Shri Purushottama Sahasra Nama Stotram — Sinhala Script

විනියෝගඃ

පුරාණපුරුෂෝ විෂ්ණුඃ පුරුෂෝත්තම උච්යතේ .

නාම්නාං සහස්රං වක්ෂ්යාමි තස්ය භාගවතෝද්ධෘතම් .. 1..

යස්ය ප්රසාදාද්වාගීශාඃ ප්රජේශා විභවෝන්නතාඃ .

ක්ෂුද්රා අපි භවන්ත්යාශු ශ්රීකෘෂ්ණං තං නතෝ(අ)ස්ම්යහම් .. 2..

අනන්තා ඒව කෘෂ්ණස්ය ලීලා නාමප්රවර්තිකාඃ .

උක්තා භාගවතේ ගූහාඃ ප්රකටා අපි කුත්රචිත් .. 3..

අතස්තානි ප්රවක්ෂ්යාමි නාමානි මුරවෛරිණඃ .

සහස්රං යෛස්තු පඨිතෛඃ පඨිතං ස්යාච්ඡුකාමෘතම් .. 4..

කෘෂ්ණනාමසහස්රස්ය ඍෂිරග්නිර්නිරූපිතඃ .

ගායත්රී ච තථා ඡන්දෝ දේවතා පුරුෂෝත්තමඃ .. 5..

විනියෝගඃ සමස්තේෂු පුරුෂාර්ථේෂු වෛ මතඃ .

බීජං භක්තප්රියඃ ශක්තිඃ සත්යවාගුච්යතේ හරිඃ .. 6..

භක්තෝද්ධරණයත්නස්තු මන්ත්රෝ(අ)ත්ර පරමෝ මතඃ .

අවතාරිතභක්තාංශඃ කීලකං පරිකීර්තිතම් .. 7..

අස්ත්රං සර්වසමර්ථශ්ච ගෝවින්දඃ කවචං මතම් .

පුරුෂෝ ධ්යානමත්රෝක්තඃ සිද්ධිඃ ශරණසංස්මෘතිඃ .. 8..

අධිකාරලීලා

ශ්රීකෘෂ්ණඃ සච්චිදානන්දෝ නිත්යලීලාවිනෝදකෘත් .

සර්වාගමවිනෝදී ච ලක්ෂ්මීශඃ පුරුෂෝත්තමඃ .. 9..

ආදිකාලඃ සර්වකාලඃ කාලාත්මා මායයාවෘතඃ .

භක්තෝද්ධාරප්රයත්නාත්මා ජගත්කර්තා ජගන්මයඃ .. 10..

නාමලීලාපරෝ විෂ්ණුර්ව්යාසාත්මා ශුකමෝක්ෂදඃ .

ව්යාපිවෛකුණ්ඨදාතා ච ශ්රීමද්භාගවතාගමඃ .. 11..

ශුකවාගමෘතාබ්ධීන්දුඃ ශෞනකාද්යඛිලේෂ්ටදඃ .

භක්තිප්රවර්තකස්ත්රාතා ව්යාසචින්තාවිනාශකඃ .. 12..

සර්වසිද්ධාන්තවාගාත්මා නාරදාද්යඛිලේෂ්ටදඃ .

අන්තරාත්මා ධ්යානගම්යෝ භක්තිරත්නප්රදායකඃ .. 13..

මුක්තෝපසෘප්යඃ පූර්ණාත්මා මුක්තානාං රතිවර්ධනඃ .

භක්තකාර්යෛකනිරතෝ ද්රෞණ්යස්ත්රවිනිවාරකඃ .. 14..

භක්තස්මයප්රණේතා ච භක්තවාක්පරිපාලකඃ .

බ්රහ්මණ්යදේවෝ ධර්මාත්මා භක්තානාං ච පරීක්ෂකඃ .. 15..

ආසන්නහිතකර්තා ච මායාහිතකරඃ ප්රභුඃ .

උත්තරාප්රාණදාතා ච බ්රහ්මාස්ත්රවිනිවාරකඃ .. 16..

සර්වතඃ පාණවපතිඃ පරීක්ෂිච්ඡුද්ධිකාරණම් .

ගූහාත්මා සර්වවේදේෂු භක්තෛකහෘදයඞ්ගමඃ .. 17..

කුන්තීස්තුත්යඃ ප්රසන්නාත්මා පරමාද්භුතකාර්යකෘත් .

භීෂ්මමුක්තිප්රදඃ ස්වාමී භක්තමෝහනිවාරකඃ .. 18..

සර්වාවස්ථාසු සංසේව්යඃ සමඃ සුඛහිතප්රදඃ .

කෘතකෘත්යඃ සර්වසාක්ෂී භක්තස්ත්රීරතිවර්ධනඃ .. 19..

සර්වසෞභාග්යනිලයඃ පරමාශ්චර්යරූපධෘක් .

අනන්යපුරුෂස්වාමී ද්වාරකාභාග්යභාජනම් .. 20..

බීජසංස්කාරකර්තා ච පරීක්ෂිජ්ජානපෝෂකඃ .

සර්වත්රපූර්ණගුණකඃ සර්වභූෂණභූෂිතඃ .. 21..

සර්වලක්ෂණදාතා ච ධෘතරාෂ්ට්රවිමුක්තිදඃ .

සන්මාර්ගරක්ෂකෝ නිත්යං විදුරප්රීතිපූරකඃ .. 22..

ලීලාව්යාමෝහකර්තා ච කාලධර්මප්රවර්තකඃ .

පාණවානාං මෝක්ෂදාතා පරීක්ෂිද්භාග්යවර්ධනඃ .. 23..

කලිනිග්රහකර්තා ච ධර්මාදීනාං ච පෝෂකඃ .

සත්සඞ්ගජානහේතුශ්ච ශ්රීභාගවතකාරණම් .. 24..

ප්රාකෘතාදෘෂ්ටමාර්ගශ්ච............ චෝන්තිනුඒද්

ජ්ඤාන-සාධන-ලීලා

........................ ශ්රෝතව්යඃ සකලාගමෛඃ .

කීර්තිතව්යඃ ශුද්ධභාවෛඃ ස්මර්තව්යශ්චාත්මවිත්තමෛඃ .. 25..

අනේකමාර්ගකර්තා ච නානාවිධගතිප්රදඃ .

පුරුෂඃ සකලාධාරඃ සත්ත්වෛකනිලයාත්මභූඃ .. 26..

සර්වධ්යේයෝ යෝගගම්යෝ භක්ත්යා ග්රාහ්යඃ සුරප්රියඃ .

ජන්මාදිසාර්ථකකෘතිර්ලීලාකර්තා පතිඃ සතාම් .. 27..

ආදිකර්තා තත්ත්වකර්තා සර්වකර්තා විශාරදඃ .

නානාවතාරකර්තා ච බ්රහ්මාවිර්භාවකාරණම් .. 28..

දශලීලාවිනෝදී ච නානාසෘෂ්ටිප්රවර්තකඃ .

අනේකකල්පකර්තා ච සර්වදෝෂවිවර්ජිතඃ .. 29..

සර්ගලීලා

වෛරාග්යහේතුස්තීර්ථාත්මා සර්වතීර්ථඵලප්රදඃ .

තීර්ථශුද්ධෛකනිලයඃ ස්වමාර්ගපරිපෝෂකඃ .. 30..

තීර්ථකීර්තිර්භක්තගම්යෝ භක්තානුශයකාර්යකෘත් .

භක්තතුල්යඃ සර්වතුල්යඃ ස්වේච්ඡාසර්වප්රවර්තකඃ .. 31..

ගුණාතීතෝ(අ)නවද්යාත්මා සර්ගලීලාප්රවර්තකඃ .

සාක්ෂාත්සර්වජගත්කර්තා මහදාදිප්රවර්තකඃ .. 32..

මායාප්රවර්තකඃ සාක්ෂී මායාරතිවිවර්ධනඃ .

ආකාශාත්මා චතුර්මූර්තිශ්චතුර්ධා භූතභාවනඃ .. 33..

රජඃප්රවර්තකෝ බ්රහ්මා මරීච්යාදිපිතාමහඃ .

වේදකර්තා යජ්ඤකර්තා සර්වකර්තා(අ)මිතාත්මකඃ .. 34..

අනේකසෘෂ්ටිකර්තා ච දශධාසෘෂ්ටිකාරකඃ .

යජ්ඤාඞ්ගෝ යජ්ඤවාරාහෝ භූධරෝ භූමිපාලකඃ .. 35..

සේතුර්විධරණෝ ජෛත්රෝ හිරණ්යාක්ෂාන්තකඃ සුරඃ .

දිතිකශ්යපකාමෛකහේතුසෘෂ්ටිප්රවර්තකඃ .. 36..

දේවාභයප්රදාතා ච වෛකුණ්ඨාධිපතිර්මහාන් .

සර්වගර්වප්රහාරී ච සනකාද්යඛිලාර්ථදඃ .. 37..

සර්වාශ්වාසනකර්තා ච භක්තතුල්යාහවප්රදඃ .

කාලලක්ෂණහේතුශ්ච සර්වාර්ථජ්ඤාපකඃ පරඃ .. 38..

භක්තෝන්නතිකරඃ සර්වප්රකාරසුඛදායකඃ .

නානායුද්ධප්රහරණෝ බ්රහ්මශාපවිමෝචකඃ .. 39..

පුෂ්ටිසර්ගප්රණේතා ච ගුණසෘෂ්ටිප්රවර්තකඃ .

කර්දමේෂ්ටප්රදාතා ච දේවහූත්යඛිලාර්ථදඃ .. 40..

ශුක්ලනාරායණඃ සත්යකාලධර්මප්රවර්තකඃ .

ජ්ඤානාවතාරඃ ශාන්තාත්මා කපිලඃ කාලනාශකඃ .. 41..

ත්රිගුණාධිපතිඃ සාඞ්ඛ්යශාස්ත්රකර්තා විශාරදඃ .

සර්ගදූෂණහාරී ච පුෂ්ටිමෝක්ෂප්රවර්තකඃ .. 42..

ලෞකිකානන්දදාතා ච බ්රහ්මානන්දප්රවර්තකඃ .

භක්තිසිද්ධාන්තවක්තා ච සගුණජ්ඤානදීපකඃ .. 43..

ආත්මප්රදඃ පූර්ණකාමෝ යෝගාත්මා යෝගභාවිතඃ .

ජීවන්මුක්තිප්රදඃ ශ්රීමානන්යභක්තිප්රවර්තකඃ .. 44..

කාලසාමර්ථ්යදාතා ච කාලදෝෂනිවාරකඃ .

ගර්භෝත්තමජ්ඤානදාතා කර්මමාර්ගනියාමකඃ .. 45..

සර්වමාර්ගනිරාකර්තා භක්තිමාර්ගෛකපෝෂකඃ .

සිද්ධිහේතුඃ සර්වහේතුඃ සර්වාශ්චර්යෛකකාරණම් .. 46..

චේතනාචේතනපතිඃ සමුද්රපරිපූජිතඃ .

සාඞ්ඛ්යාචාර්යස්තුතඃ සිද්ධපූජිතඃ සර්වපූජිතඃ .. 47..

විසර්ගලීලා

විසර්ගකර්තා සර්වේශඃ කෝටිසූර්යසමප්රභඃ .

අනන්තගුණගම්භීරෝ මහාපුරුෂපූජිතඃ .. 48..

අනන්තසුඛදාතා ච බ්රහ්මකෝටිප්රජාපතිඃ .

සුධාකෝටිස්වාස්ථ්යහේතුඃ කාමධුක්කෝටිකාමදඃ .. 49..

සමුද්රකෝටිගම්භීරස්තීර්ථකෝටිසමාහ්වයඃ .

සුමේරුකෝටිනිෂ්කම්පඃ කෝටිබ්රහ්මාණ්ඩවිග්රහඃ .. 50..

කෝට්යශ්වමේධපාපඝ්නෝ වායුකෝටිමහාබලඃ .

කෝටීන්දුජගදානන්දී ශිවකෝටිප්රසාදකෘත් .. 51..

සර්වසද්ගුණමාහාත්ම්යඃ සර්වසද්ගුණභාජනම් .

මන්වාදිප්රේරකෝ ධර්මෝ යජ්ඤනාරායණඃ පරඃ .. 52..

ආකූතිසූනුර්දේවේන්ද්රෝ රුචිජන්මා(අ)භයප්රදඃ .

දක්ෂිණාපතිරෝජස්වී ක්රියාශක්තිඃ පරායණඃ .. 53..

දත්තාත්රේයෝ යෝගපතිර්යෝගමාර්ගප්රවර්තකඃ .

අනසූයාගර්භරත්නමෘෂිවංශවිවර්ධනඃ .. 54..

ගුණත්රයවිභාගජ්ඤශ්චතුර්වර්ගවිශාරදඃ .

නාරායණෝ ධර්මසූනුර්මූර්තිපුණ්යයශස්කරඃ .. 55..

සහස්රකවචච්ඡේදී තපඃසාරෝ නරප්රියඃ .

විශ්වානන්දප්රදඃ කර්මසාක්ෂී භාරතපූජිතඃ .. 56..

අනන්තාද්භුතමාහාත්ම්යෝ බදරීස්ථානභූෂණම් .

ජිතකාමෝ ජිතක්රෝධෝ ජිතසඞ්ගෝ ජිතේන්ද්රියඃ .. 57..

උර්වශීප්රභවඃ ස්වර්ගසුඛදායී ස්ථිතිප්රදඃ .

අමානී මානදෝ ගෝප්තා භගවච්ඡාස්ත්රබෝධකඃ .. 58..

බ්රහ්මාදිවන්ද්යෝ හංසශ්රීර්මායාවෛභවකාරණම් .

විවිධානන්තසර්ගාත්මා විශ්වපූරණතත්පරඃ .. 59..

යජ්ඤජීවනහේතුශ්ච යජ්ඤස්වාමීෂ්ටබෝධකඃ .

නානාසිද්ධාන්තගම්යශ්ච සප්තතන්තුශ්ච ෂඩ්ගුණඃ .. 60..

ප්රතිසර්ගජගත්කර්තා නානාලීලාවිශාරදඃ .

ධ්රුවප්රියෝ ධ්රුවස්වාමී චින්තිතාධිකදායකඃ .. 61..

දුර්ලභානන්තඵලදෝ දයානිධිරමිත්රහා .

අඞ්ගස්වාමී කෘපාසාරෝ වෛන්යෝ භූමිනියාමකඃ .. 62..

භූමිදෝග්ධා ප්රජාප්රාණපාලනෛකපරායණඃ .

යශෝදාතා ජ්ඤානදාතා සර්වධර්මප්රදර්ශකඃ .. 63..

පුරඤ්ජනෝ ජගන්මිත්රං විසර්ගාන්තප්රදර්ශකඃ .

ප්රචේතසාං පතිශ්චිත්රභක්තිහේතුර්ජනාර්දනඃ .. 64..

ස්මෘතිහේතුබ්රහ්මභාවසායුජ්යාදිප්රදඃ ශුභඃ .

විජයී .................... චෝන්තිනුඒද්

ස්ථානලීලා

.... ස්ථිතිලීලාබ්ධිරච්යුතෝ විජයප්රදඃ .. 65..

ස්වසාමර්ථ්යප්රදෝ භක්තකීර්තිහේතුරධෝක්ෂජඃ .

ප්රියව්රතප්රියස්වාමී ස්වේච්ඡාවාදවිශාරදඃ .. 66..

සඞ්ග්යගම්යඃ ස්වප්රකාශඃ සර්වසඞ්ගවිවර්ජිතඃ .

ඉච්ඡායාං ච සමර්යාදස්ත්යාගමාත්රෝපලම්භනඃ .. 67..

අචින්ත්යකාර්යකර්තා ච තර්කාගෝචරකාර්යකෘත් .

ශ‍ඍඞ්ගාරරසමර්යාදා ආග්නීධ්රරසභාජනම් .. 68..

නාභීෂ්ටපූරකඃ කර්මමර්යාදාදර්ශනෝත්සුකඃ .

සර්වරූපෝ(අ)ද්භුතතමෝ මර්යාදාපුරුෂෝත්තමඃ .. 69..

සර්වරූපේෂු සත්යාත්මා කාලසාක්ෂී ශශිප්රභඃ .

මේරුදේවීව්රතඵලමෘෂභෝ භගලක්ෂණඃ .. 70..

ජගත්සන්තර්පකෝ මේඝරූපී දේවේන්ද්රදර්පහා .

ජයන්තීපතිරත්යන්තප්රමාණාශේෂලෞකිකඃ .. 71..

ශතධාන්යස්තභූතාත්මා ශතානන්දෝ ගුණප්රසූඃ .

වෛෂ්ණවෝත්පාදනපරඃ සර්වධර්මෝපදේශකඃ .. 72..

පරහංසක්රියාගෝප්තා යෝගචර්යාප්රදර්ශකඃ .

චතුර්ථාශ්රමනිර්ණේතා සදානන්දශරීරවාන් .. 73..

ප්රදර්ශිතාන්යධර්මශ්ච භරතස්වාම්යපාරකෘත් .

යථාවත්කර්මකර්තා ච සඞ්ගානිෂ්ටප්රදර්ශකඃ .. 74..

ආවශ්යකපුනර්ජන්මකර්මමාර්ගප්රදර්ශකඃ .

යජ්ඤරූපමෘගඃ ශාන්තඃ සහිෂ්ණුඃ සත්පරාක්රමඃ .. 75..

රහූගණගතිජ්ඤශ්ච රහූගණවිමෝචකඃ .

භවාටවීතත්ත්වවක්තා බහිර්මුඛහිතේ රතඃ .. 76..

ගයස්වාමී ස්ථානවංශකර්තා ස්ථානවිභේදකෘත් .

පුරුෂාවයවෝ භූමිවිශේෂවිනිරූපකඃ .. 77..

ජම්බූද්වීපපතිර්මේරුනාභිපද්මරුහාශ්රයඃ .

නානාවිභූතිලීලාඪ්යෝ ගඞ්ගෝත්පත්තිනිදානකෘත් .. 78..

ගඞ්ගාමාහාත්ම්යහේතුශ්ච ගඞ්ගාරූපෝ(අ)තිගූඪකෘත් .

වෛකුණ්ඨදේහහේත්වම්බුජන්මකෘත් සර්වපාවනඃ .. 79..

ශිවස්වාමී ශිවෝපාස්යෝ ගූඪඃ සඞ්කර්ෂණාත්මකඃ .

ස්ථානරක්ෂාර්ථමත්ස්යාදිරූපඃ සර්වෛකපූජිතඃ .. 80..

උපාස්යනානාරූපාත්මා ජ්යෝතීරූපෝ ගතිප්රදඃ .

සූර්යනාරායණෝ වේදකාන්තිරුජ්ජ්වලවේෂධෘක් .. 81..

හංසෝ(අ)න්තරික්ෂගමනඃ සර්වප්රසවකාරණම් .

ආනන්දකර්තා වසුදෝ බුධෝ වාක්පතිරුජ්ජ්වලඃ .. 82..

කාලාත්මා කාලකාලශ්ච කාලච්ඡේදකෘදුත්තමඃ .

ශිශුමාරඃ සර්වමූර්තිරාධිදෛවිකරූපධෘක් .. 83..

අනන්තසුඛභෝගාඪ්යෝ විවරෛශ්වර්යභාජනම් .

සඞ්කර්ෂණෝ දෛත්යපතිඃ සර්වාධාරෝ බෘහද්වපුඃ .. 84..

අනන්තනරකච්ඡේදී ස්මෘතිමාත්රාර්තිනාශනඃ .

සර්වානුග්රහකර්තා ච .................... චෝන්තිනුඒද්

පෝෂණ-පුෂ්ටි-ලීලා

................ මර්යාදාභින්නශාස්ත්රකෘත් .. 85 ..

කාලාන්තකභයච්ඡේදී නාමසාමර්ථ්යරූපධෘක් .

උද්ධාරානර්හගෝප්ත්රාත්මා නාමාදිප්රේරකෝත්තමඃ .. 86..

අජාමිලමහාදුෂ්ටමෝචකෝ(අ)ඝවිමෝචකඃ .

ධර්මවක්තා(අ)ක්ලිෂ්ටවක්තා විෂ්ණුධර්මස්වරූපධෘක් .. 87..

සන්මාර්ගප්රේරකෝ ධර්තා ත්යාගහේතුරධෝක්ෂජඃ .

වෛකුණ්ඨපුරනේතා ච දාසසංවෘද්ධිකාරකඃ .. 88..

දක්ෂප්රසාදකෘද්ධංසගුහ්යස්තුතිවිභාවනඃ .

ස්වාභිප්රායප්රවක්තා ච මුක්තජීවප්රසූතිකෘත් .. 89..

නාරදප්රේරණාත්මා ච හර්යශ්වබ්රහ්මභාවනඃ .

ශබලාශ්වහිතෝ ගූඪවාක්යාර්ථජ්ඤාපනක්ෂමඃ .. 90..

ගූඪාර්ථජ්ඤාපනඃ සර්වමෝක්ෂානන්දප්රතිෂ්ඨිතඃ .

පුෂ්ටිප්රරෝහහේතුශ්ච දාසෛකජ්ඤාතහෘද්ගතඃ .. 91..

ශාන්තිකර්තා සුහිතකෘත් ස්ත්රීප්රසූඃ සර්වකාමධුක් .

පුෂ්ටිවංශප්රණේතා ච විශ්වරූපේෂ්ටදේවතා .. 92..

කවචාත්මා පාලනාත්මා වර්මෝපචිතිකාරණම් .

විශ්වරූපශිරශ්ඡේදී ත්වාෂ්ට්රයජ්ඤවිනාශකඃ .. 93..

වෘත්රස්වාමී වෘත්රගම්යෝ වෘත්රව්රතපරායණඃ .

වෘත්රකීර්තිර්වෘත්රමෝක්ෂෝ මඝවත්ප්රාණරක්ෂකඃ .. 94..

අශ්වමේධහවිර්භෝක්තා දේවේන්ද්රාමීවනාශකඃ .

සංසාරමෝචකශ්චිත්රකේතුබෝධනතත්පරඃ .. 95..

මන්ත්රසිද්ධිඃ සිද්ධිහේතුඃ සුසිද්ධිඵලදායකඃ .

මහාදේවතිරස්කර්තා භක්ත්යෛ පූර්වාර්ථනාශකඃ .. 96..

දේවබ්රාහ්මණවිද්වේෂවෛමුඛ්යජ්ඤාපකඃ ශිවඃ .

ආදිත්යෝ දෛත්යරාජශ්ච මහත්පතිරචින්ත්යකෘත් .. 97..

මරුතාං භේදකස්ත්රාතා ව්රතාත්මා පුම්ප්රසූතිකෘත් .

ඌතිලීලා

කර්මාත්මා වාසනාත්මා ච ඌතිලීලාපරායණඃ .. 98..

සමදෛත්යසුරඃ ස්වාත්මා වෛෂම්යජ්ඤානසංශ්රයඃ .

දේහාද්යුපාධිරහිතඃ සර්වජ්ඤඃ සර්වහේතුවිද් .. 99..

බ්රහ්මවාක්ස්ථාපනපරඃ ස්වජන්මාවධිකාර්යකෘත් .

සදසද්වාසනාහේතුස්ත්රිසත්යෝ භක්තමෝචකඃ .. 100..

හිරණ්යකශිපුද්වේෂී ප්රවිෂ්ටාත්මා(අ)තිභීෂණඃ .

ශාන්තිජ්ඤානාදිහේතුශ්ච ප්රහ්ලාදෝත්පත්තිකාරණම් .. 101..

දෛත්යසිද්ධාන්තසද්වක්තා තපඃසාර උදාරධීඃ .

දෛත්යහේතුප්රකටනෝ භක්තිචිහ්නප්රකාශකඃ .. 102..

සද්ද්වේෂහේතුඃ සද්ද්වේෂවාසනාත්මා නිරන්තරඃ .

නෛෂ්ඨුර්යසීමා ප්රහ්ලාදවත්සලඃ සඞ්ගදෝෂහා .. 103..

මහානුභාවඃ සාකාරඃ සර්වාකාරඃ ප්රමාණභූඃ .

ස්තම්භප්රසූතිර්නෘහරිර්නෘසිංහෝ භීමවික්රමඃ .. 104..

විකටාස්යෝ ලලජ්ජිහ්වෝ නඛශස්ත්රෝ ජවෝත්කටඃ .

හිරණ්යකශිපුච්ඡේදී ක්රූරදෛත්යනිවාරකඃ .. 105..

සිංහාසනස්ථඃ ක්රෝධාත්මා ලක්ෂ්මීභයවිවර්ධනඃ .

බ්රහ්මාද්යත්යන්තභයභූරපූර්වාචින්ත්යරූපධෘක් .. 106..

භක්තෛකශාන්තහෘදයෝ භක්තස්තුත්යඃ ස්තුතිප්රියඃ .

භක්තාඞ්ගලේහනෝද්ධූතක්රෝධපුඞ්ජඃ ප්රශාන්තධීඃ .. 107..

ස්මෘතිමාත්රභයත්රාතා බ්රහ්මබුද්ධිප්රදායකඃ .

ගෝරූපධාර්යමෘතපාඃ ශිවකීර්තිවිවර්ධනඃ .. 108..

ධර්මාත්මා සර්වකර්මාත්මා විශේෂාත්මා(අ)(අ)ශ්රමප්රභුඃ .

සංසාරමග්නස්වෝද්ධර්තා සන්මාර්ගාඛිලතත්ත්වවාක් .. 109..

ආචාරාත්මා සදාචාරඃ .................. චෝන්තිනුඒද්

මන්වන්තරලීලා

....................මන්වන්තරවිභාවනඃ .

ස්මෘත්යා(අ)ශේෂාශුභහරෝ ගජේන්ද්රස්මෘතිකාරණම් .. 110..

ජාතිස්මරණහේත්වෛකපූජාභක්තිස්වරූපදඃ .

යජ්ඤෝ භයාන්මනුත්රාතා විභුර්බ්රහ්මව්රතාශ්රයඃ .. 111..

සත්යසේනෝ දුෂ්ටඝාතී හරිර්ගජවිමෝචකඃ .

වෛකුණ්ඨෝ ලෝකකර්තා ච අජිතෝ(අ)මෘතකාරණම් .. 112..

උරුක්රමෝ භූමිහර්තා සාර්වභෞමෝ බලිප්රියඃ .

විභුඃ සර්වහිතෛකාත්මා විෂ්වක්සේනඃ ශිවප්රියඃ .. 113..

ධර්මසේතුර්ලෝකධෘතිඃ සුධාමාන්තරපාලකඃ .

උපහර්තා යෝගපතිර්බෘහද්භානුඃ ක්රියාපතිඃ .. 114..

චතුර්දශප්රමාණාත්මා ධර්මෝ මන්වාදිබෝධකඃ .

ලක්ෂ්මීභෝගෛකනිලයෝ දේවමන්ත්රප්රදායකඃ .. 115..

දෛත්යව්යාමෝහකඃ සාක්ෂාද්ගරුඩස්කන්ධසංශ්රයඃ .

ලීලාමන්දරධාරී ච දෛත්යවාසුකිපූජිතඃ .. 116..

සමුද්රෝන්මථනායත්තෝ(අ)විඝ්නකර්තා ස්වවාක්යකෘත් .

ආදිකූර්මඃ පවිත්රාත්මා මන්දරාඝර්ෂණෝත්සුකඃ .. 117..

ශ්වාසෛජදබ්ධිවාර්වීචිඃ කල්පාන්තාවධිකාර්යකෘත් .

චතුර්දශමහාරත්නෝ ලක්ෂ්මීසෞභාග්යවර්ධනඃ .. 118..

ධන්වන්තරිඃ සුධාහස්තෝ යජ්ඤභෝක්තා(අ)(අ)ර්තිනාශනඃ .

ආයුර්වේදප්රණේතා ච දේවදෛත්යාඛිලාර්චිතඃ .. 119..

බුද්ධිව්යාමෝහකෝ දේවකාර්යසාධනතත්පරඃ .

ස්ත්රීරූපෝ මායයා වක්තා දෛත්යාන්තඃකරණප්රියඃ .. 120..

පායිතාමෘතදේවාංශෝ යුද්ධහේතුස්මෘතිප්රදඃ .

සුමාලිමාලිවධකෘන්මාල්යවත්ප්රාණහාරකඃ .. 121..

කාලනේමිශිරශ්ඡේදී දෛත්යයජ්ඤවිනාශකඃ .

ඉන්ද්රසාමර්ථ්යදාතා ච දෛත්යශේෂස්ථිතිප්රියඃ .. 122..

ශිවව්යාමෝහකෝ මායී භෘගුමන්ත්රස්වශක්තිදඃ .

බලිජීවනකර්තා ච ස්වර්ගහේතුර්ව්රතාර්චිතඃ .. 123..

අදිත්යානන්දකර්තා ච කශ්යපාදිතිසම්භවඃ .

උපේන්ද්ර ඉන්ද්රාවරජෝ වාමනබ්රහ්මරූපධෘක් .. 124..

බ්රහ්මාදිසේවිතවපුර්යජ්ඤපාවනතත්පරඃ .

යාච්ඤෝපදේශකර්තා ච ජ්ඤාපිතාශේෂසංස්ථිතිඃ .. 125..

සත්යාර්ථප්රේරකඃ සර්වහර්තා ගර්වවිනාශකඃ .

ත්රිවික්රමස්ත්රිලෝකාත්මා විශ්වමූර්තිඃ පෘථුශ්රවාඃ .. 126..

පාශබද්ධබලිඃ සර්වදෛත්යපක්ෂෝපමර්දකඃ .

සුතලස්ථාපිතබලිඃ ස්වර්ගාධිකසුඛප්රදඃ .. 127..

කර්මසම්පූර්තිකර්තා ච ස්වර්ගසංස්ථාපිතාමරඃ .

ජ්ඤාතත්රිවිධධර්මාත්මා මහාමීනෝ(අ)බ්ධිසංශ්රයඃ .. 128..

සත්යව්රතප්රියෝ ගෝප්තා මත්ස්යමූර්තිධෘතශ්රුතිඃ .

ශ‍ඍඞ්ගබද්ධධෘතක්ෂෝණිඃ සර්වාර්ථජ්ඤාපකෝ ගුරුඃ .. 129..

ඊශානුකථාලීලා

ඊශසේවකලීලාත්මා සූර්යවංශප්රවර්තකඃ .

සෝමවංශෝද්භවකරෝ මනුපුත්රගතිප්රදඃ .. 130..

අම්බරීෂප්රියඃ සාධුර්දුර්වාසෝගර්වනාශකඃ .

බ්රහ්මශාපෝපසංහර්තා භක්තකීර්තිවිවර්ධනඃ .. 131..

ඉක්ෂ්වාකුවංශජනකඃ සගරාද්යඛිලාර්ථදඃ .

භගීරථමහායත්නෝ ගඞ්ගාධෞතාඞ්ඝ්රිපඞ්කජඃ .. 132..

බ්රහ්මස්වාමී ශිවස්වාමී සගරාත්මජමුක්තිදඃ .

ඛට්වාඞ්ගමෝක්ෂහේතුශ්ච රඝුවංශවිවර්ධනඃ .. 133..

රඝුනාථෝ රාමචන්ද්රෝ රාමභද්රෝ රඝුප්රියඃ .

අනන්තකීර්තිඃ පුණ්යාත්මා පුණ්යශ්ලෝකෛකභාස්කරඃ .. 134..

කෝශලේන්ද්රඃ ප්රමාණාත්මා සේව්යෝ දශරථාත්මජඃ .

ලක්ෂ්මණෝ භරතශ්චෛව ශත්රුඝ්නෝ ව්යූහවිග්රහඃ .. 135..

විශ්වාමිත්රප්රියෝ දාන්තස්තාඩකාවධමෝක්ෂදඃ .

වායව්යාස්ත්රාබ්ධිනික්ෂිප්තමාරීචශ්ච සුබාහුහා .. 136..

වෘෂධ්වජධනුර්භඞ්ගප්රාප්තසීතාමහෝත්සවඃ .

සීතාපතිර්භෘගුපතිගර්වපර්වතනාශකඃ .. 137..

අයෝධ්යාස්ථමහාභෝගයුක්තලක්ෂ්මීවිනෝදවාන් .

කෛකේයීවාක්යකර්තා ච පිතෘවාක්පරිපාලකඃ .. 138..

වෛරාග්යබෝධකෝ(අ)නන්යසාත්ත්විකස්ථානබෝධකඃ .

අහල්යාදුඃඛහාරී ච ගුහස්වාමී සලක්ෂ්මණඃ .. 139..

චිත්රකූටප්රියස්ථානෝ දණ්ඩකාරණ්යපාවනඃ .

ශරභඞ්ගසුතීක්ෂ්ණාදිපූජිතෝ(අ)ගස්ත්යභාග්යභූඃ .. 140..

ඍෂිසම්ප්රාර්ථිතකෘතිර්විරාධවධපණ්ඩිතඃ .

ඡින්නශූර්පණඛානාසඃ ඛරදූෂණඝාතකඃ .. 141..

ඒකබාණහතානේකසහස්රබලරාක්ෂසඃ .

මාරීචඝාතී නියතසීතාසම්බන්ධශෝභිතඃ .. 142..

සීතාවියෝගනාට්යශ්ච ජටායුර්වධමෝක්ෂදඃ .

ශබරීපූජිතෝ භක්තහනුමත්ප්රමුඛාවෘතඃ .. 143..

දුන්දුභ්යස්ථිප්රහරණඃ සප්තතාලවිභේදනඃ .

සුග්රීවරාජ්යදෝ වාලිඝාතී සාගරශෝෂණඃ .. 144..

සේතුබන්ධනකර්තා ච විභීෂණහිතප්රදඃ .

රාවණාදිශිරශ්ඡේදී රාක්ෂසාඝෞඝනාශකඃ .. 145..

සීතා(අ)භයප්රදාතා ච පුෂ්පකාගමනෝත්සුකඃ .

අයෝධ්යාපතිරත්යන්තසර්වලෝකසුඛප්රදඃ .. 146..

මථුරාපුරනිර්මාතා සුකෘතජ්ඤස්වරූපදඃ .

ජනකජ්ඤානගම්යශ්ච ඓලාන්තප්රකටශ්රුතිඃ .. 147..

හෛහයාන්තකරෝ රාමෝ දුෂ්ටක්ෂත්රවිනාශකඃ .

සෝමවංශහිතෛකාත්මා යදුවංශවිවර්ධනඃ .. 148..

නිරෝධලීලා

පරබ්රහ්මාවතරණඃ කේශවඃ ක්ලේශනාශනඃ .

භූමිභාරාවතරණෝ භක්තාර්ථාඛිලමානසඃ .. 149..

සර්වභක්තනිරෝධාත්මා ලීලානන්තනිරෝධකෘත් .

භූමිෂ්ඨපරමානන්දෝ දේවකීශුද්ධිකාරණම් .. 150..

වසුදේවජ්ඤානනිෂ්ඨසමජීවනිවාරකඃ .

සර්වවෛරාග්යකරණස්වලීලාධාරශෝධකඃ .. 151..

මායාජ්ඤාපනකර්තා ච ශේෂසම්භාරසම්භෘතිඃ .

භක්තක්ලේශපරිජ්ඤාතා තන්නිවාරණතත්පරඃ .. 152..

ආවිෂ්ටවසුදේවාංශෝ දේවකීගර්භභූෂණම් .

පූර්ණතේජෝමයඃ පූර්ණඃ කංසාධෘෂ්යප්රතාපවාන් .. 153..

විවේකජ්ඤානදාතා ච බ්රහ්මාද්යඛිලසංස්තුතඃ .

සත්යෝ ජගත්කල්පතරුර්නානාරූපවිමෝහනඃ .. 154..

භක්තිමාර්ගප්රතිෂ්ඨාතා විද්වන්මෝහප්රවර්තකඃ .

මූලකාලගුණද්රෂ්ටා නයනානන්දභාජනම් .. 155..

වසුදේවසුඛාබ්ධිශ්ච දේවකීනයනාමෘතම් .

පිතෘමාතෘස්තුතඃ පූර්වසර්වවෘත්තාන්තබෝධකඃ .. 156..

ගෝකුලාගතිලීලාප්තවසුදේවකරස්ථිතිඃ .

සර්වේශත්වප්රකටනෝ මායාව්යත්යයකාරකඃ .. 157..

ජ්ඤානමෝහිතදුෂ්ටේශඃ ප්රපඤ්චාස්මෘතිකාරණම් .

යශෝදානන්දනෝ නන්දභාග්යභූගෝකුලෝත්සවඃ .. 158..

නන්දප්රියෝ නන්දසූනුර්යශෝදායාඃ ස්තනන්ධයඃ .

පූතනාසුපයඃපාතා මුග්ධභාවාතිසුන්දරඃ .. 159..

සුන්දරීහෘදයානන්දෝ ගෝපීමන්ත්රාභිමන්ත්රිතඃ .

ගෝපාලාශ්චර්යරසකෘත් ශකටාසුරඛණ්ඩනඃ .. 160..

නන්දව්රජජනානන්දී නන්දභාග්යමහෝදයඃ .

තෘණාවර්තවධෝත්සාහෝ යශෝදාජ්ඤානවිග්රහඃ .. 161..

බලභද්රප්රියඃ කෘෂ්ණඃ සඞ්කර්ෂණසහායවාන් .

රාමානුජෝ වාසුදේවෝ ගෝෂ්ඨාඞ්ගණගතිප්රියඃ .. 162..

කිඞ්කිණීරවභාවජ්ඤෝ වත්සපුච්ඡාවලම්බනඃ .

නවනීතප්රියෝ ගෝපීමෝහසංසාරනාශකඃ .. 163..

ගෝපබාලකභාවජ්ඤශ්චෞර්යවිද්යාවිශාරදඃ .

මෘත්ස්නාභක්ෂණලීලාස්යමාහාත්ම්යජ්ඤානදායකඃ .. 164..

ධරාද්රෝණප්රීතිකර්තා දධිභාණ්ඩවිභේදනඃ .

දාමෝදරෝ භක්තවශ්යෝ යමලාර්ජුනභඤ්ජනඃ .. 165..

බෘහද්වනමහාශ්චර්යෝ වෘන්දාවනගතිප්රියඃ .

වත්සඝාතී බාලකේලිර්බකාසුරනිෂූදනඃ .. 166..

අරණ්යභෝක්තා(අ)ප්යථවා බාලලීලාපරායණඃ .

ප්රෝත්සාහජනකශ්චෛවමඝාසුරනිෂූදනඃ .. 167..

ව්යාලමෝක්ෂප්රදඃ පුෂ්ටෝ බ්රහ්මමෝහප්රවර්ධනඃ .

අනන්තමූර්තිඃ සර්වාත්මා ජඞ්ගමස්ථාවරාකෘතිඃ .. 168..

බ්රහ්මමෝහනකර්තා ච ස්තුත්ය ආත්මා සදාප්රියඃ .

පෞගණ්ඩලීලාභිරතිර්ගෝචාරණපරායණඃ .. 169..

වෘන්දාවනලතාගුල්මවෘක්ෂරූපනිරූපකඃ .

නාදබ්රහ්මප්රකටනෝ වයඃප්රතිකෘතිස්වනඃ .. 170..

බර්හිනෘත්යානුකරණෝ ගෝපාලානුකෘතිස්වනඃ .

සදාචාරප්රතිෂ්ඨාතා බලශ්රමනිරාකෘතිඃ .. 171..

තරුමූලකෘතාශේෂතල්පශායී සඛිස්තුතඃ .

ගෝපාලසේවිතපදඃ ශ්රීලාලිතපදාම්බුජඃ .. 172..

ගෝපසම්ප්රාර්ථිතඵලදානනාශිතධේනුකඃ .

කාලීයඵණිමාණික්යරඤ්ජිතශ්රීපදාම්බුජඃ .. 173..

දෘෂ්ටිසඞ්ජීවිතාශේෂගෝපගෝගෝපිකාප්රියඃ .

ලීලාසම්පීතදාවාග්නිඃ ප්රලම්බවධපණ්ඩිතඃ .. 174..

දාවාග්න්යාවෘතගෝපාලදෘෂ්ට්යාච්ඡාදනවහ්නිපඃ .

වර්ෂාශරද්විභූතිශ්රීර්ගෝපීකාමප්රබෝධකඃ .. 175..

ගෝපීරත්නස්තුතාශේෂවේණුවාද්යවිශාරදඃ .

කාත්යායනීව්රතව්යාජසර්වභාවාශ්රිතාඞ්ගනඃ .. 176..

සත්සඞ්ගතිස්තුතිව්යාජස්තුතවෘන්දාවනාඞ්ඝ්රිපඃ .

ගෝපක්ෂුච්ඡාන්තිසංව්යාජවිප්රභාර්යාප්රසාදකෘත් .. 177..

හේතුප්රාප්තේන්ද්රයාගස්වකාර්යගෝසවබෝධකඃ .

ශෛලරූපකෘතාශේෂරසභෝගසුඛාවහඃ .. 178..

ලීලාගෝවර්ධනෝද්ධාරපාලිතස්වව්රජප්රියඃ .

ගෝපස්වච්ඡන්දලීලාර්ථගර්ගවාක්යාර්ථබෝධකඃ .. 179..

ඉන්ද්රධේනුස්තුතිප්රාප්තගෝවින්දේන්ද්රාභිධානවාන් .

ව්රතාදිධර්මසංසක්තනන්දක්ලේශවිනාශකඃ .. 180..

නන්දාදිගෝපමාත්රේෂ්ටවෛකුණ්ඨගතිදායකඃ .

වේණුවාදස්මරක්ෂෝභමත්තගෝපීවිමුක්තිදඃ .. 181..

සර්වභාවප්රාප්තගෝපීසුඛසංවර්ධනක්ෂමඃ .

ගෝපීගර්වප්රණාශාර්ථතිරෝධානසුඛප්රදඃ .. 182..

කෘෂ්ණභාවව්යාප්තවිශ්වගෝපීභාවිතවේෂධෘක් .

රාධාවිශේෂසම්භෝගප්රාප්තදෝෂනිවාරකඃ .. 183..

පරමප්රීතිසඞ්ගීතසර්වාද්භුතමහාගුණඃ .

මානාපනෝදනාක්රන්දගෝපීදෘෂ්ටිමහෝත්සවඃ .. 184..

ගෝපිකාව්යාප්තසර්වාඞ්ගඃ ස්ත්රීසම්භාෂාවිශාරදඃ .

රාසෝත්සවමහාසෞඛ්යගෝපීසම්භෝගසාගරඃ .. 185..

ජලස්ථලරතිව්යාප්තගෝපීදෘෂ්ට්යභිපූජිතඃ .

ශාස්ත්රානපේක්ෂකාමෛකමුක්තිද්වාරවිවර්ධනඃ .. 186..

සුදර්ශනමහාසර්පග්රස්තනන්දවිමෝචකඃ .

ගීතමෝහිතගෝපීධෘක්ෂඞ්ඛචූඩවිනාශකඃ .. 187..

ගුණසඞ්ගීතසන්තුෂ්ටිර්ගෝපීසංසාරවිස්මෘතිඃ .

අරිෂ්ටමථනෝ දෛත්යබුද්ධිව්යාමෝහකාරකඃ .. 188..

කේශිඝාතී නාරදේෂ්ටෝ ව්යෝමාසුරවිනාශකඃ .

අක්රූරභක්තිසංරාද්ධපාදරේණුමහානිධිඃ .. 189..

රථාවරෝහශුද්ධාත්මා ගෝපීමානසහාරකඃ .

හ්රදසන්දර්ශිතාශේෂවෛකුණ්ඨාක්රූරසංස්තුතඃ .. 190..

මථුරාගමනෝත්සාහෝ මථුරාභාග්යභාජනම් .

මථුරානගරීශෝභාදර්ශනෝත්සුකමානසඃ .. 191..

දුෂ්ටරඤ්ජකඝාතී ච වායකාර්චිතවිග්රහඃ .

වස්ත්රමාලාසුශෝභාඞ්ගඃ කුබ්ජාලේපනභූෂිතඃ .. 192..

කුබ්ජාසුරූපකර්තා ච කුබ්ජාරතිවරප්රදඃ .

ප්රසාදරූපසන්තුෂ්ටහරකෝදණ්ඩඛණ්ඩනඃ .. 193..

ශකලාහතකංසාප්තධනූරක්ෂකසෛනිකඃ .

ජාග්රත්ස්වප්නභයව්යාප්තමෘත්යුලක්ෂණබෝධකඃ .. 194..

මථුරාමල්ල ඕජස්වී මල්ලයුද්ධවිශාරදඃ .

සද්යඃ කුවලයාපීඩඝාතී චාණූරමර්දනඃ .. 195..

ලීලාහතමහාමල්ලඃ ශලතෝශලඝාතකඃ .

කංසාන්තකෝ ජිතාමිත්රෝ වසුදේවවිමෝචකඃ .. 196..

ජ්ඤාතතත්ත්වපිතෘජ්ඤානමෝහනාමෘතවාඞ්මයඃ .

උග්රසේනප්රතිෂ්ඨාතා යාදවාධිවිනාශකඃ .. 197..

නන්දාදිසාන්ත්වනකරෝ බ්රහ්මචර්යව්රතේ ස්ථිතඃ .

ගුරුශුශ්රූෂණපරෝ විද්යාපාරමිතේශ්වරඃ .. 198..

සාන්දීපනිමෘතාපත්යදාතා කාලාන්තකාදිජිත් .

ගෝකුලාශ්වාසනපරෝ යශෝදානන්දපෝෂකඃ .. 199..

ගෝපිකාවිරහව්යාජමනෝගතිරතිප්රදඃ .

සමෝද්ධවභ්රමරවාක් ගෝපිකාමෝහනාශකඃ .. 200..

කුබ්ජාරතිප්රදෝ(අ)ක්රූරපවිත්රීකෘතභූගෘහඃ .

පෘථාදුඃඛප්රණේතා ච පාණ්ඩවානාං සුඛප්රදඃ .. 201..

දශමස්කන්ධෝත්තරාර්ධනාමානි නිරෝධලීලා

ජරාසන්ධසමානීතසෛන්යඝාතී විචාරකඃ .

යවනව්යාප්තමථුරාජනදත්තකුශස්ථලිඃ .. 202..

ද්වාරකාද්භුතනිර්මාණවිස්මාපිතසුරාසුරඃ .

මනුෂ්යමාත්රභෝගාර්ථභූම්යානීතේන්ද්රවෛභවඃ .. 203..

යවනව්යාප්තමථුරානිර්ගමානන්දවිග්රහඃ .

මුචුකුන්දමහාබෝධයවනප්රාණදර්පහා .. 204..

මුචුකුන්දස්තුතාශේෂගුණකර්මමහෝදයඃ .

ඵලප්රදානසන්තුෂ්ටිර්ජන්මාන්තරිතමෝක්ෂදඃ .. 205..

ශිවබ්රාහ්මණවාක්යාප්තජයභීතිවිභාවනඃ .

ප්රවර්ෂණප්රාර්ථිතාග්නිදානපුණ්යමහෝත්සවඃ .. 206..

රුක්මිණීරමණඃ කාමපිතා ප්රද්යුම්නභාවනඃ .

ස්යමන්තකමණිව්යාජප්රාප්තජාම්බවතීපතිඃ .. 207..

සත්යභාමාප්රාණපතිඃ කාලින්දීරතිවර්ධනඃ .

මිත්රවින්දාපතිඃ සත්යාපතිර්වෘෂනිෂූදනඃ .. 208..

භද්රාවාඤ්ඡිතභර්තා ච ලක්ෂ්මණාවරණක්ෂමඃ .

ඉන්ද්රාදිප්රාර්ථිතවධනරකාසුරසූදනඃ .. 209..

මුරාරිඃ පීඨහන්තා ච තාම්රාදිප්රාණහාරකඃ .

ෂෝඩශස්ත්රීසහස්රේශඃ ඡත්රකුණ්ඩලදානකෘත් .. 210..

පාරිජාතාපහරණෝ දේවේන්ද්රමදනාශකඃ .

රුක්මිණීසමසර්වස්ත්රීසාධ්යභෝගරතිප්රදඃ .. 211..

රුක්මිණීපරිහාසෝක්තිවාක්තිරෝධානකාරකඃ .

පුත්රපෞත්රමහාභාග්යගෘහධර්මප්රවර්තකඃ .. 212..

ශම්බරාන්තකසත්පුත්රවිවාහහතරුක්මිකඃ .

උෂාපහෘතපෞත්රශ්රීර්බාණබාහුනිවාරකඃ .. 213..

ශීතජ්වරභයව්යාප්තජ්වරසංස්තුතෂඩ්ගුණඃ .

ශඞ්කරප්රතියෝද්ධා ච ද්වන්ද්වයුද්ධවිශාරදඃ .. 214..

නෘගපාපප්රභේත්තා ච බ්රහ්මස්වගුණදෝෂදෘක් .

විෂ්ණුභක්තිවිරෝධෛකබ්රහ්මස්වවිනිවාරකඃ .. 215..

බලභද්රාහිතගුණෝ ගෝකුලප්රීතිදායකඃ .

ගෝපීස්නේහෛකනිලයෝ ගෝපීප්රාණස්ථිතිප්රදඃ .. 216..

වාක්යාතිගාමියමුනාහලාකර්ෂණවෛභවඃ .

පෞණ්ඩ්රකත්යාජිතස්පර්ධඃ කාශීරාජවිභේදනඃ .. 217..

කාශීනිදාහකරණඃ ශිවභස්මප්රදායකඃ .

ද්විවිදප්රාණඝාතී ච කෞරවාඛර්වගර්වනුත් .. 218..

ලාඞ්ගලාකෘෂ්ටනගරීසංවිග්නාඛිලනාගරඃ .

ප්රපන්නාභයදඃ සාම්බප්රාප්තසන්මානභාජනම් .. 219..

නාරදාන්විෂ්ටචරණෝ භක්තවික්ෂේපනාශකඃ .

සදාචාරෛකනිලයඃ සුධර්මාධ්යාසිතාසනඃ .. 220..

ජරාසන්ධාවරුද්ධේන විජ්ඤාපිතනිජක්ලමඃ .

මන්ත්ර්යුද්ධවාදිවාක්යෝක්තප්රකාරෛකපරායණඃ .. 221..

රාජසූයාදිමඛකෘත් සම්ප්රාර්ථිතසහායකෘත් .

ඉන්ද්රප්රස්ථප්රයාණාර්ථමහත්සම්භාරසම්භෘතිඃ .. 222..

ජරාසන්ධවධව්යාජමෝචිතාශේෂභූමිපඃ .

සන්මාර්ගබෝධකෝ යජ්ඤක්ෂිතිවාරණතත්පරඃ .. 223..

ශිශුපාලහතිව්යාජජයශාපවිමෝචකඃ .

දුර්යෝධනාභිමානාබ්ධිශෝෂබාණවෘකෝදරඃ.. 224..

මහාදේවවරප්රාප්තපුරශාල්වවිනාශකඃ .

දන්තවක්ත්රවධව්යාජවිජයාඝෞඝනාශකඃ .. 225..

විදූරථප්රාණහර්තා න්යස්තශස්ත්රාස්ත්රවිග්රහඃ .

උපධර්මවිලිප්තාඞ්ගසූතඝාතී වරප්රදඃ .. 226..

බල්වලප්රාණහරණපාලිතර්ෂිශ්රුතික්රියඃ .

සර්වතීර්ථාඝනාශාර්ථතීර්ථයාත්රාවිශාරදඃ .. 227..

ජ්ඤානක්රියාවිභේදේෂ්ටඵලසාධනතත්පරඃ .

සාරථ්යාදික්රියාකර්තා භක්තවශ්යත්වබෝධකඃ .. 228..

සුදාමාරඞ්කභාර්යාර්ථභූම්යානීතේන්ද්රවෛභවඃ .

රවිග්රහනිමිත්තාප්තකුරුක්ෂේත්රෛකපාවනඃ .. 229..

නෘපගෝපීසමස්තස්ත්රීපාවනාර්ථාඛිලක්රියඃ .

ඍෂිමාර්ගප්රතිෂ්ඨාතා වසුදේවමඛක්රියඃ .. 230..

වසුදේවජ්ඤානදාතා දේවකීපුත්රදායකඃ .

අර්ජුනස්ත්රීප්රදාතා ච බහුලාශ්වස්වරූපදඃ .. 231..

ශ්රුතදේවේෂ්ටදාතා ච සර්වශ්රුතිනිරූපිතඃ .

මහාදේවාද්යතිශ්රේෂ්ඨෝ භක්තිලක්ෂණනිර්ණයඃ .. 232..

වෘකග්රස්තශිවත්රාතා නානාවාක්යවිශාරදඃ .

නරගර්වවිනාශාර්ථහෘතබ්රාහ්මණබාලකඃ .. 233..

ලෝකාලෝකපරස්ථානස්ථිතබාලකදායකඃ .

ද්වාරකාස්ථමහාභෝගනානාස්ත්රීරතිවර්ධනඃ .. 234..

මනස්තිරෝධානකෘතව්යග්රස්ත්රීචිත්තභාවිතඃ .

මුක්තිලීලා

මුක්තිලීලාවිහරණෝ මෞශලව්යාජසංහෘතිඃ .. 235..

ශ්රීභාගවතධර්මාදිබෝධකෝ භක්තිනීතිකෘත් .

උද්ධවජ්ඤානදාතා ච පඤ්චවිංශතිධා ගුරුඃ .. 236..

ආචාරභක්තිමුක්ත්යාදිවක්තා ශබ්දෝද්භවස්ථිතිඃ .

හංසෝ ධර්මප්රවක්තා ච සනකාද්යුපදේශකෘත් .. 237..

භක්තිසාධනවක්තා ච යෝගසිද්ධිප්රදායකඃ .

නානාවිභූතිවක්තා ච ශුද්ධධර්මාවබෝධකඃ .. 238..

මාර්ගත්රයවිභේදාත්මා නානාශඞ්කානිවාරකඃ .

භික්ෂුගීතාප්රවක්තා ච ශුද්ධසාඞ්ඛ්යප්රවර්තකඃ .. 239..

මනෝගුණවිශේෂාත්මා ජ්ඤාපකෝක්තපුරූරවාඃ .

පූජාවිධිප්රවක්තා ච සර්වසිද්ධාන්තබෝධකඃ .. 240..

ලඝුස්වමාර්ගවක්තා ච ස්වස්ථානගතිබෝධකඃ .

යාදවාඞ්ගෝපසංහර්තා සර්වාශ්චර්යගතික්රියඃ .. 241..

ආශ්රයලීලා

කාලධර්මවිභේදාර්ථවර්ණනාශනතත්පරඃ .

බුද්ධෝ ගුප්තාර්ථවක්තා ච නානාශාස්ත්රවිධායකඃ .. 242..

නෂ්ටධර්මමනුෂ්යාදිලක්ෂණජ්ඤාපනෝත්සුකඃ .

ආශ්රයෛකගතිජ්ඤාතා කල්කිඃ කලිමලාපහඃ .. 243..

ශාස්ත්රවෛරාග්යසම්බෝධෝ නානාප්රලයබෝධකඃ .

විශේෂතඃ ශුකව්යාජපරීක්ෂිජ්ජ්ඤානබෝධකඃ .. 244..

ශුකේෂ්ටගතිරූපාත්මා පරීක්ෂිද්දේහමෝක්ෂදඃ .

ශබ්දරූපෝ නාදරූපෝ වේදරූපෝ විභේදනඃ .. 245..

ව්යාසඃ ශාඛාප්රවක්තා ච පුරාණාර්ථප්රවර්තකඃ .

මාර්කණ්ඩේයප්රසන්නාත්මා වටපත්රපුටේශයඃ .. 246..

මායාව්යාප්තමහාමෝහදුඃඛශාන්තිප්රවර්තකඃ .

මහාදේවස්වරූපශ්ච භක්තිදාතා කෘපානිධිඃ .. 247..

ආදිත්යාන්තර්ගතඃ කාලඃ ද්වාදශාත්මා සුපූජිතඃ .

ශ්රීභාගවතරූපශ්ච සර්වාර්ථඵලදායකඃ .. 248..

ඉතීදං කීර්තනීයස්ය හරේර්නාමසහස්රකම් .

පඤ්චසප්තතිවිස්තීර්ණං පුරාණාන්තරභාෂිතම් .. 249..

ය ඒතත්ප්රාතරුත්ථාය ශ්රද්ධාවාන් සුසමාහිතඃ .

ජපේදර්ථාහිතමතිඃ ස ගෝවින්දපදං ලභේත් .. 250..

සර්වධර්මවිනිර්මුක්තඃ සර්වසාධනවර්ජිතඃ .

ඒතද්ධාරණමාත්රේණ කෘෂ්ණස්ය පදවීං ව්රජේත් .. 251..

හර්යාවේශිතචිත්තේන ශ්රීභාගවතසාගරාත් .

සමුද්ධෘතානි නාමානි චින්තාමණිනිභානි හි .. 252..

කණ්ඨස්ථිතාන්යර්ථදීප්ත්යා බාධන්තේ(අ)ජ්ඤානජං තමඃ .

භක්තිං ශ්රීකෘෂ්ණදේවස්ය සාධයන්ති විනිශ්චිතම් .. 253..

කිම්බහූක්තේන භගවාන් නාමභිඃ ස්තුතෂඩ්ගුණඃ .

ආත්මභාවං නයත්යාශු භක්තිං ච කුරුතේ දෘඪාම් .. 254..

යඃ කෘෂ්ණභක්තිමිහ වාඤ්ඡති සාධනෞඝෛර්-

නාමානි භාසුරයශාංසි ජපේත්ස නිත්යම් .

තං වෛ හරිඃ ස්වපුරුෂං කුරුතේ(අ)තිශීඝ්රම්-

ආත්මාර්පණං සමධිගච්ඡති භාවතුෂ්ටඃ .. 255..

ශ්රීකෘෂ්ණ කෘෂ්ණසඛ වෘෂ්ණිවෘෂාවනිධ්රුග්-

රාජන්යවංශදහනානපවර්ගවීර්ය .

ගෝවින්ද ගෝපවනිතාව්රජභෘත්යගීත

තීර්ථශ්රවඃ ශ්රවණමඞ්ගල පාහි භෘත්යාන් .. 256..

.. ඉති ශ්රීභාගවතසාරසමුච්චයේ වෛශ්වානරෝක්තං

ශ්රීවල්ලභාචාර්යවිරචිතං

ශ්රීපුරුෂෝත්තමසහස්රනාමස්තෝත්රං සම්පූර්ණම් ..

Roman (IAST) Transliteration

viniyogaḥ

purāṇapuruṣo viṣṇuḥ puruṣottama ucyate |

nāmnāṃ sahasraṃ vakṣyāmi tasya bhāgavatoddhṛtam || 1||

yasya prasādādvāgīśāḥ prajeśā vibhavonnatāḥ |

kṣudrā api bhavantyāśu śrīkṛṣṇaṃ taṃ nato'smyaham || 2||

anantā eva kṛṣṇasya līlā nāmapravartikāḥ |

uktā bhāgavate gūhāḥ prakaṭā api kutracit || 3||

atastāni pravakṣyāmi nāmāni muravairiṇaḥ |

sahasraṃ yaistu paṭhitaiḥ paṭhitaṃ syācchukāmṛtam || 4||

kṛṣṇanāmasahasrasya ṛṣiragnirnirūpitaḥ |

gāyatrī ca tathā chando devatā puruṣottamaḥ || 5||

viniyogaḥ samasteṣu puruṣārtheṣu vai mataḥ |

bījaṃ bhaktapriyaḥ śaktiḥ satyavāgucyate hariḥ || 6||

bhaktoddharaṇayatnastu mantro'tra paramo mataḥ |

avatāritabhaktāṃśaḥ kīlakaṃ parikīrtitam || 7||

astraṃ sarvasamarthaśca govindaḥ kavacaṃ matam |

puruṣo dhyānamatroktaḥ siddhiḥ śaraṇasaṃsmṛtiḥ || 8||

adhikāralīlā

śrīkṛṣṇaḥ saccidānando nityalīlāvinodakṛt |

sarvāgamavinodī ca lakṣmīśaḥ puruṣottamaḥ || 9||

ādikālaḥ sarvakālaḥ kālātmā māyayāvṛtaḥ |

bhaktoddhāraprayatnātmā jagatkartā jaganmayaḥ || 10||

nāmalīlāparo viṣṇurvyāsātmā śukamokṣadaḥ |

vyāpivaikuṇṭhadātā ca śrīmadbhāgavatāgamaḥ || 11||

śukavāgamṛtābdhīnduḥ śaunakādyakhileṣṭadaḥ |

bhaktipravartakastrātā vyāsacintāvināśakaḥ || 12||

sarvasiddhāntavāgātmā nāradādyakhileṣṭadaḥ |

antarātmā dhyānagamyo bhaktiratnapradāyakaḥ || 13||

muktopasṛpyaḥ pūrṇātmā muktānāṃ rativardhanaḥ |

bhaktakāryaikanirato drauṇyastravinivārakaḥ || 14||

bhaktasmayapraṇetā ca bhaktavākparipālakaḥ |

brahmaṇyadevo dharmātmā bhaktānāṃ ca parīkṣakaḥ || 15||

āsannahitakartā ca māyāhitakaraḥ prabhuḥ |

uttarāprāṇadātā ca brahmāstravinivārakaḥ || 16||

sarvataḥ pāṇavapatiḥ parīkṣicchuddhikāraṇam |

gūhātmā sarvavedeṣu bhaktaikahṛdayaṅgamaḥ || 17||

kuntīstutyaḥ prasannātmā paramādbhutakāryakṛt |

bhīṣmamuktipradaḥ svāmī bhaktamohanivārakaḥ || 18||

sarvāvasthāsu saṃsevyaḥ samaḥ sukhahitapradaḥ |

kṛtakṛtyaḥ sarvasākṣī bhaktastrīrativardhanaḥ || 19||

sarvasaubhāgyanilayaḥ paramāścaryarūpadhṛk |

ananyapuruṣasvāmī dvārakābhāgyabhājanam || 20||

bījasaṃskārakartā ca parīkṣijjānapoṣakaḥ |

sarvatrapūrṇaguṇakaḥ sarvabhūṣaṇabhūṣitaḥ || 21||

sarvalakṣaṇadātā ca dhṛtarāṣṭravimuktidaḥ |

sanmārgarakṣako nityaṃ viduraprītipūrakaḥ || 22||

līlāvyāmohakartā ca kāladharmapravartakaḥ |

pāṇavānāṃ mokṣadātā parīkṣidbhāgyavardhanaḥ || 23||

kalinigrahakartā ca dharmādīnāṃ ca poṣakaḥ |

satsaṅgajānahetuśca śrībhāgavatakāraṇam || 24||

prākṛtādṛṣṭamārgaśca|||||||||||| continued

jñāna-sādhana-līlā

|||||||||||||||||||||||| śrotavyaḥ sakalāgamaiḥ |

kīrtitavyaḥ śuddhabhāvaiḥ smartavyaścātmavittamaiḥ || 25||

anekamārgakartā ca nānāvidhagatipradaḥ |

puruṣaḥ sakalādhāraḥ sattvaikanilayātmabhūḥ || 26||

sarvadhyeyo yogagamyo bhaktyā grāhyaḥ surapriyaḥ |

janmādisārthakakṛtirlīlākartā patiḥ satām || 27||

ādikartā tattvakartā sarvakartā viśāradaḥ |

nānāvatārakartā ca brahmāvirbhāvakāraṇam || 28||

daśalīlāvinodī ca nānāsṛṣṭipravartakaḥ |

anekakalpakartā ca sarvadoṣavivarjitaḥ || 29||

sargalīlā

vairāgyahetustīrthātmā sarvatīrthaphalapradaḥ |

tīrthaśuddhaikanilayaḥ svamārgaparipoṣakaḥ || 30||

tīrthakīrtirbhaktagamyo bhaktānuśayakāryakṛt |

bhaktatulyaḥ sarvatulyaḥ svecchāsarvapravartakaḥ || 31||

guṇātīto'navadyātmā sargalīlāpravartakaḥ |

sākṣātsarvajagatkartā mahadādipravartakaḥ || 32||

māyāpravartakaḥ sākṣī māyārativivardhanaḥ |

ākāśātmā caturmūrtiścaturdhā bhūtabhāvanaḥ || 33||

rajaḥpravartako brahmā marīcyādipitāmahaḥ |

vedakartā yajñakartā sarvakartā'mitātmakaḥ || 34||

anekasṛṣṭikartā ca daśadhāsṛṣṭikārakaḥ |

yajñāṅgo yajñavārāho bhūdharo bhūmipālakaḥ || 35||

seturvidharaṇo jaitro hiraṇyākṣāntakaḥ suraḥ |

ditikaśyapakāmaikahetusṛṣṭipravartakaḥ || 36||

devābhayapradātā ca vaikuṇṭhādhipatirmahān |

sarvagarvaprahārī ca sanakādyakhilārthadaḥ || 37||

sarvāśvāsanakartā ca bhaktatulyāhavapradaḥ |

kālalakṣaṇahetuśca sarvārthajñāpakaḥ paraḥ || 38||

bhaktonnatikaraḥ sarvaprakārasukhadāyakaḥ |

nānāyuddhapraharaṇo brahmaśāpavimocakaḥ || 39||

puṣṭisargapraṇetā ca guṇasṛṣṭipravartakaḥ |

kardameṣṭapradātā ca devahūtyakhilārthadaḥ || 40||

śuklanārāyaṇaḥ satyakāladharmapravartakaḥ |

jñānāvatāraḥ śāntātmā kapilaḥ kālanāśakaḥ || 41||

triguṇādhipatiḥ sāṅkhyaśāstrakartā viśāradaḥ |

sargadūṣaṇahārī ca puṣṭimokṣapravartakaḥ || 42||

laukikānandadātā ca brahmānandapravartakaḥ |

bhaktisiddhāntavaktā ca saguṇajñānadīpakaḥ || 43||

ātmapradaḥ pūrṇakāmo yogātmā yogabhāvitaḥ |

jīvanmuktipradaḥ śrīmānanyabhaktipravartakaḥ || 44||

kālasāmarthyadātā ca kāladoṣanivārakaḥ |

garbhottamajñānadātā karmamārganiyāmakaḥ || 45||

sarvamārganirākartā bhaktimārgaikapoṣakaḥ |

siddhihetuḥ sarvahetuḥ sarvāścaryaikakāraṇam || 46||

cetanācetanapatiḥ samudraparipūjitaḥ |

sāṅkhyācāryastutaḥ siddhapūjitaḥ sarvapūjitaḥ || 47||

visargalīlā

visargakartā sarveśaḥ koṭisūryasamaprabhaḥ |

anantaguṇagambhīro mahāpuruṣapūjitaḥ || 48||

anantasukhadātā ca brahmakoṭiprajāpatiḥ |

sudhākoṭisvāsthyahetuḥ kāmadhukkoṭikāmadaḥ || 49||

samudrakoṭigambhīrastīrthakoṭisamāhvayaḥ |

sumerukoṭiniṣkampaḥ koṭibrahmāṇḍavigrahaḥ || 50||

koṭyaśvamedhapāpaghno vāyukoṭimahābalaḥ |

koṭīndujagadānandī śivakoṭiprasādakṛt || 51||

sarvasadguṇamāhātmyaḥ sarvasadguṇabhājanam |

manvādiprerako dharmo yajñanārāyaṇaḥ paraḥ || 52||

ākūtisūnurdevendro rucijanmā'bhayapradaḥ |

dakṣiṇāpatirojasvī kriyāśaktiḥ parāyaṇaḥ || 53||

dattātreyo yogapatiryogamārgapravartakaḥ |

anasūyāgarbharatnamṛṣivaṃśavivardhanaḥ || 54||

guṇatrayavibhāgajñaścaturvargaviśāradaḥ |

nārāyaṇo dharmasūnurmūrtipuṇyayaśaskaraḥ || 55||

sahasrakavacacchedī tapaḥsāro narapriyaḥ |

viśvānandapradaḥ karmasākṣī bhāratapūjitaḥ || 56||

anantādbhutamāhātmyo badarīsthānabhūṣaṇam |

jitakāmo jitakrodho jitasaṅgo jitendriyaḥ || 57||

urvaśīprabhavaḥ svargasukhadāyī sthitipradaḥ |

amānī mānado goptā bhagavacchāstrabodhakaḥ || 58||

brahmādivandyo haṃsaśrīrmāyāvaibhavakāraṇam |

vividhānantasargātmā viśvapūraṇatatparaḥ || 59||

yajñajīvanahetuśca yajñasvāmīṣṭabodhakaḥ |

nānāsiddhāntagamyaśca saptatantuśca ṣaḍguṇaḥ || 60||

pratisargajagatkartā nānālīlāviśāradaḥ |

dhruvapriyo dhruvasvāmī cintitādhikadāyakaḥ || 61||

durlabhānantaphalado dayānidhiramitrahā |

aṅgasvāmī kṛpāsāro vainyo bhūminiyāmakaḥ || 62||

bhūmidogdhā prajāprāṇapālanaikaparāyaṇaḥ |

yaśodātā jñānadātā sarvadharmapradarśakaḥ || 63||

purañjano jaganmitraṃ visargāntapradarśakaḥ |

pracetasāṃ patiścitrabhaktiheturjanārdanaḥ || 64||

smṛtihetubrahmabhāvasāyujyādipradaḥ śubhaḥ |

vijayī |||||||||||||||||||| continued

sthānalīlā

|||| sthitilīlābdhiracyuto vijayapradaḥ || 65||

svasāmarthyaprado bhaktakīrtiheturadhokṣajaḥ |

priyavratapriyasvāmī svecchāvādaviśāradaḥ || 66||

saṅgyagamyaḥ svaprakāśaḥ sarvasaṅgavivarjitaḥ |

icchāyāṃ ca samaryādastyāgamātropalambhanaḥ || 67||

acintyakāryakartā ca tarkāgocarakāryakṛt |

śa‍ṛṅgārarasamaryādā āgnīdhrarasabhājanam || 68||

nābhīṣṭapūrakaḥ karmamaryādādarśanotsukaḥ |

sarvarūpo'dbhutatamo maryādāpuruṣottamaḥ || 69||

sarvarūpeṣu satyātmā kālasākṣī śaśiprabhaḥ |

merudevīvrataphalamṛṣabho bhagalakṣaṇaḥ || 70||

jagatsantarpako megharūpī devendradarpahā |

jayantīpatiratyantapramāṇāśeṣalaukikaḥ || 71||

śatadhānyastabhūtātmā śatānando guṇaprasūḥ |

vaiṣṇavotpādanaparaḥ sarvadharmopadeśakaḥ || 72||

parahaṃsakriyāgoptā yogacaryāpradarśakaḥ |

caturthāśramanirṇetā sadānandaśarīravān || 73||

pradarśitānyadharmaśca bharatasvāmyapārakṛt |

yathāvatkarmakartā ca saṅgāniṣṭapradarśakaḥ || 74||

āvaśyakapunarjanmakarmamārgapradarśakaḥ |

yajñarūpamṛgaḥ śāntaḥ sahiṣṇuḥ satparākramaḥ || 75||

rahūgaṇagatijñaśca rahūgaṇavimocakaḥ |

bhavāṭavītattvavaktā bahirmukhahite rataḥ || 76||

gayasvāmī sthānavaṃśakartā sthānavibhedakṛt |

puruṣāvayavo bhūmiviśeṣavinirūpakaḥ || 77||

jambūdvīpapatirmerunābhipadmaruhāśrayaḥ |

nānāvibhūtilīlāḍhyo gaṅgotpattinidānakṛt || 78||

gaṅgāmāhātmyahetuśca gaṅgārūpo'tigūḍhakṛt |

vaikuṇṭhadehahetvambujanmakṛt sarvapāvanaḥ || 79||

śivasvāmī śivopāsyo gūḍhaḥ saṅkarṣaṇātmakaḥ |

sthānarakṣārthamatsyādirūpaḥ sarvaikapūjitaḥ || 80||

upāsyanānārūpātmā jyotīrūpo gatipradaḥ |

sūryanārāyaṇo vedakāntirujjvalaveṣadhṛk || 81||

haṃso'ntarikṣagamanaḥ sarvaprasavakāraṇam |

ānandakartā vasudo budho vākpatirujjvalaḥ || 82||

kālātmā kālakālaśca kālacchedakṛduttamaḥ |

śiśumāraḥ sarvamūrtirādhidaivikarūpadhṛk || 83||

anantasukhabhogāḍhyo vivaraiśvaryabhājanam |

saṅkarṣaṇo daityapatiḥ sarvādhāro bṛhadvapuḥ || 84||

anantanarakacchedī smṛtimātrārtināśanaḥ |

sarvānugrahakartā ca |||||||||||||||||||| continued

poṣaṇa-puṣṭi-līlā

|||||||||||||||| maryādābhinnaśāstrakṛt || 85 ||

kālāntakabhayacchedī nāmasāmarthyarūpadhṛk |

uddhārānarhagoptrātmā nāmādiprerakottamaḥ || 86||

ajāmilamahāduṣṭamocako'ghavimocakaḥ |

dharmavaktā'kliṣṭavaktā viṣṇudharmasvarūpadhṛk || 87||

sanmārgaprerako dhartā tyāgaheturadhokṣajaḥ |

vaikuṇṭhapuranetā ca dāsasaṃvṛddhikārakaḥ || 88||

dakṣaprasādakṛddhaṃsaguhyastutivibhāvanaḥ |

svābhiprāyapravaktā ca muktajīvaprasūtikṛt || 89||

nāradapreraṇātmā ca haryaśvabrahmabhāvanaḥ |

śabalāśvahito gūḍhavākyārthajñāpanakṣamaḥ || 90||

gūḍhārthajñāpanaḥ sarvamokṣānandapratiṣṭhitaḥ |

puṣṭiprarohahetuśca dāsaikajñātahṛdgataḥ || 91||

śāntikartā suhitakṛt strīprasūḥ sarvakāmadhuk |

puṣṭivaṃśapraṇetā ca viśvarūpeṣṭadevatā || 92||

kavacātmā pālanātmā varmopacitikāraṇam |

viśvarūpaśiraśchedī tvāṣṭrayajñavināśakaḥ || 93||

vṛtrasvāmī vṛtragamyo vṛtravrataparāyaṇaḥ |

vṛtrakīrtirvṛtramokṣo maghavatprāṇarakṣakaḥ || 94||

aśvamedhahavirbhoktā devendrāmīvanāśakaḥ |

saṃsāramocakaścitraketubodhanatatparaḥ || 95||

mantrasiddhiḥ siddhihetuḥ susiddhiphaladāyakaḥ |

mahādevatiraskartā bhaktyai pūrvārthanāśakaḥ || 96||

devabrāhmaṇavidveṣavaimukhyajñāpakaḥ śivaḥ |

ādityo daityarājaśca mahatpatiracintyakṛt || 97||

marutāṃ bhedakastrātā vratātmā pumprasūtikṛt |

ūtilīlā

karmātmā vāsanātmā ca ūtilīlāparāyaṇaḥ || 98||

samadaityasuraḥ svātmā vaiṣamyajñānasaṃśrayaḥ |

dehādyupādhirahitaḥ sarvajñaḥ sarvahetuvid || 99||

brahmavāksthāpanaparaḥ svajanmāvadhikāryakṛt |

sadasadvāsanāhetustrisatyo bhaktamocakaḥ || 100||

hiraṇyakaśipudveṣī praviṣṭātmā'tibhīṣaṇaḥ |

śāntijñānādihetuśca prahlādotpattikāraṇam || 101||

daityasiddhāntasadvaktā tapaḥsāra udāradhīḥ |

daityahetuprakaṭano bhakticihnaprakāśakaḥ || 102||

saddveṣahetuḥ saddveṣavāsanātmā nirantaraḥ |

naiṣṭhuryasīmā prahlādavatsalaḥ saṅgadoṣahā || 103||

mahānubhāvaḥ sākāraḥ sarvākāraḥ pramāṇabhūḥ |

stambhaprasūtirnṛharirnṛsiṃho bhīmavikramaḥ || 104||

vikaṭāsyo lalajjihvo nakhaśastro javotkaṭaḥ |

hiraṇyakaśipucchedī krūradaityanivārakaḥ || 105||

siṃhāsanasthaḥ krodhātmā lakṣmībhayavivardhanaḥ |

brahmādyatyantabhayabhūrapūrvācintyarūpadhṛk || 106||

bhaktaikaśāntahṛdayo bhaktastutyaḥ stutipriyaḥ |

bhaktāṅgalehanoddhūtakrodhapuṅjaḥ praśāntadhīḥ || 107||

smṛtimātrabhayatrātā brahmabuddhipradāyakaḥ |

gorūpadhāryamṛtapāḥ śivakīrtivivardhanaḥ || 108||

dharmātmā sarvakarmātmā viśeṣātmā''śramaprabhuḥ |

saṃsāramagnasvoddhartā sanmārgākhilatattvavāk || 109||

ācārātmā sadācāraḥ |||||||||||||||||| continued

manvantaralīlā

||||||||||||||||||||manvantaravibhāvanaḥ |

smṛtyā'śeṣāśubhaharo gajendrasmṛtikāraṇam || 110||

jātismaraṇahetvaikapūjābhaktisvarūpadaḥ |

yajño bhayānmanutrātā vibhurbrahmavratāśrayaḥ || 111||

satyaseno duṣṭaghātī harirgajavimocakaḥ |

vaikuṇṭho lokakartā ca ajito'mṛtakāraṇam || 112||

urukramo bhūmihartā sārvabhaumo balipriyaḥ |

vibhuḥ sarvahitaikātmā viṣvaksenaḥ śivapriyaḥ || 113||

dharmaseturlokadhṛtiḥ sudhāmāntarapālakaḥ |

upahartā yogapatirbṛhadbhānuḥ kriyāpatiḥ || 114||

caturdaśapramāṇātmā dharmo manvādibodhakaḥ |

lakṣmībhogaikanilayo devamantrapradāyakaḥ || 115||

daityavyāmohakaḥ sākṣādgaruḍaskandhasaṃśrayaḥ |

līlāmandaradhārī ca daityavāsukipūjitaḥ || 116||

samudronmathanāyatto'vighnakartā svavākyakṛt |

ādikūrmaḥ pavitrātmā mandarāgharṣaṇotsukaḥ || 117||

śvāsaijadabdhivārvīciḥ kalpāntāvadhikāryakṛt |

caturdaśamahāratno lakṣmīsaubhāgyavardhanaḥ || 118||

dhanvantariḥ sudhāhasto yajñabhoktā''rtināśanaḥ |

āyurvedapraṇetā ca devadaityākhilārcitaḥ || 119||

buddhivyāmohako devakāryasādhanatatparaḥ |

strīrūpo māyayā vaktā daityāntaḥkaraṇapriyaḥ || 120||

pāyitāmṛtadevāṃśo yuddhahetusmṛtipradaḥ |

sumālimālivadhakṛnmālyavatprāṇahārakaḥ || 121||

kālanemiśiraśchedī daityayajñavināśakaḥ |

indrasāmarthyadātā ca daityaśeṣasthitipriyaḥ || 122||

śivavyāmohako māyī bhṛgumantrasvaśaktidaḥ |

balijīvanakartā ca svargaheturvratārcitaḥ || 123||

adityānandakartā ca kaśyapāditisambhavaḥ |

upendra indrāvarajo vāmanabrahmarūpadhṛk || 124||

brahmādisevitavapuryajñapāvanatatparaḥ |

yācñopadeśakartā ca jñāpitāśeṣasaṃsthitiḥ || 125||

satyārthaprerakaḥ sarvahartā garvavināśakaḥ |

trivikramastrilokātmā viśvamūrtiḥ pṛthuśravāḥ || 126||

pāśabaddhabaliḥ sarvadaityapakṣopamardakaḥ |

sutalasthāpitabaliḥ svargādhikasukhapradaḥ || 127||

karmasampūrtikartā ca svargasaṃsthāpitāmaraḥ |

jñātatrividhadharmātmā mahāmīno'bdhisaṃśrayaḥ || 128||

satyavratapriyo goptā matsyamūrtidhṛtaśrutiḥ |

śa‍ṛṅgabaddhadhṛtakṣoṇiḥ sarvārthajñāpako guruḥ || 129||

īśānukathālīlā

īśasevakalīlātmā sūryavaṃśapravartakaḥ |

somavaṃśodbhavakaro manuputragatipradaḥ || 130||

ambarīṣapriyaḥ sādhurdurvāsogarvanāśakaḥ |

brahmaśāpopasaṃhartā bhaktakīrtivivardhanaḥ || 131||

ikṣvākuvaṃśajanakaḥ sagarādyakhilārthadaḥ |

bhagīrathamahāyatno gaṅgādhautāṅghripaṅkajaḥ || 132||

brahmasvāmī śivasvāmī sagarātmajamuktidaḥ |

khaṭvāṅgamokṣahetuśca raghuvaṃśavivardhanaḥ || 133||

raghunātho rāmacandro rāmabhadro raghupriyaḥ |

anantakīrtiḥ puṇyātmā puṇyaślokaikabhāskaraḥ || 134||

kośalendraḥ pramāṇātmā sevyo daśarathātmajaḥ |

lakṣmaṇo bharataścaiva śatrughno vyūhavigrahaḥ || 135||

viśvāmitrapriyo dāntastāḍakāvadhamokṣadaḥ |

vāyavyāstrābdhinikṣiptamārīcaśca subāhuhā || 136||

vṛṣadhvajadhanurbhaṅgaprāptasītāmahotsavaḥ |

sītāpatirbhṛgupatigarvaparvatanāśakaḥ || 137||

ayodhyāsthamahābhogayuktalakṣmīvinodavān |

kaikeyīvākyakartā ca pitṛvākparipālakaḥ || 138||

vairāgyabodhako'nanyasāttvikasthānabodhakaḥ |

ahalyāduḥkhahārī ca guhasvāmī salakṣmaṇaḥ || 139||

citrakūṭapriyasthāno daṇḍakāraṇyapāvanaḥ |

śarabhaṅgasutīkṣṇādipūjito'gastyabhāgyabhūḥ || 140||

ṛṣisamprārthitakṛtirvirādhavadhapaṇḍitaḥ |

chinnaśūrpaṇakhānāsaḥ kharadūṣaṇaghātakaḥ || 141||

ekabāṇahatānekasahasrabalarākṣasaḥ |

mārīcaghātī niyatasītāsambandhaśobhitaḥ || 142||

sītāviyoganāṭyaśca jaṭāyurvadhamokṣadaḥ |

śabarīpūjito bhaktahanumatpramukhāvṛtaḥ || 143||

dundubhyasthipraharaṇaḥ saptatālavibhedanaḥ |

sugrīvarājyado vālighātī sāgaraśoṣaṇaḥ || 144||

setubandhanakartā ca vibhīṣaṇahitapradaḥ |

rāvaṇādiśiraśchedī rākṣasāghaughanāśakaḥ || 145||

sītā'bhayapradātā ca puṣpakāgamanotsukaḥ |

ayodhyāpatiratyantasarvalokasukhapradaḥ || 146||

mathurāpuranirmātā sukṛtajñasvarūpadaḥ |

janakajñānagamyaśca ailāntaprakaṭaśrutiḥ || 147||

haihayāntakaro rāmo duṣṭakṣatravināśakaḥ |

somavaṃśahitaikātmā yaduvaṃśavivardhanaḥ || 148||

nirodhalīlā

parabrahmāvataraṇaḥ keśavaḥ kleśanāśanaḥ |

bhūmibhārāvataraṇo bhaktārthākhilamānasaḥ || 149||

sarvabhaktanirodhātmā līlānantanirodhakṛt |

bhūmiṣṭhaparamānando devakīśuddhikāraṇam || 150||

vasudevajñānaniṣṭhasamajīvanivārakaḥ |

sarvavairāgyakaraṇasvalīlādhāraśodhakaḥ || 151||

māyājñāpanakartā ca śeṣasambhārasambhṛtiḥ |

bhaktakleśaparijñātā tannivāraṇatatparaḥ || 152||

āviṣṭavasudevāṃśo devakīgarbhabhūṣaṇam |

pūrṇatejomayaḥ pūrṇaḥ kaṃsādhṛṣyapratāpavān || 153||

vivekajñānadātā ca brahmādyakhilasaṃstutaḥ |

satyo jagatkalpatarurnānārūpavimohanaḥ || 154||

bhaktimārgapratiṣṭhātā vidvanmohapravartakaḥ |

mūlakālaguṇadraṣṭā nayanānandabhājanam || 155||

vasudevasukhābdhiśca devakīnayanāmṛtam |

pitṛmātṛstutaḥ pūrvasarvavṛttāntabodhakaḥ || 156||

gokulāgatilīlāptavasudevakarasthitiḥ |

sarveśatvaprakaṭano māyāvyatyayakārakaḥ || 157||

jñānamohitaduṣṭeśaḥ prapañcāsmṛtikāraṇam |

yaśodānandano nandabhāgyabhūgokulotsavaḥ || 158||

nandapriyo nandasūnuryaśodāyāḥ stanandhayaḥ |

pūtanāsupayaḥpātā mugdhabhāvātisundaraḥ || 159||

sundarīhṛdayānando gopīmantrābhimantritaḥ |

gopālāścaryarasakṛt śakaṭāsurakhaṇḍanaḥ || 160||

nandavrajajanānandī nandabhāgyamahodayaḥ |

tṛṇāvartavadhotsāho yaśodājñānavigrahaḥ || 161||

balabhadrapriyaḥ kṛṣṇaḥ saṅkarṣaṇasahāyavān |

rāmānujo vāsudevo goṣṭhāṅgaṇagatipriyaḥ || 162||

kiṅkiṇīravabhāvajño vatsapucchāvalambanaḥ |

navanītapriyo gopīmohasaṃsāranāśakaḥ || 163||

gopabālakabhāvajñaścauryavidyāviśāradaḥ |

mṛtsnābhakṣaṇalīlāsyamāhātmyajñānadāyakaḥ || 164||

dharādroṇaprītikartā dadhibhāṇḍavibhedanaḥ |

dāmodaro bhaktavaśyo yamalārjunabhañjanaḥ || 165||

bṛhadvanamahāścaryo vṛndāvanagatipriyaḥ |

vatsaghātī bālakelirbakāsuraniṣūdanaḥ || 166||

araṇyabhoktā'pyathavā bālalīlāparāyaṇaḥ |

protsāhajanakaścaivamaghāsuraniṣūdanaḥ || 167||

vyālamokṣapradaḥ puṣṭo brahmamohapravardhanaḥ |

anantamūrtiḥ sarvātmā jaṅgamasthāvarākṛtiḥ || 168||

brahmamohanakartā ca stutya ātmā sadāpriyaḥ |

paugaṇḍalīlābhiratirgocāraṇaparāyaṇaḥ || 169||

vṛndāvanalatāgulmavṛkṣarūpanirūpakaḥ |

nādabrahmaprakaṭano vayaḥpratikṛtisvanaḥ || 170||

barhinṛtyānukaraṇo gopālānukṛtisvanaḥ |

sadācārapratiṣṭhātā balaśramanirākṛtiḥ || 171||

tarumūlakṛtāśeṣatalpaśāyī sakhistutaḥ |

gopālasevitapadaḥ śrīlālitapadāmbujaḥ || 172||

gopasamprārthitaphaladānanāśitadhenukaḥ |

kālīyaphaṇimāṇikyarañjitaśrīpadāmbujaḥ || 173||

dṛṣṭisaṅjīvitāśeṣagopagogopikāpriyaḥ |

līlāsampītadāvāgniḥ pralambavadhapaṇḍitaḥ || 174||

dāvāgnyāvṛtagopāladṛṣṭyācchādanavahnipaḥ |

varṣāśaradvibhūtiśrīrgopīkāmaprabodhakaḥ || 175||

gopīratnastutāśeṣaveṇuvādyaviśāradaḥ |

kātyāyanīvratavyājasarvabhāvāśritāṅganaḥ || 176||

satsaṅgatistutivyājastutavṛndāvanāṅghripaḥ |

gopakṣucchāntisaṃvyājaviprabhāryāprasādakṛt || 177||

hetuprāptendrayāgasvakāryagosavabodhakaḥ |

śailarūpakṛtāśeṣarasabhogasukhāvahaḥ || 178||

līlāgovardhanoddhārapālitasvavrajapriyaḥ |

gopasvacchandalīlārthagargavākyārthabodhakaḥ || 179||

indradhenustutiprāptagovindendrābhidhānavān |

vratādidharmasaṃsaktanandakleśavināśakaḥ || 180||

nandādigopamātreṣṭavaikuṇṭhagatidāyakaḥ |

veṇuvādasmarakṣobhamattagopīvimuktidaḥ || 181||

sarvabhāvaprāptagopīsukhasaṃvardhanakṣamaḥ |

gopīgarvapraṇāśārthatirodhānasukhapradaḥ || 182||

kṛṣṇabhāvavyāptaviśvagopībhāvitaveṣadhṛk |

rādhāviśeṣasambhogaprāptadoṣanivārakaḥ || 183||

paramaprītisaṅgītasarvādbhutamahāguṇaḥ |

mānāpanodanākrandagopīdṛṣṭimahotsavaḥ || 184||

gopikāvyāptasarvāṅgaḥ strīsambhāṣāviśāradaḥ |

rāsotsavamahāsaukhyagopīsambhogasāgaraḥ || 185||

jalasthalarativyāptagopīdṛṣṭyabhipūjitaḥ |

śāstrānapekṣakāmaikamuktidvāravivardhanaḥ || 186||

sudarśanamahāsarpagrastanandavimocakaḥ |

gītamohitagopīdhṛkṣaṅkhacūḍavināśakaḥ || 187||

guṇasaṅgītasantuṣṭirgopīsaṃsāravismṛtiḥ |

ariṣṭamathano daityabuddhivyāmohakārakaḥ || 188||

keśighātī nāradeṣṭo vyomāsuravināśakaḥ |

akrūrabhaktisaṃrāddhapādareṇumahānidhiḥ || 189||

rathāvarohaśuddhātmā gopīmānasahārakaḥ |

hradasandarśitāśeṣavaikuṇṭhākrūrasaṃstutaḥ || 190||

mathurāgamanotsāho mathurābhāgyabhājanam |

mathurānagarīśobhādarśanotsukamānasaḥ || 191||

duṣṭarañjakaghātī ca vāyakārcitavigrahaḥ |

vastramālāsuśobhāṅgaḥ kubjālepanabhūṣitaḥ || 192||

kubjāsurūpakartā ca kubjārativarapradaḥ |

prasādarūpasantuṣṭaharakodaṇḍakhaṇḍanaḥ || 193||

śakalāhatakaṃsāptadhanūrakṣakasainikaḥ |

jāgratsvapnabhayavyāptamṛtyulakṣaṇabodhakaḥ || 194||

mathurāmalla ojasvī mallayuddhaviśāradaḥ |

sadyaḥ kuvalayāpīḍaghātī cāṇūramardanaḥ || 195||

līlāhatamahāmallaḥ śalatośalaghātakaḥ |

kaṃsāntako jitāmitro vasudevavimocakaḥ || 196||

jñātatattvapitṛjñānamohanāmṛtavāṅmayaḥ |

ugrasenapratiṣṭhātā yādavādhivināśakaḥ || 197||

nandādisāntvanakaro brahmacaryavrate sthitaḥ |

guruśuśrūṣaṇaparo vidyāpāramiteśvaraḥ || 198||

sāndīpanimṛtāpatyadātā kālāntakādijit |

gokulāśvāsanaparo yaśodānandapoṣakaḥ || 199||

gopikāvirahavyājamanogatiratipradaḥ |

samoddhavabhramaravāk gopikāmohanāśakaḥ || 200||

kubjāratiprado'krūrapavitrīkṛtabhūgṛhaḥ |

pṛthāduḥkhapraṇetā ca pāṇḍavānāṃ sukhapradaḥ || 201||

daśamaskandhottarārdhanāmāni nirodhalīlā

jarāsandhasamānītasainyaghātī vicārakaḥ |

yavanavyāptamathurājanadattakuśasthaliḥ || 202||

dvārakādbhutanirmāṇavismāpitasurāsuraḥ |

manuṣyamātrabhogārthabhūmyānītendravaibhavaḥ || 203||

yavanavyāptamathurānirgamānandavigrahaḥ |

mucukundamahābodhayavanaprāṇadarpahā || 204||

mucukundastutāśeṣaguṇakarmamahodayaḥ |

phalapradānasantuṣṭirjanmāntaritamokṣadaḥ || 205||

śivabrāhmaṇavākyāptajayabhītivibhāvanaḥ |

pravarṣaṇaprārthitāgnidānapuṇyamahotsavaḥ || 206||

rukmiṇīramaṇaḥ kāmapitā pradyumnabhāvanaḥ |

syamantakamaṇivyājaprāptajāmbavatīpatiḥ || 207||

satyabhāmāprāṇapatiḥ kālindīrativardhanaḥ |

mitravindāpatiḥ satyāpatirvṛṣaniṣūdanaḥ || 208||

bhadrāvāñchitabhartā ca lakṣmaṇāvaraṇakṣamaḥ |

indrādiprārthitavadhanarakāsurasūdanaḥ || 209||

murāriḥ pīṭhahantā ca tāmrādiprāṇahārakaḥ |

ṣoḍaśastrīsahasreśaḥ chatrakuṇḍaladānakṛt || 210||

pārijātāpaharaṇo devendramadanāśakaḥ |

rukmiṇīsamasarvastrīsādhyabhogaratipradaḥ || 211||

rukmiṇīparihāsoktivāktirodhānakārakaḥ |

putrapautramahābhāgyagṛhadharmapravartakaḥ || 212||

śambarāntakasatputravivāhahatarukmikaḥ |

uṣāpahṛtapautraśrīrbāṇabāhunivārakaḥ || 213||

śītajvarabhayavyāptajvarasaṃstutaṣaḍguṇaḥ |

śaṅkarapratiyoddhā ca dvandvayuddhaviśāradaḥ || 214||

nṛgapāpaprabhettā ca brahmasvaguṇadoṣadṛk |

viṣṇubhaktivirodhaikabrahmasvavinivārakaḥ || 215||

balabhadrāhitaguṇo gokulaprītidāyakaḥ |

gopīsnehaikanilayo gopīprāṇasthitipradaḥ || 216||

vākyātigāmiyamunāhalākarṣaṇavaibhavaḥ |

pauṇḍrakatyājitaspardhaḥ kāśīrājavibhedanaḥ || 217||

kāśīnidāhakaraṇaḥ śivabhasmapradāyakaḥ |

dvividaprāṇaghātī ca kauravākharvagarvanut || 218||

lāṅgalākṛṣṭanagarīsaṃvignākhilanāgaraḥ |

prapannābhayadaḥ sāmbaprāptasanmānabhājanam || 219||

nāradānviṣṭacaraṇo bhaktavikṣepanāśakaḥ |

sadācāraikanilayaḥ sudharmādhyāsitāsanaḥ || 220||

jarāsandhāvaruddhena vijñāpitanijaklamaḥ |

mantryuddhavādivākyoktaprakāraikaparāyaṇaḥ || 221||

rājasūyādimakhakṛt samprārthitasahāyakṛt |

indraprasthaprayāṇārthamahatsambhārasambhṛtiḥ || 222||

jarāsandhavadhavyājamocitāśeṣabhūmipaḥ |

sanmārgabodhako yajñakṣitivāraṇatatparaḥ || 223||

śiśupālahativyājajayaśāpavimocakaḥ |

duryodhanābhimānābdhiśoṣabāṇavṛkodaraḥ|| 224||

mahādevavaraprāptapuraśālvavināśakaḥ |

dantavaktravadhavyājavijayāghaughanāśakaḥ || 225||

vidūrathaprāṇahartā nyastaśastrāstravigrahaḥ |

upadharmaviliptāṅgasūtaghātī varapradaḥ || 226||

balvalaprāṇaharaṇapālitarṣiśrutikriyaḥ |

sarvatīrthāghanāśārthatīrthayātrāviśāradaḥ || 227||

jñānakriyāvibhedeṣṭaphalasādhanatatparaḥ |

sārathyādikriyākartā bhaktavaśyatvabodhakaḥ || 228||

sudāmāraṅkabhāryārthabhūmyānītendravaibhavaḥ |

ravigrahanimittāptakurukṣetraikapāvanaḥ || 229||

nṛpagopīsamastastrīpāvanārthākhilakriyaḥ |

ṛṣimārgapratiṣṭhātā vasudevamakhakriyaḥ || 230||

vasudevajñānadātā devakīputradāyakaḥ |

arjunastrīpradātā ca bahulāśvasvarūpadaḥ || 231||

śrutadeveṣṭadātā ca sarvaśrutinirūpitaḥ |

mahādevādyatiśreṣṭho bhaktilakṣaṇanirṇayaḥ || 232||

vṛkagrastaśivatrātā nānāvākyaviśāradaḥ |

naragarvavināśārthahṛtabrāhmaṇabālakaḥ || 233||

lokālokaparasthānasthitabālakadāyakaḥ |

dvārakāsthamahābhoganānāstrīrativardhanaḥ || 234||

manastirodhānakṛtavyagrastrīcittabhāvitaḥ |

muktilīlā

muktilīlāviharaṇo mauśalavyājasaṃhṛtiḥ || 235||

śrībhāgavatadharmādibodhako bhaktinītikṛt |

uddhavajñānadātā ca pañcaviṃśatidhā guruḥ || 236||

ācārabhaktimuktyādivaktā śabdodbhavasthitiḥ |

haṃso dharmapravaktā ca sanakādyupadeśakṛt || 237||

bhaktisādhanavaktā ca yogasiddhipradāyakaḥ |

nānāvibhūtivaktā ca śuddhadharmāvabodhakaḥ || 238||

mārgatrayavibhedātmā nānāśaṅkānivārakaḥ |

bhikṣugītāpravaktā ca śuddhasāṅkhyapravartakaḥ || 239||

manoguṇaviśeṣātmā jñāpakoktapurūravāḥ |

pūjāvidhipravaktā ca sarvasiddhāntabodhakaḥ || 240||

laghusvamārgavaktā ca svasthānagatibodhakaḥ |

yādavāṅgopasaṃhartā sarvāścaryagatikriyaḥ || 241||

āśrayalīlā

kāladharmavibhedārthavarṇanāśanatatparaḥ |

buddho guptārthavaktā ca nānāśāstravidhāyakaḥ || 242||

naṣṭadharmamanuṣyādilakṣaṇajñāpanotsukaḥ |

āśrayaikagatijñātā kalkiḥ kalimalāpahaḥ || 243||

śāstravairāgyasambodho nānāpralayabodhakaḥ |

viśeṣataḥ śukavyājaparīkṣijjñānabodhakaḥ || 244||

śukeṣṭagatirūpātmā parīkṣiddehamokṣadaḥ |

śabdarūpo nādarūpo vedarūpo vibhedanaḥ || 245||

vyāsaḥ śākhāpravaktā ca purāṇārthapravartakaḥ |

mārkaṇḍeyaprasannātmā vaṭapatrapuṭeśayaḥ || 246||

māyāvyāptamahāmohaduḥkhaśāntipravartakaḥ |

mahādevasvarūpaśca bhaktidātā kṛpānidhiḥ || 247||

ādityāntargataḥ kālaḥ dvādaśātmā supūjitaḥ |

śrībhāgavatarūpaśca sarvārthaphaladāyakaḥ || 248||

itīdaṃ kīrtanīyasya harernāmasahasrakam |

pañcasaptativistīrṇaṃ purāṇāntarabhāṣitam || 249||

ya etatprātarutthāya śraddhāvān susamāhitaḥ |

japedarthāhitamatiḥ sa govindapadaṃ labhet || 250||

sarvadharmavinirmuktaḥ sarvasādhanavarjitaḥ |

etaddhāraṇamātreṇa kṛṣṇasya padavīṃ vrajet || 251||

haryāveśitacittena śrībhāgavatasāgarāt |

samuddhṛtāni nāmāni cintāmaṇinibhāni hi || 252||

kaṇṭhasthitānyarthadīptyā bādhante'jñānajaṃ tamaḥ |

bhaktiṃ śrīkṛṣṇadevasya sādhayanti viniścitam || 253||

kimbahūktena bhagavān nāmabhiḥ stutaṣaḍguṇaḥ |

ātmabhāvaṃ nayatyāśu bhaktiṃ ca kurute dṛḍhām || 254||

yaḥ kṛṣṇabhaktimiha vāñchati sādhanaughair-

nāmāni bhāsurayaśāṃsi japetsa nityam |

taṃ vai hariḥ svapuruṣaṃ kurute'tiśīghram-

ātmārpaṇaṃ samadhigacchati bhāvatuṣṭaḥ || 255||

śrīkṛṣṇa kṛṣṇasakha vṛṣṇivṛṣāvanidhrug-

rājanyavaṃśadahanānapavargavīrya |

govinda gopavanitāvrajabhṛtyagīta

tīrthaśravaḥ śravaṇamaṅgala pāhi bhṛtyān || 256||

|| iti śrībhāgavatasārasamuccaye vaiśvānaroktaṃ

śrīvallabhācāryaviracitaṃ

śrīpuruṣottamasahasranāmastotraṃ sampūrṇam ||

Sanskrit — Devanagari (original)

विनियोगः

पुराणपुरुषो विष्णुः पुरुषोत्तम उच्यते ।

नाम्नां सहस्रं वक्ष्यामि तस्य भागवतोद्धृतम् ॥ 1॥

यस्य प्रसादाद्वागीशाः प्रजेशा विभवोन्नताः ।

क्षुद्रा अपि भवन्त्याशु श्रीकृष्णं तं नतोऽस्म्यहम् ॥ 2॥

अनन्ता एव कृष्णस्य लीला नामप्रवर्तिकाः ।

उक्ता भागवते गूहाः प्रकटा अपि कुत्रचित् ॥ 3॥

अतस्तानि प्रवक्ष्यामि नामानि मुरवैरिणः ।

सहस्रं यैस्तु पठितैः पठितं स्याच्छुकामृतम् ॥ 4॥

कृष्णनामसहस्रस्य ऋषिरग्निर्निरूपितः ।

गायत्री च तथा छन्दो देवता पुरुषोत्तमः ॥ 5॥

विनियोगः समस्तेषु पुरुषार्थेषु वै मतः ।

बीजं भक्तप्रियः शक्तिः सत्यवागुच्यते हरिः ॥ 6॥

भक्तोद्धरणयत्नस्तु मन्त्रोऽत्र परमो मतः ।

अवतारितभक्तांशः कीलकं परिकीर्तितम् ॥ 7॥

अस्त्रं सर्वसमर्थश्च गोविन्दः कवचं मतम् ।

पुरुषो ध्यानमत्रोक्तः सिद्धिः शरणसंस्मृतिः ॥ 8॥

अधिकारलीला

श्रीकृष्णः सच्चिदानन्दो नित्यलीलाविनोदकृत् ।

सर्वागमविनोदी च लक्ष्मीशः पुरुषोत्तमः ॥ 9॥

आदिकालः सर्वकालः कालात्मा माययावृतः ।

भक्तोद्धारप्रयत्नात्मा जगत्कर्ता जगन्मयः ॥ 10॥

नामलीलापरो विष्णुर्व्यासात्मा शुकमोक्षदः ।

व्यापिवैकुण्ठदाता च श्रीमद्भागवतागमः ॥ 11॥

शुकवागमृताब्धीन्दुः शौनकाद्यखिलेष्टदः ।

भक्तिप्रवर्तकस्त्राता व्यासचिन्ताविनाशकः ॥ 12॥

सर्वसिद्धान्तवागात्मा नारदाद्यखिलेष्टदः ।

अन्तरात्मा ध्यानगम्यो भक्तिरत्नप्रदायकः ॥ 13॥

मुक्तोपसृप्यः पूर्णात्मा मुक्तानां रतिवर्धनः ।

भक्तकार्यैकनिरतो द्रौण्यस्त्रविनिवारकः ॥ 14॥

भक्तस्मयप्रणेता च भक्तवाक्परिपालकः ।

ब्रह्मण्यदेवो धर्मात्मा भक्तानां च परीक्षकः ॥ 15॥

आसन्नहितकर्ता च मायाहितकरः प्रभुः ।

उत्तराप्राणदाता च ब्रह्मास्त्रविनिवारकः ॥ 16॥

सर्वतः पाणवपतिः परीक्षिच्छुद्धिकारणम् ।

गूहात्मा सर्ववेदेषु भक्तैकहृदयङ्गमः ॥ 17॥

कुन्तीस्तुत्यः प्रसन्नात्मा परमाद्भुतकार्यकृत् ।

भीष्ममुक्तिप्रदः स्वामी भक्तमोहनिवारकः ॥ 18॥

सर्वावस्थासु संसेव्यः समः सुखहितप्रदः ।

कृतकृत्यः सर्वसाक्षी भक्तस्त्रीरतिवर्धनः ॥ 19॥

सर्वसौभाग्यनिलयः परमाश्चर्यरूपधृक् ।

अनन्यपुरुषस्वामी द्वारकाभाग्यभाजनम् ॥ 20॥

बीजसंस्कारकर्ता च परीक्षिज्जानपोषकः ।

सर्वत्रपूर्णगुणकः सर्वभूषणभूषितः ॥ 21॥

सर्वलक्षणदाता च धृतराष्ट्रविमुक्तिदः ।

सन्मार्गरक्षको नित्यं विदुरप्रीतिपूरकः ॥ 22॥

लीलाव्यामोहकर्ता च कालधर्मप्रवर्तकः ।

पाणवानां मोक्षदाता परीक्षिद्भाग्यवर्धनः ॥ 23॥

कलिनिग्रहकर्ता च धर्मादीनां च पोषकः ।

सत्सङ्गजानहेतुश्च श्रीभागवतकारणम् ॥ 24॥

प्राकृतादृष्टमार्गश्च॥॥॥॥॥॥ चोन्तिनुएद्

ज्ञान-साधन-लीला

॥॥॥॥॥॥॥॥॥॥॥॥ श्रोतव्यः सकलागमैः ।

कीर्तितव्यः शुद्धभावैः स्मर्तव्यश्चात्मवित्तमैः ॥ 25॥

अनेकमार्गकर्ता च नानाविधगतिप्रदः ।

पुरुषः सकलाधारः सत्त्वैकनिलयात्मभूः ॥ 26॥

सर्वध्येयो योगगम्यो भक्त्या ग्राह्यः सुरप्रियः ।

जन्मादिसार्थककृतिर्लीलाकर्ता पतिः सताम् ॥ 27॥

आदिकर्ता तत्त्वकर्ता सर्वकर्ता विशारदः ।

नानावतारकर्ता च ब्रह्माविर्भावकारणम् ॥ 28॥

दशलीलाविनोदी च नानासृष्टिप्रवर्तकः ।

अनेककल्पकर्ता च सर्वदोषविवर्जितः ॥ 29॥

सर्गलीला

वैराग्यहेतुस्तीर्थात्मा सर्वतीर्थफलप्रदः ।

तीर्थशुद्धैकनिलयः स्वमार्गपरिपोषकः ॥ 30॥

तीर्थकीर्तिर्भक्तगम्यो भक्तानुशयकार्यकृत् ।

भक्ततुल्यः सर्वतुल्यः स्वेच्छासर्वप्रवर्तकः ॥ 31॥

गुणातीतोऽनवद्यात्मा सर्गलीलाप्रवर्तकः ।

साक्षात्सर्वजगत्कर्ता महदादिप्रवर्तकः ॥ 32॥

मायाप्रवर्तकः साक्षी मायारतिविवर्धनः ।

आकाशात्मा चतुर्मूर्तिश्चतुर्धा भूतभावनः ॥ 33॥

रजःप्रवर्तको ब्रह्मा मरीच्यादिपितामहः ।

वेदकर्ता यज्ञकर्ता सर्वकर्ताऽमितात्मकः ॥ 34॥

अनेकसृष्टिकर्ता च दशधासृष्टिकारकः ।

यज्ञाङ्गो यज्ञवाराहो भूधरो भूमिपालकः ॥ 35॥

सेतुर्विधरणो जैत्रो हिरण्याक्षान्तकः सुरः ।

दितिकश्यपकामैकहेतुसृष्टिप्रवर्तकः ॥ 36॥

देवाभयप्रदाता च वैकुण्ठाधिपतिर्महान् ।

सर्वगर्वप्रहारी च सनकाद्यखिलार्थदः ॥ 37॥

सर्वाश्वासनकर्ता च भक्ततुल्याहवप्रदः ।

काललक्षणहेतुश्च सर्वार्थज्ञापकः परः ॥ 38॥

भक्तोन्नतिकरः सर्वप्रकारसुखदायकः ।

नानायुद्धप्रहरणो ब्रह्मशापविमोचकः ॥ 39॥

पुष्टिसर्गप्रणेता च गुणसृष्टिप्रवर्तकः ।

कर्दमेष्टप्रदाता च देवहूत्यखिलार्थदः ॥ 40॥

शुक्लनारायणः सत्यकालधर्मप्रवर्तकः ।

ज्ञानावतारः शान्तात्मा कपिलः कालनाशकः ॥ 41॥

त्रिगुणाधिपतिः साङ्ख्यशास्त्रकर्ता विशारदः ।

सर्गदूषणहारी च पुष्टिमोक्षप्रवर्तकः ॥ 42॥

लौकिकानन्ददाता च ब्रह्मानन्दप्रवर्तकः ।

भक्तिसिद्धान्तवक्ता च सगुणज्ञानदीपकः ॥ 43॥

आत्मप्रदः पूर्णकामो योगात्मा योगभावितः ।

जीवन्मुक्तिप्रदः श्रीमानन्यभक्तिप्रवर्तकः ॥ 44॥

कालसामर्थ्यदाता च कालदोषनिवारकः ।

गर्भोत्तमज्ञानदाता कर्ममार्गनियामकः ॥ 45॥

सर्वमार्गनिराकर्ता भक्तिमार्गैकपोषकः ।

सिद्धिहेतुः सर्वहेतुः सर्वाश्चर्यैककारणम् ॥ 46॥

चेतनाचेतनपतिः समुद्रपरिपूजितः ।

साङ्ख्याचार्यस्तुतः सिद्धपूजितः सर्वपूजितः ॥ 47॥

विसर्गलीला

विसर्गकर्ता सर्वेशः कोटिसूर्यसमप्रभः ।

अनन्तगुणगम्भीरो महापुरुषपूजितः ॥ 48॥

अनन्तसुखदाता च ब्रह्मकोटिप्रजापतिः ।

सुधाकोटिस्वास्थ्यहेतुः कामधुक्कोटिकामदः ॥ 49॥

समुद्रकोटिगम्भीरस्तीर्थकोटिसमाह्वयः ।

सुमेरुकोटिनिष्कम्पः कोटिब्रह्माण्डविग्रहः ॥ 50॥

कोट्यश्वमेधपापघ्नो वायुकोटिमहाबलः ।

कोटीन्दुजगदानन्दी शिवकोटिप्रसादकृत् ॥ 51॥

सर्वसद्गुणमाहात्म्यः सर्वसद्गुणभाजनम् ।

मन्वादिप्रेरको धर्मो यज्ञनारायणः परः ॥ 52॥

आकूतिसूनुर्देवेन्द्रो रुचिजन्माऽभयप्रदः ।

दक्षिणापतिरोजस्वी क्रियाशक्तिः परायणः ॥ 53॥

दत्तात्रेयो योगपतिर्योगमार्गप्रवर्तकः ।

अनसूयागर्भरत्नमृषिवंशविवर्धनः ॥ 54॥

गुणत्रयविभागज्ञश्चतुर्वर्गविशारदः ।

नारायणो धर्मसूनुर्मूर्तिपुण्ययशस्करः ॥ 55॥

सहस्रकवचच्छेदी तपःसारो नरप्रियः ।

विश्वानन्दप्रदः कर्मसाक्षी भारतपूजितः ॥ 56॥

अनन्ताद्भुतमाहात्म्यो बदरीस्थानभूषणम् ।

जितकामो जितक्रोधो जितसङ्गो जितेन्द्रियः ॥ 57॥

उर्वशीप्रभवः स्वर्गसुखदायी स्थितिप्रदः ।

अमानी मानदो गोप्ता भगवच्छास्त्रबोधकः ॥ 58॥

ब्रह्मादिवन्द्यो हंसश्रीर्मायावैभवकारणम् ।

विविधानन्तसर्गात्मा विश्वपूरणतत्परः ॥ 59॥

यज्ञजीवनहेतुश्च यज्ञस्वामीष्टबोधकः ।

नानासिद्धान्तगम्यश्च सप्ततन्तुश्च षड्गुणः ॥ 60॥

प्रतिसर्गजगत्कर्ता नानालीलाविशारदः ।

ध्रुवप्रियो ध्रुवस्वामी चिन्तिताधिकदायकः ॥ 61॥

दुर्लभानन्तफलदो दयानिधिरमित्रहा ।

अङ्गस्वामी कृपासारो वैन्यो भूमिनियामकः ॥ 62॥

भूमिदोग्धा प्रजाप्राणपालनैकपरायणः ।

यशोदाता ज्ञानदाता सर्वधर्मप्रदर्शकः ॥ 63॥

पुरञ्जनो जगन्मित्रं विसर्गान्तप्रदर्शकः ।

प्रचेतसां पतिश्चित्रभक्तिहेतुर्जनार्दनः ॥ 64॥

स्मृतिहेतुब्रह्मभावसायुज्यादिप्रदः शुभः ।

विजयी ॥॥॥॥॥॥॥॥॥॥ चोन्तिनुएद्

स्थानलीला

॥॥ स्थितिलीलाब्धिरच्युतो विजयप्रदः ॥ 65॥

स्वसामर्थ्यप्रदो भक्तकीर्तिहेतुरधोक्षजः ।

प्रियव्रतप्रियस्वामी स्वेच्छावादविशारदः ॥ 66॥

सङ्ग्यगम्यः स्वप्रकाशः सर्वसङ्गविवर्जितः ।

इच्छायां च समर्यादस्त्यागमात्रोपलम्भनः ॥ 67॥

अचिन्त्यकार्यकर्ता च तर्कागोचरकार्यकृत् ।

श‍ऋङ्गाररसमर्यादा आग्नीध्ररसभाजनम् ॥ 68॥

नाभीष्टपूरकः कर्ममर्यादादर्शनोत्सुकः ।

सर्वरूपोऽद्भुततमो मर्यादापुरुषोत्तमः ॥ 69॥

सर्वरूपेषु सत्यात्मा कालसाक्षी शशिप्रभः ।

मेरुदेवीव्रतफलमृषभो भगलक्षणः ॥ 70॥

जगत्सन्तर्पको मेघरूपी देवेन्द्रदर्पहा ।

जयन्तीपतिरत्यन्तप्रमाणाशेषलौकिकः ॥ 71॥

शतधान्यस्तभूतात्मा शतानन्दो गुणप्रसूः ।

वैष्णवोत्पादनपरः सर्वधर्मोपदेशकः ॥ 72॥

परहंसक्रियागोप्ता योगचर्याप्रदर्शकः ।

चतुर्थाश्रमनिर्णेता सदानन्दशरीरवान् ॥ 73॥

प्रदर्शितान्यधर्मश्च भरतस्वाम्यपारकृत् ।

यथावत्कर्मकर्ता च सङ्गानिष्टप्रदर्शकः ॥ 74॥

आवश्यकपुनर्जन्मकर्ममार्गप्रदर्शकः ।

यज्ञरूपमृगः शान्तः सहिष्णुः सत्पराक्रमः ॥ 75॥

रहूगणगतिज्ञश्च रहूगणविमोचकः ।

भवाटवीतत्त्ववक्ता बहिर्मुखहिते रतः ॥ 76॥

गयस्वामी स्थानवंशकर्ता स्थानविभेदकृत् ।

पुरुषावयवो भूमिविशेषविनिरूपकः ॥ 77॥

जम्बूद्वीपपतिर्मेरुनाभिपद्मरुहाश्रयः ।

नानाविभूतिलीलाढ्यो गङ्गोत्पत्तिनिदानकृत् ॥ 78॥

गङ्गामाहात्म्यहेतुश्च गङ्गारूपोऽतिगूढकृत् ।

वैकुण्ठदेहहेत्वम्बुजन्मकृत् सर्वपावनः ॥ 79॥

शिवस्वामी शिवोपास्यो गूढः सङ्कर्षणात्मकः ।

स्थानरक्षार्थमत्स्यादिरूपः सर्वैकपूजितः ॥ 80॥

उपास्यनानारूपात्मा ज्योतीरूपो गतिप्रदः ।

सूर्यनारायणो वेदकान्तिरुज्ज्वलवेषधृक् ॥ 81॥

हंसोऽन्तरिक्षगमनः सर्वप्रसवकारणम् ।

आनन्दकर्ता वसुदो बुधो वाक्पतिरुज्ज्वलः ॥ 82॥

कालात्मा कालकालश्च कालच्छेदकृदुत्तमः ।

शिशुमारः सर्वमूर्तिराधिदैविकरूपधृक् ॥ 83॥

अनन्तसुखभोगाढ्यो विवरैश्वर्यभाजनम् ।

सङ्कर्षणो दैत्यपतिः सर्वाधारो बृहद्वपुः ॥ 84॥

अनन्तनरकच्छेदी स्मृतिमात्रार्तिनाशनः ।

सर्वानुग्रहकर्ता च ॥॥॥॥॥॥॥॥॥॥ चोन्तिनुएद्

पोषण-पुष्टि-लीला

॥॥॥॥॥॥॥॥ मर्यादाभिन्नशास्त्रकृत् ॥ 85 ॥

कालान्तकभयच्छेदी नामसामर्थ्यरूपधृक् ।

उद्धारानर्हगोप्त्रात्मा नामादिप्रेरकोत्तमः ॥ 86॥

अजामिलमहादुष्टमोचकोऽघविमोचकः ।

धर्मवक्ताऽक्लिष्टवक्ता विष्णुधर्मस्वरूपधृक् ॥ 87॥

सन्मार्गप्रेरको धर्ता त्यागहेतुरधोक्षजः ।

वैकुण्ठपुरनेता च दाससंवृद्धिकारकः ॥ 88॥

दक्षप्रसादकृद्धंसगुह्यस्तुतिविभावनः ।

स्वाभिप्रायप्रवक्ता च मुक्तजीवप्रसूतिकृत् ॥ 89॥

नारदप्रेरणात्मा च हर्यश्वब्रह्मभावनः ।

शबलाश्वहितो गूढवाक्यार्थज्ञापनक्षमः ॥ 90॥

गूढार्थज्ञापनः सर्वमोक्षानन्दप्रतिष्ठितः ।

पुष्टिप्ररोहहेतुश्च दासैकज्ञातहृद्गतः ॥ 91॥

शान्तिकर्ता सुहितकृत् स्त्रीप्रसूः सर्वकामधुक् ।

पुष्टिवंशप्रणेता च विश्वरूपेष्टदेवता ॥ 92॥

कवचात्मा पालनात्मा वर्मोपचितिकारणम् ।

विश्वरूपशिरश्छेदी त्वाष्ट्रयज्ञविनाशकः ॥ 93॥

वृत्रस्वामी वृत्रगम्यो वृत्रव्रतपरायणः ।

वृत्रकीर्तिर्वृत्रमोक्षो मघवत्प्राणरक्षकः ॥ 94॥

अश्वमेधहविर्भोक्ता देवेन्द्रामीवनाशकः ।

संसारमोचकश्चित्रकेतुबोधनतत्परः ॥ 95॥

मन्त्रसिद्धिः सिद्धिहेतुः सुसिद्धिफलदायकः ।

महादेवतिरस्कर्ता भक्त्यै पूर्वार्थनाशकः ॥ 96॥

देवब्राह्मणविद्वेषवैमुख्यज्ञापकः शिवः ।

आदित्यो दैत्यराजश्च महत्पतिरचिन्त्यकृत् ॥ 97॥

मरुतां भेदकस्त्राता व्रतात्मा पुम्प्रसूतिकृत् ।

ऊतिलीला

कर्मात्मा वासनात्मा च ऊतिलीलापरायणः ॥ 98॥

समदैत्यसुरः स्वात्मा वैषम्यज्ञानसंश्रयः ।

देहाद्युपाधिरहितः सर्वज्ञः सर्वहेतुविद् ॥ 99॥

ब्रह्मवाक्स्थापनपरः स्वजन्मावधिकार्यकृत् ।

सदसद्वासनाहेतुस्त्रिसत्यो भक्तमोचकः ॥ 100॥

हिरण्यकशिपुद्वेषी प्रविष्टात्माऽतिभीषणः ।

शान्तिज्ञानादिहेतुश्च प्रह्लादोत्पत्तिकारणम् ॥ 101॥

दैत्यसिद्धान्तसद्वक्ता तपःसार उदारधीः ।

दैत्यहेतुप्रकटनो भक्तिचिह्नप्रकाशकः ॥ 102॥

सद्द्वेषहेतुः सद्द्वेषवासनात्मा निरन्तरः ।

नैष्ठुर्यसीमा प्रह्लादवत्सलः सङ्गदोषहा ॥ 103॥

महानुभावः साकारः सर्वाकारः प्रमाणभूः ।

स्तम्भप्रसूतिर्नृहरिर्नृसिंहो भीमविक्रमः ॥ 104॥

विकटास्यो ललज्जिह्वो नखशस्त्रो जवोत्कटः ।

हिरण्यकशिपुच्छेदी क्रूरदैत्यनिवारकः ॥ 105॥

सिंहासनस्थः क्रोधात्मा लक्ष्मीभयविवर्धनः ।

ब्रह्माद्यत्यन्तभयभूरपूर्वाचिन्त्यरूपधृक् ॥ 106॥

भक्तैकशान्तहृदयो भक्तस्तुत्यः स्तुतिप्रियः ।

भक्ताङ्गलेहनोद्धूतक्रोधपुङ्जः प्रशान्तधीः ॥ 107॥

स्मृतिमात्रभयत्राता ब्रह्मबुद्धिप्रदायकः ।

गोरूपधार्यमृतपाः शिवकीर्तिविवर्धनः ॥ 108॥

धर्मात्मा सर्वकर्मात्मा विशेषात्माऽऽश्रमप्रभुः ।

संसारमग्नस्वोद्धर्ता सन्मार्गाखिलतत्त्ववाक् ॥ 109॥

आचारात्मा सदाचारः ॥॥॥॥॥॥॥॥॥ चोन्तिनुएद्

मन्वन्तरलीला

॥॥॥॥॥॥॥॥॥॥मन्वन्तरविभावनः ।

स्मृत्याऽशेषाशुभहरो गजेन्द्रस्मृतिकारणम् ॥ 110॥

जातिस्मरणहेत्वैकपूजाभक्तिस्वरूपदः ।

यज्ञो भयान्मनुत्राता विभुर्ब्रह्मव्रताश्रयः ॥ 111॥

सत्यसेनो दुष्टघाती हरिर्गजविमोचकः ।

वैकुण्ठो लोककर्ता च अजितोऽमृतकारणम् ॥ 112॥

उरुक्रमो भूमिहर्ता सार्वभौमो बलिप्रियः ।

विभुः सर्वहितैकात्मा विष्वक्सेनः शिवप्रियः ॥ 113॥

धर्मसेतुर्लोकधृतिः सुधामान्तरपालकः ।

उपहर्ता योगपतिर्बृहद्भानुः क्रियापतिः ॥ 114॥

चतुर्दशप्रमाणात्मा धर्मो मन्वादिबोधकः ।

लक्ष्मीभोगैकनिलयो देवमन्त्रप्रदायकः ॥ 115॥

दैत्यव्यामोहकः साक्षाद्गरुडस्कन्धसंश्रयः ।

लीलामन्दरधारी च दैत्यवासुकिपूजितः ॥ 116॥

समुद्रोन्मथनायत्तोऽविघ्नकर्ता स्ववाक्यकृत् ।

आदिकूर्मः पवित्रात्मा मन्दराघर्षणोत्सुकः ॥ 117॥

श्वासैजदब्धिवार्वीचिः कल्पान्तावधिकार्यकृत् ।

चतुर्दशमहारत्नो लक्ष्मीसौभाग्यवर्धनः ॥ 118॥

धन्वन्तरिः सुधाहस्तो यज्ञभोक्ताऽऽर्तिनाशनः ।

आयुर्वेदप्रणेता च देवदैत्याखिलार्चितः ॥ 119॥

बुद्धिव्यामोहको देवकार्यसाधनतत्परः ।

स्त्रीरूपो मायया वक्ता दैत्यान्तःकरणप्रियः ॥ 120॥

पायितामृतदेवांशो युद्धहेतुस्मृतिप्रदः ।

सुमालिमालिवधकृन्माल्यवत्प्राणहारकः ॥ 121॥

कालनेमिशिरश्छेदी दैत्ययज्ञविनाशकः ।

इन्द्रसामर्थ्यदाता च दैत्यशेषस्थितिप्रियः ॥ 122॥

शिवव्यामोहको मायी भृगुमन्त्रस्वशक्तिदः ।

बलिजीवनकर्ता च स्वर्गहेतुर्व्रतार्चितः ॥ 123॥

अदित्यानन्दकर्ता च कश्यपादितिसम्भवः ।

उपेन्द्र इन्द्रावरजो वामनब्रह्मरूपधृक् ॥ 124॥

ब्रह्मादिसेवितवपुर्यज्ञपावनतत्परः ।

याच्ञोपदेशकर्ता च ज्ञापिताशेषसंस्थितिः ॥ 125॥

सत्यार्थप्रेरकः सर्वहर्ता गर्वविनाशकः ।

त्रिविक्रमस्त्रिलोकात्मा विश्वमूर्तिः पृथुश्रवाः ॥ 126॥

पाशबद्धबलिः सर्वदैत्यपक्षोपमर्दकः ।

सुतलस्थापितबलिः स्वर्गाधिकसुखप्रदः ॥ 127॥

कर्मसम्पूर्तिकर्ता च स्वर्गसंस्थापितामरः ।

ज्ञातत्रिविधधर्मात्मा महामीनोऽब्धिसंश्रयः ॥ 128॥

सत्यव्रतप्रियो गोप्ता मत्स्यमूर्तिधृतश्रुतिः ।

श‍ऋङ्गबद्धधृतक्षोणिः सर्वार्थज्ञापको गुरुः ॥ 129॥

ईशानुकथालीला

ईशसेवकलीलात्मा सूर्यवंशप्रवर्तकः ।

सोमवंशोद्भवकरो मनुपुत्रगतिप्रदः ॥ 130॥

अम्बरीषप्रियः साधुर्दुर्वासोगर्वनाशकः ।

ब्रह्मशापोपसंहर्ता भक्तकीर्तिविवर्धनः ॥ 131॥

इक्ष्वाकुवंशजनकः सगराद्यखिलार्थदः ।

भगीरथमहायत्नो गङ्गाधौताङ्घ्रिपङ्कजः ॥ 132॥

ब्रह्मस्वामी शिवस्वामी सगरात्मजमुक्तिदः ।

खट्वाङ्गमोक्षहेतुश्च रघुवंशविवर्धनः ॥ 133॥

रघुनाथो रामचन्द्रो रामभद्रो रघुप्रियः ।

अनन्तकीर्तिः पुण्यात्मा पुण्यश्लोकैकभास्करः ॥ 134॥

कोशलेन्द्रः प्रमाणात्मा सेव्यो दशरथात्मजः ।

लक्ष्मणो भरतश्चैव शत्रुघ्नो व्यूहविग्रहः ॥ 135॥

विश्वामित्रप्रियो दान्तस्ताडकावधमोक्षदः ।

वायव्यास्त्राब्धिनिक्षिप्तमारीचश्च सुबाहुहा ॥ 136॥

वृषध्वजधनुर्भङ्गप्राप्तसीतामहोत्सवः ।

सीतापतिर्भृगुपतिगर्वपर्वतनाशकः ॥ 137॥

अयोध्यास्थमहाभोगयुक्तलक्ष्मीविनोदवान् ।

कैकेयीवाक्यकर्ता च पितृवाक्परिपालकः ॥ 138॥

वैराग्यबोधकोऽनन्यसात्त्विकस्थानबोधकः ।

अहल्यादुःखहारी च गुहस्वामी सलक्ष्मणः ॥ 139॥

चित्रकूटप्रियस्थानो दण्डकारण्यपावनः ।

शरभङ्गसुतीक्ष्णादिपूजितोऽगस्त्यभाग्यभूः ॥ 140॥

ऋषिसम्प्रार्थितकृतिर्विराधवधपण्डितः ।

छिन्नशूर्पणखानासः खरदूषणघातकः ॥ 141॥

एकबाणहतानेकसहस्रबलराक्षसः ।

मारीचघाती नियतसीतासम्बन्धशोभितः ॥ 142॥

सीतावियोगनाट्यश्च जटायुर्वधमोक्षदः ।

शबरीपूजितो भक्तहनुमत्प्रमुखावृतः ॥ 143॥

दुन्दुभ्यस्थिप्रहरणः सप्ततालविभेदनः ।

सुग्रीवराज्यदो वालिघाती सागरशोषणः ॥ 144॥

सेतुबन्धनकर्ता च विभीषणहितप्रदः ।

रावणादिशिरश्छेदी राक्षसाघौघनाशकः ॥ 145॥

सीताऽभयप्रदाता च पुष्पकागमनोत्सुकः ।

अयोध्यापतिरत्यन्तसर्वलोकसुखप्रदः ॥ 146॥

मथुरापुरनिर्माता सुकृतज्ञस्वरूपदः ।

जनकज्ञानगम्यश्च ऐलान्तप्रकटश्रुतिः ॥ 147॥

हैहयान्तकरो रामो दुष्टक्षत्रविनाशकः ।

सोमवंशहितैकात्मा यदुवंशविवर्धनः ॥ 148॥

निरोधलीला

परब्रह्मावतरणः केशवः क्लेशनाशनः ।

भूमिभारावतरणो भक्तार्थाखिलमानसः ॥ 149॥

सर्वभक्तनिरोधात्मा लीलानन्तनिरोधकृत् ।

भूमिष्ठपरमानन्दो देवकीशुद्धिकारणम् ॥ 150॥

वसुदेवज्ञाननिष्ठसमजीवनिवारकः ।

सर्ववैराग्यकरणस्वलीलाधारशोधकः ॥ 151॥

मायाज्ञापनकर्ता च शेषसम्भारसम्भृतिः ।

भक्तक्लेशपरिज्ञाता तन्निवारणतत्परः ॥ 152॥

आविष्टवसुदेवांशो देवकीगर्भभूषणम् ।

पूर्णतेजोमयः पूर्णः कंसाधृष्यप्रतापवान् ॥ 153॥

विवेकज्ञानदाता च ब्रह्माद्यखिलसंस्तुतः ।

सत्यो जगत्कल्पतरुर्नानारूपविमोहनः ॥ 154॥

भक्तिमार्गप्रतिष्ठाता विद्वन्मोहप्रवर्तकः ।

मूलकालगुणद्रष्टा नयनानन्दभाजनम् ॥ 155॥

वसुदेवसुखाब्धिश्च देवकीनयनामृतम् ।

पितृमातृस्तुतः पूर्वसर्ववृत्तान्तबोधकः ॥ 156॥

गोकुलागतिलीलाप्तवसुदेवकरस्थितिः ।

सर्वेशत्वप्रकटनो मायाव्यत्ययकारकः ॥ 157॥

ज्ञानमोहितदुष्टेशः प्रपञ्चास्मृतिकारणम् ।

यशोदानन्दनो नन्दभाग्यभूगोकुलोत्सवः ॥ 158॥

नन्दप्रियो नन्दसूनुर्यशोदायाः स्तनन्धयः ।

पूतनासुपयःपाता मुग्धभावातिसुन्दरः ॥ 159॥

सुन्दरीहृदयानन्दो गोपीमन्त्राभिमन्त्रितः ।

गोपालाश्चर्यरसकृत् शकटासुरखण्डनः ॥ 160॥

नन्दव्रजजनानन्दी नन्दभाग्यमहोदयः ।

तृणावर्तवधोत्साहो यशोदाज्ञानविग्रहः ॥ 161॥

बलभद्रप्रियः कृष्णः सङ्कर्षणसहायवान् ।

रामानुजो वासुदेवो गोष्ठाङ्गणगतिप्रियः ॥ 162॥

किङ्किणीरवभावज्ञो वत्सपुच्छावलम्बनः ।

नवनीतप्रियो गोपीमोहसंसारनाशकः ॥ 163॥

गोपबालकभावज्ञश्चौर्यविद्याविशारदः ।

मृत्स्नाभक्षणलीलास्यमाहात्म्यज्ञानदायकः ॥ 164॥

धराद्रोणप्रीतिकर्ता दधिभाण्डविभेदनः ।

दामोदरो भक्तवश्यो यमलार्जुनभञ्जनः ॥ 165॥

बृहद्वनमहाश्चर्यो वृन्दावनगतिप्रियः ।

वत्सघाती बालकेलिर्बकासुरनिषूदनः ॥ 166॥

अरण्यभोक्ताऽप्यथवा बाललीलापरायणः ।

प्रोत्साहजनकश्चैवमघासुरनिषूदनः ॥ 167॥

व्यालमोक्षप्रदः पुष्टो ब्रह्ममोहप्रवर्धनः ।

अनन्तमूर्तिः सर्वात्मा जङ्गमस्थावराकृतिः ॥ 168॥

ब्रह्ममोहनकर्ता च स्तुत्य आत्मा सदाप्रियः ।

पौगण्डलीलाभिरतिर्गोचारणपरायणः ॥ 169॥

वृन्दावनलतागुल्मवृक्षरूपनिरूपकः ।

नादब्रह्मप्रकटनो वयःप्रतिकृतिस्वनः ॥ 170॥

बर्हिनृत्यानुकरणो गोपालानुकृतिस्वनः ।

सदाचारप्रतिष्ठाता बलश्रमनिराकृतिः ॥ 171॥

तरुमूलकृताशेषतल्पशायी सखिस्तुतः ।

गोपालसेवितपदः श्रीलालितपदाम्बुजः ॥ 172॥

गोपसम्प्रार्थितफलदाननाशितधेनुकः ।

कालीयफणिमाणिक्यरञ्जितश्रीपदाम्बुजः ॥ 173॥

दृष्टिसङ्जीविताशेषगोपगोगोपिकाप्रियः ।

लीलासम्पीतदावाग्निः प्रलम्बवधपण्डितः ॥ 174॥

दावाग्न्यावृतगोपालदृष्ट्याच्छादनवह्निपः ।

वर्षाशरद्विभूतिश्रीर्गोपीकामप्रबोधकः ॥ 175॥

गोपीरत्नस्तुताशेषवेणुवाद्यविशारदः ।

कात्यायनीव्रतव्याजसर्वभावाश्रिताङ्गनः ॥ 176॥

सत्सङ्गतिस्तुतिव्याजस्तुतवृन्दावनाङ्घ्रिपः ।

गोपक्षुच्छान्तिसंव्याजविप्रभार्याप्रसादकृत् ॥ 177॥

हेतुप्राप्तेन्द्रयागस्वकार्यगोसवबोधकः ।

शैलरूपकृताशेषरसभोगसुखावहः ॥ 178॥

लीलागोवर्धनोद्धारपालितस्वव्रजप्रियः ।

गोपस्वच्छन्दलीलार्थगर्गवाक्यार्थबोधकः ॥ 179॥

इन्द्रधेनुस्तुतिप्राप्तगोविन्देन्द्राभिधानवान् ।

व्रतादिधर्मसंसक्तनन्दक्लेशविनाशकः ॥ 180॥

नन्दादिगोपमात्रेष्टवैकुण्ठगतिदायकः ।

वेणुवादस्मरक्षोभमत्तगोपीविमुक्तिदः ॥ 181॥

सर्वभावप्राप्तगोपीसुखसंवर्धनक्षमः ।

गोपीगर्वप्रणाशार्थतिरोधानसुखप्रदः ॥ 182॥

कृष्णभावव्याप्तविश्वगोपीभावितवेषधृक् ।

राधाविशेषसम्भोगप्राप्तदोषनिवारकः ॥ 183॥

परमप्रीतिसङ्गीतसर्वाद्भुतमहागुणः ।

मानापनोदनाक्रन्दगोपीदृष्टिमहोत्सवः ॥ 184॥

गोपिकाव्याप्तसर्वाङ्गः स्त्रीसम्भाषाविशारदः ।

रासोत्सवमहासौख्यगोपीसम्भोगसागरः ॥ 185॥

जलस्थलरतिव्याप्तगोपीदृष्ट्यभिपूजितः ।

शास्त्रानपेक्षकामैकमुक्तिद्वारविवर्धनः ॥ 186॥

सुदर्शनमहासर्पग्रस्तनन्दविमोचकः ।

गीतमोहितगोपीधृक्षङ्खचूडविनाशकः ॥ 187॥

गुणसङ्गीतसन्तुष्टिर्गोपीसंसारविस्मृतिः ।

अरिष्टमथनो दैत्यबुद्धिव्यामोहकारकः ॥ 188॥

केशिघाती नारदेष्टो व्योमासुरविनाशकः ।

अक्रूरभक्तिसंराद्धपादरेणुमहानिधिः ॥ 189॥

रथावरोहशुद्धात्मा गोपीमानसहारकः ।

ह्रदसन्दर्शिताशेषवैकुण्ठाक्रूरसंस्तुतः ॥ 190॥

मथुरागमनोत्साहो मथुराभाग्यभाजनम् ।

मथुरानगरीशोभादर्शनोत्सुकमानसः ॥ 191॥

दुष्टरञ्जकघाती च वायकार्चितविग्रहः ।

वस्त्रमालासुशोभाङ्गः कुब्जालेपनभूषितः ॥ 192॥

कुब्जासुरूपकर्ता च कुब्जारतिवरप्रदः ।

प्रसादरूपसन्तुष्टहरकोदण्डखण्डनः ॥ 193॥

शकलाहतकंसाप्तधनूरक्षकसैनिकः ।

जाग्रत्स्वप्नभयव्याप्तमृत्युलक्षणबोधकः ॥ 194॥

मथुरामल्ल ओजस्वी मल्लयुद्धविशारदः ।

सद्यः कुवलयापीडघाती चाणूरमर्दनः ॥ 195॥

लीलाहतमहामल्लः शलतोशलघातकः ।

कंसान्तको जितामित्रो वसुदेवविमोचकः ॥ 196॥

ज्ञाततत्त्वपितृज्ञानमोहनामृतवाङ्मयः ।

उग्रसेनप्रतिष्ठाता यादवाधिविनाशकः ॥ 197॥

नन्दादिसान्त्वनकरो ब्रह्मचर्यव्रते स्थितः ।

गुरुशुश्रूषणपरो विद्यापारमितेश्वरः ॥ 198॥

सान्दीपनिमृतापत्यदाता कालान्तकादिजित् ।

गोकुलाश्वासनपरो यशोदानन्दपोषकः ॥ 199॥

गोपिकाविरहव्याजमनोगतिरतिप्रदः ।

समोद्धवभ्रमरवाक् गोपिकामोहनाशकः ॥ 200॥

कुब्जारतिप्रदोऽक्रूरपवित्रीकृतभूगृहः ।

पृथादुःखप्रणेता च पाण्डवानां सुखप्रदः ॥ 201॥

दशमस्कन्धोत्तरार्धनामानि निरोधलीला

जरासन्धसमानीतसैन्यघाती विचारकः ।

यवनव्याप्तमथुराजनदत्तकुशस्थलिः ॥ 202॥

द्वारकाद्भुतनिर्माणविस्मापितसुरासुरः ।

मनुष्यमात्रभोगार्थभूम्यानीतेन्द्रवैभवः ॥ 203॥

यवनव्याप्तमथुरानिर्गमानन्दविग्रहः ।

मुचुकुन्दमहाबोधयवनप्राणदर्पहा ॥ 204॥

मुचुकुन्दस्तुताशेषगुणकर्ममहोदयः ।

फलप्रदानसन्तुष्टिर्जन्मान्तरितमोक्षदः ॥ 205॥

शिवब्राह्मणवाक्याप्तजयभीतिविभावनः ।

प्रवर्षणप्रार्थिताग्निदानपुण्यमहोत्सवः ॥ 206॥

रुक्मिणीरमणः कामपिता प्रद्युम्नभावनः ।

स्यमन्तकमणिव्याजप्राप्तजाम्बवतीपतिः ॥ 207॥

सत्यभामाप्राणपतिः कालिन्दीरतिवर्धनः ।

मित्रविन्दापतिः सत्यापतिर्वृषनिषूदनः ॥ 208॥

भद्रावाञ्छितभर्ता च लक्ष्मणावरणक्षमः ।

इन्द्रादिप्रार्थितवधनरकासुरसूदनः ॥ 209॥

मुरारिः पीठहन्ता च ताम्रादिप्राणहारकः ।

षोडशस्त्रीसहस्रेशः छत्रकुण्डलदानकृत् ॥ 210॥

पारिजातापहरणो देवेन्द्रमदनाशकः ।

रुक्मिणीसमसर्वस्त्रीसाध्यभोगरतिप्रदः ॥ 211॥

रुक्मिणीपरिहासोक्तिवाक्तिरोधानकारकः ।

पुत्रपौत्रमहाभाग्यगृहधर्मप्रवर्तकः ॥ 212॥

शम्बरान्तकसत्पुत्रविवाहहतरुक्मिकः ।

उषापहृतपौत्रश्रीर्बाणबाहुनिवारकः ॥ 213॥

शीतज्वरभयव्याप्तज्वरसंस्तुतषड्गुणः ।

शङ्करप्रतियोद्धा च द्वन्द्वयुद्धविशारदः ॥ 214॥

नृगपापप्रभेत्ता च ब्रह्मस्वगुणदोषदृक् ।

विष्णुभक्तिविरोधैकब्रह्मस्वविनिवारकः ॥ 215॥

बलभद्राहितगुणो गोकुलप्रीतिदायकः ।

गोपीस्नेहैकनिलयो गोपीप्राणस्थितिप्रदः ॥ 216॥

वाक्यातिगामियमुनाहलाकर्षणवैभवः ।

पौण्ड्रकत्याजितस्पर्धः काशीराजविभेदनः ॥ 217॥

काशीनिदाहकरणः शिवभस्मप्रदायकः ।

द्विविदप्राणघाती च कौरवाखर्वगर्वनुत् ॥ 218॥

लाङ्गलाकृष्टनगरीसंविग्नाखिलनागरः ।

प्रपन्नाभयदः साम्बप्राप्तसन्मानभाजनम् ॥ 219॥

नारदान्विष्टचरणो भक्तविक्षेपनाशकः ।

सदाचारैकनिलयः सुधर्माध्यासितासनः ॥ 220॥

जरासन्धावरुद्धेन विज्ञापितनिजक्लमः ।

मन्त्र्युद्धवादिवाक्योक्तप्रकारैकपरायणः ॥ 221॥

राजसूयादिमखकृत् सम्प्रार्थितसहायकृत् ।

इन्द्रप्रस्थप्रयाणार्थमहत्सम्भारसम्भृतिः ॥ 222॥

जरासन्धवधव्याजमोचिताशेषभूमिपः ।

सन्मार्गबोधको यज्ञक्षितिवारणतत्परः ॥ 223॥

शिशुपालहतिव्याजजयशापविमोचकः ।

दुर्योधनाभिमानाब्धिशोषबाणवृकोदरः॥ 224॥

महादेववरप्राप्तपुरशाल्वविनाशकः ।

दन्तवक्त्रवधव्याजविजयाघौघनाशकः ॥ 225॥

विदूरथप्राणहर्ता न्यस्तशस्त्रास्त्रविग्रहः ।

उपधर्मविलिप्ताङ्गसूतघाती वरप्रदः ॥ 226॥

बल्वलप्राणहरणपालितर्षिश्रुतिक्रियः ।

सर्वतीर्थाघनाशार्थतीर्थयात्राविशारदः ॥ 227॥

ज्ञानक्रियाविभेदेष्टफलसाधनतत्परः ।

सारथ्यादिक्रियाकर्ता भक्तवश्यत्वबोधकः ॥ 228॥

सुदामारङ्कभार्यार्थभूम्यानीतेन्द्रवैभवः ।

रविग्रहनिमित्ताप्तकुरुक्षेत्रैकपावनः ॥ 229॥

नृपगोपीसमस्तस्त्रीपावनार्थाखिलक्रियः ।

ऋषिमार्गप्रतिष्ठाता वसुदेवमखक्रियः ॥ 230॥

वसुदेवज्ञानदाता देवकीपुत्रदायकः ।

अर्जुनस्त्रीप्रदाता च बहुलाश्वस्वरूपदः ॥ 231॥

श्रुतदेवेष्टदाता च सर्वश्रुतिनिरूपितः ।

महादेवाद्यतिश्रेष्ठो भक्तिलक्षणनिर्णयः ॥ 232॥

वृकग्रस्तशिवत्राता नानावाक्यविशारदः ।

नरगर्वविनाशार्थहृतब्राह्मणबालकः ॥ 233॥

लोकालोकपरस्थानस्थितबालकदायकः ।

द्वारकास्थमहाभोगनानास्त्रीरतिवर्धनः ॥ 234॥

मनस्तिरोधानकृतव्यग्रस्त्रीचित्तभावितः ।

मुक्तिलीला

मुक्तिलीलाविहरणो मौशलव्याजसंहृतिः ॥ 235॥

श्रीभागवतधर्मादिबोधको भक्तिनीतिकृत् ।

उद्धवज्ञानदाता च पञ्चविंशतिधा गुरुः ॥ 236॥

आचारभक्तिमुक्त्यादिवक्ता शब्दोद्भवस्थितिः ।

हंसो धर्मप्रवक्ता च सनकाद्युपदेशकृत् ॥ 237॥

भक्तिसाधनवक्ता च योगसिद्धिप्रदायकः ।

नानाविभूतिवक्ता च शुद्धधर्मावबोधकः ॥ 238॥

मार्गत्रयविभेदात्मा नानाशङ्कानिवारकः ।

भिक्षुगीताप्रवक्ता च शुद्धसाङ्ख्यप्रवर्तकः ॥ 239॥

मनोगुणविशेषात्मा ज्ञापकोक्तपुरूरवाः ।

पूजाविधिप्रवक्ता च सर्वसिद्धान्तबोधकः ॥ 240॥

लघुस्वमार्गवक्ता च स्वस्थानगतिबोधकः ।

यादवाङ्गोपसंहर्ता सर्वाश्चर्यगतिक्रियः ॥ 241॥

आश्रयलीला

कालधर्मविभेदार्थवर्णनाशनतत्परः ।

बुद्धो गुप्तार्थवक्ता च नानाशास्त्रविधायकः ॥ 242॥

नष्टधर्ममनुष्यादिलक्षणज्ञापनोत्सुकः ।

आश्रयैकगतिज्ञाता कल्किः कलिमलापहः ॥ 243॥

शास्त्रवैराग्यसम्बोधो नानाप्रलयबोधकः ।

विशेषतः शुकव्याजपरीक्षिज्ज्ञानबोधकः ॥ 244॥

शुकेष्टगतिरूपात्मा परीक्षिद्देहमोक्षदः ।

शब्दरूपो नादरूपो वेदरूपो विभेदनः ॥ 245॥

व्यासः शाखाप्रवक्ता च पुराणार्थप्रवर्तकः ।

मार्कण्डेयप्रसन्नात्मा वटपत्रपुटेशयः ॥ 246॥

मायाव्याप्तमहामोहदुःखशान्तिप्रवर्तकः ।

महादेवस्वरूपश्च भक्तिदाता कृपानिधिः ॥ 247॥

आदित्यान्तर्गतः कालः द्वादशात्मा सुपूजितः ।

श्रीभागवतरूपश्च सर्वार्थफलदायकः ॥ 248॥

इतीदं कीर्तनीयस्य हरेर्नामसहस्रकम् ।

पञ्चसप्ततिविस्तीर्णं पुराणान्तरभाषितम् ॥ 249॥

य एतत्प्रातरुत्थाय श्रद्धावान् सुसमाहितः ।

जपेदर्थाहितमतिः स गोविन्दपदं लभेत् ॥ 250॥

सर्वधर्मविनिर्मुक्तः सर्वसाधनवर्जितः ।

एतद्धारणमात्रेण कृष्णस्य पदवीं व्रजेत् ॥ 251॥

हर्यावेशितचित्तेन श्रीभागवतसागरात् ।

समुद्धृतानि नामानि चिन्तामणिनिभानि हि ॥ 252॥

कण्ठस्थितान्यर्थदीप्त्या बाधन्तेऽज्ञानजं तमः ।

भक्तिं श्रीकृष्णदेवस्य साधयन्ति विनिश्चितम् ॥ 253॥

किम्बहूक्तेन भगवान् नामभिः स्तुतषड्गुणः ।

आत्मभावं नयत्याशु भक्तिं च कुरुते दृढाम् ॥ 254॥

यः कृष्णभक्तिमिह वाञ्छति साधनौघैर्-

नामानि भासुरयशांसि जपेत्स नित्यम् ।

तं वै हरिः स्वपुरुषं कुरुतेऽतिशीघ्रम्-

आत्मार्पणं समधिगच्छति भावतुष्टः ॥ 255॥

श्रीकृष्ण कृष्णसख वृष्णिवृषावनिध्रुग्-

राजन्यवंशदहनानपवर्गवीर्य ।

गोविन्द गोपवनिताव्रजभृत्यगीत

तीर्थश्रवः श्रवणमङ्गल पाहि भृत्यान् ॥ 256॥

॥ इति श्रीभागवतसारसमुच्चये वैश्वानरोक्तं

श्रीवल्लभाचार्यविरचितं

श्रीपुरुषोत्तमसहस्रनामस्तोत्रं सम्पूर्णम् ॥