ශ්රී ශිව උවාච .
කථිතෝ(අ)යං මහාමන්ත්රඃ සර්වමන්ත්රෝත්තමෝත්තමඃ .
යාමාසාද්ය මයා ප්රාප්තමෛශ්වර්යපදමුත්තමම් .. 1 ..
සංයුක්තඃ පරයා භක්ත්යා යථෝක්ත විධිනා භවාන් .
කුරුතාමර්චනං දේව්යාස්ත්රෛලෝක්යවිජිගීෂයා .. 2 ..
ශ්රීපරශුරාම උවාච .
ප්රසන්නෝ යදි මේ දේව පරමේශ පුරාතන .
රහස්යං පරමං දේව්යාඃ කෘපයා කථය ප්රභෝ .. 3 ..
විනාර්චනං විනා හෝමං විනා න්යාසං විනා බලිම් .
විනා ගන්ධං විනා පුෂ්පං විනා නිත්යෝදිතාං ක්රියාම් .. 4 ..
ප්රාණායාමං විනා ධ්යානං විනා භූතවිශෝධනම් .
විනා දානං විනා ජාපං යේන කාලී ප්රසීදති .. 5 ..
ශ්රී ශිව උවාච .
පෘෂ්ටං ත්වයෝත්තමං ප්රාජ්ඤ භෘගුවංශ සමුද්භව .
භක්තානාමපි භක්තෝ(අ)සි ත්වමේව සාධයිෂ්යසි .. 6 ..
දේවීං දානවකෝටිඝ්නීං ලීලයා රුධිරප්රියාම් .
සදා ස්තෝත්රප්රියාමුග්රාං කාමකෞතුකලාලසාම් .. 7 ..
සර්වදා(අ)(අ)නන්දහෘදයාමාසවෝත්සව මානසාම් .
මාධ්වීක මත්ස්යමාංසානුරාගිණීං වෛෂ්ණවීං පරාම් .. 8 ..
ශ්මශානවාසිනීං ප්රේතගණනෘත්යමහෝත්සවාම් .
යෝගප්රභාවාං යෝගේශීං යෝගීන්ද්රහෘදයස්ථිතාම් .. 9 ..
තාමුග්රකාලිකාං රාම ප්රසීදයිතුමර්හසි .
තස්යාඃ ස්තෝත්රං පරං පුණ්යං ස්වයං කාල්යා ප්රකාශිතම් .. 10 ..
තව තත් කථයිෂ්යාමි ශ්රුත්වා වත්සාවධාරය .
ගෝපනීයං ප්රයත්නේන පඨනීයං පරාත්පරම් .. 11 ..
යස්යෛකකාලපඨනාත් සර්වේ විඝ්නාඃ සමාකුලාඃ .
නශ්යන්ති දහනේ දීප්තේ පතඞ්ගා ඉව සර්වතඃ .. 12 ..
ගද්යපද්යමයී වාණී තස්ය ගඞ්ගාප්රවාහවත් .
තස්ය දර්ශනමාත්රේණ වාදිනෝ නිෂ්ප්රභාං ගතාඃ .. 13 ..
තස්ය හස්තේ සදෛවාස්ති සර්වසිද්ධිර්න සංශයඃ .
රාජානෝ(අ)පි ච දාසත්වං භජන්තේ කිං පරේ ජනාඃ .. 14 ..
නිශීථේ මුක්තකේශස්තු නග්නඃ ශක්තිසමාහිතඃ .
මනසා චින්තයේත් කාලීං මහාකාලේන චාලිතාම් .. 15 ..
පඨේත් සහස්රනාමාඛ්යං ස්තෝත්රං මෝක්ෂස්ය සාධනම් .
ප්රසන්නා කාලිකා තස්ය පුත්රත්වේනානුකම්පතේ .. 16 ..
යථා බ්රහ්මමෘතෛර්බ්රහ්මකුසුමෛඃ පූජිතා පරා .
ප්රසීදති තථානේන ස්තුතා කාලී ප්රසීදති .. 17 ..
විනියෝගඃ –
අස්ය ශ්රී දක්ෂිණකාලිකා සහස්රනාම ස්තෝත්රස්ය මහාකාලභෛරව ඍෂිඃ අනුෂ්ටුප් ඡන්දඃ ශ්මශානකාලී දේවතා ධර්මාර්ථකාමමෝක්ෂාර්ථේ පාඨේ විනියෝගඃ .
ධ්යානම් –
ශවාරූඪාං මහාභීමාං ඝෝරදංෂ්ට්රාං හසන්මුඛීං
චතුර්භුජාං ඛඩ්ගමුණ්ඩවරාභයකරාං ශිවාම් .
මුණ්ඩමාලාධරාං දේවීං ලලාජ්ජිහ්වාං දිගම්බරාං
ඒවං සඤ්චින්තයේත්කාලීං ශ්මශානාලයවාසිනීම් ..
ස්තෝත්රම් –
ශ්මශානකාලිකා කාලී භද්රකාලී කපාලිනී .
ගුහ්යකාලී මහාකාලී කුරුකුල්ලා විරෝධිනී .. 1 ..
කාලිකා කාලරාත්රිශ්ච මහාකාලනිතම්බිනී .
කාලභෛරවභාර්යා ච කුලවර්ත්මප්රකාශිනී .. 2 ..
කාමදා කාමිනී කන්යා කමනීයස්වරූපිණී .
කස්තූරීරසලිප්තාඞ්ගී කුඤ්ජරේශ්වරගාමිනී .. 3 ..
කකාරවර්ණසර්වාඞ්ගී කාමිනී කාමසුන්දරී .
කාමාර්තා කාමරූපා ච කාමධේනුඃ කලාවතී .. 4 ..
කාන්තා කාමස්වරූපා ච කාමාඛ්යා කුලකාමිනී .
කුලීනා කුලවත්යම්බා දුර්ගා දුර්ගතිනාශිනී .. 5 ..
කෞමාරී කලජා කෘෂ්ණා කෘෂ්ණදේහා කෘශෝදරී .
කෘශාඞ්ගී කුලිශාඞ්ගී ච ක්රීඞ්කාරී කමලා කලා .. 6 ..
කරාලාස්යා කරාලී ච කුලකාන්තා(අ)පරාජිතා .
උග්රා උග්රප්රභා දීප්තා විප්රචිත්තා මහාබලා .. 7 ..
නීලා ඝනා මේඝනාදා මාත්රා මුද්රා මිතාමිතා .
බ්රාහ්මී නාරායණී භද්රා සුභද්රා භක්තවත්සලා .. 8 ..
මාහේශ්වරී ච චාමුණ්ඩා වාරාහී නාරසිංහිකා .
වජ්රාඞ්ගී වජ්රකඞ්කාලී නෘමුණ්ඩස්රග්විණී ශිවා .. 9 ..
මාලිනී නරමුණ්ඩාලී ගලද්රක්තවිභූෂණා .
රක්තචන්දනසික්තාඞ්ගී සින්දූරාරුණමස්තකා .. 10 ..
ඝෝරරූපා ඝෝරදංෂ්ට්රා ඝෝරාඝෝරතරා ශුභා .
මහාදංෂ්ට්රා මහාමායා සුදතී යුගදන්තුරා .. 11 ..
සුලෝචනා විරූපාක්ෂී විශාලාක්ෂී ත්රිලෝචනා .
ශාරදේන්දුප්රසන්නාස්යා ස්ඵුරත්ස්මේරාම්බුජේක්ෂණා .. 12 ..
අට්ටහාසප්රඵුල්ලාස්යා ස්මේරවක්ත්රා සුභාෂිණී .
ප්රඵුල්ලපද්මවදනා ස්මිතාස්යා ප්රියභාෂිණී .. 13 ..
කෝටරාක්ෂී කුලශ්රේෂ්ඨා මහතී බහුභාෂිණී .
සුමතිඃ කුමතිශ්චණ්ඩා චණ්ඩමුණ්ඩාතිවේගිනී .. 14 ..
සුකේශී මුක්තකේශී ච දීර්ඝකේශී මහාකචා .
ප්රේතදේහාකර්ණපූරා ප්රේතපාණිසුමේඛලා .. 15 ..
ප්රේතාසනා ප්රියප්රේතා පුණ්යදා කුලපණ්ඩිතා .
පුණ්යාලයා පුණ්යදේහා පුණ්යශ්ලෝකා ච පාවනී .. 16 ..
පූතා පවිත්රා පරමා පරා පුණ්යවිභූෂණා .
පුණ්යනාම්නී භීතිහරා වරදා ඛඩ්ගපාණිනී .. 17 ..
නෘමුණ්ඩහස්තා ශාන්තා ච ඡින්නමස්තා සුනාසිකා .
දක්ෂිණා ශ්යාමලා ශ්යාමා ශාන්තා පීනෝන්නතස්තනී .. 18 ..
දිගම්බරා ඝෝරරාවා සෘක්කාන්තරක්තවාහිනී .
ඝෝරරාවා ශිවාසඞ්ගා නිඃසඞ්ගා මදනාතුරා .. 19 ..
මත්තා ප්රමත්තා මදනා සුධාසින්ධුනිවාසිනී .
අතිමත්තා මහාමත්තා සර්වාකර්ෂණකාරිණී .. 20 ..
ගීතප්රියා වාද්යරතා ප්රේතනෘත්යපරායණා .
චතුර්භුජා දශභුජා අෂ්ටාදශභුජා තථා .. 21 ..
කාත්යායනී ජගන්මාතා ජගතී පරමේශ්වරී .
ජගද්බන්ධුර්ජගද්ධාත්රී ජගදානන්දකාරිණී .. 22 ..
ජගජ්ජීවවතී හෛමවතී මායා මහාලයා .
නාගයජ්ඤෝපවීතාඞ්ගී නාගිනී නාගශායිනී .. 23 ..
නාගකන්යා දේවකන්යා ගාන්ධාරී කින්නරී සුරී .
මෝහරාත්රී මහාරාත්රී දාරුණාමාසුරාසුරී .. 24 ..
විද්යාධරී වසුමතී යක්ෂිණී යෝගිනී ජරා .
රාක්ෂසී ඩාකිනී වේදමයී වේදවිභූෂණා .. 25 ..
ශ්රුතිස්මෘතිමහාවිද්යා ගුහ්යවිද්යා පුරාතනී .
චින්ත්යා(අ)චින්ත්යා ස්වධා ස්වාහා නිද්රා තන්ද්රා ච පාර්වතී .. 26 ..
අපර්ණා නිශ්චලා ලෝලා සර්වවිද්යා තපස්විනී .
ගඞ්ගා කාශී ශචී සීතා සතී සත්යපරායණා .. 27 ..
නීතිඃ සුනීතිඃ සුරුචිස්තුෂ්ටිඃ පුෂ්ටිර්ධෘතිඃ ක්ෂමා .
වාණී බුද්ධිර්මහාලක්ෂ්මී ලක්ෂ්මීර්නීලසරස්වතී .. 28 ..
ස්රෝතස්වතී ස්රෝතවතී මාතඞ්ගී විජයා ජයා .
නදී සින්ධුඃ සර්වමයී තාරා ශූන්යනිවාසිනී .. 29 ..
ශුද්ධා තරඞ්ගිණී මේධා ලාකිනී බහුරූපිණී .
සදානන්දමයී සත්යා සර්වානන්දස්වරූපිණී .. 30 ..
සුනන්දා නන්දිනී ස්තුත්යා ස්තවනීයා ස්වභාවිනී .
රඞ්කිණී ටඞ්කිණී චිත්රා විචිත්රා චිත්රරූපිණී .. 31 ..
පද්මා පද්මාලයා පද්මසුඛී පද්මවිභූෂණා .
ශාකිනී හාකිනී ක්ෂාන්තා රාකිණී රුධිරප්රියා .. 32 ..
භ්රාන්තිර්භවානී රුද්රාණී මෘඩානී ශත්රුමර්දිනී .
උපේන්ද්රාණී මහේශානී ජ්යෝත්ස්නා චේන්ද්රස්වරූපිණී .. 33 ..
සූර්යාත්මිකා රුද්රපත්නී රෞද්රී ස්ත්රී ප්රකෘතිඃ පුමාන් .
ශක්තිඃ සූක්තිර්මතිමතී භුක්තිර්මුක්තිඃ පතිව්රතා .. 34 ..
සර්වේශ්වරී සර්වමාතා ශර්වාණී හරවල්ලභා .
සර්වජ්ඤා සිද්ධිදා සිද්ධා භාව්යා භව්යා භයාපහා .. 35 ..
කර්ත්රී හර්ත්රී පාලයිත්රී ශර්වරී තාමසී දයා .
තමිස්රා යාමිනීස්ථා ච ස්ථිරා ධීරා තපස්විනී .. 36 ..
චාර්වඞ්ගී චඤ්චලා ලෝලජිහ්වා චාරුචරිත්රිණී .
ත්රපා ත්රපාවතී ලජ්ජා නිර්ලජ්ජා හ්රීං රජෝවතී .. 37 ..
සත්ත්වවතී ධර්මනිෂ්ඨා ශ්රේෂ්ඨා නිෂ්ඨුරවාදිනී .
ගරිෂ්ඨා දුෂ්ටසංහර්ත්රී විශිෂ්ටා ශ්රේයසී ඝෘණා .. 38 ..
භීමා භයානකා භීමනාදිනී භීඃ ප්රභාවතී .
වාගීශ්වරී ශ්රීර්යමුනා යජ්ඤකර්ත්රී යජුඃප්රියා .. 39 ..
ඍක්සාමාථර්වනිලයා රාගිණී ශෝභනස්වරා .
කලකණ්ඨී කම්බුකණ්ඨී වේණුවීණාපරායණා .. 40 ..
වංශිනී වෛෂ්ණවී ස්වච්ඡා ධාත්රී ත්රිජගදීශ්වරී .
මධුමතී කුණ්ඩලිනී ඍද්ධිඃ සිද්ධිඃ ශුචිස්මිතා .. 41 ..
රම්භෝර්වශී රතී රාමා රෝහිණී රේවතී රමා .
ශඞ්ඛිනී චක්රිණී කෘෂ්ණා ගදිනී පද්මිනී තථා .. 42 ..
ශූලිනී පරිඝාස්ත්රා ච පාශිනී ශාර්ඞ්ගපාණිනී .
පිනාකධාරිණී ධූම්රා ශරභී වනමාලිනී .. 43 ..
වජ්රිණී සමරප්රීතා වේගිනී රණපණ්ඩිතා .
ජටිනී බිම්බිනී නීලා ලාවණ්යාම්බුධිචන්ද්රිකා .. 44 ..
බලිප්රියා සදාපූජ්යා පූර්ණා දෛත්යේන්ද්රමාථිනී .
මහිෂාසුරසංහන්ත්රී වාසිනී රක්තදන්තිකා .. 45 ..
රක්තපා රුධිරාක්තාඞ්ගී රක්තඛර්පරහස්තිනී .
රක්තප්රියා මාංසරුචිර්වාසවාසක්තමානසා .. 46 ..
ගලච්ඡෝණිතමුණ්ඩාලිකණ්ඨමාලාවිභූෂණා .
ශවාසනා චිතාන්තස්ථා මාහේශී වෘෂවාහිනී .. 47 ..
ව්යාඝ්රත්වගම්බරා චීනචේලිනී සිංහවාහිනී .
වාමදේවී මහාදේවී ගෞරී සර්වජ්ඤභාවිනී .. 48 ..
බාලිකා තරුණී වෘද්ධා වෘද්ධමාතා ජරාතුරා .
සුභ්රුර්විලාසිනී බ්රහ්මවාදිනී බ්රාහ්මණී මහී .. 49 ..
ස්වප්නවතී චිත්රලේඛා ලෝපාමුද්රා සුරේශ්වරී .
අමෝඝා(අ)රුන්ධතී තීක්ෂ්ණා භෝගවත්යනුවාදිනී .. 50 ..
මන්දාකිනී මන්දහාසා ජ්වාලාමුඛ්යසුරාන්තකා .
මානදා මානිනී මාන්යා මානනීයා මදෝද්ධතා .. 51 ..
මදිරා මදිරාන්මාදා මේධ්යා නව්යා ප්රසාදිනී .
සුමධ්යා(අ)නන්තගුණිනී සර්වලෝකෝත්තමෝත්තමා .. 52 ..
ජයදා ජිත්වරා ජෛත්රී ජයශ්රීර්ජයශාලිනී .
සුඛදා ශුභදා සත්යා සභාසඞ්ක්ෂෝභකාරිණී .. 53 ..
ශිවදූතී භූතිමතී විභූතිර්භීෂණානනා .
කෞමාරී කුලජා කුන්තී කුලස්ත්රී කුලපාලිකා .. 54 ..
කීර්තිර්යශස්විනී භූෂා භූෂ්යා භූතපතිප්රියා .
සගුණා නිර්ගුණා ධෘෂ්ටා නිෂ්ඨා කාෂ්ඨා ප්රතිෂ්ඨිතා .. 55 ..
ධනිෂ්ඨා ධනදා ධන්යා වසුධා ස්වප්රකාශිනී .
උර්වී ගුර්වී ගුරුශ්රේෂ්ඨා සගුණා ත්රිගුණාත්මිකා .. 56 ..
මහාකුලීනා නිෂ්කාමා සකාමා කාමජීවනා .
කාමදේවකලා රාමා(අ)භිරාමා ශිවනර්තකී .. 57 ..
චින්තාමණිඃ කල්පලතා ජාග්රතී දීනවත්සලා .
කාර්තිකී කීර්තිකා කෘත්යා අයෝධ්යා විෂමා සමා .. 58 ..
සුමන්ත්රා මන්ත්රිණී ඝූර්ණා හ්ලාදිනී ක්ලේශනාශිනී .
ත්රෛලෝක්යජනනී හෘෂ්ටා නිර්මාංසා මනෝරූපිණී .. 59 ..
තඩාගනිම්නජඨරා ශුෂ්කමාංසාස්ථිමාලිනී .
අවන්තී මථුරා මායා ත්රෛලෝක්යපාවනීශ්වරී .. 60 ..
ව්යක්තා(අ)ව්යක්තා(අ)නේකමූර්තිඃ ශර්වරී භීමනාදිනී .
ක්ෂේමඞ්කරී ශඞ්කරී ච සර්වසම්මෝහකාරිණී .. 61 ..
ඌර්ධ්වතේජස්විනී ක්ලින්නා මහාතේජස්විනී තථා .
අද්වෛතා භෝගිනී පූජ්යා යුවතී සර්වමඞ්ගලා .. 62 ..
සර්වප්රියඞ්කරී භෝග්යා ධරණී පිශිතාශනා .
භයඞ්කරී පාපහරා නිෂ්කලඞ්කා වශඞ්කරී .. 63 ..
ආශා තෘෂ්ණා චන්ද්රකලා නිද්රාන්යා වායුවේගිනී .
සහස්රසූර්යසඞ්කාශා චන්ද්රකෝටිසමප්රභා .. 64 ..
වහ්නිමණ්ඩලසංස්ථා ච සර්වතත්ත්වප්රතිෂ්ඨිතා .
සර්වාචාරවතී සර්වදේවකන්යාධිදේවතා .. 65 ..
දක්ෂකන්යා දක්ෂයජ්ඤනාශිනී දුර්ගතාරිකා .
ඉජ්යා පූජ්යා විභා භූතිඃ සත්කීර්තිර්බ්රහ්මරූපිණී .. 66 ..
රම්භෝරුශ්චතුරා රාකා ජයන්තී කරුණා කුහුඃ .
මනස්විනී දේවමාතා යශස්යා බ්රහ්මචාරිණී .. 67 ..
ඍද්ධිදා වෘද්ධිදා වෘද්ධිඃ සර්වාද්යා සර්වදායිනී .
ආධාරරූපිණී ධ්යේයා මූලාධාරනිවාසිනී .. 68 ..
අජ්ඤා ප්රජ්ඤා පූර්ණමනාශ්චන්ද්රමුඛ්යනුකූලිනී .
වාවදූකා නිම්නනාභිඃ සත්යා සන්ධ්යා දෘඪව්රතා .. 69 ..
ආන්වීක්ෂිකී දණ්ඩනීතිස්ත්රයී ත්රිදිවසුන්දරී .
ජ්වලිනී ජ්වාලිනී ශෛලතනයා වින්ධ්යවාසිනී .. 70 ..
අමේයා ඛේචරී ධෛර්යා තුරීයා විමලා(අ)(අ)තුරා .
ප්රගල්භා වාරුණී ඡායා ශශිනී විස්ඵුලිඞ්ගිනී .. 71 ..
භුක්තිඃ සිද්ධිඃ සදාප්රාප්තිඃ ප්රාකාම්යා මහිමා(අ)ණිමා .
ඉච්ඡාසිද්ධිර්විසිද්ධා ච වශිත්වෝර්ධ්වනිවාසිනී .. 72 ..
ලඝිමා චෛව ගායත්රී සාවිත්රී භුවනේශ්වරී .
මනෝහරා චිතා දිව්යා දේව්යුදාරා මනෝරමා .. 73 ..
පිඞ්ගලා කපිලා ජිහ්වාරසජ්ඤා රසිකා රසා .
සුෂුම්නේඩා භෝගවතී ගාන්ධාරී නරකාන්තකා .. 74 ..
පාඤ්චාලී රුක්මිණී රාධාරාධ්යා භීමාධිරාධිකා .
අමෘතා තුලසී වෘන්දා කෛටභී කපටේශ්වරී .. 75 ..
උග්රචණ්ඩේශ්වරී වීරා ජනනී වීරසුන්දරී .
උග්රතාරා යශෝදාඛ්යා දෛවකී දේවමානිතා .. 76 ..
නිරඤ්ජනා චිත්රදේවී ක්රෝධිනී කුලදීපිකා .
කුලවාගීශ්වරී වාණී මාතෘකා ද්රාවිණී ද්රවා .. 77 ..
යෝගේශ්වරී මහාමාරී භ්රාමරී බින්දුරූපිණී .
දූතී ප්රාණේශ්වරී ගුප්තා බහුලා චමරී ප්රභා .. 78 ..
කුබ්ජිකා ජ්ඤානිනී ජ්යේෂ්ඨා භුශුණ්ඩී ප්රකටා තිථිඃ .
ද්රවිණී ගෝපනී මායා කාමබීජේශ්වරී ක්රියා .. 79 ..
ශාම්භවී කේකරා මේනා මූෂලාස්ත්රා තිලෝත්තමා .
අමේයවික්රමා ක්රූරා සම්පත්ශාලා ත්රිලෝචනා .. 80 ..
ස්වස්තිර්හව්යවහා ප්රීතිරුෂ්මා ධූම්රාර්චිරඞ්ගදා .
තපිනී තාපිනී විශ්වා භෝගදා ධාරිණී ධරා .. 81 ..
ත්රිඛණ්ඩා බෝධිනී වශ්යා සකලා ශබ්දරූපිණී .
බීජරූපා මහාමුද්රා යෝගිනී යෝනිරූපිණී .. 82 ..
අනඞ්ගකුසුමා(අ)නඞ්ගමේඛලා(අ)නඞ්ගරූපිණී .
වජ්රේශ්වරී ච ජයිනී සර්වද්වන්ද්වක්ෂයඞ්කරී .. 83 ..
ෂඩඞ්ගයුවතී යෝගයුක්තා ජ්වාලාංශුමාලිනී .
දුරාශයා දුරාධාරා දුර්ජයා දුර්ගරූපිණී .. 84 ..
දුරන්තා දුෂ්කෘතිහරා දුර්ධ්යේයා දුරතික්රමා .
හංසේශ්වරී ත්රිකෝණස්ථා ශාකම්භර්යනුකම්පිනී .. 85 ..
ත්රිකෝණනිලයා නිත්යා පරමාමෘතරඤ්ජිතා .
මහාවිද්යේශ්වරී ශ්වේතා භේරුණ්ඩා කුලසුන්දරී .. 86 ..
ත්වරිතා භක්තිසංසක්තා භක්තවශ්යා සනාතනී .
භක්තානන්දමයී භක්තභාවිකා භක්තශඞ්කරී .. 87 ..
සර්වසෞන්දර්යනිලයා සර්වසෞභාග්යශාලිනී .
සර්වසම්භෝගභවනා සර්වසෞඛ්යනිරූපිණී .. 88 ..
කුමාරීපූජනරතා කුමාරීව්රතචාරිණී .
කුමාරීභක්තිසුඛිනී කුමාරීරූපධාරිණී .. 89 ..
කුමාරීපූජකප්රීතා කුමාරීප්රීතිදා ප්රියා .
කුමාරීසේවකාසඞ්ගා කුමාරීසේවකාලයා .. 90 ..
ආනන්දභෛරවී බාලභෛරවී බටුභෛරවී .
ශ්මශානභෛරවී කාලභෛරවී පුරභෛරවී .. 91 ..
මහාභෛරවපත්නී ච පරමානන්දභෛරවී .
සුධානන්දභෛරවී ච උන්මාදානන්දභෛරවී .. 92 ..
මුක්තානන්දභෛරවී ච තථා තරුණභෛරවී .
ජ්ඤානානන්දභෛරවී ච අමෘතානන්දභෛරවී .. 93 ..
මහාභයඞ්කරී තීව්රා තීව්රවේගා තපස්විනී .
ත්රිපුරා පරමේශානී සුන්දරී පුරසුන්දරී .. 94 ..
ත්රිපුරේශී පඤ්චදශී පඤ්චමී පුරවාසිනී .
මහාසප්තදශී චෛව ෂෝඩශී ත්රිපුරේශ්වරී .. 95 ..
මහාඞ්කුශස්වරූපා ච මහාචක්රේශ්වරී තථා .
නවචක්රේශ්වරී චක්රේශ්වරී ත්රිපුරමාලිනී .. 96 ..
රාජරාජේශ්වරී ධීරා මහාත්රිපුරසුන්දරී .
සින්දූරපූරරුචිරා ශ්රීමත්ත්රිපුරසුන්දරී .. 97 ..
සර්වාඞ්ගසුන්දරී රක්තාරක්තවස්ත්රෝත්තරීයිණී .
ජවායාවකසින්දූරරක්තචන්දනධාරිණී .. 98 ..
ජවායාවකසින්දූරරක්තචන්දනරූපධෘක් .
චාමරී බාලකුටිලනිර්මලා ශ්යාමකේශිනී .. 99 ..
වජ්රමෞක්තිකරත්නාඪ්යා කිරීටමුකුටෝජ්ජ්වලා .
රත්නකුණ්ඩලසංයුක්තස්ඵුරද්ගණ්ඩමනෝරමා .. 100 ..
කුඤ්ජරේශ්වරකුම්භෝත්ථමුක්තාරඤ්ජිතනාසිකා .
මුක්තාවිද්රුමමාණික්යහාරාඪ්යස්තනමණ්ඩලා .. 101 ..
සූර්යකාන්තේන්දුකාන්තාඪ්යස්පර්ශාශ්මකණ්ඨභූෂණා .
බීජපූරස්ඵුරද්බීජදන්තපඞ්ක්තිරනුත්තමා .. 102 ..
කාමකෝදණ්ඩකාභුග්නභ්රූකටාක්ෂප්රවර්ෂිණී .
මාතඞ්ගකුම්භවක්ෂෝජා ලසත්කෝකනදේක්ෂණා .. 103 ..
මනෝජ්ඤශෂ්කුලීකර්ණා හංසීගතිවිඩම්බිනී .
පද්මරාගාඞ්ගදජ්යෝතිර්දෝශ්චතුෂ්කප්රකාශිනී .. 104 ..
නානාමණිපරිස්ඵූර්ජච්ඡුද්ධකාඤ්චනකඞ්කණා .
නාගේන්ද්රදන්තනිර්මාණවලයාඞ්කිතපාණිනී .. 105 ..
අඞ්ගුරීයකචිත්රාඞ්ගී විචිත්රක්ෂුද්රඝණ්ටිකා .
පට්ටාම්බරපරීධානා කලමඤ්ජීරශිඤ්ජිනී .. 106 ..
කර්පූරාගරුකස්තූරීකුඞ්කුමද්රවලේපිතා .
විචිත්රරත්නපෘථිවීකල්පශාඛිතලස්ථිතා .. 107 ..
රත්නද්වීපස්ඵුරද්රත්නසිංහාසනවිලාසිනී .
ෂට්චක්රභේදනකරී පරමානන්දරූපිණී .. 108 ..
සහස්රදලපද්මාන්තශ්චන්ද්රමණ්ඩලවර්තිනී .
බ්රහ්මරූපා ශිවක්රෝඩා නානාසුඛවිලාසිනී .. 109 ..
හරවිෂ්ණුවිරිඤ්චීන්ද්රග්රහනායකසේවිතා .
ශිවා ශෛවා ච රුද්රාණී තථෛව ශිවවාදිනී .. 110 ..
මාතඞ්ගිනී ශ්රීමතී ච තථෛවානඞ්ගමේඛලා .
ඩාකිනී යෝගිනී චෛව තථෝපයෝගිනී මතා .. 111 ..
මාහේශ්වරී වෛෂ්ණවී ච භ්රාමරී ශිවරූපිණී .
අලම්බුෂා වේගවතී ක්රෝධරූපා සුමේඛලා .. 112 ..
ගාන්ධාරී හස්තජිහ්වා ච ඉඩා චෛව ශුභඞ්කරී .
පිඞ්ගලා බ්රහ්මදූතී ච සුෂුම්නා චෛව ගන්ධිනී .. 113 ..
ආත්මයෝනිර්බ්රහ්මයෝනිර්ජගද්යෝනිරයෝනිජා .
භගරූපා භගස්ථාත්රී භගිනී භගරූපිණී .. 114 ..
භගාත්මිකා භගාධාරරූපිණී භගමාලිනී .
ලිඞ්ගාඛ්යා චෛව ලිඞ්ගේශී ත්රිපුරා භෛරවී තථා .. 115 ..
ලිඞ්ගගීතිඃ සුගීතිශ්ච ලිඞ්ගස්ථා ලිඞ්ගරූපධෘක් .
ලිඞ්ගමානා ලිඞ්ගභවා ලිඞ්ගලිඞ්ගා ච පාර්වතී .. 116 ..
භගවතී කෞශිකී ච ප්රේමා චෛව ප්රියංවදා .
ගෘධ්රරූපා ශිවාරූපා චක්රිණී චක්රරූපධෘක් .. 117 ..
ලිඞ්ගාභිධායිනී ලිඞ්ගප්රියා ලිඞ්ගනිවාසිනී .
ලිඞ්ගස්ථා ලිඞ්ගනී ලිඞ්ගරූපිණී ලිඞ්ගසුන්දරී .. 118 ..
ලිඞ්ගගීතිර්මහාප්රීතා භගගීතිර්මහාසුඛා .
ලිඞ්ගනාමසදානන්දා භගනාමසදාගතිඃ .. 119 ..
ලිඞ්ගමාලාකණ්ඨභූෂා භගමාලාවිභූෂණා .
භගලිඞ්ගාමෘතප්රීතා භගලිඞ්ගස්වරූපිණී .. 120 ..
භගලිඞ්ගස්ය රූපා ච භගලිඞ්ගසුඛාවහා .
ස්වයම්භූකුසුමප්රීතා ස්වයම්භූකුසුමාර්චිතා .. 121 ..
ස්වයම්භූකුසුමප්රාණා ස්වයම්භූපුෂ්පතර්පිතා .
ස්වයම්භූපුෂ්පඝටිතා ස්වයම්භූපුෂ්පධාරිණී .. 122 ..
ස්වයම්භූපුෂ්පතිලකා ස්වයම්භූපුෂ්පචර්චිතා .
ස්වයම්භූපුෂ්පනිරතා ස්වයම්භූකුසුමග්රහා .. 123 ..
ස්වයම්භූපුෂ්පයජ්ඤාංශා ස්වයම්භූකුසුමාත්මිකා .
ස්වයම්භූපුෂ්පනිචිතා ස්වයම්භූකුසුමප්රියා .. 124 ..
ස්වයම්භූකුසුමාදානලාලසෝන්මත්තමානසා .
ස්වයම්භූකුසුමානන්දලහරීස්නිග්ධදේහිනී .. 125 ..
ස්වයම්භූකුසුමාධාරා ස්වයම්භූකුසුමාකුලා .
ස්වයම්භූපුෂ්පනිලයා ස්වයම්භූපුෂ්පවාසිනී .. 126 ..
ස්වයම්භූකුසුමස්නිග්ධා ස්වයම්භූකුසුමාත්මිකා .
ස්වයම්භූපුෂ්පකරිණී ස්වයම්භූපුෂ්පවාණිකා .. 127 ..
ස්වයම්භූකුසුමධ්යානා ස්වයම්භූකුසුමප්රභා .
ස්වයම්භූකුසුමජ්ඤානා ස්වයම්භූපුෂ්පභාගිනී .. 128 ..
ස්වයම්භූකුසුමෝල්ලාසා ස්වයම්භූපුෂ්පවර්ෂිණී .
ස්වයම්භූකුසුමෝත්සාහා ස්වයම්භූපුෂ්පරූපිණී .. 129 ..
ස්වයම්භූකුසුමෝන්මාදා ස්වයම්භූපුෂ්පසුන්දරී .
ස්වයම්භූකුසුමාරාධ්යා ස්වයම්භූකුසුමෝද්භවා .. 130 ..
ස්වයම්භූකුසුමාව්යග්රා ස්වයම්භූපුෂ්පපූර්ණිතා .
ස්වයම්භූපූජකප්රාජ්ඤා ස්වයම්භූහෝතෘමාතෘකා .. 131 ..
ස්වයම්භූදාතෘරක්ෂිත්රී ස්වයම්භූරක්තතාරිකා .
ස්වයම්භූපූජකග්රස්තා ස්වයම්භූපූජකප්රියා .. 132 ..
ස්වයම්භූවන්දකාධාරා ස්වයම්භූනින්දකාන්තකා .
ස්වයම්භූප්රදසර්වස්වා ස්වයම්භූප්රදපුත්රිණී .. 133 ..
ස්වයම්භූප්රදසස්මේරා ස්වයම්භූතශරීරිණී .
සර්වකාලෝද්භවප්රීතා සර්වකාලෝද්භවාත්මිකා .. 134 ..
සර්වකාලෝද්භවෝද්භාවා සර්වකාලෝද්භවෝද්භවා .
කුණ්ඩපුෂ්පසදාප්රීතා කුණ්ඩපුෂ්පසදාරතිඃ .. 135 ..
කුණ්ඩගෝලෝද්භවප්රාණා කුණ්ඩගෝලෝද්භවාත්මිකා .
ස්වයම්භූර්වා ශිවා ධාත්රී පාවනී ලෝකපාවනී .. 136 ..
කීර්තිර්යශස්විනී මේධා විමේධා ශුක්රසුන්දරී .
අශ්විනී කෘත්තිකා පුෂ්යා තේජස්කා චන්ද්රමණ්ඩලා .. 137 ..
සූක්ෂ්මා(අ)සූක්ෂ්මා බලාකා ච වරදා භයනාශිනී .
වරදා(අ)භයදා චෛව මුක්තිබන්ධවිනාශිනී .. 138 ..
කාමුකා කාමදා කාන්තා කාමාඛ්යා කුලසුන්දරී .
දුඃඛදා සුඛදා මෝක්ෂා මෝක්ෂදාර්ථප්රකාශිනී .. 139 ..
දුෂ්ටාදුෂ්ටමතිශ්චෛව සර්වකාර්යවිනාශිනී .
ශුක්රාධාරා ශුක්රරූපා ශුක්රසින්ධුනිවාසිනී .. 140 ..
ශුක්රාලයා ශුක්රභෝගා ශුක්රපූජාසදාරතිඃ .
ශුක්රපූජ්යා ශුක්රහෝමසන්තුෂ්ටා ශුක්රවත්සලා .. 141 ..
ශුක්රමූර්තිඃ ශුක්රදේහා ශුක්රපූජකපුත්රිණී .
ශුක්රස්ථා ශුක්රිණී ශුක්රසංස්පෘහා ශුක්රසුන්දරී .. 142 ..
ශුක්රස්නාතා ශුක්රකරී ශුක්රසේව්යා(අ)තිශුක්රිණී .
මහාශුක්රා ශුක්රභවා ශුක්රවෘෂ්ටිවිධායිනී .. 143 ..
ශුක්රාභිධේයා ශුක්රාර්හා ශුක්රවන්දකවන්දිතා .
ශුක්රානන්දකරී ශුක්රසදානන්දාභිධායිකා .. 144 ..
ශුක්රෝත්සවා සදාශුක්රපූර්ණා ශුක්රමනෝරමා .
ශුක්රපූජකසර්වස්වා ශුක්රනින්දකනාශිනී .. 145 ..
ශුක්රාත්මිකා ශුක්රසංවත් ශුක්රාකර්ෂණකාරිණී .
ශාරදා සාධකප්රාණා සාධකාසක්තමානසා .. 146 ..
සාධකෝත්තමසර්වස්වා සාධකාභක්තරක්තපා .
සාධකානන්දසන්තෝෂා සාධකානන්දකාරිණී .. 147 ..
ආත්මවිද්යා බ්රහ්මවිද්යා පරබ්රහ්මස්වරූපිණී .
ත්රිකූටස්ථා පඤ්චකූටා සර්වකූටශරීරිණී .. 148 ..
සර්වවර්ණමයී වර්ණජපමාලාවිධායිනී .
ඉති ශ්රීකාලිකානාමසහස්රං ශිවභාෂිතම් .. 149 ..
ගුහ්යාද්ගුහ්යතරං සාක්ෂාන්මහාපාතකනාශනම් .
පූජාකාලේ නිශීථේ ච සන්ධ්යයෝරුභයෝරපි .. 150 ..
ලභතේ ගාණපත්යං ස යඃ පඨේත් සාධකෝත්තමඃ .
යඃ පඨේත් පාඨයේද්වාපි ශෘණෝති ශ්රාවයේදපි .. 151 ..
සර්වපාපවිනිර්මුක්තඃ ස යාති කාලිකාපුරම් .
ශ්රද්ධයා(අ)ශ්රද්ධයා වාපි යඃ කශ්චින්මානවඃ ස්මරේත් .. 152 ..
දුර්ගං දුර්ගශතං තීර්ත්වා ස යාති පරමාඞ්ගතිම් .
වන්ධ්යා වා කාකවන්ධ්යා වා මෘතවත්සා ච යාඞ්ගනා .. 153 ..
ශ්රුත්වා ස්තෝත්රමිදං පුත්රාන් ලභතේ චිරජීවිනඃ .
යං යං කාමයතේ කාමං පඨන් ස්තෝත්රමනුත්තමම් .
දේවීපාදප්රසාදේන තත්තදාප්නෝති නිශ්චිතම් .. 154 ..
ඉති ශ්රීකාලිකාකුලසර්වස්වේ හරපරශුරාමසංවාදේ ශ්රී කාලිකා සහස්රනාම ස්තෝත්රම් .
Roman (IAST) Transliteration
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
Sanskrit — Devanagari (original)
श्री शिव उवाच ।
कथितोऽयं महामन्त्रः सर्वमन्त्रोत्तमोत्तमः ।
यामासाद्य मया प्राप्तमैश्वर्यपदमुत्तमम् ॥ 1 ॥
संयुक्तः परया भक्त्या यथोक्त विधिना भवान् ।
कुरुतामर्चनं देव्यास्त्रैलोक्यविजिगीषया ॥ 2 ॥
श्रीपरशुराम उवाच ।
प्रसन्नो यदि मे देव परमेश पुरातन ।
रहस्यं परमं देव्याः कृपया कथय प्रभो ॥ 3 ॥
विनार्चनं विना होमं विना न्यासं विना बलिम् ।
विना गन्धं विना पुष्पं विना नित्योदितां क्रियाम् ॥ 4 ॥
प्राणायामं विना ध्यानं विना भूतविशोधनम् ।
विना दानं विना जापं येन काली प्रसीदति ॥ 5 ॥
श्री शिव उवाच ।
पृष्टं त्वयोत्तमं प्राज्ञ भृगुवंश समुद्भव ।
भक्तानामपि भक्तोऽसि त्वमेव साधयिष्यसि ॥ 6 ॥
देवीं दानवकोटिघ्नीं लीलया रुधिरप्रियाम् ।
सदा स्तोत्रप्रियामुग्रां कामकौतुकलालसाम् ॥ 7 ॥
सर्वदाऽऽनन्दहृदयामासवोत्सव मानसाम् ।
माध्वीक मत्स्यमांसानुरागिणीं वैष्णवीं पराम् ॥ 8 ॥
श्मशानवासिनीं प्रेतगणनृत्यमहोत्सवाम् ।
योगप्रभावां योगेशीं योगीन्द्रहृदयस्थिताम् ॥ 9 ॥
तामुग्रकालिकां राम प्रसीदयितुमर्हसि ।
तस्याः स्तोत्रं परं पुण्यं स्वयं काल्या प्रकाशितम् ॥ 10 ॥
तव तत् कथयिष्यामि श्रुत्वा वत्सावधारय ।
गोपनीयं प्रयत्नेन पठनीयं परात्परम् ॥ 11 ॥
यस्यैककालपठनात् सर्वे विघ्नाः समाकुलाः ।
नश्यन्ति दहने दीप्ते पतङ्गा इव सर्वतः ॥ 12 ॥
गद्यपद्यमयी वाणी तस्य गङ्गाप्रवाहवत् ।
तस्य दर्शनमात्रेण वादिनो निष्प्रभां गताः ॥ 13 ॥
तस्य हस्ते सदैवास्ति सर्वसिद्धिर्न संशयः ।
राजानोऽपि च दासत्वं भजन्ते किं परे जनाः ॥ 14 ॥
निशीथे मुक्तकेशस्तु नग्नः शक्तिसमाहितः ।
मनसा चिन्तयेत् कालीं महाकालेन चालिताम् ॥ 15 ॥
पठेत् सहस्रनामाख्यं स्तोत्रं मोक्षस्य साधनम् ।
प्रसन्ना कालिका तस्य पुत्रत्वेनानुकम्पते ॥ 16 ॥
यथा ब्रह्ममृतैर्ब्रह्मकुसुमैः पूजिता परा ।
प्रसीदति तथानेन स्तुता काली प्रसीदति ॥ 17 ॥
विनियोगः –
अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललाज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥
स्तोत्रम् –
श्मशानकालिका काली भद्रकाली कपालिनी ।
गुह्यकाली महाकाली कुरुकुल्ला विरोधिनी ॥ 1 ॥
कालिका कालरात्रिश्च महाकालनितम्बिनी ।
कालभैरवभार्या च कुलवर्त्मप्रकाशिनी ॥ 2 ॥
कामदा कामिनी कन्या कमनीयस्वरूपिणी ।
कस्तूरीरसलिप्ताङ्गी कुञ्जरेश्वरगामिनी ॥ 3 ॥
ककारवर्णसर्वाङ्गी कामिनी कामसुन्दरी ।
कामार्ता कामरूपा च कामधेनुः कलावती ॥ 4 ॥
कान्ता कामस्वरूपा च कामाख्या कुलकामिनी ।
कुलीना कुलवत्यम्बा दुर्गा दुर्गतिनाशिनी ॥ 5 ॥
कौमारी कलजा कृष्णा कृष्णदेहा कृशोदरी ।
कृशाङ्गी कुलिशाङ्गी च क्रीङ्कारी कमला कला ॥ 6 ॥
करालास्या कराली च कुलकान्ताऽपराजिता ।
उग्रा उग्रप्रभा दीप्ता विप्रचित्ता महाबला ॥ 7 ॥
नीला घना मेघनादा मात्रा मुद्रा मितामिता ।
ब्राह्मी नारायणी भद्रा सुभद्रा भक्तवत्सला ॥ 8 ॥
माहेश्वरी च चामुण्डा वाराही नारसिंहिका ।
वज्राङ्गी वज्रकङ्काली नृमुण्डस्रग्विणी शिवा ॥ 9 ॥
मालिनी नरमुण्डाली गलद्रक्तविभूषणा ।
रक्तचन्दनसिक्ताङ्गी सिन्दूरारुणमस्तका ॥ 10 ॥
घोररूपा घोरदंष्ट्रा घोराघोरतरा शुभा ।
महादंष्ट्रा महामाया सुदती युगदन्तुरा ॥ 11 ॥
सुलोचना विरूपाक्षी विशालाक्षी त्रिलोचना ।
शारदेन्दुप्रसन्नास्या स्फुरत्स्मेराम्बुजेक्षणा ॥ 12 ॥
अट्टहासप्रफुल्लास्या स्मेरवक्त्रा सुभाषिणी ।
प्रफुल्लपद्मवदना स्मितास्या प्रियभाषिणी ॥ 13 ॥
कोटराक्षी कुलश्रेष्ठा महती बहुभाषिणी ।
सुमतिः कुमतिश्चण्डा चण्डमुण्डातिवेगिनी ॥ 14 ॥
सुकेशी मुक्तकेशी च दीर्घकेशी महाकचा ।
प्रेतदेहाकर्णपूरा प्रेतपाणिसुमेखला ॥ 15 ॥
प्रेतासना प्रियप्रेता पुण्यदा कुलपण्डिता ।
पुण्यालया पुण्यदेहा पुण्यश्लोका च पावनी ॥ 16 ॥
पूता पवित्रा परमा परा पुण्यविभूषणा ।
पुण्यनाम्नी भीतिहरा वरदा खड्गपाणिनी ॥ 17 ॥
नृमुण्डहस्ता शान्ता च छिन्नमस्ता सुनासिका ।
दक्षिणा श्यामला श्यामा शान्ता पीनोन्नतस्तनी ॥ 18 ॥
दिगम्बरा घोररावा सृक्कान्तरक्तवाहिनी ।
घोररावा शिवासङ्गा निःसङ्गा मदनातुरा ॥ 19 ॥
मत्ता प्रमत्ता मदना सुधासिन्धुनिवासिनी ।
अतिमत्ता महामत्ता सर्वाकर्षणकारिणी ॥ 20 ॥
गीतप्रिया वाद्यरता प्रेतनृत्यपरायणा ।
चतुर्भुजा दशभुजा अष्टादशभुजा तथा ॥ 21 ॥
कात्यायनी जगन्माता जगती परमेश्वरी ।
जगद्बन्धुर्जगद्धात्री जगदानन्दकारिणी ॥ 22 ॥
जगज्जीववती हैमवती माया महालया ।
नागयज्ञोपवीताङ्गी नागिनी नागशायिनी ॥ 23 ॥
नागकन्या देवकन्या गान्धारी किन्नरी सुरी ।
मोहरात्री महारात्री दारुणामासुरासुरी ॥ 24 ॥
विद्याधरी वसुमती यक्षिणी योगिनी जरा ।
राक्षसी डाकिनी वेदमयी वेदविभूषणा ॥ 25 ॥
श्रुतिस्मृतिमहाविद्या गुह्यविद्या पुरातनी ।
चिन्त्याऽचिन्त्या स्वधा स्वाहा निद्रा तन्द्रा च पार्वती ॥ 26 ॥
अपर्णा निश्चला लोला सर्वविद्या तपस्विनी ।
गङ्गा काशी शची सीता सती सत्यपरायणा ॥ 27 ॥
नीतिः सुनीतिः सुरुचिस्तुष्टिः पुष्टिर्धृतिः क्षमा ।
वाणी बुद्धिर्महालक्ष्मी लक्ष्मीर्नीलसरस्वती ॥ 28 ॥
स्रोतस्वती स्रोतवती मातङ्गी विजया जया ।
नदी सिन्धुः सर्वमयी तारा शून्यनिवासिनी ॥ 29 ॥
शुद्धा तरङ्गिणी मेधा लाकिनी बहुरूपिणी ।
सदानन्दमयी सत्या सर्वानन्दस्वरूपिणी ॥ 30 ॥
सुनन्दा नन्दिनी स्तुत्या स्तवनीया स्वभाविनी ।
रङ्किणी टङ्किणी चित्रा विचित्रा चित्ररूपिणी ॥ 31 ॥
पद्मा पद्मालया पद्मसुखी पद्मविभूषणा ।
शाकिनी हाकिनी क्षान्ता राकिणी रुधिरप्रिया ॥ 32 ॥
भ्रान्तिर्भवानी रुद्राणी मृडानी शत्रुमर्दिनी ।
उपेन्द्राणी महेशानी ज्योत्स्ना चेन्द्रस्वरूपिणी ॥ 33 ॥
सूर्यात्मिका रुद्रपत्नी रौद्री स्त्री प्रकृतिः पुमान् ।
शक्तिः सूक्तिर्मतिमती भुक्तिर्मुक्तिः पतिव्रता ॥ 34 ॥
सर्वेश्वरी सर्वमाता शर्वाणी हरवल्लभा ।
सर्वज्ञा सिद्धिदा सिद्धा भाव्या भव्या भयापहा ॥ 35 ॥
कर्त्री हर्त्री पालयित्री शर्वरी तामसी दया ।
तमिस्रा यामिनीस्था च स्थिरा धीरा तपस्विनी ॥ 36 ॥
चार्वङ्गी चञ्चला लोलजिह्वा चारुचरित्रिणी ।
त्रपा त्रपावती लज्जा निर्लज्जा ह्रीं रजोवती ॥ 37 ॥
सत्त्ववती धर्मनिष्ठा श्रेष्ठा निष्ठुरवादिनी ।
गरिष्ठा दुष्टसंहर्त्री विशिष्टा श्रेयसी घृणा ॥ 38 ॥
भीमा भयानका भीमनादिनी भीः प्रभावती ।
वागीश्वरी श्रीर्यमुना यज्ञकर्त्री यजुःप्रिया ॥ 39 ॥
ऋक्सामाथर्वनिलया रागिणी शोभनस्वरा ।
कलकण्ठी कम्बुकण्ठी वेणुवीणापरायणा ॥ 40 ॥
वंशिनी वैष्णवी स्वच्छा धात्री त्रिजगदीश्वरी ।
मधुमती कुण्डलिनी ऋद्धिः सिद्धिः शुचिस्मिता ॥ 41 ॥
रम्भोर्वशी रती रामा रोहिणी रेवती रमा ।
शङ्खिनी चक्रिणी कृष्णा गदिनी पद्मिनी तथा ॥ 42 ॥
शूलिनी परिघास्त्रा च पाशिनी शार्ङ्गपाणिनी ।
पिनाकधारिणी धूम्रा शरभी वनमालिनी ॥ 43 ॥
वज्रिणी समरप्रीता वेगिनी रणपण्डिता ।
जटिनी बिम्बिनी नीला लावण्याम्बुधिचन्द्रिका ॥ 44 ॥
बलिप्रिया सदापूज्या पूर्णा दैत्येन्द्रमाथिनी ।
महिषासुरसंहन्त्री वासिनी रक्तदन्तिका ॥ 45 ॥
रक्तपा रुधिराक्ताङ्गी रक्तखर्परहस्तिनी ।
रक्तप्रिया मांसरुचिर्वासवासक्तमानसा ॥ 46 ॥
गलच्छोणितमुण्डालिकण्ठमालाविभूषणा ।
शवासना चितान्तस्था माहेशी वृषवाहिनी ॥ 47 ॥
व्याघ्रत्वगम्बरा चीनचेलिनी सिंहवाहिनी ।
वामदेवी महादेवी गौरी सर्वज्ञभाविनी ॥ 48 ॥
बालिका तरुणी वृद्धा वृद्धमाता जरातुरा ।
सुभ्रुर्विलासिनी ब्रह्मवादिनी ब्राह्मणी मही ॥ 49 ॥
स्वप्नवती चित्रलेखा लोपामुद्रा सुरेश्वरी ।
अमोघाऽरुन्धती तीक्ष्णा भोगवत्यनुवादिनी ॥ 50 ॥
मन्दाकिनी मन्दहासा ज्वालामुख्यसुरान्तका ।
मानदा मानिनी मान्या माननीया मदोद्धता ॥ 51 ॥
मदिरा मदिरान्मादा मेध्या नव्या प्रसादिनी ।
सुमध्याऽनन्तगुणिनी सर्वलोकोत्तमोत्तमा ॥ 52 ॥
जयदा जित्वरा जैत्री जयश्रीर्जयशालिनी ।
सुखदा शुभदा सत्या सभासङ्क्षोभकारिणी ॥ 53 ॥
शिवदूती भूतिमती विभूतिर्भीषणानना ।
कौमारी कुलजा कुन्ती कुलस्त्री कुलपालिका ॥ 54 ॥
कीर्तिर्यशस्विनी भूषा भूष्या भूतपतिप्रिया ।
सगुणा निर्गुणा धृष्टा निष्ठा काष्ठा प्रतिष्ठिता ॥ 55 ॥
धनिष्ठा धनदा धन्या वसुधा स्वप्रकाशिनी ।
उर्वी गुर्वी गुरुश्रेष्ठा सगुणा त्रिगुणात्मिका ॥ 56 ॥
महाकुलीना निष्कामा सकामा कामजीवना ।
कामदेवकला रामाऽभिरामा शिवनर्तकी ॥ 57 ॥
चिन्तामणिः कल्पलता जाग्रती दीनवत्सला ।
कार्तिकी कीर्तिका कृत्या अयोध्या विषमा समा ॥ 58 ॥
सुमन्त्रा मन्त्रिणी घूर्णा ह्लादिनी क्लेशनाशिनी ।
त्रैलोक्यजननी हृष्टा निर्मांसा मनोरूपिणी ॥ 59 ॥
तडागनिम्नजठरा शुष्कमांसास्थिमालिनी ।
अवन्ती मथुरा माया त्रैलोक्यपावनीश्वरी ॥ 60 ॥
व्यक्ताऽव्यक्ताऽनेकमूर्तिः शर्वरी भीमनादिनी ।
क्षेमङ्करी शङ्करी च सर्वसम्मोहकारिणी ॥ 61 ॥
ऊर्ध्वतेजस्विनी क्लिन्ना महातेजस्विनी तथा ।
अद्वैता भोगिनी पूज्या युवती सर्वमङ्गला ॥ 62 ॥
सर्वप्रियङ्करी भोग्या धरणी पिशिताशना ।
भयङ्करी पापहरा निष्कलङ्का वशङ्करी ॥ 63 ॥
आशा तृष्णा चन्द्रकला निद्रान्या वायुवेगिनी ।
सहस्रसूर्यसङ्काशा चन्द्रकोटिसमप्रभा ॥ 64 ॥
वह्निमण्डलसंस्था च सर्वतत्त्वप्रतिष्ठिता ।
सर्वाचारवती सर्वदेवकन्याधिदेवता ॥ 65 ॥
दक्षकन्या दक्षयज्ञनाशिनी दुर्गतारिका ।
इज्या पूज्या विभा भूतिः सत्कीर्तिर्ब्रह्मरूपिणी ॥ 66 ॥
रम्भोरुश्चतुरा राका जयन्ती करुणा कुहुः ।
मनस्विनी देवमाता यशस्या ब्रह्मचारिणी ॥ 67 ॥
ऋद्धिदा वृद्धिदा वृद्धिः सर्वाद्या सर्वदायिनी ।
आधाररूपिणी ध्येया मूलाधारनिवासिनी ॥ 68 ॥
अज्ञा प्रज्ञा पूर्णमनाश्चन्द्रमुख्यनुकूलिनी ।
वावदूका निम्ननाभिः सत्या सन्ध्या दृढव्रता ॥ 69 ॥
आन्वीक्षिकी दण्डनीतिस्त्रयी त्रिदिवसुन्दरी ।
ज्वलिनी ज्वालिनी शैलतनया विन्ध्यवासिनी ॥ 70 ॥
अमेया खेचरी धैर्या तुरीया विमलाऽऽतुरा ।
प्रगल्भा वारुणी छाया शशिनी विस्फुलिङ्गिनी ॥ 71 ॥
भुक्तिः सिद्धिः सदाप्राप्तिः प्राकाम्या महिमाऽणिमा ।
इच्छासिद्धिर्विसिद्धा च वशित्वोर्ध्वनिवासिनी ॥ 72 ॥
लघिमा चैव गायत्री सावित्री भुवनेश्वरी ।
मनोहरा चिता दिव्या देव्युदारा मनोरमा ॥ 73 ॥
पिङ्गला कपिला जिह्वारसज्ञा रसिका रसा ।
सुषुम्नेडा भोगवती गान्धारी नरकान्तका ॥ 74 ॥
पाञ्चाली रुक्मिणी राधाराध्या भीमाधिराधिका ।
अमृता तुलसी वृन्दा कैटभी कपटेश्वरी ॥ 75 ॥
उग्रचण्डेश्वरी वीरा जननी वीरसुन्दरी ।
उग्रतारा यशोदाख्या दैवकी देवमानिता ॥ 76 ॥
निरञ्जना चित्रदेवी क्रोधिनी कुलदीपिका ।
कुलवागीश्वरी वाणी मातृका द्राविणी द्रवा ॥ 77 ॥
योगेश्वरी महामारी भ्रामरी बिन्दुरूपिणी ।
दूती प्राणेश्वरी गुप्ता बहुला चमरी प्रभा ॥ 78 ॥
कुब्जिका ज्ञानिनी ज्येष्ठा भुशुण्डी प्रकटा तिथिः ।
द्रविणी गोपनी माया कामबीजेश्वरी क्रिया ॥ 79 ॥
शाम्भवी केकरा मेना मूषलास्त्रा तिलोत्तमा ।
अमेयविक्रमा क्रूरा सम्पत्शाला त्रिलोचना ॥ 80 ॥
स्वस्तिर्हव्यवहा प्रीतिरुष्मा धूम्रार्चिरङ्गदा ।
तपिनी तापिनी विश्वा भोगदा धारिणी धरा ॥ 81 ॥
त्रिखण्डा बोधिनी वश्या सकला शब्दरूपिणी ।
बीजरूपा महामुद्रा योगिनी योनिरूपिणी ॥ 82 ॥
अनङ्गकुसुमाऽनङ्गमेखलाऽनङ्गरूपिणी ।
वज्रेश्वरी च जयिनी सर्वद्वन्द्वक्षयङ्करी ॥ 83 ॥
षडङ्गयुवती योगयुक्ता ज्वालांशुमालिनी ।
दुराशया दुराधारा दुर्जया दुर्गरूपिणी ॥ 84 ॥
दुरन्ता दुष्कृतिहरा दुर्ध्येया दुरतिक्रमा ।
हंसेश्वरी त्रिकोणस्था शाकम्भर्यनुकम्पिनी ॥ 85 ॥
त्रिकोणनिलया नित्या परमामृतरञ्जिता ।
महाविद्येश्वरी श्वेता भेरुण्डा कुलसुन्दरी ॥ 86 ॥
त्वरिता भक्तिसंसक्ता भक्तवश्या सनातनी ।
भक्तानन्दमयी भक्तभाविका भक्तशङ्करी ॥ 87 ॥
सर्वसौन्दर्यनिलया सर्वसौभाग्यशालिनी ।
सर्वसम्भोगभवना सर्वसौख्यनिरूपिणी ॥ 88 ॥
कुमारीपूजनरता कुमारीव्रतचारिणी ।
कुमारीभक्तिसुखिनी कुमारीरूपधारिणी ॥ 89 ॥
कुमारीपूजकप्रीता कुमारीप्रीतिदा प्रिया ।
कुमारीसेवकासङ्गा कुमारीसेवकालया ॥ 90 ॥
आनन्दभैरवी बालभैरवी बटुभैरवी ।
श्मशानभैरवी कालभैरवी पुरभैरवी ॥ 91 ॥
महाभैरवपत्नी च परमानन्दभैरवी ।
सुधानन्दभैरवी च उन्मादानन्दभैरवी ॥ 92 ॥
मुक्तानन्दभैरवी च तथा तरुणभैरवी ।
ज्ञानानन्दभैरवी च अमृतानन्दभैरवी ॥ 93 ॥
महाभयङ्करी तीव्रा तीव्रवेगा तपस्विनी ।
त्रिपुरा परमेशानी सुन्दरी पुरसुन्दरी ॥ 94 ॥
त्रिपुरेशी पञ्चदशी पञ्चमी पुरवासिनी ।
महासप्तदशी चैव षोडशी त्रिपुरेश्वरी ॥ 95 ॥
महाङ्कुशस्वरूपा च महाचक्रेश्वरी तथा ।
नवचक्रेश्वरी चक्रेश्वरी त्रिपुरमालिनी ॥ 96 ॥
राजराजेश्वरी धीरा महात्रिपुरसुन्दरी ।
सिन्दूरपूररुचिरा श्रीमत्त्रिपुरसुन्दरी ॥ 97 ॥
सर्वाङ्गसुन्दरी रक्तारक्तवस्त्रोत्तरीयिणी ।
जवायावकसिन्दूररक्तचन्दनधारिणी ॥ 98 ॥
जवायावकसिन्दूररक्तचन्दनरूपधृक् ।
चामरी बालकुटिलनिर्मला श्यामकेशिनी ॥ 99 ॥
वज्रमौक्तिकरत्नाढ्या किरीटमुकुटोज्ज्वला ।
रत्नकुण्डलसंयुक्तस्फुरद्गण्डमनोरमा ॥ 100 ॥
कुञ्जरेश्वरकुम्भोत्थमुक्तारञ्जितनासिका ।
मुक्ताविद्रुममाणिक्यहाराढ्यस्तनमण्डला ॥ 101 ॥
सूर्यकान्तेन्दुकान्ताढ्यस्पर्शाश्मकण्ठभूषणा ।
बीजपूरस्फुरद्बीजदन्तपङ्क्तिरनुत्तमा ॥ 102 ॥
कामकोदण्डकाभुग्नभ्रूकटाक्षप्रवर्षिणी ।
मातङ्गकुम्भवक्षोजा लसत्कोकनदेक्षणा ॥ 103 ॥
मनोज्ञशष्कुलीकर्णा हंसीगतिविडम्बिनी ।
पद्मरागाङ्गदज्योतिर्दोश्चतुष्कप्रकाशिनी ॥ 104 ॥
नानामणिपरिस्फूर्जच्छुद्धकाञ्चनकङ्कणा ।
नागेन्द्रदन्तनिर्माणवलयाङ्कितपाणिनी ॥ 105 ॥
अङ्गुरीयकचित्राङ्गी विचित्रक्षुद्रघण्टिका ।
पट्टाम्बरपरीधाना कलमञ्जीरशिञ्जिनी ॥ 106 ॥
कर्पूरागरुकस्तूरीकुङ्कुमद्रवलेपिता ।
विचित्ररत्नपृथिवीकल्पशाखितलस्थिता ॥ 107 ॥
रत्नद्वीपस्फुरद्रत्नसिंहासनविलासिनी ।
षट्चक्रभेदनकरी परमानन्दरूपिणी ॥ 108 ॥
सहस्रदलपद्मान्तश्चन्द्रमण्डलवर्तिनी ।
ब्रह्मरूपा शिवक्रोडा नानासुखविलासिनी ॥ 109 ॥
हरविष्णुविरिञ्चीन्द्रग्रहनायकसेविता ।
शिवा शैवा च रुद्राणी तथैव शिववादिनी ॥ 110 ॥
मातङ्गिनी श्रीमती च तथैवानङ्गमेखला ।
डाकिनी योगिनी चैव तथोपयोगिनी मता ॥ 111 ॥
माहेश्वरी वैष्णवी च भ्रामरी शिवरूपिणी ।
अलम्बुषा वेगवती क्रोधरूपा सुमेखला ॥ 112 ॥
गान्धारी हस्तजिह्वा च इडा चैव शुभङ्करी ।
पिङ्गला ब्रह्मदूती च सुषुम्ना चैव गन्धिनी ॥ 113 ॥
आत्मयोनिर्ब्रह्मयोनिर्जगद्योनिरयोनिजा ।
भगरूपा भगस्थात्री भगिनी भगरूपिणी ॥ 114 ॥
भगात्मिका भगाधाररूपिणी भगमालिनी ।
लिङ्गाख्या चैव लिङ्गेशी त्रिपुरा भैरवी तथा ॥ 115 ॥
लिङ्गगीतिः सुगीतिश्च लिङ्गस्था लिङ्गरूपधृक् ।
लिङ्गमाना लिङ्गभवा लिङ्गलिङ्गा च पार्वती ॥ 116 ॥
भगवती कौशिकी च प्रेमा चैव प्रियंवदा ।
गृध्ररूपा शिवारूपा चक्रिणी चक्ररूपधृक् ॥ 117 ॥
लिङ्गाभिधायिनी लिङ्गप्रिया लिङ्गनिवासिनी ।
लिङ्गस्था लिङ्गनी लिङ्गरूपिणी लिङ्गसुन्दरी ॥ 118 ॥
लिङ्गगीतिर्महाप्रीता भगगीतिर्महासुखा ।
लिङ्गनामसदानन्दा भगनामसदागतिः ॥ 119 ॥
लिङ्गमालाकण्ठभूषा भगमालाविभूषणा ।
भगलिङ्गामृतप्रीता भगलिङ्गस्वरूपिणी ॥ 120 ॥
भगलिङ्गस्य रूपा च भगलिङ्गसुखावहा ।
स्वयम्भूकुसुमप्रीता स्वयम्भूकुसुमार्चिता ॥ 121 ॥
स्वयम्भूकुसुमप्राणा स्वयम्भूपुष्पतर्पिता ।
स्वयम्भूपुष्पघटिता स्वयम्भूपुष्पधारिणी ॥ 122 ॥
स्वयम्भूपुष्पतिलका स्वयम्भूपुष्पचर्चिता ।
स्वयम्भूपुष्पनिरता स्वयम्भूकुसुमग्रहा ॥ 123 ॥
स्वयम्भूपुष्पयज्ञांशा स्वयम्भूकुसुमात्मिका ।
स्वयम्भूपुष्पनिचिता स्वयम्भूकुसुमप्रिया ॥ 124 ॥
स्वयम्भूकुसुमादानलालसोन्मत्तमानसा ।
स्वयम्भूकुसुमानन्दलहरीस्निग्धदेहिनी ॥ 125 ॥
स्वयम्भूकुसुमाधारा स्वयम्भूकुसुमाकुला ।
स्वयम्भूपुष्पनिलया स्वयम्भूपुष्पवासिनी ॥ 126 ॥
स्वयम्भूकुसुमस्निग्धा स्वयम्भूकुसुमात्मिका ।
स्वयम्भूपुष्पकरिणी स्वयम्भूपुष्पवाणिका ॥ 127 ॥
स्वयम्भूकुसुमध्याना स्वयम्भूकुसुमप्रभा ।
स्वयम्भूकुसुमज्ञाना स्वयम्भूपुष्पभागिनी ॥ 128 ॥
स्वयम्भूकुसुमोल्लासा स्वयम्भूपुष्पवर्षिणी ।
स्वयम्भूकुसुमोत्साहा स्वयम्भूपुष्परूपिणी ॥ 129 ॥
स्वयम्भूकुसुमोन्मादा स्वयम्भूपुष्पसुन्दरी ।
स्वयम्भूकुसुमाराध्या स्वयम्भूकुसुमोद्भवा ॥ 130 ॥
स्वयम्भूकुसुमाव्यग्रा स्वयम्भूपुष्पपूर्णिता ।
स्वयम्भूपूजकप्राज्ञा स्वयम्भूहोतृमातृका ॥ 131 ॥
स्वयम्भूदातृरक्षित्री स्वयम्भूरक्ततारिका ।
स्वयम्भूपूजकग्रस्ता स्वयम्भूपूजकप्रिया ॥ 132 ॥
स्वयम्भूवन्दकाधारा स्वयम्भूनिन्दकान्तका ।
स्वयम्भूप्रदसर्वस्वा स्वयम्भूप्रदपुत्रिणी ॥ 133 ॥
स्वयम्भूप्रदसस्मेरा स्वयम्भूतशरीरिणी ।
सर्वकालोद्भवप्रीता सर्वकालोद्भवात्मिका ॥ 134 ॥
सर्वकालोद्भवोद्भावा सर्वकालोद्भवोद्भवा ।
कुण्डपुष्पसदाप्रीता कुण्डपुष्पसदारतिः ॥ 135 ॥
कुण्डगोलोद्भवप्राणा कुण्डगोलोद्भवात्मिका ।
स्वयम्भूर्वा शिवा धात्री पावनी लोकपावनी ॥ 136 ॥
कीर्तिर्यशस्विनी मेधा विमेधा शुक्रसुन्दरी ।
अश्विनी कृत्तिका पुष्या तेजस्का चन्द्रमण्डला ॥ 137 ॥
सूक्ष्माऽसूक्ष्मा बलाका च वरदा भयनाशिनी ।
वरदाऽभयदा चैव मुक्तिबन्धविनाशिनी ॥ 138 ॥
कामुका कामदा कान्ता कामाख्या कुलसुन्दरी ।
दुःखदा सुखदा मोक्षा मोक्षदार्थप्रकाशिनी ॥ 139 ॥
दुष्टादुष्टमतिश्चैव सर्वकार्यविनाशिनी ।
शुक्राधारा शुक्ररूपा शुक्रसिन्धुनिवासिनी ॥ 140 ॥
शुक्रालया शुक्रभोगा शुक्रपूजासदारतिः ।
शुक्रपूज्या शुक्रहोमसन्तुष्टा शुक्रवत्सला ॥ 141 ॥
शुक्रमूर्तिः शुक्रदेहा शुक्रपूजकपुत्रिणी ।
शुक्रस्था शुक्रिणी शुक्रसंस्पृहा शुक्रसुन्दरी ॥ 142 ॥
शुक्रस्नाता शुक्रकरी शुक्रसेव्याऽतिशुक्रिणी ।
महाशुक्रा शुक्रभवा शुक्रवृष्टिविधायिनी ॥ 143 ॥
शुक्राभिधेया शुक्रार्हा शुक्रवन्दकवन्दिता ।
शुक्रानन्दकरी शुक्रसदानन्दाभिधायिका ॥ 144 ॥
शुक्रोत्सवा सदाशुक्रपूर्णा शुक्रमनोरमा ।
शुक्रपूजकसर्वस्वा शुक्रनिन्दकनाशिनी ॥ 145 ॥
शुक्रात्मिका शुक्रसंवत् शुक्राकर्षणकारिणी ।
शारदा साधकप्राणा साधकासक्तमानसा ॥ 146 ॥
साधकोत्तमसर्वस्वा साधकाभक्तरक्तपा ।
साधकानन्दसन्तोषा साधकानन्दकारिणी ॥ 147 ॥
आत्मविद्या ब्रह्मविद्या परब्रह्मस्वरूपिणी ।
त्रिकूटस्था पञ्चकूटा सर्वकूटशरीरिणी ॥ 148 ॥
सर्ववर्णमयी वर्णजपमालाविधायिनी ।
इति श्रीकालिकानामसहस्रं शिवभाषितम् ॥ 149 ॥
गुह्याद्गुह्यतरं साक्षान्महापातकनाशनम् ।
पूजाकाले निशीथे च सन्ध्ययोरुभयोरपि ॥ 150 ॥
लभते गाणपत्यं स यः पठेत् साधकोत्तमः ।
यः पठेत् पाठयेद्वापि शृणोति श्रावयेदपि ॥ 151 ॥
सर्वपापविनिर्मुक्तः स याति कालिकापुरम् ।
श्रद्धयाऽश्रद्धया वापि यः कश्चिन्मानवः स्मरेत् ॥ 152 ॥
दुर्गं दुर्गशतं तीर्त्वा स याति परमाङ्गतिम् ।
वन्ध्या वा काकवन्ध्या वा मृतवत्सा च याङ्गना ॥ 153 ॥
श्रुत्वा स्तोत्रमिदं पुत्रान् लभते चिरजीविनः ।
यं यं कामयते कामं पठन् स्तोत्रमनुत्तमम् ।
देवीपादप्रसादेन तत्तदाप्नोति निश्चितम् ॥ 154 ॥
इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।
śrī śiva uvāca |
kathito'yaṃ mahāmantraḥ sarvamantrottamottamaḥ |
yāmāsādya mayā prāptamaiśvaryapadamuttamam || 1 ||
saṃyuktaḥ parayā bhaktyā yathokta vidhinā bhavān |
kurutāmarcanaṃ devyāstrailokyavijigīṣayā || 2 ||
śrīparaśurāma uvāca |
prasanno yadi me deva parameśa purātana |
rahasyaṃ paramaṃ devyāḥ kṛpayā kathaya prabho || 3 ||
vinārcanaṃ vinā homaṃ vinā nyāsaṃ vinā balim |
vinā gandhaṃ vinā puṣpaṃ vinā nityoditāṃ kriyām || 4 ||
prāṇāyāmaṃ vinā dhyānaṃ vinā bhūtaviśodhanam |
vinā dānaṃ vinā jāpaṃ yena kālī prasīdati || 5 ||
śrī śiva uvāca |
pṛṣṭaṃ tvayottamaṃ prājña bhṛguvaṃśa samudbhava |
bhaktānāmapi bhakto'si tvameva sādhayiṣyasi || 6 ||
devīṃ dānavakoṭighnīṃ līlayā rudhirapriyām |
sadā stotrapriyāmugrāṃ kāmakautukalālasām || 7 ||
sarvadā''nandahṛdayāmāsavotsava mānasām |
mādhvīka matsyamāṃsānurāgiṇīṃ vaiṣṇavīṃ parām || 8 ||
śmaśānavāsinīṃ pretagaṇanṛtyamahotsavām |
yogaprabhāvāṃ yogeśīṃ yogīndrahṛdayasthitām || 9 ||
tāmugrakālikāṃ rāma prasīdayitumarhasi |
tasyāḥ stotraṃ paraṃ puṇyaṃ svayaṃ kālyā prakāśitam || 10 ||
tava tat kathayiṣyāmi śrutvā vatsāvadhāraya |
gopanīyaṃ prayatnena paṭhanīyaṃ parātparam || 11 ||
yasyaikakālapaṭhanāt sarve vighnāḥ samākulāḥ |
naśyanti dahane dīpte pataṅgā iva sarvataḥ || 12 ||
gadyapadyamayī vāṇī tasya gaṅgāpravāhavat |
tasya darśanamātreṇa vādino niṣprabhāṃ gatāḥ || 13 ||
tasya haste sadaivāsti sarvasiddhirna saṃśayaḥ |
rājāno'pi ca dāsatvaṃ bhajante kiṃ pare janāḥ || 14 ||
niśīthe muktakeśastu nagnaḥ śaktisamāhitaḥ |
manasā cintayet kālīṃ mahākālena cālitām || 15 ||
paṭhet sahasranāmākhyaṃ stotraṃ mokṣasya sādhanam |
prasannā kālikā tasya putratvenānukampate || 16 ||
yathā brahmamṛtairbrahmakusumaiḥ pūjitā parā |
prasīdati tathānena stutā kālī prasīdati || 17 ||
viniyogaḥ –
asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |
dhyānam –
śavārūḍhāṃ mahābhīmāṃ ghoradaṃṣṭrāṃ hasanmukhīṃ
caturbhujāṃ khaḍgamuṇḍavarābhayakarāṃ śivām |
muṇḍamālādharāṃ devīṃ lalājjihvāṃ digambarāṃ
evaṃ sañcintayetkālīṃ śmaśānālayavāsinīm ||
stotram –
śmaśānakālikā kālī bhadrakālī kapālinī |
guhyakālī mahākālī kurukullā virodhinī || 1 ||
kālikā kālarātriśca mahākālanitambinī |
kālabhairavabhāryā ca kulavartmaprakāśinī || 2 ||
kāmadā kāminī kanyā kamanīyasvarūpiṇī |
kastūrīrasaliptāṅgī kuñjareśvaragāminī || 3 ||
kakāravarṇasarvāṅgī kāminī kāmasundarī |
kāmārtā kāmarūpā ca kāmadhenuḥ kalāvatī || 4 ||
kāntā kāmasvarūpā ca kāmākhyā kulakāminī |
kulīnā kulavatyambā durgā durgatināśinī || 5 ||
kaumārī kalajā kṛṣṇā kṛṣṇadehā kṛśodarī |
kṛśāṅgī kuliśāṅgī ca krīṅkārī kamalā kalā || 6 ||
karālāsyā karālī ca kulakāntā'parājitā |
ugrā ugraprabhā dīptā vipracittā mahābalā || 7 ||
nīlā ghanā meghanādā mātrā mudrā mitāmitā |
brāhmī nārāyaṇī bhadrā subhadrā bhaktavatsalā || 8 ||
māheśvarī ca cāmuṇḍā vārāhī nārasiṃhikā |
vajrāṅgī vajrakaṅkālī nṛmuṇḍasragviṇī śivā || 9 ||
mālinī naramuṇḍālī galadraktavibhūṣaṇā |
raktacandanasiktāṅgī sindūrāruṇamastakā || 10 ||
ghorarūpā ghoradaṃṣṭrā ghorāghoratarā śubhā |
mahādaṃṣṭrā mahāmāyā sudatī yugadanturā || 11 ||
sulocanā virūpākṣī viśālākṣī trilocanā |
śāradenduprasannāsyā sphuratsmerāmbujekṣaṇā || 12 ||
aṭṭahāsapraphullāsyā smeravaktrā subhāṣiṇī |
praphullapadmavadanā smitāsyā priyabhāṣiṇī || 13 ||
koṭarākṣī kulaśreṣṭhā mahatī bahubhāṣiṇī |
sumatiḥ kumatiścaṇḍā caṇḍamuṇḍātiveginī || 14 ||
sukeśī muktakeśī ca dīrghakeśī mahākacā |
pretadehākarṇapūrā pretapāṇisumekhalā || 15 ||
pretāsanā priyapretā puṇyadā kulapaṇḍitā |
puṇyālayā puṇyadehā puṇyaślokā ca pāvanī || 16 ||
pūtā pavitrā paramā parā puṇyavibhūṣaṇā |
puṇyanāmnī bhītiharā varadā khaḍgapāṇinī || 17 ||
nṛmuṇḍahastā śāntā ca chinnamastā sunāsikā |
dakṣiṇā śyāmalā śyāmā śāntā pīnonnatastanī || 18 ||
digambarā ghorarāvā sṛkkāntaraktavāhinī |
ghorarāvā śivāsaṅgā niḥsaṅgā madanāturā || 19 ||
mattā pramattā madanā sudhāsindhunivāsinī |
atimattā mahāmattā sarvākarṣaṇakāriṇī || 20 ||
gītapriyā vādyaratā pretanṛtyaparāyaṇā |
caturbhujā daśabhujā aṣṭādaśabhujā tathā || 21 ||
kātyāyanī jaganmātā jagatī parameśvarī |
jagadbandhurjagaddhātrī jagadānandakāriṇī || 22 ||
jagajjīvavatī haimavatī māyā mahālayā |
nāgayajñopavītāṅgī nāginī nāgaśāyinī || 23 ||
nāgakanyā devakanyā gāndhārī kinnarī surī |
moharātrī mahārātrī dāruṇāmāsurāsurī || 24 ||
vidyādharī vasumatī yakṣiṇī yoginī jarā |
rākṣasī ḍākinī vedamayī vedavibhūṣaṇā || 25 ||
śrutismṛtimahāvidyā guhyavidyā purātanī |
cintyā'cintyā svadhā svāhā nidrā tandrā ca pārvatī || 26 ||
aparṇā niścalā lolā sarvavidyā tapasvinī |
gaṅgā kāśī śacī sītā satī satyaparāyaṇā || 27 ||
nītiḥ sunītiḥ surucistuṣṭiḥ puṣṭirdhṛtiḥ kṣamā |
vāṇī buddhirmahālakṣmī lakṣmīrnīlasarasvatī || 28 ||
srotasvatī srotavatī mātaṅgī vijayā jayā |
nadī sindhuḥ sarvamayī tārā śūnyanivāsinī || 29 ||
śuddhā taraṅgiṇī medhā lākinī bahurūpiṇī |
sadānandamayī satyā sarvānandasvarūpiṇī || 30 ||
sunandā nandinī stutyā stavanīyā svabhāvinī |
raṅkiṇī ṭaṅkiṇī citrā vicitrā citrarūpiṇī || 31 ||
padmā padmālayā padmasukhī padmavibhūṣaṇā |
śākinī hākinī kṣāntā rākiṇī rudhirapriyā || 32 ||
bhrāntirbhavānī rudrāṇī mṛḍānī śatrumardinī |
upendrāṇī maheśānī jyotsnā cendrasvarūpiṇī || 33 ||
sūryātmikā rudrapatnī raudrī strī prakṛtiḥ pumān |
śaktiḥ sūktirmatimatī bhuktirmuktiḥ pativratā || 34 ||
sarveśvarī sarvamātā śarvāṇī haravallabhā |
sarvajñā siddhidā siddhā bhāvyā bhavyā bhayāpahā || 35 ||
kartrī hartrī pālayitrī śarvarī tāmasī dayā |
tamisrā yāminīsthā ca sthirā dhīrā tapasvinī || 36 ||
cārvaṅgī cañcalā lolajihvā cārucaritriṇī |
trapā trapāvatī lajjā nirlajjā hrīṃ rajovatī || 37 ||
sattvavatī dharmaniṣṭhā śreṣṭhā niṣṭhuravādinī |
gariṣṭhā duṣṭasaṃhartrī viśiṣṭā śreyasī ghṛṇā || 38 ||
bhīmā bhayānakā bhīmanādinī bhīḥ prabhāvatī |
vāgīśvarī śrīryamunā yajñakartrī yajuḥpriyā || 39 ||
ṛksāmātharvanilayā rāgiṇī śobhanasvarā |
kalakaṇṭhī kambukaṇṭhī veṇuvīṇāparāyaṇā || 40 ||
vaṃśinī vaiṣṇavī svacchā dhātrī trijagadīśvarī |
madhumatī kuṇḍalinī ṛddhiḥ siddhiḥ śucismitā || 41 ||
rambhorvaśī ratī rāmā rohiṇī revatī ramā |
śaṅkhinī cakriṇī kṛṣṇā gadinī padminī tathā || 42 ||
śūlinī parighāstrā ca pāśinī śārṅgapāṇinī |
pinākadhāriṇī dhūmrā śarabhī vanamālinī || 43 ||
vajriṇī samaraprītā veginī raṇapaṇḍitā |
jaṭinī bimbinī nīlā lāvaṇyāmbudhicandrikā || 44 ||
balipriyā sadāpūjyā pūrṇā daityendramāthinī |
mahiṣāsurasaṃhantrī vāsinī raktadantikā || 45 ||
raktapā rudhirāktāṅgī raktakharparahastinī |
raktapriyā māṃsarucirvāsavāsaktamānasā || 46 ||
galacchoṇitamuṇḍālikaṇṭhamālāvibhūṣaṇā |
śavāsanā citāntasthā māheśī vṛṣavāhinī || 47 ||
vyāghratvagambarā cīnacelinī siṃhavāhinī |
vāmadevī mahādevī gaurī sarvajñabhāvinī || 48 ||
bālikā taruṇī vṛddhā vṛddhamātā jarāturā |
subhrurvilāsinī brahmavādinī brāhmaṇī mahī || 49 ||
svapnavatī citralekhā lopāmudrā sureśvarī |
amoghā'rundhatī tīkṣṇā bhogavatyanuvādinī || 50 ||
mandākinī mandahāsā jvālāmukhyasurāntakā |
mānadā māninī mānyā mānanīyā madoddhatā || 51 ||
madirā madirānmādā medhyā navyā prasādinī |
sumadhyā'nantaguṇinī sarvalokottamottamā || 52 ||
jayadā jitvarā jaitrī jayaśrīrjayaśālinī |
sukhadā śubhadā satyā sabhāsaṅkṣobhakāriṇī || 53 ||
śivadūtī bhūtimatī vibhūtirbhīṣaṇānanā |
kaumārī kulajā kuntī kulastrī kulapālikā || 54 ||
kīrtiryaśasvinī bhūṣā bhūṣyā bhūtapatipriyā |
saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||
dhaniṣṭhā dhanadā dhanyā vasudhā svaprakāśinī |
urvī gurvī guruśreṣṭhā saguṇā triguṇātmikā || 56 ||
mahākulīnā niṣkāmā sakāmā kāmajīvanā |
kāmadevakalā rāmā'bhirāmā śivanartakī || 57 ||
cintāmaṇiḥ kalpalatā jāgratī dīnavatsalā |
kārtikī kīrtikā kṛtyā ayodhyā viṣamā samā || 58 ||
sumantrā mantriṇī ghūrṇā hlādinī kleśanāśinī |
trailokyajananī hṛṣṭā nirmāṃsā manorūpiṇī || 59 ||
taḍāganimnajaṭharā śuṣkamāṃsāsthimālinī |
avantī mathurā māyā trailokyapāvanīśvarī || 60 ||
vyaktā'vyaktā'nekamūrtiḥ śarvarī bhīmanādinī |
kṣemaṅkarī śaṅkarī ca sarvasammohakāriṇī || 61 ||
ūrdhvatejasvinī klinnā mahātejasvinī tathā |
advaitā bhoginī pūjyā yuvatī sarvamaṅgalā || 62 ||
sarvapriyaṅkarī bhogyā dharaṇī piśitāśanā |
bhayaṅkarī pāpaharā niṣkalaṅkā vaśaṅkarī || 63 ||
āśā tṛṣṇā candrakalā nidrānyā vāyuveginī |
sahasrasūryasaṅkāśā candrakoṭisamaprabhā || 64 ||
vahnimaṇḍalasaṃsthā ca sarvatattvapratiṣṭhitā |
sarvācāravatī sarvadevakanyādhidevatā || 65 ||
dakṣakanyā dakṣayajñanāśinī durgatārikā |
ijyā pūjyā vibhā bhūtiḥ satkīrtirbrahmarūpiṇī || 66 ||
rambhoruścaturā rākā jayantī karuṇā kuhuḥ |
manasvinī devamātā yaśasyā brahmacāriṇī || 67 ||
ṛddhidā vṛddhidā vṛddhiḥ sarvādyā sarvadāyinī |
ādhārarūpiṇī dhyeyā mūlādhāranivāsinī || 68 ||
ajñā prajñā pūrṇamanāścandramukhyanukūlinī |
vāvadūkā nimnanābhiḥ satyā sandhyā dṛḍhavratā || 69 ||
ānvīkṣikī daṇḍanītistrayī tridivasundarī |
jvalinī jvālinī śailatanayā vindhyavāsinī || 70 ||
ameyā khecarī dhairyā turīyā vimalā''turā |
pragalbhā vāruṇī chāyā śaśinī visphuliṅginī || 71 ||
bhuktiḥ siddhiḥ sadāprāptiḥ prākāmyā mahimā'ṇimā |
icchāsiddhirvisiddhā ca vaśitvordhvanivāsinī || 72 ||
laghimā caiva gāyatrī sāvitrī bhuvaneśvarī |
manoharā citā divyā devyudārā manoramā || 73 ||
piṅgalā kapilā jihvārasajñā rasikā rasā |
suṣumneḍā bhogavatī gāndhārī narakāntakā || 74 ||
pāñcālī rukmiṇī rādhārādhyā bhīmādhirādhikā |
amṛtā tulasī vṛndā kaiṭabhī kapaṭeśvarī || 75 ||
ugracaṇḍeśvarī vīrā jananī vīrasundarī |
ugratārā yaśodākhyā daivakī devamānitā || 76 ||
nirañjanā citradevī krodhinī kuladīpikā |
kulavāgīśvarī vāṇī mātṛkā drāviṇī dravā || 77 ||
yogeśvarī mahāmārī bhrāmarī bindurūpiṇī |
dūtī prāṇeśvarī guptā bahulā camarī prabhā || 78 ||
kubjikā jñāninī jyeṣṭhā bhuśuṇḍī prakaṭā tithiḥ |
draviṇī gopanī māyā kāmabījeśvarī kriyā || 79 ||
śāmbhavī kekarā menā mūṣalāstrā tilottamā |
ameyavikramā krūrā sampatśālā trilocanā || 80 ||
svastirhavyavahā prītiruṣmā dhūmrārciraṅgadā |
tapinī tāpinī viśvā bhogadā dhāriṇī dharā || 81 ||
trikhaṇḍā bodhinī vaśyā sakalā śabdarūpiṇī |
bījarūpā mahāmudrā yoginī yonirūpiṇī || 82 ||
anaṅgakusumā'naṅgamekhalā'naṅgarūpiṇī |
vajreśvarī ca jayinī sarvadvandvakṣayaṅkarī || 83 ||
ṣaḍaṅgayuvatī yogayuktā jvālāṃśumālinī |
durāśayā durādhārā durjayā durgarūpiṇī || 84 ||
durantā duṣkṛtiharā durdhyeyā duratikramā |
haṃseśvarī trikoṇasthā śākambharyanukampinī || 85 ||
trikoṇanilayā nityā paramāmṛtarañjitā |
mahāvidyeśvarī śvetā bheruṇḍā kulasundarī || 86 ||
tvaritā bhaktisaṃsaktā bhaktavaśyā sanātanī |
bhaktānandamayī bhaktabhāvikā bhaktaśaṅkarī || 87 ||
sarvasaundaryanilayā sarvasaubhāgyaśālinī |
sarvasambhogabhavanā sarvasaukhyanirūpiṇī || 88 ||
kumārīpūjanaratā kumārīvratacāriṇī |
kumārībhaktisukhinī kumārīrūpadhāriṇī || 89 ||
kumārīpūjakaprītā kumārīprītidā priyā |
kumārīsevakāsaṅgā kumārīsevakālayā || 90 ||
ānandabhairavī bālabhairavī baṭubhairavī |
śmaśānabhairavī kālabhairavī purabhairavī || 91 ||
mahābhairavapatnī ca paramānandabhairavī |
sudhānandabhairavī ca unmādānandabhairavī || 92 ||
muktānandabhairavī ca tathā taruṇabhairavī |
jñānānandabhairavī ca amṛtānandabhairavī || 93 ||
mahābhayaṅkarī tīvrā tīvravegā tapasvinī |
tripurā parameśānī sundarī purasundarī || 94 ||
tripureśī pañcadaśī pañcamī puravāsinī |
mahāsaptadaśī caiva ṣoḍaśī tripureśvarī || 95 ||
mahāṅkuśasvarūpā ca mahācakreśvarī tathā |
navacakreśvarī cakreśvarī tripuramālinī || 96 ||
rājarājeśvarī dhīrā mahātripurasundarī |
sindūrapūrarucirā śrīmattripurasundarī || 97 ||
sarvāṅgasundarī raktāraktavastrottarīyiṇī |
javāyāvakasindūraraktacandanadhāriṇī || 98 ||
javāyāvakasindūraraktacandanarūpadhṛk |
cāmarī bālakuṭilanirmalā śyāmakeśinī || 99 ||
vajramauktikaratnāḍhyā kirīṭamukuṭojjvalā |
ratnakuṇḍalasaṃyuktasphuradgaṇḍamanoramā || 100 ||
kuñjareśvarakumbhotthamuktārañjitanāsikā |
muktāvidrumamāṇikyahārāḍhyastanamaṇḍalā || 101 ||
sūryakāntendukāntāḍhyasparśāśmakaṇṭhabhūṣaṇā |
bījapūrasphuradbījadantapaṅktiranuttamā || 102 ||
kāmakodaṇḍakābhugnabhrūkaṭākṣapravarṣiṇī |
mātaṅgakumbhavakṣojā lasatkokanadekṣaṇā || 103 ||
manojñaśaṣkulīkarṇā haṃsīgativiḍambinī |
padmarāgāṅgadajyotirdoścatuṣkaprakāśinī || 104 ||
nānāmaṇiparisphūrjacchuddhakāñcanakaṅkaṇā |
nāgendradantanirmāṇavalayāṅkitapāṇinī || 105 ||
aṅgurīyakacitrāṅgī vicitrakṣudraghaṇṭikā |
paṭṭāmbaraparīdhānā kalamañjīraśiñjinī || 106 ||
karpūrāgarukastūrīkuṅkumadravalepitā |
vicitraratnapṛthivīkalpaśākhitalasthitā || 107 ||
ratnadvīpasphuradratnasiṃhāsanavilāsinī |
ṣaṭcakrabhedanakarī paramānandarūpiṇī || 108 ||
sahasradalapadmāntaścandramaṇḍalavartinī |
brahmarūpā śivakroḍā nānāsukhavilāsinī || 109 ||
haraviṣṇuviriñcīndragrahanāyakasevitā |
śivā śaivā ca rudrāṇī tathaiva śivavādinī || 110 ||
mātaṅginī śrīmatī ca tathaivānaṅgamekhalā |
ḍākinī yoginī caiva tathopayoginī matā || 111 ||
māheśvarī vaiṣṇavī ca bhrāmarī śivarūpiṇī |
alambuṣā vegavatī krodharūpā sumekhalā || 112 ||
gāndhārī hastajihvā ca iḍā caiva śubhaṅkarī |
piṅgalā brahmadūtī ca suṣumnā caiva gandhinī || 113 ||
ātmayonirbrahmayonirjagadyonirayonijā |
bhagarūpā bhagasthātrī bhaginī bhagarūpiṇī || 114 ||
bhagātmikā bhagādhārarūpiṇī bhagamālinī |
liṅgākhyā caiva liṅgeśī tripurā bhairavī tathā || 115 ||
liṅgagītiḥ sugītiśca liṅgasthā liṅgarūpadhṛk |
liṅgamānā liṅgabhavā liṅgaliṅgā ca pārvatī || 116 ||
bhagavatī kauśikī ca premā caiva priyaṃvadā |
gṛdhrarūpā śivārūpā cakriṇī cakrarūpadhṛk || 117 ||
liṅgābhidhāyinī liṅgapriyā liṅganivāsinī |
liṅgasthā liṅganī liṅgarūpiṇī liṅgasundarī || 118 ||
liṅgagītirmahāprītā bhagagītirmahāsukhā |
liṅganāmasadānandā bhaganāmasadāgatiḥ || 119 ||
liṅgamālākaṇṭhabhūṣā bhagamālāvibhūṣaṇā |
bhagaliṅgāmṛtaprītā bhagaliṅgasvarūpiṇī || 120 ||
bhagaliṅgasya rūpā ca bhagaliṅgasukhāvahā |
svayambhūkusumaprītā svayambhūkusumārcitā || 121 ||
svayambhūkusumaprāṇā svayambhūpuṣpatarpitā |
svayambhūpuṣpaghaṭitā svayambhūpuṣpadhāriṇī || 122 ||
svayambhūpuṣpatilakā svayambhūpuṣpacarcitā |
svayambhūpuṣpaniratā svayambhūkusumagrahā || 123 ||
svayambhūpuṣpayajñāṃśā svayambhūkusumātmikā |
svayambhūpuṣpanicitā svayambhūkusumapriyā || 124 ||
svayambhūkusumādānalālasonmattamānasā |
svayambhūkusumānandalaharīsnigdhadehinī || 125 ||
svayambhūkusumādhārā svayambhūkusumākulā |
svayambhūpuṣpanilayā svayambhūpuṣpavāsinī || 126 ||
svayambhūkusumasnigdhā svayambhūkusumātmikā |
svayambhūpuṣpakariṇī svayambhūpuṣpavāṇikā || 127 ||
svayambhūkusumadhyānā svayambhūkusumaprabhā |
svayambhūkusumajñānā svayambhūpuṣpabhāginī || 128 ||
svayambhūkusumollāsā svayambhūpuṣpavarṣiṇī |
svayambhūkusumotsāhā svayambhūpuṣparūpiṇī || 129 ||
svayambhūkusumonmādā svayambhūpuṣpasundarī |
svayambhūkusumārādhyā svayambhūkusumodbhavā || 130 ||
svayambhūkusumāvyagrā svayambhūpuṣpapūrṇitā |
svayambhūpūjakaprājñā svayambhūhotṛmātṛkā || 131 ||
svayambhūdātṛrakṣitrī svayambhūraktatārikā |
svayambhūpūjakagrastā svayambhūpūjakapriyā || 132 ||
svayambhūvandakādhārā svayambhūnindakāntakā |
svayambhūpradasarvasvā svayambhūpradaputriṇī || 133 ||
svayambhūpradasasmerā svayambhūtaśarīriṇī |
sarvakālodbhavaprītā sarvakālodbhavātmikā || 134 ||
sarvakālodbhavodbhāvā sarvakālodbhavodbhavā |
kuṇḍapuṣpasadāprītā kuṇḍapuṣpasadāratiḥ || 135 ||
kuṇḍagolodbhavaprāṇā kuṇḍagolodbhavātmikā |
svayambhūrvā śivā dhātrī pāvanī lokapāvanī || 136 ||
kīrtiryaśasvinī medhā vimedhā śukrasundarī |
aśvinī kṛttikā puṣyā tejaskā candramaṇḍalā || 137 ||
sūkṣmā'sūkṣmā balākā ca varadā bhayanāśinī |
varadā'bhayadā caiva muktibandhavināśinī || 138 ||
kāmukā kāmadā kāntā kāmākhyā kulasundarī |
duḥkhadā sukhadā mokṣā mokṣadārthaprakāśinī || 139 ||
duṣṭāduṣṭamatiścaiva sarvakāryavināśinī |
śukrādhārā śukrarūpā śukrasindhunivāsinī || 140 ||
śukrālayā śukrabhogā śukrapūjāsadāratiḥ |
śukrapūjyā śukrahomasantuṣṭā śukravatsalā || 141 ||
śukramūrtiḥ śukradehā śukrapūjakaputriṇī |
śukrasthā śukriṇī śukrasaṃspṛhā śukrasundarī || 142 ||
śukrasnātā śukrakarī śukrasevyā'tiśukriṇī |
mahāśukrā śukrabhavā śukravṛṣṭividhāyinī || 143 ||
śukrābhidheyā śukrārhā śukravandakavanditā |
śukrānandakarī śukrasadānandābhidhāyikā || 144 ||
śukrotsavā sadāśukrapūrṇā śukramanoramā |
śukrapūjakasarvasvā śukranindakanāśinī || 145 ||
śukrātmikā śukrasaṃvat śukrākarṣaṇakāriṇī |
śāradā sādhakaprāṇā sādhakāsaktamānasā || 146 ||
sādhakottamasarvasvā sādhakābhaktaraktapā |
sādhakānandasantoṣā sādhakānandakāriṇī || 147 ||
ātmavidyā brahmavidyā parabrahmasvarūpiṇī |
trikūṭasthā pañcakūṭā sarvakūṭaśarīriṇī || 148 ||
sarvavarṇamayī varṇajapamālāvidhāyinī |
iti śrīkālikānāmasahasraṃ śivabhāṣitam || 149 ||
guhyādguhyataraṃ sākṣānmahāpātakanāśanam |
pūjākāle niśīthe ca sandhyayorubhayorapi || 150 ||
labhate gāṇapatyaṃ sa yaḥ paṭhet sādhakottamaḥ |
yaḥ paṭhet pāṭhayedvāpi śṛṇoti śrāvayedapi || 151 ||
sarvapāpavinirmuktaḥ sa yāti kālikāpuram |
śraddhayā'śraddhayā vāpi yaḥ kaścinmānavaḥ smaret || 152 ||
durgaṃ durgaśataṃ tīrtvā sa yāti paramāṅgatim |
vandhyā vā kākavandhyā vā mṛtavatsā ca yāṅganā || 153 ||
śrutvā stotramidaṃ putrān labhate cirajīvinaḥ |
yaṃ yaṃ kāmayate kāmaṃ paṭhan stotramanuttamam |
devīpādaprasādena tattadāpnoti niścitam || 154 ||
iti śrīkālikākulasarvasve haraparaśurāmasaṃvāde śrī kālikā sahasranāma stotram |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.