শ্রী শিব উবাচ ।
কথিতোঽযং মহামন্ত্রঃ সর্বমন্ত্রোত্তমোত্তমঃ ।
যামাসাদ্য মযা প্রাপ্তমৈশ্বর্যপদমুত্তমম্ ॥ 1 ॥
সংযুক্তঃ পরযা ভক্ত্যা যথোক্ত বিধিনা ভবান্ ।
কুরুতামর্চনং দেব্যাস্ত্রৈলোক্যবিজিগীষযা ॥ 2 ॥
শ্রীপরশুরাম উবাচ ।
প্রসন্নো যদি মে দেব পরমেশ পুরাতন ।
রহস্যং পরমং দেব্যাঃ কৃপযা কথয প্রভো ॥ 3 ॥
বিনার্চনং বিনা হোমং বিনা ন্যাসং বিনা বলিম্ ।
বিনা গন্ধং বিনা পুষ্পং বিনা নিত্যোদিতাং ক্রিযাম্ ॥ 4 ॥
প্রাণাযামং বিনা ধ্যানং বিনা ভূতবিশোধনম্ ।
বিনা দানং বিনা জাপং যেন কালী প্রসীদতি ॥ 5 ॥
শ্রী শিব উবাচ ।
পৃষ্টং ত্বযোত্তমং প্রাজ্ঞ ভৃগুবংশ সমুদ্ভব ।
ভক্তানামপি ভক্তোঽসি ত্বমেব সাধযিষ্যসি ॥ 6 ॥
দেবীং দানবকোটিঘ্নীং লীলযা রুধিরপ্রিযাম্ ।
সদা স্তোত্রপ্রিযামুগ্রাং কামকৌতুকলালসাম্ ॥ 7 ॥
সর্বদাঽঽনন্দহৃদযামাসবোত্সব মানসাম্ ।
মাধ্বীক মত্স্যমাংসানুরাগিণীং বৈষ্ণবীং পরাম্ ॥ 8 ॥
শ্মশানবাসিনীং প্রেতগণনৃত্যমহোত্সবাম্ ।
যোগপ্রভাবাং যোগেশীং যোগীন্দ্রহৃদযস্থিতাম্ ॥ 9 ॥
তামুগ্রকালিকাং রাম প্রসীদযিতুমর্হসি ।
তস্যাঃ স্তোত্রং পরং পুণ্যং স্বযং কাল্যা প্রকাশিতম্ ॥ 10 ॥
তব তত্ কথযিষ্যামি শ্রুত্বা বত্সাবধারয ।
গোপনীযং প্রযত্নেন পঠনীযং পরাত্পরম্ ॥ 11 ॥
যস্যৈককালপঠনাত্ সর্বে বিঘ্নাঃ সমাকুলাঃ ।
নশ্যন্তি দহনে দীপ্তে পতঙ্গা ইব সর্বতঃ ॥ 12 ॥
গদ্যপদ্যমযী বাণী তস্য গঙ্গাপ্রবাহবত্ ।
তস্য দর্শনমাত্রেণ বাদিনো নিষ্প্রভাং গতাঃ ॥ 13 ॥
তস্য হস্তে সদৈবাস্তি সর্বসিদ্ধির্ন সংশযঃ ।
রাজানোঽপি চ দাসত্বং ভজন্তে কিং পরে জনাঃ ॥ 14 ॥
নিশীথে মুক্তকেশস্তু নগ্নঃ শক্তিসমাহিতঃ ।
মনসা চিন্তযেত্ কালীং মহাকালেন চালিতাম্ ॥ 15 ॥
পঠেত্ সহস্রনামাখ্যং স্তোত্রং মোক্ষস্য সাধনম্ ।
প্রসন্না কালিকা তস্য পুত্রত্বেনানুকম্পতে ॥ 16 ॥
যথা ব্রহ্মমৃতৈর্ব্রহ্মকুসুমৈঃ পূজিতা পরা ।
প্রসীদতি তথানেন স্তুতা কালী প্রসীদতি ॥ 17 ॥
বিনিযোগঃ –
অস্য শ্রী দক্ষিণকালিকা সহস্রনাম স্তোত্রস্য মহাকালভৈরব ঋষিঃ অনুষ্টুপ্ ছন্দঃ শ্মশানকালী দেবতা ধর্মার্থকামমোক্ষার্থে পাঠে বিনিযোগঃ ।
ধ্যানম্ –
শবারূঢাং মহাভীমাং ঘোরদংষ্ট্রাং হসন্মুখীং
চতুর্ভুজাং খড্গমুণ্ডবরাভযকরাং শিবাম্ ।
মুণ্ডমালাধরাং দেবীং ললাজ্জিহ্বাং দিগম্বরাং
এবং সঞ্চিন্তযেত্কালীং শ্মশানালযবাসিনীম্ ॥
স্তোত্রম্ –
শ্মশানকালিকা কালী ভদ্রকালী কপালিনী ।
গুহ্যকালী মহাকালী কুরুকুল্লা বিরোধিনী ॥ 1 ॥
কালিকা কালরাত্রিশ্চ মহাকালনিতম্বিনী ।
কালভৈরবভার্যা চ কুলবর্ত্মপ্রকাশিনী ॥ 2 ॥
কামদা কামিনী কন্যা কমনীযস্বরূপিণী ।
কস্তূরীরসলিপ্তাঙ্গী কুঞ্জরেশ্বরগামিনী ॥ 3 ॥
ককারবর্ণসর্বাঙ্গী কামিনী কামসুন্দরী ।
কামার্তা কামরূপা চ কামধেনুঃ কলাবতী ॥ 4 ॥
কান্তা কামস্বরূপা চ কামাখ্যা কুলকামিনী ।
কুলীনা কুলবত্যম্বা দুর্গা দুর্গতিনাশিনী ॥ 5 ॥
কৌমারী কলজা কৃষ্ণা কৃষ্ণদেহা কৃশোদরী ।
কৃশাঙ্গী কুলিশাঙ্গী চ ক্রীঙ্কারী কমলা কলা ॥ 6 ॥
করালাস্যা করালী চ কুলকান্তাঽপরাজিতা ।
উগ্রা উগ্রপ্রভা দীপ্তা বিপ্রচিত্তা মহাবলা ॥ 7 ॥
নীলা ঘনা মেঘনাদা মাত্রা মুদ্রা মিতামিতা ।
ব্রাহ্মী নারাযণী ভদ্রা সুভদ্রা ভক্তবত্সলা ॥ 8 ॥
মাহেশ্বরী চ চামুণ্ডা বারাহী নারসিংহিকা ।
বজ্রাঙ্গী বজ্রকঙ্কালী নৃমুণ্ডস্রগ্বিণী শিবা ॥ 9 ॥
মালিনী নরমুণ্ডালী গলদ্রক্তবিভূষণা ।
রক্তচন্দনসিক্তাঙ্গী সিন্দূরারুণমস্তকা ॥ 10 ॥
ঘোররূপা ঘোরদংষ্ট্রা ঘোরাঘোরতরা শুভা ।
মহাদংষ্ট্রা মহামাযা সুদতী যুগদন্তুরা ॥ 11 ॥
সুলোচনা বিরূপাক্ষী বিশালাক্ষী ত্রিলোচনা ।
শারদেন্দুপ্রসন্নাস্যা স্ফুরত্স্মেরাম্বুজেক্ষণা ॥ 12 ॥
অট্টহাসপ্রফুল্লাস্যা স্মেরবক্ত্রা সুভাষিণী ।
প্রফুল্লপদ্মবদনা স্মিতাস্যা প্রিযভাষিণী ॥ 13 ॥
কোটরাক্ষী কুলশ্রেষ্ঠা মহতী বহুভাষিণী ।
সুমতিঃ কুমতিশ্চণ্ডা চণ্ডমুণ্ডাতিবেগিনী ॥ 14 ॥
সুকেশী মুক্তকেশী চ দীর্ঘকেশী মহাকচা ।
প্রেতদেহাকর্ণপূরা প্রেতপাণিসুমেখলা ॥ 15 ॥
প্রেতাসনা প্রিযপ্রেতা পুণ্যদা কুলপণ্ডিতা ।
পুণ্যালযা পুণ্যদেহা পুণ্যশ্লোকা চ পাবনী ॥ 16 ॥
পূতা পবিত্রা পরমা পরা পুণ্যবিভূষণা ।
পুণ্যনাম্নী ভীতিহরা বরদা খড্গপাণিনী ॥ 17 ॥
নৃমুণ্ডহস্তা শান্তা চ ছিন্নমস্তা সুনাসিকা ।
দক্ষিণা শ্যামলা শ্যামা শান্তা পীনোন্নতস্তনী ॥ 18 ॥
দিগম্বরা ঘোররাবা সৃক্কান্তরক্তবাহিনী ।
ঘোররাবা শিবাসঙ্গা নিঃসঙ্গা মদনাতুরা ॥ 19 ॥
মত্তা প্রমত্তা মদনা সুধাসিন্ধুনিবাসিনী ।
অতিমত্তা মহামত্তা সর্বাকর্ষণকারিণী ॥ 20 ॥
গীতপ্রিযা বাদ্যরতা প্রেতনৃত্যপরাযণা ।
চতুর্ভুজা দশভুজা অষ্টাদশভুজা তথা ॥ 21 ॥
কাত্যাযনী জগন্মাতা জগতী পরমেশ্বরী ।
জগদ্বন্ধুর্জগদ্ধাত্রী জগদানন্দকারিণী ॥ 22 ॥
জগজ্জীববতী হৈমবতী মাযা মহালযা ।
নাগযজ্ঞোপবীতাঙ্গী নাগিনী নাগশাযিনী ॥ 23 ॥
নাগকন্যা দেবকন্যা গান্ধারী কিন্নরী সুরী ।
মোহরাত্রী মহারাত্রী দারুণামাসুরাসুরী ॥ 24 ॥
বিদ্যাধরী বসুমতী যক্ষিণী যোগিনী জরা ।
রাক্ষসী ডাকিনী বেদমযী বেদবিভূষণা ॥ 25 ॥
শ্রুতিস্মৃতিমহাবিদ্যা গুহ্যবিদ্যা পুরাতনী ।
চিন্ত্যাঽচিন্ত্যা স্বধা স্বাহা নিদ্রা তন্দ্রা চ পার্বতী ॥ 26 ॥
অপর্ণা নিশ্চলা লোলা সর্ববিদ্যা তপস্বিনী ।
গঙ্গা কাশী শচী সীতা সতী সত্যপরাযণা ॥ 27 ॥
নীতিঃ সুনীতিঃ সুরুচিস্তুষ্টিঃ পুষ্টির্ধৃতিঃ ক্ষমা ।
বাণী বুদ্ধির্মহালক্ষ্মী লক্ষ্মীর্নীলসরস্বতী ॥ 28 ॥
স্রোতস্বতী স্রোতবতী মাতঙ্গী বিজযা জযা ।
নদী সিন্ধুঃ সর্বমযী তারা শূন্যনিবাসিনী ॥ 29 ॥
শুদ্ধা তরঙ্গিণী মেধা লাকিনী বহুরূপিণী ।
সদানন্দমযী সত্যা সর্বানন্দস্বরূপিণী ॥ 30 ॥
সুনন্দা নন্দিনী স্তুত্যা স্তবনীযা স্বভাবিনী ।
রঙ্কিণী টঙ্কিণী চিত্রা বিচিত্রা চিত্ররূপিণী ॥ 31 ॥
পদ্মা পদ্মালযা পদ্মসুখী পদ্মবিভূষণা ।
শাকিনী হাকিনী ক্ষান্তা রাকিণী রুধিরপ্রিযা ॥ 32 ॥
ভ্রান্তির্ভবানী রুদ্রাণী মৃডানী শত্রুমর্দিনী ।
উপেন্দ্রাণী মহেশানী জ্যোত্স্না চেন্দ্রস্বরূপিণী ॥ 33 ॥
সূর্যাত্মিকা রুদ্রপত্নী রৌদ্রী স্ত্রী প্রকৃতিঃ পুমান্ ।
শক্তিঃ সূক্তির্মতিমতী ভুক্তির্মুক্তিঃ পতিব্রতা ॥ 34 ॥
সর্বেশ্বরী সর্বমাতা শর্বাণী হরবল্লভা ।
সর্বজ্ঞা সিদ্ধিদা সিদ্ধা ভাব্যা ভব্যা ভযাপহা ॥ 35 ॥
কর্ত্রী হর্ত্রী পালযিত্রী শর্বরী তামসী দযা ।
তমিস্রা যামিনীস্থা চ স্থিরা ধীরা তপস্বিনী ॥ 36 ॥
চার্বঙ্গী চঞ্চলা লোলজিহ্বা চারুচরিত্রিণী ।
ত্রপা ত্রপাবতী লজ্জা নির্লজ্জা হ্রীং রজোবতী ॥ 37 ॥
সত্ত্ববতী ধর্মনিষ্ঠা শ্রেষ্ঠা নিষ্ঠুরবাদিনী ।
গরিষ্ঠা দুষ্টসংহর্ত্রী বিশিষ্টা শ্রেযসী ঘৃণা ॥ 38 ॥
ভীমা ভযানকা ভীমনাদিনী ভীঃ প্রভাবতী ।
বাগীশ্বরী শ্রীর্যমুনা যজ্ঞকর্ত্রী যজুঃপ্রিযা ॥ 39 ॥
ঋক্সামাথর্বনিলযা রাগিণী শোভনস্বরা ।
কলকণ্ঠী কম্বুকণ্ঠী বেণুবীণাপরাযণা ॥ 40 ॥
বংশিনী বৈষ্ণবী স্বচ্ছা ধাত্রী ত্রিজগদীশ্বরী ।
মধুমতী কুণ্ডলিনী ঋদ্ধিঃ সিদ্ধিঃ শুচিস্মিতা ॥ 41 ॥
রম্ভোর্বশী রতী রামা রোহিণী রেবতী রমা ।
শঙ্খিনী চক্রিণী কৃষ্ণা গদিনী পদ্মিনী তথা ॥ 42 ॥
শূলিনী পরিঘাস্ত্রা চ পাশিনী শার্ঙ্গপাণিনী ।
পিনাকধারিণী ধূম্রা শরভী বনমালিনী ॥ 43 ॥
বজ্রিণী সমরপ্রীতা বেগিনী রণপণ্ডিতা ।
জটিনী বিম্বিনী নীলা লাবণ্যাম্বুধিচন্দ্রিকা ॥ 44 ॥
বলিপ্রিযা সদাপূজ্যা পূর্ণা দৈত্যেন্দ্রমাথিনী ।
মহিষাসুরসংহন্ত্রী বাসিনী রক্তদন্তিকা ॥ 45 ॥
রক্তপা রুধিরাক্তাঙ্গী রক্তখর্পরহস্তিনী ।
রক্তপ্রিযা মাংসরুচির্বাসবাসক্তমানসা ॥ 46 ॥
গলচ্ছোণিতমুণ্ডালিকণ্ঠমালাবিভূষণা ।
শবাসনা চিতান্তস্থা মাহেশী বৃষবাহিনী ॥ 47 ॥
ব্যাঘ্রত্বগম্বরা চীনচেলিনী সিংহবাহিনী ।
বামদেবী মহাদেবী গৌরী সর্বজ্ঞভাবিনী ॥ 48 ॥
বালিকা তরুণী বৃদ্ধা বৃদ্ধমাতা জরাতুরা ।
সুভ্রুর্বিলাসিনী ব্রহ্মবাদিনী ব্রাহ্মণী মহী ॥ 49 ॥
স্বপ্নবতী চিত্রলেখা লোপামুদ্রা সুরেশ্বরী ।
অমোঘাঽরুন্ধতী তীক্ষ্ণা ভোগবত্যনুবাদিনী ॥ 50 ॥
মন্দাকিনী মন্দহাসা জ্বালামুখ্যসুরান্তকা ।
মানদা মানিনী মান্যা মাননীযা মদোদ্ধতা ॥ 51 ॥
মদিরা মদিরান্মাদা মেধ্যা নব্যা প্রসাদিনী ।
সুমধ্যাঽনন্তগুণিনী সর্বলোকোত্তমোত্তমা ॥ 52 ॥
জযদা জিত্বরা জৈত্রী জযশ্রীর্জযশালিনী ।
সুখদা শুভদা সত্যা সভাসঙ্ক্ষোভকারিণী ॥ 53 ॥
শিবদূতী ভূতিমতী বিভূতির্ভীষণাননা ।
কৌমারী কুলজা কুন্তী কুলস্ত্রী কুলপালিকা ॥ 54 ॥
কীর্তির্যশস্বিনী ভূষা ভূষ্যা ভূতপতিপ্রিযা ।
সগুণা নির্গুণা ধৃষ্টা নিষ্ঠা কাষ্ঠা প্রতিষ্ঠিতা ॥ 55 ॥
ধনিষ্ঠা ধনদা ধন্যা বসুধা স্বপ্রকাশিনী ।
উর্বী গুর্বী গুরুশ্রেষ্ঠা সগুণা ত্রিগুণাত্মিকা ॥ 56 ॥
মহাকুলীনা নিষ্কামা সকামা কামজীবনা ।
কামদেবকলা রামাঽভিরামা শিবনর্তকী ॥ 57 ॥
চিন্তামণিঃ কল্পলতা জাগ্রতী দীনবত্সলা ।
কার্তিকী কীর্তিকা কৃত্যা অযোধ্যা বিষমা সমা ॥ 58 ॥
সুমন্ত্রা মন্ত্রিণী ঘূর্ণা হ্লাদিনী ক্লেশনাশিনী ।
ত্রৈলোক্যজননী হৃষ্টা নির্মাংসা মনোরূপিণী ॥ 59 ॥
তডাগনিম্নজঠরা শুষ্কমাংসাস্থিমালিনী ।
অবন্তী মথুরা মাযা ত্রৈলোক্যপাবনীশ্বরী ॥ 60 ॥
ব্যক্তাঽব্যক্তাঽনেকমূর্তিঃ শর্বরী ভীমনাদিনী ।
ক্ষেমঙ্করী শঙ্করী চ সর্বসম্মোহকারিণী ॥ 61 ॥
ঊর্ধ্বতেজস্বিনী ক্লিন্না মহাতেজস্বিনী তথা ।
অদ্বৈতা ভোগিনী পূজ্যা যুবতী সর্বমঙ্গলা ॥ 62 ॥
সর্বপ্রিযঙ্করী ভোগ্যা ধরণী পিশিতাশনা ।
ভযঙ্করী পাপহরা নিষ্কলঙ্কা বশঙ্করী ॥ 63 ॥
আশা তৃষ্ণা চন্দ্রকলা নিদ্রান্যা বাযুবেগিনী ।
সহস্রসূর্যসঙ্কাশা চন্দ্রকোটিসমপ্রভা ॥ 64 ॥
বহ্নিমণ্ডলসংস্থা চ সর্বতত্ত্বপ্রতিষ্ঠিতা ।
সর্বাচারবতী সর্বদেবকন্যাধিদেবতা ॥ 65 ॥
দক্ষকন্যা দক্ষযজ্ঞনাশিনী দুর্গতারিকা ।
ইজ্যা পূজ্যা বিভা ভূতিঃ সত্কীর্তির্ব্রহ্মরূপিণী ॥ 66 ॥
রম্ভোরুশ্চতুরা রাকা জযন্তী করুণা কুহুঃ ।
মনস্বিনী দেবমাতা যশস্যা ব্রহ্মচারিণী ॥ 67 ॥
ঋদ্ধিদা বৃদ্ধিদা বৃদ্ধিঃ সর্বাদ্যা সর্বদাযিনী ।
আধাররূপিণী ধ্যেযা মূলাধারনিবাসিনী ॥ 68 ॥
অজ্ঞা প্রজ্ঞা পূর্ণমনাশ্চন্দ্রমুখ্যনুকূলিনী ।
বাবদূকা নিম্ননাভিঃ সত্যা সন্ধ্যা দৃঢব্রতা ॥ 69 ॥
আন্বীক্ষিকী দণ্ডনীতিস্ত্রযী ত্রিদিবসুন্দরী ।
জ্বলিনী জ্বালিনী শৈলতনযা বিন্ধ্যবাসিনী ॥ 70 ॥
অমেযা খেচরী ধৈর্যা তুরীযা বিমলাঽঽতুরা ।
প্রগল্ভা বারুণী ছাযা শশিনী বিস্ফুলিঙ্গিনী ॥ 71 ॥
ভুক্তিঃ সিদ্ধিঃ সদাপ্রাপ্তিঃ প্রাকাম্যা মহিমাঽণিমা ।
ইচ্ছাসিদ্ধির্বিসিদ্ধা চ বশিত্বোর্ধ্বনিবাসিনী ॥ 72 ॥
লঘিমা চৈব গাযত্রী সাবিত্রী ভুবনেশ্বরী ।
মনোহরা চিতা দিব্যা দেব্যুদারা মনোরমা ॥ 73 ॥
পিঙ্গলা কপিলা জিহ্বারসজ্ঞা রসিকা রসা ।
সুষুম্নেডা ভোগবতী গান্ধারী নরকান্তকা ॥ 74 ॥
পাঞ্চালী রুক্মিণী রাধারাধ্যা ভীমাধিরাধিকা ।
অমৃতা তুলসী বৃন্দা কৈটভী কপটেশ্বরী ॥ 75 ॥
উগ্রচণ্ডেশ্বরী বীরা জননী বীরসুন্দরী ।
উগ্রতারা যশোদাখ্যা দৈবকী দেবমানিতা ॥ 76 ॥
নিরঞ্জনা চিত্রদেবী ক্রোধিনী কুলদীপিকা ।
কুলবাগীশ্বরী বাণী মাতৃকা দ্রাবিণী দ্রবা ॥ 77 ॥
যোগেশ্বরী মহামারী ভ্রামরী বিন্দুরূপিণী ।
দূতী প্রাণেশ্বরী গুপ্তা বহুলা চমরী প্রভা ॥ 78 ॥
কুব্জিকা জ্ঞানিনী জ্যেষ্ঠা ভুশুণ্ডী প্রকটা তিথিঃ ।
দ্রবিণী গোপনী মাযা কামবীজেশ্বরী ক্রিযা ॥ 79 ॥
শাম্ভবী কেকরা মেনা মূষলাস্ত্রা তিলোত্তমা ।
অমেযবিক্রমা ক্রূরা সম্পত্শালা ত্রিলোচনা ॥ 80 ॥
স্বস্তির্হব্যবহা প্রীতিরুষ্মা ধূম্রার্চিরঙ্গদা ।
তপিনী তাপিনী বিশ্বা ভোগদা ধারিণী ধরা ॥ 81 ॥
ত্রিখণ্ডা বোধিনী বশ্যা সকলা শব্দরূপিণী ।
বীজরূপা মহামুদ্রা যোগিনী যোনিরূপিণী ॥ 82 ॥
অনঙ্গকুসুমাঽনঙ্গমেখলাঽনঙ্গরূপিণী ।
বজ্রেশ্বরী চ জযিনী সর্বদ্বন্দ্বক্ষযঙ্করী ॥ 83 ॥
ষডঙ্গযুবতী যোগযুক্তা জ্বালাংশুমালিনী ।
দুরাশযা দুরাধারা দুর্জযা দুর্গরূপিণী ॥ 84 ॥
দুরন্তা দুষ্কৃতিহরা দুর্ধ্যেযা দুরতিক্রমা ।
হংসেশ্বরী ত্রিকোণস্থা শাকম্ভর্যনুকম্পিনী ॥ 85 ॥
ত্রিকোণনিলযা নিত্যা পরমামৃতরঞ্জিতা ।
মহাবিদ্যেশ্বরী শ্বেতা ভেরুণ্ডা কুলসুন্দরী ॥ 86 ॥
ত্বরিতা ভক্তিসংসক্তা ভক্তবশ্যা সনাতনী ।
ভক্তানন্দমযী ভক্তভাবিকা ভক্তশঙ্করী ॥ 87 ॥
সর্বসৌন্দর্যনিলযা সর্বসৌভাগ্যশালিনী ।
সর্বসম্ভোগভবনা সর্বসৌখ্যনিরূপিণী ॥ 88 ॥
কুমারীপূজনরতা কুমারীব্রতচারিণী ।
কুমারীভক্তিসুখিনী কুমারীরূপধারিণী ॥ 89 ॥
কুমারীপূজকপ্রীতা কুমারীপ্রীতিদা প্রিযা ।
কুমারীসেবকাসঙ্গা কুমারীসেবকালযা ॥ 90 ॥
আনন্দভৈরবী বালভৈরবী বটুভৈরবী ।
শ্মশানভৈরবী কালভৈরবী পুরভৈরবী ॥ 91 ॥
মহাভৈরবপত্নী চ পরমানন্দভৈরবী ।
সুধানন্দভৈরবী চ উন্মাদানন্দভৈরবী ॥ 92 ॥
মুক্তানন্দভৈরবী চ তথা তরুণভৈরবী ।
জ্ঞানানন্দভৈরবী চ অমৃতানন্দভৈরবী ॥ 93 ॥
মহাভযঙ্করী তীব্রা তীব্রবেগা তপস্বিনী ।
ত্রিপুরা পরমেশানী সুন্দরী পুরসুন্দরী ॥ 94 ॥
ত্রিপুরেশী পঞ্চদশী পঞ্চমী পুরবাসিনী ।
মহাসপ্তদশী চৈব ষোডশী ত্রিপুরেশ্বরী ॥ 95 ॥
মহাঙ্কুশস্বরূপা চ মহাচক্রেশ্বরী তথা ।
নবচক্রেশ্বরী চক্রেশ্বরী ত্রিপুরমালিনী ॥ 96 ॥
রাজরাজেশ্বরী ধীরা মহাত্রিপুরসুন্দরী ।
সিন্দূরপূররুচিরা শ্রীমত্ত্রিপুরসুন্দরী ॥ 97 ॥
সর্বাঙ্গসুন্দরী রক্তারক্তবস্ত্রোত্তরীযিণী ।
জবাযাবকসিন্দূররক্তচন্দনধারিণী ॥ 98 ॥
জবাযাবকসিন্দূররক্তচন্দনরূপধৃক্ ।
চামরী বালকুটিলনির্মলা শ্যামকেশিনী ॥ 99 ॥
বজ্রমৌক্তিকরত্নাঢ্যা কিরীটমুকুটোজ্জ্বলা ।
রত্নকুণ্ডলসংযুক্তস্ফুরদ্গণ্ডমনোরমা ॥ 100 ॥
কুঞ্জরেশ্বরকুম্ভোত্থমুক্তারঞ্জিতনাসিকা ।
মুক্তাবিদ্রুমমাণিক্যহারাঢ্যস্তনমণ্ডলা ॥ 101 ॥
সূর্যকান্তেন্দুকান্তাঢ্যস্পর্শাশ্মকণ্ঠভূষণা ।
বীজপূরস্ফুরদ্বীজদন্তপঙ্ক্তিরনুত্তমা ॥ 102 ॥
কামকোদণ্ডকাভুগ্নভ্রূকটাক্ষপ্রবর্ষিণী ।
মাতঙ্গকুম্ভবক্ষোজা লসত্কোকনদেক্ষণা ॥ 103 ॥
মনোজ্ঞশষ্কুলীকর্ণা হংসীগতিবিডম্বিনী ।
পদ্মরাগাঙ্গদজ্যোতির্দোশ্চতুষ্কপ্রকাশিনী ॥ 104 ॥
নানামণিপরিস্ফূর্জচ্ছুদ্ধকাঞ্চনকঙ্কণা ।
নাগেন্দ্রদন্তনির্মাণবলযাঙ্কিতপাণিনী ॥ 105 ॥
অঙ্গুরীযকচিত্রাঙ্গী বিচিত্রক্ষুদ্রঘণ্টিকা ।
পট্টাম্বরপরীধানা কলমঞ্জীরশিঞ্জিনী ॥ 106 ॥
কর্পূরাগরুকস্তূরীকুঙ্কুমদ্রবলেপিতা ।
বিচিত্ররত্নপৃথিবীকল্পশাখিতলস্থিতা ॥ 107 ॥
রত্নদ্বীপস্ফুরদ্রত্নসিংহাসনবিলাসিনী ।
ষট্চক্রভেদনকরী পরমানন্দরূপিণী ॥ 108 ॥
সহস্রদলপদ্মান্তশ্চন্দ্রমণ্ডলবর্তিনী ।
ব্রহ্মরূপা শিবক্রোডা নানাসুখবিলাসিনী ॥ 109 ॥
হরবিষ্ণুবিরিঞ্চীন্দ্রগ্রহনাযকসেবিতা ।
শিবা শৈবা চ রুদ্রাণী তথৈব শিববাদিনী ॥ 110 ॥
মাতঙ্গিনী শ্রীমতী চ তথৈবানঙ্গমেখলা ।
ডাকিনী যোগিনী চৈব তথোপযোগিনী মতা ॥ 111 ॥
মাহেশ্বরী বৈষ্ণবী চ ভ্রামরী শিবরূপিণী ।
অলম্বুষা বেগবতী ক্রোধরূপা সুমেখলা ॥ 112 ॥
গান্ধারী হস্তজিহ্বা চ ইডা চৈব শুভঙ্করী ।
পিঙ্গলা ব্রহ্মদূতী চ সুষুম্না চৈব গন্ধিনী ॥ 113 ॥
আত্মযোনির্ব্রহ্মযোনির্জগদ্যোনিরযোনিজা ।
ভগরূপা ভগস্থাত্রী ভগিনী ভগরূপিণী ॥ 114 ॥
ভগাত্মিকা ভগাধাররূপিণী ভগমালিনী ।
লিঙ্গাখ্যা চৈব লিঙ্গেশী ত্রিপুরা ভৈরবী তথা ॥ 115 ॥
লিঙ্গগীতিঃ সুগীতিশ্চ লিঙ্গস্থা লিঙ্গরূপধৃক্ ।
লিঙ্গমানা লিঙ্গভবা লিঙ্গলিঙ্গা চ পার্বতী ॥ 116 ॥
ভগবতী কৌশিকী চ প্রেমা চৈব প্রিযংবদা ।
গৃধ্ররূপা শিবারূপা চক্রিণী চক্ররূপধৃক্ ॥ 117 ॥
লিঙ্গাভিধাযিনী লিঙ্গপ্রিযা লিঙ্গনিবাসিনী ।
লিঙ্গস্থা লিঙ্গনী লিঙ্গরূপিণী লিঙ্গসুন্দরী ॥ 118 ॥
লিঙ্গগীতির্মহাপ্রীতা ভগগীতির্মহাসুখা ।
লিঙ্গনামসদানন্দা ভগনামসদাগতিঃ ॥ 119 ॥
লিঙ্গমালাকণ্ঠভূষা ভগমালাবিভূষণা ।
ভগলিঙ্গামৃতপ্রীতা ভগলিঙ্গস্বরূপিণী ॥ 120 ॥
ভগলিঙ্গস্য রূপা চ ভগলিঙ্গসুখাবহা ।
স্বযম্ভূকুসুমপ্রীতা স্বযম্ভূকুসুমার্চিতা ॥ 121 ॥
স্বযম্ভূকুসুমপ্রাণা স্বযম্ভূপুষ্পতর্পিতা ।
স্বযম্ভূপুষ্পঘটিতা স্বযম্ভূপুষ্পধারিণী ॥ 122 ॥
স্বযম্ভূপুষ্পতিলকা স্বযম্ভূপুষ্পচর্চিতা ।
স্বযম্ভূপুষ্পনিরতা স্বযম্ভূকুসুমগ্রহা ॥ 123 ॥
স্বযম্ভূপুষ্পযজ্ঞাংশা স্বযম্ভূকুসুমাত্মিকা ।
স্বযম্ভূপুষ্পনিচিতা স্বযম্ভূকুসুমপ্রিযা ॥ 124 ॥
স্বযম্ভূকুসুমাদানলালসোন্মত্তমানসা ।
স্বযম্ভূকুসুমানন্দলহরীস্নিগ্ধদেহিনী ॥ 125 ॥
স্বযম্ভূকুসুমাধারা স্বযম্ভূকুসুমাকুলা ।
স্বযম্ভূপুষ্পনিলযা স্বযম্ভূপুষ্পবাসিনী ॥ 126 ॥
স্বযম্ভূকুসুমস্নিগ্ধা স্বযম্ভূকুসুমাত্মিকা ।
স্বযম্ভূপুষ্পকরিণী স্বযম্ভূপুষ্পবাণিকা ॥ 127 ॥
স্বযম্ভূকুসুমধ্যানা স্বযম্ভূকুসুমপ্রভা ।
স্বযম্ভূকুসুমজ্ঞানা স্বযম্ভূপুষ্পভাগিনী ॥ 128 ॥
স্বযম্ভূকুসুমোল্লাসা স্বযম্ভূপুষ্পবর্ষিণী ।
স্বযম্ভূকুসুমোত্সাহা স্বযম্ভূপুষ্পরূপিণী ॥ 129 ॥
স্বযম্ভূকুসুমোন্মাদা স্বযম্ভূপুষ্পসুন্দরী ।
স্বযম্ভূকুসুমারাধ্যা স্বযম্ভূকুসুমোদ্ভবা ॥ 130 ॥
স্বযম্ভূকুসুমাব্যগ্রা স্বযম্ভূপুষ্পপূর্ণিতা ।
স্বযম্ভূপূজকপ্রাজ্ঞা স্বযম্ভূহোতৃমাতৃকা ॥ 131 ॥
স্বযম্ভূদাতৃরক্ষিত্রী স্বযম্ভূরক্ততারিকা ।
স্বযম্ভূপূজকগ্রস্তা স্বযম্ভূপূজকপ্রিযা ॥ 132 ॥
স্বযম্ভূবন্দকাধারা স্বযম্ভূনিন্দকান্তকা ।
স্বযম্ভূপ্রদসর্বস্বা স্বযম্ভূপ্রদপুত্রিণী ॥ 133 ॥
স্বযম্ভূপ্রদসস্মেরা স্বযম্ভূতশরীরিণী ।
সর্বকালোদ্ভবপ্রীতা সর্বকালোদ্ভবাত্মিকা ॥ 134 ॥
সর্বকালোদ্ভবোদ্ভাবা সর্বকালোদ্ভবোদ্ভবা ।
কুণ্ডপুষ্পসদাপ্রীতা কুণ্ডপুষ্পসদারতিঃ ॥ 135 ॥
কুণ্ডগোলোদ্ভবপ্রাণা কুণ্ডগোলোদ্ভবাত্মিকা ।
স্বযম্ভূর্বা শিবা ধাত্রী পাবনী লোকপাবনী ॥ 136 ॥
কীর্তির্যশস্বিনী মেধা বিমেধা শুক্রসুন্দরী ।
অশ্বিনী কৃত্তিকা পুষ্যা তেজস্কা চন্দ্রমণ্ডলা ॥ 137 ॥
সূক্ষ্মাঽসূক্ষ্মা বলাকা চ বরদা ভযনাশিনী ।
বরদাঽভযদা চৈব মুক্তিবন্ধবিনাশিনী ॥ 138 ॥
কামুকা কামদা কান্তা কামাখ্যা কুলসুন্দরী ।
দুঃখদা সুখদা মোক্ষা মোক্ষদার্থপ্রকাশিনী ॥ 139 ॥
দুষ্টাদুষ্টমতিশ্চৈব সর্বকার্যবিনাশিনী ।
শুক্রাধারা শুক্ররূপা শুক্রসিন্ধুনিবাসিনী ॥ 140 ॥
শুক্রালযা শুক্রভোগা শুক্রপূজাসদারতিঃ ।
শুক্রপূজ্যা শুক্রহোমসন্তুষ্টা শুক্রবত্সলা ॥ 141 ॥
শুক্রমূর্তিঃ শুক্রদেহা শুক্রপূজকপুত্রিণী ।
শুক্রস্থা শুক্রিণী শুক্রসংস্পৃহা শুক্রসুন্দরী ॥ 142 ॥
শুক্রস্নাতা শুক্রকরী শুক্রসেব্যাঽতিশুক্রিণী ।
মহাশুক্রা শুক্রভবা শুক্রবৃষ্টিবিধাযিনী ॥ 143 ॥
শুক্রাভিধেযা শুক্রার্হা শুক্রবন্দকবন্দিতা ।
শুক্রানন্দকরী শুক্রসদানন্দাভিধাযিকা ॥ 144 ॥
শুক্রোত্সবা সদাশুক্রপূর্ণা শুক্রমনোরমা ।
শুক্রপূজকসর্বস্বা শুক্রনিন্দকনাশিনী ॥ 145 ॥
শুক্রাত্মিকা শুক্রসংবত্ শুক্রাকর্ষণকারিণী ।
শারদা সাধকপ্রাণা সাধকাসক্তমানসা ॥ 146 ॥
সাধকোত্তমসর্বস্বা সাধকাভক্তরক্তপা ।
সাধকানন্দসন্তোষা সাধকানন্দকারিণী ॥ 147 ॥
আত্মবিদ্যা ব্রহ্মবিদ্যা পরব্রহ্মস্বরূপিণী ।
ত্রিকূটস্থা পঞ্চকূটা সর্বকূটশরীরিণী ॥ 148 ॥
সর্ববর্ণমযী বর্ণজপমালাবিধাযিনী ।
ইতি শ্রীকালিকানামসহস্রং শিবভাষিতম্ ॥ 149 ॥
গুহ্যাদ্গুহ্যতরং সাক্ষান্মহাপাতকনাশনম্ ।
পূজাকালে নিশীথে চ সন্ধ্যযোরুভযোরপি ॥ 150 ॥
লভতে গাণপত্যং স যঃ পঠেত্ সাধকোত্তমঃ ।
যঃ পঠেত্ পাঠযেদ্বাপি শৃণোতি শ্রাবযেদপি ॥ 151 ॥
সর্বপাপবিনির্মুক্তঃ স যাতি কালিকাপুরম্ ।
শ্রদ্ধযাঽশ্রদ্ধযা বাপি যঃ কশ্চিন্মানবঃ স্মরেত্ ॥ 152 ॥
দুর্গং দুর্গশতং তীর্ত্বা স যাতি পরমাঙ্গতিম্ ।
বন্ধ্যা বা কাকবন্ধ্যা বা মৃতবত্সা চ যাঙ্গনা ॥ 153 ॥
শ্রুত্বা স্তোত্রমিদং পুত্রান্ লভতে চিরজীবিনঃ ।
যং যং কামযতে কামং পঠন্ স্তোত্রমনুত্তমম্ ।
দেবীপাদপ্রসাদেন তত্তদাপ্নোতি নিশ্চিতম্ ॥ 154 ॥
ইতি শ্রীকালিকাকুলসর্বস্বে হরপরশুরামসংবাদে শ্রী কালিকা সহস্রনাম স্তোত্রম্ ।
Roman (IAST) Transliteration
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
Sanskrit — Devanagari (original)
श्री शिव उवाच ।
कथितोऽयं महामन्त्रः सर्वमन्त्रोत्तमोत्तमः ।
यामासाद्य मया प्राप्तमैश्वर्यपदमुत्तमम् ॥ 1 ॥
संयुक्तः परया भक्त्या यथोक्त विधिना भवान् ।
कुरुतामर्चनं देव्यास्त्रैलोक्यविजिगीषया ॥ 2 ॥
श्रीपरशुराम उवाच ।
प्रसन्नो यदि मे देव परमेश पुरातन ।
रहस्यं परमं देव्याः कृपया कथय प्रभो ॥ 3 ॥
विनार्चनं विना होमं विना न्यासं विना बलिम् ।
विना गन्धं विना पुष्पं विना नित्योदितां क्रियाम् ॥ 4 ॥
प्राणायामं विना ध्यानं विना भूतविशोधनम् ।
विना दानं विना जापं येन काली प्रसीदति ॥ 5 ॥
श्री शिव उवाच ।
पृष्टं त्वयोत्तमं प्राज्ञ भृगुवंश समुद्भव ।
भक्तानामपि भक्तोऽसि त्वमेव साधयिष्यसि ॥ 6 ॥
देवीं दानवकोटिघ्नीं लीलया रुधिरप्रियाम् ।
सदा स्तोत्रप्रियामुग्रां कामकौतुकलालसाम् ॥ 7 ॥
सर्वदाऽऽनन्दहृदयामासवोत्सव मानसाम् ।
माध्वीक मत्स्यमांसानुरागिणीं वैष्णवीं पराम् ॥ 8 ॥
श्मशानवासिनीं प्रेतगणनृत्यमहोत्सवाम् ।
योगप्रभावां योगेशीं योगीन्द्रहृदयस्थिताम् ॥ 9 ॥
तामुग्रकालिकां राम प्रसीदयितुमर्हसि ।
तस्याः स्तोत्रं परं पुण्यं स्वयं काल्या प्रकाशितम् ॥ 10 ॥
तव तत् कथयिष्यामि श्रुत्वा वत्सावधारय ।
गोपनीयं प्रयत्नेन पठनीयं परात्परम् ॥ 11 ॥
यस्यैककालपठनात् सर्वे विघ्नाः समाकुलाः ।
नश्यन्ति दहने दीप्ते पतङ्गा इव सर्वतः ॥ 12 ॥
गद्यपद्यमयी वाणी तस्य गङ्गाप्रवाहवत् ।
तस्य दर्शनमात्रेण वादिनो निष्प्रभां गताः ॥ 13 ॥
तस्य हस्ते सदैवास्ति सर्वसिद्धिर्न संशयः ।
राजानोऽपि च दासत्वं भजन्ते किं परे जनाः ॥ 14 ॥
निशीथे मुक्तकेशस्तु नग्नः शक्तिसमाहितः ।
मनसा चिन्तयेत् कालीं महाकालेन चालिताम् ॥ 15 ॥
पठेत् सहस्रनामाख्यं स्तोत्रं मोक्षस्य साधनम् ।
प्रसन्ना कालिका तस्य पुत्रत्वेनानुकम्पते ॥ 16 ॥
यथा ब्रह्ममृतैर्ब्रह्मकुसुमैः पूजिता परा ।
प्रसीदति तथानेन स्तुता काली प्रसीदति ॥ 17 ॥
विनियोगः –
अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललाज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥
स्तोत्रम् –
श्मशानकालिका काली भद्रकाली कपालिनी ।
गुह्यकाली महाकाली कुरुकुल्ला विरोधिनी ॥ 1 ॥
कालिका कालरात्रिश्च महाकालनितम्बिनी ।
कालभैरवभार्या च कुलवर्त्मप्रकाशिनी ॥ 2 ॥
कामदा कामिनी कन्या कमनीयस्वरूपिणी ।
कस्तूरीरसलिप्ताङ्गी कुञ्जरेश्वरगामिनी ॥ 3 ॥
ककारवर्णसर्वाङ्गी कामिनी कामसुन्दरी ।
कामार्ता कामरूपा च कामधेनुः कलावती ॥ 4 ॥
कान्ता कामस्वरूपा च कामाख्या कुलकामिनी ।
कुलीना कुलवत्यम्बा दुर्गा दुर्गतिनाशिनी ॥ 5 ॥
कौमारी कलजा कृष्णा कृष्णदेहा कृशोदरी ।
कृशाङ्गी कुलिशाङ्गी च क्रीङ्कारी कमला कला ॥ 6 ॥
करालास्या कराली च कुलकान्ताऽपराजिता ।
उग्रा उग्रप्रभा दीप्ता विप्रचित्ता महाबला ॥ 7 ॥
नीला घना मेघनादा मात्रा मुद्रा मितामिता ।
ब्राह्मी नारायणी भद्रा सुभद्रा भक्तवत्सला ॥ 8 ॥
माहेश्वरी च चामुण्डा वाराही नारसिंहिका ।
वज्राङ्गी वज्रकङ्काली नृमुण्डस्रग्विणी शिवा ॥ 9 ॥
मालिनी नरमुण्डाली गलद्रक्तविभूषणा ।
रक्तचन्दनसिक्ताङ्गी सिन्दूरारुणमस्तका ॥ 10 ॥
घोररूपा घोरदंष्ट्रा घोराघोरतरा शुभा ।
महादंष्ट्रा महामाया सुदती युगदन्तुरा ॥ 11 ॥
सुलोचना विरूपाक्षी विशालाक्षी त्रिलोचना ।
शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥
अट्टहासप्रफुल्लास्या स्मेरवक्त्रा सुभाषिणी ।
प्रफुल्लपद्मवदना स्मितास्या प्रियभाषिणी ॥ 13 ॥
कोटराक्षी कुलश्रेष्ठा महती बहुभाषिणी ।
सुमतिः कुमतिश्चण्डा चण्डमुण्डातिवेगिनी ॥ 14 ॥
सुकेशी मुक्तकेशी च दीर्घकेशी महाकचा ।
प्रेतदेहाकर्णपूरा प्रेतपाणिसुमेखला ॥ 15 ॥
प्रेतासना प्रियप्रेता पुण्यदा कुलपण्डिता ।
पुण्यालया पुण्यदेहा पुण्यश्लोका च पावनी ॥ 16 ॥
पूता पवित्रा परमा परा पुण्यविभूषणा ।
पुण्यनाम्नी भीतिहरा वरदा खड्गपाणिनी ॥ 17 ॥
नृमुण्डहस्ता शान्ता च छिन्नमस्ता सुनासिका ।
दक्षिणा श्यामला श्यामा शान्ता पीनोन्नतस्तनी ॥ 18 ॥
दिगम्बरा घोररावा सृक्कान्तरक्तवाहिनी ।
घोररावा शिवासङ्गा निःसङ्गा मदनातुरा ॥ 19 ॥
मत्ता प्रमत्ता मदना सुधासिन्धुनिवासिनी ।
अतिमत्ता महामत्ता सर्वाकर्षणकारिणी ॥ 20 ॥
गीतप्रिया वाद्यरता प्रेतनृत्यपरायणा ।
चतुर्भुजा दशभुजा अष्टादशभुजा तथा ॥ 21 ॥
कात्यायनी जगन्माता जगती परमेश्वरी ।
जगद्बन्धुर्जगद्धात्री जगदानन्दकारिणी ॥ 22 ॥
जगज्जीववती हैमवती माया महालया ।
नागयज्ञोपवीताङ्गी नागिनी नागशायिनी ॥ 23 ॥
नागकन्या देवकन्या गान्धारी किन्नरी सुरी ।
मोहरात्री महारात्री दारुणामासुरासुरी ॥ 24 ॥
विद्याधरी वसुमती यक्षिणी योगिनी जरा ।
राक्षसी डाकिनी वेदमयी वेदविभूषणा ॥ 25 ॥
श्रुतिस्मृतिमहाविद्या गुह्यविद्या पुरातनी ।
चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥
अपर्णा निश्चला लोला सर्वविद्या तपस्विनी ।
गङ्गा काशी शची सीता सती सत्यपरायणा ॥ 27 ॥
नीतिः सुनीतिः सुरुचिस्तुष्टिः पुष्टिर्धृतिः क्षमा ।
वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥
स्रोतस्वती स्रोतवती मातङ्गी विजया जया ।
नदी सिन्धुः सर्वमयी तारा शून्यनिवासिनी ॥ 29 ॥
शुद्धा तरङ्गिणी मेधा लाकिनी बहुरूपिणी ।
सदानन्दमयी सत्या सर्वानन्दस्वरूपिणी ॥ 30 ॥
सुनन्दा नन्दिनी स्तुत्या स्तवनीया स्वभाविनी ।
रङ्किणी टङ्किणी चित्रा विचित्रा चित्ररूपिणी ॥ 31 ॥
पद्मा पद्मालया पद्मसुखी पद्मविभूषणा ।
शाकिनी हाकिनी क्षान्ता राकिणी रुधिरप्रिया ॥ 32 ॥
भ्रान्तिर्भवानी रुद्राणी मृडानी शत्रुमर्दिनी ।
उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥
सूर्यात्मिका रुद्रपत्नी रौद्री स्त्री प्रकृतिः पुमान् ।
शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥
सर्वेश्वरी सर्वमाता शर्वाणी हरवल्लभा ।
सर्वज्ञा सिद्धिदा सिद्धा भाव्या भव्या भयापहा ॥ 35 ॥
कर्त्री हर्त्री पालयित्री शर्वरी तामसी दया ।
तमिस्रा यामिनीस्था च स्थिरा धीरा तपस्विनी ॥ 36 ॥
चार्वङ्गी चञ्चला लोलजिह्वा चारुचरित्रिणी ।
त्रपा त्रपावती लज्जा निर्लज्जा ह्रीं रजोवती ॥ 37 ॥
सत्त्ववती धर्मनिष्ठा श्रेष्ठा निष्ठुरवादिनी ।
गरिष्ठा दुष्टसंहर्त्री विशिष्टा श्रेयसी घृणा ॥ 38 ॥
भीमा भयानका भीमनादिनी भीः प्रभावती ।
वागीश्वरी श्रीर्यमुना यज्ञकर्त्री यजुःप्रिया ॥ 39 ॥
ऋक्सामाथर्वनिलया रागिणी शोभनस्वरा ।
कलकण्ठी कम्बुकण्ठी वेणुवीणापरायणा ॥ 40 ॥
वंशिनी वैष्णवी स्वच्छा धात्री त्रिजगदीश्वरी ।
मधुमती कुण्डलिनी ऋद्धिः सिद्धिः शुचिस्मिता ॥ 41 ॥
रम्भोर्वशी रती रामा रोहिणी रेवती रमा ।
शङ्खिनी चक्रिणी कृष्णा गदिनी पद्मिनी तथा ॥ 42 ॥
शूलिनी परिघास्त्रा च पाशिनी शार्ङ्गपाणिनी ।
पिनाकधारिणी धूम्रा शरभी वनमालिनी ॥ 43 ॥
वज्रिणी समरप्रीता वेगिनी रणपण्डिता ।
जटिनी बिम्बिनी नीला लावण्याम्बुधिचन्द्रिका ॥ 44 ॥
बलिप्रिया सदापूज्या पूर्णा दैत्येन्द्रमाथिनी ।
महिषासुरसंहन्त्री वासिनी रक्तदन्तिका ॥ 45 ॥
रक्तपा रुधिराक्ताङ्गी रक्तखर्परहस्तिनी ।
रक्तप्रिया मांसरुचिर्वासवासक्तमानसा ॥ 46 ॥
गलच्छोणितमुण्डालिकण्ठमालाविभूषणा ।
शवासना चितान्तस्था माहेशी वृषवाहिनी ॥ 47 ॥
व्याघ्रत्वगम्बरा चीनचेलिनी सिंहवाहिनी ।
वामदेवी महादेवी गौरी सर्वज्ञभाविनी ॥ 48 ॥
बालिका तरुणी वृद्धा वृद्धमाता जरातुरा ।
सुभ्रुर्विलासिनी ब्रह्मवादिनी ब्राह्मणी मही ॥ 49 ॥
स्वप्नवती चित्रलेखा लोपामुद्रा सुरेश्वरी ।
अमोघाऽरुन्धती तीक्ष्णा भोगवत्यनुवादिनी ॥ 50 ॥
मन्दाकिनी मन्दहासा ज्वालामुख्यसुरान्तका ।
मानदा मानिनी मान्या माननीया मदोद्धता ॥ 51 ॥
मदिरा मदिरान्मादा मेध्या नव्या प्रसादिनी ।
सुमध्याऽनन्तगुणिनी सर्वलोकोत्तमोत्तमा ॥ 52 ॥
जयदा जित्वरा जैत्री जयश्रीर्जयशालिनी ।
सुखदा शुभदा सत्या सभासङ्क्षोभकारिणी ॥ 53 ॥
शिवदूती भूतिमती विभूतिर्भीषणानना ।
कौमारी कुलजा कुन्ती कुलस्त्री कुलपालिका ॥ 54 ॥
कीर्तिर्यशस्विनी भूषा भूष्या भूतपतिप्रिया ।
सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥
धनिष्ठा धनदा धन्या वसुधा स्वप्रकाशिनी ।
उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥
महाकुलीना निष्कामा सकामा कामजीवना ।
कामदेवकला रामाऽभिरामा शिवनर्तकी ॥ 57 ॥
चिन्तामणिः कल्पलता जाग्रती दीनवत्सला ।
कार्तिकी कीर्तिका कृत्या अयोध्या विषमा समा ॥ 58 ॥
सुमन्त्रा मन्त्रिणी घूर्णा ह्लादिनी क्लेशनाशिनी ।
त्रैलोक्यजननी हृष्टा निर्मांसा मनोरूपिणी ॥ 59 ॥
तडागनिम्नजठरा शुष्कमांसास्थिमालिनी ।
अवन्ती मथुरा माया त्रैलोक्यपावनीश्वरी ॥ 60 ॥
व्यक्ताऽव्यक्ताऽनेकमूर्तिः शर्वरी भीमनादिनी ।
क्षेमङ्करी शङ्करी च सर्वसम्मोहकारिणी ॥ 61 ॥
ऊर्ध्वतेजस्विनी क्लिन्ना महातेजस्विनी तथा ।
अद्वैता भोगिनी पूज्या युवती सर्वमङ्गला ॥ 62 ॥
सर्वप्रियङ्करी भोग्या धरणी पिशिताशना ।
भयङ्करी पापहरा निष्कलङ्का वशङ्करी ॥ 63 ॥
आशा तृष्णा चन्द्रकला निद्रान्या वायुवेगिनी ।
सहस्रसूर्यसङ्काशा चन्द्रकोटिसमप्रभा ॥ 64 ॥
वह्निमण्डलसंस्था च सर्वतत्त्वप्रतिष्ठिता ।
सर्वाचारवती सर्वदेवकन्याधिदेवता ॥ 65 ॥
दक्षकन्या दक्षयज्ञनाशिनी दुर्गतारिका ।
इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥
रम्भोरुश्चतुरा राका जयन्ती करुणा कुहुः ।
मनस्विनी देवमाता यशस्या ब्रह्मचारिणी ॥ 67 ॥
ऋद्धिदा वृद्धिदा वृद्धिः सर्वाद्या सर्वदायिनी ।
आधाररूपिणी ध्येया मूलाधारनिवासिनी ॥ 68 ॥
अज्ञा प्रज्ञा पूर्णमनाश्चन्द्रमुख्यनुकूलिनी ।
वावदूका निम्ननाभिः सत्या सन्ध्या दृढव्रता ॥ 69 ॥
आन्वीक्षिकी दण्डनीतिस्त्रयी त्रिदिवसुन्दरी ।
ज्वलिनी ज्वालिनी शैलतनया विन्ध्यवासिनी ॥ 70 ॥
अमेया खेचरी धैर्या तुरीया विमलाऽऽतुरा ।
प्रगल्भा वारुणी छाया शशिनी विस्फुलिङ्गिनी ॥ 71 ॥
भुक्तिः सिद्धिः सदाप्राप्तिः प्राकाम्या महिमाऽणिमा ।
इच्छासिद्धिर्विसिद्धा च वशित्वोर्ध्वनिवासिनी ॥ 72 ॥
लघिमा चैव गायत्री सावित्री भुवनेश्वरी ।
मनोहरा चिता दिव्या देव्युदारा मनोरमा ॥ 73 ॥
पिङ्गला कपिला जिह्वारसज्ञा रसिका रसा ।
सुषुम्नेडा भोगवती गान्धारी नरकान्तका ॥ 74 ॥
पाञ्चाली रुक्मिणी राधाराध्या भीमाधिराधिका ।
अमृता तुलसी वृन्दा कैटभी कपटेश्वरी ॥ 75 ॥
उग्रचण्डेश्वरी वीरा जननी वीरसुन्दरी ।
उग्रतारा यशोदाख्या दैवकी देवमानिता ॥ 76 ॥
निरञ्जना चित्रदेवी क्रोधिनी कुलदीपिका ।
कुलवागीश्वरी वाणी मातृका द्राविणी द्रवा ॥ 77 ॥
योगेश्वरी महामारी भ्रामरी बिन्दुरूपिणी ।
दूती प्राणेश्वरी गुप्ता बहुला चमरी प्रभा ॥ 78 ॥
कुब्जिका ज्ञानिनी ज्येष्ठा भुशुण्डी प्रकटा तिथिः ।
द्रविणी गोपनी माया कामबीजेश्वरी क्रिया ॥ 79 ॥
शाम्भवी केकरा मेना मूषलास्त्रा तिलोत्तमा ।
अमेयविक्रमा क्रूरा सम्पत्शाला त्रिलोचना ॥ 80 ॥
स्वस्तिर्हव्यवहा प्रीतिरुष्मा धूम्रार्चिरङ्गदा ।
तपिनी तापिनी विश्वा भोगदा धारिणी धरा ॥ 81 ॥
त्रिखण्डा बोधिनी वश्या सकला शब्दरूपिणी ।
बीजरूपा महामुद्रा योगिनी योनिरूपिणी ॥ 82 ॥
अनङ्गकुसुमाऽनङ्गमेखलाऽनङ्गरूपिणी ।
वज्रेश्वरी च जयिनी सर्वद्वन्द्वक्षयङ्करी ॥ 83 ॥
षडङ्गयुवती योगयुक्ता ज्वालांशुमालिनी ।
दुराशया दुराधारा दुर्जया दुर्गरूपिणी ॥ 84 ॥
दुरन्ता दुष्कृतिहरा दुर्ध्येया दुरतिक्रमा ।
हंसेश्वरी त्रिकोणस्था शाकम्भर्यनुकम्पिनी ॥ 85 ॥
त्रिकोणनिलया नित्या परमामृतरञ्जिता ।
महाविद्येश्वरी श्वेता भेरुण्डा कुलसुन्दरी ॥ 86 ॥
त्वरिता भक्तिसंसक्ता भक्तवश्या सनातनी ।
भक्तानन्दमयी भक्तभाविका भक्तशङ्करी ॥ 87 ॥
सर्वसौन्दर्यनिलया सर्वसौभाग्यशालिनी ।
सर्वसम्भोगभवना सर्वसौख्यनिरूपिणी ॥ 88 ॥
कुमारीपूजनरता कुमारीव्रतचारिणी ।
कुमारीभक्तिसुखिनी कुमारीरूपधारिणी ॥ 89 ॥
कुमारीपूजकप्रीता कुमारीप्रीतिदा प्रिया ।
कुमारीसेवकासङ्गा कुमारीसेवकालया ॥ 90 ॥
आनन्दभैरवी बालभैरवी बटुभैरवी ।
श्मशानभैरवी कालभैरवी पुरभैरवी ॥ 91 ॥
महाभैरवपत्नी च परमानन्दभैरवी ।
सुधानन्दभैरवी च उन्मादानन्दभैरवी ॥ 92 ॥
मुक्तानन्दभैरवी च तथा तरुणभैरवी ।
ज्ञानानन्दभैरवी च अमृतानन्दभैरवी ॥ 93 ॥
महाभयङ्करी तीव्रा तीव्रवेगा तपस्विनी ।
त्रिपुरा परमेशानी सुन्दरी पुरसुन्दरी ॥ 94 ॥
त्रिपुरेशी पञ्चदशी पञ्चमी पुरवासिनी ।
महासप्तदशी चैव षोडशी त्रिपुरेश्वरी ॥ 95 ॥
महाङ्कुशस्वरूपा च महाचक्रेश्वरी तथा ।
नवचक्रेश्वरी चक्रेश्वरी त्रिपुरमालिनी ॥ 96 ॥
राजराजेश्वरी धीरा महात्रिपुरसुन्दरी ।
सिन्दूरपूररुचिरा श्रीमत्त्रिपुरसुन्दरी ॥ 97 ॥
सर्वाङ्गसुन्दरी रक्तारक्तवस्त्रोत्तरीयिणी ।
जवायावकसिन्दूररक्तचन्दनधारिणी ॥ 98 ॥
जवायावकसिन्दूररक्तचन्दनरूपधृक् ।
चामरी बालकुटिलनिर्मला श्यामकेशिनी ॥ 99 ॥
वज्रमौक्तिकरत्नाढ्या किरीटमुकुटोज्ज्वला ।
रत्नकुण्डलसंयुक्तस्फुरद्गण्डमनोरमा ॥ 100 ॥
कुञ्जरेश्वरकुम्भोत्थमुक्तारञ्जितनासिका ।
मुक्ताविद्रुममाणिक्यहाराढ्यस्तनमण्डला ॥ 101 ॥
सूर्यकान्तेन्दुकान्ताढ्यस्पर्शाश्मकण्ठभूषणा ।
बीजपूरस्फुरद्बीजदन्तपङ्क्तिरनुत्तमा ॥ 102 ॥
कामकोदण्डकाभुग्नभ्रूकटाक्षप्रवर्षिणी ।
मातङ्गकुम्भवक्षोजा लसत्कोकनदेक्षणा ॥ 103 ॥
मनोज्ञशष्कुलीकर्णा हंसीगतिविडम्बिनी ।
पद्मरागाङ्गदज्योतिर्दोश्चतुष्कप्रकाशिनी ॥ 104 ॥
नानामणिपरिस्फूर्जच्छुद्धकाञ्चनकङ्कणा ।
नागेन्द्रदन्तनिर्माणवलयाङ्कितपाणिनी ॥ 105 ॥
अङ्गुरीयकचित्राङ्गी विचित्रक्षुद्रघण्टिका ।
पट्टाम्बरपरीधाना कलमञ्जीरशिञ्जिनी ॥ 106 ॥
कर्पूरागरुकस्तूरीकुङ्कुमद्रवलेपिता ।
विचित्ररत्नपृथिवीकल्पशाखितलस्थिता ॥ 107 ॥
रत्नद्वीपस्फुरद्रत्नसिंहासनविलासिनी ।
षट्चक्रभेदनकरी परमानन्दरूपिणी ॥ 108 ॥
सहस्रदलपद्मान्तश्चन्द्रमण्डलवर्तिनी ।
ब्रह्मरूपा शिवक्रोडा नानासुखविलासिनी ॥ 109 ॥
हरविष्णुविरिञ्चीन्द्रग्रहनायकसेविता ।
शिवा शैवा च रुद्राणी तथैव शिववादिनी ॥ 110 ॥
मातङ्गिनी श्रीमती च तथैवानङ्गमेखला ।
डाकिनी योगिनी चैव तथोपयोगिनी मता ॥ 111 ॥
माहेश्वरी वैष्णवी च भ्रामरी शिवरूपिणी ।
अलम्बुषा वेगवती क्रोधरूपा सुमेखला ॥ 112 ॥
गान्धारी हस्तजिह्वा च इडा चैव शुभङ्करी ।
पिङ्गला ब्रह्मदूती च सुषुम्ना चैव गन्धिनी ॥ 113 ॥
आत्मयोनिर्ब्रह्मयोनिर्जगद्योनिरयोनिजा ।
भगरूपा भगस्थात्री भगिनी भगरूपिणी ॥ 114 ॥
भगात्मिका भगाधाररूपिणी भगमालिनी ।
लिङ्गाख्या चैव लिङ्गेशी त्रिपुरा भैरवी तथा ॥ 115 ॥
लिङ्गगीतिः सुगीतिश्च लिङ्गस्था लिङ्गरूपधृक् ।
लिङ्गमाना लिङ्गभवा लिङ्गलिङ्गा च पार्वती ॥ 116 ॥
भगवती कौशिकी च प्रेमा चैव प्रियंवदा ।
गृध्ररूपा शिवारूपा चक्रिणी चक्ररूपधृक् ॥ 117 ॥
लिङ्गाभिधायिनी लिङ्गप्रिया लिङ्गनिवासिनी ।
लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥
लिङ्गगीतिर्महाप्रीता भगगीतिर्महासुखा ।
लिङ्गनामसदानन्दा भगनामसदागतिः ॥ 119 ॥
लिङ्गमालाकण्ठभूषा भगमालाविभूषणा ।
भगलिङ्गामृतप्रीता भगलिङ्गस्वरूपिणी ॥ 120 ॥
भगलिङ्गस्य रूपा च भगलिङ्गसुखावहा ।
स्वयम्भूकुसुमप्रीता स्वयम्भूकुसुमार्चिता ॥ 121 ॥
स्वयम्भूकुसुमप्राणा स्वयम्भूपुष्पतर्पिता ।
स्वयम्भूपुष्पघटिता स्वयम्भूपुष्पधारिणी ॥ 122 ॥
स्वयम्भूपुष्पतिलका स्वयम्भूपुष्पचर्चिता ।
स्वयम्भूपुष्पनिरता स्वयम्भूकुसुमग्रहा ॥ 123 ॥
स्वयम्भूपुष्पयज्ञांशा स्वयम्भूकुसुमात्मिका ।
स्वयम्भूपुष्पनिचिता स्वयम्भूकुसुमप्रिया ॥ 124 ॥
स्वयम्भूकुसुमादानलालसोन्मत्तमानसा ।
स्वयम्भूकुसुमानन्दलहरीस्निग्धदेहिनी ॥ 125 ॥
स्वयम्भूकुसुमाधारा स्वयम्भूकुसुमाकुला ।
स्वयम्भूपुष्पनिलया स्वयम्भूपुष्पवासिनी ॥ 126 ॥
स्वयम्भूकुसुमस्निग्धा स्वयम्भूकुसुमात्मिका ।
स्वयम्भूपुष्पकरिणी स्वयम्भूपुष्पवाणिका ॥ 127 ॥
स्वयम्भूकुसुमध्याना स्वयम्भूकुसुमप्रभा ।
स्वयम्भूकुसुमज्ञाना स्वयम्भूपुष्पभागिनी ॥ 128 ॥
स्वयम्भूकुसुमोल्लासा स्वयम्भूपुष्पवर्षिणी ।
स्वयम्भूकुसुमोत्साहा स्वयम्भूपुष्परूपिणी ॥ 129 ॥
स्वयम्भूकुसुमोन्मादा स्वयम्भूपुष्पसुन्दरी ।
स्वयम्भूकुसुमाराध्या स्वयम्भूकुसुमोद्भवा ॥ 130 ॥
स्वयम्भूकुसुमाव्यग्रा स्वयम्भूपुष्पपूर्णिता ।
स्वयम्भूपूजकप्राज्ञा स्वयम्भूहोतृमातृका ॥ 131 ॥
स्वयम्भूदातृरक्षित्री स्वयम्भूरक्ततारिका ।
स्वयम्भूपूजकग्रस्ता स्वयम्भूपूजकप्रिया ॥ 132 ॥
स्वयम्भूवन्दकाधारा स्वयम्भूनिन्दकान्तका ।
स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥
स्वयम्भूप्रदसस्मेरा स्वयम्भूतशरीरिणी ।
सर्वकालोद्भवप्रीता सर्वकालोद्भवात्मिका ॥ 134 ॥
सर्वकालोद्भवोद्भावा सर्वकालोद्भवोद्भवा ।
कुण्डपुष्पसदाप्रीता कुण्डपुष्पसदारतिः ॥ 135 ॥
कुण्डगोलोद्भवप्राणा कुण्डगोलोद्भवात्मिका ।
स्वयम्भूर्वा शिवा धात्री पावनी लोकपावनी ॥ 136 ॥
कीर्तिर्यशस्विनी मेधा विमेधा शुक्रसुन्दरी ।
अश्विनी कृत्तिका पुष्या तेजस्का चन्द्रमण्डला ॥ 137 ॥
सूक्ष्माऽसूक्ष्मा बलाका च वरदा भयनाशिनी ।
वरदाऽभयदा चैव मुक्तिबन्धविनाशिनी ॥ 138 ॥
कामुका कामदा कान्ता कामाख्या कुलसुन्दरी ।
दुःखदा सुखदा मोक्षा मोक्षदार्थप्रकाशिनी ॥ 139 ॥
दुष्टादुष्टमतिश्चैव सर्वकार्यविनाशिनी ।
शुक्राधारा शुक्ररूपा शुक्रसिन्धुनिवासिनी ॥ 140 ॥
शुक्रालया शुक्रभोगा शुक्रपूजासदारतिः ।
शुक्रपूज्या शुक्रहोमसन्तुष्टा शुक्रवत्सला ॥ 141 ॥
शुक्रमूर्तिः शुक्रदेहा शुक्रपूजकपुत्रिणी ।
शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥
शुक्रस्नाता शुक्रकरी शुक्रसेव्याऽतिशुक्रिणी ।
महाशुक्रा शुक्रभवा शुक्रवृष्टिविधायिनी ॥ 143 ॥
शुक्राभिधेया शुक्रार्हा शुक्रवन्दकवन्दिता ।
शुक्रानन्दकरी शुक्रसदानन्दाभिधायिका ॥ 144 ॥
शुक्रोत्सवा सदाशुक्रपूर्णा शुक्रमनोरमा ।
शुक्रपूजकसर्वस्वा शुक्रनिन्दकनाशिनी ॥ 145 ॥
शुक्रात्मिका शुक्रसंवत् शुक्राकर्षणकारिणी ।
शारदा साधकप्राणा साधकासक्तमानसा ॥ 146 ॥
साधकोत्तमसर्वस्वा साधकाभक्तरक्तपा ।
साधकानन्दसन्तोषा साधकानन्दकारिणी ॥ 147 ॥
आत्मविद्या ब्रह्मविद्या परब्रह्मस्वरूपिणी ।
त्रिकूटस्था पञ्चकूटा सर्वकूटशरीरिणी ॥ 148 ॥
सर्ववर्णमयी वर्णजपमालाविधायिनी ।
इति श्रीकालिकानामसहस्रं शिवभाषितम् ॥ 149 ॥
गुह्याद्गुह्यतरं साक्षान्महापातकनाशनम् ।
पूजाकाले निशीथे च सन्ध्ययोरुभयोरपि ॥ 150 ॥
लभते गाणपत्यं स यः पठेत् साधकोत्तमः ।
यः पठेत् पाठयेद्वापि शृणोति श्रावयेदपि ॥ 151 ॥
सर्वपापविनिर्मुक्तः स याति कालिकापुरम् ।
श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥
दुर्गं दुर्गशतं तीर्त्वा स याति परमाङ्गतिम् ।
वन्ध्या वा काकवन्ध्या वा मृतवत्सा च याङ्गना ॥ 153 ॥
श्रुत्वा स्तोत्रमिदं पुत्रान् लभते चिरजीविनः ।
यं यं कामयते कामं पठन् स्तोत्रमनुत्तमम् ।
देवीपादप्रसादेन तत्तदाप्नोति निश्चितम् ॥ 154 ॥
इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.