දේවරාජ-සේව්යමාන-පාවනාඞ්ඝ්රි-පඞ්කජං
ව්යාලයජ්ඤ-සූත්රමින්දු-ශේඛරං කෘපාකරම් .
නාරදාදි-යෝගිබෘන්ද-වන්දිතං දිගම්බරං
කාශිකාපුරාධිනාථ කාලභෛරවං භජේ .. 1 ..
භානුකෝටි-භාස්වරං භවබ්ධිතාරකං පරං
නීලකණ්ඨ-මීප්සිතාර්ථ-දායකං ත්රිලෝචනම් .
කාලකාල-මම්බුජාක්ෂ-මක්ෂශූල-මක්ෂරං
කාශිකාපුරාධිනාථ කාලභෛරවං භජේ .. 2 ..
ශූලටඞ්ක-පාශදණ්ඩ-පාණිමාදි-කාරණං
ශ්යාමකාය-මාදිදේව-මක්ෂරං නිරාමයම් .
භීමවික්රමං ප්රභුං විචිත්ර තාණ්ඩව ප්රියං
කාශිකාපුරාධිනාථ කාලභෛරවං භජේ .. 3 ..
භුක්ති-මුක්ති-දායකං ප්රශස්තචාරු-විග්රහං
භක්තවත්සලං ස්ථිරං සමස්තලෝක-විග්රහම් . [ස්ථිතං]
නික්වණන්-මනෝජ්ඤ-හේම-කිඞ්කිණී-ලසත්කටිං [විනික්වණන්]
කාශිකාපුරාධිනාථ කාලභෛරවං භජේ .. 4 ..
ධර්මසේතු-පාලකං ත්වධර්මමාර්ග නාශකං [නාශනං]
කර්මපාශ-මෝචකං සුශර්ම-දායකං විභුම් .
ස්වර්ණවර්ණ-කේශපාශ-ශෝභිතාඞ්ග-මණ්ඩලං [ශෙෂපාශ, නිර්මලං]
කාශිකාපුරාධිනාථ කාලභෛරවං භජේ .. 5 ..
රත්න-පාදුකා-ප්රභාභිරාම-පාදයුග්මකං
නිත්ය-මද්විතීය-මිෂ්ට-දෛවතං නිරඤ්ජනම් .
මෘත්යුදර්ප-නාශනං කරාලදංෂ්ට්ර-මෝක්ෂදං [භූෂණං]
කාශිකාපුරාධිනාථ කාලභෛරවං භජේ .. 6 ..
අට්ටහාස-භින්න-පද්මජාණ්ඩකෝශ-සන්තතිං
දෘෂ්ටිපාත-නෂ්ටපාප-ජාලමුග්ර-ශාසනම් .
අෂ්ටසිද්ධි-දායකං කපාලමාලිකා-ධරං
කාශිකාපුරාධිනාථ කාලභෛරවං භජේ .. 7 ..
භූතසඞ්ඝ-නායකං විශාලකීර්ති-දායකං
කාශිවාසි-ලෝක-පුණ්යපාප-ශෝධකං විභුම් . [කශිවාස]
නීතිමාර්ග-කෝවිදං පුරාතනං ජගත්පතිං
කාශිකාපුරාධිනාථ කාලභෛරවං භජේ .. 8 ..
කාලභෛරවාෂ්ටකං පඨන්ති යේ මනෝහරං
ජ්ඤානමුක්ති-සාධනං විචිත්ර-පුණ්ය-වර්ධනම් .
ශෝකමෝහ-ලෝභදෛන්ය-කෝපතාප-නාශනං [දෛන්යලෝභ]
තේ ප්රයාන්ති කාලභෛරවාඞ්ඝ්රි-සන්නිධිං ධ්රුවම් ..
ඉති ශ්රීමත්පරමහංසපරිව්රාජකාචර්යස්ය
ශ්රීගෝවින්දභගවත්පූජ්යපාදශිෂ්යස්ය
ශ්රීමච්ඡඞ්කරභගවතඃ කෘතෞ
ශ්රී කාලභෛරවාෂ්ටකං සම්පූර්ණම් .
Roman (IAST) Transliteration
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
Sanskrit — Devanagari (original)
देवराज-सेव्यमान-पावनाङ्घ्रि-पङ्कजं
व्यालयज्ञ-सूत्रमिन्दु-शेखरं कृपाकरम् ।
नारदादि-योगिबृन्द-वन्दितं दिगम्बरं
काशिकापुराधिनाथ कालभैरवं भजे ॥ 1 ॥
भानुकोटि-भास्वरं भवब्धितारकं परं
नीलकण्ठ-मीप्सितार्थ-दायकं त्रिलोचनम् ।
कालकाल-मम्बुजाक्ष-मक्षशूल-मक्षरं
काशिकापुराधिनाथ कालभैरवं भजे ॥ 2 ॥
शूलटङ्क-पाशदण्ड-पाणिमादि-कारणं
श्यामकाय-मादिदेव-मक्षरं निरामयम् ।
भीमविक्रमं प्रभुं विचित्र ताण्डव प्रियं
काशिकापुराधिनाथ कालभैरवं भजे ॥ 3 ॥
भुक्ति-मुक्ति-दायकं प्रशस्तचारु-विग्रहं
भक्तवत्सलं स्थिरं समस्तलोक-विग्रहम् । [स्थितं]
निक्वणन्-मनोज्ञ-हेम-किङ्किणी-लसत्कटिं [विनिक्वणन्]
काशिकापुराधिनाथ कालभैरवं भजे ॥ 4 ॥
धर्मसेतु-पालकं त्वधर्ममार्ग नाशकं [नाशनं]
कर्मपाश-मोचकं सुशर्म-दायकं विभुम् ।
स्वर्णवर्ण-केशपाश-शोभिताङ्ग-मण्डलं [शॆषपाश, निर्मलं]
काशिकापुराधिनाथ कालभैरवं भजे ॥ 5 ॥
रत्न-पादुका-प्रभाभिराम-पादयुग्मकं
नित्य-मद्वितीय-मिष्ट-दैवतं निरञ्जनम् ।
मृत्युदर्प-नाशनं करालदंष्ट्र-मोक्षदं [भूषणं]
काशिकापुराधिनाथ कालभैरवं भजे ॥ 6 ॥
अट्टहास-भिन्न-पद्मजाण्डकोश-सन्ततिं
दृष्टिपात-नष्टपाप-जालमुग्र-शासनम् ।
अष्टसिद्धि-दायकं कपालमालिका-धरं
काशिकापुराधिनाथ कालभैरवं भजे ॥ 7 ॥
भूतसङ्घ-नायकं विशालकीर्ति-दायकं
काशिवासि-लोक-पुण्यपाप-शोधकं विभुम् । [कशिवास]
नीतिमार्ग-कोविदं पुरातनं जगत्पतिं
काशिकापुराधिनाथ कालभैरवं भजे ॥ 8 ॥
कालभैरवाष्टकं पठन्ति ये मनोहरं
ज्ञानमुक्ति-साधनं विचित्र-पुण्य-वर्धनम् ।
शोकमोह-लोभदैन्य-कोपताप-नाशनं [दैन्यलोभ]
ते प्रयान्ति कालभैरवाङ्घ्रि-सन्निधिं ध्रुवम् ॥
इति श्रीमत्परमहंसपरिव्राजकाचर्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ
श्री कालभैरवाष्टकं सम्पूर्णम् ।
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.