Shri Gurugita Dvitiyodhyayah — Tamil Script

அத த்விதீயோऽத்யாயஃ ॥

த்யாநம் ஶ்ருணு மஹாதேவி ஸர்வாநந்தப்ரதாயகம் ।

ஸர்வஸௌக்யகரம் சைவ புக்திமுக்திப்ரதாயகம் ॥ 109 ॥

ஶ்ரீமத்பரம் ப்ரஹ்ம குரும் ஸ்மராமி

ஶ்ரீமத்பரம் ப்ரஹ்ம குரும் பஜாமி ।

ஶ்ரீமத்பரம் ப்ரஹ்ம குரும் வதாமி

ஶ்ரீமத்பரம் ப்ரஹ்ம குரும் நமாமி ॥ 110 ॥

ப்ரஹ்மாநந்தம் பரமஸுகதம் கேவலம் ஜ்ஞாநமூர்திம்

த்வந்த்வாதீதம் ககநஸத்ரு'ஶம் தத்த்வமஸ்யாதிலக்ஷ்யம் ।

ஏகம் நித்யம் விமலமசலம் ஸர்வதீஸாக்ஷிபூதம்

பாவாதீதம் த்ரிகுணரஹிதம் ஸத்குரும் தம் நமாமி ॥ 111 ॥

ஹ்ரு'தம்புஜே கர்ணிகமத்யஸம்ஸ்தே

ஸிம்ஹாஸநே ஸம்ஸ்திததிவ்யமூர்திம் ।

த்யாயேத்குரும் சந்த்ரகலாப்ரகாஶம்

ஸச்சித்ஸுகாபீஷ்டவரம் ததாநம் ॥ 112 ॥

ஶ்வேதாம்பரம் ஶ்வேதவிலேபபுஷ்பம்

முக்தாவிபூஷம் முதிதம் த்விநேத்ரம் ।

வாமாங்கபீடஸ்திததிவ்யஶக்திம்

மந்தஸ்மிதம் பூர்ணக்ரு'பாநிதாநம் ॥ 113 ॥

ஆநந்தமாநந்தகரம் ப்ரஸந்நம்

ஜ்ஞாநஸ்வரூபம் நிஜபாவயுக்தம் ।

யோகீந்த்ரமீட்யம் பவரோகவைத்யம்

ஶ்ரீமத்குரும் நித்யமஹம் நமாமி ॥ 114 ॥

வந்தே குரூணாம் சரணாரவிந்தம்

ஸந்தர்ஶிதஸ்வாத்மஸுகாவபோதே ।

ஜநஸ்ய யே ஜாங்கலிகாயமாநே

ஸம்ஸாரஹாலாஹலமோஹஶாந்த்யை ॥ 115 ॥

யஸ்மிந் ஸ்ரு'ஷ்டிஸ்திதித்வம்ஸநிக்ரஹாநுக்ரஹாத்மகம் ।

க்ரு'த்யம் பஞ்சவிதம் ஶஶ்வத் பாஸதே தம் குரும் பஜேத் ॥ 116 ॥

பாதாப்ஜே ஸர்வஸம்ஸாரதாவகாலாநலம் ஸ்வகே ।

ப்ரஹ்மரந்த்ரே ஸ்திதாம்போஜமத்யஸ்தம் சந்த்ரமண்டலம் ॥ 117 ॥

அகதாதித்ரிரேகாப்ஜே ஸஹஸ்ரதலமண்டலே ।

ஹம்ஸபார்ஶ்வத்ரிகோணே ச ஸ்மரேத்தந்மத்யகம் குரும் ॥ 118 ॥

நித்யம் ஶுத்தம் நிராபாஸம் நிராகாரம் நிரஞ்ஜநம் ।

நித்யபோதம் சிதாநந்தம் குரும் ப்ரஹ்ம நமாம்யஹம் ॥ 119 ॥

ஸகலபுவநஸ்ரு'ஷ்டிஃ கல்பிதாஶேஷஸ்ரு'ஷ்டிஃ

நிகிலநிகமத்ரு'ஷ்டிஃ ஸத்பதார்தைகஸ்ரு'ஷ்டிஃ ।

அதத்கணபரமேஷ்டிஃ ஸத்பதார்தைகத்ரு'ஷ்டிஃ

பவகுணபரமேஷ்டிர்மோக்ஷமார்கைகத்ரு'ஷ்டிஃ ॥ 120 ॥

ஸகலபுவநரங்கஸ்தாபநாஸ்தம்பயஷ்டிஃ

ஸகருணரஸவ்ரு'ஷ்டிஸ்தத்த்வமாலாஸமஷ்டிஃ ।

ஸகலஸமயஸ்ரு'ஷ்டிஸ்ஸச்சிதாநந்தத்ரு'ஷ்டிஃ

நிவஸது மயி நித்யம் ஶ்ரீகுரோர்திவ்யத்ரு'ஷ்டிஃ ॥ 121 ॥

ந குரோரதிகம் ந குரோரதிகம்

ந குரோரதிகம் ந குரோரதிகம் ।

ஶிவஶாஸநதஃ ஶிவஶாஸநதஃ

ஶிவஶாஸநதஃ ஶிவஶாஸநதஃ ॥ 122 ॥

இதமேவ ஶிவம் இதமேவ ஶிவம்

இதமேவ ஶிவம் இதமேவ ஶிவம் ।

ஹரிஶாஸநதோ ஹரிஶாஸநதோ

ஹரிஶாஸநதோ ஹரிஶாஸநதஃ ॥ 123 ॥

விதிதம் விதிதம் விதிதம் விதிதம்

விஜநம் விஜநம் விஜநம் விஜநம் ।

விதிஶாஸநதோ விதிஶாஸநதோ

விதிஶாஸநதோ விதிஶாஸநதஃ ॥ 124 ॥

ஏவம்விதம் குரும் த்யாத்வா ஜ்ஞாநமுத்பத்யதே ஸ்வயம் ।

ததா குரூபதேஶேந முக்தோऽஹமிதி பாவயேத் ॥ 125 ॥

குரூபதிஷ்டமார்கேண மநஶ்ஶுத்திம் து காரயேத் ।

அநித்யம் கண்டயேத்ஸர்வம் யத்கிஞ்சிதாத்மகோசரம் ॥ 126 ॥

ஜ்ஞேயம் ஸர்வம் ப்ரதீதம் ச ஜ்ஞாநம் ச மந உச்யதே ।

ஜ்ஞாநம் ஜ்ஞேயம் ஸமம் குர்யாந்நாந்யஃ பந்தா த்விதீயகஃ ॥ 127 ॥

கிமத்ர பஹுநோக்தேந ஶாஸ்த்ரகோடிஶதைரபி ।

துர்லபா சித்தவிஶ்ராந்திஃ விநா குருக்ரு'பாம் பராம் ॥ 128 ॥

கருணாகட்கபாதேந சித்வா பாஶாஷ்டகம் ஶிஶோஃ ।

ஸம்யகாநந்தஜநகஃ ஸத்குருஃ ஸோऽபிதீயதே ॥ 129 ॥

ஏவம் ஶ்ருத்வா மஹாதேவி குருநிந்தாம் கரோதி யஃ ।

ஸ யாதி நரகாந் கோராந் யாவச்சந்த்ரதிவாகரௌ ॥ 130 ॥

யாவத்கல்பாந்தகோ தேஹஸ்தாவத்தேவி குரும் ஸ்மரேத் ।

குருலோபோ ந கர்தவ்யஃ ஸ்வச்சந்தோ யதி வா பவேத் ॥ 131 ॥

ஹுங்காரேண ந வக்தவ்யம் ப்ராஜ்ஞஶிஷ்யைஃ கதாசந ।

குரோரக்ர ந வக்தவ்யமஸத்யம் து கதாசந ॥ 132 ॥

குரும் த்வங்க்ரு'த்ய ஹுங்க்ரு'த்ய குருஸாந்நித்யபாஷணஃ ।

அரண்யே நிர்ஜலே தேஶே ஸம்பவேத் ப்ரஹ்மராக்ஷஸஃ ॥ 133 ॥

அத்வைதம் பாவயேந்நித்யம் ஸர்வாவஸ்தாஸு ஸர்வதா ।

கதாசிதபி நோ குர்யாதத்வைதம் குருஸந்நிதௌ ॥ 134 ॥

த்ரு'ஶ்யவிஸ்ம்ரு'திபர்யந்தம் குர்யாத் குருபதார்சநம் ।

தாத்ரு'ஶஸ்யைவ கைவல்யம் ந ச தத்வ்யதிரேகிணஃ ॥ 135 ॥

அபி ஸம்பூர்ணதத்த்வஜ்ஞோ குருத்யாகீ பவேத்யதா ।

பவத்யேவ ஹி தஸ்யாந்தகாலே விக்ஷேபமுத்கடம் ॥ 136 ॥

குருகார்யம் ந லங்கேத நாப்ரு'ஷ்ட்வா கார்யமாசரேத் ।

ந ஹ்யுத்திஷ்டேத்திஶேऽநத்வா குருஸத்பாவஶோபிதஃ ॥ 137 ॥

குரௌ ஸதி ஸ்வயம் தேவி பரேஷாம் து கதாசந ।

உபதேஶம் ந வை குர்யாத் ததா சேத்ராக்ஷஸோ பவேத் ॥ 138 ॥

ந குரோராஶ்ரமே குர்யாத் துஷ்பாநம் பரிஸர்பணம் ।

தீக்ஷா வ்யாக்யா ப்ரபுத்வாதி குரோராஜ்ஞாம் ந காரயேத் ॥ 139 ॥

நோபாஶ்ரயம் ச பர்யகம் ந ச பாதப்ரஸாரணம் ।

நாங்கபோகாதிகம் குர்யாந்ந லீலாமபராமபி ॥ 140 ॥

குரூணாம் ஸதஸத்வாऽபி யதுக்தம் தந்ந லங்கயேத் ।

குர்வந்நாஜ்ஞாம் திவா ராத்ரௌ தாஸவந்நிவஸேத்குரோ ॥ 141 ॥

அதத்தம் ந குரோர்த்ரவ்யமுபபுஞ்ஜீத கர்ஹிசித் ।

தத்தே ச ரங்கவத்க்ராஹ்யம் ப்ராணோऽப்யேதேந லப்யதே ॥ 142 ॥

பாதுகாஸநஶய்யாதி குருணா யதபீஷ்டிதம் ।

நமஸ்குர்வீத தத்ஸர்வம் பாதாப்யாம் ந ஸ்ப்ரு'ஶேத் க்வசித் ॥ 143 ॥

கச்சதஃ ப்ரு'ஷ்டதோ கச்சேத் குருச்சாயாம் ந லங்கயேத் ।

நோல்பணம் தாரயேத்வேஷம் நாலங்காராம்ஸ்ததோல்பணாந் ॥ 144 ॥

குருநிந்தாகரம் த்ரு'ஷ்ட்வா தாவயேதத வாஸயேத் ।

ஸ்தாநம் வா தத்பரித்யாஜ்யம் ஜிஹ்வாச்சேதாக்ஷமோ யதி ॥ 145 ॥

நோச்சிஷ்டம் கஸ்யசித்தேயம் குரோராஜ்ஞாம் ந ச த்யஜேத் ।

க்ரு'த்ஸ்நமுச்சிஷ்டமாதாய ஹவிரிவ பக்ஷயேத்ஸ்வயம் ॥ 146 ॥

நாऽந்ரு'தம் நாऽப்ரியம் சைவ ந கர்வம் நாऽபி வா பஹு ।

ந நியோகபரம் ப்ரூயாத் குரோராஜ்ஞாம் விபாவயேத் ॥ 147 ॥

ப்ரபோ தேவகுலேஶாநாம் ஸ்வாமிந் ராஜந் குலேஶ்வர ।

இதி ஸம்போதநைர்பீதோ குருபாவேந ஸர்வதா ॥ 148 ॥

முநிபிஃ பந்நகைர்வாபி ஸுரைர்வா ஶாபிதோ யதி ।

காலம்ரு'த்யுபயாத்வாபி குருஃ ஸந்த்ராதி பார்வதி ॥ 149 ॥

அஶக்தா ஹி ஸுராத்யாஶ்ச ஹ்யஶக்தாஃ முநயஸ்ததா ।

குருஶாபோபபந்நஸ்ய ரக்ஷணாய ச குத்ரசித் ॥ 150 ॥

மந்த்ரராஜமிதம் தேவி குருரித்யக்ஷரத்வயம் ।

ஸ்ம்ரு'திவேதபுராணாநாம் ஸாரமேவ ந ஸம்ஶயஃ ॥ 151 ॥

ஸத்காரமாநபூஜார்தம் தண்டகாஷயதாரணஃ ।

ஸ ஸந்ந்யாஸீ ந வக்தவ்யஃ ஸந்ந்யாஸீ ஜ்ஞாநதத்பரஃ ॥ 152 ॥

விஜாநந்தி மஹாவாக்யம் குரோஶ்சரண ஸேவயா ।

தே வை ஸந்ந்யாஸிநஃ ப்ரோக்தா இதரே வேஷதாரிணஃ ॥ 153 ॥

[பாடபேதஃ –

நித்யம் ப்ரஹ்ம நிராகாரம் நிர்குணம் போதயேத்பரம் ।

பாஸயந் ப்ரஹ்மபாவம் ச தீபோ தீபாந்தரம் யதா ॥

]

நித்யம் ப்ரஹ்ம நிராகாரம் நிர்குணம் ஸத்யசித்தநம் ।

யஃ ஸாக்ஷாத்குருதே லோகே குருத்வம் தஸ்ய ஶோபதே ॥ 154 ॥

குருப்ரஸாததஃ ஸ்வாத்மந்யாத்மாராமநிரீக்ஷணாத் ।

ஸமதா முக்திமார்கேண ஸ்வாத்மஜ்ஞாநம் ப்ரவர்ததே ॥ 155 ॥

ஆப்ரஹ்மஸ்தம்பபர்யந்தம் பரமாத்மஸ்வரூபகம் ।

ஸ்தாவரம் ஜங்கமம் சைவ ப்ரணமாமி ஜகந்மயம் ॥ 156 ॥

வந்தேऽஹம் ஸச்சிதாநந்தம் பாவாதீதம் ஜகத்குரும் ।

நித்யம் பூர்ணம் நிராகாரம் நிர்குணம் ஸ்வாத்மஸம்ஸ்திதம் ॥ 157 ॥

பராத்பரதரம் த்யாயேந்நித்யமாநந்தகாரகம் ।

ஹ்ரு'தயாகாஶமத்யஸ்தம் ஶுத்தஸ்படிகஸந்நிபம் ॥ 158 ॥

ஸ்பாடிகே ஸ்பாடிகம் ரூபம் தர்பணே தர்பணோ யதா ।

ததாऽऽத்மநி சிதாகாரமாநந்தம் ஸோऽஹமித்யுத ॥ 159 ॥

அங்குஷ்டமாத்ரம் புருஷம் த்யாயேச்ச சிந்மயம் ஹ்ரு'தி ।

தத்ர ஸ்புரதி யோ பாவஃ ஶ்ரு'ணு தத்கதயாமி தே ॥ 160 ॥

அஜோऽஹமமரோऽஹம் ச அநாதிநிதநோ ஹ்யஹம் ।

அவிகாரஶ்சிதாநந்தோ ஹ்யணீயாந்மஹதோ மஹாந் ॥ 161 ॥

அபூர்வமபரம் நித்யம் ஸ்வயஞ்ஜ்யோதிர்நிராமயம் ।

விரஜம் பரமாகாஶம் த்ருவமாநந்தமவ்யயம் ॥ 162 ॥

அகோசரம் ததாऽகம்யம் நாமரூபவிவர்ஜிதம் ।

நிஶ்ஶப்தம் து விஜாநீயாத்ஸ்வபாவாத்ப்ரஹ்ம பார்வதி ॥ 163 ॥

யதா கந்தஸ்வபாவத்வம் கர்பூரகுஸுமாதிஷு ।

ஶீதோஷ்ணத்வஸ்வபாவத்வம் ததா ப்ரஹ்மணி ஶாஶ்வதம் ॥ 164 ॥

யதா நிஜஸ்வபாவேந குண்டலே கடகாதயஃ ।

ஸுவர்ணத்வேந திஷ்டந்தி ததாऽஹம் ப்ரஹ்ம ஶாஶ்வதம் ॥ 165 ॥

ஸ்வயம் ததாவிதோ பூத்வா ஸ்தாதவ்யம் யத்ர குத்ர சித் ।

கீடோ ப்ரு'ங்க இவ த்யாநாத்யதா பவதி தாத்ரு'ஶஃ ॥ 166 ॥

குருத்யாநம் ததா க்ரு'த்வா ஸ்வயம் ப்ரஹ்மமயோ பவேத் ।

பிண்டே பதே ததா ரூபே முக்தாஸ்தே நாத்ர ஸம்ஶயஃ ॥ 167 ॥

ஶ்ரீபார்வதீ உவாச ।

பிண்டம் கிம் து மஹாதேவ பதம் கிம் ஸமுதாஹ்ரு'தம் ।

ரூபாதீதம் ச ரூபம் கிம் ஏததாக்யாஹி ஶங்கர ॥ 168 ॥

ஶ்ரீமஹாதேவ உவாச ।

பிண்டம் குண்டலிநீ ஶக்திஃ பதம் ஹம்ஸமுதாஹ்ரு'தம் ।

ரூபம் பிந்துரிதி ஜ்ஞேயம் ரூபாதீதம் நிரஞ்ஜநம் ॥ 169 ॥

பிண்டே முக்தாஃ பதே முக்தா ரூபே முக்தா வராநநே ।

ரூபாதீதே து யே முக்தாஸ்தே முக்தா நாऽத்ர ஸம்ஶயஃ ॥ 170 ॥

குருர்த்யாநேநைவ நித்யம் தேஹீ ப்ரஹ்மமயோ பவேத் ।

ஸ்திதஶ்ச யத்ர குத்ராऽபி முக்தோऽஸௌ நாऽத்ர ஸம்ஶயஃ ॥ 171 ॥

ஜ்ஞாநம் வைராக்யமைஶ்வர்யம் யஶஶ்ரீஃ ஸ்வமுதாஹ்ரு'தம் ।

ஷட்குணைஶ்வர்யயுக்தோ ஹி பகவாந் ஶ்ரீகுருஃ ப்ரியே ॥ 172 ॥

குருஶ்ஶிவோ குருர்தேவோ குருர்பந்துஃ ஶரீரிணாம் ।

குருராத்மா குருர்ஜீவோ குரோரந்யந்ந வித்யதே ॥ 173 ॥

ஏகாகீ நிஸ்ஸ்ப்ரு'ஹஃ ஶாந்தஶ்சிந்தாऽஸூயாதிவர்ஜிதஃ ।

பால்யபாவேந யோ பாதி ப்ரஹ்மஜ்ஞாநீ ஸ உச்யதே ॥ 174 ॥

ந ஸுகம் வேதஶாஸ்த்ரேஷு ந ஸுகம் மந்த்ரயந்த்ரகே ।

குரோஃ ப்ரஸாதாதந்யத்ர ஸுகம் நாஸ்தி மஹீதலே ॥ 175 ॥

சார்வாகவைஷ்ணவமதே ஸுகம் ப்ராபாகரே ந ஹி ।

குரோஃ பாதாந்திகே யத்வத்ஸுகம் வேதாந்தஸம்மதம் ॥ 176 ॥

ந தத்ஸுகம் ஸுரேந்த்ரஸ்ய ந ஸுகம் சக்ரவர்திநாம் ।

யத்ஸுகம் வீதராகஸ்ய முநேரேகாந்தவாஸிநஃ ॥ 177 ॥

நித்யம் ப்ரஹ்மரஸம் பீத்வா த்ரு'ப்தோ யஃ பரமாத்மநி ।

இந்த்ரம் ச மந்யதே துச்சம் ந்ரு'பாணாம் தத்ர கா கதா ॥ 178 ॥

யதஃ பரமகைவல்யம் குருமார்கேண வை பவேத் ।

குருபக்திரதஃ கார்யா ஸர்வதா மோக்ஷகாங்க்ஷிபிஃ ॥ 179 ॥

ஏக ஏவாऽத்விதீயோऽஹம் குருவாக்யேந நிஶ்சிதஃ ।

ஏவமப்யஸ்யதா நித்யம் ந ஸேவ்யம் வை வநாந்தரம் ॥ 180 ॥

அப்யாஸாந்நிமிஷேணைவ ஸமாதிமதிகச்சதி ।

ஆஜந்மஜநிதம் பாபம் தத்க்ஷணாதேவ நஶ்யதி ॥ 181 ॥

கிமாவாஹநமவ்யக்தே வ்யாபகே கிம் விஸர்ஜநம் ।

அமூர்தே ச கதம் பூஜா கதம் த்யாநம் நிராமயே ॥ 182 ॥

குருர்விஷ்ணுஃ ஸத்த்வமயோ ராஜஸஶ்சதுராநநஃ ।

தாமஸோ ருத்ரரூபேண ஸ்ரு'ஜத்யவதி ஹந்தி ச ॥ 183 ॥

ஸ்வயம் ப்ரஹ்மமயோ பூத்வா தத்பரம் சாவலோகயேத் ।

பராத்பரதரம் நாந்யத் ஸர்வகம் தந்நிராமயம் ॥ 184 ॥

தஸ்யாவலோகநம் ப்ராப்ய ஸர்வஸங்கவிவர்ஜிதஃ ।

ஏகாகீ நிஸ்ஸ்ப்ரு'ஹஃ ஶாந்தஃ ஸ்தாதவ்யம் தத்ப்ரஸாததஃ ॥ 185 ॥

லப்தம் வாऽத ந லப்தம் வா ஸ்வல்பம் வா பஹுலம் ததா ।

நிஷ்காமேநைவ போக்தவ்யம் ஸதா ஸந்துஷ்டமாநஸஃ ॥ 186 ॥

ஸர்வஜ்ஞபதமித்யாஹுர்தேஹீ ஸர்வமயோ புவி ।

ஸதாऽऽநந்தஃ ஸதா ஶாந்தோ ரமதே யத்ர குத்ர சித் ॥ 187 ॥

யத்ரைவ திஷ்டதே ஸோऽபி ஸ தேஶஃ புண்யபாஜநஃ ।

முக்தஸ்ய லக்ஷணம் தேவி தவாऽக்ரே கதிதம் மயா ॥ 188 ॥

உபதேஶஸ்த்வயம் தேவி குருமார்கேண முக்திதஃ ।

குருபக்திஃ ததாऽத்யந்தா கர்தவ்யா வை மநீஷிபிஃ ॥ 189 ॥

நித்யயுக்தாஶ்ரயஃ ஸர்வவேதக்ரு'த்ஸர்வவேதக்ரு'த் ।

ஸ்வபரஜ்ஞாநதாதா ச தம் வந்தே குருமீஶ்வரம் ॥ 190 ॥

யத்யப்யதீதா நிகமாஃ ஷடங்கா ஆகமாஃ ப்ரியே ।

அத்யாத்மாதீநி ஶாஸ்த்ராணி ஜ்ஞாநம் நாஸ்தி குரும் விநா ॥ 191 ॥

ஶிவபூஜாரதோ வாऽபி விஷ்ணுபூஜாரதோऽதவா ।

குருதத்த்வவிஹீநஶ்சேத்தத்ஸர்வம் வ்யர்தமேவ ஹி ॥ 192 ॥

ஶிவஸ்வரூபமஜ்ஞாத்வா ஶிவபூஜா க்ரு'தா யதி ।

ஸா பூஜா நாமமாத்ரம் ஸ்யாச்சித்ரதீப இவ ப்ரியே ॥ 193 ॥

ஸர்வம் ஸ்யாத்ஸபலம் கர்ம குருதீக்ஷாப்ரபாவதஃ ।

குருலாபாத்ஸர்வலாபோ குருஹீநஸ்து பாலிஶஃ ॥ 194 ॥

குருஹீநஃ பஶுஃ கீடஃ பதங்கோ வக்துமர்ஹதி ।

ஶிவரூபம் ஸ்வரூபம் ச ந ஜாநாதி யதஸ்ஸ்வயம் ॥ 195 ॥

தஸ்மாத்ஸர்வப்ரயத்நேந ஸர்வஸங்கவிவர்ஜிதஃ ।

விஹாய ஶாஸ்த்ரஜாலாநி குருமேவ ஸமாஶ்ரயேத் ॥ 196 ॥

நிரஸ்தஸர்வஸந்தேஹோ ஏகீக்ரு'த்ய ஸுதர்ஶநம் ।

ரஹஸ்யம் யோ தர்ஶயதி பஜாமி குருமீஶ்வரம் ॥ 197 ॥

ஜ்ஞாநஹீநோ குருஸ்த்யாஜ்யோ மித்யாவாதீ விடம்பகஃ ।

ஸ்வவிஶ்ராந்திம் ந ஜாநாதி பரஶாந்திம் கரோதி கிம் ॥ 198 ॥

ஶிலாயாஃ கிம் பரம் ஜ்ஞாநம் ஶிலாஸங்கப்ரதாரணே ।

ஸ்வயம் தர்தும் ந ஜாநாதி பரம் நிஸ்தாரயேத் கதம் ॥ 199 ॥

ந வந்தநீயாஸ்தே கஷ்டம் தர்ஶநாத்ப்ராந்திகாரகாஃ ।

வர்ஜயேத்தாந் குரூந் தூரே தீரஸ்ய து ஸமாஶ்ரயேத் ॥ 200 ॥

பாஷண்டிநஃ பாபரதாஃ நாஸ்திகா பேதபுத்தயஃ ।

ஸ்த்ரீலம்படா துராசாராஃ க்ரு'தக்நா பகவ்ரு'த்தயஃ ॥ 201 ॥

கர்மப்ரஷ்டாஃ க்ஷமாநஷ்டா நிந்த்யதர்கைஶ்ச வாதிநஃ ।

காமிநஃ க்ரோதிநஶ்சைவ ஹிம்ஸ்ராஶ்சண்டாஃ ஶடாஸ்ததா ॥ 202 ॥

ஜ்ஞாநலுப்தா ந கர்தவ்யா மஹாபாபாஸ்ததா ப்ரியே ।

ஏப்யோ பிந்நோ குருஃ ஸேவ்யஃ ஏகபக்த்யா விசார்ய ச ॥ 203 ॥

ஶிஷ்யாதந்யத்ர தேவேஶி ந வதேத்யஸ்ய கஸ்யசித் ।

நராணாம் ச பலப்ராப்தௌ பக்திரேவ ஹி காரணம் ॥ 204 ॥

கூடோ த்ரு'டஶ்ச ப்ரீதஶ்ச மௌநேந ஸுஸமாஹிதஃ ।

ஸக்ரு'த்காமகதோ வாऽபி பஞ்சதா குருரீரிதஃ ॥ 205 ॥

ஸர்வம் குருமுகால்லப்தம் ஸபலம் பாபநாஶநம் ।

யத்யதாத்மஹிதம் வஸ்து தத்தத்த்ரவ்யம் ந வஞ்சயேத் ॥ 206 ॥

குருதேவார்பணம் வஸ்து தேந துஷ்டோऽஸ்மி ஸுவ்ரதே ।

ஶ்ரீகுரோஃ பாதுகாம் முத்ராம் மூலமந்த்ரம் ச கோபயேத் ॥ 207 ॥

நதாऽஸ்மி தே நாத பதாரவிந்தம்

புத்தீந்த்ரியப்ராணமநோவசோபிஃ ।

யச்சிந்த்யதே பாவித ஆத்மயுக்தௌ

முமுக்ஷிபிஃ கர்மமயோபஶாந்தயே ॥ 208 ॥

அநேந யத்பவேத்கார்யம் தத்வதாமி தவ ப்ரியே ।

லோகோபகாரகம் தேவி லௌகிகம் து விவர்ஜயேத் ॥ 209 ॥

லௌகிகாத்தர்மதோ யாதி ஜ்ஞாநஹீநோ பவார்ணவே ।

ஜ்ஞாநபாவே ச யத்ஸர்வம் கர்ம நிஷ்கர்ம ஶாம்யதி ॥ 210 ॥

இமாம் து பக்திபாவேந படேத்வை ஶ்ரு'ணுயாதபி ।

லிகித்வா யத்ப்ரதாநேந தத்ஸர்வம் பலமஶ்நுதே ॥ 211 ॥

குருகீதாமிமாம் தேவி ஹ்ரு'தி நித்யம் விபாவய ।

மஹாவ்யாதிகதைர்துஃகைஃ ஸர்வதா ப்ரஜபேந்முதா ॥ 212 ॥

குருகீதாக்ஷரைகைகம் மந்த்ரராஜமிதம் ப்ரியே ।

அந்யே ச விவிதாஃ மந்த்ராஃ கலாம் நார்ஹந்தி ஷோடஶீம் ॥ 213 ॥

அநந்த பலமாப்நோதி குருகீதா ஜபேந து ।

ஸர்வபாபஹரா தேவி ஸர்வதாரித்ர்யநாஶிநீ ॥ 214 ॥

அகாலம்ரு'த்யுஹரா சைவ ஸர்வஸங்கடநாஶிநீ ।

யக்ஷராக்ஷஸபூதாதிசோரவ்யாக்ரவிகாதிநீ ॥ 215 ॥

ஸர்வோபத்ரவகுஷ்டாதிதுஷ்டதோஷநிவாரிணீ ।

யத்பலம் குருஸாந்நித்யாத்தத்பலம் படநாத்பவேத் ॥ 216 ॥

மஹாவ்யாதிஹரா ஸர்வவிபூதேஃ ஸித்திதா பவேத் ।

அதவா மோஹநே வஶ்யே ஸ்வயமேவ ஜபேத்ஸதா ॥ 217 ॥

குஶதூர்வாஸநே தேவி ஹ்யாஸநே ஶுப்ரகம்பலே ।

உபவிஶ்ய ததோ தேவி ஜபேதேகாக்ரமாநஸஃ ॥ 218 ॥

ஶுக்லம் ஸர்வத்ர வை ப்ரோக்தம் வஶ்யே ரக்தாஸநம் ப்ரியே ।

பத்மாஸநே ஜபேந்நித்யம் ஶாந்திவஶ்யகரம் பரம் ॥ 219 ॥

வஸ்த்ராஸநே ச தாரித்ர்யம் பாஷாணே ரோகஸம்பவஃ ।

மேதிந்யாம் துஃகமாப்நோதி காஷ்டே பவதி நிஷ்பலம் ॥ 220 ॥

க்ரு'ஷ்ணாஜிநே ஜ்ஞாநஸித்திஃ மோக்ஷஶ்ரீர்வ்யாக்ரசர்மணி ।

குஶாஸநே ஜ்ஞாநஸித்திஃ ஸர்வஸித்திஸ்து கம்பலே ॥ 221 ॥

ஆக்நேய்யாம் கர்ஷணம் சைவ வாயவ்யாம் ஶத்ருநாஶநம் ।

நைர்ரு'த்யாம் தர்ஶநம் சைவ ஈஶாந்யாம் ஜ்ஞாநமேவ ச ॥ 222 ॥

உதங்முகஃ ஶாந்திஜாப்யே வஶ்யே பூர்வமுகஸ்ததா ।

யாம்யே து மாரணம் ப்ரோக்தம் பஶ்சிமே ச தநாகமஃ ॥ 223 ॥

மோஹநம் ஸர்வபூதாநாம் பந்தமோக்ஷகரம் பரம் ।

தேவராஜப்ரியகரம் ராஜாநம் வஶமாநயேத் ॥ 224 ॥

முகஸ்தம்பகரம் சைவ குணாநாம் ச விவர்தநம் ।

துஷ்கர்மநாஶநம் சைவ ததா ஸத்கர்மஸித்திதம் ॥ 225 ॥

அஸித்தம் ஸாதயேத்கார்யம் நவக்ரஹபயாபஹம் ।

துஃஸ்வப்நநாஶநம் சைவ ஸுஸ்வப்நபலதாயகம் ॥ 226 ॥

மோஹஶாந்திகரம் சைவ பந்தமோக்ஷகரம் பரம் ।

ஸ்வரூபஜ்ஞாநநிலயம் கீதாஶாஸ்த்ரமிதம் ஶிவே ॥ 227 ॥

யம் யம் சிந்தயதே காமம் தம் தம் ப்ராப்நோதி நிஶ்சயம் ।

நித்யம் ஸௌபாக்யதம் புண்யம் தாபத்ரயகுலாபஹம் ॥ 228 ॥

ஸர்வஶாந்திகரம் நித்யம் ததா வந்த்யா ஸுபுத்ரதம் ।

அவைதவ்யகரம் ஸ்த்ரீணாம் ஸௌபாக்யஸ்ய விவர்தநம் ॥ 229 ॥

ஆயுராரோக்யமைஶ்வர்யம் புத்ரபௌத்ரவிவர்தநம் ।

நிஷ்காமஜாபீ விதவா படேந்மோக்ஷமவாப்நுயாத் ॥ 230 ॥

அவைதவ்யம் ஸகாமா து லபதே சாந்யஜந்மநி ।

ஸர்வதுஃகமயம் விக்நம் நாஶயேத்தாபஹாரகம் ॥ 231 ॥

ஸர்வபாபப்ரஶமநம் தர்மகாமார்தமோக்ஷதம் ।

யம் யம் சிந்தயதே காமம் தம் தம் ப்ராப்நோதி நிஶ்சிதம் ॥ 232 ॥

காம்யாநாம் காமதேநுர்வை கல்பதே கல்பபாதபஃ ।

சிந்தாமணிஶ்சிந்திதஸ்ய ஸர்வமங்கலகாரகம் ॥ 233 ॥

லிகித்வா பூஜயேத்யஸ்து மோக்ஷஶ்ரியமவாப்நுயாத் ।

குரூபக்திர்விஶேஷேண ஜாயதே ஹ்ரு'தி ஸர்வதா ॥ 234 ॥

ஜபந்தி ஶாக்தாஃ ஸௌராஶ்ச காணபத்யாஶ்ச வைஷ்ணவாஃ ।

ஶைவாஃ பாஶுபதாஃ ஸர்வே ஸத்யம் ஸத்யம் ந ஸம்ஶயஃ ॥ 235 ॥

இதி ஶ்ரீஸ்கந்தபுராணே உத்தரகண்டே உமாமஹேஶ்வர ஸம்வாதே

ஶ்ரீ குருகீதாயாம் த்விதீயோऽத்யாயஃ ॥

Roman (IAST) Transliteration

atha dvitīyo'dhyāyaḥ ||

dhyānaṃ śruṇu mahādevi sarvānandapradāyakam |

sarvasaukhyakaraṃ caiva bhuktimuktipradāyakam || 109 ||

śrīmatparaṃ brahma guruṃ smarāmi

śrīmatparaṃ brahma guruṃ bhajāmi |

śrīmatparaṃ brahma guruṃ vadāmi

śrīmatparaṃ brahma guruṃ namāmi || 110 ||

brahmānandaṃ paramasukhadaṃ kevalaṃ jñānamūrtiṃ

dvandvātītaṃ gaganasadṛśaṃ tattvamasyādilakṣyam |

ekaṃ nityaṃ vimalamacalaṃ sarvadhīsākṣibhūtaṃ

bhāvātītaṃ triguṇarahitaṃ sadguruṃ taṃ namāmi || 111 ||

hṛdambuje karṇikamadhyasaṃsthe

siṃhāsane saṃsthitadivyamūrtim |

dhyāyedguruṃ candrakalāprakāśaṃ

saccitsukhābhīṣṭavaraṃ dadhānam || 112 ||

śvetāmbaraṃ śvetavilepapuṣpaṃ

muktāvibhūṣaṃ muditaṃ dvinetram |

vāmāṅkapīṭhasthitadivyaśaktiṃ

mandasmitaṃ pūrṇakṛpānidhānam || 113 ||

ānandamānandakaraṃ prasannaṃ

jñānasvarūpaṃ nijabhāvayuktam |

yogīndramīḍyaṃ bhavarogavaidyaṃ

śrīmadguruṃ nityamahaṃ namāmi || 114 ||

vande gurūṇāṃ caraṇāravindaṃ

sandarśitasvātmasukhāvabodhe |

janasya ye jāṅgalikāyamāne

saṃsārahālāhalamohaśāntyai || 115 ||

yasmin sṛṣṭisthitidhvaṃsanigrahānugrahātmakam |

kṛtyaṃ pañcavidhaṃ śaśvat bhāsate taṃ guruṃ bhajet || 116 ||

pādābje sarvasaṃsāradāvakālānalaṃ svake |

brahmarandhre sthitāmbhojamadhyasthaṃ candramaṇḍalam || 117 ||

akathāditrirekhābje sahasradalamaṇḍale |

haṃsapārśvatrikoṇe ca smarettanmadhyagaṃ gurum || 118 ||

nityaṃ śuddhaṃ nirābhāsaṃ nirākāraṃ nirañjanam |

nityabodhaṃ cidānandaṃ guruṃ brahma namāmyaham || 119 ||

sakalabhuvanasṛṣṭiḥ kalpitāśeṣasṛṣṭiḥ

nikhilanigamadṛṣṭiḥ satpadārthaikasṛṣṭiḥ |

atadgaṇaparameṣṭiḥ satpadārthaikadṛṣṭiḥ

bhavaguṇaparameṣṭirmokṣamārgaikadṛṣṭiḥ || 120 ||

sakalabhuvanaraṅgasthāpanāstambhayaṣṭiḥ

sakaruṇarasavṛṣṭistattvamālāsamaṣṭiḥ |

sakalasamayasṛṣṭissaccidānandadṛṣṭiḥ

nivasatu mayi nityaṃ śrīgurordivyadṛṣṭiḥ || 121 ||

na guroradhikaṃ na guroradhikaṃ

na guroradhikaṃ na guroradhikam |

śivaśāsanataḥ śivaśāsanataḥ

śivaśāsanataḥ śivaśāsanataḥ || 122 ||

idameva śivaṃ idameva śivaṃ

idameva śivaṃ idameva śivam |

hariśāsanato hariśāsanato

hariśāsanato hariśāsanataḥ || 123 ||

viditaṃ viditaṃ viditaṃ viditaṃ

vijanaṃ vijanaṃ vijanaṃ vijanam |

vidhiśāsanato vidhiśāsanato

vidhiśāsanato vidhiśāsanataḥ || 124 ||

evaṃvidhaṃ guruṃ dhyātvā jñānamutpadyate svayam |

tadā gurūpadeśena mukto'hamiti bhāvayet || 125 ||

gurūpadiṣṭamārgeṇa manaśśuddhiṃ tu kārayet |

anityaṃ khaṇḍayetsarvaṃ yatkiñcidātmagocaram || 126 ||

jñeyaṃ sarvaṃ pratītaṃ ca jñānaṃ ca mana ucyate |

jñānaṃ jñeyaṃ samaṃ kuryānnānyaḥ panthā dvitīyakaḥ || 127 ||

kimatra bahunoktena śāstrakoṭiśatairapi |

durlabhā cittaviśrāntiḥ vinā gurukṛpāṃ parām || 128 ||

karuṇākhaḍgapātena chitvā pāśāṣṭakaṃ śiśoḥ |

samyagānandajanakaḥ sadguruḥ so'bhidhīyate || 129 ||

evaṃ śrutvā mahādevi gurunindāṃ karoti yaḥ |

sa yāti narakān ghorān yāvaccandradivākarau || 130 ||

yāvatkalpāntako dehastāvaddevi guruṃ smaret |

gurulopo na kartavyaḥ svacchando yadi vā bhavet || 131 ||

huṅkāreṇa na vaktavyaṃ prājñaśiṣyaiḥ kadācana |

guroragra na vaktavyamasatyaṃ tu kadācana || 132 ||

guruṃ tvaṅkṛtya huṅkṛtya gurusānnidhyabhāṣaṇaḥ |

araṇye nirjale deśe sambhaved brahmarākṣasaḥ || 133 ||

advaitaṃ bhāvayennityaṃ sarvāvasthāsu sarvadā |

kadācidapi no kuryādadvaitaṃ gurusannidhau || 134 ||

dṛśyavismṛtiparyantaṃ kuryād gurupadārcanam |

tādṛśasyaiva kaivalyaṃ na ca tadvyatirekiṇaḥ || 135 ||

api sampūrṇatattvajño gurutyāgī bhavedyadā |

bhavatyeva hi tasyāntakāle vikṣepamutkaṭam || 136 ||

gurukāryaṃ na laṅgheta nāpṛṣṭvā kāryamācaret |

na hyuttiṣṭheddiśe'natvā gurusadbhāvaśobhitaḥ || 137 ||

gurau sati svayaṃ devi pareṣāṃ tu kadācana |

upadeśaṃ na vai kuryāt tathā cedrākṣaso bhavet || 138 ||

na gurorāśrame kuryāt duṣpānaṃ parisarpaṇam |

dīkṣā vyākhyā prabhutvādi gurorājñāṃ na kārayet || 139 ||

nopāśrayaṃ ca paryakaṃ na ca pādaprasāraṇam |

nāṅgabhogādikaṃ kuryānna līlāmaparāmapi || 140 ||

gurūṇāṃ sadasadvā'pi yaduktaṃ tanna laṅghayet |

kurvannājñāṃ divā rātrau dāsavannivasedguro || 141 ||

adattaṃ na gurordravyamupabhuñjīta karhicit |

datte ca raṅkavadgrāhyaṃ prāṇo'pyetena labhyate || 142 ||

pādukāsanaśayyādi guruṇā yadabhīṣṭitam |

namaskurvīta tatsarvaṃ pādābhyāṃ na spṛśet kvacit || 143 ||

gacchataḥ pṛṣṭhato gacchet gurucchāyāṃ na laṅghayet |

nolbaṇaṃ dhārayedveṣaṃ nālaṅkārāṃstatolbaṇān || 144 ||

gurunindākaraṃ dṛṣṭvā dhāvayedatha vāsayet |

sthānaṃ vā tatparityājyaṃ jihvācchedākṣamo yadi || 145 ||

nocchiṣṭaṃ kasyaciddeyaṃ gurorājñāṃ na ca tyajet |

kṛtsnamucchiṣṭamādāya haviriva bhakṣayetsvayam || 146 ||

nā'nṛtaṃ nā'priyaṃ caiva na garvaṃ nā'pi vā bahu |

na niyogaparaṃ brūyāt gurorājñāṃ vibhāvayet || 147 ||

prabho devakuleśānāṃ svāmin rājan kuleśvara |

iti sambodhanairbhīto gurubhāvena sarvadā || 148 ||

munibhiḥ pannagairvāpi surairvā śāpito yadi |

kālamṛtyubhayādvāpi guruḥ santrāti pārvati || 149 ||

aśaktā hi surādyāśca hyaśaktāḥ munayastathā |

guruśāpopapannasya rakṣaṇāya ca kutracit || 150 ||

mantrarājamidaṃ devi gururityakṣaradvayam |

smṛtivedapurāṇānāṃ sārameva na saṃśayaḥ || 151 ||

satkāramānapūjārthaṃ daṇḍakāṣayadhāraṇaḥ |

sa sannyāsī na vaktavyaḥ sannyāsī jñānatatparaḥ || 152 ||

vijānanti mahāvākyaṃ guroścaraṇa sevayā |

te vai sannyāsinaḥ proktā itare veṣadhāriṇaḥ || 153 ||

[pāṭhabhedaḥ –

nityaṃ brahma nirākāraṃ nirguṇaṃ bodhayetparam |

bhāsayan brahmabhāvaṃ ca dīpo dīpāntaraṃ yathā ||

]

nityaṃ brahma nirākāraṃ nirguṇaṃ satyaciddhanam |

yaḥ sākṣātkurute loke gurutvaṃ tasya śobhate || 154 ||

guruprasādataḥ svātmanyātmārāmanirīkṣaṇāt |

samatā muktimārgeṇa svātmajñānaṃ pravartate || 155 ||

ābrahmastambaparyantaṃ paramātmasvarūpakam |

sthāvaraṃ jaṅgamaṃ caiva praṇamāmi jaganmayam || 156 ||

vande'haṃ saccidānandaṃ bhāvātītaṃ jagadgurum |

nityaṃ pūrṇaṃ nirākāraṃ nirguṇaṃ svātmasaṃsthitam || 157 ||

parātparataraṃ dhyāyennityamānandakārakam |

hṛdayākāśamadhyasthaṃ śuddhasphaṭikasannibham || 158 ||

sphāṭike sphāṭikaṃ rūpaṃ darpaṇe darpaṇo yathā |

tathā''tmani cidākāramānandaṃ so'hamityuta || 159 ||

aṅguṣṭhamātraṃ puruṣaṃ dhyāyecca cinmayaṃ hṛdi |

tatra sphurati yo bhāvaḥ śṛṇu tatkathayāmi te || 160 ||

ajo'hamamaro'haṃ ca anādinidhano hyaham |

avikāraścidānando hyaṇīyānmahato mahān || 161 ||

apūrvamaparaṃ nityaṃ svayañjyotirnirāmayam |

virajaṃ paramākāśaṃ dhruvamānandamavyayam || 162 ||

agocaraṃ tathā'gamyaṃ nāmarūpavivarjitam |

niśśabdaṃ tu vijānīyātsvabhāvādbrahma pārvati || 163 ||

yathā gandhasvabhāvatvaṃ karpūrakusumādiṣu |

śītoṣṇatvasvabhāvatvaṃ tathā brahmaṇi śāśvatam || 164 ||

yathā nijasvabhāvena kuṇḍale kaṭakādayaḥ |

suvarṇatvena tiṣṭhanti tathā'haṃ brahma śāśvatam || 165 ||

svayaṃ tathāvidho bhūtvā sthātavyaṃ yatra kutra cit |

kīṭo bhṛṅga iva dhyānādyathā bhavati tādṛśaḥ || 166 ||

gurudhyānaṃ tathā kṛtvā svayaṃ brahmamayo bhavet |

piṇḍe pade tathā rūpe muktāste nātra saṃśayaḥ || 167 ||

śrīpārvatī uvāca |

piṇḍaṃ kiṃ tu mahādeva padaṃ kiṃ samudāhṛtam |

rūpātītaṃ ca rūpaṃ kiṃ etadākhyāhi śaṅkara || 168 ||

śrīmahādeva uvāca |

piṇḍaṃ kuṇḍalinī śaktiḥ padaṃ haṃsamudāhṛtam |

rūpaṃ binduriti jñeyaṃ rūpātītaṃ nirañjanam || 169 ||

piṇḍe muktāḥ pade muktā rūpe muktā varānane |

rūpātīte tu ye muktāste muktā nā'tra saṃśayaḥ || 170 ||

gururdhyānenaiva nityaṃ dehī brahmamayo bhavet |

sthitaśca yatra kutrā'pi mukto'sau nā'tra saṃśayaḥ || 171 ||

jñānaṃ vairāgyamaiśvaryaṃ yaśaśrīḥ svamudāhṛtam |

ṣaḍguṇaiśvaryayukto hi bhagavān śrīguruḥ priye || 172 ||

guruśśivo gururdevo gururbandhuḥ śarīriṇām |

gururātmā gururjīvo guroranyanna vidyate || 173 ||

ekākī nisspṛhaḥ śāntaścintā'sūyādivarjitaḥ |

bālyabhāvena yo bhāti brahmajñānī sa ucyate || 174 ||

na sukhaṃ vedaśāstreṣu na sukhaṃ mantrayantrake |

guroḥ prasādādanyatra sukhaṃ nāsti mahītale || 175 ||

cārvākavaiṣṇavamate sukhaṃ prābhākare na hi |

guroḥ pādāntike yadvatsukhaṃ vedāntasammatam || 176 ||

na tatsukhaṃ surendrasya na sukhaṃ cakravartinām |

yatsukhaṃ vītarāgasya munerekāntavāsinaḥ || 177 ||

nityaṃ brahmarasaṃ pītvā tṛpto yaḥ paramātmani |

indraṃ ca manyate tucchaṃ nṛpāṇāṃ tatra kā kathā || 178 ||

yataḥ paramakaivalyaṃ gurumārgeṇa vai bhavet |

gurubhaktirataḥ kāryā sarvadā mokṣakāṅkṣibhiḥ || 179 ||

eka evā'dvitīyo'haṃ guruvākyena niścitaḥ |

evamabhyasyatā nityaṃ na sevyaṃ vai vanāntaram || 180 ||

abhyāsānnimiṣeṇaiva samādhimadhigacchati |

ājanmajanitaṃ pāpaṃ tatkṣaṇādeva naśyati || 181 ||

kimāvāhanamavyakte vyāpake kiṃ visarjanam |

amūrte ca kathaṃ pūjā kathaṃ dhyānaṃ nirāmaye || 182 ||

gururviṣṇuḥ sattvamayo rājasaścaturānanaḥ |

tāmaso rudrarūpeṇa sṛjatyavati hanti ca || 183 ||

svayaṃ brahmamayo bhūtvā tatparaṃ cāvalokayet |

parātparataraṃ nānyat sarvagaṃ tannirāmayam || 184 ||

tasyāvalokanaṃ prāpya sarvasaṅgavivarjitaḥ |

ekākī nisspṛhaḥ śāntaḥ sthātavyaṃ tatprasādataḥ || 185 ||

labdhaṃ vā'tha na labdhaṃ vā svalpaṃ vā bahulaṃ tathā |

niṣkāmenaiva bhoktavyaṃ sadā santuṣṭamānasaḥ || 186 ||

sarvajñapadamityāhurdehī sarvamayo bhuvi |

sadā''nandaḥ sadā śānto ramate yatra kutra cit || 187 ||

yatraiva tiṣṭhate so'pi sa deśaḥ puṇyabhājanaḥ |

muktasya lakṣaṇaṃ devi tavā'gre kathitaṃ mayā || 188 ||

upadeśastvayaṃ devi gurumārgeṇa muktidaḥ |

gurubhaktiḥ tathā'tyantā kartavyā vai manīṣibhiḥ || 189 ||

nityayuktāśrayaḥ sarvavedakṛtsarvavedakṛt |

svaparajñānadātā ca taṃ vande gurumīśvaram || 190 ||

yadyapyadhītā nigamāḥ ṣaḍaṅgā āgamāḥ priye |

adhyātmādīni śāstrāṇi jñānaṃ nāsti guruṃ vinā || 191 ||

śivapūjārato vā'pi viṣṇupūjārato'thavā |

gurutattvavihīnaścettatsarvaṃ vyarthameva hi || 192 ||

śivasvarūpamajñātvā śivapūjā kṛtā yadi |

sā pūjā nāmamātraṃ syāccitradīpa iva priye || 193 ||

sarvaṃ syātsaphalaṃ karma gurudīkṣāprabhāvataḥ |

gurulābhātsarvalābho guruhīnastu bāliśaḥ || 194 ||

guruhīnaḥ paśuḥ kīṭaḥ pataṅgo vaktumarhati |

śivarūpaṃ svarūpaṃ ca na jānāti yatassvayam || 195 ||

tasmātsarvaprayatnena sarvasaṅgavivarjitaḥ |

vihāya śāstrajālāni gurumeva samāśrayet || 196 ||

nirastasarvasandeho ekīkṛtya sudarśanam |

rahasyaṃ yo darśayati bhajāmi gurumīśvaram || 197 ||

jñānahīno gurustyājyo mithyāvādī viḍambakaḥ |

svaviśrāntiṃ na jānāti paraśāntiṃ karoti kim || 198 ||

śilāyāḥ kiṃ paraṃ jñānaṃ śilāsaṅghapratāraṇe |

svayaṃ tartuṃ na jānāti paraṃ nistārayet katham || 199 ||

na vandanīyāste kaṣṭaṃ darśanādbhrāntikārakāḥ |

varjayettān gurūn dūre dhīrasya tu samāśrayet || 200 ||

pāṣaṇḍinaḥ pāparatāḥ nāstikā bhedabuddhayaḥ |

strīlampaṭā durācārāḥ kṛtaghnā bakavṛttayaḥ || 201 ||

karmabhraṣṭāḥ kṣamānaṣṭā nindyatarkaiśca vādinaḥ |

kāminaḥ krodhinaścaiva hiṃsrāścaṇḍāḥ śaṭhāstathā || 202 ||

jñānaluptā na kartavyā mahāpāpāstathā priye |

ebhyo bhinno guruḥ sevyaḥ ekabhaktyā vicārya ca || 203 ||

śiṣyādanyatra deveśi na vadedyasya kasyacit |

narāṇāṃ ca phalaprāptau bhaktireva hi kāraṇam || 204 ||

gūḍho dṛḍhaśca prītaśca maunena susamāhitaḥ |

sakṛtkāmagato vā'pi pañcadhā gururīritaḥ || 205 ||

sarvaṃ gurumukhāllabdhaṃ saphalaṃ pāpanāśanam |

yadyadātmahitaṃ vastu tattaddravyaṃ na vañcayet || 206 ||

gurudevārpaṇaṃ vastu tena tuṣṭo'smi suvrate |

śrīguroḥ pādukāṃ mudrāṃ mūlamantraṃ ca gopayet || 207 ||

natā'smi te nātha padāravindaṃ

buddhīndriyaprāṇamanovacobhiḥ |

yaccintyate bhāvita ātmayuktau

mumukṣibhiḥ karmamayopaśāntaye || 208 ||

anena yadbhavetkāryaṃ tadvadāmi tava priye |

lokopakārakaṃ devi laukikaṃ tu vivarjayet || 209 ||

laukikāddharmato yāti jñānahīno bhavārṇave |

jñānabhāve ca yatsarvaṃ karma niṣkarma śāmyati || 210 ||

imāṃ tu bhaktibhāvena paṭhedvai śṛṇuyādapi |

likhitvā yatpradānena tatsarvaṃ phalamaśnute || 211 ||

gurugītāmimāṃ devi hṛdi nityaṃ vibhāvaya |

mahāvyādhigatairduḥkhaiḥ sarvadā prajapenmudā || 212 ||

gurugītākṣaraikaikaṃ mantrarājamidaṃ priye |

anye ca vividhāḥ mantrāḥ kalāṃ nārhanti ṣoḍaśīm || 213 ||

ananta phalamāpnoti gurugītā japena tu |

sarvapāpaharā devi sarvadāridryanāśinī || 214 ||

akālamṛtyuharā caiva sarvasaṅkaṭanāśinī |

yakṣarākṣasabhūtādicoravyāghravighātinī || 215 ||

sarvopadravakuṣṭhādiduṣṭadoṣanivāriṇī |

yatphalaṃ gurusānnidhyāttatphalaṃ paṭhanādbhavet || 216 ||

mahāvyādhiharā sarvavibhūteḥ siddhidā bhavet |

athavā mohane vaśye svayameva japetsadā || 217 ||

kuśadūrvāsane devi hyāsane śubhrakambale |

upaviśya tato devi japedekāgramānasaḥ || 218 ||

śuklaṃ sarvatra vai proktaṃ vaśye raktāsanaṃ priye |

padmāsane japennityaṃ śāntivaśyakaraṃ param || 219 ||

vastrāsane ca dāridryaṃ pāṣāṇe rogasambhavaḥ |

medinyāṃ duḥkhamāpnoti kāṣṭhe bhavati niṣphalam || 220 ||

kṛṣṇājine jñānasiddhiḥ mokṣaśrīrvyāghracarmaṇi |

kuśāsane jñānasiddhiḥ sarvasiddhistu kambale || 221 ||

āgneyyāṃ karṣaṇaṃ caiva vāyavyāṃ śatrunāśanam |

nairṛtyāṃ darśanaṃ caiva īśānyāṃ jñānameva ca || 222 ||

udaṅmukhaḥ śāntijāpye vaśye pūrvamukhastathā |

yāmye tu māraṇaṃ proktaṃ paścime ca dhanāgamaḥ || 223 ||

mohanaṃ sarvabhūtānāṃ bandhamokṣakaraṃ param |

devarājapriyakaraṃ rājānaṃ vaśamānayet || 224 ||

mukhastambhakaraṃ caiva guṇānāṃ ca vivardhanam |

duṣkarmanāśanaṃ caiva tathā satkarmasiddhidam || 225 ||

asiddhaṃ sādhayetkāryaṃ navagrahabhayāpaham |

duḥsvapnanāśanaṃ caiva susvapnaphaladāyakam || 226 ||

mohaśāntikaraṃ caiva bandhamokṣakaraṃ param |

svarūpajñānanilayaṃ gītāśāstramidaṃ śive || 227 ||

yaṃ yaṃ cintayate kāmaṃ taṃ taṃ prāpnoti niścayam |

nityaṃ saubhāgyadaṃ puṇyaṃ tāpatrayakulāpaham || 228 ||

sarvaśāntikaraṃ nityaṃ tathā vandhyā suputradam |

avaidhavyakaraṃ strīṇāṃ saubhāgyasya vivardhanam || 229 ||

āyurārogyamaiśvaryaṃ putrapautravivardhanam |

niṣkāmajāpī vidhavā paṭhenmokṣamavāpnuyāt || 230 ||

avaidhavyaṃ sakāmā tu labhate cānyajanmani |

sarvaduḥkhamayaṃ vighnaṃ nāśayettāpahārakam || 231 ||

sarvapāpapraśamanaṃ dharmakāmārthamokṣadam |

yaṃ yaṃ cintayate kāmaṃ taṃ taṃ prāpnoti niścitam || 232 ||

kāmyānāṃ kāmadhenurvai kalpate kalpapādapaḥ |

cintāmaṇiścintitasya sarvamaṅgalakārakam || 233 ||

likhitvā pūjayedyastu mokṣaśriyamavāpnuyāt |

gurūbhaktirviśeṣeṇa jāyate hṛdi sarvadā || 234 ||

japanti śāktāḥ saurāśca gāṇapatyāśca vaiṣṇavāḥ |

śaivāḥ pāśupatāḥ sarve satyaṃ satyaṃ na saṃśayaḥ || 235 ||

iti śrīskandapurāṇe uttarakhaṇḍe umāmaheśvara saṃvāde

śrī gurugītāyāṃ dvitīyo'dhyāyaḥ ||

Sanskrit — Devanagari (original)

अथ द्वितीयोऽध्यायः ॥

ध्यानं श्रुणु महादेवि सर्वानन्दप्रदायकम् ।

सर्वसौख्यकरं चैव भुक्तिमुक्तिप्रदायकम् ॥ 109 ॥

श्रीमत्परं ब्रह्म गुरुं स्मरामि

श्रीमत्परं ब्रह्म गुरुं भजामि ।

श्रीमत्परं ब्रह्म गुरुं वदामि

श्रीमत्परं ब्रह्म गुरुं नमामि ॥ 110 ॥

ब्रह्मानन्दं परमसुखदं केवलं ज्ञानमूर्तिं

द्वन्द्वातीतं गगनसदृशं तत्त्वमस्यादिलक्ष्यम् ।

एकं नित्यं विमलमचलं सर्वधीसाक्षिभूतं

भावातीतं त्रिगुणरहितं सद्गुरुं तं नमामि ॥ 111 ॥

हृदम्बुजे कर्णिकमध्यसंस्थे

सिंहासने संस्थितदिव्यमूर्तिम् ।

ध्यायेद्गुरुं चन्द्रकलाप्रकाशं

सच्चित्सुखाभीष्टवरं दधानम् ॥ 112 ॥

श्वेताम्बरं श्वेतविलेपपुष्पं

मुक्ताविभूषं मुदितं द्विनेत्रम् ।

वामाङ्कपीठस्थितदिव्यशक्तिं

मन्दस्मितं पूर्णकृपानिधानम् ॥ 113 ॥

आनन्दमानन्दकरं प्रसन्नं

ज्ञानस्वरूपं निजभावयुक्तम् ।

योगीन्द्रमीड्यं भवरोगवैद्यं

श्रीमद्गुरुं नित्यमहं नमामि ॥ 114 ॥

वन्दे गुरूणां चरणारविन्दं

सन्दर्शितस्वात्मसुखावबोधे ।

जनस्य ये जाङ्गलिकायमाने

संसारहालाहलमोहशान्त्यै ॥ 115 ॥

यस्मिन् सृष्टिस्थितिध्वंसनिग्रहानुग्रहात्मकम् ।

कृत्यं पञ्चविधं शश्वत् भासते तं गुरुं भजेत् ॥ 116 ॥

पादाब्जे सर्वसंसारदावकालानलं स्वके ।

ब्रह्मरन्ध्रे स्थिताम्भोजमध्यस्थं चन्द्रमण्डलम् ॥ 117 ॥

अकथादित्रिरेखाब्जे सहस्रदलमण्डले ।

हंसपार्श्वत्रिकोणे च स्मरेत्तन्मध्यगं गुरुम् ॥ 118 ॥

नित्यं शुद्धं निराभासं निराकारं निरञ्जनम् ।

नित्यबोधं चिदानन्दं गुरुं ब्रह्म नमाम्यहम् ॥ 119 ॥

सकलभुवनसृष्टिः कल्पिताशेषसृष्टिः

निखिलनिगमदृष्टिः सत्पदार्थैकसृष्टिः ।

अतद्गणपरमेष्टिः सत्पदार्थैकदृष्टिः

भवगुणपरमेष्टिर्मोक्षमार्गैकदृष्टिः ॥ 120 ॥

सकलभुवनरङ्गस्थापनास्तम्भयष्टिः

सकरुणरसवृष्टिस्तत्त्वमालासमष्टिः ।

सकलसमयसृष्टिस्सच्चिदानन्ददृष्टिः

निवसतु मयि नित्यं श्रीगुरोर्दिव्यदृष्टिः ॥ 121 ॥

न गुरोरधिकं न गुरोरधिकं

न गुरोरधिकं न गुरोरधिकम् ।

शिवशासनतः शिवशासनतः

शिवशासनतः शिवशासनतः ॥ 122 ॥

इदमेव शिवं इदमेव शिवं

इदमेव शिवं इदमेव शिवम् ।

हरिशासनतो हरिशासनतो

हरिशासनतो हरिशासनतः ॥ 123 ॥

विदितं विदितं विदितं विदितं

विजनं विजनं विजनं विजनम् ।

विधिशासनतो विधिशासनतो

विधिशासनतो विधिशासनतः ॥ 124 ॥

एवंविधं गुरुं ध्यात्वा ज्ञानमुत्पद्यते स्वयम् ।

तदा गुरूपदेशेन मुक्तोऽहमिति भावयेत् ॥ 125 ॥

गुरूपदिष्टमार्गेण मनश्शुद्धिं तु कारयेत् ।

अनित्यं खण्डयेत्सर्वं यत्किञ्चिदात्मगोचरम् ॥ 126 ॥

ज्ञेयं सर्वं प्रतीतं च ज्ञानं च मन उच्यते ।

ज्ञानं ज्ञेयं समं कुर्यान्नान्यः पन्था द्वितीयकः ॥ 127 ॥

किमत्र बहुनोक्तेन शास्त्रकोटिशतैरपि ।

दुर्लभा चित्तविश्रान्तिः विना गुरुकृपां पराम् ॥ 128 ॥

करुणाखड्गपातेन छित्वा पाशाष्टकं शिशोः ।

सम्यगानन्दजनकः सद्गुरुः सोऽभिधीयते ॥ 129 ॥

एवं श्रुत्वा महादेवि गुरुनिन्दां करोति यः ।

स याति नरकान् घोरान् यावच्चन्द्रदिवाकरौ ॥ 130 ॥

यावत्कल्पान्तको देहस्तावद्देवि गुरुं स्मरेत् ।

गुरुलोपो न कर्तव्यः स्वच्छन्दो यदि वा भवेत् ॥ 131 ॥

हुङ्कारेण न वक्तव्यं प्राज्ञशिष्यैः कदाचन ।

गुरोरग्र न वक्तव्यमसत्यं तु कदाचन ॥ 132 ॥

गुरुं त्वङ्कृत्य हुङ्कृत्य गुरुसान्निध्यभाषणः ।

अरण्ये निर्जले देशे सम्भवेद् ब्रह्मराक्षसः ॥ 133 ॥

अद्वैतं भावयेन्नित्यं सर्वावस्थासु सर्वदा ।

कदाचिदपि नो कुर्यादद्वैतं गुरुसन्निधौ ॥ 134 ॥

दृश्यविस्मृतिपर्यन्तं कुर्याद् गुरुपदार्चनम् ।

तादृशस्यैव कैवल्यं न च तद्व्यतिरेकिणः ॥ 135 ॥

अपि सम्पूर्णतत्त्वज्ञो गुरुत्यागी भवेद्यदा ।

भवत्येव हि तस्यान्तकाले विक्षेपमुत्कटम् ॥ 136 ॥

गुरुकार्यं न लङ्घेत नापृष्ट्वा कार्यमाचरेत् ।

न ह्युत्तिष्ठेद्दिशेऽनत्वा गुरुसद्भावशोभितः ॥ 137 ॥

गुरौ सति स्वयं देवि परेषां तु कदाचन ।

उपदेशं न वै कुर्यात् तथा चेद्राक्षसो भवेत् ॥ 138 ॥

न गुरोराश्रमे कुर्यात् दुष्पानं परिसर्पणम् ।

दीक्षा व्याख्या प्रभुत्वादि गुरोराज्ञां न कारयेत् ॥ 139 ॥

नोपाश्रयं च पर्यकं न च पादप्रसारणम् ।

नाङ्गभोगादिकं कुर्यान्न लीलामपरामपि ॥ 140 ॥

गुरूणां सदसद्वाऽपि यदुक्तं तन्न लङ्घयेत् ।

कुर्वन्नाज्ञां दिवा रात्रौ दासवन्निवसेद्गुरो ॥ 141 ॥

अदत्तं न गुरोर्द्रव्यमुपभुञ्जीत कर्हिचित् ।

दत्ते च रङ्कवद्ग्राह्यं प्राणोऽप्येतेन लभ्यते ॥ 142 ॥

पादुकासनशय्यादि गुरुणा यदभीष्टितम् ।

नमस्कुर्वीत तत्सर्वं पादाभ्यां न स्पृशेत् क्वचित् ॥ 143 ॥

गच्छतः पृष्ठतो गच्छेत् गुरुच्छायां न लङ्घयेत् ।

नोल्बणं धारयेद्वेषं नालङ्कारांस्ततोल्बणान् ॥ 144 ॥

गुरुनिन्दाकरं दृष्ट्वा धावयेदथ वासयेत् ।

स्थानं वा तत्परित्याज्यं जिह्वाच्छेदाक्षमो यदि ॥ 145 ॥

नोच्छिष्टं कस्यचिद्देयं गुरोराज्ञां न च त्यजेत् ।

कृत्स्नमुच्छिष्टमादाय हविरिव भक्षयेत्स्वयम् ॥ 146 ॥

नाऽनृतं नाऽप्रियं चैव न गर्वं नाऽपि वा बहु ।

न नियोगपरं ब्रूयात् गुरोराज्ञां विभावयेत् ॥ 147 ॥

प्रभो देवकुलेशानां स्वामिन् राजन् कुलेश्वर ।

इति सम्बोधनैर्भीतो गुरुभावेन सर्वदा ॥ 148 ॥

मुनिभिः पन्नगैर्वापि सुरैर्वा शापितो यदि ।

कालमृत्युभयाद्वापि गुरुः सन्त्राति पार्वति ॥ 149 ॥

अशक्ता हि सुराद्याश्च ह्यशक्ताः मुनयस्तथा ।

गुरुशापोपपन्नस्य रक्षणाय च कुत्रचित् ॥ 150 ॥

मन्त्रराजमिदं देवि गुरुरित्यक्षरद्वयम् ।

स्मृतिवेदपुराणानां सारमेव न संशयः ॥ 151 ॥

सत्कारमानपूजार्थं दण्डकाषयधारणः ।

स सन्न्यासी न वक्तव्यः सन्न्यासी ज्ञानतत्परः ॥ 152 ॥

विजानन्ति महावाक्यं गुरोश्चरण सेवया ।

ते वै सन्न्यासिनः प्रोक्ता इतरे वेषधारिणः ॥ 153 ॥

[पाठभेदः –

नित्यं ब्रह्म निराकारं निर्गुणं बोधयेत्परम् ।

भासयन् ब्रह्मभावं च दीपो दीपान्तरं यथा ॥

]

नित्यं ब्रह्म निराकारं निर्गुणं सत्यचिद्धनम् ।

यः साक्षात्कुरुते लोके गुरुत्वं तस्य शोभते ॥ 154 ॥

गुरुप्रसादतः स्वात्मन्यात्मारामनिरीक्षणात् ।

समता मुक्तिमार्गेण स्वात्मज्ञानं प्रवर्तते ॥ 155 ॥

आब्रह्मस्तम्बपर्यन्तं परमात्मस्वरूपकम् ।

स्थावरं जङ्गमं चैव प्रणमामि जगन्मयम् ॥ 156 ॥

वन्देऽहं सच्चिदानन्दं भावातीतं जगद्गुरुम् ।

नित्यं पूर्णं निराकारं निर्गुणं स्वात्मसंस्थितम् ॥ 157 ॥

परात्परतरं ध्यायेन्नित्यमानन्दकारकम् ।

हृदयाकाशमध्यस्थं शुद्धस्फटिकसन्निभम् ॥ 158 ॥

स्फाटिके स्फाटिकं रूपं दर्पणे दर्पणो यथा ।

तथाऽऽत्मनि चिदाकारमानन्दं सोऽहमित्युत ॥ 159 ॥

अङ्गुष्ठमात्रं पुरुषं ध्यायेच्च चिन्मयं हृदि ।

तत्र स्फुरति यो भावः शृणु तत्कथयामि ते ॥ 160 ॥

अजोऽहममरोऽहं च अनादिनिधनो ह्यहम् ।

अविकारश्चिदानन्दो ह्यणीयान्महतो महान् ॥ 161 ॥

अपूर्वमपरं नित्यं स्वयञ्ज्योतिर्निरामयम् ।

विरजं परमाकाशं ध्रुवमानन्दमव्ययम् ॥ 162 ॥

अगोचरं तथाऽगम्यं नामरूपविवर्जितम् ।

निश्शब्दं तु विजानीयात्स्वभावाद्ब्रह्म पार्वति ॥ 163 ॥

यथा गन्धस्वभावत्वं कर्पूरकुसुमादिषु ।

शीतोष्णत्वस्वभावत्वं तथा ब्रह्मणि शाश्वतम् ॥ 164 ॥

यथा निजस्वभावेन कुण्डले कटकादयः ।

सुवर्णत्वेन तिष्ठन्ति तथाऽहं ब्रह्म शाश्वतम् ॥ 165 ॥

स्वयं तथाविधो भूत्वा स्थातव्यं यत्र कुत्र चित् ।

कीटो भृङ्ग इव ध्यानाद्यथा भवति तादृशः ॥ 166 ॥

गुरुध्यानं तथा कृत्वा स्वयं ब्रह्ममयो भवेत् ।

पिण्डे पदे तथा रूपे मुक्तास्ते नात्र संशयः ॥ 167 ॥

श्रीपार्वती उवाच ।

पिण्डं किं तु महादेव पदं किं समुदाहृतम् ।

रूपातीतं च रूपं किं एतदाख्याहि शङ्कर ॥ 168 ॥

श्रीमहादेव उवाच ।

पिण्डं कुण्डलिनी शक्तिः पदं हंसमुदाहृतम् ।

रूपं बिन्दुरिति ज्ञेयं रूपातीतं निरञ्जनम् ॥ 169 ॥

पिण्डे मुक्ताः पदे मुक्ता रूपे मुक्ता वरानने ।

रूपातीते तु ये मुक्तास्ते मुक्ता नाऽत्र संशयः ॥ 170 ॥

गुरुर्ध्यानेनैव नित्यं देही ब्रह्ममयो भवेत् ।

स्थितश्च यत्र कुत्राऽपि मुक्तोऽसौ नाऽत्र संशयः ॥ 171 ॥

ज्ञानं वैराग्यमैश्वर्यं यशश्रीः स्वमुदाहृतम् ।

षड्गुणैश्वर्ययुक्तो हि भगवान् श्रीगुरुः प्रिये ॥ 172 ॥

गुरुश्शिवो गुरुर्देवो गुरुर्बन्धुः शरीरिणाम् ।

गुरुरात्मा गुरुर्जीवो गुरोरन्यन्न विद्यते ॥ 173 ॥

एकाकी निस्स्पृहः शान्तश्चिन्ताऽसूयादिवर्जितः ।

बाल्यभावेन यो भाति ब्रह्मज्ञानी स उच्यते ॥ 174 ॥

न सुखं वेदशास्त्रेषु न सुखं मन्त्रयन्त्रके ।

गुरोः प्रसादादन्यत्र सुखं नास्ति महीतले ॥ 175 ॥

चार्वाकवैष्णवमते सुखं प्राभाकरे न हि ।

गुरोः पादान्तिके यद्वत्सुखं वेदान्तसम्मतम् ॥ 176 ॥

न तत्सुखं सुरेन्द्रस्य न सुखं चक्रवर्तिनाम् ।

यत्सुखं वीतरागस्य मुनेरेकान्तवासिनः ॥ 177 ॥

नित्यं ब्रह्मरसं पीत्वा तृप्तो यः परमात्मनि ।

इन्द्रं च मन्यते तुच्छं नृपाणां तत्र का कथा ॥ 178 ॥

यतः परमकैवल्यं गुरुमार्गेण वै भवेत् ।

गुरुभक्तिरतः कार्या सर्वदा मोक्षकाङ्क्षिभिः ॥ 179 ॥

एक एवाऽद्वितीयोऽहं गुरुवाक्येन निश्चितः ।

एवमभ्यस्यता नित्यं न सेव्यं वै वनान्तरम् ॥ 180 ॥

अभ्यासान्निमिषेणैव समाधिमधिगच्छति ।

आजन्मजनितं पापं तत्क्षणादेव नश्यति ॥ 181 ॥

किमावाहनमव्यक्ते व्यापके किं विसर्जनम् ।

अमूर्ते च कथं पूजा कथं ध्यानं निरामये ॥ 182 ॥

गुरुर्विष्णुः सत्त्वमयो राजसश्चतुराननः ।

तामसो रुद्ररूपेण सृजत्यवति हन्ति च ॥ 183 ॥

स्वयं ब्रह्ममयो भूत्वा तत्परं चावलोकयेत् ।

परात्परतरं नान्यत् सर्वगं तन्निरामयम् ॥ 184 ॥

तस्यावलोकनं प्राप्य सर्वसङ्गविवर्जितः ।

एकाकी निस्स्पृहः शान्तः स्थातव्यं तत्प्रसादतः ॥ 185 ॥

लब्धं वाऽथ न लब्धं वा स्वल्पं वा बहुलं तथा ।

निष्कामेनैव भोक्तव्यं सदा सन्तुष्टमानसः ॥ 186 ॥

सर्वज्ञपदमित्याहुर्देही सर्वमयो भुवि ।

सदाऽऽनन्दः सदा शान्तो रमते यत्र कुत्र चित् ॥ 187 ॥

यत्रैव तिष्ठते सोऽपि स देशः पुण्यभाजनः ।

मुक्तस्य लक्षणं देवि तवाऽग्रे कथितं मया ॥ 188 ॥

उपदेशस्त्वयं देवि गुरुमार्गेण मुक्तिदः ।

गुरुभक्तिः तथाऽत्यन्ता कर्तव्या वै मनीषिभिः ॥ 189 ॥

नित्ययुक्ताश्रयः सर्ववेदकृत्सर्ववेदकृत् ।

स्वपरज्ञानदाता च तं वन्दे गुरुमीश्वरम् ॥ 190 ॥

यद्यप्यधीता निगमाः षडङ्गा आगमाः प्रिये ।

अध्यात्मादीनि शास्त्राणि ज्ञानं नास्ति गुरुं विना ॥ 191 ॥

शिवपूजारतो वाऽपि विष्णुपूजारतोऽथवा ।

गुरुतत्त्वविहीनश्चेत्तत्सर्वं व्यर्थमेव हि ॥ 192 ॥

शिवस्वरूपमज्ञात्वा शिवपूजा कृता यदि ।

सा पूजा नाममात्रं स्याच्चित्रदीप इव प्रिये ॥ 193 ॥

सर्वं स्यात्सफलं कर्म गुरुदीक्षाप्रभावतः ।

गुरुलाभात्सर्वलाभो गुरुहीनस्तु बालिशः ॥ 194 ॥

गुरुहीनः पशुः कीटः पतङ्गो वक्तुमर्हति ।

शिवरूपं स्वरूपं च न जानाति यतस्स्वयम् ॥ 195 ॥

तस्मात्सर्वप्रयत्नेन सर्वसङ्गविवर्जितः ।

विहाय शास्त्रजालानि गुरुमेव समाश्रयेत् ॥ 196 ॥

निरस्तसर्वसन्देहो एकीकृत्य सुदर्शनम् ।

रहस्यं यो दर्शयति भजामि गुरुमीश्वरम् ॥ 197 ॥

ज्ञानहीनो गुरुस्त्याज्यो मिथ्यावादी विडम्बकः ।

स्वविश्रान्तिं न जानाति परशान्तिं करोति किम् ॥ 198 ॥

शिलायाः किं परं ज्ञानं शिलासङ्घप्रतारणे ।

स्वयं तर्तुं न जानाति परं निस्तारयेत् कथम् ॥ 199 ॥

न वन्दनीयास्ते कष्टं दर्शनाद्भ्रान्तिकारकाः ।

वर्जयेत्तान् गुरून् दूरे धीरस्य तु समाश्रयेत् ॥ 200 ॥

पाषण्डिनः पापरताः नास्तिका भेदबुद्धयः ।

स्त्रीलम्पटा दुराचाराः कृतघ्ना बकवृत्तयः ॥ 201 ॥

कर्मभ्रष्टाः क्षमानष्टा निन्द्यतर्कैश्च वादिनः ।

कामिनः क्रोधिनश्चैव हिंस्राश्चण्डाः शठास्तथा ॥ 202 ॥

ज्ञानलुप्ता न कर्तव्या महापापास्तथा प्रिये ।

एभ्यो भिन्नो गुरुः सेव्यः एकभक्त्या विचार्य च ॥ 203 ॥

शिष्यादन्यत्र देवेशि न वदेद्यस्य कस्यचित् ।

नराणां च फलप्राप्तौ भक्तिरेव हि कारणम् ॥ 204 ॥

गूढो दृढश्च प्रीतश्च मौनेन सुसमाहितः ।

सकृत्कामगतो वाऽपि पञ्चधा गुरुरीरितः ॥ 205 ॥

सर्वं गुरुमुखाल्लब्धं सफलं पापनाशनम् ।

यद्यदात्महितं वस्तु तत्तद्द्रव्यं न वञ्चयेत् ॥ 206 ॥

गुरुदेवार्पणं वस्तु तेन तुष्टोऽस्मि सुव्रते ।

श्रीगुरोः पादुकां मुद्रां मूलमन्त्रं च गोपयेत् ॥ 207 ॥

नताऽस्मि ते नाथ पदारविन्दं

बुद्धीन्द्रियप्राणमनोवचोभिः ।

यच्चिन्त्यते भावित आत्मयुक्तौ

मुमुक्षिभिः कर्ममयोपशान्तये ॥ 208 ॥

अनेन यद्भवेत्कार्यं तद्वदामि तव प्रिये ।

लोकोपकारकं देवि लौकिकं तु विवर्जयेत् ॥ 209 ॥

लौकिकाद्धर्मतो याति ज्ञानहीनो भवार्णवे ।

ज्ञानभावे च यत्सर्वं कर्म निष्कर्म शाम्यति ॥ 210 ॥

इमां तु भक्तिभावेन पठेद्वै शृणुयादपि ।

लिखित्वा यत्प्रदानेन तत्सर्वं फलमश्नुते ॥ 211 ॥

गुरुगीतामिमां देवि हृदि नित्यं विभावय ।

महाव्याधिगतैर्दुःखैः सर्वदा प्रजपेन्मुदा ॥ 212 ॥

गुरुगीताक्षरैकैकं मन्त्रराजमिदं प्रिये ।

अन्ये च विविधाः मन्त्राः कलां नार्हन्ति षोडशीम् ॥ 213 ॥

अनन्त फलमाप्नोति गुरुगीता जपेन तु ।

सर्वपापहरा देवि सर्वदारिद्र्यनाशिनी ॥ 214 ॥

अकालमृत्युहरा चैव सर्वसङ्कटनाशिनी ।

यक्षराक्षसभूतादिचोरव्याघ्रविघातिनी ॥ 215 ॥

सर्वोपद्रवकुष्ठादिदुष्टदोषनिवारिणी ।

यत्फलं गुरुसान्निध्यात्तत्फलं पठनाद्भवेत् ॥ 216 ॥

महाव्याधिहरा सर्वविभूतेः सिद्धिदा भवेत् ।

अथवा मोहने वश्ये स्वयमेव जपेत्सदा ॥ 217 ॥

कुशदूर्वासने देवि ह्यासने शुभ्रकम्बले ।

उपविश्य ततो देवि जपेदेकाग्रमानसः ॥ 218 ॥

शुक्लं सर्वत्र वै प्रोक्तं वश्ये रक्तासनं प्रिये ।

पद्मासने जपेन्नित्यं शान्तिवश्यकरं परम् ॥ 219 ॥

वस्त्रासने च दारिद्र्यं पाषाणे रोगसम्भवः ।

मेदिन्यां दुःखमाप्नोति काष्ठे भवति निष्फलम् ॥ 220 ॥

कृष्णाजिने ज्ञानसिद्धिः मोक्षश्रीर्व्याघ्रचर्मणि ।

कुशासने ज्ञानसिद्धिः सर्वसिद्धिस्तु कम्बले ॥ 221 ॥

आग्नेय्यां कर्षणं चैव वायव्यां शत्रुनाशनम् ।

नैरृत्यां दर्शनं चैव ईशान्यां ज्ञानमेव च ॥ 222 ॥

उदङ्मुखः शान्तिजाप्ये वश्ये पूर्वमुखस्तथा ।

याम्ये तु मारणं प्रोक्तं पश्चिमे च धनागमः ॥ 223 ॥

मोहनं सर्वभूतानां बन्धमोक्षकरं परम् ।

देवराजप्रियकरं राजानं वशमानयेत् ॥ 224 ॥

मुखस्तम्भकरं चैव गुणानां च विवर्धनम् ।

दुष्कर्मनाशनं चैव तथा सत्कर्मसिद्धिदम् ॥ 225 ॥

असिद्धं साधयेत्कार्यं नवग्रहभयापहम् ।

दुःस्वप्ननाशनं चैव सुस्वप्नफलदायकम् ॥ 226 ॥

मोहशान्तिकरं चैव बन्धमोक्षकरं परम् ।

स्वरूपज्ञाननिलयं गीताशास्त्रमिदं शिवे ॥ 227 ॥

यं यं चिन्तयते कामं तं तं प्राप्नोति निश्चयम् ।

नित्यं सौभाग्यदं पुण्यं तापत्रयकुलापहम् ॥ 228 ॥

सर्वशान्तिकरं नित्यं तथा वन्ध्या सुपुत्रदम् ।

अवैधव्यकरं स्त्रीणां सौभाग्यस्य विवर्धनम् ॥ 229 ॥

आयुरारोग्यमैश्वर्यं पुत्रपौत्रविवर्धनम् ।

निष्कामजापी विधवा पठेन्मोक्षमवाप्नुयात् ॥ 230 ॥

अवैधव्यं सकामा तु लभते चान्यजन्मनि ।

सर्वदुःखमयं विघ्नं नाशयेत्तापहारकम् ॥ 231 ॥

सर्वपापप्रशमनं धर्मकामार्थमोक्षदम् ।

यं यं चिन्तयते कामं तं तं प्राप्नोति निश्चितम् ॥ 232 ॥

काम्यानां कामधेनुर्वै कल्पते कल्पपादपः ।

चिन्तामणिश्चिन्तितस्य सर्वमङ्गलकारकम् ॥ 233 ॥

लिखित्वा पूजयेद्यस्तु मोक्षश्रियमवाप्नुयात् ।

गुरूभक्तिर्विशेषेण जायते हृदि सर्वदा ॥ 234 ॥

जपन्ति शाक्ताः सौराश्च गाणपत्याश्च वैष्णवाः ।

शैवाः पाशुपताः सर्वे सत्यं सत्यं न संशयः ॥ 235 ॥

इति श्रीस्कन्दपुराणे उत्तरखण्डे उमामहेश्वर संवादे

श्री गुरुगीतायां द्वितीयोऽध्यायः ॥