ਮਹਿਮ੍ਨਃ ਪਨ੍ਥਾਨਂ ਮਦਨਪਰਿਪਨ੍ਥਿਪ੍ਰਣਯਿਨਿ
ਪ੍ਰਭੁਰ੍ਨਿਰ੍ਣੇਤੁਂ ਤੇ ਭਵਤਿ ਯਤਮਾਨੋऽਪਿ ਕਤਮਃ ।
ਤਥਾਪਿ ਸ਼੍ਰੀਕਾਞ੍ਚੀਵਿਹृਤਿਰਸਿਕੇ ਕੋऽਪਿ ਮਨਸੋ
ਵਿਪਾਕਸ੍ਤ੍ਵਤ੍ਪਾਦਸ੍ਤੁਤਿਵਿਧਿषੁ ਜਲ੍ਪਾਕਯਤਿ ਮਾਮ੍ ॥1॥
ਗਲਗ੍ਰਾਹੀ ਪੌਰਨ੍ਦਰਪੁਰਵਨੀਪਲ੍ਲਵਰੁਚਾਂ
ਧृਤਪਾਥਮ੍ਯਾਨਾਮਰੁਣਮਹਸਾਮਾਦਿਮਗੁਰੁਃ ।
ਸਮਿਨ੍ਧੇ ਬਨ੍ਧੂਕਸ੍ਤਬਕਸਹਯੁਧ੍ਵਾ ਦਿਸ਼ਿ ਦਿਸ਼ਿ
ਪ੍ਰਸਰ੍ਪਨ੍ਕਾਮਾਕ੍ष੍ਯਾਸ਼੍ਚਰਣਕਿਰਣਾਨਾਮਰੁਣਿਮਾ ॥2॥
ਮਰਾਲੀਨਾਂ ਯਾਨਾਭ੍ਯਸਨਕਲਨਾਮੂਲਗੁਰਵੇ
ਦਰਿਦ੍ਰਾਣਾਂ ਤ੍ਰਾਣਵ੍ਯਤਿਕਰਸੁਰੋਦ੍ਯਾਨਤਰਵੇ ।
ਤਮਸ੍ਕਾਣ੍ਡਪ੍ਰੌਢਿਪ੍ਰਕਟਨਤਿਰਸ੍ਕਾਰਪਟਵੇ
ਜਨੋऽਯਂ ਕਾਮਾਕ੍ष੍ਯਾਸ਼੍ਚਰਣਨਲਿਨਾਯ ਸ੍ਪृਹਯਤੇ ॥3॥
ਵਹਨ੍ਤੀ ਸੈਨ੍ਦੂਰੀਂ ਸਰਣਿਮਵਨਮ੍ਰਾਮਰਪੁਰ਼ੀ-
ਪੁਰਨ੍ਧ੍ਰੀਸੀਮਨ੍ਤੇ ਕਵਿਕਮਲਬਾਲਾਰ੍ਕਸੁषਮਾ ।
ਤ੍ਰਯੀਸੀਮਨ੍ਤਿਨ੍ਯਾਃ ਸ੍ਤਨਤਟਨਿਚੋਲਾਰੁਣਪਟੀ
ਵਿਭਾਨ੍ਤੀ ਕਾਮਾਕ੍ष੍ਯਾਃ ਪਦਨਲਿਨਕਾਨ੍ਤਿਰ੍ਵਿਜਯਤੇ ॥4॥
ਪ੍ਰਣਮ੍ਰੀਭੂਤਸ੍ਯ ਪ੍ਰਣਯਕਲਹਤ੍ਰਸ੍ਤਮਨਸਃ
ਸ੍ਮਰਾਰਾਤੇਸ਼੍ਚੂਡਾਵਿਯਤਿ ਗृਹਮੇਧੀ ਹਿਮਕਰਃ ।
ਯਯੋਃ ਸਾਨ੍ਧ੍ਯਾਂ ਕਾਨ੍ਤਿਂ ਵਹਤਿ ਸੁषਮਾਭਿਸ਼੍ਚਰਣਯੋਃ
ਤਯੋਰ੍ਮੇ ਕਾਮਾਕ੍ष੍ਯਾ ਹृਦਯਮਪਤਨ੍ਦ੍ਰਂ ਵਿਹਰਤਾਮ੍ ॥5॥
ਯਯੋਃ ਪੀਠਾਯਨ੍ਤੇ ਵਿਬੁਧਮੁਕੁਟੀਨਾਂ ਪਟਲਿਕਾ
ਯਯੋਃ ਸੌਧਾਯਨ੍ਤੇ ਸ੍ਵਯਮੁਦਯਭਾਜੋ ਭਣਿਤਯਃ ।
ਯਯੋਃ ਦਾਸਾਯਨ੍ਤੇ ਸਰਸਿਜਭਵਾਦ੍ਯਾਸ਼੍ਚਰਣਯੋਃ
ਤਯੋਰ੍ਮੇ ਕਾਮਾਕ੍ष੍ਯਾ ਦਿਨਮਨੁ ਵਰੀਵਰ੍ਤੁ ਹृਦਯਮ੍ ॥6॥
ਨਯਨ੍ਤੀ ਸਙ੍ਕੋਚਂ ਸਰਸਿਜਰੁਚਂ ਦਿਕ੍ਪਰਿਸਰੇ
ਸृਜਨ੍ਤੀ ਲੌਹਿਤ੍ਯਂ ਨਖਕਿਰਣਚਨ੍ਦ੍ਰਾਰ੍ਧਖਚਿਤਾ ।
ਕਵੀਨ੍ਦ੍ਰਾਣਾਂ ਹृਤ੍ਕੈਰਵਵਿਕਸਨੋਦ੍ਯੋਗਜਨਨੀ
ਸ੍ਫੁਰਨ੍ਤੀ ਕਾਮਾਕ੍ष੍ਯਾਃ ਚਰਣਰੁਚਿਸਨ੍ਧ੍ਯਾ ਵਿਜਯਤੇ ॥7॥
ਵਿਰਾਵੈਰ੍ਮਾਞ੍ਜੀਰੈਃ ਕਿਮਪਿ ਕਥਯਨ੍ਤੀਵ ਮਧੁਰਂ
ਪੁਰਸ੍ਤਾਦਾਨਮ੍ਰੇ ਪੁਰਵਿਜਯਿਨਿ ਸ੍ਮੇਰਵਦਨੇ ।
ਵਯਸ੍ਯੇਵ ਪ੍ਰੌਢਾ ਸ਼ਿਥਿਲਯਤਿ ਯਾ ਪ੍ਰੇਮਕਲਹ-
ਪ੍ਰਰੋਹਂ ਕਾਮਾਕ੍ष੍ਯਾਃ ਚਰਣਯੁਗਲੀ ਸਾ ਵਿਜਯਤੇ ॥8॥
ਸੁਪਰ੍ਵਸ੍ਤ੍ਰੀਲੋਲਾਲਕਪਰਿਚਿਤਂ षਟ੍ਪਦਕੁਲੈਃ
ਸ੍ਫੁਰਲ੍ਲਾਕ੍षਾਰਾਗਂ ਤਰੁਣਤਰਣਿਜ੍ਯੋਤਿਰਰੁਣੈਃ ।
ਭृਤਂ ਕਾਨ੍ਤ੍ਯਮ੍ਭੋਭਿਃ ਵਿਸृਮਰਮਰਨ੍ਦੈਃ ਸਰਸਿਜੈਃ
ਵਿਧਤ੍ਤੇ ਕਾਮਾਕ੍ष੍ਯਾਃ ਚਰਣਯੁਗਲਂ ਬਨ੍ਧੁਪਦਵੀਮ੍ ॥9॥
ਰਜਃਸਂਸਰ੍ਗੇऽਪਿ ਸ੍ਥਿਤਮਰਜਸਾਮੇਵ ਹृਦਯੇ
ਪਰਂ ਰਕ੍ਤਤ੍ਵੇਨ ਸ੍ਥਿਤਮਪਿ ਵਿਰਕ੍ਤੈਕਸ਼ਰਣਮ੍ ।
ਅਲਭ੍ਯਂ ਮਨ੍ਦਾਨਾਂ ਦਧਦਪਿ ਸਦਾ ਮਨ੍ਦਗਤਿਤਾਂ
ਵਿਧਤ੍ਤੇ ਕਾਮਾਕ੍ष੍ਯਾਃ ਚਰਣਯੁਗਮਾਸ਼੍ਚਰ੍ਯਲਹਰੀਮ੍ ॥10॥
ਜਟਾਲਾ ਮਞ੍ਜੀਰਸ੍ਫੁਰਦਰੁਣਰਤ੍ਨਾਂਸ਼ੁਨਿਕਰੈਃ
ਨਿषਿਦਨ੍ਤੀ ਮਧ੍ਯੇ ਨਖਰੁਚਿਝਰੀਗਾਙ੍ਗਪਯਸਾਮ੍ ।
ਜਗਤ੍ਤ੍ਰਾਣਂ ਕਰ੍ਤੁਂ ਜਨਨਿ ਮਮ ਕਾਮਾਕ੍षਿ ਨਿਯਤਂ
ਤਪਸ਼੍ਚਰ੍ਯਾਂ ਧਤ੍ਤੇ ਤਵ ਚਰਣਪਾਥੋਜਯੁਗਲੀ ॥11॥
ਤੁਲਾਕੋਟਿਦ੍ਵਨ੍ਦ੍ਵਕ੍ਕਣਿਤਭਣਿਤਾਭੀਤਿਵਚਸੋਃ
ਵਿਨਮ੍ਰਂ ਕਾਮਾਕ੍षੀ ਵਿਸृਮਰਮਹਃਪਾਟਲਿਤਯੋਃ ।
ਕ੍षਣਂ ਵਿਨ੍ਯਾਸੇਨ ਕ੍षਪਿਤਤਮਸੋਰ੍ਮੇ ਲਲਿਤਯੋਃ
ਪੁਨੀਯਾਨ੍ਮੂਰ੍ਧਾਨਂ ਪੁਰਹਰਪੁਰਨ੍ਧ੍ਰੀ ਚਰਣਯੋਃ ॥12॥
ਭਵਾਨਿ ਦ੍ਰੁਹ੍ਯੇਤਾਂ ਭਵਨਿਬਿਡਿਤੇਭ੍ਯੋ ਮਮ ਮੁਹੁ-
ਸ੍ਤਮੋਵ੍ਯਾਮੋਹੇਭ੍ਯਸ੍ਤਵ ਜਨਨਿ ਕਾਮਾਕ੍षਿ ਚਰਣੌ ।
ਯਯੋਰ੍ਲਾਕ੍षਾਬਿਨ੍ਦੁਸ੍ਫੁਰਣਧਰਣਾਦ੍ਧ੍ਵਰ੍ਜਟਿਜਟਾ-
ਕੁਟੀਰਾ ਸ਼ੋਣਾਙ੍ਕਂ ਵਹਤਿ ਵਪੁਰੇਣਾਙ੍ਕਕਲਿਕਾ ॥13॥
ਪਵਿਤ੍ਰੀਕੁਰ੍ਯੁਰ੍ਨੁਃ ਪਦਤਲਭੁਵਃ ਪਾਟਲਰੁਚਃ
ਪਰਾਗਾਸ੍ਤੇ ਪਾਪਪ੍ਰਸ਼ਮਨਧੁਰੀਣਾਃ ਪਰਸ਼ਿਵੇ ।
ਕਣਂ ਲਬ੍ਧੁਂ ਯੇषਾਂ ਨਿਜਸ਼ਿਰਸਿ ਕਾਮਾਕ੍षਿ ਵਿਵਸ਼ਾ
ਵਲਨ੍ਤੋ ਵ੍ਯਾਤਨ੍ਵਨ੍ਤ੍ਯਹਮਹਮਿਕਾਂ ਮਾਧਵਮੁਖਾਃ ॥14॥
ਬਲਾਕਾਮਾਲਾਭਿਰ੍ਨਖਰੁਚਿਮਯੀਭਿਃ ਪਰਿਵृਤੇ
ਵਿਨਮ੍ਰਸ੍ਵਰ੍ਨਾਰੀਵਿਕਚਕਚਕਾਲਾਮ੍ਬੁਦਕੁਲੇ ।
ਸ੍ਫੁਰਨ੍ਤਃ ਕਾਮਾਕ੍षਿ ਸ੍ਫੁਟਦਲਿਤਬਨ੍ਧੂਕਸੁਹृਦ-
ਸ੍ਤਟਿਲ੍ਲੇਖਾਯਨ੍ਤੇ ਤਵ ਚਰਣਪਾਥੋਜਕਿਰਣਾਃ ॥15॥
ਸਰਾਗਃ ਸਦ੍ਵੇषਃ ਪ੍ਰਸृਮਰਸਰੋਜੇ ਪ੍ਰਤਿਦਿਨਂ
ਨਿਸਰ੍ਗਾਦਾਕ੍ਰਾਮਨ੍ਵਿਬੁਧਜਨਮੂਰ੍ਧਾਨਮਧਿਕਮ੍ ।
ਕਥਙ੍ਕਾਰਂ ਮਾਤਃ ਕਥਯ ਪਦਪਦ੍ਮਸ੍ਤਵ ਸਤਾਂ
ਨਤਾਨਾਂ ਕਾਮਾਕ੍षਿ ਪ੍ਰਕਟਯਤਿ ਕੈਵਲ੍ਯਸਰਣਿਮ੍ ॥16॥
ਜਪਾਲਕ੍ष੍ਮੀਸ਼ੋਣੋ ਜਨਿਤਪਰਮਜ੍ਞਾਨਨਲਿਨੀ-
ਵਿਕਾਸਵ੍ਯਾਸਙ੍ਗੋ ਵਿਫਲਿਤਜਗਜ੍ਜਾਡ੍ਯਗਰਿਮਾ ।
ਮਨਃਪੂਰ੍ਵਾਦ੍ਰਿਂ ਮੇ ਤਿਲਕਯਤੁ ਕਾਮਾਕ੍षਿ ਤਰਸਾ
ਤਮਸ੍ਕਾਣ੍ਡਦ੍ਰੋਹੀ ਤਵ ਚਰਣਪਾਥੋਜਰਮਣਃ ॥17॥
ਨਮਸ੍ਕੁਰ੍ਮਃ ਪ੍ਰੇਙ੍ਖਨ੍ਮਣਿਕਟਕਨੀਲੋਤ੍ਪਲਮਹਃ-
ਪਯੋਧੌ ਰਿਙ੍ਖਦ੍ਭਿਰ੍ਨਖਕਿਰਣਫੇਨੈਰ੍ਧਵਲਿਤੇ ।
ਸ੍ਫੁਟਂ ਕੁਰ੍ਵਾਣਾਯ ਪ੍ਰਬਲਚਲਦੌਰ੍ਵਾਨਲਸ਼ਿਖਾ-
ਵਿਤਰ੍ਕਂ ਕਾਮਾਕ੍ष੍ਯਾਃ ਸਤਤਮਰੁਣਿਮ੍ਨੇ ਚਰਣਯੋਃ ॥18॥
ਸ਼ਿਵੇ ਪਾਸ਼ਾਯੇਤਾਮਲਘੁਨਿ ਤਮਃਕੂਪਕੁਹਰੇ
ਦਿਨਾਧੀਸ਼ਾਯੇਤਾਂ ਮਮ ਹृਦਯਪਾਥੋਜਵਿਪਿਨੇ ।
ਨਭੋਮਾਸਾਯੇਤਾਂ ਸਰਸਕਵਿਤਾਰੀਤਿਸਰਿਤਿ
ਤ੍ਵਦੀਯੌ ਕਾਮਾਕ੍षਿ ਪ੍ਰਸृਤਕਿਰਣੌ ਦੇਵਿ ਚਰਣੌ ॥19॥
ਨਿषਕ੍ਤਂ ਸ਼੍ਰੁਤ੍ਯਨ੍ਤੇ ਨਯਨਮਿਵ ਸਦ੍ਵृਤ੍ਤਰੁਚਿਰੈਃ
ਸਮੈਰ੍ਜੁष੍ਟਂ ਸ਼ੁਦ੍ਧੈਰਧਰਮਿਵ ਰਮ੍ਯੈਰ੍ਦ੍ਵਿਜਗਣੈਃ ।
ਸ਼ਿਵੇ ਵਕ੍षੋਜਨ੍ਮਦ੍ਵਿਤਯਮਿਵ ਮੁਕ੍ਤਾਸ਼੍ਰਿਤਮੁਮੇ
ਤ੍ਵਦੀਯਂ ਕਾਮਾਕ੍षਿ ਪ੍ਰਣਤਸ਼ਰਣਂ ਨੌਮਿ ਚਰਣਮ੍ ॥20॥
ਨਮਸ੍ਯਾਸਂਸਜ੍ਜਨ੍ਨਮੁਚਿਪਰਿਪਨ੍ਥਿਪ੍ਰਣਯਿਨੀ-
ਨਿਸਰ੍ਗਪ੍ਰੇਙ੍ਖੋਲਤ੍ਕੁਰਲਕੁਲਕਾਲਾਹਿਸ਼ਬਲੇ ।
ਨਖਚ੍ਛਾਯਾਦੁਗ੍ਧੋਦਧਿਪਯਸਿ ਤੇ ਵੈਦ੍ਰੁਮਰੁਚਾਂ
ਪ੍ਰਚਾਰਂ ਕਾਮਾਕ੍षਿ ਪ੍ਰਚੁਰਯਤਿ ਪਾਦਾਬ੍ਜਸੁषਮਾ ॥21॥
ਕਦਾ ਦੂਰੀਕਰ੍ਤੁਂ ਕਟੁਦੁਰਿਤਕਾਕੋਲਜਨਿਤਂ
ਮਹਾਨ੍ਤਂ ਸਨ੍ਤਾਪਂ ਮਦਨਪਰਿਪਨ੍ਥਿਪ੍ਰਿਯਤਮੇ ।
ਕ੍षਣਾਤ੍ਤੇ ਕਾਮਾਕ੍षਿ ਤ੍ਰਿਭੁਵਨਪਰੀਤਾਪਹਰਣੇ
ਪਟੀਯਾਂਸਂ ਲਪ੍ਸ੍ਯੇ ਪਦਕਮਲਸੇਵਾਮृਤਰਸਮ੍ ॥22॥
ਯਯੋਃ ਸਾਨ੍ਧ੍ਯਂ ਰੋਚਿਃ ਸਤਤਮਰੁਣਿਮ੍ਨੇ ਸ੍ਪृਹਯਤੇ
ਯਯੋਸ਼੍ਚਾਨ੍ਦ੍ਰੀ ਕਾਨ੍ਤਿਃ ਪਰਿਪਤਤਿ ਦृष੍ਟ੍ਵਾ ਨਖਰੁਚਿਮ੍ ।
ਯਯੋਃ ਪਾਕੋਦ੍ਰੇਕਂ ਪਿਪਠਿषਤਿ ਭਕ੍ਤ੍ਯਾ ਕਿਸਲਯਂ
ਮ੍ਰਦਿਮ੍ਨਃ ਕਾਮਾਕ੍ष੍ਯਾ ਮਨਸਿ ਚਰਣੌ ਤੌ ਤਨੁਮਹੇ ॥23॥
ਜਗਨ੍ਨੇਦਂ ਨੇਦਂ ਪਰਮਿਤਿ ਪਰਿਤ੍ਯਜ੍ਯ ਯਤਿਭਿਃ
ਕੁਸ਼ਾਗ੍ਰੀਯਸ੍ਵਾਨ੍ਤੈਃ ਕੁਸ਼ਲਧਿषਣੈਃ ਸ਼ਾਸ੍ਤ੍ਰਸਰਣੌ ।
ਗਵੇष੍ਯਂ ਕਾਮਾਕ੍षਿ ਧ੍ਰੁਵਮਕृਤਕਾਨਾਂ ਗਿਰਿਸੁਤੇ
ਗਿਰਾਮੈਦਮ੍ਪਰ੍ਯਂ ਤਵ ਚਰਣਪਦ੍ਮਂ ਵਿਜਯਤੇ ॥24॥
ਕृਤਸ੍ਨਾਨਂ ਸ਼ਾਸ੍ਤ੍ਰਾਮृਤਸਰਸਿ ਕਾਮਾਕ੍षਿ ਨਿਤਰਾਂ
ਦਧਾਨਂ ਵੈਸ਼ਦ੍ਯਂ ਕਲਿਤਰਸਮਾਨਨ੍ਦਸੁਧਯਾ ।
ਅਲਙ੍ਕਾਰਂ ਭੂਮੇਰ੍ਮੁਨਿਜਨਮਨਸ਼੍ਚਿਨ੍ਮਯਮਹਾ-
ਪਯੋਧੇਰਨ੍ਤਸ੍ਸ੍ਥਂ ਤਵ ਚਰਣਰਤ੍ਨਂ ਮृਗਯਤੇ ॥25॥
ਮਨੋਗੇਹੇ ਮੋਹੋਦ੍ਭਵਤਿਮਿਰਪੂਰ੍ਣੇ ਮਮ ਮੁਹੁਃ
ਦਰਿਦ੍ਰਾਣੀਕੁਰ੍ਵਨ੍ਦਿਨਕਰਸਹਸ੍ਰਾਣਿ ਕਿਰਣੈਃ ।
ਵਿਧਤ੍ਤਾਂ ਕਾਮਾਕ੍षਿ ਪ੍ਰਸृਮਰਤਮੋਵਞ੍ਚਨਚਣਃ
ਕ੍षਣਾਰ੍ਧਂ ਸਾਨ੍ਨਿਧ੍ਯਂ ਚਰਣਮਣਿਦੀਪੋ ਜਨਨਿ ਤੇ ॥26॥
ਕਵੀਨਾਂ ਚੇਤੋਵਨ੍ਨਖਰਰੁਚਿਸਮ੍ਪਰ੍ਕਿ ਵਿਬੁਧ-
ਸ੍ਰਵਨ੍ਤੀਸ੍ਰੋਤੋਵਤ੍ਪਟੁਮੁਖਰਿਤਂ ਹਂਸਕਰਵੈਃ ।
ਦਿਨਾਰਮ੍ਭਸ਼੍ਰੀਵਨ੍ਨਿਯਤਮਰੁਣਚ੍ਛਾਯਸੁਭਗਂ
ਮਦਨ੍ਤਃ ਕਾਮਾਕ੍ष੍ਯਾਃ ਸ੍ਫੁਰਤੁ ਪਦਪਙ੍ਕੇਰੁਹਯੁਗਮ੍ ॥27॥
ਸਦਾ ਕਿਂ ਸਮ੍ਪਰ੍ਕਾਤ੍ਪ੍ਰਕृਤਿਕਠਿਨੈਰ੍ਨਾਕਿਮੁਕੁਟੈਃ
ਤਟੈਰ੍ਨੀਹਾਰਾਦ੍ਰੇਰਧਿਕਮਣੁਨਾ ਯੋਗਿਮਨਸਾ ।
ਵਿਭਿਨ੍ਤੇ ਸਮ੍ਮੋਹਂ ਸ਼ਿਸ਼ਿਰਯਤਿ ਭਕ੍ਤਾਨਪਿ ਦृਸ਼ਾਮ੍
ਅਦृਸ਼੍ਯਂ ਕਾਮਾਕ੍षਿ ਪ੍ਰਕਟਯਤਿ ਤੇ ਪਾਦਯੁਗਲਮ੍ ॥28॥
ਪਵਿਤ੍ਰਾਭ੍ਯਾਮਮ੍ਬ ਪ੍ਰਕृਤਿਮृਦੁਲਾਭ੍ਯਾਂ ਤਵ ਸ਼ਿਵੇ
ਪਦਾਭ੍ਯਾਂ ਕਾਮਾਕ੍षਿ ਪ੍ਰਸਭਮਭਿਭੂਤੈਃ ਸਚਕਿਤੈਃ ।
ਪ੍ਰਵਾਲੈਰਮ੍ਭੋਜੈਰਪਿ ਚ ਵਨਵਾਸਵ੍ਰਤਦਸ਼ਾਃ
ਸਦੈਵਾਰਭ੍ਯਨ੍ਤੇ ਪਰਿਚਰਿਤਨਾਨਾਦ੍ਵਿਜਗਣੈਃ ॥29॥
ਚਿਰਾਦ੍ਦृਸ਼੍ਯਾ ਹਂਸੈਃ ਕਥਮਪਿ ਸਦਾ ਹਂਸਸੁਲਭਂ
ਨਿਰਸ੍ਯਨ੍ਤੀ ਜਾਡ੍ਯਂ ਨਿਯਤਜਡਮਧ੍ਯੈਕਸ਼ਰਣਮ੍ ।
ਅਦੋषਵ੍ਯਾਸਙ੍ਗਾ ਸਤਤਮਪਿ ਦੋषਾਪ੍ਤਿਮਲਿਨਂ
ਪਯੋਜਂ ਕਾਮਾਕ੍ष੍ਯਾਃ ਪਰਿਹਸਤਿ ਪਾਦਾਬ੍ਜਯੁਗਲੀ ॥30॥
ਸੁਰਾਣਾਮਾਨਨ੍ਦਪ੍ਰਬਲਨਤਯਾ ਮਣ੍ਡਨਤਯਾ
ਨਖੇਨ੍ਦੁਜ੍ਯੋਤ੍ਸ੍ਨਾਭਿਰ੍ਵਿਸृਮਰਤਮਃਖਣ੍ਡਨਤਯਾ ।
ਪਯੋਜਸ਼੍ਰੀਦ੍ਵੇषਵ੍ਰਤਰਤਤਯਾ ਤ੍ਵਚ੍ਚਰਣਯੋਃ
ਵਿਲਾਸਃ ਕਾਮਾਕ੍षਿ ਪ੍ਰਕਟਯਤਿ ਨੈਸ਼ਾਕਰਦਸ਼ਾਮ੍ ॥31॥
ਸਿਤਿਮ੍ਨਾ ਕਾਨ੍ਤੀਨਾਂ ਨਖਰਜਨੁषਾਂ ਪਾਦਨਲਿਨ-
ਚ੍ਛਵੀਨਾਂ ਸ਼ੋਣਿਮ੍ਨਾ ਤਵ ਜਨਨਿ ਕਾਮਾਕ੍षਿ ਨਮਨੇ ।
ਲਭਨ੍ਤੇ ਮਨ੍ਦਾਰਗ੍ਰਥਿਤਨਵਬਨ੍ਧੂਕਕੁਸੁਮ-
ਸ੍ਰਜਾਂ ਸਾਮੀਚੀਨ੍ਯਂ ਸੁਰਪੁਰਪੁਰਨ੍ਧ੍ਰੀਕਚਭਰਾਃ ॥32॥
ਸ੍ਫੁਰਨ੍ਮਧ੍ਯੇ ਸ਼ੁਦ੍ਧੇ ਨਖਕਿਰਣਦੁਗ੍ਧਾਬ੍ਧਿਪਯਸਾਂ
ਵਹਨ੍ਨਬ੍ਜਂ ਚਕ੍ਰਂ ਦਰਮਪਿ ਚ ਲੇਖਾਤ੍ਮਕਤਯਾ ।
ਸ਼੍ਰਿਤੋ ਮਾਤ੍ਸ੍ਯਂ ਰੂਪਂ ਸ਼੍ਰਿਯਮਪਿ ਦਧਾਨੋ ਨਿਰੁਪਮਾਂ
ਤ੍ਰਿਧਾਮਾ ਕਾਮਾਕ੍ष੍ਯਾਃ ਪਦਨਲਿਨਨਾਮਾ ਵਿਜਯਤੇ ॥33॥
ਨਖਸ਼੍ਰੀਸਨ੍ਨਦ੍ਧਸ੍ਤਬਕਨਿਚਿਤਃ ਸ੍ਵੈਸ਼੍ਚ ਕਿਰਣੈਃ
ਪਿਸ਼ਙ੍ਗੈਃ ਕਾਮਾਕ੍षਿ ਪ੍ਰਕਟਿਤਲਸਤ੍ਪਲ੍ਲਵਰੁਚਿਃ ।
ਸਤਾਂ ਗਮ੍ਯਃ ਸ਼ਙ੍ਕੇ ਸਕਲਫਲਦਾਤਾ ਸੁਰਤਰੁਃ
ਤ੍ਵਦੀਯਃ ਪਾਦੋऽਯਂ ਤੁਹਿਨਗਿਰਿਰਾਜਨ੍ਯਤਨਯੇ ॥34॥
ਵषਟ੍ਕੁਰ੍ਵਨ੍ਮਾਞ੍ਜੀਰਕਲਕਲੈਃ ਕਰ੍ਮਲਹਰੀ-
ਹਵੀਂषਿ ਪ੍ਰੌਦ੍ਦਣ੍ਡਂ ਜ੍ਵਲਤਿ ਪਰਮਜ੍ਞਾਨਦਹਨੇ ।
ਮਹੀਯਾਨ੍ਕਾਮਾਕ੍षਿ ਸ੍ਫੁਟਮਹਸਿ ਜੋਹੋਤਿ ਸੁਧਿਯਾਂ
ਮਨੋਵੇਦ੍ਯਾਂ ਮਾਤਸ੍ਤਵ ਚਰਣਯਜ੍ਵਾ ਗਿਰਿਸੁਤੇ ॥35॥
ਮਹਾਮਨ੍ਤ੍ਰਂ ਕਿਞ੍ਚਿਨ੍ਮਣਿਕਟਕਨਾਦੈਰ੍ਮृਦੁ ਜਪਨ੍
ਕ੍षਿਪਨ੍ਦਿਕ੍षੁ ਸ੍ਵਚ੍ਛਂ ਨਖਰੁਚਿਮਯਂ ਭਾਸ੍ਮਨਰਜਃ ।
ਨਤਾਨਾਂ ਕਾਮਾਕ੍षਿ ਪ੍ਰਕृਤਿਪਟੁਰਚ੍ਚਾਟ੍ਯ ਮਮਤਾ-
ਪਿਸ਼ਾਚੀਂ ਪਾਦੋऽਯਂ ਪ੍ਰਕਟਯਤਿ ਤੇ ਮਾਨ੍ਤ੍ਰਿਕਦਸ਼ਾਮ੍ ॥36॥
ਉਦੀਤੇ ਬੋਧੇਨ੍ਦੌ ਤਮਸਿ ਨਿਤਰਾਂ ਜਗ੍ਮੁषਿ ਦਸ਼ਾਂ
ਦਰਿਦ੍ਰਾਂ ਕਾਮਾਕ੍षਿ ਪ੍ਰਕਟਮਨੁਰਾਗਂ ਵਿਦਧਤੀ ।
ਸਿਤੇਨਾਚ੍ਛਾਦ੍ਯਾਙ੍ਗਂ ਨਖਰੁਚਿਪਟੇਨਾਙ੍ਘ੍ਰਿਯੁਗਲੀ-
ਪੁਰਨ੍ਧ੍ਰੀ ਤੇ ਮਾਤਃ ਸ੍ਵਯਮਭਿਸਰਤ੍ਯੇਵ ਹृਦਯਮ੍ ॥37॥
ਦਿਨਾਰਮ੍ਭਃ ਸਮ੍ਪਨ੍ਨਲਿਨਵਿਪਿਨਾਨਾਮਭਿਨਵੋ
ਵਿਕਾਸੋ ਵਾਸਨ੍ਤਃ ਸੁਕਵਿਪਿਕਲੋਕਸ੍ਯ ਨਿਯਤਃ ।
ਪ੍ਰਦੋषਃ ਕਾਮਾਕ੍षਿ ਪ੍ਰਕਟਪਰਮਜ੍ਞਾਨਸ਼ਸ਼ਿਨ-
ਸ਼੍ਚਕਾਸ੍ਤਿ ਤ੍ਵਤ੍ਪਾਦਸ੍ਮਰਣਮਹਿਮਾ ਸ਼ੈਲਤਨਯੇ ॥38॥
ਧृਤਚ੍ਛਾਯਂ ਨਿਤ੍ਯਂ ਸਰਸਿਰੁਹਮੈਤ੍ਰੀਪਰਿਚਿਤਂ
ਨਿਧਾਨਂ ਦੀਪ੍ਤੀਨਾਂ ਨਿਖਿਲਜਗਤਾਂ ਬੋਧਜਨਕਮ੍ ।
ਮੁਮੁਕ੍षੂਣਾਂ ਮਾਰ੍ਗਪ੍ਰਥਨਪਟੁ ਕਾਮਾਕ੍षਿ ਪਦਵੀਂ
ਪਦਂ ਤੇ ਪਾਤਙ੍ਗੀਂ ਪਰਿਕਲਯਤੇ ਪਰ੍ਵਤਸੁਤੇ ॥39॥
ਸ਼ਨੈਸ੍ਤੀਰ੍ਤ੍ਵਾ ਮੋਹਾਮ੍ਬੁਧਿਮਥ ਸਮਾਰੋਢੁਮਨਸਃ
ਕ੍ਰਮਾਤ੍ਕੈਵਲ੍ਯਾਖ੍ਯਾਂ ਸੁਕृਤਿਸੁਲਭਾਂ ਸੌਧਵਲਭੀਮ੍ ।
ਲਭਨ੍ਤੇ ਨਿਃਸ਼੍ਰੇਣੀਮਿਵ ਝਟਿਤਿ ਕਾਮਾਕ੍षਿ ਚਰਣਂ
ਪੁਰਸ਼੍ਚਰ੍ਯਾਭਿਸ੍ਤੇ ਪੁਰਮਥਨਸੀਮਨ੍ਤਿਨਿ ਜਨਾਃ ॥40॥
ਪ੍ਰਚਣ੍ਡਾਰ੍ਤਿਕ੍षੋਭਪ੍ਰਮਥਨਕृਤੇ ਪ੍ਰਾਤਿਭਸਰਿ-
ਤ੍ਪ੍ਰਵਾਹਪ੍ਰੋਦ੍ਦਣ੍ਡੀਕਰਣਜਲਦਾਯ ਪ੍ਰਣਮਤਾਮ੍ ।
ਪ੍ਰਦੀਪਾਯ ਪ੍ਰੌਢੇ ਭਵਤਮਸਿ ਕਾਮਾਕ੍षਿ ਚਰਣ-
ਪ੍ਰਸਾਦੌਨ੍ਮੁਖ੍ਯਾਯ ਸ੍ਪृਹਯਤਿ ਜਨੋऽਯਂ ਜਨਨਿ ਤੇ ॥41॥
ਮਰੁਦ੍ਭਿਃ ਸਂਸੇਵ੍ਯਾ ਸਤਤਮਪਿ ਚਾਞ੍ਚਲ੍ਯਰਹਿਤਾ
ਸਦਾਰੁਣ੍ਯਂ ਯਾਨ੍ਤੀ ਪਰਿਣਤਿਦਰਿਦ੍ਰਾਣਸੁषਮਾ ।
ਗੁਣੋਤ੍ਕਰ੍षਾਨ੍ਮਾਞ੍ਜੀਰਕਕਲਕਲੈਸ੍ਤਰ੍ਜਨਪਟੁਃ
ਪ੍ਰਵਾਲਂ ਕਾਮਾਕ੍ष੍ਯਾਃ ਪਰਿਹਸਤਿ ਪਾਦਾਬ੍ਜਯੁਗਲੀ ॥42॥
ਜਗਦ੍ਰਕ੍षਾਦਕ੍षਾ ਜਲਜਰੁਚਿਸ਼ਿਕ੍षਾਪਟੁਤਰਾ
ਸਮੈਰ੍ਨਮ੍ਯਾ ਰਮ੍ਯਾ ਸਤਤਮਭਿਗਮ੍ਯਾ ਬੁਧਜਨੈਃ ।
ਦ੍ਵਯੀ ਲੀਲਾਲੋਲਾ ਸ਼੍ਰੁਤਿषੁ ਸੁਰਪਾਲਾਦਿਮੁਕੁਟੀ-
ਤਟੀਸੀਮਾਧਾਮਾ ਤਵ ਜਨਨਿ ਕਾਮਾਕ੍षਿ ਪਦਯੋਃ ॥43॥
ਗਿਰਾਂ ਦੂਰੌ ਚੋਰੌ ਜਡਿਮਤਿਮਿਰਾਣਾਂ ਕृਤਜਗ-
ਤ੍ਪਰਿਤ੍ਰਾਣੌ ਸ਼ੋਣੌ ਮੁਨਿਹृਦਯਲੀਲੈਕਨਿਪੁਣੌ ।
ਨਖੈਃ ਸ੍ਮੇਰੌ ਸਾਰੌ ਨਿਗਮਵਚਸਾਂ ਖਣ੍ਡਿਤਭਵ-
ਗ੍ਰਹੋਨ੍ਮਾਦੌ ਪਾਦੌ ਤਵ ਜਨਨਿ ਕਾਮਾਕ੍षਿ ਕਲਯੇ ॥44॥
ਅਵਿਸ਼੍ਰਾਨ੍ਤਂ ਪਙ੍ਕਂ ਯਦਪਿ ਕਲਯਨ੍ਯਾਵਕਮਯਂ
ਨਿਰਸ੍ਯਨ੍ਕਾਮਾਕ੍षਿ ਪ੍ਰਣਮਨਜੁषਾਂ ਪਙ੍ਕਮਖਿਲਮ੍ ।
ਤੁਲਾਕੋਟਿਦ੍ਵਨ੍ਦਂ ਦਧਦਪਿ ਚ ਗਚ੍ਛਨ੍ਨਤੁਲਤਾਂ
ਗਿਰਾਂ ਮਾਰ੍ਗਂ ਪਾਦੋ ਗਿਰਿਵਰਸੁਤੇ ਲਙ੍ਘਯਤਿ ਤੇ ॥45॥
ਪ੍ਰਵਾਲਂ ਸਵ੍ਰੀਲਂ ਵਿਪਿਨਵਿਵਰੇ ਵੇਪਯਤਿ ਯਾ
ਸ੍ਫੁਰਲ੍ਲੀਲਂ ਬਾਲਾਤਪਮਧਿਕਬਾਲਂ ਵਦਤਿ ਯਾ ।
ਰੁਚਿਂ ਸਾਨ੍ਧ੍ਯਾਂ ਵਨ੍ਧ੍ਯਾਂ ਵਿਰਚਯਤਿ ਯਾ ਵਰ੍ਧਯਤੁ ਸਾ
ਸ਼ਿਵਂ ਮੇ ਕਾਮਾਕ੍ष੍ਯਾਃ ਪਦਨਲਿਨਪਾਟਲ੍ਯਲਹਰੀ ॥46॥
ਕਿਰਞ੍ਜ੍ਯੋਤ੍ਸ੍ਨਾਰੀਤਿਂ ਨਖਮੁਖਰੁਚਾ ਹਂਸਮਨਸਾਂ
ਵਿਤਨ੍ਵਾਨਃ ਪ੍ਰੀਤਿਂ ਵਿਕਚਤਰੁਣਾਮ੍ਭੋਰੁਹਰੁਚਿਃ ।
ਪ੍ਰਕਾਸ਼ਃ ਸ਼੍ਰੀਪਾਦਸ੍ਤਵ ਜਨਨਿ ਕਾਮਾਕ੍षਿ ਤਨੁਤੇ
ਸ਼ਰਤ੍ਕਾਲਪ੍ਰੌਢਿਂ ਸ਼ਸ਼ਿਸ਼ਕਲਚੂਡਪ੍ਰਿਯਤਮੇ ॥47॥
ਨਖਾਙ੍ਕੂਰਸ੍ਮੇਰਦ੍ਯੁਤਿਵਿਮਲਗਙ੍ਗਾਮ੍ਭਸਿ ਸੁਖਂ
ਕृਤਸ੍ਨਾਨਂ ਜ੍ਞਾਨਾਮृਤਮਮਲਮਾਸ੍ਵਾਦ੍ਯ ਨਿਯਤਮ੍ ।
ਉਦਞ੍ਚਨ੍ਮਞ੍ਜੀਰਸ੍ਫੁਰਣਮਣਿਦੀਪੇ ਮਮ ਮਨੋ
ਮਨੋਜ੍ਞੇ ਕਾਮਾਕ੍ष੍ਯਾਸ਼੍ਚਰਣਮਣਿਹਰ੍ਮ੍ਯੇ ਵਿਹਰਤਾਮ੍ ॥48॥
ਭਵਾਮ੍ਭੋਧੌ ਨੌਕਾਂ ਜਡਿਮਵਿਪਿਨੇ ਪਾਵਕਸ਼ਿਖਾ-
ਮਮਰ੍ਤ੍ਯੇਨ੍ਦ੍ਰਾਦੀਨਾਮਧਿਮੁਕੁਟਮੁਤ੍ਤਂਸਕਲਿਕਾਮ੍ ।
ਜਗਤ੍ਤਾਪੇ ਜ੍ਯੋਤ੍ਸ੍ਨਾਮਕृਤਕਵਚਃਪਞ੍ਜਰਪੁਟੇ
ਸ਼ੁਕਸ੍ਤ੍ਰੀਂ ਕਾਮਾਕ੍ष੍ਯਾ ਮਨਸਿ ਕਲਯੇ ਪਾਦਯੁਗਲੀਮ੍ ॥49॥
ਪਰਤ੍ਮਪ੍ਰਾਕਾਸ਼੍ਯਪ੍ਰਤਿਫਲਨਚੁਞ੍ਚੁਃ ਪ੍ਰਣਮਤਾਂ
ਮਨੋਜ੍ਞਸ੍ਤ੍ਵਤ੍ਪਾਦੋ ਮਣਿਮੁਕੁਰਮੁਦ੍ਰਾਂ ਕਲਯਤੇ ।
ਯਦੀਯਾਂ ਕਾਮਾਕ੍षਿ ਪ੍ਰਕृਤਿਮਸृਣਾਃ ਸ਼ੋਧਕਦਸ਼ਾਂ
ਵਿਧਾਤੁਂ ਚੇष੍ਠਨ੍ਤੇ ਬਲਰਿਪੁਵਧੂਟੀਕਚਭਰਾਃ ॥50॥
ਅਵਿਸ਼੍ਰਾਨ੍ਤਂ ਤਿष੍ਠਨ੍ਨਕृਤਕਵਚਃਕਨ੍ਦਰਪੁਟੀ-
ਕੁਟੀਰਾਨ੍ਤਃ ਪ੍ਰੌਢਂ ਨਖਰੁਚਿਸਟਾਲੀਂ ਪ੍ਰਕਟਯਨ੍ ।
ਪ੍ਰਚਣ੍ਡਂ ਖਣ੍ਡਤ੍ਵਂ ਨਯਤੁ ਮਮ ਕਾਮਾਕ੍षਿ ਤਰਸਾ
ਤਮੋਵੇਤਣ੍ਡੇਨ੍ਦ੍ਰਂ ਤਵ ਚਰਣਕਣ੍ਠੀਰਵਪਤਿਃ ॥51॥
ਪੁਰਸ੍ਤਾਤ੍ਕਾਮਾਕ੍षਿ ਪ੍ਰਚੁਰਰਸਮਾਖਣ੍ਡਲਪੁਰੀ-
ਪੁਰਨ੍ਧ੍ਰੀਣਾਂ ਲਾਸ੍ਯਂ ਤਵ ਲਲਿਤਮਾਲੋਕ੍ਯ ਸ਼ਨਕੈਃ ।
ਨਖਸ਼੍ਰੀਭਿਃ ਸ੍ਮੇਰਾ ਬਹੁ ਵਿਤਨੁਤੇ ਨੂਪੁਰਰਵੈ-
ਸ਼੍ਚਮਤ੍ਕृਤ੍ਯਾ ਸ਼ਙ੍ਕੇ ਚਰਣਯੁਗਲੀ ਚਾਟੁਰਚਨਾਃ ॥52॥
ਸਰੋਜਂ ਨਿਨ੍ਦਨ੍ਤੀ ਨਖਕਿਰਣਕਰ੍ਪੂਰਸ਼ਿਸ਼ਿਰਾ
ਨਿषਿਕ੍ਤਾ ਮਾਰਾਰੇਰ੍ਮੁਕੁਟਸ਼ਸ਼ਿਰੇਖਾਹਿਮਜਲੈਃ ।
ਸ੍ਫੁਰਨ੍ਤੀ ਕਾਮਾਕ੍षਿ ਸ੍ਫੁਟਰੁਚਿਮਯੇ ਪਲ੍ਲਵਚਯੇ
ਤਵਾਧਤ੍ਤੇ ਮੈਤ੍ਰੀਂ ਪਥਿਕਸੁਦृਸ਼ਾ ਪਾਦਯੁਗਲੀ ॥53॥
ਨਤਾਨਾਂ ਸਮ੍ਪਤ੍ਤੇਰਨਵਰਤਮਾਕਰ੍षਣਜਪਃ
ਪ੍ਰਰੋਹਤ੍ਸਂਸਾਰਪ੍ਰਸਰਗਰਿਮਸ੍ਤਮ੍ਭਨਜਪਃ ।
ਤ੍ਵਦੀਯਃ ਕਾਮਾਕ੍षਿ ਸ੍ਮਰਹਰਮਨੋਮੋਹਨਜਪਃ
ਪਟੀਯਾਨ੍ਨਃ ਪਾਯਾਤ੍ਪਦਨਲਿਨਮਞ੍ਜੀਰਨਿਨਦਃ ॥54॥
ਵਿਤਨ੍ਵੀਥਾ ਨਾਥੇ ਮਮ ਸ਼ਿਰਸਿ ਕਾਮਾਕ੍षਿ ਕृਪਯਾ
ਪਦਾਮ੍ਭੋਜਨ੍ਯਾਸਂ ਪਸ਼ੁਪਰਿਬृਢਪ੍ਰਾਣਦਯਿਤੇ ।
ਪਿਬਨ੍ਤੋ ਯਨ੍ਮੁਦ੍ਰਾਂ ਪ੍ਰਕਟਮੁਪਕਮ੍ਪਾਪਰਿਸਰਂ
ਦृਸ਼ਾ ਨਾਨਨ੍ਦ੍ਯਨ੍ਤੇ ਨਲਿਨਭਵਨਾਰਾਯਣਮੁਖਾਃ ॥55॥
ਪ੍ਰਣਾਮੋਦ੍ਯਦ੍ਬृਨ੍ਦਾਰਮੁਕੁਟਮਨ੍ਦਾਰਕਲਿਕਾ-
ਵਿਲੋਲਲ੍ਲੋਲਮ੍ਬਪ੍ਰਕਰਮਯਧੂਮਪ੍ਰਚੁਰਿਮਾ ।
ਪ੍ਰਦੀਪ੍ਤਃ ਪਾਦਾਬ੍ਜਦ੍ਯੁਤਿਵਿਤਤਿਪਾਟਲ੍ਯਲਹਰੀ-
ਕृਸ਼ਾਨੁਃ ਕਾਮਾਕ੍ष੍ਯਾ ਮਮ ਦਹਤੁ ਸਂਸਾਰਵਿਪਿਨਮ੍ ॥56॥
ਵਲਕ੍षਸ਼੍ਰੀਰृਕ੍षਾਧਿਪਸ਼ਿਸ਼ੁਸਦृਕ੍षੈਸ੍ਤਵ ਨਖੈਃ
ਜਿਘृਕ੍षੁਰ੍ਦਕ੍षਤ੍ਵਂ ਸਰਸਿਰੁਹਭਿਕ੍षੁਤ੍ਵਕਰਣੇ ।
ਕ੍षਣਾਨ੍ਮੇ ਕਾਮਾਕ੍षਿ ਕ੍षਪਿਤਭਵਸਙ੍ਕ੍षੋਭਗਰਿਮਾ
ਵਚੋਵੈਚਕ੍षਨ੍ਯਂ ਚਰਣਯੁਗਲੀ ਪਕ੍ष੍ਮਲਯਤਾਤ੍ ॥57॥
ਸਮਨ੍ਤਾਤ੍ਕਾਮਾਕ੍षਿ ਕ੍षਤਤਿਮਿਰਸਨ੍ਤਾਨਸੁਭਗਾਨ੍
ਅਨਨ੍ਤਾਭਿਰ੍ਭਾਭਿਰ੍ਦਿਨਮਨੁ ਦਿਗਨ੍ਤਾਨ੍ਵਿਰਚਯਨ੍ ।
ਅਹਨ੍ਤਾਯਾ ਹਨ੍ਤਾ ਮਮ ਜਡਿਮਦਨ੍ਤਾਵਲਹਰਿਃ
ਵਿਭਿਨ੍ਤਾਂ ਸਨ੍ਤਾਪਂ ਤਵ ਚਰਣਚਿਨ੍ਤਾਮਣਿਰਸੌ ॥58॥
ਦਧਾਨੋ ਭਾਸ੍ਵਤ੍ਤਾਮਮृਤਨਿਲਯੋ ਲੋਹਿਤਵਪੁਃ
ਵਿਨਮ੍ਰਾਣਾਂ ਸੌਮ੍ਯੋ ਗੁਰੁਰਪਿ ਕਵਿਤ੍ਵਂ ਚ ਕਲਯਨ੍ ।
ਗਤੌ ਮਨ੍ਦੋ ਗਙ੍ਗਾਧਰਮਹਿषਿ ਕਾਮਾਕ੍षਿ ਭਜਤਾਂ
ਤਮਃਕੇਤੁਰ੍ਮਾਤਸ੍ਤਵ ਚਰਣਪਦ੍ਮੋ ਵਿਜਯਤੇ ॥59॥
ਨਯਨ੍ਤੀਂ ਦਾਸਤ੍ਵਂ ਨਲਿਨਭਵਮੁਖ੍ਯਾਨਸੁਲਭ-
ਪ੍ਰਦਾਨਾਦ੍ਦੀਨਾਨਾਮਮਰਤਰੁਦੌਰ੍ਭਾਗ੍ਯਜਨਨੀਮ੍ ।
ਜਗਜ੍ਜਨ੍ਮਕ੍षੇਮਕ੍षਯਵਿਧਿषੁ ਕਾਮਾਕ੍षਿ ਪਦਯੋ-
ਰ੍ਧੁਰੀਣਾਮੀष੍ਟੇ ਕਰਸ੍ਤਵ ਭਣਿਤੁਮਾਹੋਪੁਰੁषਿਕਾਮ੍ ॥60॥
ਜਨੋऽਯਂ ਸਨ੍ਤਪ੍ਤੋ ਜਨਨਿ ਭਵਚਣ੍ਡਾਂਸ਼ੁਕਿਰਣੈਃ
ਅਲਬ੍ਧਵੈਕਂ ਸ਼ੀਤਂ ਕਣਮਪਿ ਪਰਜ੍ਞਾਨਪਯਸਃ ।
ਤਮੋਮਾਰ੍ਗੇ ਪਾਨ੍ਥਸ੍ਤਵ ਝਟਿਤਿ ਕਾਮਾਕ੍षਿ ਸ਼ਿਸ਼ਿਰਾਂ
ਪਦਾਮ੍ਭੋਜਚ੍ਛਾਯਾਂ ਪਰਮਸ਼ਿਵਜਾਯੇ ਮृਗਯਤੇ ॥61॥
ਜਯਤ੍ਯਮ੍ਬ ਸ਼੍ਰੀਮਨ੍ਨਖਕਿਰਣਚੀਨਾਂਸ਼ੁਕਮਯਂ
ਵਿਤਾਨਂ ਬਿਭ੍ਰਾਣੇ ਸੁਰਮੁਕੁਟਸਙ੍ਘਟ੍ਟਮਸृਣੇ ।
ਨਿਜਾਰੁਣ੍ਯਕ੍षੌਮਾਸ੍ਤਰਣਵਤਿ ਕਾਮਾਕ੍षਿ ਸੁਲਭਾ
ਬੁਧੈਃ ਸਂਵਿਨ੍ਨਾਰੀ ਤਵ ਚਰਣਮਾਣਿਕ੍ਯਭਵਨੇ ॥62॥
ਪ੍ਰਤੀਮਃ ਕਾਮਾਕ੍षਿ ਸ੍ਫੁਰਿਤਤਰੁਣਾਦਿਤ੍ਯਕਿਰਣ-
ਸ਼੍ਰਿਯੋ ਮੂਲਦ੍ਰਵ੍ਯਂ ਤਵ ਚਰਣਮਦ੍ਰੀਨ੍ਦ੍ਰਤਨਯੇ ।
ਸੁਰੇਨ੍ਦ੍ਰਾਸ਼ਾਮਾਪੂਰਯਤਿ ਯਦਸੌ ਧ੍ਵਾਨ੍ਤਮਖਿਲਂ
ਧੁਨੀਤੇ ਦਿਗ੍ਭਾਗਾਨਪਿ ਚ ਮਹਸਾ ਪਾਟਲਯਤੇ ॥63॥
ਮਹਾਭਾष੍ਯਵ੍ਯਾਖ੍ਯਾਪਟੁਸ਼ਯਨਮਾਰੋਪਯਤਿ ਵਾ
ਸ੍ਮਰਵ੍ਯਾਪਾਰੇਰ੍ष੍ਯਾਪਿਸ਼ੁਨਨਿਟਿਲਂ ਕਾਰਯਤਿ ਵਾ ।
ਦ੍ਵਿਰੇਫਾਣਾਮਧ੍ਯਾਸਯਤਿ ਸਤਤਂ ਵਾਧਿਵਸਤਿਂ
ਪ੍ਰਣਮ੍ਰਾਨ੍ਕਾਮਾਕ੍ष੍ਯਾਃ ਪਦਨਲਿਨਮਾਹਾਤ੍ਮ੍ਯਗਰਿਮਾ ॥64॥
ਵਿਵੇਕਾਮ੍ਭਸ੍ਸ੍ਰੋਤਸ੍ਸ੍ਨਪਨਪਰਿਪਾਟੀਸ਼ਿਸ਼ਿਰਿਤੇ
ਸਮੀਭੂਤੇ ਸ਼ਾਸ੍ਤ੍ਰਸ੍ਮਰਣਹਲਸਙ੍ਕਰ੍षਣਵਸ਼ਾਤ੍ ।
ਸਤਾਂ ਚੇਤਃਕ੍षੇਤ੍ਰੇ ਵਪਤਿ ਤਵ ਕਾਮਾਕ੍षਿ ਚਰਣੋ
ਮਹਾਸਂਵਿਤ੍ਸਸ੍ਯਪ੍ਰਕਰਵਰਬੀਜਂ ਗਿਰਿਸੁਤੇ ॥65॥
ਦਧਾਨੋ ਮਨ੍ਦਾਰਸ੍ਤਬਕਪਰਿਪਾਟੀਂ ਨਖਰੁਚਾ
ਵਹਨ੍ਦੀਪ੍ਤਾਂ ਸ਼ੋਣਾਙ੍ਗੁਲਿਪਟਲਚਾਮ੍ਪੇਯਕਲਿਕਾਮ੍ ।
ਅਸ਼ੋਕੋਲ੍ਲਾਸਂ ਨਃ ਪ੍ਰਚੁਰਯਤੁ ਕਾਮਾਕ੍षਿ ਚਰਣੋ
ਵਿਕਾਸੀ ਵਾਸਨ੍ਤਃ ਸਮਯ ਇਵ ਤੇ ਸ਼ਰ੍ਵਦਯਿਤੇ ॥66॥
ਨਖਾਂਸ਼ੁਪ੍ਰਾਚੁਰ੍ਯਪ੍ਰਸृਮਰਮਰਾਲਾਲਿਧਵਲਃ
ਸ੍ਫੁਰਨ੍ਮਞ੍ਜੀਰੋਦ੍ਯਨ੍ਮਰਕਤਮਹਸ਼੍ਸ਼ੈਵਲਯੁਤਃ ।
ਭਵਤ੍ਯਾਃ ਕਾਮਾਕ੍षਿ ਸ੍ਫੁਟਚਰਣਪਾਟਲ੍ਯਕਪਟੋ
ਨਦਃ ਸ਼ੋਣਾਭਿਖ੍ਯੋ ਨਗਪਤਿਤਨੂਜੇ ਵਿਜਯਤੇ ॥67॥
ਧੁਨਾਨਂ ਪਙ੍ਕੌਘਂ ਪਰਮਸੁਲਭਂ ਕਣ੍ਟਕਕੁਲੈਃ
ਵਿਕਾਸਵ੍ਯਾਸਙ੍ਗਂ ਵਿਦਧਦਪਰਾਧੀਨਮਨਿਸ਼ਮ੍ ।
ਨਖੇਨ੍ਦੁਜ੍ਯੋਤ੍ਸ੍ਨਾਭਿਰ੍ਵਿਸ਼ਦਰੁਚਿ ਕਾਮਾਕ੍षਿ ਨਿਤਰਾਮ੍
ਅਸਾਮਾਨ੍ਯਂ ਮਨ੍ਯੇ ਸਰਸਿਜਮਿਦਂ ਤੇ ਪਦਯੁਗਮ੍ ॥68॥
ਕਰੀਨ੍ਦ੍ਰਾਯ ਦ੍ਰੁਹ੍ਯਤ੍ਯਲਸਗਤਿਲੀਲਾਸੁ ਵਿਮਲੈਃ
ਪਯੋਜੈਰ੍ਮਾਤ੍ਸਰ੍ਯਂ ਪ੍ਰਕਟਯਤਿ ਕਾਮਂ ਕਲਯਤੇ ।
ਪਦਾਮ੍ਭੋਜਦ੍ਵਨ੍ਦ੍ਵਂ ਤਵ ਤਦਪਿ ਕਾਮਾਕ੍षਿ ਹृਦਯਂ
ਮੁਨੀਨਾਂ ਸ਼ਾਨ੍ਤਾਨਾਂ ਕਥਮਨਿਸ਼ਮਸ੍ਮੈ ਸ੍ਪृਹਯਤੇ ॥69॥
ਨਿਰਸ੍ਤਾ ਸ਼ੋਣਿਮ੍ਨਾ ਚਰਣਕਿਰਣਾਨਾਂ ਤਵ ਸ਼ਿਵੇ
ਸਮਿਨ੍ਧਾਨਾ ਸਨ੍ਧ੍ਯਾਰੁਚਿਰਚਲਰਾਜਨ੍ਯਤਨਯੇ ।
ਅਸਾਮਰ੍ਥ੍ਯਾਦੇਨਂ ਪਰਿਭਵਿਤੁਮੇਤਤ੍ਸਮਰੁਚਾਂ
ਸਰੋਜਾਨਾਂ ਜਾਨੇ ਮੁਕੁਲਯਤਿ ਸ਼ੋਭਾਂ ਪ੍ਰਤਿਦਿਨਮ੍ ॥70॥
ਉਪਾਦਿਕ੍षਦ੍ਦਾਕ੍ष੍ਯਂ ਤਵ ਚਰਣਨਾਮਾ ਗੁਰੁਰਸੌ
ਮਰਾਲਾਨਾਂ ਸ਼ਙ੍ਕੇ ਮਸृਣਗਤਿਲਾਲਿਤ੍ਯਸਰਣੌ ।
ਅਤਸ੍ਤੇ ਨਿਸ੍ਤਨ੍ਦ੍ਰਂ ਨਿਯਤਮਮੁਨਾ ਸਖ੍ਯਪਦਵੀਂ
ਪ੍ਰਪਨ੍ਨਂ ਪਾਥੋਜਂ ਪ੍ਰਤਿ ਦਧਤਿ ਕਾਮਾਕ੍षਿ ਕੁਤੁਕਮ੍ ॥71॥
ਦਧਾਨੈਃ ਸਂਸਰ੍ਗਂ ਪ੍ਰਕृਤਿਮਲਿਨੈਃ षਟ੍ਪਦਕੁਲੈਃ
ਦ੍ਵਿਜਾਧੀਸ਼ਸ਼੍ਲਾਘਾਵਿਧਿषੁ ਵਿਦਧਦ੍ਭਿਰ੍ਮੁਕੁਲਤਾਮ੍ ।
ਰਜੋਮਿਸ਼੍ਰੈਃ ਪਦ੍ਮੈਰ੍ਨਿਯਤਮਪਿ ਕਾਮਾਕ੍षਿ ਪਦਯੋਃ
ਵਿਰੋਧਸ੍ਤੇ ਯੁਕ੍ਤੋ ਵਿषਮਸ਼ਰਵੈਰਿਪ੍ਰਿਯਤਮੇ ॥72॥
ਕਵਿਤ੍ਵਸ਼੍ਰੀਮਿਸ਼੍ਰੀਕਰਣਨਿਪੁਣੌ ਰਕ੍षਣਚਣੌ
ਵਿਪਨ੍ਨਾਨਾਂ ਸ਼੍ਰੀਮਨ੍ਨਲਿਨਮਸृਣੌ ਸ਼ੋਣਕਿਰਣੌ ।
ਮੁਨੀਨ੍ਦ੍ਰਾਣਾਮਨ੍ਤਃਕਰਣਸ਼ਰਣੌ ਮਨ੍ਦਸਰਣੌ
ਮਨੋਜ੍ਞੌ ਕਾਮਾਕ੍ष੍ਯਾ ਦੁਰਿਤਹਰਣੌ ਨੌਮਿ ਚਰਣੌ ॥73॥
ਪਰਸ੍ਮਾਤ੍ਸਰ੍ਵਸ੍ਮਾਦਪਿ ਚ ਪਰਯੋਰ੍ਮੁਕ੍ਤਿਕਰਯੋਃ
ਨਖਸ਼੍ਰੀਭਿਰ੍ਜ੍ਯੋਤ੍ਸ੍ਨਾਕਲਿਤਤੁਲਯੋਸ੍ਤਾਮ੍ਰਤਲਯੋਃ ।
ਨਿਲੀਯੇ ਕਾਮਾਕ੍ष੍ਯਾ ਨਿਗਮਨੁਤਯੋਰ੍ਨਾਕਿਨਤਯੋਃ
ਨਿਰਸ੍ਤਪ੍ਰੋਨ੍ਮੀਲਨ੍ਨਲਿਨਮਦਯੋਰੇਵ ਪਦਯੋਃ ॥74॥
ਸ੍ਵਭਾਵਾਦਨ੍ਯੋਨ੍ਯਂ ਕਿਸਲਯਮਪੀਦਂ ਤਵ ਪਦਂ
ਮ੍ਰਦਿਮ੍ਨਾ ਸ਼ੋਣਿਮ੍ਨਾ ਭਗਵਤਿ ਦਧਾਤੇ ਸਦृਸ਼ਤਾਮ੍ ।
ਵਨੇ ਪੂਰ੍ਵਸ੍ਯੇਚ੍ਛਾ ਸਤਤਮਵਨੇ ਕਿਂ ਤੁ ਜਗਤਾਂ
ਪਰਸ੍ਯੇਤ੍ਥਂ ਭੇਦਃ ਸ੍ਫੁਰਤਿ ਹृਦਿ ਕਾਮਾਕ੍षਿ ਸੁਧਿਯਾਮ੍ ॥75॥
ਕਥਂ ਵਾਚਾਲੋऽਪਿ ਪ੍ਰਕਟਮਣਿਮਞ੍ਜੀਰਨਿਨਦੈਃ
ਸਦੈਵਾਨਨ੍ਦਾਰ੍ਦ੍ਰਾਨ੍ਵਿਰਚਯਤਿ ਵਾਚਂਯਮਜਨਾਨ੍ ।
ਪ੍ਰਕृਤ੍ਯਾ ਤੇ ਸ਼ੋਣਚ੍ਛਵਿਰਪਿ ਚ ਕਾਮਾਕ੍षਿ ਚਰਣੋ
ਮਨੀषਾਨੈਰ੍ਮਲ੍ਯਂ ਕਥਮਿਵ ਨृਣਾਂ ਮਾਂਸਲਯਤੇ ॥76॥
ਚਲਤ੍ਤृष੍ਣਾਵੀਚੀਪਰਿਚਲਨਪਰ੍ਯਾਕੁਲਤਯਾ
ਮੁਹੁਰ੍ਭ੍ਰਾਨ੍ਤਸ੍ਤਾਨ੍ਤਃ ਪਰਮਸ਼ਿਵਵਾਮਾਕ੍षਿ ਪਰਵਾਨ੍ ।
ਤਿਤੀਰ੍षੁਃ ਕਾਮਾਕ੍षਿ ਪ੍ਰਚੁਰਤਰਕਰ੍ਮਾਮ੍ਬੁਧਿਮਮੁਂ
ਕਦਾਹਂ ਲਪ੍ਸ੍ਯੇ ਤੇ ਚਰਣਮਣਿਸੇਤੁਂ ਗਿਰਿਸੁਤੇ ॥77॥
ਵਿਸ਼ੁष੍ਯਨ੍ਤ੍ਯਾਂ ਪ੍ਰਜ੍ਞਾਸਰਿਤਿ ਦੁਰਿਤਗ੍ਰੀष੍ਮਸਮਯ-
ਪ੍ਰਭਾਵੇਣ ਕ੍षੀਣੇ ਸਤਿ ਮਮ ਮਨਃਕੇਕਿਨਿ ਸ਼ੁਚਾ ।
ਤ੍ਵਦੀਯਃ ਕਾਮਾਕ੍षਿ ਸ੍ਫੁਰਿਤਚਰਣਾਮ੍ਭੋਦਮਹਿਮਾ
ਨਭੋਮਾਸਾਟੋਪਂ ਨਗਪਤਿਸੁਤੇ ਕਿਂ ਨ ਕੁਰੁਤੇ ॥78॥
ਵਿਨਮ੍ਰਾਣਾਂ ਚੇਤੋਭਵਨਵਲਭੀਸੀਮ੍ਨਿ ਚਰਣ-
ਪ੍ਰਦੀਪੇ ਪ੍ਰਾਕਾਸ਼੍ਯਂ ਦਧਤਿ ਤਵ ਨਿਰ੍ਧੂਤਤਮਸਿ ।
ਅਸੀਮਾ ਕਾਮਾਕ੍षਿ ਸ੍ਵਯਮਲਘੁਦੁष੍ਕਰ੍ਮਲਹਰੀ
ਵਿਘੂਰ੍ਣਨ੍ਤੀ ਸ਼ਾਨ੍ਤਿਂ ਸ਼ਲਭਪਰਿਪਾਟੀਵ ਭਜਤੇ ॥79॥
ਵਿਰਾਜਨ੍ਤੀ ਸ਼ੁਕ੍ਤਿਰ੍ਨਖਕਿਰਣਮੁਕ੍ਤਾਮਣਿਤਤੇਃ
ਵਿਪਤ੍ਪਾਥੋਰਾਸ਼ੌ ਤਰਿਰਪਿ ਨਰਾਣਾਂ ਪ੍ਰਣਮਤਾਮ੍ ।
ਤ੍ਵਦੀਯਃ ਕਾਮਾਕ੍षਿ ਧ੍ਰੁਵਮਲਘੁਵਹ੍ਨਿਰ੍ਭਵਵਨੇ
ਮੁਨੀਨਾਂ ਜ੍ਞਾਨਾਗ੍ਨੇਰਰਣਿਰਯਮਙ੍ਘਿਰ੍ਵਿਜਯਤੇ ॥80॥
ਸਮਸ੍ਤੈਃ ਸਂਸੇਵ੍ਯਃ ਸਤਤਮਪਿ ਕਾਮਾਕ੍षਿ ਵਿਬੁਧੈਃ
ਸ੍ਤੁਤੋ ਗਨ੍ਧਰ੍ਵਸ੍ਤ੍ਰੀਸੁਲਲਿਤਵਿਪਞ੍ਚੀਕਲਰਵੈਃ ।
ਭਵਤ੍ਯਾ ਭਿਨ੍ਦਾਨੋ ਭਵਗਿਰਿਕੁਲਂ ਜृਮ੍ਭਿਤਤਮੋ-
ਬਲਦ੍ਰੋਹੀ ਮਾਤਸ਼੍ਚਰਣਪੁਰੁਹੂਤੋ ਵਿਜਯਤੇ ॥81॥
ਵਸਨ੍ਤਂ ਭਕ੍ਤਾਨਾਮਪਿ ਮਨਸਿ ਨਿਤ੍ਯਂ ਪਰਿਲਸਦ੍-
ਘਨਚ੍ਛਾਯਾਪੂਰ੍ਣਂ ਸ਼ੁਚਿਮਪਿ ਨृਣਾਂ ਤਾਪਸ਼ਮਨਮ੍ ।
ਨਖੇਨ੍ਦੁਜ੍ਯੋਤ੍ਸ੍ਨਾਭਿਃ ਸ਼ਿਸ਼ਿਰਮਪਿ ਪਦ੍ਮੋਦਯਕਰਂ
ਨਮਾਮਃ ਕਾਮਾਕ੍ष੍ਯਾਸ਼੍ਚਰਣਮਧਿਕਾਸ਼੍ਚਰ੍ਯਕਰਣਮ੍ ॥82॥
ਕਵੀਨ੍ਦ੍ਰਾਣਾਂ ਨਾਨਾਭਣਿਤਿਗੁਣਚਿਤ੍ਰੀਕृਤਵਚਃ-
ਪ੍ਰਪਞ੍ਚਵ੍ਯਾਪਾਰਪ੍ਰਕਟਨਕਲਾਕੌਸ਼ਲਨਿਧਿਃ ।
ਅਧਃਕੁਰ੍ਵਨ੍ਨਬ੍ਜਂ ਸਨਕਭृਗੁਮੁਖ੍ਯੈਰ੍ਮੁਨਿਜਨੈਃ
ਨਮਸ੍ਯਃ ਕਾਮਾਕ੍ष੍ਯਾਸ਼੍ਚਰਣਪਰਮੇष੍ਠੀ ਵਿਜਯਤੇ ॥83॥
ਭਵਤ੍ਯਾਃ ਕਾਮਾਕ੍षਿ ਸ੍ਫੁਰਿਤਪਦਪਙ੍ਕੇਰੁਹਭੁਵਾਂ
ਪਰਾਗਾਣਾਂ ਪੂਰੈਃ ਪਰਿਹृਤਕਲਙ੍ਕਵ੍ਯਤਿਕਰੈਃ ।
ਨਤਾਨਾਮਾਮृष੍ਟੇ ਹृਦਯਮੁਕੁਰੇ ਨਿਰ੍ਮਲਰੁਚਿ
ਪ੍ਰਸਨ੍ਨੇ ਨਿਸ਼੍ਸ਼ੇषਂ ਪ੍ਰਤਿਫਲਤਿ ਵਿਸ਼੍ਵਂ ਗਿਰਿਸੁਤੇ ॥84॥
ਤਵ ਤ੍ਰਸ੍ਤਂ ਪਾਦਾਤ੍ਕਿਸਲਯਮਰਣ੍ਯਾਨ੍ਤਰਮਗਾਤ੍
ਪਰਂ ਰੇਖਾਰੂਪਂ ਕਮਲਮਮੁਮੇਵਾਸ਼੍ਰਿਤਮਭੂਤ੍ ।
ਜਿਤਾਨਾਂ ਕਾਮਾਕ੍षਿ ਦ੍ਵਿਤਯਮਪਿ ਯੁਕ੍ਤਂ ਪਰਿਭਵੇ
ਵਿਦੇਸ਼ੇ ਵਾਸੋ ਵਾ ਸ਼ਰਣਗਮਨਂ ਵਾ ਨਿਜਰਿਪੋਃ ॥85॥
ਗृਹੀਤ੍ਵਾ ਯਾਥਾਰ੍ਥ੍ਯਂ ਨਿਗਮਵਚਸਾਂ ਦੇਸ਼ਿਕਕृਪਾ-
ਕਟਾਕ੍षਰ੍ਕਜ੍ਯੋਤਿਸ਼੍ਸ਼ਮਿਤਮਮਤਾਬਨ੍ਧਤਮਸਃ ।
ਯਤਨ੍ਤੇ ਕਾਮਾਕ੍षਿ ਪ੍ਰਤਿਦਿਵਸਮਨ੍ਤਰ੍ਦ੍ਰਢਯਿਤੁਂ
ਤ੍ਵਦੀਯਂ ਪਾਦਾਬ੍ਜਂ ਸੁਕृਤਪਰਿਪਾਕੇਨ ਸੁਜਨਾਃ ॥86॥
ਜਡਾਨਾਮਪ੍ਯਮ੍ਬ ਸ੍ਮਰਣਸਮਯੇ ਤਵਚ੍ਚਰਣਯੋਃ
ਭ੍ਰਮਨ੍ਮਨ੍ਥਕ੍ष੍ਮਾਭृਦ੍ਧੁਮੁਘੁਮਿਤਸਿਨ੍ਧੁਪ੍ਰਤਿਭਟਾਃ ।
ਪ੍ਰਸਨ੍ਨਾਃ ਕਾਮਾਕ੍षਿ ਪ੍ਰਸਭਮਧਰਸ੍ਪਨ੍ਦਨਕਰਾ
ਭਵਨ੍ਤਿ ਸ੍ਵਚ੍ਛਨ੍ਦਂ ਪ੍ਰਕृਤਿਪਰਿਪਕ੍ਕਾ ਭਣਿਤਯਃ ॥87॥
ਵਹਨ੍ਨਪ੍ਯਸ਼੍ਰਾਨ੍ਤਂ ਮਧੁਰਨਿਨਦਂ ਹਂਸਕਮਸੌ
ਤਮੇਵਾਧਃ ਕਰ੍ਤੁਂ ਕਿਮਿਵ ਯਤਤੇ ਕੇਲਿਗਮਨੇ ।
ਭਵਸ੍ਯੈਵਾਨਨ੍ਦਂ ਵਿਦਧਦਪਿ ਕਾਮਾਕ੍षਿ ਚਰਣੋ
ਭਵਤ੍ਯਾਸ੍ਤਦ੍ਦ੍ਰੋਹਂ ਭਗਵਤਿ ਕਿਮੇਵਂ ਵਿਤਨੁਤੇ ॥88॥
ਯਦਤ੍ਯਨ੍ਤਂ ਤਾਮ੍ਯਤ੍ਯਲਸਗਤਿਵਾਰ੍ਤਾਸ੍ਵਪਿ ਸ਼ਿਵੇ
ਤਦੇਤਤ੍ਕਾਮਾਕ੍षਿ ਪ੍ਰਕृਤਿਮृਦੁਲਂ ਤੇ ਪਦਯੁਗਮ੍ ।
ਕਿਰੀਟੈਃ ਸਙ੍ਘਟ੍ਟਂ ਕਥਮਿਵ ਸੁਰੌਘਸ੍ਯ ਸਹਤੇ
ਮੁਨੀਨ੍ਦ੍ਰਾਣਾਮਾਸ੍ਤੇ ਮਨਸਿ ਚ ਕਥਂ ਸੂਚਿਨਿਸ਼ਿਤੇ ॥89॥
ਮਨੋਰਙ੍ਗੇ ਮਤ੍ਕੇ ਵਿਬੁਧਜਨਸਮ੍ਮੋਦਜਨਨੀ
ਸਰਾਗਵ੍ਯਾਸਙ੍ਗਂ ਸਰਸਮृਦੁਸਞ੍ਚਾਰਸੁਭਗਾ ।
ਮਨੋਜ੍ਞਾ ਕਾਮਾਕ੍षਿ ਪ੍ਰਕਟਯਤੁ ਲਾਸ੍ਯਪ੍ਰਕਰਣਂ
ਰਣਨ੍ਮਞ੍ਜੀਰਾ ਤੇ ਚਰਣਯੁਗਲੀਨਰ੍ਤਕਵਧੂਃ ॥90॥
ਪਰਿष੍ਕੁਰ੍ਵਨ੍ਮਾਤਃ ਪਸ਼ੁਪਤਿਕਪਰ੍ਦਂ ਚਰਣਰਾਟ੍
ਪਰਾਚਾਂ ਹृਤ੍ਪਦ੍ਮਂ ਪਰਮਭਣਿਤੀਨਾਂ ਚ ਮਕੁਟਮ੍ ।
ਭਵਾਖ੍ਯੇ ਪਾਥੋਧੌ ਪਰਿਹਰਤੁ ਕਾਮਾਕ੍षਿ ਮਮਤਾ-
ਪਰਾਧੀਨਤ੍ਵਂ ਮੇ ਪਰਿਮੁषਿਤਪਾਥੋਜਮਹਿਮਾ ॥91॥
ਪ੍ਰਸੂਨੈਃ ਸਮ੍ਪਰ੍ਕਾਦਮਰਤਰੁਣੀਕੁਨ੍ਤਲਭਵੈਃ
ਅਭੀष੍ਟਾਨਾਂ ਦਾਨਾਦਨਿਸ਼ਮਪਿ ਕਾਮਾਕ੍षਿ ਨਮਤਾਮ੍ ।
ਸ੍ਵਸਙ੍ਗਾਤ੍ਕਙ੍ਕੇਲਿਪ੍ਰਸਵਜਨਕਤ੍ਵੇਨ ਚ ਸ਼ਿਵੇ
ਤ੍ਰਿਧਾ ਧਤ੍ਤੇ ਵਾਰ੍ਤਾਂ ਸੁਰਭਿਰਿਤਿ ਪਾਦੋ ਗਿਰਿਸੁਤੇ ॥92॥
ਮਹਾਮੋਹਸ੍ਤੇਨਵ੍ਯਤਿਕਰਭਯਾਤ੍ਪਾਲਯਤਿ ਯੋ
ਵਿਨਿਕ੍षਿਪ੍ਤਂ ਸ੍ਵਸ੍ਮਿਨ੍ਨਿਜਜਨਮਨੋਰਤ੍ਨਮਨਿਸ਼ਮ੍ ।
ਸ ਰਾਗਸ੍ਯੋਦ੍ਰੇਕਾਤ੍ਸਤਤਮਪਿ ਕਾਮਾਕ੍षਿ ਤਰਸਾ
ਕਿਮੇਵਂ ਪਾਦੋऽਸੌ ਕਿਸਲਯਰੁਚਿਂ ਚੋਰਯਤਿ ਤੇ ॥93॥
ਸਦਾ ਸ੍ਵਾਦੁਙ੍ਕਾਰਂ ਵਿषਯਲਹਰੀਸ਼ਾਲਿਕਣਿਕਾਂ
ਸਮਾਸ੍ਵਾਦ੍ਯ ਸ਼੍ਰਾਨ੍ਤਂ ਹृਦਯਸ਼ੁਕਪੋਤਂ ਜਨਨਿ ਮੇ ।
ਕृਪਾਜਾਲੇ ਫਾਲੇਕ੍षਣਮਹਿषਿ ਕਾਮਾਕ੍षਿ ਰਭਸਾਤ੍
ਗृਹੀਤ੍ਵਾ ਰੁਨ੍ਧੀਥਾਰਸ੍ਤਵ ਪਦਯੁਗੀਪਞ੍ਜਰਪੁਟੇ ॥94॥
ਧੁਨਾਨਂ ਕਾਮਾਕ੍षਿ ਸ੍ਮਰਣਲਵਮਾਤ੍ਰੇਣ ਜਡਿਮ-
ਜ੍ਵਰਪ੍ਰੌਢਿਂ ਗੂਢਸ੍ਥਿਤਿ ਨਿਗਮਨੈਕੁਞ੍ਜਕੁਹਰੇ ।
ਅਲਭ੍ਯਂ ਸਰ੍ਵੇषਾਂ ਕਤਿਚਨ ਲਭਨ੍ਤੇ ਸੁਕृਤਿਨਃ
ਚਿਰਾਦਨ੍ਵਿष੍ਯਨ੍ਤਸ੍ਤਵ ਚਰਣਸਿਦ੍ਧੌषਧਮਿਦਮ੍ ॥95॥
ਰਣਨ੍ਮਞ੍ਜੀਰਾਭ੍ਯਾਂ ਲਲਿਤਗਮਨਾਭ੍ਯਾਂ ਸੁਕृਤਿਨਾਂ
ਮਨੋਵਾਸ੍ਤਵ੍ਯਾਭ੍ਯਾਂ ਮਥਿਤਤਿਮਿਰਾਭ੍ਯਾਂ ਨਖਰੁਚਾ ।
ਨਿਧੇਯਾਭ੍ਯਾਂ ਪਤ੍ਯਾ ਨਿਜਸ਼ਿਰਸਿ ਕਾਮਾਕ੍षਿ ਸਤਤਂ
ਨਮਸ੍ਤੇ ਪਾਦਾਭ੍ਯਾਂ ਨਲਿਨਮृਦੁਲਾਭ੍ਯਾਂ ਗਿਰਿਸੁਤੇ ॥96॥
ਸੁਰਾਗੇ ਰਾਕੇਨ੍ਦੁਪ੍ਰਤਿਨਿਧਿਮੁਖੇ ਪਰ੍ਵਤਸੁਤੇ
ਚਿਰਾਲ੍ਲਭ੍ਯੇ ਭਕ੍ਤ੍ਯਾ ਸ਼ਮਧਨਜਨਾਨਾਂ ਪਰਿषਦਾ ।
ਮਨੋਭृਙ੍ਗੋ ਮਤ੍ਕਃ ਪਦਕਮਲਯੁਗ੍ਮੇ ਜਨਨਿ ਤੇ
ਪ੍ਰਕਾਮਂ ਕਾਮਾਕ੍षਿ ਤ੍ਰਿਪੁਰਹਰਵਾਮਾਕ੍षਿ ਰਮਤਾਮ੍ ॥97॥
ਸ਼ਿਵੇ ਸਂਵਿਦ੍ਰੂਪੇ ਸ਼ਸ਼ਿਸ਼ਕਲਚੂਡਪ੍ਰਿਯਤਮੇ
ਸ਼ਨੈਰ੍ਗਤ੍ਯਾਗਤ੍ਯਾ ਜਿਤਸੁਰਵਰੇਭੇ ਗਿਰਿਸੁਤੇ ।
ਯਤਨ੍ਤੇ ਸਨ੍ਤਸ੍ਤੇ ਚਰਣਨਲਿਨਾਲਾਨਯੁਗਲੇ
ਸਦਾ ਬਦ੍ਧਂ ਚਿਤ੍ਤਪ੍ਰਮਦਕਰਿਯੂਥਂ ਦृਢਤਰਮ੍ ॥98॥
ਯਸ਼ਃ ਸੂਤੇ ਮਾਤਰ੍ਮਧੁਰਕਵਿਤਾਂ ਪਕ੍ष੍ਮਲਯਤੇ
ਸ਼੍ਰਿਯਂ ਦਤ੍ਤੇ ਚਿਤ੍ਤੇ ਕਮਪਿ ਪਰਿਪਾਕਂ ਪ੍ਰਥਯਤੇ ।
ਸਤਾਂ ਪਾਸ਼ਗ੍ਰਨ੍ਥਿਂ ਸ਼ਿਥਿਲਯਤਿ ਕਿਂ ਕਿਂ ਨ ਕੁਰੁਤੇ
ਪ੍ਰਪਨ੍ਨੇ ਕਾਮਾਕ੍ष੍ਯਾਃ ਪ੍ਰਣਤਿਪਰਿਪਾਟੀ ਚਰਣਯੋਃ ॥99॥
ਮਨੀषਾਂ ਮਾਹੇਨ੍ਦ੍ਰੀਂ ਕਕੁਭਮਿਵ ਤੇ ਕਾਮਪਿ ਦਸ਼ਾਂ
ਪ੍ਰਧਤ੍ਤੇ ਕਾਮਾਕ੍ष੍ਯਾਸ਼੍ਚਰਣਤਰੁਣਾਦਿਤ੍ਯਕਿਰਣਃ ।
ਯਦੀਯੇ ਸਮ੍ਪਰ੍ਕੇ ਧृਤਰਸਮਰਨ੍ਦਾ ਕਵਯਤਾਂ
ਪਰੀਪਾਕਂ ਧਤ੍ਤੇ ਪਰਿਮਲਵਤੀ ਸੂਕ੍ਤਿਨਲਿਨੀ ॥100॥
ਪੁਰਾ ਮਾਰਾਰਾਤਿਃ ਪੁਰਮਜਯਦਮ੍ਬ ਸ੍ਤਵਸ਼ਤੈਃ
ਪ੍ਰਸਨ੍ਨਾਯਾਂ ਸਤ੍ਯਾਂ ਤ੍ਵਯਿ ਤੁਹਿਨਸ਼ੈਲੇਨ੍ਦ੍ਰਤਨਯੇ ।
ਅਤਸ੍ਤੇ ਕਾਮਾਕ੍षਿ ਸ੍ਫੁਰਤੁ ਤਰਸਾ ਕਾਲਸਮਯੇ
ਸਮਾਯਾਤੇ ਮਾਤਰ੍ਮਮ ਮਨਸਿ ਪਾਦਾਬ੍ਜਯੁਗਲਮ੍ ॥101॥
ਪਦਦ੍ਵਨ੍ਦ੍ਵਂ ਮਨ੍ਦਂ ਗਤਿषੁ ਨਿਵਸਨ੍ਤਂ ਹृਦਿ ਸਤਾਂ
ਗਿਰਾਮਨ੍ਤੇ ਭ੍ਰਾਨ੍ਤਂ ਕृਤਕਰਹਿਤਾਨਾਂ ਪਰਿਬृਢੇ ।
ਜਨਾਨਾਮਾਨਨ੍ਦਂ ਜਨਨਿ ਜਨਯਨ੍ਤਂ ਪ੍ਰਣਮਤਾਂ
ਤ੍ਵਦੀਯਂ ਕਾਮਾਕ੍षਿ ਪ੍ਰਤਿਦਿਨਮਹਂ ਨੌਮਿ ਵਿਮਲਮ੍ ॥102॥
ਇਦਂ ਯਃ ਕਾਮਾਕ੍ष੍ਯਾਸ਼੍ਚਰਣਨਲਿਨਸ੍ਤੋਤ੍ਰਸ਼ਤਕਂ
ਜਪੇਨ੍ਨਿਤ੍ਯਂ ਭਕ੍ਤ੍ਯਾ ਨਿਖਿਲਜਗਦਾਹ੍ਲਾਦਜਨਕਮ੍ ।
ਸ ਵਿਸ਼੍ਵੇषਾਂ ਵਨ੍ਦ੍ਯਃ ਸਕਲਕਵਿਲੋਕੈਕਤਿਲਕਃ
ਚਿਰਂ ਭੁਕ੍ਤ੍ਵਾ ਭੋਗਾਨ੍ਪਰਿਣਮਤਿ ਚਿਦ੍ਰੂਪਕਲਯਾ ॥103॥
॥ ਇਤਿ ਪਾਦਾਰਵਿਨ੍ਦਸ਼ਤਕਂ ਸਮ੍ਪੂਰ੍ਣਮ੍ ॥
Roman (IAST) Transliteration
mahimnaḥ panthānaṃ madanaparipanthipraṇayini
prabhurnirṇetuṃ te bhavati yatamāno'pi katamaḥ |
tathāpi śrīkāñcīvihṛtirasike ko'pi manaso
vipākastvatpādastutividhiṣu jalpākayati mām ||1||
galagrāhī paurandarapuravanīpallavarucāṃ
dhṛtapāthamyānāmaruṇamahasāmādimaguruḥ |
samindhe bandhūkastabakasahayudhvā diśi diśi
prasarpankāmākṣyāścaraṇakiraṇānāmaruṇimā ||2||
marālīnāṃ yānābhyasanakalanāmūlagurave
daridrāṇāṃ trāṇavyatikarasurodyānatarave |
tamaskāṇḍaprauḍhiprakaṭanatiraskārapaṭave
jano'yaṃ kāmākṣyāścaraṇanalināya spṛhayate ||3||
vahantī saindūrīṃ saraṇimavanamrāmarapuṟī-
purandhrīsīmante kavikamalabālārkasuṣamā |
trayīsīmantinyāḥ stanataṭanicolāruṇapaṭī
vibhāntī kāmākṣyāḥ padanalinakāntirvijayate ||4||
praṇamrībhūtasya praṇayakalahatrastamanasaḥ
smarārāteścūḍāviyati gṛhamedhī himakaraḥ |
yayoḥ sāndhyāṃ kāntiṃ vahati suṣamābhiścaraṇayoḥ
tayorme kāmākṣyā hṛdayamapatandraṃ viharatām ||5||
yayoḥ pīṭhāyante vibudhamukuṭīnāṃ paṭalikā
yayoḥ saudhāyante svayamudayabhājo bhaṇitayaḥ |
yayoḥ dāsāyante sarasijabhavādyāścaraṇayoḥ
tayorme kāmākṣyā dinamanu varīvartu hṛdayam ||6||
nayantī saṅkocaṃ sarasijarucaṃ dikparisare
sṛjantī lauhityaṃ nakhakiraṇacandrārdhakhacitā |
kavīndrāṇāṃ hṛtkairavavikasanodyogajananī
sphurantī kāmākṣyāḥ caraṇarucisandhyā vijayate ||7||
virāvairmāñjīraiḥ kimapi kathayantīva madhuraṃ
purastādānamre puravijayini smeravadane |
vayasyeva prauḍhā śithilayati yā premakalaha-
prarohaṃ kāmākṣyāḥ caraṇayugalī sā vijayate ||8||
suparvastrīlolālakaparicitaṃ ṣaṭpadakulaiḥ
sphurallākṣārāgaṃ taruṇataraṇijyotiraruṇaiḥ |
bhṛtaṃ kāntyambhobhiḥ visṛmaramarandaiḥ sarasijaiḥ
vidhatte kāmākṣyāḥ caraṇayugalaṃ bandhupadavīm ||9||
rajaḥsaṃsarge'pi sthitamarajasāmeva hṛdaye
paraṃ raktatvena sthitamapi viraktaikaśaraṇam |
alabhyaṃ mandānāṃ dadhadapi sadā mandagatitāṃ
vidhatte kāmākṣyāḥ caraṇayugamāścaryalaharīm ||10||
jaṭālā mañjīrasphuradaruṇaratnāṃśunikaraiḥ
niṣidantī madhye nakharucijharīgāṅgapayasām |
jagattrāṇaṃ kartuṃ janani mama kāmākṣi niyataṃ
tapaścaryāṃ dhatte tava caraṇapāthojayugalī ||11||
tulākoṭidvandvakkaṇitabhaṇitābhītivacasoḥ
vinamraṃ kāmākṣī visṛmaramahaḥpāṭalitayoḥ |
kṣaṇaṃ vinyāsena kṣapitatamasorme lalitayoḥ
punīyānmūrdhānaṃ puraharapurandhrī caraṇayoḥ ||12||
bhavāni druhyetāṃ bhavanibiḍitebhyo mama muhu-
stamovyāmohebhyastava janani kāmākṣi caraṇau |
yayorlākṣābindusphuraṇadharaṇāddhvarjaṭijaṭā-
kuṭīrā śoṇāṅkaṃ vahati vapureṇāṅkakalikā ||13||
pavitrīkuryurnuḥ padatalabhuvaḥ pāṭalarucaḥ
parāgāste pāpapraśamanadhurīṇāḥ paraśive |
kaṇaṃ labdhuṃ yeṣāṃ nijaśirasi kāmākṣi vivaśā
valanto vyātanvantyahamahamikāṃ mādhavamukhāḥ ||14||
balākāmālābhirnakharucimayībhiḥ parivṛte
vinamrasvarnārīvikacakacakālāmbudakule |
sphurantaḥ kāmākṣi sphuṭadalitabandhūkasuhṛda-
staṭillekhāyante tava caraṇapāthojakiraṇāḥ ||15||
sarāgaḥ sadveṣaḥ prasṛmarasaroje pratidinaṃ
nisargādākrāmanvibudhajanamūrdhānamadhikam |
kathaṅkāraṃ mātaḥ kathaya padapadmastava satāṃ
natānāṃ kāmākṣi prakaṭayati kaivalyasaraṇim ||16||
japālakṣmīśoṇo janitaparamajñānanalinī-
vikāsavyāsaṅgo viphalitajagajjāḍyagarimā |
manaḥpūrvādriṃ me tilakayatu kāmākṣi tarasā
tamaskāṇḍadrohī tava caraṇapāthojaramaṇaḥ ||17||
namaskurmaḥ preṅkhanmaṇikaṭakanīlotpalamahaḥ-
payodhau riṅkhadbhirnakhakiraṇaphenairdhavalite |
sphuṭaṃ kurvāṇāya prabalacaladaurvānalaśikhā-
vitarkaṃ kāmākṣyāḥ satatamaruṇimne caraṇayoḥ ||18||
śive pāśāyetāmalaghuni tamaḥkūpakuhare
dinādhīśāyetāṃ mama hṛdayapāthojavipine |
nabhomāsāyetāṃ sarasakavitārītisariti
tvadīyau kāmākṣi prasṛtakiraṇau devi caraṇau ||19||
niṣaktaṃ śrutyante nayanamiva sadvṛttaruciraiḥ
samairjuṣṭaṃ śuddhairadharamiva ramyairdvijagaṇaiḥ |
śive vakṣojanmadvitayamiva muktāśritamume
tvadīyaṃ kāmākṣi praṇataśaraṇaṃ naumi caraṇam ||20||
namasyāsaṃsajjannamuciparipanthipraṇayinī-
nisargapreṅkholatkuralakulakālāhiśabale |
nakhacchāyādugdhodadhipayasi te vaidrumarucāṃ
pracāraṃ kāmākṣi pracurayati pādābjasuṣamā ||21||
kadā dūrīkartuṃ kaṭuduritakākolajanitaṃ
mahāntaṃ santāpaṃ madanaparipanthipriyatame |
kṣaṇātte kāmākṣi tribhuvanaparītāpaharaṇe
paṭīyāṃsaṃ lapsye padakamalasevāmṛtarasam ||22||
yayoḥ sāndhyaṃ rociḥ satatamaruṇimne spṛhayate
yayoścāndrī kāntiḥ paripatati dṛṣṭvā nakharucim |
yayoḥ pākodrekaṃ pipaṭhiṣati bhaktyā kisalayaṃ
mradimnaḥ kāmākṣyā manasi caraṇau tau tanumahe ||23||
jagannedaṃ nedaṃ paramiti parityajya yatibhiḥ
kuśāgrīyasvāntaiḥ kuśaladhiṣaṇaiḥ śāstrasaraṇau |
gaveṣyaṃ kāmākṣi dhruvamakṛtakānāṃ girisute
girāmaidamparyaṃ tava caraṇapadmaṃ vijayate ||24||
kṛtasnānaṃ śāstrāmṛtasarasi kāmākṣi nitarāṃ
dadhānaṃ vaiśadyaṃ kalitarasamānandasudhayā |
alaṅkāraṃ bhūmermunijanamanaścinmayamahā-
payodherantassthaṃ tava caraṇaratnaṃ mṛgayate ||25||
manogehe mohodbhavatimirapūrṇe mama muhuḥ
daridrāṇīkurvandinakarasahasrāṇi kiraṇaiḥ |
vidhattāṃ kāmākṣi prasṛmaratamovañcanacaṇaḥ
kṣaṇārdhaṃ sānnidhyaṃ caraṇamaṇidīpo janani te ||26||
kavīnāṃ cetovannakhararucisamparki vibudha-
sravantīsrotovatpaṭumukharitaṃ haṃsakaravaiḥ |
dinārambhaśrīvanniyatamaruṇacchāyasubhagaṃ
madantaḥ kāmākṣyāḥ sphuratu padapaṅkeruhayugam ||27||
sadā kiṃ samparkātprakṛtikaṭhinairnākimukuṭaiḥ
taṭairnīhārādreradhikamaṇunā yogimanasā |
vibhinte sammohaṃ śiśirayati bhaktānapi dṛśām
adṛśyaṃ kāmākṣi prakaṭayati te pādayugalam ||28||
pavitrābhyāmamba prakṛtimṛdulābhyāṃ tava śive
padābhyāṃ kāmākṣi prasabhamabhibhūtaiḥ sacakitaiḥ |
pravālairambhojairapi ca vanavāsavratadaśāḥ
sadaivārabhyante paricaritanānādvijagaṇaiḥ ||29||
cirāddṛśyā haṃsaiḥ kathamapi sadā haṃsasulabhaṃ
nirasyantī jāḍyaṃ niyatajaḍamadhyaikaśaraṇam |
adoṣavyāsaṅgā satatamapi doṣāptimalinaṃ
payojaṃ kāmākṣyāḥ parihasati pādābjayugalī ||30||
surāṇāmānandaprabalanatayā maṇḍanatayā
nakhendujyotsnābhirvisṛmaratamaḥkhaṇḍanatayā |
payojaśrīdveṣavrataratatayā tvaccaraṇayoḥ
vilāsaḥ kāmākṣi prakaṭayati naiśākaradaśām ||31||
sitimnā kāntīnāṃ nakharajanuṣāṃ pādanalina-
cchavīnāṃ śoṇimnā tava janani kāmākṣi namane |
labhante mandāragrathitanavabandhūkakusuma-
srajāṃ sāmīcīnyaṃ surapurapurandhrīkacabharāḥ ||32||
sphuranmadhye śuddhe nakhakiraṇadugdhābdhipayasāṃ
vahannabjaṃ cakraṃ daramapi ca lekhātmakatayā |
śrito mātsyaṃ rūpaṃ śriyamapi dadhāno nirupamāṃ
tridhāmā kāmākṣyāḥ padanalinanāmā vijayate ||33||
nakhaśrīsannaddhastabakanicitaḥ svaiśca kiraṇaiḥ
piśaṅgaiḥ kāmākṣi prakaṭitalasatpallavaruciḥ |
satāṃ gamyaḥ śaṅke sakalaphaladātā surataruḥ
tvadīyaḥ pādo'yaṃ tuhinagirirājanyatanaye ||34||
vaṣaṭkurvanmāñjīrakalakalaiḥ karmalaharī-
havīṃṣi prauddaṇḍaṃ jvalati paramajñānadahane |
mahīyānkāmākṣi sphuṭamahasi johoti sudhiyāṃ
manovedyāṃ mātastava caraṇayajvā girisute ||35||
mahāmantraṃ kiñcinmaṇikaṭakanādairmṛdu japan
kṣipandikṣu svacchaṃ nakharucimayaṃ bhāsmanarajaḥ |
natānāṃ kāmākṣi prakṛtipaṭuraccāṭya mamatā-
piśācīṃ pādo'yaṃ prakaṭayati te māntrikadaśām ||36||
udīte bodhendau tamasi nitarāṃ jagmuṣi daśāṃ
daridrāṃ kāmākṣi prakaṭamanurāgaṃ vidadhatī |
sitenācchādyāṅgaṃ nakharucipaṭenāṅghriyugalī-
purandhrī te mātaḥ svayamabhisaratyeva hṛdayam ||37||
dinārambhaḥ sampannalinavipinānāmabhinavo
vikāso vāsantaḥ sukavipikalokasya niyataḥ |
pradoṣaḥ kāmākṣi prakaṭaparamajñānaśaśina-
ścakāsti tvatpādasmaraṇamahimā śailatanaye ||38||
dhṛtacchāyaṃ nityaṃ sarasiruhamaitrīparicitaṃ
nidhānaṃ dīptīnāṃ nikhilajagatāṃ bodhajanakam |
mumukṣūṇāṃ mārgaprathanapaṭu kāmākṣi padavīṃ
padaṃ te pātaṅgīṃ parikalayate parvatasute ||39||
śanaistīrtvā mohāmbudhimatha samāroḍhumanasaḥ
kramātkaivalyākhyāṃ sukṛtisulabhāṃ saudhavalabhīm |
labhante niḥśreṇīmiva jhaṭiti kāmākṣi caraṇaṃ
puraścaryābhiste puramathanasīmantini janāḥ ||40||
pracaṇḍārtikṣobhapramathanakṛte prātibhasari-
tpravāhaproddaṇḍīkaraṇajaladāya praṇamatām |
pradīpāya prauḍhe bhavatamasi kāmākṣi caraṇa-
prasādaunmukhyāya spṛhayati jano'yaṃ janani te ||41||
marudbhiḥ saṃsevyā satatamapi cāñcalyarahitā
sadāruṇyaṃ yāntī pariṇatidaridrāṇasuṣamā |
guṇotkarṣānmāñjīrakakalakalaistarjanapaṭuḥ
pravālaṃ kāmākṣyāḥ parihasati pādābjayugalī ||42||
jagadrakṣādakṣā jalajaruciśikṣāpaṭutarā
samairnamyā ramyā satatamabhigamyā budhajanaiḥ |
dvayī līlālolā śrutiṣu surapālādimukuṭī-
taṭīsīmādhāmā tava janani kāmākṣi padayoḥ ||43||
girāṃ dūrau corau jaḍimatimirāṇāṃ kṛtajaga-
tparitrāṇau śoṇau munihṛdayalīlaikanipuṇau |
nakhaiḥ smerau sārau nigamavacasāṃ khaṇḍitabhava-
grahonmādau pādau tava janani kāmākṣi kalaye ||44||
aviśrāntaṃ paṅkaṃ yadapi kalayanyāvakamayaṃ
nirasyankāmākṣi praṇamanajuṣāṃ paṅkamakhilam |
tulākoṭidvandaṃ dadhadapi ca gacchannatulatāṃ
girāṃ mārgaṃ pādo girivarasute laṅghayati te ||45||
pravālaṃ savrīlaṃ vipinavivare vepayati yā
sphurallīlaṃ bālātapamadhikabālaṃ vadati yā |
ruciṃ sāndhyāṃ vandhyāṃ viracayati yā vardhayatu sā
śivaṃ me kāmākṣyāḥ padanalinapāṭalyalaharī ||46||
kirañjyotsnārītiṃ nakhamukharucā haṃsamanasāṃ
vitanvānaḥ prītiṃ vikacataruṇāmbhoruharuciḥ |
prakāśaḥ śrīpādastava janani kāmākṣi tanute
śaratkālaprauḍhiṃ śaśiśakalacūḍapriyatame ||47||
nakhāṅkūrasmeradyutivimalagaṅgāmbhasi sukhaṃ
kṛtasnānaṃ jñānāmṛtamamalamāsvādya niyatam |
udañcanmañjīrasphuraṇamaṇidīpe mama mano
manojñe kāmākṣyāścaraṇamaṇiharmye viharatām ||48||
bhavāmbhodhau naukāṃ jaḍimavipine pāvakaśikhā-
mamartyendrādīnāmadhimukuṭamuttaṃsakalikām |
jagattāpe jyotsnāmakṛtakavacaḥpañjarapuṭe
śukastrīṃ kāmākṣyā manasi kalaye pādayugalīm ||49||
paratmaprākāśyapratiphalanacuñcuḥ praṇamatāṃ
manojñastvatpādo maṇimukuramudrāṃ kalayate |
yadīyāṃ kāmākṣi prakṛtimasṛṇāḥ śodhakadaśāṃ
vidhātuṃ ceṣṭhante balaripuvadhūṭīkacabharāḥ ||50||
aviśrāntaṃ tiṣṭhannakṛtakavacaḥkandarapuṭī-
kuṭīrāntaḥ prauḍhaṃ nakharucisaṭālīṃ prakaṭayan |
pracaṇḍaṃ khaṇḍatvaṃ nayatu mama kāmākṣi tarasā
tamovetaṇḍendraṃ tava caraṇakaṇṭhīravapatiḥ ||51||
purastātkāmākṣi pracurarasamākhaṇḍalapurī-
purandhrīṇāṃ lāsyaṃ tava lalitamālokya śanakaiḥ |
nakhaśrībhiḥ smerā bahu vitanute nūpuraravai-
ścamatkṛtyā śaṅke caraṇayugalī cāṭuracanāḥ ||52||
sarojaṃ nindantī nakhakiraṇakarpūraśiśirā
niṣiktā mārārermukuṭaśaśirekhāhimajalaiḥ |
sphurantī kāmākṣi sphuṭarucimaye pallavacaye
tavādhatte maitrīṃ pathikasudṛśā pādayugalī ||53||
natānāṃ sampatteranavaratamākarṣaṇajapaḥ
prarohatsaṃsāraprasaragarimastambhanajapaḥ |
tvadīyaḥ kāmākṣi smaraharamanomohanajapaḥ
paṭīyānnaḥ pāyātpadanalinamañjīraninadaḥ ||54||
vitanvīthā nāthe mama śirasi kāmākṣi kṛpayā
padāmbhojanyāsaṃ paśuparibṛḍhaprāṇadayite |
pibanto yanmudrāṃ prakaṭamupakampāparisaraṃ
dṛśā nānandyante nalinabhavanārāyaṇamukhāḥ ||55||
praṇāmodyadbṛndāramukuṭamandārakalikā-
vilolallolambaprakaramayadhūmapracurimā |
pradīptaḥ pādābjadyutivitatipāṭalyalaharī-
kṛśānuḥ kāmākṣyā mama dahatu saṃsāravipinam ||56||
valakṣaśrīrṛkṣādhipaśiśusadṛkṣaistava nakhaiḥ
jighṛkṣurdakṣatvaṃ sarasiruhabhikṣutvakaraṇe |
kṣaṇānme kāmākṣi kṣapitabhavasaṅkṣobhagarimā
vacovaicakṣanyaṃ caraṇayugalī pakṣmalayatāt ||57||
samantātkāmākṣi kṣatatimirasantānasubhagān
anantābhirbhābhirdinamanu digantānviracayan |
ahantāyā hantā mama jaḍimadantāvalahariḥ
vibhintāṃ santāpaṃ tava caraṇacintāmaṇirasau ||58||
dadhāno bhāsvattāmamṛtanilayo lohitavapuḥ
vinamrāṇāṃ saumyo gururapi kavitvaṃ ca kalayan |
gatau mando gaṅgādharamahiṣi kāmākṣi bhajatāṃ
tamaḥketurmātastava caraṇapadmo vijayate ||59||
nayantīṃ dāsatvaṃ nalinabhavamukhyānasulabha-
pradānāddīnānāmamaratarudaurbhāgyajananīm |
jagajjanmakṣemakṣayavidhiṣu kāmākṣi padayo-
rdhurīṇāmīṣṭe karastava bhaṇitumāhopuruṣikām ||60||
jano'yaṃ santapto janani bhavacaṇḍāṃśukiraṇaiḥ
alabdhavaikaṃ śītaṃ kaṇamapi parajñānapayasaḥ |
tamomārge pānthastava jhaṭiti kāmākṣi śiśirāṃ
padāmbhojacchāyāṃ paramaśivajāye mṛgayate ||61||
jayatyamba śrīmannakhakiraṇacīnāṃśukamayaṃ
vitānaṃ bibhrāṇe suramukuṭasaṅghaṭṭamasṛṇe |
nijāruṇyakṣaumāstaraṇavati kāmākṣi sulabhā
budhaiḥ saṃvinnārī tava caraṇamāṇikyabhavane ||62||
pratīmaḥ kāmākṣi sphuritataruṇādityakiraṇa-
śriyo mūladravyaṃ tava caraṇamadrīndratanaye |
surendrāśāmāpūrayati yadasau dhvāntamakhilaṃ
dhunīte digbhāgānapi ca mahasā pāṭalayate ||63||
mahābhāṣyavyākhyāpaṭuśayanamāropayati vā
smaravyāpārerṣyāpiśunaniṭilaṃ kārayati vā |
dvirephāṇāmadhyāsayati satataṃ vādhivasatiṃ
praṇamrānkāmākṣyāḥ padanalinamāhātmyagarimā ||64||
vivekāmbhassrotassnapanaparipāṭīśiśirite
samībhūte śāstrasmaraṇahalasaṅkarṣaṇavaśāt |
satāṃ cetaḥkṣetre vapati tava kāmākṣi caraṇo
mahāsaṃvitsasyaprakaravarabījaṃ girisute ||65||
dadhāno mandārastabakaparipāṭīṃ nakharucā
vahandīptāṃ śoṇāṅgulipaṭalacāmpeyakalikām |
aśokollāsaṃ naḥ pracurayatu kāmākṣi caraṇo
vikāsī vāsantaḥ samaya iva te śarvadayite ||66||
nakhāṃśuprācuryaprasṛmaramarālālidhavalaḥ
sphuranmañjīrodyanmarakatamahaśśaivalayutaḥ |
bhavatyāḥ kāmākṣi sphuṭacaraṇapāṭalyakapaṭo
nadaḥ śoṇābhikhyo nagapatitanūje vijayate ||67||
dhunānaṃ paṅkaughaṃ paramasulabhaṃ kaṇṭakakulaiḥ
vikāsavyāsaṅgaṃ vidadhadaparādhīnamaniśam |
nakhendujyotsnābhirviśadaruci kāmākṣi nitarām
asāmānyaṃ manye sarasijamidaṃ te padayugam ||68||
karīndrāya druhyatyalasagatilīlāsu vimalaiḥ
payojairmātsaryaṃ prakaṭayati kāmaṃ kalayate |
padāmbhojadvandvaṃ tava tadapi kāmākṣi hṛdayaṃ
munīnāṃ śāntānāṃ kathamaniśamasmai spṛhayate ||69||
nirastā śoṇimnā caraṇakiraṇānāṃ tava śive
samindhānā sandhyāruciracalarājanyatanaye |
asāmarthyādenaṃ paribhavitumetatsamarucāṃ
sarojānāṃ jāne mukulayati śobhāṃ pratidinam ||70||
upādikṣaddākṣyaṃ tava caraṇanāmā gururasau
marālānāṃ śaṅke masṛṇagatilālityasaraṇau |
ataste nistandraṃ niyatamamunā sakhyapadavīṃ
prapannaṃ pāthojaṃ prati dadhati kāmākṣi kutukam ||71||
dadhānaiḥ saṃsargaṃ prakṛtimalinaiḥ ṣaṭpadakulaiḥ
dvijādhīśaślāghāvidhiṣu vidadhadbhirmukulatām |
rajomiśraiḥ padmairniyatamapi kāmākṣi padayoḥ
virodhaste yukto viṣamaśaravairipriyatame ||72||
kavitvaśrīmiśrīkaraṇanipuṇau rakṣaṇacaṇau
vipannānāṃ śrīmannalinamasṛṇau śoṇakiraṇau |
munīndrāṇāmantaḥkaraṇaśaraṇau mandasaraṇau
manojñau kāmākṣyā duritaharaṇau naumi caraṇau ||73||
parasmātsarvasmādapi ca parayormuktikarayoḥ
nakhaśrībhirjyotsnākalitatulayostāmratalayoḥ |
nilīye kāmākṣyā nigamanutayornākinatayoḥ
nirastapronmīlannalinamadayoreva padayoḥ ||74||
svabhāvādanyonyaṃ kisalayamapīdaṃ tava padaṃ
mradimnā śoṇimnā bhagavati dadhāte sadṛśatām |
vane pūrvasyecchā satatamavane kiṃ tu jagatāṃ
parasyetthaṃ bhedaḥ sphurati hṛdi kāmākṣi sudhiyām ||75||
kathaṃ vācālo'pi prakaṭamaṇimañjīraninadaiḥ
sadaivānandārdrānviracayati vācaṃyamajanān |
prakṛtyā te śoṇacchavirapi ca kāmākṣi caraṇo
manīṣānairmalyaṃ kathamiva nṛṇāṃ māṃsalayate ||76||
calattṛṣṇāvīcīparicalanaparyākulatayā
muhurbhrāntastāntaḥ paramaśivavāmākṣi paravān |
titīrṣuḥ kāmākṣi pracuratarakarmāmbudhimamuṃ
kadāhaṃ lapsye te caraṇamaṇisetuṃ girisute ||77||
viśuṣyantyāṃ prajñāsariti duritagrīṣmasamaya-
prabhāveṇa kṣīṇe sati mama manaḥkekini śucā |
tvadīyaḥ kāmākṣi sphuritacaraṇāmbhodamahimā
nabhomāsāṭopaṃ nagapatisute kiṃ na kurute ||78||
vinamrāṇāṃ cetobhavanavalabhīsīmni caraṇa-
pradīpe prākāśyaṃ dadhati tava nirdhūtatamasi |
asīmā kāmākṣi svayamalaghuduṣkarmalaharī
vighūrṇantī śāntiṃ śalabhaparipāṭīva bhajate ||79||
virājantī śuktirnakhakiraṇamuktāmaṇitateḥ
vipatpāthorāśau tarirapi narāṇāṃ praṇamatām |
tvadīyaḥ kāmākṣi dhruvamalaghuvahnirbhavavane
munīnāṃ jñānāgneraraṇirayamaṅghirvijayate ||80||
samastaiḥ saṃsevyaḥ satatamapi kāmākṣi vibudhaiḥ
stuto gandharvastrīsulalitavipañcīkalaravaiḥ |
bhavatyā bhindāno bhavagirikulaṃ jṛmbhitatamo-
baladrohī mātaścaraṇapuruhūto vijayate ||81||
vasantaṃ bhaktānāmapi manasi nityaṃ parilasad-
ghanacchāyāpūrṇaṃ śucimapi nṛṇāṃ tāpaśamanam |
nakhendujyotsnābhiḥ śiśiramapi padmodayakaraṃ
namāmaḥ kāmākṣyāścaraṇamadhikāścaryakaraṇam ||82||
kavīndrāṇāṃ nānābhaṇitiguṇacitrīkṛtavacaḥ-
prapañcavyāpāraprakaṭanakalākauśalanidhiḥ |
adhaḥkurvannabjaṃ sanakabhṛgumukhyairmunijanaiḥ
namasyaḥ kāmākṣyāścaraṇaparameṣṭhī vijayate ||83||
bhavatyāḥ kāmākṣi sphuritapadapaṅkeruhabhuvāṃ
parāgāṇāṃ pūraiḥ parihṛtakalaṅkavyatikaraiḥ |
natānāmāmṛṣṭe hṛdayamukure nirmalaruci
prasanne niśśeṣaṃ pratiphalati viśvaṃ girisute ||84||
tava trastaṃ pādātkisalayamaraṇyāntaramagāt
paraṃ rekhārūpaṃ kamalamamumevāśritamabhūt |
jitānāṃ kāmākṣi dvitayamapi yuktaṃ paribhave
videśe vāso vā śaraṇagamanaṃ vā nijaripoḥ ||85||
gṛhītvā yāthārthyaṃ nigamavacasāṃ deśikakṛpā-
kaṭākṣarkajyotiśśamitamamatābandhatamasaḥ |
yatante kāmākṣi pratidivasamantardraḍhayituṃ
tvadīyaṃ pādābjaṃ sukṛtaparipākena sujanāḥ ||86||
jaḍānāmapyamba smaraṇasamaye tavaccaraṇayoḥ
bhramanmanthakṣmābhṛddhumughumitasindhupratibhaṭāḥ |
prasannāḥ kāmākṣi prasabhamadharaspandanakarā
bhavanti svacchandaṃ prakṛtiparipakkā bhaṇitayaḥ ||87||
vahannapyaśrāntaṃ madhuraninadaṃ haṃsakamasau
tamevādhaḥ kartuṃ kimiva yatate keligamane |
bhavasyaivānandaṃ vidadhadapi kāmākṣi caraṇo
bhavatyāstaddrohaṃ bhagavati kimevaṃ vitanute ||88||
yadatyantaṃ tāmyatyalasagativārtāsvapi śive
tadetatkāmākṣi prakṛtimṛdulaṃ te padayugam |
kirīṭaiḥ saṅghaṭṭaṃ kathamiva suraughasya sahate
munīndrāṇāmāste manasi ca kathaṃ sūciniśite ||89||
manoraṅge matke vibudhajanasammodajananī
sarāgavyāsaṅgaṃ sarasamṛdusañcārasubhagā |
manojñā kāmākṣi prakaṭayatu lāsyaprakaraṇaṃ
raṇanmañjīrā te caraṇayugalīnartakavadhūḥ ||90||
pariṣkurvanmātaḥ paśupatikapardaṃ caraṇarāṭ
parācāṃ hṛtpadmaṃ paramabhaṇitīnāṃ ca makuṭam |
bhavākhye pāthodhau pariharatu kāmākṣi mamatā-
parādhīnatvaṃ me parimuṣitapāthojamahimā ||91||
prasūnaiḥ samparkādamarataruṇīkuntalabhavaiḥ
abhīṣṭānāṃ dānādaniśamapi kāmākṣi namatām |
svasaṅgātkaṅkeliprasavajanakatvena ca śive
tridhā dhatte vārtāṃ surabhiriti pādo girisute ||92||
mahāmohastenavyatikarabhayātpālayati yo
vinikṣiptaṃ svasminnijajanamanoratnamaniśam |
sa rāgasyodrekātsatatamapi kāmākṣi tarasā
kimevaṃ pādo'sau kisalayaruciṃ corayati te ||93||
sadā svāduṅkāraṃ viṣayalaharīśālikaṇikāṃ
samāsvādya śrāntaṃ hṛdayaśukapotaṃ janani me |
kṛpājāle phālekṣaṇamahiṣi kāmākṣi rabhasāt
gṛhītvā rundhīthārastava padayugīpañjarapuṭe ||94||
dhunānaṃ kāmākṣi smaraṇalavamātreṇa jaḍima-
jvaraprauḍhiṃ gūḍhasthiti nigamanaikuñjakuhare |
alabhyaṃ sarveṣāṃ katicana labhante sukṛtinaḥ
cirādanviṣyantastava caraṇasiddhauṣadhamidam ||95||
raṇanmañjīrābhyāṃ lalitagamanābhyāṃ sukṛtināṃ
manovāstavyābhyāṃ mathitatimirābhyāṃ nakharucā |
nidheyābhyāṃ patyā nijaśirasi kāmākṣi satataṃ
namaste pādābhyāṃ nalinamṛdulābhyāṃ girisute ||96||
surāge rākendupratinidhimukhe parvatasute
cirāllabhye bhaktyā śamadhanajanānāṃ pariṣadā |
manobhṛṅgo matkaḥ padakamalayugme janani te
prakāmaṃ kāmākṣi tripuraharavāmākṣi ramatām ||97||
śive saṃvidrūpe śaśiśakalacūḍapriyatame
śanairgatyāgatyā jitasuravarebhe girisute |
yatante santaste caraṇanalinālānayugale
sadā baddhaṃ cittapramadakariyūthaṃ dṛḍhataram ||98||
yaśaḥ sūte mātarmadhurakavitāṃ pakṣmalayate
śriyaṃ datte citte kamapi paripākaṃ prathayate |
satāṃ pāśagranthiṃ śithilayati kiṃ kiṃ na kurute
prapanne kāmākṣyāḥ praṇatiparipāṭī caraṇayoḥ ||99||
manīṣāṃ māhendrīṃ kakubhamiva te kāmapi daśāṃ
pradhatte kāmākṣyāścaraṇataruṇādityakiraṇaḥ |
yadīye samparke dhṛtarasamarandā kavayatāṃ
parīpākaṃ dhatte parimalavatī sūktinalinī ||100||
purā mārārātiḥ puramajayadamba stavaśataiḥ
prasannāyāṃ satyāṃ tvayi tuhinaśailendratanaye |
ataste kāmākṣi sphuratu tarasā kālasamaye
samāyāte mātarmama manasi pādābjayugalam ||101||
padadvandvaṃ mandaṃ gatiṣu nivasantaṃ hṛdi satāṃ
girāmante bhrāntaṃ kṛtakarahitānāṃ paribṛḍhe |
janānāmānandaṃ janani janayantaṃ praṇamatāṃ
tvadīyaṃ kāmākṣi pratidinamahaṃ naumi vimalam ||102||
idaṃ yaḥ kāmākṣyāścaraṇanalinastotraśatakaṃ
japennityaṃ bhaktyā nikhilajagadāhlādajanakam |
sa viśveṣāṃ vandyaḥ sakalakavilokaikatilakaḥ
ciraṃ bhuktvā bhogānpariṇamati cidrūpakalayā ||103||
|| iti pādāravindaśatakaṃ sampūrṇam ||
Sanskrit — Devanagari (original)
महिम्नः पन्थानं मदनपरिपन्थिप्रणयिनि
प्रभुर्निर्णेतुं ते भवति यतमानोऽपि कतमः ।
तथापि श्रीकाञ्चीविहृतिरसिके कोऽपि मनसो
विपाकस्त्वत्पादस्तुतिविधिषु जल्पाकयति माम् ॥1॥
गलग्राही पौरन्दरपुरवनीपल्लवरुचां
धृतपाथम्यानामरुणमहसामादिमगुरुः ।
समिन्धे बन्धूकस्तबकसहयुध्वा दिशि दिशि
प्रसर्पन्कामाक्ष्याश्चरणकिरणानामरुणिमा ॥2॥
मरालीनां यानाभ्यसनकलनामूलगुरवे
दरिद्राणां त्राणव्यतिकरसुरोद्यानतरवे ।
तमस्काण्डप्रौढिप्रकटनतिरस्कारपटवे
जनोऽयं कामाक्ष्याश्चरणनलिनाय स्पृहयते ॥3॥
वहन्ती सैन्दूरीं सरणिमवनम्रामरपुऱी-
पुरन्ध्रीसीमन्ते कविकमलबालार्कसुषमा ।
त्रयीसीमन्तिन्याः स्तनतटनिचोलारुणपटी
विभान्ती कामाक्ष्याः पदनलिनकान्तिर्विजयते ॥4॥
प्रणम्रीभूतस्य प्रणयकलहत्रस्तमनसः
स्मरारातेश्चूडावियति गृहमेधी हिमकरः ।
ययोः सान्ध्यां कान्तिं वहति सुषमाभिश्चरणयोः
तयोर्मे कामाक्ष्या हृदयमपतन्द्रं विहरताम् ॥5॥
ययोः पीठायन्ते विबुधमुकुटीनां पटलिका
ययोः सौधायन्ते स्वयमुदयभाजो भणितयः ।
ययोः दासायन्ते सरसिजभवाद्याश्चरणयोः
तयोर्मे कामाक्ष्या दिनमनु वरीवर्तु हृदयम् ॥6॥
नयन्ती सङ्कोचं सरसिजरुचं दिक्परिसरे
सृजन्ती लौहित्यं नखकिरणचन्द्रार्धखचिता ।
कवीन्द्राणां हृत्कैरवविकसनोद्योगजननी
स्फुरन्ती कामाक्ष्याः चरणरुचिसन्ध्या विजयते ॥7॥
विरावैर्माञ्जीरैः किमपि कथयन्तीव मधुरं
पुरस्तादानम्रे पुरविजयिनि स्मेरवदने ।
वयस्येव प्रौढा शिथिलयति या प्रेमकलह-
प्ररोहं कामाक्ष्याः चरणयुगली सा विजयते ॥8॥
सुपर्वस्त्रीलोलालकपरिचितं षट्पदकुलैः
स्फुरल्लाक्षारागं तरुणतरणिज्योतिररुणैः ।
भृतं कान्त्यम्भोभिः विसृमरमरन्दैः सरसिजैः
विधत्ते कामाक्ष्याः चरणयुगलं बन्धुपदवीम् ॥9॥
रजःसंसर्गेऽपि स्थितमरजसामेव हृदये
परं रक्तत्वेन स्थितमपि विरक्तैकशरणम् ।
अलभ्यं मन्दानां दधदपि सदा मन्दगतितां
विधत्ते कामाक्ष्याः चरणयुगमाश्चर्यलहरीम् ॥10॥
जटाला मञ्जीरस्फुरदरुणरत्नांशुनिकरैः
निषिदन्ती मध्ये नखरुचिझरीगाङ्गपयसाम् ।
जगत्त्राणं कर्तुं जननि मम कामाक्षि नियतं
तपश्चर्यां धत्ते तव चरणपाथोजयुगली ॥11॥
तुलाकोटिद्वन्द्वक्कणितभणिताभीतिवचसोः
विनम्रं कामाक्षी विसृमरमहःपाटलितयोः ।
क्षणं विन्यासेन क्षपिततमसोर्मे ललितयोः
पुनीयान्मूर्धानं पुरहरपुरन्ध्री चरणयोः ॥12॥
भवानि द्रुह्येतां भवनिबिडितेभ्यो मम मुहु-
स्तमोव्यामोहेभ्यस्तव जननि कामाक्षि चरणौ ।
ययोर्लाक्षाबिन्दुस्फुरणधरणाद्ध्वर्जटिजटा-
कुटीरा शोणाङ्कं वहति वपुरेणाङ्ककलिका ॥13॥
पवित्रीकुर्युर्नुः पदतलभुवः पाटलरुचः
परागास्ते पापप्रशमनधुरीणाः परशिवे ।
कणं लब्धुं येषां निजशिरसि कामाक्षि विवशा
वलन्तो व्यातन्वन्त्यहमहमिकां माधवमुखाः ॥14॥
बलाकामालाभिर्नखरुचिमयीभिः परिवृते
विनम्रस्वर्नारीविकचकचकालाम्बुदकुले ।
स्फुरन्तः कामाक्षि स्फुटदलितबन्धूकसुहृद-
स्तटिल्लेखायन्ते तव चरणपाथोजकिरणाः ॥15॥
सरागः सद्वेषः प्रसृमरसरोजे प्रतिदिनं
निसर्गादाक्रामन्विबुधजनमूर्धानमधिकम् ।
कथङ्कारं मातः कथय पदपद्मस्तव सतां
नतानां कामाक्षि प्रकटयति कैवल्यसरणिम् ॥16॥
जपालक्ष्मीशोणो जनितपरमज्ञाननलिनी-
विकासव्यासङ्गो विफलितजगज्जाड्यगरिमा ।
मनःपूर्वाद्रिं मे तिलकयतु कामाक्षि तरसा
तमस्काण्डद्रोही तव चरणपाथोजरमणः ॥17॥
नमस्कुर्मः प्रेङ्खन्मणिकटकनीलोत्पलमहः-
पयोधौ रिङ्खद्भिर्नखकिरणफेनैर्धवलिते ।
स्फुटं कुर्वाणाय प्रबलचलदौर्वानलशिखा-
वितर्कं कामाक्ष्याः सततमरुणिम्ने चरणयोः ॥18॥
शिवे पाशायेतामलघुनि तमःकूपकुहरे
दिनाधीशायेतां मम हृदयपाथोजविपिने ।
नभोमासायेतां सरसकवितारीतिसरिति
त्वदीयौ कामाक्षि प्रसृतकिरणौ देवि चरणौ ॥19॥
निषक्तं श्रुत्यन्ते नयनमिव सद्वृत्तरुचिरैः
समैर्जुष्टं शुद्धैरधरमिव रम्यैर्द्विजगणैः ।
शिवे वक्षोजन्मद्वितयमिव मुक्ताश्रितमुमे
त्वदीयं कामाक्षि प्रणतशरणं नौमि चरणम् ॥20॥
नमस्यासंसज्जन्नमुचिपरिपन्थिप्रणयिनी-
निसर्गप्रेङ्खोलत्कुरलकुलकालाहिशबले ।
नखच्छायादुग्धोदधिपयसि ते वैद्रुमरुचां
प्रचारं कामाक्षि प्रचुरयति पादाब्जसुषमा ॥21॥
कदा दूरीकर्तुं कटुदुरितकाकोलजनितं
महान्तं सन्तापं मदनपरिपन्थिप्रियतमे ।
क्षणात्ते कामाक्षि त्रिभुवनपरीतापहरणे
पटीयांसं लप्स्ये पदकमलसेवामृतरसम् ॥22॥
ययोः सान्ध्यं रोचिः सततमरुणिम्ने स्पृहयते
ययोश्चान्द्री कान्तिः परिपतति दृष्ट्वा नखरुचिम् ।
ययोः पाकोद्रेकं पिपठिषति भक्त्या किसलयं
म्रदिम्नः कामाक्ष्या मनसि चरणौ तौ तनुमहे ॥23॥
जगन्नेदं नेदं परमिति परित्यज्य यतिभिः
कुशाग्रीयस्वान्तैः कुशलधिषणैः शास्त्रसरणौ ।
गवेष्यं कामाक्षि ध्रुवमकृतकानां गिरिसुते
गिरामैदम्पर्यं तव चरणपद्मं विजयते ॥24॥
कृतस्नानं शास्त्रामृतसरसि कामाक्षि नितरां
दधानं वैशद्यं कलितरसमानन्दसुधया ।
अलङ्कारं भूमेर्मुनिजनमनश्चिन्मयमहा-
पयोधेरन्तस्स्थं तव चरणरत्नं मृगयते ॥25॥
मनोगेहे मोहोद्भवतिमिरपूर्णे मम मुहुः
दरिद्राणीकुर्वन्दिनकरसहस्राणि किरणैः ।
विधत्तां कामाक्षि प्रसृमरतमोवञ्चनचणः
क्षणार्धं सान्निध्यं चरणमणिदीपो जननि ते ॥26॥
कवीनां चेतोवन्नखररुचिसम्पर्कि विबुध-
स्रवन्तीस्रोतोवत्पटुमुखरितं हंसकरवैः ।
दिनारम्भश्रीवन्नियतमरुणच्छायसुभगं
मदन्तः कामाक्ष्याः स्फुरतु पदपङ्केरुहयुगम् ॥27॥
सदा किं सम्पर्कात्प्रकृतिकठिनैर्नाकिमुकुटैः
तटैर्नीहाराद्रेरधिकमणुना योगिमनसा ।
विभिन्ते सम्मोहं शिशिरयति भक्तानपि दृशाम्
अदृश्यं कामाक्षि प्रकटयति ते पादयुगलम् ॥28॥
पवित्राभ्यामम्ब प्रकृतिमृदुलाभ्यां तव शिवे
पदाभ्यां कामाक्षि प्रसभमभिभूतैः सचकितैः ।
प्रवालैरम्भोजैरपि च वनवासव्रतदशाः
सदैवारभ्यन्ते परिचरितनानाद्विजगणैः ॥29॥
चिराद्दृश्या हंसैः कथमपि सदा हंससुलभं
निरस्यन्ती जाड्यं नियतजडमध्यैकशरणम् ।
अदोषव्यासङ्गा सततमपि दोषाप्तिमलिनं
पयोजं कामाक्ष्याः परिहसति पादाब्जयुगली ॥30॥
सुराणामानन्दप्रबलनतया मण्डनतया
नखेन्दुज्योत्स्नाभिर्विसृमरतमःखण्डनतया ।
पयोजश्रीद्वेषव्रतरततया त्वच्चरणयोः
विलासः कामाक्षि प्रकटयति नैशाकरदशाम् ॥31॥
सितिम्ना कान्तीनां नखरजनुषां पादनलिन-
च्छवीनां शोणिम्ना तव जननि कामाक्षि नमने ।
लभन्ते मन्दारग्रथितनवबन्धूककुसुम-
स्रजां सामीचीन्यं सुरपुरपुरन्ध्रीकचभराः ॥32॥
स्फुरन्मध्ये शुद्धे नखकिरणदुग्धाब्धिपयसां
वहन्नब्जं चक्रं दरमपि च लेखात्मकतया ।
श्रितो मात्स्यं रूपं श्रियमपि दधानो निरुपमां
त्रिधामा कामाक्ष्याः पदनलिननामा विजयते ॥33॥
नखश्रीसन्नद्धस्तबकनिचितः स्वैश्च किरणैः
पिशङ्गैः कामाक्षि प्रकटितलसत्पल्लवरुचिः ।
सतां गम्यः शङ्के सकलफलदाता सुरतरुः
त्वदीयः पादोऽयं तुहिनगिरिराजन्यतनये ॥34॥
वषट्कुर्वन्माञ्जीरकलकलैः कर्मलहरी-
हवींषि प्रौद्दण्डं ज्वलति परमज्ञानदहने ।
महीयान्कामाक्षि स्फुटमहसि जोहोति सुधियां
मनोवेद्यां मातस्तव चरणयज्वा गिरिसुते ॥35॥
महामन्त्रं किञ्चिन्मणिकटकनादैर्मृदु जपन्
क्षिपन्दिक्षु स्वच्छं नखरुचिमयं भास्मनरजः ।
नतानां कामाक्षि प्रकृतिपटुरच्चाट्य ममता-
पिशाचीं पादोऽयं प्रकटयति ते मान्त्रिकदशाम् ॥36॥
उदीते बोधेन्दौ तमसि नितरां जग्मुषि दशां
दरिद्रां कामाक्षि प्रकटमनुरागं विदधती ।
सितेनाच्छाद्याङ्गं नखरुचिपटेनाङ्घ्रियुगली-
पुरन्ध्री ते मातः स्वयमभिसरत्येव हृदयम् ॥37॥
दिनारम्भः सम्पन्नलिनविपिनानामभिनवो
विकासो वासन्तः सुकविपिकलोकस्य नियतः ।
प्रदोषः कामाक्षि प्रकटपरमज्ञानशशिन-
श्चकास्ति त्वत्पादस्मरणमहिमा शैलतनये ॥38॥
धृतच्छायं नित्यं सरसिरुहमैत्रीपरिचितं
निधानं दीप्तीनां निखिलजगतां बोधजनकम् ।
मुमुक्षूणां मार्गप्रथनपटु कामाक्षि पदवीं
पदं ते पातङ्गीं परिकलयते पर्वतसुते ॥39॥
शनैस्तीर्त्वा मोहाम्बुधिमथ समारोढुमनसः
क्रमात्कैवल्याख्यां सुकृतिसुलभां सौधवलभीम् ।
लभन्ते निःश्रेणीमिव झटिति कामाक्षि चरणं
पुरश्चर्याभिस्ते पुरमथनसीमन्तिनि जनाः ॥40॥
प्रचण्डार्तिक्षोभप्रमथनकृते प्रातिभसरि-
त्प्रवाहप्रोद्दण्डीकरणजलदाय प्रणमताम् ।
प्रदीपाय प्रौढे भवतमसि कामाक्षि चरण-
प्रसादौन्मुख्याय स्पृहयति जनोऽयं जननि ते ॥41॥
मरुद्भिः संसेव्या सततमपि चाञ्चल्यरहिता
सदारुण्यं यान्ती परिणतिदरिद्राणसुषमा ।
गुणोत्कर्षान्माञ्जीरककलकलैस्तर्जनपटुः
प्रवालं कामाक्ष्याः परिहसति पादाब्जयुगली ॥42॥
जगद्रक्षादक्षा जलजरुचिशिक्षापटुतरा
समैर्नम्या रम्या सततमभिगम्या बुधजनैः ।
द्वयी लीलालोला श्रुतिषु सुरपालादिमुकुटी-
तटीसीमाधामा तव जननि कामाक्षि पदयोः ॥43॥
गिरां दूरौ चोरौ जडिमतिमिराणां कृतजग-
त्परित्राणौ शोणौ मुनिहृदयलीलैकनिपुणौ ।
नखैः स्मेरौ सारौ निगमवचसां खण्डितभव-
ग्रहोन्मादौ पादौ तव जननि कामाक्षि कलये ॥44॥
अविश्रान्तं पङ्कं यदपि कलयन्यावकमयं
निरस्यन्कामाक्षि प्रणमनजुषां पङ्कमखिलम् ।
तुलाकोटिद्वन्दं दधदपि च गच्छन्नतुलतां
गिरां मार्गं पादो गिरिवरसुते लङ्घयति ते ॥45॥
प्रवालं सव्रीलं विपिनविवरे वेपयति या
स्फुरल्लीलं बालातपमधिकबालं वदति या ।
रुचिं सान्ध्यां वन्ध्यां विरचयति या वर्धयतु सा
शिवं मे कामाक्ष्याः पदनलिनपाटल्यलहरी ॥46॥
किरञ्ज्योत्स्नारीतिं नखमुखरुचा हंसमनसां
वितन्वानः प्रीतिं विकचतरुणाम्भोरुहरुचिः ।
प्रकाशः श्रीपादस्तव जननि कामाक्षि तनुते
शरत्कालप्रौढिं शशिशकलचूडप्रियतमे ॥47॥
नखाङ्कूरस्मेरद्युतिविमलगङ्गाम्भसि सुखं
कृतस्नानं ज्ञानामृतममलमास्वाद्य नियतम् ।
उदञ्चन्मञ्जीरस्फुरणमणिदीपे मम मनो
मनोज्ञे कामाक्ष्याश्चरणमणिहर्म्ये विहरताम् ॥48॥
भवाम्भोधौ नौकां जडिमविपिने पावकशिखा-
ममर्त्येन्द्रादीनामधिमुकुटमुत्तंसकलिकाम् ।
जगत्तापे ज्योत्स्नामकृतकवचःपञ्जरपुटे
शुकस्त्रीं कामाक्ष्या मनसि कलये पादयुगलीम् ॥49॥
परत्मप्राकाश्यप्रतिफलनचुञ्चुः प्रणमतां
मनोज्ञस्त्वत्पादो मणिमुकुरमुद्रां कलयते ।
यदीयां कामाक्षि प्रकृतिमसृणाः शोधकदशां
विधातुं चेष्ठन्ते बलरिपुवधूटीकचभराः ॥50॥
अविश्रान्तं तिष्ठन्नकृतकवचःकन्दरपुटी-
कुटीरान्तः प्रौढं नखरुचिसटालीं प्रकटयन् ।
प्रचण्डं खण्डत्वं नयतु मम कामाक्षि तरसा
तमोवेतण्डेन्द्रं तव चरणकण्ठीरवपतिः ॥51॥
पुरस्तात्कामाक्षि प्रचुररसमाखण्डलपुरी-
पुरन्ध्रीणां लास्यं तव ललितमालोक्य शनकैः ।
नखश्रीभिः स्मेरा बहु वितनुते नूपुररवै-
श्चमत्कृत्या शङ्के चरणयुगली चाटुरचनाः ॥52॥
सरोजं निन्दन्ती नखकिरणकर्पूरशिशिरा
निषिक्ता मारारेर्मुकुटशशिरेखाहिमजलैः ।
स्फुरन्ती कामाक्षि स्फुटरुचिमये पल्लवचये
तवाधत्ते मैत्रीं पथिकसुदृशा पादयुगली ॥53॥
नतानां सम्पत्तेरनवरतमाकर्षणजपः
प्ररोहत्संसारप्रसरगरिमस्तम्भनजपः ।
त्वदीयः कामाक्षि स्मरहरमनोमोहनजपः
पटीयान्नः पायात्पदनलिनमञ्जीरनिनदः ॥54॥
वितन्वीथा नाथे मम शिरसि कामाक्षि कृपया
पदाम्भोजन्यासं पशुपरिबृढप्राणदयिते ।
पिबन्तो यन्मुद्रां प्रकटमुपकम्पापरिसरं
दृशा नानन्द्यन्ते नलिनभवनारायणमुखाः ॥55॥
प्रणामोद्यद्बृन्दारमुकुटमन्दारकलिका-
विलोलल्लोलम्बप्रकरमयधूमप्रचुरिमा ।
प्रदीप्तः पादाब्जद्युतिविततिपाटल्यलहरी-
कृशानुः कामाक्ष्या मम दहतु संसारविपिनम् ॥56॥
वलक्षश्रीरृक्षाधिपशिशुसदृक्षैस्तव नखैः
जिघृक्षुर्दक्षत्वं सरसिरुहभिक्षुत्वकरणे ।
क्षणान्मे कामाक्षि क्षपितभवसङ्क्षोभगरिमा
वचोवैचक्षन्यं चरणयुगली पक्ष्मलयतात् ॥57॥
समन्तात्कामाक्षि क्षततिमिरसन्तानसुभगान्
अनन्ताभिर्भाभिर्दिनमनु दिगन्तान्विरचयन् ।
अहन्ताया हन्ता मम जडिमदन्तावलहरिः
विभिन्तां सन्तापं तव चरणचिन्तामणिरसौ ॥58॥
दधानो भास्वत्ताममृतनिलयो लोहितवपुः
विनम्राणां सौम्यो गुरुरपि कवित्वं च कलयन् ।
गतौ मन्दो गङ्गाधरमहिषि कामाक्षि भजतां
तमःकेतुर्मातस्तव चरणपद्मो विजयते ॥59॥
नयन्तीं दासत्वं नलिनभवमुख्यानसुलभ-
प्रदानाद्दीनानाममरतरुदौर्भाग्यजननीम् ।
जगज्जन्मक्षेमक्षयविधिषु कामाक्षि पदयो-
र्धुरीणामीष्टे करस्तव भणितुमाहोपुरुषिकाम् ॥60॥
जनोऽयं सन्तप्तो जननि भवचण्डांशुकिरणैः
अलब्धवैकं शीतं कणमपि परज्ञानपयसः ।
तमोमार्गे पान्थस्तव झटिति कामाक्षि शिशिरां
पदाम्भोजच्छायां परमशिवजाये मृगयते ॥61॥
जयत्यम्ब श्रीमन्नखकिरणचीनांशुकमयं
वितानं बिभ्राणे सुरमुकुटसङ्घट्टमसृणे ।
निजारुण्यक्षौमास्तरणवति कामाक्षि सुलभा
बुधैः संविन्नारी तव चरणमाणिक्यभवने ॥62॥
प्रतीमः कामाक्षि स्फुरिततरुणादित्यकिरण-
श्रियो मूलद्रव्यं तव चरणमद्रीन्द्रतनये ।
सुरेन्द्राशामापूरयति यदसौ ध्वान्तमखिलं
धुनीते दिग्भागानपि च महसा पाटलयते ॥63॥
महाभाष्यव्याख्यापटुशयनमारोपयति वा
स्मरव्यापारेर्ष्यापिशुननिटिलं कारयति वा ।
द्विरेफाणामध्यासयति सततं वाधिवसतिं
प्रणम्रान्कामाक्ष्याः पदनलिनमाहात्म्यगरिमा ॥64॥
विवेकाम्भस्स्रोतस्स्नपनपरिपाटीशिशिरिते
समीभूते शास्त्रस्मरणहलसङ्कर्षणवशात् ।
सतां चेतःक्षेत्रे वपति तव कामाक्षि चरणो
महासंवित्सस्यप्रकरवरबीजं गिरिसुते ॥65॥
दधानो मन्दारस्तबकपरिपाटीं नखरुचा
वहन्दीप्तां शोणाङ्गुलिपटलचाम्पेयकलिकाम् ।
अशोकोल्लासं नः प्रचुरयतु कामाक्षि चरणो
विकासी वासन्तः समय इव ते शर्वदयिते ॥66॥
नखांशुप्राचुर्यप्रसृमरमरालालिधवलः
स्फुरन्मञ्जीरोद्यन्मरकतमहश्शैवलयुतः ।
भवत्याः कामाक्षि स्फुटचरणपाटल्यकपटो
नदः शोणाभिख्यो नगपतितनूजे विजयते ॥67॥
धुनानं पङ्कौघं परमसुलभं कण्टककुलैः
विकासव्यासङ्गं विदधदपराधीनमनिशम् ।
नखेन्दुज्योत्स्नाभिर्विशदरुचि कामाक्षि नितराम्
असामान्यं मन्ये सरसिजमिदं ते पदयुगम् ॥68॥
करीन्द्राय द्रुह्यत्यलसगतिलीलासु विमलैः
पयोजैर्मात्सर्यं प्रकटयति कामं कलयते ।
पदाम्भोजद्वन्द्वं तव तदपि कामाक्षि हृदयं
मुनीनां शान्तानां कथमनिशमस्मै स्पृहयते ॥69॥
निरस्ता शोणिम्ना चरणकिरणानां तव शिवे
समिन्धाना सन्ध्यारुचिरचलराजन्यतनये ।
असामर्थ्यादेनं परिभवितुमेतत्समरुचां
सरोजानां जाने मुकुलयति शोभां प्रतिदिनम् ॥70॥
उपादिक्षद्दाक्ष्यं तव चरणनामा गुरुरसौ
मरालानां शङ्के मसृणगतिलालित्यसरणौ ।
अतस्ते निस्तन्द्रं नियतममुना सख्यपदवीं
प्रपन्नं पाथोजं प्रति दधति कामाक्षि कुतुकम् ॥71॥
दधानैः संसर्गं प्रकृतिमलिनैः षट्पदकुलैः
द्विजाधीशश्लाघाविधिषु विदधद्भिर्मुकुलताम् ।
रजोमिश्रैः पद्मैर्नियतमपि कामाक्षि पदयोः
विरोधस्ते युक्तो विषमशरवैरिप्रियतमे ॥72॥
कवित्वश्रीमिश्रीकरणनिपुणौ रक्षणचणौ
विपन्नानां श्रीमन्नलिनमसृणौ शोणकिरणौ ।
मुनीन्द्राणामन्तःकरणशरणौ मन्दसरणौ
मनोज्ञौ कामाक्ष्या दुरितहरणौ नौमि चरणौ ॥73॥
परस्मात्सर्वस्मादपि च परयोर्मुक्तिकरयोः
नखश्रीभिर्ज्योत्स्नाकलिततुलयोस्ताम्रतलयोः ।
निलीये कामाक्ष्या निगमनुतयोर्नाकिनतयोः
निरस्तप्रोन्मीलन्नलिनमदयोरेव पदयोः ॥74॥
स्वभावादन्योन्यं किसलयमपीदं तव पदं
म्रदिम्ना शोणिम्ना भगवति दधाते सदृशताम् ।
वने पूर्वस्येच्छा सततमवने किं तु जगतां
परस्येत्थं भेदः स्फुरति हृदि कामाक्षि सुधियाम् ॥75॥
कथं वाचालोऽपि प्रकटमणिमञ्जीरनिनदैः
सदैवानन्दार्द्रान्विरचयति वाचंयमजनान् ।
प्रकृत्या ते शोणच्छविरपि च कामाक्षि चरणो
मनीषानैर्मल्यं कथमिव नृणां मांसलयते ॥76॥
चलत्तृष्णावीचीपरिचलनपर्याकुलतया
मुहुर्भ्रान्तस्तान्तः परमशिववामाक्षि परवान् ।
तितीर्षुः कामाक्षि प्रचुरतरकर्माम्बुधिममुं
कदाहं लप्स्ये ते चरणमणिसेतुं गिरिसुते ॥77॥
विशुष्यन्त्यां प्रज्ञासरिति दुरितग्रीष्मसमय-
प्रभावेण क्षीणे सति मम मनःकेकिनि शुचा ।
त्वदीयः कामाक्षि स्फुरितचरणाम्भोदमहिमा
नभोमासाटोपं नगपतिसुते किं न कुरुते ॥78॥
विनम्राणां चेतोभवनवलभीसीम्नि चरण-
प्रदीपे प्राकाश्यं दधति तव निर्धूततमसि ।
असीमा कामाक्षि स्वयमलघुदुष्कर्मलहरी
विघूर्णन्ती शान्तिं शलभपरिपाटीव भजते ॥79॥
विराजन्ती शुक्तिर्नखकिरणमुक्तामणिततेः
विपत्पाथोराशौ तरिरपि नराणां प्रणमताम् ।
त्वदीयः कामाक्षि ध्रुवमलघुवह्निर्भववने
मुनीनां ज्ञानाग्नेररणिरयमङ्घिर्विजयते ॥80॥
समस्तैः संसेव्यः सततमपि कामाक्षि विबुधैः
स्तुतो गन्धर्वस्त्रीसुललितविपञ्चीकलरवैः ।
भवत्या भिन्दानो भवगिरिकुलं जृम्भिततमो-
बलद्रोही मातश्चरणपुरुहूतो विजयते ॥81॥
वसन्तं भक्तानामपि मनसि नित्यं परिलसद्-
घनच्छायापूर्णं शुचिमपि नृणां तापशमनम् ।
नखेन्दुज्योत्स्नाभिः शिशिरमपि पद्मोदयकरं
नमामः कामाक्ष्याश्चरणमधिकाश्चर्यकरणम् ॥82॥
कवीन्द्राणां नानाभणितिगुणचित्रीकृतवचः-
प्रपञ्चव्यापारप्रकटनकलाकौशलनिधिः ।
अधःकुर्वन्नब्जं सनकभृगुमुख्यैर्मुनिजनैः
नमस्यः कामाक्ष्याश्चरणपरमेष्ठी विजयते ॥83॥
भवत्याः कामाक्षि स्फुरितपदपङ्केरुहभुवां
परागाणां पूरैः परिहृतकलङ्कव्यतिकरैः ।
नतानामामृष्टे हृदयमुकुरे निर्मलरुचि
प्रसन्ने निश्शेषं प्रतिफलति विश्वं गिरिसुते ॥84॥
तव त्रस्तं पादात्किसलयमरण्यान्तरमगात्
परं रेखारूपं कमलममुमेवाश्रितमभूत् ।
जितानां कामाक्षि द्वितयमपि युक्तं परिभवे
विदेशे वासो वा शरणगमनं वा निजरिपोः ॥85॥
गृहीत्वा याथार्थ्यं निगमवचसां देशिककृपा-
कटाक्षर्कज्योतिश्शमितममताबन्धतमसः ।
यतन्ते कामाक्षि प्रतिदिवसमन्तर्द्रढयितुं
त्वदीयं पादाब्जं सुकृतपरिपाकेन सुजनाः ॥86॥
जडानामप्यम्ब स्मरणसमये तवच्चरणयोः
भ्रमन्मन्थक्ष्माभृद्धुमुघुमितसिन्धुप्रतिभटाः ।
प्रसन्नाः कामाक्षि प्रसभमधरस्पन्दनकरा
भवन्ति स्वच्छन्दं प्रकृतिपरिपक्का भणितयः ॥87॥
वहन्नप्यश्रान्तं मधुरनिनदं हंसकमसौ
तमेवाधः कर्तुं किमिव यतते केलिगमने ।
भवस्यैवानन्दं विदधदपि कामाक्षि चरणो
भवत्यास्तद्द्रोहं भगवति किमेवं वितनुते ॥88॥
यदत्यन्तं ताम्यत्यलसगतिवार्तास्वपि शिवे
तदेतत्कामाक्षि प्रकृतिमृदुलं ते पदयुगम् ।
किरीटैः सङ्घट्टं कथमिव सुरौघस्य सहते
मुनीन्द्राणामास्ते मनसि च कथं सूचिनिशिते ॥89॥
मनोरङ्गे मत्के विबुधजनसम्मोदजननी
सरागव्यासङ्गं सरसमृदुसञ्चारसुभगा ।
मनोज्ञा कामाक्षि प्रकटयतु लास्यप्रकरणं
रणन्मञ्जीरा ते चरणयुगलीनर्तकवधूः ॥90॥
परिष्कुर्वन्मातः पशुपतिकपर्दं चरणराट्
पराचां हृत्पद्मं परमभणितीनां च मकुटम् ।
भवाख्ये पाथोधौ परिहरतु कामाक्षि ममता-
पराधीनत्वं मे परिमुषितपाथोजमहिमा ॥91॥
प्रसूनैः सम्पर्कादमरतरुणीकुन्तलभवैः
अभीष्टानां दानादनिशमपि कामाक्षि नमताम् ।
स्वसङ्गात्कङ्केलिप्रसवजनकत्वेन च शिवे
त्रिधा धत्ते वार्तां सुरभिरिति पादो गिरिसुते ॥92॥
महामोहस्तेनव्यतिकरभयात्पालयति यो
विनिक्षिप्तं स्वस्मिन्निजजनमनोरत्नमनिशम् ।
स रागस्योद्रेकात्सततमपि कामाक्षि तरसा
किमेवं पादोऽसौ किसलयरुचिं चोरयति ते ॥93॥
सदा स्वादुङ्कारं विषयलहरीशालिकणिकां
समास्वाद्य श्रान्तं हृदयशुकपोतं जननि मे ।
कृपाजाले फालेक्षणमहिषि कामाक्षि रभसात्
गृहीत्वा रुन्धीथारस्तव पदयुगीपञ्जरपुटे ॥94॥
धुनानं कामाक्षि स्मरणलवमात्रेण जडिम-
ज्वरप्रौढिं गूढस्थिति निगमनैकुञ्जकुहरे ।
अलभ्यं सर्वेषां कतिचन लभन्ते सुकृतिनः
चिरादन्विष्यन्तस्तव चरणसिद्धौषधमिदम् ॥95॥
रणन्मञ्जीराभ्यां ललितगमनाभ्यां सुकृतिनां
मनोवास्तव्याभ्यां मथिततिमिराभ्यां नखरुचा ।
निधेयाभ्यां पत्या निजशिरसि कामाक्षि सततं
नमस्ते पादाभ्यां नलिनमृदुलाभ्यां गिरिसुते ॥96॥
सुरागे राकेन्दुप्रतिनिधिमुखे पर्वतसुते
चिराल्लभ्ये भक्त्या शमधनजनानां परिषदा ।
मनोभृङ्गो मत्कः पदकमलयुग्मे जननि ते
प्रकामं कामाक्षि त्रिपुरहरवामाक्षि रमताम् ॥97॥
शिवे संविद्रूपे शशिशकलचूडप्रियतमे
शनैर्गत्यागत्या जितसुरवरेभे गिरिसुते ।
यतन्ते सन्तस्ते चरणनलिनालानयुगले
सदा बद्धं चित्तप्रमदकरियूथं दृढतरम् ॥98॥
यशः सूते मातर्मधुरकवितां पक्ष्मलयते
श्रियं दत्ते चित्ते कमपि परिपाकं प्रथयते ।
सतां पाशग्रन्थिं शिथिलयति किं किं न कुरुते
प्रपन्ने कामाक्ष्याः प्रणतिपरिपाटी चरणयोः ॥99॥
मनीषां माहेन्द्रीं ककुभमिव ते कामपि दशां
प्रधत्ते कामाक्ष्याश्चरणतरुणादित्यकिरणः ।
यदीये सम्पर्के धृतरसमरन्दा कवयतां
परीपाकं धत्ते परिमलवती सूक्तिनलिनी ॥100॥
पुरा मारारातिः पुरमजयदम्ब स्तवशतैः
प्रसन्नायां सत्यां त्वयि तुहिनशैलेन्द्रतनये ।
अतस्ते कामाक्षि स्फुरतु तरसा कालसमये
समायाते मातर्मम मनसि पादाब्जयुगलम् ॥101॥
पदद्वन्द्वं मन्दं गतिषु निवसन्तं हृदि सतां
गिरामन्ते भ्रान्तं कृतकरहितानां परिबृढे ।
जनानामानन्दं जननि जनयन्तं प्रणमतां
त्वदीयं कामाक्षि प्रतिदिनमहं नौमि विमलम् ॥102॥
इदं यः कामाक्ष्याश्चरणनलिनस्तोत्रशतकं
जपेन्नित्यं भक्त्या निखिलजगदाह्लादजनकम् ।
स विश्वेषां वन्द्यः सकलकविलोकैकतिलकः
चिरं भुक्त्वा भोगान्परिणमति चिद्रूपकलया ॥103॥
॥ इति पादारविन्दशतकं सम्पूर्णम् ॥
mahimnaḥ panthānaṃ madanaparipanthipraṇayini
prabhurnirṇetuṃ te bhavati yatamāno'pi katamaḥ |
tathāpi śrīkāñcīvihṛtirasike ko'pi manaso
vipākastvatpādastutividhiṣu jalpākayati mām ||1||
galagrāhī paurandarapuravanīpallavarucāṃ
dhṛtapāthamyānāmaruṇamahasāmādimaguruḥ |
samindhe bandhūkastabakasahayudhvā diśi diśi
prasarpankāmākṣyāścaraṇakiraṇānāmaruṇimā ||2||
marālīnāṃ yānābhyasanakalanāmūlagurave
daridrāṇāṃ trāṇavyatikarasurodyānatarave |
tamaskāṇḍaprauḍhiprakaṭanatiraskārapaṭave
jano'yaṃ kāmākṣyāścaraṇanalināya spṛhayate ||3||
vahantī saindūrīṃ saraṇimavanamrāmarapuṟī-
purandhrīsīmante kavikamalabālārkasuṣamā |
trayīsīmantinyāḥ stanataṭanicolāruṇapaṭī
vibhāntī kāmākṣyāḥ padanalinakāntirvijayate ||4||
praṇamrībhūtasya praṇayakalahatrastamanasaḥ
smarārāteścūḍāviyati gṛhamedhī himakaraḥ |
yayoḥ sāndhyāṃ kāntiṃ vahati suṣamābhiścaraṇayoḥ
tayorme kāmākṣyā hṛdayamapatandraṃ viharatām ||5||
yayoḥ pīṭhāyante vibudhamukuṭīnāṃ paṭalikā
yayoḥ saudhāyante svayamudayabhājo bhaṇitayaḥ |
yayoḥ dāsāyante sarasijabhavādyāścaraṇayoḥ
tayorme kāmākṣyā dinamanu varīvartu hṛdayam ||6||
nayantī saṅkocaṃ sarasijarucaṃ dikparisare
sṛjantī lauhityaṃ nakhakiraṇacandrārdhakhacitā |
kavīndrāṇāṃ hṛtkairavavikasanodyogajananī
sphurantī kāmākṣyāḥ caraṇarucisandhyā vijayate ||7||
virāvairmāñjīraiḥ kimapi kathayantīva madhuraṃ
purastādānamre puravijayini smeravadane |
vayasyeva prauḍhā śithilayati yā premakalaha-
prarohaṃ kāmākṣyāḥ caraṇayugalī sā vijayate ||8||
suparvastrīlolālakaparicitaṃ ṣaṭpadakulaiḥ
sphurallākṣārāgaṃ taruṇataraṇijyotiraruṇaiḥ |
bhṛtaṃ kāntyambhobhiḥ visṛmaramarandaiḥ sarasijaiḥ
vidhatte kāmākṣyāḥ caraṇayugalaṃ bandhupadavīm ||9||
rajaḥsaṃsarge'pi sthitamarajasāmeva hṛdaye
paraṃ raktatvena sthitamapi viraktaikaśaraṇam |
alabhyaṃ mandānāṃ dadhadapi sadā mandagatitāṃ
vidhatte kāmākṣyāḥ caraṇayugamāścaryalaharīm ||10||
jaṭālā mañjīrasphuradaruṇaratnāṃśunikaraiḥ
niṣidantī madhye nakharucijharīgāṅgapayasām |
jagattrāṇaṃ kartuṃ janani mama kāmākṣi niyataṃ
tapaścaryāṃ dhatte tava caraṇapāthojayugalī ||11||
tulākoṭidvandvakkaṇitabhaṇitābhītivacasoḥ
vinamraṃ kāmākṣī visṛmaramahaḥpāṭalitayoḥ |
kṣaṇaṃ vinyāsena kṣapitatamasorme lalitayoḥ
punīyānmūrdhānaṃ puraharapurandhrī caraṇayoḥ ||12||
bhavāni druhyetāṃ bhavanibiḍitebhyo mama muhu-
stamovyāmohebhyastava janani kāmākṣi caraṇau |
yayorlākṣābindusphuraṇadharaṇāddhvarjaṭijaṭā-
kuṭīrā śoṇāṅkaṃ vahati vapureṇāṅkakalikā ||13||
pavitrīkuryurnuḥ padatalabhuvaḥ pāṭalarucaḥ
parāgāste pāpapraśamanadhurīṇāḥ paraśive |
kaṇaṃ labdhuṃ yeṣāṃ nijaśirasi kāmākṣi vivaśā
valanto vyātanvantyahamahamikāṃ mādhavamukhāḥ ||14||
balākāmālābhirnakharucimayībhiḥ parivṛte
vinamrasvarnārīvikacakacakālāmbudakule |
sphurantaḥ kāmākṣi sphuṭadalitabandhūkasuhṛda-
staṭillekhāyante tava caraṇapāthojakiraṇāḥ ||15||
sarāgaḥ sadveṣaḥ prasṛmarasaroje pratidinaṃ
nisargādākrāmanvibudhajanamūrdhānamadhikam |
kathaṅkāraṃ mātaḥ kathaya padapadmastava satāṃ
natānāṃ kāmākṣi prakaṭayati kaivalyasaraṇim ||16||
japālakṣmīśoṇo janitaparamajñānanalinī-
vikāsavyāsaṅgo viphalitajagajjāḍyagarimā |
manaḥpūrvādriṃ me tilakayatu kāmākṣi tarasā
tamaskāṇḍadrohī tava caraṇapāthojaramaṇaḥ ||17||
namaskurmaḥ preṅkhanmaṇikaṭakanīlotpalamahaḥ-
payodhau riṅkhadbhirnakhakiraṇaphenairdhavalite |
sphuṭaṃ kurvāṇāya prabalacaladaurvānalaśikhā-
vitarkaṃ kāmākṣyāḥ satatamaruṇimne caraṇayoḥ ||18||
śive pāśāyetāmalaghuni tamaḥkūpakuhare
dinādhīśāyetāṃ mama hṛdayapāthojavipine |
nabhomāsāyetāṃ sarasakavitārītisariti
tvadīyau kāmākṣi prasṛtakiraṇau devi caraṇau ||19||
niṣaktaṃ śrutyante nayanamiva sadvṛttaruciraiḥ
samairjuṣṭaṃ śuddhairadharamiva ramyairdvijagaṇaiḥ |
śive vakṣojanmadvitayamiva muktāśritamume
tvadīyaṃ kāmākṣi praṇataśaraṇaṃ naumi caraṇam ||20||
namasyāsaṃsajjannamuciparipanthipraṇayinī-
nisargapreṅkholatkuralakulakālāhiśabale |
nakhacchāyādugdhodadhipayasi te vaidrumarucāṃ
pracāraṃ kāmākṣi pracurayati pādābjasuṣamā ||21||
kadā dūrīkartuṃ kaṭuduritakākolajanitaṃ
mahāntaṃ santāpaṃ madanaparipanthipriyatame |
kṣaṇātte kāmākṣi tribhuvanaparītāpaharaṇe
paṭīyāṃsaṃ lapsye padakamalasevāmṛtarasam ||22||
yayoḥ sāndhyaṃ rociḥ satatamaruṇimne spṛhayate
yayoścāndrī kāntiḥ paripatati dṛṣṭvā nakharucim |
yayoḥ pākodrekaṃ pipaṭhiṣati bhaktyā kisalayaṃ
mradimnaḥ kāmākṣyā manasi caraṇau tau tanumahe ||23||
jagannedaṃ nedaṃ paramiti parityajya yatibhiḥ
kuśāgrīyasvāntaiḥ kuśaladhiṣaṇaiḥ śāstrasaraṇau |
gaveṣyaṃ kāmākṣi dhruvamakṛtakānāṃ girisute
girāmaidamparyaṃ tava caraṇapadmaṃ vijayate ||24||
kṛtasnānaṃ śāstrāmṛtasarasi kāmākṣi nitarāṃ
dadhānaṃ vaiśadyaṃ kalitarasamānandasudhayā |
alaṅkāraṃ bhūmermunijanamanaścinmayamahā-
payodherantassthaṃ tava caraṇaratnaṃ mṛgayate ||25||
manogehe mohodbhavatimirapūrṇe mama muhuḥ
daridrāṇīkurvandinakarasahasrāṇi kiraṇaiḥ |
vidhattāṃ kāmākṣi prasṛmaratamovañcanacaṇaḥ
kṣaṇārdhaṃ sānnidhyaṃ caraṇamaṇidīpo janani te ||26||
kavīnāṃ cetovannakhararucisamparki vibudha-
sravantīsrotovatpaṭumukharitaṃ haṃsakaravaiḥ |
dinārambhaśrīvanniyatamaruṇacchāyasubhagaṃ
madantaḥ kāmākṣyāḥ sphuratu padapaṅkeruhayugam ||27||
sadā kiṃ samparkātprakṛtikaṭhinairnākimukuṭaiḥ
taṭairnīhārādreradhikamaṇunā yogimanasā |
vibhinte sammohaṃ śiśirayati bhaktānapi dṛśām
adṛśyaṃ kāmākṣi prakaṭayati te pādayugalam ||28||
pavitrābhyāmamba prakṛtimṛdulābhyāṃ tava śive
padābhyāṃ kāmākṣi prasabhamabhibhūtaiḥ sacakitaiḥ |
pravālairambhojairapi ca vanavāsavratadaśāḥ
sadaivārabhyante paricaritanānādvijagaṇaiḥ ||29||
cirāddṛśyā haṃsaiḥ kathamapi sadā haṃsasulabhaṃ
nirasyantī jāḍyaṃ niyatajaḍamadhyaikaśaraṇam |
adoṣavyāsaṅgā satatamapi doṣāptimalinaṃ
payojaṃ kāmākṣyāḥ parihasati pādābjayugalī ||30||
surāṇāmānandaprabalanatayā maṇḍanatayā
nakhendujyotsnābhirvisṛmaratamaḥkhaṇḍanatayā |
payojaśrīdveṣavrataratatayā tvaccaraṇayoḥ
vilāsaḥ kāmākṣi prakaṭayati naiśākaradaśām ||31||
sitimnā kāntīnāṃ nakharajanuṣāṃ pādanalina-
cchavīnāṃ śoṇimnā tava janani kāmākṣi namane |
labhante mandāragrathitanavabandhūkakusuma-
srajāṃ sāmīcīnyaṃ surapurapurandhrīkacabharāḥ ||32||
sphuranmadhye śuddhe nakhakiraṇadugdhābdhipayasāṃ
vahannabjaṃ cakraṃ daramapi ca lekhātmakatayā |
śrito mātsyaṃ rūpaṃ śriyamapi dadhāno nirupamāṃ
tridhāmā kāmākṣyāḥ padanalinanāmā vijayate ||33||
nakhaśrīsannaddhastabakanicitaḥ svaiśca kiraṇaiḥ
piśaṅgaiḥ kāmākṣi prakaṭitalasatpallavaruciḥ |
satāṃ gamyaḥ śaṅke sakalaphaladātā surataruḥ
tvadīyaḥ pādo'yaṃ tuhinagirirājanyatanaye ||34||
vaṣaṭkurvanmāñjīrakalakalaiḥ karmalaharī-
havīṃṣi prauddaṇḍaṃ jvalati paramajñānadahane |
mahīyānkāmākṣi sphuṭamahasi johoti sudhiyāṃ
manovedyāṃ mātastava caraṇayajvā girisute ||35||
mahāmantraṃ kiñcinmaṇikaṭakanādairmṛdu japan
kṣipandikṣu svacchaṃ nakharucimayaṃ bhāsmanarajaḥ |
natānāṃ kāmākṣi prakṛtipaṭuraccāṭya mamatā-
piśācīṃ pādo'yaṃ prakaṭayati te māntrikadaśām ||36||
udīte bodhendau tamasi nitarāṃ jagmuṣi daśāṃ
daridrāṃ kāmākṣi prakaṭamanurāgaṃ vidadhatī |
sitenācchādyāṅgaṃ nakharucipaṭenāṅghriyugalī-
purandhrī te mātaḥ svayamabhisaratyeva hṛdayam ||37||
dinārambhaḥ sampannalinavipinānāmabhinavo
vikāso vāsantaḥ sukavipikalokasya niyataḥ |
pradoṣaḥ kāmākṣi prakaṭaparamajñānaśaśina-
ścakāsti tvatpādasmaraṇamahimā śailatanaye ||38||
dhṛtacchāyaṃ nityaṃ sarasiruhamaitrīparicitaṃ
nidhānaṃ dīptīnāṃ nikhilajagatāṃ bodhajanakam |
mumukṣūṇāṃ mārgaprathanapaṭu kāmākṣi padavīṃ
padaṃ te pātaṅgīṃ parikalayate parvatasute ||39||
śanaistīrtvā mohāmbudhimatha samāroḍhumanasaḥ
kramātkaivalyākhyāṃ sukṛtisulabhāṃ saudhavalabhīm |
labhante niḥśreṇīmiva jhaṭiti kāmākṣi caraṇaṃ
puraścaryābhiste puramathanasīmantini janāḥ ||40||
pracaṇḍārtikṣobhapramathanakṛte prātibhasari-
tpravāhaproddaṇḍīkaraṇajaladāya praṇamatām |
pradīpāya prauḍhe bhavatamasi kāmākṣi caraṇa-
prasādaunmukhyāya spṛhayati jano'yaṃ janani te ||41||
marudbhiḥ saṃsevyā satatamapi cāñcalyarahitā
sadāruṇyaṃ yāntī pariṇatidaridrāṇasuṣamā |
guṇotkarṣānmāñjīrakakalakalaistarjanapaṭuḥ
pravālaṃ kāmākṣyāḥ parihasati pādābjayugalī ||42||
jagadrakṣādakṣā jalajaruciśikṣāpaṭutarā
samairnamyā ramyā satatamabhigamyā budhajanaiḥ |
dvayī līlālolā śrutiṣu surapālādimukuṭī-
taṭīsīmādhāmā tava janani kāmākṣi padayoḥ ||43||
girāṃ dūrau corau jaḍimatimirāṇāṃ kṛtajaga-
tparitrāṇau śoṇau munihṛdayalīlaikanipuṇau |
nakhaiḥ smerau sārau nigamavacasāṃ khaṇḍitabhava-
grahonmādau pādau tava janani kāmākṣi kalaye ||44||
aviśrāntaṃ paṅkaṃ yadapi kalayanyāvakamayaṃ
nirasyankāmākṣi praṇamanajuṣāṃ paṅkamakhilam |
tulākoṭidvandaṃ dadhadapi ca gacchannatulatāṃ
girāṃ mārgaṃ pādo girivarasute laṅghayati te ||45||
pravālaṃ savrīlaṃ vipinavivare vepayati yā
sphurallīlaṃ bālātapamadhikabālaṃ vadati yā |
ruciṃ sāndhyāṃ vandhyāṃ viracayati yā vardhayatu sā
śivaṃ me kāmākṣyāḥ padanalinapāṭalyalaharī ||46||
kirañjyotsnārītiṃ nakhamukharucā haṃsamanasāṃ
vitanvānaḥ prītiṃ vikacataruṇāmbhoruharuciḥ |
prakāśaḥ śrīpādastava janani kāmākṣi tanute
śaratkālaprauḍhiṃ śaśiśakalacūḍapriyatame ||47||
nakhāṅkūrasmeradyutivimalagaṅgāmbhasi sukhaṃ
kṛtasnānaṃ jñānāmṛtamamalamāsvādya niyatam |
udañcanmañjīrasphuraṇamaṇidīpe mama mano
manojñe kāmākṣyāścaraṇamaṇiharmye viharatām ||48||
bhavāmbhodhau naukāṃ jaḍimavipine pāvakaśikhā-
mamartyendrādīnāmadhimukuṭamuttaṃsakalikām |
jagattāpe jyotsnāmakṛtakavacaḥpañjarapuṭe
śukastrīṃ kāmākṣyā manasi kalaye pādayugalīm ||49||
paratmaprākāśyapratiphalanacuñcuḥ praṇamatāṃ
manojñastvatpādo maṇimukuramudrāṃ kalayate |
yadīyāṃ kāmākṣi prakṛtimasṛṇāḥ śodhakadaśāṃ
vidhātuṃ ceṣṭhante balaripuvadhūṭīkacabharāḥ ||50||
aviśrāntaṃ tiṣṭhannakṛtakavacaḥkandarapuṭī-
kuṭīrāntaḥ prauḍhaṃ nakharucisaṭālīṃ prakaṭayan |
pracaṇḍaṃ khaṇḍatvaṃ nayatu mama kāmākṣi tarasā
tamovetaṇḍendraṃ tava caraṇakaṇṭhīravapatiḥ ||51||
purastātkāmākṣi pracurarasamākhaṇḍalapurī-
purandhrīṇāṃ lāsyaṃ tava lalitamālokya śanakaiḥ |
nakhaśrībhiḥ smerā bahu vitanute nūpuraravai-
ścamatkṛtyā śaṅke caraṇayugalī cāṭuracanāḥ ||52||
sarojaṃ nindantī nakhakiraṇakarpūraśiśirā
niṣiktā mārārermukuṭaśaśirekhāhimajalaiḥ |
sphurantī kāmākṣi sphuṭarucimaye pallavacaye
tavādhatte maitrīṃ pathikasudṛśā pādayugalī ||53||
natānāṃ sampatteranavaratamākarṣaṇajapaḥ
prarohatsaṃsāraprasaragarimastambhanajapaḥ |
tvadīyaḥ kāmākṣi smaraharamanomohanajapaḥ
paṭīyānnaḥ pāyātpadanalinamañjīraninadaḥ ||54||
vitanvīthā nāthe mama śirasi kāmākṣi kṛpayā
padāmbhojanyāsaṃ paśuparibṛḍhaprāṇadayite |
pibanto yanmudrāṃ prakaṭamupakampāparisaraṃ
dṛśā nānandyante nalinabhavanārāyaṇamukhāḥ ||55||
praṇāmodyadbṛndāramukuṭamandārakalikā-
vilolallolambaprakaramayadhūmapracurimā |
pradīptaḥ pādābjadyutivitatipāṭalyalaharī-
kṛśānuḥ kāmākṣyā mama dahatu saṃsāravipinam ||56||
valakṣaśrīrṛkṣādhipaśiśusadṛkṣaistava nakhaiḥ
jighṛkṣurdakṣatvaṃ sarasiruhabhikṣutvakaraṇe |
kṣaṇānme kāmākṣi kṣapitabhavasaṅkṣobhagarimā
vacovaicakṣanyaṃ caraṇayugalī pakṣmalayatāt ||57||
samantātkāmākṣi kṣatatimirasantānasubhagān
anantābhirbhābhirdinamanu digantānviracayan |
ahantāyā hantā mama jaḍimadantāvalahariḥ
vibhintāṃ santāpaṃ tava caraṇacintāmaṇirasau ||58||
dadhāno bhāsvattāmamṛtanilayo lohitavapuḥ
vinamrāṇāṃ saumyo gururapi kavitvaṃ ca kalayan |
gatau mando gaṅgādharamahiṣi kāmākṣi bhajatāṃ
tamaḥketurmātastava caraṇapadmo vijayate ||59||
nayantīṃ dāsatvaṃ nalinabhavamukhyānasulabha-
pradānāddīnānāmamaratarudaurbhāgyajananīm |
jagajjanmakṣemakṣayavidhiṣu kāmākṣi padayo-
rdhurīṇāmīṣṭe karastava bhaṇitumāhopuruṣikām ||60||
jano'yaṃ santapto janani bhavacaṇḍāṃśukiraṇaiḥ
alabdhavaikaṃ śītaṃ kaṇamapi parajñānapayasaḥ |
tamomārge pānthastava jhaṭiti kāmākṣi śiśirāṃ
padāmbhojacchāyāṃ paramaśivajāye mṛgayate ||61||
jayatyamba śrīmannakhakiraṇacīnāṃśukamayaṃ
vitānaṃ bibhrāṇe suramukuṭasaṅghaṭṭamasṛṇe |
nijāruṇyakṣaumāstaraṇavati kāmākṣi sulabhā
budhaiḥ saṃvinnārī tava caraṇamāṇikyabhavane ||62||
pratīmaḥ kāmākṣi sphuritataruṇādityakiraṇa-
śriyo mūladravyaṃ tava caraṇamadrīndratanaye |
surendrāśāmāpūrayati yadasau dhvāntamakhilaṃ
dhunīte digbhāgānapi ca mahasā pāṭalayate ||63||
mahābhāṣyavyākhyāpaṭuśayanamāropayati vā
smaravyāpārerṣyāpiśunaniṭilaṃ kārayati vā |
dvirephāṇāmadhyāsayati satataṃ vādhivasatiṃ
praṇamrānkāmākṣyāḥ padanalinamāhātmyagarimā ||64||
vivekāmbhassrotassnapanaparipāṭīśiśirite
samībhūte śāstrasmaraṇahalasaṅkarṣaṇavaśāt |
satāṃ cetaḥkṣetre vapati tava kāmākṣi caraṇo
mahāsaṃvitsasyaprakaravarabījaṃ girisute ||65||
dadhāno mandārastabakaparipāṭīṃ nakharucā
vahandīptāṃ śoṇāṅgulipaṭalacāmpeyakalikām |
aśokollāsaṃ naḥ pracurayatu kāmākṣi caraṇo
vikāsī vāsantaḥ samaya iva te śarvadayite ||66||
nakhāṃśuprācuryaprasṛmaramarālālidhavalaḥ
sphuranmañjīrodyanmarakatamahaśśaivalayutaḥ |
bhavatyāḥ kāmākṣi sphuṭacaraṇapāṭalyakapaṭo
nadaḥ śoṇābhikhyo nagapatitanūje vijayate ||67||
dhunānaṃ paṅkaughaṃ paramasulabhaṃ kaṇṭakakulaiḥ
vikāsavyāsaṅgaṃ vidadhadaparādhīnamaniśam |
nakhendujyotsnābhirviśadaruci kāmākṣi nitarām
asāmānyaṃ manye sarasijamidaṃ te padayugam ||68||
karīndrāya druhyatyalasagatilīlāsu vimalaiḥ
payojairmātsaryaṃ prakaṭayati kāmaṃ kalayate |
padāmbhojadvandvaṃ tava tadapi kāmākṣi hṛdayaṃ
munīnāṃ śāntānāṃ kathamaniśamasmai spṛhayate ||69||
nirastā śoṇimnā caraṇakiraṇānāṃ tava śive
samindhānā sandhyāruciracalarājanyatanaye |
asāmarthyādenaṃ paribhavitumetatsamarucāṃ
sarojānāṃ jāne mukulayati śobhāṃ pratidinam ||70||
upādikṣaddākṣyaṃ tava caraṇanāmā gururasau
marālānāṃ śaṅke masṛṇagatilālityasaraṇau |
ataste nistandraṃ niyatamamunā sakhyapadavīṃ
prapannaṃ pāthojaṃ prati dadhati kāmākṣi kutukam ||71||
dadhānaiḥ saṃsargaṃ prakṛtimalinaiḥ ṣaṭpadakulaiḥ
dvijādhīśaślāghāvidhiṣu vidadhadbhirmukulatām |
rajomiśraiḥ padmairniyatamapi kāmākṣi padayoḥ
virodhaste yukto viṣamaśaravairipriyatame ||72||
kavitvaśrīmiśrīkaraṇanipuṇau rakṣaṇacaṇau
vipannānāṃ śrīmannalinamasṛṇau śoṇakiraṇau |
munīndrāṇāmantaḥkaraṇaśaraṇau mandasaraṇau
manojñau kāmākṣyā duritaharaṇau naumi caraṇau ||73||
parasmātsarvasmādapi ca parayormuktikarayoḥ
nakhaśrībhirjyotsnākalitatulayostāmratalayoḥ |
nilīye kāmākṣyā nigamanutayornākinatayoḥ
nirastapronmīlannalinamadayoreva padayoḥ ||74||
svabhāvādanyonyaṃ kisalayamapīdaṃ tava padaṃ
mradimnā śoṇimnā bhagavati dadhāte sadṛśatām |
vane pūrvasyecchā satatamavane kiṃ tu jagatāṃ
parasyetthaṃ bhedaḥ sphurati hṛdi kāmākṣi sudhiyām ||75||
kathaṃ vācālo'pi prakaṭamaṇimañjīraninadaiḥ
sadaivānandārdrānviracayati vācaṃyamajanān |
prakṛtyā te śoṇacchavirapi ca kāmākṣi caraṇo
manīṣānairmalyaṃ kathamiva nṛṇāṃ māṃsalayate ||76||
calattṛṣṇāvīcīparicalanaparyākulatayā
muhurbhrāntastāntaḥ paramaśivavāmākṣi paravān |
titīrṣuḥ kāmākṣi pracuratarakarmāmbudhimamuṃ
kadāhaṃ lapsye te caraṇamaṇisetuṃ girisute ||77||
viśuṣyantyāṃ prajñāsariti duritagrīṣmasamaya-
prabhāveṇa kṣīṇe sati mama manaḥkekini śucā |
tvadīyaḥ kāmākṣi sphuritacaraṇāmbhodamahimā
nabhomāsāṭopaṃ nagapatisute kiṃ na kurute ||78||
vinamrāṇāṃ cetobhavanavalabhīsīmni caraṇa-
pradīpe prākāśyaṃ dadhati tava nirdhūtatamasi |
asīmā kāmākṣi svayamalaghuduṣkarmalaharī
vighūrṇantī śāntiṃ śalabhaparipāṭīva bhajate ||79||
virājantī śuktirnakhakiraṇamuktāmaṇitateḥ
vipatpāthorāśau tarirapi narāṇāṃ praṇamatām |
tvadīyaḥ kāmākṣi dhruvamalaghuvahnirbhavavane
munīnāṃ jñānāgneraraṇirayamaṅghirvijayate ||80||
samastaiḥ saṃsevyaḥ satatamapi kāmākṣi vibudhaiḥ
stuto gandharvastrīsulalitavipañcīkalaravaiḥ |
bhavatyā bhindāno bhavagirikulaṃ jṛmbhitatamo-
baladrohī mātaścaraṇapuruhūto vijayate ||81||
vasantaṃ bhaktānāmapi manasi nityaṃ parilasad-
ghanacchāyāpūrṇaṃ śucimapi nṛṇāṃ tāpaśamanam |
nakhendujyotsnābhiḥ śiśiramapi padmodayakaraṃ
namāmaḥ kāmākṣyāścaraṇamadhikāścaryakaraṇam ||82||
kavīndrāṇāṃ nānābhaṇitiguṇacitrīkṛtavacaḥ-
prapañcavyāpāraprakaṭanakalākauśalanidhiḥ |
adhaḥkurvannabjaṃ sanakabhṛgumukhyairmunijanaiḥ
namasyaḥ kāmākṣyāścaraṇaparameṣṭhī vijayate ||83||
bhavatyāḥ kāmākṣi sphuritapadapaṅkeruhabhuvāṃ
parāgāṇāṃ pūraiḥ parihṛtakalaṅkavyatikaraiḥ |
natānāmāmṛṣṭe hṛdayamukure nirmalaruci
prasanne niśśeṣaṃ pratiphalati viśvaṃ girisute ||84||
tava trastaṃ pādātkisalayamaraṇyāntaramagāt
paraṃ rekhārūpaṃ kamalamamumevāśritamabhūt |
jitānāṃ kāmākṣi dvitayamapi yuktaṃ paribhave
videśe vāso vā śaraṇagamanaṃ vā nijaripoḥ ||85||
gṛhītvā yāthārthyaṃ nigamavacasāṃ deśikakṛpā-
kaṭākṣarkajyotiśśamitamamatābandhatamasaḥ |
yatante kāmākṣi pratidivasamantardraḍhayituṃ
tvadīyaṃ pādābjaṃ sukṛtaparipākena sujanāḥ ||86||
jaḍānāmapyamba smaraṇasamaye tavaccaraṇayoḥ
bhramanmanthakṣmābhṛddhumughumitasindhupratibhaṭāḥ |
prasannāḥ kāmākṣi prasabhamadharaspandanakarā
bhavanti svacchandaṃ prakṛtiparipakkā bhaṇitayaḥ ||87||
vahannapyaśrāntaṃ madhuraninadaṃ haṃsakamasau
tamevādhaḥ kartuṃ kimiva yatate keligamane |
bhavasyaivānandaṃ vidadhadapi kāmākṣi caraṇo
bhavatyāstaddrohaṃ bhagavati kimevaṃ vitanute ||88||
yadatyantaṃ tāmyatyalasagativārtāsvapi śive
tadetatkāmākṣi prakṛtimṛdulaṃ te padayugam |
kirīṭaiḥ saṅghaṭṭaṃ kathamiva suraughasya sahate
munīndrāṇāmāste manasi ca kathaṃ sūciniśite ||89||
manoraṅge matke vibudhajanasammodajananī
sarāgavyāsaṅgaṃ sarasamṛdusañcārasubhagā |
manojñā kāmākṣi prakaṭayatu lāsyaprakaraṇaṃ
raṇanmañjīrā te caraṇayugalīnartakavadhūḥ ||90||
pariṣkurvanmātaḥ paśupatikapardaṃ caraṇarāṭ
parācāṃ hṛtpadmaṃ paramabhaṇitīnāṃ ca makuṭam |
bhavākhye pāthodhau pariharatu kāmākṣi mamatā-
parādhīnatvaṃ me parimuṣitapāthojamahimā ||91||
prasūnaiḥ samparkādamarataruṇīkuntalabhavaiḥ
abhīṣṭānāṃ dānādaniśamapi kāmākṣi namatām |
svasaṅgātkaṅkeliprasavajanakatvena ca śive
tridhā dhatte vārtāṃ surabhiriti pādo girisute ||92||
mahāmohastenavyatikarabhayātpālayati yo
vinikṣiptaṃ svasminnijajanamanoratnamaniśam |
sa rāgasyodrekātsatatamapi kāmākṣi tarasā
kimevaṃ pādo'sau kisalayaruciṃ corayati te ||93||
sadā svāduṅkāraṃ viṣayalaharīśālikaṇikāṃ
samāsvādya śrāntaṃ hṛdayaśukapotaṃ janani me |
kṛpājāle phālekṣaṇamahiṣi kāmākṣi rabhasāt
gṛhītvā rundhīthārastava padayugīpañjarapuṭe ||94||
dhunānaṃ kāmākṣi smaraṇalavamātreṇa jaḍima-
jvaraprauḍhiṃ gūḍhasthiti nigamanaikuñjakuhare |
alabhyaṃ sarveṣāṃ katicana labhante sukṛtinaḥ
cirādanviṣyantastava caraṇasiddhauṣadhamidam ||95||
raṇanmañjīrābhyāṃ lalitagamanābhyāṃ sukṛtināṃ
manovāstavyābhyāṃ mathitatimirābhyāṃ nakharucā |
nidheyābhyāṃ patyā nijaśirasi kāmākṣi satataṃ
namaste pādābhyāṃ nalinamṛdulābhyāṃ girisute ||96||
surāge rākendupratinidhimukhe parvatasute
cirāllabhye bhaktyā śamadhanajanānāṃ pariṣadā |
manobhṛṅgo matkaḥ padakamalayugme janani te
prakāmaṃ kāmākṣi tripuraharavāmākṣi ramatām ||97||
śive saṃvidrūpe śaśiśakalacūḍapriyatame
śanairgatyāgatyā jitasuravarebhe girisute |
yatante santaste caraṇanalinālānayugale
sadā baddhaṃ cittapramadakariyūthaṃ dṛḍhataram ||98||
yaśaḥ sūte mātarmadhurakavitāṃ pakṣmalayate
śriyaṃ datte citte kamapi paripākaṃ prathayate |
satāṃ pāśagranthiṃ śithilayati kiṃ kiṃ na kurute
prapanne kāmākṣyāḥ praṇatiparipāṭī caraṇayoḥ ||99||
manīṣāṃ māhendrīṃ kakubhamiva te kāmapi daśāṃ
pradhatte kāmākṣyāścaraṇataruṇādityakiraṇaḥ |
yadīye samparke dhṛtarasamarandā kavayatāṃ
parīpākaṃ dhatte parimalavatī sūktinalinī ||100||
purā mārārātiḥ puramajayadamba stavaśataiḥ
prasannāyāṃ satyāṃ tvayi tuhinaśailendratanaye |
ataste kāmākṣi sphuratu tarasā kālasamaye
samāyāte mātarmama manasi pādābjayugalam ||101||
padadvandvaṃ mandaṃ gatiṣu nivasantaṃ hṛdi satāṃ
girāmante bhrāntaṃ kṛtakarahitānāṃ paribṛḍhe |
janānāmānandaṃ janani janayantaṃ praṇamatāṃ
tvadīyaṃ kāmākṣi pratidinamahaṃ naumi vimalam ||102||
idaṃ yaḥ kāmākṣyāścaraṇanalinastotraśatakaṃ
japennityaṃ bhaktyā nikhilajagadāhlādajanakam |
sa viśveṣāṃ vandyaḥ sakalakavilokaikatilakaḥ
ciraṃ bhuktvā bhogānpariṇamati cidrūpakalayā ||103||
|| iti pādāravindaśatakaṃ sampūrṇam ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.