ശ്രീദേവ്യുവാച ।
ദേവദേവ മഹാബാഹോ ഭക്താനാം സുഖവര്ധന ।
കേന സിദ്ധിം ദദാത്യാശു കാലീ ത്രൈലോക്യമോഹന ॥ 1॥
തന്മേ വദ ദയാഽഽധാര സാധകാഭീഷ്ടസിദ്ധയേ ।
കൃപാം കുരു ജഗന്നാഥ വദ വേദവിദാം വര ॥ 2॥
ശ്രീഭൈരവ ഉവാച ।
ഗോപനീയം പ്രയത്നേന തത്ത്വാത് തത്ത്വം പരാത്പരമ് ।
ഏഷ സിദ്ധികരഃ സമ്യക് കിമഥോ കഥയാമ്യഹമ് ॥ 3॥
മഹാകാലമഹം വന്ദേ സര്വസിദ്ധിപ്രദായകമ് ।
ദേവദാനവഗന്ധര്വകിന്നരപരിസേവിതമ് ॥ 4॥
കവചം തത്ത്വദേവസ്യ പഠനാദ് ഘോരദര്ശനേ ।
സത്യം ഭവതി സാന്നിധ്യം കവചസ്തവനാന്തരാത് ॥ 5॥
സിദ്ധിം ദദാതി സാ തുഷ്ടാ കൃത്വാ കവചമുത്തമമ് ।
സാമ്രാജ്യത്വം പ്രിയം ദത്വാ പുത്രവത് പരിപാലയേത് ॥ 6॥
കവചസ്യ ഋഷിര്ദേവീ കാലികാ ദക്ഷിണാ തഥാ
വിരാട്ഛന്ദഃ സുവിജ്ഞേയം മഹാകാലസ്തു ദേവതാ ।
കാലികാ സാധനേ ചൈവ വിനിയോഗഃ പ്രകീര്ത്തിതഃ ॥ 7॥
ഓം ശ്മശാനസ്ഥോ മഹാരുദ്രോ മഹാകാലോ ദിഗമ്ബരഃ ।
കപാലകര്തൃകാ വാമേ ശൂലം ഖട്വാങ്ഗം ദക്ഷിണേ ॥ 8॥
ഭുജങ്ഗഭൂഷിതേ ദേവി ഭസ്മാസ്ഥിമണിമണ്ഡിതഃ ।
ജ്വലത്പാവകമധ്യസ്ഥോ ഭസ്മശയ്യാവ്യവസ്ഥിതഃ ॥ 9॥
വിപരീതരതാം തത്ര കാലികാം ഹൃദയോപരി ।
പേയം ഖാദ്യം ച ചോഷ്യം ച തൌ കൃത്വാ തു പരസ്പരമ് ।
ഏവം ഭക്ത്യാ യജേദ് ദേവം സര്വസിദ്ധിഃ പ്രജായതേ ॥ 10॥
പ്രണവം പൂര്വമുച്ചാര്യ മഹാകാലായ തത്പദമ് ।
നമഃ പാതു മഹാമന്ത്രഃ സര്വശാസ്ത്രാര്ഥപാരഗഃ ॥ 11॥
അഷ്ടക്ഷരോ മഹാ മന്ത്രഃ സര്വാശാപരിപൂരകഃ ।
സര്വപാപക്ഷയം യാതി ഗ്രഹണേ ഭക്തവത്സലേ ॥ 12॥
കൂര്ചദ്വന്ദ്വം മഹാകാല പ്രസീദേതി പദദ്വയമ് ।
ലജ്ജായുഗ്മം വഹ്നിജായാ സ തു രാജേശ്വരോ മഹാന് ॥ 13॥
മന്ത്രഗ്രഹണമാത്രേണ ഭവേത സത്യം മഹാകവിഃ ।
ഗദ്യപദ്യമയീ വാണീ ഗങ്ഗാനിര്ഝരിതാ തഥാ ॥ 14॥
തസ്യ നാമ തു ദേവേശി ദേവാ ഗായന്തി ഭാവുകാഃ ।
ശക്തിബീജദ്വയം ദത്വാ കൂര്ചം സ്യാത് തദനന്തരമ് ॥ 15॥
മഹാകാലപദം ദത്വാ മായാബീജയുഗം തഥാ ।
കൂര്ചമേകം സമുദ്ധൃത്യ മഹാമന്ത്രോ ദശാക്ഷരഃ ॥ 16॥
രാജസ്ഥാനേ ദുര്ഗമേ ച പാതു മാം സര്വതോ മുദാ ।
വേദാദിബീജമാദായ ഭഗമാന് തദനന്തരമ് ॥ 17॥
മഹാകാലായ സമ്പ്രോച്യ കൂര്ചം ദത്വാ ച ഠദ്വയമ് ।
ഹ്രീങ്കാരപൂര്വമുദ്ധൃത്യ വേദാദിസ്തദനന്തരമ് ॥ 18॥
മഹാകാലസ്യാന്തഭാഗേ സ്വാഹാന്തമനുമുത്തമമ് ।
ധനം പുത്രം സദാ പാതു ബന്ധുദാരാനികേതനമ് ॥ 19॥
പിങ്ഗലാക്ഷോ മഞ്ജുയുദ്ധേ യുദ്ധേ നിത്യം ജയപ്രദഃ ।
സമ്ഭാവ്യഃ സര്വദുഷ്ടഘ്നഃ പാതു സ്വസ്ഥാനവല്ലഭഃ ॥ 20॥
ഇതി തേ കഥിതം തുഭ്യം ദേവാനാമപി ദുര്ലഭമ് ।
അനേന പഠനാദ് ദേവി വിഘ്നനാശോ യഥാ ഭവേത് ॥ 21॥
സമ്പൂജകഃ ശുചിസ്നാതഃ ഭക്തിയുക്തഃ സമാഹിതഃ ।
സര്വവ്യാധിവിനിര്മുക്തഃ വൈരിമധ്യേ വിശേഷതഃ ॥ 22॥
മഹാഭീമഃ സദാ പാതു സര്വസ്ഥാന വല്ലഭമ് । ?
കാലീപാര്ശ്വസ്ഥിതോ ദേവഃ സര്വദാ പാതു മേ മുഖേ ॥ 23॥
॥ ഫല ശ്രുതി॥
പഠനാത് കാലികാദേവീ പഠേത് കവചമുത്തമമ് ।
ശ്രുണുയാദ് വാ പ്രയത്നേന സദാഽഽനന്ദമയോ ഭവേത് ॥ 1॥
ശ്രദ്ധയാഽശ്രദ്ധയാ വാപി പഠനാത് കവചസ്യ യത് ।
സര്വസിദ്ധിമവാപ്നോതി യദ്യന്മനസി വര്തതേ ॥ 2॥
ബില്വമൂലേ പഠേദ് യസ്തു പഠനാദ് കവചസ്യ യത് ।
ത്രിസന്ധ്യം പഠനാദ് ദേവി ഭവേന്നിത്യം മഹാകവിഃ ॥ 3॥
കുമാരീം പൂജയിത്വാ തു യഃ പഠേദ് ഭാവതത്പരഃ ।
ന കിഞ്ചിദ് ദുര്ലഭം തസ്യ ദിവി വാ ഭുവി മോദതേ ॥ 4॥
ദുര്ഭിക്ഷേ രാജപീഡായാം ഗ്രാമേ വാ വൈരിമധ്യകേ ।
യത്ര യത്ര ഭയം പ്രാപ്തഃ സര്വത്ര പ്രപഠേന്നരഃ ॥ 5॥
തത്ര തത്രാഭയം തസ്യ ഭവത്യേവ ന സംശയഃ ।
വാമപാര്ശ്വേ സമാനീയ ശോഭിതാം വരകാമിനീമ് ॥ 6॥
ശ്രദ്ധയാഽശ്രദ്ധയാ വാപി പഠനാത് കവചസ്യ തു ।
പ്രയത്നതഃ പഠേദ് യസ്തു തസ്യ സിദ്ധിഃ കരേ സ്ഥിതാ ॥ 7॥
ഇദം കവചമജ്ഞാത്വാ കാലം യോ ഭജതേ നരഃ ।
നൈവ സിദ്ധിര്ഭവേത് തസ്യ വിഘ്നസ്തസ്യ പദേ പദേ ।
ആദൌ വര്മ പഠിത്വാ തു തസ്യ സിദ്ധിര്ഭവിഷ്യതി ॥ 8॥
॥ ഇതി രുദ്രയാമലേ മഹാതന്ത്രേ മഹാകാലഭൈരവകവചം സമ്പൂര്ണമ്॥
Roman (IAST) Transliteration
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
Sanskrit — Devanagari (original)
श्रीदेव्युवाच ।
देवदेव महाबाहो भक्तानां सुखवर्धन ।
केन सिद्धिं ददात्याशु काली त्रैलोक्यमोहन ॥ 1॥
तन्मे वद दयाऽऽधार साधकाभीष्टसिद्धये ।
कृपां कुरु जगन्नाथ वद वेदविदां वर ॥ 2॥
श्रीभैरव उवाच ।
गोपनीयं प्रयत्नेन तत्त्वात् तत्त्वं परात्परम् ।
एष सिद्धिकरः सम्यक् किमथो कथयाम्यहम् ॥ 3॥
महाकालमहं वन्दे सर्वसिद्धिप्रदायकम् ।
देवदानवगन्धर्वकिन्नरपरिसेवितम् ॥ 4॥
कवचं तत्त्वदेवस्य पठनाद् घोरदर्शने ।
सत्यं भवति सान्निध्यं कवचस्तवनान्तरात् ॥ 5॥
सिद्धिं ददाति सा तुष्टा कृत्वा कवचमुत्तमम् ।
साम्राज्यत्वं प्रियं दत्वा पुत्रवत् परिपालयेत् ॥ 6॥
कवचस्य ऋषिर्देवी कालिका दक्षिणा तथा
विराट्छन्दः सुविज्ञेयं महाकालस्तु देवता ।
कालिका साधने चैव विनियोगः प्रकीर्त्तितः ॥ 7॥
ॐ श्मशानस्थो महारुद्रो महाकालो दिगम्बरः ।
कपालकर्तृका वामे शूलं खट्वाङ्गं दक्षिणे ॥ 8॥
भुजङ्गभूषिते देवि भस्मास्थिमणिमण्डितः ।
ज्वलत्पावकमध्यस्थो भस्मशय्याव्यवस्थितः ॥ 9॥
विपरीतरतां तत्र कालिकां हृदयोपरि ।
पेयं खाद्यं च चोष्यं च तौ कृत्वा तु परस्परम् ।
एवं भक्त्या यजेद् देवं सर्वसिद्धिः प्रजायते ॥ 10॥
प्रणवं पूर्वमुच्चार्य महाकालाय तत्पदम् ।
नमः पातु महामन्त्रः सर्वशास्त्रार्थपारगः ॥ 11॥
अष्टक्षरो महा मन्त्रः सर्वाशापरिपूरकः ।
सर्वपापक्षयं याति ग्रहणे भक्तवत्सले ॥ 12॥
कूर्चद्वन्द्वं महाकाल प्रसीदेति पदद्वयम् ।
लज्जायुग्मं वह्निजाया स तु राजेश्वरो महान् ॥ 13॥
मन्त्रग्रहणमात्रेण भवेत सत्यं महाकविः ।
गद्यपद्यमयी वाणी गङ्गानिर्झरिता तथा ॥ 14॥
तस्य नाम तु देवेशि देवा गायन्ति भावुकाः ।
शक्तिबीजद्वयं दत्वा कूर्चं स्यात् तदनन्तरम् ॥ 15॥
महाकालपदं दत्वा मायाबीजयुगं तथा ।
कूर्चमेकं समुद्धृत्य महामन्त्रो दशाक्षरः ॥ 16॥
राजस्थाने दुर्गमे च पातु मां सर्वतो मुदा ।
वेदादिबीजमादाय भगमान् तदनन्तरम् ॥ 17॥
महाकालाय सम्प्रोच्य कूर्चं दत्वा च ठद्वयम् ।
ह्रीङ्कारपूर्वमुद्धृत्य वेदादिस्तदनन्तरम् ॥ 18॥
महाकालस्यान्तभागे स्वाहान्तमनुमुत्तमम् ।
धनं पुत्रं सदा पातु बन्धुदारानिकेतनम् ॥ 19॥
पिङ्गलाक्षो मञ्जुयुद्धे युद्धे नित्यं जयप्रदः ।
सम्भाव्यः सर्वदुष्टघ्नः पातु स्वस्थानवल्लभः ॥ 20॥
इति ते कथितं तुभ्यं देवानामपि दुर्लभम् ।
अनेन पठनाद् देवि विघ्ननाशो यथा भवेत् ॥ 21॥
सम्पूजकः शुचिस्नातः भक्तियुक्तः समाहितः ।
सर्वव्याधिविनिर्मुक्तः वैरिमध्ये विशेषतः ॥ 22॥
महाभीमः सदा पातु सर्वस्थान वल्लभम् । ?
कालीपार्श्वस्थितो देवः सर्वदा पातु मे मुखे ॥ 23॥
॥ फल श्रुति॥
पठनात् कालिकादेवी पठेत् कवचमुत्तमम् ।
श्रुणुयाद् वा प्रयत्नेन सदाऽऽनन्दमयो भवेत् ॥ 1॥
श्रद्धयाऽश्रद्धया वापि पठनात् कवचस्य यत् ।
सर्वसिद्धिमवाप्नोति यद्यन्मनसि वर्तते ॥ 2॥
बिल्वमूले पठेद् यस्तु पठनाद् कवचस्य यत् ।
त्रिसन्ध्यं पठनाद् देवि भवेन्नित्यं महाकविः ॥ 3॥
कुमारीं पूजयित्वा तु यः पठेद् भावतत्परः ।
न किञ्चिद् दुर्लभं तस्य दिवि वा भुवि मोदते ॥ 4॥
दुर्भिक्षे राजपीडायां ग्रामे वा वैरिमध्यके ।
यत्र यत्र भयं प्राप्तः सर्वत्र प्रपठेन्नरः ॥ 5॥
तत्र तत्राभयं तस्य भवत्येव न संशयः ।
वामपार्श्वे समानीय शोभितां वरकामिनीम् ॥ 6॥
श्रद्धयाऽश्रद्धया वापि पठनात् कवचस्य तु ।
प्रयत्नतः पठेद् यस्तु तस्य सिद्धिः करे स्थिता ॥ 7॥
इदं कवचमज्ञात्वा कालं यो भजते नरः ।
नैव सिद्धिर्भवेत् तस्य विघ्नस्तस्य पदे पदे ।
आदौ वर्म पठित्वा तु तस्य सिद्धिर्भविष्यति ॥ 8॥
॥ इति रुद्रयामले महातन्त्रे महाकालभैरवकवचं सम्पूर्णम्॥
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.