அத நாராயந ஹ்ரு'தய ஸ்தோத்ரம்
அஸ்ய ஶ்ரீநாராயணஹ்ரு'தயஸ்தோத்ரமந்த்ரஸ்ய பார்கவ ரு'ஷிஃ, அநுஷ்டுப்சந்தஃ, ஶ்ரீலக்ஷ்மீநாராயணோ தேவதா, ௐ பீஜம், நமஶ்ஶக்திஃ, நாராயணாயேதி கீலகம், ஶ்ரீலக்ஷ்மீநாராயண ப்ரீத்யர்தே ஜபே விநியோகஃ ।
கரந்யாஸஃ ।
ௐ நாராயணஃ பரம் ஜ்யோதிரிதி அங்குஷ்டாப்யாம் நமஃ ।
நாராயணஃ பரம் ப்ரஹ்மேதி தர்ஜநீப்யாம் நமஃ ।
நாராயணஃ பரோ தேவ இதி மத்யமாப்யாம் நமஃ ।
நாராயணஃ பரம் தாமேதி அநாமிகாப்யாம் நமஃ ।
நாராயணஃ பரோ தர்ம இதி கநிஷ்டிகாப்யாம் நமஃ ।
விஶ்வம் நாராயண இதி கரதலகரப்ரு'ஷ்டாப்யாம் நமஃ ।
அங்கந்யாஸஃ ।
நாராயணஃ பரம் ஜ்யோதிரிதி ஹ்ரு'தயாய நமஃ ।
நாராயணஃ பரம் ப்ரஹ்மேதி ஶிரஸே ஸ்வாஹா ।
நாராயணஃ பரோ தேவ இதி ஶிகாயை வௌஷட் ।
நாராயணஃ பரம் தாமேதி கவசாய ஹும் ।
நாராயணஃ பரோ தர்ம இதி நேத்ராப்யாம் வௌஷட் ।
விஶ்வம் நாராயண இதி அஸ்த்ராய பட் ।
திக்பந்தஃ ।
ௐ ஐந்த்ர்யாதிதஶதிஶம் ௐ நமஃ ஸுதர்ஶநாய ஸஹஸ்ராராய ஹும் பட் பத்நாமி நமஶ்சக்ராய ஸ்வாஹா । இதி ப்ரதிதிஶம் யோஜ்யம் ।
அத த்யாநம் ।
உத்யாதாதித்யஸங்காஶம் பீதவாஸம் சதுர்புஜம் ।
ஶங்கசக்ரகதாபாணிம் த்யாயேல்லக்ஷ்மீபதிம் ஹரிம் ॥ 1 ॥
த்ரைலோக்யாதாரசக்ரம் ததுபரி கமடம் தத்ர சாநந்தபோகீ
தந்மத்யே பூமிபத்மாங்குஶஶிகரதலம் கர்ணிகாபூதமேரும் ।
தத்ரஸ்தம் ஶாந்தமூர்திம் மணிமயமகுடம் குண்டலோத்பாஸிதாங்கம்
லக்ஷ்மீநாராயணாக்யம் ஸரஸிஜநயநம் ஸந்ததம் சிந்தயாமி ॥ 2 ॥
அத மூலாஷ்டகம் ।
ஓம் ॥ நாராயணஃ பரம் ஜ்யோதிராத்மா நாராயணஃ பரஃ ।
நாராயணஃ பரம் ப்ரஹ்ம நாராயண நமோऽஸ்து தே ॥ 1 ॥
நாராயணஃ பரோ தேவோ தாதா நாராயணஃ பரஃ ।
நாராயணஃ பரோ தாதா நாராயண நமோऽஸ்து தே ॥ 2 ॥
நாராயணஃ பரம் தாம த்யாநம் நாராயணஃ பரஃ ।
நாராயண பரோ தர்மோ நாராயண நமோऽஸ்து தே ॥ 3 ॥
நாராயணஃ பரோவேத்யஃ வித்யா நாராயணஃ பரஃ ।
விஶ்வம் நாராயணஃ ஸாக்ஷாந்நாராயண நமோऽஸ்து தே ॥ 4 ॥
நாராயணாத்விதிர்ஜாதோ ஜாதோ நாராயணாத்பவஃ ।
ஜாதோ நாராயணாதிந்த்ரோ நாராயண நமோऽஸ்து தே ॥ 5 ॥
ரவிர்நாராயணஸ்தேஜஃ சந்த்ரோ நாராயணோ மஹஃ ।
வஹ்நிர்நாராயணஃ ஸாக்ஷாந்நாராயண நமோऽஸ்து தே ॥ 6 ॥
நாராயண உபாஸ்யஃ ஸ்யாத்குருர்நாராயணஃ பரஃ ।
நாராயணஃ பரோ போதோ நாராயண நமோऽஸ்து தே ॥ 7 ॥
நாராயணஃ பலம் முக்யம் ஸித்திர்நாராயணஃ ஸுகம் ।
ஸேவ்யோநாராயணஃ ஶுத்தோ நாராயண நமோऽஸ்து தே ॥ 8 ॥ [ஹரி]
அத ப்ரார்தநாதஶகம் ।
நாராயண த்வமேவாஸி தஹராக்யே ஹ்ரு'தி ஸ்திதஃ ।
ப்ரேரகஃ ப்ரேர்யமாணாநாம் த்வயா ப்ரேரிதமாநஸஃ ॥ 9 ॥
த்வதாஜ்ஞாம் ஶிரஸா த்ரு'த்வா ஜபாமி ஜநபாவநம் ।
நாநோபாஸநமார்காணாம் பவக்ரு'த்பாவபோதகஃ ॥ 10 ॥
பாவார்தக்ரு'த்பவாதீதோ பவ ஸௌக்யப்ரதோ மம ।
த்வந்மாயாமோஹிதம் விஶ்வம் த்வயைவ பரிகல்பிதம் ॥ 11 ॥
த்வததிஷ்டாநமாத்ரேண ஸா வை ஸர்வார்தகாரிணீ ।
த்வமேதாம் ச புரஸ்க்ரு'த்ய ஸர்வகாமாந்ப்ரதர்ஶய ॥ 12 ॥
ந மே த்வதந்யஸ்த்ராதாஸ்தி த்வதந்யந்ந ஹி தைவதம் ।
த்வதந்யம் ந ஹி ஜாநாமி பாலகம் புண்யவர்தநம் ॥ 13 ॥
யாவத்ஸாம்ஸாரிகோ பாவோ மநஸ்ஸ்தோ பாவநாத்மகஃ ।
தாவத்ஸித்திர்பவேத்ஸாத்யா ஸர்வதா ஸர்வதா விபோ ॥ 14 ॥
பாபிநாமஹமேவாக்ர்யோ தயாலூநாம் த்வமக்ரணீஃ ।
தயநீயோ மதந்யோऽஸ்தி தவ கோऽத்ர ஜகத்த்ரயே ॥ 15 ॥
த்வயாஹம் நைவ ஸ்ரு'ஷ்டஶ்சேந்ந ஸ்யாத்தவ தயாலுதா ।
ஆமயோ வா ந ஸ்ரு'ஷ்டஶ்சேதௌஷதஸ்ய வ்ரு'தோதயஃ ॥ 16 ॥
பாபஸங்கபரிஶ்ராந்தஃ பாபாத்மா பாபரூபத்ரு'த் ।
த்வதந்யஃ கோऽத்ர பாபேப்யஸ்த்ராதாஸ்தி ஜகதீதலே ॥ 17 ॥
த்வமேவ மாதா ச பிதா த்வமேவ
த்வமேவ பந்துஶ்ச ஸகா த்வமேவ ।
த்வமேவ ஸேவ்யஶ்ச குருஸ்த்வமேவ
த்வமேவ ஸர்வம் மம தேவ தேவ ॥ 18 ॥
ப்ரார்தநாதஶகம் சைவ மூலாஷ்டகமதஃ பரம் ।
யஃ படேச்ச்ரு'ணுயாந்நித்யம் தஸ்ய லக்ஷ்மீஃ ஸ்திரா பவேத் ॥ 19 ॥
நாராயணஸ்ய ஹ்ரு'தயம் ஸர்வாபீஷ்டபலப்ரதம் ।
லக்ஷ்மீஹ்ரு'தயகம் ஸ்தோத்ரம் யதி சேத்தத்விநாக்ரு'தம் ॥ 20 ॥
தத்ஸர்வம் நிஷ்பலம் ப்ரோக்தம் லக்ஷ்மீஃ க்ருத்த்யதி ஸர்வதா ।
ஏதத்ஸங்கலிதம் ஸ்தோத்ரம் ஸர்வகாமபலப்ரதம் ॥ 21 ॥
லக்ஷ்மீஹ்ரு'தயகம் சைவ ததா நாராயணாத்மகம் ।
ஜபேத்யஃ ஸங்கலீக்ரு'த்ய ஸர்வாபீஷ்டமவாப்நுயாத் ॥ 22 ॥
நாராயணஸ்ய ஹ்ரு'தயமாதௌ ஜப்த்வா ததஃ பரம் ।
லக்ஷ்மீஹ்ரு'தயகம் ஸ்தோத்ரம் ஜபேந்நாராயணம் புநஃ ॥ 23 ॥
புநர்நாராயணம் ஜப்த்வா புநர்லக்ஷ்மீநுதிம் ஜபேத் ।
புநர்நாராயணம் ஜாப்யம் ஸங்கலீகரணம் பவேத் ॥ 24 ॥
ஏவம் மத்யே த்விவாரேண ஜபேத்ஸங்கலிதம் து தத் ।
லக்ஷ்மீஹ்ரு'தயகம் ஸ்தோத்ரம் ஸர்வகாமப்ரகாஶிதம் ॥ 25 ॥
தத்வஜ்ஜபாதிகம் குர்யாதேதத்ஸங்கலிதம் ஶுபம் ।
ஸர்வாந்காமாநவாப்நோதி ஆதிவ்யாதிபயம் ஹரேத் ॥ 26 ॥
கோப்யமேதத்ஸதா குர்யாந்ந ஸர்வத்ர ப்ரகாஶயேத் ।
இதி குஹ்யதமம் ஶாஸ்த்ரம் ப்ராப்தம் ப்ரஹ்மாதிகைஃ புரா ॥ 27 ॥
தஸ்மாத்ஸர்வப்ரயத்நேந கோபயேத்ஸாதயேஸுதீஃ ।
யத்ரைதத்புஸ்தகம் திஷ்டேல்லக்ஷ்மீநாராயணாத்மகம் ॥ 28 ॥
பூதபைஶாசவேதால பயம் நைவ து ஸர்வதா ।
லக்ஷ்மீஹ்ரு'தயகம் ப்ரோக்தம் விதிநா ஸாதயேத்ஸுதீஃ ॥ 29 ॥
ப்ரு'குவாரே ச ராத்ரௌ ச பூஜயேத்புஸ்தகத்வயம் ।
ஸர்வதா ஸர்வதா ஸத்யம் கோபயேத்ஸாதயேத்ஸுதீஃ ।
கோபநாத்ஸாதநால்லோகே தந்யோ பவதி தத்த்வதஃ ॥ 30 ॥
இத்யதர்வரஹஸ்யே உத்தரபாகே நாராயணஹ்ரு'தயம் ஸம்பூர்ணம் ।
அத லக்ஷ்மீ ஹ்ரு'தய ஸ்தோத்ரம்
அஸ்ய ஶ்ரீ மஹாலக்ஷ்மீஹ்ரு'தயஸ்தோத்ர மஹாமந்த்ரஸ்ய பார்கவ ரு'ஷிஃ, அநுஷ்டுபாதீநி நாநாசந்தாம்ஸி, ஆத்யாதி ஶ்ரீமஹாலக்ஷ்மீர்தேவதா, ஶ்ரீம் பீஜம், ஹ்ரீம் ஶக்திஃ, ஐம் கீலகம், ஆத்யாதிமஹாலக்ஷ்மீ ப்ரஸாதஸித்த்யர்தம் ஜபே விநியோகஃ ॥
ரு'ஷ்யாதிந்யாஸஃ –
ௐ பார்கவ்ரு'ஷயே நமஃ ஶிரஸி ।
ௐ அநுஷ்டுபாதிநாநாசந்தோப்யோ நமோ முகே ।
ௐ ஆத்யாதிஶ்ரீமஹாலக்ஷ்மீ தேவதாயை நமோ ஹ்ரு'தயே ।
ௐ ஶ்ரீம் பீஜாய நமோ குஹ்யே ।
ௐ ஹ்ரீம் ஶக்தயே நமஃ பாதயோஃ ।
ௐ ஐம் கீலகாய நமோ நாபௌ ।
ௐ விநியோகாய நமஃ ஸர்வாங்கே ।
கரந்யாஸஃ –
ௐ ஶ்ரீம் அங்குஷ்டாப்யாம் நமஃ ।
ௐ ஹ்ரீம் தர்ஜநீப்யாம் நமஃ ।
ௐ ஐம் மத்யமாப்யாம் நமஃ ।
ௐ ஶ்ரீம் அநாமிகாப்யாம் நமஃ ।
ௐ ஹ்ரீம் கநிஷ்டிகாப்யாம் நமஃ ।
ௐ ஐம் கரதல கரப்ரு'ஷ்டாப்யாம் நமஃ ।
அங்கந்யாஸஃ –
ௐ ஶ்ரீம் ஹ்ரு'தயாய நமஃ ।
ௐ ஹ்ரீம் ஶிரஸே ஸ்வாஹா ।
ௐ ஐம் ஶிகாயை வஷட் ।
ௐ ஶ்ரீம் கவசாய ஹும் ।
ௐ ஹ்ரீம் நேத்ரத்ரயாய வௌஷட் ।
ௐ ஐம் அஸ்த்ராய பட் ।
ௐ ஶ்ரீம் ஹ்ரீம் ஐம் இதி திக்பந்தஃ ।
அத த்யாநம் ।
ஹஸ்தத்வயேந கமலே தாரயந்தீம் ஸ்வலீலயா ।
ஹாரநூபுரஸம்யுக்தாம் லக்ஷ்மீம் தேவீம் விசிந்தயே ॥
கௌஶேயபீதவஸநாமரவிந்தநேத்ராம்
பத்மத்வயாபயவரோத்யதபத்மஹஸ்தாம் ।
உத்யச்சதார்கஸத்ரு'ஶீம் பரமாங்கஸம்ஸ்தாம்
த்யாயேத்விதீஶநதபாதயுகாம் ஜநித்ரீம் ॥
பீதவஸ்த்ராம் ஸுவர்ணாங்கீம் பத்மஹஸ்தத்வாயாந்விதாம் ।
லக்ஷ்மீம் த்யாத்வேதி மந்த்ரேண ஸ பவேத்ப்ரு'திவீபதிஃ ॥
மாதுலுங்கம் கதாம் கேடம் பாணௌ பாத்ரம் ச பிப்ரதீ ।
நாகம் லிங்கம் ச யோநிம் ச பிப்ரதீம் சைவ மூர்தநி ॥
[ இதி த்யாத்வா மாநஸோபசாரைஃ ஸம்பூஜ்ய ।
ஶங்கசக்ரகதாஹஸ்தே ஶுப்ரவர்ணே ஸுவாஸிநீ ।
மம தேஹி வரம் லக்ஷ்மீஃ ஸர்வஸித்திப்ரதாயிநீ ।
இதி ஸம்ப்ரார்த்ய ௐ ஶ்ரீம் ஹ்ரீம் ஐம் மஹாலக்ஷ்ம்யை கமலதாரிண்யை ஸிம்ஹவாஹிந்யை ஸ்வாஹா இதி மந்த்ரம் ஜப்த்வா புநஃ பூர்வவத்த்ரு'தயாதி ஷடங்கந்யாஸம் க்ரு'த்வா ஸ்தோத்ரம் படேத் । ]
ஸ்தோத்ரம் ।
வந்தே லக்ஷ்மீம் பரமஶிவமயீம் ஶுத்தஜாம்பூநதாபாம்
தேஜோரூபாம் கநகவஸநாம் ஸர்வபூஷோஜ்ஜ்வலாங்கீம் ।
பீஜாபூரம் கநககலஶம் ஹேமபத்மம் ததாநா-
-மாத்யாம் ஶக்திம் ஸகலஜநநீம் விஷ்ணுவாமாங்கஸம்ஸ்தாம் ॥ 1 ॥
ஶ்ரீமத்ஸௌபாக்யஜநநீம் ஸ்தௌமி லக்ஷ்மீம் ஸநாதநீம் ।
ஸர்வகாமபலாவாப்திஸாதநைகஸுகாவஹாம் ॥ 2 ॥
ஸ்மராமி நித்யம் தேவேஶி த்வயா ப்ரேரிதமாநஸஃ ।
த்வதாஜ்ஞாம் ஶிரஸா த்ரு'த்வா பஜாமி பரமேஶ்வரீம் ॥ 3 ॥
ஸமஸ்தஸம்பத்ஸுகதாம் மஹாஶ்ரியம்
ஸமஸ்தஸௌபாக்யகரீம் மஹாஶ்ரியம் ।
ஸமஸ்தகல்யாணகரீம் மஹாஶ்ரியம்
பஜாம்யஹம் ஜ்ஞாநகரீம் மஹாஶ்ரியம் ॥ 4 ॥
விஜ்ஞாநஸம்பத்ஸுகதாம் ஸநாதநீம்
விசித்ரவாக்பூதிகரீம் மநோஹராம் ।
அநந்தஸம்மோதஸுகப்ரதாயிநீம்
நமாம்யஹம் பூதிகரீம் ஹரிப்ரியாம் ॥ 5 ॥
ஸமஸ்தபூதாந்தரஸம்ஸ்திதா த்வம்
ஸமஸ்தபோக்த்ரீஶ்வரி விஶ்வரூபே ।
தந்நாஸ்தி யத்த்வத்வ்யதிரிக்தவஸ்து
த்வத்பாதபத்மம் ப்ரணமாம்யஹம் ஶ்ரீஃ ॥ 6 ॥
தாரித்ர்ய துஃகௌகதமோபஹந்த்ரீ
த்வத்பாதபத்மம் மயி ஸந்நிதத்ஸ்வ ।
தீநார்திவிச்சேதநஹேதுபூதைஃ
க்ரு'பாகடாக்ஷைரபிஷிஞ்ச மாம் ஶ்ரீஃ ॥ 7 ॥
அம்ப ப்ரஸீத கருணாஸுதயார்த்ரத்ரு'ஷ்ட்யா
மாம் த்வத்க்ரு'பாத்ரவிணகேஹமிமம் குருஷ்வ ।
ஆலோகய ப்ரணதஹ்ரு'த்கதஶோகஹந்த்ரீ
த்வத்பாதபத்மயுகலம் ப்ரணமாம்யஹம் ஶ்ரீஃ ॥ 8 ॥
ஶாந்த்யை நமோऽஸ்து ஶரணாகதரக்ஷணாயை
காந்த்யை நமோऽஸ்து கமநீயகுணாஶ்ரயாயை ।
க்ஷாந்த்யை நமோऽஸ்து துரிதக்ஷயகாரணாயை
தாத்ர்யை நமோऽஸ்து தநதாந்யஸம்ரு'த்திதாயை ॥ 9 ॥
ஶக்த்யை நமோऽஸ்து ஶஶிஶேகரஸம்ஸ்துதாயை
ரத்யை நமோऽஸ்து ரஜநீகரஸோதராயை ।
பக்த்யை நமோऽஸ்து பவஸாகரதாரகாயை
மத்யை நமோऽஸ்து மதுஸூதநவல்லபாயை ॥ 10 ॥
லக்ஷ்ம்யை நமோऽஸ்து ஶுபலக்ஷணலக்ஷிதாயை
ஸித்த்யை நமோऽஸ்து ஶிவஸித்தஸுபூஜிதாயை ।
த்ரு'த்யை நமோऽஸ்த்வமிததுர்கதிபஞ்ஜநாயை
கத்யை நமோऽஸ்து வரஸத்கதிதாயிகாயை ॥ 11 ॥
தேவ்யை நமோऽஸ்து திவி தேவகணார்சிதாயை
பூத்யை நமோऽஸ்து புவநார்திவிநாஶநாயை ।
தாத்ர்யை நமோऽஸ்து தரணீதரவல்லபாயை
புஷ்ட்யை நமோऽஸ்து புருஷோத்தமவல்லபாயை ॥ 12 ॥
ஸுதீவ்ரதாரித்ர்யவிதுஃகஹந்த்ர்யை
நமோऽஸ்து தே ஸர்வபயாபஹந்த்ர்யை ।
ஶ்ரீவிஷ்ணுவக்ஷஃஸ்தலஸம்ஸ்திதாயை
நமோ நமஃ ஸர்வவிபூதிதாயை ॥ 13 ॥
ஜயது ஜயது லக்ஷ்மீர்லக்ஷணாலங்க்ரு'தாங்கீ
ஜயது ஜயது பத்மா பத்மஸத்மாபிவந்த்யா ।
ஜயது ஜயது வித்யா விஷ்ணுவாமாங்கஸம்ஸ்தா
ஜயது ஜயது ஸம்யக்ஸர்வஸம்பத்கரீ ஶ்ரீஃ ॥ 14 ॥
ஜயது ஜயது தேவீ தேவஸங்காபிபூஜ்யா
ஜயது ஜயது பத்ரா பார்கவீ பாக்யரூபா ।
ஜயது ஜயது நித்யா நிர்மலஜ்ஞாநவேத்யா
ஜயது ஜயது ஸத்யா ஸர்வபூதாந்தரஸ்தா ॥ 15 ॥
ஜயது ஜயது ரம்யா ரத்நகர்பாந்தரஸ்தா
ஜயது ஜயது ஶுத்தா ஶுத்தஜாம்பூநதாபா ।
ஜயது ஜயது காந்தா காந்திமத்பாஸிதாங்கீ
ஜயது ஜயது ஶாந்தா ஶீக்ரமாகச்ச ஸௌம்யே ॥ 16 ॥
யஸ்யாஃ கலாயாஃ கமலோத்பவாத்யா
ருத்ராஶ்ச ஶக்ர ப்ரமுகாஶ்ச தேவாஃ ।
ஜீவந்தி ஸர்வேऽபி ஸஶக்தயஸ்தே
ப்ரபுத்வமாப்தாஃ பரமாயுஷஸ்தே ॥ 17 ॥
லிலேக நிடிலே விதிர்மம லிபிம் விஸ்ரு'ஜ்யாந்தரம்
த்வயா விலிகிதவ்யமேததிதி தத்பலப்ராப்தயே ।
ததந்தரபலேஸ்புடம் கமலவாஸிநீ ஶ்ரீரிமாம்
ஸமர்பய ஸமுத்ரிகாம் ஸகலபாக்யஸம்ஸூசிகாம் ॥ 18 ॥
கலயா தே யதா தேவி ஜீவந்தி ஸசராசராஃ ।
ததா ஸம்பத்கரே லக்ஷ்மி ஸர்வதா ஸம்ப்ரஸீத மே ॥ 19 ॥
யதா விஷ்ணுர்த்ருவே நித்யம் ஸ்வகலாம் ஸந்ந்யவேஶயத் ।
ததைவ ஸ்வகலாம் லக்ஷ்மி மயி ஸம்யக் ஸமர்பய ॥ 20 ॥
ஸர்வஸௌக்யப்ரதே தேவி பக்தாநாமபயப்ரதே ।
அசலாம் குரு யத்நேந கலாம் மயி நிவேஶிதாம் ॥ 21 ॥
முதாஸ்தாம் மத்பாலே பரமபதலக்ஷ்மீஃ ஸ்புடகலா
ஸதா வைகுண்டஶ்ரீர்நிவஸது கலா மே நயநயோஃ ।
வஸேத்ஸத்யே லோகே மம வசஸி லக்ஷ்மீர்வரகலா
ஶ்ரியஃ ஶ்வேதத்வீபே நிவஸது கலா மே ஸ்வகரயோஃ ॥ 22 ॥
தாவந்நித்யம் மமாங்கேஷு க்ஷீராப்தௌ ஶ்ரீகலா வஸேத் ।
ஸூர்யாசந்த்ரமஸௌ யாவத்யாவல்லக்ஷ்மீபதிஃ ஶ்ரியாஃ ॥ 23 ॥
ஸர்வமங்கலஸம்பூர்ணா ஸர்வைஶ்வர்யஸமந்விதா ।
ஆத்யாதி ஶ்ரீர்மஹாலக்ஷ்மீ த்வத்கலா மயி திஷ்டது ॥ 24 ॥
அஜ்ஞாநதிமிரம் ஹந்தும் ஶுத்தஜ்ஞாநப்ரகாஶிகா ।
ஸர்வைஶ்வர்யப்ரதா மேऽஸ்து த்வத்கலா மயி ஸம்ஸ்திதா ॥ 25 ॥
அலக்ஷ்மீம் ஹரது க்ஷிப்ரம் தமஃ ஸூர்யப்ரபா யதா ।
விதநோது மம ஶ்ரேயஸ்த்வத்கலா மயி ஸம்ஸ்திதா ॥ 26 ॥
ஐஶ்வர்யமங்கலோத்பத்திஸ்த்வத்கலாயாம் நிதீயதே ।
மயி தஸ்மாத்க்ரு'தார்தோऽஸ்மி பாத்ரமஸ்மி ஸ்திதேஸ்தவ ॥ 27 ॥
பவதாவேஶபாக்யார்ஹோ பாக்யவாநஸ்மி பார்கவி ।
த்வத்ப்ரஸாதாத்பவித்ரோऽஹம் லோகமாதர்நமோऽஸ்து தே ॥ 28 ॥
புநாஸி மாம் த்வத்கலயைவ யஸ்மா-
-ததஃ ஸமாகச்ச மமாக்ரதஸ்த்வம் ।
பரம் பதம் ஶ்ரீர்பவ ஸுப்ரஸந்நா
மய்யச்யுதேந ப்ரவிஶாதிலக்ஷ்மீஃ ॥ 29 ॥
ஶ்ரீவைகுண்டஸ்திதே லக்ஷ்மி ஸமாகச்ச மமாக்ரதஃ ।
நாராயணேந ஸஹ மாம் க்ரு'பாத்ரு'ஷ்ட்யாऽவலோகய ॥ 30 ॥
ஸத்யலோகஸ்திதே லக்ஷ்மி த்வம் மமாகச்ச ஸந்நிதிம் ।
வாஸுதேவேந ஸஹிதா ப்ரஸீத வரதா பவ ॥ 31 ॥
ஶ்வேதத்வீபஸ்திதே லக்ஷ்மி ஶீக்ரமாகச்ச ஸுவ்ரதே ।
விஷ்ணுநா ஸஹிதே தேவி ஜகந்மாதஃ ப்ரஸீத மே ॥ 32 ॥
க்ஷீராம்புதிஸ்திதே லக்ஷ்மி ஸமாகச்ச ஸமாதவா ।
த்வத்க்ரு'பாத்ரு'ஷ்டிஸுதயா ஸததம் மாம் விலோகய ॥ 33 ॥
ரத்நகர்பஸ்திதே லக்ஷ்மி பரிபூர்ணே ஹிரண்மயே ।
ஸமாகச்ச ஸமாகச்ச ஸ்தித்வாऽऽஶு புரதோ மம ॥ 34 ॥
ஸ்திரா பவ மஹாலக்ஷ்மி நிஶ்சலா பவ நிர்மலே ।
ப்ரஸந்நே கமலே தேவி ப்ரஸந்நஹ்ரு'தயா பவ ॥ 35 ॥
ஶ்ரீதரே ஶ்ரீமஹாபூதே த்வதந்தஃஸ்தம் மஹாநிதிம் ।
ஶீக்ரமுத்த்ரு'த்ய புரதஃ ப்ரதர்ஶய ஸமர்பய ॥ 36 ॥
வஸுந்தரே ஶ்ரீவஸுதே வஸுதோக்த்ரி க்ரு'பாமயே ।
த்வத்குக்ஷிகதஸர்வஸ்வம் ஶீக்ரம் மே ஸம்ப்ரதர்ஶய ॥ 37 ॥
விஷ்ணுப்ரியே ரத்நகர்பே ஸமஸ்தபலதே ஶிவே ।
த்வத்கர்பகதஹேமாதீந் ஸம்ப்ரதர்ஶய தர்ஶய ॥ 38 ॥
ரஸாதலகதே லக்ஷ்மி ஶீக்ரமாகச்ச மே புரஃ ।
ந ஜாநே பரமம் ரூபம் மாதர்மே ஸம்ப்ரதர்ஶய ॥ 39 ॥
ஆவிர்பவ மநோவேகாச்சீக்ரமாகச்ச மே புரஃ ।
மா வத்ஸ பைரிஹேத்யுக்த்வா காமம் கௌரிவ ரக்ஷ மாம் ॥ 40 ॥
தேவி ஶீக்ரம் ஸமாகச்ச தரணீகர்பஸம்ஸ்திதே ।
மாதஸ்த்வத்ப்ரு'த்யப்ரு'த்யோऽஹம் ம்ரு'கயே த்வாம் குதூஹலாத் ॥ 41 ॥
உத்திஷ்ட ஜாக்ரு'ஹி த்வம் மே ஸமுத்திஷ்ட ஸுஜாக்ரு'ஹி ।
அக்ஷயாந் ஹேமகலஶாந் ஸுவர்ணேந ஸுபூரிதாந் ॥ 42 ॥
நிக்ஷேபாந்மே ஸமாக்ரு'ஷ்ய ஸமுத்த்ரு'த்ய மமாக்ரதஃ ।
ஸமுந்நதாநநா பூத்வா ஸமாதேஹி தராந்தராத் ॥ 43 ॥
மத்ஸந்நிதிம் ஸமாகச்ச மதாஹிதக்ரு'பாரஸாத் ।
ப்ரஸீத ஶ்ரேயஸாம் தோக்த்ரீ லக்ஷ்மீர்மே நயநாக்ரதஃ ॥ 44 ॥
அத்ரோபவிஶ லக்ஷ்மி த்வம் ஸ்திரா பவ ஹிரண்மயே ।
ஸுஸ்திரா பவ ஸம்ப்ரீத்யா ப்ரஸீத வரதா பவ ॥ 45 ॥
ஆநீதாம்ஸ்து ததா தேவி நிதீந்மே ஸம்ப்ரதர்ஶய ।
அத்ய க்ஷணேந ஸஹஸா தத்த்வா ஸம்ரக்ஷ மாம் ஸதா ॥ 46 ॥
மயி திஷ்ட ததா நித்யம் யதேந்த்ராதிஷு திஷ்டஸி ।
அபயம் குரு மே தேவி மஹாலக்ஷ்மீர்நமோऽஸ்து தே ॥ 47 ॥
ஸமாகச்ச மஹாலக்ஷ்மி ஶுத்தஜாம்பூநதப்ரபே ।
ப்ரஸீத புரதஃ ஸ்தித்வா ப்ரணதம் மாம் விலோகய ॥ 48 ॥
லக்ஷ்மீர்புவம் கதா பாஸி யத்ர யத்ர ஹிரண்மயீ ।
தத்ர தத்ர ஸ்திதா த்வம் மே தவ ரூபம் ப்ரதர்ஶய ॥ 49 ॥
க்ரீடந்தீ பஹுதா பூமௌ பரிபூர்ணக்ரு'பாமயி ।
மம மூர்தநி தே ஹஸ்தமவிலம்பிதமர்பய ॥ 50 ॥
பலத்பாக்யோதயே லக்ஷ்மி ஸமஸ்தபுரவாஸிநீ ।
ப்ரஸீத மே மஹாலக்ஷ்மி பரிபூர்ணமநோரதே ॥ 51 ॥
அயோத்யாதிஷு ஸர்வேஷு நகரேஷு ஸமாஸ்திதே ।
வைபவைர்விவிதைர்யுக்தைஃ ஸமாகச்ச முதாந்விதே ॥ 52 ॥
ஸமாகச்ச ஸமாகச்ச மமாக்ரே பவ ஸுஸ்திரா ।
கருணாரஸநிஷ்யந்தநேத்ரத்வய விலாஸிநீ ॥ 53 ॥ [நிஷ்பந்ந]
ஸந்நிதத்ஸ்வ மஹாலக்ஷ்மி த்வத்பாணிம் மம மஸ்தகே ।
கருணாஸுதயா மாம் த்வமபிஷிஞ்ச்ய ஸ்திரம் குரு ॥ 54 ॥
ஸர்வராஜக்ரு'ஹே லக்ஷ்மி ஸமாகச்ச பலாந்விதே । [முதாந்விதே]
ஸ்தித்வாऽऽஶு புரதோ மேऽத்ய ப்ரஸாதேநாऽபயம் குரு ॥ 55 ॥
ஸாதரம் மஸ்தகே ஹஸ்தம் மம த்வம் க்ரு'பயார்பய ।
ஸர்வராஜக்ரு'ஹே லக்ஷ்மி த்வத்கலா மயி திஷ்டது ॥ 56 ॥
ஆத்யாதி ஶ்ரீமஹாலக்ஷ்மி விஷ்ணுவாமாங்கஸம்ஸ்திதே ।
ப்ரத்யக்ஷம் குரு மே ரூபம் ரக்ஷ மாம் ஶரணாகதம் ॥ 57 ॥
ப்ரஸீத மே மஹாலக்ஷ்மி ஸுப்ரஸீத மஹாஶிவே ।
அசலா பவ ஸம்ப்ரீத்யா ஸுஸ்திரா பவ மத்க்ரு'ஹே ॥ 58 ॥
யாவத்திஷ்டந்தி வேதாஶ்ச யாவச்சந்த்ரதிவாகரௌ ।
யாவத்விஷ்ணுஶ்ச யாவத்த்வம் தாவத்குரு க்ரு'பாம் மயி ॥ 59 ॥
சாந்த்ரீகலா யதா ஶுக்லே வர்ததே ஸா திநே திநே ।
ததா தயா தே மய்யேவ வர்ததாமபிவர்ததாம் ॥ 60 ॥
யதா வைகுண்டநகரே யதா வை க்ஷீரஸாகரே ।
ததா மத்பவநே திஷ்ட ஸ்திரம் ஶ்ரீவிஷ்ணுநா ஸஹ ॥ 61 ॥
யோகிநாம் ஹ்ரு'தயே நித்யம் யதா திஷ்டஸி விஷ்ணுநா ।
ததா மத்பவநே திஷ்ட ஸ்திரம் ஶ்ரீவிஷ்ணுநா ஸஹ ॥ 62 ॥
நாராயணஸ்ய ஹ்ரு'தயே பவதீ யதாஸ்தே
நாராயணோऽபி தவ ஹ்ரு'த்கமலே யதாஸ்தே ।
நாராயணஸ்த்வமபி நித்யமுபௌ ததைவ
தௌ திஷ்டதாம் ஹ்ரு'தி மமாபி தயாந்விதௌ ஶ்ரீஃ ॥ 63 ॥
விஜ்ஞாநவ்ரு'த்திம் ஹ்ரு'தயே குரு ஶ்ரீஃ
ஸௌபாக்யவ்ரு'த்திம் குரு மே க்ரு'ஹே ஶ்ரீஃ ।
தயாஸுவ்ரு'த்திம் குருதாம் மயி ஶ்ரீஃ
ஸுவர்ணவ்ரு'த்திம் குரு மே க்ரு'ஹே ஶ்ரீஃ ॥ 64 ॥
ந மாம் த்யஜேதாஃ ஶ்ரிதகல்பவல்லி
ஸத்பக்தசிந்தாமணிகாமதேநோ ।
விஶ்வஸ்ய மாதர்பவ ஸுப்ரஸந்நா
க்ரு'ஹே கலத்ரேஷு ச புத்ரவர்கே ॥ 65 ॥
ஆத்யாதிமாயே த்வமஜாண்டபீஜம்
த்வமேவ ஸாகாரநிராக்ரு'திஸ்த்வம் ।
த்வயா த்ரு'தாஶ்சாப்ஜபவாண்டஸங்கா-
-ஶ்சித்ரம் சரித்ரம் தவ தேவி விஷ்ணோஃ ॥ 66 ॥
ப்ரஹ்மருத்ராதயோ தேவா வேதாஶ்சாபி ந ஶக்நுயுஃ ।
மஹிமாநம் தவ ஸ்தோதும் மந்தோऽஹம் ஶக்நுயாம் கதம் ॥ 67 ॥
அம்ப த்வத்வத்ஸவாக்யாநி ஸூக்தாஸூக்தாநி யாநி ச ।
தாநி ஸ்வீகுரு ஸர்வஜ்ஞே தயாலுத்வேந ஸாதரம் ॥ 68 ॥
பவதீம் ஶரணம் கத்வா க்ரு'தார்தாஃ ஸ்யுஃ புராதநாஃ ।
இதி ஸஞ்சிந்த்ய மநஸா த்வாமஹம் ஶரணம் வ்ரஜே ॥ 69 ॥
அநந்தா நித்யஸுகிநஸ்த்வத்பக்தாஸ்த்வத்பராயணாஃ ।
இதி வேதப்ரமாணாத்தி தேவி த்வாம் ஶரணம் வ்ரஜே ॥ 70 ॥
தவ ப்ரதிஜ்ஞா மத்பக்தா ந நஶ்யந்தீத்யபி க்வசித் ।
இதி ஸஞ்சிந்த்ய ஸஞ்சிந்த்ய ப்ராணாந் ஸந்தாரயாம்யஹம் ॥ 71 ॥
த்வததீநஸ்த்வஹம் மாதஸ்த்வத்க்ரு'பா மயி வித்யதே ।
யாவத்ஸம்பூர்ணகாமஃ ஸ்யாத்தாவத்தேஹி தயாநிதே ॥ 72 ॥
க்ஷணமாத்ரம் ந ஶக்நோமி ஜீவிதும் த்வத்க்ரு'பாம் விநா ।
ந ஜீவந்தீஹ ஜலஜா ஜலம் த்யக்த்வா ஜலக்ரஹாஃ ॥ 73 ॥
யதா ஹி புத்ரவாத்ஸல்யாஜ்ஜநநீ ப்ரஸ்நுதஸ்தநீ ।
வத்ஸம் த்வரிதமாகத்ய ஸம்ப்ரீணயதி வத்ஸலா ॥ 74 ॥
யதி ஸ்யாம் தவ புத்ரோऽஹம் மாதா த்வம் யதி மாமகீ ।
தயாபயோதரஸ்தந்யஸுதாபிரபிஷிஞ்ச மாம் ॥ 75 ॥
ம்ரு'க்யோ ந குணலேஶோऽபி மயி தோஷைகமந்திரே ।
பாம்ஸூநாம் வ்ரு'ஷ்டிபிந்தூநாம் தோஷாணாம் ச ந மே மதிஃ ॥ 76 ॥
பாபிநாமஹமேவாக்ர்யோ தயாலூநாம் த்வமக்ரணீஃ ।
தயநீயோ மதந்யோऽஸ்தி தவ கோऽத்ர ஜகத்த்ரயே ॥ 77 ॥
விதிநாஹம் ந ஸ்ரு'ஷ்டஶ்சேந்ந ஸ்யாத்தவ தயாலுதா ।
ஆமயோ வா ந ஸ்ரு'ஷ்டஶ்சேதௌஷதஸ்ய வ்ரு'தோதயஃ ॥ 78 ॥
க்ரு'பா மதக்ரஜா கிம் தே அஹம் கிம் வா ததக்ரஜஃ ।
விசார்ய தேஹி மே வித்தம் தவ தேவி தயாநிதே ॥ 79 ॥
மாதா பிதா த்வம் குருஸத்கதிஃ ஶ்ரீ-
-ஸ்த்வமேவ ஸஞ்ஜீவநஹேதுபூதா ।
அந்யம் ந மந்யே ஜகதேகநாதே
த்வமேவ ஸர்வம் மம தேவி ஸத்யே ॥ 80 ॥
ஆத்யாதிலக்ஷ்மீர்பவ ஸுப்ரஸந்நா
விஶுத்தவிஜ்ஞாநஸுகைகதோக்த்ரீ ।
அஜ்ஞாநஹந்த்ரீ த்ரிகுணாதிரிக்தா
ப்ரஜ்ஞாநநேத்ரீ பவ ஸுப்ரஸந்நா ॥ 81 ॥
அஶேஷவாக்ஜாட்யமலாபஹந்த்ரீ
நவம் நவம் ஸ்பஷ்டஸுவாக்ப்ரதாயிநீ ।
மமேஹ ஜிஹ்வாக்ர ஸுரங்கநர்தகீ [நர்திநீ]
பவ ப்ரஸந்நா வதநே ச மே ஶ்ரீஃ ॥ 82 ॥
ஸமஸ்தஸம்பத்ஸுவிராஜமாநா
ஸமஸ்ததேஜஶ்சயபாஸமாநா ।
விஷ்ணுப்ரியே த்வம் பவ தீப்யமாநா
வாக்தேவதா மே நயநே ப்ரஸந்நா ॥ 83 ॥
ஸர்வப்ரதர்ஶே ஸகலார்ததே த்வம்
ப்ரபாஸுலாவண்யதயாப்ரதோக்த்ரீ ।
ஸுவர்ணதே த்வம் ஸுமுகீ பவ ஶ்ரீ-
-ர்ஹிரண்மயீ மே நயநே ப்ரஸந்நா ॥ 84 ॥
ஸர்வார்ததா ஸர்வஜகத்ப்ரஸூதிஃ
ஸர்வேஶ்வரீ ஸர்வபயாபஹந்த்ரீ ।
ஸர்வோந்நதா த்வம் ஸுமுகீ பவ ஶ்ரீ-
-ர்ஹிரண்மயீ மே நயநே ப்ரஸந்நா ॥ 85 ॥
ஸமஸ்தவிக்நௌகவிநாஶகாரிணீ
ஸமஸ்தபக்தோத்தரணே விசக்ஷணா ।
அநந்தஸௌபாக்யஸுகப்ரதாயிநீ
ஹிரண்மயீ மே நயநே ப்ரஸந்நா ॥ 86 ॥
தேவி ப்ரஸீத தயநீயதமாய மஹ்யம்
தேவாதிநாதபவதேவகணாபிவந்த்யே ।
மாதஸ்ததைவ பவ ஸந்நிஹிதா த்ரு'ஶோர்மே
பத்யா ஸமம் மம முகே பவ ஸுப்ரஸந்நா ॥ 87 ॥
மா வத்ஸ பைரபயதாநகரோऽர்பிதஸ்தே
மௌலௌ மமேதி மயி தீநதயாநுகம்பே ।
மாதஃ ஸமர்பய முதா கருணாகடாக்ஷம்
மாங்கல்யபீஜமிஹ நஃ ஸ்ரு'ஜ ஜந்ம மாதஃ ॥ 88 ॥
கடாக்ஷ இஹ காமதுக்தவ மநஸ்து சிந்தாமணிஃ
கரஃ ஸுரதருஃ ஸதா நவநிதிஸ்த்வமேவேந்திரே ।
பவே தவ தயாரஸோ மம ரஸாயநம் சாந்வஹம்
முகம் தவ கலாநிதிர்விவிதவாஞ்சிதார்தப்ரதம் ॥ 89 ॥
யதா ரஸஸ்பர்ஶநதோऽயஸோऽபி
ஸுவர்ணதா ஸ்யாத்கமலே ததா தே ।
கடாக்ஷஸம்ஸ்பர்ஶநதோ ஜநாநா-
-மமங்கலாநாமபி மங்கலத்வம் ॥ 90 ॥
தேஹீதி நாஸ்தீதி வசஃ ப்ரவேஶா-
-த்பீதோ ரமே த்வாம் ஶரணம் ப்ரபத்யே ।
அதஃ ஸதாऽஸ்மிந்நபயப்ரதா த்வம்
ஸஹைவ பத்யா மயி ஸந்நிதேஹி ॥ 91 ॥
கல்பத்ருமேண மணிநா ஸஹிதா ஸுரம்யா
ஶ்ரீஸ்தே கலா மயி ரஸேந ரஸாயநேந ।
ஆஸ்தாம் யதோ மம ஶிரஃகரத்ரு'ஷ்டிபாத-
-ஸ்ப்ரு'ஷ்டாஃ ஸுவர்ணவபுஷஃ ஸ்திரஜங்கமாஃ ஸ்யுஃ ॥ 92 ॥
ஆத்யாதிவிஷ்ணோஃ ஸ்திரதர்மபத்நீ
த்வமேவ பத்யா மயி ஸந்நிதேஹி ।
ஆத்யாதிலக்ஷ்மி த்வதநுக்ரஹேண
பதே பதே மே நிதிதர்ஶநம் ஸ்யாத் ॥ 93 ॥
ஆத்யாதிலக்ஷ்மீஹ்ரு'தயம் படேத்யஃ
ஸ ராஜ்யலக்ஷ்மீமசலாம் தநோதி ।
மஹாதரித்ரோऽபி பவேத்தநாட்ய-
-ஸ்ததந்வயே ஶ்ரீஃ ஸ்திரதாம் ப்ரயாதி ॥ 94 ॥
யஸ்ய ஸ்மரணமாத்ரேண துஷ்டா ஸ்யாத்விஷ்ணுவல்லபா ।
தஸ்யாபீஷ்டம் ததத்யாஶு தம் பாலயதி புத்ரவத் ॥ 95 ॥
இதம் ரஹஸ்யம் ஹ்ரு'தயம் ஸர்வகாமபலப்ரதம் ।
ஜபஃ பஞ்சஸஹஸ்ரம் து புரஶ்சரணமுச்யதே ॥ 96 ॥
த்ரிகாலமேககாலம் வா நரோ பக்திஸமந்விதஃ ।
யஃ படேச்ச்ரு'ணுயாத்வாபி ஸ யாதி பரமாம் ஶ்ரியம் ॥ 97 ॥
மஹாலக்ஷ்மீம் ஸமுத்திஶ்ய நிஶி பார்கவவாஸரே ।
இதம் ஶ்ரீஹ்ரு'தயம் ஜப்த்வா பஞ்சவாரம் தநீ பவேத் ॥ 98 ॥
அநேந ஹ்ரு'தயேநாந்நம் கர்பிண்யா அபிமந்த்ரிதம் ।
ததாதி தத்குலே புத்ரோ ஜாயதே ஶ்ரீபதிஃ ஸ்வயம் ॥ 99 ॥
நரேண வாऽதவா நார்யா லக்ஷ்மீஹ்ரு'தயமந்த்ரிதே ।
ஜலே பீதே ச தத்வம்ஶே மந்தபாக்யோ ந ஜாயதே ॥ 100 ॥
ய ஆஶ்விநே மாஸி ச ஶுக்லபக்ஷே
ரமோத்ஸவே ஸந்நிஹிதே ஸுபக்த்யா ।
படேத்ததைகோத்தரவாரவ்ரு'த்த்யா
லபேத்ஸ ஸௌவர்ணமயீம் ஸுவ்ரு'ஷ்டிம் ॥ 101 ॥
ய ஏகபக்தோऽந்வஹமேகவர்ஷம்
விஶுத்ததீஃ ஸப்ததிவாரஜாபீ ।
ஸ மந்தபாக்யோऽபி ரமாகடாக்ஷா-
-த்பவேத்ஸஹஸ்ராக்ஷஶதாதிகஶ்ரீஃ ॥ 102 ॥
ஶ்ரீஶாங்க்ரிபக்திம் ஹரிதாஸதாஸ்யம்
ப்ரஸந்நமந்த்ரார்தத்ரு'டைகநிஷ்டாம் ।
குரோஃ ஸ்ம்ரு'திம் நிர்மலபோதபுத்திம்
ப்ரதேஹி மாதஃ பரமம் பதம் ஶ்ரீஃ ॥ 103 ॥
ப்ரு'த்வீபதித்வம் புருஷோத்தமத்வம்
விபூதிவாஸம் விவிதார்தஸித்திம் ।
ஸம்பூர்ணகீர்திம் பஹுவர்ஷபோகம்
ப்ரதேஹி மே லக்ஷ்மி புநஃ புநஸ்த்வம் ॥ 104 ॥
வாதார்தஸித்திம் பஹுலோகவஶ்யம்
வயஃ ஸ்திரத்வம் லலநாஸுபோகம் ।
பௌத்ராதிலப்திம் ஸகலார்தஸித்திம்
ப்ரதேஹி மே பார்கவி ஜந்மஜந்மநி ॥ 105 ॥
ஸுவர்ணவ்ரு'த்திம் குரு மே க்ரு'ஹே ஶ்ரீஃ
ஸுதாந்யவ்ரு'த்திம் குரூ மே க்ரு'ஹே ஶ்ரீஃ ।
கல்யாணவ்ரு'த்திம் குரு மே க்ரு'ஹே ஶ்ரீஃ
விபூதிவ்ரு'த்திம் குரு மே க்ரு'ஹே ஶ்ரீஃ ॥ 106 ॥
த்யாயேல்லக்ஷ்மீம் ப்ரஹஸிதமுகீம் கோடிபாலார்கபாஸாம்
வித்யுத்வர்ணாம்பரவரதராம் பூஷணாட்யாம் ஸுஶோபாம் ।
பீஜாபூரம் ஸரஸிஜயுகம் பிப்ரதீம் ஸ்வர்ணபாத்ரம்
பர்த்ராயுக்தாம் முஹுரபயதாம் மஹ்யமப்யச்யுதஶ்ரீஃ ॥ 107 ॥
குஹ்யாதிகுஹ்யகோப்த்ரீ த்வம் க்ரு'ஹாணாஸ்மத்க்ரு'தம் ஜபம் ।
ஸித்திர்பவது மே தேவி த்வத்ப்ரஸாதாந்மயி ஸ்திதா ॥ 108 ॥
இதி ஶ்ரீஅதர்வணரஹஸ்யே ஶ்ரீலக்ஷ்மீஹ்ரு'தயஸ்தோத்ரம் ஸம்பூர்ணம் ॥
Roman (IAST) Transliteration
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
Sanskrit — Devanagari (original)
अथ नारायन हृदय स्तोत्रम्
अस्य श्रीनारायणहृदयस्तोत्रमन्त्रस्य भार्गव ऋषिः, अनुष्टुप्छन्दः, श्रीलक्ष्मीनारायणो देवता, ॐ बीजं, नमश्शक्तिः, नारायणायेति कीलकं, श्रीलक्ष्मीनारायण प्रीत्यर्थे जपे विनियोगः ।
करन्यासः ।
ॐ नारायणः परं ज्योतिरिति अङ्गुष्ठाभ्यां नमः ।
नारायणः परं ब्रह्मेति तर्जनीभ्यां नमः ।
नारायणः परो देव इति मध्यमाभ्यां नमः ।
नारायणः परं धामेति अनामिकाभ्यां नमः ।
नारायणः परो धर्म इति कनिष्ठिकाभ्यां नमः ।
विश्वं नारायण इति करतलकरपृष्ठाभ्यां नमः ।
अङ्गन्यासः ।
नारायणः परं ज्योतिरिति हृदयाय नमः ।
नारायणः परं ब्रह्मेति शिरसे स्वाहा ।
नारायणः परो देव इति शिखायै वौषट् ।
नारायणः परं धामेति कवचाय हुम् ।
नारायणः परो धर्म इति नेत्राभ्यां वौषट् ।
विश्वं नारायण इति अस्त्राय फट् ।
दिग्बन्धः ।
ॐ ऐन्द्र्यादिदशदिशं ॐ नमः सुदर्शनाय सहस्राराय हुं फट् बध्नामि नमश्चक्राय स्वाहा । इति प्रतिदिशं योज्यम् ।
अथ ध्यानम् ।
उद्यादादित्यसङ्काशं पीतवासं चतुर्भुजम् ।
शङ्खचक्रगदापाणिं ध्यायेल्लक्ष्मीपतिं हरिम् ॥ 1 ॥
त्रैलोक्याधारचक्रं तदुपरि कमठं तत्र चानन्तभोगी
तन्मध्ये भूमिपद्माङ्कुशशिखरदलं कर्णिकाभूतमेरुम् ।
तत्रस्थं शान्तमूर्तिं मणिमयमकुटं कुण्डलोद्भासिताङ्गं
लक्ष्मीनारायणाख्यं सरसिजनयनं सन्ततं चिन्तयामि ॥ 2 ॥
अथ मूलाष्टकम् ।
ओम् ॥ नारायणः परं ज्योतिरात्मा नारायणः परः ।
नारायणः परं ब्रह्म नारायण नमोऽस्तु ते ॥ 1 ॥
नारायणः परो देवो धाता नारायणः परः ।
नारायणः परो धाता नारायण नमोऽस्तु ते ॥ 2 ॥
नारायणः परं धाम ध्यानं नारायणः परः ।
नारायण परो धर्मो नारायण नमोऽस्तु ते ॥ 3 ॥
नारायणः परोवेद्यः विद्या नारायणः परः ।
विश्वं नारायणः साक्षान्नारायण नमोऽस्तु ते ॥ 4 ॥
नारायणाद्विधिर्जातो जातो नारायणाद्भवः ।
जातो नारायणादिन्द्रो नारायण नमोऽस्तु ते ॥ 5 ॥
रविर्नारायणस्तेजः चन्द्रो नारायणो महः ।
वह्निर्नारायणः साक्षान्नारायण नमोऽस्तु ते ॥ 6 ॥
नारायण उपास्यः स्याद्गुरुर्नारायणः परः ।
नारायणः परो बोधो नारायण नमोऽस्तु ते ॥ 7 ॥
नारायणः फलं मुख्यं सिद्धिर्नारायणः सुखम् ।
सेव्योनारायणः शुद्धो नारायण नमोऽस्तु ते ॥ 8 ॥ [हरि]
अथ प्रार्थनादशकम् ।
नारायण त्वमेवासि दहराख्ये हृदि स्थितः ।
प्रेरकः प्रेर्यमाणानां त्वया प्रेरितमानसः ॥ 9 ॥
त्वदाज्ञां शिरसा धृत्वा जपामि जनपावनम् ।
नानोपासनमार्गाणां भवकृद्भावबोधकः ॥ 10 ॥
भावार्थकृद्भवातीतो भव सौख्यप्रदो मम ।
त्वन्मायामोहितं विश्वं त्वयैव परिकल्पितम् ॥ 11 ॥
त्वदधिष्ठानमात्रेण सा वै सर्वार्थकारिणी ।
त्वमेतां च पुरस्कृत्य सर्वकामान्प्रदर्शय ॥ 12 ॥
न मे त्वदन्यस्त्रातास्ति त्वदन्यन्न हि दैवतम् ।
त्वदन्यं न हि जानामि पालकं पुण्यवर्धनम् ॥ 13 ॥
यावत्सांसारिको भावो मनस्स्थो भावनात्मकः ।
तावत्सिद्धिर्भवेत्साध्या सर्वथा सर्वदा विभो ॥ 14 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 15 ॥
त्वयाहं नैव सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 16 ॥
पापसङ्घपरिश्रान्तः पापात्मा पापरूपधृत् ।
त्वदन्यः कोऽत्र पापेभ्यस्त्रातास्ति जगतीतले ॥ 17 ॥
त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव सेव्यश्च गुरुस्त्वमेव
त्वमेव सर्वं मम देव देव ॥ 18 ॥
प्रार्थनादशकं चैव मूलाष्टकमतः परम् ।
यः पठेच्छृणुयान्नित्यं तस्य लक्ष्मीः स्थिरा भवेत् ॥ 19 ॥
नारायणस्य हृदयं सर्वाभीष्टफलप्रदम् ।
लक्ष्मीहृदयकं स्तोत्रं यदि चेत्तद्विनाकृतम् ॥ 20 ॥
तत्सर्वं निष्फलं प्रोक्तं लक्ष्मीः क्रुद्ध्यति सर्वदा ।
एतत्सङ्कलितं स्तोत्रं सर्वकामफलप्रदम् ॥ 21 ॥
लक्ष्मीहृदयकं चैव तथा नारायणात्मकम् ।
जपेद्यः सङ्कलीकृत्य सर्वाभीष्टमवाप्नुयात् ॥ 22 ॥
नारायणस्य हृदयमादौ जप्त्वा ततः परम् ।
लक्ष्मीहृदयकं स्तोत्रं जपेन्नारायणं पुनः ॥ 23 ॥
पुनर्नारायणं जप्त्वा पुनर्लक्ष्मीनुतिं जपेत् ।
पुनर्नारायणं जाप्यं सङ्कलीकरणं भवेत् ॥ 24 ॥
एवं मध्ये द्विवारेण जपेत्सङ्कलितं तु तत् ।
लक्ष्मीहृदयकं स्तोत्रं सर्वकामप्रकाशितम् ॥ 25 ॥
तद्वज्जपादिकं कुर्यादेतत्सङ्कलितं शुभम् ।
सर्वान्कामानवाप्नोति आधिव्याधिभयं हरेत् ॥ 26 ॥
गोप्यमेतत्सदा कुर्यान्न सर्वत्र प्रकाशयेत् ।
इति गुह्यतमं शास्त्रं प्राप्तं ब्रह्मादिकैः पुरा ॥ 27 ॥
तस्मात्सर्वप्रयत्नेन गोपयेत्साधयेसुधीः ।
यत्रैतत्पुस्तकं तिष्ठेल्लक्ष्मीनारायणात्मकम् ॥ 28 ॥
भूतपैशाचवेताल भयं नैव तु सर्वदा ।
लक्ष्मीहृदयकं प्रोक्तं विधिना साधयेत्सुधीः ॥ 29 ॥
भृगुवारे च रात्रौ च पूजयेत्पुस्तकद्वयम् ।
सर्वथा सर्वदा सत्यं गोपयेत्साधयेत्सुधीः ।
गोपनात्साधनाल्लोके धन्यो भवति तत्त्वतः ॥ 30 ॥
इत्यथर्वरहस्ये उत्तरभागे नारायणहृदयं सम्पूर्णम् ।
अथ लक्ष्मी हृदय स्तोत्रम्
अस्य श्री महालक्ष्मीहृदयस्तोत्र महामन्त्रस्य भार्गव ऋषिः, अनुष्टुपादीनि नानाछन्दांसि, आद्यादि श्रीमहालक्ष्मीर्देवता, श्रीं बीजं, ह्रीं शक्तिः, ऐं कीलकं, आद्यादिमहालक्ष्मी प्रसादसिद्ध्यर्थं जपे विनियोगः ॥
ऋष्यादिन्यासः –
ॐ भार्गवृषये नमः शिरसि ।
ॐ अनुष्टुपादिनानाछन्दोभ्यो नमो मुखे ।
ॐ आद्यादिश्रीमहालक्ष्मी देवतायै नमो हृदये ।
ॐ श्रीं बीजाय नमो गुह्ये ।
ॐ ह्रीं शक्तये नमः पादयोः ।
ॐ ऐं कीलकाय नमो नाभौ ।
ॐ विनियोगाय नमः सर्वाङ्गे ।
करन्यासः –
ॐ श्रीं अङ्गुष्ठाभ्यां नमः ।
ॐ ह्रीं तर्जनीभ्यां नमः ।
ॐ ऐं मध्यमाभ्यां नमः ।
ॐ श्रीं अनामिकाभ्यां नमः ।
ॐ ह्रीं कनिष्ठिकाभ्यां नमः ।
ॐ ऐं करतल करपृष्ठाभ्यां नमः ।
अङ्गन्यासः –
ॐ श्रीं हृदयाय नमः ।
ॐ ह्रीं शिरसे स्वाहा ।
ॐ ऐं शिखायै वषट् ।
ॐ श्रीं कवचाय हुम् ।
ॐ ह्रीं नेत्रत्रयाय वौषट् ।
ॐ ऐं अस्त्राय फट् ।
ॐ श्रीं ह्रीं ऐं इति दिग्बन्धः ।
अथ ध्यानम् ।
हस्तद्वयेन कमले धारयन्तीं स्वलीलया ।
हारनूपुरसंयुक्तां लक्ष्मीं देवीं विचिन्तये ॥
कौशेयपीतवसनामरविन्दनेत्रां
पद्मद्वयाभयवरोद्यतपद्महस्ताम् ।
उद्यच्छतार्कसदृशीं परमाङ्कसंस्थां
ध्यायेद्विधीशनतपादयुगां जनित्रीम् ॥
पीतवस्त्रां सुवर्णाङ्गीं पद्महस्तद्वायान्विताम् ।
लक्ष्मीं ध्यात्वेति मन्त्रेण स भवेत्पृथिवीपतिः ॥
मातुलुङ्गं गदां खेटं पाणौ पात्रं च बिभ्रती ।
नागं लिङ्गं च योनिं च बिभ्रतीं चैव मूर्धनि ॥
[ इति ध्यात्वा मानसोपचारैः सम्पूज्य ।
शङ्खचक्रगदाहस्ते शुभ्रवर्णे सुवासिनी ।
मम देहि वरं लक्ष्मीः सर्वसिद्धिप्रदायिनी ।
इति सम्प्रार्थ्य ॐ श्रीं ह्रीं ऐं महालक्ष्म्यै कमलधारिण्यै सिंहवाहिन्यै स्वाहा इति मन्त्रं जप्त्वा पुनः पूर्ववद्धृदयादि षडङ्गन्यासं कृत्वा स्तोत्रं पठेत् । ]
स्तोत्रम् ।
वन्दे लक्ष्मीं परमशिवमयीं शुद्धजाम्बूनदाभां
तेजोरूपां कनकवसनां सर्वभूषोज्ज्वलाङ्गीम् ।
बीजापूरं कनककलशं हेमपद्मं दधाना-
-माद्यां शक्तिं सकलजननीं विष्णुवामाङ्कसंस्थाम् ॥ 1 ॥
श्रीमत्सौभाग्यजननीं स्तौमि लक्ष्मीं सनातनीम् ।
सर्वकामफलावाप्तिसाधनैकसुखावहाम् ॥ 2 ॥
स्मरामि नित्यं देवेशि त्वया प्रेरितमानसः ।
त्वदाज्ञां शिरसा धृत्वा भजामि परमेश्वरीम् ॥ 3 ॥
समस्तसम्पत्सुखदां महाश्रियं
समस्तसौभाग्यकरीं महाश्रियम् ।
समस्तकल्याणकरीं महाश्रियं
भजाम्यहं ज्ञानकरीं महाश्रियम् ॥ 4 ॥
विज्ञानसम्पत्सुखदां सनातनीं
विचित्रवाग्भूतिकरीं मनोहराम् ।
अनन्तसम्मोदसुखप्रदायिनीं
नमाम्यहं भूतिकरीं हरिप्रियाम् ॥ 5 ॥
समस्तभूतान्तरसंस्थिता त्वं
समस्तभोक्त्रीश्वरि विश्वरूपे ।
तन्नास्ति यत्त्वद्व्यतिरिक्तवस्तु
त्वत्पादपद्मं प्रणमाम्यहं श्रीः ॥ 6 ॥
दारिद्र्य दुःखौघतमोपहन्त्री
त्वत्पादपद्मं मयि सन्निधत्स्व ।
दीनार्तिविच्छेदनहेतुभूतैः
कृपाकटाक्षैरभिषिञ्च मां श्रीः ॥ 7 ॥
अम्ब प्रसीद करुणासुधयार्द्रदृष्ट्या
मां त्वत्कृपाद्रविणगेहमिमं कुरुष्व ।
आलोकय प्रणतहृद्गतशोकहन्त्री
त्वत्पादपद्मयुगलं प्रणमाम्यहं श्रीः ॥ 8 ॥
शान्त्यै नमोऽस्तु शरणागतरक्षणायै
कान्त्यै नमोऽस्तु कमनीयगुणाश्रयायै ।
क्षान्त्यै नमोऽस्तु दुरितक्षयकारणायै
दात्र्यै नमोऽस्तु धनधान्यसमृद्धिदायै ॥ 9 ॥
शक्त्यै नमोऽस्तु शशिशेखरसंस्तुतायै
रत्यै नमोऽस्तु रजनीकरसोदरायै ।
भक्त्यै नमोऽस्तु भवसागरतारकायै
मत्यै नमोऽस्तु मधुसूदनवल्लभायै ॥ 10 ॥
लक्ष्म्यै नमोऽस्तु शुभलक्षणलक्षितायै
सिद्ध्यै नमोऽस्तु शिवसिद्धसुपूजितायै ।
धृत्यै नमोऽस्त्वमितदुर्गतिभञ्जनायै
गत्यै नमोऽस्तु वरसद्गतिदायिकायै ॥ 11 ॥
देव्यै नमोऽस्तु दिवि देवगणार्चितायै
भूत्यै नमोऽस्तु भुवनार्तिविनाशनायै ।
धात्र्यै नमोऽस्तु धरणीधरवल्लभायै
पुष्ट्यै नमोऽस्तु पुरुषोत्तमवल्लभायै ॥ 12 ॥
सुतीव्रदारिद्र्यविदुःखहन्त्र्यै
नमोऽस्तु ते सर्वभयापहन्त्र्यै ।
श्रीविष्णुवक्षःस्थलसंस्थितायै
नमो नमः सर्वविभूतिदायै ॥ 13 ॥
जयतु जयतु लक्ष्मीर्लक्षणालङ्कृताङ्गी
जयतु जयतु पद्मा पद्मसद्माभिवन्द्या ।
जयतु जयतु विद्या विष्णुवामाङ्कसंस्था
जयतु जयतु सम्यक्सर्वसम्पत्करी श्रीः ॥ 14 ॥
जयतु जयतु देवी देवसङ्घाभिपूज्या
जयतु जयतु भद्रा भार्गवी भाग्यरूपा ।
जयतु जयतु नित्या निर्मलज्ञानवेद्या
जयतु जयतु सत्या सर्वभूतान्तरस्था ॥ 15 ॥
जयतु जयतु रम्या रत्नगर्भान्तरस्था
जयतु जयतु शुद्धा शुद्धजाम्बूनदाभा ।
जयतु जयतु कान्ता कान्तिमद्भासिताङ्गी
जयतु जयतु शान्ता शीघ्रमागच्छ सौम्ये ॥ 16 ॥
यस्याः कलायाः कमलोद्भवाद्या
रुद्राश्च शक्र प्रमुखाश्च देवाः ।
जीवन्ति सर्वेऽपि सशक्तयस्ते
प्रभुत्वमाप्ताः परमायुषस्ते ॥ 17 ॥
लिलेख निटिले विधिर्मम लिपिं विसृज्यान्तरं
त्वया विलिखितव्यमेतदिति तत्फलप्राप्तये ।
तदन्तरफलेस्फुटं कमलवासिनी श्रीरिमां
समर्पय समुद्रिकां सकलभाग्यसंसूचिकाम् ॥ 18 ॥
कलया ते यथा देवि जीवन्ति सचराचराः ।
तथा सम्पत्करे लक्ष्मि सर्वदा सम्प्रसीद मे ॥ 19 ॥
यथा विष्णुर्ध्रुवे नित्यं स्वकलां सन्न्यवेशयत् ।
तथैव स्वकलां लक्ष्मि मयि सम्यक् समर्पय ॥ 20 ॥
सर्वसौख्यप्रदे देवि भक्तानामभयप्रदे ।
अचलां कुरु यत्नेन कलां मयि निवेशिताम् ॥ 21 ॥
मुदास्तां मत्फाले परमपदलक्ष्मीः स्फुटकला
सदा वैकुण्ठश्रीर्निवसतु कला मे नयनयोः ।
वसेत्सत्ये लोके मम वचसि लक्ष्मीर्वरकला
श्रियः श्वेतद्वीपे निवसतु कला मे स्वकरयोः ॥ 22 ॥
तावन्नित्यं ममाङ्गेषु क्षीराब्धौ श्रीकला वसेत् ।
सूर्याचन्द्रमसौ यावद्यावल्लक्ष्मीपतिः श्रियाः ॥ 23 ॥
सर्वमङ्गलसम्पूर्णा सर्वैश्वर्यसमन्विता ।
आद्यादि श्रीर्महालक्ष्मी त्वत्कला मयि तिष्ठतु ॥ 24 ॥
अज्ञानतिमिरं हन्तुं शुद्धज्ञानप्रकाशिका ।
सर्वैश्वर्यप्रदा मेऽस्तु त्वत्कला मयि संस्थिता ॥ 25 ॥
अलक्ष्मीं हरतु क्षिप्रं तमः सूर्यप्रभा यथा ।
वितनोतु मम श्रेयस्त्वत्कला मयि संस्थिता ॥ 26 ॥
ऐश्वर्यमङ्गलोत्पत्तिस्त्वत्कलायां निधीयते ।
मयि तस्मात्कृतार्थोऽस्मि पात्रमस्मि स्थितेस्तव ॥ 27 ॥
भवदावेशभाग्यार्हो भाग्यवानस्मि भार्गवि ।
त्वत्प्रसादात्पवित्रोऽहं लोकमातर्नमोऽस्तु ते ॥ 28 ॥
पुनासि मां त्वत्कलयैव यस्मा-
-दतः समागच्छ ममाग्रतस्त्वम् ।
परं पदं श्रीर्भव सुप्रसन्ना
मय्यच्युतेन प्रविशादिलक्ष्मीः ॥ 29 ॥
श्रीवैकुण्ठस्थिते लक्ष्मि समागच्छ ममाग्रतः ।
नारायणेन सह मां कृपादृष्ट्याऽवलोकय ॥ 30 ॥
सत्यलोकस्थिते लक्ष्मि त्वं ममागच्छ सन्निधिम् ।
वासुदेवेन सहिता प्रसीद वरदा भव ॥ 31 ॥
श्वेतद्वीपस्थिते लक्ष्मि शीघ्रमागच्छ सुव्रते ।
विष्णुना सहिते देवि जगन्मातः प्रसीद मे ॥ 32 ॥
क्षीराम्बुधिस्थिते लक्ष्मि समागच्छ समाधवा ।
त्वत्कृपादृष्टिसुधया सततं मां विलोकय ॥ 33 ॥
रत्नगर्भस्थिते लक्ष्मि परिपूर्णे हिरण्मये ।
समागच्छ समागच्छ स्थित्वाऽऽशु पुरतो मम ॥ 34 ॥
स्थिरा भव महालक्ष्मि निश्चला भव निर्मले ।
प्रसन्ने कमले देवि प्रसन्नहृदया भव ॥ 35 ॥
श्रीधरे श्रीमहाभूते त्वदन्तःस्थं महानिधिम् ।
शीघ्रमुद्धृत्य पुरतः प्रदर्शय समर्पय ॥ 36 ॥
वसुन्धरे श्रीवसुधे वसुदोग्ध्रि कृपामये ।
त्वत्कुक्षिगतसर्वस्वं शीघ्रं मे सम्प्रदर्शय ॥ 37 ॥
विष्णुप्रिये रत्नगर्भे समस्तफलदे शिवे ।
त्वद्गर्भगतहेमादीन् सम्प्रदर्शय दर्शय ॥ 38 ॥
रसातलगते लक्ष्मि शीघ्रमागच्छ मे पुरः ।
न जाने परमं रूपं मातर्मे सम्प्रदर्शय ॥ 39 ॥
आविर्भव मनोवेगाच्छीघ्रमागच्छ मे पुरः ।
मा वत्स भैरिहेत्युक्त्वा कामं गौरिव रक्ष माम् ॥ 40 ॥
देवि शीघ्रं समागच्छ धरणीगर्भसंस्थिते ।
मातस्त्वद्भृत्यभृत्योऽहं मृगये त्वां कुतूहलात् ॥ 41 ॥
उत्तिष्ठ जागृहि त्वं मे समुत्तिष्ठ सुजागृहि ।
अक्षयान् हेमकलशान् सुवर्णेन सुपूरितान् ॥ 42 ॥
निक्षेपान्मे समाकृष्य समुद्धृत्य ममाग्रतः ।
समुन्नतानना भूत्वा समाधेहि धरान्तरात् ॥ 43 ॥
मत्सन्निधिं समागच्छ मदाहितकृपारसात् ।
प्रसीद श्रेयसां दोग्ध्री लक्ष्मीर्मे नयनाग्रतः ॥ 44 ॥
अत्रोपविश लक्ष्मि त्वं स्थिरा भव हिरण्मये ।
सुस्थिरा भव सम्प्रीत्या प्रसीद वरदा भव ॥ 45 ॥
आनीतांस्तु तथा देवि निधीन्मे सम्प्रदर्शय ।
अद्य क्षणेन सहसा दत्त्वा संरक्ष मां सदा ॥ 46 ॥
मयि तिष्ठ तथा नित्यं यथेन्द्रादिषु तिष्ठसि ।
अभयं कुरु मे देवि महालक्ष्मीर्नमोऽस्तु ते ॥ 47 ॥
समागच्छ महालक्ष्मि शुद्धजाम्बूनदप्रभे ।
प्रसीद पुरतः स्थित्वा प्रणतं मां विलोकय ॥ 48 ॥
लक्ष्मीर्भुवं गता भासि यत्र यत्र हिरण्मयी ।
तत्र तत्र स्थिता त्वं मे तव रूपं प्रदर्शय ॥ 49 ॥
क्रीडन्ती बहुधा भूमौ परिपूर्णकृपामयि ।
मम मूर्धनि ते हस्तमविलम्बितमर्पय ॥ 50 ॥
फलद्भाग्योदये लक्ष्मि समस्तपुरवासिनी ।
प्रसीद मे महालक्ष्मि परिपूर्णमनोरथे ॥ 51 ॥
अयोध्यादिषु सर्वेषु नगरेषु समास्थिते ।
वैभवैर्विविधैर्युक्तैः समागच्छ मुदान्विते ॥ 52 ॥
समागच्छ समागच्छ ममाग्रे भव सुस्थिरा ।
करुणारसनिष्यन्दनेत्रद्वय विलासिनी ॥ 53 ॥ [निष्पन्न]
सन्निधत्स्व महालक्ष्मि त्वत्पाणिं मम मस्तके ।
करुणासुधया मां त्वमभिषिञ्च्य स्थिरं कुरु ॥ 54 ॥
सर्वराजगृहे लक्ष्मि समागच्छ बलान्विते । [मुदान्विते]
स्थित्वाऽऽशु पुरतो मेऽद्य प्रसादेनाऽभयं कुरु ॥ 55 ॥
सादरं मस्तके हस्तं मम त्वं कृपयार्पय ।
सर्वराजगृहे लक्ष्मि त्वत्कला मयि तिष्ठतु ॥ 56 ॥
आद्यादि श्रीमहालक्ष्मि विष्णुवामाङ्कसंस्थिते ।
प्रत्यक्षं कुरु मे रूपं रक्ष मां शरणागतम् ॥ 57 ॥
प्रसीद मे महालक्ष्मि सुप्रसीद महाशिवे ।
अचला भव सम्प्रीत्या सुस्थिरा भव मद्गृहे ॥ 58 ॥
यावत्तिष्ठन्ति वेदाश्च यावच्चन्द्रदिवाकरौ ।
यावद्विष्णुश्च यावत्त्वं तावत्कुरु कृपां मयि ॥ 59 ॥
चान्द्रीकला यथा शुक्ले वर्धते सा दिने दिने ।
तथा दया ते मय्येव वर्धतामभिवर्धताम् ॥ 60 ॥
यथा वैकुण्ठनगरे यथा वै क्षीरसागरे ।
तथा मद्भवने तिष्ठ स्थिरं श्रीविष्णुना सह ॥ 61 ॥
योगिनां हृदये नित्यं यथा तिष्ठसि विष्णुना ।
तथा मद्भवने तिष्ठ स्थिरं श्रीविष्णुना सह ॥ 62 ॥
नारायणस्य हृदये भवती यथास्ते
नारायणोऽपि तव हृत्कमले यथास्ते ।
नारायणस्त्वमपि नित्यमुभौ तथैव
तौ तिष्ठतां हृदि ममापि दयान्वितौ श्रीः ॥ 63 ॥
विज्ञानवृद्धिं हृदये कुरु श्रीः
सौभाग्यवृद्धिं कुरु मे गृहे श्रीः ।
दयासुवृद्धिं कुरुतां मयि श्रीः
सुवर्णवृद्धिं कुरु मे गृहे श्रीः ॥ 64 ॥
न मां त्यजेथाः श्रितकल्पवल्लि
सद्भक्तचिन्तामणिकामधेनो ।
विश्वस्य मातर्भव सुप्रसन्ना
गृहे कलत्रेषु च पुत्रवर्गे ॥ 65 ॥
आद्यादिमाये त्वमजाण्डबीजं
त्वमेव साकारनिराकृतिस्त्वम् ।
त्वया धृताश्चाब्जभवाण्डसङ्घा-
-श्चित्रं चरित्रं तव देवि विष्णोः ॥ 66 ॥
ब्रह्मरुद्रादयो देवा वेदाश्चापि न शक्नुयुः ।
महिमानं तव स्तोतुं मन्दोऽहं शक्नुयां कथम् ॥ 67 ॥
अम्ब त्वद्वत्सवाक्यानि सूक्तासूक्तानि यानि च ।
तानि स्वीकुरु सर्वज्ञे दयालुत्वेन सादरम् ॥ 68 ॥
भवतीं शरणं गत्वा कृतार्थाः स्युः पुरातनाः ।
इति सञ्चिन्त्य मनसा त्वामहं शरणं व्रजे ॥ 69 ॥
अनन्ता नित्यसुखिनस्त्वद्भक्तास्त्वत्परायणाः ।
इति वेदप्रमाणाद्धि देवि त्वां शरणं व्रजे ॥ 70 ॥
तव प्रतिज्ञा मद्भक्ता न नश्यन्तीत्यपि क्वचित् ।
इति सञ्चिन्त्य सञ्चिन्त्य प्राणान् सन्धारयाम्यहम् ॥ 71 ॥
त्वदधीनस्त्वहं मातस्त्वत्कृपा मयि विद्यते ।
यावत्सम्पूर्णकामः स्यात्तावद्देहि दयानिधे ॥ 72 ॥
क्षणमात्रं न शक्नोमि जीवितुं त्वत्कृपां विना ।
न जीवन्तीह जलजा जलं त्यक्त्वा जलग्रहाः ॥ 73 ॥
यथा हि पुत्रवात्सल्याज्जननी प्रस्नुतस्तनी ।
वत्सं त्वरितमागत्य सम्प्रीणयति वत्सला ॥ 74 ॥
यदि स्यां तव पुत्रोऽहं माता त्वं यदि मामकी ।
दयापयोधरस्तन्यसुधाभिरभिषिञ्च माम् ॥ 75 ॥
मृग्यो न गुणलेशोऽपि मयि दोषैकमन्दिरे ।
पांसूनां वृष्टिबिन्दूनां दोषाणां च न मे मतिः ॥ 76 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 77 ॥
विधिनाहं न सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 78 ॥
कृपा मदग्रजा किं ते अहं किं वा तदग्रजः ।
विचार्य देहि मे वित्तं तव देवि दयानिधे ॥ 79 ॥
माता पिता त्वं गुरुसद्गतिः श्री-
-स्त्वमेव सञ्जीवनहेतुभूता ।
अन्यं न मन्ये जगदेकनाथे
त्वमेव सर्वं मम देवि सत्ये ॥ 80 ॥
आद्यादिलक्ष्मीर्भव सुप्रसन्ना
विशुद्धविज्ञानसुखैकदोग्ध्री ।
अज्ञानहन्त्री त्रिगुणातिरिक्ता
प्रज्ञाननेत्री भव सुप्रसन्ना ॥ 81 ॥
अशेषवाग्जाड्यमलापहन्त्री
नवं नवं स्पष्टसुवाक्प्रदायिनी ।
ममेह जिह्वाग्र सुरङ्गनर्तकी [नर्तिनी]
भव प्रसन्ना वदने च मे श्रीः ॥ 82 ॥
समस्तसम्पत्सुविराजमाना
समस्ततेजश्चयभासमाना ।
विष्णुप्रिये त्वं भव दीप्यमाना
वाग्देवता मे नयने प्रसन्ना ॥ 83 ॥
सर्वप्रदर्शे सकलार्थदे त्वं
प्रभासुलावण्यदयाप्रदोग्ध्री ।
सुवर्णदे त्वं सुमुखी भव श्री-
-र्हिरण्मयी मे नयने प्रसन्ना ॥ 84 ॥
सर्वार्थदा सर्वजगत्प्रसूतिः
सर्वेश्वरी सर्वभयापहन्त्री ।
सर्वोन्नता त्वं सुमुखी भव श्री-
-र्हिरण्मयी मे नयने प्रसन्ना ॥ 85 ॥
समस्तविघ्नौघविनाशकारिणी
समस्तभक्तोद्धरणे विचक्षणा ।
अनन्तसौभाग्यसुखप्रदायिनी
हिरण्मयी मे नयने प्रसन्ना ॥ 86 ॥
देवि प्रसीद दयनीयतमाय मह्यं
देवाधिनाथभवदेवगणाभिवन्द्ये ।
मातस्तथैव भव सन्निहिता दृशोर्मे
पत्या समं मम मुखे भव सुप्रसन्ना ॥ 87 ॥
मा वत्स भैरभयदानकरोऽर्पितस्ते
मौलौ ममेति मयि दीनदयानुकम्पे ।
मातः समर्पय मुदा करुणाकटाक्षं
माङ्गल्यबीजमिह नः सृज जन्म मातः ॥ 88 ॥
कटाक्ष इह कामधुक्तव मनस्तु चिन्तामणिः
करः सुरतरुः सदा नवनिधिस्त्वमेवेन्दिरे ।
भवे तव दयारसो मम रसायनं चान्वहं
मुखं तव कलानिधिर्विविधवाञ्छितार्थप्रदम् ॥ 89 ॥
यथा रसस्पर्शनतोऽयसोऽपि
सुवर्णता स्यात्कमले तथा ते ।
कटाक्षसंस्पर्शनतो जनाना-
-ममङ्गलानामपि मङ्गलत्वम् ॥ 90 ॥
देहीति नास्तीति वचः प्रवेशा-
-द्भीतो रमे त्वां शरणं प्रपद्ये ।
अतः सदाऽस्मिन्नभयप्रदा त्वं
सहैव पत्या मयि सन्निधेहि ॥ 91 ॥
कल्पद्रुमेण मणिना सहिता सुरम्या
श्रीस्ते कला मयि रसेन रसायनेन ।
आस्तां यतो मम शिरःकरदृष्टिपाद-
-स्पृष्टाः सुवर्णवपुषः स्थिरजङ्गमाः स्युः ॥ 92 ॥
आद्यादिविष्णोः स्थिरधर्मपत्नी
त्वमेव पत्या मयि सन्निधेहि ।
आद्यादिलक्ष्मि त्वदनुग्रहेण
पदे पदे मे निधिदर्शनं स्यात् ॥ 93 ॥
आद्यादिलक्ष्मीहृदयं पठेद्यः
स राज्यलक्ष्मीमचलां तनोति ।
महादरिद्रोऽपि भवेद्धनाढ्य-
-स्तदन्वये श्रीः स्थिरतां प्रयाति ॥ 94 ॥
यस्य स्मरणमात्रेण तुष्टा स्याद्विष्णुवल्लभा ।
तस्याभीष्टं ददत्याशु तं पालयति पुत्रवत् ॥ 95 ॥
इदं रहस्यं हृदयं सर्वकामफलप्रदम् ।
जपः पञ्चसहस्रं तु पुरश्चरणमुच्यते ॥ 96 ॥
त्रिकालमेककालं वा नरो भक्तिसमन्वितः ।
यः पठेच्छृणुयाद्वापि स याति परमां श्रियम् ॥ 97 ॥
महालक्ष्मीं समुद्दिश्य निशि भार्गववासरे ।
इदं श्रीहृदयं जप्त्वा पञ्चवारं धनी भवेत् ॥ 98 ॥
अनेन हृदयेनान्नं गर्भिण्या अभिमन्त्रितम् ।
ददाति तत्कुले पुत्रो जायते श्रीपतिः स्वयम् ॥ 99 ॥
नरेण वाऽथवा नार्या लक्ष्मीहृदयमन्त्रिते ।
जले पीते च तद्वंशे मन्दभाग्यो न जायते ॥ 100 ॥
य आश्विने मासि च शुक्लपक्षे
रमोत्सवे सन्निहिते सुभक्त्या ।
पठेत्तथैकोत्तरवारवृद्ध्या
लभेत्स सौवर्णमयीं सुवृष्टिम् ॥ 101 ॥
य एकभक्तोऽन्वहमेकवर्षं
विशुद्धधीः सप्ततिवारजापी ।
स मन्दभाग्योऽपि रमाकटाक्षा-
-द्भवेत्सहस्राक्षशताधिकश्रीः ॥ 102 ॥
श्रीशाङ्घ्रिभक्तिं हरिदासदास्यं
प्रसन्नमन्त्रार्थदृढैकनिष्ठाम् ।
गुरोः स्मृतिं निर्मलबोधबुद्धिं
प्रदेहि मातः परमं पदं श्रीः ॥ 103 ॥
पृथ्वीपतित्वं पुरुषोत्तमत्वं
विभूतिवासं विविधार्थसिद्धिम् ।
सम्पूर्णकीर्तिं बहुवर्षभोगं
प्रदेहि मे लक्ष्मि पुनः पुनस्त्वम् ॥ 104 ॥
वादार्थसिद्धिं बहुलोकवश्यं
वयः स्थिरत्वं ललनासुभोगम् ।
पौत्रादिलब्धिं सकलार्थसिद्धिं
प्रदेहि मे भार्गवि जन्मजन्मनि ॥ 105 ॥
सुवर्णवृद्धिं कुरु मे गृहे श्रीः
सुधान्यवृद्धिं कुरू मे गृहे श्रीः ।
कल्याणवृद्धिं कुरु मे गृहे श्रीः
विभूतिवृद्धिं कुरु मे गृहे श्रीः ॥ 106 ॥
ध्यायेल्लक्ष्मीं प्रहसितमुखीं कोटिबालार्कभासां
विद्युद्वर्णाम्बरवरधरां भूषणाढ्यां सुशोभाम् ।
बीजापूरं सरसिजयुगं बिभ्रतीं स्वर्णपात्रं
भर्त्रायुक्तां मुहुरभयदां मह्यमप्यच्युतश्रीः ॥ 107 ॥
गुह्यातिगुह्यगोप्त्री त्वं गृहाणास्मत्कृतं जपम् ।
सिद्धिर्भवतु मे देवि त्वत्प्रसादान्मयि स्थिता ॥ 108 ॥
इति श्रीअथर्वणरहस्ये श्रीलक्ष्मीहृदयस्तोत्रं सम्पूर्णम् ॥
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.