bhairava uvāca
śatanāma pravakṣyāmi kālikāyā varānane |
Verse 1
yasya prapaṭhanādvāgmī sarvatra vijayī bhavet || 1 ||
kālī kapālinī kāntā kāmadā kāmasundarī |
Verse 2
kālarātriḥ kālikā ca kālabhairavapūjitā || 2 ||
kurukullā kāminī ca kamanīyasvabhāvinī |
Verse 3
kulīnā kulakartrī ca kulavartmaprakāśinī || 3 ||
kastūrīrasanīlā ca kāmyā kāmasvarūpiṇī |
Verse 4
kakāravarṇanilayā kāmadhenuḥ karālikā || 4 ||
kulakāntā karālāsyā kāmārtā ca kalāvatī |
Verse 5
kṛśodarī ca kāmākhyā kaumārī kulapālinī || 5 ||
kulajā kulakanyā ca kulahā kulapūjitā |
Verse 6
kāmeśvarī kāmakāntā kuñjareśvaragāminī || 6 ||
kāmadātrī kāmahartrī kṛṣṇā caiva kapardinī |
Verse 7
kumudā kṛṣṇadehā ca kālindī kulapūjitā || 7 ||
kāśyapī kṛṣṇamātā ca kuliśāṅgī kalā tathā |
Verse 8
krīṃ rūpā kulagamyā ca kamalā kṛṣṇapūjitā || 8 ||
kṛśāṅgī kinnarī kartrī kalakaṇṭhī ca kārtikī |
Verse 9
kambukaṇṭhī kaulinī ca kumudā kāmajīvinī || 9 ||
kulastrī kīrtikā kṛtyā kīrtiśca kulapālikā |
Verse 10
kāmadevakalā kalpalatā kāmāṅgavardhinī || 10 ||
kuntā ca kumudaprītā kadambakusumotsukā |
Verse 11
kādambinī kamalinī kṛṣṇānandapradāyinī || 11 ||
kumārīpūjanaratā kumārīgaṇaśobhitā |
Verse 12
kumārīrañjanaratā kumārīvratadhāriṇī || 12 ||
kaṅkālī kamanīyā ca kāmaśāstraviśāradā |
Verse 13
kapālakhaṭvāṅgadharā kālabhairavarūpiṇī || 13 ||
koṭarī koṭarākṣī ca kāśīkailāsavāsinī |
Verse 14
kātyāyanī kāryakarī kāvyaśāstrapramodinī || 14 ||
kāmākarṣaṇarūpā ca kāmapīṭhanivāsinī |
Verse 15
kaṅkinī kākinī krīḍā kutsitā kalahapriyā || 15 ||
kuṇḍagolodbhavaprāṇā kauśikī kīrtivardhinī |
Verse 16
kumbhastanī kaṭākṣā ca kāvyā kokanadapriyā || 16 ||
kāntāravāsinī kāntiḥ kaṭhinā kṛṣṇavallabhā |
Verse 17
iti te kathitaṃ devi guhyādguhyataraṃ param || 17 ||
prapaṭhedya idaṃ nityaṃ kālīnāmaśatāṣṭakam |
Verse 18
triṣu lokeṣu deveśi tasyā'sādhyaṃ na vidyate || 18 ||
prātaḥkāle ca madhyāhne sāyāhne ca sadā niśi |
Verse 19
yaḥ paṭhetparayā bhaktyā kālīnāmaśatāṣṭakam || 19 ||
kālikā tasya gehe ca saṃsthānaṃ kurute sadā |
Verse 20
śūnyāgāre śmaśāne vā prāntare jalamadhyataḥ || 20 ||
vahnimadhye ca saṅgrāme tathā prāṇasya saṃśaye |
Verse 21
śatāṣṭakaṃ japanmantrī labhate kṣemamuttamam || 21 ||
kālīṃ saṃsthāpya vidhivat stutvā nāmaśatāṣṭakaiḥ |
Verse 22
sādhakaḥ siddhimāpnoti kālikāyāḥ prasādataḥ || 22 ||
iti śrī kālī kakārāṣṭottaraśatanāma stotram |
Sanskrit — Devanagari (original)
भैरव उवाच
शतनाम प्रवक्ष्यामि कालिकाया वरानने ।
यस्य प्रपठनाद्वाग्मी सर्वत्र विजयी भवेत् ॥ 1 ॥
काली कपालिनी कान्ता कामदा कामसुन्दरी ।
कालरात्रिः कालिका च कालभैरवपूजिता ॥ 2 ॥
कुरुकुल्ला कामिनी च कमनीयस्वभाविनी ।
कुलीना कुलकर्त्री च कुलवर्त्मप्रकाशिनी ॥ 3 ॥
कस्तूरीरसनीला च काम्या कामस्वरूपिणी ।
ककारवर्णनिलया कामधेनुः करालिका ॥ 4 ॥
कुलकान्ता करालास्या कामार्ता च कलावती ।
कृशोदरी च कामाख्या कौमारी कुलपालिनी ॥ 5 ॥
कुलजा कुलकन्या च कुलहा कुलपूजिता ।
कामेश्वरी कामकान्ता कुञ्जरेश्वरगामिनी ॥ 6 ॥
कामदात्री कामहर्त्री कृष्णा चैव कपर्दिनी ।
कुमुदा कृष्णदेहा च कालिन्दी कुलपूजिता ॥ 7 ॥
काश्यपी कृष्णमाता च कुलिशाङ्गी कला तथा ।
क्रीं रूपा कुलगम्या च कमला कृष्णपूजिता ॥ 8 ॥
कृशाङ्गी किन्नरी कर्त्री कलकण्ठी च कार्तिकी ।
कम्बुकण्ठी कौलिनी च कुमुदा कामजीविनी ॥ 9 ॥
कुलस्त्री कीर्तिका कृत्या कीर्तिश्च कुलपालिका ।
कामदेवकला कल्पलता कामाङ्गवर्धिनी ॥ 10 ॥
कुन्ता च कुमुदप्रीता कदम्बकुसुमोत्सुका ।
कादम्बिनी कमलिनी कृष्णानन्दप्रदायिनी ॥ 11 ॥
कुमारीपूजनरता कुमारीगणशोभिता ।
कुमारीरञ्जनरता कुमारीव्रतधारिणी ॥ 12 ॥
कङ्काली कमनीया च कामशास्त्रविशारदा ।
कपालखट्वाङ्गधरा कालभैरवरूपिणी ॥ 13 ॥
कोटरी कोटराक्षी च काशीकैलासवासिनी ।
कात्यायनी कार्यकरी काव्यशास्त्रप्रमोदिनी ॥ 14 ॥
कामाकर्षणरूपा च कामपीठनिवासिनी ।
कङ्किनी काकिनी क्रीडा कुत्सिता कलहप्रिया ॥ 15 ॥
कुण्डगोलोद्भवप्राणा कौशिकी कीर्तिवर्धिनी ।
कुम्भस्तनी कटाक्षा च काव्या कोकनदप्रिया ॥ 16 ॥
कान्तारवासिनी कान्तिः कठिना कृष्णवल्लभा ।
इति ते कथितं देवि गुह्याद्गुह्यतरं परम् ॥ 17 ॥
प्रपठेद्य इदं नित्यं कालीनामशताष्टकम् ।
त्रिषु लोकेषु देवेशि तस्याऽसाध्यं न विद्यते ॥ 18 ॥
प्रातःकाले च मध्याह्ने सायाह्ने च सदा निशि ।
यः पठेत्परया भक्त्या कालीनामशताष्टकम् ॥ 19 ॥
कालिका तस्य गेहे च संस्थानं कुरुते सदा ।
शून्यागारे श्मशाने वा प्रान्तरे जलमध्यतः ॥ 20 ॥
वह्निमध्ये च सङ्ग्रामे तथा प्राणस्य संशये ।
शताष्टकं जपन्मन्त्री लभते क्षेममुत्तमम् ॥ 21 ॥
कालीं संस्थाप्य विधिवत् स्तुत्वा नामशताष्टकैः ।
साधकः सिद्धिमाप्नोति कालिकायाः प्रसादतः ॥ 22 ॥
इति श्री काली ककाराष्टोत्तरशतनाम स्तोत्रम् ।