શ્રીદેવ્યુવાચ ।
દેવદેવ મહાબાહો ભક્તાનાં સુખવર્ધન ।
કેન સિદ્ધિં દદાત્યાશુ કાલી ત્રૈલોક્યમોહન ॥ 1॥
તન્મે વદ દયાઽઽધાર સાધકાભીષ્ટસિદ્ધયે ।
કૃપાં કુરુ જગન્નાથ વદ વેદવિદાં વર ॥ 2॥
શ્રીભૈરવ ઉવાચ ।
ગોપનીયં પ્રયત્નેન તત્ત્વાત્ તત્ત્વં પરાત્પરમ્ ।
એષ સિદ્ધિકરઃ સમ્યક્ કિમથો કથયામ્યહમ્ ॥ 3॥
મહાકાલમહં વન્દે સર્વસિદ્ધિપ્રદાયકમ્ ।
દેવદાનવગન્ધર્વકિન્નરપરિસેવિતમ્ ॥ 4॥
કવચં તત્ત્વદેવસ્ય પઠનાદ્ ઘોરદર્શને ।
સત્યં ભવતિ સાન્નિધ્યં કવચસ્તવનાન્તરાત્ ॥ 5॥
સિદ્ધિં દદાતિ સા તુષ્ટા કૃત્વા કવચમુત્તમમ્ ।
સામ્રાજ્યત્વં પ્રિયં દત્વા પુત્રવત્ પરિપાલયેત્ ॥ 6॥
કવચસ્ય ઋષિર્દેવી કાલિકા દક્ષિણા તથા
વિરાટ્છન્દઃ સુવિજ્ઞેયં મહાકાલસ્તુ દેવતા ।
કાલિકા સાધને ચૈવ વિનિયોગઃ પ્રકીર્ત્તિતઃ ॥ 7॥
ૐ શ્મશાનસ્થો મહારુદ્રો મહાકાલો દિગમ્બરઃ ।
કપાલકર્તૃકા વામે શૂલં ખટ્વાઙ્ગં દક્ષિણે ॥ 8॥
ભુજઙ્ગભૂષિતે દેવિ ભસ્માસ્થિમણિમણ્ડિતઃ ।
જ્વલત્પાવકમધ્યસ્થો ભસ્મશય્યાવ્યવસ્થિતઃ ॥ 9॥
વિપરીતરતાં તત્ર કાલિકાં હૃદયોપરિ ।
પેયં ખાદ્યં ચ ચોષ્યં ચ તૌ કૃત્વા તુ પરસ્પરમ્ ।
એવં ભક્ત્યા યજેદ્ દેવં સર્વસિદ્ધિઃ પ્રજાયતે ॥ 10॥
પ્રણવં પૂર્વમુચ્ચાર્ય મહાકાલાય તત્પદમ્ ।
નમઃ પાતુ મહામન્ત્રઃ સર્વશાસ્ત્રાર્થપારગઃ ॥ 11॥
અષ્ટક્ષરો મહા મન્ત્રઃ સર્વાશાપરિપૂરકઃ ।
સર્વપાપક્ષયં યાતિ ગ્રહણે ભક્તવત્સલે ॥ 12॥
કૂર્ચદ્વન્દ્વં મહાકાલ પ્રસીદેતિ પદદ્વયમ્ ।
લજ્જાયુગ્મં વહ્નિજાયા સ તુ રાજેશ્વરો મહાન્ ॥ 13॥
મન્ત્રગ્રહણમાત્રેણ ભવેત સત્યં મહાકવિઃ ।
ગદ્યપદ્યમયી વાણી ગઙ્ગાનિર્ઝરિતા તથા ॥ 14॥
તસ્ય નામ તુ દેવેશિ દેવા ગાયન્તિ ભાવુકાઃ ।
શક્તિબીજદ્વયં દત્વા કૂર્ચં સ્યાત્ તદનન્તરમ્ ॥ 15॥
મહાકાલપદં દત્વા માયાબીજયુગં તથા ।
કૂર્ચમેકં સમુદ્ધૃત્ય મહામન્ત્રો દશાક્ષરઃ ॥ 16॥
રાજસ્થાને દુર્ગમે ચ પાતુ માં સર્વતો મુદા ।
વેદાદિબીજમાદાય ભગમાન્ તદનન્તરમ્ ॥ 17॥
મહાકાલાય સમ્પ્રોચ્ય કૂર્ચં દત્વા ચ ઠદ્વયમ્ ।
હ્રીઙ્કારપૂર્વમુદ્ધૃત્ય વેદાદિસ્તદનન્તરમ્ ॥ 18॥
મહાકાલસ્યાન્તભાગે સ્વાહાન્તમનુમુત્તમમ્ ।
ધનં પુત્રં સદા પાતુ બન્ધુદારાનિકેતનમ્ ॥ 19॥
પિઙ્ગલાક્ષો મઞ્જુયુદ્ધે યુદ્ધે નિત્યં જયપ્રદઃ ।
સમ્ભાવ્યઃ સર્વદુષ્ટઘ્નઃ પાતુ સ્વસ્થાનવલ્લભઃ ॥ 20॥
ઇતિ તે કથિતં તુભ્યં દેવાનામપિ દુર્લભમ્ ।
અનેન પઠનાદ્ દેવિ વિઘ્નનાશો યથા ભવેત્ ॥ 21॥
સમ્પૂજકઃ શુચિસ્નાતઃ ભક્તિયુક્તઃ સમાહિતઃ ।
સર્વવ્યાધિવિનિર્મુક્તઃ વૈરિમધ્યે વિશેષતઃ ॥ 22॥
મહાભીમઃ સદા પાતુ સર્વસ્થાન વલ્લભમ્ । ?
કાલીપાર્શ્વસ્થિતો દેવઃ સર્વદા પાતુ મે મુખે ॥ 23॥
॥ ફલ શ્રુતિ॥
પઠનાત્ કાલિકાદેવી પઠેત્ કવચમુત્તમમ્ ।
શ્રુણુયાદ્ વા પ્રયત્નેન સદાઽઽનન્દમયો ભવેત્ ॥ 1॥
શ્રદ્ધયાઽશ્રદ્ધયા વાપિ પઠનાત્ કવચસ્ય યત્ ।
સર્વસિદ્ધિમવાપ્નોતિ યદ્યન્મનસિ વર્તતે ॥ 2॥
બિલ્વમૂલે પઠેદ્ યસ્તુ પઠનાદ્ કવચસ્ય યત્ ।
ત્રિસન્ધ્યં પઠનાદ્ દેવિ ભવેન્નિત્યં મહાકવિઃ ॥ 3॥
કુમારીં પૂજયિત્વા તુ યઃ પઠેદ્ ભાવતત્પરઃ ।
ન કિઞ્ચિદ્ દુર્લભં તસ્ય દિવિ વા ભુવિ મોદતે ॥ 4॥
દુર્ભિક્ષે રાજપીડાયાં ગ્રામે વા વૈરિમધ્યકે ।
યત્ર યત્ર ભયં પ્રાપ્તઃ સર્વત્ર પ્રપઠેન્નરઃ ॥ 5॥
તત્ર તત્રાભયં તસ્ય ભવત્યેવ ન સંશયઃ ।
વામપાર્શ્વે સમાનીય શોભિતાં વરકામિનીમ્ ॥ 6॥
શ્રદ્ધયાઽશ્રદ્ધયા વાપિ પઠનાત્ કવચસ્ય તુ ।
પ્રયત્નતઃ પઠેદ્ યસ્તુ તસ્ય સિદ્ધિઃ કરે સ્થિતા ॥ 7॥
ઇદં કવચમજ્ઞાત્વા કાલં યો ભજતે નરઃ ।
નૈવ સિદ્ધિર્ભવેત્ તસ્ય વિઘ્નસ્તસ્ય પદે પદે ।
આદૌ વર્મ પઠિત્વા તુ તસ્ય સિદ્ધિર્ભવિષ્યતિ ॥ 8॥
॥ ઇતિ રુદ્રયામલે મહાતન્ત્રે મહાકાલભૈરવકવચં સમ્પૂર્ણમ્॥
Roman (IAST) Transliteration
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
Sanskrit — Devanagari (original)
श्रीदेव्युवाच ।
देवदेव महाबाहो भक्तानां सुखवर्धन ।
केन सिद्धिं ददात्याशु काली त्रैलोक्यमोहन ॥ 1॥
तन्मे वद दयाऽऽधार साधकाभीष्टसिद्धये ।
कृपां कुरु जगन्नाथ वद वेदविदां वर ॥ 2॥
श्रीभैरव उवाच ।
गोपनीयं प्रयत्नेन तत्त्वात् तत्त्वं परात्परम् ।
एष सिद्धिकरः सम्यक् किमथो कथयाम्यहम् ॥ 3॥
महाकालमहं वन्दे सर्वसिद्धिप्रदायकम् ।
देवदानवगन्धर्वकिन्नरपरिसेवितम् ॥ 4॥
कवचं तत्त्वदेवस्य पठनाद् घोरदर्शने ।
सत्यं भवति सान्निध्यं कवचस्तवनान्तरात् ॥ 5॥
सिद्धिं ददाति सा तुष्टा कृत्वा कवचमुत्तमम् ।
साम्राज्यत्वं प्रियं दत्वा पुत्रवत् परिपालयेत् ॥ 6॥
कवचस्य ऋषिर्देवी कालिका दक्षिणा तथा
विराट्छन्दः सुविज्ञेयं महाकालस्तु देवता ।
कालिका साधने चैव विनियोगः प्रकीर्त्तितः ॥ 7॥
ॐ श्मशानस्थो महारुद्रो महाकालो दिगम्बरः ।
कपालकर्तृका वामे शूलं खट्वाङ्गं दक्षिणे ॥ 8॥
भुजङ्गभूषिते देवि भस्मास्थिमणिमण्डितः ।
ज्वलत्पावकमध्यस्थो भस्मशय्याव्यवस्थितः ॥ 9॥
विपरीतरतां तत्र कालिकां हृदयोपरि ।
पेयं खाद्यं च चोष्यं च तौ कृत्वा तु परस्परम् ।
एवं भक्त्या यजेद् देवं सर्वसिद्धिः प्रजायते ॥ 10॥
प्रणवं पूर्वमुच्चार्य महाकालाय तत्पदम् ।
नमः पातु महामन्त्रः सर्वशास्त्रार्थपारगः ॥ 11॥
अष्टक्षरो महा मन्त्रः सर्वाशापरिपूरकः ।
सर्वपापक्षयं याति ग्रहणे भक्तवत्सले ॥ 12॥
कूर्चद्वन्द्वं महाकाल प्रसीदेति पदद्वयम् ।
लज्जायुग्मं वह्निजाया स तु राजेश्वरो महान् ॥ 13॥
मन्त्रग्रहणमात्रेण भवेत सत्यं महाकविः ।
गद्यपद्यमयी वाणी गङ्गानिर्झरिता तथा ॥ 14॥
तस्य नाम तु देवेशि देवा गायन्ति भावुकाः ।
शक्तिबीजद्वयं दत्वा कूर्चं स्यात् तदनन्तरम् ॥ 15॥
महाकालपदं दत्वा मायाबीजयुगं तथा ।
कूर्चमेकं समुद्धृत्य महामन्त्रो दशाक्षरः ॥ 16॥
राजस्थाने दुर्गमे च पातु मां सर्वतो मुदा ।
वेदादिबीजमादाय भगमान् तदनन्तरम् ॥ 17॥
महाकालाय सम्प्रोच्य कूर्चं दत्वा च ठद्वयम् ।
ह्रीङ्कारपूर्वमुद्धृत्य वेदादिस्तदनन्तरम् ॥ 18॥
महाकालस्यान्तभागे स्वाहान्तमनुमुत्तमम् ।
धनं पुत्रं सदा पातु बन्धुदारानिकेतनम् ॥ 19॥
पिङ्गलाक्षो मञ्जुयुद्धे युद्धे नित्यं जयप्रदः ।
सम्भाव्यः सर्वदुष्टघ्नः पातु स्वस्थानवल्लभः ॥ 20॥
इति ते कथितं तुभ्यं देवानामपि दुर्लभम् ।
अनेन पठनाद् देवि विघ्ननाशो यथा भवेत् ॥ 21॥
सम्पूजकः शुचिस्नातः भक्तियुक्तः समाहितः ।
सर्वव्याधिविनिर्मुक्तः वैरिमध्ये विशेषतः ॥ 22॥
महाभीमः सदा पातु सर्वस्थान वल्लभम् । ?
कालीपार्श्वस्थितो देवः सर्वदा पातु मे मुखे ॥ 23॥
॥ फल श्रुति॥
पठनात् कालिकादेवी पठेत् कवचमुत्तमम् ।
श्रुणुयाद् वा प्रयत्नेन सदाऽऽनन्दमयो भवेत् ॥ 1॥
श्रद्धयाऽश्रद्धया वापि पठनात् कवचस्य यत् ।
सर्वसिद्धिमवाप्नोति यद्यन्मनसि वर्तते ॥ 2॥
बिल्वमूले पठेद् यस्तु पठनाद् कवचस्य यत् ।
त्रिसन्ध्यं पठनाद् देवि भवेन्नित्यं महाकविः ॥ 3॥
कुमारीं पूजयित्वा तु यः पठेद् भावतत्परः ।
न किञ्चिद् दुर्लभं तस्य दिवि वा भुवि मोदते ॥ 4॥
दुर्भिक्षे राजपीडायां ग्रामे वा वैरिमध्यके ।
यत्र यत्र भयं प्राप्तः सर्वत्र प्रपठेन्नरः ॥ 5॥
तत्र तत्राभयं तस्य भवत्येव न संशयः ।
वामपार्श्वे समानीय शोभितां वरकामिनीम् ॥ 6॥
श्रद्धयाऽश्रद्धया वापि पठनात् कवचस्य तु ।
प्रयत्नतः पठेद् यस्तु तस्य सिद्धिः करे स्थिता ॥ 7॥
इदं कवचमज्ञात्वा कालं यो भजते नरः ।
नैव सिद्धिर्भवेत् तस्य विघ्नस्तस्य पदे पदे ।
आदौ वर्म पठित्वा तु तस्य सिद्धिर्भविष्यति ॥ 8॥
॥ इति रुद्रयामले महातन्त्रे महाकालभैरवकवचं सम्पूर्णम्॥
śrīdevyuvāca |
devadeva mahābāho bhaktānāṃ sukhavardhana |
kena siddhiṃ dadātyāśu kālī trailokyamohana || 1||
tanme vada dayā''dhāra sādhakābhīṣṭasiddhaye |
kṛpāṃ kuru jagannātha vada vedavidāṃ vara || 2||
śrībhairava uvāca |
gopanīyaṃ prayatnena tattvāt tattvaṃ parātparam |
eṣa siddhikaraḥ samyak kimatho kathayāmyaham || 3||
mahākālamahaṃ vande sarvasiddhipradāyakam |
devadānavagandharvakinnaraparisevitam || 4||
kavacaṃ tattvadevasya paṭhanād ghoradarśane |
satyaṃ bhavati sānnidhyaṃ kavacastavanāntarāt || 5||
siddhiṃ dadāti sā tuṣṭā kṛtvā kavacamuttamam |
sāmrājyatvaṃ priyaṃ datvā putravat paripālayet || 6||
kavacasya ṛṣirdevī kālikā dakṣiṇā tathā
virāṭchandaḥ suvijñeyaṃ mahākālastu devatā |
kālikā sādhane caiva viniyogaḥ prakīrttitaḥ || 7||
oṃ śmaśānastho mahārudro mahākālo digambaraḥ |
kapālakartṛkā vāme śūlaṃ khaṭvāṅgaṃ dakṣiṇe || 8||
bhujaṅgabhūṣite devi bhasmāsthimaṇimaṇḍitaḥ |
jvalatpāvakamadhyastho bhasmaśayyāvyavasthitaḥ || 9||
viparītaratāṃ tatra kālikāṃ hṛdayopari |
peyaṃ khādyaṃ ca coṣyaṃ ca tau kṛtvā tu parasparam |
evaṃ bhaktyā yajed devaṃ sarvasiddhiḥ prajāyate || 10||
praṇavaṃ pūrvamuccārya mahākālāya tatpadam |
namaḥ pātu mahāmantraḥ sarvaśāstrārthapāragaḥ || 11||
aṣṭakṣaro mahā mantraḥ sarvāśāparipūrakaḥ |
sarvapāpakṣayaṃ yāti grahaṇe bhaktavatsale || 12||
kūrcadvandvaṃ mahākāla prasīdeti padadvayam |
lajjāyugmaṃ vahnijāyā sa tu rājeśvaro mahān || 13||
mantragrahaṇamātreṇa bhaveta satyaṃ mahākaviḥ |
gadyapadyamayī vāṇī gaṅgānirjharitā tathā || 14||
tasya nāma tu deveśi devā gāyanti bhāvukāḥ |
śaktibījadvayaṃ datvā kūrcaṃ syāt tadanantaram || 15||
mahākālapadaṃ datvā māyābījayugaṃ tathā |
kūrcamekaṃ samuddhṛtya mahāmantro daśākṣaraḥ || 16||
rājasthāne durgame ca pātu māṃ sarvato mudā |
vedādibījamādāya bhagamān tadanantaram || 17||
mahākālāya samprocya kūrcaṃ datvā ca ṭhadvayam |
hrīṅkārapūrvamuddhṛtya vedādistadanantaram || 18||
mahākālasyāntabhāge svāhāntamanumuttamam |
dhanaṃ putraṃ sadā pātu bandhudārāniketanam || 19||
piṅgalākṣo mañjuyuddhe yuddhe nityaṃ jayapradaḥ |
sambhāvyaḥ sarvaduṣṭaghnaḥ pātu svasthānavallabhaḥ || 20||
iti te kathitaṃ tubhyaṃ devānāmapi durlabham |
anena paṭhanād devi vighnanāśo yathā bhavet || 21||
sampūjakaḥ śucisnātaḥ bhaktiyuktaḥ samāhitaḥ |
sarvavyādhivinirmuktaḥ vairimadhye viśeṣataḥ || 22||
mahābhīmaḥ sadā pātu sarvasthāna vallabham | ?
kālīpārśvasthito devaḥ sarvadā pātu me mukhe || 23||
|| phala śruti||
paṭhanāt kālikādevī paṭhet kavacamuttamam |
śruṇuyād vā prayatnena sadā''nandamayo bhavet || 1||
śraddhayā'śraddhayā vāpi paṭhanāt kavacasya yat |
sarvasiddhimavāpnoti yadyanmanasi vartate || 2||
bilvamūle paṭhed yastu paṭhanād kavacasya yat |
trisandhyaṃ paṭhanād devi bhavennityaṃ mahākaviḥ || 3||
kumārīṃ pūjayitvā tu yaḥ paṭhed bhāvatatparaḥ |
na kiñcid durlabhaṃ tasya divi vā bhuvi modate || 4||
durbhikṣe rājapīḍāyāṃ grāme vā vairimadhyake |
yatra yatra bhayaṃ prāptaḥ sarvatra prapaṭhennaraḥ || 5||
tatra tatrābhayaṃ tasya bhavatyeva na saṃśayaḥ |
vāmapārśve samānīya śobhitāṃ varakāminīm || 6||
śraddhayā'śraddhayā vāpi paṭhanāt kavacasya tu |
prayatnataḥ paṭhed yastu tasya siddhiḥ kare sthitā || 7||
idaṃ kavacamajñātvā kālaṃ yo bhajate naraḥ |
naiva siddhirbhavet tasya vighnastasya pade pade |
ādau varma paṭhitvā tu tasya siddhirbhaviṣyati || 8||
|| iti rudrayāmale mahātantre mahākālabhairavakavacaṃ sampūrṇam||
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.