ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಷಷ್ಠಃ ಪ್ರಶ್ನಃ - ಸೋಮಮನ್ತ್ರಬ್ರಾಹ್ಮಣನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಸು॒ವ॒ರ್ಗಾಯ॒ ವಾ ಏ॒ತಾನಿ॑ ಲೋ॒ಕಾಯ॑ ಹೂಯನ್ತೇ॒ ಯ-ದ್ದಾ᳚ಕ್ಷಿ॒ಣಾನಿ॒ ದ್ವಾಭ್ಯಾ॒-ಙ್ಗಾರ್ಹ॑ಪತ್ಯೇ ಜುಹೋತಿ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯಾ॒ ಆಗ್ನೀ᳚ದ್ಧ್ರೇ ಜುಹೋತ್ಯ॒ನ್ತರಿ॑ಕ್ಷ ಏ॒ವಾ-ಽಽಕ್ರ॑ಮತೇ॒ ಸದೋ॒-ಽಭ್ಯೈತಿ॑ ಸುವ॒ರ್ಗಮೇ॒ವೈನಂ॑-ಲೋಁ॒ಕ-ಙ್ಗ॑ಮಯತಿ ಸೌ॒ರೀಭ್ಯಾ॑ಮೃ॒ಗ್ಭ್ಯಾ-ಙ್ಗಾರ್ಹ॑ಪತ್ಯೇ ಜುಹೋತ್ಯ॒ಮುಮೇ॒ವೈನಂ॑-ಲೋಁ॒ಕಗ್ಂ ಸ॒ಮಾರೋ॑ಹಯತಿ॒ ನಯ॑ವತ್ಯ॒ರ್ಚಾ-ಽಽಗ್ನೀ᳚ದ್ಧ್ರೇ ಜುಹೋತಿ ಸುವ॒ರ್ಗಸ್ಯ॑ ಲೋ॒ಕಸ್ಯಾ॒ಭಿನೀ᳚ತ್ಯೈ॒ ದಿವ॑-ಙ್ಗಚ್ಛ॒ ಸುವಃ॑ ಪ॒ತೇತಿ॒ ಹಿರ॑ಣ್ಯಗ್ಂ [ಹಿರ॑ಣ್ಯಮ್, ಹು॒ತ್ವೋ-ದ್ಗೃ॑ಹ್ಣಾತಿ] 1
ಹು॒ತ್ವೋ-ದ್ಗೃ॑ಹ್ಣಾತಿ ಸುವ॒ರ್ಗಮೇ॒ವೈನಂ॑-ಲೋಁ॒ಕ-ಙ್ಗ॑ಮಯತಿ ರೂ॒ಪೇಣ॑ ವೋ ರೂ॒ಪಮ॒ಭ್ಯೈಮೀತ್ಯಾ॑ಹ ರೂ॒ಪೇಣ॒ ಹ್ಯಾ॑ಸಾಗ್ಂ ರೂ॒ಪಮ॒ಭ್ಯೈತಿ॒ ಯದ್ಧಿರ॑ಣ್ಯೇನ ತು॒ಥೋ ವೋ॑ ವಿ॒ಶ್ವವೇ॑ದಾ॒ ವಿ ಭ॑ಜ॒ತ್ವಿತ್ಯಾ॑ಹ ತು॒ಥೋ ಹ॑ ಸ್ಮ॒ ವೈ ವಿ॒ಶ್ವವೇ॑ದಾ ದೇ॒ವಾನಾ॒-ನ್ದಕ್ಷಿ॑ಣಾ॒ ವಿ ಭ॑ಜತಿ॒ ತೇನೈ॒ವೈನಾ॒ ವಿ ಭ॑ಜತ್ಯೇ॒ ತ-ತ್ತೇ॑ ಅಗ್ನೇ॒ ರಾಧ॒ [ಅಗ್ನೇ॒ ರಾಧಃ॑, ಐತಿ॒ ಸೋಮ॑ಚ್ಯುತ॒-] 2
ಐತಿ॒ ಸೋಮ॑ಚ್ಯುತ॒-ಮಿತ್ಯಾ॑ಹ॒ ಸೋಮ॑ಚ್ಯುತ॒ಗ್ಗ್॒ ಹ್ಯ॑ಸ್ಯ॒ ರಾಧ॒ ಐತಿ॒ ತನ್ಮಿ॒ತ್ರಸ್ಯ॑ ಪ॒ಥಾ ನ॒ಯೇತ್ಯಾ॑ಹ॒ ಶಾನ್ತ್ಯಾ॑ ಋ॒ತಸ್ಯ॑ ಪ॒ಥಾ ಪ್ರೇತ॑ ಚ॒ನ್ದ್ರ ದ॑ಕ್ಷಿಣಾ॒ ಇತ್ಯಾ॑ಹ ಸ॒ತ್ಯಂ-ವಾಁ ಋ॒ತಗ್ಂ ಸ॒ತ್ಯೇನೈ॒ವೈನಾ॑ ಋ॒ತೇನ॒ ವಿ ಭ॑ಜತಿ ಯ॒ಜ್ಞಸ್ಯ॑ ಪ॒ಥಾ ಸು॑ವಿ॒ತಾ ನಯ॑ನ್ತೀ॒ರಿತ್ಯಾ॑ಹ ಯ॒ಜ್ಞಸ್ಯ॒ ಹ್ಯೇ॑ತಾಃ ಪ॒ಥಾ ಯನ್ತಿ॒ ಯ-ದ್ದಕ್ಷಿ॑ಣಾ ಬ್ರಾಹ್ಮ॒ಣಮ॒ದ್ಯ ರಾ᳚ದ್ಧ್ಯಾಸ॒- [ರಾ᳚ದ್ಧ್ಯಾಸಮ್, ಋಷಿ॑ಮಾರ್ಷೇ॒ಯ-] 3
-ಮೃಷಿ॑ಮಾರ್ಷೇ॒ಯ-ಮಿತ್ಯಾ॑ಹೈ॒ಷ ವೈ ಬ್ರಾ᳚ಹ್ಮ॒ಣ ಋಷಿ॑ರಾರ್ಷೇ॒ಯೋ ಯ-ಶ್ಶು॑ಶ್ರು॒ವಾ-ನ್ತಸ್ಮಾ॑ದೇ॒ವಮಾ॑ಹ॒ ವಿ ಸುವಃ॒ ಪಶ್ಯ॒ ವ್ಯ॑ನ್ತರಿ॑ಕ್ಷ॒ಮಿತ್ಯಾ॑ಹ ಸುವ॒ರ್ಗಮೇ॒ವೈನಂ॑-ಲೋಁ॒ಕ-ಙ್ಗ॑ಮಯತಿ॒ ಯತ॑ಸ್ವ ಸದ॒ಸ್ಯೈ॑ರಿತ್ಯಾ॑ಹ ಮಿತ್ರ॒ತ್ವಾಯಾ॒ಸ್ಮದ್ದಾ᳚ತ್ರಾ ದೇವ॒ತ್ರಾ ಗ॑ಚ್ಛತ॒ ಮಧು॑ಮತೀಃ ಪ್ರದಾ॒ತಾರ॒ಮಾ ವಿ॑ಶ॒ತೇತ್ಯಾ॑ಹ ವ॒ಯಮಿ॒ಹ ಪ್ರ॑ದಾ॒ತಾರ॒-ಸ್ಸ್ಮೋ᳚-ಽಸ್ಮಾನ॒ಮುತ್ರ॒ ಮಧು॑ಮತೀ॒ರಾ ವಿ॑ಶ॒ತೇತಿ॒ [ವಿ॑ಶ॒ತೇತಿ॑, ವಾವೈತದಾ॑ಹ॒] 4
ವಾವೈತದಾ॑ಹ॒ ಹಿರ॑ಣ್ಯ-ನ್ದದಾತಿ॒ ಜ್ಯೋತಿ॒ರ್ವೈ ಹಿರ॑ಣ್ಯ॒-ಞ್ಜ್ಯೋತಿ॑ರೇ॒ವ ಪು॒ರಸ್ತಾ᳚ದ್ಧತ್ತೇ ಸುವ॒ರ್ಗಸ್ಯ॑ ಲೋ॒ಕಸ್ಯಾನು॑ಖ್ಯಾತ್ಯಾ ಅ॒ಗ್ನೀಧೇ॑ ದದಾತ್ಯ॒ಗ್ನಿಮು॑ಖಾನೇ॒ವರ್ತೂ-ನ್ಪ್ರೀ॑ಣಾತಿ ಬ್ರ॒ಹ್ಮಣೇ॑ ದದಾತಿ॒ ಪ್ರಸೂ᳚ತ್ಯೈ॒ ಹೋತ್ರೇ॑ ದದಾತ್ಯಾ॒ತ್ಮಾ ವಾ ಏ॒ಷ ಯ॒ಜ್ಞಸ್ಯ॒ ಯದ್ಧೋತಾ॒-ಽಽತ್ಮಾನ॑ಮೇ॒ವ ಯ॒ಜ್ಞಸ್ಯ॒ ದಕ್ಷಿ॑ಣಾಭಿ॒-ಸ್ಸಮ॑ರ್ಧಯತಿ ॥ 5 ॥
(ಹಿರ॑ಣ್ಯ॒ಗ್ಂ॒ - ರಾಧೋ॑ - ರಾಧ್ಯಾಸ - ಮ॒ಮುತ್ರ॒ ಮಧು॑ಮತೀ॒ರಾ ವಿ॑ಶ॒ತೇತ್ಯ॒ - ಷ್ಟಾತ್ರಿಗ್ಂ॑ಶಚ್ಚ) (ಅ. 1)
ಸ॒ಮಿ॒ಷ್ಟ॒ ಯ॒ಜೂಗ್ಂಷಿ॑ ಜುಹೋತಿ ಯ॒ಜ್ಞಸ್ಯ॒ ಸಮಿ॑ಷ್ಟ್ಯೈ॒ ಯದ್ವೈ ಯ॒ಜ್ಞಸ್ಯ॑ ಕ್ರೂ॒ರಂ-ಯಁ-ದ್ವಿಲಿ॑ಷ್ಟಂ॒-ಯಁದ॒ತ್ಯೇತಿ॒ ಯನ್ನಾತ್ಯೇತಿ॒ ಯದ॑ತಿಕ॒ರೋತಿ॒ ಯನ್ನಾಪಿ॑ ಕ॒ರೋತಿ॒ ತದೇ॒ವ ತೈಃ ಪ್ರೀ॑ಣಾತಿ॒ ನವ॑ ಜುಹೋತಿ॒ ನವ॒ ವೈ ಪುರು॑ಷೇ ಪ್ರಾ॒ಣಾಃ ಪುರು॑ಷೇಣ ಯ॒ಜ್ಞ-ಸ್ಸಮ್ಮಿ॑ತೋ॒ ಯಾವಾ॑ನೇ॒ವ ಯ॒ಜ್ಞಸ್ತ-ಮ್ಪ್ರೀ॑ಣಾತಿ॒ ಷ-ಡೃಗ್ಮಿ॑ಯಾಣಿ ಜುಹೋತಿ॒ ಷಡ್ವಾ ಋ॒ತವ॑ ಋ॒ತೂನೇ॒ವ ಪ್ರೀ॑ಣಾತಿ॒ ತ್ರೀಣಿ॒ ಯಜೂಗ್ಂ॑ಷಿ॒ [ಯಜೂಗ್ಂ॑ಷಿ, ತ್ರಯ॑ ಇ॒ಮೇ ಲೋ॒ಕಾ] 6
ತ್ರಯ॑ ಇ॒ಮೇ ಲೋ॒ಕಾ ಇ॒ಮಾನೇ॒ವ ಲೋ॒ಕಾ-ನ್ಪ್ರೀ॑ಣಾತಿ॒ ಯಜ್ಞ॑ ಯ॒ಜ್ಞ-ಙ್ಗ॑ಚ್ಛ ಯ॒ಜ್ಞಪ॑ತಿ-ಙ್ಗ॒ಚ್ಛೇತ್ಯಾ॑ಹ ಯ॒ಜ್ಞಪ॑ತಿಮೇ॒ವೈನ॑-ಙ್ಗಮಯತಿ॒ ಸ್ವಾಂ-ಯೋಁನಿ॑-ಙ್ಗ॒ಚ್ಛೇತ್ಯಾ॑ಹ॒ ಸ್ವಾಮೇ॒ವೈನಂ॒-ಯೋಁನಿ॑-ಙ್ಗಮಯತ್ಯೇ॒ಷ ತೇ॑ ಯ॒ಜ್ಞೋ ಯ॑ಜ್ಞಪತೇ ಸ॒ಹಸೂ᳚ಕ್ತವಾಕ-ಸ್ಸು॒ವೀರ॒ ಇತ್ಯಾ॑ಹ॒ ಯಜ॑ಮಾನ ಏ॒ವ ವೀ॒ರ್ಯ॑-ನ್ದಧಾತಿ ವಾಸಿ॒ಷ್ಠೋ ಹ॑ ಸಾತ್ಯಹ॒ವ್ಯೋ ದೇ॑ವಭಾ॒ಗ-ಮ್ಪ॑ಪ್ರಚ್ಛ॒ ಯ-ಥ್ಸೃಞ್ಜ॑ಯಾ-ನ್ಬಹುಯಾ॒ಜಿನೋ-ಽಯೀ॑ಯಜೋ ಯ॒ಜ್ಞೇ [ ] 7
ಯ॒ಜ್ಞ-ಮ್ಪ್ರತ್ಯ॑ತಿಷ್ಠಿ॒ಪಾ(3) ಯ॒ಜ್ಞಪ॒ತಾ(3)ವಿತಿ॒ ಸ ಹೋ॑ವಾಚ ಯ॒ಜ್ಞಪ॑ತಾ॒ವಿತಿ॑ ಸ॒ತ್ಯಾದ್ವೈ ಸೃಞ್ಜ॑ಯಾಃ॒ ಪರಾ॑ ಬಭೂವು॒ರಿತಿ॑ ಹೋವಾಚ ಯ॒ಜ್ಞೇ ವಾವ ಯ॒ಜ್ಞಃ ಪ್ರ॑ತಿ॒ಷ್ಠಾಪ್ಯ॑ ಆಸೀ॒-ದ್ಯಜ॑ಮಾನ॒ಸ್ಯಾ-ಽಪ॑ರಾಭಾವಾ॒ಯೇತಿ॒ ದೇವಾ॑ ಗಾತುವಿದೋ ಗಾ॒ತುಂ-ವಿಁ॒ತ್ತ್ವಾ ಗಾ॒ತು -ಮಿ॒ತೇತ್ಯಾ॑ಹ ಯ॒ಜ್ಞ ಏ॒ವ ಯ॒ಜ್ಞ-ಮ್ಪ್ರತಿ॑ ಷ್ಠಾಪಯತಿ॒ ಯಜ॑ಮಾನ॒ಸ್ಯಾ-ಽಪ॑ರಾಭಾವಾಯ ॥ 8 ॥
(ಯಜೂಗ್ಂ॑ಷಿ - ಯ॒ಜ್ಞ - ಏಕ॑ಚತ್ವಾರಿಗ್ಂಶಚ್ಚ) (ಅ. 2)
ಅ॒ವ॒ಭೃ॒ಥ॒-ಯ॒ಜೂಗ್ಂಷಿ॑ ಜುಹೋತಿ॒ ಯದೇ॒ವಾರ್ವಾ॒ಚೀನ॒-ಮೇಕ॑ಹಾಯನಾ॒ದೇನಃ॑ ಕ॒ರೋತಿ॒ ತದೇ॒ವ ತೈರವ॑ ಯಜತೇ॒ ಽಪೋ॑-ಽವಭೃ॒ಥ-ಮವೈ᳚ತ್ಯ॒ಫ್ಸು ವೈ ವರು॑ಣ-ಸ್ಸಾ॒ಕ್ಷಾದೇ॒ವ ವರು॑ಣ॒ಮವ॑ ಯಜತೇ॒ ವರ್ತ್ಮ॑ನಾ॒ ವಾ ಅ॒ನ್ವಿತ್ಯ॑ ಯ॒ಜ್ಞಗ್ಂ ರಕ್ಷಾಗ್ಂ॑ಸಿ ಜಿಘಾಗ್ಂಸನ್ತಿ॒ ಸಾಮ್ನಾ᳚ ಪ್ರಸ್ತೋ॒ತಾ-ಽನ್ವವೈ॑ತಿ॒ ಸಾಮ॒ ವೈ ರ॑ಕ್ಷೋ॒ಹಾ ರಕ್ಷ॑ಸಾ॒ಮಪ॑ಹತ್ಯೈ॒ ತ್ರಿರ್ನಿ॒ಧನ॒ಮುಪೈ॑ತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒ಭ್ಯ ಏ॒ವ ಲೋ॒ಕೇಭ್ಯೋ॒ ರಕ್ಷಾ॒ಗ್॒- [ಲೋ॒ಕೇಭ್ಯೋ॒ ರಕ್ಷಾಗ್ಂ॑ಸಿ, ಅಪ॑ ಹನ್ತಿ॒] 9
-ಸ್ಯಪ॑ ಹನ್ತಿ॒ ಪುರು॑ಷಃಪುರುಷೋ ನಿ॒ಧನ॒ಮುಪೈ॑ತಿ॒ ಪುರು॑ಷಃಪುರುಷೋ॒ ಹಿ ರ॑ಕ್ಷ॒ಸ್ವೀ ರಕ್ಷ॑ಸಾ॒ಮಪ॑ಹತ್ಯಾ ಉ॒ರುಗ್ಂ ಹಿ ರಾಜಾ॒ ವರು॑ಣಶ್ಚ॒ಕಾರೇತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ಶ॒ತ-ನ್ತೇ॑ ರಾಜ-ನ್ಭಿ॒ಷಜಃ॑ ಸ॒ಹಸ್ರ॒ಮಿತ್ಯಾ॑ಹ ಭೇಷ॒ಜಮೇ॒ವಾಸ್ಮೈ॑ ಕರೋತ್ಯ॒ಭಿಷ್ಠಿ॑ತೋ॒ ವರು॑ಣಸ್ಯ॒ ಪಾಶ॒ ಇತ್ಯಾ॑ಹ ವರುಣಪಾ॒ಶಮೇ॒ವಾಭಿ ತಿ॑ಷ್ಠತಿ ಬ॒ರ್॒ಹಿರ॒ಭಿ ಜು॑ಹೋ॒ತ್ಯಾಹು॑ತೀನಾ॒-ಮ್ಪ್ರತಿ॑ಷ್ಠಿತ್ಯಾ॒ ಅಥೋ॑ ಅಗ್ನಿ॒ವತ್ಯೇ॒ವ ಜು॑ಹೋ॒ತ್ಯಪ॑ ಬರ್ಹಿಷಃ ಪ್ರಯಾ॒ಜಾನ್ [ಪ್ರಯಾ॒ಜಾನ್, ಯ॒ಜ॒ತಿ॒ ಪ್ರ॒ಜಾ ವೈ] 10
ಯ॑ಜತಿ ಪ್ರ॒ಜಾ ವೈ ಬ॒ರ್॒ಹಿಃ ಪ್ರ॒ಜಾ ಏ॒ವ ವ॑ರುಣಪಾ॒ಶಾ-ನ್ಮು॑ಞ್ಚ॒ತ್ಯಾಜ್ಯ॑ಭಾಗೌ ಯಜತಿ ಯ॒ಜ್ಞಸ್ಯೈ॒ವ ಚಕ್ಷು॑ಷೀ॒ ನಾನ್ತರೇ॑ತಿ॒ ವರು॑ಣಂ-ಯಁಜತಿ ವರುಣಪಾ॒ಶಾದೇ॒ವೈನ॑-ಮ್ಮುಞ್ಚತ್ಯ॒ಗ್ನೀವರು॑ಣೌ ಯಜತಿ ಸಾ॒ಕ್ಷಾದೇ॒ವೈನಂ॑-ವಁರುಣಪಾ॒ಶಾ-ನ್ಮು॑ಞ್ಚ॒ತ್ಯ-ಪ॑ಬರ್ಹಿಷಾವನೂಯಾ॒ಜೌ ಯ॑ಜತಿ ಪ್ರ॒ಜಾ ವೈ ಬ॒ರ್॒ಹಿಃ ಪ್ರ॒ಜಾ ಏ॒ವ ವ॑ರುಣಪಾ॒ಶಾ-ನ್ಮು॑ಞ್ಚತಿ ಚ॒ತುರಃ॑ ಪ್ರಯಾ॒ಜಾನ್. ಯ॑ಜತಿ॒ ದ್ವಾವ॑ನೂಯಾ॒ಜೌ ಷಟ್-ಥ್ಸಮ್ಪ॑ದ್ಯನ್ತೇ॒ ಷಡ್ವಾ ಋ॒ತವ॑ [ಷಡ್ವಾ ಋ॒ತವಃ॑, ಋ॒ತುಷ್ವೇ॒ವ ಪ್ರತಿ॑] 11
ಋ॒ತುಷ್ವೇ॒ವ ಪ್ರತಿ॑ ತಿಷ್ಠ॒-ತ್ಯವ॑ಭೃಥ-ನಿಚಙ್ಕು॒ಣೇತ್ಯಾ॑ಹ ಯಥೋದಿ॒ತಮೇ॒ವ ವರು॑ಣ॒ಮವ॑ ಯಜತೇ ಸಮು॒ದ್ರೇ ತೇ॒ ಹೃದ॑ಯ-ಮ॒ಫ್ಸ್ವ॑ನ್ತರಿತ್ಯಾ॑ಹ ಸಮು॒ದ್ರೇ ಹ್ಯ॑ನ್ತರ್ವರು॑ಣ॒-ಸ್ಸ-ನ್ತ್ವಾ॑ ವಿಶ॒-ನ್ತ್ವೋಷ॑ಧೀ-ರು॒ತಾ-ಽಽಪ॒ ಇತ್ಯಾ॑ಹಾ॒ದ್ಭಿ-ರೇ॒ವೈನ॒ಮೋಷ॑ಧೀಭಿ-ಸ್ಸ॒ಮ್ಯಞ್ಚ॑-ನ್ದಧಾತಿ॒ ದೇವೀ॑ರಾಪ ಏ॒ಷ ವೋ॒ ಗರ್ಭ॒ ಇತ್ಯಾ॑ಹ ಯಥಾಯ॒ಜುರೇ॒ವೈತ-ತ್ಪ॒ಶವೋ॒ ವೈ [ ] 12
ಸೋಮೋ॒ ಯ-ದ್ಭಿ॑ನ್ದೂ॒ನಾ-ಮ್ಭ॒ಕ್ಷಯೇ᳚-ತ್ಪಶು॒ಮಾನ್-ಥ್ಸ್ಯಾ॒-ದ್ವರು॑ಣ॒-ಸ್ತ್ವೇ॑ನ-ಙ್ಗೃಹ್ಣೀಯಾ॒ದ್ಯನ್ನ ಭ॒ಕ್ಷಯೇ॑ದಪ॒ಶು-ಸ್ಸ್ಯಾ॒ನ್ನೈನಂ॒-ವಁರು॑ಣೋ ಗೃಹ್ಣೀಯಾ-ದುಪ॒ಸ್ಪೃಶ್ಯ॑ಮೇ॒ವ ಪ॑ಶು॒ಮಾ-ನ್ಭ॑ವತಿ॒ ನೈನಂ॒-ವಁರು॑ಣೋ ಗೃಹ್ಣಾತಿ॒ ಪ್ರತಿ॑ಯುತೋ॒ ವರು॑ಣಸ್ಯ॒ ಪಾಶ॒ ಇತ್ಯಾ॑ಹ ವರುಣಪಾ॒ಶಾದೇ॒ವ ನಿರ್ಮು॑ಚ್ಯ॒ತೇ ಽಪ್ರ॑ತೀಕ್ಷ॒ಮಾ ಯ॑ನ್ತಿ॒ ವರು॑ಣಸ್ಯಾ॒ನ್ತರ್ಹಿ॑ತ್ಯಾ॒ ಏಧೋ᳚-ಽಸ್ಯೇಧಿಷೀ॒ಮಹೀ-ತ್ಯಾ॑ಹ ಸ॒ಮಿಧೈ॒ವಾಗ್ನಿ-ನ್ನ॑ಮ॒ಸ್ಯನ್ತ॑ ಉ॒ಪಾಯ॑ನ್ತಿ॒ ತೇಜೋ॑-ಽಸಿ॒ ತೇಜೋ॒ ಮಯಿ॑ ಧೇ॒ಹೀತ್ಯಾ॑ಹ॒ ತೇಜ॑ ಏ॒ವಾ-ಽಽತ್ಮ-ನ್ಧ॑ತ್ತೇ ॥ 13 ॥
(ರಕ್ಷಾಗ್ಂ॑ಸಿ - ಪ್ರಯಾ॒ಜಾ - ನೃ॒ತವೋ॒ - ವೈ - ನ॑ಮ॒ಸ್ಯನ್ತೋ॒ - ದ್ವಾದ॑ಶ ಚ) (ಅ. 3)
ಸ್ಫ್ಯೇನ॒ ವೇದಿ॒ಮುದ್ಧ॑ನ್ತಿ ರಥಾ॒ಕ್ಷೇಣ॒ ವಿ ಮಿ॑ಮೀತೇ॒ ಯೂಪ॑-ಮ್ಮಿನೋತಿ ತ್ರಿ॒ವೃತ॑ಮೇ॒ವ ವಜ್ರಗ್ಂ॑ ಸ॒ಭೃನ್ತ್ಯ॒ ಭ್ರಾತೃ॑ವ್ಯಾಯ॒ ಪ್ರ ಹ॑ರತಿ॒ ಸ್ತೃತ್ಯೈ॒ ಯದ॑ನ್ತರ್ವೇ॒ದಿ ಮಿ॑ನು॒ಯಾ-ದ್ದೇ॑ವಲೋ॒ಕಮ॒ಭಿ ಜ॑ಯೇ॒-ದ್ಯ-ದ್ಬ॑ಹಿರ್ವೇ॒ದಿ ಮ॑ನುಷ್ಯ ಲೋ॒ಕಂ ಁವೇ᳚ದ್ಯ॒ನ್ತಸ್ಯ॑ ಸ॒ನ್ಧೌ ಮಿ॑ನೋತ್ಯು॒ಭಯೋ᳚-ರ್ಲೋ॒ಕಯೋ॑-ರ॒ಭಿಜಿ॑ತ್ಯಾ॒ ಉಪ॑ರಸಮ್ಮಿತಾ-ಮ್ಮಿನುಯಾ-ತ್ಪಿತೃಲೋ॒ಕಕಾ॑ಮಸ್ಯ ರಶ॒ನಸ॑ಮಿನ್ತಾ-ಮ್ಮನುಷ್ಯಲೋ॒ಕಕಾ॑ಮಸ್ಯ ಚ॒ಷಾಲ॑-ಸಮ್ಮಿತಾಮಿನ್ದ್ರಿ॒ಯ ಕಾ॑ಮಸ್ಯ॒ ಸರ್ವಾ᳚ನ್-ಥ್ಸ॒ಮಾ-ನ್ಪ್ರ॑ತಿ॒ಷ್ಠಾಕಾ॑ಮಸ್ಯ॒ ಯೇ ತ್ರಯೋ॑ ಮದ್ಧ್ಯ॒ಮಾಸ್ತಾನ್-ಥ್ಸ॒ಮಾ-ನ್ಪ॒ಶುಕಾ॑ಮಸ್ಯೈ॒ತಾನ್. ವಾ [ವೈ, ಅನು॑] 14
ಅನು॑ ಪ॒ಶವ॒ ಉಪ॑ ತಿಷ್ಠನ್ತೇ ಪಶು॒ಮಾನೇ॒ವ ಭ॑ವತಿ॒ ವ್ಯತಿ॑ಷಜೇ॒ದಿತ॑ರಾ-ನ್ಪ್ರ॒ಜಯೈ॒ವೈನ॑-ಮ್ಪ॒ಶುಭಿ॒ರ್ವ್ಯತಿ॑ಷಜತಿ॒ ಯ-ಙ್ಕಾ॒ಮಯೇ॑ತ ಪ್ರ॒ಮಾಯು॑ಕ-ಸ್ಸ್ಯಾ॒ದಿತಿ॑ ಗರ್ತ॒ಮಿತ॒-ನ್ತಸ್ಯ॑ ಮಿನುಯಾದುತ್ತರಾ॒ರ್ಧ್ಯಂ॑-ವಁರ್ಷಿ॑ಷ್ಠ॒ಮಥ॒ ಹ್ರಸೀ॑ಯಾಗ್ಂಸಮೇ॒ಷಾ ವೈ ಗ॑ರ್ತ॒ಮಿದ್ಯಸ್ಯೈ॒ವ-ಮ್ಮಿ॒ನೋತಿ॑ ತಾ॒ಜ-ಕ್ಪ್ರ ಮೀ॑ಯತೇ ದಕ್ಷಿಣಾ॒ರ್ಧ್ಯಂ॑-ವಁರ್ಷಿ॑ಷ್ಠ-ಮ್ಮಿನುಯಾ-ಥ್ಸುವ॒ರ್ಗಕಾ॑ಮ॒ಸ್ಯಾಥ॒ ಹ್ರಸೀ॑ಯಾಗ್ಂಸ-ಮಾ॒ಕ್ರಮ॑ಣಮೇ॒ವ ತ-ಥ್ಸೇತುಂ॒-ಯಁಜ॑ಮಾನಃ ಕುರುತೇ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ॒ [ಸಮ॑ಷ್ಟ್ಯೈ, ಯದೇಕ॑ಸ್ಮಿ॒ನ್॒.] 15
ಯದೇಕ॑ಸ್ಮಿ॒ನ್॒. ಯೂಪೇ॒ ದ್ವೇ ರ॑ಶ॒ನೇ ಪ॑ರಿ॒ವ್ಯಯ॑ತಿ॒ ತಸ್ಮಾ॒ದೇಕೋ॒ ದ್ವೇ ಜಾ॒ಯೇ ವಿ॑ನ್ದತೇ॒ ಯನ್ನೈಕಾಗ್ಂ॑ ರಶ॒ನಾ-ನ್ದ್ವಯೋ॒ರ್ಯೂಪ॑ಯೋಃ ಪರಿ॒ವ್ಯಯ॑ತಿ॒ ತಸ್ಮಾ॒ನ್ನೈಕಾ॒ ದ್ವೌ ಪತೀ॑ ವಿನ್ದತೇ॒ ಯ-ಙ್ಕಾ॒ಮಯೇ॑ತ॒ ಸ್ತ್ರ್ಯ॑ಸ್ಯ ಜಾಯೇ॒ತೇತ್ಯು॑ಪಾ॒ನ್ತೇ ತಸ್ಯ॒ ವ್ಯತಿ॑ಷಜೇ॒-ಥ್ಸ್ತ್ರ್ಯೇ॑ವಾಸ್ಯ॑ ಜಾಯತೇ॒ ಯ-ಙ್ಕಾ॒ಮಯೇ॑ತ॒ ಪುಮಾ॑ನಸ್ಯ ಜಾಯೇ॒ತೇತ್ಯಾ॒ನ್ತ-ನ್ತಸ್ಯ॒ ಪ್ರ ವೇ᳚ಷ್ಟಯೇ॒-ತ್ಪುಮಾ॑ನೇ॒ವಾಸ್ಯ॑ [ವೇ᳚ಷ್ಟಯೇ॒-ತ್ಪುಮಾ॑ನೇ॒ವಾಸ್ಯ॑, ಜಾ॒ಯ॒ತೇ ಽಸು॑ರಾ॒] 16
ಜಾಯ॒ತೇ ಽಸು॑ರಾ॒ ವೈ ದೇ॒ವಾ-ನ್ದ॑ಕ್ಷಿಣ॒ತ ಉಪಾ॑ನಯ॒-ನ್ತಾ-ನ್ದೇ॒ವಾ ಉ॑ಪಶ॒ಯೇನೈ॒ವಾಪಾ॑-ನುದನ್ತ॒ ತ-ದು॑ಪಶ॒ಯಸ್ಯೋ॑-ಪಶಯ॒ತ್ವಂ-ಯಁ-ದ್ದ॑ಕ್ಷಿಣ॒ತ ಉ॑ಪಶ॒ಯ ಉ॑ಪ॒ಶಯೇ॒ ಭ್ರಾತೃ॑ವ್ಯಾಪನುತ್ತ್ಯೈ॒ ಸರ್ವೇ॒ ವಾ ಅ॒ನ್ಯೇ ಯೂಪಾಃ᳚ ಪಶು॒ಮನ್ತೋ-ಽಥೋ॑ಪಶ॒ಯ ಏ॒ವಾಪ॒ಶುಸ್ತಸ್ಯ॒ ಯಜ॑ಮಾನಃ ಪ॒ಶುರ್ಯನ್ನ ನಿ॑ರ್ದಿ॒ಶೇದಾರ್ತಿ॒-ಮಾರ್ಚ್ಛೇ॒-ದ್ಯಜ॑ಮಾನೋ॒-ಽಸೌ ತೇ॑ ಪ॒ಶುರಿತಿ॒ ನಿರ್ದಿ॑ಶೇ॒ದ್ಯ-ನ್ದ್ವಿ॒ಷ್ಯಾ-ದ್ಯಮೇ॒ವ [ ] 17
ದ್ವೇಷ್ಟಿ॒ ತಮ॑ಸ್ಮೈ ಪ॒ಶು-ನ್ನಿರ್ದಿ॑ಶತಿ॒ ಯದಿ॒ ನ ದ್ವಿ॒ಷ್ಯಾದಾ॒ಖುಸ್ತೇ॑ ಪ॒ಶುರಿತಿ॑ ಬ್ರೂಯಾ॒ನ್ನ ಗ್ರಾ॒ಮ್ಯಾ-ನ್ಪ॒ಶೂನ್. ಹಿ॒ನಸ್ತಿ॒ ನಾ-ಽಽರ॒ಣ್ಯಾ-ನ್ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ಸೋ᳚-ಽನ್ನಾದ್ಯೇ॑ನ॒ ವ್ಯಾ᳚ರ್ಧ್ಯತ॒ ಸ ಏ॒ತಾಮೇ॑ಕಾದ॒ಶಿನೀ॑-ಮಪಶ್ಯ॒-ತ್ತಯಾ॒ ವೈ ಸೋ᳚-ಽನ್ನಾದ್ಯ॒ಮವಾ॑ರುನ್ಧ॒ ಯದ್ದಶ॒ ಯೂಪಾ॒ ಭವ॑ನ್ತಿ॒ ದಶಾ᳚ಕ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜೈ॒ವಾ-ನ್ನಾದ್ಯ॒ಮವ॑ ರುನ್ಧೇ॒ [ರುನ್ಧೇ, ಯ] 18
ಯ ಏ॑ಕಾದ॒ಶ-ಸ್ಸ್ತನ॑ ಏ॒ವಾಸ್ಯೈ॒ ಸ ದು॒ಹ ಏ॒ವೈನಾ॒-ನ್ತೇನ॒ ವಜ್ರೋ॒ ವಾ ಏ॒ಷಾ ಸ-ಮ್ಮೀ॑ಯತೇ॒ ಯದೇ॑ಕಾದ॒ಶಿನೀ॒ ಸೇಶ್ವ॒ರಾ ಪು॒ರಸ್ತಾ᳚-ತ್ಪ್ರ॒ತ್ಯಞ್ಚಂ॑-ಯಁ॒ಜ್ಞಗ್ಂ ಸಮ್ಮ॑ರ್ದಿತೋ॒ರ್ಯ-ತ್ಪಾ᳚ತ್ನೀವ॒ತ-ಮ್ಮಿ॒ನೋತಿ॑ ಯ॒ಜ್ಞಸ್ಯ॒ ಪ್ರತ್ಯುತ್ತ॑ಬ್ಧ್ಯೈ ಸಯ॒ತ್ವಾಯ॑ ॥ 19 ॥
(ವೈ - ಸಮ॑ಷ್ಟ್ಯೈ॒ - ಪುಮಾ॑ನೇ॒ವಾಸ್ಯ॒ - ಯಮೇ॒ವ - ರು॑ನ್ಧೇ - ತ್ರಿ॒ಗ್ಂ॒ಶಚ್ಚ॑) (ಅ. 4)
ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ಸ ರಿ॑ರಿಚಾ॒ನೋ॑-ಽಮನ್ಯತ॒ ಸ ಏ॒ತಾಮೇ॑ಕಾದ॒ಶಿನೀ॑-ಮಪಶ್ಯ॒-ತ್ತಯಾ॒ ವೈ ಸ ಆಯು॑ರಿನ್ದ್ರಿ॒ಯಂ-ವೀಁ॒ರ್ಯ॑ಮಾ॒ತ್ಮನ್ನ॑ಧತ್ತ ಪ್ರ॒ಜಾ ಇ॑ವ॒ ಖಲು॒ ವಾ ಏ॒ಷ ಸೃ॑ಜತೇ॒ ಯೋ ಯಜ॑ತೇ॒ ಸ ಏ॒ತರ್ಹಿ॑ ರಿರಿಚಾ॒ನ ಇ॑ವ॒ ಯದೇ॒ಷೈಕಾ॑ದ॒ಶಿನೀ॒ ಭವ॒ತ್ಯಾಯು॑ರೇ॒ವ ತಯೇ᳚ನ್ದ್ರಿ॒ಯಂ-ವೀಁ॒ರ್ಯಂ॑-ಯಁಜ॑ಮಾನ ಆ॒ತ್ಮ-ನ್ಧ॑ತ್ತೇ॒ ಪ್ರೈವಾ-ಽಽಗ್ನೇ॒ಯೇನ॑ ವಾಪಯತಿ ಮಿಥು॒ನಗ್ಂ ಸಾ॑ರಸ್ವ॒ತ್ಯಾ ಕ॑ರೋತಿ॒ ರೇತ॑- [ರೇತಃ॑, ಸೌ॒ಮ್ಯೇನ॑ ದಧಾತಿ॒] 20
-ಸ್ಸೌ॒ಮ್ಯೇನ॑ ದಧಾತಿ॒ ಪ್ರ ಜ॑ನಯತಿ ಪೌ॒ಷ್ಣೇನ॑ ಬಾರ್ಹಸ್ಪ॒ತ್ಯೋ ಭ॑ವತಿ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒ರ್ಬ್ರಹ್ಮ॑ಣೈ॒ವಾಸ್ಮೈ᳚ ಪ್ರ॒ಜಾಃ ಪ್ರಜ॑ನಯತಿ ವೈಶ್ವದೇ॒ವೋ ಭ॑ವತಿ ವೈಶ್ವದೇ॒ವ್ಯೋ॑ ವೈ ಪ್ರ॒ಜಾಃ ಪ್ರ॒ಜಾ ಏ॒ವಾಸ್ಮೈ॒ ಪ್ರಜ॑ನಯತೀ-ನ್ದ್ರಿ॒ಯಮೇ॒ವೈನ್ದ್ರೇಣಾವ॑ ರುನ್ಧೇ॒ ವಿಶ॑-ಮ್ಮಾರು॒ತೇನೌಜೋ॒ ಬಲ॑ಮೈನ್ದ್ರಾ॒ಗ್ನೇನ॑ ಪ್ರಸ॒ವಾಯ॑ ಸಾವಿ॒ತ್ರೋ ನಿ॑ರ್ವರುಣ॒ತ್ವಾಯ॑ ವಾರು॒ಣೋ ಮ॑ದ್ಧ್ಯ॒ತ ಐ॒ನ್ದ್ರಮಾ ಲ॑ಭತೇ ಮದ್ಧ್ಯ॒ತ ಏ॒ವೇನ್ದ್ರಿ॒ಯಂ-ಯಁಜ॑ಮಾನೇ ದಧಾತಿ [ ] 21
ಪು॒ರಸ್ತಾ॑ದೈ॒ನ್ದ್ರಸ್ಯ॑ ವೈಶ್ವದೇ॒ವಮಾ ಲ॑ಭತೇ ವೈಶ್ವದೇ॒ವಂ-ವಾಁ ಅನ್ನ॒ಮನ್ನ॑ಮೇ॒ವ ಪು॒ರಸ್ತಾ᳚ದ್ಧತ್ತೇ॒ ತಸ್ಮಾ᳚-ತ್ಪು॒ರಸ್ತಾ॒ದನ್ನ॑ಮದ್ಯತ ಐ॒ನ್ದ್ರಮಾ॒ಲಭ್ಯ॑ ಮಾರು॒ತಮಾ ಲ॑ಭತೇ॒ ವಿ-ಡ್ವೈ ಮ॒ರುತೋ॒ ವಿಶ॑ಮೇ॒ವಾಸ್ಮಾ॒ ಅನು॑ ಬದ್ಧ್ನಾತಿ॒ ಯದಿ॑ ಕಾ॒ಮಯೇ॑ತ॒ ಯೋ-ಽವ॑ಗತ॒-ಸ್ಸೋ-ಽಪ॑ ರುದ್ಧ್ಯತಾಂ॒-ಯೋಁ-ಽಪ॑ರುದ್ಧ॒-ಸ್ಸೋ-ಽವ॑ ಗಚ್ಛ॒ತ್ವಿತ್ಯೈ॒ನ್ದ್ರಸ್ಯ॑ ಲೋ॒ಕೇ ವಾ॑ರು॒ಣಮಾ ಲ॑ಭೇತ ವಾರು॒ಣಸ್ಯ॑ ಲೋ॒ಕ ಐ॒ನ್ದ್ರಂ- [ಲೋ॒ಕ ಐ॒ನ್ದ್ರಮ್, ಯ ಏ॒ವಾವ॑ಗತ॒-ಸ್ಸೋ-ಽಪ॑] 22
-ಁಯ ಏ॒ವಾವ॑ಗತ॒-ಸ್ಸೋ-ಽಪ॑ ರುದ್ಧ್ಯತೇ॒ ಯೋ-ಽಪ॑ರುದ್ಧ॒-ಸ್ಸೋ-ಽವ॑ ಗಚ್ಛತಿ॒ ಯದಿ॑ ಕಾ॒ಮಯೇ॑ತ ಪ್ರ॒ಜಾ ಮು॑ಹ್ಯೇಯು॒ರಿತಿ॑ ಪ॒ಶೂನ್ ವ್ಯತಿ॑ಷಜೇ-ತ್ಪ್ರ॒ಜಾ ಏ॒ವ ಮೋ॑ಹಯತಿ॒ ಯದ॑ಭಿವಾಹ॒ತೋ॑-ಽಪಾಂ-ವಾಁ॑ರು॒ಣಮಾ॒ಲಭೇ॑ತ ಪ್ರ॒ಜಾ ವರು॑ಣೋ ಗೃಹ್ಣೀಯಾ-ದ್ದಕ್ಷಿಣ॒ತ ಉದ॑ಞ್ಚ॒ಮಾ ಲ॑ಭತೇ-ಽಪವಾಹ॒ತೋ॑-ಽಪಾ-ಮ್ಪ್ರ॒ಜಾನಾ॒-ಮವ॑ರುಣ ಗ್ರಾಹಾಯ ॥ 23 ॥
(ರೇತೋ॒ - ಯಜ॑ಮಾನೇ ದಧಾತಿ - ಲೋ॒ಕ ಐ॒ನ್ದ್ರಗ್ಂ - ಸ॒ಪ್ತತ್ರಿಗ್ಂ॑ಶಚ್ಚ) (ಅ. 5)
ಇನ್ದ್ರಃ॒ ಪತ್ನಿ॑ಯಾ॒ ಮನು॑ಮಯಾಜಯ॒-ತ್ತಾ-ಮ್ಪರ್ಯ॑ಗ್ನಿಕೃತಾ॒-ಮುದ॑ಸೃಜ॒-ತ್ತಯಾ॒ ಮನು॑ರಾರ್ಧ್ನೋ॒ದ್ಯ-ತ್ಪರ್ಯ॑ಗ್ನಿಕೃತ-ಮ್ಪಾತ್ನೀವ॒ತಮು॑-ಥ್ಸೃ॒ಜತಿ॒ ಯಾಮೇ॒ವ ಮನು॒ರ್॒. ಋದ್ಧಿ॒ಮಾರ್ಧ್ನೋ॒-ತ್ತಾಮೇ॒ವ ಯಜ॑ಮಾನ ಋಧ್ನೋತಿ ಯ॒ಜ್ಞಸ್ಯ॒ ವಾ ಅಪ್ರ॑ತಿಷ್ಠಿತಾ-ದ್ಯ॒ಜ್ಞಃ ಪರಾ॑ ಭವತಿ ಯ॒ಜ್ಞ-ಮ್ಪ॑ರಾ॒ಭವ॑ನ್ತಂ॒-ಯಁಜ॑ಮಾ॒ನೋ-ಽನು॒ ಪರಾ॑ ಭವತಿ॒ ಯದಾಜ್ಯೇ॑ನ ಪಾತ್ನೀವ॒ತಗ್ಂ ಸಗ್ಗ್॑ಸ್ಥಾ॒ಪಯ॑ತಿ ಯ॒ಜ್ಞಸ್ಯ॒ ಪ್ರತಿ॑ಷ್ಠಿತ್ಯೈ ಯ॒ಜ್ಞ-ಮ್ಪ್ರ॑ತಿ॒ತಿಷ್ಠ॑ನ್ತಂ॒-ಯಁಜ॑ಮಾ॒ನೋ-ಽನು॒ ಪ್ರತಿ॑ ತಿಷ್ಠತೀ॒ಷ್ಟಂ-ವಁ॒ಪಯಾ॒ [-ಁವ॒ಪಯಾ᳚, ಭವ॒ತ್ಯನಿ॑ಷ್ಟಂ-ವಁ॒ಶಯಾ-ಽಥ॑] 24
ಭವ॒ತ್ಯನಿ॑ಷ್ಟಂ-ವಁ॒ಶಯಾ-ಽಥ॑ ಪಾತ್ನೀವ॒ತೇನ॒ ಪ್ರ ಚ॑ರತಿ ತೀ॒ರ್ಥ ಏ॒ವ ಪ್ರ ಚ॑ರ॒ತ್ಯಥೋ॑ ಏ॒ತರ್ಹ್ಯೇ॒ವಾಸ್ಯ॒ ಯಾಮ॑ಸ್ತ್ವಾ॒ಷ್ಟ್ರೋ ಭ॑ವತಿ॒ ತ್ವಷ್ಟಾ॒ ವೈ ರೇತ॑ಸ-ಸ್ಸಿ॒ಕ್ತಸ್ಯ॑ ರೂ॒ಪಾಣಿ॒ ವಿ ಕ॑ರೋತಿ॒ ತಮೇ॒ವ ವೃಷಾ॑ಣ॒-ಮ್ಪತ್ನೀ॒ಷ್ವಪಿ॑ ಸೃಜತಿ॒ ಸೋ᳚-ಽಸ್ಮೈ ರೂ॒ಪಾಣಿ॒ ವಿ ಕ॑ರೋತಿ ॥ 25 ॥
(ವ॒ಪಯಾ॒ - ಷಟ್ತ್ರಿಗ್ಂ॑ಶಚ್ಚ) (ಅ. 6)
ಘ್ನನ್ತಿ॒ ವಾ ಏ॒ತ-ಥ್ಸೋಮಂ॒-ಯಁದ॑ಭಿಷು॒ಣ್ವನ್ತಿ॒ ಯ-ಥ್ಸೌ॒ಮ್ಯೋ ಭವ॑ತಿ॒ ಯಥಾ॑ ಮೃ॒ತಾಯಾ॑ನು॒ಸ್ತರ॑ಣೀ॒-ಙ್ಘ್ನನ್ತಿ॑ ತಾ॒ದೃಗೇ॒ವ ತ-ದ್ಯದು॑ತ್ತರಾ॒ರ್ಧೇ ವಾ॒ ಮದ್ಧ್ಯೇ॑ ವಾ ಜುಹು॒ಯಾ-ದ್ದೇ॒ವತಾ᳚ಭ್ಯ-ಸ್ಸ॒ಮದ॑-ನ್ದದ್ಧ್ಯಾ-ದ್ದಕ್ಷಿಣಾ॒ರ್ಧೇ ಜು॑ಹೋತ್ಯೇ॒ಷಾ ವೈ ಪಿ॑ತೃ॒ಣಾ-ನ್ದಿ-ಖ್ಸ್ವಾಯಾ॑ಮೇ॒ವ ದಿ॒ಶಿ ಪಿ॒ತೄ-ನ್ನಿ॒ರವ॑ದಯತ ಉದ್ಗಾ॒ತೃಭ್ಯೋ॑ ಹರನ್ತಿ ಸಾಮದೇವ॒ತ್ಯೋ॑ ವೈ ಸೌ॒ಮ್ಯೋ ಯದೇ॒ವ ಸಾಮ್ನಃ॑ ಛಮ್ಬಟ್ಕು॒ರ್ವನ್ತಿ॒ ತಸ್ಯೈ॒ವ ಸ ಶಾನ್ತಿ॒ರವೇ᳚- [ಶಾನ್ತಿ॒ರವ॑, ಈ॒ಕ್ಷ॒ನ್ತೇ॒ ಪ॒ವಿತ್ರಂ॒-ವೈಁ] 26
-ಕ್ಷನ್ತೇ ಪ॒ವಿತ್ರಂ॒-ವೈಁ ಸೌ॒ಮ್ಯ ಆ॒ತ್ಮಾನ॑ಮೇ॒ವ ಪ॑ವಯನ್ತೇ॒ ಯ ಆ॒ತ್ಮಾನ॒-ನ್ನ ಪ॑ರಿ॒ಪಶ್ಯೇ॑ದಿ॒ತಾಸುಃ॑ ಸ್ಯಾದಭಿದ॒ದಿ-ಙ್ಕೃ॒ತ್ವಾ-ಽವೇ᳚ಕ್ಷೇತ॒ ತಸ್ಮಿ॒ನ್॒. ಹ್ಯಾ᳚ತ್ಮಾನ॑-ಮ್ಪರಿ॒ಪಶ್ಯ॒ತ್ಯಥೋ॑ ಆ॒ತ್ಮಾನ॑ಮೇ॒ವ ಪ॑ವಯತೇ॒ ಯೋ ಗ॒ತಮ॑ನಾ॒-ಸ್ಸ್ಯಾ-ಥ್ಸೋ-ಽವೇ᳚ಕ್ಷೇತ॒ ಯನ್ಮೇ॒ ಮನಃ॒ ಪರಾ॑ಗತಂ॒-ಯಁದ್ವಾ॑ ಮೇ॒ ಅಪ॑ರಾಗತಮ್ । ರಾಜ್ಞಾ॒ ಸೋಮೇ॑ನ॒ ತದ್ವ॒ಯಮ॒ಸ್ಮಾಸು॑ ಧಾರಯಾಮ॒ಸೀತಿ॒ ಮನ॑ ಏ॒ವಾತ್ಮ-ನ್ದಾ॑ಧಾರ॒- [ಏ॒ವಾತ್ಮ-ನ್ದಾ॑ಧಾರ, ನ ಗ॒ತಮ॑ನಾ] 27
ನ ಗ॒ತಮ॑ನಾ ಭವ॒ತ್ಯಪ॒ ವೈ ತೃ॑ತೀಯಸವ॒ನೇ ಯ॒ಜ್ಞಃ ಕ್ರಾ॑ಮತೀಜಾ॒ನಾ-ದನೀ॑ಜಾನಮ॒ಭ್ಯಾ᳚-ಗ್ನಾವೈಷ್ಣ॒ವ್ಯರ್ಚಾ ಘೃ॒ತಸ್ಯ॑ ಯಜತ್ಯ॒ಗ್ನಿ-ಸ್ಸರ್ವಾ॑ ದೇ॒ವತಾ॒ ವಿಷ್ಣು॑ರ್ಯ॒ಜ್ಞೋ ದೇ॒ವತಾ᳚ಶ್ಚೈ॒ವ ಯ॒ಜ್ಞ-ಞ್ಚ॑ ದಾಧಾರೋಪಾ॒ಗ್ಂ॒ಶು ಯ॑ಜತಿ ಮಿಥುನ॒ತ್ವಾಯ॑ ಬ್ರಹ್ಮವಾ॒ದಿನೋ॑ ವದನ್ತಿ ಮಿ॒ತ್ರೋ ಯ॒ಜ್ಞಸ್ಯ॒ ಸ್ವಿ॑ಷ್ಟಂ-ಯುಁವತೇ॒ ವರು॑ಣೋ॒ ದುರಿ॑ಷ್ಟ॒-ಙ್ಕ್ವ॑ ತರ್ಹಿ॑ ಯ॒ಜ್ಞಃ ಕ್ವ॑ ಯಜ॑ಮಾನೋ ಭವ॒ತೀತಿ॒ ಯನ್ಮೈ᳚ತ್ರಾವರು॒ಣೀಂ-ವಁ॒ಶಾಮಾ॒ಲಭ॑ತೇ ಮಿ॒ತ್ರೇಣೈ॒ವ [ ] 28
ಯ॒ಜ್ಞಸ್ಯ॒ ಸ್ವಿ॑ಷ್ಟಗ್ಂ ಶಮಯತಿ॒ ವರು॑ಣೇನ॒ ದುರಿ॑ಷ್ಟ॒-ನ್ನಾ-ಽಽರ್ತಿ॒ಮಾರ್ಚ್ಛ॑ತಿ॒ ಯಜ॑ಮಾನೋ॒ ಯಥಾ॒ ವೈ ಲಾಙ್ಗ॑ಲೇನೋ॒ರ್ವರಾ᳚-ಮ್ಪ್ರಭಿ॒ನ್ದನ್-ತ್ಯೇ॒ವಮೃ॑ಖ್ಸಾ॒ಮೇ ಯ॒ಜ್ಞ-ಮ್ಪ್ರ ಭಿ॑ನ್ತೋ॒ ಯನ್ಮೈ᳚ತ್ರಾವರು॒ಣೀಂ-ವಁ॒ಶಾಮಾ॒ಲಭ॑ತೇ ಯ॒ಜ್ಞಾಯೈ॒ವ ಪ್ರಭಿ॑ನ್ನಾಯ ಮ॒ತ್ಯ॑ಮ॒ನ್ವವಾ᳚ಸ್ಯತಿ॒ ಶಾನ್ತ್ಯೈ॑ ಯಾ॒ತಯಾ॑ಮಾನಿ॒ ವಾ ಏ॒ತಸ್ಯ॒ ಛನ್ದಾಗ್ಂ॑ಸಿ॒ ಯ ಈ॑ಜಾ॒ನ-ಶ್ಛನ್ದ॑ಸಾಮೇ॒ಷ ರಸೋ॒ ಯ-ದ್ವ॒ಶಾ ಯನ್ಮೈ᳚ತ್ರಾವರು॒ಣೀಂ-ವಁ॒ಶಾಮಾ॒ಲಭ॑ತೇ॒ ಛನ್ದಾಗ್॑ಸ್ಯೇ॒ವ ಪುನ॒ರಾ ಪ್ರೀ॑ಣಾ॒ತ್ಯ ಯಾ॑ತಯಾಮತ್ವಾ॒ಯಾಥೋ॒ ಛನ್ದ॑ಸ್ಸ್ವೇ॒ವ ರಸ॑-ನ್ದಧಾತಿ ॥ 29 ॥
(ಅವ॑ - ದಾಧಾರ - ಮಿ॒ತ್ರೇಣೈ॒ವ - ಪ್ರೀ॑ಣಾತಿ॒ - ಷಟ್ಚ॑) (ಅ. 7)
ದೇ॒ವಾ ವಾ ಇ॑ನ್ದ್ರಿ॒ಯಂ-ವೀಁ॒ರ್ಯಾಂ᳚(1॒) ಁವ್ಯ॑ಭಜನ್ತ॒ ತತೋ॒ ಯದ॒ತ್ಯಶಿ॑ಷ್ಯತ॒ ತದ॑ತಿಗ್ರಾ॒ಹ್ಯಾ॑ ಅಭವ॒-ನ್ತದ॑ತಿಗ್ರಾ॒ಹ್ಯಾ॑ಣಾ-ಮತಿಗ್ರಾಹ್ಯ॒ತ್ವಂ-ಯಁದ॑ತಿಗ್ರಾ॒ಹ್ಯಾ॑ ಗೃ॒ಹ್ಯನ್ತ॑ ಇನ್ದ್ರಿ॒ಯಮೇ॒ವ ತ-ದ್ವೀ॒ರ್ಯಂ॑-ಯಁಜ॑ಮಾನ ಆ॒ತ್ಮ-ನ್ಧ॑ತ್ತೇ॒ ತೇಜ॑ ಆಗ್ನೇ॒ಯೇನೇ᳚ನ್ದ್ರಿ॒ಯ-ಮೈ॒ನ್ದ್ರೇಣ॑ ಬ್ರಹ್ಮವರ್ಚ॒ಸಗ್ಂ ಸೌ॒ರ್ಯೇಣೋ॑ಪ॒ಸ್ತಮ್ಭ॑ನಂ॒-ವಾಁ ಏ॒ತ-ದ್ಯ॒ಜ್ಞಸ್ಯ॒ ಯದ॑ತಿಗ್ರಾ॒ಹ್ಯಾ᳚ಶ್ಚ॒ಕ್ರೇ ಪೃ॒ಷ್ಠಾನಿ॒ ಯ-ತ್ಪೃಷ್ಠ್ಯೇ॒ ನ ಗೃ॑ಹ್ಣೀ॒ಯಾ-ತ್ಪ್ರಾಞ್ಚಂ॑-ಯಁ॒ಜ್ಞ-ಮ್ಪೃ॒ಷ್ಠಾನಿ॒ ಸಗ್ಂ ಶೃ॑ಣೀಯು॒ರ್ಯ-ದು॒ಕ್ಥ್ಯೇ॑ [-ದು॒ಕ್ಥ್ಯೇ᳚, ಗೃ॒ಹ್ಣೀ॒ಯಾ-ತ್ಪ್ರ॒ತ್ಯಞ್ಚಂ॑-] 30
ಗೃಹ್ಣೀ॒ಯಾ-ತ್ಪ್ರ॒ತ್ಯಞ್ಚಂ॑-ಯಁ॒ಜ್ಞಮ॑ತಿಗ್ರಾ॒ಹ್ಯಾ᳚-ಸ್ಸಗ್ಂ ಶೃ॑ಣೀಯುರ್ವಿಶ್ವ॒ಜಿತಿ॒ ಸರ್ವ॑ಪೃಷ್ಠೇ ಗ್ರಹೀತ॒ವ್ಯಾ॑ ಯ॒ಜ್ಞಸ್ಯ॑ ಸವೀರ್ಯ॒ತ್ವಾಯ॑ ಪ್ರ॒ಜಾಪ॑ತಿರ್ದೇ॒ವೇಭ್ಯೋ॑ ಯ॒ಜ್ಞಾನ್ ವ್ಯಾದಿ॑ಶ॒-ಥ್ಸ ಪ್ರಿ॒ಯಾಸ್ತ॒ನೂರಪ॒ ನ್ಯ॑ಧತ್ತ॒ ತದ॑ತಿಗ್ರಾ॒ಹ್ಯಾ॑ ಅಭವ॒ನ್ ವಿತ॑ನು॒ಸ್ತಸ್ಯ॑ ಯ॒ಜ್ಞ ಇತ್ಯಾ॑ಹು॒ರ್ಯ-ಸ್ಯಾ॑ತಿಗ್ರಾ॒ಹ್ಯಾ॑ ನ ಗೃ॒ಹ್ಯನ್ತ॒ ಇತ್ಯಪ್ಯ॑ಗ್ನಿಷ್ಟೋ॒ಮೇ ಗ್ರ॑ಹೀತ॒ವ್ಯಾ॑ ಯ॒ಜ್ಞಸ್ಯ॑ ಸತನು॒ತ್ವಾಯ॑ ದೇ॒ವತಾ॒ ವೈ ಸರ್ವಾ᳚-ಸ್ಸ॒ದೃಶೀ॑ರಾಸ॒-ನ್ತಾ ನ ವ್ಯಾ॒ವೃತ॑-ಮಗಚ್ಛ॒-ನ್ತೇ ದೇ॒ವಾ [ದೇ॒ವಾಃ, ಏ॒ತ ಏ॒ತಾ-ನ್ಗ್ರಹಾ॑-] 31
ಏ॒ತ ಏ॒ತಾ-ನ್ಗ್ರಹಾ॑-ನಪಶ್ಯ॒-ನ್ತಾನ॑ಗೃಹ್ಣತಾ-ಽಽಗ್ನೇ॒ ಯಮ॒ಗ್ನಿರೈ॒ನ್ದ್ರಮಿನ್ದ್ರಃ॑ ಸೌ॒ರ್ಯಗ್ಂ ಸೂರ್ಯ॒ಸ್ತತೋ॒ ವೈ ತೇ᳚-ಽನ್ಯಾಭಿ॑-ರ್ದೇ॒ವತಾ॑ಭಿ-ರ್ವ್ಯಾ॒ವೃತ॑ಮಗಚ್ಛ॒ನ್॒. ಯಸ್ಯೈ॒ವಂ-ವಿಁ॒ದುಷ॑ ಏ॒ತೇ ಗ್ರಹಾ॑ ಗೃ॒ಹ್ಯನ್ತೇ᳚ ವ್ಯಾ॒ವೃತ॑ಮೇ॒ವ ಪಾ॒ಪ್ಮನಾ॒ ಭ್ರಾತೃ॑ವ್ಯೇಣ ಗಚ್ಛತೀ॒ಮೇ ಲೋ॒ಕಾ ಜ್ಯೋತಿ॑ಷ್ಮನ್ತ-ಸ್ಸ॒ಮಾವ॑-ದ್ವೀರ್ಯಾಃ ಕಾ॒ರ್ಯಾ॑ ಇತ್ಯಾ॑ಹುರಾಗ್ನೇ॒ಯೇನಾ॒ಸ್ಮಿನ್ ಁಲೋ॒ಕೇ ಜ್ಯೋತಿ॑ರ್ಧತ್ತ ಐ॒ನ್ದ್ರೇಣಾ॒ನ್ತರಿ॑ಕ್ಷ ಇನ್ದ್ರವಾ॒ಯೂ ಹಿ ಸ॒ಯುಜೌ॑ ಸೌ॒ರ್ಯೇಣಾ॒ಮುಷ್ಮಿ॑ನ್ ಁಲೋ॒ಕೇ [ ] 32
ಜ್ಯೋತಿ॑ರ್ಧತ್ತೇ॒ ಜ್ಯೋತಿ॑ಷ್ಮನ್ತೋ-ಽಸ್ಮಾ ಇ॒ಮೇ ಲೋ॒ಕಾ ಭ॑ವನ್ತಿ ಸ॒ಮಾವ॑-ದ್ವೀರ್ಯಾನೇನಾನ್ ಕುರುತ ಏ॒ತಾನ್. ವೈ ಗ್ರಹಾ᳚-ನ್ಬ॒ಬಾಂ-ವಿ॒ಶ್ವವ॑ಯಸಾ-ವವಿತ್ತಾ॒-ನ್ತಾಭ್ಯಾ॑ಮಿ॒ಮೇ ಲೋ॒ಕಾಃ ಪರಾ᳚ಞ್ಚಶ್ಚಾ॒ರ್ವಾಞ್ಚ॑ಶ್ಚ॒ ಪ್ರಾಭು॒ರ್ಯಸ್ಯೈ॒ವಂ-ವಿಁ॒ದುಷ॑ ಏ॒ತೇ ಗ್ರಹಾ॑ ಗೃ॒ಹ್ಯನ್ತೇ॒ ಪ್ರಾಸ್ಮಾ॑ ಇ॒ಮೇ ಲೋ॒ಕಾಃ ಪರಾ᳚ಞ್ಚಶ್ಚಾ॒ರ್ವಾಞ್ಚ॑ಶ್ಚ ಭಾನ್ತಿ ॥ 33 ॥
(ಉ॒ಕ್ಥ್ಯೇ॑ - ದೇ॒ವಾ - ಅ॒ಮುಷ್ಮಿ॑ನ್ ಁಲೋ॒ಕ - ಏಕಾ॒ನ್ನಚ॑ತ್ವಾರಿ॒ಗ್ಂ॒ಶಚ್ಚ॑) (ಅ. 8)
ದೇ॒ವಾ ವೈ ಯ-ದ್ಯ॒ಜ್ಞೇ-ಽಕು॑ರ್ವತ॒ ತದಸು॑ರಾ ಅಕುರ್ವತ॒ ತೇ ದೇ॒ವಾ ಅದಾ᳚ಭ್ಯೇ॒ ಛನ್ದಾಗ್ಂ॑ಸಿ॒ ಸವ॑ನಾನಿ॒ ಸಮ॑ಸ್ಥಾಪಯ॒-ನ್ತತೋ॑ ದೇ॒ವಾ ಅಭ॑ವ॒-ನ್ಪರಾ-ಽಸು॑ರಾ॒ ಯಸ್ಯೈ॒ವಂ-ವಿಁ॒ದುಷೋ-ಽದಾ᳚ಭ್ಯೋ ಗೃ॒ಹ್ಯತೇ॒ ಭವ॑ತ್ಯಾ॒ತ್ಮನಾ॒ ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತಿ॒ ಯದ್ವೈ ದೇ॒ವಾ ಅಸು॑ರಾ॒-ನದಾ᳚ಭ್ಯೇ॒-ನಾದ॑ಭ್ನುವ॒-ನ್ತದದಾ᳚ಭ್ಯಸ್ಯಾ-ದಾಭ್ಯ॒ ತ್ವಂ-ಯಁ ಏ॒ವಂ-ವೇಁದ॑ ದ॒ಭ್ನೋತ್ಯೇ॒ವ ಭ್ರಾತೃ॑ವ್ಯ॒-ನ್ನೈನ॒-ಮ್ಭ್ರಾತೃ॑ವ್ಯೋ ದಭ್ನೋ- [ದಭ್ನೋತಿ, ಏ॒ಷಾ ವೈ] 34
-ತ್ಯೇ॒ಷಾ ವೈ ಪ್ರ॒ಜಾಪ॑ತೇ-ರತಿಮೋ॒ಕ್ಷಿಣೀ॒ ನಾಮ॑ ತ॒ನೂರ್ಯದದಾ᳚ಭ್ಯ॒ ಉಪ॑ನದ್ಧಸ್ಯ ಗೃಹ್ಣಾ॒ತ್ಯತಿ॑ಮುಕ್ತ್ಯಾ॒ ಅತಿ॑ ಪಾ॒ಪ್ಮಾನ॒-ಮ್ಭ್ರಾತೃ॑ವ್ಯ-ಮ್ಮುಚ್ಯತೇ॒ ಯ ಏ॒ವಂ-ವೇಁದ॒ ಘ್ನನ್ತಿ॒ ವಾ ಏ॒ತ-ಥ್ಸೋಮಂ॒-ಯಁದ॑ಭಿಷು॒ಣ್ವನ್ತಿ॒ ಸೋಮೇ॑ ಹ॒ನ್ಯಮಾ॑ನೇ ಯ॒ಜ್ಞೋ ಹ॑ನ್ಯತೇ ಯ॒ಜ್ಞೇ ಯಜ॑ಮಾನೋ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಿ-ನ್ತ-ದ್ಯ॒ಜ್ಞೇ ಯಜ॑ಮಾನಃ ಕುರುತೇ॒ ಯೇನ॒ ಜೀವನ್᳚-ಥ್ಸುವ॒ರ್ಗಂ-ಲೋಁ॒ಕಮೇತೀತಿ॑ ಜೀವಗ್ರ॒ಹೋ ವಾ ಏ॒ಷ ಯದದಾ॒ಭ್ಯೋ ಽನ॑ಭಿಷುತಸ್ಯ ಗೃಹ್ಣಾತಿ॒ ಜೀವ॑ನ್ತಮೇ॒ವೈನಗ್ಂ॑ ಸುವ॒ರ್ಗಂ ಁಲೋ॒ಕ-ಙ್ಗ॑ಮಯತಿ॒ ವಿ ವಾ ಏ॒ತ-ದ್ಯ॒ಜ್ಞ-ಞ್ಛಿ॑ನ್ದನ್ತಿ॒ ಯದದಾ᳚ಭ್ಯೇ ಸಗ್ಗ್-ಸ್ಥಾ॒ಪಯ॑-ನ್ತ್ಯ॒ಗ್ಂ॒ಶೂನಪಿ॑ ಸೃಜತಿ ಯ॒ಜ್ಞಸ್ಯ॒ ಸನ್ತ॑ತ್ಯೈ ॥ 35 ॥
(ದ॒ಭ್ನೋ॒ತ್ಯ - ನ॑ಭಿಷುತಸ್ಯ ಗೃಹ್ಣಾ॒ತ್ಯೇ - ಕಾ॒ನ್ನವಿಗ್ಂ॑ಶ॒ತಿಶ್ಚ॑) (ಅ. 9)
ದೇ॒ವಾ ವೈ ಪ್ರ॒ಬಾಹು॒ಗ್ಗ್ರಹಾ॑-ನಗೃಹ್ಣತ॒ ಸ ಏ॒ತ-ಮ್ಪ್ರ॒ಜಾಪ॑ತಿ-ರ॒ಗ್ಂ॒ಶು-ಮ॑ಪಶ್ಯ॒-ತ್ತಮ॑ಗೃಹ್ಣೀತ॒ ತೇನ॒ ವೈ ಸ ಆ᳚ರ್ಧ್ನೋ॒-ದ್ಯಸ್ಯೈ॒ವಂ-ವಿಁ॒ದುಷೋ॒-ಽಗ್ಂ॒ಶು-ರ್ಗೃ॒ಹ್ಯತ॑ ಋ॒ದ್ಧ್ನೋತ್ಯೇ॒ವ ಸ॒ಕೃದ॑ಭಿಷುತಸ್ಯ ಗೃಹ್ಣಾತಿ ಸ॒ಕೃದ್ಧಿ ಸ ತೇನಾ-ಽಽರ್ಧ್ನೋ॒ನ್ಮನ॑ಸಾ ಗೃಹ್ಣಾತಿ॒ ಮನ॑ ಇವ॒ ಹಿ ಪ್ರ॒ಜಾಪ॑ತಿಃ ಪ್ರ॒ಜಾಪ॑ತೇ॒ರಾಪ್ತ್ಯಾ॒ ಔದು॑ಮ್ಬರೇಣ ಗೃಹ್ಣಾ॒ತ್ಯೂರ್ಗ್ವಾ ಉ॑ದು॒ಮ್ಬರ॒ ಊರ್ಜ॑ಮೇ॒ವಾವ॑ ರುನ್ಧೇ॒ ಚತುಃ॑ಸ್ರಕ್ತಿ ಭವತಿ ದಿ॒- [ಭವತಿ ದಿ॒ಕ್ಷು, ಏ॒ವ ಪ್ರತಿ॑ ತಿಷ್ಠತಿ॒] 36
-ಕ್ಷ್ವೇ॑ವ ಪ್ರತಿ॑ ತಿಷ್ಠತಿ॒ ಯೋ ವಾ ಅ॒ಗ್ಂ॒ಶೋರಾ॒ಯತ॑ನಂ॒-ವೇಁದಾ॒-ಽಽಯತ॑ನವಾ-ನ್ಭವತಿ ವಾಮದೇ॒ವ್ಯಮಿತಿ॒ ಸಾಮ॒ ತದ್ವಾ ಅ॑ಸ್ಯಾ॒-ಽಽಯತ॑ನ॒-ಮ್ಮನ॑ಸಾ॒ ಗಾಯ॑ಮಾನೋ ಗೃಹ್ಣಾತ್ಯಾ॒ಯತ॑ನವಾನೇ॒ವ ಭ॑ವತಿ॒ ಯದ॑ದ್ಧ್ವ॒ರ್ಯುರ॒ಗ್ಂ॒ಶು-ಙ್ಗೃ॒ಹ್ಣ-ನ್ನಾರ್ಧಯೇ॑ದು॒ಭಾಭ್ಯಾ॒-ನ್ನರ್ಧ್ಯೇ॑ತಾದ್ಧ್ವ॒ರ್ಯವೇ॑ ಚ॒ ಯಜ॑ಮಾನಾಯ ಚ॒ ಯದ॒ರ್ಧಯೇ॑-ದು॒ಭಾಭ್ಯಾ॑-ಮೃದ್ಧ್ಯೇ॒ತಾನ॑ವಾನ-ಙ್ಗೃಹ್ಣಾತಿ॒ ಸೈವಾಸ್ಯರ್ಧಿ॒ರ್॒. ಹಿರ॑ಣ್ಯಮ॒ಭಿ ವ್ಯ॑ನಿತ್ಯ॒ಮೃತಂ॒-ವೈಁ ಹಿರ॑ಣ್ಯ॒ಮಾಯುಃ॑ ಪ್ರಾ॒ಣ ಆಯು॑ಷೈ॒ವಾಮೃತ॑ಮ॒ಭಿ ಧಿ॑ನೋತಿ ಶ॒ತಮಾ॑ನ-ಮ್ಭವತಿ ಶ॒ತಾಯುಃ॒ ಪುರು॑ಷ-ಶ್ಶ॒ತೇನ್ದ್ರಿ॑ಯ॒ ಆಯು॑ಷ್ಯೇ॒ವೇನ್ದ್ರಿ॒ಯೇ ಪ್ರತಿ॑ ತಿಷ್ಠತಿ ॥ 37 ॥
(ದಿ॒ಕ್ಷ್ವ॑ - ನಿತಿ - ವಿಗ್ಂಶ॒ತಿಶ್ಚ॑) (ಅ. 10)
ಪ್ರ॒ಜಾಪ॑ತಿ-ರ್ದೇ॒ವೇಭ್ಯೋ॑ ಯ॒ಜ್ಞಾನ್ ವ್ಯಾದಿ॑ಶ॒-ಥ್ಸ ರಿ॑ರಿಚಾ॒ನೋ॑-ಽಮನ್ಯತ॒ ಸ ಯ॒ಜ್ಞಾನಾಗ್ಂ॑ ಷೋಡಶ॒ಧೇನ್ದ್ರಿ॒ಯಂ-ವೀಁ॒ರ್ಯ॑ಮಾ॒ತ್ಮಾನ॑ಮ॒ಭಿ ಸಮ॑ಕ್ಖಿದ॒-ತ್ತ-ಥ್ಷೋ॑ಡ॒ಶ್ಯ॑ಭವ॒ನ್ನ ವೈ ಷೋ॑ಡ॒ಶೀ ನಾಮ॑ ಯ॒ಜ್ಞೋ᳚-ಽಸ್ತಿ॒ ಯದ್ವಾವ ಷೋ॑ಡ॒ಶಗ್ಗ್ ಸ್ತೋ॒ತ್ರಗ್ಂ ಷೋ॑ಡ॒ಶಗ್ಂ ಶ॒ಸ್ತ್ರ-ನ್ತೇನ॑ ಷೋಡ॒ಶೀ ತ-ಥ್ಷೋ॑ಡ॒ಶಿನಃ॑ ಷೋಡಶಿ॒ತ್ವಂ-ಯಁ-ಥ್ಷೋ॑ಡ॒ಶೀ ಗೃ॒ಹ್ಯತ॑ ಇನ್ದ್ರಿ॒ಯಮೇ॒ವ ತ-ದ್ವೀ॒ರ್ಯಂ॑-ಯಁಜ॑ಮಾನ ಆ॒ತ್ಮ-ನ್ಧ॑ತ್ತೇ ದೇ॒ವೇಭ್ಯೋ॒ ವೈ ಸು॑ವ॒ರ್ಗೋ ಲೋ॒ಕೋ [ಲೋ॒ಕಃ, ನ ಪ್ರಾಭ॑ವ॒-ತ್ತ] 38
ನ ಪ್ರಾಭ॑ವ॒-ತ್ತ ಏ॒ತಗ್ಂ ಷೋ॑ಡ॒ಶಿನ॑ಮಪಶ್ಯ॒-ನ್ತಮ॑ಗೃಹ್ಣತ॒ ತತೋ॒ ವೈ ತೇಭ್ಯಃ॑ ಸುವ॒ರ್ಗೋ ಲೋ॒ಕಃ ಪ್ರಾಭ॑ವ॒ದ್ಯ-ಥ್ಷೋ॑ಡ॒ಶೀ ಗೃ॒ಹ್ಯತೇ॑ ಸುವ॒ರ್ಗಸ್ಯ॑ ಲೋ॒ಕಸ್ಯಾ॒ಭಿಜಿ॑ತ್ಯಾ॒ ಇನ್ದ್ರೋ॒ ವೈ ದೇ॒ವಾನಾ॑ಮಾನುಜಾವ॒ರ ಆ॑ಸೀ॒-ಥ್ಸ ಪ್ರ॒ಜಾಪ॑ತಿ॒ಮುಪಾ॑ಧಾವ॒-ತ್ತಸ್ಮಾ॑ ಏ॒ತಗ್ಂ ಷೋ॑ಡ॒ಶಿನ॒-ಮ್ಪ್ರಾಯ॑ಚ್ಛ॒-ತ್ತಮ॑ಗೃಹ್ಣೀತ॒ ತತೋ॒ ವೈ ಸೋ-ಽಗ್ರ॑-ನ್ದೇ॒ವತಾ॑ನಾ॒-ಮ್ಪರ್ಯೈ॒-ದ್ಯಸ್ಯೈ॒ವಂ-ವಿಁ॒ದುಷಃ॑ ಷೋಡ॒ಶೀ ಗೃ॒ಹ್ಯತೇ- [ಗೃ॒ಹ್ಯತೇ᳚, ಅಗ್ರ॑ಮೇ॒ವ] 39
-ಽಗ್ರ॑ಮೇ॒ವ ಸ॑ಮಾ॒ನಾನಾ॒-ಮ್ಪರ್ಯೇ॑ತಿ ಪ್ರಾತಸ್ಸವ॒ನೇ ಗೃ॑ಹ್ಣಾತಿ॒ ವಜ್ರೋ॒ ವೈ ಷೋ॑ಡ॒ಶೀ ವಜ್ರಃ॑ ಪ್ರಾತಸ್ಸವ॒ನಗ್ಗ್ ಸ್ವಾದೇ॒ವೈನಂ॒-ಯೋಁನೇ॒ರ್ನಿಗೃ॑ಹ್ಣಾತಿ॒ ಸವ॑ನೇಸವನೇ॒-ಽಭಿ ಗೃ॑ಹ್ಣಾತಿ॒ ಸವ॑ನಾಥ್ಸವನಾದೇ॒ವೈನ॒-ಮ್ಪ್ರ ಜ॑ನಯತಿ ತೃತೀಯಸವ॒ನೇ ಪ॒ಶುಕಾ॑ಮಸ್ಯ ಗೃಹ್ಣೀಯಾ॒-ದ್ವಜ್ರೋ॒ ವೈ ಷೋ॑ಡ॒ಶೀ ಪ॒ಶವ॑ಸ್ತೃತೀಯಸವ॒ನಂ-ವಁಜ್ರೇ॑ಣೈ॒ವಾಸ್ಮೈ॑ ತೃತೀಯಸವ॒ನಾ-ತ್ಪ॒ಶೂನವ॑ ರುನ್ಧೇ॒ ನೋಕ್ಥ್ಯೇ॑ ಗೃಹ್ಣೀಯಾ-ತ್ಪ್ರ॒ಜಾ ವೈ ಪ॒ಶವ॑ ಉ॒ಕ್ಥಾನಿ॒ ಯದು॒ಕ್ಥ್ಯೇ॑- [ಯದು॒ಕ್ಥ್ಯೇ᳚, ಗೃ॒ಹ್ಣೀ॒ಯಾ-ತ್ಪ್ರ॒ಜಾ-] 40
ಗೃಹ್ಣೀ॒ಯಾ-ತ್ಪ್ರ॒ಜಾ-ಮ್ಪ॒ಶೂನ॑ಸ್ಯ॒ ನಿರ್ದ॑ಹೇದತಿರಾ॒ತ್ರೇ ಪ॒ಶುಕಾ॑ಮಸ್ಯ ಗೃಹ್ಣೀಯಾ॒-ದ್ವಜ್ರೋ॒ ವೈ ಷೋ॑ಡ॒ಶೀ ವಜ್ರೇ॑ಣೈ॒ವಾಸ್ಮೈ॑ ಪ॒ಶೂನ॑ವ॒ರುದ್ಧ್ಯ॒ ರಾತ್ರಿ॑-ಯೋ॒ಪರಿ॑ಷ್ಟಾ-ಚ್ಛಮಯ॒ತ್ಯಪ್ಯ॑ಗ್ನಿಷ್ಟೋ॒ಮೇ ರಾ॑ಜ॒ನ್ಯ॑ಸ್ಯ ಗೃಹ್ಣೀಯಾ-ದ್ವ್ಯಾ॒ವೃತ್ಕಾ॑ಮೋ॒ ಹಿ ರಾ॑ಜ॒ನ್ಯೋ॑ ಯಜ॑ತೇ ಸಾ॒ಹ್ನ ಏ॒ವಾಸ್ಮೈ॒ ವಜ್ರ॑-ಙ್ಗೃಹ್ಣಾತಿ॒ ಸ ಏ॑ನಂ॒-ವಁಜ್ರೋ॒ ಭೂತ್ಯಾ॑ ಇನ್ಧೇ॒ ನಿರ್ವಾ॑ ದಹ-ತ್ಯೇಕವಿ॒ಗ್ಂ॒ಶಗ್ಗ್ ಸ್ತೋ॒ತ್ರ-ಮ್ಭ॑ವತಿ॒ ಪ್ರತಿ॑ಷ್ಠಿತ್ಯೈ॒ ಹರಿ॑ವಚ್ಛಸ್ಯತ॒ ಇನ್ದ್ರ॑ಸ್ಯ ಪ್ರಿ॒ಯ-ನ್ಧಾಮೋ- [ಪ್ರಿ॒ಯ-ನ್ಧಾಮ॑, ಉಪಾ᳚-ಽಽಪ್ನೋತಿ॒] 41
-ಪಾ᳚-ಽಽಪ್ನೋತಿ॒ ಕನೀ॑ಯಾಗ್ಂಸಿ॒ ವೈ ದೇ॒ವೇಷು॒ ಛನ್ದಾ॒ಗ್॒ಸ್ಯಾಸ॒ನ್-ಜ್ಯಾಯಾ॒ಗ್॒-ಸ್ಯಸು॑ರೇಷು॒ ತೇ ದೇ॒ವಾಃ ಕನೀ॑ಯಸಾ॒ ಛನ್ದ॑ಸಾ॒ ಜ್ಯಾಯ॒-ಶ್ಛನ್ದೋ॒-ಽಭಿ ವ್ಯ॑ಶಗ್ಂಸ॒-ನ್ತತೋ॒ ವೈ ತೇ-ಽಸು॑ರಾಣಾಂ-ಲೋಁ॒ಕಮ॑ವೃಞ್ಜತ॒ ಯ-ತ್ಕನೀ॑ಯಸಾ॒ ಛನ್ದ॑ಸಾ॒ ಜ್ಯಾಯ॒-ಶ್ಛನ್ದೋ॒-ಽಭಿವಿ॒ಶಗ್ಂಸ॑ತಿ॒ ಭ್ರಾತೃ॑ವ್ಯಸ್ಯೈ॒ವ ತಲ್ಲೋ॒ಕಂ-ವೃಁ॑ಙ್ಕ್ತೇ॒ ಷಡ॒ಕ್ಷರಾ॒ಣ್ಯತಿ॑ ರೇಚಯನ್ತಿ॒ ಷ-ಡ್ವಾ ಋ॒ತವ॑ ಋ॒ತೂನೇ॒ವ ಪ್ರೀ॑ಣಾತಿ ಚ॒ತ್ವಾರಿ॒ ಪೂರ್ವಾ॒ಣ್ಯವ॑ ಕಲ್ಪಯನ್ತಿ॒ [ಕಲ್ಪಯನ್ತಿ, ಚತು॑ಷ್ಪದ ಏ॒ವ] 42
ಚತು॑ಷ್ಪದ ಏ॒ವ ಪ॒ಶೂನವ॑ ರುನ್ಧೇ॒ ದ್ವೇ ಉತ್ತ॑ರೇ ದ್ವಿ॒ಪದ॑ ಏ॒ವಾವ॑ ರುನ್ಧೇ ಽನು॒ಷ್ಟುಭ॑ಮ॒ಭಿ ಸ-ಮ್ಪಾ॑ದಯನ್ತಿ॒ ವಾಗ್ವಾ ಅ॑ನು॒ಷ್ಟು-ಪ್ತಸ್ಮಾ᳚-ತ್ಪ್ರಾ॒ಣಾನಾಂ॒-ವಾಁಗು॑ತ್ತ॒ಮಾ ಸ॑ಮಯಾವಿಷಿ॒ತೇ ಸೂರ್ಯೇ॑ ಷೋಡ॒ಶಿನಃ॑ ಸ್ತೋ॒ತ್ರ-ಮು॒ಪಾಕ॑ರೋತ್ಯೇ॒ತಸ್ಮಿ॒ನ್ ವೈ ಲೋ॒ಕ ಇನ್ದ್ರೋ॑ ವೃ॒ತ್ರಮ॑ಹನ್-ಥ್ಸಾ॒ಕ್ಷಾದೇ॒ವ ವಜ್ರ॒-ಮ್ಭ್ರಾತೃ॑ವ್ಯಾಯ॒ ಪ್ರ ಹ॑ರ-ತ್ಯರುಣಪಿಶ॒ಙ್ಗೋ-ಽಶ್ವೋ॒ ದಕ್ಷಿ॑ಣೈ॒ತದ್ವೈ ವಜ್ರ॑ಸ್ಯ ರೂ॒ಪಗ್ಂ ಸಮೃ॑ದ್ಧ್ಯೈ ॥ 43 ॥
(ಲೋ॒ಕೋ - ವಿ॒ದುಷಃ॑ ಷೋಡ॒ಶೀ ಗೃ॒ಹ್ಯತೇ॒ - ಯದು॒ಕ್ಥ್ಯೇ॑ - ಧಾಮ॑ - ಕಲ್ಪಯನ್ತಿ - ಸ॒ಪ್ತಚ॑ತ್ವಾರಿಗ್ಂಶಚ್ಚ) (ಅ. 11)
(ಸು॒ವ॒ರ್ಗಾಯ॒ ಯ-ದ್ದಾ᳚ಕ್ಷಿ॒ಣಾನಿ॑ - ಸಮಿಷ್ಟ ಯ॒ಜೂಗ್ - ಷ್ಯ॑ವಭೃಥ ಯ॒ಜೂಗ್ಂಷಿ॒ - ಸ್ಫ್ಯೇನ॑ - ಪ್ರ॒ಜಾಪ॑ತಿರೇಕಾದ॒ಶಿನೀ॒ - ಮಿನ್ದ್ರಃ॒ ಪತ್ನಿ॑ಯಾ॒ - ಘ್ನನ್ತಿ॑ - ದೇ॒ವಾ ವಾ ಇ॑ನ್ದ್ರಿ॒ಯಂ-ವೀಁ॒ರ್ಯಂ॑ - ದೇ॒ವಾ ವಾ ಅದಾ᳚ಭ್ಯೇ - ದೇ॒ವಾ ವೈ ಪ್ರ॒ಬಾಹು॑ಕ್ - ಪ್ರ॒ಜಾಪ॑ತಿರ್ದೇ॒ವೇಭ್ಯ॒-ಸ್ಸ ರಿ॑ರಿಚಾ॒ನಃ - ಷೋ॑ಡಶ॒ಧೈಕಾ॑ದಶ) (11)
(ಸು॒ವ॒ರ್ಗಾಯ॑ - ಯಜತಿ ಪ್ರ॒ಜಾಃ - ಸೌ॒ಮ್ಯೇನ॑ - ಗೃಹ್ಣೀ॒ಯಾ-ತ್ಪ್ರ॒ತ್ಯಞ್ಚಂ॑ - ಗೃಹ್ಣೀ॒ಯಾ-ತ್ಪ್ರ॒ಜಾ-ಮ್ಪ॒ಶೂನ್ - ತ್ರಿಚ॑ತ್ವಾರಿಗ್ಂಶತ್) (43)
(ಸು॒ವ॒ರ್ಗಾಯ॒, ವಜ್ರ॑ಸ್ಯ ರೂ॒ಪಗ್ಂ ಸಮೃ॑ದ್ಧ್ಯೈ)
(ಪ್ರಾ॒ಚೀನ॑ವಗ್ಂಶಂ॒ - ಯ - ಚ್ಚಾ॒ತ್ವಾಲಾ᳚ - ದ್ಯ॒ಜ್ಞೇನೇ - ನ್ದ್ರಃ॑ - ಸು॒ವರ್ಗಾಯ॒ - ಷಟ್ ) (6)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಷಷ್ಠಃ ಪ್ರಶ್ನ-ಸ್ಸಮಾಪ್ತಃ ॥
Roman (IAST) Transliteration
kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
su॒va॒rgāya॒ vā e॒tāni̭ lo॒kāya̭ hūyante॒ ya-ddā᳚kṣi॒ṇāni॒ dvābhyā॒-ṅgārha̭patye juhoti dvi॒pā-dyaja̭mānaḥ॒ prati̭ṣṭhityā॒ āgnī᳚ddhre juhotya॒ntari̭kṣa e॒vā-''kra̭mate॒ sado॒-'bhyaiti̭ suva॒rgame॒vainaṃ̭-lo~॒ka-ṅga̭mayati sau॒rībhyā̭mṛ॒gbhyā-ṅgārha̭patye juhotya॒mume॒vainaṃ̭-lo~॒kagṃ sa॒māro̭hayati॒ naya̭vatya॒rcā-''gnī᳚ddhre juhoti suva॒rgasya̭ lo॒kasyā॒bhinī᳚tyai॒ diva̭-ṅgaccha॒ suvaḥ̭ pa॒teti॒ hira̭ṇyagṃ [hira̭ṇyam, hu॒tvo-dgṛ̭hṇāti] 1
hu॒tvo-dgṛ̭hṇāti suva॒rgame॒vainaṃ̭-lo~॒ka-ṅga̭mayati rū॒peṇa̭ vo rū॒pama॒bhyaimītyā̭ha rū॒peṇa॒ hyā̭sāgṃ rū॒pama॒bhyaiti॒ yaddhira̭ṇyena tu॒tho vo̭ vi॒śvavḙdā॒ vi bha̭ja॒tvityā̭ha tu॒tho ha̭ sma॒ vai vi॒śvavḙdā de॒vānā॒-ndakṣi̭ṇā॒ vi bha̭jati॒ tenai॒vainā॒ vi bha̭jatye॒ ta-ttḙ agne॒ rādha॒ [agne॒ rādhaḥ̭, aiti॒ soma̭cyuta॒-] 2
aiti॒ soma̭cyuta॒-mityā̭ha॒ soma̭cyuta॒gg॒ hya̭sya॒ rādha॒ aiti॒ tanmi॒trasya̭ pa॒thā na॒yetyā̭ha॒ śāntyā̭ ṛ॒tasya̭ pa॒thā preta̭ ca॒ndra da̭kṣiṇā॒ ityā̭ha sa॒tyaṃ-vā~ ṛ॒tagṃ sa॒tyenai॒vainā̭ ṛ॒tena॒ vi bha̭jati ya॒jñasya̭ pa॒thā sṷvi॒tā naya̭ntī॒rityā̭ha ya॒jñasya॒ hyḙtāḥ pa॒thā yanti॒ ya-ddakṣi̭ṇā brāhma॒ṇama॒dya rā᳚ddhyāsa॒- [rā᳚ddhyāsam, ṛṣi̭mārṣe॒ya-] 3
-mṛṣi̭mārṣe॒ya-mityā̭hai॒ṣa vai brā᳚hma॒ṇa ṛṣi̭rārṣe॒yo ya-śśṷśru॒vā-ntasmā̭de॒vamā̭ha॒ vi suvaḥ॒ paśya॒ vya̭ntari̭kṣa॒mityā̭ha suva॒rgame॒vainaṃ̭-lo~॒ka-ṅga̭mayati॒ yata̭sva sada॒syai̭rityā̭ha mitra॒tvāyā॒smaddā᳚trā deva॒trā ga̭cchata॒ madhṷmatīḥ pradā॒tāra॒mā vi̭śa॒tetyā̭ha va॒yami॒ha pra̭dā॒tāra॒-ssmo᳚-'smāna॒mutra॒ madhṷmatī॒rā vi̭śa॒teti॒ [vi̭śa॒teti̭, vāvaitadā̭ha॒] 4
vāvaitadā̭ha॒ hira̭ṇya-ndadāti॒ jyoti॒rvai hira̭ṇya॒-ñjyoti̭re॒va pu॒rastā᳚ddhatte suva॒rgasya̭ lo॒kasyānṷkhyātyā a॒gnīdhḙ dadātya॒gnimṷkhāne॒vartū-nprī̭ṇāti bra॒hmaṇḙ dadāti॒ prasū᳚tyai॒ hotrḙ dadātyā॒tmā vā e॒ṣa ya॒jñasya॒ yaddhotā॒-''tmāna̭me॒va ya॒jñasya॒ dakṣi̭ṇābhi॒-ssama̭rdhayati || 5 ||
(hira̭ṇya॒gṃ॒ - rādho̭ - rādhyāsa - ma॒mutra॒ madhṷmatī॒rā vi̭śa॒tetya॒ - ṣṭātrigṃ̭śacca) (a. 1)
sa॒mi॒ṣṭa॒ ya॒jūgṃṣi̭ juhoti ya॒jñasya॒ sami̭ṣṭyai॒ yadvai ya॒jñasya̭ krū॒raṃ-ya~-dvili̭ṣṭaṃ॒-ya~da॒tyeti॒ yannātyeti॒ yada̭tika॒roti॒ yannāpi̭ ka॒roti॒ tade॒va taiḥ prī̭ṇāti॒ nava̭ juhoti॒ nava॒ vai purṷṣe prā॒ṇāḥ purṷṣeṇa ya॒jña-ssammi̭to॒ yāvā̭ne॒va ya॒jñasta-mprī̭ṇāti॒ ṣa-ḍṛgmi̭yāṇi juhoti॒ ṣaḍvā ṛ॒tava̭ ṛ॒tūne॒va prī̭ṇāti॒ trīṇi॒ yajūgṃ̭ṣi॒ [yajūgṃ̭ṣi, traya̭ i॒me lo॒kā] 6
traya̭ i॒me lo॒kā i॒māne॒va lo॒kā-nprī̭ṇāti॒ yajña̭ ya॒jña-ṅga̭ccha ya॒jñapa̭ti-ṅga॒cchetyā̭ha ya॒jñapa̭time॒vaina̭-ṅgamayati॒ svāṃ-yo~ni̭-ṅga॒cchetyā̭ha॒ svāme॒vainaṃ॒-yo~ni̭-ṅgamayatye॒ṣa tḙ ya॒jño ya̭jñapate sa॒hasū᳚ktavāka-ssu॒vīra॒ ityā̭ha॒ yaja̭māna e॒va vī॒rya̭-ndadhāti vāsi॒ṣṭho ha̭ sātyaha॒vyo dḙvabhā॒ga-mpa̭praccha॒ ya-thsṛñja̭yā-nbahuyā॒jino-'yī̭yajo ya॒jñe [ ] 7
ya॒jña-mpratya̭tiṣṭhi॒pā(3) ya॒jñapa॒tā(3)viti॒ sa ho̭vāca ya॒jñapa̭tā॒viti̭ sa॒tyādvai sṛñja̭yāḥ॒ parā̭ babhūvu॒riti̭ hovāca ya॒jñe vāva ya॒jñaḥ pra̭ti॒ṣṭhāpya̭ āsī॒-dyaja̭māna॒syā-'pa̭rābhāvā॒yeti॒ devā̭ gātuvido gā॒tuṃ-vi~॒ttvā gā॒tu -mi॒tetyā̭ha ya॒jña e॒va ya॒jña-mprati̭ ṣṭhāpayati॒ yaja̭māna॒syā-'pa̭rābhāvāya || 8 ||
(yajūgṃ̭ṣi - ya॒jña - eka̭catvārigṃśacca) (a. 2)
a॒va॒bhṛ॒tha॒-ya॒jūgṃṣi̭ juhoti॒ yade॒vārvā॒cīna॒-meka̭hāyanā॒denaḥ̭ ka॒roti॒ tade॒va tairava̭ yajate॒ 'po̭-'vabhṛ॒tha-mavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate॒ vartma̭nā॒ vā a॒nvitya̭ ya॒jñagṃ rakṣāgṃ̭si jighāgṃsanti॒ sāmnā᳚ prasto॒tā-'nvavai̭ti॒ sāma॒ vai ra̭kṣo॒hā rakṣa̭sā॒mapa̭hatyai॒ trirni॒dhana॒mupai̭ti॒ traya̭ i॒me lo॒kā e॒bhya e॒va lo॒kebhyo॒ rakṣā॒g॒- [lo॒kebhyo॒ rakṣāgṃ̭si, apa̭ hanti॒] 9
-syapa̭ hanti॒ purṷṣaḥpuruṣo ni॒dhana॒mupai̭ti॒ purṷṣaḥpuruṣo॒ hi ra̭kṣa॒svī rakṣa̭sā॒mapa̭hatyā u॒rugṃ hi rājā॒ varṷṇaśca॒kāretyā̭ha॒ prati̭ṣṭhityai śa॒ta-ntḙ rāja-nbhi॒ṣajaḥ̭ sa॒hasra॒mityā̭ha bheṣa॒jame॒vāsmai̭ karotya॒bhiṣṭhi̭to॒ varṷṇasya॒ pāśa॒ ityā̭ha varuṇapā॒śame॒vābhi ti̭ṣṭhati ba॒r॒hira॒bhi jṷho॒tyāhṷtīnā॒-mprati̭ṣṭhityā॒ atho̭ agni॒vatye॒va jṷho॒tyapa̭ barhiṣaḥ prayā॒jān [prayā॒jān, ya॒ja॒ti॒ pra॒jā vai] 10
ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñca॒tyājya̭bhāgau yajati ya॒jñasyai॒va cakṣṷṣī॒ nāntarḙti॒ varṷṇaṃ-ya~jati varuṇapā॒śāde॒vaina̭-mmuñcatya॒gnīvarṷṇau yajati sā॒kṣāde॒vainaṃ̭-va~ruṇapā॒śā-nmṷñca॒tya-pa̭barhiṣāvanūyā॒jau ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñcati ca॒turaḥ̭ prayā॒jān. ya̭jati॒ dvāva̭nūyā॒jau ṣaṭ-thsampa̭dyante॒ ṣaḍvā ṛ॒tava̭ [ṣaḍvā ṛ॒tavaḥ̭, ṛ॒tuṣve॒va prati̭] 11
ṛ॒tuṣve॒va prati̭ tiṣṭha॒-tyava̭bhṛtha-nicaṅku॒ṇetyā̭ha yathodi॒tame॒va varṷṇa॒mava̭ yajate samu॒dre te॒ hṛda̭ya-ma॒phsva̭ntarityā̭ha samu॒dre hya̭ntarvarṷṇa॒-ssa-ntvā̭ viśa॒-ntvoṣa̭dhī-ru॒tā-''pa॒ ityā̭hā॒dbhi-re॒vaina॒moṣa̭dhībhi-ssa॒myañca̭-ndadhāti॒ devī̭rāpa e॒ṣa vo॒ garbha॒ ityā̭ha yathāya॒jure॒vaita-tpa॒śavo॒ vai [ ] 12
somo॒ ya-dbhi̭ndū॒nā-mbha॒kṣaye᳚-tpaśu॒mān-thsyā॒-dvarṷṇa॒-stvḙna-ṅgṛhṇīyā॒dyanna bha॒kṣayḙdapa॒śu-ssyā॒nnainaṃ॒-va~rṷṇo gṛhṇīyā-dupa॒spṛśya̭me॒va pa̭śu॒mā-nbha̭vati॒ nainaṃ॒-va~rṷṇo gṛhṇāti॒ prati̭yuto॒ varṷṇasya॒ pāśa॒ ityā̭ha varuṇapā॒śāde॒va nirmṷcya॒te 'pra̭tīkṣa॒mā ya̭nti॒ varṷṇasyā॒ntarhi̭tyā॒ edho᳚-'syedhiṣī॒mahī-tyā̭ha sa॒midhai॒vāgni-nna̭ma॒syanta̭ u॒pāya̭nti॒ tejo̭-'si॒ tejo॒ mayi̭ dhe॒hītyā̭ha॒ teja̭ e॒vā-''tma-ndha̭tte || 13 ||
(rakṣāgṃ̭si - prayā॒jā - nṛ॒tavo॒ - vai - na̭ma॒syanto॒ - dvāda̭śa ca) (a. 3)
sphyena॒ vedi॒muddha̭nti rathā॒kṣeṇa॒ vi mi̭mīte॒ yūpa̭-mminoti tri॒vṛta̭me॒va vajragṃ̭ sa॒bhṛntya॒ bhrātṛ̭vyāya॒ pra ha̭rati॒ stṛtyai॒ yada̭ntarve॒di mi̭nu॒yā-ddḙvalo॒kama॒bhi ja̭ye॒-dya-dba̭hirve॒di ma̭nuṣya lo॒kaṃ ~ve᳚dya॒ntasya̭ sa॒ndhau mi̭notyu॒bhayo᳚-rlo॒kayo̭-ra॒bhiji̭tyā॒ upa̭rasammitā-mminuyā-tpitṛlo॒kakā̭masya raśa॒nasa̭mintā-mmanuṣyalo॒kakā̭masya ca॒ṣāla̭-sammitāmindri॒ya kā̭masya॒ sarvā᳚n-thsa॒mā-npra̭ti॒ṣṭhākā̭masya॒ ye trayo̭ maddhya॒māstān-thsa॒mā-npa॒śukā̭masyai॒tān. vā [vai, anṷ] 14
anṷ pa॒śava॒ upa̭ tiṣṭhante paśu॒māne॒va bha̭vati॒ vyati̭ṣaje॒dita̭rā-npra॒jayai॒vaina̭-mpa॒śubhi॒rvyati̭ṣajati॒ ya-ṅkā॒mayḙta pra॒māyṷka-ssyā॒diti̭ garta॒mita॒-ntasya̭ minuyāduttarā॒rdhyaṃ̭-va~rṣi̭ṣṭha॒matha॒ hrasī̭yāgṃsame॒ṣā vai ga̭rta॒midyasyai॒va-mmi॒noti̭ tā॒ja-kpra mī̭yate dakṣiṇā॒rdhyaṃ̭-va~rṣi̭ṣṭha-mminuyā-thsuva॒rgakā̭ma॒syātha॒ hrasī̭yāgṃsa-mā॒krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ [sama̭ṣṭyai, yadeka̭smi॒n॒.] 15
yadeka̭smi॒n॒. yūpe॒ dve ra̭śa॒ne pa̭ri॒vyaya̭ti॒ tasmā॒deko॒ dve jā॒ye vi̭ndate॒ yannaikāgṃ̭ raśa॒nā-ndvayo॒ryūpa̭yoḥ pari॒vyaya̭ti॒ tasmā॒nnaikā॒ dvau patī̭ vindate॒ ya-ṅkā॒mayḙta॒ strya̭sya jāye॒tetyṷpā॒nte tasya॒ vyati̭ṣaje॒-thstryḙvāsya̭ jāyate॒ ya-ṅkā॒mayḙta॒ pumā̭nasya jāye॒tetyā॒nta-ntasya॒ pra ve᳚ṣṭaye॒-tpumā̭ne॒vāsya̭ [ve᳚ṣṭaye॒-tpumā̭ne॒vāsya̭, jā॒ya॒te 'sṷrā॒] 16
jāya॒te 'sṷrā॒ vai de॒vā-nda̭kṣiṇa॒ta upā̭naya॒-ntā-nde॒vā ṷpaśa॒yenai॒vāpā̭-nudanta॒ ta-dṷpaśa॒yasyo̭-paśaya॒tvaṃ-ya~-dda̭kṣiṇa॒ta ṷpaśa॒ya ṷpa॒śaye॒ bhrātṛ̭vyāpanuttyai॒ sarve॒ vā a॒nye yūpāḥ᳚ paśu॒manto-'tho̭paśa॒ya e॒vāpa॒śustasya॒ yaja̭mānaḥ pa॒śuryanna ni̭rdi॒śedārti॒-mārcche॒-dyaja̭māno॒-'sau tḙ pa॒śuriti॒ nirdi̭śe॒dya-ndvi॒ṣyā-dyame॒va [ ] 17
dveṣṭi॒ tama̭smai pa॒śu-nnirdi̭śati॒ yadi॒ na dvi॒ṣyādā॒khustḙ pa॒śuriti̭ brūyā॒nna grā॒myā-npa॒śūn. hi॒nasti॒ nā-''ra॒ṇyā-npra॒jāpa̭tiḥ pra॒jā a̭sṛjata॒ so᳚-'nnādyḙna॒ vyā᳚rdhyata॒ sa e॒tāmḙkāda॒śinī̭-mapaśya॒-ttayā॒ vai so᳚-'nnādya॒mavā̭rundha॒ yaddaśa॒ yūpā॒ bhava̭nti॒ daśā᳚kṣarā vi॒rāḍannaṃ̭-vi~॒rā-ḍvi॒rājai॒vā-nnādya॒mava̭ rundhe॒ [rundhe, ya] 18
ya ḙkāda॒śa-sstana̭ e॒vāsyai॒ sa du॒ha e॒vainā॒-ntena॒ vajro॒ vā e॒ṣā sa-mmī̭yate॒ yadḙkāda॒śinī॒ seśva॒rā pu॒rastā᳚-tpra॒tyañcaṃ̭-ya~॒jñagṃ samma̭rdito॒rya-tpā᳚tnīva॒ta-mmi॒noti̭ ya॒jñasya॒ pratyutta̭bdhyai saya॒tvāya̭ || 19 ||
(vai - sama̭ṣṭyai॒ - pumā̭ne॒vāsya॒ - yame॒va - rṷndhe - tri॒gṃ॒śacca̭) (a. 4)
pra॒jāpa̭tiḥ pra॒jā a̭sṛjata॒ sa ri̭ricā॒no̭-'manyata॒ sa e॒tāmḙkāda॒śinī̭-mapaśya॒-ttayā॒ vai sa āyṷrindri॒yaṃ-vī~॒rya̭mā॒tmanna̭dhatta pra॒jā i̭va॒ khalu॒ vā e॒ṣa sṛ̭jate॒ yo yaja̭te॒ sa e॒tarhi̭ riricā॒na i̭va॒ yade॒ṣaikā̭da॒śinī॒ bhava॒tyāyṷre॒va taye᳚ndri॒yaṃ-vī~॒ryaṃ̭-ya~ja̭māna ā॒tma-ndha̭tte॒ praivā-''gne॒yena̭ vāpayati mithu॒nagṃ sā̭rasva॒tyā ka̭roti॒ reta̭- [retaḥ̭, sau॒myena̭ dadhāti॒] 20
-ssau॒myena̭ dadhāti॒ pra ja̭nayati pau॒ṣṇena̭ bārhaspa॒tyo bha̭vati॒ brahma॒ vai de॒vānā॒-mbṛha॒spati॒rbrahma̭ṇai॒vāsmai᳚ pra॒jāḥ praja̭nayati vaiśvade॒vo bha̭vati vaiśvade॒vyo̭ vai pra॒jāḥ pra॒jā e॒vāsmai॒ praja̭nayatī-ndri॒yame॒vaindreṇāva̭ rundhe॒ viśa̭-mmāru॒tenaujo॒ bala̭maindrā॒gnena̭ prasa॒vāya̭ sāvi॒tro ni̭rvaruṇa॒tvāya̭ vāru॒ṇo ma̭ddhya॒ta ai॒ndramā la̭bhate maddhya॒ta e॒vendri॒yaṃ-ya~ja̭māne dadhāti [ ] 21
pu॒rastā̭dai॒ndrasya̭ vaiśvade॒vamā la̭bhate vaiśvade॒vaṃ-vā~ anna॒manna̭me॒va pu॒rastā᳚ddhatte॒ tasmā᳚-tpu॒rastā॒danna̭madyata ai॒ndramā॒labhya̭ māru॒tamā la̭bhate॒ vi-ḍvai ma॒ruto॒ viśa̭me॒vāsmā॒ anṷ baddhnāti॒ yadi̭ kā॒mayḙta॒ yo-'va̭gata॒-sso-'pa̭ ruddhyatāṃ॒-yo~-'pa̭ruddha॒-sso-'va̭ gaccha॒tvityai॒ndrasya̭ lo॒ke vā̭ru॒ṇamā la̭bheta vāru॒ṇasya̭ lo॒ka ai॒ndraṃ- [lo॒ka ai॒ndram, ya e॒vāva̭gata॒-sso-'pa̭] 22
-~ya e॒vāva̭gata॒-sso-'pa̭ ruddhyate॒ yo-'pa̭ruddha॒-sso-'va̭ gacchati॒ yadi̭ kā॒mayḙta pra॒jā mṷhyeyu॒riti̭ pa॒śūn vyati̭ṣaje-tpra॒jā e॒va mo̭hayati॒ yada̭bhivāha॒to̭-'pāṃ-vā~̭ru॒ṇamā॒labhḙta pra॒jā varṷṇo gṛhṇīyā-ddakṣiṇa॒ta uda̭ñca॒mā la̭bhate-'pavāha॒to̭-'pā-mpra॒jānā॒-mava̭ruṇa grāhāya || 23 ||
(reto॒ - yaja̭māne dadhāti - lo॒ka ai॒ndragṃ - sa॒ptatrigṃ̭śacca) (a. 5)
indraḥ॒ patni̭yā॒ manṷmayājaya॒-ttā-mparya̭gnikṛtā॒-muda̭sṛja॒-ttayā॒ manṷrārdhno॒dya-tparya̭gnikṛta-mpātnīva॒tamṷ-thsṛ॒jati॒ yāme॒va manu॒r॒. ṛddhi॒mārdhno॒-ttāme॒va yaja̭māna ṛdhnoti ya॒jñasya॒ vā apra̭tiṣṭhitā-dya॒jñaḥ parā̭ bhavati ya॒jña-mpa̭rā॒bhava̭ntaṃ॒-ya~ja̭mā॒no-'nu॒ parā̭ bhavati॒ yadājyḙna pātnīva॒tagṃ sagg̭sthā॒paya̭ti ya॒jñasya॒ prati̭ṣṭhityai ya॒jña-mpra̭ti॒tiṣṭha̭ntaṃ॒-ya~ja̭mā॒no-'nu॒ prati̭ tiṣṭhatī॒ṣṭaṃ-va~॒payā॒ [-~va॒payā᳚, bhava॒tyani̭ṣṭaṃ-va~॒śayā-'tha̭] 24
bhava॒tyani̭ṣṭaṃ-va~॒śayā-'tha̭ pātnīva॒tena॒ pra ca̭rati tī॒rtha e॒va pra ca̭ra॒tyatho̭ e॒tarhye॒vāsya॒ yāma̭stvā॒ṣṭro bha̭vati॒ tvaṣṭā॒ vai reta̭sa-ssi॒ktasya̭ rū॒pāṇi॒ vi ka̭roti॒ tame॒va vṛṣā̭ṇa॒-mpatnī॒ṣvapi̭ sṛjati॒ so᳚-'smai rū॒pāṇi॒ vi ka̭roti || 25 ||
(va॒payā॒ - ṣaṭtrigṃ̭śacca) (a. 6)
ghnanti॒ vā e॒ta-thsomaṃ॒-ya~da̭bhiṣu॒ṇvanti॒ ya-thsau॒myo bhava̭ti॒ yathā̭ mṛ॒tāyā̭nu॒stara̭ṇī॒-ṅghnanti̭ tā॒dṛge॒va ta-dyadṷttarā॒rdhe vā॒ maddhyḙ vā juhu॒yā-dde॒vatā᳚bhya-ssa॒mada̭-ndaddhyā-ddakṣiṇā॒rdhe jṷhotye॒ṣā vai pi̭tṛ॒ṇā-ndi-khsvāyā̭me॒va di॒śi pi॒tṝ-nni॒rava̭dayata udgā॒tṛbhyo̭ haranti sāmadeva॒tyo̭ vai sau॒myo yade॒va sāmnaḥ̭ chambaṭku॒rvanti॒ tasyai॒va sa śānti॒rave᳚- [śānti॒rava̭, ī॒kṣa॒nte॒ pa॒vitraṃ॒-vai~] 26
-kṣante pa॒vitraṃ॒-vai~ sau॒mya ā॒tmāna̭me॒va pa̭vayante॒ ya ā॒tmāna॒-nna pa̭ri॒paśyḙdi॒tāsuḥ̭ syādabhida॒di-ṅkṛ॒tvā-'ve᳚kṣeta॒ tasmi॒n॒. hyā᳚tmāna̭-mpari॒paśya॒tyatho̭ ā॒tmāna̭me॒va pa̭vayate॒ yo ga॒tama̭nā॒-ssyā-thso-'ve᳚kṣeta॒ yanme॒ manaḥ॒ parā̭gataṃ॒-ya~dvā̭ me॒ apa̭rāgatam | rājñā॒ somḙna॒ tadva॒yama॒smāsṷ dhārayāma॒sīti॒ mana̭ e॒vātma-ndā̭dhāra॒- [e॒vātma-ndā̭dhāra, na ga॒tama̭nā] 27
na ga॒tama̭nā bhava॒tyapa॒ vai tṛ̭tīyasava॒ne ya॒jñaḥ krā̭matījā॒nā-danī̭jānama॒bhyā᳚-gnāvaiṣṇa॒vyarcā ghṛ॒tasya̭ yajatya॒gni-ssarvā̭ de॒vatā॒ viṣṇṷrya॒jño de॒vatā᳚ścai॒va ya॒jña-ñca̭ dādhāropā॒gṃ॒śu ya̭jati mithuna॒tvāya̭ brahmavā॒dino̭ vadanti mi॒tro ya॒jñasya॒ svi̭ṣṭaṃ-yu~vate॒ varṷṇo॒ duri̭ṣṭa॒-ṅkva̭ tarhi̭ ya॒jñaḥ kva̭ yaja̭māno bhava॒tīti॒ yanmai᳚trāvaru॒ṇīṃ-va~॒śāmā॒labha̭te mi॒treṇai॒va [ ] 28
ya॒jñasya॒ svi̭ṣṭagṃ śamayati॒ varṷṇena॒ duri̭ṣṭa॒-nnā-''rti॒mārccha̭ti॒ yaja̭māno॒ yathā॒ vai lāṅga̭leno॒rvarā᳚-mprabhi॒ndan-tye॒vamṛ̭khsā॒me ya॒jña-mpra bhi̭nto॒ yanmai᳚trāvaru॒ṇīṃ-va~॒śāmā॒labha̭te ya॒jñāyai॒va prabhi̭nnāya ma॒tya̭ma॒nvavā᳚syati॒ śāntyai̭ yā॒tayā̭māni॒ vā e॒tasya॒ chandāgṃ̭si॒ ya ī̭jā॒na-śchanda̭sāme॒ṣa raso॒ ya-dva॒śā yanmai᳚trāvaru॒ṇīṃ-va~॒śāmā॒labha̭te॒ chandāg̭sye॒va puna॒rā prī̭ṇā॒tya yā̭tayāmatvā॒yātho॒ chanda̭ssve॒va rasa̭-ndadhāti || 29 ||
(ava̭ - dādhāra - mi॒treṇai॒va - prī̭ṇāti॒ - ṣaṭca̭) (a. 7)
de॒vā vā i̭ndri॒yaṃ-vī~॒ryāṃ᳚(1॒) ~vya̭bhajanta॒ tato॒ yada॒tyaśi̭ṣyata॒ tada̭tigrā॒hyā̭ abhava॒-ntada̭tigrā॒hyā̭ṇā-matigrāhya॒tvaṃ-ya~da̭tigrā॒hyā̭ gṛ॒hyanta̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte॒ teja̭ āgne॒yene᳚ndri॒ya-mai॒ndreṇa̭ brahmavarca॒sagṃ sau॒ryeṇo̭pa॒stambha̭naṃ॒-vā~ e॒ta-dya॒jñasya॒ yada̭tigrā॒hyā᳚śca॒kre pṛ॒ṣṭhāni॒ ya-tpṛṣṭhye॒ na gṛ̭hṇī॒yā-tprāñcaṃ̭-ya~॒jña-mpṛ॒ṣṭhāni॒ sagṃ śṛ̭ṇīyu॒rya-du॒kthyḙ [-du॒kthye᳚, gṛ॒hṇī॒yā-tpra॒tyañcaṃ̭-] 30
gṛhṇī॒yā-tpra॒tyañcaṃ̭-ya~॒jñama̭tigrā॒hyā᳚-ssagṃ śṛ̭ṇīyurviśva॒jiti॒ sarva̭pṛṣṭhe grahīta॒vyā̭ ya॒jñasya̭ savīrya॒tvāya̭ pra॒jāpa̭tirde॒vebhyo̭ ya॒jñān vyādi̭śa॒-thsa pri॒yāsta॒nūrapa॒ nya̭dhatta॒ tada̭tigrā॒hyā̭ abhava॒n vita̭nu॒stasya̭ ya॒jña ityā̭hu॒rya-syā̭tigrā॒hyā̭ na gṛ॒hyanta॒ ityapya̭gniṣṭo॒me gra̭hīta॒vyā̭ ya॒jñasya̭ satanu॒tvāya̭ de॒vatā॒ vai sarvā᳚-ssa॒dṛśī̭rāsa॒-ntā na vyā॒vṛta̭-magaccha॒-nte de॒vā [de॒vāḥ, e॒ta e॒tā-ngrahā̭-] 31
e॒ta e॒tā-ngrahā̭-napaśya॒-ntāna̭gṛhṇatā-''gne॒ yama॒gnirai॒ndramindraḥ̭ sau॒ryagṃ sūrya॒stato॒ vai te᳚-'nyābhi̭-rde॒vatā̭bhi-rvyā॒vṛta̭magaccha॒n॒. yasyai॒vaṃ-vi~॒duṣa̭ e॒te grahā̭ gṛ॒hyante᳚ vyā॒vṛta̭me॒va pā॒pmanā॒ bhrātṛ̭vyeṇa gacchatī॒me lo॒kā jyoti̭ṣmanta-ssa॒māva̭-dvīryāḥ kā॒ryā̭ ityā̭hurāgne॒yenā॒smin ~lo॒ke jyoti̭rdhatta ai॒ndreṇā॒ntari̭kṣa indravā॒yū hi sa॒yujaṷ sau॒ryeṇā॒muṣmi̭n ~lo॒ke [ ] 32
jyoti̭rdhatte॒ jyoti̭ṣmanto-'smā i॒me lo॒kā bha̭vanti sa॒māva̭-dvīryānenān kuruta e॒tān. vai grahā᳚-nba॒bāṃ-vi॒śvava̭yasā-vavittā॒-ntābhyā̭mi॒me lo॒kāḥ parā᳚ñcaścā॒rvāñca̭śca॒ prābhu॒ryasyai॒vaṃ-vi~॒duṣa̭ e॒te grahā̭ gṛ॒hyante॒ prāsmā̭ i॒me lo॒kāḥ parā᳚ñcaścā॒rvāñca̭śca bhānti || 33 ||
(u॒kthyḙ - de॒vā - a॒muṣmi̭n ~lo॒ka - ekā॒nnaca̭tvāri॒gṃ॒śacca̭) (a. 8)
de॒vā vai ya-dya॒jñe-'kṷrvata॒ tadasṷrā akurvata॒ te de॒vā adā᳚bhye॒ chandāgṃ̭si॒ sava̭nāni॒ sama̭sthāpaya॒-ntato̭ de॒vā abha̭va॒-nparā-'sṷrā॒ yasyai॒vaṃ-vi~॒duṣo-'dā᳚bhyo gṛ॒hyate॒ bhava̭tyā॒tmanā॒ parā᳚-'sya॒ bhrātṛ̭vyo bhavati॒ yadvai de॒vā asṷrā॒-nadā᳚bhye॒-nāda̭bhnuva॒-ntadadā᳚bhyasyā-dābhya॒ tvaṃ-ya~ e॒vaṃ-ve~da̭ da॒bhnotye॒va bhrātṛ̭vya॒-nnaina॒-mbhrātṛ̭vyo dabhno- [dabhnoti, e॒ṣā vai] 34
-tye॒ṣā vai pra॒jāpa̭te-ratimo॒kṣiṇī॒ nāma̭ ta॒nūryadadā᳚bhya॒ upa̭naddhasya gṛhṇā॒tyati̭muktyā॒ ati̭ pā॒pmāna॒-mbhrātṛ̭vya-mmucyate॒ ya e॒vaṃ-ve~da॒ ghnanti॒ vā e॒ta-thsomaṃ॒-ya~da̭bhiṣu॒ṇvanti॒ somḙ ha॒nyamā̭ne ya॒jño ha̭nyate ya॒jñe yaja̭māno brahmavā॒dino̭ vadanti॒ ki-nta-dya॒jñe yaja̭mānaḥ kurute॒ yena॒ jīvan᳚-thsuva॒rgaṃ-lo~॒kametīti̭ jīvagra॒ho vā e॒ṣa yadadā॒bhyo 'na̭bhiṣutasya gṛhṇāti॒ jīva̭ntame॒vainagṃ̭ suva॒rgaṃ ~lo॒ka-ṅga̭mayati॒ vi vā e॒ta-dya॒jña-ñchi̭ndanti॒ yadadā᳚bhye sagg-sthā॒paya̭-ntya॒gṃ॒śūnapi̭ sṛjati ya॒jñasya॒ santa̭tyai || 35 ||
(da॒bhno॒tya - na̭bhiṣutasya gṛhṇā॒tye - kā॒nnavigṃ̭śa॒tiśca̭) (a. 9)
de॒vā vai pra॒bāhu॒ggrahā̭-nagṛhṇata॒ sa e॒ta-mpra॒jāpa̭ti-ra॒gṃ॒śu-ma̭paśya॒-ttama̭gṛhṇīta॒ tena॒ vai sa ā᳚rdhno॒-dyasyai॒vaṃ-vi~॒duṣo॒-'gṃ॒śu-rgṛ॒hyata̭ ṛ॒ddhnotye॒va sa॒kṛda̭bhiṣutasya gṛhṇāti sa॒kṛddhi sa tenā-''rdhno॒nmana̭sā gṛhṇāti॒ mana̭ iva॒ hi pra॒jāpa̭tiḥ pra॒jāpa̭te॒rāptyā॒ audṷmbareṇa gṛhṇā॒tyūrgvā ṷdu॒mbara॒ ūrja̭me॒vāva̭ rundhe॒ catuḥ̭srakti bhavati di॒- [bhavati di॒kṣu, e॒va prati̭ tiṣṭhati॒] 36
-kṣvḙva prati̭ tiṣṭhati॒ yo vā a॒gṃ॒śorā॒yata̭naṃ॒-ve~dā॒-''yata̭navā-nbhavati vāmade॒vyamiti॒ sāma॒ tadvā a̭syā॒-''yata̭na॒-mmana̭sā॒ gāya̭māno gṛhṇātyā॒yata̭navāne॒va bha̭vati॒ yada̭ddhva॒ryura॒gṃ॒śu-ṅgṛ॒hṇa-nnārdhayḙdu॒bhābhyā॒-nnardhyḙtāddhva॒ryavḙ ca॒ yaja̭mānāya ca॒ yada॒rdhayḙ-du॒bhābhyā̭-mṛddhye॒tāna̭vāna-ṅgṛhṇāti॒ saivāsyardhi॒r॒. hira̭ṇyama॒bhi vya̭nitya॒mṛtaṃ॒-vai~ hira̭ṇya॒māyuḥ̭ prā॒ṇa āyṷṣai॒vāmṛta̭ma॒bhi dhi̭noti śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭ tiṣṭhati || 37 ||
(di॒kṣva̭ - niti - vigṃśa॒tiśca̭) (a. 10)
pra॒jāpa̭ti-rde॒vebhyo̭ ya॒jñān vyādi̭śa॒-thsa ri̭ricā॒no̭-'manyata॒ sa ya॒jñānāgṃ̭ ṣoḍaśa॒dhendri॒yaṃ-vī~॒rya̭mā॒tmāna̭ma॒bhi sama̭kkhida॒-tta-thṣo̭ḍa॒śya̭bhava॒nna vai ṣo̭ḍa॒śī nāma̭ ya॒jño᳚-'sti॒ yadvāva ṣo̭ḍa॒śagg sto॒tragṃ ṣo̭ḍa॒śagṃ śa॒stra-ntena̭ ṣoḍa॒śī ta-thṣo̭ḍa॒śinaḥ̭ ṣoḍaśi॒tvaṃ-ya~-thṣo̭ḍa॒śī gṛ॒hyata̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte de॒vebhyo॒ vai sṷva॒rgo lo॒ko [lo॒kaḥ, na prābha̭va॒-tta] 38
na prābha̭va॒-tta e॒tagṃ ṣo̭ḍa॒śina̭mapaśya॒-ntama̭gṛhṇata॒ tato॒ vai tebhyaḥ̭ suva॒rgo lo॒kaḥ prābha̭va॒dya-thṣo̭ḍa॒śī gṛ॒hyatḙ suva॒rgasya̭ lo॒kasyā॒bhiji̭tyā॒ indro॒ vai de॒vānā̭mānujāva॒ra ā̭sī॒-thsa pra॒jāpa̭ti॒mupā̭dhāva॒-ttasmā̭ e॒tagṃ ṣo̭ḍa॒śina॒-mprāya̭ccha॒-ttama̭gṛhṇīta॒ tato॒ vai so-'gra̭-nde॒vatā̭nā॒-mparyai॒-dyasyai॒vaṃ-vi~॒duṣaḥ̭ ṣoḍa॒śī gṛ॒hyate- [gṛ॒hyate᳚, agra̭me॒va] 39
-'gra̭me॒va sa̭mā॒nānā॒-mparyḙti prātassava॒ne gṛ̭hṇāti॒ vajro॒ vai ṣo̭ḍa॒śī vajraḥ̭ prātassava॒nagg svāde॒vainaṃ॒-yo~ne॒rnigṛ̭hṇāti॒ sava̭nesavane॒-'bhi gṛ̭hṇāti॒ sava̭nāthsavanāde॒vaina॒-mpra ja̭nayati tṛtīyasava॒ne pa॒śukā̭masya gṛhṇīyā॒-dvajro॒ vai ṣo̭ḍa॒śī pa॒śava̭stṛtīyasava॒naṃ-va~jrḙṇai॒vāsmai̭ tṛtīyasava॒nā-tpa॒śūnava̭ rundhe॒ nokthyḙ gṛhṇīyā-tpra॒jā vai pa॒śava̭ u॒kthāni॒ yadu॒kthyḙ- [yadu॒kthye᳚, gṛ॒hṇī॒yā-tpra॒jā-] 40
gṛhṇī॒yā-tpra॒jā-mpa॒śūna̭sya॒ nirda̭hedatirā॒tre pa॒śukā̭masya gṛhṇīyā॒-dvajro॒ vai ṣo̭ḍa॒śī vajrḙṇai॒vāsmai̭ pa॒śūna̭va॒ruddhya॒ rātri̭-yo॒pari̭ṣṭā-cchamaya॒tyapya̭gniṣṭo॒me rā̭ja॒nya̭sya gṛhṇīyā-dvyā॒vṛtkā̭mo॒ hi rā̭ja॒nyo̭ yaja̭te sā॒hna e॒vāsmai॒ vajra̭-ṅgṛhṇāti॒ sa ḙnaṃ॒-va~jro॒ bhūtyā̭ indhe॒ nirvā̭ daha-tyekavi॒gṃ॒śagg sto॒tra-mbha̭vati॒ prati̭ṣṭhityai॒ hari̭vacchasyata॒ indra̭sya pri॒ya-ndhāmo- [pri॒ya-ndhāma̭, upā᳚-''pnoti॒] 41
-pā᳚-''pnoti॒ kanī̭yāgṃsi॒ vai de॒veṣu॒ chandā॒g॒syāsa॒n-jyāyā॒g॒-syasṷreṣu॒ te de॒vāḥ kanī̭yasā॒ chanda̭sā॒ jyāya॒-śchando॒-'bhi vya̭śagṃsa॒-ntato॒ vai te-'sṷrāṇāṃ-lo~॒kama̭vṛñjata॒ ya-tkanī̭yasā॒ chanda̭sā॒ jyāya॒-śchando॒-'bhivi॒śagṃsa̭ti॒ bhrātṛ̭vyasyai॒va tallo॒kaṃ-vṛ~̭ṅkte॒ ṣaḍa॒kṣarā॒ṇyati̭ recayanti॒ ṣa-ḍvā ṛ॒tava̭ ṛ॒tūne॒va prī̭ṇāti ca॒tvāri॒ pūrvā॒ṇyava̭ kalpayanti॒ [kalpayanti, catṷṣpada e॒va] 42
catṷṣpada e॒va pa॒śūnava̭ rundhe॒ dve utta̭re dvi॒pada̭ e॒vāva̭ rundhe 'nu॒ṣṭubha̭ma॒bhi sa-mpā̭dayanti॒ vāgvā a̭nu॒ṣṭu-ptasmā᳚-tprā॒ṇānāṃ॒-vā~gṷtta॒mā sa̭mayāviṣi॒te sūryḙ ṣoḍa॒śinaḥ̭ sto॒tra-mu॒pāka̭rotye॒tasmi॒n vai lo॒ka indro̭ vṛ॒trama̭han-thsā॒kṣāde॒va vajra॒-mbhrātṛ̭vyāya॒ pra ha̭ra-tyaruṇapiśa॒ṅgo-'śvo॒ dakṣi̭ṇai॒tadvai vajra̭sya rū॒pagṃ samṛ̭ddhyai || 43 ||
(lo॒ko - vi॒duṣaḥ̭ ṣoḍa॒śī gṛ॒hyate॒ - yadu॒kthyḙ - dhāma̭ - kalpayanti - sa॒ptaca̭tvārigṃśacca) (a. 11)
(su॒va॒rgāya॒ ya-ddā᳚kṣi॒ṇāni̭ - samiṣṭa ya॒jūg - ṣya̭vabhṛtha ya॒jūgṃṣi॒ - sphyena̭ - pra॒jāpa̭tirekāda॒śinī॒ - mindraḥ॒ patni̭yā॒ - ghnanti̭ - de॒vā vā i̭ndri॒yaṃ-vī~॒ryaṃ̭ - de॒vā vā adā᳚bhye - de॒vā vai pra॒bāhṷk - pra॒jāpa̭tirde॒vebhya॒-ssa ri̭ricā॒naḥ - ṣo̭ḍaśa॒dhaikā̭daśa) (11)
(su॒va॒rgāya̭ - yajati pra॒jāḥ - sau॒myena̭ - gṛhṇī॒yā-tpra॒tyañcaṃ̭ - gṛhṇī॒yā-tpra॒jā-mpa॒śūn - trica̭tvārigṃśat) (43)
(su॒va॒rgāya॒, vajra̭sya rū॒pagṃ samṛ̭ddhyai)
(prā॒cīna̭vagṃśaṃ॒ - ya - ccā॒tvālā᳚ - dya॒jñene - ndraḥ̭ - su॒vargāya॒ - ṣaṭ ) (6)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहितायां षष्ठकाण्डे षष्ठः प्रश्नः - सोममन्त्रब्राह्मणनिरूपणं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
सु॒व॒र्गाय॒ वा ए॒तानि॑ लो॒काय॑ हूयन्ते॒ य-द्दा᳚क्षि॒णानि॒ द्वाभ्या॒-ङ्गार्ह॑पत्ये जुहोति द्वि॒पा-द्यज॑मानः॒ प्रति॑ष्ठित्या॒ आग्नी᳚द्ध्रे जुहोत्य॒न्तरि॑क्ष ए॒वा-ऽऽक्र॑मते॒ सदो॒-ऽभ्यैति॑ सुव॒र्गमे॒वैनं॑-लोँ॒क-ङ्ग॑मयति सौ॒रीभ्या॑मृ॒ग्भ्या-ङ्गार्ह॑पत्ये जुहोत्य॒मुमे॒वैनं॑-लोँ॒कग्ं स॒मारो॑हयति॒ नय॑वत्य॒र्चा-ऽऽग्नी᳚द्ध्रे जुहोति सुव॒र्गस्य॑ लो॒कस्या॒भिनी᳚त्यै॒ दिव॑-ङ्गच्छ॒ सुवः॑ प॒तेति॒ हिर॑ण्यग्ं [हिर॑ण्यम्, हु॒त्वो-द्गृ॑ह्णाति] 1
हु॒त्वो-द्गृ॑ह्णाति सुव॒र्गमे॒वैनं॑-लोँ॒क-ङ्ग॑मयति रू॒पेण॑ वो रू॒पम॒भ्यैमीत्या॑ह रू॒पेण॒ ह्या॑साग्ं रू॒पम॒भ्यैति॒ यद्धिर॑ण्येन तु॒थो वो॑ वि॒श्ववे॑दा॒ वि भ॑ज॒त्वित्या॑ह तु॒थो ह॑ स्म॒ वै वि॒श्ववे॑दा दे॒वाना॒-न्दक्षि॑णा॒ वि भ॑जति॒ तेनै॒वैना॒ वि भ॑जत्ये॒ त-त्ते॑ अग्ने॒ राध॒ [अग्ने॒ राधः॑, ऐति॒ सोम॑च्युत॒-] 2
ऐति॒ सोम॑च्युत॒-मित्या॑ह॒ सोम॑च्युत॒ग्ग्॒ ह्य॑स्य॒ राध॒ ऐति॒ तन्मि॒त्रस्य॑ प॒था न॒येत्या॑ह॒ शान्त्या॑ ऋ॒तस्य॑ प॒था प्रेत॑ च॒न्द्र द॑क्षिणा॒ इत्या॑ह स॒त्यं-वाँ ऋ॒तग्ं स॒त्येनै॒वैना॑ ऋ॒तेन॒ वि भ॑जति य॒ज्ञस्य॑ प॒था सु॑वि॒ता नय॑न्ती॒रित्या॑ह य॒ज्ञस्य॒ ह्ये॑ताः प॒था यन्ति॒ य-द्दक्षि॑णा ब्राह्म॒णम॒द्य रा᳚द्ध्यास॒- [रा᳚द्ध्यासम्, ऋषि॑मार्षे॒य-] 3
-मृषि॑मार्षे॒य-मित्या॑है॒ष वै ब्रा᳚ह्म॒ण ऋषि॑रार्षे॒यो य-श्शु॑श्रु॒वा-न्तस्मा॑दे॒वमा॑ह॒ वि सुवः॒ पश्य॒ व्य॑न्तरि॑क्ष॒मित्या॑ह सुव॒र्गमे॒वैनं॑-लोँ॒क-ङ्ग॑मयति॒ यत॑स्व सद॒स्यै॑रित्या॑ह मित्र॒त्वाया॒स्मद्दा᳚त्रा देव॒त्रा ग॑च्छत॒ मधु॑मतीः प्रदा॒तार॒मा वि॑श॒तेत्या॑ह व॒यमि॒ह प्र॑दा॒तार॒-स्स्मो᳚-ऽस्मान॒मुत्र॒ मधु॑मती॒रा वि॑श॒तेति॒ [वि॑श॒तेति॑, वावैतदा॑ह॒] 4
वावैतदा॑ह॒ हिर॑ण्य-न्ददाति॒ ज्योति॒र्वै हिर॑ण्य॒-ञ्ज्योति॑रे॒व पु॒रस्ता᳚द्धत्ते सुव॒र्गस्य॑ लो॒कस्यानु॑ख्यात्या अ॒ग्नीधे॑ ददात्य॒ग्निमु॑खाने॒वर्तू-न्प्री॑णाति ब्र॒ह्मणे॑ ददाति॒ प्रसू᳚त्यै॒ होत्रे॑ ददात्या॒त्मा वा ए॒ष य॒ज्ञस्य॒ यद्धोता॒-ऽऽत्मान॑मे॒व य॒ज्ञस्य॒ दक्षि॑णाभि॒-स्सम॑र्धयति ॥ 5 ॥
(हिर॑ण्य॒ग्ं॒ - राधो॑ - राध्यास - म॒मुत्र॒ मधु॑मती॒रा वि॑श॒तेत्य॒ - ष्टात्रिग्ं॑शच्च) (अ. 1)
स॒मि॒ष्ट॒ य॒जूग्ंषि॑ जुहोति य॒ज्ञस्य॒ समि॑ष्ट्यै॒ यद्वै य॒ज्ञस्य॑ क्रू॒रं-यँ-द्विलि॑ष्टं॒-यँद॒त्येति॒ यन्नात्येति॒ यद॑तिक॒रोति॒ यन्नापि॑ क॒रोति॒ तदे॒व तैः प्री॑णाति॒ नव॑ जुहोति॒ नव॒ वै पुरु॑षे प्रा॒णाः पुरु॑षेण य॒ज्ञ-स्सम्मि॑तो॒ यावा॑ने॒व य॒ज्ञस्त-म्प्री॑णाति॒ ष-डृग्मि॑याणि जुहोति॒ षड्वा ऋ॒तव॑ ऋ॒तूने॒व प्री॑णाति॒ त्रीणि॒ यजूग्ं॑षि॒ [यजूग्ं॑षि, त्रय॑ इ॒मे लो॒का] 6
त्रय॑ इ॒मे लो॒का इ॒माने॒व लो॒का-न्प्री॑णाति॒ यज्ञ॑ य॒ज्ञ-ङ्ग॑च्छ य॒ज्ञप॑ति-ङ्ग॒च्छेत्या॑ह य॒ज्ञप॑तिमे॒वैन॑-ङ्गमयति॒ स्वां-योँनि॑-ङ्ग॒च्छेत्या॑ह॒ स्वामे॒वैनं॒-योँनि॑-ङ्गमयत्ये॒ष ते॑ य॒ज्ञो य॑ज्ञपते स॒हसू᳚क्तवाक-स्सु॒वीर॒ इत्या॑ह॒ यज॑मान ए॒व वी॒र्य॑-न्दधाति वासि॒ष्ठो ह॑ सात्यह॒व्यो दे॑वभा॒ग-म्प॑प्रच्छ॒ य-थ्सृञ्ज॑या-न्बहुया॒जिनो-ऽयी॑यजो य॒ज्ञे [ ] 7
य॒ज्ञ-म्प्रत्य॑तिष्ठि॒पा(3) य॒ज्ञप॒ता(3)विति॒ स हो॑वाच य॒ज्ञप॑ता॒विति॑ स॒त्याद्वै सृञ्ज॑याः॒ परा॑ बभूवु॒रिति॑ होवाच य॒ज्ञे वाव य॒ज्ञः प्र॑ति॒ष्ठाप्य॑ आसी॒-द्यज॑मान॒स्या-ऽप॑राभावा॒येति॒ देवा॑ गातुविदो गा॒तुं-विँ॒त्त्वा गा॒तु -मि॒तेत्या॑ह य॒ज्ञ ए॒व य॒ज्ञ-म्प्रति॑ ष्ठापयति॒ यज॑मान॒स्या-ऽप॑राभावाय ॥ 8 ॥
(यजूग्ं॑षि - य॒ज्ञ - एक॑चत्वारिग्ंशच्च) (अ. 2)
अ॒व॒भृ॒थ॒-य॒जूग्ंषि॑ जुहोति॒ यदे॒वार्वा॒चीन॒-मेक॑हायना॒देनः॑ क॒रोति॒ तदे॒व तैरव॑ यजते॒ ऽपो॑-ऽवभृ॒थ-मवै᳚त्य॒फ्सु वै वरु॑ण-स्सा॒क्षादे॒व वरु॑ण॒मव॑ यजते॒ वर्त्म॑ना॒ वा अ॒न्वित्य॑ य॒ज्ञग्ं रक्षाग्ं॑सि जिघाग्ंसन्ति॒ साम्ना᳚ प्रस्तो॒ता-ऽन्ववै॑ति॒ साम॒ वै र॑क्षो॒हा रक्ष॑सा॒मप॑हत्यै॒ त्रिर्नि॒धन॒मुपै॑ति॒ त्रय॑ इ॒मे लो॒का ए॒भ्य ए॒व लो॒केभ्यो॒ रक्षा॒ग्॒- [लो॒केभ्यो॒ रक्षाग्ं॑सि, अप॑ हन्ति॒] 9
-स्यप॑ हन्ति॒ पुरु॑षःपुरुषो नि॒धन॒मुपै॑ति॒ पुरु॑षःपुरुषो॒ हि र॑क्ष॒स्वी रक्ष॑सा॒मप॑हत्या उ॒रुग्ं हि राजा॒ वरु॑णश्च॒कारेत्या॑ह॒ प्रति॑ष्ठित्यै श॒त-न्ते॑ राज-न्भि॒षजः॑ स॒हस्र॒मित्या॑ह भेष॒जमे॒वास्मै॑ करोत्य॒भिष्ठि॑तो॒ वरु॑णस्य॒ पाश॒ इत्या॑ह वरुणपा॒शमे॒वाभि ति॑ष्ठति ब॒र्॒हिर॒भि जु॑हो॒त्याहु॑तीना॒-म्प्रति॑ष्ठित्या॒ अथो॑ अग्नि॒वत्ये॒व जु॑हो॒त्यप॑ बर्हिषः प्रया॒जान् [प्रया॒जान्, य॒ज॒ति॒ प्र॒जा वै] 10
य॑जति प्र॒जा वै ब॒र्॒हिः प्र॒जा ए॒व व॑रुणपा॒शा-न्मु॑ञ्च॒त्याज्य॑भागौ यजति य॒ज्ञस्यै॒व चक्षु॑षी॒ नान्तरे॑ति॒ वरु॑णं-यँजति वरुणपा॒शादे॒वैन॑-म्मुञ्चत्य॒ग्नीवरु॑णौ यजति सा॒क्षादे॒वैनं॑-वँरुणपा॒शा-न्मु॑ञ्च॒त्य-प॑बर्हिषावनूया॒जौ य॑जति प्र॒जा वै ब॒र्॒हिः प्र॒जा ए॒व व॑रुणपा॒शा-न्मु॑ञ्चति च॒तुरः॑ प्रया॒जान्. य॑जति॒ द्वाव॑नूया॒जौ षट्-थ्सम्प॑द्यन्ते॒ षड्वा ऋ॒तव॑ [षड्वा ऋ॒तवः॑, ऋ॒तुष्वे॒व प्रति॑] 11
ऋ॒तुष्वे॒व प्रति॑ तिष्ठ॒-त्यव॑भृथ-निचङ्कु॒णेत्या॑ह यथोदि॒तमे॒व वरु॑ण॒मव॑ यजते समु॒द्रे ते॒ हृद॑य-म॒फ्स्व॑न्तरित्या॑ह समु॒द्रे ह्य॑न्तर्वरु॑ण॒-स्स-न्त्वा॑ विश॒-न्त्वोष॑धी-रु॒ता-ऽऽप॒ इत्या॑हा॒द्भि-रे॒वैन॒मोष॑धीभि-स्स॒म्यञ्च॑-न्दधाति॒ देवी॑राप ए॒ष वो॒ गर्भ॒ इत्या॑ह यथाय॒जुरे॒वैत-त्प॒शवो॒ वै [ ] 12
सोमो॒ य-द्भि॑न्दू॒ना-म्भ॒क्षये᳚-त्पशु॒मान्-थ्स्या॒-द्वरु॑ण॒-स्त्वे॑न-ङ्गृह्णीया॒द्यन्न भ॒क्षये॑दप॒शु-स्स्या॒न्नैनं॒-वँरु॑णो गृह्णीया-दुप॒स्पृश्य॑मे॒व प॑शु॒मा-न्भ॑वति॒ नैनं॒-वँरु॑णो गृह्णाति॒ प्रति॑युतो॒ वरु॑णस्य॒ पाश॒ इत्या॑ह वरुणपा॒शादे॒व निर्मु॑च्य॒ते ऽप्र॑तीक्ष॒मा य॑न्ति॒ वरु॑णस्या॒न्तर्हि॑त्या॒ एधो᳚-ऽस्येधिषी॒मही-त्या॑ह स॒मिधै॒वाग्नि-न्न॑म॒स्यन्त॑ उ॒पाय॑न्ति॒ तेजो॑-ऽसि॒ तेजो॒ मयि॑ धे॒हीत्या॑ह॒ तेज॑ ए॒वा-ऽऽत्म-न्ध॑त्ते ॥ 13 ॥
(रक्षाग्ं॑सि - प्रया॒जा - नृ॒तवो॒ - वै - न॑म॒स्यन्तो॒ - द्वाद॑श च) (अ. 3)
स्फ्येन॒ वेदि॒मुद्ध॑न्ति रथा॒क्षेण॒ वि मि॑मीते॒ यूप॑-म्मिनोति त्रि॒वृत॑मे॒व वज्रग्ं॑ स॒भृन्त्य॒ भ्रातृ॑व्याय॒ प्र ह॑रति॒ स्तृत्यै॒ यद॑न्तर्वे॒दि मि॑नु॒या-द्दे॑वलो॒कम॒भि ज॑ये॒-द्य-द्ब॑हिर्वे॒दि म॑नुष्य लो॒कं ँवे᳚द्य॒न्तस्य॑ स॒न्धौ मि॑नोत्यु॒भयो᳚-र्लो॒कयो॑-र॒भिजि॑त्या॒ उप॑रसम्मिता-म्मिनुया-त्पितृलो॒कका॑मस्य रश॒नस॑मिन्ता-म्मनुष्यलो॒कका॑मस्य च॒षाल॑-सम्मितामिन्द्रि॒य का॑मस्य॒ सर्वा᳚न्-थ्स॒मा-न्प्र॑ति॒ष्ठाका॑मस्य॒ ये त्रयो॑ मद्ध्य॒मास्तान्-थ्स॒मा-न्प॒शुका॑मस्यै॒तान्. वा [वै, अनु॑] 14
अनु॑ प॒शव॒ उप॑ तिष्ठन्ते पशु॒माने॒व भ॑वति॒ व्यति॑षजे॒दित॑रा-न्प्र॒जयै॒वैन॑-म्प॒शुभि॒र्व्यति॑षजति॒ य-ङ्का॒मये॑त प्र॒मायु॑क-स्स्या॒दिति॑ गर्त॒मित॒-न्तस्य॑ मिनुयादुत्तरा॒र्ध्यं॑-वँर्षि॑ष्ठ॒मथ॒ ह्रसी॑याग्ंसमे॒षा वै ग॑र्त॒मिद्यस्यै॒व-म्मि॒नोति॑ ता॒ज-क्प्र मी॑यते दक्षिणा॒र्ध्यं॑-वँर्षि॑ष्ठ-म्मिनुया-थ्सुव॒र्गका॑म॒स्याथ॒ ह्रसी॑याग्ंस-मा॒क्रम॑णमे॒व त-थ्सेतुं॒-यँज॑मानः कुरुते सुव॒र्गस्य॑ लो॒कस्य॒ सम॑ष्ट्यै॒ [सम॑ष्ट्यै, यदेक॑स्मि॒न्॒.] 15
यदेक॑स्मि॒न्॒. यूपे॒ द्वे र॑श॒ने प॑रि॒व्यय॑ति॒ तस्मा॒देको॒ द्वे जा॒ये वि॑न्दते॒ यन्नैकाग्ं॑ रश॒ना-न्द्वयो॒र्यूप॑योः परि॒व्यय॑ति॒ तस्मा॒न्नैका॒ द्वौ पती॑ विन्दते॒ य-ङ्का॒मये॑त॒ स्त्र्य॑स्य जाये॒तेत्यु॑पा॒न्ते तस्य॒ व्यति॑षजे॒-थ्स्त्र्ये॑वास्य॑ जायते॒ य-ङ्का॒मये॑त॒ पुमा॑नस्य जाये॒तेत्या॒न्त-न्तस्य॒ प्र वे᳚ष्टये॒-त्पुमा॑ने॒वास्य॑ [वे᳚ष्टये॒-त्पुमा॑ने॒वास्य॑, जा॒य॒ते ऽसु॑रा॒] 16
जाय॒ते ऽसु॑रा॒ वै दे॒वा-न्द॑क्षिण॒त उपा॑नय॒-न्ता-न्दे॒वा उ॑पश॒येनै॒वापा॑-नुदन्त॒ त-दु॑पश॒यस्यो॑-पशय॒त्वं-यँ-द्द॑क्षिण॒त उ॑पश॒य उ॑प॒शये॒ भ्रातृ॑व्यापनुत्त्यै॒ सर्वे॒ वा अ॒न्ये यूपाः᳚ पशु॒मन्तो-ऽथो॑पश॒य ए॒वाप॒शुस्तस्य॒ यज॑मानः प॒शुर्यन्न नि॑र्दि॒शेदार्ति॒-मार्च्छे॒-द्यज॑मानो॒-ऽसौ ते॑ प॒शुरिति॒ निर्दि॑शे॒द्य-न्द्वि॒ष्या-द्यमे॒व [ ] 17
द्वेष्टि॒ तम॑स्मै प॒शु-न्निर्दि॑शति॒ यदि॒ न द्वि॒ष्यादा॒खुस्ते॑ प॒शुरिति॑ ब्रूया॒न्न ग्रा॒म्या-न्प॒शून्. हि॒नस्ति॒ ना-ऽऽर॒ण्या-न्प्र॒जाप॑तिः प्र॒जा अ॑सृजत॒ सो᳚-ऽन्नाद्ये॑न॒ व्या᳚र्ध्यत॒ स ए॒तामे॑काद॒शिनी॑-मपश्य॒-त्तया॒ वै सो᳚-ऽन्नाद्य॒मवा॑रुन्ध॒ यद्दश॒ यूपा॒ भव॑न्ति॒ दशा᳚क्षरा वि॒राडन्नं॑-विँ॒रा-ड्वि॒राजै॒वा-न्नाद्य॒मव॑ रुन्धे॒ [रुन्धे, य] 18
य ए॑काद॒श-स्स्तन॑ ए॒वास्यै॒ स दु॒ह ए॒वैना॒-न्तेन॒ वज्रो॒ वा ए॒षा स-म्मी॑यते॒ यदे॑काद॒शिनी॒ सेश्व॒रा पु॒रस्ता᳚-त्प्र॒त्यञ्चं॑-यँ॒ज्ञग्ं सम्म॑र्दितो॒र्य-त्पा᳚त्नीव॒त-म्मि॒नोति॑ य॒ज्ञस्य॒ प्रत्युत्त॑ब्ध्यै सय॒त्वाय॑ ॥ 19 ॥
(वै - सम॑ष्ट्यै॒ - पुमा॑ने॒वास्य॒ - यमे॒व - रु॑न्धे - त्रि॒ग्ं॒शच्च॑) (अ. 4)
प्र॒जाप॑तिः प्र॒जा अ॑सृजत॒ स रि॑रिचा॒नो॑-ऽमन्यत॒ स ए॒तामे॑काद॒शिनी॑-मपश्य॒-त्तया॒ वै स आयु॑रिन्द्रि॒यं-वीँ॒र्य॑मा॒त्मन्न॑धत्त प्र॒जा इ॑व॒ खलु॒ वा ए॒ष सृ॑जते॒ यो यज॑ते॒ स ए॒तर्हि॑ रिरिचा॒न इ॑व॒ यदे॒षैका॑द॒शिनी॒ भव॒त्यायु॑रे॒व तये᳚न्द्रि॒यं-वीँ॒र्यं॑-यँज॑मान आ॒त्म-न्ध॑त्ते॒ प्रैवा-ऽऽग्ने॒येन॑ वापयति मिथु॒नग्ं सा॑रस्व॒त्या क॑रोति॒ रेत॑- [रेतः॑, सौ॒म्येन॑ दधाति॒] 20
-स्सौ॒म्येन॑ दधाति॒ प्र ज॑नयति पौ॒ष्णेन॑ बार्हस्प॒त्यो भ॑वति॒ ब्रह्म॒ वै दे॒वाना॒-म्बृह॒स्पति॒र्ब्रह्म॑णै॒वास्मै᳚ प्र॒जाः प्रज॑नयति वैश्वदे॒वो भ॑वति वैश्वदे॒व्यो॑ वै प्र॒जाः प्र॒जा ए॒वास्मै॒ प्रज॑नयती-न्द्रि॒यमे॒वैन्द्रेणाव॑ रुन्धे॒ विश॑-म्मारु॒तेनौजो॒ बल॑मैन्द्रा॒ग्नेन॑ प्रस॒वाय॑ सावि॒त्रो नि॑र्वरुण॒त्वाय॑ वारु॒णो म॑द्ध्य॒त ऐ॒न्द्रमा ल॑भते मद्ध्य॒त ए॒वेन्द्रि॒यं-यँज॑माने दधाति [ ] 21
पु॒रस्ता॑दै॒न्द्रस्य॑ वैश्वदे॒वमा ल॑भते वैश्वदे॒वं-वाँ अन्न॒मन्न॑मे॒व पु॒रस्ता᳚द्धत्ते॒ तस्मा᳚-त्पु॒रस्ता॒दन्न॑मद्यत ऐ॒न्द्रमा॒लभ्य॑ मारु॒तमा ल॑भते॒ वि-ड्वै म॒रुतो॒ विश॑मे॒वास्मा॒ अनु॑ बद्ध्नाति॒ यदि॑ का॒मये॑त॒ यो-ऽव॑गत॒-स्सो-ऽप॑ रुद्ध्यतां॒-योँ-ऽप॑रुद्ध॒-स्सो-ऽव॑ गच्छ॒त्वित्यै॒न्द्रस्य॑ लो॒के वा॑रु॒णमा ल॑भेत वारु॒णस्य॑ लो॒क ऐ॒न्द्रं- [लो॒क ऐ॒न्द्रम्, य ए॒वाव॑गत॒-स्सो-ऽप॑] 22
-ँय ए॒वाव॑गत॒-स्सो-ऽप॑ रुद्ध्यते॒ यो-ऽप॑रुद्ध॒-स्सो-ऽव॑ गच्छति॒ यदि॑ का॒मये॑त प्र॒जा मु॑ह्येयु॒रिति॑ प॒शून् व्यति॑षजे-त्प्र॒जा ए॒व मो॑हयति॒ यद॑भिवाह॒तो॑-ऽपां-वाँ॑रु॒णमा॒लभे॑त प्र॒जा वरु॑णो गृह्णीया-द्दक्षिण॒त उद॑ञ्च॒मा ल॑भते-ऽपवाह॒तो॑-ऽपा-म्प्र॒जाना॒-मव॑रुण ग्राहाय ॥ 23 ॥
(रेतो॒ - यज॑माने दधाति - लो॒क ऐ॒न्द्रग्ं - स॒प्तत्रिग्ं॑शच्च) (अ. 5)
इन्द्रः॒ पत्नि॑या॒ मनु॑मयाजय॒-त्ता-म्पर्य॑ग्निकृता॒-मुद॑सृज॒-त्तया॒ मनु॑रार्ध्नो॒द्य-त्पर्य॑ग्निकृत-म्पात्नीव॒तमु॑-थ्सृ॒जति॒ यामे॒व मनु॒र्॒. ऋद्धि॒मार्ध्नो॒-त्तामे॒व यज॑मान ऋध्नोति य॒ज्ञस्य॒ वा अप्र॑तिष्ठिता-द्य॒ज्ञः परा॑ भवति य॒ज्ञ-म्प॑रा॒भव॑न्तं॒-यँज॑मा॒नो-ऽनु॒ परा॑ भवति॒ यदाज्ये॑न पात्नीव॒तग्ं सग्ग्॑स्था॒पय॑ति य॒ज्ञस्य॒ प्रति॑ष्ठित्यै य॒ज्ञ-म्प्र॑ति॒तिष्ठ॑न्तं॒-यँज॑मा॒नो-ऽनु॒ प्रति॑ तिष्ठती॒ष्टं-वँ॒पया॒ [-ँव॒पया᳚, भव॒त्यनि॑ष्टं-वँ॒शया-ऽथ॑] 24
भव॒त्यनि॑ष्टं-वँ॒शया-ऽथ॑ पात्नीव॒तेन॒ प्र च॑रति ती॒र्थ ए॒व प्र च॑र॒त्यथो॑ ए॒तर्ह्ये॒वास्य॒ याम॑स्त्वा॒ष्ट्रो भ॑वति॒ त्वष्टा॒ वै रेत॑स-स्सि॒क्तस्य॑ रू॒पाणि॒ वि क॑रोति॒ तमे॒व वृषा॑ण॒-म्पत्नी॒ष्वपि॑ सृजति॒ सो᳚-ऽस्मै रू॒पाणि॒ वि क॑रोति ॥ 25 ॥
(व॒पया॒ - षट्त्रिग्ं॑शच्च) (अ. 6)
घ्नन्ति॒ वा ए॒त-थ्सोमं॒-यँद॑भिषु॒ण्वन्ति॒ य-थ्सौ॒म्यो भव॑ति॒ यथा॑ मृ॒ताया॑नु॒स्तर॑णी॒-ङ्घ्नन्ति॑ ता॒दृगे॒व त-द्यदु॑त्तरा॒र्धे वा॒ मद्ध्ये॑ वा जुहु॒या-द्दे॒वता᳚भ्य-स्स॒मद॑-न्दद्ध्या-द्दक्षिणा॒र्धे जु॑होत्ये॒षा वै पि॑तृ॒णा-न्दि-ख्स्वाया॑मे॒व दि॒शि पि॒तॄ-न्नि॒रव॑दयत उद्गा॒तृभ्यो॑ हरन्ति सामदेव॒त्यो॑ वै सौ॒म्यो यदे॒व साम्नः॑ छम्बट्कु॒र्वन्ति॒ तस्यै॒व स शान्ति॒रवे᳚- [शान्ति॒रव॑, ई॒क्ष॒न्ते॒ प॒वित्रं॒-वैँ] 26
-क्षन्ते प॒वित्रं॒-वैँ सौ॒म्य आ॒त्मान॑मे॒व प॑वयन्ते॒ य आ॒त्मान॒-न्न प॑रि॒पश्ये॑दि॒तासुः॑ स्यादभिद॒दि-ङ्कृ॒त्वा-ऽवे᳚क्षेत॒ तस्मि॒न्॒. ह्या᳚त्मान॑-म्परि॒पश्य॒त्यथो॑ आ॒त्मान॑मे॒व प॑वयते॒ यो ग॒तम॑ना॒-स्स्या-थ्सो-ऽवे᳚क्षेत॒ यन्मे॒ मनः॒ परा॑गतं॒-यँद्वा॑ मे॒ अप॑रागतम् । राज्ञा॒ सोमे॑न॒ तद्व॒यम॒स्मासु॑ धारयाम॒सीति॒ मन॑ ए॒वात्म-न्दा॑धार॒- [ए॒वात्म-न्दा॑धार, न ग॒तम॑ना] 27
न ग॒तम॑ना भव॒त्यप॒ वै तृ॑तीयसव॒ने य॒ज्ञः क्रा॑मतीजा॒ना-दनी॑जानम॒भ्या᳚-ग्नावैष्ण॒व्यर्चा घृ॒तस्य॑ यजत्य॒ग्नि-स्सर्वा॑ दे॒वता॒ विष्णु॑र्य॒ज्ञो दे॒वता᳚श्चै॒व य॒ज्ञ-ञ्च॑ दाधारोपा॒ग्ं॒शु य॑जति मिथुन॒त्वाय॑ ब्रह्मवा॒दिनो॑ वदन्ति मि॒त्रो य॒ज्ञस्य॒ स्वि॑ष्टं-युँवते॒ वरु॑णो॒ दुरि॑ष्ट॒-ङ्क्व॑ तर्हि॑ य॒ज्ञः क्व॑ यज॑मानो भव॒तीति॒ यन्मै᳚त्रावरु॒णीं-वँ॒शामा॒लभ॑ते मि॒त्रेणै॒व [ ] 28
य॒ज्ञस्य॒ स्वि॑ष्टग्ं शमयति॒ वरु॑णेन॒ दुरि॑ष्ट॒-न्ना-ऽऽर्ति॒मार्च्छ॑ति॒ यज॑मानो॒ यथा॒ वै लाङ्ग॑लेनो॒र्वरा᳚-म्प्रभि॒न्दन्-त्ये॒वमृ॑ख्सा॒मे य॒ज्ञ-म्प्र भि॑न्तो॒ यन्मै᳚त्रावरु॒णीं-वँ॒शामा॒लभ॑ते य॒ज्ञायै॒व प्रभि॑न्नाय म॒त्य॑म॒न्ववा᳚स्यति॒ शान्त्यै॑ या॒तया॑मानि॒ वा ए॒तस्य॒ छन्दाग्ं॑सि॒ य ई॑जा॒न-श्छन्द॑सामे॒ष रसो॒ य-द्व॒शा यन्मै᳚त्रावरु॒णीं-वँ॒शामा॒लभ॑ते॒ छन्दाग्॑स्ये॒व पुन॒रा प्री॑णा॒त्य या॑तयामत्वा॒याथो॒ छन्द॑स्स्वे॒व रस॑-न्दधाति ॥ 29 ॥
(अव॑ - दाधार - मि॒त्रेणै॒व - प्री॑णाति॒ - षट्च॑) (अ. 7)
दे॒वा वा इ॑न्द्रि॒यं-वीँ॒र्यां᳚(1॒) ँव्य॑भजन्त॒ ततो॒ यद॒त्यशि॑ष्यत॒ तद॑तिग्रा॒ह्या॑ अभव॒-न्तद॑तिग्रा॒ह्या॑णा-मतिग्राह्य॒त्वं-यँद॑तिग्रा॒ह्या॑ गृ॒ह्यन्त॑ इन्द्रि॒यमे॒व त-द्वी॒र्यं॑-यँज॑मान आ॒त्म-न्ध॑त्ते॒ तेज॑ आग्ने॒येने᳚न्द्रि॒य-मै॒न्द्रेण॑ ब्रह्मवर्च॒सग्ं सौ॒र्येणो॑प॒स्तम्भ॑नं॒-वाँ ए॒त-द्य॒ज्ञस्य॒ यद॑तिग्रा॒ह्या᳚श्च॒क्रे पृ॒ष्ठानि॒ य-त्पृष्ठ्ये॒ न गृ॑ह्णी॒या-त्प्राञ्चं॑-यँ॒ज्ञ-म्पृ॒ष्ठानि॒ सग्ं शृ॑णीयु॒र्य-दु॒क्थ्ये॑ [-दु॒क्थ्ये᳚, गृ॒ह्णी॒या-त्प्र॒त्यञ्चं॑-] 30
गृह्णी॒या-त्प्र॒त्यञ्चं॑-यँ॒ज्ञम॑तिग्रा॒ह्या᳚-स्सग्ं शृ॑णीयुर्विश्व॒जिति॒ सर्व॑पृष्ठे ग्रहीत॒व्या॑ य॒ज्ञस्य॑ सवीर्य॒त्वाय॑ प्र॒जाप॑तिर्दे॒वेभ्यो॑ य॒ज्ञान् व्यादि॑श॒-थ्स प्रि॒यास्त॒नूरप॒ न्य॑धत्त॒ तद॑तिग्रा॒ह्या॑ अभव॒न् वित॑नु॒स्तस्य॑ य॒ज्ञ इत्या॑हु॒र्य-स्या॑तिग्रा॒ह्या॑ न गृ॒ह्यन्त॒ इत्यप्य॑ग्निष्टो॒मे ग्र॑हीत॒व्या॑ य॒ज्ञस्य॑ सतनु॒त्वाय॑ दे॒वता॒ वै सर्वा᳚-स्स॒दृशी॑रास॒-न्ता न व्या॒वृत॑-मगच्छ॒-न्ते दे॒वा [दे॒वाः, ए॒त ए॒ता-न्ग्रहा॑-] 31
ए॒त ए॒ता-न्ग्रहा॑-नपश्य॒-न्तान॑गृह्णता-ऽऽग्ने॒ यम॒ग्निरै॒न्द्रमिन्द्रः॑ सौ॒र्यग्ं सूर्य॒स्ततो॒ वै ते᳚-ऽन्याभि॑-र्दे॒वता॑भि-र्व्या॒वृत॑मगच्छ॒न्॒. यस्यै॒वं-विँ॒दुष॑ ए॒ते ग्रहा॑ गृ॒ह्यन्ते᳚ व्या॒वृत॑मे॒व पा॒प्मना॒ भ्रातृ॑व्येण गच्छती॒मे लो॒का ज्योति॑ष्मन्त-स्स॒माव॑-द्वीर्याः का॒र्या॑ इत्या॑हुराग्ने॒येना॒स्मिन् ँलो॒के ज्योति॑र्धत्त ऐ॒न्द्रेणा॒न्तरि॑क्ष इन्द्रवा॒यू हि स॒युजौ॑ सौ॒र्येणा॒मुष्मि॑न् ँलो॒के [ ] 32
ज्योति॑र्धत्ते॒ ज्योति॑ष्मन्तो-ऽस्मा इ॒मे लो॒का भ॑वन्ति स॒माव॑-द्वीर्यानेनान् कुरुत ए॒तान्. वै ग्रहा᳚-न्ब॒बां-वि॒श्वव॑यसा-ववित्ता॒-न्ताभ्या॑मि॒मे लो॒काः परा᳚ञ्चश्चा॒र्वाञ्च॑श्च॒ प्राभु॒र्यस्यै॒वं-विँ॒दुष॑ ए॒ते ग्रहा॑ गृ॒ह्यन्ते॒ प्रास्मा॑ इ॒मे लो॒काः परा᳚ञ्चश्चा॒र्वाञ्च॑श्च भान्ति ॥ 33 ॥
(उ॒क्थ्ये॑ - दे॒वा - अ॒मुष्मि॑न् ँलो॒क - एका॒न्नच॑त्वारि॒ग्ं॒शच्च॑) (अ. 8)
दे॒वा वै य-द्य॒ज्ञे-ऽकु॑र्वत॒ तदसु॑रा अकुर्वत॒ ते दे॒वा अदा᳚भ्ये॒ छन्दाग्ं॑सि॒ सव॑नानि॒ सम॑स्थापय॒-न्ततो॑ दे॒वा अभ॑व॒-न्परा-ऽसु॑रा॒ यस्यै॒वं-विँ॒दुषो-ऽदा᳚भ्यो गृ॒ह्यते॒ भव॑त्या॒त्मना॒ परा᳚-ऽस्य॒ भ्रातृ॑व्यो भवति॒ यद्वै दे॒वा असु॑रा॒-नदा᳚भ्ये॒-नाद॑भ्नुव॒-न्तददा᳚भ्यस्या-दाभ्य॒ त्वं-यँ ए॒वं-वेँद॑ द॒भ्नोत्ये॒व भ्रातृ॑व्य॒-न्नैन॒-म्भ्रातृ॑व्यो दभ्नो- [दभ्नोति, ए॒षा वै] 34
-त्ये॒षा वै प्र॒जाप॑ते-रतिमो॒क्षिणी॒ नाम॑ त॒नूर्यददा᳚भ्य॒ उप॑नद्धस्य गृह्णा॒त्यति॑मुक्त्या॒ अति॑ पा॒प्मान॒-म्भ्रातृ॑व्य-म्मुच्यते॒ य ए॒वं-वेँद॒ घ्नन्ति॒ वा ए॒त-थ्सोमं॒-यँद॑भिषु॒ण्वन्ति॒ सोमे॑ ह॒न्यमा॑ने य॒ज्ञो ह॑न्यते य॒ज्ञे यज॑मानो ब्रह्मवा॒दिनो॑ वदन्ति॒ कि-न्त-द्य॒ज्ञे यज॑मानः कुरुते॒ येन॒ जीवन्᳚-थ्सुव॒र्गं-लोँ॒कमेतीति॑ जीवग्र॒हो वा ए॒ष यददा॒भ्यो ऽन॑भिषुतस्य गृह्णाति॒ जीव॑न्तमे॒वैनग्ं॑ सुव॒र्गं ँलो॒क-ङ्ग॑मयति॒ वि वा ए॒त-द्य॒ज्ञ-ञ्छि॑न्दन्ति॒ यददा᳚भ्ये सग्ग्-स्था॒पय॑-न्त्य॒ग्ं॒शूनपि॑ सृजति य॒ज्ञस्य॒ सन्त॑त्यै ॥ 35 ॥
(द॒भ्नो॒त्य - न॑भिषुतस्य गृह्णा॒त्ये - का॒न्नविग्ं॑श॒तिश्च॑) (अ. 9)
दे॒वा वै प्र॒बाहु॒ग्ग्रहा॑-नगृह्णत॒ स ए॒त-म्प्र॒जाप॑ति-र॒ग्ं॒शु-म॑पश्य॒-त्तम॑गृह्णीत॒ तेन॒ वै स आ᳚र्ध्नो॒-द्यस्यै॒वं-विँ॒दुषो॒-ऽग्ं॒शु-र्गृ॒ह्यत॑ ऋ॒द्ध्नोत्ये॒व स॒कृद॑भिषुतस्य गृह्णाति स॒कृद्धि स तेना-ऽऽर्ध्नो॒न्मन॑सा गृह्णाति॒ मन॑ इव॒ हि प्र॒जाप॑तिः प्र॒जाप॑ते॒राप्त्या॒ औदु॑म्बरेण गृह्णा॒त्यूर्ग्वा उ॑दु॒म्बर॒ ऊर्ज॑मे॒वाव॑ रुन्धे॒ चतुः॑स्रक्ति भवति दि॒- [भवति दि॒क्षु, ए॒व प्रति॑ तिष्ठति॒] 36
-क्ष्वे॑व प्रति॑ तिष्ठति॒ यो वा अ॒ग्ं॒शोरा॒यत॑नं॒-वेँदा॒-ऽऽयत॑नवा-न्भवति वामदे॒व्यमिति॒ साम॒ तद्वा अ॑स्या॒-ऽऽयत॑न॒-म्मन॑सा॒ गाय॑मानो गृह्णात्या॒यत॑नवाने॒व भ॑वति॒ यद॑द्ध्व॒र्युर॒ग्ं॒शु-ङ्गृ॒ह्ण-न्नार्धये॑दु॒भाभ्या॒-न्नर्ध्ये॑ताद्ध्व॒र्यवे॑ च॒ यज॑मानाय च॒ यद॒र्धये॑-दु॒भाभ्या॑-मृद्ध्ये॒तान॑वान-ङ्गृह्णाति॒ सैवास्यर्धि॒र्॒. हिर॑ण्यम॒भि व्य॑नित्य॒मृतं॒-वैँ हिर॑ण्य॒मायुः॑ प्रा॒ण आयु॑षै॒वामृत॑म॒भि धि॑नोति श॒तमा॑न-म्भवति श॒तायुः॒ पुरु॑ष-श्श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति ॥ 37 ॥
(दि॒क्ष्व॑ - निति - विग्ंश॒तिश्च॑) (अ. 10)
प्र॒जाप॑ति-र्दे॒वेभ्यो॑ य॒ज्ञान् व्यादि॑श॒-थ्स रि॑रिचा॒नो॑-ऽमन्यत॒ स य॒ज्ञानाग्ं॑ षोडश॒धेन्द्रि॒यं-वीँ॒र्य॑मा॒त्मान॑म॒भि सम॑क्खिद॒-त्त-थ्षो॑ड॒श्य॑भव॒न्न वै षो॑ड॒शी नाम॑ य॒ज्ञो᳚-ऽस्ति॒ यद्वाव षो॑ड॒शग्ग् स्तो॒त्रग्ं षो॑ड॒शग्ं श॒स्त्र-न्तेन॑ षोड॒शी त-थ्षो॑ड॒शिनः॑ षोडशि॒त्वं-यँ-थ्षो॑ड॒शी गृ॒ह्यत॑ इन्द्रि॒यमे॒व त-द्वी॒र्यं॑-यँज॑मान आ॒त्म-न्ध॑त्ते दे॒वेभ्यो॒ वै सु॑व॒र्गो लो॒को [लो॒कः, न प्राभ॑व॒-त्त] 38
न प्राभ॑व॒-त्त ए॒तग्ं षो॑ड॒शिन॑मपश्य॒-न्तम॑गृह्णत॒ ततो॒ वै तेभ्यः॑ सुव॒र्गो लो॒कः प्राभ॑व॒द्य-थ्षो॑ड॒शी गृ॒ह्यते॑ सुव॒र्गस्य॑ लो॒कस्या॒भिजि॑त्या॒ इन्द्रो॒ वै दे॒वाना॑मानुजाव॒र आ॑सी॒-थ्स प्र॒जाप॑ति॒मुपा॑धाव॒-त्तस्मा॑ ए॒तग्ं षो॑ड॒शिन॒-म्प्राय॑च्छ॒-त्तम॑गृह्णीत॒ ततो॒ वै सो-ऽग्र॑-न्दे॒वता॑ना॒-म्पर्यै॒-द्यस्यै॒वं-विँ॒दुषः॑ षोड॒शी गृ॒ह्यते- [गृ॒ह्यते᳚, अग्र॑मे॒व] 39
-ऽग्र॑मे॒व स॑मा॒नाना॒-म्पर्ये॑ति प्रातस्सव॒ने गृ॑ह्णाति॒ वज्रो॒ वै षो॑ड॒शी वज्रः॑ प्रातस्सव॒नग्ग् स्वादे॒वैनं॒-योँने॒र्निगृ॑ह्णाति॒ सव॑नेसवने॒-ऽभि गृ॑ह्णाति॒ सव॑नाथ्सवनादे॒वैन॒-म्प्र ज॑नयति तृतीयसव॒ने प॒शुका॑मस्य गृह्णीया॒-द्वज्रो॒ वै षो॑ड॒शी प॒शव॑स्तृतीयसव॒नं-वँज्रे॑णै॒वास्मै॑ तृतीयसव॒ना-त्प॒शूनव॑ रुन्धे॒ नोक्थ्ये॑ गृह्णीया-त्प्र॒जा वै प॒शव॑ उ॒क्थानि॒ यदु॒क्थ्ये॑- [यदु॒क्थ्ये᳚, गृ॒ह्णी॒या-त्प्र॒जा-] 40
गृह्णी॒या-त्प्र॒जा-म्प॒शून॑स्य॒ निर्द॑हेदतिरा॒त्रे प॒शुका॑मस्य गृह्णीया॒-द्वज्रो॒ वै षो॑ड॒शी वज्रे॑णै॒वास्मै॑ प॒शून॑व॒रुद्ध्य॒ रात्रि॑-यो॒परि॑ष्टा-च्छमय॒त्यप्य॑ग्निष्टो॒मे रा॑ज॒न्य॑स्य गृह्णीया-द्व्या॒वृत्का॑मो॒ हि रा॑ज॒न्यो॑ यज॑ते सा॒ह्न ए॒वास्मै॒ वज्र॑-ङ्गृह्णाति॒ स ए॑नं॒-वँज्रो॒ भूत्या॑ इन्धे॒ निर्वा॑ दह-त्येकवि॒ग्ं॒शग्ग् स्तो॒त्र-म्भ॑वति॒ प्रति॑ष्ठित्यै॒ हरि॑वच्छस्यत॒ इन्द्र॑स्य प्रि॒य-न्धामो- [प्रि॒य-न्धाम॑, उपा᳚-ऽऽप्नोति॒] 41
-पा᳚-ऽऽप्नोति॒ कनी॑याग्ंसि॒ वै दे॒वेषु॒ छन्दा॒ग्॒स्यास॒न्-ज्याया॒ग्॒-स्यसु॑रेषु॒ ते दे॒वाः कनी॑यसा॒ छन्द॑सा॒ ज्याय॒-श्छन्दो॒-ऽभि व्य॑शग्ंस॒-न्ततो॒ वै ते-ऽसु॑राणां-लोँ॒कम॑वृञ्जत॒ य-त्कनी॑यसा॒ छन्द॑सा॒ ज्याय॒-श्छन्दो॒-ऽभिवि॒शग्ंस॑ति॒ भ्रातृ॑व्यस्यै॒व तल्लो॒कं-वृँ॑ङ्क्ते॒ षड॒क्षरा॒ण्यति॑ रेचयन्ति॒ ष-ड्वा ऋ॒तव॑ ऋ॒तूने॒व प्री॑णाति च॒त्वारि॒ पूर्वा॒ण्यव॑ कल्पयन्ति॒ [कल्पयन्ति, चतु॑ष्पद ए॒व] 42
चतु॑ष्पद ए॒व प॒शूनव॑ रुन्धे॒ द्वे उत्त॑रे द्वि॒पद॑ ए॒वाव॑ रुन्धे ऽनु॒ष्टुभ॑म॒भि स-म्पा॑दयन्ति॒ वाग्वा अ॑नु॒ष्टु-प्तस्मा᳚-त्प्रा॒णानां॒-वाँगु॑त्त॒मा स॑मयाविषि॒ते सूर्ये॑ षोड॒शिनः॑ स्तो॒त्र-मु॒पाक॑रोत्ये॒तस्मि॒न् वै लो॒क इन्द्रो॑ वृ॒त्रम॑हन्-थ्सा॒क्षादे॒व वज्र॒-म्भ्रातृ॑व्याय॒ प्र ह॑र-त्यरुणपिश॒ङ्गो-ऽश्वो॒ दक्षि॑णै॒तद्वै वज्र॑स्य रू॒पग्ं समृ॑द्ध्यै ॥ 43 ॥
(लो॒को - वि॒दुषः॑ षोड॒शी गृ॒ह्यते॒ - यदु॒क्थ्ये॑ - धाम॑ - कल्पयन्ति - स॒प्तच॑त्वारिग्ंशच्च) (अ. 11)
(सु॒व॒र्गाय॒ य-द्दा᳚क्षि॒णानि॑ - समिष्ट य॒जूग् - ष्य॑वभृथ य॒जूग्ंषि॒ - स्फ्येन॑ - प्र॒जाप॑तिरेकाद॒शिनी॒ - मिन्द्रः॒ पत्नि॑या॒ - घ्नन्ति॑ - दे॒वा वा इ॑न्द्रि॒यं-वीँ॒र्यं॑ - दे॒वा वा अदा᳚भ्ये - दे॒वा वै प्र॒बाहु॑क् - प्र॒जाप॑तिर्दे॒वेभ्य॒-स्स रि॑रिचा॒नः - षो॑डश॒धैका॑दश) (11)
(सु॒व॒र्गाय॑ - यजति प्र॒जाः - सौ॒म्येन॑ - गृह्णी॒या-त्प्र॒त्यञ्चं॑ - गृह्णी॒या-त्प्र॒जा-म्प॒शून् - त्रिच॑त्वारिग्ंशत्) (43)
(सु॒व॒र्गाय॒, वज्र॑स्य रू॒पग्ं समृ॑द्ध्यै)
(प्रा॒चीन॑वग्ंशं॒ - य - च्चा॒त्वाला᳚ - द्य॒ज्ञेने - न्द्रः॑ - सु॒वर्गाय॒ - षट् ) (6)
॥ हरिः॑ ओम् ॥
॥ कृष्ण यजुर्वेदीय तैत्तिरीय संहितायां षष्ठकाण्डे षष्ठः प्रश्न-स्समाप्तः ॥
kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
su॒va॒rgāya॒ vā e॒tāni̭ lo॒kāya̭ hūyante॒ ya-ddā᳚kṣi॒ṇāni॒ dvābhyā॒-ṅgārha̭patye juhoti dvi॒pā-dyaja̭mānaḥ॒ prati̭ṣṭhityā॒ āgnī᳚ddhre juhotya॒ntari̭kṣa e॒vā-''kra̭mate॒ sado॒-'bhyaiti̭ suva॒rgame॒vainaṃ̭-lo~॒ka-ṅga̭mayati sau॒rībhyā̭mṛ॒gbhyā-ṅgārha̭patye juhotya॒mume॒vainaṃ̭-lo~॒kagṃ sa॒māro̭hayati॒ naya̭vatya॒rcā-''gnī᳚ddhre juhoti suva॒rgasya̭ lo॒kasyā॒bhinī᳚tyai॒ diva̭-ṅgaccha॒ suvaḥ̭ pa॒teti॒ hira̭ṇyagṃ [hira̭ṇyam, hu॒tvo-dgṛ̭hṇāti] 1
hu॒tvo-dgṛ̭hṇāti suva॒rgame॒vainaṃ̭-lo~॒ka-ṅga̭mayati rū॒peṇa̭ vo rū॒pama॒bhyaimītyā̭ha rū॒peṇa॒ hyā̭sāgṃ rū॒pama॒bhyaiti॒ yaddhira̭ṇyena tu॒tho vo̭ vi॒śvavḙdā॒ vi bha̭ja॒tvityā̭ha tu॒tho ha̭ sma॒ vai vi॒śvavḙdā de॒vānā॒-ndakṣi̭ṇā॒ vi bha̭jati॒ tenai॒vainā॒ vi bha̭jatye॒ ta-ttḙ agne॒ rādha॒ [agne॒ rādhaḥ̭, aiti॒ soma̭cyuta॒-] 2
aiti॒ soma̭cyuta॒-mityā̭ha॒ soma̭cyuta॒gg॒ hya̭sya॒ rādha॒ aiti॒ tanmi॒trasya̭ pa॒thā na॒yetyā̭ha॒ śāntyā̭ ṛ॒tasya̭ pa॒thā preta̭ ca॒ndra da̭kṣiṇā॒ ityā̭ha sa॒tyaṃ-vā~ ṛ॒tagṃ sa॒tyenai॒vainā̭ ṛ॒tena॒ vi bha̭jati ya॒jñasya̭ pa॒thā sṷvi॒tā naya̭ntī॒rityā̭ha ya॒jñasya॒ hyḙtāḥ pa॒thā yanti॒ ya-ddakṣi̭ṇā brāhma॒ṇama॒dya rā᳚ddhyāsa॒- [rā᳚ddhyāsam, ṛṣi̭mārṣe॒ya-] 3
-mṛṣi̭mārṣe॒ya-mityā̭hai॒ṣa vai brā᳚hma॒ṇa ṛṣi̭rārṣe॒yo ya-śśṷśru॒vā-ntasmā̭de॒vamā̭ha॒ vi suvaḥ॒ paśya॒ vya̭ntari̭kṣa॒mityā̭ha suva॒rgame॒vainaṃ̭-lo~॒ka-ṅga̭mayati॒ yata̭sva sada॒syai̭rityā̭ha mitra॒tvāyā॒smaddā᳚trā deva॒trā ga̭cchata॒ madhṷmatīḥ pradā॒tāra॒mā vi̭śa॒tetyā̭ha va॒yami॒ha pra̭dā॒tāra॒-ssmo᳚-'smāna॒mutra॒ madhṷmatī॒rā vi̭śa॒teti॒ [vi̭śa॒teti̭, vāvaitadā̭ha॒] 4
vāvaitadā̭ha॒ hira̭ṇya-ndadāti॒ jyoti॒rvai hira̭ṇya॒-ñjyoti̭re॒va pu॒rastā᳚ddhatte suva॒rgasya̭ lo॒kasyānṷkhyātyā a॒gnīdhḙ dadātya॒gnimṷkhāne॒vartū-nprī̭ṇāti bra॒hmaṇḙ dadāti॒ prasū᳚tyai॒ hotrḙ dadātyā॒tmā vā e॒ṣa ya॒jñasya॒ yaddhotā॒-''tmāna̭me॒va ya॒jñasya॒ dakṣi̭ṇābhi॒-ssama̭rdhayati || 5 ||
(hira̭ṇya॒gṃ॒ - rādho̭ - rādhyāsa - ma॒mutra॒ madhṷmatī॒rā vi̭śa॒tetya॒ - ṣṭātrigṃ̭śacca) (a. 1)
sa॒mi॒ṣṭa॒ ya॒jūgṃṣi̭ juhoti ya॒jñasya॒ sami̭ṣṭyai॒ yadvai ya॒jñasya̭ krū॒raṃ-ya~-dvili̭ṣṭaṃ॒-ya~da॒tyeti॒ yannātyeti॒ yada̭tika॒roti॒ yannāpi̭ ka॒roti॒ tade॒va taiḥ prī̭ṇāti॒ nava̭ juhoti॒ nava॒ vai purṷṣe prā॒ṇāḥ purṷṣeṇa ya॒jña-ssammi̭to॒ yāvā̭ne॒va ya॒jñasta-mprī̭ṇāti॒ ṣa-ḍṛgmi̭yāṇi juhoti॒ ṣaḍvā ṛ॒tava̭ ṛ॒tūne॒va prī̭ṇāti॒ trīṇi॒ yajūgṃ̭ṣi॒ [yajūgṃ̭ṣi, traya̭ i॒me lo॒kā] 6
traya̭ i॒me lo॒kā i॒māne॒va lo॒kā-nprī̭ṇāti॒ yajña̭ ya॒jña-ṅga̭ccha ya॒jñapa̭ti-ṅga॒cchetyā̭ha ya॒jñapa̭time॒vaina̭-ṅgamayati॒ svāṃ-yo~ni̭-ṅga॒cchetyā̭ha॒ svāme॒vainaṃ॒-yo~ni̭-ṅgamayatye॒ṣa tḙ ya॒jño ya̭jñapate sa॒hasū᳚ktavāka-ssu॒vīra॒ ityā̭ha॒ yaja̭māna e॒va vī॒rya̭-ndadhāti vāsi॒ṣṭho ha̭ sātyaha॒vyo dḙvabhā॒ga-mpa̭praccha॒ ya-thsṛñja̭yā-nbahuyā॒jino-'yī̭yajo ya॒jñe [ ] 7
ya॒jña-mpratya̭tiṣṭhi॒pā(3) ya॒jñapa॒tā(3)viti॒ sa ho̭vāca ya॒jñapa̭tā॒viti̭ sa॒tyādvai sṛñja̭yāḥ॒ parā̭ babhūvu॒riti̭ hovāca ya॒jñe vāva ya॒jñaḥ pra̭ti॒ṣṭhāpya̭ āsī॒-dyaja̭māna॒syā-'pa̭rābhāvā॒yeti॒ devā̭ gātuvido gā॒tuṃ-vi~॒ttvā gā॒tu -mi॒tetyā̭ha ya॒jña e॒va ya॒jña-mprati̭ ṣṭhāpayati॒ yaja̭māna॒syā-'pa̭rābhāvāya || 8 ||
(yajūgṃ̭ṣi - ya॒jña - eka̭catvārigṃśacca) (a. 2)
a॒va॒bhṛ॒tha॒-ya॒jūgṃṣi̭ juhoti॒ yade॒vārvā॒cīna॒-meka̭hāyanā॒denaḥ̭ ka॒roti॒ tade॒va tairava̭ yajate॒ 'po̭-'vabhṛ॒tha-mavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate॒ vartma̭nā॒ vā a॒nvitya̭ ya॒jñagṃ rakṣāgṃ̭si jighāgṃsanti॒ sāmnā᳚ prasto॒tā-'nvavai̭ti॒ sāma॒ vai ra̭kṣo॒hā rakṣa̭sā॒mapa̭hatyai॒ trirni॒dhana॒mupai̭ti॒ traya̭ i॒me lo॒kā e॒bhya e॒va lo॒kebhyo॒ rakṣā॒g॒- [lo॒kebhyo॒ rakṣāgṃ̭si, apa̭ hanti॒] 9
-syapa̭ hanti॒ purṷṣaḥpuruṣo ni॒dhana॒mupai̭ti॒ purṷṣaḥpuruṣo॒ hi ra̭kṣa॒svī rakṣa̭sā॒mapa̭hatyā u॒rugṃ hi rājā॒ varṷṇaśca॒kāretyā̭ha॒ prati̭ṣṭhityai śa॒ta-ntḙ rāja-nbhi॒ṣajaḥ̭ sa॒hasra॒mityā̭ha bheṣa॒jame॒vāsmai̭ karotya॒bhiṣṭhi̭to॒ varṷṇasya॒ pāśa॒ ityā̭ha varuṇapā॒śame॒vābhi ti̭ṣṭhati ba॒r॒hira॒bhi jṷho॒tyāhṷtīnā॒-mprati̭ṣṭhityā॒ atho̭ agni॒vatye॒va jṷho॒tyapa̭ barhiṣaḥ prayā॒jān [prayā॒jān, ya॒ja॒ti॒ pra॒jā vai] 10
ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñca॒tyājya̭bhāgau yajati ya॒jñasyai॒va cakṣṷṣī॒ nāntarḙti॒ varṷṇaṃ-ya~jati varuṇapā॒śāde॒vaina̭-mmuñcatya॒gnīvarṷṇau yajati sā॒kṣāde॒vainaṃ̭-va~ruṇapā॒śā-nmṷñca॒tya-pa̭barhiṣāvanūyā॒jau ya̭jati pra॒jā vai ba॒r॒hiḥ pra॒jā e॒va va̭ruṇapā॒śā-nmṷñcati ca॒turaḥ̭ prayā॒jān. ya̭jati॒ dvāva̭nūyā॒jau ṣaṭ-thsampa̭dyante॒ ṣaḍvā ṛ॒tava̭ [ṣaḍvā ṛ॒tavaḥ̭, ṛ॒tuṣve॒va prati̭] 11
ṛ॒tuṣve॒va prati̭ tiṣṭha॒-tyava̭bhṛtha-nicaṅku॒ṇetyā̭ha yathodi॒tame॒va varṷṇa॒mava̭ yajate samu॒dre te॒ hṛda̭ya-ma॒phsva̭ntarityā̭ha samu॒dre hya̭ntarvarṷṇa॒-ssa-ntvā̭ viśa॒-ntvoṣa̭dhī-ru॒tā-''pa॒ ityā̭hā॒dbhi-re॒vaina॒moṣa̭dhībhi-ssa॒myañca̭-ndadhāti॒ devī̭rāpa e॒ṣa vo॒ garbha॒ ityā̭ha yathāya॒jure॒vaita-tpa॒śavo॒ vai [ ] 12
somo॒ ya-dbhi̭ndū॒nā-mbha॒kṣaye᳚-tpaśu॒mān-thsyā॒-dvarṷṇa॒-stvḙna-ṅgṛhṇīyā॒dyanna bha॒kṣayḙdapa॒śu-ssyā॒nnainaṃ॒-va~rṷṇo gṛhṇīyā-dupa॒spṛśya̭me॒va pa̭śu॒mā-nbha̭vati॒ nainaṃ॒-va~rṷṇo gṛhṇāti॒ prati̭yuto॒ varṷṇasya॒ pāśa॒ ityā̭ha varuṇapā॒śāde॒va nirmṷcya॒te 'pra̭tīkṣa॒mā ya̭nti॒ varṷṇasyā॒ntarhi̭tyā॒ edho᳚-'syedhiṣī॒mahī-tyā̭ha sa॒midhai॒vāgni-nna̭ma॒syanta̭ u॒pāya̭nti॒ tejo̭-'si॒ tejo॒ mayi̭ dhe॒hītyā̭ha॒ teja̭ e॒vā-''tma-ndha̭tte || 13 ||
(rakṣāgṃ̭si - prayā॒jā - nṛ॒tavo॒ - vai - na̭ma॒syanto॒ - dvāda̭śa ca) (a. 3)
sphyena॒ vedi॒muddha̭nti rathā॒kṣeṇa॒ vi mi̭mīte॒ yūpa̭-mminoti tri॒vṛta̭me॒va vajragṃ̭ sa॒bhṛntya॒ bhrātṛ̭vyāya॒ pra ha̭rati॒ stṛtyai॒ yada̭ntarve॒di mi̭nu॒yā-ddḙvalo॒kama॒bhi ja̭ye॒-dya-dba̭hirve॒di ma̭nuṣya lo॒kaṃ ~ve᳚dya॒ntasya̭ sa॒ndhau mi̭notyu॒bhayo᳚-rlo॒kayo̭-ra॒bhiji̭tyā॒ upa̭rasammitā-mminuyā-tpitṛlo॒kakā̭masya raśa॒nasa̭mintā-mmanuṣyalo॒kakā̭masya ca॒ṣāla̭-sammitāmindri॒ya kā̭masya॒ sarvā᳚n-thsa॒mā-npra̭ti॒ṣṭhākā̭masya॒ ye trayo̭ maddhya॒māstān-thsa॒mā-npa॒śukā̭masyai॒tān. vā [vai, anṷ] 14
anṷ pa॒śava॒ upa̭ tiṣṭhante paśu॒māne॒va bha̭vati॒ vyati̭ṣaje॒dita̭rā-npra॒jayai॒vaina̭-mpa॒śubhi॒rvyati̭ṣajati॒ ya-ṅkā॒mayḙta pra॒māyṷka-ssyā॒diti̭ garta॒mita॒-ntasya̭ minuyāduttarā॒rdhyaṃ̭-va~rṣi̭ṣṭha॒matha॒ hrasī̭yāgṃsame॒ṣā vai ga̭rta॒midyasyai॒va-mmi॒noti̭ tā॒ja-kpra mī̭yate dakṣiṇā॒rdhyaṃ̭-va~rṣi̭ṣṭha-mminuyā-thsuva॒rgakā̭ma॒syātha॒ hrasī̭yāgṃsa-mā॒krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ [sama̭ṣṭyai, yadeka̭smi॒n॒.] 15
yadeka̭smi॒n॒. yūpe॒ dve ra̭śa॒ne pa̭ri॒vyaya̭ti॒ tasmā॒deko॒ dve jā॒ye vi̭ndate॒ yannaikāgṃ̭ raśa॒nā-ndvayo॒ryūpa̭yoḥ pari॒vyaya̭ti॒ tasmā॒nnaikā॒ dvau patī̭ vindate॒ ya-ṅkā॒mayḙta॒ strya̭sya jāye॒tetyṷpā॒nte tasya॒ vyati̭ṣaje॒-thstryḙvāsya̭ jāyate॒ ya-ṅkā॒mayḙta॒ pumā̭nasya jāye॒tetyā॒nta-ntasya॒ pra ve᳚ṣṭaye॒-tpumā̭ne॒vāsya̭ [ve᳚ṣṭaye॒-tpumā̭ne॒vāsya̭, jā॒ya॒te 'sṷrā॒] 16
jāya॒te 'sṷrā॒ vai de॒vā-nda̭kṣiṇa॒ta upā̭naya॒-ntā-nde॒vā ṷpaśa॒yenai॒vāpā̭-nudanta॒ ta-dṷpaśa॒yasyo̭-paśaya॒tvaṃ-ya~-dda̭kṣiṇa॒ta ṷpaśa॒ya ṷpa॒śaye॒ bhrātṛ̭vyāpanuttyai॒ sarve॒ vā a॒nye yūpāḥ᳚ paśu॒manto-'tho̭paśa॒ya e॒vāpa॒śustasya॒ yaja̭mānaḥ pa॒śuryanna ni̭rdi॒śedārti॒-mārcche॒-dyaja̭māno॒-'sau tḙ pa॒śuriti॒ nirdi̭śe॒dya-ndvi॒ṣyā-dyame॒va [ ] 17
dveṣṭi॒ tama̭smai pa॒śu-nnirdi̭śati॒ yadi॒ na dvi॒ṣyādā॒khustḙ pa॒śuriti̭ brūyā॒nna grā॒myā-npa॒śūn. hi॒nasti॒ nā-''ra॒ṇyā-npra॒jāpa̭tiḥ pra॒jā a̭sṛjata॒ so᳚-'nnādyḙna॒ vyā᳚rdhyata॒ sa e॒tāmḙkāda॒śinī̭-mapaśya॒-ttayā॒ vai so᳚-'nnādya॒mavā̭rundha॒ yaddaśa॒ yūpā॒ bhava̭nti॒ daśā᳚kṣarā vi॒rāḍannaṃ̭-vi~॒rā-ḍvi॒rājai॒vā-nnādya॒mava̭ rundhe॒ [rundhe, ya] 18
ya ḙkāda॒śa-sstana̭ e॒vāsyai॒ sa du॒ha e॒vainā॒-ntena॒ vajro॒ vā e॒ṣā sa-mmī̭yate॒ yadḙkāda॒śinī॒ seśva॒rā pu॒rastā᳚-tpra॒tyañcaṃ̭-ya~॒jñagṃ samma̭rdito॒rya-tpā᳚tnīva॒ta-mmi॒noti̭ ya॒jñasya॒ pratyutta̭bdhyai saya॒tvāya̭ || 19 ||
(vai - sama̭ṣṭyai॒ - pumā̭ne॒vāsya॒ - yame॒va - rṷndhe - tri॒gṃ॒śacca̭) (a. 4)
pra॒jāpa̭tiḥ pra॒jā a̭sṛjata॒ sa ri̭ricā॒no̭-'manyata॒ sa e॒tāmḙkāda॒śinī̭-mapaśya॒-ttayā॒ vai sa āyṷrindri॒yaṃ-vī~॒rya̭mā॒tmanna̭dhatta pra॒jā i̭va॒ khalu॒ vā e॒ṣa sṛ̭jate॒ yo yaja̭te॒ sa e॒tarhi̭ riricā॒na i̭va॒ yade॒ṣaikā̭da॒śinī॒ bhava॒tyāyṷre॒va taye᳚ndri॒yaṃ-vī~॒ryaṃ̭-ya~ja̭māna ā॒tma-ndha̭tte॒ praivā-''gne॒yena̭ vāpayati mithu॒nagṃ sā̭rasva॒tyā ka̭roti॒ reta̭- [retaḥ̭, sau॒myena̭ dadhāti॒] 20
-ssau॒myena̭ dadhāti॒ pra ja̭nayati pau॒ṣṇena̭ bārhaspa॒tyo bha̭vati॒ brahma॒ vai de॒vānā॒-mbṛha॒spati॒rbrahma̭ṇai॒vāsmai᳚ pra॒jāḥ praja̭nayati vaiśvade॒vo bha̭vati vaiśvade॒vyo̭ vai pra॒jāḥ pra॒jā e॒vāsmai॒ praja̭nayatī-ndri॒yame॒vaindreṇāva̭ rundhe॒ viśa̭-mmāru॒tenaujo॒ bala̭maindrā॒gnena̭ prasa॒vāya̭ sāvi॒tro ni̭rvaruṇa॒tvāya̭ vāru॒ṇo ma̭ddhya॒ta ai॒ndramā la̭bhate maddhya॒ta e॒vendri॒yaṃ-ya~ja̭māne dadhāti [ ] 21
pu॒rastā̭dai॒ndrasya̭ vaiśvade॒vamā la̭bhate vaiśvade॒vaṃ-vā~ anna॒manna̭me॒va pu॒rastā᳚ddhatte॒ tasmā᳚-tpu॒rastā॒danna̭madyata ai॒ndramā॒labhya̭ māru॒tamā la̭bhate॒ vi-ḍvai ma॒ruto॒ viśa̭me॒vāsmā॒ anṷ baddhnāti॒ yadi̭ kā॒mayḙta॒ yo-'va̭gata॒-sso-'pa̭ ruddhyatāṃ॒-yo~-'pa̭ruddha॒-sso-'va̭ gaccha॒tvityai॒ndrasya̭ lo॒ke vā̭ru॒ṇamā la̭bheta vāru॒ṇasya̭ lo॒ka ai॒ndraṃ- [lo॒ka ai॒ndram, ya e॒vāva̭gata॒-sso-'pa̭] 22
-~ya e॒vāva̭gata॒-sso-'pa̭ ruddhyate॒ yo-'pa̭ruddha॒-sso-'va̭ gacchati॒ yadi̭ kā॒mayḙta pra॒jā mṷhyeyu॒riti̭ pa॒śūn vyati̭ṣaje-tpra॒jā e॒va mo̭hayati॒ yada̭bhivāha॒to̭-'pāṃ-vā~̭ru॒ṇamā॒labhḙta pra॒jā varṷṇo gṛhṇīyā-ddakṣiṇa॒ta uda̭ñca॒mā la̭bhate-'pavāha॒to̭-'pā-mpra॒jānā॒-mava̭ruṇa grāhāya || 23 ||
(reto॒ - yaja̭māne dadhāti - lo॒ka ai॒ndragṃ - sa॒ptatrigṃ̭śacca) (a. 5)
indraḥ॒ patni̭yā॒ manṷmayājaya॒-ttā-mparya̭gnikṛtā॒-muda̭sṛja॒-ttayā॒ manṷrārdhno॒dya-tparya̭gnikṛta-mpātnīva॒tamṷ-thsṛ॒jati॒ yāme॒va manu॒r॒. ṛddhi॒mārdhno॒-ttāme॒va yaja̭māna ṛdhnoti ya॒jñasya॒ vā apra̭tiṣṭhitā-dya॒jñaḥ parā̭ bhavati ya॒jña-mpa̭rā॒bhava̭ntaṃ॒-ya~ja̭mā॒no-'nu॒ parā̭ bhavati॒ yadājyḙna pātnīva॒tagṃ sagg̭sthā॒paya̭ti ya॒jñasya॒ prati̭ṣṭhityai ya॒jña-mpra̭ti॒tiṣṭha̭ntaṃ॒-ya~ja̭mā॒no-'nu॒ prati̭ tiṣṭhatī॒ṣṭaṃ-va~॒payā॒ [-~va॒payā᳚, bhava॒tyani̭ṣṭaṃ-va~॒śayā-'tha̭] 24
bhava॒tyani̭ṣṭaṃ-va~॒śayā-'tha̭ pātnīva॒tena॒ pra ca̭rati tī॒rtha e॒va pra ca̭ra॒tyatho̭ e॒tarhye॒vāsya॒ yāma̭stvā॒ṣṭro bha̭vati॒ tvaṣṭā॒ vai reta̭sa-ssi॒ktasya̭ rū॒pāṇi॒ vi ka̭roti॒ tame॒va vṛṣā̭ṇa॒-mpatnī॒ṣvapi̭ sṛjati॒ so᳚-'smai rū॒pāṇi॒ vi ka̭roti || 25 ||
(va॒payā॒ - ṣaṭtrigṃ̭śacca) (a. 6)
ghnanti॒ vā e॒ta-thsomaṃ॒-ya~da̭bhiṣu॒ṇvanti॒ ya-thsau॒myo bhava̭ti॒ yathā̭ mṛ॒tāyā̭nu॒stara̭ṇī॒-ṅghnanti̭ tā॒dṛge॒va ta-dyadṷttarā॒rdhe vā॒ maddhyḙ vā juhu॒yā-dde॒vatā᳚bhya-ssa॒mada̭-ndaddhyā-ddakṣiṇā॒rdhe jṷhotye॒ṣā vai pi̭tṛ॒ṇā-ndi-khsvāyā̭me॒va di॒śi pi॒tṝ-nni॒rava̭dayata udgā॒tṛbhyo̭ haranti sāmadeva॒tyo̭ vai sau॒myo yade॒va sāmnaḥ̭ chambaṭku॒rvanti॒ tasyai॒va sa śānti॒rave᳚- [śānti॒rava̭, ī॒kṣa॒nte॒ pa॒vitraṃ॒-vai~] 26
-kṣante pa॒vitraṃ॒-vai~ sau॒mya ā॒tmāna̭me॒va pa̭vayante॒ ya ā॒tmāna॒-nna pa̭ri॒paśyḙdi॒tāsuḥ̭ syādabhida॒di-ṅkṛ॒tvā-'ve᳚kṣeta॒ tasmi॒n॒. hyā᳚tmāna̭-mpari॒paśya॒tyatho̭ ā॒tmāna̭me॒va pa̭vayate॒ yo ga॒tama̭nā॒-ssyā-thso-'ve᳚kṣeta॒ yanme॒ manaḥ॒ parā̭gataṃ॒-ya~dvā̭ me॒ apa̭rāgatam | rājñā॒ somḙna॒ tadva॒yama॒smāsṷ dhārayāma॒sīti॒ mana̭ e॒vātma-ndā̭dhāra॒- [e॒vātma-ndā̭dhāra, na ga॒tama̭nā] 27
na ga॒tama̭nā bhava॒tyapa॒ vai tṛ̭tīyasava॒ne ya॒jñaḥ krā̭matījā॒nā-danī̭jānama॒bhyā᳚-gnāvaiṣṇa॒vyarcā ghṛ॒tasya̭ yajatya॒gni-ssarvā̭ de॒vatā॒ viṣṇṷrya॒jño de॒vatā᳚ścai॒va ya॒jña-ñca̭ dādhāropā॒gṃ॒śu ya̭jati mithuna॒tvāya̭ brahmavā॒dino̭ vadanti mi॒tro ya॒jñasya॒ svi̭ṣṭaṃ-yu~vate॒ varṷṇo॒ duri̭ṣṭa॒-ṅkva̭ tarhi̭ ya॒jñaḥ kva̭ yaja̭māno bhava॒tīti॒ yanmai᳚trāvaru॒ṇīṃ-va~॒śāmā॒labha̭te mi॒treṇai॒va [ ] 28
ya॒jñasya॒ svi̭ṣṭagṃ śamayati॒ varṷṇena॒ duri̭ṣṭa॒-nnā-''rti॒mārccha̭ti॒ yaja̭māno॒ yathā॒ vai lāṅga̭leno॒rvarā᳚-mprabhi॒ndan-tye॒vamṛ̭khsā॒me ya॒jña-mpra bhi̭nto॒ yanmai᳚trāvaru॒ṇīṃ-va~॒śāmā॒labha̭te ya॒jñāyai॒va prabhi̭nnāya ma॒tya̭ma॒nvavā᳚syati॒ śāntyai̭ yā॒tayā̭māni॒ vā e॒tasya॒ chandāgṃ̭si॒ ya ī̭jā॒na-śchanda̭sāme॒ṣa raso॒ ya-dva॒śā yanmai᳚trāvaru॒ṇīṃ-va~॒śāmā॒labha̭te॒ chandāg̭sye॒va puna॒rā prī̭ṇā॒tya yā̭tayāmatvā॒yātho॒ chanda̭ssve॒va rasa̭-ndadhāti || 29 ||
(ava̭ - dādhāra - mi॒treṇai॒va - prī̭ṇāti॒ - ṣaṭca̭) (a. 7)
de॒vā vā i̭ndri॒yaṃ-vī~॒ryāṃ᳚(1॒) ~vya̭bhajanta॒ tato॒ yada॒tyaśi̭ṣyata॒ tada̭tigrā॒hyā̭ abhava॒-ntada̭tigrā॒hyā̭ṇā-matigrāhya॒tvaṃ-ya~da̭tigrā॒hyā̭ gṛ॒hyanta̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte॒ teja̭ āgne॒yene᳚ndri॒ya-mai॒ndreṇa̭ brahmavarca॒sagṃ sau॒ryeṇo̭pa॒stambha̭naṃ॒-vā~ e॒ta-dya॒jñasya॒ yada̭tigrā॒hyā᳚śca॒kre pṛ॒ṣṭhāni॒ ya-tpṛṣṭhye॒ na gṛ̭hṇī॒yā-tprāñcaṃ̭-ya~॒jña-mpṛ॒ṣṭhāni॒ sagṃ śṛ̭ṇīyu॒rya-du॒kthyḙ [-du॒kthye᳚, gṛ॒hṇī॒yā-tpra॒tyañcaṃ̭-] 30
gṛhṇī॒yā-tpra॒tyañcaṃ̭-ya~॒jñama̭tigrā॒hyā᳚-ssagṃ śṛ̭ṇīyurviśva॒jiti॒ sarva̭pṛṣṭhe grahīta॒vyā̭ ya॒jñasya̭ savīrya॒tvāya̭ pra॒jāpa̭tirde॒vebhyo̭ ya॒jñān vyādi̭śa॒-thsa pri॒yāsta॒nūrapa॒ nya̭dhatta॒ tada̭tigrā॒hyā̭ abhava॒n vita̭nu॒stasya̭ ya॒jña ityā̭hu॒rya-syā̭tigrā॒hyā̭ na gṛ॒hyanta॒ ityapya̭gniṣṭo॒me gra̭hīta॒vyā̭ ya॒jñasya̭ satanu॒tvāya̭ de॒vatā॒ vai sarvā᳚-ssa॒dṛśī̭rāsa॒-ntā na vyā॒vṛta̭-magaccha॒-nte de॒vā [de॒vāḥ, e॒ta e॒tā-ngrahā̭-] 31
e॒ta e॒tā-ngrahā̭-napaśya॒-ntāna̭gṛhṇatā-''gne॒ yama॒gnirai॒ndramindraḥ̭ sau॒ryagṃ sūrya॒stato॒ vai te᳚-'nyābhi̭-rde॒vatā̭bhi-rvyā॒vṛta̭magaccha॒n॒. yasyai॒vaṃ-vi~॒duṣa̭ e॒te grahā̭ gṛ॒hyante᳚ vyā॒vṛta̭me॒va pā॒pmanā॒ bhrātṛ̭vyeṇa gacchatī॒me lo॒kā jyoti̭ṣmanta-ssa॒māva̭-dvīryāḥ kā॒ryā̭ ityā̭hurāgne॒yenā॒smin ~lo॒ke jyoti̭rdhatta ai॒ndreṇā॒ntari̭kṣa indravā॒yū hi sa॒yujaṷ sau॒ryeṇā॒muṣmi̭n ~lo॒ke [ ] 32
jyoti̭rdhatte॒ jyoti̭ṣmanto-'smā i॒me lo॒kā bha̭vanti sa॒māva̭-dvīryānenān kuruta e॒tān. vai grahā᳚-nba॒bāṃ-vi॒śvava̭yasā-vavittā॒-ntābhyā̭mi॒me lo॒kāḥ parā᳚ñcaścā॒rvāñca̭śca॒ prābhu॒ryasyai॒vaṃ-vi~॒duṣa̭ e॒te grahā̭ gṛ॒hyante॒ prāsmā̭ i॒me lo॒kāḥ parā᳚ñcaścā॒rvāñca̭śca bhānti || 33 ||
(u॒kthyḙ - de॒vā - a॒muṣmi̭n ~lo॒ka - ekā॒nnaca̭tvāri॒gṃ॒śacca̭) (a. 8)
de॒vā vai ya-dya॒jñe-'kṷrvata॒ tadasṷrā akurvata॒ te de॒vā adā᳚bhye॒ chandāgṃ̭si॒ sava̭nāni॒ sama̭sthāpaya॒-ntato̭ de॒vā abha̭va॒-nparā-'sṷrā॒ yasyai॒vaṃ-vi~॒duṣo-'dā᳚bhyo gṛ॒hyate॒ bhava̭tyā॒tmanā॒ parā᳚-'sya॒ bhrātṛ̭vyo bhavati॒ yadvai de॒vā asṷrā॒-nadā᳚bhye॒-nāda̭bhnuva॒-ntadadā᳚bhyasyā-dābhya॒ tvaṃ-ya~ e॒vaṃ-ve~da̭ da॒bhnotye॒va bhrātṛ̭vya॒-nnaina॒-mbhrātṛ̭vyo dabhno- [dabhnoti, e॒ṣā vai] 34
-tye॒ṣā vai pra॒jāpa̭te-ratimo॒kṣiṇī॒ nāma̭ ta॒nūryadadā᳚bhya॒ upa̭naddhasya gṛhṇā॒tyati̭muktyā॒ ati̭ pā॒pmāna॒-mbhrātṛ̭vya-mmucyate॒ ya e॒vaṃ-ve~da॒ ghnanti॒ vā e॒ta-thsomaṃ॒-ya~da̭bhiṣu॒ṇvanti॒ somḙ ha॒nyamā̭ne ya॒jño ha̭nyate ya॒jñe yaja̭māno brahmavā॒dino̭ vadanti॒ ki-nta-dya॒jñe yaja̭mānaḥ kurute॒ yena॒ jīvan᳚-thsuva॒rgaṃ-lo~॒kametīti̭ jīvagra॒ho vā e॒ṣa yadadā॒bhyo 'na̭bhiṣutasya gṛhṇāti॒ jīva̭ntame॒vainagṃ̭ suva॒rgaṃ ~lo॒ka-ṅga̭mayati॒ vi vā e॒ta-dya॒jña-ñchi̭ndanti॒ yadadā᳚bhye sagg-sthā॒paya̭-ntya॒gṃ॒śūnapi̭ sṛjati ya॒jñasya॒ santa̭tyai || 35 ||
(da॒bhno॒tya - na̭bhiṣutasya gṛhṇā॒tye - kā॒nnavigṃ̭śa॒tiśca̭) (a. 9)
de॒vā vai pra॒bāhu॒ggrahā̭-nagṛhṇata॒ sa e॒ta-mpra॒jāpa̭ti-ra॒gṃ॒śu-ma̭paśya॒-ttama̭gṛhṇīta॒ tena॒ vai sa ā᳚rdhno॒-dyasyai॒vaṃ-vi~॒duṣo॒-'gṃ॒śu-rgṛ॒hyata̭ ṛ॒ddhnotye॒va sa॒kṛda̭bhiṣutasya gṛhṇāti sa॒kṛddhi sa tenā-''rdhno॒nmana̭sā gṛhṇāti॒ mana̭ iva॒ hi pra॒jāpa̭tiḥ pra॒jāpa̭te॒rāptyā॒ audṷmbareṇa gṛhṇā॒tyūrgvā ṷdu॒mbara॒ ūrja̭me॒vāva̭ rundhe॒ catuḥ̭srakti bhavati di॒- [bhavati di॒kṣu, e॒va prati̭ tiṣṭhati॒] 36
-kṣvḙva prati̭ tiṣṭhati॒ yo vā a॒gṃ॒śorā॒yata̭naṃ॒-ve~dā॒-''yata̭navā-nbhavati vāmade॒vyamiti॒ sāma॒ tadvā a̭syā॒-''yata̭na॒-mmana̭sā॒ gāya̭māno gṛhṇātyā॒yata̭navāne॒va bha̭vati॒ yada̭ddhva॒ryura॒gṃ॒śu-ṅgṛ॒hṇa-nnārdhayḙdu॒bhābhyā॒-nnardhyḙtāddhva॒ryavḙ ca॒ yaja̭mānāya ca॒ yada॒rdhayḙ-du॒bhābhyā̭-mṛddhye॒tāna̭vāna-ṅgṛhṇāti॒ saivāsyardhi॒r॒. hira̭ṇyama॒bhi vya̭nitya॒mṛtaṃ॒-vai~ hira̭ṇya॒māyuḥ̭ prā॒ṇa āyṷṣai॒vāmṛta̭ma॒bhi dhi̭noti śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭ tiṣṭhati || 37 ||
(di॒kṣva̭ - niti - vigṃśa॒tiśca̭) (a. 10)
pra॒jāpa̭ti-rde॒vebhyo̭ ya॒jñān vyādi̭śa॒-thsa ri̭ricā॒no̭-'manyata॒ sa ya॒jñānāgṃ̭ ṣoḍaśa॒dhendri॒yaṃ-vī~॒rya̭mā॒tmāna̭ma॒bhi sama̭kkhida॒-tta-thṣo̭ḍa॒śya̭bhava॒nna vai ṣo̭ḍa॒śī nāma̭ ya॒jño᳚-'sti॒ yadvāva ṣo̭ḍa॒śagg sto॒tragṃ ṣo̭ḍa॒śagṃ śa॒stra-ntena̭ ṣoḍa॒śī ta-thṣo̭ḍa॒śinaḥ̭ ṣoḍaśi॒tvaṃ-ya~-thṣo̭ḍa॒śī gṛ॒hyata̭ indri॒yame॒va ta-dvī॒ryaṃ̭-ya~ja̭māna ā॒tma-ndha̭tte de॒vebhyo॒ vai sṷva॒rgo lo॒ko [lo॒kaḥ, na prābha̭va॒-tta] 38
na prābha̭va॒-tta e॒tagṃ ṣo̭ḍa॒śina̭mapaśya॒-ntama̭gṛhṇata॒ tato॒ vai tebhyaḥ̭ suva॒rgo lo॒kaḥ prābha̭va॒dya-thṣo̭ḍa॒śī gṛ॒hyatḙ suva॒rgasya̭ lo॒kasyā॒bhiji̭tyā॒ indro॒ vai de॒vānā̭mānujāva॒ra ā̭sī॒-thsa pra॒jāpa̭ti॒mupā̭dhāva॒-ttasmā̭ e॒tagṃ ṣo̭ḍa॒śina॒-mprāya̭ccha॒-ttama̭gṛhṇīta॒ tato॒ vai so-'gra̭-nde॒vatā̭nā॒-mparyai॒-dyasyai॒vaṃ-vi~॒duṣaḥ̭ ṣoḍa॒śī gṛ॒hyate- [gṛ॒hyate᳚, agra̭me॒va] 39
-'gra̭me॒va sa̭mā॒nānā॒-mparyḙti prātassava॒ne gṛ̭hṇāti॒ vajro॒ vai ṣo̭ḍa॒śī vajraḥ̭ prātassava॒nagg svāde॒vainaṃ॒-yo~ne॒rnigṛ̭hṇāti॒ sava̭nesavane॒-'bhi gṛ̭hṇāti॒ sava̭nāthsavanāde॒vaina॒-mpra ja̭nayati tṛtīyasava॒ne pa॒śukā̭masya gṛhṇīyā॒-dvajro॒ vai ṣo̭ḍa॒śī pa॒śava̭stṛtīyasava॒naṃ-va~jrḙṇai॒vāsmai̭ tṛtīyasava॒nā-tpa॒śūnava̭ rundhe॒ nokthyḙ gṛhṇīyā-tpra॒jā vai pa॒śava̭ u॒kthāni॒ yadu॒kthyḙ- [yadu॒kthye᳚, gṛ॒hṇī॒yā-tpra॒jā-] 40
gṛhṇī॒yā-tpra॒jā-mpa॒śūna̭sya॒ nirda̭hedatirā॒tre pa॒śukā̭masya gṛhṇīyā॒-dvajro॒ vai ṣo̭ḍa॒śī vajrḙṇai॒vāsmai̭ pa॒śūna̭va॒ruddhya॒ rātri̭-yo॒pari̭ṣṭā-cchamaya॒tyapya̭gniṣṭo॒me rā̭ja॒nya̭sya gṛhṇīyā-dvyā॒vṛtkā̭mo॒ hi rā̭ja॒nyo̭ yaja̭te sā॒hna e॒vāsmai॒ vajra̭-ṅgṛhṇāti॒ sa ḙnaṃ॒-va~jro॒ bhūtyā̭ indhe॒ nirvā̭ daha-tyekavi॒gṃ॒śagg sto॒tra-mbha̭vati॒ prati̭ṣṭhityai॒ hari̭vacchasyata॒ indra̭sya pri॒ya-ndhāmo- [pri॒ya-ndhāma̭, upā᳚-''pnoti॒] 41
-pā᳚-''pnoti॒ kanī̭yāgṃsi॒ vai de॒veṣu॒ chandā॒g॒syāsa॒n-jyāyā॒g॒-syasṷreṣu॒ te de॒vāḥ kanī̭yasā॒ chanda̭sā॒ jyāya॒-śchando॒-'bhi vya̭śagṃsa॒-ntato॒ vai te-'sṷrāṇāṃ-lo~॒kama̭vṛñjata॒ ya-tkanī̭yasā॒ chanda̭sā॒ jyāya॒-śchando॒-'bhivi॒śagṃsa̭ti॒ bhrātṛ̭vyasyai॒va tallo॒kaṃ-vṛ~̭ṅkte॒ ṣaḍa॒kṣarā॒ṇyati̭ recayanti॒ ṣa-ḍvā ṛ॒tava̭ ṛ॒tūne॒va prī̭ṇāti ca॒tvāri॒ pūrvā॒ṇyava̭ kalpayanti॒ [kalpayanti, catṷṣpada e॒va] 42
catṷṣpada e॒va pa॒śūnava̭ rundhe॒ dve utta̭re dvi॒pada̭ e॒vāva̭ rundhe 'nu॒ṣṭubha̭ma॒bhi sa-mpā̭dayanti॒ vāgvā a̭nu॒ṣṭu-ptasmā᳚-tprā॒ṇānāṃ॒-vā~gṷtta॒mā sa̭mayāviṣi॒te sūryḙ ṣoḍa॒śinaḥ̭ sto॒tra-mu॒pāka̭rotye॒tasmi॒n vai lo॒ka indro̭ vṛ॒trama̭han-thsā॒kṣāde॒va vajra॒-mbhrātṛ̭vyāya॒ pra ha̭ra-tyaruṇapiśa॒ṅgo-'śvo॒ dakṣi̭ṇai॒tadvai vajra̭sya rū॒pagṃ samṛ̭ddhyai || 43 ||
(lo॒ko - vi॒duṣaḥ̭ ṣoḍa॒śī gṛ॒hyate॒ - yadu॒kthyḙ - dhāma̭ - kalpayanti - sa॒ptaca̭tvārigṃśacca) (a. 11)
(su॒va॒rgāya॒ ya-ddā᳚kṣi॒ṇāni̭ - samiṣṭa ya॒jūg - ṣya̭vabhṛtha ya॒jūgṃṣi॒ - sphyena̭ - pra॒jāpa̭tirekāda॒śinī॒ - mindraḥ॒ patni̭yā॒ - ghnanti̭ - de॒vā vā i̭ndri॒yaṃ-vī~॒ryaṃ̭ - de॒vā vā adā᳚bhye - de॒vā vai pra॒bāhṷk - pra॒jāpa̭tirde॒vebhya॒-ssa ri̭ricā॒naḥ - ṣo̭ḍaśa॒dhaikā̭daśa) (11)
(su॒va॒rgāya̭ - yajati pra॒jāḥ - sau॒myena̭ - gṛhṇī॒yā-tpra॒tyañcaṃ̭ - gṛhṇī॒yā-tpra॒jā-mpa॒śūn - trica̭tvārigṃśat) (43)
(su॒va॒rgāya॒, vajra̭sya rū॒pagṃ samṛ̭ddhyai)
(prā॒cīna̭vagṃśaṃ॒ - ya - ccā॒tvālā᳚ - dya॒jñene - ndraḥ̭ - su॒vargāya॒ - ṣaṭ ) (6)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe ṣaṣṭhaḥ praśna-ssamāptaḥ ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.