | vicchi̭ndyāt | bhrātṛ̭vyamasmai janayet | yadā̭hava॒nīya̭ u॒dvāye᳚t | āgnī᳚ddhrā॒-duddha̭ret | yadāgnī᳚ddhra u॒dvāye᳚t | gārha̭patyā॒-duddha̭ret | ya-dgārha̭patya u॒dvāye᳚t | ata̭ e॒va puna̭-rmanthet || 40 ||

atra॒ vāva sa nila̭yate | yatra॒ khalu॒ vai nilī̭na-mutta॒ma-mpaśya̭nti | tadḙna-micchanti || yasmā॒-ddāro̭ru॒dvāye᳚t | tasyā॒raṇī̭ kuryāt | kru॒mu॒kamapi̭ kuryāt | e॒ṣā vā a॒gneḥ pri॒yā ta॒nūḥ | yat-krṷmu॒kaḥ | pri॒yayai॒vaina̭-nta॒nuvā॒ sama̭rdhayati || gārha̭patya-mmanthati || 41 ||

gārha̭patyo॒ vā a॒gneryoniḥ̭ | svāde॒vainaṃ॒-yo~ne᳚-rjanayati | nāsmai॒ bhrātṛ̭vya-ñjanayati || yasya॒ soma̭ upa॒dasye᳚t | su॒varṇa॒gṃ॒ hira̭ṇya-ndve॒dhā vi॒cchidya̭ | ṛ॒jī॒ṣe᳚-'nyadā̭dhūnu॒yāt | ju॒hu॒yāda॒nyat | soma̭me॒vā-bhi̭ṣu॒ṇoti̭ | soma̭-ñjuhoti || soma̭sya॒ vā a̭bhiṣū॒yamā̭ṇasya pri॒yā ta॒nū-ruda̭krāmat || 42 ||

ta-thsu॒varṇa॒gṃ॒ hira̭ṇya-mabhavat | ya-thsu॒varṇa॒gṃ॒ hira̭ṇya-ṅku॒rvanti̭ | pri॒yayai॒vaina̭-nta॒nuvā॒ sama̭rdhayanti || yasyākrī̭ta॒gṃ॒ soma̭-mapa॒harḙyuḥ | krī॒ṇī॒yāde॒va | saiva tataḥ॒ prāya̭ścittiḥ || yasya̭ krī॒tama̭pa॒harḙyuḥ | ā॒dā॒rāgśca̭ phālgu॒nāni̭ cā॒bhiṣṷṇuyāt | gā॒ya॒trī yagṃ soma॒māha̭rat | tasya॒ yo-'gṃ̭śuḥ pa॒rā-'pa̭tat || 43 ||

ta ā̭dā॒rā a̭bhavann | indro̭ vṛ॒trama̭hann | tasya̭ va॒lkaḥ parā̭-'patat | tāni̭ phālgu॒nānya̭bhavann | pa॒śavo॒ vai phā᳚lgu॒nāni̭ | pa॒śava॒-ssomo॒ rājā᳚ | yadā̭dā॒rāgśca̭ phālgu॒nāni̭ cābhiṣu॒ṇoti̭ | soma̭me॒va rājā̭nama॒bhiṣṷṇoti || śṛ॒tena̭ prātassava॒ne śrī̭ṇīyāt | da॒ddhnā ma॒ddhyandi̭ne || 44 ||

nī॒ta॒mi॒śreṇa̭ tṛtīyasava॒ne | a॒gi॒ṣṭo॒ma-ssomaḥ̭ syā-drathanta॒rasā̭mā | ya e॒vartvijo̭ vṛ॒tā-ssyuḥ | ta ḙnaṃ-yā~jayeyuḥ | ekā॒-ṅgā-ndakṣi̭ṇā-ndadyā॒ttebhya̭ e॒va | puna॒-ssoma̭-ṅkrīṇīyāt | ya॒jñenai॒va ta-dya॒jña-mi̭cchati | saiva tataḥ॒ prāya̭ścittiḥ || sarvā᳚bhyo॒ vā e॒ṣa de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-māgṷrate | ya-ssa॒trāyā̭gu॒rate᳚ | e॒tāvā॒n-khalu॒ vai purṷṣaḥ | yāva̭dasya vi॒ttam | sa॒rva॒ve॒da॒sena̭ yajeta | sarva̭pṛṣṭho-'sya॒ somaḥ̭ syāt | sarvā᳚bhya e॒va de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-nniṣkrī̭ṇīte || 45 ||

(u॒dvāya̭ti - manthen - mantha - tyakrāmat - pa॒rā-'pa̭tan - ma॒ddhyandi̭na - āgu॒rate॒ pañca̭ ca) (a. 7)

anuvākaṃ 8 - pāvamānīmantrāḥ (smārte śñānādau mārjanārthāśca)

pava̭māna॒-ssuva॒rjanaḥ̭ | pa॒vitrḙṇa॒ vica̭rṣaṇiḥ | yaḥ potā॒ sa pṷnātu mā || pu॒nantṷ mā devaja॒nāḥ | pu॒nantu॒ mana̭ vo dhi॒yā | pu॒nantu॒ viśva̭ ā॒yavaḥ̭ || jāta̭vedaḥ pa॒vitra̭vat | pa॒vitrḙṇa punāhi mā | śu॒kreṇa̭ deva॒ dīdya̭t | agne॒ kratvā॒ kratū॒gṃ॒ ranṷ || 46 ||

yattḙ pa॒vitra̭-ma॒rciṣi̭ | agne॒ vita̭tamanta॒rā | brahma॒ tena̭ punīmahe || u॒bhābhyā᳚-ndeva savitaḥ |pa॒vitrḙṇa sa॒vena̭ ca | i॒da-mbrahma̭ punīmahe || vai॒śva॒de॒vī pṷna॒tī de॒vyāgā᳚t | yasyai̭ ba॒hvī-sta॒nuvo̭ vī॒tapṛ̭ṣṭhāḥ | tayā॒ mada̭nta-ssadha॒mādyḙṣu | va॒yagg syā̭ma॒ pata̭yo rayī॒ṇām || 47 ||

vai॒śvā॒na॒ro ra॒śmibhi̭rmā punātu | vātaḥ̭ prā॒ṇenḙṣi॒ro ma̭yo॒bhūḥ | dyāvā̭pṛthi॒vī paya̭sā॒ payo̭bhiḥ | ṛ॒tāva̭rī ya॒jñiyḙ mā punītām || bṛ॒hadbhiḥ̭ savita॒stṛbhiḥ̭ | varṣi̭ṣṭhai-rdeva॒ manma̭bhiḥ | agne॒ dakṣaiḥ᳚ punāhi mā || yena̭ de॒vā apṷnata | yenāpo̭ di॒vya-ṅkaśaḥ̭ | tena̭ di॒vyena॒ brahma̭ṇā || 48 ||

i॒da-mbrahma̭ punīmahe || yaḥ pā̭vamā॒nīra॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | sarva॒gṃ॒ sa pū॒tama̭śñāti | sva॒di॒ta-mmā̭ta॒riśva̭nā || pā॒va॒mā॒nīryo a॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | tasmai॒ sara̭svatī duhe | kṣī॒ragṃ sa॒rpi-rmadhṷ̄da॒kam || pā॒va॒mā॒nī-ssva॒styaya̭nīḥ || 49 ||

su॒dughā॒ hi paya̭svatīḥ | ṛṣi̭bhi॒-ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam || pā॒va॒mā॒nī-rdi̭śantu naḥ | i॒maṃ-lo~॒kamatho̭ a॒mum | kāmā॒n-thsama̭rdhayantu naḥ | de॒vī-rde॒vai-ssa॒mābhṛ̭tāḥ || pā॒va॒mā॒nī-ssva॒styaya̭nīḥ | su॒dughā॒hi ghṛ̭ta॒ścutaḥ̭ | ṛṣi̭bhi॒-ssambhṛ̭to॒ rasaḥ̭ || 50 ||

brā॒hma॒ṇeṣva॒mṛtagṃ̭ hi॒tam || yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ | tena̭ sa॒hasra̭dhāreṇa | pā॒va॒mā॒nyaḥ pṷnantu mā || prā॒jā॒pa॒tya-mpa॒vitra᳚m | śa॒todyā̭magṃ hira॒ṇmaya᳚m | tena̭ brahma॒ vido̭ va॒yam | pū॒ta-mbrahma̭ punīmahe || indraḥ̭ sunī॒tī sa॒ha mā̭ punātu | somaḥ̭ sva॒styā varṷṇa-ssa॒mīcyā᳚ | ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu || 51 ||

(anṷ - rayī॒ṇāṃ - brahma̭ṇā - sva॒styaya̭nīḥ - su॒dughā॒ hi ghṛ̭ta॒ścuta॒ ṛṣi̭bhi॒-ssambhṛ̭to॒ rasaḥ̭ - punātu॒ trīṇi̭ ca ) (a. 8)

anuvākaṃ 9 - rājasūyagatacāturmāsyaśeṣaḥ

pra॒jā vai sa॒tramā̭sata॒ tapa॒stapya̭mānā॒ ajṷhvatīḥ | de॒vā a̭paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tenā᳚rdhamā॒sa ūrja॒mavā̭rundhata | tasmā̭dardhamā॒se de॒vā i̭jyante || pi॒taro̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta- ma̭juhavuḥ | tena̭ mā॒syūrja॒mavā̭rundhata | tasmā᳚-nmā॒si pi॒tṛbhyaḥ̭ kriyate | ma॒nu॒ṣyā̭ apaśya-ñcama॒sa-ṅghṛ॒tasya̭ pū॒rṇagg sva॒dhām || 52 ||

tamupoda̭tiṣṭha॒nta-ma̭juhavuḥ | tena̭-dva॒yīmūrja॒mavā̭rundhata | tasmā॒-ddvirahno̭-manu॒ṣye᳚bhya॒ upa̭hriyate | prā॒taśca̭ sā॒ya-ñca̭ | pa॒śavo̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tena̭-tra॒yīmūrja॒mavā̭-rundhata | tasmā॒-ttrirahnaḥ̭ pa॒śavaḥ॒ prera̭te | prā॒tassa̭gaṃ॒ve sā॒yam | asṷrā apaśya-ñcama॒sa-ṅghṛ॒tasya̭ pū॒rṇagg sva॒dhām || 53 ||

tamupoda̭tiṣṭha॒nta-ma̭juhavuḥ | tena̭ saṃva~thsa॒ra ūrja॒mavā̭-rundhata || te de॒vā a̭manyanta | a॒mī vā i॒dama̭bhūvann | yadva॒yaggsma iti̭ | ta e॒tāni̭ cāturmā॒syānya̭paśyann | tāni॒ nira̭vapann | taire॒vaiṣā॒-ntāmūrja̭mavṛñjata | tato̭ de॒vā abha̭vann | parā-'sṷrāḥ || 54 ||

ya-dyaja̭te | yāme॒va de॒vā ūrja̭ma॒vārṷndhata | tā-ntenā-va̭rundhe | ya-tpi॒tṛbhyaḥ̭ ka॒roti̭ | yāme॒va pi॒tara॒ ūrja̭ma॒vā-rṷndhata | tā-ntenā-va̭rundhe | yadā̭vasa॒the-'nna॒gṃ॒ hara̭nti | yāme॒va ma̭nu॒ṣyā̭ ūrja̭ma॒vā-rṷndhata | tā-ntenā-va̭rundhe | ya-ddakṣi̭ṇā॒-ndadā̭ti || 55 ||

yāme॒va pa॒śava॒ ūrja̭ma॒vā-rṷndhata | tā-ntenā-va̭rundhe | yaccā̭tu-rmā॒syai-ryaja̭te | yāme॒vāsṷrā॒ ūrja̭ma॒-vārṷndhata | tā-ntenā-va̭rundhe | bhava̭tyā॒tmanā᳚ | parā᳚-'sya॒ bhrātṛ̭vyo bhavati || vi॒rājo॒ vā e॒ṣā vikrā᳚ntiḥ | yaccā̭tu-rmā॒syāni̭ | vai॒śva॒de॒venā॒smi~llo॒ke pratya̭tiṣṭhat | va॒ru॒ṇa॒ pra॒ghā॒sai-ra॒ntari̭kṣe | sā॒ka॒me॒dhai-ra॒muṣmi̭~llo॒ke | e॒ṣa ha॒ tvāvaita-thsarva̭-mbhavati | ya e॒vaṃ-vi~॒dvāgścā̭turmā॒syai-ryaja̭te || 56 ||

(ma॒nu॒ṣyā̭ apaśyañcama॒sa-ṅghṛ॒tasya̭ pū॒rṇagg sva॒dhā-masṷrā apaśyañcama॒sa-ṅghṛ॒tasya̭ pū॒rṇagg sva॒dhā-masṷrā॒-dadā᳚-tyatiṣṭha cca॒tvāri̭ ca) (a. 9)

anuvākaṃ 10 - cāturmāsyapraśaṃsanam

a॒gnirvāva saṃ̭va~thsa॒raḥ | ā॒di॒tyaḥ pa̭rivathsa॒raḥ | ca॒ndramā̭ idāvathsa॒raḥ | vā॒yu-ra̭nuvathsa॒raḥ || ya-dvai᳚śvade॒vena॒ yaja̭te | a॒gnime॒va ta-thsaṃ̭va~thsa॒ra-mā᳚pnoti | tasmā᳚-dvaiśvade॒vena॒ yaja̭mānaḥ | saṃ॒va~॒thsa॒rīṇāg̭ sva॒sti-māśā᳚sta॒ ityāśā̭sīta || ya-dva̭ruṇa praghā॒sai-ryaja̭te | ā॒di॒tyame॒va ta-tpa̭rivathsa॒ra-mā᳚pnoti || 57 ||

tasmā᳚-dvaruṇa-praghā॒sai-ryaja̭mānaḥ | pa॒ri॒va॒thsa॒rīṇāg̭ sva॒sti-māśā᳚sta॒ ityāśā̭sīta | ya-thsā̭kame॒dhai-ryaja̭te | ca॒ndrama̭same॒va tadi̭dāvathsa॒ra-mā᳚pnoti | tasmā᳚-thsākame॒dhai-ryaja̭mānaḥ | i॒dā॒va॒thsa॒rīṇāg̭ sva॒sti-māśā᳚sta॒ ityāśā̭sīta || ya-tpi̭tṛ ya॒jñena॒ yaja̭te | de॒vāne॒va tada॒nvava̭syati || atha॒ vā a̭sya vā॒yuścā̭-nuvathsa॒raścā prī̭tā॒vucchi̭ṣyete | yacchṷnāsī॒rīyḙṇa॒ yaja̭te || 58 ||

vā॒yume॒va tada̭nuvathsa॒ra-mā᳚pnoti | tasmā᳚-cchunāsī॒rīyḙṇa॒ yaja̭mānaḥ | a॒nu॒va॒thsa॒rīṇāg̭ sva॒sti-māśā᳚sta॒ ityāśā̭sīta || saṃ॒va~॒thsa॒raṃ-vā~ e॒ṣa ī᳚phsa॒tītyā̭huḥ | yaścā̭tu-rmā॒syai-ryaja̭ta॒ iti̭ | e॒ṣa ha॒ tvai sa̭vanthsa॒ra-mā᳚pnoti | ya e॒vaṃ-vi~॒dvāg ścā̭turmā॒syai-ryaja̭te || viśvḙ de॒vā-ssama̭yajanta | te᳚-'gnime॒vāya̭janta | ta e॒taṃ-lo~॒kama̭jayann || 59 ||

yasmi̭nna॒gniḥ | ya-dvai᳚śvade॒vena॒ yaja̭te | e॒tame॒va lo॒ka-ñja̭yati | yasmi̭nna॒gniḥ | a॒gnere॒va sāyṷjya॒mupai̭ti || ya॒dā vai᳚śvade॒vena॒ yaja̭te | atha̭ saṃva~thsa॒rasya̭ gṛ॒hapa̭ti-māpnoti | ya॒dā saṃ̭va~thsa॒rasya̭ gṛ॒hapa̭ti-mā॒pnoti̭ | atha̭ sahasrayā॒jina̭-māpnoti | ya॒dā sa̭hasrayā॒jina̭-mā॒pnoti̭ || 60 ||

atha̭ gṛhame॒dhina̭-māpnoti | ya॒dā gṛ̭hame॒dhina̭-mā॒pnoti̭ | athā॒gni-rbha̭vati | ya॒dā-'gni-rbhava̭ti | atha॒ gaurbha̭vati | e॒ṣā vai vai᳚śvade॒vasya॒ mātrā᳚ | e॒ta-dvā e॒teṣā̭mava॒mam | ato̭-'to॒ vā utta̭rāṇi॒ śreyāgṃ̭si bhavanti | ya-dviśvḙ de॒vā-ssa॒maya̭janta | ta-dvai᳚śvade॒vasya̭ vaiśvadeva॒tvam || 61 ||

athā̭di॒tyo varṷṇa॒gṃ॒ rājā̭naṃ-va~ruṇa praghā॒saira̭yajata | sa e॒taṃ-lo~॒kama̭jayat | yasmi̭nnādi॒tyaḥ | ya-dva̭ruṇa-praghā॒sai-ryaja̭te | e॒tame॒va lo॒ka-ñja̭yati | yasmi̭nnādi॒tyaḥ | ā॒di॒tyasyai॒va-sāyṷjya॒-mupai̭ti | yadā̭di॒tyo varṷṇa॒gṃ॒ rājā̭naṃ-va~ruṇa praghā॒sairaya̭jata | ta-dva̭ruṇa praghā॒sānāṃ᳚-va~ruṇa praghāsa॒tvam || atha॒ somo॒ rājā॒ chandāgṃ̭si sākame॒dhaira̭yajata || 62 ||

sa e॒taṃ-lo~॒kama̭jayat | yasmigg̭ śca॒ndramā̭ vi॒bhāti̭ | ya-thsā̭kame॒dhai-ryaja̭te | e॒tame॒va lo॒ka-ñja̭yati | yasmigg̭ śca॒ndramā̭ vi॒bhāti̭ | ca॒ndrama̭sa e॒va sāyṷjya॒-mupai̭ti | somo॒ vai ca॒ndramāḥ᳚ | e॒ṣa ha॒ tvai sā॒kṣā-thsoma̭-mbhakṣayati | ya e॒vaṃ-vi~॒dvān-thsā̭kame॒dhai-ryaja̭te | ya-thsoma̭śca॒ rājā॒ chandāgṃ̭si ca sa॒maidha̭nta || 63 ||

ta-thsā̭kame॒dhānāgṃ̭ sākamedha॒tvam || atha॒rtavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñe-nā̭yajanta | ta e॒taṃ-lo~॒kama̭jayann | yasmi̭nnṛ॒tavaḥ̭ | ya-tpi̭tṛya॒jñena॒ yaja̭te | e॒tame॒va lo॒ka-ñja̭yati | yasmi̭nnṛ॒tavaḥ̭ | ṛ॒tū॒nāme॒va sāyṷjya॒-mupai̭ti | yad-ṛ॒tavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñenāya̭janta | ta-tpi̭tṛya॒jñasya̭ pitṛyajña॒tvam || 64 ||

athauṣa̭dhaya i॒ma-nde॒va-ntrya̭mbakai-rayajanta॒ prathḙma॒hīti̭ | tato॒ vai tā a̭prathanta | ya e॒vaṃ-vi~॒dvāg strya̭mbakai॒-ryaja̭te | pratha̭te pra॒jayā̭ pa॒śubhiḥ̭ || atha̭ vā॒yuḥ pa̭rame॒ṣṭhinagṃ̭ śunāsī॒rīyḙṇāyajata | sa e॒taṃ-lo~॒kama̭jayat | yasmi̭n-vā॒yuḥ | yacchṷnāsī॒rīyḙṇa॒ yaja̭te | e॒tame॒va lo॒ka-ñja̭yati | yasmi̭n-vā॒yuḥ || 65 ||

vā॒yore॒va sāyṷjya॒-mupai̭ti || bra॒hma॒vā॒dino̭ vadanti | pra cā̭turmāsyayā॒jī-mī̭ya॒tā(3) na pramī̭ya॒tā(3) iti̭ | jīva॒nvā e॒ṣa ṛ॒tūnapyḙti | yadi̭ va॒santā᳚ pra॒mīya̭te | va॒sa॒nto bha̭vati | yadi̭ grī॒ṣme grī॒ṣmaḥ | yadi̭ va॒r॒ṣāsṷ va॒r॒ṣāḥ | yadi̭ śa॒radi̭ śa॒rat | yadi॒ hema̭n. hema॒ntaḥ | ṛ॒turbhū॒tvā saṃ̭va~thsa॒ramapyḙti | saṃ॒va~॒thsa॒raḥ pra॒jāpa̭tiḥ | pra॒jāpa̭ti॒rvā vaiṣaḥ || 66 ||

(pa॒ri॒va॒thsa॒ramā᳚pnoti - śunāsī॒rīyḙṇa॒ yaja̭te - 'jayanth - sahasrayā॒jina̭mā॒pnoti̭ - vaiśvadeva॒tvagṃ - sā̭kame॒dhaira̭yajata - sa॒maidha̭nta - pitṛyajña॒tvaṃ - ja̭yati॒ yasmi̭n vā॒yu--r hḙma॒nta strīṇī̭ ca) (a. 10)

(u॒bhayḙ - yu॒vagṃ su॒rāma॒ - muda̭sthā॒n - ni vai - yasya̭ prātassava॒na - ekai̭ko - 'su॒ryam - pava̭mānaḥ - pra॒jā vai sa॒tramā̭sa - tā॒gnirvāva saṃ̭va~thsa॒ro daśa̭ )

(u॒bhaye॒ vā - uda̭sthā॒th - sarvā̭bhi--r maddhya॒to - 'tra॒ vāva - brā᳚hma॒ṇeṣva - tha̭ gṛhame॒dhina॒gṃ॒ ṣaṭ-thṣa̭ṣṭiḥ)

(u॒bhaye॒ - vāvaiṣaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhaka-ssamāptaḥ ||

1 kṛṣṇa yajurvedīya taittirīya brāhmaṇe prathamāṣṭakaṃ

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठकः - सोमादिब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - ग्रहणा ग्रहणम्

उ॒भये॒ वा ए॒ते प्र॒जाप॑ते॒रद्ध्य॑-सृज्यन्त । दे॒वाश्चासु॑राश्च । तान्न व्य॑जानात् । इ॒मे᳚-ऽन्य इ॒मे᳚-ऽन्य इति॑ । स दे॒वान॒ग्ं॒ शून॑करोत् । तान॒भ्य॑षुणोत् । ता-न्प॒वित्रे॑णा-पुनात् । तान्-प॒रस्ता᳚त्-प॒वित्र॑स्य॒-व्य॑गृह्णात् । ते ग्रहा॑ अभवन्न् । तद्ग्रहा॑णा-ङ्ग्रह॒त्वम् ॥ 1 ॥

दे॒वता॒ वा ए॒ता यज॑मानस्य गृ॒हे गृ॑ह्यन्ते । य-द्ग्रहाः᳚ । वि॒दुरे॑न-न्दे॒वाः । यस्यै॒वं-विँ॒दुष॑ ए॒ते ग्रहा॑ गृ॒ह्यन्ते᳚ ॥ ए॒षा वै सोम॒स्याहु॑तिः । यदु॑पा॒ग्ं॒शुः । सोमे॑न दे॒वाग् स्त॑र्पया॒णीति॒ खलु॒ वै सोमे॑न यजते । यदु॑पा॒ग्ं॒शु-ञ्जु॒होति॑ । सोमे॑नै॒व त-द्दे॒वाग् स्त॑र्पयति ॥ यद्ग्रहा᳚ञ्जु॒होति॑ ॥ 2 ॥

दे॒वा ए॒व त-द्दे॒वान्-ग॑च्छन्ति ॥ यच्च॑म॒साञ्जु॒होति॑ । तेनै॒वानु॑रूपेण॒ यज॑मान-स्सुव॒र्गं-लोँ॒कमे॑ति ॥ कि-न्न्वे॑तदग्र॑ आसी॒दित्या॑हुः । य-त्पात्रा॒णीति॑ । इ॒यं-वाँ ए॒तदग्र॑ आसीत् । मृ॒न्मया॑नि॒ वा ए॒तान्या॑सन्न् । तैर्दे॒वा न व्या॒वृत॑-मगच्छन्न् । त ए॒तानि॑ दारु॒मया॑णि॒ पात्रा᳚ण्य-पश्यन्न् । तान्य॑कुर्वत ॥ 3 ॥

तैर्वै ते व्या॒वृत॑-मगच्छन्न् । य-द्दा॑रु॒मया॑णि॒ पात्रा॑णि॒ भव॑न्ति । व्या॒वृत॑मे॒व तै-र्यज॑मानो गच्छति ॥ यानि॑ दारु॒मया॑णि॒ पात्रा॑णि॒ भव॑न्ति । अ॒मुमे॒व तै-र्लो॒क-म॒भिज॑यति । यानि॑ मृ॒न्मया॑नि । इ॒ममे॒व तै-र्लो॒क-म॒भिज॑यति ॥ ब्र॒ह्म॒वा॒दिनो॑ वदन्ति । काश्चत॑स्र-स्स्था॒लीर्वा॑य॒व्या᳚-स्सोम॒ग्रह॑णी॒रिति॑ । दे॒वा वै पृश्ञि॑मदुह्रन्न् ॥ 4 ॥

तस्या॑ ए॒ते स्तना॑ आसन्न् । इ॒यं-वैँ पृश्ञिः॑ । तामा॑दि॒त्या आ॑दित्यस्था॒ल्या चतु॑ष्पदः प॒शून॑दुह्रन्न् । यदा॑दित्यस्था॒ली भव॑ति । चतु॑ष्पद ए॒व तया॑ प॒शून्. यज॑मान इ॒मा-न्दु॑हे । तामिन्द्र॑ उक्थ्यस्था॒ल्येन्द्रि॒य-म॑दुहत् । यदु॑क्थ्यस्था॒ली भव॑ति । इ॒न्द्रि॒यमे॒व तया॒ यज॑मान इ॒मा-न्दु॑हे । तां-विँश्वे॑ दे॒वा आ᳚ग्रयणस्था॒ल्योर्ज॑-मदुह्रन्न् । यदा᳚ग्रयणस्था॒ली भव॑ति ॥ 5 ॥

ऊर्ज॑मे॒व तया॒ यज॑मान इ॒मा-न्दु॑हे । ता-म्म॑नु॒ष्या᳚-द्ध्रुवस्था॒ल्या ऽऽयु॑रदुह्रन्न् । यद्ध्रु॑वस्था॒ली भव॑ति । आयु॑रे॒व तया॒ यज॑मान इ॒मा-न्दु॑हे । स्था॒ल्या गृ॒ह्णाति॑ । वा॒य॒व्ये॑न जुहोति । तस्मा॑द॒न्येन॒ पात्रे॑ण प॒शू-न्दु॒हन्ति॑ । अ॒न्येन॒ प्रति॑गृह्णन्ति । अथो᳚ व्या॒वृत॑मे॒व त-द्यज॑मानो गच्छति ॥ 6 ॥

(ग्र॒ह॒त्वं - ग्रहा᳚न् जु॒होत्य॑-कुर्व-तादुह्र-न्नाग्रयणस्था॒ली भव॑ति॒-+नव॑ च) (अ. 1)

अनुवाकं 2 - सोत्रामणीशेषा मन्त्राः

यु॒वग्ं सु॒राम॑मश्विना । नमु॑चावा-ऽसु॒रे सचा᳚ । वि॒पि॒पा॒ना शु॑भस्पती । इन्द्र॒-ङ्कर्म॑स्वावतम् ॥ पु॒त्रमि॑व पि॒तरा॑व॒श्विनो॒भा । इन्द्राव॑त॒-ङ्कर्म॑णा द॒ग्ं॒सना॑भिः । य-थ्सु॒रामं॒-व्यँपि॑ब॒-श्शची॑भिः । सर॑स्वती त्वा मघवन्नभीष्णात् ॥ अहा᳚व्यग्ने ह॒विरा॒स्ये॑ ते । स्रु॒चीव॑ घृ॒त-ञ्च॒मू इ॑व॒ सोमः॑ ॥ 7 ॥

वा॒ज॒सनिग्ं॑ र॒यिम॒स्मे सु॒वीर᳚म् । प्र॒श॒स्त-न्धे॑हि य॒शस॑-म्बृ॒हन्त᳚म् ॥ यस्मि॒न्नश्वा॑स ऋष॒भास॑ उ॒क्षणः॑ । व॒शा मे॒षा अ॑वसृ॒ष्टास॒ आहु॑ताः । की॒ला॒ल॒पे सोम॑पृष्ठाय वे॒धसे᳚ । हृ॒दाम॒ति-ञ्ज॑नय॒ चारु॑म॒ग्नये᳚ ॥ नाना॒ हि वा᳚-न्दे॒वहि॑त॒ग्ं॒ सदो॑ मि॒तम् । मा सग्ंसृ॑क्षाथा-म्पर॒मे व्यो॑मन्न् । सुरा॒ त्वमसि॑ शु॒ष्मिणी॒ सोम॑ ए॒षः । मा मा॑ हिग्ंसी॒-स्स्वां-योँनि॑मावि॒शन्न् ॥ 8 ॥

यदत्र॑ शि॒ष्टग्ं र॒सिनः॑ सु॒तस्य॑ । यदिन्द्रो॒ अपि॑ब॒च्छची॑भिः । अ॒ह-न्तद॑स्य॒ मन॑सा शि॒वेन॑ । सोम॒ग्ं॒ राजा॑नमि॒ह भ॑क्षयामि ॥ द्वे स्रु॒ती अ॑शृणव-म्पितृ॒णाम् । अ॒ह-न्दे॒वाना॑मु॒त मर्त्या॑नाम् । ताभ्या॑मि॒दं-विँश्व॒-म्भुव॑न॒ग्ं॒ समे॑ति । अ॒न्त॒रा पूर्व॒मप॑र-ञ्च के॒तुम् ॥ यस्ते॑ देव वरुण गाय॒त्रछ॑न्दाः॒ पाशः॑ । त-न्त॑ ए॒तेनाव॑यजे ॥ 9 ॥

यस्ते॑ देव वरुण त्रि॒ष्टुप्छ॑न्दाः॒ पाशः॑ । त-न्त॑ ए॒तेनाव॑यजे । यस्ते॑ देव वरुण॒ जग॑तीछन्दाः॒ पाशः॑ । त-न्त॑ ए॒तेनाव॑यजे ॥ सोमो॒ वा ए॒तस्य॑ रा॒ज्यमाद॑त्ते । यो राजा॒ स-न्रा॒ज्यो वा॒ सोमे॑न॒ यज॑ते । दे॒व॒सु॒वामे॒तानि॑ ह॒वीग्ंषि॑ भवन्ति । ए॒ताव॑न्तो॒ वै दे॒वानाग्ं॑ स॒वाः । त ए॒वास्मै॑ स॒वा-न्प्रय॑च्छन्ति । त ए॑न॒-म्पुनः॑ सुवन्ते रा॒ज्याय॑ । दे॒व॒सू राजा॑ भवति ॥ 10 ॥

(सोम॑ - आवि॒शन्. - य॑जे - रा॒ज्यायैकं॑ च) (अ. 2)

अनुवाकं 3 - दोहप्रायश्चित्तम्, अग्निहोत्रे

उद॑स्था-द्दे॒व्यदि॑ति-र्विश्वरू॒पी । आयु॑र्य॒ज्ञप॑तावधात् । इन्द्रा॑य कृण्व॒ती भा॒गम् । मि॒त्राय॒ वरु॑णाय च ॥ इ॒यं-वाँ अ॑ग्निहो॒त्री । इ॒यं-वाँ ए॒तस्य॒ निषी॑दति । यस्या᳚ग्निहो॒त्री नि॒षीद॑ति । तामुत्था॑पयेत् । उद॑स्था-द्दे॒व्यदि॑ति॒रिति॑ । इ॒यं-वैँ दे॒व्यदि॑तिः ॥ 11 ॥

इ॒मामे॒वास्मा॒ उत्था॑पयति ॥ आयु॑र्य॒ज्ञप॑तावधा॒दित्या॑ह । आयु॑रे॒वास्मि॑-न्दधाति ॥ इन्द्रा॑य कृण्व॒ती भा॒ग-म्मि॒त्राय॒ वरु॑णाय॒ चेत्या॑ह । य॒था॒ य॒जुरे॒वैतत् ॥ अव॑र्तिं॒-वाँ ए॒षैतस्य॑ पा॒प्मान॑-म्प्रति॒ख्याय॒ निषी॑दति । यस्या᳚-ग्निहो॒त्र्युप॑सृष्टा नि॒षीद॑ति । ता-न्दु॒ग्ध्वा ब्रा᳚ह्म॒णाय॑ दद्यात् । यस्यान्न॒-न्नाद्यात् । अव॑र्तिमे॒वास्मि॑-न्पा॒प्मान॒-म्प्रति॑मुञ्चति ॥ 12 ॥

दु॒ग्ध्वा द॑दाति । न ह्यदृ॑ष्टा॒ दक्षि॑णा दी॒यते᳚ ॥ पृ॒थि॒वीं-वाँ ए॒तस्य॒ पयः॒ प्रवि॑शति । यस्या᳚ग्निहो॒त्र-न्दु॒ह्यमा॑न॒ग्ग्॒ स्कन्द॑ति ॥ यद॒द्य दु॒ग्ध-म्पृ॑थि॒वीमस॑क्त । यदोष॑धी-र॒प्यस॑र॒-द्यदापः॑ । पयो॑ गृ॒हेषु॒ पयो॑ अघ्नि॒यासु॑ । पयो॑ व॒थ्सेषु॒ पयो॑ अस्तु॒ तन्मयीत्या॑ह । पय॑ ए॒वात्म-न्गृ॒हेषु॑ प॒शुषु॑ धत्ते ॥ अ॒प उप॑सृजति ॥ 13 ॥

अ॒द्भिरे॒वैन॑दाप्नोति ॥ यो वै य॒ज्ञस्यार्ते॒नाना᳚र्तग्ं सग्ं सृ॒जति॑ । उ॒भे वै ते तर्ह्यार्च्छ॑तः । आर्च्छ॑ति॒ खलु॒ वा ए॒तद॑ग्निहो॒त्रम् । य-द्दु॒ह्यमा॑न॒ग्ग्॒ स्कन्द॑ति । यद॑भिदु॒ह्यात् । आर्ते॒नाना᳚र्तं-यँ॒ज्ञस्य॒ सग्ंसृ॑जेत् । तदे॒व या॒दृक्की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 14 ॥

य-द्युद्द्रु॑तस्य॒ स्कन्दे᳚त् । य-त्ततो-ऽहु॑त्वा॒ पुन॑रे॒यात् । य॒ज्ञं-विँच्छि॑न्द्यात् । यत्र॒ स्कन्दे᳚त् । तन्नि॒षद्य॒ पुन॑र्गृह्णीयात् । यत्रै॒व स्कन्द॑ति । तत॑ ए॒वैन॒त्-पुन॑र्गृह्णाति । तदे॒व या॒दृक्-की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 15 ॥

वि वा ए॒तस्य॑ य॒ज्ञश्छि॑द्यते । यस्या᳚ग्निहो॒त्रे॑-ऽधिश्रि॑ते॒ श्वा-ऽन्त॒रा धाव॑ति । रु॒द्रः खलु॒ वा ए॒षः । यद॒ग्निः । य-द्गाम॑न्वत्याव॒र्तये᳚त् । रु॒द्राय॑ प॒शू-नपि॑दद्ध्यात् । अ॒प॒शु-र्यज॑मान-स्स्यात् । यद॒पो᳚ ऽन्वतिषि॒ञ्चेत् । अ॒ना॒द्य-म॒ग्नेरापः॑ । अ॒ना॒द्यमा᳚भ्या॒-मपि॑दद्ध्यात् । गार्ह॑पत्या॒-द्भस्मा॒दाय॑ । इ॒दं-विँष्णु॒-र्विच॑क्रम॒ इति॑ वैष्ण॒व्यर्चा ऽऽह॑व॒नीया᳚द्ध्व॒ग्ं॒ सय॒न्नुद्र॑वेत् । य॒ज्ञो वै विष्णुः॑ । य॒ज्ञेनै॒व य॒ज्ञग्ं सन्त॑नोति । भस्म॑ना प॒दमपि॑वपति॒ शान्त्यै᳚ ॥ 16 ॥

(वै दे॒व्यदि॑ति--र् मुञ्चति - सृजति - करोति - करोत्या - भ्या॒मपि॑दद्ध्या॒-त्पञ्च॑ च) (अ. 3)

अनुवाकं 4 - अग्निप्रायश्चित्तं अग्निहोत्रे

नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति । द॒र्भेण॒ हिर॑ण्य-म्प्र॒बद्ध्य॑ पु॒रस्ता᳚द्धरेत् । अथा॒ग्निम् । अथा᳚ग्निहो॒त्रम् । यद्धिर॑ण्य-म्पु॒रस्ता॒द्धर॑ति । ज्योति॒र्वै हिर॑ण्यम् । ज्योति॑रे॒वैन॒-म्पश्य॒-न्नुद्ध॑रति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् ॥ 17 ॥

भा॒ग॒धेये॑नै॒वैन॒-म्प्रण॑यति ॥ ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ । सर्वा॑भिरे॒वैन॑-न्दे॒वता॑भि॒रुद्ध॑रति ॥ अ॒ग्नि॒हो॒त्र-मु॑प॒सा-द्यातमि॑तो-रासीत । व्र॒तमे॒व ह॒तमनु॑ म्रियते ॥ अन्तं॒-वाँ ए॒ष आ॒त्मनो॑ गच्छति । यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति ॥ 18 ॥

पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति ॥ वरु॑णो॒ वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभिनि॒म्रोच॑ति । वा॒रु॒ण-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । च॒तु॒र्गृ॒ही॒त-माज्य॑-म्पु॒रस्ता᳚द्धरेत् ॥ 19 ॥

अथा॒ग्निम् । अथा᳚ग्निहो॒त्रम् । यदाज्य॑-म्पु॒रस्ता॒द्धर॑ति । ए॒तद्वा अ॒ग्नेः प्रि॒य-न्धाम॑ । यदाज्य᳚म् । प्रि॒येणै॒वैन॒-न्धाम्ना॒ सम॑र्धयति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् । भा॒ग॒धेये॑नै॒वैन॒-म्प्रण॑यति । ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ ॥ 20 ॥

सर्वा॑भिरे॒वैन॑-न्दे॒वता॑भि॒रुद्ध॑रति ॥ परा॑ची॒ वा ए॒तस्मै᳚ व्यु॒च्छन्ती॒ व्यु॑च्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । उ॒षाः के॒तुना॑ जुषताम् । य॒ज्ञ-न्दे॒वेभि॑रिन्वि॒तम् । दे॒वेभ्यो॒ मधु॑मत्तम॒ग्ग्॒ स्वाहेति॑ प्र॒त्यं-नि॒षद्याज्ये॑न जुहुयात् । प्र॒तीची॑मे॒वास्मै॒ विवा॑सयति ॥ अ॒ग्नि॒हो॒त्र-मु॑प॒साद्यातमि॑तो-रासीत । व्र॒तमे॒व ह॒तमनु॑ म्रियते । अन्तं॒-वाँ ए॒ष आ॒त्मनो॑ गच्छति ॥ 21 ॥

यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति । मि॒त्रो वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । मै॒त्र-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ यस्या॑-हव॒नीये-ऽनु॑द्वाते॒ गार्ह॑पत्य उ॒द्वाये᳚त् ॥ 22 ॥

यदा॑हव॒नीय॒-मनु॑द्वाप्य॒ गार्ह॑पत्य॒-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यद्वै य॒ज्ञस्य॑ वास्त॒व्य॑-ङ्क्रि॒यते᳚ । तदनु॑ रु॒द्रो-ऽव॑चरति । य-त्पूर्व॑-मन्वव॒स्येत् । वा॒स्त॒व्य॑-म॒ग्निमुपा॑सीत । रु॒द्रो᳚-ऽस्य प॒शू-न्घातु॑क-स्स्यात् । आ॒ह॒व॒नीय॑-मु॒द्वाप्य॑ । गार्ह॑पत्य-म्मन्थेत् ॥ 23 ॥

इ॒तः प्र॑थ॒म-ञ्ज॑ज्ञे अ॒ग्निः । स्वाद्योने॒रधि॑ जा॒तवे॑दाः । स गा॑यत्रि॒या त्रि॒ष्टुभा॒ जग॑त्या । दे॒वेभ्यो॑ ह॒व्यं-वँ॑हतु प्रजा॒नन्निति॑ । छन्दो॑भिरे॒वैन॒ग्ग्॒ स्वाद्योनेः॒ प्रज॑नयति ॥ गार्ह॑पत्य-म्मन्थति । गार्ह॑पत्यं॒-वाँ अन्वाहि॑ताग्नेः प॒शव॒ उप॑ तिष्ठन्ते । स यदु॒द्वाय॑ति । तदनु॑ प॒शवो-ऽप॑क्रामन्ति । इ॒षे र॒य्यै र॑मस्व ॥ 24 ॥

सह॑से द्यु॒म्नाय॑ । ऊ॒र्जे पत्या॒येत्या॑ह । प॒शवो॒ वै र॒यिः । प॒शूने॒वास्मै॑ रमयति ॥ सा॒र॒स्व॒तौ त्वोथ्सौ॒ समि॑न्धाता॒मित्या॑ह । ऋ॒-ख्सा॒मे वै सा॑रस्व॒तावुथ्सौ᳚ । ऋ॒ख्-सा॒माभ्या॑मे॒वैन॒ग्ं॒ समि॑न्धे ॥ स॒म्राड॑सि वि॒राड॒सीत्या॑ह । र॒थ॒न्त॒रं-वैँ स॒म्राट् । बृ॒ह-द्वि॒राट् ॥ 25 ॥

ताभ्या॑मे॒वैन॒ग्ं॒ समि॑न्धे ॥ वज्रो॒ वै च॒क्रम् । वज्रो॒ वा ए॒तस्य॑ य॒ज्ञं-विँच्छि॑नत्ति । यस्यानो॑ वा॒ रथो॑ वा-ऽन्त॒रा-ऽग्नी याति॑ । आ॒ह॒व॒नीय॑-मु॒द्वाप्य॑ । गार्ह॑पत्या॒-दुद्ध॑रेत् । यद॑ग्ने॒ पूर्व॒-म्प्रभृ॑त-म्प॒दग्ं हि ते᳚ । सूर्य॑स्य र॒श्मीन-न्वा॑त॒तान॑ । तत्र॑ रयि॒ष्ठामनु॒ सम्भ॑रै॒तम् । स-न्नः॑ सृज सुम॒त्या वाज॑व॒त्येति॑ ॥ 26 ॥

पूर्वे॑णै॒वास्य॑ य॒ज्ञेन॑ य॒ज्ञमनु॒ स-न्त॑नोति ॥ त्वम॑ग्ने स॒प्रथा॑ अ॒सीत्या॑ह । अ॒ग्नि-स्सर्वा॑ दे॒वताः᳚ । दे॒वता॑भिरे॒व य॒ज्ञग्ं स-न्त॑नोति ॥ अ॒ग्नये॑ पथि॒कृते॑ पुरो॒डाश॑म॒ष्टाक॑पाल॒-न्निर्व॑पेत् । अ॒ग्निमे॒व प॑थि॒कृत॒ग्ग्॒ स्वेन॑ भाग॒धेये॒नोप॑ धावति । स ए॒वैनं॑-यँ॒ज्ञिय॒-म्पन्था॒मपि॑-नयति । अ॒न॒ड्वान्-दक्षि॑णा । व॒ही ह्ये॑ष समृ॑द्ध्यै ॥ 27 ॥

(हर॒त्यथा᳚ग्निहो॒त्रं - नि॒म्रोच॑ति - हरे-द्- दे॒वता॑ - गच्छ - त्यु॒द्वाये᳚-न्मन्थे-द्रमस्व-बृ॒ह-द्वि॒राड्-इति॒-नव॑ च) (अ. 4)

(नि वै पूर्व॒-न्त्रीणि॑ नि॒म्रोच॑ति द॒र्भेण॒ यद्धिर॑ण्यमग्निहो॒त्र-म्पुन॒र्वरु॑णो

वारु॒ण-न्नि वा ए॒तस्या॒भ्यु॑देति॑ चतुर्गृही॒तमाज्यं॒ यदाज्यं॒ परा᳚च्यु॒षाः पुन॑र्मि॒त्रो मे॒त्रं-यँस्या॑हव॒नीये-ऽनु॑द्वाते॒ गार्ह॑पत्यो॒ यद्वै म॑न्थे॒दुद्ध॑रेत्)

अनुवाकं 5 - सोमातिरेकप्रायश्चित्तम्

यस्य॑ प्रातस्सव॒ने सोमो॑-ऽति॒रिच्य॑ते । माद्ध्य॑न्दिन॒ग्ं॒ सव॑न-ङ्का॒मय॑मानो॒-ऽभ्यति॑रिच्यते । गौर्ध॑यति म॒रुता॒मिति॒ धय॑द्वतीषु कुर्वन्ति । हि॒नस्ति॒ वै स॒न्ध्यधी॑तम् । स॒न्धीव॒ खलु॒ वा ए॒तत् । य-थ्सव॑न स्याति॒रिच्य॑ते । यद्धय॑द्वतीषु कु॒र्वन्ति॑ । स॒न्धे-श्शान्त्यै᳚ ॥ गा॒य॒त्रग्ं साम॑ भवति पञ्चद॒श-स्स्तोमः॑ । तेनै॒व प्रा॑तस्सव॒नान्नय॑न्ति ॥ 28 ॥

म॒रुत्व॑तीषु कुर्वन्ति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ होतु॑श्च म॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ यस्य॒ माद्ध्य॑न्दिने॒ सव॑ने॒ सोमो॑-ऽति॒रिच्य॑ते । आ॒दि॒त्य-न्तृ॑तीयसव॒न-ङ्का॒मय॑मानो॒-ऽभ्यति॑रिच्यते । गौ॒रि॒वी॒तग्ं साम॑ भवति । अति॑रिक्तं॒-वैँ गौ॑रिवी॒तम् । अति॑रिक्तं॒-यँ-थ्सव॑नस्या-ति॒रिच्य॑ते ॥ 29 ॥

अति॑रिक्तस्य॒ शान्त्यै᳚ ॥ बण्म॒हाग्ं अ॑सि सू॒र्येति॑ कुर्वन्ति । यस्यै॒वादि॒त्यस्य॒ सव॑नस्य॒ कामे॑नाति॒रिच्य॑ते । तेनै॒वैन॒-ङ्कामे॑न॒ सम॑र्धयन्ति ॥ गौ॒रि॒वी॒तग्ं साम॑ भवति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ स॒प्त॒द॒श-स्स्तोमः॑ । तेनै॒व तृ॑तीयसव॒नान्नय॑न्ति ॥ होतु॑श्चम॒समनून्न॑यन्ते । होता-ऽनु॑शग्ं सति ॥ 30 ॥

म॒द्ध्य॒त ए॒व य॒ज्ञग्ं स॒माद॑धाति ॥ यस्य॑ तृतीयसव॒ने सोमो॑-ऽति॒रिच्ये॑त । उ॒क्थ्य॑-ङ्कुर्वीत । यस्यो॒क्थ्ये॑-ऽति॒रिच्ये॑त । अ॒ति॒रा॒त्र-ङ्कु॑र्वीत । यस्या॑-तिरा॒त्रे॑-ऽति॒रिच्य॑ते। तत्त्वै दु॑ष्प्रज्ञा॒नम् । यज॑मानं॒-वाँ ए॒त-त्प॒शव॑ आ॒साह्य॑ यन्ति । बृ॒ह-थ्साम॑ भवति । बृ॒हद्वा इ॒मां-लोँ॒का-न्दा॑धार । बार्ह॑ताः प॒शवः॑ । बृ॒ह॒तैवास्मै॑ प॒शू-न्दा॑धार ॥ शि॒पि॒वि॒ष्टव॑तीषु कुर्वन्ति । शि॒पि॒वि॒ष्टो वै दे॒वाना᳚-म्पु॒ष्टम् । पुष्ट्यै॒वैन॒ग्ं॒ सम॑र्धयन्ति ॥ होतु॑श्चम॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ 31 ॥

(य॒न्ति॒ - सव॑नस्याति॒रिच्य॑ते - शग्ंसति - दाधारा॒ष्टौ च॑) (अ. 5)

अनुवाकं 6 - सवननिमित्त-म्प्रायश्चित्तम्

एकै॑को॒ वै ज॒नता॑या॒-मिन्द्रः॑ । एकं॒-वाँ ए॒ताविन्द्र॑म॒भि सग्ंसु॑नुतः । यौ द्वौ सग्ं॑सुनु॒तः । प्र॒जाप॑ति॒र्वा ए॒ष विता॑यते । य-द्य॒ज्ञः । तस्य॒ ग्रावा॑णो॒ दन्ताः᳚ । अ॒न्य॒त॒रं-वाँ ए॒ते सग्ं॑सुन्व॒तो-र्निर्ब॑फ्सति । पूर्वे॑णोप॒सृत्या॑ दे॒वता॒ इत्या॑हुः । पू॒र्वो॒प॒सृ॒तस्य॒ वै श्रेया᳚-न्भवति । एति॑व॒न्त्याज्या॑नि भवन्त्य॒-भिजि॑त्यै ॥ 32 ॥

म॒रुत्व॑तीः प्रति॒पदः॑ । म॒रुतो॒ वै दे॒वाना॒-मप॑राजित-मा॒यत॑नम् । दे॒वाना॑-मे॒वाप॑राजित आ॒यत॑ने यतते ॥उ॒भे बृ॑हद्रथन्त॒रे भ॑वतः । इ॒यं-वाँव र॑थन्त॒रम् । अ॒सौ बृ॒हत् । आ॒भ्यामे॒वैन॑-म॒न्तरे॑ति । वा॒चश्च॒ मन॑सश्च । प्रा॒णाच्चा॑-पा॒नाच्च॑ । दि॒वश्च॑ पृथि॒व्याश्च॑ ॥ 33 ॥

सर्व॑स्मा-द्वि॒त्ता-द्वेद्या᳚त् ॥ अ॒भि॒व॒र्तो ब्र॑ह्मसा॒म-म्भ॑वति । सु॒व॒र्गस्य॑ लो॒कस्या॒-भिवृ॑त्त्यै ॥ अ॒भि॒जि-द्भ॑वति । सु॒व॒र्गस्य॑ लो॒कस्या॒-भिजि॑त्यै । वि॒श्व॒जि-द्भ॑वति । विश्व॑स्य॒ जित्यै᳚ ॥ यस्य॒ भूयाग्ं॑सो यज्ञक्र॒तव॒ इत्या॑हुः । स दे॒वता॑ वृङ्क्त॒ इति॑ । यद्य॑ग्निष्टो॒म-स्सोमः॑ प॒रस्ता॒-थ्स्यात् ॥ 34 ॥

उ॒क्थ्य॑-ङ्कुर्वीत । यद्यु॒क्थ्यः॑ स्यात् । अ॒ति॒रा॒त्र-ङ्कु॑र्वीत । य॒ज्ञ॒क्र॒तुभि॑-रे॒वास्य॑ दे॒वता॑ वृङ्क्ते ॥ यो वै छन्दो॑भि-रभि॒भव॑ति । स सग्ं॑ सुन्व॒तो-र॒भिभ॑वति । सं॒वेँ॒शाय॑ त्वोपवे॒शाय॒-त्वेत्या॑ह । छन्दाग्ं॑सि॒ वै सं॑वेँ॒श उ॑पवे॒शः । छन्दो॑भिरे॒वास्य॒ छन्दाग्॑स्य॒-भिभ॑वति ॥ इ॒ष्टर्गो॒ वा ऋ॒त्विजा॑-मद्ध्व॒र्युः ॥ 35 ॥

इ॒ष्टर्गः॒ खलु॒ वै पूर्वो॒-ऽर्ष्टुः, क्षी॑यते । प्राणा॑पानौ मृ॒त्योर्मा॑ पात॒मित्या॑ह । प्रा॒णा॒पा॒नयो॑रे॒व श्र॑यते । प्राणा॑पानौ॒ मा मा॑ हासिष्ट॒मित्या॑ह । नैन॑-म्पु॒रा-ऽऽयु॑षः प्राणापा॒नौ ज॑हितः ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना᳚-म्प्र॒मीय॑ते । तं-यँद॑व॒वर्जे॑युः । क्रू॒र॒कृता॑मिवैषां-लोँ॒क-स्स्या᳚त् । आह॑र द॒हेति॑ ब्रूयात् ॥ 36 ॥

त-न्द॑क्षिण॒तो वेद्यै॑ नि॒धाय॑ । स॒र्प॒रा॒ज्ञिया॑ ऋ॒ग्भि-स्स्तु॑युः । इ॒यं-वैँ सर्प॑तो॒ राज्ञी᳚ । अ॒स्या ए॒वैन॒-म्परि॑ददति ॥ व्यृ॑द्ध॒-न्तदित्या॑हुः । य-थ्स्तु॒त-मन॑नुशस्त॒-मिति॑ । होता᳚ प्रथ॒मः प्रा॑चीनावी॒ती मा᳚र्जा॒लीय॒-म्परी॑यात् । या॒मीर॑नु-ब्रु॒वन्न् । स॒र्प॒रा॒ज्ञीना᳚-ङ्कीर्तयेत् । उ॒भयो॑रे॒वैनं॑-लोँ॒कयोः॒ परि॑ददति ॥ 37 ॥

अथो॑ धु॒वन्त्ये॒वैन᳚म् । अथो॒ न्ये॑वास्मै᳚ ह्नुवते ॥ त्रिः परि॑यन्ति । त्रय॑ इ॒मे लो॒काः । ए॒भ्य ए॒वैनं॑-लोँ॒केभ्यो॑ धुवते । त्रिः पुनः॒ परि॑यन्ति । षट्-थ्सम्प॑द्यन्ते । षड्वा ऋ॒तवः॑ । ऋ॒तुभि॑रे॒वैन॑-न्धुवते ॥ अग्न॒ आयूग्ं॑षि पवस॒ इति॑ प्रति॒पद॑-ङ्कुर्वीरन्न् । र॒थ॒न्त॒रसा॑मैषा॒ग्ं॒ सोमः॑ स्यात् । आयु॑रे॒वात्मन्-द॑धते । अथो॑ पा॒प्मान॑मे॒व वि॒जह॑तो यन्ति ॥ 38 ॥

(अ॒भिजि॑त्यै - पृथि॒व्याश्च॒ - स्या - द॑द्ध्व॒र्यु--र् ब्रु॑याल् - लो॒कयोः॒ परि॑ददति - कुर्वर॒ग्ग्॒ स्त्रीणि॑ च) (अ. 6)

अनुवाकं 7 - यूपविरोहणादिप्रायश्चित्तम्

अ॒सु॒र्यं॑-वाँ ए॒तस्मा॒-द्वर्ण॑-ङ्कृ॒त्वा । प॒शवो॑ वी॒र्य॑-मप॑क्रामन्ति । यस्य॒ यूपो॑ वि॒रोह॑ति । त्वा॒ष्ट्र-म्ब॑हुरू॒प-माल॑भेत । त्वष्टा॒ वै रू॒पाणा॑मीशे । य ए॒व रू॒पाणा॒मीशे᳚ । सो᳚-ऽस्मि-न्प॒शून्. वी॒र्यं॑-यँच्छति । नास्मा᳚त्-प॒शवो॑ वी॒र्य॑-मप॑क्रामन्ति ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना॑-म॒ग्नि-रु॒द्वाय॑ति ॥ 39 ॥

यदा॑हव॒नीय॑ उ॒द्वाये᳚त् । यत्त-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यदा॑हव॒नीय॑ उ॒द्वाये᳚त् । आग्नी᳚द्ध्रा॒-दुद्ध॑रेत् । यदाग्नी᳚द्ध्र उ॒द्वाये᳚त् । गार्ह॑पत्या॒-दुद्ध॑रेत् । य-द्गार्ह॑पत्य उ॒द्वाये᳚त् । अत॑ ए॒व पुन॑-र्मन्थेत् ॥ 40 ॥

अत्र॒ वाव स निल॑यते । यत्र॒ खलु॒ वै निली॑न-मुत्त॒म-म्पश्य॑न्ति । तदे॑न-मिच्छन्ति ॥ यस्मा॒-द्दारो॑रु॒द्वाये᳚त् । तस्या॒रणी॑ कुर्यात् । क्रु॒मु॒कमपि॑ कुर्यात् । ए॒षा वा अ॒ग्नेः प्रि॒या त॒नूः । यत्-क्रु॑मु॒कः । प्रि॒ययै॒वैन॑-न्त॒नुवा॒ सम॑र्धयति ॥ गार्ह॑पत्य-म्मन्थति ॥ 41 ॥

गार्ह॑पत्यो॒ वा अ॒ग्नेर्योनिः॑ । स्वादे॒वैनं॒-योँने᳚-र्जनयति । नास्मै॒ भ्रातृ॑व्य-ञ्जनयति ॥ यस्य॒ सोम॑ उप॒दस्ये᳚त् । सु॒वर्ण॒ग्ं॒ हिर॑ण्य-न्द्वे॒धा वि॒च्छिद्य॑ । ऋ॒जी॒षे᳚-ऽन्यदा॑धूनु॒यात् । जु॒हु॒याद॒न्यत् । सोम॑मे॒वा-भि॑षु॒णोति॑ । सोम॑-ञ्जुहोति ॥ सोम॑स्य॒ वा अ॑भिषू॒यमा॑णस्य प्रि॒या त॒नू-रुद॑क्रामत् ॥ 42 ॥

त-थ्सु॒वर्ण॒ग्ं॒ हिर॑ण्य-मभवत् । य-थ्सु॒वर्ण॒ग्ं॒ हिर॑ण्य-ङ्कु॒र्वन्ति॑ । प्रि॒ययै॒वैन॑-न्त॒नुवा॒ सम॑र्धयन्ति ॥ यस्याक्री॑त॒ग्ं॒ सोम॑-मप॒हरे॑युः । क्री॒णी॒यादे॒व । सैव ततः॒ प्राय॑श्चित्तिः ॥ यस्य॑ क्री॒तम॑प॒हरे॑युः । आ॒दा॒राग्श्च॑ फाल्गु॒नानि॑ चा॒भिषु॑णुयात् । गा॒य॒त्री यग्ं सोम॒माह॑रत् । तस्य॒ यो-ऽग्ं॑शुः प॒रा-ऽप॑तत् ॥ 43 ॥

त आ॑दा॒रा अ॑भवन्न् । इन्द्रो॑ वृ॒त्रम॑हन्न् । तस्य॑ व॒ल्कः परा॑-ऽपतत् । तानि॑ फाल्गु॒नान्य॑भवन्न् । प॒शवो॒ वै फा᳚ल्गु॒नानि॑ । प॒शव॒-स्सोमो॒ राजा᳚ । यदा॑दा॒राग्श्च॑ फाल्गु॒नानि॑ चाभिषु॒णोति॑ । सोम॑मे॒व राजा॑नम॒भिषु॑णोति ॥ शृ॒तेन॑ प्रातस्सव॒ने श्री॑णीयात् । द॒द्ध्ना म॒द्ध्यन्दि॑ने ॥ 44 ॥

नी॒त॒मि॒श्रेण॑ तृतीयसव॒ने । अ॒गि॒ष्टो॒म-स्सोमः॑ स्या-द्रथन्त॒रसा॑मा । य ए॒वर्त्विजो॑ वृ॒ता-स्स्युः । त ए॑नं-याँजयेयुः । एका॒-ङ्गा-न्दक्षि॑णा-न्दद्या॒त्तेभ्य॑ ए॒व । पुन॒-स्सोम॑-ङ्क्रीणीयात् । य॒ज्ञेनै॒व त-द्य॒ज्ञ-मि॑च्छति । सैव ततः॒ प्राय॑श्चित्तिः ॥ सर्वा᳚भ्यो॒ वा ए॒ष दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-मागु॑रते । य-स्स॒त्राया॑गु॒रते᳚ । ए॒तावा॒न्-खलु॒ वै पुरु॑षः । याव॑दस्य वि॒त्तम् । स॒र्व॒वे॒द॒सेन॑ यजेत । सर्व॑पृष्ठो-ऽस्य॒ सोमः॑ स्यात् । सर्वा᳚भ्य ए॒व दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-न्निष्क्री॑णीते ॥ 45 ॥

(उ॒द्वाय॑ति - मन्थेन् - मन्थ - त्यक्रामत् - प॒रा-ऽप॑तन् - म॒द्ध्यन्दि॑न - आगु॒रते॒ पञ्च॑ च) (अ. 7)

अनुवाकं 8 - पावमानीमन्त्राः (स्मार्ते श्ञानादौ मार्जनार्थाश्च)

पव॑मान॒-स्सुव॒र्जनः॑ । प॒वित्रे॑ण॒ विच॑र्षणिः । यः पोता॒ स पु॑नातु मा ॥ पु॒नन्तु॑ मा देवज॒नाः । पु॒नन्तु॒ मन॑ वो धि॒या । पु॒नन्तु॒ विश्व॑ आ॒यवः॑ ॥ जात॑वेदः प॒वित्र॑वत् । प॒वित्रे॑ण पुनाहि मा । शु॒क्रेण॑ देव॒ दीद्य॑त् । अग्ने॒ क्रत्वा॒ क्रतू॒ग्ं॒ रनु॑ ॥ 46 ॥

यत्ते॑ प॒वित्र॑-म॒र्चिषि॑ । अग्ने॒ वित॑तमन्त॒रा । ब्रह्म॒ तेन॑ पुनीमहे ॥ उ॒भाभ्या᳚-न्देव सवितः ।प॒वित्रे॑ण स॒वेन॑ च । इ॒द-म्ब्रह्म॑ पुनीमहे ॥ वै॒श्व॒दे॒वी पु॑न॒ती दे॒व्यागा᳚त् । यस्यै॑ ब॒ह्वी-स्त॒नुवो॑ वी॒तपृ॑ष्ठाः । तया॒ मद॑न्त-स्सध॒माद्ये॑षु । व॒यग्ग् स्या॑म॒ पत॑यो रयी॒णाम् ॥ 47 ॥

वै॒श्वा॒न॒रो र॒श्मिभि॑र्मा पुनातु । वातः॑ प्रा॒णेने॑षि॒रो म॑यो॒भूः । द्यावा॑पृथि॒वी पय॑सा॒ पयो॑भिः । ऋ॒ताव॑री य॒ज्ञिये॑ मा पुनीताम् ॥ बृ॒हद्भिः॑ सवित॒स्तृभिः॑ । वर्षि॑ष्ठै-र्देव॒ मन्म॑भिः । अग्ने॒ दक्षैः᳚ पुनाहि मा ॥ येन॑ दे॒वा अपु॑नत । येनापो॑ दि॒व्य-ङ्कशः॑ । तेन॑ दि॒व्येन॒ ब्रह्म॑णा ॥ 48 ॥

इ॒द-म्ब्रह्म॑ पुनीमहे ॥ यः पा॑वमा॒नीर॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । सर्व॒ग्ं॒ स पू॒तम॑श्ञाति । स्व॒दि॒त-म्मा॑त॒रिश्व॑ना ॥ पा॒व॒मा॒नीर्यो अ॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । तस्मै॒ सर॑स्वती दुहे । क्षी॒रग्ं स॒र्पि-र्मधू॑द॒कम् ॥ पा॒व॒मा॒नी-स्स्व॒स्त्यय॑नीः ॥ 49 ॥

सु॒दुघा॒ हि पय॑स्वतीः । ऋषि॑भि॒-स्सम्भृ॑तो॒ रसः॑ । ब्रा॒ह्म॒णेष्व॒मृतग्ं॑ हि॒तम् ॥ पा॒व॒मा॒नी-र्दि॑शन्तु नः । इ॒मं-लोँ॒कमथो॑ अ॒मुम् । कामा॒न्-थ्सम॑र्धयन्तु नः । दे॒वी-र्दे॒वै-स्स॒माभृ॑ताः ॥ पा॒व॒मा॒नी-स्स्व॒स्त्यय॑नीः । सु॒दुघा॒हि घृ॑त॒श्चुतः॑ । ऋषि॑भि॒-स्सम्भृ॑तो॒ रसः॑ ॥ 50 ॥

ब्रा॒ह्म॒णेष्व॒मृतग्ं॑ हि॒तम् ॥ येन॑ दे॒वाः प॒वित्रे॑ण । आ॒त्मान॑-म्पु॒नते॒ सदा᳚ । तेन॑ स॒हस्र॑धारेण । पा॒व॒मा॒न्यः पु॑नन्तु मा ॥ प्रा॒जा॒प॒त्य-म्प॒वित्र᳚म् । श॒तोद्या॑मग्ं हिर॒ण्मय᳚म् । तेन॑ ब्रह्म॒ विदो॑ व॒यम् । पू॒त-म्ब्रह्म॑ पुनीमहे ॥ इन्द्रः॑ सुनी॒ती स॒ह मा॑ पुनातु । सोमः॑ स्व॒स्त्या वरु॑ण-स्स॒मीच्या᳚ । य॒मो राजा᳚ प्रमृ॒णाभिः॑ पुनातु मा । जा॒तवे॑दा मो॒र्जय॑न्त्या पुनातु ॥ 51 ॥

(अनु॑ - रयी॒णां - ब्रह्म॑णा - स्व॒स्त्यय॑नीः - सु॒दुघा॒ हि घृ॑त॒श्चुत॒ ऋषि॑भि॒-स्सम्भृ॑तो॒ रसः॑ - पुनातु॒ त्रीणि॑ च ) (अ. 8)

अनुवाकं 9 - राजसूयगतचातुर्मास्यशेषः

प्र॒जा वै स॒त्रमा॑सत॒ तप॒स्तप्य॑माना॒ अजु॑ह्वतीः । दे॒वा अ॑पश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेना᳚र्धमा॒स ऊर्ज॒मवा॑रुन्धत । तस्मा॑दर्धमा॒से दे॒वा इ॑ज्यन्ते ॥ पि॒तरो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त- म॑जुहवुः । तेन॑ मा॒स्यूर्ज॒मवा॑रुन्धत । तस्मा᳚-न्मा॒सि पि॒तृभ्यः॑ क्रियते । म॒नु॒ष्या॑ अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 52 ॥

तमुपोद॑तिष्ठ॒न्त-म॑जुहवुः । तेन॑-द्व॒यीमूर्ज॒मवा॑रुन्धत । तस्मा॒-द्द्विरह्नो॑-मनु॒ष्ये᳚भ्य॒ उप॑ह्रियते । प्रा॒तश्च॑ सा॒य-ञ्च॑ । प॒शवो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेन॑-त्र॒यीमूर्ज॒मवा॑-रुन्धत । तस्मा॒-त्त्रिरह्नः॑ प॒शवः॒ प्रेर॑ते । प्रा॒तस्स॑गं॒वे सा॒यम् । असु॑रा अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 53 ॥

तमुपोद॑तिष्ठ॒न्त-म॑जुहवुः । तेन॑ संवँथ्स॒र ऊर्ज॒मवा॑-रुन्धत ॥ ते दे॒वा अ॑मन्यन्त । अ॒मी वा इ॒दम॑भूवन्न् । यद्व॒यग्ग्स्म इति॑ । त ए॒तानि॑ चातुर्मा॒स्यान्य॑पश्यन्न् । तानि॒ निर॑वपन्न् । तैरे॒वैषा॒-न्तामूर्ज॑मवृञ्जत । ततो॑ दे॒वा अभ॑वन्न् । परा-ऽसु॑राः ॥ 54 ॥

य-द्यज॑ते । यामे॒व दे॒वा ऊर्ज॑म॒वारु॑न्धत । ता-न्तेना-व॑रुन्धे । य-त्पि॒तृभ्यः॑ क॒रोति॑ । यामे॒व पि॒तर॒ ऊर्ज॑म॒वा-रु॑न्धत । ता-न्तेना-व॑रुन्धे । यदा॑वस॒थे-ऽन्न॒ग्ं॒ हर॑न्ति । यामे॒व म॑नु॒ष्या॑ ऊर्ज॑म॒वा-रु॑न्धत । ता-न्तेना-व॑रुन्धे । य-द्दक्षि॑णा॒-न्ददा॑ति ॥ 55 ॥

यामे॒व प॒शव॒ ऊर्ज॑म॒वा-रु॑न्धत । ता-न्तेना-व॑रुन्धे । यच्चा॑तु-र्मा॒स्यै-र्यज॑ते । यामे॒वासु॑रा॒ ऊर्ज॑म॒-वारु॑न्धत । ता-न्तेना-व॑रुन्धे । भव॑त्या॒त्मना᳚ । परा᳚-ऽस्य॒ भ्रातृ॑व्यो भवति ॥ वि॒राजो॒ वा ए॒षा विक्रा᳚न्तिः । यच्चा॑तु-र्मा॒स्यानि॑ । वै॒श्व॒दे॒वेना॒स्मिँल्लो॒के प्रत्य॑तिष्ठत् । व॒रु॒ण॒ प्र॒घा॒सै-र॒न्तरि॑क्षे । सा॒क॒मे॒धै-र॒मुष्मि॑ँल्लो॒के । ए॒ष ह॒ त्वावैत-थ्सर्व॑-म्भवति । य ए॒वं-विँ॒द्वाग्श्चा॑तुर्मा॒स्यै-र्यज॑ते ॥ 56 ॥

(म॒नु॒ष्या॑ अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा॒-ददा᳚-त्यतिष्ठ च्च॒त्वारि॑ च) (अ. 9)

अनुवाकं 10 - चातुर्मास्यप्रशंसनम्

अ॒ग्निर्वाव सं॑वँथ्स॒रः । आ॒दि॒त्यः प॑रिवथ्स॒रः । च॒न्द्रमा॑ इदावथ्स॒रः । वा॒यु-र॑नुवथ्स॒रः ॥ य-द्वै᳚श्वदे॒वेन॒ यज॑ते । अ॒ग्निमे॒व त-थ्सं॑वँथ्स॒र-मा᳚प्नोति । तस्मा᳚-द्वैश्वदे॒वेन॒ यज॑मानः । सं॒वँ॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-द्व॑रुण प्रघा॒सै-र्यज॑ते । आ॒दि॒त्यमे॒व त-त्प॑रिवथ्स॒र-मा᳚प्नोति ॥ 57 ॥

तस्मा᳚-द्वरुण-प्रघा॒सै-र्यज॑मानः । प॒रि॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत । य-थ्सा॑कमे॒धै-र्यज॑ते । च॒न्द्रम॑समे॒व तदि॑दावथ्स॒र-मा᳚प्नोति । तस्मा᳚-थ्साकमे॒धै-र्यज॑मानः । इ॒दा॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-त्पि॑तृ य॒ज्ञेन॒ यज॑ते । दे॒वाने॒व तद॒न्वव॑स्यति ॥ अथ॒ वा अ॑स्य वा॒युश्चा॑-नुवथ्स॒रश्चा प्री॑ता॒वुच्छि॑ष्येते । यच्छु॑नासी॒रीये॑ण॒ यज॑ते ॥ 58 ॥

वा॒युमे॒व तद॑नुवथ्स॒र-मा᳚प्नोति । तस्मा᳚-च्छुनासी॒रीये॑ण॒ यज॑मानः । अ॒नु॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ सं॒वँ॒थ्स॒रं-वाँ ए॒ष ई᳚फ्स॒तीत्या॑हुः । यश्चा॑तु-र्मा॒स्यै-र्यज॑त॒ इति॑ । ए॒ष ह॒ त्वै स॑वन्थ्स॒र-मा᳚प्नोति । य ए॒वं-विँ॒द्वाग् श्चा॑तुर्मा॒स्यै-र्यज॑ते ॥ विश्वे॑ दे॒वा-स्सम॑यजन्त । ते᳚-ऽग्निमे॒वाय॑जन्त । त ए॒तं-लोँ॒कम॑जयन्न् ॥ 59 ॥

यस्मि॑न्न॒ग्निः । य-द्वै᳚श्वदे॒वेन॒ यज॑ते । ए॒तमे॒व लो॒क-ञ्ज॑यति । यस्मि॑न्न॒ग्निः । अ॒ग्नेरे॒व सायु॑ज्य॒मुपै॑ति ॥ य॒दा वै᳚श्वदे॒वेन॒ यज॑ते । अथ॑ संवँथ्स॒रस्य॑ गृ॒हप॑ति-माप्नोति । य॒दा सं॑वँथ्स॒रस्य॑ गृ॒हप॑ति-मा॒प्नोति॑ । अथ॑ सहस्रया॒जिन॑-माप्नोति । य॒दा स॑हस्रया॒जिन॑-मा॒प्नोति॑ ॥ 60 ॥

अथ॑ गृहमे॒धिन॑-माप्नोति । य॒दा गृ॑हमे॒धिन॑-मा॒प्नोति॑ । अथा॒ग्नि-र्भ॑वति । य॒दा-ऽग्नि-र्भव॑ति । अथ॒ गौर्भ॑वति । ए॒षा वै वै᳚श्वदे॒वस्य॒ मात्रा᳚ । ए॒त-द्वा ए॒तेषा॑मव॒मम् । अतो॑-ऽतो॒ वा उत्त॑राणि॒ श्रेयाग्ं॑सि भवन्ति । य-द्विश्वे॑ दे॒वा-स्स॒मय॑जन्त । त-द्वै᳚श्वदे॒वस्य॑ वैश्वदेव॒त्वम् ॥ 61 ॥

अथा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैर॑यजत । स ए॒तं-लोँ॒कम॑जयत् । यस्मि॑न्नादि॒त्यः । य-द्व॑रुण-प्रघा॒सै-र्यज॑ते । ए॒तमे॒व लो॒क-ञ्ज॑यति । यस्मि॑न्नादि॒त्यः । आ॒दि॒त्यस्यै॒व-सायु॑ज्य॒-मुपै॑ति । यदा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैरय॑जत । त-द्व॑रुण प्रघा॒सानां᳚-वँरुण प्रघास॒त्वम् ॥ अथ॒ सोमो॒ राजा॒ छन्दाग्ं॑सि साकमे॒धैर॑यजत ॥ 62 ॥

स ए॒तं-लोँ॒कम॑जयत् । यस्मिग्ग्॑ श्च॒न्द्रमा॑ वि॒भाति॑ । य-थ्सा॑कमे॒धै-र्यज॑ते । ए॒तमे॒व लो॒क-ञ्ज॑यति । यस्मिग्ग्॑ श्च॒न्द्रमा॑ वि॒भाति॑ । च॒न्द्रम॑स ए॒व सायु॑ज्य॒-मुपै॑ति । सोमो॒ वै च॒न्द्रमाः᳚ । ए॒ष ह॒ त्वै सा॒क्षा-थ्सोम॑-म्भक्षयति । य ए॒वं-विँ॒द्वान्-थ्सा॑कमे॒धै-र्यज॑ते । य-थ्सोम॑श्च॒ राजा॒ छन्दाग्ं॑सि च स॒मैध॑न्त ॥ 63 ॥

त-थ्सा॑कमे॒धानाग्ं॑ साकमेध॒त्वम् ॥ अथ॒र्तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञे-ना॑यजन्त । त ए॒तं-लोँ॒कम॑जयन्न् । यस्मि॑न्नृ॒तवः॑ । य-त्पि॑तृय॒ज्ञेन॒ यज॑ते । ए॒तमे॒व लो॒क-ञ्ज॑यति । यस्मि॑न्नृ॒तवः॑ । ऋ॒तू॒नामे॒व सायु॑ज्य॒-मुपै॑ति । यद्-ऋ॒तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञेनाय॑जन्त । त-त्पि॑तृय॒ज्ञस्य॑ पितृयज्ञ॒त्वम् ॥ 64 ॥

अथौष॑धय इ॒म-न्दे॒व-न्त्र्य॑म्बकै-रयजन्त॒ प्रथे॑म॒हीति॑ । ततो॒ वै ता अ॑प्रथन्त । य ए॒वं-विँ॒द्वाग् स्त्र्य॑म्बकै॒-र्यज॑ते । प्रथ॑ते प्र॒जया॑ प॒शुभिः॑ ॥ अथ॑ वा॒युः प॑रमे॒ष्ठिनग्ं॑ शुनासी॒रीये॑णायजत । स ए॒तं-लोँ॒कम॑जयत् । यस्मि॑न्-वा॒युः । यच्छु॑नासी॒रीये॑ण॒ यज॑ते । ए॒तमे॒व लो॒क-ञ्ज॑यति । यस्मि॑न्-वा॒युः ॥ 65 ॥

वा॒योरे॒व सायु॑ज्य॒-मुपै॑ति ॥ ब्र॒ह्म॒वा॒दिनो॑ वदन्ति । प्र चा॑तुर्मास्यया॒जी-मी॑य॒ता(3) न प्रमी॑य॒ता(3) इति॑ । जीव॒न्वा ए॒ष ऋ॒तूनप्ये॑ति । यदि॑ व॒सन्ता᳚ प्र॒मीय॑ते । व॒स॒न्तो भ॑वति । यदि॑ ग्री॒ष्मे ग्री॒ष्मः । यदि॑ व॒र्॒षासु॑ व॒र्॒षाः । यदि॑ श॒रदि॑ श॒रत् । यदि॒ हेम॑न्. हेम॒न्तः । ऋ॒तुर्भू॒त्वा सं॑वँथ्स॒रमप्ये॑ति । सं॒वँ॒थ्स॒रः प्र॒जाप॑तिः । प्र॒जाप॑ति॒र्वा वैषः ॥ 66 ॥

(प॒रि॒व॒थ्स॒रमा᳚प्नोति - शुनासी॒रीये॑ण॒ यज॑ते - ऽजयन्थ् - सहस्रया॒जिन॑मा॒प्नोति॑ - वैश्वदेव॒त्वग्ं - सा॑कमे॒धैर॑यजत - स॒मैध॑न्त - पितृयज्ञ॒त्वं - ज॑यति॒ यस्मि॑न् वा॒यु--र् हे॑म॒न्त स्त्रीणी॑ च) (अ. 10)

(उ॒भये॑ - यु॒वग्ं सु॒राम॒ - मुद॑स्था॒न् - नि वै - यस्य॑ प्रातस्सव॒न - एकै॑को - ऽसु॒र्यम् - पव॑मानः - प्र॒जा वै स॒त्रमा॑स - ता॒ग्निर्वाव सं॑वँथ्स॒रो दश॑ )

(उ॒भये॒ वा - उद॑स्था॒थ् - सर्वा॑भि--र् मद्ध्य॒तो - ऽत्र॒ वाव - ब्रा᳚ह्म॒णेष्व - थ॑ गृहमे॒धिन॒ग्ं॒ षट्-थ्ष॑ष्टिः)

(उ॒भये॒ - वावैषः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठक-स्समाप्तः ॥

1 कृष्ण यजुर्वेदीय तैत्तिरीय ब्राह्मणे प्रथमाष्टकं