ആനന്ദമന്ഥരപുരന്ദരമുക്തമാല്യം
മൌലൌ ഹഠേന നിഹിതം മഹിഷാസുരസ്യ ।
പാദാമ്ബുജം ഭവതു മേ വിജയായ മഞ്ജു-
-മഞ്ജീരശിഞ്ജിതമനോഹരമമ്ബികായാഃ ॥ 1 ॥
ദേവി ത്ര്യമ്ബകപത്നി പാര്വതി സതി ത്രൈലോക്യമാതഃ ശിവേ
ശര്വാണി ത്രിപുരേ മൃഡാനി വരദേ രുദ്രാണി കാത്യായനി ।
ഭീമേ ഭൈരവി ചണ്ഡി ശര്വരികലേ കാലക്ഷയേ ശൂലിനി
ത്വത്പാദപ്രണതാനനന്യമനസഃ പര്യാകുലാന്പാഹി നഃ ॥ 2 ॥
ദേവി ത്വാം സകൃദേവ യഃ പ്രണമതി ക്ഷോണീഭൃതസ്തം നമ-
-ന്ത്യാജന്മസ്ഫുരദങ്ഘ്രിപീഠവിലുഠത്കോടീരകോടിച്ഛടാഃ ।
യസ്ത്വാമര്ചതി സോഽര്ച്യതേ സുരഗണൈര്യഃ സ്തൌതി സ സ്തൂയതേ
യസ്ത്വാം ധ്യായതി തം സ്മരാര്തിവിധുരാ ധ്യായന്തി വാമഭ്രുവഃ ॥ 3 ॥
ഉന്മത്താ ഇവ സഗ്രഹാ ഇവ വിഷവ്യാസക്തമൂര്ഛാ ഇവ
പ്രാപ്തപ്രൌഢമദാ ഇവാര്തിവിരഹഗ്രസ്താ ഇവാര്താ ഇവ ।
യേ ധ്യായന്തി ഹി ശൈലരാജതനയാം ധന്യാസ്ത ഏവാഗ്രതഃ
ത്യക്തോപാധിവിവൃദ്ധരാഗമനസോ ധ്യായന്തി താന്സുഭ്രുവഃ ॥ 4 ॥
ധ്യായന്തി യേ ക്ഷണമപി ത്രിപുരേ ഹൃദി ത്വാം
ലാവണ്യയൌവനധനൈരപി വിപ്രയുക്താഃ ।
തേ വിസ്ഫുരന്തി ലലിതായതലോചനാനാം
ചിത്തൈകഭിത്തിലിഖിതപ്രതിമാഃ പുമാംസഃ ॥ 5 ॥
ഏതം കിം നു ദൃശാ പിബാമ്യുത വിശാമ്യസ്യാങ്ഗമങ്ഗൈര്നിജൈഃ
കിം വാഽമും നിഗരാമ്യനേന സഹസാ കിം വൈകതാമാശ്രയേ ।
യസ്യേത്ഥം വിവശോ വികല്പലലിതാകൂതേന യോഷിജ്ജനഃ
കിം തദ്യന്ന കരോതി ദേവി ഹൃദയേ യസ്യ ത്വമാവര്തസേ ॥ 6 ॥
വിശ്വവ്യാപിനി യദ്വദീശ്വര ഇതി സ്ഥാണാവനന്യാശ്രയഃ
ശബ്ദഃ ശക്തിരിതി ത്രിലോകജനനി ത്വയ്യേവ തഥ്യസ്ഥിതിഃ ।
ഇത്ഥം സത്യപി ശക്നുവന്തി യദിമാഃ ക്ഷുദ്രാ രുജോ ബാധിതും
ത്വദ്ഭക്താനപി ന ക്ഷിണോഷി ച രുഷാ തദ്ദേവി ചിത്രം മഹത് ॥ 7 ॥
ഇന്ദോര്മധ്യഗതാം മൃഗാങ്കസദൃശച്ഛായാം മനോഹാരിണീം
പാണ്ഡൂത്ഫുല്ലസരോരുഹാസനഗതാ സ്നിഗ്ധപ്രദീപച്ഛവിമ് ।
വര്ഷന്തീമമൃതം ഭവാനി ഭവതീം ധ്യായന്തി യേ ദേഹിനഃ
തേ നിര്മുക്തരുജോ ഭവന്തി രിപവഃ പ്രോജ്ഝന്തി താന്ദൂരതഃ ॥ 8 ॥
പൂര്ണേന്ദോഃ ശകലൈരിവാതിബഹലൈഃ പീയൂഷപൂരൈരിവ
ക്ഷീരാബ്ധേര്ലഹരീഭരൈരിവ സുധാപങ്കസ്യ പിണ്ഡൈരിവ ।
പ്രാലേയൈരിവ നിര്മിതം തവ വപുര്ധ്യായന്തി യേ ശ്രദ്ധയാ
ചിത്താന്തര്നിഹിതാര്തിതാപവിപദസ്തേ സമ്പദം ബിഭ്രതി ॥ 9 ॥
യേ സംസ്മരന്തി തരലാം സഹസോല്ലസന്തീം
ത്വാം ഗ്രന്ഥിപഞ്ചകഭിദം തരുണാര്കശോണാമ് ।
രാഗാര്ണവേ ബഹലരാഗിണി മജ്ജയന്തീം
കൃത്സ്നം ജഗദ്ദധതി ചേതസി താന്മൃഗാക്ഷ്യഃ ॥ 10 ॥
ലാക്ഷാരസസ്നപിതപങ്കജതന്തുതന്വീം
അന്തഃ സ്മരത്യനുദിനം ഭവതീം ഭവാനി ।
യസ്തം സ്മരപ്രതിമമപ്രതിമസ്വരൂപാഃ
നേത്രോത്പലൈര്മൃഗദൃശോ ഭൃശമര്ചയന്തി ॥ 11 ॥
സ്തുമസ്ത്വാം വാചമവ്യക്താം ഹിമകുന്ദേന്ദുരോചിഷമ് ।
കദമ്ബമാലാം ബിഭ്രാണാമാപാദതലലമ്ബിനീമ് ॥ 12 ॥
മൂര്ധ്നീന്ദോഃ സിതപങ്കജാസനഗതാം പ്രാലേയപാണ്ഡുത്വിഷം
വര്ഷന്തീമമൃതം സരോരുഹഭുവോ വക്ത്രേഽപി രന്ധ്രേഽപി ച ।
അച്ഛിന്നാ ച മനോഹരാ ച ലലിതാ ചാതിപ്രസന്നാപി ച
ത്വാമേവം സ്മരതഃ സ്മരാരിദയിതേ വാക്സര്വതോ വല്ഗതി ॥ 13 ॥
ദദാതീഷ്ടാന്ഭോഗാന് ക്ഷപയതി രിപൂന്ഹന്തി വിപദോ
ദഹത്യാധീന്വ്യാധീന് ശമയതി സുഖാനി പ്രതനുതേ ।
ഹഠാദന്തര്ദുഃഖം ദലയതി പിനഷ്ടീഷ്ടവിരഹം
സകൃദ്ധ്യാതാ ദേവീ കിമിവ നിരവദ്യം ന കുരുതേ ॥ 14 ॥
യസ്ത്വാം ധ്യായതി വേത്തി വിന്ദതി ജപത്യാലോകതേ ചിന്തയ-
-ത്യന്വേതി പ്രതിപദ്യതേ കലയതി സ്തൌത്യാശ്രയത്യര്ചതി ।
യശ്ച ത്ര്യമ്ബകവല്ലഭേ തവ ഗുണാനാകര്ണയത്യാദരാത്
തസ്യ ശ്രീര്ന ഗൃഹാദപൈതി വിജയസ്തസ്യാഗ്രതോ ധാവതി ॥ 15 ॥
കിം കിം ദുഃഖം ദനുജദലിനി ക്ഷീയതേ ന സ്മൃതായാം
കാ കാ കീര്തിഃ കുലകമലിനി ഖ്യാപ്യതേ ന സ്തുതായാമ് ।
കാ കാ സിദ്ധിഃ സുരവരനുതേ പ്രാപ്യതേ നാര്ചിതായാം
കം കം യോഗം ത്വയി ന ചിനുതേ ചിത്തമാലമ്ബിതായാമ് ॥ 16 ॥
യേ ദേവി ദുര്ധരകൃതാന്തമുഖാന്തരസ്ഥാഃ
യേ കാലി കാലഘനപാശനിതാന്തബദ്ധാഃ ।
യേ ചണ്ഡി ചണ്ഡഗുരുകല്മഷസിന്ധുമഗ്നാഃ
താന്പാസി മോചയസി താരയസി സ്മൃതൈവ ॥ 17 ॥
ലക്ഷ്മീവശീകരണചൂര്ണസഹോദരാണി
ത്വത്പാദപങ്കജരജാംസി ചിരം ജയന്തി ।
യാനി പ്രണാമമിലിതാനി നൃണാം ലലാടേ
ലുമ്പന്തി ദൈവലിഖിതാനി ദുരക്ഷരാണി ॥ 18 ॥
രേ മൂഢാഃ കിമയം വൃഥൈവ തപസാ കായഃ പരിക്ലിശ്യതേ
യജ്ഞൈര്വാ ബഹുദക്ഷിണൈഃ കിമിതരേ രിക്തീക്രിയന്തേ ഗൃഹാഃ ।
ഭക്തിശ്ചേദവിനാശിനീ ഭഗവതീപാദദ്വയീ സേവ്യതാം
ഉന്നിദ്രാമ്ബുരുഹാതപത്രസുഭഗാ ലക്ഷ്മീഃ പുരോ ധാവതി ॥ 19 ॥
യാചേ ന കഞ്ചന ന കഞ്ചന വഞ്ചയാമി
സേവേ ന കഞ്ചന നിരസ്തസമസ്തദൈന്യഃ ।
ശ്ലക്ഷ്ണം വസേ മധുരമദ്മി ഭജേ വരസ്ത്രീഃ
ദേവീ ഹൃദി സ്ഫുരതി മേ കുലകാമധേനുഃ ॥ 20 ॥
നമാമി യാമിനീനാഥലേഖാലങ്കൃതകുന്തലാമ് ।
ഭവാനീം ഭവസന്താപനിര്വാപണസുധാനദീമ് ॥ 21 ॥
ഇതി ശ്രീകാലിദാസ വിരചിത പഞ്ചസ്തവ്യാം തൃതീയഃ ഘടസ്തവഃ ।
Roman (IAST) Transliteration
ānandamantharapurandaramuktamālyaṃ
maulau haṭhena nihitaṃ mahiṣāsurasya |
pādāmbujaṃ bhavatu me vijayāya mañju-
-mañjīraśiñjitamanoharamambikāyāḥ || 1 ||
devi tryambakapatni pārvati sati trailokyamātaḥ śive
śarvāṇi tripure mṛḍāni varade rudrāṇi kātyāyani |
bhīme bhairavi caṇḍi śarvarikale kālakṣaye śūlini
tvatpādapraṇatānananyamanasaḥ paryākulānpāhi naḥ || 2 ||
devi tvāṃ sakṛdeva yaḥ praṇamati kṣoṇībhṛtastaṃ nama-
-ntyājanmasphuradaṅghripīṭhaviluṭhatkoṭīrakoṭicchaṭāḥ |
yastvāmarcati so'rcyate suragaṇairyaḥ stauti sa stūyate
yastvāṃ dhyāyati taṃ smarārtividhurā dhyāyanti vāmabhruvaḥ || 3 ||
unmattā iva sagrahā iva viṣavyāsaktamūrchā iva
prāptaprauḍhamadā ivārtivirahagrastā ivārtā iva |
ye dhyāyanti hi śailarājatanayāṃ dhanyāsta evāgrataḥ
tyaktopādhivivṛddharāgamanaso dhyāyanti tānsubhruvaḥ || 4 ||
dhyāyanti ye kṣaṇamapi tripure hṛdi tvāṃ
lāvaṇyayauvanadhanairapi viprayuktāḥ |
te visphuranti lalitāyatalocanānāṃ
cittaikabhittilikhitapratimāḥ pumāṃsaḥ || 5 ||
etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigarāmyanena sahasā kiṃ vaikatāmāśraye |
yasyetthaṃ vivaśo vikalpalalitākūtena yoṣijjanaḥ
kiṃ tadyanna karoti devi hṛdaye yasya tvamāvartase || 6 ||
viśvavyāpini yadvadīśvara iti sthāṇāvananyāśrayaḥ
śabdaḥ śaktiriti trilokajanani tvayyeva tathyasthitiḥ |
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇoṣi ca ruṣā taddevi citraṃ mahat || 7 ||
indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatā snigdhapradīpacchavim |
varṣantīmamṛtaṃ bhavāni bhavatīṃ dhyāyanti ye dehinaḥ
te nirmuktarujo bhavanti ripavaḥ projjhanti tāndūrataḥ || 8 ||
pūrṇendoḥ śakalairivātibahalaiḥ pīyūṣapūrairiva
kṣīrābdherlaharībharairiva sudhāpaṅkasya piṇḍairiva |
prāleyairiva nirmitaṃ tava vapurdhyāyanti ye śraddhayā
cittāntarnihitārtitāpavipadaste sampadaṃ bibhrati || 9 ||
ye saṃsmaranti taralāṃ sahasollasantīṃ
tvāṃ granthipañcakabhidaṃ taruṇārkaśoṇām |
rāgārṇave bahalarāgiṇi majjayantīṃ
kṛtsnaṃ jagaddadhati cetasi tānmṛgākṣyaḥ || 10 ||
lākṣārasasnapitapaṅkajatantutanvīṃ
antaḥ smaratyanudinaṃ bhavatīṃ bhavāni |
yastaṃ smarapratimamapratimasvarūpāḥ
netrotpalairmṛgadṛśo bhṛśamarcayanti || 11 ||
stumastvāṃ vācamavyaktāṃ himakundendurociṣam |
kadambamālāṃ bibhrāṇāmāpādatalalambinīm || 12 ||
mūrdhnīndoḥ sitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi randhre'pi ca |
acchinnā ca manoharā ca lalitā cātiprasannāpi ca
tvāmevaṃ smarataḥ smarāridayite vāksarvato valgati || 13 ||
dadātīṣṭānbhogān kṣapayati ripūnhanti vipado
dahatyādhīnvyādhīn śamayati sukhāni pratanute |
haṭhādantarduḥkhaṃ dalayati pinaṣṭīṣṭavirahaṃ
sakṛddhyātā devī kimiva niravadyaṃ na kurute || 14 ||
yastvāṃ dhyāyati vetti vindati japatyālokate cintaya-
-tyanveti pratipadyate kalayati stautyāśrayatyarcati |
yaśca tryambakavallabhe tava guṇānākarṇayatyādarāt
tasya śrīrna gṛhādapaiti vijayastasyāgrato dhāvati || 15 ||
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini khyāpyate na stutāyām |
kā kā siddhiḥ suravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām || 16 ||
ye devi durdharakṛtāntamukhāntarasthāḥ
ye kāli kālaghanapāśanitāntabaddhāḥ |
ye caṇḍi caṇḍagurukalmaṣasindhumagnāḥ
tānpāsi mocayasi tārayasi smṛtaiva || 17 ||
lakṣmīvaśīkaraṇacūrṇasahodarāṇi
tvatpādapaṅkajarajāṃsi ciraṃ jayanti |
yāni praṇāmamilitāni nṛṇāṃ lalāṭe
lumpanti daivalikhitāni durakṣarāṇi || 18 ||
re mūḍhāḥ kimayaṃ vṛthaiva tapasā kāyaḥ parikliśyate
yajñairvā bahudakṣiṇaiḥ kimitare riktīkriyante gṛhāḥ |
bhaktiścedavināśinī bhagavatīpādadvayī sevyatāṃ
unnidrāmburuhātapatrasubhagā lakṣmīḥ puro dhāvati || 19 ||
yāce na kañcana na kañcana vañcayāmi
seve na kañcana nirastasamastadainyaḥ |
ślakṣṇaṃ vase madhuramadmi bhaje varastrīḥ
devī hṛdi sphurati me kulakāmadhenuḥ || 20 ||
namāmi yāminīnāthalekhālaṅkṛtakuntalām |
bhavānīṃ bhavasantāpanirvāpaṇasudhānadīm || 21 ||
iti śrīkālidāsa viracita pañcastavyāṃ tṛtīyaḥ ghaṭastavaḥ |
Sanskrit — Devanagari (original)
आनन्दमन्थरपुरन्दरमुक्तमाल्यं
मौलौ हठेन निहितं महिषासुरस्य ।
पादाम्बुजं भवतु मे विजयाय मञ्जु-
-मञ्जीरशिञ्जितमनोहरमम्बिकायाः ॥ 1 ॥
देवि त्र्यम्बकपत्नि पार्वति सति त्रैलोक्यमातः शिवे
शर्वाणि त्रिपुरे मृडानि वरदे रुद्राणि कात्यायनि ।
भीमे भैरवि चण्डि शर्वरिकले कालक्षये शूलिनि
त्वत्पादप्रणताननन्यमनसः पर्याकुलान्पाहि नः ॥ 2 ॥
देवि त्वां सकृदेव यः प्रणमति क्षोणीभृतस्तं नम-
-न्त्याजन्मस्फुरदङ्घ्रिपीठविलुठत्कोटीरकोटिच्छटाः ।
यस्त्वामर्चति सोऽर्च्यते सुरगणैर्यः स्तौति स स्तूयते
यस्त्वां ध्यायति तं स्मरार्तिविधुरा ध्यायन्ति वामभ्रुवः ॥ 3 ॥
उन्मत्ता इव सग्रहा इव विषव्यासक्तमूर्छा इव
प्राप्तप्रौढमदा इवार्तिविरहग्रस्ता इवार्ता इव ।
ये ध्यायन्ति हि शैलराजतनयां धन्यास्त एवाग्रतः
त्यक्तोपाधिविवृद्धरागमनसो ध्यायन्ति तान्सुभ्रुवः ॥ 4 ॥
ध्यायन्ति ये क्षणमपि त्रिपुरे हृदि त्वां
लावण्ययौवनधनैरपि विप्रयुक्ताः ।
ते विस्फुरन्ति ललितायतलोचनानां
चित्तैकभित्तिलिखितप्रतिमाः पुमांसः ॥ 5 ॥
एतं किं नु दृशा पिबाम्युत विशाम्यस्याङ्गमङ्गैर्निजैः
किं वाऽमुं निगराम्यनेन सहसा किं वैकतामाश्रये ।
यस्येत्थं विवशो विकल्पललिताकूतेन योषिज्जनः
किं तद्यन्न करोति देवि हृदये यस्य त्वमावर्तसे ॥ 6 ॥
विश्वव्यापिनि यद्वदीश्वर इति स्थाणावनन्याश्रयः
शब्दः शक्तिरिति त्रिलोकजननि त्वय्येव तथ्यस्थितिः ।
इत्थं सत्यपि शक्नुवन्ति यदिमाः क्षुद्रा रुजो बाधितुं
त्वद्भक्तानपि न क्षिणोषि च रुषा तद्देवि चित्रं महत् ॥ 7 ॥
इन्दोर्मध्यगतां मृगाङ्कसदृशच्छायां मनोहारिणीं
पाण्डूत्फुल्लसरोरुहासनगता स्निग्धप्रदीपच्छविम् ।
वर्षन्तीममृतं भवानि भवतीं ध्यायन्ति ये देहिनः
ते निर्मुक्तरुजो भवन्ति रिपवः प्रोज्झन्ति तान्दूरतः ॥ 8 ॥
पूर्णेन्दोः शकलैरिवातिबहलैः पीयूषपूरैरिव
क्षीराब्धेर्लहरीभरैरिव सुधापङ्कस्य पिण्डैरिव ।
प्रालेयैरिव निर्मितं तव वपुर्ध्यायन्ति ये श्रद्धया
चित्तान्तर्निहितार्तितापविपदस्ते सम्पदं बिभ्रति ॥ 9 ॥
ये संस्मरन्ति तरलां सहसोल्लसन्तीं
त्वां ग्रन्थिपञ्चकभिदं तरुणार्कशोणाम् ।
रागार्णवे बहलरागिणि मज्जयन्तीं
कृत्स्नं जगद्दधति चेतसि तान्मृगाक्ष्यः ॥ 10 ॥
लाक्षारसस्नपितपङ्कजतन्तुतन्वीं
अन्तः स्मरत्यनुदिनं भवतीं भवानि ।
यस्तं स्मरप्रतिममप्रतिमस्वरूपाः
नेत्रोत्पलैर्मृगदृशो भृशमर्चयन्ति ॥ 11 ॥
स्तुमस्त्वां वाचमव्यक्तां हिमकुन्देन्दुरोचिषम् ।
कदम्बमालां बिभ्राणामापादतललम्बिनीम् ॥ 12 ॥
मूर्ध्नीन्दोः सितपङ्कजासनगतां प्रालेयपाण्डुत्विषं
वर्षन्तीममृतं सरोरुहभुवो वक्त्रेऽपि रन्ध्रेऽपि च ।
अच्छिन्ना च मनोहरा च ललिता चातिप्रसन्नापि च
त्वामेवं स्मरतः स्मरारिदयिते वाक्सर्वतो वल्गति ॥ 13 ॥
ददातीष्टान्भोगान् क्षपयति रिपून्हन्ति विपदो
दहत्याधीन्व्याधीन् शमयति सुखानि प्रतनुते ।
हठादन्तर्दुःखं दलयति पिनष्टीष्टविरहं
सकृद्ध्याता देवी किमिव निरवद्यं न कुरुते ॥ 14 ॥
यस्त्वां ध्यायति वेत्ति विन्दति जपत्यालोकते चिन्तय-
-त्यन्वेति प्रतिपद्यते कलयति स्तौत्याश्रयत्यर्चति ।
यश्च त्र्यम्बकवल्लभे तव गुणानाकर्णयत्यादरात्
तस्य श्रीर्न गृहादपैति विजयस्तस्याग्रतो धावति ॥ 15 ॥
किं किं दुःखं दनुजदलिनि क्षीयते न स्मृतायां
का का कीर्तिः कुलकमलिनि ख्याप्यते न स्तुतायाम् ।
का का सिद्धिः सुरवरनुते प्राप्यते नार्चितायां
कं कं योगं त्वयि न चिनुते चित्तमालम्बितायाम् ॥ 16 ॥
ये देवि दुर्धरकृतान्तमुखान्तरस्थाः
ये कालि कालघनपाशनितान्तबद्धाः ।
ये चण्डि चण्डगुरुकल्मषसिन्धुमग्नाः
तान्पासि मोचयसि तारयसि स्मृतैव ॥ 17 ॥
लक्ष्मीवशीकरणचूर्णसहोदराणि
त्वत्पादपङ्कजरजांसि चिरं जयन्ति ।
यानि प्रणाममिलितानि नृणां ललाटे
लुम्पन्ति दैवलिखितानि दुरक्षराणि ॥ 18 ॥
रे मूढाः किमयं वृथैव तपसा कायः परिक्लिश्यते
यज्ञैर्वा बहुदक्षिणैः किमितरे रिक्तीक्रियन्ते गृहाः ।
भक्तिश्चेदविनाशिनी भगवतीपादद्वयी सेव्यतां
उन्निद्राम्बुरुहातपत्रसुभगा लक्ष्मीः पुरो धावति ॥ 19 ॥
याचे न कञ्चन न कञ्चन वञ्चयामि
सेवे न कञ्चन निरस्तसमस्तदैन्यः ।
श्लक्ष्णं वसे मधुरमद्मि भजे वरस्त्रीः
देवी हृदि स्फुरति मे कुलकामधेनुः ॥ 20 ॥
नमामि यामिनीनाथलेखालङ्कृतकुन्तलाम् ।
भवानीं भवसन्तापनिर्वापणसुधानदीम् ॥ 21 ॥
इति श्रीकालिदास विरचित पञ्चस्तव्यां तृतीयः घटस्तवः ।
ānandamantharapurandaramuktamālyaṃ
maulau haṭhena nihitaṃ mahiṣāsurasya |
pādāmbujaṃ bhavatu me vijayāya mañju-
-mañjīraśiñjitamanoharamambikāyāḥ || 1 ||
devi tryambakapatni pārvati sati trailokyamātaḥ śive
śarvāṇi tripure mṛḍāni varade rudrāṇi kātyāyani |
bhīme bhairavi caṇḍi śarvarikale kālakṣaye śūlini
tvatpādapraṇatānananyamanasaḥ paryākulānpāhi naḥ || 2 ||
devi tvāṃ sakṛdeva yaḥ praṇamati kṣoṇībhṛtastaṃ nama-
-ntyājanmasphuradaṅghripīṭhaviluṭhatkoṭīrakoṭicchaṭāḥ |
yastvāmarcati so'rcyate suragaṇairyaḥ stauti sa stūyate
yastvāṃ dhyāyati taṃ smarārtividhurā dhyāyanti vāmabhruvaḥ || 3 ||
unmattā iva sagrahā iva viṣavyāsaktamūrchā iva
prāptaprauḍhamadā ivārtivirahagrastā ivārtā iva |
ye dhyāyanti hi śailarājatanayāṃ dhanyāsta evāgrataḥ
tyaktopādhivivṛddharāgamanaso dhyāyanti tānsubhruvaḥ || 4 ||
dhyāyanti ye kṣaṇamapi tripure hṛdi tvāṃ
lāvaṇyayauvanadhanairapi viprayuktāḥ |
te visphuranti lalitāyatalocanānāṃ
cittaikabhittilikhitapratimāḥ pumāṃsaḥ || 5 ||
etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigarāmyanena sahasā kiṃ vaikatāmāśraye |
yasyetthaṃ vivaśo vikalpalalitākūtena yoṣijjanaḥ
kiṃ tadyanna karoti devi hṛdaye yasya tvamāvartase || 6 ||
viśvavyāpini yadvadīśvara iti sthāṇāvananyāśrayaḥ
śabdaḥ śaktiriti trilokajanani tvayyeva tathyasthitiḥ |
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇoṣi ca ruṣā taddevi citraṃ mahat || 7 ||
indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatā snigdhapradīpacchavim |
varṣantīmamṛtaṃ bhavāni bhavatīṃ dhyāyanti ye dehinaḥ
te nirmuktarujo bhavanti ripavaḥ projjhanti tāndūrataḥ || 8 ||
pūrṇendoḥ śakalairivātibahalaiḥ pīyūṣapūrairiva
kṣīrābdherlaharībharairiva sudhāpaṅkasya piṇḍairiva |
prāleyairiva nirmitaṃ tava vapurdhyāyanti ye śraddhayā
cittāntarnihitārtitāpavipadaste sampadaṃ bibhrati || 9 ||
ye saṃsmaranti taralāṃ sahasollasantīṃ
tvāṃ granthipañcakabhidaṃ taruṇārkaśoṇām |
rāgārṇave bahalarāgiṇi majjayantīṃ
kṛtsnaṃ jagaddadhati cetasi tānmṛgākṣyaḥ || 10 ||
lākṣārasasnapitapaṅkajatantutanvīṃ
antaḥ smaratyanudinaṃ bhavatīṃ bhavāni |
yastaṃ smarapratimamapratimasvarūpāḥ
netrotpalairmṛgadṛśo bhṛśamarcayanti || 11 ||
stumastvāṃ vācamavyaktāṃ himakundendurociṣam |
kadambamālāṃ bibhrāṇāmāpādatalalambinīm || 12 ||
mūrdhnīndoḥ sitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi randhre'pi ca |
acchinnā ca manoharā ca lalitā cātiprasannāpi ca
tvāmevaṃ smarataḥ smarāridayite vāksarvato valgati || 13 ||
dadātīṣṭānbhogān kṣapayati ripūnhanti vipado
dahatyādhīnvyādhīn śamayati sukhāni pratanute |
haṭhādantarduḥkhaṃ dalayati pinaṣṭīṣṭavirahaṃ
sakṛddhyātā devī kimiva niravadyaṃ na kurute || 14 ||
yastvāṃ dhyāyati vetti vindati japatyālokate cintaya-
-tyanveti pratipadyate kalayati stautyāśrayatyarcati |
yaśca tryambakavallabhe tava guṇānākarṇayatyādarāt
tasya śrīrna gṛhādapaiti vijayastasyāgrato dhāvati || 15 ||
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini khyāpyate na stutāyām |
kā kā siddhiḥ suravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām || 16 ||
ye devi durdharakṛtāntamukhāntarasthāḥ
ye kāli kālaghanapāśanitāntabaddhāḥ |
ye caṇḍi caṇḍagurukalmaṣasindhumagnāḥ
tānpāsi mocayasi tārayasi smṛtaiva || 17 ||
lakṣmīvaśīkaraṇacūrṇasahodarāṇi
tvatpādapaṅkajarajāṃsi ciraṃ jayanti |
yāni praṇāmamilitāni nṛṇāṃ lalāṭe
lumpanti daivalikhitāni durakṣarāṇi || 18 ||
re mūḍhāḥ kimayaṃ vṛthaiva tapasā kāyaḥ parikliśyate
yajñairvā bahudakṣiṇaiḥ kimitare riktīkriyante gṛhāḥ |
bhaktiścedavināśinī bhagavatīpādadvayī sevyatāṃ
unnidrāmburuhātapatrasubhagā lakṣmīḥ puro dhāvati || 19 ||
yāce na kañcana na kañcana vañcayāmi
seve na kañcana nirastasamastadainyaḥ |
ślakṣṇaṃ vase madhuramadmi bhaje varastrīḥ
devī hṛdi sphurati me kulakāmadhenuḥ || 20 ||
namāmi yāminīnāthalekhālaṅkṛtakuntalām |
bhavānīṃ bhavasantāpanirvāpaṇasudhānadīm || 21 ||
iti śrīkālidāsa viracita pañcastavyāṃ tṛtīyaḥ ghaṭastavaḥ |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.