ಶ್ರೀದೇವ್ಯುವಾಚ ।
ದೇವದೇವ ಮಹಾಬಾಹೋ ಭಕ್ತಾನಾಂ ಸುಖವರ್ಧನ ।
ಕೇನ ಸಿದ್ಧಿಂ ದದಾತ್ಯಾಶು ಕಾಲೀ ತ್ರೈಲೋಕ್ಯಮೋಹನ ॥ 1॥
ತನ್ಮೇ ವದ ದಯಾಽಽಧಾರ ಸಾಧಕಾಭೀಷ್ಟಸಿದ್ಧಯೇ ।
ಕೃಪಾಂ ಕುರು ಜಗನ್ನಾಥ ವದ ವೇದವಿದಾಂ ವರ ॥ 2॥
ಶ್ರೀಭೈರವ ಉವಾಚ ।
ಗೋಪನೀಯಂ ಪ್ರಯತ್ನೇನ ತತ್ತ್ವಾತ್ ತತ್ತ್ವಂ ಪರಾತ್ಪರಮ್ ।
ಏಷ ಸಿದ್ಧಿಕರಃ ಸಮ್ಯಕ್ ಕಿಮಥೋ ಕಥಯಾಮ್ಯಹಮ್ ॥ 3॥
ಮಹಾಕಾಲಮಹಂ ವನ್ದೇ ಸರ್ವಸಿದ್ಧಿಪ್ರದಾಯಕಮ್ ।
ದೇವದಾನವಗನ್ಧರ್ವಕಿನ್ನರಪರಿಸೇವಿತಮ್ ॥ 4॥
ಕವಚಂ ತತ್ತ್ವದೇವಸ್ಯ ಪಠನಾದ್ ಘೋರದರ್ಶನೇ ।
ಸತ್ಯಂ ಭವತಿ ಸಾನ್ನಿಧ್ಯಂ ಕವಚಸ್ತವನಾನ್ತರಾತ್ ॥ 5॥
ಸಿದ್ಧಿಂ ದದಾತಿ ಸಾ ತುಷ್ಟಾ ಕೃತ್ವಾ ಕವಚಮುತ್ತಮಮ್ ।
ಸಾಮ್ರಾಜ್ಯತ್ವಂ ಪ್ರಿಯಂ ದತ್ವಾ ಪುತ್ರವತ್ ಪರಿಪಾಲಯೇತ್ ॥ 6॥
ಕವಚಸ್ಯ ಋಷಿರ್ದೇವೀ ಕಾಲಿಕಾ ದಕ್ಷಿಣಾ ತಥಾ
ವಿರಾಟ್ಛನ್ದಃ ಸುವಿಜ್ಞೇಯಂ ಮಹಾಕಾಲಸ್ತು ದೇವತಾ ।
ಕಾಲಿಕಾ ಸಾಧನೇ ಚೈವ ವಿನಿಯೋಗಃ ಪ್ರಕೀರ್ತ್ತಿತಃ ॥ 7॥
ಓಂ ಶ್ಮಶಾನಸ್ಥೋ ಮಹಾರುದ್ರೋ ಮಹಾಕಾಲೋ ದಿಗಮ್ಬರಃ ।
ಕಪಾಲಕರ್ತೃಕಾ ವಾಮೇ ಶೂಲಂ ಖಟ್ವಾಙ್ಗಂ ದಕ್ಷಿಣೇ ॥ 8॥
ಭುಜಙ್ಗಭೂಷಿತೇ ದೇವಿ ಭಸ್ಮಾಸ್ಥಿಮಣಿಮಣ್ಡಿತಃ ।
ಜ್ವಲತ್ಪಾವಕಮಧ್ಯಸ್ಥೋ ಭಸ್ಮಶಯ್ಯಾವ್ಯವಸ್ಥಿತಃ ॥ 9॥
ವಿಪರೀತರತಾಂ ತತ್ರ ಕಾಲಿಕಾಂ ಹೃದಯೋಪರಿ ।
ಪೇಯಂ ಖಾದ್ಯಂ ಚ ಚೋಷ್ಯಂ ಚ ತೌ ಕೃತ್ವಾ ತು ಪರಸ್ಪರಮ್ ।
ಏವಂ ಭಕ್ತ್ಯಾ ಯಜೇದ್ ದೇವಂ ಸರ್ವಸಿದ್ಧಿಃ ಪ್ರಜಾಯತೇ ॥ 10॥
ಪ್ರಣವಂ ಪೂರ್ವಮುಚ್ಚಾರ್ಯ ಮಹಾಕಾಲಾಯ ತತ್ಪದಮ್ ।
ನಮಃ ಪಾತು ಮಹಾಮನ್ತ್ರಃ ಸರ್ವಶಾಸ್ತ್ರಾರ್ಥಪಾರಗಃ ॥ 11॥
ಅಷ್ಟಕ್ಷರೋ ಮಹಾ ಮನ್ತ್ರಃ ಸರ್ವಾಶಾಪರಿಪೂರಕಃ ।
ಸರ್ವಪಾಪಕ್ಷಯಂ ಯಾತಿ ಗ್ರಹಣೇ ಭಕ್ತವತ್ಸಲೇ ॥ 12॥
ಕೂರ್ಚದ್ವನ್ದ್ವಂ ಮಹಾಕಾಲ ಪ್ರಸೀದೇತಿ ಪದದ್ವಯಮ್ ।
ಲಜ್ಜಾಯುಗ್ಮಂ ವಹ್ನಿಜಾಯಾ ಸ ತು ರಾಜೇಶ್ವರೋ ಮಹಾನ್ ॥ 13॥
ಮನ್ತ್ರಗ್ರಹಣಮಾತ್ರೇಣ ಭವೇತ ಸತ್ಯಂ ಮಹಾಕವಿಃ ।
ಗದ್ಯಪದ್ಯಮಯೀ ವಾಣೀ ಗಙ್ಗಾನಿರ್ಝರಿತಾ ತಥಾ ॥ 14॥
ತಸ್ಯ ನಾಮ ತು ದೇವೇಶಿ ದೇವಾ ಗಾಯನ್ತಿ ಭಾವುಕಾಃ ।
ಶಕ್ತಿಬೀಜದ್ವಯಂ ದತ್ವಾ ಕೂರ್ಚಂ ಸ್ಯಾತ್ ತದನನ್ತರಮ್ ॥ 15॥
ಮಹಾಕಾಲಪದಂ ದತ್ವಾ ಮಾಯಾಬೀಜಯುಗಂ ತಥಾ ।
ಕೂರ್ಚಮೇಕಂ ಸಮುದ್ಧೃತ್ಯ ಮಹಾಮನ್ತ್ರೋ ದಶಾಕ್ಷರಃ ॥ 16॥
ರಾಜಸ್ಥಾನೇ ದುರ್ಗಮೇ ಚ ಪಾತು ಮಾಂ ಸರ್ವತೋ ಮುದಾ ।
ವೇದಾದಿಬೀಜಮಾದಾಯ ಭಗಮಾನ್ ತದನನ್ತರಮ್ ॥ 17॥
ಮಹಾಕಾಲಾಯ ಸಮ್ಪ್ರೋಚ್ಯ ಕೂರ್ಚಂ ದತ್ವಾ ಚ ಠದ್ವಯಮ್ ।
ಹ್ರೀಙ್ಕಾರಪೂರ್ವಮುದ್ಧೃತ್ಯ ವೇದಾದಿಸ್ತದನನ್ತರಮ್ ॥ 18॥
ಮಹಾಕಾಲಸ್ಯಾನ್ತಭಾಗೇ ಸ್ವಾಹಾನ್ತಮನುಮುತ್ತಮಮ್ ।
ಧನಂ ಪುತ್ರಂ ಸದಾ ಪಾತು ಬನ್ಧುದಾರಾನಿಕೇತನಮ್ ॥ 19॥
ಪಿಙ್ಗಲಾಕ್ಷೋ ಮಞ್ಜುಯುದ್ಧೇ ಯುದ್ಧೇ ನಿತ್ಯಂ ಜಯಪ್ರದಃ ।
ಸಮ್ಭಾವ್ಯಃ ಸರ್ವದುಷ್ಟಘ್ನಃ ಪಾತು ಸ್ವಸ್ಥಾನವಲ್ಲಭಃ ॥ 20॥
ಇತಿ ತೇ ಕಥಿತಂ ತುಭ್ಯಂ ದೇವಾನಾಮಪಿ ದುರ್ಲಭಮ್ ।
ಅನೇನ ಪಠನಾದ್ ದೇವಿ ವಿಘ್ನನಾಶೋ ಯಥಾ ಭವೇತ್ ॥ 21॥
ಸಮ್ಪೂಜಕಃ ಶುಚಿಸ್ನಾತಃ ಭಕ್ತಿಯುಕ್ತಃ ಸಮಾಹಿತಃ ।
ಸರ್ವವ್ಯಾಧಿವಿನಿರ್ಮುಕ್ತಃ ವೈರಿಮಧ್ಯೇ ವಿಶೇಷತಃ ॥ 22॥
ಮಹಾಭೀಮಃ ಸದಾ ಪಾತು ಸರ್ವಸ್ಥಾನ ವಲ್ಲಭಮ್ । ?
ಕಾಲೀಪಾರ್ಶ್ವಸ್ಥಿತೋ ದೇವಃ ಸರ್ವದಾ ಪಾತು ಮೇ ಮುಖೇ ॥ 23॥
॥ ಫಲ ಶ್ರುತಿ॥
ಪಠನಾತ್ ಕಾಲಿಕಾದೇವೀ ಪಠೇತ್ ಕವಚಮುತ್ತಮಮ್ ।
ಶ್ರುಣುಯಾದ್ ವಾ ಪ್ರಯತ್ನೇನ ಸದಾಽಽನನ್ದಮಯೋ ಭವೇತ್ ॥ 1॥
ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ಯತ್ ।
ಸರ್ವಸಿದ್ಧಿಮವಾಪ್ನೋತಿ ಯದ್ಯನ್ಮನಸಿ ವರ್ತತೇ ॥ 2॥
ಬಿಲ್ವಮೂಲೇ ಪಠೇದ್ ಯಸ್ತು ಪಠನಾದ್ ಕವಚಸ್ಯ ಯತ್ ।
ತ್ರಿಸನ್ಧ್ಯಂ ಪಠನಾದ್ ದೇವಿ ಭವೇನ್ನಿತ್ಯಂ ಮಹಾಕವಿಃ ॥ 3॥
ಕುಮಾರೀಂ ಪೂಜಯಿತ್ವಾ ತು ಯಃ ಪಠೇದ್ ಭಾವತತ್ಪರಃ ।
ನ ಕಿಞ್ಚಿದ್ ದುರ್ಲಭಂ ತಸ್ಯ ದಿವಿ ವಾ ಭುವಿ ಮೋದತೇ ॥ 4॥
ದುರ್ಭಿಕ್ಷೇ ರಾಜಪೀಡಾಯಾಂ ಗ್ರಾಮೇ ವಾ ವೈರಿಮಧ್ಯಕೇ ।
ಯತ್ರ ಯತ್ರ ಭಯಂ ಪ್ರಾಪ್ತಃ ಸರ್ವತ್ರ ಪ್ರಪಠೇನ್ನರಃ ॥ 5॥
ತತ್ರ ತತ್ರಾಭಯಂ ತಸ್ಯ ಭವತ್ಯೇವ ನ ಸಂಶಯಃ ।
ವಾಮಪಾರ್ಶ್ವೇ ಸಮಾನೀಯ ಶೋಭಿತಾಂ ವರಕಾಮಿನೀಮ್ ॥ 6॥
ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ತು ।
ಪ್ರಯತ್ನತಃ ಪಠೇದ್ ಯಸ್ತು ತಸ್ಯ ಸಿದ್ಧಿಃ ಕರೇ ಸ್ಥಿತಾ ॥ 7॥
ಇದಂ ಕವಚಮಜ್ಞಾತ್ವಾ ಕಾಲಂ ಯೋ ಭಜತೇ ನರಃ ।
ನೈವ ಸಿದ್ಧಿರ್ಭವೇತ್ ತಸ್ಯ ವಿಘ್ನಸ್ತಸ್ಯ ಪದೇ ಪದೇ ।
ಆದೌ ವರ್ಮ ಪಠಿತ್ವಾ ತು ತಸ್ಯ ಸಿದ್ಧಿರ್ಭವಿಷ್ಯತಿ ॥ 8॥
॥ ಇತಿ ರುದ್ರಯಾಮಲೇ ಮಹಾತನ್ತ್ರೇ ಮಹಾಕಾಲಭೈರವಕವಚಂ ಸಮ್ಪೂರ್ಣಮ್॥
Roman (IAST) Transliteration
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
Sanskrit — Devanagari (original)
श्रीदेव्युवाच ।
देवदेव महाबाहो भक्तानां सुखवर्धन ।
केन सिद्धिं ददात्याशु काली त्रैलोक्यमोहन ॥ 1॥
तन्मे वद दयाऽऽधार साधकाभीष्टसिद्धये ।
कृपां कुरु जगन्नाथ वद वेदविदां वर ॥ 2॥
श्रीभैरव उवाच ।
गोपनीयं प्रयत्नेन तत्त्वात् तत्त्वं परात्परम् ।
एष सिद्धिकरः सम्यक् किमथो कथयाम्यहम् ॥ 3॥
महाकालमहं वन्दे सर्वसिद्धिप्रदायकम् ।
देवदानवगन्धर्वकिन्नरपरिसेवितम् ॥ 4॥
कवचं तत्त्वदेवस्य पठनाद् घोरदर्शने ।
सत्यं भवति सान्निध्यं कवचस्तवनान्तरात् ॥ 5॥
सिद्धिं ददाति सा तुष्टा कृत्वा कवचमुत्तमम् ।
साम्राज्यत्वं प्रियं दत्वा पुत्रवत् परिपालयेत् ॥ 6॥
कवचस्य ऋषिर्देवी कालिका दक्षिणा तथा
विराट्छन्दः सुविज्ञेयं महाकालस्तु देवता ।
कालिका साधने चैव विनियोगः प्रकीर्त्तितः ॥ 7॥
ॐ श्मशानस्थो महारुद्रो महाकालो दिगम्बरः ।
कपालकर्तृका वामे शूलं खट्वाङ्गं दक्षिणे ॥ 8॥
भुजङ्गभूषिते देवि भस्मास्थिमणिमण्डितः ।
ज्वलत्पावकमध्यस्थो भस्मशय्याव्यवस्थितः ॥ 9॥
विपरीतरतां तत्र कालिकां हृदयोपरि ।
पेयं खाद्यं च चोष्यं च तौ कृत्वा तु परस्परम् ।
एवं भक्त्या यजेद् देवं सर्वसिद्धिः प्रजायते ॥ 10॥
प्रणवं पूर्वमुच्चार्य महाकालाय तत्पदम् ।
नमः पातु महामन्त्रः सर्वशास्त्रार्थपारगः ॥ 11॥
अष्टक्षरो महा मन्त्रः सर्वाशापरिपूरकः ।
सर्वपापक्षयं याति ग्रहणे भक्तवत्सले ॥ 12॥
कूर्चद्वन्द्वं महाकाल प्रसीदेति पदद्वयम् ।
लज्जायुग्मं वह्निजाया स तु राजेश्वरो महान् ॥ 13॥
मन्त्रग्रहणमात्रेण भवेत सत्यं महाकविः ।
गद्यपद्यमयी वाणी गङ्गानिर्झरिता तथा ॥ 14॥
तस्य नाम तु देवेशि देवा गायन्ति भावुकाः ।
शक्तिबीजद्वयं दत्वा कूर्चं स्यात् तदनन्तरम् ॥ 15॥
महाकालपदं दत्वा मायाबीजयुगं तथा ।
कूर्चमेकं समुद्धृत्य महामन्त्रो दशाक्षरः ॥ 16॥
राजस्थाने दुर्गमे च पातु मां सर्वतो मुदा ।
वेदादिबीजमादाय भगमान् तदनन्तरम् ॥ 17॥
महाकालाय सम्प्रोच्य कूर्चं दत्वा च ठद्वयम् ।
ह्रीङ्कारपूर्वमुद्धृत्य वेदादिस्तदनन्तरम् ॥ 18॥
महाकालस्यान्तभागे स्वाहान्तमनुमुत्तमम् ।
धनं पुत्रं सदा पातु बन्धुदारानिकेतनम् ॥ 19॥
पिङ्गलाक्षो मञ्जुयुद्धे युद्धे नित्यं जयप्रदः ।
सम्भाव्यः सर्वदुष्टघ्नः पातु स्वस्थानवल्लभः ॥ 20॥
इति ते कथितं तुभ्यं देवानामपि दुर्लभम् ।
अनेन पठनाद् देवि विघ्ननाशो यथा भवेत् ॥ 21॥
सम्पूजकः शुचिस्नातः भक्तियुक्तः समाहितः ।
सर्वव्याधिविनिर्मुक्तः वैरिमध्ये विशेषतः ॥ 22॥
महाभीमः सदा पातु सर्वस्थान वल्लभम् । ?
कालीपार्श्वस्थितो देवः सर्वदा पातु मे मुखे ॥ 23॥
॥ फल श्रुति॥
पठनात् कालिकादेवी पठेत् कवचमुत्तमम् ।
श्रुणुयाद् वा प्रयत्नेन सदाऽऽनन्दमयो भवेत् ॥ 1॥
श्रद्धयाऽश्रद्धया वापि पठनात् कवचस्य यत् ।
सर्वसिद्धिमवाप्नोति यद्यन्मनसि वर्तते ॥ 2॥
बिल्वमूले पठेद् यस्तु पठनाद् कवचस्य यत् ।
त्रिसन्ध्यं पठनाद् देवि भवेन्नित्यं महाकविः ॥ 3॥
कुमारीं पूजयित्वा तु यः पठेद् भावतत्परः ।
न किञ्चिद् दुर्लभं तस्य दिवि वा भुवि मोदते ॥ 4॥
दुर्भिक्षे राजपीडायां ग्रामे वा वैरिमध्यके ।
यत्र यत्र भयं प्राप्तः सर्वत्र प्रपठेन्नरः ॥ 5॥
तत्र तत्राभयं तस्य भवत्येव न संशयः ।
वामपार्श्वे समानीय शोभितां वरकामिनीम् ॥ 6॥
श्रद्धयाऽश्रद्धया वापि पठनात् कवचस्य तु ।
प्रयत्नतः पठेद् यस्तु तस्य सिद्धिः करे स्थिता ॥ 7॥
इदं कवचमज्ञात्वा कालं यो भजते नरः ।
नैव सिद्धिर्भवेत् तस्य विघ्नस्तस्य पदे पदे ।
आदौ वर्म पठित्वा तु तस्य सिद्धिर्भविष्यति ॥ 8॥
॥ इति रुद्रयामले महातन्त्रे महाकालभैरवकवचं सम्पूर्णम्॥
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.