1.4 - Somadibrahmanam - Krishna Yajurveda Taittiriya Brahmana Pathah - Ubhaye Va — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌚𑌤𑍁𑌰𑍍𑌥𑌃 𑌪𑍍𑌰𑌪𑌾𑌠𑌕𑌃 - 𑌸𑍋𑌮𑌾𑌦𑌿𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌗𑍍𑌰𑌹𑌣𑌾 𑌗𑍍𑌰𑌹𑌣𑌮𑍍

𑌉॒𑌭𑌯𑍇॒ 𑌵𑌾 𑌏॒𑌤𑍇 𑌪𑍍𑌰॒𑌜𑌾𑌪॑𑌤𑍇॒𑌰𑌦𑍍𑌧𑍍𑌯॑-𑌸𑍃𑌜𑍍𑌯𑌨𑍍𑌤 । 𑌦𑍇॒𑌵𑌾𑌶𑍍𑌚𑌾𑌸𑍁॑𑌰𑌾𑌶𑍍𑌚 । 𑌤𑌾𑌨𑍍𑌨 𑌵𑍍𑌯॑𑌜𑌾𑌨𑌾𑌤𑍍 । 𑌇॒𑌮𑍇᳚-𑌽𑌨𑍍𑌯 𑌇॒𑌮𑍇᳚-𑌽𑌨𑍍𑌯 𑌇𑌤𑌿॑ । 𑌸 𑌦𑍇॒𑌵𑌾𑌨॒𑌗𑍍𑌂॒ 𑌶𑍂𑌨॑𑌕𑌰𑍋𑌤𑍍 । 𑌤𑌾𑌨॒𑌭𑍍𑌯॑𑌷𑍁𑌣𑍋𑌤𑍍 । 𑌤𑌾-𑌨𑍍𑌪॒𑌵𑌿𑌤𑍍𑌰𑍇॑𑌣𑌾-𑌪𑍁𑌨𑌾𑌤𑍍 । 𑌤𑌾𑌨𑍍-𑌪॒𑌰𑌸𑍍𑌤𑌾᳚𑌤𑍍-𑌪॒𑌵𑌿𑌤𑍍𑌰॑𑌸𑍍𑌯॒-𑌵𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇 𑌗𑍍𑌰𑌹𑌾॑ 𑌅𑌭𑌵𑌨𑍍𑌨𑍍 । 𑌤𑌦𑍍𑌗𑍍𑌰𑌹𑌾॑𑌣𑌾-𑌙𑍍𑌗𑍍𑌰𑌹॒𑌤𑍍𑌵𑌮𑍍 ॥ 1 ॥

𑌦𑍇॒𑌵𑌤𑌾॒ 𑌵𑌾 𑌏॒𑌤𑌾 𑌯𑌜॑𑌮𑌾𑌨𑌸𑍍𑌯 𑌗𑍃॒𑌹𑍇 𑌗𑍃॑𑌹𑍍𑌯𑌨𑍍𑌤𑍇 । 𑌯-𑌦𑍍𑌗𑍍𑌰𑌹𑌾𑌃᳚ । 𑌵𑌿॒𑌦𑍁𑌰𑍇॑𑌨-𑌨𑍍𑌦𑍇॒𑌵𑌾𑌃 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌏॒𑌤𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ ॥ 𑌏॒𑌷𑌾 𑌵𑍈 𑌸𑍋𑌮॒𑌸𑍍𑌯𑌾𑌹𑍁॑𑌤𑌿𑌃 । 𑌯𑌦𑍁॑𑌪𑌾॒𑌗𑍍𑌂॒𑌶𑍁𑌃 । 𑌸𑍋𑌮𑍇॑𑌨 𑌦𑍇॒𑌵𑌾𑌗𑍍 𑌸𑍍𑌤॑𑌰𑍍𑌪𑌯𑌾॒𑌣𑍀𑌤𑌿॒ 𑌖𑌲𑍁॒ 𑌵𑍈 𑌸𑍋𑌮𑍇॑𑌨 𑌯𑌜𑌤𑍇 । 𑌯𑌦𑍁॑𑌪𑌾॒𑌗𑍍𑌂॒𑌶𑍁-𑌞𑍍𑌜𑍁॒𑌹𑍋𑌤𑌿॑ । 𑌸𑍋𑌮𑍇॑𑌨𑍈॒𑌵 𑌤-𑌦𑍍𑌦𑍇॒𑌵𑌾𑌗𑍍 𑌸𑍍𑌤॑𑌰𑍍𑌪𑌯𑌤𑌿 ॥ 𑌯𑌦𑍍𑌗𑍍𑌰𑌹𑌾᳚𑌞𑍍𑌜𑍁॒𑌹𑍋𑌤𑌿॑ ॥ 2 ॥

𑌦𑍇॒𑌵𑌾 𑌏॒𑌵 𑌤-𑌦𑍍𑌦𑍇॒𑌵𑌾𑌨𑍍-𑌗॑𑌚𑍍𑌛𑌨𑍍𑌤𑌿 ॥ 𑌯𑌚𑍍𑌚॑𑌮॒𑌸𑌾𑌞𑍍𑌜𑍁॒𑌹𑍋𑌤𑌿॑ । 𑌤𑍇𑌨𑍈॒𑌵𑌾𑌨𑍁॑𑌰𑍂𑌪𑍇𑌣॒ 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 𑌕𑌿-𑌨𑍍𑌨𑍍𑌵𑍇॑𑌤𑌦𑌗𑍍𑌰॑ 𑌆𑌸𑍀॒𑌦𑌿𑌤𑍍𑌯𑌾॑𑌹𑍁𑌃 । 𑌯-𑌤𑍍𑌪𑌾𑌤𑍍𑌰𑌾॒𑌣𑍀𑌤𑌿॑ । 𑌇॒𑌯𑌂-𑌵𑌾𑌁 𑌏॒𑌤𑌦𑌗𑍍𑌰॑ 𑌆𑌸𑍀𑌤𑍍 । 𑌮𑍃॒𑌨𑍍𑌮𑌯𑌾॑𑌨𑌿॒ 𑌵𑌾 𑌏॒𑌤𑌾𑌨𑍍𑌯𑌾॑𑌸𑌨𑍍𑌨𑍍 । 𑌤𑍈𑌰𑍍𑌦𑍇॒𑌵𑌾 𑌨 𑌵𑍍𑌯𑌾॒𑌵𑍃𑌤॑-𑌮𑌗𑌚𑍍𑌛𑌨𑍍𑌨𑍍 । 𑌤 𑌏॒𑌤𑌾𑌨𑌿॑ 𑌦𑌾𑌰𑍁॒𑌮𑌯𑌾॑𑌣𑌿॒ 𑌪𑌾𑌤𑍍𑌰𑌾᳚𑌣𑍍𑌯-𑌪𑌶𑍍𑌯𑌨𑍍𑌨𑍍 । 𑌤𑌾𑌨𑍍𑌯॑𑌕𑍁𑌰𑍍𑌵𑌤 ॥ 3 ॥

𑌤𑍈𑌰𑍍𑌵𑍈 𑌤𑍇 𑌵𑍍𑌯𑌾॒𑌵𑍃𑌤॑-𑌮𑌗𑌚𑍍𑌛𑌨𑍍𑌨𑍍 । 𑌯-𑌦𑍍𑌦𑌾॑𑌰𑍁॒𑌮𑌯𑌾॑𑌣𑌿॒ 𑌪𑌾𑌤𑍍𑌰𑌾॑𑌣𑌿॒ 𑌭𑌵॑𑌨𑍍𑌤𑌿 । 𑌵𑍍𑌯𑌾॒𑌵𑍃𑌤॑𑌮𑍇॒𑌵 𑌤𑍈-𑌰𑍍𑌯𑌜॑𑌮𑌾𑌨𑍋 𑌗𑌚𑍍𑌛𑌤𑌿 ॥ 𑌯𑌾𑌨𑌿॑ 𑌦𑌾𑌰𑍁॒𑌮𑌯𑌾॑𑌣𑌿॒ 𑌪𑌾𑌤𑍍𑌰𑌾॑𑌣𑌿॒ 𑌭𑌵॑𑌨𑍍𑌤𑌿 । 𑌅॒𑌮𑍁𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮॒𑌭𑌿𑌜॑𑌯𑌤𑌿 । 𑌯𑌾𑌨𑌿॑ 𑌮𑍃॒𑌨𑍍𑌮𑌯𑌾॑𑌨𑌿 । 𑌇॒𑌮𑌮𑍇॒𑌵 𑌤𑍈-𑌰𑍍𑌲𑍋॒𑌕-𑌮॒𑌭𑌿𑌜॑𑌯𑌤𑌿 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑌾𑌶𑍍𑌚𑌤॑𑌸𑍍𑌰-𑌸𑍍𑌸𑍍𑌥𑌾॒𑌲𑍀𑌰𑍍𑌵𑌾॑𑌯॒𑌵𑍍𑌯𑌾᳚-𑌸𑍍𑌸𑍋𑌮॒𑌗𑍍𑌰𑌹॑𑌣𑍀॒𑌰𑌿𑌤𑌿॑ । 𑌦𑍇॒𑌵𑌾 𑌵𑍈 𑌪𑍃𑌶𑍍𑌞𑌿॑𑌮𑌦𑍁𑌹𑍍𑌰𑌨𑍍𑌨𑍍 ॥ 4 ॥

𑌤𑌸𑍍𑌯𑌾॑ 𑌏॒𑌤𑍇 𑌸𑍍𑌤𑌨𑌾॑ 𑌆𑌸𑌨𑍍𑌨𑍍 । 𑌇॒𑌯𑌂-𑌵𑍈𑌁 𑌪𑍃𑌶𑍍𑌞𑌿𑌃॑ । 𑌤𑌾𑌮𑌾॑𑌦𑌿॒𑌤𑍍𑌯𑌾 𑌆॑𑌦𑌿𑌤𑍍𑌯𑌸𑍍𑌥𑌾॒𑌲𑍍𑌯𑌾 𑌚𑌤𑍁॑𑌷𑍍𑌪𑌦𑌃 𑌪॒𑌶𑍂𑌨॑𑌦𑍁𑌹𑍍𑌰𑌨𑍍𑌨𑍍 । 𑌯𑌦𑌾॑𑌦𑌿𑌤𑍍𑌯𑌸𑍍𑌥𑌾॒𑌲𑍀 𑌭𑌵॑𑌤𑌿 । 𑌚𑌤𑍁॑𑌷𑍍𑌪𑌦 𑌏॒𑌵 𑌤𑌯𑌾॑ 𑌪॒𑌶𑍂𑌨𑍍. 𑌯𑌜॑𑌮𑌾𑌨 𑌇॒𑌮𑌾-𑌨𑍍𑌦𑍁॑𑌹𑍇 । 𑌤𑌾𑌮𑌿𑌨𑍍𑌦𑍍𑌰॑ 𑌉𑌕𑍍𑌥𑍍𑌯𑌸𑍍𑌥𑌾॒𑌲𑍍𑌯𑍇𑌨𑍍𑌦𑍍𑌰𑌿॒𑌯-𑌮॑𑌦𑍁𑌹𑌤𑍍 । 𑌯𑌦𑍁॑𑌕𑍍𑌥𑍍𑌯𑌸𑍍𑌥𑌾॒𑌲𑍀 𑌭𑌵॑𑌤𑌿 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑌯𑌾॒ 𑌯𑌜॑𑌮𑌾𑌨 𑌇॒𑌮𑌾-𑌨𑍍𑌦𑍁॑𑌹𑍇 । 𑌤𑌾𑌂-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾 𑌆᳚𑌗𑍍𑌰𑌯𑌣𑌸𑍍𑌥𑌾॒𑌲𑍍𑌯𑍋𑌰𑍍𑌜॑-𑌮𑌦𑍁𑌹𑍍𑌰𑌨𑍍𑌨𑍍 । 𑌯𑌦𑌾᳚𑌗𑍍𑌰𑌯𑌣𑌸𑍍𑌥𑌾॒𑌲𑍀 𑌭𑌵॑𑌤𑌿 ॥ 5 ॥

𑌊𑌰𑍍𑌜॑𑌮𑍇॒𑌵 𑌤𑌯𑌾॒ 𑌯𑌜॑𑌮𑌾𑌨 𑌇॒𑌮𑌾-𑌨𑍍𑌦𑍁॑𑌹𑍇 । 𑌤𑌾-𑌮𑍍𑌮॑𑌨𑍁॒𑌷𑍍𑌯𑌾᳚-𑌦𑍍𑌧𑍍𑌰𑍁𑌵𑌸𑍍𑌥𑌾॒𑌲𑍍𑌯𑌾 𑌽𑌽𑌯𑍁॑𑌰𑌦𑍁𑌹𑍍𑌰𑌨𑍍𑌨𑍍 । 𑌯𑌦𑍍𑌧𑍍𑌰𑍁॑𑌵𑌸𑍍𑌥𑌾॒𑌲𑍀 𑌭𑌵॑𑌤𑌿 । 𑌆𑌯𑍁॑𑌰𑍇॒𑌵 𑌤𑌯𑌾॒ 𑌯𑌜॑𑌮𑌾𑌨 𑌇॒𑌮𑌾-𑌨𑍍𑌦𑍁॑𑌹𑍇 । 𑌸𑍍𑌥𑌾॒𑌲𑍍𑌯𑌾 𑌗𑍃॒𑌹𑍍𑌣𑌾𑌤𑌿॑ । 𑌵𑌾॒𑌯॒𑌵𑍍𑌯𑍇॑𑌨 𑌜𑍁𑌹𑍋𑌤𑌿 । 𑌤𑌸𑍍𑌮𑌾॑𑌦॒𑌨𑍍𑌯𑍇𑌨॒ 𑌪𑌾𑌤𑍍𑌰𑍇॑𑌣 𑌪॒𑌶𑍂-𑌨𑍍𑌦𑍁॒𑌹𑌨𑍍𑌤𑌿॑ । 𑌅॒𑌨𑍍𑌯𑍇𑌨॒ 𑌪𑍍𑌰𑌤𑌿॑𑌗𑍃𑌹𑍍𑌣𑌨𑍍𑌤𑌿 । 𑌅𑌥𑍋᳚ 𑌵𑍍𑌯𑌾॒𑌵𑍃𑌤॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋 𑌗𑌚𑍍𑌛𑌤𑌿 ॥ 6 ॥

(𑌗𑍍𑌰॒𑌹॒𑌤𑍍𑌵𑌂 - 𑌗𑍍𑌰𑌹𑌾᳚𑌨𑍍 𑌜𑍁॒𑌹𑍋𑌤𑍍𑌯॑-𑌕𑍁𑌰𑍍𑌵-𑌤𑌾𑌦𑍁𑌹𑍍𑌰-𑌨𑍍𑌨𑌾𑌗𑍍𑌰𑌯𑌣𑌸𑍍𑌥𑌾॒𑌲𑍀 𑌭𑌵॑𑌤𑌿॒-+𑌨𑌵॑ 𑌚) (𑌅. 1)

𑌅𑌨𑍁𑌵𑌾𑌕𑌂 2 - 𑌸𑍋𑌤𑍍𑌰𑌾𑌮𑌣𑍀𑌶𑍇𑌷𑌾 𑌮𑌨𑍍𑌤𑍍𑌰𑌾𑌃

𑌯𑍁॒𑌵𑌗𑍍𑌂 𑌸𑍁॒𑌰𑌾𑌮॑𑌮𑌶𑍍𑌵𑌿𑌨𑌾 । 𑌨𑌮𑍁॑𑌚𑌾𑌵𑌾-𑌽𑌸𑍁॒𑌰𑍇 𑌸𑌚𑌾᳚ । 𑌵𑌿॒𑌪𑌿॒𑌪𑌾॒𑌨𑌾 𑌶𑍁॑𑌭𑌸𑍍𑌪𑌤𑍀 । 𑌇𑌨𑍍𑌦𑍍𑌰॒-𑌙𑍍𑌕𑌰𑍍𑌮॑𑌸𑍍𑌵𑌾𑌵𑌤𑌮𑍍 ॥ 𑌪𑍁॒𑌤𑍍𑌰𑌮𑌿॑𑌵 𑌪𑌿॒𑌤𑌰𑌾॑𑌵॒𑌶𑍍𑌵𑌿𑌨𑍋॒𑌭𑌾 । 𑌇𑌨𑍍𑌦𑍍𑌰𑌾𑌵॑𑌤॒-𑌙𑍍𑌕𑌰𑍍𑌮॑𑌣𑌾 𑌦॒𑌗𑍍𑌂॒𑌸𑌨𑌾॑𑌭𑌿𑌃 । 𑌯-𑌥𑍍𑌸𑍁॒𑌰𑌾𑌮𑌂॒-𑌵𑍍𑌯𑌁𑌪𑌿॑𑌬॒-𑌶𑍍𑌶𑌚𑍀॑𑌭𑌿𑌃 । 𑌸𑌰॑𑌸𑍍𑌵𑌤𑍀 𑌤𑍍𑌵𑌾 𑌮𑌘𑌵𑌨𑍍𑌨𑌭𑍀𑌷𑍍𑌣𑌾𑌤𑍍 ॥ 𑌅𑌹𑌾᳚𑌵𑍍𑌯𑌗𑍍𑌨𑍇 𑌹॒𑌵𑌿𑌰𑌾॒𑌸𑍍𑌯𑍇॑ 𑌤𑍇 । 𑌸𑍍𑌰𑍁॒𑌚𑍀𑌵॑ 𑌘𑍃॒𑌤-𑌞𑍍𑌚॒𑌮𑍂 𑌇॑𑌵॒ 𑌸𑍋𑌮𑌃॑ ॥ 7 ॥

𑌵𑌾॒𑌜॒𑌸𑌨𑌿𑌗𑍍𑌂॑ 𑌰॒𑌯𑌿𑌮॒𑌸𑍍𑌮𑍇 𑌸𑍁॒𑌵𑍀𑌰᳚𑌮𑍍 । 𑌪𑍍𑌰॒𑌶॒𑌸𑍍𑌤-𑌨𑍍𑌧𑍇॑𑌹𑌿 𑌯॒𑌶𑌸॑-𑌮𑍍𑌬𑍃॒𑌹𑌨𑍍𑌤᳚𑌮𑍍 ॥ 𑌯𑌸𑍍𑌮𑌿॒𑌨𑍍𑌨𑌶𑍍𑌵𑌾॑𑌸 𑌋𑌷॒𑌭𑌾𑌸॑ 𑌉॒𑌕𑍍𑌷𑌣𑌃॑ । 𑌵॒𑌶𑌾 𑌮𑍇॒𑌷𑌾 𑌅॑𑌵𑌸𑍃॒𑌷𑍍𑌟𑌾𑌸॒ 𑌆𑌹𑍁॑𑌤𑌾𑌃 । 𑌕𑍀॒𑌲𑌾॒𑌲॒𑌪𑍇 𑌸𑍋𑌮॑𑌪𑍃𑌷𑍍𑌠𑌾𑌯 𑌵𑍇॒𑌧𑌸𑍇᳚ । 𑌹𑍃॒𑌦𑌾𑌮॒𑌤𑌿-𑌞𑍍𑌜॑𑌨𑌯॒ 𑌚𑌾𑌰𑍁॑𑌮॒𑌗𑍍𑌨𑌯𑍇᳚ ॥ 𑌨𑌾𑌨𑌾॒ 𑌹𑌿 𑌵𑌾᳚-𑌨𑍍𑌦𑍇॒𑌵𑌹𑌿॑𑌤॒𑌗𑍍𑌂॒ 𑌸𑌦𑍋॑ 𑌮𑌿॒𑌤𑌮𑍍 । 𑌮𑌾 𑌸𑌗𑍍𑌂𑌸𑍃॑𑌕𑍍𑌷𑌾𑌥𑌾-𑌮𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍁𑌰𑌾॒ 𑌤𑍍𑌵𑌮𑌸𑌿॑ 𑌶𑍁॒𑌷𑍍𑌮𑌿𑌣𑍀॒ 𑌸𑍋𑌮॑ 𑌏॒𑌷𑌃 । 𑌮𑌾 𑌮𑌾॑ 𑌹𑌿𑌗𑍍𑌂𑌸𑍀॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌾𑌵𑌿॒𑌶𑌨𑍍𑌨𑍍 ॥ 8 ॥

𑌯𑌦𑌤𑍍𑌰॑ 𑌶𑌿॒𑌷𑍍𑌟𑌗𑍍𑌂 𑌰॒𑌸𑌿𑌨𑌃॑ 𑌸𑍁॒𑌤𑌸𑍍𑌯॑ । 𑌯𑌦𑌿𑌨𑍍𑌦𑍍𑌰𑍋॒ 𑌅𑌪𑌿॑𑌬॒𑌚𑍍𑌛𑌚𑍀॑𑌭𑌿𑌃 । 𑌅॒𑌹-𑌨𑍍𑌤𑌦॑𑌸𑍍𑌯॒ 𑌮𑌨॑𑌸𑌾 𑌶𑌿॒𑌵𑍇𑌨॑ । 𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌮𑌿॒𑌹 𑌭॑𑌕𑍍𑌷𑌯𑌾𑌮𑌿 ॥ 𑌦𑍍𑌵𑍇 𑌸𑍍𑌰𑍁॒𑌤𑍀 𑌅॑𑌶𑍃𑌣𑌵-𑌮𑍍𑌪𑌿𑌤𑍃॒𑌣𑌾𑌮𑍍 । 𑌅॒𑌹-𑌨𑍍𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌰𑍍𑌤𑍍𑌯𑌾॑𑌨𑌾𑌮𑍍 । 𑌤𑌾𑌭𑍍𑌯𑌾॑𑌮𑌿॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨॒𑌗𑍍𑌂॒ 𑌸𑌮𑍇॑𑌤𑌿 । 𑌅॒𑌨𑍍𑌤॒𑌰𑌾 𑌪𑍂𑌰𑍍𑌵॒𑌮𑌪॑𑌰-𑌞𑍍𑌚 𑌕𑍇॒𑌤𑍁𑌮𑍍 ॥ 𑌯𑌸𑍍𑌤𑍇॑ 𑌦𑍇𑌵 𑌵𑌰𑍁𑌣 𑌗𑌾𑌯॒𑌤𑍍𑌰𑌛॑𑌨𑍍𑌦𑌾𑌃॒ 𑌪𑌾𑌶𑌃॑ । 𑌤-𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇 ॥ 9 ॥

𑌯𑌸𑍍𑌤𑍇॑ 𑌦𑍇𑌵 𑌵𑌰𑍁𑌣 𑌤𑍍𑌰𑌿॒𑌷𑍍𑌟𑍁𑌪𑍍𑌛॑𑌨𑍍𑌦𑌾𑌃॒ 𑌪𑌾𑌶𑌃॑ । 𑌤-𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇 । 𑌯𑌸𑍍𑌤𑍇॑ 𑌦𑍇𑌵 𑌵𑌰𑍁𑌣॒ 𑌜𑌗॑𑌤𑍀𑌛𑌨𑍍𑌦𑌾𑌃॒ 𑌪𑌾𑌶𑌃॑ । 𑌤-𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇 ॥ 𑌸𑍋𑌮𑍋॒ 𑌵𑌾 𑌏॒𑌤𑌸𑍍𑌯॑ 𑌰𑌾॒𑌜𑍍𑌯𑌮𑌾𑌦॑𑌤𑍍𑌤𑍇 । 𑌯𑍋 𑌰𑌾𑌜𑌾॒ 𑌸-𑌨𑍍𑌰𑌾॒𑌜𑍍𑌯𑍋 𑌵𑌾॒ 𑌸𑍋𑌮𑍇॑𑌨॒ 𑌯𑌜॑𑌤𑍇 । 𑌦𑍇॒𑌵॒𑌸𑍁॒𑌵𑌾𑌮𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌭𑌵𑌨𑍍𑌤𑌿 । 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌗𑍍𑌂॑ 𑌸॒𑌵𑌾𑌃 । 𑌤 𑌏॒𑌵𑌾𑌸𑍍𑌮𑍈॑ 𑌸॒𑌵𑌾-𑌨𑍍𑌪𑍍𑌰𑌯॑𑌚𑍍𑌛𑌨𑍍𑌤𑌿 । 𑌤 𑌏॑𑌨॒-𑌮𑍍𑌪𑍁𑌨𑌃॑ 𑌸𑍁𑌵𑌨𑍍𑌤𑍇 𑌰𑌾॒𑌜𑍍𑌯𑌾𑌯॑ । 𑌦𑍇॒𑌵॒𑌸𑍂 𑌰𑌾𑌜𑌾॑ 𑌭𑌵𑌤𑌿 ॥ 10 ॥

(𑌸𑍋𑌮॑ - 𑌆𑌵𑌿॒𑌶𑌨𑍍. - 𑌯॑𑌜𑍇 - 𑌰𑌾॒𑌜𑍍𑌯𑌾𑌯𑍈𑌕𑌂॑ 𑌚) (𑌅. 2)

𑌅𑌨𑍁𑌵𑌾𑌕𑌂 3 - 𑌦𑍋𑌹𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍, 𑌅𑌗𑍍𑌨𑌿𑌹𑍋𑌤𑍍𑌰𑍇

𑌉𑌦॑𑌸𑍍𑌥𑌾-𑌦𑍍𑌦𑍇॒𑌵𑍍𑌯𑌦𑌿॑𑌤𑌿-𑌰𑍍𑌵𑌿𑌶𑍍𑌵𑌰𑍂॒𑌪𑍀 । 𑌆𑌯𑍁॑𑌰𑍍𑌯॒𑌜𑍍𑌞𑌪॑𑌤𑌾𑌵𑌧𑌾𑌤𑍍 । 𑌇𑌨𑍍𑌦𑍍𑌰𑌾॑𑌯 𑌕𑍃𑌣𑍍𑌵॒𑌤𑍀 𑌭𑌾॒𑌗𑌮𑍍 । 𑌮𑌿॒𑌤𑍍𑌰𑌾𑌯॒ 𑌵𑌰𑍁॑𑌣𑌾𑌯 𑌚 ॥ 𑌇॒𑌯𑌂-𑌵𑌾𑌁 𑌅॑𑌗𑍍𑌨𑌿𑌹𑍋॒𑌤𑍍𑌰𑍀 । 𑌇॒𑌯𑌂-𑌵𑌾𑌁 𑌏॒𑌤𑌸𑍍𑌯॒ 𑌨𑌿𑌷𑍀॑𑌦𑌤𑌿 । 𑌯𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑍀 𑌨𑌿॒𑌷𑍀𑌦॑𑌤𑌿 । 𑌤𑌾𑌮𑍁𑌤𑍍𑌥𑌾॑𑌪𑌯𑍇𑌤𑍍 । 𑌉𑌦॑𑌸𑍍𑌥𑌾-𑌦𑍍𑌦𑍇॒𑌵𑍍𑌯𑌦𑌿॑𑌤𑌿॒𑌰𑌿𑌤𑌿॑ । 𑌇॒𑌯𑌂-𑌵𑍈𑌁 𑌦𑍇॒𑌵𑍍𑌯𑌦𑌿॑𑌤𑌿𑌃 ॥ 11 ॥

𑌇॒𑌮𑌾𑌮𑍇॒𑌵𑌾𑌸𑍍𑌮𑌾॒ 𑌉𑌤𑍍𑌥𑌾॑𑌪𑌯𑌤𑌿 ॥ 𑌆𑌯𑍁॑𑌰𑍍𑌯॒𑌜𑍍𑌞𑌪॑𑌤𑌾𑌵𑌧𑌾॒𑌦𑌿𑌤𑍍𑌯𑌾॑𑌹 । 𑌆𑌯𑍁॑𑌰𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 ॥ 𑌇𑌨𑍍𑌦𑍍𑌰𑌾॑𑌯 𑌕𑍃𑌣𑍍𑌵॒𑌤𑍀 𑌭𑌾॒𑌗-𑌮𑍍𑌮𑌿॒𑌤𑍍𑌰𑌾𑌯॒ 𑌵𑌰𑍁॑𑌣𑌾𑌯॒ 𑌚𑍇𑌤𑍍𑌯𑌾॑𑌹 । 𑌯॒𑌥𑌾॒ 𑌯॒𑌜𑍁𑌰𑍇॒𑌵𑍈𑌤𑌤𑍍 ॥ 𑌅𑌵॑𑌰𑍍𑌤𑌿𑌂॒-𑌵𑌾𑌁 𑌏॒𑌷𑍈𑌤𑌸𑍍𑌯॑ 𑌪𑌾॒𑌪𑍍𑌮𑌾𑌨॑-𑌮𑍍𑌪𑍍𑌰𑌤𑌿॒𑌖𑍍𑌯𑌾𑌯॒ 𑌨𑌿𑌷𑍀॑𑌦𑌤𑌿 । 𑌯𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑍍𑌯𑍁𑌪॑𑌸𑍃𑌷𑍍𑌟𑌾 𑌨𑌿॒𑌷𑍀𑌦॑𑌤𑌿 । 𑌤𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌬𑍍𑌰𑌾᳚𑌹𑍍𑌮॒𑌣𑌾𑌯॑ 𑌦𑌦𑍍𑌯𑌾𑌤𑍍 । 𑌯𑌸𑍍𑌯𑌾𑌨𑍍𑌨॒-𑌨𑍍𑌨𑌾𑌦𑍍𑌯𑌾𑌤𑍍 । 𑌅𑌵॑𑌰𑍍𑌤𑌿𑌮𑍇॒𑌵𑌾𑌸𑍍𑌮𑌿॑-𑌨𑍍𑌪𑌾॒𑌪𑍍𑌮𑌾𑌨॒-𑌮𑍍𑌪𑍍𑌰𑌤𑌿॑𑌮𑍁𑌞𑍍𑌚𑌤𑌿 ॥ 12 ॥

𑌦𑍁॒𑌗𑍍𑌧𑍍𑌵𑌾 𑌦॑𑌦𑌾𑌤𑌿 । 𑌨 𑌹𑍍𑌯𑌦𑍃॑𑌷𑍍𑌟𑌾॒ 𑌦𑌕𑍍𑌷𑌿॑𑌣𑌾 𑌦𑍀॒𑌯𑌤𑍇᳚ ॥ 𑌪𑍃॒𑌥𑌿॒𑌵𑍀𑌂-𑌵𑌾𑌁 𑌏॒𑌤𑌸𑍍𑌯॒ 𑌪𑌯𑌃॒ 𑌪𑍍𑌰𑌵𑌿॑𑌶𑌤𑌿 । 𑌯𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰-𑌨𑍍𑌦𑍁॒𑌹𑍍𑌯𑌮𑌾॑𑌨॒𑌗𑍍𑌗𑍍॒ 𑌸𑍍𑌕𑌨𑍍𑌦॑𑌤𑌿 ॥ 𑌯𑌦॒𑌦𑍍𑌯 𑌦𑍁॒𑌗𑍍𑌧-𑌮𑍍𑌪𑍃॑𑌥𑌿॒𑌵𑍀𑌮𑌸॑𑌕𑍍𑌤 । 𑌯𑌦𑍋𑌷॑𑌧𑍀-𑌰॒𑌪𑍍𑌯𑌸॑𑌰॒-𑌦𑍍𑌯𑌦𑌾𑌪𑌃॑ । 𑌪𑌯𑍋॑ 𑌗𑍃॒𑌹𑍇𑌷𑍁॒ 𑌪𑌯𑍋॑ 𑌅𑌘𑍍𑌨𑌿॒𑌯𑌾𑌸𑍁॑ । 𑌪𑌯𑍋॑ 𑌵॒𑌥𑍍𑌸𑍇𑌷𑍁॒ 𑌪𑌯𑍋॑ 𑌅𑌸𑍍𑌤𑍁॒ 𑌤𑌨𑍍𑌮𑌯𑍀𑌤𑍍𑌯𑌾॑𑌹 । 𑌪𑌯॑ 𑌏॒𑌵𑌾𑌤𑍍𑌮-𑌨𑍍𑌗𑍃॒𑌹𑍇𑌷𑍁॑ 𑌪॒𑌶𑍁𑌷𑍁॑ 𑌧𑌤𑍍𑌤𑍇 ॥ 𑌅॒𑌪 𑌉𑌪॑𑌸𑍃𑌜𑌤𑌿 ॥ 13 ॥

𑌅॒𑌦𑍍𑌭𑌿𑌰𑍇॒𑌵𑍈𑌨॑𑌦𑌾𑌪𑍍𑌨𑍋𑌤𑌿 ॥ 𑌯𑍋 𑌵𑍈 𑌯॒𑌜𑍍𑌞𑌸𑍍𑌯𑌾𑌰𑍍𑌤𑍇॒𑌨𑌾𑌨𑌾᳚𑌰𑍍𑌤𑌗𑍍𑌂 𑌸𑌗𑍍𑌂 𑌸𑍃॒𑌜𑌤𑌿॑ । 𑌉॒𑌭𑍇 𑌵𑍈 𑌤𑍇 𑌤𑌰𑍍𑌹𑍍𑌯𑌾𑌰𑍍𑌚𑍍𑌛॑𑌤𑌃 । 𑌆𑌰𑍍𑌚𑍍𑌛॑𑌤𑌿॒ 𑌖𑌲𑍁॒ 𑌵𑌾 𑌏॒𑌤𑌦॑𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌯-𑌦𑍍𑌦𑍁॒𑌹𑍍𑌯𑌮𑌾॑𑌨॒𑌗𑍍𑌗𑍍॒ 𑌸𑍍𑌕𑌨𑍍𑌦॑𑌤𑌿 । 𑌯𑌦॑𑌭𑌿𑌦𑍁॒𑌹𑍍𑌯𑌾𑌤𑍍 । 𑌆𑌰𑍍𑌤𑍇॒𑌨𑌾𑌨𑌾᳚𑌰𑍍𑌤𑌂-𑌯𑌁॒𑌜𑍍𑌞𑌸𑍍𑌯॒ 𑌸𑌗𑍍𑌂𑌸𑍃॑𑌜𑍇𑌤𑍍 । 𑌤𑌦𑍇॒𑌵 𑌯𑌾॒𑌦𑍃𑌕𑍍𑌕𑍀॒𑌦𑍃𑌕𑍍𑌚॑ 𑌹𑍋𑌤॒𑌵𑍍𑌯᳚𑌮𑍍 । 𑌅𑌥𑌾॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍-𑌹𑍋𑌤॒𑌵𑍍𑌯᳚𑌮𑍍 । 𑌅𑌨𑌾᳚𑌰𑍍𑌤𑍇𑌨𑍈॒𑌵𑌾𑌰𑍍𑌤𑌂॑-𑌯𑌁॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕॑𑌰𑍋𑌤𑌿 ॥ 14 ॥

𑌯-𑌦𑍍𑌯𑍁𑌦𑍍𑌦𑍍𑌰𑍁॑𑌤𑌸𑍍𑌯॒ 𑌸𑍍𑌕𑌨𑍍𑌦𑍇᳚𑌤𑍍 । 𑌯-𑌤𑍍𑌤𑌤𑍋-𑌽𑌹𑍁॑𑌤𑍍𑌵𑌾॒ 𑌪𑍁𑌨॑𑌰𑍇॒𑌯𑌾𑌤𑍍 । 𑌯॒𑌜𑍍𑌞𑌂-𑌵𑌿𑌁𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌯𑌤𑍍𑌰॒ 𑌸𑍍𑌕𑌨𑍍𑌦𑍇᳚𑌤𑍍 । 𑌤𑌨𑍍𑌨𑌿॒𑌷𑌦𑍍𑌯॒ 𑌪𑍁𑌨॑𑌰𑍍𑌗𑍃𑌹𑍍𑌣𑍀𑌯𑌾𑌤𑍍 । 𑌯𑌤𑍍𑌰𑍈॒𑌵 𑌸𑍍𑌕𑌨𑍍𑌦॑𑌤𑌿 । 𑌤𑌤॑ 𑌏॒𑌵𑍈𑌨॒𑌤𑍍-𑌪𑍁𑌨॑𑌰𑍍𑌗𑍃𑌹𑍍𑌣𑌾𑌤𑌿 । 𑌤𑌦𑍇॒𑌵 𑌯𑌾॒𑌦𑍃𑌕𑍍-𑌕𑍀॒𑌦𑍃𑌕𑍍𑌚॑ 𑌹𑍋𑌤॒𑌵𑍍𑌯᳚𑌮𑍍 । 𑌅𑌥𑌾॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍-𑌹𑍋𑌤॒𑌵𑍍𑌯᳚𑌮𑍍 । 𑌅𑌨𑌾᳚𑌰𑍍𑌤𑍇𑌨𑍈॒𑌵𑌾𑌰𑍍𑌤𑌂॑-𑌯𑌁॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕॑𑌰𑍋𑌤𑌿 ॥ 15 ॥

𑌵𑌿 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌶𑍍𑌛𑌿॑𑌦𑍍𑌯𑌤𑍇 । 𑌯𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑍇॑-𑌽𑌧𑌿𑌶𑍍𑌰𑌿॑𑌤𑍇॒ 𑌶𑍍𑌵𑌾-𑌽𑌨𑍍𑌤॒𑌰𑌾 𑌧𑌾𑌵॑𑌤𑌿 । 𑌰𑍁॒𑌦𑍍𑌰𑌃 𑌖𑌲𑍁॒ 𑌵𑌾 𑌏॒𑌷𑌃 । 𑌯𑌦॒𑌗𑍍𑌨𑌿𑌃 । 𑌯-𑌦𑍍𑌗𑌾𑌮॑𑌨𑍍𑌵𑌤𑍍𑌯𑌾𑌵॒𑌰𑍍𑌤𑌯𑍇᳚𑌤𑍍 । 𑌰𑍁॒𑌦𑍍𑌰𑌾𑌯॑ 𑌪॒𑌶𑍂-𑌨𑌪𑌿॑𑌦𑌦𑍍𑌧𑍍𑌯𑌾𑌤𑍍 । 𑌅॒𑌪॒𑌶𑍁-𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌯𑌦॒𑌪𑍋᳚ 𑌽𑌨𑍍𑌵𑌤𑌿𑌷𑌿॒𑌞𑍍𑌚𑍇𑌤𑍍 । 𑌅॒𑌨𑌾॒𑌦𑍍𑌯-𑌮॒𑌗𑍍𑌨𑍇𑌰𑌾𑌪𑌃॑ । 𑌅॒𑌨𑌾॒𑌦𑍍𑌯𑌮𑌾᳚𑌭𑍍𑌯𑌾॒-𑌮𑌪𑌿॑𑌦𑌦𑍍𑌧𑍍𑌯𑌾𑌤𑍍 । 𑌗𑌾𑌰𑍍𑌹॑𑌪𑌤𑍍𑌯𑌾॒-𑌦𑍍𑌭𑌸𑍍𑌮𑌾॒𑌦𑌾𑌯॑ । 𑌇॒𑌦𑌂-𑌵𑌿𑌁𑌷𑍍𑌣𑍁॒-𑌰𑍍𑌵𑌿𑌚॑𑌕𑍍𑌰𑌮॒ 𑌇𑌤𑌿॑ 𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 𑌽𑌽𑌹॑𑌵॒𑌨𑍀𑌯𑌾᳚𑌦𑍍𑌧𑍍𑌵॒𑌗𑍍𑌂॒ 𑌸𑌯॒𑌨𑍍𑌨𑍁𑌦𑍍𑌰॑𑌵𑍇𑌤𑍍 । 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ । 𑌯॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍𑌂 𑌸𑌨𑍍𑌤॑𑌨𑍋𑌤𑌿 । 𑌭𑌸𑍍𑌮॑𑌨𑌾 𑌪॒𑌦𑌮𑌪𑌿॑𑌵𑌪𑌤𑌿॒ 𑌶𑌾𑌨𑍍𑌤𑍍𑌯𑍈᳚ ॥ 16 ॥

(𑌵𑍈 𑌦𑍇॒𑌵𑍍𑌯𑌦𑌿॑𑌤𑌿--𑌰𑍍 𑌮𑍁𑌞𑍍𑌚𑌤𑌿 - 𑌸𑍃𑌜𑌤𑌿 - 𑌕𑌰𑍋𑌤𑌿 - 𑌕𑌰𑍋𑌤𑍍𑌯𑌾 - 𑌭𑍍𑌯𑌾॒𑌮𑌪𑌿॑𑌦𑌦𑍍𑌧𑍍𑌯𑌾॒-𑌤𑍍𑌪𑌞𑍍𑌚॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌅𑌗𑍍𑌨𑌿𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌂 𑌅𑌗𑍍𑌨𑌿𑌹𑍋𑌤𑍍𑌰𑍇

𑌨𑌿 𑌵𑌾 𑌏॒𑌤𑌸𑍍𑌯𑌾॑𑌹𑌵॒𑌨𑍀𑌯𑍋॒ 𑌗𑌾𑌰𑍍𑌹॑𑌪𑌤𑍍𑌯-𑌙𑍍𑌕𑌾𑌮𑌯𑌤𑍇 । 𑌨𑌿 𑌗𑌾𑌰𑍍𑌹॑𑌪𑌤𑍍𑌯 𑌆𑌹𑌵॒𑌨𑍀𑌯᳚𑌮𑍍 । 𑌯𑌸𑍍𑌯𑌾॒𑌗𑍍𑌨𑌿𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑌿𑌨𑌿॒𑌮𑍍𑌰𑍋𑌚॑𑌤𑌿 । 𑌦॒𑌰𑍍𑌭𑍇𑌣॒ 𑌹𑌿𑌰॑𑌣𑍍𑌯-𑌮𑍍𑌪𑍍𑌰॒𑌬𑌦𑍍𑌧𑍍𑌯॑ 𑌪𑍁॒𑌰𑌸𑍍𑌤𑌾᳚𑌦𑍍𑌧𑌰𑍇𑌤𑍍 । 𑌅𑌥𑌾॒𑌗𑍍𑌨𑌿𑌮𑍍 । 𑌅𑌥𑌾᳚𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌯𑌦𑍍𑌧𑌿𑌰॑𑌣𑍍𑌯-𑌮𑍍𑌪𑍁॒𑌰𑌸𑍍𑌤𑌾॒𑌦𑍍𑌧𑌰॑𑌤𑌿 । 𑌜𑍍𑌯𑍋𑌤𑌿॒𑌰𑍍𑌵𑍈 𑌹𑌿𑌰॑𑌣𑍍𑌯𑌮𑍍 । 𑌜𑍍𑌯𑍋𑌤𑌿॑𑌰𑍇॒𑌵𑍈𑌨॒-𑌮𑍍𑌪𑌶𑍍𑌯॒-𑌨𑍍𑌨𑍁𑌦𑍍𑌧॑𑌰𑌤𑌿 । 𑌯𑌦॒𑌗𑍍𑌨𑌿-𑌮𑍍𑌪𑍂𑌰𑍍𑌵॒𑌗𑍍𑌂॒ 𑌹𑌰॒𑌤𑍍𑌯𑌥𑌾᳚-𑌗𑍍𑌨𑌿𑌹𑍋॒𑌤𑍍𑌰𑌮𑍍 ॥ 17 ॥

𑌭𑌾॒𑌗॒𑌧𑍇𑌯𑍇॑𑌨𑍈॒𑌵𑍈𑌨॒-𑌮𑍍𑌪𑍍𑌰𑌣॑𑌯𑌤𑌿 ॥ 𑌬𑍍𑌰𑌾॒𑌹𑍍𑌮॒𑌣 𑌆॑𑌰𑍍𑌷𑍇॒𑌯 𑌉𑌦𑍍𑌧॑𑌰𑍇𑌤𑍍 । 𑌬𑍍𑌰𑌾॒𑌹𑍍𑌮॒𑌣𑍋 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ । 𑌸𑌰𑍍𑌵𑌾॑𑌭𑌿𑌰𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿॒𑌰𑍁𑌦𑍍𑌧॑𑌰𑌤𑌿 ॥ 𑌅॒𑌗𑍍𑌨𑌿॒𑌹𑍋॒𑌤𑍍𑌰-𑌮𑍁॑𑌪॒𑌸𑌾-𑌦𑍍𑌯𑌾𑌤𑌮𑌿॑𑌤𑍋-𑌰𑌾𑌸𑍀𑌤 । 𑌵𑍍𑌰॒𑌤𑌮𑍇॒𑌵 𑌹॒𑌤𑌮𑌨𑍁॑ 𑌮𑍍𑌰𑌿𑌯𑌤𑍇 ॥ 𑌅𑌨𑍍𑌤𑌂॒-𑌵𑌾𑌁 𑌏॒𑌷 𑌆॒𑌤𑍍𑌮𑌨𑍋॑ 𑌗𑌚𑍍𑌛𑌤𑌿 । 𑌯𑌸𑍍𑌤𑌾𑌮𑍍𑌯॑𑌤𑌿 । 𑌅𑌨𑍍𑌤॑𑌮𑍇॒𑌷 𑌯॒𑌜𑍍𑌞𑌸𑍍𑌯॑ 𑌗𑌚𑍍𑌛𑌤𑌿 । 𑌯𑌸𑍍𑌯𑌾॒𑌗𑍍𑌨𑌿𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑌿𑌨𑌿॒𑌮𑍍𑌰𑍋𑌚॑𑌤𑌿 ॥ 18 ॥

𑌪𑍁𑌨𑌃॑ 𑌸॒𑌮𑌨𑍍𑌯॑ 𑌜𑍁𑌹𑍋𑌤𑌿 । 𑌅𑌨𑍍𑌤𑍇॑𑌨𑍈॒𑌵𑌾𑌨𑍍𑌤𑌂॑-𑌯𑌁॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕॑𑌰𑍋𑌤𑌿 ॥ 𑌵𑌰𑍁॑𑌣𑍋॒ 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞-𑌙𑍍𑌗𑍃॑𑌹𑍍𑌣𑌾𑌤𑌿 । 𑌯𑌸𑍍𑌯𑌾॒𑌗𑍍𑌨𑌿-𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑌿𑌨𑌿॒𑌮𑍍𑌰𑍋𑌚॑𑌤𑌿 । 𑌵𑌾॒𑌰𑍁॒𑌣-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌤𑍍 । 𑌤𑍇𑌨𑍈॒𑌵 𑌯॒𑌜𑍍𑌞-𑌨𑍍𑌨𑌿𑌷𑍍𑌕𑍍𑌰𑍀॑𑌣𑍀𑌤𑍇 ॥ 𑌨𑌿 𑌵𑌾 𑌏॒𑌤𑌸𑍍𑌯𑌾॑𑌹𑌵॒𑌨𑍀𑌯𑍋॒ 𑌗𑌾𑌰𑍍𑌹॑𑌪𑌤𑍍𑌯-𑌙𑍍𑌕𑌾𑌮𑌯𑌤𑍇 । 𑌨𑌿 𑌗𑌾𑌰𑍍𑌹॑𑌪𑌤𑍍𑌯 𑌆𑌹𑌵॒𑌨𑍀𑌯᳚𑌮𑍍 । 𑌯𑌸𑍍𑌯𑌾॒𑌗𑍍𑌨𑌿-𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑍍𑌯𑍁॑𑌦𑍇𑌤𑌿॑ । 𑌚॒𑌤𑍁॒𑌰𑍍𑌗𑍃॒𑌹𑍀॒𑌤-𑌮𑌾𑌜𑍍𑌯॑-𑌮𑍍𑌪𑍁॒𑌰𑌸𑍍𑌤𑌾᳚𑌦𑍍𑌧𑌰𑍇𑌤𑍍 ॥ 19 ॥

𑌅𑌥𑌾॒𑌗𑍍𑌨𑌿𑌮𑍍 । 𑌅𑌥𑌾᳚𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌯𑌦𑌾𑌜𑍍𑌯॑-𑌮𑍍𑌪𑍁॒𑌰𑌸𑍍𑌤𑌾॒𑌦𑍍𑌧𑌰॑𑌤𑌿 । 𑌏॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॑ । 𑌯𑌦𑌾𑌜𑍍𑌯᳚𑌮𑍍 । 𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯𑌤𑌿 । 𑌯𑌦॒𑌗𑍍𑌨𑌿-𑌮𑍍𑌪𑍂𑌰𑍍𑌵॒𑌗𑍍𑌂॒ 𑌹𑌰॒𑌤𑍍𑌯𑌥𑌾᳚-𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌭𑌾॒𑌗॒𑌧𑍇𑌯𑍇॑𑌨𑍈॒𑌵𑍈𑌨॒-𑌮𑍍𑌪𑍍𑌰𑌣॑𑌯𑌤𑌿 । 𑌬𑍍𑌰𑌾॒𑌹𑍍𑌮॒𑌣 𑌆॑𑌰𑍍𑌷𑍇॒𑌯 𑌉𑌦𑍍𑌧॑𑌰𑍇𑌤𑍍 । 𑌬𑍍𑌰𑌾॒𑌹𑍍𑌮॒𑌣𑍋 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ ॥ 20 ॥

𑌸𑌰𑍍𑌵𑌾॑𑌭𑌿𑌰𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿॒𑌰𑍁𑌦𑍍𑌧॑𑌰𑌤𑌿 ॥ 𑌪𑌰𑌾॑𑌚𑍀॒ 𑌵𑌾 𑌏॒𑌤𑌸𑍍𑌮𑍈᳚ 𑌵𑍍𑌯𑍁॒𑌚𑍍𑌛𑌨𑍍𑌤𑍀॒ 𑌵𑍍𑌯𑍁॑𑌚𑍍𑌛𑌤𑌿 । 𑌯𑌸𑍍𑌯𑌾॒𑌗𑍍𑌨𑌿-𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑍍𑌯𑍁॑𑌦𑍇𑌤𑌿॑ । 𑌉॒𑌷𑌾𑌃 𑌕𑍇॒𑌤𑍁𑌨𑌾॑ 𑌜𑍁𑌷𑌤𑌾𑌮𑍍 । 𑌯॒𑌜𑍍𑌞-𑌨𑍍𑌦𑍇॒𑌵𑍇𑌭𑌿॑𑌰𑌿𑌨𑍍𑌵𑌿॒𑌤𑌮𑍍 । 𑌦𑍇॒𑌵𑍇𑌭𑍍𑌯𑍋॒ 𑌮𑌧𑍁॑𑌮𑌤𑍍𑌤𑌮॒𑌗𑍍𑌗𑍍॒ 𑌸𑍍𑌵𑌾𑌹𑍇𑌤𑌿॑ 𑌪𑍍𑌰॒𑌤𑍍𑌯𑌂-𑌨𑌿॒𑌷𑌦𑍍𑌯𑌾𑌜𑍍𑌯𑍇॑𑌨 𑌜𑍁𑌹𑍁𑌯𑌾𑌤𑍍 । 𑌪𑍍𑌰॒𑌤𑍀𑌚𑍀॑𑌮𑍇॒𑌵𑌾𑌸𑍍𑌮𑍈॒ 𑌵𑌿𑌵𑌾॑𑌸𑌯𑌤𑌿 ॥ 𑌅॒𑌗𑍍𑌨𑌿॒𑌹𑍋॒𑌤𑍍𑌰-𑌮𑍁॑𑌪॒𑌸𑌾𑌦𑍍𑌯𑌾𑌤𑌮𑌿॑𑌤𑍋-𑌰𑌾𑌸𑍀𑌤 । 𑌵𑍍𑌰॒𑌤𑌮𑍇॒𑌵 𑌹॒𑌤𑌮𑌨𑍁॑ 𑌮𑍍𑌰𑌿𑌯𑌤𑍇 । 𑌅𑌨𑍍𑌤𑌂॒-𑌵𑌾𑌁 𑌏॒𑌷 𑌆॒𑌤𑍍𑌮𑌨𑍋॑ 𑌗𑌚𑍍𑌛𑌤𑌿 ॥ 21 ॥

𑌯𑌸𑍍𑌤𑌾𑌮𑍍𑌯॑𑌤𑌿 । 𑌅𑌨𑍍𑌤॑𑌮𑍇॒𑌷 𑌯॒𑌜𑍍𑌞𑌸𑍍𑌯॑ 𑌗𑌚𑍍𑌛𑌤𑌿 । 𑌯𑌸𑍍𑌯𑌾॒𑌗𑍍𑌨𑌿-𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑍍𑌯𑍁॑𑌦𑍇𑌤𑌿॑ । 𑌪𑍁𑌨𑌃॑ 𑌸॒𑌮𑌨𑍍𑌯॑ 𑌜𑍁𑌹𑍋𑌤𑌿 । 𑌅𑌨𑍍𑌤𑍇॑𑌨𑍈॒𑌵𑌾𑌨𑍍𑌤𑌂॑-𑌯𑌁॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕॑𑌰𑍋𑌤𑌿 । 𑌮𑌿॒𑌤𑍍𑌰𑍋 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞-𑌙𑍍𑌗𑍃॑𑌹𑍍𑌣𑌾𑌤𑌿 । 𑌯𑌸𑍍𑌯𑌾॒𑌗𑍍𑌨𑌿-𑌮𑌨𑍁॑𑌦𑍍𑌧𑍃𑌤॒𑌗𑍍𑌂॒ 𑌸𑍂𑌰𑍍𑌯𑍋॒-𑌽𑌭𑍍𑌯𑍁॑𑌦𑍇𑌤𑌿॑ । 𑌮𑍈॒𑌤𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌤𑍍 । 𑌤𑍇𑌨𑍈॒𑌵 𑌯॒𑌜𑍍𑌞-𑌨𑍍𑌨𑌿𑌷𑍍𑌕𑍍𑌰𑍀॑𑌣𑍀𑌤𑍇 ॥ 𑌯𑌸𑍍𑌯𑌾॑-𑌹𑌵॒𑌨𑍀𑌯𑍇-𑌽𑌨𑍁॑𑌦𑍍𑌵𑌾𑌤𑍇॒ 𑌗𑌾𑌰𑍍𑌹॑𑌪𑌤𑍍𑌯 𑌉॒𑌦𑍍𑌵𑌾𑌯𑍇᳚𑌤𑍍 ॥ 22 ॥

𑌯𑌦𑌾॑𑌹𑌵॒𑌨𑍀𑌯॒-𑌮𑌨𑍁॑𑌦𑍍𑌵𑌾𑌪𑍍𑌯॒ 𑌗𑌾𑌰𑍍𑌹॑𑌪𑌤𑍍𑌯॒-𑌮𑍍𑌮𑌨𑍍𑌥𑍇᳚𑌤𑍍 । 𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇𑌤𑍍 । 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌵𑌾𑌸𑍍𑌤॒𑌵𑍍𑌯॑-𑌙𑍍𑌕𑍍𑌰𑌿॒𑌯𑌤𑍇᳚ । 𑌤𑌦𑌨𑍁॑ 𑌰𑍁॒𑌦𑍍𑌰𑍋-𑌽𑌵॑𑌚𑌰𑌤𑌿 । 𑌯-𑌤𑍍𑌪𑍂𑌰𑍍𑌵॑-𑌮𑌨𑍍𑌵𑌵॒𑌸𑍍𑌯𑍇𑌤𑍍 । 𑌵𑌾॒𑌸𑍍𑌤॒𑌵𑍍𑌯॑-𑌮॒𑌗𑍍𑌨𑌿𑌮𑍁𑌪𑌾॑𑌸𑍀𑌤 । 𑌰𑍁॒𑌦𑍍𑌰𑍋᳚-𑌽𑌸𑍍𑌯 𑌪॒𑌶𑍂-𑌨𑍍𑌘𑌾𑌤𑍁॑𑌕-𑌸𑍍𑌸𑍍𑌯𑌾𑌤𑍍 । 𑌆॒𑌹॒𑌵॒𑌨𑍀𑌯॑-𑌮𑍁॒𑌦𑍍𑌵𑌾𑌪𑍍𑌯॑ । 𑌗𑌾𑌰𑍍𑌹॑𑌪𑌤𑍍𑌯-𑌮𑍍𑌮𑌨𑍍𑌥𑍇𑌤𑍍 ॥ 23 ॥

𑌇॒𑌤𑌃 𑌪𑍍𑌰॑𑌥॒𑌮-𑌞𑍍𑌜॑𑌜𑍍𑌞𑍇 𑌅॒𑌗𑍍𑌨𑌿𑌃 । 𑌸𑍍𑌵𑌾𑌦𑍍𑌯𑍋𑌨𑍇॒𑌰𑌧𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌸 𑌗𑌾॑𑌯𑌤𑍍𑌰𑌿॒𑌯𑌾 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌜𑌗॑𑌤𑍍𑌯𑌾 । 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌤𑍁 𑌪𑍍𑌰𑌜𑌾॒𑌨𑌨𑍍𑌨𑌿𑌤𑌿॑ । 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॒𑌗𑍍𑌗𑍍॒ 𑌸𑍍𑌵𑌾𑌦𑍍𑌯𑍋𑌨𑍇𑌃॒ 𑌪𑍍𑌰𑌜॑𑌨𑌯𑌤𑌿 ॥ 𑌗𑌾𑌰𑍍𑌹॑𑌪𑌤𑍍𑌯-𑌮𑍍𑌮𑌨𑍍𑌥𑌤𑌿 । 𑌗𑌾𑌰𑍍𑌹॑𑌪𑌤𑍍𑌯𑌂॒-𑌵𑌾𑌁 𑌅𑌨𑍍𑌵𑌾𑌹𑌿॑𑌤𑌾𑌗𑍍𑌨𑍇𑌃 𑌪॒𑌶𑌵॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 । 𑌸 𑌯𑌦𑍁॒𑌦𑍍𑌵𑌾𑌯॑𑌤𑌿 । 𑌤𑌦𑌨𑍁॑ 𑌪॒𑌶𑌵𑍋-𑌽𑌪॑𑌕𑍍𑌰𑌾𑌮𑌨𑍍𑌤𑌿 । 𑌇॒𑌷𑍇 𑌰॒𑌯𑍍𑌯𑍈 𑌰॑𑌮𑌸𑍍𑌵 ॥ 24 ॥

𑌸𑌹॑𑌸𑍇 𑌦𑍍𑌯𑍁॒𑌮𑍍𑌨𑌾𑌯॑ । 𑌊॒𑌰𑍍𑌜𑍇 𑌪𑌤𑍍𑌯𑌾॒𑌯𑍇𑌤𑍍𑌯𑌾॑𑌹 । 𑌪॒𑌶𑌵𑍋॒ 𑌵𑍈 𑌰॒𑌯𑌿𑌃 । 𑌪॒𑌶𑍂𑌨𑍇॒𑌵𑌾𑌸𑍍𑌮𑍈॑ 𑌰𑌮𑌯𑌤𑌿 ॥ 𑌸𑌾॒𑌰॒𑌸𑍍𑌵॒𑌤𑍗 𑌤𑍍𑌵𑍋𑌥𑍍𑌸𑍗॒ 𑌸𑌮𑌿॑𑌨𑍍𑌧𑌾𑌤𑌾॒𑌮𑌿𑌤𑍍𑌯𑌾॑𑌹 । 𑌋॒-𑌖𑍍𑌸𑌾॒𑌮𑍇 𑌵𑍈 𑌸𑌾॑𑌰𑌸𑍍𑌵॒𑌤𑌾𑌵𑍁𑌥𑍍𑌸𑍗᳚ । 𑌋॒𑌖𑍍-𑌸𑌾॒𑌮𑌾𑌭𑍍𑌯𑌾॑𑌮𑍇॒𑌵𑍈𑌨॒𑌗𑍍𑌂॒ 𑌸𑌮𑌿॑𑌨𑍍𑌧𑍇 ॥ 𑌸॒𑌮𑍍𑌰𑌾𑌡॑𑌸𑌿 𑌵𑌿॒𑌰𑌾𑌡॒𑌸𑍀𑌤𑍍𑌯𑌾॑𑌹 । 𑌰॒𑌥॒𑌨𑍍𑌤॒𑌰𑌂-𑌵𑍈𑌁 𑌸॒𑌮𑍍𑌰𑌾𑌟𑍍 । 𑌬𑍃॒𑌹-𑌦𑍍𑌵𑌿॒𑌰𑌾𑌟𑍍 ॥ 25 ॥

𑌤𑌾𑌭𑍍𑌯𑌾॑𑌮𑍇॒𑌵𑍈𑌨॒𑌗𑍍𑌂॒ 𑌸𑌮𑌿॑𑌨𑍍𑌧𑍇 ॥ 𑌵𑌜𑍍𑌰𑍋॒ 𑌵𑍈 𑌚॒𑌕𑍍𑌰𑌮𑍍 । 𑌵𑌜𑍍𑌰𑍋॒ 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌂-𑌵𑌿𑌁𑌚𑍍𑌛𑌿॑𑌨𑌤𑍍𑌤𑌿 । 𑌯𑌸𑍍𑌯𑌾𑌨𑍋॑ 𑌵𑌾॒ 𑌰𑌥𑍋॑ 𑌵𑌾-𑌽𑌨𑍍𑌤॒𑌰𑌾-𑌽𑌗𑍍𑌨𑍀 𑌯𑌾𑌤𑌿॑ । 𑌆॒𑌹॒𑌵॒𑌨𑍀𑌯॑-𑌮𑍁॒𑌦𑍍𑌵𑌾𑌪𑍍𑌯॑ । 𑌗𑌾𑌰𑍍𑌹॑𑌪𑌤𑍍𑌯𑌾॒-𑌦𑍁𑌦𑍍𑌧॑𑌰𑍇𑌤𑍍 । 𑌯𑌦॑𑌗𑍍𑌨𑍇॒ 𑌪𑍂𑌰𑍍𑌵॒-𑌮𑍍𑌪𑍍𑌰𑌭𑍃॑𑌤-𑌮𑍍𑌪॒𑌦𑌗𑍍𑌂 𑌹𑌿 𑌤𑍇᳚ । 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑍀𑌨-𑌨𑍍𑌵𑌾॑𑌤॒𑌤𑌾𑌨॑ । 𑌤𑌤𑍍𑌰॑ 𑌰𑌯𑌿॒𑌷𑍍𑌠𑌾𑌮𑌨𑍁॒ 𑌸𑌮𑍍𑌭॑𑌰𑍈॒𑌤𑌮𑍍 । 𑌸-𑌨𑍍𑌨𑌃॑ 𑌸𑍃𑌜 𑌸𑍁𑌮॒𑌤𑍍𑌯𑌾 𑌵𑌾𑌜॑𑌵॒𑌤𑍍𑌯𑍇𑌤𑌿॑ ॥ 26 ॥

𑌪𑍂𑌰𑍍𑌵𑍇॑𑌣𑍈॒𑌵𑌾𑌸𑍍𑌯॑ 𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮𑌨𑍁॒ 𑌸-𑌨𑍍𑌤॑𑌨𑍋𑌤𑌿 ॥ 𑌤𑍍𑌵𑌮॑𑌗𑍍𑌨𑍇 𑌸॒𑌪𑍍𑌰𑌥𑌾॑ 𑌅॒𑌸𑍀𑌤𑍍𑌯𑌾॑𑌹 । 𑌅॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ । 𑌦𑍇॒𑌵𑌤𑌾॑𑌭𑌿𑌰𑍇॒𑌵 𑌯॒𑌜𑍍𑌞𑌗𑍍𑌂 𑌸-𑌨𑍍𑌤॑𑌨𑍋𑌤𑌿 ॥ 𑌅॒𑌗𑍍𑌨𑌯𑍇॑ 𑌪𑌥𑌿॒𑌕𑍃𑌤𑍇॑ 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌤𑍍 । 𑌅॒𑌗𑍍𑌨𑌿𑌮𑍇॒𑌵 𑌪॑𑌥𑌿॒𑌕𑍃𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿 । 𑌸 𑌏॒𑌵𑍈𑌨𑌂॑-𑌯𑌁॒𑌜𑍍𑌞𑌿𑌯॒-𑌮𑍍𑌪𑌨𑍍𑌥𑌾॒𑌮𑌪𑌿॑-𑌨𑌯𑌤𑌿 । 𑌅॒𑌨॒𑌡𑍍𑌵𑌾𑌨𑍍-𑌦𑌕𑍍𑌷𑌿॑𑌣𑌾 । 𑌵॒𑌹𑍀 𑌹𑍍𑌯𑍇॑𑌷 𑌸𑌮𑍃॑𑌦𑍍𑌧𑍍𑌯𑍈 ॥ 27 ॥

(𑌹𑌰॒𑌤𑍍𑌯𑌥𑌾᳚𑌗𑍍𑌨𑌿𑌹𑍋॒𑌤𑍍𑌰𑌂 - 𑌨𑌿॒𑌮𑍍𑌰𑍋𑌚॑𑌤𑌿 - 𑌹𑌰𑍇-𑌦𑍍- 𑌦𑍇॒𑌵𑌤𑌾॑ - 𑌗𑌚𑍍𑌛 - 𑌤𑍍𑌯𑍁॒𑌦𑍍𑌵𑌾𑌯𑍇᳚-𑌨𑍍𑌮𑌨𑍍𑌥𑍇-𑌦𑍍𑌰𑌮𑌸𑍍𑌵-𑌬𑍃॒𑌹-𑌦𑍍𑌵𑌿॒𑌰𑌾𑌡𑍍-𑌇𑌤𑌿॒-𑌨𑌵॑ 𑌚) (𑌅. 4)

(𑌨𑌿 𑌵𑍈 𑌪𑍂𑌰𑍍𑌵॒-𑌨𑍍𑌤𑍍𑌰𑍀𑌣𑌿॑ 𑌨𑌿॒𑌮𑍍𑌰𑍋𑌚॑𑌤𑌿 𑌦॒𑌰𑍍𑌭𑍇𑌣॒ 𑌯𑌦𑍍𑌧𑌿𑌰॑𑌣𑍍𑌯𑌮𑌗𑍍𑌨𑌿𑌹𑍋॒𑌤𑍍𑌰-𑌮𑍍𑌪𑍁𑌨॒𑌰𑍍𑌵𑌰𑍁॑𑌣𑍋

𑌵𑌾𑌰𑍁॒𑌣-𑌨𑍍𑌨𑌿 𑌵𑌾 𑌏॒𑌤𑌸𑍍𑌯𑌾॒𑌭𑍍𑌯𑍁॑𑌦𑍇𑌤𑌿॑ 𑌚𑌤𑍁𑌰𑍍𑌗𑍃𑌹𑍀॒𑌤𑌮𑌾𑌜𑍍𑌯𑌂॒ 𑌯𑌦𑌾𑌜𑍍𑌯𑌂॒ 𑌪𑌰𑌾᳚𑌚𑍍𑌯𑍁॒𑌷𑌾𑌃 𑌪𑍁𑌨॑𑌰𑍍𑌮𑌿॒𑌤𑍍𑌰𑍋 𑌮𑍇॒𑌤𑍍𑌰𑌂-𑌯𑌁𑌸𑍍𑌯𑌾॑𑌹𑌵॒𑌨𑍀𑌯𑍇-𑌽𑌨𑍁॑𑌦𑍍𑌵𑌾𑌤𑍇॒ 𑌗𑌾𑌰𑍍𑌹॑𑌪𑌤𑍍𑌯𑍋॒ 𑌯𑌦𑍍𑌵𑍈 𑌮॑𑌨𑍍𑌥𑍇॒𑌦𑍁𑌦𑍍𑌧॑𑌰𑍇𑌤𑍍)

𑌅𑌨𑍁𑌵𑌾𑌕𑌂 5 - 𑌸𑍋𑌮𑌾𑌤𑌿𑌰𑍇𑌕𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍

𑌯𑌸𑍍𑌯॑ 𑌪𑍍𑌰𑌾𑌤𑌸𑍍𑌸𑌵॒𑌨𑍇 𑌸𑍋𑌮𑍋॑-𑌽𑌤𑌿॒𑌰𑌿𑌚𑍍𑌯॑𑌤𑍇 । 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌂॒ 𑌸𑌵॑𑌨-𑌙𑍍𑌕𑌾॒𑌮𑌯॑𑌮𑌾𑌨𑍋॒-𑌽𑌭𑍍𑌯𑌤𑌿॑𑌰𑌿𑌚𑍍𑌯𑌤𑍇 । 𑌗𑍗𑌰𑍍𑌧॑𑌯𑌤𑌿 𑌮॒𑌰𑍁𑌤𑌾॒𑌮𑌿𑌤𑌿॒ 𑌧𑌯॑𑌦𑍍𑌵𑌤𑍀𑌷𑍁 𑌕𑍁𑌰𑍍𑌵𑌨𑍍𑌤𑌿 । 𑌹𑌿॒𑌨𑌸𑍍𑌤𑌿॒ 𑌵𑍈 𑌸॒𑌨𑍍𑌧𑍍𑌯𑌧𑍀॑𑌤𑌮𑍍 । 𑌸॒𑌨𑍍𑌧𑍀𑌵॒ 𑌖𑌲𑍁॒ 𑌵𑌾 𑌏॒𑌤𑌤𑍍 । 𑌯-𑌥𑍍𑌸𑌵॑𑌨 𑌸𑍍𑌯𑌾𑌤𑌿॒𑌰𑌿𑌚𑍍𑌯॑𑌤𑍇 । 𑌯𑌦𑍍𑌧𑌯॑𑌦𑍍𑌵𑌤𑍀𑌷𑍁 𑌕𑍁॒𑌰𑍍𑌵𑌨𑍍𑌤𑌿॑ । 𑌸॒𑌨𑍍𑌧𑍇-𑌶𑍍𑌶𑌾𑌨𑍍𑌤𑍍𑌯𑍈᳚ ॥ 𑌗𑌾॒𑌯॒𑌤𑍍𑌰𑌗𑍍𑌂 𑌸𑌾𑌮॑ 𑌭𑌵𑌤𑌿 𑌪𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮𑌃॑ । 𑌤𑍇𑌨𑍈॒𑌵 𑌪𑍍𑌰𑌾॑𑌤𑌸𑍍𑌸𑌵॒𑌨𑌾𑌨𑍍𑌨𑌯॑𑌨𑍍𑌤𑌿 ॥ 28 ॥

𑌮॒𑌰𑍁𑌤𑍍𑌵॑𑌤𑍀𑌷𑍁 𑌕𑍁𑌰𑍍𑌵𑌨𑍍𑌤𑌿 । 𑌤𑍇𑌨𑍈॒𑌵 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌾॒-𑌥𑍍𑌸𑌵॑𑌨𑌾॒𑌨𑍍𑌨𑌯॑𑌨𑍍𑌤𑌿 ॥ 𑌹𑍋𑌤𑍁॑𑌶𑍍𑌚 𑌮॒𑌸𑌮𑌨𑍂𑌨𑍍𑌨॑𑌯𑌨𑍍𑌤𑍇 । 𑌹𑍋𑌤𑌾-𑌽𑌨𑍁॑𑌶𑌗𑍍𑌂𑌸𑌤𑌿 । 𑌮॒𑌦𑍍𑌧𑍍𑌯॒𑌤 𑌏॒𑌵 𑌯॒𑌜𑍍𑌞𑌗𑍍𑌂 𑌸॒𑌮𑌾𑌦॑𑌧𑌾𑌤𑌿 ॥ 𑌯𑌸𑍍𑌯॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇॒ 𑌸𑍋𑌮𑍋॑-𑌽𑌤𑌿॒𑌰𑌿𑌚𑍍𑌯॑𑌤𑍇 । 𑌆॒𑌦𑌿॒𑌤𑍍𑌯-𑌨𑍍𑌤𑍃॑𑌤𑍀𑌯𑌸𑌵॒𑌨-𑌙𑍍𑌕𑌾॒𑌮𑌯॑𑌮𑌾𑌨𑍋॒-𑌽𑌭𑍍𑌯𑌤𑌿॑𑌰𑌿𑌚𑍍𑌯𑌤𑍇 । 𑌗𑍗॒𑌰𑌿॒𑌵𑍀॒𑌤𑌗𑍍𑌂 𑌸𑌾𑌮॑ 𑌭𑌵𑌤𑌿 । 𑌅𑌤𑌿॑𑌰𑌿𑌕𑍍𑌤𑌂॒-𑌵𑍈𑌁 𑌗𑍗॑𑌰𑌿𑌵𑍀॒𑌤𑌮𑍍 । 𑌅𑌤𑌿॑𑌰𑌿𑌕𑍍𑌤𑌂॒-𑌯𑌁-𑌥𑍍𑌸𑌵॑𑌨𑌸𑍍𑌯𑌾-𑌤𑌿॒𑌰𑌿𑌚𑍍𑌯॑𑌤𑍇 ॥ 29 ॥

𑌅𑌤𑌿॑𑌰𑌿𑌕𑍍𑌤𑌸𑍍𑌯॒ 𑌶𑌾𑌨𑍍𑌤𑍍𑌯𑍈᳚ ॥ 𑌬𑌣𑍍𑌮॒𑌹𑌾𑌗𑍍𑌂 𑌅॑𑌸𑌿 𑌸𑍂॒𑌰𑍍𑌯𑍇𑌤𑌿॑ 𑌕𑍁𑌰𑍍𑌵𑌨𑍍𑌤𑌿 । 𑌯𑌸𑍍𑌯𑍈॒𑌵𑌾𑌦𑌿॒𑌤𑍍𑌯𑌸𑍍𑌯॒ 𑌸𑌵॑𑌨𑌸𑍍𑌯॒ 𑌕𑌾𑌮𑍇॑𑌨𑌾𑌤𑌿॒𑌰𑌿𑌚𑍍𑌯॑𑌤𑍇 । 𑌤𑍇𑌨𑍈॒𑌵𑍈𑌨॒-𑌙𑍍𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯𑌨𑍍𑌤𑌿 ॥ 𑌗𑍗॒𑌰𑌿॒𑌵𑍀॒𑌤𑌗𑍍𑌂 𑌸𑌾𑌮॑ 𑌭𑌵𑌤𑌿 । 𑌤𑍇𑌨𑍈॒𑌵 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌾॒-𑌥𑍍𑌸𑌵॑𑌨𑌾॒𑌨𑍍𑌨𑌯॑𑌨𑍍𑌤𑌿 ॥ 𑌸॒𑌪𑍍𑌤॒𑌦॒𑌶-𑌸𑍍𑌸𑍍𑌤𑍋𑌮𑌃॑ । 𑌤𑍇𑌨𑍈॒𑌵 𑌤𑍃॑𑌤𑍀𑌯𑌸𑌵॒𑌨𑌾𑌨𑍍𑌨𑌯॑𑌨𑍍𑌤𑌿 ॥ 𑌹𑍋𑌤𑍁॑𑌶𑍍𑌚𑌮॒𑌸𑌮𑌨𑍂𑌨𑍍𑌨॑𑌯𑌨𑍍𑌤𑍇 । 𑌹𑍋𑌤𑌾-𑌽𑌨𑍁॑𑌶𑌗𑍍𑌂 𑌸𑌤𑌿 ॥ 30 ॥

𑌮॒𑌦𑍍𑌧𑍍𑌯॒𑌤 𑌏॒𑌵 𑌯॒𑌜𑍍𑌞𑌗𑍍𑌂 𑌸॒𑌮𑌾𑌦॑𑌧𑌾𑌤𑌿 ॥ 𑌯𑌸𑍍𑌯॑ 𑌤𑍃𑌤𑍀𑌯𑌸𑌵॒𑌨𑍇 𑌸𑍋𑌮𑍋॑-𑌽𑌤𑌿॒𑌰𑌿𑌚𑍍𑌯𑍇॑𑌤 । 𑌉॒𑌕𑍍𑌥𑍍𑌯॑-𑌙𑍍𑌕𑍁𑌰𑍍𑌵𑍀𑌤 । 𑌯𑌸𑍍𑌯𑍋॒𑌕𑍍𑌥𑍍𑌯𑍇॑-𑌽𑌤𑌿॒𑌰𑌿𑌚𑍍𑌯𑍇॑𑌤 । 𑌅॒𑌤𑌿॒𑌰𑌾॒𑌤𑍍𑌰-𑌙𑍍𑌕𑍁॑𑌰𑍍𑌵𑍀𑌤 । 𑌯𑌸𑍍𑌯𑌾॑-𑌤𑌿𑌰𑌾॒𑌤𑍍𑌰𑍇॑-𑌽𑌤𑌿॒𑌰𑌿𑌚𑍍𑌯॑𑌤𑍇। 𑌤𑌤𑍍𑌤𑍍𑌵𑍈 𑌦𑍁॑𑌷𑍍𑌪𑍍𑌰𑌜𑍍𑌞𑌾॒𑌨𑌮𑍍 । 𑌯𑌜॑𑌮𑌾𑌨𑌂॒-𑌵𑌾𑌁 𑌏॒𑌤-𑌤𑍍𑌪॒𑌶𑌵॑ 𑌆॒𑌸𑌾𑌹𑍍𑌯॑ 𑌯𑌨𑍍𑌤𑌿 । 𑌬𑍃॒𑌹-𑌥𑍍𑌸𑌾𑌮॑ 𑌭𑌵𑌤𑌿 । 𑌬𑍃॒𑌹𑌦𑍍𑌵𑌾 𑌇॒𑌮𑌾𑌂-𑌲𑍋𑌁॒𑌕𑌾-𑌨𑍍𑌦𑌾॑𑌧𑌾𑌰 । 𑌬𑌾𑌰𑍍𑌹॑𑌤𑌾𑌃 𑌪॒𑌶𑌵𑌃॑ । 𑌬𑍃॒𑌹॒𑌤𑍈𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌦𑌾॑𑌧𑌾𑌰 ॥ 𑌶𑌿॒𑌪𑌿॒𑌵𑌿॒𑌷𑍍𑌟𑌵॑𑌤𑍀𑌷𑍁 𑌕𑍁𑌰𑍍𑌵𑌨𑍍𑌤𑌿 । 𑌶𑌿॒𑌪𑌿॒𑌵𑌿॒𑌷𑍍𑌟𑍋 𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌷𑍍𑌟𑌮𑍍 । 𑌪𑍁𑌷𑍍𑌟𑍍𑌯𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌨𑍍𑌤𑌿 ॥ 𑌹𑍋𑌤𑍁॑𑌶𑍍𑌚𑌮॒𑌸𑌮𑌨𑍂𑌨𑍍𑌨॑𑌯𑌨𑍍𑌤𑍇 । 𑌹𑍋𑌤𑌾-𑌽𑌨𑍁॑𑌶𑌗𑍍𑌂𑌸𑌤𑌿 । 𑌮॒𑌦𑍍𑌧𑍍𑌯॒𑌤 𑌏॒𑌵 𑌯॒𑌜𑍍𑌞𑌗𑍍𑌂 𑌸॒𑌮𑌾𑌦॑𑌧𑌾𑌤𑌿 ॥ 31 ॥

(𑌯॒𑌨𑍍𑌤𑌿॒ - 𑌸𑌵॑𑌨𑌸𑍍𑌯𑌾𑌤𑌿॒𑌰𑌿𑌚𑍍𑌯॑𑌤𑍇 - 𑌶𑌗𑍍𑌂𑌸𑌤𑌿 - 𑌦𑌾𑌧𑌾𑌰𑌾॒𑌷𑍍𑌟𑍗 𑌚॑) (𑌅. 5)

𑌅𑌨𑍁𑌵𑌾𑌕𑌂 6 - 𑌸𑌵𑌨𑌨𑌿𑌮𑌿𑌤𑍍𑌤-𑌮𑍍𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍

𑌏𑌕𑍈॑𑌕𑍋॒ 𑌵𑍈 𑌜॒𑌨𑌤𑌾॑𑌯𑌾॒-𑌮𑌿𑌨𑍍𑌦𑍍𑌰𑌃॑ । 𑌏𑌕𑌂॒-𑌵𑌾𑌁 𑌏॒𑌤𑌾𑌵𑌿𑌨𑍍𑌦𑍍𑌰॑𑌮॒𑌭𑌿 𑌸𑌗𑍍𑌂𑌸𑍁॑𑌨𑍁𑌤𑌃 । 𑌯𑍗 𑌦𑍍𑌵𑍗 𑌸𑌗𑍍𑌂॑𑌸𑍁𑌨𑍁॒𑌤𑌃 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌵𑌿𑌤𑌾॑𑌯𑌤𑍇 । 𑌯-𑌦𑍍𑌯॒𑌜𑍍𑌞𑌃 । 𑌤𑌸𑍍𑌯॒ 𑌗𑍍𑌰𑌾𑌵𑌾॑𑌣𑍋॒ 𑌦𑌨𑍍𑌤𑌾𑌃᳚ । 𑌅॒𑌨𑍍𑌯॒𑌤॒𑌰𑌂-𑌵𑌾𑌁 𑌏॒𑌤𑍇 𑌸𑌗𑍍𑌂॑𑌸𑍁𑌨𑍍𑌵॒𑌤𑍋-𑌰𑍍𑌨𑌿𑌰𑍍𑌬॑𑌫𑍍𑌸𑌤𑌿 । 𑌪𑍂𑌰𑍍𑌵𑍇॑𑌣𑍋𑌪॒𑌸𑍃𑌤𑍍𑌯𑌾॑ 𑌦𑍇॒𑌵𑌤𑌾॒ 𑌇𑌤𑍍𑌯𑌾॑𑌹𑍁𑌃 । 𑌪𑍂॒𑌰𑍍𑌵𑍋॒𑌪॒𑌸𑍃॒𑌤𑌸𑍍𑌯॒ 𑌵𑍈 𑌶𑍍𑌰𑍇𑌯𑌾᳚-𑌨𑍍𑌭𑌵𑌤𑌿 । 𑌏𑌤𑌿॑𑌵॒𑌨𑍍𑌤𑍍𑌯𑌾𑌜𑍍𑌯𑌾॑𑌨𑌿 𑌭𑌵𑌨𑍍𑌤𑍍𑌯॒-𑌭𑌿𑌜𑌿॑𑌤𑍍𑌯𑍈 ॥ 32 ॥

𑌮॒𑌰𑍁𑌤𑍍𑌵॑𑌤𑍀𑌃 𑌪𑍍𑌰𑌤𑌿॒𑌪𑌦𑌃॑ । 𑌮॒𑌰𑍁𑌤𑍋॒ 𑌵𑍈 𑌦𑍇॒𑌵𑌾𑌨𑌾॒-𑌮𑌪॑𑌰𑌾𑌜𑌿𑌤-𑌮𑌾॒𑌯𑌤॑𑌨𑌮𑍍 । 𑌦𑍇॒𑌵𑌾𑌨𑌾॑-𑌮𑍇॒𑌵𑌾𑌪॑𑌰𑌾𑌜𑌿𑌤 𑌆॒𑌯𑌤॑𑌨𑍇 𑌯𑌤𑌤𑍇 ॥𑌉॒𑌭𑍇 𑌬𑍃॑𑌹𑌦𑍍𑌰𑌥𑌨𑍍𑌤॒𑌰𑍇 𑌭॑𑌵𑌤𑌃 । 𑌇॒𑌯𑌂-𑌵𑌾𑌁𑌵 𑌰॑𑌥𑌨𑍍𑌤॒𑌰𑌮𑍍 । 𑌅॒𑌸𑍗 𑌬𑍃॒𑌹𑌤𑍍 । 𑌆॒𑌭𑍍𑌯𑌾𑌮𑍇॒𑌵𑍈𑌨॑-𑌮॒𑌨𑍍𑌤𑌰𑍇॑𑌤𑌿 । 𑌵𑌾॒𑌚𑌶𑍍𑌚॒ 𑌮𑌨॑𑌸𑌶𑍍𑌚 । 𑌪𑍍𑌰𑌾॒𑌣𑌾𑌚𑍍𑌚𑌾॑-𑌪𑌾॒𑌨𑌾𑌚𑍍𑌚॑ । 𑌦𑌿॒𑌵𑌶𑍍𑌚॑ 𑌪𑍃𑌥𑌿॒𑌵𑍍𑌯𑌾𑌶𑍍𑌚॑ ॥ 33 ॥

𑌸𑌰𑍍𑌵॑𑌸𑍍𑌮𑌾-𑌦𑍍𑌵𑌿॒𑌤𑍍𑌤𑌾-𑌦𑍍𑌵𑍇𑌦𑍍𑌯𑌾᳚𑌤𑍍 ॥ 𑌅॒𑌭𑌿॒𑌵॒𑌰𑍍𑌤𑍋 𑌬𑍍𑌰॑𑌹𑍍𑌮𑌸𑌾॒𑌮-𑌮𑍍𑌭॑𑌵𑌤𑌿 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒-𑌭𑌿𑌵𑍃॑𑌤𑍍𑌤𑍍𑌯𑍈 ॥ 𑌅॒𑌭𑌿॒𑌜𑌿-𑌦𑍍𑌭॑𑌵𑌤𑌿 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒-𑌭𑌿𑌜𑌿॑𑌤𑍍𑌯𑍈 । 𑌵𑌿॒𑌶𑍍𑌵॒𑌜𑌿-𑌦𑍍𑌭॑𑌵𑌤𑌿 । 𑌵𑌿𑌶𑍍𑌵॑𑌸𑍍𑌯॒ 𑌜𑌿𑌤𑍍𑌯𑍈᳚ ॥ 𑌯𑌸𑍍𑌯॒ 𑌭𑍂𑌯𑌾𑌗𑍍𑌂॑𑌸𑍋 𑌯𑌜𑍍𑌞𑌕𑍍𑌰॒𑌤𑌵॒ 𑌇𑌤𑍍𑌯𑌾॑𑌹𑍁𑌃 । 𑌸 𑌦𑍇॒𑌵𑌤𑌾॑ 𑌵𑍃𑌙𑍍𑌕𑍍𑌤॒ 𑌇𑌤𑌿॑ । 𑌯𑌦𑍍𑌯॑𑌗𑍍𑌨𑌿𑌷𑍍𑌟𑍋॒𑌮-𑌸𑍍𑌸𑍋𑌮𑌃॑ 𑌪॒𑌰𑌸𑍍𑌤𑌾॒-𑌥𑍍𑌸𑍍𑌯𑌾𑌤𑍍 ॥ 34 ॥

𑌉॒𑌕𑍍𑌥𑍍𑌯॑-𑌙𑍍𑌕𑍁𑌰𑍍𑌵𑍀𑌤 । 𑌯𑌦𑍍𑌯𑍁॒𑌕𑍍𑌥𑍍𑌯𑌃॑ 𑌸𑍍𑌯𑌾𑌤𑍍 । 𑌅॒𑌤𑌿॒𑌰𑌾॒𑌤𑍍𑌰-𑌙𑍍𑌕𑍁॑𑌰𑍍𑌵𑍀𑌤 । 𑌯॒𑌜𑍍𑌞॒𑌕𑍍𑌰॒𑌤𑍁𑌭𑌿॑-𑌰𑍇॒𑌵𑌾𑌸𑍍𑌯॑ 𑌦𑍇॒𑌵𑌤𑌾॑ 𑌵𑍃𑌙𑍍𑌕𑍍𑌤𑍇 ॥ 𑌯𑍋 𑌵𑍈 𑌛𑌨𑍍𑌦𑍋॑𑌭𑌿-𑌰𑌭𑌿॒𑌭𑌵॑𑌤𑌿 । 𑌸 𑌸𑌗𑍍𑌂॑ 𑌸𑍁𑌨𑍍𑌵॒𑌤𑍋-𑌰॒𑌭𑌿𑌭॑𑌵𑌤𑌿 । 𑌸𑌂॒𑌵𑍇𑌁॒𑌶𑌾𑌯॑ 𑌤𑍍𑌵𑍋𑌪𑌵𑍇॒𑌶𑌾𑌯॒-𑌤𑍍𑌵𑍇𑌤𑍍𑌯𑌾॑𑌹 । 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌸𑌂॑𑌵𑍇𑌁॒𑌶 𑌉॑𑌪𑌵𑍇॒𑌶𑌃 । 𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌯॒ 𑌛𑌨𑍍𑌦𑌾𑌗𑍍॑𑌸𑍍𑌯॒-𑌭𑌿𑌭॑𑌵𑌤𑌿 ॥ 𑌇॒𑌷𑍍𑌟𑌰𑍍𑌗𑍋॒ 𑌵𑌾 𑌋॒𑌤𑍍𑌵𑌿𑌜𑌾॑-𑌮𑌦𑍍𑌧𑍍𑌵॒𑌰𑍍𑌯𑍁𑌃 ॥ 35 ॥

𑌇॒𑌷𑍍𑌟𑌰𑍍𑌗𑌃॒ 𑌖𑌲𑍁॒ 𑌵𑍈 𑌪𑍂𑌰𑍍𑌵𑍋॒-𑌽𑌰𑍍𑌷𑍍𑌟𑍁𑌃, 𑌕𑍍𑌷𑍀॑𑌯𑌤𑍇 । 𑌪𑍍𑌰𑌾𑌣𑌾॑𑌪𑌾𑌨𑍗 𑌮𑍃॒𑌤𑍍𑌯𑍋𑌰𑍍𑌮𑌾॑ 𑌪𑌾𑌤॒𑌮𑌿𑌤𑍍𑌯𑌾॑𑌹 । 𑌪𑍍𑌰𑌾॒𑌣𑌾॒𑌪𑌾॒𑌨𑌯𑍋॑𑌰𑍇॒𑌵 𑌶𑍍𑌰॑𑌯𑌤𑍇 । 𑌪𑍍𑌰𑌾𑌣𑌾॑𑌪𑌾𑌨𑍗॒ 𑌮𑌾 𑌮𑌾॑ 𑌹𑌾𑌸𑌿𑌷𑍍𑌟॒𑌮𑌿𑌤𑍍𑌯𑌾॑𑌹 । 𑌨𑍈𑌨॑-𑌮𑍍𑌪𑍁॒𑌰𑌾-𑌽𑌽𑌯𑍁॑𑌷𑌃 𑌪𑍍𑌰𑌾𑌣𑌾𑌪𑌾॒𑌨𑍗 𑌜॑𑌹𑌿𑌤𑌃 ॥ 𑌆𑌰𑍍𑌤𑌿𑌂॒-𑌵𑌾𑌁 𑌏॒𑌤𑍇 𑌨𑌿𑌯॑𑌨𑍍𑌤𑌿 । 𑌯𑍇𑌷𑌾᳚-𑌨𑍍𑌦𑍀𑌕𑍍𑌷𑌿॒𑌤𑌾𑌨𑌾᳚-𑌮𑍍𑌪𑍍𑌰॒𑌮𑍀𑌯॑𑌤𑍇 । 𑌤𑌂-𑌯𑌁𑌦॑𑌵॒𑌵𑌰𑍍𑌜𑍇॑𑌯𑍁𑌃 । 𑌕𑍍𑌰𑍂॒𑌰॒𑌕𑍃𑌤𑌾॑𑌮𑌿𑌵𑍈𑌷𑌾𑌂-𑌲𑍋𑌁॒𑌕-𑌸𑍍𑌸𑍍𑌯𑌾᳚𑌤𑍍 । 𑌆𑌹॑𑌰 𑌦॒𑌹𑍇𑌤𑌿॑ 𑌬𑍍𑌰𑍂𑌯𑌾𑌤𑍍 ॥ 36 ॥

𑌤-𑌨𑍍𑌦॑𑌕𑍍𑌷𑌿𑌣॒𑌤𑍋 𑌵𑍇𑌦𑍍𑌯𑍈॑ 𑌨𑌿॒𑌧𑌾𑌯॑ । 𑌸॒𑌰𑍍𑌪॒𑌰𑌾॒𑌜𑍍𑌞𑌿𑌯𑌾॑ 𑌋॒𑌗𑍍𑌭𑌿-𑌸𑍍𑌸𑍍𑌤𑍁॑𑌯𑍁𑌃 । 𑌇॒𑌯𑌂-𑌵𑍈𑌁 𑌸𑌰𑍍𑌪॑𑌤𑍋॒ 𑌰𑌾𑌜𑍍𑌞𑍀᳚ । 𑌅॒𑌸𑍍𑌯𑌾 𑌏॒𑌵𑍈𑌨॒-𑌮𑍍𑌪𑌰𑌿॑𑌦𑌦𑌤𑌿 ॥ 𑌵𑍍𑌯𑍃॑𑌦𑍍𑌧॒-𑌨𑍍𑌤𑌦𑌿𑌤𑍍𑌯𑌾॑𑌹𑍁𑌃 । 𑌯-𑌥𑍍𑌸𑍍𑌤𑍁॒𑌤-𑌮𑌨॑𑌨𑍁𑌶𑌸𑍍𑌤॒-𑌮𑌿𑌤𑌿॑ । 𑌹𑍋𑌤𑌾᳚ 𑌪𑍍𑌰𑌥॒𑌮𑌃 𑌪𑍍𑌰𑌾॑𑌚𑍀𑌨𑌾𑌵𑍀॒𑌤𑍀 𑌮𑌾᳚𑌰𑍍𑌜𑌾॒𑌲𑍀𑌯॒-𑌮𑍍𑌪𑌰𑍀॑𑌯𑌾𑌤𑍍 । 𑌯𑌾॒𑌮𑍀𑌰॑𑌨𑍁-𑌬𑍍𑌰𑍁॒𑌵𑌨𑍍𑌨𑍍 । 𑌸॒𑌰𑍍𑌪॒𑌰𑌾॒𑌜𑍍𑌞𑍀𑌨𑌾᳚-𑌙𑍍𑌕𑍀𑌰𑍍𑌤𑌯𑍇𑌤𑍍 । 𑌉॒𑌭𑌯𑍋॑𑌰𑍇॒𑌵𑍈𑌨𑌂॑-𑌲𑍋𑌁॒𑌕𑌯𑍋𑌃॒ 𑌪𑌰𑌿॑𑌦𑌦𑌤𑌿 ॥ 37 ॥

𑌅𑌥𑍋॑ 𑌧𑍁॒𑌵𑌨𑍍𑌤𑍍𑌯𑍇॒𑌵𑍈𑌨᳚𑌮𑍍 । 𑌅𑌥𑍋॒ 𑌨𑍍𑌯𑍇॑𑌵𑌾𑌸𑍍𑌮𑍈᳚ 𑌹𑍍𑌨𑍁𑌵𑌤𑍇 ॥ 𑌤𑍍𑌰𑌿𑌃 𑌪𑌰𑌿॑𑌯𑌨𑍍𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑍋॑ 𑌧𑍁𑌵𑌤𑍇 । 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑌿॑𑌯𑌨𑍍𑌤𑌿 । 𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌨𑍍𑌧𑍁𑌵𑌤𑍇 ॥ 𑌅𑌗𑍍𑌨॒ 𑌆𑌯𑍂𑌗𑍍𑌂॑𑌷𑌿 𑌪𑌵𑌸॒ 𑌇𑌤𑌿॑ 𑌪𑍍𑌰𑌤𑌿॒𑌪𑌦॑-𑌙𑍍𑌕𑍁𑌰𑍍𑌵𑍀𑌰𑌨𑍍𑌨𑍍 । 𑌰॒𑌥॒𑌨𑍍𑌤॒𑌰𑌸𑌾॑𑌮𑍈𑌷𑌾॒𑌗𑍍𑌂॒ 𑌸𑍋𑌮𑌃॑ 𑌸𑍍𑌯𑌾𑌤𑍍 । 𑌆𑌯𑍁॑𑌰𑍇॒𑌵𑌾𑌤𑍍𑌮𑌨𑍍-𑌦॑𑌧𑌤𑍇 । 𑌅𑌥𑍋॑ 𑌪𑌾॒𑌪𑍍𑌮𑌾𑌨॑𑌮𑍇॒𑌵 𑌵𑌿॒𑌜𑌹॑𑌤𑍋 𑌯𑌨𑍍𑌤𑌿 ॥ 38 ॥

(𑌅॒𑌭𑌿𑌜𑌿॑𑌤𑍍𑌯𑍈 - 𑌪𑍃𑌥𑌿॒𑌵𑍍𑌯𑌾𑌶𑍍𑌚॒ - 𑌸𑍍𑌯𑌾 - 𑌦॑𑌦𑍍𑌧𑍍𑌵॒𑌰𑍍𑌯𑍁--𑌰𑍍 𑌬𑍍𑌰𑍁॑𑌯𑌾𑌲𑍍 - 𑌲𑍋॒𑌕𑌯𑍋𑌃॒ 𑌪𑌰𑌿॑𑌦𑌦𑌤𑌿 - 𑌕𑍁𑌰𑍍𑌵𑌰॒𑌗𑍍𑌗𑍍॒ 𑌸𑍍𑌤𑍍𑌰𑍀𑌣𑌿॑ 𑌚) (𑌅. 6)

𑌅𑌨𑍁𑌵𑌾𑌕𑌂 7 - 𑌯𑍂𑌪𑌵𑌿𑌰𑍋𑌹𑌣𑌾𑌦𑌿𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍

𑌅॒𑌸𑍁॒𑌰𑍍𑌯𑌂॑-𑌵𑌾𑌁 𑌏॒𑌤𑌸𑍍𑌮𑌾॒-𑌦𑍍𑌵𑌰𑍍𑌣॑-𑌙𑍍𑌕𑍃॒𑌤𑍍𑌵𑌾 । 𑌪॒𑌶𑌵𑍋॑ 𑌵𑍀॒𑌰𑍍𑌯॑-𑌮𑌪॑𑌕𑍍𑌰𑌾𑌮𑌨𑍍𑌤𑌿 । 𑌯𑌸𑍍𑌯॒ 𑌯𑍂𑌪𑍋॑ 𑌵𑌿॒𑌰𑍋𑌹॑𑌤𑌿 । 𑌤𑍍𑌵𑌾॒𑌷𑍍𑌟𑍍𑌰-𑌮𑍍𑌬॑𑌹𑍁𑌰𑍂॒𑌪-𑌮𑌾𑌲॑𑌭𑍇𑌤 । 𑌤𑍍𑌵𑌷𑍍𑌟𑌾॒ 𑌵𑍈 𑌰𑍂॒𑌪𑌾𑌣𑌾॑𑌮𑍀𑌶𑍇 । 𑌯 𑌏॒𑌵 𑌰𑍂॒𑌪𑌾𑌣𑌾॒𑌮𑍀𑌶𑍇᳚ । 𑌸𑍋᳚-𑌽𑌸𑍍𑌮𑌿-𑌨𑍍𑌪॒𑌶𑍂𑌨𑍍. 𑌵𑍀॒𑌰𑍍𑌯𑌂॑-𑌯𑌁𑌚𑍍𑌛𑌤𑌿 । 𑌨𑌾𑌸𑍍𑌮𑌾᳚𑌤𑍍-𑌪॒𑌶𑌵𑍋॑ 𑌵𑍀॒𑌰𑍍𑌯॑-𑌮𑌪॑𑌕𑍍𑌰𑌾𑌮𑌨𑍍𑌤𑌿 ॥ 𑌆𑌰𑍍𑌤𑌿𑌂॒-𑌵𑌾𑌁 𑌏॒𑌤𑍇 𑌨𑌿𑌯॑𑌨𑍍𑌤𑌿 । 𑌯𑍇𑌷𑌾᳚-𑌨𑍍𑌦𑍀𑌕𑍍𑌷𑌿॒𑌤𑌾𑌨𑌾॑-𑌮॒𑌗𑍍𑌨𑌿-𑌰𑍁॒𑌦𑍍𑌵𑌾𑌯॑𑌤𑌿 ॥ 39 ॥

𑌯𑌦𑌾॑𑌹𑌵॒𑌨𑍀𑌯॑ 𑌉॒𑌦𑍍𑌵𑌾𑌯𑍇᳚𑌤𑍍 । 𑌯𑌤𑍍𑌤-𑌮𑍍𑌮𑌨𑍍𑌥𑍇᳚𑌤𑍍 । 𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇𑌤𑍍 । 𑌯𑌦𑌾॑𑌹𑌵॒𑌨𑍀𑌯॑ 𑌉॒𑌦𑍍𑌵𑌾𑌯𑍇᳚𑌤𑍍 । 𑌆𑌗𑍍𑌨𑍀᳚𑌦𑍍𑌧𑍍𑌰𑌾॒-𑌦𑍁𑌦𑍍𑌧॑𑌰𑍇𑌤𑍍 । 𑌯𑌦𑌾𑌗𑍍𑌨𑍀᳚𑌦𑍍𑌧𑍍𑌰 𑌉॒𑌦𑍍𑌵𑌾𑌯𑍇᳚𑌤𑍍 । 𑌗𑌾𑌰𑍍𑌹॑𑌪𑌤𑍍𑌯𑌾॒-𑌦𑍁𑌦𑍍𑌧॑𑌰𑍇𑌤𑍍 । 𑌯-𑌦𑍍𑌗𑌾𑌰𑍍𑌹॑𑌪𑌤𑍍𑌯 𑌉॒𑌦𑍍𑌵𑌾𑌯𑍇᳚𑌤𑍍 । 𑌅𑌤॑ 𑌏॒𑌵 𑌪𑍁𑌨॑-𑌰𑍍𑌮𑌨𑍍𑌥𑍇𑌤𑍍 ॥ 40 ॥

𑌅𑌤𑍍𑌰॒ 𑌵𑌾𑌵 𑌸 𑌨𑌿𑌲॑𑌯𑌤𑍇 । 𑌯𑌤𑍍𑌰॒ 𑌖𑌲𑍁॒ 𑌵𑍈 𑌨𑌿𑌲𑍀॑𑌨-𑌮𑍁𑌤𑍍𑌤॒𑌮-𑌮𑍍𑌪𑌶𑍍𑌯॑𑌨𑍍𑌤𑌿 । 𑌤𑌦𑍇॑𑌨-𑌮𑌿𑌚𑍍𑌛𑌨𑍍𑌤𑌿 ॥ 𑌯𑌸𑍍𑌮𑌾॒-𑌦𑍍𑌦𑌾𑌰𑍋॑𑌰𑍁॒𑌦𑍍𑌵𑌾𑌯𑍇᳚𑌤𑍍 । 𑌤𑌸𑍍𑌯𑌾॒𑌰𑌣𑍀॑ 𑌕𑍁𑌰𑍍𑌯𑌾𑌤𑍍 । 𑌕𑍍𑌰𑍁॒𑌮𑍁॒𑌕𑌮𑌪𑌿॑ 𑌕𑍁𑌰𑍍𑌯𑌾𑌤𑍍 । 𑌏॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 । 𑌯𑌤𑍍-𑌕𑍍𑌰𑍁॑𑌮𑍁॒𑌕𑌃 । 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌸𑌮॑𑌰𑍍𑌧𑌯𑌤𑌿 ॥ 𑌗𑌾𑌰𑍍𑌹॑𑌪𑌤𑍍𑌯-𑌮𑍍𑌮𑌨𑍍𑌥𑌤𑌿 ॥ 41 ॥

𑌗𑌾𑌰𑍍𑌹॑𑌪𑌤𑍍𑌯𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿𑌃॑ । 𑌸𑍍𑌵𑌾𑌦𑍇॒𑌵𑍈𑌨𑌂॒-𑌯𑍋𑌁𑌨𑍇᳚-𑌰𑍍𑌜𑌨𑌯𑌤𑌿 । 𑌨𑌾𑌸𑍍𑌮𑍈॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑌿 ॥ 𑌯𑌸𑍍𑌯॒ 𑌸𑍋𑌮॑ 𑌉𑌪॒𑌦𑌸𑍍𑌯𑍇᳚𑌤𑍍 । 𑌸𑍁॒𑌵𑌰𑍍𑌣॒𑌗𑍍𑌂॒ 𑌹𑌿𑌰॑𑌣𑍍𑌯-𑌨𑍍𑌦𑍍𑌵𑍇॒𑌧𑌾 𑌵𑌿॒𑌚𑍍𑌛𑌿𑌦𑍍𑌯॑ । 𑌋॒𑌜𑍀॒𑌷𑍇᳚-𑌽𑌨𑍍𑌯𑌦𑌾॑𑌧𑍂𑌨𑍁॒𑌯𑌾𑌤𑍍 । 𑌜𑍁॒𑌹𑍁॒𑌯𑌾𑌦॒𑌨𑍍𑌯𑌤𑍍 । 𑌸𑍋𑌮॑𑌮𑍇॒𑌵𑌾-𑌭𑌿॑𑌷𑍁॒𑌣𑍋𑌤𑌿॑ । 𑌸𑍋𑌮॑-𑌞𑍍𑌜𑍁𑌹𑍋𑌤𑌿 ॥ 𑌸𑍋𑌮॑𑌸𑍍𑌯॒ 𑌵𑌾 𑌅॑𑌭𑌿𑌷𑍂॒𑌯𑌮𑌾॑𑌣𑌸𑍍𑌯 𑌪𑍍𑌰𑌿॒𑌯𑌾 𑌤॒𑌨𑍂-𑌰𑍁𑌦॑𑌕𑍍𑌰𑌾𑌮𑌤𑍍 ॥ 42 ॥

𑌤-𑌥𑍍𑌸𑍁॒𑌵𑌰𑍍𑌣॒𑌗𑍍𑌂॒ 𑌹𑌿𑌰॑𑌣𑍍𑌯-𑌮𑌭𑌵𑌤𑍍 । 𑌯-𑌥𑍍𑌸𑍁॒𑌵𑌰𑍍𑌣॒𑌗𑍍𑌂॒ 𑌹𑌿𑌰॑𑌣𑍍𑌯-𑌙𑍍𑌕𑍁॒𑌰𑍍𑌵𑌨𑍍𑌤𑌿॑ । 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌸𑌮॑𑌰𑍍𑌧𑌯𑌨𑍍𑌤𑌿 ॥ 𑌯𑌸𑍍𑌯𑌾𑌕𑍍𑌰𑍀॑𑌤॒𑌗𑍍𑌂॒ 𑌸𑍋𑌮॑-𑌮𑌪॒𑌹𑌰𑍇॑𑌯𑍁𑌃 । 𑌕𑍍𑌰𑍀॒𑌣𑍀॒𑌯𑌾𑌦𑍇॒𑌵 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌯𑌸𑍍𑌯॑ 𑌕𑍍𑌰𑍀॒𑌤𑌮॑𑌪॒𑌹𑌰𑍇॑𑌯𑍁𑌃 । 𑌆॒𑌦𑌾॒𑌰𑌾𑌗𑍍𑌶𑍍𑌚॑ 𑌫𑌾𑌲𑍍𑌗𑍁॒𑌨𑌾𑌨𑌿॑ 𑌚𑌾॒𑌭𑌿𑌷𑍁॑𑌣𑍁𑌯𑌾𑌤𑍍 । 𑌗𑌾॒𑌯॒𑌤𑍍𑌰𑍀 𑌯𑌗𑍍𑌂 𑌸𑍋𑌮॒𑌮𑌾𑌹॑𑌰𑌤𑍍 । 𑌤𑌸𑍍𑌯॒ 𑌯𑍋-𑌽𑌗𑍍𑌂॑𑌶𑍁𑌃 𑌪॒𑌰𑌾-𑌽𑌪॑𑌤𑌤𑍍 ॥ 43 ॥

𑌤 𑌆॑𑌦𑌾॒𑌰𑌾 𑌅॑𑌭𑌵𑌨𑍍𑌨𑍍 । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹𑌨𑍍𑌨𑍍 । 𑌤𑌸𑍍𑌯॑ 𑌵॒𑌲𑍍𑌕𑌃 𑌪𑌰𑌾॑-𑌽𑌪𑌤𑌤𑍍 । 𑌤𑌾𑌨𑌿॑ 𑌫𑌾𑌲𑍍𑌗𑍁॒𑌨𑌾𑌨𑍍𑌯॑𑌭𑌵𑌨𑍍𑌨𑍍 । 𑌪॒𑌶𑌵𑍋॒ 𑌵𑍈 𑌫𑌾᳚𑌲𑍍𑌗𑍁॒𑌨𑌾𑌨𑌿॑ । 𑌪॒𑌶𑌵॒-𑌸𑍍𑌸𑍋𑌮𑍋॒ 𑌰𑌾𑌜𑌾᳚ । 𑌯𑌦𑌾॑𑌦𑌾॒𑌰𑌾𑌗𑍍𑌶𑍍𑌚॑ 𑌫𑌾𑌲𑍍𑌗𑍁॒𑌨𑌾𑌨𑌿॑ 𑌚𑌾𑌭𑌿𑌷𑍁॒𑌣𑍋𑌤𑌿॑ । 𑌸𑍋𑌮॑𑌮𑍇॒𑌵 𑌰𑌾𑌜𑌾॑𑌨𑌮॒𑌭𑌿𑌷𑍁॑𑌣𑍋𑌤𑌿 ॥ 𑌶𑍃॒𑌤𑍇𑌨॑ 𑌪𑍍𑌰𑌾𑌤𑌸𑍍𑌸𑌵॒𑌨𑍇 𑌶𑍍𑌰𑍀॑𑌣𑍀𑌯𑌾𑌤𑍍 । 𑌦॒𑌦𑍍𑌧𑍍𑌨𑌾 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 ॥ 44 ॥

𑌨𑍀॒𑌤॒𑌮𑌿॒𑌶𑍍𑌰𑍇𑌣॑ 𑌤𑍃𑌤𑍀𑌯𑌸𑌵॒𑌨𑍇 । 𑌅॒𑌗𑌿॒𑌷𑍍𑌟𑍋॒𑌮-𑌸𑍍𑌸𑍋𑌮𑌃॑ 𑌸𑍍𑌯𑌾-𑌦𑍍𑌰𑌥𑌨𑍍𑌤॒𑌰𑌸𑌾॑𑌮𑌾 । 𑌯 𑌏॒𑌵𑌰𑍍𑌤𑍍𑌵𑌿𑌜𑍋॑ 𑌵𑍃॒𑌤𑌾-𑌸𑍍𑌸𑍍𑌯𑍁𑌃 । 𑌤 𑌏॑𑌨𑌂-𑌯𑌾𑌁𑌜𑌯𑍇𑌯𑍁𑌃 । 𑌏𑌕𑌾॒-𑌙𑍍𑌗𑌾-𑌨𑍍𑌦𑌕𑍍𑌷𑌿॑𑌣𑌾-𑌨𑍍𑌦𑌦𑍍𑌯𑌾॒𑌤𑍍𑌤𑍇𑌭𑍍𑌯॑ 𑌏॒𑌵 । 𑌪𑍁𑌨॒-𑌸𑍍𑌸𑍋𑌮॑-𑌙𑍍𑌕𑍍𑌰𑍀𑌣𑍀𑌯𑌾𑌤𑍍 । 𑌯॒𑌜𑍍𑌞𑍇𑌨𑍈॒𑌵 𑌤-𑌦𑍍𑌯॒𑌜𑍍𑌞-𑌮𑌿॑𑌚𑍍𑌛𑌤𑌿 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌸𑌰𑍍𑌵𑌾᳚𑌭𑍍𑌯𑍋॒ 𑌵𑌾 𑌏॒𑌷 𑌦𑍇॒𑌵𑌤𑌾᳚𑌭𑍍𑌯॒-𑌸𑍍𑌸𑌰𑍍𑌵𑍇᳚𑌭𑍍𑌯𑌃 𑌪𑍃॒𑌷𑍍𑌠𑍇𑌭𑍍𑌯॑ 𑌆॒𑌤𑍍𑌮𑌾𑌨॒-𑌮𑌾𑌗𑍁॑𑌰𑌤𑍇 । 𑌯-𑌸𑍍𑌸॒𑌤𑍍𑌰𑌾𑌯𑌾॑𑌗𑍁॒𑌰𑌤𑍇᳚ । 𑌏॒𑌤𑌾𑌵𑌾॒𑌨𑍍-𑌖𑌲𑍁॒ 𑌵𑍈 𑌪𑍁𑌰𑍁॑𑌷𑌃 । 𑌯𑌾𑌵॑𑌦𑌸𑍍𑌯 𑌵𑌿॒𑌤𑍍𑌤𑌮𑍍 । 𑌸॒𑌰𑍍𑌵॒𑌵𑍇॒𑌦॒𑌸𑍇𑌨॑ 𑌯𑌜𑍇𑌤 । 𑌸𑌰𑍍𑌵॑𑌪𑍃𑌷𑍍𑌠𑍋-𑌽𑌸𑍍𑌯॒ 𑌸𑍋𑌮𑌃॑ 𑌸𑍍𑌯𑌾𑌤𑍍 । 𑌸𑌰𑍍𑌵𑌾᳚𑌭𑍍𑌯 𑌏॒𑌵 𑌦𑍇॒𑌵𑌤𑌾᳚𑌭𑍍𑌯॒-𑌸𑍍𑌸𑌰𑍍𑌵𑍇᳚𑌭𑍍𑌯𑌃 𑌪𑍃॒𑌷𑍍𑌠𑍇𑌭𑍍𑌯॑ 𑌆॒𑌤𑍍𑌮𑌾𑌨॒-𑌨𑍍𑌨𑌿𑌷𑍍𑌕𑍍𑌰𑍀॑𑌣𑍀𑌤𑍇 ॥ 45 ॥

(𑌉॒𑌦𑍍𑌵𑌾𑌯॑𑌤𑌿 - 𑌮𑌨𑍍𑌥𑍇𑌨𑍍 - 𑌮𑌨𑍍𑌥 - 𑌤𑍍𑌯𑌕𑍍𑌰𑌾𑌮𑌤𑍍 - 𑌪॒𑌰𑌾-𑌽𑌪॑𑌤𑌨𑍍 - 𑌮॒𑌦𑍍𑌧𑍍𑌯𑌨𑍍𑌦𑌿॑𑌨 - 𑌆𑌗𑍁॒𑌰𑌤𑍇॒ 𑌪𑌞𑍍𑌚॑ 𑌚) (𑌅. 7)

𑌅𑌨𑍁𑌵𑌾𑌕𑌂 8 - 𑌪𑌾𑌵𑌮𑌾𑌨𑍀𑌮𑌨𑍍𑌤𑍍𑌰𑌾𑌃 (𑌸𑍍𑌮𑌾𑌰𑍍𑌤𑍇 𑌶𑍍𑌞𑌾𑌨𑌾𑌦𑍗 𑌮𑌾𑌰𑍍𑌜𑌨𑌾𑌰𑍍𑌥𑌾𑌶𑍍𑌚)

𑌪𑌵॑𑌮𑌾𑌨॒-𑌸𑍍𑌸𑍁𑌵॒𑌰𑍍𑌜𑌨𑌃॑ । 𑌪॒𑌵𑌿𑌤𑍍𑌰𑍇॑𑌣॒ 𑌵𑌿𑌚॑𑌰𑍍𑌷𑌣𑌿𑌃 । 𑌯𑌃 𑌪𑍋𑌤𑌾॒ 𑌸 𑌪𑍁॑𑌨𑌾𑌤𑍁 𑌮𑌾 ॥ 𑌪𑍁॒𑌨𑌨𑍍𑌤𑍁॑ 𑌮𑌾 𑌦𑍇𑌵𑌜॒𑌨𑌾𑌃 । 𑌪𑍁॒𑌨𑌨𑍍𑌤𑍁॒ 𑌮𑌨॑ 𑌵𑍋 𑌧𑌿॒𑌯𑌾 । 𑌪𑍁॒𑌨𑌨𑍍𑌤𑍁॒ 𑌵𑌿𑌶𑍍𑌵॑ 𑌆॒𑌯𑌵𑌃॑ ॥ 𑌜𑌾𑌤॑𑌵𑍇𑌦𑌃 𑌪॒𑌵𑌿𑌤𑍍𑌰॑𑌵𑌤𑍍 । 𑌪॒𑌵𑌿𑌤𑍍𑌰𑍇॑𑌣 𑌪𑍁𑌨𑌾𑌹𑌿 𑌮𑌾 । 𑌶𑍁॒𑌕𑍍𑌰𑍇𑌣॑ 𑌦𑍇𑌵॒ 𑌦𑍀𑌦𑍍𑌯॑𑌤𑍍 । 𑌅𑌗𑍍𑌨𑍇॒ 𑌕𑍍𑌰𑌤𑍍𑌵𑌾॒ 𑌕𑍍𑌰𑌤𑍂॒𑌗𑍍𑌂॒ 𑌰𑌨𑍁॑ ॥ 46 ॥

𑌯𑌤𑍍𑌤𑍇॑ 𑌪॒𑌵𑌿𑌤𑍍𑌰॑-𑌮॒𑌰𑍍𑌚𑌿𑌷𑌿॑ । 𑌅𑌗𑍍𑌨𑍇॒ 𑌵𑌿𑌤॑𑌤𑌮𑌨𑍍𑌤॒𑌰𑌾 । 𑌬𑍍𑌰𑌹𑍍𑌮॒ 𑌤𑍇𑌨॑ 𑌪𑍁𑌨𑍀𑌮𑌹𑍇 ॥ 𑌉॒𑌭𑌾𑌭𑍍𑌯𑌾᳚-𑌨𑍍𑌦𑍇𑌵 𑌸𑌵𑌿𑌤𑌃 ।𑌪॒𑌵𑌿𑌤𑍍𑌰𑍇॑𑌣 𑌸॒𑌵𑍇𑌨॑ 𑌚 । 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 ॥ 𑌵𑍈॒𑌶𑍍𑌵॒𑌦𑍇॒𑌵𑍀 𑌪𑍁॑𑌨॒𑌤𑍀 𑌦𑍇॒𑌵𑍍𑌯𑌾𑌗𑌾᳚𑌤𑍍 । 𑌯𑌸𑍍𑌯𑍈॑ 𑌬॒𑌹𑍍𑌵𑍀-𑌸𑍍𑌤॒𑌨𑍁𑌵𑍋॑ 𑌵𑍀॒𑌤𑌪𑍃॑𑌷𑍍𑌠𑌾𑌃 । 𑌤𑌯𑌾॒ 𑌮𑌦॑𑌨𑍍𑌤-𑌸𑍍𑌸𑌧॒𑌮𑌾𑌦𑍍𑌯𑍇॑𑌷𑍁 । 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 47 ॥

𑌵𑍈॒𑌶𑍍𑌵𑌾॒𑌨॒𑌰𑍋 𑌰॒𑌶𑍍𑌮𑌿𑌭𑌿॑𑌰𑍍𑌮𑌾 𑌪𑍁𑌨𑌾𑌤𑍁 । 𑌵𑌾𑌤𑌃॑ 𑌪𑍍𑌰𑌾॒𑌣𑍇𑌨𑍇॑𑌷𑌿॒𑌰𑍋 𑌮॑𑌯𑍋॒𑌭𑍂𑌃 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌪𑌯॑𑌸𑌾॒ 𑌪𑌯𑍋॑𑌭𑌿𑌃 । 𑌋॒𑌤𑌾𑌵॑𑌰𑍀 𑌯॒𑌜𑍍𑌞𑌿𑌯𑍇॑ 𑌮𑌾 𑌪𑍁𑌨𑍀𑌤𑌾𑌮𑍍 ॥ 𑌬𑍃॒𑌹𑌦𑍍𑌭𑌿𑌃॑ 𑌸𑌵𑌿𑌤॒𑌸𑍍𑌤𑍃𑌭𑌿𑌃॑ । 𑌵𑌰𑍍𑌷𑌿॑𑌷𑍍𑌠𑍈-𑌰𑍍𑌦𑍇𑌵॒ 𑌮𑌨𑍍𑌮॑𑌭𑌿𑌃 । 𑌅𑌗𑍍𑌨𑍇॒ 𑌦𑌕𑍍𑌷𑍈𑌃᳚ 𑌪𑍁𑌨𑌾𑌹𑌿 𑌮𑌾 ॥ 𑌯𑍇𑌨॑ 𑌦𑍇॒𑌵𑌾 𑌅𑌪𑍁॑𑌨𑌤 । 𑌯𑍇𑌨𑌾𑌪𑍋॑ 𑌦𑌿॒𑌵𑍍𑌯-𑌙𑍍𑌕𑌶𑌃॑ । 𑌤𑍇𑌨॑ 𑌦𑌿॒𑌵𑍍𑌯𑍇𑌨॒ 𑌬𑍍𑌰𑌹𑍍𑌮॑𑌣𑌾 ॥ 48 ॥

𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 ॥ 𑌯𑌃 𑌪𑌾॑𑌵𑌮𑌾॒𑌨𑍀𑌰॒𑌦𑍍𑌧𑍍𑌯𑍇𑌤𑌿॑ । 𑌋𑌷𑌿॑𑌭𑌿॒-𑌸𑍍𑌸𑌮𑍍𑌭𑍃॑𑌤॒𑌗𑍍𑌂॒ 𑌰𑌸᳚𑌮𑍍 । 𑌸𑌰𑍍𑌵॒𑌗𑍍𑌂॒ 𑌸 𑌪𑍂॒𑌤𑌮॑𑌶𑍍𑌞𑌾𑌤𑌿 । 𑌸𑍍𑌵॒𑌦𑌿॒𑌤-𑌮𑍍𑌮𑌾॑𑌤॒𑌰𑌿𑌶𑍍𑌵॑𑌨𑌾 ॥ 𑌪𑌾॒𑌵॒𑌮𑌾॒𑌨𑍀𑌰𑍍𑌯𑍋 𑌅॒𑌦𑍍𑌧𑍍𑌯𑍇𑌤𑌿॑ । 𑌋𑌷𑌿॑𑌭𑌿॒-𑌸𑍍𑌸𑌮𑍍𑌭𑍃॑𑌤॒𑌗𑍍𑌂॒ 𑌰𑌸᳚𑌮𑍍 । 𑌤𑌸𑍍𑌮𑍈॒ 𑌸𑌰॑𑌸𑍍𑌵𑌤𑍀 𑌦𑍁𑌹𑍇 । 𑌕𑍍𑌷𑍀॒𑌰𑌗𑍍𑌂 𑌸॒𑌰𑍍𑌪𑌿-𑌰𑍍𑌮𑌧𑍂॑𑌦॒𑌕𑌮𑍍 ॥ 𑌪𑌾॒𑌵॒𑌮𑌾॒𑌨𑍀-𑌸𑍍𑌸𑍍𑌵॒𑌸𑍍𑌤𑍍𑌯𑌯॑𑌨𑍀𑌃 ॥ 49 ॥

𑌸𑍁॒𑌦𑍁𑌘𑌾॒ 𑌹𑌿 𑌪𑌯॑𑌸𑍍𑌵𑌤𑍀𑌃 । 𑌋𑌷𑌿॑𑌭𑌿॒-𑌸𑍍𑌸𑌮𑍍𑌭𑍃॑𑌤𑍋॒ 𑌰𑌸𑌃॑ । 𑌬𑍍𑌰𑌾॒𑌹𑍍𑌮॒𑌣𑍇𑌷𑍍𑌵॒𑌮𑍃𑌤𑌗𑍍𑌂॑ 𑌹𑌿॒𑌤𑌮𑍍 ॥ 𑌪𑌾॒𑌵॒𑌮𑌾॒𑌨𑍀-𑌰𑍍𑌦𑌿॑𑌶𑌨𑍍𑌤𑍁 𑌨𑌃 । 𑌇॒𑌮𑌂-𑌲𑍋𑌁॒𑌕𑌮𑌥𑍋॑ 𑌅॒𑌮𑍁𑌮𑍍 । 𑌕𑌾𑌮𑌾॒𑌨𑍍-𑌥𑍍𑌸𑌮॑𑌰𑍍𑌧𑌯𑌨𑍍𑌤𑍁 𑌨𑌃 । 𑌦𑍇॒𑌵𑍀-𑌰𑍍𑌦𑍇॒𑌵𑍈-𑌸𑍍𑌸॒𑌮𑌾𑌭𑍃॑𑌤𑌾𑌃 ॥ 𑌪𑌾॒𑌵॒𑌮𑌾॒𑌨𑍀-𑌸𑍍𑌸𑍍𑌵॒𑌸𑍍𑌤𑍍𑌯𑌯॑𑌨𑍀𑌃 । 𑌸𑍁॒𑌦𑍁𑌘𑌾॒𑌹𑌿 𑌘𑍃॑𑌤॒𑌶𑍍𑌚𑍁𑌤𑌃॑ । 𑌋𑌷𑌿॑𑌭𑌿॒-𑌸𑍍𑌸𑌮𑍍𑌭𑍃॑𑌤𑍋॒ 𑌰𑌸𑌃॑ ॥ 50 ॥

𑌬𑍍𑌰𑌾॒𑌹𑍍𑌮॒𑌣𑍇𑌷𑍍𑌵॒𑌮𑍃𑌤𑌗𑍍𑌂॑ 𑌹𑌿॒𑌤𑌮𑍍 ॥ 𑌯𑍇𑌨॑ 𑌦𑍇॒𑌵𑌾𑌃 𑌪॒𑌵𑌿𑌤𑍍𑌰𑍇॑𑌣 । 𑌆॒𑌤𑍍𑌮𑌾𑌨॑-𑌮𑍍𑌪𑍁॒𑌨𑌤𑍇॒ 𑌸𑌦𑌾᳚ । 𑌤𑍇𑌨॑ 𑌸॒𑌹𑌸𑍍𑌰॑𑌧𑌾𑌰𑍇𑌣 । 𑌪𑌾॒𑌵॒𑌮𑌾॒𑌨𑍍𑌯𑌃 𑌪𑍁॑𑌨𑌨𑍍𑌤𑍁 𑌮𑌾 ॥ 𑌪𑍍𑌰𑌾॒𑌜𑌾॒𑌪॒𑌤𑍍𑌯-𑌮𑍍𑌪॒𑌵𑌿𑌤𑍍𑌰᳚𑌮𑍍 । 𑌶॒𑌤𑍋𑌦𑍍𑌯𑌾॑𑌮𑌗𑍍𑌂 𑌹𑌿𑌰॒𑌣𑍍𑌮𑌯᳚𑌮𑍍 । 𑌤𑍇𑌨॑ 𑌬𑍍𑌰𑌹𑍍𑌮॒ 𑌵𑌿𑌦𑍋॑ 𑌵॒𑌯𑌮𑍍 । 𑌪𑍂॒𑌤-𑌮𑍍𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 ॥ 𑌇𑌨𑍍𑌦𑍍𑌰𑌃॑ 𑌸𑍁𑌨𑍀॒𑌤𑍀 𑌸॒𑌹 𑌮𑌾॑ 𑌪𑍁𑌨𑌾𑌤𑍁 । 𑌸𑍋𑌮𑌃॑ 𑌸𑍍𑌵॒𑌸𑍍𑌤𑍍𑌯𑌾 𑌵𑌰𑍁॑𑌣-𑌸𑍍𑌸॒𑌮𑍀𑌚𑍍𑌯𑌾᳚ । 𑌯॒𑌮𑍋 𑌰𑌾𑌜𑌾᳚ 𑌪𑍍𑌰𑌮𑍃॒𑌣𑌾𑌭𑌿𑌃॑ 𑌪𑍁𑌨𑌾𑌤𑍁 𑌮𑌾 । 𑌜𑌾॒𑌤𑌵𑍇॑𑌦𑌾 𑌮𑍋॒𑌰𑍍𑌜𑌯॑𑌨𑍍𑌤𑍍𑌯𑌾 𑌪𑍁𑌨𑌾𑌤𑍁 ॥ 51 ॥

(𑌅𑌨𑍁॑ - 𑌰𑌯𑍀॒𑌣𑌾𑌂 - 𑌬𑍍𑌰𑌹𑍍𑌮॑𑌣𑌾 - 𑌸𑍍𑌵॒𑌸𑍍𑌤𑍍𑌯𑌯॑𑌨𑍀𑌃 - 𑌸𑍁॒𑌦𑍁𑌘𑌾॒ 𑌹𑌿 𑌘𑍃॑𑌤॒𑌶𑍍𑌚𑍁𑌤॒ 𑌋𑌷𑌿॑𑌭𑌿॒-𑌸𑍍𑌸𑌮𑍍𑌭𑍃॑𑌤𑍋॒ 𑌰𑌸𑌃॑ - 𑌪𑍁𑌨𑌾𑌤𑍁॒ 𑌤𑍍𑌰𑍀𑌣𑌿॑ 𑌚 ) (𑌅. 8)

𑌅𑌨𑍁𑌵𑌾𑌕𑌂 9 - 𑌰𑌾𑌜𑌸𑍂𑌯𑌗𑌤𑌚𑌾𑌤𑍁𑌰𑍍𑌮𑌾𑌸𑍍𑌯𑌶𑍇𑌷𑌃

𑌪𑍍𑌰॒𑌜𑌾 𑌵𑍈 𑌸॒𑌤𑍍𑌰𑌮𑌾॑𑌸𑌤॒ 𑌤𑌪॒𑌸𑍍𑌤𑌪𑍍𑌯॑𑌮𑌾𑌨𑌾॒ 𑌅𑌜𑍁॑𑌹𑍍𑌵𑌤𑍀𑌃 । 𑌦𑍇॒𑌵𑌾 𑌅॑𑌪𑌶𑍍𑌯-𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾𑌮𑍍 । 𑌤𑌮𑍁𑌪𑍋𑌦॑𑌤𑌿𑌷𑍍𑌠॒𑌨𑍍𑌤-𑌮॑𑌜𑍁𑌹𑌵𑍁𑌃 । 𑌤𑍇𑌨𑌾᳚𑌰𑍍𑌧𑌮𑌾॒𑌸 𑌊𑌰𑍍𑌜॒𑌮𑌵𑌾॑𑌰𑍁𑌨𑍍𑌧𑌤 । 𑌤𑌸𑍍𑌮𑌾॑𑌦𑌰𑍍𑌧𑌮𑌾॒𑌸𑍇 𑌦𑍇॒𑌵𑌾 𑌇॑𑌜𑍍𑌯𑌨𑍍𑌤𑍇 ॥ 𑌪𑌿॒𑌤𑌰𑍋॑-𑌽𑌪𑌶𑍍𑌯-𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾𑌮𑍍 । 𑌤𑌮𑍁𑌪𑍋𑌦॑𑌤𑌿𑌷𑍍𑌠॒𑌨𑍍𑌤- 𑌮॑𑌜𑍁𑌹𑌵𑍁𑌃 । 𑌤𑍇𑌨॑ 𑌮𑌾॒𑌸𑍍𑌯𑍂𑌰𑍍𑌜॒𑌮𑌵𑌾॑𑌰𑍁𑌨𑍍𑌧𑌤 । 𑌤𑌸𑍍𑌮𑌾᳚-𑌨𑍍𑌮𑌾॒𑌸𑌿 𑌪𑌿॒𑌤𑍃𑌭𑍍𑌯𑌃॑ 𑌕𑍍𑌰𑌿𑌯𑌤𑍇 । 𑌮॒𑌨𑍁॒𑌷𑍍𑌯𑌾॑ 𑌅𑌪𑌶𑍍𑌯-𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾𑌮𑍍 ॥ 52 ॥

𑌤𑌮𑍁𑌪𑍋𑌦॑𑌤𑌿𑌷𑍍𑌠॒𑌨𑍍𑌤-𑌮॑𑌜𑍁𑌹𑌵𑍁𑌃 । 𑌤𑍇𑌨॑-𑌦𑍍𑌵॒𑌯𑍀𑌮𑍂𑌰𑍍𑌜॒𑌮𑌵𑌾॑𑌰𑍁𑌨𑍍𑌧𑌤 । 𑌤𑌸𑍍𑌮𑌾॒-𑌦𑍍𑌦𑍍𑌵𑌿𑌰𑌹𑍍𑌨𑍋॑-𑌮𑌨𑍁॒𑌷𑍍𑌯𑍇᳚𑌭𑍍𑌯॒ 𑌉𑌪॑𑌹𑍍𑌰𑌿𑌯𑌤𑍇 । 𑌪𑍍𑌰𑌾॒𑌤𑌶𑍍𑌚॑ 𑌸𑌾॒𑌯-𑌞𑍍𑌚॑ । 𑌪॒𑌶𑌵𑍋॑-𑌽𑌪𑌶𑍍𑌯-𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾𑌮𑍍 । 𑌤𑌮𑍁𑌪𑍋𑌦॑𑌤𑌿𑌷𑍍𑌠॒𑌨𑍍𑌤-𑌮॑𑌜𑍁𑌹𑌵𑍁𑌃 । 𑌤𑍇𑌨॑-𑌤𑍍𑌰॒𑌯𑍀𑌮𑍂𑌰𑍍𑌜॒𑌮𑌵𑌾॑-𑌰𑍁𑌨𑍍𑌧𑌤 । 𑌤𑌸𑍍𑌮𑌾॒-𑌤𑍍𑌤𑍍𑌰𑌿𑌰𑌹𑍍𑌨𑌃॑ 𑌪॒𑌶𑌵𑌃॒ 𑌪𑍍𑌰𑍇𑌰॑𑌤𑍇 । 𑌪𑍍𑌰𑌾॒𑌤𑌸𑍍𑌸॑𑌗𑌂॒𑌵𑍇 𑌸𑌾॒𑌯𑌮𑍍 । 𑌅𑌸𑍁॑𑌰𑌾 𑌅𑌪𑌶𑍍𑌯-𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾𑌮𑍍 ॥ 53 ॥

𑌤𑌮𑍁𑌪𑍋𑌦॑𑌤𑌿𑌷𑍍𑌠॒𑌨𑍍𑌤-𑌮॑𑌜𑍁𑌹𑌵𑍁𑌃 । 𑌤𑍇𑌨॑ 𑌸𑌂𑌵𑌁𑌥𑍍𑌸॒𑌰 𑌊𑌰𑍍𑌜॒𑌮𑌵𑌾॑-𑌰𑍁𑌨𑍍𑌧𑌤 ॥ 𑌤𑍇 𑌦𑍇॒𑌵𑌾 𑌅॑𑌮𑌨𑍍𑌯𑌨𑍍𑌤 । 𑌅॒𑌮𑍀 𑌵𑌾 𑌇॒𑌦𑌮॑𑌭𑍂𑌵𑌨𑍍𑌨𑍍 । 𑌯𑌦𑍍𑌵॒𑌯𑌗𑍍𑌗𑍍𑌸𑍍𑌮 𑌇𑌤𑌿॑ । 𑌤 𑌏॒𑌤𑌾𑌨𑌿॑ 𑌚𑌾𑌤𑍁𑌰𑍍𑌮𑌾॒𑌸𑍍𑌯𑌾𑌨𑍍𑌯॑𑌪𑌶𑍍𑌯𑌨𑍍𑌨𑍍 । 𑌤𑌾𑌨𑌿॒ 𑌨𑌿𑌰॑𑌵𑌪𑌨𑍍𑌨𑍍 । 𑌤𑍈𑌰𑍇॒𑌵𑍈𑌷𑌾॒-𑌨𑍍𑌤𑌾𑌮𑍂𑌰𑍍𑌜॑𑌮𑌵𑍃𑌞𑍍𑌜𑌤 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 ॥ 54 ॥

𑌯-𑌦𑍍𑌯𑌜॑𑌤𑍇 । 𑌯𑌾𑌮𑍇॒𑌵 𑌦𑍇॒𑌵𑌾 𑌊𑌰𑍍𑌜॑𑌮॒𑌵𑌾𑌰𑍁॑𑌨𑍍𑌧𑌤 । 𑌤𑌾-𑌨𑍍𑌤𑍇𑌨𑌾-𑌵॑𑌰𑍁𑌨𑍍𑌧𑍇 । 𑌯-𑌤𑍍𑌪𑌿॒𑌤𑍃𑌭𑍍𑌯𑌃॑ 𑌕॒𑌰𑍋𑌤𑌿॑ । 𑌯𑌾𑌮𑍇॒𑌵 𑌪𑌿॒𑌤𑌰॒ 𑌊𑌰𑍍𑌜॑𑌮॒𑌵𑌾-𑌰𑍁॑𑌨𑍍𑌧𑌤 । 𑌤𑌾-𑌨𑍍𑌤𑍇𑌨𑌾-𑌵॑𑌰𑍁𑌨𑍍𑌧𑍇 । 𑌯𑌦𑌾॑𑌵𑌸॒𑌥𑍇-𑌽𑌨𑍍𑌨॒𑌗𑍍𑌂॒ 𑌹𑌰॑𑌨𑍍𑌤𑌿 । 𑌯𑌾𑌮𑍇॒𑌵 𑌮॑𑌨𑍁॒𑌷𑍍𑌯𑌾॑ 𑌊𑌰𑍍𑌜॑𑌮॒𑌵𑌾-𑌰𑍁॑𑌨𑍍𑌧𑌤 । 𑌤𑌾-𑌨𑍍𑌤𑍇𑌨𑌾-𑌵॑𑌰𑍁𑌨𑍍𑌧𑍇 । 𑌯-𑌦𑍍𑌦𑌕𑍍𑌷𑌿॑𑌣𑌾॒-𑌨𑍍𑌦𑌦𑌾॑𑌤𑌿 ॥ 55 ॥

𑌯𑌾𑌮𑍇॒𑌵 𑌪॒𑌶𑌵॒ 𑌊𑌰𑍍𑌜॑𑌮॒𑌵𑌾-𑌰𑍁॑𑌨𑍍𑌧𑌤 । 𑌤𑌾-𑌨𑍍𑌤𑍇𑌨𑌾-𑌵॑𑌰𑍁𑌨𑍍𑌧𑍇 । 𑌯𑌚𑍍𑌚𑌾॑𑌤𑍁-𑌰𑍍𑌮𑌾॒𑌸𑍍𑌯𑍈-𑌰𑍍𑌯𑌜॑𑌤𑍇 । 𑌯𑌾𑌮𑍇॒𑌵𑌾𑌸𑍁॑𑌰𑌾॒ 𑌊𑌰𑍍𑌜॑𑌮॒-𑌵𑌾𑌰𑍁॑𑌨𑍍𑌧𑌤 । 𑌤𑌾-𑌨𑍍𑌤𑍇𑌨𑌾-𑌵॑𑌰𑍁𑌨𑍍𑌧𑍇 । 𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚ । 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 ॥ 𑌵𑌿॒𑌰𑌾𑌜𑍋॒ 𑌵𑌾 𑌏॒𑌷𑌾 𑌵𑌿𑌕𑍍𑌰𑌾᳚𑌨𑍍𑌤𑌿𑌃 । 𑌯𑌚𑍍𑌚𑌾॑𑌤𑍁-𑌰𑍍𑌮𑌾॒𑌸𑍍𑌯𑌾𑌨𑌿॑ । 𑌵𑍈॒𑌶𑍍𑌵॒𑌦𑍇॒𑌵𑍇𑌨𑌾॒𑌸𑍍𑌮𑌿𑌁𑌲𑍍𑌲𑍋॒𑌕𑍇 𑌪𑍍𑌰𑌤𑍍𑌯॑𑌤𑌿𑌷𑍍𑌠𑌤𑍍 । 𑌵॒𑌰𑍁॒𑌣॒ 𑌪𑍍𑌰॒𑌘𑌾॒𑌸𑍈-𑌰॒𑌨𑍍𑌤𑌰𑌿॑𑌕𑍍𑌷𑍇 । 𑌸𑌾॒𑌕॒𑌮𑍇॒𑌧𑍈-𑌰॒𑌮𑍁𑌷𑍍𑌮𑌿॑𑌁𑌲𑍍𑌲𑍋॒𑌕𑍇 । 𑌏॒𑌷 𑌹॒ 𑌤𑍍𑌵𑌾𑌵𑍈𑌤-𑌥𑍍𑌸𑌰𑍍𑌵॑-𑌮𑍍𑌭𑌵𑌤𑌿 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍𑌶𑍍𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍈-𑌰𑍍𑌯𑌜॑𑌤𑍇 ॥ 56 ॥

(𑌮॒𑌨𑍁॒𑌷𑍍𑌯𑌾॑ 𑌅𑌪𑌶𑍍𑌯𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾-𑌮𑌸𑍁॑𑌰𑌾 𑌅𑌪𑌶𑍍𑌯𑌞𑍍𑌚𑌮॒𑌸-𑌙𑍍𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌗𑍍𑌗𑍍 𑌸𑍍𑌵॒𑌧𑌾-𑌮𑌸𑍁॑𑌰𑌾॒-𑌦𑌦𑌾᳚-𑌤𑍍𑌯𑌤𑌿𑌷𑍍𑌠 𑌚𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 9)

𑌅𑌨𑍁𑌵𑌾𑌕𑌂 10 - 𑌚𑌾𑌤𑍁𑌰𑍍𑌮𑌾𑌸𑍍𑌯𑌪𑍍𑌰𑌶𑌂𑌸𑌨𑌮𑍍

𑌅॒𑌗𑍍𑌨𑌿𑌰𑍍𑌵𑌾𑌵 𑌸𑌂॑𑌵𑌁𑌥𑍍𑌸॒𑌰𑌃 । 𑌆॒𑌦𑌿॒𑌤𑍍𑌯𑌃 𑌪॑𑌰𑌿𑌵𑌥𑍍𑌸॒𑌰𑌃 । 𑌚॒𑌨𑍍𑌦𑍍𑌰𑌮𑌾॑ 𑌇𑌦𑌾𑌵𑌥𑍍𑌸॒𑌰𑌃 । 𑌵𑌾॒𑌯𑍁-𑌰॑𑌨𑍁𑌵𑌥𑍍𑌸॒𑌰𑌃 ॥ 𑌯-𑌦𑍍𑌵𑍈᳚𑌶𑍍𑌵𑌦𑍇॒𑌵𑍇𑌨॒ 𑌯𑌜॑𑌤𑍇 । 𑌅॒𑌗𑍍𑌨𑌿𑌮𑍇॒𑌵 𑌤-𑌥𑍍𑌸𑌂॑𑌵𑌁𑌥𑍍𑌸॒𑌰-𑌮𑌾᳚𑌪𑍍𑌨𑍋𑌤𑌿 । 𑌤𑌸𑍍𑌮𑌾᳚-𑌦𑍍𑌵𑍈𑌶𑍍𑌵𑌦𑍇॒𑌵𑍇𑌨॒ 𑌯𑌜॑𑌮𑌾𑌨𑌃 । 𑌸𑌂॒𑌵𑌁॒𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿-𑌮𑌾𑌶𑌾᳚𑌸𑍍𑌤॒ 𑌇𑌤𑍍𑌯𑌾𑌶𑌾॑𑌸𑍀𑌤 ॥ 𑌯-𑌦𑍍𑌵॑𑌰𑍁𑌣 𑌪𑍍𑌰𑌘𑌾॒𑌸𑍈-𑌰𑍍𑌯𑌜॑𑌤𑍇 । 𑌆॒𑌦𑌿॒𑌤𑍍𑌯𑌮𑍇॒𑌵 𑌤-𑌤𑍍𑌪॑𑌰𑌿𑌵𑌥𑍍𑌸॒𑌰-𑌮𑌾᳚𑌪𑍍𑌨𑍋𑌤𑌿 ॥ 57 ॥

𑌤𑌸𑍍𑌮𑌾᳚-𑌦𑍍𑌵𑌰𑍁𑌣-𑌪𑍍𑌰𑌘𑌾॒𑌸𑍈-𑌰𑍍𑌯𑌜॑𑌮𑌾𑌨𑌃 । 𑌪॒𑌰𑌿॒𑌵॒𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿-𑌮𑌾𑌶𑌾᳚𑌸𑍍𑌤॒ 𑌇𑌤𑍍𑌯𑌾𑌶𑌾॑𑌸𑍀𑌤 । 𑌯-𑌥𑍍𑌸𑌾॑𑌕𑌮𑍇॒𑌧𑍈-𑌰𑍍𑌯𑌜॑𑌤𑍇 । 𑌚॒𑌨𑍍𑌦𑍍𑌰𑌮॑𑌸𑌮𑍇॒𑌵 𑌤𑌦𑌿॑𑌦𑌾𑌵𑌥𑍍𑌸॒𑌰-𑌮𑌾᳚𑌪𑍍𑌨𑍋𑌤𑌿 । 𑌤𑌸𑍍𑌮𑌾᳚-𑌥𑍍𑌸𑌾𑌕𑌮𑍇॒𑌧𑍈-𑌰𑍍𑌯𑌜॑𑌮𑌾𑌨𑌃 । 𑌇॒𑌦𑌾॒𑌵॒𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿-𑌮𑌾𑌶𑌾᳚𑌸𑍍𑌤॒ 𑌇𑌤𑍍𑌯𑌾𑌶𑌾॑𑌸𑍀𑌤 ॥ 𑌯-𑌤𑍍𑌪𑌿॑𑌤𑍃 𑌯॒𑌜𑍍𑌞𑍇𑌨॒ 𑌯𑌜॑𑌤𑍇 । 𑌦𑍇॒𑌵𑌾𑌨𑍇॒𑌵 𑌤𑌦॒𑌨𑍍𑌵𑌵॑𑌸𑍍𑌯𑌤𑌿 ॥ 𑌅𑌥॒ 𑌵𑌾 𑌅॑𑌸𑍍𑌯 𑌵𑌾॒𑌯𑍁𑌶𑍍𑌚𑌾॑-𑌨𑍁𑌵𑌥𑍍𑌸॒𑌰𑌶𑍍𑌚𑌾 𑌪𑍍𑌰𑍀॑𑌤𑌾॒𑌵𑍁𑌚𑍍𑌛𑌿॑𑌷𑍍𑌯𑍇𑌤𑍇 । 𑌯𑌚𑍍𑌛𑍁॑𑌨𑌾𑌸𑍀॒𑌰𑍀𑌯𑍇॑𑌣॒ 𑌯𑌜॑𑌤𑍇 ॥ 58 ॥

𑌵𑌾॒𑌯𑍁𑌮𑍇॒𑌵 𑌤𑌦॑𑌨𑍁𑌵𑌥𑍍𑌸॒𑌰-𑌮𑌾᳚𑌪𑍍𑌨𑍋𑌤𑌿 । 𑌤𑌸𑍍𑌮𑌾᳚-𑌚𑍍𑌛𑍁𑌨𑌾𑌸𑍀॒𑌰𑍀𑌯𑍇॑𑌣॒ 𑌯𑌜॑𑌮𑌾𑌨𑌃 । 𑌅॒𑌨𑍁॒𑌵॒𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿-𑌮𑌾𑌶𑌾᳚𑌸𑍍𑌤॒ 𑌇𑌤𑍍𑌯𑌾𑌶𑌾॑𑌸𑍀𑌤 ॥ 𑌸𑌂॒𑌵𑌁॒𑌥𑍍𑌸॒𑌰𑌂-𑌵𑌾𑌁 𑌏॒𑌷 𑌈᳚𑌫𑍍𑌸॒𑌤𑍀𑌤𑍍𑌯𑌾॑𑌹𑍁𑌃 । 𑌯𑌶𑍍𑌚𑌾॑𑌤𑍁-𑌰𑍍𑌮𑌾॒𑌸𑍍𑌯𑍈-𑌰𑍍𑌯𑌜॑𑌤॒ 𑌇𑌤𑌿॑ । 𑌏॒𑌷 𑌹॒ 𑌤𑍍𑌵𑍈 𑌸॑𑌵𑌨𑍍𑌥𑍍𑌸॒𑌰-𑌮𑌾᳚𑌪𑍍𑌨𑍋𑌤𑌿 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍 𑌶𑍍𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍈-𑌰𑍍𑌯𑌜॑𑌤𑍇 ॥ 𑌵𑌿𑌶𑍍𑌵𑍇॑ 𑌦𑍇॒𑌵𑌾-𑌸𑍍𑌸𑌮॑𑌯𑌜𑌨𑍍𑌤 । 𑌤𑍇᳚-𑌽𑌗𑍍𑌨𑌿𑌮𑍇॒𑌵𑌾𑌯॑𑌜𑌨𑍍𑌤 । 𑌤 𑌏॒𑌤𑌂-𑌲𑍋𑌁॒𑌕𑌮॑𑌜𑌯𑌨𑍍𑌨𑍍 ॥ 59 ॥

𑌯𑌸𑍍𑌮𑌿॑𑌨𑍍𑌨॒𑌗𑍍𑌨𑌿𑌃 । 𑌯-𑌦𑍍𑌵𑍈᳚𑌶𑍍𑌵𑌦𑍇॒𑌵𑍇𑌨॒ 𑌯𑌜॑𑌤𑍇 । 𑌏॒𑌤𑌮𑍇॒𑌵 𑌲𑍋॒𑌕-𑌞𑍍𑌜॑𑌯𑌤𑌿 । 𑌯𑌸𑍍𑌮𑌿॑𑌨𑍍𑌨॒𑌗𑍍𑌨𑌿𑌃 । 𑌅॒𑌗𑍍𑌨𑍇𑌰𑍇॒𑌵 𑌸𑌾𑌯𑍁॑𑌜𑍍𑌯॒𑌮𑍁𑌪𑍈॑𑌤𑌿 ॥ 𑌯॒𑌦𑌾 𑌵𑍈᳚𑌶𑍍𑌵𑌦𑍇॒𑌵𑍇𑌨॒ 𑌯𑌜॑𑌤𑍇 । 𑌅𑌥॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ 𑌗𑍃॒𑌹𑌪॑𑌤𑌿-𑌮𑌾𑌪𑍍𑌨𑍋𑌤𑌿 । 𑌯॒𑌦𑌾 𑌸𑌂॑𑌵𑌁𑌥𑍍𑌸॒𑌰𑌸𑍍𑌯॑ 𑌗𑍃॒𑌹𑌪॑𑌤𑌿-𑌮𑌾॒𑌪𑍍𑌨𑍋𑌤𑌿॑ । 𑌅𑌥॑ 𑌸𑌹𑌸𑍍𑌰𑌯𑌾॒𑌜𑌿𑌨॑-𑌮𑌾𑌪𑍍𑌨𑍋𑌤𑌿 । 𑌯॒𑌦𑌾 𑌸॑𑌹𑌸𑍍𑌰𑌯𑌾॒𑌜𑌿𑌨॑-𑌮𑌾॒𑌪𑍍𑌨𑍋𑌤𑌿॑ ॥ 60 ॥

𑌅𑌥॑ 𑌗𑍃𑌹𑌮𑍇॒𑌧𑌿𑌨॑-𑌮𑌾𑌪𑍍𑌨𑍋𑌤𑌿 । 𑌯॒𑌦𑌾 𑌗𑍃॑𑌹𑌮𑍇॒𑌧𑌿𑌨॑-𑌮𑌾॒𑌪𑍍𑌨𑍋𑌤𑌿॑ । 𑌅𑌥𑌾॒𑌗𑍍𑌨𑌿-𑌰𑍍𑌭॑𑌵𑌤𑌿 । 𑌯॒𑌦𑌾-𑌽𑌗𑍍𑌨𑌿-𑌰𑍍𑌭𑌵॑𑌤𑌿 । 𑌅𑌥॒ 𑌗𑍗𑌰𑍍𑌭॑𑌵𑌤𑌿 । 𑌏॒𑌷𑌾 𑌵𑍈 𑌵𑍈᳚𑌶𑍍𑌵𑌦𑍇॒𑌵𑌸𑍍𑌯॒ 𑌮𑌾𑌤𑍍𑌰𑌾᳚ । 𑌏॒𑌤-𑌦𑍍𑌵𑌾 𑌏॒𑌤𑍇𑌷𑌾॑𑌮𑌵॒𑌮𑌮𑍍 । 𑌅𑌤𑍋॑-𑌽𑌤𑍋॒ 𑌵𑌾 𑌉𑌤𑍍𑌤॑𑌰𑌾𑌣𑌿॒ 𑌶𑍍𑌰𑍇𑌯𑌾𑌗𑍍𑌂॑𑌸𑌿 𑌭𑌵𑌨𑍍𑌤𑌿 । 𑌯-𑌦𑍍𑌵𑌿𑌶𑍍𑌵𑍇॑ 𑌦𑍇॒𑌵𑌾-𑌸𑍍𑌸॒𑌮𑌯॑𑌜𑌨𑍍𑌤 । 𑌤-𑌦𑍍𑌵𑍈᳚𑌶𑍍𑌵𑌦𑍇॒𑌵𑌸𑍍𑌯॑ 𑌵𑍈𑌶𑍍𑌵𑌦𑍇𑌵॒𑌤𑍍𑌵𑌮𑍍 ॥ 61 ॥

𑌅𑌥𑌾॑𑌦𑌿॒𑌤𑍍𑌯𑍋 𑌵𑌰𑍁॑𑌣॒𑌗𑍍𑌂॒ 𑌰𑌾𑌜𑌾॑𑌨𑌂-𑌵𑌁𑌰𑍁𑌣 𑌪𑍍𑌰𑌘𑌾॒𑌸𑍈𑌰॑𑌯𑌜𑌤 । 𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯𑌤𑍍 । 𑌯𑌸𑍍𑌮𑌿॑𑌨𑍍𑌨𑌾𑌦𑌿॒𑌤𑍍𑌯𑌃 । 𑌯-𑌦𑍍𑌵॑𑌰𑍁𑌣-𑌪𑍍𑌰𑌘𑌾॒𑌸𑍈-𑌰𑍍𑌯𑌜॑𑌤𑍇 । 𑌏॒𑌤𑌮𑍇॒𑌵 𑌲𑍋॒𑌕-𑌞𑍍𑌜॑𑌯𑌤𑌿 । 𑌯𑌸𑍍𑌮𑌿॑𑌨𑍍𑌨𑌾𑌦𑌿॒𑌤𑍍𑌯𑌃 । 𑌆॒𑌦𑌿॒𑌤𑍍𑌯𑌸𑍍𑌯𑍈॒𑌵-𑌸𑌾𑌯𑍁॑𑌜𑍍𑌯॒-𑌮𑍁𑌪𑍈॑𑌤𑌿 । 𑌯𑌦𑌾॑𑌦𑌿॒𑌤𑍍𑌯𑍋 𑌵𑌰𑍁॑𑌣॒𑌗𑍍𑌂॒ 𑌰𑌾𑌜𑌾॑𑌨𑌂-𑌵𑌁𑌰𑍁𑌣 𑌪𑍍𑌰𑌘𑌾॒𑌸𑍈𑌰𑌯॑𑌜𑌤 । 𑌤-𑌦𑍍𑌵॑𑌰𑍁𑌣 𑌪𑍍𑌰𑌘𑌾॒𑌸𑌾𑌨𑌾𑌂᳚-𑌵𑌁𑌰𑍁𑌣 𑌪𑍍𑌰𑌘𑌾𑌸॒𑌤𑍍𑌵𑌮𑍍 ॥ 𑌅𑌥॒ 𑌸𑍋𑌮𑍋॒ 𑌰𑌾𑌜𑌾॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌸𑌾𑌕𑌮𑍇॒𑌧𑍈𑌰॑𑌯𑌜𑌤 ॥ 62 ॥

𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯𑌤𑍍 । 𑌯𑌸𑍍𑌮𑌿𑌗𑍍𑌗𑍍॑ 𑌶𑍍𑌚॒𑌨𑍍𑌦𑍍𑌰𑌮𑌾॑ 𑌵𑌿॒𑌭𑌾𑌤𑌿॑ । 𑌯-𑌥𑍍𑌸𑌾॑𑌕𑌮𑍇॒𑌧𑍈-𑌰𑍍𑌯𑌜॑𑌤𑍇 । 𑌏॒𑌤𑌮𑍇॒𑌵 𑌲𑍋॒𑌕-𑌞𑍍𑌜॑𑌯𑌤𑌿 । 𑌯𑌸𑍍𑌮𑌿𑌗𑍍𑌗𑍍॑ 𑌶𑍍𑌚॒𑌨𑍍𑌦𑍍𑌰𑌮𑌾॑ 𑌵𑌿॒𑌭𑌾𑌤𑌿॑ । 𑌚॒𑌨𑍍𑌦𑍍𑌰𑌮॑𑌸 𑌏॒𑌵 𑌸𑌾𑌯𑍁॑𑌜𑍍𑌯॒-𑌮𑍁𑌪𑍈॑𑌤𑌿 । 𑌸𑍋𑌮𑍋॒ 𑌵𑍈 𑌚॒𑌨𑍍𑌦𑍍𑌰𑌮𑌾𑌃᳚ । 𑌏॒𑌷 𑌹॒ 𑌤𑍍𑌵𑍈 𑌸𑌾॒𑌕𑍍𑌷𑌾-𑌥𑍍𑌸𑍋𑌮॑-𑌮𑍍𑌭𑌕𑍍𑌷𑌯𑌤𑌿 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑌾॑𑌕𑌮𑍇॒𑌧𑍈-𑌰𑍍𑌯𑌜॑𑌤𑍇 । 𑌯-𑌥𑍍𑌸𑍋𑌮॑𑌶𑍍𑌚॒ 𑌰𑌾𑌜𑌾॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌚 𑌸॒𑌮𑍈𑌧॑𑌨𑍍𑌤 ॥ 63 ॥

𑌤-𑌥𑍍𑌸𑌾॑𑌕𑌮𑍇॒𑌧𑌾𑌨𑌾𑌗𑍍𑌂॑ 𑌸𑌾𑌕𑌮𑍇𑌧॒𑌤𑍍𑌵𑌮𑍍 ॥ 𑌅𑌥॒𑌰𑍍𑌤𑌵𑌃॑ 𑌪𑌿॒𑌤𑌰𑌃॑ 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑌿॒𑌤𑌰॑-𑌮𑍍𑌪𑌿𑌤𑍃𑌯॒𑌜𑍍𑌞𑍇-𑌨𑌾॑𑌯𑌜𑌨𑍍𑌤 । 𑌤 𑌏॒𑌤𑌂-𑌲𑍋𑌁॒𑌕𑌮॑𑌜𑌯𑌨𑍍𑌨𑍍 । 𑌯𑌸𑍍𑌮𑌿॑𑌨𑍍𑌨𑍃॒𑌤𑌵𑌃॑ । 𑌯-𑌤𑍍𑌪𑌿॑𑌤𑍃𑌯॒𑌜𑍍𑌞𑍇𑌨॒ 𑌯𑌜॑𑌤𑍇 । 𑌏॒𑌤𑌮𑍇॒𑌵 𑌲𑍋॒𑌕-𑌞𑍍𑌜॑𑌯𑌤𑌿 । 𑌯𑌸𑍍𑌮𑌿॑𑌨𑍍𑌨𑍃॒𑌤𑌵𑌃॑ । 𑌋॒𑌤𑍂॒𑌨𑌾𑌮𑍇॒𑌵 𑌸𑌾𑌯𑍁॑𑌜𑍍𑌯॒-𑌮𑍁𑌪𑍈॑𑌤𑌿 । 𑌯𑌦𑍍-𑌋॒𑌤𑌵𑌃॑ 𑌪𑌿॒𑌤𑌰𑌃॑ 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑌿॒𑌤𑌰॑-𑌮𑍍𑌪𑌿𑌤𑍃𑌯॒𑌜𑍍𑌞𑍇𑌨𑌾𑌯॑𑌜𑌨𑍍𑌤 । 𑌤-𑌤𑍍𑌪𑌿॑𑌤𑍃𑌯॒𑌜𑍍𑌞𑌸𑍍𑌯॑ 𑌪𑌿𑌤𑍃𑌯𑌜𑍍𑌞॒𑌤𑍍𑌵𑌮𑍍 ॥ 64 ॥

𑌅𑌥𑍗𑌷॑𑌧𑌯 𑌇॒𑌮-𑌨𑍍𑌦𑍇॒𑌵-𑌨𑍍𑌤𑍍𑌰𑍍𑌯॑𑌮𑍍𑌬𑌕𑍈-𑌰𑌯𑌜𑌨𑍍𑌤॒ 𑌪𑍍𑌰𑌥𑍇॑𑌮॒𑌹𑍀𑌤𑌿॑ । 𑌤𑌤𑍋॒ 𑌵𑍈 𑌤𑌾 𑌅॑𑌪𑍍𑌰𑌥𑌨𑍍𑌤 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍 𑌸𑍍𑌤𑍍𑌰𑍍𑌯॑𑌮𑍍𑌬𑌕𑍈॒-𑌰𑍍𑌯𑌜॑𑌤𑍇 । 𑌪𑍍𑌰𑌥॑𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ ॥ 𑌅𑌥॑ 𑌵𑌾॒𑌯𑍁𑌃 𑌪॑𑌰𑌮𑍇॒𑌷𑍍𑌠𑌿𑌨𑌗𑍍𑌂॑ 𑌶𑍁𑌨𑌾𑌸𑍀॒𑌰𑍀𑌯𑍇॑𑌣𑌾𑌯𑌜𑌤 । 𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯𑌤𑍍 । 𑌯𑌸𑍍𑌮𑌿॑𑌨𑍍-𑌵𑌾॒𑌯𑍁𑌃 । 𑌯𑌚𑍍𑌛𑍁॑𑌨𑌾𑌸𑍀॒𑌰𑍀𑌯𑍇॑𑌣॒ 𑌯𑌜॑𑌤𑍇 । 𑌏॒𑌤𑌮𑍇॒𑌵 𑌲𑍋॒𑌕-𑌞𑍍𑌜॑𑌯𑌤𑌿 । 𑌯𑌸𑍍𑌮𑌿॑𑌨𑍍-𑌵𑌾॒𑌯𑍁𑌃 ॥ 65 ॥

𑌵𑌾॒𑌯𑍋𑌰𑍇॒𑌵 𑌸𑌾𑌯𑍁॑𑌜𑍍𑌯॒-𑌮𑍁𑌪𑍈॑𑌤𑌿 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌪𑍍𑌰 𑌚𑌾॑𑌤𑍁𑌰𑍍𑌮𑌾𑌸𑍍𑌯𑌯𑌾॒𑌜𑍀-𑌮𑍀॑𑌯॒𑌤𑌾(3) 𑌨 𑌪𑍍𑌰𑌮𑍀॑𑌯॒𑌤𑌾(3) 𑌇𑌤𑌿॑ । 𑌜𑍀𑌵॒𑌨𑍍𑌵𑌾 𑌏॒𑌷 𑌋॒𑌤𑍂𑌨𑌪𑍍𑌯𑍇॑𑌤𑌿 । 𑌯𑌦𑌿॑ 𑌵॒𑌸𑌨𑍍𑌤𑌾᳚ 𑌪𑍍𑌰॒𑌮𑍀𑌯॑𑌤𑍇 । 𑌵॒𑌸॒𑌨𑍍𑌤𑍋 𑌭॑𑌵𑌤𑌿 । 𑌯𑌦𑌿॑ 𑌗𑍍𑌰𑍀॒𑌷𑍍𑌮𑍇 𑌗𑍍𑌰𑍀॒𑌷𑍍𑌮𑌃 । 𑌯𑌦𑌿॑ 𑌵॒𑌰𑍍॒𑌷𑌾𑌸𑍁॑ 𑌵॒𑌰𑍍॒𑌷𑌾𑌃 । 𑌯𑌦𑌿॑ 𑌶॒𑌰𑌦𑌿॑ 𑌶॒𑌰𑌤𑍍 । 𑌯𑌦𑌿॒ 𑌹𑍇𑌮॑𑌨𑍍. 𑌹𑍇𑌮॒𑌨𑍍𑌤𑌃 । 𑌋॒𑌤𑍁𑌰𑍍𑌭𑍂॒𑌤𑍍𑌵𑌾 𑌸𑌂॑𑌵𑌁𑌥𑍍𑌸॒𑌰𑌮𑌪𑍍𑌯𑍇॑𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌵𑍈𑌷𑌃 ॥ 66 ॥

(𑌪॒𑌰𑌿॒𑌵॒𑌥𑍍𑌸॒𑌰𑌮𑌾᳚𑌪𑍍𑌨𑍋𑌤𑌿 - 𑌶𑍁𑌨𑌾𑌸𑍀॒𑌰𑍀𑌯𑍇॑𑌣॒ 𑌯𑌜॑𑌤𑍇 - 𑌽𑌜𑌯𑌨𑍍𑌥𑍍 - 𑌸𑌹𑌸𑍍𑌰𑌯𑌾॒𑌜𑌿𑌨॑𑌮𑌾॒𑌪𑍍𑌨𑍋𑌤𑌿॑ - 𑌵𑍈𑌶𑍍𑌵𑌦𑍇𑌵॒𑌤𑍍𑌵𑌗𑍍𑌂 - 𑌸𑌾॑𑌕𑌮𑍇॒𑌧𑍈𑌰॑𑌯𑌜𑌤 - 𑌸॒𑌮𑍈𑌧॑𑌨𑍍𑌤 - 𑌪𑌿𑌤𑍃𑌯𑌜𑍍𑌞॒𑌤𑍍𑌵𑌂 - 𑌜॑𑌯𑌤𑌿॒ 𑌯𑌸𑍍𑌮𑌿॑𑌨𑍍 𑌵𑌾॒𑌯𑍁--𑌰𑍍 𑌹𑍇॑𑌮॒𑌨𑍍𑌤 𑌸𑍍𑌤𑍍𑌰𑍀𑌣𑍀॑ 𑌚) (𑌅. 10)

(𑌉॒𑌭𑌯𑍇॑ - 𑌯𑍁॒𑌵𑌗𑍍𑌂 𑌸𑍁॒𑌰𑌾𑌮॒ - 𑌮𑍁𑌦॑𑌸𑍍𑌥𑌾॒𑌨𑍍 - 𑌨𑌿 𑌵𑍈 - 𑌯𑌸𑍍𑌯॑ 𑌪𑍍𑌰𑌾𑌤𑌸𑍍𑌸𑌵॒𑌨 - 𑌏𑌕𑍈॑𑌕𑍋 - 𑌽𑌸𑍁॒𑌰𑍍𑌯𑌮𑍍 - 𑌪𑌵॑𑌮𑌾𑌨𑌃 - 𑌪𑍍𑌰॒𑌜𑌾 𑌵𑍈 𑌸॒𑌤𑍍𑌰𑌮𑌾॑𑌸 - 𑌤𑌾॒𑌗𑍍𑌨𑌿𑌰𑍍𑌵𑌾𑌵 𑌸𑌂॑𑌵𑌁𑌥𑍍𑌸॒𑌰𑍋 𑌦𑌶॑ )

(𑌉॒𑌭𑌯𑍇॒ 𑌵𑌾 - 𑌉𑌦॑𑌸𑍍𑌥𑌾॒𑌥𑍍 - 𑌸𑌰𑍍𑌵𑌾॑𑌭𑌿--𑌰𑍍 𑌮𑌦𑍍𑌧𑍍𑌯॒𑌤𑍋 - 𑌽𑌤𑍍𑌰॒ 𑌵𑌾𑌵 - 𑌬𑍍𑌰𑌾᳚𑌹𑍍𑌮॒𑌣𑍇𑌷𑍍𑌵 - 𑌥॑ 𑌗𑍃𑌹𑌮𑍇॒𑌧𑌿𑌨॒𑌗𑍍𑌂॒ 𑌷𑌟𑍍-𑌥𑍍𑌷॑𑌷𑍍𑌟𑌿𑌃)

(𑌉॒𑌭𑌯𑍇॒ - 𑌵𑌾𑌵𑍈𑌷𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌚𑌤𑍁𑌰𑍍𑌥𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

1 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑌂

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhakaḥ - somādibrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - grahaṇā grahaṇam

u॒bhaye॒ vā e॒te pra॒jāpa̭te॒raddhya̭-sṛjyanta | de॒vāścāsṷrāśca | tānna vya̭jānāt | i॒me᳚-'nya i॒me᳚-'nya iti̭ | sa de॒vāna॒gṃ॒ śūna̭karot | tāna॒bhya̭ṣuṇot | tā-npa॒vitrḙṇā-punāt | tān-pa॒rastā᳚t-pa॒vitra̭sya॒-vya̭gṛhṇāt | te grahā̭ abhavann | tadgrahā̭ṇā-ṅgraha॒tvam || 1 ||

de॒vatā॒ vā e॒tā yaja̭mānasya gṛ॒he gṛ̭hyante | ya-dgrahāḥ᳚ | vi॒durḙna-nde॒vāḥ | yasyai॒vaṃ-vi~॒duṣa̭ e॒te grahā̭ gṛ॒hyante᳚ || e॒ṣā vai soma॒syāhṷtiḥ | yadṷpā॒gṃ॒śuḥ | somḙna de॒vāg sta̭rpayā॒ṇīti॒ khalu॒ vai somḙna yajate | yadṷpā॒gṃ॒śu-ñju॒hoti̭ | somḙnai॒va ta-dde॒vāg sta̭rpayati || yadgrahā᳚ñju॒hoti̭ || 2 ||

de॒vā e॒va ta-dde॒vān-ga̭cchanti || yacca̭ma॒sāñju॒hoti̭ | tenai॒vānṷrūpeṇa॒ yaja̭māna-ssuva॒rgaṃ-lo~॒kamḙti || ki-nnvḙtadagra̭ āsī॒dityā̭huḥ | ya-tpātrā॒ṇīti̭ | i॒yaṃ-vā~ e॒tadagra̭ āsīt | mṛ॒nmayā̭ni॒ vā e॒tānyā̭sann | tairde॒vā na vyā॒vṛta̭-magacchann | ta e॒tāni̭ dāru॒mayā̭ṇi॒ pātrā᳚ṇya-paśyann | tānya̭kurvata || 3 ||

tairvai te vyā॒vṛta̭-magacchann | ya-ddā̭ru॒mayā̭ṇi॒ pātrā̭ṇi॒ bhava̭nti | vyā॒vṛta̭me॒va tai-ryaja̭māno gacchati || yāni̭ dāru॒mayā̭ṇi॒ pātrā̭ṇi॒ bhava̭nti | a॒mume॒va tai-rlo॒ka-ma॒bhija̭yati | yāni̭ mṛ॒nmayā̭ni | i॒mame॒va tai-rlo॒ka-ma॒bhija̭yati || bra॒hma॒vā॒dino̭ vadanti | kāścata̭sra-ssthā॒līrvā̭ya॒vyā᳚-ssoma॒graha̭ṇī॒riti̭ | de॒vā vai pṛśñi̭maduhrann || 4 ||

tasyā̭ e॒te stanā̭ āsann | i॒yaṃ-vai~ pṛśñiḥ̭ | tāmā̭di॒tyā ā̭dityasthā॒lyā catṷṣpadaḥ pa॒śūna̭duhrann | yadā̭dityasthā॒lī bhava̭ti | catṷṣpada e॒va tayā̭ pa॒śūn. yaja̭māna i॒mā-ndṷhe | tāmindra̭ ukthyasthā॒lyendri॒ya-ma̭duhat | yadṷkthyasthā॒lī bhava̭ti | i॒ndri॒yame॒va tayā॒ yaja̭māna i॒mā-ndṷhe | tāṃ-vi~śvḙ de॒vā ā᳚grayaṇasthā॒lyorja̭-maduhrann | yadā᳚grayaṇasthā॒lī bhava̭ti || 5 ||

ūrja̭me॒va tayā॒ yaja̭māna i॒mā-ndṷhe | tā-mma̭nu॒ṣyā᳚-ddhruvasthā॒lyā ''yṷraduhrann | yaddhrṷvasthā॒lī bhava̭ti | āyṷre॒va tayā॒ yaja̭māna i॒mā-ndṷhe | sthā॒lyā gṛ॒hṇāti̭ | vā॒ya॒vyḙna juhoti | tasmā̭da॒nyena॒ pātrḙṇa pa॒śū-ndu॒hanti̭ | a॒nyena॒ prati̭gṛhṇanti | atho᳚ vyā॒vṛta̭me॒va ta-dyaja̭māno gacchati || 6 ||

(gra॒ha॒tvaṃ - grahā᳚n ju॒hotya̭-kurva-tāduhra-nnāgrayaṇasthā॒lī bhava̭ti॒-+nava̭ ca) (a. 1)

anuvākaṃ 2 - sotrāmaṇīśeṣā mantrāḥ

yu॒vagṃ su॒rāma̭maśvinā | namṷcāvā-'su॒re sacā᳚ | vi॒pi॒pā॒nā śṷbhaspatī | indra॒-ṅkarma̭svāvatam || pu॒trami̭va pi॒tarā̭va॒śvino॒bhā | indrāva̭ta॒-ṅkarma̭ṇā da॒gṃ॒sanā̭bhiḥ | ya-thsu॒rāmaṃ॒-vya~pi̭ba॒-śśacī̭bhiḥ | sara̭svatī tvā maghavannabhīṣṇāt || ahā᳚vyagne ha॒virā॒syḙ te | sru॒cīva̭ ghṛ॒ta-ñca॒mū i̭va॒ somaḥ̭ || 7 ||

vā॒ja॒sanigṃ̭ ra॒yima॒sme su॒vīra᳚m | pra॒śa॒sta-ndhḙhi ya॒śasa̭-mbṛ॒hanta᳚m || yasmi॒nnaśvā̭sa ṛṣa॒bhāsa̭ u॒kṣaṇaḥ̭ | va॒śā me॒ṣā a̭vasṛ॒ṣṭāsa॒ āhṷtāḥ | kī॒lā॒la॒pe soma̭pṛṣṭhāya ve॒dhase᳚ | hṛ॒dāma॒ti-ñja̭naya॒ cārṷma॒gnaye᳚ || nānā॒ hi vā᳚-nde॒vahi̭ta॒gṃ॒ sado̭ mi॒tam | mā sagṃsṛ̭kṣāthā-mpara॒me vyo̭mann | surā॒ tvamasi̭ śu॒ṣmiṇī॒ soma̭ e॒ṣaḥ | mā mā̭ higṃsī॒-ssvāṃ-yo~ni̭māvi॒śann || 8 ||

yadatra̭ śi॒ṣṭagṃ ra॒sinaḥ̭ su॒tasya̭ | yadindro॒ api̭ba॒cchacī̭bhiḥ | a॒ha-ntada̭sya॒ mana̭sā śi॒vena̭ | soma॒gṃ॒ rājā̭nami॒ha bha̭kṣayāmi || dve sru॒tī a̭śṛṇava-mpitṛ॒ṇām | a॒ha-nde॒vānā̭mu॒ta martyā̭nām | tābhyā̭mi॒daṃ-vi~śva॒-mbhuva̭na॒gṃ॒ samḙti | a॒nta॒rā pūrva॒mapa̭ra-ñca ke॒tum || yastḙ deva varuṇa gāya॒tracha̭ndāḥ॒ pāśaḥ̭ | ta-nta̭ e॒tenāva̭yaje || 9 ||

yastḙ deva varuṇa tri॒ṣṭupcha̭ndāḥ॒ pāśaḥ̭ | ta-nta̭ e॒tenāva̭yaje | yastḙ deva varuṇa॒ jaga̭tīchandāḥ॒ pāśaḥ̭ | ta-nta̭ e॒tenāva̭yaje || somo॒ vā e॒tasya̭ rā॒jyamāda̭tte | yo rājā॒ sa-nrā॒jyo vā॒ somḙna॒ yaja̭te | de॒va॒su॒vāme॒tāni̭ ha॒vīgṃṣi̭ bhavanti | e॒tāva̭nto॒ vai de॒vānāgṃ̭ sa॒vāḥ | ta e॒vāsmai̭ sa॒vā-npraya̭cchanti | ta ḙna॒-mpunaḥ̭ suvante rā॒jyāya̭ | de॒va॒sū rājā̭ bhavati || 10 ||

(soma̭ - āvi॒śan. - ya̭je - rā॒jyāyaikaṃ̭ ca) (a. 2)

anuvākaṃ 3 - dohaprāyaścittam, agnihotre

uda̭sthā-dde॒vyadi̭ti-rviśvarū॒pī | āyṷrya॒jñapa̭tāvadhāt | indrā̭ya kṛṇva॒tī bhā॒gam | mi॒trāya॒ varṷṇāya ca || i॒yaṃ-vā~ a̭gniho॒trī | i॒yaṃ-vā~ e॒tasya॒ niṣī̭dati | yasyā᳚gniho॒trī ni॒ṣīda̭ti | tāmutthā̭payet | uda̭sthā-dde॒vyadi̭ti॒riti̭ | i॒yaṃ-vai~ de॒vyadi̭tiḥ || 11 ||

i॒māme॒vāsmā॒ utthā̭payati || āyṷrya॒jñapa̭tāvadhā॒dityā̭ha | āyṷre॒vāsmi̭-ndadhāti || indrā̭ya kṛṇva॒tī bhā॒ga-mmi॒trāya॒ varṷṇāya॒ cetyā̭ha | ya॒thā॒ ya॒jure॒vaitat || ava̭rtiṃ॒-vā~ e॒ṣaitasya̭ pā॒pmāna̭-mprati॒khyāya॒ niṣī̭dati | yasyā᳚-gniho॒tryupa̭sṛṣṭā ni॒ṣīda̭ti | tā-ndu॒gdhvā brā᳚hma॒ṇāya̭ dadyāt | yasyānna॒-nnādyāt | ava̭rtime॒vāsmi̭-npā॒pmāna॒-mprati̭muñcati || 12 ||

du॒gdhvā da̭dāti | na hyadṛ̭ṣṭā॒ dakṣi̭ṇā dī॒yate᳚ || pṛ॒thi॒vīṃ-vā~ e॒tasya॒ payaḥ॒ pravi̭śati | yasyā᳚gniho॒tra-ndu॒hyamā̭na॒gg॒ skanda̭ti || yada॒dya du॒gdha-mpṛ̭thi॒vīmasa̭kta | yadoṣa̭dhī-ra॒pyasa̭ra॒-dyadāpaḥ̭ | payo̭ gṛ॒heṣu॒ payo̭ aghni॒yāsṷ | payo̭ va॒thseṣu॒ payo̭ astu॒ tanmayītyā̭ha | paya̭ e॒vātma-ngṛ॒heṣṷ pa॒śuṣṷ dhatte || a॒pa upa̭sṛjati || 13 ||

a॒dbhire॒vaina̭dāpnoti || yo vai ya॒jñasyārte॒nānā᳚rtagṃ sagṃ sṛ॒jati̭ | u॒bhe vai te tarhyārccha̭taḥ | ārccha̭ti॒ khalu॒ vā e॒tada̭gniho॒tram | ya-ddu॒hyamā̭na॒gg॒ skanda̭ti | yada̭bhidu॒hyāt | ārte॒nānā᳚rtaṃ-ya~॒jñasya॒ sagṃsṛ̭jet | tade॒va yā॒dṛkkī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 14 ||

ya-dyuddrṷtasya॒ skande᳚t | ya-ttato-'hṷtvā॒ puna̭re॒yāt | ya॒jñaṃ-vi~cchi̭ndyāt | yatra॒ skande᳚t | tanni॒ṣadya॒ puna̭rgṛhṇīyāt | yatrai॒va skanda̭ti | tata̭ e॒vaina॒t-puna̭rgṛhṇāti | tade॒va yā॒dṛk-kī॒dṛkca̭ hota॒vya᳚m | athā॒nyā-ndu॒gdhvā puna̭r-hota॒vya᳚m | anā᳚rtenai॒vārtaṃ̭-ya~॒jñasya॒ niṣka̭roti || 15 ||

vi vā e॒tasya̭ ya॒jñaśchi̭dyate | yasyā᳚gniho॒trḙ-'dhiśri̭te॒ śvā-'nta॒rā dhāva̭ti | ru॒draḥ khalu॒ vā e॒ṣaḥ | yada॒gniḥ | ya-dgāma̭nvatyāva॒rtaye᳚t | ru॒drāya̭ pa॒śū-napi̭daddhyāt | a॒pa॒śu-ryaja̭māna-ssyāt | yada॒po᳚ 'nvatiṣi॒ñcet | a॒nā॒dya-ma॒gnerāpaḥ̭ | a॒nā॒dyamā᳚bhyā॒-mapi̭daddhyāt | gārha̭patyā॒-dbhasmā॒dāya̭ | i॒daṃ-vi~ṣṇu॒-rvica̭krama॒ iti̭ vaiṣṇa॒vyarcā ''ha̭va॒nīyā᳚ddhva॒gṃ॒ saya॒nnudra̭vet | ya॒jño vai viṣṇuḥ̭ | ya॒jñenai॒va ya॒jñagṃ santa̭noti | bhasma̭nā pa॒damapi̭vapati॒ śāntyai᳚ || 16 ||

(vai de॒vyadi̭ti--r muñcati - sṛjati - karoti - karotyā - bhyā॒mapi̭daddhyā॒-tpañca̭ ca) (a. 3)

anuvākaṃ 4 - agniprāyaścittaṃ agnihotre

ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gnimanṷddhṛta॒gṃ॒ sūryo॒-'bhini॒mroca̭ti | da॒rbheṇa॒ hira̭ṇya-mpra॒baddhya̭ pu॒rastā᳚ddharet | athā॒gnim | athā᳚gniho॒tram | yaddhira̭ṇya-mpu॒rastā॒ddhara̭ti | jyoti॒rvai hira̭ṇyam | jyoti̭re॒vaina॒-mpaśya॒-nnuddha̭rati | yada॒gni-mpūrva॒gṃ॒ hara॒tyathā᳚-gniho॒tram || 17 ||

bhā॒ga॒dheyḙnai॒vaina॒-mpraṇa̭yati || brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ | sarvā̭bhire॒vaina̭-nde॒vatā̭bhi॒ruddha̭rati || a॒gni॒ho॒tra-mṷpa॒sā-dyātami̭to-rāsīta | vra॒tame॒va ha॒tamanṷ mriyate || antaṃ॒-vā~ e॒ṣa ā॒tmano̭ gacchati | yastāmya̭ti | anta̭me॒ṣa ya॒jñasya̭ gacchati | yasyā॒gnimanṷddhṛta॒gṃ॒ sūryo॒-'bhini॒mroca̭ti || 18 ||

punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti || varṷṇo॒ vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhini॒mroca̭ti | vā॒ru॒ṇa-ñca॒ru-nnirva̭pet | tenai॒va ya॒jña-nniṣkrī̭ṇīte || ni vā e॒tasyā̭hava॒nīyo॒ gārha̭patya-ṅkāmayate | ni gārha̭patya āhava॒nīya᳚m | yasyā॒gni-manṷddhṛta॒gṃ॒ sūryo॒-'bhyṷdeti̭ | ca॒tu॒rgṛ॒hī॒ta-mājya̭-mpu॒rastā᳚ddharet || 19 ||

athā॒gnim | athā᳚gniho॒tram | yadājya̭-mpu॒rastā॒ddhara̭ti | e॒tadvā a॒gneḥ pri॒ya-ndhāma̭ | yadājya᳚m | pri॒yeṇai॒vaina॒-ndhāmnā॒ sama̭rdhayati | yada॒gni-mpūrva॒gṃ॒ hara॒tyathā᳚-gniho॒tram | bhā॒ga॒dheyḙnai॒vaina॒-mpraṇa̭yati | brā॒hma॒ṇa ā̭rṣe॒ya uddha̭ret | brā॒hma॒ṇo vai sarvā̭ de॒vatāḥ᳚ || 20 ||

sarvā̭bhire॒vaina̭-nde॒vatā̭bhi॒ruddha̭rati || parā̭cī॒ vā e॒tasmai᳚ vyu॒cchantī॒ vyṷcchati | yasyā॒gni-manṷddhṛta॒gṃ॒ sūryo॒-'bhyṷdeti̭ | u॒ṣāḥ ke॒tunā̭ juṣatām | ya॒jña-nde॒vebhi̭rinvi॒tam | de॒vebhyo॒ madhṷmattama॒gg॒ svāheti̭ pra॒tyaṃ-ni॒ṣadyājyḙna juhuyāt | pra॒tīcī̭me॒vāsmai॒ vivā̭sayati || a॒gni॒ho॒tra-mṷpa॒sādyātami̭to-rāsīta | vra॒tame॒va ha॒tamanṷ mriyate | antaṃ॒-vā~ e॒ṣa ā॒tmano̭ gacchati || 21 ||

yastāmya̭ti | anta̭me॒ṣa ya॒jñasya̭ gacchati | yasyā॒gni-manṷddhṛta॒gṃ॒ sūryo॒-'bhyṷdeti̭ | punaḥ̭ sa॒manya̭ juhoti | antḙnai॒vāntaṃ̭-ya~॒jñasya॒ niṣka̭roti | mi॒tro vā e॒tasya̭ ya॒jña-ṅgṛ̭hṇāti | yasyā॒gni-manṷddhṛta॒gṃ॒ sūryo॒-'bhyṷdeti̭ | mai॒tra-ñca॒ru-nnirva̭pet | tenai॒va ya॒jña-nniṣkrī̭ṇīte || yasyā̭-hava॒nīye-'nṷdvāte॒ gārha̭patya u॒dvāye᳚t || 22 ||

yadā̭hava॒nīya॒-manṷdvāpya॒ gārha̭patya॒-mmanthe᳚t | vicchi̭ndyāt | bhrātṛ̭vyamasmai janayet | yadvai ya॒jñasya̭ vāsta॒vya̭-ṅkri॒yate᳚ | tadanṷ ru॒dro-'va̭carati | ya-tpūrva̭-manvava॒syet | vā॒sta॒vya̭-ma॒gnimupā̭sīta | ru॒dro᳚-'sya pa॒śū-nghātṷka-ssyāt | ā॒ha॒va॒nīya̭-mu॒dvāpya̭ | gārha̭patya-mmanthet || 23 ||

i॒taḥ pra̭tha॒ma-ñja̭jñe a॒gniḥ | svādyone॒radhi̭ jā॒tavḙdāḥ | sa gā̭yatri॒yā tri॒ṣṭubhā॒ jaga̭tyā | de॒vebhyo̭ ha॒vyaṃ-va~̭hatu prajā॒nanniti̭ | chando̭bhire॒vaina॒gg॒ svādyoneḥ॒ praja̭nayati || gārha̭patya-mmanthati | gārha̭patyaṃ॒-vā~ anvāhi̭tāgneḥ pa॒śava॒ upa̭ tiṣṭhante | sa yadu॒dvāya̭ti | tadanṷ pa॒śavo-'pa̭krāmanti | i॒ṣe ra॒yyai ra̭masva || 24 ||

saha̭se dyu॒mnāya̭ | ū॒rje patyā॒yetyā̭ha | pa॒śavo॒ vai ra॒yiḥ | pa॒śūne॒vāsmai̭ ramayati || sā॒ra॒sva॒tau tvothsau॒ sami̭ndhātā॒mityā̭ha | ṛ॒-khsā॒me vai sā̭rasva॒tāvuthsau᳚ | ṛ॒kh-sā॒mābhyā̭me॒vaina॒gṃ॒ sami̭ndhe || sa॒mrāḍa̭si vi॒rāḍa॒sītyā̭ha | ra॒tha॒nta॒raṃ-vai~ sa॒mrāṭ | bṛ॒ha-dvi॒rāṭ || 25 ||

tābhyā̭me॒vaina॒gṃ॒ sami̭ndhe || vajro॒ vai ca॒kram | vajro॒ vā e॒tasya̭ ya॒jñaṃ-vi~cchi̭natti | yasyāno̭ vā॒ ratho̭ vā-'nta॒rā-'gnī yāti̭ | ā॒ha॒va॒nīya̭-mu॒dvāpya̭ | gārha̭patyā॒-duddha̭ret | yada̭gne॒ pūrva॒-mprabhṛ̭ta-mpa॒dagṃ hi te᳚ | sūrya̭sya ra॒śmīna-nvā̭ta॒tāna̭ | tatra̭ rayi॒ṣṭhāmanu॒ sambha̭rai॒tam | sa-nnaḥ̭ sṛja suma॒tyā vāja̭va॒tyeti̭ || 26 ||

pūrvḙṇai॒vāsya̭ ya॒jñena̭ ya॒jñamanu॒ sa-nta̭noti || tvama̭gne sa॒prathā̭ a॒sītyā̭ha | a॒gni-ssarvā̭ de॒vatāḥ᳚ | de॒vatā̭bhire॒va ya॒jñagṃ sa-nta̭noti || a॒gnayḙ pathi॒kṛtḙ puro॒ḍāśa̭ma॒ṣṭāka̭pāla॒-nnirva̭pet | a॒gnime॒va pa̭thi॒kṛta॒gg॒ svena̭ bhāga॒dheye॒nopa̭ dhāvati | sa e॒vainaṃ̭-ya~॒jñiya॒-mpanthā॒mapi̭-nayati | a॒na॒ḍvān-dakṣi̭ṇā | va॒hī hyḙṣa samṛ̭ddhyai || 27 ||

(hara॒tyathā᳚gniho॒traṃ - ni॒mroca̭ti - hare-d- de॒vatā̭ - gaccha - tyu॒dvāye᳚-nmanthe-dramasva-bṛ॒ha-dvi॒rāḍ-iti॒-nava̭ ca) (a. 4)

(ni vai pūrva॒-ntrīṇi̭ ni॒mroca̭ti da॒rbheṇa॒ yaddhira̭ṇyamagniho॒tra-mpuna॒rvarṷṇo

vāru॒ṇa-nni vā e॒tasyā॒bhyṷdeti̭ caturgṛhī॒tamājyaṃ॒ yadājyaṃ॒ parā᳚cyu॒ṣāḥ puna̭rmi॒tro me॒traṃ-ya~syā̭hava॒nīye-'nṷdvāte॒ gārha̭patyo॒ yadvai ma̭nthe॒duddha̭ret)

anuvākaṃ 5 - somātirekaprāyaścittam

yasya̭ prātassava॒ne somo̭-'ti॒ricya̭te | māddhya̭ndina॒gṃ॒ sava̭na-ṅkā॒maya̭māno॒-'bhyati̭ricyate | gaurdha̭yati ma॒rutā॒miti॒ dhaya̭dvatīṣu kurvanti | hi॒nasti॒ vai sa॒ndhyadhī̭tam | sa॒ndhīva॒ khalu॒ vā e॒tat | ya-thsava̭na syāti॒ricya̭te | yaddhaya̭dvatīṣu ku॒rvanti̭ | sa॒ndhe-śśāntyai᳚ || gā॒ya॒tragṃ sāma̭ bhavati pañcada॒śa-sstomaḥ̭ | tenai॒va prā̭tassava॒nānnaya̭nti || 28 ||

ma॒rutva̭tīṣu kurvanti | tenai॒va māddhya̭ndinā॒-thsava̭nā॒nnaya̭nti || hotṷśca ma॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || yasya॒ māddhya̭ndine॒ sava̭ne॒ somo̭-'ti॒ricya̭te | ā॒di॒tya-ntṛ̭tīyasava॒na-ṅkā॒maya̭māno॒-'bhyati̭ricyate | gau॒ri॒vī॒tagṃ sāma̭ bhavati | ati̭riktaṃ॒-vai~ gaṷrivī॒tam | ati̭riktaṃ॒-ya~-thsava̭nasyā-ti॒ricya̭te || 29 ||

ati̭riktasya॒ śāntyai᳚ || baṇma॒hāgṃ a̭si sū॒ryeti̭ kurvanti | yasyai॒vādi॒tyasya॒ sava̭nasya॒ kāmḙnāti॒ricya̭te | tenai॒vaina॒-ṅkāmḙna॒ sama̭rdhayanti || gau॒ri॒vī॒tagṃ sāma̭ bhavati | tenai॒va māddhya̭ndinā॒-thsava̭nā॒nnaya̭nti || sa॒pta॒da॒śa-sstomaḥ̭ | tenai॒va tṛ̭tīyasava॒nānnaya̭nti || hotṷścama॒samanūnna̭yante | hotā-'nṷśagṃ sati || 30 ||

ma॒ddhya॒ta e॒va ya॒jñagṃ sa॒māda̭dhāti || yasya̭ tṛtīyasava॒ne somo̭-'ti॒ricyḙta | u॒kthya̭-ṅkurvīta | yasyo॒kthyḙ-'ti॒ricyḙta | a॒ti॒rā॒tra-ṅkṷrvīta | yasyā̭-tirā॒trḙ-'ti॒ricya̭te| tattvai dṷṣprajñā॒nam | yaja̭mānaṃ॒-vā~ e॒ta-tpa॒śava̭ ā॒sāhya̭ yanti | bṛ॒ha-thsāma̭ bhavati | bṛ॒hadvā i॒māṃ-lo~॒kā-ndā̭dhāra | bārha̭tāḥ pa॒śavaḥ̭ | bṛ॒ha॒taivāsmai̭ pa॒śū-ndā̭dhāra || śi॒pi॒vi॒ṣṭava̭tīṣu kurvanti | śi॒pi॒vi॒ṣṭo vai de॒vānā᳚-mpu॒ṣṭam | puṣṭyai॒vaina॒gṃ॒ sama̭rdhayanti || hotṷścama॒samanūnna̭yante | hotā-'nṷśagṃsati | ma॒ddhya॒ta e॒va ya॒jñagṃ sa॒māda̭dhāti || 31 ||

(ya॒nti॒ - sava̭nasyāti॒ricya̭te - śagṃsati - dādhārā॒ṣṭau ca̭) (a. 5)

anuvākaṃ 6 - savananimitta-mprāyaścittam

ekai̭ko॒ vai ja॒natā̭yā॒-mindraḥ̭ | ekaṃ॒-vā~ e॒tāvindra̭ma॒bhi sagṃsṷnutaḥ | yau dvau sagṃ̭sunu॒taḥ | pra॒jāpa̭ti॒rvā e॒ṣa vitā̭yate | ya-dya॒jñaḥ | tasya॒ grāvā̭ṇo॒ dantāḥ᳚ | a॒nya॒ta॒raṃ-vā~ e॒te sagṃ̭sunva॒to-rnirba̭phsati | pūrvḙṇopa॒sṛtyā̭ de॒vatā॒ ityā̭huḥ | pū॒rvo॒pa॒sṛ॒tasya॒ vai śreyā᳚-nbhavati | eti̭va॒ntyājyā̭ni bhavantya॒-bhiji̭tyai || 32 ||

ma॒rutva̭tīḥ prati॒padaḥ̭ | ma॒ruto॒ vai de॒vānā॒-mapa̭rājita-mā॒yata̭nam | de॒vānā̭-me॒vāpa̭rājita ā॒yata̭ne yatate ||u॒bhe bṛ̭hadrathanta॒re bha̭vataḥ | i॒yaṃ-vā~va ra̭thanta॒ram | a॒sau bṛ॒hat | ā॒bhyāme॒vaina̭-ma॒ntarḙti | vā॒caśca॒ mana̭saśca | prā॒ṇāccā̭-pā॒nācca̭ | di॒vaśca̭ pṛthi॒vyāśca̭ || 33 ||

sarva̭smā-dvi॒ttā-dvedyā᳚t || a॒bhi॒va॒rto bra̭hmasā॒ma-mbha̭vati | su॒va॒rgasya̭ lo॒kasyā॒-bhivṛ̭ttyai || a॒bhi॒ji-dbha̭vati | su॒va॒rgasya̭ lo॒kasyā॒-bhiji̭tyai | vi॒śva॒ji-dbha̭vati | viśva̭sya॒ jityai᳚ || yasya॒ bhūyāgṃ̭so yajñakra॒tava॒ ityā̭huḥ | sa de॒vatā̭ vṛṅkta॒ iti̭ | yadya̭gniṣṭo॒ma-ssomaḥ̭ pa॒rastā॒-thsyāt || 34 ||

u॒kthya̭-ṅkurvīta | yadyu॒kthyaḥ̭ syāt | a॒ti॒rā॒tra-ṅkṷrvīta | ya॒jña॒kra॒tubhi̭-re॒vāsya̭ de॒vatā̭ vṛṅkte || yo vai chando̭bhi-rabhi॒bhava̭ti | sa sagṃ̭ sunva॒to-ra॒bhibha̭vati | saṃ॒ve~॒śāya̭ tvopave॒śāya॒-tvetyā̭ha | chandāgṃ̭si॒ vai saṃ̭ve~॒śa ṷpave॒śaḥ | chando̭bhire॒vāsya॒ chandāg̭sya॒-bhibha̭vati || i॒ṣṭargo॒ vā ṛ॒tvijā̭-maddhva॒ryuḥ || 35 ||

i॒ṣṭargaḥ॒ khalu॒ vai pūrvo॒-'rṣṭuḥ, kṣī̭yate | prāṇā̭pānau mṛ॒tyormā̭ pāta॒mityā̭ha | prā॒ṇā॒pā॒nayo̭re॒va śra̭yate | prāṇā̭pānau॒ mā mā̭ hāsiṣṭa॒mityā̭ha | naina̭-mpu॒rā-''yṷṣaḥ prāṇāpā॒nau ja̭hitaḥ || ārtiṃ॒-vā~ e॒te niya̭nti | yeṣā᳚-ndīkṣi॒tānā᳚-mpra॒mīya̭te | taṃ-ya~da̭va॒varjḙyuḥ | krū॒ra॒kṛtā̭mivaiṣāṃ-lo~॒ka-ssyā᳚t | āha̭ra da॒heti̭ brūyāt || 36 ||

ta-nda̭kṣiṇa॒to vedyai̭ ni॒dhāya̭ | sa॒rpa॒rā॒jñiyā̭ ṛ॒gbhi-sstṷyuḥ | i॒yaṃ-vai~ sarpa̭to॒ rājñī᳚ | a॒syā e॒vaina॒-mpari̭dadati || vyṛ̭ddha॒-ntadityā̭huḥ | ya-thstu॒ta-mana̭nuśasta॒-miti̭ | hotā᳚ pratha॒maḥ prā̭cīnāvī॒tī mā᳚rjā॒līya॒-mparī̭yāt | yā॒mīra̭nu-bru॒vann | sa॒rpa॒rā॒jñīnā᳚-ṅkīrtayet | u॒bhayo̭re॒vainaṃ̭-lo~॒kayoḥ॒ pari̭dadati || 37 ||

atho̭ dhu॒vantye॒vaina᳚m | atho॒ nyḙvāsmai᳚ hnuvate || triḥ pari̭yanti | traya̭ i॒me lo॒kāḥ | e॒bhya e॒vainaṃ̭-lo~॒kebhyo̭ dhuvate | triḥ punaḥ॒ pari̭yanti | ṣaṭ-thsampa̭dyante | ṣaḍvā ṛ॒tavaḥ̭ | ṛ॒tubhi̭re॒vaina̭-ndhuvate || agna॒ āyūgṃ̭ṣi pavasa॒ iti̭ prati॒pada̭-ṅkurvīrann | ra॒tha॒nta॒rasā̭maiṣā॒gṃ॒ somaḥ̭ syāt | āyṷre॒vātman-da̭dhate | atho̭ pā॒pmāna̭me॒va vi॒jaha̭to yanti || 38 ||

(a॒bhiji̭tyai - pṛthi॒vyāśca॒ - syā - da̭ddhva॒ryu--r brṷyāl - lo॒kayoḥ॒ pari̭dadati - kurvara॒gg॒ strīṇi̭ ca) (a. 6)

anuvākaṃ 7 - yūpavirohaṇādiprāyaścittam

a॒su॒ryaṃ̭-vā~ e॒tasmā॒-dvarṇa̭-ṅkṛ॒tvā | pa॒śavo̭ vī॒rya̭-mapa̭krāmanti | yasya॒ yūpo̭ vi॒roha̭ti | tvā॒ṣṭra-mba̭hurū॒pa-māla̭bheta | tvaṣṭā॒ vai rū॒pāṇā̭mīśe | ya e॒va rū॒pāṇā॒mīśe᳚ | so᳚-'smi-npa॒śūn. vī॒ryaṃ̭-ya~cchati | nāsmā᳚t-pa॒śavo̭ vī॒rya̭-mapa̭krāmanti || ārtiṃ॒-vā~ e॒te niya̭nti | yeṣā᳚-ndīkṣi॒tānā̭-ma॒gni-ru॒dvāya̭ti || 39 ||

yadā̭hava॒nīya̭ u॒dvāye᳚t | yatta-mmanthe᳚t | vicchi̭ndyāt | bhrātṛ̭vyamasmai janayet | yadā̭hava॒nīya̭ u॒dvāye᳚t | āgnī᳚ddhrā॒-duddha̭ret | yadāgnī᳚ddhra u॒dvāye᳚t | gārha̭patyā॒-duddha̭ret | ya-dgārha̭patya u॒dvāye᳚t | ata̭ e॒va puna̭-rmanthet || 40 ||

atra॒ vāva sa nila̭yate | yatra॒ khalu॒ vai nilī̭na-mutta॒ma-mpaśya̭nti | tadḙna-micchanti || yasmā॒-ddāro̭ru॒dvāye᳚t | tasyā॒raṇī̭ kuryāt | kru॒mu॒kamapi̭ kuryāt | e॒ṣā vā a॒gneḥ pri॒yā ta॒nūḥ | yat-krṷmu॒kaḥ | pri॒yayai॒vaina̭-nta॒nuvā॒ sama̭rdhayati || gārha̭patya-mmanthati || 41 ||

gārha̭patyo॒ vā a॒gneryoniḥ̭ | svāde॒vainaṃ॒-yo~ne᳚-rjanayati | nāsmai॒ bhrātṛ̭vya-ñjanayati || yasya॒ soma̭ upa॒dasye᳚t | su॒varṇa॒gṃ॒ hira̭ṇya-ndve॒dhā vi॒cchidya̭ | ṛ॒jī॒ṣe᳚-'nyadā̭dhūnu॒yāt | ju॒hu॒yāda॒nyat | soma̭me॒vā-bhi̭ṣu॒ṇoti̭ | soma̭-ñjuhoti || soma̭sya॒ vā a̭bhiṣū॒yamā̭ṇasya pri॒yā ta॒nū-ruda̭krāmat || 42 ||

ta-thsu॒varṇa॒gṃ॒ hira̭ṇya-mabhavat | ya-thsu॒varṇa॒gṃ॒ hira̭ṇya-ṅku॒rvanti̭ | pri॒yayai॒vaina̭-nta॒nuvā॒ sama̭rdhayanti || yasyākrī̭ta॒gṃ॒ soma̭-mapa॒harḙyuḥ | krī॒ṇī॒yāde॒va | saiva tataḥ॒ prāya̭ścittiḥ || yasya̭ krī॒tama̭pa॒harḙyuḥ | ā॒dā॒rāgśca̭ phālgu॒nāni̭ cā॒bhiṣṷṇuyāt | gā॒ya॒trī yagṃ soma॒māha̭rat | tasya॒ yo-'gṃ̭śuḥ pa॒rā-'pa̭tat || 43 ||

ta ā̭dā॒rā a̭bhavann | indro̭ vṛ॒trama̭hann | tasya̭ va॒lkaḥ parā̭-'patat | tāni̭ phālgu॒nānya̭bhavann | pa॒śavo॒ vai phā᳚lgu॒nāni̭ | pa॒śava॒-ssomo॒ rājā᳚ | yadā̭dā॒rāgśca̭ phālgu॒nāni̭ cābhiṣu॒ṇoti̭ | soma̭me॒va rājā̭nama॒bhiṣṷṇoti || śṛ॒tena̭ prātassava॒ne śrī̭ṇīyāt | da॒ddhnā ma॒ddhyandi̭ne || 44 ||

nī॒ta॒mi॒śreṇa̭ tṛtīyasava॒ne | a॒gi॒ṣṭo॒ma-ssomaḥ̭ syā-drathanta॒rasā̭mā | ya e॒vartvijo̭ vṛ॒tā-ssyuḥ | ta ḙnaṃ-yā~jayeyuḥ | ekā॒-ṅgā-ndakṣi̭ṇā-ndadyā॒ttebhya̭ e॒va | puna॒-ssoma̭-ṅkrīṇīyāt | ya॒jñenai॒va ta-dya॒jña-mi̭cchati | saiva tataḥ॒ prāya̭ścittiḥ || sarvā᳚bhyo॒ vā e॒ṣa de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-māgṷrate | ya-ssa॒trāyā̭gu॒rate᳚ | e॒tāvā॒n-khalu॒ vai purṷṣaḥ | yāva̭dasya vi॒ttam | sa॒rva॒ve॒da॒sena̭ yajeta | sarva̭pṛṣṭho-'sya॒ somaḥ̭ syāt | sarvā᳚bhya e॒va de॒vatā᳚bhya॒-ssarve᳚bhyaḥ pṛ॒ṣṭhebhya̭ ā॒tmāna॒-nniṣkrī̭ṇīte || 45 ||

(u॒dvāya̭ti - manthen - mantha - tyakrāmat - pa॒rā-'pa̭tan - ma॒ddhyandi̭na - āgu॒rate॒ pañca̭ ca) (a. 7)

anuvākaṃ 8 - pāvamānīmantrāḥ (smārte śñānādau mārjanārthāśca)

pava̭māna॒-ssuva॒rjanaḥ̭ | pa॒vitrḙṇa॒ vica̭rṣaṇiḥ | yaḥ potā॒ sa pṷnātu mā || pu॒nantṷ mā devaja॒nāḥ | pu॒nantu॒ mana̭ vo dhi॒yā | pu॒nantu॒ viśva̭ ā॒yavaḥ̭ || jāta̭vedaḥ pa॒vitra̭vat | pa॒vitrḙṇa punāhi mā | śu॒kreṇa̭ deva॒ dīdya̭t | agne॒ kratvā॒ kratū॒gṃ॒ ranṷ || 46 ||

yattḙ pa॒vitra̭-ma॒rciṣi̭ | agne॒ vita̭tamanta॒rā | brahma॒ tena̭ punīmahe || u॒bhābhyā᳚-ndeva savitaḥ |pa॒vitrḙṇa sa॒vena̭ ca | i॒da-mbrahma̭ punīmahe || vai॒śva॒de॒vī pṷna॒tī de॒vyāgā᳚t | yasyai̭ ba॒hvī-sta॒nuvo̭ vī॒tapṛ̭ṣṭhāḥ | tayā॒ mada̭nta-ssadha॒mādyḙṣu | va॒yagg syā̭ma॒ pata̭yo rayī॒ṇām || 47 ||

vai॒śvā॒na॒ro ra॒śmibhi̭rmā punātu | vātaḥ̭ prā॒ṇenḙṣi॒ro ma̭yo॒bhūḥ | dyāvā̭pṛthi॒vī paya̭sā॒ payo̭bhiḥ | ṛ॒tāva̭rī ya॒jñiyḙ mā punītām || bṛ॒hadbhiḥ̭ savita॒stṛbhiḥ̭ | varṣi̭ṣṭhai-rdeva॒ manma̭bhiḥ | agne॒ dakṣaiḥ᳚ punāhi mā || yena̭ de॒vā apṷnata | yenāpo̭ di॒vya-ṅkaśaḥ̭ | tena̭ di॒vyena॒ brahma̭ṇā || 48 ||

i॒da-mbrahma̭ punīmahe || yaḥ pā̭vamā॒nīra॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | sarva॒gṃ॒ sa pū॒tama̭śñāti | sva॒di॒ta-mmā̭ta॒riśva̭nā || pā॒va॒mā॒nīryo a॒ddhyeti̭ | ṛṣi̭bhi॒-ssambhṛ̭ta॒gṃ॒ rasa᳚m | tasmai॒ sara̭svatī duhe | kṣī॒ragṃ sa॒rpi-rmadhṷ̄da॒kam || pā॒va॒mā॒nī-ssva॒styaya̭nīḥ || 49 ||

su॒dughā॒ hi paya̭svatīḥ | ṛṣi̭bhi॒-ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam || pā॒va॒mā॒nī-rdi̭śantu naḥ | i॒maṃ-lo~॒kamatho̭ a॒mum | kāmā॒n-thsama̭rdhayantu naḥ | de॒vī-rde॒vai-ssa॒mābhṛ̭tāḥ || pā॒va॒mā॒nī-ssva॒styaya̭nīḥ | su॒dughā॒hi ghṛ̭ta॒ścutaḥ̭ | ṛṣi̭bhi॒-ssambhṛ̭to॒ rasaḥ̭ || 50 ||

brā॒hma॒ṇeṣva॒mṛtagṃ̭ hi॒tam || yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ | tena̭ sa॒hasra̭dhāreṇa | pā॒va॒mā॒nyaḥ pṷnantu mā || prā॒jā॒pa॒tya-mpa॒vitra᳚m | śa॒todyā̭magṃ hira॒ṇmaya᳚m | tena̭ brahma॒ vido̭ va॒yam | pū॒ta-mbrahma̭ punīmahe || indraḥ̭ sunī॒tī sa॒ha mā̭ punātu | somaḥ̭ sva॒styā varṷṇa-ssa॒mīcyā᳚ | ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu || 51 ||

(anṷ - rayī॒ṇāṃ - brahma̭ṇā - sva॒styaya̭nīḥ - su॒dughā॒ hi ghṛ̭ta॒ścuta॒ ṛṣi̭bhi॒-ssambhṛ̭to॒ rasaḥ̭ - punātu॒ trīṇi̭ ca ) (a. 8)

anuvākaṃ 9 - rājasūyagatacāturmāsyaśeṣaḥ

pra॒jā vai sa॒tramā̭sata॒ tapa॒stapya̭mānā॒ ajṷhvatīḥ | de॒vā a̭paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tenā᳚rdhamā॒sa ūrja॒mavā̭rundhata | tasmā̭dardhamā॒se de॒vā i̭jyante || pi॒taro̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta- ma̭juhavuḥ | tena̭ mā॒syūrja॒mavā̭rundhata | tasmā᳚-nmā॒si pi॒tṛbhyaḥ̭ kriyate | ma॒nu॒ṣyā̭ apaśya-ñcama॒sa-ṅghṛ॒tasya̭ pū॒rṇagg sva॒dhām || 52 ||

tamupoda̭tiṣṭha॒nta-ma̭juhavuḥ | tena̭-dva॒yīmūrja॒mavā̭rundhata | tasmā॒-ddvirahno̭-manu॒ṣye᳚bhya॒ upa̭hriyate | prā॒taśca̭ sā॒ya-ñca̭ | pa॒śavo̭-'paśya-ñcama॒sa-ṅghṛ॒tasya̭ pū॒rṇagg sva॒dhām | tamupoda̭tiṣṭha॒nta-ma̭juhavuḥ | tena̭-tra॒yīmūrja॒mavā̭-rundhata | tasmā॒-ttrirahnaḥ̭ pa॒śavaḥ॒ prera̭te | prā॒tassa̭gaṃ॒ve sā॒yam | asṷrā apaśya-ñcama॒sa-ṅghṛ॒tasya̭ pū॒rṇagg sva॒dhām || 53 ||

tamupoda̭tiṣṭha॒nta-ma̭juhavuḥ | tena̭ saṃva~thsa॒ra ūrja॒mavā̭-rundhata || te de॒vā a̭manyanta | a॒mī vā i॒dama̭bhūvann | yadva॒yaggsma iti̭ | ta e॒tāni̭ cāturmā॒syānya̭paśyann | tāni॒ nira̭vapann | taire॒vaiṣā॒-ntāmūrja̭mavṛñjata | tato̭ de॒vā abha̭vann | parā-'sṷrāḥ || 54 ||

ya-dyaja̭te | yāme॒va de॒vā ūrja̭ma॒vārṷndhata | tā-ntenā-va̭rundhe | ya-tpi॒tṛbhyaḥ̭ ka॒roti̭ | yāme॒va pi॒tara॒ ūrja̭ma॒vā-rṷndhata | tā-ntenā-va̭rundhe | yadā̭vasa॒the-'nna॒gṃ॒ hara̭nti | yāme॒va ma̭nu॒ṣyā̭ ūrja̭ma॒vā-rṷndhata | tā-ntenā-va̭rundhe | ya-ddakṣi̭ṇā॒-ndadā̭ti || 55 ||

yāme॒va pa॒śava॒ ūrja̭ma॒vā-rṷndhata | tā-ntenā-va̭rundhe | yaccā̭tu-rmā॒syai-ryaja̭te | yāme॒vāsṷrā॒ ūrja̭ma॒-vārṷndhata | tā-ntenā-va̭rundhe | bhava̭tyā॒tmanā᳚ | parā᳚-'sya॒ bhrātṛ̭vyo bhavati || vi॒rājo॒ vā e॒ṣā vikrā᳚ntiḥ | yaccā̭tu-rmā॒syāni̭ | vai॒śva॒de॒venā॒smi~llo॒ke pratya̭tiṣṭhat | va॒ru॒ṇa॒ pra॒ghā॒sai-ra॒ntari̭kṣe | sā॒ka॒me॒dhai-ra॒muṣmi̭~llo॒ke | e॒ṣa ha॒ tvāvaita-thsarva̭-mbhavati | ya e॒vaṃ-vi~॒dvāgścā̭turmā॒syai-ryaja̭te || 56 ||

(ma॒nu॒ṣyā̭ apaśyañcama॒sa-ṅghṛ॒tasya̭ pū॒rṇagg sva॒dhā-masṷrā apaśyañcama॒sa-ṅghṛ॒tasya̭ pū॒rṇagg sva॒dhā-masṷrā॒-dadā᳚-tyatiṣṭha cca॒tvāri̭ ca) (a. 9)

anuvākaṃ 10 - cāturmāsyapraśaṃsanam

a॒gnirvāva saṃ̭va~thsa॒raḥ | ā॒di॒tyaḥ pa̭rivathsa॒raḥ | ca॒ndramā̭ idāvathsa॒raḥ | vā॒yu-ra̭nuvathsa॒raḥ || ya-dvai᳚śvade॒vena॒ yaja̭te | a॒gnime॒va ta-thsaṃ̭va~thsa॒ra-mā᳚pnoti | tasmā᳚-dvaiśvade॒vena॒ yaja̭mānaḥ | saṃ॒va~॒thsa॒rīṇāg̭ sva॒sti-māśā᳚sta॒ ityāśā̭sīta || ya-dva̭ruṇa praghā॒sai-ryaja̭te | ā॒di॒tyame॒va ta-tpa̭rivathsa॒ra-mā᳚pnoti || 57 ||

tasmā᳚-dvaruṇa-praghā॒sai-ryaja̭mānaḥ | pa॒ri॒va॒thsa॒rīṇāg̭ sva॒sti-māśā᳚sta॒ ityāśā̭sīta | ya-thsā̭kame॒dhai-ryaja̭te | ca॒ndrama̭same॒va tadi̭dāvathsa॒ra-mā᳚pnoti | tasmā᳚-thsākame॒dhai-ryaja̭mānaḥ | i॒dā॒va॒thsa॒rīṇāg̭ sva॒sti-māśā᳚sta॒ ityāśā̭sīta || ya-tpi̭tṛ ya॒jñena॒ yaja̭te | de॒vāne॒va tada॒nvava̭syati || atha॒ vā a̭sya vā॒yuścā̭-nuvathsa॒raścā prī̭tā॒vucchi̭ṣyete | yacchṷnāsī॒rīyḙṇa॒ yaja̭te || 58 ||

vā॒yume॒va tada̭nuvathsa॒ra-mā᳚pnoti | tasmā᳚-cchunāsī॒rīyḙṇa॒ yaja̭mānaḥ | a॒nu॒va॒thsa॒rīṇāg̭ sva॒sti-māśā᳚sta॒ ityāśā̭sīta || saṃ॒va~॒thsa॒raṃ-vā~ e॒ṣa ī᳚phsa॒tītyā̭huḥ | yaścā̭tu-rmā॒syai-ryaja̭ta॒ iti̭ | e॒ṣa ha॒ tvai sa̭vanthsa॒ra-mā᳚pnoti | ya e॒vaṃ-vi~॒dvāg ścā̭turmā॒syai-ryaja̭te || viśvḙ de॒vā-ssama̭yajanta | te᳚-'gnime॒vāya̭janta | ta e॒taṃ-lo~॒kama̭jayann || 59 ||

yasmi̭nna॒gniḥ | ya-dvai᳚śvade॒vena॒ yaja̭te | e॒tame॒va lo॒ka-ñja̭yati | yasmi̭nna॒gniḥ | a॒gnere॒va sāyṷjya॒mupai̭ti || ya॒dā vai᳚śvade॒vena॒ yaja̭te | atha̭ saṃva~thsa॒rasya̭ gṛ॒hapa̭ti-māpnoti | ya॒dā saṃ̭va~thsa॒rasya̭ gṛ॒hapa̭ti-mā॒pnoti̭ | atha̭ sahasrayā॒jina̭-māpnoti | ya॒dā sa̭hasrayā॒jina̭-mā॒pnoti̭ || 60 ||

atha̭ gṛhame॒dhina̭-māpnoti | ya॒dā gṛ̭hame॒dhina̭-mā॒pnoti̭ | athā॒gni-rbha̭vati | ya॒dā-'gni-rbhava̭ti | atha॒ gaurbha̭vati | e॒ṣā vai vai᳚śvade॒vasya॒ mātrā᳚ | e॒ta-dvā e॒teṣā̭mava॒mam | ato̭-'to॒ vā utta̭rāṇi॒ śreyāgṃ̭si bhavanti | ya-dviśvḙ de॒vā-ssa॒maya̭janta | ta-dvai᳚śvade॒vasya̭ vaiśvadeva॒tvam || 61 ||

athā̭di॒tyo varṷṇa॒gṃ॒ rājā̭naṃ-va~ruṇa praghā॒saira̭yajata | sa e॒taṃ-lo~॒kama̭jayat | yasmi̭nnādi॒tyaḥ | ya-dva̭ruṇa-praghā॒sai-ryaja̭te | e॒tame॒va lo॒ka-ñja̭yati | yasmi̭nnādi॒tyaḥ | ā॒di॒tyasyai॒va-sāyṷjya॒-mupai̭ti | yadā̭di॒tyo varṷṇa॒gṃ॒ rājā̭naṃ-va~ruṇa praghā॒sairaya̭jata | ta-dva̭ruṇa praghā॒sānāṃ᳚-va~ruṇa praghāsa॒tvam || atha॒ somo॒ rājā॒ chandāgṃ̭si sākame॒dhaira̭yajata || 62 ||

sa e॒taṃ-lo~॒kama̭jayat | yasmigg̭ śca॒ndramā̭ vi॒bhāti̭ | ya-thsā̭kame॒dhai-ryaja̭te | e॒tame॒va lo॒ka-ñja̭yati | yasmigg̭ śca॒ndramā̭ vi॒bhāti̭ | ca॒ndrama̭sa e॒va sāyṷjya॒-mupai̭ti | somo॒ vai ca॒ndramāḥ᳚ | e॒ṣa ha॒ tvai sā॒kṣā-thsoma̭-mbhakṣayati | ya e॒vaṃ-vi~॒dvān-thsā̭kame॒dhai-ryaja̭te | ya-thsoma̭śca॒ rājā॒ chandāgṃ̭si ca sa॒maidha̭nta || 63 ||

ta-thsā̭kame॒dhānāgṃ̭ sākamedha॒tvam || atha॒rtavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñe-nā̭yajanta | ta e॒taṃ-lo~॒kama̭jayann | yasmi̭nnṛ॒tavaḥ̭ | ya-tpi̭tṛya॒jñena॒ yaja̭te | e॒tame॒va lo॒ka-ñja̭yati | yasmi̭nnṛ॒tavaḥ̭ | ṛ॒tū॒nāme॒va sāyṷjya॒-mupai̭ti | yad-ṛ॒tavaḥ̭ pi॒taraḥ̭ pra॒jāpa̭ti-mpi॒tara̭-mpitṛya॒jñenāya̭janta | ta-tpi̭tṛya॒jñasya̭ pitṛyajña॒tvam || 64 ||

athauṣa̭dhaya i॒ma-nde॒va-ntrya̭mbakai-rayajanta॒ prathḙma॒hīti̭ | tato॒ vai tā a̭prathanta | ya e॒vaṃ-vi~॒dvāg strya̭mbakai॒-ryaja̭te | pratha̭te pra॒jayā̭ pa॒śubhiḥ̭ || atha̭ vā॒yuḥ pa̭rame॒ṣṭhinagṃ̭ śunāsī॒rīyḙṇāyajata | sa e॒taṃ-lo~॒kama̭jayat | yasmi̭n-vā॒yuḥ | yacchṷnāsī॒rīyḙṇa॒ yaja̭te | e॒tame॒va lo॒ka-ñja̭yati | yasmi̭n-vā॒yuḥ || 65 ||

vā॒yore॒va sāyṷjya॒-mupai̭ti || bra॒hma॒vā॒dino̭ vadanti | pra cā̭turmāsyayā॒jī-mī̭ya॒tā(3) na pramī̭ya॒tā(3) iti̭ | jīva॒nvā e॒ṣa ṛ॒tūnapyḙti | yadi̭ va॒santā᳚ pra॒mīya̭te | va॒sa॒nto bha̭vati | yadi̭ grī॒ṣme grī॒ṣmaḥ | yadi̭ va॒r॒ṣāsṷ va॒r॒ṣāḥ | yadi̭ śa॒radi̭ śa॒rat | yadi॒ hema̭n. hema॒ntaḥ | ṛ॒turbhū॒tvā saṃ̭va~thsa॒ramapyḙti | saṃ॒va~॒thsa॒raḥ pra॒jāpa̭tiḥ | pra॒jāpa̭ti॒rvā vaiṣaḥ || 66 ||

(pa॒ri॒va॒thsa॒ramā᳚pnoti - śunāsī॒rīyḙṇa॒ yaja̭te - 'jayanth - sahasrayā॒jina̭mā॒pnoti̭ - vaiśvadeva॒tvagṃ - sā̭kame॒dhaira̭yajata - sa॒maidha̭nta - pitṛyajña॒tvaṃ - ja̭yati॒ yasmi̭n vā॒yu--r hḙma॒nta strīṇī̭ ca) (a. 10)

(u॒bhayḙ - yu॒vagṃ su॒rāma॒ - muda̭sthā॒n - ni vai - yasya̭ prātassava॒na - ekai̭ko - 'su॒ryam - pava̭mānaḥ - pra॒jā vai sa॒tramā̭sa - tā॒gnirvāva saṃ̭va~thsa॒ro daśa̭ )

(u॒bhaye॒ vā - uda̭sthā॒th - sarvā̭bhi--r maddhya॒to - 'tra॒ vāva - brā᳚hma॒ṇeṣva - tha̭ gṛhame॒dhina॒gṃ॒ ṣaṭ-thṣa̭ṣṭiḥ)

(u॒bhaye॒ - vāvaiṣaḥ)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake caturthaḥ prapāṭhaka-ssamāptaḥ ||

1 kṛṣṇa yajurvedīya taittirīya brāhmaṇe prathamāṣṭakaṃ

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठकः - सोमादिब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - ग्रहणा ग्रहणम्

उ॒भये॒ वा ए॒ते प्र॒जाप॑ते॒रद्ध्य॑-सृज्यन्त । दे॒वाश्चासु॑राश्च । तान्न व्य॑जानात् । इ॒मे᳚-ऽन्य इ॒मे᳚-ऽन्य इति॑ । स दे॒वान॒ग्ं॒ शून॑करोत् । तान॒भ्य॑षुणोत् । ता-न्प॒वित्रे॑णा-पुनात् । तान्-प॒रस्ता᳚त्-प॒वित्र॑स्य॒-व्य॑गृह्णात् । ते ग्रहा॑ अभवन्न् । तद्ग्रहा॑णा-ङ्ग्रह॒त्वम् ॥ 1 ॥

दे॒वता॒ वा ए॒ता यज॑मानस्य गृ॒हे गृ॑ह्यन्ते । य-द्ग्रहाः᳚ । वि॒दुरे॑न-न्दे॒वाः । यस्यै॒वं-विँ॒दुष॑ ए॒ते ग्रहा॑ गृ॒ह्यन्ते᳚ ॥ ए॒षा वै सोम॒स्याहु॑तिः । यदु॑पा॒ग्ं॒शुः । सोमे॑न दे॒वाग् स्त॑र्पया॒णीति॒ खलु॒ वै सोमे॑न यजते । यदु॑पा॒ग्ं॒शु-ञ्जु॒होति॑ । सोमे॑नै॒व त-द्दे॒वाग् स्त॑र्पयति ॥ यद्ग्रहा᳚ञ्जु॒होति॑ ॥ 2 ॥

दे॒वा ए॒व त-द्दे॒वान्-ग॑च्छन्ति ॥ यच्च॑म॒साञ्जु॒होति॑ । तेनै॒वानु॑रूपेण॒ यज॑मान-स्सुव॒र्गं-लोँ॒कमे॑ति ॥ कि-न्न्वे॑तदग्र॑ आसी॒दित्या॑हुः । य-त्पात्रा॒णीति॑ । इ॒यं-वाँ ए॒तदग्र॑ आसीत् । मृ॒न्मया॑नि॒ वा ए॒तान्या॑सन्न् । तैर्दे॒वा न व्या॒वृत॑-मगच्छन्न् । त ए॒तानि॑ दारु॒मया॑णि॒ पात्रा᳚ण्य-पश्यन्न् । तान्य॑कुर्वत ॥ 3 ॥

तैर्वै ते व्या॒वृत॑-मगच्छन्न् । य-द्दा॑रु॒मया॑णि॒ पात्रा॑णि॒ भव॑न्ति । व्या॒वृत॑मे॒व तै-र्यज॑मानो गच्छति ॥ यानि॑ दारु॒मया॑णि॒ पात्रा॑णि॒ भव॑न्ति । अ॒मुमे॒व तै-र्लो॒क-म॒भिज॑यति । यानि॑ मृ॒न्मया॑नि । इ॒ममे॒व तै-र्लो॒क-म॒भिज॑यति ॥ ब्र॒ह्म॒वा॒दिनो॑ वदन्ति । काश्चत॑स्र-स्स्था॒लीर्वा॑य॒व्या᳚-स्सोम॒ग्रह॑णी॒रिति॑ । दे॒वा वै पृश्ञि॑मदुह्रन्न् ॥ 4 ॥

तस्या॑ ए॒ते स्तना॑ आसन्न् । इ॒यं-वैँ पृश्ञिः॑ । तामा॑दि॒त्या आ॑दित्यस्था॒ल्या चतु॑ष्पदः प॒शून॑दुह्रन्न् । यदा॑दित्यस्था॒ली भव॑ति । चतु॑ष्पद ए॒व तया॑ प॒शून्. यज॑मान इ॒मा-न्दु॑हे । तामिन्द्र॑ उक्थ्यस्था॒ल्येन्द्रि॒य-म॑दुहत् । यदु॑क्थ्यस्था॒ली भव॑ति । इ॒न्द्रि॒यमे॒व तया॒ यज॑मान इ॒मा-न्दु॑हे । तां-विँश्वे॑ दे॒वा आ᳚ग्रयणस्था॒ल्योर्ज॑-मदुह्रन्न् । यदा᳚ग्रयणस्था॒ली भव॑ति ॥ 5 ॥

ऊर्ज॑मे॒व तया॒ यज॑मान इ॒मा-न्दु॑हे । ता-म्म॑नु॒ष्या᳚-द्ध्रुवस्था॒ल्या ऽऽयु॑रदुह्रन्न् । यद्ध्रु॑वस्था॒ली भव॑ति । आयु॑रे॒व तया॒ यज॑मान इ॒मा-न्दु॑हे । स्था॒ल्या गृ॒ह्णाति॑ । वा॒य॒व्ये॑न जुहोति । तस्मा॑द॒न्येन॒ पात्रे॑ण प॒शू-न्दु॒हन्ति॑ । अ॒न्येन॒ प्रति॑गृह्णन्ति । अथो᳚ व्या॒वृत॑मे॒व त-द्यज॑मानो गच्छति ॥ 6 ॥

(ग्र॒ह॒त्वं - ग्रहा᳚न् जु॒होत्य॑-कुर्व-तादुह्र-न्नाग्रयणस्था॒ली भव॑ति॒-+नव॑ च) (अ. 1)

अनुवाकं 2 - सोत्रामणीशेषा मन्त्राः

यु॒वग्ं सु॒राम॑मश्विना । नमु॑चावा-ऽसु॒रे सचा᳚ । वि॒पि॒पा॒ना शु॑भस्पती । इन्द्र॒-ङ्कर्म॑स्वावतम् ॥ पु॒त्रमि॑व पि॒तरा॑व॒श्विनो॒भा । इन्द्राव॑त॒-ङ्कर्म॑णा द॒ग्ं॒सना॑भिः । य-थ्सु॒रामं॒-व्यँपि॑ब॒-श्शची॑भिः । सर॑स्वती त्वा मघवन्नभीष्णात् ॥ अहा᳚व्यग्ने ह॒विरा॒स्ये॑ ते । स्रु॒चीव॑ घृ॒त-ञ्च॒मू इ॑व॒ सोमः॑ ॥ 7 ॥

वा॒ज॒सनिग्ं॑ र॒यिम॒स्मे सु॒वीर᳚म् । प्र॒श॒स्त-न्धे॑हि य॒शस॑-म्बृ॒हन्त᳚म् ॥ यस्मि॒न्नश्वा॑स ऋष॒भास॑ उ॒क्षणः॑ । व॒शा मे॒षा अ॑वसृ॒ष्टास॒ आहु॑ताः । की॒ला॒ल॒पे सोम॑पृष्ठाय वे॒धसे᳚ । हृ॒दाम॒ति-ञ्ज॑नय॒ चारु॑म॒ग्नये᳚ ॥ नाना॒ हि वा᳚-न्दे॒वहि॑त॒ग्ं॒ सदो॑ मि॒तम् । मा सग्ंसृ॑क्षाथा-म्पर॒मे व्यो॑मन्न् । सुरा॒ त्वमसि॑ शु॒ष्मिणी॒ सोम॑ ए॒षः । मा मा॑ हिग्ंसी॒-स्स्वां-योँनि॑मावि॒शन्न् ॥ 8 ॥

यदत्र॑ शि॒ष्टग्ं र॒सिनः॑ सु॒तस्य॑ । यदिन्द्रो॒ अपि॑ब॒च्छची॑भिः । अ॒ह-न्तद॑स्य॒ मन॑सा शि॒वेन॑ । सोम॒ग्ं॒ राजा॑नमि॒ह भ॑क्षयामि ॥ द्वे स्रु॒ती अ॑शृणव-म्पितृ॒णाम् । अ॒ह-न्दे॒वाना॑मु॒त मर्त्या॑नाम् । ताभ्या॑मि॒दं-विँश्व॒-म्भुव॑न॒ग्ं॒ समे॑ति । अ॒न्त॒रा पूर्व॒मप॑र-ञ्च के॒तुम् ॥ यस्ते॑ देव वरुण गाय॒त्रछ॑न्दाः॒ पाशः॑ । त-न्त॑ ए॒तेनाव॑यजे ॥ 9 ॥

यस्ते॑ देव वरुण त्रि॒ष्टुप्छ॑न्दाः॒ पाशः॑ । त-न्त॑ ए॒तेनाव॑यजे । यस्ते॑ देव वरुण॒ जग॑तीछन्दाः॒ पाशः॑ । त-न्त॑ ए॒तेनाव॑यजे ॥ सोमो॒ वा ए॒तस्य॑ रा॒ज्यमाद॑त्ते । यो राजा॒ स-न्रा॒ज्यो वा॒ सोमे॑न॒ यज॑ते । दे॒व॒सु॒वामे॒तानि॑ ह॒वीग्ंषि॑ भवन्ति । ए॒ताव॑न्तो॒ वै दे॒वानाग्ं॑ स॒वाः । त ए॒वास्मै॑ स॒वा-न्प्रय॑च्छन्ति । त ए॑न॒-म्पुनः॑ सुवन्ते रा॒ज्याय॑ । दे॒व॒सू राजा॑ भवति ॥ 10 ॥

(सोम॑ - आवि॒शन्. - य॑जे - रा॒ज्यायैकं॑ च) (अ. 2)

अनुवाकं 3 - दोहप्रायश्चित्तम्, अग्निहोत्रे

उद॑स्था-द्दे॒व्यदि॑ति-र्विश्वरू॒पी । आयु॑र्य॒ज्ञप॑तावधात् । इन्द्रा॑य कृण्व॒ती भा॒गम् । मि॒त्राय॒ वरु॑णाय च ॥ इ॒यं-वाँ अ॑ग्निहो॒त्री । इ॒यं-वाँ ए॒तस्य॒ निषी॑दति । यस्या᳚ग्निहो॒त्री नि॒षीद॑ति । तामुत्था॑पयेत् । उद॑स्था-द्दे॒व्यदि॑ति॒रिति॑ । इ॒यं-वैँ दे॒व्यदि॑तिः ॥ 11 ॥

इ॒मामे॒वास्मा॒ उत्था॑पयति ॥ आयु॑र्य॒ज्ञप॑तावधा॒दित्या॑ह । आयु॑रे॒वास्मि॑-न्दधाति ॥ इन्द्रा॑य कृण्व॒ती भा॒ग-म्मि॒त्राय॒ वरु॑णाय॒ चेत्या॑ह । य॒था॒ य॒जुरे॒वैतत् ॥ अव॑र्तिं॒-वाँ ए॒षैतस्य॑ पा॒प्मान॑-म्प्रति॒ख्याय॒ निषी॑दति । यस्या᳚-ग्निहो॒त्र्युप॑सृष्टा नि॒षीद॑ति । ता-न्दु॒ग्ध्वा ब्रा᳚ह्म॒णाय॑ दद्यात् । यस्यान्न॒-न्नाद्यात् । अव॑र्तिमे॒वास्मि॑-न्पा॒प्मान॒-म्प्रति॑मुञ्चति ॥ 12 ॥

दु॒ग्ध्वा द॑दाति । न ह्यदृ॑ष्टा॒ दक्षि॑णा दी॒यते᳚ ॥ पृ॒थि॒वीं-वाँ ए॒तस्य॒ पयः॒ प्रवि॑शति । यस्या᳚ग्निहो॒त्र-न्दु॒ह्यमा॑न॒ग्ग्॒ स्कन्द॑ति ॥ यद॒द्य दु॒ग्ध-म्पृ॑थि॒वीमस॑क्त । यदोष॑धी-र॒प्यस॑र॒-द्यदापः॑ । पयो॑ गृ॒हेषु॒ पयो॑ अघ्नि॒यासु॑ । पयो॑ व॒थ्सेषु॒ पयो॑ अस्तु॒ तन्मयीत्या॑ह । पय॑ ए॒वात्म-न्गृ॒हेषु॑ प॒शुषु॑ धत्ते ॥ अ॒प उप॑सृजति ॥ 13 ॥

अ॒द्भिरे॒वैन॑दाप्नोति ॥ यो वै य॒ज्ञस्यार्ते॒नाना᳚र्तग्ं सग्ं सृ॒जति॑ । उ॒भे वै ते तर्ह्यार्च्छ॑तः । आर्च्छ॑ति॒ खलु॒ वा ए॒तद॑ग्निहो॒त्रम् । य-द्दु॒ह्यमा॑न॒ग्ग्॒ स्कन्द॑ति । यद॑भिदु॒ह्यात् । आर्ते॒नाना᳚र्तं-यँ॒ज्ञस्य॒ सग्ंसृ॑जेत् । तदे॒व या॒दृक्की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 14 ॥

य-द्युद्द्रु॑तस्य॒ स्कन्दे᳚त् । य-त्ततो-ऽहु॑त्वा॒ पुन॑रे॒यात् । य॒ज्ञं-विँच्छि॑न्द्यात् । यत्र॒ स्कन्दे᳚त् । तन्नि॒षद्य॒ पुन॑र्गृह्णीयात् । यत्रै॒व स्कन्द॑ति । तत॑ ए॒वैन॒त्-पुन॑र्गृह्णाति । तदे॒व या॒दृक्-की॒दृक्च॑ होत॒व्य᳚म् । अथा॒न्या-न्दु॒ग्ध्वा पुन॑र्-होत॒व्य᳚म् । अना᳚र्तेनै॒वार्तं॑-यँ॒ज्ञस्य॒ निष्क॑रोति ॥ 15 ॥

वि वा ए॒तस्य॑ य॒ज्ञश्छि॑द्यते । यस्या᳚ग्निहो॒त्रे॑-ऽधिश्रि॑ते॒ श्वा-ऽन्त॒रा धाव॑ति । रु॒द्रः खलु॒ वा ए॒षः । यद॒ग्निः । य-द्गाम॑न्वत्याव॒र्तये᳚त् । रु॒द्राय॑ प॒शू-नपि॑दद्ध्यात् । अ॒प॒शु-र्यज॑मान-स्स्यात् । यद॒पो᳚ ऽन्वतिषि॒ञ्चेत् । अ॒ना॒द्य-म॒ग्नेरापः॑ । अ॒ना॒द्यमा᳚भ्या॒-मपि॑दद्ध्यात् । गार्ह॑पत्या॒-द्भस्मा॒दाय॑ । इ॒दं-विँष्णु॒-र्विच॑क्रम॒ इति॑ वैष्ण॒व्यर्चा ऽऽह॑व॒नीया᳚द्ध्व॒ग्ं॒ सय॒न्नुद्र॑वेत् । य॒ज्ञो वै विष्णुः॑ । य॒ज्ञेनै॒व य॒ज्ञग्ं सन्त॑नोति । भस्म॑ना प॒दमपि॑वपति॒ शान्त्यै᳚ ॥ 16 ॥

(वै दे॒व्यदि॑ति--र् मुञ्चति - सृजति - करोति - करोत्या - भ्या॒मपि॑दद्ध्या॒-त्पञ्च॑ च) (अ. 3)

अनुवाकं 4 - अग्निप्रायश्चित्तं अग्निहोत्रे

नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति । द॒र्भेण॒ हिर॑ण्य-म्प्र॒बद्ध्य॑ पु॒रस्ता᳚द्धरेत् । अथा॒ग्निम् । अथा᳚ग्निहो॒त्रम् । यद्धिर॑ण्य-म्पु॒रस्ता॒द्धर॑ति । ज्योति॒र्वै हिर॑ण्यम् । ज्योति॑रे॒वैन॒-म्पश्य॒-न्नुद्ध॑रति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् ॥ 17 ॥

भा॒ग॒धेये॑नै॒वैन॒-म्प्रण॑यति ॥ ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ । सर्वा॑भिरे॒वैन॑-न्दे॒वता॑भि॒रुद्ध॑रति ॥ अ॒ग्नि॒हो॒त्र-मु॑प॒सा-द्यातमि॑तो-रासीत । व्र॒तमे॒व ह॒तमनु॑ म्रियते ॥ अन्तं॒-वाँ ए॒ष आ॒त्मनो॑ गच्छति । यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्निमनु॑द्धृत॒ग्ं॒ सूर्यो॒-ऽभिनि॒म्रोच॑ति ॥ 18 ॥

पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति ॥ वरु॑णो॒ वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभिनि॒म्रोच॑ति । वा॒रु॒ण-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ नि वा ए॒तस्या॑हव॒नीयो॒ गार्ह॑पत्य-ङ्कामयते । नि गार्ह॑पत्य आहव॒नीय᳚म् । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । च॒तु॒र्गृ॒ही॒त-माज्य॑-म्पु॒रस्ता᳚द्धरेत् ॥ 19 ॥

अथा॒ग्निम् । अथा᳚ग्निहो॒त्रम् । यदाज्य॑-म्पु॒रस्ता॒द्धर॑ति । ए॒तद्वा अ॒ग्नेः प्रि॒य-न्धाम॑ । यदाज्य᳚म् । प्रि॒येणै॒वैन॒-न्धाम्ना॒ सम॑र्धयति । यद॒ग्नि-म्पूर्व॒ग्ं॒ हर॒त्यथा᳚-ग्निहो॒त्रम् । भा॒ग॒धेये॑नै॒वैन॒-म्प्रण॑यति । ब्रा॒ह्म॒ण आ॑र्षे॒य उद्ध॑रेत् । ब्रा॒ह्म॒णो वै सर्वा॑ दे॒वताः᳚ ॥ 20 ॥

सर्वा॑भिरे॒वैन॑-न्दे॒वता॑भि॒रुद्ध॑रति ॥ परा॑ची॒ वा ए॒तस्मै᳚ व्यु॒च्छन्ती॒ व्यु॑च्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । उ॒षाः के॒तुना॑ जुषताम् । य॒ज्ञ-न्दे॒वेभि॑रिन्वि॒तम् । दे॒वेभ्यो॒ मधु॑मत्तम॒ग्ग्॒ स्वाहेति॑ प्र॒त्यं-नि॒षद्याज्ये॑न जुहुयात् । प्र॒तीची॑मे॒वास्मै॒ विवा॑सयति ॥ अ॒ग्नि॒हो॒त्र-मु॑प॒साद्यातमि॑तो-रासीत । व्र॒तमे॒व ह॒तमनु॑ म्रियते । अन्तं॒-वाँ ए॒ष आ॒त्मनो॑ गच्छति ॥ 21 ॥

यस्ताम्य॑ति । अन्त॑मे॒ष य॒ज्ञस्य॑ गच्छति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । पुनः॑ स॒मन्य॑ जुहोति । अन्ते॑नै॒वान्तं॑-यँ॒ज्ञस्य॒ निष्क॑रोति । मि॒त्रो वा ए॒तस्य॑ य॒ज्ञ-ङ्गृ॑ह्णाति । यस्या॒ग्नि-मनु॑द्धृत॒ग्ं॒ सूर्यो॒-ऽभ्यु॑देति॑ । मै॒त्र-ञ्च॒रु-न्निर्व॑पेत् । तेनै॒व य॒ज्ञ-न्निष्क्री॑णीते ॥ यस्या॑-हव॒नीये-ऽनु॑द्वाते॒ गार्ह॑पत्य उ॒द्वाये᳚त् ॥ 22 ॥

यदा॑हव॒नीय॒-मनु॑द्वाप्य॒ गार्ह॑पत्य॒-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यद्वै य॒ज्ञस्य॑ वास्त॒व्य॑-ङ्क्रि॒यते᳚ । तदनु॑ रु॒द्रो-ऽव॑चरति । य-त्पूर्व॑-मन्वव॒स्येत् । वा॒स्त॒व्य॑-म॒ग्निमुपा॑सीत । रु॒द्रो᳚-ऽस्य प॒शू-न्घातु॑क-स्स्यात् । आ॒ह॒व॒नीय॑-मु॒द्वाप्य॑ । गार्ह॑पत्य-म्मन्थेत् ॥ 23 ॥

इ॒तः प्र॑थ॒म-ञ्ज॑ज्ञे अ॒ग्निः । स्वाद्योने॒रधि॑ जा॒तवे॑दाः । स गा॑यत्रि॒या त्रि॒ष्टुभा॒ जग॑त्या । दे॒वेभ्यो॑ ह॒व्यं-वँ॑हतु प्रजा॒नन्निति॑ । छन्दो॑भिरे॒वैन॒ग्ग्॒ स्वाद्योनेः॒ प्रज॑नयति ॥ गार्ह॑पत्य-म्मन्थति । गार्ह॑पत्यं॒-वाँ अन्वाहि॑ताग्नेः प॒शव॒ उप॑ तिष्ठन्ते । स यदु॒द्वाय॑ति । तदनु॑ प॒शवो-ऽप॑क्रामन्ति । इ॒षे र॒य्यै र॑मस्व ॥ 24 ॥

सह॑से द्यु॒म्नाय॑ । ऊ॒र्जे पत्या॒येत्या॑ह । प॒शवो॒ वै र॒यिः । प॒शूने॒वास्मै॑ रमयति ॥ सा॒र॒स्व॒तौ त्वोथ्सौ॒ समि॑न्धाता॒मित्या॑ह । ऋ॒-ख्सा॒मे वै सा॑रस्व॒तावुथ्सौ᳚ । ऋ॒ख्-सा॒माभ्या॑मे॒वैन॒ग्ं॒ समि॑न्धे ॥ स॒म्राड॑सि वि॒राड॒सीत्या॑ह । र॒थ॒न्त॒रं-वैँ स॒म्राट् । बृ॒ह-द्वि॒राट् ॥ 25 ॥

ताभ्या॑मे॒वैन॒ग्ं॒ समि॑न्धे ॥ वज्रो॒ वै च॒क्रम् । वज्रो॒ वा ए॒तस्य॑ य॒ज्ञं-विँच्छि॑नत्ति । यस्यानो॑ वा॒ रथो॑ वा-ऽन्त॒रा-ऽग्नी याति॑ । आ॒ह॒व॒नीय॑-मु॒द्वाप्य॑ । गार्ह॑पत्या॒-दुद्ध॑रेत् । यद॑ग्ने॒ पूर्व॒-म्प्रभृ॑त-म्प॒दग्ं हि ते᳚ । सूर्य॑स्य र॒श्मीन-न्वा॑त॒तान॑ । तत्र॑ रयि॒ष्ठामनु॒ सम्भ॑रै॒तम् । स-न्नः॑ सृज सुम॒त्या वाज॑व॒त्येति॑ ॥ 26 ॥

पूर्वे॑णै॒वास्य॑ य॒ज्ञेन॑ य॒ज्ञमनु॒ स-न्त॑नोति ॥ त्वम॑ग्ने स॒प्रथा॑ अ॒सीत्या॑ह । अ॒ग्नि-स्सर्वा॑ दे॒वताः᳚ । दे॒वता॑भिरे॒व य॒ज्ञग्ं स-न्त॑नोति ॥ अ॒ग्नये॑ पथि॒कृते॑ पुरो॒डाश॑म॒ष्टाक॑पाल॒-न्निर्व॑पेत् । अ॒ग्निमे॒व प॑थि॒कृत॒ग्ग्॒ स्वेन॑ भाग॒धेये॒नोप॑ धावति । स ए॒वैनं॑-यँ॒ज्ञिय॒-म्पन्था॒मपि॑-नयति । अ॒न॒ड्वान्-दक्षि॑णा । व॒ही ह्ये॑ष समृ॑द्ध्यै ॥ 27 ॥

(हर॒त्यथा᳚ग्निहो॒त्रं - नि॒म्रोच॑ति - हरे-द्- दे॒वता॑ - गच्छ - त्यु॒द्वाये᳚-न्मन्थे-द्रमस्व-बृ॒ह-द्वि॒राड्-इति॒-नव॑ च) (अ. 4)

(नि वै पूर्व॒-न्त्रीणि॑ नि॒म्रोच॑ति द॒र्भेण॒ यद्धिर॑ण्यमग्निहो॒त्र-म्पुन॒र्वरु॑णो

वारु॒ण-न्नि वा ए॒तस्या॒भ्यु॑देति॑ चतुर्गृही॒तमाज्यं॒ यदाज्यं॒ परा᳚च्यु॒षाः पुन॑र्मि॒त्रो मे॒त्रं-यँस्या॑हव॒नीये-ऽनु॑द्वाते॒ गार्ह॑पत्यो॒ यद्वै म॑न्थे॒दुद्ध॑रेत्)

अनुवाकं 5 - सोमातिरेकप्रायश्चित्तम्

यस्य॑ प्रातस्सव॒ने सोमो॑-ऽति॒रिच्य॑ते । माद्ध्य॑न्दिन॒ग्ं॒ सव॑न-ङ्का॒मय॑मानो॒-ऽभ्यति॑रिच्यते । गौर्ध॑यति म॒रुता॒मिति॒ धय॑द्वतीषु कुर्वन्ति । हि॒नस्ति॒ वै स॒न्ध्यधी॑तम् । स॒न्धीव॒ खलु॒ वा ए॒तत् । य-थ्सव॑न स्याति॒रिच्य॑ते । यद्धय॑द्वतीषु कु॒र्वन्ति॑ । स॒न्धे-श्शान्त्यै᳚ ॥ गा॒य॒त्रग्ं साम॑ भवति पञ्चद॒श-स्स्तोमः॑ । तेनै॒व प्रा॑तस्सव॒नान्नय॑न्ति ॥ 28 ॥

म॒रुत्व॑तीषु कुर्वन्ति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ होतु॑श्च म॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ यस्य॒ माद्ध्य॑न्दिने॒ सव॑ने॒ सोमो॑-ऽति॒रिच्य॑ते । आ॒दि॒त्य-न्तृ॑तीयसव॒न-ङ्का॒मय॑मानो॒-ऽभ्यति॑रिच्यते । गौ॒रि॒वी॒तग्ं साम॑ भवति । अति॑रिक्तं॒-वैँ गौ॑रिवी॒तम् । अति॑रिक्तं॒-यँ-थ्सव॑नस्या-ति॒रिच्य॑ते ॥ 29 ॥

अति॑रिक्तस्य॒ शान्त्यै᳚ ॥ बण्म॒हाग्ं अ॑सि सू॒र्येति॑ कुर्वन्ति । यस्यै॒वादि॒त्यस्य॒ सव॑नस्य॒ कामे॑नाति॒रिच्य॑ते । तेनै॒वैन॒-ङ्कामे॑न॒ सम॑र्धयन्ति ॥ गौ॒रि॒वी॒तग्ं साम॑ भवति । तेनै॒व माद्ध्य॑न्दिना॒-थ्सव॑ना॒न्नय॑न्ति ॥ स॒प्त॒द॒श-स्स्तोमः॑ । तेनै॒व तृ॑तीयसव॒नान्नय॑न्ति ॥ होतु॑श्चम॒समनून्न॑यन्ते । होता-ऽनु॑शग्ं सति ॥ 30 ॥

म॒द्ध्य॒त ए॒व य॒ज्ञग्ं स॒माद॑धाति ॥ यस्य॑ तृतीयसव॒ने सोमो॑-ऽति॒रिच्ये॑त । उ॒क्थ्य॑-ङ्कुर्वीत । यस्यो॒क्थ्ये॑-ऽति॒रिच्ये॑त । अ॒ति॒रा॒त्र-ङ्कु॑र्वीत । यस्या॑-तिरा॒त्रे॑-ऽति॒रिच्य॑ते। तत्त्वै दु॑ष्प्रज्ञा॒नम् । यज॑मानं॒-वाँ ए॒त-त्प॒शव॑ आ॒साह्य॑ यन्ति । बृ॒ह-थ्साम॑ भवति । बृ॒हद्वा इ॒मां-लोँ॒का-न्दा॑धार । बार्ह॑ताः प॒शवः॑ । बृ॒ह॒तैवास्मै॑ प॒शू-न्दा॑धार ॥ शि॒पि॒वि॒ष्टव॑तीषु कुर्वन्ति । शि॒पि॒वि॒ष्टो वै दे॒वाना᳚-म्पु॒ष्टम् । पुष्ट्यै॒वैन॒ग्ं॒ सम॑र्धयन्ति ॥ होतु॑श्चम॒समनून्न॑यन्ते । होता-ऽनु॑शग्ंसति । म॒द्ध्य॒त ए॒व य॒ज्ञग्ं स॒माद॑धाति ॥ 31 ॥

(य॒न्ति॒ - सव॑नस्याति॒रिच्य॑ते - शग्ंसति - दाधारा॒ष्टौ च॑) (अ. 5)

अनुवाकं 6 - सवननिमित्त-म्प्रायश्चित्तम्

एकै॑को॒ वै ज॒नता॑या॒-मिन्द्रः॑ । एकं॒-वाँ ए॒ताविन्द्र॑म॒भि सग्ंसु॑नुतः । यौ द्वौ सग्ं॑सुनु॒तः । प्र॒जाप॑ति॒र्वा ए॒ष विता॑यते । य-द्य॒ज्ञः । तस्य॒ ग्रावा॑णो॒ दन्ताः᳚ । अ॒न्य॒त॒रं-वाँ ए॒ते सग्ं॑सुन्व॒तो-र्निर्ब॑फ्सति । पूर्वे॑णोप॒सृत्या॑ दे॒वता॒ इत्या॑हुः । पू॒र्वो॒प॒सृ॒तस्य॒ वै श्रेया᳚-न्भवति । एति॑व॒न्त्याज्या॑नि भवन्त्य॒-भिजि॑त्यै ॥ 32 ॥

म॒रुत्व॑तीः प्रति॒पदः॑ । म॒रुतो॒ वै दे॒वाना॒-मप॑राजित-मा॒यत॑नम् । दे॒वाना॑-मे॒वाप॑राजित आ॒यत॑ने यतते ॥उ॒भे बृ॑हद्रथन्त॒रे भ॑वतः । इ॒यं-वाँव र॑थन्त॒रम् । अ॒सौ बृ॒हत् । आ॒भ्यामे॒वैन॑-म॒न्तरे॑ति । वा॒चश्च॒ मन॑सश्च । प्रा॒णाच्चा॑-पा॒नाच्च॑ । दि॒वश्च॑ पृथि॒व्याश्च॑ ॥ 33 ॥

सर्व॑स्मा-द्वि॒त्ता-द्वेद्या᳚त् ॥ अ॒भि॒व॒र्तो ब्र॑ह्मसा॒म-म्भ॑वति । सु॒व॒र्गस्य॑ लो॒कस्या॒-भिवृ॑त्त्यै ॥ अ॒भि॒जि-द्भ॑वति । सु॒व॒र्गस्य॑ लो॒कस्या॒-भिजि॑त्यै । वि॒श्व॒जि-द्भ॑वति । विश्व॑स्य॒ जित्यै᳚ ॥ यस्य॒ भूयाग्ं॑सो यज्ञक्र॒तव॒ इत्या॑हुः । स दे॒वता॑ वृङ्क्त॒ इति॑ । यद्य॑ग्निष्टो॒म-स्सोमः॑ प॒रस्ता॒-थ्स्यात् ॥ 34 ॥

उ॒क्थ्य॑-ङ्कुर्वीत । यद्यु॒क्थ्यः॑ स्यात् । अ॒ति॒रा॒त्र-ङ्कु॑र्वीत । य॒ज्ञ॒क्र॒तुभि॑-रे॒वास्य॑ दे॒वता॑ वृङ्क्ते ॥ यो वै छन्दो॑भि-रभि॒भव॑ति । स सग्ं॑ सुन्व॒तो-र॒भिभ॑वति । सं॒वेँ॒शाय॑ त्वोपवे॒शाय॒-त्वेत्या॑ह । छन्दाग्ं॑सि॒ वै सं॑वेँ॒श उ॑पवे॒शः । छन्दो॑भिरे॒वास्य॒ छन्दाग्॑स्य॒-भिभ॑वति ॥ इ॒ष्टर्गो॒ वा ऋ॒त्विजा॑-मद्ध्व॒र्युः ॥ 35 ॥

इ॒ष्टर्गः॒ खलु॒ वै पूर्वो॒-ऽर्ष्टुः, क्षी॑यते । प्राणा॑पानौ मृ॒त्योर्मा॑ पात॒मित्या॑ह । प्रा॒णा॒पा॒नयो॑रे॒व श्र॑यते । प्राणा॑पानौ॒ मा मा॑ हासिष्ट॒मित्या॑ह । नैन॑-म्पु॒रा-ऽऽयु॑षः प्राणापा॒नौ ज॑हितः ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना᳚-म्प्र॒मीय॑ते । तं-यँद॑व॒वर्जे॑युः । क्रू॒र॒कृता॑मिवैषां-लोँ॒क-स्स्या᳚त् । आह॑र द॒हेति॑ ब्रूयात् ॥ 36 ॥

त-न्द॑क्षिण॒तो वेद्यै॑ नि॒धाय॑ । स॒र्प॒रा॒ज्ञिया॑ ऋ॒ग्भि-स्स्तु॑युः । इ॒यं-वैँ सर्प॑तो॒ राज्ञी᳚ । अ॒स्या ए॒वैन॒-म्परि॑ददति ॥ व्यृ॑द्ध॒-न्तदित्या॑हुः । य-थ्स्तु॒त-मन॑नुशस्त॒-मिति॑ । होता᳚ प्रथ॒मः प्रा॑चीनावी॒ती मा᳚र्जा॒लीय॒-म्परी॑यात् । या॒मीर॑नु-ब्रु॒वन्न् । स॒र्प॒रा॒ज्ञीना᳚-ङ्कीर्तयेत् । उ॒भयो॑रे॒वैनं॑-लोँ॒कयोः॒ परि॑ददति ॥ 37 ॥

अथो॑ धु॒वन्त्ये॒वैन᳚म् । अथो॒ न्ये॑वास्मै᳚ ह्नुवते ॥ त्रिः परि॑यन्ति । त्रय॑ इ॒मे लो॒काः । ए॒भ्य ए॒वैनं॑-लोँ॒केभ्यो॑ धुवते । त्रिः पुनः॒ परि॑यन्ति । षट्-थ्सम्प॑द्यन्ते । षड्वा ऋ॒तवः॑ । ऋ॒तुभि॑रे॒वैन॑-न्धुवते ॥ अग्न॒ आयूग्ं॑षि पवस॒ इति॑ प्रति॒पद॑-ङ्कुर्वीरन्न् । र॒थ॒न्त॒रसा॑मैषा॒ग्ं॒ सोमः॑ स्यात् । आयु॑रे॒वात्मन्-द॑धते । अथो॑ पा॒प्मान॑मे॒व वि॒जह॑तो यन्ति ॥ 38 ॥

(अ॒भिजि॑त्यै - पृथि॒व्याश्च॒ - स्या - द॑द्ध्व॒र्यु--र् ब्रु॑याल् - लो॒कयोः॒ परि॑ददति - कुर्वर॒ग्ग्॒ स्त्रीणि॑ च) (अ. 6)

अनुवाकं 7 - यूपविरोहणादिप्रायश्चित्तम्

अ॒सु॒र्यं॑-वाँ ए॒तस्मा॒-द्वर्ण॑-ङ्कृ॒त्वा । प॒शवो॑ वी॒र्य॑-मप॑क्रामन्ति । यस्य॒ यूपो॑ वि॒रोह॑ति । त्वा॒ष्ट्र-म्ब॑हुरू॒प-माल॑भेत । त्वष्टा॒ वै रू॒पाणा॑मीशे । य ए॒व रू॒पाणा॒मीशे᳚ । सो᳚-ऽस्मि-न्प॒शून्. वी॒र्यं॑-यँच्छति । नास्मा᳚त्-प॒शवो॑ वी॒र्य॑-मप॑क्रामन्ति ॥ आर्तिं॒-वाँ ए॒ते निय॑न्ति । येषा᳚-न्दीक्षि॒ताना॑-म॒ग्नि-रु॒द्वाय॑ति ॥ 39 ॥

यदा॑हव॒नीय॑ उ॒द्वाये᳚त् । यत्त-म्मन्थे᳚त् । विच्छि॑न्द्यात् । भ्रातृ॑व्यमस्मै जनयेत् । यदा॑हव॒नीय॑ उ॒द्वाये᳚त् । आग्नी᳚द्ध्रा॒-दुद्ध॑रेत् । यदाग्नी᳚द्ध्र उ॒द्वाये᳚त् । गार्ह॑पत्या॒-दुद्ध॑रेत् । य-द्गार्ह॑पत्य उ॒द्वाये᳚त् । अत॑ ए॒व पुन॑-र्मन्थेत् ॥ 40 ॥

अत्र॒ वाव स निल॑यते । यत्र॒ खलु॒ वै निली॑न-मुत्त॒म-म्पश्य॑न्ति । तदे॑न-मिच्छन्ति ॥ यस्मा॒-द्दारो॑रु॒द्वाये᳚त् । तस्या॒रणी॑ कुर्यात् । क्रु॒मु॒कमपि॑ कुर्यात् । ए॒षा वा अ॒ग्नेः प्रि॒या त॒नूः । यत्-क्रु॑मु॒कः । प्रि॒ययै॒वैन॑-न्त॒नुवा॒ सम॑र्धयति ॥ गार्ह॑पत्य-म्मन्थति ॥ 41 ॥

गार्ह॑पत्यो॒ वा अ॒ग्नेर्योनिः॑ । स्वादे॒वैनं॒-योँने᳚-र्जनयति । नास्मै॒ भ्रातृ॑व्य-ञ्जनयति ॥ यस्य॒ सोम॑ उप॒दस्ये᳚त् । सु॒वर्ण॒ग्ं॒ हिर॑ण्य-न्द्वे॒धा वि॒च्छिद्य॑ । ऋ॒जी॒षे᳚-ऽन्यदा॑धूनु॒यात् । जु॒हु॒याद॒न्यत् । सोम॑मे॒वा-भि॑षु॒णोति॑ । सोम॑-ञ्जुहोति ॥ सोम॑स्य॒ वा अ॑भिषू॒यमा॑णस्य प्रि॒या त॒नू-रुद॑क्रामत् ॥ 42 ॥

त-थ्सु॒वर्ण॒ग्ं॒ हिर॑ण्य-मभवत् । य-थ्सु॒वर्ण॒ग्ं॒ हिर॑ण्य-ङ्कु॒र्वन्ति॑ । प्रि॒ययै॒वैन॑-न्त॒नुवा॒ सम॑र्धयन्ति ॥ यस्याक्री॑त॒ग्ं॒ सोम॑-मप॒हरे॑युः । क्री॒णी॒यादे॒व । सैव ततः॒ प्राय॑श्चित्तिः ॥ यस्य॑ क्री॒तम॑प॒हरे॑युः । आ॒दा॒राग्श्च॑ फाल्गु॒नानि॑ चा॒भिषु॑णुयात् । गा॒य॒त्री यग्ं सोम॒माह॑रत् । तस्य॒ यो-ऽग्ं॑शुः प॒रा-ऽप॑तत् ॥ 43 ॥

त आ॑दा॒रा अ॑भवन्न् । इन्द्रो॑ वृ॒त्रम॑हन्न् । तस्य॑ व॒ल्कः परा॑-ऽपतत् । तानि॑ फाल्गु॒नान्य॑भवन्न् । प॒शवो॒ वै फा᳚ल्गु॒नानि॑ । प॒शव॒-स्सोमो॒ राजा᳚ । यदा॑दा॒राग्श्च॑ फाल्गु॒नानि॑ चाभिषु॒णोति॑ । सोम॑मे॒व राजा॑नम॒भिषु॑णोति ॥ शृ॒तेन॑ प्रातस्सव॒ने श्री॑णीयात् । द॒द्ध्ना म॒द्ध्यन्दि॑ने ॥ 44 ॥

नी॒त॒मि॒श्रेण॑ तृतीयसव॒ने । अ॒गि॒ष्टो॒म-स्सोमः॑ स्या-द्रथन्त॒रसा॑मा । य ए॒वर्त्विजो॑ वृ॒ता-स्स्युः । त ए॑नं-याँजयेयुः । एका॒-ङ्गा-न्दक्षि॑णा-न्दद्या॒त्तेभ्य॑ ए॒व । पुन॒-स्सोम॑-ङ्क्रीणीयात् । य॒ज्ञेनै॒व त-द्य॒ज्ञ-मि॑च्छति । सैव ततः॒ प्राय॑श्चित्तिः ॥ सर्वा᳚भ्यो॒ वा ए॒ष दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-मागु॑रते । य-स्स॒त्राया॑गु॒रते᳚ । ए॒तावा॒न्-खलु॒ वै पुरु॑षः । याव॑दस्य वि॒त्तम् । स॒र्व॒वे॒द॒सेन॑ यजेत । सर्व॑पृष्ठो-ऽस्य॒ सोमः॑ स्यात् । सर्वा᳚भ्य ए॒व दे॒वता᳚भ्य॒-स्सर्वे᳚भ्यः पृ॒ष्ठेभ्य॑ आ॒त्मान॒-न्निष्क्री॑णीते ॥ 45 ॥

(उ॒द्वाय॑ति - मन्थेन् - मन्थ - त्यक्रामत् - प॒रा-ऽप॑तन् - म॒द्ध्यन्दि॑न - आगु॒रते॒ पञ्च॑ च) (अ. 7)

अनुवाकं 8 - पावमानीमन्त्राः (स्मार्ते श्ञानादौ मार्जनार्थाश्च)

पव॑मान॒-स्सुव॒र्जनः॑ । प॒वित्रे॑ण॒ विच॑र्षणिः । यः पोता॒ स पु॑नातु मा ॥ पु॒नन्तु॑ मा देवज॒नाः । पु॒नन्तु॒ मन॑ वो धि॒या । पु॒नन्तु॒ विश्व॑ आ॒यवः॑ ॥ जात॑वेदः प॒वित्र॑वत् । प॒वित्रे॑ण पुनाहि मा । शु॒क्रेण॑ देव॒ दीद्य॑त् । अग्ने॒ क्रत्वा॒ क्रतू॒ग्ं॒ रनु॑ ॥ 46 ॥

यत्ते॑ प॒वित्र॑-म॒र्चिषि॑ । अग्ने॒ वित॑तमन्त॒रा । ब्रह्म॒ तेन॑ पुनीमहे ॥ उ॒भाभ्या᳚-न्देव सवितः ।प॒वित्रे॑ण स॒वेन॑ च । इ॒द-म्ब्रह्म॑ पुनीमहे ॥ वै॒श्व॒दे॒वी पु॑न॒ती दे॒व्यागा᳚त् । यस्यै॑ ब॒ह्वी-स्त॒नुवो॑ वी॒तपृ॑ष्ठाः । तया॒ मद॑न्त-स्सध॒माद्ये॑षु । व॒यग्ग् स्या॑म॒ पत॑यो रयी॒णाम् ॥ 47 ॥

वै॒श्वा॒न॒रो र॒श्मिभि॑र्मा पुनातु । वातः॑ प्रा॒णेने॑षि॒रो म॑यो॒भूः । द्यावा॑पृथि॒वी पय॑सा॒ पयो॑भिः । ऋ॒ताव॑री य॒ज्ञिये॑ मा पुनीताम् ॥ बृ॒हद्भिः॑ सवित॒स्तृभिः॑ । वर्षि॑ष्ठै-र्देव॒ मन्म॑भिः । अग्ने॒ दक्षैः᳚ पुनाहि मा ॥ येन॑ दे॒वा अपु॑नत । येनापो॑ दि॒व्य-ङ्कशः॑ । तेन॑ दि॒व्येन॒ ब्रह्म॑णा ॥ 48 ॥

इ॒द-म्ब्रह्म॑ पुनीमहे ॥ यः पा॑वमा॒नीर॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । सर्व॒ग्ं॒ स पू॒तम॑श्ञाति । स्व॒दि॒त-म्मा॑त॒रिश्व॑ना ॥ पा॒व॒मा॒नीर्यो अ॒द्ध्येति॑ । ऋषि॑भि॒-स्सम्भृ॑त॒ग्ं॒ रस᳚म् । तस्मै॒ सर॑स्वती दुहे । क्षी॒रग्ं स॒र्पि-र्मधू॑द॒कम् ॥ पा॒व॒मा॒नी-स्स्व॒स्त्यय॑नीः ॥ 49 ॥

सु॒दुघा॒ हि पय॑स्वतीः । ऋषि॑भि॒-स्सम्भृ॑तो॒ रसः॑ । ब्रा॒ह्म॒णेष्व॒मृतग्ं॑ हि॒तम् ॥ पा॒व॒मा॒नी-र्दि॑शन्तु नः । इ॒मं-लोँ॒कमथो॑ अ॒मुम् । कामा॒न्-थ्सम॑र्धयन्तु नः । दे॒वी-र्दे॒वै-स्स॒माभृ॑ताः ॥ पा॒व॒मा॒नी-स्स्व॒स्त्यय॑नीः । सु॒दुघा॒हि घृ॑त॒श्चुतः॑ । ऋषि॑भि॒-स्सम्भृ॑तो॒ रसः॑ ॥ 50 ॥

ब्रा॒ह्म॒णेष्व॒मृतग्ं॑ हि॒तम् ॥ येन॑ दे॒वाः प॒वित्रे॑ण । आ॒त्मान॑-म्पु॒नते॒ सदा᳚ । तेन॑ स॒हस्र॑धारेण । पा॒व॒मा॒न्यः पु॑नन्तु मा ॥ प्रा॒जा॒प॒त्य-म्प॒वित्र᳚म् । श॒तोद्या॑मग्ं हिर॒ण्मय᳚म् । तेन॑ ब्रह्म॒ विदो॑ व॒यम् । पू॒त-म्ब्रह्म॑ पुनीमहे ॥ इन्द्रः॑ सुनी॒ती स॒ह मा॑ पुनातु । सोमः॑ स्व॒स्त्या वरु॑ण-स्स॒मीच्या᳚ । य॒मो राजा᳚ प्रमृ॒णाभिः॑ पुनातु मा । जा॒तवे॑दा मो॒र्जय॑न्त्या पुनातु ॥ 51 ॥

(अनु॑ - रयी॒णां - ब्रह्म॑णा - स्व॒स्त्यय॑नीः - सु॒दुघा॒ हि घृ॑त॒श्चुत॒ ऋषि॑भि॒-स्सम्भृ॑तो॒ रसः॑ - पुनातु॒ त्रीणि॑ च ) (अ. 8)

अनुवाकं 9 - राजसूयगतचातुर्मास्यशेषः

प्र॒जा वै स॒त्रमा॑सत॒ तप॒स्तप्य॑माना॒ अजु॑ह्वतीः । दे॒वा अ॑पश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेना᳚र्धमा॒स ऊर्ज॒मवा॑रुन्धत । तस्मा॑दर्धमा॒से दे॒वा इ॑ज्यन्ते ॥ पि॒तरो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त- म॑जुहवुः । तेन॑ मा॒स्यूर्ज॒मवा॑रुन्धत । तस्मा᳚-न्मा॒सि पि॒तृभ्यः॑ क्रियते । म॒नु॒ष्या॑ अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 52 ॥

तमुपोद॑तिष्ठ॒न्त-म॑जुहवुः । तेन॑-द्व॒यीमूर्ज॒मवा॑रुन्धत । तस्मा॒-द्द्विरह्नो॑-मनु॒ष्ये᳚भ्य॒ उप॑ह्रियते । प्रा॒तश्च॑ सा॒य-ञ्च॑ । प॒शवो॑-ऽपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् । तमुपोद॑तिष्ठ॒न्त-म॑जुहवुः । तेन॑-त्र॒यीमूर्ज॒मवा॑-रुन्धत । तस्मा॒-त्त्रिरह्नः॑ प॒शवः॒ प्रेर॑ते । प्रा॒तस्स॑गं॒वे सा॒यम् । असु॑रा अपश्य-ञ्चम॒स-ङ्घृ॒तस्य॑ पू॒र्णग्ग् स्व॒धाम् ॥ 53 ॥

तमुपोद॑तिष्ठ॒न्त-म॑जुहवुः । तेन॑ संवँथ्स॒र ऊर्ज॒मवा॑-रुन्धत ॥ ते दे॒वा अ॑मन्यन्त । अ॒मी वा इ॒दम॑भूवन्न् । यद्व॒यग्ग्स्म इति॑ । त ए॒तानि॑ चातुर्मा॒स्यान्य॑पश्यन्न् । तानि॒ निर॑वपन्न् । तैरे॒वैषा॒-न्तामूर्ज॑मवृञ्जत । ततो॑ दे॒वा अभ॑वन्न् । परा-ऽसु॑राः ॥ 54 ॥

य-द्यज॑ते । यामे॒व दे॒वा ऊर्ज॑म॒वारु॑न्धत । ता-न्तेना-व॑रुन्धे । य-त्पि॒तृभ्यः॑ क॒रोति॑ । यामे॒व पि॒तर॒ ऊर्ज॑म॒वा-रु॑न्धत । ता-न्तेना-व॑रुन्धे । यदा॑वस॒थे-ऽन्न॒ग्ं॒ हर॑न्ति । यामे॒व म॑नु॒ष्या॑ ऊर्ज॑म॒वा-रु॑न्धत । ता-न्तेना-व॑रुन्धे । य-द्दक्षि॑णा॒-न्ददा॑ति ॥ 55 ॥

यामे॒व प॒शव॒ ऊर्ज॑म॒वा-रु॑न्धत । ता-न्तेना-व॑रुन्धे । यच्चा॑तु-र्मा॒स्यै-र्यज॑ते । यामे॒वासु॑रा॒ ऊर्ज॑म॒-वारु॑न्धत । ता-न्तेना-व॑रुन्धे । भव॑त्या॒त्मना᳚ । परा᳚-ऽस्य॒ भ्रातृ॑व्यो भवति ॥ वि॒राजो॒ वा ए॒षा विक्रा᳚न्तिः । यच्चा॑तु-र्मा॒स्यानि॑ । वै॒श्व॒दे॒वेना॒स्मिँल्लो॒के प्रत्य॑तिष्ठत् । व॒रु॒ण॒ प्र॒घा॒सै-र॒न्तरि॑क्षे । सा॒क॒मे॒धै-र॒मुष्मि॑ँल्लो॒के । ए॒ष ह॒ त्वावैत-थ्सर्व॑-म्भवति । य ए॒वं-विँ॒द्वाग्श्चा॑तुर्मा॒स्यै-र्यज॑ते ॥ 56 ॥

(म॒नु॒ष्या॑ अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा अपश्यञ्चम॒स-ङ्घृ॒तस्य॑ पू॒र्णग्ग् स्व॒धा-मसु॑रा॒-ददा᳚-त्यतिष्ठ च्च॒त्वारि॑ च) (अ. 9)

अनुवाकं 10 - चातुर्मास्यप्रशंसनम्

अ॒ग्निर्वाव सं॑वँथ्स॒रः । आ॒दि॒त्यः प॑रिवथ्स॒रः । च॒न्द्रमा॑ इदावथ्स॒रः । वा॒यु-र॑नुवथ्स॒रः ॥ य-द्वै᳚श्वदे॒वेन॒ यज॑ते । अ॒ग्निमे॒व त-थ्सं॑वँथ्स॒र-मा᳚प्नोति । तस्मा᳚-द्वैश्वदे॒वेन॒ यज॑मानः । सं॒वँ॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-द्व॑रुण प्रघा॒सै-र्यज॑ते । आ॒दि॒त्यमे॒व त-त्प॑रिवथ्स॒र-मा᳚प्नोति ॥ 57 ॥

तस्मा᳚-द्वरुण-प्रघा॒सै-र्यज॑मानः । प॒रि॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत । य-थ्सा॑कमे॒धै-र्यज॑ते । च॒न्द्रम॑समे॒व तदि॑दावथ्स॒र-मा᳚प्नोति । तस्मा᳚-थ्साकमे॒धै-र्यज॑मानः । इ॒दा॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ य-त्पि॑तृ य॒ज्ञेन॒ यज॑ते । दे॒वाने॒व तद॒न्वव॑स्यति ॥ अथ॒ वा अ॑स्य वा॒युश्चा॑-नुवथ्स॒रश्चा प्री॑ता॒वुच्छि॑ष्येते । यच्छु॑नासी॒रीये॑ण॒ यज॑ते ॥ 58 ॥

वा॒युमे॒व तद॑नुवथ्स॒र-मा᳚प्नोति । तस्मा᳚-च्छुनासी॒रीये॑ण॒ यज॑मानः । अ॒नु॒व॒थ्स॒रीणाग्॑ स्व॒स्ति-माशा᳚स्त॒ इत्याशा॑सीत ॥ सं॒वँ॒थ्स॒रं-वाँ ए॒ष ई᳚फ्स॒तीत्या॑हुः । यश्चा॑तु-र्मा॒स्यै-र्यज॑त॒ इति॑ । ए॒ष ह॒ त्वै स॑वन्थ्स॒र-मा᳚प्नोति । य ए॒वं-विँ॒द्वाग् श्चा॑तुर्मा॒स्यै-र्यज॑ते ॥ विश्वे॑ दे॒वा-स्सम॑यजन्त । ते᳚-ऽग्निमे॒वाय॑जन्त । त ए॒तं-लोँ॒कम॑जयन्न् ॥ 59 ॥

यस्मि॑न्न॒ग्निः । य-द्वै᳚श्वदे॒वेन॒ यज॑ते । ए॒तमे॒व लो॒क-ञ्ज॑यति । यस्मि॑न्न॒ग्निः । अ॒ग्नेरे॒व सायु॑ज्य॒मुपै॑ति ॥ य॒दा वै᳚श्वदे॒वेन॒ यज॑ते । अथ॑ संवँथ्स॒रस्य॑ गृ॒हप॑ति-माप्नोति । य॒दा सं॑वँथ्स॒रस्य॑ गृ॒हप॑ति-मा॒प्नोति॑ । अथ॑ सहस्रया॒जिन॑-माप्नोति । य॒दा स॑हस्रया॒जिन॑-मा॒प्नोति॑ ॥ 60 ॥

अथ॑ गृहमे॒धिन॑-माप्नोति । य॒दा गृ॑हमे॒धिन॑-मा॒प्नोति॑ । अथा॒ग्नि-र्भ॑वति । य॒दा-ऽग्नि-र्भव॑ति । अथ॒ गौर्भ॑वति । ए॒षा वै वै᳚श्वदे॒वस्य॒ मात्रा᳚ । ए॒त-द्वा ए॒तेषा॑मव॒मम् । अतो॑-ऽतो॒ वा उत्त॑राणि॒ श्रेयाग्ं॑सि भवन्ति । य-द्विश्वे॑ दे॒वा-स्स॒मय॑जन्त । त-द्वै᳚श्वदे॒वस्य॑ वैश्वदेव॒त्वम् ॥ 61 ॥

अथा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैर॑यजत । स ए॒तं-लोँ॒कम॑जयत् । यस्मि॑न्नादि॒त्यः । य-द्व॑रुण-प्रघा॒सै-र्यज॑ते । ए॒तमे॒व लो॒क-ञ्ज॑यति । यस्मि॑न्नादि॒त्यः । आ॒दि॒त्यस्यै॒व-सायु॑ज्य॒-मुपै॑ति । यदा॑दि॒त्यो वरु॑ण॒ग्ं॒ राजा॑नं-वँरुण प्रघा॒सैरय॑जत । त-द्व॑रुण प्रघा॒सानां᳚-वँरुण प्रघास॒त्वम् ॥ अथ॒ सोमो॒ राजा॒ छन्दाग्ं॑सि साकमे॒धैर॑यजत ॥ 62 ॥

स ए॒तं-लोँ॒कम॑जयत् । यस्मिग्ग्॑ श्च॒न्द्रमा॑ वि॒भाति॑ । य-थ्सा॑कमे॒धै-र्यज॑ते । ए॒तमे॒व लो॒क-ञ्ज॑यति । यस्मिग्ग्॑ श्च॒न्द्रमा॑ वि॒भाति॑ । च॒न्द्रम॑स ए॒व सायु॑ज्य॒-मुपै॑ति । सोमो॒ वै च॒न्द्रमाः᳚ । ए॒ष ह॒ त्वै सा॒क्षा-थ्सोम॑-म्भक्षयति । य ए॒वं-विँ॒द्वान्-थ्सा॑कमे॒धै-र्यज॑ते । य-थ्सोम॑श्च॒ राजा॒ छन्दाग्ं॑सि च स॒मैध॑न्त ॥ 63 ॥

त-थ्सा॑कमे॒धानाग्ं॑ साकमेध॒त्वम् ॥ अथ॒र्तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञे-ना॑यजन्त । त ए॒तं-लोँ॒कम॑जयन्न् । यस्मि॑न्नृ॒तवः॑ । य-त्पि॑तृय॒ज्ञेन॒ यज॑ते । ए॒तमे॒व लो॒क-ञ्ज॑यति । यस्मि॑न्नृ॒तवः॑ । ऋ॒तू॒नामे॒व सायु॑ज्य॒-मुपै॑ति । यद्-ऋ॒तवः॑ पि॒तरः॑ प्र॒जाप॑ति-म्पि॒तर॑-म्पितृय॒ज्ञेनाय॑जन्त । त-त्पि॑तृय॒ज्ञस्य॑ पितृयज्ञ॒त्वम् ॥ 64 ॥

अथौष॑धय इ॒म-न्दे॒व-न्त्र्य॑म्बकै-रयजन्त॒ प्रथे॑म॒हीति॑ । ततो॒ वै ता अ॑प्रथन्त । य ए॒वं-विँ॒द्वाग् स्त्र्य॑म्बकै॒-र्यज॑ते । प्रथ॑ते प्र॒जया॑ प॒शुभिः॑ ॥ अथ॑ वा॒युः प॑रमे॒ष्ठिनग्ं॑ शुनासी॒रीये॑णायजत । स ए॒तं-लोँ॒कम॑जयत् । यस्मि॑न्-वा॒युः । यच्छु॑नासी॒रीये॑ण॒ यज॑ते । ए॒तमे॒व लो॒क-ञ्ज॑यति । यस्मि॑न्-वा॒युः ॥ 65 ॥

वा॒योरे॒व सायु॑ज्य॒-मुपै॑ति ॥ ब्र॒ह्म॒वा॒दिनो॑ वदन्ति । प्र चा॑तुर्मास्यया॒जी-मी॑य॒ता(3) न प्रमी॑य॒ता(3) इति॑ । जीव॒न्वा ए॒ष ऋ॒तूनप्ये॑ति । यदि॑ व॒सन्ता᳚ प्र॒मीय॑ते । व॒स॒न्तो भ॑वति । यदि॑ ग्री॒ष्मे ग्री॒ष्मः । यदि॑ व॒र्॒षासु॑ व॒र्॒षाः । यदि॑ श॒रदि॑ श॒रत् । यदि॒ हेम॑न्. हेम॒न्तः । ऋ॒तुर्भू॒त्वा सं॑वँथ्स॒रमप्ये॑ति । सं॒वँ॒थ्स॒रः प्र॒जाप॑तिः । प्र॒जाप॑ति॒र्वा वैषः ॥ 66 ॥

(प॒रि॒व॒थ्स॒रमा᳚प्नोति - शुनासी॒रीये॑ण॒ यज॑ते - ऽजयन्थ् - सहस्रया॒जिन॑मा॒प्नोति॑ - वैश्वदेव॒त्वग्ं - सा॑कमे॒धैर॑यजत - स॒मैध॑न्त - पितृयज्ञ॒त्वं - ज॑यति॒ यस्मि॑न् वा॒यु--र् हे॑म॒न्त स्त्रीणी॑ च) (अ. 10)

(उ॒भये॑ - यु॒वग्ं सु॒राम॒ - मुद॑स्था॒न् - नि वै - यस्य॑ प्रातस्सव॒न - एकै॑को - ऽसु॒र्यम् - पव॑मानः - प्र॒जा वै स॒त्रमा॑स - ता॒ग्निर्वाव सं॑वँथ्स॒रो दश॑ )

(उ॒भये॒ वा - उद॑स्था॒थ् - सर्वा॑भि--र् मद्ध्य॒तो - ऽत्र॒ वाव - ब्रा᳚ह्म॒णेष्व - थ॑ गृहमे॒धिन॒ग्ं॒ षट्-थ्ष॑ष्टिः)

(उ॒भये॒ - वावैषः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके चतुर्थः प्रपाठक-स्समाप्तः ॥

1 कृष्ण यजुर्वेदीय तैत्तिरीय ब्राह्मणे प्रथमाष्टकं