ଅଥ ନାରାଯନ ହୃଦଯ ସ୍ତୋତ୍ରମ୍
ଅସ୍ଯ ଶ୍ରୀନାରାଯଣହୃଦଯସ୍ତୋତ୍ରମନ୍ତ୍ରସ୍ଯ ଭାର୍ଗଵ ଋଷିଃ, ଅନୁଷ୍ଟୁପ୍ଛନ୍ଦଃ, ଶ୍ରୀଲକ୍ଷ୍ମୀନାରାଯଣୋ ଦେଵତା, ଓଁ ବୀଜଂ, ନମଶ୍ଶକ୍ତିଃ, ନାରାଯଣାଯେତି କୀଲକଂ, ଶ୍ରୀଲକ୍ଷ୍ମୀନାରାଯଣ ପ୍ରୀତ୍ଯର୍ଥେ ଜପେ ଵିନିଯୋଗଃ ।
କରନ୍ଯାସଃ ।
ଓଁ ନାରାଯଣଃ ପରଂ ଜ୍ଯୋତିରିତି ଅଙ୍ଗୁଷ୍ଠାଭ୍ଯାଂ ନମଃ ।
ନାରାଯଣଃ ପରଂ ବ୍ରହ୍ମେତି ତର୍ଜନୀଭ୍ଯାଂ ନମଃ ।
ନାରାଯଣଃ ପରୋ ଦେଵ ଇତି ମଧ୍ଯମାଭ୍ଯାଂ ନମଃ ।
ନାରାଯଣଃ ପରଂ ଧାମେତି ଅନାମିକାଭ୍ଯାଂ ନମଃ ।
ନାରାଯଣଃ ପରୋ ଧର୍ମ ଇତି କନିଷ୍ଠିକାଭ୍ଯାଂ ନମଃ ।
ଵିଶ୍ଵଂ ନାରାଯଣ ଇତି କରତଲକରପୃଷ୍ଠାଭ୍ଯାଂ ନମଃ ।
ଅଙ୍ଗନ୍ଯାସଃ ।
ନାରାଯଣଃ ପରଂ ଜ୍ଯୋତିରିତି ହୃଦଯାଯ ନମଃ ।
ନାରାଯଣଃ ପରଂ ବ୍ରହ୍ମେତି ଶିରସେ ସ୍ଵାହା ।
ନାରାଯଣଃ ପରୋ ଦେଵ ଇତି ଶିଖାଯୈ ଵୌଷଟ୍ ।
ନାରାଯଣଃ ପରଂ ଧାମେତି କଵଚାଯ ହୁମ୍ ।
ନାରାଯଣଃ ପରୋ ଧର୍ମ ଇତି ନେତ୍ରାଭ୍ଯାଂ ଵୌଷଟ୍ ।
ଵିଶ୍ଵଂ ନାରାଯଣ ଇତି ଅସ୍ତ୍ରାଯ ଫଟ୍ ।
ଦିଗ୍ବନ୍ଧଃ ।
ଓଁ ଐନ୍ଦ୍ର୍ଯାଦିଦଶଦିଶଂ ଓଁ ନମଃ ସୁଦର୍ଶନାଯ ସହସ୍ରାରାଯ ହୁଂ ଫଟ୍ ବଧ୍ନାମି ନମଶ୍ଚକ୍ରାଯ ସ୍ଵାହା । ଇତି ପ୍ରତିଦିଶଂ ଯୋଜ୍ଯମ୍ ।
ଅଥ ଧ୍ଯାନମ୍ ।
ଉଦ୍ଯାଦାଦିତ୍ଯସଙ୍କାଶଂ ପୀତଵାସଂ ଚତୁର୍ଭୁଜମ୍ ।
ଶଙ୍ଖଚକ୍ରଗଦାପାଣିଂ ଧ୍ଯାଯେଲ୍ଲକ୍ଷ୍ମୀପତିଂ ହରିମ୍ ॥ 1 ॥
ତ୍ରୈଲୋକ୍ଯାଧାରଚକ୍ରଂ ତଦୁପରି କମଠଂ ତତ୍ର ଚାନନ୍ତଭୋଗୀ
ତନ୍ମଧ୍ଯେ ଭୂମିପଦ୍ମାଙ୍କୁଶଶିଖରଦଲଂ କର୍ଣିକାଭୂତମେରୁମ୍ ।
ତତ୍ରସ୍ଥଂ ଶାନ୍ତମୂର୍ତିଂ ମଣିମଯମକୁଟଂ କୁଣ୍ଡଲୋଦ୍ଭାସିତାଙ୍ଗଂ
ଲକ୍ଷ୍ମୀନାରାଯଣାଖ୍ଯଂ ସରସିଜନଯନଂ ସନ୍ତତଂ ଚିନ୍ତଯାମି ॥ 2 ॥
ଅଥ ମୂଲାଷ୍ଟକମ୍ ।
ଓମ୍ ॥ ନାରାଯଣଃ ପରଂ ଜ୍ଯୋତିରାତ୍ମା ନାରାଯଣଃ ପରଃ ।
ନାରାଯଣଃ ପରଂ ବ୍ରହ୍ମ ନାରାଯଣ ନମୋଽସ୍ତୁ ତେ ॥ 1 ॥
ନାରାଯଣଃ ପରୋ ଦେଵୋ ଧାତା ନାରାଯଣଃ ପରଃ ।
ନାରାଯଣଃ ପରୋ ଧାତା ନାରାଯଣ ନମୋଽସ୍ତୁ ତେ ॥ 2 ॥
ନାରାଯଣଃ ପରଂ ଧାମ ଧ୍ଯାନଂ ନାରାଯଣଃ ପରଃ ।
ନାରାଯଣ ପରୋ ଧର୍ମୋ ନାରାଯଣ ନମୋଽସ୍ତୁ ତେ ॥ 3 ॥
ନାରାଯଣଃ ପରୋଵେଦ୍ଯଃ ଵିଦ୍ଯା ନାରାଯଣଃ ପରଃ ।
ଵିଶ୍ଵଂ ନାରାଯଣଃ ସାକ୍ଷାନ୍ନାରାଯଣ ନମୋଽସ୍ତୁ ତେ ॥ 4 ॥
ନାରାଯଣାଦ୍ଵିଧିର୍ଜାତୋ ଜାତୋ ନାରାଯଣାଦ୍ଭଵଃ ।
ଜାତୋ ନାରାଯଣାଦିନ୍ଦ୍ରୋ ନାରାଯଣ ନମୋଽସ୍ତୁ ତେ ॥ 5 ॥
ରଵିର୍ନାରାଯଣସ୍ତେଜଃ ଚନ୍ଦ୍ରୋ ନାରାଯଣୋ ମହଃ ।
ଵହ୍ନିର୍ନାରାଯଣଃ ସାକ୍ଷାନ୍ନାରାଯଣ ନମୋଽସ୍ତୁ ତେ ॥ 6 ॥
ନାରାଯଣ ଉପାସ୍ଯଃ ସ୍ଯାଦ୍ଗୁରୁର୍ନାରାଯଣଃ ପରଃ ।
ନାରାଯଣଃ ପରୋ ବୋଧୋ ନାରାଯଣ ନମୋଽସ୍ତୁ ତେ ॥ 7 ॥
ନାରାଯଣଃ ଫଲଂ ମୁଖ୍ଯଂ ସିଦ୍ଧିର୍ନାରାଯଣଃ ସୁଖମ୍ ।
ସେଵ୍ଯୋନାରାଯଣଃ ଶୁଦ୍ଧୋ ନାରାଯଣ ନମୋଽସ୍ତୁ ତେ ॥ 8 ॥ [ହରି]
ଅଥ ପ୍ରାର୍ଥନାଦଶକମ୍ ।
ନାରାଯଣ ତ୍ଵମେଵାସି ଦହରାଖ୍ଯେ ହୃଦି ସ୍ଥିତଃ ।
ପ୍ରେରକଃ ପ୍ରେର୍ଯମାଣାନାଂ ତ୍ଵଯା ପ୍ରେରିତମାନସଃ ॥ 9 ॥
ତ୍ଵଦାଜ୍ଞାଂ ଶିରସା ଧୃତ୍ଵା ଜପାମି ଜନପାଵନମ୍ ।
ନାନୋପାସନମାର୍ଗାଣାଂ ଭଵକୃଦ୍ଭାଵବୋଧକଃ ॥ 10 ॥
ଭାଵାର୍ଥକୃଦ୍ଭଵାତୀତୋ ଭଵ ସୌଖ୍ଯପ୍ରଦୋ ମମ ।
ତ୍ଵନ୍ମାଯାମୋହିତଂ ଵିଶ୍ଵଂ ତ୍ଵଯୈଵ ପରିକଲ୍ପିତମ୍ ॥ 11 ॥
ତ୍ଵଦଧିଷ୍ଠାନମାତ୍ରେଣ ସା ଵୈ ସର୍ଵାର୍ଥକାରିଣୀ ।
ତ୍ଵମେତାଂ ଚ ପୁରସ୍କୃତ୍ଯ ସର୍ଵକାମାନ୍ପ୍ରଦର୍ଶଯ ॥ 12 ॥
ନ ମେ ତ୍ଵଦନ୍ଯସ୍ତ୍ରାତାସ୍ତି ତ୍ଵଦନ୍ଯନ୍ନ ହି ଦୈଵତମ୍ ।
ତ୍ଵଦନ୍ଯଂ ନ ହି ଜାନାମି ପାଲକଂ ପୁଣ୍ଯଵର୍ଧନମ୍ ॥ 13 ॥
ଯାଵତ୍ସାଂସାରିକୋ ଭାଵୋ ମନସ୍ସ୍ଥୋ ଭାଵନାତ୍ମକଃ ।
ତାଵତ୍ସିଦ୍ଧିର୍ଭଵେତ୍ସାଧ୍ଯା ସର୍ଵଥା ସର୍ଵଦା ଵିଭୋ ॥ 14 ॥
ପାପିନାମହମେଵାଗ୍ର୍ଯୋ ଦଯାଲୂନାଂ ତ୍ଵମଗ୍ରଣୀଃ ।
ଦଯନୀଯୋ ମଦନ୍ଯୋଽସ୍ତି ତଵ କୋଽତ୍ର ଜଗତ୍ତ୍ରଯେ ॥ 15 ॥
ତ୍ଵଯାହଂ ନୈଵ ସୃଷ୍ଟଶ୍ଚେନ୍ନ ସ୍ଯାତ୍ତଵ ଦଯାଲୁତା ।
ଆମଯୋ ଵା ନ ସୃଷ୍ଟଶ୍ଚେଦୌଷଧସ୍ଯ ଵୃଥୋଦଯଃ ॥ 16 ॥
ପାପସଙ୍ଘପରିଶ୍ରାନ୍ତଃ ପାପାତ୍ମା ପାପରୂପଧୃତ୍ ।
ତ୍ଵଦନ୍ଯଃ କୋଽତ୍ର ପାପେଭ୍ଯସ୍ତ୍ରାତାସ୍ତି ଜଗତୀତଲେ ॥ 17 ॥
ତ୍ଵମେଵ ମାତା ଚ ପିତା ତ୍ଵମେଵ
ତ୍ଵମେଵ ବନ୍ଧୁଶ୍ଚ ସଖା ତ୍ଵମେଵ ।
ତ୍ଵମେଵ ସେଵ୍ଯଶ୍ଚ ଗୁରୁସ୍ତ୍ଵମେଵ
ତ୍ଵମେଵ ସର୍ଵଂ ମମ ଦେଵ ଦେଵ ॥ 18 ॥
ପ୍ରାର୍ଥନାଦଶକଂ ଚୈଵ ମୂଲାଷ୍ଟକମତଃ ପରମ୍ ।
ଯଃ ପଠେଚ୍ଛୃଣୁଯାନ୍ନିତ୍ଯଂ ତସ୍ଯ ଲକ୍ଷ୍ମୀଃ ସ୍ଥିରା ଭଵେତ୍ ॥ 19 ॥
ନାରାଯଣସ୍ଯ ହୃଦଯଂ ସର୍ଵାଭୀଷ୍ଟଫଲପ୍ରଦମ୍ ।
ଲକ୍ଷ୍ମୀହୃଦଯକଂ ସ୍ତୋତ୍ରଂ ଯଦି ଚେତ୍ତଦ୍ଵିନାକୃତମ୍ ॥ 20 ॥
ତତ୍ସର୍ଵଂ ନିଷ୍ଫଲଂ ପ୍ରୋକ୍ତଂ ଲକ୍ଷ୍ମୀଃ କ୍ରୁଦ୍ଧ୍ଯତି ସର୍ଵଦା ।
ଏତତ୍ସଙ୍କଲିତଂ ସ୍ତୋତ୍ରଂ ସର୍ଵକାମଫଲପ୍ରଦମ୍ ॥ 21 ॥
ଲକ୍ଷ୍ମୀହୃଦଯକଂ ଚୈଵ ତଥା ନାରାଯଣାତ୍ମକମ୍ ।
ଜପେଦ୍ଯଃ ସଙ୍କଲୀକୃତ୍ଯ ସର୍ଵାଭୀଷ୍ଟମଵାପ୍ନୁଯାତ୍ ॥ 22 ॥
ନାରାଯଣସ୍ଯ ହୃଦଯମାଦୌ ଜପ୍ତ୍ଵା ତତଃ ପରମ୍ ।
ଲକ୍ଷ୍ମୀହୃଦଯକଂ ସ୍ତୋତ୍ରଂ ଜପେନ୍ନାରାଯଣଂ ପୁନଃ ॥ 23 ॥
ପୁନର୍ନାରାଯଣଂ ଜପ୍ତ୍ଵା ପୁନର୍ଲକ୍ଷ୍ମୀନୁତିଂ ଜପେତ୍ ।
ପୁନର୍ନାରାଯଣଂ ଜାପ୍ଯଂ ସଙ୍କଲୀକରଣଂ ଭଵେତ୍ ॥ 24 ॥
ଏଵଂ ମଧ୍ଯେ ଦ୍ଵିଵାରେଣ ଜପେତ୍ସଙ୍କଲିତଂ ତୁ ତତ୍ ।
ଲକ୍ଷ୍ମୀହୃଦଯକଂ ସ୍ତୋତ୍ରଂ ସର୍ଵକାମପ୍ରକାଶିତମ୍ ॥ 25 ॥
ତଦ୍ଵଜ୍ଜପାଦିକଂ କୁର୍ଯାଦେତତ୍ସଙ୍କଲିତଂ ଶୁଭମ୍ ।
ସର୍ଵାନ୍କାମାନଵାପ୍ନୋତି ଆଧିଵ୍ଯାଧିଭଯଂ ହରେତ୍ ॥ 26 ॥
ଗୋପ୍ଯମେତତ୍ସଦା କୁର୍ଯାନ୍ନ ସର୍ଵତ୍ର ପ୍ରକାଶଯେତ୍ ।
ଇତି ଗୁହ୍ଯତମଂ ଶାସ୍ତ୍ରଂ ପ୍ରାପ୍ତଂ ବ୍ରହ୍ମାଦିକୈଃ ପୁରା ॥ 27 ॥
ତସ୍ମାତ୍ସର୍ଵପ୍ରଯତ୍ନେନ ଗୋପଯେତ୍ସାଧଯେସୁଧୀଃ ।
ଯତ୍ରୈତତ୍ପୁସ୍ତକଂ ତିଷ୍ଠେଲ୍ଲକ୍ଷ୍ମୀନାରାଯଣାତ୍ମକମ୍ ॥ 28 ॥
ଭୂତପୈଶାଚଵେତାଲ ଭଯଂ ନୈଵ ତୁ ସର୍ଵଦା ।
ଲକ୍ଷ୍ମୀହୃଦଯକଂ ପ୍ରୋକ୍ତଂ ଵିଧିନା ସାଧଯେତ୍ସୁଧୀଃ ॥ 29 ॥
ଭୃଗୁଵାରେ ଚ ରାତ୍ରୌ ଚ ପୂଜଯେତ୍ପୁସ୍ତକଦ୍ଵଯମ୍ ।
ସର୍ଵଥା ସର୍ଵଦା ସତ୍ଯଂ ଗୋପଯେତ୍ସାଧଯେତ୍ସୁଧୀଃ ।
ଗୋପନାତ୍ସାଧନାଲ୍ଲୋକେ ଧନ୍ଯୋ ଭଵତି ତତ୍ତ୍ଵତଃ ॥ 30 ॥
ଇତ୍ଯଥର୍ଵରହସ୍ଯେ ଉତ୍ତରଭାଗେ ନାରାଯଣହୃଦଯଂ ସମ୍ପୂର୍ଣମ୍ ।
ଅଥ ଲକ୍ଷ୍ମୀ ହୃଦଯ ସ୍ତୋତ୍ରମ୍
ଅସ୍ଯ ଶ୍ରୀ ମହାଲକ୍ଷ୍ମୀହୃଦଯସ୍ତୋତ୍ର ମହାମନ୍ତ୍ରସ୍ଯ ଭାର୍ଗଵ ଋଷିଃ, ଅନୁଷ୍ଟୁପାଦୀନି ନାନାଛନ୍ଦାଂସି, ଆଦ୍ଯାଦି ଶ୍ରୀମହାଲକ୍ଷ୍ମୀର୍ଦେଵତା, ଶ୍ରୀଂ ବୀଜଂ, ହ୍ରୀଂ ଶକ୍ତିଃ, ଐଂ କୀଲକଂ, ଆଦ୍ଯାଦିମହାଲକ୍ଷ୍ମୀ ପ୍ରସାଦସିଦ୍ଧ୍ଯର୍ଥଂ ଜପେ ଵିନିଯୋଗଃ ॥
ଋଷ୍ଯାଦିନ୍ଯାସଃ –
ଓଁ ଭାର୍ଗଵୃଷଯେ ନମଃ ଶିରସି ।
ଓଁ ଅନୁଷ୍ଟୁପାଦିନାନାଛନ୍ଦୋଭ୍ଯୋ ନମୋ ମୁଖେ ।
ଓଁ ଆଦ୍ଯାଦିଶ୍ରୀମହାଲକ୍ଷ୍ମୀ ଦେଵତାଯୈ ନମୋ ହୃଦଯେ ।
ଓଁ ଶ୍ରୀଂ ବୀଜାଯ ନମୋ ଗୁହ୍ଯେ ।
ଓଁ ହ୍ରୀଂ ଶକ୍ତଯେ ନମଃ ପାଦଯୋଃ ।
ଓଁ ଐଂ କୀଲକାଯ ନମୋ ନାଭୌ ।
ଓଁ ଵିନିଯୋଗାଯ ନମଃ ସର୍ଵାଙ୍ଗେ ।
କରନ୍ଯାସଃ –
ଓଁ ଶ୍ରୀଂ ଅଙ୍ଗୁଷ୍ଠାଭ୍ଯାଂ ନମଃ ।
ଓଁ ହ୍ରୀଂ ତର୍ଜନୀଭ୍ଯାଂ ନମଃ ।
ଓଁ ଐଂ ମଧ୍ଯମାଭ୍ଯାଂ ନମଃ ।
ଓଁ ଶ୍ରୀଂ ଅନାମିକାଭ୍ଯାଂ ନମଃ ।
ଓଁ ହ୍ରୀଂ କନିଷ୍ଠିକାଭ୍ଯାଂ ନମଃ ।
ଓଁ ଐଂ କରତଲ କରପୃଷ୍ଠାଭ୍ଯାଂ ନମଃ ।
ଅଙ୍ଗନ୍ଯାସଃ –
ଓଁ ଶ୍ରୀଂ ହୃଦଯାଯ ନମଃ ।
ଓଁ ହ୍ରୀଂ ଶିରସେ ସ୍ଵାହା ।
ଓଁ ଐଂ ଶିଖାଯୈ ଵଷଟ୍ ।
ଓଁ ଶ୍ରୀଂ କଵଚାଯ ହୁମ୍ ।
ଓଁ ହ୍ରୀଂ ନେତ୍ରତ୍ରଯାଯ ଵୌଷଟ୍ ।
ଓଁ ଐଂ ଅସ୍ତ୍ରାଯ ଫଟ୍ ।
ଓଁ ଶ୍ରୀଂ ହ୍ରୀଂ ଐଂ ଇତି ଦିଗ୍ବନ୍ଧଃ ।
ଅଥ ଧ୍ଯାନମ୍ ।
ହସ୍ତଦ୍ଵଯେନ କମଲେ ଧାରଯନ୍ତୀଂ ସ୍ଵଲୀଲଯା ।
ହାରନୂପୁରସଂଯୁକ୍ତାଂ ଲକ୍ଷ୍ମୀଂ ଦେଵୀଂ ଵିଚିନ୍ତଯେ ॥
କୌଶେଯପୀତଵସନାମରଵିନ୍ଦନେତ୍ରାଂ
ପଦ୍ମଦ୍ଵଯାଭଯଵରୋଦ୍ଯତପଦ୍ମହସ୍ତାମ୍ ।
ଉଦ୍ଯଚ୍ଛତାର୍କସଦୃଶୀଂ ପରମାଙ୍କସଂସ୍ଥାଂ
ଧ୍ଯାଯେଦ୍ଵିଧୀଶନତପାଦଯୁଗାଂ ଜନିତ୍ରୀମ୍ ॥
ପୀତଵସ୍ତ୍ରାଂ ସୁଵର୍ଣାଙ୍ଗୀଂ ପଦ୍ମହସ୍ତଦ୍ଵାଯାନ୍ଵିତାମ୍ ।
ଲକ୍ଷ୍ମୀଂ ଧ୍ଯାତ୍ଵେତି ମନ୍ତ୍ରେଣ ସ ଭଵେତ୍ପୃଥିଵୀପତିଃ ॥
ମାତୁଲୁଙ୍ଗଂ ଗଦାଂ ଖେଟଂ ପାଣୌ ପାତ୍ରଂ ଚ ବିଭ୍ରତୀ ।
ନାଗଂ ଲିଙ୍ଗଂ ଚ ଯୋନିଂ ଚ ବିଭ୍ରତୀଂ ଚୈଵ ମୂର୍ଧନି ॥
[ ଇତି ଧ୍ଯାତ୍ଵା ମାନସୋପଚାରୈଃ ସମ୍ପୂଜ୍ଯ ।
ଶଙ୍ଖଚକ୍ରଗଦାହସ୍ତେ ଶୁଭ୍ରଵର୍ଣେ ସୁଵାସିନୀ ।
ମମ ଦେହି ଵରଂ ଲକ୍ଷ୍ମୀଃ ସର୍ଵସିଦ୍ଧିପ୍ରଦାଯିନୀ ।
ଇତି ସମ୍ପ୍ରାର୍ଥ୍ଯ ଓଁ ଶ୍ରୀଂ ହ୍ରୀଂ ଐଂ ମହାଲକ୍ଷ୍ମ୍ଯୈ କମଲଧାରିଣ୍ଯୈ ସିଂହଵାହିନ୍ଯୈ ସ୍ଵାହା ଇତି ମନ୍ତ୍ରଂ ଜପ୍ତ୍ଵା ପୁନଃ ପୂର୍ଵଵଦ୍ଧୃଦଯାଦି ଷଡଙ୍ଗନ୍ଯାସଂ କୃତ୍ଵା ସ୍ତୋତ୍ରଂ ପଠେତ୍ । ]
ସ୍ତୋତ୍ରମ୍ ।
ଵନ୍ଦେ ଲକ୍ଷ୍ମୀଂ ପରମଶିଵମଯୀଂ ଶୁଦ୍ଧଜାମ୍ବୂନଦାଭାଂ
ତେଜୋରୂପାଂ କନକଵସନାଂ ସର୍ଵଭୂଷୋଜ୍ଜ୍ଵଲାଙ୍ଗୀମ୍ ।
ବୀଜାପୂରଂ କନକକଲଶଂ ହେମପଦ୍ମଂ ଦଧାନା-
-ମାଦ୍ଯାଂ ଶକ୍ତିଂ ସକଲଜନନୀଂ ଵିଷ୍ଣୁଵାମାଙ୍କସଂସ୍ଥାମ୍ ॥ 1 ॥
ଶ୍ରୀମତ୍ସୌଭାଗ୍ଯଜନନୀଂ ସ୍ତୌମି ଲକ୍ଷ୍ମୀଂ ସନାତନୀମ୍ ।
ସର୍ଵକାମଫଲାଵାପ୍ତିସାଧନୈକସୁଖାଵହାମ୍ ॥ 2 ॥
ସ୍ମରାମି ନିତ୍ଯଂ ଦେଵେଶି ତ୍ଵଯା ପ୍ରେରିତମାନସଃ ।
ତ୍ଵଦାଜ୍ଞାଂ ଶିରସା ଧୃତ୍ଵା ଭଜାମି ପରମେଶ୍ଵରୀମ୍ ॥ 3 ॥
ସମସ୍ତସମ୍ପତ୍ସୁଖଦାଂ ମହାଶ୍ରିଯଂ
ସମସ୍ତସୌଭାଗ୍ଯକରୀଂ ମହାଶ୍ରିଯମ୍ ।
ସମସ୍ତକଲ୍ଯାଣକରୀଂ ମହାଶ୍ରିଯଂ
ଭଜାମ୍ଯହଂ ଜ୍ଞାନକରୀଂ ମହାଶ୍ରିଯମ୍ ॥ 4 ॥
ଵିଜ୍ଞାନସମ୍ପତ୍ସୁଖଦାଂ ସନାତନୀଂ
ଵିଚିତ୍ରଵାଗ୍ଭୂତିକରୀଂ ମନୋହରାମ୍ ।
ଅନନ୍ତସମ୍ମୋଦସୁଖପ୍ରଦାଯିନୀଂ
ନମାମ୍ଯହଂ ଭୂତିକରୀଂ ହରିପ୍ରିଯାମ୍ ॥ 5 ॥
ସମସ୍ତଭୂତାନ୍ତରସଂସ୍ଥିତା ତ୍ଵଂ
ସମସ୍ତଭୋକ୍ତ୍ରୀଶ୍ଵରି ଵିଶ୍ଵରୂପେ ।
ତନ୍ନାସ୍ତି ଯତ୍ତ୍ଵଦ୍ଵ୍ଯତିରିକ୍ତଵସ୍ତୁ
ତ୍ଵତ୍ପାଦପଦ୍ମଂ ପ୍ରଣମାମ୍ଯହଂ ଶ୍ରୀଃ ॥ 6 ॥
ଦାରିଦ୍ର୍ଯ ଦୁଃଖୌଘତମୋପହନ୍ତ୍ରୀ
ତ୍ଵତ୍ପାଦପଦ୍ମଂ ମଯି ସନ୍ନିଧତ୍ସ୍ଵ ।
ଦୀନାର୍ତିଵିଚ୍ଛେଦନହେତୁଭୂତୈଃ
କୃପାକଟାକ୍ଷୈରଭିଷିଞ୍ଚ ମାଂ ଶ୍ରୀଃ ॥ 7 ॥
ଅମ୍ବ ପ୍ରସୀଦ କରୁଣାସୁଧଯାର୍ଦ୍ରଦୃଷ୍ଟ୍ଯା
ମାଂ ତ୍ଵତ୍କୃପାଦ୍ରଵିଣଗେହମିମଂ କୁରୁଷ୍ଵ ।
ଆଲୋକଯ ପ୍ରଣତହୃଦ୍ଗତଶୋକହନ୍ତ୍ରୀ
ତ୍ଵତ୍ପାଦପଦ୍ମଯୁଗଲଂ ପ୍ରଣମାମ୍ଯହଂ ଶ୍ରୀଃ ॥ 8 ॥
ଶାନ୍ତ୍ଯୈ ନମୋଽସ୍ତୁ ଶରଣାଗତରକ୍ଷଣାଯୈ
କାନ୍ତ୍ଯୈ ନମୋଽସ୍ତୁ କମନୀଯଗୁଣାଶ୍ରଯାଯୈ ।
କ୍ଷାନ୍ତ୍ଯୈ ନମୋଽସ୍ତୁ ଦୁରିତକ୍ଷଯକାରଣାଯୈ
ଦାତ୍ର୍ଯୈ ନମୋଽସ୍ତୁ ଧନଧାନ୍ଯସମୃଦ୍ଧିଦାଯୈ ॥ 9 ॥
ଶକ୍ତ୍ଯୈ ନମୋଽସ୍ତୁ ଶଶିଶେଖରସଂସ୍ତୁତାଯୈ
ରତ୍ଯୈ ନମୋଽସ୍ତୁ ରଜନୀକରସୋଦରାଯୈ ।
ଭକ୍ତ୍ଯୈ ନମୋଽସ୍ତୁ ଭଵସାଗରତାରକାଯୈ
ମତ୍ଯୈ ନମୋଽସ୍ତୁ ମଧୁସୂଦନଵଲ୍ଲଭାଯୈ ॥ 10 ॥
ଲକ୍ଷ୍ମ୍ଯୈ ନମୋଽସ୍ତୁ ଶୁଭଲକ୍ଷଣଲକ୍ଷିତାଯୈ
ସିଦ୍ଧ୍ଯୈ ନମୋଽସ୍ତୁ ଶିଵସିଦ୍ଧସୁପୂଜିତାଯୈ ।
ଧୃତ୍ଯୈ ନମୋଽସ୍ତ୍ଵମିତଦୁର୍ଗତିଭଞ୍ଜନାଯୈ
ଗତ୍ଯୈ ନମୋଽସ୍ତୁ ଵରସଦ୍ଗତିଦାଯିକାଯୈ ॥ 11 ॥
ଦେଵ୍ଯୈ ନମୋଽସ୍ତୁ ଦିଵି ଦେଵଗଣାର୍ଚିତାଯୈ
ଭୂତ୍ଯୈ ନମୋଽସ୍ତୁ ଭୁଵନାର୍ତିଵିନାଶନାଯୈ ।
ଧାତ୍ର୍ଯୈ ନମୋଽସ୍ତୁ ଧରଣୀଧରଵଲ୍ଲଭାଯୈ
ପୁଷ୍ଟ୍ଯୈ ନମୋଽସ୍ତୁ ପୁରୁଷୋତ୍ତମଵଲ୍ଲଭାଯୈ ॥ 12 ॥
ସୁତୀଵ୍ରଦାରିଦ୍ର୍ଯଵିଦୁଃଖହନ୍ତ୍ର୍ଯୈ
ନମୋଽସ୍ତୁ ତେ ସର୍ଵଭଯାପହନ୍ତ୍ର୍ଯୈ ।
ଶ୍ରୀଵିଷ୍ଣୁଵକ୍ଷଃସ୍ଥଲସଂସ୍ଥିତାଯୈ
ନମୋ ନମଃ ସର୍ଵଵିଭୂତିଦାଯୈ ॥ 13 ॥
ଜଯତୁ ଜଯତୁ ଲକ୍ଷ୍ମୀର୍ଲକ୍ଷଣାଲଙ୍କୃତାଙ୍ଗୀ
ଜଯତୁ ଜଯତୁ ପଦ୍ମା ପଦ୍ମସଦ୍ମାଭିଵନ୍ଦ୍ଯା ।
ଜଯତୁ ଜଯତୁ ଵିଦ୍ଯା ଵିଷ୍ଣୁଵାମାଙ୍କସଂସ୍ଥା
ଜଯତୁ ଜଯତୁ ସମ୍ଯକ୍ସର୍ଵସମ୍ପତ୍କରୀ ଶ୍ରୀଃ ॥ 14 ॥
ଜଯତୁ ଜଯତୁ ଦେଵୀ ଦେଵସଙ୍ଘାଭିପୂଜ୍ଯା
ଜଯତୁ ଜଯତୁ ଭଦ୍ରା ଭାର୍ଗଵୀ ଭାଗ୍ଯରୂପା ।
ଜଯତୁ ଜଯତୁ ନିତ୍ଯା ନିର୍ମଲଜ୍ଞାନଵେଦ୍ଯା
ଜଯତୁ ଜଯତୁ ସତ୍ଯା ସର୍ଵଭୂତାନ୍ତରସ୍ଥା ॥ 15 ॥
ଜଯତୁ ଜଯତୁ ରମ୍ଯା ରତ୍ନଗର୍ଭାନ୍ତରସ୍ଥା
ଜଯତୁ ଜଯତୁ ଶୁଦ୍ଧା ଶୁଦ୍ଧଜାମ୍ବୂନଦାଭା ।
ଜଯତୁ ଜଯତୁ କାନ୍ତା କାନ୍ତିମଦ୍ଭାସିତାଙ୍ଗୀ
ଜଯତୁ ଜଯତୁ ଶାନ୍ତା ଶୀଘ୍ରମାଗଚ୍ଛ ସୌମ୍ଯେ ॥ 16 ॥
ଯସ୍ଯାଃ କଲାଯାଃ କମଲୋଦ୍ଭଵାଦ୍ଯା
ରୁଦ୍ରାଶ୍ଚ ଶକ୍ର ପ୍ରମୁଖାଶ୍ଚ ଦେଵାଃ ।
ଜୀଵନ୍ତି ସର୍ଵେଽପି ସଶକ୍ତଯସ୍ତେ
ପ୍ରଭୁତ୍ଵମାପ୍ତାଃ ପରମାଯୁଷସ୍ତେ ॥ 17 ॥
ଲିଲେଖ ନିଟିଲେ ଵିଧିର୍ମମ ଲିପିଂ ଵିସୃଜ୍ଯାନ୍ତରଂ
ତ୍ଵଯା ଵିଲିଖିତଵ୍ଯମେତଦିତି ତତ୍ଫଲପ୍ରାପ୍ତଯେ ।
ତଦନ୍ତରଫଲେସ୍ଫୁଟଂ କମଲଵାସିନୀ ଶ୍ରୀରିମାଂ
ସମର୍ପଯ ସମୁଦ୍ରିକାଂ ସକଲଭାଗ୍ଯସଂସୂଚିକାମ୍ ॥ 18 ॥
କଲଯା ତେ ଯଥା ଦେଵି ଜୀଵନ୍ତି ସଚରାଚରାଃ ।
ତଥା ସମ୍ପତ୍କରେ ଲକ୍ଷ୍ମି ସର୍ଵଦା ସମ୍ପ୍ରସୀଦ ମେ ॥ 19 ॥
ଯଥା ଵିଷ୍ଣୁର୍ଧ୍ରୁଵେ ନିତ୍ଯଂ ସ୍ଵକଲାଂ ସନ୍ନ୍ଯଵେଶଯତ୍ ।
ତଥୈଵ ସ୍ଵକଲାଂ ଲକ୍ଷ୍ମି ମଯି ସମ୍ଯକ୍ ସମର୍ପଯ ॥ 20 ॥
ସର୍ଵସୌଖ୍ଯପ୍ରଦେ ଦେଵି ଭକ୍ତାନାମଭଯପ୍ରଦେ ।
ଅଚଲାଂ କୁରୁ ଯତ୍ନେନ କଲାଂ ମଯି ନିଵେଶିତାମ୍ ॥ 21 ॥
ମୁଦାସ୍ତାଂ ମତ୍ଫାଲେ ପରମପଦଲକ୍ଷ୍ମୀଃ ସ୍ଫୁଟକଲା
ସଦା ଵୈକୁଣ୍ଠଶ୍ରୀର୍ନିଵସତୁ କଲା ମେ ନଯନଯୋଃ ।
ଵସେତ୍ସତ୍ଯେ ଲୋକେ ମମ ଵଚସି ଲକ୍ଷ୍ମୀର୍ଵରକଲା
ଶ୍ରିଯଃ ଶ୍ଵେତଦ୍ଵୀପେ ନିଵସତୁ କଲା ମେ ସ୍ଵକରଯୋଃ ॥ 22 ॥
ତାଵନ୍ନିତ୍ଯଂ ମମାଙ୍ଗେଷୁ କ୍ଷୀରାବ୍ଧୌ ଶ୍ରୀକଲା ଵସେତ୍ ।
ସୂର୍ଯାଚନ୍ଦ୍ରମସୌ ଯାଵଦ୍ଯାଵଲ୍ଲକ୍ଷ୍ମୀପତିଃ ଶ୍ରିଯାଃ ॥ 23 ॥
ସର୍ଵମଙ୍ଗଲସମ୍ପୂର୍ଣା ସର୍ଵୈଶ୍ଵର୍ଯସମନ୍ଵିତା ।
ଆଦ୍ଯାଦି ଶ୍ରୀର୍ମହାଲକ୍ଷ୍ମୀ ତ୍ଵତ୍କଲା ମଯି ତିଷ୍ଠତୁ ॥ 24 ॥
ଅଜ୍ଞାନତିମିରଂ ହନ୍ତୁଂ ଶୁଦ୍ଧଜ୍ଞାନପ୍ରକାଶିକା ।
ସର୍ଵୈଶ୍ଵର୍ଯପ୍ରଦା ମେଽସ୍ତୁ ତ୍ଵତ୍କଲା ମଯି ସଂସ୍ଥିତା ॥ 25 ॥
ଅଲକ୍ଷ୍ମୀଂ ହରତୁ କ୍ଷିପ୍ରଂ ତମଃ ସୂର୍ଯପ୍ରଭା ଯଥା ।
ଵିତନୋତୁ ମମ ଶ୍ରେଯସ୍ତ୍ଵତ୍କଲା ମଯି ସଂସ୍ଥିତା ॥ 26 ॥
ଐଶ୍ଵର୍ଯମଙ୍ଗଲୋତ୍ପତ୍ତିସ୍ତ୍ଵତ୍କଲାଯାଂ ନିଧୀଯତେ ।
ମଯି ତସ୍ମାତ୍କୃତାର୍ଥୋଽସ୍ମି ପାତ୍ରମସ୍ମି ସ୍ଥିତେସ୍ତଵ ॥ 27 ॥
ଭଵଦାଵେଶଭାଗ୍ଯାର୍ହୋ ଭାଗ୍ଯଵାନସ୍ମି ଭାର୍ଗଵି ।
ତ୍ଵତ୍ପ୍ରସାଦାତ୍ପଵିତ୍ରୋଽହଂ ଲୋକମାତର୍ନମୋଽସ୍ତୁ ତେ ॥ 28 ॥
ପୁନାସି ମାଂ ତ୍ଵତ୍କଲଯୈଵ ଯସ୍ମା-
-ଦତଃ ସମାଗଚ୍ଛ ମମାଗ୍ରତସ୍ତ୍ଵମ୍ ।
ପରଂ ପଦଂ ଶ୍ରୀର୍ଭଵ ସୁପ୍ରସନ୍ନା
ମଯ୍ଯଚ୍ଯୁତେନ ପ୍ରଵିଶାଦିଲକ୍ଷ୍ମୀଃ ॥ 29 ॥
ଶ୍ରୀଵୈକୁଣ୍ଠସ୍ଥିତେ ଲକ୍ଷ୍ମି ସମାଗଚ୍ଛ ମମାଗ୍ରତଃ ।
ନାରାଯଣେନ ସହ ମାଂ କୃପାଦୃଷ୍ଟ୍ଯାଽଵଲୋକଯ ॥ 30 ॥
ସତ୍ଯଲୋକସ୍ଥିତେ ଲକ୍ଷ୍ମି ତ୍ଵଂ ମମାଗଚ୍ଛ ସନ୍ନିଧିମ୍ ।
ଵାସୁଦେଵେନ ସହିତା ପ୍ରସୀଦ ଵରଦା ଭଵ ॥ 31 ॥
ଶ୍ଵେତଦ୍ଵୀପସ୍ଥିତେ ଲକ୍ଷ୍ମି ଶୀଘ୍ରମାଗଚ୍ଛ ସୁଵ୍ରତେ ।
ଵିଷ୍ଣୁନା ସହିତେ ଦେଵି ଜଗନ୍ମାତଃ ପ୍ରସୀଦ ମେ ॥ 32 ॥
କ୍ଷୀରାମ୍ବୁଧିସ୍ଥିତେ ଲକ୍ଷ୍ମି ସମାଗଚ୍ଛ ସମାଧଵା ।
ତ୍ଵତ୍କୃପାଦୃଷ୍ଟିସୁଧଯା ସତତଂ ମାଂ ଵିଲୋକଯ ॥ 33 ॥
ରତ୍ନଗର୍ଭସ୍ଥିତେ ଲକ୍ଷ୍ମି ପରିପୂର୍ଣେ ହିରଣ୍ମଯେ ।
ସମାଗଚ୍ଛ ସମାଗଚ୍ଛ ସ୍ଥିତ୍ଵାଽଽଶୁ ପୁରତୋ ମମ ॥ 34 ॥
ସ୍ଥିରା ଭଵ ମହାଲକ୍ଷ୍ମି ନିଶ୍ଚଲା ଭଵ ନିର୍ମଲେ ।
ପ୍ରସନ୍ନେ କମଲେ ଦେଵି ପ୍ରସନ୍ନହୃଦଯା ଭଵ ॥ 35 ॥
ଶ୍ରୀଧରେ ଶ୍ରୀମହାଭୂତେ ତ୍ଵଦନ୍ତଃସ୍ଥଂ ମହାନିଧିମ୍ ।
ଶୀଘ୍ରମୁଦ୍ଧୃତ୍ଯ ପୁରତଃ ପ୍ରଦର୍ଶଯ ସମର୍ପଯ ॥ 36 ॥
ଵସୁନ୍ଧରେ ଶ୍ରୀଵସୁଧେ ଵସୁଦୋଗ୍ଧ୍ରି କୃପାମଯେ ।
ତ୍ଵତ୍କୁକ୍ଷିଗତସର୍ଵସ୍ଵଂ ଶୀଘ୍ରଂ ମେ ସମ୍ପ୍ରଦର୍ଶଯ ॥ 37 ॥
ଵିଷ୍ଣୁପ୍ରିଯେ ରତ୍ନଗର୍ଭେ ସମସ୍ତଫଲଦେ ଶିଵେ ।
ତ୍ଵଦ୍ଗର୍ଭଗତହେମାଦୀନ୍ ସମ୍ପ୍ରଦର୍ଶଯ ଦର୍ଶଯ ॥ 38 ॥
ରସାତଲଗତେ ଲକ୍ଷ୍ମି ଶୀଘ୍ରମାଗଚ୍ଛ ମେ ପୁରଃ ।
ନ ଜାନେ ପରମଂ ରୂପଂ ମାତର୍ମେ ସମ୍ପ୍ରଦର୍ଶଯ ॥ 39 ॥
ଆଵିର୍ଭଵ ମନୋଵେଗାଚ୍ଛୀଘ୍ରମାଗଚ୍ଛ ମେ ପୁରଃ ।
ମା ଵତ୍ସ ଭୈରିହେତ୍ଯୁକ୍ତ୍ଵା କାମଂ ଗୌରିଵ ରକ୍ଷ ମାମ୍ ॥ 40 ॥
ଦେଵି ଶୀଘ୍ରଂ ସମାଗଚ୍ଛ ଧରଣୀଗର୍ଭସଂସ୍ଥିତେ ।
ମାତସ୍ତ୍ଵଦ୍ଭୃତ୍ଯଭୃତ୍ଯୋଽହଂ ମୃଗଯେ ତ୍ଵାଂ କୁତୂହଲାତ୍ ॥ 41 ॥
ଉତ୍ତିଷ୍ଠ ଜାଗୃହି ତ୍ଵଂ ମେ ସମୁତ୍ତିଷ୍ଠ ସୁଜାଗୃହି ।
ଅକ୍ଷଯାନ୍ ହେମକଲଶାନ୍ ସୁଵର୍ଣେନ ସୁପୂରିତାନ୍ ॥ 42 ॥
ନିକ୍ଷେପାନ୍ମେ ସମାକୃଷ୍ଯ ସମୁଦ୍ଧୃତ୍ଯ ମମାଗ୍ରତଃ ।
ସମୁନ୍ନତାନନା ଭୂତ୍ଵା ସମାଧେହି ଧରାନ୍ତରାତ୍ ॥ 43 ॥
ମତ୍ସନ୍ନିଧିଂ ସମାଗଚ୍ଛ ମଦାହିତକୃପାରସାତ୍ ।
ପ୍ରସୀଦ ଶ୍ରେଯସାଂ ଦୋଗ୍ଧ୍ରୀ ଲକ୍ଷ୍ମୀର୍ମେ ନଯନାଗ୍ରତଃ ॥ 44 ॥
ଅତ୍ରୋପଵିଶ ଲକ୍ଷ୍ମି ତ୍ଵଂ ସ୍ଥିରା ଭଵ ହିରଣ୍ମଯେ ।
ସୁସ୍ଥିରା ଭଵ ସମ୍ପ୍ରୀତ୍ଯା ପ୍ରସୀଦ ଵରଦା ଭଵ ॥ 45 ॥
ଆନୀତାଂସ୍ତୁ ତଥା ଦେଵି ନିଧୀନ୍ମେ ସମ୍ପ୍ରଦର୍ଶଯ ।
ଅଦ୍ଯ କ୍ଷଣେନ ସହସା ଦତ୍ତ୍ଵା ସଂରକ୍ଷ ମାଂ ସଦା ॥ 46 ॥
ମଯି ତିଷ୍ଠ ତଥା ନିତ୍ଯଂ ଯଥେନ୍ଦ୍ରାଦିଷୁ ତିଷ୍ଠସି ।
ଅଭଯଂ କୁରୁ ମେ ଦେଵି ମହାଲକ୍ଷ୍ମୀର୍ନମୋଽସ୍ତୁ ତେ ॥ 47 ॥
ସମାଗଚ୍ଛ ମହାଲକ୍ଷ୍ମି ଶୁଦ୍ଧଜାମ୍ବୂନଦପ୍ରଭେ ।
ପ୍ରସୀଦ ପୁରତଃ ସ୍ଥିତ୍ଵା ପ୍ରଣତଂ ମାଂ ଵିଲୋକଯ ॥ 48 ॥
ଲକ୍ଷ୍ମୀର୍ଭୁଵଂ ଗତା ଭାସି ଯତ୍ର ଯତ୍ର ହିରଣ୍ମଯୀ ।
ତତ୍ର ତତ୍ର ସ୍ଥିତା ତ୍ଵଂ ମେ ତଵ ରୂପଂ ପ୍ରଦର୍ଶଯ ॥ 49 ॥
କ୍ରୀଡନ୍ତୀ ବହୁଧା ଭୂମୌ ପରିପୂର୍ଣକୃପାମଯି ।
ମମ ମୂର୍ଧନି ତେ ହସ୍ତମଵିଲମ୍ବିତମର୍ପଯ ॥ 50 ॥
ଫଲଦ୍ଭାଗ୍ଯୋଦଯେ ଲକ୍ଷ୍ମି ସମସ୍ତପୁରଵାସିନୀ ।
ପ୍ରସୀଦ ମେ ମହାଲକ୍ଷ୍ମି ପରିପୂର୍ଣମନୋରଥେ ॥ 51 ॥
ଅଯୋଧ୍ଯାଦିଷୁ ସର୍ଵେଷୁ ନଗରେଷୁ ସମାସ୍ଥିତେ ।
ଵୈଭଵୈର୍ଵିଵିଧୈର୍ଯୁକ୍ତୈଃ ସମାଗଚ୍ଛ ମୁଦାନ୍ଵିତେ ॥ 52 ॥
ସମାଗଚ୍ଛ ସମାଗଚ୍ଛ ମମାଗ୍ରେ ଭଵ ସୁସ୍ଥିରା ।
କରୁଣାରସନିଷ୍ଯନ୍ଦନେତ୍ରଦ୍ଵଯ ଵିଲାସିନୀ ॥ 53 ॥ [ନିଷ୍ପନ୍ନ]
ସନ୍ନିଧତ୍ସ୍ଵ ମହାଲକ୍ଷ୍ମି ତ୍ଵତ୍ପାଣିଂ ମମ ମସ୍ତକେ ।
କରୁଣାସୁଧଯା ମାଂ ତ୍ଵମଭିଷିଞ୍ଚ୍ଯ ସ୍ଥିରଂ କୁରୁ ॥ 54 ॥
ସର୍ଵରାଜଗୃହେ ଲକ୍ଷ୍ମି ସମାଗଚ୍ଛ ବଲାନ୍ଵିତେ । [ମୁଦାନ୍ଵିତେ]
ସ୍ଥିତ୍ଵାଽଽଶୁ ପୁରତୋ ମେଽଦ୍ଯ ପ୍ରସାଦେନାଽଭଯଂ କୁରୁ ॥ 55 ॥
ସାଦରଂ ମସ୍ତକେ ହସ୍ତଂ ମମ ତ୍ଵଂ କୃପଯାର୍ପଯ ।
ସର୍ଵରାଜଗୃହେ ଲକ୍ଷ୍ମି ତ୍ଵତ୍କଲା ମଯି ତିଷ୍ଠତୁ ॥ 56 ॥
ଆଦ୍ଯାଦି ଶ୍ରୀମହାଲକ୍ଷ୍ମି ଵିଷ୍ଣୁଵାମାଙ୍କସଂସ୍ଥିତେ ।
ପ୍ରତ୍ଯକ୍ଷଂ କୁରୁ ମେ ରୂପଂ ରକ୍ଷ ମାଂ ଶରଣାଗତମ୍ ॥ 57 ॥
ପ୍ରସୀଦ ମେ ମହାଲକ୍ଷ୍ମି ସୁପ୍ରସୀଦ ମହାଶିଵେ ।
ଅଚଲା ଭଵ ସମ୍ପ୍ରୀତ୍ଯା ସୁସ୍ଥିରା ଭଵ ମଦ୍ଗୃହେ ॥ 58 ॥
ଯାଵତ୍ତିଷ୍ଠନ୍ତି ଵେଦାଶ୍ଚ ଯାଵଚ୍ଚନ୍ଦ୍ରଦିଵାକରୌ ।
ଯାଵଦ୍ଵିଷ୍ଣୁଶ୍ଚ ଯାଵତ୍ତ୍ଵଂ ତାଵତ୍କୁରୁ କୃପାଂ ମଯି ॥ 59 ॥
ଚାନ୍ଦ୍ରୀକଲା ଯଥା ଶୁକ୍ଲେ ଵର୍ଧତେ ସା ଦିନେ ଦିନେ ।
ତଥା ଦଯା ତେ ମଯ୍ଯେଵ ଵର୍ଧତାମଭିଵର୍ଧତାମ୍ ॥ 60 ॥
ଯଥା ଵୈକୁଣ୍ଠନଗରେ ଯଥା ଵୈ କ୍ଷୀରସାଗରେ ।
ତଥା ମଦ୍ଭଵନେ ତିଷ୍ଠ ସ୍ଥିରଂ ଶ୍ରୀଵିଷ୍ଣୁନା ସହ ॥ 61 ॥
ଯୋଗିନାଂ ହୃଦଯେ ନିତ୍ଯଂ ଯଥା ତିଷ୍ଠସି ଵିଷ୍ଣୁନା ।
ତଥା ମଦ୍ଭଵନେ ତିଷ୍ଠ ସ୍ଥିରଂ ଶ୍ରୀଵିଷ୍ଣୁନା ସହ ॥ 62 ॥
ନାରାଯଣସ୍ଯ ହୃଦଯେ ଭଵତୀ ଯଥାସ୍ତେ
ନାରାଯଣୋଽପି ତଵ ହୃତ୍କମଲେ ଯଥାସ୍ତେ ।
ନାରାଯଣସ୍ତ୍ଵମପି ନିତ୍ଯମୁଭୌ ତଥୈଵ
ତୌ ତିଷ୍ଠତାଂ ହୃଦି ମମାପି ଦଯାନ୍ଵିତୌ ଶ୍ରୀଃ ॥ 63 ॥
ଵିଜ୍ଞାନଵୃଦ୍ଧିଂ ହୃଦଯେ କୁରୁ ଶ୍ରୀଃ
ସୌଭାଗ୍ଯଵୃଦ୍ଧିଂ କୁରୁ ମେ ଗୃହେ ଶ୍ରୀଃ ।
ଦଯାସୁଵୃଦ୍ଧିଂ କୁରୁତାଂ ମଯି ଶ୍ରୀଃ
ସୁଵର୍ଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ ॥ 64 ॥
ନ ମାଂ ତ୍ଯଜେଥାଃ ଶ୍ରିତକଲ୍ପଵଲ୍ଲି
ସଦ୍ଭକ୍ତଚିନ୍ତାମଣିକାମଧେନୋ ।
ଵିଶ୍ଵସ୍ଯ ମାତର୍ଭଵ ସୁପ୍ରସନ୍ନା
ଗୃହେ କଲତ୍ରେଷୁ ଚ ପୁତ୍ରଵର୍ଗେ ॥ 65 ॥
ଆଦ୍ଯାଦିମାଯେ ତ୍ଵମଜାଣ୍ଡବୀଜଂ
ତ୍ଵମେଵ ସାକାରନିରାକୃତିସ୍ତ୍ଵମ୍ ।
ତ୍ଵଯା ଧୃତାଶ୍ଚାବ୍ଜଭଵାଣ୍ଡସଙ୍ଘା-
-ଶ୍ଚିତ୍ରଂ ଚରିତ୍ରଂ ତଵ ଦେଵି ଵିଷ୍ଣୋଃ ॥ 66 ॥
ବ୍ରହ୍ମରୁଦ୍ରାଦଯୋ ଦେଵା ଵେଦାଶ୍ଚାପି ନ ଶକ୍ନୁଯୁଃ ।
ମହିମାନଂ ତଵ ସ୍ତୋତୁଂ ମନ୍ଦୋଽହଂ ଶକ୍ନୁଯାଂ କଥମ୍ ॥ 67 ॥
ଅମ୍ବ ତ୍ଵଦ୍ଵତ୍ସଵାକ୍ଯାନି ସୂକ୍ତାସୂକ୍ତାନି ଯାନି ଚ ।
ତାନି ସ୍ଵୀକୁରୁ ସର୍ଵଜ୍ଞେ ଦଯାଲୁତ୍ଵେନ ସାଦରମ୍ ॥ 68 ॥
ଭଵତୀଂ ଶରଣଂ ଗତ୍ଵା କୃତାର୍ଥାଃ ସ୍ଯୁଃ ପୁରାତନାଃ ।
ଇତି ସଞ୍ଚିନ୍ତ୍ଯ ମନସା ତ୍ଵାମହଂ ଶରଣଂ ଵ୍ରଜେ ॥ 69 ॥
ଅନନ୍ତା ନିତ୍ଯସୁଖିନସ୍ତ୍ଵଦ୍ଭକ୍ତାସ୍ତ୍ଵତ୍ପରାଯଣାଃ ।
ଇତି ଵେଦପ୍ରମାଣାଦ୍ଧି ଦେଵି ତ୍ଵାଂ ଶରଣଂ ଵ୍ରଜେ ॥ 70 ॥
ତଵ ପ୍ରତିଜ୍ଞା ମଦ୍ଭକ୍ତା ନ ନଶ୍ଯନ୍ତୀତ୍ଯପି କ୍ଵଚିତ୍ ।
ଇତି ସଞ୍ଚିନ୍ତ୍ଯ ସଞ୍ଚିନ୍ତ୍ଯ ପ୍ରାଣାନ୍ ସନ୍ଧାରଯାମ୍ଯହମ୍ ॥ 71 ॥
ତ୍ଵଦଧୀନସ୍ତ୍ଵହଂ ମାତସ୍ତ୍ଵତ୍କୃପା ମଯି ଵିଦ୍ଯତେ ।
ଯାଵତ୍ସମ୍ପୂର୍ଣକାମଃ ସ୍ଯାତ୍ତାଵଦ୍ଦେହି ଦଯାନିଧେ ॥ 72 ॥
କ୍ଷଣମାତ୍ରଂ ନ ଶକ୍ନୋମି ଜୀଵିତୁଂ ତ୍ଵତ୍କୃପାଂ ଵିନା ।
ନ ଜୀଵନ୍ତୀହ ଜଲଜା ଜଲଂ ତ୍ଯକ୍ତ୍ଵା ଜଲଗ୍ରହାଃ ॥ 73 ॥
ଯଥା ହି ପୁତ୍ରଵାତ୍ସଲ୍ଯାଜ୍ଜନନୀ ପ୍ରସ୍ନୁତସ୍ତନୀ ।
ଵତ୍ସଂ ତ୍ଵରିତମାଗତ୍ଯ ସମ୍ପ୍ରୀଣଯତି ଵତ୍ସଲା ॥ 74 ॥
ଯଦି ସ୍ଯାଂ ତଵ ପୁତ୍ରୋଽହଂ ମାତା ତ୍ଵଂ ଯଦି ମାମକୀ ।
ଦଯାପଯୋଧରସ୍ତନ୍ଯସୁଧାଭିରଭିଷିଞ୍ଚ ମାମ୍ ॥ 75 ॥
ମୃଗ୍ଯୋ ନ ଗୁଣଲେଶୋଽପି ମଯି ଦୋଷୈକମନ୍ଦିରେ ।
ପାଂସୂନାଂ ଵୃଷ୍ଟିବିନ୍ଦୂନାଂ ଦୋଷାଣାଂ ଚ ନ ମେ ମତିଃ ॥ 76 ॥
ପାପିନାମହମେଵାଗ୍ର୍ଯୋ ଦଯାଲୂନାଂ ତ୍ଵମଗ୍ରଣୀଃ ।
ଦଯନୀଯୋ ମଦନ୍ଯୋଽସ୍ତି ତଵ କୋଽତ୍ର ଜଗତ୍ତ୍ରଯେ ॥ 77 ॥
ଵିଧିନାହଂ ନ ସୃଷ୍ଟଶ୍ଚେନ୍ନ ସ୍ଯାତ୍ତଵ ଦଯାଲୁତା ।
ଆମଯୋ ଵା ନ ସୃଷ୍ଟଶ୍ଚେଦୌଷଧସ୍ଯ ଵୃଥୋଦଯଃ ॥ 78 ॥
କୃପା ମଦଗ୍ରଜା କିଂ ତେ ଅହଂ କିଂ ଵା ତଦଗ୍ରଜଃ ।
ଵିଚାର୍ଯ ଦେହି ମେ ଵିତ୍ତଂ ତଵ ଦେଵି ଦଯାନିଧେ ॥ 79 ॥
ମାତା ପିତା ତ୍ଵଂ ଗୁରୁସଦ୍ଗତିଃ ଶ୍ରୀ-
-ସ୍ତ୍ଵମେଵ ସଞ୍ଜୀଵନହେତୁଭୂତା ।
ଅନ୍ଯଂ ନ ମନ୍ଯେ ଜଗଦେକନାଥେ
ତ୍ଵମେଵ ସର୍ଵଂ ମମ ଦେଵି ସତ୍ଯେ ॥ 80 ॥
ଆଦ୍ଯାଦିଲକ୍ଷ୍ମୀର୍ଭଵ ସୁପ୍ରସନ୍ନା
ଵିଶୁଦ୍ଧଵିଜ୍ଞାନସୁଖୈକଦୋଗ୍ଧ୍ରୀ ।
ଅଜ୍ଞାନହନ୍ତ୍ରୀ ତ୍ରିଗୁଣାତିରିକ୍ତା
ପ୍ରଜ୍ଞାନନେତ୍ରୀ ଭଵ ସୁପ୍ରସନ୍ନା ॥ 81 ॥
ଅଶେଷଵାଗ୍ଜାଡ୍ଯମଲାପହନ୍ତ୍ରୀ
ନଵଂ ନଵଂ ସ୍ପଷ୍ଟସୁଵାକ୍ପ୍ରଦାଯିନୀ ।
ମମେହ ଜିହ୍ଵାଗ୍ର ସୁରଙ୍ଗନର୍ତକୀ [ନର୍ତିନୀ]
ଭଵ ପ୍ରସନ୍ନା ଵଦନେ ଚ ମେ ଶ୍ରୀଃ ॥ 82 ॥
ସମସ୍ତସମ୍ପତ୍ସୁଵିରାଜମାନା
ସମସ୍ତତେଜଶ୍ଚଯଭାସମାନା ।
ଵିଷ୍ଣୁପ୍ରିଯେ ତ୍ଵଂ ଭଵ ଦୀପ୍ଯମାନା
ଵାଗ୍ଦେଵତା ମେ ନଯନେ ପ୍ରସନ୍ନା ॥ 83 ॥
ସର୍ଵପ୍ରଦର୍ଶେ ସକଲାର୍ଥଦେ ତ୍ଵଂ
ପ୍ରଭାସୁଲାଵଣ୍ଯଦଯାପ୍ରଦୋଗ୍ଧ୍ରୀ ।
ସୁଵର୍ଣଦେ ତ୍ଵଂ ସୁମୁଖୀ ଭଵ ଶ୍ରୀ-
-ର୍ହିରଣ୍ମଯୀ ମେ ନଯନେ ପ୍ରସନ୍ନା ॥ 84 ॥
ସର୍ଵାର୍ଥଦା ସର୍ଵଜଗତ୍ପ୍ରସୂତିଃ
ସର୍ଵେଶ୍ଵରୀ ସର୍ଵଭଯାପହନ୍ତ୍ରୀ ।
ସର୍ଵୋନ୍ନତା ତ୍ଵଂ ସୁମୁଖୀ ଭଵ ଶ୍ରୀ-
-ର୍ହିରଣ୍ମଯୀ ମେ ନଯନେ ପ୍ରସନ୍ନା ॥ 85 ॥
ସମସ୍ତଵିଘ୍ନୌଘଵିନାଶକାରିଣୀ
ସମସ୍ତଭକ୍ତୋଦ୍ଧରଣେ ଵିଚକ୍ଷଣା ।
ଅନନ୍ତସୌଭାଗ୍ଯସୁଖପ୍ରଦାଯିନୀ
ହିରଣ୍ମଯୀ ମେ ନଯନେ ପ୍ରସନ୍ନା ॥ 86 ॥
ଦେଵି ପ୍ରସୀଦ ଦଯନୀଯତମାଯ ମହ୍ଯଂ
ଦେଵାଧିନାଥଭଵଦେଵଗଣାଭିଵନ୍ଦ୍ଯେ ।
ମାତସ୍ତଥୈଵ ଭଵ ସନ୍ନିହିତା ଦୃଶୋର୍ମେ
ପତ୍ଯା ସମଂ ମମ ମୁଖେ ଭଵ ସୁପ୍ରସନ୍ନା ॥ 87 ॥
ମା ଵତ୍ସ ଭୈରଭଯଦାନକରୋଽର୍ପିତସ୍ତେ
ମୌଲୌ ମମେତି ମଯି ଦୀନଦଯାନୁକମ୍ପେ ।
ମାତଃ ସମର୍ପଯ ମୁଦା କରୁଣାକଟାକ୍ଷଂ
ମାଙ୍ଗଲ୍ଯବୀଜମିହ ନଃ ସୃଜ ଜନ୍ମ ମାତଃ ॥ 88 ॥
କଟାକ୍ଷ ଇହ କାମଧୁକ୍ତଵ ମନସ୍ତୁ ଚିନ୍ତାମଣିଃ
କରଃ ସୁରତରୁଃ ସଦା ନଵନିଧିସ୍ତ୍ଵମେଵେନ୍ଦିରେ ।
ଭଵେ ତଵ ଦଯାରସୋ ମମ ରସାଯନଂ ଚାନ୍ଵହଂ
ମୁଖଂ ତଵ କଲାନିଧିର୍ଵିଵିଧଵାଞ୍ଛିତାର୍ଥପ୍ରଦମ୍ ॥ 89 ॥
ଯଥା ରସସ୍ପର୍ଶନତୋଽଯସୋଽପି
ସୁଵର୍ଣତା ସ୍ଯାତ୍କମଲେ ତଥା ତେ ।
କଟାକ୍ଷସଂସ୍ପର୍ଶନତୋ ଜନାନା-
-ମମଙ୍ଗଲାନାମପି ମଙ୍ଗଲତ୍ଵମ୍ ॥ 90 ॥
ଦେହୀତି ନାସ୍ତୀତି ଵଚଃ ପ୍ରଵେଶା-
-ଦ୍ଭୀତୋ ରମେ ତ୍ଵାଂ ଶରଣଂ ପ୍ରପଦ୍ଯେ ।
ଅତଃ ସଦାଽସ୍ମିନ୍ନଭଯପ୍ରଦା ତ୍ଵଂ
ସହୈଵ ପତ୍ଯା ମଯି ସନ୍ନିଧେହି ॥ 91 ॥
କଲ୍ପଦ୍ରୁମେଣ ମଣିନା ସହିତା ସୁରମ୍ଯା
ଶ୍ରୀସ୍ତେ କଲା ମଯି ରସେନ ରସାଯନେନ ।
ଆସ୍ତାଂ ଯତୋ ମମ ଶିରଃକରଦୃଷ୍ଟିପାଦ-
-ସ୍ପୃଷ୍ଟାଃ ସୁଵର୍ଣଵପୁଷଃ ସ୍ଥିରଜଙ୍ଗମାଃ ସ୍ଯୁଃ ॥ 92 ॥
ଆଦ୍ଯାଦିଵିଷ୍ଣୋଃ ସ୍ଥିରଧର୍ମପତ୍ନୀ
ତ୍ଵମେଵ ପତ୍ଯା ମଯି ସନ୍ନିଧେହି ।
ଆଦ୍ଯାଦିଲକ୍ଷ୍ମି ତ୍ଵଦନୁଗ୍ରହେଣ
ପଦେ ପଦେ ମେ ନିଧିଦର୍ଶନଂ ସ୍ଯାତ୍ ॥ 93 ॥
ଆଦ୍ଯାଦିଲକ୍ଷ୍ମୀହୃଦଯଂ ପଠେଦ୍ଯଃ
ସ ରାଜ୍ଯଲକ୍ଷ୍ମୀମଚଲାଂ ତନୋତି ।
ମହାଦରିଦ୍ରୋଽପି ଭଵେଦ୍ଧନାଢ୍ଯ-
-ସ୍ତଦନ୍ଵଯେ ଶ୍ରୀଃ ସ୍ଥିରତାଂ ପ୍ରଯାତି ॥ 94 ॥
ଯସ୍ଯ ସ୍ମରଣମାତ୍ରେଣ ତୁଷ୍ଟା ସ୍ଯାଦ୍ଵିଷ୍ଣୁଵଲ୍ଲଭା ।
ତସ୍ଯାଭୀଷ୍ଟଂ ଦଦତ୍ଯାଶୁ ତଂ ପାଲଯତି ପୁତ୍ରଵତ୍ ॥ 95 ॥
ଇଦଂ ରହସ୍ଯଂ ହୃଦଯଂ ସର୍ଵକାମଫଲପ୍ରଦମ୍ ।
ଜପଃ ପଞ୍ଚସହସ୍ରଂ ତୁ ପୁରଶ୍ଚରଣମୁଚ୍ଯତେ ॥ 96 ॥
ତ୍ରିକାଲମେକକାଲଂ ଵା ନରୋ ଭକ୍ତିସମନ୍ଵିତଃ ।
ଯଃ ପଠେଚ୍ଛୃଣୁଯାଦ୍ଵାପି ସ ଯାତି ପରମାଂ ଶ୍ରିଯମ୍ ॥ 97 ॥
ମହାଲକ୍ଷ୍ମୀଂ ସମୁଦ୍ଦିଶ୍ଯ ନିଶି ଭାର୍ଗଵଵାସରେ ।
ଇଦଂ ଶ୍ରୀହୃଦଯଂ ଜପ୍ତ୍ଵା ପଞ୍ଚଵାରଂ ଧନୀ ଭଵେତ୍ ॥ 98 ॥
ଅନେନ ହୃଦଯେନାନ୍ନଂ ଗର୍ଭିଣ୍ଯା ଅଭିମନ୍ତ୍ରିତମ୍ ।
ଦଦାତି ତତ୍କୁଲେ ପୁତ୍ରୋ ଜାଯତେ ଶ୍ରୀପତିଃ ସ୍ଵଯମ୍ ॥ 99 ॥
ନରେଣ ଵାଽଥଵା ନାର୍ଯା ଲକ୍ଷ୍ମୀହୃଦଯମନ୍ତ୍ରିତେ ।
ଜଲେ ପୀତେ ଚ ତଦ୍ଵଂଶେ ମନ୍ଦଭାଗ୍ଯୋ ନ ଜାଯତେ ॥ 100 ॥
ଯ ଆଶ୍ଵିନେ ମାସି ଚ ଶୁକ୍ଲପକ୍ଷେ
ରମୋତ୍ସଵେ ସନ୍ନିହିତେ ସୁଭକ୍ତ୍ଯା ।
ପଠେତ୍ତଥୈକୋତ୍ତରଵାରଵୃଦ୍ଧ୍ଯା
ଲଭେତ୍ସ ସୌଵର୍ଣମଯୀଂ ସୁଵୃଷ୍ଟିମ୍ ॥ 101 ॥
ଯ ଏକଭକ୍ତୋଽନ୍ଵହମେକଵର୍ଷଂ
ଵିଶୁଦ୍ଧଧୀଃ ସପ୍ତତିଵାରଜାପୀ ।
ସ ମନ୍ଦଭାଗ୍ଯୋଽପି ରମାକଟାକ୍ଷା-
-ଦ୍ଭଵେତ୍ସହସ୍ରାକ୍ଷଶତାଧିକଶ୍ରୀଃ ॥ 102 ॥
ଶ୍ରୀଶାଙ୍ଘ୍ରିଭକ୍ତିଂ ହରିଦାସଦାସ୍ଯଂ
ପ୍ରସନ୍ନମନ୍ତ୍ରାର୍ଥଦୃଢୈକନିଷ୍ଠାମ୍ ।
ଗୁରୋଃ ସ୍ମୃତିଂ ନିର୍ମଲବୋଧବୁଦ୍ଧିଂ
ପ୍ରଦେହି ମାତଃ ପରମଂ ପଦଂ ଶ୍ରୀଃ ॥ 103 ॥
ପୃଥ୍ଵୀପତିତ୍ଵଂ ପୁରୁଷୋତ୍ତମତ୍ଵଂ
ଵିଭୂତିଵାସଂ ଵିଵିଧାର୍ଥସିଦ୍ଧିମ୍ ।
ସମ୍ପୂର୍ଣକୀର୍ତିଂ ବହୁଵର୍ଷଭୋଗଂ
ପ୍ରଦେହି ମେ ଲକ୍ଷ୍ମି ପୁନଃ ପୁନସ୍ତ୍ଵମ୍ ॥ 104 ॥
ଵାଦାର୍ଥସିଦ୍ଧିଂ ବହୁଲୋକଵଶ୍ଯଂ
ଵଯଃ ସ୍ଥିରତ୍ଵଂ ଲଲନାସୁଭୋଗମ୍ ।
ପୌତ୍ରାଦିଲବ୍ଧିଂ ସକଲାର୍ଥସିଦ୍ଧିଂ
ପ୍ରଦେହି ମେ ଭାର୍ଗଵି ଜନ୍ମଜନ୍ମନି ॥ 105 ॥
ସୁଵର୍ଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ
ସୁଧାନ୍ଯଵୃଦ୍ଧିଂ କୁରୂ ମେ ଗୃହେ ଶ୍ରୀଃ ।
କଲ୍ଯାଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ
ଵିଭୂତିଵୃଦ୍ଧିଂ କୁରୁ ମେ ଗୃହେ ଶ୍ରୀଃ ॥ 106 ॥
ଧ୍ଯାଯେଲ୍ଲକ୍ଷ୍ମୀଂ ପ୍ରହସିତମୁଖୀଂ କୋଟିବାଲାର୍କଭାସାଂ
ଵିଦ୍ଯୁଦ୍ଵର୍ଣାମ୍ବରଵରଧରାଂ ଭୂଷଣାଢ୍ଯାଂ ସୁଶୋଭାମ୍ ।
ବୀଜାପୂରଂ ସରସିଜଯୁଗଂ ବିଭ୍ରତୀଂ ସ୍ଵର୍ଣପାତ୍ରଂ
ଭର୍ତ୍ରାଯୁକ୍ତାଂ ମୁହୁରଭଯଦାଂ ମହ୍ଯମପ୍ଯଚ୍ଯୁତଶ୍ରୀଃ ॥ 107 ॥
ଗୁହ୍ଯାତିଗୁହ୍ଯଗୋପ୍ତ୍ରୀ ତ୍ଵଂ ଗୃହାଣାସ୍ମତ୍କୃତଂ ଜପମ୍ ।
ସିଦ୍ଧିର୍ଭଵତୁ ମେ ଦେଵି ତ୍ଵତ୍ପ୍ରସାଦାନ୍ମଯି ସ୍ଥିତା ॥ 108 ॥
ଇତି ଶ୍ରୀଅଥର୍ଵଣରହସ୍ଯେ ଶ୍ରୀଲକ୍ଷ୍ମୀହୃଦଯସ୍ତୋତ୍ରଂ ସମ୍ପୂର୍ଣମ୍ ॥
Roman (IAST) Transliteration
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
Sanskrit — Devanagari (original)
अथ नारायन हृदय स्तोत्रम्
अस्य श्रीनारायणहृदयस्तोत्रमन्त्रस्य भार्गव ऋषिः, अनुष्टुप्छन्दः, श्रीलक्ष्मीनारायणो देवता, ॐ बीजं, नमश्शक्तिः, नारायणायेति कीलकं, श्रीलक्ष्मीनारायण प्रीत्यर्थे जपे विनियोगः ।
करन्यासः ।
ॐ नारायणः परं ज्योतिरिति अङ्गुष्ठाभ्यां नमः ।
नारायणः परं ब्रह्मेति तर्जनीभ्यां नमः ।
नारायणः परो देव इति मध्यमाभ्यां नमः ।
नारायणः परं धामेति अनामिकाभ्यां नमः ।
नारायणः परो धर्म इति कनिष्ठिकाभ्यां नमः ।
विश्वं नारायण इति करतलकरपृष्ठाभ्यां नमः ।
अङ्गन्यासः ।
नारायणः परं ज्योतिरिति हृदयाय नमः ।
नारायणः परं ब्रह्मेति शिरसे स्वाहा ।
नारायणः परो देव इति शिखायै वौषट् ।
नारायणः परं धामेति कवचाय हुम् ।
नारायणः परो धर्म इति नेत्राभ्यां वौषट् ।
विश्वं नारायण इति अस्त्राय फट् ।
दिग्बन्धः ।
ॐ ऐन्द्र्यादिदशदिशं ॐ नमः सुदर्शनाय सहस्राराय हुं फट् बध्नामि नमश्चक्राय स्वाहा । इति प्रतिदिशं योज्यम् ।
अथ ध्यानम् ।
उद्यादादित्यसङ्काशं पीतवासं चतुर्भुजम् ।
शङ्खचक्रगदापाणिं ध्यायेल्लक्ष्मीपतिं हरिम् ॥ 1 ॥
त्रैलोक्याधारचक्रं तदुपरि कमठं तत्र चानन्तभोगी
तन्मध्ये भूमिपद्माङ्कुशशिखरदलं कर्णिकाभूतमेरुम् ।
तत्रस्थं शान्तमूर्तिं मणिमयमकुटं कुण्डलोद्भासिताङ्गं
लक्ष्मीनारायणाख्यं सरसिजनयनं सन्ततं चिन्तयामि ॥ 2 ॥
अथ मूलाष्टकम् ।
ओम् ॥ नारायणः परं ज्योतिरात्मा नारायणः परः ।
नारायणः परं ब्रह्म नारायण नमोऽस्तु ते ॥ 1 ॥
नारायणः परो देवो धाता नारायणः परः ।
नारायणः परो धाता नारायण नमोऽस्तु ते ॥ 2 ॥
नारायणः परं धाम ध्यानं नारायणः परः ।
नारायण परो धर्मो नारायण नमोऽस्तु ते ॥ 3 ॥
नारायणः परोवेद्यः विद्या नारायणः परः ।
विश्वं नारायणः साक्षान्नारायण नमोऽस्तु ते ॥ 4 ॥
नारायणाद्विधिर्जातो जातो नारायणाद्भवः ।
जातो नारायणादिन्द्रो नारायण नमोऽस्तु ते ॥ 5 ॥
रविर्नारायणस्तेजः चन्द्रो नारायणो महः ।
वह्निर्नारायणः साक्षान्नारायण नमोऽस्तु ते ॥ 6 ॥
नारायण उपास्यः स्याद्गुरुर्नारायणः परः ।
नारायणः परो बोधो नारायण नमोऽस्तु ते ॥ 7 ॥
नारायणः फलं मुख्यं सिद्धिर्नारायणः सुखम् ।
सेव्योनारायणः शुद्धो नारायण नमोऽस्तु ते ॥ 8 ॥ [हरि]
अथ प्रार्थनादशकम् ।
नारायण त्वमेवासि दहराख्ये हृदि स्थितः ।
प्रेरकः प्रेर्यमाणानां त्वया प्रेरितमानसः ॥ 9 ॥
त्वदाज्ञां शिरसा धृत्वा जपामि जनपावनम् ।
नानोपासनमार्गाणां भवकृद्भावबोधकः ॥ 10 ॥
भावार्थकृद्भवातीतो भव सौख्यप्रदो मम ।
त्वन्मायामोहितं विश्वं त्वयैव परिकल्पितम् ॥ 11 ॥
त्वदधिष्ठानमात्रेण सा वै सर्वार्थकारिणी ।
त्वमेतां च पुरस्कृत्य सर्वकामान्प्रदर्शय ॥ 12 ॥
न मे त्वदन्यस्त्रातास्ति त्वदन्यन्न हि दैवतम् ।
त्वदन्यं न हि जानामि पालकं पुण्यवर्धनम् ॥ 13 ॥
यावत्सांसारिको भावो मनस्स्थो भावनात्मकः ।
तावत्सिद्धिर्भवेत्साध्या सर्वथा सर्वदा विभो ॥ 14 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 15 ॥
त्वयाहं नैव सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 16 ॥
पापसङ्घपरिश्रान्तः पापात्मा पापरूपधृत् ।
त्वदन्यः कोऽत्र पापेभ्यस्त्रातास्ति जगतीतले ॥ 17 ॥
त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव सेव्यश्च गुरुस्त्वमेव
त्वमेव सर्वं मम देव देव ॥ 18 ॥
प्रार्थनादशकं चैव मूलाष्टकमतः परम् ।
यः पठेच्छृणुयान्नित्यं तस्य लक्ष्मीः स्थिरा भवेत् ॥ 19 ॥
नारायणस्य हृदयं सर्वाभीष्टफलप्रदम् ।
लक्ष्मीहृदयकं स्तोत्रं यदि चेत्तद्विनाकृतम् ॥ 20 ॥
तत्सर्वं निष्फलं प्रोक्तं लक्ष्मीः क्रुद्ध्यति सर्वदा ।
एतत्सङ्कलितं स्तोत्रं सर्वकामफलप्रदम् ॥ 21 ॥
लक्ष्मीहृदयकं चैव तथा नारायणात्मकम् ।
जपेद्यः सङ्कलीकृत्य सर्वाभीष्टमवाप्नुयात् ॥ 22 ॥
नारायणस्य हृदयमादौ जप्त्वा ततः परम् ।
लक्ष्मीहृदयकं स्तोत्रं जपेन्नारायणं पुनः ॥ 23 ॥
पुनर्नारायणं जप्त्वा पुनर्लक्ष्मीनुतिं जपेत् ।
पुनर्नारायणं जाप्यं सङ्कलीकरणं भवेत् ॥ 24 ॥
एवं मध्ये द्विवारेण जपेत्सङ्कलितं तु तत् ।
लक्ष्मीहृदयकं स्तोत्रं सर्वकामप्रकाशितम् ॥ 25 ॥
तद्वज्जपादिकं कुर्यादेतत्सङ्कलितं शुभम् ।
सर्वान्कामानवाप्नोति आधिव्याधिभयं हरेत् ॥ 26 ॥
गोप्यमेतत्सदा कुर्यान्न सर्वत्र प्रकाशयेत् ।
इति गुह्यतमं शास्त्रं प्राप्तं ब्रह्मादिकैः पुरा ॥ 27 ॥
तस्मात्सर्वप्रयत्नेन गोपयेत्साधयेसुधीः ।
यत्रैतत्पुस्तकं तिष्ठेल्लक्ष्मीनारायणात्मकम् ॥ 28 ॥
भूतपैशाचवेताल भयं नैव तु सर्वदा ।
लक्ष्मीहृदयकं प्रोक्तं विधिना साधयेत्सुधीः ॥ 29 ॥
भृगुवारे च रात्रौ च पूजयेत्पुस्तकद्वयम् ।
सर्वथा सर्वदा सत्यं गोपयेत्साधयेत्सुधीः ।
गोपनात्साधनाल्लोके धन्यो भवति तत्त्वतः ॥ 30 ॥
इत्यथर्वरहस्ये उत्तरभागे नारायणहृदयं सम्पूर्णम् ।
अथ लक्ष्मी हृदय स्तोत्रम्
अस्य श्री महालक्ष्मीहृदयस्तोत्र महामन्त्रस्य भार्गव ऋषिः, अनुष्टुपादीनि नानाछन्दांसि, आद्यादि श्रीमहालक्ष्मीर्देवता, श्रीं बीजं, ह्रीं शक्तिः, ऐं कीलकं, आद्यादिमहालक्ष्मी प्रसादसिद्ध्यर्थं जपे विनियोगः ॥
ऋष्यादिन्यासः –
ॐ भार्गवृषये नमः शिरसि ।
ॐ अनुष्टुपादिनानाछन्दोभ्यो नमो मुखे ।
ॐ आद्यादिश्रीमहालक्ष्मी देवतायै नमो हृदये ।
ॐ श्रीं बीजाय नमो गुह्ये ।
ॐ ह्रीं शक्तये नमः पादयोः ।
ॐ ऐं कीलकाय नमो नाभौ ।
ॐ विनियोगाय नमः सर्वाङ्गे ।
करन्यासः –
ॐ श्रीं अङ्गुष्ठाभ्यां नमः ।
ॐ ह्रीं तर्जनीभ्यां नमः ।
ॐ ऐं मध्यमाभ्यां नमः ।
ॐ श्रीं अनामिकाभ्यां नमः ।
ॐ ह्रीं कनिष्ठिकाभ्यां नमः ।
ॐ ऐं करतल करपृष्ठाभ्यां नमः ।
अङ्गन्यासः –
ॐ श्रीं हृदयाय नमः ।
ॐ ह्रीं शिरसे स्वाहा ।
ॐ ऐं शिखायै वषट् ।
ॐ श्रीं कवचाय हुम् ।
ॐ ह्रीं नेत्रत्रयाय वौषट् ।
ॐ ऐं अस्त्राय फट् ।
ॐ श्रीं ह्रीं ऐं इति दिग्बन्धः ।
अथ ध्यानम् ।
हस्तद्वयेन कमले धारयन्तीं स्वलीलया ।
हारनूपुरसंयुक्तां लक्ष्मीं देवीं विचिन्तये ॥
कौशेयपीतवसनामरविन्दनेत्रां
पद्मद्वयाभयवरोद्यतपद्महस्ताम् ।
उद्यच्छतार्कसदृशीं परमाङ्कसंस्थां
ध्यायेद्विधीशनतपादयुगां जनित्रीम् ॥
पीतवस्त्रां सुवर्णाङ्गीं पद्महस्तद्वायान्विताम् ।
लक्ष्मीं ध्यात्वेति मन्त्रेण स भवेत्पृथिवीपतिः ॥
मातुलुङ्गं गदां खेटं पाणौ पात्रं च बिभ्रती ।
नागं लिङ्गं च योनिं च बिभ्रतीं चैव मूर्धनि ॥
[ इति ध्यात्वा मानसोपचारैः सम्पूज्य ।
शङ्खचक्रगदाहस्ते शुभ्रवर्णे सुवासिनी ।
मम देहि वरं लक्ष्मीः सर्वसिद्धिप्रदायिनी ।
इति सम्प्रार्थ्य ॐ श्रीं ह्रीं ऐं महालक्ष्म्यै कमलधारिण्यै सिंहवाहिन्यै स्वाहा इति मन्त्रं जप्त्वा पुनः पूर्ववद्धृदयादि षडङ्गन्यासं कृत्वा स्तोत्रं पठेत् । ]
स्तोत्रम् ।
वन्दे लक्ष्मीं परमशिवमयीं शुद्धजाम्बूनदाभां
तेजोरूपां कनकवसनां सर्वभूषोज्ज्वलाङ्गीम् ।
बीजापूरं कनककलशं हेमपद्मं दधाना-
-माद्यां शक्तिं सकलजननीं विष्णुवामाङ्कसंस्थाम् ॥ 1 ॥
श्रीमत्सौभाग्यजननीं स्तौमि लक्ष्मीं सनातनीम् ।
सर्वकामफलावाप्तिसाधनैकसुखावहाम् ॥ 2 ॥
स्मरामि नित्यं देवेशि त्वया प्रेरितमानसः ।
त्वदाज्ञां शिरसा धृत्वा भजामि परमेश्वरीम् ॥ 3 ॥
समस्तसम्पत्सुखदां महाश्रियं
समस्तसौभाग्यकरीं महाश्रियम् ।
समस्तकल्याणकरीं महाश्रियं
भजाम्यहं ज्ञानकरीं महाश्रियम् ॥ 4 ॥
विज्ञानसम्पत्सुखदां सनातनीं
विचित्रवाग्भूतिकरीं मनोहराम् ।
अनन्तसम्मोदसुखप्रदायिनीं
नमाम्यहं भूतिकरीं हरिप्रियाम् ॥ 5 ॥
समस्तभूतान्तरसंस्थिता त्वं
समस्तभोक्त्रीश्वरि विश्वरूपे ।
तन्नास्ति यत्त्वद्व्यतिरिक्तवस्तु
त्वत्पादपद्मं प्रणमाम्यहं श्रीः ॥ 6 ॥
दारिद्र्य दुःखौघतमोपहन्त्री
त्वत्पादपद्मं मयि सन्निधत्स्व ।
दीनार्तिविच्छेदनहेतुभूतैः
कृपाकटाक्षैरभिषिञ्च मां श्रीः ॥ 7 ॥
अम्ब प्रसीद करुणासुधयार्द्रदृष्ट्या
मां त्वत्कृपाद्रविणगेहमिमं कुरुष्व ।
आलोकय प्रणतहृद्गतशोकहन्त्री
त्वत्पादपद्मयुगलं प्रणमाम्यहं श्रीः ॥ 8 ॥
शान्त्यै नमोऽस्तु शरणागतरक्षणायै
कान्त्यै नमोऽस्तु कमनीयगुणाश्रयायै ।
क्षान्त्यै नमोऽस्तु दुरितक्षयकारणायै
दात्र्यै नमोऽस्तु धनधान्यसमृद्धिदायै ॥ 9 ॥
शक्त्यै नमोऽस्तु शशिशेखरसंस्तुतायै
रत्यै नमोऽस्तु रजनीकरसोदरायै ।
भक्त्यै नमोऽस्तु भवसागरतारकायै
मत्यै नमोऽस्तु मधुसूदनवल्लभायै ॥ 10 ॥
लक्ष्म्यै नमोऽस्तु शुभलक्षणलक्षितायै
सिद्ध्यै नमोऽस्तु शिवसिद्धसुपूजितायै ।
धृत्यै नमोऽस्त्वमितदुर्गतिभञ्जनायै
गत्यै नमोऽस्तु वरसद्गतिदायिकायै ॥ 11 ॥
देव्यै नमोऽस्तु दिवि देवगणार्चितायै
भूत्यै नमोऽस्तु भुवनार्तिविनाशनायै ।
धात्र्यै नमोऽस्तु धरणीधरवल्लभायै
पुष्ट्यै नमोऽस्तु पुरुषोत्तमवल्लभायै ॥ 12 ॥
सुतीव्रदारिद्र्यविदुःखहन्त्र्यै
नमोऽस्तु ते सर्वभयापहन्त्र्यै ।
श्रीविष्णुवक्षःस्थलसंस्थितायै
नमो नमः सर्वविभूतिदायै ॥ 13 ॥
जयतु जयतु लक्ष्मीर्लक्षणालङ्कृताङ्गी
जयतु जयतु पद्मा पद्मसद्माभिवन्द्या ।
जयतु जयतु विद्या विष्णुवामाङ्कसंस्था
जयतु जयतु सम्यक्सर्वसम्पत्करी श्रीः ॥ 14 ॥
जयतु जयतु देवी देवसङ्घाभिपूज्या
जयतु जयतु भद्रा भार्गवी भाग्यरूपा ।
जयतु जयतु नित्या निर्मलज्ञानवेद्या
जयतु जयतु सत्या सर्वभूतान्तरस्था ॥ 15 ॥
जयतु जयतु रम्या रत्नगर्भान्तरस्था
जयतु जयतु शुद्धा शुद्धजाम्बूनदाभा ।
जयतु जयतु कान्ता कान्तिमद्भासिताङ्गी
जयतु जयतु शान्ता शीघ्रमागच्छ सौम्ये ॥ 16 ॥
यस्याः कलायाः कमलोद्भवाद्या
रुद्राश्च शक्र प्रमुखाश्च देवाः ।
जीवन्ति सर्वेऽपि सशक्तयस्ते
प्रभुत्वमाप्ताः परमायुषस्ते ॥ 17 ॥
लिलेख निटिले विधिर्मम लिपिं विसृज्यान्तरं
त्वया विलिखितव्यमेतदिति तत्फलप्राप्तये ।
तदन्तरफलेस्फुटं कमलवासिनी श्रीरिमां
समर्पय समुद्रिकां सकलभाग्यसंसूचिकाम् ॥ 18 ॥
कलया ते यथा देवि जीवन्ति सचराचराः ।
तथा सम्पत्करे लक्ष्मि सर्वदा सम्प्रसीद मे ॥ 19 ॥
यथा विष्णुर्ध्रुवे नित्यं स्वकलां सन्न्यवेशयत् ।
तथैव स्वकलां लक्ष्मि मयि सम्यक् समर्पय ॥ 20 ॥
सर्वसौख्यप्रदे देवि भक्तानामभयप्रदे ।
अचलां कुरु यत्नेन कलां मयि निवेशिताम् ॥ 21 ॥
मुदास्तां मत्फाले परमपदलक्ष्मीः स्फुटकला
सदा वैकुण्ठश्रीर्निवसतु कला मे नयनयोः ।
वसेत्सत्ये लोके मम वचसि लक्ष्मीर्वरकला
श्रियः श्वेतद्वीपे निवसतु कला मे स्वकरयोः ॥ 22 ॥
तावन्नित्यं ममाङ्गेषु क्षीराब्धौ श्रीकला वसेत् ।
सूर्याचन्द्रमसौ यावद्यावल्लक्ष्मीपतिः श्रियाः ॥ 23 ॥
सर्वमङ्गलसम्पूर्णा सर्वैश्वर्यसमन्विता ।
आद्यादि श्रीर्महालक्ष्मी त्वत्कला मयि तिष्ठतु ॥ 24 ॥
अज्ञानतिमिरं हन्तुं शुद्धज्ञानप्रकाशिका ।
सर्वैश्वर्यप्रदा मेऽस्तु त्वत्कला मयि संस्थिता ॥ 25 ॥
अलक्ष्मीं हरतु क्षिप्रं तमः सूर्यप्रभा यथा ।
वितनोतु मम श्रेयस्त्वत्कला मयि संस्थिता ॥ 26 ॥
ऐश्वर्यमङ्गलोत्पत्तिस्त्वत्कलायां निधीयते ।
मयि तस्मात्कृतार्थोऽस्मि पात्रमस्मि स्थितेस्तव ॥ 27 ॥
भवदावेशभाग्यार्हो भाग्यवानस्मि भार्गवि ।
त्वत्प्रसादात्पवित्रोऽहं लोकमातर्नमोऽस्तु ते ॥ 28 ॥
पुनासि मां त्वत्कलयैव यस्मा-
-दतः समागच्छ ममाग्रतस्त्वम् ।
परं पदं श्रीर्भव सुप्रसन्ना
मय्यच्युतेन प्रविशादिलक्ष्मीः ॥ 29 ॥
श्रीवैकुण्ठस्थिते लक्ष्मि समागच्छ ममाग्रतः ।
नारायणेन सह मां कृपादृष्ट्याऽवलोकय ॥ 30 ॥
सत्यलोकस्थिते लक्ष्मि त्वं ममागच्छ सन्निधिम् ।
वासुदेवेन सहिता प्रसीद वरदा भव ॥ 31 ॥
श्वेतद्वीपस्थिते लक्ष्मि शीघ्रमागच्छ सुव्रते ।
विष्णुना सहिते देवि जगन्मातः प्रसीद मे ॥ 32 ॥
क्षीराम्बुधिस्थिते लक्ष्मि समागच्छ समाधवा ।
त्वत्कृपादृष्टिसुधया सततं मां विलोकय ॥ 33 ॥
रत्नगर्भस्थिते लक्ष्मि परिपूर्णे हिरण्मये ।
समागच्छ समागच्छ स्थित्वाऽऽशु पुरतो मम ॥ 34 ॥
स्थिरा भव महालक्ष्मि निश्चला भव निर्मले ।
प्रसन्ने कमले देवि प्रसन्नहृदया भव ॥ 35 ॥
श्रीधरे श्रीमहाभूते त्वदन्तःस्थं महानिधिम् ।
शीघ्रमुद्धृत्य पुरतः प्रदर्शय समर्पय ॥ 36 ॥
वसुन्धरे श्रीवसुधे वसुदोग्ध्रि कृपामये ।
त्वत्कुक्षिगतसर्वस्वं शीघ्रं मे सम्प्रदर्शय ॥ 37 ॥
विष्णुप्रिये रत्नगर्भे समस्तफलदे शिवे ।
त्वद्गर्भगतहेमादीन् सम्प्रदर्शय दर्शय ॥ 38 ॥
रसातलगते लक्ष्मि शीघ्रमागच्छ मे पुरः ।
न जाने परमं रूपं मातर्मे सम्प्रदर्शय ॥ 39 ॥
आविर्भव मनोवेगाच्छीघ्रमागच्छ मे पुरः ।
मा वत्स भैरिहेत्युक्त्वा कामं गौरिव रक्ष माम् ॥ 40 ॥
देवि शीघ्रं समागच्छ धरणीगर्भसंस्थिते ।
मातस्त्वद्भृत्यभृत्योऽहं मृगये त्वां कुतूहलात् ॥ 41 ॥
उत्तिष्ठ जागृहि त्वं मे समुत्तिष्ठ सुजागृहि ।
अक्षयान् हेमकलशान् सुवर्णेन सुपूरितान् ॥ 42 ॥
निक्षेपान्मे समाकृष्य समुद्धृत्य ममाग्रतः ।
समुन्नतानना भूत्वा समाधेहि धरान्तरात् ॥ 43 ॥
मत्सन्निधिं समागच्छ मदाहितकृपारसात् ।
प्रसीद श्रेयसां दोग्ध्री लक्ष्मीर्मे नयनाग्रतः ॥ 44 ॥
अत्रोपविश लक्ष्मि त्वं स्थिरा भव हिरण्मये ।
सुस्थिरा भव सम्प्रीत्या प्रसीद वरदा भव ॥ 45 ॥
आनीतांस्तु तथा देवि निधीन्मे सम्प्रदर्शय ।
अद्य क्षणेन सहसा दत्त्वा संरक्ष मां सदा ॥ 46 ॥
मयि तिष्ठ तथा नित्यं यथेन्द्रादिषु तिष्ठसि ।
अभयं कुरु मे देवि महालक्ष्मीर्नमोऽस्तु ते ॥ 47 ॥
समागच्छ महालक्ष्मि शुद्धजाम्बूनदप्रभे ।
प्रसीद पुरतः स्थित्वा प्रणतं मां विलोकय ॥ 48 ॥
लक्ष्मीर्भुवं गता भासि यत्र यत्र हिरण्मयी ।
तत्र तत्र स्थिता त्वं मे तव रूपं प्रदर्शय ॥ 49 ॥
क्रीडन्ती बहुधा भूमौ परिपूर्णकृपामयि ।
मम मूर्धनि ते हस्तमविलम्बितमर्पय ॥ 50 ॥
फलद्भाग्योदये लक्ष्मि समस्तपुरवासिनी ।
प्रसीद मे महालक्ष्मि परिपूर्णमनोरथे ॥ 51 ॥
अयोध्यादिषु सर्वेषु नगरेषु समास्थिते ।
वैभवैर्विविधैर्युक्तैः समागच्छ मुदान्विते ॥ 52 ॥
समागच्छ समागच्छ ममाग्रे भव सुस्थिरा ।
करुणारसनिष्यन्दनेत्रद्वय विलासिनी ॥ 53 ॥ [निष्पन्न]
सन्निधत्स्व महालक्ष्मि त्वत्पाणिं मम मस्तके ।
करुणासुधया मां त्वमभिषिञ्च्य स्थिरं कुरु ॥ 54 ॥
सर्वराजगृहे लक्ष्मि समागच्छ बलान्विते । [मुदान्विते]
स्थित्वाऽऽशु पुरतो मेऽद्य प्रसादेनाऽभयं कुरु ॥ 55 ॥
सादरं मस्तके हस्तं मम त्वं कृपयार्पय ।
सर्वराजगृहे लक्ष्मि त्वत्कला मयि तिष्ठतु ॥ 56 ॥
आद्यादि श्रीमहालक्ष्मि विष्णुवामाङ्कसंस्थिते ।
प्रत्यक्षं कुरु मे रूपं रक्ष मां शरणागतम् ॥ 57 ॥
प्रसीद मे महालक्ष्मि सुप्रसीद महाशिवे ।
अचला भव सम्प्रीत्या सुस्थिरा भव मद्गृहे ॥ 58 ॥
यावत्तिष्ठन्ति वेदाश्च यावच्चन्द्रदिवाकरौ ।
यावद्विष्णुश्च यावत्त्वं तावत्कुरु कृपां मयि ॥ 59 ॥
चान्द्रीकला यथा शुक्ले वर्धते सा दिने दिने ।
तथा दया ते मय्येव वर्धतामभिवर्धताम् ॥ 60 ॥
यथा वैकुण्ठनगरे यथा वै क्षीरसागरे ।
तथा मद्भवने तिष्ठ स्थिरं श्रीविष्णुना सह ॥ 61 ॥
योगिनां हृदये नित्यं यथा तिष्ठसि विष्णुना ।
तथा मद्भवने तिष्ठ स्थिरं श्रीविष्णुना सह ॥ 62 ॥
नारायणस्य हृदये भवती यथास्ते
नारायणोऽपि तव हृत्कमले यथास्ते ।
नारायणस्त्वमपि नित्यमुभौ तथैव
तौ तिष्ठतां हृदि ममापि दयान्वितौ श्रीः ॥ 63 ॥
विज्ञानवृद्धिं हृदये कुरु श्रीः
सौभाग्यवृद्धिं कुरु मे गृहे श्रीः ।
दयासुवृद्धिं कुरुतां मयि श्रीः
सुवर्णवृद्धिं कुरु मे गृहे श्रीः ॥ 64 ॥
न मां त्यजेथाः श्रितकल्पवल्लि
सद्भक्तचिन्तामणिकामधेनो ।
विश्वस्य मातर्भव सुप्रसन्ना
गृहे कलत्रेषु च पुत्रवर्गे ॥ 65 ॥
आद्यादिमाये त्वमजाण्डबीजं
त्वमेव साकारनिराकृतिस्त्वम् ।
त्वया धृताश्चाब्जभवाण्डसङ्घा-
-श्चित्रं चरित्रं तव देवि विष्णोः ॥ 66 ॥
ब्रह्मरुद्रादयो देवा वेदाश्चापि न शक्नुयुः ।
महिमानं तव स्तोतुं मन्दोऽहं शक्नुयां कथम् ॥ 67 ॥
अम्ब त्वद्वत्सवाक्यानि सूक्तासूक्तानि यानि च ।
तानि स्वीकुरु सर्वज्ञे दयालुत्वेन सादरम् ॥ 68 ॥
भवतीं शरणं गत्वा कृतार्थाः स्युः पुरातनाः ।
इति सञ्चिन्त्य मनसा त्वामहं शरणं व्रजे ॥ 69 ॥
अनन्ता नित्यसुखिनस्त्वद्भक्तास्त्वत्परायणाः ।
इति वेदप्रमाणाद्धि देवि त्वां शरणं व्रजे ॥ 70 ॥
तव प्रतिज्ञा मद्भक्ता न नश्यन्तीत्यपि क्वचित् ।
इति सञ्चिन्त्य सञ्चिन्त्य प्राणान् सन्धारयाम्यहम् ॥ 71 ॥
त्वदधीनस्त्वहं मातस्त्वत्कृपा मयि विद्यते ।
यावत्सम्पूर्णकामः स्यात्तावद्देहि दयानिधे ॥ 72 ॥
क्षणमात्रं न शक्नोमि जीवितुं त्वत्कृपां विना ।
न जीवन्तीह जलजा जलं त्यक्त्वा जलग्रहाः ॥ 73 ॥
यथा हि पुत्रवात्सल्याज्जननी प्रस्नुतस्तनी ।
वत्सं त्वरितमागत्य सम्प्रीणयति वत्सला ॥ 74 ॥
यदि स्यां तव पुत्रोऽहं माता त्वं यदि मामकी ।
दयापयोधरस्तन्यसुधाभिरभिषिञ्च माम् ॥ 75 ॥
मृग्यो न गुणलेशोऽपि मयि दोषैकमन्दिरे ।
पांसूनां वृष्टिबिन्दूनां दोषाणां च न मे मतिः ॥ 76 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 77 ॥
विधिनाहं न सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 78 ॥
कृपा मदग्रजा किं ते अहं किं वा तदग्रजः ।
विचार्य देहि मे वित्तं तव देवि दयानिधे ॥ 79 ॥
माता पिता त्वं गुरुसद्गतिः श्री-
-स्त्वमेव सञ्जीवनहेतुभूता ।
अन्यं न मन्ये जगदेकनाथे
त्वमेव सर्वं मम देवि सत्ये ॥ 80 ॥
आद्यादिलक्ष्मीर्भव सुप्रसन्ना
विशुद्धविज्ञानसुखैकदोग्ध्री ।
अज्ञानहन्त्री त्रिगुणातिरिक्ता
प्रज्ञाननेत्री भव सुप्रसन्ना ॥ 81 ॥
अशेषवाग्जाड्यमलापहन्त्री
नवं नवं स्पष्टसुवाक्प्रदायिनी ।
ममेह जिह्वाग्र सुरङ्गनर्तकी [नर्तिनी]
भव प्रसन्ना वदने च मे श्रीः ॥ 82 ॥
समस्तसम्पत्सुविराजमाना
समस्ततेजश्चयभासमाना ।
विष्णुप्रिये त्वं भव दीप्यमाना
वाग्देवता मे नयने प्रसन्ना ॥ 83 ॥
सर्वप्रदर्शे सकलार्थदे त्वं
प्रभासुलावण्यदयाप्रदोग्ध्री ।
सुवर्णदे त्वं सुमुखी भव श्री-
-र्हिरण्मयी मे नयने प्रसन्ना ॥ 84 ॥
सर्वार्थदा सर्वजगत्प्रसूतिः
सर्वेश्वरी सर्वभयापहन्त्री ।
सर्वोन्नता त्वं सुमुखी भव श्री-
-र्हिरण्मयी मे नयने प्रसन्ना ॥ 85 ॥
समस्तविघ्नौघविनाशकारिणी
समस्तभक्तोद्धरणे विचक्षणा ।
अनन्तसौभाग्यसुखप्रदायिनी
हिरण्मयी मे नयने प्रसन्ना ॥ 86 ॥
देवि प्रसीद दयनीयतमाय मह्यं
देवाधिनाथभवदेवगणाभिवन्द्ये ।
मातस्तथैव भव सन्निहिता दृशोर्मे
पत्या समं मम मुखे भव सुप्रसन्ना ॥ 87 ॥
मा वत्स भैरभयदानकरोऽर्पितस्ते
मौलौ ममेति मयि दीनदयानुकम्पे ।
मातः समर्पय मुदा करुणाकटाक्षं
माङ्गल्यबीजमिह नः सृज जन्म मातः ॥ 88 ॥
कटाक्ष इह कामधुक्तव मनस्तु चिन्तामणिः
करः सुरतरुः सदा नवनिधिस्त्वमेवेन्दिरे ।
भवे तव दयारसो मम रसायनं चान्वहं
मुखं तव कलानिधिर्विविधवाञ्छितार्थप्रदम् ॥ 89 ॥
यथा रसस्पर्शनतोऽयसोऽपि
सुवर्णता स्यात्कमले तथा ते ।
कटाक्षसंस्पर्शनतो जनाना-
-ममङ्गलानामपि मङ्गलत्वम् ॥ 90 ॥
देहीति नास्तीति वचः प्रवेशा-
-द्भीतो रमे त्वां शरणं प्रपद्ये ।
अतः सदाऽस्मिन्नभयप्रदा त्वं
सहैव पत्या मयि सन्निधेहि ॥ 91 ॥
कल्पद्रुमेण मणिना सहिता सुरम्या
श्रीस्ते कला मयि रसेन रसायनेन ।
आस्तां यतो मम शिरःकरदृष्टिपाद-
-स्पृष्टाः सुवर्णवपुषः स्थिरजङ्गमाः स्युः ॥ 92 ॥
आद्यादिविष्णोः स्थिरधर्मपत्नी
त्वमेव पत्या मयि सन्निधेहि ।
आद्यादिलक्ष्मि त्वदनुग्रहेण
पदे पदे मे निधिदर्शनं स्यात् ॥ 93 ॥
आद्यादिलक्ष्मीहृदयं पठेद्यः
स राज्यलक्ष्मीमचलां तनोति ।
महादरिद्रोऽपि भवेद्धनाढ्य-
-स्तदन्वये श्रीः स्थिरतां प्रयाति ॥ 94 ॥
यस्य स्मरणमात्रेण तुष्टा स्याद्विष्णुवल्लभा ।
तस्याभीष्टं ददत्याशु तं पालयति पुत्रवत् ॥ 95 ॥
इदं रहस्यं हृदयं सर्वकामफलप्रदम् ।
जपः पञ्चसहस्रं तु पुरश्चरणमुच्यते ॥ 96 ॥
त्रिकालमेककालं वा नरो भक्तिसमन्वितः ।
यः पठेच्छृणुयाद्वापि स याति परमां श्रियम् ॥ 97 ॥
महालक्ष्मीं समुद्दिश्य निशि भार्गववासरे ।
इदं श्रीहृदयं जप्त्वा पञ्चवारं धनी भवेत् ॥ 98 ॥
अनेन हृदयेनान्नं गर्भिण्या अभिमन्त्रितम् ।
ददाति तत्कुले पुत्रो जायते श्रीपतिः स्वयम् ॥ 99 ॥
नरेण वाऽथवा नार्या लक्ष्मीहृदयमन्त्रिते ।
जले पीते च तद्वंशे मन्दभाग्यो न जायते ॥ 100 ॥
य आश्विने मासि च शुक्लपक्षे
रमोत्सवे सन्निहिते सुभक्त्या ।
पठेत्तथैकोत्तरवारवृद्ध्या
लभेत्स सौवर्णमयीं सुवृष्टिम् ॥ 101 ॥
य एकभक्तोऽन्वहमेकवर्षं
विशुद्धधीः सप्ततिवारजापी ।
स मन्दभाग्योऽपि रमाकटाक्षा-
-द्भवेत्सहस्राक्षशताधिकश्रीः ॥ 102 ॥
श्रीशाङ्घ्रिभक्तिं हरिदासदास्यं
प्रसन्नमन्त्रार्थदृढैकनिष्ठाम् ।
गुरोः स्मृतिं निर्मलबोधबुद्धिं
प्रदेहि मातः परमं पदं श्रीः ॥ 103 ॥
पृथ्वीपतित्वं पुरुषोत्तमत्वं
विभूतिवासं विविधार्थसिद्धिम् ।
सम्पूर्णकीर्तिं बहुवर्षभोगं
प्रदेहि मे लक्ष्मि पुनः पुनस्त्वम् ॥ 104 ॥
वादार्थसिद्धिं बहुलोकवश्यं
वयः स्थिरत्वं ललनासुभोगम् ।
पौत्रादिलब्धिं सकलार्थसिद्धिं
प्रदेहि मे भार्गवि जन्मजन्मनि ॥ 105 ॥
सुवर्णवृद्धिं कुरु मे गृहे श्रीः
सुधान्यवृद्धिं कुरू मे गृहे श्रीः ।
कल्याणवृद्धिं कुरु मे गृहे श्रीः
विभूतिवृद्धिं कुरु मे गृहे श्रीः ॥ 106 ॥
ध्यायेल्लक्ष्मीं प्रहसितमुखीं कोटिबालार्कभासां
विद्युद्वर्णाम्बरवरधरां भूषणाढ्यां सुशोभाम् ।
बीजापूरं सरसिजयुगं बिभ्रतीं स्वर्णपात्रं
भर्त्रायुक्तां मुहुरभयदां मह्यमप्यच्युतश्रीः ॥ 107 ॥
गुह्यातिगुह्यगोप्त्री त्वं गृहाणास्मत्कृतं जपम् ।
सिद्धिर्भवतु मे देवि त्वत्प्रसादान्मयि स्थिता ॥ 108 ॥
इति श्रीअथर्वणरहस्ये श्रीलक्ष्मीहृदयस्तोत्रं सम्पूर्णम् ॥
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.