ஸதா பாலரூபாऽபி விக்நாத்ரிஹந்த்ரீ
மஹாதந்திவக்த்ராऽபி பஞ்சாஸ்யமாந்யா ।
விதீந்த்ராதிம்ரு'க்யா கணேஶாபிதா மே
விதத்தாம் ஶ்ரியம் காऽபி கல்யாணமூர்திஃ ॥ 1 ॥
ந ஜாநாமி ஶப்தம் ந ஜாநாமி சார்தம்
ந ஜாநாமி பத்யம் ந ஜாநாமி கத்யம் ।
சிதேகா ஷடாஸ்யா ஹ்ரு'தி த்யோததே மே
முகாந்நிஃஸரந்தே கிரஶ்சாபி சித்ரம் ॥ 2 ॥
மயூராதிரூடம் மஹாவாக்யகூடம்
மநோஹாரிதேஹம் மஹச்சித்தகேஹம் ।
மஹீதேவதேவம் மஹாவேதபாவம்
மஹாதேவபாலம் பஜே லோகபாலம் ॥ 3 ॥
யதா ஸந்நிதாநம் கதா மாநவா மே
பவாம்போதிபாரம் கதாஸ்தே ததைவ ।
இதி வ்யஞ்ஜயந்ஸிந்துதீரே ய ஆஸ்தே
தமீடே பவித்ரம் பராஶக்திபுத்ரம் ॥ 4 ॥
யதாப்தேஸ்தரங்கா லயம் யாந்தி துங்கா-
ஸ்ததைவாபதஃ ஸந்நிதௌ ஸேவதாம் மே ।
இதீவோர்மிபங்க்தீர்ந்ரு'ணாம் தர்ஶயந்தம்
ஸதா பாவயே ஹ்ரு'த்ஸரோஜே குஹம் தம் ॥ 5 ॥
கிரௌ மந்நிவாஸே நரா யேऽதிரூடா-
ஸ்ததா பர்வதே ராஜதே தேऽதிரூடாஃ ।
இதீவ ப்ருவந்கந்தஶைலாதிரூடஃ
ஸ தேவோ முதே மே ஸதா ஷண்முகோऽஸ்து ॥ 6 ॥
மஹாம்போதிதீரே மஹாபாபசோரே
முநீந்த்ராநுகூலே ஸுகந்தாக்யஶைலே ।
குஹாயாம் வஸந்தம் ஸ்வபாஸா லஸந்தம்
ஜநார்திம் ஹரந்தம் ஶ்ரயாமோ குஹம் தம் ॥ 7 ॥
லஸத்ஸ்வர்ணகேஹே ந்ரு'ணாம் காமதோஹே
ஸுமஸ்தோமஸஞ்சந்நமாணிக்யமஞ்சே ।
ஸமுத்யத்ஸஹஸ்ரார்கதுல்யப்ரகாஶம்
ஸதா பாவயே கார்திகேயம் ஸுரேஶம் ॥ 8 ॥
ரணதம்ஸகே மஞ்ஜுலேऽத்யந்தஶோணே
மநோஹாரிலாவண்யபீயூஷபூர்ணே ।
மநஃஷட்பதோ மே பவக்லேஶதப்தஃ
ஸதா மோததாம் ஸ்கந்த தே பாதபத்மே ॥ 9 ॥
ஸுவர்ணாபதிவ்யாம்பரைர்பாஸமாநாம்
க்வணத்கிங்கிணீமேகலாஶோபமாநாம் ।
லஸத்தேமபட்டேந வித்யோதமாநம்
கடிம் பாவயே ஸ்கந்த தே தீப்யமாநாம் ॥ 10 ॥
புலிந்தேஶகந்யாகநாபோகதுங்க-
ஸ்தநாலிங்கநாஸக்தகாஶ்மீரராகம் ।
நமஸ்யாம்யஹம் தாரகாரே தவோரஃ
ஸ்வபக்தாவநே ஸர்வதா ஸாநுராகம் ॥ 11 ॥
விதௌ க்ல்ரு'ப்ததண்டாந்ஸ்வலீலாத்ரு'தாண்டா-
ந்நிரஸ்தேபஶுண்டாந்த்விஷத்காலதண்டாந் ।
ஹதேந்த்ராரிஷண்டாந்ஜகத்ராணஶௌண்டா-
ந்ஸதா தே ப்ரசண்டாந்ஶ்ரயே பாஹுதண்டாந் ॥ 12 ॥
ஸதா ஶாரதாஃ ஷண்ம்ரு'காங்கா யதி ஸ்யுஃ
ஸமுத்யந்த ஏவ ஸ்திதாஶ்சேத்ஸமந்தாத் ।
ஸதா பூர்ணபிம்பாஃ கலங்கைஶ்ச ஹீநா-
ஸ்ததா த்வந்முகாநாம் ப்ருவே ஸ்கந்த ஸாம்யம் ॥ 13 ॥
ஸ்புரந்மந்தஹாஸைஃ ஸஹம்ஸாநி சஞ்ச-
த்கடாக்ஷாவலீப்ரு'ங்கஸங்கோஜ்ஜ்வலாநி ।
ஸுதாஸ்யந்திபிம்பாதராணீஶஸூநோ
தவாலோகயே ஷண்முகாம்போருஹாணி ॥ 14 ॥
விஶாலேஷு கர்ணாந்ததீர்கேஷ்வஜஸ்ரம்
தயாஸ்யந்திஷு த்வாதஶஸ்வீக்ஷணேஷு ।
மயீஷத்கடாக்ஷஃ ஸக்ரு'த்பாதிதஶ்சே-
த்பவேத்தே தயாஶீல கா நாம ஹாநிஃ ॥ 15 ॥
ஸுதாங்கோத்பவோ மேऽஸி ஜீவேதி ஷட்தா
ஜபந்மந்த்ரமீஶோ முதா ஜிக்ரதே யாந் ।
ஜகத்பாரப்ரு'த்ப்யோ ஜகந்நாத தேப்யஃ
கிரீடோஜ்ஜ்வலேப்யோ நமோ மஸ்தகேப்யஃ ॥ 16 ॥
ஸ்புரத்ரத்நகேயூரஹாராபிராம-
ஶ்சலத்குண்டலஶ்ரீலஸத்கண்டபாகஃ ।
கடௌ பீதவாஸாஃ கரே சாருஶக்திஃ
புரஸ்தாந்மமாஸ்தாம் புராரேஸ்தநூஜஃ ॥ 17 ॥
இஹாயாஹி வத்ஸேதி ஹஸ்தாந்ப்ரஸார்யா-
ஹ்வயத்யாதராச்சங்கரே மாதுரங்காத் ।
ஸமுத்பத்ய தாதம் ஶ்ரயந்தம் குமாரம்
ஹராஶ்லிஷ்டகாத்ரம் பஜே பாலமூர்திம் ॥ 18 ॥
குமாரேஶஸூநோ குஹ ஸ்கந்த ஸேநா-
பதே ஶக்திபாணே மயூராதிரூட ।
புலிந்தாத்மஜாகாந்த பக்தார்திஹாரிந்
ப்ரபோ தாரகாரே ஸதா ரக்ஷ மாம் த்வம் ॥ 19 ॥
ப்ரஶாந்தேந்த்ரியே நஷ்டஸஞ்ஜ்ஞே விசேஷ்டே
கபோத்காரிவக்த்ரே பயோத்கம்பிகாத்ரே ।
ப்ரயாணோந்முகே மய்யநாதே ததாநீம்
த்ருதம் மே தயாலோ பவாக்ரே குஹ த்வம் ॥ 20 ॥
க்ரு'தாந்தஸ்ய தூதேஷு சண்டேஷு கோபா-
த்தஹச்சிந்த்தி பிந்த்தீதி மாம் தர்ஜயத்ஸு ।
மயூரம் ஸமாருஹ்ய மா பைரிதி த்வம்
புரஃ ஶக்திபாணிர்மமாயாஹி ஶீக்ரம் ॥ 21 ॥
ப்ரணம்யாஸக்ரு'த்பாதயோஸ்தே பதித்வா
ப்ரஸாத்ய ப்ரபோ ப்ரார்தயேऽநேகவாரம் ।
ந வக்தும் க்ஷமோऽஹம் ததாநீம் க்ரு'பாப்தே
ந கார்யாந்தகாலே மநாகப்யுபேக்ஷா ॥ 22 ॥
ஸஹஸ்ராண்டபோக்தா த்வயா ஶூரநாமா
ஹதஸ்தாரகஃ ஸிம்ஹவக்த்ரஶ்ச தைத்யஃ ।
மமாந்தர்ஹ்ரு'திஸ்தம் மநஃக்லேஶமேகம்
ந ஹம்ஸி ப்ரபோ கிம் கரோமி க்வ யாமி ॥ 23 ॥
அஹம் ஸர்வதா துஃகபாராவஸந்நோ
பவாந்தீநபந்துஸ்த்வதந்யம் ந யாசே ।
பவத்பக்திரோதம் ஸதா க்ல்ரு'ப்தபாதம்
மமாதிம் த்ருதம் நாஶயோமாஸுத த்வம் ॥ 24 ॥
அபஸ்மாரகுஷ்டக்ஷயார்ஶஃ ப்ரமேஹ-
ஜ்வரோந்மாதகுல்மாதிரோகா மஹாந்தஃ ।
பிஶாசாஶ்ச ஸர்வே பவத்பத்ரபூதிம்
விலோக்ய க்ஷணாத்தாரகாரே த்ரவந்தே ॥ 25 ॥
த்ரு'ஶி ஸ்கந்தமூர்திஃ ஶ்ருதௌ ஸ்கந்தகீர்தி-
ர்முகே மே பவித்ரம் ஸதா தச்சரித்ரம் ।
கரே தஸ்ய க்ரு'த்யம் வபுஸ்தஸ்ய ப்ரு'த்யம்
குஹே ஸந்து லீநா மமாஶேஷபாவாஃ ॥ 26 ॥
முநீநாமுதாஹோ ந்ரு'ணாம் பக்திபாஜா-
மபீஷ்டப்ரதாஃ ஸந்தி ஸர்வத்ர தேவாஃ ।
ந்ரு'ணாமந்த்யஜாநாமபி ஸ்வார்ததாநே
குஹாத்தேவமந்யம் ந ஜாநே ந ஜாநே ॥ 27 ॥
கலத்ரம் ஸுதா பந்துவர்கஃ பஶுர்வா
நரோ வாத நாரீ க்ரு'ஹே யே மதீயாஃ ।
யஜந்தோ நமந்தஃ ஸ்துவந்தோ பவந்தம்
ஸ்மரந்தஶ்ச தே ஸந்து ஸர்வே குமார ॥ 28 ॥
ம்ரு'காஃ பக்ஷிணோ தம்ஶகா யே ச துஷ்டா-
ஸ்ததா வ்யாதயோ பாதகா யே மதங்கே ।
பவச்சக்திதீக்ஷ்ணாக்ரபிந்நாஃ ஸுதூரே
விநஶ்யந்து தே சூர்ணிதக்ரௌஞ்சஶைல ॥ 29 ॥
ஜநித்ரீ பிதா ச ஸ்வபுத்ராபராதம்
ஸஹேதே ந கிம் தேவஸேநாதிநாத ।
அஹம் சாதிபாலோ பவாந் லோகதாதஃ
க்ஷமஸ்வாபராதம் ஸமஸ்தம் மஹேஶ ॥ 30 ॥
நமஃ கேகிநே ஶக்தயே சாபி துப்யம்
நமஶ்சாக துப்யம் நமஃ குக்குடாய ।
நமஃ ஸிந்தவே ஸிந்துதேஶாய துப்யம்
புநஃ ஸ்கந்தமூர்தே நமஸ்தே நமோऽஸ்து ॥ 31 ॥
ஜயாநந்தபூமம் ஜயாபாரதாமம்
ஜயாமோககீர்தே ஜயாநந்தமூர்தே ।
ஜயாநந்தஸிந்தோ ஜயாஶேஷபந்தோ
ஜய த்வம் ஸதா முக்திதாநேஶஸூநோ ॥ 32 ॥
புஜங்காக்யவ்ரு'த்தேந க்ல்ரு'ப்தம் ஸ்தவம் யஃ
படேத்பக்தியுக்தோ குஹம் ஸம்ப்ரணம்ய ।
ஸ புத்ராந்கலத்ரம் தநம் தீர்கமாயு-
ர்லபேத்ஸ்கந்தஸாயுஜ்யமந்தே நரஃ ஸஃ ॥ 33 ॥
Roman (IAST) Transliteration
sadā bālarūpā'pi vighnādrihantrī
mahādantivaktrā'pi pañcāsyamānyā |
vidhīndrādimṛgyā gaṇeśābhidhā me
vidhattāṃ śriyaṃ kā'pi kalyāṇamūrtiḥ || 1 ||
na jānāmi śabdaṃ na jānāmi cārthaṃ
na jānāmi padyaṃ na jānāmi gadyam |
cidekā ṣaḍāsyā hṛdi dyotate me
mukhānniḥsarante giraścāpi citram || 2 ||
mayūrādhirūḍhaṃ mahāvākyagūḍhaṃ
manohāridehaṃ mahaccittageham |
mahīdevadevaṃ mahāvedabhāvaṃ
mahādevabālaṃ bhaje lokapālam || 3 ||
yadā sannidhānaṃ gatā mānavā me
bhavāmbhodhipāraṃ gatāste tadaiva |
iti vyañjayansindhutīre ya āste
tamīḍe pavitraṃ parāśaktiputram || 4 ||
yathābdhestaraṅgā layaṃ yānti tuṅgā-
stathaivāpadaḥ sannidhau sevatāṃ me |
itīvormipaṅktīrnṛṇāṃ darśayantaṃ
sadā bhāvaye hṛtsaroje guhaṃ tam || 5 ||
girau mannivāse narā ye'dhirūḍhā-
stadā parvate rājate te'dhirūḍhāḥ |
itīva bruvangandhaśailādhirūḍhaḥ
sa devo mude me sadā ṣaṇmukho'stu || 6 ||
mahāmbhodhitīre mahāpāpacore
munīndrānukūle sugandhākhyaśaile |
guhāyāṃ vasantaṃ svabhāsā lasantaṃ
janārtiṃ harantaṃ śrayāmo guhaṃ tam || 7 ||
lasatsvarṇagehe nṛṇāṃ kāmadohe
sumastomasañchannamāṇikyamañce |
samudyatsahasrārkatulyaprakāśaṃ
sadā bhāvaye kārtikeyaṃ sureśam || 8 ||
raṇathaṃsake mañjule'tyantaśoṇe
manohārilāvaṇyapīyūṣapūrṇe |
manaḥṣaṭpado me bhavakleśataptaḥ
sadā modatāṃ skanda te pādapadme || 9 ||
suvarṇābhadivyāmbarairbhāsamānāṃ
kvaṇatkiṅkiṇīmekhalāśobhamānām |
lasaddhemapaṭṭena vidyotamānaṃ
kaṭiṃ bhāvaye skanda te dīpyamānām || 10 ||
pulindeśakanyāghanābhogatuṅga-
stanāliṅganāsaktakāśmīrarāgam |
namasyāmyahaṃ tārakāre tavoraḥ
svabhaktāvane sarvadā sānurāgam || 11 ||
vidhau klṛptadaṇḍānsvalīlādhṛtāṇḍā-
nnirastebhaśuṇḍāndviṣatkāladaṇḍān |
hatendrāriṣaṇḍānjagatrāṇaśauṇḍā-
nsadā te pracaṇḍānśraye bāhudaṇḍān || 12 ||
sadā śāradāḥ ṣaṇmṛgāṅkā yadi syuḥ
samudyanta eva sthitāścetsamantāt |
sadā pūrṇabimbāḥ kalaṅkaiśca hīnā-
stadā tvanmukhānāṃ bruve skanda sāmyam || 13 ||
sphuranmandahāsaiḥ sahaṃsāni cañca-
tkaṭākṣāvalībhṛṅgasaṅghojjvalāni |
sudhāsyandibimbādharāṇīśasūno
tavālokaye ṣaṇmukhāmbhoruhāṇi || 14 ||
viśāleṣu karṇāntadīrgheṣvajasraṃ
dayāsyandiṣu dvādaśasvīkṣaṇeṣu |
mayīṣatkaṭākṣaḥ sakṛtpātitaśce-
dbhavette dayāśīla kā nāma hāniḥ || 15 ||
sutāṅgodbhavo me'si jīveti ṣaḍdhā
japanmantramīśo mudā jighrate yān |
jagadbhārabhṛdbhyo jagannātha tebhyaḥ
kirīṭojjvalebhyo namo mastakebhyaḥ || 16 ||
sphuradratnakeyūrahārābhirāma-
ścalatkuṇḍalaśrīlasadgaṇḍabhāgaḥ |
kaṭau pītavāsāḥ kare cāruśaktiḥ
purastānmamāstāṃ purārestanūjaḥ || 17 ||
ihāyāhi vatseti hastānprasāryā-
hvayatyādarācchaṅkare māturaṅkāt |
samutpatya tātaṃ śrayantaṃ kumāraṃ
harāśliṣṭagātraṃ bhaje bālamūrtim || 18 ||
kumāreśasūno guha skanda senā-
pate śaktipāṇe mayūrādhirūḍha |
pulindātmajākānta bhaktārtihārin
prabho tārakāre sadā rakṣa māṃ tvam || 19 ||
praśāntendriye naṣṭasañjñe viceṣṭe
kaphodgārivaktre bhayotkampigātre |
prayāṇonmukhe mayyanāthe tadānīṃ
drutaṃ me dayālo bhavāgre guha tvam || 20 ||
kṛtāntasya dūteṣu caṇḍeṣu kopā-
ddahacchinddhi bhinddhīti māṃ tarjayatsu |
mayūraṃ samāruhya mā bhairiti tvaṃ
puraḥ śaktipāṇirmamāyāhi śīghram || 21 ||
praṇamyāsakṛtpādayoste patitvā
prasādya prabho prārthaye'nekavāram |
na vaktuṃ kṣamo'haṃ tadānīṃ kṛpābdhe
na kāryāntakāle manāgapyupekṣā || 22 ||
sahasrāṇḍabhoktā tvayā śūranāmā
hatastārakaḥ siṃhavaktraśca daityaḥ |
mamāntarhṛdisthaṃ manaḥkleśamekaṃ
na haṃsi prabho kiṃ karomi kva yāmi || 23 ||
ahaṃ sarvadā duḥkhabhārāvasanno
bhavāndīnabandhustvadanyaṃ na yāce |
bhavadbhaktirodhaṃ sadā klṛptabādhaṃ
mamādhiṃ drutaṃ nāśayomāsuta tvam || 24 ||
apasmārakuṣṭakṣayārśaḥ prameha-
jvaronmādagulmādirogā mahāntaḥ |
piśācāśca sarve bhavatpatrabhūtiṃ
vilokya kṣaṇāttārakāre dravante || 25 ||
dṛśi skandamūrtiḥ śrutau skandakīrti-
rmukhe me pavitraṃ sadā taccaritram |
kare tasya kṛtyaṃ vapustasya bhṛtyaṃ
guhe santu līnā mamāśeṣabhāvāḥ || 26 ||
munīnāmutāho nṛṇāṃ bhaktibhājā-
mabhīṣṭapradāḥ santi sarvatra devāḥ |
nṛṇāmantyajānāmapi svārthadāne
guhāddevamanyaṃ na jāne na jāne || 27 ||
kalatraṃ sutā bandhuvargaḥ paśurvā
naro vātha nārī gṛhe ye madīyāḥ |
yajanto namantaḥ stuvanto bhavantaṃ
smarantaśca te santu sarve kumāra || 28 ||
mṛgāḥ pakṣiṇo daṃśakā ye ca duṣṭā-
stathā vyādhayo bādhakā ye madaṅge |
bhavacchaktitīkṣṇāgrabhinnāḥ sudūre
vinaśyantu te cūrṇitakrauñcaśaila || 29 ||
janitrī pitā ca svaputrāparādhaṃ
sahete na kiṃ devasenādhinātha |
ahaṃ cātibālo bhavān lokatātaḥ
kṣamasvāparādhaṃ samastaṃ maheśa || 30 ||
namaḥ kekine śaktaye cāpi tubhyaṃ
namaśchāga tubhyaṃ namaḥ kukkuṭāya |
namaḥ sindhave sindhudeśāya tubhyaṃ
punaḥ skandamūrte namaste namo'stu || 31 ||
jayānandabhūmaṃ jayāpāradhāmaṃ
jayāmoghakīrte jayānandamūrte |
jayānandasindho jayāśeṣabandho
jaya tvaṃ sadā muktidāneśasūno || 32 ||
bhujaṅgākhyavṛttena klṛptaṃ stavaṃ yaḥ
paṭhedbhaktiyukto guhaṃ sampraṇamya |
sa putrānkalatraṃ dhanaṃ dīrghamāyu-
rlabhetskandasāyujyamante naraḥ saḥ || 33 ||
Sanskrit — Devanagari (original)
सदा बालरूपाऽपि विघ्नाद्रिहन्त्री
महादन्तिवक्त्राऽपि पञ्चास्यमान्या ।
विधीन्द्रादिमृग्या गणेशाभिधा मे
विधत्तां श्रियं काऽपि कल्याणमूर्तिः ॥ 1 ॥
न जानामि शब्दं न जानामि चार्थं
न जानामि पद्यं न जानामि गद्यम् ।
चिदेका षडास्या हृदि द्योतते मे
मुखान्निःसरन्ते गिरश्चापि चित्रम् ॥ 2 ॥
मयूराधिरूढं महावाक्यगूढं
मनोहारिदेहं महच्चित्तगेहम् ।
महीदेवदेवं महावेदभावं
महादेवबालं भजे लोकपालम् ॥ 3 ॥
यदा सन्निधानं गता मानवा मे
भवाम्भोधिपारं गतास्ते तदैव ।
इति व्यञ्जयन्सिन्धुतीरे य आस्ते
तमीडे पवित्रं पराशक्तिपुत्रम् ॥ 4 ॥
यथाब्धेस्तरङ्गा लयं यान्ति तुङ्गा-
स्तथैवापदः सन्निधौ सेवतां मे ।
इतीवोर्मिपङ्क्तीर्नृणां दर्शयन्तं
सदा भावये हृत्सरोजे गुहं तम् ॥ 5 ॥
गिरौ मन्निवासे नरा येऽधिरूढा-
स्तदा पर्वते राजते तेऽधिरूढाः ।
इतीव ब्रुवन्गन्धशैलाधिरूढः
स देवो मुदे मे सदा षण्मुखोऽस्तु ॥ 6 ॥
महाम्भोधितीरे महापापचोरे
मुनीन्द्रानुकूले सुगन्धाख्यशैले ।
गुहायां वसन्तं स्वभासा लसन्तं
जनार्तिं हरन्तं श्रयामो गुहं तम् ॥ 7 ॥
लसत्स्वर्णगेहे नृणां कामदोहे
सुमस्तोमसञ्छन्नमाणिक्यमञ्चे ।
समुद्यत्सहस्रार्कतुल्यप्रकाशं
सदा भावये कार्तिकेयं सुरेशम् ॥ 8 ॥
रणथंसके मञ्जुलेऽत्यन्तशोणे
मनोहारिलावण्यपीयूषपूर्णे ।
मनःषट्पदो मे भवक्लेशतप्तः
सदा मोदतां स्कन्द ते पादपद्मे ॥ 9 ॥
सुवर्णाभदिव्याम्बरैर्भासमानां
क्वणत्किङ्किणीमेखलाशोभमानाम् ।
लसद्धेमपट्टेन विद्योतमानं
कटिं भावये स्कन्द ते दीप्यमानाम् ॥ 10 ॥
पुलिन्देशकन्याघनाभोगतुङ्ग-
स्तनालिङ्गनासक्तकाश्मीररागम् ।
नमस्याम्यहं तारकारे तवोरः
स्वभक्तावने सर्वदा सानुरागम् ॥ 11 ॥
विधौ क्लृप्तदण्डान्स्वलीलाधृताण्डा-
न्निरस्तेभशुण्डान्द्विषत्कालदण्डान् ।
हतेन्द्रारिषण्डान्जगत्राणशौण्डा-
न्सदा ते प्रचण्डान्श्रये बाहुदण्डान् ॥ 12 ॥
सदा शारदाः षण्मृगाङ्का यदि स्युः
समुद्यन्त एव स्थिताश्चेत्समन्तात् ।
सदा पूर्णबिम्बाः कलङ्कैश्च हीना-
स्तदा त्वन्मुखानां ब्रुवे स्कन्द साम्यम् ॥ 13 ॥
स्फुरन्मन्दहासैः सहंसानि चञ्च-
त्कटाक्षावलीभृङ्गसङ्घोज्ज्वलानि ।
सुधास्यन्दिबिम्बाधराणीशसूनो
तवालोकये षण्मुखाम्भोरुहाणि ॥ 14 ॥
विशालेषु कर्णान्तदीर्घेष्वजस्रं
दयास्यन्दिषु द्वादशस्वीक्षणेषु ।
मयीषत्कटाक्षः सकृत्पातितश्चे-
द्भवेत्ते दयाशील का नाम हानिः ॥ 15 ॥
सुताङ्गोद्भवो मेऽसि जीवेति षड्धा
जपन्मन्त्रमीशो मुदा जिघ्रते यान् ।
जगद्भारभृद्भ्यो जगन्नाथ तेभ्यः
किरीटोज्ज्वलेभ्यो नमो मस्तकेभ्यः ॥ 16 ॥
स्फुरद्रत्नकेयूरहाराभिराम-
श्चलत्कुण्डलश्रीलसद्गण्डभागः ।
कटौ पीतवासाः करे चारुशक्तिः
पुरस्तान्ममास्तां पुरारेस्तनूजः ॥ 17 ॥
इहायाहि वत्सेति हस्तान्प्रसार्या-
ह्वयत्यादराच्छङ्करे मातुरङ्कात् ।
समुत्पत्य तातं श्रयन्तं कुमारं
हराश्लिष्टगात्रं भजे बालमूर्तिम् ॥ 18 ॥
कुमारेशसूनो गुह स्कन्द सेना-
पते शक्तिपाणे मयूराधिरूढ ।
पुलिन्दात्मजाकान्त भक्तार्तिहारिन्
प्रभो तारकारे सदा रक्ष मां त्वम् ॥ 19 ॥
प्रशान्तेन्द्रिये नष्टसञ्ज्ञे विचेष्टे
कफोद्गारिवक्त्रे भयोत्कम्पिगात्रे ।
प्रयाणोन्मुखे मय्यनाथे तदानीं
द्रुतं मे दयालो भवाग्रे गुह त्वम् ॥ 20 ॥
कृतान्तस्य दूतेषु चण्डेषु कोपा-
द्दहच्छिन्द्धि भिन्द्धीति मां तर्जयत्सु ।
मयूरं समारुह्य मा भैरिति त्वं
पुरः शक्तिपाणिर्ममायाहि शीघ्रम् ॥ 21 ॥
प्रणम्यासकृत्पादयोस्ते पतित्वा
प्रसाद्य प्रभो प्रार्थयेऽनेकवारम् ।
न वक्तुं क्षमोऽहं तदानीं कृपाब्धे
न कार्यान्तकाले मनागप्युपेक्षा ॥ 22 ॥
सहस्राण्डभोक्ता त्वया शूरनामा
हतस्तारकः सिंहवक्त्रश्च दैत्यः ।
ममान्तर्हृदिस्थं मनःक्लेशमेकं
न हंसि प्रभो किं करोमि क्व यामि ॥ 23 ॥
अहं सर्वदा दुःखभारावसन्नो
भवान्दीनबन्धुस्त्वदन्यं न याचे ।
भवद्भक्तिरोधं सदा क्लृप्तबाधं
ममाधिं द्रुतं नाशयोमासुत त्वम् ॥ 24 ॥
अपस्मारकुष्टक्षयार्शः प्रमेह-
ज्वरोन्मादगुल्मादिरोगा महान्तः ।
पिशाचाश्च सर्वे भवत्पत्रभूतिं
विलोक्य क्षणात्तारकारे द्रवन्ते ॥ 25 ॥
दृशि स्कन्दमूर्तिः श्रुतौ स्कन्दकीर्ति-
र्मुखे मे पवित्रं सदा तच्चरित्रम् ।
करे तस्य कृत्यं वपुस्तस्य भृत्यं
गुहे सन्तु लीना ममाशेषभावाः ॥ 26 ॥
मुनीनामुताहो नृणां भक्तिभाजा-
मभीष्टप्रदाः सन्ति सर्वत्र देवाः ।
नृणामन्त्यजानामपि स्वार्थदाने
गुहाद्देवमन्यं न जाने न जाने ॥ 27 ॥
कलत्रं सुता बन्धुवर्गः पशुर्वा
नरो वाथ नारी गृहे ये मदीयाः ।
यजन्तो नमन्तः स्तुवन्तो भवन्तं
स्मरन्तश्च ते सन्तु सर्वे कुमार ॥ 28 ॥
मृगाः पक्षिणो दंशका ये च दुष्टा-
स्तथा व्याधयो बाधका ये मदङ्गे ।
भवच्छक्तितीक्ष्णाग्रभिन्नाः सुदूरे
विनश्यन्तु ते चूर्णितक्रौञ्चशैल ॥ 29 ॥
जनित्री पिता च स्वपुत्रापराधं
सहेते न किं देवसेनाधिनाथ ।
अहं चातिबालो भवान् लोकतातः
क्षमस्वापराधं समस्तं महेश ॥ 30 ॥
नमः केकिने शक्तये चापि तुभ्यं
नमश्छाग तुभ्यं नमः कुक्कुटाय ।
नमः सिन्धवे सिन्धुदेशाय तुभ्यं
पुनः स्कन्दमूर्ते नमस्ते नमोऽस्तु ॥ 31 ॥
जयानन्दभूमं जयापारधामं
जयामोघकीर्ते जयानन्दमूर्ते ।
जयानन्दसिन्धो जयाशेषबन्धो
जय त्वं सदा मुक्तिदानेशसूनो ॥ 32 ॥
भुजङ्गाख्यवृत्तेन क्लृप्तं स्तवं यः
पठेद्भक्तियुक्तो गुहं सम्प्रणम्य ।
स पुत्रान्कलत्रं धनं दीर्घमायु-
र्लभेत्स्कन्दसायुज्यमन्ते नरः सः ॥ 33 ॥
sadā bālarūpā'pi vighnādrihantrī
mahādantivaktrā'pi pañcāsyamānyā |
vidhīndrādimṛgyā gaṇeśābhidhā me
vidhattāṃ śriyaṃ kā'pi kalyāṇamūrtiḥ || 1 ||
na jānāmi śabdaṃ na jānāmi cārthaṃ
na jānāmi padyaṃ na jānāmi gadyam |
cidekā ṣaḍāsyā hṛdi dyotate me
mukhānniḥsarante giraścāpi citram || 2 ||
mayūrādhirūḍhaṃ mahāvākyagūḍhaṃ
manohāridehaṃ mahaccittageham |
mahīdevadevaṃ mahāvedabhāvaṃ
mahādevabālaṃ bhaje lokapālam || 3 ||
yadā sannidhānaṃ gatā mānavā me
bhavāmbhodhipāraṃ gatāste tadaiva |
iti vyañjayansindhutīre ya āste
tamīḍe pavitraṃ parāśaktiputram || 4 ||
yathābdhestaraṅgā layaṃ yānti tuṅgā-
stathaivāpadaḥ sannidhau sevatāṃ me |
itīvormipaṅktīrnṛṇāṃ darśayantaṃ
sadā bhāvaye hṛtsaroje guhaṃ tam || 5 ||
girau mannivāse narā ye'dhirūḍhā-
stadā parvate rājate te'dhirūḍhāḥ |
itīva bruvangandhaśailādhirūḍhaḥ
sa devo mude me sadā ṣaṇmukho'stu || 6 ||
mahāmbhodhitīre mahāpāpacore
munīndrānukūle sugandhākhyaśaile |
guhāyāṃ vasantaṃ svabhāsā lasantaṃ
janārtiṃ harantaṃ śrayāmo guhaṃ tam || 7 ||
lasatsvarṇagehe nṛṇāṃ kāmadohe
sumastomasañchannamāṇikyamañce |
samudyatsahasrārkatulyaprakāśaṃ
sadā bhāvaye kārtikeyaṃ sureśam || 8 ||
raṇathaṃsake mañjule'tyantaśoṇe
manohārilāvaṇyapīyūṣapūrṇe |
manaḥṣaṭpado me bhavakleśataptaḥ
sadā modatāṃ skanda te pādapadme || 9 ||
suvarṇābhadivyāmbarairbhāsamānāṃ
kvaṇatkiṅkiṇīmekhalāśobhamānām |
lasaddhemapaṭṭena vidyotamānaṃ
kaṭiṃ bhāvaye skanda te dīpyamānām || 10 ||
pulindeśakanyāghanābhogatuṅga-
stanāliṅganāsaktakāśmīrarāgam |
namasyāmyahaṃ tārakāre tavoraḥ
svabhaktāvane sarvadā sānurāgam || 11 ||
vidhau klṛptadaṇḍānsvalīlādhṛtāṇḍā-
nnirastebhaśuṇḍāndviṣatkāladaṇḍān |
hatendrāriṣaṇḍānjagatrāṇaśauṇḍā-
nsadā te pracaṇḍānśraye bāhudaṇḍān || 12 ||
sadā śāradāḥ ṣaṇmṛgāṅkā yadi syuḥ
samudyanta eva sthitāścetsamantāt |
sadā pūrṇabimbāḥ kalaṅkaiśca hīnā-
stadā tvanmukhānāṃ bruve skanda sāmyam || 13 ||
sphuranmandahāsaiḥ sahaṃsāni cañca-
tkaṭākṣāvalībhṛṅgasaṅghojjvalāni |
sudhāsyandibimbādharāṇīśasūno
tavālokaye ṣaṇmukhāmbhoruhāṇi || 14 ||
viśāleṣu karṇāntadīrgheṣvajasraṃ
dayāsyandiṣu dvādaśasvīkṣaṇeṣu |
mayīṣatkaṭākṣaḥ sakṛtpātitaśce-
dbhavette dayāśīla kā nāma hāniḥ || 15 ||
sutāṅgodbhavo me'si jīveti ṣaḍdhā
japanmantramīśo mudā jighrate yān |
jagadbhārabhṛdbhyo jagannātha tebhyaḥ
kirīṭojjvalebhyo namo mastakebhyaḥ || 16 ||
sphuradratnakeyūrahārābhirāma-
ścalatkuṇḍalaśrīlasadgaṇḍabhāgaḥ |
kaṭau pītavāsāḥ kare cāruśaktiḥ
purastānmamāstāṃ purārestanūjaḥ || 17 ||
ihāyāhi vatseti hastānprasāryā-
hvayatyādarācchaṅkare māturaṅkāt |
samutpatya tātaṃ śrayantaṃ kumāraṃ
harāśliṣṭagātraṃ bhaje bālamūrtim || 18 ||
kumāreśasūno guha skanda senā-
pate śaktipāṇe mayūrādhirūḍha |
pulindātmajākānta bhaktārtihārin
prabho tārakāre sadā rakṣa māṃ tvam || 19 ||
praśāntendriye naṣṭasañjñe viceṣṭe
kaphodgārivaktre bhayotkampigātre |
prayāṇonmukhe mayyanāthe tadānīṃ
drutaṃ me dayālo bhavāgre guha tvam || 20 ||
kṛtāntasya dūteṣu caṇḍeṣu kopā-
ddahacchinddhi bhinddhīti māṃ tarjayatsu |
mayūraṃ samāruhya mā bhairiti tvaṃ
puraḥ śaktipāṇirmamāyāhi śīghram || 21 ||
praṇamyāsakṛtpādayoste patitvā
prasādya prabho prārthaye'nekavāram |
na vaktuṃ kṣamo'haṃ tadānīṃ kṛpābdhe
na kāryāntakāle manāgapyupekṣā || 22 ||
sahasrāṇḍabhoktā tvayā śūranāmā
hatastārakaḥ siṃhavaktraśca daityaḥ |
mamāntarhṛdisthaṃ manaḥkleśamekaṃ
na haṃsi prabho kiṃ karomi kva yāmi || 23 ||
ahaṃ sarvadā duḥkhabhārāvasanno
bhavāndīnabandhustvadanyaṃ na yāce |
bhavadbhaktirodhaṃ sadā klṛptabādhaṃ
mamādhiṃ drutaṃ nāśayomāsuta tvam || 24 ||
apasmārakuṣṭakṣayārśaḥ prameha-
jvaronmādagulmādirogā mahāntaḥ |
piśācāśca sarve bhavatpatrabhūtiṃ
vilokya kṣaṇāttārakāre dravante || 25 ||
dṛśi skandamūrtiḥ śrutau skandakīrti-
rmukhe me pavitraṃ sadā taccaritram |
kare tasya kṛtyaṃ vapustasya bhṛtyaṃ
guhe santu līnā mamāśeṣabhāvāḥ || 26 ||
munīnāmutāho nṛṇāṃ bhaktibhājā-
mabhīṣṭapradāḥ santi sarvatra devāḥ |
nṛṇāmantyajānāmapi svārthadāne
guhāddevamanyaṃ na jāne na jāne || 27 ||
kalatraṃ sutā bandhuvargaḥ paśurvā
naro vātha nārī gṛhe ye madīyāḥ |
yajanto namantaḥ stuvanto bhavantaṃ
smarantaśca te santu sarve kumāra || 28 ||
mṛgāḥ pakṣiṇo daṃśakā ye ca duṣṭā-
stathā vyādhayo bādhakā ye madaṅge |
bhavacchaktitīkṣṇāgrabhinnāḥ sudūre
vinaśyantu te cūrṇitakrauñcaśaila || 29 ||
janitrī pitā ca svaputrāparādhaṃ
sahete na kiṃ devasenādhinātha |
ahaṃ cātibālo bhavān lokatātaḥ
kṣamasvāparādhaṃ samastaṃ maheśa || 30 ||
namaḥ kekine śaktaye cāpi tubhyaṃ
namaśchāga tubhyaṃ namaḥ kukkuṭāya |
namaḥ sindhave sindhudeśāya tubhyaṃ
punaḥ skandamūrte namaste namo'stu || 31 ||
jayānandabhūmaṃ jayāpāradhāmaṃ
jayāmoghakīrte jayānandamūrte |
jayānandasindho jayāśeṣabandho
jaya tvaṃ sadā muktidāneśasūno || 32 ||
bhujaṅgākhyavṛttena klṛptaṃ stavaṃ yaḥ
paṭhedbhaktiyukto guhaṃ sampraṇamya |
sa putrānkalatraṃ dhanaṃ dīrghamāyu-
rlabhetskandasāyujyamante naraḥ saḥ || 33 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.