ಜಯ ಪದ್ಮಪಲಾಶಾಕ್ಷಿ ಜಯ ತ್ವಂ ಶ್ರೀಪತಿಪ್ರಿಯೇ ।
ಜಯ ಮಾತರ್ಮಹಾಲಕ್ಷ್ಮಿ ಸಂಸಾರಾರ್ಣವತಾರಿಣಿ ॥ 1 ॥
ಮಹಾಲಕ್ಷ್ಮಿ ನಮಸ್ತುಭ್ಯಂ ನಮಸ್ತುಭ್ಯಂ ಸುರೇಶ್ವರಿ ।
ಹರಿಪ್ರಿಯೇ ನಮಸ್ತುಭ್ಯಂ ನಮಸ್ತುಭ್ಯಂ ದಯಾನಿಧೇ ॥ 2 ॥
ಪದ್ಮಾಲಯೇ ನಮಸ್ತುಭ್ಯಂ ನಮಸ್ತುಭ್ಯಂ ಚ ಸರ್ವದೇ ।
ಸರ್ವಭೂತಹಿತಾರ್ಥಾಯ ವಸುವೃಷ್ಟಿಂ ಸದಾ ಕುರು ॥ 3 ॥
ಜಗನ್ಮಾತರ್ನಮಸ್ತುಭ್ಯಂ ನಮಸ್ತುಭ್ಯಂ ದಯಾನಿಧೇ ।
ದಯಾವತಿ ನಮಸ್ತುಭ್ಯಂ ವಿಶ್ವೇಶ್ವರಿ ನಮೋಽಸ್ತು ತೇ ॥ 4 ॥
ನಮಃ ಕ್ಷೀರಾರ್ಣವಸುತೇ ನಮಸ್ತ್ರೈಲೋಕ್ಯಧಾರಿಣಿ ।
ವಸುವೃಷ್ಟೇ ನಮಸ್ತುಭ್ಯಂ ರಕ್ಷ ಮಾಂ ಶರಣಾಗತಮ್ ॥ 5 ॥
ರಕ್ಷ ತ್ವಂ ದೇವದೇವೇಶಿ ದೇವದೇವಸ್ಯ ವಲ್ಲಭೇ ।
ದಾರಿದ್ರ್ಯಾತ್ತ್ರಾಹಿ ಮಾಂ ಲಕ್ಷ್ಮಿ ಕೃಪಾಂ ಕುರು ಮಮೋಪರಿ ॥ 6 ॥
ನಮಸ್ತ್ರೈಲೋಕ್ಯಜನನಿ ನಮಸ್ತ್ರೈಲೋಕ್ಯಪಾವನಿ ।
ಬ್ರಹ್ಮಾದಯೋ ನಮನ್ತಿ ತ್ವಾಂ ಜಗದಾನನ್ದದಾಯಿನಿ ॥ 7 ॥
ವಿಷ್ಣುಪ್ರಿಯೇ ನಮಸ್ತುಭ್ಯಂ ನಮಸ್ತುಭ್ಯಂ ಜಗದ್ಧಿತೇ ।
ಆರ್ತಿಹನ್ತ್ರಿ ನಮಸ್ತುಭ್ಯಂ ಸಮೃದ್ಧಿಂ ಕುರು ಮೇ ಸದಾ ॥ 8 ॥
ಅಬ್ಜವಾಸೇ ನಮಸ್ತುಭ್ಯಂ ಚಪಲಾಯೈ ನಮೋ ನಮಃ ।
ಚಞ್ಚಲಾಯೈ ನಮಸ್ತುಭ್ಯಂ ಲಲಿತಾಯೈ ನಮೋ ನಮಃ ॥ 9 ॥
ನಮಃ ಪ್ರದ್ಯುಮ್ನಜನನಿ ಮಾತಸ್ತುಭ್ಯಂ ನಮೋ ನಮಃ ।
ಪರಿಪಾಲಯ ಮಾಂ ಮಾತಃ ಮಾಂ ತುಭ್ಯಂ ಶರಣಾಗತಮ್ ॥ 10 ॥
ಶರಣ್ಯೇ ತ್ವಾಂ ಪ್ರಪನ್ನೋಽಸ್ಮಿ ಕಮಲೇ ಕಮಲಾಲಯೇ ।
ತ್ರಾಹಿ ತ್ರಾಹಿ ಮಹಾಲಕ್ಷ್ಮಿ ಪರಿತ್ರಾಣಪರಾಯಣೇ ॥ 11 ॥
ಪಾಣ್ಡಿತ್ಯಂ ಶೋಭತೇ ನೈವ ನ ಶೋಭನ್ತೇ ಗುಣಾ ನರೇ ।
ಶೀಲತ್ವಂ ನೈವ ಶೋಭೇತ ಮಹಾಲಕ್ಷ್ಮಿ ತ್ವಯಾ ವಿನಾ ॥ 12 ॥
ತಾವದ್ವಿರಾಜತೇ ರೂಪಂ ತಾವಚ್ಛೀಲಂ ವಿರಾಜತೇ ।
ತಾವದ್ಗುಣಾ ನರಾಣಾಂ ಚ ಯಾವಲ್ಲಕ್ಷ್ಮೀಃ ಪ್ರಸೀದತಿ ॥ 13 ॥
ಲಕ್ಷ್ಮಿ ತ್ವಯಾಽಲಙ್ಕೃತಮಾನವಾ ಯೇ
ಪಾಪೈರ್ವಿಮುಕ್ತಾ ನೃಪಲೋಕಮಾನ್ಯಾಃ ।
ಗುಣೈರ್ವಿಹೀನಾ ಗುಣಿನೋ ಭವನ್ತಿ
ದುಶ್ಶೀಲಿನಃ ಶೀಲವತಾಂ ವರಿಷ್ಠಾಃ ॥ 14 ॥
ಲಕ್ಷ್ಮೀರ್ಭೂಷಯತೇ ರೂಪಂ ಲಕ್ಷ್ಮೀರ್ಭೂಷಯತೇ ಕುಲಮ್ ।
ಲಕ್ಷ್ಮೀರ್ಭೂಷಯತೇ ವಿದ್ಯಾಂ ಸರ್ವಾ ಲಕ್ಷ್ಮೀರ್ವಿಶಿಷ್ಯತೇ ॥ 15 ॥
ಲಕ್ಷ್ಮೀ ತ್ವದ್ಗುಣಕೀರ್ತನೇನ ಕಮಲಾ ಭೂರ್ಯಾತ್ಯಲಂ ಜಿಹ್ಮತಾಮ್
ರುದ್ರಾದ್ಯಾ ರವಿಚನ್ದ್ರದೇವಪತಯೋ ವಕ್ತುಂ ಚ ನೈವ ಕ್ಷಮಾಃ ।
ಅಸ್ಮಾಭಿಸ್ತವ ರೂಪಲಕ್ಷಣಗುಣಾನ್ವಕ್ತುಂ ಕಥಂ ಶಕ್ಯತೇ
ಮಾತರ್ಮಾಂ ಪರಿಪಾಹಿ ವಿಶ್ವಜನನೀ ಕೃತ್ವಾ ಮಮೇಷ್ಟಂ ಧ್ರುವಮ್ ॥ 16 ॥
ದೀನಾರ್ತಿಭೀತಂ ಭವತಾಪಪೀಡಿತಂ
ಧನೈರ್ವಿಹೀನಂ ತವ ಪಾರ್ಶ್ವಮಾಗತಮ್ ।
ಕೃಪಾನಿಧಿತ್ವಾನ್ಮಮ ಲಕ್ಷ್ಮಿ ಸತ್ವರಂ
ಧನಪ್ರದಾನಾದ್ಧನನಾಯಕಂ ಕುರು ॥ 17 ॥
ಮಾಂ ವಿಲೋಕ್ಯ ಜನನೀ ಹರಿಪ್ರಿಯೇ
ನಿರ್ಧನಂ ತವ ಸಮೀಪಮಾಗತಮ್ ।
ದೇಹಿ ಮೇ ಝಟಿತಿ ಲಕ್ಷ್ಮಿ ಕರಾಗ್ರಂ
ವಸ್ತ್ರಕಾಞ್ಚನವರಾನ್ನಮದ್ಭುತಮ್ ॥ 18 ॥
ತ್ವಮೇವ ಜನನೀ ಲಕ್ಷ್ಮೀಃ ಪಿತಾ ಲಕ್ಷ್ಮೀಸ್ತ್ವಮೇವ ಚ ।
ಭ್ರಾತಾ ತ್ವಂ ಚ ಸಖಾ ಲಕ್ಷ್ಮೀರ್ವಿದ್ಯಾ ಲಕ್ಷ್ಮೀಸ್ತ್ವಮೇವ ಚ ॥ 19 ॥
ತ್ರಾಹಿ ತ್ರಾಹಿ ಮಹಾಲಕ್ಷ್ಮಿ ತ್ರಾಹಿ ತ್ರಾಹಿ ಸುರೇಶ್ವರಿ ।
ತ್ರಾಹಿ ತ್ರಾಹಿ ಜಗನ್ಮಾತಃ ದಾರಿದ್ರ್ಯಾತ್ತ್ರಾಹಿ ವೇಗತಃ ॥ 20 ॥
ನಮಸ್ತುಭ್ಯಂ ಜಗದ್ಧಾತ್ರಿ ನಮಸ್ತುಭ್ಯಂ ನಮೋ ನಮಃ ।
ಧರ್ಮಾಧಾರೇ ನಮಸ್ತುಭ್ಯಂ ನಮಃ ಸಮ್ಪತ್ತಿದಾಯಿನೀ ॥ 21 ॥
ದಾರಿದ್ರ್ಯಾರ್ಣವಮಗ್ನೋಽಹಂ ನಿಮಗ್ನೋಽಹಂ ರಸಾತಲೇ ।
ಮಜ್ಜನ್ತಂ ಮಾಂ ಕರೇ ಧೃತ್ವಾ ತೂದ್ಧರ ತ್ವಂ ರಮೇ ದ್ರುತಮ್ ॥ 22 ॥
ಕಿಂ ಲಕ್ಷ್ಮಿ ಬಹುನೋಕ್ತೇನ ಜಲ್ಪಿತೇನ ಪುನಃ ಪುನಃ ।
ಅನ್ಯನ್ಮೇ ಶರಣಂ ನಾಸ್ತಿ ಸತ್ಯಂ ಸತ್ಯಂ ಹರಿಪ್ರಿಯೇ ॥ 23 ॥
ಏತಚ್ಛ್ರುತ್ವಾಽಗಸ್ತ್ಯವಾಕ್ಯಂ ಹೃಷ್ಯಮಾಣಾ ಹರಿಪ್ರಿಯಾ ।
ಉವಾಚ ಮಧುರಾಂ ವಾಣೀಂ ತುಷ್ಟಾಽಹಂ ತವ ಸರ್ವದಾ ॥ 24 ॥
ಶ್ರೀಲಕ್ಷ್ಮೀರುವಾಚ ।
ಯತ್ತ್ವಯೋಕ್ತಮಿದಂ ಸ್ತೋತ್ರಂ ಯಃ ಪಠಿಷ್ಯತಿ ಮಾನವಃ ।
ಶೃಣೋತಿ ಚ ಮಹಾಭಾಗಸ್ತಸ್ಯಾಹಂ ವಶವರ್ತಿನೀ ॥ 25 ॥
ನಿತ್ಯಂ ಪಠತಿ ಯೋ ಭಕ್ತ್ಯಾ ತ್ವಲಕ್ಷ್ಮೀಸ್ತಸ್ಯ ನಶ್ಯತಿ ।
ಋಣಂ ಚ ನಶ್ಯತೇ ತೀವ್ರಂ ವಿಯೋಗಂ ನೈವ ಪಶ್ಯತಿ ॥ 26 ॥
ಯಃ ಪಠೇತ್ಪ್ರಾತರುತ್ಥಾಯ ಶ್ರದ್ಧಾಭಕ್ತಿಸಮನ್ವಿತಃ ।
ಗೃಹೇ ತಸ್ಯ ಸದಾ ತಿಷ್ಟೇನ್ನಿತ್ಯಂ ಶ್ರೀಃ ಪತಿನಾ ಸಹ ॥ 27 ॥
ಸುಖಸೌಭಾಗ್ಯಸಮ್ಪನ್ನೋ ಮನಸ್ವೀ ಬುದ್ಧಿಮಾನ್ಭವೇತ್ ।
ಪುತ್ರವಾನ್ ಗುಣವಾನ್ ಶ್ರೇಷ್ಠೋ ಭೋಗಭೋಕ್ತಾ ಚ ಮಾನವಃ ॥ 28 ॥
ಇದಂ ಸ್ತೋತ್ರಂ ಮಹಾಪುಣ್ಯಂ ಲಕ್ಷ್ಮ್ಯಾಗಸ್ತ್ಯಪ್ರಕೀರ್ತಿತಮ್ ।
ವಿಷ್ಣುಪ್ರಸಾದಜನನಂ ಚತುರ್ವರ್ಗಫಲಪ್ರದಮ್ ॥ 29 ॥
ರಾಜದ್ವಾರೇ ಜಯಶ್ಚೈವ ಶತ್ರೋಶ್ಚೈವ ಪರಾಜಯಃ ।
ಭೂತಪ್ರೇತಪಿಶಾಚಾನಾಂ ವ್ಯಾಘ್ರಾಣಾಂ ನ ಭಯಂ ತಥಾ ॥ 30 ॥
ನ ಶಸ್ತ್ರಾನಲತೋಯೌಘಾದ್ಭಯಂ ತಸ್ಯ ಪ್ರಜಾಯತೇ ।
ದುರ್ವೃತ್ತಾನಾಂ ಚ ಪಾಪಾನಾಂ ಬಹುಹಾನಿಕರಂ ಪರಮ್ ॥ 31 ॥
ಮನ್ದುರಾಕರಿಶಾಲಾಸು ಗವಾಂ ಗೋಷ್ಠೇ ಸಮಾಹಿತಃ ।
ಪಠೇತ್ತದ್ದೋಷಶಾನ್ತ್ಯರ್ಥಂ ಮಹಾಪಾತಕನಾಶನಮ್ ॥ 32 ॥
ಸರ್ವಸೌಖ್ಯಕರಂ ನೄಣಾಮಾಯುರಾರೋಗ್ಯದಂ ತಥಾ ।
ಅಗಸ್ತ್ಯಮುನಿನಾ ಪ್ರೋಕ್ತಂ ಪ್ರಜಾನಾಂ ಹಿತಕಾಮ್ಯಯಾ ॥ 33 ॥
ಇತ್ಯಗಸ್ತ್ಯವಿರಚಿತಂ ಶ್ರೀ ಲಕ್ಷ್ಮೀ ಸ್ತೋತ್ರಮ್ ।
Roman (IAST) Transliteration
jaya padmapalāśākṣi jaya tvaṃ śrīpatipriye |
jaya mātarmahālakṣmi saṃsārārṇavatāriṇi || 1 ||
mahālakṣmi namastubhyaṃ namastubhyaṃ sureśvari |
haripriye namastubhyaṃ namastubhyaṃ dayānidhe || 2 ||
padmālaye namastubhyaṃ namastubhyaṃ ca sarvade |
sarvabhūtahitārthāya vasuvṛṣṭiṃ sadā kuru || 3 ||
jaganmātarnamastubhyaṃ namastubhyaṃ dayānidhe |
dayāvati namastubhyaṃ viśveśvari namo'stu te || 4 ||
namaḥ kṣīrārṇavasute namastrailokyadhāriṇi |
vasuvṛṣṭe namastubhyaṃ rakṣa māṃ śaraṇāgatam || 5 ||
rakṣa tvaṃ devadeveśi devadevasya vallabhe |
dāridryāttrāhi māṃ lakṣmi kṛpāṃ kuru mamopari || 6 ||
namastrailokyajanani namastrailokyapāvani |
brahmādayo namanti tvāṃ jagadānandadāyini || 7 ||
viṣṇupriye namastubhyaṃ namastubhyaṃ jagaddhite |
ārtihantri namastubhyaṃ samṛddhiṃ kuru me sadā || 8 ||
abjavāse namastubhyaṃ capalāyai namo namaḥ |
cañcalāyai namastubhyaṃ lalitāyai namo namaḥ || 9 ||
namaḥ pradyumnajanani mātastubhyaṃ namo namaḥ |
paripālaya māṃ mātaḥ māṃ tubhyaṃ śaraṇāgatam || 10 ||
śaraṇye tvāṃ prapanno'smi kamale kamalālaye |
trāhi trāhi mahālakṣmi paritrāṇaparāyaṇe || 11 ||
pāṇḍityaṃ śobhate naiva na śobhante guṇā nare |
śīlatvaṃ naiva śobheta mahālakṣmi tvayā vinā || 12 ||
tāvadvirājate rūpaṃ tāvacchīlaṃ virājate |
tāvadguṇā narāṇāṃ ca yāvallakṣmīḥ prasīdati || 13 ||
lakṣmi tvayā'laṅkṛtamānavā ye
pāpairvimuktā nṛpalokamānyāḥ |
guṇairvihīnā guṇino bhavanti
duśśīlinaḥ śīlavatāṃ variṣṭhāḥ || 14 ||
lakṣmīrbhūṣayate rūpaṃ lakṣmīrbhūṣayate kulam |
lakṣmīrbhūṣayate vidyāṃ sarvā lakṣmīrviśiṣyate || 15 ||
lakṣmī tvadguṇakīrtanena kamalā bhūryātyalaṃ jihmatām
rudrādyā ravicandradevapatayo vaktuṃ ca naiva kṣamāḥ |
asmābhistava rūpalakṣaṇaguṇānvaktuṃ kathaṃ śakyate
mātarmāṃ paripāhi viśvajananī kṛtvā mameṣṭaṃ dhruvam || 16 ||
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam |
kṛpānidhitvānmama lakṣmi satvaraṃ
dhanapradānāddhananāyakaṃ kuru || 17 ||
māṃ vilokya jananī haripriye
nirdhanaṃ tava samīpamāgatam |
dehi me jhaṭiti lakṣmi karāgraṃ
vastrakāñcanavarānnamadbhutam || 18 ||
tvameva jananī lakṣmīḥ pitā lakṣmīstvameva ca |
bhrātā tvaṃ ca sakhā lakṣmīrvidyā lakṣmīstvameva ca || 19 ||
trāhi trāhi mahālakṣmi trāhi trāhi sureśvari |
trāhi trāhi jaganmātaḥ dāridryāttrāhi vegataḥ || 20 ||
namastubhyaṃ jagaddhātri namastubhyaṃ namo namaḥ |
dharmādhāre namastubhyaṃ namaḥ sampattidāyinī || 21 ||
dāridryārṇavamagno'haṃ nimagno'haṃ rasātale |
majjantaṃ māṃ kare dhṛtvā tūddhara tvaṃ rame drutam || 22 ||
kiṃ lakṣmi bahunoktena jalpitena punaḥ punaḥ |
anyanme śaraṇaṃ nāsti satyaṃ satyaṃ haripriye || 23 ||
etacchrutvā'gastyavākyaṃ hṛṣyamāṇā haripriyā |
uvāca madhurāṃ vāṇīṃ tuṣṭā'haṃ tava sarvadā || 24 ||
śrīlakṣmīruvāca |
yattvayoktamidaṃ stotraṃ yaḥ paṭhiṣyati mānavaḥ |
śṛṇoti ca mahābhāgastasyāhaṃ vaśavartinī || 25 ||
nityaṃ paṭhati yo bhaktyā tvalakṣmīstasya naśyati |
ṛṇaṃ ca naśyate tīvraṃ viyogaṃ naiva paśyati || 26 ||
yaḥ paṭhetprātarutthāya śraddhābhaktisamanvitaḥ |
gṛhe tasya sadā tiṣṭennityaṃ śrīḥ patinā saha || 27 ||
sukhasaubhāgyasampanno manasvī buddhimānbhavet |
putravān guṇavān śreṣṭho bhogabhoktā ca mānavaḥ || 28 ||
idaṃ stotraṃ mahāpuṇyaṃ lakṣmyāgastyaprakīrtitam |
viṣṇuprasādajananaṃ caturvargaphalapradam || 29 ||
rājadvāre jayaścaiva śatroścaiva parājayaḥ |
bhūtapretapiśācānāṃ vyāghrāṇāṃ na bhayaṃ tathā || 30 ||
na śastrānalatoyaughādbhayaṃ tasya prajāyate |
durvṛttānāṃ ca pāpānāṃ bahuhānikaraṃ param || 31 ||
mandurākariśālāsu gavāṃ goṣṭhe samāhitaḥ |
paṭhettaddoṣaśāntyarthaṃ mahāpātakanāśanam || 32 ||
sarvasaukhyakaraṃ nṝṇāmāyurārogyadaṃ tathā |
agastyamuninā proktaṃ prajānāṃ hitakāmyayā || 33 ||
ityagastyaviracitaṃ śrī lakṣmī stotram |
Sanskrit — Devanagari (original)
जय पद्मपलाशाक्षि जय त्वं श्रीपतिप्रिये ।
जय मातर्महालक्ष्मि संसारार्णवतारिणि ॥ 1 ॥
महालक्ष्मि नमस्तुभ्यं नमस्तुभ्यं सुरेश्वरि ।
हरिप्रिये नमस्तुभ्यं नमस्तुभ्यं दयानिधे ॥ 2 ॥
पद्मालये नमस्तुभ्यं नमस्तुभ्यं च सर्वदे ।
सर्वभूतहितार्थाय वसुवृष्टिं सदा कुरु ॥ 3 ॥
जगन्मातर्नमस्तुभ्यं नमस्तुभ्यं दयानिधे ।
दयावति नमस्तुभ्यं विश्वेश्वरि नमोऽस्तु ते ॥ 4 ॥
नमः क्षीरार्णवसुते नमस्त्रैलोक्यधारिणि ।
वसुवृष्टे नमस्तुभ्यं रक्ष मां शरणागतम् ॥ 5 ॥
रक्ष त्वं देवदेवेशि देवदेवस्य वल्लभे ।
दारिद्र्यात्त्राहि मां लक्ष्मि कृपां कुरु ममोपरि ॥ 6 ॥
नमस्त्रैलोक्यजननि नमस्त्रैलोक्यपावनि ।
ब्रह्मादयो नमन्ति त्वां जगदानन्ददायिनि ॥ 7 ॥
विष्णुप्रिये नमस्तुभ्यं नमस्तुभ्यं जगद्धिते ।
आर्तिहन्त्रि नमस्तुभ्यं समृद्धिं कुरु मे सदा ॥ 8 ॥
अब्जवासे नमस्तुभ्यं चपलायै नमो नमः ।
चञ्चलायै नमस्तुभ्यं ललितायै नमो नमः ॥ 9 ॥
नमः प्रद्युम्नजननि मातस्तुभ्यं नमो नमः ।
परिपालय मां मातः मां तुभ्यं शरणागतम् ॥ 10 ॥
शरण्ये त्वां प्रपन्नोऽस्मि कमले कमलालये ।
त्राहि त्राहि महालक्ष्मि परित्राणपरायणे ॥ 11 ॥
पाण्डित्यं शोभते नैव न शोभन्ते गुणा नरे ।
शीलत्वं नैव शोभेत महालक्ष्मि त्वया विना ॥ 12 ॥
तावद्विराजते रूपं तावच्छीलं विराजते ।
तावद्गुणा नराणां च यावल्लक्ष्मीः प्रसीदति ॥ 13 ॥
लक्ष्मि त्वयाऽलङ्कृतमानवा ये
पापैर्विमुक्ता नृपलोकमान्याः ।
गुणैर्विहीना गुणिनो भवन्ति
दुश्शीलिनः शीलवतां वरिष्ठाः ॥ 14 ॥
लक्ष्मीर्भूषयते रूपं लक्ष्मीर्भूषयते कुलम् ।
लक्ष्मीर्भूषयते विद्यां सर्वा लक्ष्मीर्विशिष्यते ॥ 15 ॥
लक्ष्मी त्वद्गुणकीर्तनेन कमला भूर्यात्यलं जिह्मताम्
रुद्राद्या रविचन्द्रदेवपतयो वक्तुं च नैव क्षमाः ।
अस्माभिस्तव रूपलक्षणगुणान्वक्तुं कथं शक्यते
मातर्मां परिपाहि विश्वजननी कृत्वा ममेष्टं ध्रुवम् ॥ 16 ॥
दीनार्तिभीतं भवतापपीडितं
धनैर्विहीनं तव पार्श्वमागतम् ।
कृपानिधित्वान्मम लक्ष्मि सत्वरं
धनप्रदानाद्धननायकं कुरु ॥ 17 ॥
मां विलोक्य जननी हरिप्रिये
निर्धनं तव समीपमागतम् ।
देहि मे झटिति लक्ष्मि कराग्रं
वस्त्रकाञ्चनवरान्नमद्भुतम् ॥ 18 ॥
त्वमेव जननी लक्ष्मीः पिता लक्ष्मीस्त्वमेव च ।
भ्राता त्वं च सखा लक्ष्मीर्विद्या लक्ष्मीस्त्वमेव च ॥ 19 ॥
त्राहि त्राहि महालक्ष्मि त्राहि त्राहि सुरेश्वरि ।
त्राहि त्राहि जगन्मातः दारिद्र्यात्त्राहि वेगतः ॥ 20 ॥
नमस्तुभ्यं जगद्धात्रि नमस्तुभ्यं नमो नमः ।
धर्माधारे नमस्तुभ्यं नमः सम्पत्तिदायिनी ॥ 21 ॥
दारिद्र्यार्णवमग्नोऽहं निमग्नोऽहं रसातले ।
मज्जन्तं मां करे धृत्वा तूद्धर त्वं रमे द्रुतम् ॥ 22 ॥
किं लक्ष्मि बहुनोक्तेन जल्पितेन पुनः पुनः ।
अन्यन्मे शरणं नास्ति सत्यं सत्यं हरिप्रिये ॥ 23 ॥
एतच्छ्रुत्वाऽगस्त्यवाक्यं हृष्यमाणा हरिप्रिया ।
उवाच मधुरां वाणीं तुष्टाऽहं तव सर्वदा ॥ 24 ॥
श्रीलक्ष्मीरुवाच ।
यत्त्वयोक्तमिदं स्तोत्रं यः पठिष्यति मानवः ।
शृणोति च महाभागस्तस्याहं वशवर्तिनी ॥ 25 ॥
नित्यं पठति यो भक्त्या त्वलक्ष्मीस्तस्य नश्यति ।
ऋणं च नश्यते तीव्रं वियोगं नैव पश्यति ॥ 26 ॥
यः पठेत्प्रातरुत्थाय श्रद्धाभक्तिसमन्वितः ।
गृहे तस्य सदा तिष्टेन्नित्यं श्रीः पतिना सह ॥ 27 ॥
सुखसौभाग्यसम्पन्नो मनस्वी बुद्धिमान्भवेत् ।
पुत्रवान् गुणवान् श्रेष्ठो भोगभोक्ता च मानवः ॥ 28 ॥
इदं स्तोत्रं महापुण्यं लक्ष्म्यागस्त्यप्रकीर्तितम् ।
विष्णुप्रसादजननं चतुर्वर्गफलप्रदम् ॥ 29 ॥
राजद्वारे जयश्चैव शत्रोश्चैव पराजयः ।
भूतप्रेतपिशाचानां व्याघ्राणां न भयं तथा ॥ 30 ॥
न शस्त्रानलतोयौघाद्भयं तस्य प्रजायते ।
दुर्वृत्तानां च पापानां बहुहानिकरं परम् ॥ 31 ॥
मन्दुराकरिशालासु गवां गोष्ठे समाहितः ।
पठेत्तद्दोषशान्त्यर्थं महापातकनाशनम् ॥ 32 ॥
सर्वसौख्यकरं नॄणामायुरारोग्यदं तथा ।
अगस्त्यमुनिना प्रोक्तं प्रजानां हितकाम्यया ॥ 33 ॥
इत्यगस्त्यविरचितं श्री लक्ष्मी स्तोत्रम् ।
jaya padmapalāśākṣi jaya tvaṃ śrīpatipriye |
jaya mātarmahālakṣmi saṃsārārṇavatāriṇi || 1 ||
mahālakṣmi namastubhyaṃ namastubhyaṃ sureśvari |
haripriye namastubhyaṃ namastubhyaṃ dayānidhe || 2 ||
padmālaye namastubhyaṃ namastubhyaṃ ca sarvade |
sarvabhūtahitārthāya vasuvṛṣṭiṃ sadā kuru || 3 ||
jaganmātarnamastubhyaṃ namastubhyaṃ dayānidhe |
dayāvati namastubhyaṃ viśveśvari namo'stu te || 4 ||
namaḥ kṣīrārṇavasute namastrailokyadhāriṇi |
vasuvṛṣṭe namastubhyaṃ rakṣa māṃ śaraṇāgatam || 5 ||
rakṣa tvaṃ devadeveśi devadevasya vallabhe |
dāridryāttrāhi māṃ lakṣmi kṛpāṃ kuru mamopari || 6 ||
namastrailokyajanani namastrailokyapāvani |
brahmādayo namanti tvāṃ jagadānandadāyini || 7 ||
viṣṇupriye namastubhyaṃ namastubhyaṃ jagaddhite |
ārtihantri namastubhyaṃ samṛddhiṃ kuru me sadā || 8 ||
abjavāse namastubhyaṃ capalāyai namo namaḥ |
cañcalāyai namastubhyaṃ lalitāyai namo namaḥ || 9 ||
namaḥ pradyumnajanani mātastubhyaṃ namo namaḥ |
paripālaya māṃ mātaḥ māṃ tubhyaṃ śaraṇāgatam || 10 ||
śaraṇye tvāṃ prapanno'smi kamale kamalālaye |
trāhi trāhi mahālakṣmi paritrāṇaparāyaṇe || 11 ||
pāṇḍityaṃ śobhate naiva na śobhante guṇā nare |
śīlatvaṃ naiva śobheta mahālakṣmi tvayā vinā || 12 ||
tāvadvirājate rūpaṃ tāvacchīlaṃ virājate |
tāvadguṇā narāṇāṃ ca yāvallakṣmīḥ prasīdati || 13 ||
lakṣmi tvayā'laṅkṛtamānavā ye
pāpairvimuktā nṛpalokamānyāḥ |
guṇairvihīnā guṇino bhavanti
duśśīlinaḥ śīlavatāṃ variṣṭhāḥ || 14 ||
lakṣmīrbhūṣayate rūpaṃ lakṣmīrbhūṣayate kulam |
lakṣmīrbhūṣayate vidyāṃ sarvā lakṣmīrviśiṣyate || 15 ||
lakṣmī tvadguṇakīrtanena kamalā bhūryātyalaṃ jihmatām
rudrādyā ravicandradevapatayo vaktuṃ ca naiva kṣamāḥ |
asmābhistava rūpalakṣaṇaguṇānvaktuṃ kathaṃ śakyate
mātarmāṃ paripāhi viśvajananī kṛtvā mameṣṭaṃ dhruvam || 16 ||
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam |
kṛpānidhitvānmama lakṣmi satvaraṃ
dhanapradānāddhananāyakaṃ kuru || 17 ||
māṃ vilokya jananī haripriye
nirdhanaṃ tava samīpamāgatam |
dehi me jhaṭiti lakṣmi karāgraṃ
vastrakāñcanavarānnamadbhutam || 18 ||
tvameva jananī lakṣmīḥ pitā lakṣmīstvameva ca |
bhrātā tvaṃ ca sakhā lakṣmīrvidyā lakṣmīstvameva ca || 19 ||
trāhi trāhi mahālakṣmi trāhi trāhi sureśvari |
trāhi trāhi jaganmātaḥ dāridryāttrāhi vegataḥ || 20 ||
namastubhyaṃ jagaddhātri namastubhyaṃ namo namaḥ |
dharmādhāre namastubhyaṃ namaḥ sampattidāyinī || 21 ||
dāridryārṇavamagno'haṃ nimagno'haṃ rasātale |
majjantaṃ māṃ kare dhṛtvā tūddhara tvaṃ rame drutam || 22 ||
kiṃ lakṣmi bahunoktena jalpitena punaḥ punaḥ |
anyanme śaraṇaṃ nāsti satyaṃ satyaṃ haripriye || 23 ||
etacchrutvā'gastyavākyaṃ hṛṣyamāṇā haripriyā |
uvāca madhurāṃ vāṇīṃ tuṣṭā'haṃ tava sarvadā || 24 ||
śrīlakṣmīruvāca |
yattvayoktamidaṃ stotraṃ yaḥ paṭhiṣyati mānavaḥ |
śṛṇoti ca mahābhāgastasyāhaṃ vaśavartinī || 25 ||
nityaṃ paṭhati yo bhaktyā tvalakṣmīstasya naśyati |
ṛṇaṃ ca naśyate tīvraṃ viyogaṃ naiva paśyati || 26 ||
yaḥ paṭhetprātarutthāya śraddhābhaktisamanvitaḥ |
gṛhe tasya sadā tiṣṭennityaṃ śrīḥ patinā saha || 27 ||
sukhasaubhāgyasampanno manasvī buddhimānbhavet |
putravān guṇavān śreṣṭho bhogabhoktā ca mānavaḥ || 28 ||
idaṃ stotraṃ mahāpuṇyaṃ lakṣmyāgastyaprakīrtitam |
viṣṇuprasādajananaṃ caturvargaphalapradam || 29 ||
rājadvāre jayaścaiva śatroścaiva parājayaḥ |
bhūtapretapiśācānāṃ vyāghrāṇāṃ na bhayaṃ tathā || 30 ||
na śastrānalatoyaughādbhayaṃ tasya prajāyate |
durvṛttānāṃ ca pāpānāṃ bahuhānikaraṃ param || 31 ||
mandurākariśālāsu gavāṃ goṣṭhe samāhitaḥ |
paṭhettaddoṣaśāntyarthaṃ mahāpātakanāśanam || 32 ||
sarvasaukhyakaraṃ nṝṇāmāyurārogyadaṃ tathā |
agastyamuninā proktaṃ prajānāṃ hitakāmyayā || 33 ||
ityagastyaviracitaṃ śrī lakṣmī stotram |
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.