ජය පද්මපලාශාක්ෂි ජය ත්වං ශ්රීපතිප්රියේ .
ජය මාතර්මහාලක්ෂ්මි සංසාරාර්ණවතාරිණි .. 1 ..
මහාලක්ෂ්මි නමස්තුභ්යං නමස්තුභ්යං සුරේශ්වරි .
හරිප්රියේ නමස්තුභ්යං නමස්තුභ්යං දයානිධේ .. 2 ..
පද්මාලයේ නමස්තුභ්යං නමස්තුභ්යං ච සර්වදේ .
සර්වභූතහිතාර්ථාය වසුවෘෂ්ටිං සදා කුරු .. 3 ..
ජගන්මාතර්නමස්තුභ්යං නමස්තුභ්යං දයානිධේ .
දයාවති නමස්තුභ්යං විශ්වේශ්වරි නමෝ(අ)ස්තු තේ .. 4 ..
නමඃ ක්ෂීරාර්ණවසුතේ නමස්ත්රෛලෝක්යධාරිණි .
වසුවෘෂ්ටේ නමස්තුභ්යං රක්ෂ මාං ශරණාගතම් .. 5 ..
රක්ෂ ත්වං දේවදේවේශි දේවදේවස්ය වල්ලභේ .
දාරිද්ර්යාත්ත්රාහි මාං ලක්ෂ්මි කෘපාං කුරු මමෝපරි .. 6 ..
නමස්ත්රෛලෝක්යජනනි නමස්ත්රෛලෝක්යපාවනි .
බ්රහ්මාදයෝ නමන්ති ත්වාං ජගදානන්දදායිනි .. 7 ..
විෂ්ණුප්රියේ නමස්තුභ්යං නමස්තුභ්යං ජගද්ධිතේ .
ආර්තිහන්ත්රි නමස්තුභ්යං සමෘද්ධිං කුරු මේ සදා .. 8 ..
අබ්ජවාසේ නමස්තුභ්යං චපලායෛ නමෝ නමඃ .
චඤ්චලායෛ නමස්තුභ්යං ලලිතායෛ නමෝ නමඃ .. 9 ..
නමඃ ප්රද්යුම්නජනනි මාතස්තුභ්යං නමෝ නමඃ .
පරිපාලය මාං මාතඃ මාං තුභ්යං ශරණාගතම් .. 10 ..
ශරණ්යේ ත්වාං ප්රපන්නෝ(අ)ස්මි කමලේ කමලාලයේ .
ත්රාහි ත්රාහි මහාලක්ෂ්මි පරිත්රාණපරායණේ .. 11 ..
පාණ්ඩිත්යං ශෝභතේ නෛව න ශෝභන්තේ ගුණා නරේ .
ශීලත්වං නෛව ශෝභේත මහාලක්ෂ්මි ත්වයා විනා .. 12 ..
තාවද්විරාජතේ රූපං තාවච්ඡීලං විරාජතේ .
තාවද්ගුණා නරාණාං ච යාවල්ලක්ෂ්මීඃ ප්රසීදති .. 13 ..
ලක්ෂ්මි ත්වයා(අ)ලඞ්කෘතමානවා යේ
පාපෛර්විමුක්තා නෘපලෝකමාන්යාඃ .
ගුණෛර්විහීනා ගුණිනෝ භවන්ති
දුශ්ශීලිනඃ ශීලවතාං වරිෂ්ඨාඃ .. 14 ..
ලක්ෂ්මීර්භූෂයතේ රූපං ලක්ෂ්මීර්භූෂයතේ කුලම් .
ලක්ෂ්මීර්භූෂයතේ විද්යාං සර්වා ලක්ෂ්මීර්විශිෂ්යතේ .. 15 ..
ලක්ෂ්මී ත්වද්ගුණකීර්තනේන කමලා භූර්යාත්යලං ජිහ්මතාම්
රුද්රාද්යා රවිචන්ද්රදේවපතයෝ වක්තුං ච නෛව ක්ෂමාඃ .
අස්මාභිස්තව රූපලක්ෂණගුණාන්වක්තුං කථං ශක්යතේ
මාතර්මාං පරිපාහි විශ්වජනනී කෘත්වා මමේෂ්ටං ධ්රුවම් .. 16 ..
දීනාර්තිභීතං භවතාපපීඩිතං
ධනෛර්විහීනං තව පාර්ශ්වමාගතම් .
කෘපානිධිත්වාන්මම ලක්ෂ්මි සත්වරං
ධනප්රදානාද්ධනනායකං කුරු .. 17 ..
මාං විලෝක්ය ජනනී හරිප්රියේ
නිර්ධනං තව සමීපමාගතම් .
දේහි මේ ඣටිති ලක්ෂ්මි කරාග්රං
වස්ත්රකාඤ්චනවරාන්නමද්භුතම් .. 18 ..
ත්වමේව ජනනී ලක්ෂ්මීඃ පිතා ලක්ෂ්මීස්ත්වමේව ච .
භ්රාතා ත්වං ච සඛා ලක්ෂ්මීර්විද්යා ලක්ෂ්මීස්ත්වමේව ච .. 19 ..
ත්රාහි ත්රාහි මහාලක්ෂ්මි ත්රාහි ත්රාහි සුරේශ්වරි .
ත්රාහි ත්රාහි ජගන්මාතඃ දාරිද්ර්යාත්ත්රාහි වේගතඃ .. 20 ..
නමස්තුභ්යං ජගද්ධාත්රි නමස්තුභ්යං නමෝ නමඃ .
ධර්මාධාරේ නමස්තුභ්යං නමඃ සම්පත්තිදායිනී .. 21 ..
දාරිද්ර්යාර්ණවමග්නෝ(අ)හං නිමග්නෝ(අ)හං රසාතලේ .
මජ්ජන්තං මාං කරේ ධෘත්වා තූද්ධර ත්වං රමේ ද්රුතම් .. 22 ..
කිං ලක්ෂ්මි බහුනෝක්තේන ජල්පිතේන පුනඃ පුනඃ .
අන්යන්මේ ශරණං නාස්ති සත්යං සත්යං හරිප්රියේ .. 23 ..
ඒතච්ඡ්රුත්වා(අ)ගස්ත්යවාක්යං හෘෂ්යමාණා හරිප්රියා .
උවාච මධුරාං වාණීං තුෂ්ටා(අ)හං තව සර්වදා .. 24 ..
ශ්රීලක්ෂ්මීරුවාච .
යත්ත්වයෝක්තමිදං ස්තෝත්රං යඃ පඨිෂ්යති මානවඃ .
ශෘණෝති ච මහාභාගස්තස්යාහං වශවර්තිනී .. 25 ..
නිත්යං පඨති යෝ භක්ත්යා ත්වලක්ෂ්මීස්තස්ය නශ්යති .
ඍණං ච නශ්යතේ තීව්රං වියෝගං නෛව පශ්යති .. 26 ..
යඃ පඨේත්ප්රාතරුත්ථාය ශ්රද්ධාභක්තිසමන්විතඃ .
ගෘහේ තස්ය සදා තිෂ්ටේන්නිත්යං ශ්රීඃ පතිනා සහ .. 27 ..
සුඛසෞභාග්යසම්පන්නෝ මනස්වී බුද්ධිමාන්භවේත් .
පුත්රවාන් ගුණවාන් ශ්රේෂ්ඨෝ භෝගභෝක්තා ච මානවඃ .. 28 ..
ඉදං ස්තෝත්රං මහාපුණ්යං ලක්ෂ්ම්යාගස්ත්යප්රකීර්තිතම් .
විෂ්ණුප්රසාදජනනං චතුර්වර්ගඵලප්රදම් .. 29 ..
රාජද්වාරේ ජයශ්චෛව ශත්රෝශ්චෛව පරාජයඃ .
භූතප්රේතපිශාචානාං ව්යාඝ්රාණාං න භයං තථා .. 30 ..
න ශස්ත්රානලතෝයෞඝාද්භයං තස්ය ප්රජායතේ .
දුර්වෘත්තානාං ච පාපානාං බහුහානිකරං පරම් .. 31 ..
මන්දුරාකරිශාලාසු ගවාං ගෝෂ්ඨේ සමාහිතඃ .
පඨේත්තද්දෝෂශාන්ත්යර්ථං මහාපාතකනාශනම් .. 32 ..
සර්වසෞඛ්යකරං නෲණාමායුරාරෝග්යදං තථා .
අගස්ත්යමුනිනා ප්රෝක්තං ප්රජානාං හිතකාම්යයා .. 33 ..
ඉත්යගස්ත්යවිරචිතං ශ්රී ලක්ෂ්මී ස්තෝත්රම් .
Roman (IAST) Transliteration
jaya padmapalāśākṣi jaya tvaṃ śrīpatipriye |
jaya mātarmahālakṣmi saṃsārārṇavatāriṇi || 1 ||
mahālakṣmi namastubhyaṃ namastubhyaṃ sureśvari |
haripriye namastubhyaṃ namastubhyaṃ dayānidhe || 2 ||
padmālaye namastubhyaṃ namastubhyaṃ ca sarvade |
sarvabhūtahitārthāya vasuvṛṣṭiṃ sadā kuru || 3 ||
jaganmātarnamastubhyaṃ namastubhyaṃ dayānidhe |
dayāvati namastubhyaṃ viśveśvari namo'stu te || 4 ||
namaḥ kṣīrārṇavasute namastrailokyadhāriṇi |
vasuvṛṣṭe namastubhyaṃ rakṣa māṃ śaraṇāgatam || 5 ||
rakṣa tvaṃ devadeveśi devadevasya vallabhe |
dāridryāttrāhi māṃ lakṣmi kṛpāṃ kuru mamopari || 6 ||
namastrailokyajanani namastrailokyapāvani |
brahmādayo namanti tvāṃ jagadānandadāyini || 7 ||
viṣṇupriye namastubhyaṃ namastubhyaṃ jagaddhite |
ārtihantri namastubhyaṃ samṛddhiṃ kuru me sadā || 8 ||
abjavāse namastubhyaṃ capalāyai namo namaḥ |
cañcalāyai namastubhyaṃ lalitāyai namo namaḥ || 9 ||
namaḥ pradyumnajanani mātastubhyaṃ namo namaḥ |
paripālaya māṃ mātaḥ māṃ tubhyaṃ śaraṇāgatam || 10 ||
śaraṇye tvāṃ prapanno'smi kamale kamalālaye |
trāhi trāhi mahālakṣmi paritrāṇaparāyaṇe || 11 ||
pāṇḍityaṃ śobhate naiva na śobhante guṇā nare |
śīlatvaṃ naiva śobheta mahālakṣmi tvayā vinā || 12 ||
tāvadvirājate rūpaṃ tāvacchīlaṃ virājate |
tāvadguṇā narāṇāṃ ca yāvallakṣmīḥ prasīdati || 13 ||
lakṣmi tvayā'laṅkṛtamānavā ye
pāpairvimuktā nṛpalokamānyāḥ |
guṇairvihīnā guṇino bhavanti
duśśīlinaḥ śīlavatāṃ variṣṭhāḥ || 14 ||
lakṣmīrbhūṣayate rūpaṃ lakṣmīrbhūṣayate kulam |
lakṣmīrbhūṣayate vidyāṃ sarvā lakṣmīrviśiṣyate || 15 ||
lakṣmī tvadguṇakīrtanena kamalā bhūryātyalaṃ jihmatām
rudrādyā ravicandradevapatayo vaktuṃ ca naiva kṣamāḥ |
asmābhistava rūpalakṣaṇaguṇānvaktuṃ kathaṃ śakyate
mātarmāṃ paripāhi viśvajananī kṛtvā mameṣṭaṃ dhruvam || 16 ||
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam |
kṛpānidhitvānmama lakṣmi satvaraṃ
dhanapradānāddhananāyakaṃ kuru || 17 ||
māṃ vilokya jananī haripriye
nirdhanaṃ tava samīpamāgatam |
dehi me jhaṭiti lakṣmi karāgraṃ
vastrakāñcanavarānnamadbhutam || 18 ||
tvameva jananī lakṣmīḥ pitā lakṣmīstvameva ca |
bhrātā tvaṃ ca sakhā lakṣmīrvidyā lakṣmīstvameva ca || 19 ||
trāhi trāhi mahālakṣmi trāhi trāhi sureśvari |
trāhi trāhi jaganmātaḥ dāridryāttrāhi vegataḥ || 20 ||
namastubhyaṃ jagaddhātri namastubhyaṃ namo namaḥ |
dharmādhāre namastubhyaṃ namaḥ sampattidāyinī || 21 ||
dāridryārṇavamagno'haṃ nimagno'haṃ rasātale |
majjantaṃ māṃ kare dhṛtvā tūddhara tvaṃ rame drutam || 22 ||
kiṃ lakṣmi bahunoktena jalpitena punaḥ punaḥ |
anyanme śaraṇaṃ nāsti satyaṃ satyaṃ haripriye || 23 ||
etacchrutvā'gastyavākyaṃ hṛṣyamāṇā haripriyā |
uvāca madhurāṃ vāṇīṃ tuṣṭā'haṃ tava sarvadā || 24 ||
śrīlakṣmīruvāca |
yattvayoktamidaṃ stotraṃ yaḥ paṭhiṣyati mānavaḥ |
śṛṇoti ca mahābhāgastasyāhaṃ vaśavartinī || 25 ||
nityaṃ paṭhati yo bhaktyā tvalakṣmīstasya naśyati |
ṛṇaṃ ca naśyate tīvraṃ viyogaṃ naiva paśyati || 26 ||
yaḥ paṭhetprātarutthāya śraddhābhaktisamanvitaḥ |
gṛhe tasya sadā tiṣṭennityaṃ śrīḥ patinā saha || 27 ||
sukhasaubhāgyasampanno manasvī buddhimānbhavet |
putravān guṇavān śreṣṭho bhogabhoktā ca mānavaḥ || 28 ||
idaṃ stotraṃ mahāpuṇyaṃ lakṣmyāgastyaprakīrtitam |
viṣṇuprasādajananaṃ caturvargaphalapradam || 29 ||
rājadvāre jayaścaiva śatroścaiva parājayaḥ |
bhūtapretapiśācānāṃ vyāghrāṇāṃ na bhayaṃ tathā || 30 ||
na śastrānalatoyaughādbhayaṃ tasya prajāyate |
durvṛttānāṃ ca pāpānāṃ bahuhānikaraṃ param || 31 ||
mandurākariśālāsu gavāṃ goṣṭhe samāhitaḥ |
paṭhettaddoṣaśāntyarthaṃ mahāpātakanāśanam || 32 ||
sarvasaukhyakaraṃ nṝṇāmāyurārogyadaṃ tathā |
agastyamuninā proktaṃ prajānāṃ hitakāmyayā || 33 ||
ityagastyaviracitaṃ śrī lakṣmī stotram |
Sanskrit — Devanagari (original)
जय पद्मपलाशाक्षि जय त्वं श्रीपतिप्रिये ।
जय मातर्महालक्ष्मि संसारार्णवतारिणि ॥ 1 ॥
महालक्ष्मि नमस्तुभ्यं नमस्तुभ्यं सुरेश्वरि ।
हरिप्रिये नमस्तुभ्यं नमस्तुभ्यं दयानिधे ॥ 2 ॥
पद्मालये नमस्तुभ्यं नमस्तुभ्यं च सर्वदे ।
सर्वभूतहितार्थाय वसुवृष्टिं सदा कुरु ॥ 3 ॥
जगन्मातर्नमस्तुभ्यं नमस्तुभ्यं दयानिधे ।
दयावति नमस्तुभ्यं विश्वेश्वरि नमोऽस्तु ते ॥ 4 ॥
नमः क्षीरार्णवसुते नमस्त्रैलोक्यधारिणि ।
वसुवृष्टे नमस्तुभ्यं रक्ष मां शरणागतम् ॥ 5 ॥
रक्ष त्वं देवदेवेशि देवदेवस्य वल्लभे ।
दारिद्र्यात्त्राहि मां लक्ष्मि कृपां कुरु ममोपरि ॥ 6 ॥
नमस्त्रैलोक्यजननि नमस्त्रैलोक्यपावनि ।
ब्रह्मादयो नमन्ति त्वां जगदानन्ददायिनि ॥ 7 ॥
विष्णुप्रिये नमस्तुभ्यं नमस्तुभ्यं जगद्धिते ।
आर्तिहन्त्रि नमस्तुभ्यं समृद्धिं कुरु मे सदा ॥ 8 ॥
अब्जवासे नमस्तुभ्यं चपलायै नमो नमः ।
चञ्चलायै नमस्तुभ्यं ललितायै नमो नमः ॥ 9 ॥
नमः प्रद्युम्नजननि मातस्तुभ्यं नमो नमः ।
परिपालय मां मातः मां तुभ्यं शरणागतम् ॥ 10 ॥
शरण्ये त्वां प्रपन्नोऽस्मि कमले कमलालये ।
त्राहि त्राहि महालक्ष्मि परित्राणपरायणे ॥ 11 ॥
पाण्डित्यं शोभते नैव न शोभन्ते गुणा नरे ।
शीलत्वं नैव शोभेत महालक्ष्मि त्वया विना ॥ 12 ॥
तावद्विराजते रूपं तावच्छीलं विराजते ।
तावद्गुणा नराणां च यावल्लक्ष्मीः प्रसीदति ॥ 13 ॥
लक्ष्मि त्वयाऽलङ्कृतमानवा ये
पापैर्विमुक्ता नृपलोकमान्याः ।
गुणैर्विहीना गुणिनो भवन्ति
दुश्शीलिनः शीलवतां वरिष्ठाः ॥ 14 ॥
लक्ष्मीर्भूषयते रूपं लक्ष्मीर्भूषयते कुलम् ।
लक्ष्मीर्भूषयते विद्यां सर्वा लक्ष्मीर्विशिष्यते ॥ 15 ॥
लक्ष्मी त्वद्गुणकीर्तनेन कमला भूर्यात्यलं जिह्मताम्
रुद्राद्या रविचन्द्रदेवपतयो वक्तुं च नैव क्षमाः ।
अस्माभिस्तव रूपलक्षणगुणान्वक्तुं कथं शक्यते
मातर्मां परिपाहि विश्वजननी कृत्वा ममेष्टं ध्रुवम् ॥ 16 ॥
दीनार्तिभीतं भवतापपीडितं
धनैर्विहीनं तव पार्श्वमागतम् ।
कृपानिधित्वान्मम लक्ष्मि सत्वरं
धनप्रदानाद्धननायकं कुरु ॥ 17 ॥
मां विलोक्य जननी हरिप्रिये
निर्धनं तव समीपमागतम् ।
देहि मे झटिति लक्ष्मि कराग्रं
वस्त्रकाञ्चनवरान्नमद्भुतम् ॥ 18 ॥
त्वमेव जननी लक्ष्मीः पिता लक्ष्मीस्त्वमेव च ।
भ्राता त्वं च सखा लक्ष्मीर्विद्या लक्ष्मीस्त्वमेव च ॥ 19 ॥
त्राहि त्राहि महालक्ष्मि त्राहि त्राहि सुरेश्वरि ।
त्राहि त्राहि जगन्मातः दारिद्र्यात्त्राहि वेगतः ॥ 20 ॥
नमस्तुभ्यं जगद्धात्रि नमस्तुभ्यं नमो नमः ।
धर्माधारे नमस्तुभ्यं नमः सम्पत्तिदायिनी ॥ 21 ॥
दारिद्र्यार्णवमग्नोऽहं निमग्नोऽहं रसातले ।
मज्जन्तं मां करे धृत्वा तूद्धर त्वं रमे द्रुतम् ॥ 22 ॥
किं लक्ष्मि बहुनोक्तेन जल्पितेन पुनः पुनः ।
अन्यन्मे शरणं नास्ति सत्यं सत्यं हरिप्रिये ॥ 23 ॥
एतच्छ्रुत्वाऽगस्त्यवाक्यं हृष्यमाणा हरिप्रिया ।
उवाच मधुरां वाणीं तुष्टाऽहं तव सर्वदा ॥ 24 ॥
श्रीलक्ष्मीरुवाच ।
यत्त्वयोक्तमिदं स्तोत्रं यः पठिष्यति मानवः ।
शृणोति च महाभागस्तस्याहं वशवर्तिनी ॥ 25 ॥
नित्यं पठति यो भक्त्या त्वलक्ष्मीस्तस्य नश्यति ।
ऋणं च नश्यते तीव्रं वियोगं नैव पश्यति ॥ 26 ॥
यः पठेत्प्रातरुत्थाय श्रद्धाभक्तिसमन्वितः ।
गृहे तस्य सदा तिष्टेन्नित्यं श्रीः पतिना सह ॥ 27 ॥
सुखसौभाग्यसम्पन्नो मनस्वी बुद्धिमान्भवेत् ।
पुत्रवान् गुणवान् श्रेष्ठो भोगभोक्ता च मानवः ॥ 28 ॥
इदं स्तोत्रं महापुण्यं लक्ष्म्यागस्त्यप्रकीर्तितम् ।
विष्णुप्रसादजननं चतुर्वर्गफलप्रदम् ॥ 29 ॥
राजद्वारे जयश्चैव शत्रोश्चैव पराजयः ।
भूतप्रेतपिशाचानां व्याघ्राणां न भयं तथा ॥ 30 ॥
न शस्त्रानलतोयौघाद्भयं तस्य प्रजायते ।
दुर्वृत्तानां च पापानां बहुहानिकरं परम् ॥ 31 ॥
मन्दुराकरिशालासु गवां गोष्ठे समाहितः ।
पठेत्तद्दोषशान्त्यर्थं महापातकनाशनम् ॥ 32 ॥
सर्वसौख्यकरं नॄणामायुरारोग्यदं तथा ।
अगस्त्यमुनिना प्रोक्तं प्रजानां हितकाम्यया ॥ 33 ॥
इत्यगस्त्यविरचितं श्री लक्ष्मी स्तोत्रम् ।
jaya padmapalāśākṣi jaya tvaṃ śrīpatipriye |
jaya mātarmahālakṣmi saṃsārārṇavatāriṇi || 1 ||
mahālakṣmi namastubhyaṃ namastubhyaṃ sureśvari |
haripriye namastubhyaṃ namastubhyaṃ dayānidhe || 2 ||
padmālaye namastubhyaṃ namastubhyaṃ ca sarvade |
sarvabhūtahitārthāya vasuvṛṣṭiṃ sadā kuru || 3 ||
jaganmātarnamastubhyaṃ namastubhyaṃ dayānidhe |
dayāvati namastubhyaṃ viśveśvari namo'stu te || 4 ||
namaḥ kṣīrārṇavasute namastrailokyadhāriṇi |
vasuvṛṣṭe namastubhyaṃ rakṣa māṃ śaraṇāgatam || 5 ||
rakṣa tvaṃ devadeveśi devadevasya vallabhe |
dāridryāttrāhi māṃ lakṣmi kṛpāṃ kuru mamopari || 6 ||
namastrailokyajanani namastrailokyapāvani |
brahmādayo namanti tvāṃ jagadānandadāyini || 7 ||
viṣṇupriye namastubhyaṃ namastubhyaṃ jagaddhite |
ārtihantri namastubhyaṃ samṛddhiṃ kuru me sadā || 8 ||
abjavāse namastubhyaṃ capalāyai namo namaḥ |
cañcalāyai namastubhyaṃ lalitāyai namo namaḥ || 9 ||
namaḥ pradyumnajanani mātastubhyaṃ namo namaḥ |
paripālaya māṃ mātaḥ māṃ tubhyaṃ śaraṇāgatam || 10 ||
śaraṇye tvāṃ prapanno'smi kamale kamalālaye |
trāhi trāhi mahālakṣmi paritrāṇaparāyaṇe || 11 ||
pāṇḍityaṃ śobhate naiva na śobhante guṇā nare |
śīlatvaṃ naiva śobheta mahālakṣmi tvayā vinā || 12 ||
tāvadvirājate rūpaṃ tāvacchīlaṃ virājate |
tāvadguṇā narāṇāṃ ca yāvallakṣmīḥ prasīdati || 13 ||
lakṣmi tvayā'laṅkṛtamānavā ye
pāpairvimuktā nṛpalokamānyāḥ |
guṇairvihīnā guṇino bhavanti
duśśīlinaḥ śīlavatāṃ variṣṭhāḥ || 14 ||
lakṣmīrbhūṣayate rūpaṃ lakṣmīrbhūṣayate kulam |
lakṣmīrbhūṣayate vidyāṃ sarvā lakṣmīrviśiṣyate || 15 ||
lakṣmī tvadguṇakīrtanena kamalā bhūryātyalaṃ jihmatām
rudrādyā ravicandradevapatayo vaktuṃ ca naiva kṣamāḥ |
asmābhistava rūpalakṣaṇaguṇānvaktuṃ kathaṃ śakyate
mātarmāṃ paripāhi viśvajananī kṛtvā mameṣṭaṃ dhruvam || 16 ||
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam |
kṛpānidhitvānmama lakṣmi satvaraṃ
dhanapradānāddhananāyakaṃ kuru || 17 ||
māṃ vilokya jananī haripriye
nirdhanaṃ tava samīpamāgatam |
dehi me jhaṭiti lakṣmi karāgraṃ
vastrakāñcanavarānnamadbhutam || 18 ||
tvameva jananī lakṣmīḥ pitā lakṣmīstvameva ca |
bhrātā tvaṃ ca sakhā lakṣmīrvidyā lakṣmīstvameva ca || 19 ||
trāhi trāhi mahālakṣmi trāhi trāhi sureśvari |
trāhi trāhi jaganmātaḥ dāridryāttrāhi vegataḥ || 20 ||
namastubhyaṃ jagaddhātri namastubhyaṃ namo namaḥ |
dharmādhāre namastubhyaṃ namaḥ sampattidāyinī || 21 ||
dāridryārṇavamagno'haṃ nimagno'haṃ rasātale |
majjantaṃ māṃ kare dhṛtvā tūddhara tvaṃ rame drutam || 22 ||
kiṃ lakṣmi bahunoktena jalpitena punaḥ punaḥ |
anyanme śaraṇaṃ nāsti satyaṃ satyaṃ haripriye || 23 ||
etacchrutvā'gastyavākyaṃ hṛṣyamāṇā haripriyā |
uvāca madhurāṃ vāṇīṃ tuṣṭā'haṃ tava sarvadā || 24 ||
śrīlakṣmīruvāca |
yattvayoktamidaṃ stotraṃ yaḥ paṭhiṣyati mānavaḥ |
śṛṇoti ca mahābhāgastasyāhaṃ vaśavartinī || 25 ||
nityaṃ paṭhati yo bhaktyā tvalakṣmīstasya naśyati |
ṛṇaṃ ca naśyate tīvraṃ viyogaṃ naiva paśyati || 26 ||
yaḥ paṭhetprātarutthāya śraddhābhaktisamanvitaḥ |
gṛhe tasya sadā tiṣṭennityaṃ śrīḥ patinā saha || 27 ||
sukhasaubhāgyasampanno manasvī buddhimānbhavet |
putravān guṇavān śreṣṭho bhogabhoktā ca mānavaḥ || 28 ||
idaṃ stotraṃ mahāpuṇyaṃ lakṣmyāgastyaprakīrtitam |
viṣṇuprasādajananaṃ caturvargaphalapradam || 29 ||
rājadvāre jayaścaiva śatroścaiva parājayaḥ |
bhūtapretapiśācānāṃ vyāghrāṇāṃ na bhayaṃ tathā || 30 ||
na śastrānalatoyaughādbhayaṃ tasya prajāyate |
durvṛttānāṃ ca pāpānāṃ bahuhānikaraṃ param || 31 ||
mandurākariśālāsu gavāṃ goṣṭhe samāhitaḥ |
paṭhettaddoṣaśāntyarthaṃ mahāpātakanāśanam || 32 ||
sarvasaukhyakaraṃ nṝṇāmāyurārogyadaṃ tathā |
agastyamuninā proktaṃ prajānāṃ hitakāmyayā || 33 ||
ityagastyaviracitaṃ śrī lakṣmī stotram |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.