ശ്രീ ശിവ ഉവാച ।
കഥിതോഽയം മഹാമന്ത്രഃ സര്വമന്ത്രോത്തമോത്തമഃ ।
യാമാസാദ്യ മയാ പ്രാപ്തമൈശ്വര്യപദമുത്തമമ് ॥ 1 ॥
സംയുക്തഃ പരയാ ഭക്ത്യാ യഥോക്ത വിധിനാ ഭവാന് ।
കുരുതാമര്ചനം ദേവ്യാസ്ത്രൈലോക്യവിജിഗീഷയാ ॥ 2 ॥
ശ്രീപരശുരാമ ഉവാച ।
പ്രസന്നോ യദി മേ ദേവ പരമേശ പുരാതന ।
രഹസ്യം പരമം ദേവ്യാഃ കൃപയാ കഥയ പ്രഭോ ॥ 3 ॥
വിനാര്ചനം വിനാ ഹോമം വിനാ ന്യാസം വിനാ ബലിമ് ।
വിനാ ഗന്ധം വിനാ പുഷ്പം വിനാ നിത്യോദിതാം ക്രിയാമ് ॥ 4 ॥
പ്രാണായാമം വിനാ ധ്യാനം വിനാ ഭൂതവിശോധനമ് ।
വിനാ ദാനം വിനാ ജാപം യേന കാലീ പ്രസീദതി ॥ 5 ॥
ശ്രീ ശിവ ഉവാച ।
പൃഷ്ടം ത്വയോത്തമം പ്രാജ്ഞ ഭൃഗുവംശ സമുദ്ഭവ ।
ഭക്താനാമപി ഭക്തോഽസി ത്വമേവ സാധയിഷ്യസി ॥ 6 ॥
ദേവീം ദാനവകോടിഘ്നീം ലീലയാ രുധിരപ്രിയാമ് ।
സദാ സ്തോത്രപ്രിയാമുഗ്രാം കാമകൌതുകലാലസാമ് ॥ 7 ॥
സര്വദാഽഽനന്ദഹൃദയാമാസവോത്സവ മാനസാമ് ।
മാധ്വീക മത്സ്യമാംസാനുരാഗിണീം വൈഷ്ണവീം പരാമ് ॥ 8 ॥
ശ്മശാനവാസിനീം പ്രേതഗണനൃത്യമഹോത്സവാമ് ।
യോഗപ്രഭാവാം യോഗേശീം യോഗീന്ദ്രഹൃദയസ്ഥിതാമ് ॥ 9 ॥
താമുഗ്രകാലികാം രാമ പ്രസീദയിതുമര്ഹസി ।
തസ്യാഃ സ്തോത്രം പരം പുണ്യം സ്വയം കാല്യാ പ്രകാശിതമ് ॥ 10 ॥
തവ തത് കഥയിഷ്യാമി ശ്രുത്വാ വത്സാവധാരയ ।
ഗോപനീയം പ്രയത്നേന പഠനീയം പരാത്പരമ് ॥ 11 ॥
യസ്യൈകകാലപഠനാത് സര്വേ വിഘ്നാഃ സമാകുലാഃ ।
നശ്യന്തി ദഹനേ ദീപ്തേ പതങ്ഗാ ഇവ സര്വതഃ ॥ 12 ॥
ഗദ്യപദ്യമയീ വാണീ തസ്യ ഗങ്ഗാപ്രവാഹവത് ।
തസ്യ ദര്ശനമാത്രേണ വാദിനോ നിഷ്പ്രഭാം ഗതാഃ ॥ 13 ॥
തസ്യ ഹസ്തേ സദൈവാസ്തി സര്വസിദ്ധിര്ന സംശയഃ ।
രാജാനോഽപി ച ദാസത്വം ഭജന്തേ കിം പരേ ജനാഃ ॥ 14 ॥
നിശീഥേ മുക്തകേശസ്തു നഗ്നഃ ശക്തിസമാഹിതഃ ।
മനസാ ചിന്തയേത് കാലീം മഹാകാലേന ചാലിതാമ് ॥ 15 ॥
പഠേത് സഹസ്രനാമാഖ്യം സ്തോത്രം മോക്ഷസ്യ സാധനമ് ।
പ്രസന്നാ കാലികാ തസ്യ പുത്രത്വേനാനുകമ്പതേ ॥ 16 ॥
യഥാ ബ്രഹ്മമൃതൈര്ബ്രഹ്മകുസുമൈഃ പൂജിതാ പരാ ।
പ്രസീദതി തഥാനേന സ്തുതാ കാലീ പ്രസീദതി ॥ 17 ॥
വിനിയോഗഃ –
അസ്യ ശ്രീ ദക്ഷിണകാലികാ സഹസ്രനാമ സ്തോത്രസ്യ മഹാകാലഭൈരവ ഋഷിഃ അനുഷ്ടുപ് ഛന്ദഃ ശ്മശാനകാലീ ദേവതാ ധര്മാര്ഥകാമമോക്ഷാര്ഥേ പാഠേ വിനിയോഗഃ ।
ധ്യാനമ് –
ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം
ചതുര്ഭുജാം ഖഡ്ഗമുണ്ഡവരാഭയകരാം ശിവാമ് ।
മുണ്ഡമാലാധരാം ദേവീം ലലാജ്ജിഹ്വാം ദിഗമ്ബരാം
ഏവം സഞ്ചിന്തയേത്കാലീം ശ്മശാനാലയവാസിനീമ് ॥
സ്തോത്രമ് –
ശ്മശാനകാലികാ കാലീ ഭദ്രകാലീ കപാലിനീ ।
ഗുഹ്യകാലീ മഹാകാലീ കുരുകുല്ലാ വിരോധിനീ ॥ 1 ॥
കാലികാ കാലരാത്രിശ്ച മഹാകാലനിതമ്ബിനീ ।
കാലഭൈരവഭാര്യാ ച കുലവര്ത്മപ്രകാശിനീ ॥ 2 ॥
കാമദാ കാമിനീ കന്യാ കമനീയസ്വരൂപിണീ ।
കസ്തൂരീരസലിപ്താങ്ഗീ കുഞ്ജരേശ്വരഗാമിനീ ॥ 3 ॥
കകാരവര്ണസര്വാങ്ഗീ കാമിനീ കാമസുന്ദരീ ।
കാമാര്താ കാമരൂപാ ച കാമധേനുഃ കലാവതീ ॥ 4 ॥
കാന്താ കാമസ്വരൂപാ ച കാമാഖ്യാ കുലകാമിനീ ।
കുലീനാ കുലവത്യമ്ബാ ദുര്ഗാ ദുര്ഗതിനാശിനീ ॥ 5 ॥
കൌമാരീ കലജാ കൃഷ്ണാ കൃഷ്ണദേഹാ കൃശോദരീ ।
കൃശാങ്ഗീ കുലിശാങ്ഗീ ച ക്രീങ്കാരീ കമലാ കലാ ॥ 6 ॥
കരാലാസ്യാ കരാലീ ച കുലകാന്താഽപരാജിതാ ।
ഉഗ്രാ ഉഗ്രപ്രഭാ ദീപ്താ വിപ്രചിത്താ മഹാബലാ ॥ 7 ॥
നീലാ ഘനാ മേഘനാദാ മാത്രാ മുദ്രാ മിതാമിതാ ।
ബ്രാഹ്മീ നാരായണീ ഭദ്രാ സുഭദ്രാ ഭക്തവത്സലാ ॥ 8 ॥
മാഹേശ്വരീ ച ചാമുണ്ഡാ വാരാഹീ നാരസിംഹികാ ।
വജ്രാങ്ഗീ വജ്രകങ്കാലീ നൃമുണ്ഡസ്രഗ്വിണീ ശിവാ ॥ 9 ॥
മാലിനീ നരമുണ്ഡാലീ ഗലദ്രക്തവിഭൂഷണാ ।
രക്തചന്ദനസിക്താങ്ഗീ സിന്ദൂരാരുണമസ്തകാ ॥ 10 ॥
ഘോരരൂപാ ഘോരദംഷ്ട്രാ ഘോരാഘോരതരാ ശുഭാ ।
മഹാദംഷ്ട്രാ മഹാമായാ സുദതീ യുഗദന്തുരാ ॥ 11 ॥
സുലോചനാ വിരൂപാക്ഷീ വിശാലാക്ഷീ ത്രിലോചനാ ।
ശാരദേന്ദുപ്രസന്നാസ്യാ സ്ഫുരത്സ്മേരാമ്ബുജേക്ഷണാ ॥ 12 ॥
അട്ടഹാസപ്രഫുല്ലാസ്യാ സ്മേരവക്ത്രാ സുഭാഷിണീ ।
പ്രഫുല്ലപദ്മവദനാ സ്മിതാസ്യാ പ്രിയഭാഷിണീ ॥ 13 ॥
കോടരാക്ഷീ കുലശ്രേഷ്ഠാ മഹതീ ബഹുഭാഷിണീ ।
സുമതിഃ കുമതിശ്ചണ്ഡാ ചണ്ഡമുണ്ഡാതിവേഗിനീ ॥ 14 ॥
സുകേശീ മുക്തകേശീ ച ദീര്ഘകേശീ മഹാകചാ ।
പ്രേതദേഹാകര്ണപൂരാ പ്രേതപാണിസുമേഖലാ ॥ 15 ॥
പ്രേതാസനാ പ്രിയപ്രേതാ പുണ്യദാ കുലപണ്ഡിതാ ।
പുണ്യാലയാ പുണ്യദേഹാ പുണ്യശ്ലോകാ ച പാവനീ ॥ 16 ॥
പൂതാ പവിത്രാ പരമാ പരാ പുണ്യവിഭൂഷണാ ।
പുണ്യനാമ്നീ ഭീതിഹരാ വരദാ ഖഡ്ഗപാണിനീ ॥ 17 ॥
നൃമുണ്ഡഹസ്താ ശാന്താ ച ഛിന്നമസ്താ സുനാസികാ ।
ദക്ഷിണാ ശ്യാമലാ ശ്യാമാ ശാന്താ പീനോന്നതസ്തനീ ॥ 18 ॥
ദിഗമ്ബരാ ഘോരരാവാ സൃക്കാന്തരക്തവാഹിനീ ।
ഘോരരാവാ ശിവാസങ്ഗാ നിഃസങ്ഗാ മദനാതുരാ ॥ 19 ॥
മത്താ പ്രമത്താ മദനാ സുധാസിന്ധുനിവാസിനീ ।
അതിമത്താ മഹാമത്താ സര്വാകര്ഷണകാരിണീ ॥ 20 ॥
ഗീതപ്രിയാ വാദ്യരതാ പ്രേതനൃത്യപരായണാ ।
ചതുര്ഭുജാ ദശഭുജാ അഷ്ടാദശഭുജാ തഥാ ॥ 21 ॥
കാത്യായനീ ജഗന്മാതാ ജഗതീ പരമേശ്വരീ ।
ജഗദ്ബന്ധുര്ജഗദ്ധാത്രീ ജഗദാനന്ദകാരിണീ ॥ 22 ॥
ജഗജ്ജീവവതീ ഹൈമവതീ മായാ മഹാലയാ ।
നാഗയജ്ഞോപവീതാങ്ഗീ നാഗിനീ നാഗശായിനീ ॥ 23 ॥
നാഗകന്യാ ദേവകന്യാ ഗാന്ധാരീ കിന്നരീ സുരീ ।
മോഹരാത്രീ മഹാരാത്രീ ദാരുണാമാസുരാസുരീ ॥ 24 ॥
വിദ്യാധരീ വസുമതീ യക്ഷിണീ യോഗിനീ ജരാ ।
രാക്ഷസീ ഡാകിനീ വേദമയീ വേദവിഭൂഷണാ ॥ 25 ॥
ശ്രുതിസ്മൃതിമഹാവിദ്യാ ഗുഹ്യവിദ്യാ പുരാതനീ ।
ചിന്ത്യാഽചിന്ത്യാ സ്വധാ സ്വാഹാ നിദ്രാ തന്ദ്രാ ച പാര്വതീ ॥ 26 ॥
അപര്ണാ നിശ്ചലാ ലോലാ സര്വവിദ്യാ തപസ്വിനീ ।
ഗങ്ഗാ കാശീ ശചീ സീതാ സതീ സത്യപരായണാ ॥ 27 ॥
നീതിഃ സുനീതിഃ സുരുചിസ്തുഷ്ടിഃ പുഷ്ടിര്ധൃതിഃ ക്ഷമാ ।
വാണീ ബുദ്ധിര്മഹാലക്ഷ്മീ ലക്ഷ്മീര്നീലസരസ്വതീ ॥ 28 ॥
സ്രോതസ്വതീ സ്രോതവതീ മാതങ്ഗീ വിജയാ ജയാ ।
നദീ സിന്ധുഃ സര്വമയീ താരാ ശൂന്യനിവാസിനീ ॥ 29 ॥
ശുദ്ധാ തരങ്ഗിണീ മേധാ ലാകിനീ ബഹുരൂപിണീ ।
സദാനന്ദമയീ സത്യാ സര്വാനന്ദസ്വരൂപിണീ ॥ 30 ॥
സുനന്ദാ നന്ദിനീ സ്തുത്യാ സ്തവനീയാ സ്വഭാവിനീ ।
രങ്കിണീ ടങ്കിണീ ചിത്രാ വിചിത്രാ ചിത്രരൂപിണീ ॥ 31 ॥
പദ്മാ പദ്മാലയാ പദ്മസുഖീ പദ്മവിഭൂഷണാ ।
ശാകിനീ ഹാകിനീ ക്ഷാന്താ രാകിണീ രുധിരപ്രിയാ ॥ 32 ॥
ഭ്രാന്തിര്ഭവാനീ രുദ്രാണീ മൃഡാനീ ശത്രുമര്ദിനീ ।
ഉപേന്ദ്രാണീ മഹേശാനീ ജ്യോത്സ്നാ ചേന്ദ്രസ്വരൂപിണീ ॥ 33 ॥
സൂര്യാത്മികാ രുദ്രപത്നീ രൌദ്രീ സ്ത്രീ പ്രകൃതിഃ പുമാന് ।
ശക്തിഃ സൂക്തിര്മതിമതീ ഭുക്തിര്മുക്തിഃ പതിവ്രതാ ॥ 34 ॥
സര്വേശ്വരീ സര്വമാതാ ശര്വാണീ ഹരവല്ലഭാ ।
സര്വജ്ഞാ സിദ്ധിദാ സിദ്ധാ ഭാവ്യാ ഭവ്യാ ഭയാപഹാ ॥ 35 ॥
കര്ത്രീ ഹര്ത്രീ പാലയിത്രീ ശര്വരീ താമസീ ദയാ ।
തമിസ്രാ യാമിനീസ്ഥാ ച സ്ഥിരാ ധീരാ തപസ്വിനീ ॥ 36 ॥
ചാര്വങ്ഗീ ചഞ്ചലാ ലോലജിഹ്വാ ചാരുചരിത്രിണീ ।
ത്രപാ ത്രപാവതീ ലജ്ജാ നിര്ലജ്ജാ ഹ്രീം രജോവതീ ॥ 37 ॥
സത്ത്വവതീ ധര്മനിഷ്ഠാ ശ്രേഷ്ഠാ നിഷ്ഠുരവാദിനീ ।
ഗരിഷ്ഠാ ദുഷ്ടസംഹര്ത്രീ വിശിഷ്ടാ ശ്രേയസീ ഘൃണാ ॥ 38 ॥
ഭീമാ ഭയാനകാ ഭീമനാദിനീ ഭീഃ പ്രഭാവതീ ।
വാഗീശ്വരീ ശ്രീര്യമുനാ യജ്ഞകര്ത്രീ യജുഃപ്രിയാ ॥ 39 ॥
ഋക്സാമാഥര്വനിലയാ രാഗിണീ ശോഭനസ്വരാ ।
കലകണ്ഠീ കമ്ബുകണ്ഠീ വേണുവീണാപരായണാ ॥ 40 ॥
വംശിനീ വൈഷ്ണവീ സ്വച്ഛാ ധാത്രീ ത്രിജഗദീശ്വരീ ।
മധുമതീ കുണ്ഡലിനീ ഋദ്ധിഃ സിദ്ധിഃ ശുചിസ്മിതാ ॥ 41 ॥
രമ്ഭോര്വശീ രതീ രാമാ രോഹിണീ രേവതീ രമാ ।
ശങ്ഖിനീ ചക്രിണീ കൃഷ്ണാ ഗദിനീ പദ്മിനീ തഥാ ॥ 42 ॥
ശൂലിനീ പരിഘാസ്ത്രാ ച പാശിനീ ശാര്ങ്ഗപാണിനീ ।
പിനാകധാരിണീ ധൂമ്രാ ശരഭീ വനമാലിനീ ॥ 43 ॥
വജ്രിണീ സമരപ്രീതാ വേഗിനീ രണപണ്ഡിതാ ।
ജടിനീ ബിമ്ബിനീ നീലാ ലാവണ്യാമ്ബുധിചന്ദ്രികാ ॥ 44 ॥
ബലിപ്രിയാ സദാപൂജ്യാ പൂര്ണാ ദൈത്യേന്ദ്രമാഥിനീ ।
മഹിഷാസുരസംഹന്ത്രീ വാസിനീ രക്തദന്തികാ ॥ 45 ॥
രക്തപാ രുധിരാക്താങ്ഗീ രക്തഖര്പരഹസ്തിനീ ।
രക്തപ്രിയാ മാംസരുചിര്വാസവാസക്തമാനസാ ॥ 46 ॥
ഗലച്ഛോണിതമുണ്ഡാലികണ്ഠമാലാവിഭൂഷണാ ।
ശവാസനാ ചിതാന്തസ്ഥാ മാഹേശീ വൃഷവാഹിനീ ॥ 47 ॥
വ്യാഘ്രത്വഗമ്ബരാ ചീനചേലിനീ സിംഹവാഹിനീ ।
വാമദേവീ മഹാദേവീ ഗൌരീ സര്വജ്ഞഭാവിനീ ॥ 48 ॥
ബാലികാ തരുണീ വൃദ്ധാ വൃദ്ധമാതാ ജരാതുരാ ।
സുഭ്രുര്വിലാസിനീ ബ്രഹ്മവാദിനീ ബ്രാഹ്മണീ മഹീ ॥ 49 ॥
സ്വപ്നവതീ ചിത്രലേഖാ ലോപാമുദ്രാ സുരേശ്വരീ ।
അമോഘാഽരുന്ധതീ തീക്ഷ്ണാ ഭോഗവത്യനുവാദിനീ ॥ 50 ॥
മന്ദാകിനീ മന്ദഹാസാ ജ്വാലാമുഖ്യസുരാന്തകാ ।
മാനദാ മാനിനീ മാന്യാ മാനനീയാ മദോദ്ധതാ ॥ 51 ॥
മദിരാ മദിരാന്മാദാ മേധ്യാ നവ്യാ പ്രസാദിനീ ।
സുമധ്യാഽനന്തഗുണിനീ സര്വലോകോത്തമോത്തമാ ॥ 52 ॥
ജയദാ ജിത്വരാ ജൈത്രീ ജയശ്രീര്ജയശാലിനീ ।
സുഖദാ ശുഭദാ സത്യാ സഭാസങ്ക്ഷോഭകാരിണീ ॥ 53 ॥
ശിവദൂതീ ഭൂതിമതീ വിഭൂതിര്ഭീഷണാനനാ ।
കൌമാരീ കുലജാ കുന്തീ കുലസ്ത്രീ കുലപാലികാ ॥ 54 ॥
കീര്തിര്യശസ്വിനീ ഭൂഷാ ഭൂഷ്യാ ഭൂതപതിപ്രിയാ ।
സഗുണാ നിര്ഗുണാ ധൃഷ്ടാ നിഷ്ഠാ കാഷ്ഠാ പ്രതിഷ്ഠിതാ ॥ 55 ॥
ധനിഷ്ഠാ ധനദാ ധന്യാ വസുധാ സ്വപ്രകാശിനീ ।
ഉര്വീ ഗുര്വീ ഗുരുശ്രേഷ്ഠാ സഗുണാ ത്രിഗുണാത്മികാ ॥ 56 ॥
മഹാകുലീനാ നിഷ്കാമാ സകാമാ കാമജീവനാ ।
കാമദേവകലാ രാമാഽഭിരാമാ ശിവനര്തകീ ॥ 57 ॥
ചിന്താമണിഃ കല്പലതാ ജാഗ്രതീ ദീനവത്സലാ ।
കാര്തികീ കീര്തികാ കൃത്യാ അയോധ്യാ വിഷമാ സമാ ॥ 58 ॥
സുമന്ത്രാ മന്ത്രിണീ ഘൂര്ണാ ഹ്ലാദിനീ ക്ലേശനാശിനീ ।
ത്രൈലോക്യജനനീ ഹൃഷ്ടാ നിര്മാംസാ മനോരൂപിണീ ॥ 59 ॥
തഡാഗനിമ്നജഠരാ ശുഷ്കമാംസാസ്ഥിമാലിനീ ।
അവന്തീ മഥുരാ മായാ ത്രൈലോക്യപാവനീശ്വരീ ॥ 60 ॥
വ്യക്താഽവ്യക്താഽനേകമൂര്തിഃ ശര്വരീ ഭീമനാദിനീ ।
ക്ഷേമങ്കരീ ശങ്കരീ ച സര്വസമ്മോഹകാരിണീ ॥ 61 ॥
ഊര്ധ്വതേജസ്വിനീ ക്ലിന്നാ മഹാതേജസ്വിനീ തഥാ ।
അദ്വൈതാ ഭോഗിനീ പൂജ്യാ യുവതീ സര്വമങ്ഗലാ ॥ 62 ॥
സര്വപ്രിയങ്കരീ ഭോഗ്യാ ധരണീ പിശിതാശനാ ।
ഭയങ്കരീ പാപഹരാ നിഷ്കലങ്കാ വശങ്കരീ ॥ 63 ॥
ആശാ തൃഷ്ണാ ചന്ദ്രകലാ നിദ്രാന്യാ വായുവേഗിനീ ।
സഹസ്രസൂര്യസങ്കാശാ ചന്ദ്രകോടിസമപ്രഭാ ॥ 64 ॥
വഹ്നിമണ്ഡലസംസ്ഥാ ച സര്വതത്ത്വപ്രതിഷ്ഠിതാ ।
സര്വാചാരവതീ സര്വദേവകന്യാധിദേവതാ ॥ 65 ॥
ദക്ഷകന്യാ ദക്ഷയജ്ഞനാശിനീ ദുര്ഗതാരികാ ।
ഇജ്യാ പൂജ്യാ വിഭാ ഭൂതിഃ സത്കീര്തിര്ബ്രഹ്മരൂപിണീ ॥ 66 ॥
രമ്ഭോരുശ്ചതുരാ രാകാ ജയന്തീ കരുണാ കുഹുഃ ।
മനസ്വിനീ ദേവമാതാ യശസ്യാ ബ്രഹ്മചാരിണീ ॥ 67 ॥
ഋദ്ധിദാ വൃദ്ധിദാ വൃദ്ധിഃ സര്വാദ്യാ സര്വദായിനീ ।
ആധാരരൂപിണീ ധ്യേയാ മൂലാധാരനിവാസിനീ ॥ 68 ॥
അജ്ഞാ പ്രജ്ഞാ പൂര്ണമനാശ്ചന്ദ്രമുഖ്യനുകൂലിനീ ।
വാവദൂകാ നിമ്നനാഭിഃ സത്യാ സന്ധ്യാ ദൃഢവ്രതാ ॥ 69 ॥
ആന്വീക്ഷികീ ദണ്ഡനീതിസ്ത്രയീ ത്രിദിവസുന്ദരീ ।
ജ്വലിനീ ജ്വാലിനീ ശൈലതനയാ വിന്ധ്യവാസിനീ ॥ 70 ॥
അമേയാ ഖേചരീ ധൈര്യാ തുരീയാ വിമലാഽഽതുരാ ।
പ്രഗല്ഭാ വാരുണീ ഛായാ ശശിനീ വിസ്ഫുലിങ്ഗിനീ ॥ 71 ॥
ഭുക്തിഃ സിദ്ധിഃ സദാപ്രാപ്തിഃ പ്രാകാമ്യാ മഹിമാഽണിമാ ।
ഇച്ഛാസിദ്ധിര്വിസിദ്ധാ ച വശിത്വോര്ധ്വനിവാസിനീ ॥ 72 ॥
ലഘിമാ ചൈവ ഗായത്രീ സാവിത്രീ ഭുവനേശ്വരീ ।
മനോഹരാ ചിതാ ദിവ്യാ ദേവ്യുദാരാ മനോരമാ ॥ 73 ॥
പിങ്ഗലാ കപിലാ ജിഹ്വാരസജ്ഞാ രസികാ രസാ ।
സുഷുമ്നേഡാ ഭോഗവതീ ഗാന്ധാരീ നരകാന്തകാ ॥ 74 ॥
പാഞ്ചാലീ രുക്മിണീ രാധാരാധ്യാ ഭീമാധിരാധികാ ।
അമൃതാ തുലസീ വൃന്ദാ കൈടഭീ കപടേശ്വരീ ॥ 75 ॥
ഉഗ്രചണ്ഡേശ്വരീ വീരാ ജനനീ വീരസുന്ദരീ ।
ഉഗ്രതാരാ യശോദാഖ്യാ ദൈവകീ ദേവമാനിതാ ॥ 76 ॥
നിരഞ്ജനാ ചിത്രദേവീ ക്രോധിനീ കുലദീപികാ ।
കുലവാഗീശ്വരീ വാണീ മാതൃകാ ദ്രാവിണീ ദ്രവാ ॥ 77 ॥
യോഗേശ്വരീ മഹാമാരീ ഭ്രാമരീ ബിന്ദുരൂപിണീ ।
ദൂതീ പ്രാണേശ്വരീ ഗുപ്താ ബഹുലാ ചമരീ പ്രഭാ ॥ 78 ॥
കുബ്ജികാ ജ്ഞാനിനീ ജ്യേഷ്ഠാ ഭുശുണ്ഡീ പ്രകടാ തിഥിഃ ।
ദ്രവിണീ ഗോപനീ മായാ കാമബീജേശ്വരീ ക്രിയാ ॥ 79 ॥
ശാമ്ഭവീ കേകരാ മേനാ മൂഷലാസ്ത്രാ തിലോത്തമാ ।
അമേയവിക്രമാ ക്രൂരാ സമ്പത്ശാലാ ത്രിലോചനാ ॥ 80 ॥
സ്വസ്തിര്ഹവ്യവഹാ പ്രീതിരുഷ്മാ ധൂമ്രാര്ചിരങ്ഗദാ ।
തപിനീ താപിനീ വിശ്വാ ഭോഗദാ ധാരിണീ ധരാ ॥ 81 ॥
ത്രിഖണ്ഡാ ബോധിനീ വശ്യാ സകലാ ശബ്ദരൂപിണീ ।
ബീജരൂപാ മഹാമുദ്രാ യോഗിനീ യോനിരൂപിണീ ॥ 82 ॥
അനങ്ഗകുസുമാഽനങ്ഗമേഖലാഽനങ്ഗരൂപിണീ ।
വജ്രേശ്വരീ ച ജയിനീ സര്വദ്വന്ദ്വക്ഷയങ്കരീ ॥ 83 ॥
ഷഡങ്ഗയുവതീ യോഗയുക്താ ജ്വാലാംശുമാലിനീ ।
ദുരാശയാ ദുരാധാരാ ദുര്ജയാ ദുര്ഗരൂപിണീ ॥ 84 ॥
ദുരന്താ ദുഷ്കൃതിഹരാ ദുര്ധ്യേയാ ദുരതിക്രമാ ।
ഹംസേശ്വരീ ത്രികോണസ്ഥാ ശാകമ്ഭര്യനുകമ്പിനീ ॥ 85 ॥
ത്രികോണനിലയാ നിത്യാ പരമാമൃതരഞ്ജിതാ ।
മഹാവിദ്യേശ്വരീ ശ്വേതാ ഭേരുണ്ഡാ കുലസുന്ദരീ ॥ 86 ॥
ത്വരിതാ ഭക്തിസംസക്താ ഭക്തവശ്യാ സനാതനീ ।
ഭക്താനന്ദമയീ ഭക്തഭാവികാ ഭക്തശങ്കരീ ॥ 87 ॥
സര്വസൌന്ദര്യനിലയാ സര്വസൌഭാഗ്യശാലിനീ ।
സര്വസമ്ഭോഗഭവനാ സര്വസൌഖ്യനിരൂപിണീ ॥ 88 ॥
കുമാരീപൂജനരതാ കുമാരീവ്രതചാരിണീ ।
കുമാരീഭക്തിസുഖിനീ കുമാരീരൂപധാരിണീ ॥ 89 ॥
കുമാരീപൂജകപ്രീതാ കുമാരീപ്രീതിദാ പ്രിയാ ।
കുമാരീസേവകാസങ്ഗാ കുമാരീസേവകാലയാ ॥ 90 ॥
ആനന്ദഭൈരവീ ബാലഭൈരവീ ബടുഭൈരവീ ।
ശ്മശാനഭൈരവീ കാലഭൈരവീ പുരഭൈരവീ ॥ 91 ॥
മഹാഭൈരവപത്നീ ച പരമാനന്ദഭൈരവീ ।
സുധാനന്ദഭൈരവീ ച ഉന്മാദാനന്ദഭൈരവീ ॥ 92 ॥
മുക്താനന്ദഭൈരവീ ച തഥാ തരുണഭൈരവീ ।
ജ്ഞാനാനന്ദഭൈരവീ ച അമൃതാനന്ദഭൈരവീ ॥ 93 ॥
മഹാഭയങ്കരീ തീവ്രാ തീവ്രവേഗാ തപസ്വിനീ ।
ത്രിപുരാ പരമേശാനീ സുന്ദരീ പുരസുന്ദരീ ॥ 94 ॥
ത്രിപുരേശീ പഞ്ചദശീ പഞ്ചമീ പുരവാസിനീ ।
മഹാസപ്തദശീ ചൈവ ഷോഡശീ ത്രിപുരേശ്വരീ ॥ 95 ॥
മഹാങ്കുശസ്വരൂപാ ച മഹാചക്രേശ്വരീ തഥാ ।
നവചക്രേശ്വരീ ചക്രേശ്വരീ ത്രിപുരമാലിനീ ॥ 96 ॥
രാജരാജേശ്വരീ ധീരാ മഹാത്രിപുരസുന്ദരീ ।
സിന്ദൂരപൂരരുചിരാ ശ്രീമത്ത്രിപുരസുന്ദരീ ॥ 97 ॥
സര്വാങ്ഗസുന്ദരീ രക്താരക്തവസ്ത്രോത്തരീയിണീ ।
ജവായാവകസിന്ദൂരരക്തചന്ദനധാരിണീ ॥ 98 ॥
ജവായാവകസിന്ദൂരരക്തചന്ദനരൂപധൃക് ।
ചാമരീ ബാലകുടിലനിര്മലാ ശ്യാമകേശിനീ ॥ 99 ॥
വജ്രമൌക്തികരത്നാഢ്യാ കിരീടമുകുടോജ്ജ്വലാ ।
രത്നകുണ്ഡലസംയുക്തസ്ഫുരദ്ഗണ്ഡമനോരമാ ॥ 100 ॥
കുഞ്ജരേശ്വരകുമ്ഭോത്ഥമുക്താരഞ്ജിതനാസികാ ।
മുക്താവിദ്രുമമാണിക്യഹാരാഢ്യസ്തനമണ്ഡലാ ॥ 101 ॥
സൂര്യകാന്തേന്ദുകാന്താഢ്യസ്പര്ശാശ്മകണ്ഠഭൂഷണാ ।
ബീജപൂരസ്ഫുരദ്ബീജദന്തപങ്ക്തിരനുത്തമാ ॥ 102 ॥
കാമകോദണ്ഡകാഭുഗ്നഭ്രൂകടാക്ഷപ്രവര്ഷിണീ ।
മാതങ്ഗകുമ്ഭവക്ഷോജാ ലസത്കോകനദേക്ഷണാ ॥ 103 ॥
മനോജ്ഞശഷ്കുലീകര്ണാ ഹംസീഗതിവിഡമ്ബിനീ ।
പദ്മരാഗാങ്ഗദജ്യോതിര്ദോശ്ചതുഷ്കപ്രകാശിനീ ॥ 104 ॥
നാനാമണിപരിസ്ഫൂര്ജച്ഛുദ്ധകാഞ്ചനകങ്കണാ ।
നാഗേന്ദ്രദന്തനിര്മാണവലയാങ്കിതപാണിനീ ॥ 105 ॥
അങ്ഗുരീയകചിത്രാങ്ഗീ വിചിത്രക്ഷുദ്രഘണ്ടികാ ।
പട്ടാമ്ബരപരീധാനാ കലമഞ്ജീരശിഞ്ജിനീ ॥ 106 ॥
കര്പൂരാഗരുകസ്തൂരീകുങ്കുമദ്രവലേപിതാ ।
വിചിത്രരത്നപൃഥിവീകല്പശാഖിതലസ്ഥിതാ ॥ 107 ॥
രത്നദ്വീപസ്ഫുരദ്രത്നസിംഹാസനവിലാസിനീ ।
ഷട്ചക്രഭേദനകരീ പരമാനന്ദരൂപിണീ ॥ 108 ॥
സഹസ്രദലപദ്മാന്തശ്ചന്ദ്രമണ്ഡലവര്തിനീ ।
ബ്രഹ്മരൂപാ ശിവക്രോഡാ നാനാസുഖവിലാസിനീ ॥ 109 ॥
ഹരവിഷ്ണുവിരിഞ്ചീന്ദ്രഗ്രഹനായകസേവിതാ ।
ശിവാ ശൈവാ ച രുദ്രാണീ തഥൈവ ശിവവാദിനീ ॥ 110 ॥
മാതങ്ഗിനീ ശ്രീമതീ ച തഥൈവാനങ്ഗമേഖലാ ।
ഡാകിനീ യോഗിനീ ചൈവ തഥോപയോഗിനീ മതാ ॥ 111 ॥
മാഹേശ്വരീ വൈഷ്ണവീ ച ഭ്രാമരീ ശിവരൂപിണീ ।
അലമ്ബുഷാ വേഗവതീ ക്രോധരൂപാ സുമേഖലാ ॥ 112 ॥
ഗാന്ധാരീ ഹസ്തജിഹ്വാ ച ഇഡാ ചൈവ ശുഭങ്കരീ ।
പിങ്ഗലാ ബ്രഹ്മദൂതീ ച സുഷുമ്നാ ചൈവ ഗന്ധിനീ ॥ 113 ॥
ആത്മയോനിര്ബ്രഹ്മയോനിര്ജഗദ്യോനിരയോനിജാ ।
ഭഗരൂപാ ഭഗസ്ഥാത്രീ ഭഗിനീ ഭഗരൂപിണീ ॥ 114 ॥
ഭഗാത്മികാ ഭഗാധാരരൂപിണീ ഭഗമാലിനീ ।
ലിങ്ഗാഖ്യാ ചൈവ ലിങ്ഗേശീ ത്രിപുരാ ഭൈരവീ തഥാ ॥ 115 ॥
ലിങ്ഗഗീതിഃ സുഗീതിശ്ച ലിങ്ഗസ്ഥാ ലിങ്ഗരൂപധൃക് ।
ലിങ്ഗമാനാ ലിങ്ഗഭവാ ലിങ്ഗലിങ്ഗാ ച പാര്വതീ ॥ 116 ॥
ഭഗവതീ കൌശികീ ച പ്രേമാ ചൈവ പ്രിയംവദാ ।
ഗൃധ്രരൂപാ ശിവാരൂപാ ചക്രിണീ ചക്രരൂപധൃക് ॥ 117 ॥
ലിങ്ഗാഭിധായിനീ ലിങ്ഗപ്രിയാ ലിങ്ഗനിവാസിനീ ।
ലിങ്ഗസ്ഥാ ലിങ്ഗനീ ലിങ്ഗരൂപിണീ ലിങ്ഗസുന്ദരീ ॥ 118 ॥
ലിങ്ഗഗീതിര്മഹാപ്രീതാ ഭഗഗീതിര്മഹാസുഖാ ।
ലിങ്ഗനാമസദാനന്ദാ ഭഗനാമസദാഗതിഃ ॥ 119 ॥
ലിങ്ഗമാലാകണ്ഠഭൂഷാ ഭഗമാലാവിഭൂഷണാ ।
ഭഗലിങ്ഗാമൃതപ്രീതാ ഭഗലിങ്ഗസ്വരൂപിണീ ॥ 120 ॥
ഭഗലിങ്ഗസ്യ രൂപാ ച ഭഗലിങ്ഗസുഖാവഹാ ।
സ്വയമ്ഭൂകുസുമപ്രീതാ സ്വയമ്ഭൂകുസുമാര്ചിതാ ॥ 121 ॥
സ്വയമ്ഭൂകുസുമപ്രാണാ സ്വയമ്ഭൂപുഷ്പതര്പിതാ ।
സ്വയമ്ഭൂപുഷ്പഘടിതാ സ്വയമ്ഭൂപുഷ്പധാരിണീ ॥ 122 ॥
സ്വയമ്ഭൂപുഷ്പതിലകാ സ്വയമ്ഭൂപുഷ്പചര്ചിതാ ।
സ്വയമ്ഭൂപുഷ്പനിരതാ സ്വയമ്ഭൂകുസുമഗ്രഹാ ॥ 123 ॥
സ്വയമ്ഭൂപുഷ്പയജ്ഞാംശാ സ്വയമ്ഭൂകുസുമാത്മികാ ।
സ്വയമ്ഭൂപുഷ്പനിചിതാ സ്വയമ്ഭൂകുസുമപ്രിയാ ॥ 124 ॥
സ്വയമ്ഭൂകുസുമാദാനലാലസോന്മത്തമാനസാ ।
സ്വയമ്ഭൂകുസുമാനന്ദലഹരീസ്നിഗ്ധദേഹിനീ ॥ 125 ॥
സ്വയമ്ഭൂകുസുമാധാരാ സ്വയമ്ഭൂകുസുമാകുലാ ।
സ്വയമ്ഭൂപുഷ്പനിലയാ സ്വയമ്ഭൂപുഷ്പവാസിനീ ॥ 126 ॥
സ്വയമ്ഭൂകുസുമസ്നിഗ്ധാ സ്വയമ്ഭൂകുസുമാത്മികാ ।
സ്വയമ്ഭൂപുഷ്പകരിണീ സ്വയമ്ഭൂപുഷ്പവാണികാ ॥ 127 ॥
സ്വയമ്ഭൂകുസുമധ്യാനാ സ്വയമ്ഭൂകുസുമപ്രഭാ ।
സ്വയമ്ഭൂകുസുമജ്ഞാനാ സ്വയമ്ഭൂപുഷ്പഭാഗിനീ ॥ 128 ॥
സ്വയമ്ഭൂകുസുമോല്ലാസാ സ്വയമ്ഭൂപുഷ്പവര്ഷിണീ ।
സ്വയമ്ഭൂകുസുമോത്സാഹാ സ്വയമ്ഭൂപുഷ്പരൂപിണീ ॥ 129 ॥
സ്വയമ്ഭൂകുസുമോന്മാദാ സ്വയമ്ഭൂപുഷ്പസുന്ദരീ ।
സ്വയമ്ഭൂകുസുമാരാധ്യാ സ്വയമ്ഭൂകുസുമോദ്ഭവാ ॥ 130 ॥
സ്വയമ്ഭൂകുസുമാവ്യഗ്രാ സ്വയമ്ഭൂപുഷ്പപൂര്ണിതാ ।
സ്വയമ്ഭൂപൂജകപ്രാജ്ഞാ സ്വയമ്ഭൂഹോതൃമാതൃകാ ॥ 131 ॥
സ്വയമ്ഭൂദാതൃരക്ഷിത്രീ സ്വയമ്ഭൂരക്തതാരികാ ।
സ്വയമ്ഭൂപൂജകഗ്രസ്താ സ്വയമ്ഭൂപൂജകപ്രിയാ ॥ 132 ॥
സ്വയമ്ഭൂവന്ദകാധാരാ സ്വയമ്ഭൂനിന്ദകാന്തകാ ।
സ്വയമ്ഭൂപ്രദസര്വസ്വാ സ്വയമ്ഭൂപ്രദപുത്രിണീ ॥ 133 ॥
സ്വയമ്ഭൂപ്രദസസ്മേരാ സ്വയമ്ഭൂതശരീരിണീ ।
സര്വകാലോദ്ഭവപ്രീതാ സര്വകാലോദ്ഭവാത്മികാ ॥ 134 ॥
സര്വകാലോദ്ഭവോദ്ഭാവാ സര്വകാലോദ്ഭവോദ്ഭവാ ।
കുണ്ഡപുഷ്പസദാപ്രീതാ കുണ്ഡപുഷ്പസദാരതിഃ ॥ 135 ॥
കുണ്ഡഗോലോദ്ഭവപ്രാണാ കുണ്ഡഗോലോദ്ഭവാത്മികാ ।
സ്വയമ്ഭൂര്വാ ശിവാ ധാത്രീ പാവനീ ലോകപാവനീ ॥ 136 ॥
കീര്തിര്യശസ്വിനീ മേധാ വിമേധാ ശുക്രസുന്ദരീ ।
അശ്വിനീ കൃത്തികാ പുഷ്യാ തേജസ്കാ ചന്ദ്രമണ്ഡലാ ॥ 137 ॥
സൂക്ഷ്മാഽസൂക്ഷ്മാ ബലാകാ ച വരദാ ഭയനാശിനീ ।
വരദാഽഭയദാ ചൈവ മുക്തിബന്ധവിനാശിനീ ॥ 138 ॥
കാമുകാ കാമദാ കാന്താ കാമാഖ്യാ കുലസുന്ദരീ ।
ദുഃഖദാ സുഖദാ മോക്ഷാ മോക്ഷദാര്ഥപ്രകാശിനീ ॥ 139 ॥
ദുഷ്ടാദുഷ്ടമതിശ്ചൈവ സര്വകാര്യവിനാശിനീ ।
ശുക്രാധാരാ ശുക്രരൂപാ ശുക്രസിന്ധുനിവാസിനീ ॥ 140 ॥
ശുക്രാലയാ ശുക്രഭോഗാ ശുക്രപൂജാസദാരതിഃ ।
ശുക്രപൂജ്യാ ശുക്രഹോമസന്തുഷ്ടാ ശുക്രവത്സലാ ॥ 141 ॥
ശുക്രമൂര്തിഃ ശുക്രദേഹാ ശുക്രപൂജകപുത്രിണീ ।
ശുക്രസ്ഥാ ശുക്രിണീ ശുക്രസംസ്പൃഹാ ശുക്രസുന്ദരീ ॥ 142 ॥
ശുക്രസ്നാതാ ശുക്രകരീ ശുക്രസേവ്യാഽതിശുക്രിണീ ।
മഹാശുക്രാ ശുക്രഭവാ ശുക്രവൃഷ്ടിവിധായിനീ ॥ 143 ॥
ശുക്രാഭിധേയാ ശുക്രാര്ഹാ ശുക്രവന്ദകവന്ദിതാ ।
ശുക്രാനന്ദകരീ ശുക്രസദാനന്ദാഭിധായികാ ॥ 144 ॥
ശുക്രോത്സവാ സദാശുക്രപൂര്ണാ ശുക്രമനോരമാ ।
ശുക്രപൂജകസര്വസ്വാ ശുക്രനിന്ദകനാശിനീ ॥ 145 ॥
ശുക്രാത്മികാ ശുക്രസംവത് ശുക്രാകര്ഷണകാരിണീ ।
ശാരദാ സാധകപ്രാണാ സാധകാസക്തമാനസാ ॥ 146 ॥
സാധകോത്തമസര്വസ്വാ സാധകാഭക്തരക്തപാ ।
സാധകാനന്ദസന്തോഷാ സാധകാനന്ദകാരിണീ ॥ 147 ॥
ആത്മവിദ്യാ ബ്രഹ്മവിദ്യാ പരബ്രഹ്മസ്വരൂപിണീ ।
ത്രികൂടസ്ഥാ പഞ്ചകൂടാ സര്വകൂടശരീരിണീ ॥ 148 ॥
സര്വവര്ണമയീ വര്ണജപമാലാവിധായിനീ ।
ഇതി ശ്രീകാലികാനാമസഹസ്രം ശിവഭാഷിതമ് ॥ 149 ॥
ഗുഹ്യാദ്ഗുഹ്യതരം സാക്ഷാന്മഹാപാതകനാശനമ് ।
പൂജാകാലേ നിശീഥേ ച സന്ധ്യയോരുഭയോരപി ॥ 150 ॥
ലഭതേ ഗാണപത്യം സ യഃ പഠേത് സാധകോത്തമഃ ।
യഃ പഠേത് പാഠയേദ്വാപി ശൃണോതി ശ്രാവയേദപി ॥ 151 ॥
സര്വപാപവിനിര്മുക്തഃ സ യാതി കാലികാപുരമ് ।
ശ്രദ്ധയാഽശ്രദ്ധയാ വാപി യഃ കശ്ചിന്മാനവഃ സ്മരേത് ॥ 152 ॥
ദുര്ഗം ദുര്ഗശതം തീര്ത്വാ സ യാതി പരമാങ്ഗതിമ് ।
വന്ധ്യാ വാ കാകവന്ധ്യാ വാ മൃതവത്സാ ച യാങ്ഗനാ ॥ 153 ॥
ശ്രുത്വാ സ്തോത്രമിദം പുത്രാന് ലഭതേ ചിരജീവിനഃ ।
യം യം കാമയതേ കാമം പഠന് സ്തോത്രമനുത്തമമ് ।
ദേവീപാദപ്രസാദേന തത്തദാപ്നോതി നിശ്ചിതമ് ॥ 154 ॥
ഇതി ശ്രീകാലികാകുലസര്വസ്വേ ഹരപരശുരാമസംവാദേ ശ്രീ കാലികാ സഹസ്രനാമ സ്തോത്രമ് ।
Roman (IAST) Transliteration
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
Sanskrit — Devanagari (original)
श्री शिव उवाच ।
कथितोऽयं महामन्त्रः सर्वमन्त्रोत्तमोत्तमः ।
यामासाद्य मया प्राप्तमैश्वर्यपदमुत्तमम् ॥ 1 ॥
संयुक्तः परया भक्त्या यथोक्त विधिना भवान् ।
कुरुतामर्चनं देव्यास्त्रैलोक्यविजिगीषया ॥ 2 ॥
श्रीपरशुराम उवाच ।
प्रसन्नो यदि मे देव परमेश पुरातन ।
रहस्यं परमं देव्याः कृपया कथय प्रभो ॥ 3 ॥
विनार्चनं विना होमं विना न्यासं विना बलिम् ।
विना गन्धं विना पुष्पं विना नित्योदितां क्रियाम् ॥ 4 ॥
प्राणायामं विना ध्यानं विना भूतविशोधनम् ।
विना दानं विना जापं येन काली प्रसीदति ॥ 5 ॥
श्री शिव उवाच ।
पृष्टं त्वयोत्तमं प्राज्ञ भृगुवंश समुद्भव ।
भक्तानामपि भक्तोऽसि त्वमेव साधयिष्यसि ॥ 6 ॥
देवीं दानवकोटिघ्नीं लीलया रुधिरप्रियाम् ।
सदा स्तोत्रप्रियामुग्रां कामकौतुकलालसाम् ॥ 7 ॥
सर्वदाऽऽनन्दहृदयामासवोत्सव मानसाम् ।
माध्वीक मत्स्यमांसानुरागिणीं वैष्णवीं पराम् ॥ 8 ॥
श्मशानवासिनीं प्रेतगणनृत्यमहोत्सवाम् ।
योगप्रभावां योगेशीं योगीन्द्रहृदयस्थिताम् ॥ 9 ॥
तामुग्रकालिकां राम प्रसीदयितुमर्हसि ।
तस्याः स्तोत्रं परं पुण्यं स्वयं काल्या प्रकाशितम् ॥ 10 ॥
तव तत् कथयिष्यामि श्रुत्वा वत्सावधारय ।
गोपनीयं प्रयत्नेन पठनीयं परात्परम् ॥ 11 ॥
यस्यैककालपठनात् सर्वे विघ्नाः समाकुलाः ।
नश्यन्ति दहने दीप्ते पतङ्गा इव सर्वतः ॥ 12 ॥
गद्यपद्यमयी वाणी तस्य गङ्गाप्रवाहवत् ।
तस्य दर्शनमात्रेण वादिनो निष्प्रभां गताः ॥ 13 ॥
तस्य हस्ते सदैवास्ति सर्वसिद्धिर्न संशयः ।
राजानोऽपि च दासत्वं भजन्ते किं परे जनाः ॥ 14 ॥
निशीथे मुक्तकेशस्तु नग्नः शक्तिसमाहितः ।
मनसा चिन्तयेत् कालीं महाकालेन चालिताम् ॥ 15 ॥
पठेत् सहस्रनामाख्यं स्तोत्रं मोक्षस्य साधनम् ।
प्रसन्ना कालिका तस्य पुत्रत्वेनानुकम्पते ॥ 16 ॥
यथा ब्रह्ममृतैर्ब्रह्मकुसुमैः पूजिता परा ।
प्रसीदति तथानेन स्तुता काली प्रसीदति ॥ 17 ॥
विनियोगः –
अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललाज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥
स्तोत्रम् –
श्मशानकालिका काली भद्रकाली कपालिनी ।
गुह्यकाली महाकाली कुरुकुल्ला विरोधिनी ॥ 1 ॥
कालिका कालरात्रिश्च महाकालनितम्बिनी ।
कालभैरवभार्या च कुलवर्त्मप्रकाशिनी ॥ 2 ॥
कामदा कामिनी कन्या कमनीयस्वरूपिणी ।
कस्तूरीरसलिप्ताङ्गी कुञ्जरेश्वरगामिनी ॥ 3 ॥
ककारवर्णसर्वाङ्गी कामिनी कामसुन्दरी ।
कामार्ता कामरूपा च कामधेनुः कलावती ॥ 4 ॥
कान्ता कामस्वरूपा च कामाख्या कुलकामिनी ।
कुलीना कुलवत्यम्बा दुर्गा दुर्गतिनाशिनी ॥ 5 ॥
कौमारी कलजा कृष्णा कृष्णदेहा कृशोदरी ।
कृशाङ्गी कुलिशाङ्गी च क्रीङ्कारी कमला कला ॥ 6 ॥
करालास्या कराली च कुलकान्ताऽपराजिता ।
उग्रा उग्रप्रभा दीप्ता विप्रचित्ता महाबला ॥ 7 ॥
नीला घना मेघनादा मात्रा मुद्रा मितामिता ।
ब्राह्मी नारायणी भद्रा सुभद्रा भक्तवत्सला ॥ 8 ॥
माहेश्वरी च चामुण्डा वाराही नारसिंहिका ।
वज्राङ्गी वज्रकङ्काली नृमुण्डस्रग्विणी शिवा ॥ 9 ॥
मालिनी नरमुण्डाली गलद्रक्तविभूषणा ।
रक्तचन्दनसिक्ताङ्गी सिन्दूरारुणमस्तका ॥ 10 ॥
घोररूपा घोरदंष्ट्रा घोराघोरतरा शुभा ।
महादंष्ट्रा महामाया सुदती युगदन्तुरा ॥ 11 ॥
सुलोचना विरूपाक्षी विशालाक्षी त्रिलोचना ।
शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥
अट्टहासप्रफुल्लास्या स्मेरवक्त्रा सुभाषिणी ।
प्रफुल्लपद्मवदना स्मितास्या प्रियभाषिणी ॥ 13 ॥
कोटराक्षी कुलश्रेष्ठा महती बहुभाषिणी ।
सुमतिः कुमतिश्चण्डा चण्डमुण्डातिवेगिनी ॥ 14 ॥
सुकेशी मुक्तकेशी च दीर्घकेशी महाकचा ।
प्रेतदेहाकर्णपूरा प्रेतपाणिसुमेखला ॥ 15 ॥
प्रेतासना प्रियप्रेता पुण्यदा कुलपण्डिता ।
पुण्यालया पुण्यदेहा पुण्यश्लोका च पावनी ॥ 16 ॥
पूता पवित्रा परमा परा पुण्यविभूषणा ।
पुण्यनाम्नी भीतिहरा वरदा खड्गपाणिनी ॥ 17 ॥
नृमुण्डहस्ता शान्ता च छिन्नमस्ता सुनासिका ।
दक्षिणा श्यामला श्यामा शान्ता पीनोन्नतस्तनी ॥ 18 ॥
दिगम्बरा घोररावा सृक्कान्तरक्तवाहिनी ।
घोररावा शिवासङ्गा निःसङ्गा मदनातुरा ॥ 19 ॥
मत्ता प्रमत्ता मदना सुधासिन्धुनिवासिनी ।
अतिमत्ता महामत्ता सर्वाकर्षणकारिणी ॥ 20 ॥
गीतप्रिया वाद्यरता प्रेतनृत्यपरायणा ।
चतुर्भुजा दशभुजा अष्टादशभुजा तथा ॥ 21 ॥
कात्यायनी जगन्माता जगती परमेश्वरी ।
जगद्बन्धुर्जगद्धात्री जगदानन्दकारिणी ॥ 22 ॥
जगज्जीववती हैमवती माया महालया ।
नागयज्ञोपवीताङ्गी नागिनी नागशायिनी ॥ 23 ॥
नागकन्या देवकन्या गान्धारी किन्नरी सुरी ।
मोहरात्री महारात्री दारुणामासुरासुरी ॥ 24 ॥
विद्याधरी वसुमती यक्षिणी योगिनी जरा ।
राक्षसी डाकिनी वेदमयी वेदविभूषणा ॥ 25 ॥
श्रुतिस्मृतिमहाविद्या गुह्यविद्या पुरातनी ।
चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥
अपर्णा निश्चला लोला सर्वविद्या तपस्विनी ।
गङ्गा काशी शची सीता सती सत्यपरायणा ॥ 27 ॥
नीतिः सुनीतिः सुरुचिस्तुष्टिः पुष्टिर्धृतिः क्षमा ।
वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥
स्रोतस्वती स्रोतवती मातङ्गी विजया जया ।
नदी सिन्धुः सर्वमयी तारा शून्यनिवासिनी ॥ 29 ॥
शुद्धा तरङ्गिणी मेधा लाकिनी बहुरूपिणी ।
सदानन्दमयी सत्या सर्वानन्दस्वरूपिणी ॥ 30 ॥
सुनन्दा नन्दिनी स्तुत्या स्तवनीया स्वभाविनी ।
रङ्किणी टङ्किणी चित्रा विचित्रा चित्ररूपिणी ॥ 31 ॥
पद्मा पद्मालया पद्मसुखी पद्मविभूषणा ।
शाकिनी हाकिनी क्षान्ता राकिणी रुधिरप्रिया ॥ 32 ॥
भ्रान्तिर्भवानी रुद्राणी मृडानी शत्रुमर्दिनी ।
उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥
सूर्यात्मिका रुद्रपत्नी रौद्री स्त्री प्रकृतिः पुमान् ।
शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥
सर्वेश्वरी सर्वमाता शर्वाणी हरवल्लभा ।
सर्वज्ञा सिद्धिदा सिद्धा भाव्या भव्या भयापहा ॥ 35 ॥
कर्त्री हर्त्री पालयित्री शर्वरी तामसी दया ।
तमिस्रा यामिनीस्था च स्थिरा धीरा तपस्विनी ॥ 36 ॥
चार्वङ्गी चञ्चला लोलजिह्वा चारुचरित्रिणी ।
त्रपा त्रपावती लज्जा निर्लज्जा ह्रीं रजोवती ॥ 37 ॥
सत्त्ववती धर्मनिष्ठा श्रेष्ठा निष्ठुरवादिनी ।
गरिष्ठा दुष्टसंहर्त्री विशिष्टा श्रेयसी घृणा ॥ 38 ॥
भीमा भयानका भीमनादिनी भीः प्रभावती ।
वागीश्वरी श्रीर्यमुना यज्ञकर्त्री यजुःप्रिया ॥ 39 ॥
ऋक्सामाथर्वनिलया रागिणी शोभनस्वरा ।
कलकण्ठी कम्बुकण्ठी वेणुवीणापरायणा ॥ 40 ॥
वंशिनी वैष्णवी स्वच्छा धात्री त्रिजगदीश्वरी ।
मधुमती कुण्डलिनी ऋद्धिः सिद्धिः शुचिस्मिता ॥ 41 ॥
रम्भोर्वशी रती रामा रोहिणी रेवती रमा ।
शङ्खिनी चक्रिणी कृष्णा गदिनी पद्मिनी तथा ॥ 42 ॥
शूलिनी परिघास्त्रा च पाशिनी शार्ङ्गपाणिनी ।
पिनाकधारिणी धूम्रा शरभी वनमालिनी ॥ 43 ॥
वज्रिणी समरप्रीता वेगिनी रणपण्डिता ।
जटिनी बिम्बिनी नीला लावण्याम्बुधिचन्द्रिका ॥ 44 ॥
बलिप्रिया सदापूज्या पूर्णा दैत्येन्द्रमाथिनी ।
महिषासुरसंहन्त्री वासिनी रक्तदन्तिका ॥ 45 ॥
रक्तपा रुधिराक्ताङ्गी रक्तखर्परहस्तिनी ।
रक्तप्रिया मांसरुचिर्वासवासक्तमानसा ॥ 46 ॥
गलच्छोणितमुण्डालिकण्ठमालाविभूषणा ।
शवासना चितान्तस्था माहेशी वृषवाहिनी ॥ 47 ॥
व्याघ्रत्वगम्बरा चीनचेलिनी सिंहवाहिनी ।
वामदेवी महादेवी गौरी सर्वज्ञभाविनी ॥ 48 ॥
बालिका तरुणी वृद्धा वृद्धमाता जरातुरा ।
सुभ्रुर्विलासिनी ब्रह्मवादिनी ब्राह्मणी मही ॥ 49 ॥
स्वप्नवती चित्रलेखा लोपामुद्रा सुरेश्वरी ।
अमोघाऽरुन्धती तीक्ष्णा भोगवत्यनुवादिनी ॥ 50 ॥
मन्दाकिनी मन्दहासा ज्वालामुख्यसुरान्तका ।
मानदा मानिनी मान्या माननीया मदोद्धता ॥ 51 ॥
मदिरा मदिरान्मादा मेध्या नव्या प्रसादिनी ।
सुमध्याऽनन्तगुणिनी सर्वलोकोत्तमोत्तमा ॥ 52 ॥
जयदा जित्वरा जैत्री जयश्रीर्जयशालिनी ।
सुखदा शुभदा सत्या सभासङ्क्षोभकारिणी ॥ 53 ॥
शिवदूती भूतिमती विभूतिर्भीषणानना ।
कौमारी कुलजा कुन्ती कुलस्त्री कुलपालिका ॥ 54 ॥
कीर्तिर्यशस्विनी भूषा भूष्या भूतपतिप्रिया ।
सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥
धनिष्ठा धनदा धन्या वसुधा स्वप्रकाशिनी ।
उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥
महाकुलीना निष्कामा सकामा कामजीवना ।
कामदेवकला रामाऽभिरामा शिवनर्तकी ॥ 57 ॥
चिन्तामणिः कल्पलता जाग्रती दीनवत्सला ।
कार्तिकी कीर्तिका कृत्या अयोध्या विषमा समा ॥ 58 ॥
सुमन्त्रा मन्त्रिणी घूर्णा ह्लादिनी क्लेशनाशिनी ।
त्रैलोक्यजननी हृष्टा निर्मांसा मनोरूपिणी ॥ 59 ॥
तडागनिम्नजठरा शुष्कमांसास्थिमालिनी ।
अवन्ती मथुरा माया त्रैलोक्यपावनीश्वरी ॥ 60 ॥
व्यक्ताऽव्यक्ताऽनेकमूर्तिः शर्वरी भीमनादिनी ।
क्षेमङ्करी शङ्करी च सर्वसम्मोहकारिणी ॥ 61 ॥
ऊर्ध्वतेजस्विनी क्लिन्ना महातेजस्विनी तथा ।
अद्वैता भोगिनी पूज्या युवती सर्वमङ्गला ॥ 62 ॥
सर्वप्रियङ्करी भोग्या धरणी पिशिताशना ।
भयङ्करी पापहरा निष्कलङ्का वशङ्करी ॥ 63 ॥
आशा तृष्णा चन्द्रकला निद्रान्या वायुवेगिनी ।
सहस्रसूर्यसङ्काशा चन्द्रकोटिसमप्रभा ॥ 64 ॥
वह्निमण्डलसंस्था च सर्वतत्त्वप्रतिष्ठिता ।
सर्वाचारवती सर्वदेवकन्याधिदेवता ॥ 65 ॥
दक्षकन्या दक्षयज्ञनाशिनी दुर्गतारिका ।
इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥
रम्भोरुश्चतुरा राका जयन्ती करुणा कुहुः ।
मनस्विनी देवमाता यशस्या ब्रह्मचारिणी ॥ 67 ॥
ऋद्धिदा वृद्धिदा वृद्धिः सर्वाद्या सर्वदायिनी ।
आधाररूपिणी ध्येया मूलाधारनिवासिनी ॥ 68 ॥
अज्ञा प्रज्ञा पूर्णमनाश्चन्द्रमुख्यनुकूलिनी ।
वावदूका निम्ननाभिः सत्या सन्ध्या दृढव्रता ॥ 69 ॥
आन्वीक्षिकी दण्डनीतिस्त्रयी त्रिदिवसुन्दरी ।
ज्वलिनी ज्वालिनी शैलतनया विन्ध्यवासिनी ॥ 70 ॥
अमेया खेचरी धैर्या तुरीया विमलाऽऽतुरा ।
प्रगल्भा वारुणी छाया शशिनी विस्फुलिङ्गिनी ॥ 71 ॥
भुक्तिः सिद्धिः सदाप्राप्तिः प्राकाम्या महिमाऽणिमा ।
इच्छासिद्धिर्विसिद्धा च वशित्वोर्ध्वनिवासिनी ॥ 72 ॥
लघिमा चैव गायत्री सावित्री भुवनेश्वरी ।
मनोहरा चिता दिव्या देव्युदारा मनोरमा ॥ 73 ॥
पिङ्गला कपिला जिह्वारसज्ञा रसिका रसा ।
सुषुम्नेडा भोगवती गान्धारी नरकान्तका ॥ 74 ॥
पाञ्चाली रुक्मिणी राधाराध्या भीमाधिराधिका ।
अमृता तुलसी वृन्दा कैटभी कपटेश्वरी ॥ 75 ॥
उग्रचण्डेश्वरी वीरा जननी वीरसुन्दरी ।
उग्रतारा यशोदाख्या दैवकी देवमानिता ॥ 76 ॥
निरञ्जना चित्रदेवी क्रोधिनी कुलदीपिका ।
कुलवागीश्वरी वाणी मातृका द्राविणी द्रवा ॥ 77 ॥
योगेश्वरी महामारी भ्रामरी बिन्दुरूपिणी ।
दूती प्राणेश्वरी गुप्ता बहुला चमरी प्रभा ॥ 78 ॥
कुब्जिका ज्ञानिनी ज्येष्ठा भुशुण्डी प्रकटा तिथिः ।
द्रविणी गोपनी माया कामबीजेश्वरी क्रिया ॥ 79 ॥
शाम्भवी केकरा मेना मूषलास्त्रा तिलोत्तमा ।
अमेयविक्रमा क्रूरा सम्पत्शाला त्रिलोचना ॥ 80 ॥
स्वस्तिर्हव्यवहा प्रीतिरुष्मा धूम्रार्चिरङ्गदा ।
तपिनी तापिनी विश्वा भोगदा धारिणी धरा ॥ 81 ॥
त्रिखण्डा बोधिनी वश्या सकला शब्दरूपिणी ।
बीजरूपा महामुद्रा योगिनी योनिरूपिणी ॥ 82 ॥
अनङ्गकुसुमाऽनङ्गमेखलाऽनङ्गरूपिणी ।
वज्रेश्वरी च जयिनी सर्वद्वन्द्वक्षयङ्करी ॥ 83 ॥
षडङ्गयुवती योगयुक्ता ज्वालांशुमालिनी ।
दुराशया दुराधारा दुर्जया दुर्गरूपिणी ॥ 84 ॥
दुरन्ता दुष्कृतिहरा दुर्ध्येया दुरतिक्रमा ।
हंसेश्वरी त्रिकोणस्था शाकम्भर्यनुकम्पिनी ॥ 85 ॥
त्रिकोणनिलया नित्या परमामृतरञ्जिता ।
महाविद्येश्वरी श्वेता भेरुण्डा कुलसुन्दरी ॥ 86 ॥
त्वरिता भक्तिसंसक्ता भक्तवश्या सनातनी ।
भक्तानन्दमयी भक्तभाविका भक्तशङ्करी ॥ 87 ॥
सर्वसौन्दर्यनिलया सर्वसौभाग्यशालिनी ।
सर्वसम्भोगभवना सर्वसौख्यनिरूपिणी ॥ 88 ॥
कुमारीपूजनरता कुमारीव्रतचारिणी ।
कुमारीभक्तिसुखिनी कुमारीरूपधारिणी ॥ 89 ॥
कुमारीपूजकप्रीता कुमारीप्रीतिदा प्रिया ।
कुमारीसेवकासङ्गा कुमारीसेवकालया ॥ 90 ॥
आनन्दभैरवी बालभैरवी बटुभैरवी ।
श्मशानभैरवी कालभैरवी पुरभैरवी ॥ 91 ॥
महाभैरवपत्नी च परमानन्दभैरवी ।
सुधानन्दभैरवी च उन्मादानन्दभैरवी ॥ 92 ॥
मुक्तानन्दभैरवी च तथा तरुणभैरवी ।
ज्ञानानन्दभैरवी च अमृतानन्दभैरवी ॥ 93 ॥
महाभयङ्करी तीव्रा तीव्रवेगा तपस्विनी ।
त्रिपुरा परमेशानी सुन्दरी पुरसुन्दरी ॥ 94 ॥
त्रिपुरेशी पञ्चदशी पञ्चमी पुरवासिनी ।
महासप्तदशी चैव षोडशी त्रिपुरेश्वरी ॥ 95 ॥
महाङ्कुशस्वरूपा च महाचक्रेश्वरी तथा ।
नवचक्रेश्वरी चक्रेश्वरी त्रिपुरमालिनी ॥ 96 ॥
राजराजेश्वरी धीरा महात्रिपुरसुन्दरी ।
सिन्दूरपूररुचिरा श्रीमत्त्रिपुरसुन्दरी ॥ 97 ॥
सर्वाङ्गसुन्दरी रक्तारक्तवस्त्रोत्तरीयिणी ।
जवायावकसिन्दूररक्तचन्दनधारिणी ॥ 98 ॥
जवायावकसिन्दूररक्तचन्दनरूपधृक् ।
चामरी बालकुटिलनिर्मला श्यामकेशिनी ॥ 99 ॥
वज्रमौक्तिकरत्नाढ्या किरीटमुकुटोज्ज्वला ।
रत्नकुण्डलसंयुक्तस्फुरद्गण्डमनोरमा ॥ 100 ॥
कुञ्जरेश्वरकुम्भोत्थमुक्तारञ्जितनासिका ।
मुक्ताविद्रुममाणिक्यहाराढ्यस्तनमण्डला ॥ 101 ॥
सूर्यकान्तेन्दुकान्ताढ्यस्पर्शाश्मकण्ठभूषणा ।
बीजपूरस्फुरद्बीजदन्तपङ्क्तिरनुत्तमा ॥ 102 ॥
कामकोदण्डकाभुग्नभ्रूकटाक्षप्रवर्षिणी ।
मातङ्गकुम्भवक्षोजा लसत्कोकनदेक्षणा ॥ 103 ॥
मनोज्ञशष्कुलीकर्णा हंसीगतिविडम्बिनी ।
पद्मरागाङ्गदज्योतिर्दोश्चतुष्कप्रकाशिनी ॥ 104 ॥
नानामणिपरिस्फूर्जच्छुद्धकाञ्चनकङ्कणा ।
नागेन्द्रदन्तनिर्माणवलयाङ्कितपाणिनी ॥ 105 ॥
अङ्गुरीयकचित्राङ्गी विचित्रक्षुद्रघण्टिका ।
पट्टाम्बरपरीधाना कलमञ्जीरशिञ्जिनी ॥ 106 ॥
कर्पूरागरुकस्तूरीकुङ्कुमद्रवलेपिता ।
विचित्ररत्नपृथिवीकल्पशाखितलस्थिता ॥ 107 ॥
रत्नद्वीपस्फुरद्रत्नसिंहासनविलासिनी ।
षट्चक्रभेदनकरी परमानन्दरूपिणी ॥ 108 ॥
सहस्रदलपद्मान्तश्चन्द्रमण्डलवर्तिनी ।
ब्रह्मरूपा शिवक्रोडा नानासुखविलासिनी ॥ 109 ॥
हरविष्णुविरिञ्चीन्द्रग्रहनायकसेविता ।
शिवा शैवा च रुद्राणी तथैव शिववादिनी ॥ 110 ॥
मातङ्गिनी श्रीमती च तथैवानङ्गमेखला ।
डाकिनी योगिनी चैव तथोपयोगिनी मता ॥ 111 ॥
माहेश्वरी वैष्णवी च भ्रामरी शिवरूपिणी ।
अलम्बुषा वेगवती क्रोधरूपा सुमेखला ॥ 112 ॥
गान्धारी हस्तजिह्वा च इडा चैव शुभङ्करी ।
पिङ्गला ब्रह्मदूती च सुषुम्ना चैव गन्धिनी ॥ 113 ॥
आत्मयोनिर्ब्रह्मयोनिर्जगद्योनिरयोनिजा ।
भगरूपा भगस्थात्री भगिनी भगरूपिणी ॥ 114 ॥
भगात्मिका भगाधाररूपिणी भगमालिनी ।
लिङ्गाख्या चैव लिङ्गेशी त्रिपुरा भैरवी तथा ॥ 115 ॥
लिङ्गगीतिः सुगीतिश्च लिङ्गस्था लिङ्गरूपधृक् ।
लिङ्गमाना लिङ्गभवा लिङ्गलिङ्गा च पार्वती ॥ 116 ॥
भगवती कौशिकी च प्रेमा चैव प्रियंवदा ।
गृध्ररूपा शिवारूपा चक्रिणी चक्ररूपधृक् ॥ 117 ॥
लिङ्गाभिधायिनी लिङ्गप्रिया लिङ्गनिवासिनी ।
लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥
लिङ्गगीतिर्महाप्रीता भगगीतिर्महासुखा ।
लिङ्गनामसदानन्दा भगनामसदागतिः ॥ 119 ॥
लिङ्गमालाकण्ठभूषा भगमालाविभूषणा ।
भगलिङ्गामृतप्रीता भगलिङ्गस्वरूपिणी ॥ 120 ॥
भगलिङ्गस्य रूपा च भगलिङ्गसुखावहा ।
स्वयम्भूकुसुमप्रीता स्वयम्भूकुसुमार्चिता ॥ 121 ॥
स्वयम्भूकुसुमप्राणा स्वयम्भूपुष्पतर्पिता ।
स्वयम्भूपुष्पघटिता स्वयम्भूपुष्पधारिणी ॥ 122 ॥
स्वयम्भूपुष्पतिलका स्वयम्भूपुष्पचर्चिता ।
स्वयम्भूपुष्पनिरता स्वयम्भूकुसुमग्रहा ॥ 123 ॥
स्वयम्भूपुष्पयज्ञांशा स्वयम्भूकुसुमात्मिका ।
स्वयम्भूपुष्पनिचिता स्वयम्भूकुसुमप्रिया ॥ 124 ॥
स्वयम्भूकुसुमादानलालसोन्मत्तमानसा ।
स्वयम्भूकुसुमानन्दलहरीस्निग्धदेहिनी ॥ 125 ॥
स्वयम्भूकुसुमाधारा स्वयम्भूकुसुमाकुला ।
स्वयम्भूपुष्पनिलया स्वयम्भूपुष्पवासिनी ॥ 126 ॥
स्वयम्भूकुसुमस्निग्धा स्वयम्भूकुसुमात्मिका ।
स्वयम्भूपुष्पकरिणी स्वयम्भूपुष्पवाणिका ॥ 127 ॥
स्वयम्भूकुसुमध्याना स्वयम्भूकुसुमप्रभा ।
स्वयम्भूकुसुमज्ञाना स्वयम्भूपुष्पभागिनी ॥ 128 ॥
स्वयम्भूकुसुमोल्लासा स्वयम्भूपुष्पवर्षिणी ।
स्वयम्भूकुसुमोत्साहा स्वयम्भूपुष्परूपिणी ॥ 129 ॥
स्वयम्भूकुसुमोन्मादा स्वयम्भूपुष्पसुन्दरी ।
स्वयम्भूकुसुमाराध्या स्वयम्भूकुसुमोद्भवा ॥ 130 ॥
स्वयम्भूकुसुमाव्यग्रा स्वयम्भूपुष्पपूर्णिता ।
स्वयम्भूपूजकप्राज्ञा स्वयम्भूहोतृमातृका ॥ 131 ॥
स्वयम्भूदातृरक्षित्री स्वयम्भूरक्ततारिका ।
स्वयम्भूपूजकग्रस्ता स्वयम्भूपूजकप्रिया ॥ 132 ॥
स्वयम्भूवन्दकाधारा स्वयम्भूनिन्दकान्तका ।
स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥
स्वयम्भूप्रदसस्मेरा स्वयम्भूतशरीरिणी ।
सर्वकालोद्भवप्रीता सर्वकालोद्भवात्मिका ॥ 134 ॥
सर्वकालोद्भवोद्भावा सर्वकालोद्भवोद्भवा ।
कुण्डपुष्पसदाप्रीता कुण्डपुष्पसदारतिः ॥ 135 ॥
कुण्डगोलोद्भवप्राणा कुण्डगोलोद्भवात्मिका ।
स्वयम्भूर्वा शिवा धात्री पावनी लोकपावनी ॥ 136 ॥
कीर्तिर्यशस्विनी मेधा विमेधा शुक्रसुन्दरी ।
अश्विनी कृत्तिका पुष्या तेजस्का चन्द्रमण्डला ॥ 137 ॥
सूक्ष्माऽसूक्ष्मा बलाका च वरदा भयनाशिनी ।
वरदाऽभयदा चैव मुक्तिबन्धविनाशिनी ॥ 138 ॥
कामुका कामदा कान्ता कामाख्या कुलसुन्दरी ।
दुःखदा सुखदा मोक्षा मोक्षदार्थप्रकाशिनी ॥ 139 ॥
दुष्टादुष्टमतिश्चैव सर्वकार्यविनाशिनी ।
शुक्राधारा शुक्ररूपा शुक्रसिन्धुनिवासिनी ॥ 140 ॥
शुक्रालया शुक्रभोगा शुक्रपूजासदारतिः ।
शुक्रपूज्या शुक्रहोमसन्तुष्टा शुक्रवत्सला ॥ 141 ॥
शुक्रमूर्तिः शुक्रदेहा शुक्रपूजकपुत्रिणी ।
शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥
शुक्रस्नाता शुक्रकरी शुक्रसेव्याऽतिशुक्रिणी ।
महाशुक्रा शुक्रभवा शुक्रवृष्टिविधायिनी ॥ 143 ॥
शुक्राभिधेया शुक्रार्हा शुक्रवन्दकवन्दिता ।
शुक्रानन्दकरी शुक्रसदानन्दाभिधायिका ॥ 144 ॥
शुक्रोत्सवा सदाशुक्रपूर्णा शुक्रमनोरमा ।
शुक्रपूजकसर्वस्वा शुक्रनिन्दकनाशिनी ॥ 145 ॥
शुक्रात्मिका शुक्रसंवत् शुक्राकर्षणकारिणी ।
शारदा साधकप्राणा साधकासक्तमानसा ॥ 146 ॥
साधकोत्तमसर्वस्वा साधकाभक्तरक्तपा ।
साधकानन्दसन्तोषा साधकानन्दकारिणी ॥ 147 ॥
आत्मविद्या ब्रह्मविद्या परब्रह्मस्वरूपिणी ।
त्रिकूटस्था पञ्चकूटा सर्वकूटशरीरिणी ॥ 148 ॥
सर्ववर्णमयी वर्णजपमालाविधायिनी ।
इति श्रीकालिकानामसहस्रं शिवभाषितम् ॥ 149 ॥
गुह्याद्गुह्यतरं साक्षान्महापातकनाशनम् ।
पूजाकाले निशीथे च सन्ध्ययोरुभयोरपि ॥ 150 ॥
लभते गाणपत्यं स यः पठेत् साधकोत्तमः ।
यः पठेत् पाठयेद्वापि शृणोति श्रावयेदपि ॥ 151 ॥
सर्वपापविनिर्मुक्तः स याति कालिकापुरम् ।
श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥
दुर्गं दुर्गशतं तीर्त्वा स याति परमाङ्गतिम् ।
वन्ध्या वा काकवन्ध्या वा मृतवत्सा च याङ्गना ॥ 153 ॥
श्रुत्वा स्तोत्रमिदं पुत्रान् लभते चिरजीविनः ।
यं यं कामयते कामं पठन् स्तोत्रमनुत्तमम् ।
देवीपादप्रसादेन तत्तदाप्नोति निश्चितम् ॥ 154 ॥
इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.