𑌶𑍍𑌰𑍀 𑌶𑌿𑌵 𑌉𑌵𑌾𑌚 ।
𑌕𑌥𑌿𑌤𑍋𑌽𑌯𑌂 𑌮𑌹𑌾𑌮𑌨𑍍𑌤𑍍𑌰𑌃 𑌸𑌰𑍍𑌵𑌮𑌨𑍍𑌤𑍍𑌰𑍋𑌤𑍍𑌤𑌮𑍋𑌤𑍍𑌤𑌮𑌃 ।
𑌯𑌾𑌮𑌾𑌸𑌾𑌦𑍍𑌯 𑌮𑌯𑌾 𑌪𑍍𑌰𑌾𑌪𑍍𑌤𑌮𑍈𑌶𑍍𑌵𑌰𑍍𑌯𑌪𑌦𑌮𑍁𑌤𑍍𑌤𑌮𑌮𑍍 ॥ 1 ॥
𑌸𑌂𑌯𑍁𑌕𑍍𑌤𑌃 𑌪𑌰𑌯𑌾 𑌭𑌕𑍍𑌤𑍍𑌯𑌾 𑌯𑌥𑍋𑌕𑍍𑌤 𑌵𑌿𑌧𑌿𑌨𑌾 𑌭𑌵𑌾𑌨𑍍 ।
𑌕𑍁𑌰𑍁𑌤𑌾𑌮𑌰𑍍𑌚𑌨𑌂 𑌦𑍇𑌵𑍍𑌯𑌾𑌸𑍍𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌿𑌗𑍀𑌷𑌯𑌾 ॥ 2 ॥
𑌶𑍍𑌰𑍀𑌪𑌰𑌶𑍁𑌰𑌾𑌮 𑌉𑌵𑌾𑌚 ।
𑌪𑍍𑌰𑌸𑌨𑍍𑌨𑍋 𑌯𑌦𑌿 𑌮𑍇 𑌦𑍇𑌵 𑌪𑌰𑌮𑍇𑌶 𑌪𑍁𑌰𑌾𑌤𑌨 ।
𑌰𑌹𑌸𑍍𑌯𑌂 𑌪𑌰𑌮𑌂 𑌦𑍇𑌵𑍍𑌯𑌾𑌃 𑌕𑍃𑌪𑌯𑌾 𑌕𑌥𑌯 𑌪𑍍𑌰𑌭𑍋 ॥ 3 ॥
𑌵𑌿𑌨𑌾𑌰𑍍𑌚𑌨𑌂 𑌵𑌿𑌨𑌾 𑌹𑍋𑌮𑌂 𑌵𑌿𑌨𑌾 𑌨𑍍𑌯𑌾𑌸𑌂 𑌵𑌿𑌨𑌾 𑌬𑌲𑌿𑌮𑍍 ।
𑌵𑌿𑌨𑌾 𑌗𑌨𑍍𑌧𑌂 𑌵𑌿𑌨𑌾 𑌪𑍁𑌷𑍍𑌪𑌂 𑌵𑌿𑌨𑌾 𑌨𑌿𑌤𑍍𑌯𑍋𑌦𑌿𑌤𑌾𑌂 𑌕𑍍𑌰𑌿𑌯𑌾𑌮𑍍 ॥ 4 ॥
𑌪𑍍𑌰𑌾𑌣𑌾𑌯𑌾𑌮𑌂 𑌵𑌿𑌨𑌾 𑌧𑍍𑌯𑌾𑌨𑌂 𑌵𑌿𑌨𑌾 𑌭𑍂𑌤𑌵𑌿𑌶𑍋𑌧𑌨𑌮𑍍 ।
𑌵𑌿𑌨𑌾 𑌦𑌾𑌨𑌂 𑌵𑌿𑌨𑌾 𑌜𑌾𑌪𑌂 𑌯𑍇𑌨 𑌕𑌾𑌲𑍀 𑌪𑍍𑌰𑌸𑍀𑌦𑌤𑌿 ॥ 5 ॥
𑌶𑍍𑌰𑍀 𑌶𑌿𑌵 𑌉𑌵𑌾𑌚 ।
𑌪𑍃𑌷𑍍𑌟𑌂 𑌤𑍍𑌵𑌯𑍋𑌤𑍍𑌤𑌮𑌂 𑌪𑍍𑌰𑌾𑌜𑍍𑌞 𑌭𑍃𑌗𑍁𑌵𑌂𑌶 𑌸𑌮𑍁𑌦𑍍𑌭𑌵 ।
𑌭𑌕𑍍𑌤𑌾𑌨𑌾𑌮𑌪𑌿 𑌭𑌕𑍍𑌤𑍋𑌽𑌸𑌿 𑌤𑍍𑌵𑌮𑍇𑌵 𑌸𑌾𑌧𑌯𑌿𑌷𑍍𑌯𑌸𑌿 ॥ 6 ॥
𑌦𑍇𑌵𑍀𑌂 𑌦𑌾𑌨𑌵𑌕𑍋𑌟𑌿𑌘𑍍𑌨𑍀𑌂 𑌲𑍀𑌲𑌯𑌾 𑌰𑍁𑌧𑌿𑌰𑌪𑍍𑌰𑌿𑌯𑌾𑌮𑍍 ।
𑌸𑌦𑌾 𑌸𑍍𑌤𑍋𑌤𑍍𑌰𑌪𑍍𑌰𑌿𑌯𑌾𑌮𑍁𑌗𑍍𑌰𑌾𑌂 𑌕𑌾𑌮𑌕𑍗𑌤𑍁𑌕𑌲𑌾𑌲𑌸𑌾𑌮𑍍 ॥ 7 ॥
𑌸𑌰𑍍𑌵𑌦𑌾𑌽𑌽𑌨𑌨𑍍𑌦𑌹𑍃𑌦𑌯𑌾𑌮𑌾𑌸𑌵𑍋𑌤𑍍𑌸𑌵 𑌮𑌾𑌨𑌸𑌾𑌮𑍍 ।
𑌮𑌾𑌧𑍍𑌵𑍀𑌕 𑌮𑌤𑍍𑌸𑍍𑌯𑌮𑌾𑌂𑌸𑌾𑌨𑍁𑌰𑌾𑌗𑌿𑌣𑍀𑌂 𑌵𑍈𑌷𑍍𑌣𑌵𑍀𑌂 𑌪𑌰𑌾𑌮𑍍 ॥ 8 ॥
𑌶𑍍𑌮𑌶𑌾𑌨𑌵𑌾𑌸𑌿𑌨𑍀𑌂 𑌪𑍍𑌰𑍇𑌤𑌗𑌣𑌨𑍃𑌤𑍍𑌯𑌮𑌹𑍋𑌤𑍍𑌸𑌵𑌾𑌮𑍍 ।
𑌯𑍋𑌗𑌪𑍍𑌰𑌭𑌾𑌵𑌾𑌂 𑌯𑍋𑌗𑍇𑌶𑍀𑌂 𑌯𑍋𑌗𑍀𑌨𑍍𑌦𑍍𑌰𑌹𑍃𑌦𑌯𑌸𑍍𑌥𑌿𑌤𑌾𑌮𑍍 ॥ 9 ॥
𑌤𑌾𑌮𑍁𑌗𑍍𑌰𑌕𑌾𑌲𑌿𑌕𑌾𑌂 𑌰𑌾𑌮 𑌪𑍍𑌰𑌸𑍀𑌦𑌯𑌿𑌤𑍁𑌮𑌰𑍍𑌹𑌸𑌿 ।
𑌤𑌸𑍍𑌯𑌾𑌃 𑌸𑍍𑌤𑍋𑌤𑍍𑌰𑌂 𑌪𑌰𑌂 𑌪𑍁𑌣𑍍𑌯𑌂 𑌸𑍍𑌵𑌯𑌂 𑌕𑌾𑌲𑍍𑌯𑌾 𑌪𑍍𑌰𑌕𑌾𑌶𑌿𑌤𑌮𑍍 ॥ 10 ॥
𑌤𑌵 𑌤𑌤𑍍 𑌕𑌥𑌯𑌿𑌷𑍍𑌯𑌾𑌮𑌿 𑌶𑍍𑌰𑍁𑌤𑍍𑌵𑌾 𑌵𑌤𑍍𑌸𑌾𑌵𑌧𑌾𑌰𑌯 ।
𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑍇𑌨 𑌪𑌠𑌨𑍀𑌯𑌂 𑌪𑌰𑌾𑌤𑍍𑌪𑌰𑌮𑍍 ॥ 11 ॥
𑌯𑌸𑍍𑌯𑍈𑌕𑌕𑌾𑌲𑌪𑌠𑌨𑌾𑌤𑍍 𑌸𑌰𑍍𑌵𑍇 𑌵𑌿𑌘𑍍𑌨𑌾𑌃 𑌸𑌮𑌾𑌕𑍁𑌲𑌾𑌃 ।
𑌨𑌶𑍍𑌯𑌨𑍍𑌤𑌿 𑌦𑌹𑌨𑍇 𑌦𑍀𑌪𑍍𑌤𑍇 𑌪𑌤𑌙𑍍𑌗𑌾 𑌇𑌵 𑌸𑌰𑍍𑌵𑌤𑌃 ॥ 12 ॥
𑌗𑌦𑍍𑌯𑌪𑌦𑍍𑌯𑌮𑌯𑍀 𑌵𑌾𑌣𑍀 𑌤𑌸𑍍𑌯 𑌗𑌙𑍍𑌗𑌾𑌪𑍍𑌰𑌵𑌾𑌹𑌵𑌤𑍍 ।
𑌤𑌸𑍍𑌯 𑌦𑌰𑍍𑌶𑌨𑌮𑌾𑌤𑍍𑌰𑍇𑌣 𑌵𑌾𑌦𑌿𑌨𑍋 𑌨𑌿𑌷𑍍𑌪𑍍𑌰𑌭𑌾𑌂 𑌗𑌤𑌾𑌃 ॥ 13 ॥
𑌤𑌸𑍍𑌯 𑌹𑌸𑍍𑌤𑍇 𑌸𑌦𑍈𑌵𑌾𑌸𑍍𑌤𑌿 𑌸𑌰𑍍𑌵𑌸𑌿𑌦𑍍𑌧𑌿𑌰𑍍𑌨 𑌸𑌂𑌶𑌯𑌃 ।
𑌰𑌾𑌜𑌾𑌨𑍋𑌽𑌪𑌿 𑌚 𑌦𑌾𑌸𑌤𑍍𑌵𑌂 𑌭𑌜𑌨𑍍𑌤𑍇 𑌕𑌿𑌂 𑌪𑌰𑍇 𑌜𑌨𑌾𑌃 ॥ 14 ॥
𑌨𑌿𑌶𑍀𑌥𑍇 𑌮𑍁𑌕𑍍𑌤𑌕𑍇𑌶𑌸𑍍𑌤𑍁 𑌨𑌗𑍍𑌨𑌃 𑌶𑌕𑍍𑌤𑌿𑌸𑌮𑌾𑌹𑌿𑌤𑌃 ।
𑌮𑌨𑌸𑌾 𑌚𑌿𑌨𑍍𑌤𑌯𑍇𑌤𑍍 𑌕𑌾𑌲𑍀𑌂 𑌮𑌹𑌾𑌕𑌾𑌲𑍇𑌨 𑌚𑌾𑌲𑌿𑌤𑌾𑌮𑍍 ॥ 15 ॥
𑌪𑌠𑍇𑌤𑍍 𑌸𑌹𑌸𑍍𑌰𑌨𑌾𑌮𑌾𑌖𑍍𑌯𑌂 𑌸𑍍𑌤𑍋𑌤𑍍𑌰𑌂 𑌮𑍋𑌕𑍍𑌷𑌸𑍍𑌯 𑌸𑌾𑌧𑌨𑌮𑍍 ।
𑌪𑍍𑌰𑌸𑌨𑍍𑌨𑌾 𑌕𑌾𑌲𑌿𑌕𑌾 𑌤𑌸𑍍𑌯 𑌪𑍁𑌤𑍍𑌰𑌤𑍍𑌵𑍇𑌨𑌾𑌨𑍁𑌕𑌮𑍍𑌪𑌤𑍇 ॥ 16 ॥
𑌯𑌥𑌾 𑌬𑍍𑌰𑌹𑍍𑌮𑌮𑍃𑌤𑍈𑌰𑍍𑌬𑍍𑌰𑌹𑍍𑌮𑌕𑍁𑌸𑍁𑌮𑍈𑌃 𑌪𑍂𑌜𑌿𑌤𑌾 𑌪𑌰𑌾 ।
𑌪𑍍𑌰𑌸𑍀𑌦𑌤𑌿 𑌤𑌥𑌾𑌨𑍇𑌨 𑌸𑍍𑌤𑍁𑌤𑌾 𑌕𑌾𑌲𑍀 𑌪𑍍𑌰𑌸𑍀𑌦𑌤𑌿 ॥ 17 ॥
𑌵𑌿𑌨𑌿𑌯𑍋𑌗𑌃 –
𑌅𑌸𑍍𑌯 𑌶𑍍𑌰𑍀 𑌦𑌕𑍍𑌷𑌿𑌣𑌕𑌾𑌲𑌿𑌕𑌾 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌸𑍍𑌯 𑌮𑌹𑌾𑌕𑌾𑌲𑌭𑍈𑌰𑌵 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 𑌶𑍍𑌮𑌶𑌾𑌨𑌕𑌾𑌲𑍀 𑌦𑍇𑌵𑌤𑌾 𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌾𑌰𑍍𑌥𑍇 𑌪𑌾𑌠𑍇 𑌵𑌿𑌨𑌿𑌯𑍋𑌗𑌃 ।
𑌧𑍍𑌯𑌾𑌨𑌮𑍍 –
𑌶𑌵𑌾𑌰𑍂𑌢𑌾𑌂 𑌮𑌹𑌾𑌭𑍀𑌮𑌾𑌂 𑌘𑍋𑌰𑌦𑌂𑌷𑍍𑌟𑍍𑌰𑌾𑌂 𑌹𑌸𑌨𑍍𑌮𑍁𑌖𑍀𑌂
𑌚𑌤𑍁𑌰𑍍𑌭𑍁𑌜𑌾𑌂 𑌖𑌡𑍍𑌗𑌮𑍁𑌣𑍍𑌡𑌵𑌰𑌾𑌭𑌯𑌕𑌰𑌾𑌂 𑌶𑌿𑌵𑌾𑌮𑍍 ।
𑌮𑍁𑌣𑍍𑌡𑌮𑌾𑌲𑌾𑌧𑌰𑌾𑌂 𑌦𑍇𑌵𑍀𑌂 𑌲𑌲𑌾𑌜𑍍𑌜𑌿𑌹𑍍𑌵𑌾𑌂 𑌦𑌿𑌗𑌮𑍍𑌬𑌰𑌾𑌂
𑌏𑌵𑌂 𑌸𑌞𑍍𑌚𑌿𑌨𑍍𑌤𑌯𑍇𑌤𑍍𑌕𑌾𑌲𑍀𑌂 𑌶𑍍𑌮𑌶𑌾𑌨𑌾𑌲𑌯𑌵𑌾𑌸𑌿𑌨𑍀𑌮𑍍 ॥
𑌸𑍍𑌤𑍋𑌤𑍍𑌰𑌮𑍍 –
𑌶𑍍𑌮𑌶𑌾𑌨𑌕𑌾𑌲𑌿𑌕𑌾 𑌕𑌾𑌲𑍀 𑌭𑌦𑍍𑌰𑌕𑌾𑌲𑍀 𑌕𑌪𑌾𑌲𑌿𑌨𑍀 ।
𑌗𑍁𑌹𑍍𑌯𑌕𑌾𑌲𑍀 𑌮𑌹𑌾𑌕𑌾𑌲𑍀 𑌕𑍁𑌰𑍁𑌕𑍁𑌲𑍍𑌲𑌾 𑌵𑌿𑌰𑍋𑌧𑌿𑌨𑍀 ॥ 1 ॥
𑌕𑌾𑌲𑌿𑌕𑌾 𑌕𑌾𑌲𑌰𑌾𑌤𑍍𑌰𑌿𑌶𑍍𑌚 𑌮𑌹𑌾𑌕𑌾𑌲𑌨𑌿𑌤𑌮𑍍𑌬𑌿𑌨𑍀 ।
𑌕𑌾𑌲𑌭𑍈𑌰𑌵𑌭𑌾𑌰𑍍𑌯𑌾 𑌚 𑌕𑍁𑌲𑌵𑌰𑍍𑌤𑍍𑌮𑌪𑍍𑌰𑌕𑌾𑌶𑌿𑌨𑍀 ॥ 2 ॥
𑌕𑌾𑌮𑌦𑌾 𑌕𑌾𑌮𑌿𑌨𑍀 𑌕𑌨𑍍𑌯𑌾 𑌕𑌮𑌨𑍀𑌯𑌸𑍍𑌵𑌰𑍂𑌪𑌿𑌣𑍀 ।
𑌕𑌸𑍍𑌤𑍂𑌰𑍀𑌰𑌸𑌲𑌿𑌪𑍍𑌤𑌾𑌙𑍍𑌗𑍀 𑌕𑍁𑌞𑍍𑌜𑌰𑍇𑌶𑍍𑌵𑌰𑌗𑌾𑌮𑌿𑌨𑍀 ॥ 3 ॥
𑌕𑌕𑌾𑌰𑌵𑌰𑍍𑌣𑌸𑌰𑍍𑌵𑌾𑌙𑍍𑌗𑍀 𑌕𑌾𑌮𑌿𑌨𑍀 𑌕𑌾𑌮𑌸𑍁𑌨𑍍𑌦𑌰𑍀 ।
𑌕𑌾𑌮𑌾𑌰𑍍𑌤𑌾 𑌕𑌾𑌮𑌰𑍂𑌪𑌾 𑌚 𑌕𑌾𑌮𑌧𑍇𑌨𑍁𑌃 𑌕𑌲𑌾𑌵𑌤𑍀 ॥ 4 ॥
𑌕𑌾𑌨𑍍𑌤𑌾 𑌕𑌾𑌮𑌸𑍍𑌵𑌰𑍂𑌪𑌾 𑌚 𑌕𑌾𑌮𑌾𑌖𑍍𑌯𑌾 𑌕𑍁𑌲𑌕𑌾𑌮𑌿𑌨𑍀 ।
𑌕𑍁𑌲𑍀𑌨𑌾 𑌕𑍁𑌲𑌵𑌤𑍍𑌯𑌮𑍍𑌬𑌾 𑌦𑍁𑌰𑍍𑌗𑌾 𑌦𑍁𑌰𑍍𑌗𑌤𑌿𑌨𑌾𑌶𑌿𑌨𑍀 ॥ 5 ॥
𑌕𑍗𑌮𑌾𑌰𑍀 𑌕𑌲𑌜𑌾 𑌕𑍃𑌷𑍍𑌣𑌾 𑌕𑍃𑌷𑍍𑌣𑌦𑍇𑌹𑌾 𑌕𑍃𑌶𑍋𑌦𑌰𑍀 ।
𑌕𑍃𑌶𑌾𑌙𑍍𑌗𑍀 𑌕𑍁𑌲𑌿𑌶𑌾𑌙𑍍𑌗𑍀 𑌚 𑌕𑍍𑌰𑍀𑌙𑍍𑌕𑌾𑌰𑍀 𑌕𑌮𑌲𑌾 𑌕𑌲𑌾 ॥ 6 ॥
𑌕𑌰𑌾𑌲𑌾𑌸𑍍𑌯𑌾 𑌕𑌰𑌾𑌲𑍀 𑌚 𑌕𑍁𑌲𑌕𑌾𑌨𑍍𑌤𑌾𑌽𑌪𑌰𑌾𑌜𑌿𑌤𑌾 ।
𑌉𑌗𑍍𑌰𑌾 𑌉𑌗𑍍𑌰𑌪𑍍𑌰𑌭𑌾 𑌦𑍀𑌪𑍍𑌤𑌾 𑌵𑌿𑌪𑍍𑌰𑌚𑌿𑌤𑍍𑌤𑌾 𑌮𑌹𑌾𑌬𑌲𑌾 ॥ 7 ॥
𑌨𑍀𑌲𑌾 𑌘𑌨𑌾 𑌮𑍇𑌘𑌨𑌾𑌦𑌾 𑌮𑌾𑌤𑍍𑌰𑌾 𑌮𑍁𑌦𑍍𑌰𑌾 𑌮𑌿𑌤𑌾𑌮𑌿𑌤𑌾 ।
𑌬𑍍𑌰𑌾𑌹𑍍𑌮𑍀 𑌨𑌾𑌰𑌾𑌯𑌣𑍀 𑌭𑌦𑍍𑌰𑌾 𑌸𑍁𑌭𑌦𑍍𑌰𑌾 𑌭𑌕𑍍𑌤𑌵𑌤𑍍𑌸𑌲𑌾 ॥ 8 ॥
𑌮𑌾𑌹𑍇𑌶𑍍𑌵𑌰𑍀 𑌚 𑌚𑌾𑌮𑍁𑌣𑍍𑌡𑌾 𑌵𑌾𑌰𑌾𑌹𑍀 𑌨𑌾𑌰𑌸𑌿𑌂𑌹𑌿𑌕𑌾 ।
𑌵𑌜𑍍𑌰𑌾𑌙𑍍𑌗𑍀 𑌵𑌜𑍍𑌰𑌕𑌙𑍍𑌕𑌾𑌲𑍀 𑌨𑍃𑌮𑍁𑌣𑍍𑌡𑌸𑍍𑌰𑌗𑍍𑌵𑌿𑌣𑍀 𑌶𑌿𑌵𑌾 ॥ 9 ॥
𑌮𑌾𑌲𑌿𑌨𑍀 𑌨𑌰𑌮𑍁𑌣𑍍𑌡𑌾𑌲𑍀 𑌗𑌲𑌦𑍍𑌰𑌕𑍍𑌤𑌵𑌿𑌭𑍂𑌷𑌣𑌾 ।
𑌰𑌕𑍍𑌤𑌚𑌨𑍍𑌦𑌨𑌸𑌿𑌕𑍍𑌤𑌾𑌙𑍍𑌗𑍀 𑌸𑌿𑌨𑍍𑌦𑍂𑌰𑌾𑌰𑍁𑌣𑌮𑌸𑍍𑌤𑌕𑌾 ॥ 10 ॥
𑌘𑍋𑌰𑌰𑍂𑌪𑌾 𑌘𑍋𑌰𑌦𑌂𑌷𑍍𑌟𑍍𑌰𑌾 𑌘𑍋𑌰𑌾𑌘𑍋𑌰𑌤𑌰𑌾 𑌶𑍁𑌭𑌾 ।
𑌮𑌹𑌾𑌦𑌂𑌷𑍍𑌟𑍍𑌰𑌾 𑌮𑌹𑌾𑌮𑌾𑌯𑌾 𑌸𑍁𑌦𑌤𑍀 𑌯𑍁𑌗𑌦𑌨𑍍𑌤𑍁𑌰𑌾 ॥ 11 ॥
𑌸𑍁𑌲𑍋𑌚𑌨𑌾 𑌵𑌿𑌰𑍂𑌪𑌾𑌕𑍍𑌷𑍀 𑌵𑌿𑌶𑌾𑌲𑌾𑌕𑍍𑌷𑍀 𑌤𑍍𑌰𑌿𑌲𑍋𑌚𑌨𑌾 ।
𑌶𑌾𑌰𑌦𑍇𑌨𑍍𑌦𑍁𑌪𑍍𑌰𑌸𑌨𑍍𑌨𑌾𑌸𑍍𑌯𑌾 𑌸𑍍𑌫𑍁𑌰𑌤𑍍𑌸𑍍𑌮𑍇𑌰𑌾𑌮𑍍𑌬𑍁𑌜𑍇𑌕𑍍𑌷𑌣𑌾 ॥ 12 ॥
𑌅𑌟𑍍𑌟𑌹𑌾𑌸𑌪𑍍𑌰𑌫𑍁𑌲𑍍𑌲𑌾𑌸𑍍𑌯𑌾 𑌸𑍍𑌮𑍇𑌰𑌵𑌕𑍍𑌤𑍍𑌰𑌾 𑌸𑍁𑌭𑌾𑌷𑌿𑌣𑍀 ।
𑌪𑍍𑌰𑌫𑍁𑌲𑍍𑌲𑌪𑌦𑍍𑌮𑌵𑌦𑌨𑌾 𑌸𑍍𑌮𑌿𑌤𑌾𑌸𑍍𑌯𑌾 𑌪𑍍𑌰𑌿𑌯𑌭𑌾𑌷𑌿𑌣𑍀 ॥ 13 ॥
𑌕𑍋𑌟𑌰𑌾𑌕𑍍𑌷𑍀 𑌕𑍁𑌲𑌶𑍍𑌰𑍇𑌷𑍍𑌠𑌾 𑌮𑌹𑌤𑍀 𑌬𑌹𑍁𑌭𑌾𑌷𑌿𑌣𑍀 ।
𑌸𑍁𑌮𑌤𑌿𑌃 𑌕𑍁𑌮𑌤𑌿𑌶𑍍𑌚𑌣𑍍𑌡𑌾 𑌚𑌣𑍍𑌡𑌮𑍁𑌣𑍍𑌡𑌾𑌤𑌿𑌵𑍇𑌗𑌿𑌨𑍀 ॥ 14 ॥
𑌸𑍁𑌕𑍇𑌶𑍀 𑌮𑍁𑌕𑍍𑌤𑌕𑍇𑌶𑍀 𑌚 𑌦𑍀𑌰𑍍𑌘𑌕𑍇𑌶𑍀 𑌮𑌹𑌾𑌕𑌚𑌾 ।
𑌪𑍍𑌰𑍇𑌤𑌦𑍇𑌹𑌾𑌕𑌰𑍍𑌣𑌪𑍂𑌰𑌾 𑌪𑍍𑌰𑍇𑌤𑌪𑌾𑌣𑌿𑌸𑍁𑌮𑍇𑌖𑌲𑌾 ॥ 15 ॥
𑌪𑍍𑌰𑍇𑌤𑌾𑌸𑌨𑌾 𑌪𑍍𑌰𑌿𑌯𑌪𑍍𑌰𑍇𑌤𑌾 𑌪𑍁𑌣𑍍𑌯𑌦𑌾 𑌕𑍁𑌲𑌪𑌣𑍍𑌡𑌿𑌤𑌾 ।
𑌪𑍁𑌣𑍍𑌯𑌾𑌲𑌯𑌾 𑌪𑍁𑌣𑍍𑌯𑌦𑍇𑌹𑌾 𑌪𑍁𑌣𑍍𑌯𑌶𑍍𑌲𑍋𑌕𑌾 𑌚 𑌪𑌾𑌵𑌨𑍀 ॥ 16 ॥
𑌪𑍂𑌤𑌾 𑌪𑌵𑌿𑌤𑍍𑌰𑌾 𑌪𑌰𑌮𑌾 𑌪𑌰𑌾 𑌪𑍁𑌣𑍍𑌯𑌵𑌿𑌭𑍂𑌷𑌣𑌾 ।
𑌪𑍁𑌣𑍍𑌯𑌨𑌾𑌮𑍍𑌨𑍀 𑌭𑍀𑌤𑌿𑌹𑌰𑌾 𑌵𑌰𑌦𑌾 𑌖𑌡𑍍𑌗𑌪𑌾𑌣𑌿𑌨𑍀 ॥ 17 ॥
𑌨𑍃𑌮𑍁𑌣𑍍𑌡𑌹𑌸𑍍𑌤𑌾 𑌶𑌾𑌨𑍍𑌤𑌾 𑌚 𑌛𑌿𑌨𑍍𑌨𑌮𑌸𑍍𑌤𑌾 𑌸𑍁𑌨𑌾𑌸𑌿𑌕𑌾 ।
𑌦𑌕𑍍𑌷𑌿𑌣𑌾 𑌶𑍍𑌯𑌾𑌮𑌲𑌾 𑌶𑍍𑌯𑌾𑌮𑌾 𑌶𑌾𑌨𑍍𑌤𑌾 𑌪𑍀𑌨𑍋𑌨𑍍𑌨𑌤𑌸𑍍𑌤𑌨𑍀 ॥ 18 ॥
𑌦𑌿𑌗𑌮𑍍𑌬𑌰𑌾 𑌘𑍋𑌰𑌰𑌾𑌵𑌾 𑌸𑍃𑌕𑍍𑌕𑌾𑌨𑍍𑌤𑌰𑌕𑍍𑌤𑌵𑌾𑌹𑌿𑌨𑍀 ।
𑌘𑍋𑌰𑌰𑌾𑌵𑌾 𑌶𑌿𑌵𑌾𑌸𑌙𑍍𑌗𑌾 𑌨𑌿𑌃𑌸𑌙𑍍𑌗𑌾 𑌮𑌦𑌨𑌾𑌤𑍁𑌰𑌾 ॥ 19 ॥
𑌮𑌤𑍍𑌤𑌾 𑌪𑍍𑌰𑌮𑌤𑍍𑌤𑌾 𑌮𑌦𑌨𑌾 𑌸𑍁𑌧𑌾𑌸𑌿𑌨𑍍𑌧𑍁𑌨𑌿𑌵𑌾𑌸𑌿𑌨𑍀 ।
𑌅𑌤𑌿𑌮𑌤𑍍𑌤𑌾 𑌮𑌹𑌾𑌮𑌤𑍍𑌤𑌾 𑌸𑌰𑍍𑌵𑌾𑌕𑌰𑍍𑌷𑌣𑌕𑌾𑌰𑌿𑌣𑍀 ॥ 20 ॥
𑌗𑍀𑌤𑌪𑍍𑌰𑌿𑌯𑌾 𑌵𑌾𑌦𑍍𑌯𑌰𑌤𑌾 𑌪𑍍𑌰𑍇𑌤𑌨𑍃𑌤𑍍𑌯𑌪𑌰𑌾𑌯𑌣𑌾 ।
𑌚𑌤𑍁𑌰𑍍𑌭𑍁𑌜𑌾 𑌦𑌶𑌭𑍁𑌜𑌾 𑌅𑌷𑍍𑌟𑌾𑌦𑌶𑌭𑍁𑌜𑌾 𑌤𑌥𑌾 ॥ 21 ॥
𑌕𑌾𑌤𑍍𑌯𑌾𑌯𑌨𑍀 𑌜𑌗𑌨𑍍𑌮𑌾𑌤𑌾 𑌜𑌗𑌤𑍀 𑌪𑌰𑌮𑍇𑌶𑍍𑌵𑌰𑍀 ।
𑌜𑌗𑌦𑍍𑌬𑌨𑍍𑌧𑍁𑌰𑍍𑌜𑌗𑌦𑍍𑌧𑌾𑌤𑍍𑌰𑍀 𑌜𑌗𑌦𑌾𑌨𑌨𑍍𑌦𑌕𑌾𑌰𑌿𑌣𑍀 ॥ 22 ॥
𑌜𑌗𑌜𑍍𑌜𑍀𑌵𑌵𑌤𑍀 𑌹𑍈𑌮𑌵𑌤𑍀 𑌮𑌾𑌯𑌾 𑌮𑌹𑌾𑌲𑌯𑌾 ।
𑌨𑌾𑌗𑌯𑌜𑍍𑌞𑍋𑌪𑌵𑍀𑌤𑌾𑌙𑍍𑌗𑍀 𑌨𑌾𑌗𑌿𑌨𑍀 𑌨𑌾𑌗𑌶𑌾𑌯𑌿𑌨𑍀 ॥ 23 ॥
𑌨𑌾𑌗𑌕𑌨𑍍𑌯𑌾 𑌦𑍇𑌵𑌕𑌨𑍍𑌯𑌾 𑌗𑌾𑌨𑍍𑌧𑌾𑌰𑍀 𑌕𑌿𑌨𑍍𑌨𑌰𑍀 𑌸𑍁𑌰𑍀 ।
𑌮𑍋𑌹𑌰𑌾𑌤𑍍𑌰𑍀 𑌮𑌹𑌾𑌰𑌾𑌤𑍍𑌰𑍀 𑌦𑌾𑌰𑍁𑌣𑌾𑌮𑌾𑌸𑍁𑌰𑌾𑌸𑍁𑌰𑍀 ॥ 24 ॥
𑌵𑌿𑌦𑍍𑌯𑌾𑌧𑌰𑍀 𑌵𑌸𑍁𑌮𑌤𑍀 𑌯𑌕𑍍𑌷𑌿𑌣𑍀 𑌯𑍋𑌗𑌿𑌨𑍀 𑌜𑌰𑌾 ।
𑌰𑌾𑌕𑍍𑌷𑌸𑍀 𑌡𑌾𑌕𑌿𑌨𑍀 𑌵𑍇𑌦𑌮𑌯𑍀 𑌵𑍇𑌦𑌵𑌿𑌭𑍂𑌷𑌣𑌾 ॥ 25 ॥
𑌶𑍍𑌰𑍁𑌤𑌿𑌸𑍍𑌮𑍃𑌤𑌿𑌮𑌹𑌾𑌵𑌿𑌦𑍍𑌯𑌾 𑌗𑍁𑌹𑍍𑌯𑌵𑌿𑌦𑍍𑌯𑌾 𑌪𑍁𑌰𑌾𑌤𑌨𑍀 ।
𑌚𑌿𑌨𑍍𑌤𑍍𑌯𑌾𑌽𑌚𑌿𑌨𑍍𑌤𑍍𑌯𑌾 𑌸𑍍𑌵𑌧𑌾 𑌸𑍍𑌵𑌾𑌹𑌾 𑌨𑌿𑌦𑍍𑌰𑌾 𑌤𑌨𑍍𑌦𑍍𑌰𑌾 𑌚 𑌪𑌾𑌰𑍍𑌵𑌤𑍀 ॥ 26 ॥
𑌅𑌪𑌰𑍍𑌣𑌾 𑌨𑌿𑌶𑍍𑌚𑌲𑌾 𑌲𑍋𑌲𑌾 𑌸𑌰𑍍𑌵𑌵𑌿𑌦𑍍𑌯𑌾 𑌤𑌪𑌸𑍍𑌵𑌿𑌨𑍀 ।
𑌗𑌙𑍍𑌗𑌾 𑌕𑌾𑌶𑍀 𑌶𑌚𑍀 𑌸𑍀𑌤𑌾 𑌸𑌤𑍀 𑌸𑌤𑍍𑌯𑌪𑌰𑌾𑌯𑌣𑌾 ॥ 27 ॥
𑌨𑍀𑌤𑌿𑌃 𑌸𑍁𑌨𑍀𑌤𑌿𑌃 𑌸𑍁𑌰𑍁𑌚𑌿𑌸𑍍𑌤𑍁𑌷𑍍𑌟𑌿𑌃 𑌪𑍁𑌷𑍍𑌟𑌿𑌰𑍍𑌧𑍃𑌤𑌿𑌃 𑌕𑍍𑌷𑌮𑌾 ।
𑌵𑌾𑌣𑍀 𑌬𑍁𑌦𑍍𑌧𑌿𑌰𑍍𑌮𑌹𑌾𑌲𑌕𑍍𑌷𑍍𑌮𑍀 𑌲𑌕𑍍𑌷𑍍𑌮𑍀𑌰𑍍𑌨𑍀𑌲𑌸𑌰𑌸𑍍𑌵𑌤𑍀 ॥ 28 ॥
𑌸𑍍𑌰𑍋𑌤𑌸𑍍𑌵𑌤𑍀 𑌸𑍍𑌰𑍋𑌤𑌵𑌤𑍀 𑌮𑌾𑌤𑌙𑍍𑌗𑍀 𑌵𑌿𑌜𑌯𑌾 𑌜𑌯𑌾 ।
𑌨𑌦𑍀 𑌸𑌿𑌨𑍍𑌧𑍁𑌃 𑌸𑌰𑍍𑌵𑌮𑌯𑍀 𑌤𑌾𑌰𑌾 𑌶𑍂𑌨𑍍𑌯𑌨𑌿𑌵𑌾𑌸𑌿𑌨𑍀 ॥ 29 ॥
𑌶𑍁𑌦𑍍𑌧𑌾 𑌤𑌰𑌙𑍍𑌗𑌿𑌣𑍀 𑌮𑍇𑌧𑌾 𑌲𑌾𑌕𑌿𑌨𑍀 𑌬𑌹𑍁𑌰𑍂𑌪𑌿𑌣𑍀 ।
𑌸𑌦𑌾𑌨𑌨𑍍𑌦𑌮𑌯𑍀 𑌸𑌤𑍍𑌯𑌾 𑌸𑌰𑍍𑌵𑌾𑌨𑌨𑍍𑌦𑌸𑍍𑌵𑌰𑍂𑌪𑌿𑌣𑍀 ॥ 30 ॥
𑌸𑍁𑌨𑌨𑍍𑌦𑌾 𑌨𑌨𑍍𑌦𑌿𑌨𑍀 𑌸𑍍𑌤𑍁𑌤𑍍𑌯𑌾 𑌸𑍍𑌤𑌵𑌨𑍀𑌯𑌾 𑌸𑍍𑌵𑌭𑌾𑌵𑌿𑌨𑍀 ।
𑌰𑌙𑍍𑌕𑌿𑌣𑍀 𑌟𑌙𑍍𑌕𑌿𑌣𑍀 𑌚𑌿𑌤𑍍𑌰𑌾 𑌵𑌿𑌚𑌿𑌤𑍍𑌰𑌾 𑌚𑌿𑌤𑍍𑌰𑌰𑍂𑌪𑌿𑌣𑍀 ॥ 31 ॥
𑌪𑌦𑍍𑌮𑌾 𑌪𑌦𑍍𑌮𑌾𑌲𑌯𑌾 𑌪𑌦𑍍𑌮𑌸𑍁𑌖𑍀 𑌪𑌦𑍍𑌮𑌵𑌿𑌭𑍂𑌷𑌣𑌾 ।
𑌶𑌾𑌕𑌿𑌨𑍀 𑌹𑌾𑌕𑌿𑌨𑍀 𑌕𑍍𑌷𑌾𑌨𑍍𑌤𑌾 𑌰𑌾𑌕𑌿𑌣𑍀 𑌰𑍁𑌧𑌿𑌰𑌪𑍍𑌰𑌿𑌯𑌾 ॥ 32 ॥
𑌭𑍍𑌰𑌾𑌨𑍍𑌤𑌿𑌰𑍍𑌭𑌵𑌾𑌨𑍀 𑌰𑍁𑌦𑍍𑌰𑌾𑌣𑍀 𑌮𑍃𑌡𑌾𑌨𑍀 𑌶𑌤𑍍𑌰𑍁𑌮𑌰𑍍𑌦𑌿𑌨𑍀 ।
𑌉𑌪𑍇𑌨𑍍𑌦𑍍𑌰𑌾𑌣𑍀 𑌮𑌹𑍇𑌶𑌾𑌨𑍀 𑌜𑍍𑌯𑍋𑌤𑍍𑌸𑍍𑌨𑌾 𑌚𑍇𑌨𑍍𑌦𑍍𑌰𑌸𑍍𑌵𑌰𑍂𑌪𑌿𑌣𑍀 ॥ 33 ॥
𑌸𑍂𑌰𑍍𑌯𑌾𑌤𑍍𑌮𑌿𑌕𑌾 𑌰𑍁𑌦𑍍𑌰𑌪𑌤𑍍𑌨𑍀 𑌰𑍗𑌦𑍍𑌰𑍀 𑌸𑍍𑌤𑍍𑌰𑍀 𑌪𑍍𑌰𑌕𑍃𑌤𑌿𑌃 𑌪𑍁𑌮𑌾𑌨𑍍 ।
𑌶𑌕𑍍𑌤𑌿𑌃 𑌸𑍂𑌕𑍍𑌤𑌿𑌰𑍍𑌮𑌤𑌿𑌮𑌤𑍀 𑌭𑍁𑌕𑍍𑌤𑌿𑌰𑍍𑌮𑍁𑌕𑍍𑌤𑌿𑌃 𑌪𑌤𑌿𑌵𑍍𑌰𑌤𑌾 ॥ 34 ॥
𑌸𑌰𑍍𑌵𑍇𑌶𑍍𑌵𑌰𑍀 𑌸𑌰𑍍𑌵𑌮𑌾𑌤𑌾 𑌶𑌰𑍍𑌵𑌾𑌣𑍀 𑌹𑌰𑌵𑌲𑍍𑌲𑌭𑌾 ।
𑌸𑌰𑍍𑌵𑌜𑍍𑌞𑌾 𑌸𑌿𑌦𑍍𑌧𑌿𑌦𑌾 𑌸𑌿𑌦𑍍𑌧𑌾 𑌭𑌾𑌵𑍍𑌯𑌾 𑌭𑌵𑍍𑌯𑌾 𑌭𑌯𑌾𑌪𑌹𑌾 ॥ 35 ॥
𑌕𑌰𑍍𑌤𑍍𑌰𑍀 𑌹𑌰𑍍𑌤𑍍𑌰𑍀 𑌪𑌾𑌲𑌯𑌿𑌤𑍍𑌰𑍀 𑌶𑌰𑍍𑌵𑌰𑍀 𑌤𑌾𑌮𑌸𑍀 𑌦𑌯𑌾 ।
𑌤𑌮𑌿𑌸𑍍𑌰𑌾 𑌯𑌾𑌮𑌿𑌨𑍀𑌸𑍍𑌥𑌾 𑌚 𑌸𑍍𑌥𑌿𑌰𑌾 𑌧𑍀𑌰𑌾 𑌤𑌪𑌸𑍍𑌵𑌿𑌨𑍀 ॥ 36 ॥
𑌚𑌾𑌰𑍍𑌵𑌙𑍍𑌗𑍀 𑌚𑌞𑍍𑌚𑌲𑌾 𑌲𑍋𑌲𑌜𑌿𑌹𑍍𑌵𑌾 𑌚𑌾𑌰𑍁𑌚𑌰𑌿𑌤𑍍𑌰𑌿𑌣𑍀 ।
𑌤𑍍𑌰𑌪𑌾 𑌤𑍍𑌰𑌪𑌾𑌵𑌤𑍀 𑌲𑌜𑍍𑌜𑌾 𑌨𑌿𑌰𑍍𑌲𑌜𑍍𑌜𑌾 𑌹𑍍𑌰𑍀𑌂 𑌰𑌜𑍋𑌵𑌤𑍀 ॥ 37 ॥
𑌸𑌤𑍍𑌤𑍍𑌵𑌵𑌤𑍀 𑌧𑌰𑍍𑌮𑌨𑌿𑌷𑍍𑌠𑌾 𑌶𑍍𑌰𑍇𑌷𑍍𑌠𑌾 𑌨𑌿𑌷𑍍𑌠𑍁𑌰𑌵𑌾𑌦𑌿𑌨𑍀 ।
𑌗𑌰𑌿𑌷𑍍𑌠𑌾 𑌦𑍁𑌷𑍍𑌟𑌸𑌂𑌹𑌰𑍍𑌤𑍍𑌰𑍀 𑌵𑌿𑌶𑌿𑌷𑍍𑌟𑌾 𑌶𑍍𑌰𑍇𑌯𑌸𑍀 𑌘𑍃𑌣𑌾 ॥ 38 ॥
𑌭𑍀𑌮𑌾 𑌭𑌯𑌾𑌨𑌕𑌾 𑌭𑍀𑌮𑌨𑌾𑌦𑌿𑌨𑍀 𑌭𑍀𑌃 𑌪𑍍𑌰𑌭𑌾𑌵𑌤𑍀 ।
𑌵𑌾𑌗𑍀𑌶𑍍𑌵𑌰𑍀 𑌶𑍍𑌰𑍀𑌰𑍍𑌯𑌮𑍁𑌨𑌾 𑌯𑌜𑍍𑌞𑌕𑌰𑍍𑌤𑍍𑌰𑍀 𑌯𑌜𑍁𑌃𑌪𑍍𑌰𑌿𑌯𑌾 ॥ 39 ॥
𑌋𑌕𑍍𑌸𑌾𑌮𑌾𑌥𑌰𑍍𑌵𑌨𑌿𑌲𑌯𑌾 𑌰𑌾𑌗𑌿𑌣𑍀 𑌶𑍋𑌭𑌨𑌸𑍍𑌵𑌰𑌾 ।
𑌕𑌲𑌕𑌣𑍍𑌠𑍀 𑌕𑌮𑍍𑌬𑍁𑌕𑌣𑍍𑌠𑍀 𑌵𑍇𑌣𑍁𑌵𑍀𑌣𑌾𑌪𑌰𑌾𑌯𑌣𑌾 ॥ 40 ॥
𑌵𑌂𑌶𑌿𑌨𑍀 𑌵𑍈𑌷𑍍𑌣𑌵𑍀 𑌸𑍍𑌵𑌚𑍍𑌛𑌾 𑌧𑌾𑌤𑍍𑌰𑍀 𑌤𑍍𑌰𑌿𑌜𑌗𑌦𑍀𑌶𑍍𑌵𑌰𑍀 ।
𑌮𑌧𑍁𑌮𑌤𑍀 𑌕𑍁𑌣𑍍𑌡𑌲𑌿𑌨𑍀 𑌋𑌦𑍍𑌧𑌿𑌃 𑌸𑌿𑌦𑍍𑌧𑌿𑌃 𑌶𑍁𑌚𑌿𑌸𑍍𑌮𑌿𑌤𑌾 ॥ 41 ॥
𑌰𑌮𑍍𑌭𑍋𑌰𑍍𑌵𑌶𑍀 𑌰𑌤𑍀 𑌰𑌾𑌮𑌾 𑌰𑍋𑌹𑌿𑌣𑍀 𑌰𑍇𑌵𑌤𑍀 𑌰𑌮𑌾 ।
𑌶𑌙𑍍𑌖𑌿𑌨𑍀 𑌚𑌕𑍍𑌰𑌿𑌣𑍀 𑌕𑍃𑌷𑍍𑌣𑌾 𑌗𑌦𑌿𑌨𑍀 𑌪𑌦𑍍𑌮𑌿𑌨𑍀 𑌤𑌥𑌾 ॥ 42 ॥
𑌶𑍂𑌲𑌿𑌨𑍀 𑌪𑌰𑌿𑌘𑌾𑌸𑍍𑌤𑍍𑌰𑌾 𑌚 𑌪𑌾𑌶𑌿𑌨𑍀 𑌶𑌾𑌰𑍍𑌙𑍍𑌗𑌪𑌾𑌣𑌿𑌨𑍀 ।
𑌪𑌿𑌨𑌾𑌕𑌧𑌾𑌰𑌿𑌣𑍀 𑌧𑍂𑌮𑍍𑌰𑌾 𑌶𑌰𑌭𑍀 𑌵𑌨𑌮𑌾𑌲𑌿𑌨𑍀 ॥ 43 ॥
𑌵𑌜𑍍𑌰𑌿𑌣𑍀 𑌸𑌮𑌰𑌪𑍍𑌰𑍀𑌤𑌾 𑌵𑍇𑌗𑌿𑌨𑍀 𑌰𑌣𑌪𑌣𑍍𑌡𑌿𑌤𑌾 ।
𑌜𑌟𑌿𑌨𑍀 𑌬𑌿𑌮𑍍𑌬𑌿𑌨𑍀 𑌨𑍀𑌲𑌾 𑌲𑌾𑌵𑌣𑍍𑌯𑌾𑌮𑍍𑌬𑍁𑌧𑌿𑌚𑌨𑍍𑌦𑍍𑌰𑌿𑌕𑌾 ॥ 44 ॥
𑌬𑌲𑌿𑌪𑍍𑌰𑌿𑌯𑌾 𑌸𑌦𑌾𑌪𑍂𑌜𑍍𑌯𑌾 𑌪𑍂𑌰𑍍𑌣𑌾 𑌦𑍈𑌤𑍍𑌯𑍇𑌨𑍍𑌦𑍍𑌰𑌮𑌾𑌥𑌿𑌨𑍀 ।
𑌮𑌹𑌿𑌷𑌾𑌸𑍁𑌰𑌸𑌂𑌹𑌨𑍍𑌤𑍍𑌰𑍀 𑌵𑌾𑌸𑌿𑌨𑍀 𑌰𑌕𑍍𑌤𑌦𑌨𑍍𑌤𑌿𑌕𑌾 ॥ 45 ॥
𑌰𑌕𑍍𑌤𑌪𑌾 𑌰𑍁𑌧𑌿𑌰𑌾𑌕𑍍𑌤𑌾𑌙𑍍𑌗𑍀 𑌰𑌕𑍍𑌤𑌖𑌰𑍍𑌪𑌰𑌹𑌸𑍍𑌤𑌿𑌨𑍀 ।
𑌰𑌕𑍍𑌤𑌪𑍍𑌰𑌿𑌯𑌾 𑌮𑌾𑌂𑌸𑌰𑍁𑌚𑌿𑌰𑍍𑌵𑌾𑌸𑌵𑌾𑌸𑌕𑍍𑌤𑌮𑌾𑌨𑌸𑌾 ॥ 46 ॥
𑌗𑌲𑌚𑍍𑌛𑍋𑌣𑌿𑌤𑌮𑍁𑌣𑍍𑌡𑌾𑌲𑌿𑌕𑌣𑍍𑌠𑌮𑌾𑌲𑌾𑌵𑌿𑌭𑍂𑌷𑌣𑌾 ।
𑌶𑌵𑌾𑌸𑌨𑌾 𑌚𑌿𑌤𑌾𑌨𑍍𑌤𑌸𑍍𑌥𑌾 𑌮𑌾𑌹𑍇𑌶𑍀 𑌵𑍃𑌷𑌵𑌾𑌹𑌿𑌨𑍀 ॥ 47 ॥
𑌵𑍍𑌯𑌾𑌘𑍍𑌰𑌤𑍍𑌵𑌗𑌮𑍍𑌬𑌰𑌾 𑌚𑍀𑌨𑌚𑍇𑌲𑌿𑌨𑍀 𑌸𑌿𑌂𑌹𑌵𑌾𑌹𑌿𑌨𑍀 ।
𑌵𑌾𑌮𑌦𑍇𑌵𑍀 𑌮𑌹𑌾𑌦𑍇𑌵𑍀 𑌗𑍗𑌰𑍀 𑌸𑌰𑍍𑌵𑌜𑍍𑌞𑌭𑌾𑌵𑌿𑌨𑍀 ॥ 48 ॥
𑌬𑌾𑌲𑌿𑌕𑌾 𑌤𑌰𑍁𑌣𑍀 𑌵𑍃𑌦𑍍𑌧𑌾 𑌵𑍃𑌦𑍍𑌧𑌮𑌾𑌤𑌾 𑌜𑌰𑌾𑌤𑍁𑌰𑌾 ।
𑌸𑍁𑌭𑍍𑌰𑍁𑌰𑍍𑌵𑌿𑌲𑌾𑌸𑌿𑌨𑍀 𑌬𑍍𑌰𑌹𑍍𑌮𑌵𑌾𑌦𑌿𑌨𑍀 𑌬𑍍𑌰𑌾𑌹𑍍𑌮𑌣𑍀 𑌮𑌹𑍀 ॥ 49 ॥
𑌸𑍍𑌵𑌪𑍍𑌨𑌵𑌤𑍀 𑌚𑌿𑌤𑍍𑌰𑌲𑍇𑌖𑌾 𑌲𑍋𑌪𑌾𑌮𑍁𑌦𑍍𑌰𑌾 𑌸𑍁𑌰𑍇𑌶𑍍𑌵𑌰𑍀 ।
𑌅𑌮𑍋𑌘𑌾𑌽𑌰𑍁𑌨𑍍𑌧𑌤𑍀 𑌤𑍀𑌕𑍍𑌷𑍍𑌣𑌾 𑌭𑍋𑌗𑌵𑌤𑍍𑌯𑌨𑍁𑌵𑌾𑌦𑌿𑌨𑍀 ॥ 50 ॥
𑌮𑌨𑍍𑌦𑌾𑌕𑌿𑌨𑍀 𑌮𑌨𑍍𑌦𑌹𑌾𑌸𑌾 𑌜𑍍𑌵𑌾𑌲𑌾𑌮𑍁𑌖𑍍𑌯𑌸𑍁𑌰𑌾𑌨𑍍𑌤𑌕𑌾 ।
𑌮𑌾𑌨𑌦𑌾 𑌮𑌾𑌨𑌿𑌨𑍀 𑌮𑌾𑌨𑍍𑌯𑌾 𑌮𑌾𑌨𑌨𑍀𑌯𑌾 𑌮𑌦𑍋𑌦𑍍𑌧𑌤𑌾 ॥ 51 ॥
𑌮𑌦𑌿𑌰𑌾 𑌮𑌦𑌿𑌰𑌾𑌨𑍍𑌮𑌾𑌦𑌾 𑌮𑍇𑌧𑍍𑌯𑌾 𑌨𑌵𑍍𑌯𑌾 𑌪𑍍𑌰𑌸𑌾𑌦𑌿𑌨𑍀 ।
𑌸𑍁𑌮𑌧𑍍𑌯𑌾𑌽𑌨𑌨𑍍𑌤𑌗𑍁𑌣𑌿𑌨𑍀 𑌸𑌰𑍍𑌵𑌲𑍋𑌕𑍋𑌤𑍍𑌤𑌮𑍋𑌤𑍍𑌤𑌮𑌾 ॥ 52 ॥
𑌜𑌯𑌦𑌾 𑌜𑌿𑌤𑍍𑌵𑌰𑌾 𑌜𑍈𑌤𑍍𑌰𑍀 𑌜𑌯𑌶𑍍𑌰𑍀𑌰𑍍𑌜𑌯𑌶𑌾𑌲𑌿𑌨𑍀 ।
𑌸𑍁𑌖𑌦𑌾 𑌶𑍁𑌭𑌦𑌾 𑌸𑌤𑍍𑌯𑌾 𑌸𑌭𑌾𑌸𑌙𑍍𑌕𑍍𑌷𑍋𑌭𑌕𑌾𑌰𑌿𑌣𑍀 ॥ 53 ॥
𑌶𑌿𑌵𑌦𑍂𑌤𑍀 𑌭𑍂𑌤𑌿𑌮𑌤𑍀 𑌵𑌿𑌭𑍂𑌤𑌿𑌰𑍍𑌭𑍀𑌷𑌣𑌾𑌨𑌨𑌾 ।
𑌕𑍗𑌮𑌾𑌰𑍀 𑌕𑍁𑌲𑌜𑌾 𑌕𑍁𑌨𑍍𑌤𑍀 𑌕𑍁𑌲𑌸𑍍𑌤𑍍𑌰𑍀 𑌕𑍁𑌲𑌪𑌾𑌲𑌿𑌕𑌾 ॥ 54 ॥
𑌕𑍀𑌰𑍍𑌤𑌿𑌰𑍍𑌯𑌶𑌸𑍍𑌵𑌿𑌨𑍀 𑌭𑍂𑌷𑌾 𑌭𑍂𑌷𑍍𑌯𑌾 𑌭𑍂𑌤𑌪𑌤𑌿𑌪𑍍𑌰𑌿𑌯𑌾 ।
𑌸𑌗𑍁𑌣𑌾 𑌨𑌿𑌰𑍍𑌗𑍁𑌣𑌾 𑌧𑍃𑌷𑍍𑌟𑌾 𑌨𑌿𑌷𑍍𑌠𑌾 𑌕𑌾𑌷𑍍𑌠𑌾 𑌪𑍍𑌰𑌤𑌿𑌷𑍍𑌠𑌿𑌤𑌾 ॥ 55 ॥
𑌧𑌨𑌿𑌷𑍍𑌠𑌾 𑌧𑌨𑌦𑌾 𑌧𑌨𑍍𑌯𑌾 𑌵𑌸𑍁𑌧𑌾 𑌸𑍍𑌵𑌪𑍍𑌰𑌕𑌾𑌶𑌿𑌨𑍀 ।
𑌉𑌰𑍍𑌵𑍀 𑌗𑍁𑌰𑍍𑌵𑍀 𑌗𑍁𑌰𑍁𑌶𑍍𑌰𑍇𑌷𑍍𑌠𑌾 𑌸𑌗𑍁𑌣𑌾 𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾 ॥ 56 ॥
𑌮𑌹𑌾𑌕𑍁𑌲𑍀𑌨𑌾 𑌨𑌿𑌷𑍍𑌕𑌾𑌮𑌾 𑌸𑌕𑌾𑌮𑌾 𑌕𑌾𑌮𑌜𑍀𑌵𑌨𑌾 ।
𑌕𑌾𑌮𑌦𑍇𑌵𑌕𑌲𑌾 𑌰𑌾𑌮𑌾𑌽𑌭𑌿𑌰𑌾𑌮𑌾 𑌶𑌿𑌵𑌨𑌰𑍍𑌤𑌕𑍀 ॥ 57 ॥
𑌚𑌿𑌨𑍍𑌤𑌾𑌮𑌣𑌿𑌃 𑌕𑌲𑍍𑌪𑌲𑌤𑌾 𑌜𑌾𑌗𑍍𑌰𑌤𑍀 𑌦𑍀𑌨𑌵𑌤𑍍𑌸𑌲𑌾 ।
𑌕𑌾𑌰𑍍𑌤𑌿𑌕𑍀 𑌕𑍀𑌰𑍍𑌤𑌿𑌕𑌾 𑌕𑍃𑌤𑍍𑌯𑌾 𑌅𑌯𑍋𑌧𑍍𑌯𑌾 𑌵𑌿𑌷𑌮𑌾 𑌸𑌮𑌾 ॥ 58 ॥
𑌸𑍁𑌮𑌨𑍍𑌤𑍍𑌰𑌾 𑌮𑌨𑍍𑌤𑍍𑌰𑌿𑌣𑍀 𑌘𑍂𑌰𑍍𑌣𑌾 𑌹𑍍𑌲𑌾𑌦𑌿𑌨𑍀 𑌕𑍍𑌲𑍇𑌶𑌨𑌾𑌶𑌿𑌨𑍀 ।
𑌤𑍍𑌰𑍈𑌲𑍋𑌕𑍍𑌯𑌜𑌨𑌨𑍀 𑌹𑍃𑌷𑍍𑌟𑌾 𑌨𑌿𑌰𑍍𑌮𑌾𑌂𑌸𑌾 𑌮𑌨𑍋𑌰𑍂𑌪𑌿𑌣𑍀 ॥ 59 ॥
𑌤𑌡𑌾𑌗𑌨𑌿𑌮𑍍𑌨𑌜𑌠𑌰𑌾 𑌶𑍁𑌷𑍍𑌕𑌮𑌾𑌂𑌸𑌾𑌸𑍍𑌥𑌿𑌮𑌾𑌲𑌿𑌨𑍀 ।
𑌅𑌵𑌨𑍍𑌤𑍀 𑌮𑌥𑍁𑌰𑌾 𑌮𑌾𑌯𑌾 𑌤𑍍𑌰𑍈𑌲𑍋𑌕𑍍𑌯𑌪𑌾𑌵𑌨𑍀𑌶𑍍𑌵𑌰𑍀 ॥ 60 ॥
𑌵𑍍𑌯𑌕𑍍𑌤𑌾𑌽𑌵𑍍𑌯𑌕𑍍𑌤𑌾𑌽𑌨𑍇𑌕𑌮𑍂𑌰𑍍𑌤𑌿𑌃 𑌶𑌰𑍍𑌵𑌰𑍀 𑌭𑍀𑌮𑌨𑌾𑌦𑌿𑌨𑍀 ।
𑌕𑍍𑌷𑍇𑌮𑌙𑍍𑌕𑌰𑍀 𑌶𑌙𑍍𑌕𑌰𑍀 𑌚 𑌸𑌰𑍍𑌵𑌸𑌮𑍍𑌮𑍋𑌹𑌕𑌾𑌰𑌿𑌣𑍀 ॥ 61 ॥
𑌊𑌰𑍍𑌧𑍍𑌵𑌤𑍇𑌜𑌸𑍍𑌵𑌿𑌨𑍀 𑌕𑍍𑌲𑌿𑌨𑍍𑌨𑌾 𑌮𑌹𑌾𑌤𑍇𑌜𑌸𑍍𑌵𑌿𑌨𑍀 𑌤𑌥𑌾 ।
𑌅𑌦𑍍𑌵𑍈𑌤𑌾 𑌭𑍋𑌗𑌿𑌨𑍀 𑌪𑍂𑌜𑍍𑌯𑌾 𑌯𑍁𑌵𑌤𑍀 𑌸𑌰𑍍𑌵𑌮𑌙𑍍𑌗𑌲𑌾 ॥ 62 ॥
𑌸𑌰𑍍𑌵𑌪𑍍𑌰𑌿𑌯𑌙𑍍𑌕𑌰𑍀 𑌭𑍋𑌗𑍍𑌯𑌾 𑌧𑌰𑌣𑍀 𑌪𑌿𑌶𑌿𑌤𑌾𑌶𑌨𑌾 ।
𑌭𑌯𑌙𑍍𑌕𑌰𑍀 𑌪𑌾𑌪𑌹𑌰𑌾 𑌨𑌿𑌷𑍍𑌕𑌲𑌙𑍍𑌕𑌾 𑌵𑌶𑌙𑍍𑌕𑌰𑍀 ॥ 63 ॥
𑌆𑌶𑌾 𑌤𑍃𑌷𑍍𑌣𑌾 𑌚𑌨𑍍𑌦𑍍𑌰𑌕𑌲𑌾 𑌨𑌿𑌦𑍍𑌰𑌾𑌨𑍍𑌯𑌾 𑌵𑌾𑌯𑍁𑌵𑍇𑌗𑌿𑌨𑍀 ।
𑌸𑌹𑌸𑍍𑌰𑌸𑍂𑌰𑍍𑌯𑌸𑌙𑍍𑌕𑌾𑌶𑌾 𑌚𑌨𑍍𑌦𑍍𑌰𑌕𑍋𑌟𑌿𑌸𑌮𑌪𑍍𑌰𑌭𑌾 ॥ 64 ॥
𑌵𑌹𑍍𑌨𑌿𑌮𑌣𑍍𑌡𑌲𑌸𑌂𑌸𑍍𑌥𑌾 𑌚 𑌸𑌰𑍍𑌵𑌤𑌤𑍍𑌤𑍍𑌵𑌪𑍍𑌰𑌤𑌿𑌷𑍍𑌠𑌿𑌤𑌾 ।
𑌸𑌰𑍍𑌵𑌾𑌚𑌾𑌰𑌵𑌤𑍀 𑌸𑌰𑍍𑌵𑌦𑍇𑌵𑌕𑌨𑍍𑌯𑌾𑌧𑌿𑌦𑍇𑌵𑌤𑌾 ॥ 65 ॥
𑌦𑌕𑍍𑌷𑌕𑌨𑍍𑌯𑌾 𑌦𑌕𑍍𑌷𑌯𑌜𑍍𑌞𑌨𑌾𑌶𑌿𑌨𑍀 𑌦𑍁𑌰𑍍𑌗𑌤𑌾𑌰𑌿𑌕𑌾 ।
𑌇𑌜𑍍𑌯𑌾 𑌪𑍂𑌜𑍍𑌯𑌾 𑌵𑌿𑌭𑌾 𑌭𑍂𑌤𑌿𑌃 𑌸𑌤𑍍𑌕𑍀𑌰𑍍𑌤𑌿𑌰𑍍𑌬𑍍𑌰𑌹𑍍𑌮𑌰𑍂𑌪𑌿𑌣𑍀 ॥ 66 ॥
𑌰𑌮𑍍𑌭𑍋𑌰𑍁𑌶𑍍𑌚𑌤𑍁𑌰𑌾 𑌰𑌾𑌕𑌾 𑌜𑌯𑌨𑍍𑌤𑍀 𑌕𑌰𑍁𑌣𑌾 𑌕𑍁𑌹𑍁𑌃 ।
𑌮𑌨𑌸𑍍𑌵𑌿𑌨𑍀 𑌦𑍇𑌵𑌮𑌾𑌤𑌾 𑌯𑌶𑌸𑍍𑌯𑌾 𑌬𑍍𑌰𑌹𑍍𑌮𑌚𑌾𑌰𑌿𑌣𑍀 ॥ 67 ॥
𑌋𑌦𑍍𑌧𑌿𑌦𑌾 𑌵𑍃𑌦𑍍𑌧𑌿𑌦𑌾 𑌵𑍃𑌦𑍍𑌧𑌿𑌃 𑌸𑌰𑍍𑌵𑌾𑌦𑍍𑌯𑌾 𑌸𑌰𑍍𑌵𑌦𑌾𑌯𑌿𑌨𑍀 ।
𑌆𑌧𑌾𑌰𑌰𑍂𑌪𑌿𑌣𑍀 𑌧𑍍𑌯𑍇𑌯𑌾 𑌮𑍂𑌲𑌾𑌧𑌾𑌰𑌨𑌿𑌵𑌾𑌸𑌿𑌨𑍀 ॥ 68 ॥
𑌅𑌜𑍍𑌞𑌾 𑌪𑍍𑌰𑌜𑍍𑌞𑌾 𑌪𑍂𑌰𑍍𑌣𑌮𑌨𑌾𑌶𑍍𑌚𑌨𑍍𑌦𑍍𑌰𑌮𑍁𑌖𑍍𑌯𑌨𑍁𑌕𑍂𑌲𑌿𑌨𑍀 ।
𑌵𑌾𑌵𑌦𑍂𑌕𑌾 𑌨𑌿𑌮𑍍𑌨𑌨𑌾𑌭𑌿𑌃 𑌸𑌤𑍍𑌯𑌾 𑌸𑌨𑍍𑌧𑍍𑌯𑌾 𑌦𑍃𑌢𑌵𑍍𑌰𑌤𑌾 ॥ 69 ॥
𑌆𑌨𑍍𑌵𑍀𑌕𑍍𑌷𑌿𑌕𑍀 𑌦𑌣𑍍𑌡𑌨𑍀𑌤𑌿𑌸𑍍𑌤𑍍𑌰𑌯𑍀 𑌤𑍍𑌰𑌿𑌦𑌿𑌵𑌸𑍁𑌨𑍍𑌦𑌰𑍀 ।
𑌜𑍍𑌵𑌲𑌿𑌨𑍀 𑌜𑍍𑌵𑌾𑌲𑌿𑌨𑍀 𑌶𑍈𑌲𑌤𑌨𑌯𑌾 𑌵𑌿𑌨𑍍𑌧𑍍𑌯𑌵𑌾𑌸𑌿𑌨𑍀 ॥ 70 ॥
𑌅𑌮𑍇𑌯𑌾 𑌖𑍇𑌚𑌰𑍀 𑌧𑍈𑌰𑍍𑌯𑌾 𑌤𑍁𑌰𑍀𑌯𑌾 𑌵𑌿𑌮𑌲𑌾𑌽𑌽𑌤𑍁𑌰𑌾 ।
𑌪𑍍𑌰𑌗𑌲𑍍𑌭𑌾 𑌵𑌾𑌰𑍁𑌣𑍀 𑌛𑌾𑌯𑌾 𑌶𑌶𑌿𑌨𑍀 𑌵𑌿𑌸𑍍𑌫𑍁𑌲𑌿𑌙𑍍𑌗𑌿𑌨𑍀 ॥ 71 ॥
𑌭𑍁𑌕𑍍𑌤𑌿𑌃 𑌸𑌿𑌦𑍍𑌧𑌿𑌃 𑌸𑌦𑌾𑌪𑍍𑌰𑌾𑌪𑍍𑌤𑌿𑌃 𑌪𑍍𑌰𑌾𑌕𑌾𑌮𑍍𑌯𑌾 𑌮𑌹𑌿𑌮𑌾𑌽𑌣𑌿𑌮𑌾 ।
𑌇𑌚𑍍𑌛𑌾𑌸𑌿𑌦𑍍𑌧𑌿𑌰𑍍𑌵𑌿𑌸𑌿𑌦𑍍𑌧𑌾 𑌚 𑌵𑌶𑌿𑌤𑍍𑌵𑍋𑌰𑍍𑌧𑍍𑌵𑌨𑌿𑌵𑌾𑌸𑌿𑌨𑍀 ॥ 72 ॥
𑌲𑌘𑌿𑌮𑌾 𑌚𑍈𑌵 𑌗𑌾𑌯𑌤𑍍𑌰𑍀 𑌸𑌾𑌵𑌿𑌤𑍍𑌰𑍀 𑌭𑍁𑌵𑌨𑍇𑌶𑍍𑌵𑌰𑍀 ।
𑌮𑌨𑍋𑌹𑌰𑌾 𑌚𑌿𑌤𑌾 𑌦𑌿𑌵𑍍𑌯𑌾 𑌦𑍇𑌵𑍍𑌯𑍁𑌦𑌾𑌰𑌾 𑌮𑌨𑍋𑌰𑌮𑌾 ॥ 73 ॥
𑌪𑌿𑌙𑍍𑌗𑌲𑌾 𑌕𑌪𑌿𑌲𑌾 𑌜𑌿𑌹𑍍𑌵𑌾𑌰𑌸𑌜𑍍𑌞𑌾 𑌰𑌸𑌿𑌕𑌾 𑌰𑌸𑌾 ।
𑌸𑍁𑌷𑍁𑌮𑍍𑌨𑍇𑌡𑌾 𑌭𑍋𑌗𑌵𑌤𑍀 𑌗𑌾𑌨𑍍𑌧𑌾𑌰𑍀 𑌨𑌰𑌕𑌾𑌨𑍍𑌤𑌕𑌾 ॥ 74 ॥
𑌪𑌾𑌞𑍍𑌚𑌾𑌲𑍀 𑌰𑍁𑌕𑍍𑌮𑌿𑌣𑍀 𑌰𑌾𑌧𑌾𑌰𑌾𑌧𑍍𑌯𑌾 𑌭𑍀𑌮𑌾𑌧𑌿𑌰𑌾𑌧𑌿𑌕𑌾 ।
𑌅𑌮𑍃𑌤𑌾 𑌤𑍁𑌲𑌸𑍀 𑌵𑍃𑌨𑍍𑌦𑌾 𑌕𑍈𑌟𑌭𑍀 𑌕𑌪𑌟𑍇𑌶𑍍𑌵𑌰𑍀 ॥ 75 ॥
𑌉𑌗𑍍𑌰𑌚𑌣𑍍𑌡𑍇𑌶𑍍𑌵𑌰𑍀 𑌵𑍀𑌰𑌾 𑌜𑌨𑌨𑍀 𑌵𑍀𑌰𑌸𑍁𑌨𑍍𑌦𑌰𑍀 ।
𑌉𑌗𑍍𑌰𑌤𑌾𑌰𑌾 𑌯𑌶𑍋𑌦𑌾𑌖𑍍𑌯𑌾 𑌦𑍈𑌵𑌕𑍀 𑌦𑍇𑌵𑌮𑌾𑌨𑌿𑌤𑌾 ॥ 76 ॥
𑌨𑌿𑌰𑌞𑍍𑌜𑌨𑌾 𑌚𑌿𑌤𑍍𑌰𑌦𑍇𑌵𑍀 𑌕𑍍𑌰𑍋𑌧𑌿𑌨𑍀 𑌕𑍁𑌲𑌦𑍀𑌪𑌿𑌕𑌾 ।
𑌕𑍁𑌲𑌵𑌾𑌗𑍀𑌶𑍍𑌵𑌰𑍀 𑌵𑌾𑌣𑍀 𑌮𑌾𑌤𑍃𑌕𑌾 𑌦𑍍𑌰𑌾𑌵𑌿𑌣𑍀 𑌦𑍍𑌰𑌵𑌾 ॥ 77 ॥
𑌯𑍋𑌗𑍇𑌶𑍍𑌵𑌰𑍀 𑌮𑌹𑌾𑌮𑌾𑌰𑍀 𑌭𑍍𑌰𑌾𑌮𑌰𑍀 𑌬𑌿𑌨𑍍𑌦𑍁𑌰𑍂𑌪𑌿𑌣𑍀 ।
𑌦𑍂𑌤𑍀 𑌪𑍍𑌰𑌾𑌣𑍇𑌶𑍍𑌵𑌰𑍀 𑌗𑍁𑌪𑍍𑌤𑌾 𑌬𑌹𑍁𑌲𑌾 𑌚𑌮𑌰𑍀 𑌪𑍍𑌰𑌭𑌾 ॥ 78 ॥
𑌕𑍁𑌬𑍍𑌜𑌿𑌕𑌾 𑌜𑍍𑌞𑌾𑌨𑌿𑌨𑍀 𑌜𑍍𑌯𑍇𑌷𑍍𑌠𑌾 𑌭𑍁𑌶𑍁𑌣𑍍𑌡𑍀 𑌪𑍍𑌰𑌕𑌟𑌾 𑌤𑌿𑌥𑌿𑌃 ।
𑌦𑍍𑌰𑌵𑌿𑌣𑍀 𑌗𑍋𑌪𑌨𑍀 𑌮𑌾𑌯𑌾 𑌕𑌾𑌮𑌬𑍀𑌜𑍇𑌶𑍍𑌵𑌰𑍀 𑌕𑍍𑌰𑌿𑌯𑌾 ॥ 79 ॥
𑌶𑌾𑌮𑍍𑌭𑌵𑍀 𑌕𑍇𑌕𑌰𑌾 𑌮𑍇𑌨𑌾 𑌮𑍂𑌷𑌲𑌾𑌸𑍍𑌤𑍍𑌰𑌾 𑌤𑌿𑌲𑍋𑌤𑍍𑌤𑌮𑌾 ।
𑌅𑌮𑍇𑌯𑌵𑌿𑌕𑍍𑌰𑌮𑌾 𑌕𑍍𑌰𑍂𑌰𑌾 𑌸𑌮𑍍𑌪𑌤𑍍𑌶𑌾𑌲𑌾 𑌤𑍍𑌰𑌿𑌲𑍋𑌚𑌨𑌾 ॥ 80 ॥
𑌸𑍍𑌵𑌸𑍍𑌤𑌿𑌰𑍍𑌹𑌵𑍍𑌯𑌵𑌹𑌾 𑌪𑍍𑌰𑍀𑌤𑌿𑌰𑍁𑌷𑍍𑌮𑌾 𑌧𑍂𑌮𑍍𑌰𑌾𑌰𑍍𑌚𑌿𑌰𑌙𑍍𑌗𑌦𑌾 ।
𑌤𑌪𑌿𑌨𑍀 𑌤𑌾𑌪𑌿𑌨𑍀 𑌵𑌿𑌶𑍍𑌵𑌾 𑌭𑍋𑌗𑌦𑌾 𑌧𑌾𑌰𑌿𑌣𑍀 𑌧𑌰𑌾 ॥ 81 ॥
𑌤𑍍𑌰𑌿𑌖𑌣𑍍𑌡𑌾 𑌬𑍋𑌧𑌿𑌨𑍀 𑌵𑌶𑍍𑌯𑌾 𑌸𑌕𑌲𑌾 𑌶𑌬𑍍𑌦𑌰𑍂𑌪𑌿𑌣𑍀 ।
𑌬𑍀𑌜𑌰𑍂𑌪𑌾 𑌮𑌹𑌾𑌮𑍁𑌦𑍍𑌰𑌾 𑌯𑍋𑌗𑌿𑌨𑍀 𑌯𑍋𑌨𑌿𑌰𑍂𑌪𑌿𑌣𑍀 ॥ 82 ॥
𑌅𑌨𑌙𑍍𑌗𑌕𑍁𑌸𑍁𑌮𑌾𑌽𑌨𑌙𑍍𑌗𑌮𑍇𑌖𑌲𑌾𑌽𑌨𑌙𑍍𑌗𑌰𑍂𑌪𑌿𑌣𑍀 ।
𑌵𑌜𑍍𑌰𑍇𑌶𑍍𑌵𑌰𑍀 𑌚 𑌜𑌯𑌿𑌨𑍀 𑌸𑌰𑍍𑌵𑌦𑍍𑌵𑌨𑍍𑌦𑍍𑌵𑌕𑍍𑌷𑌯𑌙𑍍𑌕𑌰𑍀 ॥ 83 ॥
𑌷𑌡𑌙𑍍𑌗𑌯𑍁𑌵𑌤𑍀 𑌯𑍋𑌗𑌯𑍁𑌕𑍍𑌤𑌾 𑌜𑍍𑌵𑌾𑌲𑌾𑌂𑌶𑍁𑌮𑌾𑌲𑌿𑌨𑍀 ।
𑌦𑍁𑌰𑌾𑌶𑌯𑌾 𑌦𑍁𑌰𑌾𑌧𑌾𑌰𑌾 𑌦𑍁𑌰𑍍𑌜𑌯𑌾 𑌦𑍁𑌰𑍍𑌗𑌰𑍂𑌪𑌿𑌣𑍀 ॥ 84 ॥
𑌦𑍁𑌰𑌨𑍍𑌤𑌾 𑌦𑍁𑌷𑍍𑌕𑍃𑌤𑌿𑌹𑌰𑌾 𑌦𑍁𑌰𑍍𑌧𑍍𑌯𑍇𑌯𑌾 𑌦𑍁𑌰𑌤𑌿𑌕𑍍𑌰𑌮𑌾 ।
𑌹𑌂𑌸𑍇𑌶𑍍𑌵𑌰𑍀 𑌤𑍍𑌰𑌿𑌕𑍋𑌣𑌸𑍍𑌥𑌾 𑌶𑌾𑌕𑌮𑍍𑌭𑌰𑍍𑌯𑌨𑍁𑌕𑌮𑍍𑌪𑌿𑌨𑍀 ॥ 85 ॥
𑌤𑍍𑌰𑌿𑌕𑍋𑌣𑌨𑌿𑌲𑌯𑌾 𑌨𑌿𑌤𑍍𑌯𑌾 𑌪𑌰𑌮𑌾𑌮𑍃𑌤𑌰𑌞𑍍𑌜𑌿𑌤𑌾 ।
𑌮𑌹𑌾𑌵𑌿𑌦𑍍𑌯𑍇𑌶𑍍𑌵𑌰𑍀 𑌶𑍍𑌵𑍇𑌤𑌾 𑌭𑍇𑌰𑍁𑌣𑍍𑌡𑌾 𑌕𑍁𑌲𑌸𑍁𑌨𑍍𑌦𑌰𑍀 ॥ 86 ॥
𑌤𑍍𑌵𑌰𑌿𑌤𑌾 𑌭𑌕𑍍𑌤𑌿𑌸𑌂𑌸𑌕𑍍𑌤𑌾 𑌭𑌕𑍍𑌤𑌵𑌶𑍍𑌯𑌾 𑌸𑌨𑌾𑌤𑌨𑍀 ।
𑌭𑌕𑍍𑌤𑌾𑌨𑌨𑍍𑌦𑌮𑌯𑍀 𑌭𑌕𑍍𑌤𑌭𑌾𑌵𑌿𑌕𑌾 𑌭𑌕𑍍𑌤𑌶𑌙𑍍𑌕𑌰𑍀 ॥ 87 ॥
𑌸𑌰𑍍𑌵𑌸𑍗𑌨𑍍𑌦𑌰𑍍𑌯𑌨𑌿𑌲𑌯𑌾 𑌸𑌰𑍍𑌵𑌸𑍗𑌭𑌾𑌗𑍍𑌯𑌶𑌾𑌲𑌿𑌨𑍀 ।
𑌸𑌰𑍍𑌵𑌸𑌮𑍍𑌭𑍋𑌗𑌭𑌵𑌨𑌾 𑌸𑌰𑍍𑌵𑌸𑍗𑌖𑍍𑌯𑌨𑌿𑌰𑍂𑌪𑌿𑌣𑍀 ॥ 88 ॥
𑌕𑍁𑌮𑌾𑌰𑍀𑌪𑍂𑌜𑌨𑌰𑌤𑌾 𑌕𑍁𑌮𑌾𑌰𑍀𑌵𑍍𑌰𑌤𑌚𑌾𑌰𑌿𑌣𑍀 ।
𑌕𑍁𑌮𑌾𑌰𑍀𑌭𑌕𑍍𑌤𑌿𑌸𑍁𑌖𑌿𑌨𑍀 𑌕𑍁𑌮𑌾𑌰𑍀𑌰𑍂𑌪𑌧𑌾𑌰𑌿𑌣𑍀 ॥ 89 ॥
𑌕𑍁𑌮𑌾𑌰𑍀𑌪𑍂𑌜𑌕𑌪𑍍𑌰𑍀𑌤𑌾 𑌕𑍁𑌮𑌾𑌰𑍀𑌪𑍍𑌰𑍀𑌤𑌿𑌦𑌾 𑌪𑍍𑌰𑌿𑌯𑌾 ।
𑌕𑍁𑌮𑌾𑌰𑍀𑌸𑍇𑌵𑌕𑌾𑌸𑌙𑍍𑌗𑌾 𑌕𑍁𑌮𑌾𑌰𑍀𑌸𑍇𑌵𑌕𑌾𑌲𑌯𑌾 ॥ 90 ॥
𑌆𑌨𑌨𑍍𑌦𑌭𑍈𑌰𑌵𑍀 𑌬𑌾𑌲𑌭𑍈𑌰𑌵𑍀 𑌬𑌟𑍁𑌭𑍈𑌰𑌵𑍀 ।
𑌶𑍍𑌮𑌶𑌾𑌨𑌭𑍈𑌰𑌵𑍀 𑌕𑌾𑌲𑌭𑍈𑌰𑌵𑍀 𑌪𑍁𑌰𑌭𑍈𑌰𑌵𑍀 ॥ 91 ॥
𑌮𑌹𑌾𑌭𑍈𑌰𑌵𑌪𑌤𑍍𑌨𑍀 𑌚 𑌪𑌰𑌮𑌾𑌨𑌨𑍍𑌦𑌭𑍈𑌰𑌵𑍀 ।
𑌸𑍁𑌧𑌾𑌨𑌨𑍍𑌦𑌭𑍈𑌰𑌵𑍀 𑌚 𑌉𑌨𑍍𑌮𑌾𑌦𑌾𑌨𑌨𑍍𑌦𑌭𑍈𑌰𑌵𑍀 ॥ 92 ॥
𑌮𑍁𑌕𑍍𑌤𑌾𑌨𑌨𑍍𑌦𑌭𑍈𑌰𑌵𑍀 𑌚 𑌤𑌥𑌾 𑌤𑌰𑍁𑌣𑌭𑍈𑌰𑌵𑍀 ।
𑌜𑍍𑌞𑌾𑌨𑌾𑌨𑌨𑍍𑌦𑌭𑍈𑌰𑌵𑍀 𑌚 𑌅𑌮𑍃𑌤𑌾𑌨𑌨𑍍𑌦𑌭𑍈𑌰𑌵𑍀 ॥ 93 ॥
𑌮𑌹𑌾𑌭𑌯𑌙𑍍𑌕𑌰𑍀 𑌤𑍀𑌵𑍍𑌰𑌾 𑌤𑍀𑌵𑍍𑌰𑌵𑍇𑌗𑌾 𑌤𑌪𑌸𑍍𑌵𑌿𑌨𑍀 ।
𑌤𑍍𑌰𑌿𑌪𑍁𑌰𑌾 𑌪𑌰𑌮𑍇𑌶𑌾𑌨𑍀 𑌸𑍁𑌨𑍍𑌦𑌰𑍀 𑌪𑍁𑌰𑌸𑍁𑌨𑍍𑌦𑌰𑍀 ॥ 94 ॥
𑌤𑍍𑌰𑌿𑌪𑍁𑌰𑍇𑌶𑍀 𑌪𑌞𑍍𑌚𑌦𑌶𑍀 𑌪𑌞𑍍𑌚𑌮𑍀 𑌪𑍁𑌰𑌵𑌾𑌸𑌿𑌨𑍀 ।
𑌮𑌹𑌾𑌸𑌪𑍍𑌤𑌦𑌶𑍀 𑌚𑍈𑌵 𑌷𑍋𑌡𑌶𑍀 𑌤𑍍𑌰𑌿𑌪𑍁𑌰𑍇𑌶𑍍𑌵𑌰𑍀 ॥ 95 ॥
𑌮𑌹𑌾𑌙𑍍𑌕𑍁𑌶𑌸𑍍𑌵𑌰𑍂𑌪𑌾 𑌚 𑌮𑌹𑌾𑌚𑌕𑍍𑌰𑍇𑌶𑍍𑌵𑌰𑍀 𑌤𑌥𑌾 ।
𑌨𑌵𑌚𑌕𑍍𑌰𑍇𑌶𑍍𑌵𑌰𑍀 𑌚𑌕𑍍𑌰𑍇𑌶𑍍𑌵𑌰𑍀 𑌤𑍍𑌰𑌿𑌪𑍁𑌰𑌮𑌾𑌲𑌿𑌨𑍀 ॥ 96 ॥
𑌰𑌾𑌜𑌰𑌾𑌜𑍇𑌶𑍍𑌵𑌰𑍀 𑌧𑍀𑌰𑌾 𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 ।
𑌸𑌿𑌨𑍍𑌦𑍂𑌰𑌪𑍂𑌰𑌰𑍁𑌚𑌿𑌰𑌾 𑌶𑍍𑌰𑍀𑌮𑌤𑍍𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 ॥ 97 ॥
𑌸𑌰𑍍𑌵𑌾𑌙𑍍𑌗𑌸𑍁𑌨𑍍𑌦𑌰𑍀 𑌰𑌕𑍍𑌤𑌾𑌰𑌕𑍍𑌤𑌵𑌸𑍍𑌤𑍍𑌰𑍋𑌤𑍍𑌤𑌰𑍀𑌯𑌿𑌣𑍀 ।
𑌜𑌵𑌾𑌯𑌾𑌵𑌕𑌸𑌿𑌨𑍍𑌦𑍂𑌰𑌰𑌕𑍍𑌤𑌚𑌨𑍍𑌦𑌨𑌧𑌾𑌰𑌿𑌣𑍀 ॥ 98 ॥
𑌜𑌵𑌾𑌯𑌾𑌵𑌕𑌸𑌿𑌨𑍍𑌦𑍂𑌰𑌰𑌕𑍍𑌤𑌚𑌨𑍍𑌦𑌨𑌰𑍂𑌪𑌧𑍃𑌕𑍍 ।
𑌚𑌾𑌮𑌰𑍀 𑌬𑌾𑌲𑌕𑍁𑌟𑌿𑌲𑌨𑌿𑌰𑍍𑌮𑌲𑌾 𑌶𑍍𑌯𑌾𑌮𑌕𑍇𑌶𑌿𑌨𑍀 ॥ 99 ॥
𑌵𑌜𑍍𑌰𑌮𑍗𑌕𑍍𑌤𑌿𑌕𑌰𑌤𑍍𑌨𑌾𑌢𑍍𑌯𑌾 𑌕𑌿𑌰𑍀𑌟𑌮𑍁𑌕𑍁𑌟𑍋𑌜𑍍𑌜𑍍𑌵𑌲𑌾 ।
𑌰𑌤𑍍𑌨𑌕𑍁𑌣𑍍𑌡𑌲𑌸𑌂𑌯𑍁𑌕𑍍𑌤𑌸𑍍𑌫𑍁𑌰𑌦𑍍𑌗𑌣𑍍𑌡𑌮𑌨𑍋𑌰𑌮𑌾 ॥ 100 ॥
𑌕𑍁𑌞𑍍𑌜𑌰𑍇𑌶𑍍𑌵𑌰𑌕𑍁𑌮𑍍𑌭𑍋𑌤𑍍𑌥𑌮𑍁𑌕𑍍𑌤𑌾𑌰𑌞𑍍𑌜𑌿𑌤𑌨𑌾𑌸𑌿𑌕𑌾 ।
𑌮𑍁𑌕𑍍𑌤𑌾𑌵𑌿𑌦𑍍𑌰𑍁𑌮𑌮𑌾𑌣𑌿𑌕𑍍𑌯𑌹𑌾𑌰𑌾𑌢𑍍𑌯𑌸𑍍𑌤𑌨𑌮𑌣𑍍𑌡𑌲𑌾 ॥ 101 ॥
𑌸𑍂𑌰𑍍𑌯𑌕𑌾𑌨𑍍𑌤𑍇𑌨𑍍𑌦𑍁𑌕𑌾𑌨𑍍𑌤𑌾𑌢𑍍𑌯𑌸𑍍𑌪𑌰𑍍𑌶𑌾𑌶𑍍𑌮𑌕𑌣𑍍𑌠𑌭𑍂𑌷𑌣𑌾 ।
𑌬𑍀𑌜𑌪𑍂𑌰𑌸𑍍𑌫𑍁𑌰𑌦𑍍𑌬𑍀𑌜𑌦𑌨𑍍𑌤𑌪𑌙𑍍𑌕𑍍𑌤𑌿𑌰𑌨𑍁𑌤𑍍𑌤𑌮𑌾 ॥ 102 ॥
𑌕𑌾𑌮𑌕𑍋𑌦𑌣𑍍𑌡𑌕𑌾𑌭𑍁𑌗𑍍𑌨𑌭𑍍𑌰𑍂𑌕𑌟𑌾𑌕𑍍𑌷𑌪𑍍𑌰𑌵𑌰𑍍𑌷𑌿𑌣𑍀 ।
𑌮𑌾𑌤𑌙𑍍𑌗𑌕𑍁𑌮𑍍𑌭𑌵𑌕𑍍𑌷𑍋𑌜𑌾 𑌲𑌸𑌤𑍍𑌕𑍋𑌕𑌨𑌦𑍇𑌕𑍍𑌷𑌣𑌾 ॥ 103 ॥
𑌮𑌨𑍋𑌜𑍍𑌞𑌶𑌷𑍍𑌕𑍁𑌲𑍀𑌕𑌰𑍍𑌣𑌾 𑌹𑌂𑌸𑍀𑌗𑌤𑌿𑌵𑌿𑌡𑌮𑍍𑌬𑌿𑌨𑍀 ।
𑌪𑌦𑍍𑌮𑌰𑌾𑌗𑌾𑌙𑍍𑌗𑌦𑌜𑍍𑌯𑍋𑌤𑌿𑌰𑍍𑌦𑍋𑌶𑍍𑌚𑌤𑍁𑌷𑍍𑌕𑌪𑍍𑌰𑌕𑌾𑌶𑌿𑌨𑍀 ॥ 104 ॥
𑌨𑌾𑌨𑌾𑌮𑌣𑌿𑌪𑌰𑌿𑌸𑍍𑌫𑍂𑌰𑍍𑌜𑌚𑍍𑌛𑍁𑌦𑍍𑌧𑌕𑌾𑌞𑍍𑌚𑌨𑌕𑌙𑍍𑌕𑌣𑌾 ।
𑌨𑌾𑌗𑍇𑌨𑍍𑌦𑍍𑌰𑌦𑌨𑍍𑌤𑌨𑌿𑌰𑍍𑌮𑌾𑌣𑌵𑌲𑌯𑌾𑌙𑍍𑌕𑌿𑌤𑌪𑌾𑌣𑌿𑌨𑍀 ॥ 105 ॥
𑌅𑌙𑍍𑌗𑍁𑌰𑍀𑌯𑌕𑌚𑌿𑌤𑍍𑌰𑌾𑌙𑍍𑌗𑍀 𑌵𑌿𑌚𑌿𑌤𑍍𑌰𑌕𑍍𑌷𑍁𑌦𑍍𑌰𑌘𑌣𑍍𑌟𑌿𑌕𑌾 ।
𑌪𑌟𑍍𑌟𑌾𑌮𑍍𑌬𑌰𑌪𑌰𑍀𑌧𑌾𑌨𑌾 𑌕𑌲𑌮𑌞𑍍𑌜𑍀𑌰𑌶𑌿𑌞𑍍𑌜𑌿𑌨𑍀 ॥ 106 ॥
𑌕𑌰𑍍𑌪𑍂𑌰𑌾𑌗𑌰𑍁𑌕𑌸𑍍𑌤𑍂𑌰𑍀𑌕𑍁𑌙𑍍𑌕𑍁𑌮𑌦𑍍𑌰𑌵𑌲𑍇𑌪𑌿𑌤𑌾 ।
𑌵𑌿𑌚𑌿𑌤𑍍𑌰𑌰𑌤𑍍𑌨𑌪𑍃𑌥𑌿𑌵𑍀𑌕𑌲𑍍𑌪𑌶𑌾𑌖𑌿𑌤𑌲𑌸𑍍𑌥𑌿𑌤𑌾 ॥ 107 ॥
𑌰𑌤𑍍𑌨𑌦𑍍𑌵𑍀𑌪𑌸𑍍𑌫𑍁𑌰𑌦𑍍𑌰𑌤𑍍𑌨𑌸𑌿𑌂𑌹𑌾𑌸𑌨𑌵𑌿𑌲𑌾𑌸𑌿𑌨𑍀 ।
𑌷𑌟𑍍𑌚𑌕𑍍𑌰𑌭𑍇𑌦𑌨𑌕𑌰𑍀 𑌪𑌰𑌮𑌾𑌨𑌨𑍍𑌦𑌰𑍂𑌪𑌿𑌣𑍀 ॥ 108 ॥
𑌸𑌹𑌸𑍍𑌰𑌦𑌲𑌪𑌦𑍍𑌮𑌾𑌨𑍍𑌤𑌶𑍍𑌚𑌨𑍍𑌦𑍍𑌰𑌮𑌣𑍍𑌡𑌲𑌵𑌰𑍍𑌤𑌿𑌨𑍀 ।
𑌬𑍍𑌰𑌹𑍍𑌮𑌰𑍂𑌪𑌾 𑌶𑌿𑌵𑌕𑍍𑌰𑍋𑌡𑌾 𑌨𑌾𑌨𑌾𑌸𑍁𑌖𑌵𑌿𑌲𑌾𑌸𑌿𑌨𑍀 ॥ 109 ॥
𑌹𑌰𑌵𑌿𑌷𑍍𑌣𑍁𑌵𑌿𑌰𑌿𑌞𑍍𑌚𑍀𑌨𑍍𑌦𑍍𑌰𑌗𑍍𑌰𑌹𑌨𑌾𑌯𑌕𑌸𑍇𑌵𑌿𑌤𑌾 ।
𑌶𑌿𑌵𑌾 𑌶𑍈𑌵𑌾 𑌚 𑌰𑍁𑌦𑍍𑌰𑌾𑌣𑍀 𑌤𑌥𑍈𑌵 𑌶𑌿𑌵𑌵𑌾𑌦𑌿𑌨𑍀 ॥ 110 ॥
𑌮𑌾𑌤𑌙𑍍𑌗𑌿𑌨𑍀 𑌶𑍍𑌰𑍀𑌮𑌤𑍀 𑌚 𑌤𑌥𑍈𑌵𑌾𑌨𑌙𑍍𑌗𑌮𑍇𑌖𑌲𑌾 ।
𑌡𑌾𑌕𑌿𑌨𑍀 𑌯𑍋𑌗𑌿𑌨𑍀 𑌚𑍈𑌵 𑌤𑌥𑍋𑌪𑌯𑍋𑌗𑌿𑌨𑍀 𑌮𑌤𑌾 ॥ 111 ॥
𑌮𑌾𑌹𑍇𑌶𑍍𑌵𑌰𑍀 𑌵𑍈𑌷𑍍𑌣𑌵𑍀 𑌚 𑌭𑍍𑌰𑌾𑌮𑌰𑍀 𑌶𑌿𑌵𑌰𑍂𑌪𑌿𑌣𑍀 ।
𑌅𑌲𑌮𑍍𑌬𑍁𑌷𑌾 𑌵𑍇𑌗𑌵𑌤𑍀 𑌕𑍍𑌰𑍋𑌧𑌰𑍂𑌪𑌾 𑌸𑍁𑌮𑍇𑌖𑌲𑌾 ॥ 112 ॥
𑌗𑌾𑌨𑍍𑌧𑌾𑌰𑍀 𑌹𑌸𑍍𑌤𑌜𑌿𑌹𑍍𑌵𑌾 𑌚 𑌇𑌡𑌾 𑌚𑍈𑌵 𑌶𑍁𑌭𑌙𑍍𑌕𑌰𑍀 ।
𑌪𑌿𑌙𑍍𑌗𑌲𑌾 𑌬𑍍𑌰𑌹𑍍𑌮𑌦𑍂𑌤𑍀 𑌚 𑌸𑍁𑌷𑍁𑌮𑍍𑌨𑌾 𑌚𑍈𑌵 𑌗𑌨𑍍𑌧𑌿𑌨𑍀 ॥ 113 ॥
𑌆𑌤𑍍𑌮𑌯𑍋𑌨𑌿𑌰𑍍𑌬𑍍𑌰𑌹𑍍𑌮𑌯𑍋𑌨𑌿𑌰𑍍𑌜𑌗𑌦𑍍𑌯𑍋𑌨𑌿𑌰𑌯𑍋𑌨𑌿𑌜𑌾 ।
𑌭𑌗𑌰𑍂𑌪𑌾 𑌭𑌗𑌸𑍍𑌥𑌾𑌤𑍍𑌰𑍀 𑌭𑌗𑌿𑌨𑍀 𑌭𑌗𑌰𑍂𑌪𑌿𑌣𑍀 ॥ 114 ॥
𑌭𑌗𑌾𑌤𑍍𑌮𑌿𑌕𑌾 𑌭𑌗𑌾𑌧𑌾𑌰𑌰𑍂𑌪𑌿𑌣𑍀 𑌭𑌗𑌮𑌾𑌲𑌿𑌨𑍀 ।
𑌲𑌿𑌙𑍍𑌗𑌾𑌖𑍍𑌯𑌾 𑌚𑍈𑌵 𑌲𑌿𑌙𑍍𑌗𑍇𑌶𑍀 𑌤𑍍𑌰𑌿𑌪𑍁𑌰𑌾 𑌭𑍈𑌰𑌵𑍀 𑌤𑌥𑌾 ॥ 115 ॥
𑌲𑌿𑌙𑍍𑌗𑌗𑍀𑌤𑌿𑌃 𑌸𑍁𑌗𑍀𑌤𑌿𑌶𑍍𑌚 𑌲𑌿𑌙𑍍𑌗𑌸𑍍𑌥𑌾 𑌲𑌿𑌙𑍍𑌗𑌰𑍂𑌪𑌧𑍃𑌕𑍍 ।
𑌲𑌿𑌙𑍍𑌗𑌮𑌾𑌨𑌾 𑌲𑌿𑌙𑍍𑌗𑌭𑌵𑌾 𑌲𑌿𑌙𑍍𑌗𑌲𑌿𑌙𑍍𑌗𑌾 𑌚 𑌪𑌾𑌰𑍍𑌵𑌤𑍀 ॥ 116 ॥
𑌭𑌗𑌵𑌤𑍀 𑌕𑍗𑌶𑌿𑌕𑍀 𑌚 𑌪𑍍𑌰𑍇𑌮𑌾 𑌚𑍈𑌵 𑌪𑍍𑌰𑌿𑌯𑌂𑌵𑌦𑌾 ।
𑌗𑍃𑌧𑍍𑌰𑌰𑍂𑌪𑌾 𑌶𑌿𑌵𑌾𑌰𑍂𑌪𑌾 𑌚𑌕𑍍𑌰𑌿𑌣𑍀 𑌚𑌕𑍍𑌰𑌰𑍂𑌪𑌧𑍃𑌕𑍍 ॥ 117 ॥
𑌲𑌿𑌙𑍍𑌗𑌾𑌭𑌿𑌧𑌾𑌯𑌿𑌨𑍀 𑌲𑌿𑌙𑍍𑌗𑌪𑍍𑌰𑌿𑌯𑌾 𑌲𑌿𑌙𑍍𑌗𑌨𑌿𑌵𑌾𑌸𑌿𑌨𑍀 ।
𑌲𑌿𑌙𑍍𑌗𑌸𑍍𑌥𑌾 𑌲𑌿𑌙𑍍𑌗𑌨𑍀 𑌲𑌿𑌙𑍍𑌗𑌰𑍂𑌪𑌿𑌣𑍀 𑌲𑌿𑌙𑍍𑌗𑌸𑍁𑌨𑍍𑌦𑌰𑍀 ॥ 118 ॥
𑌲𑌿𑌙𑍍𑌗𑌗𑍀𑌤𑌿𑌰𑍍𑌮𑌹𑌾𑌪𑍍𑌰𑍀𑌤𑌾 𑌭𑌗𑌗𑍀𑌤𑌿𑌰𑍍𑌮𑌹𑌾𑌸𑍁𑌖𑌾 ।
𑌲𑌿𑌙𑍍𑌗𑌨𑌾𑌮𑌸𑌦𑌾𑌨𑌨𑍍𑌦𑌾 𑌭𑌗𑌨𑌾𑌮𑌸𑌦𑌾𑌗𑌤𑌿𑌃 ॥ 119 ॥
𑌲𑌿𑌙𑍍𑌗𑌮𑌾𑌲𑌾𑌕𑌣𑍍𑌠𑌭𑍂𑌷𑌾 𑌭𑌗𑌮𑌾𑌲𑌾𑌵𑌿𑌭𑍂𑌷𑌣𑌾 ।
𑌭𑌗𑌲𑌿𑌙𑍍𑌗𑌾𑌮𑍃𑌤𑌪𑍍𑌰𑍀𑌤𑌾 𑌭𑌗𑌲𑌿𑌙𑍍𑌗𑌸𑍍𑌵𑌰𑍂𑌪𑌿𑌣𑍀 ॥ 120 ॥
𑌭𑌗𑌲𑌿𑌙𑍍𑌗𑌸𑍍𑌯 𑌰𑍂𑌪𑌾 𑌚 𑌭𑌗𑌲𑌿𑌙𑍍𑌗𑌸𑍁𑌖𑌾𑌵𑌹𑌾 ।
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌪𑍍𑌰𑍀𑌤𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌰𑍍𑌚𑌿𑌤𑌾 ॥ 121 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌪𑍍𑌰𑌾𑌣𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌤𑌰𑍍𑌪𑌿𑌤𑌾 ।
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌘𑌟𑌿𑌤𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌧𑌾𑌰𑌿𑌣𑍀 ॥ 122 ॥
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌤𑌿𑌲𑌕𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌚𑌰𑍍𑌚𑌿𑌤𑌾 ।
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌨𑌿𑌰𑌤𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌗𑍍𑌰𑌹𑌾 ॥ 123 ॥
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌯𑌜𑍍𑌞𑌾𑌂𑌶𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌤𑍍𑌮𑌿𑌕𑌾 ।
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌨𑌿𑌚𑌿𑌤𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 124 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌦𑌾𑌨𑌲𑌾𑌲𑌸𑍋𑌨𑍍𑌮𑌤𑍍𑌤𑌮𑌾𑌨𑌸𑌾 ।
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌨𑌨𑍍𑌦𑌲𑌹𑌰𑍀𑌸𑍍𑌨𑌿𑌗𑍍𑌧𑌦𑍇𑌹𑌿𑌨𑍀 ॥ 125 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌧𑌾𑌰𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌕𑍁𑌲𑌾 ।
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌨𑌿𑌲𑌯𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌵𑌾𑌸𑌿𑌨𑍀 ॥ 126 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌸𑍍𑌨𑌿𑌗𑍍𑌧𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌤𑍍𑌮𑌿𑌕𑌾 ।
𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌕𑌰𑌿𑌣𑍀 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌵𑌾𑌣𑌿𑌕𑌾 ॥ 127 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌧𑍍𑌯𑌾𑌨𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌪𑍍𑌰𑌭𑌾 ।
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌜𑍍𑌞𑌾𑌨𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌭𑌾𑌗𑌿𑌨𑍀 ॥ 128 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑍋𑌲𑍍𑌲𑌾𑌸𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌵𑌰𑍍𑌷𑌿𑌣𑍀 ।
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑍋𑌤𑍍𑌸𑌾𑌹𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌰𑍂𑌪𑌿𑌣𑍀 ॥ 129 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑍋𑌨𑍍𑌮𑌾𑌦𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌸𑍁𑌨𑍍𑌦𑌰𑍀 ।
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌰𑌾𑌧𑍍𑌯𑌾 𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑍋𑌦𑍍𑌭𑌵𑌾 ॥ 130 ॥
𑌸𑍍𑌵𑌯𑌮𑍍𑌭𑍂𑌕𑍁𑌸𑍁𑌮𑌾𑌵𑍍𑌯𑌗𑍍𑌰𑌾 𑌸𑍍𑌵𑌯𑌮𑍍𑌭𑍂𑌪𑍁𑌷𑍍𑌪𑌪𑍂𑌰𑍍𑌣𑌿𑌤𑌾 ।
𑌸𑍍𑌵𑌯𑌮𑍍𑌭𑍂𑌪𑍂𑌜𑌕𑌪𑍍𑌰𑌾𑌜𑍍𑌞𑌾 𑌸𑍍𑌵𑌯𑌮𑍍𑌭𑍂𑌹𑍋𑌤𑍃𑌮𑌾𑌤𑍃𑌕𑌾 ॥ 131 ॥
𑌸𑍍𑌵𑌯𑌮𑍍𑌭𑍂𑌦𑌾𑌤𑍃𑌰𑌕𑍍𑌷𑌿𑌤𑍍𑌰𑍀 𑌸𑍍𑌵𑌯𑌮𑍍𑌭𑍂𑌰𑌕𑍍𑌤𑌤𑌾𑌰𑌿𑌕𑌾 ।
𑌸𑍍𑌵𑌯𑌮𑍍𑌭𑍂𑌪𑍂𑌜𑌕𑌗𑍍𑌰𑌸𑍍𑌤𑌾 𑌸𑍍𑌵𑌯𑌮𑍍𑌭𑍂𑌪𑍂𑌜𑌕𑌪𑍍𑌰𑌿𑌯𑌾 ॥ 132 ॥
𑌸𑍍𑌵𑌯𑌮𑍍𑌭𑍂𑌵𑌨𑍍𑌦𑌕𑌾𑌧𑌾𑌰𑌾 𑌸𑍍𑌵𑌯𑌮𑍍𑌭𑍂𑌨𑌿𑌨𑍍𑌦𑌕𑌾𑌨𑍍𑌤𑌕𑌾 ।
𑌸𑍍𑌵𑌯𑌮𑍍𑌭𑍂𑌪𑍍𑌰𑌦𑌸𑌰𑍍𑌵𑌸𑍍𑌵𑌾 𑌸𑍍𑌵𑌯𑌮𑍍𑌭𑍂𑌪𑍍𑌰𑌦𑌪𑍁𑌤𑍍𑌰𑌿𑌣𑍀 ॥ 133 ॥
𑌸𑍍𑌵𑌯𑌮𑍍𑌭𑍂𑌪𑍍𑌰𑌦𑌸𑌸𑍍𑌮𑍇𑌰𑌾 𑌸𑍍𑌵𑌯𑌮𑍍𑌭𑍂𑌤𑌶𑌰𑍀𑌰𑌿𑌣𑍀 ।
𑌸𑌰𑍍𑌵𑌕𑌾𑌲𑍋𑌦𑍍𑌭𑌵𑌪𑍍𑌰𑍀𑌤𑌾 𑌸𑌰𑍍𑌵𑌕𑌾𑌲𑍋𑌦𑍍𑌭𑌵𑌾𑌤𑍍𑌮𑌿𑌕𑌾 ॥ 134 ॥
𑌸𑌰𑍍𑌵𑌕𑌾𑌲𑍋𑌦𑍍𑌭𑌵𑍋𑌦𑍍𑌭𑌾𑌵𑌾 𑌸𑌰𑍍𑌵𑌕𑌾𑌲𑍋𑌦𑍍𑌭𑌵𑍋𑌦𑍍𑌭𑌵𑌾 ।
𑌕𑍁𑌣𑍍𑌡𑌪𑍁𑌷𑍍𑌪𑌸𑌦𑌾𑌪𑍍𑌰𑍀𑌤𑌾 𑌕𑍁𑌣𑍍𑌡𑌪𑍁𑌷𑍍𑌪𑌸𑌦𑌾𑌰𑌤𑌿𑌃 ॥ 135 ॥
𑌕𑍁𑌣𑍍𑌡𑌗𑍋𑌲𑍋𑌦𑍍𑌭𑌵𑌪𑍍𑌰𑌾𑌣𑌾 𑌕𑍁𑌣𑍍𑌡𑌗𑍋𑌲𑍋𑌦𑍍𑌭𑌵𑌾𑌤𑍍𑌮𑌿𑌕𑌾 ।
𑌸𑍍𑌵𑌯𑌮𑍍𑌭𑍂𑌰𑍍𑌵𑌾 𑌶𑌿𑌵𑌾 𑌧𑌾𑌤𑍍𑌰𑍀 𑌪𑌾𑌵𑌨𑍀 𑌲𑍋𑌕𑌪𑌾𑌵𑌨𑍀 ॥ 136 ॥
𑌕𑍀𑌰𑍍𑌤𑌿𑌰𑍍𑌯𑌶𑌸𑍍𑌵𑌿𑌨𑍀 𑌮𑍇𑌧𑌾 𑌵𑌿𑌮𑍇𑌧𑌾 𑌶𑍁𑌕𑍍𑌰𑌸𑍁𑌨𑍍𑌦𑌰𑍀 ।
𑌅𑌶𑍍𑌵𑌿𑌨𑍀 𑌕𑍃𑌤𑍍𑌤𑌿𑌕𑌾 𑌪𑍁𑌷𑍍𑌯𑌾 𑌤𑍇𑌜𑌸𑍍𑌕𑌾 𑌚𑌨𑍍𑌦𑍍𑌰𑌮𑌣𑍍𑌡𑌲𑌾 ॥ 137 ॥
𑌸𑍂𑌕𑍍𑌷𑍍𑌮𑌾𑌽𑌸𑍂𑌕𑍍𑌷𑍍𑌮𑌾 𑌬𑌲𑌾𑌕𑌾 𑌚 𑌵𑌰𑌦𑌾 𑌭𑌯𑌨𑌾𑌶𑌿𑌨𑍀 ।
𑌵𑌰𑌦𑌾𑌽𑌭𑌯𑌦𑌾 𑌚𑍈𑌵 𑌮𑍁𑌕𑍍𑌤𑌿𑌬𑌨𑍍𑌧𑌵𑌿𑌨𑌾𑌶𑌿𑌨𑍀 ॥ 138 ॥
𑌕𑌾𑌮𑍁𑌕𑌾 𑌕𑌾𑌮𑌦𑌾 𑌕𑌾𑌨𑍍𑌤𑌾 𑌕𑌾𑌮𑌾𑌖𑍍𑌯𑌾 𑌕𑍁𑌲𑌸𑍁𑌨𑍍𑌦𑌰𑍀 ।
𑌦𑍁𑌃𑌖𑌦𑌾 𑌸𑍁𑌖𑌦𑌾 𑌮𑍋𑌕𑍍𑌷𑌾 𑌮𑍋𑌕𑍍𑌷𑌦𑌾𑌰𑍍𑌥𑌪𑍍𑌰𑌕𑌾𑌶𑌿𑌨𑍀 ॥ 139 ॥
𑌦𑍁𑌷𑍍𑌟𑌾𑌦𑍁𑌷𑍍𑌟𑌮𑌤𑌿𑌶𑍍𑌚𑍈𑌵 𑌸𑌰𑍍𑌵𑌕𑌾𑌰𑍍𑌯𑌵𑌿𑌨𑌾𑌶𑌿𑌨𑍀 ।
𑌶𑍁𑌕𑍍𑌰𑌾𑌧𑌾𑌰𑌾 𑌶𑍁𑌕𑍍𑌰𑌰𑍂𑌪𑌾 𑌶𑍁𑌕𑍍𑌰𑌸𑌿𑌨𑍍𑌧𑍁𑌨𑌿𑌵𑌾𑌸𑌿𑌨𑍀 ॥ 140 ॥
𑌶𑍁𑌕𑍍𑌰𑌾𑌲𑌯𑌾 𑌶𑍁𑌕𑍍𑌰𑌭𑍋𑌗𑌾 𑌶𑍁𑌕𑍍𑌰𑌪𑍂𑌜𑌾𑌸𑌦𑌾𑌰𑌤𑌿𑌃 ।
𑌶𑍁𑌕𑍍𑌰𑌪𑍂𑌜𑍍𑌯𑌾 𑌶𑍁𑌕𑍍𑌰𑌹𑍋𑌮𑌸𑌨𑍍𑌤𑍁𑌷𑍍𑌟𑌾 𑌶𑍁𑌕𑍍𑌰𑌵𑌤𑍍𑌸𑌲𑌾 ॥ 141 ॥
𑌶𑍁𑌕𑍍𑌰𑌮𑍂𑌰𑍍𑌤𑌿𑌃 𑌶𑍁𑌕𑍍𑌰𑌦𑍇𑌹𑌾 𑌶𑍁𑌕𑍍𑌰𑌪𑍂𑌜𑌕𑌪𑍁𑌤𑍍𑌰𑌿𑌣𑍀 ।
𑌶𑍁𑌕𑍍𑌰𑌸𑍍𑌥𑌾 𑌶𑍁𑌕𑍍𑌰𑌿𑌣𑍀 𑌶𑍁𑌕𑍍𑌰𑌸𑌂𑌸𑍍𑌪𑍃𑌹𑌾 𑌶𑍁𑌕𑍍𑌰𑌸𑍁𑌨𑍍𑌦𑌰𑍀 ॥ 142 ॥
𑌶𑍁𑌕𑍍𑌰𑌸𑍍𑌨𑌾𑌤𑌾 𑌶𑍁𑌕𑍍𑌰𑌕𑌰𑍀 𑌶𑍁𑌕𑍍𑌰𑌸𑍇𑌵𑍍𑌯𑌾𑌽𑌤𑌿𑌶𑍁𑌕𑍍𑌰𑌿𑌣𑍀 ।
𑌮𑌹𑌾𑌶𑍁𑌕𑍍𑌰𑌾 𑌶𑍁𑌕𑍍𑌰𑌭𑌵𑌾 𑌶𑍁𑌕𑍍𑌰𑌵𑍃𑌷𑍍𑌟𑌿𑌵𑌿𑌧𑌾𑌯𑌿𑌨𑍀 ॥ 143 ॥
𑌶𑍁𑌕𑍍𑌰𑌾𑌭𑌿𑌧𑍇𑌯𑌾 𑌶𑍁𑌕𑍍𑌰𑌾𑌰𑍍𑌹𑌾 𑌶𑍁𑌕𑍍𑌰𑌵𑌨𑍍𑌦𑌕𑌵𑌨𑍍𑌦𑌿𑌤𑌾 ।
𑌶𑍁𑌕𑍍𑌰𑌾𑌨𑌨𑍍𑌦𑌕𑌰𑍀 𑌶𑍁𑌕𑍍𑌰𑌸𑌦𑌾𑌨𑌨𑍍𑌦𑌾𑌭𑌿𑌧𑌾𑌯𑌿𑌕𑌾 ॥ 144 ॥
𑌶𑍁𑌕𑍍𑌰𑍋𑌤𑍍𑌸𑌵𑌾 𑌸𑌦𑌾𑌶𑍁𑌕𑍍𑌰𑌪𑍂𑌰𑍍𑌣𑌾 𑌶𑍁𑌕𑍍𑌰𑌮𑌨𑍋𑌰𑌮𑌾 ।
𑌶𑍁𑌕𑍍𑌰𑌪𑍂𑌜𑌕𑌸𑌰𑍍𑌵𑌸𑍍𑌵𑌾 𑌶𑍁𑌕𑍍𑌰𑌨𑌿𑌨𑍍𑌦𑌕𑌨𑌾𑌶𑌿𑌨𑍀 ॥ 145 ॥
𑌶𑍁𑌕𑍍𑌰𑌾𑌤𑍍𑌮𑌿𑌕𑌾 𑌶𑍁𑌕𑍍𑌰𑌸𑌂𑌵𑌤𑍍 𑌶𑍁𑌕𑍍𑌰𑌾𑌕𑌰𑍍𑌷𑌣𑌕𑌾𑌰𑌿𑌣𑍀 ।
𑌶𑌾𑌰𑌦𑌾 𑌸𑌾𑌧𑌕𑌪𑍍𑌰𑌾𑌣𑌾 𑌸𑌾𑌧𑌕𑌾𑌸𑌕𑍍𑌤𑌮𑌾𑌨𑌸𑌾 ॥ 146 ॥
𑌸𑌾𑌧𑌕𑍋𑌤𑍍𑌤𑌮𑌸𑌰𑍍𑌵𑌸𑍍𑌵𑌾 𑌸𑌾𑌧𑌕𑌾𑌭𑌕𑍍𑌤𑌰𑌕𑍍𑌤𑌪𑌾 ।
𑌸𑌾𑌧𑌕𑌾𑌨𑌨𑍍𑌦𑌸𑌨𑍍𑌤𑍋𑌷𑌾 𑌸𑌾𑌧𑌕𑌾𑌨𑌨𑍍𑌦𑌕𑌾𑌰𑌿𑌣𑍀 ॥ 147 ॥
𑌆𑌤𑍍𑌮𑌵𑌿𑌦𑍍𑌯𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑍀 ।
𑌤𑍍𑌰𑌿𑌕𑍂𑌟𑌸𑍍𑌥𑌾 𑌪𑌞𑍍𑌚𑌕𑍂𑌟𑌾 𑌸𑌰𑍍𑌵𑌕𑍂𑌟𑌶𑌰𑍀𑌰𑌿𑌣𑍀 ॥ 148 ॥
𑌸𑌰𑍍𑌵𑌵𑌰𑍍𑌣𑌮𑌯𑍀 𑌵𑌰𑍍𑌣𑌜𑌪𑌮𑌾𑌲𑌾𑌵𑌿𑌧𑌾𑌯𑌿𑌨𑍀 ।
𑌇𑌤𑌿 𑌶𑍍𑌰𑍀𑌕𑌾𑌲𑌿𑌕𑌾𑌨𑌾𑌮𑌸𑌹𑌸𑍍𑌰𑌂 𑌶𑌿𑌵𑌭𑌾𑌷𑌿𑌤𑌮𑍍 ॥ 149 ॥
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌸𑌾𑌕𑍍𑌷𑌾𑌨𑍍𑌮𑌹𑌾𑌪𑌾𑌤𑌕𑌨𑌾𑌶𑌨𑌮𑍍 ।
𑌪𑍂𑌜𑌾𑌕𑌾𑌲𑍇 𑌨𑌿𑌶𑍀𑌥𑍇 𑌚 𑌸𑌨𑍍𑌧𑍍𑌯𑌯𑍋𑌰𑍁𑌭𑌯𑍋𑌰𑌪𑌿 ॥ 150 ॥
𑌲𑌭𑌤𑍇 𑌗𑌾𑌣𑌪𑌤𑍍𑌯𑌂 𑌸 𑌯𑌃 𑌪𑌠𑍇𑌤𑍍 𑌸𑌾𑌧𑌕𑍋𑌤𑍍𑌤𑌮𑌃 ।
𑌯𑌃 𑌪𑌠𑍇𑌤𑍍 𑌪𑌾𑌠𑌯𑍇𑌦𑍍𑌵𑌾𑌪𑌿 𑌶𑍃𑌣𑍋𑌤𑌿 𑌶𑍍𑌰𑌾𑌵𑌯𑍇𑌦𑌪𑌿 ॥ 151 ॥
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸 𑌯𑌾𑌤𑌿 𑌕𑌾𑌲𑌿𑌕𑌾𑌪𑍁𑌰𑌮𑍍 ।
𑌶𑍍𑌰𑌦𑍍𑌧𑌯𑌾𑌽𑌶𑍍𑌰𑌦𑍍𑌧𑌯𑌾 𑌵𑌾𑌪𑌿 𑌯𑌃 𑌕𑌶𑍍𑌚𑌿𑌨𑍍𑌮𑌾𑌨𑌵𑌃 𑌸𑍍𑌮𑌰𑍇𑌤𑍍 ॥ 152 ॥
𑌦𑍁𑌰𑍍𑌗𑌂 𑌦𑍁𑌰𑍍𑌗𑌶𑌤𑌂 𑌤𑍀𑌰𑍍𑌤𑍍𑌵𑌾 𑌸 𑌯𑌾𑌤𑌿 𑌪𑌰𑌮𑌾𑌙𑍍𑌗𑌤𑌿𑌮𑍍 ।
𑌵𑌨𑍍𑌧𑍍𑌯𑌾 𑌵𑌾 𑌕𑌾𑌕𑌵𑌨𑍍𑌧𑍍𑌯𑌾 𑌵𑌾 𑌮𑍃𑌤𑌵𑌤𑍍𑌸𑌾 𑌚 𑌯𑌾𑌙𑍍𑌗𑌨𑌾 ॥ 153 ॥
𑌶𑍍𑌰𑍁𑌤𑍍𑌵𑌾 𑌸𑍍𑌤𑍋𑌤𑍍𑌰𑌮𑌿𑌦𑌂 𑌪𑍁𑌤𑍍𑌰𑌾𑌨𑍍 𑌲𑌭𑌤𑍇 𑌚𑌿𑌰𑌜𑍀𑌵𑌿𑌨𑌃 ।
𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌪𑌠𑌨𑍍 𑌸𑍍𑌤𑍋𑌤𑍍𑌰𑌮𑌨𑍁𑌤𑍍𑌤𑌮𑌮𑍍 ।
𑌦𑍇𑌵𑍀𑌪𑌾𑌦𑌪𑍍𑌰𑌸𑌾𑌦𑍇𑌨 𑌤𑌤𑍍𑌤𑌦𑌾𑌪𑍍𑌨𑍋𑌤𑌿 𑌨𑌿𑌶𑍍𑌚𑌿𑌤𑌮𑍍 ॥ 154 ॥
𑌇𑌤𑌿 𑌶𑍍𑌰𑍀𑌕𑌾𑌲𑌿𑌕𑌾𑌕𑍁𑌲𑌸𑌰𑍍𑌵𑌸𑍍𑌵𑍇 𑌹𑌰𑌪𑌰𑌶𑍁𑌰𑌾𑌮𑌸𑌂𑌵𑌾𑌦𑍇 𑌶𑍍𑌰𑍀 𑌕𑌾𑌲𑌿𑌕𑌾 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
Sanskrit — Devanagari (original)
श्री शिव उवाच ।
कथितोऽयं महामन्त्रः सर्वमन्त्रोत्तमोत्तमः ।
यामासाद्य मया प्राप्तमैश्वर्यपदमुत्तमम् ॥ 1 ॥
संयुक्तः परया भक्त्या यथोक्त विधिना भवान् ।
कुरुतामर्चनं देव्यास्त्रैलोक्यविजिगीषया ॥ 2 ॥
श्रीपरशुराम उवाच ।
प्रसन्नो यदि मे देव परमेश पुरातन ।
रहस्यं परमं देव्याः कृपया कथय प्रभो ॥ 3 ॥
विनार्चनं विना होमं विना न्यासं विना बलिम् ।
विना गन्धं विना पुष्पं विना नित्योदितां क्रियाम् ॥ 4 ॥
प्राणायामं विना ध्यानं विना भूतविशोधनम् ।
विना दानं विना जापं येन काली प्रसीदति ॥ 5 ॥
श्री शिव उवाच ।
पृष्टं त्वयोत्तमं प्राज्ञ भृगुवंश समुद्भव ।
भक्तानामपि भक्तोऽसि त्वमेव साधयिष्यसि ॥ 6 ॥
देवीं दानवकोटिघ्नीं लीलया रुधिरप्रियाम् ।
सदा स्तोत्रप्रियामुग्रां कामकौतुकलालसाम् ॥ 7 ॥
सर्वदाऽऽनन्दहृदयामासवोत्सव मानसाम् ।
माध्वीक मत्स्यमांसानुरागिणीं वैष्णवीं पराम् ॥ 8 ॥
श्मशानवासिनीं प्रेतगणनृत्यमहोत्सवाम् ।
योगप्रभावां योगेशीं योगीन्द्रहृदयस्थिताम् ॥ 9 ॥
तामुग्रकालिकां राम प्रसीदयितुमर्हसि ।
तस्याः स्तोत्रं परं पुण्यं स्वयं काल्या प्रकाशितम् ॥ 10 ॥
तव तत् कथयिष्यामि श्रुत्वा वत्सावधारय ।
गोपनीयं प्रयत्नेन पठनीयं परात्परम् ॥ 11 ॥
यस्यैककालपठनात् सर्वे विघ्नाः समाकुलाः ।
नश्यन्ति दहने दीप्ते पतङ्गा इव सर्वतः ॥ 12 ॥
गद्यपद्यमयी वाणी तस्य गङ्गाप्रवाहवत् ।
तस्य दर्शनमात्रेण वादिनो निष्प्रभां गताः ॥ 13 ॥
तस्य हस्ते सदैवास्ति सर्वसिद्धिर्न संशयः ।
राजानोऽपि च दासत्वं भजन्ते किं परे जनाः ॥ 14 ॥
निशीथे मुक्तकेशस्तु नग्नः शक्तिसमाहितः ।
मनसा चिन्तयेत् कालीं महाकालेन चालिताम् ॥ 15 ॥
पठेत् सहस्रनामाख्यं स्तोत्रं मोक्षस्य साधनम् ।
प्रसन्ना कालिका तस्य पुत्रत्वेनानुकम्पते ॥ 16 ॥
यथा ब्रह्ममृतैर्ब्रह्मकुसुमैः पूजिता परा ।
प्रसीदति तथानेन स्तुता काली प्रसीदति ॥ 17 ॥
विनियोगः –
अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललाज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥
स्तोत्रम् –
श्मशानकालिका काली भद्रकाली कपालिनी ।
गुह्यकाली महाकाली कुरुकुल्ला विरोधिनी ॥ 1 ॥
कालिका कालरात्रिश्च महाकालनितम्बिनी ।
कालभैरवभार्या च कुलवर्त्मप्रकाशिनी ॥ 2 ॥
कामदा कामिनी कन्या कमनीयस्वरूपिणी ।
कस्तूरीरसलिप्ताङ्गी कुञ्जरेश्वरगामिनी ॥ 3 ॥
ककारवर्णसर्वाङ्गी कामिनी कामसुन्दरी ।
कामार्ता कामरूपा च कामधेनुः कलावती ॥ 4 ॥
कान्ता कामस्वरूपा च कामाख्या कुलकामिनी ।
कुलीना कुलवत्यम्बा दुर्गा दुर्गतिनाशिनी ॥ 5 ॥
कौमारी कलजा कृष्णा कृष्णदेहा कृशोदरी ।
कृशाङ्गी कुलिशाङ्गी च क्रीङ्कारी कमला कला ॥ 6 ॥
करालास्या कराली च कुलकान्ताऽपराजिता ।
उग्रा उग्रप्रभा दीप्ता विप्रचित्ता महाबला ॥ 7 ॥
नीला घना मेघनादा मात्रा मुद्रा मितामिता ।
ब्राह्मी नारायणी भद्रा सुभद्रा भक्तवत्सला ॥ 8 ॥
माहेश्वरी च चामुण्डा वाराही नारसिंहिका ।
वज्राङ्गी वज्रकङ्काली नृमुण्डस्रग्विणी शिवा ॥ 9 ॥
मालिनी नरमुण्डाली गलद्रक्तविभूषणा ।
रक्तचन्दनसिक्ताङ्गी सिन्दूरारुणमस्तका ॥ 10 ॥
घोररूपा घोरदंष्ट्रा घोराघोरतरा शुभा ।
महादंष्ट्रा महामाया सुदती युगदन्तुरा ॥ 11 ॥
सुलोचना विरूपाक्षी विशालाक्षी त्रिलोचना ।
शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥
अट्टहासप्रफुल्लास्या स्मेरवक्त्रा सुभाषिणी ।
प्रफुल्लपद्मवदना स्मितास्या प्रियभाषिणी ॥ 13 ॥
कोटराक्षी कुलश्रेष्ठा महती बहुभाषिणी ।
सुमतिः कुमतिश्चण्डा चण्डमुण्डातिवेगिनी ॥ 14 ॥
सुकेशी मुक्तकेशी च दीर्घकेशी महाकचा ।
प्रेतदेहाकर्णपूरा प्रेतपाणिसुमेखला ॥ 15 ॥
प्रेतासना प्रियप्रेता पुण्यदा कुलपण्डिता ।
पुण्यालया पुण्यदेहा पुण्यश्लोका च पावनी ॥ 16 ॥
पूता पवित्रा परमा परा पुण्यविभूषणा ।
पुण्यनाम्नी भीतिहरा वरदा खड्गपाणिनी ॥ 17 ॥
नृमुण्डहस्ता शान्ता च छिन्नमस्ता सुनासिका ।
दक्षिणा श्यामला श्यामा शान्ता पीनोन्नतस्तनी ॥ 18 ॥
दिगम्बरा घोररावा सृक्कान्तरक्तवाहिनी ।
घोररावा शिवासङ्गा निःसङ्गा मदनातुरा ॥ 19 ॥
मत्ता प्रमत्ता मदना सुधासिन्धुनिवासिनी ।
अतिमत्ता महामत्ता सर्वाकर्षणकारिणी ॥ 20 ॥
गीतप्रिया वाद्यरता प्रेतनृत्यपरायणा ।
चतुर्भुजा दशभुजा अष्टादशभुजा तथा ॥ 21 ॥
कात्यायनी जगन्माता जगती परमेश्वरी ।
जगद्बन्धुर्जगद्धात्री जगदानन्दकारिणी ॥ 22 ॥
जगज्जीववती हैमवती माया महालया ।
नागयज्ञोपवीताङ्गी नागिनी नागशायिनी ॥ 23 ॥
नागकन्या देवकन्या गान्धारी किन्नरी सुरी ।
मोहरात्री महारात्री दारुणामासुरासुरी ॥ 24 ॥
विद्याधरी वसुमती यक्षिणी योगिनी जरा ।
राक्षसी डाकिनी वेदमयी वेदविभूषणा ॥ 25 ॥
श्रुतिस्मृतिमहाविद्या गुह्यविद्या पुरातनी ।
चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥
अपर्णा निश्चला लोला सर्वविद्या तपस्विनी ।
गङ्गा काशी शची सीता सती सत्यपरायणा ॥ 27 ॥
नीतिः सुनीतिः सुरुचिस्तुष्टिः पुष्टिर्धृतिः क्षमा ।
वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥
स्रोतस्वती स्रोतवती मातङ्गी विजया जया ।
नदी सिन्धुः सर्वमयी तारा शून्यनिवासिनी ॥ 29 ॥
शुद्धा तरङ्गिणी मेधा लाकिनी बहुरूपिणी ।
सदानन्दमयी सत्या सर्वानन्दस्वरूपिणी ॥ 30 ॥
सुनन्दा नन्दिनी स्तुत्या स्तवनीया स्वभाविनी ।
रङ्किणी टङ्किणी चित्रा विचित्रा चित्ररूपिणी ॥ 31 ॥
पद्मा पद्मालया पद्मसुखी पद्मविभूषणा ।
शाकिनी हाकिनी क्षान्ता राकिणी रुधिरप्रिया ॥ 32 ॥
भ्रान्तिर्भवानी रुद्राणी मृडानी शत्रुमर्दिनी ।
उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥
सूर्यात्मिका रुद्रपत्नी रौद्री स्त्री प्रकृतिः पुमान् ।
शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥
सर्वेश्वरी सर्वमाता शर्वाणी हरवल्लभा ।
सर्वज्ञा सिद्धिदा सिद्धा भाव्या भव्या भयापहा ॥ 35 ॥
कर्त्री हर्त्री पालयित्री शर्वरी तामसी दया ।
तमिस्रा यामिनीस्था च स्थिरा धीरा तपस्विनी ॥ 36 ॥
चार्वङ्गी चञ्चला लोलजिह्वा चारुचरित्रिणी ।
त्रपा त्रपावती लज्जा निर्लज्जा ह्रीं रजोवती ॥ 37 ॥
सत्त्ववती धर्मनिष्ठा श्रेष्ठा निष्ठुरवादिनी ।
गरिष्ठा दुष्टसंहर्त्री विशिष्टा श्रेयसी घृणा ॥ 38 ॥
भीमा भयानका भीमनादिनी भीः प्रभावती ।
वागीश्वरी श्रीर्यमुना यज्ञकर्त्री यजुःप्रिया ॥ 39 ॥
ऋक्सामाथर्वनिलया रागिणी शोभनस्वरा ।
कलकण्ठी कम्बुकण्ठी वेणुवीणापरायणा ॥ 40 ॥
वंशिनी वैष्णवी स्वच्छा धात्री त्रिजगदीश्वरी ।
मधुमती कुण्डलिनी ऋद्धिः सिद्धिः शुचिस्मिता ॥ 41 ॥
रम्भोर्वशी रती रामा रोहिणी रेवती रमा ।
शङ्खिनी चक्रिणी कृष्णा गदिनी पद्मिनी तथा ॥ 42 ॥
शूलिनी परिघास्त्रा च पाशिनी शार्ङ्गपाणिनी ।
पिनाकधारिणी धूम्रा शरभी वनमालिनी ॥ 43 ॥
वज्रिणी समरप्रीता वेगिनी रणपण्डिता ।
जटिनी बिम्बिनी नीला लावण्याम्बुधिचन्द्रिका ॥ 44 ॥
बलिप्रिया सदापूज्या पूर्णा दैत्येन्द्रमाथिनी ।
महिषासुरसंहन्त्री वासिनी रक्तदन्तिका ॥ 45 ॥
रक्तपा रुधिराक्ताङ्गी रक्तखर्परहस्तिनी ।
रक्तप्रिया मांसरुचिर्वासवासक्तमानसा ॥ 46 ॥
गलच्छोणितमुण्डालिकण्ठमालाविभूषणा ।
शवासना चितान्तस्था माहेशी वृषवाहिनी ॥ 47 ॥
व्याघ्रत्वगम्बरा चीनचेलिनी सिंहवाहिनी ।
वामदेवी महादेवी गौरी सर्वज्ञभाविनी ॥ 48 ॥
बालिका तरुणी वृद्धा वृद्धमाता जरातुरा ।
सुभ्रुर्विलासिनी ब्रह्मवादिनी ब्राह्मणी मही ॥ 49 ॥
स्वप्नवती चित्रलेखा लोपामुद्रा सुरेश्वरी ।
अमोघाऽरुन्धती तीक्ष्णा भोगवत्यनुवादिनी ॥ 50 ॥
मन्दाकिनी मन्दहासा ज्वालामुख्यसुरान्तका ।
मानदा मानिनी मान्या माननीया मदोद्धता ॥ 51 ॥
मदिरा मदिरान्मादा मेध्या नव्या प्रसादिनी ।
सुमध्याऽनन्तगुणिनी सर्वलोकोत्तमोत्तमा ॥ 52 ॥
जयदा जित्वरा जैत्री जयश्रीर्जयशालिनी ।
सुखदा शुभदा सत्या सभासङ्क्षोभकारिणी ॥ 53 ॥
शिवदूती भूतिमती विभूतिर्भीषणानना ।
कौमारी कुलजा कुन्ती कुलस्त्री कुलपालिका ॥ 54 ॥
कीर्तिर्यशस्विनी भूषा भूष्या भूतपतिप्रिया ।
सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥
धनिष्ठा धनदा धन्या वसुधा स्वप्रकाशिनी ।
उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥
महाकुलीना निष्कामा सकामा कामजीवना ।
कामदेवकला रामाऽभिरामा शिवनर्तकी ॥ 57 ॥
चिन्तामणिः कल्पलता जाग्रती दीनवत्सला ।
कार्तिकी कीर्तिका कृत्या अयोध्या विषमा समा ॥ 58 ॥
सुमन्त्रा मन्त्रिणी घूर्णा ह्लादिनी क्लेशनाशिनी ।
त्रैलोक्यजननी हृष्टा निर्मांसा मनोरूपिणी ॥ 59 ॥
तडागनिम्नजठरा शुष्कमांसास्थिमालिनी ।
अवन्ती मथुरा माया त्रैलोक्यपावनीश्वरी ॥ 60 ॥
व्यक्ताऽव्यक्ताऽनेकमूर्तिः शर्वरी भीमनादिनी ।
क्षेमङ्करी शङ्करी च सर्वसम्मोहकारिणी ॥ 61 ॥
ऊर्ध्वतेजस्विनी क्लिन्ना महातेजस्विनी तथा ।
अद्वैता भोगिनी पूज्या युवती सर्वमङ्गला ॥ 62 ॥
सर्वप्रियङ्करी भोग्या धरणी पिशिताशना ।
भयङ्करी पापहरा निष्कलङ्का वशङ्करी ॥ 63 ॥
आशा तृष्णा चन्द्रकला निद्रान्या वायुवेगिनी ।
सहस्रसूर्यसङ्काशा चन्द्रकोटिसमप्रभा ॥ 64 ॥
वह्निमण्डलसंस्था च सर्वतत्त्वप्रतिष्ठिता ।
सर्वाचारवती सर्वदेवकन्याधिदेवता ॥ 65 ॥
दक्षकन्या दक्षयज्ञनाशिनी दुर्गतारिका ।
इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥
रम्भोरुश्चतुरा राका जयन्ती करुणा कुहुः ।
मनस्विनी देवमाता यशस्या ब्रह्मचारिणी ॥ 67 ॥
ऋद्धिदा वृद्धिदा वृद्धिः सर्वाद्या सर्वदायिनी ।
आधाररूपिणी ध्येया मूलाधारनिवासिनी ॥ 68 ॥
अज्ञा प्रज्ञा पूर्णमनाश्चन्द्रमुख्यनुकूलिनी ।
वावदूका निम्ननाभिः सत्या सन्ध्या दृढव्रता ॥ 69 ॥
आन्वीक्षिकी दण्डनीतिस्त्रयी त्रिदिवसुन्दरी ।
ज्वलिनी ज्वालिनी शैलतनया विन्ध्यवासिनी ॥ 70 ॥
अमेया खेचरी धैर्या तुरीया विमलाऽऽतुरा ।
प्रगल्भा वारुणी छाया शशिनी विस्फुलिङ्गिनी ॥ 71 ॥
भुक्तिः सिद्धिः सदाप्राप्तिः प्राकाम्या महिमाऽणिमा ।
इच्छासिद्धिर्विसिद्धा च वशित्वोर्ध्वनिवासिनी ॥ 72 ॥
लघिमा चैव गायत्री सावित्री भुवनेश्वरी ।
मनोहरा चिता दिव्या देव्युदारा मनोरमा ॥ 73 ॥
पिङ्गला कपिला जिह्वारसज्ञा रसिका रसा ।
सुषुम्नेडा भोगवती गान्धारी नरकान्तका ॥ 74 ॥
पाञ्चाली रुक्मिणी राधाराध्या भीमाधिराधिका ।
अमृता तुलसी वृन्दा कैटभी कपटेश्वरी ॥ 75 ॥
उग्रचण्डेश्वरी वीरा जननी वीरसुन्दरी ।
उग्रतारा यशोदाख्या दैवकी देवमानिता ॥ 76 ॥
निरञ्जना चित्रदेवी क्रोधिनी कुलदीपिका ।
कुलवागीश्वरी वाणी मातृका द्राविणी द्रवा ॥ 77 ॥
योगेश्वरी महामारी भ्रामरी बिन्दुरूपिणी ।
दूती प्राणेश्वरी गुप्ता बहुला चमरी प्रभा ॥ 78 ॥
कुब्जिका ज्ञानिनी ज्येष्ठा भुशुण्डी प्रकटा तिथिः ।
द्रविणी गोपनी माया कामबीजेश्वरी क्रिया ॥ 79 ॥
शाम्भवी केकरा मेना मूषलास्त्रा तिलोत्तमा ।
अमेयविक्रमा क्रूरा सम्पत्शाला त्रिलोचना ॥ 80 ॥
स्वस्तिर्हव्यवहा प्रीतिरुष्मा धूम्रार्चिरङ्गदा ।
तपिनी तापिनी विश्वा भोगदा धारिणी धरा ॥ 81 ॥
त्रिखण्डा बोधिनी वश्या सकला शब्दरूपिणी ।
बीजरूपा महामुद्रा योगिनी योनिरूपिणी ॥ 82 ॥
अनङ्गकुसुमाऽनङ्गमेखलाऽनङ्गरूपिणी ।
वज्रेश्वरी च जयिनी सर्वद्वन्द्वक्षयङ्करी ॥ 83 ॥
षडङ्गयुवती योगयुक्ता ज्वालांशुमालिनी ।
दुराशया दुराधारा दुर्जया दुर्गरूपिणी ॥ 84 ॥
दुरन्ता दुष्कृतिहरा दुर्ध्येया दुरतिक्रमा ।
हंसेश्वरी त्रिकोणस्था शाकम्भर्यनुकम्पिनी ॥ 85 ॥
त्रिकोणनिलया नित्या परमामृतरञ्जिता ।
महाविद्येश्वरी श्वेता भेरुण्डा कुलसुन्दरी ॥ 86 ॥
त्वरिता भक्तिसंसक्ता भक्तवश्या सनातनी ।
भक्तानन्दमयी भक्तभाविका भक्तशङ्करी ॥ 87 ॥
सर्वसौन्दर्यनिलया सर्वसौभाग्यशालिनी ।
सर्वसम्भोगभवना सर्वसौख्यनिरूपिणी ॥ 88 ॥
कुमारीपूजनरता कुमारीव्रतचारिणी ।
कुमारीभक्तिसुखिनी कुमारीरूपधारिणी ॥ 89 ॥
कुमारीपूजकप्रीता कुमारीप्रीतिदा प्रिया ।
कुमारीसेवकासङ्गा कुमारीसेवकालया ॥ 90 ॥
आनन्दभैरवी बालभैरवी बटुभैरवी ।
श्मशानभैरवी कालभैरवी पुरभैरवी ॥ 91 ॥
महाभैरवपत्नी च परमानन्दभैरवी ।
सुधानन्दभैरवी च उन्मादानन्दभैरवी ॥ 92 ॥
मुक्तानन्दभैरवी च तथा तरुणभैरवी ।
ज्ञानानन्दभैरवी च अमृतानन्दभैरवी ॥ 93 ॥
महाभयङ्करी तीव्रा तीव्रवेगा तपस्विनी ।
त्रिपुरा परमेशानी सुन्दरी पुरसुन्दरी ॥ 94 ॥
त्रिपुरेशी पञ्चदशी पञ्चमी पुरवासिनी ।
महासप्तदशी चैव षोडशी त्रिपुरेश्वरी ॥ 95 ॥
महाङ्कुशस्वरूपा च महाचक्रेश्वरी तथा ।
नवचक्रेश्वरी चक्रेश्वरी त्रिपुरमालिनी ॥ 96 ॥
राजराजेश्वरी धीरा महात्रिपुरसुन्दरी ।
सिन्दूरपूररुचिरा श्रीमत्त्रिपुरसुन्दरी ॥ 97 ॥
सर्वाङ्गसुन्दरी रक्तारक्तवस्त्रोत्तरीयिणी ।
जवायावकसिन्दूररक्तचन्दनधारिणी ॥ 98 ॥
जवायावकसिन्दूररक्तचन्दनरूपधृक् ।
चामरी बालकुटिलनिर्मला श्यामकेशिनी ॥ 99 ॥
वज्रमौक्तिकरत्नाढ्या किरीटमुकुटोज्ज्वला ।
रत्नकुण्डलसंयुक्तस्फुरद्गण्डमनोरमा ॥ 100 ॥
कुञ्जरेश्वरकुम्भोत्थमुक्तारञ्जितनासिका ।
मुक्ताविद्रुममाणिक्यहाराढ्यस्तनमण्डला ॥ 101 ॥
सूर्यकान्तेन्दुकान्ताढ्यस्पर्शाश्मकण्ठभूषणा ।
बीजपूरस्फुरद्बीजदन्तपङ्क्तिरनुत्तमा ॥ 102 ॥
कामकोदण्डकाभुग्नभ्रूकटाक्षप्रवर्षिणी ।
मातङ्गकुम्भवक्षोजा लसत्कोकनदेक्षणा ॥ 103 ॥
मनोज्ञशष्कुलीकर्णा हंसीगतिविडम्बिनी ।
पद्मरागाङ्गदज्योतिर्दोश्चतुष्कप्रकाशिनी ॥ 104 ॥
नानामणिपरिस्फूर्जच्छुद्धकाञ्चनकङ्कणा ।
नागेन्द्रदन्तनिर्माणवलयाङ्कितपाणिनी ॥ 105 ॥
अङ्गुरीयकचित्राङ्गी विचित्रक्षुद्रघण्टिका ।
पट्टाम्बरपरीधाना कलमञ्जीरशिञ्जिनी ॥ 106 ॥
कर्पूरागरुकस्तूरीकुङ्कुमद्रवलेपिता ।
विचित्ररत्नपृथिवीकल्पशाखितलस्थिता ॥ 107 ॥
रत्नद्वीपस्फुरद्रत्नसिंहासनविलासिनी ।
षट्चक्रभेदनकरी परमानन्दरूपिणी ॥ 108 ॥
सहस्रदलपद्मान्तश्चन्द्रमण्डलवर्तिनी ।
ब्रह्मरूपा शिवक्रोडा नानासुखविलासिनी ॥ 109 ॥
हरविष्णुविरिञ्चीन्द्रग्रहनायकसेविता ।
शिवा शैवा च रुद्राणी तथैव शिववादिनी ॥ 110 ॥
मातङ्गिनी श्रीमती च तथैवानङ्गमेखला ।
डाकिनी योगिनी चैव तथोपयोगिनी मता ॥ 111 ॥
माहेश्वरी वैष्णवी च भ्रामरी शिवरूपिणी ।
अलम्बुषा वेगवती क्रोधरूपा सुमेखला ॥ 112 ॥
गान्धारी हस्तजिह्वा च इडा चैव शुभङ्करी ।
पिङ्गला ब्रह्मदूती च सुषुम्ना चैव गन्धिनी ॥ 113 ॥
आत्मयोनिर्ब्रह्मयोनिर्जगद्योनिरयोनिजा ।
भगरूपा भगस्थात्री भगिनी भगरूपिणी ॥ 114 ॥
भगात्मिका भगाधाररूपिणी भगमालिनी ।
लिङ्गाख्या चैव लिङ्गेशी त्रिपुरा भैरवी तथा ॥ 115 ॥
लिङ्गगीतिः सुगीतिश्च लिङ्गस्था लिङ्गरूपधृक् ।
लिङ्गमाना लिङ्गभवा लिङ्गलिङ्गा च पार्वती ॥ 116 ॥
भगवती कौशिकी च प्रेमा चैव प्रियंवदा ।
गृध्ररूपा शिवारूपा चक्रिणी चक्ररूपधृक् ॥ 117 ॥
लिङ्गाभिधायिनी लिङ्गप्रिया लिङ्गनिवासिनी ।
लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥
लिङ्गगीतिर्महाप्रीता भगगीतिर्महासुखा ।
लिङ्गनामसदानन्दा भगनामसदागतिः ॥ 119 ॥
लिङ्गमालाकण्ठभूषा भगमालाविभूषणा ।
भगलिङ्गामृतप्रीता भगलिङ्गस्वरूपिणी ॥ 120 ॥
भगलिङ्गस्य रूपा च भगलिङ्गसुखावहा ।
स्वयम्भूकुसुमप्रीता स्वयम्भूकुसुमार्चिता ॥ 121 ॥
स्वयम्भूकुसुमप्राणा स्वयम्भूपुष्पतर्पिता ।
स्वयम्भूपुष्पघटिता स्वयम्भूपुष्पधारिणी ॥ 122 ॥
स्वयम्भूपुष्पतिलका स्वयम्भूपुष्पचर्चिता ।
स्वयम्भूपुष्पनिरता स्वयम्भूकुसुमग्रहा ॥ 123 ॥
स्वयम्भूपुष्पयज्ञांशा स्वयम्भूकुसुमात्मिका ।
स्वयम्भूपुष्पनिचिता स्वयम्भूकुसुमप्रिया ॥ 124 ॥
स्वयम्भूकुसुमादानलालसोन्मत्तमानसा ।
स्वयम्भूकुसुमानन्दलहरीस्निग्धदेहिनी ॥ 125 ॥
स्वयम्भूकुसुमाधारा स्वयम्भूकुसुमाकुला ।
स्वयम्भूपुष्पनिलया स्वयम्भूपुष्पवासिनी ॥ 126 ॥
स्वयम्भूकुसुमस्निग्धा स्वयम्भूकुसुमात्मिका ।
स्वयम्भूपुष्पकरिणी स्वयम्भूपुष्पवाणिका ॥ 127 ॥
स्वयम्भूकुसुमध्याना स्वयम्भूकुसुमप्रभा ।
स्वयम्भूकुसुमज्ञाना स्वयम्भूपुष्पभागिनी ॥ 128 ॥
स्वयम्भूकुसुमोल्लासा स्वयम्भूपुष्पवर्षिणी ।
स्वयम्भूकुसुमोत्साहा स्वयम्भूपुष्परूपिणी ॥ 129 ॥
स्वयम्भूकुसुमोन्मादा स्वयम्भूपुष्पसुन्दरी ।
स्वयम्भूकुसुमाराध्या स्वयम्भूकुसुमोद्भवा ॥ 130 ॥
स्वयम्भूकुसुमाव्यग्रा स्वयम्भूपुष्पपूर्णिता ।
स्वयम्भूपूजकप्राज्ञा स्वयम्भूहोतृमातृका ॥ 131 ॥
स्वयम्भूदातृरक्षित्री स्वयम्भूरक्ततारिका ।
स्वयम्भूपूजकग्रस्ता स्वयम्भूपूजकप्रिया ॥ 132 ॥
स्वयम्भूवन्दकाधारा स्वयम्भूनिन्दकान्तका ।
स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥
स्वयम्भूप्रदसस्मेरा स्वयम्भूतशरीरिणी ।
सर्वकालोद्भवप्रीता सर्वकालोद्भवात्मिका ॥ 134 ॥
सर्वकालोद्भवोद्भावा सर्वकालोद्भवोद्भवा ।
कुण्डपुष्पसदाप्रीता कुण्डपुष्पसदारतिः ॥ 135 ॥
कुण्डगोलोद्भवप्राणा कुण्डगोलोद्भवात्मिका ।
स्वयम्भूर्वा शिवा धात्री पावनी लोकपावनी ॥ 136 ॥
कीर्तिर्यशस्विनी मेधा विमेधा शुक्रसुन्दरी ।
अश्विनी कृत्तिका पुष्या तेजस्का चन्द्रमण्डला ॥ 137 ॥
सूक्ष्माऽसूक्ष्मा बलाका च वरदा भयनाशिनी ।
वरदाऽभयदा चैव मुक्तिबन्धविनाशिनी ॥ 138 ॥
कामुका कामदा कान्ता कामाख्या कुलसुन्दरी ।
दुःखदा सुखदा मोक्षा मोक्षदार्थप्रकाशिनी ॥ 139 ॥
दुष्टादुष्टमतिश्चैव सर्वकार्यविनाशिनी ।
शुक्राधारा शुक्ररूपा शुक्रसिन्धुनिवासिनी ॥ 140 ॥
शुक्रालया शुक्रभोगा शुक्रपूजासदारतिः ।
शुक्रपूज्या शुक्रहोमसन्तुष्टा शुक्रवत्सला ॥ 141 ॥
शुक्रमूर्तिः शुक्रदेहा शुक्रपूजकपुत्रिणी ।
शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥
शुक्रस्नाता शुक्रकरी शुक्रसेव्याऽतिशुक्रिणी ।
महाशुक्रा शुक्रभवा शुक्रवृष्टिविधायिनी ॥ 143 ॥
शुक्राभिधेया शुक्रार्हा शुक्रवन्दकवन्दिता ।
शुक्रानन्दकरी शुक्रसदानन्दाभिधायिका ॥ 144 ॥
शुक्रोत्सवा सदाशुक्रपूर्णा शुक्रमनोरमा ।
शुक्रपूजकसर्वस्वा शुक्रनिन्दकनाशिनी ॥ 145 ॥
शुक्रात्मिका शुक्रसंवत् शुक्राकर्षणकारिणी ।
शारदा साधकप्राणा साधकासक्तमानसा ॥ 146 ॥
साधकोत्तमसर्वस्वा साधकाभक्तरक्तपा ।
साधकानन्दसन्तोषा साधकानन्दकारिणी ॥ 147 ॥
आत्मविद्या ब्रह्मविद्या परब्रह्मस्वरूपिणी ।
त्रिकूटस्था पञ्चकूटा सर्वकूटशरीरिणी ॥ 148 ॥
सर्ववर्णमयी वर्णजपमालाविधायिनी ।
इति श्रीकालिकानामसहस्रं शिवभाषितम् ॥ 149 ॥
गुह्याद्गुह्यतरं साक्षान्महापातकनाशनम् ।
पूजाकाले निशीथे च सन्ध्ययोरुभयोरपि ॥ 150 ॥
लभते गाणपत्यं स यः पठेत् साधकोत्तमः ।
यः पठेत् पाठयेद्वापि शृणोति श्रावयेदपि ॥ 151 ॥
सर्वपापविनिर्मुक्तः स याति कालिकापुरम् ।
श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥
दुर्गं दुर्गशतं तीर्त्वा स याति परमाङ्गतिम् ।
वन्ध्या वा काकवन्ध्या वा मृतवत्सा च याङ्गना ॥ 153 ॥
श्रुत्वा स्तोत्रमिदं पुत्रान् लभते चिरजीविनः ।
यं यं कामयते कामं पठन् स्तोत्रमनुत्तमम् ।
देवीपादप्रसादेन तत्तदाप्नोति निश्चितम् ॥ 154 ॥
इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.