𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 - 𑌸𑍋𑌮𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌨𑌿𑌰𑍂𑌪𑌣𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌤𑌾𑌨𑌿॑ 𑌲𑍋॒𑌕𑌾𑌯॑ 𑌹𑍂𑌯𑌨𑍍𑌤𑍇॒ 𑌯-𑌦𑍍𑌦𑌾᳚𑌕𑍍𑌷𑌿॒𑌣𑌾𑌨𑌿॒ 𑌦𑍍𑌵𑌾𑌭𑍍𑌯𑌾॒-𑌙𑍍𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌆𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍋𑌤𑍍𑌯॒𑌨𑍍𑌤𑌰𑌿॑𑌕𑍍𑌷 𑌏॒𑌵𑌾-𑌽𑌽𑌕𑍍𑌰॑𑌮𑌤𑍇॒ 𑌸𑌦𑍋॒-𑌽𑌭𑍍𑌯𑍈𑌤𑌿॑ 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 𑌸𑍗॒𑌰𑍀𑌭𑍍𑌯𑌾॑𑌮𑍃॒𑌗𑍍𑌭𑍍𑌯𑌾-𑌙𑍍𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑍍𑌯॒𑌮𑍁𑌮𑍇॒𑌵𑍈𑌨𑌂॑-𑌲𑍋𑌁॒𑌕𑌗𑍍𑌂 𑌸॒𑌮𑌾𑌰𑍋॑𑌹𑌯𑌤𑌿॒ 𑌨𑌯॑𑌵𑌤𑍍𑌯॒𑌰𑍍𑌚𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍋𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒𑌭𑌿𑌨𑍀᳚𑌤𑍍𑌯𑍈॒ 𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪॒𑌤𑍇𑌤𑌿॒ 𑌹𑌿𑌰॑𑌣𑍍𑌯𑌗𑍍𑌂 [𑌹𑌿𑌰॑𑌣𑍍𑌯𑌮𑍍, 𑌹𑍁॒𑌤𑍍𑌵𑍋-𑌦𑍍𑌗𑍃॑𑌹𑍍𑌣𑌾𑌤𑌿] 1
𑌹𑍁॒𑌤𑍍𑌵𑍋-𑌦𑍍𑌗𑍃॑𑌹𑍍𑌣𑌾𑌤𑌿 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 𑌰𑍂॒𑌪𑍇𑌣॑ 𑌵𑍋 𑌰𑍂॒𑌪𑌮॒𑌭𑍍𑌯𑍈𑌮𑍀𑌤𑍍𑌯𑌾॑𑌹 𑌰𑍂॒𑌪𑍇𑌣॒ 𑌹𑍍𑌯𑌾॑𑌸𑌾𑌗𑍍𑌂 𑌰𑍂॒𑌪𑌮॒𑌭𑍍𑌯𑍈𑌤𑌿॒ 𑌯𑌦𑍍𑌧𑌿𑌰॑𑌣𑍍𑌯𑍇𑌨 𑌤𑍁॒𑌥𑍋 𑌵𑍋॑ 𑌵𑌿॒𑌶𑍍𑌵𑌵𑍇॑𑌦𑌾॒ 𑌵𑌿 𑌭॑𑌜॒𑌤𑍍𑌵𑌿𑌤𑍍𑌯𑌾॑𑌹 𑌤𑍁॒𑌥𑍋 𑌹॑ 𑌸𑍍𑌮॒ 𑌵𑍈 𑌵𑌿॒𑌶𑍍𑌵𑌵𑍇॑𑌦𑌾 𑌦𑍇॒𑌵𑌾𑌨𑌾॒-𑌨𑍍𑌦𑌕𑍍𑌷𑌿॑𑌣𑌾॒ 𑌵𑌿 𑌭॑𑌜𑌤𑌿॒ 𑌤𑍇𑌨𑍈॒𑌵𑍈𑌨𑌾॒ 𑌵𑌿 𑌭॑𑌜𑌤𑍍𑌯𑍇॒ 𑌤-𑌤𑍍𑌤𑍇॑ 𑌅𑌗𑍍𑌨𑍇॒ 𑌰𑌾𑌧॒ [𑌅𑌗𑍍𑌨𑍇॒ 𑌰𑌾𑌧𑌃॑, 𑌐𑌤𑌿॒ 𑌸𑍋𑌮॑𑌚𑍍𑌯𑍁𑌤॒-] 2
𑌐𑌤𑌿॒ 𑌸𑍋𑌮॑𑌚𑍍𑌯𑍁𑌤॒-𑌮𑌿𑌤𑍍𑌯𑌾॑𑌹॒ 𑌸𑍋𑌮॑𑌚𑍍𑌯𑍁𑌤॒𑌗𑍍𑌗𑍍॒ 𑌹𑍍𑌯॑𑌸𑍍𑌯॒ 𑌰𑌾𑌧॒ 𑌐𑌤𑌿॒ 𑌤𑌨𑍍𑌮𑌿॒𑌤𑍍𑌰𑌸𑍍𑌯॑ 𑌪॒𑌥𑌾 𑌨॒𑌯𑍇𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑌾॑ 𑌋॒𑌤𑌸𑍍𑌯॑ 𑌪॒𑌥𑌾 𑌪𑍍𑌰𑍇𑌤॑ 𑌚॒𑌨𑍍𑌦𑍍𑌰 𑌦॑𑌕𑍍𑌷𑌿𑌣𑌾॒ 𑌇𑌤𑍍𑌯𑌾॑𑌹 𑌸॒𑌤𑍍𑌯𑌂-𑌵𑌾𑌁 𑌋॒𑌤𑌗𑍍𑌂 𑌸॒𑌤𑍍𑌯𑍇𑌨𑍈॒𑌵𑍈𑌨𑌾॑ 𑌋॒𑌤𑍇𑌨॒ 𑌵𑌿 𑌭॑𑌜𑌤𑌿 𑌯॒𑌜𑍍𑌞𑌸𑍍𑌯॑ 𑌪॒𑌥𑌾 𑌸𑍁॑𑌵𑌿॒𑌤𑌾 𑌨𑌯॑𑌨𑍍𑌤𑍀॒𑌰𑌿𑌤𑍍𑌯𑌾॑𑌹 𑌯॒𑌜𑍍𑌞𑌸𑍍𑌯॒ 𑌹𑍍𑌯𑍇॑𑌤𑌾𑌃 𑌪॒𑌥𑌾 𑌯𑌨𑍍𑌤𑌿॒ 𑌯-𑌦𑍍𑌦𑌕𑍍𑌷𑌿॑𑌣𑌾 𑌬𑍍𑌰𑌾𑌹𑍍𑌮॒𑌣𑌮॒𑌦𑍍𑌯 𑌰𑌾᳚𑌦𑍍𑌧𑍍𑌯𑌾𑌸॒- [𑌰𑌾᳚𑌦𑍍𑌧𑍍𑌯𑌾𑌸𑌮𑍍, 𑌋𑌷𑌿॑𑌮𑌾𑌰𑍍𑌷𑍇॒𑌯-] 3
-𑌮𑍃𑌷𑌿॑𑌮𑌾𑌰𑍍𑌷𑍇॒𑌯-𑌮𑌿𑌤𑍍𑌯𑌾॑𑌹𑍈॒𑌷 𑌵𑍈 𑌬𑍍𑌰𑌾᳚𑌹𑍍𑌮॒𑌣 𑌋𑌷𑌿॑𑌰𑌾𑌰𑍍𑌷𑍇॒𑌯𑍋 𑌯-𑌶𑍍𑌶𑍁॑𑌶𑍍𑌰𑍁॒𑌵𑌾-𑌨𑍍𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹॒ 𑌵𑌿 𑌸𑍁𑌵𑌃॒ 𑌪𑌶𑍍𑌯॒ 𑌵𑍍𑌯॑𑌨𑍍𑌤𑌰𑌿॑𑌕𑍍𑌷॒𑌮𑌿𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌯𑌤॑𑌸𑍍𑌵 𑌸𑌦॒𑌸𑍍𑌯𑍈॑𑌰𑌿𑌤𑍍𑌯𑌾॑𑌹 𑌮𑌿𑌤𑍍𑌰॒𑌤𑍍𑌵𑌾𑌯𑌾॒𑌸𑍍𑌮𑌦𑍍𑌦𑌾᳚𑌤𑍍𑌰𑌾 𑌦𑍇𑌵॒𑌤𑍍𑌰𑌾 𑌗॑𑌚𑍍𑌛𑌤॒ 𑌮𑌧𑍁॑𑌮𑌤𑍀𑌃 𑌪𑍍𑌰𑌦𑌾॒𑌤𑌾𑌰॒𑌮𑌾 𑌵𑌿॑𑌶॒𑌤𑍇𑌤𑍍𑌯𑌾॑𑌹 𑌵॒𑌯𑌮𑌿॒𑌹 𑌪𑍍𑌰॑𑌦𑌾॒𑌤𑌾𑌰॒-𑌸𑍍𑌸𑍍𑌮𑍋᳚-𑌽𑌸𑍍𑌮𑌾𑌨॒𑌮𑍁𑌤𑍍𑌰॒ 𑌮𑌧𑍁॑𑌮𑌤𑍀॒𑌰𑌾 𑌵𑌿॑𑌶॒𑌤𑍇𑌤𑌿॒ [𑌵𑌿॑𑌶॒𑌤𑍇𑌤𑌿॑, 𑌵𑌾𑌵𑍈𑌤𑌦𑌾॑𑌹॒] 4
𑌵𑌾𑌵𑍈𑌤𑌦𑌾॑𑌹॒ 𑌹𑌿𑌰॑𑌣𑍍𑌯-𑌨𑍍𑌦𑌦𑌾𑌤𑌿॒ 𑌜𑍍𑌯𑍋𑌤𑌿॒𑌰𑍍𑌵𑍈 𑌹𑌿𑌰॑𑌣𑍍𑌯॒-𑌞𑍍𑌜𑍍𑌯𑍋𑌤𑌿॑𑌰𑍇॒𑌵 𑌪𑍁॒𑌰𑌸𑍍𑌤𑌾᳚𑌦𑍍𑌧𑌤𑍍𑌤𑍇 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑌾 𑌅॒𑌗𑍍𑌨𑍀𑌧𑍇॑ 𑌦𑌦𑌾𑌤𑍍𑌯॒𑌗𑍍𑌨𑌿𑌮𑍁॑𑌖𑌾𑌨𑍇॒𑌵𑌰𑍍𑌤𑍂-𑌨𑍍𑌪𑍍𑌰𑍀॑𑌣𑌾𑌤𑌿 𑌬𑍍𑌰॒𑌹𑍍𑌮𑌣𑍇॑ 𑌦𑌦𑌾𑌤𑌿॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌹𑍋𑌤𑍍𑌰𑍇॑ 𑌦𑌦𑌾𑌤𑍍𑌯𑌾॒𑌤𑍍𑌮𑌾 𑌵𑌾 𑌏॒𑌷 𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧𑍋𑌤𑌾॒-𑌽𑌽𑌤𑍍𑌮𑌾𑌨॑𑌮𑍇॒𑌵 𑌯॒𑌜𑍍𑌞𑌸𑍍𑌯॒ 𑌦𑌕𑍍𑌷𑌿॑𑌣𑌾𑌭𑌿॒-𑌸𑍍𑌸𑌮॑𑌰𑍍𑌧𑌯𑌤𑌿 ॥ 5 ॥
(𑌹𑌿𑌰॑𑌣𑍍𑌯॒𑌗𑍍𑌂॒ - 𑌰𑌾𑌧𑍋॑ - 𑌰𑌾𑌧𑍍𑌯𑌾𑌸 - 𑌮॒𑌮𑍁𑌤𑍍𑌰॒ 𑌮𑌧𑍁॑𑌮𑌤𑍀॒𑌰𑌾 𑌵𑌿॑𑌶॒𑌤𑍇𑌤𑍍𑌯॒ - 𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 1)
𑌸॒𑌮𑌿॒𑌷𑍍𑌟॒ 𑌯॒𑌜𑍂𑌗𑍍𑌂𑌷𑌿॑ 𑌜𑍁𑌹𑍋𑌤𑌿 𑌯॒𑌜𑍍𑌞𑌸𑍍𑌯॒ 𑌸𑌮𑌿॑𑌷𑍍𑌟𑍍𑌯𑍈॒ 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌕𑍍𑌰𑍂॒𑌰𑌂-𑌯𑌁-𑌦𑍍𑌵𑌿𑌲𑌿॑𑌷𑍍𑌟𑌂॒-𑌯𑌁𑌦॒𑌤𑍍𑌯𑍇𑌤𑌿॒ 𑌯𑌨𑍍𑌨𑌾𑌤𑍍𑌯𑍇𑌤𑌿॒ 𑌯𑌦॑𑌤𑌿𑌕॒𑌰𑍋𑌤𑌿॒ 𑌯𑌨𑍍𑌨𑌾𑌪𑌿॑ 𑌕॒𑌰𑍋𑌤𑌿॒ 𑌤𑌦𑍇॒𑌵 𑌤𑍈𑌃 𑌪𑍍𑌰𑍀॑𑌣𑌾𑌤𑌿॒ 𑌨𑌵॑ 𑌜𑍁𑌹𑍋𑌤𑌿॒ 𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾𑌃 𑌪𑍁𑌰𑍁॑𑌷𑍇𑌣 𑌯॒𑌜𑍍𑌞-𑌸𑍍𑌸𑌮𑍍𑌮𑌿॑𑌤𑍋॒ 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤-𑌮𑍍𑌪𑍍𑌰𑍀॑𑌣𑌾𑌤𑌿॒ 𑌷-𑌡𑍃𑌗𑍍𑌮𑌿॑𑌯𑌾𑌣𑌿 𑌜𑍁𑌹𑍋𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿॒ 𑌤𑍍𑌰𑍀𑌣𑌿॒ 𑌯𑌜𑍂𑌗𑍍𑌂॑𑌷𑌿॒ [𑌯𑌜𑍂𑌗𑍍𑌂॑𑌷𑌿, 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾] 6
𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌇॒𑌮𑌾𑌨𑍇॒𑌵 𑌲𑍋॒𑌕𑌾-𑌨𑍍𑌪𑍍𑌰𑍀॑𑌣𑌾𑌤𑌿॒ 𑌯𑌜𑍍𑌞॑ 𑌯॒𑌜𑍍𑌞-𑌙𑍍𑌗॑𑌚𑍍𑌛 𑌯॒𑌜𑍍𑌞𑌪॑𑌤𑌿-𑌙𑍍𑌗॒𑌚𑍍𑌛𑍇𑌤𑍍𑌯𑌾॑𑌹 𑌯॒𑌜𑍍𑌞𑌪॑𑌤𑌿𑌮𑍇॒𑌵𑍈𑌨॑-𑌙𑍍𑌗𑌮𑌯𑌤𑌿॒ 𑌸𑍍𑌵𑌾𑌂-𑌯𑍋𑌁𑌨𑌿॑-𑌙𑍍𑌗॒𑌚𑍍𑌛𑍇𑌤𑍍𑌯𑌾॑𑌹॒ 𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑-𑌙𑍍𑌗𑌮𑌯𑌤𑍍𑌯𑍇॒𑌷 𑌤𑍇॑ 𑌯॒𑌜𑍍𑌞𑍋 𑌯॑𑌜𑍍𑌞𑌪𑌤𑍇 𑌸॒𑌹𑌸𑍂᳚𑌕𑍍𑌤𑌵𑌾𑌕-𑌸𑍍𑌸𑍁॒𑌵𑍀𑌰॒ 𑌇𑌤𑍍𑌯𑌾॑𑌹॒ 𑌯𑌜॑𑌮𑌾𑌨 𑌏॒𑌵 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿 𑌵𑌾𑌸𑌿॒𑌷𑍍𑌠𑍋 𑌹॑ 𑌸𑌾𑌤𑍍𑌯𑌹॒𑌵𑍍𑌯𑍋 𑌦𑍇॑𑌵𑌭𑌾॒𑌗-𑌮𑍍𑌪॑𑌪𑍍𑌰𑌚𑍍𑌛॒ 𑌯-𑌥𑍍𑌸𑍃𑌞𑍍𑌜॑𑌯𑌾-𑌨𑍍𑌬𑌹𑍁𑌯𑌾॒𑌜𑌿𑌨𑍋-𑌽𑌯𑍀॑𑌯𑌜𑍋 𑌯॒𑌜𑍍𑌞𑍇 [ ] 7
𑌯॒𑌜𑍍𑌞-𑌮𑍍𑌪𑍍𑌰𑌤𑍍𑌯॑𑌤𑌿𑌷𑍍𑌠𑌿॒𑌪𑌾(3) 𑌯॒𑌜𑍍𑌞𑌪॒𑌤𑌾(3)𑌵𑌿𑌤𑌿॒ 𑌸 𑌹𑍋॑𑌵𑌾𑌚 𑌯॒𑌜𑍍𑌞𑌪॑𑌤𑌾॒𑌵𑌿𑌤𑌿॑ 𑌸॒𑌤𑍍𑌯𑌾𑌦𑍍𑌵𑍈 𑌸𑍃𑌞𑍍𑌜॑𑌯𑌾𑌃॒ 𑌪𑌰𑌾॑ 𑌬𑌭𑍂𑌵𑍁॒𑌰𑌿𑌤𑌿॑ 𑌹𑍋𑌵𑌾𑌚 𑌯॒𑌜𑍍𑌞𑍇 𑌵𑌾𑌵 𑌯॒𑌜𑍍𑌞𑌃 𑌪𑍍𑌰॑𑌤𑌿॒𑌷𑍍𑌠𑌾𑌪𑍍𑌯॑ 𑌆𑌸𑍀॒-𑌦𑍍𑌯𑌜॑𑌮𑌾𑌨॒𑌸𑍍𑌯𑌾-𑌽𑌪॑𑌰𑌾𑌭𑌾𑌵𑌾॒𑌯𑍇𑌤𑌿॒ 𑌦𑍇𑌵𑌾॑ 𑌗𑌾𑌤𑍁𑌵𑌿𑌦𑍋 𑌗𑌾॒𑌤𑍁𑌂-𑌵𑌿𑌁॒𑌤𑍍𑌤𑍍𑌵𑌾 𑌗𑌾॒𑌤𑍁 -𑌮𑌿॒𑌤𑍇𑌤𑍍𑌯𑌾॑𑌹 𑌯॒𑌜𑍍𑌞 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌯𑌜॑𑌮𑌾𑌨॒𑌸𑍍𑌯𑌾-𑌽𑌪॑𑌰𑌾𑌭𑌾𑌵𑌾𑌯 ॥ 8 ॥
(𑌯𑌜𑍂𑌗𑍍𑌂॑𑌷𑌿 - 𑌯॒𑌜𑍍𑌞 - 𑌏𑌕॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 2)
𑌅॒𑌵॒𑌭𑍃॒𑌥॒-𑌯॒𑌜𑍂𑌗𑍍𑌂𑌷𑌿॑ 𑌜𑍁𑌹𑍋𑌤𑌿॒ 𑌯𑌦𑍇॒𑌵𑌾𑌰𑍍𑌵𑌾॒𑌚𑍀𑌨॒-𑌮𑍇𑌕॑𑌹𑌾𑌯𑌨𑌾॒𑌦𑍇𑌨𑌃॑ 𑌕॒𑌰𑍋𑌤𑌿॒ 𑌤𑌦𑍇॒𑌵 𑌤𑍈𑌰𑌵॑ 𑌯𑌜𑌤𑍇॒ 𑌽𑌪𑍋॑-𑌽𑌵𑌭𑍃॒𑌥-𑌮𑌵𑍈᳚𑌤𑍍𑌯॒𑌫𑍍𑌸𑍁 𑌵𑍈 𑌵𑌰𑍁॑𑌣-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇॒ 𑌵𑌰𑍍𑌤𑍍𑌮॑𑌨𑌾॒ 𑌵𑌾 𑌅॒𑌨𑍍𑌵𑌿𑌤𑍍𑌯॑ 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿 𑌜𑌿𑌘𑌾𑌗𑍍𑌂𑌸𑌨𑍍𑌤𑌿॒ 𑌸𑌾𑌮𑍍𑌨𑌾᳚ 𑌪𑍍𑌰𑌸𑍍𑌤𑍋॒𑌤𑌾-𑌽𑌨𑍍𑌵𑌵𑍈॑𑌤𑌿॒ 𑌸𑌾𑌮॒ 𑌵𑍈 𑌰॑𑌕𑍍𑌷𑍋॒𑌹𑌾 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌤𑍍𑌰𑌿𑌰𑍍𑌨𑌿॒𑌧𑌨॒𑌮𑍁𑌪𑍈॑𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌰𑌕𑍍𑌷𑌾॒𑌗𑍍॒- [𑌲𑍋॒𑌕𑍇𑌭𑍍𑌯𑍋॒ 𑌰𑌕𑍍𑌷𑌾𑌗𑍍𑌂॑𑌸𑌿, 𑌅𑌪॑ 𑌹𑌨𑍍𑌤𑌿॒] 9
-𑌸𑍍𑌯𑌪॑ 𑌹𑌨𑍍𑌤𑌿॒ 𑌪𑍁𑌰𑍁॑𑌷𑌃𑌪𑍁𑌰𑍁𑌷𑍋 𑌨𑌿॒𑌧𑌨॒𑌮𑍁𑌪𑍈॑𑌤𑌿॒ 𑌪𑍁𑌰𑍁॑𑌷𑌃𑌪𑍁𑌰𑍁𑌷𑍋॒ 𑌹𑌿 𑌰॑𑌕𑍍𑌷॒𑌸𑍍𑌵𑍀 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑌾 𑌉॒𑌰𑍁𑌗𑍍𑌂 𑌹𑌿 𑌰𑌾𑌜𑌾॒ 𑌵𑌰𑍁॑𑌣𑌶𑍍𑌚॒𑌕𑌾𑌰𑍇𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌶॒𑌤-𑌨𑍍𑌤𑍇॑ 𑌰𑌾𑌜-𑌨𑍍𑌭𑌿॒𑌷𑌜𑌃॑ 𑌸॒𑌹𑌸𑍍𑌰॒𑌮𑌿𑌤𑍍𑌯𑌾॑𑌹 𑌭𑍇𑌷॒𑌜𑌮𑍇॒𑌵𑌾𑌸𑍍𑌮𑍈॑ 𑌕𑌰𑍋𑌤𑍍𑌯॒𑌭𑌿𑌷𑍍𑌠𑌿॑𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶॒ 𑌇𑌤𑍍𑌯𑌾॑𑌹 𑌵𑌰𑍁𑌣𑌪𑌾॒𑌶𑌮𑍇॒𑌵𑌾𑌭𑌿 𑌤𑌿॑𑌷𑍍𑌠𑌤𑌿 𑌬॒𑌰𑍍॒𑌹𑌿𑌰॒𑌭𑌿 𑌜𑍁॑𑌹𑍋॒𑌤𑍍𑌯𑌾𑌹𑍁॑𑌤𑍀𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌥𑍋॑ 𑌅𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋॒𑌤𑍍𑌯𑌪॑ 𑌬𑌰𑍍𑌹𑌿𑌷𑌃 𑌪𑍍𑌰𑌯𑌾॒𑌜𑌾𑌨𑍍 [𑌪𑍍𑌰𑌯𑌾॒𑌜𑌾𑌨𑍍, 𑌯॒𑌜॒𑌤𑌿॒ 𑌪𑍍𑌰॒𑌜𑌾 𑌵𑍈] 10
𑌯॑𑌜𑌤𑌿 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 𑌪𑍍𑌰॒𑌜𑌾 𑌏॒𑌵 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚॒𑌤𑍍𑌯𑌾𑌜𑍍𑌯॑𑌭𑌾𑌗𑍗 𑌯𑌜𑌤𑌿 𑌯॒𑌜𑍍𑌞𑌸𑍍𑌯𑍈॒𑌵 𑌚𑌕𑍍𑌷𑍁॑𑌷𑍀॒ 𑌨𑌾𑌨𑍍𑌤𑌰𑍇॑𑌤𑌿॒ 𑌵𑌰𑍁॑𑌣𑌂-𑌯𑌁𑌜𑌤𑌿 𑌵𑌰𑍁𑌣𑌪𑌾॒𑌶𑌾𑌦𑍇॒𑌵𑍈𑌨॑-𑌮𑍍𑌮𑍁𑌞𑍍𑌚𑌤𑍍𑌯॒𑌗𑍍𑌨𑍀𑌵𑌰𑍁॑𑌣𑍗 𑌯𑌜𑌤𑌿 𑌸𑌾॒𑌕𑍍𑌷𑌾𑌦𑍇॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚॒𑌤𑍍𑌯-𑌪॑𑌬𑌰𑍍𑌹𑌿𑌷𑌾𑌵𑌨𑍂𑌯𑌾॒𑌜𑍗 𑌯॑𑌜𑌤𑌿 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 𑌪𑍍𑌰॒𑌜𑌾 𑌏॒𑌵 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌚॒𑌤𑍁𑌰𑌃॑ 𑌪𑍍𑌰𑌯𑌾॒𑌜𑌾𑌨𑍍. 𑌯॑𑌜𑌤𑌿॒ 𑌦𑍍𑌵𑌾𑌵॑𑌨𑍂𑌯𑌾॒𑌜𑍗 𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷𑌡𑍍𑌵𑌾 𑌋॒𑌤𑌵॑ [𑌷𑌡𑍍𑌵𑌾 𑌋॒𑌤𑌵𑌃॑, 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑] 11
𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠॒-𑌤𑍍𑌯𑌵॑𑌭𑍃𑌥-𑌨𑌿𑌚𑌙𑍍𑌕𑍁॒𑌣𑍇𑌤𑍍𑌯𑌾॑𑌹 𑌯𑌥𑍋𑌦𑌿॒𑌤𑌮𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 𑌸𑌮𑍁॒𑌦𑍍𑌰𑍇 𑌤𑍇॒ 𑌹𑍃𑌦॑𑌯-𑌮॒𑌫𑍍𑌸𑍍𑌵॑𑌨𑍍𑌤𑌰𑌿𑌤𑍍𑌯𑌾॑𑌹 𑌸𑌮𑍁॒𑌦𑍍𑌰𑍇 𑌹𑍍𑌯॑𑌨𑍍𑌤𑌰𑍍𑌵𑌰𑍁॑𑌣॒-𑌸𑍍𑌸-𑌨𑍍𑌤𑍍𑌵𑌾॑ 𑌵𑌿𑌶॒-𑌨𑍍𑌤𑍍𑌵𑍋𑌷॑𑌧𑍀-𑌰𑍁॒𑌤𑌾-𑌽𑌽𑌪॒ 𑌇𑌤𑍍𑌯𑌾॑𑌹𑌾॒𑌦𑍍𑌭𑌿-𑌰𑍇॒𑌵𑍈𑌨॒𑌮𑍋𑌷॑𑌧𑍀𑌭𑌿-𑌸𑍍𑌸॒𑌮𑍍𑌯𑌞𑍍𑌚॑-𑌨𑍍𑌦𑌧𑌾𑌤𑌿॒ 𑌦𑍇𑌵𑍀॑𑌰𑌾𑌪 𑌏॒𑌷 𑌵𑍋॒ 𑌗𑌰𑍍𑌭॒ 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌪॒𑌶𑌵𑍋॒ 𑌵𑍈 [ ] 12
𑌸𑍋𑌮𑍋॒ 𑌯-𑌦𑍍𑌭𑌿॑𑌨𑍍𑌦𑍂॒𑌨𑌾-𑌮𑍍𑌭॒𑌕𑍍𑌷𑌯𑍇᳚-𑌤𑍍𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒-𑌦𑍍𑌵𑌰𑍁॑𑌣॒-𑌸𑍍𑌤𑍍𑌵𑍇॑𑌨-𑌙𑍍𑌗𑍃𑌹𑍍𑌣𑍀𑌯𑌾॒𑌦𑍍𑌯𑌨𑍍𑌨 𑌭॒𑌕𑍍𑌷𑌯𑍇॑𑌦𑌪॒𑌶𑍁-𑌸𑍍𑌸𑍍𑌯𑌾॒𑌨𑍍𑌨𑍈𑌨𑌂॒-𑌵𑌁𑌰𑍁॑𑌣𑍋 𑌗𑍃𑌹𑍍𑌣𑍀𑌯𑌾-𑌦𑍁𑌪॒𑌸𑍍𑌪𑍃𑌶𑍍𑌯॑𑌮𑍇॒𑌵 𑌪॑𑌶𑍁॒𑌮𑌾-𑌨𑍍𑌭॑𑌵𑌤𑌿॒ 𑌨𑍈𑌨𑌂॒-𑌵𑌁𑌰𑍁॑𑌣𑍋 𑌗𑍃𑌹𑍍𑌣𑌾𑌤𑌿॒ 𑌪𑍍𑌰𑌤𑌿॑𑌯𑍁𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶॒ 𑌇𑌤𑍍𑌯𑌾॑𑌹 𑌵𑌰𑍁𑌣𑌪𑌾॒𑌶𑌾𑌦𑍇॒𑌵 𑌨𑌿𑌰𑍍𑌮𑍁॑𑌚𑍍𑌯॒𑌤𑍇 𑌽𑌪𑍍𑌰॑𑌤𑍀𑌕𑍍𑌷॒𑌮𑌾 𑌯॑𑌨𑍍𑌤𑌿॒ 𑌵𑌰𑍁॑𑌣𑌸𑍍𑌯𑌾॒𑌨𑍍𑌤𑌰𑍍𑌹𑌿॑𑌤𑍍𑌯𑌾॒ 𑌏𑌧𑍋᳚-𑌽𑌸𑍍𑌯𑍇𑌧𑌿𑌷𑍀॒𑌮𑌹𑍀-𑌤𑍍𑌯𑌾॑𑌹 𑌸॒𑌮𑌿𑌧𑍈॒𑌵𑌾𑌗𑍍𑌨𑌿-𑌨𑍍𑌨॑𑌮॒𑌸𑍍𑌯𑌨𑍍𑌤॑ 𑌉॒𑌪𑌾𑌯॑𑌨𑍍𑌤𑌿॒ 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋॒ 𑌮𑌯𑌿॑ 𑌧𑍇॒𑌹𑍀𑌤𑍍𑌯𑌾॑𑌹॒ 𑌤𑍇𑌜॑ 𑌏॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 ॥ 13 ॥
(𑌰𑌕𑍍𑌷𑌾𑌗𑍍𑌂॑𑌸𑌿 - 𑌪𑍍𑌰𑌯𑌾॒𑌜𑌾 - 𑌨𑍃॒𑌤𑌵𑍋॒ - 𑌵𑍈 - 𑌨॑𑌮॒𑌸𑍍𑌯𑌨𑍍𑌤𑍋॒ - 𑌦𑍍𑌵𑌾𑌦॑𑌶 𑌚) (𑌅. 3)
𑌸𑍍𑌫𑍍𑌯𑍇𑌨॒ 𑌵𑍇𑌦𑌿॒𑌮𑍁𑌦𑍍𑌧॑𑌨𑍍𑌤𑌿 𑌰𑌥𑌾॒𑌕𑍍𑌷𑍇𑌣॒ 𑌵𑌿 𑌮𑌿॑𑌮𑍀𑌤𑍇॒ 𑌯𑍂𑌪॑-𑌮𑍍𑌮𑌿𑌨𑍋𑌤𑌿 𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌵𑌜𑍍𑌰𑌗𑍍𑌂॑ 𑌸॒𑌭𑍃𑌨𑍍𑌤𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑍈॒ 𑌯𑌦॑𑌨𑍍𑌤𑌰𑍍𑌵𑍇॒𑌦𑌿 𑌮𑌿॑𑌨𑍁॒𑌯𑌾-𑌦𑍍𑌦𑍇॑𑌵𑌲𑍋॒𑌕𑌮॒𑌭𑌿 𑌜॑𑌯𑍇॒-𑌦𑍍𑌯-𑌦𑍍𑌬॑𑌹𑌿𑌰𑍍𑌵𑍇॒𑌦𑌿 𑌮॑𑌨𑍁𑌷𑍍𑌯 𑌲𑍋॒𑌕𑌂 𑌁𑌵𑍇᳚𑌦𑍍𑌯॒𑌨𑍍𑌤𑌸𑍍𑌯॑ 𑌸॒𑌨𑍍𑌧𑍗 𑌮𑌿॑𑌨𑍋𑌤𑍍𑌯𑍁॒𑌭𑌯𑍋᳚-𑌰𑍍𑌲𑍋॒𑌕𑌯𑍋॑-𑌰॒𑌭𑌿𑌜𑌿॑𑌤𑍍𑌯𑌾॒ 𑌉𑌪॑𑌰𑌸𑌮𑍍𑌮𑌿𑌤𑌾-𑌮𑍍𑌮𑌿𑌨𑍁𑌯𑌾-𑌤𑍍𑌪𑌿𑌤𑍃𑌲𑍋॒𑌕𑌕𑌾॑𑌮𑌸𑍍𑌯 𑌰𑌶॒𑌨𑌸॑𑌮𑌿𑌨𑍍𑌤𑌾-𑌮𑍍𑌮𑌨𑍁𑌷𑍍𑌯𑌲𑍋॒𑌕𑌕𑌾॑𑌮𑌸𑍍𑌯 𑌚॒𑌷𑌾𑌲॑-𑌸𑌮𑍍𑌮𑌿𑌤𑌾𑌮𑌿𑌨𑍍𑌦𑍍𑌰𑌿॒𑌯 𑌕𑌾॑𑌮𑌸𑍍𑌯॒ 𑌸𑌰𑍍𑌵𑌾᳚𑌨𑍍-𑌥𑍍𑌸॒𑌮𑌾-𑌨𑍍𑌪𑍍𑌰॑𑌤𑌿॒𑌷𑍍𑌠𑌾𑌕𑌾॑𑌮𑌸𑍍𑌯॒ 𑌯𑍇 𑌤𑍍𑌰𑌯𑍋॑ 𑌮𑌦𑍍𑌧𑍍𑌯॒𑌮𑌾𑌸𑍍𑌤𑌾𑌨𑍍-𑌥𑍍𑌸॒𑌮𑌾-𑌨𑍍𑌪॒𑌶𑍁𑌕𑌾॑𑌮𑌸𑍍𑌯𑍈॒𑌤𑌾𑌨𑍍. 𑌵𑌾 [𑌵𑍈, 𑌅𑌨𑍁॑] 14
𑌅𑌨𑍁॑ 𑌪॒𑌶𑌵॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌵𑍍𑌯𑌤𑌿॑𑌷𑌜𑍇॒𑌦𑌿𑌤॑𑌰𑌾-𑌨𑍍𑌪𑍍𑌰॒𑌜𑌯𑍈॒𑌵𑍈𑌨॑-𑌮𑍍𑌪॒𑌶𑍁𑌭𑌿॒𑌰𑍍𑌵𑍍𑌯𑌤𑌿॑𑌷𑌜𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾॒𑌦𑌿𑌤𑌿॑ 𑌗𑌰𑍍𑌤॒𑌮𑌿𑌤॒-𑌨𑍍𑌤𑌸𑍍𑌯॑ 𑌮𑌿𑌨𑍁𑌯𑌾𑌦𑍁𑌤𑍍𑌤𑌰𑌾॒𑌰𑍍𑌧𑍍𑌯𑌂॑-𑌵𑌁𑌰𑍍𑌷𑌿॑𑌷𑍍𑌠॒𑌮𑌥॒ 𑌹𑍍𑌰𑌸𑍀॑𑌯𑌾𑌗𑍍𑌂𑌸𑌮𑍇॒𑌷𑌾 𑌵𑍈 𑌗॑𑌰𑍍𑌤॒𑌮𑌿𑌦𑍍𑌯𑌸𑍍𑌯𑍈॒𑌵-𑌮𑍍𑌮𑌿॒𑌨𑍋𑌤𑌿॑ 𑌤𑌾॒𑌜-𑌕𑍍𑌪𑍍𑌰 𑌮𑍀॑𑌯𑌤𑍇 𑌦𑌕𑍍𑌷𑌿𑌣𑌾॒𑌰𑍍𑌧𑍍𑌯𑌂॑-𑌵𑌁𑌰𑍍𑌷𑌿॑𑌷𑍍𑌠-𑌮𑍍𑌮𑌿𑌨𑍁𑌯𑌾-𑌥𑍍𑌸𑍁𑌵॒𑌰𑍍𑌗𑌕𑌾॑𑌮॒𑌸𑍍𑌯𑌾𑌥॒ 𑌹𑍍𑌰𑌸𑍀॑𑌯𑌾𑌗𑍍𑌂𑌸-𑌮𑌾॒𑌕𑍍𑌰𑌮॑𑌣𑌮𑍇॒𑌵 𑌤-𑌥𑍍𑌸𑍇𑌤𑍁𑌂॒-𑌯𑌁𑌜॑𑌮𑌾𑌨𑌃 𑌕𑍁𑌰𑍁𑌤𑍇 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈॒ [𑌸𑌮॑𑌷𑍍𑌟𑍍𑌯𑍈, 𑌯𑌦𑍇𑌕॑𑌸𑍍𑌮𑌿॒𑌨𑍍॒.] 15
𑌯𑌦𑍇𑌕॑𑌸𑍍𑌮𑌿॒𑌨𑍍॒. 𑌯𑍂𑌪𑍇॒ 𑌦𑍍𑌵𑍇 𑌰॑𑌶॒𑌨𑍇 𑌪॑𑌰𑌿॒𑌵𑍍𑌯𑌯॑𑌤𑌿॒ 𑌤𑌸𑍍𑌮𑌾॒𑌦𑍇𑌕𑍋॒ 𑌦𑍍𑌵𑍇 𑌜𑌾॒𑌯𑍇 𑌵𑌿॑𑌨𑍍𑌦𑌤𑍇॒ 𑌯𑌨𑍍𑌨𑍈𑌕𑌾𑌗𑍍𑌂॑ 𑌰𑌶॒𑌨𑌾-𑌨𑍍𑌦𑍍𑌵𑌯𑍋॒𑌰𑍍𑌯𑍂𑌪॑𑌯𑍋𑌃 𑌪𑌰𑌿॒𑌵𑍍𑌯𑌯॑𑌤𑌿॒ 𑌤𑌸𑍍𑌮𑌾॒𑌨𑍍𑌨𑍈𑌕𑌾॒ 𑌦𑍍𑌵𑍗 𑌪𑌤𑍀॑ 𑌵𑌿𑌨𑍍𑌦𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌸𑍍𑌤𑍍𑌰𑍍𑌯॑𑌸𑍍𑌯 𑌜𑌾𑌯𑍇॒𑌤𑍇𑌤𑍍𑌯𑍁॑𑌪𑌾॒𑌨𑍍𑌤𑍇 𑌤𑌸𑍍𑌯॒ 𑌵𑍍𑌯𑌤𑌿॑𑌷𑌜𑍇॒-𑌥𑍍𑌸𑍍𑌤𑍍𑌰𑍍𑌯𑍇॑𑌵𑌾𑌸𑍍𑌯॑ 𑌜𑌾𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌪𑍁𑌮𑌾॑𑌨𑌸𑍍𑌯 𑌜𑌾𑌯𑍇॒𑌤𑍇𑌤𑍍𑌯𑌾॒𑌨𑍍𑌤-𑌨𑍍𑌤𑌸𑍍𑌯॒ 𑌪𑍍𑌰 𑌵𑍇᳚𑌷𑍍𑌟𑌯𑍇॒-𑌤𑍍𑌪𑍁𑌮𑌾॑𑌨𑍇॒𑌵𑌾𑌸𑍍𑌯॑ [𑌵𑍇᳚𑌷𑍍𑌟𑌯𑍇॒-𑌤𑍍𑌪𑍁𑌮𑌾॑𑌨𑍇॒𑌵𑌾𑌸𑍍𑌯॑, 𑌜𑌾॒𑌯॒𑌤𑍇 𑌽𑌸𑍁॑𑌰𑌾॒] 16
𑌜𑌾𑌯॒𑌤𑍇 𑌽𑌸𑍁॑𑌰𑌾॒ 𑌵𑍈 𑌦𑍇॒𑌵𑌾-𑌨𑍍𑌦॑𑌕𑍍𑌷𑌿𑌣॒𑌤 𑌉𑌪𑌾॑𑌨𑌯॒-𑌨𑍍𑌤𑌾-𑌨𑍍𑌦𑍇॒𑌵𑌾 𑌉॑𑌪𑌶॒𑌯𑍇𑌨𑍈॒𑌵𑌾𑌪𑌾॑-𑌨𑍁𑌦𑌨𑍍𑌤॒ 𑌤-𑌦𑍁॑𑌪𑌶॒𑌯𑌸𑍍𑌯𑍋॑-𑌪𑌶𑌯॒𑌤𑍍𑌵𑌂-𑌯𑌁-𑌦𑍍𑌦॑𑌕𑍍𑌷𑌿𑌣॒𑌤 𑌉॑𑌪𑌶॒𑌯 𑌉॑𑌪॒𑌶𑌯𑍇॒ 𑌭𑍍𑌰𑌾𑌤𑍃॑𑌵𑍍𑌯𑌾𑌪𑌨𑍁𑌤𑍍𑌤𑍍𑌯𑍈॒ 𑌸𑌰𑍍𑌵𑍇॒ 𑌵𑌾 𑌅॒𑌨𑍍𑌯𑍇 𑌯𑍂𑌪𑌾𑌃᳚ 𑌪𑌶𑍁॒𑌮𑌨𑍍𑌤𑍋-𑌽𑌥𑍋॑𑌪𑌶॒𑌯 𑌏॒𑌵𑌾𑌪॒𑌶𑍁𑌸𑍍𑌤𑌸𑍍𑌯॒ 𑌯𑌜॑𑌮𑌾𑌨𑌃 𑌪॒𑌶𑍁𑌰𑍍𑌯𑌨𑍍𑌨 𑌨𑌿॑𑌰𑍍𑌦𑌿॒𑌶𑍇𑌦𑌾𑌰𑍍𑌤𑌿॒-𑌮𑌾𑌰𑍍𑌚𑍍𑌛𑍇॒-𑌦𑍍𑌯𑌜॑𑌮𑌾𑌨𑍋॒-𑌽𑌸𑍗 𑌤𑍇॑ 𑌪॒𑌶𑍁𑌰𑌿𑌤𑌿॒ 𑌨𑌿𑌰𑍍𑌦𑌿॑𑌶𑍇॒𑌦𑍍𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌦𑍍𑌯𑌮𑍇॒𑌵 [ ] 17
𑌦𑍍𑌵𑍇𑌷𑍍𑌟𑌿॒ 𑌤𑌮॑𑌸𑍍𑌮𑍈 𑌪॒𑌶𑍁-𑌨𑍍𑌨𑌿𑌰𑍍𑌦𑌿॑𑌶𑌤𑌿॒ 𑌯𑌦𑌿॒ 𑌨 𑌦𑍍𑌵𑌿॒𑌷𑍍𑌯𑌾𑌦𑌾॒𑌖𑍁𑌸𑍍𑌤𑍇॑ 𑌪॒𑌶𑍁𑌰𑌿𑌤𑌿॑ 𑌬𑍍𑌰𑍂𑌯𑌾॒𑌨𑍍𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾-𑌨𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌸𑍋᳚-𑌽𑌨𑍍𑌨𑌾𑌦𑍍𑌯𑍇॑𑌨॒ 𑌵𑍍𑌯𑌾᳚𑌰𑍍𑌧𑍍𑌯𑌤॒ 𑌸 𑌏॒𑌤𑌾𑌮𑍇॑𑌕𑌾𑌦॒𑌶𑌿𑌨𑍀॑-𑌮𑌪𑌶𑍍𑌯॒-𑌤𑍍𑌤𑌯𑌾॒ 𑌵𑍈 𑌸𑍋᳚-𑌽𑌨𑍍𑌨𑌾𑌦𑍍𑌯॒𑌮𑌵𑌾॑𑌰𑍁𑌨𑍍𑌧॒ 𑌯𑌦𑍍𑌦𑌶॒ 𑌯𑍂𑌪𑌾॒ 𑌭𑌵॑𑌨𑍍𑌤𑌿॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍈॒𑌵𑌾-𑌨𑍍𑌨𑌾𑌦𑍍𑌯॒𑌮𑌵॑ 𑌰𑍁𑌨𑍍𑌧𑍇॒ [𑌰𑍁𑌨𑍍𑌧𑍇, 𑌯] 18
𑌯 𑌏॑𑌕𑌾𑌦॒𑌶-𑌸𑍍𑌸𑍍𑌤𑌨॑ 𑌏॒𑌵𑌾𑌸𑍍𑌯𑍈॒ 𑌸 𑌦𑍁॒𑌹 𑌏॒𑌵𑍈𑌨𑌾॒-𑌨𑍍𑌤𑍇𑌨॒ 𑌵𑌜𑍍𑌰𑍋॒ 𑌵𑌾 𑌏॒𑌷𑌾 𑌸-𑌮𑍍𑌮𑍀॑𑌯𑌤𑍇॒ 𑌯𑌦𑍇॑𑌕𑌾𑌦॒𑌶𑌿𑌨𑍀॒ 𑌸𑍇𑌶𑍍𑌵॒𑌰𑌾 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚𑌂॑-𑌯𑌁॒𑌜𑍍𑌞𑌗𑍍𑌂 𑌸𑌮𑍍𑌮॑𑌰𑍍𑌦𑌿𑌤𑍋॒𑌰𑍍𑌯-𑌤𑍍𑌪𑌾᳚𑌤𑍍𑌨𑍀𑌵॒𑌤-𑌮𑍍𑌮𑌿॒𑌨𑍋𑌤𑌿॑ 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑍍𑌯𑍁𑌤𑍍𑌤॑𑌬𑍍𑌧𑍍𑌯𑍈 𑌸𑌯॒𑌤𑍍𑌵𑌾𑌯॑ ॥ 19 ॥
(𑌵𑍈 - 𑌸𑌮॑𑌷𑍍𑌟𑍍𑌯𑍈॒ - 𑌪𑍁𑌮𑌾॑𑌨𑍇॒𑌵𑌾𑌸𑍍𑌯॒ - 𑌯𑌮𑍇॒𑌵 - 𑌰𑍁॑𑌨𑍍𑌧𑍇 - 𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 4)
𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤॒ 𑌸 𑌏॒𑌤𑌾𑌮𑍇॑𑌕𑌾𑌦॒𑌶𑌿𑌨𑍀॑-𑌮𑌪𑌶𑍍𑌯॒-𑌤𑍍𑌤𑌯𑌾॒ 𑌵𑍈 𑌸 𑌆𑌯𑍁॑𑌰𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾॒𑌤𑍍𑌮𑌨𑍍𑌨॑𑌧𑌤𑍍𑌤 𑌪𑍍𑌰॒𑌜𑌾 𑌇॑𑌵॒ 𑌖𑌲𑍁॒ 𑌵𑌾 𑌏॒𑌷 𑌸𑍃॑𑌜𑌤𑍇॒ 𑌯𑍋 𑌯𑌜॑𑌤𑍇॒ 𑌸 𑌏॒𑌤𑌰𑍍𑌹𑌿॑ 𑌰𑌿𑌰𑌿𑌚𑌾॒𑌨 𑌇॑𑌵॒ 𑌯𑌦𑍇॒𑌷𑍈𑌕𑌾॑𑌦॒𑌶𑌿𑌨𑍀॒ 𑌭𑌵॒𑌤𑍍𑌯𑌾𑌯𑍁॑𑌰𑍇॒𑌵 𑌤𑌯𑍇᳚𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌪𑍍𑌰𑍈𑌵𑌾-𑌽𑌽𑌗𑍍𑌨𑍇॒𑌯𑍇𑌨॑ 𑌵𑌾𑌪𑌯𑌤𑌿 𑌮𑌿𑌥𑍁॒𑌨𑌗𑍍𑌂 𑌸𑌾॑𑌰𑌸𑍍𑌵॒𑌤𑍍𑌯𑌾 𑌕॑𑌰𑍋𑌤𑌿॒ 𑌰𑍇𑌤॑- [𑌰𑍇𑌤𑌃॑, 𑌸𑍗॒𑌮𑍍𑌯𑍇𑌨॑ 𑌦𑌧𑌾𑌤𑌿॒] 20
-𑌸𑍍𑌸𑍗॒𑌮𑍍𑌯𑍇𑌨॑ 𑌦𑌧𑌾𑌤𑌿॒ 𑌪𑍍𑌰 𑌜॑𑌨𑌯𑌤𑌿 𑌪𑍗॒𑌷𑍍𑌣𑍇𑌨॑ 𑌬𑌾𑌰𑍍𑌹𑌸𑍍𑌪॒𑌤𑍍𑌯𑍋 𑌭॑𑌵𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰𑌜॑𑌨𑌯𑌤𑌿 𑌵𑍈𑌶𑍍𑌵𑌦𑍇॒𑌵𑍋 𑌭॑𑌵𑌤𑌿 𑌵𑍈𑌶𑍍𑌵𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌪𑍍𑌰𑌜॑𑌨𑌯𑌤𑍀-𑌨𑍍𑌦𑍍𑌰𑌿॒𑌯𑌮𑍇॒𑌵𑍈𑌨𑍍𑌦𑍍𑌰𑍇𑌣𑌾𑌵॑ 𑌰𑍁𑌨𑍍𑌧𑍇॒ 𑌵𑌿𑌶॑-𑌮𑍍𑌮𑌾𑌰𑍁॒𑌤𑍇𑌨𑍗𑌜𑍋॒ 𑌬𑌲॑𑌮𑍈𑌨𑍍𑌦𑍍𑌰𑌾॒𑌗𑍍𑌨𑍇𑌨॑ 𑌪𑍍𑌰𑌸॒𑌵𑌾𑌯॑ 𑌸𑌾𑌵𑌿॒𑌤𑍍𑌰𑍋 𑌨𑌿॑𑌰𑍍𑌵𑌰𑍁𑌣॒𑌤𑍍𑌵𑌾𑌯॑ 𑌵𑌾𑌰𑍁॒𑌣𑍋 𑌮॑𑌦𑍍𑌧𑍍𑌯॒𑌤 𑌐॒𑌨𑍍𑌦𑍍𑌰𑌮𑌾 𑌲॑𑌭𑌤𑍇 𑌮𑌦𑍍𑌧𑍍𑌯॒𑌤 𑌏॒𑌵𑍇𑌨𑍍𑌦𑍍𑌰𑌿॒𑌯𑌂-𑌯𑌁𑌜॑𑌮𑌾𑌨𑍇 𑌦𑌧𑌾𑌤𑌿 [ ] 21
𑌪𑍁॒𑌰𑌸𑍍𑌤𑌾॑𑌦𑍈॒𑌨𑍍𑌦𑍍𑌰𑌸𑍍𑌯॑ 𑌵𑍈𑌶𑍍𑌵𑌦𑍇॒𑌵𑌮𑌾 𑌲॑𑌭𑌤𑍇 𑌵𑍈𑌶𑍍𑌵𑌦𑍇॒𑌵𑌂-𑌵𑌾𑌁 𑌅𑌨𑍍𑌨॒𑌮𑌨𑍍𑌨॑𑌮𑍇॒𑌵 𑌪𑍁॒𑌰𑌸𑍍𑌤𑌾᳚𑌦𑍍𑌧𑌤𑍍𑌤𑍇॒ 𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾॒𑌦𑌨𑍍𑌨॑𑌮𑌦𑍍𑌯𑌤 𑌐॒𑌨𑍍𑌦𑍍𑌰𑌮𑌾॒𑌲𑌭𑍍𑌯॑ 𑌮𑌾𑌰𑍁॒𑌤𑌮𑌾 𑌲॑𑌭𑌤𑍇॒ 𑌵𑌿-𑌡𑍍𑌵𑍈 𑌮॒𑌰𑍁𑌤𑍋॒ 𑌵𑌿𑌶॑𑌮𑍇॒𑌵𑌾𑌸𑍍𑌮𑌾॒ 𑌅𑌨𑍁॑ 𑌬𑌦𑍍𑌧𑍍𑌨𑌾𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌯𑍋-𑌽𑌵॑𑌗𑌤॒-𑌸𑍍𑌸𑍋-𑌽𑌪॑ 𑌰𑍁𑌦𑍍𑌧𑍍𑌯𑌤𑌾𑌂॒-𑌯𑍋𑌁-𑌽𑌪॑𑌰𑍁𑌦𑍍𑌧॒-𑌸𑍍𑌸𑍋-𑌽𑌵॑ 𑌗𑌚𑍍𑌛॒𑌤𑍍𑌵𑌿𑌤𑍍𑌯𑍈॒𑌨𑍍𑌦𑍍𑌰𑌸𑍍𑌯॑ 𑌲𑍋॒𑌕𑍇 𑌵𑌾॑𑌰𑍁॒𑌣𑌮𑌾 𑌲॑𑌭𑍇𑌤 𑌵𑌾𑌰𑍁॒𑌣𑌸𑍍𑌯॑ 𑌲𑍋॒𑌕 𑌐॒𑌨𑍍𑌦𑍍𑌰𑌂- [𑌲𑍋॒𑌕 𑌐॒𑌨𑍍𑌦𑍍𑌰𑌮𑍍, 𑌯 𑌏॒𑌵𑌾𑌵॑𑌗𑌤॒-𑌸𑍍𑌸𑍋-𑌽𑌪॑] 22
-𑌁𑌯 𑌏॒𑌵𑌾𑌵॑𑌗𑌤॒-𑌸𑍍𑌸𑍋-𑌽𑌪॑ 𑌰𑍁𑌦𑍍𑌧𑍍𑌯𑌤𑍇॒ 𑌯𑍋-𑌽𑌪॑𑌰𑍁𑌦𑍍𑌧॒-𑌸𑍍𑌸𑍋-𑌽𑌵॑ 𑌗𑌚𑍍𑌛𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤 𑌪𑍍𑌰॒𑌜𑌾 𑌮𑍁॑𑌹𑍍𑌯𑍇𑌯𑍁॒𑌰𑌿𑌤𑌿॑ 𑌪॒𑌶𑍂𑌨𑍍 𑌵𑍍𑌯𑌤𑌿॑𑌷𑌜𑍇-𑌤𑍍𑌪𑍍𑌰॒𑌜𑌾 𑌏॒𑌵 𑌮𑍋॑𑌹𑌯𑌤𑌿॒ 𑌯𑌦॑𑌭𑌿𑌵𑌾𑌹॒𑌤𑍋॑-𑌽𑌪𑌾𑌂-𑌵𑌾𑌁॑𑌰𑍁॒𑌣𑌮𑌾॒𑌲𑌭𑍇॑𑌤 𑌪𑍍𑌰॒𑌜𑌾 𑌵𑌰𑍁॑𑌣𑍋 𑌗𑍃𑌹𑍍𑌣𑍀𑌯𑌾-𑌦𑍍𑌦𑌕𑍍𑌷𑌿𑌣॒𑌤 𑌉𑌦॑𑌞𑍍𑌚॒𑌮𑌾 𑌲॑𑌭𑌤𑍇-𑌽𑌪𑌵𑌾𑌹॒𑌤𑍋॑-𑌽𑌪𑌾-𑌮𑍍𑌪𑍍𑌰॒𑌜𑌾𑌨𑌾॒-𑌮𑌵॑𑌰𑍁𑌣 𑌗𑍍𑌰𑌾𑌹𑌾𑌯 ॥ 23 ॥
(𑌰𑍇𑌤𑍋॒ - 𑌯𑌜॑𑌮𑌾𑌨𑍇 𑌦𑌧𑌾𑌤𑌿 - 𑌲𑍋॒𑌕 𑌐॒𑌨𑍍𑌦𑍍𑌰𑌗𑍍𑌂 - 𑌸॒𑌪𑍍𑌤𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 5)
𑌇𑌨𑍍𑌦𑍍𑌰𑌃॒ 𑌪𑌤𑍍𑌨𑌿॑𑌯𑌾॒ 𑌮𑌨𑍁॑𑌮𑌯𑌾𑌜𑌯॒-𑌤𑍍𑌤𑌾-𑌮𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾॒-𑌮𑍁𑌦॑𑌸𑍃𑌜॒-𑌤𑍍𑌤𑌯𑌾॒ 𑌮𑌨𑍁॑𑌰𑌾𑌰𑍍𑌧𑍍𑌨𑍋॒𑌦𑍍𑌯-𑌤𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤-𑌮𑍍𑌪𑌾𑌤𑍍𑌨𑍀𑌵॒𑌤𑌮𑍁॑-𑌥𑍍𑌸𑍃॒𑌜𑌤𑌿॒ 𑌯𑌾𑌮𑍇॒𑌵 𑌮𑌨𑍁॒𑌰𑍍॒. 𑌋𑌦𑍍𑌧𑌿॒𑌮𑌾𑌰𑍍𑌧𑍍𑌨𑍋॒-𑌤𑍍𑌤𑌾𑌮𑍇॒𑌵 𑌯𑌜॑𑌮𑌾𑌨 𑌋𑌧𑍍𑌨𑍋𑌤𑌿 𑌯॒𑌜𑍍𑌞𑌸𑍍𑌯॒ 𑌵𑌾 𑌅𑌪𑍍𑌰॑𑌤𑌿𑌷𑍍𑌠𑌿𑌤𑌾-𑌦𑍍𑌯॒𑌜𑍍𑌞𑌃 𑌪𑌰𑌾॑ 𑌭𑌵𑌤𑌿 𑌯॒𑌜𑍍𑌞-𑌮𑍍𑌪॑𑌰𑌾॒𑌭𑌵॑𑌨𑍍𑌤𑌂॒-𑌯𑌁𑌜॑𑌮𑌾॒𑌨𑍋-𑌽𑌨𑍁॒ 𑌪𑌰𑌾॑ 𑌭𑌵𑌤𑌿॒ 𑌯𑌦𑌾𑌜𑍍𑌯𑍇॑𑌨 𑌪𑌾𑌤𑍍𑌨𑍀𑌵॒𑌤𑌗𑍍𑌂 𑌸𑌗𑍍𑌗𑍍॑𑌸𑍍𑌥𑌾॒𑌪𑌯॑𑌤𑌿 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌯॒𑌜𑍍𑌞-𑌮𑍍𑌪𑍍𑌰॑𑌤𑌿॒𑌤𑌿𑌷𑍍𑌠॑𑌨𑍍𑌤𑌂॒-𑌯𑌁𑌜॑𑌮𑌾॒𑌨𑍋-𑌽𑌨𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍀॒𑌷𑍍𑌟𑌂-𑌵𑌁॒𑌪𑌯𑌾॒ [-𑌁𑌵॒𑌪𑌯𑌾᳚, 𑌭𑌵॒𑌤𑍍𑌯𑌨𑌿॑𑌷𑍍𑌟𑌂-𑌵𑌁॒𑌶𑌯𑌾-𑌽𑌥॑] 24
𑌭𑌵॒𑌤𑍍𑌯𑌨𑌿॑𑌷𑍍𑌟𑌂-𑌵𑌁॒𑌶𑌯𑌾-𑌽𑌥॑ 𑌪𑌾𑌤𑍍𑌨𑍀𑌵॒𑌤𑍇𑌨॒ 𑌪𑍍𑌰 𑌚॑𑌰𑌤𑌿 𑌤𑍀॒𑌰𑍍𑌥 𑌏॒𑌵 𑌪𑍍𑌰 𑌚॑𑌰॒𑌤𑍍𑌯𑌥𑍋॑ 𑌏॒𑌤𑌰𑍍𑌹𑍍𑌯𑍇॒𑌵𑌾𑌸𑍍𑌯॒ 𑌯𑌾𑌮॑𑌸𑍍𑌤𑍍𑌵𑌾॒𑌷𑍍𑌟𑍍𑌰𑍋 𑌭॑𑌵𑌤𑌿॒ 𑌤𑍍𑌵𑌷𑍍𑌟𑌾॒ 𑌵𑍈 𑌰𑍇𑌤॑𑌸-𑌸𑍍𑌸𑌿॒𑌕𑍍𑌤𑌸𑍍𑌯॑ 𑌰𑍂॒𑌪𑌾𑌣𑌿॒ 𑌵𑌿 𑌕॑𑌰𑍋𑌤𑌿॒ 𑌤𑌮𑍇॒𑌵 𑌵𑍃𑌷𑌾॑𑌣॒-𑌮𑍍𑌪𑌤𑍍𑌨𑍀॒𑌷𑍍𑌵𑌪𑌿॑ 𑌸𑍃𑌜𑌤𑌿॒ 𑌸𑍋᳚-𑌽𑌸𑍍𑌮𑍈 𑌰𑍂॒𑌪𑌾𑌣𑌿॒ 𑌵𑌿 𑌕॑𑌰𑍋𑌤𑌿 ॥ 25 ॥
(𑌵॒𑌪𑌯𑌾॒ - 𑌷𑌟𑍍𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 6)
𑌘𑍍𑌨𑌨𑍍𑌤𑌿॒ 𑌵𑌾 𑌏॒𑌤-𑌥𑍍𑌸𑍋𑌮𑌂॒-𑌯𑌁𑌦॑𑌭𑌿𑌷𑍁॒𑌣𑍍𑌵𑌨𑍍𑌤𑌿॒ 𑌯-𑌥𑍍𑌸𑍗॒𑌮𑍍𑌯𑍋 𑌭𑌵॑𑌤𑌿॒ 𑌯𑌥𑌾॑ 𑌮𑍃॒𑌤𑌾𑌯𑌾॑𑌨𑍁॒𑌸𑍍𑌤𑌰॑𑌣𑍀॒-𑌙𑍍𑌘𑍍𑌨𑌨𑍍𑌤𑌿॑ 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌯𑌦𑍁॑𑌤𑍍𑌤𑌰𑌾॒𑌰𑍍𑌧𑍇 𑌵𑌾॒ 𑌮𑌦𑍍𑌧𑍍𑌯𑍇॑ 𑌵𑌾 𑌜𑍁𑌹𑍁॒𑌯𑌾-𑌦𑍍𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌦𑍍𑌧𑍍𑌯𑌾-𑌦𑍍𑌦𑌕𑍍𑌷𑌿𑌣𑌾॒𑌰𑍍𑌧𑍇 𑌜𑍁॑𑌹𑍋𑌤𑍍𑌯𑍇॒𑌷𑌾 𑌵𑍈 𑌪𑌿॑𑌤𑍃॒𑌣𑌾-𑌨𑍍𑌦𑌿-𑌖𑍍𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌪𑌿॒𑌤𑍄-𑌨𑍍𑌨𑌿॒𑌰𑌵॑𑌦𑌯𑌤 𑌉𑌦𑍍𑌗𑌾॒𑌤𑍃𑌭𑍍𑌯𑍋॑ 𑌹𑌰𑌨𑍍𑌤𑌿 𑌸𑌾𑌮𑌦𑍇𑌵॒𑌤𑍍𑌯𑍋॑ 𑌵𑍈 𑌸𑍗॒𑌮𑍍𑌯𑍋 𑌯𑌦𑍇॒𑌵 𑌸𑌾𑌮𑍍𑌨𑌃॑ 𑌛𑌮𑍍𑌬𑌟𑍍𑌕𑍁॒𑌰𑍍𑌵𑌨𑍍𑌤𑌿॒ 𑌤𑌸𑍍𑌯𑍈॒𑌵 𑌸 𑌶𑌾𑌨𑍍𑌤𑌿॒𑌰𑌵𑍇᳚- [𑌶𑌾𑌨𑍍𑌤𑌿॒𑌰𑌵॑, 𑌈॒𑌕𑍍𑌷॒𑌨𑍍𑌤𑍇॒ 𑌪॒𑌵𑌿𑌤𑍍𑌰𑌂॒-𑌵𑍈𑌁] 26
-𑌕𑍍𑌷𑌨𑍍𑌤𑍇 𑌪॒𑌵𑌿𑌤𑍍𑌰𑌂॒-𑌵𑍈𑌁 𑌸𑍗॒𑌮𑍍𑌯 𑌆॒𑌤𑍍𑌮𑌾𑌨॑𑌮𑍇॒𑌵 𑌪॑𑌵𑌯𑌨𑍍𑌤𑍇॒ 𑌯 𑌆॒𑌤𑍍𑌮𑌾𑌨॒-𑌨𑍍𑌨 𑌪॑𑌰𑌿॒𑌪𑌶𑍍𑌯𑍇॑𑌦𑌿॒𑌤𑌾𑌸𑍁𑌃॑ 𑌸𑍍𑌯𑌾𑌦𑌭𑌿𑌦॒𑌦𑌿-𑌙𑍍𑌕𑍃॒𑌤𑍍𑌵𑌾-𑌽𑌵𑍇᳚𑌕𑍍𑌷𑍇𑌤॒ 𑌤𑌸𑍍𑌮𑌿॒𑌨𑍍॒. 𑌹𑍍𑌯𑌾᳚𑌤𑍍𑌮𑌾𑌨॑-𑌮𑍍𑌪𑌰𑌿॒𑌪𑌶𑍍𑌯॒𑌤𑍍𑌯𑌥𑍋॑ 𑌆॒𑌤𑍍𑌮𑌾𑌨॑𑌮𑍇॒𑌵 𑌪॑𑌵𑌯𑌤𑍇॒ 𑌯𑍋 𑌗॒𑌤𑌮॑𑌨𑌾॒-𑌸𑍍𑌸𑍍𑌯𑌾-𑌥𑍍𑌸𑍋-𑌽𑌵𑍇᳚𑌕𑍍𑌷𑍇𑌤॒ 𑌯𑌨𑍍𑌮𑍇॒ 𑌮𑌨𑌃॒ 𑌪𑌰𑌾॑𑌗𑌤𑌂॒-𑌯𑌁𑌦𑍍𑌵𑌾॑ 𑌮𑍇॒ 𑌅𑌪॑𑌰𑌾𑌗𑌤𑌮𑍍 । 𑌰𑌾𑌜𑍍𑌞𑌾॒ 𑌸𑍋𑌮𑍇॑𑌨॒ 𑌤𑌦𑍍𑌵॒𑌯𑌮॒𑌸𑍍𑌮𑌾𑌸𑍁॑ 𑌧𑌾𑌰𑌯𑌾𑌮॒𑌸𑍀𑌤𑌿॒ 𑌮𑌨॑ 𑌏॒𑌵𑌾𑌤𑍍𑌮-𑌨𑍍𑌦𑌾॑𑌧𑌾𑌰॒- [𑌏॒𑌵𑌾𑌤𑍍𑌮-𑌨𑍍𑌦𑌾॑𑌧𑌾𑌰, 𑌨 𑌗॒𑌤𑌮॑𑌨𑌾] 27
𑌨 𑌗॒𑌤𑌮॑𑌨𑌾 𑌭𑌵॒𑌤𑍍𑌯𑌪॒ 𑌵𑍈 𑌤𑍃॑𑌤𑍀𑌯𑌸𑌵॒𑌨𑍇 𑌯॒𑌜𑍍𑌞𑌃 𑌕𑍍𑌰𑌾॑𑌮𑌤𑍀𑌜𑌾॒𑌨𑌾-𑌦𑌨𑍀॑𑌜𑌾𑌨𑌮॒𑌭𑍍𑌯𑌾᳚-𑌗𑍍𑌨𑌾𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 𑌘𑍃॒𑌤𑌸𑍍𑌯॑ 𑌯𑌜𑌤𑍍𑌯॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍋 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌯॒𑌜𑍍𑌞-𑌞𑍍𑌚॑ 𑌦𑌾𑌧𑌾𑌰𑍋𑌪𑌾॒𑌗𑍍𑌂॒𑌶𑍁 𑌯॑𑌜𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯॑ 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 𑌮𑌿॒𑌤𑍍𑌰𑍋 𑌯॒𑌜𑍍𑌞𑌸𑍍𑌯॒ 𑌸𑍍𑌵𑌿॑𑌷𑍍𑌟𑌂-𑌯𑍁𑌁𑌵𑌤𑍇॒ 𑌵𑌰𑍁॑𑌣𑍋॒ 𑌦𑍁𑌰𑌿॑𑌷𑍍𑌟॒-𑌙𑍍𑌕𑍍𑌵॑ 𑌤𑌰𑍍𑌹𑌿॑ 𑌯॒𑌜𑍍𑌞𑌃 𑌕𑍍𑌵॑ 𑌯𑌜॑𑌮𑌾𑌨𑍋 𑌭𑌵॒𑌤𑍀𑌤𑌿॒ 𑌯𑌨𑍍𑌮𑍈᳚𑌤𑍍𑌰𑌾𑌵𑌰𑍁॒𑌣𑍀𑌂-𑌵𑌁॒𑌶𑌾𑌮𑌾॒𑌲𑌭॑𑌤𑍇 𑌮𑌿॒𑌤𑍍𑌰𑍇𑌣𑍈॒𑌵 [ ] 28
𑌯॒𑌜𑍍𑌞𑌸𑍍𑌯॒ 𑌸𑍍𑌵𑌿॑𑌷𑍍𑌟𑌗𑍍𑌂 𑌶𑌮𑌯𑌤𑌿॒ 𑌵𑌰𑍁॑𑌣𑍇𑌨॒ 𑌦𑍁𑌰𑌿॑𑌷𑍍𑌟॒-𑌨𑍍𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌯𑌥𑌾॒ 𑌵𑍈 𑌲𑌾𑌙𑍍𑌗॑𑌲𑍇𑌨𑍋॒𑌰𑍍𑌵𑌰𑌾᳚-𑌮𑍍𑌪𑍍𑌰𑌭𑌿॒𑌨𑍍𑌦𑌨𑍍-𑌤𑍍𑌯𑍇॒𑌵𑌮𑍃॑𑌖𑍍𑌸𑌾॒𑌮𑍇 𑌯॒𑌜𑍍𑌞-𑌮𑍍𑌪𑍍𑌰 𑌭𑌿॑𑌨𑍍𑌤𑍋॒ 𑌯𑌨𑍍𑌮𑍈᳚𑌤𑍍𑌰𑌾𑌵𑌰𑍁॒𑌣𑍀𑌂-𑌵𑌁॒𑌶𑌾𑌮𑌾॒𑌲𑌭॑𑌤𑍇 𑌯॒𑌜𑍍𑌞𑌾𑌯𑍈॒𑌵 𑌪𑍍𑌰𑌭𑌿॑𑌨𑍍𑌨𑌾𑌯 𑌮॒𑌤𑍍𑌯॑𑌮॒𑌨𑍍𑌵𑌵𑌾᳚𑌸𑍍𑌯𑌤𑌿॒ 𑌶𑌾𑌨𑍍𑌤𑍍𑌯𑍈॑ 𑌯𑌾॒𑌤𑌯𑌾॑𑌮𑌾𑌨𑌿॒ 𑌵𑌾 𑌏॒𑌤𑌸𑍍𑌯॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌯 𑌈॑𑌜𑌾॒𑌨-𑌶𑍍𑌛𑌨𑍍𑌦॑𑌸𑌾𑌮𑍇॒𑌷 𑌰𑌸𑍋॒ 𑌯-𑌦𑍍𑌵॒𑌶𑌾 𑌯𑌨𑍍𑌮𑍈᳚𑌤𑍍𑌰𑌾𑌵𑌰𑍁॒𑌣𑍀𑌂-𑌵𑌁॒𑌶𑌾𑌮𑌾॒𑌲𑌭॑𑌤𑍇॒ 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌪𑍁𑌨॒𑌰𑌾 𑌪𑍍𑌰𑍀॑𑌣𑌾॒𑌤𑍍𑌯 𑌯𑌾॑𑌤𑌯𑌾𑌮𑌤𑍍𑌵𑌾॒𑌯𑌾𑌥𑍋॒ 𑌛𑌨𑍍𑌦॑𑌸𑍍𑌸𑍍𑌵𑍇॒𑌵 𑌰𑌸॑-𑌨𑍍𑌦𑌧𑌾𑌤𑌿 ॥ 29 ॥
(𑌅𑌵॑ - 𑌦𑌾𑌧𑌾𑌰 - 𑌮𑌿॒𑌤𑍍𑌰𑍇𑌣𑍈॒𑌵 - 𑌪𑍍𑌰𑍀॑𑌣𑌾𑌤𑌿॒ - 𑌷𑌟𑍍𑌚॑) (𑌅. 7)
𑌦𑍇॒𑌵𑌾 𑌵𑌾 𑌇॑𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌾𑌂᳚(1॒) 𑌁𑌵𑍍𑌯॑𑌭𑌜𑌨𑍍𑌤॒ 𑌤𑌤𑍋॒ 𑌯𑌦॒𑌤𑍍𑌯𑌶𑌿॑𑌷𑍍𑌯𑌤॒ 𑌤𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑ 𑌅𑌭𑌵॒-𑌨𑍍𑌤𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑𑌣𑌾-𑌮𑌤𑌿𑌗𑍍𑌰𑌾𑌹𑍍𑌯॒𑌤𑍍𑌵𑌂-𑌯𑌁𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑ 𑌗𑍃॒𑌹𑍍𑌯𑌨𑍍𑌤॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤-𑌦𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌤𑍇𑌜॑ 𑌆𑌗𑍍𑌨𑍇॒𑌯𑍇𑌨𑍇᳚𑌨𑍍𑌦𑍍𑌰𑌿॒𑌯-𑌮𑍈॒𑌨𑍍𑌦𑍍𑌰𑍇𑌣॑ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌗𑍍𑌂 𑌸𑍗॒𑌰𑍍𑌯𑍇𑌣𑍋॑𑌪॒𑌸𑍍𑌤𑌮𑍍𑌭॑𑌨𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦॑𑌤𑌿𑌗𑍍𑌰𑌾॒𑌹𑍍𑌯𑌾᳚𑌶𑍍𑌚॒𑌕𑍍𑌰𑍇 𑌪𑍃॒𑌷𑍍𑌠𑌾𑌨𑌿॒ 𑌯-𑌤𑍍𑌪𑍃𑌷𑍍𑌠𑍍𑌯𑍇॒ 𑌨 𑌗𑍃॑𑌹𑍍𑌣𑍀॒𑌯𑌾-𑌤𑍍𑌪𑍍𑌰𑌾𑌞𑍍𑌚𑌂॑-𑌯𑌁॒𑌜𑍍𑌞-𑌮𑍍𑌪𑍃॒𑌷𑍍𑌠𑌾𑌨𑌿॒ 𑌸𑌗𑍍𑌂 𑌶𑍃॑𑌣𑍀𑌯𑍁॒𑌰𑍍𑌯-𑌦𑍁॒𑌕𑍍𑌥𑍍𑌯𑍇॑ [-𑌦𑍁॒𑌕𑍍𑌥𑍍𑌯𑍇᳚, 𑌗𑍃॒𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌤𑍍𑌯𑌞𑍍𑌚𑌂॑-] 30
𑌗𑍃𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌤𑍍𑌯𑌞𑍍𑌚𑌂॑-𑌯𑌁॒𑌜𑍍𑌞𑌮॑𑌤𑌿𑌗𑍍𑌰𑌾॒𑌹𑍍𑌯𑌾᳚-𑌸𑍍𑌸𑌗𑍍𑌂 𑌶𑍃॑𑌣𑍀𑌯𑍁𑌰𑍍𑌵𑌿𑌶𑍍𑌵॒𑌜𑌿𑌤𑌿॒ 𑌸𑌰𑍍𑌵॑𑌪𑍃𑌷𑍍𑌠𑍇 𑌗𑍍𑌰𑌹𑍀𑌤॒𑌵𑍍𑌯𑌾॑ 𑌯॒𑌜𑍍𑌞𑌸𑍍𑌯॑ 𑌸𑌵𑍀𑌰𑍍𑌯॒𑌤𑍍𑌵𑌾𑌯॑ 𑌪𑍍𑌰॒𑌜𑌾𑌪॑𑌤𑌿𑌰𑍍𑌦𑍇॒𑌵𑍇𑌭𑍍𑌯𑍋॑ 𑌯॒𑌜𑍍𑌞𑌾𑌨𑍍 𑌵𑍍𑌯𑌾𑌦𑌿॑𑌶॒-𑌥𑍍𑌸 𑌪𑍍𑌰𑌿॒𑌯𑌾𑌸𑍍𑌤॒𑌨𑍂𑌰𑌪॒ 𑌨𑍍𑌯॑𑌧𑌤𑍍𑌤॒ 𑌤𑌦॑𑌤𑌿𑌗𑍍𑌰𑌾॒𑌹𑍍𑌯𑌾॑ 𑌅𑌭𑌵॒𑌨𑍍 𑌵𑌿𑌤॑𑌨𑍁॒𑌸𑍍𑌤𑌸𑍍𑌯॑ 𑌯॒𑌜𑍍𑌞 𑌇𑌤𑍍𑌯𑌾॑𑌹𑍁॒𑌰𑍍𑌯-𑌸𑍍𑌯𑌾॑𑌤𑌿𑌗𑍍𑌰𑌾॒𑌹𑍍𑌯𑌾॑ 𑌨 𑌗𑍃॒𑌹𑍍𑌯𑌨𑍍𑌤॒ 𑌇𑌤𑍍𑌯𑌪𑍍𑌯॑𑌗𑍍𑌨𑌿𑌷𑍍𑌟𑍋॒𑌮𑍇 𑌗𑍍𑌰॑𑌹𑍀𑌤॒𑌵𑍍𑌯𑌾॑ 𑌯॒𑌜𑍍𑌞𑌸𑍍𑌯॑ 𑌸𑌤𑌨𑍁॒𑌤𑍍𑌵𑌾𑌯॑ 𑌦𑍇॒𑌵𑌤𑌾॒ 𑌵𑍈 𑌸𑌰𑍍𑌵𑌾᳚-𑌸𑍍𑌸॒𑌦𑍃𑌶𑍀॑𑌰𑌾𑌸॒-𑌨𑍍𑌤𑌾 𑌨 𑌵𑍍𑌯𑌾॒𑌵𑍃𑌤॑-𑌮𑌗𑌚𑍍𑌛॒-𑌨𑍍𑌤𑍇 𑌦𑍇॒𑌵𑌾 [𑌦𑍇॒𑌵𑌾𑌃, 𑌏॒𑌤 𑌏॒𑌤𑌾-𑌨𑍍𑌗𑍍𑌰𑌹𑌾॑-] 31
𑌏॒𑌤 𑌏॒𑌤𑌾-𑌨𑍍𑌗𑍍𑌰𑌹𑌾॑-𑌨𑌪𑌶𑍍𑌯॒-𑌨𑍍𑌤𑌾𑌨॑𑌗𑍃𑌹𑍍𑌣𑌤𑌾-𑌽𑌽𑌗𑍍𑌨𑍇॒ 𑌯𑌮॒𑌗𑍍𑌨𑌿𑌰𑍈॒𑌨𑍍𑌦𑍍𑌰𑌮𑌿𑌨𑍍𑌦𑍍𑌰𑌃॑ 𑌸𑍗॒𑌰𑍍𑌯𑌗𑍍𑌂 𑌸𑍂𑌰𑍍𑌯॒𑌸𑍍𑌤𑌤𑍋॒ 𑌵𑍈 𑌤𑍇᳚-𑌽𑌨𑍍𑌯𑌾𑌭𑌿॑-𑌰𑍍𑌦𑍇॒𑌵𑌤𑌾॑𑌭𑌿-𑌰𑍍𑌵𑍍𑌯𑌾॒𑌵𑍃𑌤॑𑌮𑌗𑌚𑍍𑌛॒𑌨𑍍॒. 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌏॒𑌤𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ 𑌵𑍍𑌯𑌾॒𑌵𑍃𑌤॑𑌮𑍇॒𑌵 𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇𑌣 𑌗𑌚𑍍𑌛𑌤𑍀॒𑌮𑍇 𑌲𑍋॒𑌕𑌾 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌸𑍍𑌸॒𑌮𑌾𑌵॑-𑌦𑍍𑌵𑍀𑌰𑍍𑌯𑌾𑌃 𑌕𑌾॒𑌰𑍍𑌯𑌾॑ 𑌇𑌤𑍍𑌯𑌾॑𑌹𑍁𑌰𑌾𑌗𑍍𑌨𑍇॒𑌯𑍇𑌨𑌾॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌜𑍍𑌯𑍋𑌤𑌿॑𑌰𑍍𑌧𑌤𑍍𑌤 𑌐॒𑌨𑍍𑌦𑍍𑌰𑍇𑌣𑌾॒𑌨𑍍𑌤𑌰𑌿॑𑌕𑍍𑌷 𑌇𑌨𑍍𑌦𑍍𑌰𑌵𑌾॒𑌯𑍂 𑌹𑌿 𑌸॒𑌯𑍁𑌜𑍗॑ 𑌸𑍗॒𑌰𑍍𑌯𑍇𑌣𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 [ ] 32
𑌜𑍍𑌯𑍋𑌤𑌿॑𑌰𑍍𑌧𑌤𑍍𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤𑍋-𑌽𑌸𑍍𑌮𑌾 𑌇॒𑌮𑍇 𑌲𑍋॒𑌕𑌾 𑌭॑𑌵𑌨𑍍𑌤𑌿 𑌸॒𑌮𑌾𑌵॑-𑌦𑍍𑌵𑍀𑌰𑍍𑌯𑌾𑌨𑍇𑌨𑌾𑌨𑍍 𑌕𑍁𑌰𑍁𑌤 𑌏॒𑌤𑌾𑌨𑍍. 𑌵𑍈 𑌗𑍍𑌰𑌹𑌾᳚-𑌨𑍍𑌬॒𑌬𑌾𑌂-𑌵𑌿॒𑌶𑍍𑌵𑌵॑𑌯𑌸𑌾-𑌵𑌵𑌿𑌤𑍍𑌤𑌾॒-𑌨𑍍𑌤𑌾𑌭𑍍𑌯𑌾॑𑌮𑌿॒𑌮𑍇 𑌲𑍋॒𑌕𑌾𑌃 𑌪𑌰𑌾᳚𑌞𑍍𑌚𑌶𑍍𑌚𑌾॒𑌰𑍍𑌵𑌾𑌞𑍍𑌚॑𑌶𑍍𑌚॒ 𑌪𑍍𑌰𑌾𑌭𑍁॒𑌰𑍍𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌏॒𑌤𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॒ 𑌪𑍍𑌰𑌾𑌸𑍍𑌮𑌾॑ 𑌇॒𑌮𑍇 𑌲𑍋॒𑌕𑌾𑌃 𑌪𑌰𑌾᳚𑌞𑍍𑌚𑌶𑍍𑌚𑌾॒𑌰𑍍𑌵𑌾𑌞𑍍𑌚॑𑌶𑍍𑌚 𑌭𑌾𑌨𑍍𑌤𑌿 ॥ 33 ॥
(𑌉॒𑌕𑍍𑌥𑍍𑌯𑍇॑ - 𑌦𑍇॒𑌵𑌾 - 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 - 𑌏𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 8)
𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌅𑌦𑌾᳚𑌭𑍍𑌯𑍇॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌸𑌵॑𑌨𑌾𑌨𑌿॒ 𑌸𑌮॑𑌸𑍍𑌥𑌾𑌪𑌯॒-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋-𑌽𑌦𑌾᳚𑌭𑍍𑌯𑍋 𑌗𑍃॒𑌹𑍍𑌯𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿॒ 𑌯𑌦𑍍𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾॒-𑌨𑌦𑌾᳚𑌭𑍍𑌯𑍇॒-𑌨𑌾𑌦॑𑌭𑍍𑌨𑍁𑌵॒-𑌨𑍍𑌤𑌦𑌦𑌾᳚𑌭𑍍𑌯𑌸𑍍𑌯𑌾-𑌦𑌾𑌭𑍍𑌯॒ 𑌤𑍍𑌵𑌂-𑌯𑌁 𑌏॒𑌵𑌂-𑌵𑍇𑌁𑌦॑ 𑌦॒𑌭𑍍𑌨𑍋𑌤𑍍𑌯𑍇॒𑌵 𑌭𑍍𑌰𑌾𑌤𑍃॑𑌵𑍍𑌯॒-𑌨𑍍𑌨𑍈𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍋 𑌦𑌭𑍍𑌨𑍋- [𑌦𑌭𑍍𑌨𑍋𑌤𑌿, 𑌏॒𑌷𑌾 𑌵𑍈] 34
-𑌤𑍍𑌯𑍇॒𑌷𑌾 𑌵𑍈 𑌪𑍍𑌰॒𑌜𑌾𑌪॑𑌤𑍇-𑌰𑌤𑌿𑌮𑍋॒𑌕𑍍𑌷𑌿𑌣𑍀॒ 𑌨𑌾𑌮॑ 𑌤॒𑌨𑍂𑌰𑍍𑌯𑌦𑌦𑌾᳚𑌭𑍍𑌯॒ 𑌉𑌪॑𑌨𑌦𑍍𑌧𑌸𑍍𑌯 𑌗𑍃𑌹𑍍𑌣𑌾॒𑌤𑍍𑌯𑌤𑌿॑𑌮𑍁𑌕𑍍𑌤𑍍𑌯𑌾॒ 𑌅𑌤𑌿॑ 𑌪𑌾॒𑌪𑍍𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯-𑌮𑍍𑌮𑍁𑌚𑍍𑌯𑌤𑍇॒ 𑌯 𑌏॒𑌵𑌂-𑌵𑍇𑌁𑌦॒ 𑌘𑍍𑌨𑌨𑍍𑌤𑌿॒ 𑌵𑌾 𑌏॒𑌤-𑌥𑍍𑌸𑍋𑌮𑌂॒-𑌯𑌁𑌦॑𑌭𑌿𑌷𑍁॒𑌣𑍍𑌵𑌨𑍍𑌤𑌿॒ 𑌸𑍋𑌮𑍇॑ 𑌹॒𑌨𑍍𑌯𑌮𑌾॑𑌨𑍇 𑌯॒𑌜𑍍𑌞𑍋 𑌹॑𑌨𑍍𑌯𑌤𑍇 𑌯॒𑌜𑍍𑌞𑍇 𑌯𑌜॑𑌮𑌾𑌨𑍋 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌿-𑌨𑍍𑌤-𑌦𑍍𑌯॒𑌜𑍍𑌞𑍇 𑌯𑌜॑𑌮𑌾𑌨𑌃 𑌕𑍁𑌰𑍁𑌤𑍇॒ 𑌯𑍇𑌨॒ 𑌜𑍀𑌵𑌨𑍍᳚-𑌥𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇𑌤𑍀𑌤𑌿॑ 𑌜𑍀𑌵𑌗𑍍𑌰॒𑌹𑍋 𑌵𑌾 𑌏॒𑌷 𑌯𑌦𑌦𑌾॒𑌭𑍍𑌯𑍋 𑌽𑌨॑𑌭𑌿𑌷𑍁𑌤𑌸𑍍𑌯 𑌗𑍃𑌹𑍍𑌣𑌾𑌤𑌿॒ 𑌜𑍀𑌵॑𑌨𑍍𑌤𑌮𑍇॒𑌵𑍈𑌨𑌗𑍍𑌂॑ 𑌸𑍁𑌵॒𑌰𑍍𑌗𑌂 𑌁𑌲𑍋॒𑌕-𑌙𑍍𑌗॑𑌮𑌯𑌤𑌿॒ 𑌵𑌿 𑌵𑌾 𑌏॒𑌤-𑌦𑍍𑌯॒𑌜𑍍𑌞-𑌞𑍍𑌛𑌿॑𑌨𑍍𑌦𑌨𑍍𑌤𑌿॒ 𑌯𑌦𑌦𑌾᳚𑌭𑍍𑌯𑍇 𑌸𑌗𑍍𑌗𑍍-𑌸𑍍𑌥𑌾॒𑌪𑌯॑-𑌨𑍍𑌤𑍍𑌯॒𑌗𑍍𑌂॒𑌶𑍂𑌨𑌪𑌿॑ 𑌸𑍃𑌜𑌤𑌿 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 ॥ 35 ॥
(𑌦॒𑌭𑍍𑌨𑍋॒𑌤𑍍𑌯 - 𑌨॑𑌭𑌿𑌷𑍁𑌤𑌸𑍍𑌯 𑌗𑍃𑌹𑍍𑌣𑌾॒𑌤𑍍𑌯𑍇 - 𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 9)
𑌦𑍇॒𑌵𑌾 𑌵𑍈 𑌪𑍍𑌰॒𑌬𑌾𑌹𑍁॒𑌗𑍍𑌗𑍍𑌰𑌹𑌾॑-𑌨𑌗𑍃𑌹𑍍𑌣𑌤॒ 𑌸 𑌏॒𑌤-𑌮𑍍𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌂॒𑌶𑍁-𑌮॑𑌪𑌶𑍍𑌯॒-𑌤𑍍𑌤𑌮॑𑌗𑍃𑌹𑍍𑌣𑍀𑌤॒ 𑌤𑍇𑌨॒ 𑌵𑍈 𑌸 𑌆᳚𑌰𑍍𑌧𑍍𑌨𑍋॒-𑌦𑍍𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋॒-𑌽𑌗𑍍𑌂॒𑌶𑍁-𑌰𑍍𑌗𑍃॒𑌹𑍍𑌯𑌤॑ 𑌋॒𑌦𑍍𑌧𑍍𑌨𑍋𑌤𑍍𑌯𑍇॒𑌵 𑌸॒𑌕𑍃𑌦॑𑌭𑌿𑌷𑍁𑌤𑌸𑍍𑌯 𑌗𑍃𑌹𑍍𑌣𑌾𑌤𑌿 𑌸॒𑌕𑍃𑌦𑍍𑌧𑌿 𑌸 𑌤𑍇𑌨𑌾-𑌽𑌽𑌰𑍍𑌧𑍍𑌨𑍋॒𑌨𑍍𑌮𑌨॑𑌸𑌾 𑌗𑍃𑌹𑍍𑌣𑌾𑌤𑌿॒ 𑌮𑌨॑ 𑌇𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॒ 𑌔𑌦𑍁॑𑌮𑍍𑌬𑌰𑍇𑌣 𑌗𑍃𑌹𑍍𑌣𑌾॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌚𑌤𑍁𑌃॑𑌸𑍍𑌰𑌕𑍍𑌤𑌿 𑌭𑌵𑌤𑌿 𑌦𑌿॒- [𑌭𑌵𑌤𑌿 𑌦𑌿॒𑌕𑍍𑌷𑍁, 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒] 36
-𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌯𑍋 𑌵𑌾 𑌅॒𑌗𑍍𑌂॒𑌶𑍋𑌰𑌾॒𑌯𑌤॑𑌨𑌂॒-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿 𑌵𑌾𑌮𑌦𑍇॒𑌵𑍍𑌯𑌮𑌿𑌤𑌿॒ 𑌸𑌾𑌮॒ 𑌤𑌦𑍍𑌵𑌾 𑌅॑𑌸𑍍𑌯𑌾॒-𑌽𑌽𑌯𑌤॑𑌨॒-𑌮𑍍𑌮𑌨॑𑌸𑌾॒ 𑌗𑌾𑌯॑𑌮𑌾𑌨𑍋 𑌗𑍃𑌹𑍍𑌣𑌾𑌤𑍍𑌯𑌾॒𑌯𑌤॑𑌨𑌵𑌾𑌨𑍇॒𑌵 𑌭॑𑌵𑌤𑌿॒ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌰॒𑌗𑍍𑌂॒𑌶𑍁-𑌙𑍍𑌗𑍃॒𑌹𑍍𑌣-𑌨𑍍𑌨𑌾𑌰𑍍𑌧𑌯𑍇॑𑌦𑍁॒𑌭𑌾𑌭𑍍𑌯𑌾॒-𑌨𑍍𑌨𑌰𑍍𑌧𑍍𑌯𑍇॑𑌤𑌾𑌦𑍍𑌧𑍍𑌵॒𑌰𑍍𑌯𑌵𑍇॑ 𑌚॒ 𑌯𑌜॑𑌮𑌾𑌨𑌾𑌯 𑌚॒ 𑌯𑌦॒𑌰𑍍𑌧𑌯𑍇॑-𑌦𑍁॒𑌭𑌾𑌭𑍍𑌯𑌾॑-𑌮𑍃𑌦𑍍𑌧𑍍𑌯𑍇॒𑌤𑌾𑌨॑𑌵𑌾𑌨-𑌙𑍍𑌗𑍃𑌹𑍍𑌣𑌾𑌤𑌿॒ 𑌸𑍈𑌵𑌾𑌸𑍍𑌯𑌰𑍍𑌧𑌿॒𑌰𑍍॒. 𑌹𑌿𑌰॑𑌣𑍍𑌯𑌮॒𑌭𑌿 𑌵𑍍𑌯॑𑌨𑌿𑌤𑍍𑌯॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯॒𑌮𑌾𑌯𑍁𑌃॑ 𑌪𑍍𑌰𑌾॒𑌣 𑌆𑌯𑍁॑𑌷𑍈॒𑌵𑌾𑌮𑍃𑌤॑𑌮॒𑌭𑌿 𑌧𑌿॑𑌨𑍋𑌤𑌿 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 37 ॥
(𑌦𑌿॒𑌕𑍍𑌷𑍍𑌵॑ - 𑌨𑌿𑌤𑌿 - 𑌵𑌿𑌗𑍍𑌂𑌶॒𑌤𑌿𑌶𑍍𑌚॑) (𑌅. 10)
𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇॒𑌵𑍇𑌭𑍍𑌯𑍋॑ 𑌯॒𑌜𑍍𑌞𑌾𑌨𑍍 𑌵𑍍𑌯𑌾𑌦𑌿॑𑌶॒-𑌥𑍍𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤॒ 𑌸 𑌯॒𑌜𑍍𑌞𑌾𑌨𑌾𑌗𑍍𑌂॑ 𑌷𑍋𑌡𑌶॒𑌧𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾॒𑌤𑍍𑌮𑌾𑌨॑𑌮॒𑌭𑌿 𑌸𑌮॑𑌕𑍍𑌖𑌿𑌦॒-𑌤𑍍𑌤-𑌥𑍍𑌷𑍋॑𑌡॒𑌶𑍍𑌯॑𑌭𑌵॒𑌨𑍍𑌨 𑌵𑍈 𑌷𑍋॑𑌡॒𑌶𑍀 𑌨𑌾𑌮॑ 𑌯॒𑌜𑍍𑌞𑍋᳚-𑌽𑌸𑍍𑌤𑌿॒ 𑌯𑌦𑍍𑌵𑌾𑌵 𑌷𑍋॑𑌡॒𑌶𑌗𑍍𑌗𑍍 𑌸𑍍𑌤𑍋॒𑌤𑍍𑌰𑌗𑍍𑌂 𑌷𑍋॑𑌡॒𑌶𑌗𑍍𑌂 𑌶॒𑌸𑍍𑌤𑍍𑌰-𑌨𑍍𑌤𑍇𑌨॑ 𑌷𑍋𑌡॒𑌶𑍀 𑌤-𑌥𑍍𑌷𑍋॑𑌡॒𑌶𑌿𑌨𑌃॑ 𑌷𑍋𑌡𑌶𑌿॒𑌤𑍍𑌵𑌂-𑌯𑌁-𑌥𑍍𑌷𑍋॑𑌡॒𑌶𑍀 𑌗𑍃॒𑌹𑍍𑌯𑌤॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤-𑌦𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇 𑌦𑍇॒𑌵𑍇𑌭𑍍𑌯𑍋॒ 𑌵𑍈 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑍋 [𑌲𑍋॒𑌕𑌃, 𑌨 𑌪𑍍𑌰𑌾𑌭॑𑌵॒-𑌤𑍍𑌤] 38
𑌨 𑌪𑍍𑌰𑌾𑌭॑𑌵॒-𑌤𑍍𑌤 𑌏॒𑌤𑌗𑍍𑌂 𑌷𑍋॑𑌡॒𑌶𑌿𑌨॑𑌮𑌪𑌶𑍍𑌯॒-𑌨𑍍𑌤𑌮॑𑌗𑍃𑌹𑍍𑌣𑌤॒ 𑌤𑌤𑍋॒ 𑌵𑍈 𑌤𑍇𑌭𑍍𑌯𑌃॑ 𑌸𑍁𑌵॒𑌰𑍍𑌗𑍋 𑌲𑍋॒𑌕𑌃 𑌪𑍍𑌰𑌾𑌭॑𑌵॒𑌦𑍍𑌯-𑌥𑍍𑌷𑍋॑𑌡॒𑌶𑍀 𑌗𑍃॒𑌹𑍍𑌯𑌤𑍇॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒𑌭𑌿𑌜𑌿॑𑌤𑍍𑌯𑌾॒ 𑌇𑌨𑍍𑌦𑍍𑌰𑍋॒ 𑌵𑍈 𑌦𑍇॒𑌵𑌾𑌨𑌾॑𑌮𑌾𑌨𑍁𑌜𑌾𑌵॒𑌰 𑌆॑𑌸𑍀॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍𑌂 𑌷𑍋॑𑌡॒𑌶𑌿𑌨॒-𑌮𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌮॑𑌗𑍃𑌹𑍍𑌣𑍀𑌤॒ 𑌤𑌤𑍋॒ 𑌵𑍈 𑌸𑍋-𑌽𑌗𑍍𑌰॑-𑌨𑍍𑌦𑍇॒𑌵𑌤𑌾॑𑌨𑌾॒-𑌮𑍍𑌪𑌰𑍍𑌯𑍈॒-𑌦𑍍𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑌃॑ 𑌷𑍋𑌡॒𑌶𑍀 𑌗𑍃॒𑌹𑍍𑌯𑌤𑍇- [𑌗𑍃॒𑌹𑍍𑌯𑌤𑍇᳚, 𑌅𑌗𑍍𑌰॑𑌮𑍇॒𑌵] 39
-𑌽𑌗𑍍𑌰॑𑌮𑍇॒𑌵 𑌸॑𑌮𑌾॒𑌨𑌾𑌨𑌾॒-𑌮𑍍𑌪𑌰𑍍𑌯𑍇॑𑌤𑌿 𑌪𑍍𑌰𑌾𑌤𑌸𑍍𑌸𑌵॒𑌨𑍇 𑌗𑍃॑𑌹𑍍𑌣𑌾𑌤𑌿॒ 𑌵𑌜𑍍𑌰𑍋॒ 𑌵𑍈 𑌷𑍋॑𑌡॒𑌶𑍀 𑌵𑌜𑍍𑌰𑌃॑ 𑌪𑍍𑌰𑌾𑌤𑌸𑍍𑌸𑌵॒𑌨𑌗𑍍𑌗𑍍 𑌸𑍍𑌵𑌾𑌦𑍇॒𑌵𑍈𑌨𑌂॒-𑌯𑍋𑌁𑌨𑍇॒𑌰𑍍𑌨𑌿𑌗𑍃॑𑌹𑍍𑌣𑌾𑌤𑌿॒ 𑌸𑌵॑𑌨𑍇𑌸𑌵𑌨𑍇॒-𑌽𑌭𑌿 𑌗𑍃॑𑌹𑍍𑌣𑌾𑌤𑌿॒ 𑌸𑌵॑𑌨𑌾𑌥𑍍𑌸𑌵𑌨𑌾𑌦𑍇॒𑌵𑍈𑌨॒-𑌮𑍍𑌪𑍍𑌰 𑌜॑𑌨𑌯𑌤𑌿 𑌤𑍃𑌤𑍀𑌯𑌸𑌵॒𑌨𑍇 𑌪॒𑌶𑍁𑌕𑌾॑𑌮𑌸𑍍𑌯 𑌗𑍃𑌹𑍍𑌣𑍀𑌯𑌾॒-𑌦𑍍𑌵𑌜𑍍𑌰𑍋॒ 𑌵𑍈 𑌷𑍋॑𑌡॒𑌶𑍀 𑌪॒𑌶𑌵॑𑌸𑍍𑌤𑍃𑌤𑍀𑌯𑌸𑌵॒𑌨𑌂-𑌵𑌁𑌜𑍍𑌰𑍇॑𑌣𑍈॒𑌵𑌾𑌸𑍍𑌮𑍈॑ 𑌤𑍃𑌤𑍀𑌯𑌸𑌵॒𑌨𑌾-𑌤𑍍𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌨𑍋𑌕𑍍𑌥𑍍𑌯𑍇॑ 𑌗𑍃𑌹𑍍𑌣𑍀𑌯𑌾-𑌤𑍍𑌪𑍍𑌰॒𑌜𑌾 𑌵𑍈 𑌪॒𑌶𑌵॑ 𑌉॒𑌕𑍍𑌥𑌾𑌨𑌿॒ 𑌯𑌦𑍁॒𑌕𑍍𑌥𑍍𑌯𑍇॑- [𑌯𑌦𑍁॒𑌕𑍍𑌥𑍍𑌯𑍇᳚, 𑌗𑍃॒𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌜𑌾-] 40
𑌗𑍃𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌜𑌾-𑌮𑍍𑌪॒𑌶𑍂𑌨॑𑌸𑍍𑌯॒ 𑌨𑌿𑌰𑍍𑌦॑𑌹𑍇𑌦𑌤𑌿𑌰𑌾॒𑌤𑍍𑌰𑍇 𑌪॒𑌶𑍁𑌕𑌾॑𑌮𑌸𑍍𑌯 𑌗𑍃𑌹𑍍𑌣𑍀𑌯𑌾॒-𑌦𑍍𑌵𑌜𑍍𑌰𑍋॒ 𑌵𑍈 𑌷𑍋॑𑌡॒𑌶𑍀 𑌵𑌜𑍍𑌰𑍇॑𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨॑𑌵॒𑌰𑍁𑌦𑍍𑌧𑍍𑌯॒ 𑌰𑌾𑌤𑍍𑌰𑌿॑-𑌯𑍋॒𑌪𑌰𑌿॑𑌷𑍍𑌟𑌾-𑌚𑍍𑌛𑌮𑌯॒𑌤𑍍𑌯𑌪𑍍𑌯॑𑌗𑍍𑌨𑌿𑌷𑍍𑌟𑍋॒𑌮𑍇 𑌰𑌾॑𑌜॒𑌨𑍍𑌯॑𑌸𑍍𑌯 𑌗𑍃𑌹𑍍𑌣𑍀𑌯𑌾-𑌦𑍍𑌵𑍍𑌯𑌾॒𑌵𑍃𑌤𑍍𑌕𑌾॑𑌮𑍋॒ 𑌹𑌿 𑌰𑌾॑𑌜॒𑌨𑍍𑌯𑍋॑ 𑌯𑌜॑𑌤𑍇 𑌸𑌾॒𑌹𑍍𑌨 𑌏॒𑌵𑌾𑌸𑍍𑌮𑍈॒ 𑌵𑌜𑍍𑌰॑-𑌙𑍍𑌗𑍃𑌹𑍍𑌣𑌾𑌤𑌿॒ 𑌸 𑌏॑𑌨𑌂॒-𑌵𑌁𑌜𑍍𑌰𑍋॒ 𑌭𑍂𑌤𑍍𑌯𑌾॑ 𑌇𑌨𑍍𑌧𑍇॒ 𑌨𑌿𑌰𑍍𑌵𑌾॑ 𑌦𑌹-𑌤𑍍𑌯𑍇𑌕𑌵𑌿॒𑌗𑍍𑌂॒𑌶𑌗𑍍𑌗𑍍 𑌸𑍍𑌤𑍋॒𑌤𑍍𑌰-𑌮𑍍𑌭॑𑌵𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌹𑌰𑌿॑𑌵𑌚𑍍𑌛𑌸𑍍𑌯𑌤॒ 𑌇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌿॒𑌯-𑌨𑍍𑌧𑌾𑌮𑍋- [𑌪𑍍𑌰𑌿॒𑌯-𑌨𑍍𑌧𑌾𑌮॑, 𑌉𑌪𑌾᳚-𑌽𑌽𑌪𑍍𑌨𑍋𑌤𑌿॒] 41
-𑌪𑌾᳚-𑌽𑌽𑌪𑍍𑌨𑍋𑌤𑌿॒ 𑌕𑌨𑍀॑𑌯𑌾𑌗𑍍𑌂𑌸𑌿॒ 𑌵𑍈 𑌦𑍇॒𑌵𑍇𑌷𑍁॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑌾𑌸॒𑌨𑍍-𑌜𑍍𑌯𑌾𑌯𑌾॒𑌗𑍍॒-𑌸𑍍𑌯𑌸𑍁॑𑌰𑍇𑌷𑍁॒ 𑌤𑍇 𑌦𑍇॒𑌵𑌾𑌃 𑌕𑌨𑍀॑𑌯𑌸𑌾॒ 𑌛𑌨𑍍𑌦॑𑌸𑌾॒ 𑌜𑍍𑌯𑌾𑌯॒-𑌶𑍍𑌛𑌨𑍍𑌦𑍋॒-𑌽𑌭𑌿 𑌵𑍍𑌯॑𑌶𑌗𑍍𑌂𑌸॒-𑌨𑍍𑌤𑌤𑍋॒ 𑌵𑍈 𑌤𑍇-𑌽𑌸𑍁॑𑌰𑌾𑌣𑌾𑌂-𑌲𑍋𑌁॒𑌕𑌮॑𑌵𑍃𑌞𑍍𑌜𑌤॒ 𑌯-𑌤𑍍𑌕𑌨𑍀॑𑌯𑌸𑌾॒ 𑌛𑌨𑍍𑌦॑𑌸𑌾॒ 𑌜𑍍𑌯𑌾𑌯॒-𑌶𑍍𑌛𑌨𑍍𑌦𑍋॒-𑌽𑌭𑌿𑌵𑌿॒𑌶𑌗𑍍𑌂𑌸॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑍈॒𑌵 𑌤𑌲𑍍𑌲𑍋॒𑌕𑌂-𑌵𑍃𑌁॑𑌙𑍍𑌕𑍍𑌤𑍇॒ 𑌷𑌡॒𑌕𑍍𑌷𑌰𑌾॒𑌣𑍍𑌯𑌤𑌿॑ 𑌰𑍇𑌚𑌯𑌨𑍍𑌤𑌿॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 𑌚॒𑌤𑍍𑌵𑌾𑌰𑌿॒ 𑌪𑍂𑌰𑍍𑌵𑌾॒𑌣𑍍𑌯𑌵॑ 𑌕𑌲𑍍𑌪𑌯𑌨𑍍𑌤𑌿॒ [𑌕𑌲𑍍𑌪𑌯𑌨𑍍𑌤𑌿, 𑌚𑌤𑍁॑𑌷𑍍𑌪𑌦 𑌏॒𑌵] 42
𑌚𑌤𑍁॑𑌷𑍍𑌪𑌦 𑌏॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑍇 𑌉𑌤𑍍𑌤॑𑌰𑍇 𑌦𑍍𑌵𑌿॒𑌪𑌦॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌽𑌨𑍁॒𑌷𑍍𑌟𑍁𑌭॑𑌮॒𑌭𑌿 𑌸-𑌮𑍍𑌪𑌾॑𑌦𑌯𑌨𑍍𑌤𑌿॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁𑌗𑍁॑𑌤𑍍𑌤॒𑌮𑌾 𑌸॑𑌮𑌯𑌾𑌵𑌿𑌷𑌿॒𑌤𑍇 𑌸𑍂𑌰𑍍𑌯𑍇॑ 𑌷𑍋𑌡॒𑌶𑌿𑌨𑌃॑ 𑌸𑍍𑌤𑍋॒𑌤𑍍𑌰-𑌮𑍁॒𑌪𑌾𑌕॑𑌰𑍋𑌤𑍍𑌯𑍇॒𑌤𑌸𑍍𑌮𑌿॒𑌨𑍍 𑌵𑍈 𑌲𑍋॒𑌕 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹𑌨𑍍-𑌥𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑌜𑍍𑌰॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹॑𑌰-𑌤𑍍𑌯𑌰𑍁𑌣𑌪𑌿𑌶॒𑌙𑍍𑌗𑍋-𑌽𑌶𑍍𑌵𑍋॒ 𑌦𑌕𑍍𑌷𑌿॑𑌣𑍈॒𑌤𑌦𑍍𑌵𑍈 𑌵𑌜𑍍𑌰॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈 ॥ 43 ॥
(𑌲𑍋॒𑌕𑍋 - 𑌵𑌿॒𑌦𑍁𑌷𑌃॑ 𑌷𑍋𑌡॒𑌶𑍀 𑌗𑍃॒𑌹𑍍𑌯𑌤𑍇॒ - 𑌯𑌦𑍁॒𑌕𑍍𑌥𑍍𑌯𑍇॑ - 𑌧𑌾𑌮॑ - 𑌕𑌲𑍍𑌪𑌯𑌨𑍍𑌤𑌿 - 𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 11)
(𑌸𑍁॒𑌵॒𑌰𑍍𑌗𑌾𑌯॒ 𑌯-𑌦𑍍𑌦𑌾᳚𑌕𑍍𑌷𑌿॒𑌣𑌾𑌨𑌿॑ - 𑌸𑌮𑌿𑌷𑍍𑌟 𑌯॒𑌜𑍂𑌗𑍍 - 𑌷𑍍𑌯॑𑌵𑌭𑍃𑌥 𑌯॒𑌜𑍂𑌗𑍍𑌂𑌷𑌿॒ - 𑌸𑍍𑌫𑍍𑌯𑍇𑌨॑ - 𑌪𑍍𑌰॒𑌜𑌾𑌪॑𑌤𑌿𑌰𑍇𑌕𑌾𑌦॒𑌶𑌿𑌨𑍀॒ - 𑌮𑌿𑌨𑍍𑌦𑍍𑌰𑌃॒ 𑌪𑌤𑍍𑌨𑌿॑𑌯𑌾॒ - 𑌘𑍍𑌨𑌨𑍍𑌤𑌿॑ - 𑌦𑍇॒𑌵𑌾 𑌵𑌾 𑌇॑𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑ - 𑌦𑍇॒𑌵𑌾 𑌵𑌾 𑌅𑌦𑌾᳚𑌭𑍍𑌯𑍇 - 𑌦𑍇॒𑌵𑌾 𑌵𑍈 𑌪𑍍𑌰॒𑌬𑌾𑌹𑍁॑𑌕𑍍 - 𑌪𑍍𑌰॒𑌜𑌾𑌪॑𑌤𑌿𑌰𑍍𑌦𑍇॒𑌵𑍇𑌭𑍍𑌯॒-𑌸𑍍𑌸 𑌰𑌿॑𑌰𑌿𑌚𑌾॒𑌨𑌃 - 𑌷𑍋॑𑌡𑌶॒𑌧𑍈𑌕𑌾॑𑌦𑌶) (11)
(𑌸𑍁॒𑌵॒𑌰𑍍𑌗𑌾𑌯॑ - 𑌯𑌜𑌤𑌿 𑌪𑍍𑌰॒𑌜𑌾𑌃 - 𑌸𑍗॒𑌮𑍍𑌯𑍇𑌨॑ - 𑌗𑍃𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌤𑍍𑌯𑌞𑍍𑌚𑌂॑ - 𑌗𑍃𑌹𑍍𑌣𑍀॒𑌯𑌾-𑌤𑍍𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍 - 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍) (43)
(𑌸𑍁॒𑌵॒𑌰𑍍𑌗𑌾𑌯॒, 𑌵𑌜𑍍𑌰॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈)
(𑌪𑍍𑌰𑌾॒𑌚𑍀𑌨॑𑌵𑌗𑍍𑌂𑌶𑌂॒ - 𑌯 - 𑌚𑍍𑌚𑌾॒𑌤𑍍𑌵𑌾𑌲𑌾᳚ - 𑌦𑍍𑌯॒𑌜𑍍𑌞𑍇𑌨𑍇 - 𑌨𑍍𑌦𑍍𑌰𑌃॑ - 𑌸𑍁॒𑌵𑌰𑍍𑌗𑌾𑌯॒ - 𑌷𑌟𑍍 ) (6)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
Roman (IAST) Transliteration
kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
su॒va॒rgāya॒ vā e॒tāni̭ lo॒kāya̭ hūyante॒ ya-ddā᳚kṣi॒ṇāni॒ dvābhyā॒-ṅgārha̭patye juhoti dvi॒pā-dyaja̭mānaḥ॒ prati̭ṣṭhityā॒ āgnī᳚ddhre juhotya॒ntari̭kṣa e॒vā-''kra̭mate॒ sado॒-'bhyaiti̭ suva॒rgame॒vainaṃ̭-lo~॒ka-ṅga̭mayati sau॒rībhyā̭mṛ॒gbhyā-ṅgārha̭patye juhotya॒mume॒vainaṃ̭-lo~॒kagṃ sa॒māro̭hayati॒ naya̭vatya॒rcā-''gnī᳚ddhre juhoti suva॒rgasya̭ lo॒kasyā॒bhinī᳚tyai॒ diva̭-ṅgaccha॒ suvaḥ̭ pa॒teti॒ hira̭ṇyagṃ [hira̭ṇyam, hu॒tvo-dgṛ̭hṇāti] 1
hu॒tvo-dgṛ̭hṇāti suva॒rgame॒vainaṃ̭-lo~॒ka-ṅga̭mayati rū॒peṇa̭ vo rū॒pama॒bhyaimītyā̭ha rū॒peṇa॒ hyā̭sāgṃ rū॒pama॒bhyaiti॒ yaddhira̭ṇyena tu॒tho vo̭ vi॒śvavḙdā॒ vi bha̭ja॒tvityā̭ha tu॒tho ha̭ sma॒ vai vi॒śvavḙdā de॒vānā॒-ndakṣi̭ṇā॒ vi bha̭jati॒ tenai॒vainā॒ vi bha̭jatye॒ ta-ttḙ agne॒ rādha॒ [agne॒ rādhaḥ̭, aiti॒ soma̭cyuta॒-] 2
aiti॒ soma̭cyuta॒-mityā̭ha॒ soma̭cyuta॒gg॒ hya̭sya॒ rādha॒ aiti॒ tanmi॒trasya̭ pa॒thā na॒yetyā̭ha॒ śāntyā̭ ṛ॒tasya̭ pa॒thā preta̭ ca॒ndra da̭kṣiṇā॒ ityā̭ha sa॒tyaṃ-vā~ ṛ॒tagṃ sa॒tyenai॒vainā̭ ṛ॒tena॒ vi bha̭jati ya॒jñasya̭ pa॒thā sṷvi॒tā naya̭ntī॒rityā̭ha ya॒jñasya॒ hyḙtāḥ pa॒thā yanti॒ ya-ddakṣi̭ṇā brāhma॒ṇama॒dya rā᳚ddhyāsa॒- [rā᳚ddhyāsam, ṛṣi̭mārṣe॒ya-] 3
-mṛṣi̭mārṣe॒ya-mityā̭hai॒ṣa vai brā᳚hma॒ṇa ṛṣi̭rārṣe॒yo ya-śśṷśru॒vā-ntasmā̭de॒vamā̭ha॒ vi suvaḥ॒ paśya॒ vya̭ntari̭kṣa॒mityā̭ha suva॒rgame॒vainaṃ̭-lo~॒ka-ṅga̭mayati॒ yata̭sva sada॒syai̭rityā̭ha mitra॒tvāyā॒smaddā᳚trā deva॒trā ga̭cchata॒ madhṷmatīḥ pradā॒tāra॒mā vi̭śa॒tetyā̭ha va॒yami॒ha pra̭dā॒tāra॒-ssmo᳚-'smāna॒mutra॒ madhṷmatī॒rā vi̭śa॒teti॒ [vi̭śa॒teti̭, vāvaitadā̭ha॒] 4
vāvaitadā̭ha॒ hira̭ṇya-ndadāti॒ jyoti॒rvai hira̭ṇya॒-ñjyoti̭re॒va pu॒rastā᳚ddhatte suva॒rgasya̭ lo॒kasyānṷkhyātyā a॒gnīdhḙ dadātya॒gnimṷkhāne॒vartū-nprī̭ṇāti bra॒hmaṇḙ dadāti॒ prasū᳚tyai॒ hotrḙ dadātyā॒tmā vā e॒ṣa ya॒jñasya॒ yaddhotā॒-''tmāna̭me॒va ya॒jñasya॒ dakṣi̭ṇābhi॒-ssama̭rdhayati || 5 ||
(hira̭ṇya॒gṃ॒ - rādho̭ - rādhyāsa - ma॒mutra॒ madhṷmatī॒rā vi̭śa॒tetya॒ - ṣṭātrigṃ̭śacca) (a. 1)
sa॒mi॒ṣṭa॒ ya॒jūgṃṣi̭ juhoti ya॒jñasya॒ sami̭ṣṭyai॒ yadvai ya॒jñasya̭ krū॒raṃ-ya~-dvili̭ṣṭaṃ॒-ya~da॒tyeti॒ yannātyeti॒ yada̭tika॒roti॒ yannāpi̭ ka॒roti॒ tade॒va taiḥ prī̭ṇāti॒ nava̭ juhoti॒ nava॒ vai purṷṣe prā॒ṇāḥ purṷṣeṇa ya॒jña-ssammi̭to॒ yāvā̭ne॒va ya॒jñasta-mprī̭ṇāti॒ ṣa-ḍṛgmi̭yāṇi juhoti॒ ṣaḍvā ṛ॒tava̭ ṛ॒tūne॒va prī̭ṇāti॒ trīṇi॒ yajūgṃ̭ṣi॒ [yajūgṃ̭ṣi, traya̭ i॒me lo॒kā] 6
traya̭ i॒me lo॒kā i॒māne॒va lo॒kā-nprī̭ṇāti॒ yajña̭ ya॒jña-ṅga̭ccha ya॒jñapa̭ti-ṅga॒cchetyā̭ha ya॒jñapa̭time॒vaina̭-ṅgamayati॒ svāṃ-yo~ni̭-ṅga॒cchetyā̭ha॒ svāme॒vainaṃ॒-yo~ni̭-ṅgamayatye॒ṣa tḙ ya॒jño ya̭jñapate sa॒hasū᳚ktavāka-ssu॒vīra॒ ityā̭ha॒ yaja̭māna e॒va vī॒rya̭-ndadhāti vāsi॒ṣṭho ha̭ sātyaha॒vyo dḙvabhā॒ga-mpa̭praccha॒ ya-thsṛñja̭yā-nbahuyā॒jino-'yī̭yajo ya॒jñe [ ] 7
ya॒jña-mpratya̭tiṣṭhi॒pā(3) ya॒jñapa॒tā(3)viti॒ sa ho̭vāca ya॒jñapa̭tā॒viti̭ sa॒tyādvai sṛñja̭yāḥ॒ parā̭ babhūvu॒riti̭ hovāca ya॒jñe vāva ya॒jñaḥ pra̭ti॒ṣṭhāpya̭ āsī॒-dyaja̭māna॒syā-'pa̭rābhāvā॒yeti॒ devā̭ gātuvido gā॒tuṃ-vi~॒ttvā gā॒tu -mi॒tetyā̭ha ya॒jña e॒va ya॒jña-mprati̭ ṣṭhāpayati॒ yaja̭māna॒syā-'pa̭rābhāvāya || 8 ||
(yajūgṃ̭ṣi - ya॒jña - eka̭catvārigṃśacca) (a. 2)
a॒va॒bhṛ॒tha॒-ya॒jūgṃṣi̭ juhoti॒ yade॒vārvā॒cīna॒-meka̭hāyanā॒denaḥ̭ ka॒roti॒ tade॒va tairava̭ yajate॒ 'po̭-'vabhṛ॒tha-mavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate॒ vartma̭nā॒ vā a॒nvitya̭ ya॒jñagṃ rakṣāgṃ̭si jighāgṃsanti॒ sāmnā᳚ prasto॒tā-'nvavai̭ti॒ sāma॒ vai ra̭kṣo॒hā rakṣa̭sā॒mapa̭hatyai॒ trirni॒dhana॒mupai̭ti॒ traya̭ i॒me lo॒kā e॒bhya e॒va lo॒kebhyo॒ rakṣā॒g॒- [lo॒kebhyo॒ rakṣāgṃ̭si, apa̭ hanti॒] 9
-syapa̭ hanti॒ purṷṣaḥpuruṣo ni॒dhana॒mupai̭ti॒ purṷṣaḥpuruṣo॒ hi ra̭kṣa॒svī rakṣa̭sā॒mapa̭hatyā u॒rugṃ hi rājā॒ varṷṇaśca॒kāretyā̭ha॒ prati̭ṣṭhityai śa॒ta-ntḙ rāja-nbhi॒ṣajaḥ̭ sa॒hasra॒mityā̭ha bheṣa॒jame॒vāsmai̭ karotya॒bhiṣṭhi̭to॒ varṷṇasya॒ pāśa॒ ityā̭ha varuṇapā॒śame॒vābhi ti̭ṣṭhati ba॒r॒hira॒bhi jṷho॒tyāhṷtīnā॒-mprati̭ṣṭhityā॒ atho̭ agni॒vatye॒va jṷho॒tyapa̭ barhiṣaḥ prayā॒jān [prayā॒jān, ya॒ja॒ti॒ pra॒jā vai] 10
ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñca॒tyājya̭bhāgau yajati ya॒jñasyai॒va cakṣṷṣī॒ nāntarḙti॒ varṷṇaṃ-ya~jati varuṇapā॒śāde॒vaina̭-mmuñcatya॒gnīvarṷṇau yajati sā॒kṣāde॒vainaṃ̭-va~ruṇapā॒śā-nmṷñca॒tya-pa̭barhiṣāvanūyā॒jau ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñcati ca॒turaḥ̭ prayā॒jān. ya̭jati॒ dvāva̭nūyā॒jau ṣaṭ-thsampa̭dyante॒ ṣaḍvā ṛ॒tava̭ [ṣaḍvā ṛ॒tavaḥ̭, ṛ॒tuṣve॒va prati̭] 11
ṛ॒tuṣve॒va prati̭ tiṣṭha॒-tyava̭bhṛtha-nicaṅku॒ṇetyā̭ha yathodi॒tame॒va varṷṇa॒mava̭ yajate samu॒dre te॒ hṛda̭ya-ma॒phsva̭ntarityā̭ha samu॒dre hya̭ntarvarṷṇa॒-ssa-ntvā̭ viśa॒-ntvoṣa̭dhī-ru॒tā-''pa॒ ityā̭hā॒dbhi-re॒vaina॒moṣa̭dhībhi-ssa॒myañca̭-ndadhāti॒ devī̭rāpa e॒ṣa vo॒ garbha॒ ityā̭ha yathāya॒jure॒vaita-tpa॒śavo॒ vai [ ] 12
somo॒ ya-dbhi̭ndū॒nā-mbha॒kṣaye᳚-tpaśu॒mān-thsyā॒-dvarṷṇa॒-stvḙna-ṅgṛhṇīyā॒dyanna bha॒kṣayḙdapa॒śu-ssyā॒nnainaṃ॒-va~rṷṇo gṛhṇīyā-dupa॒spṛśya̭me॒va pa̭śu॒mā-nbha̭vati॒ nainaṃ॒-va~rṷṇo gṛhṇāti॒ prati̭yuto॒ varṷṇasya॒ pāśa॒ ityā̭ha varuṇapā॒śāde॒va nirmṷcya॒te 'pra̭tīkṣa॒mā ya̭nti॒ varṷṇasyā॒ntarhi̭tyā॒ edho᳚-'syedhiṣī॒mahī-tyā̭ha sa॒midhai॒vāgni-nna̭ma॒syanta̭ u॒pāya̭nti॒ tejo̭-'si॒ tejo॒ mayi̭ dhe॒hītyā̭ha॒ teja̭ e॒vā-''tma-ndha̭tte || 13 ||
(rakṣāgṃ̭si - prayā॒jā - nṛ॒tavo॒ - vai - na̭ma॒syanto॒ - dvāda̭śa ca) (a. 3)
sphyena॒ vedi॒muddha̭nti rathā॒kṣeṇa॒ vi mi̭mīte॒ yūpa̭-mminoti tri॒vṛta̭me॒va vajragṃ̭ sa॒bhṛntya॒ bhrātṛ̭vyāya॒ pra ha̭rati॒ stṛtyai॒ yada̭ntarve॒di mi̭nu॒yā-ddḙvalo॒kama॒bhi ja̭ye॒-dya-dba̭hirve॒di ma̭nuṣya lo॒kaṃ ~ve᳚dya॒ntasya̭ sa॒ndhau mi̭notyu॒bhayo᳚-rlo॒kayo̭-ra॒bhiji̭tyā॒ upa̭rasammitā-mminuyā-tpitṛlo॒kakā̭masya raśa॒nasa̭mintā-mmanuṣyalo॒kakā̭masya ca॒ṣāla̭-sammitāmindri॒ya kā̭masya॒ sarvā᳚n-thsa॒mā-npra̭ti॒ṣṭhākā̭masya॒ ye trayo̭ maddhya॒māstān-thsa॒mā-npa॒śukā̭masyai॒tān. vā [vai, anṷ] 14
anṷ pa॒śava॒ upa̭ tiṣṭhante paśu॒māne॒va bha̭vati॒ vyati̭ṣaje॒dita̭rā-npra॒jayai॒vaina̭-mpa॒śubhi॒rvyati̭ṣajati॒ ya-ṅkā॒mayḙta pra॒māyṷka-ssyā॒diti̭ garta॒mita॒-ntasya̭ minuyāduttarā॒rdhyaṃ̭-va~rṣi̭ṣṭha॒matha॒ hrasī̭yāgṃsame॒ṣā vai ga̭rta॒midyasyai॒va-mmi॒noti̭ tā॒ja-kpra mī̭yate dakṣiṇā॒rdhyaṃ̭-va~rṣi̭ṣṭha-mminuyā-thsuva॒rgakā̭ma॒syātha॒ hrasī̭yāgṃsa-mā॒krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ [sama̭ṣṭyai, yadeka̭smi॒n॒.] 15
yadeka̭smi॒n॒. yūpe॒ dve ra̭śa॒ne pa̭ri॒vyaya̭ti॒ tasmā॒deko॒ dve jā॒ye vi̭ndate॒ yannaikāgṃ̭ raśa॒nā-ndvayo॒ryūpa̭yoḥ pari॒vyaya̭ti॒ tasmā॒nnaikā॒ dvau patī̭ vindate॒ ya-ṅkā॒mayḙta॒ strya̭sya jāye॒tetyṷpā॒nte tasya॒ vyati̭ṣaje॒-thstryḙvāsya̭ jāyate॒ ya-ṅkā॒mayḙta॒ pumā̭nasya jāye॒tetyā॒nta-ntasya॒ pra ve᳚ṣṭaye॒-tpumā̭ne॒vāsya̭ [ve᳚ṣṭaye॒-tpumā̭ne॒vāsya̭, jā॒ya॒te 'sṷrā॒] 16
jāya॒te 'sṷrā॒ vai de॒vā-nda̭kṣiṇa॒ta upā̭naya॒-ntā-nde॒vā ṷpaśa॒yenai॒vāpā̭-nudanta॒ ta-dṷpaśa॒yasyo̭-paśaya॒tvaṃ-ya~-dda̭kṣiṇa॒ta ṷpaśa॒ya ṷpa॒śaye॒ bhrātṛ̭vyāpanuttyai॒ sarve॒ vā a॒nye yūpāḥ᳚ paśu॒manto-'tho̭paśa॒ya e॒vāpa॒śustasya॒ yaja̭mānaḥ pa॒śuryanna ni̭rdi॒śedārti॒-mārcche॒-dyaja̭māno॒-'sau tḙ pa॒śuriti॒ nirdi̭śe॒dya-ndvi॒ṣyā-dyame॒va [ ] 17
dveṣṭi॒ tama̭smai pa॒śu-nnirdi̭śati॒ yadi॒ na dvi॒ṣyādā॒khustḙ pa॒śuriti̭ brūyā॒nna grā॒myā-npa॒śūn. hi॒nasti॒ nā-''ra॒ṇyā-npra॒jāpa̭tiḥ pra॒jā a̭sṛjata॒ so᳚-'nnādyḙna॒ vyā᳚rdhyata॒ sa e॒tāmḙkāda॒śinī̭-mapaśya॒-ttayā॒ vai so᳚-'nnādya॒mavā̭rundha॒ yaddaśa॒ yūpā॒ bhava̭nti॒ daśā᳚kṣarā vi॒rāḍannaṃ̭-vi~॒rā-ḍvi॒rājai॒vā-nnādya॒mava̭ rundhe॒ [rundhe, ya] 18
ya ḙkāda॒śa-sstana̭ e॒vāsyai॒ sa du॒ha e॒vainā॒-ntena॒ vajro॒ vā e॒ṣā sa-mmī̭yate॒ yadḙkāda॒śinī॒ seśva॒rā pu॒rastā᳚-tpra॒tyañcaṃ̭-ya~॒jñagṃ samma̭rdito॒rya-tpā᳚tnīva॒ta-mmi॒noti̭ ya॒jñasya॒ pratyutta̭bdhyai saya॒tvāya̭ || 19 ||
(vai - sama̭ṣṭyai॒ - pumā̭ne॒vāsya॒ - yame॒va - rṷndhe - tri॒gṃ॒śacca̭) (a. 4)
pra॒jāpa̭tiḥ pra॒jā a̭sṛjata॒ sa ri̭ricā॒no̭-'manyata॒ sa e॒tāmḙkāda॒śinī̭-mapaśya॒-ttayā॒ vai sa āyṷrindri॒yaṃ-vī~॒rya̭mā॒tmanna̭dhatta pra॒jā i̭va॒ khalu॒ vā e॒ṣa sṛ̭jate॒ yo yaja̭te॒ sa e॒tarhi̭ riricā॒na i̭va॒ yade॒ṣaikā̭da॒śinī॒ bhava॒tyāyṷre॒va taye᳚ndri॒yaṃ-vī~॒ryaṃ̭-ya~ja̭māna ā॒tma-ndha̭tte॒ praivā-''gne॒yena̭ vāpayati mithu॒nagṃ sā̭rasva॒tyā ka̭roti॒ reta̭- [retaḥ̭, sau॒myena̭ dadhāti॒] 20
-ssau॒myena̭ dadhāti॒ pra ja̭nayati pau॒ṣṇena̭ bārhaspa॒tyo bha̭vati॒ brahma॒ vai de॒vānā॒-mbṛha॒spati॒rbrahma̭ṇai॒vāsmai᳚ pra॒jāḥ praja̭nayati vaiśvade॒vo bha̭vati vaiśvade॒vyo̭ vai pra॒jāḥ pra॒jā e॒vāsmai॒ praja̭nayatī-ndri॒yame॒vaindreṇāva̭ rundhe॒ viśa̭-mmāru॒tenaujo॒ bala̭maindrā॒gnena̭ prasa॒vāya̭ sāvi॒tro ni̭rvaruṇa॒tvāya̭ vāru॒ṇo ma̭ddhya॒ta ai॒ndramā la̭bhate maddhya॒ta e॒vendri॒yaṃ-ya~ja̭māne dadhāti [ ] 21
pu॒rastā̭dai॒ndrasya̭ vaiśvade॒vamā la̭bhate vaiśvade॒vaṃ-vā~ anna॒manna̭me॒va pu॒rastā᳚ddhatte॒ tasmā᳚-tpu॒rastā॒danna̭madyata ai॒ndramā॒labhya̭ māru॒tamā la̭bhate॒ vi-ḍvai ma॒ruto॒ viśa̭me॒vāsmā॒ anṷ baddhnāti॒ yadi̭ kā॒mayḙta॒ yo-'va̭gata॒-sso-'pa̭ ruddhyatāṃ॒-yo~-'pa̭ruddha॒-sso-'va̭ gaccha॒tvityai॒ndrasya̭ lo॒ke vā̭ru॒ṇamā la̭bheta vāru॒ṇasya̭ lo॒ka ai॒ndraṃ- [lo॒ka ai॒ndram, ya e॒vāva̭gata॒-sso-'pa̭] 22
-~ya e॒vāva̭gata॒-sso-'pa̭ ruddhyate॒ yo-'pa̭ruddha॒-sso-'va̭ gacchati॒ yadi̭ kā॒mayḙta pra॒jā mṷhyeyu॒riti̭ pa॒śūn vyati̭ṣaje-tpra॒jā e॒va mo̭hayati॒ yada̭bhivāha॒to̭-'pāṃ-vā~̭ru॒ṇamā॒labhḙta pra॒jā varṷṇo gṛhṇīyā-ddakṣiṇa॒ta uda̭ñca॒mā la̭bhate-'pavāha॒to̭-'pā-mpra॒jānā॒-mava̭ruṇa grāhāya || 23 ||
(reto॒ - yaja̭māne dadhāti - lo॒ka ai॒ndragṃ - sa॒ptatrigṃ̭śacca) (a. 5)
indraḥ॒ patni̭yā॒ manṷmayājaya॒-ttā-mparya̭gnikṛtā॒-muda̭sṛja॒-ttayā॒ manṷrārdhno॒dya-tparya̭gnikṛta-mpātnīva॒tamṷ-thsṛ॒jati॒ yāme॒va manu॒r॒. ṛddhi॒mārdhno॒-ttāme॒va yaja̭māna ṛdhnoti ya॒jñasya॒ vā apra̭tiṣṭhitā-dya॒jñaḥ parā̭ bhavati ya॒jña-mpa̭rā॒bhava̭ntaṃ॒-ya~ja̭mā॒no-'nu॒ parā̭ bhavati॒ yadājyḙna pātnīva॒tagṃ sagg̭sthā॒paya̭ti ya॒jñasya॒ prati̭ṣṭhityai ya॒jña-mpra̭ti॒tiṣṭha̭ntaṃ॒-ya~ja̭mā॒no-'nu॒ prati̭ tiṣṭhatī॒ṣṭaṃ-va~॒payā॒ [-~va॒payā᳚, bhava॒tyani̭ṣṭaṃ-va~॒śayā-'tha̭] 24
bhava॒tyani̭ṣṭaṃ-va~॒śayā-'tha̭ pātnīva॒tena॒ pra ca̭rati tī॒rtha e॒va pra ca̭ra॒tyatho̭ e॒tarhye॒vāsya॒ yāma̭stvā॒ṣṭro bha̭vati॒ tvaṣṭā॒ vai reta̭sa-ssi॒ktasya̭ rū॒pāṇi॒ vi ka̭roti॒ tame॒va vṛṣā̭ṇa॒-mpatnī॒ṣvapi̭ sṛjati॒ so᳚-'smai rū॒pāṇi॒ vi ka̭roti || 25 ||
(va॒payā॒ - ṣaṭtrigṃ̭śacca) (a. 6)
ghnanti॒ vā e॒ta-thsomaṃ॒-ya~da̭bhiṣu॒ṇvanti॒ ya-thsau॒myo bhava̭ti॒ yathā̭ mṛ॒tāyā̭nu॒stara̭ṇī॒-ṅghnanti̭ tā॒dṛge॒va ta-dyadṷttarā॒rdhe vā॒ maddhyḙ vā juhu॒yā-dde॒vatā᳚bhya-ssa॒mada̭-ndaddhyā-ddakṣiṇā॒rdhe jṷhotye॒ṣā vai pi̭tṛ॒ṇā-ndi-khsvāyā̭me॒va di॒śi pi॒tṝ-nni॒rava̭dayata udgā॒tṛbhyo̭ haranti sāmadeva॒tyo̭ vai sau॒myo yade॒va sāmnaḥ̭ chambaṭku॒rvanti॒ tasyai॒va sa śānti॒rave᳚- [śānti॒rava̭, ī॒kṣa॒nte॒ pa॒vitraṃ॒-vai~] 26
-kṣante pa॒vitraṃ॒-vai~ sau॒mya ā॒tmāna̭me॒va pa̭vayante॒ ya ā॒tmāna॒-nna pa̭ri॒paśyḙdi॒tāsuḥ̭ syādabhida॒di-ṅkṛ॒tvā-'ve᳚kṣeta॒ tasmi॒n॒. hyā᳚tmāna̭-mpari॒paśya॒tyatho̭ ā॒tmāna̭me॒va pa̭vayate॒ yo ga॒tama̭nā॒-ssyā-thso-'ve᳚kṣeta॒ yanme॒ manaḥ॒ parā̭gataṃ॒-ya~dvā̭ me॒ apa̭rāgatam | rājñā॒ somḙna॒ tadva॒yama॒smāsṷ dhārayāma॒sīti॒ mana̭ e॒vātma-ndā̭dhāra॒- [e॒vātma-ndā̭dhāra, na ga॒tama̭nā] 27
na ga॒tama̭nā bhava॒tyapa॒ vai tṛ̭tīyasava॒ne ya॒jñaḥ krā̭matījā॒nā-danī̭jānama॒bhyā᳚-gnāvaiṣṇa॒vyarcā ghṛ॒tasya̭ yajatya॒gni-ssarvā̭ de॒vatā॒ viṣṇṷrya॒jño de॒vatā᳚ścai॒va ya॒jña-ñca̭ dādhāropā॒gṃ॒śu ya̭jati mithuna॒tvāya̭ brahmavā॒dino̭ vadanti mi॒tro ya॒jñasya॒ svi̭ṣṭaṃ-yu~vate॒ varṷṇo॒ duri̭ṣṭa॒-ṅkva̭ tarhi̭ ya॒jñaḥ kva̭ yaja̭māno bhava॒tīti॒ yanmai᳚trāvaru॒ṇīṃ-va~॒śāmā॒labha̭te mi॒treṇai॒va [ ] 28
ya॒jñasya॒ svi̭ṣṭagṃ śamayati॒ varṷṇena॒ duri̭ṣṭa॒-nnā-''rti॒mārccha̭ti॒ yaja̭māno॒ yathā॒ vai lāṅga̭leno॒rvarā᳚-mprabhi॒ndan-tye॒vamṛ̭khsā॒me ya॒jña-mpra bhi̭nto॒ yanmai᳚trāvaru॒ṇīṃ-va~॒śāmā॒labha̭te ya॒jñāyai॒va prabhi̭nnāya ma॒tya̭ma॒nvavā᳚syati॒ śāntyai̭ yā॒tayā̭māni॒ vā e॒tasya॒ chandāgṃ̭si॒ ya ī̭jā॒na-śchanda̭sāme॒ṣa raso॒ ya-dva॒śā yanmai᳚trāvaru॒ṇīṃ-va~॒śāmā॒labha̭te॒ chandāg̭sye॒va puna॒rā prī̭ṇā॒tya yā̭tayāmatvā॒yātho॒ chanda̭ssve॒va rasa̭-ndadhāti || 29 ||
(ava̭ - dādhāra - mi॒treṇai॒va - prī̭ṇāti॒ - ṣaṭca̭) (a. 7)
de॒vā vā i̭ndri॒yaṃ-vī~॒ryāṃ᳚(1॒) ~vya̭bhajanta॒ tato॒ yada॒tyaśi̭ṣyata॒ tada̭tigrā॒hyā̭ abhava॒-ntada̭tigrā॒hyā̭ṇā-matigrāhya॒tvaṃ-ya~da̭tigrā॒hyā̭ gṛ॒hyanta̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte॒ teja̭ āgne॒yene᳚ndri॒ya-mai॒ndreṇa̭ brahmavarca॒sagṃ sau॒ryeṇo̭pa॒stambha̭naṃ॒-vā~ e॒ta-dya॒jñasya॒ yada̭tigrā॒hyā᳚śca॒kre pṛ॒ṣṭhāni॒ ya-tpṛṣṭhye॒ na gṛ̭hṇī॒yā-tprāñcaṃ̭-ya~॒jña-mpṛ॒ṣṭhāni॒ sagṃ śṛ̭ṇīyu॒rya-du॒kthyḙ [-du॒kthye᳚, gṛ॒hṇī॒yā-tpra॒tyañcaṃ̭-] 30
gṛhṇī॒yā-tpra॒tyañcaṃ̭-ya~॒jñama̭tigrā॒hyā᳚-ssagṃ śṛ̭ṇīyurviśva॒jiti॒ sarva̭pṛṣṭhe grahīta॒vyā̭ ya॒jñasya̭ savīrya॒tvāya̭ pra॒jāpa̭tirde॒vebhyo̭ ya॒jñān vyādi̭śa॒-thsa pri॒yāsta॒nūrapa॒ nya̭dhatta॒ tada̭tigrā॒hyā̭ abhava॒n vita̭nu॒stasya̭ ya॒jña ityā̭hu॒rya-syā̭tigrā॒hyā̭ na gṛ॒hyanta॒ ityapya̭gniṣṭo॒me gra̭hīta॒vyā̭ ya॒jñasya̭ satanu॒tvāya̭ de॒vatā॒ vai sarvā᳚-ssa॒dṛśī̭rāsa॒-ntā na vyā॒vṛta̭-magaccha॒-nte de॒vā [de॒vāḥ, e॒ta e॒tā-ngrahā̭-] 31
e॒ta e॒tā-ngrahā̭-napaśya॒-ntāna̭gṛhṇatā-''gne॒ yama॒gnirai॒ndramindraḥ̭ sau॒ryagṃ sūrya॒stato॒ vai te᳚-'nyābhi̭-rde॒vatā̭bhi-rvyā॒vṛta̭magaccha॒n॒. yasyai॒vaṃ-vi~॒duṣa̭ e॒te grahā̭ gṛ॒hyante᳚ vyā॒vṛta̭me॒va pā॒pmanā॒ bhrātṛ̭vyeṇa gacchatī॒me lo॒kā jyoti̭ṣmanta-ssa॒māva̭-dvīryāḥ kā॒ryā̭ ityā̭hurāgne॒yenā॒smin ~lo॒ke jyoti̭rdhatta ai॒ndreṇā॒ntari̭kṣa indravā॒yū hi sa॒yujaṷ sau॒ryeṇā॒muṣmi̭n ~lo॒ke [ ] 32
jyoti̭rdhatte॒ jyoti̭ṣmanto-'smā i॒me lo॒kā bha̭vanti sa॒māva̭-dvīryānenān kuruta e॒tān. vai grahā᳚-nba॒bāṃ-vi॒śvava̭yasā-vavittā॒-ntābhyā̭mi॒me lo॒kāḥ parā᳚ñcaścā॒rvāñca̭śca॒ prābhu॒ryasyai॒vaṃ-vi~॒duṣa̭ e॒te grahā̭ gṛ॒hyante॒ prāsmā̭ i॒me lo॒kāḥ parā᳚ñcaścā॒rvāñca̭śca bhānti || 33 ||
(u॒kthyḙ - de॒vā - a॒muṣmi̭n ~lo॒ka - ekā॒nnaca̭tvāri॒gṃ॒śacca̭) (a. 8)
de॒vā vai ya-dya॒jñe-'kṷrvata॒ tadasṷrā akurvata॒ te de॒vā adā᳚bhye॒ chandāgṃ̭si॒ sava̭nāni॒ sama̭sthāpaya॒-ntato̭ de॒vā abha̭va॒-nparā-'sṷrā॒ yasyai॒vaṃ-vi~॒duṣo-'dā᳚bhyo gṛ॒hyate॒ bhava̭tyā॒tmanā॒ parā᳚-'sya॒ bhrātṛ̭vyo bhavati॒ yadvai de॒vā asṷrā॒-nadā᳚bhye॒-nāda̭bhnuva॒-ntadadā᳚bhyasyā-dābhya॒ tvaṃ-ya~ e॒vaṃ-ve~da̭ da॒bhnotye॒va bhrātṛ̭vya॒-nnaina॒-mbhrātṛ̭vyo dabhno- [dabhnoti, e॒ṣā vai] 34
-tye॒ṣā vai pra॒jāpa̭te-ratimo॒kṣiṇī॒ nāma̭ ta॒nūryadadā᳚bhya॒ upa̭naddhasya gṛhṇā॒tyati̭muktyā॒ ati̭ pā॒pmāna॒-mbhrātṛ̭vya-mmucyate॒ ya e॒vaṃ-ve~da॒ ghnanti॒ vā e॒ta-thsomaṃ॒-ya~da̭bhiṣu॒ṇvanti॒ somḙ ha॒nyamā̭ne ya॒jño ha̭nyate ya॒jñe yaja̭māno brahmavā॒dino̭ vadanti॒ ki-nta-dya॒jñe yaja̭mānaḥ kurute॒ yena॒ jīvan᳚-thsuva॒rgaṃ-lo~॒kametīti̭ jīvagra॒ho vā e॒ṣa yadadā॒bhyo 'na̭bhiṣutasya gṛhṇāti॒ jīva̭ntame॒vainagṃ̭ suva॒rgaṃ ~lo॒ka-ṅga̭mayati॒ vi vā e॒ta-dya॒jña-ñchi̭ndanti॒ yadadā᳚bhye sagg-sthā॒paya̭-ntya॒gṃ॒śūnapi̭ sṛjati ya॒jñasya॒ santa̭tyai || 35 ||
(da॒bhno॒tya - na̭bhiṣutasya gṛhṇā॒tye - kā॒nnavigṃ̭śa॒tiśca̭) (a. 9)
de॒vā vai pra॒bāhu॒ggrahā̭-nagṛhṇata॒ sa e॒ta-mpra॒jāpa̭ti-ra॒gṃ॒śu-ma̭paśya॒-ttama̭gṛhṇīta॒ tena॒ vai sa ā᳚rdhno॒-dyasyai॒vaṃ-vi~॒duṣo॒-'gṃ॒śu-rgṛ॒hyata̭ ṛ॒ddhnotye॒va sa॒kṛda̭bhiṣutasya gṛhṇāti sa॒kṛddhi sa tenā-''rdhno॒nmana̭sā gṛhṇāti॒ mana̭ iva॒ hi pra॒jāpa̭tiḥ pra॒jāpa̭te॒rāptyā॒ audṷmbareṇa gṛhṇā॒tyūrgvā ṷdu॒mbara॒ ūrja̭me॒vāva̭ rundhe॒ catuḥ̭srakti bhavati di॒- [bhavati di॒kṣu, e॒va prati̭ tiṣṭhati॒] 36
-kṣvḙva prati̭ tiṣṭhati॒ yo vā a॒gṃ॒śorā॒yata̭naṃ॒-ve~dā॒-''yata̭navā-nbhavati vāmade॒vyamiti॒ sāma॒ tadvā a̭syā॒-''yata̭na॒-mmana̭sā॒ gāya̭māno gṛhṇātyā॒yata̭navāne॒va bha̭vati॒ yada̭ddhva॒ryura॒gṃ॒śu-ṅgṛ॒hṇa-nnārdhayḙdu॒bhābhyā॒-nnardhyḙtāddhva॒ryavḙ ca॒ yaja̭mānāya ca॒ yada॒rdhayḙ-du॒bhābhyā̭-mṛddhye॒tāna̭vāna-ṅgṛhṇāti॒ saivāsyardhi॒r॒. hira̭ṇyama॒bhi vya̭nitya॒mṛtaṃ॒-vai~ hira̭ṇya॒māyuḥ̭ prā॒ṇa āyṷṣai॒vāmṛta̭ma॒bhi dhi̭noti śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭ tiṣṭhati || 37 ||
(di॒kṣva̭ - niti - vigṃśa॒tiśca̭) (a. 10)
pra॒jāpa̭ti-rde॒vebhyo̭ ya॒jñān vyādi̭śa॒-thsa ri̭ricā॒no̭-'manyata॒ sa ya॒jñānāgṃ̭ ṣoḍaśa॒dhendri॒yaṃ-vī~॒rya̭mā॒tmāna̭ma॒bhi sama̭kkhida॒-tta-thṣo̭ḍa॒śya̭bhava॒nna vai ṣo̭ḍa॒śī nāma̭ ya॒jño᳚-'sti॒ yadvāva ṣo̭ḍa॒śagg sto॒tragṃ ṣo̭ḍa॒śagṃ śa॒stra-ntena̭ ṣoḍa॒śī ta-thṣo̭ḍa॒śinaḥ̭ ṣoḍaśi॒tvaṃ-ya~-thṣo̭ḍa॒śī gṛ॒hyata̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte de॒vebhyo॒ vai sṷva॒rgo lo॒ko [lo॒kaḥ, na prābha̭va॒-tta] 38
na prābha̭va॒-tta e॒tagṃ ṣo̭ḍa॒śina̭mapaśya॒-ntama̭gṛhṇata॒ tato॒ vai tebhyaḥ̭ suva॒rgo lo॒kaḥ prābha̭va॒dya-thṣo̭ḍa॒śī gṛ॒hyatḙ suva॒rgasya̭ lo॒kasyā॒bhiji̭tyā॒ indro॒ vai de॒vānā̭mānujāva॒ra ā̭sī॒-thsa pra॒jāpa̭ti॒mupā̭dhāva॒-ttasmā̭ e॒tagṃ ṣo̭ḍa॒śina॒-mprāya̭ccha॒-ttama̭gṛhṇīta॒ tato॒ vai so-'gra̭-nde॒vatā̭nā॒-mparyai॒-dyasyai॒vaṃ-vi~॒duṣaḥ̭ ṣoḍa॒śī gṛ॒hyate- [gṛ॒hyate᳚, agra̭me॒va] 39
-'gra̭me॒va sa̭mā॒nānā॒-mparyḙti prātassava॒ne gṛ̭hṇāti॒ vajro॒ vai ṣo̭ḍa॒śī vajraḥ̭ prātassava॒nagg svāde॒vainaṃ॒-yo~ne॒rnigṛ̭hṇāti॒ sava̭nesavane॒-'bhi gṛ̭hṇāti॒ sava̭nāthsavanāde॒vaina॒-mpra ja̭nayati tṛtīyasava॒ne pa॒śukā̭masya gṛhṇīyā॒-dvajro॒ vai ṣo̭ḍa॒śī pa॒śava̭stṛtīyasava॒naṃ-va~jrḙṇai॒vāsmai̭ tṛtīyasava॒nā-tpa॒śūnava̭ rundhe॒ nokthyḙ gṛhṇīyā-tpra॒jā vai pa॒śava̭ u॒kthāni॒ yadu॒kthyḙ- [yadu॒kthye᳚, gṛ॒hṇī॒yā-tpra॒jā-] 40
gṛhṇī॒yā-tpra॒jā-mpa॒śūna̭sya॒ nirda̭hedatirā॒tre pa॒śukā̭masya gṛhṇīyā॒-dvajro॒ vai ṣo̭ḍa॒śī vajrḙṇai॒vāsmai̭ pa॒śūna̭va॒ruddhya॒ rātri̭-yo॒pari̭ṣṭā-cchamaya॒tyapya̭gniṣṭo॒me rā̭ja॒nya̭sya gṛhṇīyā-dvyā॒vṛtkā̭mo॒ hi rā̭ja॒nyo̭ yaja̭te sā॒hna e॒vāsmai॒ vajra̭-ṅgṛhṇāti॒ sa ḙnaṃ॒-va~jro॒ bhūtyā̭ indhe॒ nirvā̭ daha-tyekavi॒gṃ॒śagg sto॒tra-mbha̭vati॒ prati̭ṣṭhityai॒ hari̭vacchasyata॒ indra̭sya pri॒ya-ndhāmo- [pri॒ya-ndhāma̭, upā᳚-''pnoti॒] 41
-pā᳚-''pnoti॒ kanī̭yāgṃsi॒ vai de॒veṣu॒ chandā॒g॒syāsa॒n-jyāyā॒g॒-syasṷreṣu॒ te de॒vāḥ kanī̭yasā॒ chanda̭sā॒ jyāya॒-śchando॒-'bhi vya̭śagṃsa॒-ntato॒ vai te-'sṷrāṇāṃ-lo~॒kama̭vṛñjata॒ ya-tkanī̭yasā॒ chanda̭sā॒ jyāya॒-śchando॒-'bhivi॒śagṃsa̭ti॒ bhrātṛ̭vyasyai॒va tallo॒kaṃ-vṛ~̭ṅkte॒ ṣaḍa॒kṣarā॒ṇyati̭ recayanti॒ ṣa-ḍvā ṛ॒tava̭ ṛ॒tūne॒va prī̭ṇāti ca॒tvāri॒ pūrvā॒ṇyava̭ kalpayanti॒ [kalpayanti, catṷṣpada e॒va] 42
catṷṣpada e॒va pa॒śūnava̭ rundhe॒ dve utta̭re dvi॒pada̭ e॒vāva̭ rundhe 'nu॒ṣṭubha̭ma॒bhi sa-mpā̭dayanti॒ vāgvā a̭nu॒ṣṭu-ptasmā᳚-tprā॒ṇānāṃ॒-vā~gṷtta॒mā sa̭mayāviṣi॒te sūryḙ ṣoḍa॒śinaḥ̭ sto॒tra-mu॒pāka̭rotye॒tasmi॒n vai lo॒ka indro̭ vṛ॒trama̭han-thsā॒kṣāde॒va vajra॒-mbhrātṛ̭vyāya॒ pra ha̭ra-tyaruṇapiśa॒ṅgo-'śvo॒ dakṣi̭ṇai॒tadvai vajra̭sya rū॒pagṃ samṛ̭ddhyai || 43 ||
(lo॒ko - vi॒duṣaḥ̭ ṣoḍa॒śī gṛ॒hyate॒ - yadu॒kthyḙ - dhāma̭ - kalpayanti - sa॒ptaca̭tvārigṃśacca) (a. 11)
(su॒va॒rgāya॒ ya-ddā᳚kṣi॒ṇāni̭ - samiṣṭa ya॒jūg - ṣya̭vabhṛtha ya॒jūgṃṣi॒ - sphyena̭ - pra॒jāpa̭tirekāda॒śinī॒ - mindraḥ॒ patni̭yā॒ - ghnanti̭ - de॒vā vā i̭ndri॒yaṃ-vī~॒ryaṃ̭ - de॒vā vā adā᳚bhye - de॒vā vai pra॒bāhṷk - pra॒jāpa̭tirde॒vebhya॒-ssa ri̭ricā॒naḥ - ṣo̭ḍaśa॒dhaikā̭daśa) (11)
(su॒va॒rgāya̭ - yajati pra॒jāḥ - sau॒myena̭ - gṛhṇī॒yā-tpra॒tyañcaṃ̭ - gṛhṇī॒yā-tpra॒jā-mpa॒śūn - trica̭tvārigṃśat) (43)
(su॒va॒rgāya॒, vajra̭sya rū॒pagṃ samṛ̭ddhyai)
(prā॒cīna̭vagṃśaṃ॒ - ya - ccā॒tvālā᳚ - dya॒jñene - ndraḥ̭ - su॒vargāya॒ - ṣaṭ ) (6)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहितायां षष्ठकाण्डे षष्ठः प्रश्नः - सोममन्त्रब्राह्मणनिरूपणं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
सु॒व॒र्गाय॒ वा ए॒तानि॑ लो॒काय॑ हूयन्ते॒ य-द्दा᳚क्षि॒णानि॒ द्वाभ्या॒-ङ्गार्ह॑पत्ये जुहोति द्वि॒पा-द्यज॑मानः॒ प्रति॑ष्ठित्या॒ आग्नी᳚द्ध्रे जुहोत्य॒न्तरि॑क्ष ए॒वा-ऽऽक्र॑मते॒ सदो॒-ऽभ्यैति॑ सुव॒र्गमे॒वैनं॑-लोँ॒क-ङ्ग॑मयति सौ॒रीभ्या॑मृ॒ग्भ्या-ङ्गार्ह॑पत्ये जुहोत्य॒मुमे॒वैनं॑-लोँ॒कग्ं स॒मारो॑हयति॒ नय॑वत्य॒र्चा-ऽऽग्नी᳚द्ध्रे जुहोति सुव॒र्गस्य॑ लो॒कस्या॒भिनी᳚त्यै॒ दिव॑-ङ्गच्छ॒ सुवः॑ प॒तेति॒ हिर॑ण्यग्ं [हिर॑ण्यम्, हु॒त्वो-द्गृ॑ह्णाति] 1
हु॒त्वो-द्गृ॑ह्णाति सुव॒र्गमे॒वैनं॑-लोँ॒क-ङ्ग॑मयति रू॒पेण॑ वो रू॒पम॒भ्यैमीत्या॑ह रू॒पेण॒ ह्या॑साग्ं रू॒पम॒भ्यैति॒ यद्धिर॑ण्येन तु॒थो वो॑ वि॒श्ववे॑दा॒ वि भ॑ज॒त्वित्या॑ह तु॒थो ह॑ स्म॒ वै वि॒श्ववे॑दा दे॒वाना॒-न्दक्षि॑णा॒ वि भ॑जति॒ तेनै॒वैना॒ वि भ॑जत्ये॒ त-त्ते॑ अग्ने॒ राध॒ [अग्ने॒ राधः॑, ऐति॒ सोम॑च्युत॒-] 2
ऐति॒ सोम॑च्युत॒-मित्या॑ह॒ सोम॑च्युत॒ग्ग्॒ ह्य॑स्य॒ राध॒ ऐति॒ तन्मि॒त्रस्य॑ प॒था न॒येत्या॑ह॒ शान्त्या॑ ऋ॒तस्य॑ प॒था प्रेत॑ च॒न्द्र द॑क्षिणा॒ इत्या॑ह स॒त्यं-वाँ ऋ॒तग्ं स॒त्येनै॒वैना॑ ऋ॒तेन॒ वि भ॑जति य॒ज्ञस्य॑ प॒था सु॑वि॒ता नय॑न्ती॒रित्या॑ह य॒ज्ञस्य॒ ह्ये॑ताः प॒था यन्ति॒ य-द्दक्षि॑णा ब्राह्म॒णम॒द्य रा᳚द्ध्यास॒- [रा᳚द्ध्यासम्, ऋषि॑मार्षे॒य-] 3
-मृषि॑मार्षे॒य-मित्या॑है॒ष वै ब्रा᳚ह्म॒ण ऋषि॑रार्षे॒यो य-श्शु॑श्रु॒वा-न्तस्मा॑दे॒वमा॑ह॒ वि सुवः॒ पश्य॒ व्य॑न्तरि॑क्ष॒मित्या॑ह सुव॒र्गमे॒वैनं॑-लोँ॒क-ङ्ग॑मयति॒ यत॑स्व सद॒स्यै॑रित्या॑ह मित्र॒त्वाया॒स्मद्दा᳚त्रा देव॒त्रा ग॑च्छत॒ मधु॑मतीः प्रदा॒तार॒मा वि॑श॒तेत्या॑ह व॒यमि॒ह प्र॑दा॒तार॒-स्स्मो᳚-ऽस्मान॒मुत्र॒ मधु॑मती॒रा वि॑श॒तेति॒ [वि॑श॒तेति॑, वावैतदा॑ह॒] 4
वावैतदा॑ह॒ हिर॑ण्य-न्ददाति॒ ज्योति॒र्वै हिर॑ण्य॒-ञ्ज्योति॑रे॒व पु॒रस्ता᳚द्धत्ते सुव॒र्गस्य॑ लो॒कस्यानु॑ख्यात्या अ॒ग्नीधे॑ ददात्य॒ग्निमु॑खाने॒वर्तू-न्प्री॑णाति ब्र॒ह्मणे॑ ददाति॒ प्रसू᳚त्यै॒ होत्रे॑ ददात्या॒त्मा वा ए॒ष य॒ज्ञस्य॒ यद्धोता॒-ऽऽत्मान॑मे॒व य॒ज्ञस्य॒ दक्षि॑णाभि॒-स्सम॑र्धयति ॥ 5 ॥
(हिर॑ण्य॒ग्ं॒ - राधो॑ - राध्यास - म॒मुत्र॒ मधु॑मती॒रा वि॑श॒तेत्य॒ - ष्टात्रिग्ं॑शच्च) (अ. 1)
स॒मि॒ष्ट॒ य॒जूग्ंषि॑ जुहोति य॒ज्ञस्य॒ समि॑ष्ट्यै॒ यद्वै य॒ज्ञस्य॑ क्रू॒रं-यँ-द्विलि॑ष्टं॒-यँद॒त्येति॒ यन्नात्येति॒ यद॑तिक॒रोति॒ यन्नापि॑ क॒रोति॒ तदे॒व तैः प्री॑णाति॒ नव॑ जुहोति॒ नव॒ वै पुरु॑षे प्रा॒णाः पुरु॑षेण य॒ज्ञ-स्सम्मि॑तो॒ यावा॑ने॒व य॒ज्ञस्त-म्प्री॑णाति॒ ष-डृग्मि॑याणि जुहोति॒ षड्वा ऋ॒तव॑ ऋ॒तूने॒व प्री॑णाति॒ त्रीणि॒ यजूग्ं॑षि॒ [यजूग्ं॑षि, त्रय॑ इ॒मे लो॒का] 6
त्रय॑ इ॒मे लो॒का इ॒माने॒व लो॒का-न्प्री॑णाति॒ यज्ञ॑ य॒ज्ञ-ङ्ग॑च्छ य॒ज्ञप॑ति-ङ्ग॒च्छेत्या॑ह य॒ज्ञप॑तिमे॒वैन॑-ङ्गमयति॒ स्वां-योँनि॑-ङ्ग॒च्छेत्या॑ह॒ स्वामे॒वैनं॒-योँनि॑-ङ्गमयत्ये॒ष ते॑ य॒ज्ञो य॑ज्ञपते स॒हसू᳚क्तवाक-स्सु॒वीर॒ इत्या॑ह॒ यज॑मान ए॒व वी॒र्य॑-न्दधाति वासि॒ष्ठो ह॑ सात्यह॒व्यो दे॑वभा॒ग-म्प॑प्रच्छ॒ य-थ्सृञ्ज॑या-न्बहुया॒जिनो-ऽयी॑यजो य॒ज्ञे [ ] 7
य॒ज्ञ-म्प्रत्य॑तिष्ठि॒पा(3) य॒ज्ञप॒ता(3)विति॒ स हो॑वाच य॒ज्ञप॑ता॒विति॑ स॒त्याद्वै सृञ्ज॑याः॒ परा॑ बभूवु॒रिति॑ होवाच य॒ज्ञे वाव य॒ज्ञः प्र॑ति॒ष्ठाप्य॑ आसी॒-द्यज॑मान॒स्या-ऽप॑राभावा॒येति॒ देवा॑ गातुविदो गा॒तुं-विँ॒त्त्वा गा॒तु -मि॒तेत्या॑ह य॒ज्ञ ए॒व य॒ज्ञ-म्प्रति॑ ष्ठापयति॒ यज॑मान॒स्या-ऽप॑राभावाय ॥ 8 ॥
(यजूग्ं॑षि - य॒ज्ञ - एक॑चत्वारिग्ंशच्च) (अ. 2)
अ॒व॒भृ॒थ॒-य॒जूग्ंषि॑ जुहोति॒ यदे॒वार्वा॒चीन॒-मेक॑हायना॒देनः॑ क॒रोति॒ तदे॒व तैरव॑ यजते॒ ऽपो॑-ऽवभृ॒थ-मवै᳚त्य॒फ्सु वै वरु॑ण-स्सा॒क्षादे॒व वरु॑ण॒मव॑ यजते॒ वर्त्म॑ना॒ वा अ॒न्वित्य॑ य॒ज्ञग्ं रक्षाग्ं॑सि जिघाग्ंसन्ति॒ साम्ना᳚ प्रस्तो॒ता-ऽन्ववै॑ति॒ साम॒ वै र॑क्षो॒हा रक्ष॑सा॒मप॑हत्यै॒ त्रिर्नि॒धन॒मुपै॑ति॒ त्रय॑ इ॒मे लो॒का ए॒भ्य ए॒व लो॒केभ्यो॒ रक्षा॒ग्॒- [लो॒केभ्यो॒ रक्षाग्ं॑सि, अप॑ हन्ति॒] 9
-स्यप॑ हन्ति॒ पुरु॑षःपुरुषो नि॒धन॒मुपै॑ति॒ पुरु॑षःपुरुषो॒ हि र॑क्ष॒स्वी रक्ष॑सा॒मप॑हत्या उ॒रुग्ं हि राजा॒ वरु॑णश्च॒कारेत्या॑ह॒ प्रति॑ष्ठित्यै श॒त-न्ते॑ राज-न्भि॒षजः॑ स॒हस्र॒मित्या॑ह भेष॒जमे॒वास्मै॑ करोत्य॒भिष्ठि॑तो॒ वरु॑णस्य॒ पाश॒ इत्या॑ह वरुणपा॒शमे॒वाभि ति॑ष्ठति ब॒र्॒हिर॒भि जु॑हो॒त्याहु॑तीना॒-म्प्रति॑ष्ठित्या॒ अथो॑ अग्नि॒वत्ये॒व जु॑हो॒त्यप॑ बर्हिषः प्रया॒जान् [प्रया॒जान्, य॒ज॒ति॒ प्र॒जा वै] 10
य॑जति प्र॒जा वै ब॒र्॒हिः प्र॒जा ए॒व व॑रुणपा॒शा-न्मु॑ञ्च॒त्याज्य॑भागौ यजति य॒ज्ञस्यै॒व चक्षु॑षी॒ नान्तरे॑ति॒ वरु॑णं-यँजति वरुणपा॒शादे॒वैन॑-म्मुञ्चत्य॒ग्नीवरु॑णौ यजति सा॒क्षादे॒वैनं॑-वँरुणपा॒शा-न्मु॑ञ्च॒त्य-प॑बर्हिषावनूया॒जौ य॑जति प्र॒जा वै ब॒र्॒हिः प्र॒जा ए॒व व॑रुणपा॒शा-न्मु॑ञ्चति च॒तुरः॑ प्रया॒जान्. य॑जति॒ द्वाव॑नूया॒जौ षट्-थ्सम्प॑द्यन्ते॒ षड्वा ऋ॒तव॑ [षड्वा ऋ॒तवः॑, ऋ॒तुष्वे॒व प्रति॑] 11
ऋ॒तुष्वे॒व प्रति॑ तिष्ठ॒-त्यव॑भृथ-निचङ्कु॒णेत्या॑ह यथोदि॒तमे॒व वरु॑ण॒मव॑ यजते समु॒द्रे ते॒ हृद॑य-म॒फ्स्व॑न्तरित्या॑ह समु॒द्रे ह्य॑न्तर्वरु॑ण॒-स्स-न्त्वा॑ विश॒-न्त्वोष॑धी-रु॒ता-ऽऽप॒ इत्या॑हा॒द्भि-रे॒वैन॒मोष॑धीभि-स्स॒म्यञ्च॑-न्दधाति॒ देवी॑राप ए॒ष वो॒ गर्भ॒ इत्या॑ह यथाय॒जुरे॒वैत-त्प॒शवो॒ वै [ ] 12
सोमो॒ य-द्भि॑न्दू॒ना-म्भ॒क्षये᳚-त्पशु॒मान्-थ्स्या॒-द्वरु॑ण॒-स्त्वे॑न-ङ्गृह्णीया॒द्यन्न भ॒क्षये॑दप॒शु-स्स्या॒न्नैनं॒-वँरु॑णो गृह्णीया-दुप॒स्पृश्य॑मे॒व प॑शु॒मा-न्भ॑वति॒ नैनं॒-वँरु॑णो गृह्णाति॒ प्रति॑युतो॒ वरु॑णस्य॒ पाश॒ इत्या॑ह वरुणपा॒शादे॒व निर्मु॑च्य॒ते ऽप्र॑तीक्ष॒मा य॑न्ति॒ वरु॑णस्या॒न्तर्हि॑त्या॒ एधो᳚-ऽस्येधिषी॒मही-त्या॑ह स॒मिधै॒वाग्नि-न्न॑म॒स्यन्त॑ उ॒पाय॑न्ति॒ तेजो॑-ऽसि॒ तेजो॒ मयि॑ धे॒हीत्या॑ह॒ तेज॑ ए॒वा-ऽऽत्म-न्ध॑त्ते ॥ 13 ॥
(रक्षाग्ं॑सि - प्रया॒जा - नृ॒तवो॒ - वै - न॑म॒स्यन्तो॒ - द्वाद॑श च) (अ. 3)
स्फ्येन॒ वेदि॒मुद्ध॑न्ति रथा॒क्षेण॒ वि मि॑मीते॒ यूप॑-म्मिनोति त्रि॒वृत॑मे॒व वज्रग्ं॑ स॒भृन्त्य॒ भ्रातृ॑व्याय॒ प्र ह॑रति॒ स्तृत्यै॒ यद॑न्तर्वे॒दि मि॑नु॒या-द्दे॑वलो॒कम॒भि ज॑ये॒-द्य-द्ब॑हिर्वे॒दि म॑नुष्य लो॒कं ँवे᳚द्य॒न्तस्य॑ स॒न्धौ मि॑नोत्यु॒भयो᳚-र्लो॒कयो॑-र॒भिजि॑त्या॒ उप॑रसम्मिता-म्मिनुया-त्पितृलो॒कका॑मस्य रश॒नस॑मिन्ता-म्मनुष्यलो॒कका॑मस्य च॒षाल॑-सम्मितामिन्द्रि॒य का॑मस्य॒ सर्वा᳚न्-थ्स॒मा-न्प्र॑ति॒ष्ठाका॑मस्य॒ ये त्रयो॑ मद्ध्य॒मास्तान्-थ्स॒मा-न्प॒शुका॑मस्यै॒तान्. वा [वै, अनु॑] 14
अनु॑ प॒शव॒ उप॑ तिष्ठन्ते पशु॒माने॒व भ॑वति॒ व्यति॑षजे॒दित॑रा-न्प्र॒जयै॒वैन॑-म्प॒शुभि॒र्व्यति॑षजति॒ य-ङ्का॒मये॑त प्र॒मायु॑क-स्स्या॒दिति॑ गर्त॒मित॒-न्तस्य॑ मिनुयादुत्तरा॒र्ध्यं॑-वँर्षि॑ष्ठ॒मथ॒ ह्रसी॑याग्ंसमे॒षा वै ग॑र्त॒मिद्यस्यै॒व-म्मि॒नोति॑ ता॒ज-क्प्र मी॑यते दक्षिणा॒र्ध्यं॑-वँर्षि॑ष्ठ-म्मिनुया-थ्सुव॒र्गका॑म॒स्याथ॒ ह्रसी॑याग्ंस-मा॒क्रम॑णमे॒व त-थ्सेतुं॒-यँज॑मानः कुरुते सुव॒र्गस्य॑ लो॒कस्य॒ सम॑ष्ट्यै॒ [सम॑ष्ट्यै, यदेक॑स्मि॒न्॒.] 15
यदेक॑स्मि॒न्॒. यूपे॒ द्वे र॑श॒ने प॑रि॒व्यय॑ति॒ तस्मा॒देको॒ द्वे जा॒ये वि॑न्दते॒ यन्नैकाग्ं॑ रश॒ना-न्द्वयो॒र्यूप॑योः परि॒व्यय॑ति॒ तस्मा॒न्नैका॒ द्वौ पती॑ विन्दते॒ य-ङ्का॒मये॑त॒ स्त्र्य॑स्य जाये॒तेत्यु॑पा॒न्ते तस्य॒ व्यति॑षजे॒-थ्स्त्र्ये॑वास्य॑ जायते॒ य-ङ्का॒मये॑त॒ पुमा॑नस्य जाये॒तेत्या॒न्त-न्तस्य॒ प्र वे᳚ष्टये॒-त्पुमा॑ने॒वास्य॑ [वे᳚ष्टये॒-त्पुमा॑ने॒वास्य॑, जा॒य॒ते ऽसु॑रा॒] 16
जाय॒ते ऽसु॑रा॒ वै दे॒वा-न्द॑क्षिण॒त उपा॑नय॒-न्ता-न्दे॒वा उ॑पश॒येनै॒वापा॑-नुदन्त॒ त-दु॑पश॒यस्यो॑-पशय॒त्वं-यँ-द्द॑क्षिण॒त उ॑पश॒य उ॑प॒शये॒ भ्रातृ॑व्यापनुत्त्यै॒ सर्वे॒ वा अ॒न्ये यूपाः᳚ पशु॒मन्तो-ऽथो॑पश॒य ए॒वाप॒शुस्तस्य॒ यज॑मानः प॒शुर्यन्न नि॑र्दि॒शेदार्ति॒-मार्च्छे॒-द्यज॑मानो॒-ऽसौ ते॑ प॒शुरिति॒ निर्दि॑शे॒द्य-न्द्वि॒ष्या-द्यमे॒व [ ] 17
द्वेष्टि॒ तम॑स्मै प॒शु-न्निर्दि॑शति॒ यदि॒ न द्वि॒ष्यादा॒खुस्ते॑ प॒शुरिति॑ ब्रूया॒न्न ग्रा॒म्या-न्प॒शून्. हि॒नस्ति॒ ना-ऽऽर॒ण्या-न्प्र॒जाप॑तिः प्र॒जा अ॑सृजत॒ सो᳚-ऽन्नाद्ये॑न॒ व्या᳚र्ध्यत॒ स ए॒तामे॑काद॒शिनी॑-मपश्य॒-त्तया॒ वै सो᳚-ऽन्नाद्य॒मवा॑रुन्ध॒ यद्दश॒ यूपा॒ भव॑न्ति॒ दशा᳚क्षरा वि॒राडन्नं॑-विँ॒रा-ड्वि॒राजै॒वा-न्नाद्य॒मव॑ रुन्धे॒ [रुन्धे, य] 18
य ए॑काद॒श-स्स्तन॑ ए॒वास्यै॒ स दु॒ह ए॒वैना॒-न्तेन॒ वज्रो॒ वा ए॒षा स-म्मी॑यते॒ यदे॑काद॒शिनी॒ सेश्व॒रा पु॒रस्ता᳚-त्प्र॒त्यञ्चं॑-यँ॒ज्ञग्ं सम्म॑र्दितो॒र्य-त्पा᳚त्नीव॒त-म्मि॒नोति॑ य॒ज्ञस्य॒ प्रत्युत्त॑ब्ध्यै सय॒त्वाय॑ ॥ 19 ॥
(वै - सम॑ष्ट्यै॒ - पुमा॑ने॒वास्य॒ - यमे॒व - रु॑न्धे - त्रि॒ग्ं॒शच्च॑) (अ. 4)
प्र॒जाप॑तिः प्र॒जा अ॑सृजत॒ स रि॑रिचा॒नो॑-ऽमन्यत॒ स ए॒तामे॑काद॒शिनी॑-मपश्य॒-त्तया॒ वै स आयु॑रिन्द्रि॒यं-वीँ॒र्य॑मा॒त्मन्न॑धत्त प्र॒जा इ॑व॒ खलु॒ वा ए॒ष सृ॑जते॒ यो यज॑ते॒ स ए॒तर्हि॑ रिरिचा॒न इ॑व॒ यदे॒षैका॑द॒शिनी॒ भव॒त्यायु॑रे॒व तये᳚न्द्रि॒यं-वीँ॒र्यं॑-यँज॑मान आ॒त्म-न्ध॑त्ते॒ प्रैवा-ऽऽग्ने॒येन॑ वापयति मिथु॒नग्ं सा॑रस्व॒त्या क॑रोति॒ रेत॑- [रेतः॑, सौ॒म्येन॑ दधाति॒] 20
-स्सौ॒म्येन॑ दधाति॒ प्र ज॑नयति पौ॒ष्णेन॑ बार्हस्प॒त्यो भ॑वति॒ ब्रह्म॒ वै दे॒वाना॒-म्बृह॒स्पति॒र्ब्रह्म॑णै॒वास्मै᳚ प्र॒जाः प्रज॑नयति वैश्वदे॒वो भ॑वति वैश्वदे॒व्यो॑ वै प्र॒जाः प्र॒जा ए॒वास्मै॒ प्रज॑नयती-न्द्रि॒यमे॒वैन्द्रेणाव॑ रुन्धे॒ विश॑-म्मारु॒तेनौजो॒ बल॑मैन्द्रा॒ग्नेन॑ प्रस॒वाय॑ सावि॒त्रो नि॑र्वरुण॒त्वाय॑ वारु॒णो म॑द्ध्य॒त ऐ॒न्द्रमा ल॑भते मद्ध्य॒त ए॒वेन्द्रि॒यं-यँज॑माने दधाति [ ] 21
पु॒रस्ता॑दै॒न्द्रस्य॑ वैश्वदे॒वमा ल॑भते वैश्वदे॒वं-वाँ अन्न॒मन्न॑मे॒व पु॒रस्ता᳚द्धत्ते॒ तस्मा᳚-त्पु॒रस्ता॒दन्न॑मद्यत ऐ॒न्द्रमा॒लभ्य॑ मारु॒तमा ल॑भते॒ वि-ड्वै म॒रुतो॒ विश॑मे॒वास्मा॒ अनु॑ बद्ध्नाति॒ यदि॑ का॒मये॑त॒ यो-ऽव॑गत॒-स्सो-ऽप॑ रुद्ध्यतां॒-योँ-ऽप॑रुद्ध॒-स्सो-ऽव॑ गच्छ॒त्वित्यै॒न्द्रस्य॑ लो॒के वा॑रु॒णमा ल॑भेत वारु॒णस्य॑ लो॒क ऐ॒न्द्रं- [लो॒क ऐ॒न्द्रम्, य ए॒वाव॑गत॒-स्सो-ऽप॑] 22
-ँय ए॒वाव॑गत॒-स्सो-ऽप॑ रुद्ध्यते॒ यो-ऽप॑रुद्ध॒-स्सो-ऽव॑ गच्छति॒ यदि॑ का॒मये॑त प्र॒जा मु॑ह्येयु॒रिति॑ प॒शून् व्यति॑षजे-त्प्र॒जा ए॒व मो॑हयति॒ यद॑भिवाह॒तो॑-ऽपां-वाँ॑रु॒णमा॒लभे॑त प्र॒जा वरु॑णो गृह्णीया-द्दक्षिण॒त उद॑ञ्च॒मा ल॑भते-ऽपवाह॒तो॑-ऽपा-म्प्र॒जाना॒-मव॑रुण ग्राहाय ॥ 23 ॥
(रेतो॒ - यज॑माने दधाति - लो॒क ऐ॒न्द्रग्ं - स॒प्तत्रिग्ं॑शच्च) (अ. 5)
इन्द्रः॒ पत्नि॑या॒ मनु॑मयाजय॒-त्ता-म्पर्य॑ग्निकृता॒-मुद॑सृज॒-त्तया॒ मनु॑रार्ध्नो॒द्य-त्पर्य॑ग्निकृत-म्पात्नीव॒तमु॑-थ्सृ॒जति॒ यामे॒व मनु॒र्॒. ऋद्धि॒मार्ध्नो॒-त्तामे॒व यज॑मान ऋध्नोति य॒ज्ञस्य॒ वा अप्र॑तिष्ठिता-द्य॒ज्ञः परा॑ भवति य॒ज्ञ-म्प॑रा॒भव॑न्तं॒-यँज॑मा॒नो-ऽनु॒ परा॑ भवति॒ यदाज्ये॑न पात्नीव॒तग्ं सग्ग्॑स्था॒पय॑ति य॒ज्ञस्य॒ प्रति॑ष्ठित्यै य॒ज्ञ-म्प्र॑ति॒तिष्ठ॑न्तं॒-यँज॑मा॒नो-ऽनु॒ प्रति॑ तिष्ठती॒ष्टं-वँ॒पया॒ [-ँव॒पया᳚, भव॒त्यनि॑ष्टं-वँ॒शया-ऽथ॑] 24
भव॒त्यनि॑ष्टं-वँ॒शया-ऽथ॑ पात्नीव॒तेन॒ प्र च॑रति ती॒र्थ ए॒व प्र च॑र॒त्यथो॑ ए॒तर्ह्ये॒वास्य॒ याम॑स्त्वा॒ष्ट्रो भ॑वति॒ त्वष्टा॒ वै रेत॑स-स्सि॒क्तस्य॑ रू॒पाणि॒ वि क॑रोति॒ तमे॒व वृषा॑ण॒-म्पत्नी॒ष्वपि॑ सृजति॒ सो᳚-ऽस्मै रू॒पाणि॒ वि क॑रोति ॥ 25 ॥
(व॒पया॒ - षट्त्रिग्ं॑शच्च) (अ. 6)
घ्नन्ति॒ वा ए॒त-थ्सोमं॒-यँद॑भिषु॒ण्वन्ति॒ य-थ्सौ॒म्यो भव॑ति॒ यथा॑ मृ॒ताया॑नु॒स्तर॑णी॒-ङ्घ्नन्ति॑ ता॒दृगे॒व त-द्यदु॑त्तरा॒र्धे वा॒ मद्ध्ये॑ वा जुहु॒या-द्दे॒वता᳚भ्य-स्स॒मद॑-न्दद्ध्या-द्दक्षिणा॒र्धे जु॑होत्ये॒षा वै पि॑तृ॒णा-न्दि-ख्स्वाया॑मे॒व दि॒शि पि॒तॄ-न्नि॒रव॑दयत उद्गा॒तृभ्यो॑ हरन्ति सामदेव॒त्यो॑ वै सौ॒म्यो यदे॒व साम्नः॑ छम्बट्कु॒र्वन्ति॒ तस्यै॒व स शान्ति॒रवे᳚- [शान्ति॒रव॑, ई॒क्ष॒न्ते॒ प॒वित्रं॒-वैँ] 26
-क्षन्ते प॒वित्रं॒-वैँ सौ॒म्य आ॒त्मान॑मे॒व प॑वयन्ते॒ य आ॒त्मान॒-न्न प॑रि॒पश्ये॑दि॒तासुः॑ स्यादभिद॒दि-ङ्कृ॒त्वा-ऽवे᳚क्षेत॒ तस्मि॒न्॒. ह्या᳚त्मान॑-म्परि॒पश्य॒त्यथो॑ आ॒त्मान॑मे॒व प॑वयते॒ यो ग॒तम॑ना॒-स्स्या-थ्सो-ऽवे᳚क्षेत॒ यन्मे॒ मनः॒ परा॑गतं॒-यँद्वा॑ मे॒ अप॑रागतम् । राज्ञा॒ सोमे॑न॒ तद्व॒यम॒स्मासु॑ धारयाम॒सीति॒ मन॑ ए॒वात्म-न्दा॑धार॒- [ए॒वात्म-न्दा॑धार, न ग॒तम॑ना] 27
न ग॒तम॑ना भव॒त्यप॒ वै तृ॑तीयसव॒ने य॒ज्ञः क्रा॑मतीजा॒ना-दनी॑जानम॒भ्या᳚-ग्नावैष्ण॒व्यर्चा घृ॒तस्य॑ यजत्य॒ग्नि-स्सर्वा॑ दे॒वता॒ विष्णु॑र्य॒ज्ञो दे॒वता᳚श्चै॒व य॒ज्ञ-ञ्च॑ दाधारोपा॒ग्ं॒शु य॑जति मिथुन॒त्वाय॑ ब्रह्मवा॒दिनो॑ वदन्ति मि॒त्रो य॒ज्ञस्य॒ स्वि॑ष्टं-युँवते॒ वरु॑णो॒ दुरि॑ष्ट॒-ङ्क्व॑ तर्हि॑ य॒ज्ञः क्व॑ यज॑मानो भव॒तीति॒ यन्मै᳚त्रावरु॒णीं-वँ॒शामा॒लभ॑ते मि॒त्रेणै॒व [ ] 28
य॒ज्ञस्य॒ स्वि॑ष्टग्ं शमयति॒ वरु॑णेन॒ दुरि॑ष्ट॒-न्ना-ऽऽर्ति॒मार्च्छ॑ति॒ यज॑मानो॒ यथा॒ वै लाङ्ग॑लेनो॒र्वरा᳚-म्प्रभि॒न्दन्-त्ये॒वमृ॑ख्सा॒मे य॒ज्ञ-म्प्र भि॑न्तो॒ यन्मै᳚त्रावरु॒णीं-वँ॒शामा॒लभ॑ते य॒ज्ञायै॒व प्रभि॑न्नाय म॒त्य॑म॒न्ववा᳚स्यति॒ शान्त्यै॑ या॒तया॑मानि॒ वा ए॒तस्य॒ छन्दाग्ं॑सि॒ य ई॑जा॒न-श्छन्द॑सामे॒ष रसो॒ य-द्व॒शा यन्मै᳚त्रावरु॒णीं-वँ॒शामा॒लभ॑ते॒ छन्दाग्॑स्ये॒व पुन॒रा प्री॑णा॒त्य या॑तयामत्वा॒याथो॒ छन्द॑स्स्वे॒व रस॑-न्दधाति ॥ 29 ॥
(अव॑ - दाधार - मि॒त्रेणै॒व - प्री॑णाति॒ - षट्च॑) (अ. 7)
दे॒वा वा इ॑न्द्रि॒यं-वीँ॒र्यां᳚(1॒) ँव्य॑भजन्त॒ ततो॒ यद॒त्यशि॑ष्यत॒ तद॑तिग्रा॒ह्या॑ अभव॒-न्तद॑तिग्रा॒ह्या॑णा-मतिग्राह्य॒त्वं-यँद॑तिग्रा॒ह्या॑ गृ॒ह्यन्त॑ इन्द्रि॒यमे॒व त-द्वी॒र्यं॑-यँज॑मान आ॒त्म-न्ध॑त्ते॒ तेज॑ आग्ने॒येने᳚न्द्रि॒य-मै॒न्द्रेण॑ ब्रह्मवर्च॒सग्ं सौ॒र्येणो॑प॒स्तम्भ॑नं॒-वाँ ए॒त-द्य॒ज्ञस्य॒ यद॑तिग्रा॒ह्या᳚श्च॒क्रे पृ॒ष्ठानि॒ य-त्पृष्ठ्ये॒ न गृ॑ह्णी॒या-त्प्राञ्चं॑-यँ॒ज्ञ-म्पृ॒ष्ठानि॒ सग्ं शृ॑णीयु॒र्य-दु॒क्थ्ये॑ [-दु॒क्थ्ये᳚, गृ॒ह्णी॒या-त्प्र॒त्यञ्चं॑-] 30
गृह्णी॒या-त्प्र॒त्यञ्चं॑-यँ॒ज्ञम॑तिग्रा॒ह्या᳚-स्सग्ं शृ॑णीयुर्विश्व॒जिति॒ सर्व॑पृष्ठे ग्रहीत॒व्या॑ य॒ज्ञस्य॑ सवीर्य॒त्वाय॑ प्र॒जाप॑तिर्दे॒वेभ्यो॑ य॒ज्ञान् व्यादि॑श॒-थ्स प्रि॒यास्त॒नूरप॒ न्य॑धत्त॒ तद॑तिग्रा॒ह्या॑ अभव॒न् वित॑नु॒स्तस्य॑ य॒ज्ञ इत्या॑हु॒र्य-स्या॑तिग्रा॒ह्या॑ न गृ॒ह्यन्त॒ इत्यप्य॑ग्निष्टो॒मे ग्र॑हीत॒व्या॑ य॒ज्ञस्य॑ सतनु॒त्वाय॑ दे॒वता॒ वै सर्वा᳚-स्स॒दृशी॑रास॒-न्ता न व्या॒वृत॑-मगच्छ॒-न्ते दे॒वा [दे॒वाः, ए॒त ए॒ता-न्ग्रहा॑-] 31
ए॒त ए॒ता-न्ग्रहा॑-नपश्य॒-न्तान॑गृह्णता-ऽऽग्ने॒ यम॒ग्निरै॒न्द्रमिन्द्रः॑ सौ॒र्यग्ं सूर्य॒स्ततो॒ वै ते᳚-ऽन्याभि॑-र्दे॒वता॑भि-र्व्या॒वृत॑मगच्छ॒न्॒. यस्यै॒वं-विँ॒दुष॑ ए॒ते ग्रहा॑ गृ॒ह्यन्ते᳚ व्या॒वृत॑मे॒व पा॒प्मना॒ भ्रातृ॑व्येण गच्छती॒मे लो॒का ज्योति॑ष्मन्त-स्स॒माव॑-द्वीर्याः का॒र्या॑ इत्या॑हुराग्ने॒येना॒स्मिन् ँलो॒के ज्योति॑र्धत्त ऐ॒न्द्रेणा॒न्तरि॑क्ष इन्द्रवा॒यू हि स॒युजौ॑ सौ॒र्येणा॒मुष्मि॑न् ँलो॒के [ ] 32
ज्योति॑र्धत्ते॒ ज्योति॑ष्मन्तो-ऽस्मा इ॒मे लो॒का भ॑वन्ति स॒माव॑-द्वीर्यानेनान् कुरुत ए॒तान्. वै ग्रहा᳚-न्ब॒बां-वि॒श्वव॑यसा-ववित्ता॒-न्ताभ्या॑मि॒मे लो॒काः परा᳚ञ्चश्चा॒र्वाञ्च॑श्च॒ प्राभु॒र्यस्यै॒वं-विँ॒दुष॑ ए॒ते ग्रहा॑ गृ॒ह्यन्ते॒ प्रास्मा॑ इ॒मे लो॒काः परा᳚ञ्चश्चा॒र्वाञ्च॑श्च भान्ति ॥ 33 ॥
(उ॒क्थ्ये॑ - दे॒वा - अ॒मुष्मि॑न् ँलो॒क - एका॒न्नच॑त्वारि॒ग्ं॒शच्च॑) (अ. 8)
दे॒वा वै य-द्य॒ज्ञे-ऽकु॑र्वत॒ तदसु॑रा अकुर्वत॒ ते दे॒वा अदा᳚भ्ये॒ छन्दाग्ं॑सि॒ सव॑नानि॒ सम॑स्थापय॒-न्ततो॑ दे॒वा अभ॑व॒-न्परा-ऽसु॑रा॒ यस्यै॒वं-विँ॒दुषो-ऽदा᳚भ्यो गृ॒ह्यते॒ भव॑त्या॒त्मना॒ परा᳚-ऽस्य॒ भ्रातृ॑व्यो भवति॒ यद्वै दे॒वा असु॑रा॒-नदा᳚भ्ये॒-नाद॑भ्नुव॒-न्तददा᳚भ्यस्या-दाभ्य॒ त्वं-यँ ए॒वं-वेँद॑ द॒भ्नोत्ये॒व भ्रातृ॑व्य॒-न्नैन॒-म्भ्रातृ॑व्यो दभ्नो- [दभ्नोति, ए॒षा वै] 34
-त्ये॒षा वै प्र॒जाप॑ते-रतिमो॒क्षिणी॒ नाम॑ त॒नूर्यददा᳚भ्य॒ उप॑नद्धस्य गृह्णा॒त्यति॑मुक्त्या॒ अति॑ पा॒प्मान॒-म्भ्रातृ॑व्य-म्मुच्यते॒ य ए॒वं-वेँद॒ घ्नन्ति॒ वा ए॒त-थ्सोमं॒-यँद॑भिषु॒ण्वन्ति॒ सोमे॑ ह॒न्यमा॑ने य॒ज्ञो ह॑न्यते य॒ज्ञे यज॑मानो ब्रह्मवा॒दिनो॑ वदन्ति॒ कि-न्त-द्य॒ज्ञे यज॑मानः कुरुते॒ येन॒ जीवन्᳚-थ्सुव॒र्गं-लोँ॒कमेतीति॑ जीवग्र॒हो वा ए॒ष यददा॒भ्यो ऽन॑भिषुतस्य गृह्णाति॒ जीव॑न्तमे॒वैनग्ं॑ सुव॒र्गं ँलो॒क-ङ्ग॑मयति॒ वि वा ए॒त-द्य॒ज्ञ-ञ्छि॑न्दन्ति॒ यददा᳚भ्ये सग्ग्-स्था॒पय॑-न्त्य॒ग्ं॒शूनपि॑ सृजति य॒ज्ञस्य॒ सन्त॑त्यै ॥ 35 ॥
(द॒भ्नो॒त्य - न॑भिषुतस्य गृह्णा॒त्ये - का॒न्नविग्ं॑श॒तिश्च॑) (अ. 9)
दे॒वा वै प्र॒बाहु॒ग्ग्रहा॑-नगृह्णत॒ स ए॒त-म्प्र॒जाप॑ति-र॒ग्ं॒शु-म॑पश्य॒-त्तम॑गृह्णीत॒ तेन॒ वै स आ᳚र्ध्नो॒-द्यस्यै॒वं-विँ॒दुषो॒-ऽग्ं॒शु-र्गृ॒ह्यत॑ ऋ॒द्ध्नोत्ये॒व स॒कृद॑भिषुतस्य गृह्णाति स॒कृद्धि स तेना-ऽऽर्ध्नो॒न्मन॑सा गृह्णाति॒ मन॑ इव॒ हि प्र॒जाप॑तिः प्र॒जाप॑ते॒राप्त्या॒ औदु॑म्बरेण गृह्णा॒त्यूर्ग्वा उ॑दु॒म्बर॒ ऊर्ज॑मे॒वाव॑ रुन्धे॒ चतुः॑स्रक्ति भवति दि॒- [भवति दि॒क्षु, ए॒व प्रति॑ तिष्ठति॒] 36
-क्ष्वे॑व प्रति॑ तिष्ठति॒ यो वा अ॒ग्ं॒शोरा॒यत॑नं॒-वेँदा॒-ऽऽयत॑नवा-न्भवति वामदे॒व्यमिति॒ साम॒ तद्वा अ॑स्या॒-ऽऽयत॑न॒-म्मन॑सा॒ गाय॑मानो गृह्णात्या॒यत॑नवाने॒व भ॑वति॒ यद॑द्ध्व॒र्युर॒ग्ं॒शु-ङ्गृ॒ह्ण-न्नार्धये॑दु॒भाभ्या॒-न्नर्ध्ये॑ताद्ध्व॒र्यवे॑ च॒ यज॑मानाय च॒ यद॒र्धये॑-दु॒भाभ्या॑-मृद्ध्ये॒तान॑वान-ङ्गृह्णाति॒ सैवास्यर्धि॒र्॒. हिर॑ण्यम॒भि व्य॑नित्य॒मृतं॒-वैँ हिर॑ण्य॒मायुः॑ प्रा॒ण आयु॑षै॒वामृत॑म॒भि धि॑नोति श॒तमा॑न-म्भवति श॒तायुः॒ पुरु॑ष-श्श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति ॥ 37 ॥
(दि॒क्ष्व॑ - निति - विग्ंश॒तिश्च॑) (अ. 10)
प्र॒जाप॑ति-र्दे॒वेभ्यो॑ य॒ज्ञान् व्यादि॑श॒-थ्स रि॑रिचा॒नो॑-ऽमन्यत॒ स य॒ज्ञानाग्ं॑ षोडश॒धेन्द्रि॒यं-वीँ॒र्य॑मा॒त्मान॑म॒भि सम॑क्खिद॒-त्त-थ्षो॑ड॒श्य॑भव॒न्न वै षो॑ड॒शी नाम॑ य॒ज्ञो᳚-ऽस्ति॒ यद्वाव षो॑ड॒शग्ग् स्तो॒त्रग्ं षो॑ड॒शग्ं श॒स्त्र-न्तेन॑ षोड॒शी त-थ्षो॑ड॒शिनः॑ षोडशि॒त्वं-यँ-थ्षो॑ड॒शी गृ॒ह्यत॑ इन्द्रि॒यमे॒व त-द्वी॒र्यं॑-यँज॑मान आ॒त्म-न्ध॑त्ते दे॒वेभ्यो॒ वै सु॑व॒र्गो लो॒को [लो॒कः, न प्राभ॑व॒-त्त] 38
न प्राभ॑व॒-त्त ए॒तग्ं षो॑ड॒शिन॑मपश्य॒-न्तम॑गृह्णत॒ ततो॒ वै तेभ्यः॑ सुव॒र्गो लो॒कः प्राभ॑व॒द्य-थ्षो॑ड॒शी गृ॒ह्यते॑ सुव॒र्गस्य॑ लो॒कस्या॒भिजि॑त्या॒ इन्द्रो॒ वै दे॒वाना॑मानुजाव॒र आ॑सी॒-थ्स प्र॒जाप॑ति॒मुपा॑धाव॒-त्तस्मा॑ ए॒तग्ं षो॑ड॒शिन॒-म्प्राय॑च्छ॒-त्तम॑गृह्णीत॒ ततो॒ वै सो-ऽग्र॑-न्दे॒वता॑ना॒-म्पर्यै॒-द्यस्यै॒वं-विँ॒दुषः॑ षोड॒शी गृ॒ह्यते- [गृ॒ह्यते᳚, अग्र॑मे॒व] 39
-ऽग्र॑मे॒व स॑मा॒नाना॒-म्पर्ये॑ति प्रातस्सव॒ने गृ॑ह्णाति॒ वज्रो॒ वै षो॑ड॒शी वज्रः॑ प्रातस्सव॒नग्ग् स्वादे॒वैनं॒-योँने॒र्निगृ॑ह्णाति॒ सव॑नेसवने॒-ऽभि गृ॑ह्णाति॒ सव॑नाथ्सवनादे॒वैन॒-म्प्र ज॑नयति तृतीयसव॒ने प॒शुका॑मस्य गृह्णीया॒-द्वज्रो॒ वै षो॑ड॒शी प॒शव॑स्तृतीयसव॒नं-वँज्रे॑णै॒वास्मै॑ तृतीयसव॒ना-त्प॒शूनव॑ रुन्धे॒ नोक्थ्ये॑ गृह्णीया-त्प्र॒जा वै प॒शव॑ उ॒क्थानि॒ यदु॒क्थ्ये॑- [यदु॒क्थ्ये᳚, गृ॒ह्णी॒या-त्प्र॒जा-] 40
गृह्णी॒या-त्प्र॒जा-म्प॒शून॑स्य॒ निर्द॑हेदतिरा॒त्रे प॒शुका॑मस्य गृह्णीया॒-द्वज्रो॒ वै षो॑ड॒शी वज्रे॑णै॒वास्मै॑ प॒शून॑व॒रुद्ध्य॒ रात्रि॑-यो॒परि॑ष्टा-च्छमय॒त्यप्य॑ग्निष्टो॒मे रा॑ज॒न्य॑स्य गृह्णीया-द्व्या॒वृत्का॑मो॒ हि रा॑ज॒न्यो॑ यज॑ते सा॒ह्न ए॒वास्मै॒ वज्र॑-ङ्गृह्णाति॒ स ए॑नं॒-वँज्रो॒ भूत्या॑ इन्धे॒ निर्वा॑ दह-त्येकवि॒ग्ं॒शग्ग् स्तो॒त्र-म्भ॑वति॒ प्रति॑ष्ठित्यै॒ हरि॑वच्छस्यत॒ इन्द्र॑स्य प्रि॒य-न्धामो- [प्रि॒य-न्धाम॑, उपा᳚-ऽऽप्नोति॒] 41
-पा᳚-ऽऽप्नोति॒ कनी॑याग्ंसि॒ वै दे॒वेषु॒ छन्दा॒ग्॒स्यास॒न्-ज्याया॒ग्॒-स्यसु॑रेषु॒ ते दे॒वाः कनी॑यसा॒ छन्द॑सा॒ ज्याय॒-श्छन्दो॒-ऽभि व्य॑शग्ंस॒-न्ततो॒ वै ते-ऽसु॑राणां-लोँ॒कम॑वृञ्जत॒ य-त्कनी॑यसा॒ छन्द॑सा॒ ज्याय॒-श्छन्दो॒-ऽभिवि॒शग्ंस॑ति॒ भ्रातृ॑व्यस्यै॒व तल्लो॒कं-वृँ॑ङ्क्ते॒ षड॒क्षरा॒ण्यति॑ रेचयन्ति॒ ष-ड्वा ऋ॒तव॑ ऋ॒तूने॒व प्री॑णाति च॒त्वारि॒ पूर्वा॒ण्यव॑ कल्पयन्ति॒ [कल्पयन्ति, चतु॑ष्पद ए॒व] 42
चतु॑ष्पद ए॒व प॒शूनव॑ रुन्धे॒ द्वे उत्त॑रे द्वि॒पद॑ ए॒वाव॑ रुन्धे ऽनु॒ष्टुभ॑म॒भि स-म्पा॑दयन्ति॒ वाग्वा अ॑नु॒ष्टु-प्तस्मा᳚-त्प्रा॒णानां॒-वाँगु॑त्त॒मा स॑मयाविषि॒ते सूर्ये॑ षोड॒शिनः॑ स्तो॒त्र-मु॒पाक॑रोत्ये॒तस्मि॒न् वै लो॒क इन्द्रो॑ वृ॒त्रम॑हन्-थ्सा॒क्षादे॒व वज्र॒-म्भ्रातृ॑व्याय॒ प्र ह॑र-त्यरुणपिश॒ङ्गो-ऽश्वो॒ दक्षि॑णै॒तद्वै वज्र॑स्य रू॒पग्ं समृ॑द्ध्यै ॥ 43 ॥
(लो॒को - वि॒दुषः॑ षोड॒शी गृ॒ह्यते॒ - यदु॒क्थ्ये॑ - धाम॑ - कल्पयन्ति - स॒प्तच॑त्वारिग्ंशच्च) (अ. 11)
(सु॒व॒र्गाय॒ य-द्दा᳚क्षि॒णानि॑ - समिष्ट य॒जूग् - ष्य॑वभृथ य॒जूग्ंषि॒ - स्फ्येन॑ - प्र॒जाप॑तिरेकाद॒शिनी॒ - मिन्द्रः॒ पत्नि॑या॒ - घ्नन्ति॑ - दे॒वा वा इ॑न्द्रि॒यं-वीँ॒र्यं॑ - दे॒वा वा अदा᳚भ्ये - दे॒वा वै प्र॒बाहु॑क् - प्र॒जाप॑तिर्दे॒वेभ्य॒-स्स रि॑रिचा॒नः - षो॑डश॒धैका॑दश) (11)
(सु॒व॒र्गाय॑ - यजति प्र॒जाः - सौ॒म्येन॑ - गृह्णी॒या-त्प्र॒त्यञ्चं॑ - गृह्णी॒या-त्प्र॒जा-म्प॒शून् - त्रिच॑त्वारिग्ंशत्) (43)
(सु॒व॒र्गाय॒, वज्र॑स्य रू॒पग्ं समृ॑द्ध्यै)
(प्रा॒चीन॑वग्ंशं॒ - य - च्चा॒त्वाला᳚ - द्य॒ज्ञेने - न्द्रः॑ - सु॒वर्गाय॒ - षट् ) (6)
॥ हरिः॑ ओम् ॥
॥ कृष्ण यजुर्वेदीय तैत्तिरीय संहितायां षष्ठकाण्डे षष्ठः प्रश्न-स्समाप्तः ॥
kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
su॒va॒rgāya॒ vā e॒tāni̭ lo॒kāya̭ hūyante॒ ya-ddā᳚kṣi॒ṇāni॒ dvābhyā॒-ṅgārha̭patye juhoti dvi॒pā-dyaja̭mānaḥ॒ prati̭ṣṭhityā॒ āgnī᳚ddhre juhotya॒ntari̭kṣa e॒vā-''kra̭mate॒ sado॒-'bhyaiti̭ suva॒rgame॒vainaṃ̭-lo~॒ka-ṅga̭mayati sau॒rībhyā̭mṛ॒gbhyā-ṅgārha̭patye juhotya॒mume॒vainaṃ̭-lo~॒kagṃ sa॒māro̭hayati॒ naya̭vatya॒rcā-''gnī᳚ddhre juhoti suva॒rgasya̭ lo॒kasyā॒bhinī᳚tyai॒ diva̭-ṅgaccha॒ suvaḥ̭ pa॒teti॒ hira̭ṇyagṃ [hira̭ṇyam, hu॒tvo-dgṛ̭hṇāti] 1
hu॒tvo-dgṛ̭hṇāti suva॒rgame॒vainaṃ̭-lo~॒ka-ṅga̭mayati rū॒peṇa̭ vo rū॒pama॒bhyaimītyā̭ha rū॒peṇa॒ hyā̭sāgṃ rū॒pama॒bhyaiti॒ yaddhira̭ṇyena tu॒tho vo̭ vi॒śvavḙdā॒ vi bha̭ja॒tvityā̭ha tu॒tho ha̭ sma॒ vai vi॒śvavḙdā de॒vānā॒-ndakṣi̭ṇā॒ vi bha̭jati॒ tenai॒vainā॒ vi bha̭jatye॒ ta-ttḙ agne॒ rādha॒ [agne॒ rādhaḥ̭, aiti॒ soma̭cyuta॒-] 2
aiti॒ soma̭cyuta॒-mityā̭ha॒ soma̭cyuta॒gg॒ hya̭sya॒ rādha॒ aiti॒ tanmi॒trasya̭ pa॒thā na॒yetyā̭ha॒ śāntyā̭ ṛ॒tasya̭ pa॒thā preta̭ ca॒ndra da̭kṣiṇā॒ ityā̭ha sa॒tyaṃ-vā~ ṛ॒tagṃ sa॒tyenai॒vainā̭ ṛ॒tena॒ vi bha̭jati ya॒jñasya̭ pa॒thā sṷvi॒tā naya̭ntī॒rityā̭ha ya॒jñasya॒ hyḙtāḥ pa॒thā yanti॒ ya-ddakṣi̭ṇā brāhma॒ṇama॒dya rā᳚ddhyāsa॒- [rā᳚ddhyāsam, ṛṣi̭mārṣe॒ya-] 3
-mṛṣi̭mārṣe॒ya-mityā̭hai॒ṣa vai brā᳚hma॒ṇa ṛṣi̭rārṣe॒yo ya-śśṷśru॒vā-ntasmā̭de॒vamā̭ha॒ vi suvaḥ॒ paśya॒ vya̭ntari̭kṣa॒mityā̭ha suva॒rgame॒vainaṃ̭-lo~॒ka-ṅga̭mayati॒ yata̭sva sada॒syai̭rityā̭ha mitra॒tvāyā॒smaddā᳚trā deva॒trā ga̭cchata॒ madhṷmatīḥ pradā॒tāra॒mā vi̭śa॒tetyā̭ha va॒yami॒ha pra̭dā॒tāra॒-ssmo᳚-'smāna॒mutra॒ madhṷmatī॒rā vi̭śa॒teti॒ [vi̭śa॒teti̭, vāvaitadā̭ha॒] 4
vāvaitadā̭ha॒ hira̭ṇya-ndadāti॒ jyoti॒rvai hira̭ṇya॒-ñjyoti̭re॒va pu॒rastā᳚ddhatte suva॒rgasya̭ lo॒kasyānṷkhyātyā a॒gnīdhḙ dadātya॒gnimṷkhāne॒vartū-nprī̭ṇāti bra॒hmaṇḙ dadāti॒ prasū᳚tyai॒ hotrḙ dadātyā॒tmā vā e॒ṣa ya॒jñasya॒ yaddhotā॒-''tmāna̭me॒va ya॒jñasya॒ dakṣi̭ṇābhi॒-ssama̭rdhayati || 5 ||
(hira̭ṇya॒gṃ॒ - rādho̭ - rādhyāsa - ma॒mutra॒ madhṷmatī॒rā vi̭śa॒tetya॒ - ṣṭātrigṃ̭śacca) (a. 1)
sa॒mi॒ṣṭa॒ ya॒jūgṃṣi̭ juhoti ya॒jñasya॒ sami̭ṣṭyai॒ yadvai ya॒jñasya̭ krū॒raṃ-ya~-dvili̭ṣṭaṃ॒-ya~da॒tyeti॒ yannātyeti॒ yada̭tika॒roti॒ yannāpi̭ ka॒roti॒ tade॒va taiḥ prī̭ṇāti॒ nava̭ juhoti॒ nava॒ vai purṷṣe prā॒ṇāḥ purṷṣeṇa ya॒jña-ssammi̭to॒ yāvā̭ne॒va ya॒jñasta-mprī̭ṇāti॒ ṣa-ḍṛgmi̭yāṇi juhoti॒ ṣaḍvā ṛ॒tava̭ ṛ॒tūne॒va prī̭ṇāti॒ trīṇi॒ yajūgṃ̭ṣi॒ [yajūgṃ̭ṣi, traya̭ i॒me lo॒kā] 6
traya̭ i॒me lo॒kā i॒māne॒va lo॒kā-nprī̭ṇāti॒ yajña̭ ya॒jña-ṅga̭ccha ya॒jñapa̭ti-ṅga॒cchetyā̭ha ya॒jñapa̭time॒vaina̭-ṅgamayati॒ svāṃ-yo~ni̭-ṅga॒cchetyā̭ha॒ svāme॒vainaṃ॒-yo~ni̭-ṅgamayatye॒ṣa tḙ ya॒jño ya̭jñapate sa॒hasū᳚ktavāka-ssu॒vīra॒ ityā̭ha॒ yaja̭māna e॒va vī॒rya̭-ndadhāti vāsi॒ṣṭho ha̭ sātyaha॒vyo dḙvabhā॒ga-mpa̭praccha॒ ya-thsṛñja̭yā-nbahuyā॒jino-'yī̭yajo ya॒jñe [ ] 7
ya॒jña-mpratya̭tiṣṭhi॒pā(3) ya॒jñapa॒tā(3)viti॒ sa ho̭vāca ya॒jñapa̭tā॒viti̭ sa॒tyādvai sṛñja̭yāḥ॒ parā̭ babhūvu॒riti̭ hovāca ya॒jñe vāva ya॒jñaḥ pra̭ti॒ṣṭhāpya̭ āsī॒-dyaja̭māna॒syā-'pa̭rābhāvā॒yeti॒ devā̭ gātuvido gā॒tuṃ-vi~॒ttvā gā॒tu -mi॒tetyā̭ha ya॒jña e॒va ya॒jña-mprati̭ ṣṭhāpayati॒ yaja̭māna॒syā-'pa̭rābhāvāya || 8 ||
(yajūgṃ̭ṣi - ya॒jña - eka̭catvārigṃśacca) (a. 2)
a॒va॒bhṛ॒tha॒-ya॒jūgṃṣi̭ juhoti॒ yade॒vārvā॒cīna॒-meka̭hāyanā॒denaḥ̭ ka॒roti॒ tade॒va tairava̭ yajate॒ 'po̭-'vabhṛ॒tha-mavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate॒ vartma̭nā॒ vā a॒nvitya̭ ya॒jñagṃ rakṣāgṃ̭si jighāgṃsanti॒ sāmnā᳚ prasto॒tā-'nvavai̭ti॒ sāma॒ vai ra̭kṣo॒hā rakṣa̭sā॒mapa̭hatyai॒ trirni॒dhana॒mupai̭ti॒ traya̭ i॒me lo॒kā e॒bhya e॒va lo॒kebhyo॒ rakṣā॒g॒- [lo॒kebhyo॒ rakṣāgṃ̭si, apa̭ hanti॒] 9
-syapa̭ hanti॒ purṷṣaḥpuruṣo ni॒dhana॒mupai̭ti॒ purṷṣaḥpuruṣo॒ hi ra̭kṣa॒svī rakṣa̭sā॒mapa̭hatyā u॒rugṃ hi rājā॒ varṷṇaśca॒kāretyā̭ha॒ prati̭ṣṭhityai śa॒ta-ntḙ rāja-nbhi॒ṣajaḥ̭ sa॒hasra॒mityā̭ha bheṣa॒jame॒vāsmai̭ karotya॒bhiṣṭhi̭to॒ varṷṇasya॒ pāśa॒ ityā̭ha varuṇapā॒śame॒vābhi ti̭ṣṭhati ba॒r॒hira॒bhi jṷho॒tyāhṷtīnā॒-mprati̭ṣṭhityā॒ atho̭ agni॒vatye॒va jṷho॒tyapa̭ barhiṣaḥ prayā॒jān [prayā॒jān, ya॒ja॒ti॒ pra॒jā vai] 10
ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñca॒tyājya̭bhāgau yajati ya॒jñasyai॒va cakṣṷṣī॒ nāntarḙti॒ varṷṇaṃ-ya~jati varuṇapā॒śāde॒vaina̭-mmuñcatya॒gnīvarṷṇau yajati sā॒kṣāde॒vainaṃ̭-va~ruṇapā॒śā-nmṷñca॒tya-pa̭barhiṣāvanūyā॒jau ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñcati ca॒turaḥ̭ prayā॒jān. ya̭jati॒ dvāva̭nūyā॒jau ṣaṭ-thsampa̭dyante॒ ṣaḍvā ṛ॒tava̭ [ṣaḍvā ṛ॒tavaḥ̭, ṛ॒tuṣve॒va prati̭] 11
ṛ॒tuṣve॒va prati̭ tiṣṭha॒-tyava̭bhṛtha-nicaṅku॒ṇetyā̭ha yathodi॒tame॒va varṷṇa॒mava̭ yajate samu॒dre te॒ hṛda̭ya-ma॒phsva̭ntarityā̭ha samu॒dre hya̭ntarvarṷṇa॒-ssa-ntvā̭ viśa॒-ntvoṣa̭dhī-ru॒tā-''pa॒ ityā̭hā॒dbhi-re॒vaina॒moṣa̭dhībhi-ssa॒myañca̭-ndadhāti॒ devī̭rāpa e॒ṣa vo॒ garbha॒ ityā̭ha yathāya॒jure॒vaita-tpa॒śavo॒ vai [ ] 12
somo॒ ya-dbhi̭ndū॒nā-mbha॒kṣaye᳚-tpaśu॒mān-thsyā॒-dvarṷṇa॒-stvḙna-ṅgṛhṇīyā॒dyanna bha॒kṣayḙdapa॒śu-ssyā॒nnainaṃ॒-va~rṷṇo gṛhṇīyā-dupa॒spṛśya̭me॒va pa̭śu॒mā-nbha̭vati॒ nainaṃ॒-va~rṷṇo gṛhṇāti॒ prati̭yuto॒ varṷṇasya॒ pāśa॒ ityā̭ha varuṇapā॒śāde॒va nirmṷcya॒te 'pra̭tīkṣa॒mā ya̭nti॒ varṷṇasyā॒ntarhi̭tyā॒ edho᳚-'syedhiṣī॒mahī-tyā̭ha sa॒midhai॒vāgni-nna̭ma॒syanta̭ u॒pāya̭nti॒ tejo̭-'si॒ tejo॒ mayi̭ dhe॒hītyā̭ha॒ teja̭ e॒vā-''tma-ndha̭tte || 13 ||
(rakṣāgṃ̭si - prayā॒jā - nṛ॒tavo॒ - vai - na̭ma॒syanto॒ - dvāda̭śa ca) (a. 3)
sphyena॒ vedi॒muddha̭nti rathā॒kṣeṇa॒ vi mi̭mīte॒ yūpa̭-mminoti tri॒vṛta̭me॒va vajragṃ̭ sa॒bhṛntya॒ bhrātṛ̭vyāya॒ pra ha̭rati॒ stṛtyai॒ yada̭ntarve॒di mi̭nu॒yā-ddḙvalo॒kama॒bhi ja̭ye॒-dya-dba̭hirve॒di ma̭nuṣya lo॒kaṃ ~ve᳚dya॒ntasya̭ sa॒ndhau mi̭notyu॒bhayo᳚-rlo॒kayo̭-ra॒bhiji̭tyā॒ upa̭rasammitā-mminuyā-tpitṛlo॒kakā̭masya raśa॒nasa̭mintā-mmanuṣyalo॒kakā̭masya ca॒ṣāla̭-sammitāmindri॒ya kā̭masya॒ sarvā᳚n-thsa॒mā-npra̭ti॒ṣṭhākā̭masya॒ ye trayo̭ maddhya॒māstān-thsa॒mā-npa॒śukā̭masyai॒tān. vā [vai, anṷ] 14
anṷ pa॒śava॒ upa̭ tiṣṭhante paśu॒māne॒va bha̭vati॒ vyati̭ṣaje॒dita̭rā-npra॒jayai॒vaina̭-mpa॒śubhi॒rvyati̭ṣajati॒ ya-ṅkā॒mayḙta pra॒māyṷka-ssyā॒diti̭ garta॒mita॒-ntasya̭ minuyāduttarā॒rdhyaṃ̭-va~rṣi̭ṣṭha॒matha॒ hrasī̭yāgṃsame॒ṣā vai ga̭rta॒midyasyai॒va-mmi॒noti̭ tā॒ja-kpra mī̭yate dakṣiṇā॒rdhyaṃ̭-va~rṣi̭ṣṭha-mminuyā-thsuva॒rgakā̭ma॒syātha॒ hrasī̭yāgṃsa-mā॒krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ [sama̭ṣṭyai, yadeka̭smi॒n॒.] 15
yadeka̭smi॒n॒. yūpe॒ dve ra̭śa॒ne pa̭ri॒vyaya̭ti॒ tasmā॒deko॒ dve jā॒ye vi̭ndate॒ yannaikāgṃ̭ raśa॒nā-ndvayo॒ryūpa̭yoḥ pari॒vyaya̭ti॒ tasmā॒nnaikā॒ dvau patī̭ vindate॒ ya-ṅkā॒mayḙta॒ strya̭sya jāye॒tetyṷpā॒nte tasya॒ vyati̭ṣaje॒-thstryḙvāsya̭ jāyate॒ ya-ṅkā॒mayḙta॒ pumā̭nasya jāye॒tetyā॒nta-ntasya॒ pra ve᳚ṣṭaye॒-tpumā̭ne॒vāsya̭ [ve᳚ṣṭaye॒-tpumā̭ne॒vāsya̭, jā॒ya॒te 'sṷrā॒] 16
jāya॒te 'sṷrā॒ vai de॒vā-nda̭kṣiṇa॒ta upā̭naya॒-ntā-nde॒vā ṷpaśa॒yenai॒vāpā̭-nudanta॒ ta-dṷpaśa॒yasyo̭-paśaya॒tvaṃ-ya~-dda̭kṣiṇa॒ta ṷpaśa॒ya ṷpa॒śaye॒ bhrātṛ̭vyāpanuttyai॒ sarve॒ vā a॒nye yūpāḥ᳚ paśu॒manto-'tho̭paśa॒ya e॒vāpa॒śustasya॒ yaja̭mānaḥ pa॒śuryanna ni̭rdi॒śedārti॒-mārcche॒-dyaja̭māno॒-'sau tḙ pa॒śuriti॒ nirdi̭śe॒dya-ndvi॒ṣyā-dyame॒va [ ] 17
dveṣṭi॒ tama̭smai pa॒śu-nnirdi̭śati॒ yadi॒ na dvi॒ṣyādā॒khustḙ pa॒śuriti̭ brūyā॒nna grā॒myā-npa॒śūn. hi॒nasti॒ nā-''ra॒ṇyā-npra॒jāpa̭tiḥ pra॒jā a̭sṛjata॒ so᳚-'nnādyḙna॒ vyā᳚rdhyata॒ sa e॒tāmḙkāda॒śinī̭-mapaśya॒-ttayā॒ vai so᳚-'nnādya॒mavā̭rundha॒ yaddaśa॒ yūpā॒ bhava̭nti॒ daśā᳚kṣarā vi॒rāḍannaṃ̭-vi~॒rā-ḍvi॒rājai॒vā-nnādya॒mava̭ rundhe॒ [rundhe, ya] 18
ya ḙkāda॒śa-sstana̭ e॒vāsyai॒ sa du॒ha e॒vainā॒-ntena॒ vajro॒ vā e॒ṣā sa-mmī̭yate॒ yadḙkāda॒śinī॒ seśva॒rā pu॒rastā᳚-tpra॒tyañcaṃ̭-ya~॒jñagṃ samma̭rdito॒rya-tpā᳚tnīva॒ta-mmi॒noti̭ ya॒jñasya॒ pratyutta̭bdhyai saya॒tvāya̭ || 19 ||
(vai - sama̭ṣṭyai॒ - pumā̭ne॒vāsya॒ - yame॒va - rṷndhe - tri॒gṃ॒śacca̭) (a. 4)
pra॒jāpa̭tiḥ pra॒jā a̭sṛjata॒ sa ri̭ricā॒no̭-'manyata॒ sa e॒tāmḙkāda॒śinī̭-mapaśya॒-ttayā॒ vai sa āyṷrindri॒yaṃ-vī~॒rya̭mā॒tmanna̭dhatta pra॒jā i̭va॒ khalu॒ vā e॒ṣa sṛ̭jate॒ yo yaja̭te॒ sa e॒tarhi̭ riricā॒na i̭va॒ yade॒ṣaikā̭da॒śinī॒ bhava॒tyāyṷre॒va taye᳚ndri॒yaṃ-vī~॒ryaṃ̭-ya~ja̭māna ā॒tma-ndha̭tte॒ praivā-''gne॒yena̭ vāpayati mithu॒nagṃ sā̭rasva॒tyā ka̭roti॒ reta̭- [retaḥ̭, sau॒myena̭ dadhāti॒] 20
-ssau॒myena̭ dadhāti॒ pra ja̭nayati pau॒ṣṇena̭ bārhaspa॒tyo bha̭vati॒ brahma॒ vai de॒vānā॒-mbṛha॒spati॒rbrahma̭ṇai॒vāsmai᳚ pra॒jāḥ praja̭nayati vaiśvade॒vo bha̭vati vaiśvade॒vyo̭ vai pra॒jāḥ pra॒jā e॒vāsmai॒ praja̭nayatī-ndri॒yame॒vaindreṇāva̭ rundhe॒ viśa̭-mmāru॒tenaujo॒ bala̭maindrā॒gnena̭ prasa॒vāya̭ sāvi॒tro ni̭rvaruṇa॒tvāya̭ vāru॒ṇo ma̭ddhya॒ta ai॒ndramā la̭bhate maddhya॒ta e॒vendri॒yaṃ-ya~ja̭māne dadhāti [ ] 21
pu॒rastā̭dai॒ndrasya̭ vaiśvade॒vamā la̭bhate vaiśvade॒vaṃ-vā~ anna॒manna̭me॒va pu॒rastā᳚ddhatte॒ tasmā᳚-tpu॒rastā॒danna̭madyata ai॒ndramā॒labhya̭ māru॒tamā la̭bhate॒ vi-ḍvai ma॒ruto॒ viśa̭me॒vāsmā॒ anṷ baddhnāti॒ yadi̭ kā॒mayḙta॒ yo-'va̭gata॒-sso-'pa̭ ruddhyatāṃ॒-yo~-'pa̭ruddha॒-sso-'va̭ gaccha॒tvityai॒ndrasya̭ lo॒ke vā̭ru॒ṇamā la̭bheta vāru॒ṇasya̭ lo॒ka ai॒ndraṃ- [lo॒ka ai॒ndram, ya e॒vāva̭gata॒-sso-'pa̭] 22
-~ya e॒vāva̭gata॒-sso-'pa̭ ruddhyate॒ yo-'pa̭ruddha॒-sso-'va̭ gacchati॒ yadi̭ kā॒mayḙta pra॒jā mṷhyeyu॒riti̭ pa॒śūn vyati̭ṣaje-tpra॒jā e॒va mo̭hayati॒ yada̭bhivāha॒to̭-'pāṃ-vā~̭ru॒ṇamā॒labhḙta pra॒jā varṷṇo gṛhṇīyā-ddakṣiṇa॒ta uda̭ñca॒mā la̭bhate-'pavāha॒to̭-'pā-mpra॒jānā॒-mava̭ruṇa grāhāya || 23 ||
(reto॒ - yaja̭māne dadhāti - lo॒ka ai॒ndragṃ - sa॒ptatrigṃ̭śacca) (a. 5)
indraḥ॒ patni̭yā॒ manṷmayājaya॒-ttā-mparya̭gnikṛtā॒-muda̭sṛja॒-ttayā॒ manṷrārdhno॒dya-tparya̭gnikṛta-mpātnīva॒tamṷ-thsṛ॒jati॒ yāme॒va manu॒r॒. ṛddhi॒mārdhno॒-ttāme॒va yaja̭māna ṛdhnoti ya॒jñasya॒ vā apra̭tiṣṭhitā-dya॒jñaḥ parā̭ bhavati ya॒jña-mpa̭rā॒bhava̭ntaṃ॒-ya~ja̭mā॒no-'nu॒ parā̭ bhavati॒ yadājyḙna pātnīva॒tagṃ sagg̭sthā॒paya̭ti ya॒jñasya॒ prati̭ṣṭhityai ya॒jña-mpra̭ti॒tiṣṭha̭ntaṃ॒-ya~ja̭mā॒no-'nu॒ prati̭ tiṣṭhatī॒ṣṭaṃ-va~॒payā॒ [-~va॒payā᳚, bhava॒tyani̭ṣṭaṃ-va~॒śayā-'tha̭] 24
bhava॒tyani̭ṣṭaṃ-va~॒śayā-'tha̭ pātnīva॒tena॒ pra ca̭rati tī॒rtha e॒va pra ca̭ra॒tyatho̭ e॒tarhye॒vāsya॒ yāma̭stvā॒ṣṭro bha̭vati॒ tvaṣṭā॒ vai reta̭sa-ssi॒ktasya̭ rū॒pāṇi॒ vi ka̭roti॒ tame॒va vṛṣā̭ṇa॒-mpatnī॒ṣvapi̭ sṛjati॒ so᳚-'smai rū॒pāṇi॒ vi ka̭roti || 25 ||
(va॒payā॒ - ṣaṭtrigṃ̭śacca) (a. 6)
ghnanti॒ vā e॒ta-thsomaṃ॒-ya~da̭bhiṣu॒ṇvanti॒ ya-thsau॒myo bhava̭ti॒ yathā̭ mṛ॒tāyā̭nu॒stara̭ṇī॒-ṅghnanti̭ tā॒dṛge॒va ta-dyadṷttarā॒rdhe vā॒ maddhyḙ vā juhu॒yā-dde॒vatā᳚bhya-ssa॒mada̭-ndaddhyā-ddakṣiṇā॒rdhe jṷhotye॒ṣā vai pi̭tṛ॒ṇā-ndi-khsvāyā̭me॒va di॒śi pi॒tṝ-nni॒rava̭dayata udgā॒tṛbhyo̭ haranti sāmadeva॒tyo̭ vai sau॒myo yade॒va sāmnaḥ̭ chambaṭku॒rvanti॒ tasyai॒va sa śānti॒rave᳚- [śānti॒rava̭, ī॒kṣa॒nte॒ pa॒vitraṃ॒-vai~] 26
-kṣante pa॒vitraṃ॒-vai~ sau॒mya ā॒tmāna̭me॒va pa̭vayante॒ ya ā॒tmāna॒-nna pa̭ri॒paśyḙdi॒tāsuḥ̭ syādabhida॒di-ṅkṛ॒tvā-'ve᳚kṣeta॒ tasmi॒n॒. hyā᳚tmāna̭-mpari॒paśya॒tyatho̭ ā॒tmāna̭me॒va pa̭vayate॒ yo ga॒tama̭nā॒-ssyā-thso-'ve᳚kṣeta॒ yanme॒ manaḥ॒ parā̭gataṃ॒-ya~dvā̭ me॒ apa̭rāgatam | rājñā॒ somḙna॒ tadva॒yama॒smāsṷ dhārayāma॒sīti॒ mana̭ e॒vātma-ndā̭dhāra॒- [e॒vātma-ndā̭dhāra, na ga॒tama̭nā] 27
na ga॒tama̭nā bhava॒tyapa॒ vai tṛ̭tīyasava॒ne ya॒jñaḥ krā̭matījā॒nā-danī̭jānama॒bhyā᳚-gnāvaiṣṇa॒vyarcā ghṛ॒tasya̭ yajatya॒gni-ssarvā̭ de॒vatā॒ viṣṇṷrya॒jño de॒vatā᳚ścai॒va ya॒jña-ñca̭ dādhāropā॒gṃ॒śu ya̭jati mithuna॒tvāya̭ brahmavā॒dino̭ vadanti mi॒tro ya॒jñasya॒ svi̭ṣṭaṃ-yu~vate॒ varṷṇo॒ duri̭ṣṭa॒-ṅkva̭ tarhi̭ ya॒jñaḥ kva̭ yaja̭māno bhava॒tīti॒ yanmai᳚trāvaru॒ṇīṃ-va~॒śāmā॒labha̭te mi॒treṇai॒va [ ] 28
ya॒jñasya॒ svi̭ṣṭagṃ śamayati॒ varṷṇena॒ duri̭ṣṭa॒-nnā-''rti॒mārccha̭ti॒ yaja̭māno॒ yathā॒ vai lāṅga̭leno॒rvarā᳚-mprabhi॒ndan-tye॒vamṛ̭khsā॒me ya॒jña-mpra bhi̭nto॒ yanmai᳚trāvaru॒ṇīṃ-va~॒śāmā॒labha̭te ya॒jñāyai॒va prabhi̭nnāya ma॒tya̭ma॒nvavā᳚syati॒ śāntyai̭ yā॒tayā̭māni॒ vā e॒tasya॒ chandāgṃ̭si॒ ya ī̭jā॒na-śchanda̭sāme॒ṣa raso॒ ya-dva॒śā yanmai᳚trāvaru॒ṇīṃ-va~॒śāmā॒labha̭te॒ chandāg̭sye॒va puna॒rā prī̭ṇā॒tya yā̭tayāmatvā॒yātho॒ chanda̭ssve॒va rasa̭-ndadhāti || 29 ||
(ava̭ - dādhāra - mi॒treṇai॒va - prī̭ṇāti॒ - ṣaṭca̭) (a. 7)
de॒vā vā i̭ndri॒yaṃ-vī~॒ryāṃ᳚(1॒) ~vya̭bhajanta॒ tato॒ yada॒tyaśi̭ṣyata॒ tada̭tigrā॒hyā̭ abhava॒-ntada̭tigrā॒hyā̭ṇā-matigrāhya॒tvaṃ-ya~da̭tigrā॒hyā̭ gṛ॒hyanta̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte॒ teja̭ āgne॒yene᳚ndri॒ya-mai॒ndreṇa̭ brahmavarca॒sagṃ sau॒ryeṇo̭pa॒stambha̭naṃ॒-vā~ e॒ta-dya॒jñasya॒ yada̭tigrā॒hyā᳚śca॒kre pṛ॒ṣṭhāni॒ ya-tpṛṣṭhye॒ na gṛ̭hṇī॒yā-tprāñcaṃ̭-ya~॒jña-mpṛ॒ṣṭhāni॒ sagṃ śṛ̭ṇīyu॒rya-du॒kthyḙ [-du॒kthye᳚, gṛ॒hṇī॒yā-tpra॒tyañcaṃ̭-] 30
gṛhṇī॒yā-tpra॒tyañcaṃ̭-ya~॒jñama̭tigrā॒hyā᳚-ssagṃ śṛ̭ṇīyurviśva॒jiti॒ sarva̭pṛṣṭhe grahīta॒vyā̭ ya॒jñasya̭ savīrya॒tvāya̭ pra॒jāpa̭tirde॒vebhyo̭ ya॒jñān vyādi̭śa॒-thsa pri॒yāsta॒nūrapa॒ nya̭dhatta॒ tada̭tigrā॒hyā̭ abhava॒n vita̭nu॒stasya̭ ya॒jña ityā̭hu॒rya-syā̭tigrā॒hyā̭ na gṛ॒hyanta॒ ityapya̭gniṣṭo॒me gra̭hīta॒vyā̭ ya॒jñasya̭ satanu॒tvāya̭ de॒vatā॒ vai sarvā᳚-ssa॒dṛśī̭rāsa॒-ntā na vyā॒vṛta̭-magaccha॒-nte de॒vā [de॒vāḥ, e॒ta e॒tā-ngrahā̭-] 31
e॒ta e॒tā-ngrahā̭-napaśya॒-ntāna̭gṛhṇatā-''gne॒ yama॒gnirai॒ndramindraḥ̭ sau॒ryagṃ sūrya॒stato॒ vai te᳚-'nyābhi̭-rde॒vatā̭bhi-rvyā॒vṛta̭magaccha॒n॒. yasyai॒vaṃ-vi~॒duṣa̭ e॒te grahā̭ gṛ॒hyante᳚ vyā॒vṛta̭me॒va pā॒pmanā॒ bhrātṛ̭vyeṇa gacchatī॒me lo॒kā jyoti̭ṣmanta-ssa॒māva̭-dvīryāḥ kā॒ryā̭ ityā̭hurāgne॒yenā॒smin ~lo॒ke jyoti̭rdhatta ai॒ndreṇā॒ntari̭kṣa indravā॒yū hi sa॒yujaṷ sau॒ryeṇā॒muṣmi̭n ~lo॒ke [ ] 32
jyoti̭rdhatte॒ jyoti̭ṣmanto-'smā i॒me lo॒kā bha̭vanti sa॒māva̭-dvīryānenān kuruta e॒tān. vai grahā᳚-nba॒bāṃ-vi॒śvava̭yasā-vavittā॒-ntābhyā̭mi॒me lo॒kāḥ parā᳚ñcaścā॒rvāñca̭śca॒ prābhu॒ryasyai॒vaṃ-vi~॒duṣa̭ e॒te grahā̭ gṛ॒hyante॒ prāsmā̭ i॒me lo॒kāḥ parā᳚ñcaścā॒rvāñca̭śca bhānti || 33 ||
(u॒kthyḙ - de॒vā - a॒muṣmi̭n ~lo॒ka - ekā॒nnaca̭tvāri॒gṃ॒śacca̭) (a. 8)
de॒vā vai ya-dya॒jñe-'kṷrvata॒ tadasṷrā akurvata॒ te de॒vā adā᳚bhye॒ chandāgṃ̭si॒ sava̭nāni॒ sama̭sthāpaya॒-ntato̭ de॒vā abha̭va॒-nparā-'sṷrā॒ yasyai॒vaṃ-vi~॒duṣo-'dā᳚bhyo gṛ॒hyate॒ bhava̭tyā॒tmanā॒ parā᳚-'sya॒ bhrātṛ̭vyo bhavati॒ yadvai de॒vā asṷrā॒-nadā᳚bhye॒-nāda̭bhnuva॒-ntadadā᳚bhyasyā-dābhya॒ tvaṃ-ya~ e॒vaṃ-ve~da̭ da॒bhnotye॒va bhrātṛ̭vya॒-nnaina॒-mbhrātṛ̭vyo dabhno- [dabhnoti, e॒ṣā vai] 34
-tye॒ṣā vai pra॒jāpa̭te-ratimo॒kṣiṇī॒ nāma̭ ta॒nūryadadā᳚bhya॒ upa̭naddhasya gṛhṇā॒tyati̭muktyā॒ ati̭ pā॒pmāna॒-mbhrātṛ̭vya-mmucyate॒ ya e॒vaṃ-ve~da॒ ghnanti॒ vā e॒ta-thsomaṃ॒-ya~da̭bhiṣu॒ṇvanti॒ somḙ ha॒nyamā̭ne ya॒jño ha̭nyate ya॒jñe yaja̭māno brahmavā॒dino̭ vadanti॒ ki-nta-dya॒jñe yaja̭mānaḥ kurute॒ yena॒ jīvan᳚-thsuva॒rgaṃ-lo~॒kametīti̭ jīvagra॒ho vā e॒ṣa yadadā॒bhyo 'na̭bhiṣutasya gṛhṇāti॒ jīva̭ntame॒vainagṃ̭ suva॒rgaṃ ~lo॒ka-ṅga̭mayati॒ vi vā e॒ta-dya॒jña-ñchi̭ndanti॒ yadadā᳚bhye sagg-sthā॒paya̭-ntya॒gṃ॒śūnapi̭ sṛjati ya॒jñasya॒ santa̭tyai || 35 ||
(da॒bhno॒tya - na̭bhiṣutasya gṛhṇā॒tye - kā॒nnavigṃ̭śa॒tiśca̭) (a. 9)
de॒vā vai pra॒bāhu॒ggrahā̭-nagṛhṇata॒ sa e॒ta-mpra॒jāpa̭ti-ra॒gṃ॒śu-ma̭paśya॒-ttama̭gṛhṇīta॒ tena॒ vai sa ā᳚rdhno॒-dyasyai॒vaṃ-vi~॒duṣo॒-'gṃ॒śu-rgṛ॒hyata̭ ṛ॒ddhnotye॒va sa॒kṛda̭bhiṣutasya gṛhṇāti sa॒kṛddhi sa tenā-''rdhno॒nmana̭sā gṛhṇāti॒ mana̭ iva॒ hi pra॒jāpa̭tiḥ pra॒jāpa̭te॒rāptyā॒ audṷmbareṇa gṛhṇā॒tyūrgvā ṷdu॒mbara॒ ūrja̭me॒vāva̭ rundhe॒ catuḥ̭srakti bhavati di॒- [bhavati di॒kṣu, e॒va prati̭ tiṣṭhati॒] 36
-kṣvḙva prati̭ tiṣṭhati॒ yo vā a॒gṃ॒śorā॒yata̭naṃ॒-ve~dā॒-''yata̭navā-nbhavati vāmade॒vyamiti॒ sāma॒ tadvā a̭syā॒-''yata̭na॒-mmana̭sā॒ gāya̭māno gṛhṇātyā॒yata̭navāne॒va bha̭vati॒ yada̭ddhva॒ryura॒gṃ॒śu-ṅgṛ॒hṇa-nnārdhayḙdu॒bhābhyā॒-nnardhyḙtāddhva॒ryavḙ ca॒ yaja̭mānāya ca॒ yada॒rdhayḙ-du॒bhābhyā̭-mṛddhye॒tāna̭vāna-ṅgṛhṇāti॒ saivāsyardhi॒r॒. hira̭ṇyama॒bhi vya̭nitya॒mṛtaṃ॒-vai~ hira̭ṇya॒māyuḥ̭ prā॒ṇa āyṷṣai॒vāmṛta̭ma॒bhi dhi̭noti śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭ tiṣṭhati || 37 ||
(di॒kṣva̭ - niti - vigṃśa॒tiśca̭) (a. 10)
pra॒jāpa̭ti-rde॒vebhyo̭ ya॒jñān vyādi̭śa॒-thsa ri̭ricā॒no̭-'manyata॒ sa ya॒jñānāgṃ̭ ṣoḍaśa॒dhendri॒yaṃ-vī~॒rya̭mā॒tmāna̭ma॒bhi sama̭kkhida॒-tta-thṣo̭ḍa॒śya̭bhava॒nna vai ṣo̭ḍa॒śī nāma̭ ya॒jño᳚-'sti॒ yadvāva ṣo̭ḍa॒śagg sto॒tragṃ ṣo̭ḍa॒śagṃ śa॒stra-ntena̭ ṣoḍa॒śī ta-thṣo̭ḍa॒śinaḥ̭ ṣoḍaśi॒tvaṃ-ya~-thṣo̭ḍa॒śī gṛ॒hyata̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte de॒vebhyo॒ vai sṷva॒rgo lo॒ko [lo॒kaḥ, na prābha̭va॒-tta] 38
na prābha̭va॒-tta e॒tagṃ ṣo̭ḍa॒śina̭mapaśya॒-ntama̭gṛhṇata॒ tato॒ vai tebhyaḥ̭ suva॒rgo lo॒kaḥ prābha̭va॒dya-thṣo̭ḍa॒śī gṛ॒hyatḙ suva॒rgasya̭ lo॒kasyā॒bhiji̭tyā॒ indro॒ vai de॒vānā̭mānujāva॒ra ā̭sī॒-thsa pra॒jāpa̭ti॒mupā̭dhāva॒-ttasmā̭ e॒tagṃ ṣo̭ḍa॒śina॒-mprāya̭ccha॒-ttama̭gṛhṇīta॒ tato॒ vai so-'gra̭-nde॒vatā̭nā॒-mparyai॒-dyasyai॒vaṃ-vi~॒duṣaḥ̭ ṣoḍa॒śī gṛ॒hyate- [gṛ॒hyate᳚, agra̭me॒va] 39
-'gra̭me॒va sa̭mā॒nānā॒-mparyḙti prātassava॒ne gṛ̭hṇāti॒ vajro॒ vai ṣo̭ḍa॒śī vajraḥ̭ prātassava॒nagg svāde॒vainaṃ॒-yo~ne॒rnigṛ̭hṇāti॒ sava̭nesavane॒-'bhi gṛ̭hṇāti॒ sava̭nāthsavanāde॒vaina॒-mpra ja̭nayati tṛtīyasava॒ne pa॒śukā̭masya gṛhṇīyā॒-dvajro॒ vai ṣo̭ḍa॒śī pa॒śava̭stṛtīyasava॒naṃ-va~jrḙṇai॒vāsmai̭ tṛtīyasava॒nā-tpa॒śūnava̭ rundhe॒ nokthyḙ gṛhṇīyā-tpra॒jā vai pa॒śava̭ u॒kthāni॒ yadu॒kthyḙ- [yadu॒kthye᳚, gṛ॒hṇī॒yā-tpra॒jā-] 40
gṛhṇī॒yā-tpra॒jā-mpa॒śūna̭sya॒ nirda̭hedatirā॒tre pa॒śukā̭masya gṛhṇīyā॒-dvajro॒ vai ṣo̭ḍa॒śī vajrḙṇai॒vāsmai̭ pa॒śūna̭va॒ruddhya॒ rātri̭-yo॒pari̭ṣṭā-cchamaya॒tyapya̭gniṣṭo॒me rā̭ja॒nya̭sya gṛhṇīyā-dvyā॒vṛtkā̭mo॒ hi rā̭ja॒nyo̭ yaja̭te sā॒hna e॒vāsmai॒ vajra̭-ṅgṛhṇāti॒ sa ḙnaṃ॒-va~jro॒ bhūtyā̭ indhe॒ nirvā̭ daha-tyekavi॒gṃ॒śagg sto॒tra-mbha̭vati॒ prati̭ṣṭhityai॒ hari̭vacchasyata॒ indra̭sya pri॒ya-ndhāmo- [pri॒ya-ndhāma̭, upā᳚-''pnoti॒] 41
-pā᳚-''pnoti॒ kanī̭yāgṃsi॒ vai de॒veṣu॒ chandā॒g॒syāsa॒n-jyāyā॒g॒-syasṷreṣu॒ te de॒vāḥ kanī̭yasā॒ chanda̭sā॒ jyāya॒-śchando॒-'bhi vya̭śagṃsa॒-ntato॒ vai te-'sṷrāṇāṃ-lo~॒kama̭vṛñjata॒ ya-tkanī̭yasā॒ chanda̭sā॒ jyāya॒-śchando॒-'bhivi॒śagṃsa̭ti॒ bhrātṛ̭vyasyai॒va tallo॒kaṃ-vṛ~̭ṅkte॒ ṣaḍa॒kṣarā॒ṇyati̭ recayanti॒ ṣa-ḍvā ṛ॒tava̭ ṛ॒tūne॒va prī̭ṇāti ca॒tvāri॒ pūrvā॒ṇyava̭ kalpayanti॒ [kalpayanti, catṷṣpada e॒va] 42
catṷṣpada e॒va pa॒śūnava̭ rundhe॒ dve utta̭re dvi॒pada̭ e॒vāva̭ rundhe 'nu॒ṣṭubha̭ma॒bhi sa-mpā̭dayanti॒ vāgvā a̭nu॒ṣṭu-ptasmā᳚-tprā॒ṇānāṃ॒-vā~gṷtta॒mā sa̭mayāviṣi॒te sūryḙ ṣoḍa॒śinaḥ̭ sto॒tra-mu॒pāka̭rotye॒tasmi॒n vai lo॒ka indro̭ vṛ॒trama̭han-thsā॒kṣāde॒va vajra॒-mbhrātṛ̭vyāya॒ pra ha̭ra-tyaruṇapiśa॒ṅgo-'śvo॒ dakṣi̭ṇai॒tadvai vajra̭sya rū॒pagṃ samṛ̭ddhyai || 43 ||
(lo॒ko - vi॒duṣaḥ̭ ṣoḍa॒śī gṛ॒hyate॒ - yadu॒kthyḙ - dhāma̭ - kalpayanti - sa॒ptaca̭tvārigṃśacca) (a. 11)
(su॒va॒rgāya॒ ya-ddā᳚kṣi॒ṇāni̭ - samiṣṭa ya॒jūg - ṣya̭vabhṛtha ya॒jūgṃṣi॒ - sphyena̭ - pra॒jāpa̭tirekāda॒śinī॒ - mindraḥ॒ patni̭yā॒ - ghnanti̭ - de॒vā vā i̭ndri॒yaṃ-vī~॒ryaṃ̭ - de॒vā vā adā᳚bhye - de॒vā vai pra॒bāhṷk - pra॒jāpa̭tirde॒vebhya॒-ssa ri̭ricā॒naḥ - ṣo̭ḍaśa॒dhaikā̭daśa) (11)
(su॒va॒rgāya̭ - yajati pra॒jāḥ - sau॒myena̭ - gṛhṇī॒yā-tpra॒tyañcaṃ̭ - gṛhṇī॒yā-tpra॒jā-mpa॒śūn - trica̭tvārigṃśat) (43)
(su॒va॒rgāya॒, vajra̭sya rū॒pagṃ samṛ̭ddhyai)
(prā॒cīna̭vagṃśaṃ॒ - ya - ccā॒tvālā᳚ - dya॒jñene - ndraḥ̭ - su॒vargāya॒ - ṣaṭ ) (6)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśna-ssamāptaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.