ಶ್ರೀ ಶಿವ ಉವಾಚ ।
ಕಥಿತೋಽಯಂ ಮಹಾಮನ್ತ್ರಃ ಸರ್ವಮನ್ತ್ರೋತ್ತಮೋತ್ತಮಃ ।
ಯಾಮಾಸಾದ್ಯ ಮಯಾ ಪ್ರಾಪ್ತಮೈಶ್ವರ್ಯಪದಮುತ್ತಮಮ್ ॥ 1 ॥
ಸಂಯುಕ್ತಃ ಪರಯಾ ಭಕ್ತ್ಯಾ ಯಥೋಕ್ತ ವಿಧಿನಾ ಭವಾನ್ ।
ಕುರುತಾಮರ್ಚನಂ ದೇವ್ಯಾಸ್ತ್ರೈಲೋಕ್ಯವಿಜಿಗೀಷಯಾ ॥ 2 ॥
ಶ್ರೀಪರಶುರಾಮ ಉವಾಚ ।
ಪ್ರಸನ್ನೋ ಯದಿ ಮೇ ದೇವ ಪರಮೇಶ ಪುರಾತನ ।
ರಹಸ್ಯಂ ಪರಮಂ ದೇವ್ಯಾಃ ಕೃಪಯಾ ಕಥಯ ಪ್ರಭೋ ॥ 3 ॥
ವಿನಾರ್ಚನಂ ವಿನಾ ಹೋಮಂ ವಿನಾ ನ್ಯಾಸಂ ವಿನಾ ಬಲಿಮ್ ।
ವಿನಾ ಗನ್ಧಂ ವಿನಾ ಪುಷ್ಪಂ ವಿನಾ ನಿತ್ಯೋದಿತಾಂ ಕ್ರಿಯಾಮ್ ॥ 4 ॥
ಪ್ರಾಣಾಯಾಮಂ ವಿನಾ ಧ್ಯಾನಂ ವಿನಾ ಭೂತವಿಶೋಧನಮ್ ।
ವಿನಾ ದಾನಂ ವಿನಾ ಜಾಪಂ ಯೇನ ಕಾಲೀ ಪ್ರಸೀದತಿ ॥ 5 ॥
ಶ್ರೀ ಶಿವ ಉವಾಚ ।
ಪೃಷ್ಟಂ ತ್ವಯೋತ್ತಮಂ ಪ್ರಾಜ್ಞ ಭೃಗುವಂಶ ಸಮುದ್ಭವ ।
ಭಕ್ತಾನಾಮಪಿ ಭಕ್ತೋಽಸಿ ತ್ವಮೇವ ಸಾಧಯಿಷ್ಯಸಿ ॥ 6 ॥
ದೇವೀಂ ದಾನವಕೋಟಿಘ್ನೀಂ ಲೀಲಯಾ ರುಧಿರಪ್ರಿಯಾಮ್ ।
ಸದಾ ಸ್ತೋತ್ರಪ್ರಿಯಾಮುಗ್ರಾಂ ಕಾಮಕೌತುಕಲಾಲಸಾಮ್ ॥ 7 ॥
ಸರ್ವದಾಽಽನನ್ದಹೃದಯಾಮಾಸವೋತ್ಸವ ಮಾನಸಾಮ್ ।
ಮಾಧ್ವೀಕ ಮತ್ಸ್ಯಮಾಂಸಾನುರಾಗಿಣೀಂ ವೈಷ್ಣವೀಂ ಪರಾಮ್ ॥ 8 ॥
ಶ್ಮಶಾನವಾಸಿನೀಂ ಪ್ರೇತಗಣನೃತ್ಯಮಹೋತ್ಸವಾಮ್ ।
ಯೋಗಪ್ರಭಾವಾಂ ಯೋಗೇಶೀಂ ಯೋಗೀನ್ದ್ರಹೃದಯಸ್ಥಿತಾಮ್ ॥ 9 ॥
ತಾಮುಗ್ರಕಾಲಿಕಾಂ ರಾಮ ಪ್ರಸೀದಯಿತುಮರ್ಹಸಿ ।
ತಸ್ಯಾಃ ಸ್ತೋತ್ರಂ ಪರಂ ಪುಣ್ಯಂ ಸ್ವಯಂ ಕಾಲ್ಯಾ ಪ್ರಕಾಶಿತಮ್ ॥ 10 ॥
ತವ ತತ್ ಕಥಯಿಷ್ಯಾಮಿ ಶ್ರುತ್ವಾ ವತ್ಸಾವಧಾರಯ ।
ಗೋಪನೀಯಂ ಪ್ರಯತ್ನೇನ ಪಠನೀಯಂ ಪರಾತ್ಪರಮ್ ॥ 11 ॥
ಯಸ್ಯೈಕಕಾಲಪಠನಾತ್ ಸರ್ವೇ ವಿಘ್ನಾಃ ಸಮಾಕುಲಾಃ ।
ನಶ್ಯನ್ತಿ ದಹನೇ ದೀಪ್ತೇ ಪತಙ್ಗಾ ಇವ ಸರ್ವತಃ ॥ 12 ॥
ಗದ್ಯಪದ್ಯಮಯೀ ವಾಣೀ ತಸ್ಯ ಗಙ್ಗಾಪ್ರವಾಹವತ್ ।
ತಸ್ಯ ದರ್ಶನಮಾತ್ರೇಣ ವಾದಿನೋ ನಿಷ್ಪ್ರಭಾಂ ಗತಾಃ ॥ 13 ॥
ತಸ್ಯ ಹಸ್ತೇ ಸದೈವಾಸ್ತಿ ಸರ್ವಸಿದ್ಧಿರ್ನ ಸಂಶಯಃ ।
ರಾಜಾನೋಽಪಿ ಚ ದಾಸತ್ವಂ ಭಜನ್ತೇ ಕಿಂ ಪರೇ ಜನಾಃ ॥ 14 ॥
ನಿಶೀಥೇ ಮುಕ್ತಕೇಶಸ್ತು ನಗ್ನಃ ಶಕ್ತಿಸಮಾಹಿತಃ ।
ಮನಸಾ ಚಿನ್ತಯೇತ್ ಕಾಲೀಂ ಮಹಾಕಾಲೇನ ಚಾಲಿತಾಮ್ ॥ 15 ॥
ಪಠೇತ್ ಸಹಸ್ರನಾಮಾಖ್ಯಂ ಸ್ತೋತ್ರಂ ಮೋಕ್ಷಸ್ಯ ಸಾಧನಮ್ ।
ಪ್ರಸನ್ನಾ ಕಾಲಿಕಾ ತಸ್ಯ ಪುತ್ರತ್ವೇನಾನುಕಮ್ಪತೇ ॥ 16 ॥
ಯಥಾ ಬ್ರಹ್ಮಮೃತೈರ್ಬ್ರಹ್ಮಕುಸುಮೈಃ ಪೂಜಿತಾ ಪರಾ ।
ಪ್ರಸೀದತಿ ತಥಾನೇನ ಸ್ತುತಾ ಕಾಲೀ ಪ್ರಸೀದತಿ ॥ 17 ॥
ವಿನಿಯೋಗಃ –
ಅಸ್ಯ ಶ್ರೀ ದಕ್ಷಿಣಕಾಲಿಕಾ ಸಹಸ್ರನಾಮ ಸ್ತೋತ್ರಸ್ಯ ಮಹಾಕಾಲಭೈರವ ಋಷಿಃ ಅನುಷ್ಟುಪ್ ಛನ್ದಃ ಶ್ಮಶಾನಕಾಲೀ ದೇವತಾ ಧರ್ಮಾರ್ಥಕಾಮಮೋಕ್ಷಾರ್ಥೇ ಪಾಠೇ ವಿನಿಯೋಗಃ ।
ಧ್ಯಾನಮ್ –
ಶವಾರೂಢಾಂ ಮಹಾಭೀಮಾಂ ಘೋರದಂಷ್ಟ್ರಾಂ ಹಸನ್ಮುಖೀಂ
ಚತುರ್ಭುಜಾಂ ಖಡ್ಗಮುಣ್ಡವರಾಭಯಕರಾಂ ಶಿವಾಮ್ ।
ಮುಣ್ಡಮಾಲಾಧರಾಂ ದೇವೀಂ ಲಲಾಜ್ಜಿಹ್ವಾಂ ದಿಗಮ್ಬರಾಂ
ಏವಂ ಸಞ್ಚಿನ್ತಯೇತ್ಕಾಲೀಂ ಶ್ಮಶಾನಾಲಯವಾಸಿನೀಮ್ ॥
ಸ್ತೋತ್ರಮ್ –
ಶ್ಮಶಾನಕಾಲಿಕಾ ಕಾಲೀ ಭದ್ರಕಾಲೀ ಕಪಾಲಿನೀ ।
ಗುಹ್ಯಕಾಲೀ ಮಹಾಕಾಲೀ ಕುರುಕುಲ್ಲಾ ವಿರೋಧಿನೀ ॥ 1 ॥
ಕಾಲಿಕಾ ಕಾಲರಾತ್ರಿಶ್ಚ ಮಹಾಕಾಲನಿತಮ್ಬಿನೀ ।
ಕಾಲಭೈರವಭಾರ್ಯಾ ಚ ಕುಲವರ್ತ್ಮಪ್ರಕಾಶಿನೀ ॥ 2 ॥
ಕಾಮದಾ ಕಾಮಿನೀ ಕನ್ಯಾ ಕಮನೀಯಸ್ವರೂಪಿಣೀ ।
ಕಸ್ತೂರೀರಸಲಿಪ್ತಾಙ್ಗೀ ಕುಞ್ಜರೇಶ್ವರಗಾಮಿನೀ ॥ 3 ॥
ಕಕಾರವರ್ಣಸರ್ವಾಙ್ಗೀ ಕಾಮಿನೀ ಕಾಮಸುನ್ದರೀ ।
ಕಾಮಾರ್ತಾ ಕಾಮರೂಪಾ ಚ ಕಾಮಧೇನುಃ ಕಲಾವತೀ ॥ 4 ॥
ಕಾನ್ತಾ ಕಾಮಸ್ವರೂಪಾ ಚ ಕಾಮಾಖ್ಯಾ ಕುಲಕಾಮಿನೀ ।
ಕುಲೀನಾ ಕುಲವತ್ಯಮ್ಬಾ ದುರ್ಗಾ ದುರ್ಗತಿನಾಶಿನೀ ॥ 5 ॥
ಕೌಮಾರೀ ಕಲಜಾ ಕೃಷ್ಣಾ ಕೃಷ್ಣದೇಹಾ ಕೃಶೋದರೀ ।
ಕೃಶಾಙ್ಗೀ ಕುಲಿಶಾಙ್ಗೀ ಚ ಕ್ರೀಙ್ಕಾರೀ ಕಮಲಾ ಕಲಾ ॥ 6 ॥
ಕರಾಲಾಸ್ಯಾ ಕರಾಲೀ ಚ ಕುಲಕಾನ್ತಾಽಪರಾಜಿತಾ ।
ಉಗ್ರಾ ಉಗ್ರಪ್ರಭಾ ದೀಪ್ತಾ ವಿಪ್ರಚಿತ್ತಾ ಮಹಾಬಲಾ ॥ 7 ॥
ನೀಲಾ ಘನಾ ಮೇಘನಾದಾ ಮಾತ್ರಾ ಮುದ್ರಾ ಮಿತಾಮಿತಾ ।
ಬ್ರಾಹ್ಮೀ ನಾರಾಯಣೀ ಭದ್ರಾ ಸುಭದ್ರಾ ಭಕ್ತವತ್ಸಲಾ ॥ 8 ॥
ಮಾಹೇಶ್ವರೀ ಚ ಚಾಮುಣ್ಡಾ ವಾರಾಹೀ ನಾರಸಿಂಹಿಕಾ ।
ವಜ್ರಾಙ್ಗೀ ವಜ್ರಕಙ್ಕಾಲೀ ನೃಮುಣ್ಡಸ್ರಗ್ವಿಣೀ ಶಿವಾ ॥ 9 ॥
ಮಾಲಿನೀ ನರಮುಣ್ಡಾಲೀ ಗಲದ್ರಕ್ತವಿಭೂಷಣಾ ।
ರಕ್ತಚನ್ದನಸಿಕ್ತಾಙ್ಗೀ ಸಿನ್ದೂರಾರುಣಮಸ್ತಕಾ ॥ 10 ॥
ಘೋರರೂಪಾ ಘೋರದಂಷ್ಟ್ರಾ ಘೋರಾಘೋರತರಾ ಶುಭಾ ।
ಮಹಾದಂಷ್ಟ್ರಾ ಮಹಾಮಾಯಾ ಸುದತೀ ಯುಗದನ್ತುರಾ ॥ 11 ॥
ಸುಲೋಚನಾ ವಿರೂಪಾಕ್ಷೀ ವಿಶಾಲಾಕ್ಷೀ ತ್ರಿಲೋಚನಾ ।
ಶಾರದೇನ್ದುಪ್ರಸನ್ನಾಸ್ಯಾ ಸ್ಫುರತ್ಸ್ಮೇರಾಮ್ಬುಜೇಕ್ಷಣಾ ॥ 12 ॥
ಅಟ್ಟಹಾಸಪ್ರಫುಲ್ಲಾಸ್ಯಾ ಸ್ಮೇರವಕ್ತ್ರಾ ಸುಭಾಷಿಣೀ ।
ಪ್ರಫುಲ್ಲಪದ್ಮವದನಾ ಸ್ಮಿತಾಸ್ಯಾ ಪ್ರಿಯಭಾಷಿಣೀ ॥ 13 ॥
ಕೋಟರಾಕ್ಷೀ ಕುಲಶ್ರೇಷ್ಠಾ ಮಹತೀ ಬಹುಭಾಷಿಣೀ ।
ಸುಮತಿಃ ಕುಮತಿಶ್ಚಣ್ಡಾ ಚಣ್ಡಮುಣ್ಡಾತಿವೇಗಿನೀ ॥ 14 ॥
ಸುಕೇಶೀ ಮುಕ್ತಕೇಶೀ ಚ ದೀರ್ಘಕೇಶೀ ಮಹಾಕಚಾ ।
ಪ್ರೇತದೇಹಾಕರ್ಣಪೂರಾ ಪ್ರೇತಪಾಣಿಸುಮೇಖಲಾ ॥ 15 ॥
ಪ್ರೇತಾಸನಾ ಪ್ರಿಯಪ್ರೇತಾ ಪುಣ್ಯದಾ ಕುಲಪಣ್ಡಿತಾ ।
ಪುಣ್ಯಾಲಯಾ ಪುಣ್ಯದೇಹಾ ಪುಣ್ಯಶ್ಲೋಕಾ ಚ ಪಾವನೀ ॥ 16 ॥
ಪೂತಾ ಪವಿತ್ರಾ ಪರಮಾ ಪರಾ ಪುಣ್ಯವಿಭೂಷಣಾ ।
ಪುಣ್ಯನಾಮ್ನೀ ಭೀತಿಹರಾ ವರದಾ ಖಡ್ಗಪಾಣಿನೀ ॥ 17 ॥
ನೃಮುಣ್ಡಹಸ್ತಾ ಶಾನ್ತಾ ಚ ಛಿನ್ನಮಸ್ತಾ ಸುನಾಸಿಕಾ ।
ದಕ್ಷಿಣಾ ಶ್ಯಾಮಲಾ ಶ್ಯಾಮಾ ಶಾನ್ತಾ ಪೀನೋನ್ನತಸ್ತನೀ ॥ 18 ॥
ದಿಗಮ್ಬರಾ ಘೋರರಾವಾ ಸೃಕ್ಕಾನ್ತರಕ್ತವಾಹಿನೀ ।
ಘೋರರಾವಾ ಶಿವಾಸಙ್ಗಾ ನಿಃಸಙ್ಗಾ ಮದನಾತುರಾ ॥ 19 ॥
ಮತ್ತಾ ಪ್ರಮತ್ತಾ ಮದನಾ ಸುಧಾಸಿನ್ಧುನಿವಾಸಿನೀ ।
ಅತಿಮತ್ತಾ ಮಹಾಮತ್ತಾ ಸರ್ವಾಕರ್ಷಣಕಾರಿಣೀ ॥ 20 ॥
ಗೀತಪ್ರಿಯಾ ವಾದ್ಯರತಾ ಪ್ರೇತನೃತ್ಯಪರಾಯಣಾ ।
ಚತುರ್ಭುಜಾ ದಶಭುಜಾ ಅಷ್ಟಾದಶಭುಜಾ ತಥಾ ॥ 21 ॥
ಕಾತ್ಯಾಯನೀ ಜಗನ್ಮಾತಾ ಜಗತೀ ಪರಮೇಶ್ವರೀ ।
ಜಗದ್ಬನ್ಧುರ್ಜಗದ್ಧಾತ್ರೀ ಜಗದಾನನ್ದಕಾರಿಣೀ ॥ 22 ॥
ಜಗಜ್ಜೀವವತೀ ಹೈಮವತೀ ಮಾಯಾ ಮಹಾಲಯಾ ।
ನಾಗಯಜ್ಞೋಪವೀತಾಙ್ಗೀ ನಾಗಿನೀ ನಾಗಶಾಯಿನೀ ॥ 23 ॥
ನಾಗಕನ್ಯಾ ದೇವಕನ್ಯಾ ಗಾನ್ಧಾರೀ ಕಿನ್ನರೀ ಸುರೀ ।
ಮೋಹರಾತ್ರೀ ಮಹಾರಾತ್ರೀ ದಾರುಣಾಮಾಸುರಾಸುರೀ ॥ 24 ॥
ವಿದ್ಯಾಧರೀ ವಸುಮತೀ ಯಕ್ಷಿಣೀ ಯೋಗಿನೀ ಜರಾ ।
ರಾಕ್ಷಸೀ ಡಾಕಿನೀ ವೇದಮಯೀ ವೇದವಿಭೂಷಣಾ ॥ 25 ॥
ಶ್ರುತಿಸ್ಮೃತಿಮಹಾವಿದ್ಯಾ ಗುಹ್ಯವಿದ್ಯಾ ಪುರಾತನೀ ।
ಚಿನ್ತ್ಯಾಽಚಿನ್ತ್ಯಾ ಸ್ವಧಾ ಸ್ವಾಹಾ ನಿದ್ರಾ ತನ್ದ್ರಾ ಚ ಪಾರ್ವತೀ ॥ 26 ॥
ಅಪರ್ಣಾ ನಿಶ್ಚಲಾ ಲೋಲಾ ಸರ್ವವಿದ್ಯಾ ತಪಸ್ವಿನೀ ।
ಗಙ್ಗಾ ಕಾಶೀ ಶಚೀ ಸೀತಾ ಸತೀ ಸತ್ಯಪರಾಯಣಾ ॥ 27 ॥
ನೀತಿಃ ಸುನೀತಿಃ ಸುರುಚಿಸ್ತುಷ್ಟಿಃ ಪುಷ್ಟಿರ್ಧೃತಿಃ ಕ್ಷಮಾ ।
ವಾಣೀ ಬುದ್ಧಿರ್ಮಹಾಲಕ್ಷ್ಮೀ ಲಕ್ಷ್ಮೀರ್ನೀಲಸರಸ್ವತೀ ॥ 28 ॥
ಸ್ರೋತಸ್ವತೀ ಸ್ರೋತವತೀ ಮಾತಙ್ಗೀ ವಿಜಯಾ ಜಯಾ ।
ನದೀ ಸಿನ್ಧುಃ ಸರ್ವಮಯೀ ತಾರಾ ಶೂನ್ಯನಿವಾಸಿನೀ ॥ 29 ॥
ಶುದ್ಧಾ ತರಙ್ಗಿಣೀ ಮೇಧಾ ಲಾಕಿನೀ ಬಹುರೂಪಿಣೀ ।
ಸದಾನನ್ದಮಯೀ ಸತ್ಯಾ ಸರ್ವಾನನ್ದಸ್ವರೂಪಿಣೀ ॥ 30 ॥
ಸುನನ್ದಾ ನನ್ದಿನೀ ಸ್ತುತ್ಯಾ ಸ್ತವನೀಯಾ ಸ್ವಭಾವಿನೀ ।
ರಙ್ಕಿಣೀ ಟಙ್ಕಿಣೀ ಚಿತ್ರಾ ವಿಚಿತ್ರಾ ಚಿತ್ರರೂಪಿಣೀ ॥ 31 ॥
ಪದ್ಮಾ ಪದ್ಮಾಲಯಾ ಪದ್ಮಸುಖೀ ಪದ್ಮವಿಭೂಷಣಾ ।
ಶಾಕಿನೀ ಹಾಕಿನೀ ಕ್ಷಾನ್ತಾ ರಾಕಿಣೀ ರುಧಿರಪ್ರಿಯಾ ॥ 32 ॥
ಭ್ರಾನ್ತಿರ್ಭವಾನೀ ರುದ್ರಾಣೀ ಮೃಡಾನೀ ಶತ್ರುಮರ್ದಿನೀ ।
ಉಪೇನ್ದ್ರಾಣೀ ಮಹೇಶಾನೀ ಜ್ಯೋತ್ಸ್ನಾ ಚೇನ್ದ್ರಸ್ವರೂಪಿಣೀ ॥ 33 ॥
ಸೂರ್ಯಾತ್ಮಿಕಾ ರುದ್ರಪತ್ನೀ ರೌದ್ರೀ ಸ್ತ್ರೀ ಪ್ರಕೃತಿಃ ಪುಮಾನ್ ।
ಶಕ್ತಿಃ ಸೂಕ್ತಿರ್ಮತಿಮತೀ ಭುಕ್ತಿರ್ಮುಕ್ತಿಃ ಪತಿವ್ರತಾ ॥ 34 ॥
ಸರ್ವೇಶ್ವರೀ ಸರ್ವಮಾತಾ ಶರ್ವಾಣೀ ಹರವಲ್ಲಭಾ ।
ಸರ್ವಜ್ಞಾ ಸಿದ್ಧಿದಾ ಸಿದ್ಧಾ ಭಾವ್ಯಾ ಭವ್ಯಾ ಭಯಾಪಹಾ ॥ 35 ॥
ಕರ್ತ್ರೀ ಹರ್ತ್ರೀ ಪಾಲಯಿತ್ರೀ ಶರ್ವರೀ ತಾಮಸೀ ದಯಾ ।
ತಮಿಸ್ರಾ ಯಾಮಿನೀಸ್ಥಾ ಚ ಸ್ಥಿರಾ ಧೀರಾ ತಪಸ್ವಿನೀ ॥ 36 ॥
ಚಾರ್ವಙ್ಗೀ ಚಞ್ಚಲಾ ಲೋಲಜಿಹ್ವಾ ಚಾರುಚರಿತ್ರಿಣೀ ।
ತ್ರಪಾ ತ್ರಪಾವತೀ ಲಜ್ಜಾ ನಿರ್ಲಜ್ಜಾ ಹ್ರೀಂ ರಜೋವತೀ ॥ 37 ॥
ಸತ್ತ್ವವತೀ ಧರ್ಮನಿಷ್ಠಾ ಶ್ರೇಷ್ಠಾ ನಿಷ್ಠುರವಾದಿನೀ ।
ಗರಿಷ್ಠಾ ದುಷ್ಟಸಂಹರ್ತ್ರೀ ವಿಶಿಷ್ಟಾ ಶ್ರೇಯಸೀ ಘೃಣಾ ॥ 38 ॥
ಭೀಮಾ ಭಯಾನಕಾ ಭೀಮನಾದಿನೀ ಭೀಃ ಪ್ರಭಾವತೀ ।
ವಾಗೀಶ್ವರೀ ಶ್ರೀರ್ಯಮುನಾ ಯಜ್ಞಕರ್ತ್ರೀ ಯಜುಃಪ್ರಿಯಾ ॥ 39 ॥
ಋಕ್ಸಾಮಾಥರ್ವನಿಲಯಾ ರಾಗಿಣೀ ಶೋಭನಸ್ವರಾ ।
ಕಲಕಣ್ಠೀ ಕಮ್ಬುಕಣ್ಠೀ ವೇಣುವೀಣಾಪರಾಯಣಾ ॥ 40 ॥
ವಂಶಿನೀ ವೈಷ್ಣವೀ ಸ್ವಚ್ಛಾ ಧಾತ್ರೀ ತ್ರಿಜಗದೀಶ್ವರೀ ।
ಮಧುಮತೀ ಕುಣ್ಡಲಿನೀ ಋದ್ಧಿಃ ಸಿದ್ಧಿಃ ಶುಚಿಸ್ಮಿತಾ ॥ 41 ॥
ರಮ್ಭೋರ್ವಶೀ ರತೀ ರಾಮಾ ರೋಹಿಣೀ ರೇವತೀ ರಮಾ ।
ಶಙ್ಖಿನೀ ಚಕ್ರಿಣೀ ಕೃಷ್ಣಾ ಗದಿನೀ ಪದ್ಮಿನೀ ತಥಾ ॥ 42 ॥
ಶೂಲಿನೀ ಪರಿಘಾಸ್ತ್ರಾ ಚ ಪಾಶಿನೀ ಶಾರ್ಙ್ಗಪಾಣಿನೀ ।
ಪಿನಾಕಧಾರಿಣೀ ಧೂಮ್ರಾ ಶರಭೀ ವನಮಾಲಿನೀ ॥ 43 ॥
ವಜ್ರಿಣೀ ಸಮರಪ್ರೀತಾ ವೇಗಿನೀ ರಣಪಣ್ಡಿತಾ ।
ಜಟಿನೀ ಬಿಮ್ಬಿನೀ ನೀಲಾ ಲಾವಣ್ಯಾಮ್ಬುಧಿಚನ್ದ್ರಿಕಾ ॥ 44 ॥
ಬಲಿಪ್ರಿಯಾ ಸದಾಪೂಜ್ಯಾ ಪೂರ್ಣಾ ದೈತ್ಯೇನ್ದ್ರಮಾಥಿನೀ ।
ಮಹಿಷಾಸುರಸಂಹನ್ತ್ರೀ ವಾಸಿನೀ ರಕ್ತದನ್ತಿಕಾ ॥ 45 ॥
ರಕ್ತಪಾ ರುಧಿರಾಕ್ತಾಙ್ಗೀ ರಕ್ತಖರ್ಪರಹಸ್ತಿನೀ ।
ರಕ್ತಪ್ರಿಯಾ ಮಾಂಸರುಚಿರ್ವಾಸವಾಸಕ್ತಮಾನಸಾ ॥ 46 ॥
ಗಲಚ್ಛೋಣಿತಮುಣ್ಡಾಲಿಕಣ್ಠಮಾಲಾವಿಭೂಷಣಾ ।
ಶವಾಸನಾ ಚಿತಾನ್ತಸ್ಥಾ ಮಾಹೇಶೀ ವೃಷವಾಹಿನೀ ॥ 47 ॥
ವ್ಯಾಘ್ರತ್ವಗಮ್ಬರಾ ಚೀನಚೇಲಿನೀ ಸಿಂಹವಾಹಿನೀ ।
ವಾಮದೇವೀ ಮಹಾದೇವೀ ಗೌರೀ ಸರ್ವಜ್ಞಭಾವಿನೀ ॥ 48 ॥
ಬಾಲಿಕಾ ತರುಣೀ ವೃದ್ಧಾ ವೃದ್ಧಮಾತಾ ಜರಾತುರಾ ।
ಸುಭ್ರುರ್ವಿಲಾಸಿನೀ ಬ್ರಹ್ಮವಾದಿನೀ ಬ್ರಾಹ್ಮಣೀ ಮಹೀ ॥ 49 ॥
ಸ್ವಪ್ನವತೀ ಚಿತ್ರಲೇಖಾ ಲೋಪಾಮುದ್ರಾ ಸುರೇಶ್ವರೀ ।
ಅಮೋಘಾಽರುನ್ಧತೀ ತೀಕ್ಷ್ಣಾ ಭೋಗವತ್ಯನುವಾದಿನೀ ॥ 50 ॥
ಮನ್ದಾಕಿನೀ ಮನ್ದಹಾಸಾ ಜ್ವಾಲಾಮುಖ್ಯಸುರಾನ್ತಕಾ ।
ಮಾನದಾ ಮಾನಿನೀ ಮಾನ್ಯಾ ಮಾನನೀಯಾ ಮದೋದ್ಧತಾ ॥ 51 ॥
ಮದಿರಾ ಮದಿರಾನ್ಮಾದಾ ಮೇಧ್ಯಾ ನವ್ಯಾ ಪ್ರಸಾದಿನೀ ।
ಸುಮಧ್ಯಾಽನನ್ತಗುಣಿನೀ ಸರ್ವಲೋಕೋತ್ತಮೋತ್ತಮಾ ॥ 52 ॥
ಜಯದಾ ಜಿತ್ವರಾ ಜೈತ್ರೀ ಜಯಶ್ರೀರ್ಜಯಶಾಲಿನೀ ।
ಸುಖದಾ ಶುಭದಾ ಸತ್ಯಾ ಸಭಾಸಙ್ಕ್ಷೋಭಕಾರಿಣೀ ॥ 53 ॥
ಶಿವದೂತೀ ಭೂತಿಮತೀ ವಿಭೂತಿರ್ಭೀಷಣಾನನಾ ।
ಕೌಮಾರೀ ಕುಲಜಾ ಕುನ್ತೀ ಕುಲಸ್ತ್ರೀ ಕುಲಪಾಲಿಕಾ ॥ 54 ॥
ಕೀರ್ತಿರ್ಯಶಸ್ವಿನೀ ಭೂಷಾ ಭೂಷ್ಯಾ ಭೂತಪತಿಪ್ರಿಯಾ ।
ಸಗುಣಾ ನಿರ್ಗುಣಾ ಧೃಷ್ಟಾ ನಿಷ್ಠಾ ಕಾಷ್ಠಾ ಪ್ರತಿಷ್ಠಿತಾ ॥ 55 ॥
ಧನಿಷ್ಠಾ ಧನದಾ ಧನ್ಯಾ ವಸುಧಾ ಸ್ವಪ್ರಕಾಶಿನೀ ।
ಉರ್ವೀ ಗುರ್ವೀ ಗುರುಶ್ರೇಷ್ಠಾ ಸಗುಣಾ ತ್ರಿಗುಣಾತ್ಮಿಕಾ ॥ 56 ॥
ಮಹಾಕುಲೀನಾ ನಿಷ್ಕಾಮಾ ಸಕಾಮಾ ಕಾಮಜೀವನಾ ।
ಕಾಮದೇವಕಲಾ ರಾಮಾಽಭಿರಾಮಾ ಶಿವನರ್ತಕೀ ॥ 57 ॥
ಚಿನ್ತಾಮಣಿಃ ಕಲ್ಪಲತಾ ಜಾಗ್ರತೀ ದೀನವತ್ಸಲಾ ।
ಕಾರ್ತಿಕೀ ಕೀರ್ತಿಕಾ ಕೃತ್ಯಾ ಅಯೋಧ್ಯಾ ವಿಷಮಾ ಸಮಾ ॥ 58 ॥
ಸುಮನ್ತ್ರಾ ಮನ್ತ್ರಿಣೀ ಘೂರ್ಣಾ ಹ್ಲಾದಿನೀ ಕ್ಲೇಶನಾಶಿನೀ ।
ತ್ರೈಲೋಕ್ಯಜನನೀ ಹೃಷ್ಟಾ ನಿರ್ಮಾಂಸಾ ಮನೋರೂಪಿಣೀ ॥ 59 ॥
ತಡಾಗನಿಮ್ನಜಠರಾ ಶುಷ್ಕಮಾಂಸಾಸ್ಥಿಮಾಲಿನೀ ।
ಅವನ್ತೀ ಮಥುರಾ ಮಾಯಾ ತ್ರೈಲೋಕ್ಯಪಾವನೀಶ್ವರೀ ॥ 60 ॥
ವ್ಯಕ್ತಾಽವ್ಯಕ್ತಾಽನೇಕಮೂರ್ತಿಃ ಶರ್ವರೀ ಭೀಮನಾದಿನೀ ।
ಕ್ಷೇಮಙ್ಕರೀ ಶಙ್ಕರೀ ಚ ಸರ್ವಸಮ್ಮೋಹಕಾರಿಣೀ ॥ 61 ॥
ಊರ್ಧ್ವತೇಜಸ್ವಿನೀ ಕ್ಲಿನ್ನಾ ಮಹಾತೇಜಸ್ವಿನೀ ತಥಾ ।
ಅದ್ವೈತಾ ಭೋಗಿನೀ ಪೂಜ್ಯಾ ಯುವತೀ ಸರ್ವಮಙ್ಗಲಾ ॥ 62 ॥
ಸರ್ವಪ್ರಿಯಙ್ಕರೀ ಭೋಗ್ಯಾ ಧರಣೀ ಪಿಶಿತಾಶನಾ ।
ಭಯಙ್ಕರೀ ಪಾಪಹರಾ ನಿಷ್ಕಲಙ್ಕಾ ವಶಙ್ಕರೀ ॥ 63 ॥
ಆಶಾ ತೃಷ್ಣಾ ಚನ್ದ್ರಕಲಾ ನಿದ್ರಾನ್ಯಾ ವಾಯುವೇಗಿನೀ ।
ಸಹಸ್ರಸೂರ್ಯಸಙ್ಕಾಶಾ ಚನ್ದ್ರಕೋಟಿಸಮಪ್ರಭಾ ॥ 64 ॥
ವಹ್ನಿಮಣ್ಡಲಸಂಸ್ಥಾ ಚ ಸರ್ವತತ್ತ್ವಪ್ರತಿಷ್ಠಿತಾ ।
ಸರ್ವಾಚಾರವತೀ ಸರ್ವದೇವಕನ್ಯಾಧಿದೇವತಾ ॥ 65 ॥
ದಕ್ಷಕನ್ಯಾ ದಕ್ಷಯಜ್ಞನಾಶಿನೀ ದುರ್ಗತಾರಿಕಾ ।
ಇಜ್ಯಾ ಪೂಜ್ಯಾ ವಿಭಾ ಭೂತಿಃ ಸತ್ಕೀರ್ತಿರ್ಬ್ರಹ್ಮರೂಪಿಣೀ ॥ 66 ॥
ರಮ್ಭೋರುಶ್ಚತುರಾ ರಾಕಾ ಜಯನ್ತೀ ಕರುಣಾ ಕುಹುಃ ।
ಮನಸ್ವಿನೀ ದೇವಮಾತಾ ಯಶಸ್ಯಾ ಬ್ರಹ್ಮಚಾರಿಣೀ ॥ 67 ॥
ಋದ್ಧಿದಾ ವೃದ್ಧಿದಾ ವೃದ್ಧಿಃ ಸರ್ವಾದ್ಯಾ ಸರ್ವದಾಯಿನೀ ।
ಆಧಾರರೂಪಿಣೀ ಧ್ಯೇಯಾ ಮೂಲಾಧಾರನಿವಾಸಿನೀ ॥ 68 ॥
ಅಜ್ಞಾ ಪ್ರಜ್ಞಾ ಪೂರ್ಣಮನಾಶ್ಚನ್ದ್ರಮುಖ್ಯನುಕೂಲಿನೀ ।
ವಾವದೂಕಾ ನಿಮ್ನನಾಭಿಃ ಸತ್ಯಾ ಸನ್ಧ್ಯಾ ದೃಢವ್ರತಾ ॥ 69 ॥
ಆನ್ವೀಕ್ಷಿಕೀ ದಣ್ಡನೀತಿಸ್ತ್ರಯೀ ತ್ರಿದಿವಸುನ್ದರೀ ।
ಜ್ವಲಿನೀ ಜ್ವಾಲಿನೀ ಶೈಲತನಯಾ ವಿನ್ಧ್ಯವಾಸಿನೀ ॥ 70 ॥
ಅಮೇಯಾ ಖೇಚರೀ ಧೈರ್ಯಾ ತುರೀಯಾ ವಿಮಲಾಽಽತುರಾ ।
ಪ್ರಗಲ್ಭಾ ವಾರುಣೀ ಛಾಯಾ ಶಶಿನೀ ವಿಸ್ಫುಲಿಙ್ಗಿನೀ ॥ 71 ॥
ಭುಕ್ತಿಃ ಸಿದ್ಧಿಃ ಸದಾಪ್ರಾಪ್ತಿಃ ಪ್ರಾಕಾಮ್ಯಾ ಮಹಿಮಾಽಣಿಮಾ ।
ಇಚ್ಛಾಸಿದ್ಧಿರ್ವಿಸಿದ್ಧಾ ಚ ವಶಿತ್ವೋರ್ಧ್ವನಿವಾಸಿನೀ ॥ 72 ॥
ಲಘಿಮಾ ಚೈವ ಗಾಯತ್ರೀ ಸಾವಿತ್ರೀ ಭುವನೇಶ್ವರೀ ।
ಮನೋಹರಾ ಚಿತಾ ದಿವ್ಯಾ ದೇವ್ಯುದಾರಾ ಮನೋರಮಾ ॥ 73 ॥
ಪಿಙ್ಗಲಾ ಕಪಿಲಾ ಜಿಹ್ವಾರಸಜ್ಞಾ ರಸಿಕಾ ರಸಾ ।
ಸುಷುಮ್ನೇಡಾ ಭೋಗವತೀ ಗಾನ್ಧಾರೀ ನರಕಾನ್ತಕಾ ॥ 74 ॥
ಪಾಞ್ಚಾಲೀ ರುಕ್ಮಿಣೀ ರಾಧಾರಾಧ್ಯಾ ಭೀಮಾಧಿರಾಧಿಕಾ ।
ಅಮೃತಾ ತುಲಸೀ ವೃನ್ದಾ ಕೈಟಭೀ ಕಪಟೇಶ್ವರೀ ॥ 75 ॥
ಉಗ್ರಚಣ್ಡೇಶ್ವರೀ ವೀರಾ ಜನನೀ ವೀರಸುನ್ದರೀ ।
ಉಗ್ರತಾರಾ ಯಶೋದಾಖ್ಯಾ ದೈವಕೀ ದೇವಮಾನಿತಾ ॥ 76 ॥
ನಿರಞ್ಜನಾ ಚಿತ್ರದೇವೀ ಕ್ರೋಧಿನೀ ಕುಲದೀಪಿಕಾ ।
ಕುಲವಾಗೀಶ್ವರೀ ವಾಣೀ ಮಾತೃಕಾ ದ್ರಾವಿಣೀ ದ್ರವಾ ॥ 77 ॥
ಯೋಗೇಶ್ವರೀ ಮಹಾಮಾರೀ ಭ್ರಾಮರೀ ಬಿನ್ದುರೂಪಿಣೀ ।
ದೂತೀ ಪ್ರಾಣೇಶ್ವರೀ ಗುಪ್ತಾ ಬಹುಲಾ ಚಮರೀ ಪ್ರಭಾ ॥ 78 ॥
ಕುಬ್ಜಿಕಾ ಜ್ಞಾನಿನೀ ಜ್ಯೇಷ್ಠಾ ಭುಶುಣ್ಡೀ ಪ್ರಕಟಾ ತಿಥಿಃ ।
ದ್ರವಿಣೀ ಗೋಪನೀ ಮಾಯಾ ಕಾಮಬೀಜೇಶ್ವರೀ ಕ್ರಿಯಾ ॥ 79 ॥
ಶಾಮ್ಭವೀ ಕೇಕರಾ ಮೇನಾ ಮೂಷಲಾಸ್ತ್ರಾ ತಿಲೋತ್ತಮಾ ।
ಅಮೇಯವಿಕ್ರಮಾ ಕ್ರೂರಾ ಸಮ್ಪತ್ಶಾಲಾ ತ್ರಿಲೋಚನಾ ॥ 80 ॥
ಸ್ವಸ್ತಿರ್ಹವ್ಯವಹಾ ಪ್ರೀತಿರುಷ್ಮಾ ಧೂಮ್ರಾರ್ಚಿರಙ್ಗದಾ ।
ತಪಿನೀ ತಾಪಿನೀ ವಿಶ್ವಾ ಭೋಗದಾ ಧಾರಿಣೀ ಧರಾ ॥ 81 ॥
ತ್ರಿಖಣ್ಡಾ ಬೋಧಿನೀ ವಶ್ಯಾ ಸಕಲಾ ಶಬ್ದರೂಪಿಣೀ ।
ಬೀಜರೂಪಾ ಮಹಾಮುದ್ರಾ ಯೋಗಿನೀ ಯೋನಿರೂಪಿಣೀ ॥ 82 ॥
ಅನಙ್ಗಕುಸುಮಾಽನಙ್ಗಮೇಖಲಾಽನಙ್ಗರೂಪಿಣೀ ।
ವಜ್ರೇಶ್ವರೀ ಚ ಜಯಿನೀ ಸರ್ವದ್ವನ್ದ್ವಕ್ಷಯಙ್ಕರೀ ॥ 83 ॥
ಷಡಙ್ಗಯುವತೀ ಯೋಗಯುಕ್ತಾ ಜ್ವಾಲಾಂಶುಮಾಲಿನೀ ।
ದುರಾಶಯಾ ದುರಾಧಾರಾ ದುರ್ಜಯಾ ದುರ್ಗರೂಪಿಣೀ ॥ 84 ॥
ದುರನ್ತಾ ದುಷ್ಕೃತಿಹರಾ ದುರ್ಧ್ಯೇಯಾ ದುರತಿಕ್ರಮಾ ।
ಹಂಸೇಶ್ವರೀ ತ್ರಿಕೋಣಸ್ಥಾ ಶಾಕಮ್ಭರ್ಯನುಕಮ್ಪಿನೀ ॥ 85 ॥
ತ್ರಿಕೋಣನಿಲಯಾ ನಿತ್ಯಾ ಪರಮಾಮೃತರಞ್ಜಿತಾ ।
ಮಹಾವಿದ್ಯೇಶ್ವರೀ ಶ್ವೇತಾ ಭೇರುಣ್ಡಾ ಕುಲಸುನ್ದರೀ ॥ 86 ॥
ತ್ವರಿತಾ ಭಕ್ತಿಸಂಸಕ್ತಾ ಭಕ್ತವಶ್ಯಾ ಸನಾತನೀ ।
ಭಕ್ತಾನನ್ದಮಯೀ ಭಕ್ತಭಾವಿಕಾ ಭಕ್ತಶಙ್ಕರೀ ॥ 87 ॥
ಸರ್ವಸೌನ್ದರ್ಯನಿಲಯಾ ಸರ್ವಸೌಭಾಗ್ಯಶಾಲಿನೀ ।
ಸರ್ವಸಮ್ಭೋಗಭವನಾ ಸರ್ವಸೌಖ್ಯನಿರೂಪಿಣೀ ॥ 88 ॥
ಕುಮಾರೀಪೂಜನರತಾ ಕುಮಾರೀವ್ರತಚಾರಿಣೀ ।
ಕುಮಾರೀಭಕ್ತಿಸುಖಿನೀ ಕುಮಾರೀರೂಪಧಾರಿಣೀ ॥ 89 ॥
ಕುಮಾರೀಪೂಜಕಪ್ರೀತಾ ಕುಮಾರೀಪ್ರೀತಿದಾ ಪ್ರಿಯಾ ।
ಕುಮಾರೀಸೇವಕಾಸಙ್ಗಾ ಕುಮಾರೀಸೇವಕಾಲಯಾ ॥ 90 ॥
ಆನನ್ದಭೈರವೀ ಬಾಲಭೈರವೀ ಬಟುಭೈರವೀ ।
ಶ್ಮಶಾನಭೈರವೀ ಕಾಲಭೈರವೀ ಪುರಭೈರವೀ ॥ 91 ॥
ಮಹಾಭೈರವಪತ್ನೀ ಚ ಪರಮಾನನ್ದಭೈರವೀ ।
ಸುಧಾನನ್ದಭೈರವೀ ಚ ಉನ್ಮಾದಾನನ್ದಭೈರವೀ ॥ 92 ॥
ಮುಕ್ತಾನನ್ದಭೈರವೀ ಚ ತಥಾ ತರುಣಭೈರವೀ ।
ಜ್ಞಾನಾನನ್ದಭೈರವೀ ಚ ಅಮೃತಾನನ್ದಭೈರವೀ ॥ 93 ॥
ಮಹಾಭಯಙ್ಕರೀ ತೀವ್ರಾ ತೀವ್ರವೇಗಾ ತಪಸ್ವಿನೀ ।
ತ್ರಿಪುರಾ ಪರಮೇಶಾನೀ ಸುನ್ದರೀ ಪುರಸುನ್ದರೀ ॥ 94 ॥
ತ್ರಿಪುರೇಶೀ ಪಞ್ಚದಶೀ ಪಞ್ಚಮೀ ಪುರವಾಸಿನೀ ।
ಮಹಾಸಪ್ತದಶೀ ಚೈವ ಷೋಡಶೀ ತ್ರಿಪುರೇಶ್ವರೀ ॥ 95 ॥
ಮಹಾಙ್ಕುಶಸ್ವರೂಪಾ ಚ ಮಹಾಚಕ್ರೇಶ್ವರೀ ತಥಾ ।
ನವಚಕ್ರೇಶ್ವರೀ ಚಕ್ರೇಶ್ವರೀ ತ್ರಿಪುರಮಾಲಿನೀ ॥ 96 ॥
ರಾಜರಾಜೇಶ್ವರೀ ಧೀರಾ ಮಹಾತ್ರಿಪುರಸುನ್ದರೀ ।
ಸಿನ್ದೂರಪೂರರುಚಿರಾ ಶ್ರೀಮತ್ತ್ರಿಪುರಸುನ್ದರೀ ॥ 97 ॥
ಸರ್ವಾಙ್ಗಸುನ್ದರೀ ರಕ್ತಾರಕ್ತವಸ್ತ್ರೋತ್ತರೀಯಿಣೀ ।
ಜವಾಯಾವಕಸಿನ್ದೂರರಕ್ತಚನ್ದನಧಾರಿಣೀ ॥ 98 ॥
ಜವಾಯಾವಕಸಿನ್ದೂರರಕ್ತಚನ್ದನರೂಪಧೃಕ್ ।
ಚಾಮರೀ ಬಾಲಕುಟಿಲನಿರ್ಮಲಾ ಶ್ಯಾಮಕೇಶಿನೀ ॥ 99 ॥
ವಜ್ರಮೌಕ್ತಿಕರತ್ನಾಢ್ಯಾ ಕಿರೀಟಮುಕುಟೋಜ್ಜ್ವಲಾ ।
ರತ್ನಕುಣ್ಡಲಸಂಯುಕ್ತಸ್ಫುರದ್ಗಣ್ಡಮನೋರಮಾ ॥ 100 ॥
ಕುಞ್ಜರೇಶ್ವರಕುಮ್ಭೋತ್ಥಮುಕ್ತಾರಞ್ಜಿತನಾಸಿಕಾ ।
ಮುಕ್ತಾವಿದ್ರುಮಮಾಣಿಕ್ಯಹಾರಾಢ್ಯಸ್ತನಮಣ್ಡಲಾ ॥ 101 ॥
ಸೂರ್ಯಕಾನ್ತೇನ್ದುಕಾನ್ತಾಢ್ಯಸ್ಪರ್ಶಾಶ್ಮಕಣ್ಠಭೂಷಣಾ ।
ಬೀಜಪೂರಸ್ಫುರದ್ಬೀಜದನ್ತಪಙ್ಕ್ತಿರನುತ್ತಮಾ ॥ 102 ॥
ಕಾಮಕೋದಣ್ಡಕಾಭುಗ್ನಭ್ರೂಕಟಾಕ್ಷಪ್ರವರ್ಷಿಣೀ ।
ಮಾತಙ್ಗಕುಮ್ಭವಕ್ಷೋಜಾ ಲಸತ್ಕೋಕನದೇಕ್ಷಣಾ ॥ 103 ॥
ಮನೋಜ್ಞಶಷ್ಕುಲೀಕರ್ಣಾ ಹಂಸೀಗತಿವಿಡಮ್ಬಿನೀ ।
ಪದ್ಮರಾಗಾಙ್ಗದಜ್ಯೋತಿರ್ದೋಶ್ಚತುಷ್ಕಪ್ರಕಾಶಿನೀ ॥ 104 ॥
ನಾನಾಮಣಿಪರಿಸ್ಫೂರ್ಜಚ್ಛುದ್ಧಕಾಞ್ಚನಕಙ್ಕಣಾ ।
ನಾಗೇನ್ದ್ರದನ್ತನಿರ್ಮಾಣವಲಯಾಙ್ಕಿತಪಾಣಿನೀ ॥ 105 ॥
ಅಙ್ಗುರೀಯಕಚಿತ್ರಾಙ್ಗೀ ವಿಚಿತ್ರಕ್ಷುದ್ರಘಣ್ಟಿಕಾ ।
ಪಟ್ಟಾಮ್ಬರಪರೀಧಾನಾ ಕಲಮಞ್ಜೀರಶಿಞ್ಜಿನೀ ॥ 106 ॥
ಕರ್ಪೂರಾಗರುಕಸ್ತೂರೀಕುಙ್ಕುಮದ್ರವಲೇಪಿತಾ ।
ವಿಚಿತ್ರರತ್ನಪೃಥಿವೀಕಲ್ಪಶಾಖಿತಲಸ್ಥಿತಾ ॥ 107 ॥
ರತ್ನದ್ವೀಪಸ್ಫುರದ್ರತ್ನಸಿಂಹಾಸನವಿಲಾಸಿನೀ ।
ಷಟ್ಚಕ್ರಭೇದನಕರೀ ಪರಮಾನನ್ದರೂಪಿಣೀ ॥ 108 ॥
ಸಹಸ್ರದಲಪದ್ಮಾನ್ತಶ್ಚನ್ದ್ರಮಣ್ಡಲವರ್ತಿನೀ ।
ಬ್ರಹ್ಮರೂಪಾ ಶಿವಕ್ರೋಡಾ ನಾನಾಸುಖವಿಲಾಸಿನೀ ॥ 109 ॥
ಹರವಿಷ್ಣುವಿರಿಞ್ಚೀನ್ದ್ರಗ್ರಹನಾಯಕಸೇವಿತಾ ।
ಶಿವಾ ಶೈವಾ ಚ ರುದ್ರಾಣೀ ತಥೈವ ಶಿವವಾದಿನೀ ॥ 110 ॥
ಮಾತಙ್ಗಿನೀ ಶ್ರೀಮತೀ ಚ ತಥೈವಾನಙ್ಗಮೇಖಲಾ ।
ಡಾಕಿನೀ ಯೋಗಿನೀ ಚೈವ ತಥೋಪಯೋಗಿನೀ ಮತಾ ॥ 111 ॥
ಮಾಹೇಶ್ವರೀ ವೈಷ್ಣವೀ ಚ ಭ್ರಾಮರೀ ಶಿವರೂಪಿಣೀ ।
ಅಲಮ್ಬುಷಾ ವೇಗವತೀ ಕ್ರೋಧರೂಪಾ ಸುಮೇಖಲಾ ॥ 112 ॥
ಗಾನ್ಧಾರೀ ಹಸ್ತಜಿಹ್ವಾ ಚ ಇಡಾ ಚೈವ ಶುಭಙ್ಕರೀ ।
ಪಿಙ್ಗಲಾ ಬ್ರಹ್ಮದೂತೀ ಚ ಸುಷುಮ್ನಾ ಚೈವ ಗನ್ಧಿನೀ ॥ 113 ॥
ಆತ್ಮಯೋನಿರ್ಬ್ರಹ್ಮಯೋನಿರ್ಜಗದ್ಯೋನಿರಯೋನಿಜಾ ।
ಭಗರೂಪಾ ಭಗಸ್ಥಾತ್ರೀ ಭಗಿನೀ ಭಗರೂಪಿಣೀ ॥ 114 ॥
ಭಗಾತ್ಮಿಕಾ ಭಗಾಧಾರರೂಪಿಣೀ ಭಗಮಾಲಿನೀ ।
ಲಿಙ್ಗಾಖ್ಯಾ ಚೈವ ಲಿಙ್ಗೇಶೀ ತ್ರಿಪುರಾ ಭೈರವೀ ತಥಾ ॥ 115 ॥
ಲಿಙ್ಗಗೀತಿಃ ಸುಗೀತಿಶ್ಚ ಲಿಙ್ಗಸ್ಥಾ ಲಿಙ್ಗರೂಪಧೃಕ್ ।
ಲಿಙ್ಗಮಾನಾ ಲಿಙ್ಗಭವಾ ಲಿಙ್ಗಲಿಙ್ಗಾ ಚ ಪಾರ್ವತೀ ॥ 116 ॥
ಭಗವತೀ ಕೌಶಿಕೀ ಚ ಪ್ರೇಮಾ ಚೈವ ಪ್ರಿಯಂವದಾ ।
ಗೃಧ್ರರೂಪಾ ಶಿವಾರೂಪಾ ಚಕ್ರಿಣೀ ಚಕ್ರರೂಪಧೃಕ್ ॥ 117 ॥
ಲಿಙ್ಗಾಭಿಧಾಯಿನೀ ಲಿಙ್ಗಪ್ರಿಯಾ ಲಿಙ್ಗನಿವಾಸಿನೀ ।
ಲಿಙ್ಗಸ್ಥಾ ಲಿಙ್ಗನೀ ಲಿಙ್ಗರೂಪಿಣೀ ಲಿಙ್ಗಸುನ್ದರೀ ॥ 118 ॥
ಲಿಙ್ಗಗೀತಿರ್ಮಹಾಪ್ರೀತಾ ಭಗಗೀತಿರ್ಮಹಾಸುಖಾ ।
ಲಿಙ್ಗನಾಮಸದಾನನ್ದಾ ಭಗನಾಮಸದಾಗತಿಃ ॥ 119 ॥
ಲಿಙ್ಗಮಾಲಾಕಣ್ಠಭೂಷಾ ಭಗಮಾಲಾವಿಭೂಷಣಾ ।
ಭಗಲಿಙ್ಗಾಮೃತಪ್ರೀತಾ ಭಗಲಿಙ್ಗಸ್ವರೂಪಿಣೀ ॥ 120 ॥
ಭಗಲಿಙ್ಗಸ್ಯ ರೂಪಾ ಚ ಭಗಲಿಙ್ಗಸುಖಾವಹಾ ।
ಸ್ವಯಮ್ಭೂಕುಸುಮಪ್ರೀತಾ ಸ್ವಯಮ್ಭೂಕುಸುಮಾರ್ಚಿತಾ ॥ 121 ॥
ಸ್ವಯಮ್ಭೂಕುಸುಮಪ್ರಾಣಾ ಸ್ವಯಮ್ಭೂಪುಷ್ಪತರ್ಪಿತಾ ।
ಸ್ವಯಮ್ಭೂಪುಷ್ಪಘಟಿತಾ ಸ್ವಯಮ್ಭೂಪುಷ್ಪಧಾರಿಣೀ ॥ 122 ॥
ಸ್ವಯಮ್ಭೂಪುಷ್ಪತಿಲಕಾ ಸ್ವಯಮ್ಭೂಪುಷ್ಪಚರ್ಚಿತಾ ।
ಸ್ವಯಮ್ಭೂಪುಷ್ಪನಿರತಾ ಸ್ವಯಮ್ಭೂಕುಸುಮಗ್ರಹಾ ॥ 123 ॥
ಸ್ವಯಮ್ಭೂಪುಷ್ಪಯಜ್ಞಾಂಶಾ ಸ್ವಯಮ್ಭೂಕುಸುಮಾತ್ಮಿಕಾ ।
ಸ್ವಯಮ್ಭೂಪುಷ್ಪನಿಚಿತಾ ಸ್ವಯಮ್ಭೂಕುಸುಮಪ್ರಿಯಾ ॥ 124 ॥
ಸ್ವಯಮ್ಭೂಕುಸುಮಾದಾನಲಾಲಸೋನ್ಮತ್ತಮಾನಸಾ ।
ಸ್ವಯಮ್ಭೂಕುಸುಮಾನನ್ದಲಹರೀಸ್ನಿಗ್ಧದೇಹಿನೀ ॥ 125 ॥
ಸ್ವಯಮ್ಭೂಕುಸುಮಾಧಾರಾ ಸ್ವಯಮ್ಭೂಕುಸುಮಾಕುಲಾ ।
ಸ್ವಯಮ್ಭೂಪುಷ್ಪನಿಲಯಾ ಸ್ವಯಮ್ಭೂಪುಷ್ಪವಾಸಿನೀ ॥ 126 ॥
ಸ್ವಯಮ್ಭೂಕುಸುಮಸ್ನಿಗ್ಧಾ ಸ್ವಯಮ್ಭೂಕುಸುಮಾತ್ಮಿಕಾ ।
ಸ್ವಯಮ್ಭೂಪುಷ್ಪಕರಿಣೀ ಸ್ವಯಮ್ಭೂಪುಷ್ಪವಾಣಿಕಾ ॥ 127 ॥
ಸ್ವಯಮ್ಭೂಕುಸುಮಧ್ಯಾನಾ ಸ್ವಯಮ್ಭೂಕುಸುಮಪ್ರಭಾ ।
ಸ್ವಯಮ್ಭೂಕುಸುಮಜ್ಞಾನಾ ಸ್ವಯಮ್ಭೂಪುಷ್ಪಭಾಗಿನೀ ॥ 128 ॥
ಸ್ವಯಮ್ಭೂಕುಸುಮೋಲ್ಲಾಸಾ ಸ್ವಯಮ್ಭೂಪುಷ್ಪವರ್ಷಿಣೀ ।
ಸ್ವಯಮ್ಭೂಕುಸುಮೋತ್ಸಾಹಾ ಸ್ವಯಮ್ಭೂಪುಷ್ಪರೂಪಿಣೀ ॥ 129 ॥
ಸ್ವಯಮ್ಭೂಕುಸುಮೋನ್ಮಾದಾ ಸ್ವಯಮ್ಭೂಪುಷ್ಪಸುನ್ದರೀ ।
ಸ್ವಯಮ್ಭೂಕುಸುಮಾರಾಧ್ಯಾ ಸ್ವಯಮ್ಭೂಕುಸುಮೋದ್ಭವಾ ॥ 130 ॥
ಸ್ವಯಮ್ಭೂಕುಸುಮಾವ್ಯಗ್ರಾ ಸ್ವಯಮ್ಭೂಪುಷ್ಪಪೂರ್ಣಿತಾ ।
ಸ್ವಯಮ್ಭೂಪೂಜಕಪ್ರಾಜ್ಞಾ ಸ್ವಯಮ್ಭೂಹೋತೃಮಾತೃಕಾ ॥ 131 ॥
ಸ್ವಯಮ್ಭೂದಾತೃರಕ್ಷಿತ್ರೀ ಸ್ವಯಮ್ಭೂರಕ್ತತಾರಿಕಾ ।
ಸ್ವಯಮ್ಭೂಪೂಜಕಗ್ರಸ್ತಾ ಸ್ವಯಮ್ಭೂಪೂಜಕಪ್ರಿಯಾ ॥ 132 ॥
ಸ್ವಯಮ್ಭೂವನ್ದಕಾಧಾರಾ ಸ್ವಯಮ್ಭೂನಿನ್ದಕಾನ್ತಕಾ ।
ಸ್ವಯಮ್ಭೂಪ್ರದಸರ್ವಸ್ವಾ ಸ್ವಯಮ್ಭೂಪ್ರದಪುತ್ರಿಣೀ ॥ 133 ॥
ಸ್ವಯಮ್ಭೂಪ್ರದಸಸ್ಮೇರಾ ಸ್ವಯಮ್ಭೂತಶರೀರಿಣೀ ।
ಸರ್ವಕಾಲೋದ್ಭವಪ್ರೀತಾ ಸರ್ವಕಾಲೋದ್ಭವಾತ್ಮಿಕಾ ॥ 134 ॥
ಸರ್ವಕಾಲೋದ್ಭವೋದ್ಭಾವಾ ಸರ್ವಕಾಲೋದ್ಭವೋದ್ಭವಾ ।
ಕುಣ್ಡಪುಷ್ಪಸದಾಪ್ರೀತಾ ಕುಣ್ಡಪುಷ್ಪಸದಾರತಿಃ ॥ 135 ॥
ಕುಣ್ಡಗೋಲೋದ್ಭವಪ್ರಾಣಾ ಕುಣ್ಡಗೋಲೋದ್ಭವಾತ್ಮಿಕಾ ।
ಸ್ವಯಮ್ಭೂರ್ವಾ ಶಿವಾ ಧಾತ್ರೀ ಪಾವನೀ ಲೋಕಪಾವನೀ ॥ 136 ॥
ಕೀರ್ತಿರ್ಯಶಸ್ವಿನೀ ಮೇಧಾ ವಿಮೇಧಾ ಶುಕ್ರಸುನ್ದರೀ ।
ಅಶ್ವಿನೀ ಕೃತ್ತಿಕಾ ಪುಷ್ಯಾ ತೇಜಸ್ಕಾ ಚನ್ದ್ರಮಣ್ಡಲಾ ॥ 137 ॥
ಸೂಕ್ಷ್ಮಾಽಸೂಕ್ಷ್ಮಾ ಬಲಾಕಾ ಚ ವರದಾ ಭಯನಾಶಿನೀ ।
ವರದಾಽಭಯದಾ ಚೈವ ಮುಕ್ತಿಬನ್ಧವಿನಾಶಿನೀ ॥ 138 ॥
ಕಾಮುಕಾ ಕಾಮದಾ ಕಾನ್ತಾ ಕಾಮಾಖ್ಯಾ ಕುಲಸುನ್ದರೀ ।
ದುಃಖದಾ ಸುಖದಾ ಮೋಕ್ಷಾ ಮೋಕ್ಷದಾರ್ಥಪ್ರಕಾಶಿನೀ ॥ 139 ॥
ದುಷ್ಟಾದುಷ್ಟಮತಿಶ್ಚೈವ ಸರ್ವಕಾರ್ಯವಿನಾಶಿನೀ ।
ಶುಕ್ರಾಧಾರಾ ಶುಕ್ರರೂಪಾ ಶುಕ್ರಸಿನ್ಧುನಿವಾಸಿನೀ ॥ 140 ॥
ಶುಕ್ರಾಲಯಾ ಶುಕ್ರಭೋಗಾ ಶುಕ್ರಪೂಜಾಸದಾರತಿಃ ।
ಶುಕ್ರಪೂಜ್ಯಾ ಶುಕ್ರಹೋಮಸನ್ತುಷ್ಟಾ ಶುಕ್ರವತ್ಸಲಾ ॥ 141 ॥
ಶುಕ್ರಮೂರ್ತಿಃ ಶುಕ್ರದೇಹಾ ಶುಕ್ರಪೂಜಕಪುತ್ರಿಣೀ ।
ಶುಕ್ರಸ್ಥಾ ಶುಕ್ರಿಣೀ ಶುಕ್ರಸಂಸ್ಪೃಹಾ ಶುಕ್ರಸುನ್ದರೀ ॥ 142 ॥
ಶುಕ್ರಸ್ನಾತಾ ಶುಕ್ರಕರೀ ಶುಕ್ರಸೇವ್ಯಾಽತಿಶುಕ್ರಿಣೀ ।
ಮಹಾಶುಕ್ರಾ ಶುಕ್ರಭವಾ ಶುಕ್ರವೃಷ್ಟಿವಿಧಾಯಿನೀ ॥ 143 ॥
ಶುಕ್ರಾಭಿಧೇಯಾ ಶುಕ್ರಾರ್ಹಾ ಶುಕ್ರವನ್ದಕವನ್ದಿತಾ ।
ಶುಕ್ರಾನನ್ದಕರೀ ಶುಕ್ರಸದಾನನ್ದಾಭಿಧಾಯಿಕಾ ॥ 144 ॥
ಶುಕ್ರೋತ್ಸವಾ ಸದಾಶುಕ್ರಪೂರ್ಣಾ ಶುಕ್ರಮನೋರಮಾ ।
ಶುಕ್ರಪೂಜಕಸರ್ವಸ್ವಾ ಶುಕ್ರನಿನ್ದಕನಾಶಿನೀ ॥ 145 ॥
ಶುಕ್ರಾತ್ಮಿಕಾ ಶುಕ್ರಸಂವತ್ ಶುಕ್ರಾಕರ್ಷಣಕಾರಿಣೀ ।
ಶಾರದಾ ಸಾಧಕಪ್ರಾಣಾ ಸಾಧಕಾಸಕ್ತಮಾನಸಾ ॥ 146 ॥
ಸಾಧಕೋತ್ತಮಸರ್ವಸ್ವಾ ಸಾಧಕಾಭಕ್ತರಕ್ತಪಾ ।
ಸಾಧಕಾನನ್ದಸನ್ತೋಷಾ ಸಾಧಕಾನನ್ದಕಾರಿಣೀ ॥ 147 ॥
ಆತ್ಮವಿದ್ಯಾ ಬ್ರಹ್ಮವಿದ್ಯಾ ಪರಬ್ರಹ್ಮಸ್ವರೂಪಿಣೀ ।
ತ್ರಿಕೂಟಸ್ಥಾ ಪಞ್ಚಕೂಟಾ ಸರ್ವಕೂಟಶರೀರಿಣೀ ॥ 148 ॥
ಸರ್ವವರ್ಣಮಯೀ ವರ್ಣಜಪಮಾಲಾವಿಧಾಯಿನೀ ।
ಇತಿ ಶ್ರೀಕಾಲಿಕಾನಾಮಸಹಸ್ರಂ ಶಿವಭಾಷಿತಮ್ ॥ 149 ॥
ಗುಹ್ಯಾದ್ಗುಹ್ಯತರಂ ಸಾಕ್ಷಾನ್ಮಹಾಪಾತಕನಾಶನಮ್ ।
ಪೂಜಾಕಾಲೇ ನಿಶೀಥೇ ಚ ಸನ್ಧ್ಯಯೋರುಭಯೋರಪಿ ॥ 150 ॥
ಲಭತೇ ಗಾಣಪತ್ಯಂ ಸ ಯಃ ಪಠೇತ್ ಸಾಧಕೋತ್ತಮಃ ।
ಯಃ ಪಠೇತ್ ಪಾಠಯೇದ್ವಾಪಿ ಶೃಣೋತಿ ಶ್ರಾವಯೇದಪಿ ॥ 151 ॥
ಸರ್ವಪಾಪವಿನಿರ್ಮುಕ್ತಃ ಸ ಯಾತಿ ಕಾಲಿಕಾಪುರಮ್ ।
ಶ್ರದ್ಧಯಾಽಶ್ರದ್ಧಯಾ ವಾಪಿ ಯಃ ಕಶ್ಚಿನ್ಮಾನವಃ ಸ್ಮರೇತ್ ॥ 152 ॥
ದುರ್ಗಂ ದುರ್ಗಶತಂ ತೀರ್ತ್ವಾ ಸ ಯಾತಿ ಪರಮಾಙ್ಗತಿಮ್ ।
ವನ್ಧ್ಯಾ ವಾ ಕಾಕವನ್ಧ್ಯಾ ವಾ ಮೃತವತ್ಸಾ ಚ ಯಾಙ್ಗನಾ ॥ 153 ॥
ಶ್ರುತ್ವಾ ಸ್ತೋತ್ರಮಿದಂ ಪುತ್ರಾನ್ ಲಭತೇ ಚಿರಜೀವಿನಃ ।
ಯಂ ಯಂ ಕಾಮಯತೇ ಕಾಮಂ ಪಠನ್ ಸ್ತೋತ್ರಮನುತ್ತಮಮ್ ।
ದೇವೀಪಾದಪ್ರಸಾದೇನ ತತ್ತದಾಪ್ನೋತಿ ನಿಶ್ಚಿತಮ್ ॥ 154 ॥
ಇತಿ ಶ್ರೀಕಾಲಿಕಾಕುಲಸರ್ವಸ್ವೇ ಹರಪರಶುರಾಮಸಂವಾದೇ ಶ್ರೀ ಕಾಲಿಕಾ ಸಹಸ್ರನಾಮ ಸ್ತೋತ್ರಮ್ ।
Roman (IAST) Transliteration
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
Sanskrit — Devanagari (original)
श्री शिव उवाच ।
कथितोऽयं महामन्त्रः सर्वमन्त्रोत्तमोत्तमः ।
यामासाद्य मया प्राप्तमैश्वर्यपदमुत्तमम् ॥ 1 ॥
संयुक्तः परया भक्त्या यथोक्त विधिना भवान् ।
कुरुतामर्चनं देव्यास्त्रैलोक्यविजिगीषया ॥ 2 ॥
श्रीपरशुराम उवाच ।
प्रसन्नो यदि मे देव परमेश पुरातन ।
रहस्यं परमं देव्याः कृपया कथय प्रभो ॥ 3 ॥
विनार्चनं विना होमं विना न्यासं विना बलिम् ।
विना गन्धं विना पुष्पं विना नित्योदितां क्रियाम् ॥ 4 ॥
प्राणायामं विना ध्यानं विना भूतविशोधनम् ।
विना दानं विना जापं येन काली प्रसीदति ॥ 5 ॥
श्री शिव उवाच ।
पृष्टं त्वयोत्तमं प्राज्ञ भृगुवंश समुद्भव ।
भक्तानामपि भक्तोऽसि त्वमेव साधयिष्यसि ॥ 6 ॥
देवीं दानवकोटिघ्नीं लीलया रुधिरप्रियाम् ।
सदा स्तोत्रप्रियामुग्रां कामकौतुकलालसाम् ॥ 7 ॥
सर्वदाऽऽनन्दहृदयामासवोत्सव मानसाम् ।
माध्वीक मत्स्यमांसानुरागिणीं वैष्णवीं पराम् ॥ 8 ॥
श्मशानवासिनीं प्रेतगणनृत्यमहोत्सवाम् ।
योगप्रभावां योगेशीं योगीन्द्रहृदयस्थिताम् ॥ 9 ॥
तामुग्रकालिकां राम प्रसीदयितुमर्हसि ।
तस्याः स्तोत्रं परं पुण्यं स्वयं काल्या प्रकाशितम् ॥ 10 ॥
तव तत् कथयिष्यामि श्रुत्वा वत्सावधारय ।
गोपनीयं प्रयत्नेन पठनीयं परात्परम् ॥ 11 ॥
यस्यैककालपठनात् सर्वे विघ्नाः समाकुलाः ।
नश्यन्ति दहने दीप्ते पतङ्गा इव सर्वतः ॥ 12 ॥
गद्यपद्यमयी वाणी तस्य गङ्गाप्रवाहवत् ।
तस्य दर्शनमात्रेण वादिनो निष्प्रभां गताः ॥ 13 ॥
तस्य हस्ते सदैवास्ति सर्वसिद्धिर्न संशयः ।
राजानोऽपि च दासत्वं भजन्ते किं परे जनाः ॥ 14 ॥
निशीथे मुक्तकेशस्तु नग्नः शक्तिसमाहितः ।
मनसा चिन्तयेत् कालीं महाकालेन चालिताम् ॥ 15 ॥
पठेत् सहस्रनामाख्यं स्तोत्रं मोक्षस्य साधनम् ।
प्रसन्ना कालिका तस्य पुत्रत्वेनानुकम्पते ॥ 16 ॥
यथा ब्रह्ममृतैर्ब्रह्मकुसुमैः पूजिता परा ।
प्रसीदति तथानेन स्तुता काली प्रसीदति ॥ 17 ॥
विनियोगः –
अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललाज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥
स्तोत्रम् –
श्मशानकालिका काली भद्रकाली कपालिनी ।
गुह्यकाली महाकाली कुरुकुल्ला विरोधिनी ॥ 1 ॥
कालिका कालरात्रिश्च महाकालनितम्बिनी ।
कालभैरवभार्या च कुलवर्त्मप्रकाशिनी ॥ 2 ॥
कामदा कामिनी कन्या कमनीयस्वरूपिणी ।
कस्तूरीरसलिप्ताङ्गी कुञ्जरेश्वरगामिनी ॥ 3 ॥
ककारवर्णसर्वाङ्गी कामिनी कामसुन्दरी ।
कामार्ता कामरूपा च कामधेनुः कलावती ॥ 4 ॥
कान्ता कामस्वरूपा च कामाख्या कुलकामिनी ।
कुलीना कुलवत्यम्बा दुर्गा दुर्गतिनाशिनी ॥ 5 ॥
कौमारी कलजा कृष्णा कृष्णदेहा कृशोदरी ।
कृशाङ्गी कुलिशाङ्गी च क्रीङ्कारी कमला कला ॥ 6 ॥
करालास्या कराली च कुलकान्ताऽपराजिता ।
उग्रा उग्रप्रभा दीप्ता विप्रचित्ता महाबला ॥ 7 ॥
नीला घना मेघनादा मात्रा मुद्रा मितामिता ।
ब्राह्मी नारायणी भद्रा सुभद्रा भक्तवत्सला ॥ 8 ॥
माहेश्वरी च चामुण्डा वाराही नारसिंहिका ।
वज्राङ्गी वज्रकङ्काली नृमुण्डस्रग्विणी शिवा ॥ 9 ॥
मालिनी नरमुण्डाली गलद्रक्तविभूषणा ।
रक्तचन्दनसिक्ताङ्गी सिन्दूरारुणमस्तका ॥ 10 ॥
घोररूपा घोरदंष्ट्रा घोराघोरतरा शुभा ।
महादंष्ट्रा महामाया सुदती युगदन्तुरा ॥ 11 ॥
सुलोचना विरूपाक्षी विशालाक्षी त्रिलोचना ।
शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥
अट्टहासप्रफुल्लास्या स्मेरवक्त्रा सुभाषिणी ।
प्रफुल्लपद्मवदना स्मितास्या प्रियभाषिणी ॥ 13 ॥
कोटराक्षी कुलश्रेष्ठा महती बहुभाषिणी ।
सुमतिः कुमतिश्चण्डा चण्डमुण्डातिवेगिनी ॥ 14 ॥
सुकेशी मुक्तकेशी च दीर्घकेशी महाकचा ।
प्रेतदेहाकर्णपूरा प्रेतपाणिसुमेखला ॥ 15 ॥
प्रेतासना प्रियप्रेता पुण्यदा कुलपण्डिता ।
पुण्यालया पुण्यदेहा पुण्यश्लोका च पावनी ॥ 16 ॥
पूता पवित्रा परमा परा पुण्यविभूषणा ।
पुण्यनाम्नी भीतिहरा वरदा खड्गपाणिनी ॥ 17 ॥
नृमुण्डहस्ता शान्ता च छिन्नमस्ता सुनासिका ।
दक्षिणा श्यामला श्यामा शान्ता पीनोन्नतस्तनी ॥ 18 ॥
दिगम्बरा घोररावा सृक्कान्तरक्तवाहिनी ।
घोररावा शिवासङ्गा निःसङ्गा मदनातुरा ॥ 19 ॥
मत्ता प्रमत्ता मदना सुधासिन्धुनिवासिनी ।
अतिमत्ता महामत्ता सर्वाकर्षणकारिणी ॥ 20 ॥
गीतप्रिया वाद्यरता प्रेतनृत्यपरायणा ।
चतुर्भुजा दशभुजा अष्टादशभुजा तथा ॥ 21 ॥
कात्यायनी जगन्माता जगती परमेश्वरी ।
जगद्बन्धुर्जगद्धात्री जगदानन्दकारिणी ॥ 22 ॥
जगज्जीववती हैमवती माया महालया ।
नागयज्ञोपवीताङ्गी नागिनी नागशायिनी ॥ 23 ॥
नागकन्या देवकन्या गान्धारी किन्नरी सुरी ।
मोहरात्री महारात्री दारुणामासुरासुरी ॥ 24 ॥
विद्याधरी वसुमती यक्षिणी योगिनी जरा ।
राक्षसी डाकिनी वेदमयी वेदविभूषणा ॥ 25 ॥
श्रुतिस्मृतिमहाविद्या गुह्यविद्या पुरातनी ।
चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥
अपर्णा निश्चला लोला सर्वविद्या तपस्विनी ।
गङ्गा काशी शची सीता सती सत्यपरायणा ॥ 27 ॥
नीतिः सुनीतिः सुरुचिस्तुष्टिः पुष्टिर्धृतिः क्षमा ।
वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥
स्रोतस्वती स्रोतवती मातङ्गी विजया जया ।
नदी सिन्धुः सर्वमयी तारा शून्यनिवासिनी ॥ 29 ॥
शुद्धा तरङ्गिणी मेधा लाकिनी बहुरूपिणी ।
सदानन्दमयी सत्या सर्वानन्दस्वरूपिणी ॥ 30 ॥
सुनन्दा नन्दिनी स्तुत्या स्तवनीया स्वभाविनी ।
रङ्किणी टङ्किणी चित्रा विचित्रा चित्ररूपिणी ॥ 31 ॥
पद्मा पद्मालया पद्मसुखी पद्मविभूषणा ।
शाकिनी हाकिनी क्षान्ता राकिणी रुधिरप्रिया ॥ 32 ॥
भ्रान्तिर्भवानी रुद्राणी मृडानी शत्रुमर्दिनी ।
उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥
सूर्यात्मिका रुद्रपत्नी रौद्री स्त्री प्रकृतिः पुमान् ।
शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥
सर्वेश्वरी सर्वमाता शर्वाणी हरवल्लभा ।
सर्वज्ञा सिद्धिदा सिद्धा भाव्या भव्या भयापहा ॥ 35 ॥
कर्त्री हर्त्री पालयित्री शर्वरी तामसी दया ।
तमिस्रा यामिनीस्था च स्थिरा धीरा तपस्विनी ॥ 36 ॥
चार्वङ्गी चञ्चला लोलजिह्वा चारुचरित्रिणी ।
त्रपा त्रपावती लज्जा निर्लज्जा ह्रीं रजोवती ॥ 37 ॥
सत्त्ववती धर्मनिष्ठा श्रेष्ठा निष्ठुरवादिनी ।
गरिष्ठा दुष्टसंहर्त्री विशिष्टा श्रेयसी घृणा ॥ 38 ॥
भीमा भयानका भीमनादिनी भीः प्रभावती ।
वागीश्वरी श्रीर्यमुना यज्ञकर्त्री यजुःप्रिया ॥ 39 ॥
ऋक्सामाथर्वनिलया रागिणी शोभनस्वरा ।
कलकण्ठी कम्बुकण्ठी वेणुवीणापरायणा ॥ 40 ॥
वंशिनी वैष्णवी स्वच्छा धात्री त्रिजगदीश्वरी ।
मधुमती कुण्डलिनी ऋद्धिः सिद्धिः शुचिस्मिता ॥ 41 ॥
रम्भोर्वशी रती रामा रोहिणी रेवती रमा ।
शङ्खिनी चक्रिणी कृष्णा गदिनी पद्मिनी तथा ॥ 42 ॥
शूलिनी परिघास्त्रा च पाशिनी शार्ङ्गपाणिनी ।
पिनाकधारिणी धूम्रा शरभी वनमालिनी ॥ 43 ॥
वज्रिणी समरप्रीता वेगिनी रणपण्डिता ।
जटिनी बिम्बिनी नीला लावण्याम्बुधिचन्द्रिका ॥ 44 ॥
बलिप्रिया सदापूज्या पूर्णा दैत्येन्द्रमाथिनी ।
महिषासुरसंहन्त्री वासिनी रक्तदन्तिका ॥ 45 ॥
रक्तपा रुधिराक्ताङ्गी रक्तखर्परहस्तिनी ।
रक्तप्रिया मांसरुचिर्वासवासक्तमानसा ॥ 46 ॥
गलच्छोणितमुण्डालिकण्ठमालाविभूषणा ।
शवासना चितान्तस्था माहेशी वृषवाहिनी ॥ 47 ॥
व्याघ्रत्वगम्बरा चीनचेलिनी सिंहवाहिनी ।
वामदेवी महादेवी गौरी सर्वज्ञभाविनी ॥ 48 ॥
बालिका तरुणी वृद्धा वृद्धमाता जरातुरा ।
सुभ्रुर्विलासिनी ब्रह्मवादिनी ब्राह्मणी मही ॥ 49 ॥
स्वप्नवती चित्रलेखा लोपामुद्रा सुरेश्वरी ।
अमोघाऽरुन्धती तीक्ष्णा भोगवत्यनुवादिनी ॥ 50 ॥
मन्दाकिनी मन्दहासा ज्वालामुख्यसुरान्तका ।
मानदा मानिनी मान्या माननीया मदोद्धता ॥ 51 ॥
मदिरा मदिरान्मादा मेध्या नव्या प्रसादिनी ।
सुमध्याऽनन्तगुणिनी सर्वलोकोत्तमोत्तमा ॥ 52 ॥
जयदा जित्वरा जैत्री जयश्रीर्जयशालिनी ।
सुखदा शुभदा सत्या सभासङ्क्षोभकारिणी ॥ 53 ॥
शिवदूती भूतिमती विभूतिर्भीषणानना ।
कौमारी कुलजा कुन्ती कुलस्त्री कुलपालिका ॥ 54 ॥
कीर्तिर्यशस्विनी भूषा भूष्या भूतपतिप्रिया ।
सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥
धनिष्ठा धनदा धन्या वसुधा स्वप्रकाशिनी ।
उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥
महाकुलीना निष्कामा सकामा कामजीवना ।
कामदेवकला रामाऽभिरामा शिवनर्तकी ॥ 57 ॥
चिन्तामणिः कल्पलता जाग्रती दीनवत्सला ।
कार्तिकी कीर्तिका कृत्या अयोध्या विषमा समा ॥ 58 ॥
सुमन्त्रा मन्त्रिणी घूर्णा ह्लादिनी क्लेशनाशिनी ।
त्रैलोक्यजननी हृष्टा निर्मांसा मनोरूपिणी ॥ 59 ॥
तडागनिम्नजठरा शुष्कमांसास्थिमालिनी ।
अवन्ती मथुरा माया त्रैलोक्यपावनीश्वरी ॥ 60 ॥
व्यक्ताऽव्यक्ताऽनेकमूर्तिः शर्वरी भीमनादिनी ।
क्षेमङ्करी शङ्करी च सर्वसम्मोहकारिणी ॥ 61 ॥
ऊर्ध्वतेजस्विनी क्लिन्ना महातेजस्विनी तथा ।
अद्वैता भोगिनी पूज्या युवती सर्वमङ्गला ॥ 62 ॥
सर्वप्रियङ्करी भोग्या धरणी पिशिताशना ।
भयङ्करी पापहरा निष्कलङ्का वशङ्करी ॥ 63 ॥
आशा तृष्णा चन्द्रकला निद्रान्या वायुवेगिनी ।
सहस्रसूर्यसङ्काशा चन्द्रकोटिसमप्रभा ॥ 64 ॥
वह्निमण्डलसंस्था च सर्वतत्त्वप्रतिष्ठिता ।
सर्वाचारवती सर्वदेवकन्याधिदेवता ॥ 65 ॥
दक्षकन्या दक्षयज्ञनाशिनी दुर्गतारिका ।
इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥
रम्भोरुश्चतुरा राका जयन्ती करुणा कुहुः ।
मनस्विनी देवमाता यशस्या ब्रह्मचारिणी ॥ 67 ॥
ऋद्धिदा वृद्धिदा वृद्धिः सर्वाद्या सर्वदायिनी ।
आधाररूपिणी ध्येया मूलाधारनिवासिनी ॥ 68 ॥
अज्ञा प्रज्ञा पूर्णमनाश्चन्द्रमुख्यनुकूलिनी ।
वावदूका निम्ननाभिः सत्या सन्ध्या दृढव्रता ॥ 69 ॥
आन्वीक्षिकी दण्डनीतिस्त्रयी त्रिदिवसुन्दरी ।
ज्वलिनी ज्वालिनी शैलतनया विन्ध्यवासिनी ॥ 70 ॥
अमेया खेचरी धैर्या तुरीया विमलाऽऽतुरा ।
प्रगल्भा वारुणी छाया शशिनी विस्फुलिङ्गिनी ॥ 71 ॥
भुक्तिः सिद्धिः सदाप्राप्तिः प्राकाम्या महिमाऽणिमा ।
इच्छासिद्धिर्विसिद्धा च वशित्वोर्ध्वनिवासिनी ॥ 72 ॥
लघिमा चैव गायत्री सावित्री भुवनेश्वरी ।
मनोहरा चिता दिव्या देव्युदारा मनोरमा ॥ 73 ॥
पिङ्गला कपिला जिह्वारसज्ञा रसिका रसा ।
सुषुम्नेडा भोगवती गान्धारी नरकान्तका ॥ 74 ॥
पाञ्चाली रुक्मिणी राधाराध्या भीमाधिराधिका ।
अमृता तुलसी वृन्दा कैटभी कपटेश्वरी ॥ 75 ॥
उग्रचण्डेश्वरी वीरा जननी वीरसुन्दरी ।
उग्रतारा यशोदाख्या दैवकी देवमानिता ॥ 76 ॥
निरञ्जना चित्रदेवी क्रोधिनी कुलदीपिका ।
कुलवागीश्वरी वाणी मातृका द्राविणी द्रवा ॥ 77 ॥
योगेश्वरी महामारी भ्रामरी बिन्दुरूपिणी ।
दूती प्राणेश्वरी गुप्ता बहुला चमरी प्रभा ॥ 78 ॥
कुब्जिका ज्ञानिनी ज्येष्ठा भुशुण्डी प्रकटा तिथिः ।
द्रविणी गोपनी माया कामबीजेश्वरी क्रिया ॥ 79 ॥
शाम्भवी केकरा मेना मूषलास्त्रा तिलोत्तमा ।
अमेयविक्रमा क्रूरा सम्पत्शाला त्रिलोचना ॥ 80 ॥
स्वस्तिर्हव्यवहा प्रीतिरुष्मा धूम्रार्चिरङ्गदा ।
तपिनी तापिनी विश्वा भोगदा धारिणी धरा ॥ 81 ॥
त्रिखण्डा बोधिनी वश्या सकला शब्दरूपिणी ।
बीजरूपा महामुद्रा योगिनी योनिरूपिणी ॥ 82 ॥
अनङ्गकुसुमाऽनङ्गमेखलाऽनङ्गरूपिणी ।
वज्रेश्वरी च जयिनी सर्वद्वन्द्वक्षयङ्करी ॥ 83 ॥
षडङ्गयुवती योगयुक्ता ज्वालांशुमालिनी ।
दुराशया दुराधारा दुर्जया दुर्गरूपिणी ॥ 84 ॥
दुरन्ता दुष्कृतिहरा दुर्ध्येया दुरतिक्रमा ।
हंसेश्वरी त्रिकोणस्था शाकम्भर्यनुकम्पिनी ॥ 85 ॥
त्रिकोणनिलया नित्या परमामृतरञ्जिता ।
महाविद्येश्वरी श्वेता भेरुण्डा कुलसुन्दरी ॥ 86 ॥
त्वरिता भक्तिसंसक्ता भक्तवश्या सनातनी ।
भक्तानन्दमयी भक्तभाविका भक्तशङ्करी ॥ 87 ॥
सर्वसौन्दर्यनिलया सर्वसौभाग्यशालिनी ।
सर्वसम्भोगभवना सर्वसौख्यनिरूपिणी ॥ 88 ॥
कुमारीपूजनरता कुमारीव्रतचारिणी ।
कुमारीभक्तिसुखिनी कुमारीरूपधारिणी ॥ 89 ॥
कुमारीपूजकप्रीता कुमारीप्रीतिदा प्रिया ।
कुमारीसेवकासङ्गा कुमारीसेवकालया ॥ 90 ॥
आनन्दभैरवी बालभैरवी बटुभैरवी ।
श्मशानभैरवी कालभैरवी पुरभैरवी ॥ 91 ॥
महाभैरवपत्नी च परमानन्दभैरवी ।
सुधानन्दभैरवी च उन्मादानन्दभैरवी ॥ 92 ॥
मुक्तानन्दभैरवी च तथा तरुणभैरवी ।
ज्ञानानन्दभैरवी च अमृतानन्दभैरवी ॥ 93 ॥
महाभयङ्करी तीव्रा तीव्रवेगा तपस्विनी ।
त्रिपुरा परमेशानी सुन्दरी पुरसुन्दरी ॥ 94 ॥
त्रिपुरेशी पञ्चदशी पञ्चमी पुरवासिनी ।
महासप्तदशी चैव षोडशी त्रिपुरेश्वरी ॥ 95 ॥
महाङ्कुशस्वरूपा च महाचक्रेश्वरी तथा ।
नवचक्रेश्वरी चक्रेश्वरी त्रिपुरमालिनी ॥ 96 ॥
राजराजेश्वरी धीरा महात्रिपुरसुन्दरी ।
सिन्दूरपूररुचिरा श्रीमत्त्रिपुरसुन्दरी ॥ 97 ॥
सर्वाङ्गसुन्दरी रक्तारक्तवस्त्रोत्तरीयिणी ।
जवायावकसिन्दूररक्तचन्दनधारिणी ॥ 98 ॥
जवायावकसिन्दूररक्तचन्दनरूपधृक् ।
चामरी बालकुटिलनिर्मला श्यामकेशिनी ॥ 99 ॥
वज्रमौक्तिकरत्नाढ्या किरीटमुकुटोज्ज्वला ।
रत्नकुण्डलसंयुक्तस्फुरद्गण्डमनोरमा ॥ 100 ॥
कुञ्जरेश्वरकुम्भोत्थमुक्तारञ्जितनासिका ।
मुक्ताविद्रुममाणिक्यहाराढ्यस्तनमण्डला ॥ 101 ॥
सूर्यकान्तेन्दुकान्ताढ्यस्पर्शाश्मकण्ठभूषणा ।
बीजपूरस्फुरद्बीजदन्तपङ्क्तिरनुत्तमा ॥ 102 ॥
कामकोदण्डकाभुग्नभ्रूकटाक्षप्रवर्षिणी ।
मातङ्गकुम्भवक्षोजा लसत्कोकनदेक्षणा ॥ 103 ॥
मनोज्ञशष्कुलीकर्णा हंसीगतिविडम्बिनी ।
पद्मरागाङ्गदज्योतिर्दोश्चतुष्कप्रकाशिनी ॥ 104 ॥
नानामणिपरिस्फूर्जच्छुद्धकाञ्चनकङ्कणा ।
नागेन्द्रदन्तनिर्माणवलयाङ्कितपाणिनी ॥ 105 ॥
अङ्गुरीयकचित्राङ्गी विचित्रक्षुद्रघण्टिका ।
पट्टाम्बरपरीधाना कलमञ्जीरशिञ्जिनी ॥ 106 ॥
कर्पूरागरुकस्तूरीकुङ्कुमद्रवलेपिता ।
विचित्ररत्नपृथिवीकल्पशाखितलस्थिता ॥ 107 ॥
रत्नद्वीपस्फुरद्रत्नसिंहासनविलासिनी ।
षट्चक्रभेदनकरी परमानन्दरूपिणी ॥ 108 ॥
सहस्रदलपद्मान्तश्चन्द्रमण्डलवर्तिनी ।
ब्रह्मरूपा शिवक्रोडा नानासुखविलासिनी ॥ 109 ॥
हरविष्णुविरिञ्चीन्द्रग्रहनायकसेविता ।
शिवा शैवा च रुद्राणी तथैव शिववादिनी ॥ 110 ॥
मातङ्गिनी श्रीमती च तथैवानङ्गमेखला ।
डाकिनी योगिनी चैव तथोपयोगिनी मता ॥ 111 ॥
माहेश्वरी वैष्णवी च भ्रामरी शिवरूपिणी ।
अलम्बुषा वेगवती क्रोधरूपा सुमेखला ॥ 112 ॥
गान्धारी हस्तजिह्वा च इडा चैव शुभङ्करी ।
पिङ्गला ब्रह्मदूती च सुषुम्ना चैव गन्धिनी ॥ 113 ॥
आत्मयोनिर्ब्रह्मयोनिर्जगद्योनिरयोनिजा ।
भगरूपा भगस्थात्री भगिनी भगरूपिणी ॥ 114 ॥
भगात्मिका भगाधाररूपिणी भगमालिनी ।
लिङ्गाख्या चैव लिङ्गेशी त्रिपुरा भैरवी तथा ॥ 115 ॥
लिङ्गगीतिः सुगीतिश्च लिङ्गस्था लिङ्गरूपधृक् ।
लिङ्गमाना लिङ्गभवा लिङ्गलिङ्गा च पार्वती ॥ 116 ॥
भगवती कौशिकी च प्रेमा चैव प्रियंवदा ।
गृध्ररूपा शिवारूपा चक्रिणी चक्ररूपधृक् ॥ 117 ॥
लिङ्गाभिधायिनी लिङ्गप्रिया लिङ्गनिवासिनी ।
लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥
लिङ्गगीतिर्महाप्रीता भगगीतिर्महासुखा ।
लिङ्गनामसदानन्दा भगनामसदागतिः ॥ 119 ॥
लिङ्गमालाकण्ठभूषा भगमालाविभूषणा ।
भगलिङ्गामृतप्रीता भगलिङ्गस्वरूपिणी ॥ 120 ॥
भगलिङ्गस्य रूपा च भगलिङ्गसुखावहा ।
स्वयम्भूकुसुमप्रीता स्वयम्भूकुसुमार्चिता ॥ 121 ॥
स्वयम्भूकुसुमप्राणा स्वयम्भूपुष्पतर्पिता ।
स्वयम्भूपुष्पघटिता स्वयम्भूपुष्पधारिणी ॥ 122 ॥
स्वयम्भूपुष्पतिलका स्वयम्भूपुष्पचर्चिता ।
स्वयम्भूपुष्पनिरता स्वयम्भूकुसुमग्रहा ॥ 123 ॥
स्वयम्भूपुष्पयज्ञांशा स्वयम्भूकुसुमात्मिका ।
स्वयम्भूपुष्पनिचिता स्वयम्भूकुसुमप्रिया ॥ 124 ॥
स्वयम्भूकुसुमादानलालसोन्मत्तमानसा ।
स्वयम्भूकुसुमानन्दलहरीस्निग्धदेहिनी ॥ 125 ॥
स्वयम्भूकुसुमाधारा स्वयम्भूकुसुमाकुला ।
स्वयम्भूपुष्पनिलया स्वयम्भूपुष्पवासिनी ॥ 126 ॥
स्वयम्भूकुसुमस्निग्धा स्वयम्भूकुसुमात्मिका ।
स्वयम्भूपुष्पकरिणी स्वयम्भूपुष्पवाणिका ॥ 127 ॥
स्वयम्भूकुसुमध्याना स्वयम्भूकुसुमप्रभा ।
स्वयम्भूकुसुमज्ञाना स्वयम्भूपुष्पभागिनी ॥ 128 ॥
स्वयम्भूकुसुमोल्लासा स्वयम्भूपुष्पवर्षिणी ।
स्वयम्भूकुसुमोत्साहा स्वयम्भूपुष्परूपिणी ॥ 129 ॥
स्वयम्भूकुसुमोन्मादा स्वयम्भूपुष्पसुन्दरी ।
स्वयम्भूकुसुमाराध्या स्वयम्भूकुसुमोद्भवा ॥ 130 ॥
स्वयम्भूकुसुमाव्यग्रा स्वयम्भूपुष्पपूर्णिता ।
स्वयम्भूपूजकप्राज्ञा स्वयम्भूहोतृमातृका ॥ 131 ॥
स्वयम्भूदातृरक्षित्री स्वयम्भूरक्ततारिका ।
स्वयम्भूपूजकग्रस्ता स्वयम्भूपूजकप्रिया ॥ 132 ॥
स्वयम्भूवन्दकाधारा स्वयम्भूनिन्दकान्तका ।
स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥
स्वयम्भूप्रदसस्मेरा स्वयम्भूतशरीरिणी ।
सर्वकालोद्भवप्रीता सर्वकालोद्भवात्मिका ॥ 134 ॥
सर्वकालोद्भवोद्भावा सर्वकालोद्भवोद्भवा ।
कुण्डपुष्पसदाप्रीता कुण्डपुष्पसदारतिः ॥ 135 ॥
कुण्डगोलोद्भवप्राणा कुण्डगोलोद्भवात्मिका ।
स्वयम्भूर्वा शिवा धात्री पावनी लोकपावनी ॥ 136 ॥
कीर्तिर्यशस्विनी मेधा विमेधा शुक्रसुन्दरी ।
अश्विनी कृत्तिका पुष्या तेजस्का चन्द्रमण्डला ॥ 137 ॥
सूक्ष्माऽसूक्ष्मा बलाका च वरदा भयनाशिनी ।
वरदाऽभयदा चैव मुक्तिबन्धविनाशिनी ॥ 138 ॥
कामुका कामदा कान्ता कामाख्या कुलसुन्दरी ।
दुःखदा सुखदा मोक्षा मोक्षदार्थप्रकाशिनी ॥ 139 ॥
दुष्टादुष्टमतिश्चैव सर्वकार्यविनाशिनी ।
शुक्राधारा शुक्ररूपा शुक्रसिन्धुनिवासिनी ॥ 140 ॥
शुक्रालया शुक्रभोगा शुक्रपूजासदारतिः ।
शुक्रपूज्या शुक्रहोमसन्तुष्टा शुक्रवत्सला ॥ 141 ॥
शुक्रमूर्तिः शुक्रदेहा शुक्रपूजकपुत्रिणी ।
शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥
शुक्रस्नाता शुक्रकरी शुक्रसेव्याऽतिशुक्रिणी ।
महाशुक्रा शुक्रभवा शुक्रवृष्टिविधायिनी ॥ 143 ॥
शुक्राभिधेया शुक्रार्हा शुक्रवन्दकवन्दिता ।
शुक्रानन्दकरी शुक्रसदानन्दाभिधायिका ॥ 144 ॥
शुक्रोत्सवा सदाशुक्रपूर्णा शुक्रमनोरमा ।
शुक्रपूजकसर्वस्वा शुक्रनिन्दकनाशिनी ॥ 145 ॥
शुक्रात्मिका शुक्रसंवत् शुक्राकर्षणकारिणी ।
शारदा साधकप्राणा साधकासक्तमानसा ॥ 146 ॥
साधकोत्तमसर्वस्वा साधकाभक्तरक्तपा ।
साधकानन्दसन्तोषा साधकानन्दकारिणी ॥ 147 ॥
आत्मविद्या ब्रह्मविद्या परब्रह्मस्वरूपिणी ।
त्रिकूटस्था पञ्चकूटा सर्वकूटशरीरिणी ॥ 148 ॥
सर्ववर्णमयी वर्णजपमालाविधायिनी ।
इति श्रीकालिकानामसहस्रं शिवभाषितम् ॥ 149 ॥
गुह्याद्गुह्यतरं साक्षान्महापातकनाशनम् ।
पूजाकाले निशीथे च सन्ध्ययोरुभयोरपि ॥ 150 ॥
लभते गाणपत्यं स यः पठेत् साधकोत्तमः ।
यः पठेत् पाठयेद्वापि शृणोति श्रावयेदपि ॥ 151 ॥
सर्वपापविनिर्मुक्तः स याति कालिकापुरम् ।
श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥
दुर्गं दुर्गशतं तीर्त्वा स याति परमाङ्गतिम् ।
वन्ध्या वा काकवन्ध्या वा मृतवत्सा च याङ्गना ॥ 153 ॥
श्रुत्वा स्तोत्रमिदं पुत्रान् लभते चिरजीविनः ।
यं यं कामयते कामं पठन् स्तोत्रमनुत्तमम् ।
देवीपादप्रसादेन तत्तदाप्नोति निश्चितम् ॥ 154 ॥
इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.