ශ්රීදේව්යුවාච .
දේවදේව මහාබාහෝ භක්තානාං සුඛවර්ධන .
කේන සිද්ධිං දදාත්යාශු කාලී ත්රෛලෝක්යමෝහන .. 1..
තන්මේ වද දයා(අ)(අ)ධාර සාධකාභීෂ්ටසිද්ධයේ .
කෘපාං කුරු ජගන්නාථ වද වේදවිදාං වර .. 2..
ශ්රීභෛරව උවාච .
ගෝපනීයං ප්රයත්නේන තත්ත්වාත් තත්ත්වං පරාත්පරම් .
ඒෂ සිද්ධිකරඃ සම්යක් කිමථෝ කථයාම්යහම් .. 3..
මහාකාලමහං වන්දේ සර්වසිද්ධිප්රදායකම් .
දේවදානවගන්ධර්වකින්නරපරිසේවිතම් .. 4..
කවචං තත්ත්වදේවස්ය පඨනාද් ඝෝරදර්ශනේ .
සත්යං භවති සාන්නිධ්යං කවචස්තවනාන්තරාත් .. 5..
සිද්ධිං දදාති සා තුෂ්ටා කෘත්වා කවචමුත්තමම් .
සාම්රාජ්යත්වං ප්රියං දත්වා පුත්රවත් පරිපාලයේත් .. 6..
කවචස්ය ඍෂිර්දේවී කාලිකා දක්ෂිණා තථා
විරාට්ඡන්දඃ සුවිජ්ඤේයං මහාකාලස්තු දේවතා .
කාලිකා සාධනේ චෛව විනියෝගඃ ප්රකීර්ත්තිතඃ .. 7..
ඕං ශ්මශානස්ථෝ මහාරුද්රෝ මහාකාලෝ දිගම්බරඃ .
කපාලකර්තෘකා වාමේ ශූලං ඛට්වාඞ්ගං දක්ෂිණේ .. 8..
භුජඞ්ගභූෂිතේ දේවි භස්මාස්ථිමණිමණ්ඩිතඃ .
ජ්වලත්පාවකමධ්යස්ථෝ භස්මශය්යාව්යවස්ථිතඃ .. 9..
විපරීතරතාං තත්ර කාලිකාං හෘදයෝපරි .
පේයං ඛාද්යං ච චෝෂ්යං ච තෞ කෘත්වා තු පරස්පරම් .
ඒවං භක්ත්යා යජේද් දේවං සර්වසිද්ධිඃ ප්රජායතේ .. 10..
ප්රණවං පූර්වමුච්චාර්ය මහාකාලාය තත්පදම් .
නමඃ පාතු මහාමන්ත්රඃ සර්වශාස්ත්රාර්ථපාරගඃ .. 11..
අෂ්ටක්ෂරෝ මහා මන්ත්රඃ සර්වාශාපරිපූරකඃ .
සර්වපාපක්ෂයං යාති ග්රහණේ භක්තවත්සලේ .. 12..
කූර්චද්වන්ද්වං මහාකාල ප්රසීදේති පදද්වයම් .
ලජ්ජායුග්මං වහ්නිජායා ස තු රාජේශ්වරෝ මහාන් .. 13..
මන්ත්රග්රහණමාත්රේණ භවේත සත්යං මහාකවිඃ .
ගද්යපද්යමයී වාණී ගඞ්ගානිර්ඣරිතා තථා .. 14..
තස්ය නාම තු දේවේශි දේවා ගායන්ති භාවුකාඃ .
ශක්තිබීජද්වයං දත්වා කූර්චං ස්යාත් තදනන්තරම් .. 15..
මහාකාලපදං දත්වා මායාබීජයුගං තථා .
කූර්චමේකං සමුද්ධෘත්ය මහාමන්ත්රෝ දශාක්ෂරඃ .. 16..
රාජස්ථානේ දුර්ගමේ ච පාතු මාං සර්වතෝ මුදා .
වේදාදිබීජමාදාය භගමාන් තදනන්තරම් .. 17..
මහාකාලාය සම්ප්රෝච්ය කූර්චං දත්වා ච ඨද්වයම් .
හ්රීඞ්කාරපූර්වමුද්ධෘත්ය වේදාදිස්තදනන්තරම් .. 18..
මහාකාලස්යාන්තභාගේ ස්වාහාන්තමනුමුත්තමම් .
ධනං පුත්රං සදා පාතු බන්ධුදාරානිකේතනම් .. 19..
පිඞ්ගලාක්ෂෝ මඤ්ජුයුද්ධේ යුද්ධේ නිත්යං ජයප්රදඃ .
සම්භාව්යඃ සර්වදුෂ්ටඝ්නඃ පාතු ස්වස්ථානවල්ලභඃ .. 20..
ඉති තේ කථිතං තුභ්යං දේවානාමපි දුර්ලභම් .
අනේන පඨනාද් දේවි විඝ්නනාශෝ යථා භවේත් .. 21..
සම්පූජකඃ ශුචිස්නාතඃ භක්තියුක්තඃ සමාහිතඃ .
සර්වව්යාධිවිනිර්මුක්තඃ වෛරිමධ්යේ විශේෂතඃ .. 22..
මහාභීමඃ සදා පාතු සර්වස්ථාන වල්ලභම් . ?
කාලීපාර්ශ්වස්ථිතෝ දේවඃ සර්වදා පාතු මේ මුඛේ .. 23..
.. ඵල ශ්රුති..
පඨනාත් කාලිකාදේවී පඨේත් කවචමුත්තමම් .
ශ්රුණුයාද් වා ප්රයත්නේන සදා(අ)(අ)නන්දමයෝ භවේත් .. 1..
ශ්රද්ධයා(අ)ශ්රද්ධයා වාපි පඨනාත් කවචස්ය යත් .
සර්වසිද්ධිමවාප්නෝති යද්යන්මනසි වර්තතේ .. 2..
බිල්වමූලේ පඨේද් යස්තු පඨනාද් කවචස්ය යත් .
ත්රිසන්ධ්යං පඨනාද් දේවි භවේන්නිත්යං මහාකවිඃ .. 3..
කුමාරීං පූජයිත්වා තු යඃ පඨේද් භාවතත්පරඃ .
න කිඤ්චිද් දුර්ලභං තස්ය දිවි වා භුවි මෝදතේ .. 4..
දුර්භික්ෂේ රාජපීඩායාං ග්රාමේ වා වෛරිමධ්යකේ .
යත්ර යත්ර භයං ප්රාප්තඃ සර්වත්ර ප්රපඨේන්නරඃ .. 5..
තත්ර තත්රාභයං තස්ය භවත්යේව න සංශයඃ .
වාමපාර්ශ්වේ සමානීය ශෝභිතාං වරකාමිනීම් .. 6..
ශ්රද්ධයා(අ)ශ්රද්ධයා වාපි පඨනාත් කවචස්ය තු .
ප්රයත්නතඃ පඨේද් යස්තු තස්ය සිද්ධිඃ කරේ ස්ථිතා .. 7..
ඉදං කවචමජ්ඤාත්වා කාලං යෝ භජතේ නරඃ .
නෛව සිද්ධිර්භවේත් තස්ය විඝ්නස්තස්ය පදේ පදේ .
ආදෞ වර්ම පඨිත්වා තු තස්ය සිද්ධිර්භවිෂ්යති .. 8..
.. ඉති රුද්රයාමලේ මහාතන්ත්රේ මහාකාලභෛරවකවචං සම්පූර්ණම්..
Roman (IAST) Transliteration
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
Sanskrit — Devanagari (original)
श्रीदेव्युवाच ।
देवदेव महाबाहो भक्तानां सुखवर्धन ।
केन सिद्धिं ददात्याशु काली त्रैलोक्यमोहन ॥ 1॥
तन्मे वद दयाऽऽधार साधकाभीष्टसिद्धये ।
कृपां कुरु जगन्नाथ वद वेदविदां वर ॥ 2॥
श्रीभैरव उवाच ।
गोपनीयं प्रयत्नेन तत्त्वात् तत्त्वं परात्परम् ।
एष सिद्धिकरः सम्यक् किमथो कथयाम्यहम् ॥ 3॥
महाकालमहं वन्दे सर्वसिद्धिप्रदायकम् ।
देवदानवगन्धर्वकिन्नरपरिसेवितम् ॥ 4॥
कवचं तत्त्वदेवस्य पठनाद् घोरदर्शने ।
सत्यं भवति सान्निध्यं कवचस्तवनान्तरात् ॥ 5॥
सिद्धिं ददाति सा तुष्टा कृत्वा कवचमुत्तमम् ।
साम्राज्यत्वं प्रियं दत्वा पुत्रवत् परिपालयेत् ॥ 6॥
कवचस्य ऋषिर्देवी कालिका दक्षिणा तथा
विराट्छन्दः सुविज्ञेयं महाकालस्तु देवता ।
कालिका साधने चैव विनियोगः प्रकीर्त्तितः ॥ 7॥
ॐ श्मशानस्थो महारुद्रो महाकालो दिगम्बरः ।
कपालकर्तृका वामे शूलं खट्वाङ्गं दक्षिणे ॥ 8॥
भुजङ्गभूषिते देवि भस्मास्थिमणिमण्डितः ।
ज्वलत्पावकमध्यस्थो भस्मशय्याव्यवस्थितः ॥ 9॥
विपरीतरतां तत्र कालिकां हृदयोपरि ।
पेयं खाद्यं च चोष्यं च तौ कृत्वा तु परस्परम् ।
एवं भक्त्या यजेद् देवं सर्वसिद्धिः प्रजायते ॥ 10॥
प्रणवं पूर्वमुच्चार्य महाकालाय तत्पदम् ।
नमः पातु महामन्त्रः सर्वशास्त्रार्थपारगः ॥ 11॥
अष्टक्षरो महा मन्त्रः सर्वाशापरिपूरकः ।
सर्वपापक्षयं याति ग्रहणे भक्तवत्सले ॥ 12॥
कूर्चद्वन्द्वं महाकाल प्रसीदेति पदद्वयम् ।
लज्जायुग्मं वह्निजाया स तु राजेश्वरो महान् ॥ 13॥
मन्त्रग्रहणमात्रेण भवेत सत्यं महाकविः ।
गद्यपद्यमयी वाणी गङ्गानिर्झरिता तथा ॥ 14॥
तस्य नाम तु देवेशि देवा गायन्ति भावुकाः ।
शक्तिबीजद्वयं दत्वा कूर्चं स्यात् तदनन्तरम् ॥ 15॥
महाकालपदं दत्वा मायाबीजयुगं तथा ।
कूर्चमेकं समुद्धृत्य महामन्त्रो दशाक्षरः ॥ 16॥
राजस्थाने दुर्गमे च पातु मां सर्वतो मुदा ।
वेदादिबीजमादाय भगमान् तदनन्तरम् ॥ 17॥
महाकालाय सम्प्रोच्य कूर्चं दत्वा च ठद्वयम् ।
ह्रीङ्कारपूर्वमुद्धृत्य वेदादिस्तदनन्तरम् ॥ 18॥
महाकालस्यान्तभागे स्वाहान्तमनुमुत्तमम् ।
धनं पुत्रं सदा पातु बन्धुदारानिकेतनम् ॥ 19॥
पिङ्गलाक्षो मञ्जुयुद्धे युद्धे नित्यं जयप्रदः ।
सम्भाव्यः सर्वदुष्टघ्नः पातु स्वस्थानवल्लभः ॥ 20॥
इति ते कथितं तुभ्यं देवानामपि दुर्लभम् ।
अनेन पठनाद् देवि विघ्ननाशो यथा भवेत् ॥ 21॥
सम्पूजकः शुचिस्नातः भक्तियुक्तः समाहितः ।
सर्वव्याधिविनिर्मुक्तः वैरिमध्ये विशेषतः ॥ 22॥
महाभीमः सदा पातु सर्वस्थान वल्लभम् । ?
कालीपार्श्वस्थितो देवः सर्वदा पातु मे मुखे ॥ 23॥
॥ फल श्रुति॥
पठनात् कालिकादेवी पठेत् कवचमुत्तमम् ।
श्रुणुयाद् वा प्रयत्नेन सदाऽऽनन्दमयो भवेत् ॥ 1॥
श्रद्धयाऽश्रद्धया वापि पठनात् कवचस्य यत् ।
सर्वसिद्धिमवाप्नोति यद्यन्मनसि वर्तते ॥ 2॥
बिल्वमूले पठेद् यस्तु पठनाद् कवचस्य यत् ।
त्रिसन्ध्यं पठनाद् देवि भवेन्नित्यं महाकविः ॥ 3॥
कुमारीं पूजयित्वा तु यः पठेद् भावतत्परः ।
न किञ्चिद् दुर्लभं तस्य दिवि वा भुवि मोदते ॥ 4॥
दुर्भिक्षे राजपीडायां ग्रामे वा वैरिमध्यके ।
यत्र यत्र भयं प्राप्तः सर्वत्र प्रपठेन्नरः ॥ 5॥
तत्र तत्राभयं तस्य भवत्येव न संशयः ।
वामपार्श्वे समानीय शोभितां वरकामिनीम् ॥ 6॥
श्रद्धयाऽश्रद्धया वापि पठनात् कवचस्य तु ।
प्रयत्नतः पठेद् यस्तु तस्य सिद्धिः करे स्थिता ॥ 7॥
इदं कवचमज्ञात्वा कालं यो भजते नरः ।
नैव सिद्धिर्भवेत् तस्य विघ्नस्तस्य पदे पदे ।
आदौ वर्म पठित्वा तु तस्य सिद्धिर्भविष्यति ॥ 8॥
॥ इति रुद्रयामले महातन्त्रे महाकालभैरवकवचं सम्पूर्णम्॥
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.