𑌵𑌿𑌨𑌿𑌯𑍋𑌗𑌃
𑌪𑍁𑌰𑌾𑌣𑌪𑍁𑌰𑍁𑌷𑍋 𑌵𑌿𑌷𑍍𑌣𑍁𑌃 𑌪𑍁𑌰𑍁𑌷𑍋𑌤𑍍𑌤𑌮 𑌉𑌚𑍍𑌯𑌤𑍇 ।
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌵𑌕𑍍𑌷𑍍𑌯𑌾𑌮𑌿 𑌤𑌸𑍍𑌯 𑌭𑌾𑌗𑌵𑌤𑍋𑌦𑍍𑌧𑍃𑌤𑌮𑍍 ॥ 1॥
𑌯𑌸𑍍𑌯 𑌪𑍍𑌰𑌸𑌾𑌦𑌾𑌦𑍍𑌵𑌾𑌗𑍀𑌶𑌾𑌃 𑌪𑍍𑌰𑌜𑍇𑌶𑌾 𑌵𑌿𑌭𑌵𑍋𑌨𑍍𑌨𑌤𑌾𑌃 ।
𑌕𑍍𑌷𑍁𑌦𑍍𑌰𑌾 𑌅𑌪𑌿 𑌭𑌵𑌨𑍍𑌤𑍍𑌯𑌾𑌶𑍁 𑌶𑍍𑌰𑍀𑌕𑍃𑌷𑍍𑌣𑌂 𑌤𑌂 𑌨𑌤𑍋𑌽𑌸𑍍𑌮𑍍𑌯𑌹𑌮𑍍 ॥ 2॥
𑌅𑌨𑌨𑍍𑌤𑌾 𑌏𑌵 𑌕𑍃𑌷𑍍𑌣𑌸𑍍𑌯 𑌲𑍀𑌲𑌾 𑌨𑌾𑌮𑌪𑍍𑌰𑌵𑌰𑍍𑌤𑌿𑌕𑌾𑌃 ।
𑌉𑌕𑍍𑌤𑌾 𑌭𑌾𑌗𑌵𑌤𑍇 𑌗𑍂𑌹𑌾𑌃 𑌪𑍍𑌰𑌕𑌟𑌾 𑌅𑌪𑌿 𑌕𑍁𑌤𑍍𑌰𑌚𑌿𑌤𑍍 ॥ 3॥
𑌅𑌤𑌸𑍍𑌤𑌾𑌨𑌿 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌨𑌾𑌮𑌾𑌨𑌿 𑌮𑍁𑌰𑌵𑍈𑌰𑌿𑌣𑌃 ।
𑌸𑌹𑌸𑍍𑌰𑌂 𑌯𑍈𑌸𑍍𑌤𑍁 𑌪𑌠𑌿𑌤𑍈𑌃 𑌪𑌠𑌿𑌤𑌂 𑌸𑍍𑌯𑌾𑌚𑍍𑌛𑍁𑌕𑌾𑌮𑍃𑌤𑌮𑍍 ॥ 4॥
𑌕𑍃𑌷𑍍𑌣𑌨𑌾𑌮𑌸𑌹𑌸𑍍𑌰𑌸𑍍𑌯 𑌋𑌷𑌿𑌰𑌗𑍍𑌨𑌿𑌰𑍍𑌨𑌿𑌰𑍂𑌪𑌿𑌤𑌃 ।
𑌗𑌾𑌯𑌤𑍍𑌰𑍀 𑌚 𑌤𑌥𑌾 𑌛𑌨𑍍𑌦𑍋 𑌦𑍇𑌵𑌤𑌾 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 5॥
𑌵𑌿𑌨𑌿𑌯𑍋𑌗𑌃 𑌸𑌮𑌸𑍍𑌤𑍇𑌷𑍁 𑌪𑍁𑌰𑍁𑌷𑌾𑌰𑍍𑌥𑍇𑌷𑍁 𑌵𑍈 𑌮𑌤𑌃 ।
𑌬𑍀𑌜𑌂 𑌭𑌕𑍍𑌤𑌪𑍍𑌰𑌿𑌯𑌃 𑌶𑌕𑍍𑌤𑌿𑌃 𑌸𑌤𑍍𑌯𑌵𑌾𑌗𑍁𑌚𑍍𑌯𑌤𑍇 𑌹𑌰𑌿𑌃 ॥ 6॥
𑌭𑌕𑍍𑌤𑍋𑌦𑍍𑌧𑌰𑌣𑌯𑌤𑍍𑌨𑌸𑍍𑌤𑍁 𑌮𑌨𑍍𑌤𑍍𑌰𑍋𑌽𑌤𑍍𑌰 𑌪𑌰𑌮𑍋 𑌮𑌤𑌃 ।
𑌅𑌵𑌤𑌾𑌰𑌿𑌤𑌭𑌕𑍍𑌤𑌾𑌂𑌶𑌃 𑌕𑍀𑌲𑌕𑌂 𑌪𑌰𑌿𑌕𑍀𑌰𑍍𑌤𑌿𑌤𑌮𑍍 ॥ 7॥
𑌅𑌸𑍍𑌤𑍍𑌰𑌂 𑌸𑌰𑍍𑌵𑌸𑌮𑌰𑍍𑌥𑌶𑍍𑌚 𑌗𑍋𑌵𑌿𑌨𑍍𑌦𑌃 𑌕𑌵𑌚𑌂 𑌮𑌤𑌮𑍍 ।
𑌪𑍁𑌰𑍁𑌷𑍋 𑌧𑍍𑌯𑌾𑌨𑌮𑌤𑍍𑌰𑍋𑌕𑍍𑌤𑌃 𑌸𑌿𑌦𑍍𑌧𑌿𑌃 𑌶𑌰𑌣𑌸𑌂𑌸𑍍𑌮𑍃𑌤𑌿𑌃 ॥ 8॥
𑌅𑌧𑌿𑌕𑌾𑌰𑌲𑍀𑌲𑌾
𑌶𑍍𑌰𑍀𑌕𑍃𑌷𑍍𑌣𑌃 𑌸𑌚𑍍𑌚𑌿𑌦𑌾𑌨𑌨𑍍𑌦𑍋 𑌨𑌿𑌤𑍍𑌯𑌲𑍀𑌲𑌾𑌵𑌿𑌨𑍋𑌦𑌕𑍃𑌤𑍍 ।
𑌸𑌰𑍍𑌵𑌾𑌗𑌮𑌵𑌿𑌨𑍋𑌦𑍀 𑌚 𑌲𑌕𑍍𑌷𑍍𑌮𑍀𑌶𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 9॥
𑌆𑌦𑌿𑌕𑌾𑌲𑌃 𑌸𑌰𑍍𑌵𑌕𑌾𑌲𑌃 𑌕𑌾𑌲𑌾𑌤𑍍𑌮𑌾 𑌮𑌾𑌯𑌯𑌾𑌵𑍃𑌤𑌃 ।
𑌭𑌕𑍍𑌤𑍋𑌦𑍍𑌧𑌾𑌰𑌪𑍍𑌰𑌯𑌤𑍍𑌨𑌾𑌤𑍍𑌮𑌾 𑌜𑌗𑌤𑍍𑌕𑌰𑍍𑌤𑌾 𑌜𑌗𑌨𑍍𑌮𑌯𑌃 ॥ 10॥
𑌨𑌾𑌮𑌲𑍀𑌲𑌾𑌪𑌰𑍋 𑌵𑌿𑌷𑍍𑌣𑍁𑌰𑍍𑌵𑍍𑌯𑌾𑌸𑌾𑌤𑍍𑌮𑌾 𑌶𑍁𑌕𑌮𑍋𑌕𑍍𑌷𑌦𑌃 ।
𑌵𑍍𑌯𑌾𑌪𑌿𑌵𑍈𑌕𑍁𑌣𑍍𑌠𑌦𑌾𑌤𑌾 𑌚 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑌾𑌗𑌮𑌃 ॥ 11॥
𑌶𑍁𑌕𑌵𑌾𑌗𑌮𑍃𑌤𑌾𑌬𑍍𑌧𑍀𑌨𑍍𑌦𑍁𑌃 𑌶𑍗𑌨𑌕𑌾𑌦𑍍𑌯𑌖𑌿𑌲𑍇𑌷𑍍𑌟𑌦𑌃 ।
𑌭𑌕𑍍𑌤𑌿𑌪𑍍𑌰𑌵𑌰𑍍𑌤𑌕𑌸𑍍𑌤𑍍𑌰𑌾𑌤𑌾 𑌵𑍍𑌯𑌾𑌸𑌚𑌿𑌨𑍍𑌤𑌾𑌵𑌿𑌨𑌾𑌶𑌕𑌃 ॥ 12॥
𑌸𑌰𑍍𑌵𑌸𑌿𑌦𑍍𑌧𑌾𑌨𑍍𑌤𑌵𑌾𑌗𑌾𑌤𑍍𑌮𑌾 𑌨𑌾𑌰𑌦𑌾𑌦𑍍𑌯𑌖𑌿𑌲𑍇𑌷𑍍𑌟𑌦𑌃 ।
𑌅𑌨𑍍𑌤𑌰𑌾𑌤𑍍𑌮𑌾 𑌧𑍍𑌯𑌾𑌨𑌗𑌮𑍍𑌯𑍋 𑌭𑌕𑍍𑌤𑌿𑌰𑌤𑍍𑌨𑌪𑍍𑌰𑌦𑌾𑌯𑌕𑌃 ॥ 13॥
𑌮𑍁𑌕𑍍𑌤𑍋𑌪𑌸𑍃𑌪𑍍𑌯𑌃 𑌪𑍂𑌰𑍍𑌣𑌾𑌤𑍍𑌮𑌾 𑌮𑍁𑌕𑍍𑌤𑌾𑌨𑌾𑌂 𑌰𑌤𑌿𑌵𑌰𑍍𑌧𑌨𑌃 ।
𑌭𑌕𑍍𑌤𑌕𑌾𑌰𑍍𑌯𑍈𑌕𑌨𑌿𑌰𑌤𑍋 𑌦𑍍𑌰𑍗𑌣𑍍𑌯𑌸𑍍𑌤𑍍𑌰𑌵𑌿𑌨𑌿𑌵𑌾𑌰𑌕𑌃 ॥ 14॥
𑌭𑌕𑍍𑌤𑌸𑍍𑌮𑌯𑌪𑍍𑌰𑌣𑍇𑌤𑌾 𑌚 𑌭𑌕𑍍𑌤𑌵𑌾𑌕𑍍𑌪𑌰𑌿𑌪𑌾𑌲𑌕𑌃 ।
𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑍋 𑌧𑌰𑍍𑌮𑌾𑌤𑍍𑌮𑌾 𑌭𑌕𑍍𑌤𑌾𑌨𑌾𑌂 𑌚 𑌪𑌰𑍀𑌕𑍍𑌷𑌕𑌃 ॥ 15॥
𑌆𑌸𑌨𑍍𑌨𑌹𑌿𑌤𑌕𑌰𑍍𑌤𑌾 𑌚 𑌮𑌾𑌯𑌾𑌹𑌿𑌤𑌕𑌰𑌃 𑌪𑍍𑌰𑌭𑍁𑌃 ।
𑌉𑌤𑍍𑌤𑌰𑌾𑌪𑍍𑌰𑌾𑌣𑌦𑌾𑌤𑌾 𑌚 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌵𑌿𑌨𑌿𑌵𑌾𑌰𑌕𑌃 ॥ 16॥
𑌸𑌰𑍍𑌵𑌤𑌃 𑌪𑌾𑌣𑌵𑌪𑌤𑌿𑌃 𑌪𑌰𑍀𑌕𑍍𑌷𑌿𑌚𑍍𑌛𑍁𑌦𑍍𑌧𑌿𑌕𑌾𑌰𑌣𑌮𑍍 ।
𑌗𑍂𑌹𑌾𑌤𑍍𑌮𑌾 𑌸𑌰𑍍𑌵𑌵𑍇𑌦𑍇𑌷𑍁 𑌭𑌕𑍍𑌤𑍈𑌕𑌹𑍃𑌦𑌯𑌙𑍍𑌗𑌮𑌃 ॥ 17॥
𑌕𑍁𑌨𑍍𑌤𑍀𑌸𑍍𑌤𑍁𑌤𑍍𑌯𑌃 𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌪𑌰𑌮𑌾𑌦𑍍𑌭𑍁𑌤𑌕𑌾𑌰𑍍𑌯𑌕𑍃𑌤𑍍 ।
𑌭𑍀𑌷𑍍𑌮𑌮𑍁𑌕𑍍𑌤𑌿𑌪𑍍𑌰𑌦𑌃 𑌸𑍍𑌵𑌾𑌮𑍀 𑌭𑌕𑍍𑌤𑌮𑍋𑌹𑌨𑌿𑌵𑌾𑌰𑌕𑌃 ॥ 18॥
𑌸𑌰𑍍𑌵𑌾𑌵𑌸𑍍𑌥𑌾𑌸𑍁 𑌸𑌂𑌸𑍇𑌵𑍍𑌯𑌃 𑌸𑌮𑌃 𑌸𑍁𑌖𑌹𑌿𑌤𑌪𑍍𑌰𑌦𑌃 ।
𑌕𑍃𑌤𑌕𑍃𑌤𑍍𑌯𑌃 𑌸𑌰𑍍𑌵𑌸𑌾𑌕𑍍𑌷𑍀 𑌭𑌕𑍍𑌤𑌸𑍍𑌤𑍍𑌰𑍀𑌰𑌤𑌿𑌵𑌰𑍍𑌧𑌨𑌃 ॥ 19॥
𑌸𑌰𑍍𑌵𑌸𑍗𑌭𑌾𑌗𑍍𑌯𑌨𑌿𑌲𑌯𑌃 𑌪𑌰𑌮𑌾𑌶𑍍𑌚𑌰𑍍𑌯𑌰𑍂𑌪𑌧𑍃𑌕𑍍 ।
𑌅𑌨𑌨𑍍𑌯𑌪𑍁𑌰𑍁𑌷𑌸𑍍𑌵𑌾𑌮𑍀 𑌦𑍍𑌵𑌾𑌰𑌕𑌾𑌭𑌾𑌗𑍍𑌯𑌭𑌾𑌜𑌨𑌮𑍍 ॥ 20॥
𑌬𑍀𑌜𑌸𑌂𑌸𑍍𑌕𑌾𑌰𑌕𑌰𑍍𑌤𑌾 𑌚 𑌪𑌰𑍀𑌕𑍍𑌷𑌿𑌜𑍍𑌜𑌾𑌨𑌪𑍋𑌷𑌕𑌃 ।
𑌸𑌰𑍍𑌵𑌤𑍍𑌰𑌪𑍂𑌰𑍍𑌣𑌗𑍁𑌣𑌕𑌃 𑌸𑌰𑍍𑌵𑌭𑍂𑌷𑌣𑌭𑍂𑌷𑌿𑌤𑌃 ॥ 21॥
𑌸𑌰𑍍𑌵𑌲𑌕𑍍𑌷𑌣𑌦𑌾𑌤𑌾 𑌚 𑌧𑍃𑌤𑌰𑌾𑌷𑍍𑌟𑍍𑌰𑌵𑌿𑌮𑍁𑌕𑍍𑌤𑌿𑌦𑌃 ।
𑌸𑌨𑍍𑌮𑌾𑌰𑍍𑌗𑌰𑌕𑍍𑌷𑌕𑍋 𑌨𑌿𑌤𑍍𑌯𑌂 𑌵𑌿𑌦𑍁𑌰𑌪𑍍𑌰𑍀𑌤𑌿𑌪𑍂𑌰𑌕𑌃 ॥ 22॥
𑌲𑍀𑌲𑌾𑌵𑍍𑌯𑌾𑌮𑍋𑌹𑌕𑌰𑍍𑌤𑌾 𑌚 𑌕𑌾𑌲𑌧𑌰𑍍𑌮𑌪𑍍𑌰𑌵𑌰𑍍𑌤𑌕𑌃 ।
𑌪𑌾𑌣𑌵𑌾𑌨𑌾𑌂 𑌮𑍋𑌕𑍍𑌷𑌦𑌾𑌤𑌾 𑌪𑌰𑍀𑌕𑍍𑌷𑌿𑌦𑍍𑌭𑌾𑌗𑍍𑌯𑌵𑌰𑍍𑌧𑌨𑌃 ॥ 23॥
𑌕𑌲𑌿𑌨𑌿𑌗𑍍𑌰𑌹𑌕𑌰𑍍𑌤𑌾 𑌚 𑌧𑌰𑍍𑌮𑌾𑌦𑍀𑌨𑌾𑌂 𑌚 𑌪𑍋𑌷𑌕𑌃 ।
𑌸𑌤𑍍𑌸𑌙𑍍𑌗𑌜𑌾𑌨𑌹𑍇𑌤𑍁𑌶𑍍𑌚 𑌶𑍍𑌰𑍀𑌭𑌾𑌗𑌵𑌤𑌕𑌾𑌰𑌣𑌮𑍍 ॥ 24॥
𑌪𑍍𑌰𑌾𑌕𑍃𑌤𑌾𑌦𑍃𑌷𑍍𑌟𑌮𑌾𑌰𑍍𑌗𑌶𑍍𑌚॥॥॥॥॥॥ 𑌚𑍋𑌨𑍍𑌤𑌿𑌨𑍁𑌏𑌦𑍍
𑌜𑍍𑌞𑌾𑌨-𑌸𑌾𑌧𑌨-𑌲𑍀𑌲𑌾
॥॥॥॥॥॥॥॥॥॥॥॥ 𑌶𑍍𑌰𑍋𑌤𑌵𑍍𑌯𑌃 𑌸𑌕𑌲𑌾𑌗𑌮𑍈𑌃 ।
𑌕𑍀𑌰𑍍𑌤𑌿𑌤𑌵𑍍𑌯𑌃 𑌶𑍁𑌦𑍍𑌧𑌭𑌾𑌵𑍈𑌃 𑌸𑍍𑌮𑌰𑍍𑌤𑌵𑍍𑌯𑌶𑍍𑌚𑌾𑌤𑍍𑌮𑌵𑌿𑌤𑍍𑌤𑌮𑍈𑌃 ॥ 25॥
𑌅𑌨𑍇𑌕𑌮𑌾𑌰𑍍𑌗𑌕𑌰𑍍𑌤𑌾 𑌚 𑌨𑌾𑌨𑌾𑌵𑌿𑌧𑌗𑌤𑌿𑌪𑍍𑌰𑌦𑌃 ।
𑌪𑍁𑌰𑍁𑌷𑌃 𑌸𑌕𑌲𑌾𑌧𑌾𑌰𑌃 𑌸𑌤𑍍𑌤𑍍𑌵𑍈𑌕𑌨𑌿𑌲𑌯𑌾𑌤𑍍𑌮𑌭𑍂𑌃 ॥ 26॥
𑌸𑌰𑍍𑌵𑌧𑍍𑌯𑍇𑌯𑍋 𑌯𑍋𑌗𑌗𑌮𑍍𑌯𑍋 𑌭𑌕𑍍𑌤𑍍𑌯𑌾 𑌗𑍍𑌰𑌾𑌹𑍍𑌯𑌃 𑌸𑍁𑌰𑌪𑍍𑌰𑌿𑌯𑌃 ।
𑌜𑌨𑍍𑌮𑌾𑌦𑌿𑌸𑌾𑌰𑍍𑌥𑌕𑌕𑍃𑌤𑌿𑌰𑍍𑌲𑍀𑌲𑌾𑌕𑌰𑍍𑌤𑌾 𑌪𑌤𑌿𑌃 𑌸𑌤𑌾𑌮𑍍 ॥ 27॥
𑌆𑌦𑌿𑌕𑌰𑍍𑌤𑌾 𑌤𑌤𑍍𑌤𑍍𑌵𑌕𑌰𑍍𑌤𑌾 𑌸𑌰𑍍𑌵𑌕𑌰𑍍𑌤𑌾 𑌵𑌿𑌶𑌾𑌰𑌦𑌃 ।
𑌨𑌾𑌨𑌾𑌵𑌤𑌾𑌰𑌕𑌰𑍍𑌤𑌾 𑌚 𑌬𑍍𑌰𑌹𑍍𑌮𑌾𑌵𑌿𑌰𑍍𑌭𑌾𑌵𑌕𑌾𑌰𑌣𑌮𑍍 ॥ 28॥
𑌦𑌶𑌲𑍀𑌲𑌾𑌵𑌿𑌨𑍋𑌦𑍀 𑌚 𑌨𑌾𑌨𑌾𑌸𑍃𑌷𑍍𑌟𑌿𑌪𑍍𑌰𑌵𑌰𑍍𑌤𑌕𑌃 ।
𑌅𑌨𑍇𑌕𑌕𑌲𑍍𑌪𑌕𑌰𑍍𑌤𑌾 𑌚 𑌸𑌰𑍍𑌵𑌦𑍋𑌷𑌵𑌿𑌵𑌰𑍍𑌜𑌿𑌤𑌃 ॥ 29॥
𑌸𑌰𑍍𑌗𑌲𑍀𑌲𑌾
𑌵𑍈𑌰𑌾𑌗𑍍𑌯𑌹𑍇𑌤𑍁𑌸𑍍𑌤𑍀𑌰𑍍𑌥𑌾𑌤𑍍𑌮𑌾 𑌸𑌰𑍍𑌵𑌤𑍀𑌰𑍍𑌥𑌫𑌲𑌪𑍍𑌰𑌦𑌃 ।
𑌤𑍀𑌰𑍍𑌥𑌶𑍁𑌦𑍍𑌧𑍈𑌕𑌨𑌿𑌲𑌯𑌃 𑌸𑍍𑌵𑌮𑌾𑌰𑍍𑌗𑌪𑌰𑌿𑌪𑍋𑌷𑌕𑌃 ॥ 30॥
𑌤𑍀𑌰𑍍𑌥𑌕𑍀𑌰𑍍𑌤𑌿𑌰𑍍𑌭𑌕𑍍𑌤𑌗𑌮𑍍𑌯𑍋 𑌭𑌕𑍍𑌤𑌾𑌨𑍁𑌶𑌯𑌕𑌾𑌰𑍍𑌯𑌕𑍃𑌤𑍍 ।
𑌭𑌕𑍍𑌤𑌤𑍁𑌲𑍍𑌯𑌃 𑌸𑌰𑍍𑌵𑌤𑍁𑌲𑍍𑌯𑌃 𑌸𑍍𑌵𑍇𑌚𑍍𑌛𑌾𑌸𑌰𑍍𑌵𑌪𑍍𑌰𑌵𑌰𑍍𑌤𑌕𑌃 ॥ 31॥
𑌗𑍁𑌣𑌾𑌤𑍀𑌤𑍋𑌽𑌨𑌵𑌦𑍍𑌯𑌾𑌤𑍍𑌮𑌾 𑌸𑌰𑍍𑌗𑌲𑍀𑌲𑌾𑌪𑍍𑌰𑌵𑌰𑍍𑌤𑌕𑌃 ।
𑌸𑌾𑌕𑍍𑌷𑌾𑌤𑍍𑌸𑌰𑍍𑌵𑌜𑌗𑌤𑍍𑌕𑌰𑍍𑌤𑌾 𑌮𑌹𑌦𑌾𑌦𑌿𑌪𑍍𑌰𑌵𑌰𑍍𑌤𑌕𑌃 ॥ 32॥
𑌮𑌾𑌯𑌾𑌪𑍍𑌰𑌵𑌰𑍍𑌤𑌕𑌃 𑌸𑌾𑌕𑍍𑌷𑍀 𑌮𑌾𑌯𑌾𑌰𑌤𑌿𑌵𑌿𑌵𑌰𑍍𑌧𑌨𑌃 ।
𑌆𑌕𑌾𑌶𑌾𑌤𑍍𑌮𑌾 𑌚𑌤𑍁𑌰𑍍𑌮𑍂𑌰𑍍𑌤𑌿𑌶𑍍𑌚𑌤𑍁𑌰𑍍𑌧𑌾 𑌭𑍂𑌤𑌭𑌾𑌵𑌨𑌃 ॥ 33॥
𑌰𑌜𑌃𑌪𑍍𑌰𑌵𑌰𑍍𑌤𑌕𑍋 𑌬𑍍𑌰𑌹𑍍𑌮𑌾 𑌮𑌰𑍀𑌚𑍍𑌯𑌾𑌦𑌿𑌪𑌿𑌤𑌾𑌮𑌹𑌃 ।
𑌵𑍇𑌦𑌕𑌰𑍍𑌤𑌾 𑌯𑌜𑍍𑌞𑌕𑌰𑍍𑌤𑌾 𑌸𑌰𑍍𑌵𑌕𑌰𑍍𑌤𑌾𑌽𑌮𑌿𑌤𑌾𑌤𑍍𑌮𑌕𑌃 ॥ 34॥
𑌅𑌨𑍇𑌕𑌸𑍃𑌷𑍍𑌟𑌿𑌕𑌰𑍍𑌤𑌾 𑌚 𑌦𑌶𑌧𑌾𑌸𑍃𑌷𑍍𑌟𑌿𑌕𑌾𑌰𑌕𑌃 ।
𑌯𑌜𑍍𑌞𑌾𑌙𑍍𑌗𑍋 𑌯𑌜𑍍𑌞𑌵𑌾𑌰𑌾𑌹𑍋 𑌭𑍂𑌧𑌰𑍋 𑌭𑍂𑌮𑌿𑌪𑌾𑌲𑌕𑌃 ॥ 35॥
𑌸𑍇𑌤𑍁𑌰𑍍𑌵𑌿𑌧𑌰𑌣𑍋 𑌜𑍈𑌤𑍍𑌰𑍋 𑌹𑌿𑌰𑌣𑍍𑌯𑌾𑌕𑍍𑌷𑌾𑌨𑍍𑌤𑌕𑌃 𑌸𑍁𑌰𑌃 ।
𑌦𑌿𑌤𑌿𑌕𑌶𑍍𑌯𑌪𑌕𑌾𑌮𑍈𑌕𑌹𑍇𑌤𑍁𑌸𑍃𑌷𑍍𑌟𑌿𑌪𑍍𑌰𑌵𑌰𑍍𑌤𑌕𑌃 ॥ 36॥
𑌦𑍇𑌵𑌾𑌭𑌯𑌪𑍍𑌰𑌦𑌾𑌤𑌾 𑌚 𑌵𑍈𑌕𑍁𑌣𑍍𑌠𑌾𑌧𑌿𑌪𑌤𑌿𑌰𑍍𑌮𑌹𑌾𑌨𑍍 ।
𑌸𑌰𑍍𑌵𑌗𑌰𑍍𑌵𑌪𑍍𑌰𑌹𑌾𑌰𑍀 𑌚 𑌸𑌨𑌕𑌾𑌦𑍍𑌯𑌖𑌿𑌲𑌾𑌰𑍍𑌥𑌦𑌃 ॥ 37॥
𑌸𑌰𑍍𑌵𑌾𑌶𑍍𑌵𑌾𑌸𑌨𑌕𑌰𑍍𑌤𑌾 𑌚 𑌭𑌕𑍍𑌤𑌤𑍁𑌲𑍍𑌯𑌾𑌹𑌵𑌪𑍍𑌰𑌦𑌃 ।
𑌕𑌾𑌲𑌲𑌕𑍍𑌷𑌣𑌹𑍇𑌤𑍁𑌶𑍍𑌚 𑌸𑌰𑍍𑌵𑌾𑌰𑍍𑌥𑌜𑍍𑌞𑌾𑌪𑌕𑌃 𑌪𑌰𑌃 ॥ 38॥
𑌭𑌕𑍍𑌤𑍋𑌨𑍍𑌨𑌤𑌿𑌕𑌰𑌃 𑌸𑌰𑍍𑌵𑌪𑍍𑌰𑌕𑌾𑌰𑌸𑍁𑌖𑌦𑌾𑌯𑌕𑌃 ।
𑌨𑌾𑌨𑌾𑌯𑍁𑌦𑍍𑌧𑌪𑍍𑌰𑌹𑌰𑌣𑍋 𑌬𑍍𑌰𑌹𑍍𑌮𑌶𑌾𑌪𑌵𑌿𑌮𑍋𑌚𑌕𑌃 ॥ 39॥
𑌪𑍁𑌷𑍍𑌟𑌿𑌸𑌰𑍍𑌗𑌪𑍍𑌰𑌣𑍇𑌤𑌾 𑌚 𑌗𑍁𑌣𑌸𑍃𑌷𑍍𑌟𑌿𑌪𑍍𑌰𑌵𑌰𑍍𑌤𑌕𑌃 ।
𑌕𑌰𑍍𑌦𑌮𑍇𑌷𑍍𑌟𑌪𑍍𑌰𑌦𑌾𑌤𑌾 𑌚 𑌦𑍇𑌵𑌹𑍂𑌤𑍍𑌯𑌖𑌿𑌲𑌾𑌰𑍍𑌥𑌦𑌃 ॥ 40॥
𑌶𑍁𑌕𑍍𑌲𑌨𑌾𑌰𑌾𑌯𑌣𑌃 𑌸𑌤𑍍𑌯𑌕𑌾𑌲𑌧𑌰𑍍𑌮𑌪𑍍𑌰𑌵𑌰𑍍𑌤𑌕𑌃 ।
𑌜𑍍𑌞𑌾𑌨𑌾𑌵𑌤𑌾𑌰𑌃 𑌶𑌾𑌨𑍍𑌤𑌾𑌤𑍍𑌮𑌾 𑌕𑌪𑌿𑌲𑌃 𑌕𑌾𑌲𑌨𑌾𑌶𑌕𑌃 ॥ 41॥
𑌤𑍍𑌰𑌿𑌗𑍁𑌣𑌾𑌧𑌿𑌪𑌤𑌿𑌃 𑌸𑌾𑌙𑍍𑌖𑍍𑌯𑌶𑌾𑌸𑍍𑌤𑍍𑌰𑌕𑌰𑍍𑌤𑌾 𑌵𑌿𑌶𑌾𑌰𑌦𑌃 ।
𑌸𑌰𑍍𑌗𑌦𑍂𑌷𑌣𑌹𑌾𑌰𑍀 𑌚 𑌪𑍁𑌷𑍍𑌟𑌿𑌮𑍋𑌕𑍍𑌷𑌪𑍍𑌰𑌵𑌰𑍍𑌤𑌕𑌃 ॥ 42॥
𑌲𑍗𑌕𑌿𑌕𑌾𑌨𑌨𑍍𑌦𑌦𑌾𑌤𑌾 𑌚 𑌬𑍍𑌰𑌹𑍍𑌮𑌾𑌨𑌨𑍍𑌦𑌪𑍍𑌰𑌵𑌰𑍍𑌤𑌕𑌃 ।
𑌭𑌕𑍍𑌤𑌿𑌸𑌿𑌦𑍍𑌧𑌾𑌨𑍍𑌤𑌵𑌕𑍍𑌤𑌾 𑌚 𑌸𑌗𑍁𑌣𑌜𑍍𑌞𑌾𑌨𑌦𑍀𑌪𑌕𑌃 ॥ 43॥
𑌆𑌤𑍍𑌮𑌪𑍍𑌰𑌦𑌃 𑌪𑍂𑌰𑍍𑌣𑌕𑌾𑌮𑍋 𑌯𑍋𑌗𑌾𑌤𑍍𑌮𑌾 𑌯𑍋𑌗𑌭𑌾𑌵𑌿𑌤𑌃 ।
𑌜𑍀𑌵𑌨𑍍𑌮𑍁𑌕𑍍𑌤𑌿𑌪𑍍𑌰𑌦𑌃 𑌶𑍍𑌰𑍀𑌮𑌾𑌨𑌨𑍍𑌯𑌭𑌕𑍍𑌤𑌿𑌪𑍍𑌰𑌵𑌰𑍍𑌤𑌕𑌃 ॥ 44॥
𑌕𑌾𑌲𑌸𑌾𑌮𑌰𑍍𑌥𑍍𑌯𑌦𑌾𑌤𑌾 𑌚 𑌕𑌾𑌲𑌦𑍋𑌷𑌨𑌿𑌵𑌾𑌰𑌕𑌃 ।
𑌗𑌰𑍍𑌭𑍋𑌤𑍍𑌤𑌮𑌜𑍍𑌞𑌾𑌨𑌦𑌾𑌤𑌾 𑌕𑌰𑍍𑌮𑌮𑌾𑌰𑍍𑌗𑌨𑌿𑌯𑌾𑌮𑌕𑌃 ॥ 45॥
𑌸𑌰𑍍𑌵𑌮𑌾𑌰𑍍𑌗𑌨𑌿𑌰𑌾𑌕𑌰𑍍𑌤𑌾 𑌭𑌕𑍍𑌤𑌿𑌮𑌾𑌰𑍍𑌗𑍈𑌕𑌪𑍋𑌷𑌕𑌃 ।
𑌸𑌿𑌦𑍍𑌧𑌿𑌹𑍇𑌤𑍁𑌃 𑌸𑌰𑍍𑌵𑌹𑍇𑌤𑍁𑌃 𑌸𑌰𑍍𑌵𑌾𑌶𑍍𑌚𑌰𑍍𑌯𑍈𑌕𑌕𑌾𑌰𑌣𑌮𑍍 ॥ 46॥
𑌚𑍇𑌤𑌨𑌾𑌚𑍇𑌤𑌨𑌪𑌤𑌿𑌃 𑌸𑌮𑍁𑌦𑍍𑌰𑌪𑌰𑌿𑌪𑍂𑌜𑌿𑌤𑌃 ।
𑌸𑌾𑌙𑍍𑌖𑍍𑌯𑌾𑌚𑌾𑌰𑍍𑌯𑌸𑍍𑌤𑍁𑌤𑌃 𑌸𑌿𑌦𑍍𑌧𑌪𑍂𑌜𑌿𑌤𑌃 𑌸𑌰𑍍𑌵𑌪𑍂𑌜𑌿𑌤𑌃 ॥ 47॥
𑌵𑌿𑌸𑌰𑍍𑌗𑌲𑍀𑌲𑌾
𑌵𑌿𑌸𑌰𑍍𑌗𑌕𑌰𑍍𑌤𑌾 𑌸𑌰𑍍𑌵𑍇𑌶𑌃 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌃 ।
𑌅𑌨𑌨𑍍𑌤𑌗𑍁𑌣𑌗𑌮𑍍𑌭𑍀𑌰𑍋 𑌮𑌹𑌾𑌪𑍁𑌰𑍁𑌷𑌪𑍂𑌜𑌿𑌤𑌃 ॥ 48॥
𑌅𑌨𑌨𑍍𑌤𑌸𑍁𑌖𑌦𑌾𑌤𑌾 𑌚 𑌬𑍍𑌰𑌹𑍍𑌮𑌕𑍋𑌟𑌿𑌪𑍍𑌰𑌜𑌾𑌪𑌤𑌿𑌃 ।
𑌸𑍁𑌧𑌾𑌕𑍋𑌟𑌿𑌸𑍍𑌵𑌾𑌸𑍍𑌥𑍍𑌯𑌹𑍇𑌤𑍁𑌃 𑌕𑌾𑌮𑌧𑍁𑌕𑍍𑌕𑍋𑌟𑌿𑌕𑌾𑌮𑌦𑌃 ॥ 49॥
𑌸𑌮𑍁𑌦𑍍𑌰𑌕𑍋𑌟𑌿𑌗𑌮𑍍𑌭𑍀𑌰𑌸𑍍𑌤𑍀𑌰𑍍𑌥𑌕𑍋𑌟𑌿𑌸𑌮𑌾𑌹𑍍𑌵𑌯𑌃 ।
𑌸𑍁𑌮𑍇𑌰𑍁𑌕𑍋𑌟𑌿𑌨𑌿𑌷𑍍𑌕𑌮𑍍𑌪𑌃 𑌕𑍋𑌟𑌿𑌬𑍍𑌰𑌹𑍍𑌮𑌾𑌣𑍍𑌡𑌵𑌿𑌗𑍍𑌰𑌹𑌃 ॥ 50॥
𑌕𑍋𑌟𑍍𑌯𑌶𑍍𑌵𑌮𑍇𑌧𑌪𑌾𑌪𑌘𑍍𑌨𑍋 𑌵𑌾𑌯𑍁𑌕𑍋𑌟𑌿𑌮𑌹𑌾𑌬𑌲𑌃 ।
𑌕𑍋𑌟𑍀𑌨𑍍𑌦𑍁𑌜𑌗𑌦𑌾𑌨𑌨𑍍𑌦𑍀 𑌶𑌿𑌵𑌕𑍋𑌟𑌿𑌪𑍍𑌰𑌸𑌾𑌦𑌕𑍃𑌤𑍍 ॥ 51॥
𑌸𑌰𑍍𑌵𑌸𑌦𑍍𑌗𑍁𑌣𑌮𑌾𑌹𑌾𑌤𑍍𑌮𑍍𑌯𑌃 𑌸𑌰𑍍𑌵𑌸𑌦𑍍𑌗𑍁𑌣𑌭𑌾𑌜𑌨𑌮𑍍 ।
𑌮𑌨𑍍𑌵𑌾𑌦𑌿𑌪𑍍𑌰𑍇𑌰𑌕𑍋 𑌧𑌰𑍍𑌮𑍋 𑌯𑌜𑍍𑌞𑌨𑌾𑌰𑌾𑌯𑌣𑌃 𑌪𑌰𑌃 ॥ 52॥
𑌆𑌕𑍂𑌤𑌿𑌸𑍂𑌨𑍁𑌰𑍍𑌦𑍇𑌵𑍇𑌨𑍍𑌦𑍍𑌰𑍋 𑌰𑍁𑌚𑌿𑌜𑌨𑍍𑌮𑌾𑌽𑌭𑌯𑌪𑍍𑌰𑌦𑌃 ।
𑌦𑌕𑍍𑌷𑌿𑌣𑌾𑌪𑌤𑌿𑌰𑍋𑌜𑌸𑍍𑌵𑍀 𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌪𑌰𑌾𑌯𑌣𑌃 ॥ 53॥
𑌦𑌤𑍍𑌤𑌾𑌤𑍍𑌰𑍇𑌯𑍋 𑌯𑍋𑌗𑌪𑌤𑌿𑌰𑍍𑌯𑍋𑌗𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌕𑌃 ।
𑌅𑌨𑌸𑍂𑌯𑌾𑌗𑌰𑍍𑌭𑌰𑌤𑍍𑌨𑌮𑍃𑌷𑌿𑌵𑌂𑌶𑌵𑌿𑌵𑌰𑍍𑌧𑌨𑌃 ॥ 54॥
𑌗𑍁𑌣𑌤𑍍𑌰𑌯𑌵𑌿𑌭𑌾𑌗𑌜𑍍𑌞𑌶𑍍𑌚𑌤𑍁𑌰𑍍𑌵𑌰𑍍𑌗𑌵𑌿𑌶𑌾𑌰𑌦𑌃 ।
𑌨𑌾𑌰𑌾𑌯𑌣𑍋 𑌧𑌰𑍍𑌮𑌸𑍂𑌨𑍁𑌰𑍍𑌮𑍂𑌰𑍍𑌤𑌿𑌪𑍁𑌣𑍍𑌯𑌯𑌶𑌸𑍍𑌕𑌰𑌃 ॥ 55॥
𑌸𑌹𑌸𑍍𑌰𑌕𑌵𑌚𑌚𑍍𑌛𑍇𑌦𑍀 𑌤𑌪𑌃𑌸𑌾𑌰𑍋 𑌨𑌰𑌪𑍍𑌰𑌿𑌯𑌃 ।
𑌵𑌿𑌶𑍍𑌵𑌾𑌨𑌨𑍍𑌦𑌪𑍍𑌰𑌦𑌃 𑌕𑌰𑍍𑌮𑌸𑌾𑌕𑍍𑌷𑍀 𑌭𑌾𑌰𑌤𑌪𑍂𑌜𑌿𑌤𑌃 ॥ 56॥
𑌅𑌨𑌨𑍍𑌤𑌾𑌦𑍍𑌭𑍁𑌤𑌮𑌾𑌹𑌾𑌤𑍍𑌮𑍍𑌯𑍋 𑌬𑌦𑌰𑍀𑌸𑍍𑌥𑌾𑌨𑌭𑍂𑌷𑌣𑌮𑍍 ।
𑌜𑌿𑌤𑌕𑌾𑌮𑍋 𑌜𑌿𑌤𑌕𑍍𑌰𑍋𑌧𑍋 𑌜𑌿𑌤𑌸𑌙𑍍𑌗𑍋 𑌜𑌿𑌤𑍇𑌨𑍍𑌦𑍍𑌰𑌿𑌯𑌃 ॥ 57॥
𑌉𑌰𑍍𑌵𑌶𑍀𑌪𑍍𑌰𑌭𑌵𑌃 𑌸𑍍𑌵𑌰𑍍𑌗𑌸𑍁𑌖𑌦𑌾𑌯𑍀 𑌸𑍍𑌥𑌿𑌤𑌿𑌪𑍍𑌰𑌦𑌃 ।
𑌅𑌮𑌾𑌨𑍀 𑌮𑌾𑌨𑌦𑍋 𑌗𑍋𑌪𑍍𑌤𑌾 𑌭𑌗𑌵𑌚𑍍𑌛𑌾𑌸𑍍𑌤𑍍𑌰𑌬𑍋𑌧𑌕𑌃 ॥ 58॥
𑌬𑍍𑌰𑌹𑍍𑌮𑌾𑌦𑌿𑌵𑌨𑍍𑌦𑍍𑌯𑍋 𑌹𑌂𑌸𑌶𑍍𑌰𑍀𑌰𑍍𑌮𑌾𑌯𑌾𑌵𑍈𑌭𑌵𑌕𑌾𑌰𑌣𑌮𑍍 ।
𑌵𑌿𑌵𑌿𑌧𑌾𑌨𑌨𑍍𑌤𑌸𑌰𑍍𑌗𑌾𑌤𑍍𑌮𑌾 𑌵𑌿𑌶𑍍𑌵𑌪𑍂𑌰𑌣𑌤𑌤𑍍𑌪𑌰𑌃 ॥ 59॥
𑌯𑌜𑍍𑌞𑌜𑍀𑌵𑌨𑌹𑍇𑌤𑍁𑌶𑍍𑌚 𑌯𑌜𑍍𑌞𑌸𑍍𑌵𑌾𑌮𑍀𑌷𑍍𑌟𑌬𑍋𑌧𑌕𑌃 ।
𑌨𑌾𑌨𑌾𑌸𑌿𑌦𑍍𑌧𑌾𑌨𑍍𑌤𑌗𑌮𑍍𑌯𑌶𑍍𑌚 𑌸𑌪𑍍𑌤𑌤𑌨𑍍𑌤𑍁𑌶𑍍𑌚 𑌷𑌡𑍍𑌗𑍁𑌣𑌃 ॥ 60॥
𑌪𑍍𑌰𑌤𑌿𑌸𑌰𑍍𑌗𑌜𑌗𑌤𑍍𑌕𑌰𑍍𑌤𑌾 𑌨𑌾𑌨𑌾𑌲𑍀𑌲𑌾𑌵𑌿𑌶𑌾𑌰𑌦𑌃 ।
𑌧𑍍𑌰𑍁𑌵𑌪𑍍𑌰𑌿𑌯𑍋 𑌧𑍍𑌰𑍁𑌵𑌸𑍍𑌵𑌾𑌮𑍀 𑌚𑌿𑌨𑍍𑌤𑌿𑌤𑌾𑌧𑌿𑌕𑌦𑌾𑌯𑌕𑌃 ॥ 61॥
𑌦𑍁𑌰𑍍𑌲𑌭𑌾𑌨𑌨𑍍𑌤𑌫𑌲𑌦𑍋 𑌦𑌯𑌾𑌨𑌿𑌧𑌿𑌰𑌮𑌿𑌤𑍍𑌰𑌹𑌾 ।
𑌅𑌙𑍍𑌗𑌸𑍍𑌵𑌾𑌮𑍀 𑌕𑍃𑌪𑌾𑌸𑌾𑌰𑍋 𑌵𑍈𑌨𑍍𑌯𑍋 𑌭𑍂𑌮𑌿𑌨𑌿𑌯𑌾𑌮𑌕𑌃 ॥ 62॥
𑌭𑍂𑌮𑌿𑌦𑍋𑌗𑍍𑌧𑌾 𑌪𑍍𑌰𑌜𑌾𑌪𑍍𑌰𑌾𑌣𑌪𑌾𑌲𑌨𑍈𑌕𑌪𑌰𑌾𑌯𑌣𑌃 ।
𑌯𑌶𑍋𑌦𑌾𑌤𑌾 𑌜𑍍𑌞𑌾𑌨𑌦𑌾𑌤𑌾 𑌸𑌰𑍍𑌵𑌧𑌰𑍍𑌮𑌪𑍍𑌰𑌦𑌰𑍍𑌶𑌕𑌃 ॥ 63॥
𑌪𑍁𑌰𑌞𑍍𑌜𑌨𑍋 𑌜𑌗𑌨𑍍𑌮𑌿𑌤𑍍𑌰𑌂 𑌵𑌿𑌸𑌰𑍍𑌗𑌾𑌨𑍍𑌤𑌪𑍍𑌰𑌦𑌰𑍍𑌶𑌕𑌃 ।
𑌪𑍍𑌰𑌚𑍇𑌤𑌸𑌾𑌂 𑌪𑌤𑌿𑌶𑍍𑌚𑌿𑌤𑍍𑌰𑌭𑌕𑍍𑌤𑌿𑌹𑍇𑌤𑍁𑌰𑍍𑌜𑌨𑌾𑌰𑍍𑌦𑌨𑌃 ॥ 64॥
𑌸𑍍𑌮𑍃𑌤𑌿𑌹𑍇𑌤𑍁𑌬𑍍𑌰𑌹𑍍𑌮𑌭𑌾𑌵𑌸𑌾𑌯𑍁𑌜𑍍𑌯𑌾𑌦𑌿𑌪𑍍𑌰𑌦𑌃 𑌶𑍁𑌭𑌃 ।
𑌵𑌿𑌜𑌯𑍀 ॥॥॥॥॥॥॥॥॥॥ 𑌚𑍋𑌨𑍍𑌤𑌿𑌨𑍁𑌏𑌦𑍍
𑌸𑍍𑌥𑌾𑌨𑌲𑍀𑌲𑌾
॥॥ 𑌸𑍍𑌥𑌿𑌤𑌿𑌲𑍀𑌲𑌾𑌬𑍍𑌧𑌿𑌰𑌚𑍍𑌯𑍁𑌤𑍋 𑌵𑌿𑌜𑌯𑌪𑍍𑌰𑌦𑌃 ॥ 65॥
𑌸𑍍𑌵𑌸𑌾𑌮𑌰𑍍𑌥𑍍𑌯𑌪𑍍𑌰𑌦𑍋 𑌭𑌕𑍍𑌤𑌕𑍀𑌰𑍍𑌤𑌿𑌹𑍇𑌤𑍁𑌰𑌧𑍋𑌕𑍍𑌷𑌜𑌃 ।
𑌪𑍍𑌰𑌿𑌯𑌵𑍍𑌰𑌤𑌪𑍍𑌰𑌿𑌯𑌸𑍍𑌵𑌾𑌮𑍀 𑌸𑍍𑌵𑍇𑌚𑍍𑌛𑌾𑌵𑌾𑌦𑌵𑌿𑌶𑌾𑌰𑌦𑌃 ॥ 66॥
𑌸𑌙𑍍𑌗𑍍𑌯𑌗𑌮𑍍𑌯𑌃 𑌸𑍍𑌵𑌪𑍍𑌰𑌕𑌾𑌶𑌃 𑌸𑌰𑍍𑌵𑌸𑌙𑍍𑌗𑌵𑌿𑌵𑌰𑍍𑌜𑌿𑌤𑌃 ।
𑌇𑌚𑍍𑌛𑌾𑌯𑌾𑌂 𑌚 𑌸𑌮𑌰𑍍𑌯𑌾𑌦𑌸𑍍𑌤𑍍𑌯𑌾𑌗𑌮𑌾𑌤𑍍𑌰𑍋𑌪𑌲𑌮𑍍𑌭𑌨𑌃 ॥ 67॥
𑌅𑌚𑌿𑌨𑍍𑌤𑍍𑌯𑌕𑌾𑌰𑍍𑌯𑌕𑌰𑍍𑌤𑌾 𑌚 𑌤𑌰𑍍𑌕𑌾𑌗𑍋𑌚𑌰𑌕𑌾𑌰𑍍𑌯𑌕𑍃𑌤𑍍 ।
𑌶𑌋𑌙𑍍𑌗𑌾𑌰𑌰𑌸𑌮𑌰𑍍𑌯𑌾𑌦𑌾 𑌆𑌗𑍍𑌨𑍀𑌧𑍍𑌰𑌰𑌸𑌭𑌾𑌜𑌨𑌮𑍍 ॥ 68॥
𑌨𑌾𑌭𑍀𑌷𑍍𑌟𑌪𑍂𑌰𑌕𑌃 𑌕𑌰𑍍𑌮𑌮𑌰𑍍𑌯𑌾𑌦𑌾𑌦𑌰𑍍𑌶𑌨𑍋𑌤𑍍𑌸𑍁𑌕𑌃 ।
𑌸𑌰𑍍𑌵𑌰𑍂𑌪𑍋𑌽𑌦𑍍𑌭𑍁𑌤𑌤𑌮𑍋 𑌮𑌰𑍍𑌯𑌾𑌦𑌾𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 69॥
𑌸𑌰𑍍𑌵𑌰𑍂𑌪𑍇𑌷𑍁 𑌸𑌤𑍍𑌯𑌾𑌤𑍍𑌮𑌾 𑌕𑌾𑌲𑌸𑌾𑌕𑍍𑌷𑍀 𑌶𑌶𑌿𑌪𑍍𑌰𑌭𑌃 ।
𑌮𑍇𑌰𑍁𑌦𑍇𑌵𑍀𑌵𑍍𑌰𑌤𑌫𑌲𑌮𑍃𑌷𑌭𑍋 𑌭𑌗𑌲𑌕𑍍𑌷𑌣𑌃 ॥ 70॥
𑌜𑌗𑌤𑍍𑌸𑌨𑍍𑌤𑌰𑍍𑌪𑌕𑍋 𑌮𑍇𑌘𑌰𑍂𑌪𑍀 𑌦𑍇𑌵𑍇𑌨𑍍𑌦𑍍𑌰𑌦𑌰𑍍𑌪𑌹𑌾 ।
𑌜𑌯𑌨𑍍𑌤𑍀𑌪𑌤𑌿𑌰𑌤𑍍𑌯𑌨𑍍𑌤𑌪𑍍𑌰𑌮𑌾𑌣𑌾𑌶𑍇𑌷𑌲𑍗𑌕𑌿𑌕𑌃 ॥ 71॥
𑌶𑌤𑌧𑌾𑌨𑍍𑌯𑌸𑍍𑌤𑌭𑍂𑌤𑌾𑌤𑍍𑌮𑌾 𑌶𑌤𑌾𑌨𑌨𑍍𑌦𑍋 𑌗𑍁𑌣𑌪𑍍𑌰𑌸𑍂𑌃 ।
𑌵𑍈𑌷𑍍𑌣𑌵𑍋𑌤𑍍𑌪𑌾𑌦𑌨𑌪𑌰𑌃 𑌸𑌰𑍍𑌵𑌧𑌰𑍍𑌮𑍋𑌪𑌦𑍇𑌶𑌕𑌃 ॥ 72॥
𑌪𑌰𑌹𑌂𑌸𑌕𑍍𑌰𑌿𑌯𑌾𑌗𑍋𑌪𑍍𑌤𑌾 𑌯𑍋𑌗𑌚𑌰𑍍𑌯𑌾𑌪𑍍𑌰𑌦𑌰𑍍𑌶𑌕𑌃 ।
𑌚𑌤𑍁𑌰𑍍𑌥𑌾𑌶𑍍𑌰𑌮𑌨𑌿𑌰𑍍𑌣𑍇𑌤𑌾 𑌸𑌦𑌾𑌨𑌨𑍍𑌦𑌶𑌰𑍀𑌰𑌵𑌾𑌨𑍍 ॥ 73॥
𑌪𑍍𑌰𑌦𑌰𑍍𑌶𑌿𑌤𑌾𑌨𑍍𑌯𑌧𑌰𑍍𑌮𑌶𑍍𑌚 𑌭𑌰𑌤𑌸𑍍𑌵𑌾𑌮𑍍𑌯𑌪𑌾𑌰𑌕𑍃𑌤𑍍 ।
𑌯𑌥𑌾𑌵𑌤𑍍𑌕𑌰𑍍𑌮𑌕𑌰𑍍𑌤𑌾 𑌚 𑌸𑌙𑍍𑌗𑌾𑌨𑌿𑌷𑍍𑌟𑌪𑍍𑌰𑌦𑌰𑍍𑌶𑌕𑌃 ॥ 74॥
𑌆𑌵𑌶𑍍𑌯𑌕𑌪𑍁𑌨𑌰𑍍𑌜𑌨𑍍𑌮𑌕𑌰𑍍𑌮𑌮𑌾𑌰𑍍𑌗𑌪𑍍𑌰𑌦𑌰𑍍𑌶𑌕𑌃 ।
𑌯𑌜𑍍𑌞𑌰𑍂𑌪𑌮𑍃𑌗𑌃 𑌶𑌾𑌨𑍍𑌤𑌃 𑌸𑌹𑌿𑌷𑍍𑌣𑍁𑌃 𑌸𑌤𑍍𑌪𑌰𑌾𑌕𑍍𑌰𑌮𑌃 ॥ 75॥
𑌰𑌹𑍂𑌗𑌣𑌗𑌤𑌿𑌜𑍍𑌞𑌶𑍍𑌚 𑌰𑌹𑍂𑌗𑌣𑌵𑌿𑌮𑍋𑌚𑌕𑌃 ।
𑌭𑌵𑌾𑌟𑌵𑍀𑌤𑌤𑍍𑌤𑍍𑌵𑌵𑌕𑍍𑌤𑌾 𑌬𑌹𑌿𑌰𑍍𑌮𑍁𑌖𑌹𑌿𑌤𑍇 𑌰𑌤𑌃 ॥ 76॥
𑌗𑌯𑌸𑍍𑌵𑌾𑌮𑍀 𑌸𑍍𑌥𑌾𑌨𑌵𑌂𑌶𑌕𑌰𑍍𑌤𑌾 𑌸𑍍𑌥𑌾𑌨𑌵𑌿𑌭𑍇𑌦𑌕𑍃𑌤𑍍 ।
𑌪𑍁𑌰𑍁𑌷𑌾𑌵𑌯𑌵𑍋 𑌭𑍂𑌮𑌿𑌵𑌿𑌶𑍇𑌷𑌵𑌿𑌨𑌿𑌰𑍂𑌪𑌕𑌃 ॥ 77॥
𑌜𑌮𑍍𑌬𑍂𑌦𑍍𑌵𑍀𑌪𑌪𑌤𑌿𑌰𑍍𑌮𑍇𑌰𑍁𑌨𑌾𑌭𑌿𑌪𑌦𑍍𑌮𑌰𑍁𑌹𑌾𑌶𑍍𑌰𑌯𑌃 ।
𑌨𑌾𑌨𑌾𑌵𑌿𑌭𑍂𑌤𑌿𑌲𑍀𑌲𑌾𑌢𑍍𑌯𑍋 𑌗𑌙𑍍𑌗𑍋𑌤𑍍𑌪𑌤𑍍𑌤𑌿𑌨𑌿𑌦𑌾𑌨𑌕𑍃𑌤𑍍 ॥ 78॥
𑌗𑌙𑍍𑌗𑌾𑌮𑌾𑌹𑌾𑌤𑍍𑌮𑍍𑌯𑌹𑍇𑌤𑍁𑌶𑍍𑌚 𑌗𑌙𑍍𑌗𑌾𑌰𑍂𑌪𑍋𑌽𑌤𑌿𑌗𑍂𑌢𑌕𑍃𑌤𑍍 ।
𑌵𑍈𑌕𑍁𑌣𑍍𑌠𑌦𑍇𑌹𑌹𑍇𑌤𑍍𑌵𑌮𑍍𑌬𑍁𑌜𑌨𑍍𑌮𑌕𑍃𑌤𑍍 𑌸𑌰𑍍𑌵𑌪𑌾𑌵𑌨𑌃 ॥ 79॥
𑌶𑌿𑌵𑌸𑍍𑌵𑌾𑌮𑍀 𑌶𑌿𑌵𑍋𑌪𑌾𑌸𑍍𑌯𑍋 𑌗𑍂𑌢𑌃 𑌸𑌙𑍍𑌕𑌰𑍍𑌷𑌣𑌾𑌤𑍍𑌮𑌕𑌃 ।
𑌸𑍍𑌥𑌾𑌨𑌰𑌕𑍍𑌷𑌾𑌰𑍍𑌥𑌮𑌤𑍍𑌸𑍍𑌯𑌾𑌦𑌿𑌰𑍂𑌪𑌃 𑌸𑌰𑍍𑌵𑍈𑌕𑌪𑍂𑌜𑌿𑌤𑌃 ॥ 80॥
𑌉𑌪𑌾𑌸𑍍𑌯𑌨𑌾𑌨𑌾𑌰𑍂𑌪𑌾𑌤𑍍𑌮𑌾 𑌜𑍍𑌯𑍋𑌤𑍀𑌰𑍂𑌪𑍋 𑌗𑌤𑌿𑌪𑍍𑌰𑌦𑌃 ।
𑌸𑍂𑌰𑍍𑌯𑌨𑌾𑌰𑌾𑌯𑌣𑍋 𑌵𑍇𑌦𑌕𑌾𑌨𑍍𑌤𑌿𑌰𑍁𑌜𑍍𑌜𑍍𑌵𑌲𑌵𑍇𑌷𑌧𑍃𑌕𑍍 ॥ 81॥
𑌹𑌂𑌸𑍋𑌽𑌨𑍍𑌤𑌰𑌿𑌕𑍍𑌷𑌗𑌮𑌨𑌃 𑌸𑌰𑍍𑌵𑌪𑍍𑌰𑌸𑌵𑌕𑌾𑌰𑌣𑌮𑍍 ।
𑌆𑌨𑌨𑍍𑌦𑌕𑌰𑍍𑌤𑌾 𑌵𑌸𑍁𑌦𑍋 𑌬𑍁𑌧𑍋 𑌵𑌾𑌕𑍍𑌪𑌤𑌿𑌰𑍁𑌜𑍍𑌜𑍍𑌵𑌲𑌃 ॥ 82॥
𑌕𑌾𑌲𑌾𑌤𑍍𑌮𑌾 𑌕𑌾𑌲𑌕𑌾𑌲𑌶𑍍𑌚 𑌕𑌾𑌲𑌚𑍍𑌛𑍇𑌦𑌕𑍃𑌦𑍁𑌤𑍍𑌤𑌮𑌃 ।
𑌶𑌿𑌶𑍁𑌮𑌾𑌰𑌃 𑌸𑌰𑍍𑌵𑌮𑍂𑌰𑍍𑌤𑌿𑌰𑌾𑌧𑌿𑌦𑍈𑌵𑌿𑌕𑌰𑍂𑌪𑌧𑍃𑌕𑍍 ॥ 83॥
𑌅𑌨𑌨𑍍𑌤𑌸𑍁𑌖𑌭𑍋𑌗𑌾𑌢𑍍𑌯𑍋 𑌵𑌿𑌵𑌰𑍈𑌶𑍍𑌵𑌰𑍍𑌯𑌭𑌾𑌜𑌨𑌮𑍍 ।
𑌸𑌙𑍍𑌕𑌰𑍍𑌷𑌣𑍋 𑌦𑍈𑌤𑍍𑌯𑌪𑌤𑌿𑌃 𑌸𑌰𑍍𑌵𑌾𑌧𑌾𑌰𑍋 𑌬𑍃𑌹𑌦𑍍𑌵𑌪𑍁𑌃 ॥ 84॥
𑌅𑌨𑌨𑍍𑌤𑌨𑌰𑌕𑌚𑍍𑌛𑍇𑌦𑍀 𑌸𑍍𑌮𑍃𑌤𑌿𑌮𑌾𑌤𑍍𑌰𑌾𑌰𑍍𑌤𑌿𑌨𑌾𑌶𑌨𑌃 ।
𑌸𑌰𑍍𑌵𑌾𑌨𑍁𑌗𑍍𑌰𑌹𑌕𑌰𑍍𑌤𑌾 𑌚 ॥॥॥॥॥॥॥॥॥॥ 𑌚𑍋𑌨𑍍𑌤𑌿𑌨𑍁𑌏𑌦𑍍
𑌪𑍋𑌷𑌣-𑌪𑍁𑌷𑍍𑌟𑌿-𑌲𑍀𑌲𑌾
॥॥॥॥॥॥॥॥ 𑌮𑌰𑍍𑌯𑌾𑌦𑌾𑌭𑌿𑌨𑍍𑌨𑌶𑌾𑌸𑍍𑌤𑍍𑌰𑌕𑍃𑌤𑍍 ॥ 85 ॥
𑌕𑌾𑌲𑌾𑌨𑍍𑌤𑌕𑌭𑌯𑌚𑍍𑌛𑍇𑌦𑍀 𑌨𑌾𑌮𑌸𑌾𑌮𑌰𑍍𑌥𑍍𑌯𑌰𑍂𑌪𑌧𑍃𑌕𑍍 ।
𑌉𑌦𑍍𑌧𑌾𑌰𑌾𑌨𑌰𑍍𑌹𑌗𑍋𑌪𑍍𑌤𑍍𑌰𑌾𑌤𑍍𑌮𑌾 𑌨𑌾𑌮𑌾𑌦𑌿𑌪𑍍𑌰𑍇𑌰𑌕𑍋𑌤𑍍𑌤𑌮𑌃 ॥ 86॥
𑌅𑌜𑌾𑌮𑌿𑌲𑌮𑌹𑌾𑌦𑍁𑌷𑍍𑌟𑌮𑍋𑌚𑌕𑍋𑌽𑌘𑌵𑌿𑌮𑍋𑌚𑌕𑌃 ।
𑌧𑌰𑍍𑌮𑌵𑌕𑍍𑌤𑌾𑌽𑌕𑍍𑌲𑌿𑌷𑍍𑌟𑌵𑌕𑍍𑌤𑌾 𑌵𑌿𑌷𑍍𑌣𑍁𑌧𑌰𑍍𑌮𑌸𑍍𑌵𑌰𑍂𑌪𑌧𑍃𑌕𑍍 ॥ 87॥
𑌸𑌨𑍍𑌮𑌾𑌰𑍍𑌗𑌪𑍍𑌰𑍇𑌰𑌕𑍋 𑌧𑌰𑍍𑌤𑌾 𑌤𑍍𑌯𑌾𑌗𑌹𑍇𑌤𑍁𑌰𑌧𑍋𑌕𑍍𑌷𑌜𑌃 ।
𑌵𑍈𑌕𑍁𑌣𑍍𑌠𑌪𑍁𑌰𑌨𑍇𑌤𑌾 𑌚 𑌦𑌾𑌸𑌸𑌂𑌵𑍃𑌦𑍍𑌧𑌿𑌕𑌾𑌰𑌕𑌃 ॥ 88॥
𑌦𑌕𑍍𑌷𑌪𑍍𑌰𑌸𑌾𑌦𑌕𑍃𑌦𑍍𑌧𑌂𑌸𑌗𑍁𑌹𑍍𑌯𑌸𑍍𑌤𑍁𑌤𑌿𑌵𑌿𑌭𑌾𑌵𑌨𑌃 ।
𑌸𑍍𑌵𑌾𑌭𑌿𑌪𑍍𑌰𑌾𑌯𑌪𑍍𑌰𑌵𑌕𑍍𑌤𑌾 𑌚 𑌮𑍁𑌕𑍍𑌤𑌜𑍀𑌵𑌪𑍍𑌰𑌸𑍂𑌤𑌿𑌕𑍃𑌤𑍍 ॥ 89॥
𑌨𑌾𑌰𑌦𑌪𑍍𑌰𑍇𑌰𑌣𑌾𑌤𑍍𑌮𑌾 𑌚 𑌹𑌰𑍍𑌯𑌶𑍍𑌵𑌬𑍍𑌰𑌹𑍍𑌮𑌭𑌾𑌵𑌨𑌃 ।
𑌶𑌬𑌲𑌾𑌶𑍍𑌵𑌹𑌿𑌤𑍋 𑌗𑍂𑌢𑌵𑌾𑌕𑍍𑌯𑌾𑌰𑍍𑌥𑌜𑍍𑌞𑌾𑌪𑌨𑌕𑍍𑌷𑌮𑌃 ॥ 90॥
𑌗𑍂𑌢𑌾𑌰𑍍𑌥𑌜𑍍𑌞𑌾𑌪𑌨𑌃 𑌸𑌰𑍍𑌵𑌮𑍋𑌕𑍍𑌷𑌾𑌨𑌨𑍍𑌦𑌪𑍍𑌰𑌤𑌿𑌷𑍍𑌠𑌿𑌤𑌃 ।
𑌪𑍁𑌷𑍍𑌟𑌿𑌪𑍍𑌰𑌰𑍋𑌹𑌹𑍇𑌤𑍁𑌶𑍍𑌚 𑌦𑌾𑌸𑍈𑌕𑌜𑍍𑌞𑌾𑌤𑌹𑍃𑌦𑍍𑌗𑌤𑌃 ॥ 91॥
𑌶𑌾𑌨𑍍𑌤𑌿𑌕𑌰𑍍𑌤𑌾 𑌸𑍁𑌹𑌿𑌤𑌕𑍃𑌤𑍍 𑌸𑍍𑌤𑍍𑌰𑍀𑌪𑍍𑌰𑌸𑍂𑌃 𑌸𑌰𑍍𑌵𑌕𑌾𑌮𑌧𑍁𑌕𑍍 ।
𑌪𑍁𑌷𑍍𑌟𑌿𑌵𑌂𑌶𑌪𑍍𑌰𑌣𑍇𑌤𑌾 𑌚 𑌵𑌿𑌶𑍍𑌵𑌰𑍂𑌪𑍇𑌷𑍍𑌟𑌦𑍇𑌵𑌤𑌾 ॥ 92॥
𑌕𑌵𑌚𑌾𑌤𑍍𑌮𑌾 𑌪𑌾𑌲𑌨𑌾𑌤𑍍𑌮𑌾 𑌵𑌰𑍍𑌮𑍋𑌪𑌚𑌿𑌤𑌿𑌕𑌾𑌰𑌣𑌮𑍍 ।
𑌵𑌿𑌶𑍍𑌵𑌰𑍂𑌪𑌶𑌿𑌰𑌶𑍍𑌛𑍇𑌦𑍀 𑌤𑍍𑌵𑌾𑌷𑍍𑌟𑍍𑌰𑌯𑌜𑍍𑌞𑌵𑌿𑌨𑌾𑌶𑌕𑌃 ॥ 93॥
𑌵𑍃𑌤𑍍𑌰𑌸𑍍𑌵𑌾𑌮𑍀 𑌵𑍃𑌤𑍍𑌰𑌗𑌮𑍍𑌯𑍋 𑌵𑍃𑌤𑍍𑌰𑌵𑍍𑌰𑌤𑌪𑌰𑌾𑌯𑌣𑌃 ।
𑌵𑍃𑌤𑍍𑌰𑌕𑍀𑌰𑍍𑌤𑌿𑌰𑍍𑌵𑍃𑌤𑍍𑌰𑌮𑍋𑌕𑍍𑌷𑍋 𑌮𑌘𑌵𑌤𑍍𑌪𑍍𑌰𑌾𑌣𑌰𑌕𑍍𑌷𑌕𑌃 ॥ 94॥
𑌅𑌶𑍍𑌵𑌮𑍇𑌧𑌹𑌵𑌿𑌰𑍍𑌭𑍋𑌕𑍍𑌤𑌾 𑌦𑍇𑌵𑍇𑌨𑍍𑌦𑍍𑌰𑌾𑌮𑍀𑌵𑌨𑌾𑌶𑌕𑌃 ।
𑌸𑌂𑌸𑌾𑌰𑌮𑍋𑌚𑌕𑌶𑍍𑌚𑌿𑌤𑍍𑌰𑌕𑍇𑌤𑍁𑌬𑍋𑌧𑌨𑌤𑌤𑍍𑌪𑌰𑌃 ॥ 95॥
𑌮𑌨𑍍𑌤𑍍𑌰𑌸𑌿𑌦𑍍𑌧𑌿𑌃 𑌸𑌿𑌦𑍍𑌧𑌿𑌹𑍇𑌤𑍁𑌃 𑌸𑍁𑌸𑌿𑌦𑍍𑌧𑌿𑌫𑌲𑌦𑌾𑌯𑌕𑌃 ।
𑌮𑌹𑌾𑌦𑍇𑌵𑌤𑌿𑌰𑌸𑍍𑌕𑌰𑍍𑌤𑌾 𑌭𑌕𑍍𑌤𑍍𑌯𑍈 𑌪𑍂𑌰𑍍𑌵𑌾𑌰𑍍𑌥𑌨𑌾𑌶𑌕𑌃 ॥ 96॥
𑌦𑍇𑌵𑌬𑍍𑌰𑌾𑌹𑍍𑌮𑌣𑌵𑌿𑌦𑍍𑌵𑍇𑌷𑌵𑍈𑌮𑍁𑌖𑍍𑌯𑌜𑍍𑌞𑌾𑌪𑌕𑌃 𑌶𑌿𑌵𑌃 ।
𑌆𑌦𑌿𑌤𑍍𑌯𑍋 𑌦𑍈𑌤𑍍𑌯𑌰𑌾𑌜𑌶𑍍𑌚 𑌮𑌹𑌤𑍍𑌪𑌤𑌿𑌰𑌚𑌿𑌨𑍍𑌤𑍍𑌯𑌕𑍃𑌤𑍍 ॥ 97॥
𑌮𑌰𑍁𑌤𑌾𑌂 𑌭𑍇𑌦𑌕𑌸𑍍𑌤𑍍𑌰𑌾𑌤𑌾 𑌵𑍍𑌰𑌤𑌾𑌤𑍍𑌮𑌾 𑌪𑍁𑌮𑍍𑌪𑍍𑌰𑌸𑍂𑌤𑌿𑌕𑍃𑌤𑍍 ।
𑌊𑌤𑌿𑌲𑍀𑌲𑌾
𑌕𑌰𑍍𑌮𑌾𑌤𑍍𑌮𑌾 𑌵𑌾𑌸𑌨𑌾𑌤𑍍𑌮𑌾 𑌚 𑌊𑌤𑌿𑌲𑍀𑌲𑌾𑌪𑌰𑌾𑌯𑌣𑌃 ॥ 98॥
𑌸𑌮𑌦𑍈𑌤𑍍𑌯𑌸𑍁𑌰𑌃 𑌸𑍍𑌵𑌾𑌤𑍍𑌮𑌾 𑌵𑍈𑌷𑌮𑍍𑌯𑌜𑍍𑌞𑌾𑌨𑌸𑌂𑌶𑍍𑌰𑌯𑌃 ।
𑌦𑍇𑌹𑌾𑌦𑍍𑌯𑍁𑌪𑌾𑌧𑌿𑌰𑌹𑌿𑌤𑌃 𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌹𑍇𑌤𑍁𑌵𑌿𑌦𑍍 ॥ 99॥
𑌬𑍍𑌰𑌹𑍍𑌮𑌵𑌾𑌕𑍍𑌸𑍍𑌥𑌾𑌪𑌨𑌪𑌰𑌃 𑌸𑍍𑌵𑌜𑌨𑍍𑌮𑌾𑌵𑌧𑌿𑌕𑌾𑌰𑍍𑌯𑌕𑍃𑌤𑍍 ।
𑌸𑌦𑌸𑌦𑍍𑌵𑌾𑌸𑌨𑌾𑌹𑍇𑌤𑍁𑌸𑍍𑌤𑍍𑌰𑌿𑌸𑌤𑍍𑌯𑍋 𑌭𑌕𑍍𑌤𑌮𑍋𑌚𑌕𑌃 ॥ 100॥
𑌹𑌿𑌰𑌣𑍍𑌯𑌕𑌶𑌿𑌪𑍁𑌦𑍍𑌵𑍇𑌷𑍀 𑌪𑍍𑌰𑌵𑌿𑌷𑍍𑌟𑌾𑌤𑍍𑌮𑌾𑌽𑌤𑌿𑌭𑍀𑌷𑌣𑌃 ।
𑌶𑌾𑌨𑍍𑌤𑌿𑌜𑍍𑌞𑌾𑌨𑌾𑌦𑌿𑌹𑍇𑌤𑍁𑌶𑍍𑌚 𑌪𑍍𑌰𑌹𑍍𑌲𑌾𑌦𑍋𑌤𑍍𑌪𑌤𑍍𑌤𑌿𑌕𑌾𑌰𑌣𑌮𑍍 ॥ 101॥
𑌦𑍈𑌤𑍍𑌯𑌸𑌿𑌦𑍍𑌧𑌾𑌨𑍍𑌤𑌸𑌦𑍍𑌵𑌕𑍍𑌤𑌾 𑌤𑌪𑌃𑌸𑌾𑌰 𑌉𑌦𑌾𑌰𑌧𑍀𑌃 ।
𑌦𑍈𑌤𑍍𑌯𑌹𑍇𑌤𑍁𑌪𑍍𑌰𑌕𑌟𑌨𑍋 𑌭𑌕𑍍𑌤𑌿𑌚𑌿𑌹𑍍𑌨𑌪𑍍𑌰𑌕𑌾𑌶𑌕𑌃 ॥ 102॥
𑌸𑌦𑍍𑌦𑍍𑌵𑍇𑌷𑌹𑍇𑌤𑍁𑌃 𑌸𑌦𑍍𑌦𑍍𑌵𑍇𑌷𑌵𑌾𑌸𑌨𑌾𑌤𑍍𑌮𑌾 𑌨𑌿𑌰𑌨𑍍𑌤𑌰𑌃 ।
𑌨𑍈𑌷𑍍𑌠𑍁𑌰𑍍𑌯𑌸𑍀𑌮𑌾 𑌪𑍍𑌰𑌹𑍍𑌲𑌾𑌦𑌵𑌤𑍍𑌸𑌲𑌃 𑌸𑌙𑍍𑌗𑌦𑍋𑌷𑌹𑌾 ॥ 103॥
𑌮𑌹𑌾𑌨𑍁𑌭𑌾𑌵𑌃 𑌸𑌾𑌕𑌾𑌰𑌃 𑌸𑌰𑍍𑌵𑌾𑌕𑌾𑌰𑌃 𑌪𑍍𑌰𑌮𑌾𑌣𑌭𑍂𑌃 ।
𑌸𑍍𑌤𑌮𑍍𑌭𑌪𑍍𑌰𑌸𑍂𑌤𑌿𑌰𑍍𑌨𑍃𑌹𑌰𑌿𑌰𑍍𑌨𑍃𑌸𑌿𑌂𑌹𑍋 𑌭𑍀𑌮𑌵𑌿𑌕𑍍𑌰𑌮𑌃 ॥ 104॥
𑌵𑌿𑌕𑌟𑌾𑌸𑍍𑌯𑍋 𑌲𑌲𑌜𑍍𑌜𑌿𑌹𑍍𑌵𑍋 𑌨𑌖𑌶𑌸𑍍𑌤𑍍𑌰𑍋 𑌜𑌵𑍋𑌤𑍍𑌕𑌟𑌃 ।
𑌹𑌿𑌰𑌣𑍍𑌯𑌕𑌶𑌿𑌪𑍁𑌚𑍍𑌛𑍇𑌦𑍀 𑌕𑍍𑌰𑍂𑌰𑌦𑍈𑌤𑍍𑌯𑌨𑌿𑌵𑌾𑌰𑌕𑌃 ॥ 105॥
𑌸𑌿𑌂𑌹𑌾𑌸𑌨𑌸𑍍𑌥𑌃 𑌕𑍍𑌰𑍋𑌧𑌾𑌤𑍍𑌮𑌾 𑌲𑌕𑍍𑌷𑍍𑌮𑍀𑌭𑌯𑌵𑌿𑌵𑌰𑍍𑌧𑌨𑌃 ।
𑌬𑍍𑌰𑌹𑍍𑌮𑌾𑌦𑍍𑌯𑌤𑍍𑌯𑌨𑍍𑌤𑌭𑌯𑌭𑍂𑌰𑌪𑍂𑌰𑍍𑌵𑌾𑌚𑌿𑌨𑍍𑌤𑍍𑌯𑌰𑍂𑌪𑌧𑍃𑌕𑍍 ॥ 106॥
𑌭𑌕𑍍𑌤𑍈𑌕𑌶𑌾𑌨𑍍𑌤𑌹𑍃𑌦𑌯𑍋 𑌭𑌕𑍍𑌤𑌸𑍍𑌤𑍁𑌤𑍍𑌯𑌃 𑌸𑍍𑌤𑍁𑌤𑌿𑌪𑍍𑌰𑌿𑌯𑌃 ।
𑌭𑌕𑍍𑌤𑌾𑌙𑍍𑌗𑌲𑍇𑌹𑌨𑍋𑌦𑍍𑌧𑍂𑌤𑌕𑍍𑌰𑍋𑌧𑌪𑍁𑌙𑍍𑌜𑌃 𑌪𑍍𑌰𑌶𑌾𑌨𑍍𑌤𑌧𑍀𑌃 ॥ 107॥
𑌸𑍍𑌮𑍃𑌤𑌿𑌮𑌾𑌤𑍍𑌰𑌭𑌯𑌤𑍍𑌰𑌾𑌤𑌾 𑌬𑍍𑌰𑌹𑍍𑌮𑌬𑍁𑌦𑍍𑌧𑌿𑌪𑍍𑌰𑌦𑌾𑌯𑌕𑌃 ।
𑌗𑍋𑌰𑍂𑌪𑌧𑌾𑌰𑍍𑌯𑌮𑍃𑌤𑌪𑌾𑌃 𑌶𑌿𑌵𑌕𑍀𑌰𑍍𑌤𑌿𑌵𑌿𑌵𑌰𑍍𑌧𑌨𑌃 ॥ 108॥
𑌧𑌰𑍍𑌮𑌾𑌤𑍍𑌮𑌾 𑌸𑌰𑍍𑌵𑌕𑌰𑍍𑌮𑌾𑌤𑍍𑌮𑌾 𑌵𑌿𑌶𑍇𑌷𑌾𑌤𑍍𑌮𑌾𑌽𑌽𑌶𑍍𑌰𑌮𑌪𑍍𑌰𑌭𑍁𑌃 ।
𑌸𑌂𑌸𑌾𑌰𑌮𑌗𑍍𑌨𑌸𑍍𑌵𑍋𑌦𑍍𑌧𑌰𑍍𑌤𑌾 𑌸𑌨𑍍𑌮𑌾𑌰𑍍𑌗𑌾𑌖𑌿𑌲𑌤𑌤𑍍𑌤𑍍𑌵𑌵𑌾𑌕𑍍 ॥ 109॥
𑌆𑌚𑌾𑌰𑌾𑌤𑍍𑌮𑌾 𑌸𑌦𑌾𑌚𑌾𑌰𑌃 ॥॥॥॥॥॥॥॥॥ 𑌚𑍋𑌨𑍍𑌤𑌿𑌨𑍁𑌏𑌦𑍍
𑌮𑌨𑍍𑌵𑌨𑍍𑌤𑌰𑌲𑍀𑌲𑌾
॥॥॥॥॥॥॥॥॥॥𑌮𑌨𑍍𑌵𑌨𑍍𑌤𑌰𑌵𑌿𑌭𑌾𑌵𑌨𑌃 ।
𑌸𑍍𑌮𑍃𑌤𑍍𑌯𑌾𑌽𑌶𑍇𑌷𑌾𑌶𑍁𑌭𑌹𑌰𑍋 𑌗𑌜𑍇𑌨𑍍𑌦𑍍𑌰𑌸𑍍𑌮𑍃𑌤𑌿𑌕𑌾𑌰𑌣𑌮𑍍 ॥ 110॥
𑌜𑌾𑌤𑌿𑌸𑍍𑌮𑌰𑌣𑌹𑍇𑌤𑍍𑌵𑍈𑌕𑌪𑍂𑌜𑌾𑌭𑌕𑍍𑌤𑌿𑌸𑍍𑌵𑌰𑍂𑌪𑌦𑌃 ।
𑌯𑌜𑍍𑌞𑍋 𑌭𑌯𑌾𑌨𑍍𑌮𑌨𑍁𑌤𑍍𑌰𑌾𑌤𑌾 𑌵𑌿𑌭𑍁𑌰𑍍𑌬𑍍𑌰𑌹𑍍𑌮𑌵𑍍𑌰𑌤𑌾𑌶𑍍𑌰𑌯𑌃 ॥ 111॥
𑌸𑌤𑍍𑌯𑌸𑍇𑌨𑍋 𑌦𑍁𑌷𑍍𑌟𑌘𑌾𑌤𑍀 𑌹𑌰𑌿𑌰𑍍𑌗𑌜𑌵𑌿𑌮𑍋𑌚𑌕𑌃 ।
𑌵𑍈𑌕𑍁𑌣𑍍𑌠𑍋 𑌲𑍋𑌕𑌕𑌰𑍍𑌤𑌾 𑌚 𑌅𑌜𑌿𑌤𑍋𑌽𑌮𑍃𑌤𑌕𑌾𑌰𑌣𑌮𑍍 ॥ 112॥
𑌉𑌰𑍁𑌕𑍍𑌰𑌮𑍋 𑌭𑍂𑌮𑌿𑌹𑌰𑍍𑌤𑌾 𑌸𑌾𑌰𑍍𑌵𑌭𑍗𑌮𑍋 𑌬𑌲𑌿𑌪𑍍𑌰𑌿𑌯𑌃 ।
𑌵𑌿𑌭𑍁𑌃 𑌸𑌰𑍍𑌵𑌹𑌿𑌤𑍈𑌕𑌾𑌤𑍍𑌮𑌾 𑌵𑌿𑌷𑍍𑌵𑌕𑍍𑌸𑍇𑌨𑌃 𑌶𑌿𑌵𑌪𑍍𑌰𑌿𑌯𑌃 ॥ 113॥
𑌧𑌰𑍍𑌮𑌸𑍇𑌤𑍁𑌰𑍍𑌲𑍋𑌕𑌧𑍃𑌤𑌿𑌃 𑌸𑍁𑌧𑌾𑌮𑌾𑌨𑍍𑌤𑌰𑌪𑌾𑌲𑌕𑌃 ।
𑌉𑌪𑌹𑌰𑍍𑌤𑌾 𑌯𑍋𑌗𑌪𑌤𑌿𑌰𑍍𑌬𑍃𑌹𑌦𑍍𑌭𑌾𑌨𑍁𑌃 𑌕𑍍𑌰𑌿𑌯𑌾𑌪𑌤𑌿𑌃 ॥ 114॥
𑌚𑌤𑍁𑌰𑍍𑌦𑌶𑌪𑍍𑌰𑌮𑌾𑌣𑌾𑌤𑍍𑌮𑌾 𑌧𑌰𑍍𑌮𑍋 𑌮𑌨𑍍𑌵𑌾𑌦𑌿𑌬𑍋𑌧𑌕𑌃 ।
𑌲𑌕𑍍𑌷𑍍𑌮𑍀𑌭𑍋𑌗𑍈𑌕𑌨𑌿𑌲𑌯𑍋 𑌦𑍇𑌵𑌮𑌨𑍍𑌤𑍍𑌰𑌪𑍍𑌰𑌦𑌾𑌯𑌕𑌃 ॥ 115॥
𑌦𑍈𑌤𑍍𑌯𑌵𑍍𑌯𑌾𑌮𑍋𑌹𑌕𑌃 𑌸𑌾𑌕𑍍𑌷𑌾𑌦𑍍𑌗𑌰𑍁𑌡𑌸𑍍𑌕𑌨𑍍𑌧𑌸𑌂𑌶𑍍𑌰𑌯𑌃 ।
𑌲𑍀𑌲𑌾𑌮𑌨𑍍𑌦𑌰𑌧𑌾𑌰𑍀 𑌚 𑌦𑍈𑌤𑍍𑌯𑌵𑌾𑌸𑍁𑌕𑌿𑌪𑍂𑌜𑌿𑌤𑌃 ॥ 116॥
𑌸𑌮𑍁𑌦𑍍𑌰𑍋𑌨𑍍𑌮𑌥𑌨𑌾𑌯𑌤𑍍𑌤𑍋𑌽𑌵𑌿𑌘𑍍𑌨𑌕𑌰𑍍𑌤𑌾 𑌸𑍍𑌵𑌵𑌾𑌕𑍍𑌯𑌕𑍃𑌤𑍍 ।
𑌆𑌦𑌿𑌕𑍂𑌰𑍍𑌮𑌃 𑌪𑌵𑌿𑌤𑍍𑌰𑌾𑌤𑍍𑌮𑌾 𑌮𑌨𑍍𑌦𑌰𑌾𑌘𑌰𑍍𑌷𑌣𑍋𑌤𑍍𑌸𑍁𑌕𑌃 ॥ 117॥
𑌶𑍍𑌵𑌾𑌸𑍈𑌜𑌦𑌬𑍍𑌧𑌿𑌵𑌾𑌰𑍍𑌵𑍀𑌚𑌿𑌃 𑌕𑌲𑍍𑌪𑌾𑌨𑍍𑌤𑌾𑌵𑌧𑌿𑌕𑌾𑌰𑍍𑌯𑌕𑍃𑌤𑍍 ।
𑌚𑌤𑍁𑌰𑍍𑌦𑌶𑌮𑌹𑌾𑌰𑌤𑍍𑌨𑍋 𑌲𑌕𑍍𑌷𑍍𑌮𑍀𑌸𑍗𑌭𑌾𑌗𑍍𑌯𑌵𑌰𑍍𑌧𑌨𑌃 ॥ 118॥
𑌧𑌨𑍍𑌵𑌨𑍍𑌤𑌰𑌿𑌃 𑌸𑍁𑌧𑌾𑌹𑌸𑍍𑌤𑍋 𑌯𑌜𑍍𑌞𑌭𑍋𑌕𑍍𑌤𑌾𑌽𑌽𑌰𑍍𑌤𑌿𑌨𑌾𑌶𑌨𑌃 ।
𑌆𑌯𑍁𑌰𑍍𑌵𑍇𑌦𑌪𑍍𑌰𑌣𑍇𑌤𑌾 𑌚 𑌦𑍇𑌵𑌦𑍈𑌤𑍍𑌯𑌾𑌖𑌿𑌲𑌾𑌰𑍍𑌚𑌿𑌤𑌃 ॥ 119॥
𑌬𑍁𑌦𑍍𑌧𑌿𑌵𑍍𑌯𑌾𑌮𑍋𑌹𑌕𑍋 𑌦𑍇𑌵𑌕𑌾𑌰𑍍𑌯𑌸𑌾𑌧𑌨𑌤𑌤𑍍𑌪𑌰𑌃 ।
𑌸𑍍𑌤𑍍𑌰𑍀𑌰𑍂𑌪𑍋 𑌮𑌾𑌯𑌯𑌾 𑌵𑌕𑍍𑌤𑌾 𑌦𑍈𑌤𑍍𑌯𑌾𑌨𑍍𑌤𑌃𑌕𑌰𑌣𑌪𑍍𑌰𑌿𑌯𑌃 ॥ 120॥
𑌪𑌾𑌯𑌿𑌤𑌾𑌮𑍃𑌤𑌦𑍇𑌵𑌾𑌂𑌶𑍋 𑌯𑍁𑌦𑍍𑌧𑌹𑍇𑌤𑍁𑌸𑍍𑌮𑍃𑌤𑌿𑌪𑍍𑌰𑌦𑌃 ।
𑌸𑍁𑌮𑌾𑌲𑌿𑌮𑌾𑌲𑌿𑌵𑌧𑌕𑍃𑌨𑍍𑌮𑌾𑌲𑍍𑌯𑌵𑌤𑍍𑌪𑍍𑌰𑌾𑌣𑌹𑌾𑌰𑌕𑌃 ॥ 121॥
𑌕𑌾𑌲𑌨𑍇𑌮𑌿𑌶𑌿𑌰𑌶𑍍𑌛𑍇𑌦𑍀 𑌦𑍈𑌤𑍍𑌯𑌯𑌜𑍍𑌞𑌵𑌿𑌨𑌾𑌶𑌕𑌃 ।
𑌇𑌨𑍍𑌦𑍍𑌰𑌸𑌾𑌮𑌰𑍍𑌥𑍍𑌯𑌦𑌾𑌤𑌾 𑌚 𑌦𑍈𑌤𑍍𑌯𑌶𑍇𑌷𑌸𑍍𑌥𑌿𑌤𑌿𑌪𑍍𑌰𑌿𑌯𑌃 ॥ 122॥
𑌶𑌿𑌵𑌵𑍍𑌯𑌾𑌮𑍋𑌹𑌕𑍋 𑌮𑌾𑌯𑍀 𑌭𑍃𑌗𑍁𑌮𑌨𑍍𑌤𑍍𑌰𑌸𑍍𑌵𑌶𑌕𑍍𑌤𑌿𑌦𑌃 ।
𑌬𑌲𑌿𑌜𑍀𑌵𑌨𑌕𑌰𑍍𑌤𑌾 𑌚 𑌸𑍍𑌵𑌰𑍍𑌗𑌹𑍇𑌤𑍁𑌰𑍍𑌵𑍍𑌰𑌤𑌾𑌰𑍍𑌚𑌿𑌤𑌃 ॥ 123॥
𑌅𑌦𑌿𑌤𑍍𑌯𑌾𑌨𑌨𑍍𑌦𑌕𑌰𑍍𑌤𑌾 𑌚 𑌕𑌶𑍍𑌯𑌪𑌾𑌦𑌿𑌤𑌿𑌸𑌮𑍍𑌭𑌵𑌃 ।
𑌉𑌪𑍇𑌨𑍍𑌦𑍍𑌰 𑌇𑌨𑍍𑌦𑍍𑌰𑌾𑌵𑌰𑌜𑍋 𑌵𑌾𑌮𑌨𑌬𑍍𑌰𑌹𑍍𑌮𑌰𑍂𑌪𑌧𑍃𑌕𑍍 ॥ 124॥
𑌬𑍍𑌰𑌹𑍍𑌮𑌾𑌦𑌿𑌸𑍇𑌵𑌿𑌤𑌵𑌪𑍁𑌰𑍍𑌯𑌜𑍍𑌞𑌪𑌾𑌵𑌨𑌤𑌤𑍍𑌪𑌰𑌃 ।
𑌯𑌾𑌚𑍍𑌞𑍋𑌪𑌦𑍇𑌶𑌕𑌰𑍍𑌤𑌾 𑌚 𑌜𑍍𑌞𑌾𑌪𑌿𑌤𑌾𑌶𑍇𑌷𑌸𑌂𑌸𑍍𑌥𑌿𑌤𑌿𑌃 ॥ 125॥
𑌸𑌤𑍍𑌯𑌾𑌰𑍍𑌥𑌪𑍍𑌰𑍇𑌰𑌕𑌃 𑌸𑌰𑍍𑌵𑌹𑌰𑍍𑌤𑌾 𑌗𑌰𑍍𑌵𑌵𑌿𑌨𑌾𑌶𑌕𑌃 ।
𑌤𑍍𑌰𑌿𑌵𑌿𑌕𑍍𑌰𑌮𑌸𑍍𑌤𑍍𑌰𑌿𑌲𑍋𑌕𑌾𑌤𑍍𑌮𑌾 𑌵𑌿𑌶𑍍𑌵𑌮𑍂𑌰𑍍𑌤𑌿𑌃 𑌪𑍃𑌥𑍁𑌶𑍍𑌰𑌵𑌾𑌃 ॥ 126॥
𑌪𑌾𑌶𑌬𑌦𑍍𑌧𑌬𑌲𑌿𑌃 𑌸𑌰𑍍𑌵𑌦𑍈𑌤𑍍𑌯𑌪𑌕𑍍𑌷𑍋𑌪𑌮𑌰𑍍𑌦𑌕𑌃 ।
𑌸𑍁𑌤𑌲𑌸𑍍𑌥𑌾𑌪𑌿𑌤𑌬𑌲𑌿𑌃 𑌸𑍍𑌵𑌰𑍍𑌗𑌾𑌧𑌿𑌕𑌸𑍁𑌖𑌪𑍍𑌰𑌦𑌃 ॥ 127॥
𑌕𑌰𑍍𑌮𑌸𑌮𑍍𑌪𑍂𑌰𑍍𑌤𑌿𑌕𑌰𑍍𑌤𑌾 𑌚 𑌸𑍍𑌵𑌰𑍍𑌗𑌸𑌂𑌸𑍍𑌥𑌾𑌪𑌿𑌤𑌾𑌮𑌰𑌃 ।
𑌜𑍍𑌞𑌾𑌤𑌤𑍍𑌰𑌿𑌵𑌿𑌧𑌧𑌰𑍍𑌮𑌾𑌤𑍍𑌮𑌾 𑌮𑌹𑌾𑌮𑍀𑌨𑍋𑌽𑌬𑍍𑌧𑌿𑌸𑌂𑌶𑍍𑌰𑌯𑌃 ॥ 128॥
𑌸𑌤𑍍𑌯𑌵𑍍𑌰𑌤𑌪𑍍𑌰𑌿𑌯𑍋 𑌗𑍋𑌪𑍍𑌤𑌾 𑌮𑌤𑍍𑌸𑍍𑌯𑌮𑍂𑌰𑍍𑌤𑌿𑌧𑍃𑌤𑌶𑍍𑌰𑍁𑌤𑌿𑌃 ।
𑌶𑌋𑌙𑍍𑌗𑌬𑌦𑍍𑌧𑌧𑍃𑌤𑌕𑍍𑌷𑍋𑌣𑌿𑌃 𑌸𑌰𑍍𑌵𑌾𑌰𑍍𑌥𑌜𑍍𑌞𑌾𑌪𑌕𑍋 𑌗𑍁𑌰𑍁𑌃 ॥ 129॥
𑌈𑌶𑌾𑌨𑍁𑌕𑌥𑌾𑌲𑍀𑌲𑌾
𑌈𑌶𑌸𑍇𑌵𑌕𑌲𑍀𑌲𑌾𑌤𑍍𑌮𑌾 𑌸𑍂𑌰𑍍𑌯𑌵𑌂𑌶𑌪𑍍𑌰𑌵𑌰𑍍𑌤𑌕𑌃 ।
𑌸𑍋𑌮𑌵𑌂𑌶𑍋𑌦𑍍𑌭𑌵𑌕𑌰𑍋 𑌮𑌨𑍁𑌪𑍁𑌤𑍍𑌰𑌗𑌤𑌿𑌪𑍍𑌰𑌦𑌃 ॥ 130॥
𑌅𑌮𑍍𑌬𑌰𑍀𑌷𑌪𑍍𑌰𑌿𑌯𑌃 𑌸𑌾𑌧𑍁𑌰𑍍𑌦𑍁𑌰𑍍𑌵𑌾𑌸𑍋𑌗𑌰𑍍𑌵𑌨𑌾𑌶𑌕𑌃 ।
𑌬𑍍𑌰𑌹𑍍𑌮𑌶𑌾𑌪𑍋𑌪𑌸𑌂𑌹𑌰𑍍𑌤𑌾 𑌭𑌕𑍍𑌤𑌕𑍀𑌰𑍍𑌤𑌿𑌵𑌿𑌵𑌰𑍍𑌧𑌨𑌃 ॥ 131॥
𑌇𑌕𑍍𑌷𑍍𑌵𑌾𑌕𑍁𑌵𑌂𑌶𑌜𑌨𑌕𑌃 𑌸𑌗𑌰𑌾𑌦𑍍𑌯𑌖𑌿𑌲𑌾𑌰𑍍𑌥𑌦𑌃 ।
𑌭𑌗𑍀𑌰𑌥𑌮𑌹𑌾𑌯𑌤𑍍𑌨𑍋 𑌗𑌙𑍍𑌗𑌾𑌧𑍗𑌤𑌾𑌙𑍍𑌘𑍍𑌰𑌿𑌪𑌙𑍍𑌕𑌜𑌃 ॥ 132॥
𑌬𑍍𑌰𑌹𑍍𑌮𑌸𑍍𑌵𑌾𑌮𑍀 𑌶𑌿𑌵𑌸𑍍𑌵𑌾𑌮𑍀 𑌸𑌗𑌰𑌾𑌤𑍍𑌮𑌜𑌮𑍁𑌕𑍍𑌤𑌿𑌦𑌃 ।
𑌖𑌟𑍍𑌵𑌾𑌙𑍍𑌗𑌮𑍋𑌕𑍍𑌷𑌹𑍇𑌤𑍁𑌶𑍍𑌚 𑌰𑌘𑍁𑌵𑌂𑌶𑌵𑌿𑌵𑌰𑍍𑌧𑌨𑌃 ॥ 133॥
𑌰𑌘𑍁𑌨𑌾𑌥𑍋 𑌰𑌾𑌮𑌚𑌨𑍍𑌦𑍍𑌰𑍋 𑌰𑌾𑌮𑌭𑌦𑍍𑌰𑍋 𑌰𑌘𑍁𑌪𑍍𑌰𑌿𑌯𑌃 ।
𑌅𑌨𑌨𑍍𑌤𑌕𑍀𑌰𑍍𑌤𑌿𑌃 𑌪𑍁𑌣𑍍𑌯𑌾𑌤𑍍𑌮𑌾 𑌪𑍁𑌣𑍍𑌯𑌶𑍍𑌲𑍋𑌕𑍈𑌕𑌭𑌾𑌸𑍍𑌕𑌰𑌃 ॥ 134॥
𑌕𑍋𑌶𑌲𑍇𑌨𑍍𑌦𑍍𑌰𑌃 𑌪𑍍𑌰𑌮𑌾𑌣𑌾𑌤𑍍𑌮𑌾 𑌸𑍇𑌵𑍍𑌯𑍋 𑌦𑌶𑌰𑌥𑌾𑌤𑍍𑌮𑌜𑌃 ।
𑌲𑌕𑍍𑌷𑍍𑌮𑌣𑍋 𑌭𑌰𑌤𑌶𑍍𑌚𑍈𑌵 𑌶𑌤𑍍𑌰𑍁𑌘𑍍𑌨𑍋 𑌵𑍍𑌯𑍂𑌹𑌵𑌿𑌗𑍍𑌰𑌹𑌃 ॥ 135॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑍍𑌰𑌿𑌯𑍋 𑌦𑌾𑌨𑍍𑌤𑌸𑍍𑌤𑌾𑌡𑌕𑌾𑌵𑌧𑌮𑍋𑌕𑍍𑌷𑌦𑌃 ।
𑌵𑌾𑌯𑌵𑍍𑌯𑌾𑌸𑍍𑌤𑍍𑌰𑌾𑌬𑍍𑌧𑌿𑌨𑌿𑌕𑍍𑌷𑌿𑌪𑍍𑌤𑌮𑌾𑌰𑍀𑌚𑌶𑍍𑌚 𑌸𑍁𑌬𑌾𑌹𑍁𑌹𑌾 ॥ 136॥
𑌵𑍃𑌷𑌧𑍍𑌵𑌜𑌧𑌨𑍁𑌰𑍍𑌭𑌙𑍍𑌗𑌪𑍍𑌰𑌾𑌪𑍍𑌤𑌸𑍀𑌤𑌾𑌮𑌹𑍋𑌤𑍍𑌸𑌵𑌃 ।
𑌸𑍀𑌤𑌾𑌪𑌤𑌿𑌰𑍍𑌭𑍃𑌗𑍁𑌪𑌤𑌿𑌗𑌰𑍍𑌵𑌪𑌰𑍍𑌵𑌤𑌨𑌾𑌶𑌕𑌃 ॥ 137॥
𑌅𑌯𑍋𑌧𑍍𑌯𑌾𑌸𑍍𑌥𑌮𑌹𑌾𑌭𑍋𑌗𑌯𑍁𑌕𑍍𑌤𑌲𑌕𑍍𑌷𑍍𑌮𑍀𑌵𑌿𑌨𑍋𑌦𑌵𑌾𑌨𑍍 ।
𑌕𑍈𑌕𑍇𑌯𑍀𑌵𑌾𑌕𑍍𑌯𑌕𑌰𑍍𑌤𑌾 𑌚 𑌪𑌿𑌤𑍃𑌵𑌾𑌕𑍍𑌪𑌰𑌿𑌪𑌾𑌲𑌕𑌃 ॥ 138॥
𑌵𑍈𑌰𑌾𑌗𑍍𑌯𑌬𑍋𑌧𑌕𑍋𑌽𑌨𑌨𑍍𑌯𑌸𑌾𑌤𑍍𑌤𑍍𑌵𑌿𑌕𑌸𑍍𑌥𑌾𑌨𑌬𑍋𑌧𑌕𑌃 ।
𑌅𑌹𑌲𑍍𑌯𑌾𑌦𑍁𑌃𑌖𑌹𑌾𑌰𑍀 𑌚 𑌗𑍁𑌹𑌸𑍍𑌵𑌾𑌮𑍀 𑌸𑌲𑌕𑍍𑌷𑍍𑌮𑌣𑌃 ॥ 139॥
𑌚𑌿𑌤𑍍𑌰𑌕𑍂𑌟𑌪𑍍𑌰𑌿𑌯𑌸𑍍𑌥𑌾𑌨𑍋 𑌦𑌣𑍍𑌡𑌕𑌾𑌰𑌣𑍍𑌯𑌪𑌾𑌵𑌨𑌃 ।
𑌶𑌰𑌭𑌙𑍍𑌗𑌸𑍁𑌤𑍀𑌕𑍍𑌷𑍍𑌣𑌾𑌦𑌿𑌪𑍂𑌜𑌿𑌤𑍋𑌽𑌗𑌸𑍍𑌤𑍍𑌯𑌭𑌾𑌗𑍍𑌯𑌭𑍂𑌃 ॥ 140॥
𑌋𑌷𑌿𑌸𑌮𑍍𑌪𑍍𑌰𑌾𑌰𑍍𑌥𑌿𑌤𑌕𑍃𑌤𑌿𑌰𑍍𑌵𑌿𑌰𑌾𑌧𑌵𑌧𑌪𑌣𑍍𑌡𑌿𑌤𑌃 ।
𑌛𑌿𑌨𑍍𑌨𑌶𑍂𑌰𑍍𑌪𑌣𑌖𑌾𑌨𑌾𑌸𑌃 𑌖𑌰𑌦𑍂𑌷𑌣𑌘𑌾𑌤𑌕𑌃 ॥ 141॥
𑌏𑌕𑌬𑌾𑌣𑌹𑌤𑌾𑌨𑍇𑌕𑌸𑌹𑌸𑍍𑌰𑌬𑌲𑌰𑌾𑌕𑍍𑌷𑌸𑌃 ।
𑌮𑌾𑌰𑍀𑌚𑌘𑌾𑌤𑍀 𑌨𑌿𑌯𑌤𑌸𑍀𑌤𑌾𑌸𑌮𑍍𑌬𑌨𑍍𑌧𑌶𑍋𑌭𑌿𑌤𑌃 ॥ 142॥
𑌸𑍀𑌤𑌾𑌵𑌿𑌯𑍋𑌗𑌨𑌾𑌟𑍍𑌯𑌶𑍍𑌚 𑌜𑌟𑌾𑌯𑍁𑌰𑍍𑌵𑌧𑌮𑍋𑌕𑍍𑌷𑌦𑌃 ।
𑌶𑌬𑌰𑍀𑌪𑍂𑌜𑌿𑌤𑍋 𑌭𑌕𑍍𑌤𑌹𑌨𑍁𑌮𑌤𑍍𑌪𑍍𑌰𑌮𑍁𑌖𑌾𑌵𑍃𑌤𑌃 ॥ 143॥
𑌦𑍁𑌨𑍍𑌦𑍁𑌭𑍍𑌯𑌸𑍍𑌥𑌿𑌪𑍍𑌰𑌹𑌰𑌣𑌃 𑌸𑌪𑍍𑌤𑌤𑌾𑌲𑌵𑌿𑌭𑍇𑌦𑌨𑌃 ।
𑌸𑍁𑌗𑍍𑌰𑍀𑌵𑌰𑌾𑌜𑍍𑌯𑌦𑍋 𑌵𑌾𑌲𑌿𑌘𑌾𑌤𑍀 𑌸𑌾𑌗𑌰𑌶𑍋𑌷𑌣𑌃 ॥ 144॥
𑌸𑍇𑌤𑍁𑌬𑌨𑍍𑌧𑌨𑌕𑌰𑍍𑌤𑌾 𑌚 𑌵𑌿𑌭𑍀𑌷𑌣𑌹𑌿𑌤𑌪𑍍𑌰𑌦𑌃 ।
𑌰𑌾𑌵𑌣𑌾𑌦𑌿𑌶𑌿𑌰𑌶𑍍𑌛𑍇𑌦𑍀 𑌰𑌾𑌕𑍍𑌷𑌸𑌾𑌘𑍗𑌘𑌨𑌾𑌶𑌕𑌃 ॥ 145॥
𑌸𑍀𑌤𑌾𑌽𑌭𑌯𑌪𑍍𑌰𑌦𑌾𑌤𑌾 𑌚 𑌪𑍁𑌷𑍍𑌪𑌕𑌾𑌗𑌮𑌨𑍋𑌤𑍍𑌸𑍁𑌕𑌃 ।
𑌅𑌯𑍋𑌧𑍍𑌯𑌾𑌪𑌤𑌿𑌰𑌤𑍍𑌯𑌨𑍍𑌤𑌸𑌰𑍍𑌵𑌲𑍋𑌕𑌸𑍁𑌖𑌪𑍍𑌰𑌦𑌃 ॥ 146॥
𑌮𑌥𑍁𑌰𑌾𑌪𑍁𑌰𑌨𑌿𑌰𑍍𑌮𑌾𑌤𑌾 𑌸𑍁𑌕𑍃𑌤𑌜𑍍𑌞𑌸𑍍𑌵𑌰𑍂𑌪𑌦𑌃 ।
𑌜𑌨𑌕𑌜𑍍𑌞𑌾𑌨𑌗𑌮𑍍𑌯𑌶𑍍𑌚 𑌐𑌲𑌾𑌨𑍍𑌤𑌪𑍍𑌰𑌕𑌟𑌶𑍍𑌰𑍁𑌤𑌿𑌃 ॥ 147॥
𑌹𑍈𑌹𑌯𑌾𑌨𑍍𑌤𑌕𑌰𑍋 𑌰𑌾𑌮𑍋 𑌦𑍁𑌷𑍍𑌟𑌕𑍍𑌷𑌤𑍍𑌰𑌵𑌿𑌨𑌾𑌶𑌕𑌃 ।
𑌸𑍋𑌮𑌵𑌂𑌶𑌹𑌿𑌤𑍈𑌕𑌾𑌤𑍍𑌮𑌾 𑌯𑌦𑍁𑌵𑌂𑌶𑌵𑌿𑌵𑌰𑍍𑌧𑌨𑌃 ॥ 148॥
𑌨𑌿𑌰𑍋𑌧𑌲𑍀𑌲𑌾
𑌪𑌰𑌬𑍍𑌰𑌹𑍍𑌮𑌾𑌵𑌤𑌰𑌣𑌃 𑌕𑍇𑌶𑌵𑌃 𑌕𑍍𑌲𑍇𑌶𑌨𑌾𑌶𑌨𑌃 ।
𑌭𑍂𑌮𑌿𑌭𑌾𑌰𑌾𑌵𑌤𑌰𑌣𑍋 𑌭𑌕𑍍𑌤𑌾𑌰𑍍𑌥𑌾𑌖𑌿𑌲𑌮𑌾𑌨𑌸𑌃 ॥ 149॥
𑌸𑌰𑍍𑌵𑌭𑌕𑍍𑌤𑌨𑌿𑌰𑍋𑌧𑌾𑌤𑍍𑌮𑌾 𑌲𑍀𑌲𑌾𑌨𑌨𑍍𑌤𑌨𑌿𑌰𑍋𑌧𑌕𑍃𑌤𑍍 ।
𑌭𑍂𑌮𑌿𑌷𑍍𑌠𑌪𑌰𑌮𑌾𑌨𑌨𑍍𑌦𑍋 𑌦𑍇𑌵𑌕𑍀𑌶𑍁𑌦𑍍𑌧𑌿𑌕𑌾𑌰𑌣𑌮𑍍 ॥ 150॥
𑌵𑌸𑍁𑌦𑍇𑌵𑌜𑍍𑌞𑌾𑌨𑌨𑌿𑌷𑍍𑌠𑌸𑌮𑌜𑍀𑌵𑌨𑌿𑌵𑌾𑌰𑌕𑌃 ।
𑌸𑌰𑍍𑌵𑌵𑍈𑌰𑌾𑌗𑍍𑌯𑌕𑌰𑌣𑌸𑍍𑌵𑌲𑍀𑌲𑌾𑌧𑌾𑌰𑌶𑍋𑌧𑌕𑌃 ॥ 151॥
𑌮𑌾𑌯𑌾𑌜𑍍𑌞𑌾𑌪𑌨𑌕𑌰𑍍𑌤𑌾 𑌚 𑌶𑍇𑌷𑌸𑌮𑍍𑌭𑌾𑌰𑌸𑌮𑍍𑌭𑍃𑌤𑌿𑌃 ।
𑌭𑌕𑍍𑌤𑌕𑍍𑌲𑍇𑌶𑌪𑌰𑌿𑌜𑍍𑌞𑌾𑌤𑌾 𑌤𑌨𑍍𑌨𑌿𑌵𑌾𑌰𑌣𑌤𑌤𑍍𑌪𑌰𑌃 ॥ 152॥
𑌆𑌵𑌿𑌷𑍍𑌟𑌵𑌸𑍁𑌦𑍇𑌵𑌾𑌂𑌶𑍋 𑌦𑍇𑌵𑌕𑍀𑌗𑌰𑍍𑌭𑌭𑍂𑌷𑌣𑌮𑍍 ।
𑌪𑍂𑌰𑍍𑌣𑌤𑍇𑌜𑍋𑌮𑌯𑌃 𑌪𑍂𑌰𑍍𑌣𑌃 𑌕𑌂𑌸𑌾𑌧𑍃𑌷𑍍𑌯𑌪𑍍𑌰𑌤𑌾𑌪𑌵𑌾𑌨𑍍 ॥ 153॥
𑌵𑌿𑌵𑍇𑌕𑌜𑍍𑌞𑌾𑌨𑌦𑌾𑌤𑌾 𑌚 𑌬𑍍𑌰𑌹𑍍𑌮𑌾𑌦𑍍𑌯𑌖𑌿𑌲𑌸𑌂𑌸𑍍𑌤𑍁𑌤𑌃 ।
𑌸𑌤𑍍𑌯𑍋 𑌜𑌗𑌤𑍍𑌕𑌲𑍍𑌪𑌤𑌰𑍁𑌰𑍍𑌨𑌾𑌨𑌾𑌰𑍂𑌪𑌵𑌿𑌮𑍋𑌹𑌨𑌃 ॥ 154॥
𑌭𑌕𑍍𑌤𑌿𑌮𑌾𑌰𑍍𑌗𑌪𑍍𑌰𑌤𑌿𑌷𑍍𑌠𑌾𑌤𑌾 𑌵𑌿𑌦𑍍𑌵𑌨𑍍𑌮𑍋𑌹𑌪𑍍𑌰𑌵𑌰𑍍𑌤𑌕𑌃 ।
𑌮𑍂𑌲𑌕𑌾𑌲𑌗𑍁𑌣𑌦𑍍𑌰𑌷𑍍𑌟𑌾 𑌨𑌯𑌨𑌾𑌨𑌨𑍍𑌦𑌭𑌾𑌜𑌨𑌮𑍍 ॥ 155॥
𑌵𑌸𑍁𑌦𑍇𑌵𑌸𑍁𑌖𑌾𑌬𑍍𑌧𑌿𑌶𑍍𑌚 𑌦𑍇𑌵𑌕𑍀𑌨𑌯𑌨𑌾𑌮𑍃𑌤𑌮𑍍 ।
𑌪𑌿𑌤𑍃𑌮𑌾𑌤𑍃𑌸𑍍𑌤𑍁𑌤𑌃 𑌪𑍂𑌰𑍍𑌵𑌸𑌰𑍍𑌵𑌵𑍃𑌤𑍍𑌤𑌾𑌨𑍍𑌤𑌬𑍋𑌧𑌕𑌃 ॥ 156॥
𑌗𑍋𑌕𑍁𑌲𑌾𑌗𑌤𑌿𑌲𑍀𑌲𑌾𑌪𑍍𑌤𑌵𑌸𑍁𑌦𑍇𑌵𑌕𑌰𑌸𑍍𑌥𑌿𑌤𑌿𑌃 ।
𑌸𑌰𑍍𑌵𑍇𑌶𑌤𑍍𑌵𑌪𑍍𑌰𑌕𑌟𑌨𑍋 𑌮𑌾𑌯𑌾𑌵𑍍𑌯𑌤𑍍𑌯𑌯𑌕𑌾𑌰𑌕𑌃 ॥ 157॥
𑌜𑍍𑌞𑌾𑌨𑌮𑍋𑌹𑌿𑌤𑌦𑍁𑌷𑍍𑌟𑍇𑌶𑌃 𑌪𑍍𑌰𑌪𑌞𑍍𑌚𑌾𑌸𑍍𑌮𑍃𑌤𑌿𑌕𑌾𑌰𑌣𑌮𑍍 ।
𑌯𑌶𑍋𑌦𑌾𑌨𑌨𑍍𑌦𑌨𑍋 𑌨𑌨𑍍𑌦𑌭𑌾𑌗𑍍𑌯𑌭𑍂𑌗𑍋𑌕𑍁𑌲𑍋𑌤𑍍𑌸𑌵𑌃 ॥ 158॥
𑌨𑌨𑍍𑌦𑌪𑍍𑌰𑌿𑌯𑍋 𑌨𑌨𑍍𑌦𑌸𑍂𑌨𑍁𑌰𑍍𑌯𑌶𑍋𑌦𑌾𑌯𑌾𑌃 𑌸𑍍𑌤𑌨𑌨𑍍𑌧𑌯𑌃 ।
𑌪𑍂𑌤𑌨𑌾𑌸𑍁𑌪𑌯𑌃𑌪𑌾𑌤𑌾 𑌮𑍁𑌗𑍍𑌧𑌭𑌾𑌵𑌾𑌤𑌿𑌸𑍁𑌨𑍍𑌦𑌰𑌃 ॥ 159॥
𑌸𑍁𑌨𑍍𑌦𑌰𑍀𑌹𑍃𑌦𑌯𑌾𑌨𑌨𑍍𑌦𑍋 𑌗𑍋𑌪𑍀𑌮𑌨𑍍𑌤𑍍𑌰𑌾𑌭𑌿𑌮𑌨𑍍𑌤𑍍𑌰𑌿𑌤𑌃 ।
𑌗𑍋𑌪𑌾𑌲𑌾𑌶𑍍𑌚𑌰𑍍𑌯𑌰𑌸𑌕𑍃𑌤𑍍 𑌶𑌕𑌟𑌾𑌸𑍁𑌰𑌖𑌣𑍍𑌡𑌨𑌃 ॥ 160॥
𑌨𑌨𑍍𑌦𑌵𑍍𑌰𑌜𑌜𑌨𑌾𑌨𑌨𑍍𑌦𑍀 𑌨𑌨𑍍𑌦𑌭𑌾𑌗𑍍𑌯𑌮𑌹𑍋𑌦𑌯𑌃 ।
𑌤𑍃𑌣𑌾𑌵𑌰𑍍𑌤𑌵𑌧𑍋𑌤𑍍𑌸𑌾𑌹𑍋 𑌯𑌶𑍋𑌦𑌾𑌜𑍍𑌞𑌾𑌨𑌵𑌿𑌗𑍍𑌰𑌹𑌃 ॥ 161॥
𑌬𑌲𑌭𑌦𑍍𑌰𑌪𑍍𑌰𑌿𑌯𑌃 𑌕𑍃𑌷𑍍𑌣𑌃 𑌸𑌙𑍍𑌕𑌰𑍍𑌷𑌣𑌸𑌹𑌾𑌯𑌵𑌾𑌨𑍍 ।
𑌰𑌾𑌮𑌾𑌨𑍁𑌜𑍋 𑌵𑌾𑌸𑍁𑌦𑍇𑌵𑍋 𑌗𑍋𑌷𑍍𑌠𑌾𑌙𑍍𑌗𑌣𑌗𑌤𑌿𑌪𑍍𑌰𑌿𑌯𑌃 ॥ 162॥
𑌕𑌿𑌙𑍍𑌕𑌿𑌣𑍀𑌰𑌵𑌭𑌾𑌵𑌜𑍍𑌞𑍋 𑌵𑌤𑍍𑌸𑌪𑍁𑌚𑍍𑌛𑌾𑌵𑌲𑌮𑍍𑌬𑌨𑌃 ।
𑌨𑌵𑌨𑍀𑌤𑌪𑍍𑌰𑌿𑌯𑍋 𑌗𑍋𑌪𑍀𑌮𑍋𑌹𑌸𑌂𑌸𑌾𑌰𑌨𑌾𑌶𑌕𑌃 ॥ 163॥
𑌗𑍋𑌪𑌬𑌾𑌲𑌕𑌭𑌾𑌵𑌜𑍍𑌞𑌶𑍍𑌚𑍗𑌰𑍍𑌯𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌃 ।
𑌮𑍃𑌤𑍍𑌸𑍍𑌨𑌾𑌭𑌕𑍍𑌷𑌣𑌲𑍀𑌲𑌾𑌸𑍍𑌯𑌮𑌾𑌹𑌾𑌤𑍍𑌮𑍍𑌯𑌜𑍍𑌞𑌾𑌨𑌦𑌾𑌯𑌕𑌃 ॥ 164॥
𑌧𑌰𑌾𑌦𑍍𑌰𑍋𑌣𑌪𑍍𑌰𑍀𑌤𑌿𑌕𑌰𑍍𑌤𑌾 𑌦𑌧𑌿𑌭𑌾𑌣𑍍𑌡𑌵𑌿𑌭𑍇𑌦𑌨𑌃 ।
𑌦𑌾𑌮𑍋𑌦𑌰𑍋 𑌭𑌕𑍍𑌤𑌵𑌶𑍍𑌯𑍋 𑌯𑌮𑌲𑌾𑌰𑍍𑌜𑍁𑌨𑌭𑌞𑍍𑌜𑌨𑌃 ॥ 165॥
𑌬𑍃𑌹𑌦𑍍𑌵𑌨𑌮𑌹𑌾𑌶𑍍𑌚𑌰𑍍𑌯𑍋 𑌵𑍃𑌨𑍍𑌦𑌾𑌵𑌨𑌗𑌤𑌿𑌪𑍍𑌰𑌿𑌯𑌃 ।
𑌵𑌤𑍍𑌸𑌘𑌾𑌤𑍀 𑌬𑌾𑌲𑌕𑍇𑌲𑌿𑌰𑍍𑌬𑌕𑌾𑌸𑍁𑌰𑌨𑌿𑌷𑍂𑌦𑌨𑌃 ॥ 166॥
𑌅𑌰𑌣𑍍𑌯𑌭𑍋𑌕𑍍𑌤𑌾𑌽𑌪𑍍𑌯𑌥𑌵𑌾 𑌬𑌾𑌲𑌲𑍀𑌲𑌾𑌪𑌰𑌾𑌯𑌣𑌃 ।
𑌪𑍍𑌰𑍋𑌤𑍍𑌸𑌾𑌹𑌜𑌨𑌕𑌶𑍍𑌚𑍈𑌵𑌮𑌘𑌾𑌸𑍁𑌰𑌨𑌿𑌷𑍂𑌦𑌨𑌃 ॥ 167॥
𑌵𑍍𑌯𑌾𑌲𑌮𑍋𑌕𑍍𑌷𑌪𑍍𑌰𑌦𑌃 𑌪𑍁𑌷𑍍𑌟𑍋 𑌬𑍍𑌰𑌹𑍍𑌮𑌮𑍋𑌹𑌪𑍍𑌰𑌵𑌰𑍍𑌧𑌨𑌃 ।
𑌅𑌨𑌨𑍍𑌤𑌮𑍂𑌰𑍍𑌤𑌿𑌃 𑌸𑌰𑍍𑌵𑌾𑌤𑍍𑌮𑌾 𑌜𑌙𑍍𑌗𑌮𑌸𑍍𑌥𑌾𑌵𑌰𑌾𑌕𑍃𑌤𑌿𑌃 ॥ 168॥
𑌬𑍍𑌰𑌹𑍍𑌮𑌮𑍋𑌹𑌨𑌕𑌰𑍍𑌤𑌾 𑌚 𑌸𑍍𑌤𑍁𑌤𑍍𑌯 𑌆𑌤𑍍𑌮𑌾 𑌸𑌦𑌾𑌪𑍍𑌰𑌿𑌯𑌃 ।
𑌪𑍗𑌗𑌣𑍍𑌡𑌲𑍀𑌲𑌾𑌭𑌿𑌰𑌤𑌿𑌰𑍍𑌗𑍋𑌚𑌾𑌰𑌣𑌪𑌰𑌾𑌯𑌣𑌃 ॥ 169॥
𑌵𑍃𑌨𑍍𑌦𑌾𑌵𑌨𑌲𑌤𑌾𑌗𑍁𑌲𑍍𑌮𑌵𑍃𑌕𑍍𑌷𑌰𑍂𑌪𑌨𑌿𑌰𑍂𑌪𑌕𑌃 ।
𑌨𑌾𑌦𑌬𑍍𑌰𑌹𑍍𑌮𑌪𑍍𑌰𑌕𑌟𑌨𑍋 𑌵𑌯𑌃𑌪𑍍𑌰𑌤𑌿𑌕𑍃𑌤𑌿𑌸𑍍𑌵𑌨𑌃 ॥ 170॥
𑌬𑌰𑍍𑌹𑌿𑌨𑍃𑌤𑍍𑌯𑌾𑌨𑍁𑌕𑌰𑌣𑍋 𑌗𑍋𑌪𑌾𑌲𑌾𑌨𑍁𑌕𑍃𑌤𑌿𑌸𑍍𑌵𑌨𑌃 ।
𑌸𑌦𑌾𑌚𑌾𑌰𑌪𑍍𑌰𑌤𑌿𑌷𑍍𑌠𑌾𑌤𑌾 𑌬𑌲𑌶𑍍𑌰𑌮𑌨𑌿𑌰𑌾𑌕𑍃𑌤𑌿𑌃 ॥ 171॥
𑌤𑌰𑍁𑌮𑍂𑌲𑌕𑍃𑌤𑌾𑌶𑍇𑌷𑌤𑌲𑍍𑌪𑌶𑌾𑌯𑍀 𑌸𑌖𑌿𑌸𑍍𑌤𑍁𑌤𑌃 ।
𑌗𑍋𑌪𑌾𑌲𑌸𑍇𑌵𑌿𑌤𑌪𑌦𑌃 𑌶𑍍𑌰𑍀𑌲𑌾𑌲𑌿𑌤𑌪𑌦𑌾𑌮𑍍𑌬𑍁𑌜𑌃 ॥ 172॥
𑌗𑍋𑌪𑌸𑌮𑍍𑌪𑍍𑌰𑌾𑌰𑍍𑌥𑌿𑌤𑌫𑌲𑌦𑌾𑌨𑌨𑌾𑌶𑌿𑌤𑌧𑍇𑌨𑍁𑌕𑌃 ।
𑌕𑌾𑌲𑍀𑌯𑌫𑌣𑌿𑌮𑌾𑌣𑌿𑌕𑍍𑌯𑌰𑌞𑍍𑌜𑌿𑌤𑌶𑍍𑌰𑍀𑌪𑌦𑌾𑌮𑍍𑌬𑍁𑌜𑌃 ॥ 173॥
𑌦𑍃𑌷𑍍𑌟𑌿𑌸𑌙𑍍𑌜𑍀𑌵𑌿𑌤𑌾𑌶𑍇𑌷𑌗𑍋𑌪𑌗𑍋𑌗𑍋𑌪𑌿𑌕𑌾𑌪𑍍𑌰𑌿𑌯𑌃 ।
𑌲𑍀𑌲𑌾𑌸𑌮𑍍𑌪𑍀𑌤𑌦𑌾𑌵𑌾𑌗𑍍𑌨𑌿𑌃 𑌪𑍍𑌰𑌲𑌮𑍍𑌬𑌵𑌧𑌪𑌣𑍍𑌡𑌿𑌤𑌃 ॥ 174॥
𑌦𑌾𑌵𑌾𑌗𑍍𑌨𑍍𑌯𑌾𑌵𑍃𑌤𑌗𑍋𑌪𑌾𑌲𑌦𑍃𑌷𑍍𑌟𑍍𑌯𑌾𑌚𑍍𑌛𑌾𑌦𑌨𑌵𑌹𑍍𑌨𑌿𑌪𑌃 ।
𑌵𑌰𑍍𑌷𑌾𑌶𑌰𑌦𑍍𑌵𑌿𑌭𑍂𑌤𑌿𑌶𑍍𑌰𑍀𑌰𑍍𑌗𑍋𑌪𑍀𑌕𑌾𑌮𑌪𑍍𑌰𑌬𑍋𑌧𑌕𑌃 ॥ 175॥
𑌗𑍋𑌪𑍀𑌰𑌤𑍍𑌨𑌸𑍍𑌤𑍁𑌤𑌾𑌶𑍇𑌷𑌵𑍇𑌣𑍁𑌵𑌾𑌦𑍍𑌯𑌵𑌿𑌶𑌾𑌰𑌦𑌃 ।
𑌕𑌾𑌤𑍍𑌯𑌾𑌯𑌨𑍀𑌵𑍍𑌰𑌤𑌵𑍍𑌯𑌾𑌜𑌸𑌰𑍍𑌵𑌭𑌾𑌵𑌾𑌶𑍍𑌰𑌿𑌤𑌾𑌙𑍍𑌗𑌨𑌃 ॥ 176॥
𑌸𑌤𑍍𑌸𑌙𑍍𑌗𑌤𑌿𑌸𑍍𑌤𑍁𑌤𑌿𑌵𑍍𑌯𑌾𑌜𑌸𑍍𑌤𑍁𑌤𑌵𑍃𑌨𑍍𑌦𑌾𑌵𑌨𑌾𑌙𑍍𑌘𑍍𑌰𑌿𑌪𑌃 ।
𑌗𑍋𑌪𑌕𑍍𑌷𑍁𑌚𑍍𑌛𑌾𑌨𑍍𑌤𑌿𑌸𑌂𑌵𑍍𑌯𑌾𑌜𑌵𑌿𑌪𑍍𑌰𑌭𑌾𑌰𑍍𑌯𑌾𑌪𑍍𑌰𑌸𑌾𑌦𑌕𑍃𑌤𑍍 ॥ 177॥
𑌹𑍇𑌤𑍁𑌪𑍍𑌰𑌾𑌪𑍍𑌤𑍇𑌨𑍍𑌦𑍍𑌰𑌯𑌾𑌗𑌸𑍍𑌵𑌕𑌾𑌰𑍍𑌯𑌗𑍋𑌸𑌵𑌬𑍋𑌧𑌕𑌃 ।
𑌶𑍈𑌲𑌰𑍂𑌪𑌕𑍃𑌤𑌾𑌶𑍇𑌷𑌰𑌸𑌭𑍋𑌗𑌸𑍁𑌖𑌾𑌵𑌹𑌃 ॥ 178॥
𑌲𑍀𑌲𑌾𑌗𑍋𑌵𑌰𑍍𑌧𑌨𑍋𑌦𑍍𑌧𑌾𑌰𑌪𑌾𑌲𑌿𑌤𑌸𑍍𑌵𑌵𑍍𑌰𑌜𑌪𑍍𑌰𑌿𑌯𑌃 ।
𑌗𑍋𑌪𑌸𑍍𑌵𑌚𑍍𑌛𑌨𑍍𑌦𑌲𑍀𑌲𑌾𑌰𑍍𑌥𑌗𑌰𑍍𑌗𑌵𑌾𑌕𑍍𑌯𑌾𑌰𑍍𑌥𑌬𑍋𑌧𑌕𑌃 ॥ 179॥
𑌇𑌨𑍍𑌦𑍍𑌰𑌧𑍇𑌨𑍁𑌸𑍍𑌤𑍁𑌤𑌿𑌪𑍍𑌰𑌾𑌪𑍍𑌤𑌗𑍋𑌵𑌿𑌨𑍍𑌦𑍇𑌨𑍍𑌦𑍍𑌰𑌾𑌭𑌿𑌧𑌾𑌨𑌵𑌾𑌨𑍍 ।
𑌵𑍍𑌰𑌤𑌾𑌦𑌿𑌧𑌰𑍍𑌮𑌸𑌂𑌸𑌕𑍍𑌤𑌨𑌨𑍍𑌦𑌕𑍍𑌲𑍇𑌶𑌵𑌿𑌨𑌾𑌶𑌕𑌃 ॥ 180॥
𑌨𑌨𑍍𑌦𑌾𑌦𑌿𑌗𑍋𑌪𑌮𑌾𑌤𑍍𑌰𑍇𑌷𑍍𑌟𑌵𑍈𑌕𑍁𑌣𑍍𑌠𑌗𑌤𑌿𑌦𑌾𑌯𑌕𑌃 ।
𑌵𑍇𑌣𑍁𑌵𑌾𑌦𑌸𑍍𑌮𑌰𑌕𑍍𑌷𑍋𑌭𑌮𑌤𑍍𑌤𑌗𑍋𑌪𑍀𑌵𑌿𑌮𑍁𑌕𑍍𑌤𑌿𑌦𑌃 ॥ 181॥
𑌸𑌰𑍍𑌵𑌭𑌾𑌵𑌪𑍍𑌰𑌾𑌪𑍍𑌤𑌗𑍋𑌪𑍀𑌸𑍁𑌖𑌸𑌂𑌵𑌰𑍍𑌧𑌨𑌕𑍍𑌷𑌮𑌃 ।
𑌗𑍋𑌪𑍀𑌗𑌰𑍍𑌵𑌪𑍍𑌰𑌣𑌾𑌶𑌾𑌰𑍍𑌥𑌤𑌿𑌰𑍋𑌧𑌾𑌨𑌸𑍁𑌖𑌪𑍍𑌰𑌦𑌃 ॥ 182॥
𑌕𑍃𑌷𑍍𑌣𑌭𑌾𑌵𑌵𑍍𑌯𑌾𑌪𑍍𑌤𑌵𑌿𑌶𑍍𑌵𑌗𑍋𑌪𑍀𑌭𑌾𑌵𑌿𑌤𑌵𑍇𑌷𑌧𑍃𑌕𑍍 ।
𑌰𑌾𑌧𑌾𑌵𑌿𑌶𑍇𑌷𑌸𑌮𑍍𑌭𑍋𑌗𑌪𑍍𑌰𑌾𑌪𑍍𑌤𑌦𑍋𑌷𑌨𑌿𑌵𑌾𑌰𑌕𑌃 ॥ 183॥
𑌪𑌰𑌮𑌪𑍍𑌰𑍀𑌤𑌿𑌸𑌙𑍍𑌗𑍀𑌤𑌸𑌰𑍍𑌵𑌾𑌦𑍍𑌭𑍁𑌤𑌮𑌹𑌾𑌗𑍁𑌣𑌃 ।
𑌮𑌾𑌨𑌾𑌪𑌨𑍋𑌦𑌨𑌾𑌕𑍍𑌰𑌨𑍍𑌦𑌗𑍋𑌪𑍀𑌦𑍃𑌷𑍍𑌟𑌿𑌮𑌹𑍋𑌤𑍍𑌸𑌵𑌃 ॥ 184॥
𑌗𑍋𑌪𑌿𑌕𑌾𑌵𑍍𑌯𑌾𑌪𑍍𑌤𑌸𑌰𑍍𑌵𑌾𑌙𑍍𑌗𑌃 𑌸𑍍𑌤𑍍𑌰𑍀𑌸𑌮𑍍𑌭𑌾𑌷𑌾𑌵𑌿𑌶𑌾𑌰𑌦𑌃 ।
𑌰𑌾𑌸𑍋𑌤𑍍𑌸𑌵𑌮𑌹𑌾𑌸𑍗𑌖𑍍𑌯𑌗𑍋𑌪𑍀𑌸𑌮𑍍𑌭𑍋𑌗𑌸𑌾𑌗𑌰𑌃 ॥ 185॥
𑌜𑌲𑌸𑍍𑌥𑌲𑌰𑌤𑌿𑌵𑍍𑌯𑌾𑌪𑍍𑌤𑌗𑍋𑌪𑍀𑌦𑍃𑌷𑍍𑌟𑍍𑌯𑌭𑌿𑌪𑍂𑌜𑌿𑌤𑌃 ।
𑌶𑌾𑌸𑍍𑌤𑍍𑌰𑌾𑌨𑌪𑍇𑌕𑍍𑌷𑌕𑌾𑌮𑍈𑌕𑌮𑍁𑌕𑍍𑌤𑌿𑌦𑍍𑌵𑌾𑌰𑌵𑌿𑌵𑌰𑍍𑌧𑌨𑌃 ॥ 186॥
𑌸𑍁𑌦𑌰𑍍𑌶𑌨𑌮𑌹𑌾𑌸𑌰𑍍𑌪𑌗𑍍𑌰𑌸𑍍𑌤𑌨𑌨𑍍𑌦𑌵𑌿𑌮𑍋𑌚𑌕𑌃 ।
𑌗𑍀𑌤𑌮𑍋𑌹𑌿𑌤𑌗𑍋𑌪𑍀𑌧𑍃𑌕𑍍𑌷𑌙𑍍𑌖𑌚𑍂𑌡𑌵𑌿𑌨𑌾𑌶𑌕𑌃 ॥ 187॥
𑌗𑍁𑌣𑌸𑌙𑍍𑌗𑍀𑌤𑌸𑌨𑍍𑌤𑍁𑌷𑍍𑌟𑌿𑌰𑍍𑌗𑍋𑌪𑍀𑌸𑌂𑌸𑌾𑌰𑌵𑌿𑌸𑍍𑌮𑍃𑌤𑌿𑌃 ।
𑌅𑌰𑌿𑌷𑍍𑌟𑌮𑌥𑌨𑍋 𑌦𑍈𑌤𑍍𑌯𑌬𑍁𑌦𑍍𑌧𑌿𑌵𑍍𑌯𑌾𑌮𑍋𑌹𑌕𑌾𑌰𑌕𑌃 ॥ 188॥
𑌕𑍇𑌶𑌿𑌘𑌾𑌤𑍀 𑌨𑌾𑌰𑌦𑍇𑌷𑍍𑌟𑍋 𑌵𑍍𑌯𑍋𑌮𑌾𑌸𑍁𑌰𑌵𑌿𑌨𑌾𑌶𑌕𑌃 ।
𑌅𑌕𑍍𑌰𑍂𑌰𑌭𑌕𑍍𑌤𑌿𑌸𑌂𑌰𑌾𑌦𑍍𑌧𑌪𑌾𑌦𑌰𑍇𑌣𑍁𑌮𑌹𑌾𑌨𑌿𑌧𑌿𑌃 ॥ 189॥
𑌰𑌥𑌾𑌵𑌰𑍋𑌹𑌶𑍁𑌦𑍍𑌧𑌾𑌤𑍍𑌮𑌾 𑌗𑍋𑌪𑍀𑌮𑌾𑌨𑌸𑌹𑌾𑌰𑌕𑌃 ।
𑌹𑍍𑌰𑌦𑌸𑌨𑍍𑌦𑌰𑍍𑌶𑌿𑌤𑌾𑌶𑍇𑌷𑌵𑍈𑌕𑍁𑌣𑍍𑌠𑌾𑌕𑍍𑌰𑍂𑌰𑌸𑌂𑌸𑍍𑌤𑍁𑌤𑌃 ॥ 190॥
𑌮𑌥𑍁𑌰𑌾𑌗𑌮𑌨𑍋𑌤𑍍𑌸𑌾𑌹𑍋 𑌮𑌥𑍁𑌰𑌾𑌭𑌾𑌗𑍍𑌯𑌭𑌾𑌜𑌨𑌮𑍍 ।
𑌮𑌥𑍁𑌰𑌾𑌨𑌗𑌰𑍀𑌶𑍋𑌭𑌾𑌦𑌰𑍍𑌶𑌨𑍋𑌤𑍍𑌸𑍁𑌕𑌮𑌾𑌨𑌸𑌃 ॥ 191॥
𑌦𑍁𑌷𑍍𑌟𑌰𑌞𑍍𑌜𑌕𑌘𑌾𑌤𑍀 𑌚 𑌵𑌾𑌯𑌕𑌾𑌰𑍍𑌚𑌿𑌤𑌵𑌿𑌗𑍍𑌰𑌹𑌃 ।
𑌵𑌸𑍍𑌤𑍍𑌰𑌮𑌾𑌲𑌾𑌸𑍁𑌶𑍋𑌭𑌾𑌙𑍍𑌗𑌃 𑌕𑍁𑌬𑍍𑌜𑌾𑌲𑍇𑌪𑌨𑌭𑍂𑌷𑌿𑌤𑌃 ॥ 192॥
𑌕𑍁𑌬𑍍𑌜𑌾𑌸𑍁𑌰𑍂𑌪𑌕𑌰𑍍𑌤𑌾 𑌚 𑌕𑍁𑌬𑍍𑌜𑌾𑌰𑌤𑌿𑌵𑌰𑌪𑍍𑌰𑌦𑌃 ।
𑌪𑍍𑌰𑌸𑌾𑌦𑌰𑍂𑌪𑌸𑌨𑍍𑌤𑍁𑌷𑍍𑌟𑌹𑌰𑌕𑍋𑌦𑌣𑍍𑌡𑌖𑌣𑍍𑌡𑌨𑌃 ॥ 193॥
𑌶𑌕𑌲𑌾𑌹𑌤𑌕𑌂𑌸𑌾𑌪𑍍𑌤𑌧𑌨𑍂𑌰𑌕𑍍𑌷𑌕𑌸𑍈𑌨𑌿𑌕𑌃 ।
𑌜𑌾𑌗𑍍𑌰𑌤𑍍𑌸𑍍𑌵𑌪𑍍𑌨𑌭𑌯𑌵𑍍𑌯𑌾𑌪𑍍𑌤𑌮𑍃𑌤𑍍𑌯𑍁𑌲𑌕𑍍𑌷𑌣𑌬𑍋𑌧𑌕𑌃 ॥ 194॥
𑌮𑌥𑍁𑌰𑌾𑌮𑌲𑍍𑌲 𑌓𑌜𑌸𑍍𑌵𑍀 𑌮𑌲𑍍𑌲𑌯𑍁𑌦𑍍𑌧𑌵𑌿𑌶𑌾𑌰𑌦𑌃 ।
𑌸𑌦𑍍𑌯𑌃 𑌕𑍁𑌵𑌲𑌯𑌾𑌪𑍀𑌡𑌘𑌾𑌤𑍀 𑌚𑌾𑌣𑍂𑌰𑌮𑌰𑍍𑌦𑌨𑌃 ॥ 195॥
𑌲𑍀𑌲𑌾𑌹𑌤𑌮𑌹𑌾𑌮𑌲𑍍𑌲𑌃 𑌶𑌲𑌤𑍋𑌶𑌲𑌘𑌾𑌤𑌕𑌃 ।
𑌕𑌂𑌸𑌾𑌨𑍍𑌤𑌕𑍋 𑌜𑌿𑌤𑌾𑌮𑌿𑌤𑍍𑌰𑍋 𑌵𑌸𑍁𑌦𑍇𑌵𑌵𑌿𑌮𑍋𑌚𑌕𑌃 ॥ 196॥
𑌜𑍍𑌞𑌾𑌤𑌤𑌤𑍍𑌤𑍍𑌵𑌪𑌿𑌤𑍃𑌜𑍍𑌞𑌾𑌨𑌮𑍋𑌹𑌨𑌾𑌮𑍃𑌤𑌵𑌾𑌙𑍍𑌮𑌯𑌃 ।
𑌉𑌗𑍍𑌰𑌸𑍇𑌨𑌪𑍍𑌰𑌤𑌿𑌷𑍍𑌠𑌾𑌤𑌾 𑌯𑌾𑌦𑌵𑌾𑌧𑌿𑌵𑌿𑌨𑌾𑌶𑌕𑌃 ॥ 197॥
𑌨𑌨𑍍𑌦𑌾𑌦𑌿𑌸𑌾𑌨𑍍𑌤𑍍𑌵𑌨𑌕𑌰𑍋 𑌬𑍍𑌰𑌹𑍍𑌮𑌚𑌰𑍍𑌯𑌵𑍍𑌰𑌤𑍇 𑌸𑍍𑌥𑌿𑌤𑌃 ।
𑌗𑍁𑌰𑍁𑌶𑍁𑌶𑍍𑌰𑍂𑌷𑌣𑌪𑌰𑍋 𑌵𑌿𑌦𑍍𑌯𑌾𑌪𑌾𑌰𑌮𑌿𑌤𑍇𑌶𑍍𑌵𑌰𑌃 ॥ 198॥
𑌸𑌾𑌨𑍍𑌦𑍀𑌪𑌨𑌿𑌮𑍃𑌤𑌾𑌪𑌤𑍍𑌯𑌦𑌾𑌤𑌾 𑌕𑌾𑌲𑌾𑌨𑍍𑌤𑌕𑌾𑌦𑌿𑌜𑌿𑌤𑍍 ।
𑌗𑍋𑌕𑍁𑌲𑌾𑌶𑍍𑌵𑌾𑌸𑌨𑌪𑌰𑍋 𑌯𑌶𑍋𑌦𑌾𑌨𑌨𑍍𑌦𑌪𑍋𑌷𑌕𑌃 ॥ 199॥
𑌗𑍋𑌪𑌿𑌕𑌾𑌵𑌿𑌰𑌹𑌵𑍍𑌯𑌾𑌜𑌮𑌨𑍋𑌗𑌤𑌿𑌰𑌤𑌿𑌪𑍍𑌰𑌦𑌃 ।
𑌸𑌮𑍋𑌦𑍍𑌧𑌵𑌭𑍍𑌰𑌮𑌰𑌵𑌾𑌕𑍍 𑌗𑍋𑌪𑌿𑌕𑌾𑌮𑍋𑌹𑌨𑌾𑌶𑌕𑌃 ॥ 200॥
𑌕𑍁𑌬𑍍𑌜𑌾𑌰𑌤𑌿𑌪𑍍𑌰𑌦𑍋𑌽𑌕𑍍𑌰𑍂𑌰𑌪𑌵𑌿𑌤𑍍𑌰𑍀𑌕𑍃𑌤𑌭𑍂𑌗𑍃𑌹𑌃 ।
𑌪𑍃𑌥𑌾𑌦𑍁𑌃𑌖𑌪𑍍𑌰𑌣𑍇𑌤𑌾 𑌚 𑌪𑌾𑌣𑍍𑌡𑌵𑌾𑌨𑌾𑌂 𑌸𑍁𑌖𑌪𑍍𑌰𑌦𑌃 ॥ 201॥
𑌦𑌶𑌮𑌸𑍍𑌕𑌨𑍍𑌧𑍋𑌤𑍍𑌤𑌰𑌾𑌰𑍍𑌧𑌨𑌾𑌮𑌾𑌨𑌿 𑌨𑌿𑌰𑍋𑌧𑌲𑍀𑌲𑌾
𑌜𑌰𑌾𑌸𑌨𑍍𑌧𑌸𑌮𑌾𑌨𑍀𑌤𑌸𑍈𑌨𑍍𑌯𑌘𑌾𑌤𑍀 𑌵𑌿𑌚𑌾𑌰𑌕𑌃 ।
𑌯𑌵𑌨𑌵𑍍𑌯𑌾𑌪𑍍𑌤𑌮𑌥𑍁𑌰𑌾𑌜𑌨𑌦𑌤𑍍𑌤𑌕𑍁𑌶𑌸𑍍𑌥𑌲𑌿𑌃 ॥ 202॥
𑌦𑍍𑌵𑌾𑌰𑌕𑌾𑌦𑍍𑌭𑍁𑌤𑌨𑌿𑌰𑍍𑌮𑌾𑌣𑌵𑌿𑌸𑍍𑌮𑌾𑌪𑌿𑌤𑌸𑍁𑌰𑌾𑌸𑍁𑌰𑌃 ।
𑌮𑌨𑍁𑌷𑍍𑌯𑌮𑌾𑌤𑍍𑌰𑌭𑍋𑌗𑌾𑌰𑍍𑌥𑌭𑍂𑌮𑍍𑌯𑌾𑌨𑍀𑌤𑍇𑌨𑍍𑌦𑍍𑌰𑌵𑍈𑌭𑌵𑌃 ॥ 203॥
𑌯𑌵𑌨𑌵𑍍𑌯𑌾𑌪𑍍𑌤𑌮𑌥𑍁𑌰𑌾𑌨𑌿𑌰𑍍𑌗𑌮𑌾𑌨𑌨𑍍𑌦𑌵𑌿𑌗𑍍𑌰𑌹𑌃 ।
𑌮𑍁𑌚𑍁𑌕𑍁𑌨𑍍𑌦𑌮𑌹𑌾𑌬𑍋𑌧𑌯𑌵𑌨𑌪𑍍𑌰𑌾𑌣𑌦𑌰𑍍𑌪𑌹𑌾 ॥ 204॥
𑌮𑍁𑌚𑍁𑌕𑍁𑌨𑍍𑌦𑌸𑍍𑌤𑍁𑌤𑌾𑌶𑍇𑌷𑌗𑍁𑌣𑌕𑌰𑍍𑌮𑌮𑌹𑍋𑌦𑌯𑌃 ।
𑌫𑌲𑌪𑍍𑌰𑌦𑌾𑌨𑌸𑌨𑍍𑌤𑍁𑌷𑍍𑌟𑌿𑌰𑍍𑌜𑌨𑍍𑌮𑌾𑌨𑍍𑌤𑌰𑌿𑌤𑌮𑍋𑌕𑍍𑌷𑌦𑌃 ॥ 205॥
𑌶𑌿𑌵𑌬𑍍𑌰𑌾𑌹𑍍𑌮𑌣𑌵𑌾𑌕𑍍𑌯𑌾𑌪𑍍𑌤𑌜𑌯𑌭𑍀𑌤𑌿𑌵𑌿𑌭𑌾𑌵𑌨𑌃 ।
𑌪𑍍𑌰𑌵𑌰𑍍𑌷𑌣𑌪𑍍𑌰𑌾𑌰𑍍𑌥𑌿𑌤𑌾𑌗𑍍𑌨𑌿𑌦𑌾𑌨𑌪𑍁𑌣𑍍𑌯𑌮𑌹𑍋𑌤𑍍𑌸𑌵𑌃 ॥ 206॥
𑌰𑍁𑌕𑍍𑌮𑌿𑌣𑍀𑌰𑌮𑌣𑌃 𑌕𑌾𑌮𑌪𑌿𑌤𑌾 𑌪𑍍𑌰𑌦𑍍𑌯𑍁𑌮𑍍𑌨𑌭𑌾𑌵𑌨𑌃 ।
𑌸𑍍𑌯𑌮𑌨𑍍𑌤𑌕𑌮𑌣𑌿𑌵𑍍𑌯𑌾𑌜𑌪𑍍𑌰𑌾𑌪𑍍𑌤𑌜𑌾𑌮𑍍𑌬𑌵𑌤𑍀𑌪𑌤𑌿𑌃 ॥ 207॥
𑌸𑌤𑍍𑌯𑌭𑌾𑌮𑌾𑌪𑍍𑌰𑌾𑌣𑌪𑌤𑌿𑌃 𑌕𑌾𑌲𑌿𑌨𑍍𑌦𑍀𑌰𑌤𑌿𑌵𑌰𑍍𑌧𑌨𑌃 ।
𑌮𑌿𑌤𑍍𑌰𑌵𑌿𑌨𑍍𑌦𑌾𑌪𑌤𑌿𑌃 𑌸𑌤𑍍𑌯𑌾𑌪𑌤𑌿𑌰𑍍𑌵𑍃𑌷𑌨𑌿𑌷𑍂𑌦𑌨𑌃 ॥ 208॥
𑌭𑌦𑍍𑌰𑌾𑌵𑌾𑌞𑍍𑌛𑌿𑌤𑌭𑌰𑍍𑌤𑌾 𑌚 𑌲𑌕𑍍𑌷𑍍𑌮𑌣𑌾𑌵𑌰𑌣𑌕𑍍𑌷𑌮𑌃 ।
𑌇𑌨𑍍𑌦𑍍𑌰𑌾𑌦𑌿𑌪𑍍𑌰𑌾𑌰𑍍𑌥𑌿𑌤𑌵𑌧𑌨𑌰𑌕𑌾𑌸𑍁𑌰𑌸𑍂𑌦𑌨𑌃 ॥ 209॥
𑌮𑍁𑌰𑌾𑌰𑌿𑌃 𑌪𑍀𑌠𑌹𑌨𑍍𑌤𑌾 𑌚 𑌤𑌾𑌮𑍍𑌰𑌾𑌦𑌿𑌪𑍍𑌰𑌾𑌣𑌹𑌾𑌰𑌕𑌃 ।
𑌷𑍋𑌡𑌶𑌸𑍍𑌤𑍍𑌰𑍀𑌸𑌹𑌸𑍍𑌰𑍇𑌶𑌃 𑌛𑌤𑍍𑌰𑌕𑍁𑌣𑍍𑌡𑌲𑌦𑌾𑌨𑌕𑍃𑌤𑍍 ॥ 210॥
𑌪𑌾𑌰𑌿𑌜𑌾𑌤𑌾𑌪𑌹𑌰𑌣𑍋 𑌦𑍇𑌵𑍇𑌨𑍍𑌦𑍍𑌰𑌮𑌦𑌨𑌾𑌶𑌕𑌃 ।
𑌰𑍁𑌕𑍍𑌮𑌿𑌣𑍀𑌸𑌮𑌸𑌰𑍍𑌵𑌸𑍍𑌤𑍍𑌰𑍀𑌸𑌾𑌧𑍍𑌯𑌭𑍋𑌗𑌰𑌤𑌿𑌪𑍍𑌰𑌦𑌃 ॥ 211॥
𑌰𑍁𑌕𑍍𑌮𑌿𑌣𑍀𑌪𑌰𑌿𑌹𑌾𑌸𑍋𑌕𑍍𑌤𑌿𑌵𑌾𑌕𑍍𑌤𑌿𑌰𑍋𑌧𑌾𑌨𑌕𑌾𑌰𑌕𑌃 ।
𑌪𑍁𑌤𑍍𑌰𑌪𑍗𑌤𑍍𑌰𑌮𑌹𑌾𑌭𑌾𑌗𑍍𑌯𑌗𑍃𑌹𑌧𑌰𑍍𑌮𑌪𑍍𑌰𑌵𑌰𑍍𑌤𑌕𑌃 ॥ 212॥
𑌶𑌮𑍍𑌬𑌰𑌾𑌨𑍍𑌤𑌕𑌸𑌤𑍍𑌪𑍁𑌤𑍍𑌰𑌵𑌿𑌵𑌾𑌹𑌹𑌤𑌰𑍁𑌕𑍍𑌮𑌿𑌕𑌃 ।
𑌉𑌷𑌾𑌪𑌹𑍃𑌤𑌪𑍗𑌤𑍍𑌰𑌶𑍍𑌰𑍀𑌰𑍍𑌬𑌾𑌣𑌬𑌾𑌹𑍁𑌨𑌿𑌵𑌾𑌰𑌕𑌃 ॥ 213॥
𑌶𑍀𑌤𑌜𑍍𑌵𑌰𑌭𑌯𑌵𑍍𑌯𑌾𑌪𑍍𑌤𑌜𑍍𑌵𑌰𑌸𑌂𑌸𑍍𑌤𑍁𑌤𑌷𑌡𑍍𑌗𑍁𑌣𑌃 ।
𑌶𑌙𑍍𑌕𑌰𑌪𑍍𑌰𑌤𑌿𑌯𑍋𑌦𑍍𑌧𑌾 𑌚 𑌦𑍍𑌵𑌨𑍍𑌦𑍍𑌵𑌯𑍁𑌦𑍍𑌧𑌵𑌿𑌶𑌾𑌰𑌦𑌃 ॥ 214॥
𑌨𑍃𑌗𑌪𑌾𑌪𑌪𑍍𑌰𑌭𑍇𑌤𑍍𑌤𑌾 𑌚 𑌬𑍍𑌰𑌹𑍍𑌮𑌸𑍍𑌵𑌗𑍁𑌣𑌦𑍋𑌷𑌦𑍃𑌕𑍍 ।
𑌵𑌿𑌷𑍍𑌣𑍁𑌭𑌕𑍍𑌤𑌿𑌵𑌿𑌰𑍋𑌧𑍈𑌕𑌬𑍍𑌰𑌹𑍍𑌮𑌸𑍍𑌵𑌵𑌿𑌨𑌿𑌵𑌾𑌰𑌕𑌃 ॥ 215॥
𑌬𑌲𑌭𑌦𑍍𑌰𑌾𑌹𑌿𑌤𑌗𑍁𑌣𑍋 𑌗𑍋𑌕𑍁𑌲𑌪𑍍𑌰𑍀𑌤𑌿𑌦𑌾𑌯𑌕𑌃 ।
𑌗𑍋𑌪𑍀𑌸𑍍𑌨𑍇𑌹𑍈𑌕𑌨𑌿𑌲𑌯𑍋 𑌗𑍋𑌪𑍀𑌪𑍍𑌰𑌾𑌣𑌸𑍍𑌥𑌿𑌤𑌿𑌪𑍍𑌰𑌦𑌃 ॥ 216॥
𑌵𑌾𑌕𑍍𑌯𑌾𑌤𑌿𑌗𑌾𑌮𑌿𑌯𑌮𑍁𑌨𑌾𑌹𑌲𑌾𑌕𑌰𑍍𑌷𑌣𑌵𑍈𑌭𑌵𑌃 ।
𑌪𑍗𑌣𑍍𑌡𑍍𑌰𑌕𑌤𑍍𑌯𑌾𑌜𑌿𑌤𑌸𑍍𑌪𑌰𑍍𑌧𑌃 𑌕𑌾𑌶𑍀𑌰𑌾𑌜𑌵𑌿𑌭𑍇𑌦𑌨𑌃 ॥ 217॥
𑌕𑌾𑌶𑍀𑌨𑌿𑌦𑌾𑌹𑌕𑌰𑌣𑌃 𑌶𑌿𑌵𑌭𑌸𑍍𑌮𑌪𑍍𑌰𑌦𑌾𑌯𑌕𑌃 ।
𑌦𑍍𑌵𑌿𑌵𑌿𑌦𑌪𑍍𑌰𑌾𑌣𑌘𑌾𑌤𑍀 𑌚 𑌕𑍗𑌰𑌵𑌾𑌖𑌰𑍍𑌵𑌗𑌰𑍍𑌵𑌨𑍁𑌤𑍍 ॥ 218॥
𑌲𑌾𑌙𑍍𑌗𑌲𑌾𑌕𑍃𑌷𑍍𑌟𑌨𑌗𑌰𑍀𑌸𑌂𑌵𑌿𑌗𑍍𑌨𑌾𑌖𑌿𑌲𑌨𑌾𑌗𑌰𑌃 ।
𑌪𑍍𑌰𑌪𑌨𑍍𑌨𑌾𑌭𑌯𑌦𑌃 𑌸𑌾𑌮𑍍𑌬𑌪𑍍𑌰𑌾𑌪𑍍𑌤𑌸𑌨𑍍𑌮𑌾𑌨𑌭𑌾𑌜𑌨𑌮𑍍 ॥ 219॥
𑌨𑌾𑌰𑌦𑌾𑌨𑍍𑌵𑌿𑌷𑍍𑌟𑌚𑌰𑌣𑍋 𑌭𑌕𑍍𑌤𑌵𑌿𑌕𑍍𑌷𑍇𑌪𑌨𑌾𑌶𑌕𑌃 ।
𑌸𑌦𑌾𑌚𑌾𑌰𑍈𑌕𑌨𑌿𑌲𑌯𑌃 𑌸𑍁𑌧𑌰𑍍𑌮𑌾𑌧𑍍𑌯𑌾𑌸𑌿𑌤𑌾𑌸𑌨𑌃 ॥ 220॥
𑌜𑌰𑌾𑌸𑌨𑍍𑌧𑌾𑌵𑌰𑍁𑌦𑍍𑌧𑍇𑌨 𑌵𑌿𑌜𑍍𑌞𑌾𑌪𑌿𑌤𑌨𑌿𑌜𑌕𑍍𑌲𑌮𑌃 ।
𑌮𑌨𑍍𑌤𑍍𑌰𑍍𑌯𑍁𑌦𑍍𑌧𑌵𑌾𑌦𑌿𑌵𑌾𑌕𑍍𑌯𑍋𑌕𑍍𑌤𑌪𑍍𑌰𑌕𑌾𑌰𑍈𑌕𑌪𑌰𑌾𑌯𑌣𑌃 ॥ 221॥
𑌰𑌾𑌜𑌸𑍂𑌯𑌾𑌦𑌿𑌮𑌖𑌕𑍃𑌤𑍍 𑌸𑌮𑍍𑌪𑍍𑌰𑌾𑌰𑍍𑌥𑌿𑌤𑌸𑌹𑌾𑌯𑌕𑍃𑌤𑍍 ।
𑌇𑌨𑍍𑌦𑍍𑌰𑌪𑍍𑌰𑌸𑍍𑌥𑌪𑍍𑌰𑌯𑌾𑌣𑌾𑌰𑍍𑌥𑌮𑌹𑌤𑍍𑌸𑌮𑍍𑌭𑌾𑌰𑌸𑌮𑍍𑌭𑍃𑌤𑌿𑌃 ॥ 222॥
𑌜𑌰𑌾𑌸𑌨𑍍𑌧𑌵𑌧𑌵𑍍𑌯𑌾𑌜𑌮𑍋𑌚𑌿𑌤𑌾𑌶𑍇𑌷𑌭𑍂𑌮𑌿𑌪𑌃 ।
𑌸𑌨𑍍𑌮𑌾𑌰𑍍𑌗𑌬𑍋𑌧𑌕𑍋 𑌯𑌜𑍍𑌞𑌕𑍍𑌷𑌿𑌤𑌿𑌵𑌾𑌰𑌣𑌤𑌤𑍍𑌪𑌰𑌃 ॥ 223॥
𑌶𑌿𑌶𑍁𑌪𑌾𑌲𑌹𑌤𑌿𑌵𑍍𑌯𑌾𑌜𑌜𑌯𑌶𑌾𑌪𑌵𑌿𑌮𑍋𑌚𑌕𑌃 ।
𑌦𑍁𑌰𑍍𑌯𑍋𑌧𑌨𑌾𑌭𑌿𑌮𑌾𑌨𑌾𑌬𑍍𑌧𑌿𑌶𑍋𑌷𑌬𑌾𑌣𑌵𑍃𑌕𑍋𑌦𑌰𑌃॥ 224॥
𑌮𑌹𑌾𑌦𑍇𑌵𑌵𑌰𑌪𑍍𑌰𑌾𑌪𑍍𑌤𑌪𑍁𑌰𑌶𑌾𑌲𑍍𑌵𑌵𑌿𑌨𑌾𑌶𑌕𑌃 ।
𑌦𑌨𑍍𑌤𑌵𑌕𑍍𑌤𑍍𑌰𑌵𑌧𑌵𑍍𑌯𑌾𑌜𑌵𑌿𑌜𑌯𑌾𑌘𑍗𑌘𑌨𑌾𑌶𑌕𑌃 ॥ 225॥
𑌵𑌿𑌦𑍂𑌰𑌥𑌪𑍍𑌰𑌾𑌣𑌹𑌰𑍍𑌤𑌾 𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑌾𑌸𑍍𑌤𑍍𑌰𑌵𑌿𑌗𑍍𑌰𑌹𑌃 ।
𑌉𑌪𑌧𑌰𑍍𑌮𑌵𑌿𑌲𑌿𑌪𑍍𑌤𑌾𑌙𑍍𑌗𑌸𑍂𑌤𑌘𑌾𑌤𑍀 𑌵𑌰𑌪𑍍𑌰𑌦𑌃 ॥ 226॥
𑌬𑌲𑍍𑌵𑌲𑌪𑍍𑌰𑌾𑌣𑌹𑌰𑌣𑌪𑌾𑌲𑌿𑌤𑌰𑍍𑌷𑌿𑌶𑍍𑌰𑍁𑌤𑌿𑌕𑍍𑌰𑌿𑌯𑌃 ।
𑌸𑌰𑍍𑌵𑌤𑍀𑌰𑍍𑌥𑌾𑌘𑌨𑌾𑌶𑌾𑌰𑍍𑌥𑌤𑍀𑌰𑍍𑌥𑌯𑌾𑌤𑍍𑌰𑌾𑌵𑌿𑌶𑌾𑌰𑌦𑌃 ॥ 227॥
𑌜𑍍𑌞𑌾𑌨𑌕𑍍𑌰𑌿𑌯𑌾𑌵𑌿𑌭𑍇𑌦𑍇𑌷𑍍𑌟𑌫𑌲𑌸𑌾𑌧𑌨𑌤𑌤𑍍𑌪𑌰𑌃 ।
𑌸𑌾𑌰𑌥𑍍𑌯𑌾𑌦𑌿𑌕𑍍𑌰𑌿𑌯𑌾𑌕𑌰𑍍𑌤𑌾 𑌭𑌕𑍍𑌤𑌵𑌶𑍍𑌯𑌤𑍍𑌵𑌬𑍋𑌧𑌕𑌃 ॥ 228॥
𑌸𑍁𑌦𑌾𑌮𑌾𑌰𑌙𑍍𑌕𑌭𑌾𑌰𑍍𑌯𑌾𑌰𑍍𑌥𑌭𑍂𑌮𑍍𑌯𑌾𑌨𑍀𑌤𑍇𑌨𑍍𑌦𑍍𑌰𑌵𑍈𑌭𑌵𑌃 ।
𑌰𑌵𑌿𑌗𑍍𑌰𑌹𑌨𑌿𑌮𑌿𑌤𑍍𑌤𑌾𑌪𑍍𑌤𑌕𑍁𑌰𑍁𑌕𑍍𑌷𑍇𑌤𑍍𑌰𑍈𑌕𑌪𑌾𑌵𑌨𑌃 ॥ 229॥
𑌨𑍃𑌪𑌗𑍋𑌪𑍀𑌸𑌮𑌸𑍍𑌤𑌸𑍍𑌤𑍍𑌰𑍀𑌪𑌾𑌵𑌨𑌾𑌰𑍍𑌥𑌾𑌖𑌿𑌲𑌕𑍍𑌰𑌿𑌯𑌃 ।
𑌋𑌷𑌿𑌮𑌾𑌰𑍍𑌗𑌪𑍍𑌰𑌤𑌿𑌷𑍍𑌠𑌾𑌤𑌾 𑌵𑌸𑍁𑌦𑍇𑌵𑌮𑌖𑌕𑍍𑌰𑌿𑌯𑌃 ॥ 230॥
𑌵𑌸𑍁𑌦𑍇𑌵𑌜𑍍𑌞𑌾𑌨𑌦𑌾𑌤𑌾 𑌦𑍇𑌵𑌕𑍀𑌪𑍁𑌤𑍍𑌰𑌦𑌾𑌯𑌕𑌃 ।
𑌅𑌰𑍍𑌜𑍁𑌨𑌸𑍍𑌤𑍍𑌰𑍀𑌪𑍍𑌰𑌦𑌾𑌤𑌾 𑌚 𑌬𑌹𑍁𑌲𑌾𑌶𑍍𑌵𑌸𑍍𑌵𑌰𑍂𑌪𑌦𑌃 ॥ 231॥
𑌶𑍍𑌰𑍁𑌤𑌦𑍇𑌵𑍇𑌷𑍍𑌟𑌦𑌾𑌤𑌾 𑌚 𑌸𑌰𑍍𑌵𑌶𑍍𑌰𑍁𑌤𑌿𑌨𑌿𑌰𑍂𑌪𑌿𑌤𑌃 ।
𑌮𑌹𑌾𑌦𑍇𑌵𑌾𑌦𑍍𑌯𑌤𑌿𑌶𑍍𑌰𑍇𑌷𑍍𑌠𑍋 𑌭𑌕𑍍𑌤𑌿𑌲𑌕𑍍𑌷𑌣𑌨𑌿𑌰𑍍𑌣𑌯𑌃 ॥ 232॥
𑌵𑍃𑌕𑌗𑍍𑌰𑌸𑍍𑌤𑌶𑌿𑌵𑌤𑍍𑌰𑌾𑌤𑌾 𑌨𑌾𑌨𑌾𑌵𑌾𑌕𑍍𑌯𑌵𑌿𑌶𑌾𑌰𑌦𑌃 ।
𑌨𑌰𑌗𑌰𑍍𑌵𑌵𑌿𑌨𑌾𑌶𑌾𑌰𑍍𑌥𑌹𑍃𑌤𑌬𑍍𑌰𑌾𑌹𑍍𑌮𑌣𑌬𑌾𑌲𑌕𑌃 ॥ 233॥
𑌲𑍋𑌕𑌾𑌲𑍋𑌕𑌪𑌰𑌸𑍍𑌥𑌾𑌨𑌸𑍍𑌥𑌿𑌤𑌬𑌾𑌲𑌕𑌦𑌾𑌯𑌕𑌃 ।
𑌦𑍍𑌵𑌾𑌰𑌕𑌾𑌸𑍍𑌥𑌮𑌹𑌾𑌭𑍋𑌗𑌨𑌾𑌨𑌾𑌸𑍍𑌤𑍍𑌰𑍀𑌰𑌤𑌿𑌵𑌰𑍍𑌧𑌨𑌃 ॥ 234॥
𑌮𑌨𑌸𑍍𑌤𑌿𑌰𑍋𑌧𑌾𑌨𑌕𑍃𑌤𑌵𑍍𑌯𑌗𑍍𑌰𑌸𑍍𑌤𑍍𑌰𑍀𑌚𑌿𑌤𑍍𑌤𑌭𑌾𑌵𑌿𑌤𑌃 ।
𑌮𑍁𑌕𑍍𑌤𑌿𑌲𑍀𑌲𑌾
𑌮𑍁𑌕𑍍𑌤𑌿𑌲𑍀𑌲𑌾𑌵𑌿𑌹𑌰𑌣𑍋 𑌮𑍗𑌶𑌲𑌵𑍍𑌯𑌾𑌜𑌸𑌂𑌹𑍃𑌤𑌿𑌃 ॥ 235॥
𑌶𑍍𑌰𑍀𑌭𑌾𑌗𑌵𑌤𑌧𑌰𑍍𑌮𑌾𑌦𑌿𑌬𑍋𑌧𑌕𑍋 𑌭𑌕𑍍𑌤𑌿𑌨𑍀𑌤𑌿𑌕𑍃𑌤𑍍 ।
𑌉𑌦𑍍𑌧𑌵𑌜𑍍𑌞𑌾𑌨𑌦𑌾𑌤𑌾 𑌚 𑌪𑌞𑍍𑌚𑌵𑌿𑌂𑌶𑌤𑌿𑌧𑌾 𑌗𑍁𑌰𑍁𑌃 ॥ 236॥
𑌆𑌚𑌾𑌰𑌭𑌕𑍍𑌤𑌿𑌮𑍁𑌕𑍍𑌤𑍍𑌯𑌾𑌦𑌿𑌵𑌕𑍍𑌤𑌾 𑌶𑌬𑍍𑌦𑍋𑌦𑍍𑌭𑌵𑌸𑍍𑌥𑌿𑌤𑌿𑌃 ।
𑌹𑌂𑌸𑍋 𑌧𑌰𑍍𑌮𑌪𑍍𑌰𑌵𑌕𑍍𑌤𑌾 𑌚 𑌸𑌨𑌕𑌾𑌦𑍍𑌯𑍁𑌪𑌦𑍇𑌶𑌕𑍃𑌤𑍍 ॥ 237॥
𑌭𑌕𑍍𑌤𑌿𑌸𑌾𑌧𑌨𑌵𑌕𑍍𑌤𑌾 𑌚 𑌯𑍋𑌗𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌃 ।
𑌨𑌾𑌨𑌾𑌵𑌿𑌭𑍂𑌤𑌿𑌵𑌕𑍍𑌤𑌾 𑌚 𑌶𑍁𑌦𑍍𑌧𑌧𑌰𑍍𑌮𑌾𑌵𑌬𑍋𑌧𑌕𑌃 ॥ 238॥
𑌮𑌾𑌰𑍍𑌗𑌤𑍍𑌰𑌯𑌵𑌿𑌭𑍇𑌦𑌾𑌤𑍍𑌮𑌾 𑌨𑌾𑌨𑌾𑌶𑌙𑍍𑌕𑌾𑌨𑌿𑌵𑌾𑌰𑌕𑌃 ।
𑌭𑌿𑌕𑍍𑌷𑍁𑌗𑍀𑌤𑌾𑌪𑍍𑌰𑌵𑌕𑍍𑌤𑌾 𑌚 𑌶𑍁𑌦𑍍𑌧𑌸𑌾𑌙𑍍𑌖𑍍𑌯𑌪𑍍𑌰𑌵𑌰𑍍𑌤𑌕𑌃 ॥ 239॥
𑌮𑌨𑍋𑌗𑍁𑌣𑌵𑌿𑌶𑍇𑌷𑌾𑌤𑍍𑌮𑌾 𑌜𑍍𑌞𑌾𑌪𑌕𑍋𑌕𑍍𑌤𑌪𑍁𑌰𑍂𑌰𑌵𑌾𑌃 ।
𑌪𑍂𑌜𑌾𑌵𑌿𑌧𑌿𑌪𑍍𑌰𑌵𑌕𑍍𑌤𑌾 𑌚 𑌸𑌰𑍍𑌵𑌸𑌿𑌦𑍍𑌧𑌾𑌨𑍍𑌤𑌬𑍋𑌧𑌕𑌃 ॥ 240॥
𑌲𑌘𑍁𑌸𑍍𑌵𑌮𑌾𑌰𑍍𑌗𑌵𑌕𑍍𑌤𑌾 𑌚 𑌸𑍍𑌵𑌸𑍍𑌥𑌾𑌨𑌗𑌤𑌿𑌬𑍋𑌧𑌕𑌃 ।
𑌯𑌾𑌦𑌵𑌾𑌙𑍍𑌗𑍋𑌪𑌸𑌂𑌹𑌰𑍍𑌤𑌾 𑌸𑌰𑍍𑌵𑌾𑌶𑍍𑌚𑌰𑍍𑌯𑌗𑌤𑌿𑌕𑍍𑌰𑌿𑌯𑌃 ॥ 241॥
𑌆𑌶𑍍𑌰𑌯𑌲𑍀𑌲𑌾
𑌕𑌾𑌲𑌧𑌰𑍍𑌮𑌵𑌿𑌭𑍇𑌦𑌾𑌰𑍍𑌥𑌵𑌰𑍍𑌣𑌨𑌾𑌶𑌨𑌤𑌤𑍍𑌪𑌰𑌃 ।
𑌬𑍁𑌦𑍍𑌧𑍋 𑌗𑍁𑌪𑍍𑌤𑌾𑌰𑍍𑌥𑌵𑌕𑍍𑌤𑌾 𑌚 𑌨𑌾𑌨𑌾𑌶𑌾𑌸𑍍𑌤𑍍𑌰𑌵𑌿𑌧𑌾𑌯𑌕𑌃 ॥ 242॥
𑌨𑌷𑍍𑌟𑌧𑌰𑍍𑌮𑌮𑌨𑍁𑌷𑍍𑌯𑌾𑌦𑌿𑌲𑌕𑍍𑌷𑌣𑌜𑍍𑌞𑌾𑌪𑌨𑍋𑌤𑍍𑌸𑍁𑌕𑌃 ।
𑌆𑌶𑍍𑌰𑌯𑍈𑌕𑌗𑌤𑌿𑌜𑍍𑌞𑌾𑌤𑌾 𑌕𑌲𑍍𑌕𑌿𑌃 𑌕𑌲𑌿𑌮𑌲𑌾𑌪𑌹𑌃 ॥ 243॥
𑌶𑌾𑌸𑍍𑌤𑍍𑌰𑌵𑍈𑌰𑌾𑌗𑍍𑌯𑌸𑌮𑍍𑌬𑍋𑌧𑍋 𑌨𑌾𑌨𑌾𑌪𑍍𑌰𑌲𑌯𑌬𑍋𑌧𑌕𑌃 ।
𑌵𑌿𑌶𑍇𑌷𑌤𑌃 𑌶𑍁𑌕𑌵𑍍𑌯𑌾𑌜𑌪𑌰𑍀𑌕𑍍𑌷𑌿𑌜𑍍𑌜𑍍𑌞𑌾𑌨𑌬𑍋𑌧𑌕𑌃 ॥ 244॥
𑌶𑍁𑌕𑍇𑌷𑍍𑌟𑌗𑌤𑌿𑌰𑍂𑌪𑌾𑌤𑍍𑌮𑌾 𑌪𑌰𑍀𑌕𑍍𑌷𑌿𑌦𑍍𑌦𑍇𑌹𑌮𑍋𑌕𑍍𑌷𑌦𑌃 ।
𑌶𑌬𑍍𑌦𑌰𑍂𑌪𑍋 𑌨𑌾𑌦𑌰𑍂𑌪𑍋 𑌵𑍇𑌦𑌰𑍂𑌪𑍋 𑌵𑌿𑌭𑍇𑌦𑌨𑌃 ॥ 245॥
𑌵𑍍𑌯𑌾𑌸𑌃 𑌶𑌾𑌖𑌾𑌪𑍍𑌰𑌵𑌕𑍍𑌤𑌾 𑌚 𑌪𑍁𑌰𑌾𑌣𑌾𑌰𑍍𑌥𑌪𑍍𑌰𑌵𑌰𑍍𑌤𑌕𑌃 ।
𑌮𑌾𑌰𑍍𑌕𑌣𑍍𑌡𑍇𑌯𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌵𑌟𑌪𑌤𑍍𑌰𑌪𑍁𑌟𑍇𑌶𑌯𑌃 ॥ 246॥
𑌮𑌾𑌯𑌾𑌵𑍍𑌯𑌾𑌪𑍍𑌤𑌮𑌹𑌾𑌮𑍋𑌹𑌦𑍁𑌃𑌖𑌶𑌾𑌨𑍍𑌤𑌿𑌪𑍍𑌰𑌵𑌰𑍍𑌤𑌕𑌃 ।
𑌮𑌹𑌾𑌦𑍇𑌵𑌸𑍍𑌵𑌰𑍂𑌪𑌶𑍍𑌚 𑌭𑌕𑍍𑌤𑌿𑌦𑌾𑌤𑌾 𑌕𑍃𑌪𑌾𑌨𑌿𑌧𑌿𑌃 ॥ 247॥
𑌆𑌦𑌿𑌤𑍍𑌯𑌾𑌨𑍍𑌤𑌰𑍍𑌗𑌤𑌃 𑌕𑌾𑌲𑌃 𑌦𑍍𑌵𑌾𑌦𑌶𑌾𑌤𑍍𑌮𑌾 𑌸𑍁𑌪𑍂𑌜𑌿𑌤𑌃 ।
𑌶𑍍𑌰𑍀𑌭𑌾𑌗𑌵𑌤𑌰𑍂𑌪𑌶𑍍𑌚 𑌸𑌰𑍍𑌵𑌾𑌰𑍍𑌥𑌫𑌲𑌦𑌾𑌯𑌕𑌃 ॥ 248॥
𑌇𑌤𑍀𑌦𑌂 𑌕𑍀𑌰𑍍𑌤𑌨𑍀𑌯𑌸𑍍𑌯 𑌹𑌰𑍇𑌰𑍍𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌪𑌞𑍍𑌚𑌸𑌪𑍍𑌤𑌤𑌿𑌵𑌿𑌸𑍍𑌤𑍀𑌰𑍍𑌣𑌂 𑌪𑍁𑌰𑌾𑌣𑌾𑌨𑍍𑌤𑌰𑌭𑌾𑌷𑌿𑌤𑌮𑍍 ॥ 249॥
𑌯 𑌏𑌤𑌤𑍍𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌶𑍍𑌰𑌦𑍍𑌧𑌾𑌵𑌾𑌨𑍍 𑌸𑍁𑌸𑌮𑌾𑌹𑌿𑌤𑌃 ।
𑌜𑌪𑍇𑌦𑌰𑍍𑌥𑌾𑌹𑌿𑌤𑌮𑌤𑌿𑌃 𑌸 𑌗𑍋𑌵𑌿𑌨𑍍𑌦𑌪𑌦𑌂 𑌲𑌭𑍇𑌤𑍍 ॥ 250॥
𑌸𑌰𑍍𑌵𑌧𑌰𑍍𑌮𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑌰𑍍𑌵𑌸𑌾𑌧𑌨𑌵𑌰𑍍𑌜𑌿𑌤𑌃 ।
𑌏𑌤𑌦𑍍𑌧𑌾𑌰𑌣𑌮𑌾𑌤𑍍𑌰𑍇𑌣 𑌕𑍃𑌷𑍍𑌣𑌸𑍍𑌯 𑌪𑌦𑌵𑍀𑌂 𑌵𑍍𑌰𑌜𑍇𑌤𑍍 ॥ 251॥
𑌹𑌰𑍍𑌯𑌾𑌵𑍇𑌶𑌿𑌤𑌚𑌿𑌤𑍍𑌤𑍇𑌨 𑌶𑍍𑌰𑍀𑌭𑌾𑌗𑌵𑌤𑌸𑌾𑌗𑌰𑌾𑌤𑍍 ।
𑌸𑌮𑍁𑌦𑍍𑌧𑍃𑌤𑌾𑌨𑌿 𑌨𑌾𑌮𑌾𑌨𑌿 𑌚𑌿𑌨𑍍𑌤𑌾𑌮𑌣𑌿𑌨𑌿𑌭𑌾𑌨𑌿 𑌹𑌿 ॥ 252॥
𑌕𑌣𑍍𑌠𑌸𑍍𑌥𑌿𑌤𑌾𑌨𑍍𑌯𑌰𑍍𑌥𑌦𑍀𑌪𑍍𑌤𑍍𑌯𑌾 𑌬𑌾𑌧𑌨𑍍𑌤𑍇𑌽𑌜𑍍𑌞𑌾𑌨𑌜𑌂 𑌤𑌮𑌃 ।
𑌭𑌕𑍍𑌤𑌿𑌂 𑌶𑍍𑌰𑍀𑌕𑍃𑌷𑍍𑌣𑌦𑍇𑌵𑌸𑍍𑌯 𑌸𑌾𑌧𑌯𑌨𑍍𑌤𑌿 𑌵𑌿𑌨𑌿𑌶𑍍𑌚𑌿𑌤𑌮𑍍 ॥ 253॥
𑌕𑌿𑌮𑍍𑌬𑌹𑍂𑌕𑍍𑌤𑍇𑌨 𑌭𑌗𑌵𑌾𑌨𑍍 𑌨𑌾𑌮𑌭𑌿𑌃 𑌸𑍍𑌤𑍁𑌤𑌷𑌡𑍍𑌗𑍁𑌣𑌃 ।
𑌆𑌤𑍍𑌮𑌭𑌾𑌵𑌂 𑌨𑌯𑌤𑍍𑌯𑌾𑌶𑍁 𑌭𑌕𑍍𑌤𑌿𑌂 𑌚 𑌕𑍁𑌰𑍁𑌤𑍇 𑌦𑍃𑌢𑌾𑌮𑍍 ॥ 254॥
𑌯𑌃 𑌕𑍃𑌷𑍍𑌣𑌭𑌕𑍍𑌤𑌿𑌮𑌿𑌹 𑌵𑌾𑌞𑍍𑌛𑌤𑌿 𑌸𑌾𑌧𑌨𑍗𑌘𑍈𑌰𑍍-
𑌨𑌾𑌮𑌾𑌨𑌿 𑌭𑌾𑌸𑍁𑌰𑌯𑌶𑌾𑌂𑌸𑌿 𑌜𑌪𑍇𑌤𑍍𑌸 𑌨𑌿𑌤𑍍𑌯𑌮𑍍 ।
𑌤𑌂 𑌵𑍈 𑌹𑌰𑌿𑌃 𑌸𑍍𑌵𑌪𑍁𑌰𑍁𑌷𑌂 𑌕𑍁𑌰𑍁𑌤𑍇𑌽𑌤𑌿𑌶𑍀𑌘𑍍𑌰𑌮𑍍-
𑌆𑌤𑍍𑌮𑌾𑌰𑍍𑌪𑌣𑌂 𑌸𑌮𑌧𑌿𑌗𑌚𑍍𑌛𑌤𑌿 𑌭𑌾𑌵𑌤𑍁𑌷𑍍𑌟𑌃 ॥ 255॥
𑌶𑍍𑌰𑍀𑌕𑍃𑌷𑍍𑌣 𑌕𑍃𑌷𑍍𑌣𑌸𑌖 𑌵𑍃𑌷𑍍𑌣𑌿𑌵𑍃𑌷𑌾𑌵𑌨𑌿𑌧𑍍𑌰𑍁𑌗𑍍-
𑌰𑌾𑌜𑌨𑍍𑌯𑌵𑌂𑌶𑌦𑌹𑌨𑌾𑌨𑌪𑌵𑌰𑍍𑌗𑌵𑍀𑌰𑍍𑌯 ।
𑌗𑍋𑌵𑌿𑌨𑍍𑌦 𑌗𑍋𑌪𑌵𑌨𑌿𑌤𑌾𑌵𑍍𑌰𑌜𑌭𑍃𑌤𑍍𑌯𑌗𑍀𑌤
𑌤𑍀𑌰𑍍𑌥𑌶𑍍𑌰𑌵𑌃 𑌶𑍍𑌰𑌵𑌣𑌮𑌙𑍍𑌗𑌲 𑌪𑌾𑌹𑌿 𑌭𑍃𑌤𑍍𑌯𑌾𑌨𑍍 ॥ 256॥
॥ 𑌇𑌤𑌿 𑌶𑍍𑌰𑍀𑌭𑌾𑌗𑌵𑌤𑌸𑌾𑌰𑌸𑌮𑍁𑌚𑍍𑌚𑌯𑍇 𑌵𑍈𑌶𑍍𑌵𑌾𑌨𑌰𑍋𑌕𑍍𑌤𑌂
𑌶𑍍𑌰𑍀𑌵𑌲𑍍𑌲𑌭𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂
𑌶𑍍𑌰𑍀𑌪𑍁𑌰𑍁𑌷𑍋𑌤𑍍𑌤𑌮𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
viniyogaḥ
purāṇapuruṣo viṣṇuḥ puruṣottama ucyate |
nāmnāṃ sahasraṃ vakṣyāmi tasya bhāgavatoddhṛtam || 1||
yasya prasādādvāgīśāḥ prajeśā vibhavonnatāḥ |
kṣudrā api bhavantyāśu śrīkṛṣṇaṃ taṃ nato'smyaham || 2||
anantā eva kṛṣṇasya līlā nāmapravartikāḥ |
uktā bhāgavate gūhāḥ prakaṭā api kutracit || 3||
atastāni pravakṣyāmi nāmāni muravairiṇaḥ |
sahasraṃ yaistu paṭhitaiḥ paṭhitaṃ syācchukāmṛtam || 4||
kṛṣṇanāmasahasrasya ṛṣiragnirnirūpitaḥ |
gāyatrī ca tathā chando devatā puruṣottamaḥ || 5||
viniyogaḥ samasteṣu puruṣārtheṣu vai mataḥ |
bījaṃ bhaktapriyaḥ śaktiḥ satyavāgucyate hariḥ || 6||
bhaktoddharaṇayatnastu mantro'tra paramo mataḥ |
avatāritabhaktāṃśaḥ kīlakaṃ parikīrtitam || 7||
astraṃ sarvasamarthaśca govindaḥ kavacaṃ matam |
puruṣo dhyānamatroktaḥ siddhiḥ śaraṇasaṃsmṛtiḥ || 8||
adhikāralīlā
śrīkṛṣṇaḥ saccidānando nityalīlāvinodakṛt |
sarvāgamavinodī ca lakṣmīśaḥ puruṣottamaḥ || 9||
ādikālaḥ sarvakālaḥ kālātmā māyayāvṛtaḥ |
bhaktoddhāraprayatnātmā jagatkartā jaganmayaḥ || 10||
nāmalīlāparo viṣṇurvyāsātmā śukamokṣadaḥ |
vyāpivaikuṇṭhadātā ca śrīmadbhāgavatāgamaḥ || 11||
śukavāgamṛtābdhīnduḥ śaunakādyakhileṣṭadaḥ |
bhaktipravartakastrātā vyāsacintāvināśakaḥ || 12||
sarvasiddhāntavāgātmā nāradādyakhileṣṭadaḥ |
antarātmā dhyānagamyo bhaktiratnapradāyakaḥ || 13||
muktopasṛpyaḥ pūrṇātmā muktānāṃ rativardhanaḥ |
bhaktakāryaikanirato drauṇyastravinivārakaḥ || 14||
bhaktasmayapraṇetā ca bhaktavākparipālakaḥ |
brahmaṇyadevo dharmātmā bhaktānāṃ ca parīkṣakaḥ || 15||
āsannahitakartā ca māyāhitakaraḥ prabhuḥ |
uttarāprāṇadātā ca brahmāstravinivārakaḥ || 16||
sarvataḥ pāṇavapatiḥ parīkṣicchuddhikāraṇam |
gūhātmā sarvavedeṣu bhaktaikahṛdayaṅgamaḥ || 17||
kuntīstutyaḥ prasannātmā paramādbhutakāryakṛt |
bhīṣmamuktipradaḥ svāmī bhaktamohanivārakaḥ || 18||
sarvāvasthāsu saṃsevyaḥ samaḥ sukhahitapradaḥ |
kṛtakṛtyaḥ sarvasākṣī bhaktastrīrativardhanaḥ || 19||
sarvasaubhāgyanilayaḥ paramāścaryarūpadhṛk |
ananyapuruṣasvāmī dvārakābhāgyabhājanam || 20||
bījasaṃskārakartā ca parīkṣijjānapoṣakaḥ |
sarvatrapūrṇaguṇakaḥ sarvabhūṣaṇabhūṣitaḥ || 21||
sarvalakṣaṇadātā ca dhṛtarāṣṭravimuktidaḥ |
sanmārgarakṣako nityaṃ viduraprītipūrakaḥ || 22||
līlāvyāmohakartā ca kāladharmapravartakaḥ |
pāṇavānāṃ mokṣadātā parīkṣidbhāgyavardhanaḥ || 23||
kalinigrahakartā ca dharmādīnāṃ ca poṣakaḥ |
satsaṅgajānahetuśca śrībhāgavatakāraṇam || 24||
prākṛtādṛṣṭamārgaśca|||||||||||| continued
jñāna-sādhana-līlā
|||||||||||||||||||||||| śrotavyaḥ sakalāgamaiḥ |
kīrtitavyaḥ śuddhabhāvaiḥ smartavyaścātmavittamaiḥ || 25||
anekamārgakartā ca nānāvidhagatipradaḥ |
puruṣaḥ sakalādhāraḥ sattvaikanilayātmabhūḥ || 26||
sarvadhyeyo yogagamyo bhaktyā grāhyaḥ surapriyaḥ |
janmādisārthakakṛtirlīlākartā patiḥ satām || 27||
ādikartā tattvakartā sarvakartā viśāradaḥ |
nānāvatārakartā ca brahmāvirbhāvakāraṇam || 28||
daśalīlāvinodī ca nānāsṛṣṭipravartakaḥ |
anekakalpakartā ca sarvadoṣavivarjitaḥ || 29||
sargalīlā
vairāgyahetustīrthātmā sarvatīrthaphalapradaḥ |
tīrthaśuddhaikanilayaḥ svamārgaparipoṣakaḥ || 30||
tīrthakīrtirbhaktagamyo bhaktānuśayakāryakṛt |
bhaktatulyaḥ sarvatulyaḥ svecchāsarvapravartakaḥ || 31||
guṇātīto'navadyātmā sargalīlāpravartakaḥ |
sākṣātsarvajagatkartā mahadādipravartakaḥ || 32||
māyāpravartakaḥ sākṣī māyārativivardhanaḥ |
ākāśātmā caturmūrtiścaturdhā bhūtabhāvanaḥ || 33||
rajaḥpravartako brahmā marīcyādipitāmahaḥ |
vedakartā yajñakartā sarvakartā'mitātmakaḥ || 34||
anekasṛṣṭikartā ca daśadhāsṛṣṭikārakaḥ |
yajñāṅgo yajñavārāho bhūdharo bhūmipālakaḥ || 35||
seturvidharaṇo jaitro hiraṇyākṣāntakaḥ suraḥ |
ditikaśyapakāmaikahetusṛṣṭipravartakaḥ || 36||
devābhayapradātā ca vaikuṇṭhādhipatirmahān |
sarvagarvaprahārī ca sanakādyakhilārthadaḥ || 37||
sarvāśvāsanakartā ca bhaktatulyāhavapradaḥ |
kālalakṣaṇahetuśca sarvārthajñāpakaḥ paraḥ || 38||
bhaktonnatikaraḥ sarvaprakārasukhadāyakaḥ |
nānāyuddhapraharaṇo brahmaśāpavimocakaḥ || 39||
puṣṭisargapraṇetā ca guṇasṛṣṭipravartakaḥ |
kardameṣṭapradātā ca devahūtyakhilārthadaḥ || 40||
śuklanārāyaṇaḥ satyakāladharmapravartakaḥ |
jñānāvatāraḥ śāntātmā kapilaḥ kālanāśakaḥ || 41||
triguṇādhipatiḥ sāṅkhyaśāstrakartā viśāradaḥ |
sargadūṣaṇahārī ca puṣṭimokṣapravartakaḥ || 42||
laukikānandadātā ca brahmānandapravartakaḥ |
bhaktisiddhāntavaktā ca saguṇajñānadīpakaḥ || 43||
ātmapradaḥ pūrṇakāmo yogātmā yogabhāvitaḥ |
jīvanmuktipradaḥ śrīmānanyabhaktipravartakaḥ || 44||
kālasāmarthyadātā ca kāladoṣanivārakaḥ |
garbhottamajñānadātā karmamārganiyāmakaḥ || 45||
sarvamārganirākartā bhaktimārgaikapoṣakaḥ |
siddhihetuḥ sarvahetuḥ sarvāścaryaikakāraṇam || 46||
cetanācetanapatiḥ samudraparipūjitaḥ |
sāṅkhyācāryastutaḥ siddhapūjitaḥ sarvapūjitaḥ || 47||
visargalīlā
visargakartā sarveśaḥ koṭisūryasamaprabhaḥ |
anantaguṇagambhīro mahāpuruṣapūjitaḥ || 48||
anantasukhadātā ca brahmakoṭiprajāpatiḥ |
sudhākoṭisvāsthyahetuḥ kāmadhukkoṭikāmadaḥ || 49||
samudrakoṭigambhīrastīrthakoṭisamāhvayaḥ |
sumerukoṭiniṣkampaḥ koṭibrahmāṇḍavigrahaḥ || 50||
koṭyaśvamedhapāpaghno vāyukoṭimahābalaḥ |
koṭīndujagadānandī śivakoṭiprasādakṛt || 51||
sarvasadguṇamāhātmyaḥ sarvasadguṇabhājanam |
manvādiprerako dharmo yajñanārāyaṇaḥ paraḥ || 52||
ākūtisūnurdevendro rucijanmā'bhayapradaḥ |
dakṣiṇāpatirojasvī kriyāśaktiḥ parāyaṇaḥ || 53||
dattātreyo yogapatiryogamārgapravartakaḥ |
anasūyāgarbharatnamṛṣivaṃśavivardhanaḥ || 54||
guṇatrayavibhāgajñaścaturvargaviśāradaḥ |
nārāyaṇo dharmasūnurmūrtipuṇyayaśaskaraḥ || 55||
sahasrakavacacchedī tapaḥsāro narapriyaḥ |
viśvānandapradaḥ karmasākṣī bhāratapūjitaḥ || 56||
anantādbhutamāhātmyo badarīsthānabhūṣaṇam |
jitakāmo jitakrodho jitasaṅgo jitendriyaḥ || 57||
urvaśīprabhavaḥ svargasukhadāyī sthitipradaḥ |
amānī mānado goptā bhagavacchāstrabodhakaḥ || 58||
brahmādivandyo haṃsaśrīrmāyāvaibhavakāraṇam |
vividhānantasargātmā viśvapūraṇatatparaḥ || 59||
yajñajīvanahetuśca yajñasvāmīṣṭabodhakaḥ |
nānāsiddhāntagamyaśca saptatantuśca ṣaḍguṇaḥ || 60||
pratisargajagatkartā nānālīlāviśāradaḥ |
dhruvapriyo dhruvasvāmī cintitādhikadāyakaḥ || 61||
durlabhānantaphalado dayānidhiramitrahā |
aṅgasvāmī kṛpāsāro vainyo bhūminiyāmakaḥ || 62||
bhūmidogdhā prajāprāṇapālanaikaparāyaṇaḥ |
yaśodātā jñānadātā sarvadharmapradarśakaḥ || 63||
purañjano jaganmitraṃ visargāntapradarśakaḥ |
pracetasāṃ patiścitrabhaktiheturjanārdanaḥ || 64||
smṛtihetubrahmabhāvasāyujyādipradaḥ śubhaḥ |
vijayī |||||||||||||||||||| continued
sthānalīlā
|||| sthitilīlābdhiracyuto vijayapradaḥ || 65||
svasāmarthyaprado bhaktakīrtiheturadhokṣajaḥ |
priyavratapriyasvāmī svecchāvādaviśāradaḥ || 66||
saṅgyagamyaḥ svaprakāśaḥ sarvasaṅgavivarjitaḥ |
icchāyāṃ ca samaryādastyāgamātropalambhanaḥ || 67||
acintyakāryakartā ca tarkāgocarakāryakṛt |
śaṛṅgārarasamaryādā āgnīdhrarasabhājanam || 68||
nābhīṣṭapūrakaḥ karmamaryādādarśanotsukaḥ |
sarvarūpo'dbhutatamo maryādāpuruṣottamaḥ || 69||
sarvarūpeṣu satyātmā kālasākṣī śaśiprabhaḥ |
merudevīvrataphalamṛṣabho bhagalakṣaṇaḥ || 70||
jagatsantarpako megharūpī devendradarpahā |
jayantīpatiratyantapramāṇāśeṣalaukikaḥ || 71||
śatadhānyastabhūtātmā śatānando guṇaprasūḥ |
vaiṣṇavotpādanaparaḥ sarvadharmopadeśakaḥ || 72||
parahaṃsakriyāgoptā yogacaryāpradarśakaḥ |
caturthāśramanirṇetā sadānandaśarīravān || 73||
pradarśitānyadharmaśca bharatasvāmyapārakṛt |
yathāvatkarmakartā ca saṅgāniṣṭapradarśakaḥ || 74||
āvaśyakapunarjanmakarmamārgapradarśakaḥ |
yajñarūpamṛgaḥ śāntaḥ sahiṣṇuḥ satparākramaḥ || 75||
rahūgaṇagatijñaśca rahūgaṇavimocakaḥ |
bhavāṭavītattvavaktā bahirmukhahite rataḥ || 76||
gayasvāmī sthānavaṃśakartā sthānavibhedakṛt |
puruṣāvayavo bhūmiviśeṣavinirūpakaḥ || 77||
jambūdvīpapatirmerunābhipadmaruhāśrayaḥ |
nānāvibhūtilīlāḍhyo gaṅgotpattinidānakṛt || 78||
gaṅgāmāhātmyahetuśca gaṅgārūpo'tigūḍhakṛt |
vaikuṇṭhadehahetvambujanmakṛt sarvapāvanaḥ || 79||
śivasvāmī śivopāsyo gūḍhaḥ saṅkarṣaṇātmakaḥ |
sthānarakṣārthamatsyādirūpaḥ sarvaikapūjitaḥ || 80||
upāsyanānārūpātmā jyotīrūpo gatipradaḥ |
sūryanārāyaṇo vedakāntirujjvalaveṣadhṛk || 81||
haṃso'ntarikṣagamanaḥ sarvaprasavakāraṇam |
ānandakartā vasudo budho vākpatirujjvalaḥ || 82||
kālātmā kālakālaśca kālacchedakṛduttamaḥ |
śiśumāraḥ sarvamūrtirādhidaivikarūpadhṛk || 83||
anantasukhabhogāḍhyo vivaraiśvaryabhājanam |
saṅkarṣaṇo daityapatiḥ sarvādhāro bṛhadvapuḥ || 84||
anantanarakacchedī smṛtimātrārtināśanaḥ |
sarvānugrahakartā ca |||||||||||||||||||| continued
poṣaṇa-puṣṭi-līlā
|||||||||||||||| maryādābhinnaśāstrakṛt || 85 ||
kālāntakabhayacchedī nāmasāmarthyarūpadhṛk |
uddhārānarhagoptrātmā nāmādiprerakottamaḥ || 86||
ajāmilamahāduṣṭamocako'ghavimocakaḥ |
dharmavaktā'kliṣṭavaktā viṣṇudharmasvarūpadhṛk || 87||
sanmārgaprerako dhartā tyāgaheturadhokṣajaḥ |
vaikuṇṭhapuranetā ca dāsasaṃvṛddhikārakaḥ || 88||
dakṣaprasādakṛddhaṃsaguhyastutivibhāvanaḥ |
svābhiprāyapravaktā ca muktajīvaprasūtikṛt || 89||
nāradapreraṇātmā ca haryaśvabrahmabhāvanaḥ |
śabalāśvahito gūḍhavākyārthajñāpanakṣamaḥ || 90||
gūḍhārthajñāpanaḥ sarvamokṣānandapratiṣṭhitaḥ |
puṣṭiprarohahetuśca dāsaikajñātahṛdgataḥ || 91||
śāntikartā suhitakṛt strīprasūḥ sarvakāmadhuk |
puṣṭivaṃśapraṇetā ca viśvarūpeṣṭadevatā || 92||
kavacātmā pālanātmā varmopacitikāraṇam |
viśvarūpaśiraśchedī tvāṣṭrayajñavināśakaḥ || 93||
vṛtrasvāmī vṛtragamyo vṛtravrataparāyaṇaḥ |
vṛtrakīrtirvṛtramokṣo maghavatprāṇarakṣakaḥ || 94||
aśvamedhahavirbhoktā devendrāmīvanāśakaḥ |
saṃsāramocakaścitraketubodhanatatparaḥ || 95||
mantrasiddhiḥ siddhihetuḥ susiddhiphaladāyakaḥ |
mahādevatiraskartā bhaktyai pūrvārthanāśakaḥ || 96||
devabrāhmaṇavidveṣavaimukhyajñāpakaḥ śivaḥ |
ādityo daityarājaśca mahatpatiracintyakṛt || 97||
marutāṃ bhedakastrātā vratātmā pumprasūtikṛt |
ūtilīlā
karmātmā vāsanātmā ca ūtilīlāparāyaṇaḥ || 98||
samadaityasuraḥ svātmā vaiṣamyajñānasaṃśrayaḥ |
dehādyupādhirahitaḥ sarvajñaḥ sarvahetuvid || 99||
brahmavāksthāpanaparaḥ svajanmāvadhikāryakṛt |
sadasadvāsanāhetustrisatyo bhaktamocakaḥ || 100||
hiraṇyakaśipudveṣī praviṣṭātmā'tibhīṣaṇaḥ |
śāntijñānādihetuśca prahlādotpattikāraṇam || 101||
daityasiddhāntasadvaktā tapaḥsāra udāradhīḥ |
daityahetuprakaṭano bhakticihnaprakāśakaḥ || 102||
saddveṣahetuḥ saddveṣavāsanātmā nirantaraḥ |
naiṣṭhuryasīmā prahlādavatsalaḥ saṅgadoṣahā || 103||
mahānubhāvaḥ sākāraḥ sarvākāraḥ pramāṇabhūḥ |
stambhaprasūtirnṛharirnṛsiṃho bhīmavikramaḥ || 104||
vikaṭāsyo lalajjihvo nakhaśastro javotkaṭaḥ |
hiraṇyakaśipucchedī krūradaityanivārakaḥ || 105||
siṃhāsanasthaḥ krodhātmā lakṣmībhayavivardhanaḥ |
brahmādyatyantabhayabhūrapūrvācintyarūpadhṛk || 106||
bhaktaikaśāntahṛdayo bhaktastutyaḥ stutipriyaḥ |
bhaktāṅgalehanoddhūtakrodhapuṅjaḥ praśāntadhīḥ || 107||
smṛtimātrabhayatrātā brahmabuddhipradāyakaḥ |
gorūpadhāryamṛtapāḥ śivakīrtivivardhanaḥ || 108||
dharmātmā sarvakarmātmā viśeṣātmā''śramaprabhuḥ |
saṃsāramagnasvoddhartā sanmārgākhilatattvavāk || 109||
ācārātmā sadācāraḥ |||||||||||||||||| continued
manvantaralīlā
||||||||||||||||||||manvantaravibhāvanaḥ |
smṛtyā'śeṣāśubhaharo gajendrasmṛtikāraṇam || 110||
jātismaraṇahetvaikapūjābhaktisvarūpadaḥ |
yajño bhayānmanutrātā vibhurbrahmavratāśrayaḥ || 111||
satyaseno duṣṭaghātī harirgajavimocakaḥ |
vaikuṇṭho lokakartā ca ajito'mṛtakāraṇam || 112||
urukramo bhūmihartā sārvabhaumo balipriyaḥ |
vibhuḥ sarvahitaikātmā viṣvaksenaḥ śivapriyaḥ || 113||
dharmaseturlokadhṛtiḥ sudhāmāntarapālakaḥ |
upahartā yogapatirbṛhadbhānuḥ kriyāpatiḥ || 114||
caturdaśapramāṇātmā dharmo manvādibodhakaḥ |
lakṣmībhogaikanilayo devamantrapradāyakaḥ || 115||
daityavyāmohakaḥ sākṣādgaruḍaskandhasaṃśrayaḥ |
līlāmandaradhārī ca daityavāsukipūjitaḥ || 116||
samudronmathanāyatto'vighnakartā svavākyakṛt |
ādikūrmaḥ pavitrātmā mandarāgharṣaṇotsukaḥ || 117||
śvāsaijadabdhivārvīciḥ kalpāntāvadhikāryakṛt |
caturdaśamahāratno lakṣmīsaubhāgyavardhanaḥ || 118||
dhanvantariḥ sudhāhasto yajñabhoktā''rtināśanaḥ |
āyurvedapraṇetā ca devadaityākhilārcitaḥ || 119||
buddhivyāmohako devakāryasādhanatatparaḥ |
strīrūpo māyayā vaktā daityāntaḥkaraṇapriyaḥ || 120||
pāyitāmṛtadevāṃśo yuddhahetusmṛtipradaḥ |
sumālimālivadhakṛnmālyavatprāṇahārakaḥ || 121||
kālanemiśiraśchedī daityayajñavināśakaḥ |
indrasāmarthyadātā ca daityaśeṣasthitipriyaḥ || 122||
śivavyāmohako māyī bhṛgumantrasvaśaktidaḥ |
balijīvanakartā ca svargaheturvratārcitaḥ || 123||
adityānandakartā ca kaśyapāditisambhavaḥ |
upendra indrāvarajo vāmanabrahmarūpadhṛk || 124||
brahmādisevitavapuryajñapāvanatatparaḥ |
yācñopadeśakartā ca jñāpitāśeṣasaṃsthitiḥ || 125||
satyārthaprerakaḥ sarvahartā garvavināśakaḥ |
trivikramastrilokātmā viśvamūrtiḥ pṛthuśravāḥ || 126||
pāśabaddhabaliḥ sarvadaityapakṣopamardakaḥ |
sutalasthāpitabaliḥ svargādhikasukhapradaḥ || 127||
karmasampūrtikartā ca svargasaṃsthāpitāmaraḥ |
jñātatrividhadharmātmā mahāmīno'bdhisaṃśrayaḥ || 128||
satyavratapriyo goptā matsyamūrtidhṛtaśrutiḥ |
śaṛṅgabaddhadhṛtakṣoṇiḥ sarvārthajñāpako guruḥ || 129||
īśānukathālīlā
īśasevakalīlātmā sūryavaṃśapravartakaḥ |
somavaṃśodbhavakaro manuputragatipradaḥ || 130||
ambarīṣapriyaḥ sādhurdurvāsogarvanāśakaḥ |
brahmaśāpopasaṃhartā bhaktakīrtivivardhanaḥ || 131||
ikṣvākuvaṃśajanakaḥ sagarādyakhilārthadaḥ |
bhagīrathamahāyatno gaṅgādhautāṅghripaṅkajaḥ || 132||
brahmasvāmī śivasvāmī sagarātmajamuktidaḥ |
khaṭvāṅgamokṣahetuśca raghuvaṃśavivardhanaḥ || 133||
raghunātho rāmacandro rāmabhadro raghupriyaḥ |
anantakīrtiḥ puṇyātmā puṇyaślokaikabhāskaraḥ || 134||
kośalendraḥ pramāṇātmā sevyo daśarathātmajaḥ |
lakṣmaṇo bharataścaiva śatrughno vyūhavigrahaḥ || 135||
viśvāmitrapriyo dāntastāḍakāvadhamokṣadaḥ |
vāyavyāstrābdhinikṣiptamārīcaśca subāhuhā || 136||
vṛṣadhvajadhanurbhaṅgaprāptasītāmahotsavaḥ |
sītāpatirbhṛgupatigarvaparvatanāśakaḥ || 137||
ayodhyāsthamahābhogayuktalakṣmīvinodavān |
kaikeyīvākyakartā ca pitṛvākparipālakaḥ || 138||
vairāgyabodhako'nanyasāttvikasthānabodhakaḥ |
ahalyāduḥkhahārī ca guhasvāmī salakṣmaṇaḥ || 139||
citrakūṭapriyasthāno daṇḍakāraṇyapāvanaḥ |
śarabhaṅgasutīkṣṇādipūjito'gastyabhāgyabhūḥ || 140||
ṛṣisamprārthitakṛtirvirādhavadhapaṇḍitaḥ |
chinnaśūrpaṇakhānāsaḥ kharadūṣaṇaghātakaḥ || 141||
ekabāṇahatānekasahasrabalarākṣasaḥ |
mārīcaghātī niyatasītāsambandhaśobhitaḥ || 142||
sītāviyoganāṭyaśca jaṭāyurvadhamokṣadaḥ |
śabarīpūjito bhaktahanumatpramukhāvṛtaḥ || 143||
dundubhyasthipraharaṇaḥ saptatālavibhedanaḥ |
sugrīvarājyado vālighātī sāgaraśoṣaṇaḥ || 144||
setubandhanakartā ca vibhīṣaṇahitapradaḥ |
rāvaṇādiśiraśchedī rākṣasāghaughanāśakaḥ || 145||
sītā'bhayapradātā ca puṣpakāgamanotsukaḥ |
ayodhyāpatiratyantasarvalokasukhapradaḥ || 146||
mathurāpuranirmātā sukṛtajñasvarūpadaḥ |
janakajñānagamyaśca ailāntaprakaṭaśrutiḥ || 147||
haihayāntakaro rāmo duṣṭakṣatravināśakaḥ |
somavaṃśahitaikātmā yaduvaṃśavivardhanaḥ || 148||
nirodhalīlā
parabrahmāvataraṇaḥ keśavaḥ kleśanāśanaḥ |
bhūmibhārāvataraṇo bhaktārthākhilamānasaḥ || 149||
sarvabhaktanirodhātmā līlānantanirodhakṛt |
bhūmiṣṭhaparamānando devakīśuddhikāraṇam || 150||
vasudevajñānaniṣṭhasamajīvanivārakaḥ |
sarvavairāgyakaraṇasvalīlādhāraśodhakaḥ || 151||
māyājñāpanakartā ca śeṣasambhārasambhṛtiḥ |
bhaktakleśaparijñātā tannivāraṇatatparaḥ || 152||
āviṣṭavasudevāṃśo devakīgarbhabhūṣaṇam |
pūrṇatejomayaḥ pūrṇaḥ kaṃsādhṛṣyapratāpavān || 153||
vivekajñānadātā ca brahmādyakhilasaṃstutaḥ |
satyo jagatkalpatarurnānārūpavimohanaḥ || 154||
bhaktimārgapratiṣṭhātā vidvanmohapravartakaḥ |
mūlakālaguṇadraṣṭā nayanānandabhājanam || 155||
vasudevasukhābdhiśca devakīnayanāmṛtam |
pitṛmātṛstutaḥ pūrvasarvavṛttāntabodhakaḥ || 156||
gokulāgatilīlāptavasudevakarasthitiḥ |
sarveśatvaprakaṭano māyāvyatyayakārakaḥ || 157||
jñānamohitaduṣṭeśaḥ prapañcāsmṛtikāraṇam |
yaśodānandano nandabhāgyabhūgokulotsavaḥ || 158||
nandapriyo nandasūnuryaśodāyāḥ stanandhayaḥ |
pūtanāsupayaḥpātā mugdhabhāvātisundaraḥ || 159||
sundarīhṛdayānando gopīmantrābhimantritaḥ |
gopālāścaryarasakṛt śakaṭāsurakhaṇḍanaḥ || 160||
nandavrajajanānandī nandabhāgyamahodayaḥ |
tṛṇāvartavadhotsāho yaśodājñānavigrahaḥ || 161||
balabhadrapriyaḥ kṛṣṇaḥ saṅkarṣaṇasahāyavān |
rāmānujo vāsudevo goṣṭhāṅgaṇagatipriyaḥ || 162||
kiṅkiṇīravabhāvajño vatsapucchāvalambanaḥ |
navanītapriyo gopīmohasaṃsāranāśakaḥ || 163||
gopabālakabhāvajñaścauryavidyāviśāradaḥ |
mṛtsnābhakṣaṇalīlāsyamāhātmyajñānadāyakaḥ || 164||
dharādroṇaprītikartā dadhibhāṇḍavibhedanaḥ |
dāmodaro bhaktavaśyo yamalārjunabhañjanaḥ || 165||
bṛhadvanamahāścaryo vṛndāvanagatipriyaḥ |
vatsaghātī bālakelirbakāsuraniṣūdanaḥ || 166||
araṇyabhoktā'pyathavā bālalīlāparāyaṇaḥ |
protsāhajanakaścaivamaghāsuraniṣūdanaḥ || 167||
vyālamokṣapradaḥ puṣṭo brahmamohapravardhanaḥ |
anantamūrtiḥ sarvātmā jaṅgamasthāvarākṛtiḥ || 168||
brahmamohanakartā ca stutya ātmā sadāpriyaḥ |
paugaṇḍalīlābhiratirgocāraṇaparāyaṇaḥ || 169||
vṛndāvanalatāgulmavṛkṣarūpanirūpakaḥ |
nādabrahmaprakaṭano vayaḥpratikṛtisvanaḥ || 170||
barhinṛtyānukaraṇo gopālānukṛtisvanaḥ |
sadācārapratiṣṭhātā balaśramanirākṛtiḥ || 171||
tarumūlakṛtāśeṣatalpaśāyī sakhistutaḥ |
gopālasevitapadaḥ śrīlālitapadāmbujaḥ || 172||
gopasamprārthitaphaladānanāśitadhenukaḥ |
kālīyaphaṇimāṇikyarañjitaśrīpadāmbujaḥ || 173||
dṛṣṭisaṅjīvitāśeṣagopagogopikāpriyaḥ |
līlāsampītadāvāgniḥ pralambavadhapaṇḍitaḥ || 174||
dāvāgnyāvṛtagopāladṛṣṭyācchādanavahnipaḥ |
varṣāśaradvibhūtiśrīrgopīkāmaprabodhakaḥ || 175||
gopīratnastutāśeṣaveṇuvādyaviśāradaḥ |
kātyāyanīvratavyājasarvabhāvāśritāṅganaḥ || 176||
satsaṅgatistutivyājastutavṛndāvanāṅghripaḥ |
gopakṣucchāntisaṃvyājaviprabhāryāprasādakṛt || 177||
hetuprāptendrayāgasvakāryagosavabodhakaḥ |
śailarūpakṛtāśeṣarasabhogasukhāvahaḥ || 178||
līlāgovardhanoddhārapālitasvavrajapriyaḥ |
gopasvacchandalīlārthagargavākyārthabodhakaḥ || 179||
indradhenustutiprāptagovindendrābhidhānavān |
vratādidharmasaṃsaktanandakleśavināśakaḥ || 180||
nandādigopamātreṣṭavaikuṇṭhagatidāyakaḥ |
veṇuvādasmarakṣobhamattagopīvimuktidaḥ || 181||
sarvabhāvaprāptagopīsukhasaṃvardhanakṣamaḥ |
gopīgarvapraṇāśārthatirodhānasukhapradaḥ || 182||
kṛṣṇabhāvavyāptaviśvagopībhāvitaveṣadhṛk |
rādhāviśeṣasambhogaprāptadoṣanivārakaḥ || 183||
paramaprītisaṅgītasarvādbhutamahāguṇaḥ |
mānāpanodanākrandagopīdṛṣṭimahotsavaḥ || 184||
gopikāvyāptasarvāṅgaḥ strīsambhāṣāviśāradaḥ |
rāsotsavamahāsaukhyagopīsambhogasāgaraḥ || 185||
jalasthalarativyāptagopīdṛṣṭyabhipūjitaḥ |
śāstrānapekṣakāmaikamuktidvāravivardhanaḥ || 186||
sudarśanamahāsarpagrastanandavimocakaḥ |
gītamohitagopīdhṛkṣaṅkhacūḍavināśakaḥ || 187||
guṇasaṅgītasantuṣṭirgopīsaṃsāravismṛtiḥ |
ariṣṭamathano daityabuddhivyāmohakārakaḥ || 188||
keśighātī nāradeṣṭo vyomāsuravināśakaḥ |
akrūrabhaktisaṃrāddhapādareṇumahānidhiḥ || 189||
rathāvarohaśuddhātmā gopīmānasahārakaḥ |
hradasandarśitāśeṣavaikuṇṭhākrūrasaṃstutaḥ || 190||
mathurāgamanotsāho mathurābhāgyabhājanam |
mathurānagarīśobhādarśanotsukamānasaḥ || 191||
duṣṭarañjakaghātī ca vāyakārcitavigrahaḥ |
vastramālāsuśobhāṅgaḥ kubjālepanabhūṣitaḥ || 192||
kubjāsurūpakartā ca kubjārativarapradaḥ |
prasādarūpasantuṣṭaharakodaṇḍakhaṇḍanaḥ || 193||
śakalāhatakaṃsāptadhanūrakṣakasainikaḥ |
jāgratsvapnabhayavyāptamṛtyulakṣaṇabodhakaḥ || 194||
mathurāmalla ojasvī mallayuddhaviśāradaḥ |
sadyaḥ kuvalayāpīḍaghātī cāṇūramardanaḥ || 195||
līlāhatamahāmallaḥ śalatośalaghātakaḥ |
kaṃsāntako jitāmitro vasudevavimocakaḥ || 196||
jñātatattvapitṛjñānamohanāmṛtavāṅmayaḥ |
ugrasenapratiṣṭhātā yādavādhivināśakaḥ || 197||
nandādisāntvanakaro brahmacaryavrate sthitaḥ |
guruśuśrūṣaṇaparo vidyāpāramiteśvaraḥ || 198||
sāndīpanimṛtāpatyadātā kālāntakādijit |
gokulāśvāsanaparo yaśodānandapoṣakaḥ || 199||
gopikāvirahavyājamanogatiratipradaḥ |
samoddhavabhramaravāk gopikāmohanāśakaḥ || 200||
kubjāratiprado'krūrapavitrīkṛtabhūgṛhaḥ |
pṛthāduḥkhapraṇetā ca pāṇḍavānāṃ sukhapradaḥ || 201||
daśamaskandhottarārdhanāmāni nirodhalīlā
jarāsandhasamānītasainyaghātī vicārakaḥ |
yavanavyāptamathurājanadattakuśasthaliḥ || 202||
dvārakādbhutanirmāṇavismāpitasurāsuraḥ |
manuṣyamātrabhogārthabhūmyānītendravaibhavaḥ || 203||
yavanavyāptamathurānirgamānandavigrahaḥ |
mucukundamahābodhayavanaprāṇadarpahā || 204||
mucukundastutāśeṣaguṇakarmamahodayaḥ |
phalapradānasantuṣṭirjanmāntaritamokṣadaḥ || 205||
śivabrāhmaṇavākyāptajayabhītivibhāvanaḥ |
pravarṣaṇaprārthitāgnidānapuṇyamahotsavaḥ || 206||
rukmiṇīramaṇaḥ kāmapitā pradyumnabhāvanaḥ |
syamantakamaṇivyājaprāptajāmbavatīpatiḥ || 207||
satyabhāmāprāṇapatiḥ kālindīrativardhanaḥ |
mitravindāpatiḥ satyāpatirvṛṣaniṣūdanaḥ || 208||
bhadrāvāñchitabhartā ca lakṣmaṇāvaraṇakṣamaḥ |
indrādiprārthitavadhanarakāsurasūdanaḥ || 209||
murāriḥ pīṭhahantā ca tāmrādiprāṇahārakaḥ |
ṣoḍaśastrīsahasreśaḥ chatrakuṇḍaladānakṛt || 210||
pārijātāpaharaṇo devendramadanāśakaḥ |
rukmiṇīsamasarvastrīsādhyabhogaratipradaḥ || 211||
rukmiṇīparihāsoktivāktirodhānakārakaḥ |
putrapautramahābhāgyagṛhadharmapravartakaḥ || 212||
śambarāntakasatputravivāhahatarukmikaḥ |
uṣāpahṛtapautraśrīrbāṇabāhunivārakaḥ || 213||
śītajvarabhayavyāptajvarasaṃstutaṣaḍguṇaḥ |
śaṅkarapratiyoddhā ca dvandvayuddhaviśāradaḥ || 214||
nṛgapāpaprabhettā ca brahmasvaguṇadoṣadṛk |
viṣṇubhaktivirodhaikabrahmasvavinivārakaḥ || 215||
balabhadrāhitaguṇo gokulaprītidāyakaḥ |
gopīsnehaikanilayo gopīprāṇasthitipradaḥ || 216||
vākyātigāmiyamunāhalākarṣaṇavaibhavaḥ |
pauṇḍrakatyājitaspardhaḥ kāśīrājavibhedanaḥ || 217||
kāśīnidāhakaraṇaḥ śivabhasmapradāyakaḥ |
dvividaprāṇaghātī ca kauravākharvagarvanut || 218||
lāṅgalākṛṣṭanagarīsaṃvignākhilanāgaraḥ |
prapannābhayadaḥ sāmbaprāptasanmānabhājanam || 219||
nāradānviṣṭacaraṇo bhaktavikṣepanāśakaḥ |
sadācāraikanilayaḥ sudharmādhyāsitāsanaḥ || 220||
jarāsandhāvaruddhena vijñāpitanijaklamaḥ |
mantryuddhavādivākyoktaprakāraikaparāyaṇaḥ || 221||
rājasūyādimakhakṛt samprārthitasahāyakṛt |
indraprasthaprayāṇārthamahatsambhārasambhṛtiḥ || 222||
jarāsandhavadhavyājamocitāśeṣabhūmipaḥ |
sanmārgabodhako yajñakṣitivāraṇatatparaḥ || 223||
śiśupālahativyājajayaśāpavimocakaḥ |
duryodhanābhimānābdhiśoṣabāṇavṛkodaraḥ|| 224||
mahādevavaraprāptapuraśālvavināśakaḥ |
dantavaktravadhavyājavijayāghaughanāśakaḥ || 225||
vidūrathaprāṇahartā nyastaśastrāstravigrahaḥ |
upadharmaviliptāṅgasūtaghātī varapradaḥ || 226||
balvalaprāṇaharaṇapālitarṣiśrutikriyaḥ |
sarvatīrthāghanāśārthatīrthayātrāviśāradaḥ || 227||
jñānakriyāvibhedeṣṭaphalasādhanatatparaḥ |
sārathyādikriyākartā bhaktavaśyatvabodhakaḥ || 228||
sudāmāraṅkabhāryārthabhūmyānītendravaibhavaḥ |
ravigrahanimittāptakurukṣetraikapāvanaḥ || 229||
nṛpagopīsamastastrīpāvanārthākhilakriyaḥ |
ṛṣimārgapratiṣṭhātā vasudevamakhakriyaḥ || 230||
vasudevajñānadātā devakīputradāyakaḥ |
arjunastrīpradātā ca bahulāśvasvarūpadaḥ || 231||
śrutadeveṣṭadātā ca sarvaśrutinirūpitaḥ |
mahādevādyatiśreṣṭho bhaktilakṣaṇanirṇayaḥ || 232||
vṛkagrastaśivatrātā nānāvākyaviśāradaḥ |
naragarvavināśārthahṛtabrāhmaṇabālakaḥ || 233||
lokālokaparasthānasthitabālakadāyakaḥ |
dvārakāsthamahābhoganānāstrīrativardhanaḥ || 234||
manastirodhānakṛtavyagrastrīcittabhāvitaḥ |
muktilīlā
muktilīlāviharaṇo mauśalavyājasaṃhṛtiḥ || 235||
śrībhāgavatadharmādibodhako bhaktinītikṛt |
uddhavajñānadātā ca pañcaviṃśatidhā guruḥ || 236||
ācārabhaktimuktyādivaktā śabdodbhavasthitiḥ |
haṃso dharmapravaktā ca sanakādyupadeśakṛt || 237||
bhaktisādhanavaktā ca yogasiddhipradāyakaḥ |
nānāvibhūtivaktā ca śuddhadharmāvabodhakaḥ || 238||
mārgatrayavibhedātmā nānāśaṅkānivārakaḥ |
bhikṣugītāpravaktā ca śuddhasāṅkhyapravartakaḥ || 239||
manoguṇaviśeṣātmā jñāpakoktapurūravāḥ |
pūjāvidhipravaktā ca sarvasiddhāntabodhakaḥ || 240||
laghusvamārgavaktā ca svasthānagatibodhakaḥ |
yādavāṅgopasaṃhartā sarvāścaryagatikriyaḥ || 241||
āśrayalīlā
kāladharmavibhedārthavarṇanāśanatatparaḥ |
buddho guptārthavaktā ca nānāśāstravidhāyakaḥ || 242||
naṣṭadharmamanuṣyādilakṣaṇajñāpanotsukaḥ |
āśrayaikagatijñātā kalkiḥ kalimalāpahaḥ || 243||
śāstravairāgyasambodho nānāpralayabodhakaḥ |
viśeṣataḥ śukavyājaparīkṣijjñānabodhakaḥ || 244||
śukeṣṭagatirūpātmā parīkṣiddehamokṣadaḥ |
śabdarūpo nādarūpo vedarūpo vibhedanaḥ || 245||
vyāsaḥ śākhāpravaktā ca purāṇārthapravartakaḥ |
mārkaṇḍeyaprasannātmā vaṭapatrapuṭeśayaḥ || 246||
māyāvyāptamahāmohaduḥkhaśāntipravartakaḥ |
mahādevasvarūpaśca bhaktidātā kṛpānidhiḥ || 247||
ādityāntargataḥ kālaḥ dvādaśātmā supūjitaḥ |
śrībhāgavatarūpaśca sarvārthaphaladāyakaḥ || 248||
itīdaṃ kīrtanīyasya harernāmasahasrakam |
pañcasaptativistīrṇaṃ purāṇāntarabhāṣitam || 249||
ya etatprātarutthāya śraddhāvān susamāhitaḥ |
japedarthāhitamatiḥ sa govindapadaṃ labhet || 250||
sarvadharmavinirmuktaḥ sarvasādhanavarjitaḥ |
etaddhāraṇamātreṇa kṛṣṇasya padavīṃ vrajet || 251||
haryāveśitacittena śrībhāgavatasāgarāt |
samuddhṛtāni nāmāni cintāmaṇinibhāni hi || 252||
kaṇṭhasthitānyarthadīptyā bādhante'jñānajaṃ tamaḥ |
bhaktiṃ śrīkṛṣṇadevasya sādhayanti viniścitam || 253||
kimbahūktena bhagavān nāmabhiḥ stutaṣaḍguṇaḥ |
ātmabhāvaṃ nayatyāśu bhaktiṃ ca kurute dṛḍhām || 254||
yaḥ kṛṣṇabhaktimiha vāñchati sādhanaughair-
nāmāni bhāsurayaśāṃsi japetsa nityam |
taṃ vai hariḥ svapuruṣaṃ kurute'tiśīghram-
ātmārpaṇaṃ samadhigacchati bhāvatuṣṭaḥ || 255||
śrīkṛṣṇa kṛṣṇasakha vṛṣṇivṛṣāvanidhrug-
rājanyavaṃśadahanānapavargavīrya |
govinda gopavanitāvrajabhṛtyagīta
tīrthaśravaḥ śravaṇamaṅgala pāhi bhṛtyān || 256||
|| iti śrībhāgavatasārasamuccaye vaiśvānaroktaṃ
śrīvallabhācāryaviracitaṃ
śrīpuruṣottamasahasranāmastotraṃ sampūrṇam ||
Sanskrit — Devanagari (original)
विनियोगः
पुराणपुरुषो विष्णुः पुरुषोत्तम उच्यते ।
नाम्नां सहस्रं वक्ष्यामि तस्य भागवतोद्धृतम् ॥ 1॥
यस्य प्रसादाद्वागीशाः प्रजेशा विभवोन्नताः ।
क्षुद्रा अपि भवन्त्याशु श्रीकृष्णं तं नतोऽस्म्यहम् ॥ 2॥
अनन्ता एव कृष्णस्य लीला नामप्रवर्तिकाः ।
उक्ता भागवते गूहाः प्रकटा अपि कुत्रचित् ॥ 3॥
अतस्तानि प्रवक्ष्यामि नामानि मुरवैरिणः ।
सहस्रं यैस्तु पठितैः पठितं स्याच्छुकामृतम् ॥ 4॥
कृष्णनामसहस्रस्य ऋषिरग्निर्निरूपितः ।
गायत्री च तथा छन्दो देवता पुरुषोत्तमः ॥ 5॥
विनियोगः समस्तेषु पुरुषार्थेषु वै मतः ।
बीजं भक्तप्रियः शक्तिः सत्यवागुच्यते हरिः ॥ 6॥
भक्तोद्धरणयत्नस्तु मन्त्रोऽत्र परमो मतः ।
अवतारितभक्तांशः कीलकं परिकीर्तितम् ॥ 7॥
अस्त्रं सर्वसमर्थश्च गोविन्दः कवचं मतम् ।
पुरुषो ध्यानमत्रोक्तः सिद्धिः शरणसंस्मृतिः ॥ 8॥
अधिकारलीला
श्रीकृष्णः सच्चिदानन्दो नित्यलीलाविनोदकृत् ।
सर्वागमविनोदी च लक्ष्मीशः पुरुषोत्तमः ॥ 9॥
आदिकालः सर्वकालः कालात्मा माययावृतः ।
भक्तोद्धारप्रयत्नात्मा जगत्कर्ता जगन्मयः ॥ 10॥
नामलीलापरो विष्णुर्व्यासात्मा शुकमोक्षदः ।
व्यापिवैकुण्ठदाता च श्रीमद्भागवतागमः ॥ 11॥
शुकवागमृताब्धीन्दुः शौनकाद्यखिलेष्टदः ।
भक्तिप्रवर्तकस्त्राता व्यासचिन्ताविनाशकः ॥ 12॥
सर्वसिद्धान्तवागात्मा नारदाद्यखिलेष्टदः ।
अन्तरात्मा ध्यानगम्यो भक्तिरत्नप्रदायकः ॥ 13॥
मुक्तोपसृप्यः पूर्णात्मा मुक्तानां रतिवर्धनः ।
भक्तकार्यैकनिरतो द्रौण्यस्त्रविनिवारकः ॥ 14॥
भक्तस्मयप्रणेता च भक्तवाक्परिपालकः ।
ब्रह्मण्यदेवो धर्मात्मा भक्तानां च परीक्षकः ॥ 15॥
आसन्नहितकर्ता च मायाहितकरः प्रभुः ।
उत्तराप्राणदाता च ब्रह्मास्त्रविनिवारकः ॥ 16॥
सर्वतः पाणवपतिः परीक्षिच्छुद्धिकारणम् ।
गूहात्मा सर्ववेदेषु भक्तैकहृदयङ्गमः ॥ 17॥
कुन्तीस्तुत्यः प्रसन्नात्मा परमाद्भुतकार्यकृत् ।
भीष्ममुक्तिप्रदः स्वामी भक्तमोहनिवारकः ॥ 18॥
सर्वावस्थासु संसेव्यः समः सुखहितप्रदः ।
कृतकृत्यः सर्वसाक्षी भक्तस्त्रीरतिवर्धनः ॥ 19॥
सर्वसौभाग्यनिलयः परमाश्चर्यरूपधृक् ।
अनन्यपुरुषस्वामी द्वारकाभाग्यभाजनम् ॥ 20॥
बीजसंस्कारकर्ता च परीक्षिज्जानपोषकः ।
सर्वत्रपूर्णगुणकः सर्वभूषणभूषितः ॥ 21॥
सर्वलक्षणदाता च धृतराष्ट्रविमुक्तिदः ।
सन्मार्गरक्षको नित्यं विदुरप्रीतिपूरकः ॥ 22॥
लीलाव्यामोहकर्ता च कालधर्मप्रवर्तकः ।
पाणवानां मोक्षदाता परीक्षिद्भाग्यवर्धनः ॥ 23॥
कलिनिग्रहकर्ता च धर्मादीनां च पोषकः ।
सत्सङ्गजानहेतुश्च श्रीभागवतकारणम् ॥ 24॥
प्राकृतादृष्टमार्गश्च॥॥॥॥॥॥ चोन्तिनुएद्
ज्ञान-साधन-लीला
॥॥॥॥॥॥॥॥॥॥॥॥ श्रोतव्यः सकलागमैः ।
कीर्तितव्यः शुद्धभावैः स्मर्तव्यश्चात्मवित्तमैः ॥ 25॥
अनेकमार्गकर्ता च नानाविधगतिप्रदः ।
पुरुषः सकलाधारः सत्त्वैकनिलयात्मभूः ॥ 26॥
सर्वध्येयो योगगम्यो भक्त्या ग्राह्यः सुरप्रियः ।
जन्मादिसार्थककृतिर्लीलाकर्ता पतिः सताम् ॥ 27॥
आदिकर्ता तत्त्वकर्ता सर्वकर्ता विशारदः ।
नानावतारकर्ता च ब्रह्माविर्भावकारणम् ॥ 28॥
दशलीलाविनोदी च नानासृष्टिप्रवर्तकः ।
अनेककल्पकर्ता च सर्वदोषविवर्जितः ॥ 29॥
सर्गलीला
वैराग्यहेतुस्तीर्थात्मा सर्वतीर्थफलप्रदः ।
तीर्थशुद्धैकनिलयः स्वमार्गपरिपोषकः ॥ 30॥
तीर्थकीर्तिर्भक्तगम्यो भक्तानुशयकार्यकृत् ।
भक्ततुल्यः सर्वतुल्यः स्वेच्छासर्वप्रवर्तकः ॥ 31॥
गुणातीतोऽनवद्यात्मा सर्गलीलाप्रवर्तकः ।
साक्षात्सर्वजगत्कर्ता महदादिप्रवर्तकः ॥ 32॥
मायाप्रवर्तकः साक्षी मायारतिविवर्धनः ।
आकाशात्मा चतुर्मूर्तिश्चतुर्धा भूतभावनः ॥ 33॥
रजःप्रवर्तको ब्रह्मा मरीच्यादिपितामहः ।
वेदकर्ता यज्ञकर्ता सर्वकर्ताऽमितात्मकः ॥ 34॥
अनेकसृष्टिकर्ता च दशधासृष्टिकारकः ।
यज्ञाङ्गो यज्ञवाराहो भूधरो भूमिपालकः ॥ 35॥
सेतुर्विधरणो जैत्रो हिरण्याक्षान्तकः सुरः ।
दितिकश्यपकामैकहेतुसृष्टिप्रवर्तकः ॥ 36॥
देवाभयप्रदाता च वैकुण्ठाधिपतिर्महान् ।
सर्वगर्वप्रहारी च सनकाद्यखिलार्थदः ॥ 37॥
सर्वाश्वासनकर्ता च भक्ततुल्याहवप्रदः ।
काललक्षणहेतुश्च सर्वार्थज्ञापकः परः ॥ 38॥
भक्तोन्नतिकरः सर्वप्रकारसुखदायकः ।
नानायुद्धप्रहरणो ब्रह्मशापविमोचकः ॥ 39॥
पुष्टिसर्गप्रणेता च गुणसृष्टिप्रवर्तकः ।
कर्दमेष्टप्रदाता च देवहूत्यखिलार्थदः ॥ 40॥
शुक्लनारायणः सत्यकालधर्मप्रवर्तकः ।
ज्ञानावतारः शान्तात्मा कपिलः कालनाशकः ॥ 41॥
त्रिगुणाधिपतिः साङ्ख्यशास्त्रकर्ता विशारदः ।
सर्गदूषणहारी च पुष्टिमोक्षप्रवर्तकः ॥ 42॥
लौकिकानन्ददाता च ब्रह्मानन्दप्रवर्तकः ।
भक्तिसिद्धान्तवक्ता च सगुणज्ञानदीपकः ॥ 43॥
आत्मप्रदः पूर्णकामो योगात्मा योगभावितः ।
जीवन्मुक्तिप्रदः श्रीमानन्यभक्तिप्रवर्तकः ॥ 44॥
कालसामर्थ्यदाता च कालदोषनिवारकः ।
गर्भोत्तमज्ञानदाता कर्ममार्गनियामकः ॥ 45॥
सर्वमार्गनिराकर्ता भक्तिमार्गैकपोषकः ।
सिद्धिहेतुः सर्वहेतुः सर्वाश्चर्यैककारणम् ॥ 46॥
चेतनाचेतनपतिः समुद्रपरिपूजितः ।
साङ्ख्याचार्यस्तुतः सिद्धपूजितः सर्वपूजितः ॥ 47॥
विसर्गलीला
विसर्गकर्ता सर्वेशः कोटिसूर्यसमप्रभः ।
अनन्तगुणगम्भीरो महापुरुषपूजितः ॥ 48॥
अनन्तसुखदाता च ब्रह्मकोटिप्रजापतिः ।
सुधाकोटिस्वास्थ्यहेतुः कामधुक्कोटिकामदः ॥ 49॥
समुद्रकोटिगम्भीरस्तीर्थकोटिसमाह्वयः ।
सुमेरुकोटिनिष्कम्पः कोटिब्रह्माण्डविग्रहः ॥ 50॥
कोट्यश्वमेधपापघ्नो वायुकोटिमहाबलः ।
कोटीन्दुजगदानन्दी शिवकोटिप्रसादकृत् ॥ 51॥
सर्वसद्गुणमाहात्म्यः सर्वसद्गुणभाजनम् ।
मन्वादिप्रेरको धर्मो यज्ञनारायणः परः ॥ 52॥
आकूतिसूनुर्देवेन्द्रो रुचिजन्माऽभयप्रदः ।
दक्षिणापतिरोजस्वी क्रियाशक्तिः परायणः ॥ 53॥
दत्तात्रेयो योगपतिर्योगमार्गप्रवर्तकः ।
अनसूयागर्भरत्नमृषिवंशविवर्धनः ॥ 54॥
गुणत्रयविभागज्ञश्चतुर्वर्गविशारदः ।
नारायणो धर्मसूनुर्मूर्तिपुण्ययशस्करः ॥ 55॥
सहस्रकवचच्छेदी तपःसारो नरप्रियः ।
विश्वानन्दप्रदः कर्मसाक्षी भारतपूजितः ॥ 56॥
अनन्ताद्भुतमाहात्म्यो बदरीस्थानभूषणम् ।
जितकामो जितक्रोधो जितसङ्गो जितेन्द्रियः ॥ 57॥
उर्वशीप्रभवः स्वर्गसुखदायी स्थितिप्रदः ।
अमानी मानदो गोप्ता भगवच्छास्त्रबोधकः ॥ 58॥
ब्रह्मादिवन्द्यो हंसश्रीर्मायावैभवकारणम् ।
विविधानन्तसर्गात्मा विश्वपूरणतत्परः ॥ 59॥
यज्ञजीवनहेतुश्च यज्ञस्वामीष्टबोधकः ।
नानासिद्धान्तगम्यश्च सप्ततन्तुश्च षड्गुणः ॥ 60॥
प्रतिसर्गजगत्कर्ता नानालीलाविशारदः ।
ध्रुवप्रियो ध्रुवस्वामी चिन्तिताधिकदायकः ॥ 61॥
दुर्लभानन्तफलदो दयानिधिरमित्रहा ।
अङ्गस्वामी कृपासारो वैन्यो भूमिनियामकः ॥ 62॥
भूमिदोग्धा प्रजाप्राणपालनैकपरायणः ।
यशोदाता ज्ञानदाता सर्वधर्मप्रदर्शकः ॥ 63॥
पुरञ्जनो जगन्मित्रं विसर्गान्तप्रदर्शकः ।
प्रचेतसां पतिश्चित्रभक्तिहेतुर्जनार्दनः ॥ 64॥
स्मृतिहेतुब्रह्मभावसायुज्यादिप्रदः शुभः ।
विजयी ॥॥॥॥॥॥॥॥॥॥ चोन्तिनुएद्
स्थानलीला
॥॥ स्थितिलीलाब्धिरच्युतो विजयप्रदः ॥ 65॥
स्वसामर्थ्यप्रदो भक्तकीर्तिहेतुरधोक्षजः ।
प्रियव्रतप्रियस्वामी स्वेच्छावादविशारदः ॥ 66॥
सङ्ग्यगम्यः स्वप्रकाशः सर्वसङ्गविवर्जितः ।
इच्छायां च समर्यादस्त्यागमात्रोपलम्भनः ॥ 67॥
अचिन्त्यकार्यकर्ता च तर्कागोचरकार्यकृत् ।
शऋङ्गाररसमर्यादा आग्नीध्ररसभाजनम् ॥ 68॥
नाभीष्टपूरकः कर्ममर्यादादर्शनोत्सुकः ।
सर्वरूपोऽद्भुततमो मर्यादापुरुषोत्तमः ॥ 69॥
सर्वरूपेषु सत्यात्मा कालसाक्षी शशिप्रभः ।
मेरुदेवीव्रतफलमृषभो भगलक्षणः ॥ 70॥
जगत्सन्तर्पको मेघरूपी देवेन्द्रदर्पहा ।
जयन्तीपतिरत्यन्तप्रमाणाशेषलौकिकः ॥ 71॥
शतधान्यस्तभूतात्मा शतानन्दो गुणप्रसूः ।
वैष्णवोत्पादनपरः सर्वधर्मोपदेशकः ॥ 72॥
परहंसक्रियागोप्ता योगचर्याप्रदर्शकः ।
चतुर्थाश्रमनिर्णेता सदानन्दशरीरवान् ॥ 73॥
प्रदर्शितान्यधर्मश्च भरतस्वाम्यपारकृत् ।
यथावत्कर्मकर्ता च सङ्गानिष्टप्रदर्शकः ॥ 74॥
आवश्यकपुनर्जन्मकर्ममार्गप्रदर्शकः ।
यज्ञरूपमृगः शान्तः सहिष्णुः सत्पराक्रमः ॥ 75॥
रहूगणगतिज्ञश्च रहूगणविमोचकः ।
भवाटवीतत्त्ववक्ता बहिर्मुखहिते रतः ॥ 76॥
गयस्वामी स्थानवंशकर्ता स्थानविभेदकृत् ।
पुरुषावयवो भूमिविशेषविनिरूपकः ॥ 77॥
जम्बूद्वीपपतिर्मेरुनाभिपद्मरुहाश्रयः ।
नानाविभूतिलीलाढ्यो गङ्गोत्पत्तिनिदानकृत् ॥ 78॥
गङ्गामाहात्म्यहेतुश्च गङ्गारूपोऽतिगूढकृत् ।
वैकुण्ठदेहहेत्वम्बुजन्मकृत् सर्वपावनः ॥ 79॥
शिवस्वामी शिवोपास्यो गूढः सङ्कर्षणात्मकः ।
स्थानरक्षार्थमत्स्यादिरूपः सर्वैकपूजितः ॥ 80॥
उपास्यनानारूपात्मा ज्योतीरूपो गतिप्रदः ।
सूर्यनारायणो वेदकान्तिरुज्ज्वलवेषधृक् ॥ 81॥
हंसोऽन्तरिक्षगमनः सर्वप्रसवकारणम् ।
आनन्दकर्ता वसुदो बुधो वाक्पतिरुज्ज्वलः ॥ 82॥
कालात्मा कालकालश्च कालच्छेदकृदुत्तमः ।
शिशुमारः सर्वमूर्तिराधिदैविकरूपधृक् ॥ 83॥
अनन्तसुखभोगाढ्यो विवरैश्वर्यभाजनम् ।
सङ्कर्षणो दैत्यपतिः सर्वाधारो बृहद्वपुः ॥ 84॥
अनन्तनरकच्छेदी स्मृतिमात्रार्तिनाशनः ।
सर्वानुग्रहकर्ता च ॥॥॥॥॥॥॥॥॥॥ चोन्तिनुएद्
पोषण-पुष्टि-लीला
॥॥॥॥॥॥॥॥ मर्यादाभिन्नशास्त्रकृत् ॥ 85 ॥
कालान्तकभयच्छेदी नामसामर्थ्यरूपधृक् ।
उद्धारानर्हगोप्त्रात्मा नामादिप्रेरकोत्तमः ॥ 86॥
अजामिलमहादुष्टमोचकोऽघविमोचकः ।
धर्मवक्ताऽक्लिष्टवक्ता विष्णुधर्मस्वरूपधृक् ॥ 87॥
सन्मार्गप्रेरको धर्ता त्यागहेतुरधोक्षजः ।
वैकुण्ठपुरनेता च दाससंवृद्धिकारकः ॥ 88॥
दक्षप्रसादकृद्धंसगुह्यस्तुतिविभावनः ।
स्वाभिप्रायप्रवक्ता च मुक्तजीवप्रसूतिकृत् ॥ 89॥
नारदप्रेरणात्मा च हर्यश्वब्रह्मभावनः ।
शबलाश्वहितो गूढवाक्यार्थज्ञापनक्षमः ॥ 90॥
गूढार्थज्ञापनः सर्वमोक्षानन्दप्रतिष्ठितः ।
पुष्टिप्ररोहहेतुश्च दासैकज्ञातहृद्गतः ॥ 91॥
शान्तिकर्ता सुहितकृत् स्त्रीप्रसूः सर्वकामधुक् ।
पुष्टिवंशप्रणेता च विश्वरूपेष्टदेवता ॥ 92॥
कवचात्मा पालनात्मा वर्मोपचितिकारणम् ।
विश्वरूपशिरश्छेदी त्वाष्ट्रयज्ञविनाशकः ॥ 93॥
वृत्रस्वामी वृत्रगम्यो वृत्रव्रतपरायणः ।
वृत्रकीर्तिर्वृत्रमोक्षो मघवत्प्राणरक्षकः ॥ 94॥
अश्वमेधहविर्भोक्ता देवेन्द्रामीवनाशकः ।
संसारमोचकश्चित्रकेतुबोधनतत्परः ॥ 95॥
मन्त्रसिद्धिः सिद्धिहेतुः सुसिद्धिफलदायकः ।
महादेवतिरस्कर्ता भक्त्यै पूर्वार्थनाशकः ॥ 96॥
देवब्राह्मणविद्वेषवैमुख्यज्ञापकः शिवः ।
आदित्यो दैत्यराजश्च महत्पतिरचिन्त्यकृत् ॥ 97॥
मरुतां भेदकस्त्राता व्रतात्मा पुम्प्रसूतिकृत् ।
ऊतिलीला
कर्मात्मा वासनात्मा च ऊतिलीलापरायणः ॥ 98॥
समदैत्यसुरः स्वात्मा वैषम्यज्ञानसंश्रयः ।
देहाद्युपाधिरहितः सर्वज्ञः सर्वहेतुविद् ॥ 99॥
ब्रह्मवाक्स्थापनपरः स्वजन्मावधिकार्यकृत् ।
सदसद्वासनाहेतुस्त्रिसत्यो भक्तमोचकः ॥ 100॥
हिरण्यकशिपुद्वेषी प्रविष्टात्माऽतिभीषणः ।
शान्तिज्ञानादिहेतुश्च प्रह्लादोत्पत्तिकारणम् ॥ 101॥
दैत्यसिद्धान्तसद्वक्ता तपःसार उदारधीः ।
दैत्यहेतुप्रकटनो भक्तिचिह्नप्रकाशकः ॥ 102॥
सद्द्वेषहेतुः सद्द्वेषवासनात्मा निरन्तरः ।
नैष्ठुर्यसीमा प्रह्लादवत्सलः सङ्गदोषहा ॥ 103॥
महानुभावः साकारः सर्वाकारः प्रमाणभूः ।
स्तम्भप्रसूतिर्नृहरिर्नृसिंहो भीमविक्रमः ॥ 104॥
विकटास्यो ललज्जिह्वो नखशस्त्रो जवोत्कटः ।
हिरण्यकशिपुच्छेदी क्रूरदैत्यनिवारकः ॥ 105॥
सिंहासनस्थः क्रोधात्मा लक्ष्मीभयविवर्धनः ।
ब्रह्माद्यत्यन्तभयभूरपूर्वाचिन्त्यरूपधृक् ॥ 106॥
भक्तैकशान्तहृदयो भक्तस्तुत्यः स्तुतिप्रियः ।
भक्ताङ्गलेहनोद्धूतक्रोधपुङ्जः प्रशान्तधीः ॥ 107॥
स्मृतिमात्रभयत्राता ब्रह्मबुद्धिप्रदायकः ।
गोरूपधार्यमृतपाः शिवकीर्तिविवर्धनः ॥ 108॥
धर्मात्मा सर्वकर्मात्मा विशेषात्माऽऽश्रमप्रभुः ।
संसारमग्नस्वोद्धर्ता सन्मार्गाखिलतत्त्ववाक् ॥ 109॥
आचारात्मा सदाचारः ॥॥॥॥॥॥॥॥॥ चोन्तिनुएद्
मन्वन्तरलीला
॥॥॥॥॥॥॥॥॥॥मन्वन्तरविभावनः ।
स्मृत्याऽशेषाशुभहरो गजेन्द्रस्मृतिकारणम् ॥ 110॥
जातिस्मरणहेत्वैकपूजाभक्तिस्वरूपदः ।
यज्ञो भयान्मनुत्राता विभुर्ब्रह्मव्रताश्रयः ॥ 111॥
सत्यसेनो दुष्टघाती हरिर्गजविमोचकः ।
वैकुण्ठो लोककर्ता च अजितोऽमृतकारणम् ॥ 112॥
उरुक्रमो भूमिहर्ता सार्वभौमो बलिप्रियः ।
विभुः सर्वहितैकात्मा विष्वक्सेनः शिवप्रियः ॥ 113॥
धर्मसेतुर्लोकधृतिः सुधामान्तरपालकः ।
उपहर्ता योगपतिर्बृहद्भानुः क्रियापतिः ॥ 114॥
चतुर्दशप्रमाणात्मा धर्मो मन्वादिबोधकः ।
लक्ष्मीभोगैकनिलयो देवमन्त्रप्रदायकः ॥ 115॥
दैत्यव्यामोहकः साक्षाद्गरुडस्कन्धसंश्रयः ।
लीलामन्दरधारी च दैत्यवासुकिपूजितः ॥ 116॥
समुद्रोन्मथनायत्तोऽविघ्नकर्ता स्ववाक्यकृत् ।
आदिकूर्मः पवित्रात्मा मन्दराघर्षणोत्सुकः ॥ 117॥
श्वासैजदब्धिवार्वीचिः कल्पान्तावधिकार्यकृत् ।
चतुर्दशमहारत्नो लक्ष्मीसौभाग्यवर्धनः ॥ 118॥
धन्वन्तरिः सुधाहस्तो यज्ञभोक्ताऽऽर्तिनाशनः ।
आयुर्वेदप्रणेता च देवदैत्याखिलार्चितः ॥ 119॥
बुद्धिव्यामोहको देवकार्यसाधनतत्परः ।
स्त्रीरूपो मायया वक्ता दैत्यान्तःकरणप्रियः ॥ 120॥
पायितामृतदेवांशो युद्धहेतुस्मृतिप्रदः ।
सुमालिमालिवधकृन्माल्यवत्प्राणहारकः ॥ 121॥
कालनेमिशिरश्छेदी दैत्ययज्ञविनाशकः ।
इन्द्रसामर्थ्यदाता च दैत्यशेषस्थितिप्रियः ॥ 122॥
शिवव्यामोहको मायी भृगुमन्त्रस्वशक्तिदः ।
बलिजीवनकर्ता च स्वर्गहेतुर्व्रतार्चितः ॥ 123॥
अदित्यानन्दकर्ता च कश्यपादितिसम्भवः ।
उपेन्द्र इन्द्रावरजो वामनब्रह्मरूपधृक् ॥ 124॥
ब्रह्मादिसेवितवपुर्यज्ञपावनतत्परः ।
याच्ञोपदेशकर्ता च ज्ञापिताशेषसंस्थितिः ॥ 125॥
सत्यार्थप्रेरकः सर्वहर्ता गर्वविनाशकः ।
त्रिविक्रमस्त्रिलोकात्मा विश्वमूर्तिः पृथुश्रवाः ॥ 126॥
पाशबद्धबलिः सर्वदैत्यपक्षोपमर्दकः ।
सुतलस्थापितबलिः स्वर्गाधिकसुखप्रदः ॥ 127॥
कर्मसम्पूर्तिकर्ता च स्वर्गसंस्थापितामरः ।
ज्ञातत्रिविधधर्मात्मा महामीनोऽब्धिसंश्रयः ॥ 128॥
सत्यव्रतप्रियो गोप्ता मत्स्यमूर्तिधृतश्रुतिः ।
शऋङ्गबद्धधृतक्षोणिः सर्वार्थज्ञापको गुरुः ॥ 129॥
ईशानुकथालीला
ईशसेवकलीलात्मा सूर्यवंशप्रवर्तकः ।
सोमवंशोद्भवकरो मनुपुत्रगतिप्रदः ॥ 130॥
अम्बरीषप्रियः साधुर्दुर्वासोगर्वनाशकः ।
ब्रह्मशापोपसंहर्ता भक्तकीर्तिविवर्धनः ॥ 131॥
इक्ष्वाकुवंशजनकः सगराद्यखिलार्थदः ।
भगीरथमहायत्नो गङ्गाधौताङ्घ्रिपङ्कजः ॥ 132॥
ब्रह्मस्वामी शिवस्वामी सगरात्मजमुक्तिदः ।
खट्वाङ्गमोक्षहेतुश्च रघुवंशविवर्धनः ॥ 133॥
रघुनाथो रामचन्द्रो रामभद्रो रघुप्रियः ।
अनन्तकीर्तिः पुण्यात्मा पुण्यश्लोकैकभास्करः ॥ 134॥
कोशलेन्द्रः प्रमाणात्मा सेव्यो दशरथात्मजः ।
लक्ष्मणो भरतश्चैव शत्रुघ्नो व्यूहविग्रहः ॥ 135॥
विश्वामित्रप्रियो दान्तस्ताडकावधमोक्षदः ।
वायव्यास्त्राब्धिनिक्षिप्तमारीचश्च सुबाहुहा ॥ 136॥
वृषध्वजधनुर्भङ्गप्राप्तसीतामहोत्सवः ।
सीतापतिर्भृगुपतिगर्वपर्वतनाशकः ॥ 137॥
अयोध्यास्थमहाभोगयुक्तलक्ष्मीविनोदवान् ।
कैकेयीवाक्यकर्ता च पितृवाक्परिपालकः ॥ 138॥
वैराग्यबोधकोऽनन्यसात्त्विकस्थानबोधकः ।
अहल्यादुःखहारी च गुहस्वामी सलक्ष्मणः ॥ 139॥
चित्रकूटप्रियस्थानो दण्डकारण्यपावनः ।
शरभङ्गसुतीक्ष्णादिपूजितोऽगस्त्यभाग्यभूः ॥ 140॥
ऋषिसम्प्रार्थितकृतिर्विराधवधपण्डितः ।
छिन्नशूर्पणखानासः खरदूषणघातकः ॥ 141॥
एकबाणहतानेकसहस्रबलराक्षसः ।
मारीचघाती नियतसीतासम्बन्धशोभितः ॥ 142॥
सीतावियोगनाट्यश्च जटायुर्वधमोक्षदः ।
शबरीपूजितो भक्तहनुमत्प्रमुखावृतः ॥ 143॥
दुन्दुभ्यस्थिप्रहरणः सप्ततालविभेदनः ।
सुग्रीवराज्यदो वालिघाती सागरशोषणः ॥ 144॥
सेतुबन्धनकर्ता च विभीषणहितप्रदः ।
रावणादिशिरश्छेदी राक्षसाघौघनाशकः ॥ 145॥
सीताऽभयप्रदाता च पुष्पकागमनोत्सुकः ।
अयोध्यापतिरत्यन्तसर्वलोकसुखप्रदः ॥ 146॥
मथुरापुरनिर्माता सुकृतज्ञस्वरूपदः ।
जनकज्ञानगम्यश्च ऐलान्तप्रकटश्रुतिः ॥ 147॥
हैहयान्तकरो रामो दुष्टक्षत्रविनाशकः ।
सोमवंशहितैकात्मा यदुवंशविवर्धनः ॥ 148॥
निरोधलीला
परब्रह्मावतरणः केशवः क्लेशनाशनः ।
भूमिभारावतरणो भक्तार्थाखिलमानसः ॥ 149॥
सर्वभक्तनिरोधात्मा लीलानन्तनिरोधकृत् ।
भूमिष्ठपरमानन्दो देवकीशुद्धिकारणम् ॥ 150॥
वसुदेवज्ञाननिष्ठसमजीवनिवारकः ।
सर्ववैराग्यकरणस्वलीलाधारशोधकः ॥ 151॥
मायाज्ञापनकर्ता च शेषसम्भारसम्भृतिः ।
भक्तक्लेशपरिज्ञाता तन्निवारणतत्परः ॥ 152॥
आविष्टवसुदेवांशो देवकीगर्भभूषणम् ।
पूर्णतेजोमयः पूर्णः कंसाधृष्यप्रतापवान् ॥ 153॥
विवेकज्ञानदाता च ब्रह्माद्यखिलसंस्तुतः ।
सत्यो जगत्कल्पतरुर्नानारूपविमोहनः ॥ 154॥
भक्तिमार्गप्रतिष्ठाता विद्वन्मोहप्रवर्तकः ।
मूलकालगुणद्रष्टा नयनानन्दभाजनम् ॥ 155॥
वसुदेवसुखाब्धिश्च देवकीनयनामृतम् ।
पितृमातृस्तुतः पूर्वसर्ववृत्तान्तबोधकः ॥ 156॥
गोकुलागतिलीलाप्तवसुदेवकरस्थितिः ।
सर्वेशत्वप्रकटनो मायाव्यत्ययकारकः ॥ 157॥
ज्ञानमोहितदुष्टेशः प्रपञ्चास्मृतिकारणम् ।
यशोदानन्दनो नन्दभाग्यभूगोकुलोत्सवः ॥ 158॥
नन्दप्रियो नन्दसूनुर्यशोदायाः स्तनन्धयः ।
पूतनासुपयःपाता मुग्धभावातिसुन्दरः ॥ 159॥
सुन्दरीहृदयानन्दो गोपीमन्त्राभिमन्त्रितः ।
गोपालाश्चर्यरसकृत् शकटासुरखण्डनः ॥ 160॥
नन्दव्रजजनानन्दी नन्दभाग्यमहोदयः ।
तृणावर्तवधोत्साहो यशोदाज्ञानविग्रहः ॥ 161॥
बलभद्रप्रियः कृष्णः सङ्कर्षणसहायवान् ।
रामानुजो वासुदेवो गोष्ठाङ्गणगतिप्रियः ॥ 162॥
किङ्किणीरवभावज्ञो वत्सपुच्छावलम्बनः ।
नवनीतप्रियो गोपीमोहसंसारनाशकः ॥ 163॥
गोपबालकभावज्ञश्चौर्यविद्याविशारदः ।
मृत्स्नाभक्षणलीलास्यमाहात्म्यज्ञानदायकः ॥ 164॥
धराद्रोणप्रीतिकर्ता दधिभाण्डविभेदनः ।
दामोदरो भक्तवश्यो यमलार्जुनभञ्जनः ॥ 165॥
बृहद्वनमहाश्चर्यो वृन्दावनगतिप्रियः ।
वत्सघाती बालकेलिर्बकासुरनिषूदनः ॥ 166॥
अरण्यभोक्ताऽप्यथवा बाललीलापरायणः ।
प्रोत्साहजनकश्चैवमघासुरनिषूदनः ॥ 167॥
व्यालमोक्षप्रदः पुष्टो ब्रह्ममोहप्रवर्धनः ।
अनन्तमूर्तिः सर्वात्मा जङ्गमस्थावराकृतिः ॥ 168॥
ब्रह्ममोहनकर्ता च स्तुत्य आत्मा सदाप्रियः ।
पौगण्डलीलाभिरतिर्गोचारणपरायणः ॥ 169॥
वृन्दावनलतागुल्मवृक्षरूपनिरूपकः ।
नादब्रह्मप्रकटनो वयःप्रतिकृतिस्वनः ॥ 170॥
बर्हिनृत्यानुकरणो गोपालानुकृतिस्वनः ।
सदाचारप्रतिष्ठाता बलश्रमनिराकृतिः ॥ 171॥
तरुमूलकृताशेषतल्पशायी सखिस्तुतः ।
गोपालसेवितपदः श्रीलालितपदाम्बुजः ॥ 172॥
गोपसम्प्रार्थितफलदाननाशितधेनुकः ।
कालीयफणिमाणिक्यरञ्जितश्रीपदाम्बुजः ॥ 173॥
दृष्टिसङ्जीविताशेषगोपगोगोपिकाप्रियः ।
लीलासम्पीतदावाग्निः प्रलम्बवधपण्डितः ॥ 174॥
दावाग्न्यावृतगोपालदृष्ट्याच्छादनवह्निपः ।
वर्षाशरद्विभूतिश्रीर्गोपीकामप्रबोधकः ॥ 175॥
गोपीरत्नस्तुताशेषवेणुवाद्यविशारदः ।
कात्यायनीव्रतव्याजसर्वभावाश्रिताङ्गनः ॥ 176॥
सत्सङ्गतिस्तुतिव्याजस्तुतवृन्दावनाङ्घ्रिपः ।
गोपक्षुच्छान्तिसंव्याजविप्रभार्याप्रसादकृत् ॥ 177॥
हेतुप्राप्तेन्द्रयागस्वकार्यगोसवबोधकः ।
शैलरूपकृताशेषरसभोगसुखावहः ॥ 178॥
लीलागोवर्धनोद्धारपालितस्वव्रजप्रियः ।
गोपस्वच्छन्दलीलार्थगर्गवाक्यार्थबोधकः ॥ 179॥
इन्द्रधेनुस्तुतिप्राप्तगोविन्देन्द्राभिधानवान् ।
व्रतादिधर्मसंसक्तनन्दक्लेशविनाशकः ॥ 180॥
नन्दादिगोपमात्रेष्टवैकुण्ठगतिदायकः ।
वेणुवादस्मरक्षोभमत्तगोपीविमुक्तिदः ॥ 181॥
सर्वभावप्राप्तगोपीसुखसंवर्धनक्षमः ।
गोपीगर्वप्रणाशार्थतिरोधानसुखप्रदः ॥ 182॥
कृष्णभावव्याप्तविश्वगोपीभावितवेषधृक् ।
राधाविशेषसम्भोगप्राप्तदोषनिवारकः ॥ 183॥
परमप्रीतिसङ्गीतसर्वाद्भुतमहागुणः ।
मानापनोदनाक्रन्दगोपीदृष्टिमहोत्सवः ॥ 184॥
गोपिकाव्याप्तसर्वाङ्गः स्त्रीसम्भाषाविशारदः ।
रासोत्सवमहासौख्यगोपीसम्भोगसागरः ॥ 185॥
जलस्थलरतिव्याप्तगोपीदृष्ट्यभिपूजितः ।
शास्त्रानपेक्षकामैकमुक्तिद्वारविवर्धनः ॥ 186॥
सुदर्शनमहासर्पग्रस्तनन्दविमोचकः ।
गीतमोहितगोपीधृक्षङ्खचूडविनाशकः ॥ 187॥
गुणसङ्गीतसन्तुष्टिर्गोपीसंसारविस्मृतिः ।
अरिष्टमथनो दैत्यबुद्धिव्यामोहकारकः ॥ 188॥
केशिघाती नारदेष्टो व्योमासुरविनाशकः ।
अक्रूरभक्तिसंराद्धपादरेणुमहानिधिः ॥ 189॥
रथावरोहशुद्धात्मा गोपीमानसहारकः ।
ह्रदसन्दर्शिताशेषवैकुण्ठाक्रूरसंस्तुतः ॥ 190॥
मथुरागमनोत्साहो मथुराभाग्यभाजनम् ।
मथुरानगरीशोभादर्शनोत्सुकमानसः ॥ 191॥
दुष्टरञ्जकघाती च वायकार्चितविग्रहः ।
वस्त्रमालासुशोभाङ्गः कुब्जालेपनभूषितः ॥ 192॥
कुब्जासुरूपकर्ता च कुब्जारतिवरप्रदः ।
प्रसादरूपसन्तुष्टहरकोदण्डखण्डनः ॥ 193॥
शकलाहतकंसाप्तधनूरक्षकसैनिकः ।
जाग्रत्स्वप्नभयव्याप्तमृत्युलक्षणबोधकः ॥ 194॥
मथुरामल्ल ओजस्वी मल्लयुद्धविशारदः ।
सद्यः कुवलयापीडघाती चाणूरमर्दनः ॥ 195॥
लीलाहतमहामल्लः शलतोशलघातकः ।
कंसान्तको जितामित्रो वसुदेवविमोचकः ॥ 196॥
ज्ञाततत्त्वपितृज्ञानमोहनामृतवाङ्मयः ।
उग्रसेनप्रतिष्ठाता यादवाधिविनाशकः ॥ 197॥
नन्दादिसान्त्वनकरो ब्रह्मचर्यव्रते स्थितः ।
गुरुशुश्रूषणपरो विद्यापारमितेश्वरः ॥ 198॥
सान्दीपनिमृतापत्यदाता कालान्तकादिजित् ।
गोकुलाश्वासनपरो यशोदानन्दपोषकः ॥ 199॥
गोपिकाविरहव्याजमनोगतिरतिप्रदः ।
समोद्धवभ्रमरवाक् गोपिकामोहनाशकः ॥ 200॥
कुब्जारतिप्रदोऽक्रूरपवित्रीकृतभूगृहः ।
पृथादुःखप्रणेता च पाण्डवानां सुखप्रदः ॥ 201॥
दशमस्कन्धोत्तरार्धनामानि निरोधलीला
जरासन्धसमानीतसैन्यघाती विचारकः ।
यवनव्याप्तमथुराजनदत्तकुशस्थलिः ॥ 202॥
द्वारकाद्भुतनिर्माणविस्मापितसुरासुरः ।
मनुष्यमात्रभोगार्थभूम्यानीतेन्द्रवैभवः ॥ 203॥
यवनव्याप्तमथुरानिर्गमानन्दविग्रहः ।
मुचुकुन्दमहाबोधयवनप्राणदर्पहा ॥ 204॥
मुचुकुन्दस्तुताशेषगुणकर्ममहोदयः ।
फलप्रदानसन्तुष्टिर्जन्मान्तरितमोक्षदः ॥ 205॥
शिवब्राह्मणवाक्याप्तजयभीतिविभावनः ।
प्रवर्षणप्रार्थिताग्निदानपुण्यमहोत्सवः ॥ 206॥
रुक्मिणीरमणः कामपिता प्रद्युम्नभावनः ।
स्यमन्तकमणिव्याजप्राप्तजाम्बवतीपतिः ॥ 207॥
सत्यभामाप्राणपतिः कालिन्दीरतिवर्धनः ।
मित्रविन्दापतिः सत्यापतिर्वृषनिषूदनः ॥ 208॥
भद्रावाञ्छितभर्ता च लक्ष्मणावरणक्षमः ।
इन्द्रादिप्रार्थितवधनरकासुरसूदनः ॥ 209॥
मुरारिः पीठहन्ता च ताम्रादिप्राणहारकः ।
षोडशस्त्रीसहस्रेशः छत्रकुण्डलदानकृत् ॥ 210॥
पारिजातापहरणो देवेन्द्रमदनाशकः ।
रुक्मिणीसमसर्वस्त्रीसाध्यभोगरतिप्रदः ॥ 211॥
रुक्मिणीपरिहासोक्तिवाक्तिरोधानकारकः ।
पुत्रपौत्रमहाभाग्यगृहधर्मप्रवर्तकः ॥ 212॥
शम्बरान्तकसत्पुत्रविवाहहतरुक्मिकः ।
उषापहृतपौत्रश्रीर्बाणबाहुनिवारकः ॥ 213॥
शीतज्वरभयव्याप्तज्वरसंस्तुतषड्गुणः ।
शङ्करप्रतियोद्धा च द्वन्द्वयुद्धविशारदः ॥ 214॥
नृगपापप्रभेत्ता च ब्रह्मस्वगुणदोषदृक् ।
विष्णुभक्तिविरोधैकब्रह्मस्वविनिवारकः ॥ 215॥
बलभद्राहितगुणो गोकुलप्रीतिदायकः ।
गोपीस्नेहैकनिलयो गोपीप्राणस्थितिप्रदः ॥ 216॥
वाक्यातिगामियमुनाहलाकर्षणवैभवः ।
पौण्ड्रकत्याजितस्पर्धः काशीराजविभेदनः ॥ 217॥
काशीनिदाहकरणः शिवभस्मप्रदायकः ।
द्विविदप्राणघाती च कौरवाखर्वगर्वनुत् ॥ 218॥
लाङ्गलाकृष्टनगरीसंविग्नाखिलनागरः ।
प्रपन्नाभयदः साम्बप्राप्तसन्मानभाजनम् ॥ 219॥
नारदान्विष्टचरणो भक्तविक्षेपनाशकः ।
सदाचारैकनिलयः सुधर्माध्यासितासनः ॥ 220॥
जरासन्धावरुद्धेन विज्ञापितनिजक्लमः ।
मन्त्र्युद्धवादिवाक्योक्तप्रकारैकपरायणः ॥ 221॥
राजसूयादिमखकृत् सम्प्रार्थितसहायकृत् ।
इन्द्रप्रस्थप्रयाणार्थमहत्सम्भारसम्भृतिः ॥ 222॥
जरासन्धवधव्याजमोचिताशेषभूमिपः ।
सन्मार्गबोधको यज्ञक्षितिवारणतत्परः ॥ 223॥
शिशुपालहतिव्याजजयशापविमोचकः ।
दुर्योधनाभिमानाब्धिशोषबाणवृकोदरः॥ 224॥
महादेववरप्राप्तपुरशाल्वविनाशकः ।
दन्तवक्त्रवधव्याजविजयाघौघनाशकः ॥ 225॥
विदूरथप्राणहर्ता न्यस्तशस्त्रास्त्रविग्रहः ।
उपधर्मविलिप्ताङ्गसूतघाती वरप्रदः ॥ 226॥
बल्वलप्राणहरणपालितर्षिश्रुतिक्रियः ।
सर्वतीर्थाघनाशार्थतीर्थयात्राविशारदः ॥ 227॥
ज्ञानक्रियाविभेदेष्टफलसाधनतत्परः ।
सारथ्यादिक्रियाकर्ता भक्तवश्यत्वबोधकः ॥ 228॥
सुदामारङ्कभार्यार्थभूम्यानीतेन्द्रवैभवः ।
रविग्रहनिमित्ताप्तकुरुक्षेत्रैकपावनः ॥ 229॥
नृपगोपीसमस्तस्त्रीपावनार्थाखिलक्रियः ।
ऋषिमार्गप्रतिष्ठाता वसुदेवमखक्रियः ॥ 230॥
वसुदेवज्ञानदाता देवकीपुत्रदायकः ।
अर्जुनस्त्रीप्रदाता च बहुलाश्वस्वरूपदः ॥ 231॥
श्रुतदेवेष्टदाता च सर्वश्रुतिनिरूपितः ।
महादेवाद्यतिश्रेष्ठो भक्तिलक्षणनिर्णयः ॥ 232॥
वृकग्रस्तशिवत्राता नानावाक्यविशारदः ।
नरगर्वविनाशार्थहृतब्राह्मणबालकः ॥ 233॥
लोकालोकपरस्थानस्थितबालकदायकः ।
द्वारकास्थमहाभोगनानास्त्रीरतिवर्धनः ॥ 234॥
मनस्तिरोधानकृतव्यग्रस्त्रीचित्तभावितः ।
मुक्तिलीला
मुक्तिलीलाविहरणो मौशलव्याजसंहृतिः ॥ 235॥
श्रीभागवतधर्मादिबोधको भक्तिनीतिकृत् ।
उद्धवज्ञानदाता च पञ्चविंशतिधा गुरुः ॥ 236॥
आचारभक्तिमुक्त्यादिवक्ता शब्दोद्भवस्थितिः ।
हंसो धर्मप्रवक्ता च सनकाद्युपदेशकृत् ॥ 237॥
भक्तिसाधनवक्ता च योगसिद्धिप्रदायकः ।
नानाविभूतिवक्ता च शुद्धधर्मावबोधकः ॥ 238॥
मार्गत्रयविभेदात्मा नानाशङ्कानिवारकः ।
भिक्षुगीताप्रवक्ता च शुद्धसाङ्ख्यप्रवर्तकः ॥ 239॥
मनोगुणविशेषात्मा ज्ञापकोक्तपुरूरवाः ।
पूजाविधिप्रवक्ता च सर्वसिद्धान्तबोधकः ॥ 240॥
लघुस्वमार्गवक्ता च स्वस्थानगतिबोधकः ।
यादवाङ्गोपसंहर्ता सर्वाश्चर्यगतिक्रियः ॥ 241॥
आश्रयलीला
कालधर्मविभेदार्थवर्णनाशनतत्परः ।
बुद्धो गुप्तार्थवक्ता च नानाशास्त्रविधायकः ॥ 242॥
नष्टधर्ममनुष्यादिलक्षणज्ञापनोत्सुकः ।
आश्रयैकगतिज्ञाता कल्किः कलिमलापहः ॥ 243॥
शास्त्रवैराग्यसम्बोधो नानाप्रलयबोधकः ।
विशेषतः शुकव्याजपरीक्षिज्ज्ञानबोधकः ॥ 244॥
शुकेष्टगतिरूपात्मा परीक्षिद्देहमोक्षदः ।
शब्दरूपो नादरूपो वेदरूपो विभेदनः ॥ 245॥
व्यासः शाखाप्रवक्ता च पुराणार्थप्रवर्तकः ।
मार्कण्डेयप्रसन्नात्मा वटपत्रपुटेशयः ॥ 246॥
मायाव्याप्तमहामोहदुःखशान्तिप्रवर्तकः ।
महादेवस्वरूपश्च भक्तिदाता कृपानिधिः ॥ 247॥
आदित्यान्तर्गतः कालः द्वादशात्मा सुपूजितः ।
श्रीभागवतरूपश्च सर्वार्थफलदायकः ॥ 248॥
इतीदं कीर्तनीयस्य हरेर्नामसहस्रकम् ।
पञ्चसप्ततिविस्तीर्णं पुराणान्तरभाषितम् ॥ 249॥
य एतत्प्रातरुत्थाय श्रद्धावान् सुसमाहितः ।
जपेदर्थाहितमतिः स गोविन्दपदं लभेत् ॥ 250॥
सर्वधर्मविनिर्मुक्तः सर्वसाधनवर्जितः ।
एतद्धारणमात्रेण कृष्णस्य पदवीं व्रजेत् ॥ 251॥
हर्यावेशितचित्तेन श्रीभागवतसागरात् ।
समुद्धृतानि नामानि चिन्तामणिनिभानि हि ॥ 252॥
कण्ठस्थितान्यर्थदीप्त्या बाधन्तेऽज्ञानजं तमः ।
भक्तिं श्रीकृष्णदेवस्य साधयन्ति विनिश्चितम् ॥ 253॥
किम्बहूक्तेन भगवान् नामभिः स्तुतषड्गुणः ।
आत्मभावं नयत्याशु भक्तिं च कुरुते दृढाम् ॥ 254॥
यः कृष्णभक्तिमिह वाञ्छति साधनौघैर्-
नामानि भासुरयशांसि जपेत्स नित्यम् ।
तं वै हरिः स्वपुरुषं कुरुतेऽतिशीघ्रम्-
आत्मार्पणं समधिगच्छति भावतुष्टः ॥ 255॥
श्रीकृष्ण कृष्णसख वृष्णिवृषावनिध्रुग्-
राजन्यवंशदहनानपवर्गवीर्य ।
गोविन्द गोपवनिताव्रजभृत्यगीत
तीर्थश्रवः श्रवणमङ्गल पाहि भृत्यान् ॥ 256॥
॥ इति श्रीभागवतसारसमुच्चये वैश्वानरोक्तं
श्रीवल्लभाचार्यविरचितं
श्रीपुरुषोत्तमसहस्रनामस्तोत्रं सम्पूर्णम् ॥
viniyogaḥ
purāṇapuruṣo viṣṇuḥ puruṣottama ucyate |
nāmnāṃ sahasraṃ vakṣyāmi tasya bhāgavatoddhṛtam || 1||
yasya prasādādvāgīśāḥ prajeśā vibhavonnatāḥ |
kṣudrā api bhavantyāśu śrīkṛṣṇaṃ taṃ nato'smyaham || 2||
anantā eva kṛṣṇasya līlā nāmapravartikāḥ |
uktā bhāgavate gūhāḥ prakaṭā api kutracit || 3||
atastāni pravakṣyāmi nāmāni muravairiṇaḥ |
sahasraṃ yaistu paṭhitaiḥ paṭhitaṃ syācchukāmṛtam || 4||
kṛṣṇanāmasahasrasya ṛṣiragnirnirūpitaḥ |
gāyatrī ca tathā chando devatā puruṣottamaḥ || 5||
viniyogaḥ samasteṣu puruṣārtheṣu vai mataḥ |
bījaṃ bhaktapriyaḥ śaktiḥ satyavāgucyate hariḥ || 6||
bhaktoddharaṇayatnastu mantro'tra paramo mataḥ |
avatāritabhaktāṃśaḥ kīlakaṃ parikīrtitam || 7||
astraṃ sarvasamarthaśca govindaḥ kavacaṃ matam |
puruṣo dhyānamatroktaḥ siddhiḥ śaraṇasaṃsmṛtiḥ || 8||
adhikāralīlā
śrīkṛṣṇaḥ saccidānando nityalīlāvinodakṛt |
sarvāgamavinodī ca lakṣmīśaḥ puruṣottamaḥ || 9||
ādikālaḥ sarvakālaḥ kālātmā māyayāvṛtaḥ |
bhaktoddhāraprayatnātmā jagatkartā jaganmayaḥ || 10||
nāmalīlāparo viṣṇurvyāsātmā śukamokṣadaḥ |
vyāpivaikuṇṭhadātā ca śrīmadbhāgavatāgamaḥ || 11||
śukavāgamṛtābdhīnduḥ śaunakādyakhileṣṭadaḥ |
bhaktipravartakastrātā vyāsacintāvināśakaḥ || 12||
sarvasiddhāntavāgātmā nāradādyakhileṣṭadaḥ |
antarātmā dhyānagamyo bhaktiratnapradāyakaḥ || 13||
muktopasṛpyaḥ pūrṇātmā muktānāṃ rativardhanaḥ |
bhaktakāryaikanirato drauṇyastravinivārakaḥ || 14||
bhaktasmayapraṇetā ca bhaktavākparipālakaḥ |
brahmaṇyadevo dharmātmā bhaktānāṃ ca parīkṣakaḥ || 15||
āsannahitakartā ca māyāhitakaraḥ prabhuḥ |
uttarāprāṇadātā ca brahmāstravinivārakaḥ || 16||
sarvataḥ pāṇavapatiḥ parīkṣicchuddhikāraṇam |
gūhātmā sarvavedeṣu bhaktaikahṛdayaṅgamaḥ || 17||
kuntīstutyaḥ prasannātmā paramādbhutakāryakṛt |
bhīṣmamuktipradaḥ svāmī bhaktamohanivārakaḥ || 18||
sarvāvasthāsu saṃsevyaḥ samaḥ sukhahitapradaḥ |
kṛtakṛtyaḥ sarvasākṣī bhaktastrīrativardhanaḥ || 19||
sarvasaubhāgyanilayaḥ paramāścaryarūpadhṛk |
ananyapuruṣasvāmī dvārakābhāgyabhājanam || 20||
bījasaṃskārakartā ca parīkṣijjānapoṣakaḥ |
sarvatrapūrṇaguṇakaḥ sarvabhūṣaṇabhūṣitaḥ || 21||
sarvalakṣaṇadātā ca dhṛtarāṣṭravimuktidaḥ |
sanmārgarakṣako nityaṃ viduraprītipūrakaḥ || 22||
līlāvyāmohakartā ca kāladharmapravartakaḥ |
pāṇavānāṃ mokṣadātā parīkṣidbhāgyavardhanaḥ || 23||
kalinigrahakartā ca dharmādīnāṃ ca poṣakaḥ |
satsaṅgajānahetuśca śrībhāgavatakāraṇam || 24||
prākṛtādṛṣṭamārgaśca|||||||||||| continued
jñāna-sādhana-līlā
|||||||||||||||||||||||| śrotavyaḥ sakalāgamaiḥ |
kīrtitavyaḥ śuddhabhāvaiḥ smartavyaścātmavittamaiḥ || 25||
anekamārgakartā ca nānāvidhagatipradaḥ |
puruṣaḥ sakalādhāraḥ sattvaikanilayātmabhūḥ || 26||
sarvadhyeyo yogagamyo bhaktyā grāhyaḥ surapriyaḥ |
janmādisārthakakṛtirlīlākartā patiḥ satām || 27||
ādikartā tattvakartā sarvakartā viśāradaḥ |
nānāvatārakartā ca brahmāvirbhāvakāraṇam || 28||
daśalīlāvinodī ca nānāsṛṣṭipravartakaḥ |
anekakalpakartā ca sarvadoṣavivarjitaḥ || 29||
sargalīlā
vairāgyahetustīrthātmā sarvatīrthaphalapradaḥ |
tīrthaśuddhaikanilayaḥ svamārgaparipoṣakaḥ || 30||
tīrthakīrtirbhaktagamyo bhaktānuśayakāryakṛt |
bhaktatulyaḥ sarvatulyaḥ svecchāsarvapravartakaḥ || 31||
guṇātīto'navadyātmā sargalīlāpravartakaḥ |
sākṣātsarvajagatkartā mahadādipravartakaḥ || 32||
māyāpravartakaḥ sākṣī māyārativivardhanaḥ |
ākāśātmā caturmūrtiścaturdhā bhūtabhāvanaḥ || 33||
rajaḥpravartako brahmā marīcyādipitāmahaḥ |
vedakartā yajñakartā sarvakartā'mitātmakaḥ || 34||
anekasṛṣṭikartā ca daśadhāsṛṣṭikārakaḥ |
yajñāṅgo yajñavārāho bhūdharo bhūmipālakaḥ || 35||
seturvidharaṇo jaitro hiraṇyākṣāntakaḥ suraḥ |
ditikaśyapakāmaikahetusṛṣṭipravartakaḥ || 36||
devābhayapradātā ca vaikuṇṭhādhipatirmahān |
sarvagarvaprahārī ca sanakādyakhilārthadaḥ || 37||
sarvāśvāsanakartā ca bhaktatulyāhavapradaḥ |
kālalakṣaṇahetuśca sarvārthajñāpakaḥ paraḥ || 38||
bhaktonnatikaraḥ sarvaprakārasukhadāyakaḥ |
nānāyuddhapraharaṇo brahmaśāpavimocakaḥ || 39||
puṣṭisargapraṇetā ca guṇasṛṣṭipravartakaḥ |
kardameṣṭapradātā ca devahūtyakhilārthadaḥ || 40||
śuklanārāyaṇaḥ satyakāladharmapravartakaḥ |
jñānāvatāraḥ śāntātmā kapilaḥ kālanāśakaḥ || 41||
triguṇādhipatiḥ sāṅkhyaśāstrakartā viśāradaḥ |
sargadūṣaṇahārī ca puṣṭimokṣapravartakaḥ || 42||
laukikānandadātā ca brahmānandapravartakaḥ |
bhaktisiddhāntavaktā ca saguṇajñānadīpakaḥ || 43||
ātmapradaḥ pūrṇakāmo yogātmā yogabhāvitaḥ |
jīvanmuktipradaḥ śrīmānanyabhaktipravartakaḥ || 44||
kālasāmarthyadātā ca kāladoṣanivārakaḥ |
garbhottamajñānadātā karmamārganiyāmakaḥ || 45||
sarvamārganirākartā bhaktimārgaikapoṣakaḥ |
siddhihetuḥ sarvahetuḥ sarvāścaryaikakāraṇam || 46||
cetanācetanapatiḥ samudraparipūjitaḥ |
sāṅkhyācāryastutaḥ siddhapūjitaḥ sarvapūjitaḥ || 47||
visargalīlā
visargakartā sarveśaḥ koṭisūryasamaprabhaḥ |
anantaguṇagambhīro mahāpuruṣapūjitaḥ || 48||
anantasukhadātā ca brahmakoṭiprajāpatiḥ |
sudhākoṭisvāsthyahetuḥ kāmadhukkoṭikāmadaḥ || 49||
samudrakoṭigambhīrastīrthakoṭisamāhvayaḥ |
sumerukoṭiniṣkampaḥ koṭibrahmāṇḍavigrahaḥ || 50||
koṭyaśvamedhapāpaghno vāyukoṭimahābalaḥ |
koṭīndujagadānandī śivakoṭiprasādakṛt || 51||
sarvasadguṇamāhātmyaḥ sarvasadguṇabhājanam |
manvādiprerako dharmo yajñanārāyaṇaḥ paraḥ || 52||
ākūtisūnurdevendro rucijanmā'bhayapradaḥ |
dakṣiṇāpatirojasvī kriyāśaktiḥ parāyaṇaḥ || 53||
dattātreyo yogapatiryogamārgapravartakaḥ |
anasūyāgarbharatnamṛṣivaṃśavivardhanaḥ || 54||
guṇatrayavibhāgajñaścaturvargaviśāradaḥ |
nārāyaṇo dharmasūnurmūrtipuṇyayaśaskaraḥ || 55||
sahasrakavacacchedī tapaḥsāro narapriyaḥ |
viśvānandapradaḥ karmasākṣī bhāratapūjitaḥ || 56||
anantādbhutamāhātmyo badarīsthānabhūṣaṇam |
jitakāmo jitakrodho jitasaṅgo jitendriyaḥ || 57||
urvaśīprabhavaḥ svargasukhadāyī sthitipradaḥ |
amānī mānado goptā bhagavacchāstrabodhakaḥ || 58||
brahmādivandyo haṃsaśrīrmāyāvaibhavakāraṇam |
vividhānantasargātmā viśvapūraṇatatparaḥ || 59||
yajñajīvanahetuśca yajñasvāmīṣṭabodhakaḥ |
nānāsiddhāntagamyaśca saptatantuśca ṣaḍguṇaḥ || 60||
pratisargajagatkartā nānālīlāviśāradaḥ |
dhruvapriyo dhruvasvāmī cintitādhikadāyakaḥ || 61||
durlabhānantaphalado dayānidhiramitrahā |
aṅgasvāmī kṛpāsāro vainyo bhūminiyāmakaḥ || 62||
bhūmidogdhā prajāprāṇapālanaikaparāyaṇaḥ |
yaśodātā jñānadātā sarvadharmapradarśakaḥ || 63||
purañjano jaganmitraṃ visargāntapradarśakaḥ |
pracetasāṃ patiścitrabhaktiheturjanārdanaḥ || 64||
smṛtihetubrahmabhāvasāyujyādipradaḥ śubhaḥ |
vijayī |||||||||||||||||||| continued
sthānalīlā
|||| sthitilīlābdhiracyuto vijayapradaḥ || 65||
svasāmarthyaprado bhaktakīrtiheturadhokṣajaḥ |
priyavratapriyasvāmī svecchāvādaviśāradaḥ || 66||
saṅgyagamyaḥ svaprakāśaḥ sarvasaṅgavivarjitaḥ |
icchāyāṃ ca samaryādastyāgamātropalambhanaḥ || 67||
acintyakāryakartā ca tarkāgocarakāryakṛt |
śaṛṅgārarasamaryādā āgnīdhrarasabhājanam || 68||
nābhīṣṭapūrakaḥ karmamaryādādarśanotsukaḥ |
sarvarūpo'dbhutatamo maryādāpuruṣottamaḥ || 69||
sarvarūpeṣu satyātmā kālasākṣī śaśiprabhaḥ |
merudevīvrataphalamṛṣabho bhagalakṣaṇaḥ || 70||
jagatsantarpako megharūpī devendradarpahā |
jayantīpatiratyantapramāṇāśeṣalaukikaḥ || 71||
śatadhānyastabhūtātmā śatānando guṇaprasūḥ |
vaiṣṇavotpādanaparaḥ sarvadharmopadeśakaḥ || 72||
parahaṃsakriyāgoptā yogacaryāpradarśakaḥ |
caturthāśramanirṇetā sadānandaśarīravān || 73||
pradarśitānyadharmaśca bharatasvāmyapārakṛt |
yathāvatkarmakartā ca saṅgāniṣṭapradarśakaḥ || 74||
āvaśyakapunarjanmakarmamārgapradarśakaḥ |
yajñarūpamṛgaḥ śāntaḥ sahiṣṇuḥ satparākramaḥ || 75||
rahūgaṇagatijñaśca rahūgaṇavimocakaḥ |
bhavāṭavītattvavaktā bahirmukhahite rataḥ || 76||
gayasvāmī sthānavaṃśakartā sthānavibhedakṛt |
puruṣāvayavo bhūmiviśeṣavinirūpakaḥ || 77||
jambūdvīpapatirmerunābhipadmaruhāśrayaḥ |
nānāvibhūtilīlāḍhyo gaṅgotpattinidānakṛt || 78||
gaṅgāmāhātmyahetuśca gaṅgārūpo'tigūḍhakṛt |
vaikuṇṭhadehahetvambujanmakṛt sarvapāvanaḥ || 79||
śivasvāmī śivopāsyo gūḍhaḥ saṅkarṣaṇātmakaḥ |
sthānarakṣārthamatsyādirūpaḥ sarvaikapūjitaḥ || 80||
upāsyanānārūpātmā jyotīrūpo gatipradaḥ |
sūryanārāyaṇo vedakāntirujjvalaveṣadhṛk || 81||
haṃso'ntarikṣagamanaḥ sarvaprasavakāraṇam |
ānandakartā vasudo budho vākpatirujjvalaḥ || 82||
kālātmā kālakālaśca kālacchedakṛduttamaḥ |
śiśumāraḥ sarvamūrtirādhidaivikarūpadhṛk || 83||
anantasukhabhogāḍhyo vivaraiśvaryabhājanam |
saṅkarṣaṇo daityapatiḥ sarvādhāro bṛhadvapuḥ || 84||
anantanarakacchedī smṛtimātrārtināśanaḥ |
sarvānugrahakartā ca |||||||||||||||||||| continued
poṣaṇa-puṣṭi-līlā
|||||||||||||||| maryādābhinnaśāstrakṛt || 85 ||
kālāntakabhayacchedī nāmasāmarthyarūpadhṛk |
uddhārānarhagoptrātmā nāmādiprerakottamaḥ || 86||
ajāmilamahāduṣṭamocako'ghavimocakaḥ |
dharmavaktā'kliṣṭavaktā viṣṇudharmasvarūpadhṛk || 87||
sanmārgaprerako dhartā tyāgaheturadhokṣajaḥ |
vaikuṇṭhapuranetā ca dāsasaṃvṛddhikārakaḥ || 88||
dakṣaprasādakṛddhaṃsaguhyastutivibhāvanaḥ |
svābhiprāyapravaktā ca muktajīvaprasūtikṛt || 89||
nāradapreraṇātmā ca haryaśvabrahmabhāvanaḥ |
śabalāśvahito gūḍhavākyārthajñāpanakṣamaḥ || 90||
gūḍhārthajñāpanaḥ sarvamokṣānandapratiṣṭhitaḥ |
puṣṭiprarohahetuśca dāsaikajñātahṛdgataḥ || 91||
śāntikartā suhitakṛt strīprasūḥ sarvakāmadhuk |
puṣṭivaṃśapraṇetā ca viśvarūpeṣṭadevatā || 92||
kavacātmā pālanātmā varmopacitikāraṇam |
viśvarūpaśiraśchedī tvāṣṭrayajñavināśakaḥ || 93||
vṛtrasvāmī vṛtragamyo vṛtravrataparāyaṇaḥ |
vṛtrakīrtirvṛtramokṣo maghavatprāṇarakṣakaḥ || 94||
aśvamedhahavirbhoktā devendrāmīvanāśakaḥ |
saṃsāramocakaścitraketubodhanatatparaḥ || 95||
mantrasiddhiḥ siddhihetuḥ susiddhiphaladāyakaḥ |
mahādevatiraskartā bhaktyai pūrvārthanāśakaḥ || 96||
devabrāhmaṇavidveṣavaimukhyajñāpakaḥ śivaḥ |
ādityo daityarājaśca mahatpatiracintyakṛt || 97||
marutāṃ bhedakastrātā vratātmā pumprasūtikṛt |
ūtilīlā
karmātmā vāsanātmā ca ūtilīlāparāyaṇaḥ || 98||
samadaityasuraḥ svātmā vaiṣamyajñānasaṃśrayaḥ |
dehādyupādhirahitaḥ sarvajñaḥ sarvahetuvid || 99||
brahmavāksthāpanaparaḥ svajanmāvadhikāryakṛt |
sadasadvāsanāhetustrisatyo bhaktamocakaḥ || 100||
hiraṇyakaśipudveṣī praviṣṭātmā'tibhīṣaṇaḥ |
śāntijñānādihetuśca prahlādotpattikāraṇam || 101||
daityasiddhāntasadvaktā tapaḥsāra udāradhīḥ |
daityahetuprakaṭano bhakticihnaprakāśakaḥ || 102||
saddveṣahetuḥ saddveṣavāsanātmā nirantaraḥ |
naiṣṭhuryasīmā prahlādavatsalaḥ saṅgadoṣahā || 103||
mahānubhāvaḥ sākāraḥ sarvākāraḥ pramāṇabhūḥ |
stambhaprasūtirnṛharirnṛsiṃho bhīmavikramaḥ || 104||
vikaṭāsyo lalajjihvo nakhaśastro javotkaṭaḥ |
hiraṇyakaśipucchedī krūradaityanivārakaḥ || 105||
siṃhāsanasthaḥ krodhātmā lakṣmībhayavivardhanaḥ |
brahmādyatyantabhayabhūrapūrvācintyarūpadhṛk || 106||
bhaktaikaśāntahṛdayo bhaktastutyaḥ stutipriyaḥ |
bhaktāṅgalehanoddhūtakrodhapuṅjaḥ praśāntadhīḥ || 107||
smṛtimātrabhayatrātā brahmabuddhipradāyakaḥ |
gorūpadhāryamṛtapāḥ śivakīrtivivardhanaḥ || 108||
dharmātmā sarvakarmātmā viśeṣātmā''śramaprabhuḥ |
saṃsāramagnasvoddhartā sanmārgākhilatattvavāk || 109||
ācārātmā sadācāraḥ |||||||||||||||||| continued
manvantaralīlā
||||||||||||||||||||manvantaravibhāvanaḥ |
smṛtyā'śeṣāśubhaharo gajendrasmṛtikāraṇam || 110||
jātismaraṇahetvaikapūjābhaktisvarūpadaḥ |
yajño bhayānmanutrātā vibhurbrahmavratāśrayaḥ || 111||
satyaseno duṣṭaghātī harirgajavimocakaḥ |
vaikuṇṭho lokakartā ca ajito'mṛtakāraṇam || 112||
urukramo bhūmihartā sārvabhaumo balipriyaḥ |
vibhuḥ sarvahitaikātmā viṣvaksenaḥ śivapriyaḥ || 113||
dharmaseturlokadhṛtiḥ sudhāmāntarapālakaḥ |
upahartā yogapatirbṛhadbhānuḥ kriyāpatiḥ || 114||
caturdaśapramāṇātmā dharmo manvādibodhakaḥ |
lakṣmībhogaikanilayo devamantrapradāyakaḥ || 115||
daityavyāmohakaḥ sākṣādgaruḍaskandhasaṃśrayaḥ |
līlāmandaradhārī ca daityavāsukipūjitaḥ || 116||
samudronmathanāyatto'vighnakartā svavākyakṛt |
ādikūrmaḥ pavitrātmā mandarāgharṣaṇotsukaḥ || 117||
śvāsaijadabdhivārvīciḥ kalpāntāvadhikāryakṛt |
caturdaśamahāratno lakṣmīsaubhāgyavardhanaḥ || 118||
dhanvantariḥ sudhāhasto yajñabhoktā''rtināśanaḥ |
āyurvedapraṇetā ca devadaityākhilārcitaḥ || 119||
buddhivyāmohako devakāryasādhanatatparaḥ |
strīrūpo māyayā vaktā daityāntaḥkaraṇapriyaḥ || 120||
pāyitāmṛtadevāṃśo yuddhahetusmṛtipradaḥ |
sumālimālivadhakṛnmālyavatprāṇahārakaḥ || 121||
kālanemiśiraśchedī daityayajñavināśakaḥ |
indrasāmarthyadātā ca daityaśeṣasthitipriyaḥ || 122||
śivavyāmohako māyī bhṛgumantrasvaśaktidaḥ |
balijīvanakartā ca svargaheturvratārcitaḥ || 123||
adityānandakartā ca kaśyapāditisambhavaḥ |
upendra indrāvarajo vāmanabrahmarūpadhṛk || 124||
brahmādisevitavapuryajñapāvanatatparaḥ |
yācñopadeśakartā ca jñāpitāśeṣasaṃsthitiḥ || 125||
satyārthaprerakaḥ sarvahartā garvavināśakaḥ |
trivikramastrilokātmā viśvamūrtiḥ pṛthuśravāḥ || 126||
pāśabaddhabaliḥ sarvadaityapakṣopamardakaḥ |
sutalasthāpitabaliḥ svargādhikasukhapradaḥ || 127||
karmasampūrtikartā ca svargasaṃsthāpitāmaraḥ |
jñātatrividhadharmātmā mahāmīno'bdhisaṃśrayaḥ || 128||
satyavratapriyo goptā matsyamūrtidhṛtaśrutiḥ |
śaṛṅgabaddhadhṛtakṣoṇiḥ sarvārthajñāpako guruḥ || 129||
īśānukathālīlā
īśasevakalīlātmā sūryavaṃśapravartakaḥ |
somavaṃśodbhavakaro manuputragatipradaḥ || 130||
ambarīṣapriyaḥ sādhurdurvāsogarvanāśakaḥ |
brahmaśāpopasaṃhartā bhaktakīrtivivardhanaḥ || 131||
ikṣvākuvaṃśajanakaḥ sagarādyakhilārthadaḥ |
bhagīrathamahāyatno gaṅgādhautāṅghripaṅkajaḥ || 132||
brahmasvāmī śivasvāmī sagarātmajamuktidaḥ |
khaṭvāṅgamokṣahetuśca raghuvaṃśavivardhanaḥ || 133||
raghunātho rāmacandro rāmabhadro raghupriyaḥ |
anantakīrtiḥ puṇyātmā puṇyaślokaikabhāskaraḥ || 134||
kośalendraḥ pramāṇātmā sevyo daśarathātmajaḥ |
lakṣmaṇo bharataścaiva śatrughno vyūhavigrahaḥ || 135||
viśvāmitrapriyo dāntastāḍakāvadhamokṣadaḥ |
vāyavyāstrābdhinikṣiptamārīcaśca subāhuhā || 136||
vṛṣadhvajadhanurbhaṅgaprāptasītāmahotsavaḥ |
sītāpatirbhṛgupatigarvaparvatanāśakaḥ || 137||
ayodhyāsthamahābhogayuktalakṣmīvinodavān |
kaikeyīvākyakartā ca pitṛvākparipālakaḥ || 138||
vairāgyabodhako'nanyasāttvikasthānabodhakaḥ |
ahalyāduḥkhahārī ca guhasvāmī salakṣmaṇaḥ || 139||
citrakūṭapriyasthāno daṇḍakāraṇyapāvanaḥ |
śarabhaṅgasutīkṣṇādipūjito'gastyabhāgyabhūḥ || 140||
ṛṣisamprārthitakṛtirvirādhavadhapaṇḍitaḥ |
chinnaśūrpaṇakhānāsaḥ kharadūṣaṇaghātakaḥ || 141||
ekabāṇahatānekasahasrabalarākṣasaḥ |
mārīcaghātī niyatasītāsambandhaśobhitaḥ || 142||
sītāviyoganāṭyaśca jaṭāyurvadhamokṣadaḥ |
śabarīpūjito bhaktahanumatpramukhāvṛtaḥ || 143||
dundubhyasthipraharaṇaḥ saptatālavibhedanaḥ |
sugrīvarājyado vālighātī sāgaraśoṣaṇaḥ || 144||
setubandhanakartā ca vibhīṣaṇahitapradaḥ |
rāvaṇādiśiraśchedī rākṣasāghaughanāśakaḥ || 145||
sītā'bhayapradātā ca puṣpakāgamanotsukaḥ |
ayodhyāpatiratyantasarvalokasukhapradaḥ || 146||
mathurāpuranirmātā sukṛtajñasvarūpadaḥ |
janakajñānagamyaśca ailāntaprakaṭaśrutiḥ || 147||
haihayāntakaro rāmo duṣṭakṣatravināśakaḥ |
somavaṃśahitaikātmā yaduvaṃśavivardhanaḥ || 148||
nirodhalīlā
parabrahmāvataraṇaḥ keśavaḥ kleśanāśanaḥ |
bhūmibhārāvataraṇo bhaktārthākhilamānasaḥ || 149||
sarvabhaktanirodhātmā līlānantanirodhakṛt |
bhūmiṣṭhaparamānando devakīśuddhikāraṇam || 150||
vasudevajñānaniṣṭhasamajīvanivārakaḥ |
sarvavairāgyakaraṇasvalīlādhāraśodhakaḥ || 151||
māyājñāpanakartā ca śeṣasambhārasambhṛtiḥ |
bhaktakleśaparijñātā tannivāraṇatatparaḥ || 152||
āviṣṭavasudevāṃśo devakīgarbhabhūṣaṇam |
pūrṇatejomayaḥ pūrṇaḥ kaṃsādhṛṣyapratāpavān || 153||
vivekajñānadātā ca brahmādyakhilasaṃstutaḥ |
satyo jagatkalpatarurnānārūpavimohanaḥ || 154||
bhaktimārgapratiṣṭhātā vidvanmohapravartakaḥ |
mūlakālaguṇadraṣṭā nayanānandabhājanam || 155||
vasudevasukhābdhiśca devakīnayanāmṛtam |
pitṛmātṛstutaḥ pūrvasarvavṛttāntabodhakaḥ || 156||
gokulāgatilīlāptavasudevakarasthitiḥ |
sarveśatvaprakaṭano māyāvyatyayakārakaḥ || 157||
jñānamohitaduṣṭeśaḥ prapañcāsmṛtikāraṇam |
yaśodānandano nandabhāgyabhūgokulotsavaḥ || 158||
nandapriyo nandasūnuryaśodāyāḥ stanandhayaḥ |
pūtanāsupayaḥpātā mugdhabhāvātisundaraḥ || 159||
sundarīhṛdayānando gopīmantrābhimantritaḥ |
gopālāścaryarasakṛt śakaṭāsurakhaṇḍanaḥ || 160||
nandavrajajanānandī nandabhāgyamahodayaḥ |
tṛṇāvartavadhotsāho yaśodājñānavigrahaḥ || 161||
balabhadrapriyaḥ kṛṣṇaḥ saṅkarṣaṇasahāyavān |
rāmānujo vāsudevo goṣṭhāṅgaṇagatipriyaḥ || 162||
kiṅkiṇīravabhāvajño vatsapucchāvalambanaḥ |
navanītapriyo gopīmohasaṃsāranāśakaḥ || 163||
gopabālakabhāvajñaścauryavidyāviśāradaḥ |
mṛtsnābhakṣaṇalīlāsyamāhātmyajñānadāyakaḥ || 164||
dharādroṇaprītikartā dadhibhāṇḍavibhedanaḥ |
dāmodaro bhaktavaśyo yamalārjunabhañjanaḥ || 165||
bṛhadvanamahāścaryo vṛndāvanagatipriyaḥ |
vatsaghātī bālakelirbakāsuraniṣūdanaḥ || 166||
araṇyabhoktā'pyathavā bālalīlāparāyaṇaḥ |
protsāhajanakaścaivamaghāsuraniṣūdanaḥ || 167||
vyālamokṣapradaḥ puṣṭo brahmamohapravardhanaḥ |
anantamūrtiḥ sarvātmā jaṅgamasthāvarākṛtiḥ || 168||
brahmamohanakartā ca stutya ātmā sadāpriyaḥ |
paugaṇḍalīlābhiratirgocāraṇaparāyaṇaḥ || 169||
vṛndāvanalatāgulmavṛkṣarūpanirūpakaḥ |
nādabrahmaprakaṭano vayaḥpratikṛtisvanaḥ || 170||
barhinṛtyānukaraṇo gopālānukṛtisvanaḥ |
sadācārapratiṣṭhātā balaśramanirākṛtiḥ || 171||
tarumūlakṛtāśeṣatalpaśāyī sakhistutaḥ |
gopālasevitapadaḥ śrīlālitapadāmbujaḥ || 172||
gopasamprārthitaphaladānanāśitadhenukaḥ |
kālīyaphaṇimāṇikyarañjitaśrīpadāmbujaḥ || 173||
dṛṣṭisaṅjīvitāśeṣagopagogopikāpriyaḥ |
līlāsampītadāvāgniḥ pralambavadhapaṇḍitaḥ || 174||
dāvāgnyāvṛtagopāladṛṣṭyācchādanavahnipaḥ |
varṣāśaradvibhūtiśrīrgopīkāmaprabodhakaḥ || 175||
gopīratnastutāśeṣaveṇuvādyaviśāradaḥ |
kātyāyanīvratavyājasarvabhāvāśritāṅganaḥ || 176||
satsaṅgatistutivyājastutavṛndāvanāṅghripaḥ |
gopakṣucchāntisaṃvyājaviprabhāryāprasādakṛt || 177||
hetuprāptendrayāgasvakāryagosavabodhakaḥ |
śailarūpakṛtāśeṣarasabhogasukhāvahaḥ || 178||
līlāgovardhanoddhārapālitasvavrajapriyaḥ |
gopasvacchandalīlārthagargavākyārthabodhakaḥ || 179||
indradhenustutiprāptagovindendrābhidhānavān |
vratādidharmasaṃsaktanandakleśavināśakaḥ || 180||
nandādigopamātreṣṭavaikuṇṭhagatidāyakaḥ |
veṇuvādasmarakṣobhamattagopīvimuktidaḥ || 181||
sarvabhāvaprāptagopīsukhasaṃvardhanakṣamaḥ |
gopīgarvapraṇāśārthatirodhānasukhapradaḥ || 182||
kṛṣṇabhāvavyāptaviśvagopībhāvitaveṣadhṛk |
rādhāviśeṣasambhogaprāptadoṣanivārakaḥ || 183||
paramaprītisaṅgītasarvādbhutamahāguṇaḥ |
mānāpanodanākrandagopīdṛṣṭimahotsavaḥ || 184||
gopikāvyāptasarvāṅgaḥ strīsambhāṣāviśāradaḥ |
rāsotsavamahāsaukhyagopīsambhogasāgaraḥ || 185||
jalasthalarativyāptagopīdṛṣṭyabhipūjitaḥ |
śāstrānapekṣakāmaikamuktidvāravivardhanaḥ || 186||
sudarśanamahāsarpagrastanandavimocakaḥ |
gītamohitagopīdhṛkṣaṅkhacūḍavināśakaḥ || 187||
guṇasaṅgītasantuṣṭirgopīsaṃsāravismṛtiḥ |
ariṣṭamathano daityabuddhivyāmohakārakaḥ || 188||
keśighātī nāradeṣṭo vyomāsuravināśakaḥ |
akrūrabhaktisaṃrāddhapādareṇumahānidhiḥ || 189||
rathāvarohaśuddhātmā gopīmānasahārakaḥ |
hradasandarśitāśeṣavaikuṇṭhākrūrasaṃstutaḥ || 190||
mathurāgamanotsāho mathurābhāgyabhājanam |
mathurānagarīśobhādarśanotsukamānasaḥ || 191||
duṣṭarañjakaghātī ca vāyakārcitavigrahaḥ |
vastramālāsuśobhāṅgaḥ kubjālepanabhūṣitaḥ || 192||
kubjāsurūpakartā ca kubjārativarapradaḥ |
prasādarūpasantuṣṭaharakodaṇḍakhaṇḍanaḥ || 193||
śakalāhatakaṃsāptadhanūrakṣakasainikaḥ |
jāgratsvapnabhayavyāptamṛtyulakṣaṇabodhakaḥ || 194||
mathurāmalla ojasvī mallayuddhaviśāradaḥ |
sadyaḥ kuvalayāpīḍaghātī cāṇūramardanaḥ || 195||
līlāhatamahāmallaḥ śalatośalaghātakaḥ |
kaṃsāntako jitāmitro vasudevavimocakaḥ || 196||
jñātatattvapitṛjñānamohanāmṛtavāṅmayaḥ |
ugrasenapratiṣṭhātā yādavādhivināśakaḥ || 197||
nandādisāntvanakaro brahmacaryavrate sthitaḥ |
guruśuśrūṣaṇaparo vidyāpāramiteśvaraḥ || 198||
sāndīpanimṛtāpatyadātā kālāntakādijit |
gokulāśvāsanaparo yaśodānandapoṣakaḥ || 199||
gopikāvirahavyājamanogatiratipradaḥ |
samoddhavabhramaravāk gopikāmohanāśakaḥ || 200||
kubjāratiprado'krūrapavitrīkṛtabhūgṛhaḥ |
pṛthāduḥkhapraṇetā ca pāṇḍavānāṃ sukhapradaḥ || 201||
daśamaskandhottarārdhanāmāni nirodhalīlā
jarāsandhasamānītasainyaghātī vicārakaḥ |
yavanavyāptamathurājanadattakuśasthaliḥ || 202||
dvārakādbhutanirmāṇavismāpitasurāsuraḥ |
manuṣyamātrabhogārthabhūmyānītendravaibhavaḥ || 203||
yavanavyāptamathurānirgamānandavigrahaḥ |
mucukundamahābodhayavanaprāṇadarpahā || 204||
mucukundastutāśeṣaguṇakarmamahodayaḥ |
phalapradānasantuṣṭirjanmāntaritamokṣadaḥ || 205||
śivabrāhmaṇavākyāptajayabhītivibhāvanaḥ |
pravarṣaṇaprārthitāgnidānapuṇyamahotsavaḥ || 206||
rukmiṇīramaṇaḥ kāmapitā pradyumnabhāvanaḥ |
syamantakamaṇivyājaprāptajāmbavatīpatiḥ || 207||
satyabhāmāprāṇapatiḥ kālindīrativardhanaḥ |
mitravindāpatiḥ satyāpatirvṛṣaniṣūdanaḥ || 208||
bhadrāvāñchitabhartā ca lakṣmaṇāvaraṇakṣamaḥ |
indrādiprārthitavadhanarakāsurasūdanaḥ || 209||
murāriḥ pīṭhahantā ca tāmrādiprāṇahārakaḥ |
ṣoḍaśastrīsahasreśaḥ chatrakuṇḍaladānakṛt || 210||
pārijātāpaharaṇo devendramadanāśakaḥ |
rukmiṇīsamasarvastrīsādhyabhogaratipradaḥ || 211||
rukmiṇīparihāsoktivāktirodhānakārakaḥ |
putrapautramahābhāgyagṛhadharmapravartakaḥ || 212||
śambarāntakasatputravivāhahatarukmikaḥ |
uṣāpahṛtapautraśrīrbāṇabāhunivārakaḥ || 213||
śītajvarabhayavyāptajvarasaṃstutaṣaḍguṇaḥ |
śaṅkarapratiyoddhā ca dvandvayuddhaviśāradaḥ || 214||
nṛgapāpaprabhettā ca brahmasvaguṇadoṣadṛk |
viṣṇubhaktivirodhaikabrahmasvavinivārakaḥ || 215||
balabhadrāhitaguṇo gokulaprītidāyakaḥ |
gopīsnehaikanilayo gopīprāṇasthitipradaḥ || 216||
vākyātigāmiyamunāhalākarṣaṇavaibhavaḥ |
pauṇḍrakatyājitaspardhaḥ kāśīrājavibhedanaḥ || 217||
kāśīnidāhakaraṇaḥ śivabhasmapradāyakaḥ |
dvividaprāṇaghātī ca kauravākharvagarvanut || 218||
lāṅgalākṛṣṭanagarīsaṃvignākhilanāgaraḥ |
prapannābhayadaḥ sāmbaprāptasanmānabhājanam || 219||
nāradānviṣṭacaraṇo bhaktavikṣepanāśakaḥ |
sadācāraikanilayaḥ sudharmādhyāsitāsanaḥ || 220||
jarāsandhāvaruddhena vijñāpitanijaklamaḥ |
mantryuddhavādivākyoktaprakāraikaparāyaṇaḥ || 221||
rājasūyādimakhakṛt samprārthitasahāyakṛt |
indraprasthaprayāṇārthamahatsambhārasambhṛtiḥ || 222||
jarāsandhavadhavyājamocitāśeṣabhūmipaḥ |
sanmārgabodhako yajñakṣitivāraṇatatparaḥ || 223||
śiśupālahativyājajayaśāpavimocakaḥ |
duryodhanābhimānābdhiśoṣabāṇavṛkodaraḥ|| 224||
mahādevavaraprāptapuraśālvavināśakaḥ |
dantavaktravadhavyājavijayāghaughanāśakaḥ || 225||
vidūrathaprāṇahartā nyastaśastrāstravigrahaḥ |
upadharmaviliptāṅgasūtaghātī varapradaḥ || 226||
balvalaprāṇaharaṇapālitarṣiśrutikriyaḥ |
sarvatīrthāghanāśārthatīrthayātrāviśāradaḥ || 227||
jñānakriyāvibhedeṣṭaphalasādhanatatparaḥ |
sārathyādikriyākartā bhaktavaśyatvabodhakaḥ || 228||
sudāmāraṅkabhāryārthabhūmyānītendravaibhavaḥ |
ravigrahanimittāptakurukṣetraikapāvanaḥ || 229||
nṛpagopīsamastastrīpāvanārthākhilakriyaḥ |
ṛṣimārgapratiṣṭhātā vasudevamakhakriyaḥ || 230||
vasudevajñānadātā devakīputradāyakaḥ |
arjunastrīpradātā ca bahulāśvasvarūpadaḥ || 231||
śrutadeveṣṭadātā ca sarvaśrutinirūpitaḥ |
mahādevādyatiśreṣṭho bhaktilakṣaṇanirṇayaḥ || 232||
vṛkagrastaśivatrātā nānāvākyaviśāradaḥ |
naragarvavināśārthahṛtabrāhmaṇabālakaḥ || 233||
lokālokaparasthānasthitabālakadāyakaḥ |
dvārakāsthamahābhoganānāstrīrativardhanaḥ || 234||
manastirodhānakṛtavyagrastrīcittabhāvitaḥ |
muktilīlā
muktilīlāviharaṇo mauśalavyājasaṃhṛtiḥ || 235||
śrībhāgavatadharmādibodhako bhaktinītikṛt |
uddhavajñānadātā ca pañcaviṃśatidhā guruḥ || 236||
ācārabhaktimuktyādivaktā śabdodbhavasthitiḥ |
haṃso dharmapravaktā ca sanakādyupadeśakṛt || 237||
bhaktisādhanavaktā ca yogasiddhipradāyakaḥ |
nānāvibhūtivaktā ca śuddhadharmāvabodhakaḥ || 238||
mārgatrayavibhedātmā nānāśaṅkānivārakaḥ |
bhikṣugītāpravaktā ca śuddhasāṅkhyapravartakaḥ || 239||
manoguṇaviśeṣātmā jñāpakoktapurūravāḥ |
pūjāvidhipravaktā ca sarvasiddhāntabodhakaḥ || 240||
laghusvamārgavaktā ca svasthānagatibodhakaḥ |
yādavāṅgopasaṃhartā sarvāścaryagatikriyaḥ || 241||
āśrayalīlā
kāladharmavibhedārthavarṇanāśanatatparaḥ |
buddho guptārthavaktā ca nānāśāstravidhāyakaḥ || 242||
naṣṭadharmamanuṣyādilakṣaṇajñāpanotsukaḥ |
āśrayaikagatijñātā kalkiḥ kalimalāpahaḥ || 243||
śāstravairāgyasambodho nānāpralayabodhakaḥ |
viśeṣataḥ śukavyājaparīkṣijjñānabodhakaḥ || 244||
śukeṣṭagatirūpātmā parīkṣiddehamokṣadaḥ |
śabdarūpo nādarūpo vedarūpo vibhedanaḥ || 245||
vyāsaḥ śākhāpravaktā ca purāṇārthapravartakaḥ |
mārkaṇḍeyaprasannātmā vaṭapatrapuṭeśayaḥ || 246||
māyāvyāptamahāmohaduḥkhaśāntipravartakaḥ |
mahādevasvarūpaśca bhaktidātā kṛpānidhiḥ || 247||
ādityāntargataḥ kālaḥ dvādaśātmā supūjitaḥ |
śrībhāgavatarūpaśca sarvārthaphaladāyakaḥ || 248||
itīdaṃ kīrtanīyasya harernāmasahasrakam |
pañcasaptativistīrṇaṃ purāṇāntarabhāṣitam || 249||
ya etatprātarutthāya śraddhāvān susamāhitaḥ |
japedarthāhitamatiḥ sa govindapadaṃ labhet || 250||
sarvadharmavinirmuktaḥ sarvasādhanavarjitaḥ |
etaddhāraṇamātreṇa kṛṣṇasya padavīṃ vrajet || 251||
haryāveśitacittena śrībhāgavatasāgarāt |
samuddhṛtāni nāmāni cintāmaṇinibhāni hi || 252||
kaṇṭhasthitānyarthadīptyā bādhante'jñānajaṃ tamaḥ |
bhaktiṃ śrīkṛṣṇadevasya sādhayanti viniścitam || 253||
kimbahūktena bhagavān nāmabhiḥ stutaṣaḍguṇaḥ |
ātmabhāvaṃ nayatyāśu bhaktiṃ ca kurute dṛḍhām || 254||
yaḥ kṛṣṇabhaktimiha vāñchati sādhanaughair-
nāmāni bhāsurayaśāṃsi japetsa nityam |
taṃ vai hariḥ svapuruṣaṃ kurute'tiśīghram-
ātmārpaṇaṃ samadhigacchati bhāvatuṣṭaḥ || 255||
śrīkṛṣṇa kṛṣṇasakha vṛṣṇivṛṣāvanidhrug-
rājanyavaṃśadahanānapavargavīrya |
govinda gopavanitāvrajabhṛtyagīta
tīrthaśravaḥ śravaṇamaṅgala pāhi bhṛtyān || 256||
|| iti śrībhāgavatasārasamuccaye vaiśvānaroktaṃ
śrīvallabhācāryaviracitaṃ
śrīpuruṣottamasahasranāmastotraṃ sampūrṇam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.