ਵਨ੍ਦੇ ਗਜੇਨ੍ਦ੍ਰਵਦਨਂ
ਵਾਮਾਙ੍ਕਾਰੂਢਵਲ੍ਲਭਾਸ਼੍ਲਿष੍ਟਮ੍ ।
ਕੁਙ੍ਕੁਮਪਰਾਗਸ਼ੋਣਂ
ਕੁਵਲਯਿਨੀਜਾਰਕੋਰਕਾਪੀਡਮ੍ ॥ 1 ॥
ਸ ਜਯਤਿ ਸੁਵਰ੍ਣਸ਼ੈਲਃ
ਸਕਲਜਗਚ੍ਚਕ੍ਰਸਙ੍ਘਟਿਤਮੂਰ੍ਤਿਃ ।
ਕਾਞ੍ਚਨਨਿਕੁਞ੍ਜਵਾਟੀ-
-ਕਨ੍ਦਲਦਮਰੀਪ੍ਰਪਞ੍ਚਸਙ੍ਗੀਤਃ ॥ 2 ॥
ਹਰਿਹਯਨੈਰृਤਮਾਰੁਤ-
-ਹਰਿਤਾਮਨ੍ਤੇष੍ਵਵਸ੍ਥਿਤਂ ਤਸ੍ਯ ।
ਵਿਨੁਮਃ ਸਾਨੁਤ੍ਰਿਤਯਂ
ਵਿਧਿਹਰਿਗੌਰੀਸ਼ਵਿष੍ਟਪਾਧਾਰਮ੍ ॥ 3 ॥
ਮਧ੍ਯੇ ਪੁਨਰ੍ਮਨੋਹਰ-
-ਰਤ੍ਨਰੁਚਿਸ੍ਤਬਕਰਞ੍ਜਿਤਦਿਗਨ੍ਤਮ੍ ।
ਉਪਰਿ ਚਤੁਃਸ਼ਤਯੋਜਨ-
-ਮੁਤ੍ਤੁਙ੍ਗਂ ਸ਼ृਙ੍ਗਪੁਙ੍ਗਵਮੁਪਾਸੇ ॥ 4 ॥
ਤਤ੍ਰ ਚਤੁਃਸ਼ਤਯੋਜਨ-
-ਪਰਿਣਾਹਂ ਦੇਵਸ਼ਿਲ੍ਪਿਨਾ ਰਚਿਤਮ੍ ।
ਨਾਨਾਸਾਲਮਨੋਜ੍ਞਂ
ਨਮਾਮ੍ਯਹਂ ਨਗਰਮਾਦਿਵਿਦ੍ਯਾਯਾਃ ॥ 5 ॥
ਪ੍ਰਥਮਂ ਸਹਸ੍ਰਪੂਰ੍ਵਕ-
-षਟ੍ਸ਼ਤਸਙ੍ਖ੍ਯਾਕਯੋਜਨਂ ਪਰਿਤਃ ।
ਵਲਯੀਕृਤਸ੍ਵਗਾਤ੍ਰਂ
ਵਰਣਂ ਸ਼ਰਣਂ ਵ੍ਰਜਾਮ੍ਯਯੋਰੂਪਮ੍ ॥ 6 ॥
ਤਸ੍ਯੋਤ੍ਤਰੇ ਸਮੀਰਣ-
-ਯੋਜਨਦੂਰੇ ਤਰਙ੍ਗਿਤਚ੍ਛਾਯਃ ।
ਘਟਯਤੁ ਮੁਦਂ ਦ੍ਵਿਤੀਯੋ
ਘਣ੍ਟਾਸ੍ਤਨਸਾਰਨਿਰ੍ਮਿਤਃ ਸਾਲਃ ॥ 7 ॥
ਉਭਯੋਰਨ੍ਤਰਸੀਮ-
-ਨ੍ਯੁਦ੍ਦਾਮਭ੍ਰਮਰਰਞ੍ਜਿਤੋਦਾਰਮ੍ ।
ਉਪਵਨਮੁਪਾਸ੍ਮਹੇ ਵਯ-
-ਮੂਰੀਕृਤਮਨ੍ਦਮਾਰੁਤਸ੍ਯਨ੍ਦਮ੍ ॥ 8 ॥
ਆਲਿਙ੍ਗ੍ਯ ਭਦ੍ਰਕਾਲੀ-
-ਮਾਸੀਨਸ੍ਤਤ੍ਰ ਹਰਿਸ਼ਿਲਾਸ਼੍ਯਾਮਾਮ੍ ।
ਮਨਸਿ ਮਹਾਕਾਲੋ ਮੇ
ਵਿਹਰਤੁ ਮਧੁਪਾਨਵਿਭ੍ਰਮਨ੍ਨੇਤ੍ਰਃ ॥ 9 ॥
ਤਾਰ੍ਤੀਯੀਕੋ ਵਰਣ-
-ਸ੍ਤਸ੍ਯੋਤ੍ਤਰਸੀਮ੍ਨਿ ਵਾਤਯੋਜਨਤਃ ।
ਤਾਮ੍ਰੇਣ ਰਚਿਤਮੂਰ੍ਤਿ-
-ਸ੍ਤਨੁਤਾਮਾਚਨ੍ਦ੍ਰਤਾਰਕਂ ਭਦ੍ਰਮ੍ ॥ 10 ॥
ਮਧ੍ਯੇ ਤਯੋਸ਼੍ਚ ਮਣਿਮਯ-
-ਪਲ੍ਲਵਸ਼ਾਖਾਪ੍ਰਸੂਨਪਕ੍ष੍ਮਲਿਤਾਮ੍ ।
ਕਲ੍ਪਾਨੋਕਹਵਾਟੀਂ
ਕਲਯੇ ਮਕਰਨ੍ਦਪਙ੍ਕਿਲਾਵਾਲਾਮ੍ ॥ 11 ॥
ਤਤ੍ਰ ਮਧੁਮਾਧਵਸ਼੍ਰੀ-
-ਤਰੁਣੀਭ੍ਯਾਂ ਤਰਲਦृਕ੍ਚਕੋਰਾਭ੍ਯਾਮ੍ ।
ਆਲਿਙ੍ਗਿਤੋऽਵਤਾਨ੍ਮਾ-
-ਮਨਿਸ਼ਂ ਪ੍ਰਥਮਰ੍ਤੁਰਾਤ੍ਤਪੁष੍ਪਾਸ੍ਤ੍ਰਃ ॥ 12 ॥
ਨਮਤ ਤਦੁਤ੍ਤਰਭਾਗੇ
ਨਾਕਿਪਥੋਲ੍ਲਙ੍ਘਿਸ਼ृਙ੍ਗਸਙ੍ਘਾਤਮ੍ ।
ਸੀਸਾਕृਤਿਂ ਤੁਰੀਯਂ
ਸਿਤਕਿਰਣਾਲੋਕਨਿਰ੍ਮਲਂ ਸਾਲਮ੍ ॥ 13 ॥
ਸਾਲਦ੍ਵਯਾਨ੍ਤਰਾਲੇ
ਸਰਲਾਲਿਕਪੋਤਚਾਟੁਸੁਭਗਾਯਾਮ੍ ।
ਸਨ੍ਤਾਨਵਾਟਿਕਾਯਾਂ
ਸਕ੍ਤਂ ਚੇਤੋऽਸ੍ਤੁ ਸਤਤਮਸ੍ਮਾਕਮ੍ ॥ 14 ॥
ਤਤ੍ਰ ਤਪਨਾਤਿਰੂਕ੍षਃ
ਸਾਮ੍ਰਾਜ੍ਞੀਚਰਣਸਾਨ੍ਦ੍ਰਿਤਸ੍ਵਾਨ੍ਤਃ ।
ਸ਼ੁਕ੍ਰਸ਼ੁਚਿਸ਼੍ਰੀਸਹਿਤੋ
ਗ੍ਰੀष੍ਮਰ੍ਤੁਰ੍ਦਿਸ਼ਤੁ ਕੀਰ੍ਤਿਮਾਕਲ੍ਪਮ੍ ॥ 15 ॥
ਉਤ੍ਤਰਸੀਮਨਿ ਤਸ੍ਯੋ-
-ਨ੍ਨਤਸ਼ਿਖਰੋਤ੍ਕਮ੍ਪਿਹਾਟਕਪਤਾਕਃ ।
ਪ੍ਰਕਟਯਤੁ ਪਞ੍ਚਮੋ ਨਃ
ਪ੍ਰਾਕਾਰਃ ਕੁਸ਼ਲਮਾਰਕੂਟਮਯਃ ॥ 16 ॥
ਪ੍ਰਾਕਾਰਯੋਸ਼੍ਚ ਮਧ੍ਯੇ
ਪਲ੍ਲਵਿਤਾਨ੍ਯਭृਤਪਞ੍ਚਮੋਨ੍ਮੇषਾ ।
ਹਰਿਚਨ੍ਦਨਦ੍ਰੁਵਾਟੀ-
-ਹਰਤਾਦਾਮੂਲਮਸ੍ਮਦਨੁਤਾਪਮ੍ ॥ 17 ॥
ਤਤ੍ਰ ਨਭਃ ਸ਼੍ਰੀਮੁਖ੍ਯੈ-
-ਸ੍ਤਰੁਣੀਵਰ੍ਗੈਃ ਸਮਨ੍ਵਿਤਃ ਪਰਿਤਃ ।
ਵਜ੍ਰਾਟ੍ਟਹਾਸਮੁਖਰੋ
ਵਾਞ੍ਛਾਪੂਰ੍ਤਿਂ ਤਨੋਤੁ ਵਰ੍षਰ੍ਤੁਃ ॥ 18 ॥
ਮਾਰੁਤਯੋਜਨਦੂਰੇ
ਮਹਨੀਯਸ੍ਤਸ੍ਯ ਚੋਤ੍ਤਰੇ ਭਾਗੇ ।
ਭਦ੍ਰਂ ਕृषੀष੍ਟ षष੍ਠਃ
ਪ੍ਰਾਕਾਰਃ ਪਞ੍ਚਲੋਹਧਾਤੁਮਯਃ ॥ 19 ॥
ਅਨਯੋਰ੍ਮਧ੍ਯੇ ਸਨ੍ਤਤ-
-ਮਙ੍ਕੂਰਦ੍ਦਿਵ੍ਯਕੁਸੁਮਗਨ੍ਧਾਯਾਮ੍ ।
ਮਨ੍ਦਾਰਵਾਟਿਕਾਯਾਂ
ਮਾਨਸਮਙ੍ਗੀਕਰੋਤੁ ਮੇ ਵਿਹृਤਿਮ੍ ॥ 20 ॥
ਤਸ੍ਯਾਮਿषੋਰ੍ਜਲਕ੍ष੍ਮੀ-
-ਤਰੁਣੀਭ੍ਯਾਂ ਸ਼ਰਦृਤੁਃ ਸਦਾ ਸਹਿਤਃ ।
ਅਭ੍ਯਰ੍ਚਯਨ੍ ਸ ਜੀਯਾ-
-ਦਮ੍ਬਾਮਾਮੋਦਮੇਦੁਰੈਃ ਕੁਸੁਮੈਃ ॥ 21 ॥
ਤਸ੍ਯਰ੍षਿਸਙ੍ਖ੍ਯਯੋਜਨ-
-ਦੂਰੇ ਦੇਦੀਪ੍ਯਮਾਨਸ਼ृਙ੍ਗੌਘਃ ।
ਕਲਧੌਤਕਲਿਤਮੂਰ੍ਤਿਃ
ਕਲ੍ਯਾਣਂ ਦਿਸ਼ਤੁ ਸਪ੍ਤਮਃ ਸਾਲਃ ॥ 22 ॥
ਮਧ੍ਯੇ ਤਯੋਰ੍ਮਰੁਤ੍ਪਥ
ਲਙ੍ਘਿਤਵਿਟਪਾਗ੍ਰਵਿਰੁਤਕਲਕਣ੍ਠਾ ।
ਸ਼੍ਰੀਪਾਰਿਜਾਤਵਾਟੀ
ਸ਼੍ਰਿਯਮਨਿਸ਼ਂ ਦਿਸ਼ਤੁ ਸ਼ੀਤਲੋਦ੍ਦੇਸ਼ਾ ॥ 23 ॥
ਤਸ੍ਯਾਮਤਿਪ੍ਰਿਯਾਭ੍ਯਾਂ
ਸਹ ਖੇਲਨ੍ ਸਹਸਹਸ੍ਯਲਕ੍ष੍ਮੀਭ੍ਯਾਮ੍ ।
ਸਾਮਨ੍ਤੋ ਝषਕੇਤੋ-
-ਰ੍ਹੇਮਨ੍ਤੋ ਭਵਤੁ ਹੇਮਵृਦ੍ਧ੍ਯੈ ਨਃ ॥ 24 ॥
ਉਤ੍ਤਰਤਸ੍ਤਸ੍ਯ ਮਹਾ-
-ਨੁਦ੍ਭਟਹੁਤਭੁਕ੍ਸ਼ਿਖਾਰੁਣਮਯੂਖਃ ।
ਤਪਨੀਯਖਣ੍ਡਰਚਿਤ-
-ਸ੍ਤਨੁਤਾਦਾਯੁष੍ਯਮष੍ਟਮੋ ਵਰਣਃ ॥ 25 ॥
ਕਾਦਮ੍ਬਵਿਪਿਨਵਾਟੀ-
-ਮਨਯੋਰ੍ਮਧ੍ਯਭੁਵਿ ਕਲ੍ਪਿਤਾਵਾਸਾਮ੍ ।
ਕਲਯਾਮਿ ਸੂਨਕੋਰਕ-
-ਕਨ੍ਦਲਿਤਾਮੋਦਤੁਨ੍ਦਿਲਸਮੀਰਾਮ੍ ॥ 26 ॥
ਤਸ੍ਯਾਮਤਿਸ਼ਿਸ਼ਿਰਾਕृਤਿ-
-ਰਾਸੀਨਸ੍ਤਪਤਪਸ੍ਯਲਕ੍ष੍ਮੀਭ੍ਯਾਮ੍ ।
ਸ਼ਿਵਮਨਿਸ਼ਂ ਕੁਰੁਤਾਨ੍ਮੇ
ਸ਼ਿਸ਼ਿਰਰ੍ਤੁਃ ਸਤਤਸ਼ੀਤਲਦਿਗਨ੍ਤਃ ॥ 27 ॥
ਤਸ੍ਯਾਂ ਕਦਮ੍ਬਵਾਟ੍ਯਾਂ
ਤਤ੍ਪ੍ਰਸਵਾਮੋਦਮਿਲਿਤਮਧੁਗਨ੍ਧਮ੍ ।
ਸਪ੍ਤਾਵਰਣਮਨੋਜ੍ਞਂ
ਸ਼ਰਣਂ ਸਮੁਪੈਮਿ ਮਨ੍ਤ੍ਰਿਣੀਸ਼ਰਣਮ੍ ॥ 28 ॥
ਤਤ੍ਰਾਲਯੇ ਵਿਸ਼ਾਲੇ
ਤਪਨੀਯਾਰਚਿਤਤਰਲਸੋਪਾਨੇ ।
ਮਾਣਿਕ੍ਯਮਣ੍ਡਪਾਨ੍ਤ-
-ਰ੍ਮਹਿਤੇ ਸਿਂਹਾਸਨੇ ਸੁਮਣਿਖਚਿਤੇ ॥ 29 ॥
ਬਿਨ੍ਦੁਤ੍ਰਿਪਞ੍ਚਕੋਣ-
-ਦ੍ਵਿਪਨृਪਵਸੁਵੇਦਦਲਕੁਰੇਖਾਢ੍ਯੇ ।
ਚਕ੍ਰੇ ਸਦਾ ਨਿਵਿष੍ਟਾਂ
षष੍ਠ੍ਯष੍ਟਤ੍ਰਿਂਸ਼ਦਕ੍षਰੇਸ਼ਾਨੀਮ੍ ॥ 30 ॥
ਤਾਪਿਞ੍ਛਮੇਚਕਾਭਾਂ
ਤਾਲੀਦਲਘਟਿਤਕਰ੍ਣਤਾਟਙ੍ਕਾਮ੍ ।
ਤਾਮ੍ਬੂਲਪੂਰਿਤਮੁਖੀਂ
ਤਾਮ੍ਰਾਧਰਬਿਮ੍ਬਦृष੍ਟਦਰਹਾਸਾਮ੍ ॥ 31 ॥
ਕੁਙ੍ਕੁਮਪਙ੍ਕਿਲਦੇਹਾਂ
ਕੁਵਲਯਜੀਵਾਤੁਸ਼ਾਵਕਵਤਂਸਾਮ੍ ।
ਕੋਕਨਦਸ਼ੋਣਚਰਣਾਂ
ਕੋਕਿਲਨਿਕ੍ਵਾਣਕੋਮਲਾਲਾਪਾਮ੍ ॥ 32 ॥
ਵਾਮਾਙ੍ਗਗਲਿਤਚੂਲੀਂ
ਵਨਮਾਲ੍ਯਕਦਮ੍ਬਮਾਲਿਕਾਭਰਣਾਮ੍ ।
ਮੁਕ੍ਤਾਲਲਨ੍ਤਿਕਾਞ੍ਚਿਤ
ਮੁਗ੍ਧਾਲਿਕਮਿਲਿਤਚਿਤ੍ਰਕੋਦਾਰਾਮ੍ ॥ 33 ॥
ਕਰਵਿਧृਤਕੀਰਸ਼ਾਵਕ-
-ਕਲਨਿਨਦਵ੍ਯਕ੍ਤਨਿਖਿਲਨਿਗਮਾਰ੍ਥਾਮ੍ ।
ਵਾਮਕੁਚਸਙ੍ਗਿਵੀਣਾਵਾਦਨ-
-ਸੌਖ੍ਯਾਰ੍ਧਮੀਲਿਤਾਕ੍षਿਯੁਗਾਮ੍ ॥ 34 ॥
ਆਪਾਟਲਾਂਸ਼ੁਕਧਰਾ-
-ਮਾਦਿਰਸੋਨ੍ਮੇषਵਾਸਿਤਕਟਾਕ੍षਾਮ੍ ।
ਆਮ੍ਨਾਯਸਾਰਗੁਲਿਕਾ-
-ਮਾਦ੍ਯਾਂ ਸਙ੍ਗੀਤਮਾਤृਕਾਂ ਵਨ੍ਦੇ ॥ 35 ॥
ਤਸ੍ਯ ਚ ਸੁਵਰ੍ਣਸਾਲ-
-ਸ੍ਯੋਤ੍ਤਰਤਸ੍ਤਰੁਣਕੁਙ੍ਕੁਮਚ੍ਛਾਯਃ ।
ਸ਼ਮਯਤੁ ਮਮ ਸਨ੍ਤਾਪਂ
ਸਾਲੋ ਨਵਮਃ ਸ ਪੁष੍ਪਰਾਗਮਯਃ ॥ 36 ॥
ਅਨਯੋਰਨ੍ਤਰਵਸੁਧਾਃ
ਪ੍ਰਣੁਮਃ ਪ੍ਰਤ੍ਯਗ੍ਰਪੁष੍ਪਰਾਗਮਯੀਃ ।
ਸਿਂਹਾਸਨੇਸ਼੍ਵਰੀਮਨੁ-
-ਚਿਨ੍ਤਨਨਿਸ੍ਤਨ੍ਦ੍ਰਸਿਦ੍ਧਨੀਰਨ੍ਧ੍ਰਾਃ ॥ 37 ॥
ਤਤ੍ਸਾਲੋਤ੍ਤਰਦੇਸ਼ੇ
ਤਰੁਣਜਪਾਕਿਰਣਧੋਰਣੀਸ਼ੋਣਃ ।
ਪ੍ਰਸ਼ਮਯਤੁ ਪਦ੍ਮਰਾਗ-
-ਪ੍ਰਾਕਾਰੋ ਮਮ ਪਰਾਭਵਂ ਦਸ਼ਮਃ ॥ 38 ॥
ਅਨ੍ਤਰਭੂਕृਤਵਾਸਾ-
-ਨਨਯੋਰਪਨੀਤਚਿਤ੍ਤਵੈਮਤ੍ਯਾਨ੍ ।
ਚਕ੍ਰੇਸ਼ੀਪਦਭਕ੍ਤਾਂ-
-ਸ਼੍ਚਾਰਣਵਰ੍ਗਾਨਹਰ੍ਨਿਸ਼ਂ ਕਲਯੇ ॥ 39 ॥
ਸਾਰਙ੍ਗਵਾਹਯੋਜਨਦੂਰੇ-
-ऽਸਙ੍ਘਟਿਤਕੇਤਨਸ੍ਤਸ੍ਯ ।
ਗੋਮੇਦਕੇਨ ਰਚਿਤੋ
ਗੋਪਾਯਤੁ ਮਾਂ ਸਮੁਨ੍ਨਤਃ ਸਾਲਃ ॥ 40 ॥
ਵਪ੍ਰਦ੍ਵਯਾਨ੍ਤਰੋਰ੍ਵ੍ਯਾਂ
ਵਟੁਕੈਰ੍ਵਿਵਿਧੈਸ਼੍ਚ ਯੋਗਿਨੀਬृਨ੍ਦੈਃ ।
ਸਤਤਂ ਸਮਰ੍ਚਿਤਾਯਾਃ
ਸਙ੍ਕਰ੍षਣ੍ਯਾਃ ਪ੍ਰਣੌਮਿ ਚਰਣਾਬ੍ਜਮ੍ ॥ 41 ॥
ਤਾਪਸਯੋਜਨਦੂਰੇ
ਤਸ੍ਯ ਸਮੁਤ੍ਤੁਙ੍ਗ ਗੋਪੁਰੋਪੇਤਃ ।
ਵਾਞ੍ਛਾਪੂਰ੍ਤ੍ਯੈ ਭਵਤਾ-
-ਦ੍ਵਜ੍ਰਮਣੀਨਿਕਰਨਿਰ੍ਮਿਤੋ ਵਪ੍ਰਃ ॥ 42 ॥
ਵਰਣਦ੍ਵਿਤਯਾਨ੍ਤਰਤੋ
ਵਾਸਜੁषੋ ਵਿਹਿਤਮਧੁਰਸਾਸ੍ਵਾਦਾਃ ।
ਰਮ੍ਭਾਦਿਵਿਬੁਧਵੇਸ਼੍ਯਾ
ਰਚਯਨ੍ਤੁ ਮਹਾਨ੍ਤਮਸ੍ਮਦਾਨਨ੍ਦਮ੍ ॥ 43 ॥
ਤਤ੍ਰ ਸਦਾ ਪ੍ਰਵਹਨ੍ਤੀ
ਤਟਿਨੀ ਵਜ੍ਰਾਭਿਧਾ ਚਿਰਂ ਜੀਯਾਤ੍ ।
ਚਟੁਲੋਰ੍ਮਿਜਾਲਨृਤ੍ਯ-
-ਤ੍ਕਲਹਂਸੀਕੁਲਕਲਕ੍ਵਣਿਤਪੁष੍ਟਾ ॥ 44 ॥
ਰੋਧਸਿ ਤਸ੍ਯਾ ਰੁਚਿਰੇ
ਵਜ੍ਰੇਸ਼ੀ ਜਯਤਿ ਵਜ੍ਰਭੂषਾਢ੍ਯਾ ।
ਵਜ੍ਰਪ੍ਰਦਾਨਤੋषਿਤ-
-ਵਜ੍ਰਿਮੁਖਤ੍ਰਿਦਸ਼ਵਿਨੁਤਚਾਰਿਤ੍ਰਾ ॥ 45 ॥
ਤਸ੍ਯੋਦੀਚ੍ਯਾਂ ਹਰਿਤਿ
ਸ੍ਤਵਕਿਤਸੁषਮਾਵਲੀਢਵਿਯਦਨ੍ਤਃ ।
ਵੈਡੂਰ੍ਯਰਤ੍ਨਰਚਿਤੋ
ਵੈਮਲ੍ਯਂ ਦਿਸ਼ਤੁ ਚੇਤਸੋ ਵਰਣਃ ॥ 46 ॥
ਅਧਿਮਧ੍ਯਮੇਤਯੋਃ ਪੁਨ-
-ਰਮ੍ਬਾਚਰਣਾਵਲਮ੍ਬਿਤਸ੍ਵਾਨ੍ਤਾਨ੍ ।
ਕਾਰ੍ਕੋਟਕਾਦਿਨਾਗਾਨ੍
ਕਲਯਾਮਃ ਕਿਂ ਚ ਬਲਿਮੁਖਾਨ੍ ਦਨੁਜਾਨ੍ ॥ 47 ॥
ਗਨ੍ਧਵਹਸਙ੍ਖ੍ਯਯੋਜਨ-
-ਦੂਰੇ ਗਗਨੋਰ੍ਧ੍ਵਜਾਙ੍ਘਿਕਸ੍ਤਸ੍ਯ ।
ਵਾਸਵਮਣਿਪ੍ਰਣੀਤੋ
ਵਰਣੋ ਬਹਲਯਤੁ ਵੈਦੁषੀਂ ਵਿਸ਼ਦਾਮ੍ ॥ 48 ॥
ਮਧ੍ਯਕ੍षੋਣ੍ਯਾਮਨਯੋ-
-ਰ੍ਮਹੇਨ੍ਦ੍ਰਨੀਲਾਤ੍ਮਕਾਨਿ ਚ ਸਰਾਂਸਿ ।
ਸ਼ਾਤੋਦਰੀਸਹਾਯਾ-
-ਨ੍ਭੂਪਾਲਾਨਪਿ ਪੁਨਃ ਪੁਨਃ ਪ੍ਰਣੁਮਃ ॥ 49 ॥
ਆਸ਼ੁਗਯੋਜਨਦੂਰੇ
ਤਸ੍ਯੋਰ੍ਧ੍ਵਂ ਕਾਨ੍ਤਿਧਵਲਿਤਦਿਗਨ੍ਤਃ ।
ਮੁਕ੍ਤਾਵਿਰਚਿਤਗਾਤ੍ਰੋ
ਮੁਹੁਰਸ੍ਮਾਕਂ ਮੁਦੇ ਭਵਤੁ ਸਾਲਃ ॥ 50 ॥
ਆਵृਤ੍ਤ੍ਯੋਰਧਿਮਧ੍ਯਂ
ਪੂਰ੍ਵਸ੍ਯਾਂ ਦਿਸ਼ਿ ਪੁਰਨ੍ਦਰਃ ਸ਼੍ਰੀਮਾਨ੍ ।
ਅਭ੍ਰਮੁਵਿਟਾਧਿਰੂਢੋ
ਵਿਭ੍ਰਮਮਸ੍ਮਾਕਮਨਿਸ਼ਮਾਤਨੁਤਾਤ੍ ॥ 51 ॥
ਤਤ੍ਕੋਣੇ ਵ੍ਯਜਨਸ੍ਰੁ-
-ਕ੍ਤੋਮਰਪਾਤ੍ਰਸ੍ਰੁਵਾਨ੍ਨਸ਼ਕ੍ਤਿਧਰਃ ।
ਸ੍ਵਾਹਾਸ੍ਵਧਾਸਮੇਤਃ
ਸੁਖਯਤੁ ਮਾਂ ਹਵ੍ਯਵਾਹਨਃ ਸੁਚਿਰਮ੍ ॥ 52 ॥
ਦਕ੍षਿਣਦਿਗਨ੍ਤਰਾਲੇ
ਦਣ੍ਡਧਰੋ ਨੀਲਨੀਰਦਚ੍ਛਾਯਃ ।
ਤ੍ਰਿਪੁਰਾਪਦਾਬ੍ਜਭਕ੍ਤਸ੍ਤਿਰਯਤੁ
ਮਮ ਨਿਖਿਲਮਂਹਸਾਂ ਨਿਕਰਮ੍ ॥ 53 ॥
ਤਸ੍ਯੈਵ ਪਸ਼੍ਚਿਮਾਯਾਂ
ਦਿਸ਼ਿ ਦਲਿਤੇਨ੍ਦੀਵਰਪ੍ਰਭਾਸ਼੍ਯਾਮਃ ।
ਖੇਟਾਸਿਯष੍ਟਿਧਾਰੀ
ਖੇਦਾਨਪਨਯਤੁ ਯਾਤੁਧਾਨੋ ਮੇ ॥ 54 ॥
ਤਸ੍ਯਾ ਉਤ੍ਤਰਦੇਸ਼ੇ
ਧਵਲਾਙ੍ਗੋ ਵਿਪੁਲਝषਵਰਾਰੂਢਃ ।
ਪਾਸ਼ਾਯੁਧਾਤ੍ਤਪਾਣਿਃ
ਪਾਸ਼ੀ ਵਿਦਲਯਤੁ ਪਾਸ਼ਜਾਲਾਨਿ ॥ 55 ॥
ਵਨ੍ਦੇ ਤਦੁਤ੍ਤਰਹਰਿ-
-ਤ੍ਕੋਣੇ ਵਾਯੁਂ ਚਮੂਰੁਵਰਵਾਹਮ੍ ।
ਕੋਰਕਿਤਤਤ੍ਤ੍ਵਬੋਧਾ-
-ਨ੍ਗੋਰਕ੍षਪ੍ਰਮੁਖਯੋਗਿਨੋऽਪਿ ਮੁਹੁਃ ॥ 56 ॥
ਤਰੁਣੀਰਿਡਾਪ੍ਰਧਾਨਾ-
-ਸ੍ਤਿਸ੍ਰੋ ਵਾਤਸ੍ਯ ਤਸ੍ਯ ਕृਤਵਾਸਾਃ ।
ਪ੍ਰਤ੍ਯਗ੍ਰਕਾਪਿਸ਼ਾਯਨ-
-ਪਾਨਪਰਿਭ੍ਰਾਨ੍ਤਲੋਚਨਾਃ ਕਲਯੇ ॥ 57 ॥
ਤਲ੍ਲੋਕਪੂਰ੍ਵਭਾਗੇ
ਧਨਦਂ ਧ੍ਯਾਯਾਮਿ ਸ਼ੇਵਧਿਕੁਲੇਸ਼ਮ੍ ।
ਅਪਿ ਮਾਣਿਭਦ੍ਰਮੁਖ੍ਯਾ-
-ਨਮ੍ਬਾਚਰਣਾਵਲਮ੍ਬਿਨੋ ਯਕ੍षਾਨ੍ ॥ 58 ॥
ਤਸ੍ਯੈਵ ਪੂਰ੍ਵਸੀਮਨਿ
ਤਪਨੀਯਾਰਚਿਤਗੋਪੁਰੇ ਨਗਰੇ ।
ਕਾਤ੍ਯਾਯਨੀਸਹਾਯਂ
ਕਲਯੇ ਸ਼ੀਤਾਂਸ਼ੁਖਣ੍ਡਚੂਡਾਲਮ੍ ॥ 59 ॥
ਤਤ੍ਪੁਰषੋਡਸ਼ਵਰਣ-
-ਸ੍ਥਲਭਾਜਸ੍ਤਰੁਣਚਨ੍ਦ੍ਰਚੂਡਾਲਾਨ੍ ।
ਰੁਦ੍ਰਾਧ੍ਯਾਯੇ ਪਠਿਤਾ-
-ਨ੍ਰੁਦ੍ਰਾਣੀਸਹਚਰਾਨ੍ਭਜੇ ਰੁਦ੍ਰਾਨ੍ ॥ 60 ॥
ਪਵਮਾਨਸਙ੍ਖ੍ਯਯੋਜਨ-
-ਦੂਰੇ ਬਾਲਤृਣ੍ਮੇਚਕਸ੍ਤਸ੍ਯ ।
ਸਾਲੋ ਮਰਕਤਰਚਿਤਃ
ਸਮ੍ਪਦਮਚਲਾਂ ਸ਼੍ਰਿਯਂ ਚ ਪੁष੍ਣਾਤੁ ॥ 61 ॥
ਆਵृਤਿਯੁਗ੍ਮਾਨ੍ਤਰਤੋ
ਹਰਿਤਮਣੀਨਿਵਹਮੇਚਕੇ ਦੇਸ਼ੇ ।
ਹਾਟਕਤਾਲੀਵਿਪਿਨਂ
ਹਾਲਾਘਟਘਟਿਤਵਿਟਪਮਾਕਲਯੇ ॥ 62 ॥
ਤਤ੍ਰੈਵ ਮਨ੍ਤ੍ਰਿਣੀਗृਹ-
-ਪਰਿਣਾਹਂ ਤਰਲਕੇਤਨਂ ਸਦਨਮ੍ ।
ਮਰਕਤਸੌਧਮਨੋਜ੍ਞਂ
ਦਦ੍ਯਾਦਾਯੂਂषਿ ਦਣ੍ਡਨਾਥਾਯਾਃ ॥ 63 ॥
ਸਦਨੇ ਤਤ੍ਰ ਹਰਿਨ੍ਮਣਿ-
-ਸਙ੍ਘਟਿਤੇ ਮਣ੍ਡਪੇ ਸ਼ਤਸ੍ਤਮ੍ਭੇ ।
ਕਾਰ੍ਤਸ੍ਵਰਮਯਪੀਠੇ
ਕਨਕਮਯਾਮ੍ਬੁਰੁਹਕਰ੍ਣਿਕਾਮਧ੍ਯੇ ॥ 64 ॥
ਬਿਨ੍ਦੁਤ੍ਰਿਕੋਣਵਰ੍ਤੁਲ-
-षਡਸ੍ਰਵृਤ੍ਤਦ੍ਵਯਾਨ੍ਵਿਤੇ ਚਕ੍ਰੇ ।
ਸਞ੍ਚਾਰਿਣੀ ਦਸ਼ੋਤ੍ਤਰ-
ਸ਼ਤਾਰ੍ਣਮਨੁਰਾਜਕਮਲਕਲਹਂਸੀ ॥ 65 ॥
ਕੋਲਵਦਨਾ ਕੁਸ਼ੇਸ਼ਯ-
-ਨਯਨਾ ਕੋਕਾਰਿਮਣ੍ਡਿਤਸ਼ਿਖਣ੍ਡਾ ।
ਸਨ੍ਤਪ੍ਤਕਾਞ੍ਚਨਾਭਾ
ਸਨ੍ਧ੍ਯਾਰੁਣਚੇਲਸਂਵृਤਨਿਤਮ੍ਬਾ ॥ 66 ॥
ਹਲਮੁਸਲਸ਼ਙ੍ਖਚਕ੍ਰਾ-
-ऽਙ੍ਕੁਸ਼ਪਾਸ਼ਾਭਯਵਰਸ੍ਫੁਰਿਤਹਸ੍ਤਾ ।
ਕੂਲਙ੍ਕषਾਨੁਕਮ੍ਪਾ
ਕੁਙ੍ਕੁਮਜਮ੍ਬਾਲਿਤਸ੍ਤਨਾਭੋਗਾ ॥ 67 ॥
ਧੂਰ੍ਤਾਨਾਮਤਿਦੂਰਾ-
-ਵਾਰ੍ਤਾਸ਼ੇषਾਵਲਗ੍ਨਕਮਨੀਯਾ ।
ਆਰ੍ਤਾਲੀਸ਼ੁਭਦਾਤ੍ਰੀ
ਵਾਰ੍ਤਾਲੀ ਭਵਤੁ ਵਾਞ੍ਛਿਤਾਰ੍ਥਾਯ ॥ 68 ॥
ਤਸ੍ਯਾਃ ਪਰਿਤੋ ਦੇਵੀਃ
ਸ੍ਵਪ੍ਨੇਸ਼੍ਯੁਨ੍ਮਤ੍ਤਭੈਰਵੀਮੁਖ੍ਯਾਃ ।
ਪ੍ਰਣਮਤ ਜਮ੍ਭਿਨ੍ਯਾਦ੍ਯਾਃ
ਭੈਰਵਵਰ੍ਗਾਂਸ਼੍ਚ ਹੇਤੁਕਪ੍ਰਮੁਖਾਨ੍ ॥ 69 ॥
ਪੂਰ੍ਵੋਕ੍ਤਸਙ੍ਖ੍ਯਯੋਜਨ-
-ਦੂਰੇ ਪੂਯਾਂਸ਼ੁਪਾਟਲਸ੍ਤਸ੍ਯ ।
ਵਿਦ੍ਰਾਵਯਤੁ ਮਦਾਰ੍ਤਿਂ
ਵਿਦ੍ਰੁਮਸਾਲੋ ਵਿਸ਼ਙ੍ਕਟਦ੍ਵਾਰਃ ॥ 70 ॥
ਆਵਰਣਯੋਰਹਰ੍ਨਿਸ਼-
-ਮਨ੍ਤਰਭੂਮੌਪ੍ਰਕਾਸ਼ਸ਼ਾਲਿਨ੍ਯਾਮ੍ ।
ਆਸੀਨਮਮ੍ਬੁਜਾਸਨ-
-ਮਭਿਨਵਸਿਨ੍ਦੂਰਗੌਰਮਹਮੀਡੇ ॥ 71 ॥
ਵਰਣਸ੍ਯ ਤਸ੍ਯ ਮਾਰੁਤ-
-ਯੋਜਨਤੋ ਵਿਪੁਲਗੋਪੁਰਦ੍ਵਾਰਃ ।
ਸਾਲੋ ਨਾਨਾਰਤ੍ਨੈਃ
ਸਙ੍ਘਟਿਤਾਙ੍ਗਃ ਕृषੀष੍ਟ ਮਦਭੀष੍ਟਮ੍ ॥ 72 ॥
ਅਨ੍ਤਰਕਕ੍ष੍ਯਾਮਨਯੋ-
-ਰਵਿਰਲਸ਼ੋਭਾਪਿਚਣ੍ਡਿਲੋਦ੍ਦੇਸ਼ਾਮ੍ ।
ਮਾਣਿਕ੍ਯਮਣ੍ਡਪਾਖ੍ਯਾਂ
ਮਹਤੀਮਧਿਹृਦਯਮਨਿਸ਼ਮਾਕਲਯੇ ॥ 73 ॥
ਤਤ੍ਰ ਸ੍ਥਿਤਂ ਪ੍ਰਸਨ੍ਨਂ
ਤਰੁਣਤਮਾਲਪ੍ਰਵਾਲਕਿਰਣਾਭਮ੍ ।
ਕਰ੍ਣਾਵਲਮ੍ਬਿਕੁਣ੍ਡਲ-
-ਕਨ੍ਦਲਿਤਾਭੀਸ਼ੁਕਵਚਿਤਕਪੋਲਮ੍ ॥ 74 ॥
ਸ਼ੋਣਾਧਰਂ ਸ਼ੁਚਿਸ੍ਮਿਤ-
-ਮੇਣਾਙ੍ਕਵਦਨਮੇਧਮਾਨਕृਪਮ੍ ।
ਮੁਗ੍ਧੈਣਮਦਵਿਸ਼ੇषਕ-
-ਮੁਦ੍ਰਿਤਨਿਟਿਲੇਨ੍ਦੁਰੇਖਿਕਾਰੁਚਿਰਮ੍ ॥ 75 ॥
ਨਾਲੀਕਦਲਸਹੋਦਰ-
-ਨਯਨਾਞ੍ਚਲਘਟਿਤਮਨਸਿਜਾਕੂਤਮ੍ ।
ਕਮਲਾਕਠਿਨਪਯੋਧਰ-
-ਕਸ੍ਤੂਰੀਘੁਸृਣਪਙ੍ਕਿਲੋਰਸ੍ਕਮ੍ ॥ 76 ॥
ਚਾਮ੍ਪੇਯਗਨ੍ਧਿਕੈਸ਼੍ਯਂ
ਸ਼ਮ੍ਪਾਸਬ੍ਰਹ੍ਮਚਾਰਿਕੌਸ਼ੇਯਮ੍ ।
ਸ਼੍ਰੀਵਤ੍ਸਕੌਸ੍ਤੁਭਧਰਂ
ਸ਼੍ਰਿਤਜਨਰਕ੍षਾਧੁਰੀਣਚਰਣਾਬ੍ਜਮ੍ ॥ 77 ॥
ਕਮ੍ਬੁਸੁਦਰ੍ਸ਼ਨਵਿਲਸ-
-ਤ੍ਕਰਪਦ੍ਮਂ ਕਣ੍ਠਲੋਲਵਨਮਾਲਮ੍ ।
ਮੁਚੁਕੁਨ੍ਦਮੋਕ੍षਫਲਦਂ
ਮੁਕੁਨ੍ਦਮਾਨਨ੍ਦਕਨ੍ਦਮਵਲਮ੍ਬੇ ॥ 78 ॥
ਤਦ੍ਵਰਣੋਤ੍ਤਰਭਾਗੇ
ਤਾਰਾਪਤਿਬਿਮ੍ਬਚੁਮ੍ਬਿਨਿਜਸ਼ृਙ੍ਗਃ ।
ਵਿਵਿਧਮਣੀਗਣਘਟਿਤੋ
ਵਿਤਰਤੁ ਸਾਲੋ ਵਿਨਿਰ੍ਮਲਾਂ ਧਿषਣਾਮ੍ ॥ 79 ॥
ਪ੍ਰਾਕਾਰਦ੍ਵਿਤਯਾਨ੍ਤਰ-
-ਕਕ੍ष੍ਯਾਂ ਪृਥੁਰਤ੍ਨਨਿਕਰਸਙ੍ਕੀਰ੍ਣਾਮ੍ ।
ਨਮਤ ਸਹਸ੍ਰਸ੍ਤਮ੍ਭਕ-
-ਮਣ੍ਡਪਨਾਮ੍ਨਾਤਿਵਿਸ਼੍ਰੁਤਾਂ ਭੁਵਨੇ ॥ 80 ॥
ਪ੍ਰਣੁਮਸ੍ਤਤ੍ਰ ਭਵਾਨੀ-
-ਸਹਚਰਮੀਸ਼ਾਨਮਿਨ੍ਦੁਖਣ੍ਡਧਰਮ੍ ।
ਸ਼ृਙ੍ਗਾਰਨਾਯਿਕਾਮਨੁ-
-ਸ਼ੀਲਨਭਾਜੋऽਪਿ ਭृਙ੍ਗਿਨਨ੍ਦਿਮੁਖਾਨ੍ ॥ 81 ॥
ਤਸ੍ਯੈਣਵਾਹਯੋਜਨ-
-ਦੂਰੇ ਵਨ੍ਦੇ ਮਨੋਮਯਂ ਵਪ੍ਰਮ੍ ।
ਅਙ੍ਕੂਰਨ੍ਮਣਿਕਿਰਣਾ-
-ਮਨ੍ਤਰਕਕ੍ष੍ਯਾਂ ਚ ਨਿਰ੍ਮਲਾਮਨਯੋਃ ॥ 82 ॥
ਤਤ੍ਰੈਵਾਮृਤਵਾਪੀਂ
ਤਰਲਤਰਙ੍ਗਾਵਲੀਢਤਟਯੁਗ੍ਮਾਮ੍ ।
ਮੁਕ੍ਤਾਮਯਕਲਹਂਸੀ-
-ਮੁਦ੍ਰਿਤਕਨਕਾਰਵਿਨ੍ਦਸਨ੍ਦੋਹਾਮ੍ ॥ 83 ॥
ਸ਼ਕ੍ਰੋਪਲਮਯਭृਙ੍ਗੀ-
-ਸਙ੍ਗੀਤੋਨ੍ਮੇषਘੋषਿਤਦਿਗਨ੍ਤਾਮ੍ ।
ਕਾਞ੍ਚਨਮਯਾਙ੍ਗਵਿਲਸ-
-ਤ੍ਕਾਰਣ੍ਡਵषਣ੍ਡਤਾਣ੍ਡਵਮਨੋਜ੍ਞਾਮ੍ ॥ 84 ॥
ਕੁਰੁਵਿਨ੍ਦਾਤ੍ਮਕਹਲ੍ਲਕ-
-ਕੋਰਕਸੁषਮਾਸਮੂਹਪਾਟਲਿਤਾਮ੍ ।
ਕਲਯੇ ਸੁਧਾਸ੍ਵਰੂਪਾਂ
ਕਨ੍ਦਲਿਤਾਮਨ੍ਦਕੈਰਵਾਮੋਦਾਮ੍ ॥ 85 ॥
ਤਦ੍ਵਾਪਿਕਾਨ੍ਤਰਾਲੇ ਤਰਲੇ
ਮਣਿਪੋਤਸੀਮ੍ਨਿ ਵਿਹਰਨ੍ਤੀਮ੍ ।
ਸਿਨ੍ਦੂਰਪਾਟਲਾਙ੍ਗੀਂ
ਸਿਤਕਿਰਣਾਙ੍ਕੂਰਕਲ੍ਪਿਤਵਤਂਸਾਮ੍ ॥ 86 ॥
ਪਰ੍ਵੇਨ੍ਦੁਬਿਮ੍ਬਵਦਨਾਂ
ਪਲ੍ਲਵਸ਼ੋਣਾਧਰਸ੍ਫੁਰਿਤਹਾਸਾਮ੍ ।
ਕੁਟਿਲਕਬਰੀਂ ਕੁਰਙ੍ਗੀ-
-ਸ਼ਿਸ਼ੁਨਯਨਾਂ ਕੁਣ੍ਡਲਸ੍ਫੁਰਿਤਗਣ੍ਡਾਮ੍ ॥ 87 ॥
ਨਿਕਟਸ੍ਥਪੋਤਨਿਲਯਾਃ
ਸ਼ਕ੍ਤੀਃ ਸ਼ਯਵਿਧृਤਹੇਮਸ਼ृਙ੍ਗਜਲੈਃ ।
ਪਰਿषਿਞ੍ਚਨ੍ਤੀਂ ਪਰਿਤ-
-ਸ੍ਤਾਰਾਂ ਤਾਰੁਣ੍ਯਗਰ੍ਵਿਤਾਂ ਵਨ੍ਦੇ ॥ 88 ॥
ਪ੍ਰਾਗੁਕ੍ਤਸਙ੍ਖ੍ਯਯੋਜਨਦੂਰੇ
ਪ੍ਰਣਮਾਮਿ ਬੁਦ੍ਧਿਮਯਸਾਲਮ੍ ।
ਅਨਯੋਰਨ੍ਤਰਕਕ੍ष੍ਯਾ-
-ਮष੍ਟਾਪਦਪੁष੍ਟਮੇਦਿਨੀਂ ਰੁਚਿਰਾਮ੍ ॥ 89 ॥
ਕਾਦਮ੍ਬਰੀਨਿਧਾਨਾਂ
ਕਲਯਾਮ੍ਯਾਨਨ੍ਦਵਾਪਿਕਾਂ ਤਸ੍ਯਾਮ੍ ।
ਸ਼ੋਣਾਸ਼੍ਮਨਿਵਹਨਿਰ੍ਮਿਤ-
-ਸੋਪਾਨਸ਼੍ਰੇਣਿਸ਼ੋਭਮਾਨਤਟੀਮ੍ ॥ 90 ॥
ਮਾਣਿਕ੍ਯਤਰਣਿਨਿਲਯਾਂ
ਮਧ੍ਯੇ ਤਸ੍ਯਾ ਮਦਾਰੁਣਕਪੋਲਾਮ੍ ।
ਅਮृਤੇਸ਼ੀਤ੍ਯਭਿਧਾਨਾ-
-ਮਨ੍ਤਃ ਕਲਯਾਮਿ ਵਾਰੁਣੀਂ ਦੇਵੀਮ੍ ॥ 91 ॥
ਸੌਵਰ੍ਣਕੇਨਿਪਾਤਨ-
-ਹਸ੍ਤਾਃ ਸੌਨ੍ਦਰ੍ਯਗਰ੍ਵਿਤਾ ਦੇਵ੍ਯਃ ।
ਤਤ੍ਪੁਰਤਃ ਸ੍ਥਿਤਿਭਾਜੋ
ਵਿਤਰਨ੍ਤ੍ਵਸ੍ਮਾਕਮਾਯੁषੋ ਵृਦ੍ਧਿਮ੍ ॥ 92 ॥
ਤਸ੍ਯ ਪृषਦਸ਼੍ਵਯੋਜਨ-
-ਦੂਰੇऽਹਙ੍ਕਾਰਸਾਲਮਤਿਤੁਙ੍ਗਮ੍ ।
ਵਨ੍ਦੇ ਤਯੋਸ਼੍ਚ ਮਧ੍ਯੇ
ਕਕ੍ष੍ਯਾਂ ਵਲਮਾਨਮਲਯਪਵਮਾਨਾਮ੍ ॥ 93 ॥
ਵਿਨੁਮੋ ਵਿਮਰ੍ਸ਼ਵਾਪੀਂ
ਸੌषੁਮ੍ਨਸੁਧਾਸ੍ਵਰੂਪਿਣੀਂ ਤਤ੍ਰ ।
ਵੇਲਾਤਿਲਙ੍ਘ੍ਯਵੀਚੀ-
-ਕੋਲਾਹਲਭਰਿਤਕੂਲਵਨਵਾਟੀਮ੍ ॥ 94 ॥
ਤਤ੍ਰੈਵ ਸਲਿਲਮਧ੍ਯੇ
ਤਾਪਿਞ੍ਛਦਲਪ੍ਰਪਞ੍ਚਸੁषਮਾਭਾਮ੍ ।
ਸ਼੍ਯਾਮਲਕਞ੍ਚੁਕਲਸਿਤਾਂ
ਸ਼੍ਯਾਮਾਵਿਟਬਿਮ੍ਬਡਮ੍ਬਰਹਰਾਸ੍ਯਾਮ੍ ॥ 95 ॥
ਆਭੁਗ੍ਨਮਸृਣਚਿਲ੍ਲੀ-
-ਹਸਿਤਾਯੁਗ੍ਮਸ਼ਰਕਾਰ੍ਮੁਕਵਿਲਾਸਾਮ੍ ।
ਮਨ੍ਦਸ੍ਮਿਤਾਞ੍ਚਿਤਮੁਖੀਂ
ਮਣਿਮਯਤਾਟਙ੍ਕਮਣ੍ਡਿਤਕਪੋਲਾਮ੍ ॥ 96 ॥
ਕੁਰੁਵਿਨ੍ਦਤਰਣਿਨਿਲਯਾਂ
ਕੁਲਾਚਲਸ੍ਪਰ੍ਧਿਕੁਚਨਮਨ੍ਮਧ੍ਯਾਮ੍ ।
ਕੁਙ੍ਕੁਮਵਿਲਿਪ੍ਤਗਾਤ੍ਰੀਂ
ਕੁਰੁਕੁਲ੍ਲਾਂ ਮਨਸਿ ਕੁਰ੍ਮਹੇ ਸਤਤਮ੍ ॥ 97 ॥
ਤਤ੍ਸਾਲੋਤ੍ਤਰਭਾਗੇ
ਭਾਨੁਮਯਂ ਵਪ੍ਰਮਾਸ਼੍ਰਯੇ ਦੀਪ੍ਤਮ੍ ।
ਮਧ੍ਯਂ ਚ ਵਿਪੁਲਮਨਯੋ-
-ਰ੍ਮਨ੍ਯੇ ਵਿਸ਼੍ਰਾਨ੍ਤਮਾਤਪੋਦ੍ਗਾਰਮ੍ ॥ 98 ॥
ਤਤ੍ਰ ਕੁਰੁਵਿਨ੍ਦਪੀਠੇ
ਤਾਮਰਸੇ ਕਨਕਕਰ੍ਣਿਕਾਘਟਿਤੇ ।
ਆਸੀਨਮਰੁਣਵਾਸਸ-
-ਮਮ੍ਲਾਨਪ੍ਰਸਵਮਾਲਿਕਾਭਰਣਮ੍ ॥ 99 ॥
ਚਕ੍षੁष੍ਮਤੀਪ੍ਰਕਾਸ਼ਨ-
-ਸ਼ਕ੍ਤਿਚ੍ਛਾਯਾਸਮਾਰਚਿਤਕੇਲਿਮ੍ ।
ਮਾਣਿਕ੍ਯਮੁਕੁਟਰਮ੍ਯਂ
ਮਨ੍ਯੇ ਮਾਰ੍ਤਾਣ੍ਡਭੈਰਵਂ ਹृਦਯੇ ॥ 100 ॥
ਇਨ੍ਦੁਮਯਸਾਲਮੀਡੇ
ਤਸ੍ਯੋਤ੍ਤਰਤਸ੍ਤੁषਾਰਗਿਰਿਗੌਰਮ੍ ।
ਅਤ੍ਯਨ੍ਤਸ਼ਿਸ਼ਿਰਮਾਰੁਤ-
-ਮਨਯੋਰ੍ਮਧ੍ਯਂ ਚ ਚਨ੍ਦ੍ਰਿਕੋਦ੍ਗਾਰਮ੍ ॥ 101 ॥
ਤਤ੍ਰ ਪ੍ਰਕਾਸ਼ਮਾਨਂ
ਤਾਰਾਨਿਕਰੈਃ ਪਰਿष੍ਕृਤੋਦ੍ਦੇਸ਼ਮ੍ ।
ਅਮृਤਮਯਕਾਨ੍ਤਿਕਨ੍ਦਲ-
-ਮਨ੍ਤਃ ਕਲਯਾਮਿ ਕੁਨ੍ਦਸਿਤਮਿਨ੍ਦੁਮ੍ ॥ 102 ॥
ਸ਼ृਙ੍ਗਾਰਸਾਲਮੀਡੇ
ਸ਼ृਙ੍ਗੋਲ੍ਲਸਿਤਂ ਤਦੁਤ੍ਤਰੇ ਭਾਗੇ ।
ਮਧ੍ਯਸ੍ਥਲੇ ਤਯੋਰਪਿ
ਮਹਿਤਾਂ ਸ਼ृਙ੍ਗਾਰਪੂਰ੍ਵਿਕਾਂ ਪਰਿਖਾਮ੍ ॥ 103 ॥
ਤਤ੍ਰ ਮਣਿਨੌਸ੍ਥਿਤਾਭਿ-
-ਸ੍ਤਪਨੀਯਾਵਿਰਚਿਤਾਗ੍ਰਹਸ੍ਤਾਭਿਃ ।
ਸ਼ृਙ੍ਗਾਰਦੇਵਤਾਭਿਃ
ਸਹਿਤਂ ਪਰਿਖਾਧਿਪਂ ਭਜੇ ਮਦਨਮ੍ ॥ 104 ॥
ਸ਼ृਙ੍ਗਾਰਵਰਣਵਰ੍ਯਸ੍ਯੋਤ੍ਤਰਤਃ
ਸਕਲਵਿਬੁਧਸਂਸੇਵ੍ਯਮ੍ ।
ਚਿਨ੍ਤਾਮਣਿਗਣਰਚਿਤਂ
ਚਿਨ੍ਤਾਂ ਦੂਰੀਕਰੋਤੁ ਮੇ ਸਦਨਮ੍ ॥ 105 ॥
ਮਣਿਸਦਨਸਾਲਯੋਰਧਿ-
-ਮਧ੍ਯਂ ਦਸ਼ਤਾਲਭੂਮਿਰੁਹਦੀਰ੍ਘੈਃ ।
ਪਰ੍ਣੈਃ ਸੁਵਰ੍ਣਵਰ੍ਣੈ-
-ਰ੍ਯੁਕ੍ਤਾਂ ਕਾਣ੍ਡੈਸ਼੍ਚ ਯੋਜਨੋਤ੍ਤੁਙ੍ਗੈਃ ॥ 106 ॥
ਮृਦੁਲੈਸ੍ਤਾਲੀਪਞ੍ਚਕ-
-ਮਾਨੈਰ੍ਮਿਲਿਤਾਂ ਚ ਕੇਸਰਕਦਮ੍ਬੈਃ ।
ਸਨ੍ਤਤਗਲਿਤਮਰਨ੍ਦ-
-ਸ੍ਰੋਤੋਨਿਰ੍ਯਨ੍ਮਿਲਿਨ੍ਦਸਨ੍ਦੋਹਾਮ੍ ॥ 107 ॥
ਪਾਟੀਰਪਵਨਬਾਲਕ-
-ਧਾਟੀਨਿਰ੍ਯਤ੍ਪਰਾਗਪਿਞ੍ਜਰਿਤਾਮ੍ ।
ਕਲਹਂਸੀਕੁਲਕਲਕਲ-
-ਕੂਲਙ੍ਕषਨਿਨਦਨਿਚਯਕਮਨੀਯਾਮ੍ ॥ 108 ॥
ਪਦ੍ਮਾਟਵੀਂ ਭਜਾਮਃ
ਪਰਿਮਲਕਲ੍ਲੋਲਪਕ੍ष੍ਮਲੋਪਾਨ੍ਤਾਮ੍ ।
[ ਦੇਵ੍ਯਰ੍ਘ੍ਯਪਾਤ੍ਰਧਾਰੀ
ਤਸ੍ਯਾਃ ਪੂਰ੍ਵਦਿਸ਼ਿ ਦਸ਼ਕਲਾਯੁਕ੍ਤਃ । ]
ਵਲਯਿਤਮੂਰ੍ਤਿਰ੍ਭਗਵਾ-
-ਨ੍ਵਹ੍ਨਿਃ ਕ੍ਰੋਸ਼ੋਨ੍ਨਤਸ਼੍ਚਿਰਂ ਪਾਯਾਤ੍ ॥ 109 ॥
ਤਤ੍ਰਾਧਾਰੇ ਦੇਵ੍ਯਾਃ
ਪਾਤ੍ਰੀਰੂਪਃ ਪ੍ਰਭਾਕਰਃ ਸ਼੍ਰੀਮਾਨ੍ ।
ਦ੍ਵਾਦਸ਼ਕਲਾਸਮੇਤੋ
ਧ੍ਵਾਨ੍ਤਂ ਮਮ ਬਹੁਲਮਾਨ੍ਤਰਂ ਭਿਨ੍ਦ੍ਯਾਤ੍ ॥ 110 ॥
ਤਸ੍ਮਿਨ੍ ਦਿਨੇਸ਼ਪਾਤ੍ਰੇ
ਤਰਙ੍ਗਿਤਾਮੋਦਮਮृਤਮਯਮਰ੍ਘ੍ਯਮ੍ ।
ਚਨ੍ਦ੍ਰਕਲਾਤ੍ਮਕਮਮृਤਂ
ਸਾਨ੍ਦ੍ਰੀਕੁਰ੍ਯਾਦਮਨ੍ਦਮਾਨਨ੍ਦਮ੍ ॥ 111 ॥
ਅਮृਤੇ ਤਸ੍ਮਿਨ੍ਨਭਿਤੋ
ਵਿਹਰਨ੍ਤ੍ਯੋ ਵਿਵਿਧਮਣਿਤਰਣਿਭਾਜਃ ।
षੋਡਸ਼ ਕਲਾਃ ਸੁਧਾਂਸ਼ੋਃ
ਸ਼ੋਕਾਦੁਤ੍ਤਾਰਯਨ੍ਤੁ ਮਾਮਨਿਸ਼ਮ੍ ॥ 112 ॥
ਤਤ੍ਰੈਵ ਵਿਹृਤਿਭਾਜੋ
ਧਾਤृਮੁਖਾਨਾਂ ਚ ਕਾਰਣੇਸ਼ਾਨਾਮ੍ ।
ਸृष੍ਟ੍ਯਾਦਿਰੂਪਿਕਾਸ੍ਤਾਃ
ਸ਼ਮਯਨ੍ਤ੍ਵਖਿਲਾਃ ਕਲਾਸ਼੍ਚ ਸਨ੍ਤਾਪਮ੍ ॥ 113 ॥
ਕੀਨਾਸ਼ਵਰੁਣਕਿਨ੍ਨਰ-
-ਰਾਜਦਿਗਨ੍ਤੇषੁ ਰਤ੍ਨਗੇਹਸ੍ਯ ।
ਕਲਯਾਮਿ ਤਾਨ੍ਯਜਸ੍ਰਂ
ਕਲਯਨ੍ਤ੍ਵਾਯੁष੍ਯਮਰ੍ਘ੍ਯਪਾਤ੍ਰਾਣਿ ॥ 114 ॥
ਪਾਤ੍ਰਸ੍ਥਲਸ੍ਯ ਪੁਰਤਃ
ਪਦ੍ਮਾਰਮਣਵਿਧਿਪਾਰ੍ਵਤੀਸ਼ਾਨਾਮ੍ ।
ਭਵਨਾਨਿ ਸ਼ਰ੍ਮਣੇ ਨੋ
ਭਵਨ੍ਤੁ ਭਾਸਾ ਪ੍ਰਦੀਪਿਤਜਗਨ੍ਤਿ ॥ 115 ॥
ਸਦਨਸ੍ਯਾਨਲਕੋਣੇ
ਸਤਤਂ ਪ੍ਰਣਮਾਮਿ ਕੁਣ੍ਡਮਾਗ੍ਨੇਯਮ੍ ।
ਤਤ੍ਰ ਸ੍ਥਿਤਂ ਚ ਵਹ੍ਨਿਂ
ਤਰਲਸ਼ਿਖਾਜਟਿਲਮਮ੍ਬਿਕਾਜਨਕਮ੍ ॥ 116 ॥
ਤਸ੍ਯਾਸੁਰਦਿਸ਼ਿ ਤਾਦृਸ਼-
-ਰਤ੍ਨਪਰਿਸ੍ਫੁਰਿਤਪਰ੍ਵਨਵਕਾਢ੍ਯਮ੍ ।
ਚਕ੍ਰਾਤ੍ਮਕਂ ਸ਼ਤਾਙ੍ਗਂ
ਸ਼ਤਯੋਜਨਮੁਨ੍ਨਤਂ ਭਜੇ ਦਿਵ੍ਯਮ੍ ॥ 117 ॥
ਤਤ੍ਰੈਵ ਦਿਸ਼ਿ ਨਿषਣ੍ਣਂ
ਤਪਨੀਯਧ੍ਵਜਪਰਮ੍ਪਰਾਸ਼੍ਲਿष੍ਟਮ੍ ।
ਰਥਮਪਰਂ ਚ ਭਵਾਨ੍ਯਾ
ਰਚਯਾਮੋ ਮਨਸਿ ਰਤ੍ਨਮਯਚੂਡਮ੍ ॥ 118 ॥
ਭਵਨਸ੍ਯ ਵਾਯੁਭਾਗੇ
ਪਰਿष੍ਕृਤੋ ਵਿਵਿਧਵੈਜਯਨ੍ਤੀਭਿਃ ।
ਰਚਯਤੁ ਮੁਦਂ ਰਥੇਨ੍ਦ੍ਰਃ
ਸਚਿਵੇਸ਼ਾਨ੍ਯਾਃ ਸਮਸ੍ਤਵਨ੍ਦ੍ਯਾਯਾਃ ॥ 119 ॥
ਕੁਰ੍ਮੋऽਧਿਹृਦਯਮਨਿਸ਼ਂ
ਕ੍ਰੋਡਾਸ੍ਯਾਯਾਃ ਸ਼ਤਾਙ੍ਗਮੂਰ੍ਧਨ੍ਯਮ੍ ।
ਰੁਦ੍ਰਦਿਸ਼ਿ ਰਤ੍ਨਧਾਮ੍ਨੋ
ਰੁਚਿਰਸ਼ਲਾਕਾਪ੍ਰਪਞ੍ਚਕਞ੍ਚੁਕਿਤਮ੍ ॥ 120 ॥
ਪਰਿਤੋ ਦੇਵੀਧਾਮ੍ਨਃ
ਪ੍ਰਣੀਤਵਾਸਾ ਮਨੁਸ੍ਵਰੂਪਿਣ੍ਯਃ ।
ਕੁਰ੍ਵਨ੍ਤੁ ਰਸ਼੍ਮਿਮਾਲਾ-
-ਕृਤਯਃ ਕੁਸ਼ਲਾਨਿ ਦੇਵਤਾ ਨਿਖਿਲਾਃ ॥ 121 ॥
ਪ੍ਰਾਗ੍ਦ੍ਵਾਰਸ੍ਯ ਭਵਾਨੀ-
-ਧਾਮ੍ਨਃ ਪਾਰ੍ਸ਼੍ਵਦ੍ਵਯਾਰਚਿਤਵਾਸੇ ।
ਮਾਤਙ੍ਗੀਕਿਟਿਮੁਖ੍ਯੌ
ਮਣਿਸਦਨੇ ਮਨਸਿ ਭਾਵਯਾਮਿ ਚਿਰਮ੍ ॥ 122 ॥
ਯੋਜਨਯੁਗਲਾਭੋਗਾ
ਤਤ੍ਕ੍ਰੋਸ਼ਪਰਿਣਾਹਯੈਵ ਭਿਤ੍ਤ੍ਯਾ ਚ ।
ਚਿਨ੍ਤਾਮਣਿਗृਹਭੂਮਿ-
-ਰ੍ਜੀਯਾਦਾਮ੍ਨਾਯਮਯਚਤੁਰ੍ਦ੍ਵਾਰਾ ॥ 123 ॥
ਦ੍ਵਾਰੇ ਦ੍ਵਾਰੇ ਧਾਮ੍ਨਃ
ਪਿਣ੍ਡੀਭੂਤਾ ਨਵੀਨਬਿਮ੍ਬਾਭਾਃ ।
ਵਿਦਧਤੁ ਵਿਪੁਲਾਂ ਕੀਰ੍ਤਿਂ
ਦਿਵ੍ਯਾ ਲੌਹਿਤ੍ਯਸਿਦ੍ਧ੍ਯੋ ਦੇਵ੍ਯਃ ॥ 124 ॥
ਮਣਿਸਦਨਸ੍ਯਾਨ੍ਤਰਤੋ
ਮਹਨੀਯੇ ਰਤ੍ਨਵੇਦਿਕਾਮਧ੍ਯੇ ।
ਬਿਨ੍ਦੁਮਯਚਕ੍ਰਮੀਡੇ
ਪੀਠਾਨਾਮੁਪਰਿ ਵਿਰਚਿਤਾਵਾਸਮ੍ ॥ 125 ॥
ਚਕ੍ਰਾਣਾਂ ਸਕਲਾਨਾਂ
ਪ੍ਰਥਮਮਧਃ ਸੀਮਫਲਕਵਾਸ੍ਤਵ੍ਯਾਃ ।
ਅਣਿਮਾਦਿਸਿਦ੍ਧਯੋ ਮਾ-
-ਮਵਨ੍ਤੁ ਦੇਵੀ ਪ੍ਰਭਾਸ੍ਵਰੂਪਿਣ੍ਯਃ ॥ 126 ॥
ਅਣਿਮਾਦਿਸਿਦ੍ਧਿਫਲਕ-
-ਸ੍ਯੋਪਰਿਹਰਿਣਾਙ੍ਕਖਣ੍ਡਕृਤਚੂਡਾਃ ।
ਭਦ੍ਰਂ ਪਕ੍ष੍ਮਲਯਨ੍ਤੁ
ਬ੍ਰਾਹ੍ਮੀਪ੍ਰਮੁਖਾਸ਼੍ਚ ਮਾਤਰੋऽਸ੍ਮਾਕਮ੍ ॥ 127 ॥
ਤਸ੍ਯੋਪਰਿ ਮਣਿਫਲਕੇ
ਤਾਰੁਣ੍ਯੋਤ੍ਤੁਙ੍ਗਪੀਨਕੁਚਭਾਰਾਃ ।
ਸਙ੍ਕ੍षੋਭਿਣੀਪ੍ਰਧਾਨਾਃ
ਭ੍ਰਾਨ੍ਤਿ ਵਿਦ੍ਰਾਵਯਨ੍ਤੁ ਦਸ਼ ਮੁਦ੍ਰਾਃ ॥ 128 ॥
ਫਲਕਤ੍ਰਯਸ੍ਵਰੂਪੇ
ਪृਥੁਲੇ ਤ੍ਰੈਲੋਕ੍ਯਮੋਹਨੇ ਚਕ੍ਰੇ ।
ਦੀਵ੍ਯਨ੍ਤੁ ਪ੍ਰਕਟਾਖ੍ਯਾ-
-ਸ੍ਤਾਸਾਂ ਕਰ੍ਤ੍ਰੀਂ ਚ ਭਗਵਤੀ ਤ੍ਰਿਪੁਰਾ ॥ 129 ॥
ਤਦੁਪਰਿ ਵਿਪੁਲੇ ਧਿष੍ਣ੍ਯੇ
ਤਰਲਦृਸ਼ਸ੍ਤਰੁਣਕੋਕਨਦਭਾਸਃ ।
ਕਾਮਾਕਰ੍षਿਣ੍ਯਾਦ੍ਯਾਃ
ਕਲਯੇ ਦੇਵੀਃ ਕਲਾਧਰਸ਼ਿਖਣ੍ਡਾਃ ॥ 130 ॥
ਸਰ੍ਵਾਸ਼ਾਪਰਿਪੂਰਕਚਕ੍ਰੇ-
-ऽਸ੍ਮਿਨ੍ ਗੁਪ੍ਤਯੋਗਿਨੀਸੇਵ੍ਯਾਃ ।
ਤ੍ਰਿਪੁਰੇਸ਼ੀ ਮਮ ਦੁਰਿਤਂ
ਤੁਦ੍ਯਾਤ੍ ਕਣ੍ਠਾਵਲਮ੍ਬਿਮਣਿਹਾਰਾ ॥ 131 ॥
ਤਸ੍ਯੋਪਰਿ ਮਣਿਪੀਠੇ
ਤਾਮ੍ਰਾਮ੍ਭੋਰੁਹਦਲਪ੍ਰਭਾਸ਼ੋਣਾਃ ।
ਧ੍ਯਾਯਾਮ੍ਯਨਙ੍ਗਕੁਸੁਮਾ-
-ਪ੍ਰਮੁਖਾ ਦੇਵੀਸ਼੍ਚ ਵਿਧृਤਕੂਰ੍ਪਾਸਾਃ ॥ 132 ॥
ਸਙ੍ਕ੍षੋਭਕਾਰਕੇऽਸ੍ਮਿਂ-
-ਸ਼੍ਚਕ੍ਰੇ ਸ਼੍ਰੀਤ੍ਰਿਪੁਰਸੁਨ੍ਦਰੀ ਸਾਕ੍षਾਤ੍ ।
ਗੋਪ੍ਤ੍ਰੀ ਗੁਪ੍ਤਤਰਾਖ੍ਯਾਃ
ਗੋਪਾਯਤੁ ਮਾਂ ਕृਪਾਰ੍ਦ੍ਰਯਾ ਦृष੍ਟ੍ਯਾ ॥ 133 ॥
ਸਙ੍ਕ੍षੋਭਿਣੀਪ੍ਰਧਾਨਾਃ
ਸ਼ਕ੍ਤੀਸ੍ਤਸ੍ਯੋਰ੍ਧ੍ਵਵਲਯਕृਤਵਾਸਾਃ ।
ਆਲੋਲਨੀਲਵੇਣੀ-
-ਰਨ੍ਤਃ ਕਲਯਾਮਿ ਯੌਵਨੋਨ੍ਮਤ੍ਤਾਃ ॥ 134 ॥
ਸੌਭਾਗ੍ਯਦਾਯਕੇऽਸ੍ਮਿਂ-
-ਸ਼੍ਚਕ੍ਰੇਸ਼ੀ ਤ੍ਰਿਪੁਰਵਾਸਿਨੀ ਜੀਯਾਤ੍ ।
ਸ਼ਕ੍ਤੀਸ਼੍ਚ ਸਮ੍ਪ੍ਰਦਾਯਾਭਿਧਾਃ
ਸਮਸ੍ਤਾਃ ਪ੍ਰਮੋਦਯਨ੍ਤ੍ਵਨਿਸ਼ਮ੍ ॥ 135 ॥
ਮਣਿਪੀਠੋਪਰਿ ਤਾਸਾਂ
ਮਹਤਿ ਚਤੁਰ੍ਹਸ੍ਤਵਿਸ੍ਤृਤੇ ਵਲਯੇ ।
ਸਨ੍ਤਤਵਿਰਚਿਤਵਾਸਾਃ
ਸ਼ਕ੍ਤੀਃ ਕਲਯਾਮਿ ਸਰ੍ਵਸਿਦ੍ਧਿਮੁਖਾਃ ॥ 136 ॥
ਸਰ੍ਵਾਰ੍ਥਸਾਧਕਾਖ੍ਯੇ
ਚਕ੍ਰੇऽਮੁष੍ਮਿਨ੍ ਸਮਸ੍ਤਫਲਦਾਤ੍ਰੀ ।
ਤ੍ਰਿਪੁਰਾ ਸ਼੍ਰੀਰ੍ਮਮ ਕੁਸ਼ਲਂ
ਦਿਸ਼ਤਾਦੁਤ੍ਤੀਰ੍ਣਯੋਗਿਨੀਸੇਵ੍ਯਾ ॥ 137 ॥
ਤਾਸਾਂ ਨਿਲਯਸ੍ਯੋਪਰਿ
ਧਿष੍ਣ੍ਯੇ ਕੌਸੁਮ੍ਭਕਞ੍ਚੁਕਮਨੋਜ੍ਞਾਃ ।
ਸਰ੍ਵਾਜ੍ਞਾਦ੍ਯਾਃ ਦੇਵ੍ਯਃ
ਸਕਲਾਃ ਸਮ੍ਪਾਦਯਨ੍ਤੁ ਮਮ ਕੀਰ੍ਤਿਮ੍ ॥ 138 ॥
ਚਕ੍ਰੇ ਸਮਸ੍ਤਰਕ੍षਾ-
-ਕਰਨਾਮ੍ਨ੍ਯਸ੍ਮਿਨ੍ ਸਮਸ੍ਤਜਨਸੇਵ੍ਯਾਮ੍ ।
ਮਨਸਿ ਨਿਗਰ੍ਭਾਸਹਿਤਾਂ
ਮਨ੍ਯੇ ਸ਼੍ਰੀਤ੍ਰਿਪੁਰਮਾਲਿਨੀਂ ਦੇਵੀਮ੍ ॥ 139 ॥
ਸਰ੍ਵਜ੍ਞਾਸਦਨਸ੍ਯੋਪਰਿ
ਚਕ੍ਰੇ ਵਿਪੁਲੇ ਸਮਾਕਲਿਤਗੇਹਾਃ ।
ਵਨ੍ਦੇ ਵਸ਼ਿਨੀਮੁਖ੍ਯਾਃ
ਸ਼ਕ੍ਤੀਃ ਸਿਨ੍ਦੂਰਰੇਣੁਰੁਚਃ ॥ 140 ॥
ਸ਼੍ਰੀਸਰ੍ਵਰੋਗਹਰਾਖ੍ਯ-
-ਚਕ੍ਰੇऽਸ੍ਮਿਂਸ੍ਤ੍ਰਿਪੁਰਪੂਰ੍ਵਿਕਾਂ ਸਿਦ੍ਧਾਮ੍ ।
ਵਨ੍ਦੇ ਰਹਸ੍ਯਨਾਮ੍ਨਾ
ਵੇਦ੍ਯਾਭਿਃ ਸ਼ਕ੍ਤਿਭਿਃ ਸਦਾ ਸੇਵ੍ਯਾਮ੍ ॥ 141 ॥
ਵਸ਼ਿਨੀਗृਹੋਪਰਿष੍ਟਾ-
-ਦ੍ਵਿਂਸ਼ਤਿਹਸ੍ਤੋਨ੍ਨਤੇ ਮਹਾਪੀਠੇ ।
ਸ਼ਮਯਨ੍ਤੁ ਸ਼ਤ੍ਰੁਬृਨ੍ਦਂ
ਸ਼ਸ੍ਤ੍ਰਾਣ੍ਯਸ੍ਤ੍ਰਾਣਿ ਚਾਦਿਦਮ੍ਪਤ੍ਯੋਃ ॥ 142 ॥
ਸ਼ਸ੍ਤ੍ਰਸਦਨੋਪਰਿष੍ਟਾ-
-ਦ੍ਵਲਯੇ ਵਲਵੈਰਿਰਤ੍ਨਸਙ੍ਘਟਿਤੇ ।
ਕਾਮੇਸ਼੍ਵਰੀਪ੍ਰਧਾਨਾਃ
ਕਲਯੇ ਦੇਵੀਃ ਸਮਸ੍ਤਜਨਵਨ੍ਦ੍ਯਾਃ ॥ 143 ॥
ਚਕ੍ਰੇऽਤ੍ਰ ਸਰ੍ਵਸਿਦ੍ਧਿਪ੍ਰਦ-
-ਨਾਮਨਿ ਸਰ੍ਵਫਲਦਾਤ੍ਰੀ ।
ਤ੍ਰਿਪੁਰਾਮ੍ਬਾਵਤੁ ਸਤਤਂ
ਪਰਾਪਰਰਹਸ੍ਯਯੋਗਿਨੀਸੇਵ੍ਯਾ ॥ 144 ॥
ਕਾਮੇਸ਼੍ਵਰੀਗृਹੋਪਰਿਵਲਯੇ
ਵਿਵਿਧਮਨੁਸਮ੍ਪ੍ਰਦਾਯਜ੍ਞਾਃ ।
ਚਤ੍ਵਾਰੋ ਯੁਗਨਾਥਾ
ਜਯਨ੍ਤੁ ਮਿਤ੍ਰੇਸ਼ਪੂਰ੍ਵਕਾਃ ਗੁਰਵਃ ॥ 145 ॥
ਨਾਥਭਵਨੋਪਰਿष੍ਟਾ-
-ਨ੍ਨਾਨਾਰਤ੍ਨਚਯਮੇਦੁਰੇ ਪੀਠੇ ।
ਕਾਮੇਸ਼੍ਯਾਦ੍ਯਾ ਨਿਤ੍ਯਾਃ
ਕਲਯਨ੍ਤੁ ਮੁਦਂ ਤਿਥਿਸ੍ਵਰੂਪਿਣ੍ਯਃ ॥ 146 ॥
ਨਿਤ੍ਯਾਸਦਨਸ੍ਯੋਪਰਿ
ਨਿਰ੍ਮਲਮਣਿਨਿਵਹਵਿਰਚਿਤੇ ਧਿष੍ਣ੍ਯੇ ।
ਕੁਸ਼ਲਂ षਡਙ੍ਗਦੇਵ੍ਯਃ
ਕਲਯਨ੍ਤ੍ਵਸ੍ਮਾਕਮੁਤ੍ਤਰਲਨੇਤ੍ਰਾਃ ॥ 147 ॥
ਸਦਨਸ੍ਯੋਪਰਿ ਤਾਸਾਂ
ਸਰ੍ਵਾਨਨ੍ਦਮਯਨਾਮਕੇ ਬਿਨ੍ਦੌ ।
ਪਞ੍ਚਬ੍ਰਹ੍ਮਾਕਾਰਾਂ
ਮਞ੍ਚਂ ਪ੍ਰਣਮਾਮਿ ਮਣਿਗਣਾਕੀਰ੍ਣਮ੍ ॥ 148 ॥
ਪਰਿਤੋ ਮਣਿਮਞ੍ਚਸ੍ਯ
ਪ੍ਰਲਮ੍ਬਮਾਨਾ ਨਿਯਨ੍ਤ੍ਰਿਤਾ ਪਾਸ਼ੈਃ ।
ਮਾਯਾਮਯੀ ਜਵਨਿਕਾ
ਮਮ ਦੁਰਿਤਂ ਹਰਤੁ ਮੇਚਕਚ੍ਛਾਯਾ ॥ 149 ॥
ਮਞ੍ਚਸ੍ਯੋਪਰਿ ਲਮ੍ਬ-
-ਨ੍ਮਦਨੀਪੁਨ੍ਨਾਗਮਾਲਿਕਾਭਰਿਤਮ੍ ।
ਹਰਿਗੋਪਮਯਵਿਤਾਨਂ
ਹਰਤਾਦਾਲਸ੍ਯਮਨਿਸ਼ਮਸ੍ਮਾਕਮ੍ ॥ 150 ॥
ਪਰ੍ਯਙ੍ਕਸ੍ਯ ਭਜਾਮਃ
ਪਾਦਾਨ੍ਬਿਮ੍ਬਾਮ੍ਬੁਦੇਨ੍ਦੁਹੇਮਰੁਚਃ ।
ਅਜਹਰਿਰੁਦ੍ਰੇਸ਼ਮਯਾ-
-ਨਨਲਾਸੁਰਮਾਰੁਤੇਸ਼ਕੋਣਸ੍ਥਾਨ੍ ॥ 151 ॥
ਫਲਕਂ ਸਦਾਸ਼ਿਵਮਯਂ
ਪ੍ਰਣੌਮਿ ਸਿਨ੍ਦੂਰਰੇਣੁਕਿਰਣਾਭਮ੍ ।
ਆਰਭ੍ਯਾਙ੍ਗੇਸ਼ੀਨਾਂ
ਸਦਨਾਤ੍ਕਲਿਤਂ ਚ ਰਤ੍ਨਸੋਪਾਨਮ੍ ॥ 152 ॥
ਪਟ੍ਟੋਪਧਾਨਗਣ੍ਡਕ-
-ਚਤੁष੍ਟਯਸ੍ਫੁਰਿਤਪਾਟਲਾਸ੍ਤਰਣਮ੍ ।
ਪਰ੍ਯਙ੍ਕੋਪਰਿ ਘਟਿਤਂ
ਪਾਤੁ ਚਿਰਂ ਹਂਸਤੂਲਸ਼ਯਨਂ ਨਃ ॥ 153 ॥
ਤਸ੍ਯੋਪਰਿ ਨਿਵਸਨ੍ਤਂ
ਤਾਰੁਣ੍ਯਸ਼੍ਰੀਨਿषੇਵਿਤਂ ਸਤਤਮ੍ ।
ਆਵृਨ੍ਤਪੁਲ੍ਲਹਲ੍ਲਕ-
-ਮਰੀਚਿਕਾਪੁਞ੍ਜਮਞ੍ਜੁਲਚ੍ਛਾਯਮ੍ ॥ 154 ॥
ਸਿਨ੍ਦੂਰਸ਼ੋਣਵਸਨਂ
ਸ਼ੀਤਾਂਸ਼ੁਸ੍ਤਬਕਚੁਮ੍ਬਿਤਕਿਰੀਟਮ੍ ।
ਕੁਙ੍ਕੁਮਤਿਲਕਮਨੋਹਰ-
-ਕੁਟਿਲਾਲਿਕਹਸਿਤਕੁਮੁਦਬਨ੍ਧੁਸ਼ਿਸ਼ੁਮ੍ ॥ 155 ॥
ਪੂਰ੍ਣੇਨ੍ਦੁਬਿਮ੍ਬਵਦਨਂ
ਫੁਲ੍ਲਸਰੋਜਾਤਲੋਚਨਤ੍ਰਿਤਯਮ੍ ।
ਤਰਲਾਪਾਙ੍ਗਤਰਙ੍ਗਿਤ-
-ਸ਼ਫਰਾਙ੍ਕਨਸ਼ਾਸ੍ਤ੍ਰਸਮ੍ਪ੍ਰਦਾਯਾਰ੍ਥਮ੍ ॥ 156 ॥
ਮਣਿਮਯਕੁਣ੍ਡਲਪੁष੍ਯ-
-ਨ੍ਮਰੀਚਿਕਲ੍ਲੋਲਮਾਂਸਲਕਪੋਲਮ੍ ।
ਵਿਦ੍ਰੁਮਸਹੋਦਰਾਧਰ-
-ਵਿਸृਮਰਸੁਸ੍ਮਿਤਕਿਸ਼ੋਰਸਞ੍ਚਾਰਮ੍ ॥ 157 ॥
ਆਮੋਦਿਕੁਸੁਮਸ਼ੇਖਰ-
-ਮਾਨੀਲਭ੍ਰੂਲਤਾਯੁਗਮਨੋਜ੍ਞਮ੍ ।
ਵੀਟੀਸੌਰਭਵੀਚੀ-
-ਦ੍ਵਿਗੁਣਿਤਵਕ੍ਤ੍ਰਾਰਵਿਨ੍ਦਸੌਰਭ੍ਯਮ੍ ॥ 158 ॥
ਪਾਸ਼ਾਙ੍ਕੁਸ਼ੇਕ੍षੁਚਾਪ-
-ਪ੍ਰਸਵਸ਼ਰਸ੍ਫੁਰਿਤਕੋਮਲਕਰਾਬ੍ਜਮ੍ ।
ਕਾਸ਼੍ਮੀਰਪਙ੍ਕਿਲਾਙ੍ਗਂ
ਕਾਮੇਸ਼ਂ ਮਨਸਿ ਕੁਰ੍ਮਹੇ ਸਤਤਮ੍ ॥ 159 ॥
ਤਸ੍ਯਾਙ੍ਕਭੁਵਿ ਨਿषਣ੍ਣਾਂ
ਤਰੁਣਕਦਮ੍ਬਪ੍ਰਸੂਨਕਿਰਣਾਭਾਮ੍ ।
ਸ਼ੀਤਾਂਸ਼ੁਖਣ੍ਡਚੂਡਾਂ
ਸੀਮਨ੍ਤਨ੍ਯਸ੍ਤਸਾਨ੍ਦ੍ਰਸਿਨ੍ਦੂਰਾਮ੍ ॥ 160 ॥
ਕੁਙ੍ਕੁਮਲਲਾਮਭਾਸ੍ਵ-
-ਨ੍ਨਿਟਿਲਾਂ ਕੁਟਿਲਤਰਚਿਲ੍ਲਿਕਾਯੁਗਲਾਮ੍ ।
ਨਾਲੀਕਤੁਲ੍ਯਨਯਨਾਂ
ਨਾਸਾਞ੍ਚਲਨਟਿਤਮੌਕ੍ਤਿਕਾਭਰਣਾਮ੍ ॥ 161 ॥
ਅਙ੍ਕੁਰਿਤਮਨ੍ਦਹਾਸ-
-ਮਰੁਣਾਧਰਕਾਨ੍ਤਿਵਿਜਿਤਬਿਮ੍ਬਾਭਾਮ੍ ।
ਕਸ੍ਤੂਰੀਮਕਰੀਯੁਤ-
-ਕਪੋਲਸਙ੍ਕ੍ਰਾਨ੍ਤਕਨਕਤਾਟਙ੍ਕਾਮ੍ ॥ 162 ॥
ਕਰ੍ਪੂਰਸਾਨ੍ਦ੍ਰਵੀਟੀ-
-ਕਬਲਿਤਵਦਨਾਰਵਿਨ੍ਦਕਮਨੀਯਾਮ੍ ।
ਕਮ੍ਬੁਸਹੋਦਰਕਣ੍ਠ-
-ਪ੍ਰਲਮ੍ਬਮਾਨਾਚ੍ਛਮੌਕ੍ਤਿਕਕਲਾਪਾਮ੍ ॥ 163 ॥
ਕਹ੍ਲਾਰਦਾਮਕੋਮਲ-
-ਭੁਜਯੁਗਲਸ੍ਫੁਰਿਤਰਤ੍ਨਕੇਯੂਰਾਮ੍ ।
ਕਰਪਦ੍ਮਮੂਲਵਿਲਸ-
-ਤ੍ਕਾਞ੍ਚਨਮਯਕਟਕਵਲਯਸਨ੍ਦੋਹਾਮ੍ ॥ 164 ॥
ਪਾਣਿਚਤੁष੍ਟਯਵਿਲਸ-
-ਤ੍ਪਾਸ਼ਾਙ੍ਕੁਸ਼ਪੁਣ੍ਡ੍ਰਚਾਪਪੁष੍ਪਾਸ੍ਤ੍ਰਾਮ੍ ।
ਕੂਲਙ੍ਕषਕੁਚਸ਼ਿਖਰਾਂ
ਕੁਙ੍ਕੁਮਕਰ੍ਦਮਿਤਰਤ੍ਨਕੂਰ੍ਪਾਸਾਮ੍ ॥ 165 ॥
ਅਣੁਦਾਯਾਦਵਲਗ੍ਨਾ-
-ਮਮ੍ਬੁਦਸ਼ੋਭਾਸਨਾਭਿਰੋਮਲਤਾਮ੍ ।
ਮਾਣਿਕ੍ਯਖਚਿਤਕਾਞ੍ਚੀ-
-ਮਰੀਚਿਕਾਕ੍ਰਾਨ੍ਤਮਾਂਸਲਨਿਤਮ੍ਬਾਮ੍ ॥ 166 ॥
ਕਰਭੋਰੁਕਾਣ੍ਡਯੁਗਲਾਂ
ਜਙ੍ਘਾਜਿਤਕਾਮਜੈਤ੍ਰਤੂਣੀਰਾਮ੍ ।
ਪ੍ਰਪਦਪਰਿਭੂਤਕੂਰ੍ਮਾਂ
ਪਲ੍ਲਵਸਚ੍ਛਾਯਪਦਯੁਗਮਨੋਜ੍ਞਾਮ੍ ॥ 167 ॥
ਕਮਲਭਵਕਞ੍ਜਲੋਚਨ-
-ਕਿਰੀਟਰਤ੍ਨਾਂਸ਼ੁਰਞ੍ਜਿਤਪਦਾਬ੍ਜਾਮ੍ ।
ਉਨ੍ਮਸ੍ਤਕਾਨੁਕਮ੍ਪਾ-
-ਮੁਤ੍ਤਰਲਾਪਾਙ੍ਗਪੋषਿਤਾਨਙ੍ਗਾਮ੍ ॥ 168 ॥
ਆਦਿਮਰਸਾਵਲਮ੍ਬਾ-
-ਮਨਿਦਂ ਪ੍ਰਥਮੋਕ੍ਤਿਵਲ੍ਲਰੀਕਲਿਕਾਮ੍ ।
ਆਬ੍ਰਹ੍ਮਕੀਟਜਨਨੀ-
-ਮਨ੍ਤਃ ਕਲਯਾਮਿ ਸੁਨ੍ਦਰੀਮਨਿਸ਼ਮ੍ ॥ 169 ॥
ਕਸ੍ਤੁ ਕ੍षਿਤੌ ਪਟੀਯਾ-
-ਨ੍ਵਸ੍ਤੁ ਸ੍ਤੋਤੁਂ ਸ਼ਿਵਾਙ੍ਕਵਾਸ੍ਤਵ੍ਯਮ੍ ।
ਅਸ੍ਤੁ ਚਿਰਨ੍ਤਨਸੁਕृਤੈਃ
ਪ੍ਰਸ੍ਤੁਤਕਾਮ੍ਯਾਯ ਤਨ੍ਮਮ ਪੁਰਸ੍ਤਾਤ੍ ॥ 170 ॥
ਪ੍ਰਭੁਸਮ੍ਮਿਤੋਕ੍ਤਿਗਮ੍ਯਂ
ਪਰਮਸ਼ਿਵੋਤ੍ਸਙ੍ਗਤੁਙ੍ਗਪਰ੍ਯਙ੍ਕਮ੍ ।
ਤੇਜਃ ਕਿਞ੍ਚਨ ਦਿਵ੍ਯਂ
ਪੁਰਤੋ ਮੇ ਭਵਤੁ ਪੁਣ੍ਡ੍ਰਕੋਦਣ੍ਡਮ੍ ॥ 171 ॥
ਮਧੁਰਿਮਭਰਿਤਸ਼ਰਾਸਂ
ਮਕਰਨ੍ਦਸ੍ਯਨ੍ਦਿਮਾਰ੍ਗਣੋਦਾਰਮ੍ ।
ਕੈਰਵਿਣੀਵਿਟਚੂਡਂ
ਕੈਵਲ੍ਯਾਯਾਸ੍ਤੁ ਕਿਞ੍ਚਨ ਮਹੋ ਨਃ ॥ 172 ॥
ਅਕ੍षੁਦ੍ਰਮਿਕ੍षੁਚਾਪਂ
ਪਰੋਕ੍षਮਵਲਗ੍ਨਸੀਮ੍ਨਿ ਤ੍ਰ੍ਯਕ੍षਮ੍ ।
ਕ੍षਪਯਤੁ ਮੇ ਕ੍षੇਮੇਤਰ-
-ਮੁਕ੍षਰਥਪ੍ਰੇਮਪਕ੍ष੍ਮਲਂ ਤੇਜਃ ॥ 173 ॥
ਭृਙ੍ਗਰੁਚਿਸਙ੍ਗਰਕਰਾਪਾਙ੍ਗਂ
ਸ਼ृਙ੍ਗਾਰਤੁਙ੍ਗਮਰੁਣਾਙ੍ਗਮ੍ ।
ਮਙ੍ਗਲਮਭਙ੍ਗੁਰਂ ਮੇ
ਘਟਯਤੁ ਗਙ੍ਗਾਧਰਾਙ੍ਗਸਙ੍ਗਿ ਮਹਃ ॥ 174 ॥
ਪ੍ਰਪਦਾਜਿਤਕੂਰ੍ਮਮੂਰ੍ਜਿਤ-
-ਕਰੁਣਂ ਭਰ੍ਮਰੁਚਿਨਿਰ੍ਮਥਨਦੇਹਮ੍ ।
ਸ਼੍ਰਿਤਵਰ੍ਮ ਮਰ੍ਮ ਸ਼ਮ੍ਭੋਃ
ਕਿਞ੍ਚਨ ਮਮ ਨਰ੍ਮ ਸ਼ਰ੍ਮ ਨਿਰ੍ਮਾਤੁ ॥ 175 ॥
ਕਾਲਕੁਰਲਾਲਿਕਾਲਿਮ-
-ਕਨ੍ਦਲਵਿਜਿਤਾਲਿ ਵਿਧृਤਮਣਿਵਾਲਿ ।
ਮਿਲਤੁ ਹृਦਿ ਪੁਲਿਨਜਘਨਂ
ਬਹੁਲਿਤਗਲਗਰਲਕੇਲਿ ਕਿਮਪਿ ਮਹਃ ॥ 176 ॥
ਕੁਙ੍ਕੁਮਤਿਲਕਿਤਫਾਲਾ
ਕੁਰੁਵਿਨ੍ਦਚ੍ਛਾਯਪਾਟਲਦੁਕੂਲਾ ।
ਕਰੁਣਾਪਯੋਧਿਵੇਲਾ
ਕਾਚਨ ਚਿਤ੍ਤੇ ਚਕਾਸ੍ਤੁ ਮੇ ਲੀਲਾ ॥ 177 ॥
ਪੁष੍ਪਨ੍ਧਯਰੁਚਿਵੇਣ੍ਯਃ
ਪੁਲਿਨਾਭੋਗਤ੍ਰਪਾਕਰਸ਼੍ਰੇਣ੍ਯਃ ।
ਜੀਯਾਸੁਰਿਕ੍षੁਪਾਣ੍ਯਃ
ਕਾਸ਼੍ਚਨ ਕਾਮਾਰਿਕੇਲਿਸਾਕ੍षਿਣ੍ਯਃ ॥ 178 ॥
ਤਪਨੀਯਾਂਸ਼ੁਕਭਾਂਸਿ
ਦ੍ਰਾਕ੍षਾਮਾਧੁਰ੍ਯਨਾਸ੍ਤਿਕਵਚਾਂਸਿ ।
ਕਤਿਚਨ ਸ਼ੁਚਂ ਮਹਾਂਸਿ
ਕ੍षਪਯਤੁ ਕਪਾਲਿਤੋषਿਤਮਨਾਂਸਿ ॥ 179 ॥
ਅਸਿਤਕਚਮਾਯਤਾਕ੍षਂ
ਕੁਸੁਮਸ਼ਰਂ ਕੂਲਮੁਦ੍ਵਹਕृਪਾਰ੍ਦ੍ਰਮ੍ ।
ਆਦਿਮਰਸਾਧਿਦੈਵਤ-
-ਮਨ੍ਤਃ ਕਲਯੇ ਹਰਾਙ੍ਕਵਾਸਿ ਮਹਃ ॥ 180 ॥
ਕਰ੍ਣੋਪਾਨ੍ਤਤਰਙ੍ਗਿਤ-
-ਕਟਾਕ੍षਵਿਸ੍ਪਨ੍ਦਿਕਣ੍ਠਦਘ੍ਨਕृਪਾਮ੍ ।
ਕਾਮੇਸ਼੍ਵਰਾਙ੍ਕਨਿਲਯਾਂ
ਕਾਮਪਿ ਵਿਦ੍ਯਾਂ ਪੁਰਾਤਨੀਂ ਕਲਯੇ ॥ 181 ॥
ਅਰਵਿਨ੍ਦਕਾਨ੍ਤ੍ਯਰੁਨ੍ਤੁਦ-
-ਵਿਲੋਚਨਦ੍ਵਨ੍ਦ੍ਵਸੁਨ੍ਦਰਮੁਖੇਨ੍ਦੁ ।
ਛਨ੍ਦਃ ਕਨ੍ਦਲਮਨ੍ਦਿਰ-
-ਮਨ੍ਤਃਪੁਰਮੈਨ੍ਦੁਸ਼ੇਖਰਂ ਵਨ੍ਦੇ ॥ 182 ॥
ਬਿਮ੍ਬਿਨਿਕੁਰਮ੍ਬਡਮ੍ਬਰ-
-ਵਿਡਮ੍ਬਕਚ੍ਛਾਯਮਮ੍ਬਰਵਲਗ੍ਨਮ੍ ।
ਕਮ੍ਬੁਗਲਮਮ੍ਬੁਦਕੁਚਂ
ਬਿਮ੍ਬੋਕਂ ਕਮਪਿ ਚੁਮ੍ਬਤੁ ਮਨੋ ਮੇ ॥ 183 ॥
ਕਮਪਿ ਕਮਨੀਯਰੂਪਂ
ਕਲਯਾਮ੍ਯਨ੍ਤਃ ਕਦਮ੍ਬਕੁਸੁਮਾਢ੍ਯਮ੍ ।
ਚਮ੍ਪਕਰੁਚਿਰਸੁਵੇषੈਃ
ਸਮ੍ਪਾਦਿਤਕਾਨ੍ਤ੍ਯਲਙ੍ਕृਤਦਿਗਨ੍ਤਮ੍ ॥ 184 ॥
ਸ਼ਮ੍ਪਾਰੁਚਿਭਰ-
-ਗਰ੍ਹਾਸਮ੍ਪਾਦਕਕਾਨ੍ਤਿਕਵਚਿਤਦਿਗਨ੍ਤਮ੍ ।
ਸਿਦ੍ਧਾਨ੍ਤਂ ਨਿਗਮਾਨਾਂ
ਸ਼ੁਦ੍ਧਾਨ੍ਤਂ ਕਿਮਪਿ ਸ਼ੂਲਿਨਃ ਕਲਯੇ ॥ 185 ॥
ਉਦ੍ਯਦ੍ਦਿਨਕਰਸ਼ੋਣਾ-
-ਨੁਤ੍ਪਲਬਨ੍ਧੁਸ੍ਤਨਨ੍ਧਯਾਪੀਡਾਨ੍ ।
ਕਰਕਲਿਤਪੁਣ੍ਡ੍ਰਚਾਪਾ-
-ਨ੍ਕਲਯੇ ਕਾਨਪਿ ਕਪਰ੍ਦਿਨਃ ਪ੍ਰਾਣਾਨ੍ ॥ 186 ॥
ਰਸ਼ਨਾਲਸਜ੍ਜਘਨਯਾ
ਰਸਨਾਜੀਵਾਤੁਚਾਪਭਾਸੁਰਯਾ ।
ਘ੍ਰਾਣਾਯੁष੍ਕਰਸ਼ਰਯਾ
ਘ੍ਰਾਤਂ ਚਿਤ੍ਤਂ ਕਯਾਪਿ ਵਾਸਨਯਾ ॥ 187 ॥
ਸਰਸਿਜਸਹਯੁਧ੍ਵਦृਸ਼ਾ
ਸ਼ਮ੍ਪਾਲਤਿਕਾਸਨਾਭਿਵਿਗ੍ਰਹਯਾ ।
ਭਾਸਾ ਕਯਾਪਿ ਚੇਤੋ
ਨਾਸਾਮਣਿਸ਼ੋਭਿਵਦਨਯਾ ਭਰਿਤਮ੍ ॥ 188 ॥
ਨਵਯਾਵਕਾਭਸਿਚਯਾਨ੍ਵਿਤਯਾ
ਗਜਯਾਨਯਾ ਦਯਾਪਰਯਾ ।
ਧृਤਯਾਮਿਨੀਸ਼ਕਲਯਾ
ਧਿਯਾ ਕਯਾਪਿ ਕ੍षਤਾਮਯਾ ਹਿ ਵਯਮ੍ ॥ 189 ॥
ਅਲਮਲਮਕੁਸੁਮਬਾਣੈ-
-ਰਬਿਮ੍ਬਸ਼ੋਣੈਰਪੁਣ੍ਡ੍ਰਕੋਦਣ੍ਡੈਃ ।
ਅਕੁਮੁਦਬਾਨ੍ਧਵਚੂਡੈ-
-ਰਨ੍ਯੈਰਿਹ ਜਗਤਿ ਦੈਵਤਂ ਮਨ੍ਯੈਃ ॥ 190 ॥
ਕੁਵਲਯਸਦृਕ੍षਨਯਨੈਃ
ਕੁਲਗਿਰਿਕੂਟਸ੍ਥਬਨ੍ਧੁਕੁਚਭਾਰੈਃ ।
ਕਰੁਣਾਸ੍ਪਨ੍ਦਿਕਟਾਕ੍षੈਃ
ਕਵਚਿਤਚਿਤ੍ਤੋऽਸ੍ਮਿ ਕਤਿਪਯੈਃ ਕੁਤੁਕੈਃ ॥ 191 ॥
ਨਤਜਨਸੁਲਭਾਯ ਨਮੋ
ਨਾਲੀਕਸਨਾਭਿਲੋਚਨਾਯ ਨਮਃ ।
ਨਨ੍ਦਿਤਗਿਰਿਸ਼ਾਯ ਨਮੋ
ਮਹਸੇ ਨਵਨੀਪਪਾਟਲਾਯ ਨਮਃ ॥ 192 ॥
ਕਾਦਮ੍ਬਕੁਸੁਮਦਾਮ੍ਨੇ
ਕਾਯਚ੍ਛਾਯਾਕਣਾਯਿਤਾਰ੍ਯਮ੍ਣੇ ।
ਸੀਮ੍ਨੇ ਚਿਰਨ੍ਤਨਗਿਰਾਂ
ਭੂਮ੍ਨੇ ਕਸ੍ਮੈਚਿਦਾਦਦੇ ਪ੍ਰਣਤਿਮ੍ ॥ 193 ॥
ਕੁਟਿਲਕਬਰੀਭਰੇਭ੍ਯਃ
ਕੁਙ੍ਕੁਮਸਬ੍ਰਹ੍ਮਚਾਰਿਕਿਰਣੇਭ੍ਯਃ ।
ਕੂਲਙ੍ਕषਸ੍ਤਨੇਭ੍ਯਃ
ਕੁਰ੍ਮਃ ਪ੍ਰਣਤਿਂ ਕੁਲਾਦ੍ਰਿਕੁਤੁਕੇਭ੍ਯਃ ॥ 194 ॥
ਕੋਕਨਦਸ਼ੋਣਚਰਣਾ-
-ਤ੍ਕੋਮਲਕੁਰਲਾਲਿਵਿਜਿਤਸ਼ੈਵਾਲਾਤ੍ ।
ਉਤ੍ਪਲਸਗਨ੍ਧਿਨਯਨਾ-
-ਦੁਰਰੀਕੁਰ੍ਮੋ ਨ ਦੇਵਤਮਾਨ੍ਯਾਮ੍ ॥ 195 ॥
ਆਪਾਟਲਾਧਰਾਣਾ-
-ਮਾਨੀਲਸ੍ਨਿਗ੍ਧਬਰ੍ਬਰਕਚਾਨਾਮ੍ ।
ਆਮ੍ਨਾਯਜੀਵਨਾਨਾ-
-ਮਾਕੂਤਾਨਾਂ ਹਰਸ੍ਯ ਦਾਸੋऽਹਮ੍ ॥ 196 ॥
ਪੁਙ੍ਖਿਤਵਿਲਾਸਹਾਸ-
-ਸ੍ਫੁਰਿਤਾਸੁ ਪੁਰਾਹਿਤਾਙ੍ਕਨਿਲਯਾਸੁ ।
ਮਗ੍ਨਂ ਮਨੋ ਮਦੀਯਂ
ਕਾਸ੍ਵਪਿ ਕਾਮਾਰਿਜੀਵਨਾਡੀषੁ ॥ 197 ॥
ਲਲਿਤਾ ਪਾਤੁ ਸ਼ਿਰੋ ਮੇ
ਲਲਾਟਮਮ੍ਬਾ ਚ ਮਧੁਮਤੀਰੂਪਾ ।
ਭ੍ਰੂਯੁਗ੍ਮਂ ਚ ਭਵਾਨੀ
ਪੁष੍ਪਸ਼ਰਾ ਪਾਤੁ ਲੋਚਨਦ੍ਵਨ੍ਦ੍ਵਮ੍ ॥ 198 ॥
ਪਾਯਾਨ੍ਨਾਸਾਂ ਬਾਲਾ
ਸੁਭਗਾ ਦਨ੍ਤਾਂਸ਼੍ਚ ਸੁਨ੍ਦਰੀ ਜਿਹ੍ਵਾਮ੍ ।
ਅਧਰੋष੍ਠਮਾਦਿਸ਼ਕ੍ਤਿ-
-ਸ਼੍ਚਕ੍ਰੇਸ਼ੀ ਪਾਤੁ ਮੇ ਚਿਰਂ ਚਿਬੁਕਮ੍ ॥ 199 ॥
ਕਾਮੇਸ਼੍ਵਰੀ ਚ ਕਰ੍ਣੌ
ਕਾਮਾਕ੍षੀ ਪਾਤੁ ਗਣ੍ਡਯੋਰ੍ਯੁਗਲਮ੍ ।
ਸ਼ृਙ੍ਗਾਰਨਾਯਿਕਾਵ੍ਯਾ-
-ਦ੍ਵਦਨਂ ਸਿਂਹਾਸਨੇਸ਼੍ਵਰੀ ਚ ਗਲਮ੍ ॥ 200 ॥
ਸ੍ਕਨ੍ਦਪ੍ਰਸੂਸ਼੍ਚ ਪਾਤੁ
ਸ੍ਕਨ੍ਧੌ ਬਾਹੂ ਚ ਪਾਟਲਾਙ੍ਗੀ ਮੇ ।
ਪਾਣੀ ਚ ਪਦ੍ਮਨਿਲਯਾ
ਪਾਯਾਦਨਿਸ਼ਂ ਨਖਾਵਲੀਰ੍ਵਿਜਯਾ ॥ 201 ॥
ਕੋਦਣ੍ਡਿਨੀ ਚ ਵਕ੍षਃ
ਕੁਕ੍षਿਂ ਚਾਵ੍ਯਾਤ੍ ਕੁਲਾਚਲਤਨੂਜਾ ।
ਕਲ੍ਯਾਣੀ ਚ ਵਲਗ੍ਨਂ
ਕਟਿਂ ਚ ਪਾਯਾਤ੍ਕਲਾਧਰਸ਼ਿਖਣ੍ਡਾ ॥ 202 ॥
ਊਰੁਦ੍ਵਯਂ ਚ ਪਾਯਾ-
-ਦੁਮਾ ਮृਡਾਨੀ ਚ ਜਾਨੁਨੀ ਰਕ੍षੇਤ੍ ।
ਜਙ੍ਘੇ ਚ षੋਡਸ਼ੀ ਮੇ
ਪਾਯਾਤ੍ ਪਾਦੌ ਚ ਪਾਸ਼ਸृਣਿਹਸ੍ਤਾ ॥ 203 ॥
ਪ੍ਰਾਤਃ ਪਾਤੁ ਪਰਾ ਮਾਂ
ਮਧ੍ਯਾਹ੍ਨੇ ਪਾਤੁ ਮਣਿਗृਹਾਧੀਸ਼ਾ ।
ਸ਼ਰ੍ਵਾਣ੍ਯਵਤੁ ਚ ਸਾਯਂ
ਪਾਯਾਦ੍ਰਾਤ੍ਰੌ ਚ ਭੈਰਵੀ ਸਾਕ੍षਾਤ੍ ॥ 204 ॥
ਭਾਰ੍ਯਾਂ ਰਕ੍षਤੁ ਗੌਰੀਂ
ਪਾਯਾਤ੍ ਪੁਤ੍ਰਾਂਸ਼੍ਚ ਬਿਨ੍ਦੁਗृਹਪੀਠਾ ।
ਸ਼੍ਰੀਵਿਦ੍ਯਾ ਚ ਯਸ਼ੋ ਮੇ
ਸ਼ੀਲਂ ਚਾਵ੍ਯਾਚ੍ਚਿਰਂ ਮਹਾਰਾਜ੍ਞੀ ॥ 205 ॥
ਪਵਨਮਯਿ ਪਾਵਕਮਯਿ
ਕ੍षੋਣੀਮਯਿ ਗਗਨਮਯਿ ਕृਪੀਟਮਯਿ ।
ਰਵਿਮਯਿ ਸ਼ਸ਼ਿਮਯਿ ਦਿਙ੍ਮਯਿ
ਸਮਯਮਯਿ ਪ੍ਰਾਣਮਯਿ ਸ਼ਿਵੇ ਪਾਹਿ ॥ 206 ॥
ਕਾਲਿ ਕਪਾਲਿਨਿ ਸ਼ੂਲਿਨਿ
ਭੈਰਵਿ ਮਾਤਙ੍ਗਿ ਪਞ੍ਚਮਿ ਤ੍ਰਿਪੁਰੇ ।
ਵਾਗ੍ਦੇਵਿ ਵਿਨ੍ਧ੍ਯਵਾਸਿਨਿ
ਬਾਲੇ ਭੁਵਨੇਸ਼ਿ ਪਾਲਯ ਚਿਰਂ ਮਾਮ੍ ॥ 207 ॥
ਅਭਿਨਵਸਿਨ੍ਦੂਰਾਭਾ-
-ਮਮ੍ਬ ਤ੍ਵਾਂ ਚਿਨ੍ਤਯਨ੍ਤਿ ਯੇ ਹृਦਯੇ ।
ਉਪਰਿ ਨਿਪਤਨ੍ਤਿ ਤੇषਾ-
-ਮੁਤ੍ਪਲਨਯਨਾਕਟਾਕ੍षਕਲ੍ਲੋਲਾਃ ॥ 208 ॥
ਵਰ੍ਗਾष੍ਟਕਮਿਲਿਤਾਭਿ-
-ਰ੍ਵਸ਼ਿਨੀਮੁਖ੍ਯਾਭਿਰਾਵृਤਾਂ ਭਵਤੀਮ੍ ।
ਚਿਨ੍ਤਯਤਾਂ ਸਿਤਵਰ੍ਣਾਂ
ਵਾਚੋ ਨਿਰ੍ਯਾਨ੍ਤ੍ਯਯਤ੍ਨਤੋ ਵਦਨਾਤ੍ ॥ 209 ॥
ਕਨਕਸ਼ਲਾਕਾਗੌਰੀਂ
ਕਰ੍ਣਵ੍ਯਾਲੋਲਕੁਣ੍ਡਲਦ੍ਵਿਤਯਾਮ੍ ।
ਪ੍ਰਹਸਿਤਮੁਖੀਂ ਚ ਭਵਤੀਂ
ਧ੍ਯਾਯਨ੍ਤੋ ਯੇ ਤ ਏਵ ਭੂਧਨਦਾਃ ॥ 210 ॥
ਸ਼ੀਰ੍षਾਮ੍ਭੋਰੁਹਮਧ੍ਯੇ
ਸ਼ੀਤਲਪੀਯੂषਵਰ੍षਿਣੀਂ ਭਵਤੀਮ੍ ।
ਅਨੁਦਿਨਮਨੁਚਿਨ੍ਤਯਤਾ-
-ਮਾਯੁष੍ਯਂ ਭਵਤਿ ਪੁष੍ਕਲਮਵਨ੍ਯਾਮ੍ ॥ 211 ॥
ਮਧੁਰਸ੍ਮਿਤਾਂ ਮਦਾਰੁਣਨਯਨਾਂ
ਮਾਤਙ੍ਗਕੁਮ੍ਭਵਕ੍षੋਜਾਮ੍ ।
ਚਨ੍ਦ੍ਰਵਤਂਸਿਨੀਂ ਤ੍ਵਾਂ
ਸਵਿਧੇ ਪਸ਼੍ਯਨ੍ਤਿ ਸੁਕृਤਿਨਃ ਕੇਚਿਤ੍ ॥ 212 ॥
ਲਲਿਤਾਯਾਃ ਸ੍ਤਵਰਤ੍ਨਂ
ਲਲਿਤਪਦਾਭਿਃ ਪ੍ਰਣੀਤਮਾਰ੍ਯਾਭਿਃ ।
ਪ੍ਰਤਿਦਿਨਮਵਨੌ ਪਠਤਾਂ
ਫਲਾਨਿ ਵਕ੍ਤੁਂ ਪ੍ਰਗਲ੍ਭਤੇ ਸੈਵ ॥ 213 ॥
ਸਦਸਦਨੁਗ੍ਰਹਨਿਗ੍ਰਹ-
-ਗृਹੀਤਮੁਨਿਵਿਗ੍ਰਹੋ ਭਗਵਾਨ੍ ।
ਸਰ੍ਵਾਸਾਮੁਪਨਿषਦਾਂ
ਦੁਰ੍ਵਾਸਾ ਜਯਤਿ ਦੇਸ਼ਿਕਃ ਪ੍ਰਥਮਃ ॥ 214 ॥
ਇਤਿ ਮਹਰ੍षਿਦੁਰ੍ਵਾਸਃ ਵਿਰਚਿਤਂ ਸ਼੍ਰੀਲਲਿਤਾਸ੍ਤਵਰਤ੍ਨਮ੍ ।
Roman (IAST) Transliteration
vande gajendravadanaṃ
vāmāṅkārūḍhavallabhāśliṣṭam |
kuṅkumaparāgaśoṇaṃ
kuvalayinījārakorakāpīḍam || 1 ||
sa jayati suvarṇaśailaḥ
sakalajagaccakrasaṅghaṭitamūrtiḥ |
kāñcananikuñjavāṭī-
-kandaladamarīprapañcasaṅgītaḥ || 2 ||
harihayanairṛtamāruta-
-haritāmanteṣvavasthitaṃ tasya |
vinumaḥ sānutritayaṃ
vidhiharigaurīśaviṣṭapādhāram || 3 ||
madhye punarmanohara-
-ratnarucistabakarañjitadigantam |
upari catuḥśatayojana-
-muttuṅgaṃ śṛṅgapuṅgavamupāse || 4 ||
tatra catuḥśatayojana-
-pariṇāhaṃ devaśilpinā racitam |
nānāsālamanojñaṃ
namāmyahaṃ nagaramādividyāyāḥ || 5 ||
prathamaṃ sahasrapūrvaka-
-ṣaṭśatasaṅkhyākayojanaṃ paritaḥ |
valayīkṛtasvagātraṃ
varaṇaṃ śaraṇaṃ vrajāmyayorūpam || 6 ||
tasyottare samīraṇa-
-yojanadūre taraṅgitacchāyaḥ |
ghaṭayatu mudaṃ dvitīyo
ghaṇṭāstanasāranirmitaḥ sālaḥ || 7 ||
ubhayorantarasīma-
-nyuddāmabhramararañjitodāram |
upavanamupāsmahe vaya-
-mūrīkṛtamandamārutasyandam || 8 ||
āliṅgya bhadrakālī-
-māsīnastatra hariśilāśyāmām |
manasi mahākālo me
viharatu madhupānavibhramannetraḥ || 9 ||
tārtīyīko varaṇa-
-stasyottarasīmni vātayojanataḥ |
tāmreṇa racitamūrti-
-stanutāmācandratārakaṃ bhadram || 10 ||
madhye tayośca maṇimaya-
-pallavaśākhāprasūnapakṣmalitām |
kalpānokahavāṭīṃ
kalaye makarandapaṅkilāvālām || 11 ||
tatra madhumādhavaśrī-
-taruṇībhyāṃ taraladṛkcakorābhyām |
āliṅgito'vatānmā-
-maniśaṃ prathamarturāttapuṣpāstraḥ || 12 ||
namata taduttarabhāge
nākipathollaṅghiśṛṅgasaṅghātam |
sīsākṛtiṃ turīyaṃ
sitakiraṇālokanirmalaṃ sālam || 13 ||
sāladvayāntarāle
saralālikapotacāṭusubhagāyām |
santānavāṭikāyāṃ
saktaṃ ceto'stu satatamasmākam || 14 ||
tatra tapanātirūkṣaḥ
sāmrājñīcaraṇasāndritasvāntaḥ |
śukraśuciśrīsahito
grīṣmarturdiśatu kīrtimākalpam || 15 ||
uttarasīmani tasyo-
-nnataśikharotkampihāṭakapatākaḥ |
prakaṭayatu pañcamo naḥ
prākāraḥ kuśalamārakūṭamayaḥ || 16 ||
prākārayośca madhye
pallavitānyabhṛtapañcamonmeṣā |
haricandanadruvāṭī-
-haratādāmūlamasmadanutāpam || 17 ||
tatra nabhaḥ śrīmukhyai-
-staruṇīvargaiḥ samanvitaḥ paritaḥ |
vajrāṭṭahāsamukharo
vāñchāpūrtiṃ tanotu varṣartuḥ || 18 ||
mārutayojanadūre
mahanīyastasya cottare bhāge |
bhadraṃ kṛṣīṣṭa ṣaṣṭhaḥ
prākāraḥ pañcalohadhātumayaḥ || 19 ||
anayormadhye santata-
-maṅkūraddivyakusumagandhāyām |
mandāravāṭikāyāṃ
mānasamaṅgīkarotu me vihṛtim || 20 ||
tasyāmiṣorjalakṣmī-
-taruṇībhyāṃ śaradṛtuḥ sadā sahitaḥ |
abhyarcayan sa jīyā-
-dambāmāmodameduraiḥ kusumaiḥ || 21 ||
tasyarṣisaṅkhyayojana-
-dūre dedīpyamānaśṛṅgaughaḥ |
kaladhautakalitamūrtiḥ
kalyāṇaṃ diśatu saptamaḥ sālaḥ || 22 ||
madhye tayormarutpatha
laṅghitaviṭapāgravirutakalakaṇṭhā |
śrīpārijātavāṭī
śriyamaniśaṃ diśatu śītaloddeśā || 23 ||
tasyāmatipriyābhyāṃ
saha khelan sahasahasyalakṣmībhyām |
sāmanto jhaṣaketo-
-rhemanto bhavatu hemavṛddhyai naḥ || 24 ||
uttaratastasya mahā-
-nudbhaṭahutabhukśikhāruṇamayūkhaḥ |
tapanīyakhaṇḍaracita-
-stanutādāyuṣyamaṣṭamo varaṇaḥ || 25 ||
kādambavipinavāṭī-
-manayormadhyabhuvi kalpitāvāsām |
kalayāmi sūnakoraka-
-kandalitāmodatundilasamīrām || 26 ||
tasyāmatiśiśirākṛti-
-rāsīnastapatapasyalakṣmībhyām |
śivamaniśaṃ kurutānme
śiśirartuḥ satataśītaladigantaḥ || 27 ||
tasyāṃ kadambavāṭyāṃ
tatprasavāmodamilitamadhugandham |
saptāvaraṇamanojñaṃ
śaraṇaṃ samupaimi mantriṇīśaraṇam || 28 ||
tatrālaye viśāle
tapanīyāracitataralasopāne |
māṇikyamaṇḍapānta-
-rmahite siṃhāsane sumaṇikhacite || 29 ||
bindutripañcakoṇa-
-dvipanṛpavasuvedadalakurekhāḍhye |
cakre sadā niviṣṭāṃ
ṣaṣṭhyaṣṭatriṃśadakṣareśānīm || 30 ||
tāpiñchamecakābhāṃ
tālīdalaghaṭitakarṇatāṭaṅkām |
tāmbūlapūritamukhīṃ
tāmrādharabimbadṛṣṭadarahāsām || 31 ||
kuṅkumapaṅkiladehāṃ
kuvalayajīvātuśāvakavataṃsām |
kokanadaśoṇacaraṇāṃ
kokilanikvāṇakomalālāpām || 32 ||
vāmāṅgagalitacūlīṃ
vanamālyakadambamālikābharaṇām |
muktālalantikāñcita
mugdhālikamilitacitrakodārām || 33 ||
karavidhṛtakīraśāvaka-
-kalaninadavyaktanikhilanigamārthām |
vāmakucasaṅgivīṇāvādana-
-saukhyārdhamīlitākṣiyugām || 34 ||
āpāṭalāṃśukadharā-
-mādirasonmeṣavāsitakaṭākṣām |
āmnāyasāragulikā-
-mādyāṃ saṅgītamātṛkāṃ vande || 35 ||
tasya ca suvarṇasāla-
-syottaratastaruṇakuṅkumacchāyaḥ |
śamayatu mama santāpaṃ
sālo navamaḥ sa puṣparāgamayaḥ || 36 ||
anayorantaravasudhāḥ
praṇumaḥ pratyagrapuṣparāgamayīḥ |
siṃhāsaneśvarīmanu-
-cintananistandrasiddhanīrandhrāḥ || 37 ||
tatsālottaradeśe
taruṇajapākiraṇadhoraṇīśoṇaḥ |
praśamayatu padmarāga-
-prākāro mama parābhavaṃ daśamaḥ || 38 ||
antarabhūkṛtavāsā-
-nanayorapanītacittavaimatyān |
cakreśīpadabhaktāṃ-
-ścāraṇavargānaharniśaṃ kalaye || 39 ||
sāraṅgavāhayojanadūre-
-'saṅghaṭitaketanastasya |
gomedakena racito
gopāyatu māṃ samunnataḥ sālaḥ || 40 ||
vapradvayāntarorvyāṃ
vaṭukairvividhaiśca yoginībṛndaiḥ |
satataṃ samarcitāyāḥ
saṅkarṣaṇyāḥ praṇaumi caraṇābjam || 41 ||
tāpasayojanadūre
tasya samuttuṅga gopuropetaḥ |
vāñchāpūrtyai bhavatā-
-dvajramaṇīnikaranirmito vapraḥ || 42 ||
varaṇadvitayāntarato
vāsajuṣo vihitamadhurasāsvādāḥ |
rambhādivibudhaveśyā
racayantu mahāntamasmadānandam || 43 ||
tatra sadā pravahantī
taṭinī vajrābhidhā ciraṃ jīyāt |
caṭulormijālanṛtya-
-tkalahaṃsīkulakalakvaṇitapuṣṭā || 44 ||
rodhasi tasyā rucire
vajreśī jayati vajrabhūṣāḍhyā |
vajrapradānatoṣita-
-vajrimukhatridaśavinutacāritrā || 45 ||
tasyodīcyāṃ hariti
stavakitasuṣamāvalīḍhaviyadantaḥ |
vaiḍūryaratnaracito
vaimalyaṃ diśatu cetaso varaṇaḥ || 46 ||
adhimadhyametayoḥ puna-
-rambācaraṇāvalambitasvāntān |
kārkoṭakādināgān
kalayāmaḥ kiṃ ca balimukhān danujān || 47 ||
gandhavahasaṅkhyayojana-
-dūre gaganordhvajāṅghikastasya |
vāsavamaṇipraṇīto
varaṇo bahalayatu vaiduṣīṃ viśadām || 48 ||
madhyakṣoṇyāmanayo-
-rmahendranīlātmakāni ca sarāṃsi |
śātodarīsahāyā-
-nbhūpālānapi punaḥ punaḥ praṇumaḥ || 49 ||
āśugayojanadūre
tasyordhvaṃ kāntidhavalitadigantaḥ |
muktāviracitagātro
muhurasmākaṃ mude bhavatu sālaḥ || 50 ||
āvṛttyoradhimadhyaṃ
pūrvasyāṃ diśi purandaraḥ śrīmān |
abhramuviṭādhirūḍho
vibhramamasmākamaniśamātanutāt || 51 ||
tatkoṇe vyajanasru-
-ktomarapātrasruvānnaśaktidharaḥ |
svāhāsvadhāsametaḥ
sukhayatu māṃ havyavāhanaḥ suciram || 52 ||
dakṣiṇadigantarāle
daṇḍadharo nīlanīradacchāyaḥ |
tripurāpadābjabhaktastirayatu
mama nikhilamaṃhasāṃ nikaram || 53 ||
tasyaiva paścimāyāṃ
diśi dalitendīvaraprabhāśyāmaḥ |
kheṭāsiyaṣṭidhārī
khedānapanayatu yātudhāno me || 54 ||
tasyā uttaradeśe
dhavalāṅgo vipulajhaṣavarārūḍhaḥ |
pāśāyudhāttapāṇiḥ
pāśī vidalayatu pāśajālāni || 55 ||
vande taduttarahari-
-tkoṇe vāyuṃ camūruvaravāham |
korakitatattvabodhā-
-ngorakṣapramukhayogino'pi muhuḥ || 56 ||
taruṇīriḍāpradhānā-
-stisro vātasya tasya kṛtavāsāḥ |
pratyagrakāpiśāyana-
-pānaparibhrāntalocanāḥ kalaye || 57 ||
tallokapūrvabhāge
dhanadaṃ dhyāyāmi śevadhikuleśam |
api māṇibhadramukhyā-
-nambācaraṇāvalambino yakṣān || 58 ||
tasyaiva pūrvasīmani
tapanīyāracitagopure nagare |
kātyāyanīsahāyaṃ
kalaye śītāṃśukhaṇḍacūḍālam || 59 ||
tatpuraṣoḍaśavaraṇa-
-sthalabhājastaruṇacandracūḍālān |
rudrādhyāye paṭhitā-
-nrudrāṇīsahacarānbhaje rudrān || 60 ||
pavamānasaṅkhyayojana-
-dūre bālatṛṇmecakastasya |
sālo marakataracitaḥ
sampadamacalāṃ śriyaṃ ca puṣṇātu || 61 ||
āvṛtiyugmāntarato
haritamaṇīnivahamecake deśe |
hāṭakatālīvipinaṃ
hālāghaṭaghaṭitaviṭapamākalaye || 62 ||
tatraiva mantriṇīgṛha-
-pariṇāhaṃ taralaketanaṃ sadanam |
marakatasaudhamanojñaṃ
dadyādāyūṃṣi daṇḍanāthāyāḥ || 63 ||
sadane tatra harinmaṇi-
-saṅghaṭite maṇḍape śatastambhe |
kārtasvaramayapīṭhe
kanakamayāmburuhakarṇikāmadhye || 64 ||
bindutrikoṇavartula-
-ṣaḍasravṛttadvayānvite cakre |
sañcāriṇī daśottara-
śatārṇamanurājakamalakalahaṃsī || 65 ||
kolavadanā kuśeśaya-
-nayanā kokārimaṇḍitaśikhaṇḍā |
santaptakāñcanābhā
sandhyāruṇacelasaṃvṛtanitambā || 66 ||
halamusalaśaṅkhacakrā-
-'ṅkuśapāśābhayavarasphuritahastā |
kūlaṅkaṣānukampā
kuṅkumajambālitastanābhogā || 67 ||
dhūrtānāmatidūrā-
-vārtāśeṣāvalagnakamanīyā |
ārtālīśubhadātrī
vārtālī bhavatu vāñchitārthāya || 68 ||
tasyāḥ parito devīḥ
svapneśyunmattabhairavīmukhyāḥ |
praṇamata jambhinyādyāḥ
bhairavavargāṃśca hetukapramukhān || 69 ||
pūrvoktasaṅkhyayojana-
-dūre pūyāṃśupāṭalastasya |
vidrāvayatu madārtiṃ
vidrumasālo viśaṅkaṭadvāraḥ || 70 ||
āvaraṇayoraharniśa-
-mantarabhūmauprakāśaśālinyām |
āsīnamambujāsana-
-mabhinavasindūragauramahamīḍe || 71 ||
varaṇasya tasya māruta-
-yojanato vipulagopuradvāraḥ |
sālo nānāratnaiḥ
saṅghaṭitāṅgaḥ kṛṣīṣṭa madabhīṣṭam || 72 ||
antarakakṣyāmanayo-
-raviralaśobhāpicaṇḍiloddeśām |
māṇikyamaṇḍapākhyāṃ
mahatīmadhihṛdayamaniśamākalaye || 73 ||
tatra sthitaṃ prasannaṃ
taruṇatamālapravālakiraṇābham |
karṇāvalambikuṇḍala-
-kandalitābhīśukavacitakapolam || 74 ||
śoṇādharaṃ śucismita-
-meṇāṅkavadanamedhamānakṛpam |
mugdhaiṇamadaviśeṣaka-
-mudritaniṭilendurekhikāruciram || 75 ||
nālīkadalasahodara-
-nayanāñcalaghaṭitamanasijākūtam |
kamalākaṭhinapayodhara-
-kastūrīghusṛṇapaṅkiloraskam || 76 ||
cāmpeyagandhikaiśyaṃ
śampāsabrahmacārikauśeyam |
śrīvatsakaustubhadharaṃ
śritajanarakṣādhurīṇacaraṇābjam || 77 ||
kambusudarśanavilasa-
-tkarapadmaṃ kaṇṭhalolavanamālam |
mucukundamokṣaphaladaṃ
mukundamānandakandamavalambe || 78 ||
tadvaraṇottarabhāge
tārāpatibimbacumbinijaśṛṅgaḥ |
vividhamaṇīgaṇaghaṭito
vitaratu sālo vinirmalāṃ dhiṣaṇām || 79 ||
prākāradvitayāntara-
-kakṣyāṃ pṛthuratnanikarasaṅkīrṇām |
namata sahasrastambhaka-
-maṇḍapanāmnātiviśrutāṃ bhuvane || 80 ||
praṇumastatra bhavānī-
-sahacaramīśānamindukhaṇḍadharam |
śṛṅgāranāyikāmanu-
-śīlanabhājo'pi bhṛṅginandimukhān || 81 ||
tasyaiṇavāhayojana-
-dūre vande manomayaṃ vapram |
aṅkūranmaṇikiraṇā-
-mantarakakṣyāṃ ca nirmalāmanayoḥ || 82 ||
tatraivāmṛtavāpīṃ
taralataraṅgāvalīḍhataṭayugmām |
muktāmayakalahaṃsī-
-mudritakanakāravindasandohām || 83 ||
śakropalamayabhṛṅgī-
-saṅgītonmeṣaghoṣitadigantām |
kāñcanamayāṅgavilasa-
-tkāraṇḍavaṣaṇḍatāṇḍavamanojñām || 84 ||
kuruvindātmakahallaka-
-korakasuṣamāsamūhapāṭalitām |
kalaye sudhāsvarūpāṃ
kandalitāmandakairavāmodām || 85 ||
tadvāpikāntarāle tarale
maṇipotasīmni viharantīm |
sindūrapāṭalāṅgīṃ
sitakiraṇāṅkūrakalpitavataṃsām || 86 ||
parvendubimbavadanāṃ
pallavaśoṇādharasphuritahāsām |
kuṭilakabarīṃ kuraṅgī-
-śiśunayanāṃ kuṇḍalasphuritagaṇḍām || 87 ||
nikaṭasthapotanilayāḥ
śaktīḥ śayavidhṛtahemaśṛṅgajalaiḥ |
pariṣiñcantīṃ parita-
-stārāṃ tāruṇyagarvitāṃ vande || 88 ||
prāguktasaṅkhyayojanadūre
praṇamāmi buddhimayasālam |
anayorantarakakṣyā-
-maṣṭāpadapuṣṭamedinīṃ rucirām || 89 ||
kādambarīnidhānāṃ
kalayāmyānandavāpikāṃ tasyām |
śoṇāśmanivahanirmita-
-sopānaśreṇiśobhamānataṭīm || 90 ||
māṇikyataraṇinilayāṃ
madhye tasyā madāruṇakapolām |
amṛteśītyabhidhānā-
-mantaḥ kalayāmi vāruṇīṃ devīm || 91 ||
sauvarṇakenipātana-
-hastāḥ saundaryagarvitā devyaḥ |
tatpurataḥ sthitibhājo
vitarantvasmākamāyuṣo vṛddhim || 92 ||
tasya pṛṣadaśvayojana-
-dūre'haṅkārasālamatituṅgam |
vande tayośca madhye
kakṣyāṃ valamānamalayapavamānām || 93 ||
vinumo vimarśavāpīṃ
sauṣumnasudhāsvarūpiṇīṃ tatra |
velātilaṅghyavīcī-
-kolāhalabharitakūlavanavāṭīm || 94 ||
tatraiva salilamadhye
tāpiñchadalaprapañcasuṣamābhām |
śyāmalakañcukalasitāṃ
śyāmāviṭabimbaḍambaraharāsyām || 95 ||
ābhugnamasṛṇacillī-
-hasitāyugmaśarakārmukavilāsām |
mandasmitāñcitamukhīṃ
maṇimayatāṭaṅkamaṇḍitakapolām || 96 ||
kuruvindataraṇinilayāṃ
kulācalaspardhikucanamanmadhyām |
kuṅkumaviliptagātrīṃ
kurukullāṃ manasi kurmahe satatam || 97 ||
tatsālottarabhāge
bhānumayaṃ vapramāśraye dīptam |
madhyaṃ ca vipulamanayo-
-rmanye viśrāntamātapodgāram || 98 ||
tatra kuruvindapīṭhe
tāmarase kanakakarṇikāghaṭite |
āsīnamaruṇavāsasa-
-mamlānaprasavamālikābharaṇam || 99 ||
cakṣuṣmatīprakāśana-
-śakticchāyāsamāracitakelim |
māṇikyamukuṭaramyaṃ
manye mārtāṇḍabhairavaṃ hṛdaye || 100 ||
indumayasālamīḍe
tasyottaratastuṣāragirigauram |
atyantaśiśiramāruta-
-manayormadhyaṃ ca candrikodgāram || 101 ||
tatra prakāśamānaṃ
tārānikaraiḥ pariṣkṛtoddeśam |
amṛtamayakāntikandala-
-mantaḥ kalayāmi kundasitamindum || 102 ||
śṛṅgārasālamīḍe
śṛṅgollasitaṃ taduttare bhāge |
madhyasthale tayorapi
mahitāṃ śṛṅgārapūrvikāṃ parikhām || 103 ||
tatra maṇinausthitābhi-
-stapanīyāviracitāgrahastābhiḥ |
śṛṅgāradevatābhiḥ
sahitaṃ parikhādhipaṃ bhaje madanam || 104 ||
śṛṅgāravaraṇavaryasyottarataḥ
sakalavibudhasaṃsevyam |
cintāmaṇigaṇaracitaṃ
cintāṃ dūrīkarotu me sadanam || 105 ||
maṇisadanasālayoradhi-
-madhyaṃ daśatālabhūmiruhadīrghaiḥ |
parṇaiḥ suvarṇavarṇai-
-ryuktāṃ kāṇḍaiśca yojanottuṅgaiḥ || 106 ||
mṛdulaistālīpañcaka-
-mānairmilitāṃ ca kesarakadambaiḥ |
santatagalitamaranda-
-srotoniryanmilindasandohām || 107 ||
pāṭīrapavanabālaka-
-dhāṭīniryatparāgapiñjaritām |
kalahaṃsīkulakalakala-
-kūlaṅkaṣaninadanicayakamanīyām || 108 ||
padmāṭavīṃ bhajāmaḥ
parimalakallolapakṣmalopāntām |
[ devyarghyapātradhārī
tasyāḥ pūrvadiśi daśakalāyuktaḥ | ]
valayitamūrtirbhagavā-
-nvahniḥ krośonnataściraṃ pāyāt || 109 ||
tatrādhāre devyāḥ
pātrīrūpaḥ prabhākaraḥ śrīmān |
dvādaśakalāsameto
dhvāntaṃ mama bahulamāntaraṃ bhindyāt || 110 ||
tasmin dineśapātre
taraṅgitāmodamamṛtamayamarghyam |
candrakalātmakamamṛtaṃ
sāndrīkuryādamandamānandam || 111 ||
amṛte tasminnabhito
viharantyo vividhamaṇitaraṇibhājaḥ |
ṣoḍaśa kalāḥ sudhāṃśoḥ
śokāduttārayantu māmaniśam || 112 ||
tatraiva vihṛtibhājo
dhātṛmukhānāṃ ca kāraṇeśānām |
sṛṣṭyādirūpikāstāḥ
śamayantvakhilāḥ kalāśca santāpam || 113 ||
kīnāśavaruṇakinnara-
-rājadiganteṣu ratnagehasya |
kalayāmi tānyajasraṃ
kalayantvāyuṣyamarghyapātrāṇi || 114 ||
pātrasthalasya purataḥ
padmāramaṇavidhipārvatīśānām |
bhavanāni śarmaṇe no
bhavantu bhāsā pradīpitajaganti || 115 ||
sadanasyānalakoṇe
satataṃ praṇamāmi kuṇḍamāgneyam |
tatra sthitaṃ ca vahniṃ
taralaśikhājaṭilamambikājanakam || 116 ||
tasyāsuradiśi tādṛśa-
-ratnaparisphuritaparvanavakāḍhyam |
cakrātmakaṃ śatāṅgaṃ
śatayojanamunnataṃ bhaje divyam || 117 ||
tatraiva diśi niṣaṇṇaṃ
tapanīyadhvajaparamparāśliṣṭam |
rathamaparaṃ ca bhavānyā
racayāmo manasi ratnamayacūḍam || 118 ||
bhavanasya vāyubhāge
pariṣkṛto vividhavaijayantībhiḥ |
racayatu mudaṃ rathendraḥ
saciveśānyāḥ samastavandyāyāḥ || 119 ||
kurmo'dhihṛdayamaniśaṃ
kroḍāsyāyāḥ śatāṅgamūrdhanyam |
rudradiśi ratnadhāmno
ruciraśalākāprapañcakañcukitam || 120 ||
parito devīdhāmnaḥ
praṇītavāsā manusvarūpiṇyaḥ |
kurvantu raśmimālā-
-kṛtayaḥ kuśalāni devatā nikhilāḥ || 121 ||
prāgdvārasya bhavānī-
-dhāmnaḥ pārśvadvayāracitavāse |
mātaṅgīkiṭimukhyau
maṇisadane manasi bhāvayāmi ciram || 122 ||
yojanayugalābhogā
tatkrośapariṇāhayaiva bhittyā ca |
cintāmaṇigṛhabhūmi-
-rjīyādāmnāyamayacaturdvārā || 123 ||
dvāre dvāre dhāmnaḥ
piṇḍībhūtā navīnabimbābhāḥ |
vidadhatu vipulāṃ kīrtiṃ
divyā lauhityasiddhyo devyaḥ || 124 ||
maṇisadanasyāntarato
mahanīye ratnavedikāmadhye |
bindumayacakramīḍe
pīṭhānāmupari viracitāvāsam || 125 ||
cakrāṇāṃ sakalānāṃ
prathamamadhaḥ sīmaphalakavāstavyāḥ |
aṇimādisiddhayo mā-
-mavantu devī prabhāsvarūpiṇyaḥ || 126 ||
aṇimādisiddhiphalaka-
-syoparihariṇāṅkakhaṇḍakṛtacūḍāḥ |
bhadraṃ pakṣmalayantu
brāhmīpramukhāśca mātaro'smākam || 127 ||
tasyopari maṇiphalake
tāruṇyottuṅgapīnakucabhārāḥ |
saṅkṣobhiṇīpradhānāḥ
bhrānti vidrāvayantu daśa mudrāḥ || 128 ||
phalakatrayasvarūpe
pṛthule trailokyamohane cakre |
dīvyantu prakaṭākhyā-
-stāsāṃ kartrīṃ ca bhagavatī tripurā || 129 ||
tadupari vipule dhiṣṇye
taraladṛśastaruṇakokanadabhāsaḥ |
kāmākarṣiṇyādyāḥ
kalaye devīḥ kalādharaśikhaṇḍāḥ || 130 ||
sarvāśāparipūrakacakre-
-'smin guptayoginīsevyāḥ |
tripureśī mama duritaṃ
tudyāt kaṇṭhāvalambimaṇihārā || 131 ||
tasyopari maṇipīṭhe
tāmrāmbhoruhadalaprabhāśoṇāḥ |
dhyāyāmyanaṅgakusumā-
-pramukhā devīśca vidhṛtakūrpāsāḥ || 132 ||
saṅkṣobhakārake'smiṃ-
-ścakre śrītripurasundarī sākṣāt |
goptrī guptatarākhyāḥ
gopāyatu māṃ kṛpārdrayā dṛṣṭyā || 133 ||
saṅkṣobhiṇīpradhānāḥ
śaktīstasyordhvavalayakṛtavāsāḥ |
ālolanīlaveṇī-
-rantaḥ kalayāmi yauvanonmattāḥ || 134 ||
saubhāgyadāyake'smiṃ-
-ścakreśī tripuravāsinī jīyāt |
śaktīśca sampradāyābhidhāḥ
samastāḥ pramodayantvaniśam || 135 ||
maṇipīṭhopari tāsāṃ
mahati caturhastavistṛte valaye |
santataviracitavāsāḥ
śaktīḥ kalayāmi sarvasiddhimukhāḥ || 136 ||
sarvārthasādhakākhye
cakre'muṣmin samastaphaladātrī |
tripurā śrīrmama kuśalaṃ
diśatāduttīrṇayoginīsevyā || 137 ||
tāsāṃ nilayasyopari
dhiṣṇye kausumbhakañcukamanojñāḥ |
sarvājñādyāḥ devyaḥ
sakalāḥ sampādayantu mama kīrtim || 138 ||
cakre samastarakṣā-
-karanāmnyasmin samastajanasevyām |
manasi nigarbhāsahitāṃ
manye śrītripuramālinīṃ devīm || 139 ||
sarvajñāsadanasyopari
cakre vipule samākalitagehāḥ |
vande vaśinīmukhyāḥ
śaktīḥ sindūrareṇurucaḥ || 140 ||
śrīsarvarogaharākhya-
-cakre'smiṃstripurapūrvikāṃ siddhām |
vande rahasyanāmnā
vedyābhiḥ śaktibhiḥ sadā sevyām || 141 ||
vaśinīgṛhopariṣṭā-
-dviṃśatihastonnate mahāpīṭhe |
śamayantu śatrubṛndaṃ
śastrāṇyastrāṇi cādidampatyoḥ || 142 ||
śastrasadanopariṣṭā-
-dvalaye valavairiratnasaṅghaṭite |
kāmeśvarīpradhānāḥ
kalaye devīḥ samastajanavandyāḥ || 143 ||
cakre'tra sarvasiddhiprada-
-nāmani sarvaphaladātrī |
tripurāmbāvatu satataṃ
parāpararahasyayoginīsevyā || 144 ||
kāmeśvarīgṛhoparivalaye
vividhamanusampradāyajñāḥ |
catvāro yuganāthā
jayantu mitreśapūrvakāḥ guravaḥ || 145 ||
nāthabhavanopariṣṭā-
-nnānāratnacayamedure pīṭhe |
kāmeśyādyā nityāḥ
kalayantu mudaṃ tithisvarūpiṇyaḥ || 146 ||
nityāsadanasyopari
nirmalamaṇinivahaviracite dhiṣṇye |
kuśalaṃ ṣaḍaṅgadevyaḥ
kalayantvasmākamuttaralanetrāḥ || 147 ||
sadanasyopari tāsāṃ
sarvānandamayanāmake bindau |
pañcabrahmākārāṃ
mañcaṃ praṇamāmi maṇigaṇākīrṇam || 148 ||
parito maṇimañcasya
pralambamānā niyantritā pāśaiḥ |
māyāmayī javanikā
mama duritaṃ haratu mecakacchāyā || 149 ||
mañcasyopari lamba-
-nmadanīpunnāgamālikābharitam |
harigopamayavitānaṃ
haratādālasyamaniśamasmākam || 150 ||
paryaṅkasya bhajāmaḥ
pādānbimbāmbudenduhemarucaḥ |
ajaharirudreśamayā-
-nanalāsuramāruteśakoṇasthān || 151 ||
phalakaṃ sadāśivamayaṃ
praṇaumi sindūrareṇukiraṇābham |
ārabhyāṅgeśīnāṃ
sadanātkalitaṃ ca ratnasopānam || 152 ||
paṭṭopadhānagaṇḍaka-
-catuṣṭayasphuritapāṭalāstaraṇam |
paryaṅkopari ghaṭitaṃ
pātu ciraṃ haṃsatūlaśayanaṃ naḥ || 153 ||
tasyopari nivasantaṃ
tāruṇyaśrīniṣevitaṃ satatam |
āvṛntapullahallaka-
-marīcikāpuñjamañjulacchāyam || 154 ||
sindūraśoṇavasanaṃ
śītāṃśustabakacumbitakirīṭam |
kuṅkumatilakamanohara-
-kuṭilālikahasitakumudabandhuśiśum || 155 ||
pūrṇendubimbavadanaṃ
phullasarojātalocanatritayam |
taralāpāṅgataraṅgita-
-śapharāṅkanaśāstrasampradāyārtham || 156 ||
maṇimayakuṇḍalapuṣya-
-nmarīcikallolamāṃsalakapolam |
vidrumasahodarādhara-
-visṛmarasusmitakiśorasañcāram || 157 ||
āmodikusumaśekhara-
-mānīlabhrūlatāyugamanojñam |
vīṭīsaurabhavīcī-
-dviguṇitavaktrāravindasaurabhyam || 158 ||
pāśāṅkuśekṣucāpa-
-prasavaśarasphuritakomalakarābjam |
kāśmīrapaṅkilāṅgaṃ
kāmeśaṃ manasi kurmahe satatam || 159 ||
tasyāṅkabhuvi niṣaṇṇāṃ
taruṇakadambaprasūnakiraṇābhām |
śītāṃśukhaṇḍacūḍāṃ
sīmantanyastasāndrasindūrām || 160 ||
kuṅkumalalāmabhāsva-
-nniṭilāṃ kuṭilataracillikāyugalām |
nālīkatulyanayanāṃ
nāsāñcalanaṭitamauktikābharaṇām || 161 ||
aṅkuritamandahāsa-
-maruṇādharakāntivijitabimbābhām |
kastūrīmakarīyuta-
-kapolasaṅkrāntakanakatāṭaṅkām || 162 ||
karpūrasāndravīṭī-
-kabalitavadanāravindakamanīyām |
kambusahodarakaṇṭha-
-pralambamānācchamauktikakalāpām || 163 ||
kahlāradāmakomala-
-bhujayugalasphuritaratnakeyūrām |
karapadmamūlavilasa-
-tkāñcanamayakaṭakavalayasandohām || 164 ||
pāṇicatuṣṭayavilasa-
-tpāśāṅkuśapuṇḍracāpapuṣpāstrām |
kūlaṅkaṣakucaśikharāṃ
kuṅkumakardamitaratnakūrpāsām || 165 ||
aṇudāyādavalagnā-
-mambudaśobhāsanābhiromalatām |
māṇikyakhacitakāñcī-
-marīcikākrāntamāṃsalanitambām || 166 ||
karabhorukāṇḍayugalāṃ
jaṅghājitakāmajaitratūṇīrām |
prapadaparibhūtakūrmāṃ
pallavasacchāyapadayugamanojñām || 167 ||
kamalabhavakañjalocana-
-kirīṭaratnāṃśurañjitapadābjām |
unmastakānukampā-
-muttaralāpāṅgapoṣitānaṅgām || 168 ||
ādimarasāvalambā-
-manidaṃ prathamoktivallarīkalikām |
ābrahmakīṭajananī-
-mantaḥ kalayāmi sundarīmaniśam || 169 ||
kastu kṣitau paṭīyā-
-nvastu stotuṃ śivāṅkavāstavyam |
astu cirantanasukṛtaiḥ
prastutakāmyāya tanmama purastāt || 170 ||
prabhusammitoktigamyaṃ
paramaśivotsaṅgatuṅgaparyaṅkam |
tejaḥ kiñcana divyaṃ
purato me bhavatu puṇḍrakodaṇḍam || 171 ||
madhurimabharitaśarāsaṃ
makarandasyandimārgaṇodāram |
kairaviṇīviṭacūḍaṃ
kaivalyāyāstu kiñcana maho naḥ || 172 ||
akṣudramikṣucāpaṃ
parokṣamavalagnasīmni tryakṣam |
kṣapayatu me kṣemetara-
-mukṣarathapremapakṣmalaṃ tejaḥ || 173 ||
bhṛṅgarucisaṅgarakarāpāṅgaṃ
śṛṅgāratuṅgamaruṇāṅgam |
maṅgalamabhaṅguraṃ me
ghaṭayatu gaṅgādharāṅgasaṅgi mahaḥ || 174 ||
prapadājitakūrmamūrjita-
-karuṇaṃ bharmarucinirmathanadeham |
śritavarma marma śambhoḥ
kiñcana mama narma śarma nirmātu || 175 ||
kālakuralālikālima-
-kandalavijitāli vidhṛtamaṇivāli |
milatu hṛdi pulinajaghanaṃ
bahulitagalagaralakeli kimapi mahaḥ || 176 ||
kuṅkumatilakitaphālā
kuruvindacchāyapāṭaladukūlā |
karuṇāpayodhivelā
kācana citte cakāstu me līlā || 177 ||
puṣpandhayaruciveṇyaḥ
pulinābhogatrapākaraśreṇyaḥ |
jīyāsurikṣupāṇyaḥ
kāścana kāmārikelisākṣiṇyaḥ || 178 ||
tapanīyāṃśukabhāṃsi
drākṣāmādhuryanāstikavacāṃsi |
katicana śucaṃ mahāṃsi
kṣapayatu kapālitoṣitamanāṃsi || 179 ||
asitakacamāyatākṣaṃ
kusumaśaraṃ kūlamudvahakṛpārdram |
ādimarasādhidaivata-
-mantaḥ kalaye harāṅkavāsi mahaḥ || 180 ||
karṇopāntataraṅgita-
-kaṭākṣavispandikaṇṭhadaghnakṛpām |
kāmeśvarāṅkanilayāṃ
kāmapi vidyāṃ purātanīṃ kalaye || 181 ||
aravindakāntyaruntuda-
-vilocanadvandvasundaramukhendu |
chandaḥ kandalamandira-
-mantaḥpuramainduśekharaṃ vande || 182 ||
bimbinikurambaḍambara-
-viḍambakacchāyamambaravalagnam |
kambugalamambudakucaṃ
bimbokaṃ kamapi cumbatu mano me || 183 ||
kamapi kamanīyarūpaṃ
kalayāmyantaḥ kadambakusumāḍhyam |
campakarucirasuveṣaiḥ
sampāditakāntyalaṅkṛtadigantam || 184 ||
śampārucibhara-
-garhāsampādakakāntikavacitadigantam |
siddhāntaṃ nigamānāṃ
śuddhāntaṃ kimapi śūlinaḥ kalaye || 185 ||
udyaddinakaraśoṇā-
-nutpalabandhustanandhayāpīḍān |
karakalitapuṇḍracāpā-
-nkalaye kānapi kapardinaḥ prāṇān || 186 ||
raśanālasajjaghanayā
rasanājīvātucāpabhāsurayā |
ghrāṇāyuṣkaraśarayā
ghrātaṃ cittaṃ kayāpi vāsanayā || 187 ||
sarasijasahayudhvadṛśā
śampālatikāsanābhivigrahayā |
bhāsā kayāpi ceto
nāsāmaṇiśobhivadanayā bharitam || 188 ||
navayāvakābhasicayānvitayā
gajayānayā dayāparayā |
dhṛtayāminīśakalayā
dhiyā kayāpi kṣatāmayā hi vayam || 189 ||
alamalamakusumabāṇai-
-rabimbaśoṇairapuṇḍrakodaṇḍaiḥ |
akumudabāndhavacūḍai-
-ranyairiha jagati daivataṃ manyaiḥ || 190 ||
kuvalayasadṛkṣanayanaiḥ
kulagirikūṭasthabandhukucabhāraiḥ |
karuṇāspandikaṭākṣaiḥ
kavacitacitto'smi katipayaiḥ kutukaiḥ || 191 ||
natajanasulabhāya namo
nālīkasanābhilocanāya namaḥ |
nanditagiriśāya namo
mahase navanīpapāṭalāya namaḥ || 192 ||
kādambakusumadāmne
kāyacchāyākaṇāyitāryamṇe |
sīmne cirantanagirāṃ
bhūmne kasmaicidādade praṇatim || 193 ||
kuṭilakabarībharebhyaḥ
kuṅkumasabrahmacārikiraṇebhyaḥ |
kūlaṅkaṣastanebhyaḥ
kurmaḥ praṇatiṃ kulādrikutukebhyaḥ || 194 ||
kokanadaśoṇacaraṇā-
-tkomalakuralālivijitaśaivālāt |
utpalasagandhinayanā-
-durarīkurmo na devatamānyām || 195 ||
āpāṭalādharāṇā-
-mānīlasnigdhabarbarakacānām |
āmnāyajīvanānā-
-mākūtānāṃ harasya dāso'ham || 196 ||
puṅkhitavilāsahāsa-
-sphuritāsu purāhitāṅkanilayāsu |
magnaṃ mano madīyaṃ
kāsvapi kāmārijīvanāḍīṣu || 197 ||
lalitā pātu śiro me
lalāṭamambā ca madhumatīrūpā |
bhrūyugmaṃ ca bhavānī
puṣpaśarā pātu locanadvandvam || 198 ||
pāyānnāsāṃ bālā
subhagā dantāṃśca sundarī jihvām |
adharoṣṭhamādiśakti-
-ścakreśī pātu me ciraṃ cibukam || 199 ||
kāmeśvarī ca karṇau
kāmākṣī pātu gaṇḍayoryugalam |
śṛṅgāranāyikāvyā-
-dvadanaṃ siṃhāsaneśvarī ca galam || 200 ||
skandaprasūśca pātu
skandhau bāhū ca pāṭalāṅgī me |
pāṇī ca padmanilayā
pāyādaniśaṃ nakhāvalīrvijayā || 201 ||
kodaṇḍinī ca vakṣaḥ
kukṣiṃ cāvyāt kulācalatanūjā |
kalyāṇī ca valagnaṃ
kaṭiṃ ca pāyātkalādharaśikhaṇḍā || 202 ||
ūrudvayaṃ ca pāyā-
-dumā mṛḍānī ca jānunī rakṣet |
jaṅghe ca ṣoḍaśī me
pāyāt pādau ca pāśasṛṇihastā || 203 ||
prātaḥ pātu parā māṃ
madhyāhne pātu maṇigṛhādhīśā |
śarvāṇyavatu ca sāyaṃ
pāyādrātrau ca bhairavī sākṣāt || 204 ||
bhāryāṃ rakṣatu gaurīṃ
pāyāt putrāṃśca bindugṛhapīṭhā |
śrīvidyā ca yaśo me
śīlaṃ cāvyācciraṃ mahārājñī || 205 ||
pavanamayi pāvakamayi
kṣoṇīmayi gaganamayi kṛpīṭamayi |
ravimayi śaśimayi diṅmayi
samayamayi prāṇamayi śive pāhi || 206 ||
kāli kapālini śūlini
bhairavi mātaṅgi pañcami tripure |
vāgdevi vindhyavāsini
bāle bhuvaneśi pālaya ciraṃ mām || 207 ||
abhinavasindūrābhā-
-mamba tvāṃ cintayanti ye hṛdaye |
upari nipatanti teṣā-
-mutpalanayanākaṭākṣakallolāḥ || 208 ||
vargāṣṭakamilitābhi-
-rvaśinīmukhyābhirāvṛtāṃ bhavatīm |
cintayatāṃ sitavarṇāṃ
vāco niryāntyayatnato vadanāt || 209 ||
kanakaśalākāgaurīṃ
karṇavyālolakuṇḍaladvitayām |
prahasitamukhīṃ ca bhavatīṃ
dhyāyanto ye ta eva bhūdhanadāḥ || 210 ||
śīrṣāmbhoruhamadhye
śītalapīyūṣavarṣiṇīṃ bhavatīm |
anudinamanucintayatā-
-māyuṣyaṃ bhavati puṣkalamavanyām || 211 ||
madhurasmitāṃ madāruṇanayanāṃ
mātaṅgakumbhavakṣojām |
candravataṃsinīṃ tvāṃ
savidhe paśyanti sukṛtinaḥ kecit || 212 ||
lalitāyāḥ stavaratnaṃ
lalitapadābhiḥ praṇītamāryābhiḥ |
pratidinamavanau paṭhatāṃ
phalāni vaktuṃ pragalbhate saiva || 213 ||
sadasadanugrahanigraha-
-gṛhītamunivigraho bhagavān |
sarvāsāmupaniṣadāṃ
durvāsā jayati deśikaḥ prathamaḥ || 214 ||
iti maharṣidurvāsaḥ viracitaṃ śrīlalitāstavaratnam |
Sanskrit — Devanagari (original)
वन्दे गजेन्द्रवदनं
वामाङ्कारूढवल्लभाश्लिष्टम् ।
कुङ्कुमपरागशोणं
कुवलयिनीजारकोरकापीडम् ॥ 1 ॥
स जयति सुवर्णशैलः
सकलजगच्चक्रसङ्घटितमूर्तिः ।
काञ्चननिकुञ्जवाटी-
-कन्दलदमरीप्रपञ्चसङ्गीतः ॥ 2 ॥
हरिहयनैरृतमारुत-
-हरितामन्तेष्ववस्थितं तस्य ।
विनुमः सानुत्रितयं
विधिहरिगौरीशविष्टपाधारम् ॥ 3 ॥
मध्ये पुनर्मनोहर-
-रत्नरुचिस्तबकरञ्जितदिगन्तम् ।
उपरि चतुःशतयोजन-
-मुत्तुङ्गं शृङ्गपुङ्गवमुपासे ॥ 4 ॥
तत्र चतुःशतयोजन-
-परिणाहं देवशिल्पिना रचितम् ।
नानासालमनोज्ञं
नमाम्यहं नगरमादिविद्यायाः ॥ 5 ॥
प्रथमं सहस्रपूर्वक-
-षट्शतसङ्ख्याकयोजनं परितः ।
वलयीकृतस्वगात्रं
वरणं शरणं व्रजाम्ययोरूपम् ॥ 6 ॥
तस्योत्तरे समीरण-
-योजनदूरे तरङ्गितच्छायः ।
घटयतु मुदं द्वितीयो
घण्टास्तनसारनिर्मितः सालः ॥ 7 ॥
उभयोरन्तरसीम-
-न्युद्दामभ्रमररञ्जितोदारम् ।
उपवनमुपास्महे वय-
-मूरीकृतमन्दमारुतस्यन्दम् ॥ 8 ॥
आलिङ्ग्य भद्रकाली-
-मासीनस्तत्र हरिशिलाश्यामाम् ।
मनसि महाकालो मे
विहरतु मधुपानविभ्रमन्नेत्रः ॥ 9 ॥
तार्तीयीको वरण-
-स्तस्योत्तरसीम्नि वातयोजनतः ।
ताम्रेण रचितमूर्ति-
-स्तनुतामाचन्द्रतारकं भद्रम् ॥ 10 ॥
मध्ये तयोश्च मणिमय-
-पल्लवशाखाप्रसूनपक्ष्मलिताम् ।
कल्पानोकहवाटीं
कलये मकरन्दपङ्किलावालाम् ॥ 11 ॥
तत्र मधुमाधवश्री-
-तरुणीभ्यां तरलदृक्चकोराभ्याम् ।
आलिङ्गितोऽवतान्मा-
-मनिशं प्रथमर्तुरात्तपुष्पास्त्रः ॥ 12 ॥
नमत तदुत्तरभागे
नाकिपथोल्लङ्घिशृङ्गसङ्घातम् ।
सीसाकृतिं तुरीयं
सितकिरणालोकनिर्मलं सालम् ॥ 13 ॥
सालद्वयान्तराले
सरलालिकपोतचाटुसुभगायाम् ।
सन्तानवाटिकायां
सक्तं चेतोऽस्तु सततमस्माकम् ॥ 14 ॥
तत्र तपनातिरूक्षः
साम्राज्ञीचरणसान्द्रितस्वान्तः ।
शुक्रशुचिश्रीसहितो
ग्रीष्मर्तुर्दिशतु कीर्तिमाकल्पम् ॥ 15 ॥
उत्तरसीमनि तस्यो-
-न्नतशिखरोत्कम्पिहाटकपताकः ।
प्रकटयतु पञ्चमो नः
प्राकारः कुशलमारकूटमयः ॥ 16 ॥
प्राकारयोश्च मध्ये
पल्लवितान्यभृतपञ्चमोन्मेषा ।
हरिचन्दनद्रुवाटी-
-हरतादामूलमस्मदनुतापम् ॥ 17 ॥
तत्र नभः श्रीमुख्यै-
-स्तरुणीवर्गैः समन्वितः परितः ।
वज्राट्टहासमुखरो
वाञ्छापूर्तिं तनोतु वर्षर्तुः ॥ 18 ॥
मारुतयोजनदूरे
महनीयस्तस्य चोत्तरे भागे ।
भद्रं कृषीष्ट षष्ठः
प्राकारः पञ्चलोहधातुमयः ॥ 19 ॥
अनयोर्मध्ये सन्तत-
-मङ्कूरद्दिव्यकुसुमगन्धायाम् ।
मन्दारवाटिकायां
मानसमङ्गीकरोतु मे विहृतिम् ॥ 20 ॥
तस्यामिषोर्जलक्ष्मी-
-तरुणीभ्यां शरदृतुः सदा सहितः ।
अभ्यर्चयन् स जीया-
-दम्बामामोदमेदुरैः कुसुमैः ॥ 21 ॥
तस्यर्षिसङ्ख्ययोजन-
-दूरे देदीप्यमानशृङ्गौघः ।
कलधौतकलितमूर्तिः
कल्याणं दिशतु सप्तमः सालः ॥ 22 ॥
मध्ये तयोर्मरुत्पथ
लङ्घितविटपाग्रविरुतकलकण्ठा ।
श्रीपारिजातवाटी
श्रियमनिशं दिशतु शीतलोद्देशा ॥ 23 ॥
तस्यामतिप्रियाभ्यां
सह खेलन् सहसहस्यलक्ष्मीभ्याम् ।
सामन्तो झषकेतो-
-र्हेमन्तो भवतु हेमवृद्ध्यै नः ॥ 24 ॥
उत्तरतस्तस्य महा-
-नुद्भटहुतभुक्शिखारुणमयूखः ।
तपनीयखण्डरचित-
-स्तनुतादायुष्यमष्टमो वरणः ॥ 25 ॥
कादम्बविपिनवाटी-
-मनयोर्मध्यभुवि कल्पितावासाम् ।
कलयामि सूनकोरक-
-कन्दलितामोदतुन्दिलसमीराम् ॥ 26 ॥
तस्यामतिशिशिराकृति-
-रासीनस्तपतपस्यलक्ष्मीभ्याम् ।
शिवमनिशं कुरुतान्मे
शिशिरर्तुः सततशीतलदिगन्तः ॥ 27 ॥
तस्यां कदम्बवाट्यां
तत्प्रसवामोदमिलितमधुगन्धम् ।
सप्तावरणमनोज्ञं
शरणं समुपैमि मन्त्रिणीशरणम् ॥ 28 ॥
तत्रालये विशाले
तपनीयारचिततरलसोपाने ।
माणिक्यमण्डपान्त-
-र्महिते सिंहासने सुमणिखचिते ॥ 29 ॥
बिन्दुत्रिपञ्चकोण-
-द्विपनृपवसुवेददलकुरेखाढ्ये ।
चक्रे सदा निविष्टां
षष्ठ्यष्टत्रिंशदक्षरेशानीम् ॥ 30 ॥
तापिञ्छमेचकाभां
तालीदलघटितकर्णताटङ्काम् ।
ताम्बूलपूरितमुखीं
ताम्राधरबिम्बदृष्टदरहासाम् ॥ 31 ॥
कुङ्कुमपङ्किलदेहां
कुवलयजीवातुशावकवतंसाम् ।
कोकनदशोणचरणां
कोकिलनिक्वाणकोमलालापाम् ॥ 32 ॥
वामाङ्गगलितचूलीं
वनमाल्यकदम्बमालिकाभरणाम् ।
मुक्ताललन्तिकाञ्चित
मुग्धालिकमिलितचित्रकोदाराम् ॥ 33 ॥
करविधृतकीरशावक-
-कलनिनदव्यक्तनिखिलनिगमार्थाम् ।
वामकुचसङ्गिवीणावादन-
-सौख्यार्धमीलिताक्षियुगाम् ॥ 34 ॥
आपाटलांशुकधरा-
-मादिरसोन्मेषवासितकटाक्षाम् ।
आम्नायसारगुलिका-
-माद्यां सङ्गीतमातृकां वन्दे ॥ 35 ॥
तस्य च सुवर्णसाल-
-स्योत्तरतस्तरुणकुङ्कुमच्छायः ।
शमयतु मम सन्तापं
सालो नवमः स पुष्परागमयः ॥ 36 ॥
अनयोरन्तरवसुधाः
प्रणुमः प्रत्यग्रपुष्परागमयीः ।
सिंहासनेश्वरीमनु-
-चिन्तननिस्तन्द्रसिद्धनीरन्ध्राः ॥ 37 ॥
तत्सालोत्तरदेशे
तरुणजपाकिरणधोरणीशोणः ।
प्रशमयतु पद्मराग-
-प्राकारो मम पराभवं दशमः ॥ 38 ॥
अन्तरभूकृतवासा-
-ननयोरपनीतचित्तवैमत्यान् ।
चक्रेशीपदभक्तां-
-श्चारणवर्गानहर्निशं कलये ॥ 39 ॥
सारङ्गवाहयोजनदूरे-
-ऽसङ्घटितकेतनस्तस्य ।
गोमेदकेन रचितो
गोपायतु मां समुन्नतः सालः ॥ 40 ॥
वप्रद्वयान्तरोर्व्यां
वटुकैर्विविधैश्च योगिनीबृन्दैः ।
सततं समर्चितायाः
सङ्कर्षण्याः प्रणौमि चरणाब्जम् ॥ 41 ॥
तापसयोजनदूरे
तस्य समुत्तुङ्ग गोपुरोपेतः ।
वाञ्छापूर्त्यै भवता-
-द्वज्रमणीनिकरनिर्मितो वप्रः ॥ 42 ॥
वरणद्वितयान्तरतो
वासजुषो विहितमधुरसास्वादाः ।
रम्भादिविबुधवेश्या
रचयन्तु महान्तमस्मदानन्दम् ॥ 43 ॥
तत्र सदा प्रवहन्ती
तटिनी वज्राभिधा चिरं जीयात् ।
चटुलोर्मिजालनृत्य-
-त्कलहंसीकुलकलक्वणितपुष्टा ॥ 44 ॥
रोधसि तस्या रुचिरे
वज्रेशी जयति वज्रभूषाढ्या ।
वज्रप्रदानतोषित-
-वज्रिमुखत्रिदशविनुतचारित्रा ॥ 45 ॥
तस्योदीच्यां हरिति
स्तवकितसुषमावलीढवियदन्तः ।
वैडूर्यरत्नरचितो
वैमल्यं दिशतु चेतसो वरणः ॥ 46 ॥
अधिमध्यमेतयोः पुन-
-रम्बाचरणावलम्बितस्वान्तान् ।
कार्कोटकादिनागान्
कलयामः किं च बलिमुखान् दनुजान् ॥ 47 ॥
गन्धवहसङ्ख्ययोजन-
-दूरे गगनोर्ध्वजाङ्घिकस्तस्य ।
वासवमणिप्रणीतो
वरणो बहलयतु वैदुषीं विशदाम् ॥ 48 ॥
मध्यक्षोण्यामनयो-
-र्महेन्द्रनीलात्मकानि च सरांसि ।
शातोदरीसहाया-
-न्भूपालानपि पुनः पुनः प्रणुमः ॥ 49 ॥
आशुगयोजनदूरे
तस्योर्ध्वं कान्तिधवलितदिगन्तः ।
मुक्ताविरचितगात्रो
मुहुरस्माकं मुदे भवतु सालः ॥ 50 ॥
आवृत्त्योरधिमध्यं
पूर्वस्यां दिशि पुरन्दरः श्रीमान् ।
अभ्रमुविटाधिरूढो
विभ्रममस्माकमनिशमातनुतात् ॥ 51 ॥
तत्कोणे व्यजनस्रु-
-क्तोमरपात्रस्रुवान्नशक्तिधरः ।
स्वाहास्वधासमेतः
सुखयतु मां हव्यवाहनः सुचिरम् ॥ 52 ॥
दक्षिणदिगन्तराले
दण्डधरो नीलनीरदच्छायः ।
त्रिपुरापदाब्जभक्तस्तिरयतु
मम निखिलमंहसां निकरम् ॥ 53 ॥
तस्यैव पश्चिमायां
दिशि दलितेन्दीवरप्रभाश्यामः ।
खेटासियष्टिधारी
खेदानपनयतु यातुधानो मे ॥ 54 ॥
तस्या उत्तरदेशे
धवलाङ्गो विपुलझषवरारूढः ।
पाशायुधात्तपाणिः
पाशी विदलयतु पाशजालानि ॥ 55 ॥
वन्दे तदुत्तरहरि-
-त्कोणे वायुं चमूरुवरवाहम् ।
कोरकिततत्त्वबोधा-
-न्गोरक्षप्रमुखयोगिनोऽपि मुहुः ॥ 56 ॥
तरुणीरिडाप्रधाना-
-स्तिस्रो वातस्य तस्य कृतवासाः ।
प्रत्यग्रकापिशायन-
-पानपरिभ्रान्तलोचनाः कलये ॥ 57 ॥
तल्लोकपूर्वभागे
धनदं ध्यायामि शेवधिकुलेशम् ।
अपि माणिभद्रमुख्या-
-नम्बाचरणावलम्बिनो यक्षान् ॥ 58 ॥
तस्यैव पूर्वसीमनि
तपनीयारचितगोपुरे नगरे ।
कात्यायनीसहायं
कलये शीतांशुखण्डचूडालम् ॥ 59 ॥
तत्पुरषोडशवरण-
-स्थलभाजस्तरुणचन्द्रचूडालान् ।
रुद्राध्याये पठिता-
-न्रुद्राणीसहचरान्भजे रुद्रान् ॥ 60 ॥
पवमानसङ्ख्ययोजन-
-दूरे बालतृण्मेचकस्तस्य ।
सालो मरकतरचितः
सम्पदमचलां श्रियं च पुष्णातु ॥ 61 ॥
आवृतियुग्मान्तरतो
हरितमणीनिवहमेचके देशे ।
हाटकतालीविपिनं
हालाघटघटितविटपमाकलये ॥ 62 ॥
तत्रैव मन्त्रिणीगृह-
-परिणाहं तरलकेतनं सदनम् ।
मरकतसौधमनोज्ञं
दद्यादायूंषि दण्डनाथायाः ॥ 63 ॥
सदने तत्र हरिन्मणि-
-सङ्घटिते मण्डपे शतस्तम्भे ।
कार्तस्वरमयपीठे
कनकमयाम्बुरुहकर्णिकामध्ये ॥ 64 ॥
बिन्दुत्रिकोणवर्तुल-
-षडस्रवृत्तद्वयान्विते चक्रे ।
सञ्चारिणी दशोत्तर-
शतार्णमनुराजकमलकलहंसी ॥ 65 ॥
कोलवदना कुशेशय-
-नयना कोकारिमण्डितशिखण्डा ।
सन्तप्तकाञ्चनाभा
सन्ध्यारुणचेलसंवृतनितम्बा ॥ 66 ॥
हलमुसलशङ्खचक्रा-
-ऽङ्कुशपाशाभयवरस्फुरितहस्ता ।
कूलङ्कषानुकम्पा
कुङ्कुमजम्बालितस्तनाभोगा ॥ 67 ॥
धूर्तानामतिदूरा-
-वार्ताशेषावलग्नकमनीया ।
आर्तालीशुभदात्री
वार्ताली भवतु वाञ्छितार्थाय ॥ 68 ॥
तस्याः परितो देवीः
स्वप्नेश्युन्मत्तभैरवीमुख्याः ।
प्रणमत जम्भिन्याद्याः
भैरववर्गांश्च हेतुकप्रमुखान् ॥ 69 ॥
पूर्वोक्तसङ्ख्ययोजन-
-दूरे पूयांशुपाटलस्तस्य ।
विद्रावयतु मदार्तिं
विद्रुमसालो विशङ्कटद्वारः ॥ 70 ॥
आवरणयोरहर्निश-
-मन्तरभूमौप्रकाशशालिन्याम् ।
आसीनमम्बुजासन-
-मभिनवसिन्दूरगौरमहमीडे ॥ 71 ॥
वरणस्य तस्य मारुत-
-योजनतो विपुलगोपुरद्वारः ।
सालो नानारत्नैः
सङ्घटिताङ्गः कृषीष्ट मदभीष्टम् ॥ 72 ॥
अन्तरकक्ष्यामनयो-
-रविरलशोभापिचण्डिलोद्देशाम् ।
माणिक्यमण्डपाख्यां
महतीमधिहृदयमनिशमाकलये ॥ 73 ॥
तत्र स्थितं प्रसन्नं
तरुणतमालप्रवालकिरणाभम् ।
कर्णावलम्बिकुण्डल-
-कन्दलिताभीशुकवचितकपोलम् ॥ 74 ॥
शोणाधरं शुचिस्मित-
-मेणाङ्कवदनमेधमानकृपम् ।
मुग्धैणमदविशेषक-
-मुद्रितनिटिलेन्दुरेखिकारुचिरम् ॥ 75 ॥
नालीकदलसहोदर-
-नयनाञ्चलघटितमनसिजाकूतम् ।
कमलाकठिनपयोधर-
-कस्तूरीघुसृणपङ्किलोरस्कम् ॥ 76 ॥
चाम्पेयगन्धिकैश्यं
शम्पासब्रह्मचारिकौशेयम् ।
श्रीवत्सकौस्तुभधरं
श्रितजनरक्षाधुरीणचरणाब्जम् ॥ 77 ॥
कम्बुसुदर्शनविलस-
-त्करपद्मं कण्ठलोलवनमालम् ।
मुचुकुन्दमोक्षफलदं
मुकुन्दमानन्दकन्दमवलम्बे ॥ 78 ॥
तद्वरणोत्तरभागे
तारापतिबिम्बचुम्बिनिजशृङ्गः ।
विविधमणीगणघटितो
वितरतु सालो विनिर्मलां धिषणाम् ॥ 79 ॥
प्राकारद्वितयान्तर-
-कक्ष्यां पृथुरत्ननिकरसङ्कीर्णाम् ।
नमत सहस्रस्तम्भक-
-मण्डपनाम्नातिविश्रुतां भुवने ॥ 80 ॥
प्रणुमस्तत्र भवानी-
-सहचरमीशानमिन्दुखण्डधरम् ।
शृङ्गारनायिकामनु-
-शीलनभाजोऽपि भृङ्गिनन्दिमुखान् ॥ 81 ॥
तस्यैणवाहयोजन-
-दूरे वन्दे मनोमयं वप्रम् ।
अङ्कूरन्मणिकिरणा-
-मन्तरकक्ष्यां च निर्मलामनयोः ॥ 82 ॥
तत्रैवामृतवापीं
तरलतरङ्गावलीढतटयुग्माम् ।
मुक्तामयकलहंसी-
-मुद्रितकनकारविन्दसन्दोहाम् ॥ 83 ॥
शक्रोपलमयभृङ्गी-
-सङ्गीतोन्मेषघोषितदिगन्ताम् ।
काञ्चनमयाङ्गविलस-
-त्कारण्डवषण्डताण्डवमनोज्ञाम् ॥ 84 ॥
कुरुविन्दात्मकहल्लक-
-कोरकसुषमासमूहपाटलिताम् ।
कलये सुधास्वरूपां
कन्दलितामन्दकैरवामोदाम् ॥ 85 ॥
तद्वापिकान्तराले तरले
मणिपोतसीम्नि विहरन्तीम् ।
सिन्दूरपाटलाङ्गीं
सितकिरणाङ्कूरकल्पितवतंसाम् ॥ 86 ॥
पर्वेन्दुबिम्बवदनां
पल्लवशोणाधरस्फुरितहासाम् ।
कुटिलकबरीं कुरङ्गी-
-शिशुनयनां कुण्डलस्फुरितगण्डाम् ॥ 87 ॥
निकटस्थपोतनिलयाः
शक्तीः शयविधृतहेमशृङ्गजलैः ।
परिषिञ्चन्तीं परित-
-स्तारां तारुण्यगर्वितां वन्दे ॥ 88 ॥
प्रागुक्तसङ्ख्ययोजनदूरे
प्रणमामि बुद्धिमयसालम् ।
अनयोरन्तरकक्ष्या-
-मष्टापदपुष्टमेदिनीं रुचिराम् ॥ 89 ॥
कादम्बरीनिधानां
कलयाम्यानन्दवापिकां तस्याम् ।
शोणाश्मनिवहनिर्मित-
-सोपानश्रेणिशोभमानतटीम् ॥ 90 ॥
माणिक्यतरणिनिलयां
मध्ये तस्या मदारुणकपोलाम् ।
अमृतेशीत्यभिधाना-
-मन्तः कलयामि वारुणीं देवीम् ॥ 91 ॥
सौवर्णकेनिपातन-
-हस्ताः सौन्दर्यगर्विता देव्यः ।
तत्पुरतः स्थितिभाजो
वितरन्त्वस्माकमायुषो वृद्धिम् ॥ 92 ॥
तस्य पृषदश्वयोजन-
-दूरेऽहङ्कारसालमतितुङ्गम् ।
वन्दे तयोश्च मध्ये
कक्ष्यां वलमानमलयपवमानाम् ॥ 93 ॥
विनुमो विमर्शवापीं
सौषुम्नसुधास्वरूपिणीं तत्र ।
वेलातिलङ्घ्यवीची-
-कोलाहलभरितकूलवनवाटीम् ॥ 94 ॥
तत्रैव सलिलमध्ये
तापिञ्छदलप्रपञ्चसुषमाभाम् ।
श्यामलकञ्चुकलसितां
श्यामाविटबिम्बडम्बरहरास्याम् ॥ 95 ॥
आभुग्नमसृणचिल्ली-
-हसितायुग्मशरकार्मुकविलासाम् ।
मन्दस्मिताञ्चितमुखीं
मणिमयताटङ्कमण्डितकपोलाम् ॥ 96 ॥
कुरुविन्दतरणिनिलयां
कुलाचलस्पर्धिकुचनमन्मध्याम् ।
कुङ्कुमविलिप्तगात्रीं
कुरुकुल्लां मनसि कुर्महे सततम् ॥ 97 ॥
तत्सालोत्तरभागे
भानुमयं वप्रमाश्रये दीप्तम् ।
मध्यं च विपुलमनयो-
-र्मन्ये विश्रान्तमातपोद्गारम् ॥ 98 ॥
तत्र कुरुविन्दपीठे
तामरसे कनककर्णिकाघटिते ।
आसीनमरुणवासस-
-मम्लानप्रसवमालिकाभरणम् ॥ 99 ॥
चक्षुष्मतीप्रकाशन-
-शक्तिच्छायासमारचितकेलिम् ।
माणिक्यमुकुटरम्यं
मन्ये मार्ताण्डभैरवं हृदये ॥ 100 ॥
इन्दुमयसालमीडे
तस्योत्तरतस्तुषारगिरिगौरम् ।
अत्यन्तशिशिरमारुत-
-मनयोर्मध्यं च चन्द्रिकोद्गारम् ॥ 101 ॥
तत्र प्रकाशमानं
तारानिकरैः परिष्कृतोद्देशम् ।
अमृतमयकान्तिकन्दल-
-मन्तः कलयामि कुन्दसितमिन्दुम् ॥ 102 ॥
शृङ्गारसालमीडे
शृङ्गोल्लसितं तदुत्तरे भागे ।
मध्यस्थले तयोरपि
महितां शृङ्गारपूर्विकां परिखाम् ॥ 103 ॥
तत्र मणिनौस्थिताभि-
-स्तपनीयाविरचिताग्रहस्ताभिः ।
शृङ्गारदेवताभिः
सहितं परिखाधिपं भजे मदनम् ॥ 104 ॥
शृङ्गारवरणवर्यस्योत्तरतः
सकलविबुधसंसेव्यम् ।
चिन्तामणिगणरचितं
चिन्तां दूरीकरोतु मे सदनम् ॥ 105 ॥
मणिसदनसालयोरधि-
-मध्यं दशतालभूमिरुहदीर्घैः ।
पर्णैः सुवर्णवर्णै-
-र्युक्तां काण्डैश्च योजनोत्तुङ्गैः ॥ 106 ॥
मृदुलैस्तालीपञ्चक-
-मानैर्मिलितां च केसरकदम्बैः ।
सन्ततगलितमरन्द-
-स्रोतोनिर्यन्मिलिन्दसन्दोहाम् ॥ 107 ॥
पाटीरपवनबालक-
-धाटीनिर्यत्परागपिञ्जरिताम् ।
कलहंसीकुलकलकल-
-कूलङ्कषनिनदनिचयकमनीयाम् ॥ 108 ॥
पद्माटवीं भजामः
परिमलकल्लोलपक्ष्मलोपान्ताम् ।
[ देव्यर्घ्यपात्रधारी
तस्याः पूर्वदिशि दशकलायुक्तः । ]
वलयितमूर्तिर्भगवा-
-न्वह्निः क्रोशोन्नतश्चिरं पायात् ॥ 109 ॥
तत्राधारे देव्याः
पात्रीरूपः प्रभाकरः श्रीमान् ।
द्वादशकलासमेतो
ध्वान्तं मम बहुलमान्तरं भिन्द्यात् ॥ 110 ॥
तस्मिन् दिनेशपात्रे
तरङ्गितामोदममृतमयमर्घ्यम् ।
चन्द्रकलात्मकममृतं
सान्द्रीकुर्यादमन्दमानन्दम् ॥ 111 ॥
अमृते तस्मिन्नभितो
विहरन्त्यो विविधमणितरणिभाजः ।
षोडश कलाः सुधांशोः
शोकादुत्तारयन्तु मामनिशम् ॥ 112 ॥
तत्रैव विहृतिभाजो
धातृमुखानां च कारणेशानाम् ।
सृष्ट्यादिरूपिकास्ताः
शमयन्त्वखिलाः कलाश्च सन्तापम् ॥ 113 ॥
कीनाशवरुणकिन्नर-
-राजदिगन्तेषु रत्नगेहस्य ।
कलयामि तान्यजस्रं
कलयन्त्वायुष्यमर्घ्यपात्राणि ॥ 114 ॥
पात्रस्थलस्य पुरतः
पद्मारमणविधिपार्वतीशानाम् ।
भवनानि शर्मणे नो
भवन्तु भासा प्रदीपितजगन्ति ॥ 115 ॥
सदनस्यानलकोणे
सततं प्रणमामि कुण्डमाग्नेयम् ।
तत्र स्थितं च वह्निं
तरलशिखाजटिलमम्बिकाजनकम् ॥ 116 ॥
तस्यासुरदिशि तादृश-
-रत्नपरिस्फुरितपर्वनवकाढ्यम् ।
चक्रात्मकं शताङ्गं
शतयोजनमुन्नतं भजे दिव्यम् ॥ 117 ॥
तत्रैव दिशि निषण्णं
तपनीयध्वजपरम्पराश्लिष्टम् ।
रथमपरं च भवान्या
रचयामो मनसि रत्नमयचूडम् ॥ 118 ॥
भवनस्य वायुभागे
परिष्कृतो विविधवैजयन्तीभिः ।
रचयतु मुदं रथेन्द्रः
सचिवेशान्याः समस्तवन्द्यायाः ॥ 119 ॥
कुर्मोऽधिहृदयमनिशं
क्रोडास्यायाः शताङ्गमूर्धन्यम् ।
रुद्रदिशि रत्नधाम्नो
रुचिरशलाकाप्रपञ्चकञ्चुकितम् ॥ 120 ॥
परितो देवीधाम्नः
प्रणीतवासा मनुस्वरूपिण्यः ।
कुर्वन्तु रश्मिमाला-
-कृतयः कुशलानि देवता निखिलाः ॥ 121 ॥
प्राग्द्वारस्य भवानी-
-धाम्नः पार्श्वद्वयारचितवासे ।
मातङ्गीकिटिमुख्यौ
मणिसदने मनसि भावयामि चिरम् ॥ 122 ॥
योजनयुगलाभोगा
तत्क्रोशपरिणाहयैव भित्त्या च ।
चिन्तामणिगृहभूमि-
-र्जीयादाम्नायमयचतुर्द्वारा ॥ 123 ॥
द्वारे द्वारे धाम्नः
पिण्डीभूता नवीनबिम्बाभाः ।
विदधतु विपुलां कीर्तिं
दिव्या लौहित्यसिद्ध्यो देव्यः ॥ 124 ॥
मणिसदनस्यान्तरतो
महनीये रत्नवेदिकामध्ये ।
बिन्दुमयचक्रमीडे
पीठानामुपरि विरचितावासम् ॥ 125 ॥
चक्राणां सकलानां
प्रथममधः सीमफलकवास्तव्याः ।
अणिमादिसिद्धयो मा-
-मवन्तु देवी प्रभास्वरूपिण्यः ॥ 126 ॥
अणिमादिसिद्धिफलक-
-स्योपरिहरिणाङ्कखण्डकृतचूडाः ।
भद्रं पक्ष्मलयन्तु
ब्राह्मीप्रमुखाश्च मातरोऽस्माकम् ॥ 127 ॥
तस्योपरि मणिफलके
तारुण्योत्तुङ्गपीनकुचभाराः ।
सङ्क्षोभिणीप्रधानाः
भ्रान्ति विद्रावयन्तु दश मुद्राः ॥ 128 ॥
फलकत्रयस्वरूपे
पृथुले त्रैलोक्यमोहने चक्रे ।
दीव्यन्तु प्रकटाख्या-
-स्तासां कर्त्रीं च भगवती त्रिपुरा ॥ 129 ॥
तदुपरि विपुले धिष्ण्ये
तरलदृशस्तरुणकोकनदभासः ।
कामाकर्षिण्याद्याः
कलये देवीः कलाधरशिखण्डाः ॥ 130 ॥
सर्वाशापरिपूरकचक्रे-
-ऽस्मिन् गुप्तयोगिनीसेव्याः ।
त्रिपुरेशी मम दुरितं
तुद्यात् कण्ठावलम्बिमणिहारा ॥ 131 ॥
तस्योपरि मणिपीठे
ताम्राम्भोरुहदलप्रभाशोणाः ।
ध्यायाम्यनङ्गकुसुमा-
-प्रमुखा देवीश्च विधृतकूर्पासाः ॥ 132 ॥
सङ्क्षोभकारकेऽस्मिं-
-श्चक्रे श्रीत्रिपुरसुन्दरी साक्षात् ।
गोप्त्री गुप्ततराख्याः
गोपायतु मां कृपार्द्रया दृष्ट्या ॥ 133 ॥
सङ्क्षोभिणीप्रधानाः
शक्तीस्तस्योर्ध्ववलयकृतवासाः ।
आलोलनीलवेणी-
-रन्तः कलयामि यौवनोन्मत्ताः ॥ 134 ॥
सौभाग्यदायकेऽस्मिं-
-श्चक्रेशी त्रिपुरवासिनी जीयात् ।
शक्तीश्च सम्प्रदायाभिधाः
समस्ताः प्रमोदयन्त्वनिशम् ॥ 135 ॥
मणिपीठोपरि तासां
महति चतुर्हस्तविस्तृते वलये ।
सन्ततविरचितवासाः
शक्तीः कलयामि सर्वसिद्धिमुखाः ॥ 136 ॥
सर्वार्थसाधकाख्ये
चक्रेऽमुष्मिन् समस्तफलदात्री ।
त्रिपुरा श्रीर्मम कुशलं
दिशतादुत्तीर्णयोगिनीसेव्या ॥ 137 ॥
तासां निलयस्योपरि
धिष्ण्ये कौसुम्भकञ्चुकमनोज्ञाः ।
सर्वाज्ञाद्याः देव्यः
सकलाः सम्पादयन्तु मम कीर्तिम् ॥ 138 ॥
चक्रे समस्तरक्षा-
-करनाम्न्यस्मिन् समस्तजनसेव्याम् ।
मनसि निगर्भासहितां
मन्ये श्रीत्रिपुरमालिनीं देवीम् ॥ 139 ॥
सर्वज्ञासदनस्योपरि
चक्रे विपुले समाकलितगेहाः ।
वन्दे वशिनीमुख्याः
शक्तीः सिन्दूररेणुरुचः ॥ 140 ॥
श्रीसर्वरोगहराख्य-
-चक्रेऽस्मिंस्त्रिपुरपूर्विकां सिद्धाम् ।
वन्दे रहस्यनाम्ना
वेद्याभिः शक्तिभिः सदा सेव्याम् ॥ 141 ॥
वशिनीगृहोपरिष्टा-
-द्विंशतिहस्तोन्नते महापीठे ।
शमयन्तु शत्रुबृन्दं
शस्त्राण्यस्त्राणि चादिदम्पत्योः ॥ 142 ॥
शस्त्रसदनोपरिष्टा-
-द्वलये वलवैरिरत्नसङ्घटिते ।
कामेश्वरीप्रधानाः
कलये देवीः समस्तजनवन्द्याः ॥ 143 ॥
चक्रेऽत्र सर्वसिद्धिप्रद-
-नामनि सर्वफलदात्री ।
त्रिपुराम्बावतु सततं
परापररहस्ययोगिनीसेव्या ॥ 144 ॥
कामेश्वरीगृहोपरिवलये
विविधमनुसम्प्रदायज्ञाः ।
चत्वारो युगनाथा
जयन्तु मित्रेशपूर्वकाः गुरवः ॥ 145 ॥
नाथभवनोपरिष्टा-
-न्नानारत्नचयमेदुरे पीठे ।
कामेश्याद्या नित्याः
कलयन्तु मुदं तिथिस्वरूपिण्यः ॥ 146 ॥
नित्यासदनस्योपरि
निर्मलमणिनिवहविरचिते धिष्ण्ये ।
कुशलं षडङ्गदेव्यः
कलयन्त्वस्माकमुत्तरलनेत्राः ॥ 147 ॥
सदनस्योपरि तासां
सर्वानन्दमयनामके बिन्दौ ।
पञ्चब्रह्माकारां
मञ्चं प्रणमामि मणिगणाकीर्णम् ॥ 148 ॥
परितो मणिमञ्चस्य
प्रलम्बमाना नियन्त्रिता पाशैः ।
मायामयी जवनिका
मम दुरितं हरतु मेचकच्छाया ॥ 149 ॥
मञ्चस्योपरि लम्ब-
-न्मदनीपुन्नागमालिकाभरितम् ।
हरिगोपमयवितानं
हरतादालस्यमनिशमस्माकम् ॥ 150 ॥
पर्यङ्कस्य भजामः
पादान्बिम्बाम्बुदेन्दुहेमरुचः ।
अजहरिरुद्रेशमया-
-ननलासुरमारुतेशकोणस्थान् ॥ 151 ॥
फलकं सदाशिवमयं
प्रणौमि सिन्दूररेणुकिरणाभम् ।
आरभ्याङ्गेशीनां
सदनात्कलितं च रत्नसोपानम् ॥ 152 ॥
पट्टोपधानगण्डक-
-चतुष्टयस्फुरितपाटलास्तरणम् ।
पर्यङ्कोपरि घटितं
पातु चिरं हंसतूलशयनं नः ॥ 153 ॥
तस्योपरि निवसन्तं
तारुण्यश्रीनिषेवितं सततम् ।
आवृन्तपुल्लहल्लक-
-मरीचिकापुञ्जमञ्जुलच्छायम् ॥ 154 ॥
सिन्दूरशोणवसनं
शीतांशुस्तबकचुम्बितकिरीटम् ।
कुङ्कुमतिलकमनोहर-
-कुटिलालिकहसितकुमुदबन्धुशिशुम् ॥ 155 ॥
पूर्णेन्दुबिम्बवदनं
फुल्लसरोजातलोचनत्रितयम् ।
तरलापाङ्गतरङ्गित-
-शफराङ्कनशास्त्रसम्प्रदायार्थम् ॥ 156 ॥
मणिमयकुण्डलपुष्य-
-न्मरीचिकल्लोलमांसलकपोलम् ।
विद्रुमसहोदराधर-
-विसृमरसुस्मितकिशोरसञ्चारम् ॥ 157 ॥
आमोदिकुसुमशेखर-
-मानीलभ्रूलतायुगमनोज्ञम् ।
वीटीसौरभवीची-
-द्विगुणितवक्त्रारविन्दसौरभ्यम् ॥ 158 ॥
पाशाङ्कुशेक्षुचाप-
-प्रसवशरस्फुरितकोमलकराब्जम् ।
काश्मीरपङ्किलाङ्गं
कामेशं मनसि कुर्महे सततम् ॥ 159 ॥
तस्याङ्कभुवि निषण्णां
तरुणकदम्बप्रसूनकिरणाभाम् ।
शीतांशुखण्डचूडां
सीमन्तन्यस्तसान्द्रसिन्दूराम् ॥ 160 ॥
कुङ्कुमललामभास्व-
-न्निटिलां कुटिलतरचिल्लिकायुगलाम् ।
नालीकतुल्यनयनां
नासाञ्चलनटितमौक्तिकाभरणाम् ॥ 161 ॥
अङ्कुरितमन्दहास-
-मरुणाधरकान्तिविजितबिम्बाभाम् ।
कस्तूरीमकरीयुत-
-कपोलसङ्क्रान्तकनकताटङ्काम् ॥ 162 ॥
कर्पूरसान्द्रवीटी-
-कबलितवदनारविन्दकमनीयाम् ।
कम्बुसहोदरकण्ठ-
-प्रलम्बमानाच्छमौक्तिककलापाम् ॥ 163 ॥
कह्लारदामकोमल-
-भुजयुगलस्फुरितरत्नकेयूराम् ।
करपद्ममूलविलस-
-त्काञ्चनमयकटकवलयसन्दोहाम् ॥ 164 ॥
पाणिचतुष्टयविलस-
-त्पाशाङ्कुशपुण्ड्रचापपुष्पास्त्राम् ।
कूलङ्कषकुचशिखरां
कुङ्कुमकर्दमितरत्नकूर्पासाम् ॥ 165 ॥
अणुदायादवलग्ना-
-मम्बुदशोभासनाभिरोमलताम् ।
माणिक्यखचितकाञ्ची-
-मरीचिकाक्रान्तमांसलनितम्बाम् ॥ 166 ॥
करभोरुकाण्डयुगलां
जङ्घाजितकामजैत्रतूणीराम् ।
प्रपदपरिभूतकूर्मां
पल्लवसच्छायपदयुगमनोज्ञाम् ॥ 167 ॥
कमलभवकञ्जलोचन-
-किरीटरत्नांशुरञ्जितपदाब्जाम् ।
उन्मस्तकानुकम्पा-
-मुत्तरलापाङ्गपोषितानङ्गाम् ॥ 168 ॥
आदिमरसावलम्बा-
-मनिदं प्रथमोक्तिवल्लरीकलिकाम् ।
आब्रह्मकीटजननी-
-मन्तः कलयामि सुन्दरीमनिशम् ॥ 169 ॥
कस्तु क्षितौ पटीया-
-न्वस्तु स्तोतुं शिवाङ्कवास्तव्यम् ।
अस्तु चिरन्तनसुकृतैः
प्रस्तुतकाम्याय तन्मम पुरस्तात् ॥ 170 ॥
प्रभुसम्मितोक्तिगम्यं
परमशिवोत्सङ्गतुङ्गपर्यङ्कम् ।
तेजः किञ्चन दिव्यं
पुरतो मे भवतु पुण्ड्रकोदण्डम् ॥ 171 ॥
मधुरिमभरितशरासं
मकरन्दस्यन्दिमार्गणोदारम् ।
कैरविणीविटचूडं
कैवल्यायास्तु किञ्चन महो नः ॥ 172 ॥
अक्षुद्रमिक्षुचापं
परोक्षमवलग्नसीम्नि त्र्यक्षम् ।
क्षपयतु मे क्षेमेतर-
-मुक्षरथप्रेमपक्ष्मलं तेजः ॥ 173 ॥
भृङ्गरुचिसङ्गरकरापाङ्गं
शृङ्गारतुङ्गमरुणाङ्गम् ।
मङ्गलमभङ्गुरं मे
घटयतु गङ्गाधराङ्गसङ्गि महः ॥ 174 ॥
प्रपदाजितकूर्ममूर्जित-
-करुणं भर्मरुचिनिर्मथनदेहम् ।
श्रितवर्म मर्म शम्भोः
किञ्चन मम नर्म शर्म निर्मातु ॥ 175 ॥
कालकुरलालिकालिम-
-कन्दलविजितालि विधृतमणिवालि ।
मिलतु हृदि पुलिनजघनं
बहुलितगलगरलकेलि किमपि महः ॥ 176 ॥
कुङ्कुमतिलकितफाला
कुरुविन्दच्छायपाटलदुकूला ।
करुणापयोधिवेला
काचन चित्ते चकास्तु मे लीला ॥ 177 ॥
पुष्पन्धयरुचिवेण्यः
पुलिनाभोगत्रपाकरश्रेण्यः ।
जीयासुरिक्षुपाण्यः
काश्चन कामारिकेलिसाक्षिण्यः ॥ 178 ॥
तपनीयांशुकभांसि
द्राक्षामाधुर्यनास्तिकवचांसि ।
कतिचन शुचं महांसि
क्षपयतु कपालितोषितमनांसि ॥ 179 ॥
असितकचमायताक्षं
कुसुमशरं कूलमुद्वहकृपार्द्रम् ।
आदिमरसाधिदैवत-
-मन्तः कलये हराङ्कवासि महः ॥ 180 ॥
कर्णोपान्ततरङ्गित-
-कटाक्षविस्पन्दिकण्ठदघ्नकृपाम् ।
कामेश्वराङ्कनिलयां
कामपि विद्यां पुरातनीं कलये ॥ 181 ॥
अरविन्दकान्त्यरुन्तुद-
-विलोचनद्वन्द्वसुन्दरमुखेन्दु ।
छन्दः कन्दलमन्दिर-
-मन्तःपुरमैन्दुशेखरं वन्दे ॥ 182 ॥
बिम्बिनिकुरम्बडम्बर-
-विडम्बकच्छायमम्बरवलग्नम् ।
कम्बुगलमम्बुदकुचं
बिम्बोकं कमपि चुम्बतु मनो मे ॥ 183 ॥
कमपि कमनीयरूपं
कलयाम्यन्तः कदम्बकुसुमाढ्यम् ।
चम्पकरुचिरसुवेषैः
सम्पादितकान्त्यलङ्कृतदिगन्तम् ॥ 184 ॥
शम्पारुचिभर-
-गर्हासम्पादककान्तिकवचितदिगन्तम् ।
सिद्धान्तं निगमानां
शुद्धान्तं किमपि शूलिनः कलये ॥ 185 ॥
उद्यद्दिनकरशोणा-
-नुत्पलबन्धुस्तनन्धयापीडान् ।
करकलितपुण्ड्रचापा-
-न्कलये कानपि कपर्दिनः प्राणान् ॥ 186 ॥
रशनालसज्जघनया
रसनाजीवातुचापभासुरया ।
घ्राणायुष्करशरया
घ्रातं चित्तं कयापि वासनया ॥ 187 ॥
सरसिजसहयुध्वदृशा
शम्पालतिकासनाभिविग्रहया ।
भासा कयापि चेतो
नासामणिशोभिवदनया भरितम् ॥ 188 ॥
नवयावकाभसिचयान्वितया
गजयानया दयापरया ।
धृतयामिनीशकलया
धिया कयापि क्षतामया हि वयम् ॥ 189 ॥
अलमलमकुसुमबाणै-
-रबिम्बशोणैरपुण्ड्रकोदण्डैः ।
अकुमुदबान्धवचूडै-
-रन्यैरिह जगति दैवतं मन्यैः ॥ 190 ॥
कुवलयसदृक्षनयनैः
कुलगिरिकूटस्थबन्धुकुचभारैः ।
करुणास्पन्दिकटाक्षैः
कवचितचित्तोऽस्मि कतिपयैः कुतुकैः ॥ 191 ॥
नतजनसुलभाय नमो
नालीकसनाभिलोचनाय नमः ।
नन्दितगिरिशाय नमो
महसे नवनीपपाटलाय नमः ॥ 192 ॥
कादम्बकुसुमदाम्ने
कायच्छायाकणायितार्यम्णे ।
सीम्ने चिरन्तनगिरां
भूम्ने कस्मैचिदाददे प्रणतिम् ॥ 193 ॥
कुटिलकबरीभरेभ्यः
कुङ्कुमसब्रह्मचारिकिरणेभ्यः ।
कूलङ्कषस्तनेभ्यः
कुर्मः प्रणतिं कुलाद्रिकुतुकेभ्यः ॥ 194 ॥
कोकनदशोणचरणा-
-त्कोमलकुरलालिविजितशैवालात् ।
उत्पलसगन्धिनयना-
-दुररीकुर्मो न देवतमान्याम् ॥ 195 ॥
आपाटलाधराणा-
-मानीलस्निग्धबर्बरकचानाम् ।
आम्नायजीवनाना-
-माकूतानां हरस्य दासोऽहम् ॥ 196 ॥
पुङ्खितविलासहास-
-स्फुरितासु पुराहिताङ्कनिलयासु ।
मग्नं मनो मदीयं
कास्वपि कामारिजीवनाडीषु ॥ 197 ॥
ललिता पातु शिरो मे
ललाटमम्बा च मधुमतीरूपा ।
भ्रूयुग्मं च भवानी
पुष्पशरा पातु लोचनद्वन्द्वम् ॥ 198 ॥
पायान्नासां बाला
सुभगा दन्तांश्च सुन्दरी जिह्वाम् ।
अधरोष्ठमादिशक्ति-
-श्चक्रेशी पातु मे चिरं चिबुकम् ॥ 199 ॥
कामेश्वरी च कर्णौ
कामाक्षी पातु गण्डयोर्युगलम् ।
शृङ्गारनायिकाव्या-
-द्वदनं सिंहासनेश्वरी च गलम् ॥ 200 ॥
स्कन्दप्रसूश्च पातु
स्कन्धौ बाहू च पाटलाङ्गी मे ।
पाणी च पद्मनिलया
पायादनिशं नखावलीर्विजया ॥ 201 ॥
कोदण्डिनी च वक्षः
कुक्षिं चाव्यात् कुलाचलतनूजा ।
कल्याणी च वलग्नं
कटिं च पायात्कलाधरशिखण्डा ॥ 202 ॥
ऊरुद्वयं च पाया-
-दुमा मृडानी च जानुनी रक्षेत् ।
जङ्घे च षोडशी मे
पायात् पादौ च पाशसृणिहस्ता ॥ 203 ॥
प्रातः पातु परा मां
मध्याह्ने पातु मणिगृहाधीशा ।
शर्वाण्यवतु च सायं
पायाद्रात्रौ च भैरवी साक्षात् ॥ 204 ॥
भार्यां रक्षतु गौरीं
पायात् पुत्रांश्च बिन्दुगृहपीठा ।
श्रीविद्या च यशो मे
शीलं चाव्याच्चिरं महाराज्ञी ॥ 205 ॥
पवनमयि पावकमयि
क्षोणीमयि गगनमयि कृपीटमयि ।
रविमयि शशिमयि दिङ्मयि
समयमयि प्राणमयि शिवे पाहि ॥ 206 ॥
कालि कपालिनि शूलिनि
भैरवि मातङ्गि पञ्चमि त्रिपुरे ।
वाग्देवि विन्ध्यवासिनि
बाले भुवनेशि पालय चिरं माम् ॥ 207 ॥
अभिनवसिन्दूराभा-
-मम्ब त्वां चिन्तयन्ति ये हृदये ।
उपरि निपतन्ति तेषा-
-मुत्पलनयनाकटाक्षकल्लोलाः ॥ 208 ॥
वर्गाष्टकमिलिताभि-
-र्वशिनीमुख्याभिरावृतां भवतीम् ।
चिन्तयतां सितवर्णां
वाचो निर्यान्त्ययत्नतो वदनात् ॥ 209 ॥
कनकशलाकागौरीं
कर्णव्यालोलकुण्डलद्वितयाम् ।
प्रहसितमुखीं च भवतीं
ध्यायन्तो ये त एव भूधनदाः ॥ 210 ॥
शीर्षाम्भोरुहमध्ये
शीतलपीयूषवर्षिणीं भवतीम् ।
अनुदिनमनुचिन्तयता-
-मायुष्यं भवति पुष्कलमवन्याम् ॥ 211 ॥
मधुरस्मितां मदारुणनयनां
मातङ्गकुम्भवक्षोजाम् ।
चन्द्रवतंसिनीं त्वां
सविधे पश्यन्ति सुकृतिनः केचित् ॥ 212 ॥
ललितायाः स्तवरत्नं
ललितपदाभिः प्रणीतमार्याभिः ।
प्रतिदिनमवनौ पठतां
फलानि वक्तुं प्रगल्भते सैव ॥ 213 ॥
सदसदनुग्रहनिग्रह-
-गृहीतमुनिविग्रहो भगवान् ।
सर्वासामुपनिषदां
दुर्वासा जयति देशिकः प्रथमः ॥ 214 ॥
इति महर्षिदुर्वासः विरचितं श्रीललितास्तवरत्नम् ।
vande gajendravadanaṃ
vāmāṅkārūḍhavallabhāśliṣṭam |
kuṅkumaparāgaśoṇaṃ
kuvalayinījārakorakāpīḍam || 1 ||
sa jayati suvarṇaśailaḥ
sakalajagaccakrasaṅghaṭitamūrtiḥ |
kāñcananikuñjavāṭī-
-kandaladamarīprapañcasaṅgītaḥ || 2 ||
harihayanairṛtamāruta-
-haritāmanteṣvavasthitaṃ tasya |
vinumaḥ sānutritayaṃ
vidhiharigaurīśaviṣṭapādhāram || 3 ||
madhye punarmanohara-
-ratnarucistabakarañjitadigantam |
upari catuḥśatayojana-
-muttuṅgaṃ śṛṅgapuṅgavamupāse || 4 ||
tatra catuḥśatayojana-
-pariṇāhaṃ devaśilpinā racitam |
nānāsālamanojñaṃ
namāmyahaṃ nagaramādividyāyāḥ || 5 ||
prathamaṃ sahasrapūrvaka-
-ṣaṭśatasaṅkhyākayojanaṃ paritaḥ |
valayīkṛtasvagātraṃ
varaṇaṃ śaraṇaṃ vrajāmyayorūpam || 6 ||
tasyottare samīraṇa-
-yojanadūre taraṅgitacchāyaḥ |
ghaṭayatu mudaṃ dvitīyo
ghaṇṭāstanasāranirmitaḥ sālaḥ || 7 ||
ubhayorantarasīma-
-nyuddāmabhramararañjitodāram |
upavanamupāsmahe vaya-
-mūrīkṛtamandamārutasyandam || 8 ||
āliṅgya bhadrakālī-
-māsīnastatra hariśilāśyāmām |
manasi mahākālo me
viharatu madhupānavibhramannetraḥ || 9 ||
tārtīyīko varaṇa-
-stasyottarasīmni vātayojanataḥ |
tāmreṇa racitamūrti-
-stanutāmācandratārakaṃ bhadram || 10 ||
madhye tayośca maṇimaya-
-pallavaśākhāprasūnapakṣmalitām |
kalpānokahavāṭīṃ
kalaye makarandapaṅkilāvālām || 11 ||
tatra madhumādhavaśrī-
-taruṇībhyāṃ taraladṛkcakorābhyām |
āliṅgito'vatānmā-
-maniśaṃ prathamarturāttapuṣpāstraḥ || 12 ||
namata taduttarabhāge
nākipathollaṅghiśṛṅgasaṅghātam |
sīsākṛtiṃ turīyaṃ
sitakiraṇālokanirmalaṃ sālam || 13 ||
sāladvayāntarāle
saralālikapotacāṭusubhagāyām |
santānavāṭikāyāṃ
saktaṃ ceto'stu satatamasmākam || 14 ||
tatra tapanātirūkṣaḥ
sāmrājñīcaraṇasāndritasvāntaḥ |
śukraśuciśrīsahito
grīṣmarturdiśatu kīrtimākalpam || 15 ||
uttarasīmani tasyo-
-nnataśikharotkampihāṭakapatākaḥ |
prakaṭayatu pañcamo naḥ
prākāraḥ kuśalamārakūṭamayaḥ || 16 ||
prākārayośca madhye
pallavitānyabhṛtapañcamonmeṣā |
haricandanadruvāṭī-
-haratādāmūlamasmadanutāpam || 17 ||
tatra nabhaḥ śrīmukhyai-
-staruṇīvargaiḥ samanvitaḥ paritaḥ |
vajrāṭṭahāsamukharo
vāñchāpūrtiṃ tanotu varṣartuḥ || 18 ||
mārutayojanadūre
mahanīyastasya cottare bhāge |
bhadraṃ kṛṣīṣṭa ṣaṣṭhaḥ
prākāraḥ pañcalohadhātumayaḥ || 19 ||
anayormadhye santata-
-maṅkūraddivyakusumagandhāyām |
mandāravāṭikāyāṃ
mānasamaṅgīkarotu me vihṛtim || 20 ||
tasyāmiṣorjalakṣmī-
-taruṇībhyāṃ śaradṛtuḥ sadā sahitaḥ |
abhyarcayan sa jīyā-
-dambāmāmodameduraiḥ kusumaiḥ || 21 ||
tasyarṣisaṅkhyayojana-
-dūre dedīpyamānaśṛṅgaughaḥ |
kaladhautakalitamūrtiḥ
kalyāṇaṃ diśatu saptamaḥ sālaḥ || 22 ||
madhye tayormarutpatha
laṅghitaviṭapāgravirutakalakaṇṭhā |
śrīpārijātavāṭī
śriyamaniśaṃ diśatu śītaloddeśā || 23 ||
tasyāmatipriyābhyāṃ
saha khelan sahasahasyalakṣmībhyām |
sāmanto jhaṣaketo-
-rhemanto bhavatu hemavṛddhyai naḥ || 24 ||
uttaratastasya mahā-
-nudbhaṭahutabhukśikhāruṇamayūkhaḥ |
tapanīyakhaṇḍaracita-
-stanutādāyuṣyamaṣṭamo varaṇaḥ || 25 ||
kādambavipinavāṭī-
-manayormadhyabhuvi kalpitāvāsām |
kalayāmi sūnakoraka-
-kandalitāmodatundilasamīrām || 26 ||
tasyāmatiśiśirākṛti-
-rāsīnastapatapasyalakṣmībhyām |
śivamaniśaṃ kurutānme
śiśirartuḥ satataśītaladigantaḥ || 27 ||
tasyāṃ kadambavāṭyāṃ
tatprasavāmodamilitamadhugandham |
saptāvaraṇamanojñaṃ
śaraṇaṃ samupaimi mantriṇīśaraṇam || 28 ||
tatrālaye viśāle
tapanīyāracitataralasopāne |
māṇikyamaṇḍapānta-
-rmahite siṃhāsane sumaṇikhacite || 29 ||
bindutripañcakoṇa-
-dvipanṛpavasuvedadalakurekhāḍhye |
cakre sadā niviṣṭāṃ
ṣaṣṭhyaṣṭatriṃśadakṣareśānīm || 30 ||
tāpiñchamecakābhāṃ
tālīdalaghaṭitakarṇatāṭaṅkām |
tāmbūlapūritamukhīṃ
tāmrādharabimbadṛṣṭadarahāsām || 31 ||
kuṅkumapaṅkiladehāṃ
kuvalayajīvātuśāvakavataṃsām |
kokanadaśoṇacaraṇāṃ
kokilanikvāṇakomalālāpām || 32 ||
vāmāṅgagalitacūlīṃ
vanamālyakadambamālikābharaṇām |
muktālalantikāñcita
mugdhālikamilitacitrakodārām || 33 ||
karavidhṛtakīraśāvaka-
-kalaninadavyaktanikhilanigamārthām |
vāmakucasaṅgivīṇāvādana-
-saukhyārdhamīlitākṣiyugām || 34 ||
āpāṭalāṃśukadharā-
-mādirasonmeṣavāsitakaṭākṣām |
āmnāyasāragulikā-
-mādyāṃ saṅgītamātṛkāṃ vande || 35 ||
tasya ca suvarṇasāla-
-syottaratastaruṇakuṅkumacchāyaḥ |
śamayatu mama santāpaṃ
sālo navamaḥ sa puṣparāgamayaḥ || 36 ||
anayorantaravasudhāḥ
praṇumaḥ pratyagrapuṣparāgamayīḥ |
siṃhāsaneśvarīmanu-
-cintananistandrasiddhanīrandhrāḥ || 37 ||
tatsālottaradeśe
taruṇajapākiraṇadhoraṇīśoṇaḥ |
praśamayatu padmarāga-
-prākāro mama parābhavaṃ daśamaḥ || 38 ||
antarabhūkṛtavāsā-
-nanayorapanītacittavaimatyān |
cakreśīpadabhaktāṃ-
-ścāraṇavargānaharniśaṃ kalaye || 39 ||
sāraṅgavāhayojanadūre-
-'saṅghaṭitaketanastasya |
gomedakena racito
gopāyatu māṃ samunnataḥ sālaḥ || 40 ||
vapradvayāntarorvyāṃ
vaṭukairvividhaiśca yoginībṛndaiḥ |
satataṃ samarcitāyāḥ
saṅkarṣaṇyāḥ praṇaumi caraṇābjam || 41 ||
tāpasayojanadūre
tasya samuttuṅga gopuropetaḥ |
vāñchāpūrtyai bhavatā-
-dvajramaṇīnikaranirmito vapraḥ || 42 ||
varaṇadvitayāntarato
vāsajuṣo vihitamadhurasāsvādāḥ |
rambhādivibudhaveśyā
racayantu mahāntamasmadānandam || 43 ||
tatra sadā pravahantī
taṭinī vajrābhidhā ciraṃ jīyāt |
caṭulormijālanṛtya-
-tkalahaṃsīkulakalakvaṇitapuṣṭā || 44 ||
rodhasi tasyā rucire
vajreśī jayati vajrabhūṣāḍhyā |
vajrapradānatoṣita-
-vajrimukhatridaśavinutacāritrā || 45 ||
tasyodīcyāṃ hariti
stavakitasuṣamāvalīḍhaviyadantaḥ |
vaiḍūryaratnaracito
vaimalyaṃ diśatu cetaso varaṇaḥ || 46 ||
adhimadhyametayoḥ puna-
-rambācaraṇāvalambitasvāntān |
kārkoṭakādināgān
kalayāmaḥ kiṃ ca balimukhān danujān || 47 ||
gandhavahasaṅkhyayojana-
-dūre gaganordhvajāṅghikastasya |
vāsavamaṇipraṇīto
varaṇo bahalayatu vaiduṣīṃ viśadām || 48 ||
madhyakṣoṇyāmanayo-
-rmahendranīlātmakāni ca sarāṃsi |
śātodarīsahāyā-
-nbhūpālānapi punaḥ punaḥ praṇumaḥ || 49 ||
āśugayojanadūre
tasyordhvaṃ kāntidhavalitadigantaḥ |
muktāviracitagātro
muhurasmākaṃ mude bhavatu sālaḥ || 50 ||
āvṛttyoradhimadhyaṃ
pūrvasyāṃ diśi purandaraḥ śrīmān |
abhramuviṭādhirūḍho
vibhramamasmākamaniśamātanutāt || 51 ||
tatkoṇe vyajanasru-
-ktomarapātrasruvānnaśaktidharaḥ |
svāhāsvadhāsametaḥ
sukhayatu māṃ havyavāhanaḥ suciram || 52 ||
dakṣiṇadigantarāle
daṇḍadharo nīlanīradacchāyaḥ |
tripurāpadābjabhaktastirayatu
mama nikhilamaṃhasāṃ nikaram || 53 ||
tasyaiva paścimāyāṃ
diśi dalitendīvaraprabhāśyāmaḥ |
kheṭāsiyaṣṭidhārī
khedānapanayatu yātudhāno me || 54 ||
tasyā uttaradeśe
dhavalāṅgo vipulajhaṣavarārūḍhaḥ |
pāśāyudhāttapāṇiḥ
pāśī vidalayatu pāśajālāni || 55 ||
vande taduttarahari-
-tkoṇe vāyuṃ camūruvaravāham |
korakitatattvabodhā-
-ngorakṣapramukhayogino'pi muhuḥ || 56 ||
taruṇīriḍāpradhānā-
-stisro vātasya tasya kṛtavāsāḥ |
pratyagrakāpiśāyana-
-pānaparibhrāntalocanāḥ kalaye || 57 ||
tallokapūrvabhāge
dhanadaṃ dhyāyāmi śevadhikuleśam |
api māṇibhadramukhyā-
-nambācaraṇāvalambino yakṣān || 58 ||
tasyaiva pūrvasīmani
tapanīyāracitagopure nagare |
kātyāyanīsahāyaṃ
kalaye śītāṃśukhaṇḍacūḍālam || 59 ||
tatpuraṣoḍaśavaraṇa-
-sthalabhājastaruṇacandracūḍālān |
rudrādhyāye paṭhitā-
-nrudrāṇīsahacarānbhaje rudrān || 60 ||
pavamānasaṅkhyayojana-
-dūre bālatṛṇmecakastasya |
sālo marakataracitaḥ
sampadamacalāṃ śriyaṃ ca puṣṇātu || 61 ||
āvṛtiyugmāntarato
haritamaṇīnivahamecake deśe |
hāṭakatālīvipinaṃ
hālāghaṭaghaṭitaviṭapamākalaye || 62 ||
tatraiva mantriṇīgṛha-
-pariṇāhaṃ taralaketanaṃ sadanam |
marakatasaudhamanojñaṃ
dadyādāyūṃṣi daṇḍanāthāyāḥ || 63 ||
sadane tatra harinmaṇi-
-saṅghaṭite maṇḍape śatastambhe |
kārtasvaramayapīṭhe
kanakamayāmburuhakarṇikāmadhye || 64 ||
bindutrikoṇavartula-
-ṣaḍasravṛttadvayānvite cakre |
sañcāriṇī daśottara-
śatārṇamanurājakamalakalahaṃsī || 65 ||
kolavadanā kuśeśaya-
-nayanā kokārimaṇḍitaśikhaṇḍā |
santaptakāñcanābhā
sandhyāruṇacelasaṃvṛtanitambā || 66 ||
halamusalaśaṅkhacakrā-
-'ṅkuśapāśābhayavarasphuritahastā |
kūlaṅkaṣānukampā
kuṅkumajambālitastanābhogā || 67 ||
dhūrtānāmatidūrā-
-vārtāśeṣāvalagnakamanīyā |
ārtālīśubhadātrī
vārtālī bhavatu vāñchitārthāya || 68 ||
tasyāḥ parito devīḥ
svapneśyunmattabhairavīmukhyāḥ |
praṇamata jambhinyādyāḥ
bhairavavargāṃśca hetukapramukhān || 69 ||
pūrvoktasaṅkhyayojana-
-dūre pūyāṃśupāṭalastasya |
vidrāvayatu madārtiṃ
vidrumasālo viśaṅkaṭadvāraḥ || 70 ||
āvaraṇayoraharniśa-
-mantarabhūmauprakāśaśālinyām |
āsīnamambujāsana-
-mabhinavasindūragauramahamīḍe || 71 ||
varaṇasya tasya māruta-
-yojanato vipulagopuradvāraḥ |
sālo nānāratnaiḥ
saṅghaṭitāṅgaḥ kṛṣīṣṭa madabhīṣṭam || 72 ||
antarakakṣyāmanayo-
-raviralaśobhāpicaṇḍiloddeśām |
māṇikyamaṇḍapākhyāṃ
mahatīmadhihṛdayamaniśamākalaye || 73 ||
tatra sthitaṃ prasannaṃ
taruṇatamālapravālakiraṇābham |
karṇāvalambikuṇḍala-
-kandalitābhīśukavacitakapolam || 74 ||
śoṇādharaṃ śucismita-
-meṇāṅkavadanamedhamānakṛpam |
mugdhaiṇamadaviśeṣaka-
-mudritaniṭilendurekhikāruciram || 75 ||
nālīkadalasahodara-
-nayanāñcalaghaṭitamanasijākūtam |
kamalākaṭhinapayodhara-
-kastūrīghusṛṇapaṅkiloraskam || 76 ||
cāmpeyagandhikaiśyaṃ
śampāsabrahmacārikauśeyam |
śrīvatsakaustubhadharaṃ
śritajanarakṣādhurīṇacaraṇābjam || 77 ||
kambusudarśanavilasa-
-tkarapadmaṃ kaṇṭhalolavanamālam |
mucukundamokṣaphaladaṃ
mukundamānandakandamavalambe || 78 ||
tadvaraṇottarabhāge
tārāpatibimbacumbinijaśṛṅgaḥ |
vividhamaṇīgaṇaghaṭito
vitaratu sālo vinirmalāṃ dhiṣaṇām || 79 ||
prākāradvitayāntara-
-kakṣyāṃ pṛthuratnanikarasaṅkīrṇām |
namata sahasrastambhaka-
-maṇḍapanāmnātiviśrutāṃ bhuvane || 80 ||
praṇumastatra bhavānī-
-sahacaramīśānamindukhaṇḍadharam |
śṛṅgāranāyikāmanu-
-śīlanabhājo'pi bhṛṅginandimukhān || 81 ||
tasyaiṇavāhayojana-
-dūre vande manomayaṃ vapram |
aṅkūranmaṇikiraṇā-
-mantarakakṣyāṃ ca nirmalāmanayoḥ || 82 ||
tatraivāmṛtavāpīṃ
taralataraṅgāvalīḍhataṭayugmām |
muktāmayakalahaṃsī-
-mudritakanakāravindasandohām || 83 ||
śakropalamayabhṛṅgī-
-saṅgītonmeṣaghoṣitadigantām |
kāñcanamayāṅgavilasa-
-tkāraṇḍavaṣaṇḍatāṇḍavamanojñām || 84 ||
kuruvindātmakahallaka-
-korakasuṣamāsamūhapāṭalitām |
kalaye sudhāsvarūpāṃ
kandalitāmandakairavāmodām || 85 ||
tadvāpikāntarāle tarale
maṇipotasīmni viharantīm |
sindūrapāṭalāṅgīṃ
sitakiraṇāṅkūrakalpitavataṃsām || 86 ||
parvendubimbavadanāṃ
pallavaśoṇādharasphuritahāsām |
kuṭilakabarīṃ kuraṅgī-
-śiśunayanāṃ kuṇḍalasphuritagaṇḍām || 87 ||
nikaṭasthapotanilayāḥ
śaktīḥ śayavidhṛtahemaśṛṅgajalaiḥ |
pariṣiñcantīṃ parita-
-stārāṃ tāruṇyagarvitāṃ vande || 88 ||
prāguktasaṅkhyayojanadūre
praṇamāmi buddhimayasālam |
anayorantarakakṣyā-
-maṣṭāpadapuṣṭamedinīṃ rucirām || 89 ||
kādambarīnidhānāṃ
kalayāmyānandavāpikāṃ tasyām |
śoṇāśmanivahanirmita-
-sopānaśreṇiśobhamānataṭīm || 90 ||
māṇikyataraṇinilayāṃ
madhye tasyā madāruṇakapolām |
amṛteśītyabhidhānā-
-mantaḥ kalayāmi vāruṇīṃ devīm || 91 ||
sauvarṇakenipātana-
-hastāḥ saundaryagarvitā devyaḥ |
tatpurataḥ sthitibhājo
vitarantvasmākamāyuṣo vṛddhim || 92 ||
tasya pṛṣadaśvayojana-
-dūre'haṅkārasālamatituṅgam |
vande tayośca madhye
kakṣyāṃ valamānamalayapavamānām || 93 ||
vinumo vimarśavāpīṃ
sauṣumnasudhāsvarūpiṇīṃ tatra |
velātilaṅghyavīcī-
-kolāhalabharitakūlavanavāṭīm || 94 ||
tatraiva salilamadhye
tāpiñchadalaprapañcasuṣamābhām |
śyāmalakañcukalasitāṃ
śyāmāviṭabimbaḍambaraharāsyām || 95 ||
ābhugnamasṛṇacillī-
-hasitāyugmaśarakārmukavilāsām |
mandasmitāñcitamukhīṃ
maṇimayatāṭaṅkamaṇḍitakapolām || 96 ||
kuruvindataraṇinilayāṃ
kulācalaspardhikucanamanmadhyām |
kuṅkumaviliptagātrīṃ
kurukullāṃ manasi kurmahe satatam || 97 ||
tatsālottarabhāge
bhānumayaṃ vapramāśraye dīptam |
madhyaṃ ca vipulamanayo-
-rmanye viśrāntamātapodgāram || 98 ||
tatra kuruvindapīṭhe
tāmarase kanakakarṇikāghaṭite |
āsīnamaruṇavāsasa-
-mamlānaprasavamālikābharaṇam || 99 ||
cakṣuṣmatīprakāśana-
-śakticchāyāsamāracitakelim |
māṇikyamukuṭaramyaṃ
manye mārtāṇḍabhairavaṃ hṛdaye || 100 ||
indumayasālamīḍe
tasyottaratastuṣāragirigauram |
atyantaśiśiramāruta-
-manayormadhyaṃ ca candrikodgāram || 101 ||
tatra prakāśamānaṃ
tārānikaraiḥ pariṣkṛtoddeśam |
amṛtamayakāntikandala-
-mantaḥ kalayāmi kundasitamindum || 102 ||
śṛṅgārasālamīḍe
śṛṅgollasitaṃ taduttare bhāge |
madhyasthale tayorapi
mahitāṃ śṛṅgārapūrvikāṃ parikhām || 103 ||
tatra maṇinausthitābhi-
-stapanīyāviracitāgrahastābhiḥ |
śṛṅgāradevatābhiḥ
sahitaṃ parikhādhipaṃ bhaje madanam || 104 ||
śṛṅgāravaraṇavaryasyottarataḥ
sakalavibudhasaṃsevyam |
cintāmaṇigaṇaracitaṃ
cintāṃ dūrīkarotu me sadanam || 105 ||
maṇisadanasālayoradhi-
-madhyaṃ daśatālabhūmiruhadīrghaiḥ |
parṇaiḥ suvarṇavarṇai-
-ryuktāṃ kāṇḍaiśca yojanottuṅgaiḥ || 106 ||
mṛdulaistālīpañcaka-
-mānairmilitāṃ ca kesarakadambaiḥ |
santatagalitamaranda-
-srotoniryanmilindasandohām || 107 ||
pāṭīrapavanabālaka-
-dhāṭīniryatparāgapiñjaritām |
kalahaṃsīkulakalakala-
-kūlaṅkaṣaninadanicayakamanīyām || 108 ||
padmāṭavīṃ bhajāmaḥ
parimalakallolapakṣmalopāntām |
[ devyarghyapātradhārī
tasyāḥ pūrvadiśi daśakalāyuktaḥ | ]
valayitamūrtirbhagavā-
-nvahniḥ krośonnataściraṃ pāyāt || 109 ||
tatrādhāre devyāḥ
pātrīrūpaḥ prabhākaraḥ śrīmān |
dvādaśakalāsameto
dhvāntaṃ mama bahulamāntaraṃ bhindyāt || 110 ||
tasmin dineśapātre
taraṅgitāmodamamṛtamayamarghyam |
candrakalātmakamamṛtaṃ
sāndrīkuryādamandamānandam || 111 ||
amṛte tasminnabhito
viharantyo vividhamaṇitaraṇibhājaḥ |
ṣoḍaśa kalāḥ sudhāṃśoḥ
śokāduttārayantu māmaniśam || 112 ||
tatraiva vihṛtibhājo
dhātṛmukhānāṃ ca kāraṇeśānām |
sṛṣṭyādirūpikāstāḥ
śamayantvakhilāḥ kalāśca santāpam || 113 ||
kīnāśavaruṇakinnara-
-rājadiganteṣu ratnagehasya |
kalayāmi tānyajasraṃ
kalayantvāyuṣyamarghyapātrāṇi || 114 ||
pātrasthalasya purataḥ
padmāramaṇavidhipārvatīśānām |
bhavanāni śarmaṇe no
bhavantu bhāsā pradīpitajaganti || 115 ||
sadanasyānalakoṇe
satataṃ praṇamāmi kuṇḍamāgneyam |
tatra sthitaṃ ca vahniṃ
taralaśikhājaṭilamambikājanakam || 116 ||
tasyāsuradiśi tādṛśa-
-ratnaparisphuritaparvanavakāḍhyam |
cakrātmakaṃ śatāṅgaṃ
śatayojanamunnataṃ bhaje divyam || 117 ||
tatraiva diśi niṣaṇṇaṃ
tapanīyadhvajaparamparāśliṣṭam |
rathamaparaṃ ca bhavānyā
racayāmo manasi ratnamayacūḍam || 118 ||
bhavanasya vāyubhāge
pariṣkṛto vividhavaijayantībhiḥ |
racayatu mudaṃ rathendraḥ
saciveśānyāḥ samastavandyāyāḥ || 119 ||
kurmo'dhihṛdayamaniśaṃ
kroḍāsyāyāḥ śatāṅgamūrdhanyam |
rudradiśi ratnadhāmno
ruciraśalākāprapañcakañcukitam || 120 ||
parito devīdhāmnaḥ
praṇītavāsā manusvarūpiṇyaḥ |
kurvantu raśmimālā-
-kṛtayaḥ kuśalāni devatā nikhilāḥ || 121 ||
prāgdvārasya bhavānī-
-dhāmnaḥ pārśvadvayāracitavāse |
mātaṅgīkiṭimukhyau
maṇisadane manasi bhāvayāmi ciram || 122 ||
yojanayugalābhogā
tatkrośapariṇāhayaiva bhittyā ca |
cintāmaṇigṛhabhūmi-
-rjīyādāmnāyamayacaturdvārā || 123 ||
dvāre dvāre dhāmnaḥ
piṇḍībhūtā navīnabimbābhāḥ |
vidadhatu vipulāṃ kīrtiṃ
divyā lauhityasiddhyo devyaḥ || 124 ||
maṇisadanasyāntarato
mahanīye ratnavedikāmadhye |
bindumayacakramīḍe
pīṭhānāmupari viracitāvāsam || 125 ||
cakrāṇāṃ sakalānāṃ
prathamamadhaḥ sīmaphalakavāstavyāḥ |
aṇimādisiddhayo mā-
-mavantu devī prabhāsvarūpiṇyaḥ || 126 ||
aṇimādisiddhiphalaka-
-syoparihariṇāṅkakhaṇḍakṛtacūḍāḥ |
bhadraṃ pakṣmalayantu
brāhmīpramukhāśca mātaro'smākam || 127 ||
tasyopari maṇiphalake
tāruṇyottuṅgapīnakucabhārāḥ |
saṅkṣobhiṇīpradhānāḥ
bhrānti vidrāvayantu daśa mudrāḥ || 128 ||
phalakatrayasvarūpe
pṛthule trailokyamohane cakre |
dīvyantu prakaṭākhyā-
-stāsāṃ kartrīṃ ca bhagavatī tripurā || 129 ||
tadupari vipule dhiṣṇye
taraladṛśastaruṇakokanadabhāsaḥ |
kāmākarṣiṇyādyāḥ
kalaye devīḥ kalādharaśikhaṇḍāḥ || 130 ||
sarvāśāparipūrakacakre-
-'smin guptayoginīsevyāḥ |
tripureśī mama duritaṃ
tudyāt kaṇṭhāvalambimaṇihārā || 131 ||
tasyopari maṇipīṭhe
tāmrāmbhoruhadalaprabhāśoṇāḥ |
dhyāyāmyanaṅgakusumā-
-pramukhā devīśca vidhṛtakūrpāsāḥ || 132 ||
saṅkṣobhakārake'smiṃ-
-ścakre śrītripurasundarī sākṣāt |
goptrī guptatarākhyāḥ
gopāyatu māṃ kṛpārdrayā dṛṣṭyā || 133 ||
saṅkṣobhiṇīpradhānāḥ
śaktīstasyordhvavalayakṛtavāsāḥ |
ālolanīlaveṇī-
-rantaḥ kalayāmi yauvanonmattāḥ || 134 ||
saubhāgyadāyake'smiṃ-
-ścakreśī tripuravāsinī jīyāt |
śaktīśca sampradāyābhidhāḥ
samastāḥ pramodayantvaniśam || 135 ||
maṇipīṭhopari tāsāṃ
mahati caturhastavistṛte valaye |
santataviracitavāsāḥ
śaktīḥ kalayāmi sarvasiddhimukhāḥ || 136 ||
sarvārthasādhakākhye
cakre'muṣmin samastaphaladātrī |
tripurā śrīrmama kuśalaṃ
diśatāduttīrṇayoginīsevyā || 137 ||
tāsāṃ nilayasyopari
dhiṣṇye kausumbhakañcukamanojñāḥ |
sarvājñādyāḥ devyaḥ
sakalāḥ sampādayantu mama kīrtim || 138 ||
cakre samastarakṣā-
-karanāmnyasmin samastajanasevyām |
manasi nigarbhāsahitāṃ
manye śrītripuramālinīṃ devīm || 139 ||
sarvajñāsadanasyopari
cakre vipule samākalitagehāḥ |
vande vaśinīmukhyāḥ
śaktīḥ sindūrareṇurucaḥ || 140 ||
śrīsarvarogaharākhya-
-cakre'smiṃstripurapūrvikāṃ siddhām |
vande rahasyanāmnā
vedyābhiḥ śaktibhiḥ sadā sevyām || 141 ||
vaśinīgṛhopariṣṭā-
-dviṃśatihastonnate mahāpīṭhe |
śamayantu śatrubṛndaṃ
śastrāṇyastrāṇi cādidampatyoḥ || 142 ||
śastrasadanopariṣṭā-
-dvalaye valavairiratnasaṅghaṭite |
kāmeśvarīpradhānāḥ
kalaye devīḥ samastajanavandyāḥ || 143 ||
cakre'tra sarvasiddhiprada-
-nāmani sarvaphaladātrī |
tripurāmbāvatu satataṃ
parāpararahasyayoginīsevyā || 144 ||
kāmeśvarīgṛhoparivalaye
vividhamanusampradāyajñāḥ |
catvāro yuganāthā
jayantu mitreśapūrvakāḥ guravaḥ || 145 ||
nāthabhavanopariṣṭā-
-nnānāratnacayamedure pīṭhe |
kāmeśyādyā nityāḥ
kalayantu mudaṃ tithisvarūpiṇyaḥ || 146 ||
nityāsadanasyopari
nirmalamaṇinivahaviracite dhiṣṇye |
kuśalaṃ ṣaḍaṅgadevyaḥ
kalayantvasmākamuttaralanetrāḥ || 147 ||
sadanasyopari tāsāṃ
sarvānandamayanāmake bindau |
pañcabrahmākārāṃ
mañcaṃ praṇamāmi maṇigaṇākīrṇam || 148 ||
parito maṇimañcasya
pralambamānā niyantritā pāśaiḥ |
māyāmayī javanikā
mama duritaṃ haratu mecakacchāyā || 149 ||
mañcasyopari lamba-
-nmadanīpunnāgamālikābharitam |
harigopamayavitānaṃ
haratādālasyamaniśamasmākam || 150 ||
paryaṅkasya bhajāmaḥ
pādānbimbāmbudenduhemarucaḥ |
ajaharirudreśamayā-
-nanalāsuramāruteśakoṇasthān || 151 ||
phalakaṃ sadāśivamayaṃ
praṇaumi sindūrareṇukiraṇābham |
ārabhyāṅgeśīnāṃ
sadanātkalitaṃ ca ratnasopānam || 152 ||
paṭṭopadhānagaṇḍaka-
-catuṣṭayasphuritapāṭalāstaraṇam |
paryaṅkopari ghaṭitaṃ
pātu ciraṃ haṃsatūlaśayanaṃ naḥ || 153 ||
tasyopari nivasantaṃ
tāruṇyaśrīniṣevitaṃ satatam |
āvṛntapullahallaka-
-marīcikāpuñjamañjulacchāyam || 154 ||
sindūraśoṇavasanaṃ
śītāṃśustabakacumbitakirīṭam |
kuṅkumatilakamanohara-
-kuṭilālikahasitakumudabandhuśiśum || 155 ||
pūrṇendubimbavadanaṃ
phullasarojātalocanatritayam |
taralāpāṅgataraṅgita-
-śapharāṅkanaśāstrasampradāyārtham || 156 ||
maṇimayakuṇḍalapuṣya-
-nmarīcikallolamāṃsalakapolam |
vidrumasahodarādhara-
-visṛmarasusmitakiśorasañcāram || 157 ||
āmodikusumaśekhara-
-mānīlabhrūlatāyugamanojñam |
vīṭīsaurabhavīcī-
-dviguṇitavaktrāravindasaurabhyam || 158 ||
pāśāṅkuśekṣucāpa-
-prasavaśarasphuritakomalakarābjam |
kāśmīrapaṅkilāṅgaṃ
kāmeśaṃ manasi kurmahe satatam || 159 ||
tasyāṅkabhuvi niṣaṇṇāṃ
taruṇakadambaprasūnakiraṇābhām |
śītāṃśukhaṇḍacūḍāṃ
sīmantanyastasāndrasindūrām || 160 ||
kuṅkumalalāmabhāsva-
-nniṭilāṃ kuṭilataracillikāyugalām |
nālīkatulyanayanāṃ
nāsāñcalanaṭitamauktikābharaṇām || 161 ||
aṅkuritamandahāsa-
-maruṇādharakāntivijitabimbābhām |
kastūrīmakarīyuta-
-kapolasaṅkrāntakanakatāṭaṅkām || 162 ||
karpūrasāndravīṭī-
-kabalitavadanāravindakamanīyām |
kambusahodarakaṇṭha-
-pralambamānācchamauktikakalāpām || 163 ||
kahlāradāmakomala-
-bhujayugalasphuritaratnakeyūrām |
karapadmamūlavilasa-
-tkāñcanamayakaṭakavalayasandohām || 164 ||
pāṇicatuṣṭayavilasa-
-tpāśāṅkuśapuṇḍracāpapuṣpāstrām |
kūlaṅkaṣakucaśikharāṃ
kuṅkumakardamitaratnakūrpāsām || 165 ||
aṇudāyādavalagnā-
-mambudaśobhāsanābhiromalatām |
māṇikyakhacitakāñcī-
-marīcikākrāntamāṃsalanitambām || 166 ||
karabhorukāṇḍayugalāṃ
jaṅghājitakāmajaitratūṇīrām |
prapadaparibhūtakūrmāṃ
pallavasacchāyapadayugamanojñām || 167 ||
kamalabhavakañjalocana-
-kirīṭaratnāṃśurañjitapadābjām |
unmastakānukampā-
-muttaralāpāṅgapoṣitānaṅgām || 168 ||
ādimarasāvalambā-
-manidaṃ prathamoktivallarīkalikām |
ābrahmakīṭajananī-
-mantaḥ kalayāmi sundarīmaniśam || 169 ||
kastu kṣitau paṭīyā-
-nvastu stotuṃ śivāṅkavāstavyam |
astu cirantanasukṛtaiḥ
prastutakāmyāya tanmama purastāt || 170 ||
prabhusammitoktigamyaṃ
paramaśivotsaṅgatuṅgaparyaṅkam |
tejaḥ kiñcana divyaṃ
purato me bhavatu puṇḍrakodaṇḍam || 171 ||
madhurimabharitaśarāsaṃ
makarandasyandimārgaṇodāram |
kairaviṇīviṭacūḍaṃ
kaivalyāyāstu kiñcana maho naḥ || 172 ||
akṣudramikṣucāpaṃ
parokṣamavalagnasīmni tryakṣam |
kṣapayatu me kṣemetara-
-mukṣarathapremapakṣmalaṃ tejaḥ || 173 ||
bhṛṅgarucisaṅgarakarāpāṅgaṃ
śṛṅgāratuṅgamaruṇāṅgam |
maṅgalamabhaṅguraṃ me
ghaṭayatu gaṅgādharāṅgasaṅgi mahaḥ || 174 ||
prapadājitakūrmamūrjita-
-karuṇaṃ bharmarucinirmathanadeham |
śritavarma marma śambhoḥ
kiñcana mama narma śarma nirmātu || 175 ||
kālakuralālikālima-
-kandalavijitāli vidhṛtamaṇivāli |
milatu hṛdi pulinajaghanaṃ
bahulitagalagaralakeli kimapi mahaḥ || 176 ||
kuṅkumatilakitaphālā
kuruvindacchāyapāṭaladukūlā |
karuṇāpayodhivelā
kācana citte cakāstu me līlā || 177 ||
puṣpandhayaruciveṇyaḥ
pulinābhogatrapākaraśreṇyaḥ |
jīyāsurikṣupāṇyaḥ
kāścana kāmārikelisākṣiṇyaḥ || 178 ||
tapanīyāṃśukabhāṃsi
drākṣāmādhuryanāstikavacāṃsi |
katicana śucaṃ mahāṃsi
kṣapayatu kapālitoṣitamanāṃsi || 179 ||
asitakacamāyatākṣaṃ
kusumaśaraṃ kūlamudvahakṛpārdram |
ādimarasādhidaivata-
-mantaḥ kalaye harāṅkavāsi mahaḥ || 180 ||
karṇopāntataraṅgita-
-kaṭākṣavispandikaṇṭhadaghnakṛpām |
kāmeśvarāṅkanilayāṃ
kāmapi vidyāṃ purātanīṃ kalaye || 181 ||
aravindakāntyaruntuda-
-vilocanadvandvasundaramukhendu |
chandaḥ kandalamandira-
-mantaḥpuramainduśekharaṃ vande || 182 ||
bimbinikurambaḍambara-
-viḍambakacchāyamambaravalagnam |
kambugalamambudakucaṃ
bimbokaṃ kamapi cumbatu mano me || 183 ||
kamapi kamanīyarūpaṃ
kalayāmyantaḥ kadambakusumāḍhyam |
campakarucirasuveṣaiḥ
sampāditakāntyalaṅkṛtadigantam || 184 ||
śampārucibhara-
-garhāsampādakakāntikavacitadigantam |
siddhāntaṃ nigamānāṃ
śuddhāntaṃ kimapi śūlinaḥ kalaye || 185 ||
udyaddinakaraśoṇā-
-nutpalabandhustanandhayāpīḍān |
karakalitapuṇḍracāpā-
-nkalaye kānapi kapardinaḥ prāṇān || 186 ||
raśanālasajjaghanayā
rasanājīvātucāpabhāsurayā |
ghrāṇāyuṣkaraśarayā
ghrātaṃ cittaṃ kayāpi vāsanayā || 187 ||
sarasijasahayudhvadṛśā
śampālatikāsanābhivigrahayā |
bhāsā kayāpi ceto
nāsāmaṇiśobhivadanayā bharitam || 188 ||
navayāvakābhasicayānvitayā
gajayānayā dayāparayā |
dhṛtayāminīśakalayā
dhiyā kayāpi kṣatāmayā hi vayam || 189 ||
alamalamakusumabāṇai-
-rabimbaśoṇairapuṇḍrakodaṇḍaiḥ |
akumudabāndhavacūḍai-
-ranyairiha jagati daivataṃ manyaiḥ || 190 ||
kuvalayasadṛkṣanayanaiḥ
kulagirikūṭasthabandhukucabhāraiḥ |
karuṇāspandikaṭākṣaiḥ
kavacitacitto'smi katipayaiḥ kutukaiḥ || 191 ||
natajanasulabhāya namo
nālīkasanābhilocanāya namaḥ |
nanditagiriśāya namo
mahase navanīpapāṭalāya namaḥ || 192 ||
kādambakusumadāmne
kāyacchāyākaṇāyitāryamṇe |
sīmne cirantanagirāṃ
bhūmne kasmaicidādade praṇatim || 193 ||
kuṭilakabarībharebhyaḥ
kuṅkumasabrahmacārikiraṇebhyaḥ |
kūlaṅkaṣastanebhyaḥ
kurmaḥ praṇatiṃ kulādrikutukebhyaḥ || 194 ||
kokanadaśoṇacaraṇā-
-tkomalakuralālivijitaśaivālāt |
utpalasagandhinayanā-
-durarīkurmo na devatamānyām || 195 ||
āpāṭalādharāṇā-
-mānīlasnigdhabarbarakacānām |
āmnāyajīvanānā-
-mākūtānāṃ harasya dāso'ham || 196 ||
puṅkhitavilāsahāsa-
-sphuritāsu purāhitāṅkanilayāsu |
magnaṃ mano madīyaṃ
kāsvapi kāmārijīvanāḍīṣu || 197 ||
lalitā pātu śiro me
lalāṭamambā ca madhumatīrūpā |
bhrūyugmaṃ ca bhavānī
puṣpaśarā pātu locanadvandvam || 198 ||
pāyānnāsāṃ bālā
subhagā dantāṃśca sundarī jihvām |
adharoṣṭhamādiśakti-
-ścakreśī pātu me ciraṃ cibukam || 199 ||
kāmeśvarī ca karṇau
kāmākṣī pātu gaṇḍayoryugalam |
śṛṅgāranāyikāvyā-
-dvadanaṃ siṃhāsaneśvarī ca galam || 200 ||
skandaprasūśca pātu
skandhau bāhū ca pāṭalāṅgī me |
pāṇī ca padmanilayā
pāyādaniśaṃ nakhāvalīrvijayā || 201 ||
kodaṇḍinī ca vakṣaḥ
kukṣiṃ cāvyāt kulācalatanūjā |
kalyāṇī ca valagnaṃ
kaṭiṃ ca pāyātkalādharaśikhaṇḍā || 202 ||
ūrudvayaṃ ca pāyā-
-dumā mṛḍānī ca jānunī rakṣet |
jaṅghe ca ṣoḍaśī me
pāyāt pādau ca pāśasṛṇihastā || 203 ||
prātaḥ pātu parā māṃ
madhyāhne pātu maṇigṛhādhīśā |
śarvāṇyavatu ca sāyaṃ
pāyādrātrau ca bhairavī sākṣāt || 204 ||
bhāryāṃ rakṣatu gaurīṃ
pāyāt putrāṃśca bindugṛhapīṭhā |
śrīvidyā ca yaśo me
śīlaṃ cāvyācciraṃ mahārājñī || 205 ||
pavanamayi pāvakamayi
kṣoṇīmayi gaganamayi kṛpīṭamayi |
ravimayi śaśimayi diṅmayi
samayamayi prāṇamayi śive pāhi || 206 ||
kāli kapālini śūlini
bhairavi mātaṅgi pañcami tripure |
vāgdevi vindhyavāsini
bāle bhuvaneśi pālaya ciraṃ mām || 207 ||
abhinavasindūrābhā-
-mamba tvāṃ cintayanti ye hṛdaye |
upari nipatanti teṣā-
-mutpalanayanākaṭākṣakallolāḥ || 208 ||
vargāṣṭakamilitābhi-
-rvaśinīmukhyābhirāvṛtāṃ bhavatīm |
cintayatāṃ sitavarṇāṃ
vāco niryāntyayatnato vadanāt || 209 ||
kanakaśalākāgaurīṃ
karṇavyālolakuṇḍaladvitayām |
prahasitamukhīṃ ca bhavatīṃ
dhyāyanto ye ta eva bhūdhanadāḥ || 210 ||
śīrṣāmbhoruhamadhye
śītalapīyūṣavarṣiṇīṃ bhavatīm |
anudinamanucintayatā-
-māyuṣyaṃ bhavati puṣkalamavanyām || 211 ||
madhurasmitāṃ madāruṇanayanāṃ
mātaṅgakumbhavakṣojām |
candravataṃsinīṃ tvāṃ
savidhe paśyanti sukṛtinaḥ kecit || 212 ||
lalitāyāḥ stavaratnaṃ
lalitapadābhiḥ praṇītamāryābhiḥ |
pratidinamavanau paṭhatāṃ
phalāni vaktuṃ pragalbhate saiva || 213 ||
sadasadanugrahanigraha-
-gṛhītamunivigraho bhagavān |
sarvāsāmupaniṣadāṃ
durvāsā jayati deśikaḥ prathamaḥ || 214 ||
iti maharṣidurvāsaḥ viracitaṃ śrīlalitāstavaratnam |
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.