1.6 - Rajasuyanubrahmanam - Krishna Yajurveda Taittiriya Brahmana Pathah - Anumatyai Purodasham — Sinhala Script

කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ෂෂ්ඨඃ ප්රපාඨකඃ - රාජසූයානුබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,

ශ්රී ගුරුභ්යෝ නමඃ . හ॒රිඃ॒ ඕම් ..

අනුවාකං 1 - අනුමත්යාද්යා ඉෂ්ටයඃ

අනු॑මත්යෛ පුරෝ॒ඩාශ॑-ම॒ෂ්ටාක॑පාල॒-න්නිර්ව॑පති . යේ ප්ර॒ත්යඤ්ච॒-ශ්ශම්යා॑යා අව॒ශීය॑න්තේ . තන්නෛර්॑ඍ॒ත-මේක॑කපාලම් . ඉ॒යං-වාँ අනු॑මතිඃ . ඉ॒ය-න්නිර්-ඍ॑තිඃ . නෛ॒ර්॒ඍ॒තේන॒ පූර්වේ॑ණ॒ ප්රච॑රති . පා॒ප්මාන॑මේ॒ව නිර්-ඍ॑ති॒-ම්පූර්වා᳚-න්නි॒රව॑දයතේ . ඒක॑ කපාලෝ භවති . ඒ॒ක॒ධෛව නිර්-ඍ॑ති-න්නි॒රව॑දයතේ . යදහු॑ත්වා॒ ගාර්හ॑පත්ය ඊ॒යුඃ .. 1 ..

රු॒ද්රෝ භූ॒ත්වා-(අ)ග්නිර॑නූ॒ත්ථාය॑ . අ॒ද්ධ්ව॒ර්යු-ඤ්ච॒ යජ॑මාන-ඤ්ච හන්යාත් . වීහි॒ ස්වාහා (අ)(අ)හු॑ති-ඤ්ජුෂා॒ණ ඉත්යා॑හ . ආහු॑ත්යෛ॒වෛනග්ං॑ ශමයති . නාර්ති॒මාර්ච්ඡ॑-ත්යද්ධ්ව॒ර්යුර්න යජ॑මානඃ . ඒ॒කෝ॒ල්මු॒කේන॑ යන්ති . තද්ධි නිර්-ඍ॑ත්යෛ භාග॒ධේය᳚ම් . ඉ॒මා-න්දිශං॑-යँන්ති . ඒ॒ෂා වෛ නිර්-ඍ॑ත්යෛ॒ දික් . ස්වායා॑මේ॒ව දි॒ශි නිර්-ඍ॑ති-න්නි॒රව॑දයතේ .. 2 ..

ස්වකෘ॑ත॒ ඉරි॑ණේ ජුහෝති ප්රද॒රේ වා᳚ . ඒ॒තද්වෛ නිර්-ඍ॑ත්යා ආ॒යත॑නම් . ස්ව ඒ॒වායත॑නේ॒ නිර්-ඍ॑ති-න්නි॒රව॑දයතේ . ඒ॒ෂ තේ॑ නිර්-ඍතේ භා॒ග ඉත්යා॑හ . නිර්දි॑ශත්යේ॒වෛනා᳚ම් . භූතේ॑ හ॒විෂ්ම॑ත්ය॒සීත්යා॑හ . භූති॑මේ॒වෝපාව॑ර්තතේ . මු॒ඤ්චේමමග්ංහ॑ස॒ ඉත්යා॑හ . අග්ංහ॑ස ඒ॒වෛන॑-ම්මුඤ්චති . අ॒ඞ්ගු॒ෂ්ඨාභ්යා᳚-ඤ්ජුහෝති .. 3 ..

අ॒න්ත॒ත ඒ॒ව නිර්-ඍ॑ති-න්නි॒රව॑දයතේ . කෘ॒ෂ්ණං-වාँසඃ॑ කෘ॒ෂ්ණතූ॑ෂ॒-න්දක්ෂි॑ණා . ඒ॒ත-ද්වෛ නිර්-ඍ॑ත්යෛ රූ॒පම් . රූ॒පේණෛ॒ව නිර්-ඍ॑ති-න්නි॒රව॑දයතේ . අප්ර॑තීක්ෂ॒මාය॑න්ති . නිර්-ඍ॑ත්යා අ॒න්තර්හි॑ත්යෛ . ස්වාහා॒ නමෝ॒ ය ඉ॒ද-ඤ්ච॒කාරේති॒ පුන॒රේත්ය॒ ගාර්හ॑පත්යේ ජුහෝති . ආහු॑ත්යෛ॒ව න॑ම॒ස්යන්තෝ॒ ගාර්හ॑පත්ය-මු॒පාව॑ර්තන්තේ . ආ॒නු॒ම॒තේන॒ ප්රච॑රති . ඉ॒යං-වාँ අනු॑මතිඃ .. 4 ..

ඉ॒යමේ॒වාස්මෛ॑ රා॒ජ්යමනු॑මන්යතේ . ධේ॒නු-ර්දක්ෂි॑ණා . ඉ॒මාමේ॒ව ධේ॒නු-ඞ්කු॑රුතේ . ආ॒දි॒ත්ය-ඤ්ච॒රු-න්නිර්ව॑පති . උ॒භයී᳚ෂ්වේ॒ව ප්ර॒ජාස්ව॒භිෂි॑ච්යතේ . දෛවී॑ෂු ච॒ මානු॑ෂීෂු ච . වරෝ॒ දක්ෂි॑ණා . වරෝ॒ හි රා॒ජ්යග්ං සමෘ॑ද්ධ්යෛ . ආ॒ග්නා॒වෛ॒ෂ්ණ॒ව-මේකා॑දශකපාල॒-න්නිර්ව॑පති . අ॒ග්නි-ස්සර්වා॑ දේ॒වතාඃ᳚ .. 5 ..

විෂ්ණු॑ර්ය॒ජ්ඤඃ . දේ॒වතා᳚ශ්චෛ॒ව ය॒ජ්ඤ-ඤ්චාව॑ රුන්ධේ . වා॒ම॒නෝ ව॒හී දක්ෂි॑ණා . ය-ද්ව॒හී . තේනා᳚ග්නේ॒යඃ . ය-ද්වා॑ම॒නඃ . තේන॑ වෛෂ්ණ॒ව-ස්සමෘ॑ද්ධ්යෛ . අ॒ග්නී॒ෂෝ॒මීය॒-මේකා॑දශකපාල॒-න්නිර්ව॑පති . අ॒ග්නීෂෝමා᳚භ්යාං॒-වාँ ඉන්ද්රෝ॑ වෘ॒ත්රම॑හ॒න්නිති॑ . යද॑ග්නීෂෝ॒මීය॒-මේකා॑දශකපාල-න්නි॒ර්වප॑ති .. 6 ..

වාර්ත්ර॑ඝ්නමේ॒ව විජි॑ත්යෛ . හිර॑ණ්ය॒-න්දක්ෂි॑ණා॒ සමෘ॑ද්ධ්යෛ . ඉන්ද්රෝ॑ වෘ॒ත්රග්ං හ॒ත්වා . දේ॒වතා॑භිශ්චේන්ද්රි॒යේණ॑ ච॒ ව්යා᳚ර්ධ්යත . ස ඒ॒තමෛ᳚න්ද්රා॒ග්න-මේකා॑දශකපාල-මපශ්යත් . තන්නිර॑වපත් . තේන॒ වෛ ස දේ॒වතා᳚ශ්චේන්ද්රි॒ය-ඤ්චාවා॑රුන්ධ . යදෛ᳚න්ද්රා॒ග්න-මේකා॑දශකපාල-න්නි॒ර්වප॑ති . දේ॒වතා᳚ශ්චෛ॒ව තේනේ᳚න්ද්රි॒ය-ඤ්ච॒ යජ॑මා॒නෝ-(අ)ව॑ රුන්ධේ . ඍ॒ෂ॒භෝ ව॒හී දක්ෂි॑ණා .. 7 ..

ය-ද්ව॒හී . තේනා᳚ග්නේ॒යඃ . යදෘ॑ෂ॒භඃ . තේනෛ॒න්ද්ර-ස්සමෘ॑ද්ධ්යෛ . ආ॒ග්නේ॒යම॒ෂ්ටාක॑පාල॒-න්නිර්ව॑පති . ඓ॒න්ද්ර-න්දධි॑ . යදා᳚ග්නේ॒යෝ භව॑ති . අ॒ග්නිර්වෛ ය॑ජ්ඤමු॒ඛම් . ය॒ජ්ඤ॒මු॒ඛමේ॒වර්ධි॑-ම්පු॒රාස්තා᳚ද්ධත්තේ . යදෛ॒න්ද්ර-න්දධි॑ .. 8 ..

ඉ॒න්ද්රි॒යමේ॒වාව॑ රුන්ධේ . ඍ॒ෂ॒භෝ ව॒හී දක්ෂි॑ණා . යද්ව॒හී . තේනා᳚ග්නේ॒යඃ . යදෘ॑ෂ॒භඃ . තේනෛ॒න්ද්ර-ස්සමෘ॑ද්ධ්යෛ . යාව॑තී॒ර්වෛ ප්ර॒ජා ඕෂ॑ධීනා॒-මහු॑තානා॒-මාශ්ඤන්න්॑ . තාඃ පරා॑-(අ)භවන්න් . ආ॒ග්ර॒ය॒ණ-ම්භ॑වති හු॒තාද්යා॑ය . යජ॑මාන॒ස්යාප॑රාභාවාය .. 9 ..

දේ॒වා වා ඕෂ॑ධීෂ්වා॒ජිම॑යුඃ . තා ඉ॑න්ද්රා॒ග්නී උද॑ජයතාම් . තාවේ॒තමෛ᳚න්ද්රා॒ග්න-න්ද්වාද॑ශකපාල॒-න්නිර॑වෘණාතාම් . යදෛ᳚න්ද්රා॒ග්නෝ භව॒ත්යුජ්ජි॑ත්යෛ . ද්වාද॑ශකපාලෝ භවති . ද්වාද॑ශ॒ මාසා᳚-ස්සංවँථ්ස॒රඃ . සං॒වँ॒ථ්ස॒රේණෛ॒වාස්මා॒ අන්න॒මව॑රුන්ධේ . වෛ॒ශ්ව॒දේ॒වශ්ච॒රු-ර්භ॑වති . වෛ॒ශ්ව॒දේ॒වං-වාँ අන්න᳚ම් . අන්න॑මේ॒වාස්මෛ᳚ ස්වදයති .. 10 ..

ප්ර॒ථ॒ම॒ජෝ ව॒ථ්සෝ දක්ෂි॑ණා॒ සමෘ॑ද්ධ්යෛ . සෞ॒ම්යග්ග් ශ්යා॑මා॒ක-ඤ්ච॒රු-න්නිර්ව॑පති . සෝමෝ॒ වා අ॑කෘෂ්ටප॒ච්යස්ය॒ රාජා᳚ . අ॒කෘ॒ෂ්ට॒ප॒ච්යමේ॒වාස්මෛ᳚ ස්වදයති . වාසෝ॒ දක්ෂි॑ණා . සෞ॒ම්යග්ංහි දේ॒වත॑යා॒ වාස॒-ස්සමෘ॑ද්ධ්යෛ . සර॑ස්වත්යෛ ච॒රු-න්නිර්ව॑පති . සර॑ස්වතේ ච॒රුම් . මි॒ථු॒නමේ॒වාව॑ රුන්ධේ . මි॒ථු॒නෞ ගාවෞ॒ දක්ෂි॑ණා॒ සමෘ॑ද්ධ්යෛ . ඒති॒ වා ඒ॒ෂ ය॑ජ්ඤමු॒ඛාදෘද්ධ්යාඃ᳚ . යෝ᳚-(අ)ග්නේර්දේ॒වතා॑යා॒ ඒති॑ . අ॒ෂ්ටාවේ॒තානි॑ හ॒වීග්ංෂි॑ භවන්ති . අ॒ෂ්ටාක්ෂ॑රා ගාය॒ත්රී . ගා॒ය॒ත්රෝ᳚-(අ)ග්නිඃ . තේනෛ॒ව ය॑ජ්ඤමු॒ඛාදෘද්ධ්යා॑ අ॒ග්නේර්දේ॒වතා॑යෛ॒ නෛති॑ .. 11 ..

(ඊ॒යු--ර් නි॒රව॑දයතේ - (අ)ඞ්ගු॒ෂ්ඨාභ්යා᳚-ඤ්ජුහෝ॒ - ත්යනු॑මති--ර් දේ॒වතා॑ - නි॒ර්වප॑ති - ව॒හී දක්ෂි॑ණා॒ - යදෛ॒න්ද්ර-න්ද - ධ්යප॑රාභාවාය - ස්වදයති॒ - ගාවෞ॒ දක්ෂි॑ණා॒ සමෘ॑ද්ධ්යෛ॒ ෂට්ච॑) (අ. 1)

අනුවාකං 2 - චාතුර්මාස්යේ වෛශ්වදේවහවීංෂි

වෛ॒ශ්ව॒දේ॒වේන॒ වෛ ප්ර॒ජාප॑තිඃ ප්ර॒ජා අ॑සෘජත . තා-ස්සෘ॒ෂ්ටා න ප්රාජා॑යන්ත . සෝ᳚-(අ)ග්නිර॑කාමයත . අ॒හමි॒මාඃ ප්රජ॑නයේය॒මිති॑ . ස ප්ර॒ජාප॑තයේ॒ ශුච॑මදධාත් . සෝ॑-(අ)ශෝචත්-ප්ර॒ජාමි॒ච්ඡමා॑නඃ . තස්මා॒ද්ය-ඤ්ච॑ ප්ර॒ජා භු॒නක්ති॒ ය-ඤ්ච॒ න . තාවු॒භෞ ශෝ॑චතඃ ප්ර॒ජාමි॒ච්ඡමා॑නෞ . තාස්ව॒ග්නිමප්ය॑ සෘජත් . තා අ॒ග්නිරද්ධ්යෛ᳚ත් .. 12 ..

සෝමෝ॒ රේතෝ॑-(අ)දධාත් . ස॒වි॒තා ප්රාජ॑නයත් . සර॑ස්වතී॒ වාච॑මදධාත් . පූ॒ෂා (අ)පෝ॑ෂයත් . තේ වා ඒ॒තේ ත්රි-ස්සං॑වँථ්ස॒රස්ය॒ ප්රයු॑ජ්යන්තේ . යේ දේ॒වාඃ පුෂ්ටි॑පතයඃ . සං॒වँ॒ථ්ස॒රෝ වෛ ප්ර॒ජාප॑තිඃ . සං॒වँ॒ථ්ස॒රේණෛ॒වාස්මෛ᳚ ප්ර॒ජාඃ ප්රාජ॑නයත් . තාඃ ප්ර॒ජා ජා॒තා ම॒රුතෝ᳚ ඝ්නන්න් . අ॒ස්මානපි॒ න ප්රායු॑ක්ෂ॒තේති॑ .. 13 ..

ස ඒ॒ත-ම්ප්ර॒ජාප॑තිර්මාරු॒තග්ං ස॒ප්තක॑පාල-මපශ්යත් . ත-න්නිර॑වපත් . තතෝ॒ වෛ ප්ර॒ජාභ්යෝ॑කල්පත . යන්මා॑රු॒තෝ නි॑රු॒ප්යතේ᳚ . ය॒ජ්ඤස්ය॒ ක්ලෘප්ත්යෛ᳚ . ප්ර॒ජානා॒-මඝා॑තාය . ස॒ප්තක॑පාලෝ භවති . ස॒ප්තග॑ණා॒ වෛ ම॒රුතඃ॑ . ග॒ණ॒ශ ඒ॒වාස්මෛ॒ විශ॑-ඞ්කල්පයති . ස ප්ර॒ජාප॑ති-රශෝචත් .. 14 ..

යාඃ පූර්වාඃ᳚ ප්ර॒ජා අසෘ॑ක්ෂි . ම॒රුත॒ස්තා අ॑වධිෂුඃ . ක॒ථමප॑රා-ස්සෘජේ॒යේති॑ . තස්ය॒ ශුෂ්ම॑ ආ॒ණ්ඩ-ම්භූ॒ත-න්නිර॑වර්තත . තද්ව්යුද॑හරත් . තද॑පෝෂයත් . ත-ත්ප්රාජා॑යත . ආ॒ණ්ඩස්ය॒ වා ඒ॒ත-ද්රූ॒පම් . යදා॒මික්ෂා᳚ . යද්ව්යු॒ද්ධර॑ති .. 15 ..

ප්ර॒ජා ඒ॒ව ත-ද්යජ॑මානඃ පෝෂයති . වෛ॒ශ්ව॒දේ॒ව්යා॑මික්ෂා॑ භවති . වෛ॒ශ්ව॒දේ॒ව්යෝ॑ වෛ ප්ර॒ජාඃ . ප්ර॒ජා ඒ॒වාස්මෛ॒ ප්රජ॑නයති . වාජි॑න॒මාන॑යති . ප්ර॒ජාස්වේ॒ව ප්රජා॑තාසු॒ රේතෝ॑ දධාති . ද්යා॒වා॒පෘ॒ථි॒ව්ය॑ ඒක॑කපාලෝ භවති . ප්ර॒ජා ඒ॒ව ප්රජා॑තා॒ ද්යාවා॑පෘථි॒වීභ්යා॑-මුභ॒යතඃ॒ පරි॑ ගෘහ්ණාති . දේ॒වා॒සු॒රා-ස්සංයँ॑ත්තා ආසන්න් . සා᳚-(අ)ග්නිර॑බ්රවීත් .. 16 ..

මාමග්රේ॑ යජත . මයා॒ මුඛේ॒නාසු॑රා-ඤ්ජේෂ්ය॒ථේති॑ . මා-න්ද්වි॒තීය॒මිති॒ සෝමෝ᳚-(අ)බ්රවීත් . මයා॒ රාජ්ඤා॑ ජේෂ්ය॒ථේති॑ . මා-න්තෘ॒තීය॒මිති॑ සවි॒තා . මයා॒ ප්රසූ॑තා ජේෂ්ය॒ථේති॑ . මා-ඤ්ච॑තු॒ර්ථීමිති॒ සර॑ස්වතී . ඉ॒න්ද්රි॒යං-වෝँ॒-(අ)හ-න්ධා᳚ස්යා॒මීති॑ . මා-ම්ප॑ඤ්ච॒මමිති॑ පූ॒ෂා . මයා᳚ ප්රති॒ෂ්ඨයා॑ ජේෂ්ය॒ථේති॑ .. 17 ..

තේ᳚-(අ)ග්නිනා॒ මුඛේ॒නාසු॑රානජයන්න් . සෝමේ॑න॒ රාජ්ඤා᳚ . ස॒වි॒ත්රා ප්රසූ॑තාඃ . සර॑ස්වතීන්ද්රි॒ය-ම॑දධාත් . පූ॒ෂා ප්ර॑ති॒ෂ්ඨා (අ)(අ)සී᳚ත් . තතෝ॒ වෛ දේ॒වා ව්ය॑ජයන්ත . යදේ॒තානි॑ හ॒වීග්ංෂි॑ නිරු॒ප්යන්තේ॒ විජි॑ත්යෛ . නෝත්ත॑රවේ॒දිමුප॑- වපති . ප॒ශවෝ॒ වා උ॑ත්තරවේ॒දිඃ . අජා॑තා ඉව॒ හ්යේ॑තර්හි॑ ප॒ශවඃ॑ .. 18 ..

(ඓ॒-ද්- ඉත්ය॑ - ශෝච-ද්- ව්යු॒ද්ධර॑ - ත්යබ්රවීත් - ප්රති॒ෂ්ඨයා॑ ජේෂ්ය॒ථේ ॒ ත්යේ॒තරඃඉ॑ ප॒ශවඃ॑) (අ. 2)

අනුවාකං 3 - වෛශ්වදේවපර්ගතානි විශ්වේෂාඞ්ගානි

ත්රි॒වෘ-ද්බ॒ර්॒හි-ර්භ॑වති . මා॒තා පි॒තා පු॒ත්රඃ . තදේ॒ව ත-න්මි॑ථු॒නම් . උල්බ॒-ඞ්ගර්භෝ॑ ජ॒රායු॑ . තදේ॒ව ත-න්මි॑ථු॒නම් . ත්රේ॒ධා බ॒ර්॒හි-ස්සන්න॑ද්ධ-ම්භවති . ත්රය॑ ඉ॒මේ ලෝ॒කාඃ . ඒ॒ෂ්වේ॑ව ලෝ॒කේෂු॒ ප්රති॑ තිෂ්ඨති . ඒ॒ක॒ධා පුන॒-ස්සන්න॑ද්ධ-ම්භවති . ඒක॑ ඉව॒ හ්ය॑යං-ලෝँ॒කඃ .. 19 ..

අ॒ස්මින්නේ॒ව තේන॑ ලෝ॒කේ ප්රති॑ තිෂ්ඨති . ප්ර॒සුවෝ॑ භවන්ති . ප්ර॒ථ॒ම॒ජාමේ॒ව පුෂ්ටි॒මව॑ රුන්ධේ . ප්ර॒ථ॒ම॒ජෝ ව॒ථ්සෝ දක්ෂි॑ණා॒ සමෘ॑ද්ධ්යෛ . පෘ॒ෂ॒දා॒ජ්ය-ඞ්ගෘ॑හ්ණාති . ප॒ශවෝ॒ වෛ පෘ॑ෂදා॒ජ්යම් . ප॒ශූනේ॒වාව॑ රුන්ධේ . ප॒ඤ්ච॒ගෘ॒හී॒ත-ම්භ॑වති . පාඞ්ක්තා॒ හි ප॒ශවඃ॑ . බ॒හු॒රූ॒ප-ම්භ॑වති .. 20 ..

බ॒හු॒රූ॒පා හි ප॒ශව॒-ස්සමෘ॑ද්ධ්යෛ . අ॒ග්නි-ම්ම॑න්ථන්ති . අ॒ග්නිමු॑ඛා॒ වෛ ප්ර॒ජාප॑තිඃ ප්ර॒ජා අ॑සෘජත . යද॒ග්නි-ම්මන්ථ॑න්ති . අ॒ග්නිමු॑ඛා ඒ॒ව ත-ත්ප්ර॒ජා යජ॑මාන-ස්සෘජතේ . නව॑ ප්රයා॒ජා ඉ॑ජ්යන්තේ . නවා॑නූයා॒ජාඃ . අ॒ෂ්ටෞ හ॒වීග්ංෂි॑ . ද්වාවා॑ඝා॒රෞ . ද්වාවාජ්ය॑භාගෞ .. 21 ..

ත්රි॒ග්ං॒ශ-ථ්සම්ප॑ද්යන්තේ . ත්රි॒ග්ං॒ශද॑ක්ෂරා වි॒රාට් . අන්නං॑-විँ॒රාට් . වි॒රාජෛ॒වාන්නාද්ය॒මව॑ රුන්ධේ . යජ॑මානෝ॒ වා ඒක॑කපාලඃ . තේජ॒ ආජ්ය᳚ම් . යදේක॑කපාල॒ ආජ්ය॑මා॒නය॑ති . යජ॑මානමේ॒ව තේජ॑සා॒ සම॑ර්ධයති . යජ॑මානෝ॒ වා ඒක॑කපාලඃ . ප॒ශව॒ ආජ්ය᳚ම් .. 22 ..

යදේක॑කපාල॒ ආජ්ය॑මා॒නය॑ති . යජ॑මානමේ॒ව ප॒ශුභි॒-ස්සම॑ර්ධයති . යදල්ප॑මා॒නයේ᳚ත් . අල්පා॑ ඒන-ම්ප॒ශවෝ॑ භු॒ඤ්ජන්ත॒ උප॑තිෂ්ඨේරන්න් . ය-ද්බ॒හ්වා॑නයේ᳚ත් . බ॒හව॑ ඒන-ම්ප॒ශවෝ භු॑ඤ්ජන්ත॒ උප॑තිෂ්ඨේරන්න් . බ॒හ්වා॑නීයා॒විඃ පෘ॑ෂ්ඨ-ඞ්කුර්යාත් . බ॒හව॑ ඒ॒වෛන॑-ම්ප॒ශවෝ॑ භු॒ඤ්ජන්ත॒ උප॑තිෂ්ඨන්තේ . යජ॑මානෝ॒ වා ඒක॑කපාලඃ . යදේක॑කපාලස්යාව॒ද්යේත් .. 23 ..

යජ॑මාන॒ස්යාව॑ද්යේත් . උද්වා॒ මාද්යේ॒-ද්යජ॑මානඃ . ප්ර වා॑ මීයේත . ස॒කෘදේ॒ව හෝ॑ත॒ව්යඃ॑ . ස॒කෘදි॑ව॒ හි සු॑ව॒ර්ගෝ ලෝ॒කඃ . හු॒ත්වා-(අ)භි ජු॑හෝති . යජ॑මානමේ॒ව සු॑ව॒ර්ගං-ලෝँ॒ක-ඞ්ග॑මයි॒ත්වා . තේජ॑සා॒ සම॑ර්ධයති . යජ॑මානෝ॒ වා ඒක॑කපාලඃ . සු॒ව॒ර්ගෝ ලෝ॒ක ආ॑හව॒නීයඃ॑ .. 24 ..

යදේක॑කපාල-මාහව॒නීයේ॑ ජු॒හෝති॑ . යජ॑මානමේ॒ව සු॑ව॒ර්ගං-ලෝँ॒ක-ඞ්ග॑මයති . යද්ධස්තේ॑න ජුහු॒යාත් . සු॒ව॒ර්ගා-ල්ලෝ॒කා-ද්යජ॑මාන॒-මව॑විද්ධ්යේත් . ස්රු॒චා ජු॑හෝති . සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ . ය-ත්ප්රාම්පද්යේ॑ත . දේ॒ව॒ලෝ॒කම॒භි ජ॑යේත් . ය-ද්ද॑ක්ෂි॒ණා පි॑තෘලෝ॒කම් . ය-ත්ප්ර॒ත්යක් .. 25 ..

රක්ෂාග්ං॑සි ය॒ජ්ඤග්ං හ॑න්යුඃ . යදුදඞ්ඞ්॑ . ම॒නු॒ෂ්ය॒ලෝ॒ක-ම॒භිජ॑යේත් . ප්රති॑ෂ්ඨිතෝ හෝත॒ව්යඃ॑ . ඒක॑කපාලං॒-වෛँ ප්ර॑ති॒තිෂ්ඨ॑න්ත॒-න්ද්යාවා॑පෘථි॒වී අනු॒ ප්රති॑තිෂ්ඨතඃ . ද්යාවා॑පෘථි॒වී ඍ॒තවඃ॑ . ඍ॒තූන්. ය॒ජ්ඤඃ . ය॒ජ්ඤං-යँජ॑මානඃ . යජ॑මාන-ම්ප්ර॒ජාඃ . තස්මා॒ත්-ප්රති॑ෂ්ඨිතෝ හෝත॒ව්යඃ॑ .. 26 ..

වා॒ජිනෝ॑ යජති . අ॒ග්නිර්වා॒යු-ස්සූර්යඃ॑ . තේ වෛ වා॒ජිනඃ॑ . තානේ॒ව ත-ද්ය॑ජති . අථෝ॒ ඛල්වා॑හුඃ . ඡන්දාග්ං॑සි॒ වෛ වා॒ජින॒ ඉති॑ . තාන්යේ॒ව ත-ද්ය॑ජති . ඍ॒ඛ්සා॒මේ වා ඉන්ද්ර॑ස්ය॒ හරී॑ සෝම॒පානෞ᳚ . තයෝඃ᳚ පරි॒ධය॑ ආ॒ධාන᳚ම් . වාජි॑න-ම්භාග॒ධේය᳚ම් .. 27 ..

යදප්ර॑හෘත්ය පරි॒ධීඤ්ජු॑හු॒යාත් . අ॒න්තරා॑ධානාභ්යා-ඞ්ඝා॒ස-ම්ප්රය॑ච්ඡේත් . ප්ර॒හෘත්ය॑ පරි॒ධීඤ්ජු॑හෝති . නිරා॑ධානාභ්යාමේ॒ව ඝා॒ස-ම්ප්රය॑ච්ඡති . බ॒ර්॒හිෂි॑ විෂි॒ඤ්චන්වාජි॑න॒-මාන॑යති . ප්ර॒ජා වෛ බ॒ර॒ඃඉඃ . රේතෝ॒ වාජි॑නම් . ප්ර॒ජාස්වේ॒ව රේතෝ॑ දධාති . ස॒මු॒ප॒හූය॑ භක්ෂයන්ති . ඒ॒ත-ථ්සෝ॑මපීථා॒ හ්යේ॑තේ . අථෝ॑ ආ॒ත්මන්නේ॒ව රේතෝ॑ දධතේ . යජ॑මාන උත්ත॒මෝ භ॑ක්ෂයති . ප॒ශවෝ॒ වෛ වාජි॑නම් . යජ॑මාන ඒ॒ව ප॒ශූ-න්ප්රති॑ෂ්ඨාපයන්ති .. 28 ..

(ලෝ॒කෝ - බ॑හුරූ॒ප-ම්භ॑ව॒ - ත්යාජ්ය॑භාගෞ - ප॒ශව॒ ආජ්ය॑ - මව॒ද්යේ - දා॑හව॒නීයඃ॑ - ප්ර॒ත්යක් - තස්මා॒-ත්ප්රති॑ෂ්ඨිතෝ හෝත॒ව්යෝ॑ - භාග॒ධේය॑ - මේ॒තේ ච॒ත්වාරි॑ ච) (අ. 3)

අනුවාකං 4 - වරුණප්රඝාසාඃ

ප්ර॒ජාප॑ති-ස්සවි॒තා භූ॒ත්වා ප්ර॒ජා අ॑සෘජත . තා ඒ॑න॒මත්ය॑මන්යන්ත . තා අ॑ස්මා॒දපා᳚ක්රාමන්න් . තා වරු॑ණෝ භූ॒ත්වා ප්ර॒ජා වරු॑ණේනාග්රාහයත් . තාඃ ප්ර॒ජා වරු॑ණගෘහීතාඃ . ප්ර॒ජාප॑ති॒-ම්පුන॒රුපා॑ධාවන්නා॒ථ-මි॒ච්ඡමා॑නාඃ . ස ඒ॒තාන්-ප්ර॒ජාප॑ති-ර්වරුණ ප්රඝා॒සාන॑පශ්යත් . තාන්නිර॑වපත් . තෛර්වෛ ස ප්ර॒ජා ව॑රුණ-පා॒ශාද॑මුඤ්චත් . ය-ද්ව॑රුණ-ප්රඝා॒සා නි॑රු॒ප්යන්තේ᳚ .. 29 ..

ප්ර॒ජානා॒මව॑රුණග්රාහාය . තාසා॒-න්දක්ෂි॑ණෝ බා॒හු-ර්න්ය॑ක්න॒ ආසී᳚ත් . ස॒ව්යඃ ප්රසෘ॑තඃ . ස ඒ॒තා-න්ද්වි॒තීයා᳚-න්දක්ෂිණ॒තෝ වේදි॒මුද॑හන්න් . තතෝ॒ වෛ ස ප්ර॒ජානා॒-න්දක්ෂි॑ණ-ම්බා॒හු-ම්ප්රාසා॑රයත් . ය-ද්ද්වි॒තීයා᳚-න්දක්ෂිණ॒තෝ වේදි॑මු॒ද්ධන්ති॑ . ප්ර॒ජානා॑මේ॒ව ත-ද්යජ॑මානෝ॒ දක්ෂි॑ණ-ම්බා॒හු-ම්ප්රසා॑රයති . තස්මා᳚ච්චාතුර්මාස්යයා॒ජ්ය॑මුෂ්මි॑න් ँලෝ॒ක උ॑භ॒යාබා॑හුඃ . ය॒ජ්ඤාභි॑ජිත॒ග්ග්॒ හ්ය॑ස්ය . පෘ॒ථ॒මා॒ත්රා-ද්වේදී॒ අස॑භින්න්නේ භවතඃ .. 30 ..

තස්මා᳚ත්-පෘථමා॒ත්රං-ව්යँග්ංසෞ᳚ . උත්ත॑රස්යාං॒-වේँද්යා॑මුත්තරවේ॒දිමුප॑ වපති . ප॒ශවෝ॒ වා උ॑ත්තරවේ॒දිඃ . ප॒ශූනේ॒වාව॑ රුන්ධේ . අථෝ॑ යජ්ඤප॒රුෂෝ-(අ)න॑න්තරිත්යෛ . ඒ॒ත-ද්බ්රා᳚හ්මණාන්යේ॒ව පඤ්ච॑ හ॒වීග්ංෂි॑ . අථෛ॒ෂ ඓ᳚න්ද්රා॒ග්නෝ භ॑වති . ප්රා॒ණා॒පා॒නෞ වා ඒ॒තෞ දේ॒වානා᳚ම් . යදි॑න්ද්රා॒ග්නී . යදෛ᳚න්ද්රා॒ග්නෝ භව॑ති .. 31 ..

ප්රා॒ණා॒පා॒නාවේ॒වාව॑ රුන්ධේ . ඕජෝ॒ බලං॒-වාँ ඒ॒තෞ දේ॒වානා᳚ම් . යදි॑න්ද්රා॒ග්නී . යදෛ᳚න්ද්රා॒ග්නෝ භව॑ති . ඕජෝ॒ බල॑මේ॒වාව॑ රුන්ධේ . මා॒රු॒ත්යා॑මික්ෂා॑ භවති . වා॒රු॒ණ්යා॑මික්ෂා᳚ . මේ॒ෂී ච॑ මේ॒ෂශ්ච॑ භවතඃ . මි॒ථු॒නා ඒ॒ව ප්ර॒ජා ව॑රුණපා॒ශා-න්මු॑ඤ්චති . ලෝ॒ම॒ශෞ භ॑වතෝ මේද්ධ්ය॒ත්වාය॑ .. 32 ..

ශ॒මී॒ප॒ර්ණාන්යුප॑ වපති . ඝා॒සමේ॒වාභ්යා॒මපි॑ යච්ඡති . ප්ර॒ජාප॑තිම॒න්නාද්ය॒-න්නෝපා॑නමත් . ස ඒ॒තේන॑ ශ॒තේද්ධ්මේ॑න හ॒විෂා॒ (අ)න්නාද්ය॒ම-වා॑රුන්ධ . ය-ත්ප॑ර-ශ්ශ॒තානි॑ ශමීප॒ර්ණානි॒ භව॑න්ති . අ॒න්නාද්ය॒ස්යාව॑-රුද්ධ්යෛ . සෞ॒ම්යානි॒ වෛ ක॒රීරා॑ණි . සෞ॒ම්යා ඛලු॒ වා ආහු॑ති-ර්දි॒වෝ වෘෂ්ටි॑-ඤ්ච්යාවයති . යත්-ක॒රීරා॑ණි॒ භව॑න්ති . සෞ॒ම්යයෛ॒වාහු॑ත්යා දි॒වෝ වෘෂ්ටි॒මව॑ රුන්ධේ . කා॒ය ඒක॑කපාලෝ භවති . ප්ර॒ජානා᳚-ඞ්ක॒ත්වාංයँ॑ . ප්ර॒ති॒පූ॒රු॒ෂ-ඞ්ක॑රම්භ පා॒ත්රාණි॑ භවන්ති . ජා॒තා ඒ॒ව ප්ර॒ජා ව॑රුණපා॒ශා-න්මු॑ඤ්චති . ඒක॒-මති॑රික්තම් . ජ॒නි॒ෂ්යමා॑ණා ඒ॒ව ප්ර॒ජා ව॑රුණපා॒ශා-න්මු॑ඤ්චති .. 33 ..

(නි॒රු॒ප්යන්තේ॑- භවතෝ॒ - භව॑ති - මේද්ධ්ය॒ත්වාය॑ - රුන්ධේ॒ ෂට්ච॑) (අ. 4)

අනුවාකං 5 - තච්ඡේෂඃ

උත්ත॑රස්යාං॒-වේँද්යා॑ම॒න්යානි॑ හ॒වීග්ංෂි॑ සාදයති . දක්ෂි॑ණායා-ම්මාරු॒තීම් . අ॒ප॒ධු॒රමේ॒වෛනා॑ යුනක්ති . අථෝ॒ ඕජ॑ ඒ॒වාසා॒මව॑හරති . තස්මා॒-ද්බ්රහ්ම॑ණශ්ච ක්ෂ॒ත්රාච්ච॒ විශෝ᳚-(අ)න්යතෝ-(අ)පක්ර॒මිණීඃ᳚ . මා॒රු॒ත්යා පූර්ව॑යා॒ ප්රච॑රති . අනෘ॑තමේ॒වාව॑ යජතේ . වා॒රු॒ණ්යෝත්ත॑රයා . අ॒න්ත॒ත ඒ॒ව වරු॑ණ॒මව॑-යජතේ . යදේ॒වාද්ධ්ව॒ර්යුඃ ක॒රෝති॑ .. 34 ..

ත-ත්ප්ර॑තිප්රස්ථා॒තා ක॑රෝති . තස්මා॒-ද්යච්ඡ්රේයා᳚න්-ක॒රෝති॑ . ත-ත්පාපී॑යාන්-කරෝති . පත්නීං᳚ ँවාචයති . මේද්ධ්යා॑මේ॒වෛනා᳚-ඞ්කරෝති . අථෝ॒ තප॑ ඒ॒වෛනා॒මුප॑ නයති . යජ්ජා॒රග්ං සන්ත॒-න්න ප්ර॑බ්රූ॒යාත් . ප්රි॒ය-ඤ්ජ්ඤා॒තිග්ං රු॑න්ධ්යාත් . අ॒සෞ මේ॑ ජා॒ර ඉති॒ නිර්දි॑ශේත් . නි॒ර්දිශ්යෛ॒වෛනං॑-වँරුණපා॒ශේන॑ ග්රාහයති .. 35 ..

ප්ර॒ඝා॒ස්යාන්॑. හවාමහ॒ ඉති॒ පත්නී॑-මු॒දාන॑යති . අහ්ව॑තෛ॒වෛනා᳚ම් . යත්-පත්නී॑ පුරෝනුවා॒ක්යා॑මනු බ්රූ॒යාත් . නිර්වී᳚ර්යෝ॒ යජ॑මාන-ස්ස්යාත් . යජ॑මා॒නෝ (අ)න්වා॑හ . ආ॒ත්මන්නේ॒ව වී॒ර්ය॑-න්ධත්තේ . උ॒භෞ යා॒ජ්යාග්ං॑ සවීර්ය॒ත්වාය॑ . යද්ග්රාමේ॒ යදර॑ණ්ය॒ ඉත්යා॑හ . ය॒ථෝ॒දි॒තමේ॒ව වරු॑ණ॒මව॑ යජතේ . ය॒ජ॒මා॒න॒දේ॒ව॒ත්යෝ॑ වා ආ॑හව॒නීයඃ॑ .. 36 ..

භ්රා॒තෘ॒ව්ය॒ දේ॒ව॒ත්යෝ॑ දක්ෂි॑ණඃ . යදා॑හව॒නීයේ॑ ජුහු॒යාත් . යජ॑මානං-වँරුණපා॒ශේන॑ ග්රාහයේත් . දක්ෂි॑ණේ॒ (අ)ග්නෞ ජු॑හෝති . භ්රාතෘ॑ව්යමේ॒ව ව॑රුණපා॒ශේන॑ ග්රාහයති . ශූර්පේ॑ණ ජුහෝති . අන්ය॑මේ॒ව වරු॑ණ॒මව॑යජතේ . ශී॒ර්॒ෂන්න॑ධි නි॒ධාය॑ ජුහෝති . ශී॒ර්॒ෂ॒ත ඒ॒ව වරු॑ණ॒මව॑ යජතේ . ප්ර॒ත්යන්තිෂ්ඨ॑ඤ්ජුහෝති .. 37 ..

ප්ර॒ත්යඞ්ඞේ॒ව වරු॑ණපා॒ශා-න්නිර්මු॑ච්යතේ . අක්ර॒න්කර්ම॑ කර්ම॒කෘත॒ ඉත්යා॑හ . දේ॒වානෘ॒ණ-න්නි॑රව॒දාය॑ . අ॒නෘ॒ණා ගෘ॒හානුප॒-ප්රේතේති॒ වාවෛතදා॑හ . වරු॑ණ ගෘහීතං॒-වාँ ඒ॒ත-ද්ය॒ජ්ඤස්ය॑ . ය-ද්යජු॑ෂා ගෘහී॒තස්යා॑ති॒රිච්ය॑තේ . තුෂා᳚ශ්ච නිෂ්කා॒සශ්ච॑ . තුෂෛ᳚ශ්ච නිෂ්කා॒සේන॑ චාවභෘ॒ථමවෛ॑ති . වරු॑ණ-ගෘහීතේනෛ॒ව වරු॑ණ॒මව॑යජතේ . අ॒පෝ॑-(අ)වභෘ॒ථමවෛ॑ති .. 38 ..

අ॒ඵ්සු වෛ වරු॑ණඃ . සා॒ක්ෂාදේ॒ව වරු॑ණ॒මව॑ යජතේ . ප්රති॑යුතෝ॒ වරු॑ණස්ය॒ පාශ॒ ඉත්යා॑හ . ව॒රු॒ණ॒පා॒ශාදේ॒ව නිර්මු॑ච්යතේ . අප්ර॑තීක්ෂ॒-මාය॑න්ති . වරු॑ණස්යා॒න්තර්හි॑ත්යෛ . ඒධෝ᳚-(අ)ස්යේධිෂී॒මහීත්යා॑හ . ස॒මිධෛ॒වාග්නි-න්න॑ම॒ස්යන්ත॑ උ॒පාය॑න්ති . තේජෝ॑-(අ)සි॒ තේජෝ॒ මයි॑ ධේ॒හීත්යා॑හ . තේජ॑ ඒ॒වාත්මන්ධ॑ත්තේ .. 39 ..

(ක॒රෝති॑ - ග්රාහය - ත්යාහව॒නීය॒ - ස්තිෂ්ඨ॑ඤ්ජුහෝ - ත්ය॒පෝ॑-(අ)වභෘ॒ථමවෛ॑ති - ධත්තේ) (අ. 5)

අනුවාකං 6 - සාකමේධාඃ

දේ॒වා॒සු॒රා-ස්සංයँ॑ත්තා ආසන්න් . සෝ᳚-(අ)ග්නිර॑බ්රවීත් . මමේ॒ය-මනී॑කවතී ත॒නූඃ . තා-ම්ප්රී॑ණීත . අථාසු॑රාන॒භි භ॑විෂ්ය॒ථේති॑ . තේ දේ॒වා අ॒ග්නයේ-(අ)නී॑කවතේ පුරෝ॒ඩාශ॑ම॒ෂ්ටාක॑පාල॒-න්නිර॑වපන්න් . සෝ᳚-(අ)ග්නිරනී॑කවා॒න්-ථ්ස්වේන॑ භාග॒ධේයේ॑න ප්රී॒තඃ . ච॒තු॒ර්ධා (අ)නී॑කා-න්යජනයත . තතෝ॑ දේ॒වා අභ॑වන්න් . පරා (අ)සු॑රාඃ .. 40 ..

යද॒ග්නයේ-(අ)නී॑කවතේ පුරෝ॒ඩාශ॑ම॒ෂ්ටාක॑පාල-න්නි॒ර්වප॑ති . අ॒ග්නිමේ॒වානී॑කවන්ත॒ග්ග්॒ ස්වේන॑ භාග॒ධේයේ॑න ප්රීණාති . සෝ᳚-(අ)ග්නිරනී॑කවා॒න්-ථ්ස්වේන॑ භාග॒ධේයේ॑න ප්රී॒තඃ . ච॒තු॒ර්ධා (අ)නී॑කානි ජනයතේ . අ॒සෞ වා ආ॑දි॒ත්යෝ᳚-(අ)ග්නි-රනී॑කවාන් . තස්ය॑ ර॒ශ්මයෝ-(අ)නී॑කානි . සා॒කග්ං සූර්යේ॑ණෝද්ය॒තා නිර්ව॑පති . සා॒ක්ෂාදේ॒වාස්මා॒ අනී॑කානි ජනයති . තේ-(අ)සු॑රාඃ॒ පරා॑ජිතා॒ යන්තඃ॑ . ද්යාවා॑පෘථි॒වී උපා᳚ශ්රයන්න් .. 41 ..

තේ දේ॒වා ම॒රුද්භ්යඃ॑ සාන්තප॒නේභ්ය॑ශ්ච॒රු-න්නිර॑වපන්න් . තා-න්ද්යාවා॑පෘථි॒වීභ්යා॑-මේ॒වෝභ॒යත॒-ස්සම॑තපන්න් . යන්ම॒රුද්භ්යඃ॑ සාන්තප॒නේභ්ය॑ශ්ච॒රු-න්නි॒ර්වප॑ති . ද්යාවා॑පෘථි॒වීභ්යා॑මේ॒ව තදු॑භ॒යතෝ॒ යජ॑මානෝ॒ භ්රාතෘ॑ව්යා॒න්-ථ්සන්ත॑පති . ම॒ද්ධ්යන්දි॑නේ॒ නිර්ව॑පති . තර්හි॒ හි තේ-(අ)ක්ෂ්ණි॑ෂ්ඨ॒-න්තප॑ති . ච॒රුර්භ॑වති . ස॒ර්වත॑ ඒ॒වෛනා॒න්-ථ්සන්ත॑පති . තේ දේ॒වා-ශ්ශ්වෝ॑ විජ॒යින॒-ස්සන්තඃ॑ . සර්වා॑සා-න්දු॒ග්ධේ ගෘ॑හමේ॒ධීය॑-ඤ්ච॒රු-න්නිර॑වපන්න් .. 42 ..

ආශි॑තා ඒ॒වාද්යෝප॑වසාම . කස්ය॒ වා-(අ)හේ॒දම් . කස්ය॑ වා॒ ශ්වෝ භ॑වි॒තේති॑ . ස ශෘ॒තෝ॑-(අ)භවත් . තස්යාහු॑තස්ය॒ නාශ්ඤන්න්॑ . න හි දේ॒වා අහු॑තස්යා॒ශ්ඤන්ති॑ . තේ᳚-(අ)බ්රුවන්න් . කස්මා॑ ඉ॒මග්ං හෝ᳚ෂ්යාම॒ ඉති॑ . ම॒රුද්භ්යෝ॑ ගෘහමේ॒ධිභ්ය॒ ඉත්ය॑බ්රුවන්න් . ත-ම්ම॒රුද්භ්යෝ॑ ගෘහමේ॒ධිභ්යෝ॑-(අ)ජුහවුඃ .. 43 ..

තතෝ॑ දේ॒වා අභ॑වන්න් . පරා-(අ)සු॑රාඃ . යස්යෛ॒වං-විँ॒දුෂෝ॑ ම॒රුද්භ්යෝ॑ ගෘහමේ॒ධිභ්යෝ॑ ගෘ॒හේ ජුහ්ව॑ති . භව॑ත්යා॒ත්මනා᳚ . පරා᳚-(අ)ස්ය॒ භ්රාතෘ॑ව්යෝ භවති . යද්වෛ ය॒ජ්ඤස්ය॑ පාක॒ත්රා ක්රි॒යතේ᳚ . ප॒ශ॒ව්ය॑-න්තත් . පා॒ක॒ත්රා වා ඒ॒තත්ක්රි॑යතේ . යන්නේද්ධ්මාබ॒ර්॒හි-ර්භව॑ති . න සා॑මිධේ॒නී-ර॒න්වාහ॑ .. 44 ..

න ප්ර॑යා॒ජා ඉ॒ජ්යන්තේ᳚ . නානූ॑යා॒ජාඃ . ය ඒ॒වං-වේँද॑ . ප॒ශු॒මා-න්භ॑වති . ආජ්ය॑භාගෞ යජති . ය॒ජ්ඤස්යෛ॒ව චක්ෂු॑ෂී॒ නාන්තරේ॑ති . ම॒රුතෝ॑ ගෘහමේ॒ධිනෝ॑ යජති . භා॒ග॒ධේයේ॑-නෛ॒වෛනා॒න්-ථ්සම॑ර්ධයති . අ॒ග්නිග්ග් ස්වි॑ෂ්ට॒කෘතං॑-යँජති॒ ප්රති॑ෂ්ඨිත්යෛ . ඉඩා᳚න්තෝ භවති . ප॒ශවෝ॒ වා ඉඩා᳚ . ප॒ශුෂ්වේ॒වෝපරි॑ෂ්ටා॒-ත්ප්රති॑ තිෂ්ඨති .. 45 ..

(අසු॑රා - අශ්රයන් - ගෘහමේ॒ධීයං॑ ච॒රු-න්නිර॑වපන් - නජුහවු - ර॒න්වා - හේඩා᳚න්තෝ භවති॒ ද්වේ ච॑) (අ. 6)

අනුවාකං 7 - තච්ඡේෂඃ

යත්පත්නී॑ ගෘහමේ॒ධීය॑-ස්යාශ්ඤී॒යාත් . ගෘ॒හ॒මේ॒ද්ධ්යේ॑ව ස්යා᳚ත් . වි ත්ව॑ස්ය ය॒ජ්ඤ ඍ॑ධ්යේත . යන්නාශ්ඤී॒යාත් . අගෘ॑හමේධී ස්යාත් . නාස්ය॑ ය॒ජ්ඤෝ ව්යෘ॑ද්ධ්යේත . ප්රති॑වේශ-ම්පචේයුඃ . තස්යා᳚ශ්ඤීයාත් . ගෘ॒හ॒මේ॒ද්ධ්යේ॑ව භ॑වති . නාස්ය॑ ය॒ජ්ඤෝ ව්යෘ॑ද්ධ්යතේ .. 46 ..

තේ දේ॒වා ගෘ॑හමේ॒ධීයේ॑නේ॒ෂ්ට්වා . ආශි॑තා අභවන්න් . ආඤ්ජ॑තා॒භ්ය॑ඤ්ජත . අනු॑ ව॒ථ්සා-න॑වාසයන්න් . තේභ්යෝ-(අ)සු॑රාඃ॒, ක්ෂුධ॒-ම්ප්රාහි॑ණ්වන්න් . සා දේ॒වේෂු॑ ලෝ॒කමවි॑ත්ත්වා . අසු॑රා॒න්-පුන॑රගච්ඡත් . ගෘ॒හ॒මේ॒ධීයේ॑නේ॒ෂ්ට්වා . ආශි॑තා භවන්ති . ආඤ්ජ॑තේ॒-(අ)භ්ය॑ඤ්ජතේ .. 47 ..

අනු॑ ව॒ථ්සාන්. වා॑සයන්ති . භ්රාතෘ॑ව්යායෛ॒ව ත-ද්යජ॑මානඃ॒, ක්ෂුධ॒-ම්ප්රහි॑ණෝති . තේ දේ॒වා ගෘ॑හමේ॒ධීයේ॑නේ॒ෂ්ට්වා . ඉන්ද්රා॑ය නිෂ්කා॒ස-න්න්ය॑දධුඃ . අ॒ස්මානේ॒ව ශ්ව ඉන්ද්රෝ॒ නිහි॑තභාග උපාවර්ති॒තේති॑ . තානින්ද්රෝ॒ නිහි॑තභාග උ॒පාව॑ර්තත . ගෘ॒හ॒මේ॒ධීයේ॑නේ॒ෂ්ට්වා . ඉන්ද්රා॑ය නිෂ්කා॒ස-න්නිද॑ද්ධ්යාත් . ඉන්ද්ර॑ ඒ॒වෛන॒-න්නිහි॑තභාග උ॒පාව॑ර්තතේ . ගාර්හ॑පත්යේ ජුහෝති .. 48 ..

භා॒ග॒ධේයේ॑නේ॒වෛන॒ග්ං॒ සම॑ර්ධයති . ඍ॒ෂ॒භමාහ්ව॑යති . ව॒ෂ॒ට්කා॒ර ඒ॒වාස්ය॒ සඃ . අථෝ॑ ඉන්ද්රි॒යමේ॒ව ත-ද්වී॒ර්යං॑-යँජ॑මානෝ॒ භ්රාතෘ॑ව්යස්ය වෘඞ්ක්තේ . ඉන්ද්රෝ॑ වෘ॒ත්රග්ං හ॒ත්වා . පරා᳚-ම්පරා॒වත॑-මගච්ඡත් . අපා॑රාධ॒මිති॒ මන්ය॑මානඃ . සෝ᳚-(අ)බ්රවීත් . ක ඉ॒දං-වේँ॑දිෂ්ය॒තීති॑ . තේ᳚-(අ)බ්රුව-න්ම॒රුතෝ॒ වරං॑-වෘँණාමහෛ .. 49 ..

අථ॑ ව॒යං-වේँ॑දාම . අ॒ස්මභ්ය॑මේ॒ව ප්ර॑ථ॒මග්ං හ॒විර්නිරු॑ප්යාතා॒ ඉති॑ . ත ඒ॑න॒මද්ධ්ය॑-ක්රීඩන්න් . තත්ක්රී॒ඩිනා᳚-ඞ්ක්රීඩි॒ත්වම් . ය-න්ම॒රුද්භ්යඃ॑ ක්රී॒ඩිභ්යඃ॑ ප්රථ॒මග්ං හ॒විර්නි॑රු॒ප්යතේ॒ විජි॑ත්යෛ . සා॒කග්ං සූර්යේ॑ණෝද්ය॒තා නිර්ව॑පති . ඒ॒තස්මි॒න් වෛ ලෝ॒ක ඉන්ද්රෝ॑ වෘ॒ත්රම॑හ॒න්-ථ්සමෘ॑ද්ධ්යෛ . ඒ॒ත-ද්බ්රා᳚හ්මණාන්යේ॒ව පඤ්ච॑ හ॒වීග්ංෂි॑ . ඒ॒ත-ද්බ්රා᳚හ්මණ ඓන්ද්රා॒ග්නඃ . අථෛ॒ෂ ඓ॒න්ද්රශ්ච॒රු-ර්භ॑වති .. 50 ..

උ॒ද්ධා॒රං-වාँ ඒ॒තමින්ද්ර॒ උද॑හරත . වෘ॒ත්රග්ං හ॒ත්වා . අ॒න්යාසු॑ දේ॒වතා॒ස්වධි॑ . යදේ॒ෂ ඓ॒න්ද්ර-ශ්ච॒රු-ර්භව॑ති . උ॒ද්ධා॒රමේ॒ව තං-යँජ॑මාන॒ උද්ධ॑රතේ . අ॒න්යාසු॑ ප්ර॒ජාස්වධි॑ . වෛ॒ශ්ව॒ක॒ර්ම॒ණ ඒක॑කපාලෝ භවති . විශ්වා᳚න්යේ॒ව තේන॒ කර්මා॑ණි॒ යජ॑මා॒නෝ (අ)ව॑රුන්ධේ .. 51 ..

(ඍ॒ද්ධ්ය॒තේ॒-(අ)-භ්ය॑ඤ්ජතේ-ජුහෝති-වෘණාමහෛ-භවත්ය॒- +ෂ්ටෞ ච॑) (අ. 7)

අනුවාකං 8 - පිතෘයජ්ඤඃ

වෛ॒ශ්ව॒දේ॒වේන॒ වෛ ප්ර॒ජාප॑තිඃ ප්ර॒ජා අ॑සෘජත . තා ව॑රුණ-ප්රඝා॒සෛ-ර්ව॑රුණපා॒ශාද॑මුඤ්චත් . සා॒ක॒මේ॒ධෛඃ ප්රත්ය॑ස්ථාපයත් . ත්ර්ය॑ම්බකෛ රු॒ද්ර-න්නි॒රවා॑දයත . පි॒තෘ॒ය॒ජ්ඤේන॑ සුව॒ර්ගං-ලෝँ॒කම॑ගමයත් . ය-ද්වෛ᳚ශ්වදේ॒වේන॒ යජ॑තේ . ප්ර॒ජා ඒ॒ව ත-ද්යජ॑මාන-ස්සෘජතේ . තා ව॑රුණ-ප්රඝා॒සෛ-ර්ව॑රුණපා॒ශා-න්මු॑ඤ්චති . සා॒ක॒මේ॒ධෛඃ ප්රති॑ෂ්ඨාපයති . ත්ර්ය॑ම්බකෛරු॒ද්ර-න්නි॒රව॑දයතේ .. 52 ..

පි॒තෘ॒ය॒ජ්ඤේන॑ සුව॒ර්ගං-ලෝँ॒ක-ඞ්ග॑මයති . ද॒ක්ෂි॒ණ॒තඃ ප්රා॑චීනාවී॒තී නිර්ව॑පති . ද॒ක්ෂි॒ණාවෘ॒ද්ධි පි॑තෘ॒ණාම් . අනා॑දෘත්ය॒ තත් . උ॒ත්ත॒ර॒ත ඒ॒වෝප॒වීය॒ නිර්ව॑පේත් . උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ . අථෝ॒ යදේ॒ව ද॑ක්ෂිණා॒ර්ධේ॑-(අ)ධි॒ ශ්රය॑ති . තේන॑ දක්ෂි॒ණාවෘ॑ත් . සෝමා॑ය පිතෘ॒මතේ॑ පුරෝ॒ඩාශ॒ග්ං॒ ෂට්ක॑පාල॒-න්නිර්ව॑පති . සං॒වँ॒ථ්ස॒රෝ වෛ සෝමඃ॑ පිතෘ॒මාන් .. 53 ..

සං॒වँ॒ථ්ස॒රමේ॒ව ප්රී॑ණාති . පි॒තෘභ්යෝ॑ බර්හි॒ෂද්භ්යෝ॑ ධා॒නාඃ . මාසා॒ වෛ පි॒තරෝ॑ බර්හි॒ෂදඃ॑ . මාසා॑නේ॒ව ප්රී॑ණාති . යස්මි॒න් වා ඍ॒තෞ පුරු॑ෂඃ ප්ර॒මීය॑තේ . සෝ᳚-(අ)ස්යා॒මුෂ්මි॑න් ँලෝ॒කේ භ॑වති . බ॒හු॒රූ॒පා ධා॒නා භ॑වන්ති . අ॒හෝ॒රා॒ත්රාණා॑-ම॒භිජි॑ත්යෛ . පි॒තෘභ්යෝ᳚ (අ)ග්නිෂ්වා॒ත්තේභ්යෝ॑ ම॒න්ථම් . අ॒ර්ධ॒මා॒සා වෛ පි॒තරෝ᳚-(අ)ග්නිෂ්වා॒ත්තාඃ .. 54 ..

අ॒ර්ධ॒මා॒සානේ॒ව ප්රී॑ණාති . අ॒භි॒වා॒න්යා॑යෛ දු॒ග්ධේ භ॑වති . සා හි පි॑තෘදේව॒ත්ය॑-න්දු॒හේ . ය-ත්පූ॒ර්ණම් . ත-න්ම॑නු॒ෂ්යා॑ණාම් . උ॒ප॒ර්ය॒ර්ධෝ දේ॒වානා᳚ම් . අ॒ර්ධඃ පි॑තෘ॒ණාම් . අ॒ර්ධ උප॑මන්ථති . අ॒ර්ධෝ හි පි॑තෘ॒ණාම් . ඒක॒යෝප॑මන්ථති .. 55 ..

ඒකා॒ හි පි॑තෘ॒ණාම් . ද॒ක්ෂි॒ණෝප॑මන්ථති . ද॒ක්ෂි॒ණා වෘ॒ද්ධි පි॑තෘ॒ණාම් . අනා॑ර॒භ්යෝප॑මන්ථති . තද්ධි පි॒තෲන්-ගච්ඡ॑ති . ඉ॒මා-න්දිශං॒-වේँදි॒මුද්ධ॑න්ති . උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ . චතුඃ॑ ස්රක්තිර්භවති . සර්වා॒ හ්යනු॒ දිශඃ॑ පි॒තරඃ॑ . අඛා॑තා භවති .. 56 ..

ඛා॒තා හි දේ॒වානා᳚ම් . ම॒ද්ධ්ය॒තෝ᳚ (අ)ග්නිරාධී॑යතේ . අ॒න්ත॒තෝ හි දේ॒වානා॑-මාධී॒යතේ᳚ . වර්ෂී॑යානි॒ද්ධ්ම ඉ॒ද්ධ්මා-ද්භ॑වති॒ ව්යාවෘ॑ත්ත්යෛ . පරි॑ ශ්රයති . අ॒න්තර්හි॑තෝ॒ හි පි॑තෘලෝ॒කෝ ම॑නුෂ්යලෝ॒කාත් . යත්-පරු॑ෂි දි॒නම් . ත-ද්දේ॒වානා᳚ම් . යද॑න්ත॒රා . ත-න්ම॑නු॒ෂ්යා॑ණාම් .. 57 ..

ය-ථ්සමූ॑ලම් . ත-ත්පි॑තෘ॒ණාම් . සමූ॑ල-ම්බ॒ර්॒හි-ර්භ॑වති॒ ව්යාවෘ॑ත්ත්යෛ . ද॒ක්ෂි॒ණා ස්තෘ॑ණාති . ද॒ක්ෂි॒ණා වෘ॒ද්ධි පි॑තෘ॒ණාම් . ත්රිඃ පර්යේ॑ති . තෘ॒තීයේ॒ වා ඉ॒තෝ ලෝ॒කේ පි॒තරඃ॑ . තානේ॒ව ප්රී॑ණාති . ත්රිඃ පුනඃ॒ පර්යේ॑ති . ෂට්ථ්සම්ප॑ද්යන්තේ .. 58 ..

ෂඩ්වා ඍ॒තවඃ॑ . ඍ॒තූනේ॒ව ප්රී॑ණාති . ය-ත්ප්ර॑ස්ත॒රං-යँජු॑ෂා ගෘහ්ණී॒යාත් . ප්ර॒මායු॑කෝ॒ යජ॑මාන-ස්ස්යාත් . යන්න ගෘ॑හ්ණී॒යාත් . අ॒නා॒ය॒ත॒න-ස්ස්යා᳚ත් . තූ॒ෂ්ණීමේ॒ව න්ය॑ස්යේත් . න ප්ර॒මායු॑කෝ॒ භව॑ති . නානා॑යත॒නඃ . යත්-ත්රීන්-ප॑රි॒ධී-න්ප॑රිද॒ද්ධ්යාත් .. 59 ..

මෘ॒ත්යුනා॒ යජ॑මාන॒-ම්පරි॑ ගෘහ්ණීයාත් . යන්න ප॑රි-ද॒ද්ධ්යාත් . රක්ෂාග්ං॑සි ය॒ජ්ඤග්ං හ॑න්යුඃ . ද්වෞ ප॑රි॒ධී පරි॑දධාති . රක්ෂ॑සා॒-මප॑හත්යෛ . අථෝ॑ මෘ॒ත්යෝරේ॒ව යජ॑මාන॒-මුථ්සෘ॑ජති . ය-ත්ත්රීණි॑ ත්රීණි හ॒වීග්ෂ්යු॑දා॒හරේ॑යුඃ . ත්රය॑ස්ත්රය ඒෂාග්ං සා॒ක-ම්ප්රමී॑යේරන්න් . ඒකෛ॑ක-මනූ॒චීනා᳚-න්යු॒දාහ॑රන්ති . ඒකෛ॑ක ඒ॒වෛෂා॑ම॒න්වඤ්චඃ॒ ප්රමී॑යතේ . ක॒ශිපු॑ කශිප॒ව්යා॑ය . උ॒ප॒බර්හ॑ණ-මුපබර්හ॒ණ්යා॑ය . ආඤ්ජ॑න-මාඤ්ජ॒න්යා॑ය . අ॒භ්යඤ්ජ॑න-මභ්යඤ්ජ॒න්යා॑ය . ය॒ථා॒භා॒ගමේ॒වෛනා᳚-න්ප්රීණාති .. 60 ..

(නි॒රව॑දයතේ - පිතෘ॒මා - න॑ග්නිෂ්වා॒ත්තා - ඒක॒යෝප॑ මන්ථ॒ - ත්යඛා॑තා භවති-මනු॒ෂ්යා॑ණාං - පද්යන්තේ - පරිද॒ද්ධ්යාන් - මී॑යතේ॒ පඤ්ච॑ ච) (අ. 8)

අනුවාකං 9 - තච්ඡේෂඃ

අ॒ග්නයේ॑ දේ॒වේභ්යඃ॑ පි॒තෘභ්යඃ॑ සමි॒ද්ධ්යමා॑නා॒යානු॑බ්රූ॒හීත්යා॑හ .

උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ . ඒකා॒මන්වා॑හ . ඒකා॒ හි පි॑තෘ॒ණාම් . ත්රිරන්වා॑හ . ත්රිර්හි දේ॒වානා᳚ම් . ආ॒ඝා॒රාවාඝා॑රයති . ය॒ජ්ඤ॒ ප॒රුෂෝ॒රන॑න්තරිත්යෛ . නාර්ෂේ॒යං-වෘँ॑ණීතේ . න හෝතා॑රම් .. 61 ..

යදා॑ර්ෂේ॒යං-වෘँ॑ණී॒ත . යද්ධෝතා॑රම් . ප්ර॒මායු॑කෝ॒ යජ॑මාන-ස්ස්යාත් . ප්ර॒මායු॑කෝ॒ හෝතා᳚ . තස්මා॒න්න වෘ॑ණීතේ . යජ॑මානස්ය॒ හෝතු॑-ර්ගෝපී॒ථාය॑ . අප॑බර්හිෂඃ ප්රයා॒ජාන්.-ය॑ජති . ප්ර॒ජා වෛ බ॒ර්॒හිඃ . ප්ර॒ජා ඒ॒ව මෘ॒ත්යෝරුථ්සෘ॑ජති . ආජ්ය॑භාගෞ යජති .. 62 ..

ය॒ජ්ඤස්යෛ॒ව චක්ෂු॑ෂී॒ නාන්තරේ॑ති . ප්රා॒චී॒නා॒වී॒තී සෝමං॑-යँජති . පි॒තෘ॒දේ॒ව॒ත්යා॑ හි . ඒ॒ෂා (අ)(අ)හු॑තිඃ . පඤ්ච॒ කෘත්වෝ-(අ)ව॑ද්යති . පඤ්ච॒ හ්යේ॑තා දේ॒වතාඃ᳚ . ද්වේ පු॑රෝ-(අ)නුවා॒ක්යේ᳚ . යා॒ජ්යා॑ දේ॒වතා॑ වෂට්කා॒රඃ . තා ඒ॒ව ප්රී॑ණාති . සන්ත॑ත॒මව॑ ද්යති .. 63 ..

ඍ॒තූ॒නාග්ං සන්ත॑ත්යෛ . ප්රෛවෛභ්යඃ॒ පූර්ව॑යා පුරෝ-(අ)නුවා॒ක්ය॑යා (අ)(අ)හ . ප්රණ॑යති ද්වි॒තීය॑යා . ග॒මය॑ති යා॒ජ්ය॑යා . තෘ॒තීයේ॒ වා ඉ॒තෝ ලෝ॒කේ පි॒තරඃ॑ . අහ්න॑ ඒ॒වෛනා॒-න්පූර්ව॑යා පුරෝ-(අ)නුවා॒ක්ය॑යා॒ (අ)ත්යාන॑යති . රාත්රි॑යෛ ද්වි॒තීය॑යා . ඓවෛනාන්॑. යා॒ජ්ය॑යා ගමයති . ද॒ක්ෂි॒ණ॒තෝ॑-(අ)ව॒දාය॑ . උද॒ඞ්ඞති॑ ක්රාමති॒ ව්යාවෘ॑ත්ත්යෛ .. 64 ..

ආ ස්ව॒ධේත්යා-ශ්රා॑වයති . අස්තු॑ ස්ව॒ධේති॑ ප්ර॒ත්යාශ්රා॑වයති . ස්ව॒ධා නම॒ ඉති॒ වෂ॑ට්කරෝති . ස්ව॒ධා॒කා॒රෝ හි පි॑තෘ॒ණාම් . සෝම॒මග්රේ॑ යජති . සෝම॑ ප්රයාජා॒ හි පි॒තරඃ॑ . සෝම॑-ම්පිතෘ॒මන්තං॑-යँජති . සං॒වँ॒ථ්ස॒රෝ වෛ සෝමඃ॑ පිතෘ॒මාන් . සං॒වँ॒ථ්ස॒රමේ॒ව ත-ද්ය॑ජති . පි॒තෲන්-බ॑ර්හි॒ෂදෝ॑ යජති .. 65 ..

යේ වෛ යජ්වා॑නඃ . තේ පි॒තරෝ॑ බර්හි॒ෂදඃ॑ . තානේ॒ව ත-ද්ය॑ජති . පි॒තෲන॑ග්නිෂ්වා॒ත්තාන්. ය॑ජති . යේ වා අය॑ජ්වානෝ ගෘහමේ॒ධිනඃ॑ . තේ පි॒තරෝ᳚-(අ)ග්නිෂ්වා॒ත්තාඃ . තානේ॒ව ත-ද්ය॑ජති . අ॒ග්නි-ඞ්ක॑ව්ය॒වාහ॑නං-යँජති . ය ඒ॒ව පි॑තෘ॒ණාම॒ග්නිඃ . තමේ॒ව ත-ද්ය॑ජති .. 66 ..

අථෝ॒ යථා॒-(අ)ග්නිග්ග් ස්වි॑ෂ්ට॒කෘතං॒-යँජ॑ති . තා॒දෘගේ॒ව තත් . ඒ॒තත්තේ॑ තත॒ යේ ච॒ ත්වාමන්විති॑ ති॒සෘෂු॑ ස්ර॒ක්තීෂු॒ නිද॑ධාති . තස්මා॒දා තෘ॒තීයා॒-ත්පුරු॑ෂා॒න්නාම॒ න ගෘ॑හ්ණන්ති . ඒ॒තාව॑න්තෝ॒ හීජ්යන්තේ᳚ . අත්ර॑ පිතරෝ යථාභා॒ග-ම්ම॑න්දද්ධ්ව॒මිත්යා॑හ . හ්ලීකා॒ හි පි॒තරඃ॑ . උද॑ඤ්චෝ॒ නිෂ්ක්රා॑මන්ති . ඒ॒ෂා වෛ ම॑නු॒ෂ්යා॑ණා॒-න්දික් . ස්වාමේ॒ව ත-ද්දිශ॒මනු॒ නිෂ්ක්රා॑මන්ති .. 67 ..

ආ॒හ॒ව॒නීය॒-මුප॑තිෂ්ඨන්තේ . න්යේ॑වාස්මෛ॒ තද්ධ්නු॑වතේ . යථ්ස॒ත්යා॑හව॒නීයේ᳚ . අථා॒න්යත්ර॒ චර॑න්ති . ආතමි॑තෝ॒රුප॑තිෂ්ඨන්තේ . අ॒ග්නිමේ॒වෝප॑ද්ර॒ෂ්ටාර॑-ඞ්කෘ॒ත්වා . පි॒තෲ-න්නි॒රව॑දයන්තේ . අන්තං॒-වාँ ඒ॒තේ ප්රා॒ණානා᳚-ඞ්ගච්ඡන්ති . ය ආතමි॑තෝරුප॒තිෂ්ඨ॑න්තේ . සු॒ස॒න්දෘශ॑-න්ත්වා ව॒යමිත්යා॑හ .. 68 ..

ප්රා॒ණෝ වෛ සු॑ස॒න්දෘක් . ප්රා॒ණමේ॒වාත්මන්-ද॑ධතේ . යෝජා॒ න්වි॑න්ද්ර තේ॒ හරී॒ ඉත්යා॑හ . ප්රා॒ණමේ॒ව පුන॑රයුක්ත . අක්ෂ॒න්නමී॑මදන්ත॒ හීති॒ ගාර්හ॑පත්ය॒-මුප॑තිෂ්ඨන්තේ . අක්ෂ॒න්නමී॑මද॒න්තාථ॒ ත්වෝප॑තිෂ්ඨාමහ॒ ඉති॒ වාවෛතදා॑හ . අමී॑මදන්ත පි॒තරඃ॑ සෝ॒ම්යා ඉත්ය॒භි ප්රප॑ද්යන්තේ . අමී॑මදන්ත පි॒තරෝ-(අ)ථ॑ ත්වා॒-(අ)භි ප්රප॑ද්යාමහ॒ ඉති॒ වාවෛතදා॑හ . අ॒පඃ පරි॑ෂිඤ්චති . මා॒ර්ජය॑ත්යේ॒වෛනාන්॑ .. 69 ..

අථෝ॑ ත॒ර්පය॑ත්යේ॒ව . තෘප්ය॑ති ප්ර॒ජයා॑ ප॒ශුභිඃ॑ . ය ඒ॒වං-වේँද॑ . අප॑ බර්හිෂාවනූයා॒ජෞ ය॑ජති . ප්ර॒ජා වෛ බ॒ර්॒හිඃ . ප්ර॒ජා ඒ॒ව මෘ॒ත්යෝරුථ්සෘ॑ජති . ච॒තුරඃ॑ ප්රයා॒ජාන්. ය॑ජති . ද්වාව॑නූයා॒ජෞ . ෂට්ථ්සම්ප॑ද්යන්තේ . ෂඩ්වා ඍ॒තවඃ॑ .. 70 ..

ඍ॒තූනේ॒ව ප්රී॑ණාති . න පත්න්යන්වා᳚ස්තේ . න සංයාँ॑ජයන්ති . යත්පත්න්ය॒න්වාසී॑ත . යථ්සං॑යාँ॒ජයේ॑යුඃ . ප්ර॒මායු॑කා ස්යාත් . තස්මා॒න්නාන්වා᳚ස්තේ . න සංයාँ॑ජයන්ති . පත්නි॑යෛ ගෝපී॒ථාය॑ .. 71 ..

(හෝතා॑ර॒ - මාජ්ය॑භාගෞ යජති॒ - සන්ත॑ත॒මව॑ද්යති॒ - ව්යාවෘ॑ත්ත්යෛ - බර්හි॒ෂදෝ॑ යජති॒ - තමේ॒ව ත-ද්ය॑ජ॒- ත්යනු॒ නිෂ්ක්රා॑මන්ත්යා - හෛ - නාන් - ඍ॒තවෝ॒ - +නව॑ ච) (අ. 9)

අනුවාකං 10 - ත්ර්යම්බකහවීංෂි

ප්ර॒ති॒පූ॒රු॒ෂමේක॑කපාලා॒-න්නිර්ව॑පති . ජා॒තා ඒ॒ව ප්ර॒ජා රු॒ද්රාන්නි॒රව॑දයතේ . ඒක॒මති॑රික්තම් . ජ॒නි॒ෂ්යමා॑ණා ඒ॒ව ප්ර॒ජා රු॒ද්රාන්නි॒රව॑දයතේ . ඒක॑කපාලා භවන්ති . ඒ॒ක॒ධෛව රු॒ද්ර-න්නි॒රව॑දයතේ . නාභිඝා॑රයති . යද॑භිඝා॒රයේ᳚ත් . අ॒න්ත॒ර॒ව॒චා॒රිණග්ං॑ රු॒ද්ර-ඞ්කු॑ර්යාත් . ඒ॒කෝ॒ල්මු॒කේන॑ යන්ති .. 72 ..

තද්ධි රු॒ද්රස්ය॑ භාග॒ධේය᳚ම් . ඉ॒මා-න්දිශං॑-යँන්ති . ඒ॒ෂා වෛ රු॒ද්රස්ය॒ දික් . ස්වායා॑මේ॒ව දි॒ශි රු॒ද්ර-න්නි॒රව॑දයතේ . රු॒ද්රෝ වා අ॑ප॒ශුකා॑යා॒ ආහු॑ත්යෛ॒ නාති॑ෂ්ඨත . අ॒සෞ තේ॑ ප॒ශුරිති॒ නිර්දි॑ශේ॒ද්ය-න්ද්වි॒ෂ්යාත් . යමේ॒ව ද්වේෂ්ටි॑ . තම॑ස්මෛ ප॒ශු-න්නිර්දි॑ශති . යදි॒ න ද්වි॒ෂ්යාත් . ආ॒ඛුස්තේ॑ ප॒ශුරිති॑ බ්රූයාත් .. 73 ..

න ග්රා॒ම්යා-න්ප॒ශූන්. හි॒නස්ති॑ . නාර॒ණ්යාන් . ච॒තු॒ෂ්ප॒ථේ ජු॑හෝති . ඒ॒ෂ වා අ॑ග්නී॒නා-ම්පඩ්බී॑ශෝ॒ නාම॑ . අ॒ග්නි॒වත්යේ॒ව ජු॑හෝති . ම॒ද්ධ්ය॒මේන॑ ප॒ර්ණේන॑ ජුහෝති . ස්රුග්ඝ්යේ॑ෂා . අථෝ॒ ඛලු॑ . අ॒න්ත॒මේනෛ॒ව හෝ॑ත॒ව්ය᳚ම් . අ॒න්ත॒ත ඒ॒ව රු॒ද්ර-න්නි॒රව॑දයතේ .. 74 ..

ඒ॒ෂ තේ॑ රුද්ර භා॒ග-ස්ස॒හ ස්වස්රා-(අ)ම්බි॑ක॒යේත්යා॑හ . ශ॒රද්වා අ॒ස්යාම්බි॑කා॒ ස්වසා᳚ . තයා॒ වා ඒ॒ෂ හි॑නස්ති . යග්ං හි॒නස්ති॑ . තයෛ॒වෛනග්ං॑ ස॒හ ශ॑මයති . භේ॒ෂ॒ජ-ඞ්ගව॒ ඉත්යා॑හ . යාව॑න්ත ඒ॒ව ග්රා॒ම්යාඃ ප॒ශවඃ॑ . තේභ්යෝ॑ භේෂ॒ජ-ඞ්ක॑රෝති . අවා᳚ම්බ රු॒ද්රම॑දිම॒හීත්යා॑හ . ආ॒ශිෂ॑මේ॒වෛතාමාශා᳚ස්තේ .. 75 ..

ත්ර්ය॑ම්බකං-යँජාමහ॒ ඉත්යා॑හ . මෘ॒ත්යෝ-ර්මු॑ක්ෂීය॒ මා (අ)මෘතා॒දිති॒ වාවෛතදා॑හ . උත්කි॑රන්ති . භග॑ස්ය ලීඵ්සන්තේ . මූතේ॑ කෘ॒ත්වා-(අ)(අ)ස॑ජන්ති . යථා॒ ජනං॑-යँ॒තේ॑-(අ)ව॒ස-ඞ්ක॒රෝති॑ . තා॒දෘගේ॒වතත් . ඒ॒ෂ තේ॑ රුද්ර භා॒ග ඉත්යා॑හ නි॒රව॑ත්ත්යෛ . අප්ර॑තීක්ෂ॒මාය॑න්ති . අ॒පඃ පරි॑ෂිඤ්චති . රු॒ද්රස්යා॒න්තර්හි॑ත්යෛ . ප්ර වා ඒ॒තේ᳚-(අ)ස්මා-ල්ලෝ॒කාච්ච්ය॑වන්තේ . යේ ත්ර්ය॑ම්බකෛ॒ශ්චර॑න්ති . ආ॒දි॒ත්ය-ඤ්ච॒රු-ම්පුන॒රේත්ය॒ නිර්ව॑පති . ඉ॒යං-වාँ අදි॑තිඃ . අ॒ස්යාමේ॒ව ප්රති॑ තිෂ්ඨන්ති .. 76 ..

(ය॒න්ති॒ - බ්රූ॒යා॒න් - නි॒රව॑දයතේ - ශාස්තේ - සිඤ්චති॒ ෂට්ච॑) (අ. 10)

(අනු॑මත්යෛ - වෛශ්වදේ॒වේන॒ තා-ස්සෘ॒ෂ්ටා - ස්ත්රි॒වෘත් - ප්ර॒ජාප॑ති-ස්සවි॒ - තෝත්ත॑රස්යාං - දේවාසු॒රා-ස්සෝ᳚-(අ)ග්නි--ර් ය-ත්පත්නී॑ -වෛශ්වදේ॒වේන॒ තා ව॑රුණප්රඝා॒සෛ - ර॒ග්නයේ॑ දේ॒වේභ්යඃ॑ - ප්රතිපූරු॒ෂ-න්දශ॑)

(අනු॑මත්යෛ - ප්රථම॒ජෝ ව॒ථ්සෝ - බ॑හුරූ॒පා හි ප॒ශව॒ - ස්තස්මා᳚-ත්පෘථමා॒ත්රං - ँයද॒ග්නයේ-(අ)නී॑කවත - උද්ධා॒රං-වාँ - අ॒ග්නයේ॑ දේ॒වේභ්ය॑ - ඍ॒තූනේ॒ව ෂට්ථ්ස॑ප්තතිඃ)

(අනු॑මත්යෛ॒ - ප්රති॑ තිෂ්ඨන්ති)

.. හරිඃ॑ ඕම් ..

.. කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ෂෂ්ඨඃ ප්රපාඨක-ස්සමාප්තඃ ..

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake ṣaṣṭhaḥ prapāṭhakaḥ - rājasūyānubrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - anumatyādyā iṣṭayaḥ

anṷmatyai puro॒ḍāśa̭-ma॒ṣṭāka̭pāla॒-nnirva̭pati | ye pra॒tyañca॒-śśamyā̭yā ava॒śīya̭nte | tannair̭ṛ॒ta-meka̭kapālam | i॒yaṃ-vā~ anṷmatiḥ | i॒ya-nnir-ṛ̭tiḥ | nai॒r॒ṛ॒tena॒ pūrvḙṇa॒ praca̭rati | pā॒pmāna̭me॒va nir-ṛ̭ti॒-mpūrvā᳚-nni॒rava̭dayate | eka̭ kapālo bhavati | e॒ka॒dhaiva nir-ṛ̭ti-nni॒rava̭dayate | yadahṷtvā॒ gārha̭patya ī॒yuḥ || 1 ||

ru॒dro bhū॒tvā-'gnira̭nū॒tthāya̭ | a॒ddhva॒ryu-ñca॒ yaja̭māna-ñca hanyāt | vīhi॒ svāhā ''hṷti-ñjuṣā॒ṇa ityā̭ha | āhṷtyai॒vainagṃ̭ śamayati | nārti॒mārccha̭-tyaddhva॒ryurna yaja̭mānaḥ | e॒ko॒lmu॒kena̭ yanti | taddhi nir-ṛ̭tyai bhāga॒dheya᳚m | i॒mā-ndiśaṃ̭-ya~nti | e॒ṣā vai nir-ṛ̭tyai॒ dik | svāyā̭me॒va di॒śi nir-ṛ̭ti-nni॒rava̭dayate || 2 ||

svakṛ̭ta॒ iri̭ṇe juhoti prada॒re vā᳚ | e॒tadvai nir-ṛ̭tyā ā॒yata̭nam | sva e॒vāyata̭ne॒ nir-ṛ̭ti-nni॒rava̭dayate | e॒ṣa tḙ nir-ṛte bhā॒ga ityā̭ha | nirdi̭śatye॒vainā᳚m | bhūtḙ ha॒viṣma̭tya॒sītyā̭ha | bhūti̭me॒vopāva̭rtate | mu॒ñcemamagṃha̭sa॒ ityā̭ha | agṃha̭sa e॒vaina̭-mmuñcati | a॒ṅgu॒ṣṭhābhyā᳚-ñjuhoti || 3 ||

a॒nta॒ta e॒va nir-ṛ̭ti-nni॒rava̭dayate | kṛ॒ṣṇaṃ-vā~saḥ̭ kṛ॒ṣṇatṷ̄ṣa॒-ndakṣi̭ṇā | e॒ta-dvai nir-ṛ̭tyai rū॒pam | rū॒peṇai॒va nir-ṛ̭ti-nni॒rava̭dayate | apra̭tīkṣa॒māya̭nti | nir-ṛ̭tyā a॒ntarhi̭tyai | svāhā॒ namo॒ ya i॒da-ñca॒kāreti॒ puna॒retya॒ gārha̭patye juhoti | āhṷtyai॒va na̭ma॒syanto॒ gārha̭patya-mu॒pāva̭rtante | ā॒nu॒ma॒tena॒ praca̭rati | i॒yaṃ-vā~ anṷmatiḥ || 4 ||

i॒yame॒vāsmai̭ rā॒jyamanṷmanyate | dhe॒nu-rdakṣi̭ṇā | i॒māme॒va dhe॒nu-ṅkṷrute | ā॒di॒tya-ñca॒ru-nnirva̭pati | u॒bhayī᳚ṣve॒va pra॒jāsva॒bhiṣi̭cyate | daivī̭ṣu ca॒ mānṷṣīṣu ca | varo॒ dakṣi̭ṇā | varo॒ hi rā॒jyagṃ samṛ̭ddhyai | ā॒gnā॒vai॒ṣṇa॒va-mekā̭daśakapāla॒-nnirva̭pati | a॒gni-ssarvā̭ de॒vatāḥ᳚ || 5 ||

viṣṇṷrya॒jñaḥ | de॒vatā᳚ścai॒va ya॒jña-ñcāva̭ rundhe | vā॒ma॒no va॒hī dakṣi̭ṇā | ya-dva॒hī | tenā᳚gne॒yaḥ | ya-dvā̭ma॒naḥ | tena̭ vaiṣṇa॒va-ssamṛ̭ddhyai | a॒gnī॒ṣo॒mīya॒-mekā̭daśakapāla॒-nnirva̭pati | a॒gnīṣomā᳚bhyāṃ॒-vā~ indro̭ vṛ॒trama̭ha॒nniti̭ | yada̭gnīṣo॒mīya॒-mekā̭daśakapāla-nni॒rvapa̭ti || 6 ||

vārtra̭ghname॒va viji̭tyai | hira̭ṇya॒-ndakṣi̭ṇā॒ samṛ̭ddhyai | indro̭ vṛ॒tragṃ ha॒tvā | de॒vatā̭bhiścendri॒yeṇa̭ ca॒ vyā᳚rdhyata | sa e॒tamai᳚ndrā॒gna-mekā̭daśakapāla-mapaśyat | tannira̭vapat | tena॒ vai sa de॒vatā᳚ścendri॒ya-ñcāvā̭rundha | yadai᳚ndrā॒gna-mekā̭daśakapāla-nni॒rvapa̭ti | de॒vatā᳚ścai॒va tene᳚ndri॒ya-ñca॒ yaja̭mā॒no-'va̭ rundhe | ṛ॒ṣa॒bho va॒hī dakṣi̭ṇā || 7 ||

ya-dva॒hī | tenā᳚gne॒yaḥ | yadṛ̭ṣa॒bhaḥ | tenai॒ndra-ssamṛ̭ddhyai | ā॒gne॒yama॒ṣṭāka̭pāla॒-nnirva̭pati | ai॒ndra-ndadhi̭ | yadā᳚gne॒yo bhava̭ti | a॒gnirvai ya̭jñamu॒kham | ya॒jña॒mu॒khame॒vardhi̭-mpu॒rāstā᳚ddhatte | yadai॒ndra-ndadhi̭ || 8 ||

i॒ndri॒yame॒vāva̭ rundhe | ṛ॒ṣa॒bho va॒hī dakṣi̭ṇā | yadva॒hī | tenā᳚gne॒yaḥ | yadṛ̭ṣa॒bhaḥ | tenai॒ndra-ssamṛ̭ddhyai | yāva̭tī॒rvai pra॒jā oṣa̭dhīnā॒-mahṷtānā॒-māśñanṋ | tāḥ parā̭-'bhavann | ā॒gra॒ya॒ṇa-mbha̭vati hu॒tādyā̭ya | yaja̭māna॒syāpa̭rābhāvāya || 9 ||

de॒vā vā oṣa̭dhīṣvā॒jima̭yuḥ | tā i̭ndrā॒gnī uda̭jayatām | tāve॒tamai᳚ndrā॒gna-ndvāda̭śakapāla॒-nnira̭vṛṇātām | yadai᳚ndrā॒gno bhava॒tyujji̭tyai | dvāda̭śakapālo bhavati | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒reṇai॒vāsmā॒ anna॒mava̭rundhe | vai॒śva॒de॒vaśca॒ru-rbha̭vati | vai॒śva॒de॒vaṃ-vā~ anna᳚m | anna̭me॒vāsmai᳚ svadayati || 10 ||

pra॒tha॒ma॒jo va॒thso dakṣi̭ṇā॒ samṛ̭ddhyai | sau॒myagg śyā̭mā॒ka-ñca॒ru-nnirva̭pati | somo॒ vā a̭kṛṣṭapa॒cyasya॒ rājā᳚ | a॒kṛ॒ṣṭa॒pa॒cyame॒vāsmai᳚ svadayati | vāso॒ dakṣi̭ṇā | sau॒myagṃhi de॒vata̭yā॒ vāsa॒-ssamṛ̭ddhyai | sara̭svatyai ca॒ru-nnirva̭pati | sara̭svate ca॒rum | mi॒thu॒name॒vāva̭ rundhe | mi॒thu॒nau gāvau॒ dakṣi̭ṇā॒ samṛ̭ddhyai | eti॒ vā e॒ṣa ya̭jñamu॒khādṛddhyāḥ᳚ | yo᳚-'gnerde॒vatā̭yā॒ eti̭ | a॒ṣṭāve॒tāni̭ ha॒vīgṃṣi̭ bhavanti | a॒ṣṭākṣa̭rā gāya॒trī | gā॒ya॒tro᳚-'gniḥ | tenai॒va ya̭jñamu॒khādṛddhyā̭ a॒gnerde॒vatā̭yai॒ naiti̭ || 11 ||

(ī॒yu--r ni॒rava̭dayate - 'ṅgu॒ṣṭhābhyā᳚-ñjuho॒ - tyanṷmati--r de॒vatā̭ - ni॒rvapa̭ti - va॒hī dakṣi̭ṇā॒ - yadai॒ndra-nda - dhyapa̭rābhāvāya - svadayati॒ - gāvau॒ dakṣi̭ṇā॒ samṛ̭ddhyai॒ ṣaṭca̭) (a. 1)

anuvākaṃ 2 - cāturmāsye vaiśvadevahavīṃṣi

vai॒śva॒de॒vena॒ vai pra॒jāpa̭tiḥ pra॒jā a̭sṛjata | tā-ssṛ॒ṣṭā na prājā̭yanta | so᳚-'gnira̭kāmayata | a॒hami॒māḥ praja̭nayeya॒miti̭ | sa pra॒jāpa̭taye॒ śuca̭madadhāt | so̭-'śocat-pra॒jāmi॒cchamā̭naḥ | tasmā॒dya-ñca̭ pra॒jā bhu॒nakti॒ ya-ñca॒ na | tāvu॒bhau śo̭cataḥ pra॒jāmi॒cchamā̭nau | tāsva॒gnimapya̭ sṛjat | tā a॒gniraddhyai᳚t || 12 ||

somo॒ reto̭-'dadhāt | sa॒vi॒tā prāja̭nayat | sara̭svatī॒ vāca̭madadhāt | pū॒ṣā 'po̭ṣayat | te vā e॒te tri-ssaṃ̭va~thsa॒rasya॒ prayṷjyante | ye de॒vāḥ puṣṭi̭patayaḥ | saṃ॒va~॒thsa॒ro vai pra॒jāpa̭tiḥ | saṃ॒va~॒thsa॒reṇai॒vāsmai᳚ pra॒jāḥ prāja̭nayat | tāḥ pra॒jā jā॒tā ma॒ruto᳚ ghnann | a॒smānapi॒ na prāyṷkṣa॒teti̭ || 13 ||

sa e॒ta-mpra॒jāpa̭tirmāru॒tagṃ sa॒ptaka̭pāla-mapaśyat | ta-nnira̭vapat | tato॒ vai pra॒jābhyo̭kalpata | yanmā̭ru॒to ni̭ru॒pyate᳚ | ya॒jñasya॒ klṛptyai᳚ | pra॒jānā॒-maghā̭tāya | sa॒ptaka̭pālo bhavati | sa॒ptaga̭ṇā॒ vai ma॒rutaḥ̭ | ga॒ṇa॒śa e॒vāsmai॒ viśa̭-ṅkalpayati | sa pra॒jāpa̭ti-raśocat || 14 ||

yāḥ pūrvāḥ᳚ pra॒jā asṛ̭kṣi | ma॒ruta॒stā a̭vadhiṣuḥ | ka॒thamapa̭rā-ssṛje॒yeti̭ | tasya॒ śuṣma̭ ā॒ṇḍa-mbhū॒ta-nnira̭vartata | tadvyuda̭harat | tada̭poṣayat | ta-tprājā̭yata | ā॒ṇḍasya॒ vā e॒ta-drū॒pam | yadā॒mikṣā᳚ | yadvyu॒ddhara̭ti || 15 ||

pra॒jā e॒va ta-dyaja̭mānaḥ poṣayati | vai॒śva॒de॒vyā̭mikṣā̭ bhavati | vai॒śva॒de॒vyo̭ vai pra॒jāḥ | pra॒jā e॒vāsmai॒ praja̭nayati | vāji̭na॒māna̭yati | pra॒jāsve॒va prajā̭tāsu॒ reto̭ dadhāti | dyā॒vā॒pṛ॒thi॒vya̭ eka̭kapālo bhavati | pra॒jā e॒va prajā̭tā॒ dyāvā̭pṛthi॒vībhyā̭-mubha॒yataḥ॒ pari̭ gṛhṇāti | de॒vā॒su॒rā-ssaṃya~̭ttā āsann | sā᳚-'gnira̭bravīt || 16 ||

māmagrḙ yajata | mayā॒ mukhe॒nāsṷrā-ñjeṣya॒theti̭ | mā-ndvi॒tīya॒miti॒ somo᳚-'bravīt | mayā॒ rājñā̭ jeṣya॒theti̭ | mā-ntṛ॒tīya॒miti̭ savi॒tā | mayā॒ prasṷ̄tā jeṣya॒theti̭ | mā-ñca̭tu॒rthīmiti॒ sara̭svatī | i॒ndri॒yaṃ-vo~॒-'ha-ndhā᳚syā॒mīti̭ | mā-mpa̭ñca॒mamiti̭ pū॒ṣā | mayā᳚ prati॒ṣṭhayā̭ jeṣya॒theti̭ || 17 ||

te᳚-'gninā॒ mukhe॒nāsṷrānajayann | somḙna॒ rājñā᳚ | sa॒vi॒trā prasṷ̄tāḥ | sara̭svatīndri॒ya-ma̭dadhāt | pū॒ṣā pra̭ti॒ṣṭhā ''sī᳚t | tato॒ vai de॒vā vya̭jayanta | yade॒tāni̭ ha॒vīgṃṣi̭ niru॒pyante॒ viji̭tyai | notta̭rave॒dimupa̭- vapati | pa॒śavo॒ vā ṷttarave॒diḥ | ajā̭tā iva॒ hyḙtarhi̭ pa॒śavaḥ̭ || 18 ||

(ai॒-d- itya̭ - śoca-d- vyu॒ddhara̭ - tyabravīt - prati॒ṣṭhayā̭ jeṣya॒the ॒ tye॒taraḥi̭ pa॒śavaḥ̭) (a. 2)

anuvākaṃ 3 - vaiśvadevapargatāni viśveṣāṅgāni

tri॒vṛ-dba॒r॒hi-rbha̭vati | mā॒tā pi॒tā pu॒traḥ | tade॒va ta-nmi̭thu॒nam | ulba॒-ṅgarbho̭ ja॒rāyṷ | tade॒va ta-nmi̭thu॒nam | tre॒dhā ba॒r॒hi-ssanna̭ddha-mbhavati | traya̭ i॒me lo॒kāḥ | e॒ṣvḙva lo॒keṣu॒ prati̭ tiṣṭhati | e॒ka॒dhā puna॒-ssanna̭ddha-mbhavati | eka̭ iva॒ hya̭yaṃ-lo~॒kaḥ || 19 ||

a॒sminne॒va tena̭ lo॒ke prati̭ tiṣṭhati | pra॒suvo̭ bhavanti | pra॒tha॒ma॒jāme॒va puṣṭi॒mava̭ rundhe | pra॒tha॒ma॒jo va॒thso dakṣi̭ṇā॒ samṛ̭ddhyai | pṛ॒ṣa॒dā॒jya-ṅgṛ̭hṇāti | pa॒śavo॒ vai pṛ̭ṣadā॒jyam | pa॒śūne॒vāva̭ rundhe | pa॒ñca॒gṛ॒hī॒ta-mbha̭vati | pāṅktā॒ hi pa॒śavaḥ̭ | ba॒hu॒rū॒pa-mbha̭vati || 20 ||

ba॒hu॒rū॒pā hi pa॒śava॒-ssamṛ̭ddhyai | a॒gni-mma̭nthanti | a॒gnimṷkhā॒ vai pra॒jāpa̭tiḥ pra॒jā a̭sṛjata | yada॒gni-mmantha̭nti | a॒gnimṷkhā e॒va ta-tpra॒jā yaja̭māna-ssṛjate | nava̭ prayā॒jā i̭jyante | navā̭nūyā॒jāḥ | a॒ṣṭau ha॒vīgṃṣi̭ | dvāvā̭ghā॒rau | dvāvājya̭bhāgau || 21 ||

tri॒gṃ॒śa-thsampa̭dyante | tri॒gṃ॒śada̭kṣarā vi॒rāṭ | annaṃ̭-vi~॒rāṭ | vi॒rājai॒vānnādya॒mava̭ rundhe | yaja̭māno॒ vā eka̭kapālaḥ | teja॒ ājya᳚m | yadeka̭kapāla॒ ājya̭mā॒naya̭ti | yaja̭māname॒va teja̭sā॒ sama̭rdhayati | yaja̭māno॒ vā eka̭kapālaḥ | pa॒śava॒ ājya᳚m || 22 ||

yadeka̭kapāla॒ ājya̭mā॒naya̭ti | yaja̭māname॒va pa॒śubhi॒-ssama̭rdhayati | yadalpa̭mā॒naye᳚t | alpā̭ ena-mpa॒śavo̭ bhu॒ñjanta॒ upa̭tiṣṭherann | ya-dba॒hvā̭naye᳚t | ba॒hava̭ ena-mpa॒śavo bhṷñjanta॒ upa̭tiṣṭherann | ba॒hvā̭nīyā॒viḥ pṛ̭ṣṭha-ṅkuryāt | ba॒hava̭ e॒vaina̭-mpa॒śavo̭ bhu॒ñjanta॒ upa̭tiṣṭhante | yaja̭māno॒ vā eka̭kapālaḥ | yadeka̭kapālasyāva॒dyet || 23 ||

yaja̭māna॒syāva̭dyet | udvā॒ mādye॒-dyaja̭mānaḥ | pra vā̭ mīyeta | sa॒kṛde॒va ho̭ta॒vyaḥ̭ | sa॒kṛdi̭va॒ hi sṷva॒rgo lo॒kaḥ | hu॒tvā-'bhi jṷhoti | yaja̭māname॒va sṷva॒rgaṃ-lo~॒ka-ṅga̭mayi॒tvā | teja̭sā॒ sama̭rdhayati | yaja̭māno॒ vā eka̭kapālaḥ | su॒va॒rgo lo॒ka ā̭hava॒nīyaḥ̭ || 24 ||

yadeka̭kapāla-māhava॒nīyḙ ju॒hoti̭ | yaja̭māname॒va sṷva॒rgaṃ-lo~॒ka-ṅga̭mayati | yaddhastḙna juhu॒yāt | su॒va॒rgā-llo॒kā-dyaja̭māna॒-mava̭viddhyet | sru॒cā jṷhoti | su॒va॒rgasya̭ lo॒kasya॒ sama̭ṣṭyai | ya-tprāmpadyḙta | de॒va॒lo॒kama॒bhi ja̭yet | ya-dda̭kṣi॒ṇā pi̭tṛlo॒kam | ya-tpra॒tyak || 25 ||

rakṣāgṃ̭si ya॒jñagṃ ha̭nyuḥ | yadudaṅṋ̇ | ma॒nu॒ṣya॒lo॒ka-ma॒bhija̭yet | prati̭ṣṭhito hota॒vyaḥ̭ | eka̭kapālaṃ॒-vai~ pra̭ti॒tiṣṭha̭nta॒-ndyāvā̭pṛthi॒vī anu॒ prati̭tiṣṭhataḥ | dyāvā̭pṛthi॒vī ṛ॒tavaḥ̭ | ṛ॒tūn. ya॒jñaḥ | ya॒jñaṃ-ya~ja̭mānaḥ | yaja̭māna-mpra॒jāḥ | tasmā॒t-prati̭ṣṭhito hota॒vyaḥ̭ || 26 ||

vā॒jino̭ yajati | a॒gnirvā॒yu-ssūryaḥ̭ | te vai vā॒jinaḥ̭ | tāne॒va ta-dya̭jati | atho॒ khalvā̭huḥ | chandāgṃ̭si॒ vai vā॒jina॒ iti̭ | tānye॒va ta-dya̭jati | ṛ॒khsā॒me vā indra̭sya॒ harī̭ soma॒pānau᳚ | tayoḥ᳚ pari॒dhaya̭ ā॒dhāna᳚m | vāji̭na-mbhāga॒dheya᳚m || 27 ||

yadapra̭hṛtya pari॒dhīñjṷhu॒yāt | a॒ntarā̭dhānābhyā-ṅghā॒sa-mpraya̭cchet | pra॒hṛtya̭ pari॒dhīñjṷhoti | nirā̭dhānābhyāme॒va ghā॒sa-mpraya̭cchati | ba॒r॒hiṣi̭ viṣi॒ñcanvāji̭na॒-māna̭yati | pra॒jā vai ba॒ra॒ḥiḥ | reto॒ vāji̭nam | pra॒jāsve॒va reto̭ dadhāti | sa॒mu॒pa॒hūya̭ bhakṣayanti | e॒ta-thso̭mapīthā॒ hyḙte | atho̭ ā॒tmanne॒va reto̭ dadhate | yaja̭māna utta॒mo bha̭kṣayati | pa॒śavo॒ vai vāji̭nam | yaja̭māna e॒va pa॒śū-nprati̭ṣṭhāpayanti || 28 ||

(lo॒ko - ba̭hurū॒pa-mbha̭va॒ - tyājya̭bhāgau - pa॒śava॒ ājya̭ - mava॒dye - dā̭hava॒nīyaḥ̭ - pra॒tyak - tasmā॒-tprati̭ṣṭhito hota॒vyo̭ - bhāga॒dheya̭ - me॒te ca॒tvāri̭ ca) (a. 3)

anuvākaṃ 4 - varuṇapraghāsāḥ

pra॒jāpa̭ti-ssavi॒tā bhū॒tvā pra॒jā a̭sṛjata | tā ḙna॒matya̭manyanta | tā a̭smā॒dapā᳚krāmann | tā varṷṇo bhū॒tvā pra॒jā varṷṇenāgrāhayat | tāḥ pra॒jā varṷṇagṛhītāḥ | pra॒jāpa̭ti॒-mpuna॒rupā̭dhāvannā॒tha-mi॒cchamā̭nāḥ | sa e॒tān-pra॒jāpa̭ti-rvaruṇa praghā॒sāna̭paśyat | tānnira̭vapat | tairvai sa pra॒jā va̭ruṇa-pā॒śāda̭muñcat | ya-dva̭ruṇa-praghā॒sā ni̭ru॒pyante᳚ || 29 ||

pra॒jānā॒mava̭ruṇagrāhāya | tāsā॒-ndakṣi̭ṇo bā॒hu-rnya̭kna॒ āsī᳚t | sa॒vyaḥ prasṛ̭taḥ | sa e॒tā-ndvi॒tīyā᳚-ndakṣiṇa॒to vedi॒muda̭hann | tato॒ vai sa pra॒jānā॒-ndakṣi̭ṇa-mbā॒hu-mprāsā̭rayat | ya-ddvi॒tīyā᳚-ndakṣiṇa॒to vedi̭mu॒ddhanti̭ | pra॒jānā̭me॒va ta-dyaja̭māno॒ dakṣi̭ṇa-mbā॒hu-mprasā̭rayati | tasmā᳚ccāturmāsyayā॒jya̭muṣmi̭n ~lo॒ka ṷbha॒yābā̭huḥ | ya॒jñābhi̭jita॒gg॒ hya̭sya | pṛ॒tha॒mā॒trā-dvedī॒ asa̭bhinnne bhavataḥ || 30 ||

tasmā᳚t-pṛthamā॒traṃ-vya~gṃsau᳚ | utta̭rasyāṃ॒-ve~dyā̭muttarave॒dimupa̭ vapati | pa॒śavo॒ vā ṷttarave॒diḥ | pa॒śūne॒vāva̭ rundhe | atho̭ yajñapa॒ruṣo-'na̭ntarityai | e॒ta-dbrā᳚hmaṇānye॒va pañca̭ ha॒vīgṃṣi̭ | athai॒ṣa ai᳚ndrā॒gno bha̭vati | prā॒ṇā॒pā॒nau vā e॒tau de॒vānā᳚m | yadi̭ndrā॒gnī | yadai᳚ndrā॒gno bhava̭ti || 31 ||

prā॒ṇā॒pā॒nāve॒vāva̭ rundhe | ojo॒ balaṃ॒-vā~ e॒tau de॒vānā᳚m | yadi̭ndrā॒gnī | yadai᳚ndrā॒gno bhava̭ti | ojo॒ bala̭me॒vāva̭ rundhe | mā॒ru॒tyā̭mikṣā̭ bhavati | vā॒ru॒ṇyā̭mikṣā᳚ | me॒ṣī ca̭ me॒ṣaśca̭ bhavataḥ | mi॒thu॒nā e॒va pra॒jā va̭ruṇapā॒śā-nmṷñcati | lo॒ma॒śau bha̭vato meddhya॒tvāya̭ || 32 ||

śa॒mī॒pa॒rṇānyupa̭ vapati | ghā॒same॒vābhyā॒mapi̭ yacchati | pra॒jāpa̭tima॒nnādya॒-nnopā̭namat | sa e॒tena̭ śa॒teddhmḙna ha॒viṣā॒ 'nnādya॒ma-vā̭rundha | ya-tpa̭ra-śśa॒tāni̭ śamīpa॒rṇāni॒ bhava̭nti | a॒nnādya॒syāva̭-ruddhyai | sau॒myāni॒ vai ka॒rīrā̭ṇi | sau॒myā khalu॒ vā āhṷti-rdi॒vo vṛṣṭi̭-ñcyāvayati | yat-ka॒rīrā̭ṇi॒ bhava̭nti | sau॒myayai॒vāhṷtyā di॒vo vṛṣṭi॒mava̭ rundhe | kā॒ya eka̭kapālo bhavati | pra॒jānā᳚-ṅka॒tvāṃya~̭ | pra॒ti॒pū॒ru॒ṣa-ṅka̭rambha pā॒trāṇi̭ bhavanti | jā॒tā e॒va pra॒jā va̭ruṇapā॒śā-nmṷñcati | eka॒-mati̭riktam | ja॒ni॒ṣyamā̭ṇā e॒va pra॒jā va̭ruṇapā॒śā-nmṷñcati || 33 ||

(ni॒ru॒pyantḙ- bhavato॒ - bhava̭ti - meddhya॒tvāya̭ - rundhe॒ ṣaṭca̭) (a. 4)

anuvākaṃ 5 - taccheṣaḥ

utta̭rasyāṃ॒-ve~dyā̭ma॒nyāni̭ ha॒vīgṃṣi̭ sādayati | dakṣi̭ṇāyā-mmāru॒tīm | a॒pa॒dhu॒rame॒vainā̭ yunakti | atho॒ oja̭ e॒vāsā॒mava̭harati | tasmā॒-dbrahma̭ṇaśca kṣa॒trācca॒ viśo᳚-'nyato-'pakra॒miṇīḥ᳚ | mā॒ru॒tyā pūrva̭yā॒ praca̭rati | anṛ̭tame॒vāva̭ yajate | vā॒ru॒ṇyotta̭rayā | a॒nta॒ta e॒va varṷṇa॒mava̭-yajate | yade॒vāddhva॒ryuḥ ka॒roti̭ || 34 ||

ta-tpra̭tiprasthā॒tā ka̭roti | tasmā॒-dyacchreyā᳚n-ka॒roti̭ | ta-tpāpī̭yān-karoti | patnīṃ᳚ ~vācayati | meddhyā̭me॒vainā᳚-ṅkaroti | atho॒ tapa̭ e॒vainā॒mupa̭ nayati | yajjā॒ragṃ santa॒-nna pra̭brū॒yāt | pri॒ya-ñjñā॒tigṃ rṷndhyāt | a॒sau mḙ jā॒ra iti॒ nirdi̭śet | ni॒rdiśyai॒vainaṃ̭-va~ruṇapā॒śena̭ grāhayati || 35 ||

pra॒ghā॒syāṋ. havāmaha॒ iti॒ patnī̭-mu॒dāna̭yati | ahva̭tai॒vainā᳚m | yat-patnī̭ puronuvā॒kyā̭manu brū॒yāt | nirvī᳚ryo॒ yaja̭māna-ssyāt | yaja̭mā॒no 'nvā̭ha | ā॒tmanne॒va vī॒rya̭-ndhatte | u॒bhau yā॒jyāgṃ̭ savīrya॒tvāya̭ | yadgrāme॒ yadara̭ṇya॒ ityā̭ha | ya॒tho॒di॒tame॒va varṷṇa॒mava̭ yajate | ya॒ja॒mā॒na॒de॒va॒tyo̭ vā ā̭hava॒nīyaḥ̭ || 36 ||

bhrā॒tṛ॒vya॒ de॒va॒tyo̭ dakṣi̭ṇaḥ | yadā̭hava॒nīyḙ juhu॒yāt | yaja̭mānaṃ-va~ruṇapā॒śena̭ grāhayet | dakṣi̭ṇe॒ 'gnau jṷhoti | bhrātṛ̭vyame॒va va̭ruṇapā॒śena̭ grāhayati | śūrpḙṇa juhoti | anya̭me॒va varṷṇa॒mava̭yajate | śī॒r॒ṣanna̭dhi ni॒dhāya̭ juhoti | śī॒r॒ṣa॒ta e॒va varṷṇa॒mava̭ yajate | pra॒tyantiṣṭha̭ñjuhoti || 37 ||

pra॒tyaṅṅe॒va varṷṇapā॒śā-nnirmṷcyate | akra॒nkarma̭ karma॒kṛta॒ ityā̭ha | de॒vānṛ॒ṇa-nni̭rava॒dāya̭ | a॒nṛ॒ṇā gṛ॒hānupa॒-preteti॒ vāvaitadā̭ha | varṷṇa gṛhītaṃ॒-vā~ e॒ta-dya॒jñasya̭ | ya-dyajṷṣā gṛhī॒tasyā̭ti॒ricya̭te | tuṣā᳚śca niṣkā॒saśca̭ | tuṣai᳚śca niṣkā॒sena̭ cāvabhṛ॒thamavai̭ti | varṷṇa-gṛhītenai॒va varṷṇa॒mava̭yajate | a॒po̭-'vabhṛ॒thamavai̭ti || 38 ||

a॒phsu vai varṷṇaḥ | sā॒kṣāde॒va varṷṇa॒mava̭ yajate | prati̭yuto॒ varṷṇasya॒ pāśa॒ ityā̭ha | va॒ru॒ṇa॒pā॒śāde॒va nirmṷcyate | apra̭tīkṣa॒-māya̭nti | varṷṇasyā॒ntarhi̭tyai | edho᳚-'syedhiṣī॒mahītyā̭ha | sa॒midhai॒vāgni-nna̭ma॒syanta̭ u॒pāya̭nti | tejo̭-'si॒ tejo॒ mayi̭ dhe॒hītyā̭ha | teja̭ e॒vātmandha̭tte || 39 ||

(ka॒roti̭ - grāhaya - tyāhava॒nīya॒ - stiṣṭha̭ñjuho - tya॒po̭-'vabhṛ॒thamavai̭ti - dhatte) (a. 5)

anuvākaṃ 6 - sākamedhāḥ

de॒vā॒su॒rā-ssaṃya~̭ttā āsann | so᳚-'gnira̭bravīt | mame॒ya-manī̭kavatī ta॒nūḥ | tā-mprī̭ṇīta | athāsṷrāna॒bhi bha̭viṣya॒theti̭ | te de॒vā a॒gnaye-'nī̭kavate puro॒ḍāśa̭ma॒ṣṭāka̭pāla॒-nnira̭vapann | so᳚-'gniranī̭kavā॒n-thsvena̭ bhāga॒dheyḙna prī॒taḥ | ca॒tu॒rdhā 'nī̭kā-nyajanayata | tato̭ de॒vā abha̭vann | parā 'sṷrāḥ || 40 ||

yada॒gnaye-'nī̭kavate puro॒ḍāśa̭ma॒ṣṭāka̭pāla-nni॒rvapa̭ti | a॒gnime॒vānī̭kavanta॒gg॒ svena̭ bhāga॒dheyḙna prīṇāti | so᳚-'gniranī̭kavā॒n-thsvena̭ bhāga॒dheyḙna prī॒taḥ | ca॒tu॒rdhā 'nī̭kāni janayate | a॒sau vā ā̭di॒tyo᳚-'gni-ranī̭kavān | tasya̭ ra॒śmayo-'nī̭kāni | sā॒kagṃ sūryḙṇodya॒tā nirva̭pati | sā॒kṣāde॒vāsmā॒ anī̭kāni janayati | te-'sṷrāḥ॒ parā̭jitā॒ yantaḥ̭ | dyāvā̭pṛthi॒vī upā᳚śrayann || 41 ||

te de॒vā ma॒rudbhyaḥ̭ sāntapa॒nebhya̭śca॒ru-nnira̭vapann | tā-ndyāvā̭pṛthi॒vībhyā̭-me॒vobha॒yata॒-ssama̭tapann | yanma॒rudbhyaḥ̭ sāntapa॒nebhya̭śca॒ru-nni॒rvapa̭ti | dyāvā̭pṛthi॒vībhyā̭me॒va tadṷbha॒yato॒ yaja̭māno॒ bhrātṛ̭vyā॒n-thsanta̭pati | ma॒ddhyandi̭ne॒ nirva̭pati | tarhi॒ hi te-'kṣṇi̭ṣṭha॒-ntapa̭ti | ca॒rurbha̭vati | sa॒rvata̭ e॒vainā॒n-thsanta̭pati | te de॒vā-śśvo̭ vija॒yina॒-ssantaḥ̭ | sarvā̭sā-ndu॒gdhe gṛ̭hame॒dhīya̭-ñca॒ru-nnira̭vapann || 42 ||

āśi̭tā e॒vādyopa̭vasāma | kasya॒ vā-'he॒dam | kasya̭ vā॒ śvo bha̭vi॒teti̭ | sa śṛ॒to̭-'bhavat | tasyāhṷtasya॒ nāśñanṋ | na hi de॒vā ahṷtasyā॒śñanti̭ | te᳚-'bruvann | kasmā̭ i॒magṃ ho᳚ṣyāma॒ iti̭ | ma॒rudbhyo̭ gṛhame॒dhibhya॒ itya̭bruvann | ta-mma॒rudbhyo̭ gṛhame॒dhibhyo̭-'juhavuḥ || 43 ||

tato̭ de॒vā abha̭vann | parā-'sṷrāḥ | yasyai॒vaṃ-vi~॒duṣo̭ ma॒rudbhyo̭ gṛhame॒dhibhyo̭ gṛ॒he juhva̭ti | bhava̭tyā॒tmanā᳚ | parā᳚-'sya॒ bhrātṛ̭vyo bhavati | yadvai ya॒jñasya̭ pāka॒trā kri॒yate᳚ | pa॒śa॒vya̭-ntat | pā॒ka॒trā vā e॒tatkri̭yate | yanneddhmāba॒r॒hi-rbhava̭ti | na sā̭midhe॒nī-ra॒nvāha̭ || 44 ||

na pra̭yā॒jā i॒jyante᳚ | nānṷ̄yā॒jāḥ | ya e॒vaṃ-ve~da̭ | pa॒śu॒mā-nbha̭vati | ājya̭bhāgau yajati | ya॒jñasyai॒va cakṣṷṣī॒ nāntarḙti | ma॒ruto̭ gṛhame॒dhino̭ yajati | bhā॒ga॒dheyḙ-nai॒vainā॒n-thsama̭rdhayati | a॒gnigg svi̭ṣṭa॒kṛtaṃ̭-ya~jati॒ prati̭ṣṭhityai | iḍā᳚nto bhavati | pa॒śavo॒ vā iḍā᳚ | pa॒śuṣve॒vopari̭ṣṭā॒-tprati̭ tiṣṭhati || 45 ||

(asṷrā - aśrayan - gṛhame॒dhīyaṃ̭ ca॒ru-nnira̭vapan - najuhavu - ra॒nvā - heḍā᳚nto bhavati॒ dve ca̭) (a. 6)

anuvākaṃ 7 - taccheṣaḥ

yatpatnī̭ gṛhame॒dhīya̭-syāśñī॒yāt | gṛ॒ha॒me॒ddhyḙva syā᳚t | vi tva̭sya ya॒jña ṛ̭dhyeta | yannāśñī॒yāt | agṛ̭hamedhī syāt | nāsya̭ ya॒jño vyṛ̭ddhyeta | prati̭veśa-mpaceyuḥ | tasyā᳚śñīyāt | gṛ॒ha॒me॒ddhyḙva bha̭vati | nāsya̭ ya॒jño vyṛ̭ddhyate || 46 ||

te de॒vā gṛ̭hame॒dhīyḙne॒ṣṭvā | āśi̭tā abhavann | āñja̭tā॒bhya̭ñjata | anṷ va॒thsā-na̭vāsayann | tebhyo-'sṷrāḥ॒, kṣudha॒-mprāhi̭ṇvann | sā de॒veṣṷ lo॒kamavi̭ttvā | asṷrā॒n-puna̭ragacchat | gṛ॒ha॒me॒dhīyḙne॒ṣṭvā | āśi̭tā bhavanti | āñja̭te॒-'bhya̭ñjate || 47 ||

anṷ va॒thsān. vā̭sayanti | bhrātṛ̭vyāyai॒va ta-dyaja̭mānaḥ॒, kṣudha॒-mprahi̭ṇoti | te de॒vā gṛ̭hame॒dhīyḙne॒ṣṭvā | indrā̭ya niṣkā॒sa-nnya̭dadhuḥ | a॒smāne॒va śva indro॒ nihi̭tabhāga upāvarti॒teti̭ | tānindro॒ nihi̭tabhāga u॒pāva̭rtata | gṛ॒ha॒me॒dhīyḙne॒ṣṭvā | indrā̭ya niṣkā॒sa-nnida̭ddhyāt | indra̭ e॒vaina॒-nnihi̭tabhāga u॒pāva̭rtate | gārha̭patye juhoti || 48 ||

bhā॒ga॒dheyḙne॒vaina॒gṃ॒ sama̭rdhayati | ṛ॒ṣa॒bhamāhva̭yati | va॒ṣa॒ṭkā॒ra e॒vāsya॒ saḥ | atho̭ indri॒yame॒va ta-dvī॒ryaṃ̭-ya~ja̭māno॒ bhrātṛ̭vyasya vṛṅkte | indro̭ vṛ॒tragṃ ha॒tvā | parā᳚-mparā॒vata̭-magacchat | apā̭rādha॒miti॒ manya̭mānaḥ | so᳚-'bravīt | ka i॒daṃ-ve~̭diṣya॒tīti̭ | te᳚-'bruva-nma॒ruto॒ varaṃ̭-vṛ~ṇāmahai || 49 ||

atha̭ va॒yaṃ-ve~̭dāma | a॒smabhya̭me॒va pra̭tha॒magṃ ha॒virnirṷpyātā॒ iti̭ | ta ḙna॒maddhya̭-krīḍann | tatkrī॒ḍinā᳚-ṅkrīḍi॒tvam | ya-nma॒rudbhyaḥ̭ krī॒ḍibhyaḥ̭ pratha॒magṃ ha॒virni̭ru॒pyate॒ viji̭tyai | sā॒kagṃ sūryḙṇodya॒tā nirva̭pati | e॒tasmi॒n vai lo॒ka indro̭ vṛ॒trama̭ha॒n-thsamṛ̭ddhyai | e॒ta-dbrā᳚hmaṇānye॒va pañca̭ ha॒vīgṃṣi̭ | e॒ta-dbrā᳚hmaṇa aindrā॒gnaḥ | athai॒ṣa ai॒ndraśca॒ru-rbha̭vati || 50 ||

u॒ddhā॒raṃ-vā~ e॒tamindra॒ uda̭harata | vṛ॒tragṃ ha॒tvā | a॒nyāsṷ de॒vatā॒svadhi̭ | yade॒ṣa ai॒ndra-śca॒ru-rbhava̭ti | u॒ddhā॒rame॒va taṃ-ya~ja̭māna॒ uddha̭rate | a॒nyāsṷ pra॒jāsvadhi̭ | vai॒śva॒ka॒rma॒ṇa eka̭kapālo bhavati | viśvā᳚nye॒va tena॒ karmā̭ṇi॒ yaja̭mā॒no 'va̭rundhe || 51 ||

(ṛ॒ddhya॒te॒-'-bhya̭ñjate-juhoti-vṛṇāmahai-bhavatya॒- +ṣṭau ca̭) (a. 7)

anuvākaṃ 8 - pitṛyajñaḥ

vai॒śva॒de॒vena॒ vai pra॒jāpa̭tiḥ pra॒jā a̭sṛjata | tā va̭ruṇa-praghā॒sai-rva̭ruṇapā॒śāda̭muñcat | sā॒ka॒me॒dhaiḥ pratya̭sthāpayat | trya̭mbakai ru॒dra-nni॒ravā̭dayata | pi॒tṛ॒ya॒jñena̭ suva॒rgaṃ-lo~॒kama̭gamayat | ya-dvai᳚śvade॒vena॒ yaja̭te | pra॒jā e॒va ta-dyaja̭māna-ssṛjate | tā va̭ruṇa-praghā॒sai-rva̭ruṇapā॒śā-nmṷñcati | sā॒ka॒me॒dhaiḥ prati̭ṣṭhāpayati | trya̭mbakairu॒dra-nni॒rava̭dayate || 52 ||

pi॒tṛ॒ya॒jñena̭ suva॒rgaṃ-lo~॒ka-ṅga̭mayati | da॒kṣi॒ṇa॒taḥ prā̭cīnāvī॒tī nirva̭pati | da॒kṣi॒ṇāvṛ॒ddhi pi̭tṛ॒ṇām | anā̭dṛtya॒ tat | u॒tta॒ra॒ta e॒vopa॒vīya॒ nirva̭pet | u॒bhaye॒ hi de॒vāśca̭ pi॒tara̭śce॒jyante᳚ | atho॒ yade॒va da̭kṣiṇā॒rdhḙ-'dhi॒ śraya̭ti | tena̭ dakṣi॒ṇāvṛ̭t | somā̭ya pitṛ॒matḙ puro॒ḍāśa॒gṃ॒ ṣaṭka̭pāla॒-nnirva̭pati | saṃ॒va~॒thsa॒ro vai somaḥ̭ pitṛ॒mān || 53 ||

saṃ॒va~॒thsa॒rame॒va prī̭ṇāti | pi॒tṛbhyo̭ barhi॒ṣadbhyo̭ dhā॒nāḥ | māsā॒ vai pi॒taro̭ barhi॒ṣadaḥ̭ | māsā̭ne॒va prī̭ṇāti | yasmi॒n vā ṛ॒tau purṷṣaḥ pra॒mīya̭te | so᳚-'syā॒muṣmi̭n ~lo॒ke bha̭vati | ba॒hu॒rū॒pā dhā॒nā bha̭vanti | a॒ho॒rā॒trāṇā̭-ma॒bhiji̭tyai | pi॒tṛbhyo᳚ 'gniṣvā॒ttebhyo̭ ma॒ntham | a॒rdha॒mā॒sā vai pi॒taro᳚-'gniṣvā॒ttāḥ || 54 ||

a॒rdha॒mā॒sāne॒va prī̭ṇāti | a॒bhi॒vā॒nyā̭yai du॒gdhe bha̭vati | sā hi pi̭tṛdeva॒tya̭-ndu॒he | ya-tpū॒rṇam | ta-nma̭nu॒ṣyā̭ṇām | u॒pa॒rya॒rdho de॒vānā᳚m | a॒rdhaḥ pi̭tṛ॒ṇām | a॒rdha upa̭manthati | a॒rdho hi pi̭tṛ॒ṇām | eka॒yopa̭manthati || 55 ||

ekā॒ hi pi̭tṛ॒ṇām | da॒kṣi॒ṇopa̭manthati | da॒kṣi॒ṇā vṛ॒ddhi pi̭tṛ॒ṇām | anā̭ra॒bhyopa̭manthati | taddhi pi॒tṝn-gaccha̭ti | i॒mā-ndiśaṃ॒-ve~di॒muddha̭nti | u॒bhaye॒ hi de॒vāśca̭ pi॒tara̭śce॒jyante᳚ | catuḥ̭ sraktirbhavati | sarvā॒ hyanu॒ diśaḥ̭ pi॒taraḥ̭ | akhā̭tā bhavati || 56 ||

khā॒tā hi de॒vānā᳚m | ma॒ddhya॒to᳚ 'gnirādhī̭yate | a॒nta॒to hi de॒vānā̭-mādhī॒yate᳚ | varṣī̭yāni॒ddhma i॒ddhmā-dbha̭vati॒ vyāvṛ̭ttyai | pari̭ śrayati | a॒ntarhi̭to॒ hi pi̭tṛlo॒ko ma̭nuṣyalo॒kāt | yat-parṷṣi di॒nam | ta-dde॒vānā᳚m | yada̭nta॒rā | ta-nma̭nu॒ṣyā̭ṇām || 57 ||

ya-thsamṷ̄lam | ta-tpi̭tṛ॒ṇām | samṷ̄la-mba॒r॒hi-rbha̭vati॒ vyāvṛ̭ttyai | da॒kṣi॒ṇā stṛ̭ṇāti | da॒kṣi॒ṇā vṛ॒ddhi pi̭tṛ॒ṇām | triḥ paryḙti | tṛ॒tīye॒ vā i॒to lo॒ke pi॒taraḥ̭ | tāne॒va prī̭ṇāti | triḥ punaḥ॒ paryḙti | ṣaṭthsampa̭dyante || 58 ||

ṣaḍvā ṛ॒tavaḥ̭ | ṛ॒tūne॒va prī̭ṇāti | ya-tpra̭sta॒raṃ-ya~jṷṣā gṛhṇī॒yāt | pra॒māyṷko॒ yaja̭māna-ssyāt | yanna gṛ̭hṇī॒yāt | a॒nā॒ya॒ta॒na-ssyā᳚t | tū॒ṣṇīme॒va nya̭syet | na pra॒māyṷko॒ bhava̭ti | nānā̭yata॒naḥ | yat-trīn-pa̭ri॒dhī-npa̭rida॒ddhyāt || 59 ||

mṛ॒tyunā॒ yaja̭māna॒-mpari̭ gṛhṇīyāt | yanna pa̭ri-da॒ddhyāt | rakṣāgṃ̭si ya॒jñagṃ ha̭nyuḥ | dvau pa̭ri॒dhī pari̭dadhāti | rakṣa̭sā॒-mapa̭hatyai | atho̭ mṛ॒tyore॒va yaja̭māna॒-muthsṛ̭jati | ya-ttrīṇi̭ trīṇi ha॒vīgṣyṷdā॒harḙyuḥ | traya̭straya eṣāgṃ sā॒ka-mpramī̭yerann | ekai̭ka-manū॒cīnā᳚-nyu॒dāha̭ranti | ekai̭ka e॒vaiṣā̭ma॒nvañcaḥ॒ pramī̭yate | ka॒śipṷ kaśipa॒vyā̭ya | u॒pa॒barha̭ṇa-mupabarha॒ṇyā̭ya | āñja̭na-māñja॒nyā̭ya | a॒bhyañja̭na-mabhyañja॒nyā̭ya | ya॒thā॒bhā॒game॒vainā᳚-nprīṇāti || 60 ||

(ni॒rava̭dayate - pitṛ॒mā - na̭gniṣvā॒ttā - eka॒yopa̭ mantha॒ - tyakhā̭tā bhavati-manu॒ṣyā̭ṇāṃ - padyante - parida॒ddhyān - mī̭yate॒ pañca̭ ca) (a. 8)

anuvākaṃ 9 - taccheṣaḥ

a॒gnayḙ de॒vebhyaḥ̭ pi॒tṛbhyaḥ̭ sami॒ddhyamā̭nā॒yānṷbrū॒hītyā̭ha |

u॒bhaye॒ hi de॒vāśca̭ pi॒tara̭śce॒jyante᳚ | ekā॒manvā̭ha | ekā॒ hi pi̭tṛ॒ṇām | triranvā̭ha | trirhi de॒vānā᳚m | ā॒ghā॒rāvāghā̭rayati | ya॒jña॒ pa॒ruṣo॒rana̭ntarityai | nārṣe॒yaṃ-vṛ~̭ṇīte | na hotā̭ram || 61 ||

yadā̭rṣe॒yaṃ-vṛ~̭ṇī॒ta | yaddhotā̭ram | pra॒māyṷko॒ yaja̭māna-ssyāt | pra॒māyṷko॒ hotā᳚ | tasmā॒nna vṛ̭ṇīte | yaja̭mānasya॒ hotṷ-rgopī॒thāya̭ | apa̭barhiṣaḥ prayā॒jān.-ya̭jati | pra॒jā vai ba॒r॒hiḥ | pra॒jā e॒va mṛ॒tyoruthsṛ̭jati | ājya̭bhāgau yajati || 62 ||

ya॒jñasyai॒va cakṣṷṣī॒ nāntarḙti | prā॒cī॒nā॒vī॒tī somaṃ̭-ya~jati | pi॒tṛ॒de॒va॒tyā̭ hi | e॒ṣā ''hṷtiḥ | pañca॒ kṛtvo-'va̭dyati | pañca॒ hyḙtā de॒vatāḥ᳚ | dve pṷro-'nuvā॒kye᳚ | yā॒jyā̭ de॒vatā̭ vaṣaṭkā॒raḥ | tā e॒va prī̭ṇāti | santa̭ta॒mava̭ dyati || 63 ||

ṛ॒tū॒nāgṃ santa̭tyai | praivaibhyaḥ॒ pūrva̭yā puro-'nuvā॒kya̭yā ''ha | praṇa̭yati dvi॒tīya̭yā | ga॒maya̭ti yā॒jya̭yā | tṛ॒tīye॒ vā i॒to lo॒ke pi॒taraḥ̭ | ahna̭ e॒vainā॒-npūrva̭yā puro-'nuvā॒kya̭yā॒ 'tyāna̭yati | rātri̭yai dvi॒tīya̭yā | aivaināṋ. yā॒jya̭yā gamayati | da॒kṣi॒ṇa॒to̭-'va॒dāya̭ | uda॒ṅṅati̭ krāmati॒ vyāvṛ̭ttyai || 64 ||

ā sva॒dhetyā-śrā̭vayati | astṷ sva॒dheti̭ pra॒tyāśrā̭vayati | sva॒dhā nama॒ iti॒ vaṣa̭ṭkaroti | sva॒dhā॒kā॒ro hi pi̭tṛ॒ṇām | soma॒magrḙ yajati | soma̭ prayājā॒ hi pi॒taraḥ̭ | soma̭-mpitṛ॒mantaṃ̭-ya~jati | saṃ॒va~॒thsa॒ro vai somaḥ̭ pitṛ॒mān | saṃ॒va~॒thsa॒rame॒va ta-dya̭jati | pi॒tṝn-ba̭rhi॒ṣado̭ yajati || 65 ||

ye vai yajvā̭naḥ | te pi॒taro̭ barhi॒ṣadaḥ̭ | tāne॒va ta-dya̭jati | pi॒tṝna̭gniṣvā॒ttān. ya̭jati | ye vā aya̭jvāno gṛhame॒dhinaḥ̭ | te pi॒taro᳚-'gniṣvā॒ttāḥ | tāne॒va ta-dya̭jati | a॒gni-ṅka̭vya॒vāha̭naṃ-ya~jati | ya e॒va pi̭tṛ॒ṇāma॒gniḥ | tame॒va ta-dya̭jati || 66 ||

atho॒ yathā॒-'gnigg svi̭ṣṭa॒kṛtaṃ॒-ya~ja̭ti | tā॒dṛge॒va tat | e॒tattḙ tata॒ ye ca॒ tvāmanviti̭ ti॒sṛṣṷ sra॒ktīṣu॒ nida̭dhāti | tasmā॒dā tṛ॒tīyā॒-tpurṷṣā॒nnāma॒ na gṛ̭hṇanti | e॒tāva̭nto॒ hījyante᳚ | atra̭ pitaro yathābhā॒ga-mma̭ndaddhva॒mityā̭ha | hlīkā॒ hi pi॒taraḥ̭ | uda̭ñco॒ niṣkrā̭manti | e॒ṣā vai ma̭nu॒ṣyā̭ṇā॒-ndik | svāme॒va ta-ddiśa॒manu॒ niṣkrā̭manti || 67 ||

ā॒ha॒va॒nīya॒-mupa̭tiṣṭhante | nyḙvāsmai॒ taddhnṷvate | yathsa॒tyā̭hava॒nīye᳚ | athā॒nyatra॒ cara̭nti | ātami̭to॒rupa̭tiṣṭhante | a॒gnime॒vopa̭dra॒ṣṭāra̭-ṅkṛ॒tvā | pi॒tṝ-nni॒rava̭dayante | antaṃ॒-vā~ e॒te prā॒ṇānā᳚-ṅgacchanti | ya ātami̭torupa॒tiṣṭha̭nte | su॒sa॒ndṛśa̭-ntvā va॒yamityā̭ha || 68 ||

prā॒ṇo vai sṷsa॒ndṛk | prā॒ṇame॒vātman-da̭dhate | yojā॒ nvi̭ndra te॒ harī॒ ityā̭ha | prā॒ṇame॒va puna̭rayukta | akṣa॒nnamī̭madanta॒ hīti॒ gārha̭patya॒-mupa̭tiṣṭhante | akṣa॒nnamī̭mada॒ntātha॒ tvopa̭tiṣṭhāmaha॒ iti॒ vāvaitadā̭ha | amī̭madanta pi॒taraḥ̭ so॒myā itya॒bhi prapa̭dyante | amī̭madanta pi॒taro-'tha̭ tvā॒-'bhi prapa̭dyāmaha॒ iti॒ vāvaitadā̭ha | a॒paḥ pari̭ṣiñcati | mā॒rjaya̭tye॒vaināṋ || 69 ||

atho̭ ta॒rpaya̭tye॒va | tṛpya̭ti pra॒jayā̭ pa॒śubhiḥ̭ | ya e॒vaṃ-ve~da̭ | apa̭ barhiṣāvanūyā॒jau ya̭jati | pra॒jā vai ba॒r॒hiḥ | pra॒jā e॒va mṛ॒tyoruthsṛ̭jati | ca॒turaḥ̭ prayā॒jān. ya̭jati | dvāva̭nūyā॒jau | ṣaṭthsampa̭dyante | ṣaḍvā ṛ॒tavaḥ̭ || 70 ||

ṛ॒tūne॒va prī̭ṇāti | na patnyanvā᳚ste | na saṃyā~̭jayanti | yatpatnya॒nvāsī̭ta | yathsaṃ̭yā~॒jayḙyuḥ | pra॒māyṷkā syāt | tasmā॒nnānvā᳚ste | na saṃyā~̭jayanti | patni̭yai gopī॒thāya̭ || 71 ||

(hotā̭ra॒ - mājya̭bhāgau yajati॒ - santa̭ta॒mava̭dyati॒ - vyāvṛ̭ttyai - barhi॒ṣado̭ yajati॒ - tame॒va ta-dya̭ja॒- tyanu॒ niṣkrā̭mantyā - hai - nān - ṛ॒tavo॒ - +nava̭ ca) (a. 9)

anuvākaṃ 10 - tryambakahavīṃṣi

pra॒ti॒pū॒ru॒ṣameka̭kapālā॒-nnirva̭pati | jā॒tā e॒va pra॒jā ru॒drānni॒rava̭dayate | eka॒mati̭riktam | ja॒ni॒ṣyamā̭ṇā e॒va pra॒jā ru॒drānni॒rava̭dayate | eka̭kapālā bhavanti | e॒ka॒dhaiva ru॒dra-nni॒rava̭dayate | nābhighā̭rayati | yada̭bhighā॒raye᳚t | a॒nta॒ra॒va॒cā॒riṇagṃ̭ ru॒dra-ṅkṷryāt | e॒ko॒lmu॒kena̭ yanti || 72 ||

taddhi ru॒drasya̭ bhāga॒dheya᳚m | i॒mā-ndiśaṃ̭-ya~nti | e॒ṣā vai ru॒drasya॒ dik | svāyā̭me॒va di॒śi ru॒dra-nni॒rava̭dayate | ru॒dro vā a̭pa॒śukā̭yā॒ āhṷtyai॒ nāti̭ṣṭhata | a॒sau tḙ pa॒śuriti॒ nirdi̭śe॒dya-ndvi॒ṣyāt | yame॒va dveṣṭi̭ | tama̭smai pa॒śu-nnirdi̭śati | yadi॒ na dvi॒ṣyāt | ā॒khustḙ pa॒śuriti̭ brūyāt || 73 ||

na grā॒myā-npa॒śūn. hi॒nasti̭ | nāra॒ṇyān | ca॒tu॒ṣpa॒the jṷhoti | e॒ṣa vā a̭gnī॒nā-mpaḍbī̭śo॒ nāma̭ | a॒gni॒vatye॒va jṷhoti | ma॒ddhya॒mena̭ pa॒rṇena̭ juhoti | srugghyḙṣā | atho॒ khalṷ | a॒nta॒menai॒va ho̭ta॒vya᳚m | a॒nta॒ta e॒va ru॒dra-nni॒rava̭dayate || 74 ||

e॒ṣa tḙ rudra bhā॒ga-ssa॒ha svasrā-'mbi̭ka॒yetyā̭ha | śa॒radvā a॒syāmbi̭kā॒ svasā᳚ | tayā॒ vā e॒ṣa hi̭nasti | yagṃ hi॒nasti̭ | tayai॒vainagṃ̭ sa॒ha śa̭mayati | bhe॒ṣa॒ja-ṅgava॒ ityā̭ha | yāva̭nta e॒va grā॒myāḥ pa॒śavaḥ̭ | tebhyo̭ bheṣa॒ja-ṅka̭roti | avā᳚mba ru॒drama̭dima॒hītyā̭ha | ā॒śiṣa̭me॒vaitāmāśā᳚ste || 75 ||

trya̭mbakaṃ-ya~jāmaha॒ ityā̭ha | mṛ॒tyo-rmṷkṣīya॒ mā 'mṛtā॒diti॒ vāvaitadā̭ha | utki̭ranti | bhaga̭sya līphsante | mūtḙ kṛ॒tvā-''sa̭janti | yathā॒ janaṃ̭-ya~॒tḙ-'va॒sa-ṅka॒roti̭ | tā॒dṛge॒vatat | e॒ṣa tḙ rudra bhā॒ga ityā̭ha ni॒rava̭ttyai | apra̭tīkṣa॒māya̭nti | a॒paḥ pari̭ṣiñcati | ru॒drasyā॒ntarhi̭tyai | pra vā e॒te᳚-'smā-llo॒kāccya̭vante | ye trya̭mbakai॒ścara̭nti | ā॒di॒tya-ñca॒ru-mpuna॒retya॒ nirva̭pati | i॒yaṃ-vā~ adi̭tiḥ | a॒syāme॒va prati̭ tiṣṭhanti || 76 ||

(ya॒nti॒ - brū॒yā॒n - ni॒rava̭dayate - śāste - siñcati॒ ṣaṭca̭) (a. 10)

(anṷmatyai - vaiśvade॒vena॒ tā-ssṛ॒ṣṭā - stri॒vṛt - pra॒jāpa̭ti-ssavi॒ - totta̭rasyāṃ - devāsu॒rā-sso᳚-'gni--r ya-tpatnī̭ -vaiśvade॒vena॒ tā va̭ruṇapraghā॒sai - ra॒gnayḙ de॒vebhyaḥ̭ - pratipūru॒ṣa-ndaśa̭)

(anṷmatyai - prathama॒jo va॒thso - ba̭hurū॒pā hi pa॒śava॒ - stasmā᳚-tpṛthamā॒traṃ - ~yada॒gnaye-'nī̭kavata - uddhā॒raṃ-vā~ - a॒gnayḙ de॒vebhya̭ - ṛ॒tūne॒va ṣaṭthsa̭ptatiḥ)

(anṷmatyai॒ - prati̭ tiṣṭhanti)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake ṣaṣṭhaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके षष्ठः प्रपाठकः - राजसूयानुब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - अनुमत्याद्या इष्टयः

अनु॑मत्यै पुरो॒डाश॑-म॒ष्टाक॑पाल॒-न्निर्व॑पति । ये प्र॒त्यञ्च॒-श्शम्या॑या अव॒शीय॑न्ते । तन्नैर्॑ऋ॒त-मेक॑कपालम् । इ॒यं-वाँ अनु॑मतिः । इ॒य-न्निर्-ऋ॑तिः । नै॒र्॒ऋ॒तेन॒ पूर्वे॑ण॒ प्रच॑रति । पा॒प्मान॑मे॒व निर्-ऋ॑ति॒-म्पूर्वा᳚-न्नि॒रव॑दयते । एक॑ कपालो भवति । ए॒क॒धैव निर्-ऋ॑ति-न्नि॒रव॑दयते । यदहु॑त्वा॒ गार्ह॑पत्य ई॒युः ॥ 1 ॥

रु॒द्रो भू॒त्वा-ऽग्निर॑नू॒त्थाय॑ । अ॒द्ध्व॒र्यु-ञ्च॒ यज॑मान-ञ्च हन्यात् । वीहि॒ स्वाहा ऽऽहु॑ति-ञ्जुषा॒ण इत्या॑ह । आहु॑त्यै॒वैनग्ं॑ शमयति । नार्ति॒मार्च्छ॑-त्यद्ध्व॒र्युर्न यज॑मानः । ए॒को॒ल्मु॒केन॑ यन्ति । तद्धि निर्-ऋ॑त्यै भाग॒धेय᳚म् । इ॒मा-न्दिशं॑-यँन्ति । ए॒षा वै निर्-ऋ॑त्यै॒ दिक् । स्वाया॑मे॒व दि॒शि निर्-ऋ॑ति-न्नि॒रव॑दयते ॥ 2 ॥

स्वकृ॑त॒ इरि॑णे जुहोति प्रद॒रे वा᳚ । ए॒तद्वै निर्-ऋ॑त्या आ॒यत॑नम् । स्व ए॒वायत॑ने॒ निर्-ऋ॑ति-न्नि॒रव॑दयते । ए॒ष ते॑ निर्-ऋते भा॒ग इत्या॑ह । निर्दि॑शत्ये॒वैना᳚म् । भूते॑ ह॒विष्म॑त्य॒सीत्या॑ह । भूति॑मे॒वोपाव॑र्तते । मु॒ञ्चेममग्ंह॑स॒ इत्या॑ह । अग्ंह॑स ए॒वैन॑-म्मुञ्चति । अ॒ङ्गु॒ष्ठाभ्या᳚-ञ्जुहोति ॥ 3 ॥

अ॒न्त॒त ए॒व निर्-ऋ॑ति-न्नि॒रव॑दयते । कृ॒ष्णं-वाँसः॑ कृ॒ष्णतू॑ष॒-न्दक्षि॑णा । ए॒त-द्वै निर्-ऋ॑त्यै रू॒पम् । रू॒पेणै॒व निर्-ऋ॑ति-न्नि॒रव॑दयते । अप्र॑तीक्ष॒माय॑न्ति । निर्-ऋ॑त्या अ॒न्तर्हि॑त्यै । स्वाहा॒ नमो॒ य इ॒द-ञ्च॒कारेति॒ पुन॒रेत्य॒ गार्ह॑पत्ये जुहोति । आहु॑त्यै॒व न॑म॒स्यन्तो॒ गार्ह॑पत्य-मु॒पाव॑र्तन्ते । आ॒नु॒म॒तेन॒ प्रच॑रति । इ॒यं-वाँ अनु॑मतिः ॥ 4 ॥

इ॒यमे॒वास्मै॑ रा॒ज्यमनु॑मन्यते । धे॒नु-र्दक्षि॑णा । इ॒मामे॒व धे॒नु-ङ्कु॑रुते । आ॒दि॒त्य-ञ्च॒रु-न्निर्व॑पति । उ॒भयी᳚ष्वे॒व प्र॒जास्व॒भिषि॑च्यते । दैवी॑षु च॒ मानु॑षीषु च । वरो॒ दक्षि॑णा । वरो॒ हि रा॒ज्यग्ं समृ॑द्ध्यै । आ॒ग्ना॒वै॒ष्ण॒व-मेका॑दशकपाल॒-न्निर्व॑पति । अ॒ग्नि-स्सर्वा॑ दे॒वताः᳚ ॥ 5 ॥

विष्णु॑र्य॒ज्ञः । दे॒वता᳚श्चै॒व य॒ज्ञ-ञ्चाव॑ रुन्धे । वा॒म॒नो व॒ही दक्षि॑णा । य-द्व॒ही । तेना᳚ग्ने॒यः । य-द्वा॑म॒नः । तेन॑ वैष्ण॒व-स्समृ॑द्ध्यै । अ॒ग्नी॒षो॒मीय॒-मेका॑दशकपाल॒-न्निर्व॑पति । अ॒ग्नीषोमा᳚भ्यां॒-वाँ इन्द्रो॑ वृ॒त्रम॑ह॒न्निति॑ । यद॑ग्नीषो॒मीय॒-मेका॑दशकपाल-न्नि॒र्वप॑ति ॥ 6 ॥

वार्त्र॑घ्नमे॒व विजि॑त्यै । हिर॑ण्य॒-न्दक्षि॑णा॒ समृ॑द्ध्यै । इन्द्रो॑ वृ॒त्रग्ं ह॒त्वा । दे॒वता॑भिश्चेन्द्रि॒येण॑ च॒ व्या᳚र्ध्यत । स ए॒तमै᳚न्द्रा॒ग्न-मेका॑दशकपाल-मपश्यत् । तन्निर॑वपत् । तेन॒ वै स दे॒वता᳚श्चेन्द्रि॒य-ञ्चावा॑रुन्ध । यदै᳚न्द्रा॒ग्न-मेका॑दशकपाल-न्नि॒र्वप॑ति । दे॒वता᳚श्चै॒व तेने᳚न्द्रि॒य-ञ्च॒ यज॑मा॒नो-ऽव॑ रुन्धे । ऋ॒ष॒भो व॒ही दक्षि॑णा ॥ 7 ॥

य-द्व॒ही । तेना᳚ग्ने॒यः । यदृ॑ष॒भः । तेनै॒न्द्र-स्समृ॑द्ध्यै । आ॒ग्ने॒यम॒ष्टाक॑पाल॒-न्निर्व॑पति । ऐ॒न्द्र-न्दधि॑ । यदा᳚ग्ने॒यो भव॑ति । अ॒ग्निर्वै य॑ज्ञमु॒खम् । य॒ज्ञ॒मु॒खमे॒वर्धि॑-म्पु॒रास्ता᳚द्धत्ते । यदै॒न्द्र-न्दधि॑ ॥ 8 ॥

इ॒न्द्रि॒यमे॒वाव॑ रुन्धे । ऋ॒ष॒भो व॒ही दक्षि॑णा । यद्व॒ही । तेना᳚ग्ने॒यः । यदृ॑ष॒भः । तेनै॒न्द्र-स्समृ॑द्ध्यै । याव॑ती॒र्वै प्र॒जा ओष॑धीना॒-महु॑ताना॒-माश्ञन्न्॑ । ताः परा॑-ऽभवन्न् । आ॒ग्र॒य॒ण-म्भ॑वति हु॒ताद्या॑य । यज॑मान॒स्याप॑राभावाय ॥ 9 ॥

दे॒वा वा ओष॑धीष्वा॒जिम॑युः । ता इ॑न्द्रा॒ग्नी उद॑जयताम् । तावे॒तमै᳚न्द्रा॒ग्न-न्द्वाद॑शकपाल॒-न्निर॑वृणाताम् । यदै᳚न्द्रा॒ग्नो भव॒त्युज्जि॑त्यै । द्वाद॑शकपालो भवति । द्वाद॑श॒ मासा᳚-स्संवँथ्स॒रः । सं॒वँ॒थ्स॒रेणै॒वास्मा॒ अन्न॒मव॑रुन्धे । वै॒श्व॒दे॒वश्च॒रु-र्भ॑वति । वै॒श्व॒दे॒वं-वाँ अन्न᳚म् । अन्न॑मे॒वास्मै᳚ स्वदयति ॥ 10 ॥

प्र॒थ॒म॒जो व॒थ्सो दक्षि॑णा॒ समृ॑द्ध्यै । सौ॒म्यग्ग् श्या॑मा॒क-ञ्च॒रु-न्निर्व॑पति । सोमो॒ वा अ॑कृष्टप॒च्यस्य॒ राजा᳚ । अ॒कृ॒ष्ट॒प॒च्यमे॒वास्मै᳚ स्वदयति । वासो॒ दक्षि॑णा । सौ॒म्यग्ंहि दे॒वत॑या॒ वास॒-स्समृ॑द्ध्यै । सर॑स्वत्यै च॒रु-न्निर्व॑पति । सर॑स्वते च॒रुम् । मि॒थु॒नमे॒वाव॑ रुन्धे । मि॒थु॒नौ गावौ॒ दक्षि॑णा॒ समृ॑द्ध्यै । एति॒ वा ए॒ष य॑ज्ञमु॒खादृद्ध्याः᳚ । यो᳚-ऽग्नेर्दे॒वता॑या॒ एति॑ । अ॒ष्टावे॒तानि॑ ह॒वीग्ंषि॑ भवन्ति । अ॒ष्टाक्ष॑रा गाय॒त्री । गा॒य॒त्रो᳚-ऽग्निः । तेनै॒व य॑ज्ञमु॒खादृद्ध्या॑ अ॒ग्नेर्दे॒वता॑यै॒ नैति॑ ॥ 11 ॥

(ई॒यु--र् नि॒रव॑दयते - ऽङ्गु॒ष्ठाभ्या᳚-ञ्जुहो॒ - त्यनु॑मति--र् दे॒वता॑ - नि॒र्वप॑ति - व॒ही दक्षि॑णा॒ - यदै॒न्द्र-न्द - ध्यप॑राभावाय - स्वदयति॒ - गावौ॒ दक्षि॑णा॒ समृ॑द्ध्यै॒ षट्च॑) (अ. 1)

अनुवाकं 2 - चातुर्मास्ये वैश्वदेवहवींषि

वै॒श्व॒दे॒वेन॒ वै प्र॒जाप॑तिः प्र॒जा अ॑सृजत । ता-स्सृ॒ष्टा न प्राजा॑यन्त । सो᳚-ऽग्निर॑कामयत । अ॒हमि॒माः प्रज॑नयेय॒मिति॑ । स प्र॒जाप॑तये॒ शुच॑मदधात् । सो॑-ऽशोचत्-प्र॒जामि॒च्छमा॑नः । तस्मा॒द्य-ञ्च॑ प्र॒जा भु॒नक्ति॒ य-ञ्च॒ न । तावु॒भौ शो॑चतः प्र॒जामि॒च्छमा॑नौ । तास्व॒ग्निमप्य॑ सृजत् । ता अ॒ग्निरद्ध्यै᳚त् ॥ 12 ॥

सोमो॒ रेतो॑-ऽदधात् । स॒वि॒ता प्राज॑नयत् । सर॑स्वती॒ वाच॑मदधात् । पू॒षा ऽपो॑षयत् । ते वा ए॒ते त्रि-स्सं॑वँथ्स॒रस्य॒ प्रयु॑ज्यन्ते । ये दे॒वाः पुष्टि॑पतयः । सं॒वँ॒थ्स॒रो वै प्र॒जाप॑तिः । सं॒वँ॒थ्स॒रेणै॒वास्मै᳚ प्र॒जाः प्राज॑नयत् । ताः प्र॒जा जा॒ता म॒रुतो᳚ घ्नन्न् । अ॒स्मानपि॒ न प्रायु॑क्ष॒तेति॑ ॥ 13 ॥

स ए॒त-म्प्र॒जाप॑तिर्मारु॒तग्ं स॒प्तक॑पाल-मपश्यत् । त-न्निर॑वपत् । ततो॒ वै प्र॒जाभ्यो॑कल्पत । यन्मा॑रु॒तो नि॑रु॒प्यते᳚ । य॒ज्ञस्य॒ क्लृप्त्यै᳚ । प्र॒जाना॒-मघा॑ताय । स॒प्तक॑पालो भवति । स॒प्तग॑णा॒ वै म॒रुतः॑ । ग॒ण॒श ए॒वास्मै॒ विश॑-ङ्कल्पयति । स प्र॒जाप॑ति-रशोचत् ॥ 14 ॥

याः पूर्वाः᳚ प्र॒जा असृ॑क्षि । म॒रुत॒स्ता अ॑वधिषुः । क॒थमप॑रा-स्सृजे॒येति॑ । तस्य॒ शुष्म॑ आ॒ण्ड-म्भू॒त-न्निर॑वर्तत । तद्व्युद॑हरत् । तद॑पोषयत् । त-त्प्राजा॑यत । आ॒ण्डस्य॒ वा ए॒त-द्रू॒पम् । यदा॒मिक्षा᳚ । यद्व्यु॒द्धर॑ति ॥ 15 ॥

प्र॒जा ए॒व त-द्यज॑मानः पोषयति । वै॒श्व॒दे॒व्या॑मिक्षा॑ भवति । वै॒श्व॒दे॒व्यो॑ वै प्र॒जाः । प्र॒जा ए॒वास्मै॒ प्रज॑नयति । वाजि॑न॒मान॑यति । प्र॒जास्वे॒व प्रजा॑तासु॒ रेतो॑ दधाति । द्या॒वा॒पृ॒थि॒व्य॑ एक॑कपालो भवति । प्र॒जा ए॒व प्रजा॑ता॒ द्यावा॑पृथि॒वीभ्या॑-मुभ॒यतः॒ परि॑ गृह्णाति । दे॒वा॒सु॒रा-स्संयँ॑त्ता आसन्न् । सा᳚-ऽग्निर॑ब्रवीत् ॥ 16 ॥

मामग्रे॑ यजत । मया॒ मुखे॒नासु॑रा-ञ्जेष्य॒थेति॑ । मा-न्द्वि॒तीय॒मिति॒ सोमो᳚-ऽब्रवीत् । मया॒ राज्ञा॑ जेष्य॒थेति॑ । मा-न्तृ॒तीय॒मिति॑ सवि॒ता । मया॒ प्रसू॑ता जेष्य॒थेति॑ । मा-ञ्च॑तु॒र्थीमिति॒ सर॑स्वती । इ॒न्द्रि॒यं-वोँ॒-ऽह-न्धा᳚स्या॒मीति॑ । मा-म्प॑ञ्च॒ममिति॑ पू॒षा । मया᳚ प्रति॒ष्ठया॑ जेष्य॒थेति॑ ॥ 17 ॥

ते᳚-ऽग्निना॒ मुखे॒नासु॑रानजयन्न् । सोमे॑न॒ राज्ञा᳚ । स॒वि॒त्रा प्रसू॑ताः । सर॑स्वतीन्द्रि॒य-म॑दधात् । पू॒षा प्र॑ति॒ष्ठा ऽऽसी᳚त् । ततो॒ वै दे॒वा व्य॑जयन्त । यदे॒तानि॑ ह॒वीग्ंषि॑ निरु॒प्यन्ते॒ विजि॑त्यै । नोत्त॑रवे॒दिमुप॑- वपति । प॒शवो॒ वा उ॑त्तरवे॒दिः । अजा॑ता इव॒ ह्ये॑तर्हि॑ प॒शवः॑ ॥ 18 ॥

(ऐ॒-द्- इत्य॑ - शोच-द्- व्यु॒द्धर॑ - त्यब्रवीत् - प्रति॒ष्ठया॑ जेष्य॒थे ॒ त्ये॒तरःइ॑ प॒शवः॑) (अ. 2)

अनुवाकं 3 - वैश्वदेवपर्गतानि विश्वेषाङ्गानि

त्रि॒वृ-द्ब॒र्॒हि-र्भ॑वति । मा॒ता पि॒ता पु॒त्रः । तदे॒व त-न्मि॑थु॒नम् । उल्ब॒-ङ्गर्भो॑ ज॒रायु॑ । तदे॒व त-न्मि॑थु॒नम् । त्रे॒धा ब॒र्॒हि-स्सन्न॑द्ध-म्भवति । त्रय॑ इ॒मे लो॒काः । ए॒ष्वे॑व लो॒केषु॒ प्रति॑ तिष्ठति । ए॒क॒धा पुन॒-स्सन्न॑द्ध-म्भवति । एक॑ इव॒ ह्य॑यं-लोँ॒कः ॥ 19 ॥

अ॒स्मिन्ने॒व तेन॑ लो॒के प्रति॑ तिष्ठति । प्र॒सुवो॑ भवन्ति । प्र॒थ॒म॒जामे॒व पुष्टि॒मव॑ रुन्धे । प्र॒थ॒म॒जो व॒थ्सो दक्षि॑णा॒ समृ॑द्ध्यै । पृ॒ष॒दा॒ज्य-ङ्गृ॑ह्णाति । प॒शवो॒ वै पृ॑षदा॒ज्यम् । प॒शूने॒वाव॑ रुन्धे । प॒ञ्च॒गृ॒ही॒त-म्भ॑वति । पाङ्क्ता॒ हि प॒शवः॑ । ब॒हु॒रू॒प-म्भ॑वति ॥ 20 ॥

ब॒हु॒रू॒पा हि प॒शव॒-स्समृ॑द्ध्यै । अ॒ग्नि-म्म॑न्थन्ति । अ॒ग्निमु॑खा॒ वै प्र॒जाप॑तिः प्र॒जा अ॑सृजत । यद॒ग्नि-म्मन्थ॑न्ति । अ॒ग्निमु॑खा ए॒व त-त्प्र॒जा यज॑मान-स्सृजते । नव॑ प्रया॒जा इ॑ज्यन्ते । नवा॑नूया॒जाः । अ॒ष्टौ ह॒वीग्ंषि॑ । द्वावा॑घा॒रौ । द्वावाज्य॑भागौ ॥ 21 ॥

त्रि॒ग्ं॒श-थ्सम्प॑द्यन्ते । त्रि॒ग्ं॒शद॑क्षरा वि॒राट् । अन्नं॑-विँ॒राट् । वि॒राजै॒वान्नाद्य॒मव॑ रुन्धे । यज॑मानो॒ वा एक॑कपालः । तेज॒ आज्य᳚म् । यदेक॑कपाल॒ आज्य॑मा॒नय॑ति । यज॑मानमे॒व तेज॑सा॒ सम॑र्धयति । यज॑मानो॒ वा एक॑कपालः । प॒शव॒ आज्य᳚म् ॥ 22 ॥

यदेक॑कपाल॒ आज्य॑मा॒नय॑ति । यज॑मानमे॒व प॒शुभि॒-स्सम॑र्धयति । यदल्प॑मा॒नये᳚त् । अल्पा॑ एन-म्प॒शवो॑ भु॒ञ्जन्त॒ उप॑तिष्ठेरन्न् । य-द्ब॒ह्वा॑नये᳚त् । ब॒हव॑ एन-म्प॒शवो भु॑ञ्जन्त॒ उप॑तिष्ठेरन्न् । ब॒ह्वा॑नीया॒विः पृ॑ष्ठ-ङ्कुर्यात् । ब॒हव॑ ए॒वैन॑-म्प॒शवो॑ भु॒ञ्जन्त॒ उप॑तिष्ठन्ते । यज॑मानो॒ वा एक॑कपालः । यदेक॑कपालस्याव॒द्येत् ॥ 23 ॥

यज॑मान॒स्याव॑द्येत् । उद्वा॒ माद्ये॒-द्यज॑मानः । प्र वा॑ मीयेत । स॒कृदे॒व हो॑त॒व्यः॑ । स॒कृदि॑व॒ हि सु॑व॒र्गो लो॒कः । हु॒त्वा-ऽभि जु॑होति । यज॑मानमे॒व सु॑व॒र्गं-लोँ॒क-ङ्ग॑मयि॒त्वा । तेज॑सा॒ सम॑र्धयति । यज॑मानो॒ वा एक॑कपालः । सु॒व॒र्गो लो॒क आ॑हव॒नीयः॑ ॥ 24 ॥

यदेक॑कपाल-माहव॒नीये॑ जु॒होति॑ । यज॑मानमे॒व सु॑व॒र्गं-लोँ॒क-ङ्ग॑मयति । यद्धस्ते॑न जुहु॒यात् । सु॒व॒र्गा-ल्लो॒का-द्यज॑मान॒-मव॑विद्ध्येत् । स्रु॒चा जु॑होति । सु॒व॒र्गस्य॑ लो॒कस्य॒ सम॑ष्ट्यै । य-त्प्राम्पद्ये॑त । दे॒व॒लो॒कम॒भि ज॑येत् । य-द्द॑क्षि॒णा पि॑तृलो॒कम् । य-त्प्र॒त्यक् ॥ 25 ॥

रक्षाग्ं॑सि य॒ज्ञग्ं ह॑न्युः । यदुदङ्ङ्॑ । म॒नु॒ष्य॒लो॒क-म॒भिज॑येत् । प्रति॑ष्ठितो होत॒व्यः॑ । एक॑कपालं॒-वैँ प्र॑ति॒तिष्ठ॑न्त॒-न्द्यावा॑पृथि॒वी अनु॒ प्रति॑तिष्ठतः । द्यावा॑पृथि॒वी ऋ॒तवः॑ । ऋ॒तून्. य॒ज्ञः । य॒ज्ञं-यँज॑मानः । यज॑मान-म्प्र॒जाः । तस्मा॒त्-प्रति॑ष्ठितो होत॒व्यः॑ ॥ 26 ॥

वा॒जिनो॑ यजति । अ॒ग्निर्वा॒यु-स्सूर्यः॑ । ते वै वा॒जिनः॑ । ताने॒व त-द्य॑जति । अथो॒ खल्वा॑हुः । छन्दाग्ं॑सि॒ वै वा॒जिन॒ इति॑ । तान्ये॒व त-द्य॑जति । ऋ॒ख्सा॒मे वा इन्द्र॑स्य॒ हरी॑ सोम॒पानौ᳚ । तयोः᳚ परि॒धय॑ आ॒धान᳚म् । वाजि॑न-म्भाग॒धेय᳚म् ॥ 27 ॥

यदप्र॑हृत्य परि॒धीञ्जु॑हु॒यात् । अ॒न्तरा॑धानाभ्या-ङ्घा॒स-म्प्रय॑च्छेत् । प्र॒हृत्य॑ परि॒धीञ्जु॑होति । निरा॑धानाभ्यामे॒व घा॒स-म्प्रय॑च्छति । ब॒र्॒हिषि॑ विषि॒ञ्चन्वाजि॑न॒-मान॑यति । प्र॒जा वै ब॒र॒ःइः । रेतो॒ वाजि॑नम् । प्र॒जास्वे॒व रेतो॑ दधाति । स॒मु॒प॒हूय॑ भक्षयन्ति । ए॒त-थ्सो॑मपीथा॒ ह्ये॑ते । अथो॑ आ॒त्मन्ने॒व रेतो॑ दधते । यज॑मान उत्त॒मो भ॑क्षयति । प॒शवो॒ वै वाजि॑नम् । यज॑मान ए॒व प॒शू-न्प्रति॑ष्ठापयन्ति ॥ 28 ॥

(लो॒को - ब॑हुरू॒प-म्भ॑व॒ - त्याज्य॑भागौ - प॒शव॒ आज्य॑ - मव॒द्ये - दा॑हव॒नीयः॑ - प्र॒त्यक् - तस्मा॒-त्प्रति॑ष्ठितो होत॒व्यो॑ - भाग॒धेय॑ - मे॒ते च॒त्वारि॑ च) (अ. 3)

अनुवाकं 4 - वरुणप्रघासाः

प्र॒जाप॑ति-स्सवि॒ता भू॒त्वा प्र॒जा अ॑सृजत । ता ए॑न॒मत्य॑मन्यन्त । ता अ॑स्मा॒दपा᳚क्रामन्न् । ता वरु॑णो भू॒त्वा प्र॒जा वरु॑णेनाग्राहयत् । ताः प्र॒जा वरु॑णगृहीताः । प्र॒जाप॑ति॒-म्पुन॒रुपा॑धावन्ना॒थ-मि॒च्छमा॑नाः । स ए॒तान्-प्र॒जाप॑ति-र्वरुण प्रघा॒सान॑पश्यत् । तान्निर॑वपत् । तैर्वै स प्र॒जा व॑रुण-पा॒शाद॑मुञ्चत् । य-द्व॑रुण-प्रघा॒सा नि॑रु॒प्यन्ते᳚ ॥ 29 ॥

प्र॒जाना॒मव॑रुणग्राहाय । तासा॒-न्दक्षि॑णो बा॒हु-र्न्य॑क्न॒ आसी᳚त् । स॒व्यः प्रसृ॑तः । स ए॒ता-न्द्वि॒तीया᳚-न्दक्षिण॒तो वेदि॒मुद॑हन्न् । ततो॒ वै स प्र॒जाना॒-न्दक्षि॑ण-म्बा॒हु-म्प्रासा॑रयत् । य-द्द्वि॒तीया᳚-न्दक्षिण॒तो वेदि॑मु॒द्धन्ति॑ । प्र॒जाना॑मे॒व त-द्यज॑मानो॒ दक्षि॑ण-म्बा॒हु-म्प्रसा॑रयति । तस्मा᳚च्चातुर्मास्यया॒ज्य॑मुष्मि॑न् ँलो॒क उ॑भ॒याबा॑हुः । य॒ज्ञाभि॑जित॒ग्ग्॒ ह्य॑स्य । पृ॒थ॒मा॒त्रा-द्वेदी॒ अस॑भिन्न्ने भवतः ॥ 30 ॥

तस्मा᳚त्-पृथमा॒त्रं-व्यँग्ंसौ᳚ । उत्त॑रस्यां॒-वेँद्या॑मुत्तरवे॒दिमुप॑ वपति । प॒शवो॒ वा उ॑त्तरवे॒दिः । प॒शूने॒वाव॑ रुन्धे । अथो॑ यज्ञप॒रुषो-ऽन॑न्तरित्यै । ए॒त-द्ब्रा᳚ह्मणान्ये॒व पञ्च॑ ह॒वीग्ंषि॑ । अथै॒ष ऐ᳚न्द्रा॒ग्नो भ॑वति । प्रा॒णा॒पा॒नौ वा ए॒तौ दे॒वाना᳚म् । यदि॑न्द्रा॒ग्नी । यदै᳚न्द्रा॒ग्नो भव॑ति ॥ 31 ॥

प्रा॒णा॒पा॒नावे॒वाव॑ रुन्धे । ओजो॒ बलं॒-वाँ ए॒तौ दे॒वाना᳚म् । यदि॑न्द्रा॒ग्नी । यदै᳚न्द्रा॒ग्नो भव॑ति । ओजो॒ बल॑मे॒वाव॑ रुन्धे । मा॒रु॒त्या॑मिक्षा॑ भवति । वा॒रु॒ण्या॑मिक्षा᳚ । मे॒षी च॑ मे॒षश्च॑ भवतः । मि॒थु॒ना ए॒व प्र॒जा व॑रुणपा॒शा-न्मु॑ञ्चति । लो॒म॒शौ भ॑वतो मेद्ध्य॒त्वाय॑ ॥ 32 ॥

श॒मी॒प॒र्णान्युप॑ वपति । घा॒समे॒वाभ्या॒मपि॑ यच्छति । प्र॒जाप॑तिम॒न्नाद्य॒-न्नोपा॑नमत् । स ए॒तेन॑ श॒तेद्ध्मे॑न ह॒विषा॒ ऽन्नाद्य॒म-वा॑रुन्ध । य-त्प॑र-श्श॒तानि॑ शमीप॒र्णानि॒ भव॑न्ति । अ॒न्नाद्य॒स्याव॑-रुद्ध्यै । सौ॒म्यानि॒ वै क॒रीरा॑णि । सौ॒म्या खलु॒ वा आहु॑ति-र्दि॒वो वृष्टि॑-ञ्च्यावयति । यत्-क॒रीरा॑णि॒ भव॑न्ति । सौ॒म्ययै॒वाहु॑त्या दि॒वो वृष्टि॒मव॑ रुन्धे । का॒य एक॑कपालो भवति । प्र॒जाना᳚-ङ्क॒त्वांयँ॑ । प्र॒ति॒पू॒रु॒ष-ङ्क॑रम्भ पा॒त्राणि॑ भवन्ति । जा॒ता ए॒व प्र॒जा व॑रुणपा॒शा-न्मु॑ञ्चति । एक॒-मति॑रिक्तम् । ज॒नि॒ष्यमा॑णा ए॒व प्र॒जा व॑रुणपा॒शा-न्मु॑ञ्चति ॥ 33 ॥

(नि॒रु॒प्यन्ते॑- भवतो॒ - भव॑ति - मेद्ध्य॒त्वाय॑ - रुन्धे॒ षट्च॑) (अ. 4)

अनुवाकं 5 - तच्छेषः

उत्त॑रस्यां॒-वेँद्या॑म॒न्यानि॑ ह॒वीग्ंषि॑ सादयति । दक्षि॑णाया-म्मारु॒तीम् । अ॒प॒धु॒रमे॒वैना॑ युनक्ति । अथो॒ ओज॑ ए॒वासा॒मव॑हरति । तस्मा॒-द्ब्रह्म॑णश्च क्ष॒त्राच्च॒ विशो᳚-ऽन्यतो-ऽपक्र॒मिणीः᳚ । मा॒रु॒त्या पूर्व॑या॒ प्रच॑रति । अनृ॑तमे॒वाव॑ यजते । वा॒रु॒ण्योत्त॑रया । अ॒न्त॒त ए॒व वरु॑ण॒मव॑-यजते । यदे॒वाद्ध्व॒र्युः क॒रोति॑ ॥ 34 ॥

त-त्प्र॑तिप्रस्था॒ता क॑रोति । तस्मा॒-द्यच्छ्रेया᳚न्-क॒रोति॑ । त-त्पापी॑यान्-करोति । पत्नीं᳚ ँवाचयति । मेद्ध्या॑मे॒वैना᳚-ङ्करोति । अथो॒ तप॑ ए॒वैना॒मुप॑ नयति । यज्जा॒रग्ं सन्त॒-न्न प्र॑ब्रू॒यात् । प्रि॒य-ञ्ज्ञा॒तिग्ं रु॑न्ध्यात् । अ॒सौ मे॑ जा॒र इति॒ निर्दि॑शेत् । नि॒र्दिश्यै॒वैनं॑-वँरुणपा॒शेन॑ ग्राहयति ॥ 35 ॥

प्र॒घा॒स्यान्॑. हवामह॒ इति॒ पत्नी॑-मु॒दान॑यति । अह्व॑तै॒वैना᳚म् । यत्-पत्नी॑ पुरोनुवा॒क्या॑मनु ब्रू॒यात् । निर्वी᳚र्यो॒ यज॑मान-स्स्यात् । यज॑मा॒नो ऽन्वा॑ह । आ॒त्मन्ने॒व वी॒र्य॑-न्धत्ते । उ॒भौ या॒ज्याग्ं॑ सवीर्य॒त्वाय॑ । यद्ग्रामे॒ यदर॑ण्य॒ इत्या॑ह । य॒थो॒दि॒तमे॒व वरु॑ण॒मव॑ यजते । य॒ज॒मा॒न॒दे॒व॒त्यो॑ वा आ॑हव॒नीयः॑ ॥ 36 ॥

भ्रा॒तृ॒व्य॒ दे॒व॒त्यो॑ दक्षि॑णः । यदा॑हव॒नीये॑ जुहु॒यात् । यज॑मानं-वँरुणपा॒शेन॑ ग्राहयेत् । दक्षि॑णे॒ ऽग्नौ जु॑होति । भ्रातृ॑व्यमे॒व व॑रुणपा॒शेन॑ ग्राहयति । शूर्पे॑ण जुहोति । अन्य॑मे॒व वरु॑ण॒मव॑यजते । शी॒र्॒षन्न॑धि नि॒धाय॑ जुहोति । शी॒र्॒ष॒त ए॒व वरु॑ण॒मव॑ यजते । प्र॒त्यन्तिष्ठ॑ञ्जुहोति ॥ 37 ॥

प्र॒त्यङ्ङे॒व वरु॑णपा॒शा-न्निर्मु॑च्यते । अक्र॒न्कर्म॑ कर्म॒कृत॒ इत्या॑ह । दे॒वानृ॒ण-न्नि॑रव॒दाय॑ । अ॒नृ॒णा गृ॒हानुप॒-प्रेतेति॒ वावैतदा॑ह । वरु॑ण गृहीतं॒-वाँ ए॒त-द्य॒ज्ञस्य॑ । य-द्यजु॑षा गृही॒तस्या॑ति॒रिच्य॑ते । तुषा᳚श्च निष्का॒सश्च॑ । तुषै᳚श्च निष्का॒सेन॑ चावभृ॒थमवै॑ति । वरु॑ण-गृहीतेनै॒व वरु॑ण॒मव॑यजते । अ॒पो॑-ऽवभृ॒थमवै॑ति ॥ 38 ॥

अ॒फ्सु वै वरु॑णः । सा॒क्षादे॒व वरु॑ण॒मव॑ यजते । प्रति॑युतो॒ वरु॑णस्य॒ पाश॒ इत्या॑ह । व॒रु॒ण॒पा॒शादे॒व निर्मु॑च्यते । अप्र॑तीक्ष॒-माय॑न्ति । वरु॑णस्या॒न्तर्हि॑त्यै । एधो᳚-ऽस्येधिषी॒महीत्या॑ह । स॒मिधै॒वाग्नि-न्न॑म॒स्यन्त॑ उ॒पाय॑न्ति । तेजो॑-ऽसि॒ तेजो॒ मयि॑ धे॒हीत्या॑ह । तेज॑ ए॒वात्मन्ध॑त्ते ॥ 39 ॥

(क॒रोति॑ - ग्राहय - त्याहव॒नीय॒ - स्तिष्ठ॑ञ्जुहो - त्य॒पो॑-ऽवभृ॒थमवै॑ति - धत्ते) (अ. 5)

अनुवाकं 6 - साकमेधाः

दे॒वा॒सु॒रा-स्संयँ॑त्ता आसन्न् । सो᳚-ऽग्निर॑ब्रवीत् । ममे॒य-मनी॑कवती त॒नूः । ता-म्प्री॑णीत । अथासु॑रान॒भि भ॑विष्य॒थेति॑ । ते दे॒वा अ॒ग्नये-ऽनी॑कवते पुरो॒डाश॑म॒ष्टाक॑पाल॒-न्निर॑वपन्न् । सो᳚-ऽग्निरनी॑कवा॒न्-थ्स्वेन॑ भाग॒धेये॑न प्री॒तः । च॒तु॒र्धा ऽनी॑का-न्यजनयत । ततो॑ दे॒वा अभ॑वन्न् । परा ऽसु॑राः ॥ 40 ॥

यद॒ग्नये-ऽनी॑कवते पुरो॒डाश॑म॒ष्टाक॑पाल-न्नि॒र्वप॑ति । अ॒ग्निमे॒वानी॑कवन्त॒ग्ग्॒ स्वेन॑ भाग॒धेये॑न प्रीणाति । सो᳚-ऽग्निरनी॑कवा॒न्-थ्स्वेन॑ भाग॒धेये॑न प्री॒तः । च॒तु॒र्धा ऽनी॑कानि जनयते । अ॒सौ वा आ॑दि॒त्यो᳚-ऽग्नि-रनी॑कवान् । तस्य॑ र॒श्मयो-ऽनी॑कानि । सा॒कग्ं सूर्ये॑णोद्य॒ता निर्व॑पति । सा॒क्षादे॒वास्मा॒ अनी॑कानि जनयति । ते-ऽसु॑राः॒ परा॑जिता॒ यन्तः॑ । द्यावा॑पृथि॒वी उपा᳚श्रयन्न् ॥ 41 ॥

ते दे॒वा म॒रुद्भ्यः॑ सान्तप॒नेभ्य॑श्च॒रु-न्निर॑वपन्न् । ता-न्द्यावा॑पृथि॒वीभ्या॑-मे॒वोभ॒यत॒-स्सम॑तपन्न् । यन्म॒रुद्भ्यः॑ सान्तप॒नेभ्य॑श्च॒रु-न्नि॒र्वप॑ति । द्यावा॑पृथि॒वीभ्या॑मे॒व तदु॑भ॒यतो॒ यज॑मानो॒ भ्रातृ॑व्या॒न्-थ्सन्त॑पति । म॒द्ध्यन्दि॑ने॒ निर्व॑पति । तर्हि॒ हि ते-ऽक्ष्णि॑ष्ठ॒-न्तप॑ति । च॒रुर्भ॑वति । स॒र्वत॑ ए॒वैना॒न्-थ्सन्त॑पति । ते दे॒वा-श्श्वो॑ विज॒यिन॒-स्सन्तः॑ । सर्वा॑सा-न्दु॒ग्धे गृ॑हमे॒धीय॑-ञ्च॒रु-न्निर॑वपन्न् ॥ 42 ॥

आशि॑ता ए॒वाद्योप॑वसाम । कस्य॒ वा-ऽहे॒दम् । कस्य॑ वा॒ श्वो भ॑वि॒तेति॑ । स शृ॒तो॑-ऽभवत् । तस्याहु॑तस्य॒ नाश्ञन्न्॑ । न हि दे॒वा अहु॑तस्या॒श्ञन्ति॑ । ते᳚-ऽब्रुवन्न् । कस्मा॑ इ॒मग्ं हो᳚ष्याम॒ इति॑ । म॒रुद्भ्यो॑ गृहमे॒धिभ्य॒ इत्य॑ब्रुवन्न् । त-म्म॒रुद्भ्यो॑ गृहमे॒धिभ्यो॑-ऽजुहवुः ॥ 43 ॥

ततो॑ दे॒वा अभ॑वन्न् । परा-ऽसु॑राः । यस्यै॒वं-विँ॒दुषो॑ म॒रुद्भ्यो॑ गृहमे॒धिभ्यो॑ गृ॒हे जुह्व॑ति । भव॑त्या॒त्मना᳚ । परा᳚-ऽस्य॒ भ्रातृ॑व्यो भवति । यद्वै य॒ज्ञस्य॑ पाक॒त्रा क्रि॒यते᳚ । प॒श॒व्य॑-न्तत् । पा॒क॒त्रा वा ए॒तत्क्रि॑यते । यन्नेद्ध्माब॒र्॒हि-र्भव॑ति । न सा॑मिधे॒नी-र॒न्वाह॑ ॥ 44 ॥

न प्र॑या॒जा इ॒ज्यन्ते᳚ । नानू॑या॒जाः । य ए॒वं-वेँद॑ । प॒शु॒मा-न्भ॑वति । आज्य॑भागौ यजति । य॒ज्ञस्यै॒व चक्षु॑षी॒ नान्तरे॑ति । म॒रुतो॑ गृहमे॒धिनो॑ यजति । भा॒ग॒धेये॑-नै॒वैना॒न्-थ्सम॑र्धयति । अ॒ग्निग्ग् स्वि॑ष्ट॒कृतं॑-यँजति॒ प्रति॑ष्ठित्यै । इडा᳚न्तो भवति । प॒शवो॒ वा इडा᳚ । प॒शुष्वे॒वोपरि॑ष्टा॒-त्प्रति॑ तिष्ठति ॥ 45 ॥

(असु॑रा - अश्रयन् - गृहमे॒धीयं॑ च॒रु-न्निर॑वपन् - नजुहवु - र॒न्वा - हेडा᳚न्तो भवति॒ द्वे च॑) (अ. 6)

अनुवाकं 7 - तच्छेषः

यत्पत्नी॑ गृहमे॒धीय॑-स्याश्ञी॒यात् । गृ॒ह॒मे॒द्ध्ये॑व स्या᳚त् । वि त्व॑स्य य॒ज्ञ ऋ॑ध्येत । यन्नाश्ञी॒यात् । अगृ॑हमेधी स्यात् । नास्य॑ य॒ज्ञो व्यृ॑द्ध्येत । प्रति॑वेश-म्पचेयुः । तस्या᳚श्ञीयात् । गृ॒ह॒मे॒द्ध्ये॑व भ॑वति । नास्य॑ य॒ज्ञो व्यृ॑द्ध्यते ॥ 46 ॥

ते दे॒वा गृ॑हमे॒धीये॑ने॒ष्ट्वा । आशि॑ता अभवन्न् । आञ्ज॑ता॒भ्य॑ञ्जत । अनु॑ व॒थ्सा-न॑वासयन्न् । तेभ्यो-ऽसु॑राः॒, क्षुध॒-म्प्राहि॑ण्वन्न् । सा दे॒वेषु॑ लो॒कमवि॑त्त्वा । असु॑रा॒न्-पुन॑रगच्छत् । गृ॒ह॒मे॒धीये॑ने॒ष्ट्वा । आशि॑ता भवन्ति । आञ्ज॑ते॒-ऽभ्य॑ञ्जते ॥ 47 ॥

अनु॑ व॒थ्सान्. वा॑सयन्ति । भ्रातृ॑व्यायै॒व त-द्यज॑मानः॒, क्षुध॒-म्प्रहि॑णोति । ते दे॒वा गृ॑हमे॒धीये॑ने॒ष्ट्वा । इन्द्रा॑य निष्का॒स-न्न्य॑दधुः । अ॒स्माने॒व श्व इन्द्रो॒ निहि॑तभाग उपावर्ति॒तेति॑ । तानिन्द्रो॒ निहि॑तभाग उ॒पाव॑र्तत । गृ॒ह॒मे॒धीये॑ने॒ष्ट्वा । इन्द्रा॑य निष्का॒स-न्निद॑द्ध्यात् । इन्द्र॑ ए॒वैन॒-न्निहि॑तभाग उ॒पाव॑र्तते । गार्ह॑पत्ये जुहोति ॥ 48 ॥

भा॒ग॒धेये॑ने॒वैन॒ग्ं॒ सम॑र्धयति । ऋ॒ष॒भमाह्व॑यति । व॒ष॒ट्का॒र ए॒वास्य॒ सः । अथो॑ इन्द्रि॒यमे॒व त-द्वी॒र्यं॑-यँज॑मानो॒ भ्रातृ॑व्यस्य वृङ्क्ते । इन्द्रो॑ वृ॒त्रग्ं ह॒त्वा । परा᳚-म्परा॒वत॑-मगच्छत् । अपा॑राध॒मिति॒ मन्य॑मानः । सो᳚-ऽब्रवीत् । क इ॒दं-वेँ॑दिष्य॒तीति॑ । ते᳚-ऽब्रुव-न्म॒रुतो॒ वरं॑-वृँणामहै ॥ 49 ॥

अथ॑ व॒यं-वेँ॑दाम । अ॒स्मभ्य॑मे॒व प्र॑थ॒मग्ं ह॒विर्निरु॑प्याता॒ इति॑ । त ए॑न॒मद्ध्य॑-क्रीडन्न् । तत्क्री॒डिना᳚-ङ्क्रीडि॒त्वम् । य-न्म॒रुद्भ्यः॑ क्री॒डिभ्यः॑ प्रथ॒मग्ं ह॒विर्नि॑रु॒प्यते॒ विजि॑त्यै । सा॒कग्ं सूर्ये॑णोद्य॒ता निर्व॑पति । ए॒तस्मि॒न् वै लो॒क इन्द्रो॑ वृ॒त्रम॑ह॒न्-थ्समृ॑द्ध्यै । ए॒त-द्ब्रा᳚ह्मणान्ये॒व पञ्च॑ ह॒वीग्ंषि॑ । ए॒त-द्ब्रा᳚ह्मण ऐन्द्रा॒ग्नः । अथै॒ष ऐ॒न्द्रश्च॒रु-र्भ॑वति ॥ 50 ॥

उ॒द्धा॒रं-वाँ ए॒तमिन्द्र॒ उद॑हरत । वृ॒त्रग्ं ह॒त्वा । अ॒न्यासु॑ दे॒वता॒स्वधि॑ । यदे॒ष ऐ॒न्द्र-श्च॒रु-र्भव॑ति । उ॒द्धा॒रमे॒व तं-यँज॑मान॒ उद्ध॑रते । अ॒न्यासु॑ प्र॒जास्वधि॑ । वै॒श्व॒क॒र्म॒ण एक॑कपालो भवति । विश्वा᳚न्ये॒व तेन॒ कर्मा॑णि॒ यज॑मा॒नो ऽव॑रुन्धे ॥ 51 ॥

(ऋ॒द्ध्य॒ते॒-ऽ-भ्य॑ञ्जते-जुहोति-वृणामहै-भवत्य॒- +ष्टौ च॑) (अ. 7)

अनुवाकं 8 - पितृयज्ञः

वै॒श्व॒दे॒वेन॒ वै प्र॒जाप॑तिः प्र॒जा अ॑सृजत । ता व॑रुण-प्रघा॒सै-र्व॑रुणपा॒शाद॑मुञ्चत् । सा॒क॒मे॒धैः प्रत्य॑स्थापयत् । त्र्य॑म्बकै रु॒द्र-न्नि॒रवा॑दयत । पि॒तृ॒य॒ज्ञेन॑ सुव॒र्गं-लोँ॒कम॑गमयत् । य-द्वै᳚श्वदे॒वेन॒ यज॑ते । प्र॒जा ए॒व त-द्यज॑मान-स्सृजते । ता व॑रुण-प्रघा॒सै-र्व॑रुणपा॒शा-न्मु॑ञ्चति । सा॒क॒मे॒धैः प्रति॑ष्ठापयति । त्र्य॑म्बकैरु॒द्र-न्नि॒रव॑दयते ॥ 52 ॥

पि॒तृ॒य॒ज्ञेन॑ सुव॒र्गं-लोँ॒क-ङ्ग॑मयति । द॒क्षि॒ण॒तः प्रा॑चीनावी॒ती निर्व॑पति । द॒क्षि॒णावृ॒द्धि पि॑तृ॒णाम् । अना॑दृत्य॒ तत् । उ॒त्त॒र॒त ए॒वोप॒वीय॒ निर्व॑पेत् । उ॒भये॒ हि दे॒वाश्च॑ पि॒तर॑श्चे॒ज्यन्ते᳚ । अथो॒ यदे॒व द॑क्षिणा॒र्धे॑-ऽधि॒ श्रय॑ति । तेन॑ दक्षि॒णावृ॑त् । सोमा॑य पितृ॒मते॑ पुरो॒डाश॒ग्ं॒ षट्क॑पाल॒-न्निर्व॑पति । सं॒वँ॒थ्स॒रो वै सोमः॑ पितृ॒मान् ॥ 53 ॥

सं॒वँ॒थ्स॒रमे॒व प्री॑णाति । पि॒तृभ्यो॑ बर्हि॒षद्भ्यो॑ धा॒नाः । मासा॒ वै पि॒तरो॑ बर्हि॒षदः॑ । मासा॑ने॒व प्री॑णाति । यस्मि॒न् वा ऋ॒तौ पुरु॑षः प्र॒मीय॑ते । सो᳚-ऽस्या॒मुष्मि॑न् ँलो॒के भ॑वति । ब॒हु॒रू॒पा धा॒ना भ॑वन्ति । अ॒हो॒रा॒त्राणा॑-म॒भिजि॑त्यै । पि॒तृभ्यो᳚ ऽग्निष्वा॒त्तेभ्यो॑ म॒न्थम् । अ॒र्ध॒मा॒सा वै पि॒तरो᳚-ऽग्निष्वा॒त्ताः ॥ 54 ॥

अ॒र्ध॒मा॒साने॒व प्री॑णाति । अ॒भि॒वा॒न्या॑यै दु॒ग्धे भ॑वति । सा हि पि॑तृदेव॒त्य॑-न्दु॒हे । य-त्पू॒र्णम् । त-न्म॑नु॒ष्या॑णाम् । उ॒प॒र्य॒र्धो दे॒वाना᳚म् । अ॒र्धः पि॑तृ॒णाम् । अ॒र्ध उप॑मन्थति । अ॒र्धो हि पि॑तृ॒णाम् । एक॒योप॑मन्थति ॥ 55 ॥

एका॒ हि पि॑तृ॒णाम् । द॒क्षि॒णोप॑मन्थति । द॒क्षि॒णा वृ॒द्धि पि॑तृ॒णाम् । अना॑र॒भ्योप॑मन्थति । तद्धि पि॒तॄन्-गच्छ॑ति । इ॒मा-न्दिशं॒-वेँदि॒मुद्ध॑न्ति । उ॒भये॒ हि दे॒वाश्च॑ पि॒तर॑श्चे॒ज्यन्ते᳚ । चतुः॑ स्रक्तिर्भवति । सर्वा॒ ह्यनु॒ दिशः॑ पि॒तरः॑ । अखा॑ता भवति ॥ 56 ॥

खा॒ता हि दे॒वाना᳚म् । म॒द्ध्य॒तो᳚ ऽग्निराधी॑यते । अ॒न्त॒तो हि दे॒वाना॑-माधी॒यते᳚ । वर्षी॑यानि॒द्ध्म इ॒द्ध्मा-द्भ॑वति॒ व्यावृ॑त्त्यै । परि॑ श्रयति । अ॒न्तर्हि॑तो॒ हि पि॑तृलो॒को म॑नुष्यलो॒कात् । यत्-परु॑षि दि॒नम् । त-द्दे॒वाना᳚म् । यद॑न्त॒रा । त-न्म॑नु॒ष्या॑णाम् ॥ 57 ॥

य-थ्समू॑लम् । त-त्पि॑तृ॒णाम् । समू॑ल-म्ब॒र्॒हि-र्भ॑वति॒ व्यावृ॑त्त्यै । द॒क्षि॒णा स्तृ॑णाति । द॒क्षि॒णा वृ॒द्धि पि॑तृ॒णाम् । त्रिः पर्ये॑ति । तृ॒तीये॒ वा इ॒तो लो॒के पि॒तरः॑ । ताने॒व प्री॑णाति । त्रिः पुनः॒ पर्ये॑ति । षट्थ्सम्प॑द्यन्ते ॥ 58 ॥

षड्वा ऋ॒तवः॑ । ऋ॒तूने॒व प्री॑णाति । य-त्प्र॑स्त॒रं-यँजु॑षा गृह्णी॒यात् । प्र॒मायु॑को॒ यज॑मान-स्स्यात् । यन्न गृ॑ह्णी॒यात् । अ॒ना॒य॒त॒न-स्स्या᳚त् । तू॒ष्णीमे॒व न्य॑स्येत् । न प्र॒मायु॑को॒ भव॑ति । नाना॑यत॒नः । यत्-त्रीन्-प॑रि॒धी-न्प॑रिद॒द्ध्यात् ॥ 59 ॥

मृ॒त्युना॒ यज॑मान॒-म्परि॑ गृह्णीयात् । यन्न प॑रि-द॒द्ध्यात् । रक्षाग्ं॑सि य॒ज्ञग्ं ह॑न्युः । द्वौ प॑रि॒धी परि॑दधाति । रक्ष॑सा॒-मप॑हत्यै । अथो॑ मृ॒त्योरे॒व यज॑मान॒-मुथ्सृ॑जति । य-त्त्रीणि॑ त्रीणि ह॒वीग्ष्यु॑दा॒हरे॑युः । त्रय॑स्त्रय एषाग्ं सा॒क-म्प्रमी॑येरन्न् । एकै॑क-मनू॒चीना᳚-न्यु॒दाह॑रन्ति । एकै॑क ए॒वैषा॑म॒न्वञ्चः॒ प्रमी॑यते । क॒शिपु॑ कशिप॒व्या॑य । उ॒प॒बर्ह॑ण-मुपबर्ह॒ण्या॑य । आञ्ज॑न-माञ्ज॒न्या॑य । अ॒भ्यञ्ज॑न-मभ्यञ्ज॒न्या॑य । य॒था॒भा॒गमे॒वैना᳚-न्प्रीणाति ॥ 60 ॥

(नि॒रव॑दयते - पितृ॒मा - न॑ग्निष्वा॒त्ता - एक॒योप॑ मन्थ॒ - त्यखा॑ता भवति-मनु॒ष्या॑णां - पद्यन्ते - परिद॒द्ध्यान् - मी॑यते॒ पञ्च॑ च) (अ. 8)

अनुवाकं 9 - तच्छेषः

अ॒ग्नये॑ दे॒वेभ्यः॑ पि॒तृभ्यः॑ समि॒द्ध्यमा॑ना॒यानु॑ब्रू॒हीत्या॑ह ।

उ॒भये॒ हि दे॒वाश्च॑ पि॒तर॑श्चे॒ज्यन्ते᳚ । एका॒मन्वा॑ह । एका॒ हि पि॑तृ॒णाम् । त्रिरन्वा॑ह । त्रिर्हि दे॒वाना᳚म् । आ॒घा॒रावाघा॑रयति । य॒ज्ञ॒ प॒रुषो॒रन॑न्तरित्यै । नार्षे॒यं-वृँ॑णीते । न होता॑रम् ॥ 61 ॥

यदा॑र्षे॒यं-वृँ॑णी॒त । यद्धोता॑रम् । प्र॒मायु॑को॒ यज॑मान-स्स्यात् । प्र॒मायु॑को॒ होता᳚ । तस्मा॒न्न वृ॑णीते । यज॑मानस्य॒ होतु॑-र्गोपी॒थाय॑ । अप॑बर्हिषः प्रया॒जान्.-य॑जति । प्र॒जा वै ब॒र्॒हिः । प्र॒जा ए॒व मृ॒त्योरुथ्सृ॑जति । आज्य॑भागौ यजति ॥ 62 ॥

य॒ज्ञस्यै॒व चक्षु॑षी॒ नान्तरे॑ति । प्रा॒ची॒ना॒वी॒ती सोमं॑-यँजति । पि॒तृ॒दे॒व॒त्या॑ हि । ए॒षा ऽऽहु॑तिः । पञ्च॒ कृत्वो-ऽव॑द्यति । पञ्च॒ ह्ये॑ता दे॒वताः᳚ । द्वे पु॑रो-ऽनुवा॒क्ये᳚ । या॒ज्या॑ दे॒वता॑ वषट्का॒रः । ता ए॒व प्री॑णाति । सन्त॑त॒मव॑ द्यति ॥ 63 ॥

ऋ॒तू॒नाग्ं सन्त॑त्यै । प्रैवैभ्यः॒ पूर्व॑या पुरो-ऽनुवा॒क्य॑या ऽऽह । प्रण॑यति द्वि॒तीय॑या । ग॒मय॑ति या॒ज्य॑या । तृ॒तीये॒ वा इ॒तो लो॒के पि॒तरः॑ । अह्न॑ ए॒वैना॒-न्पूर्व॑या पुरो-ऽनुवा॒क्य॑या॒ ऽत्यान॑यति । रात्रि॑यै द्वि॒तीय॑या । ऐवैनान्॑. या॒ज्य॑या गमयति । द॒क्षि॒ण॒तो॑-ऽव॒दाय॑ । उद॒ङ्ङति॑ क्रामति॒ व्यावृ॑त्त्यै ॥ 64 ॥

आ स्व॒धेत्या-श्रा॑वयति । अस्तु॑ स्व॒धेति॑ प्र॒त्याश्रा॑वयति । स्व॒धा नम॒ इति॒ वष॑ट्करोति । स्व॒धा॒का॒रो हि पि॑तृ॒णाम् । सोम॒मग्रे॑ यजति । सोम॑ प्रयाजा॒ हि पि॒तरः॑ । सोम॑-म्पितृ॒मन्तं॑-यँजति । सं॒वँ॒थ्स॒रो वै सोमः॑ पितृ॒मान् । सं॒वँ॒थ्स॒रमे॒व त-द्य॑जति । पि॒तॄन्-ब॑र्हि॒षदो॑ यजति ॥ 65 ॥

ये वै यज्वा॑नः । ते पि॒तरो॑ बर्हि॒षदः॑ । ताने॒व त-द्य॑जति । पि॒तॄन॑ग्निष्वा॒त्तान्. य॑जति । ये वा अय॑ज्वानो गृहमे॒धिनः॑ । ते पि॒तरो᳚-ऽग्निष्वा॒त्ताः । ताने॒व त-द्य॑जति । अ॒ग्नि-ङ्क॑व्य॒वाह॑नं-यँजति । य ए॒व पि॑तृ॒णाम॒ग्निः । तमे॒व त-द्य॑जति ॥ 66 ॥

अथो॒ यथा॒-ऽग्निग्ग् स्वि॑ष्ट॒कृतं॒-यँज॑ति । ता॒दृगे॒व तत् । ए॒तत्ते॑ तत॒ ये च॒ त्वामन्विति॑ ति॒सृषु॑ स्र॒क्तीषु॒ निद॑धाति । तस्मा॒दा तृ॒तीया॒-त्पुरु॑षा॒न्नाम॒ न गृ॑ह्णन्ति । ए॒ताव॑न्तो॒ हीज्यन्ते᳚ । अत्र॑ पितरो यथाभा॒ग-म्म॑न्दद्ध्व॒मित्या॑ह । ह्लीका॒ हि पि॒तरः॑ । उद॑ञ्चो॒ निष्क्रा॑मन्ति । ए॒षा वै म॑नु॒ष्या॑णा॒-न्दिक् । स्वामे॒व त-द्दिश॒मनु॒ निष्क्रा॑मन्ति ॥ 67 ॥

आ॒ह॒व॒नीय॒-मुप॑तिष्ठन्ते । न्ये॑वास्मै॒ तद्ध्नु॑वते । यथ्स॒त्या॑हव॒नीये᳚ । अथा॒न्यत्र॒ चर॑न्ति । आतमि॑तो॒रुप॑तिष्ठन्ते । अ॒ग्निमे॒वोप॑द्र॒ष्टार॑-ङ्कृ॒त्वा । पि॒तॄ-न्नि॒रव॑दयन्ते । अन्तं॒-वाँ ए॒ते प्रा॒णाना᳚-ङ्गच्छन्ति । य आतमि॑तोरुप॒तिष्ठ॑न्ते । सु॒स॒न्दृश॑-न्त्वा व॒यमित्या॑ह ॥ 68 ॥

प्रा॒णो वै सु॑स॒न्दृक् । प्रा॒णमे॒वात्मन्-द॑धते । योजा॒ न्वि॑न्द्र ते॒ हरी॒ इत्या॑ह । प्रा॒णमे॒व पुन॑रयुक्त । अक्ष॒न्नमी॑मदन्त॒ हीति॒ गार्ह॑पत्य॒-मुप॑तिष्ठन्ते । अक्ष॒न्नमी॑मद॒न्ताथ॒ त्वोप॑तिष्ठामह॒ इति॒ वावैतदा॑ह । अमी॑मदन्त पि॒तरः॑ सो॒म्या इत्य॒भि प्रप॑द्यन्ते । अमी॑मदन्त पि॒तरो-ऽथ॑ त्वा॒-ऽभि प्रप॑द्यामह॒ इति॒ वावैतदा॑ह । अ॒पः परि॑षिञ्चति । मा॒र्जय॑त्ये॒वैनान्॑ ॥ 69 ॥

अथो॑ त॒र्पय॑त्ये॒व । तृप्य॑ति प्र॒जया॑ प॒शुभिः॑ । य ए॒वं-वेँद॑ । अप॑ बर्हिषावनूया॒जौ य॑जति । प्र॒जा वै ब॒र्॒हिः । प्र॒जा ए॒व मृ॒त्योरुथ्सृ॑जति । च॒तुरः॑ प्रया॒जान्. य॑जति । द्वाव॑नूया॒जौ । षट्थ्सम्प॑द्यन्ते । षड्वा ऋ॒तवः॑ ॥ 70 ॥

ऋ॒तूने॒व प्री॑णाति । न पत्न्यन्वा᳚स्ते । न संयाँ॑जयन्ति । यत्पत्न्य॒न्वासी॑त । यथ्सं॑याँ॒जये॑युः । प्र॒मायु॑का स्यात् । तस्मा॒न्नान्वा᳚स्ते । न संयाँ॑जयन्ति । पत्नि॑यै गोपी॒थाय॑ ॥ 71 ॥

(होता॑र॒ - माज्य॑भागौ यजति॒ - सन्त॑त॒मव॑द्यति॒ - व्यावृ॑त्त्यै - बर्हि॒षदो॑ यजति॒ - तमे॒व त-द्य॑ज॒- त्यनु॒ निष्क्रा॑मन्त्या - है - नान् - ऋ॒तवो॒ - +नव॑ च) (अ. 9)

अनुवाकं 10 - त्र्यम्बकहवींषि

प्र॒ति॒पू॒रु॒षमेक॑कपाला॒-न्निर्व॑पति । जा॒ता ए॒व प्र॒जा रु॒द्रान्नि॒रव॑दयते । एक॒मति॑रिक्तम् । ज॒नि॒ष्यमा॑णा ए॒व प्र॒जा रु॒द्रान्नि॒रव॑दयते । एक॑कपाला भवन्ति । ए॒क॒धैव रु॒द्र-न्नि॒रव॑दयते । नाभिघा॑रयति । यद॑भिघा॒रये᳚त् । अ॒न्त॒र॒व॒चा॒रिणग्ं॑ रु॒द्र-ङ्कु॑र्यात् । ए॒को॒ल्मु॒केन॑ यन्ति ॥ 72 ॥

तद्धि रु॒द्रस्य॑ भाग॒धेय᳚म् । इ॒मा-न्दिशं॑-यँन्ति । ए॒षा वै रु॒द्रस्य॒ दिक् । स्वाया॑मे॒व दि॒शि रु॒द्र-न्नि॒रव॑दयते । रु॒द्रो वा अ॑प॒शुका॑या॒ आहु॑त्यै॒ नाति॑ष्ठत । अ॒सौ ते॑ प॒शुरिति॒ निर्दि॑शे॒द्य-न्द्वि॒ष्यात् । यमे॒व द्वेष्टि॑ । तम॑स्मै प॒शु-न्निर्दि॑शति । यदि॒ न द्वि॒ष्यात् । आ॒खुस्ते॑ प॒शुरिति॑ ब्रूयात् ॥ 73 ॥

न ग्रा॒म्या-न्प॒शून्. हि॒नस्ति॑ । नार॒ण्यान् । च॒तु॒ष्प॒थे जु॑होति । ए॒ष वा अ॑ग्नी॒ना-म्पड्बी॑शो॒ नाम॑ । अ॒ग्नि॒वत्ये॒व जु॑होति । म॒द्ध्य॒मेन॑ प॒र्णेन॑ जुहोति । स्रुग्घ्ये॑षा । अथो॒ खलु॑ । अ॒न्त॒मेनै॒व हो॑त॒व्य᳚म् । अ॒न्त॒त ए॒व रु॒द्र-न्नि॒रव॑दयते ॥ 74 ॥

ए॒ष ते॑ रुद्र भा॒ग-स्स॒ह स्वस्रा-ऽम्बि॑क॒येत्या॑ह । श॒रद्वा अ॒स्याम्बि॑का॒ स्वसा᳚ । तया॒ वा ए॒ष हि॑नस्ति । यग्ं हि॒नस्ति॑ । तयै॒वैनग्ं॑ स॒ह श॑मयति । भे॒ष॒ज-ङ्गव॒ इत्या॑ह । याव॑न्त ए॒व ग्रा॒म्याः प॒शवः॑ । तेभ्यो॑ भेष॒ज-ङ्क॑रोति । अवा᳚म्ब रु॒द्रम॑दिम॒हीत्या॑ह । आ॒शिष॑मे॒वैतामाशा᳚स्ते ॥ 75 ॥

त्र्य॑म्बकं-यँजामह॒ इत्या॑ह । मृ॒त्यो-र्मु॑क्षीय॒ मा ऽमृता॒दिति॒ वावैतदा॑ह । उत्कि॑रन्ति । भग॑स्य लीफ्सन्ते । मूते॑ कृ॒त्वा-ऽऽस॑जन्ति । यथा॒ जनं॑-यँ॒ते॑-ऽव॒स-ङ्क॒रोति॑ । ता॒दृगे॒वतत् । ए॒ष ते॑ रुद्र भा॒ग इत्या॑ह नि॒रव॑त्त्यै । अप्र॑तीक्ष॒माय॑न्ति । अ॒पः परि॑षिञ्चति । रु॒द्रस्या॒न्तर्हि॑त्यै । प्र वा ए॒ते᳚-ऽस्मा-ल्लो॒काच्च्य॑वन्ते । ये त्र्य॑म्बकै॒श्चर॑न्ति । आ॒दि॒त्य-ञ्च॒रु-म्पुन॒रेत्य॒ निर्व॑पति । इ॒यं-वाँ अदि॑तिः । अ॒स्यामे॒व प्रति॑ तिष्ठन्ति ॥ 76 ॥

(य॒न्ति॒ - ब्रू॒या॒न् - नि॒रव॑दयते - शास्ते - सिञ्चति॒ षट्च॑) (अ. 10)

(अनु॑मत्यै - वैश्वदे॒वेन॒ ता-स्सृ॒ष्टा - स्त्रि॒वृत् - प्र॒जाप॑ति-स्सवि॒ - तोत्त॑रस्यां - देवासु॒रा-स्सो᳚-ऽग्नि--र् य-त्पत्नी॑ -वैश्वदे॒वेन॒ ता व॑रुणप्रघा॒सै - र॒ग्नये॑ दे॒वेभ्यः॑ - प्रतिपूरु॒ष-न्दश॑)

(अनु॑मत्यै - प्रथम॒जो व॒थ्सो - ब॑हुरू॒पा हि प॒शव॒ - स्तस्मा᳚-त्पृथमा॒त्रं - ँयद॒ग्नये-ऽनी॑कवत - उद्धा॒रं-वाँ - अ॒ग्नये॑ दे॒वेभ्य॑ - ऋ॒तूने॒व षट्थ्स॑प्ततिः)

(अनु॑मत्यै॒ - प्रति॑ तिष्ठन्ति)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके षष्ठः प्रपाठक-स्समाप्तः ॥