Shri Kalika Sahasra Nama Stotram — Latin Script

śrī śiva uvāca |

kathito'yaṃ mahāmantraḥ sarvamantrottamottamaḥ |

Verse 1

yāmāsādya mayā prāptamaiśvaryapadamuttamam || 1 ||

saṃyuktaḥ parayā bhaktyā yathokta vidhinā bhavān |

Verse 2

kurutāmarcanaṃ devyāstrailokyavijigīṣayā || 2 ||

śrīparaśurāma uvāca |

prasanno yadi me deva parameśa purātana |

Verse 3

rahasyaṃ paramaṃ devyāḥ kṛpayā kathaya prabho || 3 ||

vinārcanaṃ vinā homaṃ vinā nyāsaṃ vinā balim |

Verse 4

vinā gandhaṃ vinā puṣpaṃ vinā nityoditāṃ kriyām || 4 ||

prāṇāyāmaṃ vinā dhyānaṃ vinā bhūtaviśodhanam |

Verse 5

vinā dānaṃ vinā jāpaṃ yena kālī prasīdati || 5 ||

śrī śiva uvāca |

pṛṣṭaṃ tvayottamaṃ prājña bhṛguvaṃśa samudbhava |

Verse 6

bhaktānāmapi bhakto'si tvameva sādhayiṣyasi || 6 ||

devīṃ dānavakoṭighnīṃ līlayā rudhirapriyām |

Verse 7

sadā stotrapriyāmugrāṃ kāmakautukalālasām || 7 ||

sarvadā''nandahṛdayāmāsavotsava mānasām |

Verse 8

mādhvīka matsyamāṃsānurāgiṇīṃ vaiṣṇavīṃ parām || 8 ||

śmaśānavāsinīṃ pretagaṇanṛtyamahotsavām |

Verse 9

yogaprabhāvāṃ yogeśīṃ yogīndrahṛdayasthitām || 9 ||

tāmugrakālikāṃ rāma prasīdayitumarhasi |

Verse 10

tasyāḥ stotraṃ paraṃ puṇyaṃ svayaṃ kālyā prakāśitam || 10 ||

tava tat kathayiṣyāmi śrutvā vatsāvadhāraya |

Verse 11

gopanīyaṃ prayatnena paṭhanīyaṃ parātparam || 11 ||

yasyaikakālapaṭhanāt sarve vighnāḥ samākulāḥ |

Verse 12

naśyanti dahane dīpte pataṅgā iva sarvataḥ || 12 ||

gadyapadyamayī vāṇī tasya gaṅgāpravāhavat |

Verse 13

tasya darśanamātreṇa vādino niṣprabhāṃ gatāḥ || 13 ||

tasya haste sadaivāsti sarvasiddhirna saṃśayaḥ |

Verse 14

rājāno'pi ca dāsatvaṃ bhajante kiṃ pare janāḥ || 14 ||

niśīthe muktakeśastu nagnaḥ śaktisamāhitaḥ |

Verse 15

manasā cintayet kālīṃ mahākālena cālitām || 15 ||

paṭhet sahasranāmākhyaṃ stotraṃ mokṣasya sādhanam |

Verse 16

prasannā kālikā tasya putratvenānukampate || 16 ||

yathā brahmamṛtairbrahmakusumaiḥ pūjitā parā |

Verse 17

prasīdati tathānena stutā kālī prasīdati || 17 ||

viniyogaḥ –

asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |

dhyānam –

śavārūḍhāṃ mahābhīmāṃ ghoradaṃṣṭrāṃ hasanmukhīṃ

caturbhujāṃ khaḍgamuṇḍavarābhayakarāṃ śivām |

muṇḍamālādharāṃ devīṃ lalājjihvāṃ digambarāṃ

evaṃ sañcintayetkālīṃ śmaśānālayavāsinīm ||

stotram –

śmaśānakālikā kālī bhadrakālī kapālinī |

Verse 1

guhyakālī mahākālī kurukullā virodhinī || 1 ||

kālikā kālarātriśca mahākālanitambinī |

Verse 2

kālabhairavabhāryā ca kulavartmaprakāśinī || 2 ||

kāmadā kāminī kanyā kamanīyasvarūpiṇī |

Verse 3

kastūrīrasaliptāṅgī kuñjareśvaragāminī || 3 ||

kakāravarṇasarvāṅgī kāminī kāmasundarī |

Verse 4

kāmārtā kāmarūpā ca kāmadhenuḥ kalāvatī || 4 ||

kāntā kāmasvarūpā ca kāmākhyā kulakāminī |

Verse 5

kulīnā kulavatyambā durgā durgatināśinī || 5 ||

kaumārī kalajā kṛṣṇā kṛṣṇadehā kṛśodarī |

Verse 6

kṛśāṅgī kuliśāṅgī ca krīṅkārī kamalā kalā || 6 ||

karālāsyā karālī ca kulakāntā'parājitā |

Verse 7

ugrā ugraprabhā dīptā vipracittā mahābalā || 7 ||

nīlā ghanā meghanādā mātrā mudrā mitāmitā |

Verse 8

brāhmī nārāyaṇī bhadrā subhadrā bhaktavatsalā || 8 ||

māheśvarī ca cāmuṇḍā vārāhī nārasiṃhikā |

Verse 9

vajrāṅgī vajrakaṅkālī nṛmuṇḍasragviṇī śivā || 9 ||

mālinī naramuṇḍālī galadraktavibhūṣaṇā |

Verse 10

raktacandanasiktāṅgī sindūrāruṇamastakā || 10 ||

ghorarūpā ghoradaṃṣṭrā ghorāghoratarā śubhā |

Verse 11

mahādaṃṣṭrā mahāmāyā sudatī yugadanturā || 11 ||

sulocanā virūpākṣī viśālākṣī trilocanā |

Verse 12

śāradenduprasannāsyā sphuratsmerāmbujekṣaṇā || 12 ||

aṭṭahāsapraphullāsyā smeravaktrā subhāṣiṇī |

Verse 13

praphullapadmavadanā smitāsyā priyabhāṣiṇī || 13 ||

koṭarākṣī kulaśreṣṭhā mahatī bahubhāṣiṇī |

Verse 14

sumatiḥ kumatiścaṇḍā caṇḍamuṇḍātiveginī || 14 ||

sukeśī muktakeśī ca dīrghakeśī mahākacā |

Verse 15

pretadehākarṇapūrā pretapāṇisumekhalā || 15 ||

pretāsanā priyapretā puṇyadā kulapaṇḍitā |

Verse 16

puṇyālayā puṇyadehā puṇyaślokā ca pāvanī || 16 ||

pūtā pavitrā paramā parā puṇyavibhūṣaṇā |

Verse 17

puṇyanāmnī bhītiharā varadā khaḍgapāṇinī || 17 ||

nṛmuṇḍahastā śāntā ca chinnamastā sunāsikā |

Verse 18

dakṣiṇā śyāmalā śyāmā śāntā pīnonnatastanī || 18 ||

digambarā ghorarāvā sṛkkāntaraktavāhinī |

Verse 19

ghorarāvā śivāsaṅgā niḥsaṅgā madanāturā || 19 ||

mattā pramattā madanā sudhāsindhunivāsinī |

Verse 20

atimattā mahāmattā sarvākarṣaṇakāriṇī || 20 ||

gītapriyā vādyaratā pretanṛtyaparāyaṇā |

Verse 21

caturbhujā daśabhujā aṣṭādaśabhujā tathā || 21 ||

kātyāyanī jaganmātā jagatī parameśvarī |

Verse 22

jagadbandhurjagaddhātrī jagadānandakāriṇī || 22 ||

jagajjīvavatī haimavatī māyā mahālayā |

Verse 23

nāgayajñopavītāṅgī nāginī nāgaśāyinī || 23 ||

nāgakanyā devakanyā gāndhārī kinnarī surī |

Verse 24

moharātrī mahārātrī dāruṇāmāsurāsurī || 24 ||

vidyādharī vasumatī yakṣiṇī yoginī jarā |

Verse 25

rākṣasī ḍākinī vedamayī vedavibhūṣaṇā || 25 ||

śrutismṛtimahāvidyā guhyavidyā purātanī |

Verse 26

cintyā'cintyā svadhā svāhā nidrā tandrā ca pārvatī || 26 ||

aparṇā niścalā lolā sarvavidyā tapasvinī |

Verse 27

gaṅgā kāśī śacī sītā satī satyaparāyaṇā || 27 ||

nītiḥ sunītiḥ surucistuṣṭiḥ puṣṭirdhṛtiḥ kṣamā |

Verse 28

vāṇī buddhirmahālakṣmī lakṣmīrnīlasarasvatī || 28 ||

srotasvatī srotavatī mātaṅgī vijayā jayā |

Verse 29

nadī sindhuḥ sarvamayī tārā śūnyanivāsinī || 29 ||

śuddhā taraṅgiṇī medhā lākinī bahurūpiṇī |

Verse 30

sadānandamayī satyā sarvānandasvarūpiṇī || 30 ||

sunandā nandinī stutyā stavanīyā svabhāvinī |

Verse 31

raṅkiṇī ṭaṅkiṇī citrā vicitrā citrarūpiṇī || 31 ||

padmā padmālayā padmasukhī padmavibhūṣaṇā |

Verse 32

śākinī hākinī kṣāntā rākiṇī rudhirapriyā || 32 ||

bhrāntirbhavānī rudrāṇī mṛḍānī śatrumardinī |

Verse 33

upendrāṇī maheśānī jyotsnā cendrasvarūpiṇī || 33 ||

sūryātmikā rudrapatnī raudrī strī prakṛtiḥ pumān |

Verse 34

śaktiḥ sūktirmatimatī bhuktirmuktiḥ pativratā || 34 ||

sarveśvarī sarvamātā śarvāṇī haravallabhā |

Verse 35

sarvajñā siddhidā siddhā bhāvyā bhavyā bhayāpahā || 35 ||

kartrī hartrī pālayitrī śarvarī tāmasī dayā |

Verse 36

tamisrā yāminīsthā ca sthirā dhīrā tapasvinī || 36 ||

cārvaṅgī cañcalā lolajihvā cārucaritriṇī |

Verse 37

trapā trapāvatī lajjā nirlajjā hrīṃ rajovatī || 37 ||

sattvavatī dharmaniṣṭhā śreṣṭhā niṣṭhuravādinī |

Verse 38

gariṣṭhā duṣṭasaṃhartrī viśiṣṭā śreyasī ghṛṇā || 38 ||

bhīmā bhayānakā bhīmanādinī bhīḥ prabhāvatī |

Verse 39

vāgīśvarī śrīryamunā yajñakartrī yajuḥpriyā || 39 ||

ṛksāmātharvanilayā rāgiṇī śobhanasvarā |

Verse 40

kalakaṇṭhī kambukaṇṭhī veṇuvīṇāparāyaṇā || 40 ||

vaṃśinī vaiṣṇavī svacchā dhātrī trijagadīśvarī |

Verse 41

madhumatī kuṇḍalinī ṛddhiḥ siddhiḥ śucismitā || 41 ||

rambhorvaśī ratī rāmā rohiṇī revatī ramā |

Verse 42

śaṅkhinī cakriṇī kṛṣṇā gadinī padminī tathā || 42 ||

śūlinī parighāstrā ca pāśinī śārṅgapāṇinī |

Verse 43

pinākadhāriṇī dhūmrā śarabhī vanamālinī || 43 ||

vajriṇī samaraprītā veginī raṇapaṇḍitā |

Verse 44

jaṭinī bimbinī nīlā lāvaṇyāmbudhicandrikā || 44 ||

balipriyā sadāpūjyā pūrṇā daityendramāthinī |

Verse 45

mahiṣāsurasaṃhantrī vāsinī raktadantikā || 45 ||

raktapā rudhirāktāṅgī raktakharparahastinī |

Verse 46

raktapriyā māṃsarucirvāsavāsaktamānasā || 46 ||

galacchoṇitamuṇḍālikaṇṭhamālāvibhūṣaṇā |

Verse 47

śavāsanā citāntasthā māheśī vṛṣavāhinī || 47 ||

vyāghratvagambarā cīnacelinī siṃhavāhinī |

Verse 48

vāmadevī mahādevī gaurī sarvajñabhāvinī || 48 ||

bālikā taruṇī vṛddhā vṛddhamātā jarāturā |

Verse 49

subhrurvilāsinī brahmavādinī brāhmaṇī mahī || 49 ||

svapnavatī citralekhā lopāmudrā sureśvarī |

Verse 50

amoghā'rundhatī tīkṣṇā bhogavatyanuvādinī || 50 ||

mandākinī mandahāsā jvālāmukhyasurāntakā |

Verse 51

mānadā māninī mānyā mānanīyā madoddhatā || 51 ||

madirā madirānmādā medhyā navyā prasādinī |

Verse 52

sumadhyā'nantaguṇinī sarvalokottamottamā || 52 ||

jayadā jitvarā jaitrī jayaśrīrjayaśālinī |

Verse 53

sukhadā śubhadā satyā sabhāsaṅkṣobhakāriṇī || 53 ||

śivadūtī bhūtimatī vibhūtirbhīṣaṇānanā |

Verse 54

kaumārī kulajā kuntī kulastrī kulapālikā || 54 ||

kīrtiryaśasvinī bhūṣā bhūṣyā bhūtapatipriyā |

Verse 55

saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||

dhaniṣṭhā dhanadā dhanyā vasudhā svaprakāśinī |

Verse 56

urvī gurvī guruśreṣṭhā saguṇā triguṇātmikā || 56 ||

mahākulīnā niṣkāmā sakāmā kāmajīvanā |

Verse 57

kāmadevakalā rāmā'bhirāmā śivanartakī || 57 ||

cintāmaṇiḥ kalpalatā jāgratī dīnavatsalā |

Verse 58

kārtikī kīrtikā kṛtyā ayodhyā viṣamā samā || 58 ||

sumantrā mantriṇī ghūrṇā hlādinī kleśanāśinī |

Verse 59

trailokyajananī hṛṣṭā nirmāṃsā manorūpiṇī || 59 ||

taḍāganimnajaṭharā śuṣkamāṃsāsthimālinī |

Verse 60

avantī mathurā māyā trailokyapāvanīśvarī || 60 ||

vyaktā'vyaktā'nekamūrtiḥ śarvarī bhīmanādinī |

Verse 61

kṣemaṅkarī śaṅkarī ca sarvasammohakāriṇī || 61 ||

ūrdhvatejasvinī klinnā mahātejasvinī tathā |

Verse 62

advaitā bhoginī pūjyā yuvatī sarvamaṅgalā || 62 ||

sarvapriyaṅkarī bhogyā dharaṇī piśitāśanā |

Verse 63

bhayaṅkarī pāpaharā niṣkalaṅkā vaśaṅkarī || 63 ||

āśā tṛṣṇā candrakalā nidrānyā vāyuveginī |

Verse 64

sahasrasūryasaṅkāśā candrakoṭisamaprabhā || 64 ||

vahnimaṇḍalasaṃsthā ca sarvatattvapratiṣṭhitā |

Verse 65

sarvācāravatī sarvadevakanyādhidevatā || 65 ||

dakṣakanyā dakṣayajñanāśinī durgatārikā |

Verse 66

ijyā pūjyā vibhā bhūtiḥ satkīrtirbrahmarūpiṇī || 66 ||

rambhoruścaturā rākā jayantī karuṇā kuhuḥ |

Verse 67

manasvinī devamātā yaśasyā brahmacāriṇī || 67 ||

ṛddhidā vṛddhidā vṛddhiḥ sarvādyā sarvadāyinī |

Verse 68

ādhārarūpiṇī dhyeyā mūlādhāranivāsinī || 68 ||

ajñā prajñā pūrṇamanāścandramukhyanukūlinī |

Verse 69

vāvadūkā nimnanābhiḥ satyā sandhyā dṛḍhavratā || 69 ||

ānvīkṣikī daṇḍanītistrayī tridivasundarī |

Verse 70

jvalinī jvālinī śailatanayā vindhyavāsinī || 70 ||

ameyā khecarī dhairyā turīyā vimalā''turā |

Verse 71

pragalbhā vāruṇī chāyā śaśinī visphuliṅginī || 71 ||

bhuktiḥ siddhiḥ sadāprāptiḥ prākāmyā mahimā'ṇimā |

Verse 72

icchāsiddhirvisiddhā ca vaśitvordhvanivāsinī || 72 ||

laghimā caiva gāyatrī sāvitrī bhuvaneśvarī |

Verse 73

manoharā citā divyā devyudārā manoramā || 73 ||

piṅgalā kapilā jihvārasajñā rasikā rasā |

Verse 74

suṣumneḍā bhogavatī gāndhārī narakāntakā || 74 ||

pāñcālī rukmiṇī rādhārādhyā bhīmādhirādhikā |

Verse 75

amṛtā tulasī vṛndā kaiṭabhī kapaṭeśvarī || 75 ||

ugracaṇḍeśvarī vīrā jananī vīrasundarī |

Verse 76

ugratārā yaśodākhyā daivakī devamānitā || 76 ||

nirañjanā citradevī krodhinī kuladīpikā |

Verse 77

kulavāgīśvarī vāṇī mātṛkā drāviṇī dravā || 77 ||

yogeśvarī mahāmārī bhrāmarī bindurūpiṇī |

Verse 78

dūtī prāṇeśvarī guptā bahulā camarī prabhā || 78 ||

kubjikā jñāninī jyeṣṭhā bhuśuṇḍī prakaṭā tithiḥ |

Verse 79

draviṇī gopanī māyā kāmabījeśvarī kriyā || 79 ||

śāmbhavī kekarā menā mūṣalāstrā tilottamā |

Verse 80

ameyavikramā krūrā sampatśālā trilocanā || 80 ||

svastirhavyavahā prītiruṣmā dhūmrārciraṅgadā |

Verse 81

tapinī tāpinī viśvā bhogadā dhāriṇī dharā || 81 ||

trikhaṇḍā bodhinī vaśyā sakalā śabdarūpiṇī |

Verse 82

bījarūpā mahāmudrā yoginī yonirūpiṇī || 82 ||

anaṅgakusumā'naṅgamekhalā'naṅgarūpiṇī |

Verse 83

vajreśvarī ca jayinī sarvadvandvakṣayaṅkarī || 83 ||

ṣaḍaṅgayuvatī yogayuktā jvālāṃśumālinī |

Verse 84

durāśayā durādhārā durjayā durgarūpiṇī || 84 ||

durantā duṣkṛtiharā durdhyeyā duratikramā |

Verse 85

haṃseśvarī trikoṇasthā śākambharyanukampinī || 85 ||

trikoṇanilayā nityā paramāmṛtarañjitā |

Verse 86

mahāvidyeśvarī śvetā bheruṇḍā kulasundarī || 86 ||

tvaritā bhaktisaṃsaktā bhaktavaśyā sanātanī |

Verse 87

bhaktānandamayī bhaktabhāvikā bhaktaśaṅkarī || 87 ||

sarvasaundaryanilayā sarvasaubhāgyaśālinī |

Verse 88

sarvasambhogabhavanā sarvasaukhyanirūpiṇī || 88 ||

kumārīpūjanaratā kumārīvratacāriṇī |

Verse 89

kumārībhaktisukhinī kumārīrūpadhāriṇī || 89 ||

kumārīpūjakaprītā kumārīprītidā priyā |

Verse 90

kumārīsevakāsaṅgā kumārīsevakālayā || 90 ||

ānandabhairavī bālabhairavī baṭubhairavī |

Verse 91

śmaśānabhairavī kālabhairavī purabhairavī || 91 ||

mahābhairavapatnī ca paramānandabhairavī |

Verse 92

sudhānandabhairavī ca unmādānandabhairavī || 92 ||

muktānandabhairavī ca tathā taruṇabhairavī |

Verse 93

jñānānandabhairavī ca amṛtānandabhairavī || 93 ||

mahābhayaṅkarī tīvrā tīvravegā tapasvinī |

Verse 94

tripurā parameśānī sundarī purasundarī || 94 ||

tripureśī pañcadaśī pañcamī puravāsinī |

Verse 95

mahāsaptadaśī caiva ṣoḍaśī tripureśvarī || 95 ||

mahāṅkuśasvarūpā ca mahācakreśvarī tathā |

Verse 96

navacakreśvarī cakreśvarī tripuramālinī || 96 ||

rājarājeśvarī dhīrā mahātripurasundarī |

Verse 97

sindūrapūrarucirā śrīmattripurasundarī || 97 ||

sarvāṅgasundarī raktāraktavastrottarīyiṇī |

Verse 98

javāyāvakasindūraraktacandanadhāriṇī || 98 ||

javāyāvakasindūraraktacandanarūpadhṛk |

Verse 99

cāmarī bālakuṭilanirmalā śyāmakeśinī || 99 ||

vajramauktikaratnāḍhyā kirīṭamukuṭojjvalā |

Verse 100

ratnakuṇḍalasaṃyuktasphuradgaṇḍamanoramā || 100 ||

kuñjareśvarakumbhotthamuktārañjitanāsikā |

Verse 101

muktāvidrumamāṇikyahārāḍhyastanamaṇḍalā || 101 ||

sūryakāntendukāntāḍhyasparśāśmakaṇṭhabhūṣaṇā |

Verse 102

bījapūrasphuradbījadantapaṅktiranuttamā || 102 ||

kāmakodaṇḍakābhugnabhrūkaṭākṣapravarṣiṇī |

Verse 103

mātaṅgakumbhavakṣojā lasatkokanadekṣaṇā || 103 ||

manojñaśaṣkulīkarṇā haṃsīgativiḍambinī |

Verse 104

padmarāgāṅgadajyotirdoścatuṣkaprakāśinī || 104 ||

nānāmaṇiparisphūrjacchuddhakāñcanakaṅkaṇā |

Verse 105

nāgendradantanirmāṇavalayāṅkitapāṇinī || 105 ||

aṅgurīyakacitrāṅgī vicitrakṣudraghaṇṭikā |

Verse 106

paṭṭāmbaraparīdhānā kalamañjīraśiñjinī || 106 ||

karpūrāgarukastūrīkuṅkumadravalepitā |

Verse 107

vicitraratnapṛthivīkalpaśākhitalasthitā || 107 ||

ratnadvīpasphuradratnasiṃhāsanavilāsinī |

Verse 108

ṣaṭcakrabhedanakarī paramānandarūpiṇī || 108 ||

sahasradalapadmāntaścandramaṇḍalavartinī |

Verse 109

brahmarūpā śivakroḍā nānāsukhavilāsinī || 109 ||

haraviṣṇuviriñcīndragrahanāyakasevitā |

Verse 110

śivā śaivā ca rudrāṇī tathaiva śivavādinī || 110 ||

mātaṅginī śrīmatī ca tathaivānaṅgamekhalā |

Verse 111

ḍākinī yoginī caiva tathopayoginī matā || 111 ||

māheśvarī vaiṣṇavī ca bhrāmarī śivarūpiṇī |

Verse 112

alambuṣā vegavatī krodharūpā sumekhalā || 112 ||

gāndhārī hastajihvā ca iḍā caiva śubhaṅkarī |

Verse 113

piṅgalā brahmadūtī ca suṣumnā caiva gandhinī || 113 ||

ātmayonirbrahmayonirjagadyonirayonijā |

Verse 114

bhagarūpā bhagasthātrī bhaginī bhagarūpiṇī || 114 ||

bhagātmikā bhagādhārarūpiṇī bhagamālinī |

Verse 115

liṅgākhyā caiva liṅgeśī tripurā bhairavī tathā || 115 ||

liṅgagītiḥ sugītiśca liṅgasthā liṅgarūpadhṛk |

Verse 116

liṅgamānā liṅgabhavā liṅgaliṅgā ca pārvatī || 116 ||

bhagavatī kauśikī ca premā caiva priyaṃvadā |

Verse 117

gṛdhrarūpā śivārūpā cakriṇī cakrarūpadhṛk || 117 ||

liṅgābhidhāyinī liṅgapriyā liṅganivāsinī |

Verse 118

liṅgasthā liṅganī liṅgarūpiṇī liṅgasundarī || 118 ||

liṅgagītirmahāprītā bhagagītirmahāsukhā |

Verse 119

liṅganāmasadānandā bhaganāmasadāgatiḥ || 119 ||

liṅgamālākaṇṭhabhūṣā bhagamālāvibhūṣaṇā |

Verse 120

bhagaliṅgāmṛtaprītā bhagaliṅgasvarūpiṇī || 120 ||

bhagaliṅgasya rūpā ca bhagaliṅgasukhāvahā |

Verse 121

svayambhūkusumaprītā svayambhūkusumārcitā || 121 ||

svayambhūkusumaprāṇā svayambhūpuṣpatarpitā |

Verse 122

svayambhūpuṣpaghaṭitā svayambhūpuṣpadhāriṇī || 122 ||

svayambhūpuṣpatilakā svayambhūpuṣpacarcitā |

Verse 123

svayambhūpuṣpaniratā svayambhūkusumagrahā || 123 ||

svayambhūpuṣpayajñāṃśā svayambhūkusumātmikā |

Verse 124

svayambhūpuṣpanicitā svayambhūkusumapriyā || 124 ||

svayambhūkusumādānalālasonmattamānasā |

Verse 125

svayambhūkusumānandalaharīsnigdhadehinī || 125 ||

svayambhūkusumādhārā svayambhūkusumākulā |

Verse 126

svayambhūpuṣpanilayā svayambhūpuṣpavāsinī || 126 ||

svayambhūkusumasnigdhā svayambhūkusumātmikā |

Verse 127

svayambhūpuṣpakariṇī svayambhūpuṣpavāṇikā || 127 ||

svayambhūkusumadhyānā svayambhūkusumaprabhā |

Verse 128

svayambhūkusumajñānā svayambhūpuṣpabhāginī || 128 ||

svayambhūkusumollāsā svayambhūpuṣpavarṣiṇī |

Verse 129

svayambhūkusumotsāhā svayambhūpuṣparūpiṇī || 129 ||

svayambhūkusumonmādā svayambhūpuṣpasundarī |

Verse 130

svayambhūkusumārādhyā svayambhūkusumodbhavā || 130 ||

svayambhūkusumāvyagrā svayambhūpuṣpapūrṇitā |

Verse 131

svayambhūpūjakaprājñā svayambhūhotṛmātṛkā || 131 ||

svayambhūdātṛrakṣitrī svayambhūraktatārikā |

Verse 132

svayambhūpūjakagrastā svayambhūpūjakapriyā || 132 ||

svayambhūvandakādhārā svayambhūnindakāntakā |

Verse 133

svayambhūpradasarvasvā svayambhūpradaputriṇī || 133 ||

svayambhūpradasasmerā svayambhūtaśarīriṇī |

Verse 134

sarvakālodbhavaprītā sarvakālodbhavātmikā || 134 ||

sarvakālodbhavodbhāvā sarvakālodbhavodbhavā |

Verse 135

kuṇḍapuṣpasadāprītā kuṇḍapuṣpasadāratiḥ || 135 ||

kuṇḍagolodbhavaprāṇā kuṇḍagolodbhavātmikā |

Verse 136

svayambhūrvā śivā dhātrī pāvanī lokapāvanī || 136 ||

kīrtiryaśasvinī medhā vimedhā śukrasundarī |

Verse 137

aśvinī kṛttikā puṣyā tejaskā candramaṇḍalā || 137 ||

sūkṣmā'sūkṣmā balākā ca varadā bhayanāśinī |

Verse 138

varadā'bhayadā caiva muktibandhavināśinī || 138 ||

kāmukā kāmadā kāntā kāmākhyā kulasundarī |

Verse 139

duḥkhadā sukhadā mokṣā mokṣadārthaprakāśinī || 139 ||

duṣṭāduṣṭamatiścaiva sarvakāryavināśinī |

Verse 140

śukrādhārā śukrarūpā śukrasindhunivāsinī || 140 ||

śukrālayā śukrabhogā śukrapūjāsadāratiḥ |

Verse 141

śukrapūjyā śukrahomasantuṣṭā śukravatsalā || 141 ||

śukramūrtiḥ śukradehā śukrapūjakaputriṇī |

Verse 142

śukrasthā śukriṇī śukrasaṃspṛhā śukrasundarī || 142 ||

śukrasnātā śukrakarī śukrasevyā'tiśukriṇī |

Verse 143

mahāśukrā śukrabhavā śukravṛṣṭividhāyinī || 143 ||

śukrābhidheyā śukrārhā śukravandakavanditā |

Verse 144

śukrānandakarī śukrasadānandābhidhāyikā || 144 ||

śukrotsavā sadāśukrapūrṇā śukramanoramā |

Verse 145

śukrapūjakasarvasvā śukranindakanāśinī || 145 ||

śukrātmikā śukrasaṃvat śukrākarṣaṇakāriṇī |

Verse 146

śāradā sādhakaprāṇā sādhakāsaktamānasā || 146 ||

sādhakottamasarvasvā sādhakābhaktaraktapā |

Verse 147

sādhakānandasantoṣā sādhakānandakāriṇī || 147 ||

ātmavidyā brahmavidyā parabrahmasvarūpiṇī |

Verse 148

trikūṭasthā pañcakūṭā sarvakūṭaśarīriṇī || 148 ||

sarvavarṇamayī varṇajapamālāvidhāyinī |

Verse 149

iti śrīkālikānāmasahasraṃ śivabhāṣitam || 149 ||

guhyādguhyataraṃ sākṣānmahāpātakanāśanam |

Verse 150

pūjākāle niśīthe ca sandhyayorubhayorapi || 150 ||

labhate gāṇapatyaṃ sa yaḥ paṭhet sādhakottamaḥ |

Verse 151

yaḥ paṭhet pāṭhayedvāpi śṛṇoti śrāvayedapi || 151 ||

sarvapāpavinirmuktaḥ sa yāti kālikāpuram |

Verse 152

śraddhayā'śraddhayā vāpi yaḥ kaścinmānavaḥ smaret || 152 ||

durgaṃ durgaśataṃ tīrtvā sa yāti paramāṅgatim |

Verse 153

vandhyā vā kākavandhyā vā mṛtavatsā ca yāṅganā || 153 ||

śrutvā stotramidaṃ putrān labhate cirajīvinaḥ |

yaṃ yaṃ kāmayate kāmaṃ paṭhan stotramanuttamam |

Verse 154

devīpādaprasādena tattadāpnoti niścitam || 154 ||

iti śrīkālikākulasarvasve haraparaśurāmasaṃvāde śrī kālikā sahasranāma stotram |

Sanskrit — Devanagari (original)

श्री शिव उवाच ।

कथितोऽयं महामन्त्रः सर्वमन्त्रोत्तमोत्तमः ।

यामासाद्य मया प्राप्तमैश्वर्यपदमुत्तमम् ॥ 1 ॥

संयुक्तः परया भक्त्या यथोक्त विधिना भवान् ।

कुरुतामर्चनं देव्यास्त्रैलोक्यविजिगीषया ॥ 2 ॥

श्रीपरशुराम उवाच ।

प्रसन्नो यदि मे देव परमेश पुरातन ।

रहस्यं परमं देव्याः कृपया कथय प्रभो ॥ 3 ॥

विनार्चनं विना होमं विना न्यासं विना बलिम् ।

विना गन्धं विना पुष्पं विना नित्योदितां क्रियाम् ॥ 4 ॥

प्राणायामं विना ध्यानं विना भूतविशोधनम् ।

विना दानं विना जापं येन काली प्रसीदति ॥ 5 ॥

श्री शिव उवाच ।

पृष्टं त्वयोत्तमं प्राज्ञ भृगुवंश समुद्भव ।

भक्तानामपि भक्तोऽसि त्वमेव साधयिष्यसि ॥ 6 ॥

देवीं दानवकोटिघ्नीं लीलया रुधिरप्रियाम् ।

सदा स्तोत्रप्रियामुग्रां कामकौतुकलालसाम् ॥ 7 ॥

सर्वदाऽऽनन्दहृदयामासवोत्सव मानसाम् ।

माध्वीक मत्स्यमांसानुरागिणीं वैष्णवीं पराम् ॥ 8 ॥

श्मशानवासिनीं प्रेतगणनृत्यमहोत्सवाम् ।

योगप्रभावां योगेशीं योगीन्द्रहृदयस्थिताम् ॥ 9 ॥

तामुग्रकालिकां राम प्रसीदयितुमर्हसि ।

तस्याः स्तोत्रं परं पुण्यं स्वयं काल्या प्रकाशितम् ॥ 10 ॥

तव तत् कथयिष्यामि श्रुत्वा वत्सावधारय ।

गोपनीयं प्रयत्नेन पठनीयं परात्परम् ॥ 11 ॥

यस्यैककालपठनात् सर्वे विघ्नाः समाकुलाः ।

नश्यन्ति दहने दीप्ते पतङ्गा इव सर्वतः ॥ 12 ॥

गद्यपद्यमयी वाणी तस्य गङ्गाप्रवाहवत् ।

तस्य दर्शनमात्रेण वादिनो निष्प्रभां गताः ॥ 13 ॥

तस्य हस्ते सदैवास्ति सर्वसिद्धिर्न संशयः ।

राजानोऽपि च दासत्वं भजन्ते किं परे जनाः ॥ 14 ॥

निशीथे मुक्तकेशस्तु नग्नः शक्तिसमाहितः ।

मनसा चिन्तयेत् कालीं महाकालेन चालिताम् ॥ 15 ॥

पठेत् सहस्रनामाख्यं स्तोत्रं मोक्षस्य साधनम् ।

प्रसन्ना कालिका तस्य पुत्रत्वेनानुकम्पते ॥ 16 ॥

यथा ब्रह्ममृतैर्ब्रह्मकुसुमैः पूजिता परा ।

प्रसीदति तथानेन स्तुता काली प्रसीदति ॥ 17 ॥

विनियोगः –

अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।

ध्यानम् –

शवारूढां महाभीमां घोरदंष्ट्रां हसन्मुखीं

चतुर्भुजां खड्गमुण्डवराभयकरां शिवाम् ।

मुण्डमालाधरां देवीं ललाज्जिह्वां दिगम्बरां

एवं सञ्चिन्तयेत्कालीं श्मशानालयवासिनीम् ॥

स्तोत्रम् –

श्मशानकालिका काली भद्रकाली कपालिनी ।

गुह्यकाली महाकाली कुरुकुल्ला विरोधिनी ॥ 1 ॥

कालिका कालरात्रिश्च महाकालनितम्बिनी ।

कालभैरवभार्या च कुलवर्त्मप्रकाशिनी ॥ 2 ॥

कामदा कामिनी कन्या कमनीयस्वरूपिणी ।

कस्तूरीरसलिप्ताङ्गी कुञ्जरेश्वरगामिनी ॥ 3 ॥

ककारवर्णसर्वाङ्गी कामिनी कामसुन्दरी ।

कामार्ता कामरूपा च कामधेनुः कलावती ॥ 4 ॥

कान्ता कामस्वरूपा च कामाख्या कुलकामिनी ।

कुलीना कुलवत्यम्बा दुर्गा दुर्गतिनाशिनी ॥ 5 ॥

कौमारी कलजा कृष्णा कृष्णदेहा कृशोदरी ।

कृशाङ्गी कुलिशाङ्गी च क्रीङ्कारी कमला कला ॥ 6 ॥

करालास्या कराली च कुलकान्ताऽपराजिता ।

उग्रा उग्रप्रभा दीप्ता विप्रचित्ता महाबला ॥ 7 ॥

नीला घना मेघनादा मात्रा मुद्रा मितामिता ।

ब्राह्मी नारायणी भद्रा सुभद्रा भक्तवत्सला ॥ 8 ॥

माहेश्वरी च चामुण्डा वाराही नारसिंहिका ।

वज्राङ्गी वज्रकङ्काली नृमुण्डस्रग्विणी शिवा ॥ 9 ॥

मालिनी नरमुण्डाली गलद्रक्तविभूषणा ।

रक्तचन्दनसिक्ताङ्गी सिन्दूरारुणमस्तका ॥ 10 ॥

घोररूपा घोरदंष्ट्रा घोराघोरतरा शुभा ।

महादंष्ट्रा महामाया सुदती युगदन्तुरा ॥ 11 ॥

सुलोचना विरूपाक्षी विशालाक्षी त्रिलोचना ।

शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥

अट्टहासप्रफुल्लास्या स्मेरवक्त्रा सुभाषिणी ।

प्रफुल्लपद्मवदना स्मितास्या प्रियभाषिणी ॥ 13 ॥

कोटराक्षी कुलश्रेष्ठा महती बहुभाषिणी ।

सुमतिः कुमतिश्चण्डा चण्डमुण्डातिवेगिनी ॥ 14 ॥

सुकेशी मुक्तकेशी च दीर्घकेशी महाकचा ।

प्रेतदेहाकर्णपूरा प्रेतपाणिसुमेखला ॥ 15 ॥

प्रेतासना प्रियप्रेता पुण्यदा कुलपण्डिता ।

पुण्यालया पुण्यदेहा पुण्यश्लोका च पावनी ॥ 16 ॥

पूता पवित्रा परमा परा पुण्यविभूषणा ।

पुण्यनाम्नी भीतिहरा वरदा खड्गपाणिनी ॥ 17 ॥

नृमुण्डहस्ता शान्ता च छिन्नमस्ता सुनासिका ।

दक्षिणा श्यामला श्यामा शान्ता पीनोन्नतस्तनी ॥ 18 ॥

दिगम्बरा घोररावा सृक्कान्तरक्तवाहिनी ।

घोररावा शिवासङ्गा निःसङ्गा मदनातुरा ॥ 19 ॥

मत्ता प्रमत्ता मदना सुधासिन्धुनिवासिनी ।

अतिमत्ता महामत्ता सर्वाकर्षणकारिणी ॥ 20 ॥

गीतप्रिया वाद्यरता प्रेतनृत्यपरायणा ।

चतुर्भुजा दशभुजा अष्टादशभुजा तथा ॥ 21 ॥

कात्यायनी जगन्माता जगती परमेश्वरी ।

जगद्बन्धुर्जगद्धात्री जगदानन्दकारिणी ॥ 22 ॥

जगज्जीववती हैमवती माया महालया ।

नागयज्ञोपवीताङ्गी नागिनी नागशायिनी ॥ 23 ॥

नागकन्या देवकन्या गान्धारी किन्नरी सुरी ।

मोहरात्री महारात्री दारुणामासुरासुरी ॥ 24 ॥

विद्याधरी वसुमती यक्षिणी योगिनी जरा ।

राक्षसी डाकिनी वेदमयी वेदविभूषणा ॥ 25 ॥

श्रुतिस्मृतिमहाविद्या गुह्यविद्या पुरातनी ।

चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥

अपर्णा निश्चला लोला सर्वविद्या तपस्विनी ।

गङ्गा काशी शची सीता सती सत्यपरायणा ॥ 27 ॥

नीतिः सुनीतिः सुरुचिस्तुष्टिः पुष्टिर्धृतिः क्षमा ।

वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥

स्रोतस्वती स्रोतवती मातङ्गी विजया जया ।

नदी सिन्धुः सर्वमयी तारा शून्यनिवासिनी ॥ 29 ॥

शुद्धा तरङ्गिणी मेधा लाकिनी बहुरूपिणी ।

सदानन्दमयी सत्या सर्वानन्दस्वरूपिणी ॥ 30 ॥

सुनन्दा नन्दिनी स्तुत्या स्तवनीया स्वभाविनी ।

रङ्किणी टङ्किणी चित्रा विचित्रा चित्ररूपिणी ॥ 31 ॥

पद्मा पद्मालया पद्मसुखी पद्मविभूषणा ।

शाकिनी हाकिनी क्षान्ता राकिणी रुधिरप्रिया ॥ 32 ॥

भ्रान्तिर्भवानी रुद्राणी मृडानी शत्रुमर्दिनी ।

उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥

सूर्यात्मिका रुद्रपत्नी रौद्री स्त्री प्रकृतिः पुमान् ।

शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥

सर्वेश्वरी सर्वमाता शर्वाणी हरवल्लभा ।

सर्वज्ञा सिद्धिदा सिद्धा भाव्या भव्या भयापहा ॥ 35 ॥

कर्त्री हर्त्री पालयित्री शर्वरी तामसी दया ।

तमिस्रा यामिनीस्था च स्थिरा धीरा तपस्विनी ॥ 36 ॥

चार्वङ्गी चञ्चला लोलजिह्वा चारुचरित्रिणी ।

त्रपा त्रपावती लज्जा निर्लज्जा ह्रीं रजोवती ॥ 37 ॥

सत्त्ववती धर्मनिष्ठा श्रेष्ठा निष्ठुरवादिनी ।

गरिष्ठा दुष्टसंहर्त्री विशिष्टा श्रेयसी घृणा ॥ 38 ॥

भीमा भयानका भीमनादिनी भीः प्रभावती ।

वागीश्वरी श्रीर्यमुना यज्ञकर्त्री यजुःप्रिया ॥ 39 ॥

ऋक्सामाथर्वनिलया रागिणी शोभनस्वरा ।

कलकण्ठी कम्बुकण्ठी वेणुवीणापरायणा ॥ 40 ॥

वंशिनी वैष्णवी स्वच्छा धात्री त्रिजगदीश्वरी ।

मधुमती कुण्डलिनी ऋद्धिः सिद्धिः शुचिस्मिता ॥ 41 ॥

रम्भोर्वशी रती रामा रोहिणी रेवती रमा ।

शङ्खिनी चक्रिणी कृष्णा गदिनी पद्मिनी तथा ॥ 42 ॥

शूलिनी परिघास्त्रा च पाशिनी शार्ङ्गपाणिनी ।

पिनाकधारिणी धूम्रा शरभी वनमालिनी ॥ 43 ॥

वज्रिणी समरप्रीता वेगिनी रणपण्डिता ।

जटिनी बिम्बिनी नीला लावण्याम्बुधिचन्द्रिका ॥ 44 ॥

बलिप्रिया सदापूज्या पूर्णा दैत्येन्द्रमाथिनी ।

महिषासुरसंहन्त्री वासिनी रक्तदन्तिका ॥ 45 ॥

रक्तपा रुधिराक्ताङ्गी रक्तखर्परहस्तिनी ।

रक्तप्रिया मांसरुचिर्वासवासक्तमानसा ॥ 46 ॥

गलच्छोणितमुण्डालिकण्ठमालाविभूषणा ।

शवासना चितान्तस्था माहेशी वृषवाहिनी ॥ 47 ॥

व्याघ्रत्वगम्बरा चीनचेलिनी सिंहवाहिनी ।

वामदेवी महादेवी गौरी सर्वज्ञभाविनी ॥ 48 ॥

बालिका तरुणी वृद्धा वृद्धमाता जरातुरा ।

सुभ्रुर्विलासिनी ब्रह्मवादिनी ब्राह्मणी मही ॥ 49 ॥

स्वप्नवती चित्रलेखा लोपामुद्रा सुरेश्वरी ।

अमोघाऽरुन्धती तीक्ष्णा भोगवत्यनुवादिनी ॥ 50 ॥

मन्दाकिनी मन्दहासा ज्वालामुख्यसुरान्तका ।

मानदा मानिनी मान्या माननीया मदोद्धता ॥ 51 ॥

मदिरा मदिरान्मादा मेध्या नव्या प्रसादिनी ।

सुमध्याऽनन्तगुणिनी सर्वलोकोत्तमोत्तमा ॥ 52 ॥

जयदा जित्वरा जैत्री जयश्रीर्जयशालिनी ।

सुखदा शुभदा सत्या सभासङ्क्षोभकारिणी ॥ 53 ॥

शिवदूती भूतिमती विभूतिर्भीषणानना ।

कौमारी कुलजा कुन्ती कुलस्त्री कुलपालिका ॥ 54 ॥

कीर्तिर्यशस्विनी भूषा भूष्या भूतपतिप्रिया ।

सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥

धनिष्ठा धनदा धन्या वसुधा स्वप्रकाशिनी ।

उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥

महाकुलीना निष्कामा सकामा कामजीवना ।

कामदेवकला रामाऽभिरामा शिवनर्तकी ॥ 57 ॥

चिन्तामणिः कल्पलता जाग्रती दीनवत्सला ।

कार्तिकी कीर्तिका कृत्या अयोध्या विषमा समा ॥ 58 ॥

सुमन्त्रा मन्त्रिणी घूर्णा ह्लादिनी क्लेशनाशिनी ।

त्रैलोक्यजननी हृष्टा निर्मांसा मनोरूपिणी ॥ 59 ॥

तडागनिम्नजठरा शुष्कमांसास्थिमालिनी ।

अवन्ती मथुरा माया त्रैलोक्यपावनीश्वरी ॥ 60 ॥

व्यक्ताऽव्यक्ताऽनेकमूर्तिः शर्वरी भीमनादिनी ।

क्षेमङ्करी शङ्करी च सर्वसम्मोहकारिणी ॥ 61 ॥

ऊर्ध्वतेजस्विनी क्लिन्ना महातेजस्विनी तथा ।

अद्वैता भोगिनी पूज्या युवती सर्वमङ्गला ॥ 62 ॥

सर्वप्रियङ्करी भोग्या धरणी पिशिताशना ।

भयङ्करी पापहरा निष्कलङ्का वशङ्करी ॥ 63 ॥

आशा तृष्णा चन्द्रकला निद्रान्या वायुवेगिनी ।

सहस्रसूर्यसङ्काशा चन्द्रकोटिसमप्रभा ॥ 64 ॥

वह्निमण्डलसंस्था च सर्वतत्त्वप्रतिष्ठिता ।

सर्वाचारवती सर्वदेवकन्याधिदेवता ॥ 65 ॥

दक्षकन्या दक्षयज्ञनाशिनी दुर्गतारिका ।

इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥

रम्भोरुश्चतुरा राका जयन्ती करुणा कुहुः ।

मनस्विनी देवमाता यशस्या ब्रह्मचारिणी ॥ 67 ॥

ऋद्धिदा वृद्धिदा वृद्धिः सर्वाद्या सर्वदायिनी ।

आधाररूपिणी ध्येया मूलाधारनिवासिनी ॥ 68 ॥

अज्ञा प्रज्ञा पूर्णमनाश्चन्द्रमुख्यनुकूलिनी ।

वावदूका निम्ननाभिः सत्या सन्ध्या दृढव्रता ॥ 69 ॥

आन्वीक्षिकी दण्डनीतिस्त्रयी त्रिदिवसुन्दरी ।

ज्वलिनी ज्वालिनी शैलतनया विन्ध्यवासिनी ॥ 70 ॥

अमेया खेचरी धैर्या तुरीया विमलाऽऽतुरा ।

प्रगल्भा वारुणी छाया शशिनी विस्फुलिङ्गिनी ॥ 71 ॥

भुक्तिः सिद्धिः सदाप्राप्तिः प्राकाम्या महिमाऽणिमा ।

इच्छासिद्धिर्विसिद्धा च वशित्वोर्ध्वनिवासिनी ॥ 72 ॥

लघिमा चैव गायत्री सावित्री भुवनेश्वरी ।

मनोहरा चिता दिव्या देव्युदारा मनोरमा ॥ 73 ॥

पिङ्गला कपिला जिह्वारसज्ञा रसिका रसा ।

सुषुम्नेडा भोगवती गान्धारी नरकान्तका ॥ 74 ॥

पाञ्चाली रुक्मिणी राधाराध्या भीमाधिराधिका ।

अमृता तुलसी वृन्दा कैटभी कपटेश्वरी ॥ 75 ॥

उग्रचण्डेश्वरी वीरा जननी वीरसुन्दरी ।

उग्रतारा यशोदाख्या दैवकी देवमानिता ॥ 76 ॥

निरञ्जना चित्रदेवी क्रोधिनी कुलदीपिका ।

कुलवागीश्वरी वाणी मातृका द्राविणी द्रवा ॥ 77 ॥

योगेश्वरी महामारी भ्रामरी बिन्दुरूपिणी ।

दूती प्राणेश्वरी गुप्ता बहुला चमरी प्रभा ॥ 78 ॥

कुब्जिका ज्ञानिनी ज्येष्ठा भुशुण्डी प्रकटा तिथिः ।

द्रविणी गोपनी माया कामबीजेश्वरी क्रिया ॥ 79 ॥

शाम्भवी केकरा मेना मूषलास्त्रा तिलोत्तमा ।

अमेयविक्रमा क्रूरा सम्पत्शाला त्रिलोचना ॥ 80 ॥

स्वस्तिर्हव्यवहा प्रीतिरुष्मा धूम्रार्चिरङ्गदा ।

तपिनी तापिनी विश्वा भोगदा धारिणी धरा ॥ 81 ॥

त्रिखण्डा बोधिनी वश्या सकला शब्दरूपिणी ।

बीजरूपा महामुद्रा योगिनी योनिरूपिणी ॥ 82 ॥

अनङ्गकुसुमाऽनङ्गमेखलाऽनङ्गरूपिणी ।

वज्रेश्वरी च जयिनी सर्वद्वन्द्वक्षयङ्करी ॥ 83 ॥

षडङ्गयुवती योगयुक्ता ज्वालांशुमालिनी ।

दुराशया दुराधारा दुर्जया दुर्गरूपिणी ॥ 84 ॥

दुरन्ता दुष्कृतिहरा दुर्ध्येया दुरतिक्रमा ।

हंसेश्वरी त्रिकोणस्था शाकम्भर्यनुकम्पिनी ॥ 85 ॥

त्रिकोणनिलया नित्या परमामृतरञ्जिता ।

महाविद्येश्वरी श्वेता भेरुण्डा कुलसुन्दरी ॥ 86 ॥

त्वरिता भक्तिसंसक्ता भक्तवश्या सनातनी ।

भक्तानन्दमयी भक्तभाविका भक्तशङ्करी ॥ 87 ॥

सर्वसौन्दर्यनिलया सर्वसौभाग्यशालिनी ।

सर्वसम्भोगभवना सर्वसौख्यनिरूपिणी ॥ 88 ॥

कुमारीपूजनरता कुमारीव्रतचारिणी ।

कुमारीभक्तिसुखिनी कुमारीरूपधारिणी ॥ 89 ॥

कुमारीपूजकप्रीता कुमारीप्रीतिदा प्रिया ।

कुमारीसेवकासङ्गा कुमारीसेवकालया ॥ 90 ॥

आनन्दभैरवी बालभैरवी बटुभैरवी ।

श्मशानभैरवी कालभैरवी पुरभैरवी ॥ 91 ॥

महाभैरवपत्नी च परमानन्दभैरवी ।

सुधानन्दभैरवी च उन्मादानन्दभैरवी ॥ 92 ॥

मुक्तानन्दभैरवी च तथा तरुणभैरवी ।

ज्ञानानन्दभैरवी च अमृतानन्दभैरवी ॥ 93 ॥

महाभयङ्करी तीव्रा तीव्रवेगा तपस्विनी ।

त्रिपुरा परमेशानी सुन्दरी पुरसुन्दरी ॥ 94 ॥

त्रिपुरेशी पञ्चदशी पञ्चमी पुरवासिनी ।

महासप्तदशी चैव षोडशी त्रिपुरेश्वरी ॥ 95 ॥

महाङ्कुशस्वरूपा च महाचक्रेश्वरी तथा ।

नवचक्रेश्वरी चक्रेश्वरी त्रिपुरमालिनी ॥ 96 ॥

राजराजेश्वरी धीरा महात्रिपुरसुन्दरी ।

सिन्दूरपूररुचिरा श्रीमत्त्रिपुरसुन्दरी ॥ 97 ॥

सर्वाङ्गसुन्दरी रक्तारक्तवस्त्रोत्तरीयिणी ।

जवायावकसिन्दूररक्तचन्दनधारिणी ॥ 98 ॥

जवायावकसिन्दूररक्तचन्दनरूपधृक् ।

चामरी बालकुटिलनिर्मला श्यामकेशिनी ॥ 99 ॥

वज्रमौक्तिकरत्नाढ्या किरीटमुकुटोज्ज्वला ।

रत्नकुण्डलसंयुक्तस्फुरद्गण्डमनोरमा ॥ 100 ॥

कुञ्जरेश्वरकुम्भोत्थमुक्तारञ्जितनासिका ।

मुक्ताविद्रुममाणिक्यहाराढ्यस्तनमण्डला ॥ 101 ॥

सूर्यकान्तेन्दुकान्ताढ्यस्पर्शाश्मकण्ठभूषणा ।

बीजपूरस्फुरद्बीजदन्तपङ्क्तिरनुत्तमा ॥ 102 ॥

कामकोदण्डकाभुग्नभ्रूकटाक्षप्रवर्षिणी ।

मातङ्गकुम्भवक्षोजा लसत्कोकनदेक्षणा ॥ 103 ॥

मनोज्ञशष्कुलीकर्णा हंसीगतिविडम्बिनी ।

पद्मरागाङ्गदज्योतिर्दोश्चतुष्कप्रकाशिनी ॥ 104 ॥

नानामणिपरिस्फूर्जच्छुद्धकाञ्चनकङ्कणा ।

नागेन्द्रदन्तनिर्माणवलयाङ्कितपाणिनी ॥ 105 ॥

अङ्गुरीयकचित्राङ्गी विचित्रक्षुद्रघण्टिका ।

पट्टाम्बरपरीधाना कलमञ्जीरशिञ्जिनी ॥ 106 ॥

कर्पूरागरुकस्तूरीकुङ्कुमद्रवलेपिता ।

विचित्ररत्नपृथिवीकल्पशाखितलस्थिता ॥ 107 ॥

रत्नद्वीपस्फुरद्रत्नसिंहासनविलासिनी ।

षट्चक्रभेदनकरी परमानन्दरूपिणी ॥ 108 ॥

सहस्रदलपद्मान्तश्चन्द्रमण्डलवर्तिनी ।

ब्रह्मरूपा शिवक्रोडा नानासुखविलासिनी ॥ 109 ॥

हरविष्णुविरिञ्चीन्द्रग्रहनायकसेविता ।

शिवा शैवा च रुद्राणी तथैव शिववादिनी ॥ 110 ॥

मातङ्गिनी श्रीमती च तथैवानङ्गमेखला ।

डाकिनी योगिनी चैव तथोपयोगिनी मता ॥ 111 ॥

माहेश्वरी वैष्णवी च भ्रामरी शिवरूपिणी ।

अलम्बुषा वेगवती क्रोधरूपा सुमेखला ॥ 112 ॥

गान्धारी हस्तजिह्वा च इडा चैव शुभङ्करी ।

पिङ्गला ब्रह्मदूती च सुषुम्ना चैव गन्धिनी ॥ 113 ॥

आत्मयोनिर्ब्रह्मयोनिर्जगद्योनिरयोनिजा ।

भगरूपा भगस्थात्री भगिनी भगरूपिणी ॥ 114 ॥

भगात्मिका भगाधाररूपिणी भगमालिनी ।

लिङ्गाख्या चैव लिङ्गेशी त्रिपुरा भैरवी तथा ॥ 115 ॥

लिङ्गगीतिः सुगीतिश्च लिङ्गस्था लिङ्गरूपधृक् ।

लिङ्गमाना लिङ्गभवा लिङ्गलिङ्गा च पार्वती ॥ 116 ॥

भगवती कौशिकी च प्रेमा चैव प्रियंवदा ।

गृध्ररूपा शिवारूपा चक्रिणी चक्ररूपधृक् ॥ 117 ॥

लिङ्गाभिधायिनी लिङ्गप्रिया लिङ्गनिवासिनी ।

लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥

लिङ्गगीतिर्महाप्रीता भगगीतिर्महासुखा ।

लिङ्गनामसदानन्दा भगनामसदागतिः ॥ 119 ॥

लिङ्गमालाकण्ठभूषा भगमालाविभूषणा ।

भगलिङ्गामृतप्रीता भगलिङ्गस्वरूपिणी ॥ 120 ॥

भगलिङ्गस्य रूपा च भगलिङ्गसुखावहा ।

स्वयम्भूकुसुमप्रीता स्वयम्भूकुसुमार्चिता ॥ 121 ॥

स्वयम्भूकुसुमप्राणा स्वयम्भूपुष्पतर्पिता ।

स्वयम्भूपुष्पघटिता स्वयम्भूपुष्पधारिणी ॥ 122 ॥

स्वयम्भूपुष्पतिलका स्वयम्भूपुष्पचर्चिता ।

स्वयम्भूपुष्पनिरता स्वयम्भूकुसुमग्रहा ॥ 123 ॥

स्वयम्भूपुष्पयज्ञांशा स्वयम्भूकुसुमात्मिका ।

स्वयम्भूपुष्पनिचिता स्वयम्भूकुसुमप्रिया ॥ 124 ॥

स्वयम्भूकुसुमादानलालसोन्मत्तमानसा ।

स्वयम्भूकुसुमानन्दलहरीस्निग्धदेहिनी ॥ 125 ॥

स्वयम्भूकुसुमाधारा स्वयम्भूकुसुमाकुला ।

स्वयम्भूपुष्पनिलया स्वयम्भूपुष्पवासिनी ॥ 126 ॥

स्वयम्भूकुसुमस्निग्धा स्वयम्भूकुसुमात्मिका ।

स्वयम्भूपुष्पकरिणी स्वयम्भूपुष्पवाणिका ॥ 127 ॥

स्वयम्भूकुसुमध्याना स्वयम्भूकुसुमप्रभा ।

स्वयम्भूकुसुमज्ञाना स्वयम्भूपुष्पभागिनी ॥ 128 ॥

स्वयम्भूकुसुमोल्लासा स्वयम्भूपुष्पवर्षिणी ।

स्वयम्भूकुसुमोत्साहा स्वयम्भूपुष्परूपिणी ॥ 129 ॥

स्वयम्भूकुसुमोन्मादा स्वयम्भूपुष्पसुन्दरी ।

स्वयम्भूकुसुमाराध्या स्वयम्भूकुसुमोद्भवा ॥ 130 ॥

स्वयम्भूकुसुमाव्यग्रा स्वयम्भूपुष्पपूर्णिता ।

स्वयम्भूपूजकप्राज्ञा स्वयम्भूहोतृमातृका ॥ 131 ॥

स्वयम्भूदातृरक्षित्री स्वयम्भूरक्ततारिका ।

स्वयम्भूपूजकग्रस्ता स्वयम्भूपूजकप्रिया ॥ 132 ॥

स्वयम्भूवन्दकाधारा स्वयम्भूनिन्दकान्तका ।

स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥

स्वयम्भूप्रदसस्मेरा स्वयम्भूतशरीरिणी ।

सर्वकालोद्भवप्रीता सर्वकालोद्भवात्मिका ॥ 134 ॥

सर्वकालोद्भवोद्भावा सर्वकालोद्भवोद्भवा ।

कुण्डपुष्पसदाप्रीता कुण्डपुष्पसदारतिः ॥ 135 ॥

कुण्डगोलोद्भवप्राणा कुण्डगोलोद्भवात्मिका ।

स्वयम्भूर्वा शिवा धात्री पावनी लोकपावनी ॥ 136 ॥

कीर्तिर्यशस्विनी मेधा विमेधा शुक्रसुन्दरी ।

अश्विनी कृत्तिका पुष्या तेजस्का चन्द्रमण्डला ॥ 137 ॥

सूक्ष्माऽसूक्ष्मा बलाका च वरदा भयनाशिनी ।

वरदाऽभयदा चैव मुक्तिबन्धविनाशिनी ॥ 138 ॥

कामुका कामदा कान्ता कामाख्या कुलसुन्दरी ।

दुःखदा सुखदा मोक्षा मोक्षदार्थप्रकाशिनी ॥ 139 ॥

दुष्टादुष्टमतिश्चैव सर्वकार्यविनाशिनी ।

शुक्राधारा शुक्ररूपा शुक्रसिन्धुनिवासिनी ॥ 140 ॥

शुक्रालया शुक्रभोगा शुक्रपूजासदारतिः ।

शुक्रपूज्या शुक्रहोमसन्तुष्टा शुक्रवत्सला ॥ 141 ॥

शुक्रमूर्तिः शुक्रदेहा शुक्रपूजकपुत्रिणी ।

शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥

शुक्रस्नाता शुक्रकरी शुक्रसेव्याऽतिशुक्रिणी ।

महाशुक्रा शुक्रभवा शुक्रवृष्टिविधायिनी ॥ 143 ॥

शुक्राभिधेया शुक्रार्हा शुक्रवन्दकवन्दिता ।

शुक्रानन्दकरी शुक्रसदानन्दाभिधायिका ॥ 144 ॥

शुक्रोत्सवा सदाशुक्रपूर्णा शुक्रमनोरमा ।

शुक्रपूजकसर्वस्वा शुक्रनिन्दकनाशिनी ॥ 145 ॥

शुक्रात्मिका शुक्रसंवत् शुक्राकर्षणकारिणी ।

शारदा साधकप्राणा साधकासक्तमानसा ॥ 146 ॥

साधकोत्तमसर्वस्वा साधकाभक्तरक्तपा ।

साधकानन्दसन्तोषा साधकानन्दकारिणी ॥ 147 ॥

आत्मविद्या ब्रह्मविद्या परब्रह्मस्वरूपिणी ।

त्रिकूटस्था पञ्चकूटा सर्वकूटशरीरिणी ॥ 148 ॥

सर्ववर्णमयी वर्णजपमालाविधायिनी ।

इति श्रीकालिकानामसहस्रं शिवभाषितम् ॥ 149 ॥

गुह्याद्गुह्यतरं साक्षान्महापातकनाशनम् ।

पूजाकाले निशीथे च सन्ध्ययोरुभयोरपि ॥ 150 ॥

लभते गाणपत्यं स यः पठेत् साधकोत्तमः ।

यः पठेत् पाठयेद्वापि शृणोति श्रावयेदपि ॥ 151 ॥

सर्वपापविनिर्मुक्तः स याति कालिकापुरम् ।

श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥

दुर्गं दुर्गशतं तीर्त्वा स याति परमाङ्गतिम् ।

वन्ध्या वा काकवन्ध्या वा मृतवत्सा च याङ्गना ॥ 153 ॥

श्रुत्वा स्तोत्रमिदं पुत्रान् लभते चिरजीविनः ।

यं यं कामयते कामं पठन् स्तोत्रमनुत्तमम् ।

देवीपादप्रसादेन तत्तदाप्नोति निश्चितम् ॥ 154 ॥

इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।

śrī kālikā sahasra nāma stotram