1.4 - Somadibrahmanam - Krishna Yajurveda Taittiriya Brahmana Pathah - Ubhaye Va — Telugu Script

కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకే చతుర్థః ప్రపాఠకః - సోమాదిబ్రాహ్మణం

ఓ-న్నమః పరమాత్మనే, శ్రీ మహాగణపతయే నమః,

శ్రీ గురుభ్యో నమః । హ॒రిః॒ ఓమ్ ॥

అనువాకం 1 - గ్రహణా గ్రహణమ్

ఉ॒భయే॒ వా ఏ॒తే ప్ర॒జాప॑తే॒రద్ధ్య॑-సృజ్యన్త । దే॒వాశ్చాసు॑రాశ్చ । తాన్న వ్య॑జానాత్ । ఇ॒మే᳚-ఽన్య ఇ॒మే᳚-ఽన్య ఇతి॑ । స దే॒వాన॒గ్ం॒ శూన॑కరోత్ । తాన॒భ్య॑షుణోత్ । తా-న్ప॒విత్రే॑ణా-పునాత్ । తాన్-ప॒రస్తా᳚త్-ప॒విత్ర॑స్య॒-వ్య॑గృహ్ణాత్ । తే గ్రహా॑ అభవన్న్ । తద్గ్రహా॑ణా-ఙ్గ్రహ॒త్వమ్ ॥ 1 ॥

దే॒వతా॒ వా ఏ॒తా యజ॑మానస్య గృ॒హే గృ॑హ్యన్తే । య-ద్గ్రహాః᳚ । వి॒దురే॑న-న్దే॒వాః । యస్యై॒వం-విఁ॒దుష॑ ఏ॒తే గ్రహా॑ గృ॒హ్యన్తే᳚ ॥ ఏ॒షా వై సోమ॒స్యాహు॑తిః । యదు॑పా॒గ్ం॒శుః । సోమే॑న దే॒వాగ్ స్త॑ర్పయా॒ణీతి॒ ఖలు॒ వై సోమే॑న యజతే । యదు॑పా॒గ్ం॒శు-ఞ్జు॒హోతి॑ । సోమే॑నై॒వ త-ద్దే॒వాగ్ స్త॑ర్పయతి ॥ యద్గ్రహా᳚ఞ్జు॒హోతి॑ ॥ 2 ॥

దే॒వా ఏ॒వ త-ద్దే॒వాన్-గ॑చ్ఛన్తి ॥ యచ్చ॑మ॒సాఞ్జు॒హోతి॑ । తేనై॒వాను॑రూపేణ॒ యజ॑మాన-స్సువ॒ర్గం-లోఁ॒కమే॑తి ॥ కి-న్న్వే॑తదగ్ర॑ ఆసీ॒దిత్యా॑హుః । య-త్పాత్రా॒ణీతి॑ । ఇ॒యం-వాఁ ఏ॒తదగ్ర॑ ఆసీత్ । మృ॒న్మయా॑ని॒ వా ఏ॒తాన్యా॑సన్న్ । తైర్దే॒వా న వ్యా॒వృత॑-మగచ్ఛన్న్ । త ఏ॒తాని॑ దారు॒మయా॑ణి॒ పాత్రా᳚ణ్య-పశ్యన్న్ । తాన్య॑కుర్వత ॥ 3 ॥

తైర్వై తే వ్యా॒వృత॑-మగచ్ఛన్న్ । య-ద్దా॑రు॒మయా॑ణి॒ పాత్రా॑ణి॒ భవ॑న్తి । వ్యా॒వృత॑మే॒వ తై-ర్యజ॑మానో గచ్ఛతి ॥ యాని॑ దారు॒మయా॑ణి॒ పాత్రా॑ణి॒ భవ॑న్తి । అ॒ముమే॒వ తై-ర్లో॒క-మ॒భిజ॑యతి । యాని॑ మృ॒న్మయా॑ని । ఇ॒మమే॒వ తై-ర్లో॒క-మ॒భిజ॑యతి ॥ బ్ర॒హ్మ॒వా॒దినో॑ వదన్తి । కాశ్చత॑స్ర-స్స్థా॒లీర్వా॑య॒వ్యా᳚-స్సోమ॒గ్రహ॑ణీ॒రితి॑ । దే॒వా వై పృశ్ఞి॑మదుహ్రన్న్ ॥ 4 ॥

తస్యా॑ ఏ॒తే స్తనా॑ ఆసన్న్ । ఇ॒యం-వైఁ పృశ్ఞిః॑ । తామా॑ది॒త్యా ఆ॑దిత్యస్థా॒ల్యా చతు॑ష్పదః ప॒శూన॑దుహ్రన్న్ । యదా॑దిత్యస్థా॒లీ భవ॑తి । చతు॑ష్పద ఏ॒వ తయా॑ ప॒శూన్. యజ॑మాన ఇ॒మా-న్దు॑హే । తామిన్ద్ర॑ ఉక్థ్యస్థా॒ల్యేన్ద్రి॒య-మ॑దుహత్ । యదు॑క్థ్యస్థా॒లీ భవ॑తి । ఇ॒న్ద్రి॒యమే॒వ తయా॒ యజ॑మాన ఇ॒మా-న్దు॑హే । తాం-విఁశ్వే॑ దే॒వా ఆ᳚గ్రయణస్థా॒ల్యోర్జ॑-మదుహ్రన్న్ । యదా᳚గ్రయణస్థా॒లీ భవ॑తి ॥ 5 ॥

ఊర్జ॑మే॒వ తయా॒ యజ॑మాన ఇ॒మా-న్దు॑హే । తా-మ్మ॑ను॒ష్యా᳚-ద్ధ్రువస్థా॒ల్యా ఽఽయు॑రదుహ్రన్న్ । యద్ధ్రు॑వస్థా॒లీ భవ॑తి । ఆయు॑రే॒వ తయా॒ యజ॑మాన ఇ॒మా-న్దు॑హే । స్థా॒ల్యా గృ॒హ్ణాతి॑ । వా॒య॒వ్యే॑న జుహోతి । తస్మా॑ద॒న్యేన॒ పాత్రే॑ణ ప॒శూ-న్దు॒హన్తి॑ । అ॒న్యేన॒ ప్రతి॑గృహ్ణన్తి । అథో᳚ వ్యా॒వృత॑మే॒వ త-ద్యజ॑మానో గచ్ఛతి ॥ 6 ॥

(గ్ర॒హ॒త్వం - గ్రహా᳚న్ జు॒హోత్య॑-కుర్వ-తాదుహ్ర-న్నాగ్రయణస్థా॒లీ భవ॑తి॒-+నవ॑ చ) (అ. 1)

అనువాకం 2 - సోత్రామణీశేషా మన్త్రాః

యు॒వగ్ం సు॒రామ॑మశ్వినా । నము॑చావా-ఽసు॒రే సచా᳚ । వి॒పి॒పా॒నా శు॑భస్పతీ । ఇన్ద్ర॒-ఙ్కర్మ॑స్వావతమ్ ॥ పు॒త్రమి॑వ పి॒తరా॑వ॒శ్వినో॒భా । ఇన్ద్రావ॑త॒-ఙ్కర్మ॑ణా ద॒గ్ం॒సనా॑భిః । య-థ్సు॒రామం॒-వ్యఁపి॑బ॒-శ్శచీ॑భిః । సర॑స్వతీ త్వా మఘవన్నభీష్ణాత్ ॥ అహా᳚వ్యగ్నే హ॒విరా॒స్యే॑ తే । స్రు॒చీవ॑ ఘృ॒త-ఞ్చ॒మూ ఇ॑వ॒ సోమః॑ ॥ 7 ॥

వా॒జ॒సనిగ్ం॑ ర॒యిమ॒స్మే సు॒వీర᳚మ్ । ప్ర॒శ॒స్త-న్ధే॑హి య॒శస॑-మ్బృ॒హన్త᳚మ్ ॥ యస్మి॒న్నశ్వా॑స ఋష॒భాస॑ ఉ॒క్షణః॑ । వ॒శా మే॒షా అ॑వసృ॒ష్టాస॒ ఆహు॑తాః । కీ॒లా॒ల॒పే సోమ॑పృష్ఠాయ వే॒ధసే᳚ । హృ॒దామ॒తి-ఞ్జ॑నయ॒ చారు॑మ॒గ్నయే᳚ ॥ నానా॒ హి వా᳚-న్దే॒వహి॑త॒గ్ం॒ సదో॑ మి॒తమ్ । మా సగ్ంసృ॑క్షాథా-మ్పర॒మే వ్యో॑మన్న్ । సురా॒ త్వమసి॑ శు॒ష్మిణీ॒ సోమ॑ ఏ॒షః । మా మా॑ హిగ్ంసీ॒-స్స్వాం-యోఁని॑మావి॒శన్న్ ॥ 8 ॥

యదత్ర॑ శి॒ష్టగ్ం ర॒సినః॑ సు॒తస్య॑ । యదిన్ద్రో॒ అపి॑బ॒చ్ఛచీ॑భిః । అ॒హ-న్తద॑స్య॒ మన॑సా శి॒వేన॑ । సోమ॒గ్ం॒ రాజా॑నమి॒హ భ॑క్షయామి ॥ ద్వే స్రు॒తీ అ॑శృణవ-మ్పితృ॒ణామ్ । అ॒హ-న్దే॒వానా॑ము॒త మర్త్యా॑నామ్ । తాభ్యా॑మి॒దం-విఁశ్వ॒-మ్భువ॑న॒గ్ం॒ సమే॑తి । అ॒న్త॒రా పూర్వ॒మప॑ర-ఞ్చ కే॒తుమ్ ॥ యస్తే॑ దేవ వరుణ గాయ॒త్రఛ॑న్దాః॒ పాశః॑ । త-న్త॑ ఏ॒తేనావ॑యజే ॥ 9 ॥

యస్తే॑ దేవ వరుణ త్రి॒ష్టుప్ఛ॑న్దాః॒ పాశః॑ । త-న్త॑ ఏ॒తేనావ॑యజే । యస్తే॑ దేవ వరుణ॒ జగ॑తీఛన్దాః॒ పాశః॑ । త-న్త॑ ఏ॒తేనావ॑యజే ॥ సోమో॒ వా ఏ॒తస్య॑ రా॒జ్యమాద॑త్తే । యో రాజా॒ స-న్రా॒జ్యో వా॒ సోమే॑న॒ యజ॑తే । దే॒వ॒సు॒వామే॒తాని॑ హ॒వీగ్ంషి॑ భవన్తి । ఏ॒తావ॑న్తో॒ వై దే॒వానాగ్ం॑ స॒వాః । త ఏ॒వాస్మై॑ స॒వా-న్ప్రయ॑చ్ఛన్తి । త ఏ॑న॒-మ్పునః॑ సువన్తే రా॒జ్యాయ॑ । దే॒వ॒సూ రాజా॑ భవతి ॥ 10 ॥

(సోమ॑ - ఆవి॒శన్. - య॑జే - రా॒జ్యాయైకం॑ చ) (అ. 2)

అనువాకం 3 - దోహప్రాయశ్చిత్తమ్, అగ్నిహోత్రే

ఉద॑స్థా-ద్దే॒వ్యది॑తి-ర్విశ్వరూ॒పీ । ఆయు॑ర్య॒జ్ఞప॑తావధాత్ । ఇన్ద్రా॑య కృణ్వ॒తీ భా॒గమ్ । మి॒త్రాయ॒ వరు॑ణాయ చ ॥ ఇ॒యం-వాఁ అ॑గ్నిహో॒త్రీ । ఇ॒యం-వాఁ ఏ॒తస్య॒ నిషీ॑దతి । యస్యా᳚గ్నిహో॒త్రీ ని॒షీద॑తి । తాముత్థా॑పయేత్ । ఉద॑స్థా-ద్దే॒వ్యది॑తి॒రితి॑ । ఇ॒యం-వైఁ దే॒వ్యది॑తిః ॥ 11 ॥

ఇ॒మామే॒వాస్మా॒ ఉత్థా॑పయతి ॥ ఆయు॑ర్య॒జ్ఞప॑తావధా॒దిత్యా॑హ । ఆయు॑రే॒వాస్మి॑-న్దధాతి ॥ ఇన్ద్రా॑య కృణ్వ॒తీ భా॒గ-మ్మి॒త్రాయ॒ వరు॑ణాయ॒ చేత్యా॑హ । య॒థా॒ య॒జురే॒వైతత్ ॥ అవ॑ర్తిం॒-వాఁ ఏ॒షైతస్య॑ పా॒ప్మాన॑-మ్ప్రతి॒ఖ్యాయ॒ నిషీ॑దతి । యస్యా᳚-గ్నిహో॒త్ర్యుప॑సృష్టా ని॒షీద॑తి । తా-న్దు॒గ్ధ్వా బ్రా᳚హ్మ॒ణాయ॑ దద్యాత్ । యస్యాన్న॒-న్నాద్యాత్ । అవ॑ర్తిమే॒వాస్మి॑-న్పా॒ప్మాన॒-మ్ప్రతి॑ముఞ్చతి ॥ 12 ॥

దు॒గ్ధ్వా ద॑దాతి । న హ్యదృ॑ష్టా॒ దక్షి॑ణా దీ॒యతే᳚ ॥ పృ॒థి॒వీం-వాఁ ఏ॒తస్య॒ పయః॒ ప్రవి॑శతి । యస్యా᳚గ్నిహో॒త్ర-న్దు॒హ్యమా॑న॒గ్గ్॒ స్కన్ద॑తి ॥ యద॒ద్య దు॒గ్ధ-మ్పృ॑థి॒వీమస॑క్త । యదోష॑ధీ-ర॒ప్యస॑ర॒-ద్యదాపః॑ । పయో॑ గృ॒హేషు॒ పయో॑ అఘ్ని॒యాసు॑ । పయో॑ వ॒థ్సేషు॒ పయో॑ అస్తు॒ తన్మయీత్యా॑హ । పయ॑ ఏ॒వాత్మ-న్గృ॒హేషు॑ ప॒శుషు॑ ధత్తే ॥ అ॒ప ఉప॑సృజతి ॥ 13 ॥

అ॒ద్భిరే॒వైన॑దాప్నోతి ॥ యో వై య॒జ్ఞస్యార్తే॒నానా᳚ర్తగ్ం సగ్ం సృ॒జతి॑ । ఉ॒భే వై తే తర్హ్యార్చ్ఛ॑తః । ఆర్చ్ఛ॑తి॒ ఖలు॒ వా ఏ॒తద॑గ్నిహో॒త్రమ్ । య-ద్దు॒హ్యమా॑న॒గ్గ్॒ స్కన్ద॑తి । యద॑భిదు॒హ్యాత్ । ఆర్తే॒నానా᳚ర్తం-యఁ॒జ్ఞస్య॒ సగ్ంసృ॑జేత్ । తదే॒వ యా॒దృక్కీ॒దృక్చ॑ హోత॒వ్య᳚మ్ । అథా॒న్యా-న్దు॒గ్ధ్వా పున॑ర్-హోత॒వ్య᳚మ్ । అనా᳚ర్తేనై॒వార్తం॑-యఁ॒జ్ఞస్య॒ నిష్క॑రోతి ॥ 14 ॥

య-ద్యుద్ద్రు॑తస్య॒ స్కన్దే᳚త్ । య-త్తతో-ఽహు॑త్వా॒ పున॑రే॒యాత్ । య॒జ్ఞం-విఁచ్ఛి॑న్ద్యాత్ । యత్ర॒ స్కన్దే᳚త్ । తన్ని॒షద్య॒ పున॑ర్గృహ్ణీయాత్ । యత్రై॒వ స్కన్ద॑తి । తత॑ ఏ॒వైన॒త్-పున॑ర్గృహ్ణాతి । తదే॒వ యా॒దృక్-కీ॒దృక్చ॑ హోత॒వ్య᳚మ్ । అథా॒న్యా-న్దు॒గ్ధ్వా పున॑ర్-హోత॒వ్య᳚మ్ । అనా᳚ర్తేనై॒వార్తం॑-యఁ॒జ్ఞస్య॒ నిష్క॑రోతి ॥ 15 ॥

వి వా ఏ॒తస్య॑ య॒జ్ఞశ్ఛి॑ద్యతే । యస్యా᳚గ్నిహో॒త్రే॑-ఽధిశ్రి॑తే॒ శ్వా-ఽన్త॒రా ధావ॑తి । రు॒ద్రః ఖలు॒ వా ఏ॒షః । యద॒గ్నిః । య-ద్గామ॑న్వత్యావ॒ర్తయే᳚త్ । రు॒ద్రాయ॑ ప॒శూ-నపి॑దద్ధ్యాత్ । అ॒ప॒శు-ర్యజ॑మాన-స్స్యాత్ । యద॒పో᳚ ఽన్వతిషి॒ఞ్చేత్ । అ॒నా॒ద్య-మ॒గ్నేరాపః॑ । అ॒నా॒ద్యమా᳚భ్యా॒-మపి॑దద్ధ్యాత్ । గార్హ॑పత్యా॒-ద్భస్మా॒దాయ॑ । ఇ॒దం-విఁష్ణు॒-ర్విచ॑క్రమ॒ ఇతి॑ వైష్ణ॒వ్యర్చా ఽఽహ॑వ॒నీయా᳚ద్ధ్వ॒గ్ం॒ సయ॒న్నుద్ర॑వేత్ । య॒జ్ఞో వై విష్ణుః॑ । య॒జ్ఞేనై॒వ య॒జ్ఞగ్ం సన్త॑నోతి । భస్మ॑నా ప॒దమపి॑వపతి॒ శాన్త్యై᳚ ॥ 16 ॥

(వై దే॒వ్యది॑తి--ర్ ముఞ్చతి - సృజతి - కరోతి - కరోత్యా - భ్యా॒మపి॑దద్ధ్యా॒-త్పఞ్చ॑ చ) (అ. 3)

అనువాకం 4 - అగ్నిప్రాయశ్చిత్తం అగ్నిహోత్రే

ని వా ఏ॒తస్యా॑హవ॒నీయో॒ గార్హ॑పత్య-ఙ్కామయతే । ని గార్హ॑పత్య ఆహవ॒నీయ᳚మ్ । యస్యా॒గ్నిమను॑ద్ధృత॒గ్ం॒ సూర్యో॒-ఽభిని॒మ్రోచ॑తి । ద॒ర్భేణ॒ హిర॑ణ్య-మ్ప్ర॒బద్ధ్య॑ పు॒రస్తా᳚ద్ధరేత్ । అథా॒గ్నిమ్ । అథా᳚గ్నిహో॒త్రమ్ । యద్ధిర॑ణ్య-మ్పు॒రస్తా॒ద్ధర॑తి । జ్యోతి॒ర్వై హిర॑ణ్యమ్ । జ్యోతి॑రే॒వైన॒-మ్పశ్య॒-న్నుద్ధ॑రతి । యద॒గ్ని-మ్పూర్వ॒గ్ం॒ హర॒త్యథా᳚-గ్నిహో॒త్రమ్ ॥ 17 ॥

భా॒గ॒ధేయే॑నై॒వైన॒-మ్ప్రణ॑యతి ॥ బ్రా॒హ్మ॒ణ ఆ॑ర్షే॒య ఉద్ధ॑రేత్ । బ్రా॒హ్మ॒ణో వై సర్వా॑ దే॒వతాః᳚ । సర్వా॑భిరే॒వైన॑-న్దే॒వతా॑భి॒రుద్ధ॑రతి ॥ అ॒గ్ని॒హో॒త్ర-ము॑ప॒సా-ద్యాతమి॑తో-రాసీత । వ్ర॒తమే॒వ హ॒తమను॑ మ్రియతే ॥ అన్తం॒-వాఁ ఏ॒ష ఆ॒త్మనో॑ గచ్ఛతి । యస్తామ్య॑తి । అన్త॑మే॒ష య॒జ్ఞస్య॑ గచ్ఛతి । యస్యా॒గ్నిమను॑ద్ధృత॒గ్ం॒ సూర్యో॒-ఽభిని॒మ్రోచ॑తి ॥ 18 ॥

పునః॑ స॒మన్య॑ జుహోతి । అన్తే॑నై॒వాన్తం॑-యఁ॒జ్ఞస్య॒ నిష్క॑రోతి ॥ వరు॑ణో॒ వా ఏ॒తస్య॑ య॒జ్ఞ-ఙ్గృ॑హ్ణాతి । యస్యా॒గ్ని-మను॑ద్ధృత॒గ్ం॒ సూర్యో॒-ఽభిని॒మ్రోచ॑తి । వా॒రు॒ణ-ఞ్చ॒రు-న్నిర్వ॑పేత్ । తేనై॒వ య॒జ్ఞ-న్నిష్క్రీ॑ణీతే ॥ ని వా ఏ॒తస్యా॑హవ॒నీయో॒ గార్హ॑పత్య-ఙ్కామయతే । ని గార్హ॑పత్య ఆహవ॒నీయ᳚మ్ । యస్యా॒గ్ని-మను॑ద్ధృత॒గ్ం॒ సూర్యో॒-ఽభ్యు॑దేతి॑ । చ॒తు॒ర్గృ॒హీ॒త-మాజ్య॑-మ్పు॒రస్తా᳚ద్ధరేత్ ॥ 19 ॥

అథా॒గ్నిమ్ । అథా᳚గ్నిహో॒త్రమ్ । యదాజ్య॑-మ్పు॒రస్తా॒ద్ధర॑తి । ఏ॒తద్వా అ॒గ్నేః ప్రి॒య-న్ధామ॑ । యదాజ్య᳚మ్ । ప్రి॒యేణై॒వైన॒-న్ధామ్నా॒ సమ॑ర్ధయతి । యద॒గ్ని-మ్పూర్వ॒గ్ం॒ హర॒త్యథా᳚-గ్నిహో॒త్రమ్ । భా॒గ॒ధేయే॑నై॒వైన॒-మ్ప్రణ॑యతి । బ్రా॒హ్మ॒ణ ఆ॑ర్షే॒య ఉద్ధ॑రేత్ । బ్రా॒హ్మ॒ణో వై సర్వా॑ దే॒వతాః᳚ ॥ 20 ॥

సర్వా॑భిరే॒వైన॑-న్దే॒వతా॑భి॒రుద్ధ॑రతి ॥ పరా॑చీ॒ వా ఏ॒తస్మై᳚ వ్యు॒చ్ఛన్తీ॒ వ్యు॑చ్ఛతి । యస్యా॒గ్ని-మను॑ద్ధృత॒గ్ం॒ సూర్యో॒-ఽభ్యు॑దేతి॑ । ఉ॒షాః కే॒తునా॑ జుషతామ్ । య॒జ్ఞ-న్దే॒వేభి॑రిన్వి॒తమ్ । దే॒వేభ్యో॒ మధు॑మత్తమ॒గ్గ్॒ స్వాహేతి॑ ప్ర॒త్యం-ని॒షద్యాజ్యే॑న జుహుయాత్ । ప్ర॒తీచీ॑మే॒వాస్మై॒ వివా॑సయతి ॥ అ॒గ్ని॒హో॒త్ర-ము॑ప॒సాద్యాతమి॑తో-రాసీత । వ్ర॒తమే॒వ హ॒తమను॑ మ్రియతే । అన్తం॒-వాఁ ఏ॒ష ఆ॒త్మనో॑ గచ్ఛతి ॥ 21 ॥

యస్తామ్య॑తి । అన్త॑మే॒ష య॒జ్ఞస్య॑ గచ్ఛతి । యస్యా॒గ్ని-మను॑ద్ధృత॒గ్ం॒ సూర్యో॒-ఽభ్యు॑దేతి॑ । పునః॑ స॒మన్య॑ జుహోతి । అన్తే॑నై॒వాన్తం॑-యఁ॒జ్ఞస్య॒ నిష్క॑రోతి । మి॒త్రో వా ఏ॒తస్య॑ య॒జ్ఞ-ఙ్గృ॑హ్ణాతి । యస్యా॒గ్ని-మను॑ద్ధృత॒గ్ం॒ సూర్యో॒-ఽభ్యు॑దేతి॑ । మై॒త్ర-ఞ్చ॒రు-న్నిర్వ॑పేత్ । తేనై॒వ య॒జ్ఞ-న్నిష్క్రీ॑ణీతే ॥ యస్యా॑-హవ॒నీయే-ఽను॑ద్వాతే॒ గార్హ॑పత్య ఉ॒ద్వాయే᳚త్ ॥ 22 ॥

యదా॑హవ॒నీయ॒-మను॑ద్వాప్య॒ గార్హ॑పత్య॒-మ్మన్థే᳚త్ । విచ్ఛి॑న్ద్యాత్ । భ్రాతృ॑వ్యమస్మై జనయేత్ । యద్వై య॒జ్ఞస్య॑ వాస్త॒వ్య॑-ఙ్క్రి॒యతే᳚ । తదను॑ రు॒ద్రో-ఽవ॑చరతి । య-త్పూర్వ॑-మన్వవ॒స్యేత్ । వా॒స్త॒వ్య॑-మ॒గ్నిముపా॑సీత । రు॒ద్రో᳚-ఽస్య ప॒శూ-న్ఘాతు॑క-స్స్యాత్ । ఆ॒హ॒వ॒నీయ॑-ము॒ద్వాప్య॑ । గార్హ॑పత్య-మ్మన్థేత్ ॥ 23 ॥

ఇ॒తః ప్ర॑థ॒మ-ఞ్జ॑జ్ఞే అ॒గ్నిః । స్వాద్యోనే॒రధి॑ జా॒తవే॑దాః । స గా॑యత్రి॒యా త్రి॒ష్టుభా॒ జగ॑త్యా । దే॒వేభ్యో॑ హ॒వ్యం-వఁ॑హతు ప్రజా॒నన్నితి॑ । ఛన్దో॑భిరే॒వైన॒గ్గ్॒ స్వాద్యోనేః॒ ప్రజ॑నయతి ॥ గార్హ॑పత్య-మ్మన్థతి । గార్హ॑పత్యం॒-వాఁ అన్వాహి॑తాగ్నేః ప॒శవ॒ ఉప॑ తిష్ఠన్తే । స యదు॒ద్వాయ॑తి । తదను॑ ప॒శవో-ఽప॑క్రామన్తి । ఇ॒షే ర॒య్యై ర॑మస్వ ॥ 24 ॥

సహ॑సే ద్యు॒మ్నాయ॑ । ఊ॒ర్జే పత్యా॒యేత్యా॑హ । ప॒శవో॒ వై ర॒యిః । ప॒శూనే॒వాస్మై॑ రమయతి ॥ సా॒ర॒స్వ॒తౌ త్వోథ్సౌ॒ సమి॑న్ధాతా॒మిత్యా॑హ । ఋ॒-ఖ్సా॒మే వై సా॑రస్వ॒తావుథ్సౌ᳚ । ఋ॒ఖ్-సా॒మాభ్యా॑మే॒వైన॒గ్ం॒ సమి॑న్ధే ॥ స॒మ్రాడ॑సి వి॒రాడ॒సీత్యా॑హ । ర॒థ॒న్త॒రం-వైఁ స॒మ్రాట్ । బృ॒హ-ద్వి॒రాట్ ॥ 25 ॥

తాభ్యా॑మే॒వైన॒గ్ం॒ సమి॑న్ధే ॥ వజ్రో॒ వై చ॒క్రమ్ । వజ్రో॒ వా ఏ॒తస్య॑ య॒జ్ఞం-విఁచ్ఛి॑నత్తి । యస్యానో॑ వా॒ రథో॑ వా-ఽన్త॒రా-ఽగ్నీ యాతి॑ । ఆ॒హ॒వ॒నీయ॑-ము॒ద్వాప్య॑ । గార్హ॑పత్యా॒-దుద్ధ॑రేత్ । యద॑గ్నే॒ పూర్వ॒-మ్ప్రభృ॑త-మ్ప॒దగ్ం హి తే᳚ । సూర్య॑స్య ర॒శ్మీన-న్వా॑త॒తాన॑ । తత్ర॑ రయి॒ష్ఠామను॒ సమ్భ॑రై॒తమ్ । స-న్నః॑ సృజ సుమ॒త్యా వాజ॑వ॒త్యేతి॑ ॥ 26 ॥

పూర్వే॑ణై॒వాస్య॑ య॒జ్ఞేన॑ య॒జ్ఞమను॒ స-న్త॑నోతి ॥ త్వమ॑గ్నే స॒ప్రథా॑ అ॒సీత్యా॑హ । అ॒గ్ని-స్సర్వా॑ దే॒వతాః᳚ । దే॒వతా॑భిరే॒వ య॒జ్ఞగ్ం స-న్త॑నోతి ॥ అ॒గ్నయే॑ పథి॒కృతే॑ పురో॒డాశ॑మ॒ష్టాక॑పాల॒-న్నిర్వ॑పేత్ । అ॒గ్నిమే॒వ ప॑థి॒కృత॒గ్గ్॒ స్వేన॑ భాగ॒ధేయే॒నోప॑ ధావతి । స ఏ॒వైనం॑-యఁ॒జ్ఞియ॒-మ్పన్థా॒మపి॑-నయతి । అ॒న॒డ్వాన్-దక్షి॑ణా । వ॒హీ హ్యే॑ష సమృ॑ద్ధ్యై ॥ 27 ॥

(హర॒త్యథా᳚గ్నిహో॒త్రం - ని॒మ్రోచ॑తి - హరే-ద్- దే॒వతా॑ - గచ్ఛ - త్యు॒ద్వాయే᳚-న్మన్థే-ద్రమస్వ-బృ॒హ-ద్వి॒రాడ్-ఇతి॒-నవ॑ చ) (అ. 4)

(ని వై పూర్వ॒-న్త్రీణి॑ ని॒మ్రోచ॑తి ద॒ర్భేణ॒ యద్ధిర॑ణ్యమగ్నిహో॒త్ర-మ్పున॒ర్వరు॑ణో

వారు॒ణ-న్ని వా ఏ॒తస్యా॒భ్యు॑దేతి॑ చతుర్గృహీ॒తమాజ్యం॒ యదాజ్యం॒ పరా᳚చ్యు॒షాః పున॑ర్మి॒త్రో మే॒త్రం-యఁస్యా॑హవ॒నీయే-ఽను॑ద్వాతే॒ గార్హ॑పత్యో॒ యద్వై మ॑న్థే॒దుద్ధ॑రేత్)

అనువాకం 5 - సోమాతిరేకప్రాయశ్చిత్తమ్

యస్య॑ ప్రాతస్సవ॒నే సోమో॑-ఽతి॒రిచ్య॑తే । మాద్ధ్య॑న్దిన॒గ్ం॒ సవ॑న-ఙ్కా॒మయ॑మానో॒-ఽభ్యతి॑రిచ్యతే । గౌర్ధ॑యతి మ॒రుతా॒మితి॒ ధయ॑ద్వతీషు కుర్వన్తి । హి॒నస్తి॒ వై స॒న్ధ్యధీ॑తమ్ । స॒న్ధీవ॒ ఖలు॒ వా ఏ॒తత్ । య-థ్సవ॑న స్యాతి॒రిచ్య॑తే । యద్ధయ॑ద్వతీషు కు॒ర్వన్తి॑ । స॒న్ధే-శ్శాన్త్యై᳚ ॥ గా॒య॒త్రగ్ం సామ॑ భవతి పఞ్చద॒శ-స్స్తోమః॑ । తేనై॒వ ప్రా॑తస్సవ॒నాన్నయ॑న్తి ॥ 28 ॥

మ॒రుత్వ॑తీషు కుర్వన్తి । తేనై॒వ మాద్ధ్య॑న్దినా॒-థ్సవ॑నా॒న్నయ॑న్తి ॥ హోతు॑శ్చ మ॒సమనూన్న॑యన్తే । హోతా-ఽను॑శగ్ంసతి । మ॒ద్ధ్య॒త ఏ॒వ య॒జ్ఞగ్ం స॒మాద॑ధాతి ॥ యస్య॒ మాద్ధ్య॑న్దినే॒ సవ॑నే॒ సోమో॑-ఽతి॒రిచ్య॑తే । ఆ॒ది॒త్య-న్తృ॑తీయసవ॒న-ఙ్కా॒మయ॑మానో॒-ఽభ్యతి॑రిచ్యతే । గౌ॒రి॒వీ॒తగ్ం సామ॑ భవతి । అతి॑రిక్తం॒-వైఁ గౌ॑రివీ॒తమ్ । అతి॑రిక్తం॒-యఁ-థ్సవ॑నస్యా-తి॒రిచ్య॑తే ॥ 29 ॥

అతి॑రిక్తస్య॒ శాన్త్యై᳚ ॥ బణ్మ॒హాగ్ం అ॑సి సూ॒ర్యేతి॑ కుర్వన్తి । యస్యై॒వాది॒త్యస్య॒ సవ॑నస్య॒ కామే॑నాతి॒రిచ్య॑తే । తేనై॒వైన॒-ఙ్కామే॑న॒ సమ॑ర్ధయన్తి ॥ గౌ॒రి॒వీ॒తగ్ం సామ॑ భవతి । తేనై॒వ మాద్ధ్య॑న్దినా॒-థ్సవ॑నా॒న్నయ॑న్తి ॥ స॒ప్త॒ద॒శ-స్స్తోమః॑ । తేనై॒వ తృ॑తీయసవ॒నాన్నయ॑న్తి ॥ హోతు॑శ్చమ॒సమనూన్న॑యన్తే । హోతా-ఽను॑శగ్ం సతి ॥ 30 ॥

మ॒ద్ధ్య॒త ఏ॒వ య॒జ్ఞగ్ం స॒మాద॑ధాతి ॥ యస్య॑ తృతీయసవ॒నే సోమో॑-ఽతి॒రిచ్యే॑త । ఉ॒క్థ్య॑-ఙ్కుర్వీత । యస్యో॒క్థ్యే॑-ఽతి॒రిచ్యే॑త । అ॒తి॒రా॒త్ర-ఙ్కు॑ర్వీత । యస్యా॑-తిరా॒త్రే॑-ఽతి॒రిచ్య॑తే। తత్త్వై దు॑ష్ప్రజ్ఞా॒నమ్ । యజ॑మానం॒-వాఁ ఏ॒త-త్ప॒శవ॑ ఆ॒సాహ్య॑ యన్తి । బృ॒హ-థ్సామ॑ భవతి । బృ॒హద్వా ఇ॒మాం-లోఁ॒కా-న్దా॑ధార । బార్హ॑తాః ప॒శవః॑ । బృ॒హ॒తైవాస్మై॑ ప॒శూ-న్దా॑ధార ॥ శి॒పి॒వి॒ష్టవ॑తీషు కుర్వన్తి । శి॒పి॒వి॒ష్టో వై దే॒వానా᳚-మ్పు॒ష్టమ్ । పుష్ట్యై॒వైన॒గ్ం॒ సమ॑ర్ధయన్తి ॥ హోతు॑శ్చమ॒సమనూన్న॑యన్తే । హోతా-ఽను॑శగ్ంసతి । మ॒ద్ధ్య॒త ఏ॒వ య॒జ్ఞగ్ం స॒మాద॑ధాతి ॥ 31 ॥

(య॒న్తి॒ - సవ॑నస్యాతి॒రిచ్య॑తే - శగ్ంసతి - దాధారా॒ష్టౌ చ॑) (అ. 5)

అనువాకం 6 - సవననిమిత్త-మ్ప్రాయశ్చిత్తమ్

ఏకై॑కో॒ వై జ॒నతా॑యా॒-మిన్ద్రః॑ । ఏకం॒-వాఁ ఏ॒తావిన్ద్ర॑మ॒భి సగ్ంసు॑నుతః । యౌ ద్వౌ సగ్ం॑సును॒తః । ప్ర॒జాప॑తి॒ర్వా ఏ॒ష వితా॑యతే । య-ద్య॒జ్ఞః । తస్య॒ గ్రావా॑ణో॒ దన్తాః᳚ । అ॒న్య॒త॒రం-వాఁ ఏ॒తే సగ్ం॑సున్వ॒తో-ర్నిర్బ॑ఫ్సతి । పూర్వే॑ణోప॒సృత్యా॑ దే॒వతా॒ ఇత్యా॑హుః । పూ॒ర్వో॒ప॒సృ॒తస్య॒ వై శ్రేయా᳚-న్భవతి । ఏతి॑వ॒న్త్యాజ్యా॑ని భవన్త్య॒-భిజి॑త్యై ॥ 32 ॥

మ॒రుత్వ॑తీః ప్రతి॒పదః॑ । మ॒రుతో॒ వై దే॒వానా॒-మప॑రాజిత-మా॒యత॑నమ్ । దే॒వానా॑-మే॒వాప॑రాజిత ఆ॒యత॑నే యతతే ॥ఉ॒భే బృ॑హద్రథన్త॒రే భ॑వతః । ఇ॒యం-వాఁవ ర॑థన్త॒రమ్ । అ॒సౌ బృ॒హత్ । ఆ॒భ్యామే॒వైన॑-మ॒న్తరే॑తి । వా॒చశ్చ॒ మన॑సశ్చ । ప్రా॒ణాచ్చా॑-పా॒నాచ్చ॑ । ది॒వశ్చ॑ పృథి॒వ్యాశ్చ॑ ॥ 33 ॥

సర్వ॑స్మా-ద్వి॒త్తా-ద్వేద్యా᳚త్ ॥ అ॒భి॒వ॒ర్తో బ్ర॑హ్మసా॒మ-మ్భ॑వతి । సు॒వ॒ర్గస్య॑ లో॒కస్యా॒-భివృ॑త్త్యై ॥ అ॒భి॒జి-ద్భ॑వతి । సు॒వ॒ర్గస్య॑ లో॒కస్యా॒-భిజి॑త్యై । వి॒శ్వ॒జి-ద్భ॑వతి । విశ్వ॑స్య॒ జిత్యై᳚ ॥ యస్య॒ భూయాగ్ం॑సో యజ్ఞక్ర॒తవ॒ ఇత్యా॑హుః । స దే॒వతా॑ వృఙ్క్త॒ ఇతి॑ । యద్య॑గ్నిష్టో॒మ-స్సోమః॑ ప॒రస్తా॒-థ్స్యాత్ ॥ 34 ॥

ఉ॒క్థ్య॑-ఙ్కుర్వీత । యద్యు॒క్థ్యః॑ స్యాత్ । అ॒తి॒రా॒త్ర-ఙ్కు॑ర్వీత । య॒జ్ఞ॒క్ర॒తుభి॑-రే॒వాస్య॑ దే॒వతా॑ వృఙ్క్తే ॥ యో వై ఛన్దో॑భి-రభి॒భవ॑తి । స సగ్ం॑ సున్వ॒తో-ర॒భిభ॑వతి । సం॒వేఁ॒శాయ॑ త్వోపవే॒శాయ॒-త్వేత్యా॑హ । ఛన్దాగ్ం॑సి॒ వై సం॑వేఁ॒శ ఉ॑పవే॒శః । ఛన్దో॑భిరే॒వాస్య॒ ఛన్దాగ్॑స్య॒-భిభ॑వతి ॥ ఇ॒ష్టర్గో॒ వా ఋ॒త్విజా॑-మద్ధ్వ॒ర్యుః ॥ 35 ॥

ఇ॒ష్టర్గః॒ ఖలు॒ వై పూర్వో॒-ఽర్ష్టుః, క్షీ॑యతే । ప్రాణా॑పానౌ మృ॒త్యోర్మా॑ పాత॒మిత్యా॑హ । ప్రా॒ణా॒పా॒నయో॑రే॒వ శ్ర॑యతే । ప్రాణా॑పానౌ॒ మా మా॑ హాసిష్ట॒మిత్యా॑హ । నైన॑-మ్పు॒రా-ఽఽయు॑షః ప్రాణాపా॒నౌ జ॑హితః ॥ ఆర్తిం॒-వాఁ ఏ॒తే నియ॑న్తి । యేషా᳚-న్దీక్షి॒తానా᳚-మ్ప్ర॒మీయ॑తే । తం-యఁద॑వ॒వర్జే॑యుః । క్రూ॒ర॒కృతా॑మివైషాం-లోఁ॒క-స్స్యా᳚త్ । ఆహ॑ర ద॒హేతి॑ బ్రూయాత్ ॥ 36 ॥

త-న్ద॑క్షిణ॒తో వేద్యై॑ ని॒ధాయ॑ । స॒ర్ప॒రా॒జ్ఞియా॑ ఋ॒గ్భి-స్స్తు॑యుః । ఇ॒యం-వైఁ సర్ప॑తో॒ రాజ్ఞీ᳚ । అ॒స్యా ఏ॒వైన॒-మ్పరి॑దదతి ॥ వ్యృ॑ద్ధ॒-న్తదిత్యా॑హుః । య-థ్స్తు॒త-మన॑నుశస్త॒-మితి॑ । హోతా᳚ ప్రథ॒మః ప్రా॑చీనావీ॒తీ మా᳚ర్జా॒లీయ॒-మ్పరీ॑యాత్ । యా॒మీర॑ను-బ్రు॒వన్న్ । స॒ర్ప॒రా॒జ్ఞీనా᳚-ఙ్కీర్తయేత్ । ఉ॒భయో॑రే॒వైనం॑-లోఁ॒కయోః॒ పరి॑దదతి ॥ 37 ॥

అథో॑ ధు॒వన్త్యే॒వైన᳚మ్ । అథో॒ న్యే॑వాస్మై᳚ హ్నువతే ॥ త్రిః పరి॑యన్తి । త్రయ॑ ఇ॒మే లో॒కాః । ఏ॒భ్య ఏ॒వైనం॑-లోఁ॒కేభ్యో॑ ధువతే । త్రిః పునః॒ పరి॑యన్తి । షట్-థ్సమ్ప॑ద్యన్తే । షడ్వా ఋ॒తవః॑ । ఋ॒తుభి॑రే॒వైన॑-న్ధువతే ॥ అగ్న॒ ఆయూగ్ం॑షి పవస॒ ఇతి॑ ప్రతి॒పద॑-ఙ్కుర్వీరన్న్ । ర॒థ॒న్త॒రసా॑మైషా॒గ్ం॒ సోమః॑ స్యాత్ । ఆయు॑రే॒వాత్మన్-ద॑ధతే । అథో॑ పా॒ప్మాన॑మే॒వ వి॒జహ॑తో యన్తి ॥ 38 ॥

(అ॒భిజి॑త్యై - పృథి॒వ్యాశ్చ॒ - స్యా - ద॑ద్ధ్వ॒ర్యు--ర్ బ్రు॑యాల్ - లో॒కయోః॒ పరి॑దదతి - కుర్వర॒గ్గ్॒ స్త్రీణి॑ చ) (అ. 6)

అనువాకం 7 - యూపవిరోహణాదిప్రాయశ్చిత్తమ్

అ॒సు॒ర్యం॑-వాఁ ఏ॒తస్మా॒-ద్వర్ణ॑-ఙ్కృ॒త్వా । ప॒శవో॑ వీ॒ర్య॑-మప॑క్రామన్తి । యస్య॒ యూపో॑ వి॒రోహ॑తి । త్వా॒ష్ట్ర-మ్బ॑హురూ॒ప-మాల॑భేత । త్వష్టా॒ వై రూ॒పాణా॑మీశే । య ఏ॒వ రూ॒పాణా॒మీశే᳚ । సో᳚-ఽస్మి-న్ప॒శూన్. వీ॒ర్యం॑-యఁచ్ఛతి । నాస్మా᳚త్-ప॒శవో॑ వీ॒ర్య॑-మప॑క్రామన్తి ॥ ఆర్తిం॒-వాఁ ఏ॒తే నియ॑న్తి । యేషా᳚-న్దీక్షి॒తానా॑-మ॒గ్ని-రు॒ద్వాయ॑తి ॥ 39 ॥

యదా॑హవ॒నీయ॑ ఉ॒ద్వాయే᳚త్ । యత్త-మ్మన్థే᳚త్ । విచ్ఛి॑న్ద్యాత్ । భ్రాతృ॑వ్యమస్మై జనయేత్ । యదా॑హవ॒నీయ॑ ఉ॒ద్వాయే᳚త్ । ఆగ్నీ᳚ద్ధ్రా॒-దుద్ధ॑రేత్ । యదాగ్నీ᳚ద్ధ్ర ఉ॒ద్వాయే᳚త్ । గార్హ॑పత్యా॒-దుద్ధ॑రేత్ । య-ద్గార్హ॑పత్య ఉ॒ద్వాయే᳚త్ । అత॑ ఏ॒వ పున॑-ర్మన్థేత్ ॥ 40 ॥

అత్ర॒ వావ స నిల॑యతే । యత్ర॒ ఖలు॒ వై నిలీ॑న-ముత్త॒మ-మ్పశ్య॑న్తి । తదే॑న-మిచ్ఛన్తి ॥ యస్మా॒-ద్దారో॑రు॒ద్వాయే᳚త్ । తస్యా॒రణీ॑ కుర్యాత్ । క్రు॒ము॒కమపి॑ కుర్యాత్ । ఏ॒షా వా అ॒గ్నేః ప్రి॒యా త॒నూః । యత్-క్రు॑ము॒కః । ప్రి॒యయై॒వైన॑-న్త॒నువా॒ సమ॑ర్ధయతి ॥ గార్హ॑పత్య-మ్మన్థతి ॥ 41 ॥

గార్హ॑పత్యో॒ వా అ॒గ్నేర్యోనిః॑ । స్వాదే॒వైనం॒-యోఁనే᳚-ర్జనయతి । నాస్మై॒ భ్రాతృ॑వ్య-ఞ్జనయతి ॥ యస్య॒ సోమ॑ ఉప॒దస్యే᳚త్ । సు॒వర్ణ॒గ్ం॒ హిర॑ణ్య-న్ద్వే॒ధా వి॒చ్ఛిద్య॑ । ఋ॒జీ॒షే᳚-ఽన్యదా॑ధూను॒యాత్ । జు॒హు॒యాద॒న్యత్ । సోమ॑మే॒వా-భి॑షు॒ణోతి॑ । సోమ॑-ఞ్జుహోతి ॥ సోమ॑స్య॒ వా అ॑భిషూ॒యమా॑ణస్య ప్రి॒యా త॒నూ-రుద॑క్రామత్ ॥ 42 ॥

త-థ్సు॒వర్ణ॒గ్ం॒ హిర॑ణ్య-మభవత్ । య-థ్సు॒వర్ణ॒గ్ం॒ హిర॑ణ్య-ఙ్కు॒ర్వన్తి॑ । ప్రి॒యయై॒వైన॑-న్త॒నువా॒ సమ॑ర్ధయన్తి ॥ యస్యాక్రీ॑త॒గ్ం॒ సోమ॑-మప॒హరే॑యుః । క్రీ॒ణీ॒యాదే॒వ । సైవ తతః॒ ప్రాయ॑శ్చిత్తిః ॥ యస్య॑ క్రీ॒తమ॑ప॒హరే॑యుః । ఆ॒దా॒రాగ్శ్చ॑ ఫాల్గు॒నాని॑ చా॒భిషు॑ణుయాత్ । గా॒య॒త్రీ యగ్ం సోమ॒మాహ॑రత్ । తస్య॒ యో-ఽగ్ం॑శుః ప॒రా-ఽప॑తత్ ॥ 43 ॥

త ఆ॑దా॒రా అ॑భవన్న్ । ఇన్ద్రో॑ వృ॒త్రమ॑హన్న్ । తస్య॑ వ॒ల్కః పరా॑-ఽపతత్ । తాని॑ ఫాల్గు॒నాన్య॑భవన్న్ । ప॒శవో॒ వై ఫా᳚ల్గు॒నాని॑ । ప॒శవ॒-స్సోమో॒ రాజా᳚ । యదా॑దా॒రాగ్శ్చ॑ ఫాల్గు॒నాని॑ చాభిషు॒ణోతి॑ । సోమ॑మే॒వ రాజా॑నమ॒భిషు॑ణోతి ॥ శృ॒తేన॑ ప్రాతస్సవ॒నే శ్రీ॑ణీయాత్ । ద॒ద్ధ్నా మ॒ద్ధ్యన్ది॑నే ॥ 44 ॥

నీ॒త॒మి॒శ్రేణ॑ తృతీయసవ॒నే । అ॒గి॒ష్టో॒మ-స్సోమః॑ స్యా-ద్రథన్త॒రసా॑మా । య ఏ॒వర్త్విజో॑ వృ॒తా-స్స్యుః । త ఏ॑నం-యాఁజయేయుః । ఏకా॒-ఙ్గా-న్దక్షి॑ణా-న్దద్యా॒త్తేభ్య॑ ఏ॒వ । పున॒-స్సోమ॑-ఙ్క్రీణీయాత్ । య॒జ్ఞేనై॒వ త-ద్య॒జ్ఞ-మి॑చ్ఛతి । సైవ తతః॒ ప్రాయ॑శ్చిత్తిః ॥ సర్వా᳚భ్యో॒ వా ఏ॒ష దే॒వతా᳚భ్య॒-స్సర్వే᳚భ్యః పృ॒ష్ఠేభ్య॑ ఆ॒త్మాన॒-మాగు॑రతే । య-స్స॒త్రాయా॑గు॒రతే᳚ । ఏ॒తావా॒న్-ఖలు॒ వై పురు॑షః । యావ॑దస్య వి॒త్తమ్ । స॒ర్వ॒వే॒ద॒సేన॑ యజేత । సర్వ॑పృష్ఠో-ఽస్య॒ సోమః॑ స్యాత్ । సర్వా᳚భ్య ఏ॒వ దే॒వతా᳚భ్య॒-స్సర్వే᳚భ్యః పృ॒ష్ఠేభ్య॑ ఆ॒త్మాన॒-న్నిష్క్రీ॑ణీతే ॥ 45 ॥

(ఉ॒ద్వాయ॑తి - మన్థేన్ - మన్థ - త్యక్రామత్ - ప॒రా-ఽప॑తన్ - మ॒ద్ధ్యన్ది॑న - ఆగు॒రతే॒ పఞ్చ॑ చ) (అ. 7)

అనువాకం 8 - పావమానీమన్త్రాః (స్మార్తే శ్ఞానాదౌ మార్జనార్థాశ్చ)

పవ॑మాన॒-స్సువ॒ర్జనః॑ । ప॒విత్రే॑ణ॒ విచ॑ర్షణిః । యః పోతా॒ స పు॑నాతు మా ॥ పు॒నన్తు॑ మా దేవజ॒నాః । పు॒నన్తు॒ మన॑ వో ధి॒యా । పు॒నన్తు॒ విశ్వ॑ ఆ॒యవః॑ ॥ జాత॑వేదః ప॒విత్ర॑వత్ । ప॒విత్రే॑ణ పునాహి మా । శు॒క్రేణ॑ దేవ॒ దీద్య॑త్ । అగ్నే॒ క్రత్వా॒ క్రతూ॒గ్ం॒ రను॑ ॥ 46 ॥

యత్తే॑ ప॒విత్ర॑-మ॒ర్చిషి॑ । అగ్నే॒ విత॑తమన్త॒రా । బ్రహ్మ॒ తేన॑ పునీమహే ॥ ఉ॒భాభ్యా᳚-న్దేవ సవితః ।ప॒విత్రే॑ణ స॒వేన॑ చ । ఇ॒ద-మ్బ్రహ్మ॑ పునీమహే ॥ వై॒శ్వ॒దే॒వీ పు॑న॒తీ దే॒వ్యాగా᳚త్ । యస్యై॑ బ॒హ్వీ-స్త॒నువో॑ వీ॒తపృ॑ష్ఠాః । తయా॒ మద॑న్త-స్సధ॒మాద్యే॑షు । వ॒యగ్గ్ స్యా॑మ॒ పత॑యో రయీ॒ణామ్ ॥ 47 ॥

వై॒శ్వా॒న॒రో ర॒శ్మిభి॑ర్మా పునాతు । వాతః॑ ప్రా॒ణేనే॑షి॒రో మ॑యో॒భూః । ద్యావా॑పృథి॒వీ పయ॑సా॒ పయో॑భిః । ఋ॒తావ॑రీ య॒జ్ఞియే॑ మా పునీతామ్ ॥ బృ॒హద్భిః॑ సవిత॒స్తృభిః॑ । వర్షి॑ష్ఠై-ర్దేవ॒ మన్మ॑భిః । అగ్నే॒ దక్షైః᳚ పునాహి మా ॥ యేన॑ దే॒వా అపు॑నత । యేనాపో॑ ది॒వ్య-ఙ్కశః॑ । తేన॑ ది॒వ్యేన॒ బ్రహ్మ॑ణా ॥ 48 ॥

ఇ॒ద-మ్బ్రహ్మ॑ పునీమహే ॥ యః పా॑వమా॒నీర॒ద్ధ్యేతి॑ । ఋషి॑భి॒-స్సమ్భృ॑త॒గ్ం॒ రస᳚మ్ । సర్వ॒గ్ం॒ స పూ॒తమ॑శ్ఞాతి । స్వ॒ది॒త-మ్మా॑త॒రిశ్వ॑నా ॥ పా॒వ॒మా॒నీర్యో అ॒ద్ధ్యేతి॑ । ఋషి॑భి॒-స్సమ్భృ॑త॒గ్ం॒ రస᳚మ్ । తస్మై॒ సర॑స్వతీ దుహే । క్షీ॒రగ్ం స॒ర్పి-ర్మధూ॑ద॒కమ్ ॥ పా॒వ॒మా॒నీ-స్స్వ॒స్త్యయ॑నీః ॥ 49 ॥

సు॒దుఘా॒ హి పయ॑స్వతీః । ఋషి॑భి॒-స్సమ్భృ॑తో॒ రసః॑ । బ్రా॒హ్మ॒ణేష్వ॒మృతగ్ం॑ హి॒తమ్ ॥ పా॒వ॒మా॒నీ-ర్ది॑శన్తు నః । ఇ॒మం-లోఁ॒కమథో॑ అ॒ముమ్ । కామా॒న్-థ్సమ॑ర్ధయన్తు నః । దే॒వీ-ర్దే॒వై-స్స॒మాభృ॑తాః ॥ పా॒వ॒మా॒నీ-స్స్వ॒స్త్యయ॑నీః । సు॒దుఘా॒హి ఘృ॑త॒శ్చుతః॑ । ఋషి॑భి॒-స్సమ్భృ॑తో॒ రసః॑ ॥ 50 ॥

బ్రా॒హ్మ॒ణేష్వ॒మృతగ్ం॑ హి॒తమ్ ॥ యేన॑ దే॒వాః ప॒విత్రే॑ణ । ఆ॒త్మాన॑-మ్పు॒నతే॒ సదా᳚ । తేన॑ స॒హస్ర॑ధారేణ । పా॒వ॒మా॒న్యః పు॑నన్తు మా ॥ ప్రా॒జా॒ప॒త్య-మ్ప॒విత్ర᳚మ్ । శ॒తోద్యా॑మగ్ం హిర॒ణ్మయ᳚మ్ । తేన॑ బ్రహ్మ॒ విదో॑ వ॒యమ్ । పూ॒త-మ్బ్రహ్మ॑ పునీమహే ॥ ఇన్ద్రః॑ సునీ॒తీ స॒హ మా॑ పునాతు । సోమః॑ స్వ॒స్త్యా వరు॑ణ-స్స॒మీచ్యా᳚ । య॒మో రాజా᳚ ప్రమృ॒ణాభిః॑ పునాతు మా । జా॒తవే॑దా మో॒ర్జయ॑న్త్యా పునాతు ॥ 51 ॥

(అను॑ - రయీ॒ణాం - బ్రహ్మ॑ణా - స్వ॒స్త్యయ॑నీః - సు॒దుఘా॒ హి ఘృ॑త॒శ్చుత॒ ఋషి॑భి॒-స్సమ్భృ॑తో॒ రసః॑ - పునాతు॒ త్రీణి॑ చ ) (అ. 8)

అనువాకం 9 - రాజసూయగతచాతుర్మాస్యశేషః

ప్ర॒జా వై స॒త్రమా॑సత॒ తప॒స్తప్య॑మానా॒ అజు॑హ్వతీః । దే॒వా అ॑పశ్య-ఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధామ్ । తముపోద॑తిష్ఠ॒న్త-మ॑జుహవుః । తేనా᳚ర్ధమా॒స ఊర్జ॒మవా॑రున్ధత । తస్మా॑దర్ధమా॒సే దే॒వా ఇ॑జ్యన్తే ॥ పి॒తరో॑-ఽపశ్య-ఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధామ్ । తముపోద॑తిష్ఠ॒న్త- మ॑జుహవుః । తేన॑ మా॒స్యూర్జ॒మవా॑రున్ధత । తస్మా᳚-న్మా॒సి పి॒తృభ్యః॑ క్రియతే । మ॒ను॒ష్యా॑ అపశ్య-ఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధామ్ ॥ 52 ॥

తముపోద॑తిష్ఠ॒న్త-మ॑జుహవుః । తేన॑-ద్వ॒యీమూర్జ॒మవా॑రున్ధత । తస్మా॒-ద్ద్విరహ్నో॑-మను॒ష్యే᳚భ్య॒ ఉప॑హ్రియతే । ప్రా॒తశ్చ॑ సా॒య-ఞ్చ॑ । ప॒శవో॑-ఽపశ్య-ఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధామ్ । తముపోద॑తిష్ఠ॒న్త-మ॑జుహవుః । తేన॑-త్ర॒యీమూర్జ॒మవా॑-రున్ధత । తస్మా॒-త్త్రిరహ్నః॑ ప॒శవః॒ ప్రేర॑తే । ప్రా॒తస్స॑గం॒వే సా॒యమ్ । అసు॑రా అపశ్య-ఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధామ్ ॥ 53 ॥

తముపోద॑తిష్ఠ॒న్త-మ॑జుహవుః । తేన॑ సంవఁథ్స॒ర ఊర్జ॒మవా॑-రున్ధత ॥ తే దే॒వా అ॑మన్యన్త । అ॒మీ వా ఇ॒దమ॑భూవన్న్ । యద్వ॒యగ్గ్స్మ ఇతి॑ । త ఏ॒తాని॑ చాతుర్మా॒స్యాన్య॑పశ్యన్న్ । తాని॒ నిర॑వపన్న్ । తైరే॒వైషా॒-న్తామూర్జ॑మవృఞ్జత । తతో॑ దే॒వా అభ॑వన్న్ । పరా-ఽసు॑రాః ॥ 54 ॥

య-ద్యజ॑తే । యామే॒వ దే॒వా ఊర్జ॑మ॒వారు॑న్ధత । తా-న్తేనా-వ॑రున్ధే । య-త్పి॒తృభ్యః॑ క॒రోతి॑ । యామే॒వ పి॒తర॒ ఊర్జ॑మ॒వా-రు॑న్ధత । తా-న్తేనా-వ॑రున్ధే । యదా॑వస॒థే-ఽన్న॒గ్ం॒ హర॑న్తి । యామే॒వ మ॑ను॒ష్యా॑ ఊర్జ॑మ॒వా-రు॑న్ధత । తా-న్తేనా-వ॑రున్ధే । య-ద్దక్షి॑ణా॒-న్దదా॑తి ॥ 55 ॥

యామే॒వ ప॒శవ॒ ఊర్జ॑మ॒వా-రు॑న్ధత । తా-న్తేనా-వ॑రున్ధే । యచ్చా॑తు-ర్మా॒స్యై-ర్యజ॑తే । యామే॒వాసు॑రా॒ ఊర్జ॑మ॒-వారు॑న్ధత । తా-న్తేనా-వ॑రున్ధే । భవ॑త్యా॒త్మనా᳚ । పరా᳚-ఽస్య॒ భ్రాతృ॑వ్యో భవతి ॥ వి॒రాజో॒ వా ఏ॒షా విక్రా᳚న్తిః । యచ్చా॑తు-ర్మా॒స్యాని॑ । వై॒శ్వ॒దే॒వేనా॒స్మిఁల్లో॒కే ప్రత్య॑తిష్ఠత్ । వ॒రు॒ణ॒ ప్ర॒ఘా॒సై-ర॒న్తరి॑క్షే । సా॒క॒మే॒ధై-ర॒ముష్మి॑ఁల్లో॒కే । ఏ॒ష హ॒ త్వావైత-థ్సర్వ॑-మ్భవతి । య ఏ॒వం-విఁ॒ద్వాగ్శ్చా॑తుర్మా॒స్యై-ర్యజ॑తే ॥ 56 ॥

(మ॒ను॒ష్యా॑ అపశ్యఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధా-మసు॑రా అపశ్యఞ్చమ॒స-ఙ్ఘృ॒తస్య॑ పూ॒ర్ణగ్గ్ స్వ॒ధా-మసు॑రా॒-దదా᳚-త్యతిష్ఠ చ్చ॒త్వారి॑ చ) (అ. 9)

అనువాకం 10 - చాతుర్మాస్యప్రశంసనమ్

అ॒గ్నిర్వావ సం॑వఁథ్స॒రః । ఆ॒ది॒త్యః ప॑రివథ్స॒రః । చ॒న్ద్రమా॑ ఇదావథ్స॒రః । వా॒యు-ర॑నువథ్స॒రః ॥ య-ద్వై᳚శ్వదే॒వేన॒ యజ॑తే । అ॒గ్నిమే॒వ త-థ్సం॑వఁథ్స॒ర-మా᳚ప్నోతి । తస్మా᳚-ద్వైశ్వదే॒వేన॒ యజ॑మానః । సం॒వఁ॒థ్స॒రీణాగ్॑ స్వ॒స్తి-మాశా᳚స్త॒ ఇత్యాశా॑సీత ॥ య-ద్వ॑రుణ ప్రఘా॒సై-ర్యజ॑తే । ఆ॒ది॒త్యమే॒వ త-త్ప॑రివథ్స॒ర-మా᳚ప్నోతి ॥ 57 ॥

తస్మా᳚-ద్వరుణ-ప్రఘా॒సై-ర్యజ॑మానః । ప॒రి॒వ॒థ్స॒రీణాగ్॑ స్వ॒స్తి-మాశా᳚స్త॒ ఇత్యాశా॑సీత । య-థ్సా॑కమే॒ధై-ర్యజ॑తే । చ॒న్ద్రమ॑సమే॒వ తది॑దావథ్స॒ర-మా᳚ప్నోతి । తస్మా᳚-థ్సాకమే॒ధై-ర్యజ॑మానః । ఇ॒దా॒వ॒థ్స॒రీణాగ్॑ స్వ॒స్తి-మాశా᳚స్త॒ ఇత్యాశా॑సీత ॥ య-త్పి॑తృ య॒జ్ఞేన॒ యజ॑తే । దే॒వానే॒వ తద॒న్వవ॑స్యతి ॥ అథ॒ వా అ॑స్య వా॒యుశ్చా॑-నువథ్స॒రశ్చా ప్రీ॑తా॒వుచ్ఛి॑ష్యేతే । యచ్ఛు॑నాసీ॒రీయే॑ణ॒ యజ॑తే ॥ 58 ॥

వా॒యుమే॒వ తద॑నువథ్స॒ర-మా᳚ప్నోతి । తస్మా᳚-చ్ఛునాసీ॒రీయే॑ణ॒ యజ॑మానః । అ॒ను॒వ॒థ్స॒రీణాగ్॑ స్వ॒స్తి-మాశా᳚స్త॒ ఇత్యాశా॑సీత ॥ సం॒వఁ॒థ్స॒రం-వాఁ ఏ॒ష ఈ᳚ఫ్స॒తీత్యా॑హుః । యశ్చా॑తు-ర్మా॒స్యై-ర్యజ॑త॒ ఇతి॑ । ఏ॒ష హ॒ త్వై స॑వన్థ్స॒ర-మా᳚ప్నోతి । య ఏ॒వం-విఁ॒ద్వాగ్ శ్చా॑తుర్మా॒స్యై-ర్యజ॑తే ॥ విశ్వే॑ దే॒వా-స్సమ॑యజన్త । తే᳚-ఽగ్నిమే॒వాయ॑జన్త । త ఏ॒తం-లోఁ॒కమ॑జయన్న్ ॥ 59 ॥

యస్మి॑న్న॒గ్నిః । య-ద్వై᳚శ్వదే॒వేన॒ యజ॑తే । ఏ॒తమే॒వ లో॒క-ఞ్జ॑యతి । యస్మి॑న్న॒గ్నిః । అ॒గ్నేరే॒వ సాయు॑జ్య॒ముపై॑తి ॥ య॒దా వై᳚శ్వదే॒వేన॒ యజ॑తే । అథ॑ సంవఁథ్స॒రస్య॑ గృ॒హప॑తి-మాప్నోతి । య॒దా సం॑వఁథ్స॒రస్య॑ గృ॒హప॑తి-మా॒ప్నోతి॑ । అథ॑ సహస్రయా॒జిన॑-మాప్నోతి । య॒దా స॑హస్రయా॒జిన॑-మా॒ప్నోతి॑ ॥ 60 ॥

అథ॑ గృహమే॒ధిన॑-మాప్నోతి । య॒దా గృ॑హమే॒ధిన॑-మా॒ప్నోతి॑ । అథా॒గ్ని-ర్భ॑వతి । య॒దా-ఽగ్ని-ర్భవ॑తి । అథ॒ గౌర్భ॑వతి । ఏ॒షా వై వై᳚శ్వదే॒వస్య॒ మాత్రా᳚ । ఏ॒త-ద్వా ఏ॒తేషా॑మవ॒మమ్ । అతో॑-ఽతో॒ వా ఉత్త॑రాణి॒ శ్రేయాగ్ం॑సి భవన్తి । య-ద్విశ్వే॑ దే॒వా-స్స॒మయ॑జన్త । త-ద్వై᳚శ్వదే॒వస్య॑ వైశ్వదేవ॒త్వమ్ ॥ 61 ॥

అథా॑ది॒త్యో వరు॑ణ॒గ్ం॒ రాజా॑నం-వఁరుణ ప్రఘా॒సైర॑యజత । స ఏ॒తం-లోఁ॒కమ॑జయత్ । యస్మి॑న్నాది॒త్యః । య-ద్వ॑రుణ-ప్రఘా॒సై-ర్యజ॑తే । ఏ॒తమే॒వ లో॒క-ఞ్జ॑యతి । యస్మి॑న్నాది॒త్యః । ఆ॒ది॒త్యస్యై॒వ-సాయు॑జ్య॒-ముపై॑తి । యదా॑ది॒త్యో వరు॑ణ॒గ్ం॒ రాజా॑నం-వఁరుణ ప్రఘా॒సైరయ॑జత । త-ద్వ॑రుణ ప్రఘా॒సానాం᳚-వఁరుణ ప్రఘాస॒త్వమ్ ॥ అథ॒ సోమో॒ రాజా॒ ఛన్దాగ్ం॑సి సాకమే॒ధైర॑యజత ॥ 62 ॥

స ఏ॒తం-లోఁ॒కమ॑జయత్ । యస్మిగ్గ్॑ శ్చ॒న్ద్రమా॑ వి॒భాతి॑ । య-థ్సా॑కమే॒ధై-ర్యజ॑తే । ఏ॒తమే॒వ లో॒క-ఞ్జ॑యతి । యస్మిగ్గ్॑ శ్చ॒న్ద్రమా॑ వి॒భాతి॑ । చ॒న్ద్రమ॑స ఏ॒వ సాయు॑జ్య॒-ముపై॑తి । సోమో॒ వై చ॒న్ద్రమాః᳚ । ఏ॒ష హ॒ త్వై సా॒క్షా-థ్సోమ॑-మ్భక్షయతి । య ఏ॒వం-విఁ॒ద్వాన్-థ్సా॑కమే॒ధై-ర్యజ॑తే । య-థ్సోమ॑శ్చ॒ రాజా॒ ఛన్దాగ్ం॑సి చ స॒మైధ॑న్త ॥ 63 ॥

త-థ్సా॑కమే॒ధానాగ్ం॑ సాకమేధ॒త్వమ్ ॥ అథ॒ర్తవః॑ పి॒తరః॑ ప్ర॒జాప॑తి-మ్పి॒తర॑-మ్పితృయ॒జ్ఞే-నా॑యజన్త । త ఏ॒తం-లోఁ॒కమ॑జయన్న్ । యస్మి॑న్నృ॒తవః॑ । య-త్పి॑తృయ॒జ్ఞేన॒ యజ॑తే । ఏ॒తమే॒వ లో॒క-ఞ్జ॑యతి । యస్మి॑న్నృ॒తవః॑ । ఋ॒తూ॒నామే॒వ సాయు॑జ్య॒-ముపై॑తి । యద్-ఋ॒తవః॑ పి॒తరః॑ ప్ర॒జాప॑తి-మ్పి॒తర॑-మ్పితృయ॒జ్ఞేనాయ॑జన్త । త-త్పి॑తృయ॒జ్ఞస్య॑ పితృయజ్ఞ॒త్వమ్ ॥ 64 ॥

అథౌష॑ధయ ఇ॒మ-న్దే॒వ-న్త్ర్య॑మ్బకై-రయజన్త॒ ప్రథే॑మ॒హీతి॑ । తతో॒ వై తా అ॑ప్రథన్త । య ఏ॒వం-విఁ॒ద్వాగ్ స్త్ర్య॑మ్బకై॒-ర్యజ॑తే । ప్రథ॑తే ప్ర॒జయా॑ ప॒శుభిః॑ ॥ అథ॑ వా॒యుః ప॑రమే॒ష్ఠినగ్ం॑ శునాసీ॒రీయే॑ణాయజత । స ఏ॒తం-లోఁ॒కమ॑జయత్ । యస్మి॑న్-వా॒యుః । యచ్ఛు॑నాసీ॒రీయే॑ణ॒ యజ॑తే । ఏ॒తమే॒వ లో॒క-ఞ్జ॑యతి । యస్మి॑న్-వా॒యుః ॥ 65 ॥

వా॒యోరే॒వ సాయు॑జ్య॒-ముపై॑తి ॥ బ్ర॒హ్మ॒వా॒దినో॑ వదన్తి । ప్ర చా॑తుర్మాస్యయా॒జీ-మీ॑య॒తా(3) న ప్రమీ॑య॒తా(3) ఇతి॑ । జీవ॒న్వా ఏ॒ష ఋ॒తూనప్యే॑తి । యది॑ వ॒సన్తా᳚ ప్ర॒మీయ॑తే । వ॒స॒న్తో భ॑వతి । యది॑ గ్రీ॒ష్మే గ్రీ॒ష్మః । యది॑ వ॒ర్॒షాసు॑ వ॒ర్॒షాః । యది॑ శ॒రది॑ శ॒రత్ । యది॒ హేమ॑న్. హేమ॒న్తః । ఋ॒తుర్భూ॒త్వా సం॑వఁథ్స॒రమప్యే॑తి । సం॒వఁ॒థ్స॒రః ప్ర॒జాప॑తిః । ప్ర॒జాప॑తి॒ర్వా వైషః ॥ 66 ॥

(ప॒రి॒వ॒థ్స॒రమా᳚ప్నోతి - శునాసీ॒రీయే॑ణ॒ యజ॑తే - ఽజయన్థ్ - సహస్రయా॒జిన॑మా॒ప్నోతి॑ - వైశ్వదేవ॒త్వగ్ం - సా॑కమే॒ధైర॑యజత - స॒మైధ॑న్త - పితృయజ్ఞ॒త్వం - జ॑యతి॒ యస్మి॑న్ వా॒యు--ర్ హే॑మ॒న్త స్త్రీణీ॑ చ) (అ. 10)

(ఉ॒భయే॑ - యు॒వగ్ం సు॒రామ॒ - ముద॑స్థా॒న్ - ని వై - యస్య॑ ప్రాతస్సవ॒న - ఏకై॑కో - ఽసు॒ర్యమ్ - పవ॑మానః - ప్ర॒జా వై స॒త్రమా॑స - తా॒గ్నిర్వావ సం॑వఁథ్స॒రో దశ॑ )

(ఉ॒భయే॒ వా - ఉద॑స్థా॒థ్ - సర్వా॑భి--ర్ మద్ధ్య॒తో - ఽత్ర॒ వావ - బ్రా᳚హ్మ॒ణేష్వ - థ॑ గృహమే॒ధిన॒గ్ం॒ షట్-థ్ష॑ష్టిః)

(ఉ॒భయే॒ - వావైషః)

॥ హరిః॑ ఓమ్ ॥

॥ కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకే చతుర్థః ప్రపాఠక-స్సమాప్తః ॥

1 కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకం

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhakaḥ - somādibrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - grahaṇā grahaṇam

u॒bhaye॒ vā e॒te pra॒jāpa̭te॒raddhya̭-sṛjyanta | de॒vāścāsṷrāśca | tānna vya̭jānāt | i॒me᳚-'nya i॒me᳚-'nya iti̭ | sa de॒vāna॒gṃ॒ śūna̭karot | tāna॒bhya̭ṣuṇot | tā-npa॒vitrḙṇā-punāt | tān-pa॒rastā᳚t-pa॒vitra̭sya॒-vya̭gṛhṇāt | te grahā̭ abhavann | tadgrahā̭ṇā-ṅgraha॒tvam || 1 ||

de॒vatā॒ vā e॒tā yaja̭mānasya gṛ॒he gṛ̭hyante | ya-dgrahāḥ᳚ | vi॒durḙna-nde॒vāḥ | yasyai॒vaṃ-vi~॒duṣa̭ e॒te grahā̭ gṛ॒hyante᳚ || e॒ṣā vai soma॒syāhṷtiḥ | yadṷpā॒gṃ॒śuḥ | somḙna de॒vāg sta̭rpayā॒ṇīti॒ khalu॒ vai somḙna yajate | yadṷpā॒gṃ॒śu-ñju॒hoti̭ | somḙnai॒va ta-dde॒vāg sta̭rpayati || yadgrahā᳚ñju॒hoti̭ || 2 ||

de॒vā e॒va ta-dde॒vān-ga̭cchanti || yacca̭ma॒sāñju॒hoti̭ | tenai॒vānṷrūpeṇa॒ yaja̭māna-ssuva॒rgaṃ-lo~॒kamḙti || ki-nnvḙtadagra̭ āsī॒dityā̭huḥ | ya-tpātrā॒ṇīti̭ | i॒yaṃ-vā~ e॒tadagra̭ āsīt | mṛ॒nmayā̭ni॒ vā e॒tānyā̭sann | tairde॒vā na vyā॒vṛta̭-magacchann | ta e॒tāni̭ dāru॒mayā̭ṇi॒ pātrā᳚ṇya-paśyann | tānya̭kurvata || 3 ||

tairvai te vyā॒vṛta̭-magacchann | ya-ddā̭ru॒mayā̭ṇi॒ pātrā̭ṇi॒ bhava̭nti | vyā॒vṛta̭me॒va tai-ryaja̭māno gacchati || yāni̭ dāru॒mayā̭ṇi॒ pātrā̭ṇi॒ bhava̭nti | a॒mume॒va tai-rlo॒ka-ma॒bhija̭yati | yāni̭ mṛ॒nmayā̭ni | i॒mame॒va tai-rlo॒ka-ma॒bhija̭yati || bra॒hma॒vā॒dino̭ vadanti | kāścata̭sra-ssthā॒līrvā̭ya॒vyā᳚-ssoma॒graha̭ṇī॒riti̭ | de॒vā vai pṛśñi̭maduhrann || 4 ||

tasyā̭ e॒te stanā̭ āsann | i॒yaṃ-vai~ pṛśñiḥ̭ | tāmā̭di॒tyā ā̭dityasthā॒lyā catṷṣpadaḥ pa॒śūna̭duhrann | yadā̭dityasthā॒lī bhava̭ti | catṷṣpada e॒va tayā̭ pa॒śūn. yaja̭māna i॒mā-ndṷhe | tāmindra̭ ukthyasthā॒lyendri॒ya-ma̭duhat | yadṷkthyasthā॒lī bhava̭ti | i॒ndri॒yame॒va tayā॒ yaja̭māna i॒mā-ndṷhe | tāṃ-vi~śvḙ de॒vā ā᳚grayaṇasthā॒lyorja̭-maduhrann | yadā᳚grayaṇasthā॒lī bhava̭ti || 5 ||

ūrja̭me॒va tayā॒ yaja̭māna i॒mā-ndṷhe | tā-mma̭nu॒ṣyā᳚-ddhruvasthā॒lyā ''yṷraduhrann | yaddhrṷvasthā॒lī bhava̭ti | āyṷre॒va tayā॒ yaja̭māna i॒mā-ndṷhe | sthā॒lyā gṛ॒hṇāti̭ | vā॒ya॒vyḙna juhoti | tasmā̭da॒nyena॒ pātrḙṇa pa॒śū-ndu॒hanti̭ | a॒nyena॒ prati̭gṛhṇanti | atho᳚ vyā॒vṛta̭me॒va ta-dyaja̭māno gacchati || 6 ||

(gra॒ha॒tvaṃ - grahā᳚n ju॒hotya̭-kurva-tāduhra-nnāgrayaṇasthā॒lī bhava̭ti॒-+nava̭ ca) (a. 1)

anuvākaṃ 2 - sotrāmaṇīśeṣā mantrāḥ

yu॒vagṃ su॒rāma̭maśvinā | namṷcāvā-'su॒re sacā᳚ | vi॒pi॒pā॒nā śṷbhaspatī | indra॒-ṅkarma̭svāvatam || pu॒trami̭va pi॒tarā̭va॒śvino॒bhā | indrāva̭ta॒-ṅkarma̭ṇā da॒gṃ॒sanā̭bhiḥ | ya-thsu॒rāmaṃ॒-vya~pi̭ba॒-śśacī̭bhiḥ | sara̭svatī tvā maghavannabhīṣṇāt || ahā᳚vyagne ha॒virā॒syḙ te | sru॒cīva̭ ghṛ॒ta-ñca॒mū i̭va॒ somaḥ̭ || 7 ||

vā॒ja॒sanigṃ̭ ra॒yima॒sme su॒vīra᳚m | pra॒śa॒sta-ndhḙhi ya॒śasa̭-mbṛ॒hanta᳚m || yasmi॒nnaśvā̭sa ṛṣa॒bhāsa̭ u॒kṣaṇaḥ̭ | va॒śā me॒ṣā a̭vasṛ॒ṣṭāsa॒ āhṷtāḥ | kī॒lā॒la॒pe soma̭pṛṣṭhāya ve॒dhase᳚ | hṛ॒dāma॒ti-ñja̭naya॒ cārṷma॒gnaye᳚ || nānā॒ hi vā᳚-nde॒vahi̭ta॒gṃ॒ sado̭ mi॒tam | mā sagṃsṛ̭kṣāthā-mpara॒me vyo̭mann | surā॒ tvamasi̭ śu॒ṣmiṇī॒ soma̭ e॒ṣaḥ | mā mā̭ higṃsī॒-ssvāṃ-yo~ni̭māvi॒śann || 8 ||

yadatra̭ śi॒ṣṭagṃ ra॒sinaḥ̭ su॒tasya̭ | yadindro॒ api̭ba॒cchacī̭bhiḥ | a॒ha-ntada̭sya॒ mana̭sā śi॒vena̭ | soma॒gṃ॒ rājā̭nami॒ha bha̭kṣayāmi || dve sru॒tī a̭śṛṇava-mpitṛ॒ṇām | a॒ha-nde॒vānā̭mu॒ta martyā̭nām | tābhyā̭mi॒daṃ-vi~śva॒-mbhuva̭na॒gṃ॒ samḙti | a॒nta॒rā pūrva॒mapa̭ra-ñca ke॒tum || yastḙ deva varuṇa gāya॒tracha̭ndāḥ॒ pāśaḥ̭ | ta-nta̭ e॒tenāva̭yaje || 9 ||

yastḙ deva varuṇa tri॒ṣṭupcha̭ndāḥ॒ pāśaḥ̭ | ta-nta̭ e॒tenāva̭yaje | yastḙ deva varuṇa॒ jaga̭tīchandāḥ॒ pāśaḥ̭ | ta-nta̭ e॒tenāva̭yaje || somo॒ vā e॒tasya̭ rā॒jyamāda̭tte | yo rājā॒ sa-nrā॒jyo vā॒ somḙna॒ yaja̭te | de॒va॒su॒vāme॒tāni̭ ha॒vīgṃṣi̭ bhavanti | e॒tāva̭nto॒ vai de॒vānāgṃ̭ sa॒vāḥ | ta e॒vāsmai̭ sa॒vā-npraya̭cchanti | ta ḙna॒-mpunaḥ̭ suvante rā॒jyāya̭ | de॒va॒sū rājā̭ bhavati || 10 ||

(soma̭ - āvi॒śan. - ya̭je - rā॒jyāyaikaṃ̭ ca) (a. 2)

anuvākaṃ 3 - dohaprāyaścittam, agnihotre

uda̭sthā-dde॒vyadi̭ti-rviśvarū॒pī | āyṷrya॒jñapa̭tāvadhāt | indrā̭ya kṛṇva॒tī bhā॒gam | mi॒trāya॒ varṷṇāya ca || i॒yaṃ-vā~ a̭gniho॒trī | i॒yaṃ-vā~ e॒tasya॒ niṣī̭dati | yasyā᳚gniho॒trī ni॒ṣīda̭ti | tāmutthā̭payet | uda̭sthā-dde॒vyadi̭ti॒riti̭ | i॒yaṃ-vai~ de॒vyadi̭tiḥ || 11 ||

i॒māme॒vāsmā॒ utthā̭payati || āyṷrya॒jñapa̭tāvadhā॒dityā̭ha | āyṷre॒vāsmi̭-ndadhāti || indrā̭ya kṛṇva॒tī bhā॒ga-mmi॒trāya॒ varṷṇāya॒ cetyā̭ha | ya॒thā॒ ya॒jure॒vaitat || ava̭rtiṃ॒-vā~ e॒ṣaitasya̭ pā॒pmāna̭-mprati॒khyāya॒ niṣī̭dati | yasyā᳚-gniho॒tryupa̭sṛṣṭā ni॒ṣīda̭ti | tā-ndu॒gdhvā brā᳚hma॒ṇāya̭ dadyāt | yasyānna॒-nnādyāt | ava̭rtime॒vāsmi̭-npā॒pmāna॒-mprati̭muñcati || 12 ||

du॒gdhvā da̭dāti | na hyadṛ̭ṣṭā॒ dakṣi̭ṇā dī॒yate᳚ || pṛ॒thi॒vīṃ-vā~ e॒tasya॒ payaḥ॒ pravi̭śati | yasyā᳚gniho॒tra-ndu॒hyamā̭na॒gg॒ skanda̭ti || yada॒dya du॒gdha-mpṛ̭thi॒vīmasa̭kta | yadoṣa̭dhī-ra॒pyasa̭ra॒-dyadāpaḥ̭ | payo̭ gṛ॒heṣu॒ payo̭ aghni॒yāsṷ | payo̭ va॒thseṣu॒ payo̭ astu॒ tanmayītyā̭ha | paya̭ e॒vātma-ngṛ॒heṣṷ pa॒śuṣṷ dhatte || a॒pa upa̭sṛjati || 13 ||

a॒dbhire॒vaina̭dāpnoti || yo vai ya॒jñasyārte॒nānā᳚rtagṃ sagṃ sṛ॒jati̭ | u॒bhe vai te tarhyārccha̭taḥ | ārccha̭ti॒ khalu॒ vā e॒tada̭gniho॒tram | ya-ddu॒hyamā̭na॒gg॒ skanda̭ti | yada̭bhidu॒hyāt | ārte॒nānā᳚rtaṃ-ya~॒jñasya॒ sagṃsṛ̭jet | tade॒va yā॒dṛkkī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 14 ||

ya-dyuddrṷtasya॒ skande᳚t | ya-ttato-'hṷtvā॒ puna̭re॒yāt | ya॒jñaṃ-vi~cchi̭ndyāt | yatra॒ skande᳚t | tanni॒ṣadya॒ puna̭rgṛhṇīyāt | yatrai॒va skanda̭ti | tata̭ e॒vaina॒t-puna̭rgṛhṇāti | tade॒va yā॒dṛk-kī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 15 ||

vi vā e॒tasya̭ ya॒jñaśchi̭dyate | yasyā᳚gniho॒trḙ-'dhiśri̭te॒ śvā-'nta॒rā dhāva̭ti | ru॒draḥ khalu॒ vā e॒ṣaḥ | yada॒gniḥ | ya-dgāma̭nvatyāva॒rtaye᳚t | ru॒drāya̭ pa॒śū-napi̭daddhyāt | a॒pa॒śu-ryaja̭māna-ssyāt | yada॒po᳚ 'nvatiṣi॒ñcet | a॒nā॒dya-ma॒gnerāpaḥ̭ | a॒nā॒dyamā᳚bhyā॒-mapi̭daddhyāt | gārha̭patyā॒-dbhasmā॒dāya̭ | i॒daṃ-vi~ṣṇu॒-rvica̭krama॒ iti̭ vaiṣṇa॒vyarcā ''ha̭va॒nīyā᳚ddhva॒gṃ॒ saya॒nnudra̭vet | ya॒jño vai viṣṇuḥ̭ | ya॒jñenai॒va ya॒jñagṃ santa̭noti | bhasma̭nā pa॒damapi̭vapati॒ śāntyai᳚ || 16 ||

(vai de॒vyadi̭ti--r muñcati - sṛjati - karoti - karotyā - bhyā॒mapi̭daddhyā॒-tpañca̭ ca) (a. 3)

anuvākaṃ 4 - agniprāyaścittaṃ agnihotre

ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gnimanṷddhṛta॒gṃ॒ sūryo॒-'bhini॒mroca̭ti | da॒rbheṇa॒ hira̭ṇya-mpra॒baddhya̭ pu॒rastā᳚ddharet | athā॒gnim | athā᳚gniho॒tram | yaddhira̭ṇya-mpu॒rastā॒ddhara̭ti | jyoti॒rvai hira̭ṇyam | jyoti̭re॒vaina॒-mpaśya॒-nnuddha̭rati | yada॒gni-mpūrva॒gṃ॒ hara॒tyathā᳚-gniho॒tram || 17 ||

bhā॒ga॒dheyḙnai॒vaina॒-mpraṇa̭yati || brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ | sarvā̭bhire॒vaina̭-nde॒vatā̭bhi॒ruddha̭rati || a॒gni॒ho॒tra-mṷpa॒sā-dyātami̭to-rāsīta | vra॒tame॒va ha॒tamanṷ mriyate || antaṃ॒-vā~ e॒ṣa ā॒tmano̭ gacchati | yastāmya̭ti | anta̭me॒ṣa ya॒jñasya̭ gacchati | yasyā॒gnimanṷddhṛta॒gṃ॒ sūryo॒-'bhini॒mroca̭ti || 18 ||

punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti || varṷṇo॒ vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhini॒mroca̭ti | vā॒ru॒ṇa-ñca॒ru-nnirva̭pet | tenai॒va ya॒jña-nniṣkrī̭ṇīte || ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gni-manṷddhṛta॒gṃ॒ sūryo॒-'bhyṷdeti̭ | ca॒tu॒rgṛ॒hī॒ta-mājya̭-mpu॒rastā᳚ddharet || 19 ||

athā॒gnim | athā᳚gniho॒tram | yadājya̭-mpu॒rastā॒ddhara̭ti | e॒tadvā a॒gneḥ pri॒ya-ndhāma̭ | yadājya᳚m | pri॒yeṇai॒vaina॒-ndhāmnā॒ sama̭rdhayati | yada॒gni-mpūrva॒gṃ॒ hara॒tyathā᳚-gniho॒tram | bhā॒ga॒dheyḙnai॒vaina॒-mpraṇa̭yati | brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ || 20 ||

sarvā̭bhire॒vaina̭-nde॒vatā̭bhi॒ruddha̭rati || parā̭cī॒ vā e॒tasmai᳚ vyu॒cchantī॒ vyṷcchati | yasyā॒gni-manṷddhṛta॒gṃ॒ sūryo॒-'bhyṷdeti̭ | u॒ṣāḥ ke॒tunā̭ juṣatām | ya॒jña-nde॒vebhi̭rinvi॒tam | de॒vebhyo॒ madhṷmattama॒gg॒ svāheti̭ pra॒tyaṃ-ni॒ṣadyājyḙna juhuyāt | pra॒tīcī̭me॒vāsmai॒ vivā̭sayati || a॒gni॒ho॒tra-mṷpa॒sādyātami̭to-rāsīta | vra॒tame॒va ha॒tamanṷ mriyate | antaṃ॒-vā~ e॒ṣa ā॒tmano̭ gacchati || 21 ||

yastāmya̭ti | anta̭me॒ṣa ya॒jñasya̭ gacchati | yasyā॒gni-manṷddhṛta॒gṃ॒ sūryo॒-'bhyṷdeti̭ | punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti | mi॒tro vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhyṷdeti̭ | mai॒tra-ñca॒ru-nnirva̭pet | tenai॒va ya॒jña-nniṣkrī̭ṇīte || yasyā̭-hava॒nīye-'nṷdvāte॒ gārha̭patya u॒dvāye᳚t || 22 ||

yadā̭hava॒nīya॒-manṷdvāpya॒ gārha̭patya॒-mmanthe᳚t | vicchi̭ndyāt | bhrātṛ̭vyamasmai janayet | yadvai ya॒jñasya̭ vāsta॒vya̭-ṅkri॒yate᳚ | tadanṷ ru॒dro-'va̭carati | ya-tpūrva̭-manvava॒syet | vā॒sta॒vya̭-ma॒gnimupā̭sīta | ru॒dro᳚-'sya pa॒śū-nghātṷka-ssyāt | ā॒ha॒va॒nīya̭-mu॒dvāpya̭ | gārha̭patya-mmanthet || 23 ||

i॒taḥ pra̭tha॒ma-ñja̭jñe a॒gniḥ | svādyone॒radhi̭ jā॒tavḙdāḥ | sa gā̭yatri॒yā tri॒ṣṭubhā॒ jaga̭tyā | de॒vebhyo̭ ha॒vyaṃ-va~̭hatu prajā॒nanniti̭ | chando̭bhire॒vaina॒gg॒ svādyoneḥ॒ praja̭nayati || gārha̭patya-mmanthati | gārha̭patyaṃ॒-vā~ anvāhi̭tāgneḥ pa॒śava॒ upa̭ tiṣṭhante | sa yadu॒dvāya̭ti | tadanṷ pa॒śavo-'pa̭krāmanti | i॒ṣe ra॒yyai ra̭masva || 24 ||

saha̭se dyu॒mnāya̭ | ū॒rje patyā॒yetyā̭ha | pa॒śavo॒ vai ra॒yiḥ | pa॒śūne॒vāsmai̭ ramayati || sā॒ra॒sva॒tau tvothsau॒ sami̭ndhātā॒mityā̭ha | ṛ॒-khsā॒me vai sā̭rasva॒tāvuthsau᳚ | ṛ॒kh-sā॒mābhyā̭me॒vaina॒gṃ॒ sami̭ndhe || sa॒mrāḍa̭si vi॒rāḍa॒sītyā̭ha | ra॒tha॒nta॒raṃ-vai~ sa॒mrāṭ | bṛ॒ha-dvi॒rāṭ || 25 ||

tābhyā̭me॒vaina॒gṃ॒ sami̭ndhe || vajro॒ vai ca॒kram | vajro॒ vā e॒tasya̭ ya॒jñaṃ-vi~cchi̭natti | yasyāno̭ vā॒ ratho̭ vā-'nta॒rā-'gnī yāti̭ | ā॒ha॒va॒nīya̭-mu॒dvāpya̭ | gārha̭patyā॒-duddha̭ret | yada̭gne॒ pūrva॒-mprabhṛ̭ta-mpa॒dagṃ hi te᳚ | sūrya̭sya ra॒śmīna-nvā̭ta॒tāna̭ | tatra̭ rayi॒ṣṭhāmanu॒ sambha̭rai॒tam | sa-nnaḥ̭ sṛja suma॒tyā vāja̭va॒tyeti̭ || 26 ||

pūrvḙṇai॒vāsya̭ ya॒jñena̭ ya॒jñamanu॒ sa-nta̭noti || tvama̭gne sa॒prathā̭ a॒sītyā̭ha | a॒gni-ssarvā̭ de॒vatāḥ᳚ | de॒vatā̭bhire॒va ya॒jñagṃ sa-nta̭noti || a॒gnayḙ pathi॒kṛtḙ puro॒ḍāśa̭ma॒ṣṭāka̭pāla॒-nnirva̭pet | a॒gnime॒va pa̭thi॒kṛta॒gg॒ svena̭ bhāga॒dheye॒nopa̭ dhāvati | sa e॒vainaṃ̭-ya~॒jñiya॒-mpanthā॒mapi̭-nayati | a॒na॒ḍvān-dakṣi̭ṇā | va॒hī hyḙṣa samṛ̭ddhyai || 27 ||

(hara॒tyathā᳚gniho॒traṃ - ni॒mroca̭ti - hare-d- de॒vatā̭ - gaccha - tyu॒dvāye᳚-nmanthe-dramasva-bṛ॒ha-dvi॒rāḍ-iti॒-nava̭ ca) (a. 4)

(ni vai pūrva॒-ntrīṇi̭ ni॒mroca̭ti da॒rbheṇa॒ yaddhira̭ṇyamagniho॒tra-mpuna॒rvarṷṇo

vāru॒ṇa-nni vā e॒tasyā॒bhyṷdeti̭ caturgṛhī॒tamājyaṃ॒ yadājyaṃ॒ parā᳚cyu॒ṣāḥ puna̭rmi॒tro me॒traṃ-ya~syā̭hava॒nīye-'nṷdvāte॒ gārha̭patyo॒ yadvai ma̭nthe॒duddha̭ret)

anuvākaṃ 5 - somātirekaprāyaścittam

yasya̭ prātassava॒ne somo̭-'ti॒ricya̭te | māddhya̭ndina॒gṃ॒ sava̭na-ṅkā॒maya̭māno॒-'bhyati̭ricyate | gaurdha̭yati ma॒rutā॒miti॒ dhaya̭dvatīṣu kurvanti | hi॒nasti॒ vai sa॒ndhyadhī̭tam | sa॒ndhīva॒ khalu॒ vā e॒tat | ya-thsava̭na syāti॒ricya̭te | yaddhaya̭dvatīṣu ku॒rvanti̭ | sa॒ndhe-śśāntyai᳚ || gā॒ya॒tragṃ sāma̭ bhavati pañcada॒śa-sstomaḥ̭ | tenai॒va prā̭tassava॒nānnaya̭nti || 28 ||

ma॒rutva̭tīṣu kurvanti | tenai॒va māddhya̭ndinā॒-thsava̭nā॒nnaya̭nti || hotṷśca ma॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || yasya॒ māddhya̭ndine॒ sava̭ne॒ somo̭-'ti॒ricya̭te | ā॒di॒tya-ntṛ̭tīyasava॒na-ṅkā॒maya̭māno॒-'bhyati̭ricyate | gau॒ri॒vī॒tagṃ sāma̭ bhavati | ati̭riktaṃ॒-vai~ gaṷrivī॒tam | ati̭riktaṃ॒-ya~-thsava̭nasyā-ti॒ricya̭te || 29 ||

ati̭riktasya॒ śāntyai᳚ || baṇma॒hāgṃ a̭si sū॒ryeti̭ kurvanti | yasyai॒vādi॒tyasya॒ sava̭nasya॒ kāmḙnāti॒ricya̭te | tenai॒vaina॒-ṅkāmḙna॒ sama̭rdhayanti || gau॒ri॒vī॒tagṃ sāma̭ bhavati | tenai॒va māddhya̭ndinā॒-thsava̭nā॒nnaya̭nti || sa॒pta॒da॒śa-sstomaḥ̭ | tenai॒va tṛ̭tīyasava॒nānnaya̭nti || hotṷścama॒samanūnna̭yante | hotā-'nṷśagṃ sati || 30 ||

ma॒ddhya॒ta e॒va ya॒jñagṃ sa॒māda̭dhāti || yasya̭ tṛtīyasava॒ne somo̭-'ti॒ricyḙta | u॒kthya̭-ṅkurvīta | yasyo॒kthyḙ-'ti॒ricyḙta | a॒ti॒rā॒tra-ṅkṷrvīta | yasyā̭-tirā॒trḙ-'ti॒ricya̭te| tattvai dṷṣprajñā॒nam | yaja̭mānaṃ॒-vā~ e॒ta-tpa॒śava̭ ā॒sāhya̭ yanti | bṛ॒ha-thsāma̭ bhavati | bṛ॒hadvā i॒māṃ-lo~॒kā-ndā̭dhāra | bārha̭tāḥ pa॒śavaḥ̭ | bṛ॒ha॒taivāsmai̭ pa॒śū-ndā̭dhāra || śi॒pi॒vi॒ṣṭava̭tīṣu kurvanti | śi॒pi॒vi॒ṣṭo vai de॒vānā᳚-mpu॒ṣṭam | puṣṭyai॒vaina॒gṃ॒ sama̭rdhayanti || hotṷścama॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || 31 ||

(ya॒nti॒ - sava̭nasyāti॒ricya̭te - śagṃsati - dādhārā॒ṣṭau ca̭) (a. 5)

anuvākaṃ 6 - savananimitta-mprāyaścittam

ekai̭ko॒ vai ja॒natā̭yā॒-mindraḥ̭ | ekaṃ॒-vā~ e॒tāvindra̭ma॒bhi sagṃsṷnutaḥ | yau dvau sagṃ̭sunu॒taḥ | pra॒jāpa̭ti॒rvā e॒ṣa vitā̭yate | ya-dya॒jñaḥ | tasya॒ grāvā̭ṇo॒ dantāḥ᳚ | a॒nya॒ta॒raṃ-vā~ e॒te sagṃ̭sunva॒to-rnirba̭phsati | pūrvḙṇopa॒sṛtyā̭ de॒vatā॒ ityā̭huḥ | pū॒rvo॒pa॒sṛ॒tasya॒ vai śreyā᳚-nbhavati | eti̭va॒ntyājyā̭ni bhavantya॒-bhiji̭tyai || 32 ||

ma॒rutva̭tīḥ prati॒padaḥ̭ | ma॒ruto॒ vai de॒vānā॒-mapa̭rājita-mā॒yata̭nam | de॒vānā̭-me॒vāpa̭rājita ā॒yata̭ne yatate ||u॒bhe bṛ̭hadrathanta॒re bha̭vataḥ | i॒yaṃ-vā~va ra̭thanta॒ram | a॒sau bṛ॒hat | ā॒bhyāme॒vaina̭-ma॒ntarḙti | vā॒caśca॒ mana̭saśca | prā॒ṇāccā̭-pā॒nācca̭ | di॒vaśca̭ pṛthi॒vyāśca̭ || 33 ||

sarva̭smā-dvi॒ttā-dvedyā᳚t || a॒bhi॒va॒rto bra̭hmasā॒ma-mbha̭vati | su॒va॒rgasya̭ lo॒kasyā॒-bhivṛ̭ttyai || a॒bhi॒ji-dbha̭vati | su॒va॒rgasya̭ lo॒kasyā॒-bhiji̭tyai | vi॒śva॒ji-dbha̭vati | viśva̭sya॒ jityai᳚ || yasya॒ bhūyāgṃ̭so yajñakra॒tava॒ ityā̭huḥ | sa de॒vatā̭ vṛṅkta॒ iti̭ | yadya̭gniṣṭo॒ma-ssomaḥ̭ pa॒rastā॒-thsyāt || 34 ||

u॒kthya̭-ṅkurvīta | yadyu॒kthyaḥ̭ syāt | a॒ti॒rā॒tra-ṅkṷrvīta | ya॒jña॒kra॒tubhi̭-re॒vāsya̭ de॒vatā̭ vṛṅkte || yo vai chando̭bhi-rabhi॒bhava̭ti | sa sagṃ̭ sunva॒to-ra॒bhibha̭vati | saṃ॒ve~॒śāya̭ tvopave॒śāya॒-tvetyā̭ha | chandāgṃ̭si॒ vai saṃ̭ve~॒śa ṷpave॒śaḥ | chando̭bhire॒vāsya॒ chandāg̭sya॒-bhibha̭vati || i॒ṣṭargo॒ vā ṛ॒tvijā̭-maddhva॒ryuḥ || 35 ||

i॒ṣṭargaḥ॒ khalu॒ vai pūrvo॒-'rṣṭuḥ, kṣī̭yate | prāṇā̭pānau mṛ॒tyormā̭ pāta॒mityā̭ha | prā॒ṇā॒pā॒nayo̭re॒va śra̭yate | prāṇā̭pānau॒ mā mā̭ hāsiṣṭa॒mityā̭ha | naina̭-mpu॒rā-''yṷṣaḥ prāṇāpā॒nau ja̭hitaḥ || ārtiṃ॒-vā~ e॒te niya̭nti | yeṣā᳚-ndīkṣi॒tānā᳚-mpra॒mīya̭te | taṃ-ya~da̭va॒varjḙyuḥ | krū॒ra॒kṛtā̭mivaiṣāṃ-lo~॒ka-ssyā᳚t | āha̭ra da॒heti̭ brūyāt || 36 ||

ta-nda̭kṣiṇa॒to vedyai̭ ni॒dhāya̭ | sa॒rpa॒rā॒jñiyā̭ ṛ॒gbhi-sstṷyuḥ | i॒yaṃ-vai~ sarpa̭to॒ rājñī᳚ | a॒syā e॒vaina॒-mpari̭dadati || vyṛ̭ddha॒-ntadityā̭huḥ | ya-thstu॒ta-mana̭nuśasta॒-miti̭ | hotā᳚ pratha॒maḥ prā̭cīnāvī॒tī mā᳚rjā॒līya॒-mparī̭yāt | yā॒mīra̭nu-bru॒vann | sa॒rpa॒rā॒jñīnā᳚-ṅkīrtayet | u॒bhayo̭re॒vainaṃ̭-lo~॒kayoḥ॒ pari̭dadati || 37 ||

atho̭ dhu॒vantye॒vaina᳚m | atho॒ nyḙvāsmai᳚ hnuvate || triḥ pari̭yanti | traya̭ i॒me lo॒kāḥ | e॒bhya e॒vainaṃ̭-lo~॒kebhyo̭ dhuvate | triḥ punaḥ॒ pari̭yanti | ṣaṭ-thsampa̭dyante | ṣaḍvā ṛ॒tavaḥ̭ | ṛ॒tubhi̭re॒vaina̭-ndhuvate || agna॒ āyūgṃ̭ṣi pavasa॒ iti̭ prati॒pada̭-ṅkurvīrann | ra॒tha॒nta॒rasā̭maiṣā॒gṃ॒ somaḥ̭ syāt | āyṷre॒vātman-da̭dhate | atho̭ pā॒pmāna̭me॒va vi॒jaha̭to yanti || 38 ||

(a॒bhiji̭tyai - pṛthi॒vyāśca॒ - syā - da̭ddhva॒ryu--r brṷyāl - lo॒kayoḥ॒ pari̭dadati - kurvara॒gg॒ strīṇi̭ ca) (a. 6)

anuvākaṃ 7 - yūpavirohaṇādiprāyaścittam

a॒su॒ryaṃ̭-vā~ e॒tasmā॒-dvarṇa̭-ṅkṛ॒tvā | pa॒śavo̭ vī॒rya̭-mapa̭krāmanti | yasya॒ yūpo̭ vi॒roha̭ti | tvā॒ṣṭra-mba̭hurū॒pa-māla̭bheta | tvaṣṭā॒ vai rū॒pāṇā̭mīśe | ya e॒va rū॒pāṇā॒mīśe᳚ | so᳚-'smi-npa॒śūn. vī॒ryaṃ̭-ya~cchati | nāsmā᳚t-pa॒śavo̭ vī॒rya̭-mapa̭krāmanti || ārtiṃ॒-vā~ e॒te niya̭nti | yeṣā᳚-ndīkṣi॒tānā̭-ma॒gni-ru॒dvāya̭ti || 39 ||

yadā̭hava॒nīya̭ u॒dvāye᳚t | yatta-mmanthe᳚t | vicchi̭ndyāt | bhrātṛ̭vyamasmai janayet | yadā̭hava॒nīya̭ u॒dvāye᳚t | āgnī᳚ddhrā॒-duddha̭ret | yadāgnī᳚ddhra u॒dvāye᳚t | gārha̭patyā॒-duddha̭ret | ya-dgārha̭patya u॒dvāye᳚t | ata̭ e॒va puna̭-rmanthet || 40 ||

atra॒ vāva sa nila̭yate | yatra॒ khalu॒ vai nilī̭na-mutta॒ma-mpaśya̭nti | tadḙna-micchanti || yasmā॒-ddāro̭ru॒dvāye᳚t | tasyā॒raṇī̭ kuryāt | kru॒mu॒kamapi̭ kuryāt | e॒ṣā vā a॒gneḥ pri॒yā ta॒nūḥ | yat-krṷmu॒kaḥ | pri॒yayai॒vaina̭-nta॒nuvā॒ sama̭rdhayati || gārha̭patya-mmanthati || 41 ||

gārha̭patyo॒ vā a॒gneryoniḥ̭ | svāde॒vainaṃ॒-yo~ne᳚-rjanayati | nāsmai॒ bhrātṛ̭vya-ñjanayati || yasya॒ soma̭ upa॒dasye᳚t | su॒varṇa॒gṃ॒ hira̭ṇya-ndve॒dhā vi॒cchidya̭ | ṛ॒jī॒ṣe᳚-'nyadā̭dhūnu॒yāt | ju॒hu॒yāda॒nyat | soma̭me॒vā-bhi̭ṣu॒ṇoti̭ | soma̭-ñjuhoti || soma̭sya॒ vā a̭bhiṣū॒yamā̭ṇasya pri॒yā ta॒nū-ruda̭krāmat || 42 ||

ta-thsu॒varṇa॒gṃ॒ hira̭ṇya-mabhavat | ya-thsu॒varṇa॒gṃ॒ hira̭ṇya-ṅku॒rvanti̭ | pri॒yayai॒vaina̭-nta॒nuvā॒ sama̭rdhayanti || yasyākrī̭ta॒gṃ॒ soma̭-mapa॒harḙyuḥ | krī॒ṇī॒yāde॒va | saiva tataḥ॒ prāya̭ścittiḥ || yasya̭ krī॒tama̭pa॒harḙyuḥ | ā॒dā॒rāgśca̭ phālgu॒nāni̭ cā॒bhiṣṷṇuyāt | gā॒ya॒trī yagṃ soma॒māha̭rat | tasya॒ yo-'gṃ̭śuḥ pa॒rā-'pa̭tat || 43 ||

ta ā̭dā॒rā a̭bhavann | indro̭ vṛ॒trama̭hann | tasya̭ va॒lkaḥ parā̭-'patat | tāni̭ phālgu॒nānya̭bhavann | pa॒śavo॒ vai phā᳚lgu॒nāni̭ | pa॒śava॒-ssomo॒ rājā᳚ | yadā̭dā॒rāgśca̭ phālgu॒nāni̭ cābhiṣu॒ṇoti̭ | soma̭me॒va rājā̭nama॒bhiṣṷṇoti || śṛ॒tena̭ prātassava॒ne śrī̭ṇīyāt | da॒ddhnā ma॒ddhyandi̭ne || 44 ||

nī॒ta॒mi॒śreṇa̭ tṛtīyasava॒ne | a॒gi॒ṣṭo॒ma-ssomaḥ̭ syā-drathanta॒rasā̭mā | ya e॒vartvijo̭ vṛ॒tā-ssyuḥ | ta ḙnaṃ-yā~jayeyuḥ | ekā॒-ṅgā-ndakṣi̭ṇā-ndadyā॒ttebhya̭ e॒va | puna॒-ssoma̭-ṅkrīṇīyāt | ya॒jñenai॒va ta-dya॒jña-mi̭cchati | saiva tataḥ॒ prāya̭ścittiḥ || sarvā᳚bhyo॒ vā e॒ṣa de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-māgṷrate | ya-ssa॒trāyā̭gu॒rate᳚ | e॒tāvā॒n-khalu॒ vai purṷṣaḥ | yāva̭dasya vi॒ttam | sa॒rva॒ve॒da॒sena̭ yajeta | sarva̭pṛṣṭho-'sya॒ somaḥ̭ syāt | sarvā᳚bhya e॒va de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-nniṣkrī̭ṇīte || 45 ||

(u॒dvāya̭ti - manthen - mantha - tyakrāmat - pa॒rā-'pa̭tan - ma॒ddhyandi̭na - āgu॒rate॒ pañca̭ ca) (a. 7)

anuvākaṃ 8 - pāvamānīmantrāḥ (smārte śñānādau mārjanārthāśca)

pava̭māna॒-ssuva॒rjanaḥ̭ | pa॒vitrḙṇa॒ vica̭rṣaṇiḥ | yaḥ potā॒ sa pṷnātu mā || pu॒nantṷ mā devaja॒nāḥ | pu॒nantu॒ mana̭ vo dhi॒yā | pu॒nantu॒ viśva̭ ā॒yavaḥ̭ || jāta̭vedaḥ pa॒vitra̭vat | pa॒vitrḙṇa punāhi mā | śu॒kreṇa̭ deva॒ dīdya̭t | agne॒ kratvā॒ kratū॒gṃ॒ ranṷ || 46 ||

yattḙ pa॒vitra̭-ma॒rciṣi̭ | agne॒ vita̭tamanta॒rā | brahma॒ tena̭ punīmahe || u॒bhābhyā᳚-ndeva savitaḥ |pa॒vitrḙṇa sa॒vena̭ ca | i॒da-mbrahma̭ punīmahe || vai॒śva॒de॒vī pṷna॒tī de॒vyāgā᳚t | yasyai̭ ba॒hvī-sta॒nuvo̭ vī॒tapṛ̭ṣṭhāḥ | tayā॒ mada̭nta-ssadha॒mādyḙṣu | va॒yagg syā̭ma॒ pata̭yo rayī॒ṇām || 47 ||

vai॒śvā॒na॒ro ra॒śmibhi̭rmā punātu | vātaḥ̭ prā॒ṇenḙṣi॒ro ma̭yo॒bhūḥ | dyāvā̭pṛthi॒vī paya̭sā॒ payo̭bhiḥ | ṛ॒tāva̭rī ya॒jñiyḙ mā punītām || bṛ॒hadbhiḥ̭ savita॒stṛbhiḥ̭ | varṣi̭ṣṭhai-rdeva॒ manma̭bhiḥ | agne॒ dakṣaiḥ᳚ punāhi mā || yena̭ de॒vā apṷnata | yenāpo̭ di॒vya-ṅkaśaḥ̭ | tena̭ di॒vyena॒ brahma̭ṇā || 48 ||

i॒da-mbrahma̭ punīmahe || yaḥ pā̭vamā॒nīra॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | sarva॒gṃ॒ sa pū॒tama̭śñāti | sva॒di॒ta-mmā̭ta॒riśva̭nā || pā॒va॒mā॒nīryo a॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | tasmai॒ sara̭svatī duhe | kṣī॒ragṃ sa॒rpi-rmadhṷ̄da॒kam || pā॒va॒mā॒nī-ssva॒styaya̭nīḥ || 49 ||

su॒dughā॒ hi paya̭svatīḥ | ṛṣi̭bhi॒-ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam || pā॒va॒mā॒nī-rdi̭śantu naḥ | i॒maṃ-lo~॒kamatho̭ a॒mum | kāmā॒n-thsama̭rdhayantu naḥ | de॒vī-rde॒vai-ssa॒mābhṛ̭tāḥ || pā॒va॒mā॒nī-ssva॒styaya̭nīḥ | su॒dughā॒hi ghṛ̭ta॒ścutaḥ̭ | ṛṣi̭bhi॒-ssambhṛ̭to॒ rasaḥ̭ || 50 ||

brā॒hma॒ṇeṣva॒mṛtagṃ̭ hi॒tam || yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ | tena̭ sa॒hasra̭dhāreṇa | pā॒va॒mā॒nyaḥ pṷnantu mā || prā॒jā॒pa॒tya-mpa॒vitra᳚m | śa॒todyā̭magṃ hira॒ṇmaya᳚m | tena̭ brahma॒ vido̭ va॒yam | pū॒ta-mbrahma̭ punīmahe || indraḥ̭ sunī॒tī sa॒ha mā̭ punātu | somaḥ̭ sva॒styā varṷṇa-ssa॒mīcyā᳚ | ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu || 51 ||

(anṷ - rayī॒ṇāṃ - brahma̭ṇā - sva॒styaya̭nīḥ - su॒dughā॒ hi ghṛ̭ta॒ścuta॒ ṛṣi̭bhi॒-ssambhṛ̭to॒ rasaḥ̭ - punātu॒ trīṇi̭ ca ) (a. 8)

anuvākaṃ 9 - rājasūyagatacāturmāsyaśeṣaḥ

pra॒jā vai sa॒tramā̭sata॒ tapa॒stapya̭mānā॒ ajṷhvatīḥ | de॒vā a̭paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tenā᳚rdhamā॒sa ūrja॒mavā̭rundhata | tasmā̭dardhamā॒se de॒vā i̭jyante || pi॒taro̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta- ma̭juhavuḥ | tena̭ mā॒syūrja॒mavā̭rundhata | tasmā᳚-nmā॒si pi॒tṛbhyaḥ̭ kriyate | ma॒nu॒ṣyā̭ apaśya-ñcama॒sa-ṅghṛ॒tasya̭ pū॒rṇagg sva॒dhām || 52 ||

tamupoda̭tiṣṭha॒nta-ma̭juhavuḥ | tena̭-dva॒yīmūrja॒mavā̭rundhata | tasmā॒-ddvirahno̭-manu॒ṣye᳚bhya॒ upa̭hriyate | prā॒taśca̭ sā॒ya-ñca̭ | pa॒śavo̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tena̭-tra॒yīmūrja॒mavā̭-rundhata | tasmā॒-ttrirahnaḥ̭ pa॒śavaḥ॒ prera̭te | prā॒tassa̭gaṃ॒ve sā॒yam | asṷrā apaśya-ñcama॒sa-ṅghṛ॒tasya̭ pū॒rṇagg sva॒dhām || 53 ||

tamupoda̭tiṣṭha॒nta-ma̭juhavuḥ | tena̭ saṃva~thsa॒ra ūrja॒mavā̭-rundhata || te de॒vā a̭manyanta | a॒mī vā i॒dama̭bhūvann | yadva॒yaggsma iti̭ | ta e॒tāni̭ cāturmā॒syānya̭paśyann | tāni॒ nira̭vapann | taire॒vaiṣā॒-ntāmūrja̭mavṛñjata | tato̭ de॒vā abha̭vann | parā-'sṷrāḥ || 54 ||

ya-dyaja̭te | yāme॒va de॒vā ūrja̭ma॒vārṷndhata | tā-ntenā-va̭rundhe | ya-tpi॒tṛbhyaḥ̭ ka॒roti̭ | yāme॒va pi॒tara॒ ūrja̭ma॒vā-rṷndhata | tā-ntenā-va̭rundhe | yadā̭vasa॒the-'nna॒gṃ॒ hara̭nti | yāme॒va ma̭nu॒ṣyā̭ ūrja̭ma॒vā-rṷndhata | tā-ntenā-va̭rundhe | ya-ddakṣi̭ṇā॒-ndadā̭ti || 55 ||

yāme॒va pa॒śava॒ ūrja̭ma॒vā-rṷndhata | tā-ntenā-va̭rundhe | yaccā̭tu-rmā॒syai-ryaja̭te | yāme॒vāsṷrā॒ ūrja̭ma॒-vārṷndhata | tā-ntenā-va̭rundhe | bhava̭tyā॒tmanā᳚ | parā᳚-'sya॒ bhrātṛ̭vyo bhavati || vi॒rājo॒ vā e॒ṣā vikrā᳚ntiḥ | yaccā̭tu-rmā॒syāni̭ | vai॒śva॒de॒venā॒smi~llo॒ke pratya̭tiṣṭhat | va॒ru॒ṇa॒ pra॒ghā॒sai-ra॒ntari̭kṣe | sā॒ka॒me॒dhai-ra॒muṣmi̭~llo॒ke | e॒ṣa ha॒ tvāvaita-thsarva̭-mbhavati | ya e॒vaṃ-vi~॒dvāgścā̭turmā॒syai-ryaja̭te || 56 ||

(ma॒nu॒ṣyā̭ apaśyañcama॒sa-ṅghṛ॒tasya̭ pū॒rṇagg sva॒dhā-masṷrā apaśyañcama॒sa-ṅghṛ॒tasya̭ pū॒rṇagg sva॒dhā-masṷrā॒-dadā᳚-tyatiṣṭha cca॒tvāri̭ ca) (a. 9)

anuvākaṃ 10 - cāturmāsyapraśaṃsanam

a॒gnirvāva saṃ̭va~thsa॒raḥ | ā॒di॒tyaḥ pa̭rivathsa॒raḥ | ca॒ndramā̭ idāvathsa॒raḥ | vā॒yu-ra̭nuvathsa॒raḥ || ya-dvai᳚śvade॒vena॒ yaja̭te | a॒gnime॒va ta-thsaṃ̭va~thsa॒ra-mā᳚pnoti | tasmā᳚-dvaiśvade॒vena॒ yaja̭mānaḥ | saṃ॒va~॒thsa॒rīṇāg̭ sva॒sti-māśā᳚sta॒ ityāśā̭sīta || ya-dva̭ruṇa praghā॒sai-ryaja̭te | ā॒di॒tyame॒va ta-tpa̭rivathsa॒ra-mā᳚pnoti || 57 ||

tasmā᳚-dvaruṇa-praghā॒sai-ryaja̭mānaḥ | pa॒ri॒va॒thsa॒rīṇāg̭ sva॒sti-māśā᳚sta॒ ityāśā̭sīta | ya-thsā̭kame॒dhai-ryaja̭te | ca॒ndrama̭same॒va tadi̭dāvathsa॒ra-mā᳚pnoti | tasmā᳚-thsākame॒dhai-ryaja̭mānaḥ | i॒dā॒va॒thsa॒rīṇāg̭ sva॒sti-māśā᳚sta॒ ityāśā̭sīta || ya-tpi̭tṛ ya॒jñena॒ yaja̭te | de॒vāne॒va tada॒nvava̭syati || atha॒ vā a̭sya vā॒yuścā̭-nuvathsa॒raścā prī̭tā॒vucchi̭ṣyete | yacchṷnāsī॒rīyḙṇa॒ yaja̭te || 58 ||

vā॒yume॒va tada̭nuvathsa॒ra-mā᳚pnoti | tasmā᳚-cchunāsī॒rīyḙṇa॒ yaja̭mānaḥ | a॒nu॒va॒thsa॒rīṇāg̭ sva॒sti-māśā᳚sta॒ ityāśā̭sīta || saṃ॒va~॒thsa॒raṃ-vā~ e॒ṣa ī᳚phsa॒tītyā̭huḥ | yaścā̭tu-rmā॒syai-ryaja̭ta॒ iti̭ | e॒ṣa ha॒ tvai sa̭vanthsa॒ra-mā᳚pnoti | ya e॒vaṃ-vi~॒dvāg ścā̭turmā॒syai-ryaja̭te || viśvḙ de॒vā-ssama̭yajanta | te᳚-'gnime॒vāya̭janta | ta e॒taṃ-lo~॒kama̭jayann || 59 ||

yasmi̭nna॒gniḥ | ya-dvai᳚śvade॒vena॒ yaja̭te | e॒tame॒va lo॒ka-ñja̭yati | yasmi̭nna॒gniḥ | a॒gnere॒va sāyṷjya॒mupai̭ti || ya॒dā vai᳚śvade॒vena॒ yaja̭te | atha̭ saṃva~thsa॒rasya̭ gṛ॒hapa̭ti-māpnoti | ya॒dā saṃ̭va~thsa॒rasya̭ gṛ॒hapa̭ti-mā॒pnoti̭ | atha̭ sahasrayā॒jina̭-māpnoti | ya॒dā sa̭hasrayā॒jina̭-mā॒pnoti̭ || 60 ||

atha̭ gṛhame॒dhina̭-māpnoti | ya॒dā gṛ̭hame॒dhina̭-mā॒pnoti̭ | athā॒gni-rbha̭vati | ya॒dā-'gni-rbhava̭ti | atha॒ gaurbha̭vati | e॒ṣā vai vai᳚śvade॒vasya॒ mātrā᳚ | e॒ta-dvā e॒teṣā̭mava॒mam | ato̭-'to॒ vā utta̭rāṇi॒ śreyāgṃ̭si bhavanti | ya-dviśvḙ de॒vā-ssa॒maya̭janta | ta-dvai᳚śvade॒vasya̭ vaiśvadeva॒tvam || 61 ||

athā̭di॒tyo varṷṇa॒gṃ॒ rājā̭naṃ-va~ruṇa praghā॒saira̭yajata | sa e॒taṃ-lo~॒kama̭jayat | yasmi̭nnādi॒tyaḥ | ya-dva̭ruṇa-praghā॒sai-ryaja̭te | e॒tame॒va lo॒ka-ñja̭yati | yasmi̭nnādi॒tyaḥ | ā॒di॒tyasyai॒va-sāyṷjya॒-mupai̭ti | yadā̭di॒tyo varṷṇa॒gṃ॒ rājā̭naṃ-va~ruṇa praghā॒sairaya̭jata | ta-dva̭ruṇa praghā॒sānāṃ᳚-va~ruṇa praghāsa॒tvam || atha॒ somo॒ rājā॒ chandāgṃ̭si sākame॒dhaira̭yajata || 62 ||

sa e॒taṃ-lo~॒kama̭jayat | yasmigg̭ śca॒ndramā̭ vi॒bhāti̭ | ya-thsā̭kame॒dhai-ryaja̭te | e॒tame॒va lo॒ka-ñja̭yati | yasmigg̭ śca॒ndramā̭ vi॒bhāti̭ | ca॒ndrama̭sa e॒va sāyṷjya॒-mupai̭ti | somo॒ vai ca॒ndramāḥ᳚ | e॒ṣa ha॒ tvai sā॒kṣā-thsoma̭-mbhakṣayati | ya e॒vaṃ-vi~॒dvān-thsā̭kame॒dhai-ryaja̭te | ya-thsoma̭śca॒ rājā॒ chandāgṃ̭si ca sa॒maidha̭nta || 63 ||

ta-thsā̭kame॒dhānāgṃ̭ sākamedha॒tvam || atha॒rtavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñe-nā̭yajanta | ta e॒taṃ-lo~॒kama̭jayann | yasmi̭nnṛ॒tavaḥ̭ | ya-tpi̭tṛya॒jñena॒ yaja̭te | e॒tame॒va lo॒ka-ñja̭yati | yasmi̭nnṛ॒tavaḥ̭ | ṛ॒tū॒nāme॒va sāyṷjya॒-mupai̭ti | yad-ṛ॒tavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñenāya̭janta | ta-tpi̭tṛya॒jñasya̭ pitṛyajña॒tvam || 64 ||

athauṣa̭dhaya i॒ma-nde॒va-ntrya̭mbakai-rayajanta॒ prathḙma॒hīti̭ | tato॒ vai tā a̭prathanta | ya e॒vaṃ-vi~॒dvāg strya̭mbakai॒-ryaja̭te | pratha̭te pra॒jayā̭ pa॒śubhiḥ̭ || atha̭ vā॒yuḥ pa̭rame॒ṣṭhinagṃ̭ śunāsī॒rīyḙṇāyajata | sa e॒taṃ-lo~॒kama̭jayat | yasmi̭n-vā॒yuḥ | yacchṷnāsī॒rīyḙṇa॒ yaja̭te | e॒tame॒va lo॒ka-ñja̭yati | yasmi̭n-vā॒yuḥ || 65 ||

vā॒yore॒va sāyṷjya॒-mupai̭ti || bra॒hma॒vā॒dino̭ vadanti | pra cā̭turmāsyayā॒jī-mī̭ya॒tā(3) na pramī̭ya॒tā(3) iti̭ | jīva॒nvā e॒ṣa ṛ॒tūnapyḙti | yadi̭ va॒santā᳚ pra॒mīya̭te | va॒sa॒nto bha̭vati | yadi̭ grī॒ṣme grī॒ṣmaḥ | yadi̭ va॒r॒ṣāsṷ va॒r॒ṣāḥ | yadi̭ śa॒radi̭ śa॒rat | yadi॒ hema̭n. hema॒ntaḥ | ṛ॒turbhū॒tvā saṃ̭va~thsa॒ramapyḙti | saṃ॒va~॒thsa॒raḥ pra॒jāpa̭tiḥ | pra॒jāpa̭ti॒rvā vaiṣaḥ || 66 ||

(pa॒ri॒va॒thsa॒ramā᳚pnoti - śunāsī॒rīyḙṇa॒ yaja̭te - 'jayanth - sahasrayā॒jina̭mā॒pnoti̭ - vaiśvadeva॒tvagṃ - sā̭kame॒dhaira̭yajata - sa॒maidha̭nta - pitṛyajña॒tvaṃ - ja̭yati॒ yasmi̭n vā॒yu--r hḙma॒nta strīṇī̭ ca) (a. 10)

(u॒bhayḙ - yu॒vagṃ su॒rāma॒ - muda̭sthā॒n - ni vai - yasya̭ prātassava॒na - ekai̭ko - 'su॒ryam - pava̭mānaḥ - pra॒jā vai sa॒tramā̭sa - tā॒gnirvāva saṃ̭va~thsa॒ro daśa̭ )

(u॒bhaye॒ vā - uda̭sthā॒th - sarvā̭bhi--r maddhya॒to - 'tra॒ vāva - brā᳚hma॒ṇeṣva - tha̭ gṛhame॒dhina॒gṃ॒ ṣaṭ-thṣa̭ṣṭiḥ)

(u॒bhaye॒ - vāvaiṣaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhaka-ssamāptaḥ ||

1 kṛṣṇa yajurvedīya taittirīya brāhmaṇe prathamāṣṭakaṃ

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठकः - सोमादिब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - ग्रहणा ग्रहणम्

उ॒भये॒ वा ए॒ते प्र॒जाप॑ते॒रद्ध्य॑-सृज्यन्त । दे॒वाश्चासु॑राश्च । तान्न व्य॑जानात् । इ॒मे᳚-ऽन्य इ॒मे᳚-ऽन्य इति॑ । स दे॒वान॒ग्ं॒ शून॑करोत् । तान॒भ्य॑षुणोत् । ता-न्प॒वित्रे॑णा-पुनात् । तान्-प॒रस्ता᳚त्-प॒वित्र॑स्य॒-व्य॑गृह्णात् । ते ग्रहा॑ अभवन्न् । तद्ग्रहा॑णा-ङ्ग्रह॒त्वम् ॥ 1 ॥

दे॒वता॒ वा ए॒ता यज॑मानस्य गृ॒हे गृ॑ह्यन्ते । य-द्ग्रहाः᳚ । वि॒दुरे॑न-न्दे॒वाः । यस्यै॒वं-विँ॒दुष॑ ए॒ते ग्रहा॑ गृ॒ह्यन्ते᳚ ॥ ए॒षा वै सोम॒स्याहु॑तिः । यदु॑पा॒ग्ं॒शुः । सोमे॑न दे॒वाग् स्त॑र्पया॒णीति॒ खलु॒ वै सोमे॑न यजते । यदु॑पा॒ग्ं॒शु-ञ्जु॒होति॑ । सोमे॑नै॒व त-द्दे॒वाग् स्त॑र्पयति ॥ यद्ग्रहा᳚ञ्जु॒होति॑ ॥ 2 ॥

दे॒वा ए॒व त-द्दे॒वान्-ग॑च्छन्ति ॥ यच्च॑म॒साञ्जु॒होति॑ । तेनै॒वानु॑रूपेण॒ यज॑मान-स्सुव॒र्गं-लोँ॒कमे॑ति ॥ कि-न्न्वे॑तदग्र॑ आसी॒दित्या॑हुः । य-त्पात्रा॒णीति॑ । इ॒यं-वाँ ए॒तदग्र॑ आसीत् । मृ॒न्मया॑नि॒ वा ए॒तान्या॑सन्न् । तैर्दे॒वा न व्या॒वृत॑-मगच्छन्न् । त ए॒तानि॑ दारु॒मया॑णि॒ पात्रा᳚ण्य-पश्यन्न् । तान्य॑कुर्वत ॥ 3 ॥

तैर्वै ते व्या॒वृत॑-मगच्छन्न् । य-द्दा॑रु॒मया॑णि॒ पात्रा॑णि॒ भव॑न्ति । व्या॒वृत॑मे॒व तै-र्यज॑मानो गच्छति ॥ यानि॑ दारु॒मया॑णि॒ पात्रा॑णि॒ भव॑न्ति । अ॒मुमे॒व तै-र्लो॒क-म॒भिज॑यति । यानि॑ मृ॒न्मया॑नि । इ॒ममे॒व तै-र्लो॒क-म॒भिज॑यति ॥ ब्र॒ह्म॒वा॒दिनो॑ वदन्ति । काश्चत॑स्र-स्स्था॒लीर्वा॑य॒व्या᳚-स्सोम॒ग्रह॑णी॒रिति॑ । दे॒वा वै पृश्ञि॑मदुह्रन्न् ॥ 4 ॥

तस्या॑ ए॒ते स्तना॑ आसन्न् । इ॒यं-वैँ पृश्ञिः॑ । तामा॑दि॒त्या आ॑दित्यस्था॒ल्या चतु॑ष्पदः प॒शून॑दुह्रन्न् । यदा॑दित्यस्था॒ली भव॑ति । चतु॑ष्पद ए॒व तया॑ प॒शून्. यज॑मान इ॒मा-न्दु॑हे । तामिन्द्र॑ उक्थ्यस्था॒ल्येन्द्रि॒य-म॑दुहत् । यदु॑क्थ्यस्था॒ली भव॑ति । इ॒न्द्रि॒यमे॒व तया॒ यज॑मान इ॒मा-न्दु॑हे । तां-विँश्वे॑ दे॒वा आ᳚ग्रयणस्था॒ल्योर्ज॑-मदुह्रन्न् । यदा᳚ग्रयणस्था॒ली भव॑ति ॥ 5 ॥

ऊर्ज॑मे॒व तया॒ यज॑मान इ॒मा-न्दु॑हे । ता-म्म॑नु॒ष्या᳚-द्ध्रुवस्था॒ल्या ऽऽयु॑रदुह्रन्न् । यद्ध्रु॑वस्था॒ली भव॑ति । आयु॑रे॒व तया॒ यज॑मान इ॒मा-न्दु॑हे । स्था॒ल्या गृ॒ह्णाति॑ । वा॒य॒व्ये॑न जुहोति । तस्मा॑द॒न्येन॒ पात्रे॑ण प॒शू-न्दु॒हन्ति॑ । अ॒न्येन॒ प्रति॑गृह्णन्ति । अथो᳚ व्या॒वृत॑मे॒व त-द्यज॑मानो गच्छति ॥ 6 ॥

(ग्र॒ह॒त्वं - ग्रहा᳚न् जु॒होत्य॑-कुर्व-तादुह्र-न्नाग्रयणस्था॒ली भव॑ति॒-+नव॑ च) (अ. 1)

अनुवाकं 2 - सोत्रामणीशेषा मन्त्राः

यु॒वग्ं सु॒राम॑मश्विना । नमु॑चावा-ऽसु॒रे सचा᳚ । वि॒पि॒पा॒ना शु॑भस्पती । इन्द्र॒-ङ्कर्म॑स्वावतम् ॥ पु॒त्रमि॑व पि॒तरा॑व॒श्विनो॒भा । इन्द्राव॑त॒-ङ्कर्म॑णा द॒ग्ं॒सना॑भिः । य-थ्सु॒रामं॒-व्यँपि॑ब॒-श्शची॑भिः । सर॑स्वती त्वा मघवन्नभीष्णात् ॥ अहा᳚व्यग्ने ह॒विरा॒स्ये॑ ते । स्रु॒चीव॑ घृ॒त-ञ्च॒मू इ॑व॒ सोमः॑ ॥ 7 ॥

वा॒ज॒सनिग्ं॑ र॒यिम॒स्मे सु॒वीर᳚म् । प्र॒श॒स्त-न्धे॑हि य॒शस॑-म्बृ॒हन्त᳚म् ॥ यस्मि॒न्नश्वा॑स ऋष॒भास॑ उ॒क्षणः॑ । व॒शा मे॒षा अ॑वसृ॒ष्टास॒ आहु॑ताः । की॒ला॒ल॒पे सोम॑पृष्ठाय वे॒धसे᳚ । हृ॒दाम॒ति-ञ्ज॑नय॒ चारु॑म॒ग्नये᳚ ॥ नाना॒ हि वा᳚-न्दे॒वहि॑त॒ग्ं॒ सदो॑ मि॒तम् । मा सग्ंसृ॑क्षाथा-म्पर॒मे व्यो॑मन्न् । सुरा॒ त्वमसि॑ शु॒ष्मिणी॒ सोम॑ ए॒षः । मा मा॑ हिग्ंसी॒-स्स्वां-योँनि॑मावि॒शन्न् ॥ 8 ॥

यदत्र॑ शि॒ष्टग्ं र॒सिनः॑ सु॒तस्य॑ । यदिन्द्रो॒ अपि॑ब॒च्छची॑भिः । अ॒ह-न्तद॑स्य॒ मन॑सा शि॒वेन॑ । सोम॒ग्ं॒ राजा॑नमि॒ह भ॑क्षयामि ॥ द्वे स्रु॒ती अ॑शृणव-म्पितृ॒णाम् । अ॒ह-न्दे॒वाना॑मु॒त मर्त्या॑नाम् । ताभ्या॑मि॒दं-विँश्व॒-म्भुव॑न॒ग्ं॒ समे॑ति । अ॒न्त॒रा पूर्व॒मप॑र-ञ्च के॒तुम् ॥ यस्ते॑ देव वरुण गाय॒त्रछ॑न्दाः॒ पाशः॑ । त-न्त॑ ए॒तेनाव॑यजे ॥ 9 ॥

यस्ते॑ देव वरुण त्रि॒ष्टुप्छ॑न्दाः॒ पाशः॑ । त-न्त॑ ए॒तेनाव॑यजे । यस्ते॑ देव वरुण॒ जग॑तीछन्दाः॒ पाशः॑ । त-न्त॑ ए॒तेनाव॑यजे ॥ सोमो॒ वा ए॒तस्य॑ रा॒ज्यमाद॑त्ते । यो राजा॒ स-न्रा॒ज्यो वा॒ सोमे॑न॒ यज॑ते । दे॒व॒सु॒वामे॒तानि॑ ह॒वीग्ंषि॑ भवन्ति । ए॒ताव॑न्तो॒ वै दे॒वानाग्ं॑ स॒वाः । त ए॒वास्मै॑ स॒वा-न्प्रय॑च्छन्ति । त ए॑न॒-म्पुनः॑ सुवन्ते रा॒ज्याय॑ । दे॒व॒सू राजा॑ भवति ॥ 10 ॥

(सोम॑ - आवि॒शन्. - य॑जे - रा॒ज्यायैकं॑ च) (अ. 2)

अनुवाकं 3 - दोहप्रायश्चित्तम्, अग्निहोत्रे

उद॑स्था-द्दे॒व्यदि॑ति-र्विश्वरू॒पी । आयु॑र्य॒ज्ञप॑तावधात् । इन्द्रा॑य कृण्व॒ती भा॒गम् । मि॒त्राय॒ वरु॑णाय च ॥ इ॒यं-वाँ अ॑ग्निहो॒त्री । इ॒यं-वाँ ए॒तस्य॒ निषी॑दति । यस्या᳚ग्निहो॒त्री नि॒षीद॑ति । तामुत्था॑पयेत् । उद॑स्था-द्दे॒व्यदि॑ति॒रिति॑ । इ॒यं-वैँ दे॒व्यदि॑तिः ॥ 11 ॥

इ॒मामे॒वास्मा॒ उत्था॑पयति ॥ आयु॑र्य॒ज्ञप॑तावधा॒दित्या॑ह । आयु॑रे॒वास्मि॑-न्दधाति ॥ इन्द्रा॑य कृण्व॒ती भा॒ग-म्मि॒त्राय॒ वरु॑णाय॒ चेत्या॑ह । य॒था॒ य॒जुरे॒वैतत् ॥ अव॑र्तिं॒-वाँ ए॒षैतस्य॑ पा॒प्मान॑-म्प्रति॒ख्याय॒ निषी॑दति । यस्या᳚-ग्निहो॒त्र्युप॑सृष्टा नि॒षीद॑ति । ता-न्दु॒ग्ध्वा ब्रा᳚ह्म॒णाय॑ दद्यात् । यस्यान्न॒-न्नाद्यात् । अव॑र्तिमे॒वास्मि॑-न्पा॒प्मान॒-म्प्रति॑मुञ्चति ॥ 12 ॥

दु॒ग्ध्वा द॑दाति । न ह्यदृ॑ष्टा॒ दक्षि॑णा दी॒यते᳚ ॥ पृ॒थि॒वीं-वाँ ए॒तस्य॒ पयः॒ प्रवि॑शति । यस्या᳚ग्निहो॒त्र-न्दु॒ह्यमा॑न॒ग्ग्॒ स्कन्द॑ति ॥ यद॒द्य दु॒ग्ध-म्पृ॑थि॒वीमस॑क्त । यदोष॑धी-र॒प्यस॑र॒-द्यदापः॑ । पयो॑ गृ॒हेषु॒ पयो॑ अघ्नि॒यासु॑ । पयो॑ व॒थ्सेषु॒ पयो॑ अस्तु॒ तन्मयीत्या॑ह । पय॑ ए॒वात्म-न्गृ॒हेषु॑ प॒शुषु॑ धत्ते ॥ अ॒प उप॑सृजति ॥ 13 ॥

अ॒द्भिरे॒वैन॑दाप्नोति ॥ यो वै य॒ज्ञस्यार्ते॒नाना᳚र्तग्ं सग्ं सृ॒जति॑ । उ॒भे वै ते तर्ह्यार्च्छ॑तः । आर्च्छ॑ति॒ खलु॒ वा ए॒तद॑ग्निहो॒त्रम् । य-द्दु॒ह्यमा॑न॒ग्ग्॒ स्कन्द॑ति । यद॑भिदु॒ह्यात् । आर्ते॒नाना᳚र्तं-यँ॒ज्ञस्य॒ सग्ंसृ॑जेत् । तदे॒व या॒दृक्की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 14 ॥

य-द्युद्द्रु॑तस्य॒ स्कन्दे᳚त् । य-त्ततो-ऽहु॑त्वा॒ पुन॑रे॒यात् । य॒ज्ञं-विँच्छि॑न्द्यात् । यत्र॒ स्कन्दे᳚त् । तन्नि॒षद्य॒ पुन॑र्गृह्णीयात् । यत्रै॒व स्कन्द॑ति । तत॑ ए॒वैन॒त्-पुन॑र्गृह्णाति । तदे॒व या॒दृक्-की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 15 ॥

वि वा ए॒तस्य॑ य॒ज्ञश्छि॑द्यते । यस्या᳚ग्निहो॒त्रे॑-ऽधिश्रि॑ते॒ श्वा-ऽन्त॒रा धाव॑ति । रु॒द्रः खलु॒ वा ए॒षः । यद॒ग्निः । य-द्गाम॑न्वत्याव॒र्तये᳚त् । रु॒द्राय॑ प॒शू-नपि॑दद्ध्यात् । अ॒प॒शु-र्यज॑मान-स्स्यात् । यद॒पो᳚ ऽन्वतिषि॒ञ्चेत् । अ॒ना॒द्य-म॒ग्नेरापः॑ । अ॒ना॒द्यमा᳚भ्या॒-मपि॑दद्ध्यात् । गार्ह॑पत्या॒-द्भस्मा॒दाय॑ । इ॒दं-विँष्णु॒-र्विच॑क्रम॒ इति॑ वैष्ण॒व्यर्चा ऽऽह॑व॒नीया᳚द्ध्व॒ग्ं॒ सय॒न्नुद्र॑वेत् । य॒ज्ञो वै विष्णुः॑ । य॒ज्ञेनै॒व य॒ज्ञग्ं सन्त॑नोति । भस्म॑ना प॒दमपि॑वपति॒ शान्त्यै᳚ ॥ 16 ॥

(वै दे॒व्यदि॑ति--र् मुञ्चति - सृजति - करोति - करोत्या - भ्या॒मपि॑दद्ध्या॒-त्पञ्च॑ च) (अ. 3)

अनुवाकं 4 - अग्निप्रायश्चित्तं अग्निहोत्रे

नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति । द॒र्भेण॒ हिर॑ण्य-म्प्र॒बद्ध्य॑ पु॒रस्ता᳚द्धरेत् । अथा॒ग्निम् । अथा᳚ग्निहो॒त्रम् । यद्धिर॑ण्य-म्पु॒रस्ता॒द्धर॑ति । ज्योति॒र्वै हिर॑ण्यम् । ज्योति॑रे॒वैन॒-म्पश्य॒-न्नुद्ध॑रति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् ॥ 17 ॥

भा॒ग॒धेये॑नै॒वैन॒-म्प्रण॑यति ॥ ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ । सर्वा॑भिरे॒वैन॑-न्दे॒वता॑भि॒रुद्ध॑रति ॥ अ॒ग्नि॒हो॒त्र-मु॑प॒सा-द्यातमि॑तो-रासीत । व्र॒तमे॒व ह॒तमनु॑ म्रियते ॥ अन्तं॒-वाँ ए॒ष आ॒त्मनो॑ गच्छति । यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति ॥ 18 ॥

पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति ॥ वरु॑णो॒ वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभिनि॒म्रोच॑ति । वा॒रु॒ण-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । च॒तु॒र्गृ॒ही॒त-माज्य॑-म्पु॒रस्ता᳚द्धरेत् ॥ 19 ॥

अथा॒ग्निम् । अथा᳚ग्निहो॒त्रम् । यदाज्य॑-म्पु॒रस्ता॒द्धर॑ति । ए॒तद्वा अ॒ग्नेः प्रि॒य-न्धाम॑ । यदाज्य᳚म् । प्रि॒येणै॒वैन॒-न्धाम्ना॒ सम॑र्धयति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् । भा॒ग॒धेये॑नै॒वैन॒-म्प्रण॑यति । ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ ॥ 20 ॥

सर्वा॑भिरे॒वैन॑-न्दे॒वता॑भि॒रुद्ध॑रति ॥ परा॑ची॒ वा ए॒तस्मै᳚ व्यु॒च्छन्ती॒ व्यु॑च्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । उ॒षाः के॒तुना॑ जुषताम् । य॒ज्ञ-न्दे॒वेभि॑रिन्वि॒तम् । दे॒वेभ्यो॒ मधु॑मत्तम॒ग्ग्॒ स्वाहेति॑ प्र॒त्यं-नि॒षद्याज्ये॑न जुहुयात् । प्र॒तीची॑मे॒वास्मै॒ विवा॑सयति ॥ अ॒ग्नि॒हो॒त्र-मु॑प॒साद्यातमि॑तो-रासीत । व्र॒तमे॒व ह॒तमनु॑ म्रियते । अन्तं॒-वाँ ए॒ष आ॒त्मनो॑ गच्छति ॥ 21 ॥

यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति । मि॒त्रो वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । मै॒त्र-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ यस्या॑-हव॒नीये-ऽनु॑द्वाते॒ गार्ह॑पत्य उ॒द्वाये᳚त् ॥ 22 ॥

यदा॑हव॒नीय॒-मनु॑द्वाप्य॒ गार्ह॑पत्य॒-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यद्वै य॒ज्ञस्य॑ वास्त॒व्य॑-ङ्क्रि॒यते᳚ । तदनु॑ रु॒द्रो-ऽव॑चरति । य-त्पूर्व॑-मन्वव॒स्येत् । वा॒स्त॒व्य॑-म॒ग्निमुपा॑सीत । रु॒द्रो᳚-ऽस्य प॒शू-न्घातु॑क-स्स्यात् । आ॒ह॒व॒नीय॑-मु॒द्वाप्य॑ । गार्ह॑पत्य-म्मन्थेत् ॥ 23 ॥

इ॒तः प्र॑थ॒म-ञ्ज॑ज्ञे अ॒ग्निः । स्वाद्योने॒रधि॑ जा॒तवे॑दाः । स गा॑यत्रि॒या त्रि॒ष्टुभा॒ जग॑त्या । दे॒वेभ्यो॑ ह॒व्यं-वँ॑हतु प्रजा॒नन्निति॑ । छन्दो॑भिरे॒वैन॒ग्ग्॒ स्वाद्योनेः॒ प्रज॑नयति ॥ गार्ह॑पत्य-म्मन्थति । गार्ह॑पत्यं॒-वाँ अन्वाहि॑ताग्नेः प॒शव॒ उप॑ तिष्ठन्ते । स यदु॒द्वाय॑ति । तदनु॑ प॒शवो-ऽप॑क्रामन्ति । इ॒षे र॒य्यै र॑मस्व ॥ 24 ॥

सह॑से द्यु॒म्नाय॑ । ऊ॒र्जे पत्या॒येत्या॑ह । प॒शवो॒ वै र॒यिः । प॒शूने॒वास्मै॑ रमयति ॥ सा॒र॒स्व॒तौ त्वोथ्सौ॒ समि॑न्धाता॒मित्या॑ह । ऋ॒-ख्सा॒मे वै सा॑रस्व॒तावुथ्सौ᳚ । ऋ॒ख्-सा॒माभ्या॑मे॒वैन॒ग्ं॒ समि॑न्धे ॥ स॒म्राड॑सि वि॒राड॒सीत्या॑ह । र॒थ॒न्त॒रं-वैँ स॒म्राट् । बृ॒ह-द्वि॒राट् ॥ 25 ॥

ताभ्या॑मे॒वैन॒ग्ं॒ समि॑न्धे ॥ वज्रो॒ वै च॒क्रम् । वज्रो॒ वा ए॒तस्य॑ य॒ज्ञं-विँच्छि॑नत्ति । यस्यानो॑ वा॒ रथो॑ वा-ऽन्त॒रा-ऽग्नी याति॑ । आ॒ह॒व॒नीय॑-मु॒द्वाप्य॑ । गार्ह॑पत्या॒-दुद्ध॑रेत् । यद॑ग्ने॒ पूर्व॒-म्प्रभृ॑त-म्प॒दग्ं हि ते᳚ । सूर्य॑स्य र॒श्मीन-न्वा॑त॒तान॑ । तत्र॑ रयि॒ष्ठामनु॒ सम्भ॑रै॒तम् । स-न्नः॑ सृज सुम॒त्या वाज॑व॒त्येति॑ ॥ 26 ॥

पूर्वे॑णै॒वास्य॑ य॒ज्ञेन॑ य॒ज्ञमनु॒ स-न्त॑नोति ॥ त्वम॑ग्ने स॒प्रथा॑ अ॒सीत्या॑ह । अ॒ग्नि-स्सर्वा॑ दे॒वताः᳚ । दे॒वता॑भिरे॒व य॒ज्ञग्ं स-न्त॑नोति ॥ अ॒ग्नये॑ पथि॒कृते॑ पुरो॒डाश॑म॒ष्टाक॑पाल॒-न्निर्व॑पेत् । अ॒ग्निमे॒व प॑थि॒कृत॒ग्ग्॒ स्वेन॑ भाग॒धेये॒नोप॑ धावति । स ए॒वैनं॑-यँ॒ज्ञिय॒-म्पन्था॒मपि॑-नयति । अ॒न॒ड्वान्-दक्षि॑णा । व॒ही ह्ये॑ष समृ॑द्ध्यै ॥ 27 ॥

(हर॒त्यथा᳚ग्निहो॒त्रं - नि॒म्रोच॑ति - हरे-द्- दे॒वता॑ - गच्छ - त्यु॒द्वाये᳚-न्मन्थे-द्रमस्व-बृ॒ह-द्वि॒राड्-इति॒-नव॑ च) (अ. 4)

(नि वै पूर्व॒-न्त्रीणि॑ नि॒म्रोच॑ति द॒र्भेण॒ यद्धिर॑ण्यमग्निहो॒त्र-म्पुन॒र्वरु॑णो

वारु॒ण-न्नि वा ए॒तस्या॒भ्यु॑देति॑ चतुर्गृही॒तमाज्यं॒ यदाज्यं॒ परा᳚च्यु॒षाः पुन॑र्मि॒त्रो मे॒त्रं-यँस्या॑हव॒नीये-ऽनु॑द्वाते॒ गार्ह॑पत्यो॒ यद्वै म॑न्थे॒दुद्ध॑रेत्)

अनुवाकं 5 - सोमातिरेकप्रायश्चित्तम्

यस्य॑ प्रातस्सव॒ने सोमो॑-ऽति॒रिच्य॑ते । माद्ध्य॑न्दिन॒ग्ं॒ सव॑न-ङ्का॒मय॑मानो॒-ऽभ्यति॑रिच्यते । गौर्ध॑यति म॒रुता॒मिति॒ धय॑द्वतीषु कुर्वन्ति । हि॒नस्ति॒ वै स॒न्ध्यधी॑तम् । स॒न्धीव॒ खलु॒ वा ए॒तत् । य-थ्सव॑न स्याति॒रिच्य॑ते । यद्धय॑द्वतीषु कु॒र्वन्ति॑ । स॒न्धे-श्शान्त्यै᳚ ॥ गा॒य॒त्रग्ं साम॑ भवति पञ्चद॒श-स्स्तोमः॑ । तेनै॒व प्रा॑तस्सव॒नान्नय॑न्ति ॥ 28 ॥

म॒रुत्व॑तीषु कुर्वन्ति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ होतु॑श्च म॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ यस्य॒ माद्ध्य॑न्दिने॒ सव॑ने॒ सोमो॑-ऽति॒रिच्य॑ते । आ॒दि॒त्य-न्तृ॑तीयसव॒न-ङ्का॒मय॑मानो॒-ऽभ्यति॑रिच्यते । गौ॒रि॒वी॒तग्ं साम॑ भवति । अति॑रिक्तं॒-वैँ गौ॑रिवी॒तम् । अति॑रिक्तं॒-यँ-थ्सव॑नस्या-ति॒रिच्य॑ते ॥ 29 ॥

अति॑रिक्तस्य॒ शान्त्यै᳚ ॥ बण्म॒हाग्ं अ॑सि सू॒र्येति॑ कुर्वन्ति । यस्यै॒वादि॒त्यस्य॒ सव॑नस्य॒ कामे॑नाति॒रिच्य॑ते । तेनै॒वैन॒-ङ्कामे॑न॒ सम॑र्धयन्ति ॥ गौ॒रि॒वी॒तग्ं साम॑ भवति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ स॒प्त॒द॒श-स्स्तोमः॑ । तेनै॒व तृ॑तीयसव॒नान्नय॑न्ति ॥ होतु॑श्चम॒समनून्न॑यन्ते । होता-ऽनु॑शग्ं सति ॥ 30 ॥

म॒द्ध्य॒त ए॒व य॒ज्ञग्ं स॒माद॑धाति ॥ यस्य॑ तृतीयसव॒ने सोमो॑-ऽति॒रिच्ये॑त । उ॒क्थ्य॑-ङ्कुर्वीत । यस्यो॒क्थ्ये॑-ऽति॒रिच्ये॑त । अ॒ति॒रा॒त्र-ङ्कु॑र्वीत । यस्या॑-तिरा॒त्रे॑-ऽति॒रिच्य॑ते। तत्त्वै दु॑ष्प्रज्ञा॒नम् । यज॑मानं॒-वाँ ए॒त-त्प॒शव॑ आ॒साह्य॑ यन्ति । बृ॒ह-थ्साम॑ भवति । बृ॒हद्वा इ॒मां-लोँ॒का-न्दा॑धार । बार्ह॑ताः प॒शवः॑ । बृ॒ह॒तैवास्मै॑ प॒शू-न्दा॑धार ॥ शि॒पि॒वि॒ष्टव॑तीषु कुर्वन्ति । शि॒पि॒वि॒ष्टो वै दे॒वाना᳚-म्पु॒ष्टम् । पुष्ट्यै॒वैन॒ग्ं॒ सम॑र्धयन्ति ॥ होतु॑श्चम॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ 31 ॥

(य॒न्ति॒ - सव॑नस्याति॒रिच्य॑ते - शग्ंसति - दाधारा॒ष्टौ च॑) (अ. 5)

अनुवाकं 6 - सवननिमित्त-म्प्रायश्चित्तम्

एकै॑को॒ वै ज॒नता॑या॒-मिन्द्रः॑ । एकं॒-वाँ ए॒ताविन्द्र॑म॒भि सग्ंसु॑नुतः । यौ द्वौ सग्ं॑सुनु॒तः । प्र॒जाप॑ति॒र्वा ए॒ष विता॑यते । य-द्य॒ज्ञः । तस्य॒ ग्रावा॑णो॒ दन्ताः᳚ । अ॒न्य॒त॒रं-वाँ ए॒ते सग्ं॑सुन्व॒तो-र्निर्ब॑फ्सति । पूर्वे॑णोप॒सृत्या॑ दे॒वता॒ इत्या॑हुः । पू॒र्वो॒प॒सृ॒तस्य॒ वै श्रेया᳚-न्भवति । एति॑व॒न्त्याज्या॑नि भवन्त्य॒-भिजि॑त्यै ॥ 32 ॥

म॒रुत्व॑तीः प्रति॒पदः॑ । म॒रुतो॒ वै दे॒वाना॒-मप॑राजित-मा॒यत॑नम् । दे॒वाना॑-मे॒वाप॑राजित आ॒यत॑ने यतते ॥उ॒भे बृ॑हद्रथन्त॒रे भ॑वतः । इ॒यं-वाँव र॑थन्त॒रम् । अ॒सौ बृ॒हत् । आ॒भ्यामे॒वैन॑-म॒न्तरे॑ति । वा॒चश्च॒ मन॑सश्च । प्रा॒णाच्चा॑-पा॒नाच्च॑ । दि॒वश्च॑ पृथि॒व्याश्च॑ ॥ 33 ॥

सर्व॑स्मा-द्वि॒त्ता-द्वेद्या᳚त् ॥ अ॒भि॒व॒र्तो ब्र॑ह्मसा॒म-म्भ॑वति । सु॒व॒र्गस्य॑ लो॒कस्या॒-भिवृ॑त्त्यै ॥ अ॒भि॒जि-द्भ॑वति । सु॒व॒र्गस्य॑ लो॒कस्या॒-भिजि॑त्यै । वि॒श्व॒जि-द्भ॑वति । विश्व॑स्य॒ जित्यै᳚ ॥ यस्य॒ भूयाग्ं॑सो यज्ञक्र॒तव॒ इत्या॑हुः । स दे॒वता॑ वृङ्क्त॒ इति॑ । यद्य॑ग्निष्टो॒म-स्सोमः॑ प॒रस्ता॒-थ्स्यात् ॥ 34 ॥

उ॒क्थ्य॑-ङ्कुर्वीत । यद्यु॒क्थ्यः॑ स्यात् । अ॒ति॒रा॒त्र-ङ्कु॑र्वीत । य॒ज्ञ॒क्र॒तुभि॑-रे॒वास्य॑ दे॒वता॑ वृङ्क्ते ॥ यो वै छन्दो॑भि-रभि॒भव॑ति । स सग्ं॑ सुन्व॒तो-र॒भिभ॑वति । सं॒वेँ॒शाय॑ त्वोपवे॒शाय॒-त्वेत्या॑ह । छन्दाग्ं॑सि॒ वै सं॑वेँ॒श उ॑पवे॒शः । छन्दो॑भिरे॒वास्य॒ छन्दाग्॑स्य॒-भिभ॑वति ॥ इ॒ष्टर्गो॒ वा ऋ॒त्विजा॑-मद्ध्व॒र्युः ॥ 35 ॥

इ॒ष्टर्गः॒ खलु॒ वै पूर्वो॒-ऽर्ष्टुः, क्षी॑यते । प्राणा॑पानौ मृ॒त्योर्मा॑ पात॒मित्या॑ह । प्रा॒णा॒पा॒नयो॑रे॒व श्र॑यते । प्राणा॑पानौ॒ मा मा॑ हासिष्ट॒मित्या॑ह । नैन॑-म्पु॒रा-ऽऽयु॑षः प्राणापा॒नौ ज॑हितः ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना᳚-म्प्र॒मीय॑ते । तं-यँद॑व॒वर्जे॑युः । क्रू॒र॒कृता॑मिवैषां-लोँ॒क-स्स्या᳚त् । आह॑र द॒हेति॑ ब्रूयात् ॥ 36 ॥

त-न्द॑क्षिण॒तो वेद्यै॑ नि॒धाय॑ । स॒र्प॒रा॒ज्ञिया॑ ऋ॒ग्भि-स्स्तु॑युः । इ॒यं-वैँ सर्प॑तो॒ राज्ञी᳚ । अ॒स्या ए॒वैन॒-म्परि॑ददति ॥ व्यृ॑द्ध॒-न्तदित्या॑हुः । य-थ्स्तु॒त-मन॑नुशस्त॒-मिति॑ । होता᳚ प्रथ॒मः प्रा॑चीनावी॒ती मा᳚र्जा॒लीय॒-म्परी॑यात् । या॒मीर॑नु-ब्रु॒वन्न् । स॒र्प॒रा॒ज्ञीना᳚-ङ्कीर्तयेत् । उ॒भयो॑रे॒वैनं॑-लोँ॒कयोः॒ परि॑ददति ॥ 37 ॥

अथो॑ धु॒वन्त्ये॒वैन᳚म् । अथो॒ न्ये॑वास्मै᳚ ह्नुवते ॥ त्रिः परि॑यन्ति । त्रय॑ इ॒मे लो॒काः । ए॒भ्य ए॒वैनं॑-लोँ॒केभ्यो॑ धुवते । त्रिः पुनः॒ परि॑यन्ति । षट्-थ्सम्प॑द्यन्ते । षड्वा ऋ॒तवः॑ । ऋ॒तुभि॑रे॒वैन॑-न्धुवते ॥ अग्न॒ आयूग्ं॑षि पवस॒ इति॑ प्रति॒पद॑-ङ्कुर्वीरन्न् । र॒थ॒न्त॒रसा॑मैषा॒ग्ं॒ सोमः॑ स्यात् । आयु॑रे॒वात्मन्-द॑धते । अथो॑ पा॒प्मान॑मे॒व वि॒जह॑तो यन्ति ॥ 38 ॥

(अ॒भिजि॑त्यै - पृथि॒व्याश्च॒ - स्या - द॑द्ध्व॒र्यु--र् ब्रु॑याल् - लो॒कयोः॒ परि॑ददति - कुर्वर॒ग्ग्॒ स्त्रीणि॑ च) (अ. 6)

अनुवाकं 7 - यूपविरोहणादिप्रायश्चित्तम्

अ॒सु॒र्यं॑-वाँ ए॒तस्मा॒-द्वर्ण॑-ङ्कृ॒त्वा । प॒शवो॑ वी॒र्य॑-मप॑क्रामन्ति । यस्य॒ यूपो॑ वि॒रोह॑ति । त्वा॒ष्ट्र-म्ब॑हुरू॒प-माल॑भेत । त्वष्टा॒ वै रू॒पाणा॑मीशे । य ए॒व रू॒पाणा॒मीशे᳚ । सो᳚-ऽस्मि-न्प॒शून्. वी॒र्यं॑-यँच्छति । नास्मा᳚त्-प॒शवो॑ वी॒र्य॑-मप॑क्रामन्ति ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना॑-म॒ग्नि-रु॒द्वाय॑ति ॥ 39 ॥

यदा॑हव॒नीय॑ उ॒द्वाये᳚त् । यत्त-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यदा॑हव॒नीय॑ उ॒द्वाये᳚त् । आग्नी᳚द्ध्रा॒-दुद्ध॑रेत् । यदाग्नी᳚द्ध्र उ॒द्वाये᳚त् । गार्ह॑पत्या॒-दुद्ध॑रेत् । य-द्गार्ह॑पत्य उ॒द्वाये᳚त् । अत॑ ए॒व पुन॑-र्मन्थेत् ॥ 40 ॥

अत्र॒ वाव स निल॑यते । यत्र॒ खलु॒ वै निली॑न-मुत्त॒म-म्पश्य॑न्ति । तदे॑न-मिच्छन्ति ॥ यस्मा॒-द्दारो॑रु॒द्वाये᳚त् । तस्या॒रणी॑ कुर्यात् । क्रु॒मु॒कमपि॑ कुर्यात् । ए॒षा वा अ॒ग्नेः प्रि॒या त॒नूः । यत्-क्रु॑मु॒कः । प्रि॒ययै॒वैन॑-न्त॒नुवा॒ सम॑र्धयति ॥ गार्ह॑पत्य-म्मन्थति ॥ 41 ॥

गार्ह॑पत्यो॒ वा अ॒ग्नेर्योनिः॑ । स्वादे॒वैनं॒-योँने᳚-र्जनयति । नास्मै॒ भ्रातृ॑व्य-ञ्जनयति ॥ यस्य॒ सोम॑ उप॒दस्ये᳚त् । सु॒वर्ण॒ग्ं॒ हिर॑ण्य-न्द्वे॒धा वि॒च्छिद्य॑ । ऋ॒जी॒षे᳚-ऽन्यदा॑धूनु॒यात् । जु॒हु॒याद॒न्यत् । सोम॑मे॒वा-भि॑षु॒णोति॑ । सोम॑-ञ्जुहोति ॥ सोम॑स्य॒ वा अ॑भिषू॒यमा॑णस्य प्रि॒या त॒नू-रुद॑क्रामत् ॥ 42 ॥

त-थ्सु॒वर्ण॒ग्ं॒ हिर॑ण्य-मभवत् । य-थ्सु॒वर्ण॒ग्ं॒ हिर॑ण्य-ङ्कु॒र्वन्ति॑ । प्रि॒ययै॒वैन॑-न्त॒नुवा॒ सम॑र्धयन्ति ॥ यस्याक्री॑त॒ग्ं॒ सोम॑-मप॒हरे॑युः । क्री॒णी॒यादे॒व । सैव ततः॒ प्राय॑श्चित्तिः ॥ यस्य॑ क्री॒तम॑प॒हरे॑युः । आ॒दा॒राग्श्च॑ फाल्गु॒नानि॑ चा॒भिषु॑णुयात् । गा॒य॒त्री यग्ं सोम॒माह॑रत् । तस्य॒ यो-ऽग्ं॑शुः प॒रा-ऽप॑तत् ॥ 43 ॥

त आ॑दा॒रा अ॑भवन्न् । इन्द्रो॑ वृ॒त्रम॑हन्न् । तस्य॑ व॒ल्कः परा॑-ऽपतत् । तानि॑ फाल्गु॒नान्य॑भवन्न् । प॒शवो॒ वै फा᳚ल्गु॒नानि॑ । प॒शव॒-स्सोमो॒ राजा᳚ । यदा॑दा॒राग्श्च॑ फाल्गु॒नानि॑ चाभिषु॒णोति॑ । सोम॑मे॒व राजा॑नम॒भिषु॑णोति ॥ शृ॒तेन॑ प्रातस्सव॒ने श्री॑णीयात् । द॒द्ध्ना म॒द्ध्यन्दि॑ने ॥ 44 ॥

नी॒त॒मि॒श्रेण॑ तृतीयसव॒ने । अ॒गि॒ष्टो॒म-स्सोमः॑ स्या-द्रथन्त॒रसा॑मा । य ए॒वर्त्विजो॑ वृ॒ता-स्स्युः । त ए॑नं-याँजयेयुः । एका॒-ङ्गा-न्दक्षि॑णा-न्दद्या॒त्तेभ्य॑ ए॒व । पुन॒-स्सोम॑-ङ्क्रीणीयात् । य॒ज्ञेनै॒व त-द्य॒ज्ञ-मि॑च्छति । सैव ततः॒ प्राय॑श्चित्तिः ॥ सर्वा᳚भ्यो॒ वा ए॒ष दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-मागु॑रते । य-स्स॒त्राया॑गु॒रते᳚ । ए॒तावा॒न्-खलु॒ वै पुरु॑षः । याव॑दस्य वि॒त्तम् । स॒र्व॒वे॒द॒सेन॑ यजेत । सर्व॑पृष्ठो-ऽस्य॒ सोमः॑ स्यात् । सर्वा᳚भ्य ए॒व दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-न्निष्क्री॑णीते ॥ 45 ॥

(उ॒द्वाय॑ति - मन्थेन् - मन्थ - त्यक्रामत् - प॒रा-ऽप॑तन् - म॒द्ध्यन्दि॑न - आगु॒रते॒ पञ्च॑ च) (अ. 7)

अनुवाकं 8 - पावमानीमन्त्राः (स्मार्ते श्ञानादौ मार्जनार्थाश्च)

पव॑मान॒-स्सुव॒र्जनः॑ । प॒वित्रे॑ण॒ विच॑र्षणिः । यः पोता॒ स पु॑नातु मा ॥ पु॒नन्तु॑ मा देवज॒नाः । पु॒नन्तु॒ मन॑ वो धि॒या । पु॒नन्तु॒ विश्व॑ आ॒यवः॑ ॥ जात॑वेदः प॒वित्र॑वत् । प॒वित्रे॑ण पुनाहि मा । शु॒क्रेण॑ देव॒ दीद्य॑त् । अग्ने॒ क्रत्वा॒ क्रतू॒ग्ं॒ रनु॑ ॥ 46 ॥

यत्ते॑ प॒वित्र॑-म॒र्चिषि॑ । अग्ने॒ वित॑तमन्त॒रा । ब्रह्म॒ तेन॑ पुनीमहे ॥ उ॒भाभ्या᳚-न्देव सवितः ।प॒वित्रे॑ण स॒वेन॑ च । इ॒द-म्ब्रह्म॑ पुनीमहे ॥ वै॒श्व॒दे॒वी पु॑न॒ती दे॒व्यागा᳚त् । यस्यै॑ ब॒ह्वी-स्त॒नुवो॑ वी॒तपृ॑ष्ठाः । तया॒ मद॑न्त-स्सध॒माद्ये॑षु । व॒यग्ग् स्या॑म॒ पत॑यो रयी॒णाम् ॥ 47 ॥

वै॒श्वा॒न॒रो र॒श्मिभि॑र्मा पुनातु । वातः॑ प्रा॒णेने॑षि॒रो म॑यो॒भूः । द्यावा॑पृथि॒वी पय॑सा॒ पयो॑भिः । ऋ॒ताव॑री य॒ज्ञिये॑ मा पुनीताम् ॥ बृ॒हद्भिः॑ सवित॒स्तृभिः॑ । वर्षि॑ष्ठै-र्देव॒ मन्म॑भिः । अग्ने॒ दक्षैः᳚ पुनाहि मा ॥ येन॑ दे॒वा अपु॑नत । येनापो॑ दि॒व्य-ङ्कशः॑ । तेन॑ दि॒व्येन॒ ब्रह्म॑णा ॥ 48 ॥

इ॒द-म्ब्रह्म॑ पुनीमहे ॥ यः पा॑वमा॒नीर॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । सर्व॒ग्ं॒ स पू॒तम॑श्ञाति । स्व॒दि॒त-म्मा॑त॒रिश्व॑ना ॥ पा॒व॒मा॒नीर्यो अ॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । तस्मै॒ सर॑स्वती दुहे । क्षी॒रग्ं स॒र्पि-र्मधू॑द॒कम् ॥ पा॒व॒मा॒नी-स्स्व॒स्त्यय॑नीः ॥ 49 ॥

सु॒दुघा॒ हि पय॑स्वतीः । ऋषि॑भि॒-स्सम्भृ॑तो॒ रसः॑ । ब्रा॒ह्म॒णेष्व॒मृतग्ं॑ हि॒तम् ॥ पा॒व॒मा॒नी-र्दि॑शन्तु नः । इ॒मं-लोँ॒कमथो॑ अ॒मुम् । कामा॒न्-थ्सम॑र्धयन्तु नः । दे॒वी-र्दे॒वै-स्स॒माभृ॑ताः ॥ पा॒व॒मा॒नी-स्स्व॒स्त्यय॑नीः । सु॒दुघा॒हि घृ॑त॒श्चुतः॑ । ऋषि॑भि॒-स्सम्भृ॑तो॒ रसः॑ ॥ 50 ॥

ब्रा॒ह्म॒णेष्व॒मृतग्ं॑ हि॒तम् ॥ येन॑ दे॒वाः प॒वित्रे॑ण । आ॒त्मान॑-म्पु॒नते॒ सदा᳚ । तेन॑ स॒हस्र॑धारेण । पा॒व॒मा॒न्यः पु॑नन्तु मा ॥ प्रा॒जा॒प॒त्य-म्प॒वित्र᳚म् । श॒तोद्या॑मग्ं हिर॒ण्मय᳚म् । तेन॑ ब्रह्म॒ विदो॑ व॒यम् । पू॒त-म्ब्रह्म॑ पुनीमहे ॥ इन्द्रः॑ सुनी॒ती स॒ह मा॑ पुनातु । सोमः॑ स्व॒स्त्या वरु॑ण-स्स॒मीच्या᳚ । य॒मो राजा᳚ प्रमृ॒णाभिः॑ पुनातु मा । जा॒तवे॑दा मो॒र्जय॑न्त्या पुनातु ॥ 51 ॥

(अनु॑ - रयी॒णां - ब्रह्म॑णा - स्व॒स्त्यय॑नीः - सु॒दुघा॒ हि घृ॑त॒श्चुत॒ ऋषि॑भि॒-स्सम्भृ॑तो॒ रसः॑ - पुनातु॒ त्रीणि॑ च ) (अ. 8)

अनुवाकं 9 - राजसूयगतचातुर्मास्यशेषः

प्र॒जा वै स॒त्रमा॑सत॒ तप॒स्तप्य॑माना॒ अजु॑ह्वतीः । दे॒वा अ॑पश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेना᳚र्धमा॒स ऊर्ज॒मवा॑रुन्धत । तस्मा॑दर्धमा॒से दे॒वा इ॑ज्यन्ते ॥ पि॒तरो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त- म॑जुहवुः । तेन॑ मा॒स्यूर्ज॒मवा॑रुन्धत । तस्मा᳚-न्मा॒सि पि॒तृभ्यः॑ क्रियते । म॒नु॒ष्या॑ अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 52 ॥

तमुपोद॑तिष्ठ॒न्त-म॑जुहवुः । तेन॑-द्व॒यीमूर्ज॒मवा॑रुन्धत । तस्मा॒-द्द्विरह्नो॑-मनु॒ष्ये᳚भ्य॒ उप॑ह्रियते । प्रा॒तश्च॑ सा॒य-ञ्च॑ । प॒शवो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेन॑-त्र॒यीमूर्ज॒मवा॑-रुन्धत । तस्मा॒-त्त्रिरह्नः॑ प॒शवः॒ प्रेर॑ते । प्रा॒तस्स॑गं॒वे सा॒यम् । असु॑रा अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 53 ॥

तमुपोद॑तिष्ठ॒न्त-म॑जुहवुः । तेन॑ संवँथ्स॒र ऊर्ज॒मवा॑-रुन्धत ॥ ते दे॒वा अ॑मन्यन्त । अ॒मी वा इ॒दम॑भूवन्न् । यद्व॒यग्ग्स्म इति॑ । त ए॒तानि॑ चातुर्मा॒स्यान्य॑पश्यन्न् । तानि॒ निर॑वपन्न् । तैरे॒वैषा॒-न्तामूर्ज॑मवृञ्जत । ततो॑ दे॒वा अभ॑वन्न् । परा-ऽसु॑राः ॥ 54 ॥

य-द्यज॑ते । यामे॒व दे॒वा ऊर्ज॑म॒वारु॑न्धत । ता-न्तेना-व॑रुन्धे । य-त्पि॒तृभ्यः॑ क॒रोति॑ । यामे॒व पि॒तर॒ ऊर्ज॑म॒वा-रु॑न्धत । ता-न्तेना-व॑रुन्धे । यदा॑वस॒थे-ऽन्न॒ग्ं॒ हर॑न्ति । यामे॒व म॑नु॒ष्या॑ ऊर्ज॑म॒वा-रु॑न्धत । ता-न्तेना-व॑रुन्धे । य-द्दक्षि॑णा॒-न्ददा॑ति ॥ 55 ॥

यामे॒व प॒शव॒ ऊर्ज॑म॒वा-रु॑न्धत । ता-न्तेना-व॑रुन्धे । यच्चा॑तु-र्मा॒स्यै-र्यज॑ते । यामे॒वासु॑रा॒ ऊर्ज॑म॒-वारु॑न्धत । ता-न्तेना-व॑रुन्धे । भव॑त्या॒त्मना᳚ । परा᳚-ऽस्य॒ भ्रातृ॑व्यो भवति ॥ वि॒राजो॒ वा ए॒षा विक्रा᳚न्तिः । यच्चा॑तु-र्मा॒स्यानि॑ । वै॒श्व॒दे॒वेना॒स्मिँल्लो॒के प्रत्य॑तिष्ठत् । व॒रु॒ण॒ प्र॒घा॒सै-र॒न्तरि॑क्षे । सा॒क॒मे॒धै-र॒मुष्मि॑ँल्लो॒के । ए॒ष ह॒ त्वावैत-थ्सर्व॑-म्भवति । य ए॒वं-विँ॒द्वाग्श्चा॑तुर्मा॒स्यै-र्यज॑ते ॥ 56 ॥

(म॒नु॒ष्या॑ अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा॒-ददा᳚-त्यतिष्ठ च्च॒त्वारि॑ च) (अ. 9)

अनुवाकं 10 - चातुर्मास्यप्रशंसनम्

अ॒ग्निर्वाव सं॑वँथ्स॒रः । आ॒दि॒त्यः प॑रिवथ्स॒रः । च॒न्द्रमा॑ इदावथ्स॒रः । वा॒यु-र॑नुवथ्स॒रः ॥ य-द्वै᳚श्वदे॒वेन॒ यज॑ते । अ॒ग्निमे॒व त-थ्सं॑वँथ्स॒र-मा᳚प्नोति । तस्मा᳚-द्वैश्वदे॒वेन॒ यज॑मानः । सं॒वँ॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-द्व॑रुण प्रघा॒सै-र्यज॑ते । आ॒दि॒त्यमे॒व त-त्प॑रिवथ्स॒र-मा᳚प्नोति ॥ 57 ॥

तस्मा᳚-द्वरुण-प्रघा॒सै-र्यज॑मानः । प॒रि॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत । य-थ्सा॑कमे॒धै-र्यज॑ते । च॒न्द्रम॑समे॒व तदि॑दावथ्स॒र-मा᳚प्नोति । तस्मा᳚-थ्साकमे॒धै-र्यज॑मानः । इ॒दा॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-त्पि॑तृ य॒ज्ञेन॒ यज॑ते । दे॒वाने॒व तद॒न्वव॑स्यति ॥ अथ॒ वा अ॑स्य वा॒युश्चा॑-नुवथ्स॒रश्चा प्री॑ता॒वुच्छि॑ष्येते । यच्छु॑नासी॒रीये॑ण॒ यज॑ते ॥ 58 ॥

वा॒युमे॒व तद॑नुवथ्स॒र-मा᳚प्नोति । तस्मा᳚-च्छुनासी॒रीये॑ण॒ यज॑मानः । अ॒नु॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ सं॒वँ॒थ्स॒रं-वाँ ए॒ष ई᳚फ्स॒तीत्या॑हुः । यश्चा॑तु-र्मा॒स्यै-र्यज॑त॒ इति॑ । ए॒ष ह॒ त्वै स॑वन्थ्स॒र-मा᳚प्नोति । य ए॒वं-विँ॒द्वाग् श्चा॑तुर्मा॒स्यै-र्यज॑ते ॥ विश्वे॑ दे॒वा-स्सम॑यजन्त । ते᳚-ऽग्निमे॒वाय॑जन्त । त ए॒तं-लोँ॒कम॑जयन्न् ॥ 59 ॥

यस्मि॑न्न॒ग्निः । य-द्वै᳚श्वदे॒वेन॒ यज॑ते । ए॒तमे॒व लो॒क-ञ्ज॑यति । यस्मि॑न्न॒ग्निः । अ॒ग्नेरे॒व सायु॑ज्य॒मुपै॑ति ॥ य॒दा वै᳚श्वदे॒वेन॒ यज॑ते । अथ॑ संवँथ्स॒रस्य॑ गृ॒हप॑ति-माप्नोति । य॒दा सं॑वँथ्स॒रस्य॑ गृ॒हप॑ति-मा॒प्नोति॑ । अथ॑ सहस्रया॒जिन॑-माप्नोति । य॒दा स॑हस्रया॒जिन॑-मा॒प्नोति॑ ॥ 60 ॥

अथ॑ गृहमे॒धिन॑-माप्नोति । य॒दा गृ॑हमे॒धिन॑-मा॒प्नोति॑ । अथा॒ग्नि-र्भ॑वति । य॒दा-ऽग्नि-र्भव॑ति । अथ॒ गौर्भ॑वति । ए॒षा वै वै᳚श्वदे॒वस्य॒ मात्रा᳚ । ए॒त-द्वा ए॒तेषा॑मव॒मम् । अतो॑-ऽतो॒ वा उत्त॑राणि॒ श्रेयाग्ं॑सि भवन्ति । य-द्विश्वे॑ दे॒वा-स्स॒मय॑जन्त । त-द्वै᳚श्वदे॒वस्य॑ वैश्वदेव॒त्वम् ॥ 61 ॥

अथा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैर॑यजत । स ए॒तं-लोँ॒कम॑जयत् । यस्मि॑न्नादि॒त्यः । य-द्व॑रुण-प्रघा॒सै-र्यज॑ते । ए॒तमे॒व लो॒क-ञ्ज॑यति । यस्मि॑न्नादि॒त्यः । आ॒दि॒त्यस्यै॒व-सायु॑ज्य॒-मुपै॑ति । यदा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैरय॑जत । त-द्व॑रुण प्रघा॒सानां᳚-वँरुण प्रघास॒त्वम् ॥ अथ॒ सोमो॒ राजा॒ छन्दाग्ं॑सि साकमे॒धैर॑यजत ॥ 62 ॥

स ए॒तं-लोँ॒कम॑जयत् । यस्मिग्ग्॑ श्च॒न्द्रमा॑ वि॒भाति॑ । य-थ्सा॑कमे॒धै-र्यज॑ते । ए॒तमे॒व लो॒क-ञ्ज॑यति । यस्मिग्ग्॑ श्च॒न्द्रमा॑ वि॒भाति॑ । च॒न्द्रम॑स ए॒व सायु॑ज्य॒-मुपै॑ति । सोमो॒ वै च॒न्द्रमाः᳚ । ए॒ष ह॒ त्वै सा॒क्षा-थ्सोम॑-म्भक्षयति । य ए॒वं-विँ॒द्वान्-थ्सा॑कमे॒धै-र्यज॑ते । य-थ्सोम॑श्च॒ राजा॒ छन्दाग्ं॑सि च स॒मैध॑न्त ॥ 63 ॥

त-थ्सा॑कमे॒धानाग्ं॑ साकमेध॒त्वम् ॥ अथ॒र्तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञे-ना॑यजन्त । त ए॒तं-लोँ॒कम॑जयन्न् । यस्मि॑न्नृ॒तवः॑ । य-त्पि॑तृय॒ज्ञेन॒ यज॑ते । ए॒तमे॒व लो॒क-ञ्ज॑यति । यस्मि॑न्नृ॒तवः॑ । ऋ॒तू॒नामे॒व सायु॑ज्य॒-मुपै॑ति । यद्-ऋ॒तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञेनाय॑जन्त । त-त्पि॑तृय॒ज्ञस्य॑ पितृयज्ञ॒त्वम् ॥ 64 ॥

अथौष॑धय इ॒म-न्दे॒व-न्त्र्य॑म्बकै-रयजन्त॒ प्रथे॑म॒हीति॑ । ततो॒ वै ता अ॑प्रथन्त । य ए॒वं-विँ॒द्वाग् स्त्र्य॑म्बकै॒-र्यज॑ते । प्रथ॑ते प्र॒जया॑ प॒शुभिः॑ ॥ अथ॑ वा॒युः प॑रमे॒ष्ठिनग्ं॑ शुनासी॒रीये॑णायजत । स ए॒तं-लोँ॒कम॑जयत् । यस्मि॑न्-वा॒युः । यच्छु॑नासी॒रीये॑ण॒ यज॑ते । ए॒तमे॒व लो॒क-ञ्ज॑यति । यस्मि॑न्-वा॒युः ॥ 65 ॥

वा॒योरे॒व सायु॑ज्य॒-मुपै॑ति ॥ ब्र॒ह्म॒वा॒दिनो॑ वदन्ति । प्र चा॑तुर्मास्यया॒जी-मी॑य॒ता(3) न प्रमी॑य॒ता(3) इति॑ । जीव॒न्वा ए॒ष ऋ॒तूनप्ये॑ति । यदि॑ व॒सन्ता᳚ प्र॒मीय॑ते । व॒स॒न्तो भ॑वति । यदि॑ ग्री॒ष्मे ग्री॒ष्मः । यदि॑ व॒र्॒षासु॑ व॒र्॒षाः । यदि॑ श॒रदि॑ श॒रत् । यदि॒ हेम॑न्. हेम॒न्तः । ऋ॒तुर्भू॒त्वा सं॑वँथ्स॒रमप्ये॑ति । सं॒वँ॒थ्स॒रः प्र॒जाप॑तिः । प्र॒जाप॑ति॒र्वा वैषः ॥ 66 ॥

(प॒रि॒व॒थ्स॒रमा᳚प्नोति - शुनासी॒रीये॑ण॒ यज॑ते - ऽजयन्थ् - सहस्रया॒जिन॑मा॒प्नोति॑ - वैश्वदेव॒त्वग्ं - सा॑कमे॒धैर॑यजत - स॒मैध॑न्त - पितृयज्ञ॒त्वं - ज॑यति॒ यस्मि॑न् वा॒यु--र् हे॑म॒न्त स्त्रीणी॑ च) (अ. 10)

(उ॒भये॑ - यु॒वग्ं सु॒राम॒ - मुद॑स्था॒न् - नि वै - यस्य॑ प्रातस्सव॒न - एकै॑को - ऽसु॒र्यम् - पव॑मानः - प्र॒जा वै स॒त्रमा॑स - ता॒ग्निर्वाव सं॑वँथ्स॒रो दश॑ )

(उ॒भये॒ वा - उद॑स्था॒थ् - सर्वा॑भि--र् मद्ध्य॒तो - ऽत्र॒ वाव - ब्रा᳚ह्म॒णेष्व - थ॑ गृहमे॒धिन॒ग्ं॒ षट्-थ्ष॑ष्टिः)

(उ॒भये॒ - वावैषः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठक-स्समाप्तः ॥

1 कृष्ण यजुर्वेदीय तैत्तिरीय ब्राह्मणे प्रथमाष्टकं