Muka Pancha Shati 2 - Padaravinda Shatakam

ॐ

ਮੂਕ ਪਞ੍ਚ ਸ਼ਤਿ 2 - ਪਾਦਾਰਵਿਨ੍ਦ ਸ਼ਤਕਮ੍

Shatakam Mooka Kavi Gurmukhi

ਮਹਿਮ੍ਨਃ ਪਨ੍ਥਾਨਂ ਮਦਨਪਰਿਪਨ੍ਥਿਪ੍ਰਣਯਿਨਿ

ਪ੍ਰਭੁਰ੍ਨਿਰ੍ਣੇਤੁਂ ਤੇ ਭਵਤਿ ਯਤਮਾਨੋऽਪਿ ਕਤਮਃ ।

ਤਥਾਪਿ ਸ਼੍ਰੀਕਾਞ੍ਚੀਵਿਹृਤਿਰਸਿਕੇ ਕੋऽਪਿ ਮਨਸੋ

ਵਿਪਾਕਸ੍ਤ੍ਵਤ੍ਪਾਦਸ੍ਤੁਤਿਵਿਧਿषੁ ਜਲ੍ਪਾਕਯਤਿ ਮਾਮ੍ ॥1॥

ਗਲਗ੍ਰਾਹੀ ਪੌਰਨ੍ਦਰਪੁਰਵਨੀਪਲ੍ਲਵਰੁਚਾਂ

ਧृਤਪਾਥਮ੍ਯਾਨਾਮਰੁਣਮਹਸਾਮਾਦਿਮਗੁਰੁਃ ।

ਸਮਿਨ੍ਧੇ ਬਨ੍ਧੂਕਸ੍ਤਬਕਸਹਯੁਧ੍ਵਾ ਦਿਸ਼ਿ ਦਿਸ਼ਿ

ਪ੍ਰਸਰ੍ਪਨ੍ਕਾਮਾਕ੍ष੍ਯਾਸ਼੍ਚਰਣਕਿਰਣਾਨਾਮਰੁਣਿਮਾ ॥2॥

ਮਰਾਲੀਨਾਂ ਯਾਨਾਭ੍ਯਸਨਕਲਨਾਮੂਲਗੁਰਵੇ

ਦਰਿਦ੍ਰਾਣਾਂ ਤ੍ਰਾਣਵ੍ਯਤਿਕਰਸੁਰੋਦ੍ਯਾਨਤਰਵੇ ।

ਤਮਸ੍ਕਾਣ੍ਡਪ੍ਰੌਢਿਪ੍ਰਕਟਨਤਿਰਸ੍ਕਾਰਪਟਵੇ

ਜਨੋऽਯਂ ਕਾਮਾਕ੍ष੍ਯਾਸ਼੍ਚਰਣਨਲਿਨਾਯ ਸ੍ਪृਹਯਤੇ ॥3॥

ਵਹਨ੍ਤੀ ਸੈਨ੍ਦੂਰੀਂ ਸਰਣਿਮਵਨਮ੍ਰਾਮਰਪੁਰ਼ੀ-

ਪੁਰਨ੍ਧ੍ਰੀਸੀਮਨ੍ਤੇ ਕਵਿਕਮਲਬਾਲਾਰ੍ਕਸੁषਮਾ ।

ਤ੍ਰਯੀਸੀਮਨ੍ਤਿਨ੍ਯਾਃ ਸ੍ਤਨਤਟਨਿਚੋਲਾਰੁਣਪਟੀ

ਵਿਭਾਨ੍ਤੀ ਕਾਮਾਕ੍ष੍ਯਾਃ ਪਦਨਲਿਨਕਾਨ੍ਤਿਰ੍ਵਿਜਯਤੇ ॥4॥

ਪ੍ਰਣਮ੍ਰੀਭੂਤਸ੍ਯ ਪ੍ਰਣਯਕਲਹਤ੍ਰਸ੍ਤਮਨਸਃ

ਸ੍ਮਰਾਰਾਤੇਸ਼੍ਚੂਡਾਵਿਯਤਿ ਗृਹਮੇਧੀ ਹਿਮਕਰਃ ।

ਯਯੋਃ ਸਾਨ੍ਧ੍ਯਾਂ ਕਾਨ੍ਤਿਂ ਵਹਤਿ ਸੁषਮਾਭਿਸ਼੍ਚਰਣਯੋਃ

ਤਯੋਰ੍ਮੇ ਕਾਮਾਕ੍ष੍ਯਾ ਹृਦਯਮਪਤਨ੍ਦ੍ਰਂ ਵਿਹਰਤਾਮ੍ ॥5॥

ਯਯੋਃ ਪੀਠਾਯਨ੍ਤੇ ਵਿਬੁਧਮੁਕੁਟੀਨਾਂ ਪਟਲਿਕਾ

ਯਯੋਃ ਸੌਧਾਯਨ੍ਤੇ ਸ੍ਵਯਮੁਦਯਭਾਜੋ ਭਣਿਤਯਃ ।

ਯਯੋਃ ਦਾਸਾਯਨ੍ਤੇ ਸਰਸਿਜਭਵਾਦ੍ਯਾਸ਼੍ਚਰਣਯੋਃ

ਤਯੋਰ੍ਮੇ ਕਾਮਾਕ੍ष੍ਯਾ ਦਿਨਮਨੁ ਵਰੀਵਰ੍ਤੁ ਹृਦਯਮ੍ ॥6॥

ਨਯਨ੍ਤੀ ਸਙ੍ਕੋਚਂ ਸਰਸਿਜਰੁਚਂ ਦਿਕ੍ਪਰਿਸਰੇ

ਸृਜਨ੍ਤੀ ਲੌਹਿਤ੍ਯਂ ਨਖਕਿਰਣਚਨ੍ਦ੍ਰਾਰ੍ਧਖਚਿਤਾ ।

ਕਵੀਨ੍ਦ੍ਰਾਣਾਂ ਹृਤ੍ਕੈਰਵਵਿਕਸਨੋਦ੍ਯੋਗਜਨਨੀ

ਸ੍ਫੁਰਨ੍ਤੀ ਕਾਮਾਕ੍ष੍ਯਾਃ ਚਰਣਰੁਚਿਸਨ੍ਧ੍ਯਾ ਵਿਜਯਤੇ ॥7॥

ਵਿਰਾਵੈਰ੍ਮਾਞ੍ਜੀਰੈਃ ਕਿਮਪਿ ਕਥਯਨ੍ਤੀਵ ਮਧੁਰਂ

ਪੁਰਸ੍ਤਾਦਾਨਮ੍ਰੇ ਪੁਰਵਿਜਯਿਨਿ ਸ੍ਮੇਰਵਦਨੇ ।

ਵਯਸ੍ਯੇਵ ਪ੍ਰੌਢਾ ਸ਼ਿਥਿਲਯਤਿ ਯਾ ਪ੍ਰੇਮਕਲਹ-

ਪ੍ਰਰੋਹਂ ਕਾਮਾਕ੍ष੍ਯਾਃ ਚਰਣਯੁਗਲੀ ਸਾ ਵਿਜਯਤੇ ॥8॥

ਸੁਪਰ੍ਵਸ੍ਤ੍ਰੀਲੋਲਾਲਕਪਰਿਚਿਤਂ षਟ੍ਪਦਕੁਲੈਃ

ਸ੍ਫੁਰਲ੍ਲਾਕ੍षਾਰਾਗਂ ਤਰੁਣਤਰਣਿਜ੍ਯੋਤਿਰਰੁਣੈਃ ।

ਭृਤਂ ਕਾਨ੍ਤ੍ਯਮ੍ਭੋਭਿਃ ਵਿਸृਮਰਮਰਨ੍ਦੈਃ ਸਰਸਿਜੈਃ

ਵਿਧਤ੍ਤੇ ਕਾਮਾਕ੍ष੍ਯਾਃ ਚਰਣਯੁਗਲਂ ਬਨ੍ਧੁਪਦਵੀਮ੍ ॥9॥

ਰਜਃਸਂਸਰ੍ਗੇऽਪਿ ਸ੍ਥਿਤਮਰਜਸਾਮੇਵ ਹृਦਯੇ

ਪਰਂ ਰਕ੍ਤਤ੍ਵੇਨ ਸ੍ਥਿਤਮਪਿ ਵਿਰਕ੍ਤੈਕਸ਼ਰਣਮ੍ ।

ਅਲਭ੍ਯਂ ਮਨ੍ਦਾਨਾਂ ਦਧਦਪਿ ਸਦਾ ਮਨ੍ਦਗਤਿਤਾਂ

ਵਿਧਤ੍ਤੇ ਕਾਮਾਕ੍ष੍ਯਾਃ ਚਰਣਯੁਗਮਾਸ਼੍ਚਰ੍ਯਲਹਰੀਮ੍ ॥10॥

ਜਟਾਲਾ ਮਞ੍ਜੀਰਸ੍ਫੁਰਦਰੁਣਰਤ੍ਨਾਂਸ਼ੁਨਿਕਰੈਃ

ਨਿषਿਦਨ੍ਤੀ ਮਧ੍ਯੇ ਨਖਰੁਚਿਝਰੀਗਾਙ੍ਗਪਯਸਾਮ੍ ।

ਜਗਤ੍ਤ੍ਰਾਣਂ ਕਰ੍ਤੁਂ ਜਨਨਿ ਮਮ ਕਾਮਾਕ੍षਿ ਨਿਯਤਂ

ਤਪਸ਼੍ਚਰ੍ਯਾਂ ਧਤ੍ਤੇ ਤਵ ਚਰਣਪਾਥੋਜਯੁਗਲੀ ॥11॥

ਤੁਲਾਕੋਟਿਦ੍ਵਨ੍ਦ੍ਵਕ੍ਕਣਿਤਭਣਿਤਾਭੀਤਿਵਚਸੋਃ

ਵਿਨਮ੍ਰਂ ਕਾਮਾਕ੍षੀ ਵਿਸृਮਰਮਹਃਪਾਟਲਿਤਯੋਃ ।

ਕ੍षਣਂ ਵਿਨ੍ਯਾਸੇਨ ਕ੍षਪਿਤਤਮਸੋਰ੍ਮੇ ਲਲਿਤਯੋਃ

ਪੁਨੀਯਾਨ੍ਮੂਰ੍ਧਾਨਂ ਪੁਰਹਰਪੁਰਨ੍ਧ੍ਰੀ ਚਰਣਯੋਃ ॥12॥

ਭਵਾਨਿ ਦ੍ਰੁਹ੍ਯੇਤਾਂ ਭਵਨਿਬਿਡਿਤੇਭ੍ਯੋ ਮਮ ਮੁਹੁ-

ਸ੍ਤਮੋਵ੍ਯਾਮੋਹੇਭ੍ਯਸ੍ਤਵ ਜਨਨਿ ਕਾਮਾਕ੍षਿ ਚਰਣੌ ।

ਯਯੋਰ੍ਲਾਕ੍षਾਬਿਨ੍ਦੁਸ੍ਫੁਰਣਧਰਣਾਦ੍ਧ੍ਵਰ੍ਜਟਿਜਟਾ-

ਕੁਟੀਰਾ ਸ਼ੋਣਾਙ੍ਕਂ ਵਹਤਿ ਵਪੁਰੇਣਾਙ੍ਕਕਲਿਕਾ ॥13॥

ਪਵਿਤ੍ਰੀਕੁਰ੍ਯੁਰ੍ਨੁਃ ਪਦਤਲਭੁਵਃ ਪਾਟਲਰੁਚਃ

ਪਰਾਗਾਸ੍ਤੇ ਪਾਪਪ੍ਰਸ਼ਮਨਧੁਰੀਣਾਃ ਪਰਸ਼ਿਵੇ ।

ਕਣਂ ਲਬ੍ਧੁਂ ਯੇषਾਂ ਨਿਜਸ਼ਿਰਸਿ ਕਾਮਾਕ੍षਿ ਵਿਵਸ਼ਾ

ਵਲਨ੍ਤੋ ਵ੍ਯਾਤਨ੍ਵਨ੍ਤ੍ਯਹਮਹਮਿਕਾਂ ਮਾਧਵਮੁਖਾਃ ॥14॥

ਬਲਾਕਾਮਾਲਾਭਿਰ੍ਨਖਰੁਚਿਮਯੀਭਿਃ ਪਰਿਵृਤੇ

ਵਿਨਮ੍ਰਸ੍ਵਰ੍ਨਾਰੀਵਿਕਚਕਚਕਾਲਾਮ੍ਬੁਦਕੁਲੇ ।

ਸ੍ਫੁਰਨ੍ਤਃ ਕਾਮਾਕ੍षਿ ਸ੍ਫੁਟਦਲਿਤਬਨ੍ਧੂਕਸੁਹृਦ-

ਸ੍ਤਟਿਲ੍ਲੇਖਾਯਨ੍ਤੇ ਤਵ ਚਰਣਪਾਥੋਜਕਿਰਣਾਃ ॥15॥

ਸਰਾਗਃ ਸਦ੍ਵੇषਃ ਪ੍ਰਸृਮਰਸਰੋਜੇ ਪ੍ਰਤਿਦਿਨਂ

ਨਿਸਰ੍ਗਾਦਾਕ੍ਰਾਮਨ੍ਵਿਬੁਧਜਨਮੂਰ੍ਧਾਨਮਧਿਕਮ੍ ।

ਕਥਙ੍ਕਾਰਂ ਮਾਤਃ ਕਥਯ ਪਦਪਦ੍ਮਸ੍ਤਵ ਸਤਾਂ

ਨਤਾਨਾਂ ਕਾਮਾਕ੍षਿ ਪ੍ਰਕਟਯਤਿ ਕੈਵਲ੍ਯਸਰਣਿਮ੍ ॥16॥

ਜਪਾਲਕ੍ष੍ਮੀਸ਼ੋਣੋ ਜਨਿਤਪਰਮਜ੍ਞਾਨਨਲਿਨੀ-

ਵਿਕਾਸਵ੍ਯਾਸਙ੍ਗੋ ਵਿਫਲਿਤਜਗਜ੍ਜਾਡ੍ਯਗਰਿਮਾ ।

ਮਨਃਪੂਰ੍ਵਾਦ੍ਰਿਂ ਮੇ ਤਿਲਕਯਤੁ ਕਾਮਾਕ੍षਿ ਤਰਸਾ

ਤਮਸ੍ਕਾਣ੍ਡਦ੍ਰੋਹੀ ਤਵ ਚਰਣਪਾਥੋਜਰਮਣਃ ॥17॥

ਨਮਸ੍ਕੁਰ੍ਮਃ ਪ੍ਰੇਙ੍ਖਨ੍ਮਣਿਕਟਕਨੀਲੋਤ੍ਪਲਮਹਃ-

ਪਯੋਧੌ ਰਿਙ੍ਖਦ੍ਭਿਰ੍ਨਖਕਿਰਣਫੇਨੈਰ੍ਧਵਲਿਤੇ ।

ਸ੍ਫੁਟਂ ਕੁਰ੍ਵਾਣਾਯ ਪ੍ਰਬਲਚਲਦੌਰ੍ਵਾਨਲਸ਼ਿਖਾ-

ਵਿਤਰ੍ਕਂ ਕਾਮਾਕ੍ष੍ਯਾਃ ਸਤਤਮਰੁਣਿਮ੍ਨੇ ਚਰਣਯੋਃ ॥18॥

ਸ਼ਿਵੇ ਪਾਸ਼ਾਯੇਤਾਮਲਘੁਨਿ ਤਮਃਕੂਪਕੁਹਰੇ

ਦਿਨਾਧੀਸ਼ਾਯੇਤਾਂ ਮਮ ਹृਦਯਪਾਥੋਜਵਿਪਿਨੇ ।

ਨਭੋਮਾਸਾਯੇਤਾਂ ਸਰਸਕਵਿਤਾਰੀਤਿਸਰਿਤਿ

ਤ੍ਵਦੀਯੌ ਕਾਮਾਕ੍षਿ ਪ੍ਰਸृਤਕਿਰਣੌ ਦੇਵਿ ਚਰਣੌ ॥19॥

ਨਿषਕ੍ਤਂ ਸ਼੍ਰੁਤ੍ਯਨ੍ਤੇ ਨਯਨਮਿਵ ਸਦ੍ਵृਤ੍ਤਰੁਚਿਰੈਃ

ਸਮੈਰ੍ਜੁष੍ਟਂ ਸ਼ੁਦ੍ਧੈਰਧਰਮਿਵ ਰਮ੍ਯੈਰ੍ਦ੍ਵਿਜਗਣੈਃ ।

ਸ਼ਿਵੇ ਵਕ੍षੋਜਨ੍ਮਦ੍ਵਿਤਯਮਿਵ ਮੁਕ੍ਤਾਸ਼੍ਰਿਤਮੁਮੇ

ਤ੍ਵਦੀਯਂ ਕਾਮਾਕ੍षਿ ਪ੍ਰਣਤਸ਼ਰਣਂ ਨੌਮਿ ਚਰਣਮ੍ ॥20॥

ਨਮਸ੍ਯਾਸਂਸਜ੍ਜਨ੍ਨਮੁਚਿਪਰਿਪਨ੍ਥਿਪ੍ਰਣਯਿਨੀ-

ਨਿਸਰ੍ਗਪ੍ਰੇਙ੍ਖੋਲਤ੍ਕੁਰਲਕੁਲਕਾਲਾਹਿਸ਼ਬਲੇ ।

ਨਖਚ੍ਛਾਯਾਦੁਗ੍ਧੋਦਧਿਪਯਸਿ ਤੇ ਵੈਦ੍ਰੁਮਰੁਚਾਂ

ਪ੍ਰਚਾਰਂ ਕਾਮਾਕ੍षਿ ਪ੍ਰਚੁਰਯਤਿ ਪਾਦਾਬ੍ਜਸੁषਮਾ ॥21॥

ਕਦਾ ਦੂਰੀਕਰ੍ਤੁਂ ਕਟੁਦੁਰਿਤਕਾਕੋਲਜਨਿਤਂ

ਮਹਾਨ੍ਤਂ ਸਨ੍ਤਾਪਂ ਮਦਨਪਰਿਪਨ੍ਥਿਪ੍ਰਿਯਤਮੇ ।

ਕ੍षਣਾਤ੍ਤੇ ਕਾਮਾਕ੍षਿ ਤ੍ਰਿਭੁਵਨਪਰੀਤਾਪਹਰਣੇ

ਪਟੀਯਾਂਸਂ ਲਪ੍ਸ੍ਯੇ ਪਦਕਮਲਸੇਵਾਮृਤਰਸਮ੍ ॥22॥

ਯਯੋਃ ਸਾਨ੍ਧ੍ਯਂ ਰੋਚਿਃ ਸਤਤਮਰੁਣਿਮ੍ਨੇ ਸ੍ਪृਹਯਤੇ

ਯਯੋਸ਼੍ਚਾਨ੍ਦ੍ਰੀ ਕਾਨ੍ਤਿਃ ਪਰਿਪਤਤਿ ਦृष੍ਟ੍ਵਾ ਨਖਰੁਚਿਮ੍ ।

ਯਯੋਃ ਪਾਕੋਦ੍ਰੇਕਂ ਪਿਪਠਿषਤਿ ਭਕ੍ਤ੍ਯਾ ਕਿਸਲਯਂ

ਮ੍ਰਦਿਮ੍ਨਃ ਕਾਮਾਕ੍ष੍ਯਾ ਮਨਸਿ ਚਰਣੌ ਤੌ ਤਨੁਮਹੇ ॥23॥

ਜਗਨ੍ਨੇਦਂ ਨੇਦਂ ਪਰਮਿਤਿ ਪਰਿਤ੍ਯਜ੍ਯ ਯਤਿਭਿਃ

ਕੁਸ਼ਾਗ੍ਰੀਯਸ੍ਵਾਨ੍ਤੈਃ ਕੁਸ਼ਲਧਿषਣੈਃ ਸ਼ਾਸ੍ਤ੍ਰਸਰਣੌ ।

ਗਵੇष੍ਯਂ ਕਾਮਾਕ੍षਿ ਧ੍ਰੁਵਮਕृਤਕਾਨਾਂ ਗਿਰਿਸੁਤੇ

ਗਿਰਾਮੈਦਮ੍ਪਰ੍ਯਂ ਤਵ ਚਰਣਪਦ੍ਮਂ ਵਿਜਯਤੇ ॥24॥

ਕृਤਸ੍ਨਾਨਂ ਸ਼ਾਸ੍ਤ੍ਰਾਮृਤਸਰਸਿ ਕਾਮਾਕ੍षਿ ਨਿਤਰਾਂ

ਦਧਾਨਂ ਵੈਸ਼ਦ੍ਯਂ ਕਲਿਤਰਸਮਾਨਨ੍ਦਸੁਧਯਾ ।

ਅਲਙ੍ਕਾਰਂ ਭੂਮੇਰ੍ਮੁਨਿਜਨਮਨਸ਼੍ਚਿਨ੍ਮਯਮਹਾ-

ਪਯੋਧੇਰਨ੍ਤਸ੍ਸ੍ਥਂ ਤਵ ਚਰਣਰਤ੍ਨਂ ਮृਗਯਤੇ ॥25॥

ਮਨੋਗੇਹੇ ਮੋਹੋਦ੍ਭਵਤਿਮਿਰਪੂਰ੍ਣੇ ਮਮ ਮੁਹੁਃ

ਦਰਿਦ੍ਰਾਣੀਕੁਰ੍ਵਨ੍ਦਿਨਕਰਸਹਸ੍ਰਾਣਿ ਕਿਰਣੈਃ ।

ਵਿਧਤ੍ਤਾਂ ਕਾਮਾਕ੍षਿ ਪ੍ਰਸृਮਰਤਮੋਵਞ੍ਚਨਚਣਃ

ਕ੍षਣਾਰ੍ਧਂ ਸਾਨ੍ਨਿਧ੍ਯਂ ਚਰਣਮਣਿਦੀਪੋ ਜਨਨਿ ਤੇ ॥26॥

ਕਵੀਨਾਂ ਚੇਤੋਵਨ੍ਨਖਰਰੁਚਿਸਮ੍ਪਰ੍ਕਿ ਵਿਬੁਧ-

ਸ੍ਰਵਨ੍ਤੀਸ੍ਰੋਤੋਵਤ੍ਪਟੁਮੁਖਰਿਤਂ ਹਂਸਕਰਵੈਃ ।

ਦਿਨਾਰਮ੍ਭਸ਼੍ਰੀਵਨ੍ਨਿਯਤਮਰੁਣਚ੍ਛਾਯਸੁਭਗਂ

ਮਦਨ੍ਤਃ ਕਾਮਾਕ੍ष੍ਯਾਃ ਸ੍ਫੁਰਤੁ ਪਦਪਙ੍ਕੇਰੁਹਯੁਗਮ੍ ॥27॥

ਸਦਾ ਕਿਂ ਸਮ੍ਪਰ੍ਕਾਤ੍ਪ੍ਰਕृਤਿਕਠਿਨੈਰ੍ਨਾਕਿਮੁਕੁਟੈਃ

ਤਟੈਰ੍ਨੀਹਾਰਾਦ੍ਰੇਰਧਿਕਮਣੁਨਾ ਯੋਗਿਮਨਸਾ ।

ਵਿਭਿਨ੍ਤੇ ਸਮ੍ਮੋਹਂ ਸ਼ਿਸ਼ਿਰਯਤਿ ਭਕ੍ਤਾਨਪਿ ਦृਸ਼ਾਮ੍

ਅਦृਸ਼੍ਯਂ ਕਾਮਾਕ੍षਿ ਪ੍ਰਕਟਯਤਿ ਤੇ ਪਾਦਯੁਗਲਮ੍ ॥28॥

ਪਵਿਤ੍ਰਾਭ੍ਯਾਮਮ੍ਬ ਪ੍ਰਕृਤਿਮृਦੁਲਾਭ੍ਯਾਂ ਤਵ ਸ਼ਿਵੇ

ਪਦਾਭ੍ਯਾਂ ਕਾਮਾਕ੍षਿ ਪ੍ਰਸਭਮਭਿਭੂਤੈਃ ਸਚਕਿਤੈਃ ।

ਪ੍ਰਵਾਲੈਰਮ੍ਭੋਜੈਰਪਿ ਚ ਵਨਵਾਸਵ੍ਰਤਦਸ਼ਾਃ

ਸਦੈਵਾਰਭ੍ਯਨ੍ਤੇ ਪਰਿਚਰਿਤਨਾਨਾਦ੍ਵਿਜਗਣੈਃ ॥29॥

ਚਿਰਾਦ੍ਦृਸ਼੍ਯਾ ਹਂਸੈਃ ਕਥਮਪਿ ਸਦਾ ਹਂਸਸੁਲਭਂ

ਨਿਰਸ੍ਯਨ੍ਤੀ ਜਾਡ੍ਯਂ ਨਿਯਤਜਡਮਧ੍ਯੈਕਸ਼ਰਣਮ੍ ।

ਅਦੋषਵ੍ਯਾਸਙ੍ਗਾ ਸਤਤਮਪਿ ਦੋषਾਪ੍ਤਿਮਲਿਨਂ

ਪਯੋਜਂ ਕਾਮਾਕ੍ष੍ਯਾਃ ਪਰਿਹਸਤਿ ਪਾਦਾਬ੍ਜਯੁਗਲੀ ॥30॥

ਸੁਰਾਣਾਮਾਨਨ੍ਦਪ੍ਰਬਲਨਤਯਾ ਮਣ੍ਡਨਤਯਾ

ਨਖੇਨ੍ਦੁਜ੍ਯੋਤ੍ਸ੍ਨਾਭਿਰ੍ਵਿਸृਮਰਤਮਃਖਣ੍ਡਨਤਯਾ ।

ਪਯੋਜਸ਼੍ਰੀਦ੍ਵੇषਵ੍ਰਤਰਤਤਯਾ ਤ੍ਵਚ੍ਚਰਣਯੋਃ

ਵਿਲਾਸਃ ਕਾਮਾਕ੍षਿ ਪ੍ਰਕਟਯਤਿ ਨੈਸ਼ਾਕਰਦਸ਼ਾਮ੍ ॥31॥

ਸਿਤਿਮ੍ਨਾ ਕਾਨ੍ਤੀਨਾਂ ਨਖਰਜਨੁषਾਂ ਪਾਦਨਲਿਨ-

ਚ੍ਛਵੀਨਾਂ ਸ਼ੋਣਿਮ੍ਨਾ ਤਵ ਜਨਨਿ ਕਾਮਾਕ੍षਿ ਨਮਨੇ ।

ਲਭਨ੍ਤੇ ਮਨ੍ਦਾਰਗ੍ਰਥਿਤਨਵਬਨ੍ਧੂਕਕੁਸੁਮ-

ਸ੍ਰਜਾਂ ਸਾਮੀਚੀਨ੍ਯਂ ਸੁਰਪੁਰਪੁਰਨ੍ਧ੍ਰੀਕਚਭਰਾਃ ॥32॥

ਸ੍ਫੁਰਨ੍ਮਧ੍ਯੇ ਸ਼ੁਦ੍ਧੇ ਨਖਕਿਰਣਦੁਗ੍ਧਾਬ੍ਧਿਪਯਸਾਂ

ਵਹਨ੍ਨਬ੍ਜਂ ਚਕ੍ਰਂ ਦਰਮਪਿ ਚ ਲੇਖਾਤ੍ਮਕਤਯਾ ।

ਸ਼੍ਰਿਤੋ ਮਾਤ੍ਸ੍ਯਂ ਰੂਪਂ ਸ਼੍ਰਿਯਮਪਿ ਦਧਾਨੋ ਨਿਰੁਪਮਾਂ

ਤ੍ਰਿਧਾਮਾ ਕਾਮਾਕ੍ष੍ਯਾਃ ਪਦਨਲਿਨਨਾਮਾ ਵਿਜਯਤੇ ॥33॥

ਨਖਸ਼੍ਰੀਸਨ੍ਨਦ੍ਧਸ੍ਤਬਕਨਿਚਿਤਃ ਸ੍ਵੈਸ਼੍ਚ ਕਿਰਣੈਃ

ਪਿਸ਼ਙ੍ਗੈਃ ਕਾਮਾਕ੍षਿ ਪ੍ਰਕਟਿਤਲਸਤ੍ਪਲ੍ਲਵਰੁਚਿਃ ।

ਸਤਾਂ ਗਮ੍ਯਃ ਸ਼ਙ੍ਕੇ ਸਕਲਫਲਦਾਤਾ ਸੁਰਤਰੁਃ

ਤ੍ਵਦੀਯਃ ਪਾਦੋऽਯਂ ਤੁਹਿਨਗਿਰਿਰਾਜਨ੍ਯਤਨਯੇ ॥34॥

ਵषਟ੍ਕੁਰ੍ਵਨ੍ਮਾਞ੍ਜੀਰਕਲਕਲੈਃ ਕਰ੍ਮਲਹਰੀ-

ਹਵੀਂषਿ ਪ੍ਰੌਦ੍ਦਣ੍ਡਂ ਜ੍ਵਲਤਿ ਪਰਮਜ੍ਞਾਨਦਹਨੇ ।

ਮਹੀਯਾਨ੍ਕਾਮਾਕ੍षਿ ਸ੍ਫੁਟਮਹਸਿ ਜੋਹੋਤਿ ਸੁਧਿਯਾਂ

ਮਨੋਵੇਦ੍ਯਾਂ ਮਾਤਸ੍ਤਵ ਚਰਣਯਜ੍ਵਾ ਗਿਰਿਸੁਤੇ ॥35॥

ਮਹਾਮਨ੍ਤ੍ਰਂ ਕਿਞ੍ਚਿਨ੍ਮਣਿਕਟਕਨਾਦੈਰ੍ਮृਦੁ ਜਪਨ੍

ਕ੍षਿਪਨ੍ਦਿਕ੍षੁ ਸ੍ਵਚ੍ਛਂ ਨਖਰੁਚਿਮਯਂ ਭਾਸ੍ਮਨਰਜਃ ।

ਨਤਾਨਾਂ ਕਾਮਾਕ੍षਿ ਪ੍ਰਕृਤਿਪਟੁਰਚ੍ਚਾਟ੍ਯ ਮਮਤਾ-

ਪਿਸ਼ਾਚੀਂ ਪਾਦੋऽਯਂ ਪ੍ਰਕਟਯਤਿ ਤੇ ਮਾਨ੍ਤ੍ਰਿਕਦਸ਼ਾਮ੍ ॥36॥

ਉਦੀਤੇ ਬੋਧੇਨ੍ਦੌ ਤਮਸਿ ਨਿਤਰਾਂ ਜਗ੍ਮੁषਿ ਦਸ਼ਾਂ

ਦਰਿਦ੍ਰਾਂ ਕਾਮਾਕ੍षਿ ਪ੍ਰਕਟਮਨੁਰਾਗਂ ਵਿਦਧਤੀ ।

ਸਿਤੇਨਾਚ੍ਛਾਦ੍ਯਾਙ੍ਗਂ ਨਖਰੁਚਿਪਟੇਨਾਙ੍ਘ੍ਰਿਯੁਗਲੀ-

ਪੁਰਨ੍ਧ੍ਰੀ ਤੇ ਮਾਤਃ ਸ੍ਵਯਮਭਿਸਰਤ੍ਯੇਵ ਹृਦਯਮ੍ ॥37॥

ਦਿਨਾਰਮ੍ਭਃ ਸਮ੍ਪਨ੍ਨਲਿਨਵਿਪਿਨਾਨਾਮਭਿਨਵੋ

ਵਿਕਾਸੋ ਵਾਸਨ੍ਤਃ ਸੁਕਵਿਪਿਕਲੋਕਸ੍ਯ ਨਿਯਤਃ ।

ਪ੍ਰਦੋषਃ ਕਾਮਾਕ੍षਿ ਪ੍ਰਕਟਪਰਮਜ੍ਞਾਨਸ਼ਸ਼ਿਨ-

ਸ਼੍ਚਕਾਸ੍ਤਿ ਤ੍ਵਤ੍ਪਾਦਸ੍ਮਰਣਮਹਿਮਾ ਸ਼ੈਲਤਨਯੇ ॥38॥

ਧृਤਚ੍ਛਾਯਂ ਨਿਤ੍ਯਂ ਸਰਸਿਰੁਹਮੈਤ੍ਰੀਪਰਿਚਿਤਂ

ਨਿਧਾਨਂ ਦੀਪ੍ਤੀਨਾਂ ਨਿਖਿਲਜਗਤਾਂ ਬੋਧਜਨਕਮ੍ ।

ਮੁਮੁਕ੍षੂਣਾਂ ਮਾਰ੍ਗਪ੍ਰਥਨਪਟੁ ਕਾਮਾਕ੍षਿ ਪਦਵੀਂ

ਪਦਂ ਤੇ ਪਾਤਙ੍ਗੀਂ ਪਰਿਕਲਯਤੇ ਪਰ੍ਵਤਸੁਤੇ ॥39॥

ਸ਼ਨੈਸ੍ਤੀਰ੍ਤ੍ਵਾ ਮੋਹਾਮ੍ਬੁਧਿਮਥ ਸਮਾਰੋਢੁਮਨਸਃ

ਕ੍ਰਮਾਤ੍ਕੈਵਲ੍ਯਾਖ੍ਯਾਂ ਸੁਕृਤਿਸੁਲਭਾਂ ਸੌਧਵਲਭੀਮ੍ ।

ਲਭਨ੍ਤੇ ਨਿਃਸ਼੍ਰੇਣੀਮਿਵ ਝਟਿਤਿ ਕਾਮਾਕ੍षਿ ਚਰਣਂ

ਪੁਰਸ਼੍ਚਰ੍ਯਾਭਿਸ੍ਤੇ ਪੁਰਮਥਨਸੀਮਨ੍ਤਿਨਿ ਜਨਾਃ ॥40॥

ਪ੍ਰਚਣ੍ਡਾਰ੍ਤਿਕ੍षੋਭਪ੍ਰਮਥਨਕृਤੇ ਪ੍ਰਾਤਿਭਸਰਿ-

ਤ੍ਪ੍ਰਵਾਹਪ੍ਰੋਦ੍ਦਣ੍ਡੀਕਰਣਜਲਦਾਯ ਪ੍ਰਣਮਤਾਮ੍ ।

ਪ੍ਰਦੀਪਾਯ ਪ੍ਰੌਢੇ ਭਵਤਮਸਿ ਕਾਮਾਕ੍षਿ ਚਰਣ-

ਪ੍ਰਸਾਦੌਨ੍ਮੁਖ੍ਯਾਯ ਸ੍ਪृਹਯਤਿ ਜਨੋऽਯਂ ਜਨਨਿ ਤੇ ॥41॥

ਮਰੁਦ੍ਭਿਃ ਸਂਸੇਵ੍ਯਾ ਸਤਤਮਪਿ ਚਾਞ੍ਚਲ੍ਯਰਹਿਤਾ

ਸਦਾਰੁਣ੍ਯਂ ਯਾਨ੍ਤੀ ਪਰਿਣਤਿਦਰਿਦ੍ਰਾਣਸੁषਮਾ ।

ਗੁਣੋਤ੍ਕਰ੍षਾਨ੍ਮਾਞ੍ਜੀਰਕਕਲਕਲੈਸ੍ਤਰ੍ਜਨਪਟੁਃ

ਪ੍ਰਵਾਲਂ ਕਾਮਾਕ੍ष੍ਯਾਃ ਪਰਿਹਸਤਿ ਪਾਦਾਬ੍ਜਯੁਗਲੀ ॥42॥

ਜਗਦ੍ਰਕ੍षਾਦਕ੍षਾ ਜਲਜਰੁਚਿਸ਼ਿਕ੍षਾਪਟੁਤਰਾ

ਸਮੈਰ੍ਨਮ੍ਯਾ ਰਮ੍ਯਾ ਸਤਤਮਭਿਗਮ੍ਯਾ ਬੁਧਜਨੈਃ ।

ਦ੍ਵਯੀ ਲੀਲਾਲੋਲਾ ਸ਼੍ਰੁਤਿषੁ ਸੁਰਪਾਲਾਦਿਮੁਕੁਟੀ-

ਤਟੀਸੀਮਾਧਾਮਾ ਤਵ ਜਨਨਿ ਕਾਮਾਕ੍षਿ ਪਦਯੋਃ ॥43॥

ਗਿਰਾਂ ਦੂਰੌ ਚੋਰੌ ਜਡਿਮਤਿਮਿਰਾਣਾਂ ਕृਤਜਗ-

ਤ੍ਪਰਿਤ੍ਰਾਣੌ ਸ਼ੋਣੌ ਮੁਨਿਹृਦਯਲੀਲੈਕਨਿਪੁਣੌ ।

ਨਖੈਃ ਸ੍ਮੇਰੌ ਸਾਰੌ ਨਿਗਮਵਚਸਾਂ ਖਣ੍ਡਿਤਭਵ-

ਗ੍ਰਹੋਨ੍ਮਾਦੌ ਪਾਦੌ ਤਵ ਜਨਨਿ ਕਾਮਾਕ੍षਿ ਕਲਯੇ ॥44॥

ਅਵਿਸ਼੍ਰਾਨ੍ਤਂ ਪਙ੍ਕਂ ਯਦਪਿ ਕਲਯਨ੍ਯਾਵਕਮਯਂ

ਨਿਰਸ੍ਯਨ੍ਕਾਮਾਕ੍षਿ ਪ੍ਰਣਮਨਜੁषਾਂ ਪਙ੍ਕਮਖਿਲਮ੍ ।

ਤੁਲਾਕੋਟਿਦ੍ਵਨ੍ਦਂ ਦਧਦਪਿ ਚ ਗਚ੍ਛਨ੍ਨਤੁਲਤਾਂ

ਗਿਰਾਂ ਮਾਰ੍ਗਂ ਪਾਦੋ ਗਿਰਿਵਰਸੁਤੇ ਲਙ੍ਘਯਤਿ ਤੇ ॥45॥

ਪ੍ਰਵਾਲਂ ਸਵ੍ਰੀਲਂ ਵਿਪਿਨਵਿਵਰੇ ਵੇਪਯਤਿ ਯਾ

ਸ੍ਫੁਰਲ੍ਲੀਲਂ ਬਾਲਾਤਪਮਧਿਕਬਾਲਂ ਵਦਤਿ ਯਾ ।

ਰੁਚਿਂ ਸਾਨ੍ਧ੍ਯਾਂ ਵਨ੍ਧ੍ਯਾਂ ਵਿਰਚਯਤਿ ਯਾ ਵਰ੍ਧਯਤੁ ਸਾ

ਸ਼ਿਵਂ ਮੇ ਕਾਮਾਕ੍ष੍ਯਾਃ ਪਦਨਲਿਨਪਾਟਲ੍ਯਲਹਰੀ ॥46॥

ਕਿਰਞ੍ਜ੍ਯੋਤ੍ਸ੍ਨਾਰੀਤਿਂ ਨਖਮੁਖਰੁਚਾ ਹਂਸਮਨਸਾਂ

ਵਿਤਨ੍ਵਾਨਃ ਪ੍ਰੀਤਿਂ ਵਿਕਚਤਰੁਣਾਮ੍ਭੋਰੁਹਰੁਚਿਃ ।

ਪ੍ਰਕਾਸ਼ਃ ਸ਼੍ਰੀਪਾਦਸ੍ਤਵ ਜਨਨਿ ਕਾਮਾਕ੍षਿ ਤਨੁਤੇ

ਸ਼ਰਤ੍ਕਾਲਪ੍ਰੌਢਿਂ ਸ਼ਸ਼ਿਸ਼ਕਲਚੂਡਪ੍ਰਿਯਤਮੇ ॥47॥

ਨਖਾਙ੍ਕੂਰਸ੍ਮੇਰਦ੍ਯੁਤਿਵਿਮਲਗਙ੍ਗਾਮ੍ਭਸਿ ਸੁਖਂ

ਕृਤਸ੍ਨਾਨਂ ਜ੍ਞਾਨਾਮृਤਮਮਲਮਾਸ੍ਵਾਦ੍ਯ ਨਿਯਤਮ੍ ।

ਉਦਞ੍ਚਨ੍ਮਞ੍ਜੀਰਸ੍ਫੁਰਣਮਣਿਦੀਪੇ ਮਮ ਮਨੋ

ਮਨੋਜ੍ਞੇ ਕਾਮਾਕ੍ष੍ਯਾਸ਼੍ਚਰਣਮਣਿਹਰ੍ਮ੍ਯੇ ਵਿਹਰਤਾਮ੍ ॥48॥

ਭਵਾਮ੍ਭੋਧੌ ਨੌਕਾਂ ਜਡਿਮਵਿਪਿਨੇ ਪਾਵਕਸ਼ਿਖਾ-

ਮਮਰ੍ਤ੍ਯੇਨ੍ਦ੍ਰਾਦੀਨਾਮਧਿਮੁਕੁਟਮੁਤ੍ਤਂਸਕਲਿਕਾਮ੍ ।

ਜਗਤ੍ਤਾਪੇ ਜ੍ਯੋਤ੍ਸ੍ਨਾਮਕृਤਕਵਚਃਪਞ੍ਜਰਪੁਟੇ

ਸ਼ੁਕਸ੍ਤ੍ਰੀਂ ਕਾਮਾਕ੍ष੍ਯਾ ਮਨਸਿ ਕਲਯੇ ਪਾਦਯੁਗਲੀਮ੍ ॥49॥

ਪਰਤ੍ਮਪ੍ਰਾਕਾਸ਼੍ਯਪ੍ਰਤਿਫਲਨਚੁਞ੍ਚੁਃ ਪ੍ਰਣਮਤਾਂ

ਮਨੋਜ੍ਞਸ੍ਤ੍ਵਤ੍ਪਾਦੋ ਮਣਿਮੁਕੁਰਮੁਦ੍ਰਾਂ ਕਲਯਤੇ ।

ਯਦੀਯਾਂ ਕਾਮਾਕ੍षਿ ਪ੍ਰਕृਤਿਮਸृਣਾਃ ਸ਼ੋਧਕਦਸ਼ਾਂ

ਵਿਧਾਤੁਂ ਚੇष੍ਠਨ੍ਤੇ ਬਲਰਿਪੁਵਧੂਟੀਕਚਭਰਾਃ ॥50॥

ਅਵਿਸ਼੍ਰਾਨ੍ਤਂ ਤਿष੍ਠਨ੍ਨਕृਤਕਵਚਃਕਨ੍ਦਰਪੁਟੀ-

ਕੁਟੀਰਾਨ੍ਤਃ ਪ੍ਰੌਢਂ ਨਖਰੁਚਿਸਟਾਲੀਂ ਪ੍ਰਕਟਯਨ੍ ।

ਪ੍ਰਚਣ੍ਡਂ ਖਣ੍ਡਤ੍ਵਂ ਨਯਤੁ ਮਮ ਕਾਮਾਕ੍षਿ ਤਰਸਾ

ਤਮੋਵੇਤਣ੍ਡੇਨ੍ਦ੍ਰਂ ਤਵ ਚਰਣਕਣ੍ਠੀਰਵਪਤਿਃ ॥51॥

ਪੁਰਸ੍ਤਾਤ੍ਕਾਮਾਕ੍षਿ ਪ੍ਰਚੁਰਰਸਮਾਖਣ੍ਡਲਪੁਰੀ-

ਪੁਰਨ੍ਧ੍ਰੀਣਾਂ ਲਾਸ੍ਯਂ ਤਵ ਲਲਿਤਮਾਲੋਕ੍ਯ ਸ਼ਨਕੈਃ ।

ਨਖਸ਼੍ਰੀਭਿਃ ਸ੍ਮੇਰਾ ਬਹੁ ਵਿਤਨੁਤੇ ਨੂਪੁਰਰਵੈ-

ਸ਼੍ਚਮਤ੍ਕृਤ੍ਯਾ ਸ਼ਙ੍ਕੇ ਚਰਣਯੁਗਲੀ ਚਾਟੁਰਚਨਾਃ ॥52॥

ਸਰੋਜਂ ਨਿਨ੍ਦਨ੍ਤੀ ਨਖਕਿਰਣਕਰ੍ਪੂਰਸ਼ਿਸ਼ਿਰਾ

ਨਿषਿਕ੍ਤਾ ਮਾਰਾਰੇਰ੍ਮੁਕੁਟਸ਼ਸ਼ਿਰੇਖਾਹਿਮਜਲੈਃ ।

ਸ੍ਫੁਰਨ੍ਤੀ ਕਾਮਾਕ੍षਿ ਸ੍ਫੁਟਰੁਚਿਮਯੇ ਪਲ੍ਲਵਚਯੇ

ਤਵਾਧਤ੍ਤੇ ਮੈਤ੍ਰੀਂ ਪਥਿਕਸੁਦृਸ਼ਾ ਪਾਦਯੁਗਲੀ ॥53॥

ਨਤਾਨਾਂ ਸਮ੍ਪਤ੍ਤੇਰਨਵਰਤਮਾਕਰ੍षਣਜਪਃ

ਪ੍ਰਰੋਹਤ੍ਸਂਸਾਰਪ੍ਰਸਰਗਰਿਮਸ੍ਤਮ੍ਭਨਜਪਃ ।

ਤ੍ਵਦੀਯਃ ਕਾਮਾਕ੍षਿ ਸ੍ਮਰਹਰਮਨੋਮੋਹਨਜਪਃ

ਪਟੀਯਾਨ੍ਨਃ ਪਾਯਾਤ੍ਪਦਨਲਿਨਮਞ੍ਜੀਰਨਿਨਦਃ ॥54॥

ਵਿਤਨ੍ਵੀਥਾ ਨਾਥੇ ਮਮ ਸ਼ਿਰਸਿ ਕਾਮਾਕ੍षਿ ਕृਪਯਾ

ਪਦਾਮ੍ਭੋਜਨ੍ਯਾਸਂ ਪਸ਼ੁਪਰਿਬृਢਪ੍ਰਾਣਦਯਿਤੇ ।

ਪਿਬਨ੍ਤੋ ਯਨ੍ਮੁਦ੍ਰਾਂ ਪ੍ਰਕਟਮੁਪਕਮ੍ਪਾਪਰਿਸਰਂ

ਦृਸ਼ਾ ਨਾਨਨ੍ਦ੍ਯਨ੍ਤੇ ਨਲਿਨਭਵਨਾਰਾਯਣਮੁਖਾਃ ॥55॥

ਪ੍ਰਣਾਮੋਦ੍ਯਦ੍ਬृਨ੍ਦਾਰਮੁਕੁਟਮਨ੍ਦਾਰਕਲਿਕਾ-

ਵਿਲੋਲਲ੍ਲੋਲਮ੍ਬਪ੍ਰਕਰਮਯਧੂਮਪ੍ਰਚੁਰਿਮਾ ।

ਪ੍ਰਦੀਪ੍ਤਃ ਪਾਦਾਬ੍ਜਦ੍ਯੁਤਿਵਿਤਤਿਪਾਟਲ੍ਯਲਹਰੀ-

ਕृਸ਼ਾਨੁਃ ਕਾਮਾਕ੍ष੍ਯਾ ਮਮ ਦਹਤੁ ਸਂਸਾਰਵਿਪਿਨਮ੍ ॥56॥

ਵਲਕ੍षਸ਼੍ਰੀਰृਕ੍षਾਧਿਪਸ਼ਿਸ਼ੁਸਦृਕ੍षੈਸ੍ਤਵ ਨਖੈਃ

ਜਿਘृਕ੍षੁਰ੍ਦਕ੍षਤ੍ਵਂ ਸਰਸਿਰੁਹਭਿਕ੍षੁਤ੍ਵਕਰਣੇ ।

ਕ੍षਣਾਨ੍ਮੇ ਕਾਮਾਕ੍षਿ ਕ੍षਪਿਤਭਵਸਙ੍ਕ੍षੋਭਗਰਿਮਾ

ਵਚੋਵੈਚਕ੍षਨ੍ਯਂ ਚਰਣਯੁਗਲੀ ਪਕ੍ष੍ਮਲਯਤਾਤ੍ ॥57॥

ਸਮਨ੍ਤਾਤ੍ਕਾਮਾਕ੍षਿ ਕ੍षਤਤਿਮਿਰਸਨ੍ਤਾਨਸੁਭਗਾਨ੍

ਅਨਨ੍ਤਾਭਿਰ੍ਭਾਭਿਰ੍ਦਿਨਮਨੁ ਦਿਗਨ੍ਤਾਨ੍ਵਿਰਚਯਨ੍ ।

ਅਹਨ੍ਤਾਯਾ ਹਨ੍ਤਾ ਮਮ ਜਡਿਮਦਨ੍ਤਾਵਲਹਰਿਃ

ਵਿਭਿਨ੍ਤਾਂ ਸਨ੍ਤਾਪਂ ਤਵ ਚਰਣਚਿਨ੍ਤਾਮਣਿਰਸੌ ॥58॥

ਦਧਾਨੋ ਭਾਸ੍ਵਤ੍ਤਾਮਮृਤਨਿਲਯੋ ਲੋਹਿਤਵਪੁਃ

ਵਿਨਮ੍ਰਾਣਾਂ ਸੌਮ੍ਯੋ ਗੁਰੁਰਪਿ ਕਵਿਤ੍ਵਂ ਚ ਕਲਯਨ੍ ।

ਗਤੌ ਮਨ੍ਦੋ ਗਙ੍ਗਾਧਰਮਹਿषਿ ਕਾਮਾਕ੍षਿ ਭਜਤਾਂ

ਤਮਃਕੇਤੁਰ੍ਮਾਤਸ੍ਤਵ ਚਰਣਪਦ੍ਮੋ ਵਿਜਯਤੇ ॥59॥

ਨਯਨ੍ਤੀਂ ਦਾਸਤ੍ਵਂ ਨਲਿਨਭਵਮੁਖ੍ਯਾਨਸੁਲਭ-

ਪ੍ਰਦਾਨਾਦ੍ਦੀਨਾਨਾਮਮਰਤਰੁਦੌਰ੍ਭਾਗ੍ਯਜਨਨੀਮ੍ ।

ਜਗਜ੍ਜਨ੍ਮਕ੍षੇਮਕ੍षਯਵਿਧਿषੁ ਕਾਮਾਕ੍षਿ ਪਦਯੋ-

ਰ੍ਧੁਰੀਣਾਮੀष੍ਟੇ ਕਰਸ੍ਤਵ ਭਣਿਤੁਮਾਹੋਪੁਰੁषਿਕਾਮ੍ ॥60॥

ਜਨੋऽਯਂ ਸਨ੍ਤਪ੍ਤੋ ਜਨਨਿ ਭਵਚਣ੍ਡਾਂਸ਼ੁਕਿਰਣੈਃ

ਅਲਬ੍ਧਵੈਕਂ ਸ਼ੀਤਂ ਕਣਮਪਿ ਪਰਜ੍ਞਾਨਪਯਸਃ ।

ਤਮੋਮਾਰ੍ਗੇ ਪਾਨ੍ਥਸ੍ਤਵ ਝਟਿਤਿ ਕਾਮਾਕ੍षਿ ਸ਼ਿਸ਼ਿਰਾਂ

ਪਦਾਮ੍ਭੋਜਚ੍ਛਾਯਾਂ ਪਰਮਸ਼ਿਵਜਾਯੇ ਮृਗਯਤੇ ॥61॥

ਜਯਤ੍ਯਮ੍ਬ ਸ਼੍ਰੀਮਨ੍ਨਖਕਿਰਣਚੀਨਾਂਸ਼ੁਕਮਯਂ

ਵਿਤਾਨਂ ਬਿਭ੍ਰਾਣੇ ਸੁਰਮੁਕੁਟਸਙ੍ਘਟ੍ਟਮਸृਣੇ ।

ਨਿਜਾਰੁਣ੍ਯਕ੍षੌਮਾਸ੍ਤਰਣਵਤਿ ਕਾਮਾਕ੍षਿ ਸੁਲਭਾ

ਬੁਧੈਃ ਸਂਵਿਨ੍ਨਾਰੀ ਤਵ ਚਰਣਮਾਣਿਕ੍ਯਭਵਨੇ ॥62॥

ਪ੍ਰਤੀਮਃ ਕਾਮਾਕ੍षਿ ਸ੍ਫੁਰਿਤਤਰੁਣਾਦਿਤ੍ਯਕਿਰਣ-

ਸ਼੍ਰਿਯੋ ਮੂਲਦ੍ਰਵ੍ਯਂ ਤਵ ਚਰਣਮਦ੍ਰੀਨ੍ਦ੍ਰਤਨਯੇ ।

ਸੁਰੇਨ੍ਦ੍ਰਾਸ਼ਾਮਾਪੂਰਯਤਿ ਯਦਸੌ ਧ੍ਵਾਨ੍ਤਮਖਿਲਂ

ਧੁਨੀਤੇ ਦਿਗ੍ਭਾਗਾਨਪਿ ਚ ਮਹਸਾ ਪਾਟਲਯਤੇ ॥63॥

ਮਹਾਭਾष੍ਯਵ੍ਯਾਖ੍ਯਾਪਟੁਸ਼ਯਨਮਾਰੋਪਯਤਿ ਵਾ

ਸ੍ਮਰਵ੍ਯਾਪਾਰੇਰ੍ष੍ਯਾਪਿਸ਼ੁਨਨਿਟਿਲਂ ਕਾਰਯਤਿ ਵਾ ।

ਦ੍ਵਿਰੇਫਾਣਾਮਧ੍ਯਾਸਯਤਿ ਸਤਤਂ ਵਾਧਿਵਸਤਿਂ

ਪ੍ਰਣਮ੍ਰਾਨ੍ਕਾਮਾਕ੍ष੍ਯਾਃ ਪਦਨਲਿਨਮਾਹਾਤ੍ਮ੍ਯਗਰਿਮਾ ॥64॥

ਵਿਵੇਕਾਮ੍ਭਸ੍ਸ੍ਰੋਤਸ੍ਸ੍ਨਪਨਪਰਿਪਾਟੀਸ਼ਿਸ਼ਿਰਿਤੇ

ਸਮੀਭੂਤੇ ਸ਼ਾਸ੍ਤ੍ਰਸ੍ਮਰਣਹਲਸਙ੍ਕਰ੍षਣਵਸ਼ਾਤ੍ ।

ਸਤਾਂ ਚੇਤਃਕ੍षੇਤ੍ਰੇ ਵਪਤਿ ਤਵ ਕਾਮਾਕ੍षਿ ਚਰਣੋ

ਮਹਾਸਂਵਿਤ੍ਸਸ੍ਯਪ੍ਰਕਰਵਰਬੀਜਂ ਗਿਰਿਸੁਤੇ ॥65॥

ਦਧਾਨੋ ਮਨ੍ਦਾਰਸ੍ਤਬਕਪਰਿਪਾਟੀਂ ਨਖਰੁਚਾ

ਵਹਨ੍ਦੀਪ੍ਤਾਂ ਸ਼ੋਣਾਙ੍ਗੁਲਿਪਟਲਚਾਮ੍ਪੇਯਕਲਿਕਾਮ੍ ।

ਅਸ਼ੋਕੋਲ੍ਲਾਸਂ ਨਃ ਪ੍ਰਚੁਰਯਤੁ ਕਾਮਾਕ੍षਿ ਚਰਣੋ

ਵਿਕਾਸੀ ਵਾਸਨ੍ਤਃ ਸਮਯ ਇਵ ਤੇ ਸ਼ਰ੍ਵਦਯਿਤੇ ॥66॥

ਨਖਾਂਸ਼ੁਪ੍ਰਾਚੁਰ੍ਯਪ੍ਰਸृਮਰਮਰਾਲਾਲਿਧਵਲਃ

ਸ੍ਫੁਰਨ੍ਮਞ੍ਜੀਰੋਦ੍ਯਨ੍ਮਰਕਤਮਹਸ਼੍ਸ਼ੈਵਲਯੁਤਃ ।

ਭਵਤ੍ਯਾਃ ਕਾਮਾਕ੍षਿ ਸ੍ਫੁਟਚਰਣਪਾਟਲ੍ਯਕਪਟੋ

ਨਦਃ ਸ਼ੋਣਾਭਿਖ੍ਯੋ ਨਗਪਤਿਤਨੂਜੇ ਵਿਜਯਤੇ ॥67॥

ਧੁਨਾਨਂ ਪਙ੍ਕੌਘਂ ਪਰਮਸੁਲਭਂ ਕਣ੍ਟਕਕੁਲੈਃ

ਵਿਕਾਸਵ੍ਯਾਸਙ੍ਗਂ ਵਿਦਧਦਪਰਾਧੀਨਮਨਿਸ਼ਮ੍ ।

ਨਖੇਨ੍ਦੁਜ੍ਯੋਤ੍ਸ੍ਨਾਭਿਰ੍ਵਿਸ਼ਦਰੁਚਿ ਕਾਮਾਕ੍षਿ ਨਿਤਰਾਮ੍

ਅਸਾਮਾਨ੍ਯਂ ਮਨ੍ਯੇ ਸਰਸਿਜਮਿਦਂ ਤੇ ਪਦਯੁਗਮ੍ ॥68॥

ਕਰੀਨ੍ਦ੍ਰਾਯ ਦ੍ਰੁਹ੍ਯਤ੍ਯਲਸਗਤਿਲੀਲਾਸੁ ਵਿਮਲੈਃ

ਪਯੋਜੈਰ੍ਮਾਤ੍ਸਰ੍ਯਂ ਪ੍ਰਕਟਯਤਿ ਕਾਮਂ ਕਲਯਤੇ ।

ਪਦਾਮ੍ਭੋਜਦ੍ਵਨ੍ਦ੍ਵਂ ਤਵ ਤਦਪਿ ਕਾਮਾਕ੍षਿ ਹृਦਯਂ

ਮੁਨੀਨਾਂ ਸ਼ਾਨ੍ਤਾਨਾਂ ਕਥਮਨਿਸ਼ਮਸ੍ਮੈ ਸ੍ਪृਹਯਤੇ ॥69॥

ਨਿਰਸ੍ਤਾ ਸ਼ੋਣਿਮ੍ਨਾ ਚਰਣਕਿਰਣਾਨਾਂ ਤਵ ਸ਼ਿਵੇ

ਸਮਿਨ੍ਧਾਨਾ ਸਨ੍ਧ੍ਯਾਰੁਚਿਰਚਲਰਾਜਨ੍ਯਤਨਯੇ ।

ਅਸਾਮਰ੍ਥ੍ਯਾਦੇਨਂ ਪਰਿਭਵਿਤੁਮੇਤਤ੍ਸਮਰੁਚਾਂ

ਸਰੋਜਾਨਾਂ ਜਾਨੇ ਮੁਕੁਲਯਤਿ ਸ਼ੋਭਾਂ ਪ੍ਰਤਿਦਿਨਮ੍ ॥70॥

ਉਪਾਦਿਕ੍षਦ੍ਦਾਕ੍ष੍ਯਂ ਤਵ ਚਰਣਨਾਮਾ ਗੁਰੁਰਸੌ

ਮਰਾਲਾਨਾਂ ਸ਼ਙ੍ਕੇ ਮਸृਣਗਤਿਲਾਲਿਤ੍ਯਸਰਣੌ ।

ਅਤਸ੍ਤੇ ਨਿਸ੍ਤਨ੍ਦ੍ਰਂ ਨਿਯਤਮਮੁਨਾ ਸਖ੍ਯਪਦਵੀਂ

ਪ੍ਰਪਨ੍ਨਂ ਪਾਥੋਜਂ ਪ੍ਰਤਿ ਦਧਤਿ ਕਾਮਾਕ੍षਿ ਕੁਤੁਕਮ੍ ॥71॥

ਦਧਾਨੈਃ ਸਂਸਰ੍ਗਂ ਪ੍ਰਕृਤਿਮਲਿਨੈਃ षਟ੍ਪਦਕੁਲੈਃ

ਦ੍ਵਿਜਾਧੀਸ਼ਸ਼੍ਲਾਘਾਵਿਧਿषੁ ਵਿਦਧਦ੍ਭਿਰ੍ਮੁਕੁਲਤਾਮ੍ ।

ਰਜੋਮਿਸ਼੍ਰੈਃ ਪਦ੍ਮੈਰ੍ਨਿਯਤਮਪਿ ਕਾਮਾਕ੍षਿ ਪਦਯੋਃ

ਵਿਰੋਧਸ੍ਤੇ ਯੁਕ੍ਤੋ ਵਿषਮਸ਼ਰਵੈਰਿਪ੍ਰਿਯਤਮੇ ॥72॥

ਕਵਿਤ੍ਵਸ਼੍ਰੀਮਿਸ਼੍ਰੀਕਰਣਨਿਪੁਣੌ ਰਕ੍षਣਚਣੌ

ਵਿਪਨ੍ਨਾਨਾਂ ਸ਼੍ਰੀਮਨ੍ਨਲਿਨਮਸृਣੌ ਸ਼ੋਣਕਿਰਣੌ ।

ਮੁਨੀਨ੍ਦ੍ਰਾਣਾਮਨ੍ਤਃਕਰਣਸ਼ਰਣੌ ਮਨ੍ਦਸਰਣੌ

ਮਨੋਜ੍ਞੌ ਕਾਮਾਕ੍ष੍ਯਾ ਦੁਰਿਤਹਰਣੌ ਨੌਮਿ ਚਰਣੌ ॥73॥

ਪਰਸ੍ਮਾਤ੍ਸਰ੍ਵਸ੍ਮਾਦਪਿ ਚ ਪਰਯੋਰ੍ਮੁਕ੍ਤਿਕਰਯੋਃ

ਨਖਸ਼੍ਰੀਭਿਰ੍ਜ੍ਯੋਤ੍ਸ੍ਨਾਕਲਿਤਤੁਲਯੋਸ੍ਤਾਮ੍ਰਤਲਯੋਃ ।

ਨਿਲੀਯੇ ਕਾਮਾਕ੍ष੍ਯਾ ਨਿਗਮਨੁਤਯੋਰ੍ਨਾਕਿਨਤਯੋਃ

ਨਿਰਸ੍ਤਪ੍ਰੋਨ੍ਮੀਲਨ੍ਨਲਿਨਮਦਯੋਰੇਵ ਪਦਯੋਃ ॥74॥

ਸ੍ਵਭਾਵਾਦਨ੍ਯੋਨ੍ਯਂ ਕਿਸਲਯਮਪੀਦਂ ਤਵ ਪਦਂ

ਮ੍ਰਦਿਮ੍ਨਾ ਸ਼ੋਣਿਮ੍ਨਾ ਭਗਵਤਿ ਦਧਾਤੇ ਸਦृਸ਼ਤਾਮ੍ ।

ਵਨੇ ਪੂਰ੍ਵਸ੍ਯੇਚ੍ਛਾ ਸਤਤਮਵਨੇ ਕਿਂ ਤੁ ਜਗਤਾਂ

ਪਰਸ੍ਯੇਤ੍ਥਂ ਭੇਦਃ ਸ੍ਫੁਰਤਿ ਹृਦਿ ਕਾਮਾਕ੍षਿ ਸੁਧਿਯਾਮ੍ ॥75॥

ਕਥਂ ਵਾਚਾਲੋऽਪਿ ਪ੍ਰਕਟਮਣਿਮਞ੍ਜੀਰਨਿਨਦੈਃ

ਸਦੈਵਾਨਨ੍ਦਾਰ੍ਦ੍ਰਾਨ੍ਵਿਰਚਯਤਿ ਵਾਚਂਯਮਜਨਾਨ੍ ।

ਪ੍ਰਕृਤ੍ਯਾ ਤੇ ਸ਼ੋਣਚ੍ਛਵਿਰਪਿ ਚ ਕਾਮਾਕ੍षਿ ਚਰਣੋ

ਮਨੀषਾਨੈਰ੍ਮਲ੍ਯਂ ਕਥਮਿਵ ਨृਣਾਂ ਮਾਂਸਲਯਤੇ ॥76॥

ਚਲਤ੍ਤृष੍ਣਾਵੀਚੀਪਰਿਚਲਨਪਰ੍ਯਾਕੁਲਤਯਾ

ਮੁਹੁਰ੍ਭ੍ਰਾਨ੍ਤਸ੍ਤਾਨ੍ਤਃ ਪਰਮਸ਼ਿਵਵਾਮਾਕ੍षਿ ਪਰਵਾਨ੍ ।

ਤਿਤੀਰ੍षੁਃ ਕਾਮਾਕ੍षਿ ਪ੍ਰਚੁਰਤਰਕਰ੍ਮਾਮ੍ਬੁਧਿਮਮੁਂ

ਕਦਾਹਂ ਲਪ੍ਸ੍ਯੇ ਤੇ ਚਰਣਮਣਿਸੇਤੁਂ ਗਿਰਿਸੁਤੇ ॥77॥

ਵਿਸ਼ੁष੍ਯਨ੍ਤ੍ਯਾਂ ਪ੍ਰਜ੍ਞਾਸਰਿਤਿ ਦੁਰਿਤਗ੍ਰੀष੍ਮਸਮਯ-

ਪ੍ਰਭਾਵੇਣ ਕ੍षੀਣੇ ਸਤਿ ਮਮ ਮਨਃਕੇਕਿਨਿ ਸ਼ੁਚਾ ।

ਤ੍ਵਦੀਯਃ ਕਾਮਾਕ੍षਿ ਸ੍ਫੁਰਿਤਚਰਣਾਮ੍ਭੋਦਮਹਿਮਾ

ਨਭੋਮਾਸਾਟੋਪਂ ਨਗਪਤਿਸੁਤੇ ਕਿਂ ਨ ਕੁਰੁਤੇ ॥78॥

ਵਿਨਮ੍ਰਾਣਾਂ ਚੇਤੋਭਵਨਵਲਭੀਸੀਮ੍ਨਿ ਚਰਣ-

ਪ੍ਰਦੀਪੇ ਪ੍ਰਾਕਾਸ਼੍ਯਂ ਦਧਤਿ ਤਵ ਨਿਰ੍ਧੂਤਤਮਸਿ ।

ਅਸੀਮਾ ਕਾਮਾਕ੍षਿ ਸ੍ਵਯਮਲਘੁਦੁष੍ਕਰ੍ਮਲਹਰੀ

ਵਿਘੂਰ੍ਣਨ੍ਤੀ ਸ਼ਾਨ੍ਤਿਂ ਸ਼ਲਭਪਰਿਪਾਟੀਵ ਭਜਤੇ ॥79॥

ਵਿਰਾਜਨ੍ਤੀ ਸ਼ੁਕ੍ਤਿਰ੍ਨਖਕਿਰਣਮੁਕ੍ਤਾਮਣਿਤਤੇਃ

ਵਿਪਤ੍ਪਾਥੋਰਾਸ਼ੌ ਤਰਿਰਪਿ ਨਰਾਣਾਂ ਪ੍ਰਣਮਤਾਮ੍ ।

ਤ੍ਵਦੀਯਃ ਕਾਮਾਕ੍षਿ ਧ੍ਰੁਵਮਲਘੁਵਹ੍ਨਿਰ੍ਭਵਵਨੇ

ਮੁਨੀਨਾਂ ਜ੍ਞਾਨਾਗ੍ਨੇਰਰਣਿਰਯਮਙ੍ਘਿਰ੍ਵਿਜਯਤੇ ॥80॥

ਸਮਸ੍ਤੈਃ ਸਂਸੇਵ੍ਯਃ ਸਤਤਮਪਿ ਕਾਮਾਕ੍षਿ ਵਿਬੁਧੈਃ

ਸ੍ਤੁਤੋ ਗਨ੍ਧਰ੍ਵਸ੍ਤ੍ਰੀਸੁਲਲਿਤਵਿਪਞ੍ਚੀਕਲਰਵੈਃ ।

ਭਵਤ੍ਯਾ ਭਿਨ੍ਦਾਨੋ ਭਵਗਿਰਿਕੁਲਂ ਜृਮ੍ਭਿਤਤਮੋ-

ਬਲਦ੍ਰੋਹੀ ਮਾਤਸ਼੍ਚਰਣਪੁਰੁਹੂਤੋ ਵਿਜਯਤੇ ॥81॥

ਵਸਨ੍ਤਂ ਭਕ੍ਤਾਨਾਮਪਿ ਮਨਸਿ ਨਿਤ੍ਯਂ ਪਰਿਲਸਦ੍-

ਘਨਚ੍ਛਾਯਾਪੂਰ੍ਣਂ ਸ਼ੁਚਿਮਪਿ ਨृਣਾਂ ਤਾਪਸ਼ਮਨਮ੍ ।

ਨਖੇਨ੍ਦੁਜ੍ਯੋਤ੍ਸ੍ਨਾਭਿਃ ਸ਼ਿਸ਼ਿਰਮਪਿ ਪਦ੍ਮੋਦਯਕਰਂ

ਨਮਾਮਃ ਕਾਮਾਕ੍ष੍ਯਾਸ਼੍ਚਰਣਮਧਿਕਾਸ਼੍ਚਰ੍ਯਕਰਣਮ੍ ॥82॥

ਕਵੀਨ੍ਦ੍ਰਾਣਾਂ ਨਾਨਾਭਣਿਤਿਗੁਣਚਿਤ੍ਰੀਕृਤਵਚਃ-

ਪ੍ਰਪਞ੍ਚਵ੍ਯਾਪਾਰਪ੍ਰਕਟਨਕਲਾਕੌਸ਼ਲਨਿਧਿਃ ।

ਅਧਃਕੁਰ੍ਵਨ੍ਨਬ੍ਜਂ ਸਨਕਭृਗੁਮੁਖ੍ਯੈਰ੍ਮੁਨਿਜਨੈਃ

ਨਮਸ੍ਯਃ ਕਾਮਾਕ੍ष੍ਯਾਸ਼੍ਚਰਣਪਰਮੇष੍ਠੀ ਵਿਜਯਤੇ ॥83॥

ਭਵਤ੍ਯਾਃ ਕਾਮਾਕ੍षਿ ਸ੍ਫੁਰਿਤਪਦਪਙ੍ਕੇਰੁਹਭੁਵਾਂ

ਪਰਾਗਾਣਾਂ ਪੂਰੈਃ ਪਰਿਹृਤਕਲਙ੍ਕਵ੍ਯਤਿਕਰੈਃ ।

ਨਤਾਨਾਮਾਮृष੍ਟੇ ਹृਦਯਮੁਕੁਰੇ ਨਿਰ੍ਮਲਰੁਚਿ

ਪ੍ਰਸਨ੍ਨੇ ਨਿਸ਼੍ਸ਼ੇषਂ ਪ੍ਰਤਿਫਲਤਿ ਵਿਸ਼੍ਵਂ ਗਿਰਿਸੁਤੇ ॥84॥

ਤਵ ਤ੍ਰਸ੍ਤਂ ਪਾਦਾਤ੍ਕਿਸਲਯਮਰਣ੍ਯਾਨ੍ਤਰਮਗਾਤ੍

ਪਰਂ ਰੇਖਾਰੂਪਂ ਕਮਲਮਮੁਮੇਵਾਸ਼੍ਰਿਤਮਭੂਤ੍ ।

ਜਿਤਾਨਾਂ ਕਾਮਾਕ੍षਿ ਦ੍ਵਿਤਯਮਪਿ ਯੁਕ੍ਤਂ ਪਰਿਭਵੇ

ਵਿਦੇਸ਼ੇ ਵਾਸੋ ਵਾ ਸ਼ਰਣਗਮਨਂ ਵਾ ਨਿਜਰਿਪੋਃ ॥85॥

ਗृਹੀਤ੍ਵਾ ਯਾਥਾਰ੍ਥ੍ਯਂ ਨਿਗਮਵਚਸਾਂ ਦੇਸ਼ਿਕਕृਪਾ-

ਕਟਾਕ੍षਰ੍ਕਜ੍ਯੋਤਿਸ਼੍ਸ਼ਮਿਤਮਮਤਾਬਨ੍ਧਤਮਸਃ ।

ਯਤਨ੍ਤੇ ਕਾਮਾਕ੍षਿ ਪ੍ਰਤਿਦਿਵਸਮਨ੍ਤਰ੍ਦ੍ਰਢਯਿਤੁਂ

ਤ੍ਵਦੀਯਂ ਪਾਦਾਬ੍ਜਂ ਸੁਕृਤਪਰਿਪਾਕੇਨ ਸੁਜਨਾਃ ॥86॥

ਜਡਾਨਾਮਪ੍ਯਮ੍ਬ ਸ੍ਮਰਣਸਮਯੇ ਤਵਚ੍ਚਰਣਯੋਃ

ਭ੍ਰਮਨ੍ਮਨ੍ਥਕ੍ष੍ਮਾਭृਦ੍ਧੁਮੁਘੁਮਿਤਸਿਨ੍ਧੁਪ੍ਰਤਿਭਟਾਃ ।

ਪ੍ਰਸਨ੍ਨਾਃ ਕਾਮਾਕ੍षਿ ਪ੍ਰਸਭਮਧਰਸ੍ਪਨ੍ਦਨਕਰਾ

ਭਵਨ੍ਤਿ ਸ੍ਵਚ੍ਛਨ੍ਦਂ ਪ੍ਰਕृਤਿਪਰਿਪਕ੍ਕਾ ਭਣਿਤਯਃ ॥87॥

ਵਹਨ੍ਨਪ੍ਯਸ਼੍ਰਾਨ੍ਤਂ ਮਧੁਰਨਿਨਦਂ ਹਂਸਕਮਸੌ

ਤਮੇਵਾਧਃ ਕਰ੍ਤੁਂ ਕਿਮਿਵ ਯਤਤੇ ਕੇਲਿਗਮਨੇ ।

ਭਵਸ੍ਯੈਵਾਨਨ੍ਦਂ ਵਿਦਧਦਪਿ ਕਾਮਾਕ੍षਿ ਚਰਣੋ

ਭਵਤ੍ਯਾਸ੍ਤਦ੍ਦ੍ਰੋਹਂ ਭਗਵਤਿ ਕਿਮੇਵਂ ਵਿਤਨੁਤੇ ॥88॥

ਯਦਤ੍ਯਨ੍ਤਂ ਤਾਮ੍ਯਤ੍ਯਲਸਗਤਿਵਾਰ੍ਤਾਸ੍ਵਪਿ ਸ਼ਿਵੇ

ਤਦੇਤਤ੍ਕਾਮਾਕ੍षਿ ਪ੍ਰਕृਤਿਮृਦੁਲਂ ਤੇ ਪਦਯੁਗਮ੍ ।

ਕਿਰੀਟੈਃ ਸਙ੍ਘਟ੍ਟਂ ਕਥਮਿਵ ਸੁਰੌਘਸ੍ਯ ਸਹਤੇ

ਮੁਨੀਨ੍ਦ੍ਰਾਣਾਮਾਸ੍ਤੇ ਮਨਸਿ ਚ ਕਥਂ ਸੂਚਿਨਿਸ਼ਿਤੇ ॥89॥

ਮਨੋਰਙ੍ਗੇ ਮਤ੍ਕੇ ਵਿਬੁਧਜਨਸਮ੍ਮੋਦਜਨਨੀ

ਸਰਾਗਵ੍ਯਾਸਙ੍ਗਂ ਸਰਸਮृਦੁਸਞ੍ਚਾਰਸੁਭਗਾ ।

ਮਨੋਜ੍ਞਾ ਕਾਮਾਕ੍षਿ ਪ੍ਰਕਟਯਤੁ ਲਾਸ੍ਯਪ੍ਰਕਰਣਂ

ਰਣਨ੍ਮਞ੍ਜੀਰਾ ਤੇ ਚਰਣਯੁਗਲੀਨਰ੍ਤਕਵਧੂਃ ॥90॥

ਪਰਿष੍ਕੁਰ੍ਵਨ੍ਮਾਤਃ ਪਸ਼ੁਪਤਿਕਪਰ੍ਦਂ ਚਰਣਰਾਟ੍

ਪਰਾਚਾਂ ਹृਤ੍ਪਦ੍ਮਂ ਪਰਮਭਣਿਤੀਨਾਂ ਚ ਮਕੁਟਮ੍ ।

ਭਵਾਖ੍ਯੇ ਪਾਥੋਧੌ ਪਰਿਹਰਤੁ ਕਾਮਾਕ੍षਿ ਮਮਤਾ-

ਪਰਾਧੀਨਤ੍ਵਂ ਮੇ ਪਰਿਮੁषਿਤਪਾਥੋਜਮਹਿਮਾ ॥91॥

ਪ੍ਰਸੂਨੈਃ ਸਮ੍ਪਰ੍ਕਾਦਮਰਤਰੁਣੀਕੁਨ੍ਤਲਭਵੈਃ

ਅਭੀष੍ਟਾਨਾਂ ਦਾਨਾਦਨਿਸ਼ਮਪਿ ਕਾਮਾਕ੍षਿ ਨਮਤਾਮ੍ ।

ਸ੍ਵਸਙ੍ਗਾਤ੍ਕਙ੍ਕੇਲਿਪ੍ਰਸਵਜਨਕਤ੍ਵੇਨ ਚ ਸ਼ਿਵੇ

ਤ੍ਰਿਧਾ ਧਤ੍ਤੇ ਵਾਰ੍ਤਾਂ ਸੁਰਭਿਰਿਤਿ ਪਾਦੋ ਗਿਰਿਸੁਤੇ ॥92॥

ਮਹਾਮੋਹਸ੍ਤੇਨਵ੍ਯਤਿਕਰਭਯਾਤ੍ਪਾਲਯਤਿ ਯੋ

ਵਿਨਿਕ੍षਿਪ੍ਤਂ ਸ੍ਵਸ੍ਮਿਨ੍ਨਿਜਜਨਮਨੋਰਤ੍ਨਮਨਿਸ਼ਮ੍ ।

ਸ ਰਾਗਸ੍ਯੋਦ੍ਰੇਕਾਤ੍ਸਤਤਮਪਿ ਕਾਮਾਕ੍षਿ ਤਰਸਾ

ਕਿਮੇਵਂ ਪਾਦੋऽਸੌ ਕਿਸਲਯਰੁਚਿਂ ਚੋਰਯਤਿ ਤੇ ॥93॥

ਸਦਾ ਸ੍ਵਾਦੁਙ੍ਕਾਰਂ ਵਿषਯਲਹਰੀਸ਼ਾਲਿਕਣਿਕਾਂ

ਸਮਾਸ੍ਵਾਦ੍ਯ ਸ਼੍ਰਾਨ੍ਤਂ ਹृਦਯਸ਼ੁਕਪੋਤਂ ਜਨਨਿ ਮੇ ।

ਕृਪਾਜਾਲੇ ਫਾਲੇਕ੍षਣਮਹਿषਿ ਕਾਮਾਕ੍षਿ ਰਭਸਾਤ੍

ਗृਹੀਤ੍ਵਾ ਰੁਨ੍ਧੀਥਾਰਸ੍ਤਵ ਪਦਯੁਗੀਪਞ੍ਜਰਪੁਟੇ ॥94॥

ਧੁਨਾਨਂ ਕਾਮਾਕ੍षਿ ਸ੍ਮਰਣਲਵਮਾਤ੍ਰੇਣ ਜਡਿਮ-

ਜ੍ਵਰਪ੍ਰੌਢਿਂ ਗੂਢਸ੍ਥਿਤਿ ਨਿਗਮਨੈਕੁਞ੍ਜਕੁਹਰੇ ।

ਅਲਭ੍ਯਂ ਸਰ੍ਵੇषਾਂ ਕਤਿਚਨ ਲਭਨ੍ਤੇ ਸੁਕृਤਿਨਃ

ਚਿਰਾਦਨ੍ਵਿष੍ਯਨ੍ਤਸ੍ਤਵ ਚਰਣਸਿਦ੍ਧੌषਧਮਿਦਮ੍ ॥95॥

ਰਣਨ੍ਮਞ੍ਜੀਰਾਭ੍ਯਾਂ ਲਲਿਤਗਮਨਾਭ੍ਯਾਂ ਸੁਕृਤਿਨਾਂ

ਮਨੋਵਾਸ੍ਤਵ੍ਯਾਭ੍ਯਾਂ ਮਥਿਤਤਿਮਿਰਾਭ੍ਯਾਂ ਨਖਰੁਚਾ ।

ਨਿਧੇਯਾਭ੍ਯਾਂ ਪਤ੍ਯਾ ਨਿਜਸ਼ਿਰਸਿ ਕਾਮਾਕ੍षਿ ਸਤਤਂ

ਨਮਸ੍ਤੇ ਪਾਦਾਭ੍ਯਾਂ ਨਲਿਨਮृਦੁਲਾਭ੍ਯਾਂ ਗਿਰਿਸੁਤੇ ॥96॥

ਸੁਰਾਗੇ ਰਾਕੇਨ੍ਦੁਪ੍ਰਤਿਨਿਧਿਮੁਖੇ ਪਰ੍ਵਤਸੁਤੇ

ਚਿਰਾਲ੍ਲਭ੍ਯੇ ਭਕ੍ਤ੍ਯਾ ਸ਼ਮਧਨਜਨਾਨਾਂ ਪਰਿषਦਾ ।

ਮਨੋਭृਙ੍ਗੋ ਮਤ੍ਕਃ ਪਦਕਮਲਯੁਗ੍ਮੇ ਜਨਨਿ ਤੇ

ਪ੍ਰਕਾਮਂ ਕਾਮਾਕ੍षਿ ਤ੍ਰਿਪੁਰਹਰਵਾਮਾਕ੍षਿ ਰਮਤਾਮ੍ ॥97॥

ਸ਼ਿਵੇ ਸਂਵਿਦ੍ਰੂਪੇ ਸ਼ਸ਼ਿਸ਼ਕਲਚੂਡਪ੍ਰਿਯਤਮੇ

ਸ਼ਨੈਰ੍ਗਤ੍ਯਾਗਤ੍ਯਾ ਜਿਤਸੁਰਵਰੇਭੇ ਗਿਰਿਸੁਤੇ ।

ਯਤਨ੍ਤੇ ਸਨ੍ਤਸ੍ਤੇ ਚਰਣਨਲਿਨਾਲਾਨਯੁਗਲੇ

ਸਦਾ ਬਦ੍ਧਂ ਚਿਤ੍ਤਪ੍ਰਮਦਕਰਿਯੂਥਂ ਦृਢਤਰਮ੍ ॥98॥

ਯਸ਼ਃ ਸੂਤੇ ਮਾਤਰ੍ਮਧੁਰਕਵਿਤਾਂ ਪਕ੍ष੍ਮਲਯਤੇ

ਸ਼੍ਰਿਯਂ ਦਤ੍ਤੇ ਚਿਤ੍ਤੇ ਕਮਪਿ ਪਰਿਪਾਕਂ ਪ੍ਰਥਯਤੇ ।

ਸਤਾਂ ਪਾਸ਼ਗ੍ਰਨ੍ਥਿਂ ਸ਼ਿਥਿਲਯਤਿ ਕਿਂ ਕਿਂ ਨ ਕੁਰੁਤੇ

ਪ੍ਰਪਨ੍ਨੇ ਕਾਮਾਕ੍ष੍ਯਾਃ ਪ੍ਰਣਤਿਪਰਿਪਾਟੀ ਚਰਣਯੋਃ ॥99॥

ਮਨੀषਾਂ ਮਾਹੇਨ੍ਦ੍ਰੀਂ ਕਕੁਭਮਿਵ ਤੇ ਕਾਮਪਿ ਦਸ਼ਾਂ

ਪ੍ਰਧਤ੍ਤੇ ਕਾਮਾਕ੍ष੍ਯਾਸ਼੍ਚਰਣਤਰੁਣਾਦਿਤ੍ਯਕਿਰਣਃ ।

ਯਦੀਯੇ ਸਮ੍ਪਰ੍ਕੇ ਧृਤਰਸਮਰਨ੍ਦਾ ਕਵਯਤਾਂ

ਪਰੀਪਾਕਂ ਧਤ੍ਤੇ ਪਰਿਮਲਵਤੀ ਸੂਕ੍ਤਿਨਲਿਨੀ ॥100॥

ਪੁਰਾ ਮਾਰਾਰਾਤਿਃ ਪੁਰਮਜਯਦਮ੍ਬ ਸ੍ਤਵਸ਼ਤੈਃ

ਪ੍ਰਸਨ੍ਨਾਯਾਂ ਸਤ੍ਯਾਂ ਤ੍ਵਯਿ ਤੁਹਿਨਸ਼ੈਲੇਨ੍ਦ੍ਰਤਨਯੇ ।

ਅਤਸ੍ਤੇ ਕਾਮਾਕ੍षਿ ਸ੍ਫੁਰਤੁ ਤਰਸਾ ਕਾਲਸਮਯੇ

ਸਮਾਯਾਤੇ ਮਾਤਰ੍ਮਮ ਮਨਸਿ ਪਾਦਾਬ੍ਜਯੁਗਲਮ੍ ॥101॥

ਪਦਦ੍ਵਨ੍ਦ੍ਵਂ ਮਨ੍ਦਂ ਗਤਿषੁ ਨਿਵਸਨ੍ਤਂ ਹृਦਿ ਸਤਾਂ

ਗਿਰਾਮਨ੍ਤੇ ਭ੍ਰਾਨ੍ਤਂ ਕृਤਕਰਹਿਤਾਨਾਂ ਪਰਿਬृਢੇ ।

ਜਨਾਨਾਮਾਨਨ੍ਦਂ ਜਨਨਿ ਜਨਯਨ੍ਤਂ ਪ੍ਰਣਮਤਾਂ

ਤ੍ਵਦੀਯਂ ਕਾਮਾਕ੍षਿ ਪ੍ਰਤਿਦਿਨਮਹਂ ਨੌਮਿ ਵਿਮਲਮ੍ ॥102॥

ਇਦਂ ਯਃ ਕਾਮਾਕ੍ष੍ਯਾਸ਼੍ਚਰਣਨਲਿਨਸ੍ਤੋਤ੍ਰਸ਼ਤਕਂ

ਜਪੇਨ੍ਨਿਤ੍ਯਂ ਭਕ੍ਤ੍ਯਾ ਨਿਖਿਲਜਗਦਾਹ੍ਲਾਦਜਨਕਮ੍ ।

ਸ ਵਿਸ਼੍ਵੇषਾਂ ਵਨ੍ਦ੍ਯਃ ਸਕਲਕਵਿਲੋਕੈਕਤਿਲਕਃ

ਚਿਰਂ ਭੁਕ੍ਤ੍ਵਾ ਭੋਗਾਨ੍ਪਰਿਣਮਤਿ ਚਿਦ੍ਰੂਪਕਲਯਾ ॥103॥

॥ ਇਤਿ ਪਾਦਾਰਵਿਨ੍ਦਸ਼ਤਕਂ ਸਮ੍ਪੂਰ੍ਣਮ੍ ॥

Roman (IAST) Transliteration

mahimnaḥ panthānaṃ madanaparipanthipraṇayini

prabhurnirṇetuṃ te bhavati yatamāno'pi katamaḥ |

tathāpi śrīkāñcīvihṛtirasike ko'pi manaso

vipākastvatpādastutividhiṣu jalpākayati mām ||1||

galagrāhī paurandarapuravanīpallavarucāṃ

dhṛtapāthamyānāmaruṇamahasāmādimaguruḥ |

samindhe bandhūkastabakasahayudhvā diśi diśi

prasarpankāmākṣyāścaraṇakiraṇānāmaruṇimā ||2||

marālīnāṃ yānābhyasanakalanāmūlagurave

daridrāṇāṃ trāṇavyatikarasurodyānatarave |

tamaskāṇḍaprauḍhiprakaṭanatiraskārapaṭave

jano'yaṃ kāmākṣyāścaraṇanalināya spṛhayate ||3||

vahantī saindūrīṃ saraṇimavanamrāmarapuṟī-

purandhrīsīmante kavikamalabālārkasuṣamā |

trayīsīmantinyāḥ stanataṭanicolāruṇapaṭī

vibhāntī kāmākṣyāḥ padanalinakāntirvijayate ||4||

praṇamrībhūtasya praṇayakalahatrastamanasaḥ

smarārāteścūḍāviyati gṛhamedhī himakaraḥ |

yayoḥ sāndhyāṃ kāntiṃ vahati suṣamābhiścaraṇayoḥ

tayorme kāmākṣyā hṛdayamapatandraṃ viharatām ||5||

yayoḥ pīṭhāyante vibudhamukuṭīnāṃ paṭalikā

yayoḥ saudhāyante svayamudayabhājo bhaṇitayaḥ |

yayoḥ dāsāyante sarasijabhavādyāścaraṇayoḥ

tayorme kāmākṣyā dinamanu varīvartu hṛdayam ||6||

nayantī saṅkocaṃ sarasijarucaṃ dikparisare

sṛjantī lauhityaṃ nakhakiraṇacandrārdhakhacitā |

kavīndrāṇāṃ hṛtkairavavikasanodyogajananī

sphurantī kāmākṣyāḥ caraṇarucisandhyā vijayate ||7||

virāvairmāñjīraiḥ kimapi kathayantīva madhuraṃ

purastādānamre puravijayini smeravadane |

vayasyeva prauḍhā śithilayati yā premakalaha-

prarohaṃ kāmākṣyāḥ caraṇayugalī sā vijayate ||8||

suparvastrīlolālakaparicitaṃ ṣaṭpadakulaiḥ

sphurallākṣārāgaṃ taruṇataraṇijyotiraruṇaiḥ |

bhṛtaṃ kāntyambhobhiḥ visṛmaramarandaiḥ sarasijaiḥ

vidhatte kāmākṣyāḥ caraṇayugalaṃ bandhupadavīm ||9||

rajaḥsaṃsarge'pi sthitamarajasāmeva hṛdaye

paraṃ raktatvena sthitamapi viraktaikaśaraṇam |

alabhyaṃ mandānāṃ dadhadapi sadā mandagatitāṃ

vidhatte kāmākṣyāḥ caraṇayugamāścaryalaharīm ||10||

jaṭālā mañjīrasphuradaruṇaratnāṃśunikaraiḥ

niṣidantī madhye nakharucijharīgāṅgapayasām |

jagattrāṇaṃ kartuṃ janani mama kāmākṣi niyataṃ

tapaścaryāṃ dhatte tava caraṇapāthojayugalī ||11||

tulākoṭidvandvakkaṇitabhaṇitābhītivacasoḥ

vinamraṃ kāmākṣī visṛmaramahaḥpāṭalitayoḥ |

kṣaṇaṃ vinyāsena kṣapitatamasorme lalitayoḥ

punīyānmūrdhānaṃ puraharapurandhrī caraṇayoḥ ||12||

bhavāni druhyetāṃ bhavanibiḍitebhyo mama muhu-

stamovyāmohebhyastava janani kāmākṣi caraṇau |

yayorlākṣābindusphuraṇadharaṇāddhvarjaṭijaṭā-

kuṭīrā śoṇāṅkaṃ vahati vapureṇāṅkakalikā ||13||

pavitrīkuryurnuḥ padatalabhuvaḥ pāṭalarucaḥ

parāgāste pāpapraśamanadhurīṇāḥ paraśive |

kaṇaṃ labdhuṃ yeṣāṃ nijaśirasi kāmākṣi vivaśā

valanto vyātanvantyahamahamikāṃ mādhavamukhāḥ ||14||

balākāmālābhirnakharucimayībhiḥ parivṛte

vinamrasvarnārīvikacakacakālāmbudakule |

sphurantaḥ kāmākṣi sphuṭadalitabandhūkasuhṛda-

staṭillekhāyante tava caraṇapāthojakiraṇāḥ ||15||

sarāgaḥ sadveṣaḥ prasṛmarasaroje pratidinaṃ

nisargādākrāmanvibudhajanamūrdhānamadhikam |

kathaṅkāraṃ mātaḥ kathaya padapadmastava satāṃ

natānāṃ kāmākṣi prakaṭayati kaivalyasaraṇim ||16||

japālakṣmīśoṇo janitaparamajñānanalinī-

vikāsavyāsaṅgo viphalitajagajjāḍyagarimā |

manaḥpūrvādriṃ me tilakayatu kāmākṣi tarasā

tamaskāṇḍadrohī tava caraṇapāthojaramaṇaḥ ||17||

namaskurmaḥ preṅkhanmaṇikaṭakanīlotpalamahaḥ-

payodhau riṅkhadbhirnakhakiraṇaphenairdhavalite |

sphuṭaṃ kurvāṇāya prabalacaladaurvānalaśikhā-

vitarkaṃ kāmākṣyāḥ satatamaruṇimne caraṇayoḥ ||18||

śive pāśāyetāmalaghuni tamaḥkūpakuhare

dinādhīśāyetāṃ mama hṛdayapāthojavipine |

nabhomāsāyetāṃ sarasakavitārītisariti

tvadīyau kāmākṣi prasṛtakiraṇau devi caraṇau ||19||

niṣaktaṃ śrutyante nayanamiva sadvṛttaruciraiḥ

samairjuṣṭaṃ śuddhairadharamiva ramyairdvijagaṇaiḥ |

śive vakṣojanmadvitayamiva muktāśritamume

tvadīyaṃ kāmākṣi praṇataśaraṇaṃ naumi caraṇam ||20||

namasyāsaṃsajjannamuciparipanthipraṇayinī-

nisargapreṅkholatkuralakulakālāhiśabale |

nakhacchāyādugdhodadhipayasi te vaidrumarucāṃ

pracāraṃ kāmākṣi pracurayati pādābjasuṣamā ||21||

kadā dūrīkartuṃ kaṭuduritakākolajanitaṃ

mahāntaṃ santāpaṃ madanaparipanthipriyatame |

kṣaṇātte kāmākṣi tribhuvanaparītāpaharaṇe

paṭīyāṃsaṃ lapsye padakamalasevāmṛtarasam ||22||

yayoḥ sāndhyaṃ rociḥ satatamaruṇimne spṛhayate

yayoścāndrī kāntiḥ paripatati dṛṣṭvā nakharucim |

yayoḥ pākodrekaṃ pipaṭhiṣati bhaktyā kisalayaṃ

mradimnaḥ kāmākṣyā manasi caraṇau tau tanumahe ||23||

jagannedaṃ nedaṃ paramiti parityajya yatibhiḥ

kuśāgrīyasvāntaiḥ kuśaladhiṣaṇaiḥ śāstrasaraṇau |

gaveṣyaṃ kāmākṣi dhruvamakṛtakānāṃ girisute

girāmaidamparyaṃ tava caraṇapadmaṃ vijayate ||24||

kṛtasnānaṃ śāstrāmṛtasarasi kāmākṣi nitarāṃ

dadhānaṃ vaiśadyaṃ kalitarasamānandasudhayā |

alaṅkāraṃ bhūmermunijanamanaścinmayamahā-

payodherantassthaṃ tava caraṇaratnaṃ mṛgayate ||25||

manogehe mohodbhavatimirapūrṇe mama muhuḥ

daridrāṇīkurvandinakarasahasrāṇi kiraṇaiḥ |

vidhattāṃ kāmākṣi prasṛmaratamovañcanacaṇaḥ

kṣaṇārdhaṃ sānnidhyaṃ caraṇamaṇidīpo janani te ||26||

kavīnāṃ cetovannakhararucisamparki vibudha-

sravantīsrotovatpaṭumukharitaṃ haṃsakaravaiḥ |

dinārambhaśrīvanniyatamaruṇacchāyasubhagaṃ

madantaḥ kāmākṣyāḥ sphuratu padapaṅkeruhayugam ||27||

sadā kiṃ samparkātprakṛtikaṭhinairnākimukuṭaiḥ

taṭairnīhārādreradhikamaṇunā yogimanasā |

vibhinte sammohaṃ śiśirayati bhaktānapi dṛśām

adṛśyaṃ kāmākṣi prakaṭayati te pādayugalam ||28||

pavitrābhyāmamba prakṛtimṛdulābhyāṃ tava śive

padābhyāṃ kāmākṣi prasabhamabhibhūtaiḥ sacakitaiḥ |

pravālairambhojairapi ca vanavāsavratadaśāḥ

sadaivārabhyante paricaritanānādvijagaṇaiḥ ||29||

cirāddṛśyā haṃsaiḥ kathamapi sadā haṃsasulabhaṃ

nirasyantī jāḍyaṃ niyatajaḍamadhyaikaśaraṇam |

adoṣavyāsaṅgā satatamapi doṣāptimalinaṃ

payojaṃ kāmākṣyāḥ parihasati pādābjayugalī ||30||

surāṇāmānandaprabalanatayā maṇḍanatayā

nakhendujyotsnābhirvisṛmaratamaḥkhaṇḍanatayā |

payojaśrīdveṣavrataratatayā tvaccaraṇayoḥ

vilāsaḥ kāmākṣi prakaṭayati naiśākaradaśām ||31||

sitimnā kāntīnāṃ nakharajanuṣāṃ pādanalina-

cchavīnāṃ śoṇimnā tava janani kāmākṣi namane |

labhante mandāragrathitanavabandhūkakusuma-

srajāṃ sāmīcīnyaṃ surapurapurandhrīkacabharāḥ ||32||

sphuranmadhye śuddhe nakhakiraṇadugdhābdhipayasāṃ

vahannabjaṃ cakraṃ daramapi ca lekhātmakatayā |

śrito mātsyaṃ rūpaṃ śriyamapi dadhāno nirupamāṃ

tridhāmā kāmākṣyāḥ padanalinanāmā vijayate ||33||

nakhaśrīsannaddhastabakanicitaḥ svaiśca kiraṇaiḥ

piśaṅgaiḥ kāmākṣi prakaṭitalasatpallavaruciḥ |

satāṃ gamyaḥ śaṅke sakalaphaladātā surataruḥ

tvadīyaḥ pādo'yaṃ tuhinagirirājanyatanaye ||34||

vaṣaṭkurvanmāñjīrakalakalaiḥ karmalaharī-

havīṃṣi prauddaṇḍaṃ jvalati paramajñānadahane |

mahīyānkāmākṣi sphuṭamahasi johoti sudhiyāṃ

manovedyāṃ mātastava caraṇayajvā girisute ||35||

mahāmantraṃ kiñcinmaṇikaṭakanādairmṛdu japan

kṣipandikṣu svacchaṃ nakharucimayaṃ bhāsmanarajaḥ |

natānāṃ kāmākṣi prakṛtipaṭuraccāṭya mamatā-

piśācīṃ pādo'yaṃ prakaṭayati te māntrikadaśām ||36||

udīte bodhendau tamasi nitarāṃ jagmuṣi daśāṃ

daridrāṃ kāmākṣi prakaṭamanurāgaṃ vidadhatī |

sitenācchādyāṅgaṃ nakharucipaṭenāṅghriyugalī-

purandhrī te mātaḥ svayamabhisaratyeva hṛdayam ||37||

dinārambhaḥ sampannalinavipinānāmabhinavo

vikāso vāsantaḥ sukavipikalokasya niyataḥ |

pradoṣaḥ kāmākṣi prakaṭaparamajñānaśaśina-

ścakāsti tvatpādasmaraṇamahimā śailatanaye ||38||

dhṛtacchāyaṃ nityaṃ sarasiruhamaitrīparicitaṃ

nidhānaṃ dīptīnāṃ nikhilajagatāṃ bodhajanakam |

mumukṣūṇāṃ mārgaprathanapaṭu kāmākṣi padavīṃ

padaṃ te pātaṅgīṃ parikalayate parvatasute ||39||

śanaistīrtvā mohāmbudhimatha samāroḍhumanasaḥ

kramātkaivalyākhyāṃ sukṛtisulabhāṃ saudhavalabhīm |

labhante niḥśreṇīmiva jhaṭiti kāmākṣi caraṇaṃ

puraścaryābhiste puramathanasīmantini janāḥ ||40||

pracaṇḍārtikṣobhapramathanakṛte prātibhasari-

tpravāhaproddaṇḍīkaraṇajaladāya praṇamatām |

pradīpāya prauḍhe bhavatamasi kāmākṣi caraṇa-

prasādaunmukhyāya spṛhayati jano'yaṃ janani te ||41||

marudbhiḥ saṃsevyā satatamapi cāñcalyarahitā

sadāruṇyaṃ yāntī pariṇatidaridrāṇasuṣamā |

guṇotkarṣānmāñjīrakakalakalaistarjanapaṭuḥ

pravālaṃ kāmākṣyāḥ parihasati pādābjayugalī ||42||

jagadrakṣādakṣā jalajaruciśikṣāpaṭutarā

samairnamyā ramyā satatamabhigamyā budhajanaiḥ |

dvayī līlālolā śrutiṣu surapālādimukuṭī-

taṭīsīmādhāmā tava janani kāmākṣi padayoḥ ||43||

girāṃ dūrau corau jaḍimatimirāṇāṃ kṛtajaga-

tparitrāṇau śoṇau munihṛdayalīlaikanipuṇau |

nakhaiḥ smerau sārau nigamavacasāṃ khaṇḍitabhava-

grahonmādau pādau tava janani kāmākṣi kalaye ||44||

aviśrāntaṃ paṅkaṃ yadapi kalayanyāvakamayaṃ

nirasyankāmākṣi praṇamanajuṣāṃ paṅkamakhilam |

tulākoṭidvandaṃ dadhadapi ca gacchannatulatāṃ

girāṃ mārgaṃ pādo girivarasute laṅghayati te ||45||

pravālaṃ savrīlaṃ vipinavivare vepayati yā

sphurallīlaṃ bālātapamadhikabālaṃ vadati yā |

ruciṃ sāndhyāṃ vandhyāṃ viracayati yā vardhayatu sā

śivaṃ me kāmākṣyāḥ padanalinapāṭalyalaharī ||46||

kirañjyotsnārītiṃ nakhamukharucā haṃsamanasāṃ

vitanvānaḥ prītiṃ vikacataruṇāmbhoruharuciḥ |

prakāśaḥ śrīpādastava janani kāmākṣi tanute

śaratkālaprauḍhiṃ śaśiśakalacūḍapriyatame ||47||

nakhāṅkūrasmeradyutivimalagaṅgāmbhasi sukhaṃ

kṛtasnānaṃ jñānāmṛtamamalamāsvādya niyatam |

udañcanmañjīrasphuraṇamaṇidīpe mama mano

manojñe kāmākṣyāścaraṇamaṇiharmye viharatām ||48||

bhavāmbhodhau naukāṃ jaḍimavipine pāvakaśikhā-

mamartyendrādīnāmadhimukuṭamuttaṃsakalikām |

jagattāpe jyotsnāmakṛtakavacaḥpañjarapuṭe

śukastrīṃ kāmākṣyā manasi kalaye pādayugalīm ||49||

paratmaprākāśyapratiphalanacuñcuḥ praṇamatāṃ

manojñastvatpādo maṇimukuramudrāṃ kalayate |

yadīyāṃ kāmākṣi prakṛtimasṛṇāḥ śodhakadaśāṃ

vidhātuṃ ceṣṭhante balaripuvadhūṭīkacabharāḥ ||50||

aviśrāntaṃ tiṣṭhannakṛtakavacaḥkandarapuṭī-

kuṭīrāntaḥ prauḍhaṃ nakharucisaṭālīṃ prakaṭayan |

pracaṇḍaṃ khaṇḍatvaṃ nayatu mama kāmākṣi tarasā

tamovetaṇḍendraṃ tava caraṇakaṇṭhīravapatiḥ ||51||

purastātkāmākṣi pracurarasamākhaṇḍalapurī-

purandhrīṇāṃ lāsyaṃ tava lalitamālokya śanakaiḥ |

nakhaśrībhiḥ smerā bahu vitanute nūpuraravai-

ścamatkṛtyā śaṅke caraṇayugalī cāṭuracanāḥ ||52||

sarojaṃ nindantī nakhakiraṇakarpūraśiśirā

niṣiktā mārārermukuṭaśaśirekhāhimajalaiḥ |

sphurantī kāmākṣi sphuṭarucimaye pallavacaye

tavādhatte maitrīṃ pathikasudṛśā pādayugalī ||53||

natānāṃ sampatteranavaratamākarṣaṇajapaḥ

prarohatsaṃsāraprasaragarimastambhanajapaḥ |

tvadīyaḥ kāmākṣi smaraharamanomohanajapaḥ

paṭīyānnaḥ pāyātpadanalinamañjīraninadaḥ ||54||

vitanvīthā nāthe mama śirasi kāmākṣi kṛpayā

padāmbhojanyāsaṃ paśuparibṛḍhaprāṇadayite |

pibanto yanmudrāṃ prakaṭamupakampāparisaraṃ

dṛśā nānandyante nalinabhavanārāyaṇamukhāḥ ||55||

praṇāmodyadbṛndāramukuṭamandārakalikā-

vilolallolambaprakaramayadhūmapracurimā |

pradīptaḥ pādābjadyutivitatipāṭalyalaharī-

kṛśānuḥ kāmākṣyā mama dahatu saṃsāravipinam ||56||

valakṣaśrīrṛkṣādhipaśiśusadṛkṣaistava nakhaiḥ

jighṛkṣurdakṣatvaṃ sarasiruhabhikṣutvakaraṇe |

kṣaṇānme kāmākṣi kṣapitabhavasaṅkṣobhagarimā

vacovaicakṣanyaṃ caraṇayugalī pakṣmalayatāt ||57||

samantātkāmākṣi kṣatatimirasantānasubhagān

anantābhirbhābhirdinamanu digantānviracayan |

ahantāyā hantā mama jaḍimadantāvalahariḥ

vibhintāṃ santāpaṃ tava caraṇacintāmaṇirasau ||58||

dadhāno bhāsvattāmamṛtanilayo lohitavapuḥ

vinamrāṇāṃ saumyo gururapi kavitvaṃ ca kalayan |

gatau mando gaṅgādharamahiṣi kāmākṣi bhajatāṃ

tamaḥketurmātastava caraṇapadmo vijayate ||59||

nayantīṃ dāsatvaṃ nalinabhavamukhyānasulabha-

pradānāddīnānāmamaratarudaurbhāgyajananīm |

jagajjanmakṣemakṣayavidhiṣu kāmākṣi padayo-

rdhurīṇāmīṣṭe karastava bhaṇitumāhopuruṣikām ||60||

jano'yaṃ santapto janani bhavacaṇḍāṃśukiraṇaiḥ

alabdhavaikaṃ śītaṃ kaṇamapi parajñānapayasaḥ |

tamomārge pānthastava jhaṭiti kāmākṣi śiśirāṃ

padāmbhojacchāyāṃ paramaśivajāye mṛgayate ||61||

jayatyamba śrīmannakhakiraṇacīnāṃśukamayaṃ

vitānaṃ bibhrāṇe suramukuṭasaṅghaṭṭamasṛṇe |

nijāruṇyakṣaumāstaraṇavati kāmākṣi sulabhā

budhaiḥ saṃvinnārī tava caraṇamāṇikyabhavane ||62||

pratīmaḥ kāmākṣi sphuritataruṇādityakiraṇa-

śriyo mūladravyaṃ tava caraṇamadrīndratanaye |

surendrāśāmāpūrayati yadasau dhvāntamakhilaṃ

dhunīte digbhāgānapi ca mahasā pāṭalayate ||63||

mahābhāṣyavyākhyāpaṭuśayanamāropayati vā

smaravyāpārerṣyāpiśunaniṭilaṃ kārayati vā |

dvirephāṇāmadhyāsayati satataṃ vādhivasatiṃ

praṇamrānkāmākṣyāḥ padanalinamāhātmyagarimā ||64||

vivekāmbhassrotassnapanaparipāṭīśiśirite

samībhūte śāstrasmaraṇahalasaṅkarṣaṇavaśāt |

satāṃ cetaḥkṣetre vapati tava kāmākṣi caraṇo

mahāsaṃvitsasyaprakaravarabījaṃ girisute ||65||

dadhāno mandārastabakaparipāṭīṃ nakharucā

vahandīptāṃ śoṇāṅgulipaṭalacāmpeyakalikām |

aśokollāsaṃ naḥ pracurayatu kāmākṣi caraṇo

vikāsī vāsantaḥ samaya iva te śarvadayite ||66||

nakhāṃśuprācuryaprasṛmaramarālālidhavalaḥ

sphuranmañjīrodyanmarakatamahaśśaivalayutaḥ |

bhavatyāḥ kāmākṣi sphuṭacaraṇapāṭalyakapaṭo

nadaḥ śoṇābhikhyo nagapatitanūje vijayate ||67||

dhunānaṃ paṅkaughaṃ paramasulabhaṃ kaṇṭakakulaiḥ

vikāsavyāsaṅgaṃ vidadhadaparādhīnamaniśam |

nakhendujyotsnābhirviśadaruci kāmākṣi nitarām

asāmānyaṃ manye sarasijamidaṃ te padayugam ||68||

karīndrāya druhyatyalasagatilīlāsu vimalaiḥ

payojairmātsaryaṃ prakaṭayati kāmaṃ kalayate |

padāmbhojadvandvaṃ tava tadapi kāmākṣi hṛdayaṃ

munīnāṃ śāntānāṃ kathamaniśamasmai spṛhayate ||69||

nirastā śoṇimnā caraṇakiraṇānāṃ tava śive

samindhānā sandhyāruciracalarājanyatanaye |

asāmarthyādenaṃ paribhavitumetatsamarucāṃ

sarojānāṃ jāne mukulayati śobhāṃ pratidinam ||70||

upādikṣaddākṣyaṃ tava caraṇanāmā gururasau

marālānāṃ śaṅke masṛṇagatilālityasaraṇau |

ataste nistandraṃ niyatamamunā sakhyapadavīṃ

prapannaṃ pāthojaṃ prati dadhati kāmākṣi kutukam ||71||

dadhānaiḥ saṃsargaṃ prakṛtimalinaiḥ ṣaṭpadakulaiḥ

dvijādhīśaślāghāvidhiṣu vidadhadbhirmukulatām |

rajomiśraiḥ padmairniyatamapi kāmākṣi padayoḥ

virodhaste yukto viṣamaśaravairipriyatame ||72||

kavitvaśrīmiśrīkaraṇanipuṇau rakṣaṇacaṇau

vipannānāṃ śrīmannalinamasṛṇau śoṇakiraṇau |

munīndrāṇāmantaḥkaraṇaśaraṇau mandasaraṇau

manojñau kāmākṣyā duritaharaṇau naumi caraṇau ||73||

parasmātsarvasmādapi ca parayormuktikarayoḥ

nakhaśrībhirjyotsnākalitatulayostāmratalayoḥ |

nilīye kāmākṣyā nigamanutayornākinatayoḥ

nirastapronmīlannalinamadayoreva padayoḥ ||74||

svabhāvādanyonyaṃ kisalayamapīdaṃ tava padaṃ

mradimnā śoṇimnā bhagavati dadhāte sadṛśatām |

vane pūrvasyecchā satatamavane kiṃ tu jagatāṃ

parasyetthaṃ bhedaḥ sphurati hṛdi kāmākṣi sudhiyām ||75||

kathaṃ vācālo'pi prakaṭamaṇimañjīraninadaiḥ

sadaivānandārdrānviracayati vācaṃyamajanān |

prakṛtyā te śoṇacchavirapi ca kāmākṣi caraṇo

manīṣānairmalyaṃ kathamiva nṛṇāṃ māṃsalayate ||76||

calattṛṣṇāvīcīparicalanaparyākulatayā

muhurbhrāntastāntaḥ paramaśivavāmākṣi paravān |

titīrṣuḥ kāmākṣi pracuratarakarmāmbudhimamuṃ

kadāhaṃ lapsye te caraṇamaṇisetuṃ girisute ||77||

viśuṣyantyāṃ prajñāsariti duritagrīṣmasamaya-

prabhāveṇa kṣīṇe sati mama manaḥkekini śucā |

tvadīyaḥ kāmākṣi sphuritacaraṇāmbhodamahimā

nabhomāsāṭopaṃ nagapatisute kiṃ na kurute ||78||

vinamrāṇāṃ cetobhavanavalabhīsīmni caraṇa-

pradīpe prākāśyaṃ dadhati tava nirdhūtatamasi |

asīmā kāmākṣi svayamalaghuduṣkarmalaharī

vighūrṇantī śāntiṃ śalabhaparipāṭīva bhajate ||79||

virājantī śuktirnakhakiraṇamuktāmaṇitateḥ

vipatpāthorāśau tarirapi narāṇāṃ praṇamatām |

tvadīyaḥ kāmākṣi dhruvamalaghuvahnirbhavavane

munīnāṃ jñānāgneraraṇirayamaṅghirvijayate ||80||

samastaiḥ saṃsevyaḥ satatamapi kāmākṣi vibudhaiḥ

stuto gandharvastrīsulalitavipañcīkalaravaiḥ |

bhavatyā bhindāno bhavagirikulaṃ jṛmbhitatamo-

baladrohī mātaścaraṇapuruhūto vijayate ||81||

vasantaṃ bhaktānāmapi manasi nityaṃ parilasad-

ghanacchāyāpūrṇaṃ śucimapi nṛṇāṃ tāpaśamanam |

nakhendujyotsnābhiḥ śiśiramapi padmodayakaraṃ

namāmaḥ kāmākṣyāścaraṇamadhikāścaryakaraṇam ||82||

kavīndrāṇāṃ nānābhaṇitiguṇacitrīkṛtavacaḥ-

prapañcavyāpāraprakaṭanakalākauśalanidhiḥ |

adhaḥkurvannabjaṃ sanakabhṛgumukhyairmunijanaiḥ

namasyaḥ kāmākṣyāścaraṇaparameṣṭhī vijayate ||83||

bhavatyāḥ kāmākṣi sphuritapadapaṅkeruhabhuvāṃ

parāgāṇāṃ pūraiḥ parihṛtakalaṅkavyatikaraiḥ |

natānāmāmṛṣṭe hṛdayamukure nirmalaruci

prasanne niśśeṣaṃ pratiphalati viśvaṃ girisute ||84||

tava trastaṃ pādātkisalayamaraṇyāntaramagāt

paraṃ rekhārūpaṃ kamalamamumevāśritamabhūt |

jitānāṃ kāmākṣi dvitayamapi yuktaṃ paribhave

videśe vāso vā śaraṇagamanaṃ vā nijaripoḥ ||85||

gṛhītvā yāthārthyaṃ nigamavacasāṃ deśikakṛpā-

kaṭākṣarkajyotiśśamitamamatābandhatamasaḥ |

yatante kāmākṣi pratidivasamantardraḍhayituṃ

tvadīyaṃ pādābjaṃ sukṛtaparipākena sujanāḥ ||86||

jaḍānāmapyamba smaraṇasamaye tavaccaraṇayoḥ

bhramanmanthakṣmābhṛddhumughumitasindhupratibhaṭāḥ |

prasannāḥ kāmākṣi prasabhamadharaspandanakarā

bhavanti svacchandaṃ prakṛtiparipakkā bhaṇitayaḥ ||87||

vahannapyaśrāntaṃ madhuraninadaṃ haṃsakamasau

tamevādhaḥ kartuṃ kimiva yatate keligamane |

bhavasyaivānandaṃ vidadhadapi kāmākṣi caraṇo

bhavatyāstaddrohaṃ bhagavati kimevaṃ vitanute ||88||

yadatyantaṃ tāmyatyalasagativārtāsvapi śive

tadetatkāmākṣi prakṛtimṛdulaṃ te padayugam |

kirīṭaiḥ saṅghaṭṭaṃ kathamiva suraughasya sahate

munīndrāṇāmāste manasi ca kathaṃ sūciniśite ||89||

manoraṅge matke vibudhajanasammodajananī

sarāgavyāsaṅgaṃ sarasamṛdusañcārasubhagā |

manojñā kāmākṣi prakaṭayatu lāsyaprakaraṇaṃ

raṇanmañjīrā te caraṇayugalīnartakavadhūḥ ||90||

pariṣkurvanmātaḥ paśupatikapardaṃ caraṇarāṭ

parācāṃ hṛtpadmaṃ paramabhaṇitīnāṃ ca makuṭam |

bhavākhye pāthodhau pariharatu kāmākṣi mamatā-

parādhīnatvaṃ me parimuṣitapāthojamahimā ||91||

prasūnaiḥ samparkādamarataruṇīkuntalabhavaiḥ

abhīṣṭānāṃ dānādaniśamapi kāmākṣi namatām |

svasaṅgātkaṅkeliprasavajanakatvena ca śive

tridhā dhatte vārtāṃ surabhiriti pādo girisute ||92||

mahāmohastenavyatikarabhayātpālayati yo

vinikṣiptaṃ svasminnijajanamanoratnamaniśam |

sa rāgasyodrekātsatatamapi kāmākṣi tarasā

kimevaṃ pādo'sau kisalayaruciṃ corayati te ||93||

sadā svāduṅkāraṃ viṣayalaharīśālikaṇikāṃ

samāsvādya śrāntaṃ hṛdayaśukapotaṃ janani me |

kṛpājāle phālekṣaṇamahiṣi kāmākṣi rabhasāt

gṛhītvā rundhīthārastava padayugīpañjarapuṭe ||94||

dhunānaṃ kāmākṣi smaraṇalavamātreṇa jaḍima-

jvaraprauḍhiṃ gūḍhasthiti nigamanaikuñjakuhare |

alabhyaṃ sarveṣāṃ katicana labhante sukṛtinaḥ

cirādanviṣyantastava caraṇasiddhauṣadhamidam ||95||

raṇanmañjīrābhyāṃ lalitagamanābhyāṃ sukṛtināṃ

manovāstavyābhyāṃ mathitatimirābhyāṃ nakharucā |

nidheyābhyāṃ patyā nijaśirasi kāmākṣi satataṃ

namaste pādābhyāṃ nalinamṛdulābhyāṃ girisute ||96||

surāge rākendupratinidhimukhe parvatasute

cirāllabhye bhaktyā śamadhanajanānāṃ pariṣadā |

manobhṛṅgo matkaḥ padakamalayugme janani te

prakāmaṃ kāmākṣi tripuraharavāmākṣi ramatām ||97||

śive saṃvidrūpe śaśiśakalacūḍapriyatame

śanairgatyāgatyā jitasuravarebhe girisute |

yatante santaste caraṇanalinālānayugale

sadā baddhaṃ cittapramadakariyūthaṃ dṛḍhataram ||98||

yaśaḥ sūte mātarmadhurakavitāṃ pakṣmalayate

śriyaṃ datte citte kamapi paripākaṃ prathayate |

satāṃ pāśagranthiṃ śithilayati kiṃ kiṃ na kurute

prapanne kāmākṣyāḥ praṇatiparipāṭī caraṇayoḥ ||99||

manīṣāṃ māhendrīṃ kakubhamiva te kāmapi daśāṃ

pradhatte kāmākṣyāścaraṇataruṇādityakiraṇaḥ |

yadīye samparke dhṛtarasamarandā kavayatāṃ

parīpākaṃ dhatte parimalavatī sūktinalinī ||100||

purā mārārātiḥ puramajayadamba stavaśataiḥ

prasannāyāṃ satyāṃ tvayi tuhinaśailendratanaye |

ataste kāmākṣi sphuratu tarasā kālasamaye

samāyāte mātarmama manasi pādābjayugalam ||101||

padadvandvaṃ mandaṃ gatiṣu nivasantaṃ hṛdi satāṃ

girāmante bhrāntaṃ kṛtakarahitānāṃ paribṛḍhe |

janānāmānandaṃ janani janayantaṃ praṇamatāṃ

tvadīyaṃ kāmākṣi pratidinamahaṃ naumi vimalam ||102||

idaṃ yaḥ kāmākṣyāścaraṇanalinastotraśatakaṃ

japennityaṃ bhaktyā nikhilajagadāhlādajanakam |

sa viśveṣāṃ vandyaḥ sakalakavilokaikatilakaḥ

ciraṃ bhuktvā bhogānpariṇamati cidrūpakalayā ||103||

|| iti pādāravindaśatakaṃ sampūrṇam ||