අථ නාරායන හෘදය ස්තෝත්රම්
අස්ය ශ්රීනාරායණහෘදයස්තෝත්රමන්ත්රස්ය භාර්ගව ඍෂිඃ, අනුෂ්ටුප්ඡන්දඃ, ශ්රීලක්ෂ්මීනාරායණෝ දේවතා, ඕං බීජං, නමශ්ශක්තිඃ, නාරායණායේති කීලකං, ශ්රීලක්ෂ්මීනාරායණ ප්රීත්යර්ථේ ජපේ විනියෝගඃ .
කරන්යාසඃ .
ඕං නාරායණඃ පරං ජ්යෝතිරිති අඞ්ගුෂ්ඨාභ්යාං නමඃ .
නාරායණඃ පරං බ්රහ්මේති තර්ජනීභ්යාං නමඃ .
නාරායණඃ පරෝ දේව ඉති මධ්යමාභ්යාං නමඃ .
නාරායණඃ පරං ධාමේති අනාමිකාභ්යාං නමඃ .
නාරායණඃ පරෝ ධර්ම ඉති කනිෂ්ඨිකාභ්යාං නමඃ .
විශ්වං නාරායණ ඉති කරතලකරපෘෂ්ඨාභ්යාං නමඃ .
අඞ්ගන්යාසඃ .
නාරායණඃ පරං ජ්යෝතිරිති හෘදයාය නමඃ .
නාරායණඃ පරං බ්රහ්මේති ශිරසේ ස්වාහා .
නාරායණඃ පරෝ දේව ඉති ශිඛායෛ වෞෂට් .
නාරායණඃ පරං ධාමේති කවචාය හුම් .
නාරායණඃ පරෝ ධර්ම ඉති නේත්රාභ්යාං වෞෂට් .
විශ්වං නාරායණ ඉති අස්ත්රාය ඵට් .
දිග්බන්ධඃ .
ඕං ඓන්ද්ර්යාදිදශදිශං ඕං නමඃ සුදර්ශනාය සහස්රාරාය හුං ඵට් බධ්නාමි නමශ්චක්රාය ස්වාහා . ඉති ප්රතිදිශං යෝජ්යම් .
අථ ධ්යානම් .
උද්යාදාදිත්යසඞ්කාශං පීතවාසං චතුර්භුජම් .
ශඞ්ඛචක්රගදාපාණිං ධ්යායේල්ලක්ෂ්මීපතිං හරිම් .. 1 ..
ත්රෛලෝක්යාධාරචක්රං තදුපරි කමඨං තත්ර චානන්තභෝගී
තන්මධ්යේ භූමිපද්මාඞ්කුශශිඛරදලං කර්ණිකාභූතමේරුම් .
තත්රස්ථං ශාන්තමූර්තිං මණිමයමකුටං කුණ්ඩලෝද්භාසිතාඞ්ගං
ලක්ෂ්මීනාරායණාඛ්යං සරසිජනයනං සන්තතං චින්තයාමි .. 2 ..
අථ මූලාෂ්ටකම් .
ඕම් .. නාරායණඃ පරං ජ්යෝතිරාත්මා නාරායණඃ පරඃ .
නාරායණඃ පරං බ්රහ්ම නාරායණ නමෝ(අ)ස්තු තේ .. 1 ..
නාරායණඃ පරෝ දේවෝ ධාතා නාරායණඃ පරඃ .
නාරායණඃ පරෝ ධාතා නාරායණ නමෝ(අ)ස්තු තේ .. 2 ..
නාරායණඃ පරං ධාම ධ්යානං නාරායණඃ පරඃ .
නාරායණ පරෝ ධර්මෝ නාරායණ නමෝ(අ)ස්තු තේ .. 3 ..
නාරායණඃ පරෝවේද්යඃ විද්යා නාරායණඃ පරඃ .
විශ්වං නාරායණඃ සාක්ෂාන්නාරායණ නමෝ(අ)ස්තු තේ .. 4 ..
නාරායණාද්විධිර්ජාතෝ ජාතෝ නාරායණාද්භවඃ .
ජාතෝ නාරායණාදින්ද්රෝ නාරායණ නමෝ(අ)ස්තු තේ .. 5 ..
රවිර්නාරායණස්තේජඃ චන්ද්රෝ නාරායණෝ මහඃ .
වහ්නිර්නාරායණඃ සාක්ෂාන්නාරායණ නමෝ(අ)ස්තු තේ .. 6 ..
නාරායණ උපාස්යඃ ස්යාද්ගුරුර්නාරායණඃ පරඃ .
නාරායණඃ පරෝ බෝධෝ නාරායණ නමෝ(අ)ස්තු තේ .. 7 ..
නාරායණඃ ඵලං මුඛ්යං සිද්ධිර්නාරායණඃ සුඛම් .
සේව්යෝනාරායණඃ ශුද්ධෝ නාරායණ නමෝ(අ)ස්තු තේ .. 8 .. [හරි]
අථ ප්රාර්ථනාදශකම් .
නාරායණ ත්වමේවාසි දහරාඛ්යේ හෘදි ස්ථිතඃ .
ප්රේරකඃ ප්රේර්යමාණානාං ත්වයා ප්රේරිතමානසඃ .. 9 ..
ත්වදාජ්ඤාං ශිරසා ධෘත්වා ජපාමි ජනපාවනම් .
නානෝපාසනමාර්ගාණාං භවකෘද්භාවබෝධකඃ .. 10 ..
භාවාර්ථකෘද්භවාතීතෝ භව සෞඛ්යප්රදෝ මම .
ත්වන්මායාමෝහිතං විශ්වං ත්වයෛව පරිකල්පිතම් .. 11 ..
ත්වදධිෂ්ඨානමාත්රේණ සා වෛ සර්වාර්ථකාරිණී .
ත්වමේතාං ච පුරස්කෘත්ය සර්වකාමාන්ප්රදර්ශය .. 12 ..
න මේ ත්වදන්යස්ත්රාතාස්ති ත්වදන්යන්න හි දෛවතම් .
ත්වදන්යං න හි ජානාමි පාලකං පුණ්යවර්ධනම් .. 13 ..
යාවත්සාංසාරිකෝ භාවෝ මනස්ස්ථෝ භාවනාත්මකඃ .
තාවත්සිද්ධිර්භවේත්සාධ්යා සර්වථා සර්වදා විභෝ .. 14 ..
පාපිනාමහමේවාග්ර්යෝ දයාලූනාං ත්වමග්රණීඃ .
දයනීයෝ මදන්යෝ(අ)ස්ති තව කෝ(අ)ත්ර ජගත්ත්රයේ .. 15 ..
ත්වයාහං නෛව සෘෂ්ටශ්චේන්න ස්යාත්තව දයාලුතා .
ආමයෝ වා න සෘෂ්ටශ්චේදෞෂධස්ය වෘථෝදයඃ .. 16 ..
පාපසඞ්ඝපරිශ්රාන්තඃ පාපාත්මා පාපරූපධෘත් .
ත්වදන්යඃ කෝ(අ)ත්ර පාපේභ්යස්ත්රාතාස්ති ජගතීතලේ .. 17 ..
ත්වමේව මාතා ච පිතා ත්වමේව
ත්වමේව බන්ධුශ්ච සඛා ත්වමේව .
ත්වමේව සේව්යශ්ච ගුරුස්ත්වමේව
ත්වමේව සර්වං මම දේව දේව .. 18 ..
ප්රාර්ථනාදශකං චෛව මූලාෂ්ටකමතඃ පරම් .
යඃ පඨේච්ඡෘණුයාන්නිත්යං තස්ය ලක්ෂ්මීඃ ස්ථිරා භවේත් .. 19 ..
නාරායණස්ය හෘදයං සර්වාභීෂ්ටඵලප්රදම් .
ලක්ෂ්මීහෘදයකං ස්තෝත්රං යදි චේත්තද්විනාකෘතම් .. 20 ..
තත්සර්වං නිෂ්ඵලං ප්රෝක්තං ලක්ෂ්මීඃ ක්රුද්ධ්යති සර්වදා .
ඒතත්සඞ්කලිතං ස්තෝත්රං සර්වකාමඵලප්රදම් .. 21 ..
ලක්ෂ්මීහෘදයකං චෛව තථා නාරායණාත්මකම් .
ජපේද්යඃ සඞ්කලීකෘත්ය සර්වාභීෂ්ටමවාප්නුයාත් .. 22 ..
නාරායණස්ය හෘදයමාදෞ ජප්ත්වා තතඃ පරම් .
ලක්ෂ්මීහෘදයකං ස්තෝත්රං ජපේන්නාරායණං පුනඃ .. 23 ..
පුනර්නාරායණං ජප්ත්වා පුනර්ලක්ෂ්මීනුතිං ජපේත් .
පුනර්නාරායණං ජාප්යං සඞ්කලීකරණං භවේත් .. 24 ..
ඒවං මධ්යේ ද්විවාරේණ ජපේත්සඞ්කලිතං තු තත් .
ලක්ෂ්මීහෘදයකං ස්තෝත්රං සර්වකාමප්රකාශිතම් .. 25 ..
තද්වජ්ජපාදිකං කුර්යාදේතත්සඞ්කලිතං ශුභම් .
සර්වාන්කාමානවාප්නෝති ආධිව්යාධිභයං හරේත් .. 26 ..
ගෝප්යමේතත්සදා කුර්යාන්න සර්වත්ර ප්රකාශයේත් .
ඉති ගුහ්යතමං ශාස්ත්රං ප්රාප්තං බ්රහ්මාදිකෛඃ පුරා .. 27 ..
තස්මාත්සර්වප්රයත්නේන ගෝපයේත්සාධයේසුධීඃ .
යත්රෛතත්පුස්තකං තිෂ්ඨේල්ලක්ෂ්මීනාරායණාත්මකම් .. 28 ..
භූතපෛශාචවේතාල භයං නෛව තු සර්වදා .
ලක්ෂ්මීහෘදයකං ප්රෝක්තං විධිනා සාධයේත්සුධීඃ .. 29 ..
භෘගුවාරේ ච රාත්රෞ ච පූජයේත්පුස්තකද්වයම් .
සර්වථා සර්වදා සත්යං ගෝපයේත්සාධයේත්සුධීඃ .
ගෝපනාත්සාධනාල්ලෝකේ ධන්යෝ භවති තත්ත්වතඃ .. 30 ..
ඉත්යථර්වරහස්යේ උත්තරභාගේ නාරායණහෘදයං සම්පූර්ණම් .
අථ ලක්ෂ්මී හෘදය ස්තෝත්රම්
අස්ය ශ්රී මහාලක්ෂ්මීහෘදයස්තෝත්ර මහාමන්ත්රස්ය භාර්ගව ඍෂිඃ, අනුෂ්ටුපාදීනි නානාඡන්දාංසි, ආද්යාදි ශ්රීමහාලක්ෂ්මීර්දේවතා, ශ්රීං බීජං, හ්රීං ශක්තිඃ, ඓං කීලකං, ආද්යාදිමහාලක්ෂ්මී ප්රසාදසිද්ධ්යර්ථං ජපේ විනියෝගඃ ..
ඍෂ්යාදින්යාසඃ –
ඕං භාර්ගවෘෂයේ නමඃ ශිරසි .
ඕං අනුෂ්ටුපාදිනානාඡන්දෝභ්යෝ නමෝ මුඛේ .
ඕං ආද්යාදිශ්රීමහාලක්ෂ්මී දේවතායෛ නමෝ හෘදයේ .
ඕං ශ්රීං බීජාය නමෝ ගුහ්යේ .
ඕං හ්රීං ශක්තයේ නමඃ පාදයෝඃ .
ඕං ඓං කීලකාය නමෝ නාභෞ .
ඕං විනියෝගාය නමඃ සර්වාඞ්ගේ .
කරන්යාසඃ –
ඕං ශ්රීං අඞ්ගුෂ්ඨාභ්යාං නමඃ .
ඕං හ්රීං තර්ජනීභ්යාං නමඃ .
ඕං ඓං මධ්යමාභ්යාං නමඃ .
ඕං ශ්රීං අනාමිකාභ්යාං නමඃ .
ඕං හ්රීං කනිෂ්ඨිකාභ්යාං නමඃ .
ඕං ඓං කරතල කරපෘෂ්ඨාභ්යාං නමඃ .
අඞ්ගන්යාසඃ –
ඕං ශ්රීං හෘදයාය නමඃ .
ඕං හ්රීං ශිරසේ ස්වාහා .
ඕං ඓං ශිඛායෛ වෂට් .
ඕං ශ්රීං කවචාය හුම් .
ඕං හ්රීං නේත්රත්රයාය වෞෂට් .
ඕං ඓං අස්ත්රාය ඵට් .
ඕං ශ්රීං හ්රීං ඓං ඉති දිග්බන්ධඃ .
අථ ධ්යානම් .
හස්තද්වයේන කමලේ ධාරයන්තීං ස්වලීලයා .
හාරනූපුරසංයුක්තාං ලක්ෂ්මීං දේවීං විචින්තයේ ..
කෞශේයපීතවසනාමරවින්දනේත්රාං
පද්මද්වයාභයවරෝද්යතපද්මහස්තාම් .
උද්යච්ඡතාර්කසදෘශීං පරමාඞ්කසංස්ථාං
ධ්යායේද්විධීශනතපාදයුගාං ජනිත්රීම් ..
පීතවස්ත්රාං සුවර්ණාඞ්ගීං පද්මහස්තද්වායාන්විතාම් .
ලක්ෂ්මීං ධ්යාත්වේති මන්ත්රේණ ස භවේත්පෘථිවීපතිඃ ..
මාතුලුඞ්ගං ගදාං ඛේටං පාණෞ පාත්රං ච බිභ්රතී .
නාගං ලිඞ්ගං ච යෝනිං ච බිභ්රතීං චෛව මූර්ධනි ..
[ ඉති ධ්යාත්වා මානසෝපචාරෛඃ සම්පූජ්ය .
ශඞ්ඛචක්රගදාහස්තේ ශුභ්රවර්ණේ සුවාසිනී .
මම දේහි වරං ලක්ෂ්මීඃ සර්වසිද්ධිප්රදායිනී .
ඉති සම්ප්රාර්ථ්ය ඕං ශ්රීං හ්රීං ඓං මහාලක්ෂ්ම්යෛ කමලධාරිණ්යෛ සිංහවාහින්යෛ ස්වාහා ඉති මන්ත්රං ජප්ත්වා පුනඃ පූර්වවද්ධෘදයාදි ෂඩඞ්ගන්යාසං කෘත්වා ස්තෝත්රං පඨේත් . ]
ස්තෝත්රම් .
වන්දේ ලක්ෂ්මීං පරමශිවමයීං ශුද්ධජාම්බූනදාභාං
තේජෝරූපාං කනකවසනාං සර්වභූෂෝජ්ජ්වලාඞ්ගීම් .
බීජාපූරං කනකකලශං හේමපද්මං දධානා-
-මාද්යාං ශක්තිං සකලජනනීං විෂ්ණුවාමාඞ්කසංස්ථාම් .. 1 ..
ශ්රීමත්සෞභාග්යජනනීං ස්තෞමි ලක්ෂ්මීං සනාතනීම් .
සර්වකාමඵලාවාප්තිසාධනෛකසුඛාවහාම් .. 2 ..
ස්මරාමි නිත්යං දේවේශි ත්වයා ප්රේරිතමානසඃ .
ත්වදාජ්ඤාං ශිරසා ධෘත්වා භජාමි පරමේශ්වරීම් .. 3 ..
සමස්තසම්පත්සුඛදාං මහාශ්රියං
සමස්තසෞභාග්යකරීං මහාශ්රියම් .
සමස්තකල්යාණකරීං මහාශ්රියං
භජාම්යහං ජ්ඤානකරීං මහාශ්රියම් .. 4 ..
විජ්ඤානසම්පත්සුඛදාං සනාතනීං
විචිත්රවාග්භූතිකරීං මනෝහරාම් .
අනන්තසම්මෝදසුඛප්රදායිනීං
නමාම්යහං භූතිකරීං හරිප්රියාම් .. 5 ..
සමස්තභූතාන්තරසංස්ථිතා ත්වං
සමස්තභෝක්ත්රීශ්වරි විශ්වරූපේ .
තන්නාස්ති යත්ත්වද්ව්යතිරික්තවස්තු
ත්වත්පාදපද්මං ප්රණමාම්යහං ශ්රීඃ .. 6 ..
දාරිද්ර්ය දුඃඛෞඝතමෝපහන්ත්රී
ත්වත්පාදපද්මං මයි සන්නිධත්ස්ව .
දීනාර්තිවිච්ඡේදනහේතුභූතෛඃ
කෘපාකටාක්ෂෛරභිෂිඤ්ච මාං ශ්රීඃ .. 7 ..
අම්බ ප්රසීද කරුණාසුධයාර්ද්රදෘෂ්ට්යා
මාං ත්වත්කෘපාද්රවිණගේහමිමං කුරුෂ්ව .
ආලෝකය ප්රණතහෘද්ගතශෝකහන්ත්රී
ත්වත්පාදපද්මයුගලං ප්රණමාම්යහං ශ්රීඃ .. 8 ..
ශාන්ත්යෛ නමෝ(අ)ස්තු ශරණාගතරක්ෂණායෛ
කාන්ත්යෛ නමෝ(අ)ස්තු කමනීයගුණාශ්රයායෛ .
ක්ෂාන්ත්යෛ නමෝ(අ)ස්තු දුරිතක්ෂයකාරණායෛ
දාත්ර්යෛ නමෝ(අ)ස්තු ධනධාන්යසමෘද්ධිදායෛ .. 9 ..
ශක්ත්යෛ නමෝ(අ)ස්තු ශශිශේඛරසංස්තුතායෛ
රත්යෛ නමෝ(අ)ස්තු රජනීකරසෝදරායෛ .
භක්ත්යෛ නමෝ(අ)ස්තු භවසාගරතාරකායෛ
මත්යෛ නමෝ(අ)ස්තු මධුසූදනවල්ලභායෛ .. 10 ..
ලක්ෂ්ම්යෛ නමෝ(අ)ස්තු ශුභලක්ෂණලක්ෂිතායෛ
සිද්ධ්යෛ නමෝ(අ)ස්තු ශිවසිද්ධසුපූජිතායෛ .
ධෘත්යෛ නමෝ(අ)ස්ත්වමිතදුර්ගතිභඤ්ජනායෛ
ගත්යෛ නමෝ(අ)ස්තු වරසද්ගතිදායිකායෛ .. 11 ..
දේව්යෛ නමෝ(අ)ස්තු දිවි දේවගණාර්චිතායෛ
භූත්යෛ නමෝ(අ)ස්තු භුවනාර්තිවිනාශනායෛ .
ධාත්ර්යෛ නමෝ(අ)ස්තු ධරණීධරවල්ලභායෛ
පුෂ්ට්යෛ නමෝ(අ)ස්තු පුරුෂෝත්තමවල්ලභායෛ .. 12 ..
සුතීව්රදාරිද්ර්යවිදුඃඛහන්ත්ර්යෛ
නමෝ(අ)ස්තු තේ සර්වභයාපහන්ත්ර්යෛ .
ශ්රීවිෂ්ණුවක්ෂඃස්ථලසංස්ථිතායෛ
නමෝ නමඃ සර්වවිභූතිදායෛ .. 13 ..
ජයතු ජයතු ලක්ෂ්මීර්ලක්ෂණාලඞ්කෘතාඞ්ගී
ජයතු ජයතු පද්මා පද්මසද්මාභිවන්ද්යා .
ජයතු ජයතු විද්යා විෂ්ණුවාමාඞ්කසංස්ථා
ජයතු ජයතු සම්යක්සර්වසම්පත්කරී ශ්රීඃ .. 14 ..
ජයතු ජයතු දේවී දේවසඞ්ඝාභිපූජ්යා
ජයතු ජයතු භද්රා භාර්ගවී භාග්යරූපා .
ජයතු ජයතු නිත්යා නිර්මලජ්ඤානවේද්යා
ජයතු ජයතු සත්යා සර්වභූතාන්තරස්ථා .. 15 ..
ජයතු ජයතු රම්යා රත්නගර්භාන්තරස්ථා
ජයතු ජයතු ශුද්ධා ශුද්ධජාම්බූනදාභා .
ජයතු ජයතු කාන්තා කාන්තිමද්භාසිතාඞ්ගී
ජයතු ජයතු ශාන්තා ශීඝ්රමාගච්ඡ සෞම්යේ .. 16 ..
යස්යාඃ කලායාඃ කමලෝද්භවාද්යා
රුද්රාශ්ච ශක්ර ප්රමුඛාශ්ච දේවාඃ .
ජීවන්ති සර්වේ(අ)පි සශක්තයස්තේ
ප්රභුත්වමාප්තාඃ පරමායුෂස්තේ .. 17 ..
ලිලේඛ නිටිලේ විධිර්මම ලිපිං විසෘජ්යාන්තරං
ත්වයා විලිඛිතව්යමේතදිති තත්ඵලප්රාප්තයේ .
තදන්තරඵලේස්ඵුටං කමලවාසිනී ශ්රීරිමාං
සමර්පය සමුද්රිකාං සකලභාග්යසංසූචිකාම් .. 18 ..
කලයා තේ යථා දේවි ජීවන්ති සචරාචරාඃ .
තථා සම්පත්කරේ ලක්ෂ්මි සර්වදා සම්ප්රසීද මේ .. 19 ..
යථා විෂ්ණුර්ධ්රුවේ නිත්යං ස්වකලාං සන්න්යවේශයත් .
තථෛව ස්වකලාං ලක්ෂ්මි මයි සම්යක් සමර්පය .. 20 ..
සර්වසෞඛ්යප්රදේ දේවි භක්තානාමභයප්රදේ .
අචලාං කුරු යත්නේන කලාං මයි නිවේශිතාම් .. 21 ..
මුදාස්තාං මත්ඵාලේ පරමපදලක්ෂ්මීඃ ස්ඵුටකලා
සදා වෛකුණ්ඨශ්රීර්නිවසතු කලා මේ නයනයෝඃ .
වසේත්සත්යේ ලෝකේ මම වචසි ලක්ෂ්මීර්වරකලා
ශ්රියඃ ශ්වේතද්වීපේ නිවසතු කලා මේ ස්වකරයෝඃ .. 22 ..
තාවන්නිත්යං මමාඞ්ගේෂු ක්ෂීරාබ්ධෞ ශ්රීකලා වසේත් .
සූර්යාචන්ද්රමසෞ යාවද්යාවල්ලක්ෂ්මීපතිඃ ශ්රියාඃ .. 23 ..
සර්වමඞ්ගලසම්පූර්ණා සර්වෛශ්වර්යසමන්විතා .
ආද්යාදි ශ්රීර්මහාලක්ෂ්මී ත්වත්කලා මයි තිෂ්ඨතු .. 24 ..
අජ්ඤානතිමිරං හන්තුං ශුද්ධජ්ඤානප්රකාශිකා .
සර්වෛශ්වර්යප්රදා මේ(අ)ස්තු ත්වත්කලා මයි සංස්ථිතා .. 25 ..
අලක්ෂ්මීං හරතු ක්ෂිප්රං තමඃ සූර්යප්රභා යථා .
විතනෝතු මම ශ්රේයස්ත්වත්කලා මයි සංස්ථිතා .. 26 ..
ඓශ්වර්යමඞ්ගලෝත්පත්තිස්ත්වත්කලායාං නිධීයතේ .
මයි තස්මාත්කෘතාර්ථෝ(අ)ස්මි පාත්රමස්මි ස්ථිතේස්තව .. 27 ..
භවදාවේශභාග්යාර්හෝ භාග්යවානස්මි භාර්ගවි .
ත්වත්ප්රසාදාත්පවිත්රෝ(අ)හං ලෝකමාතර්නමෝ(අ)ස්තු තේ .. 28 ..
පුනාසි මාං ත්වත්කලයෛව යස්මා-
-දතඃ සමාගච්ඡ මමාග්රතස්ත්වම් .
පරං පදං ශ්රීර්භව සුප්රසන්නා
මය්යච්යුතේන ප්රවිශාදිලක්ෂ්මීඃ .. 29 ..
ශ්රීවෛකුණ්ඨස්ථිතේ ලක්ෂ්මි සමාගච්ඡ මමාග්රතඃ .
නාරායණේන සහ මාං කෘපාදෘෂ්ට්යා(අ)වලෝකය .. 30 ..
සත්යලෝකස්ථිතේ ලක්ෂ්මි ත්වං මමාගච්ඡ සන්නිධිම් .
වාසුදේවේන සහිතා ප්රසීද වරදා භව .. 31 ..
ශ්වේතද්වීපස්ථිතේ ලක්ෂ්මි ශීඝ්රමාගච්ඡ සුව්රතේ .
විෂ්ණුනා සහිතේ දේවි ජගන්මාතඃ ප්රසීද මේ .. 32 ..
ක්ෂීරාම්බුධිස්ථිතේ ලක්ෂ්මි සමාගච්ඡ සමාධවා .
ත්වත්කෘපාදෘෂ්ටිසුධයා සතතං මාං විලෝකය .. 33 ..
රත්නගර්භස්ථිතේ ලක්ෂ්මි පරිපූර්ණේ හිරණ්මයේ .
සමාගච්ඡ සමාගච්ඡ ස්ථිත්වා(අ)(අ)ශු පුරතෝ මම .. 34 ..
ස්ථිරා භව මහාලක්ෂ්මි නිශ්චලා භව නිර්මලේ .
ප්රසන්නේ කමලේ දේවි ප්රසන්නහෘදයා භව .. 35 ..
ශ්රීධරේ ශ්රීමහාභූතේ ත්වදන්තඃස්ථං මහානිධිම් .
ශීඝ්රමුද්ධෘත්ය පුරතඃ ප්රදර්ශය සමර්පය .. 36 ..
වසුන්ධරේ ශ්රීවසුධේ වසුදෝග්ධ්රි කෘපාමයේ .
ත්වත්කුක්ෂිගතසර්වස්වං ශීඝ්රං මේ සම්ප්රදර්ශය .. 37 ..
විෂ්ණුප්රියේ රත්නගර්භේ සමස්තඵලදේ ශිවේ .
ත්වද්ගර්භගතහේමාදීන් සම්ප්රදර්ශය දර්ශය .. 38 ..
රසාතලගතේ ලක්ෂ්මි ශීඝ්රමාගච්ඡ මේ පුරඃ .
න ජානේ පරමං රූපං මාතර්මේ සම්ප්රදර්ශය .. 39 ..
ආවිර්භව මනෝවේගාච්ඡීඝ්රමාගච්ඡ මේ පුරඃ .
මා වත්ස භෛරිහේත්යුක්ත්වා කාමං ගෞරිව රක්ෂ මාම් .. 40 ..
දේවි ශීඝ්රං සමාගච්ඡ ධරණීගර්භසංස්ථිතේ .
මාතස්ත්වද්භෘත්යභෘත්යෝ(අ)හං මෘගයේ ත්වාං කුතූහලාත් .. 41 ..
උත්තිෂ්ඨ ජාගෘහි ත්වං මේ සමුත්තිෂ්ඨ සුජාගෘහි .
අක්ෂයාන් හේමකලශාන් සුවර්ණේන සුපූරිතාන් .. 42 ..
නික්ෂේපාන්මේ සමාකෘෂ්ය සමුද්ධෘත්ය මමාග්රතඃ .
සමුන්නතානනා භූත්වා සමාධේහි ධරාන්තරාත් .. 43 ..
මත්සන්නිධිං සමාගච්ඡ මදාහිතකෘපාරසාත් .
ප්රසීද ශ්රේයසාං දෝග්ධ්රී ලක්ෂ්මීර්මේ නයනාග්රතඃ .. 44 ..
අත්රෝපවිශ ලක්ෂ්මි ත්වං ස්ථිරා භව හිරණ්මයේ .
සුස්ථිරා භව සම්ප්රීත්යා ප්රසීද වරදා භව .. 45 ..
ආනීතාංස්තු තථා දේවි නිධීන්මේ සම්ප්රදර්ශය .
අද්ය ක්ෂණේන සහසා දත්ත්වා සංරක්ෂ මාං සදා .. 46 ..
මයි තිෂ්ඨ තථා නිත්යං යථේන්ද්රාදිෂු තිෂ්ඨසි .
අභයං කුරු මේ දේවි මහාලක්ෂ්මීර්නමෝ(අ)ස්තු තේ .. 47 ..
සමාගච්ඡ මහාලක්ෂ්මි ශුද්ධජාම්බූනදප්රභේ .
ප්රසීද පුරතඃ ස්ථිත්වා ප්රණතං මාං විලෝකය .. 48 ..
ලක්ෂ්මීර්භුවං ගතා භාසි යත්ර යත්ර හිරණ්මයී .
තත්ර තත්ර ස්ථිතා ත්වං මේ තව රූපං ප්රදර්ශය .. 49 ..
ක්රීඩන්තී බහුධා භූමෞ පරිපූර්ණකෘපාමයි .
මම මූර්ධනි තේ හස්තමවිලම්බිතමර්පය .. 50 ..
ඵලද්භාග්යෝදයේ ලක්ෂ්මි සමස්තපුරවාසිනී .
ප්රසීද මේ මහාලක්ෂ්මි පරිපූර්ණමනෝරථේ .. 51 ..
අයෝධ්යාදිෂු සර්වේෂු නගරේෂු සමාස්ථිතේ .
වෛභවෛර්විවිධෛර්යුක්තෛඃ සමාගච්ඡ මුදාන්විතේ .. 52 ..
සමාගච්ඡ සමාගච්ඡ මමාග්රේ භව සුස්ථිරා .
කරුණාරසනිෂ්යන්දනේත්රද්වය විලාසිනී .. 53 .. [නිෂ්පන්න]
සන්නිධත්ස්ව මහාලක්ෂ්මි ත්වත්පාණිං මම මස්තකේ .
කරුණාසුධයා මාං ත්වමභිෂිඤ්ච්ය ස්ථිරං කුරු .. 54 ..
සර්වරාජගෘහේ ලක්ෂ්මි සමාගච්ඡ බලාන්විතේ . [මුදාන්විතේ]
ස්ථිත්වා(අ)(අ)ශු පුරතෝ මේ(අ)ද්ය ප්රසාදේනා(අ)භයං කුරු .. 55 ..
සාදරං මස්තකේ හස්තං මම ත්වං කෘපයාර්පය .
සර්වරාජගෘහේ ලක්ෂ්මි ත්වත්කලා මයි තිෂ්ඨතු .. 56 ..
ආද්යාදි ශ්රීමහාලක්ෂ්මි විෂ්ණුවාමාඞ්කසංස්ථිතේ .
ප්රත්යක්ෂං කුරු මේ රූපං රක්ෂ මාං ශරණාගතම් .. 57 ..
ප්රසීද මේ මහාලක්ෂ්මි සුප්රසීද මහාශිවේ .
අචලා භව සම්ප්රීත්යා සුස්ථිරා භව මද්ගෘහේ .. 58 ..
යාවත්තිෂ්ඨන්ති වේදාශ්ච යාවච්චන්ද්රදිවාකරෞ .
යාවද්විෂ්ණුශ්ච යාවත්ත්වං තාවත්කුරු කෘපාං මයි .. 59 ..
චාන්ද්රීකලා යථා ශුක්ලේ වර්ධතේ සා දිනේ දිනේ .
තථා දයා තේ මය්යේව වර්ධතාමභිවර්ධතාම් .. 60 ..
යථා වෛකුණ්ඨනගරේ යථා වෛ ක්ෂීරසාගරේ .
තථා මද්භවනේ තිෂ්ඨ ස්ථිරං ශ්රීවිෂ්ණුනා සහ .. 61 ..
යෝගිනාං හෘදයේ නිත්යං යථා තිෂ්ඨසි විෂ්ණුනා .
තථා මද්භවනේ තිෂ්ඨ ස්ථිරං ශ්රීවිෂ්ණුනා සහ .. 62 ..
නාරායණස්ය හෘදයේ භවතී යථාස්තේ
නාරායණෝ(අ)පි තව හෘත්කමලේ යථාස්තේ .
නාරායණස්ත්වමපි නිත්යමුභෞ තථෛව
තෞ තිෂ්ඨතාං හෘදි මමාපි දයාන්විතෞ ශ්රීඃ .. 63 ..
විජ්ඤානවෘද්ධිං හෘදයේ කුරු ශ්රීඃ
සෞභාග්යවෘද්ධිං කුරු මේ ගෘහේ ශ්රීඃ .
දයාසුවෘද්ධිං කුරුතාං මයි ශ්රීඃ
සුවර්ණවෘද්ධිං කුරු මේ ගෘහේ ශ්රීඃ .. 64 ..
න මාං ත්යජේථාඃ ශ්රිතකල්පවල්ලි
සද්භක්තචින්තාමණිකාමධේනෝ .
විශ්වස්ය මාතර්භව සුප්රසන්නා
ගෘහේ කලත්රේෂු ච පුත්රවර්ගේ .. 65 ..
ආද්යාදිමායේ ත්වමජාණ්ඩබීජං
ත්වමේව සාකාරනිරාකෘතිස්ත්වම් .
ත්වයා ධෘතාශ්චාබ්ජභවාණ්ඩසඞ්ඝා-
-ශ්චිත්රං චරිත්රං තව දේවි විෂ්ණෝඃ .. 66 ..
බ්රහ්මරුද්රාදයෝ දේවා වේදාශ්චාපි න ශක්නුයුඃ .
මහිමානං තව ස්තෝතුං මන්දෝ(අ)හං ශක්නුයාං කථම් .. 67 ..
අම්බ ත්වද්වත්සවාක්යානි සූක්තාසූක්තානි යානි ච .
තානි ස්වීකුරු සර්වජ්ඤේ දයාලුත්වේන සාදරම් .. 68 ..
භවතීං ශරණං ගත්වා කෘතාර්ථාඃ ස්යුඃ පුරාතනාඃ .
ඉති සඤ්චින්ත්ය මනසා ත්වාමහං ශරණං ව්රජේ .. 69 ..
අනන්තා නිත්යසුඛිනස්ත්වද්භක්තාස්ත්වත්පරායණාඃ .
ඉති වේදප්රමාණාද්ධි දේවි ත්වාං ශරණං ව්රජේ .. 70 ..
තව ප්රතිජ්ඤා මද්භක්තා න නශ්යන්තීත්යපි ක්වචිත් .
ඉති සඤ්චින්ත්ය සඤ්චින්ත්ය ප්රාණාන් සන්ධාරයාම්යහම් .. 71 ..
ත්වදධීනස්ත්වහං මාතස්ත්වත්කෘපා මයි විද්යතේ .
යාවත්සම්පූර්ණකාමඃ ස්යාත්තාවද්දේහි දයානිධේ .. 72 ..
ක්ෂණමාත්රං න ශක්නෝමි ජීවිතුං ත්වත්කෘපාං විනා .
න ජීවන්තීහ ජලජා ජලං ත්යක්ත්වා ජලග්රහාඃ .. 73 ..
යථා හි පුත්රවාත්සල්යාජ්ජනනී ප්රස්නුතස්තනී .
වත්සං ත්වරිතමාගත්ය සම්ප්රීණයති වත්සලා .. 74 ..
යදි ස්යාං තව පුත්රෝ(අ)හං මාතා ත්වං යදි මාමකී .
දයාපයෝධරස්තන්යසුධාභිරභිෂිඤ්ච මාම් .. 75 ..
මෘග්යෝ න ගුණලේශෝ(අ)පි මයි දෝෂෛකමන්දිරේ .
පාංසූනාං වෘෂ්ටිබින්දූනාං දෝෂාණාං ච න මේ මතිඃ .. 76 ..
පාපිනාමහමේවාග්ර්යෝ දයාලූනාං ත්වමග්රණීඃ .
දයනීයෝ මදන්යෝ(අ)ස්ති තව කෝ(අ)ත්ර ජගත්ත්රයේ .. 77 ..
විධිනාහං න සෘෂ්ටශ්චේන්න ස්යාත්තව දයාලුතා .
ආමයෝ වා න සෘෂ්ටශ්චේදෞෂධස්ය වෘථෝදයඃ .. 78 ..
කෘපා මදග්රජා කිං තේ අහං කිං වා තදග්රජඃ .
විචාර්ය දේහි මේ විත්තං තව දේවි දයානිධේ .. 79 ..
මාතා පිතා ත්වං ගුරුසද්ගතිඃ ශ්රී-
-ස්ත්වමේව සඤ්ජීවනහේතුභූතා .
අන්යං න මන්යේ ජගදේකනාථේ
ත්වමේව සර්වං මම දේවි සත්යේ .. 80 ..
ආද්යාදිලක්ෂ්මීර්භව සුප්රසන්නා
විශුද්ධවිජ්ඤානසුඛෛකදෝග්ධ්රී .
අජ්ඤානහන්ත්රී ත්රිගුණාතිරික්තා
ප්රජ්ඤානනේත්රී භව සුප්රසන්නා .. 81 ..
අශේෂවාග්ජාඩ්යමලාපහන්ත්රී
නවං නවං ස්පෂ්ටසුවාක්ප්රදායිනී .
මමේහ ජිහ්වාග්ර සුරඞ්ගනර්තකී [නර්තිනී]
භව ප්රසන්නා වදනේ ච මේ ශ්රීඃ .. 82 ..
සමස්තසම්පත්සුවිරාජමානා
සමස්තතේජශ්චයභාසමානා .
විෂ්ණුප්රියේ ත්වං භව දීප්යමානා
වාග්දේවතා මේ නයනේ ප්රසන්නා .. 83 ..
සර්වප්රදර්ශේ සකලාර්ථදේ ත්වං
ප්රභාසුලාවණ්යදයාප්රදෝග්ධ්රී .
සුවර්ණදේ ත්වං සුමුඛී භව ශ්රී-
-ර්හිරණ්මයී මේ නයනේ ප්රසන්නා .. 84 ..
සර්වාර්ථදා සර්වජගත්ප්රසූතිඃ
සර්වේශ්වරී සර්වභයාපහන්ත්රී .
සර්වෝන්නතා ත්වං සුමුඛී භව ශ්රී-
-ර්හිරණ්මයී මේ නයනේ ප්රසන්නා .. 85 ..
සමස්තවිඝ්නෞඝවිනාශකාරිණී
සමස්තභක්තෝද්ධරණේ විචක්ෂණා .
අනන්තසෞභාග්යසුඛප්රදායිනී
හිරණ්මයී මේ නයනේ ප්රසන්නා .. 86 ..
දේවි ප්රසීද දයනීයතමාය මහ්යං
දේවාධිනාථභවදේවගණාභිවන්ද්යේ .
මාතස්තථෛව භව සන්නිහිතා දෘශෝර්මේ
පත්යා සමං මම මුඛේ භව සුප්රසන්නා .. 87 ..
මා වත්ස භෛරභයදානකරෝ(අ)ර්පිතස්තේ
මෞලෞ මමේති මයි දීනදයානුකම්පේ .
මාතඃ සමර්පය මුදා කරුණාකටාක්ෂං
මාඞ්ගල්යබීජමිහ නඃ සෘජ ජන්ම මාතඃ .. 88 ..
කටාක්ෂ ඉහ කාමධුක්තව මනස්තු චින්තාමණිඃ
කරඃ සුරතරුඃ සදා නවනිධිස්ත්වමේවේන්දිරේ .
භවේ තව දයාරසෝ මම රසායනං චාන්වහං
මුඛං තව කලානිධිර්විවිධවාඤ්ඡිතාර්ථප්රදම් .. 89 ..
යථා රසස්පර්ශනතෝ(අ)යසෝ(අ)පි
සුවර්ණතා ස්යාත්කමලේ තථා තේ .
කටාක්ෂසංස්පර්ශනතෝ ජනානා-
-මමඞ්ගලානාමපි මඞ්ගලත්වම් .. 90 ..
දේහීති නාස්තීති වචඃ ප්රවේශා-
-ද්භීතෝ රමේ ත්වාං ශරණං ප්රපද්යේ .
අතඃ සදා(අ)ස්මින්නභයප්රදා ත්වං
සහෛව පත්යා මයි සන්නිධේහි .. 91 ..
කල්පද්රුමේණ මණිනා සහිතා සුරම්යා
ශ්රීස්තේ කලා මයි රසේන රසායනේන .
ආස්තාං යතෝ මම ශිරඃකරදෘෂ්ටිපාද-
-ස්පෘෂ්ටාඃ සුවර්ණවපුෂඃ ස්ථිරජඞ්ගමාඃ ස්යුඃ .. 92 ..
ආද්යාදිවිෂ්ණෝඃ ස්ථිරධර්මපත්නී
ත්වමේව පත්යා මයි සන්නිධේහි .
ආද්යාදිලක්ෂ්මි ත්වදනුග්රහේණ
පදේ පදේ මේ නිධිදර්ශනං ස්යාත් .. 93 ..
ආද්යාදිලක්ෂ්මීහෘදයං පඨේද්යඃ
ස රාජ්යලක්ෂ්මීමචලාං තනෝති .
මහාදරිද්රෝ(අ)පි භවේද්ධනාඪ්ය-
-ස්තදන්වයේ ශ්රීඃ ස්ථිරතාං ප්රයාති .. 94 ..
යස්ය ස්මරණමාත්රේණ තුෂ්ටා ස්යාද්විෂ්ණුවල්ලභා .
තස්යාභීෂ්ටං දදත්යාශු තං පාලයති පුත්රවත් .. 95 ..
ඉදං රහස්යං හෘදයං සර්වකාමඵලප්රදම් .
ජපඃ පඤ්චසහස්රං තු පුරශ්චරණමුච්යතේ .. 96 ..
ත්රිකාලමේකකාලං වා නරෝ භක්තිසමන්විතඃ .
යඃ පඨේච්ඡෘණුයාද්වාපි ස යාති පරමාං ශ්රියම් .. 97 ..
මහාලක්ෂ්මීං සමුද්දිශ්ය නිශි භාර්ගවවාසරේ .
ඉදං ශ්රීහෘදයං ජප්ත්වා පඤ්චවාරං ධනී භවේත් .. 98 ..
අනේන හෘදයේනාන්නං ගර්භිණ්යා අභිමන්ත්රිතම් .
දදාති තත්කුලේ පුත්රෝ ජායතේ ශ්රීපතිඃ ස්වයම් .. 99 ..
නරේණ වා(අ)ථවා නාර්යා ලක්ෂ්මීහෘදයමන්ත්රිතේ .
ජලේ පීතේ ච තද්වංශේ මන්දභාග්යෝ න ජායතේ .. 100 ..
ය ආශ්විනේ මාසි ච ශුක්ලපක්ෂේ
රමෝත්සවේ සන්නිහිතේ සුභක්ත්යා .
පඨේත්තථෛකෝත්තරවාරවෘද්ධ්යා
ලභේත්ස සෞවර්ණමයීං සුවෘෂ්ටිම් .. 101 ..
ය ඒකභක්තෝ(අ)න්වහමේකවර්ෂං
විශුද්ධධීඃ සප්තතිවාරජාපී .
ස මන්දභාග්යෝ(අ)පි රමාකටාක්ෂා-
-ද්භවේත්සහස්රාක්ෂශතාධිකශ්රීඃ .. 102 ..
ශ්රීශාඞ්ඝ්රිභක්තිං හරිදාසදාස්යං
ප්රසන්නමන්ත්රාර්ථදෘඪෛකනිෂ්ඨාම් .
ගුරෝඃ ස්මෘතිං නිර්මලබෝධබුද්ධිං
ප්රදේහි මාතඃ පරමං පදං ශ්රීඃ .. 103 ..
පෘථ්වීපතිත්වං පුරුෂෝත්තමත්වං
විභූතිවාසං විවිධාර්ථසිද්ධිම් .
සම්පූර්ණකීර්තිං බහුවර්ෂභෝගං
ප්රදේහි මේ ලක්ෂ්මි පුනඃ පුනස්ත්වම් .. 104 ..
වාදාර්ථසිද්ධිං බහුලෝකවශ්යං
වයඃ ස්ථිරත්වං ලලනාසුභෝගම් .
පෞත්රාදිලබ්ධිං සකලාර්ථසිද්ධිං
ප්රදේහි මේ භාර්ගවි ජන්මජන්මනි .. 105 ..
සුවර්ණවෘද්ධිං කුරු මේ ගෘහේ ශ්රීඃ
සුධාන්යවෘද්ධිං කුරූ මේ ගෘහේ ශ්රීඃ .
කල්යාණවෘද්ධිං කුරු මේ ගෘහේ ශ්රීඃ
විභූතිවෘද්ධිං කුරු මේ ගෘහේ ශ්රීඃ .. 106 ..
ධ්යායේල්ලක්ෂ්මීං ප්රහසිතමුඛීං කෝටිබාලාර්කභාසාං
විද්යුද්වර්ණාම්බරවරධරාං භූෂණාඪ්යාං සුශෝභාම් .
බීජාපූරං සරසිජයුගං බිභ්රතීං ස්වර්ණපාත්රං
භර්ත්රායුක්තාං මුහුරභයදාං මහ්යමප්යච්යුතශ්රීඃ .. 107 ..
ගුහ්යාතිගුහ්යගෝප්ත්රී ත්වං ගෘහාණාස්මත්කෘතං ජපම් .
සිද්ධිර්භවතු මේ දේවි ත්වත්ප්රසාදාන්මයි ස්ථිතා .. 108 ..
ඉති ශ්රීඅථර්වණරහස්යේ ශ්රීලක්ෂ්මීහෘදයස්තෝත්රං සම්පූර්ණම් ..
Roman (IAST) Transliteration
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
Sanskrit — Devanagari (original)
अथ नारायन हृदय स्तोत्रम्
अस्य श्रीनारायणहृदयस्तोत्रमन्त्रस्य भार्गव ऋषिः, अनुष्टुप्छन्दः, श्रीलक्ष्मीनारायणो देवता, ॐ बीजं, नमश्शक्तिः, नारायणायेति कीलकं, श्रीलक्ष्मीनारायण प्रीत्यर्थे जपे विनियोगः ।
करन्यासः ।
ॐ नारायणः परं ज्योतिरिति अङ्गुष्ठाभ्यां नमः ।
नारायणः परं ब्रह्मेति तर्जनीभ्यां नमः ।
नारायणः परो देव इति मध्यमाभ्यां नमः ।
नारायणः परं धामेति अनामिकाभ्यां नमः ।
नारायणः परो धर्म इति कनिष्ठिकाभ्यां नमः ।
विश्वं नारायण इति करतलकरपृष्ठाभ्यां नमः ।
अङ्गन्यासः ।
नारायणः परं ज्योतिरिति हृदयाय नमः ।
नारायणः परं ब्रह्मेति शिरसे स्वाहा ।
नारायणः परो देव इति शिखायै वौषट् ।
नारायणः परं धामेति कवचाय हुम् ।
नारायणः परो धर्म इति नेत्राभ्यां वौषट् ।
विश्वं नारायण इति अस्त्राय फट् ।
दिग्बन्धः ।
ॐ ऐन्द्र्यादिदशदिशं ॐ नमः सुदर्शनाय सहस्राराय हुं फट् बध्नामि नमश्चक्राय स्वाहा । इति प्रतिदिशं योज्यम् ।
अथ ध्यानम् ।
उद्यादादित्यसङ्काशं पीतवासं चतुर्भुजम् ।
शङ्खचक्रगदापाणिं ध्यायेल्लक्ष्मीपतिं हरिम् ॥ 1 ॥
त्रैलोक्याधारचक्रं तदुपरि कमठं तत्र चानन्तभोगी
तन्मध्ये भूमिपद्माङ्कुशशिखरदलं कर्णिकाभूतमेरुम् ।
तत्रस्थं शान्तमूर्तिं मणिमयमकुटं कुण्डलोद्भासिताङ्गं
लक्ष्मीनारायणाख्यं सरसिजनयनं सन्ततं चिन्तयामि ॥ 2 ॥
अथ मूलाष्टकम् ।
ओम् ॥ नारायणः परं ज्योतिरात्मा नारायणः परः ।
नारायणः परं ब्रह्म नारायण नमोऽस्तु ते ॥ 1 ॥
नारायणः परो देवो धाता नारायणः परः ।
नारायणः परो धाता नारायण नमोऽस्तु ते ॥ 2 ॥
नारायणः परं धाम ध्यानं नारायणः परः ।
नारायण परो धर्मो नारायण नमोऽस्तु ते ॥ 3 ॥
नारायणः परोवेद्यः विद्या नारायणः परः ।
विश्वं नारायणः साक्षान्नारायण नमोऽस्तु ते ॥ 4 ॥
नारायणाद्विधिर्जातो जातो नारायणाद्भवः ।
जातो नारायणादिन्द्रो नारायण नमोऽस्तु ते ॥ 5 ॥
रविर्नारायणस्तेजः चन्द्रो नारायणो महः ।
वह्निर्नारायणः साक्षान्नारायण नमोऽस्तु ते ॥ 6 ॥
नारायण उपास्यः स्याद्गुरुर्नारायणः परः ।
नारायणः परो बोधो नारायण नमोऽस्तु ते ॥ 7 ॥
नारायणः फलं मुख्यं सिद्धिर्नारायणः सुखम् ।
सेव्योनारायणः शुद्धो नारायण नमोऽस्तु ते ॥ 8 ॥ [हरि]
अथ प्रार्थनादशकम् ।
नारायण त्वमेवासि दहराख्ये हृदि स्थितः ।
प्रेरकः प्रेर्यमाणानां त्वया प्रेरितमानसः ॥ 9 ॥
त्वदाज्ञां शिरसा धृत्वा जपामि जनपावनम् ।
नानोपासनमार्गाणां भवकृद्भावबोधकः ॥ 10 ॥
भावार्थकृद्भवातीतो भव सौख्यप्रदो मम ।
त्वन्मायामोहितं विश्वं त्वयैव परिकल्पितम् ॥ 11 ॥
त्वदधिष्ठानमात्रेण सा वै सर्वार्थकारिणी ।
त्वमेतां च पुरस्कृत्य सर्वकामान्प्रदर्शय ॥ 12 ॥
न मे त्वदन्यस्त्रातास्ति त्वदन्यन्न हि दैवतम् ।
त्वदन्यं न हि जानामि पालकं पुण्यवर्धनम् ॥ 13 ॥
यावत्सांसारिको भावो मनस्स्थो भावनात्मकः ।
तावत्सिद्धिर्भवेत्साध्या सर्वथा सर्वदा विभो ॥ 14 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 15 ॥
त्वयाहं नैव सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 16 ॥
पापसङ्घपरिश्रान्तः पापात्मा पापरूपधृत् ।
त्वदन्यः कोऽत्र पापेभ्यस्त्रातास्ति जगतीतले ॥ 17 ॥
त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव सेव्यश्च गुरुस्त्वमेव
त्वमेव सर्वं मम देव देव ॥ 18 ॥
प्रार्थनादशकं चैव मूलाष्टकमतः परम् ।
यः पठेच्छृणुयान्नित्यं तस्य लक्ष्मीः स्थिरा भवेत् ॥ 19 ॥
नारायणस्य हृदयं सर्वाभीष्टफलप्रदम् ।
लक्ष्मीहृदयकं स्तोत्रं यदि चेत्तद्विनाकृतम् ॥ 20 ॥
तत्सर्वं निष्फलं प्रोक्तं लक्ष्मीः क्रुद्ध्यति सर्वदा ।
एतत्सङ्कलितं स्तोत्रं सर्वकामफलप्रदम् ॥ 21 ॥
लक्ष्मीहृदयकं चैव तथा नारायणात्मकम् ।
जपेद्यः सङ्कलीकृत्य सर्वाभीष्टमवाप्नुयात् ॥ 22 ॥
नारायणस्य हृदयमादौ जप्त्वा ततः परम् ।
लक्ष्मीहृदयकं स्तोत्रं जपेन्नारायणं पुनः ॥ 23 ॥
पुनर्नारायणं जप्त्वा पुनर्लक्ष्मीनुतिं जपेत् ।
पुनर्नारायणं जाप्यं सङ्कलीकरणं भवेत् ॥ 24 ॥
एवं मध्ये द्विवारेण जपेत्सङ्कलितं तु तत् ।
लक्ष्मीहृदयकं स्तोत्रं सर्वकामप्रकाशितम् ॥ 25 ॥
तद्वज्जपादिकं कुर्यादेतत्सङ्कलितं शुभम् ।
सर्वान्कामानवाप्नोति आधिव्याधिभयं हरेत् ॥ 26 ॥
गोप्यमेतत्सदा कुर्यान्न सर्वत्र प्रकाशयेत् ।
इति गुह्यतमं शास्त्रं प्राप्तं ब्रह्मादिकैः पुरा ॥ 27 ॥
तस्मात्सर्वप्रयत्नेन गोपयेत्साधयेसुधीः ।
यत्रैतत्पुस्तकं तिष्ठेल्लक्ष्मीनारायणात्मकम् ॥ 28 ॥
भूतपैशाचवेताल भयं नैव तु सर्वदा ।
लक्ष्मीहृदयकं प्रोक्तं विधिना साधयेत्सुधीः ॥ 29 ॥
भृगुवारे च रात्रौ च पूजयेत्पुस्तकद्वयम् ।
सर्वथा सर्वदा सत्यं गोपयेत्साधयेत्सुधीः ।
गोपनात्साधनाल्लोके धन्यो भवति तत्त्वतः ॥ 30 ॥
इत्यथर्वरहस्ये उत्तरभागे नारायणहृदयं सम्पूर्णम् ।
अथ लक्ष्मी हृदय स्तोत्रम्
अस्य श्री महालक्ष्मीहृदयस्तोत्र महामन्त्रस्य भार्गव ऋषिः, अनुष्टुपादीनि नानाछन्दांसि, आद्यादि श्रीमहालक्ष्मीर्देवता, श्रीं बीजं, ह्रीं शक्तिः, ऐं कीलकं, आद्यादिमहालक्ष्मी प्रसादसिद्ध्यर्थं जपे विनियोगः ॥
ऋष्यादिन्यासः –
ॐ भार्गवृषये नमः शिरसि ।
ॐ अनुष्टुपादिनानाछन्दोभ्यो नमो मुखे ।
ॐ आद्यादिश्रीमहालक्ष्मी देवतायै नमो हृदये ।
ॐ श्रीं बीजाय नमो गुह्ये ।
ॐ ह्रीं शक्तये नमः पादयोः ।
ॐ ऐं कीलकाय नमो नाभौ ।
ॐ विनियोगाय नमः सर्वाङ्गे ।
करन्यासः –
ॐ श्रीं अङ्गुष्ठाभ्यां नमः ।
ॐ ह्रीं तर्जनीभ्यां नमः ।
ॐ ऐं मध्यमाभ्यां नमः ।
ॐ श्रीं अनामिकाभ्यां नमः ।
ॐ ह्रीं कनिष्ठिकाभ्यां नमः ।
ॐ ऐं करतल करपृष्ठाभ्यां नमः ।
अङ्गन्यासः –
ॐ श्रीं हृदयाय नमः ।
ॐ ह्रीं शिरसे स्वाहा ।
ॐ ऐं शिखायै वषट् ।
ॐ श्रीं कवचाय हुम् ।
ॐ ह्रीं नेत्रत्रयाय वौषट् ।
ॐ ऐं अस्त्राय फट् ।
ॐ श्रीं ह्रीं ऐं इति दिग्बन्धः ।
अथ ध्यानम् ।
हस्तद्वयेन कमले धारयन्तीं स्वलीलया ।
हारनूपुरसंयुक्तां लक्ष्मीं देवीं विचिन्तये ॥
कौशेयपीतवसनामरविन्दनेत्रां
पद्मद्वयाभयवरोद्यतपद्महस्ताम् ।
उद्यच्छतार्कसदृशीं परमाङ्कसंस्थां
ध्यायेद्विधीशनतपादयुगां जनित्रीम् ॥
पीतवस्त्रां सुवर्णाङ्गीं पद्महस्तद्वायान्विताम् ।
लक्ष्मीं ध्यात्वेति मन्त्रेण स भवेत्पृथिवीपतिः ॥
मातुलुङ्गं गदां खेटं पाणौ पात्रं च बिभ्रती ।
नागं लिङ्गं च योनिं च बिभ्रतीं चैव मूर्धनि ॥
[ इति ध्यात्वा मानसोपचारैः सम्पूज्य ।
शङ्खचक्रगदाहस्ते शुभ्रवर्णे सुवासिनी ।
मम देहि वरं लक्ष्मीः सर्वसिद्धिप्रदायिनी ।
इति सम्प्रार्थ्य ॐ श्रीं ह्रीं ऐं महालक्ष्म्यै कमलधारिण्यै सिंहवाहिन्यै स्वाहा इति मन्त्रं जप्त्वा पुनः पूर्ववद्धृदयादि षडङ्गन्यासं कृत्वा स्तोत्रं पठेत् । ]
स्तोत्रम् ।
वन्दे लक्ष्मीं परमशिवमयीं शुद्धजाम्बूनदाभां
तेजोरूपां कनकवसनां सर्वभूषोज्ज्वलाङ्गीम् ।
बीजापूरं कनककलशं हेमपद्मं दधाना-
-माद्यां शक्तिं सकलजननीं विष्णुवामाङ्कसंस्थाम् ॥ 1 ॥
श्रीमत्सौभाग्यजननीं स्तौमि लक्ष्मीं सनातनीम् ।
सर्वकामफलावाप्तिसाधनैकसुखावहाम् ॥ 2 ॥
स्मरामि नित्यं देवेशि त्वया प्रेरितमानसः ।
त्वदाज्ञां शिरसा धृत्वा भजामि परमेश्वरीम् ॥ 3 ॥
समस्तसम्पत्सुखदां महाश्रियं
समस्तसौभाग्यकरीं महाश्रियम् ।
समस्तकल्याणकरीं महाश्रियं
भजाम्यहं ज्ञानकरीं महाश्रियम् ॥ 4 ॥
विज्ञानसम्पत्सुखदां सनातनीं
विचित्रवाग्भूतिकरीं मनोहराम् ।
अनन्तसम्मोदसुखप्रदायिनीं
नमाम्यहं भूतिकरीं हरिप्रियाम् ॥ 5 ॥
समस्तभूतान्तरसंस्थिता त्वं
समस्तभोक्त्रीश्वरि विश्वरूपे ।
तन्नास्ति यत्त्वद्व्यतिरिक्तवस्तु
त्वत्पादपद्मं प्रणमाम्यहं श्रीः ॥ 6 ॥
दारिद्र्य दुःखौघतमोपहन्त्री
त्वत्पादपद्मं मयि सन्निधत्स्व ।
दीनार्तिविच्छेदनहेतुभूतैः
कृपाकटाक्षैरभिषिञ्च मां श्रीः ॥ 7 ॥
अम्ब प्रसीद करुणासुधयार्द्रदृष्ट्या
मां त्वत्कृपाद्रविणगेहमिमं कुरुष्व ।
आलोकय प्रणतहृद्गतशोकहन्त्री
त्वत्पादपद्मयुगलं प्रणमाम्यहं श्रीः ॥ 8 ॥
शान्त्यै नमोऽस्तु शरणागतरक्षणायै
कान्त्यै नमोऽस्तु कमनीयगुणाश्रयायै ।
क्षान्त्यै नमोऽस्तु दुरितक्षयकारणायै
दात्र्यै नमोऽस्तु धनधान्यसमृद्धिदायै ॥ 9 ॥
शक्त्यै नमोऽस्तु शशिशेखरसंस्तुतायै
रत्यै नमोऽस्तु रजनीकरसोदरायै ।
भक्त्यै नमोऽस्तु भवसागरतारकायै
मत्यै नमोऽस्तु मधुसूदनवल्लभायै ॥ 10 ॥
लक्ष्म्यै नमोऽस्तु शुभलक्षणलक्षितायै
सिद्ध्यै नमोऽस्तु शिवसिद्धसुपूजितायै ।
धृत्यै नमोऽस्त्वमितदुर्गतिभञ्जनायै
गत्यै नमोऽस्तु वरसद्गतिदायिकायै ॥ 11 ॥
देव्यै नमोऽस्तु दिवि देवगणार्चितायै
भूत्यै नमोऽस्तु भुवनार्तिविनाशनायै ।
धात्र्यै नमोऽस्तु धरणीधरवल्लभायै
पुष्ट्यै नमोऽस्तु पुरुषोत्तमवल्लभायै ॥ 12 ॥
सुतीव्रदारिद्र्यविदुःखहन्त्र्यै
नमोऽस्तु ते सर्वभयापहन्त्र्यै ।
श्रीविष्णुवक्षःस्थलसंस्थितायै
नमो नमः सर्वविभूतिदायै ॥ 13 ॥
जयतु जयतु लक्ष्मीर्लक्षणालङ्कृताङ्गी
जयतु जयतु पद्मा पद्मसद्माभिवन्द्या ।
जयतु जयतु विद्या विष्णुवामाङ्कसंस्था
जयतु जयतु सम्यक्सर्वसम्पत्करी श्रीः ॥ 14 ॥
जयतु जयतु देवी देवसङ्घाभिपूज्या
जयतु जयतु भद्रा भार्गवी भाग्यरूपा ।
जयतु जयतु नित्या निर्मलज्ञानवेद्या
जयतु जयतु सत्या सर्वभूतान्तरस्था ॥ 15 ॥
जयतु जयतु रम्या रत्नगर्भान्तरस्था
जयतु जयतु शुद्धा शुद्धजाम्बूनदाभा ।
जयतु जयतु कान्ता कान्तिमद्भासिताङ्गी
जयतु जयतु शान्ता शीघ्रमागच्छ सौम्ये ॥ 16 ॥
यस्याः कलायाः कमलोद्भवाद्या
रुद्राश्च शक्र प्रमुखाश्च देवाः ।
जीवन्ति सर्वेऽपि सशक्तयस्ते
प्रभुत्वमाप्ताः परमायुषस्ते ॥ 17 ॥
लिलेख निटिले विधिर्मम लिपिं विसृज्यान्तरं
त्वया विलिखितव्यमेतदिति तत्फलप्राप्तये ।
तदन्तरफलेस्फुटं कमलवासिनी श्रीरिमां
समर्पय समुद्रिकां सकलभाग्यसंसूचिकाम् ॥ 18 ॥
कलया ते यथा देवि जीवन्ति सचराचराः ।
तथा सम्पत्करे लक्ष्मि सर्वदा सम्प्रसीद मे ॥ 19 ॥
यथा विष्णुर्ध्रुवे नित्यं स्वकलां सन्न्यवेशयत् ।
तथैव स्वकलां लक्ष्मि मयि सम्यक् समर्पय ॥ 20 ॥
सर्वसौख्यप्रदे देवि भक्तानामभयप्रदे ।
अचलां कुरु यत्नेन कलां मयि निवेशिताम् ॥ 21 ॥
मुदास्तां मत्फाले परमपदलक्ष्मीः स्फुटकला
सदा वैकुण्ठश्रीर्निवसतु कला मे नयनयोः ।
वसेत्सत्ये लोके मम वचसि लक्ष्मीर्वरकला
श्रियः श्वेतद्वीपे निवसतु कला मे स्वकरयोः ॥ 22 ॥
तावन्नित्यं ममाङ्गेषु क्षीराब्धौ श्रीकला वसेत् ।
सूर्याचन्द्रमसौ यावद्यावल्लक्ष्मीपतिः श्रियाः ॥ 23 ॥
सर्वमङ्गलसम्पूर्णा सर्वैश्वर्यसमन्विता ।
आद्यादि श्रीर्महालक्ष्मी त्वत्कला मयि तिष्ठतु ॥ 24 ॥
अज्ञानतिमिरं हन्तुं शुद्धज्ञानप्रकाशिका ।
सर्वैश्वर्यप्रदा मेऽस्तु त्वत्कला मयि संस्थिता ॥ 25 ॥
अलक्ष्मीं हरतु क्षिप्रं तमः सूर्यप्रभा यथा ।
वितनोतु मम श्रेयस्त्वत्कला मयि संस्थिता ॥ 26 ॥
ऐश्वर्यमङ्गलोत्पत्तिस्त्वत्कलायां निधीयते ।
मयि तस्मात्कृतार्थोऽस्मि पात्रमस्मि स्थितेस्तव ॥ 27 ॥
भवदावेशभाग्यार्हो भाग्यवानस्मि भार्गवि ।
त्वत्प्रसादात्पवित्रोऽहं लोकमातर्नमोऽस्तु ते ॥ 28 ॥
पुनासि मां त्वत्कलयैव यस्मा-
-दतः समागच्छ ममाग्रतस्त्वम् ।
परं पदं श्रीर्भव सुप्रसन्ना
मय्यच्युतेन प्रविशादिलक्ष्मीः ॥ 29 ॥
श्रीवैकुण्ठस्थिते लक्ष्मि समागच्छ ममाग्रतः ।
नारायणेन सह मां कृपादृष्ट्याऽवलोकय ॥ 30 ॥
सत्यलोकस्थिते लक्ष्मि त्वं ममागच्छ सन्निधिम् ।
वासुदेवेन सहिता प्रसीद वरदा भव ॥ 31 ॥
श्वेतद्वीपस्थिते लक्ष्मि शीघ्रमागच्छ सुव्रते ।
विष्णुना सहिते देवि जगन्मातः प्रसीद मे ॥ 32 ॥
क्षीराम्बुधिस्थिते लक्ष्मि समागच्छ समाधवा ।
त्वत्कृपादृष्टिसुधया सततं मां विलोकय ॥ 33 ॥
रत्नगर्भस्थिते लक्ष्मि परिपूर्णे हिरण्मये ।
समागच्छ समागच्छ स्थित्वाऽऽशु पुरतो मम ॥ 34 ॥
स्थिरा भव महालक्ष्मि निश्चला भव निर्मले ।
प्रसन्ने कमले देवि प्रसन्नहृदया भव ॥ 35 ॥
श्रीधरे श्रीमहाभूते त्वदन्तःस्थं महानिधिम् ।
शीघ्रमुद्धृत्य पुरतः प्रदर्शय समर्पय ॥ 36 ॥
वसुन्धरे श्रीवसुधे वसुदोग्ध्रि कृपामये ।
त्वत्कुक्षिगतसर्वस्वं शीघ्रं मे सम्प्रदर्शय ॥ 37 ॥
विष्णुप्रिये रत्नगर्भे समस्तफलदे शिवे ।
त्वद्गर्भगतहेमादीन् सम्प्रदर्शय दर्शय ॥ 38 ॥
रसातलगते लक्ष्मि शीघ्रमागच्छ मे पुरः ।
न जाने परमं रूपं मातर्मे सम्प्रदर्शय ॥ 39 ॥
आविर्भव मनोवेगाच्छीघ्रमागच्छ मे पुरः ।
मा वत्स भैरिहेत्युक्त्वा कामं गौरिव रक्ष माम् ॥ 40 ॥
देवि शीघ्रं समागच्छ धरणीगर्भसंस्थिते ।
मातस्त्वद्भृत्यभृत्योऽहं मृगये त्वां कुतूहलात् ॥ 41 ॥
उत्तिष्ठ जागृहि त्वं मे समुत्तिष्ठ सुजागृहि ।
अक्षयान् हेमकलशान् सुवर्णेन सुपूरितान् ॥ 42 ॥
निक्षेपान्मे समाकृष्य समुद्धृत्य ममाग्रतः ।
समुन्नतानना भूत्वा समाधेहि धरान्तरात् ॥ 43 ॥
मत्सन्निधिं समागच्छ मदाहितकृपारसात् ।
प्रसीद श्रेयसां दोग्ध्री लक्ष्मीर्मे नयनाग्रतः ॥ 44 ॥
अत्रोपविश लक्ष्मि त्वं स्थिरा भव हिरण्मये ।
सुस्थिरा भव सम्प्रीत्या प्रसीद वरदा भव ॥ 45 ॥
आनीतांस्तु तथा देवि निधीन्मे सम्प्रदर्शय ।
अद्य क्षणेन सहसा दत्त्वा संरक्ष मां सदा ॥ 46 ॥
मयि तिष्ठ तथा नित्यं यथेन्द्रादिषु तिष्ठसि ।
अभयं कुरु मे देवि महालक्ष्मीर्नमोऽस्तु ते ॥ 47 ॥
समागच्छ महालक्ष्मि शुद्धजाम्बूनदप्रभे ।
प्रसीद पुरतः स्थित्वा प्रणतं मां विलोकय ॥ 48 ॥
लक्ष्मीर्भुवं गता भासि यत्र यत्र हिरण्मयी ।
तत्र तत्र स्थिता त्वं मे तव रूपं प्रदर्शय ॥ 49 ॥
क्रीडन्ती बहुधा भूमौ परिपूर्णकृपामयि ।
मम मूर्धनि ते हस्तमविलम्बितमर्पय ॥ 50 ॥
फलद्भाग्योदये लक्ष्मि समस्तपुरवासिनी ।
प्रसीद मे महालक्ष्मि परिपूर्णमनोरथे ॥ 51 ॥
अयोध्यादिषु सर्वेषु नगरेषु समास्थिते ।
वैभवैर्विविधैर्युक्तैः समागच्छ मुदान्विते ॥ 52 ॥
समागच्छ समागच्छ ममाग्रे भव सुस्थिरा ।
करुणारसनिष्यन्दनेत्रद्वय विलासिनी ॥ 53 ॥ [निष्पन्न]
सन्निधत्स्व महालक्ष्मि त्वत्पाणिं मम मस्तके ।
करुणासुधया मां त्वमभिषिञ्च्य स्थिरं कुरु ॥ 54 ॥
सर्वराजगृहे लक्ष्मि समागच्छ बलान्विते । [मुदान्विते]
स्थित्वाऽऽशु पुरतो मेऽद्य प्रसादेनाऽभयं कुरु ॥ 55 ॥
सादरं मस्तके हस्तं मम त्वं कृपयार्पय ।
सर्वराजगृहे लक्ष्मि त्वत्कला मयि तिष्ठतु ॥ 56 ॥
आद्यादि श्रीमहालक्ष्मि विष्णुवामाङ्कसंस्थिते ।
प्रत्यक्षं कुरु मे रूपं रक्ष मां शरणागतम् ॥ 57 ॥
प्रसीद मे महालक्ष्मि सुप्रसीद महाशिवे ।
अचला भव सम्प्रीत्या सुस्थिरा भव मद्गृहे ॥ 58 ॥
यावत्तिष्ठन्ति वेदाश्च यावच्चन्द्रदिवाकरौ ।
यावद्विष्णुश्च यावत्त्वं तावत्कुरु कृपां मयि ॥ 59 ॥
चान्द्रीकला यथा शुक्ले वर्धते सा दिने दिने ।
तथा दया ते मय्येव वर्धतामभिवर्धताम् ॥ 60 ॥
यथा वैकुण्ठनगरे यथा वै क्षीरसागरे ।
तथा मद्भवने तिष्ठ स्थिरं श्रीविष्णुना सह ॥ 61 ॥
योगिनां हृदये नित्यं यथा तिष्ठसि विष्णुना ।
तथा मद्भवने तिष्ठ स्थिरं श्रीविष्णुना सह ॥ 62 ॥
नारायणस्य हृदये भवती यथास्ते
नारायणोऽपि तव हृत्कमले यथास्ते ।
नारायणस्त्वमपि नित्यमुभौ तथैव
तौ तिष्ठतां हृदि ममापि दयान्वितौ श्रीः ॥ 63 ॥
विज्ञानवृद्धिं हृदये कुरु श्रीः
सौभाग्यवृद्धिं कुरु मे गृहे श्रीः ।
दयासुवृद्धिं कुरुतां मयि श्रीः
सुवर्णवृद्धिं कुरु मे गृहे श्रीः ॥ 64 ॥
न मां त्यजेथाः श्रितकल्पवल्लि
सद्भक्तचिन्तामणिकामधेनो ।
विश्वस्य मातर्भव सुप्रसन्ना
गृहे कलत्रेषु च पुत्रवर्गे ॥ 65 ॥
आद्यादिमाये त्वमजाण्डबीजं
त्वमेव साकारनिराकृतिस्त्वम् ।
त्वया धृताश्चाब्जभवाण्डसङ्घा-
-श्चित्रं चरित्रं तव देवि विष्णोः ॥ 66 ॥
ब्रह्मरुद्रादयो देवा वेदाश्चापि न शक्नुयुः ।
महिमानं तव स्तोतुं मन्दोऽहं शक्नुयां कथम् ॥ 67 ॥
अम्ब त्वद्वत्सवाक्यानि सूक्तासूक्तानि यानि च ।
तानि स्वीकुरु सर्वज्ञे दयालुत्वेन सादरम् ॥ 68 ॥
भवतीं शरणं गत्वा कृतार्थाः स्युः पुरातनाः ।
इति सञ्चिन्त्य मनसा त्वामहं शरणं व्रजे ॥ 69 ॥
अनन्ता नित्यसुखिनस्त्वद्भक्तास्त्वत्परायणाः ।
इति वेदप्रमाणाद्धि देवि त्वां शरणं व्रजे ॥ 70 ॥
तव प्रतिज्ञा मद्भक्ता न नश्यन्तीत्यपि क्वचित् ।
इति सञ्चिन्त्य सञ्चिन्त्य प्राणान् सन्धारयाम्यहम् ॥ 71 ॥
त्वदधीनस्त्वहं मातस्त्वत्कृपा मयि विद्यते ।
यावत्सम्पूर्णकामः स्यात्तावद्देहि दयानिधे ॥ 72 ॥
क्षणमात्रं न शक्नोमि जीवितुं त्वत्कृपां विना ।
न जीवन्तीह जलजा जलं त्यक्त्वा जलग्रहाः ॥ 73 ॥
यथा हि पुत्रवात्सल्याज्जननी प्रस्नुतस्तनी ।
वत्सं त्वरितमागत्य सम्प्रीणयति वत्सला ॥ 74 ॥
यदि स्यां तव पुत्रोऽहं माता त्वं यदि मामकी ।
दयापयोधरस्तन्यसुधाभिरभिषिञ्च माम् ॥ 75 ॥
मृग्यो न गुणलेशोऽपि मयि दोषैकमन्दिरे ।
पांसूनां वृष्टिबिन्दूनां दोषाणां च न मे मतिः ॥ 76 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 77 ॥
विधिनाहं न सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 78 ॥
कृपा मदग्रजा किं ते अहं किं वा तदग्रजः ।
विचार्य देहि मे वित्तं तव देवि दयानिधे ॥ 79 ॥
माता पिता त्वं गुरुसद्गतिः श्री-
-स्त्वमेव सञ्जीवनहेतुभूता ।
अन्यं न मन्ये जगदेकनाथे
त्वमेव सर्वं मम देवि सत्ये ॥ 80 ॥
आद्यादिलक्ष्मीर्भव सुप्रसन्ना
विशुद्धविज्ञानसुखैकदोग्ध्री ।
अज्ञानहन्त्री त्रिगुणातिरिक्ता
प्रज्ञाननेत्री भव सुप्रसन्ना ॥ 81 ॥
अशेषवाग्जाड्यमलापहन्त्री
नवं नवं स्पष्टसुवाक्प्रदायिनी ।
ममेह जिह्वाग्र सुरङ्गनर्तकी [नर्तिनी]
भव प्रसन्ना वदने च मे श्रीः ॥ 82 ॥
समस्तसम्पत्सुविराजमाना
समस्ततेजश्चयभासमाना ।
विष्णुप्रिये त्वं भव दीप्यमाना
वाग्देवता मे नयने प्रसन्ना ॥ 83 ॥
सर्वप्रदर्शे सकलार्थदे त्वं
प्रभासुलावण्यदयाप्रदोग्ध्री ।
सुवर्णदे त्वं सुमुखी भव श्री-
-र्हिरण्मयी मे नयने प्रसन्ना ॥ 84 ॥
सर्वार्थदा सर्वजगत्प्रसूतिः
सर्वेश्वरी सर्वभयापहन्त्री ।
सर्वोन्नता त्वं सुमुखी भव श्री-
-र्हिरण्मयी मे नयने प्रसन्ना ॥ 85 ॥
समस्तविघ्नौघविनाशकारिणी
समस्तभक्तोद्धरणे विचक्षणा ।
अनन्तसौभाग्यसुखप्रदायिनी
हिरण्मयी मे नयने प्रसन्ना ॥ 86 ॥
देवि प्रसीद दयनीयतमाय मह्यं
देवाधिनाथभवदेवगणाभिवन्द्ये ।
मातस्तथैव भव सन्निहिता दृशोर्मे
पत्या समं मम मुखे भव सुप्रसन्ना ॥ 87 ॥
मा वत्स भैरभयदानकरोऽर्पितस्ते
मौलौ ममेति मयि दीनदयानुकम्पे ।
मातः समर्पय मुदा करुणाकटाक्षं
माङ्गल्यबीजमिह नः सृज जन्म मातः ॥ 88 ॥
कटाक्ष इह कामधुक्तव मनस्तु चिन्तामणिः
करः सुरतरुः सदा नवनिधिस्त्वमेवेन्दिरे ।
भवे तव दयारसो मम रसायनं चान्वहं
मुखं तव कलानिधिर्विविधवाञ्छितार्थप्रदम् ॥ 89 ॥
यथा रसस्पर्शनतोऽयसोऽपि
सुवर्णता स्यात्कमले तथा ते ।
कटाक्षसंस्पर्शनतो जनाना-
-ममङ्गलानामपि मङ्गलत्वम् ॥ 90 ॥
देहीति नास्तीति वचः प्रवेशा-
-द्भीतो रमे त्वां शरणं प्रपद्ये ।
अतः सदाऽस्मिन्नभयप्रदा त्वं
सहैव पत्या मयि सन्निधेहि ॥ 91 ॥
कल्पद्रुमेण मणिना सहिता सुरम्या
श्रीस्ते कला मयि रसेन रसायनेन ।
आस्तां यतो मम शिरःकरदृष्टिपाद-
-स्पृष्टाः सुवर्णवपुषः स्थिरजङ्गमाः स्युः ॥ 92 ॥
आद्यादिविष्णोः स्थिरधर्मपत्नी
त्वमेव पत्या मयि सन्निधेहि ।
आद्यादिलक्ष्मि त्वदनुग्रहेण
पदे पदे मे निधिदर्शनं स्यात् ॥ 93 ॥
आद्यादिलक्ष्मीहृदयं पठेद्यः
स राज्यलक्ष्मीमचलां तनोति ।
महादरिद्रोऽपि भवेद्धनाढ्य-
-स्तदन्वये श्रीः स्थिरतां प्रयाति ॥ 94 ॥
यस्य स्मरणमात्रेण तुष्टा स्याद्विष्णुवल्लभा ।
तस्याभीष्टं ददत्याशु तं पालयति पुत्रवत् ॥ 95 ॥
इदं रहस्यं हृदयं सर्वकामफलप्रदम् ।
जपः पञ्चसहस्रं तु पुरश्चरणमुच्यते ॥ 96 ॥
त्रिकालमेककालं वा नरो भक्तिसमन्वितः ।
यः पठेच्छृणुयाद्वापि स याति परमां श्रियम् ॥ 97 ॥
महालक्ष्मीं समुद्दिश्य निशि भार्गववासरे ।
इदं श्रीहृदयं जप्त्वा पञ्चवारं धनी भवेत् ॥ 98 ॥
अनेन हृदयेनान्नं गर्भिण्या अभिमन्त्रितम् ।
ददाति तत्कुले पुत्रो जायते श्रीपतिः स्वयम् ॥ 99 ॥
नरेण वाऽथवा नार्या लक्ष्मीहृदयमन्त्रिते ।
जले पीते च तद्वंशे मन्दभाग्यो न जायते ॥ 100 ॥
य आश्विने मासि च शुक्लपक्षे
रमोत्सवे सन्निहिते सुभक्त्या ।
पठेत्तथैकोत्तरवारवृद्ध्या
लभेत्स सौवर्णमयीं सुवृष्टिम् ॥ 101 ॥
य एकभक्तोऽन्वहमेकवर्षं
विशुद्धधीः सप्ततिवारजापी ।
स मन्दभाग्योऽपि रमाकटाक्षा-
-द्भवेत्सहस्राक्षशताधिकश्रीः ॥ 102 ॥
श्रीशाङ्घ्रिभक्तिं हरिदासदास्यं
प्रसन्नमन्त्रार्थदृढैकनिष्ठाम् ।
गुरोः स्मृतिं निर्मलबोधबुद्धिं
प्रदेहि मातः परमं पदं श्रीः ॥ 103 ॥
पृथ्वीपतित्वं पुरुषोत्तमत्वं
विभूतिवासं विविधार्थसिद्धिम् ।
सम्पूर्णकीर्तिं बहुवर्षभोगं
प्रदेहि मे लक्ष्मि पुनः पुनस्त्वम् ॥ 104 ॥
वादार्थसिद्धिं बहुलोकवश्यं
वयः स्थिरत्वं ललनासुभोगम् ।
पौत्रादिलब्धिं सकलार्थसिद्धिं
प्रदेहि मे भार्गवि जन्मजन्मनि ॥ 105 ॥
सुवर्णवृद्धिं कुरु मे गृहे श्रीः
सुधान्यवृद्धिं कुरू मे गृहे श्रीः ।
कल्याणवृद्धिं कुरु मे गृहे श्रीः
विभूतिवृद्धिं कुरु मे गृहे श्रीः ॥ 106 ॥
ध्यायेल्लक्ष्मीं प्रहसितमुखीं कोटिबालार्कभासां
विद्युद्वर्णाम्बरवरधरां भूषणाढ्यां सुशोभाम् ।
बीजापूरं सरसिजयुगं बिभ्रतीं स्वर्णपात्रं
भर्त्रायुक्तां मुहुरभयदां मह्यमप्यच्युतश्रीः ॥ 107 ॥
गुह्यातिगुह्यगोप्त्री त्वं गृहाणास्मत्कृतं जपम् ।
सिद्धिर्भवतु मे देवि त्वत्प्रसादान्मयि स्थिता ॥ 108 ॥
इति श्रीअथर्वणरहस्ये श्रीलक्ष्मीहृदयस्तोत्रं सम्पूर्णम् ॥
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.