ವಿನಿಯೋಗಃ
ಪುರಾಣಪುರುಷೋ ವಿಷ್ಣುಃ ಪುರುಷೋತ್ತಮ ಉಚ್ಯತೇ ।
ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ತಸ್ಯ ಭಾಗವತೋದ್ಧೃತಮ್ ॥ 1॥
ಯಸ್ಯ ಪ್ರಸಾದಾದ್ವಾಗೀಶಾಃ ಪ್ರಜೇಶಾ ವಿಭವೋನ್ನತಾಃ ।
ಕ್ಷುದ್ರಾ ಅಪಿ ಭವನ್ತ್ಯಾಶು ಶ್ರೀಕೃಷ್ಣಂ ತಂ ನತೋಽಸ್ಮ್ಯಹಮ್ ॥ 2॥
ಅನನ್ತಾ ಏವ ಕೃಷ್ಣಸ್ಯ ಲೀಲಾ ನಾಮಪ್ರವರ್ತಿಕಾಃ ।
ಉಕ್ತಾ ಭಾಗವತೇ ಗೂಹಾಃ ಪ್ರಕಟಾ ಅಪಿ ಕುತ್ರಚಿತ್ ॥ 3॥
ಅತಸ್ತಾನಿ ಪ್ರವಕ್ಷ್ಯಾಮಿ ನಾಮಾನಿ ಮುರವೈರಿಣಃ ।
ಸಹಸ್ರಂ ಯೈಸ್ತು ಪಠಿತೈಃ ಪಠಿತಂ ಸ್ಯಾಚ್ಛುಕಾಮೃತಮ್ ॥ 4॥
ಕೃಷ್ಣನಾಮಸಹಸ್ರಸ್ಯ ಋಷಿರಗ್ನಿರ್ನಿರೂಪಿತಃ ।
ಗಾಯತ್ರೀ ಚ ತಥಾ ಛನ್ದೋ ದೇವತಾ ಪುರುಷೋತ್ತಮಃ ॥ 5॥
ವಿನಿಯೋಗಃ ಸಮಸ್ತೇಷು ಪುರುಷಾರ್ಥೇಷು ವೈ ಮತಃ ।
ಬೀಜಂ ಭಕ್ತಪ್ರಿಯಃ ಶಕ್ತಿಃ ಸತ್ಯವಾಗುಚ್ಯತೇ ಹರಿಃ ॥ 6॥
ಭಕ್ತೋದ್ಧರಣಯತ್ನಸ್ತು ಮನ್ತ್ರೋಽತ್ರ ಪರಮೋ ಮತಃ ।
ಅವತಾರಿತಭಕ್ತಾಂಶಃ ಕೀಲಕಂ ಪರಿಕೀರ್ತಿತಮ್ ॥ 7॥
ಅಸ್ತ್ರಂ ಸರ್ವಸಮರ್ಥಶ್ಚ ಗೋವಿನ್ದಃ ಕವಚಂ ಮತಮ್ ।
ಪುರುಷೋ ಧ್ಯಾನಮತ್ರೋಕ್ತಃ ಸಿದ್ಧಿಃ ಶರಣಸಂಸ್ಮೃತಿಃ ॥ 8॥
ಅಧಿಕಾರಲೀಲಾ
ಶ್ರೀಕೃಷ್ಣಃ ಸಚ್ಚಿದಾನನ್ದೋ ನಿತ್ಯಲೀಲಾವಿನೋದಕೃತ್ ।
ಸರ್ವಾಗಮವಿನೋದೀ ಚ ಲಕ್ಷ್ಮೀಶಃ ಪುರುಷೋತ್ತಮಃ ॥ 9॥
ಆದಿಕಾಲಃ ಸರ್ವಕಾಲಃ ಕಾಲಾತ್ಮಾ ಮಾಯಯಾವೃತಃ ।
ಭಕ್ತೋದ್ಧಾರಪ್ರಯತ್ನಾತ್ಮಾ ಜಗತ್ಕರ್ತಾ ಜಗನ್ಮಯಃ ॥ 10॥
ನಾಮಲೀಲಾಪರೋ ವಿಷ್ಣುರ್ವ್ಯಾಸಾತ್ಮಾ ಶುಕಮೋಕ್ಷದಃ ।
ವ್ಯಾಪಿವೈಕುಣ್ಠದಾತಾ ಚ ಶ್ರೀಮದ್ಭಾಗವತಾಗಮಃ ॥ 11॥
ಶುಕವಾಗಮೃತಾಬ್ಧೀನ್ದುಃ ಶೌನಕಾದ್ಯಖಿಲೇಷ್ಟದಃ ।
ಭಕ್ತಿಪ್ರವರ್ತಕಸ್ತ್ರಾತಾ ವ್ಯಾಸಚಿನ್ತಾವಿನಾಶಕಃ ॥ 12॥
ಸರ್ವಸಿದ್ಧಾನ್ತವಾಗಾತ್ಮಾ ನಾರದಾದ್ಯಖಿಲೇಷ್ಟದಃ ।
ಅನ್ತರಾತ್ಮಾ ಧ್ಯಾನಗಮ್ಯೋ ಭಕ್ತಿರತ್ನಪ್ರದಾಯಕಃ ॥ 13॥
ಮುಕ್ತೋಪಸೃಪ್ಯಃ ಪೂರ್ಣಾತ್ಮಾ ಮುಕ್ತಾನಾಂ ರತಿವರ್ಧನಃ ।
ಭಕ್ತಕಾರ್ಯೈಕನಿರತೋ ದ್ರೌಣ್ಯಸ್ತ್ರವಿನಿವಾರಕಃ ॥ 14॥
ಭಕ್ತಸ್ಮಯಪ್ರಣೇತಾ ಚ ಭಕ್ತವಾಕ್ಪರಿಪಾಲಕಃ ।
ಬ್ರಹ್ಮಣ್ಯದೇವೋ ಧರ್ಮಾತ್ಮಾ ಭಕ್ತಾನಾಂ ಚ ಪರೀಕ್ಷಕಃ ॥ 15॥
ಆಸನ್ನಹಿತಕರ್ತಾ ಚ ಮಾಯಾಹಿತಕರಃ ಪ್ರಭುಃ ।
ಉತ್ತರಾಪ್ರಾಣದಾತಾ ಚ ಬ್ರಹ್ಮಾಸ್ತ್ರವಿನಿವಾರಕಃ ॥ 16॥
ಸರ್ವತಃ ಪಾಣವಪತಿಃ ಪರೀಕ್ಷಿಚ್ಛುದ್ಧಿಕಾರಣಮ್ ।
ಗೂಹಾತ್ಮಾ ಸರ್ವವೇದೇಷು ಭಕ್ತೈಕಹೃದಯಙ್ಗಮಃ ॥ 17॥
ಕುನ್ತೀಸ್ತುತ್ಯಃ ಪ್ರಸನ್ನಾತ್ಮಾ ಪರಮಾದ್ಭುತಕಾರ್ಯಕೃತ್ ।
ಭೀಷ್ಮಮುಕ್ತಿಪ್ರದಃ ಸ್ವಾಮೀ ಭಕ್ತಮೋಹನಿವಾರಕಃ ॥ 18॥
ಸರ್ವಾವಸ್ಥಾಸು ಸಂಸೇವ್ಯಃ ಸಮಃ ಸುಖಹಿತಪ್ರದಃ ।
ಕೃತಕೃತ್ಯಃ ಸರ್ವಸಾಕ್ಷೀ ಭಕ್ತಸ್ತ್ರೀರತಿವರ್ಧನಃ ॥ 19॥
ಸರ್ವಸೌಭಾಗ್ಯನಿಲಯಃ ಪರಮಾಶ್ಚರ್ಯರೂಪಧೃಕ್ ।
ಅನನ್ಯಪುರುಷಸ್ವಾಮೀ ದ್ವಾರಕಾಭಾಗ್ಯಭಾಜನಮ್ ॥ 20॥
ಬೀಜಸಂಸ್ಕಾರಕರ್ತಾ ಚ ಪರೀಕ್ಷಿಜ್ಜಾನಪೋಷಕಃ ।
ಸರ್ವತ್ರಪೂರ್ಣಗುಣಕಃ ಸರ್ವಭೂಷಣಭೂಷಿತಃ ॥ 21॥
ಸರ್ವಲಕ್ಷಣದಾತಾ ಚ ಧೃತರಾಷ್ಟ್ರವಿಮುಕ್ತಿದಃ ।
ಸನ್ಮಾರ್ಗರಕ್ಷಕೋ ನಿತ್ಯಂ ವಿದುರಪ್ರೀತಿಪೂರಕಃ ॥ 22॥
ಲೀಲಾವ್ಯಾಮೋಹಕರ್ತಾ ಚ ಕಾಲಧರ್ಮಪ್ರವರ್ತಕಃ ।
ಪಾಣವಾನಾಂ ಮೋಕ್ಷದಾತಾ ಪರೀಕ್ಷಿದ್ಭಾಗ್ಯವರ್ಧನಃ ॥ 23॥
ಕಲಿನಿಗ್ರಹಕರ್ತಾ ಚ ಧರ್ಮಾದೀನಾಂ ಚ ಪೋಷಕಃ ।
ಸತ್ಸಙ್ಗಜಾನಹೇತುಶ್ಚ ಶ್ರೀಭಾಗವತಕಾರಣಮ್ ॥ 24॥
ಪ್ರಾಕೃತಾದೃಷ್ಟಮಾರ್ಗಶ್ಚ॥॥॥॥॥॥ ಚೋನ್ತಿನುಏದ್
ಜ್ಞಾನ-ಸಾಧನ-ಲೀಲಾ
॥॥॥॥॥॥॥॥॥॥॥॥ ಶ್ರೋತವ್ಯಃ ಸಕಲಾಗಮೈಃ ।
ಕೀರ್ತಿತವ್ಯಃ ಶುದ್ಧಭಾವೈಃ ಸ್ಮರ್ತವ್ಯಶ್ಚಾತ್ಮವಿತ್ತಮೈಃ ॥ 25॥
ಅನೇಕಮಾರ್ಗಕರ್ತಾ ಚ ನಾನಾವಿಧಗತಿಪ್ರದಃ ।
ಪುರುಷಃ ಸಕಲಾಧಾರಃ ಸತ್ತ್ವೈಕನಿಲಯಾತ್ಮಭೂಃ ॥ 26॥
ಸರ್ವಧ್ಯೇಯೋ ಯೋಗಗಮ್ಯೋ ಭಕ್ತ್ಯಾ ಗ್ರಾಹ್ಯಃ ಸುರಪ್ರಿಯಃ ।
ಜನ್ಮಾದಿಸಾರ್ಥಕಕೃತಿರ್ಲೀಲಾಕರ್ತಾ ಪತಿಃ ಸತಾಮ್ ॥ 27॥
ಆದಿಕರ್ತಾ ತತ್ತ್ವಕರ್ತಾ ಸರ್ವಕರ್ತಾ ವಿಶಾರದಃ ।
ನಾನಾವತಾರಕರ್ತಾ ಚ ಬ್ರಹ್ಮಾವಿರ್ಭಾವಕಾರಣಮ್ ॥ 28॥
ದಶಲೀಲಾವಿನೋದೀ ಚ ನಾನಾಸೃಷ್ಟಿಪ್ರವರ್ತಕಃ ।
ಅನೇಕಕಲ್ಪಕರ್ತಾ ಚ ಸರ್ವದೋಷವಿವರ್ಜಿತಃ ॥ 29॥
ಸರ್ಗಲೀಲಾ
ವೈರಾಗ್ಯಹೇತುಸ್ತೀರ್ಥಾತ್ಮಾ ಸರ್ವತೀರ್ಥಫಲಪ್ರದಃ ।
ತೀರ್ಥಶುದ್ಧೈಕನಿಲಯಃ ಸ್ವಮಾರ್ಗಪರಿಪೋಷಕಃ ॥ 30॥
ತೀರ್ಥಕೀರ್ತಿರ್ಭಕ್ತಗಮ್ಯೋ ಭಕ್ತಾನುಶಯಕಾರ್ಯಕೃತ್ ।
ಭಕ್ತತುಲ್ಯಃ ಸರ್ವತುಲ್ಯಃ ಸ್ವೇಚ್ಛಾಸರ್ವಪ್ರವರ್ತಕಃ ॥ 31॥
ಗುಣಾತೀತೋಽನವದ್ಯಾತ್ಮಾ ಸರ್ಗಲೀಲಾಪ್ರವರ್ತಕಃ ।
ಸಾಕ್ಷಾತ್ಸರ್ವಜಗತ್ಕರ್ತಾ ಮಹದಾದಿಪ್ರವರ್ತಕಃ ॥ 32॥
ಮಾಯಾಪ್ರವರ್ತಕಃ ಸಾಕ್ಷೀ ಮಾಯಾರತಿವಿವರ್ಧನಃ ।
ಆಕಾಶಾತ್ಮಾ ಚತುರ್ಮೂರ್ತಿಶ್ಚತುರ್ಧಾ ಭೂತಭಾವನಃ ॥ 33॥
ರಜಃಪ್ರವರ್ತಕೋ ಬ್ರಹ್ಮಾ ಮರೀಚ್ಯಾದಿಪಿತಾಮಹಃ ।
ವೇದಕರ್ತಾ ಯಜ್ಞಕರ್ತಾ ಸರ್ವಕರ್ತಾಽಮಿತಾತ್ಮಕಃ ॥ 34॥
ಅನೇಕಸೃಷ್ಟಿಕರ್ತಾ ಚ ದಶಧಾಸೃಷ್ಟಿಕಾರಕಃ ।
ಯಜ್ಞಾಙ್ಗೋ ಯಜ್ಞವಾರಾಹೋ ಭೂಧರೋ ಭೂಮಿಪಾಲಕಃ ॥ 35॥
ಸೇತುರ್ವಿಧರಣೋ ಜೈತ್ರೋ ಹಿರಣ್ಯಾಕ್ಷಾನ್ತಕಃ ಸುರಃ ।
ದಿತಿಕಶ್ಯಪಕಾಮೈಕಹೇತುಸೃಷ್ಟಿಪ್ರವರ್ತಕಃ ॥ 36॥
ದೇವಾಭಯಪ್ರದಾತಾ ಚ ವೈಕುಣ್ಠಾಧಿಪತಿರ್ಮಹಾನ್ ।
ಸರ್ವಗರ್ವಪ್ರಹಾರೀ ಚ ಸನಕಾದ್ಯಖಿಲಾರ್ಥದಃ ॥ 37॥
ಸರ್ವಾಶ್ವಾಸನಕರ್ತಾ ಚ ಭಕ್ತತುಲ್ಯಾಹವಪ್ರದಃ ।
ಕಾಲಲಕ್ಷಣಹೇತುಶ್ಚ ಸರ್ವಾರ್ಥಜ್ಞಾಪಕಃ ಪರಃ ॥ 38॥
ಭಕ್ತೋನ್ನತಿಕರಃ ಸರ್ವಪ್ರಕಾರಸುಖದಾಯಕಃ ।
ನಾನಾಯುದ್ಧಪ್ರಹರಣೋ ಬ್ರಹ್ಮಶಾಪವಿಮೋಚಕಃ ॥ 39॥
ಪುಷ್ಟಿಸರ್ಗಪ್ರಣೇತಾ ಚ ಗುಣಸೃಷ್ಟಿಪ್ರವರ್ತಕಃ ।
ಕರ್ದಮೇಷ್ಟಪ್ರದಾತಾ ಚ ದೇವಹೂತ್ಯಖಿಲಾರ್ಥದಃ ॥ 40॥
ಶುಕ್ಲನಾರಾಯಣಃ ಸತ್ಯಕಾಲಧರ್ಮಪ್ರವರ್ತಕಃ ।
ಜ್ಞಾನಾವತಾರಃ ಶಾನ್ತಾತ್ಮಾ ಕಪಿಲಃ ಕಾಲನಾಶಕಃ ॥ 41॥
ತ್ರಿಗುಣಾಧಿಪತಿಃ ಸಾಙ್ಖ್ಯಶಾಸ್ತ್ರಕರ್ತಾ ವಿಶಾರದಃ ।
ಸರ್ಗದೂಷಣಹಾರೀ ಚ ಪುಷ್ಟಿಮೋಕ್ಷಪ್ರವರ್ತಕಃ ॥ 42॥
ಲೌಕಿಕಾನನ್ದದಾತಾ ಚ ಬ್ರಹ್ಮಾನನ್ದಪ್ರವರ್ತಕಃ ।
ಭಕ್ತಿಸಿದ್ಧಾನ್ತವಕ್ತಾ ಚ ಸಗುಣಜ್ಞಾನದೀಪಕಃ ॥ 43॥
ಆತ್ಮಪ್ರದಃ ಪೂರ್ಣಕಾಮೋ ಯೋಗಾತ್ಮಾ ಯೋಗಭಾವಿತಃ ।
ಜೀವನ್ಮುಕ್ತಿಪ್ರದಃ ಶ್ರೀಮಾನನ್ಯಭಕ್ತಿಪ್ರವರ್ತಕಃ ॥ 44॥
ಕಾಲಸಾಮರ್ಥ್ಯದಾತಾ ಚ ಕಾಲದೋಷನಿವಾರಕಃ ।
ಗರ್ಭೋತ್ತಮಜ್ಞಾನದಾತಾ ಕರ್ಮಮಾರ್ಗನಿಯಾಮಕಃ ॥ 45॥
ಸರ್ವಮಾರ್ಗನಿರಾಕರ್ತಾ ಭಕ್ತಿಮಾರ್ಗೈಕಪೋಷಕಃ ।
ಸಿದ್ಧಿಹೇತುಃ ಸರ್ವಹೇತುಃ ಸರ್ವಾಶ್ಚರ್ಯೈಕಕಾರಣಮ್ ॥ 46॥
ಚೇತನಾಚೇತನಪತಿಃ ಸಮುದ್ರಪರಿಪೂಜಿತಃ ।
ಸಾಙ್ಖ್ಯಾಚಾರ್ಯಸ್ತುತಃ ಸಿದ್ಧಪೂಜಿತಃ ಸರ್ವಪೂಜಿತಃ ॥ 47॥
ವಿಸರ್ಗಲೀಲಾ
ವಿಸರ್ಗಕರ್ತಾ ಸರ್ವೇಶಃ ಕೋಟಿಸೂರ್ಯಸಮಪ್ರಭಃ ।
ಅನನ್ತಗುಣಗಮ್ಭೀರೋ ಮಹಾಪುರುಷಪೂಜಿತಃ ॥ 48॥
ಅನನ್ತಸುಖದಾತಾ ಚ ಬ್ರಹ್ಮಕೋಟಿಪ್ರಜಾಪತಿಃ ।
ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ ॥ 49॥
ಸಮುದ್ರಕೋಟಿಗಮ್ಭೀರಸ್ತೀರ್ಥಕೋಟಿಸಮಾಹ್ವಯಃ ।
ಸುಮೇರುಕೋಟಿನಿಷ್ಕಮ್ಪಃ ಕೋಟಿಬ್ರಹ್ಮಾಣ್ಡವಿಗ್ರಹಃ ॥ 50॥
ಕೋಟ್ಯಶ್ವಮೇಧಪಾಪಘ್ನೋ ವಾಯುಕೋಟಿಮಹಾಬಲಃ ।
ಕೋಟೀನ್ದುಜಗದಾನನ್ದೀ ಶಿವಕೋಟಿಪ್ರಸಾದಕೃತ್ ॥ 51॥
ಸರ್ವಸದ್ಗುಣಮಾಹಾತ್ಮ್ಯಃ ಸರ್ವಸದ್ಗುಣಭಾಜನಮ್ ।
ಮನ್ವಾದಿಪ್ರೇರಕೋ ಧರ್ಮೋ ಯಜ್ಞನಾರಾಯಣಃ ಪರಃ ॥ 52॥
ಆಕೂತಿಸೂನುರ್ದೇವೇನ್ದ್ರೋ ರುಚಿಜನ್ಮಾಽಭಯಪ್ರದಃ ।
ದಕ್ಷಿಣಾಪತಿರೋಜಸ್ವೀ ಕ್ರಿಯಾಶಕ್ತಿಃ ಪರಾಯಣಃ ॥ 53॥
ದತ್ತಾತ್ರೇಯೋ ಯೋಗಪತಿರ್ಯೋಗಮಾರ್ಗಪ್ರವರ್ತಕಃ ।
ಅನಸೂಯಾಗರ್ಭರತ್ನಮೃಷಿವಂಶವಿವರ್ಧನಃ ॥ 54॥
ಗುಣತ್ರಯವಿಭಾಗಜ್ಞಶ್ಚತುರ್ವರ್ಗವಿಶಾರದಃ ।
ನಾರಾಯಣೋ ಧರ್ಮಸೂನುರ್ಮೂರ್ತಿಪುಣ್ಯಯಶಸ್ಕರಃ ॥ 55॥
ಸಹಸ್ರಕವಚಚ್ಛೇದೀ ತಪಃಸಾರೋ ನರಪ್ರಿಯಃ ।
ವಿಶ್ವಾನನ್ದಪ್ರದಃ ಕರ್ಮಸಾಕ್ಷೀ ಭಾರತಪೂಜಿತಃ ॥ 56॥
ಅನನ್ತಾದ್ಭುತಮಾಹಾತ್ಮ್ಯೋ ಬದರೀಸ್ಥಾನಭೂಷಣಮ್ ।
ಜಿತಕಾಮೋ ಜಿತಕ್ರೋಧೋ ಜಿತಸಙ್ಗೋ ಜಿತೇನ್ದ್ರಿಯಃ ॥ 57॥
ಉರ್ವಶೀಪ್ರಭವಃ ಸ್ವರ್ಗಸುಖದಾಯೀ ಸ್ಥಿತಿಪ್ರದಃ ।
ಅಮಾನೀ ಮಾನದೋ ಗೋಪ್ತಾ ಭಗವಚ್ಛಾಸ್ತ್ರಬೋಧಕಃ ॥ 58॥
ಬ್ರಹ್ಮಾದಿವನ್ದ್ಯೋ ಹಂಸಶ್ರೀರ್ಮಾಯಾವೈಭವಕಾರಣಮ್ ।
ವಿವಿಧಾನನ್ತಸರ್ಗಾತ್ಮಾ ವಿಶ್ವಪೂರಣತತ್ಪರಃ ॥ 59॥
ಯಜ್ಞಜೀವನಹೇತುಶ್ಚ ಯಜ್ಞಸ್ವಾಮೀಷ್ಟಬೋಧಕಃ ।
ನಾನಾಸಿದ್ಧಾನ್ತಗಮ್ಯಶ್ಚ ಸಪ್ತತನ್ತುಶ್ಚ ಷಡ್ಗುಣಃ ॥ 60॥
ಪ್ರತಿಸರ್ಗಜಗತ್ಕರ್ತಾ ನಾನಾಲೀಲಾವಿಶಾರದಃ ।
ಧ್ರುವಪ್ರಿಯೋ ಧ್ರುವಸ್ವಾಮೀ ಚಿನ್ತಿತಾಧಿಕದಾಯಕಃ ॥ 61॥
ದುರ್ಲಭಾನನ್ತಫಲದೋ ದಯಾನಿಧಿರಮಿತ್ರಹಾ ।
ಅಙ್ಗಸ್ವಾಮೀ ಕೃಪಾಸಾರೋ ವೈನ್ಯೋ ಭೂಮಿನಿಯಾಮಕಃ ॥ 62॥
ಭೂಮಿದೋಗ್ಧಾ ಪ್ರಜಾಪ್ರಾಣಪಾಲನೈಕಪರಾಯಣಃ ।
ಯಶೋದಾತಾ ಜ್ಞಾನದಾತಾ ಸರ್ವಧರ್ಮಪ್ರದರ್ಶಕಃ ॥ 63॥
ಪುರಞ್ಜನೋ ಜಗನ್ಮಿತ್ರಂ ವಿಸರ್ಗಾನ್ತಪ್ರದರ್ಶಕಃ ।
ಪ್ರಚೇತಸಾಂ ಪತಿಶ್ಚಿತ್ರಭಕ್ತಿಹೇತುರ್ಜನಾರ್ದನಃ ॥ 64॥
ಸ್ಮೃತಿಹೇತುಬ್ರಹ್ಮಭಾವಸಾಯುಜ್ಯಾದಿಪ್ರದಃ ಶುಭಃ ।
ವಿಜಯೀ ॥॥॥॥॥॥॥॥॥॥ ಚೋನ್ತಿನುಏದ್
ಸ್ಥಾನಲೀಲಾ
॥॥ ಸ್ಥಿತಿಲೀಲಾಬ್ಧಿರಚ್ಯುತೋ ವಿಜಯಪ್ರದಃ ॥ 65॥
ಸ್ವಸಾಮರ್ಥ್ಯಪ್ರದೋ ಭಕ್ತಕೀರ್ತಿಹೇತುರಧೋಕ್ಷಜಃ ।
ಪ್ರಿಯವ್ರತಪ್ರಿಯಸ್ವಾಮೀ ಸ್ವೇಚ್ಛಾವಾದವಿಶಾರದಃ ॥ 66॥
ಸಙ್ಗ್ಯಗಮ್ಯಃ ಸ್ವಪ್ರಕಾಶಃ ಸರ್ವಸಙ್ಗವಿವರ್ಜಿತಃ ।
ಇಚ್ಛಾಯಾಂ ಚ ಸಮರ್ಯಾದಸ್ತ್ಯಾಗಮಾತ್ರೋಪಲಮ್ಭನಃ ॥ 67॥
ಅಚಿನ್ತ್ಯಕಾರ್ಯಕರ್ತಾ ಚ ತರ್ಕಾಗೋಚರಕಾರ್ಯಕೃತ್ ।
ಶಋಙ್ಗಾರರಸಮರ್ಯಾದಾ ಆಗ್ನೀಧ್ರರಸಭಾಜನಮ್ ॥ 68॥
ನಾಭೀಷ್ಟಪೂರಕಃ ಕರ್ಮಮರ್ಯಾದಾದರ್ಶನೋತ್ಸುಕಃ ।
ಸರ್ವರೂಪೋಽದ್ಭುತತಮೋ ಮರ್ಯಾದಾಪುರುಷೋತ್ತಮಃ ॥ 69॥
ಸರ್ವರೂಪೇಷು ಸತ್ಯಾತ್ಮಾ ಕಾಲಸಾಕ್ಷೀ ಶಶಿಪ್ರಭಃ ।
ಮೇರುದೇವೀವ್ರತಫಲಮೃಷಭೋ ಭಗಲಕ್ಷಣಃ ॥ 70॥
ಜಗತ್ಸನ್ತರ್ಪಕೋ ಮೇಘರೂಪೀ ದೇವೇನ್ದ್ರದರ್ಪಹಾ ।
ಜಯನ್ತೀಪತಿರತ್ಯನ್ತಪ್ರಮಾಣಾಶೇಷಲೌಕಿಕಃ ॥ 71॥
ಶತಧಾನ್ಯಸ್ತಭೂತಾತ್ಮಾ ಶತಾನನ್ದೋ ಗುಣಪ್ರಸೂಃ ।
ವೈಷ್ಣವೋತ್ಪಾದನಪರಃ ಸರ್ವಧರ್ಮೋಪದೇಶಕಃ ॥ 72॥
ಪರಹಂಸಕ್ರಿಯಾಗೋಪ್ತಾ ಯೋಗಚರ್ಯಾಪ್ರದರ್ಶಕಃ ।
ಚತುರ್ಥಾಶ್ರಮನಿರ್ಣೇತಾ ಸದಾನನ್ದಶರೀರವಾನ್ ॥ 73॥
ಪ್ರದರ್ಶಿತಾನ್ಯಧರ್ಮಶ್ಚ ಭರತಸ್ವಾಮ್ಯಪಾರಕೃತ್ ।
ಯಥಾವತ್ಕರ್ಮಕರ್ತಾ ಚ ಸಙ್ಗಾನಿಷ್ಟಪ್ರದರ್ಶಕಃ ॥ 74॥
ಆವಶ್ಯಕಪುನರ್ಜನ್ಮಕರ್ಮಮಾರ್ಗಪ್ರದರ್ಶಕಃ ।
ಯಜ್ಞರೂಪಮೃಗಃ ಶಾನ್ತಃ ಸಹಿಷ್ಣುಃ ಸತ್ಪರಾಕ್ರಮಃ ॥ 75॥
ರಹೂಗಣಗತಿಜ್ಞಶ್ಚ ರಹೂಗಣವಿಮೋಚಕಃ ।
ಭವಾಟವೀತತ್ತ್ವವಕ್ತಾ ಬಹಿರ್ಮುಖಹಿತೇ ರತಃ ॥ 76॥
ಗಯಸ್ವಾಮೀ ಸ್ಥಾನವಂಶಕರ್ತಾ ಸ್ಥಾನವಿಭೇದಕೃತ್ ।
ಪುರುಷಾವಯವೋ ಭೂಮಿವಿಶೇಷವಿನಿರೂಪಕಃ ॥ 77॥
ಜಮ್ಬೂದ್ವೀಪಪತಿರ್ಮೇರುನಾಭಿಪದ್ಮರುಹಾಶ್ರಯಃ ।
ನಾನಾವಿಭೂತಿಲೀಲಾಢ್ಯೋ ಗಙ್ಗೋತ್ಪತ್ತಿನಿದಾನಕೃತ್ ॥ 78॥
ಗಙ್ಗಾಮಾಹಾತ್ಮ್ಯಹೇತುಶ್ಚ ಗಙ್ಗಾರೂಪೋಽತಿಗೂಢಕೃತ್ ।
ವೈಕುಣ್ಠದೇಹಹೇತ್ವಮ್ಬುಜನ್ಮಕೃತ್ ಸರ್ವಪಾವನಃ ॥ 79॥
ಶಿವಸ್ವಾಮೀ ಶಿವೋಪಾಸ್ಯೋ ಗೂಢಃ ಸಙ್ಕರ್ಷಣಾತ್ಮಕಃ ।
ಸ್ಥಾನರಕ್ಷಾರ್ಥಮತ್ಸ್ಯಾದಿರೂಪಃ ಸರ್ವೈಕಪೂಜಿತಃ ॥ 80॥
ಉಪಾಸ್ಯನಾನಾರೂಪಾತ್ಮಾ ಜ್ಯೋತೀರೂಪೋ ಗತಿಪ್ರದಃ ।
ಸೂರ್ಯನಾರಾಯಣೋ ವೇದಕಾನ್ತಿರುಜ್ಜ್ವಲವೇಷಧೃಕ್ ॥ 81॥
ಹಂಸೋಽನ್ತರಿಕ್ಷಗಮನಃ ಸರ್ವಪ್ರಸವಕಾರಣಮ್ ।
ಆನನ್ದಕರ್ತಾ ವಸುದೋ ಬುಧೋ ವಾಕ್ಪತಿರುಜ್ಜ್ವಲಃ ॥ 82॥
ಕಾಲಾತ್ಮಾ ಕಾಲಕಾಲಶ್ಚ ಕಾಲಚ್ಛೇದಕೃದುತ್ತಮಃ ।
ಶಿಶುಮಾರಃ ಸರ್ವಮೂರ್ತಿರಾಧಿದೈವಿಕರೂಪಧೃಕ್ ॥ 83॥
ಅನನ್ತಸುಖಭೋಗಾಢ್ಯೋ ವಿವರೈಶ್ವರ್ಯಭಾಜನಮ್ ।
ಸಙ್ಕರ್ಷಣೋ ದೈತ್ಯಪತಿಃ ಸರ್ವಾಧಾರೋ ಬೃಹದ್ವಪುಃ ॥ 84॥
ಅನನ್ತನರಕಚ್ಛೇದೀ ಸ್ಮೃತಿಮಾತ್ರಾರ್ತಿನಾಶನಃ ।
ಸರ್ವಾನುಗ್ರಹಕರ್ತಾ ಚ ॥॥॥॥॥॥॥॥॥॥ ಚೋನ್ತಿನುಏದ್
ಪೋಷಣ-ಪುಷ್ಟಿ-ಲೀಲಾ
॥॥॥॥॥॥॥॥ ಮರ್ಯಾದಾಭಿನ್ನಶಾಸ್ತ್ರಕೃತ್ ॥ 85 ॥
ಕಾಲಾನ್ತಕಭಯಚ್ಛೇದೀ ನಾಮಸಾಮರ್ಥ್ಯರೂಪಧೃಕ್ ।
ಉದ್ಧಾರಾನರ್ಹಗೋಪ್ತ್ರಾತ್ಮಾ ನಾಮಾದಿಪ್ರೇರಕೋತ್ತಮಃ ॥ 86॥
ಅಜಾಮಿಲಮಹಾದುಷ್ಟಮೋಚಕೋಽಘವಿಮೋಚಕಃ ।
ಧರ್ಮವಕ್ತಾಽಕ್ಲಿಷ್ಟವಕ್ತಾ ವಿಷ್ಣುಧರ್ಮಸ್ವರೂಪಧೃಕ್ ॥ 87॥
ಸನ್ಮಾರ್ಗಪ್ರೇರಕೋ ಧರ್ತಾ ತ್ಯಾಗಹೇತುರಧೋಕ್ಷಜಃ ।
ವೈಕುಣ್ಠಪುರನೇತಾ ಚ ದಾಸಸಂವೃದ್ಧಿಕಾರಕಃ ॥ 88॥
ದಕ್ಷಪ್ರಸಾದಕೃದ್ಧಂಸಗುಹ್ಯಸ್ತುತಿವಿಭಾವನಃ ।
ಸ್ವಾಭಿಪ್ರಾಯಪ್ರವಕ್ತಾ ಚ ಮುಕ್ತಜೀವಪ್ರಸೂತಿಕೃತ್ ॥ 89॥
ನಾರದಪ್ರೇರಣಾತ್ಮಾ ಚ ಹರ್ಯಶ್ವಬ್ರಹ್ಮಭಾವನಃ ।
ಶಬಲಾಶ್ವಹಿತೋ ಗೂಢವಾಕ್ಯಾರ್ಥಜ್ಞಾಪನಕ್ಷಮಃ ॥ 90॥
ಗೂಢಾರ್ಥಜ್ಞಾಪನಃ ಸರ್ವಮೋಕ್ಷಾನನ್ದಪ್ರತಿಷ್ಠಿತಃ ।
ಪುಷ್ಟಿಪ್ರರೋಹಹೇತುಶ್ಚ ದಾಸೈಕಜ್ಞಾತಹೃದ್ಗತಃ ॥ 91॥
ಶಾನ್ತಿಕರ್ತಾ ಸುಹಿತಕೃತ್ ಸ್ತ್ರೀಪ್ರಸೂಃ ಸರ್ವಕಾಮಧುಕ್ ।
ಪುಷ್ಟಿವಂಶಪ್ರಣೇತಾ ಚ ವಿಶ್ವರೂಪೇಷ್ಟದೇವತಾ ॥ 92॥
ಕವಚಾತ್ಮಾ ಪಾಲನಾತ್ಮಾ ವರ್ಮೋಪಚಿತಿಕಾರಣಮ್ ।
ವಿಶ್ವರೂಪಶಿರಶ್ಛೇದೀ ತ್ವಾಷ್ಟ್ರಯಜ್ಞವಿನಾಶಕಃ ॥ 93॥
ವೃತ್ರಸ್ವಾಮೀ ವೃತ್ರಗಮ್ಯೋ ವೃತ್ರವ್ರತಪರಾಯಣಃ ।
ವೃತ್ರಕೀರ್ತಿರ್ವೃತ್ರಮೋಕ್ಷೋ ಮಘವತ್ಪ್ರಾಣರಕ್ಷಕಃ ॥ 94॥
ಅಶ್ವಮೇಧಹವಿರ್ಭೋಕ್ತಾ ದೇವೇನ್ದ್ರಾಮೀವನಾಶಕಃ ।
ಸಂಸಾರಮೋಚಕಶ್ಚಿತ್ರಕೇತುಬೋಧನತತ್ಪರಃ ॥ 95॥
ಮನ್ತ್ರಸಿದ್ಧಿಃ ಸಿದ್ಧಿಹೇತುಃ ಸುಸಿದ್ಧಿಫಲದಾಯಕಃ ।
ಮಹಾದೇವತಿರಸ್ಕರ್ತಾ ಭಕ್ತ್ಯೈ ಪೂರ್ವಾರ್ಥನಾಶಕಃ ॥ 96॥
ದೇವಬ್ರಾಹ್ಮಣವಿದ್ವೇಷವೈಮುಖ್ಯಜ್ಞಾಪಕಃ ಶಿವಃ ।
ಆದಿತ್ಯೋ ದೈತ್ಯರಾಜಶ್ಚ ಮಹತ್ಪತಿರಚಿನ್ತ್ಯಕೃತ್ ॥ 97॥
ಮರುತಾಂ ಭೇದಕಸ್ತ್ರಾತಾ ವ್ರತಾತ್ಮಾ ಪುಮ್ಪ್ರಸೂತಿಕೃತ್ ।
ಊತಿಲೀಲಾ
ಕರ್ಮಾತ್ಮಾ ವಾಸನಾತ್ಮಾ ಚ ಊತಿಲೀಲಾಪರಾಯಣಃ ॥ 98॥
ಸಮದೈತ್ಯಸುರಃ ಸ್ವಾತ್ಮಾ ವೈಷಮ್ಯಜ್ಞಾನಸಂಶ್ರಯಃ ।
ದೇಹಾದ್ಯುಪಾಧಿರಹಿತಃ ಸರ್ವಜ್ಞಃ ಸರ್ವಹೇತುವಿದ್ ॥ 99॥
ಬ್ರಹ್ಮವಾಕ್ಸ್ಥಾಪನಪರಃ ಸ್ವಜನ್ಮಾವಧಿಕಾರ್ಯಕೃತ್ ।
ಸದಸದ್ವಾಸನಾಹೇತುಸ್ತ್ರಿಸತ್ಯೋ ಭಕ್ತಮೋಚಕಃ ॥ 100॥
ಹಿರಣ್ಯಕಶಿಪುದ್ವೇಷೀ ಪ್ರವಿಷ್ಟಾತ್ಮಾಽತಿಭೀಷಣಃ ।
ಶಾನ್ತಿಜ್ಞಾನಾದಿಹೇತುಶ್ಚ ಪ್ರಹ್ಲಾದೋತ್ಪತ್ತಿಕಾರಣಮ್ ॥ 101॥
ದೈತ್ಯಸಿದ್ಧಾನ್ತಸದ್ವಕ್ತಾ ತಪಃಸಾರ ಉದಾರಧೀಃ ।
ದೈತ್ಯಹೇತುಪ್ರಕಟನೋ ಭಕ್ತಿಚಿಹ್ನಪ್ರಕಾಶಕಃ ॥ 102॥
ಸದ್ದ್ವೇಷಹೇತುಃ ಸದ್ದ್ವೇಷವಾಸನಾತ್ಮಾ ನಿರನ್ತರಃ ।
ನೈಷ್ಠುರ್ಯಸೀಮಾ ಪ್ರಹ್ಲಾದವತ್ಸಲಃ ಸಙ್ಗದೋಷಹಾ ॥ 103॥
ಮಹಾನುಭಾವಃ ಸಾಕಾರಃ ಸರ್ವಾಕಾರಃ ಪ್ರಮಾಣಭೂಃ ।
ಸ್ತಮ್ಭಪ್ರಸೂತಿರ್ನೃಹರಿರ್ನೃಸಿಂಹೋ ಭೀಮವಿಕ್ರಮಃ ॥ 104॥
ವಿಕಟಾಸ್ಯೋ ಲಲಜ್ಜಿಹ್ವೋ ನಖಶಸ್ತ್ರೋ ಜವೋತ್ಕಟಃ ।
ಹಿರಣ್ಯಕಶಿಪುಚ್ಛೇದೀ ಕ್ರೂರದೈತ್ಯನಿವಾರಕಃ ॥ 105॥
ಸಿಂಹಾಸನಸ್ಥಃ ಕ್ರೋಧಾತ್ಮಾ ಲಕ್ಷ್ಮೀಭಯವಿವರ್ಧನಃ ।
ಬ್ರಹ್ಮಾದ್ಯತ್ಯನ್ತಭಯಭೂರಪೂರ್ವಾಚಿನ್ತ್ಯರೂಪಧೃಕ್ ॥ 106॥
ಭಕ್ತೈಕಶಾನ್ತಹೃದಯೋ ಭಕ್ತಸ್ತುತ್ಯಃ ಸ್ತುತಿಪ್ರಿಯಃ ।
ಭಕ್ತಾಙ್ಗಲೇಹನೋದ್ಧೂತಕ್ರೋಧಪುಙ್ಜಃ ಪ್ರಶಾನ್ತಧೀಃ ॥ 107॥
ಸ್ಮೃತಿಮಾತ್ರಭಯತ್ರಾತಾ ಬ್ರಹ್ಮಬುದ್ಧಿಪ್ರದಾಯಕಃ ।
ಗೋರೂಪಧಾರ್ಯಮೃತಪಾಃ ಶಿವಕೀರ್ತಿವಿವರ್ಧನಃ ॥ 108॥
ಧರ್ಮಾತ್ಮಾ ಸರ್ವಕರ್ಮಾತ್ಮಾ ವಿಶೇಷಾತ್ಮಾಽಽಶ್ರಮಪ್ರಭುಃ ।
ಸಂಸಾರಮಗ್ನಸ್ವೋದ್ಧರ್ತಾ ಸನ್ಮಾರ್ಗಾಖಿಲತತ್ತ್ವವಾಕ್ ॥ 109॥
ಆಚಾರಾತ್ಮಾ ಸದಾಚಾರಃ ॥॥॥॥॥॥॥॥॥ ಚೋನ್ತಿನುಏದ್
ಮನ್ವನ್ತರಲೀಲಾ
॥॥॥॥॥॥॥॥॥॥ಮನ್ವನ್ತರವಿಭಾವನಃ ।
ಸ್ಮೃತ್ಯಾಽಶೇಷಾಶುಭಹರೋ ಗಜೇನ್ದ್ರಸ್ಮೃತಿಕಾರಣಮ್ ॥ 110॥
ಜಾತಿಸ್ಮರಣಹೇತ್ವೈಕಪೂಜಾಭಕ್ತಿಸ್ವರೂಪದಃ ।
ಯಜ್ಞೋ ಭಯಾನ್ಮನುತ್ರಾತಾ ವಿಭುರ್ಬ್ರಹ್ಮವ್ರತಾಶ್ರಯಃ ॥ 111॥
ಸತ್ಯಸೇನೋ ದುಷ್ಟಘಾತೀ ಹರಿರ್ಗಜವಿಮೋಚಕಃ ।
ವೈಕುಣ್ಠೋ ಲೋಕಕರ್ತಾ ಚ ಅಜಿತೋಽಮೃತಕಾರಣಮ್ ॥ 112॥
ಉರುಕ್ರಮೋ ಭೂಮಿಹರ್ತಾ ಸಾರ್ವಭೌಮೋ ಬಲಿಪ್ರಿಯಃ ।
ವಿಭುಃ ಸರ್ವಹಿತೈಕಾತ್ಮಾ ವಿಷ್ವಕ್ಸೇನಃ ಶಿವಪ್ರಿಯಃ ॥ 113॥
ಧರ್ಮಸೇತುರ್ಲೋಕಧೃತಿಃ ಸುಧಾಮಾನ್ತರಪಾಲಕಃ ।
ಉಪಹರ್ತಾ ಯೋಗಪತಿರ್ಬೃಹದ್ಭಾನುಃ ಕ್ರಿಯಾಪತಿಃ ॥ 114॥
ಚತುರ್ದಶಪ್ರಮಾಣಾತ್ಮಾ ಧರ್ಮೋ ಮನ್ವಾದಿಬೋಧಕಃ ।
ಲಕ್ಷ್ಮೀಭೋಗೈಕನಿಲಯೋ ದೇವಮನ್ತ್ರಪ್ರದಾಯಕಃ ॥ 115॥
ದೈತ್ಯವ್ಯಾಮೋಹಕಃ ಸಾಕ್ಷಾದ್ಗರುಡಸ್ಕನ್ಧಸಂಶ್ರಯಃ ।
ಲೀಲಾಮನ್ದರಧಾರೀ ಚ ದೈತ್ಯವಾಸುಕಿಪೂಜಿತಃ ॥ 116॥
ಸಮುದ್ರೋನ್ಮಥನಾಯತ್ತೋಽವಿಘ್ನಕರ್ತಾ ಸ್ವವಾಕ್ಯಕೃತ್ ।
ಆದಿಕೂರ್ಮಃ ಪವಿತ್ರಾತ್ಮಾ ಮನ್ದರಾಘರ್ಷಣೋತ್ಸುಕಃ ॥ 117॥
ಶ್ವಾಸೈಜದಬ್ಧಿವಾರ್ವೀಚಿಃ ಕಲ್ಪಾನ್ತಾವಧಿಕಾರ್ಯಕೃತ್ ।
ಚತುರ್ದಶಮಹಾರತ್ನೋ ಲಕ್ಷ್ಮೀಸೌಭಾಗ್ಯವರ್ಧನಃ ॥ 118॥
ಧನ್ವನ್ತರಿಃ ಸುಧಾಹಸ್ತೋ ಯಜ್ಞಭೋಕ್ತಾಽಽರ್ತಿನಾಶನಃ ।
ಆಯುರ್ವೇದಪ್ರಣೇತಾ ಚ ದೇವದೈತ್ಯಾಖಿಲಾರ್ಚಿತಃ ॥ 119॥
ಬುದ್ಧಿವ್ಯಾಮೋಹಕೋ ದೇವಕಾರ್ಯಸಾಧನತತ್ಪರಃ ।
ಸ್ತ್ರೀರೂಪೋ ಮಾಯಯಾ ವಕ್ತಾ ದೈತ್ಯಾನ್ತಃಕರಣಪ್ರಿಯಃ ॥ 120॥
ಪಾಯಿತಾಮೃತದೇವಾಂಶೋ ಯುದ್ಧಹೇತುಸ್ಮೃತಿಪ್ರದಃ ।
ಸುಮಾಲಿಮಾಲಿವಧಕೃನ್ಮಾಲ್ಯವತ್ಪ್ರಾಣಹಾರಕಃ ॥ 121॥
ಕಾಲನೇಮಿಶಿರಶ್ಛೇದೀ ದೈತ್ಯಯಜ್ಞವಿನಾಶಕಃ ।
ಇನ್ದ್ರಸಾಮರ್ಥ್ಯದಾತಾ ಚ ದೈತ್ಯಶೇಷಸ್ಥಿತಿಪ್ರಿಯಃ ॥ 122॥
ಶಿವವ್ಯಾಮೋಹಕೋ ಮಾಯೀ ಭೃಗುಮನ್ತ್ರಸ್ವಶಕ್ತಿದಃ ।
ಬಲಿಜೀವನಕರ್ತಾ ಚ ಸ್ವರ್ಗಹೇತುರ್ವ್ರತಾರ್ಚಿತಃ ॥ 123॥
ಅದಿತ್ಯಾನನ್ದಕರ್ತಾ ಚ ಕಶ್ಯಪಾದಿತಿಸಮ್ಭವಃ ।
ಉಪೇನ್ದ್ರ ಇನ್ದ್ರಾವರಜೋ ವಾಮನಬ್ರಹ್ಮರೂಪಧೃಕ್ ॥ 124॥
ಬ್ರಹ್ಮಾದಿಸೇವಿತವಪುರ್ಯಜ್ಞಪಾವನತತ್ಪರಃ ।
ಯಾಚ್ಞೋಪದೇಶಕರ್ತಾ ಚ ಜ್ಞಾಪಿತಾಶೇಷಸಂಸ್ಥಿತಿಃ ॥ 125॥
ಸತ್ಯಾರ್ಥಪ್ರೇರಕಃ ಸರ್ವಹರ್ತಾ ಗರ್ವವಿನಾಶಕಃ ।
ತ್ರಿವಿಕ್ರಮಸ್ತ್ರಿಲೋಕಾತ್ಮಾ ವಿಶ್ವಮೂರ್ತಿಃ ಪೃಥುಶ್ರವಾಃ ॥ 126॥
ಪಾಶಬದ್ಧಬಲಿಃ ಸರ್ವದೈತ್ಯಪಕ್ಷೋಪಮರ್ದಕಃ ।
ಸುತಲಸ್ಥಾಪಿತಬಲಿಃ ಸ್ವರ್ಗಾಧಿಕಸುಖಪ್ರದಃ ॥ 127॥
ಕರ್ಮಸಮ್ಪೂರ್ತಿಕರ್ತಾ ಚ ಸ್ವರ್ಗಸಂಸ್ಥಾಪಿತಾಮರಃ ।
ಜ್ಞಾತತ್ರಿವಿಧಧರ್ಮಾತ್ಮಾ ಮಹಾಮೀನೋಽಬ್ಧಿಸಂಶ್ರಯಃ ॥ 128॥
ಸತ್ಯವ್ರತಪ್ರಿಯೋ ಗೋಪ್ತಾ ಮತ್ಸ್ಯಮೂರ್ತಿಧೃತಶ್ರುತಿಃ ।
ಶಋಙ್ಗಬದ್ಧಧೃತಕ್ಷೋಣಿಃ ಸರ್ವಾರ್ಥಜ್ಞಾಪಕೋ ಗುರುಃ ॥ 129॥
ಈಶಾನುಕಥಾಲೀಲಾ
ಈಶಸೇವಕಲೀಲಾತ್ಮಾ ಸೂರ್ಯವಂಶಪ್ರವರ್ತಕಃ ।
ಸೋಮವಂಶೋದ್ಭವಕರೋ ಮನುಪುತ್ರಗತಿಪ್ರದಃ ॥ 130॥
ಅಮ್ಬರೀಷಪ್ರಿಯಃ ಸಾಧುರ್ದುರ್ವಾಸೋಗರ್ವನಾಶಕಃ ।
ಬ್ರಹ್ಮಶಾಪೋಪಸಂಹರ್ತಾ ಭಕ್ತಕೀರ್ತಿವಿವರ್ಧನಃ ॥ 131॥
ಇಕ್ಷ್ವಾಕುವಂಶಜನಕಃ ಸಗರಾದ್ಯಖಿಲಾರ್ಥದಃ ।
ಭಗೀರಥಮಹಾಯತ್ನೋ ಗಙ್ಗಾಧೌತಾಙ್ಘ್ರಿಪಙ್ಕಜಃ ॥ 132॥
ಬ್ರಹ್ಮಸ್ವಾಮೀ ಶಿವಸ್ವಾಮೀ ಸಗರಾತ್ಮಜಮುಕ್ತಿದಃ ।
ಖಟ್ವಾಙ್ಗಮೋಕ್ಷಹೇತುಶ್ಚ ರಘುವಂಶವಿವರ್ಧನಃ ॥ 133॥
ರಘುನಾಥೋ ರಾಮಚನ್ದ್ರೋ ರಾಮಭದ್ರೋ ರಘುಪ್ರಿಯಃ ।
ಅನನ್ತಕೀರ್ತಿಃ ಪುಣ್ಯಾತ್ಮಾ ಪುಣ್ಯಶ್ಲೋಕೈಕಭಾಸ್ಕರಃ ॥ 134॥
ಕೋಶಲೇನ್ದ್ರಃ ಪ್ರಮಾಣಾತ್ಮಾ ಸೇವ್ಯೋ ದಶರಥಾತ್ಮಜಃ ।
ಲಕ್ಷ್ಮಣೋ ಭರತಶ್ಚೈವ ಶತ್ರುಘ್ನೋ ವ್ಯೂಹವಿಗ್ರಹಃ ॥ 135॥
ವಿಶ್ವಾಮಿತ್ರಪ್ರಿಯೋ ದಾನ್ತಸ್ತಾಡಕಾವಧಮೋಕ್ಷದಃ ।
ವಾಯವ್ಯಾಸ್ತ್ರಾಬ್ಧಿನಿಕ್ಷಿಪ್ತಮಾರೀಚಶ್ಚ ಸುಬಾಹುಹಾ ॥ 136॥
ವೃಷಧ್ವಜಧನುರ್ಭಙ್ಗಪ್ರಾಪ್ತಸೀತಾಮಹೋತ್ಸವಃ ।
ಸೀತಾಪತಿರ್ಭೃಗುಪತಿಗರ್ವಪರ್ವತನಾಶಕಃ ॥ 137॥
ಅಯೋಧ್ಯಾಸ್ಥಮಹಾಭೋಗಯುಕ್ತಲಕ್ಷ್ಮೀವಿನೋದವಾನ್ ।
ಕೈಕೇಯೀವಾಕ್ಯಕರ್ತಾ ಚ ಪಿತೃವಾಕ್ಪರಿಪಾಲಕಃ ॥ 138॥
ವೈರಾಗ್ಯಬೋಧಕೋಽನನ್ಯಸಾತ್ತ್ವಿಕಸ್ಥಾನಬೋಧಕಃ ।
ಅಹಲ್ಯಾದುಃಖಹಾರೀ ಚ ಗುಹಸ್ವಾಮೀ ಸಲಕ್ಷ್ಮಣಃ ॥ 139॥
ಚಿತ್ರಕೂಟಪ್ರಿಯಸ್ಥಾನೋ ದಣ್ಡಕಾರಣ್ಯಪಾವನಃ ।
ಶರಭಙ್ಗಸುತೀಕ್ಷ್ಣಾದಿಪೂಜಿತೋಽಗಸ್ತ್ಯಭಾಗ್ಯಭೂಃ ॥ 140॥
ಋಷಿಸಮ್ಪ್ರಾರ್ಥಿತಕೃತಿರ್ವಿರಾಧವಧಪಣ್ಡಿತಃ ।
ಛಿನ್ನಶೂರ್ಪಣಖಾನಾಸಃ ಖರದೂಷಣಘಾತಕಃ ॥ 141॥
ಏಕಬಾಣಹತಾನೇಕಸಹಸ್ರಬಲರಾಕ್ಷಸಃ ।
ಮಾರೀಚಘಾತೀ ನಿಯತಸೀತಾಸಮ್ಬನ್ಧಶೋಭಿತಃ ॥ 142॥
ಸೀತಾವಿಯೋಗನಾಟ್ಯಶ್ಚ ಜಟಾಯುರ್ವಧಮೋಕ್ಷದಃ ।
ಶಬರೀಪೂಜಿತೋ ಭಕ್ತಹನುಮತ್ಪ್ರಮುಖಾವೃತಃ ॥ 143॥
ದುನ್ದುಭ್ಯಸ್ಥಿಪ್ರಹರಣಃ ಸಪ್ತತಾಲವಿಭೇದನಃ ।
ಸುಗ್ರೀವರಾಜ್ಯದೋ ವಾಲಿಘಾತೀ ಸಾಗರಶೋಷಣಃ ॥ 144॥
ಸೇತುಬನ್ಧನಕರ್ತಾ ಚ ವಿಭೀಷಣಹಿತಪ್ರದಃ ।
ರಾವಣಾದಿಶಿರಶ್ಛೇದೀ ರಾಕ್ಷಸಾಘೌಘನಾಶಕಃ ॥ 145॥
ಸೀತಾಽಭಯಪ್ರದಾತಾ ಚ ಪುಷ್ಪಕಾಗಮನೋತ್ಸುಕಃ ।
ಅಯೋಧ್ಯಾಪತಿರತ್ಯನ್ತಸರ್ವಲೋಕಸುಖಪ್ರದಃ ॥ 146॥
ಮಥುರಾಪುರನಿರ್ಮಾತಾ ಸುಕೃತಜ್ಞಸ್ವರೂಪದಃ ।
ಜನಕಜ್ಞಾನಗಮ್ಯಶ್ಚ ಐಲಾನ್ತಪ್ರಕಟಶ್ರುತಿಃ ॥ 147॥
ಹೈಹಯಾನ್ತಕರೋ ರಾಮೋ ದುಷ್ಟಕ್ಷತ್ರವಿನಾಶಕಃ ।
ಸೋಮವಂಶಹಿತೈಕಾತ್ಮಾ ಯದುವಂಶವಿವರ್ಧನಃ ॥ 148॥
ನಿರೋಧಲೀಲಾ
ಪರಬ್ರಹ್ಮಾವತರಣಃ ಕೇಶವಃ ಕ್ಲೇಶನಾಶನಃ ।
ಭೂಮಿಭಾರಾವತರಣೋ ಭಕ್ತಾರ್ಥಾಖಿಲಮಾನಸಃ ॥ 149॥
ಸರ್ವಭಕ್ತನಿರೋಧಾತ್ಮಾ ಲೀಲಾನನ್ತನಿರೋಧಕೃತ್ ।
ಭೂಮಿಷ್ಠಪರಮಾನನ್ದೋ ದೇವಕೀಶುದ್ಧಿಕಾರಣಮ್ ॥ 150॥
ವಸುದೇವಜ್ಞಾನನಿಷ್ಠಸಮಜೀವನಿವಾರಕಃ ।
ಸರ್ವವೈರಾಗ್ಯಕರಣಸ್ವಲೀಲಾಧಾರಶೋಧಕಃ ॥ 151॥
ಮಾಯಾಜ್ಞಾಪನಕರ್ತಾ ಚ ಶೇಷಸಮ್ಭಾರಸಮ್ಭೃತಿಃ ।
ಭಕ್ತಕ್ಲೇಶಪರಿಜ್ಞಾತಾ ತನ್ನಿವಾರಣತತ್ಪರಃ ॥ 152॥
ಆವಿಷ್ಟವಸುದೇವಾಂಶೋ ದೇವಕೀಗರ್ಭಭೂಷಣಮ್ ।
ಪೂರ್ಣತೇಜೋಮಯಃ ಪೂರ್ಣಃ ಕಂಸಾಧೃಷ್ಯಪ್ರತಾಪವಾನ್ ॥ 153॥
ವಿವೇಕಜ್ಞಾನದಾತಾ ಚ ಬ್ರಹ್ಮಾದ್ಯಖಿಲಸಂಸ್ತುತಃ ।
ಸತ್ಯೋ ಜಗತ್ಕಲ್ಪತರುರ್ನಾನಾರೂಪವಿಮೋಹನಃ ॥ 154॥
ಭಕ್ತಿಮಾರ್ಗಪ್ರತಿಷ್ಠಾತಾ ವಿದ್ವನ್ಮೋಹಪ್ರವರ್ತಕಃ ।
ಮೂಲಕಾಲಗುಣದ್ರಷ್ಟಾ ನಯನಾನನ್ದಭಾಜನಮ್ ॥ 155॥
ವಸುದೇವಸುಖಾಬ್ಧಿಶ್ಚ ದೇವಕೀನಯನಾಮೃತಮ್ ।
ಪಿತೃಮಾತೃಸ್ತುತಃ ಪೂರ್ವಸರ್ವವೃತ್ತಾನ್ತಬೋಧಕಃ ॥ 156॥
ಗೋಕುಲಾಗತಿಲೀಲಾಪ್ತವಸುದೇವಕರಸ್ಥಿತಿಃ ।
ಸರ್ವೇಶತ್ವಪ್ರಕಟನೋ ಮಾಯಾವ್ಯತ್ಯಯಕಾರಕಃ ॥ 157॥
ಜ್ಞಾನಮೋಹಿತದುಷ್ಟೇಶಃ ಪ್ರಪಞ್ಚಾಸ್ಮೃತಿಕಾರಣಮ್ ।
ಯಶೋದಾನನ್ದನೋ ನನ್ದಭಾಗ್ಯಭೂಗೋಕುಲೋತ್ಸವಃ ॥ 158॥
ನನ್ದಪ್ರಿಯೋ ನನ್ದಸೂನುರ್ಯಶೋದಾಯಾಃ ಸ್ತನನ್ಧಯಃ ।
ಪೂತನಾಸುಪಯಃಪಾತಾ ಮುಗ್ಧಭಾವಾತಿಸುನ್ದರಃ ॥ 159॥
ಸುನ್ದರೀಹೃದಯಾನನ್ದೋ ಗೋಪೀಮನ್ತ್ರಾಭಿಮನ್ತ್ರಿತಃ ।
ಗೋಪಾಲಾಶ್ಚರ್ಯರಸಕೃತ್ ಶಕಟಾಸುರಖಣ್ಡನಃ ॥ 160॥
ನನ್ದವ್ರಜಜನಾನನ್ದೀ ನನ್ದಭಾಗ್ಯಮಹೋದಯಃ ।
ತೃಣಾವರ್ತವಧೋತ್ಸಾಹೋ ಯಶೋದಾಜ್ಞಾನವಿಗ್ರಹಃ ॥ 161॥
ಬಲಭದ್ರಪ್ರಿಯಃ ಕೃಷ್ಣಃ ಸಙ್ಕರ್ಷಣಸಹಾಯವಾನ್ ।
ರಾಮಾನುಜೋ ವಾಸುದೇವೋ ಗೋಷ್ಠಾಙ್ಗಣಗತಿಪ್ರಿಯಃ ॥ 162॥
ಕಿಙ್ಕಿಣೀರವಭಾವಜ್ಞೋ ವತ್ಸಪುಚ್ಛಾವಲಮ್ಬನಃ ।
ನವನೀತಪ್ರಿಯೋ ಗೋಪೀಮೋಹಸಂಸಾರನಾಶಕಃ ॥ 163॥
ಗೋಪಬಾಲಕಭಾವಜ್ಞಶ್ಚೌರ್ಯವಿದ್ಯಾವಿಶಾರದಃ ।
ಮೃತ್ಸ್ನಾಭಕ್ಷಣಲೀಲಾಸ್ಯಮಾಹಾತ್ಮ್ಯಜ್ಞಾನದಾಯಕಃ ॥ 164॥
ಧರಾದ್ರೋಣಪ್ರೀತಿಕರ್ತಾ ದಧಿಭಾಣ್ಡವಿಭೇದನಃ ।
ದಾಮೋದರೋ ಭಕ್ತವಶ್ಯೋ ಯಮಲಾರ್ಜುನಭಞ್ಜನಃ ॥ 165॥
ಬೃಹದ್ವನಮಹಾಶ್ಚರ್ಯೋ ವೃನ್ದಾವನಗತಿಪ್ರಿಯಃ ।
ವತ್ಸಘಾತೀ ಬಾಲಕೇಲಿರ್ಬಕಾಸುರನಿಷೂದನಃ ॥ 166॥
ಅರಣ್ಯಭೋಕ್ತಾಽಪ್ಯಥವಾ ಬಾಲಲೀಲಾಪರಾಯಣಃ ।
ಪ್ರೋತ್ಸಾಹಜನಕಶ್ಚೈವಮಘಾಸುರನಿಷೂದನಃ ॥ 167॥
ವ್ಯಾಲಮೋಕ್ಷಪ್ರದಃ ಪುಷ್ಟೋ ಬ್ರಹ್ಮಮೋಹಪ್ರವರ್ಧನಃ ।
ಅನನ್ತಮೂರ್ತಿಃ ಸರ್ವಾತ್ಮಾ ಜಙ್ಗಮಸ್ಥಾವರಾಕೃತಿಃ ॥ 168॥
ಬ್ರಹ್ಮಮೋಹನಕರ್ತಾ ಚ ಸ್ತುತ್ಯ ಆತ್ಮಾ ಸದಾಪ್ರಿಯಃ ।
ಪೌಗಣ್ಡಲೀಲಾಭಿರತಿರ್ಗೋಚಾರಣಪರಾಯಣಃ ॥ 169॥
ವೃನ್ದಾವನಲತಾಗುಲ್ಮವೃಕ್ಷರೂಪನಿರೂಪಕಃ ।
ನಾದಬ್ರಹ್ಮಪ್ರಕಟನೋ ವಯಃಪ್ರತಿಕೃತಿಸ್ವನಃ ॥ 170॥
ಬರ್ಹಿನೃತ್ಯಾನುಕರಣೋ ಗೋಪಾಲಾನುಕೃತಿಸ್ವನಃ ।
ಸದಾಚಾರಪ್ರತಿಷ್ಠಾತಾ ಬಲಶ್ರಮನಿರಾಕೃತಿಃ ॥ 171॥
ತರುಮೂಲಕೃತಾಶೇಷತಲ್ಪಶಾಯೀ ಸಖಿಸ್ತುತಃ ।
ಗೋಪಾಲಸೇವಿತಪದಃ ಶ್ರೀಲಾಲಿತಪದಾಮ್ಬುಜಃ ॥ 172॥
ಗೋಪಸಮ್ಪ್ರಾರ್ಥಿತಫಲದಾನನಾಶಿತಧೇನುಕಃ ।
ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಮ್ಬುಜಃ ॥ 173॥
ದೃಷ್ಟಿಸಙ್ಜೀವಿತಾಶೇಷಗೋಪಗೋಗೋಪಿಕಾಪ್ರಿಯಃ ।
ಲೀಲಾಸಮ್ಪೀತದಾವಾಗ್ನಿಃ ಪ್ರಲಮ್ಬವಧಪಣ್ಡಿತಃ ॥ 174॥
ದಾವಾಗ್ನ್ಯಾವೃತಗೋಪಾಲದೃಷ್ಟ್ಯಾಚ್ಛಾದನವಹ್ನಿಪಃ ।
ವರ್ಷಾಶರದ್ವಿಭೂತಿಶ್ರೀರ್ಗೋಪೀಕಾಮಪ್ರಬೋಧಕಃ ॥ 175॥
ಗೋಪೀರತ್ನಸ್ತುತಾಶೇಷವೇಣುವಾದ್ಯವಿಶಾರದಃ ।
ಕಾತ್ಯಾಯನೀವ್ರತವ್ಯಾಜಸರ್ವಭಾವಾಶ್ರಿತಾಙ್ಗನಃ ॥ 176॥
ಸತ್ಸಙ್ಗತಿಸ್ತುತಿವ್ಯಾಜಸ್ತುತವೃನ್ದಾವನಾಙ್ಘ್ರಿಪಃ ।
ಗೋಪಕ್ಷುಚ್ಛಾನ್ತಿಸಂವ್ಯಾಜವಿಪ್ರಭಾರ್ಯಾಪ್ರಸಾದಕೃತ್ ॥ 177॥
ಹೇತುಪ್ರಾಪ್ತೇನ್ದ್ರಯಾಗಸ್ವಕಾರ್ಯಗೋಸವಬೋಧಕಃ ।
ಶೈಲರೂಪಕೃತಾಶೇಷರಸಭೋಗಸುಖಾವಹಃ ॥ 178॥
ಲೀಲಾಗೋವರ್ಧನೋದ್ಧಾರಪಾಲಿತಸ್ವವ್ರಜಪ್ರಿಯಃ ।
ಗೋಪಸ್ವಚ್ಛನ್ದಲೀಲಾರ್ಥಗರ್ಗವಾಕ್ಯಾರ್ಥಬೋಧಕಃ ॥ 179॥
ಇನ್ದ್ರಧೇನುಸ್ತುತಿಪ್ರಾಪ್ತಗೋವಿನ್ದೇನ್ದ್ರಾಭಿಧಾನವಾನ್ ।
ವ್ರತಾದಿಧರ್ಮಸಂಸಕ್ತನನ್ದಕ್ಲೇಶವಿನಾಶಕಃ ॥ 180॥
ನನ್ದಾದಿಗೋಪಮಾತ್ರೇಷ್ಟವೈಕುಣ್ಠಗತಿದಾಯಕಃ ।
ವೇಣುವಾದಸ್ಮರಕ್ಷೋಭಮತ್ತಗೋಪೀವಿಮುಕ್ತಿದಃ ॥ 181॥
ಸರ್ವಭಾವಪ್ರಾಪ್ತಗೋಪೀಸುಖಸಂವರ್ಧನಕ್ಷಮಃ ।
ಗೋಪೀಗರ್ವಪ್ರಣಾಶಾರ್ಥತಿರೋಧಾನಸುಖಪ್ರದಃ ॥ 182॥
ಕೃಷ್ಣಭಾವವ್ಯಾಪ್ತವಿಶ್ವಗೋಪೀಭಾವಿತವೇಷಧೃಕ್ ।
ರಾಧಾವಿಶೇಷಸಮ್ಭೋಗಪ್ರಾಪ್ತದೋಷನಿವಾರಕಃ ॥ 183॥
ಪರಮಪ್ರೀತಿಸಙ್ಗೀತಸರ್ವಾದ್ಭುತಮಹಾಗುಣಃ ।
ಮಾನಾಪನೋದನಾಕ್ರನ್ದಗೋಪೀದೃಷ್ಟಿಮಹೋತ್ಸವಃ ॥ 184॥
ಗೋಪಿಕಾವ್ಯಾಪ್ತಸರ್ವಾಙ್ಗಃ ಸ್ತ್ರೀಸಮ್ಭಾಷಾವಿಶಾರದಃ ।
ರಾಸೋತ್ಸವಮಹಾಸೌಖ್ಯಗೋಪೀಸಮ್ಭೋಗಸಾಗರಃ ॥ 185॥
ಜಲಸ್ಥಲರತಿವ್ಯಾಪ್ತಗೋಪೀದೃಷ್ಟ್ಯಭಿಪೂಜಿತಃ ।
ಶಾಸ್ತ್ರಾನಪೇಕ್ಷಕಾಮೈಕಮುಕ್ತಿದ್ವಾರವಿವರ್ಧನಃ ॥ 186॥
ಸುದರ್ಶನಮಹಾಸರ್ಪಗ್ರಸ್ತನನ್ದವಿಮೋಚಕಃ ।
ಗೀತಮೋಹಿತಗೋಪೀಧೃಕ್ಷಙ್ಖಚೂಡವಿನಾಶಕಃ ॥ 187॥
ಗುಣಸಙ್ಗೀತಸನ್ತುಷ್ಟಿರ್ಗೋಪೀಸಂಸಾರವಿಸ್ಮೃತಿಃ ।
ಅರಿಷ್ಟಮಥನೋ ದೈತ್ಯಬುದ್ಧಿವ್ಯಾಮೋಹಕಾರಕಃ ॥ 188॥
ಕೇಶಿಘಾತೀ ನಾರದೇಷ್ಟೋ ವ್ಯೋಮಾಸುರವಿನಾಶಕಃ ।
ಅಕ್ರೂರಭಕ್ತಿಸಂರಾದ್ಧಪಾದರೇಣುಮಹಾನಿಧಿಃ ॥ 189॥
ರಥಾವರೋಹಶುದ್ಧಾತ್ಮಾ ಗೋಪೀಮಾನಸಹಾರಕಃ ।
ಹ್ರದಸನ್ದರ್ಶಿತಾಶೇಷವೈಕುಣ್ಠಾಕ್ರೂರಸಂಸ್ತುತಃ ॥ 190॥
ಮಥುರಾಗಮನೋತ್ಸಾಹೋ ಮಥುರಾಭಾಗ್ಯಭಾಜನಮ್ ।
ಮಥುರಾನಗರೀಶೋಭಾದರ್ಶನೋತ್ಸುಕಮಾನಸಃ ॥ 191॥
ದುಷ್ಟರಞ್ಜಕಘಾತೀ ಚ ವಾಯಕಾರ್ಚಿತವಿಗ್ರಹಃ ।
ವಸ್ತ್ರಮಾಲಾಸುಶೋಭಾಙ್ಗಃ ಕುಬ್ಜಾಲೇಪನಭೂಷಿತಃ ॥ 192॥
ಕುಬ್ಜಾಸುರೂಪಕರ್ತಾ ಚ ಕುಬ್ಜಾರತಿವರಪ್ರದಃ ।
ಪ್ರಸಾದರೂಪಸನ್ತುಷ್ಟಹರಕೋದಣ್ಡಖಣ್ಡನಃ ॥ 193॥
ಶಕಲಾಹತಕಂಸಾಪ್ತಧನೂರಕ್ಷಕಸೈನಿಕಃ ।
ಜಾಗ್ರತ್ಸ್ವಪ್ನಭಯವ್ಯಾಪ್ತಮೃತ್ಯುಲಕ್ಷಣಬೋಧಕಃ ॥ 194॥
ಮಥುರಾಮಲ್ಲ ಓಜಸ್ವೀ ಮಲ್ಲಯುದ್ಧವಿಶಾರದಃ ।
ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ ॥ 195॥
ಲೀಲಾಹತಮಹಾಮಲ್ಲಃ ಶಲತೋಶಲಘಾತಕಃ ।
ಕಂಸಾನ್ತಕೋ ಜಿತಾಮಿತ್ರೋ ವಸುದೇವವಿಮೋಚಕಃ ॥ 196॥
ಜ್ಞಾತತತ್ತ್ವಪಿತೃಜ್ಞಾನಮೋಹನಾಮೃತವಾಙ್ಮಯಃ ।
ಉಗ್ರಸೇನಪ್ರತಿಷ್ಠಾತಾ ಯಾದವಾಧಿವಿನಾಶಕಃ ॥ 197॥
ನನ್ದಾದಿಸಾನ್ತ್ವನಕರೋ ಬ್ರಹ್ಮಚರ್ಯವ್ರತೇ ಸ್ಥಿತಃ ।
ಗುರುಶುಶ್ರೂಷಣಪರೋ ವಿದ್ಯಾಪಾರಮಿತೇಶ್ವರಃ ॥ 198॥
ಸಾನ್ದೀಪನಿಮೃತಾಪತ್ಯದಾತಾ ಕಾಲಾನ್ತಕಾದಿಜಿತ್ ।
ಗೋಕುಲಾಶ್ವಾಸನಪರೋ ಯಶೋದಾನನ್ದಪೋಷಕಃ ॥ 199॥
ಗೋಪಿಕಾವಿರಹವ್ಯಾಜಮನೋಗತಿರತಿಪ್ರದಃ ।
ಸಮೋದ್ಧವಭ್ರಮರವಾಕ್ ಗೋಪಿಕಾಮೋಹನಾಶಕಃ ॥ 200॥
ಕುಬ್ಜಾರತಿಪ್ರದೋಽಕ್ರೂರಪವಿತ್ರೀಕೃತಭೂಗೃಹಃ ।
ಪೃಥಾದುಃಖಪ್ರಣೇತಾ ಚ ಪಾಣ್ಡವಾನಾಂ ಸುಖಪ್ರದಃ ॥ 201॥
ದಶಮಸ್ಕನ್ಧೋತ್ತರಾರ್ಧನಾಮಾನಿ ನಿರೋಧಲೀಲಾ
ಜರಾಸನ್ಧಸಮಾನೀತಸೈನ್ಯಘಾತೀ ವಿಚಾರಕಃ ।
ಯವನವ್ಯಾಪ್ತಮಥುರಾಜನದತ್ತಕುಶಸ್ಥಲಿಃ ॥ 202॥
ದ್ವಾರಕಾದ್ಭುತನಿರ್ಮಾಣವಿಸ್ಮಾಪಿತಸುರಾಸುರಃ ।
ಮನುಷ್ಯಮಾತ್ರಭೋಗಾರ್ಥಭೂಮ್ಯಾನೀತೇನ್ದ್ರವೈಭವಃ ॥ 203॥
ಯವನವ್ಯಾಪ್ತಮಥುರಾನಿರ್ಗಮಾನನ್ದವಿಗ್ರಹಃ ।
ಮುಚುಕುನ್ದಮಹಾಬೋಧಯವನಪ್ರಾಣದರ್ಪಹಾ ॥ 204॥
ಮುಚುಕುನ್ದಸ್ತುತಾಶೇಷಗುಣಕರ್ಮಮಹೋದಯಃ ।
ಫಲಪ್ರದಾನಸನ್ತುಷ್ಟಿರ್ಜನ್ಮಾನ್ತರಿತಮೋಕ್ಷದಃ ॥ 205॥
ಶಿವಬ್ರಾಹ್ಮಣವಾಕ್ಯಾಪ್ತಜಯಭೀತಿವಿಭಾವನಃ ।
ಪ್ರವರ್ಷಣಪ್ರಾರ್ಥಿತಾಗ್ನಿದಾನಪುಣ್ಯಮಹೋತ್ಸವಃ ॥ 206॥
ರುಕ್ಮಿಣೀರಮಣಃ ಕಾಮಪಿತಾ ಪ್ರದ್ಯುಮ್ನಭಾವನಃ ।
ಸ್ಯಮನ್ತಕಮಣಿವ್ಯಾಜಪ್ರಾಪ್ತಜಾಮ್ಬವತೀಪತಿಃ ॥ 207॥
ಸತ್ಯಭಾಮಾಪ್ರಾಣಪತಿಃ ಕಾಲಿನ್ದೀರತಿವರ್ಧನಃ ।
ಮಿತ್ರವಿನ್ದಾಪತಿಃ ಸತ್ಯಾಪತಿರ್ವೃಷನಿಷೂದನಃ ॥ 208॥
ಭದ್ರಾವಾಞ್ಛಿತಭರ್ತಾ ಚ ಲಕ್ಷ್ಮಣಾವರಣಕ್ಷಮಃ ।
ಇನ್ದ್ರಾದಿಪ್ರಾರ್ಥಿತವಧನರಕಾಸುರಸೂದನಃ ॥ 209॥
ಮುರಾರಿಃ ಪೀಠಹನ್ತಾ ಚ ತಾಮ್ರಾದಿಪ್ರಾಣಹಾರಕಃ ।
ಷೋಡಶಸ್ತ್ರೀಸಹಸ್ರೇಶಃ ಛತ್ರಕುಣ್ಡಲದಾನಕೃತ್ ॥ 210॥
ಪಾರಿಜಾತಾಪಹರಣೋ ದೇವೇನ್ದ್ರಮದನಾಶಕಃ ।
ರುಕ್ಮಿಣೀಸಮಸರ್ವಸ್ತ್ರೀಸಾಧ್ಯಭೋಗರತಿಪ್ರದಃ ॥ 211॥
ರುಕ್ಮಿಣೀಪರಿಹಾಸೋಕ್ತಿವಾಕ್ತಿರೋಧಾನಕಾರಕಃ ।
ಪುತ್ರಪೌತ್ರಮಹಾಭಾಗ್ಯಗೃಹಧರ್ಮಪ್ರವರ್ತಕಃ ॥ 212॥
ಶಮ್ಬರಾನ್ತಕಸತ್ಪುತ್ರವಿವಾಹಹತರುಕ್ಮಿಕಃ ।
ಉಷಾಪಹೃತಪೌತ್ರಶ್ರೀರ್ಬಾಣಬಾಹುನಿವಾರಕಃ ॥ 213॥
ಶೀತಜ್ವರಭಯವ್ಯಾಪ್ತಜ್ವರಸಂಸ್ತುತಷಡ್ಗುಣಃ ।
ಶಙ್ಕರಪ್ರತಿಯೋದ್ಧಾ ಚ ದ್ವನ್ದ್ವಯುದ್ಧವಿಶಾರದಃ ॥ 214॥
ನೃಗಪಾಪಪ್ರಭೇತ್ತಾ ಚ ಬ್ರಹ್ಮಸ್ವಗುಣದೋಷದೃಕ್ ।
ವಿಷ್ಣುಭಕ್ತಿವಿರೋಧೈಕಬ್ರಹ್ಮಸ್ವವಿನಿವಾರಕಃ ॥ 215॥
ಬಲಭದ್ರಾಹಿತಗುಣೋ ಗೋಕುಲಪ್ರೀತಿದಾಯಕಃ ।
ಗೋಪೀಸ್ನೇಹೈಕನಿಲಯೋ ಗೋಪೀಪ್ರಾಣಸ್ಥಿತಿಪ್ರದಃ ॥ 216॥
ವಾಕ್ಯಾತಿಗಾಮಿಯಮುನಾಹಲಾಕರ್ಷಣವೈಭವಃ ।
ಪೌಣ್ಡ್ರಕತ್ಯಾಜಿತಸ್ಪರ್ಧಃ ಕಾಶೀರಾಜವಿಭೇದನಃ ॥ 217॥
ಕಾಶೀನಿದಾಹಕರಣಃ ಶಿವಭಸ್ಮಪ್ರದಾಯಕಃ ।
ದ್ವಿವಿದಪ್ರಾಣಘಾತೀ ಚ ಕೌರವಾಖರ್ವಗರ್ವನುತ್ ॥ 218॥
ಲಾಙ್ಗಲಾಕೃಷ್ಟನಗರೀಸಂವಿಗ್ನಾಖಿಲನಾಗರಃ ।
ಪ್ರಪನ್ನಾಭಯದಃ ಸಾಮ್ಬಪ್ರಾಪ್ತಸನ್ಮಾನಭಾಜನಮ್ ॥ 219॥
ನಾರದಾನ್ವಿಷ್ಟಚರಣೋ ಭಕ್ತವಿಕ್ಷೇಪನಾಶಕಃ ।
ಸದಾಚಾರೈಕನಿಲಯಃ ಸುಧರ್ಮಾಧ್ಯಾಸಿತಾಸನಃ ॥ 220॥
ಜರಾಸನ್ಧಾವರುದ್ಧೇನ ವಿಜ್ಞಾಪಿತನಿಜಕ್ಲಮಃ ।
ಮನ್ತ್ರ್ಯುದ್ಧವಾದಿವಾಕ್ಯೋಕ್ತಪ್ರಕಾರೈಕಪರಾಯಣಃ ॥ 221॥
ರಾಜಸೂಯಾದಿಮಖಕೃತ್ ಸಮ್ಪ್ರಾರ್ಥಿತಸಹಾಯಕೃತ್ ।
ಇನ್ದ್ರಪ್ರಸ್ಥಪ್ರಯಾಣಾರ್ಥಮಹತ್ಸಮ್ಭಾರಸಮ್ಭೃತಿಃ ॥ 222॥
ಜರಾಸನ್ಧವಧವ್ಯಾಜಮೋಚಿತಾಶೇಷಭೂಮಿಪಃ ।
ಸನ್ಮಾರ್ಗಬೋಧಕೋ ಯಜ್ಞಕ್ಷಿತಿವಾರಣತತ್ಪರಃ ॥ 223॥
ಶಿಶುಪಾಲಹತಿವ್ಯಾಜಜಯಶಾಪವಿಮೋಚಕಃ ।
ದುರ್ಯೋಧನಾಭಿಮಾನಾಬ್ಧಿಶೋಷಬಾಣವೃಕೋದರಃ॥ 224॥
ಮಹಾದೇವವರಪ್ರಾಪ್ತಪುರಶಾಲ್ವವಿನಾಶಕಃ ।
ದನ್ತವಕ್ತ್ರವಧವ್ಯಾಜವಿಜಯಾಘೌಘನಾಶಕಃ ॥ 225॥
ವಿದೂರಥಪ್ರಾಣಹರ್ತಾ ನ್ಯಸ್ತಶಸ್ತ್ರಾಸ್ತ್ರವಿಗ್ರಹಃ ।
ಉಪಧರ್ಮವಿಲಿಪ್ತಾಙ್ಗಸೂತಘಾತೀ ವರಪ್ರದಃ ॥ 226॥
ಬಲ್ವಲಪ್ರಾಣಹರಣಪಾಲಿತರ್ಷಿಶ್ರುತಿಕ್ರಿಯಃ ।
ಸರ್ವತೀರ್ಥಾಘನಾಶಾರ್ಥತೀರ್ಥಯಾತ್ರಾವಿಶಾರದಃ ॥ 227॥
ಜ್ಞಾನಕ್ರಿಯಾವಿಭೇದೇಷ್ಟಫಲಸಾಧನತತ್ಪರಃ ।
ಸಾರಥ್ಯಾದಿಕ್ರಿಯಾಕರ್ತಾ ಭಕ್ತವಶ್ಯತ್ವಬೋಧಕಃ ॥ 228॥
ಸುದಾಮಾರಙ್ಕಭಾರ್ಯಾರ್ಥಭೂಮ್ಯಾನೀತೇನ್ದ್ರವೈಭವಃ ।
ರವಿಗ್ರಹನಿಮಿತ್ತಾಪ್ತಕುರುಕ್ಷೇತ್ರೈಕಪಾವನಃ ॥ 229॥
ನೃಪಗೋಪೀಸಮಸ್ತಸ್ತ್ರೀಪಾವನಾರ್ಥಾಖಿಲಕ್ರಿಯಃ ।
ಋಷಿಮಾರ್ಗಪ್ರತಿಷ್ಠಾತಾ ವಸುದೇವಮಖಕ್ರಿಯಃ ॥ 230॥
ವಸುದೇವಜ್ಞಾನದಾತಾ ದೇವಕೀಪುತ್ರದಾಯಕಃ ।
ಅರ್ಜುನಸ್ತ್ರೀಪ್ರದಾತಾ ಚ ಬಹುಲಾಶ್ವಸ್ವರೂಪದಃ ॥ 231॥
ಶ್ರುತದೇವೇಷ್ಟದಾತಾ ಚ ಸರ್ವಶ್ರುತಿನಿರೂಪಿತಃ ।
ಮಹಾದೇವಾದ್ಯತಿಶ್ರೇಷ್ಠೋ ಭಕ್ತಿಲಕ್ಷಣನಿರ್ಣಯಃ ॥ 232॥
ವೃಕಗ್ರಸ್ತಶಿವತ್ರಾತಾ ನಾನಾವಾಕ್ಯವಿಶಾರದಃ ।
ನರಗರ್ವವಿನಾಶಾರ್ಥಹೃತಬ್ರಾಹ್ಮಣಬಾಲಕಃ ॥ 233॥
ಲೋಕಾಲೋಕಪರಸ್ಥಾನಸ್ಥಿತಬಾಲಕದಾಯಕಃ ।
ದ್ವಾರಕಾಸ್ಥಮಹಾಭೋಗನಾನಾಸ್ತ್ರೀರತಿವರ್ಧನಃ ॥ 234॥
ಮನಸ್ತಿರೋಧಾನಕೃತವ್ಯಗ್ರಸ್ತ್ರೀಚಿತ್ತಭಾವಿತಃ ।
ಮುಕ್ತಿಲೀಲಾ
ಮುಕ್ತಿಲೀಲಾವಿಹರಣೋ ಮೌಶಲವ್ಯಾಜಸಂಹೃತಿಃ ॥ 235॥
ಶ್ರೀಭಾಗವತಧರ್ಮಾದಿಬೋಧಕೋ ಭಕ್ತಿನೀತಿಕೃತ್ ।
ಉದ್ಧವಜ್ಞಾನದಾತಾ ಚ ಪಞ್ಚವಿಂಶತಿಧಾ ಗುರುಃ ॥ 236॥
ಆಚಾರಭಕ್ತಿಮುಕ್ತ್ಯಾದಿವಕ್ತಾ ಶಬ್ದೋದ್ಭವಸ್ಥಿತಿಃ ।
ಹಂಸೋ ಧರ್ಮಪ್ರವಕ್ತಾ ಚ ಸನಕಾದ್ಯುಪದೇಶಕೃತ್ ॥ 237॥
ಭಕ್ತಿಸಾಧನವಕ್ತಾ ಚ ಯೋಗಸಿದ್ಧಿಪ್ರದಾಯಕಃ ।
ನಾನಾವಿಭೂತಿವಕ್ತಾ ಚ ಶುದ್ಧಧರ್ಮಾವಬೋಧಕಃ ॥ 238॥
ಮಾರ್ಗತ್ರಯವಿಭೇದಾತ್ಮಾ ನಾನಾಶಙ್ಕಾನಿವಾರಕಃ ।
ಭಿಕ್ಷುಗೀತಾಪ್ರವಕ್ತಾ ಚ ಶುದ್ಧಸಾಙ್ಖ್ಯಪ್ರವರ್ತಕಃ ॥ 239॥
ಮನೋಗುಣವಿಶೇಷಾತ್ಮಾ ಜ್ಞಾಪಕೋಕ್ತಪುರೂರವಾಃ ।
ಪೂಜಾವಿಧಿಪ್ರವಕ್ತಾ ಚ ಸರ್ವಸಿದ್ಧಾನ್ತಬೋಧಕಃ ॥ 240॥
ಲಘುಸ್ವಮಾರ್ಗವಕ್ತಾ ಚ ಸ್ವಸ್ಥಾನಗತಿಬೋಧಕಃ ।
ಯಾದವಾಙ್ಗೋಪಸಂಹರ್ತಾ ಸರ್ವಾಶ್ಚರ್ಯಗತಿಕ್ರಿಯಃ ॥ 241॥
ಆಶ್ರಯಲೀಲಾ
ಕಾಲಧರ್ಮವಿಭೇದಾರ್ಥವರ್ಣನಾಶನತತ್ಪರಃ ।
ಬುದ್ಧೋ ಗುಪ್ತಾರ್ಥವಕ್ತಾ ಚ ನಾನಾಶಾಸ್ತ್ರವಿಧಾಯಕಃ ॥ 242॥
ನಷ್ಟಧರ್ಮಮನುಷ್ಯಾದಿಲಕ್ಷಣಜ್ಞಾಪನೋತ್ಸುಕಃ ।
ಆಶ್ರಯೈಕಗತಿಜ್ಞಾತಾ ಕಲ್ಕಿಃ ಕಲಿಮಲಾಪಹಃ ॥ 243॥
ಶಾಸ್ತ್ರವೈರಾಗ್ಯಸಮ್ಬೋಧೋ ನಾನಾಪ್ರಲಯಬೋಧಕಃ ।
ವಿಶೇಷತಃ ಶುಕವ್ಯಾಜಪರೀಕ್ಷಿಜ್ಜ್ಞಾನಬೋಧಕಃ ॥ 244॥
ಶುಕೇಷ್ಟಗತಿರೂಪಾತ್ಮಾ ಪರೀಕ್ಷಿದ್ದೇಹಮೋಕ್ಷದಃ ।
ಶಬ್ದರೂಪೋ ನಾದರೂಪೋ ವೇದರೂಪೋ ವಿಭೇದನಃ ॥ 245॥
ವ್ಯಾಸಃ ಶಾಖಾಪ್ರವಕ್ತಾ ಚ ಪುರಾಣಾರ್ಥಪ್ರವರ್ತಕಃ ।
ಮಾರ್ಕಣ್ಡೇಯಪ್ರಸನ್ನಾತ್ಮಾ ವಟಪತ್ರಪುಟೇಶಯಃ ॥ 246॥
ಮಾಯಾವ್ಯಾಪ್ತಮಹಾಮೋಹದುಃಖಶಾನ್ತಿಪ್ರವರ್ತಕಃ ।
ಮಹಾದೇವಸ್ವರೂಪಶ್ಚ ಭಕ್ತಿದಾತಾ ಕೃಪಾನಿಧಿಃ ॥ 247॥
ಆದಿತ್ಯಾನ್ತರ್ಗತಃ ಕಾಲಃ ದ್ವಾದಶಾತ್ಮಾ ಸುಪೂಜಿತಃ ।
ಶ್ರೀಭಾಗವತರೂಪಶ್ಚ ಸರ್ವಾರ್ಥಫಲದಾಯಕಃ ॥ 248॥
ಇತೀದಂ ಕೀರ್ತನೀಯಸ್ಯ ಹರೇರ್ನಾಮಸಹಸ್ರಕಮ್ ।
ಪಞ್ಚಸಪ್ತತಿವಿಸ್ತೀರ್ಣಂ ಪುರಾಣಾನ್ತರಭಾಷಿತಮ್ ॥ 249॥
ಯ ಏತತ್ಪ್ರಾತರುತ್ಥಾಯ ಶ್ರದ್ಧಾವಾನ್ ಸುಸಮಾಹಿತಃ ।
ಜಪೇದರ್ಥಾಹಿತಮತಿಃ ಸ ಗೋವಿನ್ದಪದಂ ಲಭೇತ್ ॥ 250॥
ಸರ್ವಧರ್ಮವಿನಿರ್ಮುಕ್ತಃ ಸರ್ವಸಾಧನವರ್ಜಿತಃ ।
ಏತದ್ಧಾರಣಮಾತ್ರೇಣ ಕೃಷ್ಣಸ್ಯ ಪದವೀಂ ವ್ರಜೇತ್ ॥ 251॥
ಹರ್ಯಾವೇಶಿತಚಿತ್ತೇನ ಶ್ರೀಭಾಗವತಸಾಗರಾತ್ ।
ಸಮುದ್ಧೃತಾನಿ ನಾಮಾನಿ ಚಿನ್ತಾಮಣಿನಿಭಾನಿ ಹಿ ॥ 252॥
ಕಣ್ಠಸ್ಥಿತಾನ್ಯರ್ಥದೀಪ್ತ್ಯಾ ಬಾಧನ್ತೇಽಜ್ಞಾನಜಂ ತಮಃ ।
ಭಕ್ತಿಂ ಶ್ರೀಕೃಷ್ಣದೇವಸ್ಯ ಸಾಧಯನ್ತಿ ವಿನಿಶ್ಚಿತಮ್ ॥ 253॥
ಕಿಮ್ಬಹೂಕ್ತೇನ ಭಗವಾನ್ ನಾಮಭಿಃ ಸ್ತುತಷಡ್ಗುಣಃ ।
ಆತ್ಮಭಾವಂ ನಯತ್ಯಾಶು ಭಕ್ತಿಂ ಚ ಕುರುತೇ ದೃಢಾಮ್ ॥ 254॥
ಯಃ ಕೃಷ್ಣಭಕ್ತಿಮಿಹ ವಾಞ್ಛತಿ ಸಾಧನೌಘೈರ್-
ನಾಮಾನಿ ಭಾಸುರಯಶಾಂಸಿ ಜಪೇತ್ಸ ನಿತ್ಯಮ್ ।
ತಂ ವೈ ಹರಿಃ ಸ್ವಪುರುಷಂ ಕುರುತೇಽತಿಶೀಘ್ರಮ್-
ಆತ್ಮಾರ್ಪಣಂ ಸಮಧಿಗಚ್ಛತಿ ಭಾವತುಷ್ಟಃ ॥ 255॥
ಶ್ರೀಕೃಷ್ಣ ಕೃಷ್ಣಸಖ ವೃಷ್ಣಿವೃಷಾವನಿಧ್ರುಗ್-
ರಾಜನ್ಯವಂಶದಹನಾನಪವರ್ಗವೀರ್ಯ ।
ಗೋವಿನ್ದ ಗೋಪವನಿತಾವ್ರಜಭೃತ್ಯಗೀತ
ತೀರ್ಥಶ್ರವಃ ಶ್ರವಣಮಙ್ಗಲ ಪಾಹಿ ಭೃತ್ಯಾನ್ ॥ 256॥
॥ ಇತಿ ಶ್ರೀಭಾಗವತಸಾರಸಮುಚ್ಚಯೇ ವೈಶ್ವಾನರೋಕ್ತಂ
ಶ್ರೀವಲ್ಲಭಾಚಾರ್ಯವಿರಚಿತಂ
ಶ್ರೀಪುರುಷೋತ್ತಮಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
Roman (IAST) Transliteration
viniyogaḥ
purāṇapuruṣo viṣṇuḥ puruṣottama ucyate |
nāmnāṃ sahasraṃ vakṣyāmi tasya bhāgavatoddhṛtam || 1||
yasya prasādādvāgīśāḥ prajeśā vibhavonnatāḥ |
kṣudrā api bhavantyāśu śrīkṛṣṇaṃ taṃ nato'smyaham || 2||
anantā eva kṛṣṇasya līlā nāmapravartikāḥ |
uktā bhāgavate gūhāḥ prakaṭā api kutracit || 3||
atastāni pravakṣyāmi nāmāni muravairiṇaḥ |
sahasraṃ yaistu paṭhitaiḥ paṭhitaṃ syācchukāmṛtam || 4||
kṛṣṇanāmasahasrasya ṛṣiragnirnirūpitaḥ |
gāyatrī ca tathā chando devatā puruṣottamaḥ || 5||
viniyogaḥ samasteṣu puruṣārtheṣu vai mataḥ |
bījaṃ bhaktapriyaḥ śaktiḥ satyavāgucyate hariḥ || 6||
bhaktoddharaṇayatnastu mantro'tra paramo mataḥ |
avatāritabhaktāṃśaḥ kīlakaṃ parikīrtitam || 7||
astraṃ sarvasamarthaśca govindaḥ kavacaṃ matam |
puruṣo dhyānamatroktaḥ siddhiḥ śaraṇasaṃsmṛtiḥ || 8||
adhikāralīlā
śrīkṛṣṇaḥ saccidānando nityalīlāvinodakṛt |
sarvāgamavinodī ca lakṣmīśaḥ puruṣottamaḥ || 9||
ādikālaḥ sarvakālaḥ kālātmā māyayāvṛtaḥ |
bhaktoddhāraprayatnātmā jagatkartā jaganmayaḥ || 10||
nāmalīlāparo viṣṇurvyāsātmā śukamokṣadaḥ |
vyāpivaikuṇṭhadātā ca śrīmadbhāgavatāgamaḥ || 11||
śukavāgamṛtābdhīnduḥ śaunakādyakhileṣṭadaḥ |
bhaktipravartakastrātā vyāsacintāvināśakaḥ || 12||
sarvasiddhāntavāgātmā nāradādyakhileṣṭadaḥ |
antarātmā dhyānagamyo bhaktiratnapradāyakaḥ || 13||
muktopasṛpyaḥ pūrṇātmā muktānāṃ rativardhanaḥ |
bhaktakāryaikanirato drauṇyastravinivārakaḥ || 14||
bhaktasmayapraṇetā ca bhaktavākparipālakaḥ |
brahmaṇyadevo dharmātmā bhaktānāṃ ca parīkṣakaḥ || 15||
āsannahitakartā ca māyāhitakaraḥ prabhuḥ |
uttarāprāṇadātā ca brahmāstravinivārakaḥ || 16||
sarvataḥ pāṇavapatiḥ parīkṣicchuddhikāraṇam |
gūhātmā sarvavedeṣu bhaktaikahṛdayaṅgamaḥ || 17||
kuntīstutyaḥ prasannātmā paramādbhutakāryakṛt |
bhīṣmamuktipradaḥ svāmī bhaktamohanivārakaḥ || 18||
sarvāvasthāsu saṃsevyaḥ samaḥ sukhahitapradaḥ |
kṛtakṛtyaḥ sarvasākṣī bhaktastrīrativardhanaḥ || 19||
sarvasaubhāgyanilayaḥ paramāścaryarūpadhṛk |
ananyapuruṣasvāmī dvārakābhāgyabhājanam || 20||
bījasaṃskārakartā ca parīkṣijjānapoṣakaḥ |
sarvatrapūrṇaguṇakaḥ sarvabhūṣaṇabhūṣitaḥ || 21||
sarvalakṣaṇadātā ca dhṛtarāṣṭravimuktidaḥ |
sanmārgarakṣako nityaṃ viduraprītipūrakaḥ || 22||
līlāvyāmohakartā ca kāladharmapravartakaḥ |
pāṇavānāṃ mokṣadātā parīkṣidbhāgyavardhanaḥ || 23||
kalinigrahakartā ca dharmādīnāṃ ca poṣakaḥ |
satsaṅgajānahetuśca śrībhāgavatakāraṇam || 24||
prākṛtādṛṣṭamārgaśca|||||||||||| continued
jñāna-sādhana-līlā
|||||||||||||||||||||||| śrotavyaḥ sakalāgamaiḥ |
kīrtitavyaḥ śuddhabhāvaiḥ smartavyaścātmavittamaiḥ || 25||
anekamārgakartā ca nānāvidhagatipradaḥ |
puruṣaḥ sakalādhāraḥ sattvaikanilayātmabhūḥ || 26||
sarvadhyeyo yogagamyo bhaktyā grāhyaḥ surapriyaḥ |
janmādisārthakakṛtirlīlākartā patiḥ satām || 27||
ādikartā tattvakartā sarvakartā viśāradaḥ |
nānāvatārakartā ca brahmāvirbhāvakāraṇam || 28||
daśalīlāvinodī ca nānāsṛṣṭipravartakaḥ |
anekakalpakartā ca sarvadoṣavivarjitaḥ || 29||
sargalīlā
vairāgyahetustīrthātmā sarvatīrthaphalapradaḥ |
tīrthaśuddhaikanilayaḥ svamārgaparipoṣakaḥ || 30||
tīrthakīrtirbhaktagamyo bhaktānuśayakāryakṛt |
bhaktatulyaḥ sarvatulyaḥ svecchāsarvapravartakaḥ || 31||
guṇātīto'navadyātmā sargalīlāpravartakaḥ |
sākṣātsarvajagatkartā mahadādipravartakaḥ || 32||
māyāpravartakaḥ sākṣī māyārativivardhanaḥ |
ākāśātmā caturmūrtiścaturdhā bhūtabhāvanaḥ || 33||
rajaḥpravartako brahmā marīcyādipitāmahaḥ |
vedakartā yajñakartā sarvakartā'mitātmakaḥ || 34||
anekasṛṣṭikartā ca daśadhāsṛṣṭikārakaḥ |
yajñāṅgo yajñavārāho bhūdharo bhūmipālakaḥ || 35||
seturvidharaṇo jaitro hiraṇyākṣāntakaḥ suraḥ |
ditikaśyapakāmaikahetusṛṣṭipravartakaḥ || 36||
devābhayapradātā ca vaikuṇṭhādhipatirmahān |
sarvagarvaprahārī ca sanakādyakhilārthadaḥ || 37||
sarvāśvāsanakartā ca bhaktatulyāhavapradaḥ |
kālalakṣaṇahetuśca sarvārthajñāpakaḥ paraḥ || 38||
bhaktonnatikaraḥ sarvaprakārasukhadāyakaḥ |
nānāyuddhapraharaṇo brahmaśāpavimocakaḥ || 39||
puṣṭisargapraṇetā ca guṇasṛṣṭipravartakaḥ |
kardameṣṭapradātā ca devahūtyakhilārthadaḥ || 40||
śuklanārāyaṇaḥ satyakāladharmapravartakaḥ |
jñānāvatāraḥ śāntātmā kapilaḥ kālanāśakaḥ || 41||
triguṇādhipatiḥ sāṅkhyaśāstrakartā viśāradaḥ |
sargadūṣaṇahārī ca puṣṭimokṣapravartakaḥ || 42||
laukikānandadātā ca brahmānandapravartakaḥ |
bhaktisiddhāntavaktā ca saguṇajñānadīpakaḥ || 43||
ātmapradaḥ pūrṇakāmo yogātmā yogabhāvitaḥ |
jīvanmuktipradaḥ śrīmānanyabhaktipravartakaḥ || 44||
kālasāmarthyadātā ca kāladoṣanivārakaḥ |
garbhottamajñānadātā karmamārganiyāmakaḥ || 45||
sarvamārganirākartā bhaktimārgaikapoṣakaḥ |
siddhihetuḥ sarvahetuḥ sarvāścaryaikakāraṇam || 46||
cetanācetanapatiḥ samudraparipūjitaḥ |
sāṅkhyācāryastutaḥ siddhapūjitaḥ sarvapūjitaḥ || 47||
visargalīlā
visargakartā sarveśaḥ koṭisūryasamaprabhaḥ |
anantaguṇagambhīro mahāpuruṣapūjitaḥ || 48||
anantasukhadātā ca brahmakoṭiprajāpatiḥ |
sudhākoṭisvāsthyahetuḥ kāmadhukkoṭikāmadaḥ || 49||
samudrakoṭigambhīrastīrthakoṭisamāhvayaḥ |
sumerukoṭiniṣkampaḥ koṭibrahmāṇḍavigrahaḥ || 50||
koṭyaśvamedhapāpaghno vāyukoṭimahābalaḥ |
koṭīndujagadānandī śivakoṭiprasādakṛt || 51||
sarvasadguṇamāhātmyaḥ sarvasadguṇabhājanam |
manvādiprerako dharmo yajñanārāyaṇaḥ paraḥ || 52||
ākūtisūnurdevendro rucijanmā'bhayapradaḥ |
dakṣiṇāpatirojasvī kriyāśaktiḥ parāyaṇaḥ || 53||
dattātreyo yogapatiryogamārgapravartakaḥ |
anasūyāgarbharatnamṛṣivaṃśavivardhanaḥ || 54||
guṇatrayavibhāgajñaścaturvargaviśāradaḥ |
nārāyaṇo dharmasūnurmūrtipuṇyayaśaskaraḥ || 55||
sahasrakavacacchedī tapaḥsāro narapriyaḥ |
viśvānandapradaḥ karmasākṣī bhāratapūjitaḥ || 56||
anantādbhutamāhātmyo badarīsthānabhūṣaṇam |
jitakāmo jitakrodho jitasaṅgo jitendriyaḥ || 57||
urvaśīprabhavaḥ svargasukhadāyī sthitipradaḥ |
amānī mānado goptā bhagavacchāstrabodhakaḥ || 58||
brahmādivandyo haṃsaśrīrmāyāvaibhavakāraṇam |
vividhānantasargātmā viśvapūraṇatatparaḥ || 59||
yajñajīvanahetuśca yajñasvāmīṣṭabodhakaḥ |
nānāsiddhāntagamyaśca saptatantuśca ṣaḍguṇaḥ || 60||
pratisargajagatkartā nānālīlāviśāradaḥ |
dhruvapriyo dhruvasvāmī cintitādhikadāyakaḥ || 61||
durlabhānantaphalado dayānidhiramitrahā |
aṅgasvāmī kṛpāsāro vainyo bhūminiyāmakaḥ || 62||
bhūmidogdhā prajāprāṇapālanaikaparāyaṇaḥ |
yaśodātā jñānadātā sarvadharmapradarśakaḥ || 63||
purañjano jaganmitraṃ visargāntapradarśakaḥ |
pracetasāṃ patiścitrabhaktiheturjanārdanaḥ || 64||
smṛtihetubrahmabhāvasāyujyādipradaḥ śubhaḥ |
vijayī |||||||||||||||||||| continued
sthānalīlā
|||| sthitilīlābdhiracyuto vijayapradaḥ || 65||
svasāmarthyaprado bhaktakīrtiheturadhokṣajaḥ |
priyavratapriyasvāmī svecchāvādaviśāradaḥ || 66||
saṅgyagamyaḥ svaprakāśaḥ sarvasaṅgavivarjitaḥ |
icchāyāṃ ca samaryādastyāgamātropalambhanaḥ || 67||
acintyakāryakartā ca tarkāgocarakāryakṛt |
śaṛṅgārarasamaryādā āgnīdhrarasabhājanam || 68||
nābhīṣṭapūrakaḥ karmamaryādādarśanotsukaḥ |
sarvarūpo'dbhutatamo maryādāpuruṣottamaḥ || 69||
sarvarūpeṣu satyātmā kālasākṣī śaśiprabhaḥ |
merudevīvrataphalamṛṣabho bhagalakṣaṇaḥ || 70||
jagatsantarpako megharūpī devendradarpahā |
jayantīpatiratyantapramāṇāśeṣalaukikaḥ || 71||
śatadhānyastabhūtātmā śatānando guṇaprasūḥ |
vaiṣṇavotpādanaparaḥ sarvadharmopadeśakaḥ || 72||
parahaṃsakriyāgoptā yogacaryāpradarśakaḥ |
caturthāśramanirṇetā sadānandaśarīravān || 73||
pradarśitānyadharmaśca bharatasvāmyapārakṛt |
yathāvatkarmakartā ca saṅgāniṣṭapradarśakaḥ || 74||
āvaśyakapunarjanmakarmamārgapradarśakaḥ |
yajñarūpamṛgaḥ śāntaḥ sahiṣṇuḥ satparākramaḥ || 75||
rahūgaṇagatijñaśca rahūgaṇavimocakaḥ |
bhavāṭavītattvavaktā bahirmukhahite rataḥ || 76||
gayasvāmī sthānavaṃśakartā sthānavibhedakṛt |
puruṣāvayavo bhūmiviśeṣavinirūpakaḥ || 77||
jambūdvīpapatirmerunābhipadmaruhāśrayaḥ |
nānāvibhūtilīlāḍhyo gaṅgotpattinidānakṛt || 78||
gaṅgāmāhātmyahetuśca gaṅgārūpo'tigūḍhakṛt |
vaikuṇṭhadehahetvambujanmakṛt sarvapāvanaḥ || 79||
śivasvāmī śivopāsyo gūḍhaḥ saṅkarṣaṇātmakaḥ |
sthānarakṣārthamatsyādirūpaḥ sarvaikapūjitaḥ || 80||
upāsyanānārūpātmā jyotīrūpo gatipradaḥ |
sūryanārāyaṇo vedakāntirujjvalaveṣadhṛk || 81||
haṃso'ntarikṣagamanaḥ sarvaprasavakāraṇam |
ānandakartā vasudo budho vākpatirujjvalaḥ || 82||
kālātmā kālakālaśca kālacchedakṛduttamaḥ |
śiśumāraḥ sarvamūrtirādhidaivikarūpadhṛk || 83||
anantasukhabhogāḍhyo vivaraiśvaryabhājanam |
saṅkarṣaṇo daityapatiḥ sarvādhāro bṛhadvapuḥ || 84||
anantanarakacchedī smṛtimātrārtināśanaḥ |
sarvānugrahakartā ca |||||||||||||||||||| continued
poṣaṇa-puṣṭi-līlā
|||||||||||||||| maryādābhinnaśāstrakṛt || 85 ||
kālāntakabhayacchedī nāmasāmarthyarūpadhṛk |
uddhārānarhagoptrātmā nāmādiprerakottamaḥ || 86||
ajāmilamahāduṣṭamocako'ghavimocakaḥ |
dharmavaktā'kliṣṭavaktā viṣṇudharmasvarūpadhṛk || 87||
sanmārgaprerako dhartā tyāgaheturadhokṣajaḥ |
vaikuṇṭhapuranetā ca dāsasaṃvṛddhikārakaḥ || 88||
dakṣaprasādakṛddhaṃsaguhyastutivibhāvanaḥ |
svābhiprāyapravaktā ca muktajīvaprasūtikṛt || 89||
nāradapreraṇātmā ca haryaśvabrahmabhāvanaḥ |
śabalāśvahito gūḍhavākyārthajñāpanakṣamaḥ || 90||
gūḍhārthajñāpanaḥ sarvamokṣānandapratiṣṭhitaḥ |
puṣṭiprarohahetuśca dāsaikajñātahṛdgataḥ || 91||
śāntikartā suhitakṛt strīprasūḥ sarvakāmadhuk |
puṣṭivaṃśapraṇetā ca viśvarūpeṣṭadevatā || 92||
kavacātmā pālanātmā varmopacitikāraṇam |
viśvarūpaśiraśchedī tvāṣṭrayajñavināśakaḥ || 93||
vṛtrasvāmī vṛtragamyo vṛtravrataparāyaṇaḥ |
vṛtrakīrtirvṛtramokṣo maghavatprāṇarakṣakaḥ || 94||
aśvamedhahavirbhoktā devendrāmīvanāśakaḥ |
saṃsāramocakaścitraketubodhanatatparaḥ || 95||
mantrasiddhiḥ siddhihetuḥ susiddhiphaladāyakaḥ |
mahādevatiraskartā bhaktyai pūrvārthanāśakaḥ || 96||
devabrāhmaṇavidveṣavaimukhyajñāpakaḥ śivaḥ |
ādityo daityarājaśca mahatpatiracintyakṛt || 97||
marutāṃ bhedakastrātā vratātmā pumprasūtikṛt |
ūtilīlā
karmātmā vāsanātmā ca ūtilīlāparāyaṇaḥ || 98||
samadaityasuraḥ svātmā vaiṣamyajñānasaṃśrayaḥ |
dehādyupādhirahitaḥ sarvajñaḥ sarvahetuvid || 99||
brahmavāksthāpanaparaḥ svajanmāvadhikāryakṛt |
sadasadvāsanāhetustrisatyo bhaktamocakaḥ || 100||
hiraṇyakaśipudveṣī praviṣṭātmā'tibhīṣaṇaḥ |
śāntijñānādihetuśca prahlādotpattikāraṇam || 101||
daityasiddhāntasadvaktā tapaḥsāra udāradhīḥ |
daityahetuprakaṭano bhakticihnaprakāśakaḥ || 102||
saddveṣahetuḥ saddveṣavāsanātmā nirantaraḥ |
naiṣṭhuryasīmā prahlādavatsalaḥ saṅgadoṣahā || 103||
mahānubhāvaḥ sākāraḥ sarvākāraḥ pramāṇabhūḥ |
stambhaprasūtirnṛharirnṛsiṃho bhīmavikramaḥ || 104||
vikaṭāsyo lalajjihvo nakhaśastro javotkaṭaḥ |
hiraṇyakaśipucchedī krūradaityanivārakaḥ || 105||
siṃhāsanasthaḥ krodhātmā lakṣmībhayavivardhanaḥ |
brahmādyatyantabhayabhūrapūrvācintyarūpadhṛk || 106||
bhaktaikaśāntahṛdayo bhaktastutyaḥ stutipriyaḥ |
bhaktāṅgalehanoddhūtakrodhapuṅjaḥ praśāntadhīḥ || 107||
smṛtimātrabhayatrātā brahmabuddhipradāyakaḥ |
gorūpadhāryamṛtapāḥ śivakīrtivivardhanaḥ || 108||
dharmātmā sarvakarmātmā viśeṣātmā''śramaprabhuḥ |
saṃsāramagnasvoddhartā sanmārgākhilatattvavāk || 109||
ācārātmā sadācāraḥ |||||||||||||||||| continued
manvantaralīlā
||||||||||||||||||||manvantaravibhāvanaḥ |
smṛtyā'śeṣāśubhaharo gajendrasmṛtikāraṇam || 110||
jātismaraṇahetvaikapūjābhaktisvarūpadaḥ |
yajño bhayānmanutrātā vibhurbrahmavratāśrayaḥ || 111||
satyaseno duṣṭaghātī harirgajavimocakaḥ |
vaikuṇṭho lokakartā ca ajito'mṛtakāraṇam || 112||
urukramo bhūmihartā sārvabhaumo balipriyaḥ |
vibhuḥ sarvahitaikātmā viṣvaksenaḥ śivapriyaḥ || 113||
dharmaseturlokadhṛtiḥ sudhāmāntarapālakaḥ |
upahartā yogapatirbṛhadbhānuḥ kriyāpatiḥ || 114||
caturdaśapramāṇātmā dharmo manvādibodhakaḥ |
lakṣmībhogaikanilayo devamantrapradāyakaḥ || 115||
daityavyāmohakaḥ sākṣādgaruḍaskandhasaṃśrayaḥ |
līlāmandaradhārī ca daityavāsukipūjitaḥ || 116||
samudronmathanāyatto'vighnakartā svavākyakṛt |
ādikūrmaḥ pavitrātmā mandarāgharṣaṇotsukaḥ || 117||
śvāsaijadabdhivārvīciḥ kalpāntāvadhikāryakṛt |
caturdaśamahāratno lakṣmīsaubhāgyavardhanaḥ || 118||
dhanvantariḥ sudhāhasto yajñabhoktā''rtināśanaḥ |
āyurvedapraṇetā ca devadaityākhilārcitaḥ || 119||
buddhivyāmohako devakāryasādhanatatparaḥ |
strīrūpo māyayā vaktā daityāntaḥkaraṇapriyaḥ || 120||
pāyitāmṛtadevāṃśo yuddhahetusmṛtipradaḥ |
sumālimālivadhakṛnmālyavatprāṇahārakaḥ || 121||
kālanemiśiraśchedī daityayajñavināśakaḥ |
indrasāmarthyadātā ca daityaśeṣasthitipriyaḥ || 122||
śivavyāmohako māyī bhṛgumantrasvaśaktidaḥ |
balijīvanakartā ca svargaheturvratārcitaḥ || 123||
adityānandakartā ca kaśyapāditisambhavaḥ |
upendra indrāvarajo vāmanabrahmarūpadhṛk || 124||
brahmādisevitavapuryajñapāvanatatparaḥ |
yācñopadeśakartā ca jñāpitāśeṣasaṃsthitiḥ || 125||
satyārthaprerakaḥ sarvahartā garvavināśakaḥ |
trivikramastrilokātmā viśvamūrtiḥ pṛthuśravāḥ || 126||
pāśabaddhabaliḥ sarvadaityapakṣopamardakaḥ |
sutalasthāpitabaliḥ svargādhikasukhapradaḥ || 127||
karmasampūrtikartā ca svargasaṃsthāpitāmaraḥ |
jñātatrividhadharmātmā mahāmīno'bdhisaṃśrayaḥ || 128||
satyavratapriyo goptā matsyamūrtidhṛtaśrutiḥ |
śaṛṅgabaddhadhṛtakṣoṇiḥ sarvārthajñāpako guruḥ || 129||
īśānukathālīlā
īśasevakalīlātmā sūryavaṃśapravartakaḥ |
somavaṃśodbhavakaro manuputragatipradaḥ || 130||
ambarīṣapriyaḥ sādhurdurvāsogarvanāśakaḥ |
brahmaśāpopasaṃhartā bhaktakīrtivivardhanaḥ || 131||
ikṣvākuvaṃśajanakaḥ sagarādyakhilārthadaḥ |
bhagīrathamahāyatno gaṅgādhautāṅghripaṅkajaḥ || 132||
brahmasvāmī śivasvāmī sagarātmajamuktidaḥ |
khaṭvāṅgamokṣahetuśca raghuvaṃśavivardhanaḥ || 133||
raghunātho rāmacandro rāmabhadro raghupriyaḥ |
anantakīrtiḥ puṇyātmā puṇyaślokaikabhāskaraḥ || 134||
kośalendraḥ pramāṇātmā sevyo daśarathātmajaḥ |
lakṣmaṇo bharataścaiva śatrughno vyūhavigrahaḥ || 135||
viśvāmitrapriyo dāntastāḍakāvadhamokṣadaḥ |
vāyavyāstrābdhinikṣiptamārīcaśca subāhuhā || 136||
vṛṣadhvajadhanurbhaṅgaprāptasītāmahotsavaḥ |
sītāpatirbhṛgupatigarvaparvatanāśakaḥ || 137||
ayodhyāsthamahābhogayuktalakṣmīvinodavān |
kaikeyīvākyakartā ca pitṛvākparipālakaḥ || 138||
vairāgyabodhako'nanyasāttvikasthānabodhakaḥ |
ahalyāduḥkhahārī ca guhasvāmī salakṣmaṇaḥ || 139||
citrakūṭapriyasthāno daṇḍakāraṇyapāvanaḥ |
śarabhaṅgasutīkṣṇādipūjito'gastyabhāgyabhūḥ || 140||
ṛṣisamprārthitakṛtirvirādhavadhapaṇḍitaḥ |
chinnaśūrpaṇakhānāsaḥ kharadūṣaṇaghātakaḥ || 141||
ekabāṇahatānekasahasrabalarākṣasaḥ |
mārīcaghātī niyatasītāsambandhaśobhitaḥ || 142||
sītāviyoganāṭyaśca jaṭāyurvadhamokṣadaḥ |
śabarīpūjito bhaktahanumatpramukhāvṛtaḥ || 143||
dundubhyasthipraharaṇaḥ saptatālavibhedanaḥ |
sugrīvarājyado vālighātī sāgaraśoṣaṇaḥ || 144||
setubandhanakartā ca vibhīṣaṇahitapradaḥ |
rāvaṇādiśiraśchedī rākṣasāghaughanāśakaḥ || 145||
sītā'bhayapradātā ca puṣpakāgamanotsukaḥ |
ayodhyāpatiratyantasarvalokasukhapradaḥ || 146||
mathurāpuranirmātā sukṛtajñasvarūpadaḥ |
janakajñānagamyaśca ailāntaprakaṭaśrutiḥ || 147||
haihayāntakaro rāmo duṣṭakṣatravināśakaḥ |
somavaṃśahitaikātmā yaduvaṃśavivardhanaḥ || 148||
nirodhalīlā
parabrahmāvataraṇaḥ keśavaḥ kleśanāśanaḥ |
bhūmibhārāvataraṇo bhaktārthākhilamānasaḥ || 149||
sarvabhaktanirodhātmā līlānantanirodhakṛt |
bhūmiṣṭhaparamānando devakīśuddhikāraṇam || 150||
vasudevajñānaniṣṭhasamajīvanivārakaḥ |
sarvavairāgyakaraṇasvalīlādhāraśodhakaḥ || 151||
māyājñāpanakartā ca śeṣasambhārasambhṛtiḥ |
bhaktakleśaparijñātā tannivāraṇatatparaḥ || 152||
āviṣṭavasudevāṃśo devakīgarbhabhūṣaṇam |
pūrṇatejomayaḥ pūrṇaḥ kaṃsādhṛṣyapratāpavān || 153||
vivekajñānadātā ca brahmādyakhilasaṃstutaḥ |
satyo jagatkalpatarurnānārūpavimohanaḥ || 154||
bhaktimārgapratiṣṭhātā vidvanmohapravartakaḥ |
mūlakālaguṇadraṣṭā nayanānandabhājanam || 155||
vasudevasukhābdhiśca devakīnayanāmṛtam |
pitṛmātṛstutaḥ pūrvasarvavṛttāntabodhakaḥ || 156||
gokulāgatilīlāptavasudevakarasthitiḥ |
sarveśatvaprakaṭano māyāvyatyayakārakaḥ || 157||
jñānamohitaduṣṭeśaḥ prapañcāsmṛtikāraṇam |
yaśodānandano nandabhāgyabhūgokulotsavaḥ || 158||
nandapriyo nandasūnuryaśodāyāḥ stanandhayaḥ |
pūtanāsupayaḥpātā mugdhabhāvātisundaraḥ || 159||
sundarīhṛdayānando gopīmantrābhimantritaḥ |
gopālāścaryarasakṛt śakaṭāsurakhaṇḍanaḥ || 160||
nandavrajajanānandī nandabhāgyamahodayaḥ |
tṛṇāvartavadhotsāho yaśodājñānavigrahaḥ || 161||
balabhadrapriyaḥ kṛṣṇaḥ saṅkarṣaṇasahāyavān |
rāmānujo vāsudevo goṣṭhāṅgaṇagatipriyaḥ || 162||
kiṅkiṇīravabhāvajño vatsapucchāvalambanaḥ |
navanītapriyo gopīmohasaṃsāranāśakaḥ || 163||
gopabālakabhāvajñaścauryavidyāviśāradaḥ |
mṛtsnābhakṣaṇalīlāsyamāhātmyajñānadāyakaḥ || 164||
dharādroṇaprītikartā dadhibhāṇḍavibhedanaḥ |
dāmodaro bhaktavaśyo yamalārjunabhañjanaḥ || 165||
bṛhadvanamahāścaryo vṛndāvanagatipriyaḥ |
vatsaghātī bālakelirbakāsuraniṣūdanaḥ || 166||
araṇyabhoktā'pyathavā bālalīlāparāyaṇaḥ |
protsāhajanakaścaivamaghāsuraniṣūdanaḥ || 167||
vyālamokṣapradaḥ puṣṭo brahmamohapravardhanaḥ |
anantamūrtiḥ sarvātmā jaṅgamasthāvarākṛtiḥ || 168||
brahmamohanakartā ca stutya ātmā sadāpriyaḥ |
paugaṇḍalīlābhiratirgocāraṇaparāyaṇaḥ || 169||
vṛndāvanalatāgulmavṛkṣarūpanirūpakaḥ |
nādabrahmaprakaṭano vayaḥpratikṛtisvanaḥ || 170||
barhinṛtyānukaraṇo gopālānukṛtisvanaḥ |
sadācārapratiṣṭhātā balaśramanirākṛtiḥ || 171||
tarumūlakṛtāśeṣatalpaśāyī sakhistutaḥ |
gopālasevitapadaḥ śrīlālitapadāmbujaḥ || 172||
gopasamprārthitaphaladānanāśitadhenukaḥ |
kālīyaphaṇimāṇikyarañjitaśrīpadāmbujaḥ || 173||
dṛṣṭisaṅjīvitāśeṣagopagogopikāpriyaḥ |
līlāsampītadāvāgniḥ pralambavadhapaṇḍitaḥ || 174||
dāvāgnyāvṛtagopāladṛṣṭyācchādanavahnipaḥ |
varṣāśaradvibhūtiśrīrgopīkāmaprabodhakaḥ || 175||
gopīratnastutāśeṣaveṇuvādyaviśāradaḥ |
kātyāyanīvratavyājasarvabhāvāśritāṅganaḥ || 176||
satsaṅgatistutivyājastutavṛndāvanāṅghripaḥ |
gopakṣucchāntisaṃvyājaviprabhāryāprasādakṛt || 177||
hetuprāptendrayāgasvakāryagosavabodhakaḥ |
śailarūpakṛtāśeṣarasabhogasukhāvahaḥ || 178||
līlāgovardhanoddhārapālitasvavrajapriyaḥ |
gopasvacchandalīlārthagargavākyārthabodhakaḥ || 179||
indradhenustutiprāptagovindendrābhidhānavān |
vratādidharmasaṃsaktanandakleśavināśakaḥ || 180||
nandādigopamātreṣṭavaikuṇṭhagatidāyakaḥ |
veṇuvādasmarakṣobhamattagopīvimuktidaḥ || 181||
sarvabhāvaprāptagopīsukhasaṃvardhanakṣamaḥ |
gopīgarvapraṇāśārthatirodhānasukhapradaḥ || 182||
kṛṣṇabhāvavyāptaviśvagopībhāvitaveṣadhṛk |
rādhāviśeṣasambhogaprāptadoṣanivārakaḥ || 183||
paramaprītisaṅgītasarvādbhutamahāguṇaḥ |
mānāpanodanākrandagopīdṛṣṭimahotsavaḥ || 184||
gopikāvyāptasarvāṅgaḥ strīsambhāṣāviśāradaḥ |
rāsotsavamahāsaukhyagopīsambhogasāgaraḥ || 185||
jalasthalarativyāptagopīdṛṣṭyabhipūjitaḥ |
śāstrānapekṣakāmaikamuktidvāravivardhanaḥ || 186||
sudarśanamahāsarpagrastanandavimocakaḥ |
gītamohitagopīdhṛkṣaṅkhacūḍavināśakaḥ || 187||
guṇasaṅgītasantuṣṭirgopīsaṃsāravismṛtiḥ |
ariṣṭamathano daityabuddhivyāmohakārakaḥ || 188||
keśighātī nāradeṣṭo vyomāsuravināśakaḥ |
akrūrabhaktisaṃrāddhapādareṇumahānidhiḥ || 189||
rathāvarohaśuddhātmā gopīmānasahārakaḥ |
hradasandarśitāśeṣavaikuṇṭhākrūrasaṃstutaḥ || 190||
mathurāgamanotsāho mathurābhāgyabhājanam |
mathurānagarīśobhādarśanotsukamānasaḥ || 191||
duṣṭarañjakaghātī ca vāyakārcitavigrahaḥ |
vastramālāsuśobhāṅgaḥ kubjālepanabhūṣitaḥ || 192||
kubjāsurūpakartā ca kubjārativarapradaḥ |
prasādarūpasantuṣṭaharakodaṇḍakhaṇḍanaḥ || 193||
śakalāhatakaṃsāptadhanūrakṣakasainikaḥ |
jāgratsvapnabhayavyāptamṛtyulakṣaṇabodhakaḥ || 194||
mathurāmalla ojasvī mallayuddhaviśāradaḥ |
sadyaḥ kuvalayāpīḍaghātī cāṇūramardanaḥ || 195||
līlāhatamahāmallaḥ śalatośalaghātakaḥ |
kaṃsāntako jitāmitro vasudevavimocakaḥ || 196||
jñātatattvapitṛjñānamohanāmṛtavāṅmayaḥ |
ugrasenapratiṣṭhātā yādavādhivināśakaḥ || 197||
nandādisāntvanakaro brahmacaryavrate sthitaḥ |
guruśuśrūṣaṇaparo vidyāpāramiteśvaraḥ || 198||
sāndīpanimṛtāpatyadātā kālāntakādijit |
gokulāśvāsanaparo yaśodānandapoṣakaḥ || 199||
gopikāvirahavyājamanogatiratipradaḥ |
samoddhavabhramaravāk gopikāmohanāśakaḥ || 200||
kubjāratiprado'krūrapavitrīkṛtabhūgṛhaḥ |
pṛthāduḥkhapraṇetā ca pāṇḍavānāṃ sukhapradaḥ || 201||
daśamaskandhottarārdhanāmāni nirodhalīlā
jarāsandhasamānītasainyaghātī vicārakaḥ |
yavanavyāptamathurājanadattakuśasthaliḥ || 202||
dvārakādbhutanirmāṇavismāpitasurāsuraḥ |
manuṣyamātrabhogārthabhūmyānītendravaibhavaḥ || 203||
yavanavyāptamathurānirgamānandavigrahaḥ |
mucukundamahābodhayavanaprāṇadarpahā || 204||
mucukundastutāśeṣaguṇakarmamahodayaḥ |
phalapradānasantuṣṭirjanmāntaritamokṣadaḥ || 205||
śivabrāhmaṇavākyāptajayabhītivibhāvanaḥ |
pravarṣaṇaprārthitāgnidānapuṇyamahotsavaḥ || 206||
rukmiṇīramaṇaḥ kāmapitā pradyumnabhāvanaḥ |
syamantakamaṇivyājaprāptajāmbavatīpatiḥ || 207||
satyabhāmāprāṇapatiḥ kālindīrativardhanaḥ |
mitravindāpatiḥ satyāpatirvṛṣaniṣūdanaḥ || 208||
bhadrāvāñchitabhartā ca lakṣmaṇāvaraṇakṣamaḥ |
indrādiprārthitavadhanarakāsurasūdanaḥ || 209||
murāriḥ pīṭhahantā ca tāmrādiprāṇahārakaḥ |
ṣoḍaśastrīsahasreśaḥ chatrakuṇḍaladānakṛt || 210||
pārijātāpaharaṇo devendramadanāśakaḥ |
rukmiṇīsamasarvastrīsādhyabhogaratipradaḥ || 211||
rukmiṇīparihāsoktivāktirodhānakārakaḥ |
putrapautramahābhāgyagṛhadharmapravartakaḥ || 212||
śambarāntakasatputravivāhahatarukmikaḥ |
uṣāpahṛtapautraśrīrbāṇabāhunivārakaḥ || 213||
śītajvarabhayavyāptajvarasaṃstutaṣaḍguṇaḥ |
śaṅkarapratiyoddhā ca dvandvayuddhaviśāradaḥ || 214||
nṛgapāpaprabhettā ca brahmasvaguṇadoṣadṛk |
viṣṇubhaktivirodhaikabrahmasvavinivārakaḥ || 215||
balabhadrāhitaguṇo gokulaprītidāyakaḥ |
gopīsnehaikanilayo gopīprāṇasthitipradaḥ || 216||
vākyātigāmiyamunāhalākarṣaṇavaibhavaḥ |
pauṇḍrakatyājitaspardhaḥ kāśīrājavibhedanaḥ || 217||
kāśīnidāhakaraṇaḥ śivabhasmapradāyakaḥ |
dvividaprāṇaghātī ca kauravākharvagarvanut || 218||
lāṅgalākṛṣṭanagarīsaṃvignākhilanāgaraḥ |
prapannābhayadaḥ sāmbaprāptasanmānabhājanam || 219||
nāradānviṣṭacaraṇo bhaktavikṣepanāśakaḥ |
sadācāraikanilayaḥ sudharmādhyāsitāsanaḥ || 220||
jarāsandhāvaruddhena vijñāpitanijaklamaḥ |
mantryuddhavādivākyoktaprakāraikaparāyaṇaḥ || 221||
rājasūyādimakhakṛt samprārthitasahāyakṛt |
indraprasthaprayāṇārthamahatsambhārasambhṛtiḥ || 222||
jarāsandhavadhavyājamocitāśeṣabhūmipaḥ |
sanmārgabodhako yajñakṣitivāraṇatatparaḥ || 223||
śiśupālahativyājajayaśāpavimocakaḥ |
duryodhanābhimānābdhiśoṣabāṇavṛkodaraḥ|| 224||
mahādevavaraprāptapuraśālvavināśakaḥ |
dantavaktravadhavyājavijayāghaughanāśakaḥ || 225||
vidūrathaprāṇahartā nyastaśastrāstravigrahaḥ |
upadharmaviliptāṅgasūtaghātī varapradaḥ || 226||
balvalaprāṇaharaṇapālitarṣiśrutikriyaḥ |
sarvatīrthāghanāśārthatīrthayātrāviśāradaḥ || 227||
jñānakriyāvibhedeṣṭaphalasādhanatatparaḥ |
sārathyādikriyākartā bhaktavaśyatvabodhakaḥ || 228||
sudāmāraṅkabhāryārthabhūmyānītendravaibhavaḥ |
ravigrahanimittāptakurukṣetraikapāvanaḥ || 229||
nṛpagopīsamastastrīpāvanārthākhilakriyaḥ |
ṛṣimārgapratiṣṭhātā vasudevamakhakriyaḥ || 230||
vasudevajñānadātā devakīputradāyakaḥ |
arjunastrīpradātā ca bahulāśvasvarūpadaḥ || 231||
śrutadeveṣṭadātā ca sarvaśrutinirūpitaḥ |
mahādevādyatiśreṣṭho bhaktilakṣaṇanirṇayaḥ || 232||
vṛkagrastaśivatrātā nānāvākyaviśāradaḥ |
naragarvavināśārthahṛtabrāhmaṇabālakaḥ || 233||
lokālokaparasthānasthitabālakadāyakaḥ |
dvārakāsthamahābhoganānāstrīrativardhanaḥ || 234||
manastirodhānakṛtavyagrastrīcittabhāvitaḥ |
muktilīlā
muktilīlāviharaṇo mauśalavyājasaṃhṛtiḥ || 235||
śrībhāgavatadharmādibodhako bhaktinītikṛt |
uddhavajñānadātā ca pañcaviṃśatidhā guruḥ || 236||
ācārabhaktimuktyādivaktā śabdodbhavasthitiḥ |
haṃso dharmapravaktā ca sanakādyupadeśakṛt || 237||
bhaktisādhanavaktā ca yogasiddhipradāyakaḥ |
nānāvibhūtivaktā ca śuddhadharmāvabodhakaḥ || 238||
mārgatrayavibhedātmā nānāśaṅkānivārakaḥ |
bhikṣugītāpravaktā ca śuddhasāṅkhyapravartakaḥ || 239||
manoguṇaviśeṣātmā jñāpakoktapurūravāḥ |
pūjāvidhipravaktā ca sarvasiddhāntabodhakaḥ || 240||
laghusvamārgavaktā ca svasthānagatibodhakaḥ |
yādavāṅgopasaṃhartā sarvāścaryagatikriyaḥ || 241||
āśrayalīlā
kāladharmavibhedārthavarṇanāśanatatparaḥ |
buddho guptārthavaktā ca nānāśāstravidhāyakaḥ || 242||
naṣṭadharmamanuṣyādilakṣaṇajñāpanotsukaḥ |
āśrayaikagatijñātā kalkiḥ kalimalāpahaḥ || 243||
śāstravairāgyasambodho nānāpralayabodhakaḥ |
viśeṣataḥ śukavyājaparīkṣijjñānabodhakaḥ || 244||
śukeṣṭagatirūpātmā parīkṣiddehamokṣadaḥ |
śabdarūpo nādarūpo vedarūpo vibhedanaḥ || 245||
vyāsaḥ śākhāpravaktā ca purāṇārthapravartakaḥ |
mārkaṇḍeyaprasannātmā vaṭapatrapuṭeśayaḥ || 246||
māyāvyāptamahāmohaduḥkhaśāntipravartakaḥ |
mahādevasvarūpaśca bhaktidātā kṛpānidhiḥ || 247||
ādityāntargataḥ kālaḥ dvādaśātmā supūjitaḥ |
śrībhāgavatarūpaśca sarvārthaphaladāyakaḥ || 248||
itīdaṃ kīrtanīyasya harernāmasahasrakam |
pañcasaptativistīrṇaṃ purāṇāntarabhāṣitam || 249||
ya etatprātarutthāya śraddhāvān susamāhitaḥ |
japedarthāhitamatiḥ sa govindapadaṃ labhet || 250||
sarvadharmavinirmuktaḥ sarvasādhanavarjitaḥ |
etaddhāraṇamātreṇa kṛṣṇasya padavīṃ vrajet || 251||
haryāveśitacittena śrībhāgavatasāgarāt |
samuddhṛtāni nāmāni cintāmaṇinibhāni hi || 252||
kaṇṭhasthitānyarthadīptyā bādhante'jñānajaṃ tamaḥ |
bhaktiṃ śrīkṛṣṇadevasya sādhayanti viniścitam || 253||
kimbahūktena bhagavān nāmabhiḥ stutaṣaḍguṇaḥ |
ātmabhāvaṃ nayatyāśu bhaktiṃ ca kurute dṛḍhām || 254||
yaḥ kṛṣṇabhaktimiha vāñchati sādhanaughair-
nāmāni bhāsurayaśāṃsi japetsa nityam |
taṃ vai hariḥ svapuruṣaṃ kurute'tiśīghram-
ātmārpaṇaṃ samadhigacchati bhāvatuṣṭaḥ || 255||
śrīkṛṣṇa kṛṣṇasakha vṛṣṇivṛṣāvanidhrug-
rājanyavaṃśadahanānapavargavīrya |
govinda gopavanitāvrajabhṛtyagīta
tīrthaśravaḥ śravaṇamaṅgala pāhi bhṛtyān || 256||
|| iti śrībhāgavatasārasamuccaye vaiśvānaroktaṃ
śrīvallabhācāryaviracitaṃ
śrīpuruṣottamasahasranāmastotraṃ sampūrṇam ||
Sanskrit — Devanagari (original)
विनियोगः
पुराणपुरुषो विष्णुः पुरुषोत्तम उच्यते ।
नाम्नां सहस्रं वक्ष्यामि तस्य भागवतोद्धृतम् ॥ 1॥
यस्य प्रसादाद्वागीशाः प्रजेशा विभवोन्नताः ।
क्षुद्रा अपि भवन्त्याशु श्रीकृष्णं तं नतोऽस्म्यहम् ॥ 2॥
अनन्ता एव कृष्णस्य लीला नामप्रवर्तिकाः ।
उक्ता भागवते गूहाः प्रकटा अपि कुत्रचित् ॥ 3॥
अतस्तानि प्रवक्ष्यामि नामानि मुरवैरिणः ।
सहस्रं यैस्तु पठितैः पठितं स्याच्छुकामृतम् ॥ 4॥
कृष्णनामसहस्रस्य ऋषिरग्निर्निरूपितः ।
गायत्री च तथा छन्दो देवता पुरुषोत्तमः ॥ 5॥
विनियोगः समस्तेषु पुरुषार्थेषु वै मतः ।
बीजं भक्तप्रियः शक्तिः सत्यवागुच्यते हरिः ॥ 6॥
भक्तोद्धरणयत्नस्तु मन्त्रोऽत्र परमो मतः ।
अवतारितभक्तांशः कीलकं परिकीर्तितम् ॥ 7॥
अस्त्रं सर्वसमर्थश्च गोविन्दः कवचं मतम् ।
पुरुषो ध्यानमत्रोक्तः सिद्धिः शरणसंस्मृतिः ॥ 8॥
अधिकारलीला
श्रीकृष्णः सच्चिदानन्दो नित्यलीलाविनोदकृत् ।
सर्वागमविनोदी च लक्ष्मीशः पुरुषोत्तमः ॥ 9॥
आदिकालः सर्वकालः कालात्मा माययावृतः ।
भक्तोद्धारप्रयत्नात्मा जगत्कर्ता जगन्मयः ॥ 10॥
नामलीलापरो विष्णुर्व्यासात्मा शुकमोक्षदः ।
व्यापिवैकुण्ठदाता च श्रीमद्भागवतागमः ॥ 11॥
शुकवागमृताब्धीन्दुः शौनकाद्यखिलेष्टदः ।
भक्तिप्रवर्तकस्त्राता व्यासचिन्ताविनाशकः ॥ 12॥
सर्वसिद्धान्तवागात्मा नारदाद्यखिलेष्टदः ।
अन्तरात्मा ध्यानगम्यो भक्तिरत्नप्रदायकः ॥ 13॥
मुक्तोपसृप्यः पूर्णात्मा मुक्तानां रतिवर्धनः ।
भक्तकार्यैकनिरतो द्रौण्यस्त्रविनिवारकः ॥ 14॥
भक्तस्मयप्रणेता च भक्तवाक्परिपालकः ।
ब्रह्मण्यदेवो धर्मात्मा भक्तानां च परीक्षकः ॥ 15॥
आसन्नहितकर्ता च मायाहितकरः प्रभुः ।
उत्तराप्राणदाता च ब्रह्मास्त्रविनिवारकः ॥ 16॥
सर्वतः पाणवपतिः परीक्षिच्छुद्धिकारणम् ।
गूहात्मा सर्ववेदेषु भक्तैकहृदयङ्गमः ॥ 17॥
कुन्तीस्तुत्यः प्रसन्नात्मा परमाद्भुतकार्यकृत् ।
भीष्ममुक्तिप्रदः स्वामी भक्तमोहनिवारकः ॥ 18॥
सर्वावस्थासु संसेव्यः समः सुखहितप्रदः ।
कृतकृत्यः सर्वसाक्षी भक्तस्त्रीरतिवर्धनः ॥ 19॥
सर्वसौभाग्यनिलयः परमाश्चर्यरूपधृक् ।
अनन्यपुरुषस्वामी द्वारकाभाग्यभाजनम् ॥ 20॥
बीजसंस्कारकर्ता च परीक्षिज्जानपोषकः ।
सर्वत्रपूर्णगुणकः सर्वभूषणभूषितः ॥ 21॥
सर्वलक्षणदाता च धृतराष्ट्रविमुक्तिदः ।
सन्मार्गरक्षको नित्यं विदुरप्रीतिपूरकः ॥ 22॥
लीलाव्यामोहकर्ता च कालधर्मप्रवर्तकः ।
पाणवानां मोक्षदाता परीक्षिद्भाग्यवर्धनः ॥ 23॥
कलिनिग्रहकर्ता च धर्मादीनां च पोषकः ।
सत्सङ्गजानहेतुश्च श्रीभागवतकारणम् ॥ 24॥
प्राकृतादृष्टमार्गश्च॥॥॥॥॥॥ चोन्तिनुएद्
ज्ञान-साधन-लीला
॥॥॥॥॥॥॥॥॥॥॥॥ श्रोतव्यः सकलागमैः ।
कीर्तितव्यः शुद्धभावैः स्मर्तव्यश्चात्मवित्तमैः ॥ 25॥
अनेकमार्गकर्ता च नानाविधगतिप्रदः ।
पुरुषः सकलाधारः सत्त्वैकनिलयात्मभूः ॥ 26॥
सर्वध्येयो योगगम्यो भक्त्या ग्राह्यः सुरप्रियः ।
जन्मादिसार्थककृतिर्लीलाकर्ता पतिः सताम् ॥ 27॥
आदिकर्ता तत्त्वकर्ता सर्वकर्ता विशारदः ।
नानावतारकर्ता च ब्रह्माविर्भावकारणम् ॥ 28॥
दशलीलाविनोदी च नानासृष्टिप्रवर्तकः ।
अनेककल्पकर्ता च सर्वदोषविवर्जितः ॥ 29॥
सर्गलीला
वैराग्यहेतुस्तीर्थात्मा सर्वतीर्थफलप्रदः ।
तीर्थशुद्धैकनिलयः स्वमार्गपरिपोषकः ॥ 30॥
तीर्थकीर्तिर्भक्तगम्यो भक्तानुशयकार्यकृत् ।
भक्ततुल्यः सर्वतुल्यः स्वेच्छासर्वप्रवर्तकः ॥ 31॥
गुणातीतोऽनवद्यात्मा सर्गलीलाप्रवर्तकः ।
साक्षात्सर्वजगत्कर्ता महदादिप्रवर्तकः ॥ 32॥
मायाप्रवर्तकः साक्षी मायारतिविवर्धनः ।
आकाशात्मा चतुर्मूर्तिश्चतुर्धा भूतभावनः ॥ 33॥
रजःप्रवर्तको ब्रह्मा मरीच्यादिपितामहः ।
वेदकर्ता यज्ञकर्ता सर्वकर्ताऽमितात्मकः ॥ 34॥
अनेकसृष्टिकर्ता च दशधासृष्टिकारकः ।
यज्ञाङ्गो यज्ञवाराहो भूधरो भूमिपालकः ॥ 35॥
सेतुर्विधरणो जैत्रो हिरण्याक्षान्तकः सुरः ।
दितिकश्यपकामैकहेतुसृष्टिप्रवर्तकः ॥ 36॥
देवाभयप्रदाता च वैकुण्ठाधिपतिर्महान् ।
सर्वगर्वप्रहारी च सनकाद्यखिलार्थदः ॥ 37॥
सर्वाश्वासनकर्ता च भक्ततुल्याहवप्रदः ।
काललक्षणहेतुश्च सर्वार्थज्ञापकः परः ॥ 38॥
भक्तोन्नतिकरः सर्वप्रकारसुखदायकः ।
नानायुद्धप्रहरणो ब्रह्मशापविमोचकः ॥ 39॥
पुष्टिसर्गप्रणेता च गुणसृष्टिप्रवर्तकः ।
कर्दमेष्टप्रदाता च देवहूत्यखिलार्थदः ॥ 40॥
शुक्लनारायणः सत्यकालधर्मप्रवर्तकः ।
ज्ञानावतारः शान्तात्मा कपिलः कालनाशकः ॥ 41॥
त्रिगुणाधिपतिः साङ्ख्यशास्त्रकर्ता विशारदः ।
सर्गदूषणहारी च पुष्टिमोक्षप्रवर्तकः ॥ 42॥
लौकिकानन्ददाता च ब्रह्मानन्दप्रवर्तकः ।
भक्तिसिद्धान्तवक्ता च सगुणज्ञानदीपकः ॥ 43॥
आत्मप्रदः पूर्णकामो योगात्मा योगभावितः ।
जीवन्मुक्तिप्रदः श्रीमानन्यभक्तिप्रवर्तकः ॥ 44॥
कालसामर्थ्यदाता च कालदोषनिवारकः ।
गर्भोत्तमज्ञानदाता कर्ममार्गनियामकः ॥ 45॥
सर्वमार्गनिराकर्ता भक्तिमार्गैकपोषकः ।
सिद्धिहेतुः सर्वहेतुः सर्वाश्चर्यैककारणम् ॥ 46॥
चेतनाचेतनपतिः समुद्रपरिपूजितः ।
साङ्ख्याचार्यस्तुतः सिद्धपूजितः सर्वपूजितः ॥ 47॥
विसर्गलीला
विसर्गकर्ता सर्वेशः कोटिसूर्यसमप्रभः ।
अनन्तगुणगम्भीरो महापुरुषपूजितः ॥ 48॥
अनन्तसुखदाता च ब्रह्मकोटिप्रजापतिः ।
सुधाकोटिस्वास्थ्यहेतुः कामधुक्कोटिकामदः ॥ 49॥
समुद्रकोटिगम्भीरस्तीर्थकोटिसमाह्वयः ।
सुमेरुकोटिनिष्कम्पः कोटिब्रह्माण्डविग्रहः ॥ 50॥
कोट्यश्वमेधपापघ्नो वायुकोटिमहाबलः ।
कोटीन्दुजगदानन्दी शिवकोटिप्रसादकृत् ॥ 51॥
सर्वसद्गुणमाहात्म्यः सर्वसद्गुणभाजनम् ।
मन्वादिप्रेरको धर्मो यज्ञनारायणः परः ॥ 52॥
आकूतिसूनुर्देवेन्द्रो रुचिजन्माऽभयप्रदः ।
दक्षिणापतिरोजस्वी क्रियाशक्तिः परायणः ॥ 53॥
दत्तात्रेयो योगपतिर्योगमार्गप्रवर्तकः ।
अनसूयागर्भरत्नमृषिवंशविवर्धनः ॥ 54॥
गुणत्रयविभागज्ञश्चतुर्वर्गविशारदः ।
नारायणो धर्मसूनुर्मूर्तिपुण्ययशस्करः ॥ 55॥
सहस्रकवचच्छेदी तपःसारो नरप्रियः ।
विश्वानन्दप्रदः कर्मसाक्षी भारतपूजितः ॥ 56॥
अनन्ताद्भुतमाहात्म्यो बदरीस्थानभूषणम् ।
जितकामो जितक्रोधो जितसङ्गो जितेन्द्रियः ॥ 57॥
उर्वशीप्रभवः स्वर्गसुखदायी स्थितिप्रदः ।
अमानी मानदो गोप्ता भगवच्छास्त्रबोधकः ॥ 58॥
ब्रह्मादिवन्द्यो हंसश्रीर्मायावैभवकारणम् ।
विविधानन्तसर्गात्मा विश्वपूरणतत्परः ॥ 59॥
यज्ञजीवनहेतुश्च यज्ञस्वामीष्टबोधकः ।
नानासिद्धान्तगम्यश्च सप्ततन्तुश्च षड्गुणः ॥ 60॥
प्रतिसर्गजगत्कर्ता नानालीलाविशारदः ।
ध्रुवप्रियो ध्रुवस्वामी चिन्तिताधिकदायकः ॥ 61॥
दुर्लभानन्तफलदो दयानिधिरमित्रहा ।
अङ्गस्वामी कृपासारो वैन्यो भूमिनियामकः ॥ 62॥
भूमिदोग्धा प्रजाप्राणपालनैकपरायणः ।
यशोदाता ज्ञानदाता सर्वधर्मप्रदर्शकः ॥ 63॥
पुरञ्जनो जगन्मित्रं विसर्गान्तप्रदर्शकः ।
प्रचेतसां पतिश्चित्रभक्तिहेतुर्जनार्दनः ॥ 64॥
स्मृतिहेतुब्रह्मभावसायुज्यादिप्रदः शुभः ।
विजयी ॥॥॥॥॥॥॥॥॥॥ चोन्तिनुएद्
स्थानलीला
॥॥ स्थितिलीलाब्धिरच्युतो विजयप्रदः ॥ 65॥
स्वसामर्थ्यप्रदो भक्तकीर्तिहेतुरधोक्षजः ।
प्रियव्रतप्रियस्वामी स्वेच्छावादविशारदः ॥ 66॥
सङ्ग्यगम्यः स्वप्रकाशः सर्वसङ्गविवर्जितः ।
इच्छायां च समर्यादस्त्यागमात्रोपलम्भनः ॥ 67॥
अचिन्त्यकार्यकर्ता च तर्कागोचरकार्यकृत् ।
शऋङ्गाररसमर्यादा आग्नीध्ररसभाजनम् ॥ 68॥
नाभीष्टपूरकः कर्ममर्यादादर्शनोत्सुकः ।
सर्वरूपोऽद्भुततमो मर्यादापुरुषोत्तमः ॥ 69॥
सर्वरूपेषु सत्यात्मा कालसाक्षी शशिप्रभः ।
मेरुदेवीव्रतफलमृषभो भगलक्षणः ॥ 70॥
जगत्सन्तर्पको मेघरूपी देवेन्द्रदर्पहा ।
जयन्तीपतिरत्यन्तप्रमाणाशेषलौकिकः ॥ 71॥
शतधान्यस्तभूतात्मा शतानन्दो गुणप्रसूः ।
वैष्णवोत्पादनपरः सर्वधर्मोपदेशकः ॥ 72॥
परहंसक्रियागोप्ता योगचर्याप्रदर्शकः ।
चतुर्थाश्रमनिर्णेता सदानन्दशरीरवान् ॥ 73॥
प्रदर्शितान्यधर्मश्च भरतस्वाम्यपारकृत् ।
यथावत्कर्मकर्ता च सङ्गानिष्टप्रदर्शकः ॥ 74॥
आवश्यकपुनर्जन्मकर्ममार्गप्रदर्शकः ।
यज्ञरूपमृगः शान्तः सहिष्णुः सत्पराक्रमः ॥ 75॥
रहूगणगतिज्ञश्च रहूगणविमोचकः ।
भवाटवीतत्त्ववक्ता बहिर्मुखहिते रतः ॥ 76॥
गयस्वामी स्थानवंशकर्ता स्थानविभेदकृत् ।
पुरुषावयवो भूमिविशेषविनिरूपकः ॥ 77॥
जम्बूद्वीपपतिर्मेरुनाभिपद्मरुहाश्रयः ।
नानाविभूतिलीलाढ्यो गङ्गोत्पत्तिनिदानकृत् ॥ 78॥
गङ्गामाहात्म्यहेतुश्च गङ्गारूपोऽतिगूढकृत् ।
वैकुण्ठदेहहेत्वम्बुजन्मकृत् सर्वपावनः ॥ 79॥
शिवस्वामी शिवोपास्यो गूढः सङ्कर्षणात्मकः ।
स्थानरक्षार्थमत्स्यादिरूपः सर्वैकपूजितः ॥ 80॥
उपास्यनानारूपात्मा ज्योतीरूपो गतिप्रदः ।
सूर्यनारायणो वेदकान्तिरुज्ज्वलवेषधृक् ॥ 81॥
हंसोऽन्तरिक्षगमनः सर्वप्रसवकारणम् ।
आनन्दकर्ता वसुदो बुधो वाक्पतिरुज्ज्वलः ॥ 82॥
कालात्मा कालकालश्च कालच्छेदकृदुत्तमः ।
शिशुमारः सर्वमूर्तिराधिदैविकरूपधृक् ॥ 83॥
अनन्तसुखभोगाढ्यो विवरैश्वर्यभाजनम् ।
सङ्कर्षणो दैत्यपतिः सर्वाधारो बृहद्वपुः ॥ 84॥
अनन्तनरकच्छेदी स्मृतिमात्रार्तिनाशनः ।
सर्वानुग्रहकर्ता च ॥॥॥॥॥॥॥॥॥॥ चोन्तिनुएद्
पोषण-पुष्टि-लीला
॥॥॥॥॥॥॥॥ मर्यादाभिन्नशास्त्रकृत् ॥ 85 ॥
कालान्तकभयच्छेदी नामसामर्थ्यरूपधृक् ।
उद्धारानर्हगोप्त्रात्मा नामादिप्रेरकोत्तमः ॥ 86॥
अजामिलमहादुष्टमोचकोऽघविमोचकः ।
धर्मवक्ताऽक्लिष्टवक्ता विष्णुधर्मस्वरूपधृक् ॥ 87॥
सन्मार्गप्रेरको धर्ता त्यागहेतुरधोक्षजः ।
वैकुण्ठपुरनेता च दाससंवृद्धिकारकः ॥ 88॥
दक्षप्रसादकृद्धंसगुह्यस्तुतिविभावनः ।
स्वाभिप्रायप्रवक्ता च मुक्तजीवप्रसूतिकृत् ॥ 89॥
नारदप्रेरणात्मा च हर्यश्वब्रह्मभावनः ।
शबलाश्वहितो गूढवाक्यार्थज्ञापनक्षमः ॥ 90॥
गूढार्थज्ञापनः सर्वमोक्षानन्दप्रतिष्ठितः ।
पुष्टिप्ररोहहेतुश्च दासैकज्ञातहृद्गतः ॥ 91॥
शान्तिकर्ता सुहितकृत् स्त्रीप्रसूः सर्वकामधुक् ।
पुष्टिवंशप्रणेता च विश्वरूपेष्टदेवता ॥ 92॥
कवचात्मा पालनात्मा वर्मोपचितिकारणम् ।
विश्वरूपशिरश्छेदी त्वाष्ट्रयज्ञविनाशकः ॥ 93॥
वृत्रस्वामी वृत्रगम्यो वृत्रव्रतपरायणः ।
वृत्रकीर्तिर्वृत्रमोक्षो मघवत्प्राणरक्षकः ॥ 94॥
अश्वमेधहविर्भोक्ता देवेन्द्रामीवनाशकः ।
संसारमोचकश्चित्रकेतुबोधनतत्परः ॥ 95॥
मन्त्रसिद्धिः सिद्धिहेतुः सुसिद्धिफलदायकः ।
महादेवतिरस्कर्ता भक्त्यै पूर्वार्थनाशकः ॥ 96॥
देवब्राह्मणविद्वेषवैमुख्यज्ञापकः शिवः ।
आदित्यो दैत्यराजश्च महत्पतिरचिन्त्यकृत् ॥ 97॥
मरुतां भेदकस्त्राता व्रतात्मा पुम्प्रसूतिकृत् ।
ऊतिलीला
कर्मात्मा वासनात्मा च ऊतिलीलापरायणः ॥ 98॥
समदैत्यसुरः स्वात्मा वैषम्यज्ञानसंश्रयः ।
देहाद्युपाधिरहितः सर्वज्ञः सर्वहेतुविद् ॥ 99॥
ब्रह्मवाक्स्थापनपरः स्वजन्मावधिकार्यकृत् ।
सदसद्वासनाहेतुस्त्रिसत्यो भक्तमोचकः ॥ 100॥
हिरण्यकशिपुद्वेषी प्रविष्टात्माऽतिभीषणः ।
शान्तिज्ञानादिहेतुश्च प्रह्लादोत्पत्तिकारणम् ॥ 101॥
दैत्यसिद्धान्तसद्वक्ता तपःसार उदारधीः ।
दैत्यहेतुप्रकटनो भक्तिचिह्नप्रकाशकः ॥ 102॥
सद्द्वेषहेतुः सद्द्वेषवासनात्मा निरन्तरः ।
नैष्ठुर्यसीमा प्रह्लादवत्सलः सङ्गदोषहा ॥ 103॥
महानुभावः साकारः सर्वाकारः प्रमाणभूः ।
स्तम्भप्रसूतिर्नृहरिर्नृसिंहो भीमविक्रमः ॥ 104॥
विकटास्यो ललज्जिह्वो नखशस्त्रो जवोत्कटः ।
हिरण्यकशिपुच्छेदी क्रूरदैत्यनिवारकः ॥ 105॥
सिंहासनस्थः क्रोधात्मा लक्ष्मीभयविवर्धनः ।
ब्रह्माद्यत्यन्तभयभूरपूर्वाचिन्त्यरूपधृक् ॥ 106॥
भक्तैकशान्तहृदयो भक्तस्तुत्यः स्तुतिप्रियः ।
भक्ताङ्गलेहनोद्धूतक्रोधपुङ्जः प्रशान्तधीः ॥ 107॥
स्मृतिमात्रभयत्राता ब्रह्मबुद्धिप्रदायकः ।
गोरूपधार्यमृतपाः शिवकीर्तिविवर्धनः ॥ 108॥
धर्मात्मा सर्वकर्मात्मा विशेषात्माऽऽश्रमप्रभुः ।
संसारमग्नस्वोद्धर्ता सन्मार्गाखिलतत्त्ववाक् ॥ 109॥
आचारात्मा सदाचारः ॥॥॥॥॥॥॥॥॥ चोन्तिनुएद्
मन्वन्तरलीला
॥॥॥॥॥॥॥॥॥॥मन्वन्तरविभावनः ।
स्मृत्याऽशेषाशुभहरो गजेन्द्रस्मृतिकारणम् ॥ 110॥
जातिस्मरणहेत्वैकपूजाभक्तिस्वरूपदः ।
यज्ञो भयान्मनुत्राता विभुर्ब्रह्मव्रताश्रयः ॥ 111॥
सत्यसेनो दुष्टघाती हरिर्गजविमोचकः ।
वैकुण्ठो लोककर्ता च अजितोऽमृतकारणम् ॥ 112॥
उरुक्रमो भूमिहर्ता सार्वभौमो बलिप्रियः ।
विभुः सर्वहितैकात्मा विष्वक्सेनः शिवप्रियः ॥ 113॥
धर्मसेतुर्लोकधृतिः सुधामान्तरपालकः ।
उपहर्ता योगपतिर्बृहद्भानुः क्रियापतिः ॥ 114॥
चतुर्दशप्रमाणात्मा धर्मो मन्वादिबोधकः ।
लक्ष्मीभोगैकनिलयो देवमन्त्रप्रदायकः ॥ 115॥
दैत्यव्यामोहकः साक्षाद्गरुडस्कन्धसंश्रयः ।
लीलामन्दरधारी च दैत्यवासुकिपूजितः ॥ 116॥
समुद्रोन्मथनायत्तोऽविघ्नकर्ता स्ववाक्यकृत् ।
आदिकूर्मः पवित्रात्मा मन्दराघर्षणोत्सुकः ॥ 117॥
श्वासैजदब्धिवार्वीचिः कल्पान्तावधिकार्यकृत् ।
चतुर्दशमहारत्नो लक्ष्मीसौभाग्यवर्धनः ॥ 118॥
धन्वन्तरिः सुधाहस्तो यज्ञभोक्ताऽऽर्तिनाशनः ।
आयुर्वेदप्रणेता च देवदैत्याखिलार्चितः ॥ 119॥
बुद्धिव्यामोहको देवकार्यसाधनतत्परः ।
स्त्रीरूपो मायया वक्ता दैत्यान्तःकरणप्रियः ॥ 120॥
पायितामृतदेवांशो युद्धहेतुस्मृतिप्रदः ।
सुमालिमालिवधकृन्माल्यवत्प्राणहारकः ॥ 121॥
कालनेमिशिरश्छेदी दैत्ययज्ञविनाशकः ।
इन्द्रसामर्थ्यदाता च दैत्यशेषस्थितिप्रियः ॥ 122॥
शिवव्यामोहको मायी भृगुमन्त्रस्वशक्तिदः ।
बलिजीवनकर्ता च स्वर्गहेतुर्व्रतार्चितः ॥ 123॥
अदित्यानन्दकर्ता च कश्यपादितिसम्भवः ।
उपेन्द्र इन्द्रावरजो वामनब्रह्मरूपधृक् ॥ 124॥
ब्रह्मादिसेवितवपुर्यज्ञपावनतत्परः ।
याच्ञोपदेशकर्ता च ज्ञापिताशेषसंस्थितिः ॥ 125॥
सत्यार्थप्रेरकः सर्वहर्ता गर्वविनाशकः ।
त्रिविक्रमस्त्रिलोकात्मा विश्वमूर्तिः पृथुश्रवाः ॥ 126॥
पाशबद्धबलिः सर्वदैत्यपक्षोपमर्दकः ।
सुतलस्थापितबलिः स्वर्गाधिकसुखप्रदः ॥ 127॥
कर्मसम्पूर्तिकर्ता च स्वर्गसंस्थापितामरः ।
ज्ञातत्रिविधधर्मात्मा महामीनोऽब्धिसंश्रयः ॥ 128॥
सत्यव्रतप्रियो गोप्ता मत्स्यमूर्तिधृतश्रुतिः ।
शऋङ्गबद्धधृतक्षोणिः सर्वार्थज्ञापको गुरुः ॥ 129॥
ईशानुकथालीला
ईशसेवकलीलात्मा सूर्यवंशप्रवर्तकः ।
सोमवंशोद्भवकरो मनुपुत्रगतिप्रदः ॥ 130॥
अम्बरीषप्रियः साधुर्दुर्वासोगर्वनाशकः ।
ब्रह्मशापोपसंहर्ता भक्तकीर्तिविवर्धनः ॥ 131॥
इक्ष्वाकुवंशजनकः सगराद्यखिलार्थदः ।
भगीरथमहायत्नो गङ्गाधौताङ्घ्रिपङ्कजः ॥ 132॥
ब्रह्मस्वामी शिवस्वामी सगरात्मजमुक्तिदः ।
खट्वाङ्गमोक्षहेतुश्च रघुवंशविवर्धनः ॥ 133॥
रघुनाथो रामचन्द्रो रामभद्रो रघुप्रियः ।
अनन्तकीर्तिः पुण्यात्मा पुण्यश्लोकैकभास्करः ॥ 134॥
कोशलेन्द्रः प्रमाणात्मा सेव्यो दशरथात्मजः ।
लक्ष्मणो भरतश्चैव शत्रुघ्नो व्यूहविग्रहः ॥ 135॥
विश्वामित्रप्रियो दान्तस्ताडकावधमोक्षदः ।
वायव्यास्त्राब्धिनिक्षिप्तमारीचश्च सुबाहुहा ॥ 136॥
वृषध्वजधनुर्भङ्गप्राप्तसीतामहोत्सवः ।
सीतापतिर्भृगुपतिगर्वपर्वतनाशकः ॥ 137॥
अयोध्यास्थमहाभोगयुक्तलक्ष्मीविनोदवान् ।
कैकेयीवाक्यकर्ता च पितृवाक्परिपालकः ॥ 138॥
वैराग्यबोधकोऽनन्यसात्त्विकस्थानबोधकः ।
अहल्यादुःखहारी च गुहस्वामी सलक्ष्मणः ॥ 139॥
चित्रकूटप्रियस्थानो दण्डकारण्यपावनः ।
शरभङ्गसुतीक्ष्णादिपूजितोऽगस्त्यभाग्यभूः ॥ 140॥
ऋषिसम्प्रार्थितकृतिर्विराधवधपण्डितः ।
छिन्नशूर्पणखानासः खरदूषणघातकः ॥ 141॥
एकबाणहतानेकसहस्रबलराक्षसः ।
मारीचघाती नियतसीतासम्बन्धशोभितः ॥ 142॥
सीतावियोगनाट्यश्च जटायुर्वधमोक्षदः ।
शबरीपूजितो भक्तहनुमत्प्रमुखावृतः ॥ 143॥
दुन्दुभ्यस्थिप्रहरणः सप्ततालविभेदनः ।
सुग्रीवराज्यदो वालिघाती सागरशोषणः ॥ 144॥
सेतुबन्धनकर्ता च विभीषणहितप्रदः ।
रावणादिशिरश्छेदी राक्षसाघौघनाशकः ॥ 145॥
सीताऽभयप्रदाता च पुष्पकागमनोत्सुकः ।
अयोध्यापतिरत्यन्तसर्वलोकसुखप्रदः ॥ 146॥
मथुरापुरनिर्माता सुकृतज्ञस्वरूपदः ।
जनकज्ञानगम्यश्च ऐलान्तप्रकटश्रुतिः ॥ 147॥
हैहयान्तकरो रामो दुष्टक्षत्रविनाशकः ।
सोमवंशहितैकात्मा यदुवंशविवर्धनः ॥ 148॥
निरोधलीला
परब्रह्मावतरणः केशवः क्लेशनाशनः ।
भूमिभारावतरणो भक्तार्थाखिलमानसः ॥ 149॥
सर्वभक्तनिरोधात्मा लीलानन्तनिरोधकृत् ।
भूमिष्ठपरमानन्दो देवकीशुद्धिकारणम् ॥ 150॥
वसुदेवज्ञाननिष्ठसमजीवनिवारकः ।
सर्ववैराग्यकरणस्वलीलाधारशोधकः ॥ 151॥
मायाज्ञापनकर्ता च शेषसम्भारसम्भृतिः ।
भक्तक्लेशपरिज्ञाता तन्निवारणतत्परः ॥ 152॥
आविष्टवसुदेवांशो देवकीगर्भभूषणम् ।
पूर्णतेजोमयः पूर्णः कंसाधृष्यप्रतापवान् ॥ 153॥
विवेकज्ञानदाता च ब्रह्माद्यखिलसंस्तुतः ।
सत्यो जगत्कल्पतरुर्नानारूपविमोहनः ॥ 154॥
भक्तिमार्गप्रतिष्ठाता विद्वन्मोहप्रवर्तकः ।
मूलकालगुणद्रष्टा नयनानन्दभाजनम् ॥ 155॥
वसुदेवसुखाब्धिश्च देवकीनयनामृतम् ।
पितृमातृस्तुतः पूर्वसर्ववृत्तान्तबोधकः ॥ 156॥
गोकुलागतिलीलाप्तवसुदेवकरस्थितिः ।
सर्वेशत्वप्रकटनो मायाव्यत्ययकारकः ॥ 157॥
ज्ञानमोहितदुष्टेशः प्रपञ्चास्मृतिकारणम् ।
यशोदानन्दनो नन्दभाग्यभूगोकुलोत्सवः ॥ 158॥
नन्दप्रियो नन्दसूनुर्यशोदायाः स्तनन्धयः ।
पूतनासुपयःपाता मुग्धभावातिसुन्दरः ॥ 159॥
सुन्दरीहृदयानन्दो गोपीमन्त्राभिमन्त्रितः ।
गोपालाश्चर्यरसकृत् शकटासुरखण्डनः ॥ 160॥
नन्दव्रजजनानन्दी नन्दभाग्यमहोदयः ।
तृणावर्तवधोत्साहो यशोदाज्ञानविग्रहः ॥ 161॥
बलभद्रप्रियः कृष्णः सङ्कर्षणसहायवान् ।
रामानुजो वासुदेवो गोष्ठाङ्गणगतिप्रियः ॥ 162॥
किङ्किणीरवभावज्ञो वत्सपुच्छावलम्बनः ।
नवनीतप्रियो गोपीमोहसंसारनाशकः ॥ 163॥
गोपबालकभावज्ञश्चौर्यविद्याविशारदः ।
मृत्स्नाभक्षणलीलास्यमाहात्म्यज्ञानदायकः ॥ 164॥
धराद्रोणप्रीतिकर्ता दधिभाण्डविभेदनः ।
दामोदरो भक्तवश्यो यमलार्जुनभञ्जनः ॥ 165॥
बृहद्वनमहाश्चर्यो वृन्दावनगतिप्रियः ।
वत्सघाती बालकेलिर्बकासुरनिषूदनः ॥ 166॥
अरण्यभोक्ताऽप्यथवा बाललीलापरायणः ।
प्रोत्साहजनकश्चैवमघासुरनिषूदनः ॥ 167॥
व्यालमोक्षप्रदः पुष्टो ब्रह्ममोहप्रवर्धनः ।
अनन्तमूर्तिः सर्वात्मा जङ्गमस्थावराकृतिः ॥ 168॥
ब्रह्ममोहनकर्ता च स्तुत्य आत्मा सदाप्रियः ।
पौगण्डलीलाभिरतिर्गोचारणपरायणः ॥ 169॥
वृन्दावनलतागुल्मवृक्षरूपनिरूपकः ।
नादब्रह्मप्रकटनो वयःप्रतिकृतिस्वनः ॥ 170॥
बर्हिनृत्यानुकरणो गोपालानुकृतिस्वनः ।
सदाचारप्रतिष्ठाता बलश्रमनिराकृतिः ॥ 171॥
तरुमूलकृताशेषतल्पशायी सखिस्तुतः ।
गोपालसेवितपदः श्रीलालितपदाम्बुजः ॥ 172॥
गोपसम्प्रार्थितफलदाननाशितधेनुकः ।
कालीयफणिमाणिक्यरञ्जितश्रीपदाम्बुजः ॥ 173॥
दृष्टिसङ्जीविताशेषगोपगोगोपिकाप्रियः ।
लीलासम्पीतदावाग्निः प्रलम्बवधपण्डितः ॥ 174॥
दावाग्न्यावृतगोपालदृष्ट्याच्छादनवह्निपः ।
वर्षाशरद्विभूतिश्रीर्गोपीकामप्रबोधकः ॥ 175॥
गोपीरत्नस्तुताशेषवेणुवाद्यविशारदः ।
कात्यायनीव्रतव्याजसर्वभावाश्रिताङ्गनः ॥ 176॥
सत्सङ्गतिस्तुतिव्याजस्तुतवृन्दावनाङ्घ्रिपः ।
गोपक्षुच्छान्तिसंव्याजविप्रभार्याप्रसादकृत् ॥ 177॥
हेतुप्राप्तेन्द्रयागस्वकार्यगोसवबोधकः ।
शैलरूपकृताशेषरसभोगसुखावहः ॥ 178॥
लीलागोवर्धनोद्धारपालितस्वव्रजप्रियः ।
गोपस्वच्छन्दलीलार्थगर्गवाक्यार्थबोधकः ॥ 179॥
इन्द्रधेनुस्तुतिप्राप्तगोविन्देन्द्राभिधानवान् ।
व्रतादिधर्मसंसक्तनन्दक्लेशविनाशकः ॥ 180॥
नन्दादिगोपमात्रेष्टवैकुण्ठगतिदायकः ।
वेणुवादस्मरक्षोभमत्तगोपीविमुक्तिदः ॥ 181॥
सर्वभावप्राप्तगोपीसुखसंवर्धनक्षमः ।
गोपीगर्वप्रणाशार्थतिरोधानसुखप्रदः ॥ 182॥
कृष्णभावव्याप्तविश्वगोपीभावितवेषधृक् ।
राधाविशेषसम्भोगप्राप्तदोषनिवारकः ॥ 183॥
परमप्रीतिसङ्गीतसर्वाद्भुतमहागुणः ।
मानापनोदनाक्रन्दगोपीदृष्टिमहोत्सवः ॥ 184॥
गोपिकाव्याप्तसर्वाङ्गः स्त्रीसम्भाषाविशारदः ।
रासोत्सवमहासौख्यगोपीसम्भोगसागरः ॥ 185॥
जलस्थलरतिव्याप्तगोपीदृष्ट्यभिपूजितः ।
शास्त्रानपेक्षकामैकमुक्तिद्वारविवर्धनः ॥ 186॥
सुदर्शनमहासर्पग्रस्तनन्दविमोचकः ।
गीतमोहितगोपीधृक्षङ्खचूडविनाशकः ॥ 187॥
गुणसङ्गीतसन्तुष्टिर्गोपीसंसारविस्मृतिः ।
अरिष्टमथनो दैत्यबुद्धिव्यामोहकारकः ॥ 188॥
केशिघाती नारदेष्टो व्योमासुरविनाशकः ।
अक्रूरभक्तिसंराद्धपादरेणुमहानिधिः ॥ 189॥
रथावरोहशुद्धात्मा गोपीमानसहारकः ।
ह्रदसन्दर्शिताशेषवैकुण्ठाक्रूरसंस्तुतः ॥ 190॥
मथुरागमनोत्साहो मथुराभाग्यभाजनम् ।
मथुरानगरीशोभादर्शनोत्सुकमानसः ॥ 191॥
दुष्टरञ्जकघाती च वायकार्चितविग्रहः ।
वस्त्रमालासुशोभाङ्गः कुब्जालेपनभूषितः ॥ 192॥
कुब्जासुरूपकर्ता च कुब्जारतिवरप्रदः ।
प्रसादरूपसन्तुष्टहरकोदण्डखण्डनः ॥ 193॥
शकलाहतकंसाप्तधनूरक्षकसैनिकः ।
जाग्रत्स्वप्नभयव्याप्तमृत्युलक्षणबोधकः ॥ 194॥
मथुरामल्ल ओजस्वी मल्लयुद्धविशारदः ।
सद्यः कुवलयापीडघाती चाणूरमर्दनः ॥ 195॥
लीलाहतमहामल्लः शलतोशलघातकः ।
कंसान्तको जितामित्रो वसुदेवविमोचकः ॥ 196॥
ज्ञाततत्त्वपितृज्ञानमोहनामृतवाङ्मयः ।
उग्रसेनप्रतिष्ठाता यादवाधिविनाशकः ॥ 197॥
नन्दादिसान्त्वनकरो ब्रह्मचर्यव्रते स्थितः ।
गुरुशुश्रूषणपरो विद्यापारमितेश्वरः ॥ 198॥
सान्दीपनिमृतापत्यदाता कालान्तकादिजित् ।
गोकुलाश्वासनपरो यशोदानन्दपोषकः ॥ 199॥
गोपिकाविरहव्याजमनोगतिरतिप्रदः ।
समोद्धवभ्रमरवाक् गोपिकामोहनाशकः ॥ 200॥
कुब्जारतिप्रदोऽक्रूरपवित्रीकृतभूगृहः ।
पृथादुःखप्रणेता च पाण्डवानां सुखप्रदः ॥ 201॥
दशमस्कन्धोत्तरार्धनामानि निरोधलीला
जरासन्धसमानीतसैन्यघाती विचारकः ।
यवनव्याप्तमथुराजनदत्तकुशस्थलिः ॥ 202॥
द्वारकाद्भुतनिर्माणविस्मापितसुरासुरः ।
मनुष्यमात्रभोगार्थभूम्यानीतेन्द्रवैभवः ॥ 203॥
यवनव्याप्तमथुरानिर्गमानन्दविग्रहः ।
मुचुकुन्दमहाबोधयवनप्राणदर्पहा ॥ 204॥
मुचुकुन्दस्तुताशेषगुणकर्ममहोदयः ।
फलप्रदानसन्तुष्टिर्जन्मान्तरितमोक्षदः ॥ 205॥
शिवब्राह्मणवाक्याप्तजयभीतिविभावनः ।
प्रवर्षणप्रार्थिताग्निदानपुण्यमहोत्सवः ॥ 206॥
रुक्मिणीरमणः कामपिता प्रद्युम्नभावनः ।
स्यमन्तकमणिव्याजप्राप्तजाम्बवतीपतिः ॥ 207॥
सत्यभामाप्राणपतिः कालिन्दीरतिवर्धनः ।
मित्रविन्दापतिः सत्यापतिर्वृषनिषूदनः ॥ 208॥
भद्रावाञ्छितभर्ता च लक्ष्मणावरणक्षमः ।
इन्द्रादिप्रार्थितवधनरकासुरसूदनः ॥ 209॥
मुरारिः पीठहन्ता च ताम्रादिप्राणहारकः ।
षोडशस्त्रीसहस्रेशः छत्रकुण्डलदानकृत् ॥ 210॥
पारिजातापहरणो देवेन्द्रमदनाशकः ।
रुक्मिणीसमसर्वस्त्रीसाध्यभोगरतिप्रदः ॥ 211॥
रुक्मिणीपरिहासोक्तिवाक्तिरोधानकारकः ।
पुत्रपौत्रमहाभाग्यगृहधर्मप्रवर्तकः ॥ 212॥
शम्बरान्तकसत्पुत्रविवाहहतरुक्मिकः ।
उषापहृतपौत्रश्रीर्बाणबाहुनिवारकः ॥ 213॥
शीतज्वरभयव्याप्तज्वरसंस्तुतषड्गुणः ।
शङ्करप्रतियोद्धा च द्वन्द्वयुद्धविशारदः ॥ 214॥
नृगपापप्रभेत्ता च ब्रह्मस्वगुणदोषदृक् ।
विष्णुभक्तिविरोधैकब्रह्मस्वविनिवारकः ॥ 215॥
बलभद्राहितगुणो गोकुलप्रीतिदायकः ।
गोपीस्नेहैकनिलयो गोपीप्राणस्थितिप्रदः ॥ 216॥
वाक्यातिगामियमुनाहलाकर्षणवैभवः ।
पौण्ड्रकत्याजितस्पर्धः काशीराजविभेदनः ॥ 217॥
काशीनिदाहकरणः शिवभस्मप्रदायकः ।
द्विविदप्राणघाती च कौरवाखर्वगर्वनुत् ॥ 218॥
लाङ्गलाकृष्टनगरीसंविग्नाखिलनागरः ।
प्रपन्नाभयदः साम्बप्राप्तसन्मानभाजनम् ॥ 219॥
नारदान्विष्टचरणो भक्तविक्षेपनाशकः ।
सदाचारैकनिलयः सुधर्माध्यासितासनः ॥ 220॥
जरासन्धावरुद्धेन विज्ञापितनिजक्लमः ।
मन्त्र्युद्धवादिवाक्योक्तप्रकारैकपरायणः ॥ 221॥
राजसूयादिमखकृत् सम्प्रार्थितसहायकृत् ।
इन्द्रप्रस्थप्रयाणार्थमहत्सम्भारसम्भृतिः ॥ 222॥
जरासन्धवधव्याजमोचिताशेषभूमिपः ।
सन्मार्गबोधको यज्ञक्षितिवारणतत्परः ॥ 223॥
शिशुपालहतिव्याजजयशापविमोचकः ।
दुर्योधनाभिमानाब्धिशोषबाणवृकोदरः॥ 224॥
महादेववरप्राप्तपुरशाल्वविनाशकः ।
दन्तवक्त्रवधव्याजविजयाघौघनाशकः ॥ 225॥
विदूरथप्राणहर्ता न्यस्तशस्त्रास्त्रविग्रहः ।
उपधर्मविलिप्ताङ्गसूतघाती वरप्रदः ॥ 226॥
बल्वलप्राणहरणपालितर्षिश्रुतिक्रियः ।
सर्वतीर्थाघनाशार्थतीर्थयात्राविशारदः ॥ 227॥
ज्ञानक्रियाविभेदेष्टफलसाधनतत्परः ।
सारथ्यादिक्रियाकर्ता भक्तवश्यत्वबोधकः ॥ 228॥
सुदामारङ्कभार्यार्थभूम्यानीतेन्द्रवैभवः ।
रविग्रहनिमित्ताप्तकुरुक्षेत्रैकपावनः ॥ 229॥
नृपगोपीसमस्तस्त्रीपावनार्थाखिलक्रियः ।
ऋषिमार्गप्रतिष्ठाता वसुदेवमखक्रियः ॥ 230॥
वसुदेवज्ञानदाता देवकीपुत्रदायकः ।
अर्जुनस्त्रीप्रदाता च बहुलाश्वस्वरूपदः ॥ 231॥
श्रुतदेवेष्टदाता च सर्वश्रुतिनिरूपितः ।
महादेवाद्यतिश्रेष्ठो भक्तिलक्षणनिर्णयः ॥ 232॥
वृकग्रस्तशिवत्राता नानावाक्यविशारदः ।
नरगर्वविनाशार्थहृतब्राह्मणबालकः ॥ 233॥
लोकालोकपरस्थानस्थितबालकदायकः ।
द्वारकास्थमहाभोगनानास्त्रीरतिवर्धनः ॥ 234॥
मनस्तिरोधानकृतव्यग्रस्त्रीचित्तभावितः ।
मुक्तिलीला
मुक्तिलीलाविहरणो मौशलव्याजसंहृतिः ॥ 235॥
श्रीभागवतधर्मादिबोधको भक्तिनीतिकृत् ।
उद्धवज्ञानदाता च पञ्चविंशतिधा गुरुः ॥ 236॥
आचारभक्तिमुक्त्यादिवक्ता शब्दोद्भवस्थितिः ।
हंसो धर्मप्रवक्ता च सनकाद्युपदेशकृत् ॥ 237॥
भक्तिसाधनवक्ता च योगसिद्धिप्रदायकः ।
नानाविभूतिवक्ता च शुद्धधर्मावबोधकः ॥ 238॥
मार्गत्रयविभेदात्मा नानाशङ्कानिवारकः ।
भिक्षुगीताप्रवक्ता च शुद्धसाङ्ख्यप्रवर्तकः ॥ 239॥
मनोगुणविशेषात्मा ज्ञापकोक्तपुरूरवाः ।
पूजाविधिप्रवक्ता च सर्वसिद्धान्तबोधकः ॥ 240॥
लघुस्वमार्गवक्ता च स्वस्थानगतिबोधकः ।
यादवाङ्गोपसंहर्ता सर्वाश्चर्यगतिक्रियः ॥ 241॥
आश्रयलीला
कालधर्मविभेदार्थवर्णनाशनतत्परः ।
बुद्धो गुप्तार्थवक्ता च नानाशास्त्रविधायकः ॥ 242॥
नष्टधर्ममनुष्यादिलक्षणज्ञापनोत्सुकः ।
आश्रयैकगतिज्ञाता कल्किः कलिमलापहः ॥ 243॥
शास्त्रवैराग्यसम्बोधो नानाप्रलयबोधकः ।
विशेषतः शुकव्याजपरीक्षिज्ज्ञानबोधकः ॥ 244॥
शुकेष्टगतिरूपात्मा परीक्षिद्देहमोक्षदः ।
शब्दरूपो नादरूपो वेदरूपो विभेदनः ॥ 245॥
व्यासः शाखाप्रवक्ता च पुराणार्थप्रवर्तकः ।
मार्कण्डेयप्रसन्नात्मा वटपत्रपुटेशयः ॥ 246॥
मायाव्याप्तमहामोहदुःखशान्तिप्रवर्तकः ।
महादेवस्वरूपश्च भक्तिदाता कृपानिधिः ॥ 247॥
आदित्यान्तर्गतः कालः द्वादशात्मा सुपूजितः ।
श्रीभागवतरूपश्च सर्वार्थफलदायकः ॥ 248॥
इतीदं कीर्तनीयस्य हरेर्नामसहस्रकम् ।
पञ्चसप्ततिविस्तीर्णं पुराणान्तरभाषितम् ॥ 249॥
य एतत्प्रातरुत्थाय श्रद्धावान् सुसमाहितः ।
जपेदर्थाहितमतिः स गोविन्दपदं लभेत् ॥ 250॥
सर्वधर्मविनिर्मुक्तः सर्वसाधनवर्जितः ।
एतद्धारणमात्रेण कृष्णस्य पदवीं व्रजेत् ॥ 251॥
हर्यावेशितचित्तेन श्रीभागवतसागरात् ।
समुद्धृतानि नामानि चिन्तामणिनिभानि हि ॥ 252॥
कण्ठस्थितान्यर्थदीप्त्या बाधन्तेऽज्ञानजं तमः ।
भक्तिं श्रीकृष्णदेवस्य साधयन्ति विनिश्चितम् ॥ 253॥
किम्बहूक्तेन भगवान् नामभिः स्तुतषड्गुणः ।
आत्मभावं नयत्याशु भक्तिं च कुरुते दृढाम् ॥ 254॥
यः कृष्णभक्तिमिह वाञ्छति साधनौघैर्-
नामानि भासुरयशांसि जपेत्स नित्यम् ।
तं वै हरिः स्वपुरुषं कुरुतेऽतिशीघ्रम्-
आत्मार्पणं समधिगच्छति भावतुष्टः ॥ 255॥
श्रीकृष्ण कृष्णसख वृष्णिवृषावनिध्रुग्-
राजन्यवंशदहनानपवर्गवीर्य ।
गोविन्द गोपवनिताव्रजभृत्यगीत
तीर्थश्रवः श्रवणमङ्गल पाहि भृत्यान् ॥ 256॥
॥ इति श्रीभागवतसारसमुच्चये वैश्वानरोक्तं
श्रीवल्लभाचार्यविरचितं
श्रीपुरुषोत्तमसहस्रनामस्तोत्रं सम्पूर्णम् ॥
viniyogaḥ
purāṇapuruṣo viṣṇuḥ puruṣottama ucyate |
nāmnāṃ sahasraṃ vakṣyāmi tasya bhāgavatoddhṛtam || 1||
yasya prasādādvāgīśāḥ prajeśā vibhavonnatāḥ |
kṣudrā api bhavantyāśu śrīkṛṣṇaṃ taṃ nato'smyaham || 2||
anantā eva kṛṣṇasya līlā nāmapravartikāḥ |
uktā bhāgavate gūhāḥ prakaṭā api kutracit || 3||
atastāni pravakṣyāmi nāmāni muravairiṇaḥ |
sahasraṃ yaistu paṭhitaiḥ paṭhitaṃ syācchukāmṛtam || 4||
kṛṣṇanāmasahasrasya ṛṣiragnirnirūpitaḥ |
gāyatrī ca tathā chando devatā puruṣottamaḥ || 5||
viniyogaḥ samasteṣu puruṣārtheṣu vai mataḥ |
bījaṃ bhaktapriyaḥ śaktiḥ satyavāgucyate hariḥ || 6||
bhaktoddharaṇayatnastu mantro'tra paramo mataḥ |
avatāritabhaktāṃśaḥ kīlakaṃ parikīrtitam || 7||
astraṃ sarvasamarthaśca govindaḥ kavacaṃ matam |
puruṣo dhyānamatroktaḥ siddhiḥ śaraṇasaṃsmṛtiḥ || 8||
adhikāralīlā
śrīkṛṣṇaḥ saccidānando nityalīlāvinodakṛt |
sarvāgamavinodī ca lakṣmīśaḥ puruṣottamaḥ || 9||
ādikālaḥ sarvakālaḥ kālātmā māyayāvṛtaḥ |
bhaktoddhāraprayatnātmā jagatkartā jaganmayaḥ || 10||
nāmalīlāparo viṣṇurvyāsātmā śukamokṣadaḥ |
vyāpivaikuṇṭhadātā ca śrīmadbhāgavatāgamaḥ || 11||
śukavāgamṛtābdhīnduḥ śaunakādyakhileṣṭadaḥ |
bhaktipravartakastrātā vyāsacintāvināśakaḥ || 12||
sarvasiddhāntavāgātmā nāradādyakhileṣṭadaḥ |
antarātmā dhyānagamyo bhaktiratnapradāyakaḥ || 13||
muktopasṛpyaḥ pūrṇātmā muktānāṃ rativardhanaḥ |
bhaktakāryaikanirato drauṇyastravinivārakaḥ || 14||
bhaktasmayapraṇetā ca bhaktavākparipālakaḥ |
brahmaṇyadevo dharmātmā bhaktānāṃ ca parīkṣakaḥ || 15||
āsannahitakartā ca māyāhitakaraḥ prabhuḥ |
uttarāprāṇadātā ca brahmāstravinivārakaḥ || 16||
sarvataḥ pāṇavapatiḥ parīkṣicchuddhikāraṇam |
gūhātmā sarvavedeṣu bhaktaikahṛdayaṅgamaḥ || 17||
kuntīstutyaḥ prasannātmā paramādbhutakāryakṛt |
bhīṣmamuktipradaḥ svāmī bhaktamohanivārakaḥ || 18||
sarvāvasthāsu saṃsevyaḥ samaḥ sukhahitapradaḥ |
kṛtakṛtyaḥ sarvasākṣī bhaktastrīrativardhanaḥ || 19||
sarvasaubhāgyanilayaḥ paramāścaryarūpadhṛk |
ananyapuruṣasvāmī dvārakābhāgyabhājanam || 20||
bījasaṃskārakartā ca parīkṣijjānapoṣakaḥ |
sarvatrapūrṇaguṇakaḥ sarvabhūṣaṇabhūṣitaḥ || 21||
sarvalakṣaṇadātā ca dhṛtarāṣṭravimuktidaḥ |
sanmārgarakṣako nityaṃ viduraprītipūrakaḥ || 22||
līlāvyāmohakartā ca kāladharmapravartakaḥ |
pāṇavānāṃ mokṣadātā parīkṣidbhāgyavardhanaḥ || 23||
kalinigrahakartā ca dharmādīnāṃ ca poṣakaḥ |
satsaṅgajānahetuśca śrībhāgavatakāraṇam || 24||
prākṛtādṛṣṭamārgaśca|||||||||||| continued
jñāna-sādhana-līlā
|||||||||||||||||||||||| śrotavyaḥ sakalāgamaiḥ |
kīrtitavyaḥ śuddhabhāvaiḥ smartavyaścātmavittamaiḥ || 25||
anekamārgakartā ca nānāvidhagatipradaḥ |
puruṣaḥ sakalādhāraḥ sattvaikanilayātmabhūḥ || 26||
sarvadhyeyo yogagamyo bhaktyā grāhyaḥ surapriyaḥ |
janmādisārthakakṛtirlīlākartā patiḥ satām || 27||
ādikartā tattvakartā sarvakartā viśāradaḥ |
nānāvatārakartā ca brahmāvirbhāvakāraṇam || 28||
daśalīlāvinodī ca nānāsṛṣṭipravartakaḥ |
anekakalpakartā ca sarvadoṣavivarjitaḥ || 29||
sargalīlā
vairāgyahetustīrthātmā sarvatīrthaphalapradaḥ |
tīrthaśuddhaikanilayaḥ svamārgaparipoṣakaḥ || 30||
tīrthakīrtirbhaktagamyo bhaktānuśayakāryakṛt |
bhaktatulyaḥ sarvatulyaḥ svecchāsarvapravartakaḥ || 31||
guṇātīto'navadyātmā sargalīlāpravartakaḥ |
sākṣātsarvajagatkartā mahadādipravartakaḥ || 32||
māyāpravartakaḥ sākṣī māyārativivardhanaḥ |
ākāśātmā caturmūrtiścaturdhā bhūtabhāvanaḥ || 33||
rajaḥpravartako brahmā marīcyādipitāmahaḥ |
vedakartā yajñakartā sarvakartā'mitātmakaḥ || 34||
anekasṛṣṭikartā ca daśadhāsṛṣṭikārakaḥ |
yajñāṅgo yajñavārāho bhūdharo bhūmipālakaḥ || 35||
seturvidharaṇo jaitro hiraṇyākṣāntakaḥ suraḥ |
ditikaśyapakāmaikahetusṛṣṭipravartakaḥ || 36||
devābhayapradātā ca vaikuṇṭhādhipatirmahān |
sarvagarvaprahārī ca sanakādyakhilārthadaḥ || 37||
sarvāśvāsanakartā ca bhaktatulyāhavapradaḥ |
kālalakṣaṇahetuśca sarvārthajñāpakaḥ paraḥ || 38||
bhaktonnatikaraḥ sarvaprakārasukhadāyakaḥ |
nānāyuddhapraharaṇo brahmaśāpavimocakaḥ || 39||
puṣṭisargapraṇetā ca guṇasṛṣṭipravartakaḥ |
kardameṣṭapradātā ca devahūtyakhilārthadaḥ || 40||
śuklanārāyaṇaḥ satyakāladharmapravartakaḥ |
jñānāvatāraḥ śāntātmā kapilaḥ kālanāśakaḥ || 41||
triguṇādhipatiḥ sāṅkhyaśāstrakartā viśāradaḥ |
sargadūṣaṇahārī ca puṣṭimokṣapravartakaḥ || 42||
laukikānandadātā ca brahmānandapravartakaḥ |
bhaktisiddhāntavaktā ca saguṇajñānadīpakaḥ || 43||
ātmapradaḥ pūrṇakāmo yogātmā yogabhāvitaḥ |
jīvanmuktipradaḥ śrīmānanyabhaktipravartakaḥ || 44||
kālasāmarthyadātā ca kāladoṣanivārakaḥ |
garbhottamajñānadātā karmamārganiyāmakaḥ || 45||
sarvamārganirākartā bhaktimārgaikapoṣakaḥ |
siddhihetuḥ sarvahetuḥ sarvāścaryaikakāraṇam || 46||
cetanācetanapatiḥ samudraparipūjitaḥ |
sāṅkhyācāryastutaḥ siddhapūjitaḥ sarvapūjitaḥ || 47||
visargalīlā
visargakartā sarveśaḥ koṭisūryasamaprabhaḥ |
anantaguṇagambhīro mahāpuruṣapūjitaḥ || 48||
anantasukhadātā ca brahmakoṭiprajāpatiḥ |
sudhākoṭisvāsthyahetuḥ kāmadhukkoṭikāmadaḥ || 49||
samudrakoṭigambhīrastīrthakoṭisamāhvayaḥ |
sumerukoṭiniṣkampaḥ koṭibrahmāṇḍavigrahaḥ || 50||
koṭyaśvamedhapāpaghno vāyukoṭimahābalaḥ |
koṭīndujagadānandī śivakoṭiprasādakṛt || 51||
sarvasadguṇamāhātmyaḥ sarvasadguṇabhājanam |
manvādiprerako dharmo yajñanārāyaṇaḥ paraḥ || 52||
ākūtisūnurdevendro rucijanmā'bhayapradaḥ |
dakṣiṇāpatirojasvī kriyāśaktiḥ parāyaṇaḥ || 53||
dattātreyo yogapatiryogamārgapravartakaḥ |
anasūyāgarbharatnamṛṣivaṃśavivardhanaḥ || 54||
guṇatrayavibhāgajñaścaturvargaviśāradaḥ |
nārāyaṇo dharmasūnurmūrtipuṇyayaśaskaraḥ || 55||
sahasrakavacacchedī tapaḥsāro narapriyaḥ |
viśvānandapradaḥ karmasākṣī bhāratapūjitaḥ || 56||
anantādbhutamāhātmyo badarīsthānabhūṣaṇam |
jitakāmo jitakrodho jitasaṅgo jitendriyaḥ || 57||
urvaśīprabhavaḥ svargasukhadāyī sthitipradaḥ |
amānī mānado goptā bhagavacchāstrabodhakaḥ || 58||
brahmādivandyo haṃsaśrīrmāyāvaibhavakāraṇam |
vividhānantasargātmā viśvapūraṇatatparaḥ || 59||
yajñajīvanahetuśca yajñasvāmīṣṭabodhakaḥ |
nānāsiddhāntagamyaśca saptatantuśca ṣaḍguṇaḥ || 60||
pratisargajagatkartā nānālīlāviśāradaḥ |
dhruvapriyo dhruvasvāmī cintitādhikadāyakaḥ || 61||
durlabhānantaphalado dayānidhiramitrahā |
aṅgasvāmī kṛpāsāro vainyo bhūminiyāmakaḥ || 62||
bhūmidogdhā prajāprāṇapālanaikaparāyaṇaḥ |
yaśodātā jñānadātā sarvadharmapradarśakaḥ || 63||
purañjano jaganmitraṃ visargāntapradarśakaḥ |
pracetasāṃ patiścitrabhaktiheturjanārdanaḥ || 64||
smṛtihetubrahmabhāvasāyujyādipradaḥ śubhaḥ |
vijayī |||||||||||||||||||| continued
sthānalīlā
|||| sthitilīlābdhiracyuto vijayapradaḥ || 65||
svasāmarthyaprado bhaktakīrtiheturadhokṣajaḥ |
priyavratapriyasvāmī svecchāvādaviśāradaḥ || 66||
saṅgyagamyaḥ svaprakāśaḥ sarvasaṅgavivarjitaḥ |
icchāyāṃ ca samaryādastyāgamātropalambhanaḥ || 67||
acintyakāryakartā ca tarkāgocarakāryakṛt |
śaṛṅgārarasamaryādā āgnīdhrarasabhājanam || 68||
nābhīṣṭapūrakaḥ karmamaryādādarśanotsukaḥ |
sarvarūpo'dbhutatamo maryādāpuruṣottamaḥ || 69||
sarvarūpeṣu satyātmā kālasākṣī śaśiprabhaḥ |
merudevīvrataphalamṛṣabho bhagalakṣaṇaḥ || 70||
jagatsantarpako megharūpī devendradarpahā |
jayantīpatiratyantapramāṇāśeṣalaukikaḥ || 71||
śatadhānyastabhūtātmā śatānando guṇaprasūḥ |
vaiṣṇavotpādanaparaḥ sarvadharmopadeśakaḥ || 72||
parahaṃsakriyāgoptā yogacaryāpradarśakaḥ |
caturthāśramanirṇetā sadānandaśarīravān || 73||
pradarśitānyadharmaśca bharatasvāmyapārakṛt |
yathāvatkarmakartā ca saṅgāniṣṭapradarśakaḥ || 74||
āvaśyakapunarjanmakarmamārgapradarśakaḥ |
yajñarūpamṛgaḥ śāntaḥ sahiṣṇuḥ satparākramaḥ || 75||
rahūgaṇagatijñaśca rahūgaṇavimocakaḥ |
bhavāṭavītattvavaktā bahirmukhahite rataḥ || 76||
gayasvāmī sthānavaṃśakartā sthānavibhedakṛt |
puruṣāvayavo bhūmiviśeṣavinirūpakaḥ || 77||
jambūdvīpapatirmerunābhipadmaruhāśrayaḥ |
nānāvibhūtilīlāḍhyo gaṅgotpattinidānakṛt || 78||
gaṅgāmāhātmyahetuśca gaṅgārūpo'tigūḍhakṛt |
vaikuṇṭhadehahetvambujanmakṛt sarvapāvanaḥ || 79||
śivasvāmī śivopāsyo gūḍhaḥ saṅkarṣaṇātmakaḥ |
sthānarakṣārthamatsyādirūpaḥ sarvaikapūjitaḥ || 80||
upāsyanānārūpātmā jyotīrūpo gatipradaḥ |
sūryanārāyaṇo vedakāntirujjvalaveṣadhṛk || 81||
haṃso'ntarikṣagamanaḥ sarvaprasavakāraṇam |
ānandakartā vasudo budho vākpatirujjvalaḥ || 82||
kālātmā kālakālaśca kālacchedakṛduttamaḥ |
śiśumāraḥ sarvamūrtirādhidaivikarūpadhṛk || 83||
anantasukhabhogāḍhyo vivaraiśvaryabhājanam |
saṅkarṣaṇo daityapatiḥ sarvādhāro bṛhadvapuḥ || 84||
anantanarakacchedī smṛtimātrārtināśanaḥ |
sarvānugrahakartā ca |||||||||||||||||||| continued
poṣaṇa-puṣṭi-līlā
|||||||||||||||| maryādābhinnaśāstrakṛt || 85 ||
kālāntakabhayacchedī nāmasāmarthyarūpadhṛk |
uddhārānarhagoptrātmā nāmādiprerakottamaḥ || 86||
ajāmilamahāduṣṭamocako'ghavimocakaḥ |
dharmavaktā'kliṣṭavaktā viṣṇudharmasvarūpadhṛk || 87||
sanmārgaprerako dhartā tyāgaheturadhokṣajaḥ |
vaikuṇṭhapuranetā ca dāsasaṃvṛddhikārakaḥ || 88||
dakṣaprasādakṛddhaṃsaguhyastutivibhāvanaḥ |
svābhiprāyapravaktā ca muktajīvaprasūtikṛt || 89||
nāradapreraṇātmā ca haryaśvabrahmabhāvanaḥ |
śabalāśvahito gūḍhavākyārthajñāpanakṣamaḥ || 90||
gūḍhārthajñāpanaḥ sarvamokṣānandapratiṣṭhitaḥ |
puṣṭiprarohahetuśca dāsaikajñātahṛdgataḥ || 91||
śāntikartā suhitakṛt strīprasūḥ sarvakāmadhuk |
puṣṭivaṃśapraṇetā ca viśvarūpeṣṭadevatā || 92||
kavacātmā pālanātmā varmopacitikāraṇam |
viśvarūpaśiraśchedī tvāṣṭrayajñavināśakaḥ || 93||
vṛtrasvāmī vṛtragamyo vṛtravrataparāyaṇaḥ |
vṛtrakīrtirvṛtramokṣo maghavatprāṇarakṣakaḥ || 94||
aśvamedhahavirbhoktā devendrāmīvanāśakaḥ |
saṃsāramocakaścitraketubodhanatatparaḥ || 95||
mantrasiddhiḥ siddhihetuḥ susiddhiphaladāyakaḥ |
mahādevatiraskartā bhaktyai pūrvārthanāśakaḥ || 96||
devabrāhmaṇavidveṣavaimukhyajñāpakaḥ śivaḥ |
ādityo daityarājaśca mahatpatiracintyakṛt || 97||
marutāṃ bhedakastrātā vratātmā pumprasūtikṛt |
ūtilīlā
karmātmā vāsanātmā ca ūtilīlāparāyaṇaḥ || 98||
samadaityasuraḥ svātmā vaiṣamyajñānasaṃśrayaḥ |
dehādyupādhirahitaḥ sarvajñaḥ sarvahetuvid || 99||
brahmavāksthāpanaparaḥ svajanmāvadhikāryakṛt |
sadasadvāsanāhetustrisatyo bhaktamocakaḥ || 100||
hiraṇyakaśipudveṣī praviṣṭātmā'tibhīṣaṇaḥ |
śāntijñānādihetuśca prahlādotpattikāraṇam || 101||
daityasiddhāntasadvaktā tapaḥsāra udāradhīḥ |
daityahetuprakaṭano bhakticihnaprakāśakaḥ || 102||
saddveṣahetuḥ saddveṣavāsanātmā nirantaraḥ |
naiṣṭhuryasīmā prahlādavatsalaḥ saṅgadoṣahā || 103||
mahānubhāvaḥ sākāraḥ sarvākāraḥ pramāṇabhūḥ |
stambhaprasūtirnṛharirnṛsiṃho bhīmavikramaḥ || 104||
vikaṭāsyo lalajjihvo nakhaśastro javotkaṭaḥ |
hiraṇyakaśipucchedī krūradaityanivārakaḥ || 105||
siṃhāsanasthaḥ krodhātmā lakṣmībhayavivardhanaḥ |
brahmādyatyantabhayabhūrapūrvācintyarūpadhṛk || 106||
bhaktaikaśāntahṛdayo bhaktastutyaḥ stutipriyaḥ |
bhaktāṅgalehanoddhūtakrodhapuṅjaḥ praśāntadhīḥ || 107||
smṛtimātrabhayatrātā brahmabuddhipradāyakaḥ |
gorūpadhāryamṛtapāḥ śivakīrtivivardhanaḥ || 108||
dharmātmā sarvakarmātmā viśeṣātmā''śramaprabhuḥ |
saṃsāramagnasvoddhartā sanmārgākhilatattvavāk || 109||
ācārātmā sadācāraḥ |||||||||||||||||| continued
manvantaralīlā
||||||||||||||||||||manvantaravibhāvanaḥ |
smṛtyā'śeṣāśubhaharo gajendrasmṛtikāraṇam || 110||
jātismaraṇahetvaikapūjābhaktisvarūpadaḥ |
yajño bhayānmanutrātā vibhurbrahmavratāśrayaḥ || 111||
satyaseno duṣṭaghātī harirgajavimocakaḥ |
vaikuṇṭho lokakartā ca ajito'mṛtakāraṇam || 112||
urukramo bhūmihartā sārvabhaumo balipriyaḥ |
vibhuḥ sarvahitaikātmā viṣvaksenaḥ śivapriyaḥ || 113||
dharmaseturlokadhṛtiḥ sudhāmāntarapālakaḥ |
upahartā yogapatirbṛhadbhānuḥ kriyāpatiḥ || 114||
caturdaśapramāṇātmā dharmo manvādibodhakaḥ |
lakṣmībhogaikanilayo devamantrapradāyakaḥ || 115||
daityavyāmohakaḥ sākṣādgaruḍaskandhasaṃśrayaḥ |
līlāmandaradhārī ca daityavāsukipūjitaḥ || 116||
samudronmathanāyatto'vighnakartā svavākyakṛt |
ādikūrmaḥ pavitrātmā mandarāgharṣaṇotsukaḥ || 117||
śvāsaijadabdhivārvīciḥ kalpāntāvadhikāryakṛt |
caturdaśamahāratno lakṣmīsaubhāgyavardhanaḥ || 118||
dhanvantariḥ sudhāhasto yajñabhoktā''rtināśanaḥ |
āyurvedapraṇetā ca devadaityākhilārcitaḥ || 119||
buddhivyāmohako devakāryasādhanatatparaḥ |
strīrūpo māyayā vaktā daityāntaḥkaraṇapriyaḥ || 120||
pāyitāmṛtadevāṃśo yuddhahetusmṛtipradaḥ |
sumālimālivadhakṛnmālyavatprāṇahārakaḥ || 121||
kālanemiśiraśchedī daityayajñavināśakaḥ |
indrasāmarthyadātā ca daityaśeṣasthitipriyaḥ || 122||
śivavyāmohako māyī bhṛgumantrasvaśaktidaḥ |
balijīvanakartā ca svargaheturvratārcitaḥ || 123||
adityānandakartā ca kaśyapāditisambhavaḥ |
upendra indrāvarajo vāmanabrahmarūpadhṛk || 124||
brahmādisevitavapuryajñapāvanatatparaḥ |
yācñopadeśakartā ca jñāpitāśeṣasaṃsthitiḥ || 125||
satyārthaprerakaḥ sarvahartā garvavināśakaḥ |
trivikramastrilokātmā viśvamūrtiḥ pṛthuśravāḥ || 126||
pāśabaddhabaliḥ sarvadaityapakṣopamardakaḥ |
sutalasthāpitabaliḥ svargādhikasukhapradaḥ || 127||
karmasampūrtikartā ca svargasaṃsthāpitāmaraḥ |
jñātatrividhadharmātmā mahāmīno'bdhisaṃśrayaḥ || 128||
satyavratapriyo goptā matsyamūrtidhṛtaśrutiḥ |
śaṛṅgabaddhadhṛtakṣoṇiḥ sarvārthajñāpako guruḥ || 129||
īśānukathālīlā
īśasevakalīlātmā sūryavaṃśapravartakaḥ |
somavaṃśodbhavakaro manuputragatipradaḥ || 130||
ambarīṣapriyaḥ sādhurdurvāsogarvanāśakaḥ |
brahmaśāpopasaṃhartā bhaktakīrtivivardhanaḥ || 131||
ikṣvākuvaṃśajanakaḥ sagarādyakhilārthadaḥ |
bhagīrathamahāyatno gaṅgādhautāṅghripaṅkajaḥ || 132||
brahmasvāmī śivasvāmī sagarātmajamuktidaḥ |
khaṭvāṅgamokṣahetuśca raghuvaṃśavivardhanaḥ || 133||
raghunātho rāmacandro rāmabhadro raghupriyaḥ |
anantakīrtiḥ puṇyātmā puṇyaślokaikabhāskaraḥ || 134||
kośalendraḥ pramāṇātmā sevyo daśarathātmajaḥ |
lakṣmaṇo bharataścaiva śatrughno vyūhavigrahaḥ || 135||
viśvāmitrapriyo dāntastāḍakāvadhamokṣadaḥ |
vāyavyāstrābdhinikṣiptamārīcaśca subāhuhā || 136||
vṛṣadhvajadhanurbhaṅgaprāptasītāmahotsavaḥ |
sītāpatirbhṛgupatigarvaparvatanāśakaḥ || 137||
ayodhyāsthamahābhogayuktalakṣmīvinodavān |
kaikeyīvākyakartā ca pitṛvākparipālakaḥ || 138||
vairāgyabodhako'nanyasāttvikasthānabodhakaḥ |
ahalyāduḥkhahārī ca guhasvāmī salakṣmaṇaḥ || 139||
citrakūṭapriyasthāno daṇḍakāraṇyapāvanaḥ |
śarabhaṅgasutīkṣṇādipūjito'gastyabhāgyabhūḥ || 140||
ṛṣisamprārthitakṛtirvirādhavadhapaṇḍitaḥ |
chinnaśūrpaṇakhānāsaḥ kharadūṣaṇaghātakaḥ || 141||
ekabāṇahatānekasahasrabalarākṣasaḥ |
mārīcaghātī niyatasītāsambandhaśobhitaḥ || 142||
sītāviyoganāṭyaśca jaṭāyurvadhamokṣadaḥ |
śabarīpūjito bhaktahanumatpramukhāvṛtaḥ || 143||
dundubhyasthipraharaṇaḥ saptatālavibhedanaḥ |
sugrīvarājyado vālighātī sāgaraśoṣaṇaḥ || 144||
setubandhanakartā ca vibhīṣaṇahitapradaḥ |
rāvaṇādiśiraśchedī rākṣasāghaughanāśakaḥ || 145||
sītā'bhayapradātā ca puṣpakāgamanotsukaḥ |
ayodhyāpatiratyantasarvalokasukhapradaḥ || 146||
mathurāpuranirmātā sukṛtajñasvarūpadaḥ |
janakajñānagamyaśca ailāntaprakaṭaśrutiḥ || 147||
haihayāntakaro rāmo duṣṭakṣatravināśakaḥ |
somavaṃśahitaikātmā yaduvaṃśavivardhanaḥ || 148||
nirodhalīlā
parabrahmāvataraṇaḥ keśavaḥ kleśanāśanaḥ |
bhūmibhārāvataraṇo bhaktārthākhilamānasaḥ || 149||
sarvabhaktanirodhātmā līlānantanirodhakṛt |
bhūmiṣṭhaparamānando devakīśuddhikāraṇam || 150||
vasudevajñānaniṣṭhasamajīvanivārakaḥ |
sarvavairāgyakaraṇasvalīlādhāraśodhakaḥ || 151||
māyājñāpanakartā ca śeṣasambhārasambhṛtiḥ |
bhaktakleśaparijñātā tannivāraṇatatparaḥ || 152||
āviṣṭavasudevāṃśo devakīgarbhabhūṣaṇam |
pūrṇatejomayaḥ pūrṇaḥ kaṃsādhṛṣyapratāpavān || 153||
vivekajñānadātā ca brahmādyakhilasaṃstutaḥ |
satyo jagatkalpatarurnānārūpavimohanaḥ || 154||
bhaktimārgapratiṣṭhātā vidvanmohapravartakaḥ |
mūlakālaguṇadraṣṭā nayanānandabhājanam || 155||
vasudevasukhābdhiśca devakīnayanāmṛtam |
pitṛmātṛstutaḥ pūrvasarvavṛttāntabodhakaḥ || 156||
gokulāgatilīlāptavasudevakarasthitiḥ |
sarveśatvaprakaṭano māyāvyatyayakārakaḥ || 157||
jñānamohitaduṣṭeśaḥ prapañcāsmṛtikāraṇam |
yaśodānandano nandabhāgyabhūgokulotsavaḥ || 158||
nandapriyo nandasūnuryaśodāyāḥ stanandhayaḥ |
pūtanāsupayaḥpātā mugdhabhāvātisundaraḥ || 159||
sundarīhṛdayānando gopīmantrābhimantritaḥ |
gopālāścaryarasakṛt śakaṭāsurakhaṇḍanaḥ || 160||
nandavrajajanānandī nandabhāgyamahodayaḥ |
tṛṇāvartavadhotsāho yaśodājñānavigrahaḥ || 161||
balabhadrapriyaḥ kṛṣṇaḥ saṅkarṣaṇasahāyavān |
rāmānujo vāsudevo goṣṭhāṅgaṇagatipriyaḥ || 162||
kiṅkiṇīravabhāvajño vatsapucchāvalambanaḥ |
navanītapriyo gopīmohasaṃsāranāśakaḥ || 163||
gopabālakabhāvajñaścauryavidyāviśāradaḥ |
mṛtsnābhakṣaṇalīlāsyamāhātmyajñānadāyakaḥ || 164||
dharādroṇaprītikartā dadhibhāṇḍavibhedanaḥ |
dāmodaro bhaktavaśyo yamalārjunabhañjanaḥ || 165||
bṛhadvanamahāścaryo vṛndāvanagatipriyaḥ |
vatsaghātī bālakelirbakāsuraniṣūdanaḥ || 166||
araṇyabhoktā'pyathavā bālalīlāparāyaṇaḥ |
protsāhajanakaścaivamaghāsuraniṣūdanaḥ || 167||
vyālamokṣapradaḥ puṣṭo brahmamohapravardhanaḥ |
anantamūrtiḥ sarvātmā jaṅgamasthāvarākṛtiḥ || 168||
brahmamohanakartā ca stutya ātmā sadāpriyaḥ |
paugaṇḍalīlābhiratirgocāraṇaparāyaṇaḥ || 169||
vṛndāvanalatāgulmavṛkṣarūpanirūpakaḥ |
nādabrahmaprakaṭano vayaḥpratikṛtisvanaḥ || 170||
barhinṛtyānukaraṇo gopālānukṛtisvanaḥ |
sadācārapratiṣṭhātā balaśramanirākṛtiḥ || 171||
tarumūlakṛtāśeṣatalpaśāyī sakhistutaḥ |
gopālasevitapadaḥ śrīlālitapadāmbujaḥ || 172||
gopasamprārthitaphaladānanāśitadhenukaḥ |
kālīyaphaṇimāṇikyarañjitaśrīpadāmbujaḥ || 173||
dṛṣṭisaṅjīvitāśeṣagopagogopikāpriyaḥ |
līlāsampītadāvāgniḥ pralambavadhapaṇḍitaḥ || 174||
dāvāgnyāvṛtagopāladṛṣṭyācchādanavahnipaḥ |
varṣāśaradvibhūtiśrīrgopīkāmaprabodhakaḥ || 175||
gopīratnastutāśeṣaveṇuvādyaviśāradaḥ |
kātyāyanīvratavyājasarvabhāvāśritāṅganaḥ || 176||
satsaṅgatistutivyājastutavṛndāvanāṅghripaḥ |
gopakṣucchāntisaṃvyājaviprabhāryāprasādakṛt || 177||
hetuprāptendrayāgasvakāryagosavabodhakaḥ |
śailarūpakṛtāśeṣarasabhogasukhāvahaḥ || 178||
līlāgovardhanoddhārapālitasvavrajapriyaḥ |
gopasvacchandalīlārthagargavākyārthabodhakaḥ || 179||
indradhenustutiprāptagovindendrābhidhānavān |
vratādidharmasaṃsaktanandakleśavināśakaḥ || 180||
nandādigopamātreṣṭavaikuṇṭhagatidāyakaḥ |
veṇuvādasmarakṣobhamattagopīvimuktidaḥ || 181||
sarvabhāvaprāptagopīsukhasaṃvardhanakṣamaḥ |
gopīgarvapraṇāśārthatirodhānasukhapradaḥ || 182||
kṛṣṇabhāvavyāptaviśvagopībhāvitaveṣadhṛk |
rādhāviśeṣasambhogaprāptadoṣanivārakaḥ || 183||
paramaprītisaṅgītasarvādbhutamahāguṇaḥ |
mānāpanodanākrandagopīdṛṣṭimahotsavaḥ || 184||
gopikāvyāptasarvāṅgaḥ strīsambhāṣāviśāradaḥ |
rāsotsavamahāsaukhyagopīsambhogasāgaraḥ || 185||
jalasthalarativyāptagopīdṛṣṭyabhipūjitaḥ |
śāstrānapekṣakāmaikamuktidvāravivardhanaḥ || 186||
sudarśanamahāsarpagrastanandavimocakaḥ |
gītamohitagopīdhṛkṣaṅkhacūḍavināśakaḥ || 187||
guṇasaṅgītasantuṣṭirgopīsaṃsāravismṛtiḥ |
ariṣṭamathano daityabuddhivyāmohakārakaḥ || 188||
keśighātī nāradeṣṭo vyomāsuravināśakaḥ |
akrūrabhaktisaṃrāddhapādareṇumahānidhiḥ || 189||
rathāvarohaśuddhātmā gopīmānasahārakaḥ |
hradasandarśitāśeṣavaikuṇṭhākrūrasaṃstutaḥ || 190||
mathurāgamanotsāho mathurābhāgyabhājanam |
mathurānagarīśobhādarśanotsukamānasaḥ || 191||
duṣṭarañjakaghātī ca vāyakārcitavigrahaḥ |
vastramālāsuśobhāṅgaḥ kubjālepanabhūṣitaḥ || 192||
kubjāsurūpakartā ca kubjārativarapradaḥ |
prasādarūpasantuṣṭaharakodaṇḍakhaṇḍanaḥ || 193||
śakalāhatakaṃsāptadhanūrakṣakasainikaḥ |
jāgratsvapnabhayavyāptamṛtyulakṣaṇabodhakaḥ || 194||
mathurāmalla ojasvī mallayuddhaviśāradaḥ |
sadyaḥ kuvalayāpīḍaghātī cāṇūramardanaḥ || 195||
līlāhatamahāmallaḥ śalatośalaghātakaḥ |
kaṃsāntako jitāmitro vasudevavimocakaḥ || 196||
jñātatattvapitṛjñānamohanāmṛtavāṅmayaḥ |
ugrasenapratiṣṭhātā yādavādhivināśakaḥ || 197||
nandādisāntvanakaro brahmacaryavrate sthitaḥ |
guruśuśrūṣaṇaparo vidyāpāramiteśvaraḥ || 198||
sāndīpanimṛtāpatyadātā kālāntakādijit |
gokulāśvāsanaparo yaśodānandapoṣakaḥ || 199||
gopikāvirahavyājamanogatiratipradaḥ |
samoddhavabhramaravāk gopikāmohanāśakaḥ || 200||
kubjāratiprado'krūrapavitrīkṛtabhūgṛhaḥ |
pṛthāduḥkhapraṇetā ca pāṇḍavānāṃ sukhapradaḥ || 201||
daśamaskandhottarārdhanāmāni nirodhalīlā
jarāsandhasamānītasainyaghātī vicārakaḥ |
yavanavyāptamathurājanadattakuśasthaliḥ || 202||
dvārakādbhutanirmāṇavismāpitasurāsuraḥ |
manuṣyamātrabhogārthabhūmyānītendravaibhavaḥ || 203||
yavanavyāptamathurānirgamānandavigrahaḥ |
mucukundamahābodhayavanaprāṇadarpahā || 204||
mucukundastutāśeṣaguṇakarmamahodayaḥ |
phalapradānasantuṣṭirjanmāntaritamokṣadaḥ || 205||
śivabrāhmaṇavākyāptajayabhītivibhāvanaḥ |
pravarṣaṇaprārthitāgnidānapuṇyamahotsavaḥ || 206||
rukmiṇīramaṇaḥ kāmapitā pradyumnabhāvanaḥ |
syamantakamaṇivyājaprāptajāmbavatīpatiḥ || 207||
satyabhāmāprāṇapatiḥ kālindīrativardhanaḥ |
mitravindāpatiḥ satyāpatirvṛṣaniṣūdanaḥ || 208||
bhadrāvāñchitabhartā ca lakṣmaṇāvaraṇakṣamaḥ |
indrādiprārthitavadhanarakāsurasūdanaḥ || 209||
murāriḥ pīṭhahantā ca tāmrādiprāṇahārakaḥ |
ṣoḍaśastrīsahasreśaḥ chatrakuṇḍaladānakṛt || 210||
pārijātāpaharaṇo devendramadanāśakaḥ |
rukmiṇīsamasarvastrīsādhyabhogaratipradaḥ || 211||
rukmiṇīparihāsoktivāktirodhānakārakaḥ |
putrapautramahābhāgyagṛhadharmapravartakaḥ || 212||
śambarāntakasatputravivāhahatarukmikaḥ |
uṣāpahṛtapautraśrīrbāṇabāhunivārakaḥ || 213||
śītajvarabhayavyāptajvarasaṃstutaṣaḍguṇaḥ |
śaṅkarapratiyoddhā ca dvandvayuddhaviśāradaḥ || 214||
nṛgapāpaprabhettā ca brahmasvaguṇadoṣadṛk |
viṣṇubhaktivirodhaikabrahmasvavinivārakaḥ || 215||
balabhadrāhitaguṇo gokulaprītidāyakaḥ |
gopīsnehaikanilayo gopīprāṇasthitipradaḥ || 216||
vākyātigāmiyamunāhalākarṣaṇavaibhavaḥ |
pauṇḍrakatyājitaspardhaḥ kāśīrājavibhedanaḥ || 217||
kāśīnidāhakaraṇaḥ śivabhasmapradāyakaḥ |
dvividaprāṇaghātī ca kauravākharvagarvanut || 218||
lāṅgalākṛṣṭanagarīsaṃvignākhilanāgaraḥ |
prapannābhayadaḥ sāmbaprāptasanmānabhājanam || 219||
nāradānviṣṭacaraṇo bhaktavikṣepanāśakaḥ |
sadācāraikanilayaḥ sudharmādhyāsitāsanaḥ || 220||
jarāsandhāvaruddhena vijñāpitanijaklamaḥ |
mantryuddhavādivākyoktaprakāraikaparāyaṇaḥ || 221||
rājasūyādimakhakṛt samprārthitasahāyakṛt |
indraprasthaprayāṇārthamahatsambhārasambhṛtiḥ || 222||
jarāsandhavadhavyājamocitāśeṣabhūmipaḥ |
sanmārgabodhako yajñakṣitivāraṇatatparaḥ || 223||
śiśupālahativyājajayaśāpavimocakaḥ |
duryodhanābhimānābdhiśoṣabāṇavṛkodaraḥ|| 224||
mahādevavaraprāptapuraśālvavināśakaḥ |
dantavaktravadhavyājavijayāghaughanāśakaḥ || 225||
vidūrathaprāṇahartā nyastaśastrāstravigrahaḥ |
upadharmaviliptāṅgasūtaghātī varapradaḥ || 226||
balvalaprāṇaharaṇapālitarṣiśrutikriyaḥ |
sarvatīrthāghanāśārthatīrthayātrāviśāradaḥ || 227||
jñānakriyāvibhedeṣṭaphalasādhanatatparaḥ |
sārathyādikriyākartā bhaktavaśyatvabodhakaḥ || 228||
sudāmāraṅkabhāryārthabhūmyānītendravaibhavaḥ |
ravigrahanimittāptakurukṣetraikapāvanaḥ || 229||
nṛpagopīsamastastrīpāvanārthākhilakriyaḥ |
ṛṣimārgapratiṣṭhātā vasudevamakhakriyaḥ || 230||
vasudevajñānadātā devakīputradāyakaḥ |
arjunastrīpradātā ca bahulāśvasvarūpadaḥ || 231||
śrutadeveṣṭadātā ca sarvaśrutinirūpitaḥ |
mahādevādyatiśreṣṭho bhaktilakṣaṇanirṇayaḥ || 232||
vṛkagrastaśivatrātā nānāvākyaviśāradaḥ |
naragarvavināśārthahṛtabrāhmaṇabālakaḥ || 233||
lokālokaparasthānasthitabālakadāyakaḥ |
dvārakāsthamahābhoganānāstrīrativardhanaḥ || 234||
manastirodhānakṛtavyagrastrīcittabhāvitaḥ |
muktilīlā
muktilīlāviharaṇo mauśalavyājasaṃhṛtiḥ || 235||
śrībhāgavatadharmādibodhako bhaktinītikṛt |
uddhavajñānadātā ca pañcaviṃśatidhā guruḥ || 236||
ācārabhaktimuktyādivaktā śabdodbhavasthitiḥ |
haṃso dharmapravaktā ca sanakādyupadeśakṛt || 237||
bhaktisādhanavaktā ca yogasiddhipradāyakaḥ |
nānāvibhūtivaktā ca śuddhadharmāvabodhakaḥ || 238||
mārgatrayavibhedātmā nānāśaṅkānivārakaḥ |
bhikṣugītāpravaktā ca śuddhasāṅkhyapravartakaḥ || 239||
manoguṇaviśeṣātmā jñāpakoktapurūravāḥ |
pūjāvidhipravaktā ca sarvasiddhāntabodhakaḥ || 240||
laghusvamārgavaktā ca svasthānagatibodhakaḥ |
yādavāṅgopasaṃhartā sarvāścaryagatikriyaḥ || 241||
āśrayalīlā
kāladharmavibhedārthavarṇanāśanatatparaḥ |
buddho guptārthavaktā ca nānāśāstravidhāyakaḥ || 242||
naṣṭadharmamanuṣyādilakṣaṇajñāpanotsukaḥ |
āśrayaikagatijñātā kalkiḥ kalimalāpahaḥ || 243||
śāstravairāgyasambodho nānāpralayabodhakaḥ |
viśeṣataḥ śukavyājaparīkṣijjñānabodhakaḥ || 244||
śukeṣṭagatirūpātmā parīkṣiddehamokṣadaḥ |
śabdarūpo nādarūpo vedarūpo vibhedanaḥ || 245||
vyāsaḥ śākhāpravaktā ca purāṇārthapravartakaḥ |
mārkaṇḍeyaprasannātmā vaṭapatrapuṭeśayaḥ || 246||
māyāvyāptamahāmohaduḥkhaśāntipravartakaḥ |
mahādevasvarūpaśca bhaktidātā kṛpānidhiḥ || 247||
ādityāntargataḥ kālaḥ dvādaśātmā supūjitaḥ |
śrībhāgavatarūpaśca sarvārthaphaladāyakaḥ || 248||
itīdaṃ kīrtanīyasya harernāmasahasrakam |
pañcasaptativistīrṇaṃ purāṇāntarabhāṣitam || 249||
ya etatprātarutthāya śraddhāvān susamāhitaḥ |
japedarthāhitamatiḥ sa govindapadaṃ labhet || 250||
sarvadharmavinirmuktaḥ sarvasādhanavarjitaḥ |
etaddhāraṇamātreṇa kṛṣṇasya padavīṃ vrajet || 251||
haryāveśitacittena śrībhāgavatasāgarāt |
samuddhṛtāni nāmāni cintāmaṇinibhāni hi || 252||
kaṇṭhasthitānyarthadīptyā bādhante'jñānajaṃ tamaḥ |
bhaktiṃ śrīkṛṣṇadevasya sādhayanti viniścitam || 253||
kimbahūktena bhagavān nāmabhiḥ stutaṣaḍguṇaḥ |
ātmabhāvaṃ nayatyāśu bhaktiṃ ca kurute dṛḍhām || 254||
yaḥ kṛṣṇabhaktimiha vāñchati sādhanaughair-
nāmāni bhāsurayaśāṃsi japetsa nityam |
taṃ vai hariḥ svapuruṣaṃ kurute'tiśīghram-
ātmārpaṇaṃ samadhigacchati bhāvatuṣṭaḥ || 255||
śrīkṛṣṇa kṛṣṇasakha vṛṣṇivṛṣāvanidhrug-
rājanyavaṃśadahanānapavargavīrya |
govinda gopavanitāvrajabhṛtyagīta
tīrthaśravaḥ śravaṇamaṅgala pāhi bhṛtyān || 256||
|| iti śrībhāgavatasārasamuccaye vaiśvānaroktaṃ
śrīvallabhācāryaviracitaṃ
śrīpuruṣottamasahasranāmastotraṃ sampūrṇam ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.