Muka Pancha Shati 2 - Padaravinda Shatakam — Sinhala Script

මහිම්නඃ පන්ථානං මදනපරිපන්ථිප්රණයිනි

ප්රභුර්නිර්ණේතුං තේ භවති යතමානෝ(අ)පි කතමඃ .

තථාපි ශ්රීකාඤ්චීවිහෘතිරසිකේ කෝ(අ)පි මනසෝ

විපාකස්ත්වත්පාදස්තුතිවිධිෂු ජල්පාකයති මාම් ..1..

ගලග්රාහී පෞරන්දරපුරවනීපල්ලවරුචාං

ධෘතපාථම්යානාමරුණමහසාමාදිමගුරුඃ .

සමින්ධේ බන්ධූකස්තබකසහයුධ්වා දිශි දිශි

ප්රසර්පන්කාමාක්ෂ්යාශ්චරණකිරණානාමරුණිමා ..2..

මරාලීනාං යානාභ්යසනකලනාමූලගුරවේ

දරිද්රාණාං ත්රාණව්යතිකරසුරෝද්යානතරවේ .

තමස්කාණ්ඩප්රෞඪිප්රකටනතිරස්කාරපටවේ

ජනෝ(අ)යං කාමාක්ෂ්යාශ්චරණනලිනාය ස්පෘහයතේ ..3..

වහන්තී සෛන්දූරීං සරණිමවනම්රාමරපුऱී-

පුරන්ධ්රීසීමන්තේ කවිකමලබාලාර්කසුෂමා .

ත්රයීසීමන්තින්යාඃ ස්තනතටනිචෝලාරුණපටී

විභාන්තී කාමාක්ෂ්යාඃ පදනලිනකාන්තිර්විජයතේ ..4..

ප්රණම්රීභූතස්ය ප්රණයකලහත්රස්තමනසඃ

ස්මරාරාතේශ්චූඩාවියති ගෘහමේධී හිමකරඃ .

යයෝඃ සාන්ධ්යාං කාන්තිං වහති සුෂමාභිශ්චරණයෝඃ

තයෝර්මේ කාමාක්ෂ්යා හෘදයමපතන්ද්රං විහරතාම් ..5..

යයෝඃ පීඨායන්තේ විබුධමුකුටීනාං පටලිකා

යයෝඃ සෞධායන්තේ ස්වයමුදයභාජෝ භණිතයඃ .

යයෝඃ දාසායන්තේ සරසිජභවාද්යාශ්චරණයෝඃ

තයෝර්මේ කාමාක්ෂ්යා දිනමනු වරීවර්තු හෘදයම් ..6..

නයන්තී සඞ්කෝචං සරසිජරුචං දික්පරිසරේ

සෘජන්තී ලෞහිත්යං නඛකිරණචන්ද්රාර්ධඛචිතා .

කවීන්ද්රාණාං හෘත්කෛරවවිකසනෝද්යෝගජනනී

ස්ඵුරන්තී කාමාක්ෂ්යාඃ චරණරුචිසන්ධ්යා විජයතේ ..7..

විරාවෛර්මාඤ්ජීරෛඃ කිමපි කථයන්තීව මධුරං

පුරස්තාදානම්රේ පුරවිජයිනි ස්මේරවදනේ .

වයස්යේව ප්රෞඪා ශිථිලයති යා ප්රේමකලහ-

ප්රරෝහං කාමාක්ෂ්යාඃ චරණයුගලී සා විජයතේ ..8..

සුපර්වස්ත්රීලෝලාලකපරිචිතං ෂට්පදකුලෛඃ

ස්ඵුරල්ලාක්ෂාරාගං තරුණතරණිජ්යෝතිරරුණෛඃ .

භෘතං කාන්ත්යම්භෝභිඃ විසෘමරමරන්දෛඃ සරසිජෛඃ

විධත්තේ කාමාක්ෂ්යාඃ චරණයුගලං බන්ධුපදවීම් ..9..

රජඃසංසර්ගේ(අ)පි ස්ථිතමරජසාමේව හෘදයේ

පරං රක්තත්වේන ස්ථිතමපි විරක්තෛකශරණම් .

අලභ්යං මන්දානාං දධදපි සදා මන්දගතිතාං

විධත්තේ කාමාක්ෂ්යාඃ චරණයුගමාශ්චර්යලහරීම් ..10..

ජටාලා මඤ්ජීරස්ඵුරදරුණරත්නාංශුනිකරෛඃ

නිෂිදන්තී මධ්යේ නඛරුචිඣරීගාඞ්ගපයසාම් .

ජගත්ත්රාණං කර්තුං ජනනි මම කාමාක්ෂි නියතං

තපශ්චර්යාං ධත්තේ තව චරණපාථෝජයුගලී ..11..

තුලාකෝටිද්වන්ද්වක්කණිතභණිතාභීතිවචසෝඃ

විනම්රං කාමාක්ෂී විසෘමරමහඃපාටලිතයෝඃ .

ක්ෂණං වින්යාසේන ක්ෂපිතතමසෝර්මේ ලලිතයෝඃ

පුනීයාන්මූර්ධානං පුරහරපුරන්ධ්රී චරණයෝඃ ..12..

භවානි ද්රුහ්යේතාං භවනිබිඩිතේභ්යෝ මම මුහු-

ස්තමෝව්යාමෝහේභ්යස්තව ජනනි කාමාක්ෂි චරණෞ .

යයෝර්ලාක්ෂාබින්දුස්ඵුරණධරණාද්ධ්වර්ජටිජටා-

කුටීරා ශෝණාඞ්කං වහති වපුරේණාඞ්කකලිකා ..13..

පවිත්රීකුර්යුර්නුඃ පදතලභුවඃ පාටලරුචඃ

පරාගාස්තේ පාපප්රශමනධුරීණාඃ පරශිවේ .

කණං ලබ්ධුං යේෂාං නිජශිරසි කාමාක්ෂි විවශා

වලන්තෝ ව්යාතන්වන්ත්යහමහමිකාං මාධවමුඛාඃ ..14..

බලාකාමාලාභිර්නඛරුචිමයීභිඃ පරිවෘතේ

විනම්රස්වර්නාරීවිකචකචකාලාම්බුදකුලේ .

ස්ඵුරන්තඃ කාමාක්ෂි ස්ඵුටදලිතබන්ධූකසුහෘද-

ස්තටිල්ලේඛායන්තේ තව චරණපාථෝජකිරණාඃ ..15..

සරාගඃ සද්වේෂඃ ප්රසෘමරසරෝජේ ප්රතිදිනං

නිසර්ගාදාක්රාමන්විබුධජනමූර්ධානමධිකම් .

කථඞ්කාරං මාතඃ කථය පදපද්මස්තව සතාං

නතානාං කාමාක්ෂි ප්රකටයති කෛවල්යසරණිම් ..16..

ජපාලක්ෂ්මීශෝණෝ ජනිතපරමජ්ඤානනලිනී-

විකාසව්යාසඞ්ගෝ විඵලිතජගජ්ජාඩ්යගරිමා .

මනඃපූර්වාද්රිං මේ තිලකයතු කාමාක්ෂි තරසා

තමස්කාණ්ඩද්රෝහී තව චරණපාථෝජරමණඃ ..17..

නමස්කුර්මඃ ප්රේඞ්ඛන්මණිකටකනීලෝත්පලමහඃ-

පයෝධෞ රිඞ්ඛද්භිර්නඛකිරණඵේනෛර්ධවලිතේ .

ස්ඵුටං කුර්වාණාය ප්රබලචලදෞර්වානලශිඛා-

විතර්කං කාමාක්ෂ්යාඃ සතතමරුණිම්නේ චරණයෝඃ ..18..

ශිවේ පාශායේතාමලඝුනි තමඃකූපකුහරේ

දිනාධීශායේතාං මම හෘදයපාථෝජවිපිනේ .

නභෝමාසායේතාං සරසකවිතාරීතිසරිති

ත්වදීයෞ කාමාක්ෂි ප්රසෘතකිරණෞ දේවි චරණෞ ..19..

නිෂක්තං ශ්රුත්යන්තේ නයනමිව සද්වෘත්තරුචිරෛඃ

සමෛර්ජුෂ්ටං ශුද්ධෛරධරමිව රම්යෛර්ද්විජගණෛඃ .

ශිවේ වක්ෂෝජන්මද්විතයමිව මුක්තාශ්රිතමුමේ

ත්වදීයං කාමාක්ෂි ප්රණතශරණං නෞමි චරණම් ..20..

නමස්යාසංසජ්ජන්නමුචිපරිපන්ථිප්රණයිනී-

නිසර්ගප්රේඞ්ඛෝලත්කුරලකුලකාලාහිශබලේ .

නඛච්ඡායාදුග්ධෝදධිපයසි තේ වෛද්රුමරුචාං

ප්රචාරං කාමාක්ෂි ප්රචුරයති පාදාබ්ජසුෂමා ..21..

කදා දූරීකර්තුං කටුදුරිතකාකෝලජනිතං

මහාන්තං සන්තාපං මදනපරිපන්ථිප්රියතමේ .

ක්ෂණාත්තේ කාමාක්ෂි ත්රිභුවනපරීතාපහරණේ

පටීයාංසං ලප්ස්යේ පදකමලසේවාමෘතරසම් ..22..

යයෝඃ සාන්ධ්යං රෝචිඃ සතතමරුණිම්නේ ස්පෘහයතේ

යයෝශ්චාන්ද්රී කාන්තිඃ පරිපතති දෘෂ්ට්වා නඛරුචිම් .

යයෝඃ පාකෝද්රේකං පිපඨිෂති භක්ත්යා කිසලයං

ම්රදිම්නඃ කාමාක්ෂ්යා මනසි චරණෞ තෞ තනුමහේ ..23..

ජගන්නේදං නේදං පරමිති පරිත්යජ්ය යතිභිඃ

කුශාග්රීයස්වාන්තෛඃ කුශලධිෂණෛඃ ශාස්ත්රසරණෞ .

ගවේෂ්යං කාමාක්ෂි ධ්රුවමකෘතකානාං ගිරිසුතේ

ගිරාමෛදම්පර්යං තව චරණපද්මං විජයතේ ..24..

කෘතස්නානං ශාස්ත්රාමෘතසරසි කාමාක්ෂි නිතරාං

දධානං වෛශද්යං කලිතරසමානන්දසුධයා .

අලඞ්කාරං භූමේර්මුනිජනමනශ්චින්මයමහා-

පයෝධේරන්තස්ස්ථං තව චරණරත්නං මෘගයතේ ..25..

මනෝගේහේ මෝහෝද්භවතිමිරපූර්ණේ මම මුහුඃ

දරිද්රාණීකුර්වන්දිනකරසහස්රාණි කිරණෛඃ .

විධත්තාං කාමාක්ෂි ප්රසෘමරතමෝවඤ්චනචණඃ

ක්ෂණාර්ධං සාන්නිධ්යං චරණමණිදීපෝ ජනනි තේ ..26..

කවීනාං චේතෝවන්නඛරරුචිසම්පර්කි විබුධ-

ස්රවන්තීස්රෝතෝවත්පටුමුඛරිතං හංසකරවෛඃ .

දිනාරම්භශ්රීවන්නියතමරුණච්ඡායසුභගං

මදන්තඃ කාමාක්ෂ්යාඃ ස්ඵුරතු පදපඞ්කේරුහයුගම් ..27..

සදා කිං සම්පර්කාත්ප්රකෘතිකඨිනෛර්නාකිමුකුටෛඃ

තටෛර්නීහාරාද්රේරධිකමණුනා යෝගිමනසා .

විභින්තේ සම්මෝහං ශිශිරයති භක්තානපි දෘශාම්

අදෘශ්යං කාමාක්ෂි ප්රකටයති තේ පාදයුගලම් ..28..

පවිත්රාභ්යාමම්බ ප්රකෘතිමෘදුලාභ්යාං තව ශිවේ

පදාභ්යාං කාමාක්ෂි ප්රසභමභිභූතෛඃ සචකිතෛඃ .

ප්රවාලෛරම්භෝජෛරපි ච වනවාසව්රතදශාඃ

සදෛවාරභ්යන්තේ පරිචරිතනානාද්විජගණෛඃ ..29..

චිරාද්දෘශ්යා හංසෛඃ කථමපි සදා හංසසුලභං

නිරස්යන්තී ජාඩ්යං නියතජඩමධ්යෛකශරණම් .

අදෝෂව්යාසඞ්ගා සතතමපි දෝෂාප්තිමලිනං

පයෝජං කාමාක්ෂ්යාඃ පරිහසති පාදාබ්ජයුගලී ..30..

සුරාණාමානන්දප්රබලනතයා මණ්ඩනතයා

නඛේන්දුජ්යෝත්ස්නාභිර්විසෘමරතමඃඛණ්ඩනතයා .

පයෝජශ්රීද්වේෂව්රතරතතයා ත්වච්චරණයෝඃ

විලාසඃ කාමාක්ෂි ප්රකටයති නෛශාකරදශාම් ..31..

සිතිම්නා කාන්තීනාං නඛරජනුෂාං පාදනලින-

ච්ඡවීනාං ශෝණිම්නා තව ජනනි කාමාක්ෂි නමනේ .

ලභන්තේ මන්දාරග්රථිතනවබන්ධූකකුසුම-

ස්රජාං සාමීචීන්යං සුරපුරපුරන්ධ්රීකචභරාඃ ..32..

ස්ඵුරන්මධ්යේ ශුද්ධේ නඛකිරණදුග්ධාබ්ධිපයසාං

වහන්නබ්ජං චක්රං දරමපි ච ලේඛාත්මකතයා .

ශ්රිතෝ මාත්ස්යං රූපං ශ්රියමපි දධානෝ නිරුපමාං

ත්රිධාමා කාමාක්ෂ්යාඃ පදනලිනනාමා විජයතේ ..33..

නඛශ්රීසන්නද්ධස්තබකනිචිතඃ ස්වෛශ්ච කිරණෛඃ

පිශඞ්ගෛඃ කාමාක්ෂි ප්රකටිතලසත්පල්ලවරුචිඃ .

සතාං ගම්යඃ ශඞ්කේ සකලඵලදාතා සුරතරුඃ

ත්වදීයඃ පාදෝ(අ)යං තුහිනගිරිරාජන්යතනයේ ..34..

වෂට්කුර්වන්මාඤ්ජීරකලකලෛඃ කර්මලහරී-

හවීංෂි ප්රෞද්දණ්ඩං ජ්වලති පරමජ්ඤානදහනේ .

මහීයාන්කාමාක්ෂි ස්ඵුටමහසි ජෝහෝති සුධියාං

මනෝවේද්යාං මාතස්තව චරණයජ්වා ගිරිසුතේ ..35..

මහාමන්ත්රං කිඤ්චින්මණිකටකනාදෛර්මෘදු ජපන්

ක්ෂිපන්දික්ෂු ස්වච්ඡං නඛරුචිමයං භාස්මනරජඃ .

නතානාං කාමාක්ෂි ප්රකෘතිපටුරච්චාට්ය මමතා-

පිශාචීං පාදෝ(අ)යං ප්රකටයති තේ මාන්ත්රිකදශාම් ..36..

උදීතේ බෝධේන්දෞ තමසි නිතරාං ජග්මුෂි දශාං

දරිද්රාං කාමාක්ෂි ප්රකටමනුරාගං විදධතී .

සිතේනාච්ඡාද්යාඞ්ගං නඛරුචිපටේනාඞ්ඝ්රියුගලී-

පුරන්ධ්රී තේ මාතඃ ස්වයමභිසරත්යේව හෘදයම් ..37..

දිනාරම්භඃ සම්පන්නලිනවිපිනානාමභිනවෝ

විකාසෝ වාසන්තඃ සුකවිපිකලෝකස්ය නියතඃ .

ප්රදෝෂඃ කාමාක්ෂි ප්රකටපරමජ්ඤානශශින-

ශ්චකාස්ති ත්වත්පාදස්මරණමහිමා ශෛලතනයේ ..38..

ධෘතච්ඡායං නිත්යං සරසිරුහමෛත්රීපරිචිතං

නිධානං දීප්තීනාං නිඛිලජගතාං බෝධජනකම් .

මුමුක්ෂූණාං මාර්ගප්රථනපටු කාමාක්ෂි පදවීං

පදං තේ පාතඞ්ගීං පරිකලයතේ පර්වතසුතේ ..39..

ශනෛස්තීර්ත්වා මෝහාම්බුධිමථ සමාරෝඪුමනසඃ

ක්රමාත්කෛවල්යාඛ්යාං සුකෘතිසුලභාං සෞධවලභීම් .

ලභන්තේ නිඃශ්රේණීමිව ඣටිති කාමාක්ෂි චරණං

පුරශ්චර්යාභිස්තේ පුරමථනසීමන්තිනි ජනාඃ ..40..

ප්රචණ්ඩාර්තික්ෂෝභප්රමථනකෘතේ ප්රාතිභසරි-

ත්ප්රවාහප්රෝද්දණ්ඩීකරණජලදාය ප්රණමතාම් .

ප්රදීපාය ප්රෞඪේ භවතමසි කාමාක්ෂි චරණ-

ප්රසාදෞන්මුඛ්යාය ස්පෘහයති ජනෝ(අ)යං ජනනි තේ ..41..

මරුද්භිඃ සංසේව්යා සතතමපි චාඤ්චල්යරහිතා

සදාරුණ්යං යාන්තී පරිණතිදරිද්රාණසුෂමා .

ගුණෝත්කර්ෂාන්මාඤ්ජීරකකලකලෛස්තර්ජනපටුඃ

ප්රවාලං කාමාක්ෂ්යාඃ පරිහසති පාදාබ්ජයුගලී ..42..

ජගද්රක්ෂාදක්ෂා ජලජරුචිශික්ෂාපටුතරා

සමෛර්නම්යා රම්යා සතතමභිගම්යා බුධජනෛඃ .

ද්වයී ලීලාලෝලා ශ්රුතිෂු සුරපාලාදිමුකුටී-

තටීසීමාධාමා තව ජනනි කාමාක්ෂි පදයෝඃ ..43..

ගිරාං දූරෞ චෝරෞ ජඩිමතිමිරාණාං කෘතජග-

ත්පරිත්රාණෞ ශෝණෞ මුනිහෘදයලීලෛකනිපුණෞ .

නඛෛඃ ස්මේරෞ සාරෞ නිගමවචසාං ඛණ්ඩිතභව-

ග්රහෝන්මාදෞ පාදෞ තව ජනනි කාමාක්ෂි කලයේ ..44..

අවිශ්රාන්තං පඞ්කං යදපි කලයන්යාවකමයං

නිරස්යන්කාමාක්ෂි ප්රණමනජුෂාං පඞ්කමඛිලම් .

තුලාකෝටිද්වන්දං දධදපි ච ගච්ඡන්නතුලතාං

ගිරාං මාර්ගං පාදෝ ගිරිවරසුතේ ලඞ්ඝයති තේ ..45..

ප්රවාලං සව්රීලං විපිනවිවරේ වේපයති යා

ස්ඵුරල්ලීලං බාලාතපමධිකබාලං වදති යා .

රුචිං සාන්ධ්යාං වන්ධ්යාං විරචයති යා වර්ධයතු සා

ශිවං මේ කාමාක්ෂ්යාඃ පදනලිනපාටල්යලහරී ..46..

කිරඤ්ජ්යෝත්ස්නාරීතිං නඛමුඛරුචා හංසමනසාං

විතන්වානඃ ප්රීතිං විකචතරුණාම්භෝරුහරුචිඃ .

ප්රකාශඃ ශ්රීපාදස්තව ජනනි කාමාක්ෂි තනුතේ

ශරත්කාලප්රෞඪිං ශශිශකලචූඩප්රියතමේ ..47..

නඛාඞ්කූරස්මේරද්යුතිවිමලගඞ්ගාම්භසි සුඛං

කෘතස්නානං ජ්ඤානාමෘතමමලමාස්වාද්ය නියතම් .

උදඤ්චන්මඤ්ජීරස්ඵුරණමණිදීපේ මම මනෝ

මනෝජ්ඤේ කාමාක්ෂ්යාශ්චරණමණිහර්ම්යේ විහරතාම් ..48..

භවාම්භෝධෞ නෞකාං ජඩිමවිපිනේ පාවකශිඛා-

මමර්ත්යේන්ද්රාදීනාමධිමුකුටමුත්තංසකලිකාම් .

ජගත්තාපේ ජ්යෝත්ස්නාමකෘතකවචඃපඤ්ජරපුටේ

ශුකස්ත්රීං කාමාක්ෂ්යා මනසි කලයේ පාදයුගලීම් ..49..

පරත්මප්රාකාශ්යප්රතිඵලනචුඤ්චුඃ ප්රණමතාං

මනෝජ්ඤස්ත්වත්පාදෝ මණිමුකුරමුද්රාං කලයතේ .

යදීයාං කාමාක්ෂි ප්රකෘතිමසෘණාඃ ශෝධකදශාං

විධාතුං චේෂ්ඨන්තේ බලරිපුවධූටීකචභරාඃ ..50..

අවිශ්රාන්තං තිෂ්ඨන්නකෘතකවචඃකන්දරපුටී-

කුටීරාන්තඃ ප්රෞඪං නඛරුචිසටාලීං ප්රකටයන් .

ප්රචණ්ඩං ඛණ්ඩත්වං නයතු මම කාමාක්ෂි තරසා

තමෝවේතණ්ඩේන්ද්රං තව චරණකණ්ඨීරවපතිඃ ..51..

පුරස්තාත්කාමාක්ෂි ප්රචුරරසමාඛණ්ඩලපුරී-

පුරන්ධ්රීණාං ලාස්යං තව ලලිතමාලෝක්ය ශනකෛඃ .

නඛශ්රීභිඃ ස්මේරා බහු විතනුතේ නූපුරරවෛ-

ශ්චමත්කෘත්යා ශඞ්කේ චරණයුගලී චාටුරචනාඃ ..52..

සරෝජං නින්දන්තී නඛකිරණකර්පූරශිශිරා

නිෂික්තා මාරාරේර්මුකුටශශිරේඛාහිමජලෛඃ .

ස්ඵුරන්තී කාමාක්ෂි ස්ඵුටරුචිමයේ පල්ලවචයේ

තවාධත්තේ මෛත්රීං පථිකසුදෘශා පාදයුගලී ..53..

නතානාං සම්පත්තේරනවරතමාකර්ෂණජපඃ

ප්රරෝහත්සංසාරප්රසරගරිමස්තම්භනජපඃ .

ත්වදීයඃ කාමාක්ෂි ස්මරහරමනෝමෝහනජපඃ

පටීයාන්නඃ පායාත්පදනලිනමඤ්ජීරනිනදඃ ..54..

විතන්වීථා නාථේ මම ශිරසි කාමාක්ෂි කෘපයා

පදාම්භෝජන්යාසං පශුපරිබෘඪප්රාණදයිතේ .

පිබන්තෝ යන්මුද්රාං ප්රකටමුපකම්පාපරිසරං

දෘශා නානන්ද්යන්තේ නලිනභවනාරායණමුඛාඃ ..55..

ප්රණාමෝද්යද්බෘන්දාරමුකුටමන්දාරකලිකා-

විලෝලල්ලෝලම්බප්රකරමයධූමප්රචුරිමා .

ප්රදීප්තඃ පාදාබ්ජද්යුතිවිතතිපාටල්යලහරී-

කෘශානුඃ කාමාක්ෂ්යා මම දහතු සංසාරවිපිනම් ..56..

වලක්ෂශ්රීරෘක්ෂාධිපශිශුසදෘක්ෂෛස්තව නඛෛඃ

ජිඝෘක්ෂුර්දක්ෂත්වං සරසිරුහභික්ෂුත්වකරණේ .

ක්ෂණාන්මේ කාමාක්ෂි ක්ෂපිතභවසඞ්ක්ෂෝභගරිමා

වචෝවෛචක්ෂන්යං චරණයුගලී පක්ෂ්මලයතාත් ..57..

සමන්තාත්කාමාක්ෂි ක්ෂතතිමිරසන්තානසුභගාන්

අනන්තාභිර්භාභිර්දිනමනු දිගන්තාන්විරචයන් .

අහන්තායා හන්තා මම ජඩිමදන්තාවලහරිඃ

විභින්තාං සන්තාපං තව චරණචින්තාමණිරසෞ ..58..

දධානෝ භාස්වත්තාමමෘතනිලයෝ ලෝහිතවපුඃ

විනම්රාණාං සෞම්යෝ ගුරුරපි කවිත්වං ච කලයන් .

ගතෞ මන්දෝ ගඞ්ගාධරමහිෂි කාමාක්ෂි භජතාං

තමඃකේතුර්මාතස්තව චරණපද්මෝ විජයතේ ..59..

නයන්තීං දාසත්වං නලිනභවමුඛ්යානසුලභ-

ප්රදානාද්දීනානාමමරතරුදෞර්භාග්යජනනීම් .

ජගජ්ජන්මක්ෂේමක්ෂයවිධිෂු කාමාක්ෂි පදයෝ-

ර්ධුරීණාමීෂ්ටේ කරස්තව භණිතුමාහෝපුරුෂිකාම් ..60..

ජනෝ(අ)යං සන්තප්තෝ ජනනි භවචණ්ඩාංශුකිරණෛඃ

අලබ්ධවෛකං ශීතං කණමපි පරජ්ඤානපයසඃ .

තමෝමාර්ගේ පාන්ථස්තව ඣටිති කාමාක්ෂි ශිශිරාං

පදාම්භෝජච්ඡායාං පරමශිවජායේ මෘගයතේ ..61..

ජයත්යම්බ ශ්රීමන්නඛකිරණචීනාංශුකමයං

විතානං බිභ්රාණේ සුරමුකුටසඞ්ඝට්ටමසෘණේ .

නිජාරුණ්යක්ෂෞමාස්තරණවති කාමාක්ෂි සුලභා

බුධෛඃ සංවින්නාරී තව චරණමාණික්යභවනේ ..62..

ප්රතීමඃ කාමාක්ෂි ස්ඵුරිතතරුණාදිත්යකිරණ-

ශ්රියෝ මූලද්රව්යං තව චරණමද්රීන්ද්රතනයේ .

සුරේන්ද්රාශාමාපූරයති යදසෞ ධ්වාන්තමඛිලං

ධුනීතේ දිග්භාගානපි ච මහසා පාටලයතේ ..63..

මහාභාෂ්යව්යාඛ්යාපටුශයනමාරෝපයති වා

ස්මරව්යාපාරේර්ෂ්යාපිශුනනිටිලං කාරයති වා .

ද්විරේඵාණාමධ්යාසයති සතතං වාධිවසතිං

ප්රණම්රාන්කාමාක්ෂ්යාඃ පදනලිනමාහාත්ම්යගරිමා ..64..

විවේකාම්භස්ස්රෝතස්ස්නපනපරිපාටීශිශිරිතේ

සමීභූතේ ශාස්ත්රස්මරණහලසඞ්කර්ෂණවශාත් .

සතාං චේතඃක්ෂේත්රේ වපති තව කාමාක්ෂි චරණෝ

මහාසංවිත්සස්යප්රකරවරබීජං ගිරිසුතේ ..65..

දධානෝ මන්දාරස්තබකපරිපාටීං නඛරුචා

වහන්දීප්තාං ශෝණාඞ්ගුලිපටලචාම්පේයකලිකාම් .

අශෝකෝල්ලාසං නඃ ප්රචුරයතු කාමාක්ෂි චරණෝ

විකාසී වාසන්තඃ සමය ඉව තේ ශර්වදයිතේ ..66..

නඛාංශුප්රාචුර්යප්රසෘමරමරාලාලිධවලඃ

ස්ඵුරන්මඤ්ජීරෝද්යන්මරකතමහශ්ශෛවලයුතඃ .

භවත්යාඃ කාමාක්ෂි ස්ඵුටචරණපාටල්යකපටෝ

නදඃ ශෝණාභිඛ්යෝ නගපතිතනූජේ විජයතේ ..67..

ධුනානං පඞ්කෞඝං පරමසුලභං කණ්ටකකුලෛඃ

විකාසව්යාසඞ්ගං විදධදපරාධීනමනිශම් .

නඛේන්දුජ්යෝත්ස්නාභිර්විශදරුචි කාමාක්ෂි නිතරාම්

අසාමාන්යං මන්යේ සරසිජමිදං තේ පදයුගම් ..68..

කරීන්ද්රාය ද්රුහ්යත්යලසගතිලීලාසු විමලෛඃ

පයෝජෛර්මාත්සර්යං ප්රකටයති කාමං කලයතේ .

පදාම්භෝජද්වන්ද්වං තව තදපි කාමාක්ෂි හෘදයං

මුනීනාං ශාන්තානාං කථමනිශමස්මෛ ස්පෘහයතේ ..69..

නිරස්තා ශෝණිම්නා චරණකිරණානාං තව ශිවේ

සමින්ධානා සන්ධ්යාරුචිරචලරාජන්යතනයේ .

අසාමර්ථ්යාදේනං පරිභවිතුමේතත්සමරුචාං

සරෝජානාං ජානේ මුකුලයති ශෝභාං ප්රතිදිනම් ..70..

උපාදික්ෂද්දාක්ෂ්යං තව චරණනාමා ගුරුරසෞ

මරාලානාං ශඞ්කේ මසෘණගතිලාලිත්යසරණෞ .

අතස්තේ නිස්තන්ද්රං නියතමමුනා සඛ්යපදවීං

ප්රපන්නං පාථෝජං ප්රති දධති කාමාක්ෂි කුතුකම් ..71..

දධානෛඃ සංසර්ගං ප්රකෘතිමලිනෛඃ ෂට්පදකුලෛඃ

ද්විජාධීශශ්ලාඝාවිධිෂු විදධද්භිර්මුකුලතාම් .

රජෝමිශ්රෛඃ පද්මෛර්නියතමපි කාමාක්ෂි පදයෝඃ

විරෝධස්තේ යුක්තෝ විෂමශරවෛරිප්රියතමේ ..72..

කවිත්වශ්රීමිශ්රීකරණනිපුණෞ රක්ෂණචණෞ

විපන්නානාං ශ්රීමන්නලිනමසෘණෞ ශෝණකිරණෞ .

මුනීන්ද්රාණාමන්තඃකරණශරණෞ මන්දසරණෞ

මනෝජ්ඤෞ කාමාක්ෂ්යා දුරිතහරණෞ නෞමි චරණෞ ..73..

පරස්මාත්සර්වස්මාදපි ච පරයෝර්මුක්තිකරයෝඃ

නඛශ්රීභිර්ජ්යෝත්ස්නාකලිතතුලයෝස්තාම්රතලයෝඃ .

නිලීයේ කාමාක්ෂ්යා නිගමනුතයෝර්නාකිනතයෝඃ

නිරස්තප්රෝන්මීලන්නලිනමදයෝරේව පදයෝඃ ..74..

ස්වභාවාදන්යෝන්යං කිසලයමපීදං තව පදං

ම්රදිම්නා ශෝණිම්නා භගවති දධාතේ සදෘශතාම් .

වනේ පූර්වස්යේච්ඡා සතතමවනේ කිං තු ජගතාං

පරස්යේත්ථං භේදඃ ස්ඵුරති හෘදි කාමාක්ෂි සුධියාම් ..75..

කථං වාචාලෝ(අ)පි ප්රකටමණිමඤ්ජීරනිනදෛඃ

සදෛවානන්දාර්ද්රාන්විරචයති වාචංයමජනාන් .

ප්රකෘත්යා තේ ශෝණච්ඡවිරපි ච කාමාක්ෂි චරණෝ

මනීෂානෛර්මල්යං කථමිව නෘණාං මාංසලයතේ ..76..

චලත්තෘෂ්ණාවීචීපරිචලනපර්යාකුලතයා

මුහුර්භ්රාන්තස්තාන්තඃ පරමශිවවාමාක්ෂි පරවාන් .

තිතීර්ෂුඃ කාමාක්ෂි ප්රචුරතරකර්මාම්බුධිමමුං

කදාහං ලප්ස්යේ තේ චරණමණිසේතුං ගිරිසුතේ ..77..

විශුෂ්යන්ත්යාං ප්රජ්ඤාසරිති දුරිතග්රීෂ්මසමය-

ප්රභාවේණ ක්ෂීණේ සති මම මනඃකේකිනි ශුචා .

ත්වදීයඃ කාමාක්ෂි ස්ඵුරිතචරණාම්භෝදමහිමා

නභෝමාසාටෝපං නගපතිසුතේ කිං න කුරුතේ ..78..

විනම්රාණාං චේතෝභවනවලභීසීම්නි චරණ-

ප්රදීපේ ප්රාකාශ්යං දධති තව නිර්ධූතතමසි .

අසීමා කාමාක්ෂි ස්වයමලඝුදුෂ්කර්මලහරී

විඝූර්ණන්තී ශාන්තිං ශලභපරිපාටීව භජතේ ..79..

විරාජන්තී ශුක්තිර්නඛකිරණමුක්තාමණිතතේඃ

විපත්පාථෝරාශෞ තරිරපි නරාණාං ප්රණමතාම් .

ත්වදීයඃ කාමාක්ෂි ධ්රුවමලඝුවහ්නිර්භවවනේ

මුනීනාං ජ්ඤානාග්නේරරණිරයමඞ්ඝිර්විජයතේ ..80..

සමස්තෛඃ සංසේව්යඃ සතතමපි කාමාක්ෂි විබුධෛඃ

ස්තුතෝ ගන්ධර්වස්ත්රීසුලලිතවිපඤ්චීකලරවෛඃ .

භවත්යා භින්දානෝ භවගිරිකුලං ජෘම්භිතතමෝ-

බලද්රෝහී මාතශ්චරණපුරුහූතෝ විජයතේ ..81..

වසන්තං භක්තානාමපි මනසි නිත්යං පරිලසද්-

ඝනච්ඡායාපූර්ණං ශුචිමපි නෘණාං තාපශමනම් .

නඛේන්දුජ්යෝත්ස්නාභිඃ ශිශිරමපි පද්මෝදයකරං

නමාමඃ කාමාක්ෂ්යාශ්චරණමධිකාශ්චර්යකරණම් ..82..

කවීන්ද්රාණාං නානාභණිතිගුණචිත්රීකෘතවචඃ-

ප්රපඤ්චව්යාපාරප්රකටනකලාකෞශලනිධිඃ .

අධඃකුර්වන්නබ්ජං සනකභෘගුමුඛ්යෛර්මුනිජනෛඃ

නමස්යඃ කාමාක්ෂ්යාශ්චරණපරමේෂ්ඨී විජයතේ ..83..

භවත්යාඃ කාමාක්ෂි ස්ඵුරිතපදපඞ්කේරුහභුවාං

පරාගාණාං පූරෛඃ පරිහෘතකලඞ්කව්යතිකරෛඃ .

නතානාමාමෘෂ්ටේ හෘදයමුකුරේ නිර්මලරුචි

ප්රසන්නේ නිශ්ශේෂං ප්රතිඵලති විශ්වං ගිරිසුතේ ..84..

තව ත්රස්තං පාදාත්කිසලයමරණ්යාන්තරමගාත්

පරං රේඛාරූපං කමලමමුමේවාශ්රිතමභූත් .

ජිතානාං කාමාක්ෂි ද්විතයමපි යුක්තං පරිභවේ

විදේශේ වාසෝ වා ශරණගමනං වා නිජරිපෝඃ ..85..

ගෘහීත්වා යාථාර්ථ්යං නිගමවචසාං දේශිකකෘපා-

කටාක්ෂර්කජ්යෝතිශ්ශමිතමමතාබන්ධතමසඃ .

යතන්තේ කාමාක්ෂි ප්රතිදිවසමන්තර්ද්රඪයිතුං

ත්වදීයං පාදාබ්ජං සුකෘතපරිපාකේන සුජනාඃ ..86..

ජඩානාමප්යම්බ ස්මරණසමයේ තවච්චරණයෝඃ

භ්රමන්මන්ථක්ෂ්මාභෘද්ධුමුඝුමිතසින්ධුප්රතිභටාඃ .

ප්රසන්නාඃ කාමාක්ෂි ප්රසභමධරස්පන්දනකරා

භවන්ති ස්වච්ඡන්දං ප්රකෘතිපරිපක්කා භණිතයඃ ..87..

වහන්නප්යශ්රාන්තං මධුරනිනදං හංසකමසෞ

තමේවාධඃ කර්තුං කිමිව යතතේ කේලිගමනේ .

භවස්යෛවානන්දං විදධදපි කාමාක්ෂි චරණෝ

භවත්යාස්තද්ද්රෝහං භගවති කිමේවං විතනුතේ ..88..

යදත්යන්තං තාම්යත්යලසගතිවාර්තාස්වපි ශිවේ

තදේතත්කාමාක්ෂි ප්රකෘතිමෘදුලං තේ පදයුගම් .

කිරීටෛඃ සඞ්ඝට්ටං කථමිව සුරෞඝස්ය සහතේ

මුනීන්ද්රාණාමාස්තේ මනසි ච කථං සූචිනිශිතේ ..89..

මනෝරඞ්ගේ මත්කේ විබුධජනසම්මෝදජනනී

සරාගව්යාසඞ්ගං සරසමෘදුසඤ්චාරසුභගා .

මනෝජ්ඤා කාමාක්ෂි ප්රකටයතු ලාස්යප්රකරණං

රණන්මඤ්ජීරා තේ චරණයුගලීනර්තකවධූඃ ..90..

පරිෂ්කුර්වන්මාතඃ පශුපතිකපර්දං චරණරාට්

පරාචාං හෘත්පද්මං පරමභණිතීනාං ච මකුටම් .

භවාඛ්යේ පාථෝධෞ පරිහරතු කාමාක්ෂි මමතා-

පරාධීනත්වං මේ පරිමුෂිතපාථෝජමහිමා ..91..

ප්රසූනෛඃ සම්පර්කාදමරතරුණීකුන්තලභවෛඃ

අභීෂ්ටානාං දානාදනිශමපි කාමාක්ෂි නමතාම් .

ස්වසඞ්ගාත්කඞ්කේලිප්රසවජනකත්වේන ච ශිවේ

ත්රිධා ධත්තේ වාර්තාං සුරභිරිති පාදෝ ගිරිසුතේ ..92..

මහාමෝහස්තේනව්යතිකරභයාත්පාලයති යෝ

විනික්ෂිප්තං ස්වස්මින්නිජජනමනෝරත්නමනිශම් .

ස රාගස්යෝද්රේකාත්සතතමපි කාමාක්ෂි තරසා

කිමේවං පාදෝ(අ)සෞ කිසලයරුචිං චෝරයති තේ ..93..

සදා ස්වාදුඞ්කාරං විෂයලහරීශාලිකණිකාං

සමාස්වාද්ය ශ්රාන්තං හෘදයශුකපෝතං ජනනි මේ .

කෘපාජාලේ ඵාලේක්ෂණමහිෂි කාමාක්ෂි රභසාත්

ගෘහීත්වා රුන්ධීථාරස්තව පදයුගීපඤ්ජරපුටේ ..94..

ධුනානං කාමාක්ෂි ස්මරණලවමාත්රේණ ජඩිම-

ජ්වරප්රෞඪිං ගූඪස්ථිති නිගමනෛකුඤ්ජකුහරේ .

අලභ්යං සර්වේෂාං කතිචන ලභන්තේ සුකෘතිනඃ

චිරාදන්විෂ්යන්තස්තව චරණසිද්ධෞෂධමිදම් ..95..

රණන්මඤ්ජීරාභ්යාං ලලිතගමනාභ්යාං සුකෘතිනාං

මනෝවාස්තව්යාභ්යාං මථිතතිමිරාභ්යාං නඛරුචා .

නිධේයාභ්යාං පත්යා නිජශිරසි කාමාක්ෂි සතතං

නමස්තේ පාදාභ්යාං නලිනමෘදුලාභ්යාං ගිරිසුතේ ..96..

සුරාගේ රාකේන්දුප්රතිනිධිමුඛේ පර්වතසුතේ

චිරාල්ලභ්යේ භක්ත්යා ශමධනජනානාං පරිෂදා .

මනෝභෘඞ්ගෝ මත්කඃ පදකමලයුග්මේ ජනනි තේ

ප්රකාමං කාමාක්ෂි ත්රිපුරහරවාමාක්ෂි රමතාම් ..97..

ශිවේ සංවිද්රූපේ ශශිශකලචූඩප්රියතමේ

ශනෛර්ගත්යාගත්යා ජිතසුරවරේභේ ගිරිසුතේ .

යතන්තේ සන්තස්තේ චරණනලිනාලානයුගලේ

සදා බද්ධං චිත්තප්රමදකරියූථං දෘඪතරම් ..98..

යශඃ සූතේ මාතර්මධුරකවිතාං පක්ෂ්මලයතේ

ශ්රියං දත්තේ චිත්තේ කමපි පරිපාකං ප්රථයතේ .

සතාං පාශග්රන්ථිං ශිථිලයති කිං කිං න කුරුතේ

ප්රපන්නේ කාමාක්ෂ්යාඃ ප්රණතිපරිපාටී චරණයෝඃ ..99..

මනීෂාං මාහේන්ද්රීං කකුභමිව තේ කාමපි දශාං

ප්රධත්තේ කාමාක්ෂ්යාශ්චරණතරුණාදිත්යකිරණඃ .

යදීයේ සම්පර්කේ ධෘතරසමරන්දා කවයතාං

පරීපාකං ධත්තේ පරිමලවතී සූක්තිනලිනී ..100..

පුරා මාරාරාතිඃ පුරමජයදම්බ ස්තවශතෛඃ

ප්රසන්නායාං සත්යාං ත්වයි තුහිනශෛලේන්ද්රතනයේ .

අතස්තේ කාමාක්ෂි ස්ඵුරතු තරසා කාලසමයේ

සමායාතේ මාතර්මම මනසි පාදාබ්ජයුගලම් ..101..

පදද්වන්ද්වං මන්දං ගතිෂු නිවසන්තං හෘදි සතාං

ගිරාමන්තේ භ්රාන්තං කෘතකරහිතානාං පරිබෘඪේ .

ජනානාමානන්දං ජනනි ජනයන්තං ප්රණමතාං

ත්වදීයං කාමාක්ෂි ප්රතිදිනමහං නෞමි විමලම් ..102..

ඉදං යඃ කාමාක්ෂ්යාශ්චරණනලිනස්තෝත්රශතකං

ජපේන්නිත්යං භක්ත්යා නිඛිලජගදාහ්ලාදජනකම් .

ස විශ්වේෂාං වන්ද්යඃ සකලකවිලෝකෛකතිලකඃ

චිරං භුක්ත්වා භෝගාන්පරිණමති චිද්රූපකලයා ..103..

.. ඉති පාදාරවින්දශතකං සම්පූර්ණම් ..

Roman (IAST) Transliteration

mahimnaḥ panthānaṃ madanaparipanthipraṇayini

prabhurnirṇetuṃ te bhavati yatamāno'pi katamaḥ |

tathāpi śrīkāñcīvihṛtirasike ko'pi manaso

vipākastvatpādastutividhiṣu jalpākayati mām ||1||

galagrāhī paurandarapuravanīpallavarucāṃ

dhṛtapāthamyānāmaruṇamahasāmādimaguruḥ |

samindhe bandhūkastabakasahayudhvā diśi diśi

prasarpankāmākṣyāścaraṇakiraṇānāmaruṇimā ||2||

marālīnāṃ yānābhyasanakalanāmūlagurave

daridrāṇāṃ trāṇavyatikarasurodyānatarave |

tamaskāṇḍaprauḍhiprakaṭanatiraskārapaṭave

jano'yaṃ kāmākṣyāścaraṇanalināya spṛhayate ||3||

vahantī saindūrīṃ saraṇimavanamrāmarapuṟī-

purandhrīsīmante kavikamalabālārkasuṣamā |

trayīsīmantinyāḥ stanataṭanicolāruṇapaṭī

vibhāntī kāmākṣyāḥ padanalinakāntirvijayate ||4||

praṇamrībhūtasya praṇayakalahatrastamanasaḥ

smarārāteścūḍāviyati gṛhamedhī himakaraḥ |

yayoḥ sāndhyāṃ kāntiṃ vahati suṣamābhiścaraṇayoḥ

tayorme kāmākṣyā hṛdayamapatandraṃ viharatām ||5||

yayoḥ pīṭhāyante vibudhamukuṭīnāṃ paṭalikā

yayoḥ saudhāyante svayamudayabhājo bhaṇitayaḥ |

yayoḥ dāsāyante sarasijabhavādyāścaraṇayoḥ

tayorme kāmākṣyā dinamanu varīvartu hṛdayam ||6||

nayantī saṅkocaṃ sarasijarucaṃ dikparisare

sṛjantī lauhityaṃ nakhakiraṇacandrārdhakhacitā |

kavīndrāṇāṃ hṛtkairavavikasanodyogajananī

sphurantī kāmākṣyāḥ caraṇarucisandhyā vijayate ||7||

virāvairmāñjīraiḥ kimapi kathayantīva madhuraṃ

purastādānamre puravijayini smeravadane |

vayasyeva prauḍhā śithilayati yā premakalaha-

prarohaṃ kāmākṣyāḥ caraṇayugalī sā vijayate ||8||

suparvastrīlolālakaparicitaṃ ṣaṭpadakulaiḥ

sphurallākṣārāgaṃ taruṇataraṇijyotiraruṇaiḥ |

bhṛtaṃ kāntyambhobhiḥ visṛmaramarandaiḥ sarasijaiḥ

vidhatte kāmākṣyāḥ caraṇayugalaṃ bandhupadavīm ||9||

rajaḥsaṃsarge'pi sthitamarajasāmeva hṛdaye

paraṃ raktatvena sthitamapi viraktaikaśaraṇam |

alabhyaṃ mandānāṃ dadhadapi sadā mandagatitāṃ

vidhatte kāmākṣyāḥ caraṇayugamāścaryalaharīm ||10||

jaṭālā mañjīrasphuradaruṇaratnāṃśunikaraiḥ

niṣidantī madhye nakharucijharīgāṅgapayasām |

jagattrāṇaṃ kartuṃ janani mama kāmākṣi niyataṃ

tapaścaryāṃ dhatte tava caraṇapāthojayugalī ||11||

tulākoṭidvandvakkaṇitabhaṇitābhītivacasoḥ

vinamraṃ kāmākṣī visṛmaramahaḥpāṭalitayoḥ |

kṣaṇaṃ vinyāsena kṣapitatamasorme lalitayoḥ

punīyānmūrdhānaṃ puraharapurandhrī caraṇayoḥ ||12||

bhavāni druhyetāṃ bhavanibiḍitebhyo mama muhu-

stamovyāmohebhyastava janani kāmākṣi caraṇau |

yayorlākṣābindusphuraṇadharaṇāddhvarjaṭijaṭā-

kuṭīrā śoṇāṅkaṃ vahati vapureṇāṅkakalikā ||13||

pavitrīkuryurnuḥ padatalabhuvaḥ pāṭalarucaḥ

parāgāste pāpapraśamanadhurīṇāḥ paraśive |

kaṇaṃ labdhuṃ yeṣāṃ nijaśirasi kāmākṣi vivaśā

valanto vyātanvantyahamahamikāṃ mādhavamukhāḥ ||14||

balākāmālābhirnakharucimayībhiḥ parivṛte

vinamrasvarnārīvikacakacakālāmbudakule |

sphurantaḥ kāmākṣi sphuṭadalitabandhūkasuhṛda-

staṭillekhāyante tava caraṇapāthojakiraṇāḥ ||15||

sarāgaḥ sadveṣaḥ prasṛmarasaroje pratidinaṃ

nisargādākrāmanvibudhajanamūrdhānamadhikam |

kathaṅkāraṃ mātaḥ kathaya padapadmastava satāṃ

natānāṃ kāmākṣi prakaṭayati kaivalyasaraṇim ||16||

japālakṣmīśoṇo janitaparamajñānanalinī-

vikāsavyāsaṅgo viphalitajagajjāḍyagarimā |

manaḥpūrvādriṃ me tilakayatu kāmākṣi tarasā

tamaskāṇḍadrohī tava caraṇapāthojaramaṇaḥ ||17||

namaskurmaḥ preṅkhanmaṇikaṭakanīlotpalamahaḥ-

payodhau riṅkhadbhirnakhakiraṇaphenairdhavalite |

sphuṭaṃ kurvāṇāya prabalacaladaurvānalaśikhā-

vitarkaṃ kāmākṣyāḥ satatamaruṇimne caraṇayoḥ ||18||

śive pāśāyetāmalaghuni tamaḥkūpakuhare

dinādhīśāyetāṃ mama hṛdayapāthojavipine |

nabhomāsāyetāṃ sarasakavitārītisariti

tvadīyau kāmākṣi prasṛtakiraṇau devi caraṇau ||19||

niṣaktaṃ śrutyante nayanamiva sadvṛttaruciraiḥ

samairjuṣṭaṃ śuddhairadharamiva ramyairdvijagaṇaiḥ |

śive vakṣojanmadvitayamiva muktāśritamume

tvadīyaṃ kāmākṣi praṇataśaraṇaṃ naumi caraṇam ||20||

namasyāsaṃsajjannamuciparipanthipraṇayinī-

nisargapreṅkholatkuralakulakālāhiśabale |

nakhacchāyādugdhodadhipayasi te vaidrumarucāṃ

pracāraṃ kāmākṣi pracurayati pādābjasuṣamā ||21||

kadā dūrīkartuṃ kaṭuduritakākolajanitaṃ

mahāntaṃ santāpaṃ madanaparipanthipriyatame |

kṣaṇātte kāmākṣi tribhuvanaparītāpaharaṇe

paṭīyāṃsaṃ lapsye padakamalasevāmṛtarasam ||22||

yayoḥ sāndhyaṃ rociḥ satatamaruṇimne spṛhayate

yayoścāndrī kāntiḥ paripatati dṛṣṭvā nakharucim |

yayoḥ pākodrekaṃ pipaṭhiṣati bhaktyā kisalayaṃ

mradimnaḥ kāmākṣyā manasi caraṇau tau tanumahe ||23||

jagannedaṃ nedaṃ paramiti parityajya yatibhiḥ

kuśāgrīyasvāntaiḥ kuśaladhiṣaṇaiḥ śāstrasaraṇau |

gaveṣyaṃ kāmākṣi dhruvamakṛtakānāṃ girisute

girāmaidamparyaṃ tava caraṇapadmaṃ vijayate ||24||

kṛtasnānaṃ śāstrāmṛtasarasi kāmākṣi nitarāṃ

dadhānaṃ vaiśadyaṃ kalitarasamānandasudhayā |

alaṅkāraṃ bhūmermunijanamanaścinmayamahā-

payodherantassthaṃ tava caraṇaratnaṃ mṛgayate ||25||

manogehe mohodbhavatimirapūrṇe mama muhuḥ

daridrāṇīkurvandinakarasahasrāṇi kiraṇaiḥ |

vidhattāṃ kāmākṣi prasṛmaratamovañcanacaṇaḥ

kṣaṇārdhaṃ sānnidhyaṃ caraṇamaṇidīpo janani te ||26||

kavīnāṃ cetovannakhararucisamparki vibudha-

sravantīsrotovatpaṭumukharitaṃ haṃsakaravaiḥ |

dinārambhaśrīvanniyatamaruṇacchāyasubhagaṃ

madantaḥ kāmākṣyāḥ sphuratu padapaṅkeruhayugam ||27||

sadā kiṃ samparkātprakṛtikaṭhinairnākimukuṭaiḥ

taṭairnīhārādreradhikamaṇunā yogimanasā |

vibhinte sammohaṃ śiśirayati bhaktānapi dṛśām

adṛśyaṃ kāmākṣi prakaṭayati te pādayugalam ||28||

pavitrābhyāmamba prakṛtimṛdulābhyāṃ tava śive

padābhyāṃ kāmākṣi prasabhamabhibhūtaiḥ sacakitaiḥ |

pravālairambhojairapi ca vanavāsavratadaśāḥ

sadaivārabhyante paricaritanānādvijagaṇaiḥ ||29||

cirāddṛśyā haṃsaiḥ kathamapi sadā haṃsasulabhaṃ

nirasyantī jāḍyaṃ niyatajaḍamadhyaikaśaraṇam |

adoṣavyāsaṅgā satatamapi doṣāptimalinaṃ

payojaṃ kāmākṣyāḥ parihasati pādābjayugalī ||30||

surāṇāmānandaprabalanatayā maṇḍanatayā

nakhendujyotsnābhirvisṛmaratamaḥkhaṇḍanatayā |

payojaśrīdveṣavrataratatayā tvaccaraṇayoḥ

vilāsaḥ kāmākṣi prakaṭayati naiśākaradaśām ||31||

sitimnā kāntīnāṃ nakharajanuṣāṃ pādanalina-

cchavīnāṃ śoṇimnā tava janani kāmākṣi namane |

labhante mandāragrathitanavabandhūkakusuma-

srajāṃ sāmīcīnyaṃ surapurapurandhrīkacabharāḥ ||32||

sphuranmadhye śuddhe nakhakiraṇadugdhābdhipayasāṃ

vahannabjaṃ cakraṃ daramapi ca lekhātmakatayā |

śrito mātsyaṃ rūpaṃ śriyamapi dadhāno nirupamāṃ

tridhāmā kāmākṣyāḥ padanalinanāmā vijayate ||33||

nakhaśrīsannaddhastabakanicitaḥ svaiśca kiraṇaiḥ

piśaṅgaiḥ kāmākṣi prakaṭitalasatpallavaruciḥ |

satāṃ gamyaḥ śaṅke sakalaphaladātā surataruḥ

tvadīyaḥ pādo'yaṃ tuhinagirirājanyatanaye ||34||

vaṣaṭkurvanmāñjīrakalakalaiḥ karmalaharī-

havīṃṣi prauddaṇḍaṃ jvalati paramajñānadahane |

mahīyānkāmākṣi sphuṭamahasi johoti sudhiyāṃ

manovedyāṃ mātastava caraṇayajvā girisute ||35||

mahāmantraṃ kiñcinmaṇikaṭakanādairmṛdu japan

kṣipandikṣu svacchaṃ nakharucimayaṃ bhāsmanarajaḥ |

natānāṃ kāmākṣi prakṛtipaṭuraccāṭya mamatā-

piśācīṃ pādo'yaṃ prakaṭayati te māntrikadaśām ||36||

udīte bodhendau tamasi nitarāṃ jagmuṣi daśāṃ

daridrāṃ kāmākṣi prakaṭamanurāgaṃ vidadhatī |

sitenācchādyāṅgaṃ nakharucipaṭenāṅghriyugalī-

purandhrī te mātaḥ svayamabhisaratyeva hṛdayam ||37||

dinārambhaḥ sampannalinavipinānāmabhinavo

vikāso vāsantaḥ sukavipikalokasya niyataḥ |

pradoṣaḥ kāmākṣi prakaṭaparamajñānaśaśina-

ścakāsti tvatpādasmaraṇamahimā śailatanaye ||38||

dhṛtacchāyaṃ nityaṃ sarasiruhamaitrīparicitaṃ

nidhānaṃ dīptīnāṃ nikhilajagatāṃ bodhajanakam |

mumukṣūṇāṃ mārgaprathanapaṭu kāmākṣi padavīṃ

padaṃ te pātaṅgīṃ parikalayate parvatasute ||39||

śanaistīrtvā mohāmbudhimatha samāroḍhumanasaḥ

kramātkaivalyākhyāṃ sukṛtisulabhāṃ saudhavalabhīm |

labhante niḥśreṇīmiva jhaṭiti kāmākṣi caraṇaṃ

puraścaryābhiste puramathanasīmantini janāḥ ||40||

pracaṇḍārtikṣobhapramathanakṛte prātibhasari-

tpravāhaproddaṇḍīkaraṇajaladāya praṇamatām |

pradīpāya prauḍhe bhavatamasi kāmākṣi caraṇa-

prasādaunmukhyāya spṛhayati jano'yaṃ janani te ||41||

marudbhiḥ saṃsevyā satatamapi cāñcalyarahitā

sadāruṇyaṃ yāntī pariṇatidaridrāṇasuṣamā |

guṇotkarṣānmāñjīrakakalakalaistarjanapaṭuḥ

pravālaṃ kāmākṣyāḥ parihasati pādābjayugalī ||42||

jagadrakṣādakṣā jalajaruciśikṣāpaṭutarā

samairnamyā ramyā satatamabhigamyā budhajanaiḥ |

dvayī līlālolā śrutiṣu surapālādimukuṭī-

taṭīsīmādhāmā tava janani kāmākṣi padayoḥ ||43||

girāṃ dūrau corau jaḍimatimirāṇāṃ kṛtajaga-

tparitrāṇau śoṇau munihṛdayalīlaikanipuṇau |

nakhaiḥ smerau sārau nigamavacasāṃ khaṇḍitabhava-

grahonmādau pādau tava janani kāmākṣi kalaye ||44||

aviśrāntaṃ paṅkaṃ yadapi kalayanyāvakamayaṃ

nirasyankāmākṣi praṇamanajuṣāṃ paṅkamakhilam |

tulākoṭidvandaṃ dadhadapi ca gacchannatulatāṃ

girāṃ mārgaṃ pādo girivarasute laṅghayati te ||45||

pravālaṃ savrīlaṃ vipinavivare vepayati yā

sphurallīlaṃ bālātapamadhikabālaṃ vadati yā |

ruciṃ sāndhyāṃ vandhyāṃ viracayati yā vardhayatu sā

śivaṃ me kāmākṣyāḥ padanalinapāṭalyalaharī ||46||

kirañjyotsnārītiṃ nakhamukharucā haṃsamanasāṃ

vitanvānaḥ prītiṃ vikacataruṇāmbhoruharuciḥ |

prakāśaḥ śrīpādastava janani kāmākṣi tanute

śaratkālaprauḍhiṃ śaśiśakalacūḍapriyatame ||47||

nakhāṅkūrasmeradyutivimalagaṅgāmbhasi sukhaṃ

kṛtasnānaṃ jñānāmṛtamamalamāsvādya niyatam |

udañcanmañjīrasphuraṇamaṇidīpe mama mano

manojñe kāmākṣyāścaraṇamaṇiharmye viharatām ||48||

bhavāmbhodhau naukāṃ jaḍimavipine pāvakaśikhā-

mamartyendrādīnāmadhimukuṭamuttaṃsakalikām |

jagattāpe jyotsnāmakṛtakavacaḥpañjarapuṭe

śukastrīṃ kāmākṣyā manasi kalaye pādayugalīm ||49||

paratmaprākāśyapratiphalanacuñcuḥ praṇamatāṃ

manojñastvatpādo maṇimukuramudrāṃ kalayate |

yadīyāṃ kāmākṣi prakṛtimasṛṇāḥ śodhakadaśāṃ

vidhātuṃ ceṣṭhante balaripuvadhūṭīkacabharāḥ ||50||

aviśrāntaṃ tiṣṭhannakṛtakavacaḥkandarapuṭī-

kuṭīrāntaḥ prauḍhaṃ nakharucisaṭālīṃ prakaṭayan |

pracaṇḍaṃ khaṇḍatvaṃ nayatu mama kāmākṣi tarasā

tamovetaṇḍendraṃ tava caraṇakaṇṭhīravapatiḥ ||51||

purastātkāmākṣi pracurarasamākhaṇḍalapurī-

purandhrīṇāṃ lāsyaṃ tava lalitamālokya śanakaiḥ |

nakhaśrībhiḥ smerā bahu vitanute nūpuraravai-

ścamatkṛtyā śaṅke caraṇayugalī cāṭuracanāḥ ||52||

sarojaṃ nindantī nakhakiraṇakarpūraśiśirā

niṣiktā mārārermukuṭaśaśirekhāhimajalaiḥ |

sphurantī kāmākṣi sphuṭarucimaye pallavacaye

tavādhatte maitrīṃ pathikasudṛśā pādayugalī ||53||

natānāṃ sampatteranavaratamākarṣaṇajapaḥ

prarohatsaṃsāraprasaragarimastambhanajapaḥ |

tvadīyaḥ kāmākṣi smaraharamanomohanajapaḥ

paṭīyānnaḥ pāyātpadanalinamañjīraninadaḥ ||54||

vitanvīthā nāthe mama śirasi kāmākṣi kṛpayā

padāmbhojanyāsaṃ paśuparibṛḍhaprāṇadayite |

pibanto yanmudrāṃ prakaṭamupakampāparisaraṃ

dṛśā nānandyante nalinabhavanārāyaṇamukhāḥ ||55||

praṇāmodyadbṛndāramukuṭamandārakalikā-

vilolallolambaprakaramayadhūmapracurimā |

pradīptaḥ pādābjadyutivitatipāṭalyalaharī-

kṛśānuḥ kāmākṣyā mama dahatu saṃsāravipinam ||56||

valakṣaśrīrṛkṣādhipaśiśusadṛkṣaistava nakhaiḥ

jighṛkṣurdakṣatvaṃ sarasiruhabhikṣutvakaraṇe |

kṣaṇānme kāmākṣi kṣapitabhavasaṅkṣobhagarimā

vacovaicakṣanyaṃ caraṇayugalī pakṣmalayatāt ||57||

samantātkāmākṣi kṣatatimirasantānasubhagān

anantābhirbhābhirdinamanu digantānviracayan |

ahantāyā hantā mama jaḍimadantāvalahariḥ

vibhintāṃ santāpaṃ tava caraṇacintāmaṇirasau ||58||

dadhāno bhāsvattāmamṛtanilayo lohitavapuḥ

vinamrāṇāṃ saumyo gururapi kavitvaṃ ca kalayan |

gatau mando gaṅgādharamahiṣi kāmākṣi bhajatāṃ

tamaḥketurmātastava caraṇapadmo vijayate ||59||

nayantīṃ dāsatvaṃ nalinabhavamukhyānasulabha-

pradānāddīnānāmamaratarudaurbhāgyajananīm |

jagajjanmakṣemakṣayavidhiṣu kāmākṣi padayo-

rdhurīṇāmīṣṭe karastava bhaṇitumāhopuruṣikām ||60||

jano'yaṃ santapto janani bhavacaṇḍāṃśukiraṇaiḥ

alabdhavaikaṃ śītaṃ kaṇamapi parajñānapayasaḥ |

tamomārge pānthastava jhaṭiti kāmākṣi śiśirāṃ

padāmbhojacchāyāṃ paramaśivajāye mṛgayate ||61||

jayatyamba śrīmannakhakiraṇacīnāṃśukamayaṃ

vitānaṃ bibhrāṇe suramukuṭasaṅghaṭṭamasṛṇe |

nijāruṇyakṣaumāstaraṇavati kāmākṣi sulabhā

budhaiḥ saṃvinnārī tava caraṇamāṇikyabhavane ||62||

pratīmaḥ kāmākṣi sphuritataruṇādityakiraṇa-

śriyo mūladravyaṃ tava caraṇamadrīndratanaye |

surendrāśāmāpūrayati yadasau dhvāntamakhilaṃ

dhunīte digbhāgānapi ca mahasā pāṭalayate ||63||

mahābhāṣyavyākhyāpaṭuśayanamāropayati vā

smaravyāpārerṣyāpiśunaniṭilaṃ kārayati vā |

dvirephāṇāmadhyāsayati satataṃ vādhivasatiṃ

praṇamrānkāmākṣyāḥ padanalinamāhātmyagarimā ||64||

vivekāmbhassrotassnapanaparipāṭīśiśirite

samībhūte śāstrasmaraṇahalasaṅkarṣaṇavaśāt |

satāṃ cetaḥkṣetre vapati tava kāmākṣi caraṇo

mahāsaṃvitsasyaprakaravarabījaṃ girisute ||65||

dadhāno mandārastabakaparipāṭīṃ nakharucā

vahandīptāṃ śoṇāṅgulipaṭalacāmpeyakalikām |

aśokollāsaṃ naḥ pracurayatu kāmākṣi caraṇo

vikāsī vāsantaḥ samaya iva te śarvadayite ||66||

nakhāṃśuprācuryaprasṛmaramarālālidhavalaḥ

sphuranmañjīrodyanmarakatamahaśśaivalayutaḥ |

bhavatyāḥ kāmākṣi sphuṭacaraṇapāṭalyakapaṭo

nadaḥ śoṇābhikhyo nagapatitanūje vijayate ||67||

dhunānaṃ paṅkaughaṃ paramasulabhaṃ kaṇṭakakulaiḥ

vikāsavyāsaṅgaṃ vidadhadaparādhīnamaniśam |

nakhendujyotsnābhirviśadaruci kāmākṣi nitarām

asāmānyaṃ manye sarasijamidaṃ te padayugam ||68||

karīndrāya druhyatyalasagatilīlāsu vimalaiḥ

payojairmātsaryaṃ prakaṭayati kāmaṃ kalayate |

padāmbhojadvandvaṃ tava tadapi kāmākṣi hṛdayaṃ

munīnāṃ śāntānāṃ kathamaniśamasmai spṛhayate ||69||

nirastā śoṇimnā caraṇakiraṇānāṃ tava śive

samindhānā sandhyāruciracalarājanyatanaye |

asāmarthyādenaṃ paribhavitumetatsamarucāṃ

sarojānāṃ jāne mukulayati śobhāṃ pratidinam ||70||

upādikṣaddākṣyaṃ tava caraṇanāmā gururasau

marālānāṃ śaṅke masṛṇagatilālityasaraṇau |

ataste nistandraṃ niyatamamunā sakhyapadavīṃ

prapannaṃ pāthojaṃ prati dadhati kāmākṣi kutukam ||71||

dadhānaiḥ saṃsargaṃ prakṛtimalinaiḥ ṣaṭpadakulaiḥ

dvijādhīśaślāghāvidhiṣu vidadhadbhirmukulatām |

rajomiśraiḥ padmairniyatamapi kāmākṣi padayoḥ

virodhaste yukto viṣamaśaravairipriyatame ||72||

kavitvaśrīmiśrīkaraṇanipuṇau rakṣaṇacaṇau

vipannānāṃ śrīmannalinamasṛṇau śoṇakiraṇau |

munīndrāṇāmantaḥkaraṇaśaraṇau mandasaraṇau

manojñau kāmākṣyā duritaharaṇau naumi caraṇau ||73||

parasmātsarvasmādapi ca parayormuktikarayoḥ

nakhaśrībhirjyotsnākalitatulayostāmratalayoḥ |

nilīye kāmākṣyā nigamanutayornākinatayoḥ

nirastapronmīlannalinamadayoreva padayoḥ ||74||

svabhāvādanyonyaṃ kisalayamapīdaṃ tava padaṃ

mradimnā śoṇimnā bhagavati dadhāte sadṛśatām |

vane pūrvasyecchā satatamavane kiṃ tu jagatāṃ

parasyetthaṃ bhedaḥ sphurati hṛdi kāmākṣi sudhiyām ||75||

kathaṃ vācālo'pi prakaṭamaṇimañjīraninadaiḥ

sadaivānandārdrānviracayati vācaṃyamajanān |

prakṛtyā te śoṇacchavirapi ca kāmākṣi caraṇo

manīṣānairmalyaṃ kathamiva nṛṇāṃ māṃsalayate ||76||

calattṛṣṇāvīcīparicalanaparyākulatayā

muhurbhrāntastāntaḥ paramaśivavāmākṣi paravān |

titīrṣuḥ kāmākṣi pracuratarakarmāmbudhimamuṃ

kadāhaṃ lapsye te caraṇamaṇisetuṃ girisute ||77||

viśuṣyantyāṃ prajñāsariti duritagrīṣmasamaya-

prabhāveṇa kṣīṇe sati mama manaḥkekini śucā |

tvadīyaḥ kāmākṣi sphuritacaraṇāmbhodamahimā

nabhomāsāṭopaṃ nagapatisute kiṃ na kurute ||78||

vinamrāṇāṃ cetobhavanavalabhīsīmni caraṇa-

pradīpe prākāśyaṃ dadhati tava nirdhūtatamasi |

asīmā kāmākṣi svayamalaghuduṣkarmalaharī

vighūrṇantī śāntiṃ śalabhaparipāṭīva bhajate ||79||

virājantī śuktirnakhakiraṇamuktāmaṇitateḥ

vipatpāthorāśau tarirapi narāṇāṃ praṇamatām |

tvadīyaḥ kāmākṣi dhruvamalaghuvahnirbhavavane

munīnāṃ jñānāgneraraṇirayamaṅghirvijayate ||80||

samastaiḥ saṃsevyaḥ satatamapi kāmākṣi vibudhaiḥ

stuto gandharvastrīsulalitavipañcīkalaravaiḥ |

bhavatyā bhindāno bhavagirikulaṃ jṛmbhitatamo-

baladrohī mātaścaraṇapuruhūto vijayate ||81||

vasantaṃ bhaktānāmapi manasi nityaṃ parilasad-

ghanacchāyāpūrṇaṃ śucimapi nṛṇāṃ tāpaśamanam |

nakhendujyotsnābhiḥ śiśiramapi padmodayakaraṃ

namāmaḥ kāmākṣyāścaraṇamadhikāścaryakaraṇam ||82||

kavīndrāṇāṃ nānābhaṇitiguṇacitrīkṛtavacaḥ-

prapañcavyāpāraprakaṭanakalākauśalanidhiḥ |

adhaḥkurvannabjaṃ sanakabhṛgumukhyairmunijanaiḥ

namasyaḥ kāmākṣyāścaraṇaparameṣṭhī vijayate ||83||

bhavatyāḥ kāmākṣi sphuritapadapaṅkeruhabhuvāṃ

parāgāṇāṃ pūraiḥ parihṛtakalaṅkavyatikaraiḥ |

natānāmāmṛṣṭe hṛdayamukure nirmalaruci

prasanne niśśeṣaṃ pratiphalati viśvaṃ girisute ||84||

tava trastaṃ pādātkisalayamaraṇyāntaramagāt

paraṃ rekhārūpaṃ kamalamamumevāśritamabhūt |

jitānāṃ kāmākṣi dvitayamapi yuktaṃ paribhave

videśe vāso vā śaraṇagamanaṃ vā nijaripoḥ ||85||

gṛhītvā yāthārthyaṃ nigamavacasāṃ deśikakṛpā-

kaṭākṣarkajyotiśśamitamamatābandhatamasaḥ |

yatante kāmākṣi pratidivasamantardraḍhayituṃ

tvadīyaṃ pādābjaṃ sukṛtaparipākena sujanāḥ ||86||

jaḍānāmapyamba smaraṇasamaye tavaccaraṇayoḥ

bhramanmanthakṣmābhṛddhumughumitasindhupratibhaṭāḥ |

prasannāḥ kāmākṣi prasabhamadharaspandanakarā

bhavanti svacchandaṃ prakṛtiparipakkā bhaṇitayaḥ ||87||

vahannapyaśrāntaṃ madhuraninadaṃ haṃsakamasau

tamevādhaḥ kartuṃ kimiva yatate keligamane |

bhavasyaivānandaṃ vidadhadapi kāmākṣi caraṇo

bhavatyāstaddrohaṃ bhagavati kimevaṃ vitanute ||88||

yadatyantaṃ tāmyatyalasagativārtāsvapi śive

tadetatkāmākṣi prakṛtimṛdulaṃ te padayugam |

kirīṭaiḥ saṅghaṭṭaṃ kathamiva suraughasya sahate

munīndrāṇāmāste manasi ca kathaṃ sūciniśite ||89||

manoraṅge matke vibudhajanasammodajananī

sarāgavyāsaṅgaṃ sarasamṛdusañcārasubhagā |

manojñā kāmākṣi prakaṭayatu lāsyaprakaraṇaṃ

raṇanmañjīrā te caraṇayugalīnartakavadhūḥ ||90||

pariṣkurvanmātaḥ paśupatikapardaṃ caraṇarāṭ

parācāṃ hṛtpadmaṃ paramabhaṇitīnāṃ ca makuṭam |

bhavākhye pāthodhau pariharatu kāmākṣi mamatā-

parādhīnatvaṃ me parimuṣitapāthojamahimā ||91||

prasūnaiḥ samparkādamarataruṇīkuntalabhavaiḥ

abhīṣṭānāṃ dānādaniśamapi kāmākṣi namatām |

svasaṅgātkaṅkeliprasavajanakatvena ca śive

tridhā dhatte vārtāṃ surabhiriti pādo girisute ||92||

mahāmohastenavyatikarabhayātpālayati yo

vinikṣiptaṃ svasminnijajanamanoratnamaniśam |

sa rāgasyodrekātsatatamapi kāmākṣi tarasā

kimevaṃ pādo'sau kisalayaruciṃ corayati te ||93||

sadā svāduṅkāraṃ viṣayalaharīśālikaṇikāṃ

samāsvādya śrāntaṃ hṛdayaśukapotaṃ janani me |

kṛpājāle phālekṣaṇamahiṣi kāmākṣi rabhasāt

gṛhītvā rundhīthārastava padayugīpañjarapuṭe ||94||

dhunānaṃ kāmākṣi smaraṇalavamātreṇa jaḍima-

jvaraprauḍhiṃ gūḍhasthiti nigamanaikuñjakuhare |

alabhyaṃ sarveṣāṃ katicana labhante sukṛtinaḥ

cirādanviṣyantastava caraṇasiddhauṣadhamidam ||95||

raṇanmañjīrābhyāṃ lalitagamanābhyāṃ sukṛtināṃ

manovāstavyābhyāṃ mathitatimirābhyāṃ nakharucā |

nidheyābhyāṃ patyā nijaśirasi kāmākṣi satataṃ

namaste pādābhyāṃ nalinamṛdulābhyāṃ girisute ||96||

surāge rākendupratinidhimukhe parvatasute

cirāllabhye bhaktyā śamadhanajanānāṃ pariṣadā |

manobhṛṅgo matkaḥ padakamalayugme janani te

prakāmaṃ kāmākṣi tripuraharavāmākṣi ramatām ||97||

śive saṃvidrūpe śaśiśakalacūḍapriyatame

śanairgatyāgatyā jitasuravarebhe girisute |

yatante santaste caraṇanalinālānayugale

sadā baddhaṃ cittapramadakariyūthaṃ dṛḍhataram ||98||

yaśaḥ sūte mātarmadhurakavitāṃ pakṣmalayate

śriyaṃ datte citte kamapi paripākaṃ prathayate |

satāṃ pāśagranthiṃ śithilayati kiṃ kiṃ na kurute

prapanne kāmākṣyāḥ praṇatiparipāṭī caraṇayoḥ ||99||

manīṣāṃ māhendrīṃ kakubhamiva te kāmapi daśāṃ

pradhatte kāmākṣyāścaraṇataruṇādityakiraṇaḥ |

yadīye samparke dhṛtarasamarandā kavayatāṃ

parīpākaṃ dhatte parimalavatī sūktinalinī ||100||

purā mārārātiḥ puramajayadamba stavaśataiḥ

prasannāyāṃ satyāṃ tvayi tuhinaśailendratanaye |

ataste kāmākṣi sphuratu tarasā kālasamaye

samāyāte mātarmama manasi pādābjayugalam ||101||

padadvandvaṃ mandaṃ gatiṣu nivasantaṃ hṛdi satāṃ

girāmante bhrāntaṃ kṛtakarahitānāṃ paribṛḍhe |

janānāmānandaṃ janani janayantaṃ praṇamatāṃ

tvadīyaṃ kāmākṣi pratidinamahaṃ naumi vimalam ||102||

idaṃ yaḥ kāmākṣyāścaraṇanalinastotraśatakaṃ

japennityaṃ bhaktyā nikhilajagadāhlādajanakam |

sa viśveṣāṃ vandyaḥ sakalakavilokaikatilakaḥ

ciraṃ bhuktvā bhogānpariṇamati cidrūpakalayā ||103||

|| iti pādāravindaśatakaṃ sampūrṇam ||

Sanskrit — Devanagari (original)

महिम्नः पन्थानं मदनपरिपन्थिप्रणयिनि

प्रभुर्निर्णेतुं ते भवति यतमानोऽपि कतमः ।

तथापि श्रीकाञ्चीविहृतिरसिके कोऽपि मनसो

विपाकस्त्वत्पादस्तुतिविधिषु जल्पाकयति माम् ॥1॥

गलग्राही पौरन्दरपुरवनीपल्लवरुचां

धृतपाथम्यानामरुणमहसामादिमगुरुः ।

समिन्धे बन्धूकस्तबकसहयुध्वा दिशि दिशि

प्रसर्पन्कामाक्ष्याश्चरणकिरणानामरुणिमा ॥2॥

मरालीनां यानाभ्यसनकलनामूलगुरवे

दरिद्राणां त्राणव्यतिकरसुरोद्यानतरवे ।

तमस्काण्डप्रौढिप्रकटनतिरस्कारपटवे

जनोऽयं कामाक्ष्याश्चरणनलिनाय स्पृहयते ॥3॥

वहन्ती सैन्दूरीं सरणिमवनम्रामरपुऱी-

पुरन्ध्रीसीमन्ते कविकमलबालार्कसुषमा ।

त्रयीसीमन्तिन्याः स्तनतटनिचोलारुणपटी

विभान्ती कामाक्ष्याः पदनलिनकान्तिर्विजयते ॥4॥

प्रणम्रीभूतस्य प्रणयकलहत्रस्तमनसः

स्मरारातेश्चूडावियति गृहमेधी हिमकरः ।

ययोः सान्ध्यां कान्तिं वहति सुषमाभिश्चरणयोः

तयोर्मे कामाक्ष्या हृदयमपतन्द्रं विहरताम् ॥5॥

ययोः पीठायन्ते विबुधमुकुटीनां पटलिका

ययोः सौधायन्ते स्वयमुदयभाजो भणितयः ।

ययोः दासायन्ते सरसिजभवाद्याश्चरणयोः

तयोर्मे कामाक्ष्या दिनमनु वरीवर्तु हृदयम् ॥6॥

नयन्ती सङ्कोचं सरसिजरुचं दिक्परिसरे

सृजन्ती लौहित्यं नखकिरणचन्द्रार्धखचिता ।

कवीन्द्राणां हृत्कैरवविकसनोद्योगजननी

स्फुरन्ती कामाक्ष्याः चरणरुचिसन्ध्या विजयते ॥7॥

विरावैर्माञ्जीरैः किमपि कथयन्तीव मधुरं

पुरस्तादानम्रे पुरविजयिनि स्मेरवदने ।

वयस्येव प्रौढा शिथिलयति या प्रेमकलह-

प्ररोहं कामाक्ष्याः चरणयुगली सा विजयते ॥8॥

सुपर्वस्त्रीलोलालकपरिचितं षट्पदकुलैः

स्फुरल्लाक्षारागं तरुणतरणिज्योतिररुणैः ।

भृतं कान्त्यम्भोभिः विसृमरमरन्दैः सरसिजैः

विधत्ते कामाक्ष्याः चरणयुगलं बन्धुपदवीम् ॥9॥

रजःसंसर्गेऽपि स्थितमरजसामेव हृदये

परं रक्तत्वेन स्थितमपि विरक्तैकशरणम् ।

अलभ्यं मन्दानां दधदपि सदा मन्दगतितां

विधत्ते कामाक्ष्याः चरणयुगमाश्चर्यलहरीम् ॥10॥

जटाला मञ्जीरस्फुरदरुणरत्नांशुनिकरैः

निषिदन्ती मध्ये नखरुचिझरीगाङ्गपयसाम् ।

जगत्त्राणं कर्तुं जननि मम कामाक्षि नियतं

तपश्चर्यां धत्ते तव चरणपाथोजयुगली ॥11॥

तुलाकोटिद्वन्द्वक्कणितभणिताभीतिवचसोः

विनम्रं कामाक्षी विसृमरमहःपाटलितयोः ।

क्षणं विन्यासेन क्षपिततमसोर्मे ललितयोः

पुनीयान्मूर्धानं पुरहरपुरन्ध्री चरणयोः ॥12॥

भवानि द्रुह्येतां भवनिबिडितेभ्यो मम मुहु-

स्तमोव्यामोहेभ्यस्तव जननि कामाक्षि चरणौ ।

ययोर्लाक्षाबिन्दुस्फुरणधरणाद्ध्वर्जटिजटा-

कुटीरा शोणाङ्कं वहति वपुरेणाङ्ककलिका ॥13॥

पवित्रीकुर्युर्नुः पदतलभुवः पाटलरुचः

परागास्ते पापप्रशमनधुरीणाः परशिवे ।

कणं लब्धुं येषां निजशिरसि कामाक्षि विवशा

वलन्तो व्यातन्वन्त्यहमहमिकां माधवमुखाः ॥14॥

बलाकामालाभिर्नखरुचिमयीभिः परिवृते

विनम्रस्वर्नारीविकचकचकालाम्बुदकुले ।

स्फुरन्तः कामाक्षि स्फुटदलितबन्धूकसुहृद-

स्तटिल्लेखायन्ते तव चरणपाथोजकिरणाः ॥15॥

सरागः सद्वेषः प्रसृमरसरोजे प्रतिदिनं

निसर्गादाक्रामन्विबुधजनमूर्धानमधिकम् ।

कथङ्कारं मातः कथय पदपद्मस्तव सतां

नतानां कामाक्षि प्रकटयति कैवल्यसरणिम् ॥16॥

जपालक्ष्मीशोणो जनितपरमज्ञाननलिनी-

विकासव्यासङ्गो विफलितजगज्जाड्यगरिमा ।

मनःपूर्वाद्रिं मे तिलकयतु कामाक्षि तरसा

तमस्काण्डद्रोही तव चरणपाथोजरमणः ॥17॥

नमस्कुर्मः प्रेङ्खन्मणिकटकनीलोत्पलमहः-

पयोधौ रिङ्खद्भिर्नखकिरणफेनैर्धवलिते ।

स्फुटं कुर्वाणाय प्रबलचलदौर्वानलशिखा-

वितर्कं कामाक्ष्याः सततमरुणिम्ने चरणयोः ॥18॥

शिवे पाशायेतामलघुनि तमःकूपकुहरे

दिनाधीशायेतां मम हृदयपाथोजविपिने ।

नभोमासायेतां सरसकवितारीतिसरिति

त्वदीयौ कामाक्षि प्रसृतकिरणौ देवि चरणौ ॥19॥

निषक्तं श्रुत्यन्ते नयनमिव सद्वृत्तरुचिरैः

समैर्जुष्टं शुद्धैरधरमिव रम्यैर्द्विजगणैः ।

शिवे वक्षोजन्मद्वितयमिव मुक्ताश्रितमुमे

त्वदीयं कामाक्षि प्रणतशरणं नौमि चरणम् ॥20॥

नमस्यासंसज्जन्नमुचिपरिपन्थिप्रणयिनी-

निसर्गप्रेङ्खोलत्कुरलकुलकालाहिशबले ।

नखच्छायादुग्धोदधिपयसि ते वैद्रुमरुचां

प्रचारं कामाक्षि प्रचुरयति पादाब्जसुषमा ॥21॥

कदा दूरीकर्तुं कटुदुरितकाकोलजनितं

महान्तं सन्तापं मदनपरिपन्थिप्रियतमे ।

क्षणात्ते कामाक्षि त्रिभुवनपरीतापहरणे

पटीयांसं लप्स्ये पदकमलसेवामृतरसम् ॥22॥

ययोः सान्ध्यं रोचिः सततमरुणिम्ने स्पृहयते

ययोश्चान्द्री कान्तिः परिपतति दृष्ट्वा नखरुचिम् ।

ययोः पाकोद्रेकं पिपठिषति भक्त्या किसलयं

म्रदिम्नः कामाक्ष्या मनसि चरणौ तौ तनुमहे ॥23॥

जगन्नेदं नेदं परमिति परित्यज्य यतिभिः

कुशाग्रीयस्वान्तैः कुशलधिषणैः शास्त्रसरणौ ।

गवेष्यं कामाक्षि ध्रुवमकृतकानां गिरिसुते

गिरामैदम्पर्यं तव चरणपद्मं विजयते ॥24॥

कृतस्नानं शास्त्रामृतसरसि कामाक्षि नितरां

दधानं वैशद्यं कलितरसमानन्दसुधया ।

अलङ्कारं भूमेर्मुनिजनमनश्चिन्मयमहा-

पयोधेरन्तस्स्थं तव चरणरत्नं मृगयते ॥25॥

मनोगेहे मोहोद्भवतिमिरपूर्णे मम मुहुः

दरिद्राणीकुर्वन्दिनकरसहस्राणि किरणैः ।

विधत्तां कामाक्षि प्रसृमरतमोवञ्चनचणः

क्षणार्धं सान्निध्यं चरणमणिदीपो जननि ते ॥26॥

कवीनां चेतोवन्नखररुचिसम्पर्कि विबुध-

स्रवन्तीस्रोतोवत्पटुमुखरितं हंसकरवैः ।

दिनारम्भश्रीवन्नियतमरुणच्छायसुभगं

मदन्तः कामाक्ष्याः स्फुरतु पदपङ्केरुहयुगम् ॥27॥

सदा किं सम्पर्कात्प्रकृतिकठिनैर्नाकिमुकुटैः

तटैर्नीहाराद्रेरधिकमणुना योगिमनसा ।

विभिन्ते सम्मोहं शिशिरयति भक्तानपि दृशाम्

अदृश्यं कामाक्षि प्रकटयति ते पादयुगलम् ॥28॥

पवित्राभ्यामम्ब प्रकृतिमृदुलाभ्यां तव शिवे

पदाभ्यां कामाक्षि प्रसभमभिभूतैः सचकितैः ।

प्रवालैरम्भोजैरपि च वनवासव्रतदशाः

सदैवारभ्यन्ते परिचरितनानाद्विजगणैः ॥29॥

चिराद्दृश्या हंसैः कथमपि सदा हंससुलभं

निरस्यन्ती जाड्यं नियतजडमध्यैकशरणम् ।

अदोषव्यासङ्गा सततमपि दोषाप्तिमलिनं

पयोजं कामाक्ष्याः परिहसति पादाब्जयुगली ॥30॥

सुराणामानन्दप्रबलनतया मण्डनतया

नखेन्दुज्योत्स्नाभिर्विसृमरतमःखण्डनतया ।

पयोजश्रीद्वेषव्रतरततया त्वच्चरणयोः

विलासः कामाक्षि प्रकटयति नैशाकरदशाम् ॥31॥

सितिम्ना कान्तीनां नखरजनुषां पादनलिन-

च्छवीनां शोणिम्ना तव जननि कामाक्षि नमने ।

लभन्ते मन्दारग्रथितनवबन्धूककुसुम-

स्रजां सामीचीन्यं सुरपुरपुरन्ध्रीकचभराः ॥32॥

स्फुरन्मध्ये शुद्धे नखकिरणदुग्धाब्धिपयसां

वहन्नब्जं चक्रं दरमपि च लेखात्मकतया ।

श्रितो मात्स्यं रूपं श्रियमपि दधानो निरुपमां

त्रिधामा कामाक्ष्याः पदनलिननामा विजयते ॥33॥

नखश्रीसन्नद्धस्तबकनिचितः स्वैश्च किरणैः

पिशङ्गैः कामाक्षि प्रकटितलसत्पल्लवरुचिः ।

सतां गम्यः शङ्के सकलफलदाता सुरतरुः

त्वदीयः पादोऽयं तुहिनगिरिराजन्यतनये ॥34॥

वषट्कुर्वन्माञ्जीरकलकलैः कर्मलहरी-

हवींषि प्रौद्दण्डं ज्वलति परमज्ञानदहने ।

महीयान्कामाक्षि स्फुटमहसि जोहोति सुधियां

मनोवेद्यां मातस्तव चरणयज्वा गिरिसुते ॥35॥

महामन्त्रं किञ्चिन्मणिकटकनादैर्मृदु जपन्

क्षिपन्दिक्षु स्वच्छं नखरुचिमयं भास्मनरजः ।

नतानां कामाक्षि प्रकृतिपटुरच्चाट्य ममता-

पिशाचीं पादोऽयं प्रकटयति ते मान्त्रिकदशाम् ॥36॥

उदीते बोधेन्दौ तमसि नितरां जग्मुषि दशां

दरिद्रां कामाक्षि प्रकटमनुरागं विदधती ।

सितेनाच्छाद्याङ्गं नखरुचिपटेनाङ्घ्रियुगली-

पुरन्ध्री ते मातः स्वयमभिसरत्येव हृदयम् ॥37॥

दिनारम्भः सम्पन्नलिनविपिनानामभिनवो

विकासो वासन्तः सुकविपिकलोकस्य नियतः ।

प्रदोषः कामाक्षि प्रकटपरमज्ञानशशिन-

श्चकास्ति त्वत्पादस्मरणमहिमा शैलतनये ॥38॥

धृतच्छायं नित्यं सरसिरुहमैत्रीपरिचितं

निधानं दीप्तीनां निखिलजगतां बोधजनकम् ।

मुमुक्षूणां मार्गप्रथनपटु कामाक्षि पदवीं

पदं ते पातङ्गीं परिकलयते पर्वतसुते ॥39॥

शनैस्तीर्त्वा मोहाम्बुधिमथ समारोढुमनसः

क्रमात्कैवल्याख्यां सुकृतिसुलभां सौधवलभीम् ।

लभन्ते निःश्रेणीमिव झटिति कामाक्षि चरणं

पुरश्चर्याभिस्ते पुरमथनसीमन्तिनि जनाः ॥40॥

प्रचण्डार्तिक्षोभप्रमथनकृते प्रातिभसरि-

त्प्रवाहप्रोद्दण्डीकरणजलदाय प्रणमताम् ।

प्रदीपाय प्रौढे भवतमसि कामाक्षि चरण-

प्रसादौन्मुख्याय स्पृहयति जनोऽयं जननि ते ॥41॥

मरुद्भिः संसेव्या सततमपि चाञ्चल्यरहिता

सदारुण्यं यान्ती परिणतिदरिद्राणसुषमा ।

गुणोत्कर्षान्माञ्जीरककलकलैस्तर्जनपटुः

प्रवालं कामाक्ष्याः परिहसति पादाब्जयुगली ॥42॥

जगद्रक्षादक्षा जलजरुचिशिक्षापटुतरा

समैर्नम्या रम्या सततमभिगम्या बुधजनैः ।

द्वयी लीलालोला श्रुतिषु सुरपालादिमुकुटी-

तटीसीमाधामा तव जननि कामाक्षि पदयोः ॥43॥

गिरां दूरौ चोरौ जडिमतिमिराणां कृतजग-

त्परित्राणौ शोणौ मुनिहृदयलीलैकनिपुणौ ।

नखैः स्मेरौ सारौ निगमवचसां खण्डितभव-

ग्रहोन्मादौ पादौ तव जननि कामाक्षि कलये ॥44॥

अविश्रान्तं पङ्कं यदपि कलयन्यावकमयं

निरस्यन्कामाक्षि प्रणमनजुषां पङ्कमखिलम् ।

तुलाकोटिद्वन्दं दधदपि च गच्छन्नतुलतां

गिरां मार्गं पादो गिरिवरसुते लङ्घयति ते ॥45॥

प्रवालं सव्रीलं विपिनविवरे वेपयति या

स्फुरल्लीलं बालातपमधिकबालं वदति या ।

रुचिं सान्ध्यां वन्ध्यां विरचयति या वर्धयतु सा

शिवं मे कामाक्ष्याः पदनलिनपाटल्यलहरी ॥46॥

किरञ्ज्योत्स्नारीतिं नखमुखरुचा हंसमनसां

वितन्वानः प्रीतिं विकचतरुणाम्भोरुहरुचिः ।

प्रकाशः श्रीपादस्तव जननि कामाक्षि तनुते

शरत्कालप्रौढिं शशिशकलचूडप्रियतमे ॥47॥

नखाङ्कूरस्मेरद्युतिविमलगङ्गाम्भसि सुखं

कृतस्नानं ज्ञानामृतममलमास्वाद्य नियतम् ।

उदञ्चन्मञ्जीरस्फुरणमणिदीपे मम मनो

मनोज्ञे कामाक्ष्याश्चरणमणिहर्म्ये विहरताम् ॥48॥

भवाम्भोधौ नौकां जडिमविपिने पावकशिखा-

ममर्त्येन्द्रादीनामधिमुकुटमुत्तंसकलिकाम् ।

जगत्तापे ज्योत्स्नामकृतकवचःपञ्जरपुटे

शुकस्त्रीं कामाक्ष्या मनसि कलये पादयुगलीम् ॥49॥

परत्मप्राकाश्यप्रतिफलनचुञ्चुः प्रणमतां

मनोज्ञस्त्वत्पादो मणिमुकुरमुद्रां कलयते ।

यदीयां कामाक्षि प्रकृतिमसृणाः शोधकदशां

विधातुं चेष्ठन्ते बलरिपुवधूटीकचभराः ॥50॥

अविश्रान्तं तिष्ठन्नकृतकवचःकन्दरपुटी-

कुटीरान्तः प्रौढं नखरुचिसटालीं प्रकटयन् ।

प्रचण्डं खण्डत्वं नयतु मम कामाक्षि तरसा

तमोवेतण्डेन्द्रं तव चरणकण्ठीरवपतिः ॥51॥

पुरस्तात्कामाक्षि प्रचुररसमाखण्डलपुरी-

पुरन्ध्रीणां लास्यं तव ललितमालोक्य शनकैः ।

नखश्रीभिः स्मेरा बहु वितनुते नूपुररवै-

श्चमत्कृत्या शङ्के चरणयुगली चाटुरचनाः ॥52॥

सरोजं निन्दन्ती नखकिरणकर्पूरशिशिरा

निषिक्ता मारारेर्मुकुटशशिरेखाहिमजलैः ।

स्फुरन्ती कामाक्षि स्फुटरुचिमये पल्लवचये

तवाधत्ते मैत्रीं पथिकसुदृशा पादयुगली ॥53॥

नतानां सम्पत्तेरनवरतमाकर्षणजपः

प्ररोहत्संसारप्रसरगरिमस्तम्भनजपः ।

त्वदीयः कामाक्षि स्मरहरमनोमोहनजपः

पटीयान्नः पायात्पदनलिनमञ्जीरनिनदः ॥54॥

वितन्वीथा नाथे मम शिरसि कामाक्षि कृपया

पदाम्भोजन्यासं पशुपरिबृढप्राणदयिते ।

पिबन्तो यन्मुद्रां प्रकटमुपकम्पापरिसरं

दृशा नानन्द्यन्ते नलिनभवनारायणमुखाः ॥55॥

प्रणामोद्यद्बृन्दारमुकुटमन्दारकलिका-

विलोलल्लोलम्बप्रकरमयधूमप्रचुरिमा ।

प्रदीप्तः पादाब्जद्युतिविततिपाटल्यलहरी-

कृशानुः कामाक्ष्या मम दहतु संसारविपिनम् ॥56॥

वलक्षश्रीरृक्षाधिपशिशुसदृक्षैस्तव नखैः

जिघृक्षुर्दक्षत्वं सरसिरुहभिक्षुत्वकरणे ।

क्षणान्मे कामाक्षि क्षपितभवसङ्क्षोभगरिमा

वचोवैचक्षन्यं चरणयुगली पक्ष्मलयतात् ॥57॥

समन्तात्कामाक्षि क्षततिमिरसन्तानसुभगान्

अनन्ताभिर्भाभिर्दिनमनु दिगन्तान्विरचयन् ।

अहन्ताया हन्ता मम जडिमदन्तावलहरिः

विभिन्तां सन्तापं तव चरणचिन्तामणिरसौ ॥58॥

दधानो भास्वत्ताममृतनिलयो लोहितवपुः

विनम्राणां सौम्यो गुरुरपि कवित्वं च कलयन् ।

गतौ मन्दो गङ्गाधरमहिषि कामाक्षि भजतां

तमःकेतुर्मातस्तव चरणपद्मो विजयते ॥59॥

नयन्तीं दासत्वं नलिनभवमुख्यानसुलभ-

प्रदानाद्दीनानाममरतरुदौर्भाग्यजननीम् ।

जगज्जन्मक्षेमक्षयविधिषु कामाक्षि पदयो-

र्धुरीणामीष्टे करस्तव भणितुमाहोपुरुषिकाम् ॥60॥

जनोऽयं सन्तप्तो जननि भवचण्डांशुकिरणैः

अलब्धवैकं शीतं कणमपि परज्ञानपयसः ।

तमोमार्गे पान्थस्तव झटिति कामाक्षि शिशिरां

पदाम्भोजच्छायां परमशिवजाये मृगयते ॥61॥

जयत्यम्ब श्रीमन्नखकिरणचीनांशुकमयं

वितानं बिभ्राणे सुरमुकुटसङ्घट्टमसृणे ।

निजारुण्यक्षौमास्तरणवति कामाक्षि सुलभा

बुधैः संविन्नारी तव चरणमाणिक्यभवने ॥62॥

प्रतीमः कामाक्षि स्फुरिततरुणादित्यकिरण-

श्रियो मूलद्रव्यं तव चरणमद्रीन्द्रतनये ।

सुरेन्द्राशामापूरयति यदसौ ध्वान्तमखिलं

धुनीते दिग्भागानपि च महसा पाटलयते ॥63॥

महाभाष्यव्याख्यापटुशयनमारोपयति वा

स्मरव्यापारेर्ष्यापिशुननिटिलं कारयति वा ।

द्विरेफाणामध्यासयति सततं वाधिवसतिं

प्रणम्रान्कामाक्ष्याः पदनलिनमाहात्म्यगरिमा ॥64॥

विवेकाम्भस्स्रोतस्स्नपनपरिपाटीशिशिरिते

समीभूते शास्त्रस्मरणहलसङ्कर्षणवशात् ।

सतां चेतःक्षेत्रे वपति तव कामाक्षि चरणो

महासंवित्सस्यप्रकरवरबीजं गिरिसुते ॥65॥

दधानो मन्दारस्तबकपरिपाटीं नखरुचा

वहन्दीप्तां शोणाङ्गुलिपटलचाम्पेयकलिकाम् ।

अशोकोल्लासं नः प्रचुरयतु कामाक्षि चरणो

विकासी वासन्तः समय इव ते शर्वदयिते ॥66॥

नखांशुप्राचुर्यप्रसृमरमरालालिधवलः

स्फुरन्मञ्जीरोद्यन्मरकतमहश्शैवलयुतः ।

भवत्याः कामाक्षि स्फुटचरणपाटल्यकपटो

नदः शोणाभिख्यो नगपतितनूजे विजयते ॥67॥

धुनानं पङ्कौघं परमसुलभं कण्टककुलैः

विकासव्यासङ्गं विदधदपराधीनमनिशम् ।

नखेन्दुज्योत्स्नाभिर्विशदरुचि कामाक्षि नितराम्

असामान्यं मन्ये सरसिजमिदं ते पदयुगम् ॥68॥

करीन्द्राय द्रुह्यत्यलसगतिलीलासु विमलैः

पयोजैर्मात्सर्यं प्रकटयति कामं कलयते ।

पदाम्भोजद्वन्द्वं तव तदपि कामाक्षि हृदयं

मुनीनां शान्तानां कथमनिशमस्मै स्पृहयते ॥69॥

निरस्ता शोणिम्ना चरणकिरणानां तव शिवे

समिन्धाना सन्ध्यारुचिरचलराजन्यतनये ।

असामर्थ्यादेनं परिभवितुमेतत्समरुचां

सरोजानां जाने मुकुलयति शोभां प्रतिदिनम् ॥70॥

उपादिक्षद्दाक्ष्यं तव चरणनामा गुरुरसौ

मरालानां शङ्के मसृणगतिलालित्यसरणौ ।

अतस्ते निस्तन्द्रं नियतममुना सख्यपदवीं

प्रपन्नं पाथोजं प्रति दधति कामाक्षि कुतुकम् ॥71॥

दधानैः संसर्गं प्रकृतिमलिनैः षट्पदकुलैः

द्विजाधीशश्लाघाविधिषु विदधद्भिर्मुकुलताम् ।

रजोमिश्रैः पद्मैर्नियतमपि कामाक्षि पदयोः

विरोधस्ते युक्तो विषमशरवैरिप्रियतमे ॥72॥

कवित्वश्रीमिश्रीकरणनिपुणौ रक्षणचणौ

विपन्नानां श्रीमन्नलिनमसृणौ शोणकिरणौ ।

मुनीन्द्राणामन्तःकरणशरणौ मन्दसरणौ

मनोज्ञौ कामाक्ष्या दुरितहरणौ नौमि चरणौ ॥73॥

परस्मात्सर्वस्मादपि च परयोर्मुक्तिकरयोः

नखश्रीभिर्ज्योत्स्नाकलिततुलयोस्ताम्रतलयोः ।

निलीये कामाक्ष्या निगमनुतयोर्नाकिनतयोः

निरस्तप्रोन्मीलन्नलिनमदयोरेव पदयोः ॥74॥

स्वभावादन्योन्यं किसलयमपीदं तव पदं

म्रदिम्ना शोणिम्ना भगवति दधाते सदृशताम् ।

वने पूर्वस्येच्छा सततमवने किं तु जगतां

परस्येत्थं भेदः स्फुरति हृदि कामाक्षि सुधियाम् ॥75॥

कथं वाचालोऽपि प्रकटमणिमञ्जीरनिनदैः

सदैवानन्दार्द्रान्विरचयति वाचंयमजनान् ।

प्रकृत्या ते शोणच्छविरपि च कामाक्षि चरणो

मनीषानैर्मल्यं कथमिव नृणां मांसलयते ॥76॥

चलत्तृष्णावीचीपरिचलनपर्याकुलतया

मुहुर्भ्रान्तस्तान्तः परमशिववामाक्षि परवान् ।

तितीर्षुः कामाक्षि प्रचुरतरकर्माम्बुधिममुं

कदाहं लप्स्ये ते चरणमणिसेतुं गिरिसुते ॥77॥

विशुष्यन्त्यां प्रज्ञासरिति दुरितग्रीष्मसमय-

प्रभावेण क्षीणे सति मम मनःकेकिनि शुचा ।

त्वदीयः कामाक्षि स्फुरितचरणाम्भोदमहिमा

नभोमासाटोपं नगपतिसुते किं न कुरुते ॥78॥

विनम्राणां चेतोभवनवलभीसीम्नि चरण-

प्रदीपे प्राकाश्यं दधति तव निर्धूततमसि ।

असीमा कामाक्षि स्वयमलघुदुष्कर्मलहरी

विघूर्णन्ती शान्तिं शलभपरिपाटीव भजते ॥79॥

विराजन्ती शुक्तिर्नखकिरणमुक्तामणिततेः

विपत्पाथोराशौ तरिरपि नराणां प्रणमताम् ।

त्वदीयः कामाक्षि ध्रुवमलघुवह्निर्भववने

मुनीनां ज्ञानाग्नेररणिरयमङ्घिर्विजयते ॥80॥

समस्तैः संसेव्यः सततमपि कामाक्षि विबुधैः

स्तुतो गन्धर्वस्त्रीसुललितविपञ्चीकलरवैः ।

भवत्या भिन्दानो भवगिरिकुलं जृम्भिततमो-

बलद्रोही मातश्चरणपुरुहूतो विजयते ॥81॥

वसन्तं भक्तानामपि मनसि नित्यं परिलसद्-

घनच्छायापूर्णं शुचिमपि नृणां तापशमनम् ।

नखेन्दुज्योत्स्नाभिः शिशिरमपि पद्मोदयकरं

नमामः कामाक्ष्याश्चरणमधिकाश्चर्यकरणम् ॥82॥

कवीन्द्राणां नानाभणितिगुणचित्रीकृतवचः-

प्रपञ्चव्यापारप्रकटनकलाकौशलनिधिः ।

अधःकुर्वन्नब्जं सनकभृगुमुख्यैर्मुनिजनैः

नमस्यः कामाक्ष्याश्चरणपरमेष्ठी विजयते ॥83॥

भवत्याः कामाक्षि स्फुरितपदपङ्केरुहभुवां

परागाणां पूरैः परिहृतकलङ्कव्यतिकरैः ।

नतानामामृष्टे हृदयमुकुरे निर्मलरुचि

प्रसन्ने निश्शेषं प्रतिफलति विश्वं गिरिसुते ॥84॥

तव त्रस्तं पादात्किसलयमरण्यान्तरमगात्

परं रेखारूपं कमलममुमेवाश्रितमभूत् ।

जितानां कामाक्षि द्वितयमपि युक्तं परिभवे

विदेशे वासो वा शरणगमनं वा निजरिपोः ॥85॥

गृहीत्वा याथार्थ्यं निगमवचसां देशिककृपा-

कटाक्षर्कज्योतिश्शमितममताबन्धतमसः ।

यतन्ते कामाक्षि प्रतिदिवसमन्तर्द्रढयितुं

त्वदीयं पादाब्जं सुकृतपरिपाकेन सुजनाः ॥86॥

जडानामप्यम्ब स्मरणसमये तवच्चरणयोः

भ्रमन्मन्थक्ष्माभृद्धुमुघुमितसिन्धुप्रतिभटाः ।

प्रसन्नाः कामाक्षि प्रसभमधरस्पन्दनकरा

भवन्ति स्वच्छन्दं प्रकृतिपरिपक्का भणितयः ॥87॥

वहन्नप्यश्रान्तं मधुरनिनदं हंसकमसौ

तमेवाधः कर्तुं किमिव यतते केलिगमने ।

भवस्यैवानन्दं विदधदपि कामाक्षि चरणो

भवत्यास्तद्द्रोहं भगवति किमेवं वितनुते ॥88॥

यदत्यन्तं ताम्यत्यलसगतिवार्तास्वपि शिवे

तदेतत्कामाक्षि प्रकृतिमृदुलं ते पदयुगम् ।

किरीटैः सङ्घट्टं कथमिव सुरौघस्य सहते

मुनीन्द्राणामास्ते मनसि च कथं सूचिनिशिते ॥89॥

मनोरङ्गे मत्के विबुधजनसम्मोदजननी

सरागव्यासङ्गं सरसमृदुसञ्चारसुभगा ।

मनोज्ञा कामाक्षि प्रकटयतु लास्यप्रकरणं

रणन्मञ्जीरा ते चरणयुगलीनर्तकवधूः ॥90॥

परिष्कुर्वन्मातः पशुपतिकपर्दं चरणराट्

पराचां हृत्पद्मं परमभणितीनां च मकुटम् ।

भवाख्ये पाथोधौ परिहरतु कामाक्षि ममता-

पराधीनत्वं मे परिमुषितपाथोजमहिमा ॥91॥

प्रसूनैः सम्पर्कादमरतरुणीकुन्तलभवैः

अभीष्टानां दानादनिशमपि कामाक्षि नमताम् ।

स्वसङ्गात्कङ्केलिप्रसवजनकत्वेन च शिवे

त्रिधा धत्ते वार्तां सुरभिरिति पादो गिरिसुते ॥92॥

महामोहस्तेनव्यतिकरभयात्पालयति यो

विनिक्षिप्तं स्वस्मिन्निजजनमनोरत्नमनिशम् ।

स रागस्योद्रेकात्सततमपि कामाक्षि तरसा

किमेवं पादोऽसौ किसलयरुचिं चोरयति ते ॥93॥

सदा स्वादुङ्कारं विषयलहरीशालिकणिकां

समास्वाद्य श्रान्तं हृदयशुकपोतं जननि मे ।

कृपाजाले फालेक्षणमहिषि कामाक्षि रभसात्

गृहीत्वा रुन्धीथारस्तव पदयुगीपञ्जरपुटे ॥94॥

धुनानं कामाक्षि स्मरणलवमात्रेण जडिम-

ज्वरप्रौढिं गूढस्थिति निगमनैकुञ्जकुहरे ।

अलभ्यं सर्वेषां कतिचन लभन्ते सुकृतिनः

चिरादन्विष्यन्तस्तव चरणसिद्धौषधमिदम् ॥95॥

रणन्मञ्जीराभ्यां ललितगमनाभ्यां सुकृतिनां

मनोवास्तव्याभ्यां मथिततिमिराभ्यां नखरुचा ।

निधेयाभ्यां पत्या निजशिरसि कामाक्षि सततं

नमस्ते पादाभ्यां नलिनमृदुलाभ्यां गिरिसुते ॥96॥

सुरागे राकेन्दुप्रतिनिधिमुखे पर्वतसुते

चिराल्लभ्ये भक्त्या शमधनजनानां परिषदा ।

मनोभृङ्गो मत्कः पदकमलयुग्मे जननि ते

प्रकामं कामाक्षि त्रिपुरहरवामाक्षि रमताम् ॥97॥

शिवे संविद्रूपे शशिशकलचूडप्रियतमे

शनैर्गत्यागत्या जितसुरवरेभे गिरिसुते ।

यतन्ते सन्तस्ते चरणनलिनालानयुगले

सदा बद्धं चित्तप्रमदकरियूथं दृढतरम् ॥98॥

यशः सूते मातर्मधुरकवितां पक्ष्मलयते

श्रियं दत्ते चित्ते कमपि परिपाकं प्रथयते ।

सतां पाशग्रन्थिं शिथिलयति किं किं न कुरुते

प्रपन्ने कामाक्ष्याः प्रणतिपरिपाटी चरणयोः ॥99॥

मनीषां माहेन्द्रीं ककुभमिव ते कामपि दशां

प्रधत्ते कामाक्ष्याश्चरणतरुणादित्यकिरणः ।

यदीये सम्पर्के धृतरसमरन्दा कवयतां

परीपाकं धत्ते परिमलवती सूक्तिनलिनी ॥100॥

पुरा मारारातिः पुरमजयदम्ब स्तवशतैः

प्रसन्नायां सत्यां त्वयि तुहिनशैलेन्द्रतनये ।

अतस्ते कामाक्षि स्फुरतु तरसा कालसमये

समायाते मातर्मम मनसि पादाब्जयुगलम् ॥101॥

पदद्वन्द्वं मन्दं गतिषु निवसन्तं हृदि सतां

गिरामन्ते भ्रान्तं कृतकरहितानां परिबृढे ।

जनानामानन्दं जननि जनयन्तं प्रणमतां

त्वदीयं कामाक्षि प्रतिदिनमहं नौमि विमलम् ॥102॥

इदं यः कामाक्ष्याश्चरणनलिनस्तोत्रशतकं

जपेन्नित्यं भक्त्या निखिलजगदाह्लादजनकम् ।

स विश्वेषां वन्द्यः सकलकविलोकैकतिलकः

चिरं भुक्त्वा भोगान्परिणमति चिद्रूपकलया ॥103॥

॥ इति पादारविन्दशतकं सम्पूर्णम् ॥