અથ નારાયન હૃદય સ્તોત્રમ્
અસ્ય શ્રીનારાયણહૃદયસ્તોત્રમન્ત્રસ્ય ભાર્ગવ ઋષિઃ, અનુષ્ટુપ્છન્દઃ, શ્રીલક્ષ્મીનારાયણો દેવતા, ૐ બીજં, નમશ્શક્તિઃ, નારાયણાયેતિ કીલકં, શ્રીલક્ષ્મીનારાયણ પ્રીત્યર્થે જપે વિનિયોગઃ ।
કરન્યાસઃ ।
ૐ નારાયણઃ પરં જ્યોતિરિતિ અઙ્ગુષ્ઠાભ્યાં નમઃ ।
નારાયણઃ પરં બ્રહ્મેતિ તર્જનીભ્યાં નમઃ ।
નારાયણઃ પરો દેવ ઇતિ મધ્યમાભ્યાં નમઃ ।
નારાયણઃ પરં ધામેતિ અનામિકાભ્યાં નમઃ ।
નારાયણઃ પરો ધર્મ ઇતિ કનિષ્ઠિકાભ્યાં નમઃ ।
વિશ્વં નારાયણ ઇતિ કરતલકરપૃષ્ઠાભ્યાં નમઃ ।
અઙ્ગન્યાસઃ ।
નારાયણઃ પરં જ્યોતિરિતિ હૃદયાય નમઃ ।
નારાયણઃ પરં બ્રહ્મેતિ શિરસે સ્વાહા ।
નારાયણઃ પરો દેવ ઇતિ શિખાયૈ વૌષટ્ ।
નારાયણઃ પરં ધામેતિ કવચાય હુમ્ ।
નારાયણઃ પરો ધર્મ ઇતિ નેત્રાભ્યાં વૌષટ્ ।
વિશ્વં નારાયણ ઇતિ અસ્ત્રાય ફટ્ ।
દિગ્બન્ધઃ ।
ૐ ઐન્દ્ર્યાદિદશદિશં ૐ નમઃ સુદર્શનાય સહસ્રારાય હું ફટ્ બધ્નામિ નમશ્ચક્રાય સ્વાહા । ઇતિ પ્રતિદિશં યોજ્યમ્ ।
અથ ધ્યાનમ્ ।
ઉદ્યાદાદિત્યસઙ્કાશં પીતવાસં ચતુર્ભુજમ્ ।
શઙ્ખચક્રગદાપાણિં ધ્યાયેલ્લક્ષ્મીપતિં હરિમ્ ॥ 1 ॥
ત્રૈલોક્યાધારચક્રં તદુપરિ કમઠં તત્ર ચાનન્તભોગી
તન્મધ્યે ભૂમિપદ્માઙ્કુશશિખરદલં કર્ણિકાભૂતમેરુમ્ ।
તત્રસ્થં શાન્તમૂર્તિં મણિમયમકુટં કુણ્ડલોદ્ભાસિતાઙ્ગં
લક્ષ્મીનારાયણાખ્યં સરસિજનયનં સન્તતં ચિન્તયામિ ॥ 2 ॥
અથ મૂલાષ્ટકમ્ ।
ઓમ્ ॥ નારાયણઃ પરં જ્યોતિરાત્મા નારાયણઃ પરઃ ।
નારાયણઃ પરં બ્રહ્મ નારાયણ નમોઽસ્તુ તે ॥ 1 ॥
નારાયણઃ પરો દેવો ધાતા નારાયણઃ પરઃ ।
નારાયણઃ પરો ધાતા નારાયણ નમોઽસ્તુ તે ॥ 2 ॥
નારાયણઃ પરં ધામ ધ્યાનં નારાયણઃ પરઃ ।
નારાયણ પરો ધર્મો નારાયણ નમોઽસ્તુ તે ॥ 3 ॥
નારાયણઃ પરોવેદ્યઃ વિદ્યા નારાયણઃ પરઃ ।
વિશ્વં નારાયણઃ સાક્ષાન્નારાયણ નમોઽસ્તુ તે ॥ 4 ॥
નારાયણાદ્વિધિર્જાતો જાતો નારાયણાદ્ભવઃ ।
જાતો નારાયણાદિન્દ્રો નારાયણ નમોઽસ્તુ તે ॥ 5 ॥
રવિર્નારાયણસ્તેજઃ ચન્દ્રો નારાયણો મહઃ ।
વહ્નિર્નારાયણઃ સાક્ષાન્નારાયણ નમોઽસ્તુ તે ॥ 6 ॥
નારાયણ ઉપાસ્યઃ સ્યાદ્ગુરુર્નારાયણઃ પરઃ ।
નારાયણઃ પરો બોધો નારાયણ નમોઽસ્તુ તે ॥ 7 ॥
નારાયણઃ ફલં મુખ્યં સિદ્ધિર્નારાયણઃ સુખમ્ ।
સેવ્યોનારાયણઃ શુદ્ધો નારાયણ નમોઽસ્તુ તે ॥ 8 ॥ [હરિ]
અથ પ્રાર્થનાદશકમ્ ।
નારાયણ ત્વમેવાસિ દહરાખ્યે હૃદિ સ્થિતઃ ।
પ્રેરકઃ પ્રેર્યમાણાનાં ત્વયા પ્રેરિતમાનસઃ ॥ 9 ॥
ત્વદાજ્ઞાં શિરસા ધૃત્વા જપામિ જનપાવનમ્ ।
નાનોપાસનમાર્ગાણાં ભવકૃદ્ભાવબોધકઃ ॥ 10 ॥
ભાવાર્થકૃદ્ભવાતીતો ભવ સૌખ્યપ્રદો મમ ।
ત્વન્માયામોહિતં વિશ્વં ત્વયૈવ પરિકલ્પિતમ્ ॥ 11 ॥
ત્વદધિષ્ઠાનમાત્રેણ સા વૈ સર્વાર્થકારિણી ।
ત્વમેતાં ચ પુરસ્કૃત્ય સર્વકામાન્પ્રદર્શય ॥ 12 ॥
ન મે ત્વદન્યસ્ત્રાતાસ્તિ ત્વદન્યન્ન હિ દૈવતમ્ ।
ત્વદન્યં ન હિ જાનામિ પાલકં પુણ્યવર્ધનમ્ ॥ 13 ॥
યાવત્સાંસારિકો ભાવો મનસ્સ્થો ભાવનાત્મકઃ ।
તાવત્સિદ્ધિર્ભવેત્સાધ્યા સર્વથા સર્વદા વિભો ॥ 14 ॥
પાપિનામહમેવાગ્ર્યો દયાલૂનાં ત્વમગ્રણીઃ ।
દયનીયો મદન્યોઽસ્તિ તવ કોઽત્ર જગત્ત્રયે ॥ 15 ॥
ત્વયાહં નૈવ સૃષ્ટશ્ચેન્ન સ્યાત્તવ દયાલુતા ।
આમયો વા ન સૃષ્ટશ્ચેદૌષધસ્ય વૃથોદયઃ ॥ 16 ॥
પાપસઙ્ઘપરિશ્રાન્તઃ પાપાત્મા પાપરૂપધૃત્ ।
ત્વદન્યઃ કોઽત્ર પાપેભ્યસ્ત્રાતાસ્તિ જગતીતલે ॥ 17 ॥
ત્વમેવ માતા ચ પિતા ત્વમેવ
ત્વમેવ બન્ધુશ્ચ સખા ત્વમેવ ।
ત્વમેવ સેવ્યશ્ચ ગુરુસ્ત્વમેવ
ત્વમેવ સર્વં મમ દેવ દેવ ॥ 18 ॥
પ્રાર્થનાદશકં ચૈવ મૂલાષ્ટકમતઃ પરમ્ ।
યઃ પઠેચ્છૃણુયાન્નિત્યં તસ્ય લક્ષ્મીઃ સ્થિરા ભવેત્ ॥ 19 ॥
નારાયણસ્ય હૃદયં સર્વાભીષ્ટફલપ્રદમ્ ।
લક્ષ્મીહૃદયકં સ્તોત્રં યદિ ચેત્તદ્વિનાકૃતમ્ ॥ 20 ॥
તત્સર્વં નિષ્ફલં પ્રોક્તં લક્ષ્મીઃ ક્રુદ્ધ્યતિ સર્વદા ।
એતત્સઙ્કલિતં સ્તોત્રં સર્વકામફલપ્રદમ્ ॥ 21 ॥
લક્ષ્મીહૃદયકં ચૈવ તથા નારાયણાત્મકમ્ ।
જપેદ્યઃ સઙ્કલીકૃત્ય સર્વાભીષ્ટમવાપ્નુયાત્ ॥ 22 ॥
નારાયણસ્ય હૃદયમાદૌ જપ્ત્વા તતઃ પરમ્ ।
લક્ષ્મીહૃદયકં સ્તોત્રં જપેન્નારાયણં પુનઃ ॥ 23 ॥
પુનર્નારાયણં જપ્ત્વા પુનર્લક્ષ્મીનુતિં જપેત્ ।
પુનર્નારાયણં જાપ્યં સઙ્કલીકરણં ભવેત્ ॥ 24 ॥
એવં મધ્યે દ્વિવારેણ જપેત્સઙ્કલિતં તુ તત્ ।
લક્ષ્મીહૃદયકં સ્તોત્રં સર્વકામપ્રકાશિતમ્ ॥ 25 ॥
તદ્વજ્જપાદિકં કુર્યાદેતત્સઙ્કલિતં શુભમ્ ।
સર્વાન્કામાનવાપ્નોતિ આધિવ્યાધિભયં હરેત્ ॥ 26 ॥
ગોપ્યમેતત્સદા કુર્યાન્ન સર્વત્ર પ્રકાશયેત્ ।
ઇતિ ગુહ્યતમં શાસ્ત્રં પ્રાપ્તં બ્રહ્માદિકૈઃ પુરા ॥ 27 ॥
તસ્માત્સર્વપ્રયત્નેન ગોપયેત્સાધયેસુધીઃ ।
યત્રૈતત્પુસ્તકં તિષ્ઠેલ્લક્ષ્મીનારાયણાત્મકમ્ ॥ 28 ॥
ભૂતપૈશાચવેતાલ ભયં નૈવ તુ સર્વદા ।
લક્ષ્મીહૃદયકં પ્રોક્તં વિધિના સાધયેત્સુધીઃ ॥ 29 ॥
ભૃગુવારે ચ રાત્રૌ ચ પૂજયેત્પુસ્તકદ્વયમ્ ।
સર્વથા સર્વદા સત્યં ગોપયેત્સાધયેત્સુધીઃ ।
ગોપનાત્સાધનાલ્લોકે ધન્યો ભવતિ તત્ત્વતઃ ॥ 30 ॥
ઇત્યથર્વરહસ્યે ઉત્તરભાગે નારાયણહૃદયં સમ્પૂર્ણમ્ ।
અથ લક્ષ્મી હૃદય સ્તોત્રમ્
અસ્ય શ્રી મહાલક્ષ્મીહૃદયસ્તોત્ર મહામન્ત્રસ્ય ભાર્ગવ ઋષિઃ, અનુષ્ટુપાદીનિ નાનાછન્દાંસિ, આદ્યાદિ શ્રીમહાલક્ષ્મીર્દેવતા, શ્રીં બીજં, હ્રીં શક્તિઃ, ઐં કીલકં, આદ્યાદિમહાલક્ષ્મી પ્રસાદસિદ્ધ્યર્થં જપે વિનિયોગઃ ॥
ઋષ્યાદિન્યાસઃ –
ૐ ભાર્ગવૃષયે નમઃ શિરસિ ।
ૐ અનુષ્ટુપાદિનાનાછન્દોભ્યો નમો મુખે ।
ૐ આદ્યાદિશ્રીમહાલક્ષ્મી દેવતાયૈ નમો હૃદયે ।
ૐ શ્રીં બીજાય નમો ગુહ્યે ।
ૐ હ્રીં શક્તયે નમઃ પાદયોઃ ।
ૐ ઐં કીલકાય નમો નાભૌ ।
ૐ વિનિયોગાય નમઃ સર્વાઙ્ગે ।
કરન્યાસઃ –
ૐ શ્રીં અઙ્ગુષ્ઠાભ્યાં નમઃ ।
ૐ હ્રીં તર્જનીભ્યાં નમઃ ।
ૐ ઐં મધ્યમાભ્યાં નમઃ ।
ૐ શ્રીં અનામિકાભ્યાં નમઃ ।
ૐ હ્રીં કનિષ્ઠિકાભ્યાં નમઃ ।
ૐ ઐં કરતલ કરપૃષ્ઠાભ્યાં નમઃ ।
અઙ્ગન્યાસઃ –
ૐ શ્રીં હૃદયાય નમઃ ।
ૐ હ્રીં શિરસે સ્વાહા ।
ૐ ઐં શિખાયૈ વષટ્ ।
ૐ શ્રીં કવચાય હુમ્ ।
ૐ હ્રીં નેત્રત્રયાય વૌષટ્ ।
ૐ ઐં અસ્ત્રાય ફટ્ ।
ૐ શ્રીં હ્રીં ઐં ઇતિ દિગ્બન્ધઃ ।
અથ ધ્યાનમ્ ।
હસ્તદ્વયેન કમલે ધારયન્તીં સ્વલીલયા ।
હારનૂપુરસંયુક્તાં લક્ષ્મીં દેવીં વિચિન્તયે ॥
કૌશેયપીતવસનામરવિન્દનેત્રાં
પદ્મદ્વયાભયવરોદ્યતપદ્મહસ્તામ્ ।
ઉદ્યચ્છતાર્કસદૃશીં પરમાઙ્કસંસ્થાં
ધ્યાયેદ્વિધીશનતપાદયુગાં જનિત્રીમ્ ॥
પીતવસ્ત્રાં સુવર્ણાઙ્ગીં પદ્મહસ્તદ્વાયાન્વિતામ્ ।
લક્ષ્મીં ધ્યાત્વેતિ મન્ત્રેણ સ ભવેત્પૃથિવીપતિઃ ॥
માતુલુઙ્ગં ગદાં ખેટં પાણૌ પાત્રં ચ બિભ્રતી ।
નાગં લિઙ્ગં ચ યોનિં ચ બિભ્રતીં ચૈવ મૂર્ધનિ ॥
[ ઇતિ ધ્યાત્વા માનસોપચારૈઃ સમ્પૂજ્ય ।
શઙ્ખચક્રગદાહસ્તે શુભ્રવર્ણે સુવાસિની ।
મમ દેહિ વરં લક્ષ્મીઃ સર્વસિદ્ધિપ્રદાયિની ।
ઇતિ સમ્પ્રાર્થ્ય ૐ શ્રીં હ્રીં ઐં મહાલક્ષ્મ્યૈ કમલધારિણ્યૈ સિંહવાહિન્યૈ સ્વાહા ઇતિ મન્ત્રં જપ્ત્વા પુનઃ પૂર્વવદ્ધૃદયાદિ ષડઙ્ગન્યાસં કૃત્વા સ્તોત્રં પઠેત્ । ]
સ્તોત્રમ્ ।
વન્દે લક્ષ્મીં પરમશિવમયીં શુદ્ધજામ્બૂનદાભાં
તેજોરૂપાં કનકવસનાં સર્વભૂષોજ્જ્વલાઙ્ગીમ્ ।
બીજાપૂરં કનકકલશં હેમપદ્મં દધાના-
-માદ્યાં શક્તિં સકલજનનીં વિષ્ણુવામાઙ્કસંસ્થામ્ ॥ 1 ॥
શ્રીમત્સૌભાગ્યજનનીં સ્તૌમિ લક્ષ્મીં સનાતનીમ્ ।
સર્વકામફલાવાપ્તિસાધનૈકસુખાવહામ્ ॥ 2 ॥
સ્મરામિ નિત્યં દેવેશિ ત્વયા પ્રેરિતમાનસઃ ।
ત્વદાજ્ઞાં શિરસા ધૃત્વા ભજામિ પરમેશ્વરીમ્ ॥ 3 ॥
સમસ્તસમ્પત્સુખદાં મહાશ્રિયં
સમસ્તસૌભાગ્યકરીં મહાશ્રિયમ્ ।
સમસ્તકલ્યાણકરીં મહાશ્રિયં
ભજામ્યહં જ્ઞાનકરીં મહાશ્રિયમ્ ॥ 4 ॥
વિજ્ઞાનસમ્પત્સુખદાં સનાતનીં
વિચિત્રવાગ્ભૂતિકરીં મનોહરામ્ ।
અનન્તસમ્મોદસુખપ્રદાયિનીં
નમામ્યહં ભૂતિકરીં હરિપ્રિયામ્ ॥ 5 ॥
સમસ્તભૂતાન્તરસંસ્થિતા ત્વં
સમસ્તભોક્ત્રીશ્વરિ વિશ્વરૂપે ।
તન્નાસ્તિ યત્ત્વદ્વ્યતિરિક્તવસ્તુ
ત્વત્પાદપદ્મં પ્રણમામ્યહં શ્રીઃ ॥ 6 ॥
દારિદ્ર્ય દુઃખૌઘતમોપહન્ત્રી
ત્વત્પાદપદ્મં મયિ સન્નિધત્સ્વ ।
દીનાર્તિવિચ્છેદનહેતુભૂતૈઃ
કૃપાકટાક્ષૈરભિષિઞ્ચ માં શ્રીઃ ॥ 7 ॥
અમ્બ પ્રસીદ કરુણાસુધયાર્દ્રદૃષ્ટ્યા
માં ત્વત્કૃપાદ્રવિણગેહમિમં કુરુષ્વ ।
આલોકય પ્રણતહૃદ્ગતશોકહન્ત્રી
ત્વત્પાદપદ્મયુગલં પ્રણમામ્યહં શ્રીઃ ॥ 8 ॥
શાન્ત્યૈ નમોઽસ્તુ શરણાગતરક્ષણાયૈ
કાન્ત્યૈ નમોઽસ્તુ કમનીયગુણાશ્રયાયૈ ।
ક્ષાન્ત્યૈ નમોઽસ્તુ દુરિતક્ષયકારણાયૈ
દાત્ર્યૈ નમોઽસ્તુ ધનધાન્યસમૃદ્ધિદાયૈ ॥ 9 ॥
શક્ત્યૈ નમોઽસ્તુ શશિશેખરસંસ્તુતાયૈ
રત્યૈ નમોઽસ્તુ રજનીકરસોદરાયૈ ।
ભક્ત્યૈ નમોઽસ્તુ ભવસાગરતારકાયૈ
મત્યૈ નમોઽસ્તુ મધુસૂદનવલ્લભાયૈ ॥ 10 ॥
લક્ષ્મ્યૈ નમોઽસ્તુ શુભલક્ષણલક્ષિતાયૈ
સિદ્ધ્યૈ નમોઽસ્તુ શિવસિદ્ધસુપૂજિતાયૈ ।
ધૃત્યૈ નમોઽસ્ત્વમિતદુર્ગતિભઞ્જનાયૈ
ગત્યૈ નમોઽસ્તુ વરસદ્ગતિદાયિકાયૈ ॥ 11 ॥
દેવ્યૈ નમોઽસ્તુ દિવિ દેવગણાર્ચિતાયૈ
ભૂત્યૈ નમોઽસ્તુ ભુવનાર્તિવિનાશનાયૈ ।
ધાત્ર્યૈ નમોઽસ્તુ ધરણીધરવલ્લભાયૈ
પુષ્ટ્યૈ નમોઽસ્તુ પુરુષોત્તમવલ્લભાયૈ ॥ 12 ॥
સુતીવ્રદારિદ્ર્યવિદુઃખહન્ત્ર્યૈ
નમોઽસ્તુ તે સર્વભયાપહન્ત્ર્યૈ ।
શ્રીવિષ્ણુવક્ષઃસ્થલસંસ્થિતાયૈ
નમો નમઃ સર્વવિભૂતિદાયૈ ॥ 13 ॥
જયતુ જયતુ લક્ષ્મીર્લક્ષણાલઙ્કૃતાઙ્ગી
જયતુ જયતુ પદ્મા પદ્મસદ્માભિવન્દ્યા ।
જયતુ જયતુ વિદ્યા વિષ્ણુવામાઙ્કસંસ્થા
જયતુ જયતુ સમ્યક્સર્વસમ્પત્કરી શ્રીઃ ॥ 14 ॥
જયતુ જયતુ દેવી દેવસઙ્ઘાભિપૂજ્યા
જયતુ જયતુ ભદ્રા ભાર્ગવી ભાગ્યરૂપા ।
જયતુ જયતુ નિત્યા નિર્મલજ્ઞાનવેદ્યા
જયતુ જયતુ સત્યા સર્વભૂતાન્તરસ્થા ॥ 15 ॥
જયતુ જયતુ રમ્યા રત્નગર્ભાન્તરસ્થા
જયતુ જયતુ શુદ્ધા શુદ્ધજામ્બૂનદાભા ।
જયતુ જયતુ કાન્તા કાન્તિમદ્ભાસિતાઙ્ગી
જયતુ જયતુ શાન્તા શીઘ્રમાગચ્છ સૌમ્યે ॥ 16 ॥
યસ્યાઃ કલાયાઃ કમલોદ્ભવાદ્યા
રુદ્રાશ્ચ શક્ર પ્રમુખાશ્ચ દેવાઃ ।
જીવન્તિ સર્વેઽપિ સશક્તયસ્તે
પ્રભુત્વમાપ્તાઃ પરમાયુષસ્તે ॥ 17 ॥
લિલેખ નિટિલે વિધિર્મમ લિપિં વિસૃજ્યાન્તરં
ત્વયા વિલિખિતવ્યમેતદિતિ તત્ફલપ્રાપ્તયે ।
તદન્તરફલેસ્ફુટં કમલવાસિની શ્રીરિમાં
સમર્પય સમુદ્રિકાં સકલભાગ્યસંસૂચિકામ્ ॥ 18 ॥
કલયા તે યથા દેવિ જીવન્તિ સચરાચરાઃ ।
તથા સમ્પત્કરે લક્ષ્મિ સર્વદા સમ્પ્રસીદ મે ॥ 19 ॥
યથા વિષ્ણુર્ધ્રુવે નિત્યં સ્વકલાં સન્ન્યવેશયત્ ।
તથૈવ સ્વકલાં લક્ષ્મિ મયિ સમ્યક્ સમર્પય ॥ 20 ॥
સર્વસૌખ્યપ્રદે દેવિ ભક્તાનામભયપ્રદે ।
અચલાં કુરુ યત્નેન કલાં મયિ નિવેશિતામ્ ॥ 21 ॥
મુદાસ્તાં મત્ફાલે પરમપદલક્ષ્મીઃ સ્ફુટકલા
સદા વૈકુણ્ઠશ્રીર્નિવસતુ કલા મે નયનયોઃ ।
વસેત્સત્યે લોકે મમ વચસિ લક્ષ્મીર્વરકલા
શ્રિયઃ શ્વેતદ્વીપે નિવસતુ કલા મે સ્વકરયોઃ ॥ 22 ॥
તાવન્નિત્યં મમાઙ્ગેષુ ક્ષીરાબ્ધૌ શ્રીકલા વસેત્ ।
સૂર્યાચન્દ્રમસૌ યાવદ્યાવલ્લક્ષ્મીપતિઃ શ્રિયાઃ ॥ 23 ॥
સર્વમઙ્ગલસમ્પૂર્ણા સર્વૈશ્વર્યસમન્વિતા ।
આદ્યાદિ શ્રીર્મહાલક્ષ્મી ત્વત્કલા મયિ તિષ્ઠતુ ॥ 24 ॥
અજ્ઞાનતિમિરં હન્તું શુદ્ધજ્ઞાનપ્રકાશિકા ।
સર્વૈશ્વર્યપ્રદા મેઽસ્તુ ત્વત્કલા મયિ સંસ્થિતા ॥ 25 ॥
અલક્ષ્મીં હરતુ ક્ષિપ્રં તમઃ સૂર્યપ્રભા યથા ।
વિતનોતુ મમ શ્રેયસ્ત્વત્કલા મયિ સંસ્થિતા ॥ 26 ॥
ઐશ્વર્યમઙ્ગલોત્પત્તિસ્ત્વત્કલાયાં નિધીયતે ।
મયિ તસ્માત્કૃતાર્થોઽસ્મિ પાત્રમસ્મિ સ્થિતેસ્તવ ॥ 27 ॥
ભવદાવેશભાગ્યાર્હો ભાગ્યવાનસ્મિ ભાર્ગવિ ।
ત્વત્પ્રસાદાત્પવિત્રોઽહં લોકમાતર્નમોઽસ્તુ તે ॥ 28 ॥
પુનાસિ માં ત્વત્કલયૈવ યસ્મા-
-દતઃ સમાગચ્છ મમાગ્રતસ્ત્વમ્ ।
પરં પદં શ્રીર્ભવ સુપ્રસન્ના
મય્યચ્યુતેન પ્રવિશાદિલક્ષ્મીઃ ॥ 29 ॥
શ્રીવૈકુણ્ઠસ્થિતે લક્ષ્મિ સમાગચ્છ મમાગ્રતઃ ।
નારાયણેન સહ માં કૃપાદૃષ્ટ્યાઽવલોકય ॥ 30 ॥
સત્યલોકસ્થિતે લક્ષ્મિ ત્વં મમાગચ્છ સન્નિધિમ્ ।
વાસુદેવેન સહિતા પ્રસીદ વરદા ભવ ॥ 31 ॥
શ્વેતદ્વીપસ્થિતે લક્ષ્મિ શીઘ્રમાગચ્છ સુવ્રતે ।
વિષ્ણુના સહિતે દેવિ જગન્માતઃ પ્રસીદ મે ॥ 32 ॥
ક્ષીરામ્બુધિસ્થિતે લક્ષ્મિ સમાગચ્છ સમાધવા ।
ત્વત્કૃપાદૃષ્ટિસુધયા સતતં માં વિલોકય ॥ 33 ॥
રત્નગર્ભસ્થિતે લક્ષ્મિ પરિપૂર્ણે હિરણ્મયે ।
સમાગચ્છ સમાગચ્છ સ્થિત્વાઽઽશુ પુરતો મમ ॥ 34 ॥
સ્થિરા ભવ મહાલક્ષ્મિ નિશ્ચલા ભવ નિર્મલે ।
પ્રસન્ને કમલે દેવિ પ્રસન્નહૃદયા ભવ ॥ 35 ॥
શ્રીધરે શ્રીમહાભૂતે ત્વદન્તઃસ્થં મહાનિધિમ્ ।
શીઘ્રમુદ્ધૃત્ય પુરતઃ પ્રદર્શય સમર્પય ॥ 36 ॥
વસુન્ધરે શ્રીવસુધે વસુદોગ્ધ્રિ કૃપામયે ।
ત્વત્કુક્ષિગતસર્વસ્વં શીઘ્રં મે સમ્પ્રદર્શય ॥ 37 ॥
વિષ્ણુપ્રિયે રત્નગર્ભે સમસ્તફલદે શિવે ।
ત્વદ્ગર્ભગતહેમાદીન્ સમ્પ્રદર્શય દર્શય ॥ 38 ॥
રસાતલગતે લક્ષ્મિ શીઘ્રમાગચ્છ મે પુરઃ ।
ન જાને પરમં રૂપં માતર્મે સમ્પ્રદર્શય ॥ 39 ॥
આવિર્ભવ મનોવેગાચ્છીઘ્રમાગચ્છ મે પુરઃ ।
મા વત્સ ભૈરિહેત્યુક્ત્વા કામં ગૌરિવ રક્ષ મામ્ ॥ 40 ॥
દેવિ શીઘ્રં સમાગચ્છ ધરણીગર્ભસંસ્થિતે ।
માતસ્ત્વદ્ભૃત્યભૃત્યોઽહં મૃગયે ત્વાં કુતૂહલાત્ ॥ 41 ॥
ઉત્તિષ્ઠ જાગૃહિ ત્વં મે સમુત્તિષ્ઠ સુજાગૃહિ ।
અક્ષયાન્ હેમકલશાન્ સુવર્ણેન સુપૂરિતાન્ ॥ 42 ॥
નિક્ષેપાન્મે સમાકૃષ્ય સમુદ્ધૃત્ય મમાગ્રતઃ ।
સમુન્નતાનના ભૂત્વા સમાધેહિ ધરાન્તરાત્ ॥ 43 ॥
મત્સન્નિધિં સમાગચ્છ મદાહિતકૃપારસાત્ ।
પ્રસીદ શ્રેયસાં દોગ્ધ્રી લક્ષ્મીર્મે નયનાગ્રતઃ ॥ 44 ॥
અત્રોપવિશ લક્ષ્મિ ત્વં સ્થિરા ભવ હિરણ્મયે ।
સુસ્થિરા ભવ સમ્પ્રીત્યા પ્રસીદ વરદા ભવ ॥ 45 ॥
આનીતાંસ્તુ તથા દેવિ નિધીન્મે સમ્પ્રદર્શય ।
અદ્ય ક્ષણેન સહસા દત્ત્વા સંરક્ષ માં સદા ॥ 46 ॥
મયિ તિષ્ઠ તથા નિત્યં યથેન્દ્રાદિષુ તિષ્ઠસિ ।
અભયં કુરુ મે દેવિ મહાલક્ષ્મીર્નમોઽસ્તુ તે ॥ 47 ॥
સમાગચ્છ મહાલક્ષ્મિ શુદ્ધજામ્બૂનદપ્રભે ।
પ્રસીદ પુરતઃ સ્થિત્વા પ્રણતં માં વિલોકય ॥ 48 ॥
લક્ષ્મીર્ભુવં ગતા ભાસિ યત્ર યત્ર હિરણ્મયી ।
તત્ર તત્ર સ્થિતા ત્વં મે તવ રૂપં પ્રદર્શય ॥ 49 ॥
ક્રીડન્તી બહુધા ભૂમૌ પરિપૂર્ણકૃપામયિ ।
મમ મૂર્ધનિ તે હસ્તમવિલમ્બિતમર્પય ॥ 50 ॥
ફલદ્ભાગ્યોદયે લક્ષ્મિ સમસ્તપુરવાસિની ।
પ્રસીદ મે મહાલક્ષ્મિ પરિપૂર્ણમનોરથે ॥ 51 ॥
અયોધ્યાદિષુ સર્વેષુ નગરેષુ સમાસ્થિતે ।
વૈભવૈર્વિવિધૈર્યુક્તૈઃ સમાગચ્છ મુદાન્વિતે ॥ 52 ॥
સમાગચ્છ સમાગચ્છ મમાગ્રે ભવ સુસ્થિરા ।
કરુણારસનિષ્યન્દનેત્રદ્વય વિલાસિની ॥ 53 ॥ [નિષ્પન્ન]
સન્નિધત્સ્વ મહાલક્ષ્મિ ત્વત્પાણિં મમ મસ્તકે ।
કરુણાસુધયા માં ત્વમભિષિઞ્ચ્ય સ્થિરં કુરુ ॥ 54 ॥
સર્વરાજગૃહે લક્ષ્મિ સમાગચ્છ બલાન્વિતે । [મુદાન્વિતે]
સ્થિત્વાઽઽશુ પુરતો મેઽદ્ય પ્રસાદેનાઽભયં કુરુ ॥ 55 ॥
સાદરં મસ્તકે હસ્તં મમ ત્વં કૃપયાર્પય ।
સર્વરાજગૃહે લક્ષ્મિ ત્વત્કલા મયિ તિષ્ઠતુ ॥ 56 ॥
આદ્યાદિ શ્રીમહાલક્ષ્મિ વિષ્ણુવામાઙ્કસંસ્થિતે ।
પ્રત્યક્ષં કુરુ મે રૂપં રક્ષ માં શરણાગતમ્ ॥ 57 ॥
પ્રસીદ મે મહાલક્ષ્મિ સુપ્રસીદ મહાશિવે ।
અચલા ભવ સમ્પ્રીત્યા સુસ્થિરા ભવ મદ્ગૃહે ॥ 58 ॥
યાવત્તિષ્ઠન્તિ વેદાશ્ચ યાવચ્ચન્દ્રદિવાકરૌ ।
યાવદ્વિષ્ણુશ્ચ યાવત્ત્વં તાવત્કુરુ કૃપાં મયિ ॥ 59 ॥
ચાન્દ્રીકલા યથા શુક્લે વર્ધતે સા દિને દિને ।
તથા દયા તે મય્યેવ વર્ધતામભિવર્ધતામ્ ॥ 60 ॥
યથા વૈકુણ્ઠનગરે યથા વૈ ક્ષીરસાગરે ।
તથા મદ્ભવને તિષ્ઠ સ્થિરં શ્રીવિષ્ણુના સહ ॥ 61 ॥
યોગિનાં હૃદયે નિત્યં યથા તિષ્ઠસિ વિષ્ણુના ।
તથા મદ્ભવને તિષ્ઠ સ્થિરં શ્રીવિષ્ણુના સહ ॥ 62 ॥
નારાયણસ્ય હૃદયે ભવતી યથાસ્તે
નારાયણોઽપિ તવ હૃત્કમલે યથાસ્તે ।
નારાયણસ્ત્વમપિ નિત્યમુભૌ તથૈવ
તૌ તિષ્ઠતાં હૃદિ મમાપિ દયાન્વિતૌ શ્રીઃ ॥ 63 ॥
વિજ્ઞાનવૃદ્ધિં હૃદયે કુરુ શ્રીઃ
સૌભાગ્યવૃદ્ધિં કુરુ મે ગૃહે શ્રીઃ ।
દયાસુવૃદ્ધિં કુરુતાં મયિ શ્રીઃ
સુવર્ણવૃદ્ધિં કુરુ મે ગૃહે શ્રીઃ ॥ 64 ॥
ન માં ત્યજેથાઃ શ્રિતકલ્પવલ્લિ
સદ્ભક્તચિન્તામણિકામધેનો ।
વિશ્વસ્ય માતર્ભવ સુપ્રસન્ના
ગૃહે કલત્રેષુ ચ પુત્રવર્ગે ॥ 65 ॥
આદ્યાદિમાયે ત્વમજાણ્ડબીજં
ત્વમેવ સાકારનિરાકૃતિસ્ત્વમ્ ।
ત્વયા ધૃતાશ્ચાબ્જભવાણ્ડસઙ્ઘા-
-શ્ચિત્રં ચરિત્રં તવ દેવિ વિષ્ણોઃ ॥ 66 ॥
બ્રહ્મરુદ્રાદયો દેવા વેદાશ્ચાપિ ન શક્નુયુઃ ।
મહિમાનં તવ સ્તોતું મન્દોઽહં શક્નુયાં કથમ્ ॥ 67 ॥
અમ્બ ત્વદ્વત્સવાક્યાનિ સૂક્તાસૂક્તાનિ યાનિ ચ ।
તાનિ સ્વીકુરુ સર્વજ્ઞે દયાલુત્વેન સાદરમ્ ॥ 68 ॥
ભવતીં શરણં ગત્વા કૃતાર્થાઃ સ્યુઃ પુરાતનાઃ ।
ઇતિ સઞ્ચિન્ત્ય મનસા ત્વામહં શરણં વ્રજે ॥ 69 ॥
અનન્તા નિત્યસુખિનસ્ત્વદ્ભક્તાસ્ત્વત્પરાયણાઃ ।
ઇતિ વેદપ્રમાણાદ્ધિ દેવિ ત્વાં શરણં વ્રજે ॥ 70 ॥
તવ પ્રતિજ્ઞા મદ્ભક્તા ન નશ્યન્તીત્યપિ ક્વચિત્ ।
ઇતિ સઞ્ચિન્ત્ય સઞ્ચિન્ત્ય પ્રાણાન્ સન્ધારયામ્યહમ્ ॥ 71 ॥
ત્વદધીનસ્ત્વહં માતસ્ત્વત્કૃપા મયિ વિદ્યતે ।
યાવત્સમ્પૂર્ણકામઃ સ્યાત્તાવદ્દેહિ દયાનિધે ॥ 72 ॥
ક્ષણમાત્રં ન શક્નોમિ જીવિતું ત્વત્કૃપાં વિના ।
ન જીવન્તીહ જલજા જલં ત્યક્ત્વા જલગ્રહાઃ ॥ 73 ॥
યથા હિ પુત્રવાત્સલ્યાજ્જનની પ્રસ્નુતસ્તની ।
વત્સં ત્વરિતમાગત્ય સમ્પ્રીણયતિ વત્સલા ॥ 74 ॥
યદિ સ્યાં તવ પુત્રોઽહં માતા ત્વં યદિ મામકી ।
દયાપયોધરસ્તન્યસુધાભિરભિષિઞ્ચ મામ્ ॥ 75 ॥
મૃગ્યો ન ગુણલેશોઽપિ મયિ દોષૈકમન્દિરે ।
પાંસૂનાં વૃષ્ટિબિન્દૂનાં દોષાણાં ચ ન મે મતિઃ ॥ 76 ॥
પાપિનામહમેવાગ્ર્યો દયાલૂનાં ત્વમગ્રણીઃ ।
દયનીયો મદન્યોઽસ્તિ તવ કોઽત્ર જગત્ત્રયે ॥ 77 ॥
વિધિનાહં ન સૃષ્ટશ્ચેન્ન સ્યાત્તવ દયાલુતા ।
આમયો વા ન સૃષ્ટશ્ચેદૌષધસ્ય વૃથોદયઃ ॥ 78 ॥
કૃપા મદગ્રજા કિં તે અહં કિં વા તદગ્રજઃ ।
વિચાર્ય દેહિ મે વિત્તં તવ દેવિ દયાનિધે ॥ 79 ॥
માતા પિતા ત્વં ગુરુસદ્ગતિઃ શ્રી-
-સ્ત્વમેવ સઞ્જીવનહેતુભૂતા ।
અન્યં ન મન્યે જગદેકનાથે
ત્વમેવ સર્વં મમ દેવિ સત્યે ॥ 80 ॥
આદ્યાદિલક્ષ્મીર્ભવ સુપ્રસન્ના
વિશુદ્ધવિજ્ઞાનસુખૈકદોગ્ધ્રી ।
અજ્ઞાનહન્ત્રી ત્રિગુણાતિરિક્તા
પ્રજ્ઞાનનેત્રી ભવ સુપ્રસન્ના ॥ 81 ॥
અશેષવાગ્જાડ્યમલાપહન્ત્રી
નવં નવં સ્પષ્ટસુવાક્પ્રદાયિની ।
મમેહ જિહ્વાગ્ર સુરઙ્ગનર્તકી [નર્તિની]
ભવ પ્રસન્ના વદને ચ મે શ્રીઃ ॥ 82 ॥
સમસ્તસમ્પત્સુવિરાજમાના
સમસ્તતેજશ્ચયભાસમાના ।
વિષ્ણુપ્રિયે ત્વં ભવ દીપ્યમાના
વાગ્દેવતા મે નયને પ્રસન્ના ॥ 83 ॥
સર્વપ્રદર્શે સકલાર્થદે ત્વં
પ્રભાસુલાવણ્યદયાપ્રદોગ્ધ્રી ।
સુવર્ણદે ત્વં સુમુખી ભવ શ્રી-
-ર્હિરણ્મયી મે નયને પ્રસન્ના ॥ 84 ॥
સર્વાર્થદા સર્વજગત્પ્રસૂતિઃ
સર્વેશ્વરી સર્વભયાપહન્ત્રી ।
સર્વોન્નતા ત્વં સુમુખી ભવ શ્રી-
-ર્હિરણ્મયી મે નયને પ્રસન્ના ॥ 85 ॥
સમસ્તવિઘ્નૌઘવિનાશકારિણી
સમસ્તભક્તોદ્ધરણે વિચક્ષણા ।
અનન્તસૌભાગ્યસુખપ્રદાયિની
હિરણ્મયી મે નયને પ્રસન્ના ॥ 86 ॥
દેવિ પ્રસીદ દયનીયતમાય મહ્યં
દેવાધિનાથભવદેવગણાભિવન્દ્યે ।
માતસ્તથૈવ ભવ સન્નિહિતા દૃશોર્મે
પત્યા સમં મમ મુખે ભવ સુપ્રસન્ના ॥ 87 ॥
મા વત્સ ભૈરભયદાનકરોઽર્પિતસ્તે
મૌલૌ મમેતિ મયિ દીનદયાનુકમ્પે ।
માતઃ સમર્પય મુદા કરુણાકટાક્ષં
માઙ્ગલ્યબીજમિહ નઃ સૃજ જન્મ માતઃ ॥ 88 ॥
કટાક્ષ ઇહ કામધુક્તવ મનસ્તુ ચિન્તામણિઃ
કરઃ સુરતરુઃ સદા નવનિધિસ્ત્વમેવેન્દિરે ।
ભવે તવ દયારસો મમ રસાયનં ચાન્વહં
મુખં તવ કલાનિધિર્વિવિધવાઞ્છિતાર્થપ્રદમ્ ॥ 89 ॥
યથા રસસ્પર્શનતોઽયસોઽપિ
સુવર્ણતા સ્યાત્કમલે તથા તે ।
કટાક્ષસંસ્પર્શનતો જનાના-
-મમઙ્ગલાનામપિ મઙ્ગલત્વમ્ ॥ 90 ॥
દેહીતિ નાસ્તીતિ વચઃ પ્રવેશા-
-દ્ભીતો રમે ત્વાં શરણં પ્રપદ્યે ।
અતઃ સદાઽસ્મિન્નભયપ્રદા ત્વં
સહૈવ પત્યા મયિ સન્નિધેહિ ॥ 91 ॥
કલ્પદ્રુમેણ મણિના સહિતા સુરમ્યા
શ્રીસ્તે કલા મયિ રસેન રસાયનેન ।
આસ્તાં યતો મમ શિરઃકરદૃષ્ટિપાદ-
-સ્પૃષ્ટાઃ સુવર્ણવપુષઃ સ્થિરજઙ્ગમાઃ સ્યુઃ ॥ 92 ॥
આદ્યાદિવિષ્ણોઃ સ્થિરધર્મપત્ની
ત્વમેવ પત્યા મયિ સન્નિધેહિ ।
આદ્યાદિલક્ષ્મિ ત્વદનુગ્રહેણ
પદે પદે મે નિધિદર્શનં સ્યાત્ ॥ 93 ॥
આદ્યાદિલક્ષ્મીહૃદયં પઠેદ્યઃ
સ રાજ્યલક્ષ્મીમચલાં તનોતિ ।
મહાદરિદ્રોઽપિ ભવેદ્ધનાઢ્ય-
-સ્તદન્વયે શ્રીઃ સ્થિરતાં પ્રયાતિ ॥ 94 ॥
યસ્ય સ્મરણમાત્રેણ તુષ્ટા સ્યાદ્વિષ્ણુવલ્લભા ।
તસ્યાભીષ્ટં દદત્યાશુ તં પાલયતિ પુત્રવત્ ॥ 95 ॥
ઇદં રહસ્યં હૃદયં સર્વકામફલપ્રદમ્ ।
જપઃ પઞ્ચસહસ્રં તુ પુરશ્ચરણમુચ્યતે ॥ 96 ॥
ત્રિકાલમેકકાલં વા નરો ભક્તિસમન્વિતઃ ।
યઃ પઠેચ્છૃણુયાદ્વાપિ સ યાતિ પરમાં શ્રિયમ્ ॥ 97 ॥
મહાલક્ષ્મીં સમુદ્દિશ્ય નિશિ ભાર્ગવવાસરે ।
ઇદં શ્રીહૃદયં જપ્ત્વા પઞ્ચવારં ધની ભવેત્ ॥ 98 ॥
અનેન હૃદયેનાન્નં ગર્ભિણ્યા અભિમન્ત્રિતમ્ ।
દદાતિ તત્કુલે પુત્રો જાયતે શ્રીપતિઃ સ્વયમ્ ॥ 99 ॥
નરેણ વાઽથવા નાર્યા લક્ષ્મીહૃદયમન્ત્રિતે ।
જલે પીતે ચ તદ્વંશે મન્દભાગ્યો ન જાયતે ॥ 100 ॥
ય આશ્વિને માસિ ચ શુક્લપક્ષે
રમોત્સવે સન્નિહિતે સુભક્ત્યા ।
પઠેત્તથૈકોત્તરવારવૃદ્ધ્યા
લભેત્સ સૌવર્ણમયીં સુવૃષ્ટિમ્ ॥ 101 ॥
ય એકભક્તોઽન્વહમેકવર્ષં
વિશુદ્ધધીઃ સપ્તતિવારજાપી ।
સ મન્દભાગ્યોઽપિ રમાકટાક્ષા-
-દ્ભવેત્સહસ્રાક્ષશતાધિકશ્રીઃ ॥ 102 ॥
શ્રીશાઙ્ઘ્રિભક્તિં હરિદાસદાસ્યં
પ્રસન્નમન્ત્રાર્થદૃઢૈકનિષ્ઠામ્ ।
ગુરોઃ સ્મૃતિં નિર્મલબોધબુદ્ધિં
પ્રદેહિ માતઃ પરમં પદં શ્રીઃ ॥ 103 ॥
પૃથ્વીપતિત્વં પુરુષોત્તમત્વં
વિભૂતિવાસં વિવિધાર્થસિદ્ધિમ્ ।
સમ્પૂર્ણકીર્તિં બહુવર્ષભોગં
પ્રદેહિ મે લક્ષ્મિ પુનઃ પુનસ્ત્વમ્ ॥ 104 ॥
વાદાર્થસિદ્ધિં બહુલોકવશ્યં
વયઃ સ્થિરત્વં લલનાસુભોગમ્ ।
પૌત્રાદિલબ્ધિં સકલાર્થસિદ્ધિં
પ્રદેહિ મે ભાર્ગવિ જન્મજન્મનિ ॥ 105 ॥
સુવર્ણવૃદ્ધિં કુરુ મે ગૃહે શ્રીઃ
સુધાન્યવૃદ્ધિં કુરૂ મે ગૃહે શ્રીઃ ।
કલ્યાણવૃદ્ધિં કુરુ મે ગૃહે શ્રીઃ
વિભૂતિવૃદ્ધિં કુરુ મે ગૃહે શ્રીઃ ॥ 106 ॥
ધ્યાયેલ્લક્ષ્મીં પ્રહસિતમુખીં કોટિબાલાર્કભાસાં
વિદ્યુદ્વર્ણામ્બરવરધરાં ભૂષણાઢ્યાં સુશોભામ્ ।
બીજાપૂરં સરસિજયુગં બિભ્રતીં સ્વર્ણપાત્રં
ભર્ત્રાયુક્તાં મુહુરભયદાં મહ્યમપ્યચ્યુતશ્રીઃ ॥ 107 ॥
ગુહ્યાતિગુહ્યગોપ્ત્રી ત્વં ગૃહાણાસ્મત્કૃતં જપમ્ ।
સિદ્ધિર્ભવતુ મે દેવિ ત્વત્પ્રસાદાન્મયિ સ્થિતા ॥ 108 ॥
ઇતિ શ્રીઅથર્વણરહસ્યે શ્રીલક્ષ્મીહૃદયસ્તોત્રં સમ્પૂર્ણમ્ ॥
Roman (IAST) Transliteration
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
Sanskrit — Devanagari (original)
अथ नारायन हृदय स्तोत्रम्
अस्य श्रीनारायणहृदयस्तोत्रमन्त्रस्य भार्गव ऋषिः, अनुष्टुप्छन्दः, श्रीलक्ष्मीनारायणो देवता, ॐ बीजं, नमश्शक्तिः, नारायणायेति कीलकं, श्रीलक्ष्मीनारायण प्रीत्यर्थे जपे विनियोगः ।
करन्यासः ।
ॐ नारायणः परं ज्योतिरिति अङ्गुष्ठाभ्यां नमः ।
नारायणः परं ब्रह्मेति तर्जनीभ्यां नमः ।
नारायणः परो देव इति मध्यमाभ्यां नमः ।
नारायणः परं धामेति अनामिकाभ्यां नमः ।
नारायणः परो धर्म इति कनिष्ठिकाभ्यां नमः ।
विश्वं नारायण इति करतलकरपृष्ठाभ्यां नमः ।
अङ्गन्यासः ।
नारायणः परं ज्योतिरिति हृदयाय नमः ।
नारायणः परं ब्रह्मेति शिरसे स्वाहा ।
नारायणः परो देव इति शिखायै वौषट् ।
नारायणः परं धामेति कवचाय हुम् ।
नारायणः परो धर्म इति नेत्राभ्यां वौषट् ।
विश्वं नारायण इति अस्त्राय फट् ।
दिग्बन्धः ।
ॐ ऐन्द्र्यादिदशदिशं ॐ नमः सुदर्शनाय सहस्राराय हुं फट् बध्नामि नमश्चक्राय स्वाहा । इति प्रतिदिशं योज्यम् ।
अथ ध्यानम् ।
उद्यादादित्यसङ्काशं पीतवासं चतुर्भुजम् ।
शङ्खचक्रगदापाणिं ध्यायेल्लक्ष्मीपतिं हरिम् ॥ 1 ॥
त्रैलोक्याधारचक्रं तदुपरि कमठं तत्र चानन्तभोगी
तन्मध्ये भूमिपद्माङ्कुशशिखरदलं कर्णिकाभूतमेरुम् ।
तत्रस्थं शान्तमूर्तिं मणिमयमकुटं कुण्डलोद्भासिताङ्गं
लक्ष्मीनारायणाख्यं सरसिजनयनं सन्ततं चिन्तयामि ॥ 2 ॥
अथ मूलाष्टकम् ।
ओम् ॥ नारायणः परं ज्योतिरात्मा नारायणः परः ।
नारायणः परं ब्रह्म नारायण नमोऽस्तु ते ॥ 1 ॥
नारायणः परो देवो धाता नारायणः परः ।
नारायणः परो धाता नारायण नमोऽस्तु ते ॥ 2 ॥
नारायणः परं धाम ध्यानं नारायणः परः ।
नारायण परो धर्मो नारायण नमोऽस्तु ते ॥ 3 ॥
नारायणः परोवेद्यः विद्या नारायणः परः ।
विश्वं नारायणः साक्षान्नारायण नमोऽस्तु ते ॥ 4 ॥
नारायणाद्विधिर्जातो जातो नारायणाद्भवः ।
जातो नारायणादिन्द्रो नारायण नमोऽस्तु ते ॥ 5 ॥
रविर्नारायणस्तेजः चन्द्रो नारायणो महः ।
वह्निर्नारायणः साक्षान्नारायण नमोऽस्तु ते ॥ 6 ॥
नारायण उपास्यः स्याद्गुरुर्नारायणः परः ।
नारायणः परो बोधो नारायण नमोऽस्तु ते ॥ 7 ॥
नारायणः फलं मुख्यं सिद्धिर्नारायणः सुखम् ।
सेव्योनारायणः शुद्धो नारायण नमोऽस्तु ते ॥ 8 ॥ [हरि]
अथ प्रार्थनादशकम् ।
नारायण त्वमेवासि दहराख्ये हृदि स्थितः ।
प्रेरकः प्रेर्यमाणानां त्वया प्रेरितमानसः ॥ 9 ॥
त्वदाज्ञां शिरसा धृत्वा जपामि जनपावनम् ।
नानोपासनमार्गाणां भवकृद्भावबोधकः ॥ 10 ॥
भावार्थकृद्भवातीतो भव सौख्यप्रदो मम ।
त्वन्मायामोहितं विश्वं त्वयैव परिकल्पितम् ॥ 11 ॥
त्वदधिष्ठानमात्रेण सा वै सर्वार्थकारिणी ।
त्वमेतां च पुरस्कृत्य सर्वकामान्प्रदर्शय ॥ 12 ॥
न मे त्वदन्यस्त्रातास्ति त्वदन्यन्न हि दैवतम् ।
त्वदन्यं न हि जानामि पालकं पुण्यवर्धनम् ॥ 13 ॥
यावत्सांसारिको भावो मनस्स्थो भावनात्मकः ।
तावत्सिद्धिर्भवेत्साध्या सर्वथा सर्वदा विभो ॥ 14 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 15 ॥
त्वयाहं नैव सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 16 ॥
पापसङ्घपरिश्रान्तः पापात्मा पापरूपधृत् ।
त्वदन्यः कोऽत्र पापेभ्यस्त्रातास्ति जगतीतले ॥ 17 ॥
त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव सेव्यश्च गुरुस्त्वमेव
त्वमेव सर्वं मम देव देव ॥ 18 ॥
प्रार्थनादशकं चैव मूलाष्टकमतः परम् ।
यः पठेच्छृणुयान्नित्यं तस्य लक्ष्मीः स्थिरा भवेत् ॥ 19 ॥
नारायणस्य हृदयं सर्वाभीष्टफलप्रदम् ।
लक्ष्मीहृदयकं स्तोत्रं यदि चेत्तद्विनाकृतम् ॥ 20 ॥
तत्सर्वं निष्फलं प्रोक्तं लक्ष्मीः क्रुद्ध्यति सर्वदा ।
एतत्सङ्कलितं स्तोत्रं सर्वकामफलप्रदम् ॥ 21 ॥
लक्ष्मीहृदयकं चैव तथा नारायणात्मकम् ।
जपेद्यः सङ्कलीकृत्य सर्वाभीष्टमवाप्नुयात् ॥ 22 ॥
नारायणस्य हृदयमादौ जप्त्वा ततः परम् ।
लक्ष्मीहृदयकं स्तोत्रं जपेन्नारायणं पुनः ॥ 23 ॥
पुनर्नारायणं जप्त्वा पुनर्लक्ष्मीनुतिं जपेत् ।
पुनर्नारायणं जाप्यं सङ्कलीकरणं भवेत् ॥ 24 ॥
एवं मध्ये द्विवारेण जपेत्सङ्कलितं तु तत् ।
लक्ष्मीहृदयकं स्तोत्रं सर्वकामप्रकाशितम् ॥ 25 ॥
तद्वज्जपादिकं कुर्यादेतत्सङ्कलितं शुभम् ।
सर्वान्कामानवाप्नोति आधिव्याधिभयं हरेत् ॥ 26 ॥
गोप्यमेतत्सदा कुर्यान्न सर्वत्र प्रकाशयेत् ।
इति गुह्यतमं शास्त्रं प्राप्तं ब्रह्मादिकैः पुरा ॥ 27 ॥
तस्मात्सर्वप्रयत्नेन गोपयेत्साधयेसुधीः ।
यत्रैतत्पुस्तकं तिष्ठेल्लक्ष्मीनारायणात्मकम् ॥ 28 ॥
भूतपैशाचवेताल भयं नैव तु सर्वदा ।
लक्ष्मीहृदयकं प्रोक्तं विधिना साधयेत्सुधीः ॥ 29 ॥
भृगुवारे च रात्रौ च पूजयेत्पुस्तकद्वयम् ।
सर्वथा सर्वदा सत्यं गोपयेत्साधयेत्सुधीः ।
गोपनात्साधनाल्लोके धन्यो भवति तत्त्वतः ॥ 30 ॥
इत्यथर्वरहस्ये उत्तरभागे नारायणहृदयं सम्पूर्णम् ।
अथ लक्ष्मी हृदय स्तोत्रम्
अस्य श्री महालक्ष्मीहृदयस्तोत्र महामन्त्रस्य भार्गव ऋषिः, अनुष्टुपादीनि नानाछन्दांसि, आद्यादि श्रीमहालक्ष्मीर्देवता, श्रीं बीजं, ह्रीं शक्तिः, ऐं कीलकं, आद्यादिमहालक्ष्मी प्रसादसिद्ध्यर्थं जपे विनियोगः ॥
ऋष्यादिन्यासः –
ॐ भार्गवृषये नमः शिरसि ।
ॐ अनुष्टुपादिनानाछन्दोभ्यो नमो मुखे ।
ॐ आद्यादिश्रीमहालक्ष्मी देवतायै नमो हृदये ।
ॐ श्रीं बीजाय नमो गुह्ये ।
ॐ ह्रीं शक्तये नमः पादयोः ।
ॐ ऐं कीलकाय नमो नाभौ ।
ॐ विनियोगाय नमः सर्वाङ्गे ।
करन्यासः –
ॐ श्रीं अङ्गुष्ठाभ्यां नमः ।
ॐ ह्रीं तर्जनीभ्यां नमः ।
ॐ ऐं मध्यमाभ्यां नमः ।
ॐ श्रीं अनामिकाभ्यां नमः ।
ॐ ह्रीं कनिष्ठिकाभ्यां नमः ।
ॐ ऐं करतल करपृष्ठाभ्यां नमः ।
अङ्गन्यासः –
ॐ श्रीं हृदयाय नमः ।
ॐ ह्रीं शिरसे स्वाहा ।
ॐ ऐं शिखायै वषट् ।
ॐ श्रीं कवचाय हुम् ।
ॐ ह्रीं नेत्रत्रयाय वौषट् ।
ॐ ऐं अस्त्राय फट् ।
ॐ श्रीं ह्रीं ऐं इति दिग्बन्धः ।
अथ ध्यानम् ।
हस्तद्वयेन कमले धारयन्तीं स्वलीलया ।
हारनूपुरसंयुक्तां लक्ष्मीं देवीं विचिन्तये ॥
कौशेयपीतवसनामरविन्दनेत्रां
पद्मद्वयाभयवरोद्यतपद्महस्ताम् ।
उद्यच्छतार्कसदृशीं परमाङ्कसंस्थां
ध्यायेद्विधीशनतपादयुगां जनित्रीम् ॥
पीतवस्त्रां सुवर्णाङ्गीं पद्महस्तद्वायान्विताम् ।
लक्ष्मीं ध्यात्वेति मन्त्रेण स भवेत्पृथिवीपतिः ॥
मातुलुङ्गं गदां खेटं पाणौ पात्रं च बिभ्रती ।
नागं लिङ्गं च योनिं च बिभ्रतीं चैव मूर्धनि ॥
[ इति ध्यात्वा मानसोपचारैः सम्पूज्य ।
शङ्खचक्रगदाहस्ते शुभ्रवर्णे सुवासिनी ।
मम देहि वरं लक्ष्मीः सर्वसिद्धिप्रदायिनी ।
इति सम्प्रार्थ्य ॐ श्रीं ह्रीं ऐं महालक्ष्म्यै कमलधारिण्यै सिंहवाहिन्यै स्वाहा इति मन्त्रं जप्त्वा पुनः पूर्ववद्धृदयादि षडङ्गन्यासं कृत्वा स्तोत्रं पठेत् । ]
स्तोत्रम् ।
वन्दे लक्ष्मीं परमशिवमयीं शुद्धजाम्बूनदाभां
तेजोरूपां कनकवसनां सर्वभूषोज्ज्वलाङ्गीम् ।
बीजापूरं कनककलशं हेमपद्मं दधाना-
-माद्यां शक्तिं सकलजननीं विष्णुवामाङ्कसंस्थाम् ॥ 1 ॥
श्रीमत्सौभाग्यजननीं स्तौमि लक्ष्मीं सनातनीम् ।
सर्वकामफलावाप्तिसाधनैकसुखावहाम् ॥ 2 ॥
स्मरामि नित्यं देवेशि त्वया प्रेरितमानसः ।
त्वदाज्ञां शिरसा धृत्वा भजामि परमेश्वरीम् ॥ 3 ॥
समस्तसम्पत्सुखदां महाश्रियं
समस्तसौभाग्यकरीं महाश्रियम् ।
समस्तकल्याणकरीं महाश्रियं
भजाम्यहं ज्ञानकरीं महाश्रियम् ॥ 4 ॥
विज्ञानसम्पत्सुखदां सनातनीं
विचित्रवाग्भूतिकरीं मनोहराम् ।
अनन्तसम्मोदसुखप्रदायिनीं
नमाम्यहं भूतिकरीं हरिप्रियाम् ॥ 5 ॥
समस्तभूतान्तरसंस्थिता त्वं
समस्तभोक्त्रीश्वरि विश्वरूपे ।
तन्नास्ति यत्त्वद्व्यतिरिक्तवस्तु
त्वत्पादपद्मं प्रणमाम्यहं श्रीः ॥ 6 ॥
दारिद्र्य दुःखौघतमोपहन्त्री
त्वत्पादपद्मं मयि सन्निधत्स्व ।
दीनार्तिविच्छेदनहेतुभूतैः
कृपाकटाक्षैरभिषिञ्च मां श्रीः ॥ 7 ॥
अम्ब प्रसीद करुणासुधयार्द्रदृष्ट्या
मां त्वत्कृपाद्रविणगेहमिमं कुरुष्व ।
आलोकय प्रणतहृद्गतशोकहन्त्री
त्वत्पादपद्मयुगलं प्रणमाम्यहं श्रीः ॥ 8 ॥
शान्त्यै नमोऽस्तु शरणागतरक्षणायै
कान्त्यै नमोऽस्तु कमनीयगुणाश्रयायै ।
क्षान्त्यै नमोऽस्तु दुरितक्षयकारणायै
दात्र्यै नमोऽस्तु धनधान्यसमृद्धिदायै ॥ 9 ॥
शक्त्यै नमोऽस्तु शशिशेखरसंस्तुतायै
रत्यै नमोऽस्तु रजनीकरसोदरायै ।
भक्त्यै नमोऽस्तु भवसागरतारकायै
मत्यै नमोऽस्तु मधुसूदनवल्लभायै ॥ 10 ॥
लक्ष्म्यै नमोऽस्तु शुभलक्षणलक्षितायै
सिद्ध्यै नमोऽस्तु शिवसिद्धसुपूजितायै ।
धृत्यै नमोऽस्त्वमितदुर्गतिभञ्जनायै
गत्यै नमोऽस्तु वरसद्गतिदायिकायै ॥ 11 ॥
देव्यै नमोऽस्तु दिवि देवगणार्चितायै
भूत्यै नमोऽस्तु भुवनार्तिविनाशनायै ।
धात्र्यै नमोऽस्तु धरणीधरवल्लभायै
पुष्ट्यै नमोऽस्तु पुरुषोत्तमवल्लभायै ॥ 12 ॥
सुतीव्रदारिद्र्यविदुःखहन्त्र्यै
नमोऽस्तु ते सर्वभयापहन्त्र्यै ।
श्रीविष्णुवक्षःस्थलसंस्थितायै
नमो नमः सर्वविभूतिदायै ॥ 13 ॥
जयतु जयतु लक्ष्मीर्लक्षणालङ्कृताङ्गी
जयतु जयतु पद्मा पद्मसद्माभिवन्द्या ।
जयतु जयतु विद्या विष्णुवामाङ्कसंस्था
जयतु जयतु सम्यक्सर्वसम्पत्करी श्रीः ॥ 14 ॥
जयतु जयतु देवी देवसङ्घाभिपूज्या
जयतु जयतु भद्रा भार्गवी भाग्यरूपा ।
जयतु जयतु नित्या निर्मलज्ञानवेद्या
जयतु जयतु सत्या सर्वभूतान्तरस्था ॥ 15 ॥
जयतु जयतु रम्या रत्नगर्भान्तरस्था
जयतु जयतु शुद्धा शुद्धजाम्बूनदाभा ।
जयतु जयतु कान्ता कान्तिमद्भासिताङ्गी
जयतु जयतु शान्ता शीघ्रमागच्छ सौम्ये ॥ 16 ॥
यस्याः कलायाः कमलोद्भवाद्या
रुद्राश्च शक्र प्रमुखाश्च देवाः ।
जीवन्ति सर्वेऽपि सशक्तयस्ते
प्रभुत्वमाप्ताः परमायुषस्ते ॥ 17 ॥
लिलेख निटिले विधिर्मम लिपिं विसृज्यान्तरं
त्वया विलिखितव्यमेतदिति तत्फलप्राप्तये ।
तदन्तरफलेस्फुटं कमलवासिनी श्रीरिमां
समर्पय समुद्रिकां सकलभाग्यसंसूचिकाम् ॥ 18 ॥
कलया ते यथा देवि जीवन्ति सचराचराः ।
तथा सम्पत्करे लक्ष्मि सर्वदा सम्प्रसीद मे ॥ 19 ॥
यथा विष्णुर्ध्रुवे नित्यं स्वकलां सन्न्यवेशयत् ।
तथैव स्वकलां लक्ष्मि मयि सम्यक् समर्पय ॥ 20 ॥
सर्वसौख्यप्रदे देवि भक्तानामभयप्रदे ।
अचलां कुरु यत्नेन कलां मयि निवेशिताम् ॥ 21 ॥
मुदास्तां मत्फाले परमपदलक्ष्मीः स्फुटकला
सदा वैकुण्ठश्रीर्निवसतु कला मे नयनयोः ।
वसेत्सत्ये लोके मम वचसि लक्ष्मीर्वरकला
श्रियः श्वेतद्वीपे निवसतु कला मे स्वकरयोः ॥ 22 ॥
तावन्नित्यं ममाङ्गेषु क्षीराब्धौ श्रीकला वसेत् ।
सूर्याचन्द्रमसौ यावद्यावल्लक्ष्मीपतिः श्रियाः ॥ 23 ॥
सर्वमङ्गलसम्पूर्णा सर्वैश्वर्यसमन्विता ।
आद्यादि श्रीर्महालक्ष्मी त्वत्कला मयि तिष्ठतु ॥ 24 ॥
अज्ञानतिमिरं हन्तुं शुद्धज्ञानप्रकाशिका ।
सर्वैश्वर्यप्रदा मेऽस्तु त्वत्कला मयि संस्थिता ॥ 25 ॥
अलक्ष्मीं हरतु क्षिप्रं तमः सूर्यप्रभा यथा ।
वितनोतु मम श्रेयस्त्वत्कला मयि संस्थिता ॥ 26 ॥
ऐश्वर्यमङ्गलोत्पत्तिस्त्वत्कलायां निधीयते ।
मयि तस्मात्कृतार्थोऽस्मि पात्रमस्मि स्थितेस्तव ॥ 27 ॥
भवदावेशभाग्यार्हो भाग्यवानस्मि भार्गवि ।
त्वत्प्रसादात्पवित्रोऽहं लोकमातर्नमोऽस्तु ते ॥ 28 ॥
पुनासि मां त्वत्कलयैव यस्मा-
-दतः समागच्छ ममाग्रतस्त्वम् ।
परं पदं श्रीर्भव सुप्रसन्ना
मय्यच्युतेन प्रविशादिलक्ष्मीः ॥ 29 ॥
श्रीवैकुण्ठस्थिते लक्ष्मि समागच्छ ममाग्रतः ।
नारायणेन सह मां कृपादृष्ट्याऽवलोकय ॥ 30 ॥
सत्यलोकस्थिते लक्ष्मि त्वं ममागच्छ सन्निधिम् ।
वासुदेवेन सहिता प्रसीद वरदा भव ॥ 31 ॥
श्वेतद्वीपस्थिते लक्ष्मि शीघ्रमागच्छ सुव्रते ।
विष्णुना सहिते देवि जगन्मातः प्रसीद मे ॥ 32 ॥
क्षीराम्बुधिस्थिते लक्ष्मि समागच्छ समाधवा ।
त्वत्कृपादृष्टिसुधया सततं मां विलोकय ॥ 33 ॥
रत्नगर्भस्थिते लक्ष्मि परिपूर्णे हिरण्मये ।
समागच्छ समागच्छ स्थित्वाऽऽशु पुरतो मम ॥ 34 ॥
स्थिरा भव महालक्ष्मि निश्चला भव निर्मले ।
प्रसन्ने कमले देवि प्रसन्नहृदया भव ॥ 35 ॥
श्रीधरे श्रीमहाभूते त्वदन्तःस्थं महानिधिम् ।
शीघ्रमुद्धृत्य पुरतः प्रदर्शय समर्पय ॥ 36 ॥
वसुन्धरे श्रीवसुधे वसुदोग्ध्रि कृपामये ।
त्वत्कुक्षिगतसर्वस्वं शीघ्रं मे सम्प्रदर्शय ॥ 37 ॥
विष्णुप्रिये रत्नगर्भे समस्तफलदे शिवे ।
त्वद्गर्भगतहेमादीन् सम्प्रदर्शय दर्शय ॥ 38 ॥
रसातलगते लक्ष्मि शीघ्रमागच्छ मे पुरः ।
न जाने परमं रूपं मातर्मे सम्प्रदर्शय ॥ 39 ॥
आविर्भव मनोवेगाच्छीघ्रमागच्छ मे पुरः ।
मा वत्स भैरिहेत्युक्त्वा कामं गौरिव रक्ष माम् ॥ 40 ॥
देवि शीघ्रं समागच्छ धरणीगर्भसंस्थिते ।
मातस्त्वद्भृत्यभृत्योऽहं मृगये त्वां कुतूहलात् ॥ 41 ॥
उत्तिष्ठ जागृहि त्वं मे समुत्तिष्ठ सुजागृहि ।
अक्षयान् हेमकलशान् सुवर्णेन सुपूरितान् ॥ 42 ॥
निक्षेपान्मे समाकृष्य समुद्धृत्य ममाग्रतः ।
समुन्नतानना भूत्वा समाधेहि धरान्तरात् ॥ 43 ॥
मत्सन्निधिं समागच्छ मदाहितकृपारसात् ।
प्रसीद श्रेयसां दोग्ध्री लक्ष्मीर्मे नयनाग्रतः ॥ 44 ॥
अत्रोपविश लक्ष्मि त्वं स्थिरा भव हिरण्मये ।
सुस्थिरा भव सम्प्रीत्या प्रसीद वरदा भव ॥ 45 ॥
आनीतांस्तु तथा देवि निधीन्मे सम्प्रदर्शय ।
अद्य क्षणेन सहसा दत्त्वा संरक्ष मां सदा ॥ 46 ॥
मयि तिष्ठ तथा नित्यं यथेन्द्रादिषु तिष्ठसि ।
अभयं कुरु मे देवि महालक्ष्मीर्नमोऽस्तु ते ॥ 47 ॥
समागच्छ महालक्ष्मि शुद्धजाम्बूनदप्रभे ।
प्रसीद पुरतः स्थित्वा प्रणतं मां विलोकय ॥ 48 ॥
लक्ष्मीर्भुवं गता भासि यत्र यत्र हिरण्मयी ।
तत्र तत्र स्थिता त्वं मे तव रूपं प्रदर्शय ॥ 49 ॥
क्रीडन्ती बहुधा भूमौ परिपूर्णकृपामयि ।
मम मूर्धनि ते हस्तमविलम्बितमर्पय ॥ 50 ॥
फलद्भाग्योदये लक्ष्मि समस्तपुरवासिनी ।
प्रसीद मे महालक्ष्मि परिपूर्णमनोरथे ॥ 51 ॥
अयोध्यादिषु सर्वेषु नगरेषु समास्थिते ।
वैभवैर्विविधैर्युक्तैः समागच्छ मुदान्विते ॥ 52 ॥
समागच्छ समागच्छ ममाग्रे भव सुस्थिरा ।
करुणारसनिष्यन्दनेत्रद्वय विलासिनी ॥ 53 ॥ [निष्पन्न]
सन्निधत्स्व महालक्ष्मि त्वत्पाणिं मम मस्तके ।
करुणासुधया मां त्वमभिषिञ्च्य स्थिरं कुरु ॥ 54 ॥
सर्वराजगृहे लक्ष्मि समागच्छ बलान्विते । [मुदान्विते]
स्थित्वाऽऽशु पुरतो मेऽद्य प्रसादेनाऽभयं कुरु ॥ 55 ॥
सादरं मस्तके हस्तं मम त्वं कृपयार्पय ।
सर्वराजगृहे लक्ष्मि त्वत्कला मयि तिष्ठतु ॥ 56 ॥
आद्यादि श्रीमहालक्ष्मि विष्णुवामाङ्कसंस्थिते ।
प्रत्यक्षं कुरु मे रूपं रक्ष मां शरणागतम् ॥ 57 ॥
प्रसीद मे महालक्ष्मि सुप्रसीद महाशिवे ।
अचला भव सम्प्रीत्या सुस्थिरा भव मद्गृहे ॥ 58 ॥
यावत्तिष्ठन्ति वेदाश्च यावच्चन्द्रदिवाकरौ ।
यावद्विष्णुश्च यावत्त्वं तावत्कुरु कृपां मयि ॥ 59 ॥
चान्द्रीकला यथा शुक्ले वर्धते सा दिने दिने ।
तथा दया ते मय्येव वर्धतामभिवर्धताम् ॥ 60 ॥
यथा वैकुण्ठनगरे यथा वै क्षीरसागरे ।
तथा मद्भवने तिष्ठ स्थिरं श्रीविष्णुना सह ॥ 61 ॥
योगिनां हृदये नित्यं यथा तिष्ठसि विष्णुना ।
तथा मद्भवने तिष्ठ स्थिरं श्रीविष्णुना सह ॥ 62 ॥
नारायणस्य हृदये भवती यथास्ते
नारायणोऽपि तव हृत्कमले यथास्ते ।
नारायणस्त्वमपि नित्यमुभौ तथैव
तौ तिष्ठतां हृदि ममापि दयान्वितौ श्रीः ॥ 63 ॥
विज्ञानवृद्धिं हृदये कुरु श्रीः
सौभाग्यवृद्धिं कुरु मे गृहे श्रीः ।
दयासुवृद्धिं कुरुतां मयि श्रीः
सुवर्णवृद्धिं कुरु मे गृहे श्रीः ॥ 64 ॥
न मां त्यजेथाः श्रितकल्पवल्लि
सद्भक्तचिन्तामणिकामधेनो ।
विश्वस्य मातर्भव सुप्रसन्ना
गृहे कलत्रेषु च पुत्रवर्गे ॥ 65 ॥
आद्यादिमाये त्वमजाण्डबीजं
त्वमेव साकारनिराकृतिस्त्वम् ।
त्वया धृताश्चाब्जभवाण्डसङ्घा-
-श्चित्रं चरित्रं तव देवि विष्णोः ॥ 66 ॥
ब्रह्मरुद्रादयो देवा वेदाश्चापि न शक्नुयुः ।
महिमानं तव स्तोतुं मन्दोऽहं शक्नुयां कथम् ॥ 67 ॥
अम्ब त्वद्वत्सवाक्यानि सूक्तासूक्तानि यानि च ।
तानि स्वीकुरु सर्वज्ञे दयालुत्वेन सादरम् ॥ 68 ॥
भवतीं शरणं गत्वा कृतार्थाः स्युः पुरातनाः ।
इति सञ्चिन्त्य मनसा त्वामहं शरणं व्रजे ॥ 69 ॥
अनन्ता नित्यसुखिनस्त्वद्भक्तास्त्वत्परायणाः ।
इति वेदप्रमाणाद्धि देवि त्वां शरणं व्रजे ॥ 70 ॥
तव प्रतिज्ञा मद्भक्ता न नश्यन्तीत्यपि क्वचित् ।
इति सञ्चिन्त्य सञ्चिन्त्य प्राणान् सन्धारयाम्यहम् ॥ 71 ॥
त्वदधीनस्त्वहं मातस्त्वत्कृपा मयि विद्यते ।
यावत्सम्पूर्णकामः स्यात्तावद्देहि दयानिधे ॥ 72 ॥
क्षणमात्रं न शक्नोमि जीवितुं त्वत्कृपां विना ।
न जीवन्तीह जलजा जलं त्यक्त्वा जलग्रहाः ॥ 73 ॥
यथा हि पुत्रवात्सल्याज्जननी प्रस्नुतस्तनी ।
वत्सं त्वरितमागत्य सम्प्रीणयति वत्सला ॥ 74 ॥
यदि स्यां तव पुत्रोऽहं माता त्वं यदि मामकी ।
दयापयोधरस्तन्यसुधाभिरभिषिञ्च माम् ॥ 75 ॥
मृग्यो न गुणलेशोऽपि मयि दोषैकमन्दिरे ।
पांसूनां वृष्टिबिन्दूनां दोषाणां च न मे मतिः ॥ 76 ॥
पापिनामहमेवाग्र्यो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ 77 ॥
विधिनाहं न सृष्टश्चेन्न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ 78 ॥
कृपा मदग्रजा किं ते अहं किं वा तदग्रजः ।
विचार्य देहि मे वित्तं तव देवि दयानिधे ॥ 79 ॥
माता पिता त्वं गुरुसद्गतिः श्री-
-स्त्वमेव सञ्जीवनहेतुभूता ।
अन्यं न मन्ये जगदेकनाथे
त्वमेव सर्वं मम देवि सत्ये ॥ 80 ॥
आद्यादिलक्ष्मीर्भव सुप्रसन्ना
विशुद्धविज्ञानसुखैकदोग्ध्री ।
अज्ञानहन्त्री त्रिगुणातिरिक्ता
प्रज्ञाननेत्री भव सुप्रसन्ना ॥ 81 ॥
अशेषवाग्जाड्यमलापहन्त्री
नवं नवं स्पष्टसुवाक्प्रदायिनी ।
ममेह जिह्वाग्र सुरङ्गनर्तकी [नर्तिनी]
भव प्रसन्ना वदने च मे श्रीः ॥ 82 ॥
समस्तसम्पत्सुविराजमाना
समस्ततेजश्चयभासमाना ।
विष्णुप्रिये त्वं भव दीप्यमाना
वाग्देवता मे नयने प्रसन्ना ॥ 83 ॥
सर्वप्रदर्शे सकलार्थदे त्वं
प्रभासुलावण्यदयाप्रदोग्ध्री ।
सुवर्णदे त्वं सुमुखी भव श्री-
-र्हिरण्मयी मे नयने प्रसन्ना ॥ 84 ॥
सर्वार्थदा सर्वजगत्प्रसूतिः
सर्वेश्वरी सर्वभयापहन्त्री ।
सर्वोन्नता त्वं सुमुखी भव श्री-
-र्हिरण्मयी मे नयने प्रसन्ना ॥ 85 ॥
समस्तविघ्नौघविनाशकारिणी
समस्तभक्तोद्धरणे विचक्षणा ।
अनन्तसौभाग्यसुखप्रदायिनी
हिरण्मयी मे नयने प्रसन्ना ॥ 86 ॥
देवि प्रसीद दयनीयतमाय मह्यं
देवाधिनाथभवदेवगणाभिवन्द्ये ।
मातस्तथैव भव सन्निहिता दृशोर्मे
पत्या समं मम मुखे भव सुप्रसन्ना ॥ 87 ॥
मा वत्स भैरभयदानकरोऽर्पितस्ते
मौलौ ममेति मयि दीनदयानुकम्पे ।
मातः समर्पय मुदा करुणाकटाक्षं
माङ्गल्यबीजमिह नः सृज जन्म मातः ॥ 88 ॥
कटाक्ष इह कामधुक्तव मनस्तु चिन्तामणिः
करः सुरतरुः सदा नवनिधिस्त्वमेवेन्दिरे ।
भवे तव दयारसो मम रसायनं चान्वहं
मुखं तव कलानिधिर्विविधवाञ्छितार्थप्रदम् ॥ 89 ॥
यथा रसस्पर्शनतोऽयसोऽपि
सुवर्णता स्यात्कमले तथा ते ।
कटाक्षसंस्पर्शनतो जनाना-
-ममङ्गलानामपि मङ्गलत्वम् ॥ 90 ॥
देहीति नास्तीति वचः प्रवेशा-
-द्भीतो रमे त्वां शरणं प्रपद्ये ।
अतः सदाऽस्मिन्नभयप्रदा त्वं
सहैव पत्या मयि सन्निधेहि ॥ 91 ॥
कल्पद्रुमेण मणिना सहिता सुरम्या
श्रीस्ते कला मयि रसेन रसायनेन ।
आस्तां यतो मम शिरःकरदृष्टिपाद-
-स्पृष्टाः सुवर्णवपुषः स्थिरजङ्गमाः स्युः ॥ 92 ॥
आद्यादिविष्णोः स्थिरधर्मपत्नी
त्वमेव पत्या मयि सन्निधेहि ।
आद्यादिलक्ष्मि त्वदनुग्रहेण
पदे पदे मे निधिदर्शनं स्यात् ॥ 93 ॥
आद्यादिलक्ष्मीहृदयं पठेद्यः
स राज्यलक्ष्मीमचलां तनोति ।
महादरिद्रोऽपि भवेद्धनाढ्य-
-स्तदन्वये श्रीः स्थिरतां प्रयाति ॥ 94 ॥
यस्य स्मरणमात्रेण तुष्टा स्याद्विष्णुवल्लभा ।
तस्याभीष्टं ददत्याशु तं पालयति पुत्रवत् ॥ 95 ॥
इदं रहस्यं हृदयं सर्वकामफलप्रदम् ।
जपः पञ्चसहस्रं तु पुरश्चरणमुच्यते ॥ 96 ॥
त्रिकालमेककालं वा नरो भक्तिसमन्वितः ।
यः पठेच्छृणुयाद्वापि स याति परमां श्रियम् ॥ 97 ॥
महालक्ष्मीं समुद्दिश्य निशि भार्गववासरे ।
इदं श्रीहृदयं जप्त्वा पञ्चवारं धनी भवेत् ॥ 98 ॥
अनेन हृदयेनान्नं गर्भिण्या अभिमन्त्रितम् ।
ददाति तत्कुले पुत्रो जायते श्रीपतिः स्वयम् ॥ 99 ॥
नरेण वाऽथवा नार्या लक्ष्मीहृदयमन्त्रिते ।
जले पीते च तद्वंशे मन्दभाग्यो न जायते ॥ 100 ॥
य आश्विने मासि च शुक्लपक्षे
रमोत्सवे सन्निहिते सुभक्त्या ।
पठेत्तथैकोत्तरवारवृद्ध्या
लभेत्स सौवर्णमयीं सुवृष्टिम् ॥ 101 ॥
य एकभक्तोऽन्वहमेकवर्षं
विशुद्धधीः सप्ततिवारजापी ।
स मन्दभाग्योऽपि रमाकटाक्षा-
-द्भवेत्सहस्राक्षशताधिकश्रीः ॥ 102 ॥
श्रीशाङ्घ्रिभक्तिं हरिदासदास्यं
प्रसन्नमन्त्रार्थदृढैकनिष्ठाम् ।
गुरोः स्मृतिं निर्मलबोधबुद्धिं
प्रदेहि मातः परमं पदं श्रीः ॥ 103 ॥
पृथ्वीपतित्वं पुरुषोत्तमत्वं
विभूतिवासं विविधार्थसिद्धिम् ।
सम्पूर्णकीर्तिं बहुवर्षभोगं
प्रदेहि मे लक्ष्मि पुनः पुनस्त्वम् ॥ 104 ॥
वादार्थसिद्धिं बहुलोकवश्यं
वयः स्थिरत्वं ललनासुभोगम् ।
पौत्रादिलब्धिं सकलार्थसिद्धिं
प्रदेहि मे भार्गवि जन्मजन्मनि ॥ 105 ॥
सुवर्णवृद्धिं कुरु मे गृहे श्रीः
सुधान्यवृद्धिं कुरू मे गृहे श्रीः ।
कल्याणवृद्धिं कुरु मे गृहे श्रीः
विभूतिवृद्धिं कुरु मे गृहे श्रीः ॥ 106 ॥
ध्यायेल्लक्ष्मीं प्रहसितमुखीं कोटिबालार्कभासां
विद्युद्वर्णाम्बरवरधरां भूषणाढ्यां सुशोभाम् ।
बीजापूरं सरसिजयुगं बिभ्रतीं स्वर्णपात्रं
भर्त्रायुक्तां मुहुरभयदां मह्यमप्यच्युतश्रीः ॥ 107 ॥
गुह्यातिगुह्यगोप्त्री त्वं गृहाणास्मत्कृतं जपम् ।
सिद्धिर्भवतु मे देवि त्वत्प्रसादान्मयि स्थिता ॥ 108 ॥
इति श्रीअथर्वणरहस्ये श्रीलक्ष्मीहृदयस्तोत्रं सम्पूर्णम् ॥
atha nārāyana hṛdaya stotram
asya śrīnārāyaṇahṛdayastotramantrasya bhārgava ṛṣiḥ, anuṣṭupchandaḥ, śrīlakṣmīnārāyaṇo devatā, oṃ bījaṃ, namaśśaktiḥ, nārāyaṇāyeti kīlakaṃ, śrīlakṣmīnārāyaṇa prītyarthe jape viniyogaḥ |
karanyāsaḥ |
oṃ nārāyaṇaḥ paraṃ jyotiriti aṅguṣṭhābhyāṃ namaḥ |
nārāyaṇaḥ paraṃ brahmeti tarjanībhyāṃ namaḥ |
nārāyaṇaḥ paro deva iti madhyamābhyāṃ namaḥ |
nārāyaṇaḥ paraṃ dhāmeti anāmikābhyāṃ namaḥ |
nārāyaṇaḥ paro dharma iti kaniṣṭhikābhyāṃ namaḥ |
viśvaṃ nārāyaṇa iti karatalakarapṛṣṭhābhyāṃ namaḥ |
aṅganyāsaḥ |
nārāyaṇaḥ paraṃ jyotiriti hṛdayāya namaḥ |
nārāyaṇaḥ paraṃ brahmeti śirase svāhā |
nārāyaṇaḥ paro deva iti śikhāyai vauṣaṭ |
nārāyaṇaḥ paraṃ dhāmeti kavacāya hum |
nārāyaṇaḥ paro dharma iti netrābhyāṃ vauṣaṭ |
viśvaṃ nārāyaṇa iti astrāya phaṭ |
digbandhaḥ |
oṃ aindryādidaśadiśaṃ oṃ namaḥ sudarśanāya sahasrārāya huṃ phaṭ badhnāmi namaścakrāya svāhā | iti pratidiśaṃ yojyam |
atha dhyānam |
udyādādityasaṅkāśaṃ pītavāsaṃ caturbhujam |
śaṅkhacakragadāpāṇiṃ dhyāyellakṣmīpatiṃ harim || 1 ||
trailokyādhāracakraṃ tadupari kamaṭhaṃ tatra cānantabhogī
tanmadhye bhūmipadmāṅkuśaśikharadalaṃ karṇikābhūtamerum |
tatrasthaṃ śāntamūrtiṃ maṇimayamakuṭaṃ kuṇḍalodbhāsitāṅgaṃ
lakṣmīnārāyaṇākhyaṃ sarasijanayanaṃ santataṃ cintayāmi || 2 ||
atha mūlāṣṭakam |
om || nārāyaṇaḥ paraṃ jyotirātmā nārāyaṇaḥ paraḥ |
nārāyaṇaḥ paraṃ brahma nārāyaṇa namo'stu te || 1 ||
nārāyaṇaḥ paro devo dhātā nārāyaṇaḥ paraḥ |
nārāyaṇaḥ paro dhātā nārāyaṇa namo'stu te || 2 ||
nārāyaṇaḥ paraṃ dhāma dhyānaṃ nārāyaṇaḥ paraḥ |
nārāyaṇa paro dharmo nārāyaṇa namo'stu te || 3 ||
nārāyaṇaḥ parovedyaḥ vidyā nārāyaṇaḥ paraḥ |
viśvaṃ nārāyaṇaḥ sākṣānnārāyaṇa namo'stu te || 4 ||
nārāyaṇādvidhirjāto jāto nārāyaṇādbhavaḥ |
jāto nārāyaṇādindro nārāyaṇa namo'stu te || 5 ||
ravirnārāyaṇastejaḥ candro nārāyaṇo mahaḥ |
vahnirnārāyaṇaḥ sākṣānnārāyaṇa namo'stu te || 6 ||
nārāyaṇa upāsyaḥ syādgururnārāyaṇaḥ paraḥ |
nārāyaṇaḥ paro bodho nārāyaṇa namo'stu te || 7 ||
nārāyaṇaḥ phalaṃ mukhyaṃ siddhirnārāyaṇaḥ sukham |
sevyonārāyaṇaḥ śuddho nārāyaṇa namo'stu te || 8 || [hari]
atha prārthanādaśakam |
nārāyaṇa tvamevāsi daharākhye hṛdi sthitaḥ |
prerakaḥ preryamāṇānāṃ tvayā preritamānasaḥ || 9 ||
tvadājñāṃ śirasā dhṛtvā japāmi janapāvanam |
nānopāsanamārgāṇāṃ bhavakṛdbhāvabodhakaḥ || 10 ||
bhāvārthakṛdbhavātīto bhava saukhyaprado mama |
tvanmāyāmohitaṃ viśvaṃ tvayaiva parikalpitam || 11 ||
tvadadhiṣṭhānamātreṇa sā vai sarvārthakāriṇī |
tvametāṃ ca puraskṛtya sarvakāmānpradarśaya || 12 ||
na me tvadanyastrātāsti tvadanyanna hi daivatam |
tvadanyaṃ na hi jānāmi pālakaṃ puṇyavardhanam || 13 ||
yāvatsāṃsāriko bhāvo manasstho bhāvanātmakaḥ |
tāvatsiddhirbhavetsādhyā sarvathā sarvadā vibho || 14 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 15 ||
tvayāhaṃ naiva sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 16 ||
pāpasaṅghapariśrāntaḥ pāpātmā pāparūpadhṛt |
tvadanyaḥ ko'tra pāpebhyastrātāsti jagatītale || 17 ||
tvameva mātā ca pitā tvameva
tvameva bandhuśca sakhā tvameva |
tvameva sevyaśca gurustvameva
tvameva sarvaṃ mama deva deva || 18 ||
prārthanādaśakaṃ caiva mūlāṣṭakamataḥ param |
yaḥ paṭhecchṛṇuyānnityaṃ tasya lakṣmīḥ sthirā bhavet || 19 ||
nārāyaṇasya hṛdayaṃ sarvābhīṣṭaphalapradam |
lakṣmīhṛdayakaṃ stotraṃ yadi cettadvinākṛtam || 20 ||
tatsarvaṃ niṣphalaṃ proktaṃ lakṣmīḥ kruddhyati sarvadā |
etatsaṅkalitaṃ stotraṃ sarvakāmaphalapradam || 21 ||
lakṣmīhṛdayakaṃ caiva tathā nārāyaṇātmakam |
japedyaḥ saṅkalīkṛtya sarvābhīṣṭamavāpnuyāt || 22 ||
nārāyaṇasya hṛdayamādau japtvā tataḥ param |
lakṣmīhṛdayakaṃ stotraṃ japennārāyaṇaṃ punaḥ || 23 ||
punarnārāyaṇaṃ japtvā punarlakṣmīnutiṃ japet |
punarnārāyaṇaṃ jāpyaṃ saṅkalīkaraṇaṃ bhavet || 24 ||
evaṃ madhye dvivāreṇa japetsaṅkalitaṃ tu tat |
lakṣmīhṛdayakaṃ stotraṃ sarvakāmaprakāśitam || 25 ||
tadvajjapādikaṃ kuryādetatsaṅkalitaṃ śubham |
sarvānkāmānavāpnoti ādhivyādhibhayaṃ haret || 26 ||
gopyametatsadā kuryānna sarvatra prakāśayet |
iti guhyatamaṃ śāstraṃ prāptaṃ brahmādikaiḥ purā || 27 ||
tasmātsarvaprayatnena gopayetsādhayesudhīḥ |
yatraitatpustakaṃ tiṣṭhellakṣmīnārāyaṇātmakam || 28 ||
bhūtapaiśācavetāla bhayaṃ naiva tu sarvadā |
lakṣmīhṛdayakaṃ proktaṃ vidhinā sādhayetsudhīḥ || 29 ||
bhṛguvāre ca rātrau ca pūjayetpustakadvayam |
sarvathā sarvadā satyaṃ gopayetsādhayetsudhīḥ |
gopanātsādhanālloke dhanyo bhavati tattvataḥ || 30 ||
ityatharvarahasye uttarabhāge nārāyaṇahṛdayaṃ sampūrṇam |
atha lakṣmī hṛdaya stotram
asya śrī mahālakṣmīhṛdayastotra mahāmantrasya bhārgava ṛṣiḥ, anuṣṭupādīni nānāchandāṃsi, ādyādi śrīmahālakṣmīrdevatā, śrīṃ bījaṃ, hrīṃ śaktiḥ, aiṃ kīlakaṃ, ādyādimahālakṣmī prasādasiddhyarthaṃ jape viniyogaḥ ||
ṛṣyādinyāsaḥ –
oṃ bhārgavṛṣaye namaḥ śirasi |
oṃ anuṣṭupādinānāchandobhyo namo mukhe |
oṃ ādyādiśrīmahālakṣmī devatāyai namo hṛdaye |
oṃ śrīṃ bījāya namo guhye |
oṃ hrīṃ śaktaye namaḥ pādayoḥ |
oṃ aiṃ kīlakāya namo nābhau |
oṃ viniyogāya namaḥ sarvāṅge |
karanyāsaḥ –
oṃ śrīṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ aiṃ madhyamābhyāṃ namaḥ |
oṃ śrīṃ anāmikābhyāṃ namaḥ |
oṃ hrīṃ kaniṣṭhikābhyāṃ namaḥ |
oṃ aiṃ karatala karapṛṣṭhābhyāṃ namaḥ |
aṅganyāsaḥ –
oṃ śrīṃ hṛdayāya namaḥ |
oṃ hrīṃ śirase svāhā |
oṃ aiṃ śikhāyai vaṣaṭ |
oṃ śrīṃ kavacāya hum |
oṃ hrīṃ netratrayāya vauṣaṭ |
oṃ aiṃ astrāya phaṭ |
oṃ śrīṃ hrīṃ aiṃ iti digbandhaḥ |
atha dhyānam |
hastadvayena kamale dhārayantīṃ svalīlayā |
hāranūpurasaṃyuktāṃ lakṣmīṃ devīṃ vicintaye ||
kauśeyapītavasanāmaravindanetrāṃ
padmadvayābhayavarodyatapadmahastām |
udyacchatārkasadṛśīṃ paramāṅkasaṃsthāṃ
dhyāyedvidhīśanatapādayugāṃ janitrīm ||
pītavastrāṃ suvarṇāṅgīṃ padmahastadvāyānvitām |
lakṣmīṃ dhyātveti mantreṇa sa bhavetpṛthivīpatiḥ ||
mātuluṅgaṃ gadāṃ kheṭaṃ pāṇau pātraṃ ca bibhratī |
nāgaṃ liṅgaṃ ca yoniṃ ca bibhratīṃ caiva mūrdhani ||
[ iti dhyātvā mānasopacāraiḥ sampūjya |
śaṅkhacakragadāhaste śubhravarṇe suvāsinī |
mama dehi varaṃ lakṣmīḥ sarvasiddhipradāyinī |
iti samprārthya oṃ śrīṃ hrīṃ aiṃ mahālakṣmyai kamaladhāriṇyai siṃhavāhinyai svāhā iti mantraṃ japtvā punaḥ pūrvavaddhṛdayādi ṣaḍaṅganyāsaṃ kṛtvā stotraṃ paṭhet | ]
stotram |
vande lakṣmīṃ paramaśivamayīṃ śuddhajāmbūnadābhāṃ
tejorūpāṃ kanakavasanāṃ sarvabhūṣojjvalāṅgīm |
bījāpūraṃ kanakakalaśaṃ hemapadmaṃ dadhānā-
-mādyāṃ śaktiṃ sakalajananīṃ viṣṇuvāmāṅkasaṃsthām || 1 ||
śrīmatsaubhāgyajananīṃ staumi lakṣmīṃ sanātanīm |
sarvakāmaphalāvāptisādhanaikasukhāvahām || 2 ||
smarāmi nityaṃ deveśi tvayā preritamānasaḥ |
tvadājñāṃ śirasā dhṛtvā bhajāmi parameśvarīm || 3 ||
samastasampatsukhadāṃ mahāśriyaṃ
samastasaubhāgyakarīṃ mahāśriyam |
samastakalyāṇakarīṃ mahāśriyaṃ
bhajāmyahaṃ jñānakarīṃ mahāśriyam || 4 ||
vijñānasampatsukhadāṃ sanātanīṃ
vicitravāgbhūtikarīṃ manoharām |
anantasammodasukhapradāyinīṃ
namāmyahaṃ bhūtikarīṃ haripriyām || 5 ||
samastabhūtāntarasaṃsthitā tvaṃ
samastabhoktrīśvari viśvarūpe |
tannāsti yattvadvyatiriktavastu
tvatpādapadmaṃ praṇamāmyahaṃ śrīḥ || 6 ||
dāridrya duḥkhaughatamopahantrī
tvatpādapadmaṃ mayi sannidhatsva |
dīnārtivicchedanahetubhūtaiḥ
kṛpākaṭākṣairabhiṣiñca māṃ śrīḥ || 7 ||
amba prasīda karuṇāsudhayārdradṛṣṭyā
māṃ tvatkṛpādraviṇagehamimaṃ kuruṣva |
ālokaya praṇatahṛdgataśokahantrī
tvatpādapadmayugalaṃ praṇamāmyahaṃ śrīḥ || 8 ||
śāntyai namo'stu śaraṇāgatarakṣaṇāyai
kāntyai namo'stu kamanīyaguṇāśrayāyai |
kṣāntyai namo'stu duritakṣayakāraṇāyai
dātryai namo'stu dhanadhānyasamṛddhidāyai || 9 ||
śaktyai namo'stu śaśiśekharasaṃstutāyai
ratyai namo'stu rajanīkarasodarāyai |
bhaktyai namo'stu bhavasāgaratārakāyai
matyai namo'stu madhusūdanavallabhāyai || 10 ||
lakṣmyai namo'stu śubhalakṣaṇalakṣitāyai
siddhyai namo'stu śivasiddhasupūjitāyai |
dhṛtyai namo'stvamitadurgatibhañjanāyai
gatyai namo'stu varasadgatidāyikāyai || 11 ||
devyai namo'stu divi devagaṇārcitāyai
bhūtyai namo'stu bhuvanārtivināśanāyai |
dhātryai namo'stu dharaṇīdharavallabhāyai
puṣṭyai namo'stu puruṣottamavallabhāyai || 12 ||
sutīvradāridryaviduḥkhahantryai
namo'stu te sarvabhayāpahantryai |
śrīviṣṇuvakṣaḥsthalasaṃsthitāyai
namo namaḥ sarvavibhūtidāyai || 13 ||
jayatu jayatu lakṣmīrlakṣaṇālaṅkṛtāṅgī
jayatu jayatu padmā padmasadmābhivandyā |
jayatu jayatu vidyā viṣṇuvāmāṅkasaṃsthā
jayatu jayatu samyaksarvasampatkarī śrīḥ || 14 ||
jayatu jayatu devī devasaṅghābhipūjyā
jayatu jayatu bhadrā bhārgavī bhāgyarūpā |
jayatu jayatu nityā nirmalajñānavedyā
jayatu jayatu satyā sarvabhūtāntarasthā || 15 ||
jayatu jayatu ramyā ratnagarbhāntarasthā
jayatu jayatu śuddhā śuddhajāmbūnadābhā |
jayatu jayatu kāntā kāntimadbhāsitāṅgī
jayatu jayatu śāntā śīghramāgaccha saumye || 16 ||
yasyāḥ kalāyāḥ kamalodbhavādyā
rudrāśca śakra pramukhāśca devāḥ |
jīvanti sarve'pi saśaktayaste
prabhutvamāptāḥ paramāyuṣaste || 17 ||
lilekha niṭile vidhirmama lipiṃ visṛjyāntaraṃ
tvayā vilikhitavyametaditi tatphalaprāptaye |
tadantaraphalesphuṭaṃ kamalavāsinī śrīrimāṃ
samarpaya samudrikāṃ sakalabhāgyasaṃsūcikām || 18 ||
kalayā te yathā devi jīvanti sacarācarāḥ |
tathā sampatkare lakṣmi sarvadā samprasīda me || 19 ||
yathā viṣṇurdhruve nityaṃ svakalāṃ sannyaveśayat |
tathaiva svakalāṃ lakṣmi mayi samyak samarpaya || 20 ||
sarvasaukhyaprade devi bhaktānāmabhayaprade |
acalāṃ kuru yatnena kalāṃ mayi niveśitām || 21 ||
mudāstāṃ matphāle paramapadalakṣmīḥ sphuṭakalā
sadā vaikuṇṭhaśrīrnivasatu kalā me nayanayoḥ |
vasetsatye loke mama vacasi lakṣmīrvarakalā
śriyaḥ śvetadvīpe nivasatu kalā me svakarayoḥ || 22 ||
tāvannityaṃ mamāṅgeṣu kṣīrābdhau śrīkalā vaset |
sūryācandramasau yāvadyāvallakṣmīpatiḥ śriyāḥ || 23 ||
sarvamaṅgalasampūrṇā sarvaiśvaryasamanvitā |
ādyādi śrīrmahālakṣmī tvatkalā mayi tiṣṭhatu || 24 ||
ajñānatimiraṃ hantuṃ śuddhajñānaprakāśikā |
sarvaiśvaryapradā me'stu tvatkalā mayi saṃsthitā || 25 ||
alakṣmīṃ haratu kṣipraṃ tamaḥ sūryaprabhā yathā |
vitanotu mama śreyastvatkalā mayi saṃsthitā || 26 ||
aiśvaryamaṅgalotpattistvatkalāyāṃ nidhīyate |
mayi tasmātkṛtārtho'smi pātramasmi sthitestava || 27 ||
bhavadāveśabhāgyārho bhāgyavānasmi bhārgavi |
tvatprasādātpavitro'haṃ lokamātarnamo'stu te || 28 ||
punāsi māṃ tvatkalayaiva yasmā-
-dataḥ samāgaccha mamāgratastvam |
paraṃ padaṃ śrīrbhava suprasannā
mayyacyutena praviśādilakṣmīḥ || 29 ||
śrīvaikuṇṭhasthite lakṣmi samāgaccha mamāgrataḥ |
nārāyaṇena saha māṃ kṛpādṛṣṭyā'valokaya || 30 ||
satyalokasthite lakṣmi tvaṃ mamāgaccha sannidhim |
vāsudevena sahitā prasīda varadā bhava || 31 ||
śvetadvīpasthite lakṣmi śīghramāgaccha suvrate |
viṣṇunā sahite devi jaganmātaḥ prasīda me || 32 ||
kṣīrāmbudhisthite lakṣmi samāgaccha samādhavā |
tvatkṛpādṛṣṭisudhayā satataṃ māṃ vilokaya || 33 ||
ratnagarbhasthite lakṣmi paripūrṇe hiraṇmaye |
samāgaccha samāgaccha sthitvā''śu purato mama || 34 ||
sthirā bhava mahālakṣmi niścalā bhava nirmale |
prasanne kamale devi prasannahṛdayā bhava || 35 ||
śrīdhare śrīmahābhūte tvadantaḥsthaṃ mahānidhim |
śīghramuddhṛtya purataḥ pradarśaya samarpaya || 36 ||
vasundhare śrīvasudhe vasudogdhri kṛpāmaye |
tvatkukṣigatasarvasvaṃ śīghraṃ me sampradarśaya || 37 ||
viṣṇupriye ratnagarbhe samastaphalade śive |
tvadgarbhagatahemādīn sampradarśaya darśaya || 38 ||
rasātalagate lakṣmi śīghramāgaccha me puraḥ |
na jāne paramaṃ rūpaṃ mātarme sampradarśaya || 39 ||
āvirbhava manovegācchīghramāgaccha me puraḥ |
mā vatsa bhairihetyuktvā kāmaṃ gauriva rakṣa mām || 40 ||
devi śīghraṃ samāgaccha dharaṇīgarbhasaṃsthite |
mātastvadbhṛtyabhṛtyo'haṃ mṛgaye tvāṃ kutūhalāt || 41 ||
uttiṣṭha jāgṛhi tvaṃ me samuttiṣṭha sujāgṛhi |
akṣayān hemakalaśān suvarṇena supūritān || 42 ||
nikṣepānme samākṛṣya samuddhṛtya mamāgrataḥ |
samunnatānanā bhūtvā samādhehi dharāntarāt || 43 ||
matsannidhiṃ samāgaccha madāhitakṛpārasāt |
prasīda śreyasāṃ dogdhrī lakṣmīrme nayanāgrataḥ || 44 ||
atropaviśa lakṣmi tvaṃ sthirā bhava hiraṇmaye |
susthirā bhava samprītyā prasīda varadā bhava || 45 ||
ānītāṃstu tathā devi nidhīnme sampradarśaya |
adya kṣaṇena sahasā dattvā saṃrakṣa māṃ sadā || 46 ||
mayi tiṣṭha tathā nityaṃ yathendrādiṣu tiṣṭhasi |
abhayaṃ kuru me devi mahālakṣmīrnamo'stu te || 47 ||
samāgaccha mahālakṣmi śuddhajāmbūnadaprabhe |
prasīda purataḥ sthitvā praṇataṃ māṃ vilokaya || 48 ||
lakṣmīrbhuvaṃ gatā bhāsi yatra yatra hiraṇmayī |
tatra tatra sthitā tvaṃ me tava rūpaṃ pradarśaya || 49 ||
krīḍantī bahudhā bhūmau paripūrṇakṛpāmayi |
mama mūrdhani te hastamavilambitamarpaya || 50 ||
phaladbhāgyodaye lakṣmi samastapuravāsinī |
prasīda me mahālakṣmi paripūrṇamanorathe || 51 ||
ayodhyādiṣu sarveṣu nagareṣu samāsthite |
vaibhavairvividhairyuktaiḥ samāgaccha mudānvite || 52 ||
samāgaccha samāgaccha mamāgre bhava susthirā |
karuṇārasaniṣyandanetradvaya vilāsinī || 53 || [niṣpanna]
sannidhatsva mahālakṣmi tvatpāṇiṃ mama mastake |
karuṇāsudhayā māṃ tvamabhiṣiñcya sthiraṃ kuru || 54 ||
sarvarājagṛhe lakṣmi samāgaccha balānvite | [mudānvite]
sthitvā''śu purato me'dya prasādenā'bhayaṃ kuru || 55 ||
sādaraṃ mastake hastaṃ mama tvaṃ kṛpayārpaya |
sarvarājagṛhe lakṣmi tvatkalā mayi tiṣṭhatu || 56 ||
ādyādi śrīmahālakṣmi viṣṇuvāmāṅkasaṃsthite |
pratyakṣaṃ kuru me rūpaṃ rakṣa māṃ śaraṇāgatam || 57 ||
prasīda me mahālakṣmi suprasīda mahāśive |
acalā bhava samprītyā susthirā bhava madgṛhe || 58 ||
yāvattiṣṭhanti vedāśca yāvaccandradivākarau |
yāvadviṣṇuśca yāvattvaṃ tāvatkuru kṛpāṃ mayi || 59 ||
cāndrīkalā yathā śukle vardhate sā dine dine |
tathā dayā te mayyeva vardhatāmabhivardhatām || 60 ||
yathā vaikuṇṭhanagare yathā vai kṣīrasāgare |
tathā madbhavane tiṣṭha sthiraṃ śrīviṣṇunā saha || 61 ||
yogināṃ hṛdaye nityaṃ yathā tiṣṭhasi viṣṇunā |
tathā madbhavane tiṣṭha sthiraṃ śrīviṣṇunā saha || 62 ||
nārāyaṇasya hṛdaye bhavatī yathāste
nārāyaṇo'pi tava hṛtkamale yathāste |
nārāyaṇastvamapi nityamubhau tathaiva
tau tiṣṭhatāṃ hṛdi mamāpi dayānvitau śrīḥ || 63 ||
vijñānavṛddhiṃ hṛdaye kuru śrīḥ
saubhāgyavṛddhiṃ kuru me gṛhe śrīḥ |
dayāsuvṛddhiṃ kurutāṃ mayi śrīḥ
suvarṇavṛddhiṃ kuru me gṛhe śrīḥ || 64 ||
na māṃ tyajethāḥ śritakalpavalli
sadbhaktacintāmaṇikāmadheno |
viśvasya mātarbhava suprasannā
gṛhe kalatreṣu ca putravarge || 65 ||
ādyādimāye tvamajāṇḍabījaṃ
tvameva sākāranirākṛtistvam |
tvayā dhṛtāścābjabhavāṇḍasaṅghā-
-ścitraṃ caritraṃ tava devi viṣṇoḥ || 66 ||
brahmarudrādayo devā vedāścāpi na śaknuyuḥ |
mahimānaṃ tava stotuṃ mando'haṃ śaknuyāṃ katham || 67 ||
amba tvadvatsavākyāni sūktāsūktāni yāni ca |
tāni svīkuru sarvajñe dayālutvena sādaram || 68 ||
bhavatīṃ śaraṇaṃ gatvā kṛtārthāḥ syuḥ purātanāḥ |
iti sañcintya manasā tvāmahaṃ śaraṇaṃ vraje || 69 ||
anantā nityasukhinastvadbhaktāstvatparāyaṇāḥ |
iti vedapramāṇāddhi devi tvāṃ śaraṇaṃ vraje || 70 ||
tava pratijñā madbhaktā na naśyantītyapi kvacit |
iti sañcintya sañcintya prāṇān sandhārayāmyaham || 71 ||
tvadadhīnastvahaṃ mātastvatkṛpā mayi vidyate |
yāvatsampūrṇakāmaḥ syāttāvaddehi dayānidhe || 72 ||
kṣaṇamātraṃ na śaknomi jīvituṃ tvatkṛpāṃ vinā |
na jīvantīha jalajā jalaṃ tyaktvā jalagrahāḥ || 73 ||
yathā hi putravātsalyājjananī prasnutastanī |
vatsaṃ tvaritamāgatya samprīṇayati vatsalā || 74 ||
yadi syāṃ tava putro'haṃ mātā tvaṃ yadi māmakī |
dayāpayodharastanyasudhābhirabhiṣiñca mām || 75 ||
mṛgyo na guṇaleśo'pi mayi doṣaikamandire |
pāṃsūnāṃ vṛṣṭibindūnāṃ doṣāṇāṃ ca na me matiḥ || 76 ||
pāpināmahamevāgryo dayālūnāṃ tvamagraṇīḥ |
dayanīyo madanyo'sti tava ko'tra jagattraye || 77 ||
vidhināhaṃ na sṛṣṭaścenna syāttava dayālutā |
āmayo vā na sṛṣṭaścedauṣadhasya vṛthodayaḥ || 78 ||
kṛpā madagrajā kiṃ te ahaṃ kiṃ vā tadagrajaḥ |
vicārya dehi me vittaṃ tava devi dayānidhe || 79 ||
mātā pitā tvaṃ gurusadgatiḥ śrī-
-stvameva sañjīvanahetubhūtā |
anyaṃ na manye jagadekanāthe
tvameva sarvaṃ mama devi satye || 80 ||
ādyādilakṣmīrbhava suprasannā
viśuddhavijñānasukhaikadogdhrī |
ajñānahantrī triguṇātiriktā
prajñānanetrī bhava suprasannā || 81 ||
aśeṣavāgjāḍyamalāpahantrī
navaṃ navaṃ spaṣṭasuvākpradāyinī |
mameha jihvāgra suraṅganartakī [nartinī]
bhava prasannā vadane ca me śrīḥ || 82 ||
samastasampatsuvirājamānā
samastatejaścayabhāsamānā |
viṣṇupriye tvaṃ bhava dīpyamānā
vāgdevatā me nayane prasannā || 83 ||
sarvapradarśe sakalārthade tvaṃ
prabhāsulāvaṇyadayāpradogdhrī |
suvarṇade tvaṃ sumukhī bhava śrī-
-rhiraṇmayī me nayane prasannā || 84 ||
sarvārthadā sarvajagatprasūtiḥ
sarveśvarī sarvabhayāpahantrī |
sarvonnatā tvaṃ sumukhī bhava śrī-
-rhiraṇmayī me nayane prasannā || 85 ||
samastavighnaughavināśakāriṇī
samastabhaktoddharaṇe vicakṣaṇā |
anantasaubhāgyasukhapradāyinī
hiraṇmayī me nayane prasannā || 86 ||
devi prasīda dayanīyatamāya mahyaṃ
devādhināthabhavadevagaṇābhivandye |
mātastathaiva bhava sannihitā dṛśorme
patyā samaṃ mama mukhe bhava suprasannā || 87 ||
mā vatsa bhairabhayadānakaro'rpitaste
maulau mameti mayi dīnadayānukampe |
mātaḥ samarpaya mudā karuṇākaṭākṣaṃ
māṅgalyabījamiha naḥ sṛja janma mātaḥ || 88 ||
kaṭākṣa iha kāmadhuktava manastu cintāmaṇiḥ
karaḥ surataruḥ sadā navanidhistvamevendire |
bhave tava dayāraso mama rasāyanaṃ cānvahaṃ
mukhaṃ tava kalānidhirvividhavāñchitārthapradam || 89 ||
yathā rasasparśanato'yaso'pi
suvarṇatā syātkamale tathā te |
kaṭākṣasaṃsparśanato janānā-
-mamaṅgalānāmapi maṅgalatvam || 90 ||
dehīti nāstīti vacaḥ praveśā-
-dbhīto rame tvāṃ śaraṇaṃ prapadye |
ataḥ sadā'sminnabhayapradā tvaṃ
sahaiva patyā mayi sannidhehi || 91 ||
kalpadrumeṇa maṇinā sahitā suramyā
śrīste kalā mayi rasena rasāyanena |
āstāṃ yato mama śiraḥkaradṛṣṭipāda-
-spṛṣṭāḥ suvarṇavapuṣaḥ sthirajaṅgamāḥ syuḥ || 92 ||
ādyādiviṣṇoḥ sthiradharmapatnī
tvameva patyā mayi sannidhehi |
ādyādilakṣmi tvadanugraheṇa
pade pade me nidhidarśanaṃ syāt || 93 ||
ādyādilakṣmīhṛdayaṃ paṭhedyaḥ
sa rājyalakṣmīmacalāṃ tanoti |
mahādaridro'pi bhaveddhanāḍhya-
-stadanvaye śrīḥ sthiratāṃ prayāti || 94 ||
yasya smaraṇamātreṇa tuṣṭā syādviṣṇuvallabhā |
tasyābhīṣṭaṃ dadatyāśu taṃ pālayati putravat || 95 ||
idaṃ rahasyaṃ hṛdayaṃ sarvakāmaphalapradam |
japaḥ pañcasahasraṃ tu puraścaraṇamucyate || 96 ||
trikālamekakālaṃ vā naro bhaktisamanvitaḥ |
yaḥ paṭhecchṛṇuyādvāpi sa yāti paramāṃ śriyam || 97 ||
mahālakṣmīṃ samuddiśya niśi bhārgavavāsare |
idaṃ śrīhṛdayaṃ japtvā pañcavāraṃ dhanī bhavet || 98 ||
anena hṛdayenānnaṃ garbhiṇyā abhimantritam |
dadāti tatkule putro jāyate śrīpatiḥ svayam || 99 ||
nareṇa vā'thavā nāryā lakṣmīhṛdayamantrite |
jale pīte ca tadvaṃśe mandabhāgyo na jāyate || 100 ||
ya āśvine māsi ca śuklapakṣe
ramotsave sannihite subhaktyā |
paṭhettathaikottaravāravṛddhyā
labhetsa sauvarṇamayīṃ suvṛṣṭim || 101 ||
ya ekabhakto'nvahamekavarṣaṃ
viśuddhadhīḥ saptativārajāpī |
sa mandabhāgyo'pi ramākaṭākṣā-
-dbhavetsahasrākṣaśatādhikaśrīḥ || 102 ||
śrīśāṅghribhaktiṃ haridāsadāsyaṃ
prasannamantrārthadṛḍhaikaniṣṭhām |
guroḥ smṛtiṃ nirmalabodhabuddhiṃ
pradehi mātaḥ paramaṃ padaṃ śrīḥ || 103 ||
pṛthvīpatitvaṃ puruṣottamatvaṃ
vibhūtivāsaṃ vividhārthasiddhim |
sampūrṇakīrtiṃ bahuvarṣabhogaṃ
pradehi me lakṣmi punaḥ punastvam || 104 ||
vādārthasiddhiṃ bahulokavaśyaṃ
vayaḥ sthiratvaṃ lalanāsubhogam |
pautrādilabdhiṃ sakalārthasiddhiṃ
pradehi me bhārgavi janmajanmani || 105 ||
suvarṇavṛddhiṃ kuru me gṛhe śrīḥ
sudhānyavṛddhiṃ kurū me gṛhe śrīḥ |
kalyāṇavṛddhiṃ kuru me gṛhe śrīḥ
vibhūtivṛddhiṃ kuru me gṛhe śrīḥ || 106 ||
dhyāyellakṣmīṃ prahasitamukhīṃ koṭibālārkabhāsāṃ
vidyudvarṇāmbaravaradharāṃ bhūṣaṇāḍhyāṃ suśobhām |
bījāpūraṃ sarasijayugaṃ bibhratīṃ svarṇapātraṃ
bhartrāyuktāṃ muhurabhayadāṃ mahyamapyacyutaśrīḥ || 107 ||
guhyātiguhyagoptrī tvaṃ gṛhāṇāsmatkṛtaṃ japam |
siddhirbhavatu me devi tvatprasādānmayi sthitā || 108 ||
iti śrīatharvaṇarahasye śrīlakṣmīhṛdayastotraṃ sampūrṇam ||
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.