ਬਧ੍ਨੀਮੋ ਵਯਮਞ੍ਜਲਿਂ ਪ੍ਰਤਿਦਿਨਂ ਬਨ੍ਧਚ੍ਛਿਦੇ ਦੇਹਿਨਾਂ
ਕਨ੍ਦਰ੍ਪਾਗਮਤਨ੍ਤ੍ਰਮੂਲਗੁਰਵੇ ਕਲ੍ਯਾਣਕੇਲੀਭੁਵੇ ।
ਕਾਮਾਕ੍ष੍ਯਾ ਘਨਸਾਰਪੁਞ੍ਜਰਜਸੇ ਕਾਮਦ੍ਰੁਹਸ਼੍ਚਕ੍षੁषਾਂ
ਮਨ੍ਦਾਰਸ੍ਤਬਕਪ੍ਰਭਾਮਦਮੁषੇ ਮਨ੍ਦਸ੍ਮਿਤਜ੍ਯੋਤਿषੇ ॥1॥
ਸਧ੍ਰੀਚੇ ਨਵਮਲ੍ਲਿਕਾਸੁਮਨਸਾਂ ਨਾਸਾਗ੍ਰਮੁਕ੍ਤਾਮਣੇ-
ਰਾਚਾਰ੍ਯਾਯ ਮृਣਾਲਕਾਣ੍ਡਮਹਸਾਂ ਨੈਸਰ੍ਗਿਕਾਯ ਦ੍ਵਿषੇ ।
ਸ੍ਵਰ੍ਧੁਨ੍ਯਾ ਸਹ ਯੁਧ੍ਵੇਨ ਹਿਮਰੁਚੇਰਰ੍ਧਾਸਨਾਧ੍ਯਾਸਿਨੇ
ਕਾਮਾਕ੍ष੍ਯਾਃ ਸ੍ਮਿਤਮਞ੍ਜਰੀਧਵਲਿਮਾਦ੍ਵੈਤਾਯ ਤਸ੍ਮੈ ਨਮਃ ॥2॥
ਕਰ੍ਪੂਰਦ੍ਯੁਤਿਚਾਤੁਰੀਮਤਿਤਰਾਮਲ੍ਪੀਯਸੀਂ ਕੁਰ੍ਵਤੀ
ਦੌਰ੍ਭਾਗ੍ਯੋਦਯਮੇਵ ਸਂਵਿਦਧਤੀ ਦੌषਾਕਰੀਣਾਂ ਤ੍ਵਿषਾਮ੍ ।
ਕ੍षੁਲ੍ਲਾਨੇਵ ਮਨੋਜ੍ਞਮਲ੍ਲਿਨਿਕਰਾਨ੍ਫੁਲ੍ਲਾਨਪਿ ਵ੍ਯਞ੍ਜਤੀ
ਕਾਮਾਕ੍ष੍ਯਾ ਮृਦੁਲਸ੍ਮਿਤਾਂਸ਼ੁਲਹਰੀ ਕਾਮਪ੍ਰਸੂਰਸ੍ਤੁ ਮੇ ॥3॥
ਯਾ ਪੀਨਸ੍ਤਨਮਣ੍ਡਲੋਪਰਿ ਲਸਤ੍ਕਰ੍ਪੂਰਲੇਪਾਯਤੇ
ਯਾ ਨੀਲੇਕ੍षਣਰਾਤ੍ਰਿਕਾਨ੍ਤਿਤਤਿषੁ ਜ੍ਯੋਤ੍ਸ੍ਨਾਪ੍ਰਰੋਹਾਯਤੇ ।
ਯਾ ਸੌਨ੍ਦਰ੍ਯਧੁਨੀਤਰਙ੍ਗਤਤਿषੁ ਵ੍ਯਾਲੋਲਹਂਸਾਯਤੇ
ਕਾਮਾਕ੍ष੍ਯਾਃ ਸ਼ਿਸ਼ਿਰੀਕਰੋਤੁ ਹृਦਯਂ ਸਾ ਮੇ ਸ੍ਮਿਤਪ੍ਰਾਚੁਰੀ ॥4॥
ਯੇषਾਂ ਗਚ੍ਛਤਿ ਪੂਰ੍ਵਪਕ੍षਸਰਣਿਂ ਕੌਮੁਦ੍ਵਤਃ ਸ਼੍ਵੇਤਿਮਾ
ਯੇषਾਂ ਸਨ੍ਤਤਮਾਰੁਰੁਕ੍षਤਿ ਤੁਲਾਕਕ੍ष੍ਯਾਂ ਸ਼ਰਚ੍ਚਨ੍ਦ੍ਰਮਾਃ ।
ਯੇषਾਮਿਚ੍ਛਤਿ ਕਮ੍ਬੁਰਪ੍ਯਸੁਲਭਾਮਨ੍ਤੇਵਸਤ੍ਪ੍ਰਕ੍ਰਿਯਾਂ
ਕਾਮਾਕ੍ष੍ਯਾ ਮਮਤਾਂ ਹਰਨ੍ਤੁ ਮਮ ਤੇ ਹਾਸਤ੍ਵਿषਾਮਙ੍ਕੁਰਾਃ ॥5॥
ਆਸ਼ਾਸੀਮਸੁ ਸਨ੍ਤਤਂ ਵਿਦਧਤੀ ਨੈਸ਼ਾਕਰੀਂ ਵ੍ਯਾਕ੍ਰਿਯਾਂ
ਕਾਸ਼ਾਨਾਮਭਿਮਾਨਭਙ੍ਗਕਲਨਾਕੌਸ਼ਲ੍ਯਮਾਬਿਭ੍ਰਤੀ ।
ਈਸ਼ਾਨੇਨ ਵਿਲੋਕਿਤਾ ਸਕੁਤੁਕਂ ਕਾਮਾਕ੍षਿ ਤੇ ਕਲ੍ਮष-
ਕ੍ਲੇਸ਼ਾਪਾਯਕਰੀ ਚਕਾਸ੍ਤਿ ਲਹਰੀ ਮਨ੍ਦਸ੍ਮਿਤਜ੍ਯੋਤਿषਾਮ੍ ॥6॥
ਆਰੂਢਸ੍ਯ ਸਮੁਨ੍ਨਤਸ੍ਤਨਤਟੀਸਾਮ੍ਰਾਜ੍ਯਸਿਂਹਾਸਨਂ
ਕਨ੍ਦਰ੍ਪਸ੍ਯ ਵਿਭੋਰ੍ਜਗਤ੍ਤ੍ਰਯਪ੍ਰਾਕਟ੍ਯਮੁਦ੍ਰਾਨਿਧੇਃ ।
ਯਸ੍ਯਾਸ਼੍ਚਾਮਰਚਾਤੁਰੀਂ ਕਲਯਤੇ ਰਸ਼੍ਮਿਚ੍ਛਟਾ ਚਞ੍ਚਲਾ
ਸਾ ਮਨ੍ਦਸ੍ਮਿਤਮਞ੍ਜਰੀ ਭਵਤੁ ਨਃ ਕਾਮਾਯ ਕਾਮਾਕ੍षਿ ਤੇ ॥7॥
ਸ਼ਮ੍ਭੋਰ੍ਯਾ ਪਰਿਰਮ੍ਭਸਮ੍ਭ੍ਰਮਵਿਧੌ ਨੈਰ੍ਮਲ੍ਯਸੀਮਾਨਿਧਿਃ
ਗੈਰ੍ਵਾਣੀਵ ਤਰਙ੍ਗਿਣੀ ਕृਤਮृਦੁਸ੍ਯਨ੍ਦਾਂ ਕਲਿਨ੍ਦਾਤ੍ਮਜਾਮ੍ ।
ਕਲ੍ਮਾषੀਕੁਰੁਤੇ ਕਲਙ੍ਕਸੁषਮਾਂ ਕਣ੍ਠਸ੍ਥਲੀਚੁਮ੍ਬਿਨੀਂ
ਕਾਮਾਕ੍ष੍ਯਾਃ ਸ੍ਮਿਤਕਨ੍ਦਲੀ ਭਵਤੁ ਨਃ ਕਲ੍ਯਾਣਸਨ੍ਦੋਹਿਨੀ ॥8॥
ਜੇਤੁਂ ਹਾਰਲਤਾਮਿਵ ਸ੍ਤਨਤਟੀਂ ਸਞ੍ਜਗ੍ਮੁषੀ ਸਨ੍ਤਤਂ
ਗਨ੍ਤੁਂ ਨਿਰ੍ਮਲਤਾਮਿਵ ਦ੍ਵਿਗੁਣਿਤਾਂ ਮਗ੍ਨਾ ਕृਪਾਸ੍ਤ੍ਰੋਤਸਿ ।
ਲਬ੍ਧੁਂ ਵਿਸ੍ਮਯਨੀਯਤਾਮਿਵ ਹਰਂ ਰਾਗਾਕੁਲਂ ਕੁਰ੍ਵਤੀ
ਮਞ੍ਜੁਸ੍ਤੇ ਸ੍ਮਿਤਮਞ੍ਜਰੀ ਭਵਭਯਂ ਮਥ੍ਨਾਤੁ ਕਾਮਾਕ੍षਿ ਮੇ ॥9॥
ਸ਼੍ਵੇਤਾਪਿ ਪ੍ਰਕਟਂ ਨਿਸ਼ਾਕਰਰੁਚਾਂ ਮਾਲਿਨ੍ਯਮਾਤਨ੍ਵਤੀ
ਸ਼ੀਤਾਪਿ ਸ੍ਮਰਪਾਵਕਂ ਪਸ਼ੁਪਤੇਃ ਸਨ੍ਧੁਕ੍षਯਨ੍ਤੀ ਸਦਾ ।
ਸ੍ਵਾਭਾਵ੍ਯਾਦਧਰਾਸ਼੍ਰਿਤਾਪਿ ਨਮਤਾਮੁਚ੍ਚੈਰ੍ਦਿਸ਼ਨ੍ਤੀ ਗਤਿਂ
ਕਾਮਾਕ੍षਿ ਸ੍ਫੁਟਮਨ੍ਤਰਾ ਸ੍ਫੁਰਤੁ ਨਸ੍ਤ੍ਵਨ੍ਮਨ੍ਦਹਾਸਪ੍ਰਭਾ ॥10॥
ਵਕ੍ਤ੍ਰਸ਼੍ਰੀਸਰਸੀਜਲੇ ਤਰਲਿਤਭ੍ਰੂਵਲ੍ਲਿਕਲ੍ਲੋਲਿਤੇ
ਕਾਲਿਮ੍ਨਾ ਦਧਤੀ ਕਟਾਕ੍षਜਨੁषਾ ਮਾਧੁਵ੍ਰਤੀਂ ਵ੍ਯਾਪृਤਿਮ੍ ।
ਨਿਰ੍ਨਿਦ੍ਰਾਮਲਪੁਣ੍ਡਰੀਕਕੁਹਨਾਪਾਣ੍ਡਿਤ੍ਯਮਾਬਿਭ੍ਰਤੀ
ਕਾਮਾਕ੍ष੍ਯਾਃ ਸ੍ਮਿਤਚਾਤੁਰੀ ਮਮ ਮਨਃ ਕਾਤਰ੍ਯਮੁਨ੍ਮੂਲਯੇਤ੍ ॥11॥
ਨਿਤ੍ਯਂ ਬਾਧਿਤਬਨ੍ਧੁਜੀਵਮਧਰਂ ਮੈਤ੍ਰੀਜੁषਂ ਪਲ੍ਲਵੈਃ
ਸ਼ੁਦ੍ਧਸ੍ਯ ਦ੍ਵਿਜਮਣ੍ਡਲਸ੍ਯ ਚ ਤਿਰਸ੍ਕਰ੍ਤਾਰਮਪ੍ਯਾਸ਼੍ਰਿਤਾ ।
ਯਾ ਵੈਮਲ੍ਯਵਤੀ ਸਦੈਵ ਨਮਤਾਂ ਚੇਤਃ ਪੁਨੀਤੇਤਰਾਂ
ਕਾਮਾਕ੍ष੍ਯਾ ਹृਦਯਂ ਪ੍ਰਸਾਦਯਤੁ ਮੇ ਸਾ ਮਨ੍ਦਹਾਸਪ੍ਰਭਾ ॥12॥
ਦ੍ਰੁਹ੍ਯਨ੍ਤੀ ਤਮਸੇ ਮੁਹੁਃ ਕੁਮੁਦਿਨੀਸਾਹਾਯ੍ਯਮਾਬਿਭ੍ਰਤੀ
ਯਾਨ੍ਤੀ ਚਨ੍ਦ੍ਰਕਿਸ਼ੋਰਸ਼ੇਖਰਵਪੁਃਸੌਧਾਙ੍ਗਣੇ ਪ੍ਰੇਙ੍ਖਣਮ੍ ।
ਜ੍ਞਾਨਾਮ੍ਭੋਨਿਧਿਵੀਚਿਕਾਂ ਸੁਮਨਸਾਂ ਕੂਲਙ੍ਕषਾਂ ਕੁਰ੍ਵਤੀ
ਕਾਮਾਕ੍ष੍ਯਾਃ ਸ੍ਮਿਤਕੌਮੁਦੀ ਹਰਤੁ ਮੇ ਸਂਸਾਰਤਾਪੋਦਯਮ੍ ॥13॥
ਕਾਸ਼੍ਮੀਰਦ੍ਰਵਧਾਤੁਕਰ੍ਦਮਰੁਚਾ ਕਲ੍ਮਾषਤਾਂ ਬਿਭ੍ਰਤੀ
ਹਂਸੌਧੈਰਿਵ ਕੁਰ੍ਵਤੀ ਪਰਿਚਿਤਿਂ ਹਾਰੀਕृਤੈਰ੍ਮੌਕ੍ਤਿਕੈਃ ।
ਵਕ੍षੋਜਨ੍ਮਤੁषਾਰਸ਼ੈਲਕਟਕੇ ਸਞ੍ਚਾਰਮਾਤਨ੍ਵਤੀ
ਕਾਮਾਕ੍ष੍ਯਾ ਮृਦੁਲਸ੍ਮਿਤਦ੍ਯੁਤਿਮਯੀ ਭਾਗੀਰਥੀ ਭਾਸਤੇ ॥14॥
ਕਮ੍ਬੋਰ੍ਵਂਸ਼ਪਰਮ੍ਪਰਾ ਇਵ ਕृਪਾਸਨ੍ਤਾਨਵਲ੍ਲੀਭੁਵਃ
ਸਮ੍ਫੁਲ੍ਲਸ੍ਤਬਕਾ ਇਵ ਪ੍ਰਸृਮਰਾ ਮੂਰ੍ਤਾਃ ਪ੍ਰਸਾਦਾ ਇਵ ।
ਵਾਕ੍ਪੀਯੂषਕਣਾ ਇਵ ਤ੍ਰਿਪਥਗਾਪਰ੍ਯਾਯਭੇਦਾ ਇਵ
ਭ੍ਰਾਜਨ੍ਤੇ ਤਵ ਮਨ੍ਦਹਾਸਕਿਰਣਾਃ ਕਾਞ੍ਚੀਪੁਰੀਨਾਯਿਕੇ ॥15॥
ਵਕ੍षੋਜੇ ਘਨਸਾਰਪਤ੍ਰਰਚਨਾਭਙ੍ਗੀਸਪਤ੍ਨਾਯਿਤਾ
ਕਣ੍ਠੇ ਮੌਕ੍ਤਿਕਹਾਰਯष੍ਟਿਕਿਰਣਵ੍ਯਾਪਾਰਮੁਦ੍ਰਾਯਿਤਾ ।
ਓष੍ਠਸ਼੍ਰੀਨਿਕੁਰੁਮ੍ਬਪਲ੍ਲਵਪੁਟੇ ਪ੍ਰੇਙ੍ਖਤ੍ਪ੍ਰਸੂਨਾਯਿਤਾ
ਕਾਮਾਕ੍षਿ ਸ੍ਫੁਰਤਾਂ ਮਦੀਯਹृਦਯੇ ਤ੍ਵਨ੍ਮਨ੍ਦਹਾਸਪ੍ਰਭਾ ॥16॥
ਯੇषਾਂ ਬਿਨ੍ਦੁਰਿਵੋਪਰਿ ਪ੍ਰਚਲਿਤੋ ਨਾਸਾਗ੍ਰਮੁਕ੍ਤਾਮਣਿਃ
ਯੇषਾਂ ਦੀਨ ਇਵਾਧਿਕਣ੍ਠਮਯਤੇ ਹਾਰਃ ਕਰਾਲਮ੍ਬਨਮ੍ ।
ਯੇषਾਂ ਬਨ੍ਧੁਰਿਵੋष੍ਠਯੋਰਰੁਣਿਮਾ ਧਤ੍ਤੇ ਸ੍ਵਯਂ ਰਞ੍ਜਨਂ
ਕਾਮਾਕ੍ष੍ਯਾਃ ਪ੍ਰਭਵਨ੍ਤੁ ਤੇ ਮਮ ਸ਼ਿਵੋਲ੍ਲਾਸਾਯ ਹਾਸਾਙ੍ਕੁਰਾਃ ॥17॥
ਯਾ ਜਾਡ੍ਯਾਮ੍ਬੁਨਿਧਿਂ ਕ੍षਿਣੋਤਿ ਭਜਤਾਂ ਵੈਰਾਯਤੇ ਕੈਰਵੈਃ
ਨਿਤ੍ਯਂ ਯਾਂ ਨਿਯਮੇਨ ਯਾ ਚ ਯਤਤੇ ਕਰ੍ਤੁਂ ਤ੍ਰਿਣੇਤ੍ਰੋਤ੍ਸਵਮ੍ ।
ਬਿਮ੍ਬਂ ਚਾਨ੍ਦ੍ਰਮਸਂ ਚ ਵਞ੍ਚਯਤਿ ਯਾ ਗਰ੍ਵੇਣ ਸਾ ਤਾਦृਸ਼ੀ
ਕਾਮਾਕ੍षਿ ਸ੍ਮਿਤਮਞ੍ਜਰੀ ਤਵ ਕਥਂ ਜ੍ਯੋਤ੍ਸ੍ਨੇਤ੍ਯਸੌ ਕੀਰ੍ਤ੍ਯਤੇ ॥18॥
ਆਰੁਢਾ ਰਭਸਾਤ੍ਪੁਰਃ ਪੁਰਰਿਪੋਰਾਸ਼੍ਲੇषਣੋਪਕ੍ਰਮੇ
ਯਾ ਤੇ ਮਾਤਰੁਪੈਤਿ ਦਿਵ੍ਯਤਟਿਨੀਸ਼ਙ੍ਕਾਕਰੀ ਤਤ੍ਕ੍षਣਮ੍ ।
ਓष੍ਠੌ ਵੇਪਯਤਿ ਭ੍ਰੁਵੌ ਕੁਟਿਲਯਤ੍ਯਾਨਮ੍ਰਯਤ੍ਯਾਨਨਂ
ਤਾਂ ਵਨ੍ਦੇ ਮृਦੁਹਾਸਪੂਰਸੁषਮਾਮੇਕਾਮ੍ਰਨਾਥਪ੍ਰਿਯੇ ॥19॥
ਵਕ੍ਤ੍ਰੇਨ੍ਦੋਸ੍ਤਵ ਚਨ੍ਦ੍ਰਿਕਾ ਸ੍ਮਿਤਤਤਿਰ੍ਵਲ੍ਗੁ ਸ੍ਫੁਰਨ੍ਤੀ ਸਤਾਂ
ਸ੍ਯਾਚ੍ਚੇਦ੍ਯੁਕ੍ਤਿਮਿਦਂ ਚਕੋਰਮਨਸਾਂ ਕਾਮਾਕ੍षਿ ਕੌਤੂਹਲਮ੍ ।
ਏਤਚ੍ਚਿਤ੍ਰਮਹਰ੍ਨਿਸ਼ਂ ਯਦਧਿਕਾਮੇषਾ ਰੁਚਿਂ ਗਾਹਤੇ
ਬਿਮ੍ਬੋष੍ਠਦ੍ਯੁਮਣਿਪ੍ਰਭਾਸ੍ਵਪਿ ਚ ਯਦ੍ਬਿਬ੍ਬੋਕਮਾਲਮ੍ਬਤੇ ॥20॥
ਸਾਦृਸ਼੍ਯਂ ਕਲਸ਼ਾਮ੍ਬੁਧੇਰ੍ਵਹਤਿ ਯਤ੍ਕਾਮਾਕ੍षਿ ਮਨ੍ਦਸ੍ਮਿਤਂ
ਸ਼ੋਭਾਮੋष੍ਠਰੁਚਾਮ੍ਬ ਵਿਦ੍ਰੁਮਭਵਾਮੇਤਾਦ੍ਭਿਦਾਂ ਬ੍ਰੂਮਹੇ ।
ਏਕਸ੍ਮਾਦੁਦਿਤਂ ਪੁਰਾ ਕਿਲ ਪਪੌ ਸ਼ਰ੍ਵਃ ਪੁਰਾਣਃ ਪੁਮਾਨ੍
ਏਤਨ੍ਮਧ੍ਯਸਮੁਦ੍ਭਵਂ ਰਸਯਤੇ ਮਾਧੁਰ੍ਯਰੂਪਂ ਰਸਮ੍ ॥21॥
ਉਤ੍ਤੁਙ੍ਗਸ੍ਤਨਕੁਮ੍ਭਸ਼ੈਲਕਟਕੇ ਵਿਸ੍ਤਾਰਿਕਸ੍ਤੂਰਿਕਾ-
ਪਤ੍ਰਸ਼੍ਰੀਜੁषਿ ਚਞ੍ਚਲਾਃ ਸ੍ਮਿਤਰੁਚਃ ਕਾਮਾਕ੍षਿ ਤੇ ਕੋਮਲਾਃ ।
ਸਨ੍ਧ੍ਯਾਦੀਧਿਤਿਰਞ੍ਜਿਤਾ ਇਵ ਮੁਹੁਃ ਸਾਨ੍ਦ੍ਰਾਧਰਜ੍ਯੋਤਿषਾ
ਵ੍ਯਾਲੋਲਾਮਲਸ਼ਾਰਦਾਭ੍ਰਸ਼ਕਲਵ੍ਯਾਪਾਰਮਾਤਨ੍ਵਤੇ ॥22॥
ਕ੍षੀਰਂ ਦੂਰਤ ਏਵ ਤਿष੍ਠਤੁ ਕਥਂ ਵੈਮਲ੍ਯਮਾਤ੍ਰਾਦਿਦਂ
ਮਾਤਸ੍ਤੇ ਸਹਪਾਠਵੀਥਿਮਯਤਾਂ ਮਨ੍ਦਸ੍ਮਿਤੈਰ੍ਮਞ੍ਜੁਲੈਃ ।
ਕਿਂ ਚੇਯਂ ਤੁ ਭਿਦਾਸ੍ਤਿ ਦੋਹਨਵਸ਼ਾਦੇਕਂ ਤੁ ਸਞ੍ਜਾਯਤੇ
ਕਾਮਾਕ੍षਿ ਸ੍ਵਯਮਰ੍ਥਿਤਂ ਪ੍ਰਣਮਤਾਮਨ੍ਯਤ੍ਤੁ ਦੋਦੁਹ੍ਯਤੇ ॥23॥
ਕਰ੍ਪੂਰੈਰਮृਤੈਰ੍ਜਗਜ੍ਜਨਨਿ ਤੇ ਕਾਮਾਕ੍षਿ ਚਨ੍ਦ੍ਰਾਤਪੈਃ
ਮੁਕ੍ਤਾਹਾਰਗੁਣੈਰ੍ਮृਣਾਲਵਲਯੈਰ੍ਮੁਗ੍ਧਸ੍ਮਿਤਸ਼੍ਰੀਰਿਯਮ੍ ।
ਸ਼੍ਰੀਕਾਞ੍ਚੀਪੁਰਨਾਯਿਕੇ ਸਮਤਯਾ ਸਂਸ੍ਤੂਯਤੇ ਸਜ੍ਜਨੈਃ
ਤਤ੍ਤਾਦृਙ੍ਮਮ ਤਾਪਸ਼ਾਨ੍ਤਿਵਿਧਯੇ ਕਿਂ ਦੇਵਿ ਮਨ੍ਦਾਯਤੇ ॥24॥
ਮਧ੍ਯੇਗਰ੍ਭਿਤਮਞ੍ਜੁਵਾਕ੍ਯਲਹਰੀਮਾਧ੍ਵੀਝਰੀਸ਼ੀਤਲਾ
ਮਨ੍ਦਾਰਸ੍ਤਬਕਾਯਤੇ ਜਨਨਿ ਤੇ ਮਨ੍ਦਸ੍ਮਿਤਾਂਸ਼ੁਚ੍ਛਟਾ ।
ਯਸ੍ਯਾ ਵਰ੍ਧਯਿਤੁਂ ਮੁਹੁਰ੍ਵਿਕਸਨਂ ਕਾਮਾਕ੍षਿ ਕਾਮਦ੍ਰੁਹੋ
ਵਲ੍ਗੁਰ੍ਵੀਕ੍षਣਵਿਭ੍ਰਮਵ੍ਯਤਿਕਰੋ ਵਾਸਨ੍ਤਮਾਸਾਯਤੇ ॥25॥
ਬਿਮ੍ਬੋष੍ਠਦ੍ਯੁਤਿਪੁਞ੍ਜਰਞ੍ਜਿਤਰੁਚਿਸ੍ਤ੍ਵਨ੍ਮਨ੍ਦਹਾਸਚ੍ਛਟਾ ।
ਕਲ੍ਯਾਣਂ ਗਿਰਿਸਾਰ੍ਵਭੌਮਤਨਯੇ ਕਲ੍ਲੋਲਯਤ੍ਵਾਸ਼ੁ ਮੇ ।
ਫੁਲ੍ਲਨ੍ਮਲ੍ਲਿਪਿਨਦ੍ਧਹਲ੍ਲਕਮਯੀ ਮਾਲੇਵ ਯਾ ਪੇਸ਼ਲਾ
ਸ਼੍ਰੀਕਾਞ੍ਚੀਸ਼੍ਵਰਿ ਮਾਰਮਰ੍ਦਿਤੁਰੁਰੋਮਧ੍ਯੇ ਮੁਹੁਰ੍ਲਮ੍ਬਤੇ ॥26॥
ਬਿਭ੍ਰਾਣਾ ਸ਼ਰਦਭ੍ਰਵਿਭ੍ਰਮਦਸ਼ਾਂ ਵਿਦ੍ਯੋਤਮਾਨਾਪ੍ਯਸੋ
ਕਾਮਾਕ੍षਿ ਸ੍ਮਿਤਮਞ੍ਜਰੀ ਕਿਰਤਿ ਤੇ ਕਾਰੁਣ੍ਯਧਾਰਾਰਸਮ੍ ।
ਆਸ਼੍ਚਰ੍ਯਂ ਸ਼ਿਸ਼ਿਰੀਕਰੋਤਿ ਜਗਤੀਸ਼੍ਚਾਲੋਕ੍ਯ ਚੈਨਾਮਹੋ
ਕਾਮਂ ਖੇਲਤਿ ਨੀਲਕਣ੍ਠਹृਦਯਂ ਕੌਤੂਹਲਾਨ੍ਦੋਲਿਤਮ੍ ॥27॥
ਪ੍ਰੇਙ੍ਖਤ੍ਪ੍ਰੌਢਕਟਾਕ੍षਕੁਞ੍ਜਕੁਹਰੇष੍ਵਤ੍ਯਚ੍ਛਗੁਚ੍ਛਾਯਿਤਂ
ਵਕ੍ਤ੍ਰੇਨ੍ਦੁਚ੍ਛਵਿਸਿਨ੍ਧੁਵੀਚਿਨਿਚਯੇ ਫੇਨਪ੍ਰਤਾਨਾਯਿਤਮ੍ ।
ਨੈਰਨ੍ਤਰ੍ਯਵਿਜृਮ੍ਭਿਤਸ੍ਤਨਤਟੇ ਨੈਚੋਲਪਟ੍ਟਾਯਿਤਂ
ਕਾਲੁष੍ਯਂ ਕਬਲੀਕਰੋਤੁ ਮਮ ਤੇ ਕਾਮਾਕ੍षਿ ਮਨ੍ਦਸ੍ਮਿਤਮ੍ ॥28॥
ਪੀਯੂषਂ ਤਵ ਮਨ੍ਥਰਸ੍ਮਿਤਮਿਤਿ ਵ੍ਯਰ੍ਥੈਵ ਸਾਪਪ੍ਰਥਾ
ਕਾਮਾਕ੍षਿ ਧ੍ਰੁਵਮੀਦृਸ਼ਂ ਯਦਿ ਭਵੇਦੇਤਤ੍ਕਥਂ ਵਾ ਸ਼ਿਵੇ ।
ਮਨ੍ਦਾਰਸ੍ਯ ਕਥਾਲਵਂ ਨ ਸਹਤੇ ਮਥ੍ਨਾਤਿ ਮਨ੍ਦਾਕਿਨੀ-
ਮਿਨ੍ਦੁਂ ਨਿਨ੍ਦਤਿ ਕੀਰ੍ਤਿਤੇऽਪਿ ਕਲਸ਼ੀਪਾਥੋਧਿਮੀਰ੍ष੍ਯਾਯਤੇ ॥29॥
ਵਿਸ਼੍ਵੇषਾਂ ਨਯਨੋਤ੍ਸਵਂ ਵਿਤਨੁਤਾਂ ਵਿਦ੍ਯੋਤਤਾਂ ਚਨ੍ਦ੍ਰਮਾ
ਵਿਖ੍ਯਾਤੋ ਮਦਨਾਨ੍ਤਕੇਨ ਮੁਕੁਟੀਮਧ੍ਯੇ ਚ ਸਮ੍ਮਾਨ੍ਯਤਾਮ੍ ।
ਆਃ ਕਿਂ ਜਾਤਮਨੇਨ ਹਾਸਸੁषਮਾਮਾਲੋਕ੍ਯ ਕਾਮਾਕ੍षਿ ਤੇ
ਕਾਲਙ੍ਕੀਮਵਲਮ੍ਬਤੇ ਖਲੁ ਦਸ਼ਾਂ ਕਲ੍ਮਾषਹੀਨੋऽਪ੍ਯਸੌ ॥30॥
ਚੇਤਃ ਸ਼ੀਤਲਯਨ੍ਤੁ ਨਃ ਪਸ਼ੁਪਤੇਰਾਨਨ੍ਦਜੀਵਾਤਵੋ
ਨਮ੍ਰਾਣਾਂ ਨਯਨਾਧ੍ਵਸੀਮਸੁ ਸ਼ਰਚ੍ਚਨ੍ਦ੍ਰਾਤਪੋਪਕ੍ਰਮਾਃ ।
ਸਂਸਾਰਾਖ੍ਯਸਰੋਰੁਹਾਕਰਖਲੀਕਾਰੇ ਤੁषਾਰੋਤ੍ਕਰਾਃ
ਕਾਮਾਕ੍षਿ ਸ੍ਮਰਕੀਰ੍ਤਿਬੀਜਨਿਕਰਾਸ੍ਤ੍ਵਨ੍ਮਨ੍ਦਹਾਸਾਙ੍ਕੁਰਾਃ ॥31॥
ਕਰ੍ਮੌਘਾਖ੍ਯਤਮਃਕਚਾਕਚਿਕਰਾਨ੍ਕਾਮਾਕ੍षਿ ਸਞ੍ਚਿਨ੍ਤਯੇ
ਤ੍ਵਨ੍ਮਨ੍ਦਸ੍ਮਿਤਰੋਚਿषਾਂ ਤ੍ਰਿਭੁਵਨਕ੍षੇਮਙ੍ਕਰਾਨਙ੍ਕੁਰਾਨ੍ ।
ਯੇ ਵਕ੍ਤ੍ਰਂ ਸ਼ਿਸ਼ਿਰਸ਼੍ਰਿਯੋ ਵਿਕਸਿਤਂ ਚਨ੍ਦ੍ਰਾਤਪਾਮ੍ਭੋਰੁਹ-
ਦ੍ਵੇषੋਦ੍ਧੇषੋਣਚਾਤੁਰੀਮਿਵ ਤਿਰਸ੍ਕਰ੍ਤੁਂ ਪਰਿष੍ਕੁਰ੍ਵਤੇ ॥32॥
ਕੁਰ੍ਯੁਰ੍ਨਃ ਕੁਲਸ਼ੈਲਰਾਜਤਨਯੇ ਕੂਲਙ੍ਕषਂ ਮਙ੍ਗਲਂ
ਕੁਨ੍ਦਸ੍ਪਰ੍ਧਨਚੁਞ੍ਚਵਸ੍ਤਵ ਸ਼ਿਵੇ ਮਨ੍ਦਸ੍ਮਿਤਪ੍ਰਕ੍ਰਮਾਃ ।
ਯੇ ਕਾਮਾਕ੍षਿ ਸਮਸ੍ਤਸਾਕ੍षਿਨਯਨਂ ਸਨ੍ਤੋषਯਨ੍ਤੀਸ਼੍ਵਰਂ
ਕਰ੍ਪੂਰਪ੍ਰਕਰਾ ਇਵ ਪ੍ਰਸृਮਰਾਃ ਪੁਂਸਾਮਸਾਧਾਰਣਾਃ ॥33॥
ਕਮ੍ਰੇਣ ਸ੍ਨਪਯਸ੍ਵ ਕਰ੍ਮਕੁਹਨਾਚੋਰੇਣ ਮਾਰਾਗਮ-
ਵ੍ਯਾਖ੍ਯਾਸ਼ਿਕ੍षਣਦੀਕ੍षਿਤੇਨ ਵਿਦੁषਾਮਕ੍षੀਣਲਕ੍ष੍ਮੀਪੁषਾ ।
ਕਾਮਾਕ੍षਿ ਸ੍ਮਿਤਕਨ੍ਦਲੇਨ ਕਲੁषਸ੍ਫੋਟਕ੍ਰਿਯਾਚੁਞ੍ਚੁਨਾ
ਕਾਰੁਣ੍ਯਾਮृਤਵੀਚਿਕਾਵਿਹਰਣਪ੍ਰਾਚੁਰ੍ਯਧੁਰ੍ਯੇਣ ਮਾਮ੍ ॥34॥
ਤ੍ਵਨ੍ਮਨ੍ਦਸ੍ਮਿਤਕਨ੍ਦਲਸ੍ਯ ਨਿਯਤਂ ਕਾਮਾਕ੍षਿ ਸ਼ਙ੍ਕਾਮਹੇ
ਬਿਮ੍ਬਃ ਕਸ਼੍ਚਨ ਨੂਤਨਃ ਪ੍ਰਚਲਿਤੋ ਨੈਸ਼ਾਕਰਃ ਸ਼ੀਕਰਃ ।
ਕਿਞ੍ਚ ਕ੍षੀਰਪਯੋਨਿਧਿਃ ਪ੍ਰਤਿਨਿਧਿਃ ਸ੍ਵਰ੍ਵਾਹਿਨੀਵੀਚਿਕਾ-
ਬਿਬ੍ਵੋਕੋऽਪਿ ਵਿਡਮ੍ਬ ਏਵ ਕੁਹਨਾ ਮਲ੍ਲੀਮਤਲ੍ਲੀਰੁਚਃ ॥35॥
ਦੁष੍ਕਰ੍ਮਾਰ੍ਕਨਿਸਰ੍ਗਕਰ੍ਕਸ਼ਮਹਸ੍ਸਮ੍ਪਰ੍ਕਤਪਤਂ ਮਿਲ-
ਤ੍ਪਙ੍ਕਂ ਸ਼ਙ੍ਕਰਵਲ੍ਲਭੇ ਮਮ ਮਨਃ ਕਾਞ੍ਚੀਪੁਰਾਲਙ੍ਕ੍ਰਿਯੇ ।
ਅਮ੍ਬ ਤ੍ਵਨ੍ਮृਦੁਲਸ੍ਮਿਤਾਮृਤਰਸੇ ਮਙ੍ਕ੍ਤ੍ਵਾ ਵਿਧੂਯ ਵ੍ਯਥਾ-
ਮਾਨਨ੍ਦੋਦਯਸੌਧਸ਼ृਙ੍ਗਪਦਵੀਮਾਰੋਢੁਮਾਕਾਙ੍ਕ੍षਤਿ ॥36॥
ਨਮ੍ਰਾਣਾਂ ਨਗਰਾਜਸ਼ੇਖਰਸੁਤੇ ਨਾਕਾਲਯਾਨਾਂ ਪੁਰਃ
ਕਾਮਾਕ੍षਿ ਤ੍ਵਰਯਾ ਵਿਪਤ੍ਪ੍ਰਸ਼ਮੇਨ ਕਾਰੁਣ੍ਯਧਾਰਾਃ ਕਿਰਨ੍ ।
ਆਗਚ੍ਛਨ੍ਤਮਨੁਗ੍ਰਹਂ ਪ੍ਰਕਟਯਨ੍ਨਾਨਨ੍ਦਬੀਜਾਨਿ ਤੇ
ਨਾਸੀਰੇ ਮृਦੁਹਾਸ ਏਵ ਤਨੁਤੇ ਨਾਥੇ ਸੁਧਾਸ਼ੀਤਲਃ ॥37॥
ਕਾਮਾਕ੍षਿ ਪ੍ਰਥਮਾਨਵਿਭ੍ਰਮਨਿਧਿਃ ਕਨ੍ਦਰ੍ਪਦਰ੍ਪਪ੍ਰਸੂਃ
ਮੁਗ੍ਧਸ੍ਤੇ ਮृਦੁਹਾਸ ਏਵ ਗਿਰਿਜੇ ਮੁष੍ਣਾਤੁ ਮੇ ਕਿਲ੍ਬਿषਮ੍ ।
ਯਂ ਦ੍ਰष੍ਟੁਂ ਵਿਹਿਤੇ ਕਰਗ੍ਰਹ ਉਮੇ ਸ਼ਮ੍ਭੁਸ੍ਤ੍ਰਪਾਮੀਲਿਤਂ
ਸ੍ਵੈਰਂ ਕਾਰਯਤਿ ਸ੍ਮ ਤਾਣ੍ਡਵਵਿਨੋਦਾਨਨ੍ਦਿਨਾ ਤਣ੍ਡੁਨਾ ॥38॥
ਕ੍षੁਣ੍ਣਂ ਕੇਨਚਿਦੇਵ ਧੀਰਮਨਸਾ ਕੁਤ੍ਰਾਪਿ ਨਾਨਾਜਨੈਃ
ਕਰ੍ਮਗ੍ਰਨ੍ਥਿਨਿਯਨ੍ਤ੍ਰਿਤੈਰਸੁਗਮਂ ਕਾਮਾਕ੍षਿ ਸਾਮਾਨ੍ਯਤਃ ।
ਮੁਗ੍ਧੈਰ੍ਦ੍ਰੁष੍ਟੁਮਸ਼ਕ੍ਯਮੇਵ ਮਨਸਾ ਮੂਢਸਯ ਮੇ ਮੌਕ੍ਤਿਕਂ
ਮਾਰ੍ਗਂ ਦਰ੍ਸ਼ਯਤੁ ਪ੍ਰਦੀਪ ਇਵ ਤੇ ਮਨ੍ਦਸ੍ਮਿਤਸ਼੍ਰੀਰਿਯਮ੍ ॥39॥
ਜ੍ਯੋਤ੍ਸ੍ਨਾਕਾਨ੍ਤਿਭਿਰੇਵ ਨਿਰ੍ਮਲਤਰਂ ਨੈਸ਼ਾਕਰਂ ਮਣ੍ਡਲਂ
ਹਂਸੈਰੇਵ ਸ਼ਰਦ੍ਵਿਲਾਸਸਮਯੇ ਵ੍ਯਾਕੋਚਮਮ੍ਭੋਰੁਹਮ੍ ।
ਸ੍ਵਚ੍ਛੈਰੇਵ ਵਿਕਸ੍ਵਰੈਰੁਡੁਗੁਣੈਃ ਕਾਮਾਕ੍षਿ ਬਿਮ੍ਬਂ ਦਿਵਃ
ਪੁਣ੍ਯੈਰੇਵ ਮृਦੁਸ੍ਮਿਤੈਸ੍ਤਵ ਮੁਖਂ ਪੁष੍ਣਾਤਿ ਸ਼ੋਭਾਭਰਮ੍ ॥40॥
ਮਾਨਗ੍ਰਨ੍ਥਿਵਿਧੁਨ੍ਤੁਦੇਨ ਰਭਸਾਦਾਸ੍ਵਾਦ੍ਯਮਾਨੇ ਨਵ-
ਪ੍ਰੇਮਾਡਮ੍ਬਰਪੂਰ੍ਣਿਮਾਹਿਮਕਰੇ ਕਾਮਾਕ੍षਿ ਤੇ ਤਤ੍ਕ੍षਣਮ੍ ।
ਆਲੋਕ੍ਯ ਸ੍ਮਿਤਚਨ੍ਦ੍ਰਿਕਾਂ ਪੁਨਰਿਮਾਮੁਨ੍ਮੀਲਨਂ ਜਗ੍ਮੁषੀਂ
ਚੇਤਃ ਸ਼ੀਲਯਤੇ ਚਕੋਰਚਰਿਤਂ ਚਨ੍ਦ੍ਰਾਰ੍ਧਚੂਡਾਮਣੇਃ ॥41॥
ਕਾਮਾਕ੍षਿ ਸ੍ਮਿਤਮਞ੍ਜਰੀਂ ਤਵ ਭਜੇ ਯਸ੍ਯਾਸ੍ਤ੍ਵਿषਾਮਙ੍ਕੁਰਾ-
ਨਾਪੀਨਸ੍ਤਨਪਾਨਲਾਲਸਤਯਾ ਨਿਸ਼੍ਸ਼ਙ੍ਕਮਙ੍ਕੇਸ਼ਯਃ ।
ਊਰ੍ਧ੍ਵਂ ਵੀਕ੍ष੍ਯ ਵਿਕਰ੍षਤਿ ਪ੍ਰਸृਮਰਾਨੁਦ੍ਦਾਮਯਾ ਸ਼ੁਣ੍ਡਯਾ
ਸੂਨੁਸੁਤੇ ਬਿਸਸ਼ਙ੍ਕਯਾਸ਼ੁ ਕੁਹਨਾਦਨ੍ਤਾਵਲਗ੍ਰਾਮਣੀਃ ॥42॥
ਗਾਢਾਸ਼੍ਲੇषਵਿਮਰ੍ਦਸਮ੍ਭ੍ਰਮਵਸ਼ਾਦੁਦ੍ਦਾਮਮੁਕ੍ਤਾਗੁਣ-
ਪ੍ਰਾਲਮ੍ਬੇ ਕੁਚਕੁਮ੍ਭਯੋਰ੍ਵਿਗਲਿਤੇ ਦਕ੍षਦ੍ਵਿषੋ ਵਕ੍षਸਿ ।
ਯਾ ਸਖ੍ਯੇਨ ਪਿਨਹ੍ਯਤਿ ਪ੍ਰਚੁਰਯਾ ਭਾਸਾ ਤਦੀਯਾਂ ਦਸ਼ਾਂ
ਸਾ ਮੇ ਖੇਲਤੁ ਕਾਮਕੋਟਿ ਹृਦਯੇ ਸਾਨ੍ਦ੍ਰਸ੍ਮਿਤਾਂਸ਼ੁਚ੍ਛਟਾ ॥43॥
ਮਨ੍ਦਾਰੇ ਤਵ ਮਨ੍ਥਰਸ੍ਮਿਤਰੁਚਾਂ ਮਾਤ੍ਸਰ੍ਯਮਾਲੋਕ੍ਯਤੇ
ਕਾਮਾਕ੍षਿ ਸ੍ਮਰਸ਼ਾਸਨੇ ਚ ਨਿਯਤੋ ਰਾਗੋਦਯੋ ਲਕ੍ष੍ਯਤੇ ।
ਚਾਨ੍ਦ੍ਰੀषੁ ਦ੍ਯੁਤਿਮਞ੍ਜਰੀषੁ ਚ ਮਹਾਨ੍ਦ੍ਵੇषਾਙ੍ਕੁਰੋ ਦृਸ਼੍ਯਤੇ
ਸ਼ੁਦ੍ਧਾਨਾਂ ਕਥਮੀਦृਸ਼ੀ ਗਿਰਿਸੁਤੇऽਤਿਸ਼ੁਦ੍ਧਾ ਦਸ਼ਾ ਕਥ੍ਯਤਾਮ੍ ॥44॥
ਪੀਯੂषਂ ਖਲੁ ਪੀਯਤੇ ਸੁਰਜਨੈਰ੍ਦੁਗ੍ਧਾਮ੍ਬੁਧਿਰ੍ਮਥ੍ਯਤੇ
ਮਾਹੇਸ਼ੈਸ਼੍ਚ ਜਟਾਕਲਾਪਨਿਗਡੈਰ੍ਮਨ੍ਦਾਕਿਨੀ ਨਹ੍ਯਤੇ ।
ਸ਼ੀਤਾਂਸ਼ੁਃ ਪਰਿਭੂਯਤੇ ਚ ਤਮਸਾ ਤਸ੍ਮਾਦਨੇਤਾਦृਸ਼ੀ
ਕਾਮਾਕ੍षਿ ਸ੍ਮਿਤਮਞ੍ਜਰੀ ਤਵ ਵਚੋਵੈਦਗ੍ਧ੍ਯਮੁਲ੍ਲਙ੍ਘਤੇ ॥45॥
ਆਸ਼ਙ੍ਕੇ ਤਵ ਮਨ੍ਦਹਾਸਲਹਰੀਮਨ੍ਯਾਦृਸ਼ੀਂ ਚਨ੍ਦ੍ਰਿਕਾ-
ਮੇਕਾਮ੍ਰੇਸ਼ਕੁਟੁਮ੍ਬਿਨਿ ਪ੍ਰਤਿਪਦਂ ਯਸ੍ਯਾਃ ਪ੍ਰਭਾਸਙ੍ਗਮੇ ।
ਵਕ੍षੋਜਾਮ੍ਬੁਰੁਹੇ ਨ ਤੇ ਰਚਯਤਃ ਕਾਞ੍ਚਿਦ੍ਦਸ਼ਾਂ ਕੌਙ੍ਮਲੀ-
ਮਾਸ੍ਯਾਮ੍ਭੋਰੁਹਮਮ੍ਬ ਕਿਞ੍ਚ ਸ਼ਨਕੈਰਾਲਮ੍ਬਤੇ ਫੁਲ੍ਲਤਾਮ੍ ॥46॥
ਆਸ੍ਤੀਰ੍ਣਾਧਰਕਾਨ੍ਤਿਪਲ੍ਲਵਚਯੇ ਪਾਤਂ ਮੁਹੁਰ੍ਜਗ੍ਮੁषੀ
ਮਾਰਦ੍ਰੋਹਿਣਿ ਕਨ੍ਦਲਤ੍ਸ੍ਮਰਸ਼ਰਜ੍ਵਾਲਾਵਲੀਰ੍ਵ੍ਯਞ੍ਜਤੀ ।
ਨਿਨ੍ਦਨ੍ਤੀ ਘਨਸਾਰਹਾਰਵਲਯਜ੍ਯੋਤ੍ਸ੍ਨਾਮृਣਾਲਾਨਿ ਤੇ
ਕਾਮਾਕ੍षਿ ਸ੍ਮਿਤਚਾਤੁਰੀ ਵਿਰਹਿਣੀਰੀਤਿਂ ਜਗਾਹੇਤਰਾਮ੍ ॥47॥
ਸੂਰ੍ਯਾਲੋਕਵਿਧੌ ਵਿਕਾਸਮਧਿਕਂ ਯਾਨ੍ਤੀ ਹਰਨ੍ਤੀ ਤਮ-
ਸ੍ਸਨ੍ਦੋਹਂ ਨਮਤਾਂ ਨਿਜਸ੍ਮਰਣਤੋ ਦੋषਾਕਰਦ੍ਵੇषਿਣੀ ।
ਨਿਰ੍ਯਾਨ੍ਤੀ ਵਦਨਾਰਵਿਨ੍ਦਕੁਹਰਾਨ੍ਨਿਰ੍ਧੂਤਜਾਡ੍ਯਾ ਨृਣਾਂ
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਦ੍ਯੁਤਿਮਯੀ ਚਿਤ੍ਰੀਯਤੇ ਚਨ੍ਦ੍ਰਿਕਾ ॥48॥
ਕੁਣ੍ਠੀਕੁਰ੍ਯੁਰਮੀ ਕੁਬੋਧਘਟਨਾਮਸ੍ਮਨ੍ਮਨੋਮਾਥਿਨੀਂ
ਸ਼੍ਰੀਕਾਮਾਕ੍षਿ ਸ਼ਿਵਙ੍ਕਰਾਸ੍ਤਵ ਸ਼ਿਵੇ ਸ਼੍ਰੀਮਨ੍ਦਹਾਸਾਙ੍ਕੁਰਾਃ ।
ਯੇ ਤਨ੍ਵਨ੍ਤਿ ਨਿਰਨ੍ਤਰਂ ਤਰੁਣਿਮਸ੍ਤਮ੍ਬੇਰਮਗ੍ਰਾਮਣੀ-
ਕੁਮ੍ਭਦ੍ਵਨ੍ਦ੍ਵਵਿਡਮ੍ਬਿਨਿ ਸ੍ਤਨਤਟੇ ਮੁਕ੍ਤਾਕੁਥਾਡਮ੍ਬਰਮ੍ ॥49॥
ਪ੍ਰੇਙ੍ਖਨ੍ਤਃ ਸ਼ਰਦਮ੍ਬੁਦਾ ਇਵ ਸ਼ਨੈਃ ਪ੍ਰੇਮਾਨਿਲੈਃ ਪ੍ਰੇਰਿਤਾ
ਮਜ੍ਜਨ੍ਤੋ ਮਨ੍ਦਨਾਰਿਕਣ੍ਠਸੁषਮਾਸਿਨ੍ਧੌ ਮੁਹੁਰ੍ਮਨ੍ਥਰਮ੍ ।
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਾਂਸ਼ੁਨਿਕਰਾਃ ਸ਼੍ਯਾਮਾਯਮਾਨਸ਼੍ਰਿਯੋ
ਨੀਲਾਮ੍ਭੋਧਰਨੈਪੁਣੀਂ ਤਤ ਇਤੋ ਨਿਰ੍ਨਿਦ੍ਰਯਨ੍ਤ੍ਯਞ੍ਜਸਾ ॥50॥
ਵ੍ਯਾਪਾਰਂ ਚਤੁਰਾਨਨੈਕਵਿਹृਤੌ ਵ੍ਯਾਕੁਰ੍ਵਤੀ ਕੁਰ੍ਵਤੀ
ਰੁਦ੍ਰਾਕ੍षਗ੍ਰਹਣਂ ਮਹੇਸ਼ਿ ਸਤਤਂ ਵਾਗੂਰ੍ਮਿਕਲ੍ਲੋਲਿਤਾ ।
ਉਤ੍ਫੁਲ੍ਲਂ ਧਵਲਾਰਵਿਨ੍ਦਮਧਰੀਕृਤ੍ਯ ਸ੍ਫੁਰਨ੍ਤੀ ਸਦਾ
ਸ਼੍ਰੀਕਾਮਾਕ੍षਿ ਸਰਸ੍ਵਤੀ ਵਿਜਯਤੇ ਤ੍ਵਨ੍ਮਨ੍ਦਹਾਸਪ੍ਰਭਾ ॥51॥
ਕਰ੍ਪੂਰਦ੍ਯੁਤਿਤਸ੍ਕਰੇਣ ਮਹਸਾ ਕਲ੍ਮਾषਯਤ੍ਯਾਨਨਂ
ਸ਼੍ਰੀਕਾਞ੍ਚੀਪੁਰਨਾਯਿਕੇ ਪਤਿਰਿਵ ਸ਼੍ਰੀਮਨ੍ਦਹਾਸੋऽਪਿ ਤੇ ।
ਆਲਿਙ੍ਗਤ੍ਯਤਿਪੀਵਰਾਂ ਸ੍ਤਨਤਟੀਂ ਬਿਮ੍ਬਾਧਰਂ ਚੁਮ੍ਬਤਿ
ਪ੍ਰੌਢਂ ਰਾਗਭਰਂ ਵ੍ਯਨਕ੍ਤਿ ਮਨਸੋ ਧੈਰ੍ਯਂ ਧੁਨੀਤੇਤਰਾਮ੍ ॥52॥
ਵੈਸ਼ਦ੍ਯੇਨ ਚ ਵਿਸ਼੍ਵਤਾਪਹਰਣਕ੍ਰੀਡਾਪਟੀਯਸ੍ਤਯਾ
ਪਾਣ੍ਡਿਤ੍ਯੇਨ ਪਚੇਲਿਮੇਨ ਜਗਤਾਂ ਨੇਤ੍ਰੋਤ੍ਸਵੋਤ੍ਪਾਦੇਨ ।
ਕਾਮਾਕ੍षਿ ਸ੍ਮਿਤਕਨ੍ਦਲੈਸ੍ਤਵ ਤੁਲਾਮਾਰੋਢੁਮੁਦ੍ਯੋਗਿਨੀ
ਜ੍ਯੋਤ੍ਸ੍ਨਾਸੌ ਜਲਰਾਸ਼ਿਪੋषਣਤਯਾ ਦੂष੍ਯਾਂ ਪ੍ਰਪਨ੍ਨਾ ਦਸ਼ਾਮ੍ ॥53॥
ਲਾਵਣ੍ਯਾਮ੍ਬੁਜਿਨੀਮृਣਾਲਵਲਯੈਃ ਸ਼ृਙ੍ਗਾਰਗਨ੍ਧਦ੍ਵਿਪ-
ਗ੍ਰਾਮਣ੍ਯਃ ਸ਼੍ਰੁਤਿਚਾਮਰੈਸ੍ਤਰੁਣਿਮਸ੍ਵਾਰਾਜ੍ਯਤੇਜੋਙ੍ਕੁਰੈਃ ।
ਆਨਨ੍ਦਾਮृਤਸਿਨ੍ਧੁਵੀਚਿਪृषਤੈਰਾਸ੍ਯਾਬ੍ਜਹਂਸੈਸ੍ਤਵ
ਸ਼੍ਰੀਕਾਮਾਕ੍षਿ ਮਥਾਨ ਮਨ੍ਦਹਸਿਤੈਰ੍ਮਤ੍ਕਂ ਮਨਃਕਲ੍ਮषਮ੍ ॥54॥
ਉਤ੍ਤੁਙ੍ਗਸ੍ਤਨਮਣ੍ਡਲੀਪਰਿਚਲਨ੍ਮਾਣਿਕ੍ਯਹਾਰਚ੍ਛਟਾ-
ਚਞ੍ਚਚ੍ਛੋਣਿਮਪੁਞ੍ਜਮਧ੍ਯਸਰਣਿਂ ਮਾਤਃ ਪਰਿष੍ਕੁਰ੍ਵਤੀ ।
ਯਾ ਵੈਦਗ੍ਧ੍ਯਮੁਪੈਤਿ ਸ਼ਙ੍ਕਰਜਟਾਕਾਨ੍ਤਾਰਵਾਟੀਪਤ-
ਤ੍ਸ੍ਵਰ੍ਵਾਪੀਪਯਸਃ ਸ੍ਮਿਤਦ੍ਯੁਤਿਰਸੌ ਕਾਮਾਕ੍षਿ ਤੇ ਮਞ੍ਜੁਲਾ ॥55॥
ਸਨ੍ਨਾਮੈਕਜੁषਾ ਜਨੇਨ ਸੁਲਭਂ ਸਂਸੂਚਯਨ੍ਤੀ ਸ਼ਨੈ-
ਰੁਤ੍ਤੁਙ੍ਗਸ੍ਯ ਚਿਰਾਦਨੁਗ੍ਰਹਤਰੋਰੁਤ੍ਪਤ੍ਸ੍ਯਮਾਨਂ ਫਲਮ੍ ।
ਪ੍ਰਾਥਮ੍ਯੇਨ ਵਿਕਸ੍ਵਰਾ ਕੁਸੁਮਵਤ੍ਪ੍ਰਾਗਲ੍ਭ੍ਯਮਭ੍ਯੇਯੁषੀ
ਕਾਮਾਕ੍षਿ ਸ੍ਮਿਤਚਾਤੁਰੀ ਤਵ ਮਮ ਕ੍षੇਮਙ੍ਕਰੀ ਕਲ੍ਪਤਾਮ੍ ॥56॥
ਧਾਨੁष੍ਕਾਗ੍ਰਸਰਸ੍ਯ ਲੋਲਕੁਟਿਲਭ੍ਰੂਲੇਖਯਾ ਬਿਭ੍ਰਤੋ
ਲੀਲਾਲੋਕਸ਼ਿਲੀਮੁਖਂ ਨਵਵਯਸ੍ਸਾਮ੍ਰਾਜ੍ਯਲਕ੍ष੍ਮੀਪੁषਃ ।
ਜੇਤੁਂ ਮਨ੍ਮਥਮਰ੍ਦਿਨਂ ਜਨਨਿ ਤੇ ਕਾਮਾਕ੍षਿ ਹਾਸਃ ਸ੍ਵਯਂ
ਵਲ੍ਗੁਰ੍ਵਿਭ੍ਰਮਭੂਭृਤੋ ਵਿਤਨੁਤੇ ਸੇਨਾਪਤਿਪ੍ਰਕ੍ਰਿਯਾਮ੍ ॥57॥
ਯਨ੍ਨਾਕਮ੍ਪਤ ਕਾਲਕੂਟਕਬਲੀਕਾਰੇ ਚੁਚੁਮ੍ਬੇ ਨ ਯਦ੍-
ਗ੍ਲਾਨ੍ਯਾ ਚਕ੍षੁषਿ ਰੂषਿਤਾਨਲਸ਼ਿਖੇ ਰੁਦ੍ਰਸ੍ਯ ਤਤ੍ਤਾਦृਸ਼ਮ੍ ।
ਚੇਤੋ ਯਤ੍ਪ੍ਰਸਭਂ ਸ੍ਮਰਜ੍ਵਰਸ਼ਿਖਿਜ੍ਵਾਲੇਨ ਲੇਲਿਹ੍ਯਤੇ
ਤਤ੍ਕਾਮਾਕ੍षਿ ਤਵ ਸ੍ਮਿਤਾਂਸ਼ੁਕਲਿਕਾਹੇਲਾਭਵਂ ਪ੍ਰਾਭਵਮ੍ ॥58॥
ਸਮ੍ਭਿਨ੍ਨੇਵ ਸੁਪਰ੍ਵਲੋਕਤਟਿਨੀ ਵੀਚੀਚਯੈਰ੍ਯਾਮੁਨੈਃ
ਸਮ੍ਮਿਸ਼੍ਰੇਵ ਸ਼ਸ਼ਾਙ੍ਕਦੀਪ੍ਤਿਲਹਰੀ ਨੀਲੈਰ੍ਮਹਾਨੀਰਦੈਃ ।
ਕਾਮਾਕ੍षਿ ਸ੍ਫੁਰਿਤਾ ਤਵ ਸ੍ਮਿਤਰੁਚਿਃ ਕਾਲਾਞ੍ਜਨਸ੍ਪਰ੍ਧਿਨਾ
ਕਾਲਿਮ੍ਨਾ ਕਚਰੋਚਿषਾਂ ਵ੍ਯਤਿਕਰੇ ਕਾਞ੍ਚਿਦ੍ਦਸ਼ਾਮਸ਼੍ਨੁਤੇ ॥59॥
ਜਾਨੀਮੋ ਜਗਦੀਸ਼੍ਵਰਪ੍ਰਣਯਿਨਿ ਤ੍ਵਨ੍ਮਨ੍ਦਹਾਸਪ੍ਰਭਾਂ
ਸ਼੍ਰੀਕਾਮਾਕ੍षਿ ਸਰੋਜਿਨੀਮਭਿਨਵਾਮੇषਾ ਯਤਃ ਸਰ੍ਵਦਾ ।
ਆਸ੍ਯੇਨ੍ਦੋਰਵਲੋਕੇਨ ਪਸ਼ੁਪਤੇਰਭ੍ਯੇਤਿ ਸਮ੍ਫੁਲ੍ਲਤਾਂ
ਤਨ੍ਦ੍ਰਾਲੁਸ੍ਤਦਭਾਵ ਏਵ ਤਨੁਤੇ ਤਦ੍ਵੈਪਰੀਤ੍ਯਕ੍ਰਮਮ੍ ॥60॥
ਯਾਨ੍ਤੀ ਲੋਹਿਤਿਮਾਨਮਭ੍ਰਤਟਿਨੀ ਧਾਤੁਚ੍ਛਟਾਕਰ੍ਦਮੈਃ
ਭਾਨ੍ਤੀ ਬਾਲਗਭਸ੍ਤਿਮਾਲਿਕਿਰਣੈਰ੍ਮੇਘਾਵਲੀ ਸ਼ਾਰਦੀ ।
ਬਿਮ੍ਬੋष੍ਠਦ੍ਯੁਤਿਪੁਞ੍ਜਚੁਮ੍ਬਨਕਲਾਸ਼ੋਣਾਯਮਾਨੇਨ ਤੇ
ਕਾਮਾਕ੍षਿ ਸ੍ਮਿਤਰੋਚਿषਾ ਸਮਦਸ਼ਾਮਾਰੋਢੁਮਾਕਾਙ੍ਕ੍षਤੇ ॥61॥
ਸ਼੍ਰੀਕਾਮਾਕ੍षਿ ਮੁਖੇਨ੍ਦੁਭੂषਣਮਿਦਂ ਮਨ੍ਦਸ੍ਮਿਤਂ ਤਾਵਕਂ
ਨੇਤ੍ਰਾਨਨ੍ਦਕਰਂ ਤਥਾ ਹਿਮਕਰੋ ਗਚ੍ਛੇਦ੍ਯਥਾ ਤਿਗ੍ਮਤਾਮ੍ ।
ਸ਼ੀਤਂ ਦੇਵਿ ਤਥਾ ਯਥਾ ਹਿਮਜਲਂ ਸਨ੍ਤਾਪਮੁਦ੍ਰਾਸ੍ਪਦਂ
ਸ਼੍ਵੇਤਂ ਕਿਞ੍ਚ ਤਥਾ ਯਥਾ ਮਲਿਨਤਾਂ ਧਤ੍ਤੇ ਚ ਮੁਕ੍ਤਾਮਣਿਃ ॥62॥
ਤ੍ਵਨ੍ਮਨ੍ਦਸ੍ਮਿਤਮਞ੍ਜਰੀਂ ਪ੍ਰਸृਮਰਾਂ ਕਾਮਾਕ੍षਿ ਚਨ੍ਦ੍ਰਾਤਪਂ
ਸਨ੍ਤਃ ਸਨ੍ਤਤਮਾਮਨਨ੍ਤ੍ਯਮਲਤਾ ਤਲ੍ਲਕ੍षਣਂ ਲਕ੍ष੍ਯਤੇ ।
ਅਸ੍ਮਾਕਂ ਨ ਧੁਨੋਤਿ ਤਾਪਕਮਧਿਕਂ ਧੂਨੋਤਿ ਨਾਭ੍ਯਨ੍ਤਰਂ
ਧ੍ਵਾਨ੍ਤਂ ਤਤ੍ਖਲੁ ਦੁਃਖਿਨੋ ਵਯਮਿਦਂ ਕੇਨੋਤਿ ਨੋ ਵਿਦ੍ਮਹੇ ॥63॥
ਨਮ੍ਰਸ੍ਯ ਪ੍ਰਣਯਪ੍ਰਰੂਢਕਲਹਚ੍ਛੇਦਾਯ ਪਾਦਾਬ੍ਜਯੋਃ
ਮਨ੍ਦਂ ਚਨ੍ਦ੍ਰਕਿਸ਼ੋਰਸ਼ੇਖਰਮਣੇਃ ਕਾਮਾਕ੍षਿ ਰਾਗੇਣ ਤੇ ।
ਬਨ੍ਧੂਕਪ੍ਰਸਵਸ਼੍ਰਿਯਂ ਜਿਤਵਤੋ ਬਂਹੀਯਸੀਂ ਤਾਦृਸ਼ੀਂ
ਬਿਮ੍ਬੋष੍ਠਸ੍ਯ ਰੁਚਿਂ ਨਿਰਸ੍ਯ ਹਸਿਤਜ੍ਯੋਤ੍ਸ੍ਨਾ ਵਯਸ੍ਯਾਯਤੇ ॥64॥
ਮੁਕ੍ਤਾਨਾਂ ਪਰਿਮੋਚਨਂ ਵਿਦਧਤਸ੍ਤਤ੍ਪ੍ਰੀਤਿਨਿष੍ਪਾਦਿਨੀ
ਭੂਯੋ ਦੂਰਤ ਏਵ ਧੂਤਮਰੁਤਸ੍ਤਤ੍ਪਾਲਨਂ ਤਨ੍ਵਤੀ ।
ਉਦ੍ਭੂਤਸ੍ਯ ਜਲਾਨ੍ਤਰਾਦਵਿਰਤਂ ਤਦ੍ਦੂਰਤਾਂ ਜਗ੍ਮੁषੀ
ਕਾਮਾਕ੍षਿ ਸ੍ਮਿਤਮਞ੍ਜਰੀ ਤਵ ਕਥਂ ਕਮ੍ਬੋਸ੍ਤੁਲਾਮਸ਼੍ਨੁਤੇ ॥65॥
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਦ੍ਯੁਤਿਝਰੀਵੈਦਗ੍ਧ੍ਯਲੀਲਾਯਿਤਂ
ਪਸ਼੍ਯਨ੍ਤੋऽਪਿ ਨਿਰਨ੍ਤਰਂ ਸੁਵਿਮਲਮ੍ਮਨ੍ਯਾ ਜਗਨ੍ਮਣ੍ਡਲੇ ।
ਲੋਕਂ ਹਾਸਯਿਤੁਂ ਕਿਮਰ੍ਥਮਨਿਸ਼ਂ ਪ੍ਰਾਕਾਸ਼੍ਯਮਾਤਨ੍ਵਤੇ
ਮਨ੍ਦਾਕ੍षਂ ਵਿਰਹਯ੍ਯ ਮਙ੍ਗਲਤਰਂ ਮਨ੍ਦਾਰਚਨ੍ਦ੍ਰਾਦਯਃ ॥66॥
ਕ੍षੀਰਾਬ੍ਧੇਰਪਿ ਸ਼ੈਲਰਾਜਤਨਯੇ ਤ੍ਵਨ੍ਮਨ੍ਦਹਾਸਸ੍ਯ ਚ
ਸ਼੍ਰੀਕਾਮਾਕ੍षਿ ਵਲਕ੍षਿਮੋਦਯਨਿਧੇਃ ਕਿਞ੍ਚਿਦ੍ਭਿਦਾਂ ਬ੍ਰੂਮਹੇ ।
ਏਕਸ੍ਮੈ ਪੁਰੁषਾਯ ਦੇਵਿ ਸ ਦਦੌ ਲਕ੍ष੍ਮੀਂ ਕਦਾਚਿਤ੍ਪੁਰਾ
ਸਰ੍ਵੇਭ੍ਯੋऽਪਿ ਦਦਾਤ੍ਯਸੌ ਤੁ ਸਤਤਂ ਲਕ੍ष੍ਮੀਂ ਚ ਵਾਗੀਸ਼੍ਵਰੀਮ੍ ॥67॥
ਸ਼੍ਰੀਕਾਞ੍ਚੀਪੁਰਰਤ੍ਨਦੀਪਕਲਿਕੇ ਤਾਨ੍ਯੇਵ ਮੇਨਾਤ੍ਮਜੇ
ਚਾਕੋਰਾਣਿ ਕੁਲਾਨਿ ਦੇਵਿ ਸੁਤਰਾਂ ਧਨ੍ਯਾਨਿ ਮਨ੍ਯਾਮਹੇ ।
ਕਮ੍ਪਾਤੀਰਕੁਟੁਮ੍ਬਚਙ੍ਕ੍ਰਮਕਲਾਚੁਞ੍ਚੂਨਿ ਚਞ੍ਚੂਪੁਟੈਃ
ਨਿਤ੍ਯਂ ਯਾਨਿ ਤਵ ਸ੍ਮਿਤੇਨ੍ਦੁਮਹਸਾਮਾਸ੍ਵਾਦਮਾਤਨ੍ਵਤੇ ॥68॥
ਸ਼ੈਤ੍ਯਪ੍ਰਕ੍ਰਮਮਾਸ਼੍ਰਿਤੋऽਪਿ ਨਮਤਾਂ ਜਾਡ੍ਯਪ੍ਰਥਾਂ ਧੂਨਯਨ੍
ਨੈਰ੍ਮਲ੍ਯਂ ਪਰਮਂ ਗਤੋऽਪਿ ਗਿਰਿਸ਼ਂ ਰਾਗਾਕੁਲਂ ਚਾਰਯਨ੍ ।
ਲੀਲਾਲਾਪਪੁਰਸ੍ਸਰੋऽਪਿ ਸਤਤਂ ਵਾਚਂਯਮਾਨ੍ਪ੍ਰੀਣਯਨ੍
ਕਾਮਾਕ੍षਿ ਸ੍ਮਿਤਰੋਚਿषਾਂ ਤਵ ਸਮੁਲ੍ਲਾਸਃ ਕਥਂ ਵਰ੍ਣ੍ਯਤੇ ॥69॥
ਸ਼੍ਰੋਣੀਚਞ੍ਚਲਮੇਖਲਾਮੁਖਰਿਤਂ ਲੀਲਾਗਤਂ ਮਨ੍ਥਰਂ
ਭ੍ਰੂਵਲ੍ਲੀਚਲਨਂ ਕਟਾਕ੍षਵਲਨਂ ਮਨ੍ਦਾਕ੍षਵੀਕ੍षਾਚਣਮ੍ ।
ਯਦ੍ਵੈਦਗ੍ਧ੍ਯਮੁਖੇਨ ਮਨ੍ਮਥਰਿਪੁਂ ਸਮ੍ਮੋਹਯਨ੍ਤ੍ਯਞ੍ਜਸਾ
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਾਯ ਸਤਤਂ ਤਸ੍ਮੈ ਨਮ੍ਸਕੁਰ੍ਮਹੇ ॥70॥
ਸ਼੍ਰੀਕਾਮਾਕ੍षਿ ਮਨੋਜ੍ਞਮਨ੍ਦਹਸਿਤਜ੍ਯੋਤਿष੍ਪ੍ਰਰੋਹੇ ਤਵ
ਸ੍ਫੀਤਸ਼੍ਵੇਤਿਮਸਾਰ੍ਵਭੌਮਸਰਣਿਪ੍ਰਾਗਲ੍ਭ੍ਯਮਭ੍ਯੇਯੁषਿ ।
ਚਨ੍ਦ੍ਰੋऽਯਂ ਯੁਵਰਾਜਤਾਂ ਕਲਯਤੇ ਚੇਟੀਧੁਰਂ ਚਨ੍ਦ੍ਰਿਕਾ
ਸ਼ੁਦ੍ਧਾ ਸਾ ਚ ਸੁਧਾਝਰੀ ਸਹਚਰੀਸਾਧਰ੍ਮ੍ਯਮਾਲਮ੍ਬਤੇ ॥71॥
ਜ੍ਯੋਤ੍ਸ੍ਨਾ ਕਿਂ ਤਨੁਤੇ ਫਲਂ ਤਨੁਮਤਾਮੌष੍ਣ੍ਯਪ੍ਰਸ਼ਾਨ੍ਤਿਂ ਵਿਨਾ
ਤ੍ਵਨ੍ਮਨ੍ਦਸ੍ਮਿਤਰੋਚਿषਾ ਤਨੁਮਤਾਂ ਕਾਮਾਕ੍षਿ ਰੋਚਿष੍ਣੁਨਾ ।
ਸਨ੍ਤਾਪੋ ਵਿਨਿਵਾਰ੍ਯਤੇ ਨਵਵਯਃਪ੍ਰਾਚੁਰ੍ਯਮਙ੍ਕੂਰ੍ਯਤੇ
ਸੌਨ੍ਦਰ੍ਯਂ ਪਰਿਪੂਰ੍ਯਤੇ ਜਗਤਿ ਸਾ ਕੀਰ੍ਤਿਸ਼੍ਚ ਸਞ੍ਚਾਰ੍ਯਤੇ ॥72॥
ਵੈਮਲ੍ਯਂ ਕੁਮੁਦਸ਼੍ਰਿਯਾਂ ਹਿਮਰੁਚਃ ਕਾਨ੍ਤ੍ਯੈਵ ਸਨ੍ਧੁਕ੍ष੍ਯਤੇ
ਜ੍ਯੋਤ੍ਸ੍ਨਾਰੋਚਿਰਪਿ ਪ੍ਰਦੋषਸਮਯਂ ਪ੍ਰਾਪ੍ਯੈਵ ਸਮ੍ਪਦ੍ਯਤੇ ।
ਸ੍ਵਚ੍ਛਤ੍ਵਂ ਨਵਮੌਕ੍ਤਿਕਸ੍ਯ ਪਰਮਂ ਸਂਸ੍ਕਾਰਤੋ ਦृਸ਼੍ਯਤੇ
ਕਾਮਾਕ੍ष੍ਯਾਃ ਸ੍ਮਿਤਦੀਧਿਤੇਰ੍ਵਿਸ਼ਦਿਮਾ ਨੈਸਰ੍ਗਿਕੋ ਭਾਸਤੇ ॥73॥
ਪ੍ਰਾਕਾਸ਼੍ਯਂ ਪਰਮੇਸ਼੍ਵਰਪ੍ਰਣਯਿਨਿ ਤ੍ਵਨ੍ਮਨ੍ਦਹਾਸਸ਼੍ਰਿਯਃ
ਸ਼੍ਰੀਕਾਮਾਕ੍षਿ ਮਮ ਕ੍षਿਣੋਤੁ ਮਮਤਾਵੈਚਕ੍षਣੀਮਕ੍षਯਾਮ੍ ।
ਯਦ੍ਭੀਤ੍ਯੇਵ ਨਿਲੀਯਤੇ ਹਿਮਕਰੋ ਮੇਘੋਦਰੇ ਸ਼ੁਕ੍ਤਿਕਾ-
ਗਰ੍ਭੇ ਮੌਕ੍ਤਿਕਮਣ੍ਡਲੀ ਚ ਸਰਸੀਮਧ੍ਯੇ ਮृਣਾਲੀ ਚ ਸਾ ॥74॥
ਹੇਰਮ੍ਬੇ ਚ ਗੁਹੇ ਹਰ੍षਭਰਿਤਂ ਵਾਤ੍ਸਲ੍ਯਮਙ੍ਕੂਰਯਤ੍
ਮਾਰਦ੍ਰੋਹਿਣਿ ਪੂਰੁषੇ ਸਹਭੁਵਂ ਪ੍ਰੇਮਾਙ੍ਕੁਰਂ ਵ੍ਯਞ੍ਜਯਤ੍ ।
ਆਨਮ੍ਰੇषੁ ਜਨੇषੁ ਪੂਰ੍ਣਕਰੁਣਾਵੈਦਗ੍ਧ੍ਯਮੁਤ੍ਤਾਲਯਤ੍
ਕਾਮਾਕ੍षਿ ਸ੍ਮਿਤਮਞ੍ਜਸਾ ਤਵ ਕਥਙ੍ਕਾਰਂ ਮਯਾ ਕਥ੍ਯਤੇ ॥75॥
ਸਙ੍ਕ੍ਰੁਦ੍ਧਦ੍ਵਿਜਰਾਜਕੋऽਪ੍ਯਵਿਰਤਂ ਕੁਰ੍ਵਨ੍ਦ੍ਵਿਜੈਃ ਸਙ੍ਗਮਂ
ਵਾਣੀਪਦ੍ਧਤਿਦੂਰਗੋऽਪਿ ਸਤਤਂ ਤਤ੍ਸਾਹਚਰ੍ਯਂ ਵਹਨ੍ ।
ਅਸ਼੍ਰਾਨ੍ਤਂ ਪਸ਼ੁਦੁਰ੍ਲਭੋऽਪਿ ਕਲਯਨ੍ਪਤ੍ਯੌ ਪਸ਼ੂਨਾਂ ਰਤਿਂ
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਾਮृਤਰਸਸ੍ਯਨ੍ਦੋ ਮਯਿ ਸ੍ਪਨ੍ਦਤਾਮ੍ ॥76॥
ਸ਼੍ਰੀਕਾਮਾਕ੍षਿ ਮਹੇਸ਼੍ਵਰੇ ਨਿਰੁਪਮਪ੍ਰੇਮਾਙ੍ਕੁਰਪ੍ਰਕ੍ਰਮਮਂ
ਨਿਤ੍ਯਂ ਯਃ ਪ੍ਰਕਟੀਕਰੋਤਿ ਸਹਜਾਮੁਨ੍ਨਿਦ੍ਰਯਨ੍ਮਾਧੁਰੀਮ੍ ।
ਤਤ੍ਤਾਦृਕ੍ਤਵ ਮਨ੍ਦਹਾਸਮਹਿਮਾ ਮਾਤਃ ਕਥਂ ਮਾਨਿਤਾਂ
ਤਨ੍ਮੂਰ੍ਧ੍ਨਾ ਸੁਰਨਿਮ੍ਨਗਾਂ ਚ ਕਲਿਕਾਮਿਨ੍ਦੋਸ਼੍ਚ ਤਾਂ ਨਿਨ੍ਦਤਿ ॥77॥
ਯੇ ਮਾਧੁਰ੍ਯਵਿਹਾਰਮਣ੍ਟਪਭੁਵੋ ਯੇ ਸ਼ੈਤ੍ਯਮੁਦ੍ਰਾਕਰਾ
ਯੇ ਵੈਸ਼ਦ੍ਯਦਸ਼ਾਵਿਸ਼ੇषਸੁਭਗਾਸ੍ਤੇ ਮਨ੍ਦਹਾਸਾਙ੍ਕੁਰਾਃ ।
ਕਾਮਾਕ੍ष੍ਯਾਃ ਸਹਜਂ ਗੁਣਤ੍ਰਯਮਿਦਂ ਪਰ੍ਯਾਯਤਃ ਕੁਰ੍ਵਤਾਂ
ਵਾਣੀਗੁਮ੍ਫਨਡਮ੍ਬਰੇ ਚ ਹृਦਯੇ ਕੀਰ੍ਤਿਪ੍ਰਰੋਹੇ ਚ ਮੇ ॥78॥
ਕਾਮਾਕ੍ष੍ਯਾ ਮृਦੁਲਸ੍ਮਿਤਾਂਸ਼ੁਨਿਕਰਾ ਦਕ੍षਾਨ੍ਤਕੇ ਵੀਕ੍षਣੇ
ਮਨ੍ਦਾਕ੍षਗ੍ਰਹਿਲਾ ਹਿਮਦ੍ਯੁਤਿਮਯੂਖਾਕ੍षੇਪਦੀਕ੍षਾਙ੍ਕੁਰਾਃ ।
ਦਾਕ੍ष੍ਯਂ ਪਕ੍ष੍ਮਲਯਨ੍ਤੁ ਮਾਕ੍षਿਕਗੁਡਦ੍ਰਾਕ੍षਾਭਵਂ ਵਾਕ੍षੁ ਮੇ
ਸੂਕ੍ष੍ਮਂ ਮੋਕ੍षਪਥਂ ਨਿਰੀਕ੍षਿਤੁਮਪਿ ਪ੍ਰਕ੍षਾਲਯੇਯੁਰ੍ਮਨਃ ॥79॥
ਜਾਤ੍ਯਾ ਸ਼ੀਤਸ਼ੀਤਲਾਨਿ ਮਧੁਰਾਣ੍ਯੇਤਾਨਿ ਪੂਤਾਨਿ ਤੇ
ਗਾਙ੍ਗਾਨੀਵ ਪਯਾਂਸਿ ਦੇਵਿ ਪਟਲਾਨ੍ਯਲ੍ਪਸ੍ਮਿਤਜ੍ਯੋਤਿषਾਮ੍ ।
ਏਨਃਪਙ੍ਕਪਰਮ੍ਪਰਾਮਲਿਨਿਤਾਮੇਕਾਮ੍ਰਨਾਥਪ੍ਰਿਯੇ
ਪ੍ਰਜ੍ਞਾਨਾਤ੍ਸੁਤਰਾਂ ਮਦੀਯਧਿषਣਾਂ ਪ੍ਰਕ੍षਾਲਯਨ੍ਤੁ ਕ੍षਣਾਤ੍ ॥80॥
ਅਸ਼੍ਰਾਨ੍ਤਂ ਪਰਤਨ੍ਤ੍ਰਿਤਃ ਪਸ਼ੁਪਤਿਸ੍ਤ੍ਵਨ੍ਮਨ੍ਦਹਾਸਾਙ੍ਕੁਰੈਃ
ਸ਼੍ਰੀਕਾਮਾਕ੍षਿ ਤਦੀਯਵਰ੍ਣਸਮਤਾਸਙ੍ਗੇਨ ਸ਼ਙ੍ਕਾਮਹੇ ।
ਇਨ੍ਦੁਂ ਨਾਕਧੁਨੀਂ ਚ ਸ਼ੇਖਰਯਤੇ ਮਾਲਾਂ ਚ ਧਤ੍ਤੇ ਨਵੈਃ
ਵੈਕੁਣ੍ਠੈਰਵਕੁਣ੍ਠਨਂ ਚ ਕੁਰੁਤੇ ਧੂਲੀਚਯੈਰ੍ਭਾਸ੍ਮਨੈਃ ॥81॥
ਸ਼੍ਰੀਕਾਞ੍ਚੀਪੁਰਦੇਵਤੇ ਮृਦੁਵਚਸ੍ਸੌਰਭ੍ਯਮੁਦ੍ਰਾਸ੍ਪਦਂ
ਪ੍ਰੌਢਪ੍ਰੇਮਲਤਾਨਵੀਨਕੁਸੁਮਂ ਮਨ੍ਦਸ੍ਮਿਤਂ ਤਾਵਕਮ੍ ।
ਮਨ੍ਦਂ ਕਨ੍ਦਲਤਿ ਪ੍ਰਿਯਸ੍ਯ ਵਦਨਾਲੋਕੇ ਸਮਾਭਾषਣੇ
ਸ਼੍ਲਕ੍ष੍ਣੇ ਕੁਙ੍ਮਲਤਿ ਪ੍ਰਰੂਢਪੁਲਕੇ ਚਾਸ਼੍ਲੋषਣੇ ਫੁਲ੍ਲਤਿ ॥82॥
ਕਿਂ ਤ੍ਰੈਸ੍ਰੋਤਸਮਮ੍ਬਿਕੇ ਪਰਿਣਤਂ ਸ੍ਰੋਤਸ਼੍ਚਤੁਰ੍ਥਂ ਨਵਂ
ਪੀਯੂषਸ੍ਯ ਸਮਸ੍ਤਤਾਪਹਰਣਂ ਕਿਂਵਾ ਦ੍ਵਿਤੀਯਂ ਵਪੁਃ ।
ਕਿਂਸ੍ਵਿਤ੍ਤ੍ਵਨ੍ਨਿਕਟਂ ਗਤਂ ਮਧੁਰਿਮਾਭ੍ਯਾਸਾਯ ਗਵ੍ਯਂ ਪਯਃ
ਸ਼੍ਰੀਕਾਞ੍ਚੀਪੁਰਨਾਯਕਪ੍ਰਿਯਤਮੇ ਮਨ੍ਦਸ੍ਮਿਤਂ ਤਾਵਕਮ੍ ॥83॥
ਭੂषਾ ਵਕ੍ਤ੍ਰਸਰੋਰੁਹਸ੍ਯ ਸਹਜਾ ਵਾਚਾਂ ਸਖੀ ਸ਼ਾਸ਼੍ਵਤੀ
ਨੀਵੀ ਵਿਭ੍ਰਮਸਨ੍ਤਤੇਃ ਪਸ਼ੁਪਤੇਃ ਸੌਧੀ ਦृਸ਼ਾਂ ਪਾਰਣਾ ।
ਜੀਵਾਤੁਰ੍ਮਦਨਸ਼੍ਰਿਯਃ ਸ਼ਸ਼ਿਰੁਚੇਰੁਚ੍ਚਾਟਨੀ ਦੇਵਤਾ
ਸ਼੍ਰੀਕਾਮਾਕ੍षਿ ਗਿਰਾਮਭੂਮਿਮਯਤੇ ਹਾਸਪ੍ਰਭਾਮਞ੍ਜਰੀ ॥84॥
ਸੂਤਿਃ ਸ਼੍ਵੇਤਿਮਕਨ੍ਦਲਸ੍ਯ ਵਸਤਿਃ ਸ਼ृਙ੍ਗਾਰਸਾਰਸ਼੍ਰਿਯਃ
ਪੂਰ੍ਤਿਃ ਸੂਕ੍ਤਿਝਰੀਰਸਸ੍ਯ ਲਹਰੀ ਕਾਰੁਣ੍ਯਪਾਥੋਨਿਧੇਃ ।
ਵਾਟੀ ਕਾਚਨ ਕੌਸੁਮੀ ਮਧੁਰਿਮਸ੍ਵਾਰਾਜ੍ਯਲਕ੍ष੍ਮ੍ਯਾਸ੍ਤਵ
ਸ਼੍ਰੀਕਾਮਾਕ੍षਿ ਮਮਾਸ੍ਤੁ ਮਙ੍ਗਲਕਰੀ ਹਾਸਪ੍ਰਭਾਚਾਤੁਰੀ ॥85॥
ਜਨ੍ਤੂਨਾਂ ਜਨਿਦੁਃਖਮृਤ੍ਯੁਲਹਰੀਸਨ੍ਤਾਪਨਂ ਕृਨ੍ਤਤਃ
ਪ੍ਰੌਢਾਨੁਗ੍ਰਹਪੂਰ੍ਣਸ਼ੀਤਲਰੁਚੋ ਨਿਤ੍ਯੋਦਯਂ ਬਿਭ੍ਰਤਃ ।
ਸ਼੍ਰੀਕਾਮਾਕ੍षਿ ਵਿਸृਤ੍ਵਰਾ ਇਵ ਕਰਾ ਹਾਸਾਙ੍ਕੁਰਾਸ੍ਤੇ ਹਠਾ-
ਦਾਲੋਕੇਨ ਨਿਹਨ੍ਯੁਰਨ੍ਧਤਮਸਸ੍ਤੋਮਸ੍ਯ ਮੇ ਸਨ੍ਤਤਿਮ੍ ॥86॥
ਉਤ੍ਤੁਙ੍ਗਸ੍ਤਨਮਣ੍ਡਲਸ੍ਯ ਵਿਲਸਲ੍ਲਾਵਣ੍ਯਲੀਲਾਨਟੀ-
ਰਙ੍ਗਸ੍ਯ ਸ੍ਫੁਟਮੂਰ੍ਧ੍ਵਸੀਮਨਿ ਮੁਹੁਃ ਪ੍ਰਾਕਾਸ਼੍ਯਮਭ੍ਯੇਯੁषੀ ।
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਦ੍ਯੁਤਿਤਤਿਰ੍ਬਿਮ੍ਬੋष੍ਠਕਾਨ੍ਤ੍ਯਙ੍ਕੁਰੈਃ
ਚਿਤ੍ਰਾਂ ਵਿਦ੍ਰੁਮਮੁਦ੍ਰਿਤਾਂ ਵਿਤਨੁਤੇ ਮੌਕ੍ਤੀਂ ਵਿਤਾਨਸ਼੍ਰਿਯਮ੍ ॥87॥
ਸ੍ਵਾਭਾਵ੍ਯਾਤ੍ਤਵ ਵਕ੍ਤ੍ਰਮੇਵ ਲਲਿਤਂ ਸਨ੍ਤੋषਸਮ੍ਪਾਦਨਂ
ਸ਼ਮ੍ਭੋਃ ਕਿਂ ਪੁਨਰਞ੍ਚਿਤਸ੍ਮਿਤਰੁਚਃ ਪਾਣ੍ਡਿਤ੍ਯਪਾਤ੍ਰੀਕृਤਮ੍ ।
ਅਮ੍ਭੋਜਂ ਸ੍ਵਤ ਏਵ ਸਰ੍ਵਜਗਤਾਂ ਚਕ੍षੁਃਪ੍ਰਿਯਮ੍ਭਾਵੁਕਂ
ਕਾਮਾਕ੍षਿ ਸ੍ਫੁਰਿਤੇ ਸ਼ਰਦ੍ਵਿਕਸਿਤੇ ਕੀਦृਗ੍ਵਿਧਂ ਭ੍ਰਾਜਤੇ ॥88॥
ਪੁਮ੍ਭਿਰ੍ਨਿਰ੍ਮਲਮਾਨਸੌਰ੍ਵਿਦਧਤੇ ਮੈਤ੍ਰੀਂ ਦृਢਂ ਨਿਰ੍ਮਲਾਂ
ਲਬ੍ਧ੍ਵਾ ਕਰ੍ਮਲਯਂ ਚ ਨਿਰ੍ਮਲਤਰਾਂ ਕੀਰ੍ਤਿਂ ਲਭਨ੍ਤੇਤਰਾਮ੍ ।
ਸੂਕ੍ਤਿਂ ਪਕ੍ष੍ਮਲਯਨ੍ਤਿ ਨਿਰ੍ਮਲਤਮਾਂ ਯਤ੍ਤਾਵਕਾਃ ਸੇਵਕਾਃ
ਤਤ੍ਕਾਮਾਕ੍षਿ ਤਵ ਸ੍ਮਿਤਸ੍ਯ ਕਲਯਾ ਨੈਰ੍ਮਲ੍ਯਸੀਮਾਨਿਧੇਃ ॥89॥
ਆਕਰ੍षਨ੍ਨਯਨਾਨਿ ਨਾਕਿਸਦਸਾਂ ਸ਼ੈਤ੍ਯੇਨ ਸਂਸ੍ਤਮ੍ਭਯ-
ਨ੍ਨਿਨ੍ਦੁਂ ਕਿਞ੍ਚ ਵਿਮੋਹਯਨ੍ਪਸ਼ੁਪਤਿਂ ਵਿਸ਼੍ਵਾਰ੍ਤਿਮੁਚ੍ਚਾਟਯਨ੍ ।
ਹਿਂਸਤ੍ਸਂਸृਤਿਡਮ੍ਬਰਂ ਤਵ ਸ਼ਿਵੇ ਹਾਸਾਹ੍ਵਯੋ ਮਾਨ੍ਤ੍ਰਿਕਃ
ਸ਼੍ਰੀਕਾਮਾਕ੍षਿ ਮਦੀਯਮਾਨਸਤਮੋਵਿਦ੍ਵੇषਣੇ ਚੇष੍ਟਤਾਮ੍ ॥90॥
ਕ੍षੇਪੀਯਃ ਕ੍षਪਯਨ੍ਤੁ ਕਲ੍ਮषਭਯਾਨ੍ਯਸ੍ਮਾਕਮਲ੍ਪਸ੍ਮਿਤ-
ਜ੍ਯੋਤਿਰ੍ਮਣ੍ਡਲਚਙ੍ਕ੍ਰਮਾਸ੍ਤਵ ਸ਼ਿਵੇ ਕਾਮਾਕ੍षਿ ਰੋਚਿष੍ਣਵਃ ।
ਪੀਡਾਕਰ੍ਮਠਕਰ੍ਮਘਰ੍ਮਸਮਯਵ੍ਯਾਪਾਰਤਾਪਾਨਲ-
ਸ਼੍ਰੀਪਾਤਾ ਨਵਹਰ੍षਵਰ੍षਣਸੁਧਾਸ੍ਰੋਤਸ੍ਵਿਨੀਸ਼ੀਕਰਾਃ ॥91॥
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤੈਨ੍ਦਵਮਹਃਪੂਰੇ ਪਰਿਮ੍ਫੂਰ੍ਜਤਿ
ਪ੍ਰੌਢਾਂ ਵਾਰਿਧਿਚਾਤੁਰੀਂ ਕਲਯਤੇ ਭਕ੍ਤਾਤ੍ਮਨਾਂ ਪ੍ਰਾਤਿਭਮ੍ ।
ਦੌਰ੍ਗਤ੍ਯਪ੍ਰਸਰਾਸ੍ਤਮਃਪਟਲਿਕਾਸਾਧਰ੍ਮ੍ਯਮਾਬਿਭ੍ਰਤੇ
ਸਰ੍ਵਂ ਕੈਰਵਸਾਹਚਰ੍ਯਪਦਵੀਰੀਤਿਂ ਵਿਧਤ੍ਤੇ ਪਰਮ੍ ॥92॥
ਮਨ੍ਦਾਰਾਦਿषੁ ਮਨ੍ਮਥਾਰਿਮਹਿषਿ ਪ੍ਰਾਕਾਸ਼੍ਯਰੀਤਿਂ ਨਿਜਾਂ
ਕਾਦਾਚਿਤ੍ਕਤਯਾ ਵਿਸ਼ਙ੍ਕ੍ਯ ਬਹੁਸ਼ੋ ਵੈਸ਼ਦ੍ਯਮੁਦ੍ਰਾਗੁਣਃ ।
ਸਾਤਤ੍ਯੇਨ ਤਵ ਸ੍ਮਿਤੇ ਵਿਤਨੁਤੇ ਸ੍ਵੈਰਾਸਨਾਵਾਸਨਾਮ੍ ॥93॥
ਇਨ੍ਧਾਨੇ ਭਵਵੀਤਿਹੋਤ੍ਰਨਿਵਹੇ ਕਰ੍ਮੌਘਚਣ੍ਡਾਨਿਲ-
ਪ੍ਰੌਢਿਮ੍ਨਾ ਬਹੁਲੀਕृਤੇ ਨਿਪਤਿਤਂ ਸਨ੍ਤਾਪਚਿਨ੍ਤਾਕੁਲਮ੍ ।
ਮਾਤਰ੍ਮਾਂ ਪਰਿषਿਞ੍ਚ ਕਿਞ੍ਚਿਦਮਲੈਃ ਪੀਯੂषਵਰ੍षੈਰਿਵ
ਸ਼੍ਰੀਕਾਮਾਕ੍षਿ ਤਵ ਸ੍ਮਿਤਦ੍ਯੁਤਿਕਣੈਃ ਸ਼ੈਸ਼ਿਰ੍ਯਲੀਲਾਕਰੈਃ ॥94॥
ਭਾषਾਯਾ ਰਸਨਾਗ੍ਰਖੇਲਨਜੁषਃ ਸ਼ृਙ੍ਗਾਰਮੁਦ੍ਰਾਸਖੀ-
ਲੀਲਾਜਾਤਰਤੇਃ ਸੁਖੇਨ ਨਿਯਮਸ੍ਨਾਨਾਯ ਮੇਨਾਤ੍ਮਜੇ ।
ਸ਼੍ਰੀਕਾਮਾਕ੍षਿ ਸੁਧਾਮਯੀਵ ਸ਼ਿਸ਼ਿਰਾ ਸ੍ਰੋਤਸ੍ਵਿਨੀ ਤਾਵਕੀ
ਗਾਢਾਨਨ੍ਦਤਰਙ੍ਗਿਤਾ ਵਿਜਯਤੇ ਹਾਸਪ੍ਰਭਾਚਾਤੁਰੀ ॥95॥
ਸਨ੍ਤਾਪਂ ਵਿਰਲੀਕਰੋਤੁ ਸਕਲਂ ਕਾਮਾਕ੍षਿ ਮਚ੍ਚੇਤਨਾ
ਮਜ੍ਜਨ੍ਤੀ ਮਧੁਰਸ੍ਮਿਤਾਮਰਧੁਨੀਕਲ੍ਲੋਲਜਾਲੇषੁ ਤੇ ।
ਨੈਰਨ੍ਤਰ੍ਯਮੁਪੇਤ੍ਯ ਮਨ੍ਮਥਮਰੁਲ੍ਲੋਲੇषੁ ਯੇषੁ ਸ੍ਫੁਟਂ
ਪ੍ਰੇਮੇਨ੍ਦੁਃ ਪ੍ਰਤਿਬਿਮ੍ਬਿਤੋ ਵਿਤਨੁਤੇ ਕੌਤੂਹਲਂ ਧੂਰ੍ਜਟੇਃ ॥96॥
ਚੇਤਃਕ੍षੀਰਪਯੋਧਿਮਨ੍ਥਰਚਲਦ੍ਰਾਗਾਖ੍ਯਮਨ੍ਥਾਚਲ-
ਕ੍षੋਭਵ੍ਯਾਪृਤਿਸਮ੍ਭਵਾਂ ਜਨਨਿ ਤੇ ਮਨ੍ਦਸ੍ਮਿਤਸ਼੍ਰੀਸੁਧਾਮ੍ ।
ਸ੍ਵਾਦਂਸ੍ਵਾਦਮੁਦੀਤਕੌਤੁਕਰਸਾ ਨੇਤ੍ਰਤ੍ਰਯੀ ਸ਼ਾਙ੍ਕਰੀ
ਸ਼੍ਰੀਕਾਮਾਕ੍षਿ ਨਿਰਨ੍ਤਰਂ ਪਰਿਣਮਤ੍ਯਾਨਨ੍ਦਵੀਚੀਮਯੀ ॥97॥
ਆਲੋਕੇ ਤਵ ਪਞ੍ਚਸਾਯਕਰਿਪੋਰੁਦ੍ਦਾਮਕੌਤੂਹਲ-
ਪ੍ਰੇਙ੍ਖਨ੍ਮਾਰੁਤਘਟ੍ਟਨਪ੍ਰਚਲਿਤਾਦਾਨਨ੍ਦਦੁਗ੍ਧਾਮ੍ਬੁਧੇਃ ।
ਕਾਚਿਦ੍ਵੀਚਿਰੁਦਞ੍ਚਤਿ ਪ੍ਰਤਿਨਵਾ ਸਂਵਿਤ੍ਪ੍ਰਰੋਹਾਤ੍ਮਿਕਾ
ਤਾਂ ਕਾਮਾਕ੍षਿ ਕਵੀਸ਼੍ਵਰਾਃ ਸ੍ਮਿਤਮਿਤਿ ਵ੍ਯਾਕੁਰ੍ਵਤੇ ਸਰ੍ਵਦਾ ॥98॥
ਸੂਕ੍ਤਿਃ ਸ਼ੀਲਯਤੇ ਕਿਮਦ੍ਰਿਤਨਯੇ ਮਨ੍ਦਸ੍ਮਿਤਾਤ੍ਤੇ ਮੁਹੁਃ
ਮਾਧੁਰ੍ਯਾਗਮਸਮ੍ਪ੍ਰਦਾਯਮਥਵਾ ਸੂਕ੍ਤੇਰ੍ਨੁ ਮਨ੍ਦਸ੍ਮਿਤਮ੍ ।
ਇਤ੍ਥਂ ਕਾਮਪਿ ਗਾਹਤੇ ਮਮ ਮਨਃ ਸਨ੍ਦੇਹਮਾਰ੍ਗਭ੍ਰਮਿਂ
ਸ਼੍ਰੀਕਾਮਾਕ੍षਿ ਨ ਪਾਰਮਾਰ੍ਥ੍ਯਸਰਣਿਸ੍ਫੂਰ੍ਤੌ ਨਿਧਤ੍ਤੇ ਪਦਮ੍ ॥99॥
ਕ੍ਰੀਡਾਲੋਲਕृਪਾਸਰੋਰੁਹਮੁਖੀਸੌਧਾਙ੍ਗਣੇਭ੍ਯਃ ਕਵਿ-
ਸ਼੍ਰੇਣੀਵਾਕ੍ਪਰਿਪਾਟਿਕਾਮृਤਝਰੀਸੂਤੀਗृਹੇਭ੍ਯਃ ਸ਼ਿਵੇ ।
ਨਿਰ੍ਵਾਣਾਙ੍ਕੁਰਸਾਰ੍ਵਭੌਮਪਦਵੀਸਿਂਹਾਸਨੇਭ੍ਯਸ੍ਤਵ
ਸ਼੍ਰੀਕਾਮਾਕ੍षਿ ਮਨੋਜ੍ਞਮਨ੍ਦਹਸਿਤਜ੍ਯੋਤਿष੍ਕਣੇਭ੍ਯੋ ਨਮਃ ॥100॥
ਆਰ੍ਯਾਮੇਵ ਵਿਭਾਵਯਨ੍ਮਨਸਿ ਯਃ ਪਾਦਾਰਵਿਨ੍ਦਂ ਪੁਰਃ
ਪਸ਼੍ਯਨ੍ਨਾਰਭਤੇ ਸ੍ਤੁਤਿਂ ਸ ਨਿਯਤਂ ਲਬ੍ਧ੍ਵਾ ਕਟਾਕ੍षਚ੍ਛਵਿਮ੍ ।
ਕਾਮਾਕ੍ष੍ਯਾ ਮृਦੁਲਸ੍ਮਿਤਾਂਸ਼ੁਲਹਰੀਜ੍ਯੋਤ੍ਸ੍ਨਾਵਯਸ੍ਯਾਨ੍ਵਿਤਾਮ੍
ਆਰੋਹਤ੍ਯਪਵਰ੍ਗਸੌਧਵਲਭੀਮਾਨਨ੍ਦਵੀਚੀਮਯੀਮ੍ ॥101॥
॥ ਇਤਿ ਮਨ੍ਦਸ੍ਮਿਤਸ਼ਤਕਂ ਸਮ੍ਪੂਰ੍ਣਮ੍ ॥
॥ ਇਤਿ ਸ਼੍ਰੀ ਮੂਕਪਞ੍ਚਸ਼ਤੀ ਸਮ੍ਪੂਰ੍ਣਾ ॥
॥ਔਂ ਤਤ੍ ਸਤ੍ ॥
Roman (IAST) Transliteration
badhnīmo vayamañjaliṃ pratidinaṃ bandhacchide dehināṃ
kandarpāgamatantramūlagurave kalyāṇakelībhuve |
kāmākṣyā ghanasārapuñjarajase kāmadruhaścakṣuṣāṃ
mandārastabakaprabhāmadamuṣe mandasmitajyotiṣe ||1||
sadhrīce navamallikāsumanasāṃ nāsāgramuktāmaṇe-
rācāryāya mṛṇālakāṇḍamahasāṃ naisargikāya dviṣe |
svardhunyā saha yudhvena himarucerardhāsanādhyāsine
kāmākṣyāḥ smitamañjarīdhavalimādvaitāya tasmai namaḥ ||2||
karpūradyuticāturīmatitarāmalpīyasīṃ kurvatī
daurbhāgyodayameva saṃvidadhatī dauṣākarīṇāṃ tviṣām |
kṣullāneva manojñamallinikarānphullānapi vyañjatī
kāmākṣyā mṛdulasmitāṃśulaharī kāmaprasūrastu me ||3||
yā pīnastanamaṇḍalopari lasatkarpūralepāyate
yā nīlekṣaṇarātrikāntitatiṣu jyotsnāprarohāyate |
yā saundaryadhunītaraṅgatatiṣu vyālolahaṃsāyate
kāmākṣyāḥ śiśirīkarotu hṛdayaṃ sā me smitaprācurī ||4||
yeṣāṃ gacchati pūrvapakṣasaraṇiṃ kaumudvataḥ śvetimā
yeṣāṃ santatamārurukṣati tulākakṣyāṃ śaraccandramāḥ |
yeṣāmicchati kamburapyasulabhāmantevasatprakriyāṃ
kāmākṣyā mamatāṃ harantu mama te hāsatviṣāmaṅkurāḥ ||5||
āśāsīmasu santataṃ vidadhatī naiśākarīṃ vyākriyāṃ
kāśānāmabhimānabhaṅgakalanākauśalyamābibhratī |
īśānena vilokitā sakutukaṃ kāmākṣi te kalmaṣa-
kleśāpāyakarī cakāsti laharī mandasmitajyotiṣām ||6||
ārūḍhasya samunnatastanataṭīsāmrājyasiṃhāsanaṃ
kandarpasya vibhorjagattrayaprākaṭyamudrānidheḥ |
yasyāścāmaracāturīṃ kalayate raśmicchaṭā cañcalā
sā mandasmitamañjarī bhavatu naḥ kāmāya kāmākṣi te ||7||
śambhoryā parirambhasambhramavidhau nairmalyasīmānidhiḥ
gairvāṇīva taraṅgiṇī kṛtamṛdusyandāṃ kalindātmajām |
kalmāṣīkurute kalaṅkasuṣamāṃ kaṇṭhasthalīcumbinīṃ
kāmākṣyāḥ smitakandalī bhavatu naḥ kalyāṇasandohinī ||8||
jetuṃ hāralatāmiva stanataṭīṃ sañjagmuṣī santataṃ
gantuṃ nirmalatāmiva dviguṇitāṃ magnā kṛpāstrotasi |
labdhuṃ vismayanīyatāmiva haraṃ rāgākulaṃ kurvatī
mañjuste smitamañjarī bhavabhayaṃ mathnātu kāmākṣi me ||9||
śvetāpi prakaṭaṃ niśākararucāṃ mālinyamātanvatī
śītāpi smarapāvakaṃ paśupateḥ sandhukṣayantī sadā |
svābhāvyādadharāśritāpi namatāmuccairdiśantī gatiṃ
kāmākṣi sphuṭamantarā sphuratu nastvanmandahāsaprabhā ||10||
vaktraśrīsarasījale taralitabhrūvallikallolite
kālimnā dadhatī kaṭākṣajanuṣā mādhuvratīṃ vyāpṛtim |
nirnidrāmalapuṇḍarīkakuhanāpāṇḍityamābibhratī
kāmākṣyāḥ smitacāturī mama manaḥ kātaryamunmūlayet ||11||
nityaṃ bādhitabandhujīvamadharaṃ maitrījuṣaṃ pallavaiḥ
śuddhasya dvijamaṇḍalasya ca tiraskartāramapyāśritā |
yā vaimalyavatī sadaiva namatāṃ cetaḥ punītetarāṃ
kāmākṣyā hṛdayaṃ prasādayatu me sā mandahāsaprabhā ||12||
druhyantī tamase muhuḥ kumudinīsāhāyyamābibhratī
yāntī candrakiśoraśekharavapuḥsaudhāṅgaṇe preṅkhaṇam |
jñānāmbhonidhivīcikāṃ sumanasāṃ kūlaṅkaṣāṃ kurvatī
kāmākṣyāḥ smitakaumudī haratu me saṃsāratāpodayam ||13||
kāśmīradravadhātukardamarucā kalmāṣatāṃ bibhratī
haṃsaudhairiva kurvatī paricitiṃ hārīkṛtairmauktikaiḥ |
vakṣojanmatuṣāraśailakaṭake sañcāramātanvatī
kāmākṣyā mṛdulasmitadyutimayī bhāgīrathī bhāsate ||14||
kamborvaṃśaparamparā iva kṛpāsantānavallībhuvaḥ
samphullastabakā iva prasṛmarā mūrtāḥ prasādā iva |
vākpīyūṣakaṇā iva tripathagāparyāyabhedā iva
bhrājante tava mandahāsakiraṇāḥ kāñcīpurīnāyike ||15||
vakṣoje ghanasārapatraracanābhaṅgīsapatnāyitā
kaṇṭhe mauktikahārayaṣṭikiraṇavyāpāramudrāyitā |
oṣṭhaśrīnikurumbapallavapuṭe preṅkhatprasūnāyitā
kāmākṣi sphuratāṃ madīyahṛdaye tvanmandahāsaprabhā ||16||
yeṣāṃ bindurivopari pracalito nāsāgramuktāmaṇiḥ
yeṣāṃ dīna ivādhikaṇṭhamayate hāraḥ karālambanam |
yeṣāṃ bandhurivoṣṭhayoraruṇimā dhatte svayaṃ rañjanaṃ
kāmākṣyāḥ prabhavantu te mama śivollāsāya hāsāṅkurāḥ ||17||
yā jāḍyāmbunidhiṃ kṣiṇoti bhajatāṃ vairāyate kairavaiḥ
nityaṃ yāṃ niyamena yā ca yatate kartuṃ triṇetrotsavam |
bimbaṃ cāndramasaṃ ca vañcayati yā garveṇa sā tādṛśī
kāmākṣi smitamañjarī tava kathaṃ jyotsnetyasau kīrtyate ||18||
āruḍhā rabhasātpuraḥ purariporāśleṣaṇopakrame
yā te mātarupaiti divyataṭinīśaṅkākarī tatkṣaṇam |
oṣṭhau vepayati bhruvau kuṭilayatyānamrayatyānanaṃ
tāṃ vande mṛduhāsapūrasuṣamāmekāmranāthapriye ||19||
vaktrendostava candrikā smitatatirvalgu sphurantī satāṃ
syāccedyuktimidaṃ cakoramanasāṃ kāmākṣi kautūhalam |
etaccitramaharniśaṃ yadadhikāmeṣā ruciṃ gāhate
bimboṣṭhadyumaṇiprabhāsvapi ca yadbibbokamālambate ||20||
sādṛśyaṃ kalaśāmbudhervahati yatkāmākṣi mandasmitaṃ
śobhāmoṣṭharucāmba vidrumabhavāmetādbhidāṃ brūmahe |
ekasmāduditaṃ purā kila papau śarvaḥ purāṇaḥ pumān
etanmadhyasamudbhavaṃ rasayate mādhuryarūpaṃ rasam ||21||
uttuṅgastanakumbhaśailakaṭake vistārikastūrikā-
patraśrījuṣi cañcalāḥ smitarucaḥ kāmākṣi te komalāḥ |
sandhyādīdhitirañjitā iva muhuḥ sāndrādharajyotiṣā
vyālolāmalaśāradābhraśakalavyāpāramātanvate ||22||
kṣīraṃ dūrata eva tiṣṭhatu kathaṃ vaimalyamātrādidaṃ
mātaste sahapāṭhavīthimayatāṃ mandasmitairmañjulaiḥ |
kiṃ ceyaṃ tu bhidāsti dohanavaśādekaṃ tu sañjāyate
kāmākṣi svayamarthitaṃ praṇamatāmanyattu doduhyate ||23||
karpūrairamṛtairjagajjanani te kāmākṣi candrātapaiḥ
muktāhāraguṇairmṛṇālavalayairmugdhasmitaśrīriyam |
śrīkāñcīpuranāyike samatayā saṃstūyate sajjanaiḥ
tattādṛṅmama tāpaśāntividhaye kiṃ devi mandāyate ||24||
madhyegarbhitamañjuvākyalaharīmādhvījharīśītalā
mandārastabakāyate janani te mandasmitāṃśucchaṭā |
yasyā vardhayituṃ muhurvikasanaṃ kāmākṣi kāmadruho
valgurvīkṣaṇavibhramavyatikaro vāsantamāsāyate ||25||
bimboṣṭhadyutipuñjarañjitarucistvanmandahāsacchaṭā |
kalyāṇaṃ girisārvabhaumatanaye kallolayatvāśu me |
phullanmallipinaddhahallakamayī māleva yā peśalā
śrīkāñcīśvari māramarditururomadhye muhurlambate ||26||
bibhrāṇā śaradabhravibhramadaśāṃ vidyotamānāpyaso
kāmākṣi smitamañjarī kirati te kāruṇyadhārārasam |
āścaryaṃ śiśirīkaroti jagatīścālokya caināmaho
kāmaṃ khelati nīlakaṇṭhahṛdayaṃ kautūhalāndolitam ||27||
preṅkhatprauḍhakaṭākṣakuñjakuhareṣvatyacchagucchāyitaṃ
vaktrenducchavisindhuvīcinicaye phenapratānāyitam |
nairantaryavijṛmbhitastanataṭe naicolapaṭṭāyitaṃ
kāluṣyaṃ kabalīkarotu mama te kāmākṣi mandasmitam ||28||
pīyūṣaṃ tava mantharasmitamiti vyarthaiva sāpaprathā
kāmākṣi dhruvamīdṛśaṃ yadi bhavedetatkathaṃ vā śive |
mandārasya kathālavaṃ na sahate mathnāti mandākinī-
minduṃ nindati kīrtite'pi kalaśīpāthodhimīrṣyāyate ||29||
viśveṣāṃ nayanotsavaṃ vitanutāṃ vidyotatāṃ candramā
vikhyāto madanāntakena mukuṭīmadhye ca sammānyatām |
āḥ kiṃ jātamanena hāsasuṣamāmālokya kāmākṣi te
kālaṅkīmavalambate khalu daśāṃ kalmāṣahīno'pyasau ||30||
cetaḥ śītalayantu naḥ paśupaterānandajīvātavo
namrāṇāṃ nayanādhvasīmasu śaraccandrātapopakramāḥ |
saṃsārākhyasaroruhākarakhalīkāre tuṣārotkarāḥ
kāmākṣi smarakīrtibījanikarāstvanmandahāsāṅkurāḥ ||31||
karmaughākhyatamaḥkacākacikarānkāmākṣi sañcintaye
tvanmandasmitarociṣāṃ tribhuvanakṣemaṅkarānaṅkurān |
ye vaktraṃ śiśiraśriyo vikasitaṃ candrātapāmbhoruha-
dveṣoddheṣoṇacāturīmiva tiraskartuṃ pariṣkurvate ||32||
kuryurnaḥ kulaśailarājatanaye kūlaṅkaṣaṃ maṅgalaṃ
kundaspardhanacuñcavastava śive mandasmitaprakramāḥ |
ye kāmākṣi samastasākṣinayanaṃ santoṣayantīśvaraṃ
karpūraprakarā iva prasṛmarāḥ puṃsāmasādhāraṇāḥ ||33||
kamreṇa snapayasva karmakuhanācoreṇa mārāgama-
vyākhyāśikṣaṇadīkṣitena viduṣāmakṣīṇalakṣmīpuṣā |
kāmākṣi smitakandalena kaluṣasphoṭakriyācuñcunā
kāruṇyāmṛtavīcikāviharaṇaprācuryadhuryeṇa mām ||34||
tvanmandasmitakandalasya niyataṃ kāmākṣi śaṅkāmahe
bimbaḥ kaścana nūtanaḥ pracalito naiśākaraḥ śīkaraḥ |
kiñca kṣīrapayonidhiḥ pratinidhiḥ svarvāhinīvīcikā-
bibvoko'pi viḍamba eva kuhanā mallīmatallīrucaḥ ||35||
duṣkarmārkanisargakarkaśamahassamparkatapataṃ mila-
tpaṅkaṃ śaṅkaravallabhe mama manaḥ kāñcīpurālaṅkriye |
amba tvanmṛdulasmitāmṛtarase maṅktvā vidhūya vyathā-
mānandodayasaudhaśṛṅgapadavīmāroḍhumākāṅkṣati ||36||
namrāṇāṃ nagarājaśekharasute nākālayānāṃ puraḥ
kāmākṣi tvarayā vipatpraśamena kāruṇyadhārāḥ kiran |
āgacchantamanugrahaṃ prakaṭayannānandabījāni te
nāsīre mṛduhāsa eva tanute nāthe sudhāśītalaḥ ||37||
kāmākṣi prathamānavibhramanidhiḥ kandarpadarpaprasūḥ
mugdhaste mṛduhāsa eva girije muṣṇātu me kilbiṣam |
yaṃ draṣṭuṃ vihite karagraha ume śambhustrapāmīlitaṃ
svairaṃ kārayati sma tāṇḍavavinodānandinā taṇḍunā ||38||
kṣuṇṇaṃ kenacideva dhīramanasā kutrāpi nānājanaiḥ
karmagranthiniyantritairasugamaṃ kāmākṣi sāmānyataḥ |
mugdhairdruṣṭumaśakyameva manasā mūḍhasaya me mauktikaṃ
mārgaṃ darśayatu pradīpa iva te mandasmitaśrīriyam ||39||
jyotsnākāntibhireva nirmalataraṃ naiśākaraṃ maṇḍalaṃ
haṃsaireva śaradvilāsasamaye vyākocamambhoruham |
svacchaireva vikasvarairuḍuguṇaiḥ kāmākṣi bimbaṃ divaḥ
puṇyaireva mṛdusmitaistava mukhaṃ puṣṇāti śobhābharam ||40||
mānagranthividhuntudena rabhasādāsvādyamāne nava-
premāḍambarapūrṇimāhimakare kāmākṣi te tatkṣaṇam |
ālokya smitacandrikāṃ punarimāmunmīlanaṃ jagmuṣīṃ
cetaḥ śīlayate cakoracaritaṃ candrārdhacūḍāmaṇeḥ ||41||
kāmākṣi smitamañjarīṃ tava bhaje yasyāstviṣāmaṅkurā-
nāpīnastanapānalālasatayā niśśaṅkamaṅkeśayaḥ |
ūrdhvaṃ vīkṣya vikarṣati prasṛmarānuddāmayā śuṇḍayā
sūnusute bisaśaṅkayāśu kuhanādantāvalagrāmaṇīḥ ||42||
gāḍhāśleṣavimardasambhramavaśāduddāmamuktāguṇa-
prālambe kucakumbhayorvigalite dakṣadviṣo vakṣasi |
yā sakhyena pinahyati pracurayā bhāsā tadīyāṃ daśāṃ
sā me khelatu kāmakoṭi hṛdaye sāndrasmitāṃśucchaṭā ||43||
mandāre tava mantharasmitarucāṃ mātsaryamālokyate
kāmākṣi smaraśāsane ca niyato rāgodayo lakṣyate |
cāndrīṣu dyutimañjarīṣu ca mahāndveṣāṅkuro dṛśyate
śuddhānāṃ kathamīdṛśī girisute'tiśuddhā daśā kathyatām ||44||
pīyūṣaṃ khalu pīyate surajanairdugdhāmbudhirmathyate
māheśaiśca jaṭākalāpanigaḍairmandākinī nahyate |
śītāṃśuḥ paribhūyate ca tamasā tasmādanetādṛśī
kāmākṣi smitamañjarī tava vacovaidagdhyamullaṅghate ||45||
āśaṅke tava mandahāsalaharīmanyādṛśīṃ candrikā-
mekāmreśakuṭumbini pratipadaṃ yasyāḥ prabhāsaṅgame |
vakṣojāmburuhe na te racayataḥ kāñciddaśāṃ kauṅmalī-
māsyāmbhoruhamamba kiñca śanakairālambate phullatām ||46||
āstīrṇādharakāntipallavacaye pātaṃ muhurjagmuṣī
māradrohiṇi kandalatsmaraśarajvālāvalīrvyañjatī |
nindantī ghanasārahāravalayajyotsnāmṛṇālāni te
kāmākṣi smitacāturī virahiṇīrītiṃ jagāhetarām ||47||
sūryālokavidhau vikāsamadhikaṃ yāntī harantī tama-
ssandohaṃ namatāṃ nijasmaraṇato doṣākaradveṣiṇī |
niryāntī vadanāravindakuharānnirdhūtajāḍyā nṛṇāṃ
śrīkāmākṣi tava smitadyutimayī citrīyate candrikā ||48||
kuṇṭhīkuryuramī kubodhaghaṭanāmasmanmanomāthinīṃ
śrīkāmākṣi śivaṅkarāstava śive śrīmandahāsāṅkurāḥ |
ye tanvanti nirantaraṃ taruṇimastamberamagrāmaṇī-
kumbhadvandvaviḍambini stanataṭe muktākuthāḍambaram ||49||
preṅkhantaḥ śaradambudā iva śanaiḥ premānilaiḥ preritā
majjanto mandanārikaṇṭhasuṣamāsindhau muhurmantharam |
śrīkāmākṣi tava smitāṃśunikarāḥ śyāmāyamānaśriyo
nīlāmbhodharanaipuṇīṃ tata ito nirnidrayantyañjasā ||50||
vyāpāraṃ caturānanaikavihṛtau vyākurvatī kurvatī
rudrākṣagrahaṇaṃ maheśi satataṃ vāgūrmikallolitā |
utphullaṃ dhavalāravindamadharīkṛtya sphurantī sadā
śrīkāmākṣi sarasvatī vijayate tvanmandahāsaprabhā ||51||
karpūradyutitaskareṇa mahasā kalmāṣayatyānanaṃ
śrīkāñcīpuranāyike patiriva śrīmandahāso'pi te |
āliṅgatyatipīvarāṃ stanataṭīṃ bimbādharaṃ cumbati
prauḍhaṃ rāgabharaṃ vyanakti manaso dhairyaṃ dhunītetarām ||52||
vaiśadyena ca viśvatāpaharaṇakrīḍāpaṭīyastayā
pāṇḍityena pacelimena jagatāṃ netrotsavotpādena |
kāmākṣi smitakandalaistava tulāmāroḍhumudyoginī
jyotsnāsau jalarāśipoṣaṇatayā dūṣyāṃ prapannā daśām ||53||
lāvaṇyāmbujinīmṛṇālavalayaiḥ śṛṅgāragandhadvipa-
grāmaṇyaḥ śruticāmaraistaruṇimasvārājyatejoṅkuraiḥ |
ānandāmṛtasindhuvīcipṛṣatairāsyābjahaṃsaistava
śrīkāmākṣi mathāna mandahasitairmatkaṃ manaḥkalmaṣam ||54||
uttuṅgastanamaṇḍalīparicalanmāṇikyahāracchaṭā-
cañcacchoṇimapuñjamadhyasaraṇiṃ mātaḥ pariṣkurvatī |
yā vaidagdhyamupaiti śaṅkarajaṭākāntāravāṭīpata-
tsvarvāpīpayasaḥ smitadyutirasau kāmākṣi te mañjulā ||55||
sannāmaikajuṣā janena sulabhaṃ saṃsūcayantī śanai-
ruttuṅgasya cirādanugrahatarorutpatsyamānaṃ phalam |
prāthamyena vikasvarā kusumavatprāgalbhyamabhyeyuṣī
kāmākṣi smitacāturī tava mama kṣemaṅkarī kalpatām ||56||
dhānuṣkāgrasarasya lolakuṭilabhrūlekhayā bibhrato
līlālokaśilīmukhaṃ navavayassāmrājyalakṣmīpuṣaḥ |
jetuṃ manmathamardinaṃ janani te kāmākṣi hāsaḥ svayaṃ
valgurvibhramabhūbhṛto vitanute senāpatiprakriyām ||57||
yannākampata kālakūṭakabalīkāre cucumbe na yad-
glānyā cakṣuṣi rūṣitānalaśikhe rudrasya tattādṛśam |
ceto yatprasabhaṃ smarajvaraśikhijvālena lelihyate
tatkāmākṣi tava smitāṃśukalikāhelābhavaṃ prābhavam ||58||
sambhinneva suparvalokataṭinī vīcīcayairyāmunaiḥ
sammiśreva śaśāṅkadīptilaharī nīlairmahānīradaiḥ |
kāmākṣi sphuritā tava smitaruciḥ kālāñjanaspardhinā
kālimnā kacarociṣāṃ vyatikare kāñciddaśāmaśnute ||59||
jānīmo jagadīśvarapraṇayini tvanmandahāsaprabhāṃ
śrīkāmākṣi sarojinīmabhinavāmeṣā yataḥ sarvadā |
āsyendoravalokena paśupaterabhyeti samphullatāṃ
tandrālustadabhāva eva tanute tadvaiparītyakramam ||60||
yāntī lohitimānamabhrataṭinī dhātucchaṭākardamaiḥ
bhāntī bālagabhastimālikiraṇairmeghāvalī śāradī |
bimboṣṭhadyutipuñjacumbanakalāśoṇāyamānena te
kāmākṣi smitarociṣā samadaśāmāroḍhumākāṅkṣate ||61||
śrīkāmākṣi mukhendubhūṣaṇamidaṃ mandasmitaṃ tāvakaṃ
netrānandakaraṃ tathā himakaro gacchedyathā tigmatām |
śītaṃ devi tathā yathā himajalaṃ santāpamudrāspadaṃ
śvetaṃ kiñca tathā yathā malinatāṃ dhatte ca muktāmaṇiḥ ||62||
tvanmandasmitamañjarīṃ prasṛmarāṃ kāmākṣi candrātapaṃ
santaḥ santatamāmanantyamalatā tallakṣaṇaṃ lakṣyate |
asmākaṃ na dhunoti tāpakamadhikaṃ dhūnoti nābhyantaraṃ
dhvāntaṃ tatkhalu duḥkhino vayamidaṃ kenoti no vidmahe ||63||
namrasya praṇayaprarūḍhakalahacchedāya pādābjayoḥ
mandaṃ candrakiśoraśekharamaṇeḥ kāmākṣi rāgeṇa te |
bandhūkaprasavaśriyaṃ jitavato baṃhīyasīṃ tādṛśīṃ
bimboṣṭhasya ruciṃ nirasya hasitajyotsnā vayasyāyate ||64||
muktānāṃ parimocanaṃ vidadhatastatprītiniṣpādinī
bhūyo dūrata eva dhūtamarutastatpālanaṃ tanvatī |
udbhūtasya jalāntarādavirataṃ taddūratāṃ jagmuṣī
kāmākṣi smitamañjarī tava kathaṃ kambostulāmaśnute ||65||
śrīkāmākṣi tava smitadyutijharīvaidagdhyalīlāyitaṃ
paśyanto'pi nirantaraṃ suvimalammanyā jaganmaṇḍale |
lokaṃ hāsayituṃ kimarthamaniśaṃ prākāśyamātanvate
mandākṣaṃ virahayya maṅgalataraṃ mandāracandrādayaḥ ||66||
kṣīrābdherapi śailarājatanaye tvanmandahāsasya ca
śrīkāmākṣi valakṣimodayanidheḥ kiñcidbhidāṃ brūmahe |
ekasmai puruṣāya devi sa dadau lakṣmīṃ kadācitpurā
sarvebhyo'pi dadātyasau tu satataṃ lakṣmīṃ ca vāgīśvarīm ||67||
śrīkāñcīpuraratnadīpakalike tānyeva menātmaje
cākorāṇi kulāni devi sutarāṃ dhanyāni manyāmahe |
kampātīrakuṭumbacaṅkramakalācuñcūni cañcūpuṭaiḥ
nityaṃ yāni tava smitendumahasāmāsvādamātanvate ||68||
śaityaprakramamāśrito'pi namatāṃ jāḍyaprathāṃ dhūnayan
nairmalyaṃ paramaṃ gato'pi giriśaṃ rāgākulaṃ cārayan |
līlālāpapurassaro'pi satataṃ vācaṃyamānprīṇayan
kāmākṣi smitarociṣāṃ tava samullāsaḥ kathaṃ varṇyate ||69||
śroṇīcañcalamekhalāmukharitaṃ līlāgataṃ mantharaṃ
bhrūvallīcalanaṃ kaṭākṣavalanaṃ mandākṣavīkṣācaṇam |
yadvaidagdhyamukhena manmatharipuṃ sammohayantyañjasā
śrīkāmākṣi tava smitāya satataṃ tasmai namsakurmahe ||70||
śrīkāmākṣi manojñamandahasitajyotiṣprarohe tava
sphītaśvetimasārvabhaumasaraṇiprāgalbhyamabhyeyuṣi |
candro'yaṃ yuvarājatāṃ kalayate ceṭīdhuraṃ candrikā
śuddhā sā ca sudhājharī sahacarīsādharmyamālambate ||71||
jyotsnā kiṃ tanute phalaṃ tanumatāmauṣṇyapraśāntiṃ vinā
tvanmandasmitarociṣā tanumatāṃ kāmākṣi rociṣṇunā |
santāpo vinivāryate navavayaḥprācuryamaṅkūryate
saundaryaṃ paripūryate jagati sā kīrtiśca sañcāryate ||72||
vaimalyaṃ kumudaśriyāṃ himarucaḥ kāntyaiva sandhukṣyate
jyotsnārocirapi pradoṣasamayaṃ prāpyaiva sampadyate |
svacchatvaṃ navamauktikasya paramaṃ saṃskārato dṛśyate
kāmākṣyāḥ smitadīdhiterviśadimā naisargiko bhāsate ||73||
prākāśyaṃ parameśvarapraṇayini tvanmandahāsaśriyaḥ
śrīkāmākṣi mama kṣiṇotu mamatāvaicakṣaṇīmakṣayām |
yadbhītyeva nilīyate himakaro meghodare śuktikā-
garbhe mauktikamaṇḍalī ca sarasīmadhye mṛṇālī ca sā ||74||
herambe ca guhe harṣabharitaṃ vātsalyamaṅkūrayat
māradrohiṇi pūruṣe sahabhuvaṃ premāṅkuraṃ vyañjayat |
ānamreṣu janeṣu pūrṇakaruṇāvaidagdhyamuttālayat
kāmākṣi smitamañjasā tava kathaṅkāraṃ mayā kathyate ||75||
saṅkruddhadvijarājako'pyavirataṃ kurvandvijaiḥ saṅgamaṃ
vāṇīpaddhatidūrago'pi satataṃ tatsāhacaryaṃ vahan |
aśrāntaṃ paśudurlabho'pi kalayanpatyau paśūnāṃ ratiṃ
śrīkāmākṣi tava smitāmṛtarasasyando mayi spandatām ||76||
śrīkāmākṣi maheśvare nirupamapremāṅkuraprakramamaṃ
nityaṃ yaḥ prakaṭīkaroti sahajāmunnidrayanmādhurīm |
tattādṛktava mandahāsamahimā mātaḥ kathaṃ mānitāṃ
tanmūrdhnā suranimnagāṃ ca kalikāmindośca tāṃ nindati ||77||
ye mādhuryavihāramaṇṭapabhuvo ye śaityamudrākarā
ye vaiśadyadaśāviśeṣasubhagāste mandahāsāṅkurāḥ |
kāmākṣyāḥ sahajaṃ guṇatrayamidaṃ paryāyataḥ kurvatāṃ
vāṇīgumphanaḍambare ca hṛdaye kīrtiprarohe ca me ||78||
kāmākṣyā mṛdulasmitāṃśunikarā dakṣāntake vīkṣaṇe
mandākṣagrahilā himadyutimayūkhākṣepadīkṣāṅkurāḥ |
dākṣyaṃ pakṣmalayantu mākṣikaguḍadrākṣābhavaṃ vākṣu me
sūkṣmaṃ mokṣapathaṃ nirīkṣitumapi prakṣālayeyurmanaḥ ||79||
jātyā śītaśītalāni madhurāṇyetāni pūtāni te
gāṅgānīva payāṃsi devi paṭalānyalpasmitajyotiṣām |
enaḥpaṅkaparamparāmalinitāmekāmranāthapriye
prajñānātsutarāṃ madīyadhiṣaṇāṃ prakṣālayantu kṣaṇāt ||80||
aśrāntaṃ paratantritaḥ paśupatistvanmandahāsāṅkuraiḥ
śrīkāmākṣi tadīyavarṇasamatāsaṅgena śaṅkāmahe |
induṃ nākadhunīṃ ca śekharayate mālāṃ ca dhatte navaiḥ
vaikuṇṭhairavakuṇṭhanaṃ ca kurute dhūlīcayairbhāsmanaiḥ ||81||
śrīkāñcīpuradevate mṛduvacassaurabhyamudrāspadaṃ
prauḍhapremalatānavīnakusumaṃ mandasmitaṃ tāvakam |
mandaṃ kandalati priyasya vadanāloke samābhāṣaṇe
ślakṣṇe kuṅmalati prarūḍhapulake cāśloṣaṇe phullati ||82||
kiṃ traisrotasamambike pariṇataṃ srotaścaturthaṃ navaṃ
pīyūṣasya samastatāpaharaṇaṃ kiṃvā dvitīyaṃ vapuḥ |
kiṃsvittvannikaṭaṃ gataṃ madhurimābhyāsāya gavyaṃ payaḥ
śrīkāñcīpuranāyakapriyatame mandasmitaṃ tāvakam ||83||
bhūṣā vaktrasaroruhasya sahajā vācāṃ sakhī śāśvatī
nīvī vibhramasantateḥ paśupateḥ saudhī dṛśāṃ pāraṇā |
jīvāturmadanaśriyaḥ śaśiruceruccāṭanī devatā
śrīkāmākṣi girāmabhūmimayate hāsaprabhāmañjarī ||84||
sūtiḥ śvetimakandalasya vasatiḥ śṛṅgārasāraśriyaḥ
pūrtiḥ sūktijharīrasasya laharī kāruṇyapāthonidheḥ |
vāṭī kācana kausumī madhurimasvārājyalakṣmyāstava
śrīkāmākṣi mamāstu maṅgalakarī hāsaprabhācāturī ||85||
jantūnāṃ janiduḥkhamṛtyulaharīsantāpanaṃ kṛntataḥ
prauḍhānugrahapūrṇaśītalaruco nityodayaṃ bibhrataḥ |
śrīkāmākṣi visṛtvarā iva karā hāsāṅkurāste haṭhā-
dālokena nihanyurandhatamasastomasya me santatim ||86||
uttuṅgastanamaṇḍalasya vilasallāvaṇyalīlānaṭī-
raṅgasya sphuṭamūrdhvasīmani muhuḥ prākāśyamabhyeyuṣī |
śrīkāmākṣi tava smitadyutitatirbimboṣṭhakāntyaṅkuraiḥ
citrāṃ vidrumamudritāṃ vitanute mauktīṃ vitānaśriyam ||87||
svābhāvyāttava vaktrameva lalitaṃ santoṣasampādanaṃ
śambhoḥ kiṃ punarañcitasmitarucaḥ pāṇḍityapātrīkṛtam |
ambhojaṃ svata eva sarvajagatāṃ cakṣuḥpriyambhāvukaṃ
kāmākṣi sphurite śaradvikasite kīdṛgvidhaṃ bhrājate ||88||
pumbhirnirmalamānasaurvidadhate maitrīṃ dṛḍhaṃ nirmalāṃ
labdhvā karmalayaṃ ca nirmalatarāṃ kīrtiṃ labhantetarām |
sūktiṃ pakṣmalayanti nirmalatamāṃ yattāvakāḥ sevakāḥ
tatkāmākṣi tava smitasya kalayā nairmalyasīmānidheḥ ||89||
ākarṣannayanāni nākisadasāṃ śaityena saṃstambhaya-
nninduṃ kiñca vimohayanpaśupatiṃ viśvārtimuccāṭayan |
hiṃsatsaṃsṛtiḍambaraṃ tava śive hāsāhvayo māntrikaḥ
śrīkāmākṣi madīyamānasatamovidveṣaṇe ceṣṭatām ||90||
kṣepīyaḥ kṣapayantu kalmaṣabhayānyasmākamalpasmita-
jyotirmaṇḍalacaṅkramāstava śive kāmākṣi rociṣṇavaḥ |
pīḍākarmaṭhakarmagharmasamayavyāpāratāpānala-
śrīpātā navaharṣavarṣaṇasudhāsrotasvinīśīkarāḥ ||91||
śrīkāmākṣi tava smitaindavamahaḥpūre parimphūrjati
prauḍhāṃ vāridhicāturīṃ kalayate bhaktātmanāṃ prātibham |
daurgatyaprasarāstamaḥpaṭalikāsādharmyamābibhrate
sarvaṃ kairavasāhacaryapadavīrītiṃ vidhatte param ||92||
mandārādiṣu manmathārimahiṣi prākāśyarītiṃ nijāṃ
kādācitkatayā viśaṅkya bahuśo vaiśadyamudrāguṇaḥ |
sātatyena tava smite vitanute svairāsanāvāsanām ||93||
indhāne bhavavītihotranivahe karmaughacaṇḍānila-
prauḍhimnā bahulīkṛte nipatitaṃ santāpacintākulam |
mātarmāṃ pariṣiñca kiñcidamalaiḥ pīyūṣavarṣairiva
śrīkāmākṣi tava smitadyutikaṇaiḥ śaiśiryalīlākaraiḥ ||94||
bhāṣāyā rasanāgrakhelanajuṣaḥ śṛṅgāramudrāsakhī-
līlājātarateḥ sukhena niyamasnānāya menātmaje |
śrīkāmākṣi sudhāmayīva śiśirā srotasvinī tāvakī
gāḍhānandataraṅgitā vijayate hāsaprabhācāturī ||95||
santāpaṃ viralīkarotu sakalaṃ kāmākṣi maccetanā
majjantī madhurasmitāmaradhunīkallolajāleṣu te |
nairantaryamupetya manmathamarulloleṣu yeṣu sphuṭaṃ
premenduḥ pratibimbito vitanute kautūhalaṃ dhūrjaṭeḥ ||96||
cetaḥkṣīrapayodhimantharacaladrāgākhyamanthācala-
kṣobhavyāpṛtisambhavāṃ janani te mandasmitaśrīsudhām |
svādaṃsvādamudītakautukarasā netratrayī śāṅkarī
śrīkāmākṣi nirantaraṃ pariṇamatyānandavīcīmayī ||97||
āloke tava pañcasāyakariporuddāmakautūhala-
preṅkhanmārutaghaṭṭanapracalitādānandadugdhāmbudheḥ |
kācidvīcirudañcati pratinavā saṃvitprarohātmikā
tāṃ kāmākṣi kavīśvarāḥ smitamiti vyākurvate sarvadā ||98||
sūktiḥ śīlayate kimadritanaye mandasmitātte muhuḥ
mādhuryāgamasampradāyamathavā sūkternu mandasmitam |
itthaṃ kāmapi gāhate mama manaḥ sandehamārgabhramiṃ
śrīkāmākṣi na pāramārthyasaraṇisphūrtau nidhatte padam ||99||
krīḍālolakṛpāsaroruhamukhīsaudhāṅgaṇebhyaḥ kavi-
śreṇīvākparipāṭikāmṛtajharīsūtīgṛhebhyaḥ śive |
nirvāṇāṅkurasārvabhaumapadavīsiṃhāsanebhyastava
śrīkāmākṣi manojñamandahasitajyotiṣkaṇebhyo namaḥ ||100||
āryāmeva vibhāvayanmanasi yaḥ pādāravindaṃ puraḥ
paśyannārabhate stutiṃ sa niyataṃ labdhvā kaṭākṣacchavim |
kāmākṣyā mṛdulasmitāṃśulaharījyotsnāvayasyānvitām
ārohatyapavargasaudhavalabhīmānandavīcīmayīm ||101||
|| iti mandasmitaśatakaṃ sampūrṇam ||
|| iti śrī mūkapañcaśatī sampūrṇā ||
||auṃ tat sat ||
Sanskrit — Devanagari (original)
बध्नीमो वयमञ्जलिं प्रतिदिनं बन्धच्छिदे देहिनां
कन्दर्पागमतन्त्रमूलगुरवे कल्याणकेलीभुवे ।
कामाक्ष्या घनसारपुञ्जरजसे कामद्रुहश्चक्षुषां
मन्दारस्तबकप्रभामदमुषे मन्दस्मितज्योतिषे ॥1॥
सध्रीचे नवमल्लिकासुमनसां नासाग्रमुक्तामणे-
राचार्याय मृणालकाण्डमहसां नैसर्गिकाय द्विषे ।
स्वर्धुन्या सह युध्वेन हिमरुचेरर्धासनाध्यासिने
कामाक्ष्याः स्मितमञ्जरीधवलिमाद्वैताय तस्मै नमः ॥2॥
कर्पूरद्युतिचातुरीमतितरामल्पीयसीं कुर्वती
दौर्भाग्योदयमेव संविदधती दौषाकरीणां त्विषाम् ।
क्षुल्लानेव मनोज्ञमल्लिनिकरान्फुल्लानपि व्यञ्जती
कामाक्ष्या मृदुलस्मितांशुलहरी कामप्रसूरस्तु मे ॥3॥
या पीनस्तनमण्डलोपरि लसत्कर्पूरलेपायते
या नीलेक्षणरात्रिकान्तिततिषु ज्योत्स्नाप्ररोहायते ।
या सौन्दर्यधुनीतरङ्गततिषु व्यालोलहंसायते
कामाक्ष्याः शिशिरीकरोतु हृदयं सा मे स्मितप्राचुरी ॥4॥
येषां गच्छति पूर्वपक्षसरणिं कौमुद्वतः श्वेतिमा
येषां सन्ततमारुरुक्षति तुलाकक्ष्यां शरच्चन्द्रमाः ।
येषामिच्छति कम्बुरप्यसुलभामन्तेवसत्प्रक्रियां
कामाक्ष्या ममतां हरन्तु मम ते हासत्विषामङ्कुराः ॥5॥
आशासीमसु सन्ततं विदधती नैशाकरीं व्याक्रियां
काशानामभिमानभङ्गकलनाकौशल्यमाबिभ्रती ।
ईशानेन विलोकिता सकुतुकं कामाक्षि ते कल्मष-
क्लेशापायकरी चकास्ति लहरी मन्दस्मितज्योतिषाम् ॥6॥
आरूढस्य समुन्नतस्तनतटीसाम्राज्यसिंहासनं
कन्दर्पस्य विभोर्जगत्त्रयप्राकट्यमुद्रानिधेः ।
यस्याश्चामरचातुरीं कलयते रश्मिच्छटा चञ्चला
सा मन्दस्मितमञ्जरी भवतु नः कामाय कामाक्षि ते ॥7॥
शम्भोर्या परिरम्भसम्भ्रमविधौ नैर्मल्यसीमानिधिः
गैर्वाणीव तरङ्गिणी कृतमृदुस्यन्दां कलिन्दात्मजाम् ।
कल्माषीकुरुते कलङ्कसुषमां कण्ठस्थलीचुम्बिनीं
कामाक्ष्याः स्मितकन्दली भवतु नः कल्याणसन्दोहिनी ॥8॥
जेतुं हारलतामिव स्तनतटीं सञ्जग्मुषी सन्ततं
गन्तुं निर्मलतामिव द्विगुणितां मग्ना कृपास्त्रोतसि ।
लब्धुं विस्मयनीयतामिव हरं रागाकुलं कुर्वती
मञ्जुस्ते स्मितमञ्जरी भवभयं मथ्नातु कामाक्षि मे ॥9॥
श्वेतापि प्रकटं निशाकररुचां मालिन्यमातन्वती
शीतापि स्मरपावकं पशुपतेः सन्धुक्षयन्ती सदा ।
स्वाभाव्यादधराश्रितापि नमतामुच्चैर्दिशन्ती गतिं
कामाक्षि स्फुटमन्तरा स्फुरतु नस्त्वन्मन्दहासप्रभा ॥10॥
वक्त्रश्रीसरसीजले तरलितभ्रूवल्लिकल्लोलिते
कालिम्ना दधती कटाक्षजनुषा माधुव्रतीं व्यापृतिम् ।
निर्निद्रामलपुण्डरीककुहनापाण्डित्यमाबिभ्रती
कामाक्ष्याः स्मितचातुरी मम मनः कातर्यमुन्मूलयेत् ॥11॥
नित्यं बाधितबन्धुजीवमधरं मैत्रीजुषं पल्लवैः
शुद्धस्य द्विजमण्डलस्य च तिरस्कर्तारमप्याश्रिता ।
या वैमल्यवती सदैव नमतां चेतः पुनीतेतरां
कामाक्ष्या हृदयं प्रसादयतु मे सा मन्दहासप्रभा ॥12॥
द्रुह्यन्ती तमसे मुहुः कुमुदिनीसाहाय्यमाबिभ्रती
यान्ती चन्द्रकिशोरशेखरवपुःसौधाङ्गणे प्रेङ्खणम् ।
ज्ञानाम्भोनिधिवीचिकां सुमनसां कूलङ्कषां कुर्वती
कामाक्ष्याः स्मितकौमुदी हरतु मे संसारतापोदयम् ॥13॥
काश्मीरद्रवधातुकर्दमरुचा कल्माषतां बिभ्रती
हंसौधैरिव कुर्वती परिचितिं हारीकृतैर्मौक्तिकैः ।
वक्षोजन्मतुषारशैलकटके सञ्चारमातन्वती
कामाक्ष्या मृदुलस्मितद्युतिमयी भागीरथी भासते ॥14॥
कम्बोर्वंशपरम्परा इव कृपासन्तानवल्लीभुवः
सम्फुल्लस्तबका इव प्रसृमरा मूर्ताः प्रसादा इव ।
वाक्पीयूषकणा इव त्रिपथगापर्यायभेदा इव
भ्राजन्ते तव मन्दहासकिरणाः काञ्चीपुरीनायिके ॥15॥
वक्षोजे घनसारपत्ररचनाभङ्गीसपत्नायिता
कण्ठे मौक्तिकहारयष्टिकिरणव्यापारमुद्रायिता ।
ओष्ठश्रीनिकुरुम्बपल्लवपुटे प्रेङ्खत्प्रसूनायिता
कामाक्षि स्फुरतां मदीयहृदये त्वन्मन्दहासप्रभा ॥16॥
येषां बिन्दुरिवोपरि प्रचलितो नासाग्रमुक्तामणिः
येषां दीन इवाधिकण्ठमयते हारः करालम्बनम् ।
येषां बन्धुरिवोष्ठयोररुणिमा धत्ते स्वयं रञ्जनं
कामाक्ष्याः प्रभवन्तु ते मम शिवोल्लासाय हासाङ्कुराः ॥17॥
या जाड्याम्बुनिधिं क्षिणोति भजतां वैरायते कैरवैः
नित्यं यां नियमेन या च यतते कर्तुं त्रिणेत्रोत्सवम् ।
बिम्बं चान्द्रमसं च वञ्चयति या गर्वेण सा तादृशी
कामाक्षि स्मितमञ्जरी तव कथं ज्योत्स्नेत्यसौ कीर्त्यते ॥18॥
आरुढा रभसात्पुरः पुररिपोराश्लेषणोपक्रमे
या ते मातरुपैति दिव्यतटिनीशङ्काकरी तत्क्षणम् ।
ओष्ठौ वेपयति भ्रुवौ कुटिलयत्यानम्रयत्याननं
तां वन्दे मृदुहासपूरसुषमामेकाम्रनाथप्रिये ॥19॥
वक्त्रेन्दोस्तव चन्द्रिका स्मितततिर्वल्गु स्फुरन्ती सतां
स्याच्चेद्युक्तिमिदं चकोरमनसां कामाक्षि कौतूहलम् ।
एतच्चित्रमहर्निशं यदधिकामेषा रुचिं गाहते
बिम्बोष्ठद्युमणिप्रभास्वपि च यद्बिब्बोकमालम्बते ॥20॥
सादृश्यं कलशाम्बुधेर्वहति यत्कामाक्षि मन्दस्मितं
शोभामोष्ठरुचाम्ब विद्रुमभवामेताद्भिदां ब्रूमहे ।
एकस्मादुदितं पुरा किल पपौ शर्वः पुराणः पुमान्
एतन्मध्यसमुद्भवं रसयते माधुर्यरूपं रसम् ॥21॥
उत्तुङ्गस्तनकुम्भशैलकटके विस्तारिकस्तूरिका-
पत्रश्रीजुषि चञ्चलाः स्मितरुचः कामाक्षि ते कोमलाः ।
सन्ध्यादीधितिरञ्जिता इव मुहुः सान्द्राधरज्योतिषा
व्यालोलामलशारदाभ्रशकलव्यापारमातन्वते ॥22॥
क्षीरं दूरत एव तिष्ठतु कथं वैमल्यमात्रादिदं
मातस्ते सहपाठवीथिमयतां मन्दस्मितैर्मञ्जुलैः ।
किं चेयं तु भिदास्ति दोहनवशादेकं तु सञ्जायते
कामाक्षि स्वयमर्थितं प्रणमतामन्यत्तु दोदुह्यते ॥23॥
कर्पूरैरमृतैर्जगज्जननि ते कामाक्षि चन्द्रातपैः
मुक्ताहारगुणैर्मृणालवलयैर्मुग्धस्मितश्रीरियम् ।
श्रीकाञ्चीपुरनायिके समतया संस्तूयते सज्जनैः
तत्तादृङ्मम तापशान्तिविधये किं देवि मन्दायते ॥24॥
मध्येगर्भितमञ्जुवाक्यलहरीमाध्वीझरीशीतला
मन्दारस्तबकायते जननि ते मन्दस्मितांशुच्छटा ।
यस्या वर्धयितुं मुहुर्विकसनं कामाक्षि कामद्रुहो
वल्गुर्वीक्षणविभ्रमव्यतिकरो वासन्तमासायते ॥25॥
बिम्बोष्ठद्युतिपुञ्जरञ्जितरुचिस्त्वन्मन्दहासच्छटा ।
कल्याणं गिरिसार्वभौमतनये कल्लोलयत्वाशु मे ।
फुल्लन्मल्लिपिनद्धहल्लकमयी मालेव या पेशला
श्रीकाञ्चीश्वरि मारमर्दितुरुरोमध्ये मुहुर्लम्बते ॥26॥
बिभ्राणा शरदभ्रविभ्रमदशां विद्योतमानाप्यसो
कामाक्षि स्मितमञ्जरी किरति ते कारुण्यधारारसम् ।
आश्चर्यं शिशिरीकरोति जगतीश्चालोक्य चैनामहो
कामं खेलति नीलकण्ठहृदयं कौतूहलान्दोलितम् ॥27॥
प्रेङ्खत्प्रौढकटाक्षकुञ्जकुहरेष्वत्यच्छगुच्छायितं
वक्त्रेन्दुच्छविसिन्धुवीचिनिचये फेनप्रतानायितम् ।
नैरन्तर्यविजृम्भितस्तनतटे नैचोलपट्टायितं
कालुष्यं कबलीकरोतु मम ते कामाक्षि मन्दस्मितम् ॥28॥
पीयूषं तव मन्थरस्मितमिति व्यर्थैव सापप्रथा
कामाक्षि ध्रुवमीदृशं यदि भवेदेतत्कथं वा शिवे ।
मन्दारस्य कथालवं न सहते मथ्नाति मन्दाकिनी-
मिन्दुं निन्दति कीर्तितेऽपि कलशीपाथोधिमीर्ष्यायते ॥29॥
विश्वेषां नयनोत्सवं वितनुतां विद्योततां चन्द्रमा
विख्यातो मदनान्तकेन मुकुटीमध्ये च सम्मान्यताम् ।
आः किं जातमनेन हाससुषमामालोक्य कामाक्षि ते
कालङ्कीमवलम्बते खलु दशां कल्माषहीनोऽप्यसौ ॥30॥
चेतः शीतलयन्तु नः पशुपतेरानन्दजीवातवो
नम्राणां नयनाध्वसीमसु शरच्चन्द्रातपोपक्रमाः ।
संसाराख्यसरोरुहाकरखलीकारे तुषारोत्कराः
कामाक्षि स्मरकीर्तिबीजनिकरास्त्वन्मन्दहासाङ्कुराः ॥31॥
कर्मौघाख्यतमःकचाकचिकरान्कामाक्षि सञ्चिन्तये
त्वन्मन्दस्मितरोचिषां त्रिभुवनक्षेमङ्करानङ्कुरान् ।
ये वक्त्रं शिशिरश्रियो विकसितं चन्द्रातपाम्भोरुह-
द्वेषोद्धेषोणचातुरीमिव तिरस्कर्तुं परिष्कुर्वते ॥32॥
कुर्युर्नः कुलशैलराजतनये कूलङ्कषं मङ्गलं
कुन्दस्पर्धनचुञ्चवस्तव शिवे मन्दस्मितप्रक्रमाः ।
ये कामाक्षि समस्तसाक्षिनयनं सन्तोषयन्तीश्वरं
कर्पूरप्रकरा इव प्रसृमराः पुंसामसाधारणाः ॥33॥
कम्रेण स्नपयस्व कर्मकुहनाचोरेण मारागम-
व्याख्याशिक्षणदीक्षितेन विदुषामक्षीणलक्ष्मीपुषा ।
कामाक्षि स्मितकन्दलेन कलुषस्फोटक्रियाचुञ्चुना
कारुण्यामृतवीचिकाविहरणप्राचुर्यधुर्येण माम् ॥34॥
त्वन्मन्दस्मितकन्दलस्य नियतं कामाक्षि शङ्कामहे
बिम्बः कश्चन नूतनः प्रचलितो नैशाकरः शीकरः ।
किञ्च क्षीरपयोनिधिः प्रतिनिधिः स्वर्वाहिनीवीचिका-
बिब्वोकोऽपि विडम्ब एव कुहना मल्लीमतल्लीरुचः ॥35॥
दुष्कर्मार्कनिसर्गकर्कशमहस्सम्पर्कतपतं मिल-
त्पङ्कं शङ्करवल्लभे मम मनः काञ्चीपुरालङ्क्रिये ।
अम्ब त्वन्मृदुलस्मितामृतरसे मङ्क्त्वा विधूय व्यथा-
मानन्दोदयसौधशृङ्गपदवीमारोढुमाकाङ्क्षति ॥36॥
नम्राणां नगराजशेखरसुते नाकालयानां पुरः
कामाक्षि त्वरया विपत्प्रशमेन कारुण्यधाराः किरन् ।
आगच्छन्तमनुग्रहं प्रकटयन्नानन्दबीजानि ते
नासीरे मृदुहास एव तनुते नाथे सुधाशीतलः ॥37॥
कामाक्षि प्रथमानविभ्रमनिधिः कन्दर्पदर्पप्रसूः
मुग्धस्ते मृदुहास एव गिरिजे मुष्णातु मे किल्बिषम् ।
यं द्रष्टुं विहिते करग्रह उमे शम्भुस्त्रपामीलितं
स्वैरं कारयति स्म ताण्डवविनोदानन्दिना तण्डुना ॥38॥
क्षुण्णं केनचिदेव धीरमनसा कुत्रापि नानाजनैः
कर्मग्रन्थिनियन्त्रितैरसुगमं कामाक्षि सामान्यतः ।
मुग्धैर्द्रुष्टुमशक्यमेव मनसा मूढसय मे मौक्तिकं
मार्गं दर्शयतु प्रदीप इव ते मन्दस्मितश्रीरियम् ॥39॥
ज्योत्स्नाकान्तिभिरेव निर्मलतरं नैशाकरं मण्डलं
हंसैरेव शरद्विलाससमये व्याकोचमम्भोरुहम् ।
स्वच्छैरेव विकस्वरैरुडुगुणैः कामाक्षि बिम्बं दिवः
पुण्यैरेव मृदुस्मितैस्तव मुखं पुष्णाति शोभाभरम् ॥40॥
मानग्रन्थिविधुन्तुदेन रभसादास्वाद्यमाने नव-
प्रेमाडम्बरपूर्णिमाहिमकरे कामाक्षि ते तत्क्षणम् ।
आलोक्य स्मितचन्द्रिकां पुनरिमामुन्मीलनं जग्मुषीं
चेतः शीलयते चकोरचरितं चन्द्रार्धचूडामणेः ॥41॥
कामाक्षि स्मितमञ्जरीं तव भजे यस्यास्त्विषामङ्कुरा-
नापीनस्तनपानलालसतया निश्शङ्कमङ्केशयः ।
ऊर्ध्वं वीक्ष्य विकर्षति प्रसृमरानुद्दामया शुण्डया
सूनुसुते बिसशङ्कयाशु कुहनादन्तावलग्रामणीः ॥42॥
गाढाश्लेषविमर्दसम्भ्रमवशादुद्दाममुक्तागुण-
प्रालम्बे कुचकुम्भयोर्विगलिते दक्षद्विषो वक्षसि ।
या सख्येन पिनह्यति प्रचुरया भासा तदीयां दशां
सा मे खेलतु कामकोटि हृदये सान्द्रस्मितांशुच्छटा ॥43॥
मन्दारे तव मन्थरस्मितरुचां मात्सर्यमालोक्यते
कामाक्षि स्मरशासने च नियतो रागोदयो लक्ष्यते ।
चान्द्रीषु द्युतिमञ्जरीषु च महान्द्वेषाङ्कुरो दृश्यते
शुद्धानां कथमीदृशी गिरिसुतेऽतिशुद्धा दशा कथ्यताम् ॥44॥
पीयूषं खलु पीयते सुरजनैर्दुग्धाम्बुधिर्मथ्यते
माहेशैश्च जटाकलापनिगडैर्मन्दाकिनी नह्यते ।
शीतांशुः परिभूयते च तमसा तस्मादनेतादृशी
कामाक्षि स्मितमञ्जरी तव वचोवैदग्ध्यमुल्लङ्घते ॥45॥
आशङ्के तव मन्दहासलहरीमन्यादृशीं चन्द्रिका-
मेकाम्रेशकुटुम्बिनि प्रतिपदं यस्याः प्रभासङ्गमे ।
वक्षोजाम्बुरुहे न ते रचयतः काञ्चिद्दशां कौङ्मली-
मास्याम्भोरुहमम्ब किञ्च शनकैरालम्बते फुल्लताम् ॥46॥
आस्तीर्णाधरकान्तिपल्लवचये पातं मुहुर्जग्मुषी
मारद्रोहिणि कन्दलत्स्मरशरज्वालावलीर्व्यञ्जती ।
निन्दन्ती घनसारहारवलयज्योत्स्नामृणालानि ते
कामाक्षि स्मितचातुरी विरहिणीरीतिं जगाहेतराम् ॥47॥
सूर्यालोकविधौ विकासमधिकं यान्ती हरन्ती तम-
स्सन्दोहं नमतां निजस्मरणतो दोषाकरद्वेषिणी ।
निर्यान्ती वदनारविन्दकुहरान्निर्धूतजाड्या नृणां
श्रीकामाक्षि तव स्मितद्युतिमयी चित्रीयते चन्द्रिका ॥48॥
कुण्ठीकुर्युरमी कुबोधघटनामस्मन्मनोमाथिनीं
श्रीकामाक्षि शिवङ्करास्तव शिवे श्रीमन्दहासाङ्कुराः ।
ये तन्वन्ति निरन्तरं तरुणिमस्तम्बेरमग्रामणी-
कुम्भद्वन्द्वविडम्बिनि स्तनतटे मुक्ताकुथाडम्बरम् ॥49॥
प्रेङ्खन्तः शरदम्बुदा इव शनैः प्रेमानिलैः प्रेरिता
मज्जन्तो मन्दनारिकण्ठसुषमासिन्धौ मुहुर्मन्थरम् ।
श्रीकामाक्षि तव स्मितांशुनिकराः श्यामायमानश्रियो
नीलाम्भोधरनैपुणीं तत इतो निर्निद्रयन्त्यञ्जसा ॥50॥
व्यापारं चतुराननैकविहृतौ व्याकुर्वती कुर्वती
रुद्राक्षग्रहणं महेशि सततं वागूर्मिकल्लोलिता ।
उत्फुल्लं धवलारविन्दमधरीकृत्य स्फुरन्ती सदा
श्रीकामाक्षि सरस्वती विजयते त्वन्मन्दहासप्रभा ॥51॥
कर्पूरद्युतितस्करेण महसा कल्माषयत्याननं
श्रीकाञ्चीपुरनायिके पतिरिव श्रीमन्दहासोऽपि ते ।
आलिङ्गत्यतिपीवरां स्तनतटीं बिम्बाधरं चुम्बति
प्रौढं रागभरं व्यनक्ति मनसो धैर्यं धुनीतेतराम् ॥52॥
वैशद्येन च विश्वतापहरणक्रीडापटीयस्तया
पाण्डित्येन पचेलिमेन जगतां नेत्रोत्सवोत्पादेन ।
कामाक्षि स्मितकन्दलैस्तव तुलामारोढुमुद्योगिनी
ज्योत्स्नासौ जलराशिपोषणतया दूष्यां प्रपन्ना दशाम् ॥53॥
लावण्याम्बुजिनीमृणालवलयैः शृङ्गारगन्धद्विप-
ग्रामण्यः श्रुतिचामरैस्तरुणिमस्वाराज्यतेजोङ्कुरैः ।
आनन्दामृतसिन्धुवीचिपृषतैरास्याब्जहंसैस्तव
श्रीकामाक्षि मथान मन्दहसितैर्मत्कं मनःकल्मषम् ॥54॥
उत्तुङ्गस्तनमण्डलीपरिचलन्माणिक्यहारच्छटा-
चञ्चच्छोणिमपुञ्जमध्यसरणिं मातः परिष्कुर्वती ।
या वैदग्ध्यमुपैति शङ्करजटाकान्तारवाटीपत-
त्स्वर्वापीपयसः स्मितद्युतिरसौ कामाक्षि ते मञ्जुला ॥55॥
सन्नामैकजुषा जनेन सुलभं संसूचयन्ती शनै-
रुत्तुङ्गस्य चिरादनुग्रहतरोरुत्पत्स्यमानं फलम् ।
प्राथम्येन विकस्वरा कुसुमवत्प्रागल्भ्यमभ्येयुषी
कामाक्षि स्मितचातुरी तव मम क्षेमङ्करी कल्पताम् ॥56॥
धानुष्काग्रसरस्य लोलकुटिलभ्रूलेखया बिभ्रतो
लीलालोकशिलीमुखं नववयस्साम्राज्यलक्ष्मीपुषः ।
जेतुं मन्मथमर्दिनं जननि ते कामाक्षि हासः स्वयं
वल्गुर्विभ्रमभूभृतो वितनुते सेनापतिप्रक्रियाम् ॥57॥
यन्नाकम्पत कालकूटकबलीकारे चुचुम्बे न यद्-
ग्लान्या चक्षुषि रूषितानलशिखे रुद्रस्य तत्तादृशम् ।
चेतो यत्प्रसभं स्मरज्वरशिखिज्वालेन लेलिह्यते
तत्कामाक्षि तव स्मितांशुकलिकाहेलाभवं प्राभवम् ॥58॥
सम्भिन्नेव सुपर्वलोकतटिनी वीचीचयैर्यामुनैः
सम्मिश्रेव शशाङ्कदीप्तिलहरी नीलैर्महानीरदैः ।
कामाक्षि स्फुरिता तव स्मितरुचिः कालाञ्जनस्पर्धिना
कालिम्ना कचरोचिषां व्यतिकरे काञ्चिद्दशामश्नुते ॥59॥
जानीमो जगदीश्वरप्रणयिनि त्वन्मन्दहासप्रभां
श्रीकामाक्षि सरोजिनीमभिनवामेषा यतः सर्वदा ।
आस्येन्दोरवलोकेन पशुपतेरभ्येति सम्फुल्लतां
तन्द्रालुस्तदभाव एव तनुते तद्वैपरीत्यक्रमम् ॥60॥
यान्ती लोहितिमानमभ्रतटिनी धातुच्छटाकर्दमैः
भान्ती बालगभस्तिमालिकिरणैर्मेघावली शारदी ।
बिम्बोष्ठद्युतिपुञ्जचुम्बनकलाशोणायमानेन ते
कामाक्षि स्मितरोचिषा समदशामारोढुमाकाङ्क्षते ॥61॥
श्रीकामाक्षि मुखेन्दुभूषणमिदं मन्दस्मितं तावकं
नेत्रानन्दकरं तथा हिमकरो गच्छेद्यथा तिग्मताम् ।
शीतं देवि तथा यथा हिमजलं सन्तापमुद्रास्पदं
श्वेतं किञ्च तथा यथा मलिनतां धत्ते च मुक्तामणिः ॥62॥
त्वन्मन्दस्मितमञ्जरीं प्रसृमरां कामाक्षि चन्द्रातपं
सन्तः सन्ततमामनन्त्यमलता तल्लक्षणं लक्ष्यते ।
अस्माकं न धुनोति तापकमधिकं धूनोति नाभ्यन्तरं
ध्वान्तं तत्खलु दुःखिनो वयमिदं केनोति नो विद्महे ॥63॥
नम्रस्य प्रणयप्ररूढकलहच्छेदाय पादाब्जयोः
मन्दं चन्द्रकिशोरशेखरमणेः कामाक्षि रागेण ते ।
बन्धूकप्रसवश्रियं जितवतो बंहीयसीं तादृशीं
बिम्बोष्ठस्य रुचिं निरस्य हसितज्योत्स्ना वयस्यायते ॥64॥
मुक्तानां परिमोचनं विदधतस्तत्प्रीतिनिष्पादिनी
भूयो दूरत एव धूतमरुतस्तत्पालनं तन्वती ।
उद्भूतस्य जलान्तरादविरतं तद्दूरतां जग्मुषी
कामाक्षि स्मितमञ्जरी तव कथं कम्बोस्तुलामश्नुते ॥65॥
श्रीकामाक्षि तव स्मितद्युतिझरीवैदग्ध्यलीलायितं
पश्यन्तोऽपि निरन्तरं सुविमलम्मन्या जगन्मण्डले ।
लोकं हासयितुं किमर्थमनिशं प्राकाश्यमातन्वते
मन्दाक्षं विरहय्य मङ्गलतरं मन्दारचन्द्रादयः ॥66॥
क्षीराब्धेरपि शैलराजतनये त्वन्मन्दहासस्य च
श्रीकामाक्षि वलक्षिमोदयनिधेः किञ्चिद्भिदां ब्रूमहे ।
एकस्मै पुरुषाय देवि स ददौ लक्ष्मीं कदाचित्पुरा
सर्वेभ्योऽपि ददात्यसौ तु सततं लक्ष्मीं च वागीश्वरीम् ॥67॥
श्रीकाञ्चीपुररत्नदीपकलिके तान्येव मेनात्मजे
चाकोराणि कुलानि देवि सुतरां धन्यानि मन्यामहे ।
कम्पातीरकुटुम्बचङ्क्रमकलाचुञ्चूनि चञ्चूपुटैः
नित्यं यानि तव स्मितेन्दुमहसामास्वादमातन्वते ॥68॥
शैत्यप्रक्रममाश्रितोऽपि नमतां जाड्यप्रथां धूनयन्
नैर्मल्यं परमं गतोऽपि गिरिशं रागाकुलं चारयन् ।
लीलालापपुरस्सरोऽपि सततं वाचंयमान्प्रीणयन्
कामाक्षि स्मितरोचिषां तव समुल्लासः कथं वर्ण्यते ॥69॥
श्रोणीचञ्चलमेखलामुखरितं लीलागतं मन्थरं
भ्रूवल्लीचलनं कटाक्षवलनं मन्दाक्षवीक्षाचणम् ।
यद्वैदग्ध्यमुखेन मन्मथरिपुं सम्मोहयन्त्यञ्जसा
श्रीकामाक्षि तव स्मिताय सततं तस्मै नम्सकुर्महे ॥70॥
श्रीकामाक्षि मनोज्ञमन्दहसितज्योतिष्प्ररोहे तव
स्फीतश्वेतिमसार्वभौमसरणिप्रागल्भ्यमभ्येयुषि ।
चन्द्रोऽयं युवराजतां कलयते चेटीधुरं चन्द्रिका
शुद्धा सा च सुधाझरी सहचरीसाधर्म्यमालम्बते ॥71॥
ज्योत्स्ना किं तनुते फलं तनुमतामौष्ण्यप्रशान्तिं विना
त्वन्मन्दस्मितरोचिषा तनुमतां कामाक्षि रोचिष्णुना ।
सन्तापो विनिवार्यते नववयःप्राचुर्यमङ्कूर्यते
सौन्दर्यं परिपूर्यते जगति सा कीर्तिश्च सञ्चार्यते ॥72॥
वैमल्यं कुमुदश्रियां हिमरुचः कान्त्यैव सन्धुक्ष्यते
ज्योत्स्नारोचिरपि प्रदोषसमयं प्राप्यैव सम्पद्यते ।
स्वच्छत्वं नवमौक्तिकस्य परमं संस्कारतो दृश्यते
कामाक्ष्याः स्मितदीधितेर्विशदिमा नैसर्गिको भासते ॥73॥
प्राकाश्यं परमेश्वरप्रणयिनि त्वन्मन्दहासश्रियः
श्रीकामाक्षि मम क्षिणोतु ममतावैचक्षणीमक्षयाम् ।
यद्भीत्येव निलीयते हिमकरो मेघोदरे शुक्तिका-
गर्भे मौक्तिकमण्डली च सरसीमध्ये मृणाली च सा ॥74॥
हेरम्बे च गुहे हर्षभरितं वात्सल्यमङ्कूरयत्
मारद्रोहिणि पूरुषे सहभुवं प्रेमाङ्कुरं व्यञ्जयत् ।
आनम्रेषु जनेषु पूर्णकरुणावैदग्ध्यमुत्तालयत्
कामाक्षि स्मितमञ्जसा तव कथङ्कारं मया कथ्यते ॥75॥
सङ्क्रुद्धद्विजराजकोऽप्यविरतं कुर्वन्द्विजैः सङ्गमं
वाणीपद्धतिदूरगोऽपि सततं तत्साहचर्यं वहन् ।
अश्रान्तं पशुदुर्लभोऽपि कलयन्पत्यौ पशूनां रतिं
श्रीकामाक्षि तव स्मितामृतरसस्यन्दो मयि स्पन्दताम् ॥76॥
श्रीकामाक्षि महेश्वरे निरुपमप्रेमाङ्कुरप्रक्रममं
नित्यं यः प्रकटीकरोति सहजामुन्निद्रयन्माधुरीम् ।
तत्तादृक्तव मन्दहासमहिमा मातः कथं मानितां
तन्मूर्ध्ना सुरनिम्नगां च कलिकामिन्दोश्च तां निन्दति ॥77॥
ये माधुर्यविहारमण्टपभुवो ये शैत्यमुद्राकरा
ये वैशद्यदशाविशेषसुभगास्ते मन्दहासाङ्कुराः ।
कामाक्ष्याः सहजं गुणत्रयमिदं पर्यायतः कुर्वतां
वाणीगुम्फनडम्बरे च हृदये कीर्तिप्ररोहे च मे ॥78॥
कामाक्ष्या मृदुलस्मितांशुनिकरा दक्षान्तके वीक्षणे
मन्दाक्षग्रहिला हिमद्युतिमयूखाक्षेपदीक्षाङ्कुराः ।
दाक्ष्यं पक्ष्मलयन्तु माक्षिकगुडद्राक्षाभवं वाक्षु मे
सूक्ष्मं मोक्षपथं निरीक्षितुमपि प्रक्षालयेयुर्मनः ॥79॥
जात्या शीतशीतलानि मधुराण्येतानि पूतानि ते
गाङ्गानीव पयांसि देवि पटलान्यल्पस्मितज्योतिषाम् ।
एनःपङ्कपरम्परामलिनितामेकाम्रनाथप्रिये
प्रज्ञानात्सुतरां मदीयधिषणां प्रक्षालयन्तु क्षणात् ॥80॥
अश्रान्तं परतन्त्रितः पशुपतिस्त्वन्मन्दहासाङ्कुरैः
श्रीकामाक्षि तदीयवर्णसमतासङ्गेन शङ्कामहे ।
इन्दुं नाकधुनीं च शेखरयते मालां च धत्ते नवैः
वैकुण्ठैरवकुण्ठनं च कुरुते धूलीचयैर्भास्मनैः ॥81॥
श्रीकाञ्चीपुरदेवते मृदुवचस्सौरभ्यमुद्रास्पदं
प्रौढप्रेमलतानवीनकुसुमं मन्दस्मितं तावकम् ।
मन्दं कन्दलति प्रियस्य वदनालोके समाभाषणे
श्लक्ष्णे कुङ्मलति प्ररूढपुलके चाश्लोषणे फुल्लति ॥82॥
किं त्रैस्रोतसमम्बिके परिणतं स्रोतश्चतुर्थं नवं
पीयूषस्य समस्ततापहरणं किंवा द्वितीयं वपुः ।
किंस्वित्त्वन्निकटं गतं मधुरिमाभ्यासाय गव्यं पयः
श्रीकाञ्चीपुरनायकप्रियतमे मन्दस्मितं तावकम् ॥83॥
भूषा वक्त्रसरोरुहस्य सहजा वाचां सखी शाश्वती
नीवी विभ्रमसन्ततेः पशुपतेः सौधी दृशां पारणा ।
जीवातुर्मदनश्रियः शशिरुचेरुच्चाटनी देवता
श्रीकामाक्षि गिरामभूमिमयते हासप्रभामञ्जरी ॥84॥
सूतिः श्वेतिमकन्दलस्य वसतिः शृङ्गारसारश्रियः
पूर्तिः सूक्तिझरीरसस्य लहरी कारुण्यपाथोनिधेः ।
वाटी काचन कौसुमी मधुरिमस्वाराज्यलक्ष्म्यास्तव
श्रीकामाक्षि ममास्तु मङ्गलकरी हासप्रभाचातुरी ॥85॥
जन्तूनां जनिदुःखमृत्युलहरीसन्तापनं कृन्ततः
प्रौढानुग्रहपूर्णशीतलरुचो नित्योदयं बिभ्रतः ।
श्रीकामाक्षि विसृत्वरा इव करा हासाङ्कुरास्ते हठा-
दालोकेन निहन्युरन्धतमसस्तोमस्य मे सन्ततिम् ॥86॥
उत्तुङ्गस्तनमण्डलस्य विलसल्लावण्यलीलानटी-
रङ्गस्य स्फुटमूर्ध्वसीमनि मुहुः प्राकाश्यमभ्येयुषी ।
श्रीकामाक्षि तव स्मितद्युतिततिर्बिम्बोष्ठकान्त्यङ्कुरैः
चित्रां विद्रुममुद्रितां वितनुते मौक्तीं वितानश्रियम् ॥87॥
स्वाभाव्यात्तव वक्त्रमेव ललितं सन्तोषसम्पादनं
शम्भोः किं पुनरञ्चितस्मितरुचः पाण्डित्यपात्रीकृतम् ।
अम्भोजं स्वत एव सर्वजगतां चक्षुःप्रियम्भावुकं
कामाक्षि स्फुरिते शरद्विकसिते कीदृग्विधं भ्राजते ॥88॥
पुम्भिर्निर्मलमानसौर्विदधते मैत्रीं दृढं निर्मलां
लब्ध्वा कर्मलयं च निर्मलतरां कीर्तिं लभन्तेतराम् ।
सूक्तिं पक्ष्मलयन्ति निर्मलतमां यत्तावकाः सेवकाः
तत्कामाक्षि तव स्मितस्य कलया नैर्मल्यसीमानिधेः ॥89॥
आकर्षन्नयनानि नाकिसदसां शैत्येन संस्तम्भय-
न्निन्दुं किञ्च विमोहयन्पशुपतिं विश्वार्तिमुच्चाटयन् ।
हिंसत्संसृतिडम्बरं तव शिवे हासाह्वयो मान्त्रिकः
श्रीकामाक्षि मदीयमानसतमोविद्वेषणे चेष्टताम् ॥90॥
क्षेपीयः क्षपयन्तु कल्मषभयान्यस्माकमल्पस्मित-
ज्योतिर्मण्डलचङ्क्रमास्तव शिवे कामाक्षि रोचिष्णवः ।
पीडाकर्मठकर्मघर्मसमयव्यापारतापानल-
श्रीपाता नवहर्षवर्षणसुधास्रोतस्विनीशीकराः ॥91॥
श्रीकामाक्षि तव स्मितैन्दवमहःपूरे परिम्फूर्जति
प्रौढां वारिधिचातुरीं कलयते भक्तात्मनां प्रातिभम् ।
दौर्गत्यप्रसरास्तमःपटलिकासाधर्म्यमाबिभ्रते
सर्वं कैरवसाहचर्यपदवीरीतिं विधत्ते परम् ॥92॥
मन्दारादिषु मन्मथारिमहिषि प्राकाश्यरीतिं निजां
कादाचित्कतया विशङ्क्य बहुशो वैशद्यमुद्रागुणः ।
सातत्येन तव स्मिते वितनुते स्वैरासनावासनाम् ॥93॥
इन्धाने भववीतिहोत्रनिवहे कर्मौघचण्डानिल-
प्रौढिम्ना बहुलीकृते निपतितं सन्तापचिन्ताकुलम् ।
मातर्मां परिषिञ्च किञ्चिदमलैः पीयूषवर्षैरिव
श्रीकामाक्षि तव स्मितद्युतिकणैः शैशिर्यलीलाकरैः ॥94॥
भाषाया रसनाग्रखेलनजुषः शृङ्गारमुद्रासखी-
लीलाजातरतेः सुखेन नियमस्नानाय मेनात्मजे ।
श्रीकामाक्षि सुधामयीव शिशिरा स्रोतस्विनी तावकी
गाढानन्दतरङ्गिता विजयते हासप्रभाचातुरी ॥95॥
सन्तापं विरलीकरोतु सकलं कामाक्षि मच्चेतना
मज्जन्ती मधुरस्मितामरधुनीकल्लोलजालेषु ते ।
नैरन्तर्यमुपेत्य मन्मथमरुल्लोलेषु येषु स्फुटं
प्रेमेन्दुः प्रतिबिम्बितो वितनुते कौतूहलं धूर्जटेः ॥96॥
चेतःक्षीरपयोधिमन्थरचलद्रागाख्यमन्थाचल-
क्षोभव्यापृतिसम्भवां जननि ते मन्दस्मितश्रीसुधाम् ।
स्वादंस्वादमुदीतकौतुकरसा नेत्रत्रयी शाङ्करी
श्रीकामाक्षि निरन्तरं परिणमत्यानन्दवीचीमयी ॥97॥
आलोके तव पञ्चसायकरिपोरुद्दामकौतूहल-
प्रेङ्खन्मारुतघट्टनप्रचलितादानन्ददुग्धाम्बुधेः ।
काचिद्वीचिरुदञ्चति प्रतिनवा संवित्प्ररोहात्मिका
तां कामाक्षि कवीश्वराः स्मितमिति व्याकुर्वते सर्वदा ॥98॥
सूक्तिः शीलयते किमद्रितनये मन्दस्मितात्ते मुहुः
माधुर्यागमसम्प्रदायमथवा सूक्तेर्नु मन्दस्मितम् ।
इत्थं कामपि गाहते मम मनः सन्देहमार्गभ्रमिं
श्रीकामाक्षि न पारमार्थ्यसरणिस्फूर्तौ निधत्ते पदम् ॥99॥
क्रीडालोलकृपासरोरुहमुखीसौधाङ्गणेभ्यः कवि-
श्रेणीवाक्परिपाटिकामृतझरीसूतीगृहेभ्यः शिवे ।
निर्वाणाङ्कुरसार्वभौमपदवीसिंहासनेभ्यस्तव
श्रीकामाक्षि मनोज्ञमन्दहसितज्योतिष्कणेभ्यो नमः ॥100॥
आर्यामेव विभावयन्मनसि यः पादारविन्दं पुरः
पश्यन्नारभते स्तुतिं स नियतं लब्ध्वा कटाक्षच्छविम् ।
कामाक्ष्या मृदुलस्मितांशुलहरीज्योत्स्नावयस्यान्विताम्
आरोहत्यपवर्गसौधवलभीमानन्दवीचीमयीम् ॥101॥
॥ इति मन्दस्मितशतकं सम्पूर्णम् ॥
॥ इति श्री मूकपञ्चशती सम्पूर्णा ॥
॥औं तत् सत् ॥
badhnīmo vayamañjaliṃ pratidinaṃ bandhacchide dehināṃ
kandarpāgamatantramūlagurave kalyāṇakelībhuve |
kāmākṣyā ghanasārapuñjarajase kāmadruhaścakṣuṣāṃ
mandārastabakaprabhāmadamuṣe mandasmitajyotiṣe ||1||
sadhrīce navamallikāsumanasāṃ nāsāgramuktāmaṇe-
rācāryāya mṛṇālakāṇḍamahasāṃ naisargikāya dviṣe |
svardhunyā saha yudhvena himarucerardhāsanādhyāsine
kāmākṣyāḥ smitamañjarīdhavalimādvaitāya tasmai namaḥ ||2||
karpūradyuticāturīmatitarāmalpīyasīṃ kurvatī
daurbhāgyodayameva saṃvidadhatī dauṣākarīṇāṃ tviṣām |
kṣullāneva manojñamallinikarānphullānapi vyañjatī
kāmākṣyā mṛdulasmitāṃśulaharī kāmaprasūrastu me ||3||
yā pīnastanamaṇḍalopari lasatkarpūralepāyate
yā nīlekṣaṇarātrikāntitatiṣu jyotsnāprarohāyate |
yā saundaryadhunītaraṅgatatiṣu vyālolahaṃsāyate
kāmākṣyāḥ śiśirīkarotu hṛdayaṃ sā me smitaprācurī ||4||
yeṣāṃ gacchati pūrvapakṣasaraṇiṃ kaumudvataḥ śvetimā
yeṣāṃ santatamārurukṣati tulākakṣyāṃ śaraccandramāḥ |
yeṣāmicchati kamburapyasulabhāmantevasatprakriyāṃ
kāmākṣyā mamatāṃ harantu mama te hāsatviṣāmaṅkurāḥ ||5||
āśāsīmasu santataṃ vidadhatī naiśākarīṃ vyākriyāṃ
kāśānāmabhimānabhaṅgakalanākauśalyamābibhratī |
īśānena vilokitā sakutukaṃ kāmākṣi te kalmaṣa-
kleśāpāyakarī cakāsti laharī mandasmitajyotiṣām ||6||
ārūḍhasya samunnatastanataṭīsāmrājyasiṃhāsanaṃ
kandarpasya vibhorjagattrayaprākaṭyamudrānidheḥ |
yasyāścāmaracāturīṃ kalayate raśmicchaṭā cañcalā
sā mandasmitamañjarī bhavatu naḥ kāmāya kāmākṣi te ||7||
śambhoryā parirambhasambhramavidhau nairmalyasīmānidhiḥ
gairvāṇīva taraṅgiṇī kṛtamṛdusyandāṃ kalindātmajām |
kalmāṣīkurute kalaṅkasuṣamāṃ kaṇṭhasthalīcumbinīṃ
kāmākṣyāḥ smitakandalī bhavatu naḥ kalyāṇasandohinī ||8||
jetuṃ hāralatāmiva stanataṭīṃ sañjagmuṣī santataṃ
gantuṃ nirmalatāmiva dviguṇitāṃ magnā kṛpāstrotasi |
labdhuṃ vismayanīyatāmiva haraṃ rāgākulaṃ kurvatī
mañjuste smitamañjarī bhavabhayaṃ mathnātu kāmākṣi me ||9||
śvetāpi prakaṭaṃ niśākararucāṃ mālinyamātanvatī
śītāpi smarapāvakaṃ paśupateḥ sandhukṣayantī sadā |
svābhāvyādadharāśritāpi namatāmuccairdiśantī gatiṃ
kāmākṣi sphuṭamantarā sphuratu nastvanmandahāsaprabhā ||10||
vaktraśrīsarasījale taralitabhrūvallikallolite
kālimnā dadhatī kaṭākṣajanuṣā mādhuvratīṃ vyāpṛtim |
nirnidrāmalapuṇḍarīkakuhanāpāṇḍityamābibhratī
kāmākṣyāḥ smitacāturī mama manaḥ kātaryamunmūlayet ||11||
nityaṃ bādhitabandhujīvamadharaṃ maitrījuṣaṃ pallavaiḥ
śuddhasya dvijamaṇḍalasya ca tiraskartāramapyāśritā |
yā vaimalyavatī sadaiva namatāṃ cetaḥ punītetarāṃ
kāmākṣyā hṛdayaṃ prasādayatu me sā mandahāsaprabhā ||12||
druhyantī tamase muhuḥ kumudinīsāhāyyamābibhratī
yāntī candrakiśoraśekharavapuḥsaudhāṅgaṇe preṅkhaṇam |
jñānāmbhonidhivīcikāṃ sumanasāṃ kūlaṅkaṣāṃ kurvatī
kāmākṣyāḥ smitakaumudī haratu me saṃsāratāpodayam ||13||
kāśmīradravadhātukardamarucā kalmāṣatāṃ bibhratī
haṃsaudhairiva kurvatī paricitiṃ hārīkṛtairmauktikaiḥ |
vakṣojanmatuṣāraśailakaṭake sañcāramātanvatī
kāmākṣyā mṛdulasmitadyutimayī bhāgīrathī bhāsate ||14||
kamborvaṃśaparamparā iva kṛpāsantānavallībhuvaḥ
samphullastabakā iva prasṛmarā mūrtāḥ prasādā iva |
vākpīyūṣakaṇā iva tripathagāparyāyabhedā iva
bhrājante tava mandahāsakiraṇāḥ kāñcīpurīnāyike ||15||
vakṣoje ghanasārapatraracanābhaṅgīsapatnāyitā
kaṇṭhe mauktikahārayaṣṭikiraṇavyāpāramudrāyitā |
oṣṭhaśrīnikurumbapallavapuṭe preṅkhatprasūnāyitā
kāmākṣi sphuratāṃ madīyahṛdaye tvanmandahāsaprabhā ||16||
yeṣāṃ bindurivopari pracalito nāsāgramuktāmaṇiḥ
yeṣāṃ dīna ivādhikaṇṭhamayate hāraḥ karālambanam |
yeṣāṃ bandhurivoṣṭhayoraruṇimā dhatte svayaṃ rañjanaṃ
kāmākṣyāḥ prabhavantu te mama śivollāsāya hāsāṅkurāḥ ||17||
yā jāḍyāmbunidhiṃ kṣiṇoti bhajatāṃ vairāyate kairavaiḥ
nityaṃ yāṃ niyamena yā ca yatate kartuṃ triṇetrotsavam |
bimbaṃ cāndramasaṃ ca vañcayati yā garveṇa sā tādṛśī
kāmākṣi smitamañjarī tava kathaṃ jyotsnetyasau kīrtyate ||18||
āruḍhā rabhasātpuraḥ purariporāśleṣaṇopakrame
yā te mātarupaiti divyataṭinīśaṅkākarī tatkṣaṇam |
oṣṭhau vepayati bhruvau kuṭilayatyānamrayatyānanaṃ
tāṃ vande mṛduhāsapūrasuṣamāmekāmranāthapriye ||19||
vaktrendostava candrikā smitatatirvalgu sphurantī satāṃ
syāccedyuktimidaṃ cakoramanasāṃ kāmākṣi kautūhalam |
etaccitramaharniśaṃ yadadhikāmeṣā ruciṃ gāhate
bimboṣṭhadyumaṇiprabhāsvapi ca yadbibbokamālambate ||20||
sādṛśyaṃ kalaśāmbudhervahati yatkāmākṣi mandasmitaṃ
śobhāmoṣṭharucāmba vidrumabhavāmetādbhidāṃ brūmahe |
ekasmāduditaṃ purā kila papau śarvaḥ purāṇaḥ pumān
etanmadhyasamudbhavaṃ rasayate mādhuryarūpaṃ rasam ||21||
uttuṅgastanakumbhaśailakaṭake vistārikastūrikā-
patraśrījuṣi cañcalāḥ smitarucaḥ kāmākṣi te komalāḥ |
sandhyādīdhitirañjitā iva muhuḥ sāndrādharajyotiṣā
vyālolāmalaśāradābhraśakalavyāpāramātanvate ||22||
kṣīraṃ dūrata eva tiṣṭhatu kathaṃ vaimalyamātrādidaṃ
mātaste sahapāṭhavīthimayatāṃ mandasmitairmañjulaiḥ |
kiṃ ceyaṃ tu bhidāsti dohanavaśādekaṃ tu sañjāyate
kāmākṣi svayamarthitaṃ praṇamatāmanyattu doduhyate ||23||
karpūrairamṛtairjagajjanani te kāmākṣi candrātapaiḥ
muktāhāraguṇairmṛṇālavalayairmugdhasmitaśrīriyam |
śrīkāñcīpuranāyike samatayā saṃstūyate sajjanaiḥ
tattādṛṅmama tāpaśāntividhaye kiṃ devi mandāyate ||24||
madhyegarbhitamañjuvākyalaharīmādhvījharīśītalā
mandārastabakāyate janani te mandasmitāṃśucchaṭā |
yasyā vardhayituṃ muhurvikasanaṃ kāmākṣi kāmadruho
valgurvīkṣaṇavibhramavyatikaro vāsantamāsāyate ||25||
bimboṣṭhadyutipuñjarañjitarucistvanmandahāsacchaṭā |
kalyāṇaṃ girisārvabhaumatanaye kallolayatvāśu me |
phullanmallipinaddhahallakamayī māleva yā peśalā
śrīkāñcīśvari māramarditururomadhye muhurlambate ||26||
bibhrāṇā śaradabhravibhramadaśāṃ vidyotamānāpyaso
kāmākṣi smitamañjarī kirati te kāruṇyadhārārasam |
āścaryaṃ śiśirīkaroti jagatīścālokya caināmaho
kāmaṃ khelati nīlakaṇṭhahṛdayaṃ kautūhalāndolitam ||27||
preṅkhatprauḍhakaṭākṣakuñjakuhareṣvatyacchagucchāyitaṃ
vaktrenducchavisindhuvīcinicaye phenapratānāyitam |
nairantaryavijṛmbhitastanataṭe naicolapaṭṭāyitaṃ
kāluṣyaṃ kabalīkarotu mama te kāmākṣi mandasmitam ||28||
pīyūṣaṃ tava mantharasmitamiti vyarthaiva sāpaprathā
kāmākṣi dhruvamīdṛśaṃ yadi bhavedetatkathaṃ vā śive |
mandārasya kathālavaṃ na sahate mathnāti mandākinī-
minduṃ nindati kīrtite'pi kalaśīpāthodhimīrṣyāyate ||29||
viśveṣāṃ nayanotsavaṃ vitanutāṃ vidyotatāṃ candramā
vikhyāto madanāntakena mukuṭīmadhye ca sammānyatām |
āḥ kiṃ jātamanena hāsasuṣamāmālokya kāmākṣi te
kālaṅkīmavalambate khalu daśāṃ kalmāṣahīno'pyasau ||30||
cetaḥ śītalayantu naḥ paśupaterānandajīvātavo
namrāṇāṃ nayanādhvasīmasu śaraccandrātapopakramāḥ |
saṃsārākhyasaroruhākarakhalīkāre tuṣārotkarāḥ
kāmākṣi smarakīrtibījanikarāstvanmandahāsāṅkurāḥ ||31||
karmaughākhyatamaḥkacākacikarānkāmākṣi sañcintaye
tvanmandasmitarociṣāṃ tribhuvanakṣemaṅkarānaṅkurān |
ye vaktraṃ śiśiraśriyo vikasitaṃ candrātapāmbhoruha-
dveṣoddheṣoṇacāturīmiva tiraskartuṃ pariṣkurvate ||32||
kuryurnaḥ kulaśailarājatanaye kūlaṅkaṣaṃ maṅgalaṃ
kundaspardhanacuñcavastava śive mandasmitaprakramāḥ |
ye kāmākṣi samastasākṣinayanaṃ santoṣayantīśvaraṃ
karpūraprakarā iva prasṛmarāḥ puṃsāmasādhāraṇāḥ ||33||
kamreṇa snapayasva karmakuhanācoreṇa mārāgama-
vyākhyāśikṣaṇadīkṣitena viduṣāmakṣīṇalakṣmīpuṣā |
kāmākṣi smitakandalena kaluṣasphoṭakriyācuñcunā
kāruṇyāmṛtavīcikāviharaṇaprācuryadhuryeṇa mām ||34||
tvanmandasmitakandalasya niyataṃ kāmākṣi śaṅkāmahe
bimbaḥ kaścana nūtanaḥ pracalito naiśākaraḥ śīkaraḥ |
kiñca kṣīrapayonidhiḥ pratinidhiḥ svarvāhinīvīcikā-
bibvoko'pi viḍamba eva kuhanā mallīmatallīrucaḥ ||35||
duṣkarmārkanisargakarkaśamahassamparkatapataṃ mila-
tpaṅkaṃ śaṅkaravallabhe mama manaḥ kāñcīpurālaṅkriye |
amba tvanmṛdulasmitāmṛtarase maṅktvā vidhūya vyathā-
mānandodayasaudhaśṛṅgapadavīmāroḍhumākāṅkṣati ||36||
namrāṇāṃ nagarājaśekharasute nākālayānāṃ puraḥ
kāmākṣi tvarayā vipatpraśamena kāruṇyadhārāḥ kiran |
āgacchantamanugrahaṃ prakaṭayannānandabījāni te
nāsīre mṛduhāsa eva tanute nāthe sudhāśītalaḥ ||37||
kāmākṣi prathamānavibhramanidhiḥ kandarpadarpaprasūḥ
mugdhaste mṛduhāsa eva girije muṣṇātu me kilbiṣam |
yaṃ draṣṭuṃ vihite karagraha ume śambhustrapāmīlitaṃ
svairaṃ kārayati sma tāṇḍavavinodānandinā taṇḍunā ||38||
kṣuṇṇaṃ kenacideva dhīramanasā kutrāpi nānājanaiḥ
karmagranthiniyantritairasugamaṃ kāmākṣi sāmānyataḥ |
mugdhairdruṣṭumaśakyameva manasā mūḍhasaya me mauktikaṃ
mārgaṃ darśayatu pradīpa iva te mandasmitaśrīriyam ||39||
jyotsnākāntibhireva nirmalataraṃ naiśākaraṃ maṇḍalaṃ
haṃsaireva śaradvilāsasamaye vyākocamambhoruham |
svacchaireva vikasvarairuḍuguṇaiḥ kāmākṣi bimbaṃ divaḥ
puṇyaireva mṛdusmitaistava mukhaṃ puṣṇāti śobhābharam ||40||
mānagranthividhuntudena rabhasādāsvādyamāne nava-
premāḍambarapūrṇimāhimakare kāmākṣi te tatkṣaṇam |
ālokya smitacandrikāṃ punarimāmunmīlanaṃ jagmuṣīṃ
cetaḥ śīlayate cakoracaritaṃ candrārdhacūḍāmaṇeḥ ||41||
kāmākṣi smitamañjarīṃ tava bhaje yasyāstviṣāmaṅkurā-
nāpīnastanapānalālasatayā niśśaṅkamaṅkeśayaḥ |
ūrdhvaṃ vīkṣya vikarṣati prasṛmarānuddāmayā śuṇḍayā
sūnusute bisaśaṅkayāśu kuhanādantāvalagrāmaṇīḥ ||42||
gāḍhāśleṣavimardasambhramavaśāduddāmamuktāguṇa-
prālambe kucakumbhayorvigalite dakṣadviṣo vakṣasi |
yā sakhyena pinahyati pracurayā bhāsā tadīyāṃ daśāṃ
sā me khelatu kāmakoṭi hṛdaye sāndrasmitāṃśucchaṭā ||43||
mandāre tava mantharasmitarucāṃ mātsaryamālokyate
kāmākṣi smaraśāsane ca niyato rāgodayo lakṣyate |
cāndrīṣu dyutimañjarīṣu ca mahāndveṣāṅkuro dṛśyate
śuddhānāṃ kathamīdṛśī girisute'tiśuddhā daśā kathyatām ||44||
pīyūṣaṃ khalu pīyate surajanairdugdhāmbudhirmathyate
māheśaiśca jaṭākalāpanigaḍairmandākinī nahyate |
śītāṃśuḥ paribhūyate ca tamasā tasmādanetādṛśī
kāmākṣi smitamañjarī tava vacovaidagdhyamullaṅghate ||45||
āśaṅke tava mandahāsalaharīmanyādṛśīṃ candrikā-
mekāmreśakuṭumbini pratipadaṃ yasyāḥ prabhāsaṅgame |
vakṣojāmburuhe na te racayataḥ kāñciddaśāṃ kauṅmalī-
māsyāmbhoruhamamba kiñca śanakairālambate phullatām ||46||
āstīrṇādharakāntipallavacaye pātaṃ muhurjagmuṣī
māradrohiṇi kandalatsmaraśarajvālāvalīrvyañjatī |
nindantī ghanasārahāravalayajyotsnāmṛṇālāni te
kāmākṣi smitacāturī virahiṇīrītiṃ jagāhetarām ||47||
sūryālokavidhau vikāsamadhikaṃ yāntī harantī tama-
ssandohaṃ namatāṃ nijasmaraṇato doṣākaradveṣiṇī |
niryāntī vadanāravindakuharānnirdhūtajāḍyā nṛṇāṃ
śrīkāmākṣi tava smitadyutimayī citrīyate candrikā ||48||
kuṇṭhīkuryuramī kubodhaghaṭanāmasmanmanomāthinīṃ
śrīkāmākṣi śivaṅkarāstava śive śrīmandahāsāṅkurāḥ |
ye tanvanti nirantaraṃ taruṇimastamberamagrāmaṇī-
kumbhadvandvaviḍambini stanataṭe muktākuthāḍambaram ||49||
preṅkhantaḥ śaradambudā iva śanaiḥ premānilaiḥ preritā
majjanto mandanārikaṇṭhasuṣamāsindhau muhurmantharam |
śrīkāmākṣi tava smitāṃśunikarāḥ śyāmāyamānaśriyo
nīlāmbhodharanaipuṇīṃ tata ito nirnidrayantyañjasā ||50||
vyāpāraṃ caturānanaikavihṛtau vyākurvatī kurvatī
rudrākṣagrahaṇaṃ maheśi satataṃ vāgūrmikallolitā |
utphullaṃ dhavalāravindamadharīkṛtya sphurantī sadā
śrīkāmākṣi sarasvatī vijayate tvanmandahāsaprabhā ||51||
karpūradyutitaskareṇa mahasā kalmāṣayatyānanaṃ
śrīkāñcīpuranāyike patiriva śrīmandahāso'pi te |
āliṅgatyatipīvarāṃ stanataṭīṃ bimbādharaṃ cumbati
prauḍhaṃ rāgabharaṃ vyanakti manaso dhairyaṃ dhunītetarām ||52||
vaiśadyena ca viśvatāpaharaṇakrīḍāpaṭīyastayā
pāṇḍityena pacelimena jagatāṃ netrotsavotpādena |
kāmākṣi smitakandalaistava tulāmāroḍhumudyoginī
jyotsnāsau jalarāśipoṣaṇatayā dūṣyāṃ prapannā daśām ||53||
lāvaṇyāmbujinīmṛṇālavalayaiḥ śṛṅgāragandhadvipa-
grāmaṇyaḥ śruticāmaraistaruṇimasvārājyatejoṅkuraiḥ |
ānandāmṛtasindhuvīcipṛṣatairāsyābjahaṃsaistava
śrīkāmākṣi mathāna mandahasitairmatkaṃ manaḥkalmaṣam ||54||
uttuṅgastanamaṇḍalīparicalanmāṇikyahāracchaṭā-
cañcacchoṇimapuñjamadhyasaraṇiṃ mātaḥ pariṣkurvatī |
yā vaidagdhyamupaiti śaṅkarajaṭākāntāravāṭīpata-
tsvarvāpīpayasaḥ smitadyutirasau kāmākṣi te mañjulā ||55||
sannāmaikajuṣā janena sulabhaṃ saṃsūcayantī śanai-
ruttuṅgasya cirādanugrahatarorutpatsyamānaṃ phalam |
prāthamyena vikasvarā kusumavatprāgalbhyamabhyeyuṣī
kāmākṣi smitacāturī tava mama kṣemaṅkarī kalpatām ||56||
dhānuṣkāgrasarasya lolakuṭilabhrūlekhayā bibhrato
līlālokaśilīmukhaṃ navavayassāmrājyalakṣmīpuṣaḥ |
jetuṃ manmathamardinaṃ janani te kāmākṣi hāsaḥ svayaṃ
valgurvibhramabhūbhṛto vitanute senāpatiprakriyām ||57||
yannākampata kālakūṭakabalīkāre cucumbe na yad-
glānyā cakṣuṣi rūṣitānalaśikhe rudrasya tattādṛśam |
ceto yatprasabhaṃ smarajvaraśikhijvālena lelihyate
tatkāmākṣi tava smitāṃśukalikāhelābhavaṃ prābhavam ||58||
sambhinneva suparvalokataṭinī vīcīcayairyāmunaiḥ
sammiśreva śaśāṅkadīptilaharī nīlairmahānīradaiḥ |
kāmākṣi sphuritā tava smitaruciḥ kālāñjanaspardhinā
kālimnā kacarociṣāṃ vyatikare kāñciddaśāmaśnute ||59||
jānīmo jagadīśvarapraṇayini tvanmandahāsaprabhāṃ
śrīkāmākṣi sarojinīmabhinavāmeṣā yataḥ sarvadā |
āsyendoravalokena paśupaterabhyeti samphullatāṃ
tandrālustadabhāva eva tanute tadvaiparītyakramam ||60||
yāntī lohitimānamabhrataṭinī dhātucchaṭākardamaiḥ
bhāntī bālagabhastimālikiraṇairmeghāvalī śāradī |
bimboṣṭhadyutipuñjacumbanakalāśoṇāyamānena te
kāmākṣi smitarociṣā samadaśāmāroḍhumākāṅkṣate ||61||
śrīkāmākṣi mukhendubhūṣaṇamidaṃ mandasmitaṃ tāvakaṃ
netrānandakaraṃ tathā himakaro gacchedyathā tigmatām |
śītaṃ devi tathā yathā himajalaṃ santāpamudrāspadaṃ
śvetaṃ kiñca tathā yathā malinatāṃ dhatte ca muktāmaṇiḥ ||62||
tvanmandasmitamañjarīṃ prasṛmarāṃ kāmākṣi candrātapaṃ
santaḥ santatamāmanantyamalatā tallakṣaṇaṃ lakṣyate |
asmākaṃ na dhunoti tāpakamadhikaṃ dhūnoti nābhyantaraṃ
dhvāntaṃ tatkhalu duḥkhino vayamidaṃ kenoti no vidmahe ||63||
namrasya praṇayaprarūḍhakalahacchedāya pādābjayoḥ
mandaṃ candrakiśoraśekharamaṇeḥ kāmākṣi rāgeṇa te |
bandhūkaprasavaśriyaṃ jitavato baṃhīyasīṃ tādṛśīṃ
bimboṣṭhasya ruciṃ nirasya hasitajyotsnā vayasyāyate ||64||
muktānāṃ parimocanaṃ vidadhatastatprītiniṣpādinī
bhūyo dūrata eva dhūtamarutastatpālanaṃ tanvatī |
udbhūtasya jalāntarādavirataṃ taddūratāṃ jagmuṣī
kāmākṣi smitamañjarī tava kathaṃ kambostulāmaśnute ||65||
śrīkāmākṣi tava smitadyutijharīvaidagdhyalīlāyitaṃ
paśyanto'pi nirantaraṃ suvimalammanyā jaganmaṇḍale |
lokaṃ hāsayituṃ kimarthamaniśaṃ prākāśyamātanvate
mandākṣaṃ virahayya maṅgalataraṃ mandāracandrādayaḥ ||66||
kṣīrābdherapi śailarājatanaye tvanmandahāsasya ca
śrīkāmākṣi valakṣimodayanidheḥ kiñcidbhidāṃ brūmahe |
ekasmai puruṣāya devi sa dadau lakṣmīṃ kadācitpurā
sarvebhyo'pi dadātyasau tu satataṃ lakṣmīṃ ca vāgīśvarīm ||67||
śrīkāñcīpuraratnadīpakalike tānyeva menātmaje
cākorāṇi kulāni devi sutarāṃ dhanyāni manyāmahe |
kampātīrakuṭumbacaṅkramakalācuñcūni cañcūpuṭaiḥ
nityaṃ yāni tava smitendumahasāmāsvādamātanvate ||68||
śaityaprakramamāśrito'pi namatāṃ jāḍyaprathāṃ dhūnayan
nairmalyaṃ paramaṃ gato'pi giriśaṃ rāgākulaṃ cārayan |
līlālāpapurassaro'pi satataṃ vācaṃyamānprīṇayan
kāmākṣi smitarociṣāṃ tava samullāsaḥ kathaṃ varṇyate ||69||
śroṇīcañcalamekhalāmukharitaṃ līlāgataṃ mantharaṃ
bhrūvallīcalanaṃ kaṭākṣavalanaṃ mandākṣavīkṣācaṇam |
yadvaidagdhyamukhena manmatharipuṃ sammohayantyañjasā
śrīkāmākṣi tava smitāya satataṃ tasmai namsakurmahe ||70||
śrīkāmākṣi manojñamandahasitajyotiṣprarohe tava
sphītaśvetimasārvabhaumasaraṇiprāgalbhyamabhyeyuṣi |
candro'yaṃ yuvarājatāṃ kalayate ceṭīdhuraṃ candrikā
śuddhā sā ca sudhājharī sahacarīsādharmyamālambate ||71||
jyotsnā kiṃ tanute phalaṃ tanumatāmauṣṇyapraśāntiṃ vinā
tvanmandasmitarociṣā tanumatāṃ kāmākṣi rociṣṇunā |
santāpo vinivāryate navavayaḥprācuryamaṅkūryate
saundaryaṃ paripūryate jagati sā kīrtiśca sañcāryate ||72||
vaimalyaṃ kumudaśriyāṃ himarucaḥ kāntyaiva sandhukṣyate
jyotsnārocirapi pradoṣasamayaṃ prāpyaiva sampadyate |
svacchatvaṃ navamauktikasya paramaṃ saṃskārato dṛśyate
kāmākṣyāḥ smitadīdhiterviśadimā naisargiko bhāsate ||73||
prākāśyaṃ parameśvarapraṇayini tvanmandahāsaśriyaḥ
śrīkāmākṣi mama kṣiṇotu mamatāvaicakṣaṇīmakṣayām |
yadbhītyeva nilīyate himakaro meghodare śuktikā-
garbhe mauktikamaṇḍalī ca sarasīmadhye mṛṇālī ca sā ||74||
herambe ca guhe harṣabharitaṃ vātsalyamaṅkūrayat
māradrohiṇi pūruṣe sahabhuvaṃ premāṅkuraṃ vyañjayat |
ānamreṣu janeṣu pūrṇakaruṇāvaidagdhyamuttālayat
kāmākṣi smitamañjasā tava kathaṅkāraṃ mayā kathyate ||75||
saṅkruddhadvijarājako'pyavirataṃ kurvandvijaiḥ saṅgamaṃ
vāṇīpaddhatidūrago'pi satataṃ tatsāhacaryaṃ vahan |
aśrāntaṃ paśudurlabho'pi kalayanpatyau paśūnāṃ ratiṃ
śrīkāmākṣi tava smitāmṛtarasasyando mayi spandatām ||76||
śrīkāmākṣi maheśvare nirupamapremāṅkuraprakramamaṃ
nityaṃ yaḥ prakaṭīkaroti sahajāmunnidrayanmādhurīm |
tattādṛktava mandahāsamahimā mātaḥ kathaṃ mānitāṃ
tanmūrdhnā suranimnagāṃ ca kalikāmindośca tāṃ nindati ||77||
ye mādhuryavihāramaṇṭapabhuvo ye śaityamudrākarā
ye vaiśadyadaśāviśeṣasubhagāste mandahāsāṅkurāḥ |
kāmākṣyāḥ sahajaṃ guṇatrayamidaṃ paryāyataḥ kurvatāṃ
vāṇīgumphanaḍambare ca hṛdaye kīrtiprarohe ca me ||78||
kāmākṣyā mṛdulasmitāṃśunikarā dakṣāntake vīkṣaṇe
mandākṣagrahilā himadyutimayūkhākṣepadīkṣāṅkurāḥ |
dākṣyaṃ pakṣmalayantu mākṣikaguḍadrākṣābhavaṃ vākṣu me
sūkṣmaṃ mokṣapathaṃ nirīkṣitumapi prakṣālayeyurmanaḥ ||79||
jātyā śītaśītalāni madhurāṇyetāni pūtāni te
gāṅgānīva payāṃsi devi paṭalānyalpasmitajyotiṣām |
enaḥpaṅkaparamparāmalinitāmekāmranāthapriye
prajñānātsutarāṃ madīyadhiṣaṇāṃ prakṣālayantu kṣaṇāt ||80||
aśrāntaṃ paratantritaḥ paśupatistvanmandahāsāṅkuraiḥ
śrīkāmākṣi tadīyavarṇasamatāsaṅgena śaṅkāmahe |
induṃ nākadhunīṃ ca śekharayate mālāṃ ca dhatte navaiḥ
vaikuṇṭhairavakuṇṭhanaṃ ca kurute dhūlīcayairbhāsmanaiḥ ||81||
śrīkāñcīpuradevate mṛduvacassaurabhyamudrāspadaṃ
prauḍhapremalatānavīnakusumaṃ mandasmitaṃ tāvakam |
mandaṃ kandalati priyasya vadanāloke samābhāṣaṇe
ślakṣṇe kuṅmalati prarūḍhapulake cāśloṣaṇe phullati ||82||
kiṃ traisrotasamambike pariṇataṃ srotaścaturthaṃ navaṃ
pīyūṣasya samastatāpaharaṇaṃ kiṃvā dvitīyaṃ vapuḥ |
kiṃsvittvannikaṭaṃ gataṃ madhurimābhyāsāya gavyaṃ payaḥ
śrīkāñcīpuranāyakapriyatame mandasmitaṃ tāvakam ||83||
bhūṣā vaktrasaroruhasya sahajā vācāṃ sakhī śāśvatī
nīvī vibhramasantateḥ paśupateḥ saudhī dṛśāṃ pāraṇā |
jīvāturmadanaśriyaḥ śaśiruceruccāṭanī devatā
śrīkāmākṣi girāmabhūmimayate hāsaprabhāmañjarī ||84||
sūtiḥ śvetimakandalasya vasatiḥ śṛṅgārasāraśriyaḥ
pūrtiḥ sūktijharīrasasya laharī kāruṇyapāthonidheḥ |
vāṭī kācana kausumī madhurimasvārājyalakṣmyāstava
śrīkāmākṣi mamāstu maṅgalakarī hāsaprabhācāturī ||85||
jantūnāṃ janiduḥkhamṛtyulaharīsantāpanaṃ kṛntataḥ
prauḍhānugrahapūrṇaśītalaruco nityodayaṃ bibhrataḥ |
śrīkāmākṣi visṛtvarā iva karā hāsāṅkurāste haṭhā-
dālokena nihanyurandhatamasastomasya me santatim ||86||
uttuṅgastanamaṇḍalasya vilasallāvaṇyalīlānaṭī-
raṅgasya sphuṭamūrdhvasīmani muhuḥ prākāśyamabhyeyuṣī |
śrīkāmākṣi tava smitadyutitatirbimboṣṭhakāntyaṅkuraiḥ
citrāṃ vidrumamudritāṃ vitanute mauktīṃ vitānaśriyam ||87||
svābhāvyāttava vaktrameva lalitaṃ santoṣasampādanaṃ
śambhoḥ kiṃ punarañcitasmitarucaḥ pāṇḍityapātrīkṛtam |
ambhojaṃ svata eva sarvajagatāṃ cakṣuḥpriyambhāvukaṃ
kāmākṣi sphurite śaradvikasite kīdṛgvidhaṃ bhrājate ||88||
pumbhirnirmalamānasaurvidadhate maitrīṃ dṛḍhaṃ nirmalāṃ
labdhvā karmalayaṃ ca nirmalatarāṃ kīrtiṃ labhantetarām |
sūktiṃ pakṣmalayanti nirmalatamāṃ yattāvakāḥ sevakāḥ
tatkāmākṣi tava smitasya kalayā nairmalyasīmānidheḥ ||89||
ākarṣannayanāni nākisadasāṃ śaityena saṃstambhaya-
nninduṃ kiñca vimohayanpaśupatiṃ viśvārtimuccāṭayan |
hiṃsatsaṃsṛtiḍambaraṃ tava śive hāsāhvayo māntrikaḥ
śrīkāmākṣi madīyamānasatamovidveṣaṇe ceṣṭatām ||90||
kṣepīyaḥ kṣapayantu kalmaṣabhayānyasmākamalpasmita-
jyotirmaṇḍalacaṅkramāstava śive kāmākṣi rociṣṇavaḥ |
pīḍākarmaṭhakarmagharmasamayavyāpāratāpānala-
śrīpātā navaharṣavarṣaṇasudhāsrotasvinīśīkarāḥ ||91||
śrīkāmākṣi tava smitaindavamahaḥpūre parimphūrjati
prauḍhāṃ vāridhicāturīṃ kalayate bhaktātmanāṃ prātibham |
daurgatyaprasarāstamaḥpaṭalikāsādharmyamābibhrate
sarvaṃ kairavasāhacaryapadavīrītiṃ vidhatte param ||92||
mandārādiṣu manmathārimahiṣi prākāśyarītiṃ nijāṃ
kādācitkatayā viśaṅkya bahuśo vaiśadyamudrāguṇaḥ |
sātatyena tava smite vitanute svairāsanāvāsanām ||93||
indhāne bhavavītihotranivahe karmaughacaṇḍānila-
prauḍhimnā bahulīkṛte nipatitaṃ santāpacintākulam |
mātarmāṃ pariṣiñca kiñcidamalaiḥ pīyūṣavarṣairiva
śrīkāmākṣi tava smitadyutikaṇaiḥ śaiśiryalīlākaraiḥ ||94||
bhāṣāyā rasanāgrakhelanajuṣaḥ śṛṅgāramudrāsakhī-
līlājātarateḥ sukhena niyamasnānāya menātmaje |
śrīkāmākṣi sudhāmayīva śiśirā srotasvinī tāvakī
gāḍhānandataraṅgitā vijayate hāsaprabhācāturī ||95||
santāpaṃ viralīkarotu sakalaṃ kāmākṣi maccetanā
majjantī madhurasmitāmaradhunīkallolajāleṣu te |
nairantaryamupetya manmathamarulloleṣu yeṣu sphuṭaṃ
premenduḥ pratibimbito vitanute kautūhalaṃ dhūrjaṭeḥ ||96||
cetaḥkṣīrapayodhimantharacaladrāgākhyamanthācala-
kṣobhavyāpṛtisambhavāṃ janani te mandasmitaśrīsudhām |
svādaṃsvādamudītakautukarasā netratrayī śāṅkarī
śrīkāmākṣi nirantaraṃ pariṇamatyānandavīcīmayī ||97||
āloke tava pañcasāyakariporuddāmakautūhala-
preṅkhanmārutaghaṭṭanapracalitādānandadugdhāmbudheḥ |
kācidvīcirudañcati pratinavā saṃvitprarohātmikā
tāṃ kāmākṣi kavīśvarāḥ smitamiti vyākurvate sarvadā ||98||
sūktiḥ śīlayate kimadritanaye mandasmitātte muhuḥ
mādhuryāgamasampradāyamathavā sūkternu mandasmitam |
itthaṃ kāmapi gāhate mama manaḥ sandehamārgabhramiṃ
śrīkāmākṣi na pāramārthyasaraṇisphūrtau nidhatte padam ||99||
krīḍālolakṛpāsaroruhamukhīsaudhāṅgaṇebhyaḥ kavi-
śreṇīvākparipāṭikāmṛtajharīsūtīgṛhebhyaḥ śive |
nirvāṇāṅkurasārvabhaumapadavīsiṃhāsanebhyastava
śrīkāmākṣi manojñamandahasitajyotiṣkaṇebhyo namaḥ ||100||
āryāmeva vibhāvayanmanasi yaḥ pādāravindaṃ puraḥ
paśyannārabhate stutiṃ sa niyataṃ labdhvā kaṭākṣacchavim |
kāmākṣyā mṛdulasmitāṃśulaharījyotsnāvayasyānvitām
ārohatyapavargasaudhavalabhīmānandavīcīmayīm ||101||
|| iti mandasmitaśatakaṃ sampūrṇam ||
|| iti śrī mūkapañcaśatī sampūrṇā ||
||auṃ tat sat ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.