𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨𑌃 - 𑌸𑍋𑌮𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌨𑌿𑌰𑍂𑌪𑌣𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌯॒ 𑌵𑌜𑍍𑌰॒𑌮𑍁𑌦॑𑌯𑌚𑍍𑌛॒-𑌥𑍍𑌸 𑌵𑍃॒𑌤𑍍𑌰𑍋 𑌵𑌜𑍍𑌰𑌾॒𑌦𑍁𑌦𑍍𑌯॑𑌤𑌾𑌦𑌬𑌿𑌭𑍇॒-𑌥𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮𑍇॒ 𑌪𑍍𑌰 𑌹𑌾॒𑌰𑌸𑍍𑌤𑌿॒ 𑌵𑌾 𑌇॒𑌦-𑌮𑍍𑌮𑌯𑌿॑ 𑌵𑍀॒𑌰𑍍𑌯𑌂॑ 𑌤-𑌤𑍍𑌤𑍇॒ 𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌤𑌸𑍍𑌮𑌾॑ 𑌉॒𑌕𑍍𑌥𑍍𑌯॑-𑌮𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑍈᳚ 𑌦𑍍𑌵𑌿॒𑌤𑍀𑌯॒𑌮𑍁𑌦॑𑌯𑌚𑍍𑌛॒-𑌥𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮॒ 𑌪𑍍𑌰 𑌹𑌾॒𑌰𑌸𑍍𑌤𑌿॒ 𑌵𑌾 𑌇॒𑌦-𑌮𑍍𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒ 𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॒ [𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॑, 𑌤𑌸𑍍𑌮𑌾॑ 𑌉॒𑌕𑍍𑌥𑍍𑌯॑𑌮𑍇॒𑌵] 1
𑌤𑌸𑍍𑌮𑌾॑ 𑌉॒𑌕𑍍𑌥𑍍𑌯॑𑌮𑍇॒𑌵 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑍈॑ 𑌤𑍃॒𑌤𑍀𑌯॒𑌮𑍁𑌦॑𑌯𑌚𑍍𑌛॒-𑌤𑍍𑌤𑌂-𑌵𑌿𑌁𑌷𑍍𑌣𑍁॒𑌰𑌨𑍍𑌵॑𑌤𑌿𑌷𑍍𑌠𑌤 𑌜॒𑌹𑍀𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮𑍇॒ 𑌪𑍍𑌰 𑌹𑌾॒𑌰𑌸𑍍𑌤𑌿॒ 𑌵𑌾 𑌇॒𑌦-𑌮𑍍𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒ 𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌤𑌸𑍍𑌮𑌾॑ 𑌉॒𑌕𑍍𑌥𑍍𑌯॑𑌮𑍇॒𑌵 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌨𑍍𑌨𑌿𑌰𑍍𑌮𑌾॑𑌯-𑌮𑍍𑌭𑍂॒𑌤𑌮॑𑌹𑌨𑍍. 𑌯॒𑌜𑍍𑌞𑍋 𑌹𑌿 𑌤𑌸𑍍𑌯॑ 𑌮𑌾॒𑌯𑌾-𑌽𑌽𑌸𑍀॒-𑌦𑍍𑌯𑌦𑍁॒𑌕𑍍𑌥𑍍𑌯𑍋॑ 𑌗𑍃॒𑌹𑍍𑌯𑌤॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 [ ] 2
𑌤-𑌦𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤॒ 𑌇𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌬𑍃॒𑌹-𑌦𑍍𑌵॑𑌤𑍇॒ 𑌵𑌯॑𑌸𑍍𑌵𑌤॒ 𑌇𑌤𑍍𑌯𑌾॒𑌹𑍇𑌨𑍍𑌦𑍍𑌰𑌾॑𑌯॒ 𑌹𑌿 𑌸 𑌤-𑌮𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑍈᳚ 𑌤𑍍𑌵𑌾॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹॒ 𑌯𑌦𑍇॒𑌵 𑌵𑌿𑌷𑍍𑌣𑍁॑𑌰॒𑌨𑍍𑌵𑌤𑌿॑𑌷𑍍𑌠𑌤 𑌜॒𑌹𑍀𑌤𑌿॒ 𑌤𑌸𑍍𑌮𑌾॒-𑌦𑍍𑌵𑌿𑌷𑍍𑌣𑍁॑𑌮॒𑌨𑍍𑌵𑌾𑌭॑𑌜𑌤𑌿॒ 𑌤𑍍𑌰𑌿𑌰𑍍𑌨𑌿𑌰𑍍𑌗𑍃॑𑌹𑍍𑌣𑌾𑌤𑌿॒ 𑌤𑍍𑌰𑌿𑌰𑍍𑌹𑌿 𑌸 𑌤-𑌨𑍍𑌤𑌸𑍍𑌮𑍈॒ 𑌪𑍍𑌰𑌾𑌯॑𑌚𑍍𑌛𑌦𑍇॒𑌷 𑌤𑍇॒ 𑌯𑍋𑌨𑌿𑌃॒ 𑌪𑍁𑌨॑𑌰𑍍𑌹𑌵𑌿𑌰॒𑌸𑍀𑌤𑍍𑌯𑌾॑𑌹॒ 𑌪𑍁𑌨𑌃॑𑌪𑍁𑌨॒- [𑌪𑍁𑌨𑌃॑𑌪𑍁𑌨𑌃, 𑌹𑍍𑌯॑𑌸𑍍𑌮𑌾-] 3
𑌰𑍍-𑌹𑍍𑌯॑𑌸𑍍𑌮𑌾-𑌨𑍍𑌨𑌿𑌰𑍍𑌗𑍃॒𑌹𑍍𑌣𑌾𑌤𑌿॒ 𑌚𑌕𑍍𑌷𑍁॒𑌰𑍍𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍁॒𑌕𑍍𑌥𑍍𑌯॑-𑌸𑍍𑌤𑌸𑍍𑌮𑌾॑𑌦𑍁॒𑌕𑍍𑌥𑍍𑌯𑌗𑍍𑌂॑ 𑌹𑍁॒𑌤𑌗𑍍𑌂 𑌸𑍋𑌮𑌾॑ 𑌅॒𑌨𑍍𑌵𑌾𑌯॑𑌨𑍍𑌤𑌿॒ 𑌤𑌸𑍍𑌮𑌾॑𑌦𑌾॒𑌤𑍍𑌮𑌾 𑌚𑌕𑍍𑌷𑍁॒𑌰𑌨𑍍𑌵𑍇॑𑌤𑌿॒ 𑌤𑌸𑍍𑌮𑌾॒𑌦𑍇𑌕𑌂॒-𑌯𑌁𑌨𑍍𑌤॑-𑌮𑍍𑌬॒𑌹𑌵𑍋-𑌽𑌨𑍁॑ 𑌯𑌨𑍍𑌤𑌿॒ 𑌤𑌸𑍍𑌮𑌾॒𑌦𑍇𑌕𑍋॑ 𑌬𑌹𑍂॒𑌨𑌾-𑌮𑍍𑌭॒𑌦𑍍𑌰𑍋 𑌭॑𑌵𑌤𑌿॒ 𑌤𑌸𑍍𑌮𑌾॒𑌦𑍇𑌕𑍋॑ 𑌬॒𑌹𑍍𑌵𑍀𑌰𑍍𑌜𑌾॒𑌯𑌾 𑌵𑌿॑𑌨𑍍𑌦𑌤𑍇॒ 𑌯𑌦𑌿॑ 𑌕𑌾॒𑌮𑌯𑍇॑𑌤𑌾-𑌦𑍍𑌧𑍍𑌵॒𑌰𑍍𑌯𑍁-𑌰𑌾॒𑌤𑍍𑌮𑌾𑌨𑌂॑-𑌯𑌁𑌜𑍍𑌞 𑌯𑌶॒𑌸𑍇𑌨𑌾᳚-𑌰𑍍𑌪𑌯𑍇𑌯॒-𑌮𑌿𑌤𑍍𑌯॑𑌨𑍍𑌤॒𑌰𑌾-𑌽𑌽𑌹॑𑌵॒𑌨𑍀𑌯॑-𑌞𑍍𑌚 𑌹𑌵𑌿॒𑌰𑍍𑌧𑌾𑌨॑-𑌞𑍍𑌚॒ 𑌤𑌿𑌷𑍍𑌠॒𑌨𑍍𑌨𑌵॑ 𑌨𑌯𑍇- [𑌨𑌯𑍇𑌤𑍍, 𑌆॒𑌤𑍍𑌮𑌾𑌨॑𑌮𑍇॒𑌵] 4
-𑌦𑌾॒𑌤𑍍𑌮𑌾𑌨॑𑌮𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚𑌰𑍍𑌪𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌯𑌜॑𑌮𑌾𑌨𑌂-𑌯𑌁𑌜𑍍𑌞 𑌯𑌶॒𑌸𑍇𑌨𑌾᳚𑌰𑍍𑌪𑌯𑍇𑌯॒-𑌮𑌿𑌤𑍍𑌯॑𑌨𑍍𑌤॒𑌰𑌾 𑌸॑𑌦𑍋𑌹𑌵𑌿𑌰𑍍𑌧𑌾॒𑌨𑍇 𑌤𑌿𑌷𑍍𑌠॒𑌨𑍍𑌨𑌵॑ 𑌨𑌯𑍇॒-𑌦𑍍𑌯𑌜॑𑌮𑌾𑌨𑌮𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚-𑌰𑍍𑌪𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤 𑌸𑌦॒𑌸𑍍𑌯𑌾𑌨𑍍॑ 𑌯𑌜𑍍𑌞 𑌯𑌶॒𑌸𑍇𑌨𑌾᳚-𑌰𑍍𑌪𑌯𑍇𑌯॒𑌮𑌿𑌤𑌿॒ 𑌸𑌦॑ 𑌆॒𑌲𑌭𑍍𑌯𑌾𑌵॑ 𑌨𑌯𑍇-𑌥𑍍𑌸𑌦॒𑌸𑍍𑌯𑌾॑𑌨𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚𑌰𑍍𑌪𑌯𑌤𑌿 ॥ 5 ॥
(𑌇𑌤𑍀᳚ - 𑌨𑍍𑌦𑍍𑌰𑌿॒𑌯𑌮𑍇॒𑌵 - 𑌪𑍁𑌨𑌃॑ 𑌪𑍁𑌨 - 𑌰𑍍𑌨𑌯𑍇॒𑌤𑍍 - 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 1)
𑌆𑌯𑍁॒𑌰𑍍𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯-𑌦𑍍𑌧𑍍𑌰𑍁॒𑌵 𑌉॑𑌤𑍍𑌤॒𑌮𑍋 𑌗𑍍𑌰𑌹𑌾॑𑌣𑌾-𑌙𑍍𑌗𑍃𑌹𑍍𑌯𑌤𑍇॒ 𑌤𑌸𑍍𑌮𑌾॒-𑌦𑌾𑌯𑍁𑌃॑ 𑌪𑍍𑌰𑌾॒𑌣𑌾𑌨𑌾॑-𑌮𑍁𑌤𑍍𑌤॒𑌮-𑌮𑍍𑌮𑍂॒𑌰𑍍𑌧𑌾𑌨॑-𑌨𑍍𑌦𑌿॒𑌵𑍋 𑌅॑𑌰॒𑌤𑌿-𑌮𑍍𑌪𑍃॑𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹 𑌮𑍂॒𑌰𑍍𑌧𑌾𑌨॑-𑌮𑍇॒𑌵𑍈𑌨𑌗𑍍𑌂॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌵𑍈𑌶𑍍𑌵𑌾𑌨॒𑌰-𑌮𑍃॒𑌤𑌾𑌯॑ 𑌜𑌾॒𑌤-𑌮॒𑌗𑍍𑌨𑌿-𑌮𑌿𑌤𑍍𑌯𑌾॑𑌹 𑌵𑍈𑌶𑍍𑌵𑌾𑌨॒𑌰𑌗𑍍𑌂 𑌹𑌿 𑌦𑍇॒𑌵𑌤॒𑌯𑌾-𑌽𑌽𑌯𑍁॑-𑌰𑍁𑌭॒𑌯𑌤𑍋॑ 𑌵𑍈𑌶𑍍𑌵𑌾𑌨𑌰𑍋 𑌗𑍃𑌹𑍍𑌯𑌤𑍇॒ 𑌤𑌸𑍍𑌮𑌾॑-𑌦𑍁𑌭॒𑌯𑌤𑌃॑ 𑌪𑍍𑌰𑌾॒𑌣𑌾 𑌅॒𑌧𑌸𑍍𑌤𑌾᳚-𑌚𑍍𑌚𑍋॒𑌪𑌰𑌿॑𑌷𑍍𑌟𑌾-𑌚𑍍𑌚𑌾॒𑌰𑍍𑌧𑌿𑌨𑍋॒-𑌽𑌨𑍍𑌯𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॒-𑌽𑌰𑍍𑌧𑍀 𑌧𑍍𑌰𑍁॒𑌵-𑌸𑍍𑌤𑌸𑍍𑌮𑌾॑- [𑌧𑍍𑌰𑍁॒𑌵-𑌸𑍍𑌤𑌸𑍍𑌮𑌾᳚𑌤𑍍, 𑌅॒𑌰𑍍𑌧𑍍𑌯𑌵𑌾᳚-] 6
-𑌦॒𑌰𑍍𑌧𑍍𑌯𑌵𑌾᳚-𑌮𑍍𑌪𑍍𑌰𑌾॒𑌣𑍋᳚-𑌽𑌨𑍍𑌯𑍇𑌷𑌾᳚-𑌮𑍍𑌪𑍍𑌰𑌾॒𑌣𑌾𑌨𑌾॒-𑌮𑍁𑌪𑍋᳚𑌪𑍍𑌤𑍇॒-𑌽𑌨𑍍𑌯𑍇 𑌗𑍍𑌰𑌹𑌾᳚-𑌸𑍍𑌸𑌾॒𑌦𑍍𑌯𑌨𑍍𑌤𑍇-𑌽𑌨𑍁॑𑌪𑍋𑌪𑍍𑌤𑍇 𑌧𑍍𑌰𑍁॒𑌵𑌸𑍍𑌤𑌸𑍍𑌮𑌾॑-𑌦॒𑌸𑍍𑌥𑍍𑌨𑌾𑌨𑍍𑌯𑌾𑌃 𑌪𑍍𑌰॒𑌜𑌾𑌃 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌨𑍍𑌤𑌿 𑌮𑌾॒𑌗𑍍𑌂॒𑌸𑍇𑌨𑌾॒𑌨𑍍𑌯𑌾 𑌅𑌸𑍁॑𑌰𑌾॒ 𑌵𑌾 𑌉॑𑌤𑍍𑌤𑌰॒𑌤𑌃 𑌪𑍃॑𑌥𑌿॒𑌵𑍀-𑌮𑍍𑌪॒𑌰𑍍𑌯𑌾𑌚𑌿॑𑌕𑍀𑌰𑍍𑌷॒-𑌨𑍍𑌤𑌾-𑌨𑍍𑌦𑍇॒𑌵𑌾 𑌧𑍍𑌰𑍁॒𑌵𑍇𑌣𑌾॑𑌦𑍃𑌗𑍍𑌂𑌹॒-𑌨𑍍𑌤-𑌦𑍍𑌧𑍍𑌰𑍁॒𑌵𑌸𑍍𑌯॑ 𑌧𑍍𑌰𑍁𑌵॒𑌤𑍍𑌵𑌂-𑌯𑌁-𑌦𑍍𑌧𑍍𑌰𑍁॒𑌵 𑌉॑𑌤𑍍𑌤𑌰॒𑌤-𑌸𑍍𑌸𑌾॒𑌦𑍍𑌯𑌤𑍇॒ 𑌧𑍃𑌤𑍍𑌯𑌾॒ 𑌆𑌯𑍁॒𑌰𑍍𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯-𑌦𑍍𑌧𑍍𑌰𑍁॒𑌵 𑌆॒𑌤𑍍𑌮𑌾 𑌹𑍋𑌤𑌾॒ 𑌯𑌦𑍍𑌧𑍋॑𑌤𑍃𑌚𑌮॒𑌸𑍇 𑌧𑍍𑌰𑍁॒𑌵-𑌮॑𑌵॒𑌨𑌯॑𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯𑌾- [𑌯॒𑌜𑍍𑌞𑌸𑍍𑌯॑, 𑌆𑌯𑍁॑-𑌰𑍍𑌦𑌧𑌾𑌤𑌿] 7
-𑌽𑌽𑌯𑍁॑-𑌰𑍍𑌦𑌧𑌾𑌤𑌿 𑌪𑍁॒𑌰𑌸𑍍𑌤𑌾॑-𑌦𑍁॒𑌕𑍍𑌥𑌸𑍍𑌯𑌾॑-𑌽𑌵॒𑌨𑍀𑌯॒ 𑌇𑌤𑍍𑌯𑌾॑𑌹𑍁𑌃 𑌪𑍁॒𑌰𑌸𑍍𑌤𑌾॒𑌦𑍍𑌧𑍍𑌯𑌾𑌯𑍁॑𑌷𑍋 𑌭𑍁॒𑌙𑍍𑌕𑍍𑌤𑍇 𑌮॑𑌦𑍍𑌧𑍍𑌯॒𑌤𑍋॑-𑌽𑌵॒𑌨𑍀𑌯॒ 𑌇𑌤𑍍𑌯𑌾॑𑌹𑍁𑌰𑍍𑌮𑌦𑍍𑌧𑍍𑌯॒𑌮𑍇𑌨॒ 𑌹𑍍𑌯𑌾𑌯𑍁॑𑌷𑍋 𑌭𑍁॒𑌙𑍍𑌕𑍍𑌤 𑌉॑𑌤𑍍𑌤𑌰𑌾॒𑌰𑍍𑌧𑍇॑-𑌽𑌵॒𑌨𑍀𑌯॒ 𑌇𑌤𑍍𑌯𑌾॑𑌹𑍁𑌰𑍁𑌤𑍍𑌤॒𑌮𑍇𑌨॒ 𑌹𑍍𑌯𑌾𑌯𑍁॑𑌷𑍋 𑌭𑍁॒𑌙𑍍𑌕𑍍𑌤𑍇 𑌵𑍈᳚𑌶𑍍𑌵𑌦𑍇॒𑌵𑍍𑌯𑌾𑌮𑍃॒𑌚𑌿 𑌶॒𑌸𑍍𑌯𑌮𑌾॑𑌨𑌾𑌯𑌾॒𑌮𑌵॑ 𑌨𑌯𑌤𑌿 𑌵𑍈𑌶𑍍𑌵𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌸𑍍𑌵𑍇॒𑌵𑌾-𑌽𑌽𑌯𑍁॑𑌰𑍍𑌦𑌧𑌾𑌤𑌿 ॥ 8 ॥
(𑌧𑍍𑌰𑍁॒𑌵𑌸𑍍𑌤𑌸𑍍𑌮𑌾॑ - 𑌦𑍇॒𑌵 𑌯॒𑌜𑍍𑌞𑌸𑍍𑌯𑍈 - 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 2)
𑌯॒𑌜𑍍𑌞𑍇𑌨॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑍇॑-𑌽𑌮𑌨𑍍𑌯𑌨𑍍𑌤 𑌮𑌨𑍁॒𑌷𑍍𑌯𑌾॑ 𑌨𑍋॒-𑌽𑌨𑍍𑌵𑌾𑌭॑𑌵𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑍇 𑌸𑌂॑𑌵𑌁𑌥𑍍𑌸॒𑌰𑍇𑌣॑ 𑌯𑍋𑌪𑌯𑌿॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑌮𑍃𑌷॑𑌯 𑌋𑌤𑍁𑌗𑍍𑌰॒𑌹𑍈𑌰𑍇॒𑌵𑌾𑌨𑍁॒ 𑌪𑍍𑌰𑌾𑌜𑌾॑𑌨॒𑌨𑍍॒. 𑌯𑌦𑍃॑𑌤𑍁𑌗𑍍𑌰॒𑌹𑌾 𑌗𑍃॒𑌹𑍍𑌯𑌨𑍍𑌤𑍇॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈॒ 𑌦𑍍𑌵𑌾𑌦॑𑌶 𑌗𑍃𑌹𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈 𑌸॒𑌹 𑌪𑍍𑌰॑𑌥॒𑌮𑍗 𑌗𑍃॑𑌹𑍍𑌯𑍇𑌤𑍇 𑌸॒𑌹𑍋𑌤𑍍𑌤॒𑌮𑍗 𑌤𑌸𑍍𑌮𑌾॒-𑌦𑍍𑌦𑍍𑌵𑍗𑌦𑍍𑌵𑌾॑𑌵𑍃॒𑌤𑍂 𑌉॑𑌭॒𑌯𑌤𑍋॑𑌮𑍁𑌖-𑌮𑍃𑌤𑍁𑌪𑌾॒𑌤𑍍𑌰-𑌮𑍍𑌭॑𑌵𑌤𑌿॒ 𑌕𑍋 [𑌮𑍍𑌭॑𑌵𑌤𑌿॒ 𑌕𑌃, 𑌹𑌿 𑌤-𑌦𑍍𑌵𑍇𑌦॒] 9
𑌹𑌿 𑌤-𑌦𑍍𑌵𑍇𑌦॒ 𑌯𑌤॑ 𑌋𑌤𑍂॒𑌨𑌾-𑌮𑍍𑌮𑍁𑌖॑𑌮𑍃॒𑌤𑍁𑌨𑌾॒ 𑌪𑍍𑌰𑍇𑌷𑍍𑌯𑍇𑌤𑌿॒ 𑌷-𑌟𑍍𑌕𑍃𑌤𑍍𑌵॑ 𑌆𑌹॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑍍𑌯𑍃॒𑌤𑍁𑌭𑌿॒𑌰𑌿𑌤𑌿॑ 𑌚॒𑌤𑍁𑌶𑍍𑌚𑌤𑍁॑𑌷𑍍𑌪𑌦 𑌏॒𑌵 𑌪॒𑌶𑍂-𑌨𑍍𑌪𑍍𑌰𑍀॑𑌣𑌾𑌤𑌿॒ 𑌦𑍍𑌵𑌿𑌃 𑌪𑍁𑌨॑𑌰𑍍-𑌋॒𑌤𑍁𑌨𑌾॑-𑌽𑌽𑌹 𑌦𑍍𑌵𑌿॒𑌪𑌦॑ 𑌏॒𑌵 𑌪𑍍𑌰𑍀॑𑌣𑌾𑌤𑍍𑌯𑍃॒𑌤𑍁𑌨𑌾॒ 𑌪𑍍𑌰𑍇𑌷𑍍𑌯𑍇𑌤𑌿॒ 𑌷-𑌟𑍍𑌕𑍃𑌤𑍍𑌵॑ 𑌆𑌹॒𑌰𑍍𑌤𑍁𑌭𑌿॒𑌰𑌿𑌤𑌿॑ 𑌚॒𑌤𑍁𑌸𑍍𑌤𑌸𑍍𑌮𑌾॒-𑌚𑍍𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵॑ 𑌋॒𑌤𑍂𑌨𑍁𑌪॑ 𑌜𑍀𑌵𑌨𑍍𑌤𑌿॒ 𑌦𑍍𑌵𑌿𑌃 [𑌦𑍍𑌵𑌿𑌃, 𑌪𑍁𑌨॑𑌰𑍍-𑌋॒𑌤𑍁𑌨𑌾॑-𑌽𑌽𑌹॒] 10
𑌪𑍁𑌨॑𑌰𑍍-𑌋॒𑌤𑍁𑌨𑌾॑-𑌽𑌽𑌹॒ 𑌤𑌸𑍍𑌮𑌾᳚-𑌦𑍍𑌦𑍍𑌵𑌿॒𑌪𑌾𑌦॒𑌶𑍍𑌚𑌤𑍁॑𑌷𑍍𑌪𑌦𑌃 𑌪॒𑌶𑍂𑌨𑍁𑌪॑ 𑌜𑍀𑌵𑌨𑍍𑌤𑍍𑌯𑍃॒𑌤𑍁𑌨𑌾॒ 𑌪𑍍𑌰𑍇𑌷𑍍𑌯𑍇𑌤𑌿॒ 𑌷-𑌟𑍍𑌕𑍃𑌤𑍍𑌵॑ 𑌆𑌹॒𑌰𑍍𑌤𑍁𑌭𑌿॒𑌰𑌿𑌤𑌿॑ 𑌚॒𑌤𑍁𑌰𑍍𑌦𑍍𑌵𑌿𑌃 𑌪𑍁𑌨॑𑌰𑍍-𑌋॒𑌤𑍁𑌨𑌾॑-𑌽𑌽𑌹𑌾॒ 𑌽𑌽𑌕𑍍𑌰𑌮॑𑌣𑌮𑍇॒𑌵 𑌤-𑌥𑍍𑌸𑍇𑌤𑍁𑌂॒-𑌯𑌁𑌜॑𑌮𑌾𑌨𑌃 𑌕𑍁𑌰𑍁𑌤𑍇 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈॒ 𑌨𑌾𑌨𑍍𑌯𑍋᳚-𑌽𑌨𑍍𑌯𑌮𑌨𑍁॒ 𑌪𑍍𑌰𑌪॑𑌦𑍍𑌯𑍇𑌤॒ 𑌯𑌦॒𑌨𑍍𑌯𑍋᳚-𑌽𑌨𑍍𑌯𑌮॑𑌨𑍁 𑌪𑍍𑌰॒𑌪𑌦𑍍𑌯𑍇॑𑌤॒𑌰𑍍𑌤𑍁𑌰𑍍-𑌋॒𑌤𑍁𑌮𑌨𑍁॒ 𑌪𑍍𑌰𑌪॑𑌦𑍍𑌯𑍇𑌤॒𑌰𑍍𑌤𑌵𑍋॒ 𑌮𑍋𑌹𑍁॑𑌕𑌾-𑌸𑍍𑌸𑍍𑌯𑍁𑌃॒ [𑌮𑍋𑌹𑍁॑𑌕𑌾-𑌸𑍍𑌸𑍍𑌯𑍁𑌃, 𑌪𑍍𑌰𑌸𑌿॑𑌦𑍍𑌧𑌮𑍇॒𑌵𑌾-] 11
𑌪𑍍𑌰𑌸𑌿॑𑌦𑍍𑌧𑌮𑍇॒𑌵𑌾-𑌦𑍍𑌧𑍍𑌵॒𑌰𑍍𑌯𑍁-𑌰𑍍𑌦𑌕𑍍𑌷𑌿॑𑌣𑍇𑌨॒ 𑌪𑍍𑌰𑌪॑𑌦𑍍𑌯𑌤𑍇॒ 𑌪𑍍𑌰𑌸𑌿॑𑌦𑍍𑌧-𑌮𑍍𑌪𑍍𑌰𑌤𑌿𑌪𑍍𑌰𑌸𑍍𑌥𑌾॒𑌤𑍋𑌤𑍍𑌤॑𑌰𑍇𑌣॒ 𑌤𑌸𑍍𑌮𑌾॑-𑌦𑌾𑌦𑌿॒𑌤𑍍𑌯-𑌷𑍍𑌷𑌣𑍍𑌮𑌾॒𑌸𑍋 𑌦𑌕𑍍𑌷𑌿॑𑌣𑍇𑌨𑍈𑌤𑌿॒ 𑌷𑌡𑍁𑌤𑍍𑌤॑𑌰𑍇𑌣𑍋-𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌸॒𑌗𑍍𑌂॒ 𑌸𑌰𑍍𑌪𑍋᳚-𑌽𑌸𑍍𑌯𑌗𑍍𑌂𑌹𑌸𑍍𑌪॒𑌤𑍍𑌯𑌾𑌯॒ 𑌤𑍍𑌵𑍇𑌤𑍍𑌯𑌾॒𑌹𑌾𑌸𑍍𑌤𑌿॑ 𑌤𑍍𑌰𑌯𑍋𑌦॒𑌶𑍋 𑌮𑌾𑌸॒ 𑌇𑌤𑍍𑌯𑌾॑𑌹𑍁॒𑌸𑍍𑌤-𑌮𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑌿 ॥ 12 ॥
(𑌕𑍋 - 𑌜𑍀॑𑌵𑌨𑍍𑌤𑌿॒ 𑌦𑍍𑌵𑌿𑌃 - 𑌸𑍍𑌯𑍁॒ - 𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 3)
𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌤𑍇 𑌲𑍋॒𑌕𑌾𑌯॑ 𑌗𑍃𑌹𑍍𑌯𑌨𑍍𑌤𑍇॒ 𑌯𑌦𑍃॑𑌤𑍁𑌗𑍍𑌰॒𑌹𑌾 𑌜𑍍𑌯𑍋𑌤𑌿॑-𑌰𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍃॑𑌤𑍁𑌪𑌾॒𑌤𑍍𑌰𑍇𑌣॑ 𑌗𑍃॒𑌹𑍍𑌣𑌾𑌤𑌿॒ 𑌜𑍍𑌯𑍋𑌤𑌿॑-𑌰𑍇॒𑌵𑌾-𑌽𑌸𑍍𑌮𑌾॑ 𑌉॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾-𑌽𑌨𑍁॑𑌖𑍍𑌯𑌾𑌤𑍍𑌯𑌾 𑌓𑌜𑍋॒𑌭𑍃𑌤𑍗॒ 𑌵𑌾 𑌏॒𑌤𑍗 𑌦𑍇॒𑌵𑌾𑌨𑌾𑌂॒-𑌯𑌁𑌦𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨𑍋 𑌗𑍃॒𑌹𑍍𑌯𑌤॒ 𑌓𑌜॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌵𑍈𑌶𑍍𑌵𑌦𑍇॒𑌵𑌗𑍍𑌂 𑌶𑍁॑𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃𑌹𑍍𑌣𑌾𑌤𑌿 𑌵𑍈𑌶𑍍𑌵𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯-𑌶𑍍𑌶𑍁॒𑌕𑍍𑌰𑍋 𑌯-𑌦𑍍𑌵𑍈᳚𑌶𑍍𑌵𑌦𑍇॒𑌵𑌗𑍍𑌂 𑌶𑍁॑𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃॒𑌹𑍍𑌣𑌾𑌤𑌿॒ 𑌤𑌸𑍍𑌮𑌾॑-𑌦॒𑌸𑌾-𑌵𑌾॑𑌦𑌿॒𑌤𑍍𑌯- [𑌤𑌸𑍍𑌮𑌾॑-𑌦॒𑌸𑌾-𑌵𑌾॑𑌦𑌿॒𑌤𑍍𑌯𑌃, 𑌸𑌰𑍍𑌵𑌾𑌃᳚] 13
-𑌸𑍍𑌸𑌰𑍍𑌵𑌾𑌃᳚ 𑌪𑍍𑌰॒𑌜𑌾𑌃 𑌪𑍍𑌰॒𑌤𑍍𑌯𑌙𑍍𑌙𑍁𑌦𑍇॑𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵॑ 𑌏॒𑌵 𑌮॑𑌨𑍍𑌯𑌤𑍇॒ 𑌮𑌾-𑌮𑍍𑌪𑍍𑌰𑌤𑍍𑌯𑍁𑌦॑𑌗𑌾॒𑌦𑌿𑌤𑌿॑ 𑌵𑍈𑌶𑍍𑌵𑌦𑍇॒𑌵𑌗𑍍𑌂 𑌶𑍁॑𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃𑌹𑍍𑌣𑌾𑌤𑌿 𑌵𑍈𑌶𑍍𑌵𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾𑌸𑍍𑌤𑍇𑌜𑌃॑ 𑌶𑍁॒𑌕𑍍𑌰𑍋 𑌯-𑌦𑍍𑌵𑍈᳚𑌶𑍍𑌵𑌦𑍇॒𑌵𑌗𑍍𑌂 𑌶𑍁॑𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃॒𑌹𑍍𑌣𑌾𑌤𑌿॑ 𑌪𑍍𑌰॒𑌜𑌾𑌸𑍍𑌵𑍇॒𑌵 𑌤𑍇𑌜𑍋॑ 𑌦𑌧𑌾𑌤𑌿 ॥ 14 ॥
(𑌤𑌸𑍍𑌮𑌾॑𑌦॒𑌸𑌾𑌵𑌾॑𑌦𑌿॒𑌤𑍍𑌯 - 𑌸𑍍𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 4)
𑌇𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒-𑌸𑍍𑌸𑌾𑌂𑌵𑌿𑌁॑𑌦𑍍𑌯𑍇𑌨॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 𑌵𑍃॒𑌤𑍍𑌰𑌮॑𑌹॒𑌨𑍍॒. 𑌯𑌨𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 𑌮𑌰𑍁𑌤𑍍𑌵॒𑌤𑍀𑌯𑌾॑ 𑌗𑍃॒𑌹𑍍𑌯𑌨𑍍𑌤𑍇॒ 𑌵𑌾𑌰𑍍𑌤𑍍𑌰॑𑌘𑍍𑌨𑌾 𑌏॒𑌵 𑌤𑍇 𑌯𑌜॑𑌮𑌾𑌨𑌸𑍍𑌯 𑌗𑍃𑌹𑍍𑌯𑌨𑍍𑌤𑍇॒ 𑌤𑌸𑍍𑌯॑ 𑌵𑍃॒𑌤𑍍𑌰-𑌞𑍍𑌜॒𑌘𑍍𑌨𑍁𑌷॑ 𑌋॒𑌤𑌵𑍋॑-𑌽𑌮𑍁𑌹𑍍𑌯॒𑌨𑍍𑌥𑍍𑌸 𑌋॑𑌤𑍁𑌪𑌾॒𑌤𑍍𑌰𑍇𑌣॑ 𑌮𑌰𑍁𑌤𑍍𑌵॒𑌤𑍀𑌯𑌾॑𑌨𑌗𑍃𑌹𑍍𑌣𑌾॒-𑌤𑍍𑌤𑌤𑍋॒ 𑌵𑍈 𑌸 𑌋॒𑌤𑍂-𑌨𑍍𑌪𑍍𑌰𑌾𑌜𑌾॑𑌨𑌾॒-𑌦𑍍𑌯𑌦𑍃॑𑌤𑍁𑌪𑌾॒𑌤𑍍𑌰𑍇𑌣॑ 𑌮𑌰𑍁𑌤𑍍𑌵॒𑌤𑍀𑌯𑌾॑ 𑌗𑍃॒𑌹𑍍𑌯𑌨𑍍𑌤॑ 𑌋𑌤𑍂॒𑌨𑌾-𑌮𑍍𑌪𑍍𑌰𑌜𑍍𑌞𑌾᳚𑌤𑍍𑌯𑍈॒ 𑌵𑌜𑍍𑌰𑌂॒-𑌵𑌾𑌁 𑌏॒𑌤𑌂-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹॑𑌰𑌤𑌿॒ 𑌯𑌨𑍍𑌮॑𑌰𑍁𑌤𑍍𑌵॒𑌤𑍀𑌯𑌾॒ 𑌉𑌦𑍇॒𑌵 𑌪𑍍𑌰॑𑌥॒𑌮𑍇𑌨॑ [𑌉𑌦𑍇॒𑌵 𑌪𑍍𑌰॑𑌥॒𑌮𑍇𑌨॑, 𑌯॒𑌚𑍍𑌛॒𑌤𑌿॒ 𑌪𑍍𑌰 𑌹॑𑌰𑌤𑌿] 15
𑌯𑌚𑍍𑌛𑌤𑌿॒ 𑌪𑍍𑌰 𑌹॑𑌰𑌤𑌿 𑌦𑍍𑌵𑌿॒𑌤𑍀𑌯𑍇॑𑌨 𑌸𑍍𑌤𑍃𑌣𑍁॒𑌤𑍇 𑌤𑍃॒𑌤𑍀𑌯𑍇॒𑌨𑌾-𑌽𑌽𑌯𑍁॑𑌧𑌂॒-𑌵𑌾𑌁 𑌏॒𑌤-𑌦𑍍𑌯𑌜॑𑌮𑌾𑌨॒-𑌸𑍍𑌸𑌗𑍍𑌗𑍍 𑌸𑍍𑌕𑍁॑𑌰𑍁𑌤𑍇॒ 𑌯𑌨𑍍𑌮॑𑌰𑍁𑌤𑍍𑌵॒𑌤𑍀𑌯𑌾॒ 𑌧𑌨𑍁॑𑌰𑍇॒𑌵 𑌪𑍍𑌰॑𑌥॒𑌮𑍋 𑌜𑍍𑌯𑌾 𑌦𑍍𑌵𑌿॒𑌤𑍀𑌯॒ 𑌇𑌷𑍁॑𑌸𑍍𑌤𑍃॒𑌤𑍀𑌯𑌃॒ 𑌪𑍍𑌰𑌤𑍍𑌯𑍇॒𑌵 𑌪𑍍𑌰॑𑌥॒𑌮𑍇𑌨॑ 𑌧𑌤𑍍𑌤𑍇॒ 𑌵𑌿𑌸𑍃॑𑌜𑌤𑌿 𑌦𑍍𑌵𑌿॒𑌤𑍀𑌯𑍇॑𑌨॒ 𑌵𑌿𑌦𑍍𑌧𑍍𑌯॑𑌤𑌿 𑌤𑍃॒𑌤𑍀𑌯𑍇॒𑌨𑍇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌗𑍍𑌂 𑌹॒𑌤𑍍𑌵𑌾 𑌪𑌰𑌾᳚-𑌮𑍍𑌪𑌰𑌾॒𑌵𑌤॑-𑌮𑌗𑌚𑍍𑌛॒-𑌦𑌪𑌾॑𑌰𑌾𑌧॒𑌮𑌿𑌤𑌿॒ 𑌮𑌨𑍍𑌯॑𑌮𑌾𑌨॒-𑌸𑍍𑌸 𑌹𑌰𑌿॑𑌤𑍋-𑌽𑌭𑌵॒-𑌥𑍍𑌸 𑌏॒𑌤𑌾-𑌨𑍍𑌮॑𑌰𑍁𑌤𑍍𑌵॒𑌤𑍀𑌯𑌾॑-𑌨𑌾𑌤𑍍𑌮॒𑌸𑍍𑌪𑌰॑𑌣𑌾-𑌨𑌪𑌶𑍍𑌯॒-𑌤𑍍𑌤𑌾𑌨॑𑌗𑍃𑌹𑍍𑌣𑍀𑌤 [ ] 16
𑌪𑍍𑌰𑌾॒𑌣𑌮𑍇॒𑌵 𑌪𑍍𑌰॑𑌥॒𑌮𑍇𑌨𑌾᳚-𑌸𑍍𑌪𑍃𑌣𑍁𑌤𑌾𑌪𑌾॒𑌨-𑌨𑍍𑌦𑍍𑌵𑌿॒𑌤𑍀𑌯𑍇॑𑌨𑌾॒-𑌽𑌽𑌤𑍍𑌮𑌾𑌨॑-𑌨𑍍𑌤𑍃॒𑌤𑍀𑌯𑍇॑𑌨𑌾-𑌽𑌽𑌤𑍍𑌮॒𑌸𑍍𑌪𑌰॑𑌣𑌾॒ 𑌵𑌾 𑌏॒𑌤𑍇 𑌯𑌜॑𑌮𑌾𑌨𑌸𑍍𑌯 𑌗𑍃𑌹𑍍𑌯𑌨𑍍𑌤𑍇॒ 𑌯𑌨𑍍𑌮॑𑌰𑍁𑌤𑍍𑌵॒𑌤𑍀𑌯𑌾𑌃᳚ 𑌪𑍍𑌰𑌾॒𑌣𑌮𑍇॒𑌵 𑌪𑍍𑌰॑𑌥॒𑌮𑍇𑌨॑ 𑌸𑍍𑌪𑍃𑌣𑍁𑌤𑍇-𑌽𑌪𑌾॒𑌨-𑌨𑍍𑌦𑍍𑌵𑌿॒𑌤𑍀𑌯𑍇॑𑌨𑌾॒-𑌽𑌽𑌤𑍍𑌮𑌾𑌨॑-𑌨𑍍𑌤𑍃॒𑌤𑍀𑌯𑍇॒𑌨𑍇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒-𑌨𑍍𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵-𑌨𑍍𑌮॒𑌹𑌾𑌨𑍍. 𑌵𑌾 𑌅॒𑌯𑌮॑𑌭𑍂॒𑌦𑍍𑌯𑍋 𑌵𑍃॒𑌤𑍍𑌰𑌮𑌵॑𑌧𑍀॒𑌦𑌿𑌤𑌿॒ 𑌤𑌨𑍍𑌮॑𑌹𑍇॒𑌨𑍍𑌦𑍍𑌰𑌸𑍍𑌯॑ 𑌮𑌹𑍇𑌨𑍍𑌦𑍍𑌰॒𑌤𑍍𑌵𑌗𑍍𑌂 𑌸 𑌏॒𑌤-𑌮𑍍𑌮𑌾॑𑌹𑍇॒𑌨𑍍𑌦𑍍𑌰-𑌮𑍁॑𑌦𑍍𑌧𑌾॒𑌰-𑌮𑍁𑌦॑𑌹𑌰𑌤 𑌵𑍃॒𑌤𑍍𑌰𑌗𑍍𑌂 𑌹॒𑌤𑍍𑌵𑌾-𑌽𑌨𑍍𑌯𑌾𑌸𑍁॑ 𑌦𑍇॒𑌵𑌤𑌾॒𑌸𑍍𑌵 𑌧𑌿॒ 𑌯𑌨𑍍𑌮𑌾॑𑌹𑍇॒𑌨𑍍𑌦𑍍𑌰𑍋 𑌗𑍃॒𑌹𑍍𑌯𑌤॑ 𑌉𑌦𑍍𑌧𑌾॒𑌰𑌮𑍇॒𑌵 𑌤𑌂-𑌯𑌁𑌜॑𑌮𑌾𑌨॒ 𑌉𑌦𑍍𑌧॑𑌰𑌤𑍇॒-𑌽𑌨𑍍𑌯𑌾𑌸𑍁॑ 𑌪𑍍𑌰॒𑌜𑌾𑌸𑍍𑌵𑌧𑌿॑ 𑌶𑍁𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃𑌹𑍍𑌣𑌾𑌤𑌿 𑌯𑌜𑌮𑌾𑌨𑌦𑍇𑌵॒𑌤𑍍𑌯𑍋॑ 𑌵𑍈 𑌮𑌾॑𑌹𑍇॒𑌨𑍍𑌦𑍍𑌰𑌸𑍍𑌤𑍇𑌜𑌃॑ 𑌶𑍁॒𑌕𑍍𑌰𑍋 𑌯𑌨𑍍𑌮𑌾॑𑌹𑍇॒𑌨𑍍𑌦𑍍𑌰𑌗𑍍𑌂 𑌶𑍁॑𑌕𑍍𑌰𑌪𑌾॒𑌤𑍍𑌰𑍇𑌣॑ 𑌗𑍃॒𑌹𑍍𑌣𑌾𑌤𑌿॒ 𑌯𑌜॑𑌮𑌾𑌨 𑌏॒𑌵 𑌤𑍇𑌜𑍋॑ 𑌦𑌧𑌾𑌤𑌿 ॥ 17 ॥
(𑌪𑍍𑌰॒𑌥॒𑌮𑍇𑌨𑌾॑ - 𑌗𑍃𑌹𑍍𑌣𑍀𑌤 - 𑌦𑍇॒𑌵𑌤𑌾᳚𑌸𑍍𑌵॒ - 𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 5)
𑌅𑌦𑌿॑𑌤𑌿𑌃 𑌪𑍁॒𑌤𑍍𑌰𑌕𑌾॑𑌮𑌾 𑌸𑌾॒𑌦𑍍𑌧𑍍𑌯𑍇𑌭𑍍𑌯𑍋॑ 𑌦𑍇॒𑌵𑍇𑌭𑍍𑌯𑍋᳚ 𑌬𑍍𑌰𑌹𑍍𑌮𑍗𑌦॒𑌨𑌮॑𑌪𑌚॒-𑌤𑍍𑌤𑌸𑍍𑌯𑌾॑ 𑌉॒𑌚𑍍𑌛𑍇𑌷॑𑌣𑌮𑌦𑌦𑍁॒𑌸𑍍𑌤-𑌤𑍍𑌪𑍍𑌰𑌾-𑌽𑌽𑌶𑍍𑌞𑌾॒-𑌥𑍍𑌸𑌾 𑌰𑍇𑌤𑍋॑-𑌽𑌧𑌤𑍍𑌤॒ 𑌤𑌸𑍍𑌯𑍈॑ 𑌚॒𑌤𑍍𑌵𑌾𑌰॑ 𑌆𑌦𑌿॒𑌤𑍍𑌯𑌾 𑌅॑𑌜𑌾𑌯𑌨𑍍𑌤॒ 𑌸𑌾 𑌦𑍍𑌵𑌿॒𑌤𑍀𑌯॑𑌮𑌪𑌚॒-𑌥𑍍𑌸𑌾-𑌽𑌮॑𑌨𑍍𑌯𑌤𑍋॒𑌚𑍍𑌛𑍇𑌷॑𑌣𑌾𑌨𑍍𑌮 𑌇॒𑌮𑍇᳚-𑌽𑌜𑍍𑌞𑌤॒ 𑌯𑌦𑌗𑍍𑌰𑍇᳚ 𑌪𑍍𑌰𑌾𑌶𑌿॒𑌷𑍍𑌯𑌾𑌮𑍀॒𑌤𑍋 𑌮𑍇॒ 𑌵𑌸𑍀॑𑌯𑌾𑌗𑍍𑌂𑌸𑍋 𑌜𑌨𑌿𑌷𑍍𑌯𑌨𑍍𑌤॒ 𑌇𑌤𑌿॒ 𑌸𑌾-𑌽𑌗𑍍𑌰𑍇॒ 𑌪𑍍𑌰𑌾-𑌽𑌽𑌶𑍍𑌞𑌾॒-𑌥𑍍𑌸𑌾 𑌰𑍇𑌤𑍋॑-𑌽𑌧𑌤𑍍𑌤॒ 𑌤𑌸𑍍𑌯𑍈॒ 𑌵𑍍𑌯𑍃॑𑌦𑍍𑌧𑌮𑌾॒𑌣𑍍𑌡𑌮॑𑌜𑌾𑌯𑌤॒ 𑌸𑌾-𑌽𑌽𑌦𑌿॒𑌤𑍍𑌯𑍇𑌭𑍍𑌯॑ 𑌏॒𑌵 [ ] 18
𑌤𑍃॒𑌤𑍀𑌯॑𑌮𑌪𑌚॒-𑌦𑍍𑌭𑍋𑌗𑌾॑𑌯 𑌮 𑌇॒𑌦𑌗𑍍𑌗𑍍 𑌶𑍍𑌰𑌾॒𑌨𑍍𑌤𑌮॒𑌸𑍍𑌤𑍍𑌵𑌿𑌤𑌿॒ 𑌤𑍇᳚-𑌽𑌬𑍍𑌰𑍁𑌵॒𑌨𑍍 𑌵𑌰𑌂॑-𑌵𑍃𑌁𑌣𑌾𑌮𑌹𑍈॒ 𑌯𑍋-𑌽𑌤𑍋॒ 𑌜𑌾𑌯𑌾॑𑌤𑌾 𑌅॒𑌸𑍍𑌮𑌾𑌕॒𑌗𑍍𑌂॒ 𑌸 𑌏𑌕𑍋॑-𑌽𑌸॒𑌦𑍍𑌯𑍋᳚-𑌽𑌸𑍍𑌯 𑌪𑍍𑌰॒𑌜𑌾𑌯𑌾॒𑌮𑍃𑌦𑍍𑌧𑍍𑌯𑌾॑𑌤𑌾 𑌅॒𑌸𑍍𑌮𑌾𑌕॒-𑌮𑍍𑌭𑍋𑌗𑌾॑𑌯 𑌭𑌵𑌾॒𑌦𑌿𑌤𑌿॒ 𑌤𑌤𑍋॒ 𑌵𑌿𑌵॑𑌸𑍍𑌵𑌾𑌨𑌾𑌦𑌿॒𑌤𑍍𑌯𑍋॑ 𑌽𑌜𑌾𑌯𑌤॒ 𑌤𑌸𑍍𑌯॒ 𑌵𑌾 𑌇॒𑌯-𑌮𑍍𑌪𑍍𑌰॒𑌜𑌾 𑌯𑌨𑍍𑌮॑𑌨𑍁॒𑌷𑍍𑌯𑌾᳚𑌸𑍍𑌤𑌾𑌸𑍍𑌵𑍇𑌕॑ 𑌏॒𑌵𑌰𑍍𑌧𑍋 𑌯𑍋 𑌯𑌜॑𑌤𑍇॒ 𑌸 𑌦𑍇॒𑌵𑌾𑌨𑌾॒-𑌮𑍍𑌭𑍋𑌗𑌾॑𑌯 𑌭𑌵𑌤𑌿 𑌦𑍇॒𑌵𑌾 𑌵𑍈 𑌯॒𑌜𑍍𑌞𑌾- [𑌯॒𑌜𑍍𑌞𑌾𑌤𑍍, 𑌰𑍁॒𑌦𑍍𑌰-𑌮॒𑌨𑍍𑌤-] 19
-𑌦𑍍𑌰𑍁॒𑌦𑍍𑌰-𑌮॒𑌨𑍍𑌤-𑌰𑌾॑𑌯॒𑌨𑍍-𑌥𑍍𑌸 𑌆॑𑌦𑌿॒𑌤𑍍𑌯𑌾𑌨॒𑌨𑍍𑌵𑌾𑌕𑍍𑌰॑𑌮𑌤॒ 𑌤𑍇 𑌦𑍍𑌵𑌿॑𑌦𑍇𑌵॒𑌤𑍍𑌯𑌾᳚-𑌨𑍍𑌪𑍍𑌰𑌾𑌪॑𑌦𑍍𑌯𑌨𑍍𑌤॒ 𑌤𑌾-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌾𑌯॑𑌚𑍍𑌛॒-𑌨𑍍𑌤𑌸𑍍𑌮𑌾॒𑌦𑌪𑌿॒ 𑌵𑌦𑍍𑌧𑍍𑌯॒-𑌮𑍍𑌪𑍍𑌰𑌪॑𑌨𑍍𑌨॒-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌯॑𑌚𑍍𑌛𑌨𑍍𑌤𑌿॒ 𑌤𑌸𑍍𑌮𑌾᳚-𑌦𑍍𑌦𑍍𑌵𑌿𑌦𑍇𑌵॒𑌤𑍍𑌯𑍇᳚𑌭𑍍𑌯 𑌆𑌦𑌿॒𑌤𑍍𑌯𑍋 𑌨𑌿𑌰𑍍𑌗𑍃॑𑌹𑍍𑌯𑌤𑍇॒ 𑌯𑌦𑍁॒𑌚𑍍𑌛𑍇𑌷॑𑌣𑌾॒-𑌦𑌜𑌾॑𑌯𑌨𑍍𑌤॒ 𑌤𑌸𑍍𑌮𑌾॑-𑌦𑍁॒𑌚𑍍𑌛𑍇𑌷॑𑌣𑌾-𑌦𑍍𑌗𑍃𑌹𑍍𑌯𑌤𑍇 𑌤𑌿॒𑌸𑍃𑌭𑌿॑𑌰𑍍-𑌋॒𑌗𑍍𑌭𑌿𑌰𑍍𑌗𑍃॑𑌹𑍍𑌣𑌾𑌤𑌿 𑌮𑌾॒𑌤𑌾 𑌪𑌿॒𑌤𑌾 𑌪𑍁॒𑌤𑍍𑌰𑌸𑍍𑌤𑌦𑍇॒𑌵 𑌤𑌨𑍍𑌮𑌿॑𑌥𑍁॒𑌨-𑌮𑍁𑌲𑍍𑌬॒-𑌙𑍍𑌗𑌰𑍍𑌭𑍋॑ 𑌜॒𑌰𑌾𑌯𑍁॒ 𑌤𑌦𑍇॒𑌵 𑌤- [𑌤𑌦𑍇॒𑌵 𑌤𑌤𑍍, 𑌮𑌿॒𑌥𑍁॒𑌨-𑌮𑍍𑌪॒𑌶𑌵𑍋॒] 20
-𑌨𑍍𑌮𑌿॑𑌥𑍁॒𑌨-𑌮𑍍𑌪॒𑌶𑌵𑍋॒ 𑌵𑌾 𑌏॒𑌤𑍇 𑌯𑌦𑌾॑𑌦𑌿॒𑌤𑍍𑌯 𑌊𑌰𑍍𑌗𑍍𑌦𑌧𑌿॑ 𑌦॒𑌦𑍍𑌧𑍍𑌨𑌾 𑌮॑𑌦𑍍𑌧𑍍𑌯॒𑌤-𑌶𑍍𑌶𑍍𑌰𑍀॑𑌣𑌾॒𑌤𑍍𑌯𑍂𑌰𑍍𑌜॑𑌮𑍇॒𑌵 𑌪॑𑌶𑍂॒𑌨𑌾-𑌮𑍍𑌮॑𑌦𑍍𑌧𑍍𑌯॒𑌤𑍋 𑌦॑𑌧𑌾𑌤𑌿 𑌶𑍃𑌤𑌾𑌤॒𑌙𑍍𑌕𑍍𑌯𑍇॑𑌨 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॒ 𑌤𑌸𑍍𑌮𑌾॑𑌦𑌾॒𑌮𑌾 𑌪॒𑌕𑍍𑌵-𑌨𑍍𑌦𑍁॑𑌹𑍇 𑌪॒𑌶𑌵𑍋॒ 𑌵𑌾 𑌏॒𑌤𑍇 𑌯𑌦𑌾॑𑌦𑌿॒𑌤𑍍𑌯𑌃 𑌪॑𑌰𑌿॒𑌶𑍍𑌰𑌿𑌤𑍍𑌯॑ 𑌗𑍃𑌹𑍍𑌣𑌾𑌤𑌿 𑌪𑍍𑌰𑌤𑌿॒𑌰𑍁𑌦𑍍𑌧𑍍𑌯𑍈॒𑌵𑌾-𑌽𑌸𑍍𑌮𑍈॑ 𑌪॒𑌶𑍂-𑌨𑍍𑌗𑍃॑𑌹𑍍𑌣𑌾𑌤𑌿 𑌪॒𑌶𑌵𑍋॒ 𑌵𑌾 𑌏॒𑌤𑍇 𑌯𑌦𑌾॑𑌦𑌿॒𑌤𑍍𑌯 𑌏॒𑌷 𑌰𑍁॒𑌦𑍍𑌰𑍋 𑌯𑌦॒𑌗𑍍𑌨𑌿𑌃 𑌪॑𑌰𑌿॒𑌶𑍍𑌰𑌿𑌤𑍍𑌯॑ 𑌗𑍃𑌹𑍍𑌣𑌾𑌤𑌿 𑌰𑍁॒𑌦𑍍𑌰𑌾𑌦𑍇॒𑌵 𑌪॒𑌶𑍂-𑌨॒𑌨𑍍𑌤-𑌰𑍍𑌦॑𑌧𑌾- [-𑌨॒𑌨𑍍𑌤-𑌰𑍍𑌦॑𑌧𑌾𑌤𑌿, 𑌏॒𑌷 𑌵𑍈] 21
-𑌤𑍍𑌯𑍇॒𑌷 𑌵𑍈 𑌵𑌿𑌵॑𑌸𑍍𑌵𑌾𑌨𑌾𑌦𑌿॒𑌤𑍍𑌯𑍋 𑌯𑌦𑍁॑𑌪𑌾𑌗𑍍𑌂 𑌶𑍁॒𑌸𑌵॑𑌨॒-𑌸𑍍𑌸 𑌏॒𑌤𑌮𑍇॒𑌵 𑌸𑍋॑𑌮𑌪𑍀॒𑌥-𑌮𑍍𑌪𑌰𑌿॑ 𑌶𑌯॒ 𑌆 𑌤𑍃॑𑌤𑍀𑌯𑌸𑌵॒𑌨𑌾-𑌦𑍍𑌵𑌿𑌵॑𑌸𑍍𑌵 𑌆𑌦𑌿𑌤𑍍𑌯𑍈॒𑌷 𑌤𑍇॑ 𑌸𑍋𑌮𑌪𑍀॒𑌥 𑌇𑌤𑍍𑌯𑌾॑𑌹॒ 𑌵𑌿𑌵॑𑌸𑍍𑌵𑌨𑍍𑌤-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌗𑍍𑌂 𑌸𑍋॑𑌮𑌪𑍀॒𑌥𑍇𑌨॒ 𑌸𑌮॑𑌰𑍍𑌧𑌯𑌤𑌿॒ 𑌯𑌾 𑌦𑌿॒𑌵𑍍𑌯𑌾 𑌵𑍃𑌷𑍍𑌟𑌿॒𑌸𑍍𑌤𑌯𑌾᳚ 𑌤𑍍𑌵𑌾 𑌶𑍍𑌰𑍀𑌣𑌾॒𑌮𑍀𑌤𑌿॒ 𑌵𑍃𑌷𑍍𑌟𑌿॑𑌕𑌾𑌮𑌸𑍍𑌯 𑌶𑍍𑌰𑍀𑌣𑍀𑌯𑌾॒-𑌦𑍍𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿॑ 𑌤𑌾॒𑌜-𑌕𑍍𑌪𑍍𑌰॒𑌸𑍍𑌕𑌨𑍍𑌦𑍇॒-𑌦𑍍𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑌃॑ 𑌸𑍍𑌯𑌾॒𑌦𑍍𑌯𑌦𑌿॑ 𑌚𑌿॒𑌰𑌮𑌵॑𑌰𑍍𑌷𑍁𑌕𑍋॒ 𑌨 𑌸𑌾॑𑌦𑌯॒𑌤𑍍𑌯𑌸॑𑌨𑍍𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇॒ 𑌨𑌾𑌨𑍁॒ 𑌵𑌷॑-𑌟𑍍𑌕𑌰𑍋𑌤𑌿॒ 𑌯𑌦॑𑌨𑍁𑌵𑌷𑌟𑍍𑌕𑍁॒𑌰𑍍𑌯𑌾--𑌦𑍍𑌰𑍁॒𑌦𑍍𑌰-𑌮𑍍𑌪𑍍𑌰॒𑌜𑌾 𑌅॒𑌨𑍍𑌵𑌵॑𑌸𑍃𑌜𑍇॒𑌨𑍍𑌨 𑌹𑍁॒𑌤𑍍𑌵𑌾𑌨𑍍𑌵𑍀᳚𑌕𑍍𑌷𑍇𑌤॒ 𑌯𑌦॒𑌨𑍍𑌵𑍀𑌕𑍍𑌷𑍇॑𑌤॒ 𑌚𑌕𑍍𑌷𑍁॑𑌰𑌸𑍍𑌯 𑌪𑍍𑌰॒𑌮𑌾𑌯𑍁॑𑌕𑌗𑍍𑌗𑍍 𑌸𑍍𑌯𑌾॒-𑌤𑍍𑌤𑌸𑍍𑌮𑌾॒𑌨𑍍𑌨𑌾𑌨𑍍𑌵𑍀𑌕𑍍𑌷𑍍𑌯𑌃॑ ॥ 22 ॥
(𑌏॒𑌵 - 𑌯॒𑌜𑍍𑌞𑌾 - 𑌜𑍍𑌜॒𑌰𑌾𑌯𑍁॒ 𑌤𑌦𑍇॒𑌵 𑌤𑌦॒ - 𑌨𑍍𑌤𑌰𑍍𑌦॑𑌧𑌾𑌤𑌿॒ - 𑌨 - 𑌸॒𑌪𑍍𑌤𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 6)
𑌅॒𑌨𑍍𑌤॒𑌰𑍍𑌯𑌾॒𑌮॒𑌪𑌾॒𑌤𑍍𑌰𑍇𑌣॑ 𑌸𑌾𑌵𑌿॒𑌤𑍍𑌰-𑌮𑌾᳚𑌗𑍍𑌰𑌯॒𑌣𑌾-𑌦𑍍𑌗𑍃॑𑌹𑍍𑌣𑌾𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦𑌾᳚𑌗𑍍𑌰𑌯॒𑌣𑌃 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯॒ 𑌨 𑌸𑌾॑𑌦𑌯॒𑌤𑍍𑌯𑌸॑𑌨𑍍𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇॒ 𑌨𑌾𑌨𑍁॒ 𑌵𑌷॑-𑌟𑍍𑌕𑌰𑍋𑌤𑌿॒ 𑌯𑌦॑𑌨𑍁𑌵𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌰𑍁॒𑌦𑍍𑌰-𑌮𑍍𑌪𑍍𑌰॒𑌜𑌾 𑌅॒𑌨𑍍𑌵𑌵॑𑌸𑍃𑌜𑍇-𑌦𑍇॒𑌷 𑌵𑍈 𑌗𑌾॑𑌯॒𑌤𑍍𑌰𑍋 𑌦𑍇॒𑌵𑌾𑌨𑌾𑌂॒-𑌯𑌁-𑌥𑍍𑌸॑𑌵𑌿॒𑌤𑍈𑌷 𑌗𑌾॑𑌯𑌤𑍍𑌰𑌿॒𑌯𑍈 𑌲𑍋॒𑌕𑍇 𑌗𑍃॑𑌹𑍍𑌯𑌤𑍇॒ 𑌯𑌦𑌾᳚𑌗𑍍𑌰𑌯॒𑌣𑍋 𑌯𑌦॑𑌨𑍍𑌤𑌰𑍍𑌯𑌾𑌮𑌪𑌾॒𑌤𑍍𑌰𑍇𑌣॑ 𑌸𑌾𑌵𑌿॒𑌤𑍍𑌰-𑌮𑌾᳚𑌗𑍍𑌰𑌯॒𑌣𑌾-𑌦𑍍𑌗𑍃॒𑌹𑍍𑌣𑌾𑌤𑌿॒ 𑌸𑍍𑌵𑌾-𑌦𑍇॒𑌵𑍈𑌨𑌂॒-𑌯𑍋𑌁𑌨𑍇॒-𑌰𑍍𑌨𑌿𑌰𑍍𑌗𑍃॑𑌹𑍍𑌣𑌾𑌤𑌿॒ 𑌵𑌿𑌶𑍍𑌵𑍇॑ [𑌵𑌿𑌶𑍍𑌵𑍇᳚, 𑌦𑍇॒𑌵𑌾-𑌸𑍍𑌤𑍃॒𑌤𑍀𑌯॒𑌗𑍍𑌂॒] 23
𑌦𑍇॒𑌵𑌾-𑌸𑍍𑌤𑍃॒𑌤𑍀𑌯॒𑌗𑍍𑌂॒ 𑌸𑌵॑𑌨॒-𑌨𑍍𑌨𑍋𑌦॑𑌯𑌚𑍍𑌛॒-𑌨𑍍𑌤𑍇 𑌸॑𑌵𑌿॒𑌤𑌾𑌰॑-𑌮𑍍𑌪𑍍𑌰𑌾𑌤𑌸𑍍𑌸𑌵॒𑌨𑌭𑌾॑𑌗॒𑌗𑍍𑌂॒ 𑌸𑌨𑍍𑌤॑-𑌨𑍍𑌤𑍃𑌤𑍀𑌯𑌸𑌵॒𑌨𑌮॒𑌭𑌿 𑌪𑌰𑍍𑌯॑𑌣𑌯॒-𑌨𑍍𑌤𑌤𑍋॒ 𑌵𑍈 𑌤𑍇 𑌤𑍃॒𑌤𑍀𑌯॒𑌗𑍍𑌂॒ 𑌸𑌵॑𑌨॒-𑌮𑍁𑌦॑𑌯𑌚𑍍𑌛॒𑌨𑍍॒. 𑌯-𑌤𑍍𑌤𑍃॑𑌤𑍀𑌯𑌸𑌵॒𑌨𑍇 𑌸𑌾॑𑌵𑌿॒𑌤𑍍𑌰𑍋 𑌗𑍃॒𑌹𑍍𑌯𑌤𑍇॑ 𑌤𑍃॒𑌤𑍀𑌯॑𑌸𑍍𑌯॒ 𑌸𑌵॑𑌨॒𑌸𑍍𑌯𑍋𑌦𑍍𑌯॑𑌤𑍍𑌯𑍈 𑌸𑌵𑌿𑌤𑍃𑌪𑌾॒𑌤𑍍𑌰𑍇𑌣॑ 𑌵𑍈𑌶𑍍𑌵𑌦𑍇॒𑌵-𑌙𑍍𑌕॒𑌲𑌶𑌾᳚-𑌦𑍍𑌗𑍃𑌹𑍍𑌣𑌾𑌤𑌿 𑌵𑍈𑌶𑍍𑌵𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾 𑌵𑍈᳚𑌶𑍍𑌵𑌦𑍇॒𑌵𑌃 𑌕॒𑌲𑌶𑌃॑ 𑌸𑌵𑌿॒𑌤𑌾 𑌪𑍍𑌰॑𑌸॒𑌵𑌾𑌨𑌾॑𑌮𑍀𑌶𑍇॒ 𑌯-𑌥𑍍𑌸॑𑌵𑌿𑌤𑍃𑌪𑌾॒𑌤𑍍𑌰𑍇𑌣॑ 𑌵𑍈𑌶𑍍𑌵𑌦𑍇॒𑌵-𑌙𑍍𑌕॒𑌲𑌶𑌾᳚-𑌦𑍍𑌗𑍃॒𑌹𑍍𑌣𑌾𑌤𑌿॑ 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰 [𑌪𑍍𑌰॒𑌜𑌾𑌃 𑌪𑍍𑌰, 𑌜॒𑌨॒𑌯॒𑌤𑌿॒ 𑌸𑍋𑌮𑍇॒ 𑌸𑍋𑌮॑𑌮॒𑌭𑌿] 24
𑌜॑𑌨𑌯𑌤𑌿॒ 𑌸𑍋𑌮𑍇॒ 𑌸𑍋𑌮॑𑌮॒𑌭𑌿 𑌗𑍃॑𑌹𑍍𑌣𑌾𑌤𑌿॒ 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑌿 𑌸𑍁॒𑌶𑌰𑍍𑌮𑌾॑-𑌽𑌸𑌿 𑌸𑍁𑌪𑍍𑌰𑌤𑌿𑌷𑍍𑌠𑌾॒𑌨 𑌇𑌤𑍍𑌯𑌾॑𑌹॒ 𑌸𑍋𑌮𑍇॒ 𑌹𑌿 𑌸𑍋𑌮॑𑌮𑌭𑌿𑌗𑍃॒𑌹𑍍𑌣𑌾𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌏॒𑌤𑌸𑍍𑌮𑌿॒𑌨𑍍 𑌵𑌾 𑌅𑌪𑌿॒ 𑌗𑍍𑌰𑌹𑍇॑ 𑌮𑌨𑍁॒𑌷𑍍𑌯𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑌃॑ 𑌪𑌿॒𑌤𑍃𑌭𑍍𑌯𑌃॑ 𑌕𑍍𑌰𑌿𑌯𑌤𑍇 𑌸𑍁॒𑌶𑌰𑍍𑌮𑌾॑-𑌽𑌸𑌿 𑌸𑍁𑌪𑍍𑌰𑌤𑌿𑌷𑍍𑌠𑌾॒𑌨 𑌇𑌤𑍍𑌯𑌾॑𑌹 𑌮𑌨𑍁॒𑌷𑍍𑌯𑍇᳚𑌭𑍍𑌯 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿 𑌬𑍃॒𑌹𑌦𑌿𑌤𑍍𑌯𑌾॑𑌹 𑌦𑍇॒𑌵𑍇𑌭𑍍𑌯॑ 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿॒ 𑌨𑌮॒ 𑌇𑌤𑍍𑌯𑌾॑𑌹 𑌪𑌿॒𑌤𑍃𑌭𑍍𑌯॑ 𑌏॒𑌵𑍈𑌤𑍇𑌨॑ 𑌕𑌰𑍋𑌤𑍍𑌯𑍇॒ 𑌤𑌾𑌵॑𑌤𑍀॒ 𑌰𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒𑌗𑍍𑌂॒ 𑌸𑌰𑍍𑌵𑌾᳚𑌭𑍍𑌯𑍋 𑌗𑍃𑌹𑍍𑌣𑌾𑌤𑍍𑌯𑍇॒𑌷 𑌤𑍇॒ 𑌯𑍋𑌨𑌿॒𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹 𑌵𑍈𑌶𑍍𑌵𑌦𑍇॒𑌵𑍋 𑌹𑍍𑌯𑍇॑𑌷𑌃 ॥ 25 ॥
(𑌵𑌿𑌶𑍍𑌵𑍇॒ - 𑌪𑍍𑌰 - 𑌪𑌿॒𑌤𑍃𑌭𑍍𑌯॑ 𑌏॒𑌵𑍈𑌤𑍇𑌨॑ 𑌕𑌰𑍋॒𑌤𑍍𑌯𑍇 - 𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 7)
𑌪𑍍𑌰𑌾॒𑌣𑍋 𑌵𑌾 𑌏॒𑌷 𑌯𑌦𑍁॑𑌪𑌾॒𑌗𑍍𑌂॒𑌶𑍁-𑌰𑍍𑌯𑌦𑍁॑𑌪𑌾𑌗𑍍𑌂𑌶𑍁𑌪𑌾॒𑌤𑍍𑌰𑍇𑌣॑ 𑌪𑍍𑌰𑌥॒𑌮𑌶𑍍𑌚𑍋᳚𑌤𑍍𑌤॒𑌮𑌶𑍍𑌚॒ 𑌗𑍍𑌰𑌹𑍗॑ 𑌗𑍃॒𑌹𑍍𑌯𑍇𑌤𑍇᳚ 𑌪𑍍𑌰𑌾॒𑌣𑌮𑍇॒𑌵𑌾𑌨𑍁॑ 𑌪𑍍𑌰॒𑌯𑌨𑍍𑌤𑌿॑ 𑌪𑍍𑌰𑌾॒𑌣𑌮𑌨𑍂𑌦𑍍𑌯॑𑌨𑍍𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦𑌾᳚𑌗𑍍𑌰𑌯॒𑌣𑌃 𑌪𑍍𑌰𑌾॒𑌣 𑌉॑𑌪𑌾॒𑌗𑍍𑌂॒𑌶𑍁𑌃 𑌪𑌤𑍍𑌨𑍀𑌃᳚ 𑌪𑍍𑌰॒𑌜𑌾𑌃 𑌪𑍍𑌰 𑌜॑𑌨𑌯𑌨𑍍𑌤𑌿॒ 𑌯𑌦𑍁॑𑌪𑌾𑌗𑍍𑌂𑌶𑍁𑌪𑌾॒𑌤𑍍𑌰𑍇𑌣॑ 𑌪𑌾𑌤𑍍𑌨𑍀𑌵॒𑌤𑌮𑌾᳚𑌗𑍍𑌰𑌯॒𑌣𑌾-𑌦𑍍𑌗𑍃॒𑌹𑍍𑌣𑌾𑌤𑌿॑ 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯॒ 𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣-𑌮𑍍𑌪𑍍𑌰॒𑌜𑌾 𑌅𑌨𑍁॒ 𑌪𑍍𑌰 𑌜𑌾॑𑌯𑌨𑍍𑌤𑍇 𑌦𑍇॒𑌵𑌾 𑌵𑌾 𑌇॒𑌤 𑌇॑𑌤𑌃॒ 𑌪𑌤𑍍𑌨𑍀᳚-𑌸𑍍𑌸𑍁𑌵॒𑌰𑍍𑌗𑌂- [𑌪𑌤𑍍𑌨𑍀᳚-𑌸𑍍𑌸𑍁𑌵॒𑌰𑍍𑌗𑌮𑍍, 𑌲𑍋॒𑌕-𑌮॑𑌜𑌿𑌗𑌾𑌗𑍍𑌂𑌸॒-𑌨𑍍𑌤𑍇] 26
-𑌁𑌲𑍋॒𑌕-𑌮॑𑌜𑌿𑌗𑌾𑌗𑍍𑌂𑌸॒-𑌨𑍍𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌨𑍍𑌨 𑌪𑍍𑌰𑌾𑌜𑌾॑𑌨॒-𑌨𑍍𑌤 𑌏॒𑌤-𑌮𑍍𑌪𑌾᳚𑌤𑍍𑌨𑍀𑌵॒𑌤𑌮॑𑌪𑌶𑍍𑌯॒-𑌨𑍍𑌤𑌮॑𑌗𑍃𑌹𑍍𑌣𑌤॒ 𑌤𑌤𑍋॒ 𑌵𑍈 𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌮𑍍𑌪𑍍𑌰𑌾𑌜𑌾॑𑌨॒𑌨𑍍॒. 𑌯-𑌤𑍍𑌪𑌾᳚𑌤𑍍𑌨𑍀𑌵॒𑌤𑍋 𑌗𑍃॒𑌹𑍍𑌯𑌤𑍇॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈॒ 𑌸 𑌸𑍋𑌮𑍋॒ 𑌨𑌾𑌤𑌿॑𑌷𑍍𑌠𑌤 𑌸𑍍𑌤𑍍𑌰𑍀॒𑌭𑍍𑌯𑍋 𑌗𑍃॒𑌹𑍍𑌯𑌮𑌾॑𑌣॒𑌸𑍍𑌤-𑌙𑍍𑌘𑍃॒𑌤𑌂-𑌵𑌁𑌜𑍍𑌰॑-𑌙𑍍𑌕𑍃॒𑌤𑍍𑌵𑌾-𑌽𑌘𑍍𑌨॒-𑌨𑍍𑌤-𑌨𑍍𑌨𑌿𑌰𑌿॑𑌨𑍍𑌦𑍍𑌰𑌿𑌯-𑌮𑍍𑌭𑍂॒𑌤𑌮॑𑌗𑍃𑌹𑍍𑌣॒-𑌨𑍍𑌤𑌸𑍍𑌮𑌾॒-𑌥𑍍𑌸𑍍𑌤𑍍𑌰𑌿𑌯𑍋॒ 𑌨𑌿𑌰𑌿॑𑌨𑍍𑌦𑍍𑌰𑌿𑌯𑌾॒ 𑌅𑌦𑌾॑𑌯𑌾𑌦𑍀॒𑌰𑌪𑌿॑ 𑌪𑌾॒𑌪𑌾-𑌤𑍍𑌪𑍁॒𑌗𑍍𑌂॒𑌸 𑌉𑌪॑𑌸𑍍𑌤𑌿𑌤𑌰𑌂- [𑌉𑌪॑𑌸𑍍𑌤𑌿𑌤𑌰𑌮𑍍, 𑌵॒𑌦॒𑌨𑍍𑌤𑌿॒ 𑌯-𑌦𑍍𑌘𑍃॒𑌤𑍇𑌨॑] 27
-𑌁𑌵𑌦𑌨𑍍𑌤𑌿॒ 𑌯-𑌦𑍍𑌘𑍃॒𑌤𑍇𑌨॑ 𑌪𑌾𑌤𑍍𑌨𑍀𑌵॒𑌤𑌗𑍍𑌗𑍍 𑌶𑍍𑌰𑍀॒𑌣𑌾𑌤𑌿॒ 𑌵𑌜𑍍𑌰𑍇॑𑌣𑍈॒𑌵𑍈𑌨𑌂॒-𑌵𑌁𑌶𑍇॑ 𑌕𑍃॒𑌤𑍍𑌵𑌾 𑌗𑍃॑𑌹𑍍𑌣𑌾-𑌤𑍍𑌯𑍁𑌪𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌉॑𑌪𑌯𑌾॒𑌮-𑌸𑍍𑌤𑌸𑍍𑌮𑌾॑𑌦𑌿॒𑌮𑌾-𑌮𑍍𑌪𑍍𑌰॒𑌜𑌾 𑌅𑌨𑍁॒ 𑌪𑍍𑌰 𑌜𑌾॑𑌯𑌨𑍍𑌤𑍇॒ 𑌬𑍃𑌹॒𑌸𑍍𑌪𑌤𑌿॑𑌸𑍁𑌤𑌸𑍍𑌯 𑌤॒ 𑌇𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰 𑌜॑𑌨𑌯𑌤𑍀𑌨𑍍𑌦𑍋॒ 𑌇𑌤𑍍𑌯𑌾॑𑌹॒ 𑌰𑍇𑌤𑍋॒ 𑌵𑌾 𑌇𑌨𑍍𑌦𑍂॒ 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑍀𑌨𑍍𑌦𑍍𑌰𑌿𑌯𑌾𑌵॒ 𑌇- [𑌇𑌤𑌿॑, 𑌆॒𑌹॒ 𑌪𑍍𑌰॒𑌜𑌾] 28
-𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑌾 𑌇॑𑌨𑍍𑌦𑍍𑌰𑌿॒𑌯-𑌮𑍍𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌪𑍍𑌰 𑌜॑𑌨𑌯॒𑌤𑍍𑌯𑌗𑍍𑌨𑌾(3) 𑌇𑌤𑍍𑌯𑌾॑𑌹𑌾॒𑌗𑍍𑌨𑌿𑌰𑍍𑌵𑍈 𑌰𑍇॑𑌤𑍋॒𑌧𑌾𑌃 𑌪𑌤𑍍𑌨𑍀॑𑌵॒ 𑌇𑌤𑍍𑌯𑌾॑𑌹 𑌮𑌿𑌥𑍁𑌨॒𑌤𑍍𑌵𑌾𑌯॑ 𑌸॒𑌜𑍂𑌰𑍍𑌦𑍇॒𑌵𑍇𑌨॒ 𑌤𑍍𑌵𑌷𑍍𑌟𑍍𑌰𑌾॒ 𑌸𑍋𑌮॑-𑌮𑍍𑌪𑌿॒𑌬𑍇𑌤𑍍𑌯𑌾॑𑌹॒ 𑌤𑍍𑌵𑌷𑍍𑌟𑌾॒ 𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾𑌗𑍍𑌂॑ 𑌰𑍂𑌪॒𑌕𑍃-𑌦𑍍𑌰𑍂॒𑌪𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 𑌦𑍇॒𑌵𑌾 𑌵𑍈 𑌤𑍍𑌵𑌷𑍍𑌟𑌾॑𑌰𑌮𑌜𑌿𑌘𑌾𑌗𑍍𑌂𑌸॒𑌨𑍍-𑌥𑍍𑌸 𑌪𑌤𑍍𑌨𑍀𑌃॒ 𑌪𑍍𑌰𑌾𑌪॑𑌦𑍍𑌯𑌤॒ 𑌤-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌾-𑌽𑌯॑𑌚𑍍𑌛॒-𑌨𑍍𑌤𑌸𑍍𑌮𑌾॒𑌦𑌪𑌿॒ [𑌪𑍍𑌰𑌾-𑌽𑌯॑𑌚𑍍𑌛॒-𑌨𑍍𑌤𑌸𑍍𑌮𑌾॒𑌦𑌪𑌿॑, 𑌵𑌦𑍍𑌧𑍍𑌯॒-𑌮𑍍𑌪𑍍𑌰𑌪॑𑌨𑍍𑌨॒-] 29
𑌵𑌦𑍍𑌧𑍍𑌯॒-𑌮𑍍𑌪𑍍𑌰𑌪॑𑌨𑍍𑌨॒-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌯॑𑌚𑍍𑌛𑌨𑍍𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑌾𑌤𑍍𑌨𑍀𑌵॒𑌤𑍇 𑌤𑍍𑌵𑌷𑍍𑌟𑍍𑌰𑍇-𑌽𑌪𑌿॑ 𑌗𑍃𑌹𑍍𑌯𑌤𑍇॒ 𑌨 𑌸𑌾॑𑌦𑌯॒𑌤𑍍𑌯𑌸॑𑌨𑍍𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇॒ 𑌨𑌾𑌨𑍁॒ 𑌵𑌷॑-𑌟𑍍𑌕𑌰𑍋𑌤𑌿॒ 𑌯𑌦॑𑌨𑍁𑌵𑌷-𑌟𑍍𑌕𑍁॒𑌰𑍍𑌯𑌾-𑌦𑍍𑌰𑍁॒𑌦𑍍𑌰-𑌮𑍍𑌪𑍍𑌰॒𑌜𑌾 𑌅॒𑌨𑍍𑌵𑌵॑𑌸𑍃𑌜𑍇॒-𑌦𑍍𑌯𑌨𑍍𑌨𑌾-𑌽𑌨𑍁॑𑌵𑌷𑌟𑍍𑌕𑍁॒𑌰𑍍𑌯𑌾-𑌦𑌶𑌾᳚𑌨𑍍𑌤-𑌮॒𑌗𑍍𑌨𑍀-𑌥𑍍𑌸𑍋𑌮॑-𑌮𑍍𑌭𑌕𑍍𑌷𑌯𑍇-𑌦𑍁𑌪𑌾॒𑌗𑍍॒𑌶𑍍𑌵𑌨𑍁॒ 𑌵𑌷॑-𑌟𑍍𑌕𑌰𑍋𑌤𑌿॒ 𑌨 𑌰𑍁॒𑌦𑍍𑌰-𑌮𑍍𑌪𑍍𑌰॒𑌜𑌾 𑌅॑𑌨𑍍𑌵𑌵𑌸𑍃॒𑌜𑌤𑌿॑ 𑌶𑌾॒𑌨𑍍𑌤𑌮॒𑌗𑍍𑌨𑍀-𑌥𑍍𑌸𑍋𑌮॑-𑌮𑍍𑌭𑌕𑍍𑌷𑌯॒𑌤𑍍𑌯𑌗𑍍𑌨𑍀॒-𑌨𑍍𑌨𑍇𑌷𑍍𑌟𑍁॑-𑌰𑍁॒𑌪𑌸𑍍𑌥॒𑌮𑌾 𑌸𑍀॑𑌦॒ [𑌸𑍀॑𑌦, 𑌨𑍇𑌷𑍍𑌟𑌃॒ 𑌪𑌤𑍍𑌨𑍀॑-] 30
𑌨𑍇𑌷𑍍𑌟𑌃॒ 𑌪𑌤𑍍𑌨𑍀॑-𑌮𑍁॒𑌦𑌾𑌨॒𑌯𑍇𑌤𑍍𑌯𑌾॑𑌹𑌾॒-𑌗𑍍𑌨𑍀𑌦𑍇॒𑌵 𑌨𑍇𑌷𑍍𑌟॑𑌰𑌿॒ 𑌰𑍇𑌤𑍋॒ 𑌦𑌧𑌾॑𑌤𑌿॒ 𑌨𑍇𑌷𑍍𑌟𑌾॒ 𑌪𑌤𑍍𑌨𑌿॑𑌯𑌾𑌮𑍁-𑌦𑍍𑌗𑌾॒𑌤𑍍𑌰𑌾 𑌸-𑌙𑍍𑌖𑍍𑌯𑌾॑𑌪𑌯𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦𑍁॑𑌦𑍍𑌗𑌾॒𑌤𑌾 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯𑌾॒𑌪 𑌉𑌪॒ 𑌪𑍍𑌰 𑌵॑𑌰𑍍𑌤𑌯𑌤𑌿॒ 𑌰𑍇𑌤॑ 𑌏॒𑌵 𑌤-𑌥𑍍𑌸𑌿॑𑌞𑍍𑌚𑌤𑍍𑌯𑍂॒𑌰𑍁𑌣𑍋𑌪॒ 𑌪𑍍𑌰 𑌵॑𑌰𑍍𑌤𑌯𑌤𑍍𑌯𑍂॒𑌰𑍁𑌣𑌾॒ 𑌹𑌿 𑌰𑍇𑌤𑌃॑ 𑌸𑌿॒𑌚𑍍𑌯𑌤𑍇॑ 𑌨𑌗𑍍𑌨॒-𑌙𑍍𑌕𑍃𑌤𑍍𑌯𑍋॒-𑌰𑍁𑌮𑍁𑌪॒ 𑌪𑍍𑌰 𑌵॑𑌰𑍍𑌤𑌯𑌤𑌿 𑌯॒𑌦𑌾 𑌹𑌿 𑌨॒𑌗𑍍𑌨 𑌊॒𑌰𑍁𑌰𑍍𑌭𑌵॒𑌤𑍍𑌯𑌥॑ 𑌮𑌿𑌥𑍁॒𑌨𑍀 𑌭॑𑌵॒𑌤𑍋-𑌽𑌥॒ 𑌰𑍇𑌤𑌃॑ 𑌸𑌿𑌚𑍍𑌯॒𑌤𑍇-𑌽𑌥॑ 𑌪𑍍𑌰॒𑌜𑌾𑌃 𑌪𑍍𑌰 𑌜𑌾॑𑌯𑌨𑍍𑌤𑍇 ॥ 31 ॥
(𑌪𑌤𑍍𑌨𑍀᳚-𑌸𑍍𑌸𑍁𑌵॒𑌰𑍍𑌗 - 𑌮𑍁𑌪॑𑌸𑍍𑌤𑌿𑌤𑌰 - 𑌮𑌿𑌨𑍍𑌦𑍍𑌰𑌿𑌯𑌾𑌵॒ 𑌇𑌤𑍍𑌯 - 𑌪𑌿॑ - 𑌸𑍀𑌦 - 𑌮𑌿𑌥𑍁॒𑌨𑍍𑌯॑ - 𑌷𑍍𑌟𑍗 𑌚॑) (𑌅. 8)
𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒-𑌨𑍍𑌤𑌸𑍍𑌯॑ 𑌶𑍀𑌰𑍍𑌷𑌕𑌪𑌾॒𑌲-𑌮𑍁𑌦𑍗᳚𑌬𑍍𑌜॒-𑌥𑍍𑌸 𑌦𑍍𑌰𑍋॑𑌣𑌕𑌲॒𑌶𑍋॑-𑌽𑌭𑌵॒-𑌤𑍍𑌤𑌸𑍍𑌮𑌾॒-𑌥𑍍𑌸𑍋𑌮॒-𑌸𑍍𑌸𑌮॑𑌸𑍍𑌰𑌵॒-𑌥𑍍𑌸 𑌹𑌾॑𑌰𑌿𑌯𑍋𑌜॒𑌨𑍋॑-𑌽𑌭𑌵॒-𑌤𑍍𑌤𑌂-𑌵𑍍𑌯𑌁॑𑌚𑌿𑌕𑌿𑌥𑍍𑌸-𑌜𑍍𑌜𑍁॒𑌹𑌵𑌾॒𑌨𑍀(3) 𑌮𑌾 𑌹𑍗॒𑌷𑌾(3)-𑌮𑌿𑌤𑌿॒ 𑌸𑍋॑-𑌽𑌮𑌨𑍍𑌯𑌤॒ 𑌯𑌦𑍍𑌧𑍋॒𑌷𑍍𑌯𑌾𑌮𑍍𑌯𑌾॒𑌮𑌗𑍍𑌂 𑌹𑍋᳚𑌷𑍍𑌯𑌾𑌮𑌿॒ 𑌯𑌨𑍍𑌨 𑌹𑍋॒𑌷𑍍𑌯𑌾𑌮𑌿॑ 𑌯𑌜𑍍𑌞𑌵𑍇𑌶॒𑌸-𑌙𑍍𑌕॑𑌰𑌿𑌷𑍍𑌯𑌾॒𑌮𑍀𑌤𑌿॒ 𑌤𑌮॑𑌦𑍍𑌧𑍍𑌰𑌿𑌯𑌤॒ 𑌹𑍋𑌤𑍁॒𑌗𑍍𑌂॒ 𑌸𑍋᳚-𑌽𑌗𑍍𑌨𑌿-𑌰॑𑌬𑍍𑌰𑌵𑍀॒𑌨𑍍𑌨 𑌮𑌯𑍍𑌯𑌾॒𑌮𑌗𑍍𑌂 𑌹𑍋᳚𑌷𑍍𑌯॒𑌸𑍀𑌤𑌿॒ 𑌤-𑌨𑍍𑌧𑌾॒𑌨𑌾𑌭𑌿॑-𑌰𑌶𑍍𑌰𑍀𑌣𑌾॒- [-𑌰𑌶𑍍𑌰𑍀𑌣𑌾𑌤𑍍, 𑌤𑌗𑍍𑌂 𑌶𑍃॒𑌤-] 32
-𑌤𑍍𑌤𑌗𑍍𑌂 𑌶𑍃॒𑌤-𑌮𑍍𑌭𑍂॒𑌤-𑌮॑𑌜𑍁𑌹𑍋॒𑌦𑍍𑌯-𑌦𑍍𑌧𑌾॒𑌨𑌾𑌭𑌿॑𑌰𑍍-𑌹𑌾𑌰𑌿𑌯𑍋𑌜॒𑌨𑌗𑍍𑌗𑍍 𑌶𑍍𑌰𑍀॒𑌣𑌾𑌤𑌿॑ 𑌶𑍃𑌤॒𑌤𑍍𑌵𑌾𑌯॑ 𑌶𑍃॒𑌤-𑌮𑍇॒𑌵𑍈𑌨॑-𑌮𑍍𑌭𑍂॒𑌤-𑌞𑍍𑌜𑍁॑𑌹𑍋𑌤𑌿 𑌬॒𑌹𑍍𑌵𑍀𑌭𑌿𑌃॑ 𑌶𑍍𑌰𑍀𑌣𑌾𑌤𑍍𑌯𑍇॒𑌤𑌾𑌵॑𑌤𑍀-𑌰𑍇॒𑌵𑌾𑌸𑍍𑌯𑌾॒-𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌕𑌾॑𑌮॒𑌦𑍁𑌘𑌾॑ 𑌭𑌵॒𑌨𑍍𑌤𑍍𑌯𑌥𑍋॒ 𑌖𑌲𑍍𑌵𑌾॑𑌹𑍁𑌰𑍇॒𑌤𑌾 𑌵𑌾 𑌇𑌨𑍍𑌦𑍍𑌰॑𑌸𑍍𑌯॒ 𑌪𑍃𑌶𑍍𑌞॑𑌯𑌃 𑌕𑌾𑌮॒𑌦𑍁𑌘𑌾॒ 𑌯𑌦𑍍𑌧𑌾॑𑌰𑌿𑌯𑍋𑌜॒𑌨𑍀𑌰𑌿𑌤𑌿॒ 𑌤𑌸𑍍𑌮𑌾᳚-𑌦𑍍𑌬॒𑌹𑍍𑌵𑍀𑌭𑌿𑌃॑ 𑌶𑍍𑌰𑍀𑌣𑍀𑌯𑌾𑌦𑍃𑌖𑍍𑌸𑌾॒𑌮𑍇 𑌵𑌾 𑌇𑌨𑍍𑌦𑍍𑌰॑𑌸𑍍𑌯॒ 𑌹𑌰𑍀॑ 𑌸𑍋𑌮॒𑌪𑌾𑌨𑍗॒ 𑌤𑌯𑍋𑌃᳚ 𑌪𑌰𑌿॒𑌧𑌯॑ 𑌆॒𑌧𑌾𑌨𑌂॒-𑌯𑌁𑌦𑌪𑍍𑌰॑𑌹𑍃𑌤𑍍𑌯 𑌪𑌰𑌿॒𑌧𑍀-𑌞𑍍𑌜𑍁॑𑌹𑍁॒𑌯𑌾-𑌦॒𑌨𑍍𑌤𑌰𑌾॑𑌧𑌾𑌨𑌾𑌭𑍍𑌯𑌾- [-𑌦॒𑌨𑍍𑌤𑌰𑌾॑𑌧𑌾𑌨𑌾𑌭𑍍𑌯𑌾𑌮𑍍, 𑌘𑌾॒𑌸-𑌮𑍍𑌪𑍍𑌰] 33
-𑌙𑍍𑌘𑌾॒𑌸-𑌮𑍍𑌪𑍍𑌰 𑌯॑𑌚𑍍𑌛𑍇-𑌤𑍍𑌪𑍍𑌰॒𑌹𑍃𑌤𑍍𑌯॑ 𑌪𑌰𑌿॒𑌧𑍀𑌞𑍍𑌜𑍁॑𑌹𑍋𑌤𑌿॒ 𑌨𑌿𑌰𑌾॑𑌧𑌾𑌨𑌾𑌭𑍍𑌯𑌾-𑌮𑍇॒𑌵 𑌘𑌾॒𑌸-𑌮𑍍𑌪𑍍𑌰 𑌯॑𑌚𑍍𑌛𑌤𑍍𑌯𑍁𑌨𑍍𑌨𑍇॒𑌤𑌾 𑌜𑍁॑𑌹𑍋𑌤𑌿 𑌯𑌾॒𑌤𑌯𑌾॑𑌮𑍇𑌵॒ 𑌹𑍍𑌯𑍇॑𑌤𑌰𑍍𑌹𑍍𑌯॑𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌵॒𑌗𑌾𑌕𑍃॑𑌤𑍋॒ 𑌯-𑌦॑𑌦𑍍𑌧𑍍𑌵॒𑌰𑍍𑌯𑍁-𑌰𑍍𑌜𑍁॑𑌹𑍁॒𑌯𑌾-𑌦𑍍𑌯𑌥𑌾॒ 𑌵𑌿𑌮𑍁॑𑌕𑍍𑌤॒-𑌮𑍍𑌪𑍁𑌨॑𑌰𑍍𑌯𑍁॒𑌨𑌕𑍍𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌚𑍍𑌛𑍀॒𑌰𑍍॒𑌷-𑌨𑍍𑌨॑𑌧𑌿𑌨𑌿॒𑌧𑌾𑌯॑ 𑌜𑍁𑌹𑍋𑌤𑌿 𑌶𑍀𑌰𑍍𑌷॒𑌤𑍋 𑌹𑌿 𑌸 𑌸॒𑌮𑌭॑𑌵-𑌦𑍍𑌵𑌿॒𑌕𑍍𑌰𑌮𑍍𑌯॑ 𑌜𑍁𑌹𑍋𑌤𑌿 𑌵𑌿॒𑌕𑍍𑌰𑌮𑍍𑌯॒ 𑌹𑍀𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮𑌹॒𑌨𑍍-𑌥𑍍𑌸𑌮𑍃॑𑌦𑍍𑌧𑍍𑌯𑍈 𑌪॒𑌶𑌵𑍋॒ 𑌵𑍈 𑌹𑌾॑𑌰𑌿𑌯𑍋𑌜॒𑌨𑍀𑌰𑍍𑌯-𑌥𑍍𑌸॑𑌭𑌿॒𑌨𑍍𑌨𑍍𑌦𑍍𑌯𑌾-𑌦𑌲𑍍𑌪𑌾॑ [-𑌦𑌲𑍍𑌪𑌾𑌃᳚, 𑌏॒𑌨॒-𑌮𑍍𑌪॒𑌶𑌵𑍋॑] 34
𑌏𑌨-𑌮𑍍𑌪॒𑌶𑌵𑍋॑ 𑌭𑍁॒𑌞𑍍𑌜𑌨𑍍𑌤॒ 𑌉𑌪॑𑌤𑌿𑌷𑍍𑌠𑍇𑌰॒𑌨𑍍॒. 𑌯𑌨𑍍𑌨 𑌸॑𑌭𑌿॒𑌨𑍍𑌨𑍍𑌦𑍍𑌯𑌾-𑌦𑍍𑌬॒𑌹𑌵॑ 𑌏𑌨-𑌮𑍍𑌪॒𑌶𑌵𑍋-𑌽𑌭𑍁॑𑌞𑍍𑌜𑌨𑍍𑌤॒ 𑌉𑌪॑ 𑌤𑌿𑌷𑍍𑌠𑍇𑌰॒-𑌨𑍍𑌮𑌨॑𑌸𑌾॒ 𑌸-𑌮𑍍𑌬𑌾॑𑌧𑌤 𑌉॒𑌭𑌯॑-𑌙𑍍𑌕𑌰𑍋𑌤𑌿 𑌬॒𑌹𑌵॑ 𑌏॒𑌵𑍈𑌨॑-𑌮𑍍𑌪॒𑌶𑌵𑍋॑ 𑌭𑍁॒𑌞𑍍𑌜𑌨𑍍𑌤॒ 𑌉𑌪॑ 𑌤𑌿𑌷𑍍𑌠𑌨𑍍𑌤 𑌉𑌨𑍍𑌨𑍇॒𑌤𑌰𑍍𑌯𑍁॑𑌪𑌹॒𑌵-𑌮𑌿॑𑌚𑍍𑌛𑌨𑍍𑌤𑍇॒ 𑌯 𑌏॒𑌵 𑌤𑌤𑍍𑌰॑ 𑌸𑍋𑌮𑌪𑍀॒𑌥𑌸𑍍𑌤-𑌮𑍇॒𑌵𑌾𑌵॑ 𑌰𑍁𑌨𑍍𑌧𑌤 𑌉𑌤𑍍𑌤𑌰𑌵𑍇॒𑌦𑍍𑌯𑌾-𑌨𑍍𑌨𑌿𑌵॑𑌪𑌤𑌿 𑌪॒𑌶𑌵𑍋॒ 𑌵𑌾 𑌉॑𑌤𑍍𑌤𑌰𑌵𑍇॒𑌦𑌿𑌃 𑌪॒𑌶𑌵𑍋॑ 𑌹𑌾𑌰𑌿𑌯𑍋𑌜॒𑌨𑍀𑌃 𑌪॒𑌶𑍁𑌷𑍍𑌵𑍇॒𑌵 𑌪॒𑌶𑍂-𑌨𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌨𑍍𑌤𑌿 ॥ 35 ॥
(𑌅॒𑌶𑍍𑌰𑍀॒𑌣𑌾॒ - 𑌦॒𑌨𑍍𑌤𑌰𑌾॑𑌧𑌾𑌨𑌾𑌭𑍍𑌯𑌾॒ - 𑌮𑌲𑍍𑌪𑌾𑌃᳚ - 𑌸𑍍𑌥𑌾𑌪𑌯𑌨𑍍𑌤𑌿) (𑌅. 9)
𑌗𑍍𑌰𑌹𑌾॒𑌨𑍍॒. 𑌵𑌾 𑌅𑌨𑍁॑ 𑌪𑍍𑌰॒𑌜𑌾𑌃 𑌪॒𑌶𑌵𑌃॒ 𑌪𑍍𑌰 𑌜𑌾॑𑌯𑌨𑍍𑌤 𑌉𑌪𑌾𑌗𑍍𑌶𑍍𑌵𑌨𑍍𑌤𑌰𑍍𑌯𑌾॒-𑌮𑌾𑌵॑𑌜𑌾॒𑌵𑌯𑌃॑ 𑌶𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑍗॒ 𑌪𑍁𑌰𑍁॑𑌷𑌾 𑌋𑌤𑍁𑌗𑍍𑌰॒𑌹𑌾-𑌨𑍇𑌕॑𑌶𑌫𑌾 𑌆𑌦𑌿𑌤𑍍𑌯𑌗𑍍𑌰॒𑌹-𑌙𑍍𑌗𑌾𑌵॑ 𑌆𑌦𑌿𑌤𑍍𑌯𑌗𑍍𑌰॒𑌹𑍋 𑌭𑍂𑌯𑌿॑𑌷𑍍𑌠𑌾𑌭𑌿𑌰𑍍-𑌋॒𑌗𑍍𑌭𑌿𑌰𑍍𑌗𑍃॑𑌹𑍍𑌯𑌤𑍇॒ 𑌤𑌸𑍍𑌮𑌾॒-𑌦𑍍𑌗𑌾𑌵𑌃॑ 𑌪𑌶𑍂॒𑌨𑌾-𑌮𑍍𑌭𑍂𑌯𑌿॑𑌷𑍍𑌠𑌾॒ 𑌯-𑌤𑍍𑌤𑍍𑌰𑌿𑌰𑍁॑𑌪𑌾॒𑌗𑍍𑌂॒ 𑌶𑍁𑌗𑍍𑌂 𑌹𑌸𑍍𑌤𑍇॑𑌨 𑌵𑌿𑌗𑍃॒𑌹𑍍𑌣𑌾𑌤𑌿॒ 𑌤𑌸𑍍𑌮𑌾॒-𑌦𑍍𑌦𑍍𑌵𑍗 𑌤𑍍𑌰𑍀𑌨॒𑌜𑌾 𑌜॒𑌨𑌯॒𑌤𑍍𑌯𑌥𑌾𑌵॑𑌯𑍋॒ 𑌭𑍂𑌯॑𑌸𑍀𑌃 𑌪𑌿॒𑌤𑌾 𑌵𑌾 𑌏॒𑌷 𑌯𑌦𑌾᳚𑌗𑍍𑌰𑌯॒𑌣𑌃 𑌪𑍁॒𑌤𑍍𑌰𑌃 𑌕॒𑌲𑌶𑍋॒ 𑌯𑌦𑌾᳚𑌗𑍍𑌰𑌯॒𑌣 𑌉॑𑌪॒𑌦𑌸𑍍𑌯𑍇᳚-𑌤𑍍𑌕॒𑌲𑌶𑌾᳚-𑌦𑍍𑌗𑍃𑌹𑍍𑌣𑍀𑌯𑌾॒-𑌦𑍍𑌯𑌥𑌾॑ 𑌪𑌿॒𑌤𑌾 [ ] 36
𑌪𑍁॒𑌤𑍍𑌰-𑌙𑍍𑌕𑍍𑌷𑌿॒𑌤 𑌉॑𑌪॒𑌧𑌾𑌵॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑍍𑌯-𑌤𑍍𑌕॒𑌲𑌶॑ 𑌉𑌪॒𑌦𑌸𑍍𑌯𑍇॑-𑌦𑌾𑌗𑍍𑌰𑌯॒𑌣𑌾-𑌦𑍍𑌗𑍃॑𑌹𑍍𑌣𑍀𑌯𑌾॒-𑌦𑍍𑌯𑌥𑌾॑ 𑌪𑍁॒𑌤𑍍𑌰𑌃 𑌪𑌿॒𑌤𑌰॑-𑌙𑍍𑌕𑍍𑌷𑌿॒𑌤 𑌉॑𑌪॒𑌧𑌾𑌵॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑌾॒𑌤𑍍𑌮𑌾 𑌵𑌾 𑌏॒𑌷 𑌯॒𑌜𑍍𑌞𑌸𑍍𑌯॒ 𑌯𑌦𑌾᳚𑌗𑍍𑌰𑌯॒𑌣𑍋 𑌯𑌦𑍍𑌗𑍍𑌰𑌹𑍋॑ 𑌵𑌾 𑌕॒𑌲𑌶𑍋॑ 𑌵𑍋𑌪॒𑌦𑌸𑍍𑌯𑍇॑-𑌦𑌾𑌗𑍍𑌰𑌯॒𑌣𑌾-𑌦𑍍𑌗𑍃॑𑌹𑍍𑌣𑍀𑌯𑌾𑌦𑌾॒𑌤𑍍𑌮𑌨॑ 𑌏॒𑌵𑌾𑌧𑌿॑ 𑌯॒𑌜𑍍𑌞-𑌨𑍍𑌨𑌿𑌷𑍍𑌕॑𑌰𑍋॒𑌤𑍍𑌯𑌵𑌿॑𑌜𑍍𑌞𑌾𑌤𑍋॒ 𑌵𑌾 𑌏॒𑌷 𑌗𑍃॑𑌹𑍍𑌯𑌤𑍇॒ 𑌯𑌦𑌾᳚𑌗𑍍𑌰𑌯॒𑌣-𑌸𑍍𑌸𑍍𑌥𑌾॒𑌲𑍍𑌯𑌾 𑌗𑍃॒𑌹𑍍𑌣𑌾𑌤𑌿॑ 𑌵𑌾𑌯॒𑌵𑍍𑌯𑍇॑𑌨 𑌜𑍁𑌹𑍋𑌤𑌿॒ 𑌤𑌸𑍍𑌮𑌾॒- [𑌤𑌸𑍍𑌮𑌾᳚𑌤𑍍, 𑌗𑌰𑍍𑌭𑍇॒𑌣𑌾 𑌽𑌵𑌿॑𑌜𑍍𑌞𑌾𑌤𑍇𑌨] 37
-𑌦𑍍𑌗𑌰𑍍𑌭𑍇॒𑌣𑌾 𑌽𑌵𑌿॑𑌜𑍍𑌞𑌾𑌤𑍇𑌨 𑌬𑍍𑌰𑌹𑍍𑌮॒𑌹𑌾 𑌽𑌵॑𑌭𑍃॒𑌥𑌮𑌵॑ 𑌯𑌨𑍍𑌤𑌿॒ 𑌪𑌰𑌾᳚ 𑌸𑍍𑌥𑌾॒𑌲𑍀𑌰𑌸𑍍𑌯॒𑌨𑍍𑌤𑍍𑌯𑍁-𑌦𑍍𑌵𑌾॑𑌯॒𑌵𑍍𑌯𑌾॑𑌨𑌿 𑌹𑌰𑌨𑍍𑌤𑌿॒ 𑌤𑌸𑍍𑌮𑌾॒-𑌥𑍍𑌸𑍍𑌤𑍍𑌰𑌿𑌯॑-𑌞𑍍𑌜𑌾॒𑌤𑌾-𑌮𑍍𑌪𑌰𑌾᳚-𑌽𑌸𑍍𑌯॒𑌨𑍍𑌤𑍍𑌯𑍁-𑌤𑍍𑌪𑍁𑌮𑌾𑌗𑍍𑌂॑ 𑌸𑌗𑍍𑌂 𑌹𑌰𑌨𑍍𑌤𑌿॒ 𑌯-𑌤𑍍𑌪𑍁॑𑌰𑍋॒𑌰𑍁𑌚॒𑌮𑌾𑌹॒ 𑌯𑌥𑌾॒ 𑌵𑌸𑍍𑌯॑𑌸 𑌆॒𑌹𑌰॑𑌤𑌿 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌯-𑌦𑍍𑌗𑍍𑌰𑌹॑-𑌙𑍍𑌗𑍃॒𑌹𑍍𑌣𑌾𑌤𑌿॒ 𑌯𑌥𑌾॒ 𑌵𑌸𑍍𑌯॑𑌸 𑌆॒𑌹𑍃𑌤𑍍𑌯॒ 𑌪𑍍𑌰𑌾-𑌽𑌽𑌹॑ 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌯-𑌥𑍍𑌸𑌾॒𑌦𑌯॑𑌤𑌿॒ 𑌯𑌥𑌾॒ 𑌵𑌸𑍍𑌯॑𑌸 𑌉𑌪𑌨𑌿॒𑌧𑌾𑌯𑌾॑-𑌪॒𑌕𑍍𑌰𑌾𑌮॑𑌤𑌿 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌯 𑌦𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌸𑌾𑌮𑍍𑌨𑌾॒ 𑌯𑌜𑍁॑𑌷𑌾 𑌕𑍍𑌰𑌿॒𑌯𑌤𑍇॑ 𑌶𑌿𑌥𑌿॒𑌲-𑌨𑍍𑌤-𑌦𑍍𑌯𑌦𑍃॒𑌚𑌾 𑌤-𑌦𑍍𑌦𑍃॒𑌢-𑌮𑍍𑌪𑍁॒𑌰𑌸𑍍𑌤𑌾॑𑌦𑍁𑌪𑌯𑌾𑌮𑌾॒ 𑌯𑌜𑍁॑𑌷𑌾 𑌗𑍃𑌹𑍍𑌯𑌨𑍍𑌤 𑌉॒𑌪𑌰𑌿॑𑌷𑍍𑌟𑌾-𑌦𑍁𑌪𑌯𑌾𑌮𑌾 𑌋॒𑌚𑌾 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑍈᳚ ॥ 38 ॥
(𑌯𑌥𑌾॑ 𑌪𑌿॒𑌤𑌾-𑌤𑌸𑍍𑌮𑌾॑-𑌦𑌪॒𑌕𑍍𑌰𑌾𑌮॑𑌤𑌿 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌯-𑌦॒𑌷𑍍𑌟𑌾 𑌦॑𑌶 𑌚) (𑌅. 10)
𑌪𑍍𑌰𑌾𑌨𑍍𑌯𑌾𑌨𑌿॒ 𑌪𑌾𑌤𑍍𑌰𑌾॑𑌣𑌿 𑌯𑍁॒𑌜𑍍𑌯𑌨𑍍𑌤𑍇॒ 𑌨𑌾𑌨𑍍𑌯𑌾𑌨𑌿॒ 𑌯𑌾𑌨𑌿॑ 𑌪𑌰𑌾॒𑌚𑍀𑌨𑌾॑𑌨𑌿 𑌪𑍍𑌰𑌯𑍁॒𑌜𑍍𑌯𑌨𑍍𑌤𑍇॒-𑌽𑌮𑍁𑌮𑍇॒𑌵 𑌤𑍈𑌰𑍍𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌪𑌰𑌾॑𑌙𑌿𑌵॒ 𑌹𑍍𑌯॑𑌸𑍗 𑌲𑍋॒𑌕𑍋 𑌯𑌾𑌨𑌿॒ 𑌪𑍁𑌨𑌃॑ 𑌪𑍍𑌰𑌯𑍁॒𑌜𑍍𑌯𑌨𑍍𑌤॑ 𑌇॒𑌮𑌮𑍇॒𑌵 𑌤𑍈𑌰𑍍𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌪𑍁𑌨𑌃॑𑌪𑍁𑌨-𑌰𑌿𑌵॒ 𑌹𑍍𑌯॑𑌯𑌂-𑌲𑍋𑌁॒𑌕𑌃 𑌪𑍍𑌰𑌾𑌨𑍍𑌯𑌾𑌨𑌿॒ 𑌪𑌾𑌤𑍍𑌰𑌾॑𑌣𑌿 𑌯𑍁॒𑌜𑍍𑌯𑌨𑍍𑌤𑍇॒ 𑌨𑌾𑌨𑍍𑌯𑌾𑌨𑌿॒ 𑌯𑌾𑌨𑌿॑ 𑌪𑌰𑌾॒𑌚𑍀𑌨𑌾॑𑌨𑌿 𑌪𑍍𑌰𑌯𑍁॒𑌜𑍍𑌯𑌨𑍍𑌤𑍇॒ 𑌤𑌾𑌨𑍍𑌯𑌨𑍍𑌵𑍋𑌷॑𑌧𑌯𑌃॒ 𑌪𑌰𑌾॑ 𑌭𑌵𑌨𑍍𑌤𑌿॒ 𑌯𑌾𑌨𑌿॒ 𑌪𑍁𑌨𑌃॑ [𑌪𑍁𑌨𑌃॑, 𑌪𑍍𑌰॒𑌯𑍁॒𑌜𑍍𑌯𑌨𑍍𑌤𑍇॒] 39
𑌪𑍍𑌰𑌯𑍁॒𑌜𑍍𑌯𑌨𑍍𑌤𑍇॒ 𑌤𑌾𑌨𑍍𑌯𑌨𑍍𑌵𑍋𑌷॑𑌧𑌯𑌃॒ 𑌪𑍁𑌨॒𑌰𑌾 𑌭॑𑌵𑌨𑍍𑌤𑌿॒ 𑌪𑍍𑌰𑌾𑌨𑍍𑌯𑌾𑌨𑌿॒ 𑌪𑌾𑌤𑍍𑌰𑌾॑𑌣𑌿 𑌯𑍁॒𑌜𑍍𑌯𑌨𑍍𑌤𑍇॒ 𑌨𑌾𑌨𑍍𑌯𑌾𑌨𑌿॒ 𑌯𑌾𑌨𑌿॑ 𑌪𑌰𑌾॒𑌚𑍀𑌨𑌾॑𑌨𑌿 𑌪𑍍𑌰𑌯𑍁॒𑌜𑍍𑌯𑌨𑍍𑌤𑍇॒ 𑌤𑌾𑌨𑍍𑌯𑌨𑍍𑌵𑌾॑𑌰॒𑌣𑍍𑌯𑌾𑌃 𑌪॒𑌶𑌵𑍋-𑌽𑌰॑𑌣𑍍𑌯॒-𑌮𑌪॑ 𑌯𑌨𑍍𑌤𑌿॒ 𑌯𑌾𑌨𑌿॒ 𑌪𑍁𑌨𑌃॑ 𑌪𑍍𑌰𑌯𑍁॒𑌜𑍍𑌯𑌨𑍍𑌤𑍇॒ 𑌤𑌾𑌨𑍍𑌯𑌨𑍁॑ 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॒ 𑌗𑍍𑌰𑌾𑌮॑-𑌮𑍁॒𑌪𑌾𑌵॑𑌯𑌨𑍍𑌤𑌿॒ 𑌯𑍋 𑌵𑍈 𑌗𑍍𑌰𑌹𑌾॑𑌣𑌾-𑌨𑍍𑌨𑌿॒𑌦𑌾𑌨𑌂॒-𑌵𑍇𑌁𑌦॑ 𑌨𑌿॒𑌦𑌾𑌨॑𑌵𑌾-𑌨𑍍𑌭𑌵॒𑌤𑍍𑌯𑌾𑌜𑍍𑌯॒-𑌮𑌿𑌤𑍍𑌯𑍁॒𑌕𑍍𑌥-𑌨𑍍𑌤𑌦𑍍𑌵𑍈 𑌗𑍍𑌰𑌹𑌾॑𑌣𑌾-𑌨𑍍𑌨𑌿॒𑌦𑌾𑌨𑌂॒-𑌯𑌁𑌦𑍁॑𑌪𑌾॒𑌗𑍍𑌂॒𑌶𑍁 𑌶𑌗𑍍𑌂𑌸॑𑌤𑌿॒ 𑌤- [𑌶𑌗𑍍𑌂𑌸॑𑌤𑌿॒ 𑌤𑌤𑍍, 𑌉॒𑌪𑌾॒𑌗𑍍𑌶𑍍𑌵॒𑌨𑍍𑌤॒𑌰𑍍𑌯𑌾॒𑌮𑌯𑍋॒-] 40
-𑌦𑍁॑𑌪𑌾𑌗𑍍𑌶𑍍𑌵𑌨𑍍𑌤𑌰𑍍𑌯𑌾॒𑌮𑌯𑍋॒-𑌰𑍍𑌯𑌦𑍁॒𑌚𑍍𑌚𑍈-𑌸𑍍𑌤𑌦𑌿𑌤॑𑌰𑍇𑌷𑌾॒-𑌙𑍍𑌗𑍍𑌰𑌹𑌾॑𑌣𑌾𑌮𑍇॒𑌤𑌦𑍍𑌵𑍈 𑌗𑍍𑌰𑌹𑌾॑𑌣𑌾-𑌨𑍍𑌨𑌿॒𑌦𑌾𑌨𑌂॒-𑌯𑌁 𑌏॒𑌵𑌂-𑌵𑍇𑌁𑌦॑ 𑌨𑌿॒𑌦𑌾𑌨॑𑌵𑌾-𑌨𑍍𑌭𑌵𑌤𑌿॒ 𑌯𑍋 𑌵𑍈 𑌗𑍍𑌰𑌹𑌾॑𑌣𑌾-𑌮𑍍𑌮𑌿𑌥𑍁॒𑌨𑌂-𑌵𑍇𑌁𑌦॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 𑌸𑍍𑌥𑌾॒𑌲𑍀𑌭𑌿॑-𑌰॒𑌨𑍍𑌯𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॑ 𑌵𑌾𑌯॒𑌵𑍍𑌯𑍈॑-𑌰॒𑌨𑍍𑌯 𑌏॒𑌤𑌦𑍍𑌵𑍈 𑌗𑍍𑌰𑌹𑌾॑𑌣𑌾-𑌮𑍍𑌮𑌿𑌥𑍁॒𑌨𑌂-𑌯𑌁 𑌏॒𑌵𑌂-𑌵𑍇𑌁𑌦॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤॒ 𑌇𑌨𑍍𑌦𑍍𑌰॒𑌸𑍍𑌤𑍍𑌵𑌷𑍍𑌟𑍁॒-𑌸𑍍𑌸𑍋𑌮॑-𑌮𑌭𑍀॒𑌷𑌹𑌾॑-𑌽𑌪𑌿𑌬॒-𑌥𑍍𑌸 𑌵𑌿𑌷𑍍𑌵॒- [𑌵𑌿𑌷𑍍𑌵𑌙𑍍𑌙𑍍॑, 𑌵𑍍𑌯𑌾᳚𑌰𑍍𑌚𑍍𑌛॒-𑌥𑍍𑌸] 41
𑌙𑍍𑌵𑍍𑌯𑌾᳚𑌰𑍍𑌚𑍍𑌛॒-𑌥𑍍𑌸 𑌆॒𑌤𑍍𑌮𑌨𑍍𑌨𑌾॒𑌰𑌮॑𑌣॒-𑌨𑍍𑌨𑌾𑌵𑌿॑𑌨𑍍𑌦॒-𑌥𑍍𑌸 𑌏॒𑌤𑌾-𑌨॑𑌨𑍁𑌸𑌵॒𑌨-𑌮𑍍𑌪𑍁॑𑌰𑍋॒𑌡𑌾𑌶𑌾॑𑌨𑌪𑌶𑍍𑌯॒-𑌤𑍍𑌤𑌾-𑌨𑍍𑌨𑌿𑌰॑𑌵𑌪॒-𑌤𑍍𑌤𑍈𑌰𑍍𑌵𑍈 𑌸 𑌆॒𑌤𑍍𑌮𑌨𑍍𑌨𑌾॒𑌰𑌮॑𑌣-𑌮𑌕𑍁𑌰𑍁𑌤॒ 𑌤𑌸𑍍𑌮𑌾॑-𑌦𑌨𑍁𑌸𑌵॒𑌨-𑌮𑍍𑌪𑍁॑𑌰𑍋॒𑌡𑌾𑌶𑌾॒ 𑌨𑌿𑌰𑍁॑𑌪𑍍𑌯𑌨𑍍𑌤𑍇॒ 𑌤𑌸𑍍𑌮𑌾॑-𑌦𑌨𑍁𑌸𑌵॒𑌨-𑌮𑍍𑌪𑍁॑𑌰𑍋॒𑌡𑌾𑌶𑌾॑𑌨𑌾॒-𑌮𑍍𑌪𑍍𑌰𑌾-𑌽𑌶𑍍𑌞𑍀॑𑌯𑌾𑌦𑌾॒𑌤𑍍𑌮-𑌨𑍍𑌨𑍇॒𑌵𑌾-𑌽𑌽𑌰𑌮॑𑌣-𑌙𑍍𑌕𑍁𑌰𑍁𑌤𑍇॒ 𑌨𑍈𑌨॒𑌗𑍍𑌂॒ 𑌸𑍋𑌮𑍋-𑌽𑌤𑌿॑ 𑌪𑌵𑌤𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌨𑌰𑍍𑌚𑌾 𑌨 𑌯𑌜𑍁॑𑌷𑌾 𑌪॒𑌙𑍍𑌕𑍍𑌤𑌿-𑌰𑌾᳚𑌪𑍍𑌯॒𑌤𑍇-𑌽𑌥॒ 𑌕𑌿𑌂 𑌁𑌯॒𑌜𑍍𑌞𑌸𑍍𑌯॑ 𑌪𑌾𑌙𑍍𑌕𑍍𑌤॒𑌤𑍍𑌵𑌮𑌿𑌤𑌿॑ 𑌧𑌾॒𑌨𑌾𑌃 𑌕॑𑌰॒𑌮𑍍𑌭𑌃 𑌪॑𑌰𑌿𑌵𑌾॒𑌪𑌃 𑌪𑍁॑𑌰𑍋॒𑌡𑌾𑌶𑌃॑ 𑌪𑌯॒𑌸𑍍𑌯𑌾॑ 𑌤𑍇𑌨॑ 𑌪॒𑌙𑍍𑌕𑍍𑌤𑌿-𑌰𑌾᳚𑌪𑍍𑌯𑌤𑍇॒ 𑌤-𑌦𑍍𑌯॒𑌜𑍍𑌞𑌸𑍍𑌯॑ 𑌪𑌾𑌙𑍍𑌕𑍍𑌤॒𑌤𑍍𑌵𑌮𑍍 ॥ 42 ॥
(𑌭॒𑌵॒𑌨𑍍𑌤𑌿॒ 𑌯𑌾𑌨𑌿॒ 𑌪𑍁𑌨𑌃॒ - 𑌶𑌗𑍍𑌂𑌸॑𑌤𑌿॒ 𑌤 - 𑌦𑍍𑌵𑌿𑌷𑍍𑌵𑌂॒ - 𑌕𑌿𑌂 - 𑌚𑌤𑍁॑𑌰𑍍𑌦𑌶 𑌚) (𑌅. 11)
(𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌯- 𑌽𑌽𑌯𑍁॒𑌰𑍍𑌵𑍇 - 𑌯॒𑌜𑍍𑌞𑍇𑌨॑ - 𑌸𑍁𑌵॒𑌰𑍍𑌗𑌾 - 𑌯𑍇𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒ - 𑌰𑌦𑌿॑𑌤𑌿 - 𑌰𑌨𑍍𑌤𑌰𑍍𑌯𑌾𑌮𑌪𑌾॒𑌤𑍍𑌰𑍇𑌣॑ - 𑌪𑍍𑌰𑌾॒𑌣 𑌉॑𑌪𑌾𑌗𑍍𑌂𑌶𑍁 𑌪𑌾॒𑌤𑍍𑌰𑍇 - 𑌣𑍇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒-𑌨𑍍𑌤𑌸𑍍𑌯॒ - 𑌗𑍍𑌰𑌹𑌾॒𑌨𑍍 - 𑌪𑍍𑌰𑌾𑌨𑍍𑌯𑌾 - 𑌨𑍍𑌯𑍇𑌕𑌾॑𑌦𑌶)
(𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌯॒ - 𑌪𑍁𑌨॑𑌰𑍍-𑌋॒𑌤𑍁𑌨𑌾॑-𑌽𑌽𑌹 - 𑌮𑌿𑌥𑍁॒𑌨-𑌮𑍍𑌪॒𑌶𑌵𑍋॒ - 𑌨𑍇𑌷𑍍𑌟𑌃॒ 𑌪𑌤𑍍𑌨𑍀॑ - 𑌮𑍁𑌪𑌾𑌗𑍍𑌶𑍍𑌵𑌨𑍍𑌤𑌰𑍍𑌯𑌾॒𑌮𑌯𑍋॒ - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍)
(𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌯॑, 𑌪𑌾𑌙𑍍𑌕𑍍𑌤॒𑌤𑍍𑌵𑌮𑍍)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
Roman (IAST) Transliteration
kṛṣṇa yajurvedīya taittirīya saṃhitāyāṃ ṣaṣṭhakāṇḍe pañcamaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
indro̭ vṛ॒trāya॒ vajra॒muda̭yaccha॒-thsa vṛ॒tro vajrā॒dudya̭tādabibhe॒-thso᳚-'bravī॒nmā me॒ pra hā॒rasti॒ vā i॒da-mmayi̭ vī॒ryaṃ̭ ta-tte॒ pra dā᳚syā॒mīti॒ tasmā̭ u॒kthya̭-mprāya̭ccha॒-ttasmai᳚ dvi॒tīya॒muda̭yaccha॒-thso᳚-'bravī॒nmā ma॒ pra hā॒rasti॒ vā i॒da-mmayi̭ vī॒rya̭-nta-tte॒ pra dā᳚syā॒mīti॒ [pra dā᳚syā॒mīti̭, tasmā̭ u॒kthya̭me॒va] 1
tasmā̭ u॒kthya̭me॒va prāya̭ccha॒-ttasmai̭ tṛ॒tīya॒muda̭yaccha॒-ttaṃ-vi~ṣṇu॒ranva̭tiṣṭhata ja॒hīti॒ so᳚-'bravī॒nmā me॒ pra hā॒rasti॒ vā i॒da-mmayi̭ vī॒rya̭-nta-tte॒ pra dā᳚syā॒mīti॒ tasmā̭ u॒kthya̭me॒va prāya̭ccha॒-tta-nnirmā̭ya-mbhū॒tama̭han. ya॒jño hi tasya̭ mā॒yā-''sī॒-dyadu॒kthyo̭ gṛ॒hyata̭ indri॒yame॒va [ ] 2
ta-dvī॒ryaṃ̭-ya~ja̭māno॒ bhrātṛ̭vyasya vṛṅkta॒ indrā̭ya tvā bṛ॒ha-dva̭te॒ vaya̭svata॒ ityā॒hendrā̭ya॒ hi sa ta-mprāya̭ccha॒-ttasmai᳚ tvā॒ viṣṇa̭ve॒ tvetyā̭ha॒ yade॒va viṣṇṷra॒nvati̭ṣṭhata ja॒hīti॒ tasmā॒-dviṣṇṷma॒nvābha̭jati॒ trirnirgṛ̭hṇāti॒ trirhi sa ta-ntasmai॒ prāya̭cchade॒ṣa te॒ yoniḥ॒ puna̭rhavira॒sītyā̭ha॒ punaḥ̭puna॒- [punaḥ̭punaḥ, hya̭smā-] 3
r-hya̭smā-nnirgṛ॒hṇāti॒ cakṣu॒rvā e॒ta-dya॒jñasya॒ yadu॒kthya̭-stasmā̭du॒kthyagṃ̭ hu॒tagṃ somā̭ a॒nvāya̭nti॒ tasmā̭dā॒tmā cakṣu॒ranvḙti॒ tasmā॒dekaṃ॒-ya~nta̭-mba॒havo-'nṷ yanti॒ tasmā॒deko̭ bahū॒nā-mbha॒dro bha̭vati॒ tasmā॒deko̭ ba॒hvīrjā॒yā vi̭ndate॒ yadi̭ kā॒mayḙtā-ddhva॒ryu-rā॒tmānaṃ̭-ya~jña yaśa॒senā᳚-rpayeya॒-mitya̭nta॒rā-''ha̭va॒nīya̭-ñca havi॒rdhāna̭-ñca॒ tiṣṭha॒nnava̭ naye- [nayet, ā॒tmāna̭me॒va] 4
-dā॒tmāna̭me॒va ya̭jñayaśa॒senā᳚rpayati॒ yadi̭ kā॒mayḙta॒ yaja̭mānaṃ-ya~jña yaśa॒senā᳚rpayeya॒-mitya̭nta॒rā sa̭dohavirdhā॒ne tiṣṭha॒nnava̭ naye॒-dyaja̭māname॒va ya̭jñayaśa॒senā᳚-rpayati॒ yadi̭ kā॒mayḙta sada॒syāṋ yajña yaśa॒senā᳚-rpayeya॒miti॒ sada̭ ā॒labhyāva̭ naye-thsada॒syā̭ne॒va ya̭jñayaśa॒senā᳚rpayati || 5 ||
(itī᳚ - ndri॒yame॒va - punaḥ̭ puna - rnaye॒t - traya̭strigṃśacca) (a. 1)
āyu॒rvā e॒ta-dya॒jñasya॒ ya-ddhru॒va ṷtta॒mo grahā̭ṇā-ṅgṛhyate॒ tasmā॒-dāyuḥ̭ prā॒ṇānā̭-mutta॒ma-mmū॒rdhāna̭-ndi॒vo a̭ra॒ti-mpṛ̭thi॒vyā ityā̭ha mū॒rdhāna̭-me॒vainagṃ̭ samā॒nānā᳚-ṅkaroti vaiśvāna॒ra-mṛ॒tāya̭ jā॒ta-ma॒gni-mityā̭ha vaiśvāna॒ragṃ hi de॒vata॒yā-''yṷ-rubha॒yato̭ vaiśvānaro gṛhyate॒ tasmā̭-dubha॒yataḥ̭ prā॒ṇā a॒dhastā᳚-cco॒pari̭ṣṭā-ccā॒rdhino॒-'nye grahā̭ gṛ॒hyante॒-'rdhī dhru॒va-stasmā̭- [dhru॒va-stasmā᳚t, a॒rdhyavā᳚-] 6
-da॒rdhyavā᳚-mprā॒ṇo᳚-'nyeṣā᳚-mprā॒ṇānā॒-mupo᳚pte॒-'nye grahā᳚-ssā॒dyante-'nṷpopte dhru॒vastasmā̭-da॒sthnānyāḥ pra॒jāḥ pra̭ti॒tiṣṭha̭nti mā॒gṃ॒senā॒nyā asṷrā॒ vā ṷttara॒taḥ pṛ̭thi॒vī-mpa॒ryāci̭kīrṣa॒-ntā-nde॒vā dhru॒veṇā̭dṛgṃha॒-nta-ddhru॒vasya̭ dhruva॒tvaṃ-ya~-ddhru॒va ṷttara॒ta-ssā॒dyate॒ dhṛtyā॒ āyu॒rvā e॒ta-dya॒jñasya॒ ya-ddhru॒va ā॒tmā hotā॒ yaddho̭tṛcama॒se dhru॒va-ma̭va॒naya̭tyā॒tmanne॒va ya॒jñasyā- [ya॒jñasya̭, āyṷ-rdadhāti] 7
-''yṷ-rdadhāti pu॒rastā̭-du॒kthasyā̭-'va॒nīya॒ ityā̭huḥ pu॒rastā॒ddhyāyṷṣo bhu॒ṅkte ma̭ddhya॒to̭-'va॒nīya॒ ityā̭hurmaddhya॒mena॒ hyāyṷṣo bhu॒ṅkta ṷttarā॒rdhḙ-'va॒nīya॒ ityā̭hurutta॒mena॒ hyāyṷṣo bhu॒ṅkte vai᳚śvade॒vyāmṛ॒ci śa॒syamā̭nāyā॒mava̭ nayati vaiśvade॒vyo̭ vai pra॒jāḥ pra॒jāsve॒vā-''yṷrdadhāti || 8 ||
(dhru॒vastasmā̭ - de॒va ya॒jñasyai - kā॒nnaca̭tvāri॒gṃ॒śacca̭) (a. 2)
ya॒jñena॒ vai de॒vā-ssṷva॒rgaṃ-lo~॒kamā̭ya॒-ntḙ-'manyanta manu॒ṣyā̭ no॒-'nvābha̭viṣya॒ntīti॒ te saṃ̭va~thsa॒reṇa̭ yopayi॒tvā sṷva॒rgaṃ-lo~॒kamā̭ya॒-ntamṛṣa̭ya ṛtugra॒haire॒vānu॒ prājā̭na॒n॒. yadṛ̭tugra॒hā gṛ॒hyantḙ suva॒rgasya̭ lo॒kasya॒ prajñā᳚tyai॒ dvāda̭śa gṛhyante॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒rasya॒ prajñā᳚tyai sa॒ha pra̭tha॒mau gṛ̭hyete sa॒hotta॒mau tasmā॒-ddvaudvā̭vṛ॒tū ṷbha॒yato̭mukha-mṛtupā॒tra-mbha̭vati॒ ko [mbha̭vati॒ kaḥ, hi ta-dveda॒] 9
hi ta-dveda॒ yata̭ ṛtū॒nā-mmukha̭mṛ॒tunā॒ preṣyeti॒ ṣa-ṭkṛtva̭ āha॒ ṣaḍvā ṛ॒tava̭ ṛ॒tūne॒va prī̭ṇātyṛ॒tubhi॒riti̭ ca॒tuścatṷṣpada e॒va pa॒śū-nprī̭ṇāti॒ dviḥ puna̭r-ṛ॒tunā̭-''ha dvi॒pada̭ e॒va prī̭ṇātyṛ॒tunā॒ preṣyeti॒ ṣa-ṭkṛtva̭ āha॒rtubhi॒riti̭ ca॒tustasmā॒-ccatṷṣpādaḥ pa॒śava̭ ṛ॒tūnupa̭ jīvanti॒ dviḥ [dviḥ, puna̭r-ṛ॒tunā̭-''ha॒] 10
puna̭r-ṛ॒tunā̭-''ha॒ tasmā᳚-ddvi॒pāda॒ścatṷṣpadaḥ pa॒śūnupa̭ jīvantyṛ॒tunā॒ preṣyeti॒ ṣa-ṭkṛtva̭ āha॒rtubhi॒riti̭ ca॒turdviḥ puna̭r-ṛ॒tunā̭-''hā॒ ''krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ nānyo᳚-'nyamanu॒ prapa̭dyeta॒ yada॒nyo᳚-'nyama̭nu pra॒padyḙta॒rtur-ṛ॒tumanu॒ prapa̭dyeta॒rtavo॒ mohṷkā-ssyuḥ॒ [mohṷkā-ssyuḥ, prasi̭ddhame॒vā-] 11
prasi̭ddhame॒vā-ddhva॒ryu-rdakṣi̭ṇena॒ prapa̭dyate॒ prasi̭ddha-mpratiprasthā॒totta̭reṇa॒ tasmā̭-dādi॒tya-ṣṣaṇmā॒so dakṣi̭ṇenaiti॒ ṣaḍutta̭reṇo-payā॒magṛ̭hīto-'si sa॒gṃ॒ sarpo᳚-'syagṃhaspa॒tyāya॒ tvetyā॒hāsti̭ trayoda॒śo māsa॒ ityā̭hu॒sta-me॒va ta-tprī̭ṇāti || 12 ||
(ko - jī̭vanti॒ dviḥ - syu॒ - ścatṷstrigṃśacca) (a. 3)
su॒va॒rgāya॒ vā e॒te lo॒kāya̭ gṛhyante॒ yadṛ̭tugra॒hā jyoti̭-rindrā॒gnī yadai᳚ndrā॒gna-mṛ̭tupā॒treṇa̭ gṛ॒hṇāti॒ jyoti̭-re॒vā-'smā̭ u॒pari̭ṣṭā-ddadhāti suva॒rgasya̭ lo॒kasyā-'nṷkhyātyā ojo॒bhṛtau॒ vā e॒tau de॒vānāṃ॒-ya~di̭ndrā॒gnī yadai᳚ndrā॒gno gṛ॒hyata॒ oja̭ e॒vāva̭ rundhe vaiśvade॒vagṃ śṷkrapā॒treṇa̭ gṛhṇāti vaiśvade॒vyo̭ vai pra॒jā a॒sāvā̭di॒tya-śśu॒kro ya-dvai᳚śvade॒vagṃ śṷkrapā॒treṇa̭ gṛ॒hṇāti॒ tasmā̭-da॒sā-vā̭di॒tya- [tasmā̭-da॒sā-vā̭di॒tyaḥ, sarvāḥ᳚] 13
-ssarvāḥ᳚ pra॒jāḥ pra॒tyaṅṅudḙti॒ tasmā॒-thsarva̭ e॒va ma̭nyate॒ mā-mpratyuda̭gā॒diti̭ vaiśvade॒vagṃ śṷkrapā॒treṇa̭ gṛhṇāti vaiśvade॒vyo̭ vai pra॒jāstejaḥ̭ śu॒kro ya-dvai᳚śvade॒vagṃ śṷkrapā॒treṇa̭ gṛ॒hṇāti̭ pra॒jāsve॒va tejo̭ dadhāti || 14 ||
(tasmā̭da॒sāvā̭di॒tya - stri॒gṃ॒śacca̭) (a. 4)
indro̭ ma॒rudbhi॒-ssāṃvi~̭dyena॒ māddhya̭ndine॒ sava̭ne vṛ॒trama̭ha॒n॒. yanmāddhya̭ndine॒ sava̭ne marutva॒tīyā̭ gṛ॒hyante॒ vārtra̭ghnā e॒va te yaja̭mānasya gṛhyante॒ tasya̭ vṛ॒tra-ñja॒ghnuṣa̭ ṛ॒tavo̭-'muhya॒nthsa ṛ̭tupā॒treṇa̭ marutva॒tīyā̭nagṛhṇā॒-ttato॒ vai sa ṛ॒tū-nprājā̭nā॒-dyadṛ̭tupā॒treṇa̭ marutva॒tīyā̭ gṛ॒hyanta̭ ṛtū॒nā-mprajñā᳚tyai॒ vajraṃ॒-vā~ e॒taṃ-ya~ja̭māno॒ bhrātṛ̭vyāya॒ pra ha̭rati॒ yanma̭rutva॒tīyā॒ ude॒va pra̭tha॒mena̭ [ude॒va pra̭tha॒mena̭, ya॒ccha॒ti॒ pra ha̭rati] 15
yacchati॒ pra ha̭rati dvi॒tīyḙna stṛṇu॒te tṛ॒tīye॒nā-''yṷdhaṃ॒-vā~ e॒ta-dyaja̭māna॒-ssagg skṷrute॒ yanma̭rutva॒tīyā॒ dhanṷre॒va pra̭tha॒mo jyā dvi॒tīya॒ iṣṷstṛ॒tīyaḥ॒ pratye॒va pra̭tha॒mena̭ dhatte॒ visṛ̭jati dvi॒tīyḙna॒ viddhya̭ti tṛ॒tīye॒nendro̭ vṛ॒tragṃ ha॒tvā parā᳚-mparā॒vata̭-magaccha॒-dapā̭rādha॒miti॒ manya̭māna॒-ssa hari̭to-'bhava॒-thsa e॒tā-nma̭rutva॒tīyā̭-nātma॒spara̭ṇā-napaśya॒-ttāna̭gṛhṇīta [ ] 16
prā॒ṇame॒va pra̭tha॒menā᳚-spṛṇutāpā॒na-ndvi॒tīyḙnā॒-''tmāna̭-ntṛ॒tīyḙnā-''tma॒spara̭ṇā॒ vā e॒te yaja̭mānasya gṛhyante॒ yanma̭rutva॒tīyāḥ᳚ prā॒ṇame॒va pra̭tha॒mena̭ spṛṇute-'pā॒na-ndvi॒tīyḙnā॒-''tmāna̭-ntṛ॒tīye॒nendro̭ vṛ॒trama̭ha॒-nta-nde॒vā a̭bruva-nma॒hān. vā a॒yama̭bhū॒dyo vṛ॒tramava̭dhī॒diti॒ tanma̭he॒ndrasya̭ mahendra॒tvagṃ sa e॒ta-mmā̭he॒ndra-mṷddhā॒ra-muda̭harata vṛ॒tragṃ ha॒tvā-'nyāsṷ de॒vatā॒sva dhi॒ yanmā̭he॒ndro gṛ॒hyata̭ uddhā॒rame॒va taṃ-ya~ja̭māna॒ uddha̭rate॒-'nyāsṷ pra॒jāsvadhi̭ śukrapā॒treṇa̭ gṛhṇāti yajamānadeva॒tyo̭ vai mā̭he॒ndrastejaḥ̭ śu॒kro yanmā̭he॒ndragṃ śṷkrapā॒treṇa̭ gṛ॒hṇāti॒ yaja̭māna e॒va tejo̭ dadhāti || 17 ||
(pra॒tha॒menā̭ - gṛhṇīta - de॒vatā᳚sva॒ - ṣṭāvigṃ̭śatiśca) (a. 5)
adi̭tiḥ pu॒trakā̭mā sā॒ddhyebhyo̭ de॒vebhyo᳚ brahmauda॒nama̭paca॒-ttasyā̭ u॒ccheṣa̭ṇamadadu॒sta-tprā-''śñā॒-thsā reto̭-'dhatta॒ tasyai̭ ca॒tvāra̭ ādi॒tyā a̭jāyanta॒ sā dvi॒tīya̭mapaca॒-thsā-'ma̭nyato॒ccheṣa̭ṇānma i॒me᳚-'jñata॒ yadagre᳚ prāśi॒ṣyāmī॒to me॒ vasī̭yāgṃso janiṣyanta॒ iti॒ sā-'gre॒ prā-''śñā॒-thsā reto̭-'dhatta॒ tasyai॒ vyṛ̭ddhamā॒ṇḍama̭jāyata॒ sā-''di॒tyebhya̭ e॒va [ ] 18
tṛ॒tīya̭mapaca॒-dbhogā̭ya ma i॒dagg śrā॒ntama॒stviti॒ te᳚-'bruva॒n varaṃ̭-vṛ~ṇāmahai॒ yo-'to॒ jāyā̭tā a॒smāka॒gṃ॒ sa eko̭-'sa॒dyo᳚-'sya pra॒jāyā॒mṛddhyā̭tā a॒smāka॒-mbhogā̭ya bhavā॒diti॒ tato॒ viva̭svānādi॒tyo̭ 'jāyata॒ tasya॒ vā i॒ya-mpra॒jā yanma̭nu॒ṣyā᳚stāsveka̭ e॒vardho yo yaja̭te॒ sa de॒vānā॒-mbhogā̭ya bhavati de॒vā vai ya॒jñā- [ya॒jñāt, ru॒dra-ma॒nta-] 19
-dru॒dra-ma॒nta-rā̭ya॒n-thsa ā̭di॒tyāna॒nvākra̭mata॒ te dvi̭deva॒tyā᳚-nprāpa̭dyanta॒ tā-nna prati॒ prāya̭ccha॒-ntasmā॒dapi॒ vaddhya॒-mprapa̭nna॒-nna prati॒ praya̭cchanti॒ tasmā᳚-ddvideva॒tye᳚bhya ādi॒tyo nirgṛ̭hyate॒ yadu॒ccheṣa̭ṇā॒-dajā̭yanta॒ tasmā̭-du॒ccheṣa̭ṇā-dgṛhyate ti॒sṛbhi̭r-ṛ॒gbhirgṛ̭hṇāti mā॒tā pi॒tā pu॒trastade॒va tanmi̭thu॒na-mulba॒-ṅgarbho̭ ja॒rāyu॒ tade॒va ta- [tade॒va tat, mi॒thu॒na-mpa॒śavo॒] 20
-nmi̭thu॒na-mpa॒śavo॒ vā e॒te yadā̭di॒tya ūrgdadhi̭ da॒ddhnā ma̭ddhya॒ta-śśrī̭ṇā॒tyūrja̭me॒va pa̭śū॒nā-mma̭ddhya॒to da̭dhāti śṛtāta॒ṅkyḙna meddhya॒tvāya॒ tasmā̭dā॒mā pa॒kva-ndṷhe pa॒śavo॒ vā e॒te yadā̭di॒tyaḥ pa̭ri॒śritya̭ gṛhṇāti prati॒ruddhyai॒vā-'smai̭ pa॒śū-ngṛ̭hṇāti pa॒śavo॒ vā e॒te yadā̭di॒tya e॒ṣa ru॒dro yada॒gniḥ pa̭ri॒śritya̭ gṛhṇāti ru॒drāde॒va pa॒śū-na॒nta-rda̭dhā- [-na॒nta-rda̭dhāti, e॒ṣa vai] 21
-tye॒ṣa vai viva̭svānādi॒tyo yadṷpāgṃ śu॒sava̭na॒-ssa e॒tame॒va so̭mapī॒tha-mpari̭ śaya॒ ā tṛ̭tīyasava॒nā-dviva̭sva ādityai॒ṣa tḙ somapī॒tha ityā̭ha॒ viva̭svanta-me॒vā-''di॒tyagṃ so̭mapī॒thena॒ sama̭rdhayati॒ yā di॒vyā vṛṣṭi॒stayā᳚ tvā śrīṇā॒mīti॒ vṛṣṭi̭kāmasya śrīṇīyā॒-dvṛṣṭi̭me॒vāva̭ rundhe॒ yadi̭ tā॒ja-kpra॒skande॒-dvarṣṷkaḥ pa॒rjanyaḥ̭ syā॒dyadi̭ ci॒ramava̭rṣuko॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣaṭku॒ryā--dru॒dra-mpra॒jā a॒nvava̭sṛje॒nna hu॒tvānvī᳚kṣeta॒ yada॒nvīkṣḙta॒ cakṣṷrasya pra॒māyṷkagg syā॒-ttasmā॒nnānvīkṣyaḥ̭ || 22 ||
(e॒va - ya॒jñā - jja॒rāyu॒ tade॒va tada॒ - ntarda̭dhāti॒ - na - sa॒ptavigṃ̭śatiśca) (a. 6)
a॒nta॒ryā॒ma॒pā॒treṇa̭ sāvi॒tra-mā᳚graya॒ṇā-dgṛ̭hṇāti pra॒jāpa̭ti॒rvā e॒ṣa yadā᳚graya॒ṇaḥ pra॒jānā᳚-mpra॒jana̭nāya॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣaṭku॒ryā-dru॒dra-mpra॒jā a॒nvava̭sṛje-de॒ṣa vai gā̭ya॒tro de॒vānāṃ॒-ya~-thsa̭vi॒taiṣa gā̭yatri॒yai lo॒ke gṛ̭hyate॒ yadā᳚graya॒ṇo yada̭ntaryāmapā॒treṇa̭ sāvi॒tra-mā᳚graya॒ṇā-dgṛ॒hṇāti॒ svā-de॒vainaṃ॒-yo~ne॒-rnirgṛ̭hṇāti॒ viśvḙ [viśve᳚, de॒vā-stṛ॒tīya॒gṃ॒] 23
de॒vā-stṛ॒tīya॒gṃ॒ sava̭na॒-nnoda̭yaccha॒-nte sa̭vi॒tāra̭-mprātassava॒nabhā̭ga॒gṃ॒ santa̭-ntṛtīyasava॒nama॒bhi parya̭ṇaya॒-ntato॒ vai te tṛ॒tīya॒gṃ॒ sava̭na॒-muda̭yaccha॒n॒. ya-ttṛ̭tīyasava॒ne sā̭vi॒tro gṛ॒hyatḙ tṛ॒tīya̭sya॒ sava̭na॒syodya̭tyai savitṛpā॒treṇa̭ vaiśvade॒va-ṅka॒laśā᳚-dgṛhṇāti vaiśvade॒vyo̭ vai pra॒jā vai᳚śvade॒vaḥ ka॒laśaḥ̭ savi॒tā pra̭sa॒vānā̭mīśe॒ ya-thsa̭vitṛpā॒treṇa̭ vaiśvade॒va-ṅka॒laśā᳚-dgṛ॒hṇāti̭ savi॒tṛpra̭sūta e॒vāsmai᳚ pra॒jāḥ pra [pra॒jāḥ pra, ja॒na॒ya॒ti॒ some॒ soma̭ma॒bhi] 24
ja̭nayati॒ some॒ soma̭ma॒bhi gṛ̭hṇāti॒ reta̭ e॒va ta-dda̭dhāti su॒śarmā̭-'si supratiṣṭhā॒na ityā̭ha॒ some॒ hi soma̭mabhigṛ॒hṇāti॒ prati̭ṣṭhityā e॒tasmi॒n vā api॒ grahḙ manu॒ṣye᳚bhyo de॒vebhyaḥ̭ pi॒tṛbhyaḥ̭ kriyate su॒śarmā̭-'si supratiṣṭhā॒na ityā̭ha manu॒ṣye᳚bhya e॒vaitena̭ karoti bṛ॒hadityā̭ha de॒vebhya̭ e॒vaitena̭ karoti॒ nama॒ ityā̭ha pi॒tṛbhya̭ e॒vaitena̭ karotye॒ tāva̭tī॒ rvai de॒vatā॒stābhya̭ e॒vaina॒gṃ॒ sarvā᳚bhyo gṛhṇātye॒ṣa te॒ yoni॒rviśve᳚bhyastvā de॒vebhya॒ ityā̭ha vaiśvade॒vo hyḙṣaḥ || 25 ||
(viśve॒ - pra - pi॒tṛbhya̭ e॒vaitena̭ karo॒tye - kā॒nnavigṃ̭śa॒tiśca̭) (a. 7)
prā॒ṇo vā e॒ṣa yadṷpā॒gṃ॒śu-ryadṷpāgṃśupā॒treṇa̭ pratha॒maśco᳚tta॒maśca॒ grahaṷ gṛ॒hyete᳚ prā॒ṇame॒vānṷ pra॒yanti̭ prā॒ṇamanūdya̭nti pra॒jāpa̭ti॒rvā e॒ṣa yadā᳚graya॒ṇaḥ prā॒ṇa ṷpā॒gṃ॒śuḥ patnīḥ᳚ pra॒jāḥ pra ja̭nayanti॒ yadṷpāgṃśupā॒treṇa̭ pātnīva॒tamā᳚graya॒ṇā-dgṛ॒hṇāti̭ pra॒jānā᳚-mpra॒jana̭nāya॒ tasmā᳚-tprā॒ṇa-mpra॒jā anu॒ pra jā̭yante de॒vā vā i॒ta i̭taḥ॒ patnī᳚-ssuva॒rgaṃ- [patnī᳚-ssuva॒rgam, lo॒ka-ma̭jigāgṃsa॒-nte] 26
-~lo॒ka-ma̭jigāgṃsa॒-nte sṷva॒rgaṃ-lo~॒ka-nna prājā̭na॒-nta e॒ta-mpā᳚tnīva॒tama̭paśya॒-ntama̭gṛhṇata॒ tato॒ vai te sṷva॒rgaṃ-lo~॒ka-mprājā̭na॒n॒. ya-tpā᳚tnīva॒to gṛ॒hyatḙ suva॒rgasya̭ lo॒kasya॒ prajñā᳚tyai॒ sa somo॒ nāti̭ṣṭhata strī॒bhyo gṛ॒hyamā̭ṇa॒sta-ṅghṛ॒taṃ-va~jra̭-ṅkṛ॒tvā-'ghna॒-nta-nniri̭ndriya-mbhū॒tama̭gṛhṇa॒-ntasmā॒-thstriyo॒ niri̭ndriyā॒ adā̭yādī॒rapi̭ pā॒pā-tpu॒gṃ॒sa upa̭stitaraṃ- [upa̭stitaram, va॒da॒nti॒ ya-dghṛ॒tena̭] 27
-~vadanti॒ ya-dghṛ॒tena̭ pātnīva॒tagg śrī॒ṇāti॒ vajrḙṇai॒vainaṃ॒-va~śḙ kṛ॒tvā gṛ̭hṇā-tyupayā॒magṛ̭hīto॒-'sītyā̭he॒yaṃ-vā~ ṷpayā॒ma-stasmā̭di॒mā-mpra॒jā anu॒ pra jā̭yante॒ bṛha॒spati̭sutasya ta॒ ityā̭ha॒ brahma॒ vai de॒vānā॒-mbṛha॒spati॒-rbrahma̭ṇai॒vāsmai᳚ pra॒jāḥ pra ja̭nayatīndo॒ ityā̭ha॒ reto॒ vā indū॒ reta̭ e॒va ta-dda̭dhātīndriyāva॒ i- [iti̭, ā॒ha॒ pra॒jā] 28
-tyā̭ha pra॒jā vā i̭ndri॒ya-mpra॒jā e॒vāsmai॒ pra ja̭naya॒tyagnā(3) ityā̭hā॒gnirvai rḙto॒dhāḥ patnī̭va॒ ityā̭ha mithuna॒tvāya̭ sa॒jūrde॒vena॒ tvaṣṭrā॒ soma̭-mpi॒betyā̭ha॒ tvaṣṭā॒ vai pa̭śū॒nā-mmi̭thu॒nānāgṃ̭ rūpa॒kṛ-drū॒pame॒va pa॒śuṣṷ dadhāti de॒vā vai tvaṣṭā̭ramajighāgṃsa॒n-thsa patnīḥ॒ prāpa̭dyata॒ ta-nna prati॒ prā-'ya̭ccha॒-ntasmā॒dapi॒ [prā-'ya̭ccha॒-ntasmā॒dapi̭, vaddhya॒-mprapa̭nna॒-] 29
vaddhya॒-mprapa̭nna॒-nna prati॒ praya̭cchanti॒ tasmā᳚-tpātnīva॒te tvaṣṭre-'pi̭ gṛhyate॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣa-ṭku॒ryā-dru॒dra-mpra॒jā a॒nvava̭sṛje॒-dyannā-'nṷvaṣaṭku॒ryā-daśā᳚nta-ma॒gnī-thsoma̭-mbhakṣaye-dupā॒g॒śvanu॒ vaṣa̭-ṭkaroti॒ na ru॒dra-mpra॒jā a̭nvavasṛ॒jati̭ śā॒ntama॒gnī-thsoma̭-mbhakṣaya॒tyagnī॒-nneṣṭṷ-ru॒pastha॒mā sī̭da॒ [sī̭da, neṣṭaḥ॒ patnī̭-] 30
neṣṭaḥ॒ patnī̭-mu॒dāna॒yetyā̭hā॒-gnīde॒va neṣṭa̭ri॒ reto॒ dadhā̭ti॒ neṣṭā॒ patni̭yāmu-dgā॒trā sa-ṅkhyā̭payati pra॒jāpa̭ti॒rvā e॒ṣa yadṷdgā॒tā pra॒jānā᳚-mpra॒jana̭nāyā॒pa upa॒ pra va̭rtayati॒ reta̭ e॒va ta-thsi̭ñcatyū॒ruṇopa॒ pra va̭rtayatyū॒ruṇā॒ hi retaḥ̭ si॒cyatḙ nagna॒-ṅkṛtyo॒-rumupa॒ pra va̭rtayati ya॒dā hi na॒gna ū॒rurbhava॒tyatha̭ mithu॒nī bha̭va॒to-'tha॒ retaḥ̭ sicya॒te-'tha̭ pra॒jāḥ pra jā̭yante || 31 ||
(patnī᳚-ssuva॒rga - mupa̭stitara - mindriyāva॒ itya - pi̭ - sīda - mithu॒nya̭ - ṣṭau ca̭) (a. 8)
indro̭ vṛ॒trama̭ha॒-ntasya̭ śīrṣakapā॒la-mudau᳚bja॒-thsa dro̭ṇakala॒śo̭-'bhava॒-ttasmā॒-thsoma॒-ssama̭srava॒-thsa hā̭riyoja॒no̭-'bhava॒-ttaṃ-vya~̭cikithsa-jju॒havā॒nī(3) mā hau॒ṣā(3)-miti॒ so̭-'manyata॒ yaddho॒ṣyāmyā॒magṃ ho᳚ṣyāmi॒ yanna ho॒ṣyāmi̭ yajñaveśa॒sa-ṅka̭riṣyā॒mīti॒ tama̭ddhriyata॒ hotu॒gṃ॒ so᳚-'gni-ra̭bravī॒nna mayyā॒magṃ ho᳚ṣya॒sīti॒ ta-ndhā॒nābhi̭-raśrīṇā॒- [-raśrīṇāt, tagṃ śṛ॒ta-] 32
-ttagṃ śṛ॒ta-mbhū॒ta-ma̭juho॒dya-ddhā॒nābhi̭r-hāriyoja॒nagg śrī॒ṇāti̭ śṛta॒tvāya̭ śṛ॒ta-me॒vaina̭-mbhū॒ta-ñjṷhoti ba॒hvībhiḥ̭ śrīṇātye॒tāva̭tī-re॒vāsyā॒-muṣmi̭n ~lo॒ke kā̭ma॒dughā̭ bhava॒ntyatho॒ khalvā̭hure॒tā vā indra̭sya॒ pṛśña̭yaḥ kāma॒dughā॒ yaddhā̭riyoja॒nīriti॒ tasmā᳚-dba॒hvībhiḥ̭ śrīṇīyādṛkhsā॒me vā indra̭sya॒ harī̭ soma॒pānau॒ tayoḥ᳚ pari॒dhaya̭ ā॒dhānaṃ॒-ya~dapra̭hṛtya pari॒dhī-ñjṷhu॒yā-da॒ntarā̭dhānābhyā- [-da॒ntarā̭dhānābhyām, ghā॒sa-mpra] 33
-ṅghā॒sa-mpra ya̭cche-tpra॒hṛtya̭ pari॒dhīñjṷhoti॒ nirā̭dhānābhyā-me॒va ghā॒sa-mpra ya̭cchatyunne॒tā jṷhoti yā॒tayā̭meva॒ hyḙtarhya̭ddhva॒ryu-ssva॒gākṛ̭to॒ ya-da̭ddhva॒ryu-rjṷhu॒yā-dyathā॒ vimṷkta॒-mpuna̭ryu॒nakti̭ tā॒dṛge॒va tacchī॒r॒ṣa-nna̭dhini॒dhāya̭ juhoti śīrṣa॒to hi sa sa॒mabha̭va-dvi॒kramya̭ juhoti vi॒kramya॒ hīndro̭ vṛ॒tramaha॒n-thsamṛ̭ddhyai pa॒śavo॒ vai hā̭riyoja॒nīrya-thsa̭bhi॒nndyā-dalpā̭ [-dalpāḥ᳚, e॒na॒-mpa॒śavo̭] 34
ena-mpa॒śavo̭ bhu॒ñjanta॒ upa̭tiṣṭhera॒n॒. yanna sa̭bhi॒nndyā-dba॒hava̭ ena-mpa॒śavo-'bhṷñjanta॒ upa̭ tiṣṭhera॒-nmana̭sā॒ sa-mbā̭dhata u॒bhaya̭-ṅkaroti ba॒hava̭ e॒vaina̭-mpa॒śavo̭ bhu॒ñjanta॒ upa̭ tiṣṭhanta unne॒taryṷpaha॒va-mi̭cchante॒ ya e॒va tatra̭ somapī॒thasta-me॒vāva̭ rundhata uttarave॒dyā-nniva̭pati pa॒śavo॒ vā ṷttarave॒diḥ pa॒śavo̭ hāriyoja॒nīḥ pa॒śuṣve॒va pa॒śū-nprati̭ ṣṭhāpayanti || 35 ||
(a॒śrī॒ṇā॒ - da॒ntarā̭dhānābhyā॒ - malpāḥ᳚ - sthāpayanti) (a. 9)
grahā॒n॒. vā anṷ pra॒jāḥ pa॒śavaḥ॒ pra jā̭yanta upāgśvantaryā॒-māva̭jā॒vayaḥ̭ śu॒krāma॒nthinau॒ purṷṣā ṛtugra॒hā-neka̭śaphā ādityagra॒ha-ṅgāva̭ ādityagra॒ho bhūyi̭ṣṭhābhir-ṛ॒gbhirgṛ̭hyate॒ tasmā॒-dgāvaḥ̭ paśū॒nā-mbhūyi̭ṣṭhā॒ ya-ttrirṷpā॒gṃ॒ śugṃ hastḙna vigṛ॒hṇāti॒ tasmā॒-ddvau trīna॒jā ja॒naya॒tyathāva̭yo॒ bhūya̭sīḥ pi॒tā vā e॒ṣa yadā᳚graya॒ṇaḥ pu॒traḥ ka॒laśo॒ yadā᳚graya॒ṇa ṷpa॒dasye᳚-tka॒laśā᳚-dgṛhṇīyā॒-dyathā̭ pi॒tā [ ] 36
pu॒tra-ṅkṣi॒ta ṷpa॒dhāva̭ti tā॒dṛge॒va tadya-tka॒laśa̭ upa॒dasyḙ-dāgraya॒ṇā-dgṛ̭hṇīyā॒-dyathā̭ pu॒traḥ pi॒tara̭-ṅkṣi॒ta ṷpa॒dhāva̭ti tā॒dṛge॒va tadā॒tmā vā e॒ṣa ya॒jñasya॒ yadā᳚graya॒ṇo yadgraho̭ vā ka॒laśo̭ vopa॒dasyḙ-dāgraya॒ṇā-dgṛ̭hṇīyādā॒tmana̭ e॒vādhi̭ ya॒jña-nniṣka̭ro॒tyavi̭jñāto॒ vā e॒ṣa gṛ̭hyate॒ yadā᳚graya॒ṇa-ssthā॒lyā gṛ॒hṇāti̭ vāya॒vyḙna juhoti॒ tasmā॒- [tasmā᳚t, garbhe॒ṇā 'vi̭jñātena] 37
-dgarbhe॒ṇā 'vi̭jñātena brahma॒hā 'va̭bhṛ॒thamava̭ yanti॒ parā᳚ sthā॒līrasya॒ntyu-dvā̭ya॒vyā̭ni haranti॒ tasmā॒-thstriya̭-ñjā॒tā-mparā᳚-'sya॒ntyu-tpumāgṃ̭ sagṃ haranti॒ ya-tpṷro॒ruca॒māha॒ yathā॒ vasya̭sa ā॒hara̭ti tā॒dṛge॒va ta-dya-dgraha̭-ṅgṛ॒hṇāti॒ yathā॒ vasya̭sa ā॒hṛtya॒ prā-''ha̭ tā॒dṛge॒va ta-dya-thsā॒daya̭ti॒ yathā॒ vasya̭sa upani॒dhāyā̭-pa॒krāma̭ti tā॒dṛge॒va ta-dya dvai ya॒jñasya॒ sāmnā॒ yajṷṣā kri॒yatḙ śithi॒la-nta-dyadṛ॒cā ta-ddṛ॒ḍha-mpu॒rastā̭dupayāmā॒ yajṷṣā gṛhyanta u॒pari̭ṣṭā-dupayāmā ṛ॒cā ya॒jñasya॒ dhṛtyai᳚ || 38 ||
(yathā̭ pi॒tā-tasmā̭-dapa॒krāma̭ti tā॒dṛge॒va ta-dya-da॒ṣṭā da̭śa ca) (a. 10)
prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒-'mume॒va tairlo॒kama॒bhi ja̭yati॒ parā̭ṅiva॒ hya̭sau lo॒ko yāni॒ punaḥ̭ prayu॒jyanta̭ i॒mame॒va tairlo॒kama॒bhi ja̭yati॒ punaḥ̭puna-riva॒ hya̭yaṃ-lo~॒kaḥ prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒ tānyanvoṣa̭dhayaḥ॒ parā̭ bhavanti॒ yāni॒ punaḥ̭ [punaḥ̭, pra॒yu॒jyante॒] 39
prayu॒jyante॒ tānyanvoṣa̭dhayaḥ॒ puna॒rā bha̭vanti॒ prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒ tānyanvā̭ra॒ṇyāḥ pa॒śavo-'ra̭ṇya॒-mapa̭ yanti॒ yāni॒ punaḥ̭ prayu॒jyante॒ tānyanṷ grā॒myāḥ pa॒śavo॒ grāma̭-mu॒pāva̭yanti॒ yo vai grahā̭ṇā-nni॒dānaṃ॒-ve~da̭ ni॒dāna̭vā-nbhava॒tyājya॒-mityu॒ktha-ntadvai grahā̭ṇā-nni॒dānaṃ॒-ya~dṷpā॒gṃ॒śu śagṃsa̭ti॒ ta- [śagṃsa̭ti॒ tat, u॒pā॒gśva॒nta॒ryā॒mayo॒-] 40
-dṷpāgśvantaryā॒mayo॒-ryadu॒ccai-stadita̭reṣā॒-ṅgrahā̭ṇāme॒tadvai grahā̭ṇā-nni॒dānaṃ॒-ya~ e॒vaṃ-ve~da̭ ni॒dāna̭vā-nbhavati॒ yo vai grahā̭ṇā-mmithu॒naṃ-ve~da॒ pra pra॒jayā̭ pa॒śubhi̭-rmithu॒nai-rjā̭yate sthā॒lībhi̭-ra॒nye grahā̭ gṛ॒hyantḙ vāya॒vyai̭-ra॒nya e॒tadvai grahā̭ṇā-mmithu॒naṃ-ya~ e॒vaṃ-ve~da॒ pra pra॒jayā̭ pa॒śubhi̭-rmithu॒nai-rjā̭yata॒ indra॒stvaṣṭu॒-ssoma̭-mabhī॒ṣahā̭-'piba॒-thsa viṣva॒- [viṣvaṅṋ̇, vyā᳚rccha॒-thsa] 41
ṅvyā᳚rccha॒-thsa ā॒tmannā॒rama̭ṇa॒-nnāvi̭nda॒-thsa e॒tā-na̭nusava॒na-mpṷro॒ḍāśā̭napaśya॒-ttā-nnira̭vapa॒-ttairvai sa ā॒tmannā॒rama̭ṇa-makuruta॒ tasmā̭-danusava॒na-mpṷro॒ḍāśā॒ nirṷpyante॒ tasmā̭-danusava॒na-mpṷro॒ḍāśā̭nā॒-mprā-'śñī̭yādā॒tma-nne॒vā-''rama̭ṇa-ṅkurute॒ naina॒gṃ॒ somo-'ti̭ pavate brahmavā॒dino̭ vadanti॒ narcā na yajṷṣā pa॒ṅkti-rā᳚pya॒te-'tha॒ kiṃ ~ya॒jñasya̭ pāṅkta॒tvamiti̭ dhā॒nāḥ ka̭ra॒mbhaḥ pa̭rivā॒paḥ pṷro॒ḍāśaḥ̭ paya॒syā̭ tena̭ pa॒ṅkti-rā᳚pyate॒ ta-dya॒jñasya̭ pāṅkta॒tvam || 42 ||
(bha॒va॒nti॒ yāni॒ punaḥ॒ - śagṃsa̭ti॒ ta - dviṣvaṃ॒ - kiṃ - catṷrdaśa ca) (a. 11)
(indro̭ vṛ॒trāya- ''yu॒rve - ya॒jñena̭ - suva॒rgā - yendro̭ ma॒rudbhi॒ - radi̭ti - rantaryāmapā॒treṇa̭ - prā॒ṇa ṷpāgṃśu pā॒tre - ṇendro̭ vṛ॒trama̭ha॒-ntasya॒ - grahā॒n - prānyā - nyekā̭daśa)
(indro̭ vṛ॒trāya॒ - puna̭r-ṛ॒tunā̭-''ha - mithu॒na-mpa॒śavo॒ - neṣṭaḥ॒ patnī̭ - mupāgśvantaryā॒mayo॒ - dvica̭tvārigṃśat)
(indro̭ vṛ॒trāya̭, pāṅkta॒tvam)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe pañcamaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहितायां षष्ठकाण्डे पञ्चमः प्रश्नः - सोममन्त्रब्राह्मणनिरूपणं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
इन्द्रो॑ वृ॒त्राय॒ वज्र॒मुद॑यच्छ॒-थ्स वृ॒त्रो वज्रा॒दुद्य॑तादबिभे॒-थ्सो᳚-ऽब्रवी॒न्मा मे॒ प्र हा॒रस्ति॒ वा इ॒द-म्मयि॑ वी॒र्यं॑ त-त्ते॒ प्र दा᳚स्या॒मीति॒ तस्मा॑ उ॒क्थ्य॑-म्प्राय॑च्छ॒-त्तस्मै᳚ द्वि॒तीय॒मुद॑यच्छ॒-थ्सो᳚-ऽब्रवी॒न्मा म॒ प्र हा॒रस्ति॒ वा इ॒द-म्मयि॑ वी॒र्य॑-न्त-त्ते॒ प्र दा᳚स्या॒मीति॒ [प्र दा᳚स्या॒मीति॑, तस्मा॑ उ॒क्थ्य॑मे॒व] 1
तस्मा॑ उ॒क्थ्य॑मे॒व प्राय॑च्छ॒-त्तस्मै॑ तृ॒तीय॒मुद॑यच्छ॒-त्तं-विँष्णु॒रन्व॑तिष्ठत ज॒हीति॒ सो᳚-ऽब्रवी॒न्मा मे॒ प्र हा॒रस्ति॒ वा इ॒द-म्मयि॑ वी॒र्य॑-न्त-त्ते॒ प्र दा᳚स्या॒मीति॒ तस्मा॑ उ॒क्थ्य॑मे॒व प्राय॑च्छ॒-त्त-न्निर्मा॑य-म्भू॒तम॑हन्. य॒ज्ञो हि तस्य॑ मा॒या-ऽऽसी॒-द्यदु॒क्थ्यो॑ गृ॒ह्यत॑ इन्द्रि॒यमे॒व [ ] 2
त-द्वी॒र्यं॑-यँज॑मानो॒ भ्रातृ॑व्यस्य वृङ्क्त॒ इन्द्रा॑य त्वा बृ॒ह-द्व॑ते॒ वय॑स्वत॒ इत्या॒हेन्द्रा॑य॒ हि स त-म्प्राय॑च्छ॒-त्तस्मै᳚ त्वा॒ विष्ण॑वे॒ त्वेत्या॑ह॒ यदे॒व विष्णु॑र॒न्वति॑ष्ठत ज॒हीति॒ तस्मा॒-द्विष्णु॑म॒न्वाभ॑जति॒ त्रिर्निर्गृ॑ह्णाति॒ त्रिर्हि स त-न्तस्मै॒ प्राय॑च्छदे॒ष ते॒ योनिः॒ पुन॑र्हविर॒सीत्या॑ह॒ पुनः॑पुन॒- [पुनः॑पुनः, ह्य॑स्मा-] 3
र्-ह्य॑स्मा-न्निर्गृ॒ह्णाति॒ चक्षु॒र्वा ए॒त-द्य॒ज्ञस्य॒ यदु॒क्थ्य॑-स्तस्मा॑दु॒क्थ्यग्ं॑ हु॒तग्ं सोमा॑ अ॒न्वाय॑न्ति॒ तस्मा॑दा॒त्मा चक्षु॒रन्वे॑ति॒ तस्मा॒देकं॒-यँन्त॑-म्ब॒हवो-ऽनु॑ यन्ति॒ तस्मा॒देको॑ बहू॒ना-म्भ॒द्रो भ॑वति॒ तस्मा॒देको॑ ब॒ह्वीर्जा॒या वि॑न्दते॒ यदि॑ का॒मये॑ता-द्ध्व॒र्यु-रा॒त्मानं॑-यँज्ञ यश॒सेना᳚-र्पयेय॒-मित्य॑न्त॒रा-ऽऽह॑व॒नीय॑-ञ्च हवि॒र्धान॑-ञ्च॒ तिष्ठ॒न्नव॑ नये- [नयेत्, आ॒त्मान॑मे॒व] 4
-दा॒त्मान॑मे॒व य॑ज्ञयश॒सेना᳚र्पयति॒ यदि॑ का॒मये॑त॒ यज॑मानं-यँज्ञ यश॒सेना᳚र्पयेय॒-मित्य॑न्त॒रा स॑दोहविर्धा॒ने तिष्ठ॒न्नव॑ नये॒-द्यज॑मानमे॒व य॑ज्ञयश॒सेना᳚-र्पयति॒ यदि॑ का॒मये॑त सद॒स्यान्॑ यज्ञ यश॒सेना᳚-र्पयेय॒मिति॒ सद॑ आ॒लभ्याव॑ नये-थ्सद॒स्या॑ने॒व य॑ज्ञयश॒सेना᳚र्पयति ॥ 5 ॥
(इती᳚ - न्द्रि॒यमे॒व - पुनः॑ पुन - र्नये॒त् - त्रय॑स्त्रिग्ंशच्च) (अ. 1)
आयु॒र्वा ए॒त-द्य॒ज्ञस्य॒ य-द्ध्रु॒व उ॑त्त॒मो ग्रहा॑णा-ङ्गृह्यते॒ तस्मा॒-दायुः॑ प्रा॒णाना॑-मुत्त॒म-म्मू॒र्धान॑-न्दि॒वो अ॑र॒ति-म्पृ॑थि॒व्या इत्या॑ह मू॒र्धान॑-मे॒वैनग्ं॑ समा॒नाना᳚-ङ्करोति वैश्वान॒र-मृ॒ताय॑ जा॒त-म॒ग्नि-मित्या॑ह वैश्वान॒रग्ं हि दे॒वत॒या-ऽऽयु॑-रुभ॒यतो॑ वैश्वानरो गृह्यते॒ तस्मा॑-दुभ॒यतः॑ प्रा॒णा अ॒धस्ता᳚-च्चो॒परि॑ष्टा-च्चा॒र्धिनो॒-ऽन्ये ग्रहा॑ गृ॒ह्यन्ते॒-ऽर्धी ध्रु॒व-स्तस्मा॑- [ध्रु॒व-स्तस्मा᳚त्, अ॒र्ध्यवा᳚-] 6
-द॒र्ध्यवा᳚-म्प्रा॒णो᳚-ऽन्येषा᳚-म्प्रा॒णाना॒-मुपो᳚प्ते॒-ऽन्ये ग्रहा᳚-स्सा॒द्यन्ते-ऽनु॑पोप्ते ध्रु॒वस्तस्मा॑-द॒स्थ्नान्याः प्र॒जाः प्र॑ति॒तिष्ठ॑न्ति मा॒ग्ं॒सेना॒न्या असु॑रा॒ वा उ॑त्तर॒तः पृ॑थि॒वी-म्प॒र्याचि॑कीर्ष॒-न्ता-न्दे॒वा ध्रु॒वेणा॑दृग्ंह॒-न्त-द्ध्रु॒वस्य॑ ध्रुव॒त्वं-यँ-द्ध्रु॒व उ॑त्तर॒त-स्सा॒द्यते॒ धृत्या॒ आयु॒र्वा ए॒त-द्य॒ज्ञस्य॒ य-द्ध्रु॒व आ॒त्मा होता॒ यद्धो॑तृचम॒से ध्रु॒व-म॑व॒नय॑त्या॒त्मन्ने॒व य॒ज्ञस्या- [य॒ज्ञस्य॑, आयु॑-र्दधाति] 7
-ऽऽयु॑-र्दधाति पु॒रस्ता॑-दु॒क्थस्या॑-ऽव॒नीय॒ इत्या॑हुः पु॒रस्ता॒द्ध्यायु॑षो भु॒ङ्क्ते म॑द्ध्य॒तो॑-ऽव॒नीय॒ इत्या॑हुर्मद्ध्य॒मेन॒ ह्यायु॑षो भु॒ङ्क्त उ॑त्तरा॒र्धे॑-ऽव॒नीय॒ इत्या॑हुरुत्त॒मेन॒ ह्यायु॑षो भु॒ङ्क्ते वै᳚श्वदे॒व्यामृ॒चि श॒स्यमा॑नाया॒मव॑ नयति वैश्वदे॒व्यो॑ वै प्र॒जाः प्र॒जास्वे॒वा-ऽऽयु॑र्दधाति ॥ 8 ॥
(ध्रु॒वस्तस्मा॑ - दे॒व य॒ज्ञस्यै - का॒न्नच॑त्वारि॒ग्ं॒शच्च॑) (अ. 2)
य॒ज्ञेन॒ वै दे॒वा-स्सु॑व॒र्गं-लोँ॒कमा॑य॒-न्ते॑-ऽमन्यन्त मनु॒ष्या॑ नो॒-ऽन्वाभ॑विष्य॒न्तीति॒ ते सं॑वँथ्स॒रेण॑ योपयि॒त्वा सु॑व॒र्गं-लोँ॒कमा॑य॒-न्तमृष॑य ऋतुग्र॒हैरे॒वानु॒ प्राजा॑न॒न्॒. यदृ॑तुग्र॒हा गृ॒ह्यन्ते॑ सुव॒र्गस्य॑ लो॒कस्य॒ प्रज्ञा᳚त्यै॒ द्वाद॑श गृह्यन्ते॒ द्वाद॑श॒ मासा᳚-स्संवँथ्स॒र-स्सं॑वँथ्स॒रस्य॒ प्रज्ञा᳚त्यै स॒ह प्र॑थ॒मौ गृ॑ह्येते स॒होत्त॒मौ तस्मा॒-द्द्वौद्वा॑वृ॒तू उ॑भ॒यतो॑मुख-मृतुपा॒त्र-म्भ॑वति॒ को [म्भ॑वति॒ कः, हि त-द्वेद॒] 9
हि त-द्वेद॒ यत॑ ऋतू॒ना-म्मुख॑मृ॒तुना॒ प्रेष्येति॒ ष-ट्कृत्व॑ आह॒ षड्वा ऋ॒तव॑ ऋ॒तूने॒व प्री॑णात्यृ॒तुभि॒रिति॑ च॒तुश्चतु॑ष्पद ए॒व प॒शू-न्प्री॑णाति॒ द्विः पुन॑र्-ऋ॒तुना॑-ऽऽह द्वि॒पद॑ ए॒व प्री॑णात्यृ॒तुना॒ प्रेष्येति॒ ष-ट्कृत्व॑ आह॒र्तुभि॒रिति॑ च॒तुस्तस्मा॒-च्चतु॑ष्पादः प॒शव॑ ऋ॒तूनुप॑ जीवन्ति॒ द्विः [द्विः, पुन॑र्-ऋ॒तुना॑-ऽऽह॒] 10
पुन॑र्-ऋ॒तुना॑-ऽऽह॒ तस्मा᳚-द्द्वि॒पाद॒श्चतु॑ष्पदः प॒शूनुप॑ जीवन्त्यृ॒तुना॒ प्रेष्येति॒ ष-ट्कृत्व॑ आह॒र्तुभि॒रिति॑ च॒तुर्द्विः पुन॑र्-ऋ॒तुना॑-ऽऽहा॒ ऽऽक्रम॑णमे॒व त-थ्सेतुं॒-यँज॑मानः कुरुते सुव॒र्गस्य॑ लो॒कस्य॒ सम॑ष्ट्यै॒ नान्यो᳚-ऽन्यमनु॒ प्रप॑द्येत॒ यद॒न्यो᳚-ऽन्यम॑नु प्र॒पद्ये॑त॒र्तुर्-ऋ॒तुमनु॒ प्रप॑द्येत॒र्तवो॒ मोहु॑का-स्स्युः॒ [मोहु॑का-स्स्युः, प्रसि॑द्धमे॒वा-] 11
प्रसि॑द्धमे॒वा-द्ध्व॒र्यु-र्दक्षि॑णेन॒ प्रप॑द्यते॒ प्रसि॑द्ध-म्प्रतिप्रस्था॒तोत्त॑रेण॒ तस्मा॑-दादि॒त्य-ष्षण्मा॒सो दक्षि॑णेनैति॒ षडुत्त॑रेणो-पया॒मगृ॑हीतो-ऽसि स॒ग्ं॒ सर्पो᳚-ऽस्यग्ंहस्प॒त्याय॒ त्वेत्या॒हास्ति॑ त्रयोद॒शो मास॒ इत्या॑हु॒स्त-मे॒व त-त्प्री॑णाति ॥ 12 ॥
(को - जी॑वन्ति॒ द्विः - स्यु॒ - श्चतु॑स्त्रिग्ंशच्च) (अ. 3)
सु॒व॒र्गाय॒ वा ए॒ते लो॒काय॑ गृह्यन्ते॒ यदृ॑तुग्र॒हा ज्योति॑-रिन्द्रा॒ग्नी यदै᳚न्द्रा॒ग्न-मृ॑तुपा॒त्रेण॑ गृ॒ह्णाति॒ ज्योति॑-रे॒वा-ऽस्मा॑ उ॒परि॑ष्टा-द्दधाति सुव॒र्गस्य॑ लो॒कस्या-ऽनु॑ख्यात्या ओजो॒भृतौ॒ वा ए॒तौ दे॒वानां॒-यँदि॑न्द्रा॒ग्नी यदै᳚न्द्रा॒ग्नो गृ॒ह्यत॒ ओज॑ ए॒वाव॑ रुन्धे वैश्वदे॒वग्ं शु॑क्रपा॒त्रेण॑ गृह्णाति वैश्वदे॒व्यो॑ वै प्र॒जा अ॒सावा॑दि॒त्य-श्शु॒क्रो य-द्वै᳚श्वदे॒वग्ं शु॑क्रपा॒त्रेण॑ गृ॒ह्णाति॒ तस्मा॑-द॒सा-वा॑दि॒त्य- [तस्मा॑-द॒सा-वा॑दि॒त्यः, सर्वाः᳚] 13
-स्सर्वाः᳚ प्र॒जाः प्र॒त्यङ्ङुदे॑ति॒ तस्मा॒-थ्सर्व॑ ए॒व म॑न्यते॒ मा-म्प्रत्युद॑गा॒दिति॑ वैश्वदे॒वग्ं शु॑क्रपा॒त्रेण॑ गृह्णाति वैश्वदे॒व्यो॑ वै प्र॒जास्तेजः॑ शु॒क्रो य-द्वै᳚श्वदे॒वग्ं शु॑क्रपा॒त्रेण॑ गृ॒ह्णाति॑ प्र॒जास्वे॒व तेजो॑ दधाति ॥ 14 ॥
(तस्मा॑द॒सावा॑दि॒त्य - स्त्रि॒ग्ं॒शच्च॑) (अ. 4)
इन्द्रो॑ म॒रुद्भि॒-स्सांविँ॑द्येन॒ माद्ध्य॑न्दिने॒ सव॑ने वृ॒त्रम॑ह॒न्॒. यन्माद्ध्य॑न्दिने॒ सव॑ने मरुत्व॒तीया॑ गृ॒ह्यन्ते॒ वार्त्र॑घ्ना ए॒व ते यज॑मानस्य गृह्यन्ते॒ तस्य॑ वृ॒त्र-ञ्ज॒घ्नुष॑ ऋ॒तवो॑-ऽमुह्य॒न्थ्स ऋ॑तुपा॒त्रेण॑ मरुत्व॒तीया॑नगृह्णा॒-त्ततो॒ वै स ऋ॒तू-न्प्राजा॑ना॒-द्यदृ॑तुपा॒त्रेण॑ मरुत्व॒तीया॑ गृ॒ह्यन्त॑ ऋतू॒ना-म्प्रज्ञा᳚त्यै॒ वज्रं॒-वाँ ए॒तं-यँज॑मानो॒ भ्रातृ॑व्याय॒ प्र ह॑रति॒ यन्म॑रुत्व॒तीया॒ उदे॒व प्र॑थ॒मेन॑ [उदे॒व प्र॑थ॒मेन॑, य॒च्छ॒ति॒ प्र ह॑रति] 15
यच्छति॒ प्र ह॑रति द्वि॒तीये॑न स्तृणु॒ते तृ॒तीये॒ना-ऽऽयु॑धं॒-वाँ ए॒त-द्यज॑मान॒-स्सग्ग् स्कु॑रुते॒ यन्म॑रुत्व॒तीया॒ धनु॑रे॒व प्र॑थ॒मो ज्या द्वि॒तीय॒ इषु॑स्तृ॒तीयः॒ प्रत्ये॒व प्र॑थ॒मेन॑ धत्ते॒ विसृ॑जति द्वि॒तीये॑न॒ विद्ध्य॑ति तृ॒तीये॒नेन्द्रो॑ वृ॒त्रग्ं ह॒त्वा परा᳚-म्परा॒वत॑-मगच्छ॒-दपा॑राध॒मिति॒ मन्य॑मान॒-स्स हरि॑तो-ऽभव॒-थ्स ए॒ता-न्म॑रुत्व॒तीया॑-नात्म॒स्पर॑णा-नपश्य॒-त्तान॑गृह्णीत [ ] 16
प्रा॒णमे॒व प्र॑थ॒मेना᳚-स्पृणुतापा॒न-न्द्वि॒तीये॑ना॒-ऽऽत्मान॑-न्तृ॒तीये॑ना-ऽऽत्म॒स्पर॑णा॒ वा ए॒ते यज॑मानस्य गृह्यन्ते॒ यन्म॑रुत्व॒तीयाः᳚ प्रा॒णमे॒व प्र॑थ॒मेन॑ स्पृणुते-ऽपा॒न-न्द्वि॒तीये॑ना॒-ऽऽत्मान॑-न्तृ॒तीये॒नेन्द्रो॑ वृ॒त्रम॑ह॒-न्त-न्दे॒वा अ॑ब्रुव-न्म॒हान्. वा अ॒यम॑भू॒द्यो वृ॒त्रमव॑धी॒दिति॒ तन्म॑हे॒न्द्रस्य॑ महेन्द्र॒त्वग्ं स ए॒त-म्मा॑हे॒न्द्र-मु॑द्धा॒र-मुद॑हरत वृ॒त्रग्ं ह॒त्वा-ऽन्यासु॑ दे॒वता॒स्व धि॒ यन्मा॑हे॒न्द्रो गृ॒ह्यत॑ उद्धा॒रमे॒व तं-यँज॑मान॒ उद्ध॑रते॒-ऽन्यासु॑ प्र॒जास्वधि॑ शुक्रपा॒त्रेण॑ गृह्णाति यजमानदेव॒त्यो॑ वै मा॑हे॒न्द्रस्तेजः॑ शु॒क्रो यन्मा॑हे॒न्द्रग्ं शु॑क्रपा॒त्रेण॑ गृ॒ह्णाति॒ यज॑मान ए॒व तेजो॑ दधाति ॥ 17 ॥
(प्र॒थ॒मेना॑ - गृह्णीत - दे॒वता᳚स्व॒ - ष्टाविग्ं॑शतिश्च) (अ. 5)
अदि॑तिः पु॒त्रका॑मा सा॒द्ध्येभ्यो॑ दे॒वेभ्यो᳚ ब्रह्मौद॒नम॑पच॒-त्तस्या॑ उ॒च्छेष॑णमददु॒स्त-त्प्रा-ऽऽश्ञा॒-थ्सा रेतो॑-ऽधत्त॒ तस्यै॑ च॒त्वार॑ आदि॒त्या अ॑जायन्त॒ सा द्वि॒तीय॑मपच॒-थ्सा-ऽम॑न्यतो॒च्छेष॑णान्म इ॒मे᳚-ऽज्ञत॒ यदग्रे᳚ प्राशि॒ष्यामी॒तो मे॒ वसी॑याग्ंसो जनिष्यन्त॒ इति॒ सा-ऽग्रे॒ प्रा-ऽऽश्ञा॒-थ्सा रेतो॑-ऽधत्त॒ तस्यै॒ व्यृ॑द्धमा॒ण्डम॑जायत॒ सा-ऽऽदि॒त्येभ्य॑ ए॒व [ ] 18
तृ॒तीय॑मपच॒-द्भोगा॑य म इ॒दग्ग् श्रा॒न्तम॒स्त्विति॒ ते᳚-ऽब्रुव॒न् वरं॑-वृँणामहै॒ यो-ऽतो॒ जाया॑ता अ॒स्माक॒ग्ं॒ स एको॑-ऽस॒द्यो᳚-ऽस्य प्र॒जाया॒मृद्ध्या॑ता अ॒स्माक॒-म्भोगा॑य भवा॒दिति॒ ततो॒ विव॑स्वानादि॒त्यो॑ ऽजायत॒ तस्य॒ वा इ॒य-म्प्र॒जा यन्म॑नु॒ष्या᳚स्तास्वेक॑ ए॒वर्धो यो यज॑ते॒ स दे॒वाना॒-म्भोगा॑य भवति दे॒वा वै य॒ज्ञा- [य॒ज्ञात्, रु॒द्र-म॒न्त-] 19
-द्रु॒द्र-म॒न्त-रा॑य॒न्-थ्स आ॑दि॒त्यान॒न्वाक्र॑मत॒ ते द्वि॑देव॒त्या᳚-न्प्राप॑द्यन्त॒ ता-न्न प्रति॒ प्राय॑च्छ॒-न्तस्मा॒दपि॒ वद्ध्य॒-म्प्रप॑न्न॒-न्न प्रति॒ प्रय॑च्छन्ति॒ तस्मा᳚-द्द्विदेव॒त्ये᳚भ्य आदि॒त्यो निर्गृ॑ह्यते॒ यदु॒च्छेष॑णा॒-दजा॑यन्त॒ तस्मा॑-दु॒च्छेष॑णा-द्गृह्यते ति॒सृभि॑र्-ऋ॒ग्भिर्गृ॑ह्णाति मा॒ता पि॒ता पु॒त्रस्तदे॒व तन्मि॑थु॒न-मुल्ब॒-ङ्गर्भो॑ ज॒रायु॒ तदे॒व त- [तदे॒व तत्, मि॒थु॒न-म्प॒शवो॒] 20
-न्मि॑थु॒न-म्प॒शवो॒ वा ए॒ते यदा॑दि॒त्य ऊर्ग्दधि॑ द॒द्ध्ना म॑द्ध्य॒त-श्श्री॑णा॒त्यूर्ज॑मे॒व प॑शू॒ना-म्म॑द्ध्य॒तो द॑धाति शृतात॒ङ्क्ये॑न मेद्ध्य॒त्वाय॒ तस्मा॑दा॒मा प॒क्व-न्दु॑हे प॒शवो॒ वा ए॒ते यदा॑दि॒त्यः प॑रि॒श्रित्य॑ गृह्णाति प्रति॒रुद्ध्यै॒वा-ऽस्मै॑ प॒शू-न्गृ॑ह्णाति प॒शवो॒ वा ए॒ते यदा॑दि॒त्य ए॒ष रु॒द्रो यद॒ग्निः प॑रि॒श्रित्य॑ गृह्णाति रु॒द्रादे॒व प॒शू-न॒न्त-र्द॑धा- [-न॒न्त-र्द॑धाति, ए॒ष वै] 21
-त्ये॒ष वै विव॑स्वानादि॒त्यो यदु॑पाग्ं शु॒सव॑न॒-स्स ए॒तमे॒व सो॑मपी॒थ-म्परि॑ शय॒ आ तृ॑तीयसव॒ना-द्विव॑स्व आदित्यै॒ष ते॑ सोमपी॒थ इत्या॑ह॒ विव॑स्वन्त-मे॒वा-ऽऽदि॒त्यग्ं सो॑मपी॒थेन॒ सम॑र्धयति॒ या दि॒व्या वृष्टि॒स्तया᳚ त्वा श्रीणा॒मीति॒ वृष्टि॑कामस्य श्रीणीया॒-द्वृष्टि॑मे॒वाव॑ रुन्धे॒ यदि॑ ता॒ज-क्प्र॒स्कन्दे॒-द्वर्षु॑कः प॒र्जन्यः॑ स्या॒द्यदि॑ चि॒रमव॑र्षुको॒ न सा॑दय॒त्यस॑न्ना॒द्धि प्र॒जाः प्र॒जाय॑न्ते॒ नानु॒ वष॑-ट्करोति॒ यद॑नुवषट्कु॒र्या--द्रु॒द्र-म्प्र॒जा अ॒न्वव॑सृजे॒न्न हु॒त्वान्वी᳚क्षेत॒ यद॒न्वीक्षे॑त॒ चक्षु॑रस्य प्र॒मायु॑कग्ग् स्या॒-त्तस्मा॒न्नान्वीक्ष्यः॑ ॥ 22 ॥
(ए॒व - य॒ज्ञा - ज्ज॒रायु॒ तदे॒व तद॒ - न्तर्द॑धाति॒ - न - स॒प्तविग्ं॑शतिश्च) (अ. 6)
अ॒न्त॒र्या॒म॒पा॒त्रेण॑ सावि॒त्र-मा᳚ग्रय॒णा-द्गृ॑ह्णाति प्र॒जाप॑ति॒र्वा ए॒ष यदा᳚ग्रय॒णः प्र॒जाना᳚-म्प्र॒जन॑नाय॒ न सा॑दय॒त्यस॑न्ना॒द्धि प्र॒जाः प्र॒जाय॑न्ते॒ नानु॒ वष॑-ट्करोति॒ यद॑नुवषट्कु॒र्या-द्रु॒द्र-म्प्र॒जा अ॒न्वव॑सृजे-दे॒ष वै गा॑य॒त्रो दे॒वानां॒-यँ-थ्स॑वि॒तैष गा॑यत्रि॒यै लो॒के गृ॑ह्यते॒ यदा᳚ग्रय॒णो यद॑न्तर्यामपा॒त्रेण॑ सावि॒त्र-मा᳚ग्रय॒णा-द्गृ॒ह्णाति॒ स्वा-दे॒वैनं॒-योँने॒-र्निर्गृ॑ह्णाति॒ विश्वे॑ [विश्वे᳚, दे॒वा-स्तृ॒तीय॒ग्ं॒] 23
दे॒वा-स्तृ॒तीय॒ग्ं॒ सव॑न॒-न्नोद॑यच्छ॒-न्ते स॑वि॒तार॑-म्प्रातस्सव॒नभा॑ग॒ग्ं॒ सन्त॑-न्तृतीयसव॒नम॒भि पर्य॑णय॒-न्ततो॒ वै ते तृ॒तीय॒ग्ं॒ सव॑न॒-मुद॑यच्छ॒न्॒. य-त्तृ॑तीयसव॒ने सा॑वि॒त्रो गृ॒ह्यते॑ तृ॒तीय॑स्य॒ सव॑न॒स्योद्य॑त्यै सवितृपा॒त्रेण॑ वैश्वदे॒व-ङ्क॒लशा᳚-द्गृह्णाति वैश्वदे॒व्यो॑ वै प्र॒जा वै᳚श्वदे॒वः क॒लशः॑ सवि॒ता प्र॑स॒वाना॑मीशे॒ य-थ्स॑वितृपा॒त्रेण॑ वैश्वदे॒व-ङ्क॒लशा᳚-द्गृ॒ह्णाति॑ सवि॒तृप्र॑सूत ए॒वास्मै᳚ प्र॒जाः प्र [प्र॒जाः प्र, ज॒न॒य॒ति॒ सोमे॒ सोम॑म॒भि] 24
ज॑नयति॒ सोमे॒ सोम॑म॒भि गृ॑ह्णाति॒ रेत॑ ए॒व त-द्द॑धाति सु॒शर्मा॑-ऽसि सुप्रतिष्ठा॒न इत्या॑ह॒ सोमे॒ हि सोम॑मभिगृ॒ह्णाति॒ प्रति॑ष्ठित्या ए॒तस्मि॒न् वा अपि॒ ग्रहे॑ मनु॒ष्ये᳚भ्यो दे॒वेभ्यः॑ पि॒तृभ्यः॑ क्रियते सु॒शर्मा॑-ऽसि सुप्रतिष्ठा॒न इत्या॑ह मनु॒ष्ये᳚भ्य ए॒वैतेन॑ करोति बृ॒हदित्या॑ह दे॒वेभ्य॑ ए॒वैतेन॑ करोति॒ नम॒ इत्या॑ह पि॒तृभ्य॑ ए॒वैतेन॑ करोत्ये॒ ताव॑ती॒ र्वै दे॒वता॒स्ताभ्य॑ ए॒वैन॒ग्ं॒ सर्वा᳚भ्यो गृह्णात्ये॒ष ते॒ योनि॒र्विश्वे᳚भ्यस्त्वा दे॒वेभ्य॒ इत्या॑ह वैश्वदे॒वो ह्ये॑षः ॥ 25 ॥
(विश्वे॒ - प्र - पि॒तृभ्य॑ ए॒वैतेन॑ करो॒त्ये - का॒न्नविग्ं॑श॒तिश्च॑) (अ. 7)
प्रा॒णो वा ए॒ष यदु॑पा॒ग्ं॒शु-र्यदु॑पाग्ंशुपा॒त्रेण॑ प्रथ॒मश्चो᳚त्त॒मश्च॒ ग्रहौ॑ गृ॒ह्येते᳚ प्रा॒णमे॒वानु॑ प्र॒यन्ति॑ प्रा॒णमनूद्य॑न्ति प्र॒जाप॑ति॒र्वा ए॒ष यदा᳚ग्रय॒णः प्रा॒ण उ॑पा॒ग्ं॒शुः पत्नीः᳚ प्र॒जाः प्र ज॑नयन्ति॒ यदु॑पाग्ंशुपा॒त्रेण॑ पात्नीव॒तमा᳚ग्रय॒णा-द्गृ॒ह्णाति॑ प्र॒जाना᳚-म्प्र॒जन॑नाय॒ तस्मा᳚-त्प्रा॒ण-म्प्र॒जा अनु॒ प्र जा॑यन्ते दे॒वा वा इ॒त इ॑तः॒ पत्नी᳚-स्सुव॒र्गं- [पत्नी᳚-स्सुव॒र्गम्, लो॒क-म॑जिगाग्ंस॒-न्ते] 26
-ँलो॒क-म॑जिगाग्ंस॒-न्ते सु॑व॒र्गं-लोँ॒क-न्न प्राजा॑न॒-न्त ए॒त-म्पा᳚त्नीव॒तम॑पश्य॒-न्तम॑गृह्णत॒ ततो॒ वै ते सु॑व॒र्गं-लोँ॒क-म्प्राजा॑न॒न्॒. य-त्पा᳚त्नीव॒तो गृ॒ह्यते॑ सुव॒र्गस्य॑ लो॒कस्य॒ प्रज्ञा᳚त्यै॒ स सोमो॒ नाति॑ष्ठत स्त्री॒भ्यो गृ॒ह्यमा॑ण॒स्त-ङ्घृ॒तं-वँज्र॑-ङ्कृ॒त्वा-ऽघ्न॒-न्त-न्निरि॑न्द्रिय-म्भू॒तम॑गृह्ण॒-न्तस्मा॒-थ्स्त्रियो॒ निरि॑न्द्रिया॒ अदा॑यादी॒रपि॑ पा॒पा-त्पु॒ग्ं॒स उप॑स्तितरं- [उप॑स्तितरम्, व॒द॒न्ति॒ य-द्घृ॒तेन॑] 27
-ँवदन्ति॒ य-द्घृ॒तेन॑ पात्नीव॒तग्ग् श्री॒णाति॒ वज्रे॑णै॒वैनं॒-वँशे॑ कृ॒त्वा गृ॑ह्णा-त्युपया॒मगृ॑हीतो॒-ऽसीत्या॑हे॒यं-वाँ उ॑पया॒म-स्तस्मा॑दि॒मा-म्प्र॒जा अनु॒ प्र जा॑यन्ते॒ बृह॒स्पति॑सुतस्य त॒ इत्या॑ह॒ ब्रह्म॒ वै दे॒वाना॒-म्बृह॒स्पति॒-र्ब्रह्म॑णै॒वास्मै᳚ प्र॒जाः प्र ज॑नयतीन्दो॒ इत्या॑ह॒ रेतो॒ वा इन्दू॒ रेत॑ ए॒व त-द्द॑धातीन्द्रियाव॒ इ- [इति॑, आ॒ह॒ प्र॒जा] 28
-त्या॑ह प्र॒जा वा इ॑न्द्रि॒य-म्प्र॒जा ए॒वास्मै॒ प्र ज॑नय॒त्यग्ना(3) इत्या॑हा॒ग्निर्वै रे॑तो॒धाः पत्नी॑व॒ इत्या॑ह मिथुन॒त्वाय॑ स॒जूर्दे॒वेन॒ त्वष्ट्रा॒ सोम॑-म्पि॒बेत्या॑ह॒ त्वष्टा॒ वै प॑शू॒ना-म्मि॑थु॒नानाग्ं॑ रूप॒कृ-द्रू॒पमे॒व प॒शुषु॑ दधाति दे॒वा वै त्वष्टा॑रमजिघाग्ंस॒न्-थ्स पत्नीः॒ प्राप॑द्यत॒ त-न्न प्रति॒ प्रा-ऽय॑च्छ॒-न्तस्मा॒दपि॒ [प्रा-ऽय॑च्छ॒-न्तस्मा॒दपि॑, वद्ध्य॒-म्प्रप॑न्न॒-] 29
वद्ध्य॒-म्प्रप॑न्न॒-न्न प्रति॒ प्रय॑च्छन्ति॒ तस्मा᳚-त्पात्नीव॒ते त्वष्ट्रे-ऽपि॑ गृह्यते॒ न सा॑दय॒त्यस॑न्ना॒द्धि प्र॒जाः प्र॒जाय॑न्ते॒ नानु॒ वष॑-ट्करोति॒ यद॑नुवष-ट्कु॒र्या-द्रु॒द्र-म्प्र॒जा अ॒न्वव॑सृजे॒-द्यन्ना-ऽनु॑वषट्कु॒र्या-दशा᳚न्त-म॒ग्नी-थ्सोम॑-म्भक्षये-दुपा॒ग्॒श्वनु॒ वष॑-ट्करोति॒ न रु॒द्र-म्प्र॒जा अ॑न्ववसृ॒जति॑ शा॒न्तम॒ग्नी-थ्सोम॑-म्भक्षय॒त्यग्नी॒-न्नेष्टु॑-रु॒पस्थ॒मा सी॑द॒ [सी॑द, नेष्टः॒ पत्नी॑-] 30
नेष्टः॒ पत्नी॑-मु॒दान॒येत्या॑हा॒-ग्नीदे॒व नेष्ट॑रि॒ रेतो॒ दधा॑ति॒ नेष्टा॒ पत्नि॑यामु-द्गा॒त्रा स-ङ्ख्या॑पयति प्र॒जाप॑ति॒र्वा ए॒ष यदु॑द्गा॒ता प्र॒जाना᳚-म्प्र॒जन॑नाया॒प उप॒ प्र व॑र्तयति॒ रेत॑ ए॒व त-थ्सि॑ञ्चत्यू॒रुणोप॒ प्र व॑र्तयत्यू॒रुणा॒ हि रेतः॑ सि॒च्यते॑ नग्न॒-ङ्कृत्यो॒-रुमुप॒ प्र व॑र्तयति य॒दा हि न॒ग्न ऊ॒रुर्भव॒त्यथ॑ मिथु॒नी भ॑व॒तो-ऽथ॒ रेतः॑ सिच्य॒ते-ऽथ॑ प्र॒जाः प्र जा॑यन्ते ॥ 31 ॥
(पत्नी᳚-स्सुव॒र्ग - मुप॑स्तितर - मिन्द्रियाव॒ इत्य - पि॑ - सीद - मिथु॒न्य॑ - ष्टौ च॑) (अ. 8)
इन्द्रो॑ वृ॒त्रम॑ह॒-न्तस्य॑ शीर्षकपा॒ल-मुदौ᳚ब्ज॒-थ्स द्रो॑णकल॒शो॑-ऽभव॒-त्तस्मा॒-थ्सोम॒-स्सम॑स्रव॒-थ्स हा॑रियोज॒नो॑-ऽभव॒-त्तं-व्यँ॑चिकिथ्स-ज्जु॒हवा॒नी(3) मा हौ॒षा(3)-मिति॒ सो॑-ऽमन्यत॒ यद्धो॒ष्याम्या॒मग्ं हो᳚ष्यामि॒ यन्न हो॒ष्यामि॑ यज्ञवेश॒स-ङ्क॑रिष्या॒मीति॒ तम॑द्ध्रियत॒ होतु॒ग्ं॒ सो᳚-ऽग्नि-र॑ब्रवी॒न्न मय्या॒मग्ं हो᳚ष्य॒सीति॒ त-न्धा॒नाभि॑-रश्रीणा॒- [-रश्रीणात्, तग्ं शृ॒त-] 32
-त्तग्ं शृ॒त-म्भू॒त-म॑जुहो॒द्य-द्धा॒नाभि॑र्-हारियोज॒नग्ग् श्री॒णाति॑ शृत॒त्वाय॑ शृ॒त-मे॒वैन॑-म्भू॒त-ञ्जु॑होति ब॒ह्वीभिः॑ श्रीणात्ये॒ताव॑ती-रे॒वास्या॒-मुष्मि॑न् ँलो॒के का॑म॒दुघा॑ भव॒न्त्यथो॒ खल्वा॑हुरे॒ता वा इन्द्र॑स्य॒ पृश्ञ॑यः काम॒दुघा॒ यद्धा॑रियोज॒नीरिति॒ तस्मा᳚-द्ब॒ह्वीभिः॑ श्रीणीयादृख्सा॒मे वा इन्द्र॑स्य॒ हरी॑ सोम॒पानौ॒ तयोः᳚ परि॒धय॑ आ॒धानं॒-यँदप्र॑हृत्य परि॒धी-ञ्जु॑हु॒या-द॒न्तरा॑धानाभ्या- [-द॒न्तरा॑धानाभ्याम्, घा॒स-म्प्र] 33
-ङ्घा॒स-म्प्र य॑च्छे-त्प्र॒हृत्य॑ परि॒धीञ्जु॑होति॒ निरा॑धानाभ्या-मे॒व घा॒स-म्प्र य॑च्छत्युन्ने॒ता जु॑होति या॒तया॑मेव॒ ह्ये॑तर्ह्य॑द्ध्व॒र्यु-स्स्व॒गाकृ॑तो॒ य-द॑द्ध्व॒र्यु-र्जु॑हु॒या-द्यथा॒ विमु॑क्त॒-म्पुन॑र्यु॒नक्ति॑ ता॒दृगे॒व तच्छी॒र्॒ष-न्न॑धिनि॒धाय॑ जुहोति शीर्ष॒तो हि स स॒मभ॑व-द्वि॒क्रम्य॑ जुहोति वि॒क्रम्य॒ हीन्द्रो॑ वृ॒त्रमह॒न्-थ्समृ॑द्ध्यै प॒शवो॒ वै हा॑रियोज॒नीर्य-थ्स॑भि॒न्न्द्या-दल्पा॑ [-दल्पाः᳚, ए॒न॒-म्प॒शवो॑] 34
एन-म्प॒शवो॑ भु॒ञ्जन्त॒ उप॑तिष्ठेर॒न्॒. यन्न स॑भि॒न्न्द्या-द्ब॒हव॑ एन-म्प॒शवो-ऽभु॑ञ्जन्त॒ उप॑ तिष्ठेर॒-न्मन॑सा॒ स-म्बा॑धत उ॒भय॑-ङ्करोति ब॒हव॑ ए॒वैन॑-म्प॒शवो॑ भु॒ञ्जन्त॒ उप॑ तिष्ठन्त उन्ने॒तर्यु॑पह॒व-मि॑च्छन्ते॒ य ए॒व तत्र॑ सोमपी॒थस्त-मे॒वाव॑ रुन्धत उत्तरवे॒द्या-न्निव॑पति प॒शवो॒ वा उ॑त्तरवे॒दिः प॒शवो॑ हारियोज॒नीः प॒शुष्वे॒व प॒शू-न्प्रति॑ ष्ठापयन्ति ॥ 35 ॥
(अ॒श्री॒णा॒ - द॒न्तरा॑धानाभ्या॒ - मल्पाः᳚ - स्थापयन्ति) (अ. 9)
ग्रहा॒न्॒. वा अनु॑ प्र॒जाः प॒शवः॒ प्र जा॑यन्त उपाग्श्वन्तर्या॒-माव॑जा॒वयः॑ शु॒क्राम॒न्थिनौ॒ पुरु॑षा ऋतुग्र॒हा-नेक॑शफा आदित्यग्र॒ह-ङ्गाव॑ आदित्यग्र॒हो भूयि॑ष्ठाभिर्-ऋ॒ग्भिर्गृ॑ह्यते॒ तस्मा॒-द्गावः॑ पशू॒ना-म्भूयि॑ष्ठा॒ य-त्त्रिरु॑पा॒ग्ं॒ शुग्ं हस्ते॑न विगृ॒ह्णाति॒ तस्मा॒-द्द्वौ त्रीन॒जा ज॒नय॒त्यथाव॑यो॒ भूय॑सीः पि॒ता वा ए॒ष यदा᳚ग्रय॒णः पु॒त्रः क॒लशो॒ यदा᳚ग्रय॒ण उ॑प॒दस्ये᳚-त्क॒लशा᳚-द्गृह्णीया॒-द्यथा॑ पि॒ता [ ] 36
पु॒त्र-ङ्क्षि॒त उ॑प॒धाव॑ति ता॒दृगे॒व तद्य-त्क॒लश॑ उप॒दस्ये॑-दाग्रय॒णा-द्गृ॑ह्णीया॒-द्यथा॑ पु॒त्रः पि॒तर॑-ङ्क्षि॒त उ॑प॒धाव॑ति ता॒दृगे॒व तदा॒त्मा वा ए॒ष य॒ज्ञस्य॒ यदा᳚ग्रय॒णो यद्ग्रहो॑ वा क॒लशो॑ वोप॒दस्ये॑-दाग्रय॒णा-द्गृ॑ह्णीयादा॒त्मन॑ ए॒वाधि॑ य॒ज्ञ-न्निष्क॑रो॒त्यवि॑ज्ञातो॒ वा ए॒ष गृ॑ह्यते॒ यदा᳚ग्रय॒ण-स्स्था॒ल्या गृ॒ह्णाति॑ वाय॒व्ये॑न जुहोति॒ तस्मा॒- [तस्मा᳚त्, गर्भे॒णा ऽवि॑ज्ञातेन] 37
-द्गर्भे॒णा ऽवि॑ज्ञातेन ब्रह्म॒हा ऽव॑भृ॒थमव॑ यन्ति॒ परा᳚ स्था॒लीरस्य॒न्त्यु-द्वा॑य॒व्या॑नि हरन्ति॒ तस्मा॒-थ्स्त्रिय॑-ञ्जा॒ता-म्परा᳚-ऽस्य॒न्त्यु-त्पुमाग्ं॑ सग्ं हरन्ति॒ य-त्पु॑रो॒रुच॒माह॒ यथा॒ वस्य॑स आ॒हर॑ति ता॒दृगे॒व त-द्य-द्ग्रह॑-ङ्गृ॒ह्णाति॒ यथा॒ वस्य॑स आ॒हृत्य॒ प्रा-ऽऽह॑ ता॒दृगे॒व त-द्य-थ्सा॒दय॑ति॒ यथा॒ वस्य॑स उपनि॒धाया॑-प॒क्राम॑ति ता॒दृगे॒व त-द्य द्वै य॒ज्ञस्य॒ साम्ना॒ यजु॑षा क्रि॒यते॑ शिथि॒ल-न्त-द्यदृ॒चा त-द्दृ॒ढ-म्पु॒रस्ता॑दुपयामा॒ यजु॑षा गृह्यन्त उ॒परि॑ष्टा-दुपयामा ऋ॒चा य॒ज्ञस्य॒ धृत्यै᳚ ॥ 38 ॥
(यथा॑ पि॒ता-तस्मा॑-दप॒क्राम॑ति ता॒दृगे॒व त-द्य-द॒ष्टा द॑श च) (अ. 10)
प्रान्यानि॒ पात्रा॑णि यु॒ज्यन्ते॒ नान्यानि॒ यानि॑ परा॒चीना॑नि प्रयु॒ज्यन्ते॒-ऽमुमे॒व तैर्लो॒कम॒भि ज॑यति॒ परा॑ङिव॒ ह्य॑सौ लो॒को यानि॒ पुनः॑ प्रयु॒ज्यन्त॑ इ॒ममे॒व तैर्लो॒कम॒भि ज॑यति॒ पुनः॑पुन-रिव॒ ह्य॑यं-लोँ॒कः प्रान्यानि॒ पात्रा॑णि यु॒ज्यन्ते॒ नान्यानि॒ यानि॑ परा॒चीना॑नि प्रयु॒ज्यन्ते॒ तान्यन्वोष॑धयः॒ परा॑ भवन्ति॒ यानि॒ पुनः॑ [पुनः॑, प्र॒यु॒ज्यन्ते॒] 39
प्रयु॒ज्यन्ते॒ तान्यन्वोष॑धयः॒ पुन॒रा भ॑वन्ति॒ प्रान्यानि॒ पात्रा॑णि यु॒ज्यन्ते॒ नान्यानि॒ यानि॑ परा॒चीना॑नि प्रयु॒ज्यन्ते॒ तान्यन्वा॑र॒ण्याः प॒शवो-ऽर॑ण्य॒-मप॑ यन्ति॒ यानि॒ पुनः॑ प्रयु॒ज्यन्ते॒ तान्यनु॑ ग्रा॒म्याः प॒शवो॒ ग्राम॑-मु॒पाव॑यन्ति॒ यो वै ग्रहा॑णा-न्नि॒दानं॒-वेँद॑ नि॒दान॑वा-न्भव॒त्याज्य॒-मित्यु॒क्थ-न्तद्वै ग्रहा॑णा-न्नि॒दानं॒-यँदु॑पा॒ग्ं॒शु शग्ंस॑ति॒ त- [शग्ंस॑ति॒ तत्, उ॒पा॒ग्श्व॒न्त॒र्या॒मयो॒-] 40
-दु॑पाग्श्वन्तर्या॒मयो॒-र्यदु॒च्चै-स्तदित॑रेषा॒-ङ्ग्रहा॑णामे॒तद्वै ग्रहा॑णा-न्नि॒दानं॒-यँ ए॒वं-वेँद॑ नि॒दान॑वा-न्भवति॒ यो वै ग्रहा॑णा-म्मिथु॒नं-वेँद॒ प्र प्र॒जया॑ प॒शुभि॑-र्मिथु॒नै-र्जा॑यते स्था॒लीभि॑-र॒न्ये ग्रहा॑ गृ॒ह्यन्ते॑ वाय॒व्यै॑-र॒न्य ए॒तद्वै ग्रहा॑णा-म्मिथु॒नं-यँ ए॒वं-वेँद॒ प्र प्र॒जया॑ प॒शुभि॑-र्मिथु॒नै-र्जा॑यत॒ इन्द्र॒स्त्वष्टु॒-स्सोम॑-मभी॒षहा॑-ऽपिब॒-थ्स विष्व॒- [विष्वङ्ङ्॑, व्या᳚र्च्छ॒-थ्स] 41
ङ्व्या᳚र्च्छ॒-थ्स आ॒त्मन्ना॒रम॑ण॒-न्नावि॑न्द॒-थ्स ए॒ता-न॑नुसव॒न-म्पु॑रो॒डाशा॑नपश्य॒-त्ता-न्निर॑वप॒-त्तैर्वै स आ॒त्मन्ना॒रम॑ण-मकुरुत॒ तस्मा॑-दनुसव॒न-म्पु॑रो॒डाशा॒ निरु॑प्यन्ते॒ तस्मा॑-दनुसव॒न-म्पु॑रो॒डाशा॑ना॒-म्प्रा-ऽश्ञी॑यादा॒त्म-न्ने॒वा-ऽऽरम॑ण-ङ्कुरुते॒ नैन॒ग्ं॒ सोमो-ऽति॑ पवते ब्रह्मवा॒दिनो॑ वदन्ति॒ नर्चा न यजु॑षा प॒ङ्क्ति-रा᳚प्य॒ते-ऽथ॒ किं ँय॒ज्ञस्य॑ पाङ्क्त॒त्वमिति॑ धा॒नाः क॑र॒म्भः प॑रिवा॒पः पु॑रो॒डाशः॑ पय॒स्या॑ तेन॑ प॒ङ्क्ति-रा᳚प्यते॒ त-द्य॒ज्ञस्य॑ पाङ्क्त॒त्वम् ॥ 42 ॥
(भ॒व॒न्ति॒ यानि॒ पुनः॒ - शग्ंस॑ति॒ त - द्विष्वं॒ - किं - चतु॑र्दश च) (अ. 11)
(इन्द्रो॑ वृ॒त्राय- ऽऽयु॒र्वे - य॒ज्ञेन॑ - सुव॒र्गा - येन्द्रो॑ म॒रुद्भि॒ - रदि॑ति - रन्तर्यामपा॒त्रेण॑ - प्रा॒ण उ॑पाग्ंशु पा॒त्रे - णेन्द्रो॑ वृ॒त्रम॑ह॒-न्तस्य॒ - ग्रहा॒न् - प्रान्या - न्येका॑दश)
(इन्द्रो॑ वृ॒त्राय॒ - पुन॑र्-ऋ॒तुना॑-ऽऽह - मिथु॒न-म्प॒शवो॒ - नेष्टः॒ पत्नी॑ - मुपाग्श्वन्तर्या॒मयो॒ - द्विच॑त्वारिग्ंशत्)
(इन्द्रो॑ वृ॒त्राय॑, पाङ्क्त॒त्वम्)
॥ हरिः॑ ओम् ॥
॥ कृष्ण यजुर्वेदीय तैत्तिरीय संहितायां षष्ठकाण्डे पञ्चमः प्रश्न-स्समाप्तः ॥
kṛṣṇa yajurvedīya taittirīya saṃhitāyāṃ ṣaṣṭhakāṇḍe pañcamaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
indro̭ vṛ॒trāya॒ vajra॒muda̭yaccha॒-thsa vṛ॒tro vajrā॒dudya̭tādabibhe॒-thso᳚-'bravī॒nmā me॒ pra hā॒rasti॒ vā i॒da-mmayi̭ vī॒ryaṃ̭ ta-tte॒ pra dā᳚syā॒mīti॒ tasmā̭ u॒kthya̭-mprāya̭ccha॒-ttasmai᳚ dvi॒tīya॒muda̭yaccha॒-thso᳚-'bravī॒nmā ma॒ pra hā॒rasti॒ vā i॒da-mmayi̭ vī॒rya̭-nta-tte॒ pra dā᳚syā॒mīti॒ [pra dā᳚syā॒mīti̭, tasmā̭ u॒kthya̭me॒va] 1
tasmā̭ u॒kthya̭me॒va prāya̭ccha॒-ttasmai̭ tṛ॒tīya॒muda̭yaccha॒-ttaṃ-vi~ṣṇu॒ranva̭tiṣṭhata ja॒hīti॒ so᳚-'bravī॒nmā me॒ pra hā॒rasti॒ vā i॒da-mmayi̭ vī॒rya̭-nta-tte॒ pra dā᳚syā॒mīti॒ tasmā̭ u॒kthya̭me॒va prāya̭ccha॒-tta-nnirmā̭ya-mbhū॒tama̭han. ya॒jño hi tasya̭ mā॒yā-''sī॒-dyadu॒kthyo̭ gṛ॒hyata̭ indri॒yame॒va [ ] 2
ta-dvī॒ryaṃ̭-ya~ja̭māno॒ bhrātṛ̭vyasya vṛṅkta॒ indrā̭ya tvā bṛ॒ha-dva̭te॒ vaya̭svata॒ ityā॒hendrā̭ya॒ hi sa ta-mprāya̭ccha॒-ttasmai᳚ tvā॒ viṣṇa̭ve॒ tvetyā̭ha॒ yade॒va viṣṇṷra॒nvati̭ṣṭhata ja॒hīti॒ tasmā॒-dviṣṇṷma॒nvābha̭jati॒ trirnirgṛ̭hṇāti॒ trirhi sa ta-ntasmai॒ prāya̭cchade॒ṣa te॒ yoniḥ॒ puna̭rhavira॒sītyā̭ha॒ punaḥ̭puna॒- [punaḥ̭punaḥ, hya̭smā-] 3
r-hya̭smā-nnirgṛ॒hṇāti॒ cakṣu॒rvā e॒ta-dya॒jñasya॒ yadu॒kthya̭-stasmā̭du॒kthyagṃ̭ hu॒tagṃ somā̭ a॒nvāya̭nti॒ tasmā̭dā॒tmā cakṣu॒ranvḙti॒ tasmā॒dekaṃ॒-ya~nta̭-mba॒havo-'nṷ yanti॒ tasmā॒deko̭ bahū॒nā-mbha॒dro bha̭vati॒ tasmā॒deko̭ ba॒hvīrjā॒yā vi̭ndate॒ yadi̭ kā॒mayḙtā-ddhva॒ryu-rā॒tmānaṃ̭-ya~jña yaśa॒senā᳚-rpayeya॒-mitya̭nta॒rā-''ha̭va॒nīya̭-ñca havi॒rdhāna̭-ñca॒ tiṣṭha॒nnava̭ naye- [nayet, ā॒tmāna̭me॒va] 4
-dā॒tmāna̭me॒va ya̭jñayaśa॒senā᳚rpayati॒ yadi̭ kā॒mayḙta॒ yaja̭mānaṃ-ya~jña yaśa॒senā᳚rpayeya॒-mitya̭nta॒rā sa̭dohavirdhā॒ne tiṣṭha॒nnava̭ naye॒-dyaja̭māname॒va ya̭jñayaśa॒senā᳚-rpayati॒ yadi̭ kā॒mayḙta sada॒syāṋ yajña yaśa॒senā᳚-rpayeya॒miti॒ sada̭ ā॒labhyāva̭ naye-thsada॒syā̭ne॒va ya̭jñayaśa॒senā᳚rpayati || 5 ||
(itī᳚ - ndri॒yame॒va - punaḥ̭ puna - rnaye॒t - traya̭strigṃśacca) (a. 1)
āyu॒rvā e॒ta-dya॒jñasya॒ ya-ddhru॒va ṷtta॒mo grahā̭ṇā-ṅgṛhyate॒ tasmā॒-dāyuḥ̭ prā॒ṇānā̭-mutta॒ma-mmū॒rdhāna̭-ndi॒vo a̭ra॒ti-mpṛ̭thi॒vyā ityā̭ha mū॒rdhāna̭-me॒vainagṃ̭ samā॒nānā᳚-ṅkaroti vaiśvāna॒ra-mṛ॒tāya̭ jā॒ta-ma॒gni-mityā̭ha vaiśvāna॒ragṃ hi de॒vata॒yā-''yṷ-rubha॒yato̭ vaiśvānaro gṛhyate॒ tasmā̭-dubha॒yataḥ̭ prā॒ṇā a॒dhastā᳚-cco॒pari̭ṣṭā-ccā॒rdhino॒-'nye grahā̭ gṛ॒hyante॒-'rdhī dhru॒va-stasmā̭- [dhru॒va-stasmā᳚t, a॒rdhyavā᳚-] 6
-da॒rdhyavā᳚-mprā॒ṇo᳚-'nyeṣā᳚-mprā॒ṇānā॒-mupo᳚pte॒-'nye grahā᳚-ssā॒dyante-'nṷpopte dhru॒vastasmā̭-da॒sthnānyāḥ pra॒jāḥ pra̭ti॒tiṣṭha̭nti mā॒gṃ॒senā॒nyā asṷrā॒ vā ṷttara॒taḥ pṛ̭thi॒vī-mpa॒ryāci̭kīrṣa॒-ntā-nde॒vā dhru॒veṇā̭dṛgṃha॒-nta-ddhru॒vasya̭ dhruva॒tvaṃ-ya~-ddhru॒va ṷttara॒ta-ssā॒dyate॒ dhṛtyā॒ āyu॒rvā e॒ta-dya॒jñasya॒ ya-ddhru॒va ā॒tmā hotā॒ yaddho̭tṛcama॒se dhru॒va-ma̭va॒naya̭tyā॒tmanne॒va ya॒jñasyā- [ya॒jñasya̭, āyṷ-rdadhāti] 7
-''yṷ-rdadhāti pu॒rastā̭-du॒kthasyā̭-'va॒nīya॒ ityā̭huḥ pu॒rastā॒ddhyāyṷṣo bhu॒ṅkte ma̭ddhya॒to̭-'va॒nīya॒ ityā̭hurmaddhya॒mena॒ hyāyṷṣo bhu॒ṅkta ṷttarā॒rdhḙ-'va॒nīya॒ ityā̭hurutta॒mena॒ hyāyṷṣo bhu॒ṅkte vai᳚śvade॒vyāmṛ॒ci śa॒syamā̭nāyā॒mava̭ nayati vaiśvade॒vyo̭ vai pra॒jāḥ pra॒jāsve॒vā-''yṷrdadhāti || 8 ||
(dhru॒vastasmā̭ - de॒va ya॒jñasyai - kā॒nnaca̭tvāri॒gṃ॒śacca̭) (a. 2)
ya॒jñena॒ vai de॒vā-ssṷva॒rgaṃ-lo~॒kamā̭ya॒-ntḙ-'manyanta manu॒ṣyā̭ no॒-'nvābha̭viṣya॒ntīti॒ te saṃ̭va~thsa॒reṇa̭ yopayi॒tvā sṷva॒rgaṃ-lo~॒kamā̭ya॒-ntamṛṣa̭ya ṛtugra॒haire॒vānu॒ prājā̭na॒n॒. yadṛ̭tugra॒hā gṛ॒hyantḙ suva॒rgasya̭ lo॒kasya॒ prajñā᳚tyai॒ dvāda̭śa gṛhyante॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒rasya॒ prajñā᳚tyai sa॒ha pra̭tha॒mau gṛ̭hyete sa॒hotta॒mau tasmā॒-ddvaudvā̭vṛ॒tū ṷbha॒yato̭mukha-mṛtupā॒tra-mbha̭vati॒ ko [mbha̭vati॒ kaḥ, hi ta-dveda॒] 9
hi ta-dveda॒ yata̭ ṛtū॒nā-mmukha̭mṛ॒tunā॒ preṣyeti॒ ṣa-ṭkṛtva̭ āha॒ ṣaḍvā ṛ॒tava̭ ṛ॒tūne॒va prī̭ṇātyṛ॒tubhi॒riti̭ ca॒tuścatṷṣpada e॒va pa॒śū-nprī̭ṇāti॒ dviḥ puna̭r-ṛ॒tunā̭-''ha dvi॒pada̭ e॒va prī̭ṇātyṛ॒tunā॒ preṣyeti॒ ṣa-ṭkṛtva̭ āha॒rtubhi॒riti̭ ca॒tustasmā॒-ccatṷṣpādaḥ pa॒śava̭ ṛ॒tūnupa̭ jīvanti॒ dviḥ [dviḥ, puna̭r-ṛ॒tunā̭-''ha॒] 10
puna̭r-ṛ॒tunā̭-''ha॒ tasmā᳚-ddvi॒pāda॒ścatṷṣpadaḥ pa॒śūnupa̭ jīvantyṛ॒tunā॒ preṣyeti॒ ṣa-ṭkṛtva̭ āha॒rtubhi॒riti̭ ca॒turdviḥ puna̭r-ṛ॒tunā̭-''hā॒ ''krama̭ṇame॒va ta-thsetuṃ॒-ya~ja̭mānaḥ kurute suva॒rgasya̭ lo॒kasya॒ sama̭ṣṭyai॒ nānyo᳚-'nyamanu॒ prapa̭dyeta॒ yada॒nyo᳚-'nyama̭nu pra॒padyḙta॒rtur-ṛ॒tumanu॒ prapa̭dyeta॒rtavo॒ mohṷkā-ssyuḥ॒ [mohṷkā-ssyuḥ, prasi̭ddhame॒vā-] 11
prasi̭ddhame॒vā-ddhva॒ryu-rdakṣi̭ṇena॒ prapa̭dyate॒ prasi̭ddha-mpratiprasthā॒totta̭reṇa॒ tasmā̭-dādi॒tya-ṣṣaṇmā॒so dakṣi̭ṇenaiti॒ ṣaḍutta̭reṇo-payā॒magṛ̭hīto-'si sa॒gṃ॒ sarpo᳚-'syagṃhaspa॒tyāya॒ tvetyā॒hāsti̭ trayoda॒śo māsa॒ ityā̭hu॒sta-me॒va ta-tprī̭ṇāti || 12 ||
(ko - jī̭vanti॒ dviḥ - syu॒ - ścatṷstrigṃśacca) (a. 3)
su॒va॒rgāya॒ vā e॒te lo॒kāya̭ gṛhyante॒ yadṛ̭tugra॒hā jyoti̭-rindrā॒gnī yadai᳚ndrā॒gna-mṛ̭tupā॒treṇa̭ gṛ॒hṇāti॒ jyoti̭-re॒vā-'smā̭ u॒pari̭ṣṭā-ddadhāti suva॒rgasya̭ lo॒kasyā-'nṷkhyātyā ojo॒bhṛtau॒ vā e॒tau de॒vānāṃ॒-ya~di̭ndrā॒gnī yadai᳚ndrā॒gno gṛ॒hyata॒ oja̭ e॒vāva̭ rundhe vaiśvade॒vagṃ śṷkrapā॒treṇa̭ gṛhṇāti vaiśvade॒vyo̭ vai pra॒jā a॒sāvā̭di॒tya-śśu॒kro ya-dvai᳚śvade॒vagṃ śṷkrapā॒treṇa̭ gṛ॒hṇāti॒ tasmā̭-da॒sā-vā̭di॒tya- [tasmā̭-da॒sā-vā̭di॒tyaḥ, sarvāḥ᳚] 13
-ssarvāḥ᳚ pra॒jāḥ pra॒tyaṅṅudḙti॒ tasmā॒-thsarva̭ e॒va ma̭nyate॒ mā-mpratyuda̭gā॒diti̭ vaiśvade॒vagṃ śṷkrapā॒treṇa̭ gṛhṇāti vaiśvade॒vyo̭ vai pra॒jāstejaḥ̭ śu॒kro ya-dvai᳚śvade॒vagṃ śṷkrapā॒treṇa̭ gṛ॒hṇāti̭ pra॒jāsve॒va tejo̭ dadhāti || 14 ||
(tasmā̭da॒sāvā̭di॒tya - stri॒gṃ॒śacca̭) (a. 4)
indro̭ ma॒rudbhi॒-ssāṃvi~̭dyena॒ māddhya̭ndine॒ sava̭ne vṛ॒trama̭ha॒n॒. yanmāddhya̭ndine॒ sava̭ne marutva॒tīyā̭ gṛ॒hyante॒ vārtra̭ghnā e॒va te yaja̭mānasya gṛhyante॒ tasya̭ vṛ॒tra-ñja॒ghnuṣa̭ ṛ॒tavo̭-'muhya॒nthsa ṛ̭tupā॒treṇa̭ marutva॒tīyā̭nagṛhṇā॒-ttato॒ vai sa ṛ॒tū-nprājā̭nā॒-dyadṛ̭tupā॒treṇa̭ marutva॒tīyā̭ gṛ॒hyanta̭ ṛtū॒nā-mprajñā᳚tyai॒ vajraṃ॒-vā~ e॒taṃ-ya~ja̭māno॒ bhrātṛ̭vyāya॒ pra ha̭rati॒ yanma̭rutva॒tīyā॒ ude॒va pra̭tha॒mena̭ [ude॒va pra̭tha॒mena̭, ya॒ccha॒ti॒ pra ha̭rati] 15
yacchati॒ pra ha̭rati dvi॒tīyḙna stṛṇu॒te tṛ॒tīye॒nā-''yṷdhaṃ॒-vā~ e॒ta-dyaja̭māna॒-ssagg skṷrute॒ yanma̭rutva॒tīyā॒ dhanṷre॒va pra̭tha॒mo jyā dvi॒tīya॒ iṣṷstṛ॒tīyaḥ॒ pratye॒va pra̭tha॒mena̭ dhatte॒ visṛ̭jati dvi॒tīyḙna॒ viddhya̭ti tṛ॒tīye॒nendro̭ vṛ॒tragṃ ha॒tvā parā᳚-mparā॒vata̭-magaccha॒-dapā̭rādha॒miti॒ manya̭māna॒-ssa hari̭to-'bhava॒-thsa e॒tā-nma̭rutva॒tīyā̭-nātma॒spara̭ṇā-napaśya॒-ttāna̭gṛhṇīta [ ] 16
prā॒ṇame॒va pra̭tha॒menā᳚-spṛṇutāpā॒na-ndvi॒tīyḙnā॒-''tmāna̭-ntṛ॒tīyḙnā-''tma॒spara̭ṇā॒ vā e॒te yaja̭mānasya gṛhyante॒ yanma̭rutva॒tīyāḥ᳚ prā॒ṇame॒va pra̭tha॒mena̭ spṛṇute-'pā॒na-ndvi॒tīyḙnā॒-''tmāna̭-ntṛ॒tīye॒nendro̭ vṛ॒trama̭ha॒-nta-nde॒vā a̭bruva-nma॒hān. vā a॒yama̭bhū॒dyo vṛ॒tramava̭dhī॒diti॒ tanma̭he॒ndrasya̭ mahendra॒tvagṃ sa e॒ta-mmā̭he॒ndra-mṷddhā॒ra-muda̭harata vṛ॒tragṃ ha॒tvā-'nyāsṷ de॒vatā॒sva dhi॒ yanmā̭he॒ndro gṛ॒hyata̭ uddhā॒rame॒va taṃ-ya~ja̭māna॒ uddha̭rate॒-'nyāsṷ pra॒jāsvadhi̭ śukrapā॒treṇa̭ gṛhṇāti yajamānadeva॒tyo̭ vai mā̭he॒ndrastejaḥ̭ śu॒kro yanmā̭he॒ndragṃ śṷkrapā॒treṇa̭ gṛ॒hṇāti॒ yaja̭māna e॒va tejo̭ dadhāti || 17 ||
(pra॒tha॒menā̭ - gṛhṇīta - de॒vatā᳚sva॒ - ṣṭāvigṃ̭śatiśca) (a. 5)
adi̭tiḥ pu॒trakā̭mā sā॒ddhyebhyo̭ de॒vebhyo᳚ brahmauda॒nama̭paca॒-ttasyā̭ u॒ccheṣa̭ṇamadadu॒sta-tprā-''śñā॒-thsā reto̭-'dhatta॒ tasyai̭ ca॒tvāra̭ ādi॒tyā a̭jāyanta॒ sā dvi॒tīya̭mapaca॒-thsā-'ma̭nyato॒ccheṣa̭ṇānma i॒me᳚-'jñata॒ yadagre᳚ prāśi॒ṣyāmī॒to me॒ vasī̭yāgṃso janiṣyanta॒ iti॒ sā-'gre॒ prā-''śñā॒-thsā reto̭-'dhatta॒ tasyai॒ vyṛ̭ddhamā॒ṇḍama̭jāyata॒ sā-''di॒tyebhya̭ e॒va [ ] 18
tṛ॒tīya̭mapaca॒-dbhogā̭ya ma i॒dagg śrā॒ntama॒stviti॒ te᳚-'bruva॒n varaṃ̭-vṛ~ṇāmahai॒ yo-'to॒ jāyā̭tā a॒smāka॒gṃ॒ sa eko̭-'sa॒dyo᳚-'sya pra॒jāyā॒mṛddhyā̭tā a॒smāka॒-mbhogā̭ya bhavā॒diti॒ tato॒ viva̭svānādi॒tyo̭ 'jāyata॒ tasya॒ vā i॒ya-mpra॒jā yanma̭nu॒ṣyā᳚stāsveka̭ e॒vardho yo yaja̭te॒ sa de॒vānā॒-mbhogā̭ya bhavati de॒vā vai ya॒jñā- [ya॒jñāt, ru॒dra-ma॒nta-] 19
-dru॒dra-ma॒nta-rā̭ya॒n-thsa ā̭di॒tyāna॒nvākra̭mata॒ te dvi̭deva॒tyā᳚-nprāpa̭dyanta॒ tā-nna prati॒ prāya̭ccha॒-ntasmā॒dapi॒ vaddhya॒-mprapa̭nna॒-nna prati॒ praya̭cchanti॒ tasmā᳚-ddvideva॒tye᳚bhya ādi॒tyo nirgṛ̭hyate॒ yadu॒ccheṣa̭ṇā॒-dajā̭yanta॒ tasmā̭-du॒ccheṣa̭ṇā-dgṛhyate ti॒sṛbhi̭r-ṛ॒gbhirgṛ̭hṇāti mā॒tā pi॒tā pu॒trastade॒va tanmi̭thu॒na-mulba॒-ṅgarbho̭ ja॒rāyu॒ tade॒va ta- [tade॒va tat, mi॒thu॒na-mpa॒śavo॒] 20
-nmi̭thu॒na-mpa॒śavo॒ vā e॒te yadā̭di॒tya ūrgdadhi̭ da॒ddhnā ma̭ddhya॒ta-śśrī̭ṇā॒tyūrja̭me॒va pa̭śū॒nā-mma̭ddhya॒to da̭dhāti śṛtāta॒ṅkyḙna meddhya॒tvāya॒ tasmā̭dā॒mā pa॒kva-ndṷhe pa॒śavo॒ vā e॒te yadā̭di॒tyaḥ pa̭ri॒śritya̭ gṛhṇāti prati॒ruddhyai॒vā-'smai̭ pa॒śū-ngṛ̭hṇāti pa॒śavo॒ vā e॒te yadā̭di॒tya e॒ṣa ru॒dro yada॒gniḥ pa̭ri॒śritya̭ gṛhṇāti ru॒drāde॒va pa॒śū-na॒nta-rda̭dhā- [-na॒nta-rda̭dhāti, e॒ṣa vai] 21
-tye॒ṣa vai viva̭svānādi॒tyo yadṷpāgṃ śu॒sava̭na॒-ssa e॒tame॒va so̭mapī॒tha-mpari̭ śaya॒ ā tṛ̭tīyasava॒nā-dviva̭sva ādityai॒ṣa tḙ somapī॒tha ityā̭ha॒ viva̭svanta-me॒vā-''di॒tyagṃ so̭mapī॒thena॒ sama̭rdhayati॒ yā di॒vyā vṛṣṭi॒stayā᳚ tvā śrīṇā॒mīti॒ vṛṣṭi̭kāmasya śrīṇīyā॒-dvṛṣṭi̭me॒vāva̭ rundhe॒ yadi̭ tā॒ja-kpra॒skande॒-dvarṣṷkaḥ pa॒rjanyaḥ̭ syā॒dyadi̭ ci॒ramava̭rṣuko॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣaṭku॒ryā--dru॒dra-mpra॒jā a॒nvava̭sṛje॒nna hu॒tvānvī᳚kṣeta॒ yada॒nvīkṣḙta॒ cakṣṷrasya pra॒māyṷkagg syā॒-ttasmā॒nnānvīkṣyaḥ̭ || 22 ||
(e॒va - ya॒jñā - jja॒rāyu॒ tade॒va tada॒ - ntarda̭dhāti॒ - na - sa॒ptavigṃ̭śatiśca) (a. 6)
a॒nta॒ryā॒ma॒pā॒treṇa̭ sāvi॒tra-mā᳚graya॒ṇā-dgṛ̭hṇāti pra॒jāpa̭ti॒rvā e॒ṣa yadā᳚graya॒ṇaḥ pra॒jānā᳚-mpra॒jana̭nāya॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣaṭku॒ryā-dru॒dra-mpra॒jā a॒nvava̭sṛje-de॒ṣa vai gā̭ya॒tro de॒vānāṃ॒-ya~-thsa̭vi॒taiṣa gā̭yatri॒yai lo॒ke gṛ̭hyate॒ yadā᳚graya॒ṇo yada̭ntaryāmapā॒treṇa̭ sāvi॒tra-mā᳚graya॒ṇā-dgṛ॒hṇāti॒ svā-de॒vainaṃ॒-yo~ne॒-rnirgṛ̭hṇāti॒ viśvḙ [viśve᳚, de॒vā-stṛ॒tīya॒gṃ॒] 23
de॒vā-stṛ॒tīya॒gṃ॒ sava̭na॒-nnoda̭yaccha॒-nte sa̭vi॒tāra̭-mprātassava॒nabhā̭ga॒gṃ॒ santa̭-ntṛtīyasava॒nama॒bhi parya̭ṇaya॒-ntato॒ vai te tṛ॒tīya॒gṃ॒ sava̭na॒-muda̭yaccha॒n॒. ya-ttṛ̭tīyasava॒ne sā̭vi॒tro gṛ॒hyatḙ tṛ॒tīya̭sya॒ sava̭na॒syodya̭tyai savitṛpā॒treṇa̭ vaiśvade॒va-ṅka॒laśā᳚-dgṛhṇāti vaiśvade॒vyo̭ vai pra॒jā vai᳚śvade॒vaḥ ka॒laśaḥ̭ savi॒tā pra̭sa॒vānā̭mīśe॒ ya-thsa̭vitṛpā॒treṇa̭ vaiśvade॒va-ṅka॒laśā᳚-dgṛ॒hṇāti̭ savi॒tṛpra̭sūta e॒vāsmai᳚ pra॒jāḥ pra [pra॒jāḥ pra, ja॒na॒ya॒ti॒ some॒ soma̭ma॒bhi] 24
ja̭nayati॒ some॒ soma̭ma॒bhi gṛ̭hṇāti॒ reta̭ e॒va ta-dda̭dhāti su॒śarmā̭-'si supratiṣṭhā॒na ityā̭ha॒ some॒ hi soma̭mabhigṛ॒hṇāti॒ prati̭ṣṭhityā e॒tasmi॒n vā api॒ grahḙ manu॒ṣye᳚bhyo de॒vebhyaḥ̭ pi॒tṛbhyaḥ̭ kriyate su॒śarmā̭-'si supratiṣṭhā॒na ityā̭ha manu॒ṣye᳚bhya e॒vaitena̭ karoti bṛ॒hadityā̭ha de॒vebhya̭ e॒vaitena̭ karoti॒ nama॒ ityā̭ha pi॒tṛbhya̭ e॒vaitena̭ karotye॒ tāva̭tī॒ rvai de॒vatā॒stābhya̭ e॒vaina॒gṃ॒ sarvā᳚bhyo gṛhṇātye॒ṣa te॒ yoni॒rviśve᳚bhyastvā de॒vebhya॒ ityā̭ha vaiśvade॒vo hyḙṣaḥ || 25 ||
(viśve॒ - pra - pi॒tṛbhya̭ e॒vaitena̭ karo॒tye - kā॒nnavigṃ̭śa॒tiśca̭) (a. 7)
prā॒ṇo vā e॒ṣa yadṷpā॒gṃ॒śu-ryadṷpāgṃśupā॒treṇa̭ pratha॒maśco᳚tta॒maśca॒ grahaṷ gṛ॒hyete᳚ prā॒ṇame॒vānṷ pra॒yanti̭ prā॒ṇamanūdya̭nti pra॒jāpa̭ti॒rvā e॒ṣa yadā᳚graya॒ṇaḥ prā॒ṇa ṷpā॒gṃ॒śuḥ patnīḥ᳚ pra॒jāḥ pra ja̭nayanti॒ yadṷpāgṃśupā॒treṇa̭ pātnīva॒tamā᳚graya॒ṇā-dgṛ॒hṇāti̭ pra॒jānā᳚-mpra॒jana̭nāya॒ tasmā᳚-tprā॒ṇa-mpra॒jā anu॒ pra jā̭yante de॒vā vā i॒ta i̭taḥ॒ patnī᳚-ssuva॒rgaṃ- [patnī᳚-ssuva॒rgam, lo॒ka-ma̭jigāgṃsa॒-nte] 26
-~lo॒ka-ma̭jigāgṃsa॒-nte sṷva॒rgaṃ-lo~॒ka-nna prājā̭na॒-nta e॒ta-mpā᳚tnīva॒tama̭paśya॒-ntama̭gṛhṇata॒ tato॒ vai te sṷva॒rgaṃ-lo~॒ka-mprājā̭na॒n॒. ya-tpā᳚tnīva॒to gṛ॒hyatḙ suva॒rgasya̭ lo॒kasya॒ prajñā᳚tyai॒ sa somo॒ nāti̭ṣṭhata strī॒bhyo gṛ॒hyamā̭ṇa॒sta-ṅghṛ॒taṃ-va~jra̭-ṅkṛ॒tvā-'ghna॒-nta-nniri̭ndriya-mbhū॒tama̭gṛhṇa॒-ntasmā॒-thstriyo॒ niri̭ndriyā॒ adā̭yādī॒rapi̭ pā॒pā-tpu॒gṃ॒sa upa̭stitaraṃ- [upa̭stitaram, va॒da॒nti॒ ya-dghṛ॒tena̭] 27
-~vadanti॒ ya-dghṛ॒tena̭ pātnīva॒tagg śrī॒ṇāti॒ vajrḙṇai॒vainaṃ॒-va~śḙ kṛ॒tvā gṛ̭hṇā-tyupayā॒magṛ̭hīto॒-'sītyā̭he॒yaṃ-vā~ ṷpayā॒ma-stasmā̭di॒mā-mpra॒jā anu॒ pra jā̭yante॒ bṛha॒spati̭sutasya ta॒ ityā̭ha॒ brahma॒ vai de॒vānā॒-mbṛha॒spati॒-rbrahma̭ṇai॒vāsmai᳚ pra॒jāḥ pra ja̭nayatīndo॒ ityā̭ha॒ reto॒ vā indū॒ reta̭ e॒va ta-dda̭dhātīndriyāva॒ i- [iti̭, ā॒ha॒ pra॒jā] 28
-tyā̭ha pra॒jā vā i̭ndri॒ya-mpra॒jā e॒vāsmai॒ pra ja̭naya॒tyagnā(3) ityā̭hā॒gnirvai rḙto॒dhāḥ patnī̭va॒ ityā̭ha mithuna॒tvāya̭ sa॒jūrde॒vena॒ tvaṣṭrā॒ soma̭-mpi॒betyā̭ha॒ tvaṣṭā॒ vai pa̭śū॒nā-mmi̭thu॒nānāgṃ̭ rūpa॒kṛ-drū॒pame॒va pa॒śuṣṷ dadhāti de॒vā vai tvaṣṭā̭ramajighāgṃsa॒n-thsa patnīḥ॒ prāpa̭dyata॒ ta-nna prati॒ prā-'ya̭ccha॒-ntasmā॒dapi॒ [prā-'ya̭ccha॒-ntasmā॒dapi̭, vaddhya॒-mprapa̭nna॒-] 29
vaddhya॒-mprapa̭nna॒-nna prati॒ praya̭cchanti॒ tasmā᳚-tpātnīva॒te tvaṣṭre-'pi̭ gṛhyate॒ na sā̭daya॒tyasa̭nnā॒ddhi pra॒jāḥ pra॒jāya̭nte॒ nānu॒ vaṣa̭-ṭkaroti॒ yada̭nuvaṣa-ṭku॒ryā-dru॒dra-mpra॒jā a॒nvava̭sṛje॒-dyannā-'nṷvaṣaṭku॒ryā-daśā᳚nta-ma॒gnī-thsoma̭-mbhakṣaye-dupā॒g॒śvanu॒ vaṣa̭-ṭkaroti॒ na ru॒dra-mpra॒jā a̭nvavasṛ॒jati̭ śā॒ntama॒gnī-thsoma̭-mbhakṣaya॒tyagnī॒-nneṣṭṷ-ru॒pastha॒mā sī̭da॒ [sī̭da, neṣṭaḥ॒ patnī̭-] 30
neṣṭaḥ॒ patnī̭-mu॒dāna॒yetyā̭hā॒-gnīde॒va neṣṭa̭ri॒ reto॒ dadhā̭ti॒ neṣṭā॒ patni̭yāmu-dgā॒trā sa-ṅkhyā̭payati pra॒jāpa̭ti॒rvā e॒ṣa yadṷdgā॒tā pra॒jānā᳚-mpra॒jana̭nāyā॒pa upa॒ pra va̭rtayati॒ reta̭ e॒va ta-thsi̭ñcatyū॒ruṇopa॒ pra va̭rtayatyū॒ruṇā॒ hi retaḥ̭ si॒cyatḙ nagna॒-ṅkṛtyo॒-rumupa॒ pra va̭rtayati ya॒dā hi na॒gna ū॒rurbhava॒tyatha̭ mithu॒nī bha̭va॒to-'tha॒ retaḥ̭ sicya॒te-'tha̭ pra॒jāḥ pra jā̭yante || 31 ||
(patnī᳚-ssuva॒rga - mupa̭stitara - mindriyāva॒ itya - pi̭ - sīda - mithu॒nya̭ - ṣṭau ca̭) (a. 8)
indro̭ vṛ॒trama̭ha॒-ntasya̭ śīrṣakapā॒la-mudau᳚bja॒-thsa dro̭ṇakala॒śo̭-'bhava॒-ttasmā॒-thsoma॒-ssama̭srava॒-thsa hā̭riyoja॒no̭-'bhava॒-ttaṃ-vya~̭cikithsa-jju॒havā॒nī(3) mā hau॒ṣā(3)-miti॒ so̭-'manyata॒ yaddho॒ṣyāmyā॒magṃ ho᳚ṣyāmi॒ yanna ho॒ṣyāmi̭ yajñaveśa॒sa-ṅka̭riṣyā॒mīti॒ tama̭ddhriyata॒ hotu॒gṃ॒ so᳚-'gni-ra̭bravī॒nna mayyā॒magṃ ho᳚ṣya॒sīti॒ ta-ndhā॒nābhi̭-raśrīṇā॒- [-raśrīṇāt, tagṃ śṛ॒ta-] 32
-ttagṃ śṛ॒ta-mbhū॒ta-ma̭juho॒dya-ddhā॒nābhi̭r-hāriyoja॒nagg śrī॒ṇāti̭ śṛta॒tvāya̭ śṛ॒ta-me॒vaina̭-mbhū॒ta-ñjṷhoti ba॒hvībhiḥ̭ śrīṇātye॒tāva̭tī-re॒vāsyā॒-muṣmi̭n ~lo॒ke kā̭ma॒dughā̭ bhava॒ntyatho॒ khalvā̭hure॒tā vā indra̭sya॒ pṛśña̭yaḥ kāma॒dughā॒ yaddhā̭riyoja॒nīriti॒ tasmā᳚-dba॒hvībhiḥ̭ śrīṇīyādṛkhsā॒me vā indra̭sya॒ harī̭ soma॒pānau॒ tayoḥ᳚ pari॒dhaya̭ ā॒dhānaṃ॒-ya~dapra̭hṛtya pari॒dhī-ñjṷhu॒yā-da॒ntarā̭dhānābhyā- [-da॒ntarā̭dhānābhyām, ghā॒sa-mpra] 33
-ṅghā॒sa-mpra ya̭cche-tpra॒hṛtya̭ pari॒dhīñjṷhoti॒ nirā̭dhānābhyā-me॒va ghā॒sa-mpra ya̭cchatyunne॒tā jṷhoti yā॒tayā̭meva॒ hyḙtarhya̭ddhva॒ryu-ssva॒gākṛ̭to॒ ya-da̭ddhva॒ryu-rjṷhu॒yā-dyathā॒ vimṷkta॒-mpuna̭ryu॒nakti̭ tā॒dṛge॒va tacchī॒r॒ṣa-nna̭dhini॒dhāya̭ juhoti śīrṣa॒to hi sa sa॒mabha̭va-dvi॒kramya̭ juhoti vi॒kramya॒ hīndro̭ vṛ॒tramaha॒n-thsamṛ̭ddhyai pa॒śavo॒ vai hā̭riyoja॒nīrya-thsa̭bhi॒nndyā-dalpā̭ [-dalpāḥ᳚, e॒na॒-mpa॒śavo̭] 34
ena-mpa॒śavo̭ bhu॒ñjanta॒ upa̭tiṣṭhera॒n॒. yanna sa̭bhi॒nndyā-dba॒hava̭ ena-mpa॒śavo-'bhṷñjanta॒ upa̭ tiṣṭhera॒-nmana̭sā॒ sa-mbā̭dhata u॒bhaya̭-ṅkaroti ba॒hava̭ e॒vaina̭-mpa॒śavo̭ bhu॒ñjanta॒ upa̭ tiṣṭhanta unne॒taryṷpaha॒va-mi̭cchante॒ ya e॒va tatra̭ somapī॒thasta-me॒vāva̭ rundhata uttarave॒dyā-nniva̭pati pa॒śavo॒ vā ṷttarave॒diḥ pa॒śavo̭ hāriyoja॒nīḥ pa॒śuṣve॒va pa॒śū-nprati̭ ṣṭhāpayanti || 35 ||
(a॒śrī॒ṇā॒ - da॒ntarā̭dhānābhyā॒ - malpāḥ᳚ - sthāpayanti) (a. 9)
grahā॒n॒. vā anṷ pra॒jāḥ pa॒śavaḥ॒ pra jā̭yanta upāgśvantaryā॒-māva̭jā॒vayaḥ̭ śu॒krāma॒nthinau॒ purṷṣā ṛtugra॒hā-neka̭śaphā ādityagra॒ha-ṅgāva̭ ādityagra॒ho bhūyi̭ṣṭhābhir-ṛ॒gbhirgṛ̭hyate॒ tasmā॒-dgāvaḥ̭ paśū॒nā-mbhūyi̭ṣṭhā॒ ya-ttrirṷpā॒gṃ॒ śugṃ hastḙna vigṛ॒hṇāti॒ tasmā॒-ddvau trīna॒jā ja॒naya॒tyathāva̭yo॒ bhūya̭sīḥ pi॒tā vā e॒ṣa yadā᳚graya॒ṇaḥ pu॒traḥ ka॒laśo॒ yadā᳚graya॒ṇa ṷpa॒dasye᳚-tka॒laśā᳚-dgṛhṇīyā॒-dyathā̭ pi॒tā [ ] 36
pu॒tra-ṅkṣi॒ta ṷpa॒dhāva̭ti tā॒dṛge॒va tadya-tka॒laśa̭ upa॒dasyḙ-dāgraya॒ṇā-dgṛ̭hṇīyā॒-dyathā̭ pu॒traḥ pi॒tara̭-ṅkṣi॒ta ṷpa॒dhāva̭ti tā॒dṛge॒va tadā॒tmā vā e॒ṣa ya॒jñasya॒ yadā᳚graya॒ṇo yadgraho̭ vā ka॒laśo̭ vopa॒dasyḙ-dāgraya॒ṇā-dgṛ̭hṇīyādā॒tmana̭ e॒vādhi̭ ya॒jña-nniṣka̭ro॒tyavi̭jñāto॒ vā e॒ṣa gṛ̭hyate॒ yadā᳚graya॒ṇa-ssthā॒lyā gṛ॒hṇāti̭ vāya॒vyḙna juhoti॒ tasmā॒- [tasmā᳚t, garbhe॒ṇā 'vi̭jñātena] 37
-dgarbhe॒ṇā 'vi̭jñātena brahma॒hā 'va̭bhṛ॒thamava̭ yanti॒ parā᳚ sthā॒līrasya॒ntyu-dvā̭ya॒vyā̭ni haranti॒ tasmā॒-thstriya̭-ñjā॒tā-mparā᳚-'sya॒ntyu-tpumāgṃ̭ sagṃ haranti॒ ya-tpṷro॒ruca॒māha॒ yathā॒ vasya̭sa ā॒hara̭ti tā॒dṛge॒va ta-dya-dgraha̭-ṅgṛ॒hṇāti॒ yathā॒ vasya̭sa ā॒hṛtya॒ prā-''ha̭ tā॒dṛge॒va ta-dya-thsā॒daya̭ti॒ yathā॒ vasya̭sa upani॒dhāyā̭-pa॒krāma̭ti tā॒dṛge॒va ta-dya dvai ya॒jñasya॒ sāmnā॒ yajṷṣā kri॒yatḙ śithi॒la-nta-dyadṛ॒cā ta-ddṛ॒ḍha-mpu॒rastā̭dupayāmā॒ yajṷṣā gṛhyanta u॒pari̭ṣṭā-dupayāmā ṛ॒cā ya॒jñasya॒ dhṛtyai᳚ || 38 ||
(yathā̭ pi॒tā-tasmā̭-dapa॒krāma̭ti tā॒dṛge॒va ta-dya-da॒ṣṭā da̭śa ca) (a. 10)
prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒-'mume॒va tairlo॒kama॒bhi ja̭yati॒ parā̭ṅiva॒ hya̭sau lo॒ko yāni॒ punaḥ̭ prayu॒jyanta̭ i॒mame॒va tairlo॒kama॒bhi ja̭yati॒ punaḥ̭puna-riva॒ hya̭yaṃ-lo~॒kaḥ prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒ tānyanvoṣa̭dhayaḥ॒ parā̭ bhavanti॒ yāni॒ punaḥ̭ [punaḥ̭, pra॒yu॒jyante॒] 39
prayu॒jyante॒ tānyanvoṣa̭dhayaḥ॒ puna॒rā bha̭vanti॒ prānyāni॒ pātrā̭ṇi yu॒jyante॒ nānyāni॒ yāni̭ parā॒cīnā̭ni prayu॒jyante॒ tānyanvā̭ra॒ṇyāḥ pa॒śavo-'ra̭ṇya॒-mapa̭ yanti॒ yāni॒ punaḥ̭ prayu॒jyante॒ tānyanṷ grā॒myāḥ pa॒śavo॒ grāma̭-mu॒pāva̭yanti॒ yo vai grahā̭ṇā-nni॒dānaṃ॒-ve~da̭ ni॒dāna̭vā-nbhava॒tyājya॒-mityu॒ktha-ntadvai grahā̭ṇā-nni॒dānaṃ॒-ya~dṷpā॒gṃ॒śu śagṃsa̭ti॒ ta- [śagṃsa̭ti॒ tat, u॒pā॒gśva॒nta॒ryā॒mayo॒-] 40
-dṷpāgśvantaryā॒mayo॒-ryadu॒ccai-stadita̭reṣā॒-ṅgrahā̭ṇāme॒tadvai grahā̭ṇā-nni॒dānaṃ॒-ya~ e॒vaṃ-ve~da̭ ni॒dāna̭vā-nbhavati॒ yo vai grahā̭ṇā-mmithu॒naṃ-ve~da॒ pra pra॒jayā̭ pa॒śubhi̭-rmithu॒nai-rjā̭yate sthā॒lībhi̭-ra॒nye grahā̭ gṛ॒hyantḙ vāya॒vyai̭-ra॒nya e॒tadvai grahā̭ṇā-mmithu॒naṃ-ya~ e॒vaṃ-ve~da॒ pra pra॒jayā̭ pa॒śubhi̭-rmithu॒nai-rjā̭yata॒ indra॒stvaṣṭu॒-ssoma̭-mabhī॒ṣahā̭-'piba॒-thsa viṣva॒- [viṣvaṅṋ̇, vyā᳚rccha॒-thsa] 41
ṅvyā᳚rccha॒-thsa ā॒tmannā॒rama̭ṇa॒-nnāvi̭nda॒-thsa e॒tā-na̭nusava॒na-mpṷro॒ḍāśā̭napaśya॒-ttā-nnira̭vapa॒-ttairvai sa ā॒tmannā॒rama̭ṇa-makuruta॒ tasmā̭-danusava॒na-mpṷro॒ḍāśā॒ nirṷpyante॒ tasmā̭-danusava॒na-mpṷro॒ḍāśā̭nā॒-mprā-'śñī̭yādā॒tma-nne॒vā-''rama̭ṇa-ṅkurute॒ naina॒gṃ॒ somo-'ti̭ pavate brahmavā॒dino̭ vadanti॒ narcā na yajṷṣā pa॒ṅkti-rā᳚pya॒te-'tha॒ kiṃ ~ya॒jñasya̭ pāṅkta॒tvamiti̭ dhā॒nāḥ ka̭ra॒mbhaḥ pa̭rivā॒paḥ pṷro॒ḍāśaḥ̭ paya॒syā̭ tena̭ pa॒ṅkti-rā᳚pyate॒ ta-dya॒jñasya̭ pāṅkta॒tvam || 42 ||
(bha॒va॒nti॒ yāni॒ punaḥ॒ - śagṃsa̭ti॒ ta - dviṣvaṃ॒ - kiṃ - catṷrdaśa ca) (a. 11)
(indro̭ vṛ॒trāya- ''yu॒rve - ya॒jñena̭ - suva॒rgā - yendro̭ ma॒rudbhi॒ - radi̭ti - rantaryāmapā॒treṇa̭ - prā॒ṇa ṷpāgṃśu pā॒tre - ṇendro̭ vṛ॒trama̭ha॒-ntasya॒ - grahā॒n - prānyā - nyekā̭daśa)
(indro̭ vṛ॒trāya॒ - puna̭r-ṛ॒tunā̭-''ha - mithu॒na-mpa॒śavo॒ - neṣṭaḥ॒ patnī̭ - mupāgśvantaryā॒mayo॒ - dvica̭tvārigṃśat)
(indro̭ vṛ॒trāya̭, pāṅkta॒tvam)
|| hariḥ̭ om ||
|| kṛṣṇa yajurvedīya taittirīya saṃhitāyāṃ ṣaṣṭhakāṇḍe pañcamaḥ praśna-ssamāptaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.