தேவராஜ-ஸேவ்யமாந-பாவநாங்க்ரி-பங்கஜம்
வ்யாலயஜ்ஞ-ஸூத்ரமிந்து-ஶேகரம் க்ரு'பாகரம் ।
நாரதாதி-யோகிப்ரு'ந்த-வந்திதம் திகம்பரம்
காஶிகாபுராதிநாத காலபைரவம் பஜே ॥ 1 ॥
பாநுகோடி-பாஸ்வரம் பவப்திதாரகம் பரம்
நீலகண்ட-மீப்ஸிதார்த-தாயகம் த்ரிலோசநம் ।
காலகால-மம்புஜாக்ஷ-மக்ஷஶூல-மக்ஷரம்
காஶிகாபுராதிநாத காலபைரவம் பஜே ॥ 2 ॥
ஶூலடங்க-பாஶதண்ட-பாணிமாதி-காரணம்
ஶ்யாமகாய-மாதிதேவ-மக்ஷரம் நிராமயம் ।
பீமவிக்ரமம் ப்ரபும் விசித்ர தாண்டவ ப்ரியம்
காஶிகாபுராதிநாத காலபைரவம் பஜே ॥ 3 ॥
புக்தி-முக்தி-தாயகம் ப்ரஶஸ்தசாரு-விக்ரஹம்
பக்தவத்ஸலம் ஸ்திரம் ஸமஸ்தலோக-விக்ரஹம் । [ஸ்திதம்]
நிக்வணந்-மநோஜ்ஞ-ஹேம-கிங்கிணீ-லஸத்கடிம் [விநிக்வணந்]
காஶிகாபுராதிநாத காலபைரவம் பஜே ॥ 4 ॥
தர்மஸேது-பாலகம் த்வதர்மமார்க நாஶகம் [நாஶநம்]
கர்மபாஶ-மோசகம் ஸுஶர்ம-தாயகம் விபும் ।
ஸ்வர்ணவர்ண-கேஶபாஶ-ஶோபிதாங்க-மண்டலம் [ஶெஷபாஶ, நிர்மலம்]
காஶிகாபுராதிநாத காலபைரவம் பஜே ॥ 5 ॥
ரத்ந-பாதுகா-ப்ரபாபிராம-பாதயுக்மகம்
நித்ய-மத்விதீய-மிஷ்ட-தைவதம் நிரஞ்ஜநம் ।
ம்ரு'த்யுதர்ப-நாஶநம் கராலதம்ஷ்ட்ர-மோக்ஷதம் [பூஷணம்]
காஶிகாபுராதிநாத காலபைரவம் பஜே ॥ 6 ॥
அட்டஹாஸ-பிந்ந-பத்மஜாண்டகோஶ-ஸந்ததிம்
த்ரு'ஷ்டிபாத-நஷ்டபாப-ஜாலமுக்ர-ஶாஸநம் ।
அஷ்டஸித்தி-தாயகம் கபாலமாலிகா-தரம்
காஶிகாபுராதிநாத காலபைரவம் பஜே ॥ 7 ॥
பூதஸங்க-நாயகம் விஶாலகீர்தி-தாயகம்
காஶிவாஸி-லோக-புண்யபாப-ஶோதகம் விபும் । [கஶிவாஸ]
நீதிமார்க-கோவிதம் புராதநம் ஜகத்பதிம்
காஶிகாபுராதிநாத காலபைரவம் பஜே ॥ 8 ॥
காலபைரவாஷ்டகம் படந்தி யே மநோஹரம்
ஜ்ஞாநமுக்தி-ஸாதநம் விசித்ர-புண்ய-வர்தநம் ।
ஶோகமோஹ-லோபதைந்ய-கோபதாப-நாஶநம் [தைந்யலோப]
தே ப்ரயாந்தி காலபைரவாங்க்ரி-ஸந்நிதிம் த்ருவம் ॥
இதி ஶ்ரீமத்பரமஹம்ஸபரிவ்ராஜகாசர்யஸ்ய
ஶ்ரீகோவிந்தபகவத்பூஜ்யபாதஶிஷ்யஸ்ய
ஶ்ரீமச்சங்கரபகவதஃ க்ரு'தௌ
ஶ்ரீ காலபைரவாஷ்டகம் ஸம்பூர்ணம் ।
Roman (IAST) Transliteration
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
Sanskrit — Devanagari (original)
देवराज-सेव्यमान-पावनाङ्घ्रि-पङ्कजं
व्यालयज्ञ-सूत्रमिन्दु-शेखरं कृपाकरम् ।
नारदादि-योगिबृन्द-वन्दितं दिगम्बरं
काशिकापुराधिनाथ कालभैरवं भजे ॥ 1 ॥
भानुकोटि-भास्वरं भवब्धितारकं परं
नीलकण्ठ-मीप्सितार्थ-दायकं त्रिलोचनम् ।
कालकाल-मम्बुजाक्ष-मक्षशूल-मक्षरं
काशिकापुराधिनाथ कालभैरवं भजे ॥ 2 ॥
शूलटङ्क-पाशदण्ड-पाणिमादि-कारणं
श्यामकाय-मादिदेव-मक्षरं निरामयम् ।
भीमविक्रमं प्रभुं विचित्र ताण्डव प्रियं
काशिकापुराधिनाथ कालभैरवं भजे ॥ 3 ॥
भुक्ति-मुक्ति-दायकं प्रशस्तचारु-विग्रहं
भक्तवत्सलं स्थिरं समस्तलोक-विग्रहम् । [स्थितं]
निक्वणन्-मनोज्ञ-हेम-किङ्किणी-लसत्कटिं [विनिक्वणन्]
काशिकापुराधिनाथ कालभैरवं भजे ॥ 4 ॥
धर्मसेतु-पालकं त्वधर्ममार्ग नाशकं [नाशनं]
कर्मपाश-मोचकं सुशर्म-दायकं विभुम् ।
स्वर्णवर्ण-केशपाश-शोभिताङ्ग-मण्डलं [शॆषपाश, निर्मलं]
काशिकापुराधिनाथ कालभैरवं भजे ॥ 5 ॥
रत्न-पादुका-प्रभाभिराम-पादयुग्मकं
नित्य-मद्वितीय-मिष्ट-दैवतं निरञ्जनम् ।
मृत्युदर्प-नाशनं करालदंष्ट्र-मोक्षदं [भूषणं]
काशिकापुराधिनाथ कालभैरवं भजे ॥ 6 ॥
अट्टहास-भिन्न-पद्मजाण्डकोश-सन्ततिं
दृष्टिपात-नष्टपाप-जालमुग्र-शासनम् ।
अष्टसिद्धि-दायकं कपालमालिका-धरं
काशिकापुराधिनाथ कालभैरवं भजे ॥ 7 ॥
भूतसङ्घ-नायकं विशालकीर्ति-दायकं
काशिवासि-लोक-पुण्यपाप-शोधकं विभुम् । [कशिवास]
नीतिमार्ग-कोविदं पुरातनं जगत्पतिं
काशिकापुराधिनाथ कालभैरवं भजे ॥ 8 ॥
कालभैरवाष्टकं पठन्ति ये मनोहरं
ज्ञानमुक्ति-साधनं विचित्र-पुण्य-वर्धनम् ।
शोकमोह-लोभदैन्य-कोपताप-नाशनं [दैन्यलोभ]
ते प्रयान्ति कालभैरवाङ्घ्रि-सन्निधिं ध्रुवम् ॥
इति श्रीमत्परमहंसपरिव्राजकाचर्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ
श्री कालभैरवाष्टकं सम्पूर्णम् ।
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.